\id 1TH 531THDOG.sfm post-publishing to usfm 20050616 bp 
\rem converted to Unicode Oct 2007 via DOG3.c2u 
\h 1 Thessalonıca 
\mt1 1 Thessalonıca got'ı̨į̀ gıts'ǫ̀ aatł'è 
\c 1  
\p  
\v 1 Sı̨ Paul, Sılas eyıts'ǫ Tımothy, kǫ̀ta Thessalonıca Nǫ̀htsı̨ wecheekeè nàgedèe sìı gıts'ǫ̀ ets'eetł'è hǫt'e. Ededı̨ sìı Nǫ̀htsı̨-Gotà eyıts'ǫ gots'ǫ̀ K'àowo Zezì-Krı xè ı̨łè lagı̨ı̨t'e. 
\p Nǫ̀htsı̨ naxıts'ǫ̀ sǫnıwǫ welè eyıts'ǫ naxıxè sìghà welè. \fig Kǫ̀ta Thessalonıca|src="HK025D.tif" size="span" ref="1.1" \fig* 
\s1 Naxıgha Nǫ̀htsı̨ masì wets'ı̨ı̨hwhǫ 
\p  
\v 2 Yats'ehtı taàt'eè naxıgha Nǫ̀htsı̨ masì wets'ı̨ı̨hwhǫ.  
\v 3 Naxıgha ehkw'ı-ahodı t'à hòtł'ò eghàlaahdaa sìı weghǫ t'aats'ǫǫ̀ Nǫ̀htsı̨-Gotà masì wèts'edı hǫt'e. Gots'ǫ̀ K'àowo Zezì-Krı weghǫ naxınì nàtso t'à ełeghǫnıahtǫ xè wek'ę̀ę̀ hòtł'ò eghàlaahda eyıts'ǫ weghǫnaaht'è-le. 
\p  
\v 4 Sèot'ı̨ı̨, Nǫ̀htsı̨ naxıghǫneètǫ t'à naxį̀į̀hchì wek'èts'eezǫ hǫt'e.  
\v 5 Godı nezı̨ı̨ naxıts'ǫ̀ nèts'ı̨ı̨ɂǫ ekò, yatı zǫ naxıghàts'ı̨ı̨ɂǫ nıìle. Hanìkò Yedàyeh Nezı̨ı̨ ts'ıhɂǫ̀ naxıta enıìyah nàhòwo t'à, eyı godı nezı̨ı̨ hotıì ehkw'ı hǫt'e wek'èahsǫ anaxį̀į̀là. Naxıts'àts'edı ha t'à dànì naxıta nàts'ı̨ı̨dèe sìı wek'èahsǫ hǫt'e.  
\v 6 Edànì ts'eedaa sìı goxèahɂı̨į̀ aahjà, eyıts'ǫ gots'ǫ̀ K'àowo sı wexèahɂı̨į̀ aahjà. Sıì daahɂaà anaxììdlà kò godı nezı̨ı̨ edegha ààhchı, eyıts'ǫ Yedàyeh Nezı̨ı̨ eyı godı nezı̨ı̨ ghǫ sıì naxınà anaxį̀į̀là hǫt'e.  
\v 7 Eyıt'à Macedonıa nèk'e eyıts'ǫ Achaıa nèk'e dǫ gıgha ehkw'ı-ahodıı nàgedèe sìı hazǫǫ̀ naxıxègeɂı̨į̀ agejà.  
\v 8 Dànì aahda ts'ıhɂǫ̀ gots'ǫ̀ K'àowo wegodıì Macedonıa eyıts'ǫ Achaıa nèk'e ts'ǫ̀ ajà. Ekǫ zǫǫ̀-le, dànì Nǫ̀htsı̨ naxıgha ehkw'ı-ahodıı sìı hazǫǫ̀ nèk'e ts'ǫ̀ wek'èhoedzǫǫ̀ ajà. Eyıt'à naxıghǫ xàyats'ehtı-le kò.  
\v 9 Dànì naxıkǫ̀ gots'ǫ̀ enìxàı̨tǫǫ̀ aahłàa sìı ghǫ nezı̨į̀ xàyagı̨ı̨htı. Naxıghǫ gots'ǫ̀ dıı hagedı: Nǫ̀htsı̨ą hòèlı̨ı̨ ts'ǫ̀ yaahtı-le aahjà, eyıts'ǫ Nǫ̀htsı̨ edaa xè ehkw'ı hǫt'e sìı wets'ǫ̀ naahɂa xè ededı̨ zǫ wegha eghàlaahdaà aahjà, naxègedı.  
\v 10 Weza naìdà ayį̀į̀làa sìı yak'e gots'ǫ jǫ anade ha wedanaahɂı̨. Eyı Zezì hǫt'e, ededı̨ sìı Nǫ̀htsı̨ nàgoehkwa ch'à edaxàgole ha hǫt'e. 
\c 2  
\s1 Paul dànì Thessalonıca got'ı̨į̀ gota eghàlaı̨dà 
\p  
\v 1 Sèot'ı̨ı̨, t'akwełǫ̀ǫ̀ naxıts'àts'ede ekò, k'ètł'ǫ̀ ats'ejà-le ı̨lè.  
\v 2 Naxıts'àts'ede kwe kǫ̀ta Phılıppı dǫ nàgedèe sìı gok'adageedè xè dagogį̀ı̨hɂa ı̨lè wek'èahsǫ hǫt'e. Sıì dǫ gok'èch'a agı̨ı̨wǫ kò, Nǫ̀htsı̨ gots'àı̨dì t'à, Nǫ̀htsı̨ wegodıì nezı̨ı̨ naxıts'ǫ̀ hats'edı ha ts'ejı̨-le ı̨lè.  
\v 3 Ekǫ-le hoghànaxets'eehtǫ xè goınì ehkw'ı-le t'à naxıgha ehkw'ı-ahodı anaxets'ele ha hots'eèhdzà ats'et'ı̨ nıìle, eyıts'ǫ naxıghǫyats'eeɂàa t'à gok'ę̀ę̀ aahde gha ats'et'ı̨ nıìle.  
\v 4 Į̀le, hanì nıìle, goxı̨ godı nezı̨ı̨ dǫ ts'ǫ̀ k'ets'eɂa gha Nǫ̀htsı̨ goghàhòı̨ɂǫ hǫt'e. Dǫ gınì k'ę̀ę̀ hots'ehtsı̨ ha ats'et'ı̨ nıìle hanìkò Nǫ̀htsı̨ wınì k'ę̀ę̀ hots'ehtsı̨ ha ts'ı̨ı̨wǫ. Ededı̨ sìı godzeè t'à goèhdzà hǫt'e.  
\v 5 Ekìı yatı nezı̨ı̨ t'à naxıts'ǫ̀ gots'ı̨ı̨de whìle. Ets'edì-le t'à naxısǫǫ̀mbaà gha naxıghǫyats'eeɂà ha hots'ehdzà-le ı̨lè. Dànì eghàlats'ı̨ı̨dàa sìı Nǫ̀htsı̨ gok'èezǫ hǫt'e.  
\v 6 Naxı̨ eyıts'ǫ dǫ eyıì-le goghǫ nezı̨į̀ gogede ha ts'ı̨ı̨wǫ t'à ats'et'ı̨ nıìle. 
\p Zezì-Krı wecheekeèdeè ats'ı̨ı̨t'e t'à naxıgha hoezhì ats'ele ha ı̨lè,  
\v 7 hanìkò hats'ı̨ı̨t'è-le. Gomǫ edezaa k'èdì lanì naxıts'ǫ̀ godzeè nezı̨ xè naxıta eghàlats'ı̨ı̨dà ı̨lè.  
\v 8 Sıì naxıghǫnets'eètǫ t'à Nǫ̀htsı̨ wegodıì nezı̨ı̨ naxıghàts'eɂà ha sıì goınà hǫt'e. Eyı zǫǫ̀-le, naxıts'àts'edı ha ts'ı̨ı̨wǫ t'à hanì naxıxè ts'ı̨ı̨dà. Haı̨hcho ts'ǫ̀ sıì naxıghǫnets'eètǫǫ̀ aahjà hǫt'e.  
\v 9 Sèot'ı̨ı̨, dànì hòtł'ò eghàlats'ı̨ı̨dà xè gogha hoìla ı̨lèe sìı wenaahdì sǫnı. Nǫ̀htsı̨ wegodıì nezı̨ı̨ t'à naxıts'ǫ̀ gots'ı̨ı̨de ekò, t'asìı t'à gots'àahdı ha-le naxets'ı̨ı̨hwhǫ t'à toò, dzęę̀, ehk'ę̀ę̀ hòtł'ò eghàlats'ı̨ı̨dà ı̨lè. 
\p  
\v 10 Naxı̨ naxıgha ehkw'ı-ahodıı sìı dànì naxıta nàts'ı̨ı̨dè ghàà gok'èahsǫ eyıts'ǫ Nǫ̀htsı̨ sı yek'èezǫ hǫt'e. Degaı k'ę̀ę̀ ts'ı̨ı̨dàa, ehkw'ı k'ehots'ı̨ı̨ɂaa, eyıts'ǫ dǫ wı̨ı̨zìı t'asìı gok'e nìdahogį̀ı̨ɂǫ whìle.  
\v 11 Gotà edeza k'èdì lanì naxık'èts'adì hotıì wek'èahsǫ hǫt'e.  
\v 12 Naxınì nàtsoò ats'ı̨ı̨là, ts'ǫǫ̀dahwhǫ nı̨dè naxıghǫnàdats'eetì, eyıts'ǫ Nǫ̀htsı̨ wınì k'ę̀ę̀ hotıì ehkw'ı aahda, k'èdaà hanaxèts'edı ı̨lè. Ededı̨ sìı yak'e wenàowoò k'ę̀ę̀ hòɂǫǫ eyıts'ǫ welǫ whìle ts'ǫ̀ enıìyah wehòhɂǫǫ sìı ts'ǫ̀ naxıkayaı̨htı hǫt'e. 
\p  
\v 13 Nǫ̀htsı̨ yatıì naxıts'ǫ̀ nèts'ı̨ı̨ɂǫ ekò, weyatıì naxıgha ehkw'ı-ahodı t'à, t'aats'ǫǫ̀ naxıgha Nǫ̀htsı̨ masì wets'ı̨ı̨hwhǫ hǫt'e. Eyı yatı aàhkw'oo sìı dǫ ts'ǫ yatı ne dahwhǫ-le ı̨lè, hanìkò Nǫ̀htsı̨ wets'ǫ yatı ehkw'ı hǫt'e dahwhǫ ı̨lè. Eyı yatı sìı xàè Nǫ̀htsı̨ weyatıì hǫt'e, eyıts'ǫ eyı yatı sìı dıì naxıdzeè yìı eghàlaeda hǫt'e.  
\v 14 Sèot'ı̨ı̨, Judea nèk'e Nǫ̀htsı̨ wecheekeè Zezì-Krı gıgha ehkw'ı-ahodıı sìı gıxè dàgòjàa sìı naxı̨ sı naxıxè hagòjà. Ededı̨ dànì xàè gìot'ı̨ Israel got'ı̨į̀ dagogį̀ı̨hɂa lanì naxı̨ sı xàè naxèot'ı̨ danaxegį̀ı̨hɂa hǫt'e.  
\v 15 Eyı Judea got'ı̨į̀ sìı gots'ǫ̀ K'àowo Zezì eyıts'ǫ nakwenàoɂǫǫ ełaàgogį̀ı̨hdèe sìı goxı̨ sı xàdegogeèzhì. Nǫ̀htsı̨ k'èch'a eghàlageeda xè dǫ hazǫǫ̀ dzagı̨ı̨hwhǫ agı̨ı̨t'e.  
\v 16 Dǫ eyıì-le xàɂaa dànì edaxàgeeze ghǫ gıts'ǫ̀ gots'ede ch'à agogele ha hogeèhdzà. Haget'ı̨ t'à k'èdaà gıhołı̨į̀ gıdoeze hǫt'e, k'ǫǫ̀t'a Nǫ̀htsı̨ gots'ǫ̀ wek'èch'a t'à nàgoehkwa ha. 
\s1 Thessalonıca got'ı̨į̀ gıts'eɂį̀ ha ts'ı̨ı̨wǫ 
\p  
\v 17 Sèot'ı̨ı̨, naxıts'ǫǫ̀ ats'ede ha sìı gogha wèhoedı-le ı̨lè, hanìkò whaà-lea ts'ǫ̀ naxıts'ǫǫ̀ ats'ejà. (Gozhį̀į̀ t'à naxıts'ǫǫ̀ ats'ejà, hanìkò goınì t'à ı̨łaà naxıxè ts'eèhkw'e.) Sıì naxıkanıts'eèɂà t'à, goı̨tłǫǫ̀ naxets'eɂį̀ ha hots'eèhdzà ı̨lè.  
\v 18 K'achı̨ naxıts'àts'edè ha ts'ı̨ı̨wǫ ı̨lè. Sı̨, Paul, ełek'èdaà naxıts'àhtła ha hoèhdzà ı̨lè, hanìkò wehłı̨ı̨ eyı ch'à asį̀į̀là.  
\v 19 Naxı̨ sìı naxıghǫ sìts'eèt'ı̨, naxıgha t'asìı nezı̨ı̨ kanıts'eèɂà. Zezì-Krı nǫ̀ǫtła nı̨dè wenadąą̀ naxıghǫ sıì xàhots'edì ha hǫt'e.  
\v 20 Hęɂę, sıì naxıghǫ xàhots'edìı xè naxıghǫ sìts'eèt'ı̨ hǫt'e. 
\c 3  
\p  
\v 1 Nǫǫdea naxıts'eɂį̀-le t'à gogha dìì agòjà t'à kǫ̀godeè Athens ekǫ ts'eèhkw'e kò ts'ı̨ı̨wǫ ı̨lè.  
\v 2 Gòet'ı̨ Tımothy, Nǫ̀htsı̨ gha eghàlaedaa eyıts'ǫ goxè Zezì-Krı wegodıì nezı̨ı̨ k'eɂaa sìı naxınì nàtsoò ayele ha, eyıts'ǫ denahk'e naxıgha ehkw'ı-ahodı gha naxıts'ǫ̀ wets'ı̨ı̨hɂà hǫt'e.  
\v 3 Hanì-ı̨dè hoìla naxıxè k'ehokw'o kò, weghǫ nànıahdè-le eyıts'ǫ naxıgha gots'eèdı welè-le. Dats'ı̨ı̨ɂa ha Nǫ̀htsı̨ goghàhòı̨ɂǫǫ sìı wek'èahsǫ hǫt'e.  
\v 4 Naxıxè ts'eèhkw'e ekò dànì dǫ dagogį̀ı̨hɂa ha eyı ghǫ t'aats'ǫǫ̀ naxıts'ǫ̀ gots'ı̨ı̨de ı̨lè. Hotıì hanì goxè hòɂǫǫ̀ agòjà wek'èahsǫ hǫt'e.  
\v 5 Eyı ts'ıhɂǫ̀ sıì naxıghǫ nànıhwho t'à, Tımothy naxıts'ǫ̀ wııhɂà hǫt'e. Ayìı naxıgha ehkw'ı-ahodıı sìı asį̀į̀ ı̨łaà wet'à nàahtso, wek'èehsǫ ha dehwhǫ t'à awèhłà. Edahxǫ t'asìı t'à wehłı̨ı̨ naxeèhdzà ha sǫnı dehwhǫ t'à, eyıts'ǫ dànì naxıgha hòtł'ò eghàlats'ı̨ı̨dàa sìı ekìı k'ètł'ǫ̀ ade ha sǫnı dehwhǫ t'à sıì naxıghǫ nànıhwho ı̨lè. 
\s1 Tımothy Thessalonıca got'ı̨į̀ goghǫ godı nezı̨ı̨ nìı̨ɂǫ 
\p  
\v 6 Hanìkò dıìhk'ǫ̀ą Tımothy naxıta gots'ǫ nǫ̀ǫtła, dànì ełeghǫnıahtǫ xè ı̨łaà naxıgha ehkw'ı-ahodıı sìı ghǫ godı nezı̨ı̨ gots'ǫ̀ naı̨ɂǫ. T'aats'ǫǫ̀ hoı̨zı̨ k'ę̀ę̀ gonaahdì, eyıts'ǫ dànì naxıts'eɂį̀ ha ts'ı̨ı̨wǫ k'ę̀ę̀ goahɂį̀ ha dahwhǫ, gòhdı.  
\v 7 Eyıt'à sèot'ı̨ı̨, jǫ goxè hoìla k'ehokw'o eyıts'ǫ dǫ dagogį̀ı̨hɂa kò, ı̨łaà naxıgha ehkw'ı-ahodı ghǫ ts'ıìkw'o t'à godzeè nàtsoò aahłà hǫt'e.  
\v 8 Gots'ǫ̀ K'àowo weghǫ naxınì nàtso t'à sıì goxè sìghà hòɂǫǫ̀ agòjà.  
\v 9 Naxıts'ıhɂǫ̀ Nǫ̀htsı̨ wenadąą̀ sıì goınà t'à Nǫ̀htsı̨ sıì masì wets'ı̨ı̨hwhǫ hǫt'e.  
\v 10 K'achı̨ naxıts'eɂį̀ ha ts'ı̨ı̨wǫ t'à godzeè t'à dzęę̀, toò, ehk'ę̀ę̀ hòtł'ò naxıgha yats'ehtı hǫt'e. Deghàà naxıgha ehkw'ı-ahodıì ade gha naxıts'àts'edı ha ts'ı̨ı̨wǫ. 
\p  
\v 11 Naxıts'àts'edè gha Nǫ̀htsı̨-Gotà eyıts'ǫ gots'ǫ̀ K'àowo Zezì-Krı gogha ts'atà naxıts'ǫ̀ goòɂà agııle.  
\v 12 Goxı̨ dànì sıì naxıghǫnets'eètǫ k'ę̀ę̀ gots'ǫ̀ K'àowo deɂǫ̀ǫ̀ ełeghǫnıahtǫ eyıts'ǫ dǫ hazǫǫ̀ deɂǫ̀ǫ̀ gıghǫnıahtǫ anaxııle.  
\v 13 Nǫ̀htsı̨ naxıdzeè nàtsoò ayııle, hanì-ı̨dè naxık'e nìdahoet'à ha-le, eyıts'ǫ gots'ǫ̀ K'àowo Zezì-Krı edets'ǫ dǫ degaı hazǫǫ̀ xè jǫ ts'ǫ̀ anajà nı̨dè, Nǫ̀htsı̨-Gotà wenadąą̀ nàahza xè degaı laaht'e ha. 
\c 4  
\s1 Dànì Nǫ̀htsı̨ wınì k'ę̀ę̀ ts'eeda 
\p  
\v 1 Sèot'ı̨ı̨, nǫǫde t'à ı̨łaà t'asìı ghǫ naxıts'ǫ̀ eehtł'è ha dehwhǫ. Dànì Nǫ̀htsı̨ wınì k'ę̀ę̀ ts'eedaa sìı weghǫ hoghànaxets'eèhtǫ ı̨lè t'à dıì hanì aahda hǫt'e. Gots'ǫ̀ K'àowo Zezì weyatıì dahxà k'èdaà hanì aahda naxìts'edı, naxıghǫnàdats'eetì.  
\v 2 Gots'ǫ̀ K'àowo Zezì wedahxà yatı hoghànaxets'eèhtǫǫ sìı wek'èahsǫ hǫt'e. 
\p  
\v 3 Nǫ̀htsı̨ sìı wegha degaı k'ę̀ę̀ aahda ha naxı̨ı̨hwhǫ hǫt'e: naxızhį̀į̀ t'à hołı̨ı̨ k'alaahdè ch'à edek'èahdì.  
\v 4 Naxızhį̀į̀ sìı t'asìı nezı̨ı̨ xè degaı k'ę̀ę̀ wek'èahdì ha hoghàdeahtǫ.  
\v 5 Dǫ Nǫ̀htsı̨ k'ègeezǫ-le lanì naxınìłı̨ı̨ t'anıwǫ k'ę̀ę̀ aahda-le.  
\v 6 Eyıt'à dǫ wı̨ı̨zìı edèot'ı̨ ts'ǫ̀ ekǫ-le eghàlaeda ha nıìle eyıts'ǫ hołı̨ı̨ k'ę̀ę̀ edèot'ı̨ k'alawo ha nıìle. Hòt'a hanaxèts'edı ı̨lè, dǫ hanì nàowojıı ghàlaedaa sìı gots'ǫ̀ K'àowo nàyeehkwa ha hǫt'e.  
\v 7 Nǫ̀htsı̨ sìı gonàowołı̨ı̨ k'ę̀ę̀ ts'eeda gha gokayaı̨htı nıìle, hanìkò nàowo degaı k'ę̀ę̀ ts'eeda gha gokayaı̨htı hǫt'e.  
\v 8 Eyıt'à dıı yatı naxıghàts'ı̨ı̨ɂǫǫ sìı amìı wegha wedę sìı goxı̨ zǫ gok'èı̨t'e-le nıìle, hanìkò Nǫ̀htsı̨ k'èı̨t'e-le hǫt'e. Hanıı dǫ sìı Nǫ̀htsı̨ edets'ǫ Įnì Degaı goghàı̨ɂǫǫ sìı wegha wedę hǫt'e. 
\p  
\v 9 Nǫ̀htsı̨ ededı̨ ełeghǫnıahtǫ ghǫ hoghànaxeèhtǫ ı̨lè, eyıt'à ełèot'ı̨ k'ę̀ę̀ ełeghǫnıahtǫ ghǫ naxıts'ǫ̀ ts'eetł'è-le kò.  
\v 10 Macedonıa nèk'e hazǫǫ̀ ts'ǫ̀ gòet'ı̨ hazǫǫ̀ gıghǫnıahtǫ hǫt'e. Hanìkò sèot'ı̨ denahk'e ełeghǫnıahtǫ naxèts'edıì naxıghǫnàdats'eetì. 
\p  
\v 11 Dànì hoghànaxets'eèhtǫ k'ę̀ę̀ aahda: Ts'èwhı̨į̀ aahda ghǫ hòtł'ò aahwhǫ; t'asìı naxıìdı-le sìı weghǫ nànıahdè-le; eyıts'ǫ naxılà t'à eghàlaahda.  
\v 12 T'aats'ǫǫ̀ hanì aahda nı̨dè dǫ gıgha ehkw'ı-ahodı-le sìı nezı̨į̀ naxıts'ǫ̀ nageɂaà agede ha, eyıts'ǫ dǫ wı̨ı̨zìı gıt'à aahda ha nıìle. 
\s1 Dànì gots'ǫ̀ K'àowo jǫ nǫ̀ǫtła ha 
\p  
\v 13 Sèot'ı̨ı̨, dǫ ełaàgı̨ı̨dèe sìı gıxè dàgode ha sìı hotıì nezı̨į̀ wek'èahsǫ ha naxıts'ı̨ı̨hwhǫ hǫt'e. Dǫ eyıì-le gıgha ı̨ka whìle lanì, naxèot'ı̨ ełaàgı̨ı̨dèe sìı ghǫ naxıdzeè nànııtì ha naxets'ı̨ı̨hwhǫ-le.  
\v 14 Zezì ełaı̨wo eyıts'ǫ naìdà eyı sìı gogha ehkw'ı-ahodı hǫt'e. Eyıt'à dǫ Zezì gıgha ehkw'ı adıı xè ełaàgı̨ı̨dèe sìı Zezì jǫ anajà nı̨dè, Nǫ̀htsı̨ Zezì xè negıìdè agole ha, eyı sìı gogha ehkw'ı-ahodı hǫt'e.  
\v 15 Xàè gots'ǫ̀ K'àowo weyatıì ghàà dıı hanaxèts'edı: goxı̨ ı̨łaà dıı nèk'e ts'eeda et'ıì gots'ǫ̀ K'àowo nǫ̀ǫtła nı̨dè, Nǫ̀htsı̨ wets'ǫ dǫ ełaàgı̨ı̨dèe sìı gıkwe-t'ıì gots'ǫ̀ K'àowo ts'ǫ̀ nìts'edè ha nıìle.  
\v 16 Gots'ǫ̀ K'àowo ededı̨ xàè yak'e gots'ǫ hodàetła ha hǫt'e. Nǫ̀htsı̨ wets'ǫ dechı̨shì hòtł'ò dedı ha, eyıts'ǫ yak'eet'ı̨deè hòtł'ò xàyahtı ha. Ekòet'ıì dǫ Zezì gıgha ehkw'ı-ahodıı xè ełaàgı̨ı̨dèe sìı ededı̨ t'akwełǫ̀ǫ̀ nagìdà ha.  
\v 17 Eyı tł'axǫǫ̀ goxı̨ ı̨łaà dıı nèk'e ts'eedaa sìı ı̨dòo k'oh yìı ts'ǫ̀ nets'ıìdè ha, ekǫ gıxè eyıts'ǫ gots'ǫ̀ K'àowo wexè ı̨dòo yat'a gınìhdǫǫ̀ ts'eedè ha. Eyıts'ǫ welǫ whìle ts'ǫ̀ gots'ǫ̀ K'àowo wexè ats'ı̨ı̨t'e ha hǫt'e.  
\v 18 Eyıt'à eyı yatıì t'à nezı̨į̀ ełets'ǫ̀ goahde xè ełınì nàtsoò aahłe. 
\c 5  
\p  
\v 1 Sèot'ı̨ı̨, ayìı sadzeè k'e eyıts'ǫ ayìı dzęę̀ k'e gots'ǫ̀ K'àowo jǫ ts'ǫ̀ anade ha sìı weghǫ naxıts'ǫ̀ ts'eetł'è-le kò.  
\v 2 Eeɂį̀ı̨-dǫǫ̀ to dǫ naàhtǫ dǫ kǫ̀ goyaetła lanì gots'ǫ̀ K'àowo hǫtsaa nììtła ha hotıì wek'èahsǫ hǫt'e.  
\v 3 Ekìıyeè k'e dǫ dıı hagedı ha, “Ts'èwhı̨į̀ hòɂǫ, goxè t'asagode ha nıìle,” hagedı nı̨dè hǫtsaa gıdıhołè ha. Ts'èko webebìa gòhłè ha nìkw'o t'à hǫtsaa eya-ełè lanì hǫtsaa gıdıhołè ha, eyı ch'à kwı̨geehdè ha nıìle. 
\p  
\v 4 Hanìkò sèot'ı̨ı̨, naxı̨ sìı eyı gha naxıxè togoòtł'ò nıìle, eyıt'à eyı dzęę̀ k'e sìı eeɂį̀ı̨-dǫǫ̀ naxınaàhtǫ naxıkǫ̀ goyaetła lanì naxıtł'ahk'e agode ha nıìle.  
\v 5 Naxı̨ hazǫǫ̀ dzęh gots'ǫ dǫ aaht'e. Togoòtł'òo gots'ǫ dǫ ats'ı̨ı̨t'e nıìle. Eyıt'à Nǫ̀htsı̨ wets'ǫ dzęh nı̨ı̨dı̨ı̨ yìı aahda.  
\v 6 Eyıt'à dǫ gıgha ehkw'ı-ahodı-le sìı ekìı gete lanì geeda lats'ııt'è-le. Eyıt'à kexots'ııhdı xè hołı̨ı̨ nàowoò ch'à edek'èts'ııdì.  
\v 7 Dǫ getee sìı to gete hǫt'e, eyıts'ǫ dǫ geèhdee sìı to geèhde hǫt'e.  
\v 8 Hanìkò goxı̨ sìı dzęh ts'ǫ dǫ ats'ı̨ı̨t'e t'à, hołı̨ı̨ nàowoò ch'à edek'èts'ııdì. Gogha ehkw'ı-ahodıı xè ełeghǫnets'eètǫǫ sìı wet'à godzıìwı k'e satsǫ̀ whetǫ lanì. Eyıts'ǫ Nǫ̀htsı̨ edaxàgole ha ts'ǫ̀ kànets'eèɂàa sìı wet'à satsǫ̀-ts'ah whats'eèhɂǫ lanì.  
\v 9 Nǫ̀htsı̨ sìı gosınìyaehtı eyıts'ǫ nàgoehkwa gha gòį̀hchì nıìle, hanìkò gots'ǫ̀ K'àowo Zezì-Krı gogha ehkw'ı-ahodı t'à edaxàgole ha gòį̀hchì hǫt'e.  
\v 10 Zezì gogha ełaı̨wo hǫt'e, eyıt'à ts'eedaa, ełaàts'edee, ehk'ę̀ę̀ t'aats'ǫǫ̀ wexè ts'eeda ha agǫ̀ǫ̀là hǫt'e.  
\v 11 Eyıt'à nezı̨į̀ ełets'ǫ̀ goahde xè ełınì nàtsoò aahłe, hòt'a haaht'ı̨ lanì. 
\s1 Nǫǫde xàyaetı 
\p  
\v 12 Sèot'ı̨ı̨, dǫ naxıgha hòtł'ò eghàlageedaa sìı gots'ǫ̀ K'àowo wedahxà naxıgha k'aodèe gı̨ı̨lı̨ı̨ eyıts'ǫ hołı̨ı̨ hoahtsı̨ ch'à naxıts'ǫ̀ gogedee sìı nezı̨į̀ gıts'ǫ̀ naahɂa.  
\v 13 Eyı la gıghǫ̀t'ǫ ne t'à dǫ wet'àaɂà gı̨ı̨lı̨ı̨ k'ę̀ę̀ nezı̨į̀ gıts'ǫ̀ naahɂa xè gıghǫnıahtǫ. Ełexè ts'èwhı̨į̀ aahda.  
\v 14 Sèot'ı̨ı̨, dıı naxıghǫnàdats'eetì: Dǫ gots'egeedìı sìı yatı nàtsoo gıghàahɂà. Dǫ edègeejı̨ı̨ sìı gınì nàtsoò aahłe, dǫ nàgetso-le sìı gıts'àahdı, dǫ hazǫǫ̀ xè ts'èwhı̨į̀ k'ehoahɂa.  
\v 15 Dǫ naxıts'ǫ̀ ekǫ-le eghàlaeda nı̨dè ek'èt'à gıts'ǫ̀ ekǫ-le eghàlaahda-le, hanìkò t'aats'ǫǫ̀ ełets'ǫ̀ nezı̨į̀ eghàlaahda ha k'ehoahɂa, eyıts'ǫ dǫ hazǫǫ̀ ts'ǫ̀ haaht'e. 
\p  
\v 16 T'aats'ǫǫ̀ sìaht'ı̨ xè  
\v 17 t'aats'ǫǫ̀ yaahtı.  
\v 18 Naxıxè dànì k'ehokw'oo sìı Nǫ̀htsı̨ masì wèahdı. Naxı̨ Zezì xè aahdaa sìı Nǫ̀htsı̨ hanì aahda ha naxı̨ı̨hwhǫ. 
\p  
\v 19 Yedàyeh Nezı̨ı̨ naxıdzeè yìı kǫ̀ dèk'ǫ̀ǫ lanì eghàlaedaa sìı wekǫ̀ naahkwı-le.  
\v 20 Yedàyeh Nezı̨ı̨ wedahxà dǫ gode nı̨dè, ekìı ahodı dahwhǫ-le.  
\v 21 Hanìkò t'asìı hazǫǫ̀ weahdzà. T'asìı nezı̨ı̨ sìı ààhchı.  
\v 22 Nàowołı̨ı̨ hazǫǫ̀ xàɂaa ch'à edek'èahdì. 
\p  
\v 23 Nǫ̀htsı̨ ts'èwhı̨į̀ wehòhɂǫǫ sìı deghàà degaı k'ę̀ę̀ anaxııle. Gots'ǫ̀ K'àowo Zezì-Krı nììtła gots'ǫ̀ naxıts'ǫ ı̨nì hazǫǫ̀, naxıdą̀ązhį̀ı̨ hazǫǫ̀, eyıts'ǫ naxızhį̀į̀ hazǫǫ̀ hołı̨ı̨ ch'à wek'èhodì ha welì.  
\v 24 Amìı naxıkayaı̨htıı sìı hotıì edeyatıì k'èdì hǫt'e, eyıts'ǫ yek'ę̀ę̀ eghàlaeda ha hǫt'e. 
\p  
\v 25 Sèot'ı̨ı̨, gogha yaahtı.  
\v 26 Nàowo degaı k'ę̀ę̀ ełeahts'į̀ xè, “Nexè sìghà welè,” ełèahdı.  
\v 27 Gots'ǫ̀ K'àowo wedahxà naxıts'ǫ̀ dıı haehsı̨: dıı enı̨htł'è gòet'ı̨ hazǫǫ̀ gıts'ǫ̀ wek'eyaahtı ha. 
\p  
\v 28 Gots'ǫ̀ K'àowo Zezì-Krı naxıts'ǫ̀ sǫnıwǫ welè.