\id REV Dai-Chin: Bible Translation 1st Edition
\ide UTF-8
\ide Unicode (UTF-8)
\h Malam Mdannak
\toc1 Johana veia MALAM MDANNAK
\toc2 Malam Mdannak
\toc3 Malam
\mt2 Johana Veia
\mt1 MALAM MDANNAK
\imt Pyenhlüma
\ip Johana veia Malamdanak cun Khritjan he naw Jesuh Khritaw cun ami Bawipa kba ami jumeinaka phäha ami jah mkhuimkha kcün üng yuka kyaki. Khehki he naw ngak’uhnak la mlung üpnak ami taknak vai la khuikhanak la mkhuimkhanaka kcün üng sitih ksehlen u lü ami khängceknak vaia cak’yu naw a yuka kyaki.
\ip Cauk aktung bawk üng mdanak la mhmuhmthehnak cun msuimcäpnaka ngthu am yuka kyase, acuna kcün üng Khritjan he naw ksing thei u sepi akce he naw am ksing thei u. Ahina mawng cun hmuhmthehnak amjü mjü am län län be u lü mdana kyaki. Ahina cauk pyenak ngkhai akce kcea ngaikyunak awm sepi amawng ktung cun: anghnu säiha Pamhnam naw Bawipa Khritaw üng a ye avan la Khawyam jah näng lü ahina ngnängnak akümbe law üng a khyang sitih he cun Khawmdek kthai la Khankhaw kthai am a jah kheng lawnak vaia mawnga kyaki.
\iot Amawng Ktawi he
\io1 Pyenhlüma \ior (1:1-8) \ior*
\io1 Mdannak akcük la Sangcim khyüh hea veia cayuk \ior (1:9—3:22) \ior*
\io1 Msingnak khyüh la Caktawmca \ior (4:1—8:1) \ior*
\io1 Kpun khyüh \ior (8:2—11:19) \ior*
\io1 Mnaka la sakyung nghngih \ior (12:1—13:18) \ior*
\io1 Mdannak amjü mjü \ior (14:1—15:8) \ior*
\io1 Pamhnama mlungsonaka khawt khyüh \ior (16:1-21) \ior*
\io1 Babalunga pyehnak, sakyung nängnak, am sahma kcang la Khawyai \ior (17:1—20:10) \ior*
\io1 Ngthumkhyahnak anghnu säih \ior (20:11-15) \ior*
\io1 Khankhaw kthai, Khawmdek kthai, Jerusalem kthai \ior (21:1—22:5) \ior*
\io1 Khüpnak \ior (22:6-21) \ior*
\c 1
\p
\v 1 Hina cauk cun Jesuh Khritaw naw malama kya law khai he a mdanak yuknaka kyaki. Pamhnam naw säng säng se kya law khaia mdanak cun a m'ya hea veia a jah mhmuh vaia Johan üng a peta kyaki. Khritaw naw hina mawngma he cun a m'ya Johana veia a khankhawngsä tüi law lü mdan se; 
\v 2 Johan naw a hmuh naküt cun a pyena kyaki. Hin cun Pamhnama ngthu la Jesuh Khritawa ngthu kcang, Jesuh Khritaw naw a mdan a yuk bea kyaki. 
\v 3 Ahin avana pha lawnak vai akcün ng’et lawkia kyase, hina cauk khehki ta a josen ve. Ahina malam mdanak cauk ngai lü a k’uma ng’yuki he jah läklamki he ta ami jo sen ve.
\s Sangcim khyüh he jah Hnuksetnak
\p
\v 4 \x - \xo 1:4: \xo*\xt Ex 3:14; \xt*\xt Malam 4:5\xt*\x*Asah khawa awmkia Sangcim khyüh hea veia kei Johan naw ka ning jah yuk law ta:
\p ajana awm pängki, atuh awm k’umki la tuha awm law khaia Pamhnama vei üngka la bawingawhnaka ma awmkia ngmüimkhya khyüha vei üngka, 
\v 5 \x - \xo 1:5: \xo*\xt Hesa 55:4; \xt*\xt Sal 89:27\xt*\x* thihnak üngka naw tho law be kcük lü, khawmdek sangpuxang jah uki, sitikia saksi Jesuh Khritaw üngka dim’yenak la bäkhäknak cen nami khana awm se.
\p Jah jawng'eng na lü a thihnak am mi katnak he üngka naw jah lät saki. 
\v 6 \x - \xo 1:6: \xo*\xt Ex 19:6; Malam 5:10\xt*\x*A Pamhnam la a Pa mi khüih khaia ktaiyü mjüa jah pyangkia Jesuh Khritawa veia hlüngtainak la johit angläta awm se! Amen.
\p
\v 7 \x - \xo 1:7: \xo*\xt Dan 7:13; Mt 24:30; Mk 13:26; Lk 21:27; 1Thes 4:17; \xt*\xt Zakh 12:10; Jn 19:34,37; Zakh 12:10; Mt 24:30\xt*\x*Teng u, Khawngmei üng kyum law khai! Khyang naküt naw hmu khai he, sunki he ye ye naw pi hmu khai he. Khawmdek khana khyang naküt kyap law khai he. Acukba kya law khai.
\p
\v 8 \x - \xo 1:8: \xo*\xt Malam 22:13; \xt*\xt Ex 3:14\xt*\x*Ahmäi khyaih lü awm pängki, awm k’umki la awm law khaia Bawipa Pamhnam naw, “Kei cun akcük la anghnu säiha ka kyaki” a ti.
\s Khritawa Ngdangnak
\p
\v 9 Kei cun nami bena Johana ka kyaki ni. Amäta Khaw ham na khaia khyang hea khana pha law khaia khuikhanak cun mlung saünak am ka jah khamei püiki. Jesuha hnukläka ka kyaki. Jesuha mdan Pamhnama Ngthu la Ngthungtak ka sanga phäha Patmos k'kawnga ami na tak. 
\v 10 Bawipa khawmhmüp üng Ngmüimkhya am awm ni se ka hnua kpuna ng’yüna mäiha angsanga ngthuheikia kthaih ka ngjak. 
\v 11 Acun naw, \wj “Na hmuh he cen cauk üng jah yu lü mlüh khyüh üng awmkia Sangcim he Ephet mlüh, Samunah mlüh, Perakamun mlüh, Thutirah mlüh, Sadih mlüh, Philadephih mlüh la Lodikih mlüh üng jah kbi kawpi”\wj* a ti.
\p
\v 12 Na ngthuheipüikia kthai cun ka hmu khaia ka mang hüki naw xüi meiim taknak khyüh ka hmuh; 
\v 13 \x - \xo 1:13: \xo*\xt Dan 7:13; \xt*\xt Dan 10:5\xt*\x*meiim khyüha ksunga nghngicim khyang am tängki mat ka hmuh. Acun naw a khaw cäpa saüki jihnu sui lü a mkyang üng xüi ksawmyüi vawp se ka hmuh. 
\v 14 \x - \xo 1:14-15: \xo*\xt Dan 7:9; 10:6\xt*\x*A lusam cun toa mu la kdama bawka mäiha bawki, a mik he cun meikdäia mäiha caki; 
\v 15 \x - \xo 1:15 \xo*\xt Hez 1:24; 43:2 \xt*\x*a khaw cun mei üng msawia mthia mäiha caki. A kthai pi tuiksawia nghmüma mäiha nghmümki. 
\v 16 A kut kpat da aisi khyüh kpawmki. A mka üng hnuma kxata mäih mthikcim lut lawki. A hmai pi khawnghngi nglinga mäiha caki. 
\v 17 \x - \xo 1:17:\xo*\xt Hesa 44:6; 48:12; Malam 2:8; 22:13\xt*\x*Acun ka hmuh üng akthia mäiha a khaw kunga ka kyuki. Acunüng ani naw a kut kpat lam ka khana mtaih lü, \wj “Ä kyüha; kei akcük säih la anghnu säiha ka kyaki ni. \wj* 
\v 18 \wj Kei akxünga ka kyaki ni! Ka thi pängki acunsepi angläta ka xüngki. Thihnak la thihnak khaw jah nängnaka ana ka taki. \wj* 
\v 19 \wj “Acunakyase na hmuh päng he la awm k’umki he la tuha awm law khai hea ngthu cen jah yua; \wj* 
\v 20 \wj ka kut kpat lam üng aisi khyüh na jah hmuh he la xüi meiim taknak khyüh hea suilam cun hinkba kyaki. Meiim khyüh he cun sangcim khyüha kya u lü, aisi khyüh he cun sangcim khyüh mceimcangkia khankhawngsä khyüha kyaki he ni” a ti. \wj*
\c 2
\s Ephet Sangcima veia Becük
\p
\v 1 \wj “Ephet sangcim üng khankhawngsäa veia hinkba yua: \wj*
\p \wj ‘Hin cun A kut kpat lam üng aisi khyüh kpawm lü xüi meiim taknak he khyüha ksunga cit hükia becük ni; \wj* 
\v 2 \wj ‘I na bilo pängki ti ka ksingki; Ihlawka na khüihkhawm la na dunei thei päng pi ka ksingki. Khyangkse he am na jah ngjakhlü ka ksingki. Ngsäa am kya kphei u lü ngsäa nghmünei kyuki he jah ksing lü hleihlaki he ti na jah ksing päng pi ka ksingki. \wj* 
\v 3 \wj Na duneiki, ka ngminga phäha khamei lü am na pyaiki. \wj* 
\v 4 \wj Na hmanak ka pyen vai mat awmki. Acun cun akcüka na na na jawngnaka mäiha tukbäi am na na jawngnak cen ni. \wj* 
\v 5 \wj Ihlawka akthuka na kyukngtängki ti cen ng'ngaia! Na katnak he jah nghlat ta lü akcüka na bilawh he cen jah bilo bea. Na katnak he am na jah nghlat tak üngta na veia law lü na meiim taknak a awmnak üngka naw ka lo khai. \wj* 
\v 6 \wj Acunsepi na dawnak awm ve: Nikolah khyang hea bilawh am ka ngjakhlüa kba nang naw pi am na ngjakhlü hnga cen. \wj*
\p
\v 7 \wj Ngmüimkhya naw Sangcim hea veia i a pyen ni ti cen nami nghnga a awm üng ngai ua!\wj*
\p \wj Ngnängki he üng Pamhnama Ngvawng k’uma awmkia xünnak thing ktheih einak thei ka jah pe khai” \wj* a ti.
\s Samunah Sangcima veia Becük
\p
\v 8 \x - \xo 2:8: \xo*\xt Hesa 44:6; 48:12; Malam 1:17; 22:13\xt*\x*\wj “Samunah Sangcim üng khankhawngsäa veia hinkba yua: ‘Hin cun Akcük säih la anghnu säih, thi lü xüng bekia becük ni: \wj* 
\v 9 \wj ‘Na khuikhanak ka ksingki; na m'yenkseki cunsepi na bawimangki! Judah khyang kcang am niki he naw Judah khyanga mäiha am dawkia ami ning pyen ka ksingki; acun he cun Khawyama khyanga kyaki he. \wj* 
\v 10 \wj Na khamei vai ä kyüha. Ngaia! Khawyai naw a ning jah mhnüteinak vaia avang thawngim üng ning jah khyum khai, khawmhmüp xa nami khuikha khai. Nami thihnak vai üng pi ka veia sitih ua, nami ngnängnaka ngkhenga xünnak ka ning jah pe khai. \wj*
\p
\v 11 \x - \xo 2:11: \xo*\xt Malam 20:14; 21:8\xt*\x* \wj Nami nghnga a awm üng Ngmüimkhya naw Sangcim hea veia a pyen ngai ua. \wj*
\p \wj Ngnängki naküt anghngihnaka thihnak naw ikba pi am jah pawh thei’ ti ve” \wj* a ti.
\s Perakamun Sangcima veia Becük
\p
\v 12 \wj “Perakamun Sangcim üng khankhawngsäa veia hinkba yua:\wj*
\p \wj ‘Hin cun hnuma akpat cang kcim ksaü takia becük ni: \wj* 
\v 13 \wj Khawyama bawingawhnak a awmnaka na awmki ti ka ksingki. Khawyama awmnaka, ka sitih saksi Antipas ami hnima kcün üng pi ka veia khäng lü na jumeinak am na yawkki ti cun ka ksingki. \wj* 
\v 14 \x - \xo 2:14: \xo*\xt Num 22:5,7; 31:16; Deut 23:4; \xt*\xt Num 25:1-3\xt*\x* \wj Acunsepi Isarel khyang he juktuh hea veia ngkengnak meh ei u lü, hüipawm khai hea jah katkawng saki Balak mtheimthangkia Balaama tuilam läklamki avang nami ksunga a aawma phäha na katnak a jaw ka hmuki. \wj* 
\v 15 \wj Acukba nang pi Nikolah khyang hea mtheimthangnak läklamki he na ksunga avang na jah awmpüiki. \wj* 
\v 16 \wj Atuh na katnak he jah nghlat ta! Am acunüng angxita law lü acun he cun ka mka üngka naw lut lawkia kcim am ka jah tu law khai. \wj*
\p
\v 17 \x - \xo 2:17: \xo*\xt Ex 16:14,15; 16:33,34; Jn 6:48-50; \xt*\xt Hesa 62:2; 65:15\xt*\x* \wj Nami nghnga a awm üng Ngmüimkhya naw Sangcim hea veia a pyen ngai u. \wj*
\p \wj Ngnängki naküt üng thupa manah avang ka pe khai. Yahki dänga thea u naw pi am a kheh thei vaia ngming kthai ng’yukia lung kbawk pi ka jah pe khai’ ti ve” \wj*a ti.
\s Tuhtirah Sangcima veia Becük
\p
\v 18 \wj “Tuhtirah üng Sangcim khankhawngsäa veia hinkba yua: \wj*
\p \wj ‘Hin cun Pamhnama Capa, meikdäia mäiha däiki mik na lü a khawpha mthimsawia mäiha cakia becük ni: \wj* 
\v 19 \wj Na bilawh ka ksingki. Na jawngnak, na sitihnak, na khüihkhawm la na duneinak ka ksingki. Akcüka na bilawha kthaka atuh na ktha na bawki ti ka ksingki. \wj* 
\v 20 \x - \xo 2:20: \xo*\xt 1Sang 16:31; 2Sang 9:22,30\xt*\x* \wj Pamhnama ngsäa ngsuiei kyukia nghnumi Jezebelah nami ksunga nami awm saka phäha nang üng hmanak ka hmuki. Ani naw a jah mtheimthangnak am ka m'ya he hüipawmnak la juktuh he üng peta buh jah eiawk saki. \wj* 
\v 21 \wj A katnak hea phäh a ngjutnak vaia kcün ka pet päng, cunsepi hüipawmnak üngka naw a nghlat law be vai am yäng. \wj* 
\v 22 \wj Acunakyase ani am hüipawm u lü kakawngki he am atänga aknuia khuikha khai hea, ihnaka khana ka tawn law khai. Ani am atänga katnak ami pawh cen am ami ngjut be üngta tukbäi ahin ka pawh law khai. \wj* 
\v 23 \x - \xo 2:23: \xo*\xt Sal 7:9; Jer 17:10; \xt*\xt Sal 62:12\xt*\x*\wj Ani läki he pi ka jah hnim khai. Acunüng sangcim avan naw kei cun khyang naküta ngaihkyunak la hlüei ka ksing bäihki ti ksing khai he. Nami bilawh cun nami vana bilawha kba ka ning jah thung law khai. \wj*
\p
\v 24 \wj Acunsepi Tuhtiraha awmkia nangmi avang he naw ahina am dawkyakia mtheimthangnak am läk u lü; avang naw ‘Khawyama ngthu ngthup’ ami ti cen pi am nami ngtheingthangki. Phüi k’yüh akce nami khana i am ka mtaih khai ti hin ning jah mtheh veng. \wj* 
\v 25 \wj Acunsepi am ka pha law hama küt üng nami tak cen akhänga kpawm kheng yeng ua. \wj* 
\v 26-28 \x - \xo 2:26-28:\xo*\xt Sal 2:8,9 (LXX)\xt*\x*\wj Upi ngnäng lü, ka ngjak'hlü adütnak cäpa biloki he cun ka Pa üngka ka yaha ana ka jah pe khai: Khyangmjü he mthicung am jah uk lü, mdek k’ama mäiha amte mtea jah ak sak khai hea ana ka jah pe khai. Thaike pi ka jah pe khai. \wj*
\p
\v 29 \wj Nami nghnga a awm üng Ngmüimkhya naw Sangcim hea veia a pyen ngai u’ ti ve”\wj* a ti.
\c 3
\s Sadih Sangcima veia Becük
\p
\v 1 \wj “Sadih Sangcim üng khankhawngsäa veia hinkba yua: \wj*
\p \wj ‘Hin hin Pamhnama Ngmüimkhya khyüh la aisi he khyüh takia becük ni: Na bilawh ka ksingki, xüngkia mäiha na ngming ngthangki, acunsepi na thiki. \wj* 
\v 2 \wj Thi khyoki na takca cen am a thih ham üng, let law lü xün sak bea. Na bilawh ka Pamhnama ma am kümkawi se hmu veng. \wj* 
\v 3 \x - \xo 3:3 \xo*\xt Mt 24:43,44; Lk 12:39,40; Malam 16:15\xt*\x*\wj Acunakyase na ngtheingthang päng la na ngjak päng cen jah süm kheng yeng lü; läklam lü na katnak he jah nghlata. Am na let law üng ta m'yuk’eia mäiha na veia ka law khai. Ka lawnak vaia kcün pi am na ksing khai. \wj* 
\v 4 \wj Acunsepi Sadih khawa nami suisak nami ngcimcaih saki ajaw nami awmki. Ka hlawnga citcawn hü khaia nami nghlawikia kyase akbawk suiawi u lü ka hlawnga nami citcawn hnga khai. \wj* 
\v 5 \x - \xo 3:5: \xo*\xt Ex 32:32,33; Sal 69:28; Malam 20:12; \xt*\xt Mt 10:32; Lk 12:8\xt*\x*\wj Ngnängki naküt cun acukba suisak akbawk jah suiawi sak vai; acunüng xünnak Cauk üngka ami ngming am ka jah thai be khai. Ka Pa ma la a khankhawngsä hea ma ka khyang hea ami kyanaka mawng angsinga ka sang khai. \wj*
\p
\v 6 \wj Nami nghnga a awm üng Ngmüimkhya naw Sangcim hea veia a pyen hin ngja ua’ ti ve”\wj* a ti.
\s Philadephih Sangcim hea veia Becük
\p
\v 7 \x - \xo 3:7: \xo*\xt Hesa 22:22; Job 12:14\xt*\x*\wj “Philadephih Sangcim üng khankhawngsä veia hinkba yua: \wj*
\p \wj ‘Hina becük hin ngcimcaih lü cangkia becük ni. Ani naw Davit üngka tawh taki. Ksawh a hmawn üng u naw am khai thei lü, ksawh a khai üng u naw am mhmawng thei. \wj* 
\v 8 \wj Na bilawh ka ksingki, johit ajaw na tak ka ksingki; ka mtheimthangnak läklam lü ka veia na sitihki. U naw pi am a khai thei vaia ksawh na ma ka mhmawngki.\wj* 
\v 9 \x - \xo 3:9: \xo*\xt Hesa 49:23; 60:14; \xt*\xt Hesa 43:4\xt*\x* \wj Ngaia! Judah khyanga am kya kphei lü Judah khyanga nghmün kyuki he, hleihlak u lü khawyama püipawa kyaki avang he na veia ngbawk law khai hea ka jah pawh law khai. Acunüng ami van naw ka ning jawng'engnak ksing khai he. \wj* 
\v 10 \wj Dunei vaia ka ngthupet na läkia kyase, khawmdek khyang he jah mhnüteinak vai pha law khaia khuikhanaka kcün üng pi ka ning yung khai. \wj* 
\v 11 \wj Ka law jä khai. Na ngnängnaka phu u naw am a ning yuhei vaia, na yah päng cen akdawa xungeia. \wj* 
\v 12 \x - \xo 3:12: \xo*\xt Hesa 21:2; \xt*\xt Hesa 62:2; 65:15\xt*\x* \wj Ngnängki he naküt cun ka Pamhnama Temple ktung hea jah pyang ni se acun am ceh ta u. Ka Pamhnama ngming, ka Pamhnama mlüha ngming, ka Pamhnam üngka khankhaw üngka naw law khaia Jerusalem mlüh kthai la kamäta ngming kthai cun pi ami khana ka yu khai. \wj*
\p
\v 13 \wj Nami nghnga a awm üng Ngmüimkhya naw Sangcim hea veia a pyen hin ngja ua’ ti ve” \wj*a ti.
\s Lodikih Sangcim hea veia Becük
\p
\v 14 \x - \xo 3:14: \xo*\xt Ngthk 8:22\xt*\x*\wj “Acunüng, Lodikih Sangcim üng khankhawngsä veia hinkba yua: \wj*
\p \wj ‘Hin cun Amen, üpnak la saksi kcang, Pamhnama mhmünmcenga phunga\wj*\f + \fr 3:14: \fr*\fq phung am acunüng bawi. \fq*\f* \wj becük ni;\wj* 
\v 15 \wj Na bilawh ka jah ksingki, am mju lü am hlawk lü na awm cen ka ksingki; na mjua pi kyase na hlawka pi kyase mat mata na kya vai ka ngja hlüki. \wj* 
\v 16 \wj Acukba am mju lü am hlawk lü, akdeiha na awmkia kyase ka mka üngka naw ning msawh law hlü veng. \wj* 
\v 17 \wj Ka bawimangki, khawh ka danaki, i am ka hlüeiki na tiki aw? Acunsepi ihlawka m'yenei phya lü na khuikhaki ni ti hin am ksingei veki. Na m'yenkseki, akpuma na awmki, na mik müki. \wj* 
\v 18 \wj Na bawimangnak vaia mei üng msawia xüi ngcim la akpuma na awmnak na msungeinak vaia na suiawi vai suisak akbawk he ka veia jah kheiheia. Na mik am na hmuhnak thei mtui lü na hmuhnak be thei vaia ksitui pi ka veia kheih lawa tia ning mcäi veng. \wj* 
\v 19 \x - \xo 3:19:\xo*\xt Ngthk 3:12; Heb 12:6\xt*\x*\wj Ka jawng'engnak he jah jüi lü ka jah mcäi khawiki; acunakyase na katnak he asayüa jah nghlata. \wj* 
\v 20 \wj Ngai u! Kei ksawh peia ngdüi lü ka khawki. Ka kthai ngja lü ksawh mhmawngki he naküt cun ami ima lut lü ei aw ni se, amimi pi ka hlawnga ei aw nghnga khai he. \wj* 
\v 21 \wj Ngnäng lü ka Pa bawingawhnak üng ka Pa peia atuh ka ngawha mäiha, ngnängki he cun ka bawingawhnaka peia ami ngawhnak vai ka jah pe khai. \wj*
\p
\v 22 \wj Nami nghnga a awm üng Ngmüimkhya naw Sangcim he veia a pyen hin ngja ua’ ti ve”\wj* a ti.
\c 4
\s Khankhawa Sawkkhahnak
\p
\v 1 Ahin ngpäng lü mdanak akce mat khankhawa ksawh nghmawngki ka hmuh. Acunüng kpuna mäiha ng’yüng lü na msang se ka ngjaka kthai naw, \wj “Hia lawa, tuha awm law khai ning mhmuh vang” \wj*a ti. 
\v 2 \x - \xo 4:2,3:\xo*\xt Hez 1:26-28; 10:1\xt*\x*Acunüng angxita Ngmüimkhya üng awm ni se, khankhawa bawingawhnak mat üng khyang mat ngawki ka hmuh. 
\v 3 Acunüng ngawkia müihmai cun lung phuküi he jasper la kanelin lunga mäiha cakki; bawingawhnaka peia emerad lunga mäiha cakia mlipi awmki. 
\v 4 Acuna bawingawhnak kcung lü bawingawhnak mkulei-kphyü awmki; acuna bawingawhnak he üng angvai mkulei-kphyü akbawk jah suiawi u lü xüi lukhum jah ngbüng u lü ngawki he ka jah hmuh. 
\v 5 \x - \xo 4:5: \xo*\xt Ex 19:16; \xt*\xt Malam 8:5; 11:19; 16:18; \xt*\xt Hez 1:13; \xt*\xt Malam 1:4; Zakh 4:2\xt*\x*Acuna bawingawhnak üngka naw khawmlaih, mkek, khawnghmüm ng’yüng lawki he. Acunüng bawingawhnaka ma üngka naw meikdäi khyüh däi lawki he, acun he cun Pamhnama Ngmüimkhya khyüha kyaki he; 
\v 6 \x - \xo 4:6: \xo*\xt Hez 1:22\xt*\x*\x - \xo 4:6-7:\xo*\xt Hez 1:5-10; 10:14\xt*\x*bawingawhnaka ma hman mliktui, khrustal lunga mäiha ngcimki awmki.
\p Acuna bawingawhnak kcung lü xüngksei kphyü, ami hnulam la ami malam mik am beki he awmki he. 
\v 7 Acunüng xüngksei akcüknak cun mukeia mäih lawki. Anghngihnaka xüngksei cun se mäih lawki; akthumnaka xüngksei naw nghngicima müihmaia mäih müihmai naki; akphyünaka xüngksei cun nghmukse jawng huikia mäih lawki. 
\v 8 \x - \xo 4:8: \xo*\xt Hez 1:18; 10:12; \xt*\xt Hesa 6:2,3\xt*\x*Acunüng xüngksei kphyü he cun khyuk ci ngphya na u lü akpung la akhuia mik am beki he cun:
\q1 “Bawipa Pamhnam, Kyäpsawki, awm pängki la awm k’umki la awm law khai cun,
\q2 Ngcimcaih ve, ngcimcaih ve, ngcimcaih ve” ti u lü amhmüp amthan ä ngdüm u lü ng’äiki he.
\p
\v 9 Acunüng xüngkseikia xüngksei kphyü he naw, bawingawhnak üng ngaw lü anglät se xüngki cun mhlünmtai u lü, mküimtonak la leisawngnaka ng’äi mcu u lü jekyainaka ngthu sangki he. Acukba ami ng’äi üng, 
\v 10 angvai mkulei-kphyü he naw bawingawhnak üng ngawkia ma ngbawk u lü anglät se xüngki cun sawhkhahki he. Bawingawhnaka ma ami lukhum he jah msän u lü, 
\v 11 “Kami Bawipa la kami Pamhnam!
\q1 Nang cun hlüngtainak, leisawngnak la johit
\q2 na jah yah khaia na nghlawiki ni;
\q1 Nang naw ahmäi na jah mhmünmcengki,
\q2 Nanga ngjakhlüa ngtüingdawng law u lü xüngsei lawki he ni” ami ti.
\c 5
\s Caktawm la Toca
\p
\v 1 \x - \xo 5:1: \xo*\xt Hez 2:9,10; Hesa 29:11\xt*\x*Acunüng bawingawhnak üng ngawki naw caktawm a khyet lama kpawm se ka hmuh. Ahnu ama ca ng’yu lü msingnak he khyüh am msing awm se ka hmuh. 
\v 2 Acunüng khankhawngsä akkyan kcang naw angsang yea, “U naw msingnak he jah kphyan lü caktawm mhmawng khaia nghlawiki ni?” tia, ngpyang se ka hmuh. 
\v 3 Cunsepi Khankhawa pi kyase, khawmdek khana pi kyase, mce k’uma\f + \fr 5:3:\fr*\fq mce k’uma:\fq*\ft Thihnak khaw \ft*\f* pi kyase, caktawm mhmawng thei lü akhui üngka teng thei khai mat pi am awm. 
\v 4 Acunüng caktawm mhmawng lü ak’uma teng thei nghlawiki u pi am a awma phäh aktäa ka kyapki. 
\v 5 \x - \xo 5:5: \xo*\xt Gen 49:9; \xt*\xt Hesa 11:1,10\xt*\x*Acunüng ngvai he üngka mat naw ka veia, Ä kyapa; Tenga, Ngnängnak yahki Judah pakhui üngka Mukei, Davita mjü akyäp säih naw msingnak khyüh kphyan lü caktawm mhmawng khaia nghlawiki ni” a ti.
\p
\v 6 \x - \xo 5:6: \xo*\xt Hesa 53:7\xt*\xt Zakh 4:10\xt*\x*Acunüng bawingawhnaka nglung üng Toca ngdüiki cun xüngksei kphyü la angvai he naw nglungna u se ka hmuh. Toca cun hnim pänga mäih lawki. Acun naw khyüh k'kina lü khyüh mik naki. Acun cun khawmdek avana khana tüih pänga Pamhnama ngmüimkhya he khyüha kyaki. 
\v 7 Toca naw cit lü bawingawhnak üng ngawkia kut kpat lam üngka caktawm cun a lawh. 
\v 8 \x - \xo 5:8: \xo*\xt Sal 141:2 \xt*\x*Acukba caktawm a lawh päng la xüngseikia xüngksei kphyü la angvai mkulei-kphyü he cun Toca ma ngbawki he. Cawng la ng'uinghnamki am bekia xüi kbe he jah kpawmei phäh phähki he. Acuna ng’uinghnam he cun Pamhnama khyang hea ktaiyünaka kyaki. 
\v 9 \x - \xo 5:9:\xo*\xt Sal 33:3; 98:1; Sal 42:10\xt*\x*Acunüng ami ng’äi kthai ami mcuk cun:
\q1 “Nang cun caktawm lo lü,
\q2 msingnak he na jah kphyan khaia na nghlawiki ni.
\q1 Ning hnim pänga kyase, ngsawn päng, ngthu kce kce pyenki hea khyang päng, khyangmjü päng la pakhui päng
\q2 üngka khyang he cun ngkengnaka na thisen am Pamhnama phäha na jah kheihki;
\q1
\v 10 \x - \xo 5:10: \xo*\xt Ex 19:6; Malam 1:6\xt*\x*Nang naw Pamhnam khüih khai hea ktaiyü mjü hea na jah pyangki,
\q2 acun he naw khawmdek uk khai he” tia kyaki.
\p
\v 11 \x - \xo 5:11: \xo*\xt Dan 7:10\xt*\x* Acunüng ka han teng üng, bawingawhnak, xüngksei he la angvai hea peia ngdüikia khankhawngsä athawng atawnga am jah kheh khawh vaia dämki hea kthai ka ngjaki. 
\v 12 Acun he naw angsang yea,
\q1 “Hnim pänga Toca naw,
\q2 johit, bawimangnak, themnak, kyanak,
\q2 mküimtonak, hlüngtainak, leisawngnak yah nghlawiki ni” tia, ng’äiki he.
\m
\v 13 Acunüng khankhaw la khawmdek khan, khawmdeka k'keh, mliktui k’uma awmki he la khawliva üng mhmünmceng he naküt avan naw,
\q1 “Bawingawhnak üng ngawki la Toca veia;
\q2 Dawkyanak, mküimtonak, hlüngtainak, la khyaihbahnak he, leisawngnak
\q2 angläta awm se” ami ti pi ka ngjaki.
\m
\v 14 Acunüng xüngksei kphyü he naw, “Amen,” tia ami msang. Acunüng angvai he naw ngbawk u lü sawhkhahki he.
\c 6
\s Msingnak he
\m
\v 1 Acunüng Toca naw msingnak he khyüh üngka mat han kphyan se ka hmuh, acunüng xüngkia xüngksei kphyü he üngka mat naw khawnghmüma kba, “Lawa” ti se ka ngjak. 
\v 2 \x - \xo 6:2: \xo*\xt Zakh 1:8; 6:3,6\xt*\x*Ka han teng üng ngse akbawk ka hmuki. Acuna khana ngcumki naw li kpawm se bawilukhum ami ngbün sak. Acunüng ani cun nängkia kba ngnängnak yah khaia ktawihki.
\p
\v 3 Acunüng Toca naw msingnak anghnginak a han kphyan la xüngksei anghnginak naw, “Lawa” ti se ka ngjak. 
\v 4 Acunüng ngse akce, asen lawki. Acuna khana ngcumki üng khawmdek khana ngtuknak lawpüi se khyang he nghnim kyu khai hea johit ami pet. Kcim ngbaünu pi ami pet si.
\p
\v 5 \x - \xo 6:5: \xo*\xt Zakh 6:2,6 \xt*\x* Acunüng Toca naw msingnak akthumnak a han kphyan la xüngksei akthumnak naw, “Lawa” ti se ka ngjak. Ka han teng üng ngse alea khana ngcumki naw kbäinak kcüng se ka hmuh. 
\v 6 Acunüng xüngseikia xüngksei kphyü hea ksung üngka kthaiha mäih naw, “Mhmüp mata phua kyung kcang khawt mat yahki. Mhmüp mata phua mujaw khawt thum yahki. Acunsepi Olip ksitui la capyit ta ä jah kpyeha” ti se ka ngjak.
\p
\v 7 Acunüng Toca naw msingnak akphyünak a han kphyan la xüngksei akphyünaka kthai naw, “Lawa,” ti se ka ngjak. 
\v 8 \x - \xo 6:8: \xo*\xt Hez 14:21\xt*\x*Acunüng ka han teng üng, ngse amvo ka hmuh. A khana ngcumkia ngming cun Thihnak kyase Thihnak khaw naw k’et lü a läk. Anini naw khawmdek püm khyü üngka püm mat ham na ni se ngtuknak, eikhaw setnak, natnak hlikhaü la sakyung he am jah hnimnak sak vaia ana jah peta kyaki.
\p
\v 9 Acunüng Toca naw msingnak amhmanak a han kphyan la Pamhnama ngthu ami sangkhapa phäha pi kyase, ami sitiha phäha pi kyase, ami jah hnima ngmüimkhya he cun kphyawnkunga keha ka jah hmuh. 
\v 10 Acunüng amimi naw angsanga, “Ngdüngdai lü ngcimcaih lü ahmäi mkhütkia Bawipa aw! Keimi jah hnimkia khyang hea khana ngthu mkhya lü na jah mkhuimkha lawnak vaia kcün hin ivei hlü hamki ni?” tia ngpyangki he. 
\v 11 Acunüng suisak akbawk ami jah pet. Amimia mäiha ami jah hnim hnga vaia m'ya akce he la jumeiki he aküma ami jah hnim vei cäpa asängca ami jah ngäng vaia jah mthehki he.
\p
\v 12 \x - \xo 6:12: \xo*\xt Malam 11:13; 16:18; \xt*\xt Hesa 13:10; Jol 2:10,31; 3:15; Mt 24:29; Mk 13:24,25; Lk 21:25\xt*\x*Acunüng Toca naw msingnak akhyuknak a han kphyan la mkhyü aknuia ngsün law lü, khawnghngi kpyawn lenua kba le law lü, khya pi thisena mäiha avan sen law se ka hmuh. 
\v 13 \x - \xo 6:13,14: \xo*\xt Hesa 34:4\xt*\x*Fik dung khawkhi naw ksün se am a hmin ham üng a kthei he ami kyu lawa kba Aisi he pi mdeka kyu law khai he.
\p
\v 14 \x - \xo 6:14: \xo*\xt Malam 16:20\xt*\x*Khankhaw pi kcahnana kba ngtawm lü khyük lawki. Mcung la khawkawng naküt he pi ami awmnak üngka naw ngnawn bäihki he. 
\v 15 \x - \xo 6:15: \xo*\xt Hesa 2:19,21\xt*\x*Acunüng khawmdek sangpuxang he, bawi he la yekap ngvai he, bawimangki he la khyang kyan he, khyang kce avan, m'ya la ä m'ya he naküt cun khui hea k’uma la mcunga lungnu he üng ngthupei hüki he. 
\v 16 \x - \xo 6:16:\xo*\xt Hos 10:8; Lk 23:30\xt*\x*Acunüng mcung he la lungnu hea veia, “Jah sip law u lü bawingawhnak üng ngawkia mik üngka la Toca a mlungsonak üngka naw jah thup law ua; 
\v 17 \x - \xo 6:17: \xo*\xt Jol 2:11; Mal 3:2\xt*\x*Kyühkyawksekia ami mlungsonaka mhmüp cun pha law ve; u naw khamei thei khai ni?” ami ti.
\c 7
\s Isarel khyang he 144,000
\p
\v 1 \x - \xo 7:1: \xo*\xt Jer 49:36; Dan 7:2; Zakh 6:5\xt*\x*Acun käna, khawkawng, mliktui la thing naküt üng khaw am khi khaia, khankhawngsä kphyü he naw khawmdek hmai kphyüa khawkhi man u lü, khawmdek hmai kphyü üng ngdüi u se ka jah hmuh. 
\v 2 Acunüng, khankhawngsä akce cun xüngki Pamhnama msingnak kpawm lü, nghngilaw lam üngka naw law se ka hmuh. Acuna khankhawngsä cun Pamhnam naw khawmdek la mliktui jah kpyeh theinak a jah peta khankhawngsä kphyüa veia angsanga, 
\v 3 \x - \xo 7:3 :\xo*\xt Hez 9:4,6\xt*\x* “Kami Pamhnama m'ya he ami mceyü üng am kami jah msing hama küt üngta khawmdek, mliktui la thing he ä jah kpyeh tanga bä” tia ngpyangki. 
\v 4 Acunüng Pamhnama msingnak am ami mceyü üng jah msinga Isarel khyang hea pakhui üngka he cun 144,000 lawki hea ami na mtheh. Amimi cun Isarel pakhui xaleinghngih üngka kyaki he. 
\v 5-8 Pakhui mat üng 12,000 cia kyaki. Acun he cun Judah, Rubin, Kad, Ashea, Naptalih, Manaseh, Simeon, Levih, Isakarah, Zebulung, Josep la Benjamina kyaki he.
\s Am tähtai vaia Khyang he
\p
\v 9 Acun käna teng ni se, khyang khawjah u naw am a täh mkhüt vai, pakhui naküt üngka he, khyangmjü naküt üngka he, paca naküt üngka he la khyü kce kce pyenkia khyang üngka he cun suisak akbawk jah suisa u lü, hlipa ngban he ami kut üng jah kawtei u lü, bawingawhnaka ma la Toca ma ngdüi u se ka jah hmuh. 
\v 10 Acunüng acun he naw angsanga, “Bawingawhnak üng ngawkia mi Pamhnam la Toca üngka naw küikyanak law ve” tia ngpyangki he. 
\v 11 Acunüng khankhawngsä avan naw bawingawhnak la ngvai he, xüngksei kphyü he cun jah kcung u lü ngdüiki he. Acun he cun bawingawhnaka ma da ami hmai ngmüm u lü, 
\v 12 “Amen! mküimtonak, hlüngtainak, themnak, jekyainak, leisawngnak, johit la khyaihbahnak he cun anglät se mi Pamhnam üng awm se! Amen,” tia, Pamhnam sawhkhahki he.
\p
\v 13 Acunüng ngvai he üngka mat naw ka veia, “Hina suisak akbawk suisaki he hin u he ni? Hawia ka naw lawki he ni?” ti lü a na kthäh.
\p
\v 14 \x - \xo 7:14: \xo*\xt Dan 12:1; Mt 24:21; Mk 13:19\xt*\x*“Angvai aw, am ksing veng, nang naw na ksingki ni” ka ti. Ani naw ka veia, “Hin he cun, mkhuimkhanak kcang üngka naw law u lü ami suisak he Toca a thisen üng msu u lü bawk saki he ni. 
\v 15 Acunakyase Pamhnama bawingawhnaka ma ngdüi u lü amhmüp amthan Temple k’uma Pamhnam khüihki hea kyaki he. Bawingawhnak üng ngawki naw ami ksunga jah veipüi lü jah xung khai. 
\v 16 \x - \xo 7:16: \xo*\xt Hesa 49:10\xt*\x*Ami ei am cawi tui am xai be ti u; khawnghngi naw pi am jah lingei ti, khawkhlawk naw pi am jah hlawkei be ti. 
\v 17 \x - \xo 7:17: \xo*\xt Sal 23:1; Hez 34:23; \xt*\xt Sal 23:2; Hesa 49:10; \xt*\xt Hesa 25:8\xt*\x* Bawingawhnaka nglung üng ngawkia Toca cun ami Toksäma kyase, ani naw xünnaka tuilawnga jah ngkhahpüi khai. Acunüng Pamhnam naw ami mik üngka miktui naküt jah xuh pe khai.
\c 8
\s Msingnak Akhyühnak
\p
\v 1 Acunüng Toca naw msingnak akhyühnak a kphyan üng khankhaw avan üng naji acipcäp kba dipsiki. 
\v 2 Acunüng Pamhnama ma ngdüikia khankhawngsä khyüh üng kpun khyüh jah pe u se ka jah hmuh.
\p
\v 3 \x - \xo 8:3: \xo*\xt Amo 9:1\xt*\xt Ex 30:1,3\xt*\x*Khankhawngsä akce mat ng'uinghnam mkhihnaka xüi kbe kpawm lü lawki cun kphyawnkung peia ngdüi lawki. Pamhnama khyang hea ktaiyünak jah mkhah pe lü, Bawingawhnaka ma ngdüikia xüi kphyawnkunga khana acun mkhih khaia ani üng ng’uinghnam khawjah ami pet. 
\v 4 Ng'uinghnam mkhiha meikhu cun Pamhnama khyang hea ktaiyünak mah mah am atänga, Pamhnama ma ngdüikia khankhawngsäa kut üngka naw Pamhnama ma tho lü jeng kaiki. 
\v 5 \x - \xo 8:5: \xo*\xt Lev 16:12; Eza 10:2; \xt*\xt Ex 19:16; Malam 11:19; 16:18\xt*\x*Acunüng khankhawngsä naw ng'uinghnam mkhihnaka kbe lo lü, kphyawnkung üngka mei am kbe lü khawmdeka khana a tawn. Acunüng khaw nghmüm law lü, kthaih ng’yüng law lü, khaw mlaih law lü, mkhyü ngsün law ktäihki.
\s Kpun he
\p
\v 6 Acunüng kpun khyüh kpawmki hea khankhawngsä khyüh he cun tum khai hea ngtünki he.
\p
\v 7 \x - \xo 8:7: \xo*\xt Ex 9:23-25; Hez 38:22\xt*\x*Khankhawngsä akcüknak naw kpun a han tum la thisen am ngcawkia yen la mei khawmdek khana kya lawki. Acunüng khawmdek kthum üngka mat cun meia däiki, thing he pi kthum üngka mat cun meiha däiki, msai kxüng naküt pi meiha däi bäihki he.
\p
\v 8 Acunüng khankhawngsä anghnginak naw kpun tumki. Khawmcungnu meikdäi üngka mäih cun mliktui üng ami tawn. Acunüng mliktui kthum üngka mat cun thisena kya lawki. 
\v 9 Mliktui üng awmkia xüngksei naküt kthum üngka mat thiki he. Mlawng he pi kthum üngka mat pyehki he.
\p
\v 10 \x - \xo 8:10:\xo*\xt Hesa 14:12\xt*\x*Khankhawngsä akthumnak naw kpun a tum. Meikdäia kba däikia aisi angbaü cun khan üngka naw kya law lü mliktui la tuilawng kthum üngka mat a jah sip. 
\v 11 \x - \xo 8:11:\xo*\xt Jer 9:15\xt*\x* (Aisia ngming cun “Akha”) tia kyaki. Tui kthum üngka mat cun kha lawki. Acuna tui kha awkia khyang he cun thiki he. Isetiakyaküng tui kha a nglata phäha kyaki.
\p
\v 12 \x - \xo 8:12 \xo*\xt Hesa 13:10; Hez 32:7; Jol 2:10,31; 3:15\xt*\x* Acunüng khankhawngsä akphyünak naw a kpun a tum. Khawnghngi kthum üngka mat, khya thum üngka mat, aisi he kthum üngka mat cun cimpyeh u lü nghmüp lawki he. Khawmhmüp kthum üngka mat, khawmthan kthum üngka mat akvai am awm.
\p
\v 13 Acunüng teng ni se, nghmunu mat khankhaw ak'hlüng üng jawng hü lü angsanga, “Khankhawngsä he kthuma tum law vaia kpuna ng’yüna phäh khawmdek khyang he phäha kyühkse ve kyühkse ve” a ti cun hmu lü ka ngjak.
\c 9
\p
\v 1 Acunüng khankhawngsä amhmanak naw kpun a tum. Aisi mat khankhaw üngka naw mcea kya lawki ka hmuh. Ani üng adütnak am awmkia khui kthuknu\f + \fr 9:1: \fr*\fq Khui kthuknu: Jah mkhuimkhanak vai anghnu säih am a pha law ham üng Khawyai he la khyumnak vaia mce khui. \fq*\f* tawh ami pet. 
\v 2 \x - \xo 9:2: \xo*\xt Gen 19:28\xt*\x*Aisi naw adütnak am awmkia khui kthuknu cun mhmawng se adütnak am awmkia khui kthuknu üngka naw meitumnu üngka naw khu lawki meikhua mäih cun khui kthuknu üngka naw lut lawki. Acuna phäha khawnghngi la khawkhi nghmüp lawki xawi.
\p
\v 3 \x - \xo 9:3: \xo*\xt Ex 10:12-15\xt*\x*Meikhu üngka naw mkhaü he khawmdek khana kyum lawki he. Jawngk’ai hea johit taka mäih cun acuna mkhaü he üng pi ami jah pet. 
\v 4 \x - \xo 9:4: \xo*\xt Eza 9:4\xt*\x*Khawmdek khana msai he, khuhlip he la thing he süm süm am jah kpyeh u lü, ami mceyü üng Pamhnama msingnak am taki he däng ami jah mkhuimkha vaia ngthu ami jah pet. 
\v 5 Nghngicim khyang he am jah hnim u lü khya mhma ami jah mkhuimkha vaia ngthu ami jah pet. Acuna mkhaü he naw ami jah mkhuimkhanak vai cun jawngk’ai naw khyang cui se a nata mäiha naki. 
\v 6 \x - \xo 9:6: \xo*\xt Job 3:21; Jer 8:3\xt*\x*Acuna khya mhma üng khyang he naw thihnak sui hü khai he cunsepi am hmu u. Ami thih vai ngaih u sepi thihnak naw jah cen ta khai.
\p
\v 7 \x - \xo 9:7: \xo*\xt Jol 2:4\xt*\x*Mkhaüe cun ye tuknak vaia jah ngtünaka ngse hea mäih lawki he. Ami lü üng xüi lukhuma mäih lawki jah ngbüngki he. Ami müihmai he pi nghngicima müihmai hea mäih lawki. 
\v 8 \x - \xo 9:8 :\xo*\xt Jol 1:6\xt*\x* Ami lusam nghnumi hea lusama mäih law lü, ami hae mukei hea ha mäih lawki. 
\v 9 \x - \xo 9:9: \xo*\xt Jol 2:5\xt*\x*Mthi sawiphawa mäiha sawiphaw he ami mkyanga khana jah thüih awiki he. Ami ngphya ami mkhapa ng’yün cun ye tu khaia lawki ngse nghle khawjaha ami ng’yüna mäih lawki he. 
\v 10 Jawngk’aia ngmeia mäiha ami ngmei cun nghling mahki. Acuna ami ngmei am nghngicim khyang khya mhma ami mkhuimkha vaia johit taki he. 
\v 11 Adütnak am awmkia khui kthuknua khankhawngsä cun ami khana jah ukia sangpuxanga taki he. Acuna ngming cun Hebru ngthu üng, “Abaddon” na lü, Krik ngthu üng, “Apolyon” naki. Ti hlünak cun “Kpyükpyehki” tia kyaki.
\p
\v 12 Kyühkse akcük cun bäih se; acun käna kyühkse nghngih pha law be tü khai.
\p
\v 13 \x - \xo 9:13 \xo*\xt Ex 30:1-3\xt*\x*Acunüng khankhawngsä akhyuknak naw kpun a tum. Pamhnama ma xüi kphyawnkunga kit phyü üngka naw kthai ng’yüng law se ka ngjak. 
\v 14 Acuna kthai naw khankhawngsä akhyuknaka veia, “Epharetis mliktui kama khankhawngsä kphyü jah kphune cen jah khyah bea” a ti. 
\v 15 Ahina kcün, ahina mhmüp, ahina khya la ahina khawkum üng nghngicim kthum üngka mat jah hnim khaia jah mcawn pänga kyase khankhawngsä kphyü he cun jah khyah bea kyaki. 
\v 16 Ngsea khana ngcumkia yekap he ami däm lam cun 200,000,000 lawki he tia ami na mtheh. 
\v 17 Mdanak ka hmuhnak üng ngse he la a khana ngcumki he ka jah hmuh naw: Kata kba ng’aiki, meia kba senki, saphir lunga kba ngkyüngkia sawiphawe jah taki he. Ngsea lu he cun mukeia lua mäih lawki he. Ami mka üngka naw mei, meikhu la kat lut lawki. 
\v 18 Ngse hea mka üngka naw lut lawkia mei, meikhu la kat he naw nghngicim khyang hmün kthum üngka hmün mat cun acuna mnehkse naw a jah hnim. 
\v 19 Ngse hea johit cun ami mka la ami ngmei he üng awmkia kyaki. Ami ngmei he cun kphyu lu maha mäih lawki he. Acun am nghngicim khyang jah mkhuimkha naki he.
\p
\v 20 \x - \xo 9:20: \xo*\xt Sal 115:4-7; 135:15-17; Dan 5:23\xt*\x*Acuna khuikhanak üng am thi u lü kpawihkia nghngicim khyang he cun naw pi amimäta kut am pyan cun am nghlata u. Am hmu thei lü, am cetcawn thei lü, am ngja theikia xüi juktuh, ngui juktuh, mthi juktuh, lung juktuh la thing juktuh he jah sawkhahnak üngka naw ä ngjut u lü awmki he. Khawyai sawkkhahnak pi am nghlata u. 
\v 21 Khyang ami hnimnak, suikyam ami binak, ami hüipawmnak la ami m'yuknak he üngka naw pi am ngjut u lü awmki he.
\c 10
\s Khankhawngsä la Caktawmca
\p
\v 1 Acunüng khankhawngsä akyan kcang cun khankhaw üngka naw kyum lawki ka hmuh. Acuna khankhawngsä cun khawngmei suiawi lü a lupum üng mlipi ngsuiki. A müihmai cun khawnghngia mäih law lü a khawe cun pi mei ktunga mäih lawki he. 
\v 2 Acun naw a kut üng caktawmca nghmawngki pi kpawmki. A khaw kpat lam am mliktui leh lü a khaw k'eng lam am khawkawng leh lü, 
\v 3 acunüng mukeia mkyuka kba angsang yea mkyuk lawki. A ngkhü law päng üng, khawnghmüm khyüh naw mukeia mkyuka kba ami msang. 
\v 4 Khawnghmüm khyüh he nghmüm law päng u se ka yu khai sü, “Khawnghmüm khyüh hea ngthu pyen cen ä yu lü mjiha” tia khankhaw üngka naw kthai ka ngjak.
\p
\v 5 \x - \xo 10:5-7:\xo*\xt Ex 20:11; Deut 32:40; Dan 12:7; Amo 3:7\xt*\x*Acunüng mliktui la khawkawng üng ngdüi se ka hmuha khankhawngsä naw a kut kpat lam khana han säng lü, 
\v 6 anglät se xüngsei lü, khankhaw la a khana awmki he naküt, mcekhaw la a k’uma awmki he naküt, mliktui la a k’uma awmki he naküt jah mhmünmcengkia Pamhnama ngming üng, “Akcün am thuk ti khai; 
\v 7 acunsepi khankhawngsä akhyühnak naw kpun a tum law üng a m'ya sahma he üng a na sang law khawia kba Pamhnama ngthu ngthup cun kümkawi law khai” tia ng’yüngki.
\p
\v 8 \x - \xo 10:8-10:\xo*\xt Eza 2:8—3:3\xt*\x*Acunüng khankhawa kthai ka ngjak naw mtheh be tü lü, “Mliktui la khawkawnga khana ngdüikia khankhawngsäa kut üng caktawmca mhmawn päng cen cit lü va loa” ti se ka ngjak.
\p
\v 9 Khankhawngsäa veia va cit lü caktawmca a na pet vaia ka kthäh. Ani naw, “Lo lü eia; na khawnu k’uma thui khai, acunsepi na mka üng khawitui kba tui khai” a ti.
\p
\v 10 Khankhawngsäa kut üngka caktawmca cun lo lü ei ni se ka mka üng khawituia kba tuiki. Acunsepi ka mjawei käna ka khawnu üng thui lawki. 
\v 11 Acunüng ka veia, “Khyangmjü khawjaha veia, pakhui khawjaha veia, ngthu akce kce pyenki hea veia la sangpuxang hea veia Pamhnama ngthu na sang be vai” tia ka ngjak.
\c 11
\s Saksi Nghngih
\p
\v 1 \x - \xo 11:1: \xo*\xt Hez 40:3; Zakh 2:1,2\xt*\x*Acunüng mcäpnak ksawngkhea mäih na pe u lü, “Cit lü Pamhnama Temple la kphyawnkung jah mcäpa. A k’uma sawkkhahki he pi jah täha. 
\v 2 \x - \xo 11:2: \xo*\xt Lk 21:24\xt*\x*Acunsepi Temple akpung ta ä mcäp kawpi. Isetiakyaküng acun he cun khyangmjükce he üng jah pet ta kyaee, Ngcimcaihkia Mlüh cun khya kphyükip la khya nghngih ka na khai hea kyaki ni. 
\v 3 Ka saksi nghngih jihpyawn jah msui m’awi lü ka jah tüi khai, acun xawi naw Pamhnama ngthu cun mhmüp 1,260 üng sang khai xawi” a ti.
\p
\v 4 \x - \xo 11:4: \xo*\xt Zakh 4:3,11-14\xt*\x*Acuna saksi xawi cun khawmdek bawia ma ngdüikia Olip thing nghngih la meiim taknak nghngiha kyaki xawi. 
\v 5 Jah mkhuimkha hlükia ye naküt cun ani m’yawng üngka naw meikdäi lut law lü jah kpyeh khai. Jah mkhuimkha khai ye naküte cun acunkba jah hnima kya khai. 
\v 6 \x - \xo 11:6: \xo*\xt 1Sang 17:1; \xt*\xt Ex 7:17-19; 1Sam 4:8\xt*\x*Acun kxawi cun Pamhnama ngthu ani sang k’um üng khaw am a khaia khankhaw khaihnak theia khyaihbahnak taki xawi. Ani ngaih ngaiha kcün üng tui thisena nglat sak thei vaia tui hea khana khyaihbahnak taki xawi. Ani ngaih ngaiha kcün üng Khawmdek khana khuikhanak naküta hlikhaü awm sak thei khai xawia khyaihbahnak taki xawi. 
\v 7 Ngthu ani sang päng käna adütnak am awmkia khui kthuknu üngka sakyung lut lawki naw jah ngcawhpüi khai. Acuna sakyung naw jah näng lü jah hnim khai. 
\v 8 \x - \xo 11:8: \xo*\xt Hesa 1:9,10\xt*\x*Acunüng ani yawk cun ani Bawipa kutlamktung üng ami taihnaka mlühnua lam üng ngjän khai. Acuna mlühnua ngming cun Sodom la Egypt jah msuimcäpnaka kyaki. 
\v 9 Khyangmjü naküt üngka khyang he, pakhui naküt üngka khyang he, ngthu akce kce pyenki naküt üngka khyang he la paca naküt üngka khyang he naw mhmüp kthum la mhmüp mtawn ani yawk jah tengei u lü ani yawk jah k’ut vai khyo khai he. 
\v 10 Saksi nghngiha thiha phäha khawmdek khana khyang he jekyai law khai he. Hlimtuinak pawh u lü bänaka petmsawtnak mat la mat ngbi law hü kyu khai he. Acuna sahma xawi naw khuikhanak khawjah khawmdek khana ani lawpüia phäha kyaki. 
\v 11 \x - \xo 11:11: \xo*\xt Hez 37:10\xt*\x*Mhmüp kthum la mhmüp mtawn a bäih käna Pamhnama vei üngka xünaka ngxü law lü ani k’uma lut se ngdüi lawki xawi. Acun hmuki naküt aktäa kyüei lawki he. 
\v 12 \x - \xo 11:12: \xo*\xt 2Sang 2:11\xt*\x*Khankhaw üngka naw angsang yea, “Hia kai law nia” tia kthai ngja ni lü ani ye he hmuha khawngmei üng khankhawa kaiki xawi. 
\v 13 \x - \xo 11:13: \xo*\xt Malam 6:12; 16:18\xt*\x* Acun la mkhyü aknuia ngsün lawki. Mlühnu hmün xaa mtai üng hmün mat ngmin lawki. Mkhyüa ngsüna phäha khyang 7,000 thiki he. Acunüng kpawihki he cun kyükyawk law u lü khan Pamhnam mhlünmtai lawki he.
\p
\v 14 Kyühkse anghnginak bäih pängki. Acunsepi kyühkse akthumnak pha law jä khai.
\s Kpun Akhyühnak
\p
\v 15 \x - \xo 11:15:\xo*\xt Ex 15:18; Dan 2:44; 7:14,27\xt*\x*Acunüng khankhawngsä akhyühnak naw kpun a han tum la, “Khawmdek cun mi Bawipa la ania Mesijaha khawa kya päng ve, ani naw anglät se uk khai,” tia, khankhawa kthai angsang yea ngthang lawki. 
\v 16 Acunüng Pamhnama ma ami bawingawhnak üng ngawkia ngvai mkulei kphyü he cun kawp u lü,
\q1
\v 17 “Ahmäi khyaihkia Bawipa Pamhnam,
\q1 awm k’umki la awm pängki!
\q2 Na johit na lak pänga phäha na veia jenak sang ve ung!
\q1
\v 18 \f + \fr 11:18: \fr*\xt Sal 2:5; 110:5\xt*\xt Sal 115:13\xt*\f*Mhnam am ksingeiki he kyüheinak am be u se,
\q2 na mlungsonak pha law ve,
\q2 Khyang kthi hea ngthumkhyanak vaia kcün pha lawkia kyase,
\q1 Na m'ya kyakia sahma he, khyang ngcimcai he,
\q2 na ngming kyühki akjaw akdäm jah kheng law lü,
\q2 khawmdek kpyehki he cun na jah kpyehnak vaia kcün
\q1 pha law päng ve” ti a, Pamhnam sawkkhahki he.
\p
\v 19 \x - \xo 11:19: \xo*\xt Malam 8:5; 16:18,21\xt*\x*Khankhawa Pamhnama Temple cun nghmawng law lü, Temple k’uma a ngthumkhän tetta ngdang lawki. Acunüng khawa mlaihnak he, kthaia ng’yünak he, khawa nghmümnak he, mkhyüa ngsünak he la m’yelungnu hea kyak lawnak he ve lawki.
\c 12
\s Nghnuminu la Mnaka
\p
\v 1 Acunüng kyühkhyai phyaki khankhawa ngdang law se ka hmuh. Nghnumi khawnghngi suisaki, a khaw keha khya awmki, aisi xaleinghngih bawilukhum a lu khana ngbüngki awm lawki. 
\v 2 Acun cun m’yai lü na hmi law hlüki. Na hmi hlü naw mhlei se ngko lü kyapki.
\p
\v 3 \x - \xo 12:3: \xo*\xt Dan 7:7\xt*\x*Kyühkhyawk phyaki akce khana ngdang law se ka hmuh. Mnaka sen angbaünu khyüh lu na lü xa ki naki, bawilukhum khyüh ngbungki ngdang lawki. 
\v 4 \x - \xo 12:4: \xo*\xt Dan 8:10\xt*\x*A ngmei am khankhawa ka aisi hmün kthum üng hmün mat kaih lü khawmdeka khana a tawn. Na hmi law se na mjaw khaia ca law hlükia nghnuminu ngäng lü a maa ngdüiki. 
\v 5 \x - \xo 12:5:\xo*\xt Hesa 66:7; \xt*\xt Sal 2:9\xt*\x*Acunüng nghnuminu cun khyangmjü he naküt mthicung am jah uk khaia kpamica mata ca lawki. Acunsepi a capa cun angxita yutei u lü Pamhnam la a bawingawhnaka cehpüia kyaki. 
\v 6 Nghnuminu cun Pamhnam naw a pyang peta khaw khyawngkhawa mhmüp 1,260 ami mcahnak vaia cenki.
\p
\v 7 \x - \xo 12:7: \xo*\xt Dan 10:13,21; 12:1; Jud 9\xt*\x*Acunüng khankhawa ngtuknak awm lawki. Mihkhelah la a ngsä he naw mnaka ami tuk. Mnaka la a ngsä he naw pi ami tuk be. 
\v 8 Acunsepi mnaka sung se a ngsä he mah mah am khankhawa asängca pi awm u lü am yah ti u. 
\v 9 \x - \xo 12:9: \xo*\xt Gen 3:1; \xt*\xt Lk 10:18\xt*\x*Mnaka ngbaünu, Khawyai ngming na lü Khawyam pi ngming nakia kphyu xünu, khawmdek avan mhleimhlaki cun khawmdek khana ami juk khyak law; a ngsä he pi ami jah khyak law.
\p
\v 10 \x - \xo 12:10: \xo*\xt Job 1:9-11; Zakh 3:1\xt*\x*Acunüng khankhawa angsang yea, “Atuh pamhnama küikyanak pha law ve! Pamhnam naw a johit Sangpuxanga kba mdan päng ve! A Mesijah naw a khyaihbahnak mdan päng ve! Mi Pamhnama maa ngdüi lü jumeiki he amhmüp amthan jah mkateiki cun khankhaw üngka naw ami khyak law päng ni. 
\v 11 Toca a thisen la ami sanga ngthungtak am ani cun mi bena he naw näng ve u. Ami xünnak pe u lü ami thih vai pi am cäi na u. 
\v 12 Acunakyase khankhaw he la a khana awmki he aw jekyai ua! Acunsepi ihlawka khawmdek la mliktuia phäh kyühkseki ni! Khawyai naw a kcün aktawica däng taki ti ksing lü mlungsetnak am nami veia kyum law päng ve,” ami ti ka ngjak.
\p
\v 13 Mnaka naw khawmdek üng khyak law pänga kyaki ti ksing law lü kpamica canakia nghnuminu cun a mkhuimkha vaia a ktäm law. 
\v 14 \x - \xo 12:14: \xo*\xt Dan 7:25; 12:7\xt*\x* Khawkhyawng khaw a awmnak vaia jawng thei khaia nghnuminu üng nghmunu angbaünua ngphya nghngih ami pet. Acuia mnaka naw am tu thei se kum kthum la amte mcah khai he. 
\v 15 Acunüng mnaka naw nghnuminu athuknaka ceh khaia tuilawngnu, a mka üngka naw a mhluh law. 
\v 16 Acunsepi khawmdek naw nghnuminu cun yungki. Mnaka naw a mka üngka a mhluh lawa tui cun khawmdek naw a mka hala lü a mjaw. 
\v 17 Acunüng mnaka naw nghnuminu cun thüisei law na lü kpawihkia nghnuminua mjükphyüi, Pamhnama ngthupet läk u lü Jesuha mdan ngthungtak läklamki he la sitihkie jah ngtukpüi khaia ktawihki. 
\v 18 Acunüng mnaka cun tuikam kdiyüta khana ngdüiki.\f + \fr 12:18: \fr*\fq Acunüng Mnaka cun tuikam kdiyüta khana ngdüiki\fq*\ft avang üng Acunüng kei ka ngdüiki tia ami yuk. \ft*\f*
\c 13
\s Sakyung nghngih
\p
\v 1 \x - \xo 13:1: \xo*\xt Dan 7:3; \xt*\xt Malam 17:3,7-12\xt*\x*Acunüng Sakyung mat cun mliktui üngka naw kai law se ka hmuh. Acuna sakyung naw xa ki na lü khyüh lu naki. A ki mat ci üng bawilukhum mat ci ve lü, a lu mat ci üng Pamhnam ksekhanaka ngming mat ci awmki. 
\v 2 \x - \xo 13:2:\xo*\xt Dan 7:4-6\xt*\x*Ka hmuha sakyung cun mukeica mäih lawki. A khaw he cun khawma khawa mäih lawki he. A mka cun mukeia mka mäih lawki. Mnaka naw amäta johit, bawingawhnak la ana khawjah a pet. 
\v 3 Sakyunga a lu mat cun a thihpüi khyo vaia lemkia mäih law se ka hmuh. Acunsepi a nghmalem cun ngmang beki. Khawmdek khyang he naküt naw acuna Sakyung cun aktäa kyühkhyai u lü a hnu ami läk. 
\v 4 Sakyunga veia ana pekia mnaka cun avan naw ami sawhkhah. Sakyung pi sawhkhah u lü, “Sakyung am tängki u awmki aw? U naw ani ngtukpüi thei khai aw? Tia ami pyen.
\p
\v 5 \x - \xo 13:5,6:\xo*\xt Dan 7:8,25; 11:36\xt*\x*Acuna Sakyunga veia awhcahnak la Pamhnam pyenksenaka ngthu pyenak yahki. Khya kphyükip la nghngih acukba ve khaia ana peta kyaki. 
\v 6 Pamhnam, Pamhnama ngming, Pamhnama awmnak ja khankhawa awmki avan jah yünceki. 
\v 7 \x - \xo 13:7: \xo*\xt Dan 7:21\xt*\x*Pamhnama khyang he a jah tuknak vai la a jah nängnak vai peta kyaki. Pakhui naküt, khyangmjü naküt, paca naküt la ngthu kce kce pyenki he naküta khana ngnängnaka ana peta kyaki. 
\v 8 \x - \xo 13:8: \xo*\xt Sal 69:28\xt*\x*Khawmdek am a ngtüi law ham üng hnim pänga Tomeca xünnaka cauk üng ami ngming am yuk naküt, khawmdeka khana awmki naküt naw sawhkhah khai he.
\p
\v 9 Na nghnga a ve üng ngaia! 
\v 10 \x - \xo 13:10:\xo*\xt Jer 15:2; 43:11\xt*\x*Man vai mkhyah pänga khyang cun mana kya khai; kcim am hnim vai mkhyah pänga khyang cun kcim am hnima kya khai. Ahin üng Pamhnama khyang he pi dunei u lü jumeinak kcang am ami awm vai aktäa hlüki ti ngdangki.
\p
\v 11 Acunüng Sakyung akce khawmdek üngka naw lut law se ka hmuh be. Toca a kia mäih nghngih ki na lü, mnakaa ngthua mäiha ngthuheiki. 
\v 12 Sakyung anghngihnak naw sakyung akcüka ana avan cun ania ma sumeiki. A mneh daw bekia sakyung cun Khawmdek la khawmdeka khana awmki naküt naw ami sawhkhah vaia sakyung anghngihnak naw jah pawhki. 
\v 13 Acuna sakyung anghngihnak naw müncankse akyäp säih jah biloki. Khyang he hmuha khan üngka naw mei kya law khaia biloki. 
\v 14 Sakyung akcüka ma mdan vaia müncankse he bilawhnak he a yahnak am khawmdek khyang he jah mhleimhlaki. Mthikcim am thi khyo khaia lem teki am thi lü xüngkia Sakyung akcüknak cun leisawngnaka a juktuh pyang khai hea khawmdek khyang he üng sakyung anghngihnak naw ngthu a jah pet. 
\v 15 Sakyung anghngihnak naw sakyung akcük üng xüngsei khaia ngxünak a pet. Acuna juktuh naw kthuhei law lü sakyung akcüka juktuh am sawkkhahki naküt cun jah hnim khai. 
\v 16 Acunüng sakyung naw khyang naküt akjaw akdäm, bawimangki la m'yenkseki, tamna la am tamna, ami kut kpat lam üng pi kyase ami mceyü üng pi kyase msingnak a jah pawh sak. 
\v 17 Msingnak Sakyunga ngminga pi kyase, a ngming tähnaka pi kyase taki he dänga thea, u naw i am kheih thei lü am a jawihtuknak thei vaia phäha kyaki.
\p
\v 18 Hin üng themnak hlüki. Ksingkhyap theiki naw Sakyung tähnaka suilam ksing kawm. Nghngicima tähnaka kyaki. Acuna tähnak cun 666 ka kyaki.
\c 14
\s Toca la a khyang he
\p
\v 1 \x - \xo 14:1 \xo*\xt Eza 9:4; Malam 7:3\xt*\x*Acunüng teng ni se Toca Zion Mcunga khana ngdüiki la acuna ngming la a Pa a ngming ami mceyü üng ng’yuki khyang 144,000 ka jah hmuh. 
\v 2 Acunüng khankhawa tuiksawinua ng’yüna kba ng’yüngki la khawnghmüma kba ng’yüngki ka ngjak. Acuna ka ngjaka kthai cun cawng tumki he naw cawng ami tuma kba ng’yüngki. 
\v 3 Bawingawhnaka ma, xüngksei kphyü he ma la ngvai hea ma khyang 144,000 ngdüiki he cun amimät däng naw ami ngthei khawha ng’äi kthai mcuki he. Khawmdek khan avan üng amimi däng jah thawnkhyaha kyaki. 
\v 4 Acun he cun nghnumi hea veia am mtüihkhehkia kyaki he. Acun he cun ä nghnu nglakia kyaki he. Acun he cun Toca a cehnak tä se läklamkia kyaki he. Acun he cun Pamhnam la Tomeca üng jah pet vaia, angthei kcüka kya khaia nghngicim üngka jah thawngkhyaha kyaki he. 
\v 5 \x - \xo 14:5: \xo*\xt Zeph 3:13\xt*\x*Acun he naw hleihlak ami pyen vai am ksing khawi u. Mkhyenak pi am ta u.
\s Khankhawngsä he kthum
\p
\v 6 Acunüng khawmdeka khana awmkia khyang he, pakhui he naküt, paca he naküt, khyangmjü he naküt la ngthu akce kce pyenki he naküta veia ngthu sang khaia, anglät Thangkdaw takia khankhawngsä akce khana jawng hü se ka hmuh.
\p
\v 7 Ani naw angsanga, “Ngthumkhyahnak vaia mhmüp pha lawkia kyase Pamhnam leisawng u lü a kyäpsawknak mhlünmtai ua; khawmdek la khankhaw, mliktui la tuihna jah mhmünmcengki cen sawhkhah ua,” a ti.
\p
\v 8 \x - \xo 14:8: \xo*\xt Hesa 21:9; Jer 51:8; Malam 18:2\xt*\x*Acunüng khankhawngsä anghnginak naw, “Babalung mlühnu ta pyeh ve, pyeh ve. Khyang naküt üng a hüipawmnaka capyitui kha jah tu ve,” ti lü khankhawngsä akcük cun a läk law.
\p
\v 9 Khankhawngsä akthumnak naw angsanga, “Upi Sakyung la a juktuh jah sawhkhah lü a msingnak a kut üng am acun üng a mceyü üng taki cun, 
\v 10 \x - \xo 14:10: \xo*\xt Hesa 51:17; \xt*\xt Gen 19:24; Hez 38:22\xt*\x*Pamhnama mlungsonaka capyitui, mlungsonaka khawt üng kyan lü a buih law cun aw khai he. Khankhawngsä ngcim la Tomeca a ma yea mei la kat am jah mkhuimkha vai. 
\v 11 \x - \xo 14:11: \xo*\xt Hesa 34:10\xt*\x*Acun he jah mkhuimkhanaka meikhu cun anglät se tho khai. Sakyung la a juktuh sawkhahki he la a ngming msingnak taki he naküt pi amhmüp amthan am lät u lü khuikha khai he,” ti lü khankhawngsä akcük xawi cun a jah läk law.
\p
\v 12 Pamhnama ngthupet läk u lü Jesuh üng sitihkia Pamhnama khyang he hama dunei vai hlüki.
\p
\v 13 Acunüng khankhawa kthaih naw, “Hinkba yua: Atuh Bawipa khutbi üng thiki he ta jekyai ve u” Ngmüimkhya naw,
\p “Ä cang ve! ami bawngkhanak üngka naw xüiei khai he. Ami bilawh naw jah läk law khaia kyase, ti ve,” a ti ka ngjak.
\s Khawmdek cang ah
\p
\v 14 \x - \xo 14:14:\xo*\xt Dan 7:13\xt*\x*Acunüng teng ni se khawngmei kbawk ka hmuh. Nghngicima mäih lawki a lu üng xüi lukhum ngbüng lü xat yekia ngvin kpawmei lü khawngmeia khana ngawki ka hmuh. 
\v 15 \x - \xo 14:15:\xo*\xt Jol 3:13\xt*\x*Acunüng khankhawngsä akce Pamhnama Temple üngka naw lut lawki naw khawngmeia khana ngawkia veia angsang yea, “Na ngvin kphawng lü ata; ah vai kha ve. Khawmdek cang hmin lü ngäp ve,” a ti. 
\v 16 Acunüng khawngmeia khana ngawki naw a ngvin khawmdeka khana khäi lü khawmdek cang cun a ah.
\p
\v 17 Acunüng khankhawngsä akce pi xat kcangkia ngvin kpawm lü khankhawa Temple üngka naw lut lawki ka hmuh.
\p
\v 18 Acunüng khankhawngsä akce meia khana khyaihbahnak taki pi kphyawnkung üngka naw lut law lü ngvin xat kcang taki angsang yea khü lü, “Na ngvin akpat kcang cen kphawng lü khawmdek khana capyit ngbawm he cen jah ata; hmin päng ve u,” a ti. 
\v 19 Acunüng khankhawngsä naw a ngvin khawmdeka khana khäi lü capyit cun atki. Acunüng capyitui suinak angsawng kcang Pamhnama mlungsonak capyitui suinaka k’uma a jah tawnin. 
\v 20 \x - \xo 14:20: \xo*\xt Hesa 63:3; Kyah 1:15; Malam 19:15\xt*\x*Acunüng mlühnua kpung lama capyit suinaka k’um üng leh u se capyit suinaka khui üngka naw thisen lawng lawki. Acuna thisen lawng lawki cun ngsea nghngü cäpa li lü mäng phya nghngih banga lawng lü khyang cäpa ngkyungki.
\c 15
\s Khankhawngsä he la Khuikhanak he Anghnu säih
\p
\v 1 Acunüng khana kyühkhyai phya lü cäicat vaia kyäpsawki msingnak akce ka hmuh. Acunüng Pamhnama mlungsonak anghnu säih mdankia khankhawngsä khyüh la khuikhanak khyüha kyakia, akbäihnak he cun ka jah hmuh.
\p
\v 2 Acunüng mei am ngcawkia tuihmanua mäih mat pi ka hmuh. Sakyung la Sakyunga juktuha, a ngming tähnak taki he pi jah nängkie cun ka jah hmuh. Pamhnam naw a jah peta tumkhawng he jah kpawmei u lü tuihmanua peia ngdüi u lü, 
\v 3 \x - \xo 15:3 \xo*\xt Ex 15:1\xt*\x*Pamhnama m'ya Mosia ng’äi la Tomeca ng’äi,
\q1 “Aw Bawipa Pamhnam,
\q2 ahmäi na mkhütki,
\q1 Na bilawh he hin hlüngtai u lü kyäpsawk ve u;
\q2 Nang khyangmjü he\f + \fr 15:3: \fr*\fq khyangmjü he\fq*\ft avang üng \ft*\fq khawkum he \fq*\ft tia ami yuk. \ft*\f* naküta Sangpuxang, Na lam he cun ngsungpyun u lü ngsing ve u.
\q1
\v 4 \x - \xo 15:4:\xo*\xt Jer 10:7; \xt*\xt Sal 86:9\xt*\x*Aw Bawipa, u naw am ning kyühei lü,
\q2 U naw na kyäpsawknak a sangkhap vai ma khai ni?
\q2 Nang däng na ngcimcaihki;
\q1 Na bilawh ngdüngdaiki he cun ami hmuh pänga kyase,
\q2 Khyangmjü he naküt naw ning
\q2 sawhkhah law khai he,” ti u lü ng’äiki he.
\p
\v 5 \x - \xo 15:5 \xo*\xt Ex 38:21\xt*\x*Ahin ngpäng se khankhawa, ngcimcaihkia Samca awmnak Temple nghmawng law se ka hmuh. 
\v 6 Temple üngka naw khuikhanak khyüh kpawmkia khankhawngsä he khyüh cun suisak akbawk kcang jah suisa u lü, ami mkyang üng xüi ksawmyüi jah vawp u lü lut lawki he. 
\v 7 Acunüng xüngseikia xüngksei kphyü üngka mat naw khankhawngsä he khyüh üng anglät se xüngseikia Pamhnama mlungsonak am bekia xüi khawt khyüh a jah pet. 
\v 8 \x - \xo 15:8: \xo*\xt Ex 40:34; 1Sang 8:10,11; 2Khro 5:13,14; Hesa 6:4\xt*\x*Acunüng Temple cun Pamhnama hlüngtainak la johit üngka meikhu am beki; khankhawngsä he khyüha lawpüi mkhuimkhanak khyüh am a düt hama küt üng Temple k’uma u am lut thei.
\c 16
\s Pamhnama Mlungsonaka Kbe
\p
\v 1 Acunüng Temple k’um üngka kthai naw khankhawngsä he khyüha veia angsang yea, “Cit u lü Pamhnama mlungsonak kbe he cen khawmdeka khana huk ua,” ti se ka ngjak.
\p
\v 2 \x - \xo 16:2:\xo*\xt Ex 9:10\xt*\x*Acunüng khankhawngsä akcük säih naw cit lü a kbe khawmdek khana a huk. Acunüng Sakyung msingnak taki he la a juktuh sawkkhahki he khana ngthet mnehkse awm lawki.
\p
\v 3 Acunüng khankhawngsä anghngihnak naw a kbe mliktuia khana a huk. Khyang kthia thisena mäiha ngläng lawki. Acunüng tui üng awmkia xüngksei naküt thi bäiki he.
\p
\v 4 \x - \xo 16:4 \xo*\xt Ex 7:17-21; Sal 78:44\xt*\x*Acunüng khankhawngsä akthumnak naw a kbe cun mliktui he la tuihna he üng huk se thisena ngläng lawki. 
\v 5 Acunüng tui ukia khankhawngsä naw, “Na ngthumkhya ngtäi ve, Ngcimcaih veki. Nang cun ve khawi lü atuh pi na awmkia na kyaki. 
\v 6 Amimi naw Pamhnama khyang he la sahma hea thisen msawi u se, nang naw ami awk vaia thisen na jah peki. Ami yah vai nglawi kung yahki he ni,” a ti ka ngjak. 
\v 7 Acunüng kphyawnkunga, “Akhlüngtai säih Bawipa Pamhnam, na ngthumkhyanake cun ngsungpyun lü ngsing ve,” tia kthai ka ngjak.
\p
\v 8 Acunüng khankhawngsä akphyünak naw a kbe khawnghngi üng huk se, khawnghngi naw khyang he aktäa a hlawknak am jah ui khaia khyaihbahnak ami pet. 
\v 9 Aktäa a hlawknak naw khyang he jah ui se acuna khuikhanaka khana ana takia Pamhnama ngming yünceki he. Acunsepi Pamhnama hlüngtainak mküimto khaia ami katnak üngka naw am ngjut be u.
\p
\v 10 \x - \xo 16:10: \xo*\xt Ex 10:21\xt*\x*Acunüng khankhawngsä amhmanak naw a kbe Sakyunga bawingawhnak üng huk se, sakyunga khaw avan nghmüp lawki. Acunüng aktäa jah hui se, ami mnicui hamcepki he. 
\v 11 Ami natnak la ami mnehksea phäha khan Pamhnam yünceki he. Acunsepi am dawki ami bilawhnak he am jah nghlat ta u.
\p
\v 12 \x - \xo 16:12: \xo*\xt Hesa 11:15\xt*\x*Acunüng khankhawngsä akhyuknak naw a kbe Epharetis Mliktui kdäm üng huk se, nghngi law lam üngka naw lawki sangpuxang hea lam vai mliktui käiei lawki. 
\v 13 Acunüng k’ua mäih lawki am ngcimkia ngmüimkhya kthum ka hmuh. Acun he cun mnakaa mka, Sakyunga mka la am sahma kcanga mka üngka naw lut lawki he. 
\v 14 Acun he cun müncankse pawh khawiki khawyai hea ngmüimkhya kyaki he. Acuna ngmüimkhya kthum he cun khawmdek khana awmki sangpuxang hea veia cit u lü ahmäi Khyaihbahkia Pamhnama Khawmhmüp nu üng ngtu khai hea ngcunki he.
\p
\v 15 \x - \xo 16:15: \xo*\xt Mt 24:43,44; Lk 12:39,40; Malam 3:3\xt*\x* \wj (“Ngai u m'yuk’eia kba ka law khai! Ana ngtün lü suisak suisaki ta jekyai ve; akpuma am citcawn hü lü khyanga ksunga a hmai am se khai.”) \wj*
\p
\v 16 \x - \xo 16:16: \xo*\xt 2Sang 23:29; Zakh 12:11\xt*\x*Acunüng Hebru ngthu am Armakedon ngmingnaki hmüna ngmüimkhya he naw sangpuxang he ami jah ngcun lawpüi.
\p
\v 17 Acunüng khankhawngsä akhyühnak naw kbe khawkhi üng huk se Temple na k’um Bawingawhnak üngka naw, “Ngpängki,” tia kthai angsanga ngthang lawki. 
\v 18 \x - \xo 16:18:\xo*\xt Malam 8:5; 11:13,19\xt*\x*Acunüng khawmlaih law lü, kthai ng’yüng law lü, khaw nghmüm law lü, kyühksekia mkhyü ngsün lawki. Nghngicim khawmdeka khana a awm üng tün lü acuna mäih sena kyüh phyakia mkhyüa ngsünak am awm khawi. 
\v 19 \x - \xo 16:19: \xo*\xt Hesa 51:17\xt*\x*Acunüng mlüh ngbaünu cun hmün kthuma ngtai law se, pe naküta mlüh he cun pyeki he. Pamhnam naw Babalung mlüh ngbaünu cun süm lü a mlungsonaka capyittui kbe a awk sak. 
\v 20 \x - \xo 16:20: \xo*\xt Malam 6:14\xt*\x*Khawkawng naküt khyük bäiki he; khawmcung he pi dikam lawki he. 
\v 21 \x - \xo 16:21: \xo*\xt Ex 9:23; Malam 11:19\xt*\x*Yenlungnu angbaü kcang he pawng phya mat cia yühkie cun khan üngka naw nghngicim khyang hea khana kya lawki he. Acunüng yenlung naw a jah mkhuimkhaa phäha Pamhnam aktäa yünceki he. Acuna khuikhanak cun aktäa kyühkse leng lengki.
\c 17
\s Lawngthangkia Nghnumi ksenu
\p
\v 1 \x - \xo 17:1:\xo*\xt Jer 51:13\xt*\x*Acunüng kbe khyüh pawmkia khankhawngsä khyüh he üngka mat naw, “Lawa, mliktui khawjah peia saka mlühnu, acun cun lawngthangki nghnumi ksenu mkhuimkha vaia mawng cun ning mhmuh vang; 
\v 2 \x - \xo 17:2:\xo*\xt Hesa 23:17; Jer 51:7\xt*\x*Khawmdek sangpuxang he ani am hüipawm u lü katnak pawhki he. Khawmdek khyang he naw ania hüipawmnaka capyitui aw ngenki he,” a ti.
\p
\v 3 \x - \xo 17:3: \xo*\xt Malam 13:1\xt*\x*Ngmüimkhya naw na awmpüi se khankhawngsä naw khawkhyawng khawa a na cehpüi. Acuia Pamhnam pyenksenaka ngming am beki, khyüh lu na lü xa ki nakia Sakyung asena khana ngcumki nghnuminu ka hmuh. 
\v 4 \x - \xo 17:4:\xo*\xt Jer 51:7\xt*\x*Acuna nghnuminu cun suisak asenduknu la asenlenu suisaki. Xüi awihnam he, lung phukküi he la vatha he cun jah awihnaki. A kut üng a hüipawmnaka phäh ngcawm lawki mtüihkhehnak la bawhbahnak am bekia xüi khawt kpawmki. 
\v 5 A mceyü üng ngthu ngthup, “Babalung Mlüh kyäp, khawmdek khana am dawkyaki nghnumi he la mtüihkhehki naküta nu,” tia ng’yuki. 
\v 6 Acuna nghnuminu cun Pamhnama khyang hea thisen la Jesuh üng ami sitiha phäha ami jah hnimea thisen aw lü m'yüi se ka hmuh.
\p Ani ka hmuh la aktäa ka cäiki. 
\v 7 Khankhawngsä naw ka veia, “Ise na cäiki ni? Ngthupki nghnuminua mawngma la lu khyüh awm lü a ki xa ta lü nghnuminu phüikia Sakyunga mawngma ning mtheh vang. 
\v 8 Sakyung na hmuh cen a na xüng khawiki ni. Acunsepi atuh am xüng ti. Adütnak am awmkia khui kthuknu üngka naw kai law be hnühki, cunüngpi akäna cimkpyeha kyase khyük be khai. Khawmdeka am a ngtüi ham üng ami ngming xünnak cauk üng am yuka khawmdek khyang he naw acuna sakyung hmu u lü cäi law khai he. Acun cun xüng khawiki; atuh am xüng ti. Acunsepi ngdang law be khai.
\p
\v 9 Hin cun ksingnak la pumngyam hlüki. Lu khyüh cun nghnuminua ngawhnaka khawmcung khyüha kyaki he. Sangpuxang khyüha pi kyaki he, 
\v 10 acun üngka mhma khyük päng u se mat naw uk hamki. Akce mat am law ham. A law be üng asängca däng uk khai. 
\v 11 Acunüng Sakyung ajana xüng khawi lü atuh am xüng tiki cun akhyetnaka sangpuxanga pi kya lü, khyüh üngka mata pi kyaki. Ani pi khyük be khai.
\p
\v 12 \x - \xo 17:12: \xo*\xt Dan 7:24\xt*\x*Na jah hmuha ki xa he cen uknak am ta hamkia sangpuxang he xa kyaki he. Acunsepi Sangpuxang hea kba sakkyung am atänga naji mat ami uknak vai jah peta kya khai.
\p
\v 13 Acuna xa naw mlung tängnak taki he. Ami johit la ami ana cun Sakyung üng pe law khai he. 
\v 14 Acun he naw Toca tu law khai he. Acunsepi Toca naw a khüa khyang he, a xüa khyang he la sitihkia a hnu läkie am atänga tu u lü näng khai he. Toca cun bawi hea Bawi, sangpuxang hea Sangpuxanga akya phäha kyaki,” a ti.
\p
\v 15 Acunüng khankhawngsä naw ka veia, “Am dawkyakia nghnuminua ngawhnaka tui he na jah hmuh cun khyangmjü he, khyang he, paca he la ngthu akce kce pyenki hea kyaki he. 
\v 16 Atuh na jah hmuha ki he xa la Sakyung naw nghnumi ksenu cun hneng ni lü a khawhthem kpyeh law pe khai xawi. A suisak sut ni lü, a sa ei ni lü, mei am mkhih khai xawi. 
\v 17 Pamhnam naw ani mlung kyawnga a jah tak peta, Pamhnama ngthu am a küm law hama küt üng mlung tängnak am ani johit la ani ana cun Sakyung üng ani petnak vaiaa phäha kyaki.
\p
\v 18 Nghnuminu na hmuh cen khawmdek sangpuxang he jah ukia mlüh kyäpnu kyaki,” tia a pyen.
\c 18
\s Babalunga pyüpyehnak
\p
\v 1 Acun käna khankhawngsä akce mat khankhaw üngka naw kyum law se ka hmuh. Acun naw khyaihbahnak aktäa ta lü a hlüngtainak naw khawmdek ksü se vai bäiki. 
\v 2 \x - \xo 18:2: \xo*\xt Hesa 21:9; Jer 51:8; Malam 14:8; \xt*\xt Hesa 13:21; Jer 50:39\xt*\x*Acunüng angsang yea, “Babalung mlühnu pyüpyeh päng ve, pyüpyeh päng ve. Khawyai hea awmnak la mtüihkhehkia ngmüimkhya he naküta khui, mcimpyühnak mjüküm la mtüihei phyakia kha kse hea ngceinaka khuia kya päng ve. 
\v 3 \x - \xo 18:3:\xo*\xt Hesa 23:17; Jer 51:7\xt*\x*“A hüipawmnaka phäha mlungsonaka capyittui cun khyangmjü he naküt naw aw päng ve u. Khawmdek sangpuxang he naw a hüipawmnak üng mkhyekatpüi ve u. Khawmdek khawhthem suijapki he naw ania am düt khawhkia hlimtuinak bawimang na ve u,” tia ngpyangki.
\p
\v 4 \x - \xo 18:4: \xo*\xt Hesa 48:20; Jer 50:8; 51:6,45\xt*\x*Acunüng khankhaw üngka kthai akce naw,
\q1 “Ka khyang he aw,
\q2 a katnak üng am nami bawibainak hnga vaia la
\q2 a khuikhanak üng am nami khuikhanak hnga vaia, a vei üngka naw cen law u.
\q1
\v 5 \x - \xo 18:5: \xo*\xt Gen 18:20,21; Jer 51:9\xt*\x*“A katnak he khankhaw däa pha lü ngbum ve,
\q2 Pamhnam naw am dawki a bilawh he jah sümki.
\q1
\v 6 \x - \xo 18:6:\xo*\xt Sal 137:8; Jer 50:29\xt*\x*“A ning jah awmih püi kunga kba awpüi be u lü,
\q2 A bilawha kba anghngiha thung u.
\q1 A ning jah kbe peta kbe üng a hama
\q2 anghngiha kbe pe be ua.
\q1
\v 7 \x - \xo 18:7,8:\xo*\xt Hesa 47:7-9\xt*\x*“Amät mhlünmtai kyu lü hüipawmnak üng
\q2 a hlimtuia mäiha,
\q1 khuikhanak la mlungnatnak pe u.
\q1 A mlung k’uma ‘Sangpuxangnua ka ngawki!
\q2 hmeinua am kya nawng,
\q2 mlungnatnak am ka yah khai,’ tikia kyase.
\q1
\v 8 “Acunakyase mhmüp mat mat üng
\q2 khuikhanak he, natnak hlikhaü, mbawikyahnak la khawtuia setnak he naw kpha law khai.
\q1 A pumsa pi mei üng mkhiha kya khai.
\q2 A ngthumkhyakia Bawipa Pamhnam cun ahmäi khyaihkia kyaki ni.
\p
\v 9 \x - \xo 18:9,10:\xo*\xt Hez 26:16,17\xt*\x*“Am dawkia katnak ani am atänga bilo u lü hüipawmnak üng hlimtuikia khawmdek sangpuxang he cun ani uikia mei khu hmu u lü kyap law khai he. 
\v 10 A khuikhanak üng ami khuikha hnga vai kyüh u lü a thuknak üngka naw, ‘Babalung mlühnu na jo se ve! na jo se ve! Naji matca üng na khana ngthumkhyanak pha law ve,’ ti u lü mbawikyap law khai he. 
\v 11 \x - \xo 18:11: \xo*\xt Hez 27:31,36\xt*\x* “Khawmdek khawhthem suijapki he pi u naw ami khawhthem am jah kheih se, acunkba mbawikyap law hnga khai he. 
\v 12 \x - \xo 18:12,13:\xo*\xt Hez 27:12,13,22\xt*\x* “Ami khawhthem he cun xüi he, ngui he, lung phuküi he, vatha he, mvajih he, jihsen he, jiktah he, kphyajih he, thing ng'ui he, mvüi ha am pyana khawhthem he, thing phuküi he, nghngaw he, mthi he la mvuilung kbawk am pyana kbe he; 
\v 13 thingn’ui hawk, ng'uinghnam he, mei üng mkhia ng'uinghnam he, situi ng'ui he, mura he, capyittui he, olip ksitui he, khai he, cang he, sepat he, to he, ngse he, nghle he, m'ya he la khyanga xünnakea kyaki. 
\v 14 “Akdaw na mlunga vanei khawi naw ning cehta bäih ve, bawimangnak la ngtoki naw ning cehta päng ve; jah hmuh be vaia am kya ti ve u. 
\v 15 \x - \xo 18:15:\xo*\xt Hez 27:31,36\xt*\x*“Acuna mlüh üng jawituknak pawh u lü bawimang lawkia ngui ksuiki he cun ania khameia khuikhanak ami kyüha phäha athuknaka ngdüi khai he. Mbawi kyap u lü, 
\v 16 ‘Mlüh kyäpnu, jihktah la jih senmdunu la jih sendaknu jah thuiawi lü xüi la lung phuküi la vatha am nglanglawi khawiki cen, ihlawka kyühkseki ni, ihlawka kyühkseki ni! 
\v 17 \x - \xo 18:17:\xo*\xt Hesa 23:14; Hez 27:26-30\xt*\x*Naji matca üng khawhthem acujah sen amdanga kya law ve,’ tia kyap law khai he.
\p Acunüng mlawngmah he, mlawng üng kdung hüki he, mlawng mawngki he, mliktui üng khuikhawmki he cun athuknak üng ngdüi u lü, 
\v 18 \x - \xo 18:18:\xo*\xt Hez 27:32\xt*\x*ani uikia meiksa üngka naw khu lawkia meikhu teng u lü, ‘Hina mlühnua mäih ia mlüh kyäpnu awm khai aw?” tia kyap u lü ngpyangki he. 
\v 19 \x - \xo 18:19:\xo*\xt Hez 27:30-34\xt*\x*Acunüng kyahnak la mlungnatnak mah maha, ‘mliktui üng mlawng taki he khawhthem jah pe lü jah bawimang sakia mlühnu, naji matca üng pyehei lawki hin, kyüh kse ve! kyüh kse ve!’ tia, ngpyang u lü, mvut ami lu khana phyang u lü, kyap u lü, ami mlung na law khai.
\p
\v 20 \x - \xo 18:20:\xo*\xt Deut 32:43; Jer 51:48\xt*\x*Khankhaw la nangmi Pamhnama khyang he aw, ngsä he, sahma he jekyai ua, Pamhnam naw nami hama ania khana ngthumkhya law pe ve,” ti se ka ngjak.
\p
\v 21 \x - \xo 18:21: \xo*\xt Jer 51:63-64\xt*\xt Hez 26:21\xt*\x*Acunüng khankhawngsä akyan kcang mat naw ksumnua mäiha ngbaükia lungnu jäk lü mliktui üng tawnki naw, “Babalung mlüh kyäpnu hinkba tawna kya law khai, u naw am hmu be ti khai. 
\v 22 \x - \xo 18:22: \xo*\xt Hez 26:13; Hesa 24:8\xt*\x*\x - \xo 18:22,23: \xo*\xt Jer 7:34; 25:10\xt*\x*Tengtäng tumki he, khyanga kthai he, pülün tum theiki he, kpun tum theiki hea tumkhawn cen nang üng u naw am ngja be ti khai. Kut am sawngsa theiki he pi nang üng am ngdang be ti khai he. Ksum suknaka kthai pi nang üng u naw am ngja be ti khai. 
\v 23 Situi meikdäi pi nang üng am däi be ti khai. Cangla la Cangpyanga kthai pi u naw am ngja be ti khai. Na khawhthem suijapnak he cun khawmdek avan üng johit mahki he ni. Hleihlak lü na suikyam binak am khawmdek khyang he naküt na jah mhleimhlak naki cen,
\p
\v 24 \x - \xo 18:24: \xo*\xt Jer 51:49\xt*\x*sahma hea thisen, Pamhnama khyang hea thisen la khawmdek khana jah hnima thisen he naküt cun nang Babalung üng hmuha kyase ning mkhuimkhaa kyaki,” ti se ka ngjak.
\c 19
\p
\v 1 Acun käna khankhawa khyang khawjaha kthaia mäih ka ngjak naw, “Pamhnama ngming hlüngtai se! küikyanak, hlüngtainak la johit cun mi Pamhnama ka ni. 
\v 2 \x - \xo 19:2: \xo*\xt Deut 32:43; 2Kor 9:7\xt*\x*A ngthumkhyanak cun ngsungpyun lü ngsingki; ani naw a hüipawma phäha khawmdek pyüpyeh sakia am dawki nghnuminu cun mkhuimkha law lü a m'ya hea thisen jah msawiki cun a phu sui ve,” ti se ka ngjak. 
\v 3 \x - \xo 19:3:\xo*\xt Hesa 34:10\xt*\x*Acunüng, “Pamhnam hlüngtai se! mlüh kyäpnu uikia meikhu cun anglät se khu khai,” tia ngpyangki he. 
\v 4 Acunüng angvai mkulei kphyü la xüngseikia xüngksei kphyü he cun kawp u lü, “Amen; Pamhnam hlüngtai se,” ti u lü Pamhnama bawingawhnak üng ngawki cun ami sawhkhah.
\s Tomeca a cambum pawi
\p
\v 5 \x - \xo 19:5:\xo*\xt Sal 115:13\xt*\x*Acunüng bawingawhnak üngka naw, “Nangmi a m'ya he, khyang avan, amät nami leisawngki akjaw angbaü he aw, mi Pamhnam cen mküimto ua,” tia kthai ngthang lawki. 
\v 6 \x - \xo 19:6: \xo*\xt Hez 1:24; \xt*\xt Sal 93:1; 97:1; 99:1\xt*\x*Acunüng khyang khawjaha kthaia mäih, tuiksawi khawjaha ng’yüna mäih la khawnghmüma kthaia mäih ka ngjaki. Amimi naw, “Bawipa mi Pamhnam ahmäi mkhütki ta Sangpuxang ni. 
\v 7 Mi hlim lü mi jekyai vai u, a hlüngtainak mi mküimto vai u. Tomecaa cambumnak ng'et law ve; Cambum khai cawngpyang pi ngtün päng ve,” ti se ka ngjak. 
\v 8 Suisak akbawk angcim kcang cun a suisak vai ami pet. (Suisak cun Pamhnama khyang hea ami khutpawh akdawa kyaki.)
\p
\v 9 \x - \xo 19:9:\xo*\xt Mt 22:2,3\xt*\x*Acunüng khankhawngsä naw, “Toca a cambum pawi pawhnaka buh ei law khai hea jah khü he ta ami jo sen ve, tia yua,” ti lü a na mtheh. Acunüng, “Hina ngthu hin Pamhnama ngthu kcanga kyaki,” a ti be tü.
\p
\v 10 Ani ka sawhkhah khaia a khaw kunga ka kawpki acunsepi ani naw, “Hinkba ä tia! kei cun nang la Jesuh naw a mdana ngthungtak kpawm u lü jumeiki hea kba Pamhnama m'yaa ka kyaki ni. Pamhnam sawhkhaha!” a ti.
\p Sahma he jah vüikhüpkia ngthungtak cun Jesuha jah mdan ni.
\s Ngse kbawka khana ngcumki
\p
\v 11 \x - \xo 19:11: \xo*\xt Hez 1:1; \xt*\xt Sal 96:13; Hesa 11:4\xt*\x*Acunüng khankhaw nghmawng law se ka hmuh. Acunüng ngse akbawk la a khana ngcumki, Sitih la Akcang ngming naki pi ka hmuh. Ani naw ngsungpyun kcang khaia ngthumkhya lü ngtuknak pawh khawiki. 
\v 12 \x - \xo 19:12: \xo*\xt Dan 10:6\xt*\x* A mik xawi cun meikdäia mäih lawki. A lu khana Bawilukhum khawjah ngbüngki. Amät dänga thea u naw am a ksinga ngming yuk a khana ng’yuki taki. 
\v 13 Suisak thisen üng mcawi suisaki. A ngming cun, “Pamhnama Ngthu” naki. 
\v 14 Acunüng khankhaw yekap he naw suisak akbawk kcang, angcim kcang jah suisa u lü ngse kbawk hea khana ngcum u lü läki he. 
\v 15 \x - \xo 19:15: \xo*\xt Sal 2:9; \xt*\xt Hesa 63:3; Jol 3:13; Malam 14:20\xt*\x*Acunüng khyangmjü naküt jah nängnak vaia a mka üngka naw kcim ksaü akxat kcang lut lawki. Acunüng mthi ksawngkhe am jah uk law khai. Ahmäi mkhütki Pamhnama mlungsonak capyitui suinaka khui ani naw leh law khai. 
\v 16 A suisak la a phei üng, “sangpuxang hea Sangpuxang la bawi hea Bawi” tia ngming ng’yuki.
\p
\v 17 \x - \xo 19:17,18: \xo*\xt Hez 39:17-20\xt*\x*Khankhawngsä mat khawnghngia khana ngdüiki naw khankhaw nglung üng jawng hüki hea kha he naküt üng, “Law u lü, Pamhnama buh pawhnak pawinu üng ngcun law u, 
\v 18 sangpuxang hea sa, yekap ngvai hea sa, yekap hea sa, ngse hea sa la ngsea khana ngcumki hea sa, khyang naküt, m'ya la am m'ya, akjaw angbaü he naküta sa nami ei khaia,” ti lü a jah khü.
\p
\v 19 Acunüng sakyung, khawmdek khana sangpuxang he la ami yekap he cun, ngsea khana ngcumki la a yekap he jah tu khai hea ngcun u se ka jah hmuh. 
\v 20 \x - \xo 19:20: \xo*\xt Malam 13:1-18\xt*\x*Acunüng sakyung ami man. Sakyung msingnaka tähnak yah lü a juktuh sawkhahki he jah hleihlak na lü, sakyunga ma müncankse he mdan khawikia am sahma kcang pi ami man. Ani nghngih kat am däikia meitum üng akxünga ami jah tawn. 
\v 21 Ani yekap he cun ngse ngcumkia mka üngka naw lut lawkia kcim ksaü am ami jah hnim. Ami sa he cun kha he naw ami phüa ami jah ei.
\c 20
\s Kum thawng mat
\p
\v 1 Acunüng khankhawngsä mat naw adütnak am awmkia khui kthuknu khainak tawh la mthiyüi ak’yühnu kpawm lü khankhaw üngka naw kyum law se ka hmuh. 
\v 2 \x - \xo 20:2: \xo*\xt Gen 3:1\xt*\x*Mnaka, kphyu xünu (acun cun Khawyai am acunüng khawyama kyaki) cun kpang lü, kum thawng mat vaia khit lü, 
\v 3 adütnak am awmkia khui kthuknu üng tawnki naw a khai. Kum thawng mat am a ngvei hama küt üng khyangmjü naküt am jah hleihlak na be khaia msingnak am a khana a msing. Kum thawng mat angvei käna asängca khyah be vaia kyaki.
\p
\v 4 \x - \xo 20:4: \xo*\xt Dan 7:9,22\xt*\x*Acunüng bawingawhnak he ka jah hmuh. Bawingawhnak hea khana ngawki he üng ngthumkhya khai hea johit jah pe u se ka jah hmuh. Jesuha mawngma phäha la Pamhnama ngthu ami sanga phäha ami lu ami jah khyün hea ngmüimkhya he la Sakyung la a juktuh am sawhkhah u lü ami mceyü üng pi kyase ami kut üng pi kyase msingnak am taki hea ngmüimkhya he pi ka jah hmuki. Acun he cun xüng law be u lü kum thawng mat sangpuxang hea kba Khritaw am atänga bawiki he. 
\v 5 (Khyang kthi akce he cun kum thawng mat am a küm ham üng am xüng law be ham u.) Acun cun thawhnak be akcüka kyaki. 
\v 6 Thawhnak be akcük üng pakie ta ami jo sen lü jekyainak am be ve u. Ami khana thihnak anghnginak naw am jah näng be ti; Pamhnam la Khritawa ktaiyüa kya u se amät am kum thawng mat bawi u lü awm khai he.
\s Khawyam nängnak
\p
\v 7 Kum thawng mat a küm käna Khawyam cun a kyumnak üngka naw khyah bea kyase, 
\v 8 \x - \xo 20:8: \xo*\xt Hez 7:2; 38:2,9,15\xt*\x*am tähtai vai mliktui kdiyüta däm jah lawki he Kok la Makok nakia khawmdek avan üngka khyangmjü he jah hleihlak na khaia pi kyase, ngtuk vaia jah ngcunpüi khaia pi kyase kai law khai. 
\v 9 Acunüng khawmdek avan üng cit hü u lü Pamhnama khyang hea ngcunak la Pamhnama jawng'engnaka mlüh cun kcung lawki he. Acunsepi khankhaw üngka mei kya lawki naw a jah uih. 
\v 10 Acunüng amimi jah mhleimhlaki khawyai cun sakyung la am sahma kcang jah tawnak, kat am ngcawkia meitum üng ami jah tawn. Acuia amhmüp amthan anglät se khuikha khai he.
\s Ngthumkhyahnak anghnu säih
\p
\v 11 \x - \xo 20:11: \xo*\xt Dan 7:9,10\xt*\x*Acunüng bawingawhnak akbawknu angbaü kcang la a khana ngawki ka jah hmuh. Khawmdek la khankhaw a ma üngka naw khyük ni se hmuh vai am awm ti. 
\v 12 Acunüng khyang kthi he, akjaw angbaü cun bawingawhnaka ma ngdüi u se ka jah hmuh. Cauk he ami jah mhmawng. Cauk akce xünnak cauk pi ami mhmawng. Khyang kthi he cun cauk üng ami bilawh ang’yuka kba ngthu ami jah mkhya pet. 
\v 13 Mliktui naw amät üng awmkia khyangkthi he a jah tha law be. Thinak la khyangkthi khaw naw animät üng awmkia khyangkthi he ani jah tha law be. Khyang naküt amimäta bilawha kba ngthu ami jah mkhya pet. 
\v 14 Acunüng Thinak la khyangkthi awmnaka khaw cun meitum üng ami jah tawn. Acuna thihnak cun anghngihnaka thihnaka kyaki. 
\v 15 U pi xünnak cauk üng a ngming am yuk ami hmuh cun meitum üng tawna kyaki.
\c 21
\s Khankhaw kthai la Khawmdek kthai
\p
\v 1 \x - \xo 21:1: \xo*\xt Hesa 65:17; 66:22; 2Pit 3:13\xt*\x*Acunüng khankhaw kthai la khawmdek kthai ka jah hmuki. Khankhaw kma la khawmdek kma khyüki xawi. Mliktui pi khyüki. 
\v 2 \x - \xo 21:2: \xo*\xt Hesa 52:1; 61:10; Malam 3:12 \xt*\x*Acunüng Mlüh Ngcim, Jerusalem kthai cun nglamica a ceia hama nglanglawi lü ngtünkia kba Pamhnama vei üngka khankhaw üngka naw kyum law se ka hmuh. 
\v 3 \x - \xo 21:3: \xo*\xt Hez 37:27; Lev 26:11,12\xt*\x*Bawingawhnak üngka naw angsang yea, “Pamhnama im nghngicim khyang hea hlawnga awm ve. Amimi am alanga awm khai. Amimi cun a khyang hea kya khai he. Pamhnam amät ami hlawnga awm se ani cun ami Pamhnama kya khai. 
\v 4 \x - \xo 21:4: \xo*\xt Hesa 25:8; \xt*\xt Hesa 35:10; 65:19\xt*\x*Ami mik üngka ami miktui naküt ani naw jah xuh pe khai. Thihnak am awm be ti khai, mlungnatnak, kyahnak, natnak he pi am awm be ti khai. Akphyüm avan khyük pängki hea kyaki,” ti se ka ngjak.
\p
\v 5 Acunüng bawingawhnak üng ngawki naw, “Ahmäi akthaia ka pyang pängki,” a ti. Acunüng, “Hina ngthu hin üpnak vaia kya lü akcanga kyaki ni, yua,” a ti. 
\v 6 \x - \xo 21:6:\xo*\xt Hesa 55:1\xt*\x*Acunüng ka veia, “Ngpäng ve! Kei akcük la anghnu säiha ka kyaki, atünak la adütnaka ka kyaki. Tui xaiki naküt üng a awk vai xünnak tuilawng amdanga ka pe khai. 
\v 7 \x - \xo 21:7 \xo*\xt 2Sam 7:14; Sal 89:26,27\xt*\x*Ngnängnak yahki naküt naw acun he jah yah khai. Kei ami Pamhnama kya ni se amimi pi ka ca hea kya khai he. 
\v 8 Acunsepi kyükyawki he, am jummeiki he, mtüihkhehki he, khyang hnimkie, hüipawmki he, suikyam biloki he, juktuh sawkhahki he, hleihlaki he naküta yah vaia hmün cun mei la kat am däikia meituma kya khai; acun cun anghninaka thihnaka kyaki,” a ti.
\s Jerusalem Kthai
\p
\v 9 Khankhawngsä he khyüh üngka mat khuikhanak he anghnu säih khyüh am bekia mlungsonak kbe khyüh kpawmki cun ka veia law lü, “Lawa, Tomeca a khyu Cangla ning mhmuh vang,” a ti. 
\v 10 \x - \xo 21:10: \xo*\xt Hez 40:2 \xt*\x* Ngmüimkhya üng khawmcung ak'hlüngnua na cehpüi lü ngcimcaihkia Jerusalem Mlüh Ngcim, Pamhnama hlüngtainak am be lü khankhawa Pamhnam üngka naw kyum lawki, 
\v 11 Pamhnama hlüngtainak am vaiki a na mhmuh. Acuna mlühnua kdei cun lung phu küi säihkia mäih, jaspar lunga mäih law lü, khrustal lunga mäiha caki. 
\v 12 \x - \xo 21:12,13:\xo*\xt Hez 48:30-35\xt*\x*Aktäa ngbaü lü hlüngkia ngvawng awmki. Mkawt xaleinghngih awmki. Mkawt xaleinghngih hea peia khankhawngsä xaleinghngih awmki he. Acuna mkawt üng ngming jah yuk awmki he. Acuna ngming he cun Isarel Pakhui xaleinghngiha ngminga kyaki he. 
\v 13 Acunüng nghngilaw lama mkawt kthum, nghngikyak lama mkawt kthum, acum lama mkawt kthum, asip lama mkawt kthum awmki he. 
\v 14 Mlüh ngvawng üng khänak lunge xaleinghngih awmki. Acuna khänak lung he xaleinghngih üng Tomeca a ngsä he xaleinghngiha ami ngming awmki. 
\v 15 \x - \xo 21:15: \xo*\xt Hez 40:3\xt*\x*Na ngthuheipüikia khankhawngsä naw mlühnu, mlühnua mkawt la ngvawng jah mcäpnak vaia xüi ksawngkhe kpawmki. 
\v 16 Mlühnu cun aktun akpheia awmki. Aktun lam la akphei lam ngcäpki xawi. Khankhawngsä naw xüi ksawngkhe am mlüh cun mcäp se aktun, akphei, ahlüng, mäng 1,500 ci kyaki. Aktun lam, akphei lam la ahlüng lam tängki he. 
\v 17 Khankhawngsä naw ngvawng mcäp be se nghngicim khyanga mcäpa kba pei 216 hlüngki. \f + \fr 21:17: \fr*\fq hlüngki; \fq*\ft am acunüng \ft*\fq thahki. \fq*\f* 
\v 18 Mlüha ngvawng cun mnakalunga kyaki. Mlüh cun xüi ngcim, hman ngcim kcang am pyana mäih lawki. 
\v 19 Acuna mlüha ngvawng khänak he cun lung phuküi he naküt am mtomtaia kyaki. Angkhänak kcük cun jaspar lung, anghnginak cun saphir lung, akthumnak cun mahuja lung, akphyünak cun emerad lung, 
\v 20 amhmanak cun mthi lung, akhyuknak cun lungsen, akhyühnak cun lung’ai, akhyetnak cun beril lung, akawnak cun toza lung, axanak cun kezatonih lung, aleiatnak cun tawkawi lung, aleinghngihnak cun kawmuk lunga kyaki. 
\v 21 Mkawt xaleinghngih he cun vatha xaleinghngih am pyana kyaki. Mkawt naküt cun vatha mat ci am pyana kyaki. Acuna mlüha lam cun xüi ngcima kya lü hmana mäiha nglangki.
\p
\v 22 Mlüh k’uma Temple am hmu nawng. Bawipa Pamhnam ahmäi khyaihbahki la Toca cun acuna Temple na kyaki. 
\v 23 \x - \xo 21:23:\xo*\xt Hesa 60:19,20\xt*\x*Acuna mlüh üng nghngi la khya akvai am hlü be ti. Pamhnama hlüngtainak cun acuna mlüha akvaia kya lü, Tomeca cun acuna mlüha meiima kyaki. 
\v 24 \x - \xo 21:24: \xo*\xt Hesa 60:3\xt*\x*Khawmdek khyang he naküt cun acuna mlüha akvai üng citcawn law hü khai he. Khawmdek sangpuxang he naw pi ami bawimangnak acuia lawpüi khai he. 
\v 25 \x - \xo 21:25,26: \xo*\xt Hesa 60:11\xt*\x*Mlüh mkawt he cun amhmüpa nghmawng khai he; khawmthan süm süm am ve be ti khaia kyase jah khaih vai am hlü. 
\v 26 Khyangmjü hea kyäpsawknak la bawimangnak he acuna mlüh üng jah lawpüi khai he. 
\v 27 \x - \xo 21:27:\xo*\xt Hesa 52:1; Hez 44:9\xt*\x* Mtüihkhehki u süm süm am lut thei khai. Ngkekhyakeinak vai biloki he la hleihlaki he pi am lut thei khai he. Toca xünnak cauk üng ami ngming yuk däng va lut khai he.
\c 22
\p
\v 1 Khankhawngsä naw hmanlunga mäiha vai lü Pamhnam la Tomeca bawingawhnak üngka naw lawng lawkia xünnak tuilawng a na mhmuh, 
\v 2 \x - \xo 22:2: \xo*\xt Gen 2:9 \xt*\x*Acunüng mlüh lama nglung la tui pipeia xünnak thing awmki. Acuna xünnak thing cun khya mat üng ahun cia ngthei lü kum mat üng xaleinghngih veia ngtheiki. Acuna thinga hnah cun khyangmjü he naküta hama phetyainaka kyaki. 
\v 3 \x - \xo 22:3: \xo*\xt Zakh 14:11 \xt*\x*Pamhnama yüncenak süm süm acuna mlüh üng am awm be ti khai.
\p Pamhnam la Toca bawingawhnak däng awm se a m'ya he naw Ani cun sawhkhah khai he. 
\v 4 A müihmai hmu law khai he; ami mceyü üng a ngming yuka kya khai. 
\v 5 \x - \xo 22:5: \xo*\xt Hesa 60:19; \xt*\xt Dan 7:18\xt*\x*Khawmthan am awm be ti khai. Meiima akvai la khawnghngia akvai am hlü be ti khai. Bawipa Pamhnam cun ami kdeia kya khai. Acunüng sangpuxang hea kba anglät se bawi khai he.
\s Jesuha lawnak be
\p
\v 6 Acunüng khankhawngsä naw ka veia, “Hina ngthu hin üpnak vaia ngthu la ngthu kcanga kyaki ni; acunakyase a sahma he üng Ngmüimkhya jah pekia Bawipa Pamhnam naw säng säng se kya law khai he cen a m'ya he jah mhmuh khaia a khankhawngsä a tüih lawa kyaki.
\p
\v 7 Jesuh naw, \wj “Ngai u, ka law jä khai. Hina cauk üng malam mdanak ngthu kcangnaki ta a jo sen ve,” \wj*a ti.
\p
\v 8 Ahin he naküt jah hmu lü ngjaki ta kei Johan ni. Ka jah hmuh ngjak käna acun na jah mhmuhkia khankhawngsäa khaw kunga ka sawhkhah khaia ka kawpki. 
\v 9 Acunsepi ani naw ka veia, “Hikba ä tia; kei cun nang la na bena sahma he la hina cauk ngthu kcangnaki he jah khüihpüikia ka kyaki ni. Pamhnam sawhkhaha,” a ti. 
\v 10 Acunüng ani naw ka veia, “Hina cauk malam mdanak he cen ä na jah mjih vai; Akcün ng'et law pängki ni. 
\v 11 \x - \xo 22:11: \xo*\xt Dan 12:10\xt*\x* Khyang kse naw ta akse pawh laih laih se; mtüihkhehki ta mtüihkheh laih laih se; dawki naw akdaw pawh laih laih se; ngcimcaihki ta ngcimcaih lü ve laih laih se,” a ti.
\p
\v 12 \x - \xo 22:12: \xo*\xt Hesa 40:10; 62:11; \xt*\xt Sal 28:4; Hesa 40:10; Jer 17:10\xt*\x*Jesuh naw, \wj “Ngai u, ka law jä khai. Khyang naküt ami bilawha kba ka jah kheng khaia, ngkhengnak ka lawpüi khai. \wj* 
\v 13 \x - \xo 22:13: \xo*\xt Malam 1:8,17; 2:8; Hesa 44:6; 48:12\xt*\x*\wj Kei akcük la anghnu säih, acuteinak la adütnaka ka kyaki. \wj*
\p
\v 14 \x - \xo 22:14: \xo*\xt Gen 2:9; 3:22\xt*\x* “Xünnaka thing üngka thingkthei ei thei u lü mkawt üngka naw mlüha luh thei vaia ami suisak ngcim khaia msuki he ta ami jo sen ve. 
\v 15 “Mlüh kpunga ui he, suikyam taki he, hüipawmki he, khyang hnimkie, juktuh sawkhahki he, ami bilawh la ami pyenksak üng hleihlaki he awmki he. 
\v 16 \x - \xo 22:16:\xo*\xt Hesa 11:1,10\xt*\x*\wj “Kei Jesuh naw nami veia sangcim he üng hina ngthu sang khaia ka khankhawngsä ka tüih lawa kyaki. Kei Davita mjü üngka; deikhangkia thaikea ka kyaki,” \wj*a ti.
\p
\v 17 \x - \xo 22:17: \xo*\xt Hesa 55:1\xt*\x*Ngmüimkhya la cangla naw, “Lawa!” ani ti.
\p Ngjaki naküt naw pi, “Lawa!” ti kawm.
\p Tui xaiki naküt law se;
\p ngaihki naküt naw amdanga yeta xünnak tui yah se.
\s Khüpnak
\p
\v 18 \x - \xo 22:18,19: \xo*\xt Deut 4:2; 12:32\xt*\x* Kei, Johan naw hina malam mdanaka cauk hin ngjaki naküt üng ning jah mcäi veng. Upi iyaw mkhah siki cun hina cauk üng yuka khuikhanak he Pamhnam naw a khana mkhah pe hnga khai. 
\v 19 Acunüng upi hina cauk malam mdanaka ngthu mkhyühki cun hina cauk üng yuka xünnak thinga ktheih la Mlüh Ngcim a yah vai cun Pamhnam naw lakin pe hnga khai.
\p
\v 20 Ahina mawng jah ngsing saki naw, \wj “Ä, akcanga! akjäa ka law khai,” \wj*a ti.
\p Acukba kya kawm. Bawipa Jesuh, lawa!
\p
\v 21 Bawipa Jesuha bäkhäknak avana\f + \fr 22:21: \fr*\fq avan; \fq*\ft avang üng \ft*\fq Pamhnama khyang he \fq*\ft tia yu u lü, avang üng Pamhnama khyang avan \ft*\ft tia ami yuk. \ft*\f* khana awm se.