\id 1JN – Dhankavi
\ide UTF-8
\h 1 यहुन्ना
\toc3 1 यहुन्ना
\toc2 1 यहुन्ना
\toc1 यहुन्ना नी लिखली पेहली पत्री
\mt2 यहुन्ना कि लिखी हुई पेहली किताब
\mt1 यहुन्ना नी लिखली पेहली पत्री
\imt परिचय
\ip यहुन्ना न पत्री मसीहान जनम बाद 50 आरू 100 सालन वीच मा प्रेरित यहुन्ना ने लिख्यो होतो। यहुन्ना आपसु काजे लेखकन रूप मा उवख नी होय, पुन पेहल पाठ छे पतु चालतु छे कि वो जीवमन आरू ईशु क जीवीन उठने क करता एक खास गवा छे \xt 1:1-3\xt* 1 यहुन्ना मा लिखनेन शैली बारीकी छे यहुन्ना क लारे शासुतर मा देख्या लिखनेन शैली जोसा लिखता छे। ओसा मानी जाता छे कि यहुन्ना क लारे खुश खबर लिख्या हुता यहुन्ना आरू तीन पत्री 1 यहुन्ना, 2 यहुन्ना आरू 3 यहुन्ना जबकि इफिसुस मा रयता छे।
\ip यहुन्ना एक टेहाव मा आखा विश्वासिया क यो पत्री लिख्यो होतो जव मंडळी मानसे क एक एखठा छे परिशानी होय रयी होती बुलाया इनु लोगहन क माननो हुतो कि ईशु आखी भाति सी यहोवा–भगवान हुतो पुन छाची त्यो आखा लुहूयन आरू एक डिल क साथ मा एक मानुस नी हुतो, जबकि धरती पर। इन कारण क करता यहुन्ना ईशु क जीवनन करता एक खास गवाय बन रया छे आरू वो आपने ही हात ईशु क दरिया क बारा मा लिखता छे। \xt 1:1-3\xt* इन पत्री क लिखने मा यहुन्ना न उद्देश्य आपसी खुशी \xt 1 यहुन्ना 1:4 \xt* पूरो करने कि करता पाप \xt 1 यहुन्ना 2:1\xt* छे विश्वासी क रूकनेन करता, झूठी भन्नेन \xt 1 यहुन्ना 2:26\xt* छे विश्वासन रक्षा करनेन करता कर्‍या गया हुता, आरू विश्वासी कि वो वाच रया छे विश्वास देवाड़ता छे। \xt 5:13\xt*
\is रूपरेखा
\io1 1. यहुन्ना आपने पत्री परिचय आरू यो \ior 1:1-4\ior* लिखनेन करता एक उद्देश देता छे।
\io1 2. वो तो कोसो यहोवा–भगवान प्रकाश छे आरू हामु ईशु रूप मा रोवनो जुवे कि देखाड़ता \ior 1:5–3:10\ior* रोवता हुता
\io1 3 ओगळा वो हामु हुकुम कि फोम देखाड़ता छे की एक दिसरा छे मोंगावु करू \ior 3:11–5:12\ior*
\io1 4. तीनुन \ior 5:13-21\ior* मा आपनो पत्री क समर्पित कर्‍या,
\c 1
\s जीवन क वचन
\p
\v 1 \x + \xo 1:1 \xo*\xt यहुन्ना 1:1\xt*\x*उना जीवन क वचन क विषय मा जो शुरू छे हुता, जिनाक हामु ने सोमव्या, आरू जिनाक आपसा डुवा छे देखु, वरना जिनाक हामु ने ध्यान छे देख्या आरू हात छे दरिया। 
\v 2 \x + \xo 1:2 \xo*\xt यहुन्ना 1:14\xt*\x*यो जीवन प्रगट होया, आरू हामु ने ओको देख्या, आरू ओकी गवा देता छे, आरू तुमूक ओको अमरकाय जीवन क खुश खबर देता छे जो बास क साथे हुता आरू हामु पर प्रगट होया। 
\v 3 जो काही हामु ने देख्या आरू सोमव्या छे ओका खबर तुमूक भी देता छे, एरकरीन तुमू भी हामरे साथे सहभागी होय; आरू हामरी यो सहभागिता बास क साथे आरू ओका पोर्‍य ईशु मसीह क साथे छे। 
\v 4 आरू यो वात हामु एरकरीन लिखता छे कि हामरी खुशी पूरो होय जाय।
\s दिवा मा चालने
\p
\v 5 जो खबर हामु ने ओको छे सोमवाया आरू तुमूक सोमवाता छे, वो यो छे कि यहोवा–भगवान दिया छे आरू उनमा काही भी आँधारलो नी। 
\v 6 यदि हामु कये कि ओको साथे हामरी सहभागिता छे पछु आंधारला मा चाले, तो हामु झूठा छे आरू सच्चाई पर नी चालता। 
\v 7 पर यदि जोसो वो दिवा मा छे, वोसो ही हामु भी दिवा मा चाले, तो एक दिसरा छे सहभागिता राखता छे, आरू ओका पोर्‍य ईशु क लुहूय हामु सब पाप छे चुखो करता छे।
\p
\v 8 यदि हामु कये कि हामु मा कोय भी पाप नी, तो आपने आप क धोखा देता छे, आरू हामु मा सच्चाई नी। 
\v 9 यदि हामु आपसा पाप क मान लेय, तो वो यहोवा–भगवान हामरे पाप क माफ करने आरू हामु सब अन्याय छे चुखो करने मा विश्वासयोग्य आरू न्यायी छे। 
\v 10 यदि हामु कये कि हामु ने पाप नी कर्‍या, तो ओको झूठा ठेराया छे, आरू ओको वचन हामु मा नी छे।
\c 2
\s मसीह आमरो सहायक
\p
\v 1 हे मारा पोर्‍या, हाव या वात तुमूक एरकरीन लिखता छे कि तुमू पाप नी करू; आरू यदि काही पाप करे, तो बास क साथे आमरो एक सहायक छे, मतलब न्यायी ईशु मसीह। 
\v 2 आरू वो हामरे पाप क माफ करता छे, आरू केवल हामरे ही नी वरना सारी धरती क पाप क भी माफ करता छे।
\p
\v 3 यदि हामु ओकी हुकुम क मानसु, तो इनासे हामु जान लेसु कि हामु ओको जान गया छे। 
\v 4 जो काही यो कयता छे, “हाव ओको जान लेदु छे” आरू ओकी हुकुम क नी मानता, वो झूठ छे आरू ओको मा सच्चाई नी 
\v 5 पर जो काही ओको वचन पर चाले, उनमा सचमुच यहोवा–भगवान क मोंग सिध्द होया छे। इनी छे हामु जानता छे कि हामु उनमा छे। 
\v 6 जो काही यो कयता छे कि हाव उनमा बना रयता छे, ओको जुवे कि आप भी वोसो ही चाले जोसो वो चालतो हुता।
\s नोवली हुकुम
\p
\v 7 हे मोंगावु, हाव तुमूक काही नोवली हुकुम नी लिखता, पर चो जुनली हुकुम जो शुरू छे तुमूक मिवी छे; यो जुनली हुकुम वो वचन छे जिनाक तुमू ने सोमव्या छे। 
\v 8 पछु भी हाव तुमूक नोवली हुकुम लिखता छे, आरू यो उनमा आरू तुमू मा सच्ची ठेरायती छे; काहकि आँधारलो मिटतो जातो छे आरू सच्चाई क दिया हिमी चमकने लाग्यो छे।
\p
\v 9 जो काही यो कयता छे कि हाव दिवा मा छे आरू आपसा भाईस छे बैर राखता छे, वो हिमी तक आंधारला ही मा छे। 
\v 10 जो काही आपसा भाईस छे मोंग राखता छे वो दिवा मा रयता छे, आरू ठुकर नी खाय सकता। 
\v 11 पर जो काही आपने भाईस छे बैर राखता छे वो आंधारला मा छे आरू आंधारला मा चालता छे, आरू नी जानता कि काँ जाता छे, काहकि आँधारलो ने ओकी डुवा आंधळी कर देदी छे।
\p
\v 12 हे पोर्‍या, हाव तुमूक एरकरीन लिखता छे कि ओका नाव छे तुमरा पाप माफ हुयो छे। 
\v 13 हे पितरो, हाव तुमूक एरकरीन लिखता छे कि जो शुरू छे तुमू ओको जानता होय। हे जुवान्या, हाव तुमूक एरकरीन लिखता छे कि तुमू ने ओको शैतान पर जय देख्या छे। हे पोर्‍या हाव ने तुमूक एरकरीन लिख्यो छे कि तुमू बास क जान गया होय।
\p
\v 14 पितरो, हाव ने तुमूक एरकरीन लिख्या छे जो शुरू छे तुमू ओको जान गया होय। हे जुवान्या, हाव ने तुमूक एरकरीन लिख्या छे कि तुमू बलवन्त होय, आरू यहोवा–भगवान क वचन तुमू मा बना रयता छे, आरू तुमू ने ओको शैतान पर जय देख्या छे।
\s संसार छे मोंग करू
\p
\v 15 तुमू नी तो संसार छे आरू नी संसार मा की समान छे मोंग राखु। यदि काही संसार छे मोंग राखता छे, तो उनमा बास क मोंग नी छे। 
\v 16 काहकि जो काही संसार मा छे, मतलब डील की लालोच आरू डुवा की लालोच आरू जीविका क डाहळाय, वो बास की आरू छे नी पुन संसार ही की आरू छे। 
\v 17 संसार आरू ओकी लालुच दुय मिटती जाता छे, पर जो यहोवा–भगवान की मरजी पर चालता छे वो सर्वदा बन रोवछे।
\s मसीह विरोधी
\p
\v 18 हे पोर्‍या, यो आखरी टेहाव छे; आरू जोसो तुमू ने सोमव्या छे कि मसीह क विरोधी आवनेवाळा छे, ओको लारे हिमी भी घोणा छे मसीह विरोधी उठ उबा होया छे; इनासे हामु जानता छे कि यो आखरी टेहाव छे। 
\v 19 वो निकव तो हामु ही मा छे, पर हामु मा क हुता नी; काहकि यदि वो हामु मा क हुयसे, तो हामरे साथे रयता; पर निकवता एरकरीन गया कि यो प्रगट होय कि वो सब हामु मा रयन नी छे।
\p
\v 20 पुन तुमरा तो ओको चुखलो छे अभिषेक हुयो छे, आरू तुमू सब काही जानता होय। 
\v 21 हाव ने तुमूक एरकरीन नी लिख्या कि तुमू सच्चाई क नी जानता, पर एरकरीन की ओको जानता होय, आरू एरकरीन कि काही झूठ सच्चाई की आरू छे नी।
\p
\v 22 झूठा कुन छे? केवल वो जो ईशु क मसीह हुयने छे मना करता छे; आरू मसीह विरोधी चो छे जो बास क आरू पोर्‍या क मना करता छे। 
\v 23 जो काही पोर्‍या क मना करता छे ओको साथे बास भी नी जो पोर्‍या क मान लेता छे, ओको साथे बास भी छे।
\p
\v 24 जो काही तुमू ने शुरू छे सोमव्या छे, चो तुमू मा बन रये तो तुमू भी तो तुमू पोर्‍या मा आरू बास मा बन्या रवु। 
\v 25 आरू जेरी ओको हामरे सी प्रतिज्ञा करी वो अमरकाय जीवन छे।
\p
\v 26 हाव ने यो वात तुमूक उन क विषय मा लिखी छे, जो तुमूक भरमाते छे: 
\v 27 पुन तुमरा वो अभिषेक जो ओकी आरू छे कर्‍या गया, तुमू मा बन्या रयता छे: आरू तुमू इनाक योजना नी कि काही तुमूक सिखाड्या, वरना जोसो वो अभिषेक जो ओकी आरू छे कर्‍या गया तुमूक सब वात सिखाड़ता छे, आरू यो सची छे आरू झूठ नी; आरू जोसो त्यो तुमूक सिखाड्या छे वोसो ही तुमू उको बन्या रयता होय।
\s यहोवा–भगवान की अवलियाद
\p
\v 28 शेवली कावा हे पोर्‍या, बन्या रवु कि जव वो प्रगट होय तो हामु हियाव होय, आरू ओको आवने पर ओको सामने लज्जित नी होय। 
\v 29 यदि तुमू जानता होय, कि वो न्यायी छे, तो यो भी जानता होय कि जो काही न्याय क काम करता छे वो ओको छे पैदा छे।
\c 3
\p
\v 1 \x + \xo 3:1 \xo*\xt यहुन्ना 1:12\xt*\x*देखु बास ने हामु छे कोसो मोंग कर्‍या छे कि हामु यहोवा–भगवान की अवलियाद कोवायता; आरू हामु छे भी। इनीये कारण संसार हामु नी जानता, काहकि त्यो ओको भी नी जान्या। 
\v 2 हे मोंगावु, हिमी हामु यहोवा–भगवान की अवलियाद छे, आरू हिमी तक यो प्रगट नी होया की हामु काय काही होयछे! ओतरा जानता छे कि जव वो प्रगट होयसर तो हामु ओका समान होयसु, काहकि ओको वोसो ही देखछे जोसो वो छे। 
\v 3 आरू जो काही ओको पर यो आश राखता छे, वो आपने आप क वोसो ही चुखलो करता छे जोसो वो चुखलो छे।
\p
\v 4 जो काही पाप करता छे, वो व्यवस्था क विरोध करता छे; आरू पाप तो व्यवस्था क विरोध छे। 
\v 5 \x + \xo 3:5 \xo*\xt यहुन्ना 1:29\xt*\x*तुमू जानता होय कि वो एरकरीन प्रगट होया कि पाप क हर ली जाय; आरू ओका स्वभाव मा पाप नी। 
\v 6 जो काही उनमा बन्या रयता छे, वो पाप नी करता, जो काही पाप करता छे, त्यो नी तो ओको देख्या छे आरू नी ओको जाने छे।
\p
\v 7 हे पोर्‍या काही क भरमाने मा नी आवने। जो न्याय क काम करता छे, चो ओको क समान न्यायी छे। 
\v 8 जो काही पाप करता छे शैतान की आरू छे, काहकि शैतान शुरू ही छे पाप करता आश छे। यहोवा–भगवान क पोर्‍या एरकरीन प्रगट होया कि शैतान क काम क नाश करे।
\p
\v 9 जो काही यहोवा–भगवान छे पैदा छे वो पाप नी करता; काहकि ओका स्वभाव ओकामा बन्या रयता छे, आरू वो पाप करीन ही नी सकता काहकि यहोवा–भगवान छे पैदा छे। 
\v 10 इनी छे यहोवा–भगवान की अवलियाद आरू शैतान की अवलियाद जाने जाता छे; जो काही न्यायपन क काम नी करता वो यहोवा–भगवान छे नी, आरू नी वो जो आपने भाईस छे मोंग नी राखता।
\s एक दिसरा छे मोंग राखु
\p
\v 11 \x + \xo 3:11 \xo*\xt यहुन्ना 13:34\xt*\x*काहकि जो खबर तु ने शुरू छे सोमव्या, वो यो छे कि हामु एक दिसरा छे मोंग राखसु; 
\v 12 आरू कैन क समान नी बने जो ओको शैतान छे हुता आरू जो आपने भाईस क घात कर्‍या। आरू ओको काही कारण घात कर्‍या? इनीये कारण कि ओका काम बुरा हुता, आरू ओका भाईस क काम न्यायी हुता।
\p
\v 13 हे भाईस, आरू बहनीस यदि संसार तुमू छे बैर करता छे तो भोंगलाय गयो नी करने। 
\v 14 \x + \xo 3:14 \xo*\xt यहुन्ना 5:24\xt*\x*हामु जानता छे कि हामु मरला छे पार हईन जीवन मा पुच्या छे; काहकि हामु भाईस आरू बहनीस छे मोंग राखता छे। जो मोंग नी राखता वो मरला की दशा मा रयता छे। 
\v 15 जो काही आपने भाईस छे बैर राखता छे, वो हत्यारा छे; आरू तुमू जानता होय कि काही हत्यार मा अमरकाय जीवन नी रयता। 
\v 16 हामु ने मोंग इनी छे जान्या कि त्यो हामरे करता आपनो जीव देय दिया; आरू हामु भी भाईस क करता जीव देना जूवे। 
\v 17 पर जिना काही क साथे संसार क धन होय आरू वो आपसा भाईस क गरीब देखीन ओको पर तरस खाने नी जूवे, तो उनमा यहोवा–भगवान क मोंग क बन्या रया सकता छे? 
\v 18 हे पोर्‍या, हामु वचन आरू जीभ ही छे नी, पर काम आरू सच्चाई क द्वारा भी मोंग करे।
\s यहोवा–भगवान क सामने हेम्मत
\p
\v 19 इनी छे हामु जागसु कि हामु सच्चाई क छे; आरू जिना वात मा हामरा मन हामु दोष देसे, ओको विषय मा हामु ओको सामने आपसा–आपसा मन क ढाढ़स दी सकछे। 
\v 20 काहकि यहोवा–भगवान हामरे मन छे मोट छे, आरू सब काही जानता छे। 
\v 21 हे मोंगावु, यदि हामरा मन हामु दोष नी देता, तो हामु यहोवा–भगवान क सामने हेम्मत करता छे। 
\v 22 आरू जो काही हामु मांगता छे, वो हामु ओको जड़से काहकि हामु ओकी हुकुम क मानता छे आरू जो ओको भाता छे चो करता छे। 
\v 23 \x + \xo 3:23 \xo*\xt यहुन्ना 13:34; 15:12,17\xt*\x*ओकी हुकुम यो छे कि हामु ओको पोर्‍य ईशु मसीह क नाव पर विश्वास करे, आरू जो ओको ने हामु हुकुम देदी छे तीनी क लारे आपस मा मोंग राखे। 
\v 24 जो ओकी हुकुम क मानता छे, वो उनमा आरू वो उन मा बना रयता छे: आरू इनी छे, मतलब उना आत्मा छे जो ओको ने हामु दिया छे, हामु जानता छे की वो हामु मा बन्यो रयतो।
\c 4
\s आत्मा क पारखु
\p
\v 1 हे मोंगावु, हर एक आत्मा की प्रतिती नी करू, वरना आत्मा क पारखु कि वो यहोवा–भगवान की आरू छे कि नी; काहकि घोणा छे झुठा भविष्यवक्ता धरती मा निकवीन उबा होया छे। 
\v 2 यहोवा–भगवान क आत्मा तुमू इनीये रीति छे उवखी सकता होय: जो आत्मा मान लेती छे कि ईशु मसीह डील मा हईन आश छे वो यहोवा–भगवान की आरू छे। 
\v 3 आरू जो आत्मा ईशु क नी मानती, वो यहोवा–भगवान की आरू छे; आरू चो तो मसीह विरोधी आत्मा छे जेरो चर्चा तुमू सोमवी त्योक्या होय कि वो आवनेवाळो छे, आरू हिमी भी धरती मा छे।
\p
\v 4 हे पोर्‍या, तुमू यहोवा–भगवान क होय, आरू तुमू ने तींदरा पर जय देख छे; काहकि जो तुमू मा छे ओको छे जो संसार मा रयन महान छे। 
\v 5 वो संसार क छे, इन कारण वो संसार की वात बुलता छे, आरू इन्दरी सोमवता छे। 
\v 6 हामु यहोवा–भगवान क छे। जो यहोवा–भगवान क जानता छे वो हामरी सोमवता छे; जो यहोवा–भगवान क नी जानता वो हामरी नी सोमवता। इन प्रकार हामु सच्चाई की आत्मा आरू भ्रम आत्मा क उवख लेता छे।
\s यहोवा–भगवान मोंगावु छे
\p
\v 7 हे मोंगावु, हामु आपस मा मोंग राखु; काहकि मोंग यहोवा–भगवान छे। जो काही मोंग करता छे, वो यहोवा–भगवान छे पैदा छे आरू यहोवा–भगवान क जानता छे। 
\v 8 जो मोंग नी राखता वो यहोवा–भगवान क नी जानता, काहकि यहोवा–भगवान मोंग छे। 
\v 9 जो मोंग हामु छे राखता छे, वो इन छे प्रगट होया कि यहोवा–भगवान ने आपनो एकखुळीया पोर्‍य क धरती मा मुकल्या छे कि हामु ओका द्वारा जीवन देखसु। 
\v 10 मोंग इनीये मा नी कि हामु ने यहोवा–भगवान छे मोंग कर्‍या, पर इनीये मा छे कि त्यो हामु छे मोंग कर्‍या हामरा पाप क माफ करने करीन आपसा पोर्‍या क मुकल्यो।
\p
\v 11 हे मोंगावु, जव यहोवा–भगवान ने हामु छे ओसो मोंग कामो, तो हामु क भी आपस मा मोंग राखनो जुवे। 
\v 12 \x + \xo 4:12 \xo*\xt यहुन्ना 1:18\xt*\x*यहोवा–भगवान क किही काही ने नी देख्या; यदि हामु आपस मा मोंग राखसु, तो यहोवा–भगवान हामु मा बना रयता छे आरू ओको मोंग हामु मा सिध्द होय गया छे।
\p
\v 13 इनी छे हामु जानता छे कि हामु ओकामा बन्या रयता छे, आरू वो हामु मा; काहकि त्यो आपने आत्मा मा छे हामु आपियो छे। 
\v 14 हामु ने देख भी लेदा आरू गवा देता छे कि बास ने पोर्‍या क धरती क उध्दारकरता करीन मुकल्या छे। 
\v 15 जो काही यो मान लेता छे कि ईशु यहोवा–भगवान क पोर्‍य छे, यहोवा–भगवान उनमा बना रयता छे, आरू वो यहोवा–भगवान मा। 
\v 16 जो मोंग यहोवा–भगवान हामु छे राखता छे, ओको हामु जान गया आरू ओका विश्वास छे। यहोवा–भगवान मोंग छे, आरू जो मोंग मा बना रयता छे वो यहोवा–भगवान मा बना रयता छे, आरू यहोवा–भगवान उनमा बना रयता छे। 
\v 17 इनी छे मोंग हामु मा सिध्द होया कि हामु न्याय क दाहड़ो हेम्मत होय; काहकि जोसो वो छे वोसो ही संसार मा हामु भी छे। 
\v 18 मोंग बीक नी हुयसे, वरना सिध्द मोंग भय क दूर कर देता छे; काहकि भय क सम्बन्ध दण्ड छे हुयसे छे, आरू जो भय करता छे वो मोंग मा सिध्द नी होया।
\p
\v 19 हामु अतरान करीन मोंग करता छे, कि पेहल त्यो हामु छे मोंग कामो। 
\v 20 यदि काही कये, “हाव यहोवा–भगवान छे मोंग राखता छे” आरू आपने भाईस्यो छे बैर राखे तो वो झूठा छे; काहकि जो आपने भाईस्यो छे जिनाक त्यो देख्या छे मोंग नी देखा मोंग नी राखता सकता। 
\v 21 आरू उका रईन यी हुकुम मीवी छे। कि जु कोय आपसा यहोवा–भगवान न से मोंग राखता छे, चाँ आपसा भाईस्यो साथे मोंगावु राखे।
\c 5
\s संसार पर जय हासिल करने
\p
\v 1 जेरो यो विश्वास छे कि ईशु ही मसीह छे, वो यहोवा–भगवान छे पैदा हुयो छे; आरू जो काही पैदा करनेवावा छे मोंग राखता छे, वो ओको छे भी मोंग राखता छे जो ओका सी पैदा हुयो छे। 
\v 2 जव हामु यहोवा–भगवान छे मोंग राखता छे आरू ओकी हुकुम क मानता छे, तो इनी छे हामु जानता छे कि हामु यहोवा–भगवान की अवलियादो छे मोंग राखता छे। 
\v 3 \x + \xo 5:3 \xo*\xt यहुन्ना 14:15\xt*\x*काहकि यहोवा–भगवान छे मोंग राखनो यो छे कि हामु ओकी हुकुम क मानु; आरू ओकी हुकुम वातड़ो नी। 
\v 4 काहकि जो काही यहोवा–भगवान छे पैदा हुयो छे वो संसार पर जय हासिल करता छे; आरू वो विजय जिना छे संसार पर जय हासिल होयती छे आमरो विश्वास छे। 
\v 5 संसार पर जय देखनेवावा कुन छे? केवल वो जेरो यो विश्वास छे कि ईशु, यहोवा–भगवान क पोर्‍य छे।
\s ईशु मसीह क विषय मा गवा
\p
\v 6 योही छे जो पानी आरू लुहूय क द्वारा आश हुता, मतलब ईशु मसीह: वो नी केवल पानी क द्वारा वरना पानी आरू लुहूय दुय क द्वारा नी सच्चा हुता। 
\v 7 आरू जो गवा देता छे, वो आत्मा छे; काहकि आत्मा सच्चाई छे। 
\v 8 गवा देनेवावा तीन छे, आत्मा, आरू पानी, आरू लुहूय; आरू तीनु एक ही वात पर सहमत छे। 
\v 9 जव हामु मानुस की गवा मान लेता छे, तो यहोवा–भगवान की गवा तो ओका सी बढ़ीन छे; आरू यहोवा–भगवान की गवा यो छे कि त्यो आपसा पोर्‍या क विषय मा गवा देदी छे। 
\v 10 जो यहोवा–भगवान क पोर्‍या पर विश्वास करता छे वो आपसा ही मा गवा राखता छे। जो यहोवा–भगवान पर विश्वास नी कर्‍या त्यो ओको झूठा ठेराया, काहकि त्यो ओको गवा पर विश्वास नी कर्‍या जो यहोवा–भगवान ने आपसा पोर्‍या क विषय मा दिदो छे। 
\v 11 \x + \xo 5:11 \xo*\xt यहुन्ना 3:36\xt*\x*आरू वो गवा यो छे कि यहोवा–भगवान ने हामु अमरकाय जीवन आप्य छे, आरू यो जीवन ओका पोर्‍या मा छे। 
\v 12 ओका साथे पोर्‍य छे, ओका साथे जीवन छे; आरू ओका साथे यहोवा–भगवान क पोर्‍य नी, ओका साथे जीवन भी नी छे।
\s अमरकाय जीवन
\p
\v 13 हाव ने तुमू जो यहोवा–भगवान क पोर्‍या क नाव पर विश्वास करता होय, एरकरीन लिख्या छे कि तुमू जानु कि अमरकाय जीवन तुमरो छे। 
\v 14 आरू हामु ओका सामने जो हियाव होयतो छे, वो यो छे; कि यदि हामु ओकी मरजी क अनसारे काही मांगता छे, तो वो हामरी सोमवता छे। 
\v 15 जव हामु जानता छे कि जो काही हामु मांगता छे वो हामरी सोमवतो छे, तो यो भी जानता छे कि जो काही हामु ने ओका सी मांग्या, वो देख्या छे।
\p
\v 16 यदि काही आपने भाईस आरू क ओसो पाप करता देखु जीनुन फव मरनो नी होय, तो रावन्या करे, आरू यहोवा–भगवान ओको तिनून करता, जो ओसू पाप करिया छे जीनान फव मोरनो नी होय, जीवन आपसे। पाप असो भी हुयो छे जिनाक फव मोरनो छे ओका विषय मा हाव रावन्या करने क करता नी कयतो। 
\v 17 सब प्रकार क अन्याय तो पाप छे, पुन ओसो पाप भी छे जेरो फोव मरला नी।
\p
\v 18 हामु जानता छे, कि जो काही यहोवा–भगवान छे पैदा होया छे, वो पाप नी करता; पर जो यहोवा–भगवान छे पैदा होया ओको वो वाचाड़ राखता छे, वो शैतान ओको धर नी सके।
\p
\v 19 हामु जानता छे कि हामू यहोवा–भगवान छे, आरू सब संसार ओको शैतान क वंश मा पड़्या छे।
\p
\v 20 हामु यो भी जानता छे कि यहोवा–भगवान क पोर्‍य आय गयो छे आरू त्यो हामु समझ देदी छे कि हामु ओको सच्चा मन क उळखने; आरू हामु ओकामा जो सच्चाई छे, मतलब ओका पोर्‍य ईशु मसीह मा रयता छे। सच्चा यहोवा–भगवान आरू अमरकाय जीवन योही छे।
\p
\v 21 हे पोर्‍या–पारी, तुमू मुरतीया सी वाचीन रयजो।