\id 2CO – Dhankavi
\ide UTF-8
\h 2 कुरन्थियो
\toc3 2 कुरन्थियो
\toc2 2 कुरन्थियो
\toc1 कुरन्थियो क पौलुसन दिसरी पत्री
\mt2 कुरन्थियो को पौलुस कि दुसरी पत्री
\mt1 कुरन्थियो क पौलुसन दिसरी पत्री
\imt परिचय
\ip दुसरी कुरन्थियो यो पत्री प्रेरित क पौलुस ने मसीह पैदा पचास ने पाच साल क बाद लिखी। \xt 1:1\xt* पौलुस ने यो दुय पत्री मा छे जो यो दुसरी पत्री छे। घोणा पंडित ओसा कोवता छे कि इनीये पत्री क पेहल कुरन्थियो क एक मोटी वातड़ो पत्री लिखी होती। ओका बारा मा पौलुस \xt 2:3-4\xt* यो आयतो मा यो पत्री क बारा मा लिखलो करता छे पुन यो पत्री की प्रति हामरे साथे चो छे। यो दुसरी कुरन्थियो की पत्री यो पौलुस ने संभव छे यो पत्री मकिदुनिया छे लिखी होछे। \xt 2:13\xt*
\ip दूसरी कुरन्थियो क पत्री मा विशेष यो छे कि इनीये पत्री मा व्यक्तिगत भावना वात आरू व्यक्तिगत वात की चर्चा करी गयी छे इनीये पत्री पौलुस खुशी मोनावता छे कि इनीये पत्री मा पौलुस जो वारू सवाल राखे पौलुस ने तीतुस छे हासिल कर्‍या ओका बारा मा वो खुशी व्यक्त करता छे। यो पत्री मा देने क बारा मा विस्तार छे शिक्षा जो नोवला नियम दूष्टीकोन छे देदी गयी छे देखाती छे। यो शिक्षा वो उना क्षेत्र मा पौलुस मा मिवती छे जो पौलुस पोशा की उना चंदा क लिखलो करता छे जो चंदा यरूशलेम क विश्वासिया क मदत क करता दिदा गया हुता। \xt 8:9\xt* यो मंडळी मा काही मानसे पौलुस क विरोध हुता आरू काही बाहरता छे आश होया झूठा प्रेरित इनीये विरोध क फायदा उठाड़ीन पौलुस क दाबीन खुद क बढ़ाई देय रया हुता त्या पौलुस क हक पर ही सवाल कर्‍या एरकरीन यो पत्री क आखरी भाग मा ईशु मसीह क प्रेरित हुयने क नातो जुरे देता छे।
\iot रूप रेखा
\io1 1. पौलुस क कुरन्थियो वासी क नस्कार करता आरू ओको करता यहोवा–भगवान क धन्यवाद देता छे। \ior 1:1-7\ior*
\io1 2. जो रिपोट पौलुस ने कुरन्थियो की मंडळी मा हुयने वाला फूट मा क बारा मा जो रिपोट सोमवी दल बाजी क जुर देवाड़नो। \ior 1:8–7:16\ior*
\io1 3. यरूशलेम मा रयनेवावा भुरसीया क करता चंदा एखठा करने क बारा मा पौलुस की सुचना। \ior 8:1–9:15\ior*
\io1 4. आखरी मा पौलुस आपसा प्रेरितन क चेतावनी करता छे आरू आपसी आवनेवावी भेंट क बारा मा इशारा। \ior 10:1–13:10\ior*
\c 1
\s नमस्कार
\p
\v 1 \x + \xo 1:1 \xo*\xt प्रेरितन 18:1\xt*\x*पौलुस न चा गथो जो यहोवा–भगवान कि मरजी छे मसीह ईशु क प्रेरित छे, आरू भाईस तीमुथियुस कि आरू छे यहोवा–भगवान कि उना मंडळी क नाव, जो कुरन्थियो मा छे, आरू सब अखाया क सब चुखला मानसो क नाव:
\p
\v 2 आमरो बास यहोवा–भगवान आरू पोरबु ईशु मसीह कि आरू छे तुमू फोकटन दया आरू शांती मिवती रये।
\s यहोवा–भगवान क धन्यवाद करने
\p
\v 3 आमरो पोरबु ईशु मसीह क यहोवा–भगवान आरू बास क धन्यवाद होय, जो दया क बास आरू सब प्रकार कि शांती क यहोवा–भगवान छे। 
\v 4 वो हामरे सब तकलीद मा शांती देता छे; ताकि हामु उना शांती क कारण जो यहोवा–भगवान हामु देता छे, तीनुक भी शांती देय सके जो काही प्रकार क तकलीद मा होय। 
\v 5 काहकि जोसो मसीह क दुःख मा हामु सवटो सहभागी हुयसे छे, वोसो ही हामु शांती मा भी मसीह क द्वारा सवटो सहभागी हुयसे छे। 
\v 6 यदि हामु तकलीद मा देखता छे, तो यो तुमरी शांती आरू उध्दार क करता छे; आरू यदि शांती देखता छे, तो यो तुमरी शांती क करता छे; ओका शक्ति छे तुमू धीरज क साथे उन तकलीद क सह लेता होय, जिन्हे हामु भी सहत छे। 
\v 7 हामरी आश तुमरे विषय मा दृढ़ छे; काहकि हामु जानता छे कि तुमू जोसो हामरे दुःख मा, वोसो ही मदत मा भी सहभागी होय। 
\v 8 \x + \xo 1:8 \xo*\xt 1 कुरन्थियो 15:32\xt*\x*हे भाईस, हामु नी जुवता कि, तुमू हामरे उना तकलीद छे अनजान रयो जो आसिया प्रदेश मा हामु पर पड़्या; हामु वोसो भारी बोझ छे दाब गया हुता, जो हामरी शक्ति छे बाहरता हुता, याहा तक कि हामु जीवन छे भी हात धुवीन बठ्या हुता। 
\v 9 वरना हामु ने आपने मन मा समझ लेदा हुता, कि हामु पर मरला कि हुकुम होय त्योकी छे। ताकि हामु आपसा विश्वास नी राख्या, वरना यहोवा–भगवान क जो मरला हुयो क जीवाड्या छे। 
\v 10 तीनी ने हामु मरला क वोसो मोठो संकट छे वाचाड़यू आरू वाचाड़छे छे; आरू उना पर हामरी यो आश छे। कि वो ओगव क भी वाचाडता रया। 
\v 11 तुमू भी मिवीन प्रार्थना क द्वारा हामरी मदत करू कि जो वरदान घोणा क द्वारा हामु हावव्य ओका कारण घोणा मानसे हामरी आरू छे धन्यवाद कर्‍या।
\s पौलुस कि यात्रा योजना मा बदलाव
\p
\v 12 काहकि हामु आपने विवेक इनीये गवा पर डाहळाय करता छे, कि जगमा मा आरू विशेष करीन तुमरे विच मा, हामरा चरित्र यहोवा–भगवान क योग्य ओसी चुखला आरू सच्चाई सहित हुता, जो शारीरिक ज्ञान छे नी पुन यहोवा–भगवान क फोकटन दया क साथे हुता। 
\v 13 हामु तुमू आरू काही नी लिखता, केवल वो जो तुमू भनता या मानता भी होय, आरू मखे आश छे कि आखरी तक भी मानता रोवछे। 
\v 14 जोसो तुमू मा छे कोतरा ने मान लेदा छे कि हामु तुमरे डाहळाय क कारण छे, वोसो ही तुमू भी पोरबु ईशु क दाहडू हामरे करता डाहळाय क कारण ठेहरछे।
\p
\v 15 इनीये विश्वास छे ने जुवता हुता कि पेहल तुमरे साथे आवीस कि तुमू एक आरू जादा खुशी मिवे; 
\v 16 \x + \xo 1:16 \xo*\xt प्रेरितन 19:21\xt*\x*आरू तुमरे साथे छे हईन मकिदुनिया क जावु, आरू पछु मकिदुनिया छे तुमरे साथे आवीस; आरू तुमू मखे यहूदिया कि आरू छे काही दूर तक पुचाड्या। 
\v 17 एरकरीन हाव ने जो यो मरजी कि होती तो काय हाव ने चंचलता देखाय? या जो करने जुवता छे काय डील क लारे करने जुवता छे कि हाव वात मा होव भी करू आरू नी भी करू? 
\v 18 यहोवा–भगवान सच्चा गवा छे कि हामरे उना वचन मा जो तुमू छे कयो “होव आरू नी दुय नी देखता जाता।” 
\v 19 \x + \xo 1:19 \xo*\xt प्रेरितन 18:5\xt*\x*काहकि यहोवा–भगवान क पोर्‍य ईशु मसीह जेरो हामरे द्वारा मतलब मारो आरू सिलवानुस आरू तीमुथियुस क द्वारा हामरे विच मा खबर हुयो, उनमा होव, आरू नी दुय नी हुता, पुन उनमा होव ही होव होयी। 
\v 20 काहकि यहोवा–भगवान की जोतरी प्रतिज्ञा छे, वो सब तीनी मा होव क साथे छे। एरकरीन ओका द्वारा आमेन भी होयी कि हामरे द्वारा यहोवा–भगवान कि महिमा होय। 
\v 21 आरू जो हामु तुमरे साथे मसीह मा दृढ़ करता छे, आरू जो हामरा अभिषेक कर्‍या चो यहोवा–भगवान छे, 
\v 22 जो हामु पर छाप भी कर दिदा छे आरू बयाने मा आत्मा क हामरे मानो मा दिदा। 
\v 23 हाव ने यहोवा–भगवान क गवा करीन कयता छे कि हाव हिमी तक कुरिन्थस मा एरकरीन नी आश, कि मखे तुमू पर तरस आवता हुता। 
\v 24 यो नी कि हामु विश्वास क विषय मा तुमू पर पोरबुता जताना जुवता छे; पुन तुमरे खुशी मा सहायक छे काहकि तुमू विश्वास ही छे स्थिर रयता होय।
\c 2
\p
\v 1 हाव ने आपने मन मा योही ठान लेदो होतो कि तुमरे साथे नराज करने नी आवु। 
\v 2 काहकि यदि हाव तुमू नराज करू, तो मखे खुशी देनेवावा कुन होयछे, केवल चो जिनाक हाव ने नराज कर्‍या? 
\v 3 आरू हाव ने योही वात तुमू एरकरीन लिख्यो कि काही ओसो नी होय कि मारे आवने पर जो मखे खुशी हाववनो जुवे हाव उनछे नराज हुयो; काहकि मखे तुमू सब पर इनीये वात क विश्वास छे कि जो मारो खुशी छे, चो तुमू सब क भी छे। 
\v 4 मोट तकलीद आरू मन क कष्ट छे हाव ने घोणा छे आसा वयाडीन तुमू लिख्या हुता, एरकरीन नी कि तुमू नराज होय पुन एरकरीन कि तुमू उना मोट मोंग क जान लेदो, जो मखे तुमू छे।
\s गोवती करनेवावा क माफ
\p
\v 5 यदि काही ने नराज कर्‍या छे, तो मखे ही नी वरना कि ओका साथे घोणा कड़ाई नी करू काही तुमू सब क भी नराज कर्‍या छे। 
\v 6 ओसो जन क करता यो दण्ड जो भाईस मा छे घोणा ने दिदा घोणा छे। 
\v 7 एरकरीन इनासे भला यो छे कि ओको गुणेहगार माफ करू आरू शांती देवु नी होय कि ओसो मानुस घोणा उदासी मा डूब जाय। 
\v 8 इनीये कारण हाव तुमू छे रावन्या करता छे कि ओको आपने मोंग क प्रमाण देवु। 
\v 9 काहकि हाव ने एरकरीन भी लिख्यो होतो कि तुमू पारख लेछे कि तुमू मारी सब वात क मानने क करता तीयार होय कि नी। 
\v 10 जेरो तुमू काही माफ करता होय त्यो उको भी माफ करता छे, काहकि हाव ने भी जो काही माफ कर्‍या छे, यदि कर्‍या होय, तो तुमरे कारण मसीह कि जगमा हईन माफ कर्‍या छे। 
\v 11 कि शैतान क हामु कर दाळ नी चाले, काहकि हामु ओकी युक्ती अनजान नी।
\s त्रोआस गाव मा पौलुस कि व्याकुलता
\p
\v 12 \x + \xo 2:12 \xo*\xt प्रेरितन 20:1\xt*\x*जव हाव मसीह क खुश खबर सोमवाने क त्रोआस शहर मा आयो, आरू पोरबु ने मारे करता एक झोपलो उघाड़ दिदो, 
\v 13 ते मारा मन क सुख नी जुड़यो, एरकरीन की हाव आपने भाईस तीतुस क नी देख्यो; एरकरीन त्यो जाईन हाव मकिदुनिया प्रदेश क चाल देदो।
\s मसीह मा विजय तिवार
\p
\v 14 पुन यहोवा–भगवान क धन्यवाद होय जो मसीह मा सदा हामु क जय क तिवार मा करता पुगता छे, आरू आपने ज्ञान कि सुगन्ध हामरे व्दरा हर जगमा पुगता छे। 
\v 15 काहकि हामु यहोवा–भगवान क निकट उध्दार देखनेवावा आरू नाश हुयने वाला दुय क करता मसीह की सुगन्ध छे। 
\v 16 काही क करता तो मरना क निमित्त मरलो कि गन्ध, आरू कोतरा क करता जीवन क निमित्त जीवन की सुगन्ध। भला इन वात क योग्य कुन छे? 
\v 17 काहकि हामु उन घोणा क समान नी जो यहोवा–भगवान क वचन मा मिलावट करता छे; पुन मन की सच्चाई छे आरू यहोवा–भगवान की आरू छे यहोवा–भगवान क हजुर जानीन मसीह मा बुलता छे।
\c 3
\s नवलो वो
\p
\v 1 काय हामु पछु आपसी बढ़ाई करने लाग्या? या हामु दिसरा मानसे क समान सिफारिश की पत्री या तुमरे साथे लानी या तुमू छे लेनु छे? 
\v 2 हामरी पत्री तुमू ही होय, जो हामरे हृदय पर लिख्यो होय छे आरू ओको सब मानुस उवखता आरू भनता छे। 
\v 3 यो प्रगट छे कि तुमू मसीह कि चिठ्ठी होय। जिनाक हामु ने सेवक क समान लिख्या, आरू जो शाही छे नी पुन जीवता यहोवा–भगवान क आत्मा छे, दगड़ा कि पट्टी पर नी पुन हृद्य कि मास रूपी पट्टीया पर लिख्यो छे।
\p
\v 4 हामु मसीह क द्वारा यहोवा–भगवान पर ओसो ही विश्वास राखता छे। 
\v 5 यो नी कि हामु आपने आप छे इनीये योग्य छे कि आपने आरू छे काही वाद क विचार कर सख्या, पर हामरी योग्यता यहोवा–भगवान कि आरू छे, 
\v 6 जो हामु नवलो वाचा क सेवक हुयने क योग्य भी कर्‍या, ओवाज क सेवक नी वरना आत्मा क; काहकि ओवाज मारतो छे, पर आत्मा जीवाडे छे।
\p
\v 7 यदि मरला कि वो वाचा ओका अक्सर दगड़ा पर खुदीन गया हुता, याहा तक तेजोमय होय कि मूसा क मुय पर क तेज क कारण जो घटता भी जाता हुता, इस्राएल ओका मुय पर दृष्टि नी कर सकता हुता, 
\v 8 तो आत्मा कि वाचा आरू भी तेजोमय काय नी होयछे? 
\v 9 यदि सजव दोषी ठेरायनेवावा सेवकाई तेजोमय होती, तो न्यायी ठेरावने वावी सेवकाई आरू भी तेजोमय काय नी होयछे? 
\v 10 आरू जो तेजोमय हुता वो भी ओको तेज क कारण जो ओका सी बढ़िन बढ़ाई न योग्य तेजोमय हुता काही तेजोमय नी ठहराव्यो। 
\v 11 काहकि जव वो जो घटता जाता हुता तेजोमय हुता तो वो जो स्थिर रवछे आरू भी तेजोमय काय नी होयछे?
\p
\v 12 एरकरीन ओसी आश राखीन हामु हियाव क साथे बुलता छे, 
\v 13 आरू मूसा क समान नी, जो आपने मुय पर परदा नाख्यो होतो ताकि इस्राएल उना घटने वावा तेज क आखरी क नी देख्यो। 
\v 14 पुन वो मतिमन्द होय गया, काहकि आज तक जुनलो नियम मा भनता टेहाव ओको हृदय पर चो परदा देखता रयता छे, पर वो मसीह मा उठ जाता छे। 
\v 15 आज तक जव कदी मूसा कि किताब भणी जाती छे, तो ओको हृदय पर परदा पड़ रयता छे। 
\v 16 पुन जव कदी ओको हृदय पोरबु कि आरू पछु, तव वो परदा उठ जाछे। 
\v 17 पोरबु तो आत्मा छे: आरू वा काही पोरबु क आत्मा वो स्वतंत्रता छे। 
\v 18 पुन जव हामु सब क उघाड़ चेहरा छे पोरबु क प्रताप इनीये प्रकार क प्रगट हुयसे छे, जिना प्रकार दर्पण मा, तो पोरबु क द्वारा जो आत्मा छे, हामु तीनी तेजस्वी रूप मा अंश करीन बदलता जाता छे।
\c 4
\s धरती क पात्रा मा धन
\p
\v 1 एरकरीन जव हामु पर ओसी दया होय कि हामु यो सेवा मिवी तो हामु हियाव नी छुड़ता। 
\v 2 पुन हामु ने लाज क सातायलो काम क त्याग कि दिया, आरू नी चतराय छे चालता, आरू नी यहोवा–भगवान क वचन मा मिलावट करता छे; पुन सच्चाई क प्रगट करीन यहोवा–भगवान क सामने हर एक मानुस क विवेक मा आपसी भलाई बठ्या छे। 
\v 3 पुन यदि हामरे खुश खबर भनावने पर परदा पड़्या छे तो यो नष्ट हुयने वाळा ही क करता पड्यो छे। 
\v 4 आरू उन विनभुरसीया क करता जिन की बुध्दि इनीये संसार क भगवान ने आंधळी कर दिदो छे, ताकि मसीह जो यहोवा–भगवान क सारखो रूप छे, ओका तेजोमय खुश खबर क प्रकाश वो नी देख सक्यो। 
\v 5 काहकि हामु आपने क नी पुन मसीह ईशु क खबर करता छे कि वो पोरबु छे; आरू आपने विषय मा यो कयता छे कि हामु ईशु क कारण तुमरे सेवक छे। 
\v 6 एरकरीन कि यहोवा–भगवान ही छे, जो कयो, “आंधारला मा छे दिया चमक्यो” आरू चो हामरे हृदय मा चमक्या कि यहोवा–भगवान की महिमा की उळखने की दिया ईशु मसीह क चेहरा छे चमकता छे।
\p
\v 7 पुन हामरे साथे वो धन धुवो क ठाहरा मा राख्यो छे कि यो मोटी शक्ति हामरी आरू छे नी, वरना यहोवा–भगवान ही की आरू छे ठेहराय। 
\v 8 हामु चार आरू छे तकलीद तो भुकता छे, पर संकट मा नी पड़ता, निरूपाय तो छे, पर निराश नी हुयसे; 
\v 9 सताये तो जातो छे, पर त्याग नी जाता छे; पड़्या तो जातो छे, पर नष्ट नी हुयसे। 
\v 10 हामु ईशु कि मरला क आपसी देह मा हर टेहाव करता पुगता छे कि ईशु क जीवन भी हामरी देह मा प्रगट होय। 
\v 11 काहकि हामु जीवतो जीवन सर्वदा ईशु क कारण मरला क हात मा सौपी जाता छे कि ईशु क जीवन भी आमरो मरलोहार डील मा प्रगट होय। 
\v 12 इनीये प्रकार मरला तो हामु पर शक्ति नाखती छे आरू जीवन तुमू पर।
\p
\v 13 एरकरीन कि हामु मा चो विश्वासन आत्मा छे, जेका विषय मा लिखलो छे, “हाव विश्वास कर्‍यु, एरकरीन हाव कयो। आखरी मा हामु भी विश्वास करता छे एरकरीन बुलता छे।” 
\v 14 काहकि हामु जानता छे कि जो पोरबु ईशु क जीवाड्य, चो हामु भी ईशु मा भागी जाईन जीवाड़छे, आरू तुमरे साथे आपने सामने हजुर करसे। 
\v 15 काहकि सब समान तुमरे करता छे, ताकि फोकटन दया घोणा क द्वारा सवटो होयीन यहोवा–भगवान कि महिमा क करता धन्यवाद भी बढछे।
\s भुरसा मा पाको जीवन
\p
\v 16 एरकरीन हामु हिम्मत नी हारजे; यद्यपी हामरी बाहेरी मानुस वक्ता हुयसे जाता छे, तभी हामरी भी माही मानुस वक्ता दिन हर दहाडो नवलो होयतो जातो छे। 
\v 17 काहकि हामरा पलभर क हलकोसो तकलीद हामरे करता घोणा हिय महत्त्वपुर्ण आरू अमरकाय महिमा पैदा करता जाता छे; 
\v 18 आरू हामु तो देखीन होय समान क नी पुन विनदेखियो समान क देखता रयता छे; काहकि देखी होय समान क थुडी ही दाहाड़ा कि छे, पुन विनदेखियो समान अमरकाय बने रवता छे।
\c 5
\s आमरो सोरगदूतीय डील
\p
\v 1 काहकि हामु जानता छे कि जव हामरा धरतीपर क ढेरा सरीखा घर पड़ जाछे, तो हामु यहोवा–भगवान कि आरू छे सोरगदूत पर एक ओसो अमरकाय भवन मिव छे जो हातो छे बन्यो हुयो डील नी, पुन चिरस्थाई छे। 
\v 2 इनमा तो हामु कहराता आरू मोटी लालस राखता छे कि आपने सोरगदूतीय डील क पेहरी ले। 
\v 3 कि इनीये पेहरी छे हामु नांगरला नी देख्या जाय। 
\v 4 आरू हामु इनीये धैर्‍य मा रयता होया बोज छे दाब्या करे रयता छे, काहकि हामु उतारने नी वरना आरू पेहेरने जुवता छे, ताकी वो जो मरलोहार छे जीवन मा डूब जाय। 
\v 5 जो हामु इनी वात क करता तीयार कर्‍या छे वो यहोवा–भगवान छे, जो हामु बयाने मा आत्मा भी दिया छे।
\p
\v 6 आखरी हामु सदा हापकीन बांधता रवता छे आरू यो जानता छे कि जी तक काम हामु डील मा रवता छे, तव तक पोरबु छे अलग छे। 
\v 7 काहकि हामु रूप क देखीन नी पर विश्वास छे चालता छे। 
\v 8 अतरान करीन हामु हापकिन बांधीन रयता छे आरू इनीये डील छे अलग हईन पोरबु क साथे रयने आरू भी वारू समझता छे। 
\v 9 इनीये कारण हामरे मन कि मरजी यह छे कि जूवे साथे रया जूवे अलग रया, पर हामु उको भात रया। 
\v 10 \x + \xo 5:10 \xo*\xt रोमियो 14:10\xt*\x*काहकि छाची छे कि हामु सब क हाल मसीह क नियाव नी गाद्दी क सामने खुल जाय, कि हर एक व्यक्ति क तुमरा–तुमरा वारला आरू बुरे काम क बदली जो त्यो डील क द्वारा कर्‍या होय देखछे।
\s यहोवा–भगवान छे हाववमिलाप
\p
\v 11 एरकरीन पोरबु न बीक मानीन हामु मानसे क समझता छे; पुन यहोवा–भगवान पर आमरो हाल प्रगसट छे, आरू हामरी आश यो छे कि तुमरे विवेक पर भी प्रगट होय जाछे। 
\v 12 हामु पछु भी आपसी बढ़ाई तुमरे सामने नी करता, वरना हामु आपने विषय मा तुमू डाहळाय करने क मेखे देता छे कि तुमू ने जवाब देय सकु जो मन पर नी वरना दिखावटी वात पर डाहळाय करता छे। 
\v 13 यदि हामु बेसुध्द छे तो यहोवा–भगवान क करता, आरू यदि चैतन्य छे तो तुमरे करता छे। 
\v 14 काहकि मसीह क मोंग हामु मजबुर कर देता छे; एरकरीन कि हामु यो समझता छे कि जव एक सब क करता मर तो सब मर गया। 
\v 15 आरू वो इना कारण सी सबन क करता मरीयो कि जो जीवतो छे, वो अगो आपसे न करीन नी जीवे पुन ओका करता मरीयो आरू पछु जीवीन उठ्यो।
\s मसीह मा नवली सृष्टी
\p
\v 16 पछलो हिमी छे हामु काही क डील क लारे नी समझा। जव हामु ने मसीह क भी डील क लारे जानता हुता, तभी हिमी छे उनको ओसो नी जानछे। 
\v 17 एरकरीन यदि काही मसीह मा छे तो वो नोवली सृष्टी छे: जुनली वात वित गयी छे; देखु, सब वात नोवली होय गयी छे। 
\v 18 यो सब वात यहोवा–भगवान कि आरू छे, जो मसीह क व्दरा आपने साथे आमरो हाववमिलाप कर दिदा आरू मेलमिलाप कि सेवा हामु पर सब दिदा छे। 
\v 19 मतलब यहोवा–भगवान ने मसीह मा हईन आपने साथे संसार क हाववमिलाप कर दिदो, आरू ओको गुणेगार क दोष उन पर नी लगाड़यो आरू त्यो हाव मेलमिलाप क वचन हामु पर सब दिदो छे।
\p
\v 20 एरकरीन, हामु मसीह क राज छे; मानु यहोवा–भगवान हामरे द्वारा विनती कर रया छे। हामु मसीह कि आरू छे विनती करता छे कि यहोवा–भगवान क साथे मेलमिलाप कर लेदा। 
\v 21 जो पाप छे विनअकल होतो, तीनी क त्यो हामरे करता पाप ठेराया कि हामु उनमा हईन यहोवा–भगवान की न्यायपन बन जाय।
\c 6
\p
\v 1 हामु जो यहोवा–भगवान क सहकर्मी छे यह भी समझजे छे कि ओका फोकटन दया जो तुमू पर हुयो, उको व्यर्थ नी जाने देवु। 
\v 2 काहकि वो तो कयता छे, “आपसी खुशी क टेहाव हाव ने तारी सोमवी लेदी, आरू उध्दार क दहाडो हाव ने तारी मदत करी।” हिमी वो खुशी क टेहाव छे; हिमी वो उध्दार क दहाडो छे। 
\v 3 हामु काही वात मा ठोकर खाने क भी मेखे नी देता ताकि हामरी सेवा पर काही दोष नी आय। 
\v 4 पुन हर वात छे यहोवा–भगवान क सेवको क समान आपने सद्गुणो क प्रगट करता छे, मोटो धैर्‍य छे, तोकलीत छे, दरिद्रता छे, संकटो छे, 
\v 5 \x + \xo 6:5 \xo*\xt प्रेरितन 16:23\xt*\x*काही खुलने छे, कैद हुयने छे, हल्लड़ो छे, मेहनत छे, जागता रयने छे, उपवास करने छे, 
\v 6 चुखापन सी, ज्ञान सी, धीरज सी, मोंग सी, आत्मा सी, 
\v 7 सच्चाई क वचन छे, यहोवा–भगवान की शक्ति छे, न्यायपन क हथियारो छे जो जेवड़ा डाखरीया हात मा छे, 
\v 8 विजुत आरू निरादर छे, दुर्नाम आरू सुनाम छे यदि भरमानेववा जोसो मालुम हुता छे तौभी सच्चे छे; 
\v 9 अनजानिया क सदृश छे, तौभी परचार छे; मरता होया क समान छे आरू देखु जीवतो छे; मारखानेवावा क सदृश छे पुन जीव छे मारो नी जाता; 
\v 10 शोक करनेवावा क समान छे, पुन सर्वदा खुश करता छे; गरीब क समान छे, पुन घोणा क धनवान बनाय देता छे; ओसो छे जोसो हामरे साथे काही नी तभी सब काही राखता छे।
\p
\v 11 हे कुरन्थियो, हामु उगाड़ ीन तुमूछे वात करी छे, हामरा दिल मा तुमरी उगडी गय छे। 
\v 12 तुमरे करता आमरो मन मा काही संका नी, पर तुमरे ही मन मा संका छे। 
\v 13 पर आपसा पोर्‍या जानीन कयता छे कि तुमू भी ओका बदले मा दिल उघाड़ देवु।
\s जीवता यहोवा–भगवान क मंदिर
\p
\v 14 विनभुरसीया क साथे मा असमान जुवड़ा मा नी जुपनो, काहकि न्यायपन आरू अन्याय क काय रिश्तो? या विजाळा न आरू आंधारला कि काय रिश्तो? 
\v 15 आरू मसीह क शैतान क साथे काय लगाड़यो? या विश्वासी क साथे विनभुरसीया क काय नातो? 
\v 16 \x + \xo 6:16 \xo*\xt 1 कुरन्थियो 3:16; 6:19\xt*\x*आरू मुर्ती क साथे यहोवा–भगवान क मंदिर क काय संबध? काहकि हामु तो जीवतो यहोवा–भगवान क मंदिर छे; जोसो यहोवा–भगवान ने कयो छे, “हाव उनमा बसीस आरू उनमा चाली फिरिया करीस; आरू हाव ओको यहोवा–भगवान क होयीस, आरू वो मारा मानसे होयछे।” 
\v 17 अतरान करीन पोरबु कयता छे, “ओको विच मा छे निकवता आरू अलग रयो; आरू विटळ समान क मा धरू, तो हाव तुमू मान्य करीस; 
\v 18 आरू हाव तुमरे बास होयस, आरू तुमू मारा पोर्‍या आरू पोराय होयछे। यो सर्वशक्तिमान पोरबु यहोवा–भगवान क वचन छे।”
\c 7
\p
\v 1 अळते हे मोंगावु, जव ती यो वचन हामु मिवी छे, तो आवु, हामु आमने आप क डील आरू आत्मा कि सब मलिनता छे चुखो करसु, आरू यहोवा–भगवान क बीक राखता होय, चुखला क सिध्द करे।
\s पौलुस क खुश
\p
\v 2 हामु आपने दिल मा धरती देवु। हामु ने नी काही क साथे अन्याय कर्‍या नी काही क बिगाड्या, आरू नी काही क ठग्या। 
\v 3 हाव तुमू दोषी ठेराये क करता यो नी कयता। काहकि हाव पेहल ही कय त्योक्या छे कि तुमू हामरे दिल मा ओसो बस गयो होय कि हामु तुमरे साथे मरना जीवने क करता तीयार छे। 
\v 4 हाव तुमू छे घोणा हियाव क साथे बुल रया छे, मखे तुमू पर मोठ डाहळाय छे; हाव दिलासा छे भर गया छे। आपने सब तकलीद मा हाव खुश छे घण भरपूर रयता छे।
\p
\v 5 \x + \xo 7:5 \xo*\xt 2 कुरन्थियो 2:13\xt*\x*काहकि जव हामु मकिदुनिया आय गया, तव भी हामरे डील क चैन नी मिव्यो पुन हामु चार आरू छे तकलीद देता छे; बाहरता लड़ाई होती, माहीय घणा बीह हुता। 
\v 6 तौभी दाहड़ा क दिलासा देनेवावा यहोवा–भगवान ने तीतुस क आवने छे हामु क शांती देदी; 
\v 7 आरू नी केवल ओका आवने छे पुन ओकी उना शांती छे भी, जो ओको तुमरी आरू छे मिवी होती। त्यो तुमरी लालसा, तुमरे दुःख आरू मारे करता तुमरी धुन क खबर हामु सोमवाया, जिनासे मखे आरू भी खुश हुयो। 
\v 8 काहकि यदि हाव ने आपसी पात्री छे तुमू शोकित कर्‍या, पुन ओका सी पछतावो नी जोसो कि पेहल पछतावो हुता, काहकि हाव देखता छे कि उना पत्री छे तुमू शोक तो हुयो पुन वो थुड़ी देर क करता होतो। 
\v 9 हिमी हाव खुशी छे पर एरकरीन नी कि तुमू क शोक पुचाड़, वरना एरकरीन कि तुमू ने उना शोक क कारण मन फिरावसे, काहकि तुमरा शोक यहोवा–भगवान की मरजी क लारे हुता कि आमरो आरू छे तुमू काही वात मा हानि नी पुगीयो। 
\v 10 काहकि जो शोक यहोवा–भगवान लावता छे जेरो परिणाम उध्दार छे आरू पछु ओका सी पछतायनो नी पड़ता। पुन सांसारिक शोक मरलो पैदा करता छे। 
\v 11 शेवली कावा देखु इनी वात छे कि तुमू जो शोक यहोवा–भगवान लावता छे, हुयो तुमू मा कोतरो जुर आरू खुद क वाचाड़ने की मरजी, आरू बीक, आरू वारली मरजी, आरू धुन आरू दण्ड देने क विचार पैदा हुयो? तुमू ने सब प्रकार छे यो सिध्द कर देखाड्य कि तुमू इनीये वात मा निर्दोष होय। 
\v 12 पछु हाव ने जो तुमरे साथे लिख्यो होतो, वो नी तो ओका कारण लिख्यो जो अन्याय कर्‍या आरू नी ओका कारण जिना पर अन्याय कामो गयो, पुन एरकरीन कि तुमरो जुर जो हामरे करता, वो यहोवा–भगवान क सामने तुमू पर प्रगट होय जाय। 
\v 13 एरकरीन हामु दिलासा जुड़ी। हामरी इनीये शांतीन क साथे तीतुस क खुशीन कारण आरू भी खुश हुयो काहकि ओकान जीवन तुमू सबक कारण हरा–भरा होय गया छे। 
\v 14 काहकि यदि हावने ओका सामने तुमरे विषय मा काही डाहळाय देखायो तो लज्जित नी हुयो, पुन ओसो हामु ने तुमू छे सब वात सच सच कयो छे कि, ओसो हिय आमरो डाहळाय देखाडने तीतुस क सामने भी सच निकयो। 
\v 15 जव ओको तुमू सबको हुकुमकारी होयनेको स्मरण आवता छे कि कोसो तुमू घाबराय आरू बीहता जाईन ओका सी भेंट करी; तो ओको मोग तुमरी आरू भी बढ़ता जाता छे। 
\v 16 हाव खुशी छे काहकि मखे हर वात मा तुमू पर पुरो विश्वास छे।
\c 8
\s उध्दार पुर्वक दान आपने
\p
\v 1 \x + \xo 8:1 \xo*\xt रोमियो 15:26\xt*\x*हिमी हे भाईस, बहनीस हामु तुमू यहोवा–भगवान क उना फोकटन दया क खबर देता छे जो मकिदुनिया की मंडळी पर होया छे। 
\v 2 कि तकलीद कि मोटी परिक्षा मा ओको मोटी खुशी आरू भारी गरीब मा उनकी उध्दारता खुप मोटी होय गयी। 
\v 3 ओको विषय मा मारी यो गवाय छे कि तीनुक तुमरा शक्ति भर वरना शक्ति छे भी बाहरता मन छे दिदा। 
\v 4 आरू इनीये दान मा आरू चुखलो मानसे कि सेवा मा भागी हुयने क फोकटन दया क विषय मा, हामरे सी बार बार खुप रावन्या करी, 
\v 5 आरू जोसी हामु ने आश कि करी होती, ओसी ही नी वरना त्या पोरबु क कि यहोवा–भगवान कि मरजी छे हामु क भी आपने आप क आप दिदा। 
\v 6 एरकरीन हामु ने तीतुस क समझाया की जोसो त्यो पेहल शुरू कर्‍या हुता, ओसो ही तुमरे विच मा इनीये दान क काम क पूरो भी कर लेय। 
\v 7 एरकरीन जोसो तुमू हर वात मा मतलब विश्वास, वचन, ज्ञान आरू सब प्रकार क यत्न मा, आरू उना मोंग मा जो आपने छे राखता होय, बोढता जाता होय, ओसो ही इनीये दान क काम मा भी बढ़ता जावु।
\p
\v 8 हाव हुकुम कि रिती पर तो नी, पुन दुसरा क जुर छे तुमरे मोंग कि सच्चाई क पारखने क करता कयता छे। 
\v 9 तुमू आमरो पोरबु ईशु मसीह क फोकटन दया जानता होय कि वा धनी हईन भी तुमरे करता गरीब बन गया, ताकी ओका गरीब होय जाने छे तुमू धनी होय जाय। 
\v 10 इनीये वात मा मारी सल्ला योही छे यो तुमरे करता वारलो छे, जो एक साल छे नी तो केवल इनीये काम क करने ही मा, पुन इनीये वात क जुवे मा भी पेहलो हुयो हुता, 
\v 11 एरकरीन हिमी यो काम पूरो करो की जोसो मरजी करने मा तुमू तीयार हुता, ओसो ही आपसी–आपसी पूंजी क लारे पूरो भी कर्‍या। 
\v 12 काहकि यदि मन की तीयारी होय तो यहोवा–भगवान आप क दान क फोकटन दया हुता छे जो ओका साथे छे, नी कि ओका लारे जो ओका साथे नी। 
\v 13 यो नी की दिसरा क आराम आरू तुमू क तकलीद मिवे। 
\v 14 पुन बराबरी क विचार छे इनीये टेहाव तुमरी बढ़ती तिनुक घटी मा काम आये, ताकि तिनुक बढ़ती होय तुमरी घटी मा काम आयो कि बराबरी होय जाय। 
\v 15 जोसो लिख्यो छे, “जो घोणा बटोरा ओको काही हको तळे नी निकव्या आरू जो थोडा बटोरा ओको काही कम नी निकव्या।”
\s तितुस आरू ओका सहकर्मी
\p
\v 16 यहोवा–भगवान क धन्यवाद होय, जो तुमरे करता चो जुर तीतुस क दिल मा नाख दिदा छे। 
\v 17 कि त्यो हामरे समझने मा मान करता वरना घोणा जुराको चो वो आपने मरजी छे तुमरे साथे गयो छे। 
\v 18 हामु ने ओका साथे उना भाईस क भी मुकली दिदा छे जेरो नाव खुश खबर क विषय मा सब मंडळी मा पसराया होया छे; 
\v 19 आरू ओतरा ही नी, पुन वो मंडळी द्वारा ठेराया भी गया की इनीये दान क काम क करता हामरे साथे जाय। हामु यो सेवा एरकरीन करता छे की पोरबु की महिमा आरू हामरे मन की तीयारी प्रगट होय जाय। 
\v 20 हामु इनीये वात मा चोकचौळीया रयता छे कि इनीये उध्दारता क काम क विषय मा जेरी सेवा हामु करता छे, काही हामु पर दोष नी लागाड़ ने देखछे। 
\v 21 काहकि जो वात केवल पोरबु ही क निकट नी, पुन मानुस क निकट भी भली छे हामु उनकी चिंता करता छे। 
\v 22 हामु ओका साथे आपने भाईस क भी मुकल्या छे, जिनाक हामु ने बार बार पारख्या क घोणा वात मा जुराको देख्या छे; पुन हिमी तुमू पर ओको मोठो भरोछे छे, इनीये कारण वो आरू भी सवटो जुराको छे। 
\v 23 यदि काही तीतुस क विषय मा, तो वो मारे साथे आरू तुमरे करता मारू सहकर्मी छे; यदि आरू हामु भाईस क विषय मा पुछता, तो वो मंडळी क मुकल्या हुयो आरू मसीह कि महिमा छे। 
\v 24 अळते आपनु मोंग आरू हामरे डाहळाय जो तुमरे विषयमा छे मंडळी क सामने सिध्द करीन उन देखाडीस।
\c 9
\s साथी मसीहा क करता साहाय्यता
\p
\v 1 हिमी उना सेवा क विषय मा जो यहूदि या मानसे क करता कि जाती छे, मखे तुमू लिखने छाची नी। 
\v 2 काहकि हाव तुमरे मन की तीयारी क जानता छे, जीसके कारण हाव तुमरे विषय मा मकिदुनिया वासी क सामने डाहळाय देखता छे कि अखाया क मानसे एक साल छे तीयार होया छे, आरू तुमरे जुर हाव आरू घोणा भी जुर देवाड़ीया छे। 
\v 3 पुन हावने भाईसो क अतरान करीन मुकल्या छे कि हामु जो डाहळाय तुमरे विषयमा देखाड्या, वो इनीये वात मा रिकामी नी ठरसे; पुन जोसो हावने कयो ओसो हिय तुमू तियार रयो। 
\v 4 ओसो नी हुयो कि यदि काय मकिदुनिया वासी मारे साथे आवे आरू तुमू तियार देख्या, तो वो सकता छे कि इनीये विश्वास क कारण हामु यो नी कयता कि तुमू लज्जित होय। 
\v 5 अतरान करीन माने भाईस छे यो विनती करने छाची समझो कि वो पेहले छे तुमरे साथे जाए, आरू तुमरी उदरता क फोव ओका विषय मा पेहले सी कहवलो आपने वचन दि दिदो गयो होतो, तियार कर राख्या कि यो दबाव छे नी पुन काम क फावो क समान तियार होय।
\s मोंग देना
\p
\v 6 पुन वात यो छे; जो थोडो वात छे, वो थोडो काटसे भी; आरू जो घोणा वात छे, वो घोणा काटसे। 
\v 7 हर एक जन जोसो मनमा ठाने ओसो भी दान करे; नी कुण्ड क वो आरू नी दबाव छे, काहकि यहोवा–भगवान हर्ष छे देने वावा छे मोंग राखतो छे। 
\v 8 यहोवा–भगवान सब प्रकार क फोकटन दया तुमू घोणा छे देखक सकता छे जिनासे हर वातमा आरू हर टेहावमा, सब काही जो तुमू छाची होय, तुमरे साथे होय; आरू हर एक वारला काम क करता तुमरे साथे घोणा काही होय। 
\v 9 जोसो लिख्यो छे, “त्यो बिखेरा, त्यो गरीब क दान दिदा ओकी न्यायपन सदा बनी रोवछे।” 
\v 10 आखरी जो वेरने वावा क बीज आरू भजन क करता रूटा देता छे, वो तुमू हाव बिज आपसे, आरू उको फलवंत करसे; आरू तुमरे न्यायपन क, फवो क बढ़ावो छे। 
\v 11 वो हर वात ममा आप क सारी वात मा धनवान बनछे, ताकि आप उदार बस सके, बैस सब मानसे ओको धन्यवाद देसे तुमरे दान क करता हामु ने आप क दिया। 
\v 12 काहकि इनीये सेवा क पुरो करने छे नी केवल चुखलो मानसे कि जरूरत पुरी होयती छे, पुन माणसो कि आरू छे यहोवा–भगवान क भी घोणा धन्यवाद होयती छे। 
\v 13 काहकि इनीये सेवा क प्रमाण स्विकार कर वो यहोवा–भगवान कि महिमा प्रकट करता छे कि तुमू मसीह क खुश खबर क मान कर ओका हको तळे रवता होय, आरू उनकी आरू सब कि सहायता करने मा उध्दारता प्रकट करता रयता होय। 
\v 14 आरू वो तुमरे करता मोंग छे प्रार्थना करता छे; अतरान करीन कि तुमू पर यहोवा–भगवान क मोठो हिय फुकट दया छे, 
\v 15 यहोवा–भगवान क, उना दान क जो वर्णन छे बाहरता छे, धन्यवाद होय।
\c 10
\s पौलुस क हक
\p
\v 1 हाव चो पौलुस जो तुमरे सामने भलो छे पुन वासा पछोळ तुमरी आरू साहस करता छे, तुमू क मसीह की नम्रता आरू कमरता क कारण समझता छे। 
\v 2 हाव यो रावन्या करता छे कि तुमरे सामने मखे निर्भय होयीन साहस करने नी पड्यो, जोसो हाव काही मानसे पर जो हामु क डील क लारे चालनेवावा समझता छे, साहस देखने क विचार करता छे। 
\v 3 काहकि यद्यपी हामु डील मा चालता पुगता छे, तो भी डील क लारे नी लड़ता। 
\v 4 काहकि हामरी बढ़ाई क हथियार शारीरिक नी, पर खाडु क ढाक देने क करता यहोवा–भगवान क द्वारा सामर्थी हाथियार छे। 
\v 5 एरकरीन हामु कल्पना क आरू हर एक उंची वात क जो यहोवा–भगवान कि उळखने क विरोध मा उठे छे खण्डने करता छे; आरू हर एक भावना क कैद करीन मसीह क हुकुमकारी बनाय देता छे। 
\v 6 आरू तीयार रयता छे जी तुमरा हुकुमपालन पूरो होय जाय, तो हर एक प्रकार क हुकुम तुड़नो क दण्डित करू।
\p
\v 7 तुमू उन वात क देखो, जो डुवा क समान छे। यदि काय क आपने पर यो भरोसा होय कि हाव मसीह क छे, तो वो यो भी जान ले कि जोसो वो मसीह छे ओसो ही हामु भी। 
\v 8 काहकि यदि हाव उना हक क विषय मा आरू भी डाहळाय देखाय, जो पोरबु ने बिगाड़ने क करता नी पर बनावने क करता हामु देता छे, तो लज्जित नी होयछे। 
\v 9 यो हाव एरकरीन कयता छे कि पत्री या क द्वारा तुमू घाबरायने वावा नी ठेहरे। 
\v 10 काहकि वो कयता छे, “ओकी पत्री या तो वातड़ो आरू शक्तिशाली छे; पुन जव वो सामने हुयसे छे, तो वो डील क निर्मल आरू वक्तव्य मा हल्का जान पड़ता छे।” 
\v 11 जो वोसो कयता छे, वो यो समझ राख्यो कि जोसो वासा पछव पत्री या मा हामरे वचन छे, ओसो ही तुमरे सामने हामरे काम भी होयछे। 
\v 12 काहकि हामु यो साहस नी कि हामु आपने आप की उनमा छे ओसो काही क साथे गिने या उनछे आपने क हाववाड्यो, जो आपसी वाहवाय आप करता छे आरू आपने आप क आपस मा नाप तुलीन एक दिसरा छे न्याय करे विनअकलिया छे।
\p
\v 13 हामु तो सीमा छे बाहरता डाहळाय कदी नी करसे, पुन तीनी सीमा तक जो यहोवा–भगवान ने हामरे करता ठेहराय दिदो छे, आरू उनमा तुमू भी आय गया होय, आरू तीनी क लारे डाहळाय भी करसे। 
\v 14 काहकि हामु आपसी सीमा छे बाहरता आपने आप क बढ़ाने नी जुवता, जोसो कि तुमू तक नी पुचाड्य की दशा मा हुयसे, वरना मसीह क खुश खबर सोमवाय हुयो तुमू तक पुचाड़ त्योक्यो छे। 
\v 15 हामु सीमा छे बाहरता दिसरा क मेहनत पर डाहळाय नी करता; पुन हामु आश छे। कि जो जो तुमरा विश्वास बढ़तो जाछे त्यो त्यो हामु आपसी सीमा क लारे तुमरे कारण आरू भी बढ़तो जाछे, 
\v 16 ताकि हामु तुमरी सीमा छे ओगव बढ़ीन खुश खबर सोमवाय, आरू यो नी कि हामु दिसरा की सीमा क माहीय बन बनाय काम पर डाहळाय कामो। 
\v 17 पुन जो डाहळाय कामो, वो पोरबु पर डाहळाय कामो। 
\v 18 काहकि जो आपसी बढ़ाई करता छे वो नी, पुन जेरी बढ़ाई पोरबु छे, चो मान्य कर्‍या जाता छे।
\c 11
\s पौलुस आरू झुठ प्रेरित
\p
\v 1 यदि तुमू मारी थुड़ी सी मुर्खता सह लेता तो काय भला हुयसे; हाव, मारी सह भी लेय। 
\v 2 काहकि हाव तुमरे विषय मा ईश्वरीय मन लागाड़ला रये, एरकरीन कि हाव ने एक ही मानुस छे तुमरी वात लागाड़ छे कि तुमू चुखलो छल्ली क समान मसीह क सौप दीस। 
\v 3 पुन हाव घाबराय छे कि जोसो घड़सो ने आपसी चालाक छे हव्वा क भड़काव्या, वोसो ही तुमरे मन उना सीधाई आरू चुखला छे जो मसीह क साथे होनी जुवे, काही भ्रष्ट नी कामो जाय। 
\v 4 यदि कोय तुमरे साथे आवीन काही दिसरा ईशुन प्रचार करे, आरू जेका प्रचार हामु नी कर्‍या; या कोय आरू आत्मा तुमू मिवे, जो पेहल नी मिव्यो हता; या आरू काही खुश खबर सोमवाय जिनाक तुमू पेहल नी मान्या हता, तो तुमू ओका सहन कर लेता। 
\v 5 हाव तो समझता छे कि जिन मानसे मा काही वात मा मोटा छे मोटा प्रेरितन छे कम नी छे। 
\v 6 यदि हाव वक्तव्य मा अनाड़ी छे, तौभी ज्ञान मा नी। हामु ने इनीये क हर वात मा सब प्रकार छे तुमरे करता प्रगट कर्‍या छे। 
\v 7 काय इना हाव ने काही पाप कर्‍या कि हाव ने तुमू यहोवा–भगवान क खुश खबर विना काही करता सोमवाय; आरू आपने आप क नेचो कर्‍या कि तुमू उचा होय जाय? 
\v 8 हाव ने दिसरा मंडळी क लूटा, मतलब हाव ने उनछे मजदूरी लेय ताकि तुमरी सेवा करू। 
\v 9 \x + \xo 11:9 \xo*\xt फिलिप्पियो 4:15-18\xt*\x*आरू जव हाव तुमरी साथे होतो आरू मखे घटी होयी, तो हाव ने काही पर भार नी नाख्या, काहकि भाईस ने मकिदुनिया छे आवीन मारी घटी क पूरो कर्‍या; आरू हाव ने हर वात मा आपने आप क तुमू पर भार बनने छे रूका आरू रूकीस रोवीस। 
\v 10 यदि मसीह की सच्चाई मखे मा छे तो अखाया देश मा काही मखे इनीये डाहळाय छे नी रूकछे। 
\v 11 काय? काय एरकरीन कि हाव तुमू छे मोंग नी राखता? यहोवा–भगवान यो जानता छे कि हाव मोंग राखता छे।
\p
\v 12 पुन जो हाव करता छे, कि चो करता रवछे कि जो मोटा प्रेरित कोवायता छे डाहळाय हेरता छे तीनुक हाव दांव देखने नी देय, ताकि जिना वात मा वो डाहळाय करता छे, उना मा वो हामरे ही समान ठराय। 
\v 13 काहकि ओसो मानसे झूठ प्रेरितो, आरू छल छे काम करनेवावा, आरू मसीह क प्रेरितन क रूप धरनेवावा छे। 
\v 14 यो काही घबरायने की वात नी काहकि शैतान आप भी ज्योतिर्मय सोरगदूत क रूप धारण करता छे। 
\v 15 एरकरीन यदि ओका सेवक भी न्यायपन क सेवक क सा रूप धरे, तो काही मोटी वात नी, पुन ओको आखरी ओको काम क लारे होयछे।
\s प्रेरित क रूप मा पौलुस क दुःख भोग
\p
\v 16 हाव पछु कयता छे, काही मखे मुर्ख नी समझ; नी तो मुर्ख ही समझीन मारी सह लेय, ताकि थुड़ो सो हाव भी डाहळाय कर सक्यो। 
\v 17 इनीये बेधड़क डाहळाय मा जो काही मा कयता छे, वो पोरबु की हुकुम क लारे नी पर मानो मुर्खता छे ही कयता छे। 
\v 18 जबकि घोणा छे मानसे डील क लारे डाहळाय करता छे, तो हाव भी डाहळाय करीस। 
\v 19 तुमू तो समझदार हईन खुश छे मुर्ख की सहन लेता होय। 
\v 20 काहकि जव तुमू काही दास बनाय लेता छे, या काही ओको फायदा लेय छे, या फसाड़ लेता छे, या आपने आप क मोटो बनावतो छे, या तुमरे मुय पर थापुड़ देतो छे, तो तुमू सह लेता होय। 
\v 21 मारो कयनो विजुत ही की रीति पर छे, मानो हामु ओका करता निर्बल छे हुता। पुन जिना काही वात मा काही साहस करता छे हाव मुर्खता छे कयता छे तो हाव भी साहस करता छे। 
\v 22 काय वो ही इब्रानी छे? हाव भी छे। काय वो ही इस्त्राएली छे? हाव भी छे। काय वो ही अब्राहम वो ही इस्त्राएली छे? हाव भी छे। 
\v 23 \x + \xo 11:23 \xo*\xt प्रेरितन 16:23\xt*\x*काय वो ही मसीह क सेवक छे हाव पागल क समान कयता छे हाव उनछे बढ़ीन छे। सवटो मेहनत करने मा; बार बार कैद हुयने मा कोड़े खाने मा; बार बार मरला क जोखिम मा। 
\v 24 पाच बार हाव ने यहूदि यो क हात छे न एक चावीस कोड़े खाय। 
\v 25 \x + \xo 11:25 \xo*\xt प्रेरितन 16:22 \xt*\xt प्रेरितन 14:19\xt*\x*तीन बार हाव ने बेते खाय; एक बार मखे पर दगड़ायो गयो; तीन बार ढोंड्या, जिन पर हाव चढ़ियो होतो, टूट गयो; एक रात दाहडु मा ने दरिया मा काठ्य। 
\v 26 \x + \xo 11:26 \xo*\xt प्रेरितन 9:23 \xt*\xt प्रेरितन 14:5\xt*\x*हाव बार बार यात्रा मा; नद्या क जोखिम मा; डाकु क जोखिम मा; आपने यहूदि यो छे जोखिम मा; गैरयहुदी यो छे जोखिम मा; नगर क जोखिम मा जंगल क जोखिम मा; दरिया क जोखिम मा; झूठ भाईस क वीच जोखिम मा रया। 
\v 27 मेहनत आरू कष्ट मा; बार बार जागता रयने मा; भूखला पिसला मा; बार उपवास करने मा; जाड़े मा; उघाड़ रयने मा; 
\v 28 आरू दिसरा वात क छुड़ीन जिनका वर्णन हाव नी करता, सब मंडळी की चिंता हर दाहडु मखे दाबावती छे। 
\v 29 कायकी निर्बलता छे हाव निर्बल नी हुयसे? कुदाक ठुकर खाने छे मारो जो नी दुखता?
\p
\v 30 यदि डाहळाय करने पाको छे, तो हाव आपने निर्बल ताकी वात पर डाहळाय करीस। 
\v 31 पोरबु ईशु क यहोवा–भगवान आरू बास जो सदा धन्य छे, जानता छे कि हाव झुठ नी बुलता। 
\v 32 \x + \xo 11:32 \xo*\xt प्रेरितन 9:23-25\xt*\x*दश्मिक शहर मा अरितास नाव क राजा कि आरू छे जो सरदार होतो, त्यो मखे धरीन क दमिश्कयों क नगर पर देसचेख सिपाई बठ्या रया हुता। 
\v 33 आरू हाव टुकरा मा खिड़की छे हईन शहर क भितडो पर छे उतार गयो, आरू ओका हात छे बच निकव्यो। \fig शहरन बाहरते भितड़ो आरू माहय जानेन झोपलु|alt="Entrance to the city gate and wall" src="hk00238c।tif" size="col" copy="Horace Knowles ©" ref="11:32"\fig*
\c 12
\s पौलुस क दिव्य दर्शन आरू दुर्बलता
\p
\v 1 यद्यपी डाहळाय करने मारे करता ठीक नी कदी करने पड़ता छे; अतरान करीन हाव पोरबु क दियो हुयो दर्शन आरू प्रकाश कि चर्चा करीस। 
\v 2 हाव मसीह मा एक मानुस क जानता छे; चौवदे साल हुयो कि नी जाने डील साथे, नी जाने डील सहित, यहोवा–भगवान जानता छे; ओसो माणुस तीसर सोरगदूत तक उठाय लेदा गयो। 
\v 3 हाव ओसो माणुस क जानता छे नी जाने डील साथे, नी जाने डील साथे यहोवा–भगवान नी जानता छे। 
\v 4 कि सोरगदूत मानसे पर उठाय लेदा गया, आरू ओसो वात सोमवी जो कयनो कि नी; आरू जिनका मुह पर लाया मानुस क वारू नी। 
\v 5 ओसो माणुस पर तो हाव डाहळाय करीस, पुन तुमरा पार पर आपसी निर्बलता क छुड़ीन तुमरा विषयमा डाहळाय नी करीस। 
\v 6 काहकि यदि हाव डाहळाय करने जूवे भी तो मुर्ख नी होयस, काहकि हाव सच बुलीस; तौभी रूक जातो छे, ओसो नी होय कि काही मखे देखता छे या मखे छे सोमावता छे, मखे ओका सी बठीन समझे। 
\v 7 एरकरीन कि हाव प्रकाश कि बहुतायत छे फूल नी जाय, मारो डील मा एक काटो त्योभायो गयो, मतलब शैतान क एक कि मखे धुमा देदा ताकी हाव फूल नी जाय। 
\v 8 ओका विषय मा हाव ने पोरबु छे तीन बार रावन्या करी कि मखे छे यो दूर होय जाय। 
\v 9 पर त्यो मखे छे कयो, “मारी फोकटन दया तारे करता खुप छे; काहकि मारी शक्ति निर्बलता मा सिध्द होयती छे।” अतरान करीन हाव मोठो खुश छे आपने निर्बलता पर डाहळाय करीस कि मसीह कि शक्ति मखे पर रवती करती रये। 
\v 10 इनीये कारण हाव मसीह क करता निर्बलता मा, आरू निंदा मा आरू दरिद्रता मा, आरू झगड़ो करावनो मा, आरू संकट मा खुश छे; काहकि जव हाव निर्बल हुयसे छे, तो भी बलवन्त हुयसे छे।
\s कुरिन्थीयों क करता पौलुस कि चिंता
\p
\v 11 हाव मुर्ख तो बना, पुन तुमू ही ने मखे यो करने क करता मजबुर कर्‍या। तुमू तो मारी वाहवाय करनो जुवे होती, काहकि यद्यपी हाव काही भी नी तोभी उन मोठा छे मोठो प्रेरितन छे काही वात मा कम नी छे। 
\v 12 प्रेरितन क लक्षण भी तुमरे विच मा सब प्रकार क धीरज साथे सहलानी, आरू घण मोटा काम, आरू शक्ति क काम छे देखाय गयो। 
\v 13 तुमू कुन छे वात मा दीसरी मंडळी छे कम हुता केवल इना कि हावने तुमू पर आपनो भार नी नाखो। मारो यो अन्याय माफ करो।
\p
\v 14 हाव तीसरी बार तुमरे साथे आवने क तियार छे, आरू ने तुमू पर काही भार नी राखीस, काहकि हाव तुमरी संपत्ती नी वरना तुमू ही क जुवता छे। काहकि पोर्‍य क आश बास क करता धन एखठो करने नी जुवे, पर आश बास क पोर्‍य क करता। 
\v 15 हाव तुमरी आत्मा क करता खुप खुश छे सच्च करीस, वरना आप भी सच्च होय जाछे। काय जोतरा बढ़ीन तुमू छे मोंग राखता छे, ओतरा ही घटी तुमू मखे छे मोंग राखसे? 
\v 16 ओसो होय सकता छे कि हाव ने तुमू पर भार नी नाख्यो, पुन चतराय छे तुमू धोखा देखीन फसाड़ दिदो। 
\v 17 भला, जिन्हे हाव ने तुमरे साथे मुकल्यो, काय उनमा छे काही क द्वारा हाव ने छल करी तुमू छे काही ली लेदा? 
\v 18 हाव ने तीतुस क समझाड़ीन ओका साथे तीना भाईस्यो क मुकल्यो, त काय तीतुस छल करीन तुमू छे काहय लेदा? काय हामु एकुज आत्मा छे चलाड़े छे चाले? काय एकुज लीक पर नी चाले?
\p
\v 19 तुमू हिमी तक समझ रया होयछे कि हामु तुमरे सामने जवाब देय रया छे। हामु तो यहोवा–भगवान क हजुर जाने मसीह मा बुलता छे, आरू हे मोंगावु, सब वात तुमरी बढ़ती ही क करता कयता छे। 
\v 20 मखे घाबराय छे काही ओसो नी होय कि हाव आवीन जोसो जुवता छे, वोसो तुमू भी देखछे; आरू मखे भी जोसो तुमू नी जुवता ओसो हिय देखता; आरू तुमू मा झगड़ा, डाह, रीस, विरोध, किचवन, चुगली, डाहवाय आरू वाद होय; 
\v 21 आरू काही ओसो नी होय कि मारो यहोवा–भगवान मारो पछु तुमरे याहा आवने पर मखे पर दबाव नाखने आरू मखे घोणा क करता पछु शोक करने पड़्या, जिन्होने पेहल पाप कर्‍या हुता आरू भुण्डलो काम आरू व्यभिचार आरू लुचपन छे, जो त्या कर्‍या, मन नी फिराया।
\c 13
\s आखरी चेतावनी
\p
\v 1 हिमी तीसरी बार मा तुमरे साथे आवता छे; दुय या तीन गवा क मुय छे हर एक वात ठराय जाछे। 
\v 2 जोसो हावने जव दीसरी बार तुमरे साथे होतो, ओसो हिय हिमी दूर रयता होया छे उन मानुस छे जिन्होने पेहल पाप कर्‍या, आरू अन्याय सब मानसे छे हिमी पेहल छे कये देता छे कि यदि हाव पछु आवीस तो नी छुड़ीस। 
\v 3 काहकि तुमू तो इनाक प्रमाण जूवता होय कि मसीह मखे मा बुलता छे, जो तुमरे करता निर्बल नी पुन तुमू मा शक्ति छे। 
\v 4 वो कमजोरी क कारण कुरूस पर चढ़ावी गयो तो गया, तो भी यहोवा–भगवान कि शक्ति छे जीवतो छे। हामु भी उनमा निर्बल छे, यहोवा–भगवान कि शक्ति छे हामु सेवा करता छे।
\p
\v 5 आपने आप क पारखी कि विश्वास मा होय कि नी। आपने आप क हेरता। काय तुमू आपने विषय मा यो नी जानता कि ईशु मसीह तुमू मा छे? नी तो तुमू हेरता मा निकम्हाव निकव्य होय। 
\v 6 पर मारी आश छे कि तुमू जान लेछे कि हामु निकम्हाव नी। 
\v 7 हामु आपने यहोवा–भगवान छे यो प्रार्थना करता छे कि तुमू काही बुराई नी करू, एरकरीन नी कि हामु सच देखाय पड्यो, पर एरकरीन कि तुमू भलाई करू, जुवे हामु निकम्हाव ही ठराय। 
\v 8 काहकि हामु सच्चाई क विरोधी मा काही नी कर सकता, पर सच्चाई क करता ही कर सकता छे। 
\v 9 जव हामु निर्बल छे आरू तुमू बलवन्त होय, तो हामु खुश हुयसे छे, आरू यो प्रार्थना भी करता छे कि तुमू सिध्द बन जावु। 
\v 10 इनीये कारण हाव तुमरे वासा पछव यो वात लिखता छे, कि हजुर हईन मखे उना हक क लारे जिनाक पोरबु ने बिगाड़ ने क करता नी पर बनावने क करता मखे दिदा छे, कड़ाई छे काही करने नी पड्यो।
\s पोछल नमस्कार
\p
\v 11 शेवली कावा हे भाईस, खुश रयो; सिध्द बनता जाय; ढाढ़स राख्यो; एक ही मन राख्यो; मेल छे रयो। आरू मोंग आरू शांती क दाता यहोवा–भगवान तुमरे साथे होयछे। 
\v 12 एक दिसरा क यहोवा–भगवान छे चुखलो मन छे नमस्कार करू। 
\v 13 सब चुखलो मानसे तुमू नमस्कार आरू यहोवा–भगवानन मोंग कयता छे। 
\v 14 पोरबु ईशु मसीह क फोकटन दया आरू यहोवा–भगवान क मोंग आरू चुखलो आत्मा करी सहभागिता तुमू सब क साथे होयती रये।