\id JHN Dai-Chin: Bible Translation 1st Edition
\ide UTF-8
\ide Unicode (UTF-8)
\h Johan
\toc1 JOHANA Yuk Thangkdaw
\toc2 Johan
\toc3 Jn
\mt1 JOHANA
\mt2 Yuk Thangkdaw
\imt Pyenhlüma
\ip Ahina \bk Johana Yuk Thangkdaw\bk* üng Johan naw Jesuh cun khyanga kba law lü mi ksunga khyanga kba xüng lawki, angsäi xüngki Pamhnama Ngthu ni ti lü pyenkia kyaki. Jesuh cun Pamhnam naw bekhüt a jah peta mäiha jah küikyan khaia Pamhnama Capa ni tia ca khekie naw ami jumnak vaia yuka kyaki. Acunkäna ani jum nakütki cun naw angsäi xünnak yah khai, tia mawng pi a yuk hmuha kyaki (20:31).
\ip Angsäia xüngki Pamhnama Ngthu Jesuha mawng akcüka a pyen käna, Jesuh cun jah küikyankia Bawipa, Pamhnama Capa tia ngdangsaki müncankseea mawng a yuk hmuha kyaki. Acunkäna a pyene cun müncanksee üng jah mtheh ngkhaiki. Khyang he naw Jesuh ami jum law ja a hnukläkea ami thawn law, ja khyang avang naw ani mah u lü am ami kcangnak hlüa mawng jah mthehki. Akyangkdäm 13-17 naw Jesuh ja axüisaw he, Jesuh ami man law vaia mü üng ami awmih, ngcüngceinaka ngthue, ami taih law vaia mü üng axüisaw he a jah mcuhmcäia mawnge cun mi jah hmuhki. Akpäihnaka kyange naw Jesuh ami man, ami kcükcet, ami hnimnak ja a thawhnak be, a thawh be käna axüisaw he veia a ngdang hünake jah mthehki.
\ip Kpami am bäühma ni se ami mana nghnumia mawng cun (8:1-11) bracketa k’uma ami tak. Isenitiüng, avang naw yuksih u se, a na yuk makie avang naw ami hawihin.
\ip \bk Johan\bk* naw Khritaw üngkhyüh yaha angsäia xünnak letsawng cun atuh hin cutei päng lü; Jesuh cun lam, ngthungtak ja xünnak ni ti lü doeiki naküta khana acuna letsawng cun a pha law vaia mawng aktunga yuki. Thangkdaw \bk Johana\bk* hngalangnak ta; amhnüp tä mi jah hmuhtheh summange: tui, buh, akvai, toksäm ja a toe, capyit nghjung ja a ktheihe cun jah sumei lü ngmüimkhya lama a jah mtheimthangnakea kyaki.
\iot Amawng Ktawie
\io1 Pyenhlüma \ior (1:1-18)\ior*
\io1 Baptican Johan ja Jesuha axüisaw kcüke \ior (1:19-51) \ior*
\io1 Khyang hea ksunga Jesuha khut pawh \ior (2:1—12:50) \ior*
\io1 Akpäihnaka khawmhnüp üng Jerusalema pipei ja Jerusalema k'um \ior (13:1—19:42) \ior*
\io1 Bawipa thawhnak be ja a ngdang hünak \ior (20:1-31) \ior*
\io1 Akpäihnak: Kalilea a ngdangnak betü \ior (21:1-25) \ior*
\c 1
\s Ngthu cun nghngicima ngtüi lawki
\p
\v 1 Akcük ma säiha Ngthu a na veki; Ngthu cun Mhnam am atänga veki, Ngthu cun Mhnama kyaki. 
\v 2 Ngthu cun akcük ma säih üngkhyüh Mhnam am a na veki. 
\v 3 Ahmäi naküt ani üngkhyüh Pamhnam naw a mhnüna kyaki; mhnünmceng naküt üng ani am ngpüikia mhnün i pi am ve. 
\v 4 Ngthu cun xünnaka phungnua kyaki; acuna xünnak naw khyangea vei akvai lawpüiki. 
\v 5 Akvai cun anghmüpnaka vai law se, nghmüp naw am näng mkhüt.
\p
\v 6 \x - \xo 1:6 \xo*\xt 1:6 \xt*\xt Mt 3:1; Mk 1:4; Lk 3:1,2\xt*\x*Pamhnam naw a ngsä mat a tüih law, a ngming cun Johana kyaki. 
\v 7 Ani naw khyangea veia akvaia mawng cun pyen se, khyange naw ngja u lü ami jumei law vai ua phäha kyaki. 
\v 8 Amät cun akvai am ni, akvaia mawng pyen khaia lawki. 
\v 9 Ani cun akvai kcang, khawmdek khana law lü khyang naküta khana vaiki.
\p
\v 10 Ngthu cun khawmdek khana veki, khawmdek cun ani üngkhyüh mhnünmcenga kyaki. Acunsepi khawmdek naw ani am ksing. 
\v 11 Amäta khyangea veia lawki. Acunsepi, amäta khyange naw am dokhamei u. 
\v 12 Acunsepi, avang naw doei lü jumei u se, Pamhnama caea thawn theinak a jah pet. 
\v 13 Acun he cun nghngicima mtisa thithaü üngkhyüh cawmbei lawkie am ni. Khyanga pasang üngka naw ngtüi lawkie pi am ni u, amimia pa ta Pamhnam ni.
\p
\v 14 Ngthu cun nghngicima ngtüi lawki; bäkhäknak ja ngthungtak am be lü mi ksunga veki. Paa ca mat däka hlüngtainaka kba, a hlüngtainak cun mi hmuhki.
\p
\v 15 Johan naw ania mawng a pyen ta, ‘Ka pyen khawi cen ani ni, “Ani cun ka hnua law kyaw sepi ka maa a na ve pängki ni” a ti.
\p
\v 16 Kümceikia ania bäkhäknak am dawkyanaka thea dawkyanak mi van naw mi yahki. 
\v 17 Thum cun Mosia kut üngkhyüh Pamhnam naw a jah peta kyaki. Acunsepi, bäkhäknak ja ngthungtak ta Jesuh Khritaw üngkhyüh a jah peta kyaki. 
\v 18 U naw pi Pamhnam am hmuh khawi. Pamhnam am täng lü, Paa peia veki, a Capa mat däk naw paa mawng jah ksingsak pängki.
\s Baptican Johana ngthu pyen 
\r (Mt 3:1-12; Mk 1:1-8; Lk 3:1-18)
\p
\v 19 Jerusalema veki Judah ngvaie naw, “Nang u ni?” ti lü, kthäh acun hea ktaiyü he ja Levihe Johana veia ami jah tüih.
\p
\v 20 Johan naw käh mjih lü, “Kei Mesijah am ni ngü,” ti lü a jah msang.
\p
\v 21 \x - \xo 1:21 \xo*\xt Mal 4:5 \xt*\x*Amimi naw, “Nang u ni? Nang Elijah aw?” ti lü ami kthäh.
\p Johan naw, “Am ni ngü” a ti.
\p “Nang Sahma aw?” ami ti.
\p Johan naw, “Am ni ngü” ti lü, a jah msang.
\p
\v 22 Amimi naw, “Acunüng nang u ni, jah mtheha? jah tüih lawkie kami jah mthehnak be vai ami ti. Namäta mawng hin ihawkba na pyenki ni?” ti lü ami kthäh betü u.
\p
\v 23 \x - \xo 1:23 \xo*\xt Hesa 40:3\xt*\x*Johan naw, “Sahma Hesajah naw a pyena mäiha,
\q1 ‘Bawipaa lawnak vai lam ngsungsak u,’ ti lü
\q2 khawmkyanga ngpyangki kthaia ka kyaki ni,” a ti.
\p
\v 24 Pharisee naw ami jah tüiha khyange cun naw, 
\v 25 “Mesijah am ni, Elijah am ni, sahmaa pi am na ni üng, ise Baptican na jah peki ni?” ti u lü ami kthäh betü u.
\p
\v 26 Johan naw, “Kei naw tui am Baptican ka jah pe khawiki, nami ksunga khyang mat am nami ksing ngdüiki. 
\v 27 Ani cun ka hnua law sepi, a khawdawk yüi suh pet khaia pi am nglawi ngü” ti lü, a jah msang.
\p
\v 28 Ahin avan cun Johan naw baptican a jah petnaka hnün Jordan mliktui pei Bethaniha thawnhlawkia kyaki.
\s Pamhnama Toca
\p
\v 29 Angawi üng Johan naw Jesuh a veia law se hmuh lü, “Khawmdeka mkhyekatnak cehpüiki Pamhnama Toca teng u! 
\v 30 Acan ni, ‘Keia kthaka dämduh bawki, ka hnua lawki kyaw, cunüngpi ka maa a na ve päng kungki ni,’ ka ti cen ani ni. 
\v 31 Akcüka ani am ksing ngü, cunsepi, Isarele naw ani ami ksing law vaia, kei naw law lü tui am Baptican ka jah peki,” a ti.
\p
\v 32 Johan naw a mawng pyen lü, “Ngmüimkhya cun müma mäiha khankhaw üngka naw kyum law lü a khana ngawki ka hmuh. 
\v 33 “Akcüka ta ani ni ti am ksing ngü. Cunsepi, tui am Baptican ka jah pe khaia na tüih lawki Pamhnam naw, ‘Ngmüimkhya a khana kyum law lü a ngawhnaka khyang na hmuh üng, ani cun Ngmüimkhya Ngcim am Baptican jah pe khaia Khyang ni’ ti lü a na mtheh. 
\v 34 Johan naw “Ani ka hmuh pängki, ani Pamhnama Capaa kyaki tia ka ning jah mthehki,” a ti.
\s Jesuha xüisaw kcüke
\p
\v 35 Angawi betü üng, Johan naw axüisaw xawi nghngih am ngdüi lü, 
\v 36 Jesuh law se hmuh lü, “Acan ni Pamhnama Toca,” a ti.
\p
\v 37 Axüisaw xawi naw a pyen ngja ni lü, Jesuh läki xawi. 
\v 38 Jesuh naw ani veia nghlat lü läk law ni se a jah hmuh üng, \wj “I nani suiki” \wj*ti lü, a jah kthäh.
\p Anini naw, ‘Rabbi (Saja tinak), hawia na veki?” ani ti.
\p
\v 39 Jesuh naw, \wj “Law ni lü nani hmuh khai,” \wj*a ti. Cit ni lü a venak ani hmuh, acuna mhnüp cun a hlawnga veeiki xawi; acun cun mülama (Naji kphyü bang) kyaki.
\p
\v 40 Johana ngthu pyen ngja ni lü, Jesuh läki nghngih üngka mat cun Sihmon Pita a na Andrua kyaki. 
\v 41 Andru naw akcüka a be Sihmon hmuh lü, “Mesijah hmuh ve ung” ti lü, a mtheh (Mesijah ti cun Khritaw tinak ni). 
\v 42 Acunüng, Sihmon cun Jesuha veia a lawpüi.
\p Jesuh naw teng lü, \wj “Nang hin Johana capa Sihmon na ngmingnaki, Kephaa ning sui khaie,”\wj* a ti (Acun cun Pita üng täng lü, “Lung” tinaka kyaki).
\s Philip ja Natanelah Jesuh naw a jah khünak
\p
\v 43 Angawi üng Jesuh Kalile khawa cit khaia a ngtün üng, Philip hmuh lü, \wj “Na läk lawa”\wj* a ti. (
\v 44 Philip cun Bethsaida mlüha kaa kyaki, acun cun Andru ja Pitaa ani venaka mlüha kyaki.) 
\v 45 Philip naw Natanelah hmuh lü, “Mosi naw ania mawng Thum üng a yuk, sahma he naw pi a mawng ami yuk, Nazaret üngka, Josepa capa Jesuh, kami hmuhkie” ti lü a mtheh.
\p
\v 46 Natanelah naw, “Nazaret mlüha cimvaiki ve khai aw?” a ti.
\p Philip naw, “Law lü, teng lawa” a ti be.
\p
\v 47 Jesuh naw, Natanelah a veia law se hmuh lü, \wj “A mkhyenak lang am vekia Isarel khyang kcang, teng ua”\wj* ti lü, a pyen.
\p
\v 48 Natanelah naw, “Nang naw ihawkba na na ksing ni?” a ti.
\p Jesuh naw, \wj “Philip naw am a ning khü ham lü, Fikdung phunga na ve üng ka ning hmuh päng ni” \wj*a ti be.
\p
\v 49 Natanelah naw, “Rabbi, nang Pamhnama Capa ni, Isarelea Sangpuxanga pi kya veki,” a ti.
\p
\v 50 Jesuh naw, \wj “Fikdung phunga na ve üng ka ning hmuh päng ni’ ka tia phäha na na kcangnaki aw? Ahina kthaka dämduh bawki na hmuh law khai,”\wj* a ti. 
\v 51 \x - \xo 1:51 \xo*\xt Gen 28:12\xt*\x*Jesuh bä naw, \wj “Akcanga ka ning jah mthehki. Tuha khankhaw nghmawng lü Pamhnama khankhawngsäe Khyanga Capaa khana ju kyum jeng kai u se nami jah hmuh law khai,”\wj* a ti.
\c 2
\s Kana mlüha cambumnak
\p
\v 1 Amhnüp nghngih käna Kalile hne, Kana mlüha cambumnak veki. Acuia Jesuha nu pi veki. 
\v 2 Jesuh ja axüisaw he pi acuia ami jah khüei hnga. 
\v 3 Capyitui päih se Jesuha nu naw, “Capyitui päih ve,” ti lü Jesuh üng a mtheh.
\p
\v 4 Jesuh naw, \wj “I pawh vai ti cun, nanga na mtheh vai am hlü. Ka kcün am pha ham,”\wj* a ti.
\p
\v 5 A nu naw mpyae üng, “A ning jah mtheh naküt pawh ua,” a ti.
\p
\v 6 Judahea thuma ngcimcaihnak vaia, kalan mku ja thumkipa keh vangkia mcü khyuk veki. 
\v 7 Jesuh naw mpyae üng, \wj “Mcüe tui am jah kbe päih ua,”\wj* a ti. Be lü pyep khaia tui ami jah than. 
\v 8 Jesuh naw, \wj “Tukbäih tui avang lo u lü pawi tuiktänga veia cehpüi ua,”\wj* a ti. Mpyae naw tuiktänga veia ami cehpüi.
\p
\v 9 Pawi tuiktäng naw tui cun Capyittuia ngläüh lawki cun mdep lü, angtüi lawnak am ksing, (Tui thanki mpyae naw ta ksingki he). Acunüng cambumki khü lü, 
\v 10 “Khyang naküt naw akcüka Capyittui asü am jah khin na ma lü, ami awk phü käna va akpaih am jah khin na khawikie. Nang naw ta tuh vei cäpa asü am jah khin na veki,” a ti.
\p
\v 11 Jesuh naw hina müncankse akcük säih Kalile hne, Kana mlüha mdang lü a hlüngtainak mdangki. Acunüng, axüisaw he naw Jesuh jumkie.
\p
\v 12 \x - \xo 2:12 \xo*\xt Mt 4:13\xt*\x*Acunkäna a nu, a nae ja axüisaw he am, Kapenawm mlüha cit u lü acuia khawmhnüp asäng awmkie.
\s Jesuh naw Templea citki 
\r (Mt 21:12-13; Mk 11:15-17; Lk 19:45-46)
\p
\v 13 \x - \xo 2:13 \xo*\xt Ex 12:1-27\xt*\x*Judahea Lätnak Pawi kcün pha law se, Jesuh Jerusalema jeng citki. 
\v 14 Temple k'uma, se mna, to, müme jah jawikie ja, ngui mhlaikia khyange a jah hmuh. 
\v 15 Kpaihnak vaia yüipawk pawh lü, Temple üngka naw se mna ja toe a jah sät. Ngui mhlaikiea ami ngawhnake jah ktukhawngin lü nguikcange a jah hukxänin pet. 
\v 16 Müm jawikiea üng, \wj “Hine akcea jah cehpüi ua, ka Paa im jawihtuknaka käh pyang ua,”\wj* a ti. 
\v 17 \x - \xo 2:17 \xo*\xt Sal 69:9\xt*\x*Axüisawe naw, “Na ima phäha ka ngaihngtühnak naw ka mlung k'uma na uiawng ve,” ti lü, ng’yuki ami süm law be.
\p
\v 18 Judah ngvaie naw ngthäh u lü, “Ahikba na jah pawhki. Na cangki tia a ngsingnak vaia, ia müncankse na jah mhnuh khai ni?” ami ti.
\p
\v 19 \x - \xo 2:19 \xo*\xt Mt 26:61; 27:40; Mk 14:58; 15:29\xt*\x*Jesuh naw jah msang lü, \wj “Hina Temple kpye uki se, mhnüp kthum üng ka mdüih be khai,” \wj*a ti.
\p
\v 20 Judahe naw, “Hina Temple kum kphyükip ja khyuk so khaia sak ni. Ihawkba nang naw mhnüp kthum üng na mdüih be khawh khai ni?” ami ti.
\p
\v 21 Cunüngpi Jesuh naw Temple a ti cun amäta pumsa a pyenaka kyaki. 
\v 22 Acunakyase, Jesuh thihnak üngka naw a thawh law käna, axüisaw he naw ami veia a pyen khawi süm law bekie. Acunüng cangcim ja ngthu Jesuh naw a pyen cun jumkie.
\s Khyanga ngneiksak Jesuh naw a ksing
\p
\v 23 Jesuh Jerusalem mlüh Lätnak Pawi buh pawhnaka ve se, müncanksee a jah pawh hmuh u lü, khyang khawhah naw ani jumkie. 
\v 24 Acunsepi, Jesuh naw khyang naküt jah ksingkia kyase, khyangea veia amät naw amät am ng’apei. 
\v 25 Khyanga mlung k'uma i veki ti cun ksingkia kyase, khyangea mawng ani üng u naw i a mtheh vai am hlü.
\c 3
\s Jesuh ja Nikawdim
\p
\v 1 Pharise üngka khyang mat Nikawdim ngming naki, Judahea mkhawng veki.
\p
\v 2 Ani cun mthana Jesuha veia law lü, “Rabbi, nang Pamhnama vei üngka naw lawkia saja, ti kami ksingki. Isetiakyaküng, müncanksee na jah pawha mäih, Pamhnam am ngpüikia u naw am jah pawh khawh,” a ti.
\p
\v 3 Jesuh naw msang lü, \wj “Akcanga ka ning mthehki, am hmi bekia khyang naw Pamhnama Khaw am hmu thei,”\wj* a ti.
\p
\v 4 Nikawdim naw, “Ihawkba khyang axü käna hmi be thei khai ni? A nua pum k'uma lut be lü anghngihnak hmi law be thei khai aw?” ti lü a kthäh be.
\p
\v 5 Jesuh naw, \wj “Akcanga ka ning mthehki, tui ja Ngmüimkhya üng am hmi bekia khyang Pamhnama Khawa am lut thei.\wj* 
\v 6 \wj Nghngicim üng hmi lawki cun nghngicim khyanga kya lü, Ngmüimkhya üng hmiki cun ngmüimkhya khyanga kyaki.\wj* 
\v 7 \wj ‘Na hmi be vai ka tia phäha käh cäia.\wj* 
\v 8 \wj Khawkhi a ngaihnak da khiki. A khi kthai na ngja kyawki, lüpi hawia khyüh law lü, haw da citki ti am ksingki. Au pi Ngmüimkhya üng hmiki cun acukba ni,” \wj*a ti.
\p
\v 9 Nikawdim naw msang lü, “Ihawkba acukba thawn thei khai ni?” a ti.
\p
\v 10 Jesuh naw, \wj “Nang cun Isarele khyangmjü üng saja kyäpa pi kya lü, ahin am na ksingki aw?\wj* 
\v 11 \wj “Akcanga ka ning mthehki, kami ksing ning jah mtheh lü, kami hmuh kami ning jah mhnuh khawiki. Acunüng mat naw pi kami pyen am doei uki.\wj* 
\v 12 \wj “Khawmdeka mawng ka ning jah mtheh üng am nami na kcangnak üng ta, khankhawa mawng ka ning jah mtheh üng ihawkba nami na kcangnak khai ni?\wj* 
\v 13 \wj “Khana khyüh kyum lawki Khyanga Capaa thea, u khana am kai khawi.\wj*
\p
\v 14 \x - \xo 3:14 \xo*\xt Num 21:9\xt*\x*\wj “Mosi naw khawmkyanga tangka am pyang kphyu lup a taiha mäiha, Khyanga Capa pi taiha kya khai.\wj* 
\v 15 \wj “Au pi Ani jumki naküt naw angsäi xünnak yah khaie.\wj* 
\v 16 \wj “Pamhnam naw khawmdek a mhläkphyanak leng lenga phäh a Capa mat däk a jah pet. Ani jumki naküt cun käh thi ti lü angsäia xünnak yah khaie.\wj* 
\v 17 \wj “Pamhnam naw a Capa, khawmdeka a tüih law cun ngthumkhyah khaia a tüih law am ni. Khawmdek küikyan Bawi vaia a tüih law ni.\wj*
\p
\v 18 \wj “A Capa jumki cun ngthumkhyahnak am khamei. Acunsepi, Ania ngming am jumki cun Pamhnam Capa mat däk am a jumeia phäha, ngthumkhyahnak khamei pängkia kyaki.\wj* 
\v 19 \wj “Hin hin, ngthumkhyahnaka kyaki. Pamhnama akvai khawmdek khana lawki, acunsepi nghngicime naw ami bilawh am a dawa phäha, akvaia kthaka nghmüp jawng na bawkie.\wj* 
\v 20 \wj “Isetiakyaküng, am dawki bilokie naw akvai cun hnengkie, ami bilawh angdang vai kyüh u lü akvaia veia am law u.\wj* 
\v 21 \wj “Acunsepi, akcang bilokie naw Pamhnama mtheh ami ngjaka mawngma akvai naw mdan khaia, akvai da law khawikie,”\wj* a ti.
\s Jesuh ja Baptican Johan
\p
\v 22 Acunkäna, Jesuh ja axüisaw he cun acuia ve u lü khyange am baptican a jah petnak khawia hnün Judah khaw ngnamea citkie. 
\v 23 Johan naw Salim pei Anon, acuia tui a daa phäha, baptican a jah pe k’um üng, law u lü Baptican khan lawkie. 
\v 24 \x - \xo 3:24 \xo*\xt Mt 14:3; Mk 6:17; Lk 3:19,20\xt*\x*Acunüng, Johan thawngim üng am khyum ham u.
\p
\v 25 Acuia Johana xüisawe avang ja Judahea nglak üng, khawning ngcimcaihnaka mawng ngcuhnak ve lawki. 
\v 26 Johana veia law u lü, “Saja aw, tenga, Jordan mliktuia nghngilawa na hlawnga veki, a mawng na pyen naw Baptican jah pe se, khyang ami van a veia cit ve u,” ami ti.
\p
\v 27 Johan naw jah msang lü, “Au naw pi, khana khyüh am pet üng ta i am yah khawh. 
\v 28 \x - \xo 3:28 \xo*\xt Jn 1:20\xt*\x* ‘Kei Mesijah am ni, acunsepi, kei cun ania maa tüih lawa ka kyaki ni’ ka ti cen nangmi hin ka ning jah saksie ni. 
\v 29 “Cambumkia cangpyang üng va cangla cun sängeiki. Cunsepi cangpyanga peia ngdüi lü cangpyanga kthai ngjaki a nglawipüi cun naw cangpyanga kthai a ngjak üng jekyaiki. Acukba ni ka jenak akümbe. 
\v 30 “Ani hlüngtai law dämdäm se, kei ka ju nem phätphät khai.
\s Khan üngkhyüh kyum lawki Jesuh
\p
\v 31 “Khan üngkhyüh lawki cun avana kthaka dämduh bawki ni. Mce üngka cun mce üng sängei lü khawmdeka mawngma va pyetksaki. Cunüngpi, Khankhaw üngkhyüh lawki cun anaküta khana dämduh bawki ni. 
\v 32 “A hmuh ja a ngjak jah mtheh kyaw sepi, a pyen u naw pi am dokhamei u. 
\v 33 “Au pi, a pyen dokhamki cun Pamhnam cangki tia mdangki ni. 
\v 34 “Pamhnama tüih lawa khyang cun naw Mhnama ngthu pyenki. Isetiakyaküng, Pamhnam naw ani üng kümceikia a Ngmüimkhya a peta phäha kyaki. 
\v 35 \x - \xo 3:35 \xo*\xt Mt 11:27; Lk 10:22\xt*\x*“Pa naw a Capa mhläkphya na lü, ahmäi naküt a kut üng a msum. 
\v 36 “Au pi, a Capa jumki naw anglät xünnak yahki; au pi a Capa am jumki naküt naw xünnak am yah. Pamhnama mkhuimkhanaka kea ve khaie,” a ti.
\c 4
\s Jesuh ja Samarih nghnumi
\p
\v 1 Jesuh naw Johana kthaka Baptican jah pe lü, axüisaw hea jah pyangki tia mawng, Pharisee naw ngjakie. 
\v 2 (Akcanga ta, Jesuh amät naw baptican am jah pe, axüisaw he naw ami jah peta kyaki), 
\v 3 Ami pyena mawng Jesuh naw a ngjak ja Judah khaw ceh ta lü, Kalile khaw da, 
\v 4 Samarih khaw sunpah lü cit yahki.
\p
\v 5 \x - \xo 4:5 \xo*\xt Gen 33:19; Jos 24:32\xt*\x*Jakop naw a capa Josep üng a peta khaw pei, Samarih khaw hne Sukhar mlüha pha lawki. 
\v 6 Acuia Jakopa tuikhui veki. Jesuh lam a lawnak bawngbai lü, tuikhui peia ngawki. Acun cun mhnüp ngsunga kyaki.
\p
\v 7 Samarih nghnumi tui than khaia law se Jesuh naw, \wj “Ka awk vai tui na pea,”\wj* a ti. 
\v 8 (Acun k'um üng, axüisaw he cun mlüh k’uma ei vai khyäi acun hea citkie.)
\p
\v 9 \x - \xo 4:9 \xo*\xt Eza 4:1-5; Neh 4:1,2\xt*\x*Samarih nghnumi naw, “Ihawkba, nang Judah khyang naw, kei Samarih nghnumia veia tui na awk vai na täeiki ni?” ti lü, a kthäh be. (Judah khyang mjüe cun Samarih khyangea eiawknak tuikhawt üng eiawk am thum na u.)
\p
\v 10 Jesuh naw, \wj “Pamhnam naw nang üng i ning pet hlüki ti am ksingki, u naw tui ning täeiki ti pi am ksingki. Na ksinga ta, angsäia xünnak tui ning pet vaia na na täei khai sü,”\wj* a ti.
\p
\v 11 Nghnumi naw, “Saja aw, tuikhui thuki, vähnak vai tuipung pi am na taki. Hawia kaa xünnak tui na taki ni? 
\v 12 “Hina tuikhui, amät naw aw khawi lü, a cae ja, a khyüngseie naw pi ami awk khawi, kami pu Jakop naw a jah pet, nang ania kthaka kyäp bawk aih lü,” a ti.
\p
\v 13 Jesuh naw msang lü, \wj “Hina tui awki naküt ta, tui cawi be ham khai.\wj* 
\v 14 \wj Acunsepi, kei naw ka pet vaia tui awki naküt ta, tui am cawi ti. Kei naw ka pet vaia tui cun a puk k'uma hna lü, angsäi xünnak tuia kya se, anglät xünnak pi yah khai,”\wj* a ti.
\p
\v 15 Nghnumi naw, “Saja aw, tui am cawi ti lü, tui than khaia hia käh ka law be ti vaia, acuna tui na pea,” a ti.
\p
\v 16 Jesuh naw, \wj “Cita, na cei va khü lü, law bea,”\wj* a ti.
\p
\v 17 Nghnumi naw, “Ka cei am ve,” ti se,
\p Jesuh naw, \wj “Ka cei am ve na ti cang veki,\wj* 
\v 18 \wj Na cei mhma ve pängki, tuh na vepüi pi na ceia am kya; acen üng akcang pyen veki,”\wj* a ti.
\p
\v 19 Nghnumi naw, “Saja aw, sahma mata na kya khaia ning ksing veng. 
\v 20 “Kami pupae naw hina mcung üng Pamhnam a na hjawkhah khawikie. Nangmi Judahe naw, ‘Jerusalema ni Pamhnam hjawkhahnak’ nami tiki” a ti.
\p
\v 21 Jesuh naw, \wj “Nghnumi aw, ka pyen hin juma. Khyang he naw Pa cun ahina mcung ja Jerusalem mlüha am ami hjawkhahnak tia kcün pha law khai.\wj* 
\v 22 \wj “Nangmi Samarihe naw nami hjawkhah am ksing uki. Cunüngpi, keimi Judahe naw ta u kami hjawkhahki ti kami ksingki. Isetiakyaküng, küikyannak cun Judahe üngka naw lawkia kyaki.\wj* 
\v 23 \wj “Acunsepi, akcün pha law khai, hjawkhahkie naw Ngmüimkhya ja akcanga ami hjawkhah vai cun tukbäih yea kya ve. Pa naw acukba hjawkhah khaie jah hlüeiki. \wj* 
\v 24 \wj “Mhnam cun Ngmüimkhyaa kyaki. Hjawkhahki naküt naw Ngmüimkhya ja ngthungtak am hjawkhah yah vai,”\wj* a ti.
\p
\v 25 Nghnumi naw, “Mesijah law khai ti ka ksingki. Ani a law üng, ani naw ahmäi naküt jah mtheh law khai,” a ti.
\p
\v 26 Jesuh naw, \wj “Nang ning ngthuheipüiki hin ani ni,” \wj*a ti.
\p
\v 27 Acunüng axüisaw he law bekie naw nghnumi am a na ngthuhei se hmuh u lü müncankie. Acunsepi, u naw pi, “I na ngaihki? Ise hina nghnumi na ngthuheipüiki ni?” ti lü, am kthäh u.
\p
\v 28 Nghnumi naw a tui um hawih hüt lü, a lawnak khaw da citki naw khyange üng jah mtheh lü, 
\v 29 “Law ua, ka awmih khawi naküt ksingkia khyang mat ve ve, teng law u. Mesijah am niki aw?” a ti. 
\v 30 Mlüh ceh ta u lü, Jesuha veia citkie.
\p
\v 31 Acun k'um üng axüisaw he naw, “Rabbi, na ei eia” ti lü, ami mtheh.
\p
\v 32 Acunsepi Jesuh naw, \wj “Nangmi naw am nami ksing ka ei vai ta veng,”\wj* a ti.
\p
\v 33 Axüisawe amimät üng, “A ei vai tha lawki veki aw” ti lü, ngthähkie.
\p
\v 34 Jesuh naw, \wj “Na tüih lawkia a ngjak hlü bilawh ja, a khut kpäng vai cun keia eiawka kyaki ni.\wj* 
\v 35 \wj “‘Khya kphyü ve hamki, acun käna cang ahnaka kcün pha law khai’ am nami ti khawiki aw? Teng u, ka ning jah mthehki, mang hü u lü, loe jah teng süm ua, hmin päng lü, ah vai kcün ve u.\wj* 
\v 36 \wj “Atki naw ngkhyengnak yah lü anglät xünnak vaia a ktheipai mcun ve, sawki ja atki ani nghngih atänga je yüm khai xawi. \wj* 
\v 37 \wj “Ahin üng, ‘mat naw saw se, mat naw atki’ tia khuisui cun cang ve.\wj* 
\v 38 \wj “Am nami khüinak khawia loa cang at khaia ka ning jah tüihki. Acuia akce he naw khüi u se, ami khüinak kce cun nangmia ngmangnak ni,”\wj* a ti.
\p
\v 39 Acunüng, “Ka awmih naküt ksingki ve ve,” tia, ngthu, nghnumi naw a pyena phäha Samarih khyang khawhah naw Jesuh jum lawkie. 
\v 40 Samarih khyange Jesuh veia ami law üng ami veia a ve vaia nghui na u se, acuia Jesuh cun mhnüp nghngih awmki.
\p
\v 41 Jesuh a ngthu pyena phäh khyang khawkän naw jum lawkie. 
\v 42 Acunakyase, nghnumia veia, “Tuh ta, nanga pyena phäha am kya lü, kamimät naw kami ngjak ja akcanga hin hin khawmdeka Küikyan Bawia kyaki ti, kami ksinga phäha kami jumki,” ami ti.
\s Jesuh naw Acawjah ngvaia ca a mdaw be
\p
\v 43 Amhnüp nghngih käna, acun üngka naw Kalile hne da citki. 
\v 44 \x - \xo 4:44 \xo*\xt Mt 13:57; Mk 6:4; Lk 4:24\xt*\x*Isetiakyaküng, Jesuh amät naw, “Sahma cun amäta hminaka khawa mhlünmtainak am yah khawi naw,” a ti. 
\v 45 \x - \xo 4:45 \xo*\xt Jn 2:23\xt*\x*Jerusalem Lätnak Pawia cit u lü Pawi k’um üng Jesuh naw a jah pawhmsah naküt jah hmukie naw ta, Kalile khawa Jesuh a law üng, Kalile khyange naw dokhamkie.
\p
\v 46 \x - \xo 4:46 \xo*\xt Jn 2:1-11\xt*\x*Acun käna Jesuh Kalile khaw Kana, tui cun capyituia a nglatnak sak hnüna law beki. Acuia khyang ngvai mat a capa Kapenawm mlüha a mhnatei veki. 
\v 47 Ani naw Jesuh Judah khaw üngka naw Kalile khawa lawki ti a ngjak üng, a capa thih law hlüki, law lü a mdaw law be vaia cit lü a va nghuinak. 
\v 48 Jesuh naw, \wj “U naw pi müncanksee ja cäiletnake am nami hmuh üng amdanga am jum hlü uki,” \wj*a ti.
\p
\v 49 Khyang ngvai naw, “Saja aw, ka ca am a thih ham üng akjanga lawa,” a ti.
\p
\v 50 Jesuh naw, \wj “Cit bea, na capa daw be khai ni,”\wj* a ti. Khyang ngvai cun Jesuha pyen jum lü nghlat beki. 
\v 51 A nghlat be lama a mpyae naw a na khyum u lü, “Na capa dawei law be ve,” ti lü, ami mtheh.
\p
\v 52 Ngvai naw iti üng a capa a daw law bea mawng jah kthäh se, amimi naw, “Müta, mü lam naji mat üng mhnat naw khyah ve,” ti lü, ami mtheh. 
\v 53 Jesuh naw, \wj “Na capa daw be khai ni,”\wj* a tinaka kcüna kyaki ti a ksing. Acunakyase, amät ja a khuiim kyawnglawng ami van naw jumkie.
\p
\v 54 Ahin cun Jesuh Judah khaw üngka naw Kalile khawa a law käna anghngihnak müncankse a pawha kyaki.
\c 5
\s Jesuh naw Bethzatha tuilia khyang a mdaw be
\p
\v 1 Acunkäna Judahea pawi mat ve se, Jesuh Jerusalema citki. 
\v 2 Jerusalem mlüh, To Mkawt peia Hebru läk am Bethzatha ami ti luhnak mhma lawki tui büm mat veki. 
\v 3 Am phetkia khyang khawhah, amikmü, akhawkxo, ja a kut khaw thikie ngjän u lü, tuia a ngsün law vai mtäteikie. 
\v 4 Isetiakyaküng, Bawipaa khankhawngsä, akcün kcün üng tui büm üng kyum law lü, tui a ksün ksün law. Acunüng, au pi, tuia ngsün päng ja tuia khana kco maki cun a natnak naküt daw be khawiki. 
\v 5 Khyang mat kum thumkip ja khyet kunki veki. 
\v 6 Jesuh naw acukba khawvei ve päng lü ngjänki ti ksing lü a hmuh üng, \wj “Na daw be vai na ngja hlüki aw?”\wj* ti lü, a kthäh.
\p
\v 7 Ani naw, “Saja aw, tuia ngsün law üng tui büm da na kaih khai u am ve. Ka law k’um üng akce he naw na khe u lü kcoei ma thakthakie,” a ti.
\p
\v 8 Jesuh naw, \wj “Tho law, na ngjänak lo lü cita,”\wj* a ti. 
\v 9 Angxita ani cun daw beki. A ngjänak lo lü citki.
\p Acuna mhnüp cun Sabbath mhnüpa kyaki. 
\v 10 \x - \xo 5:10 \xo*\xt Neh 13:19; Jer 17:21\xt*\x*Judah ngvaie naw daw bekia veia, “Tuhngawi Sabbath mhnüpa kyaki. Judah Thuma tuhngawi na ngjännak käh na kawh hü vai,” ami ti.
\p
\v 11 Ani naw jah msang lü, “Na mdaw beki naw, \wj ‘Na ngjännak lo lü cita’\wj* a ti ni, ti lü a jah mtheh be.
\p
\v 12 Amimi naw, “Na ngjännak lo lü cita tiki u ni?” ti lü, ami kthäh.
\p
\v 13 Acunsepi, Jesuh khyangea ksunga khyükei se, ani mdaw bekia Jesuh cun u hmana am ksing.
\p
\v 14 Acun käna, Jesuh naw acuna khyang cun Temple a k'uma hmu be lü, \wj “Tenga, na daw be pängki. Käh mkhyekat be ti kawpi; am ani üng ta, ahina ksetam bawk lü na khana pha law khai ni,” \wj*a ti.
\p
\v 15 Daw bekia khyang cun cit lü, ani mdaw beki cun Jesuh ni ti lü Judah ngvaie üng a jah mtheh. 
\v 16 Acukba sabbath mhnüp üng a bilawha phäha Judah ngvaie naw Jesuh mkhuimkhakie. 
\v 17 Jesuh naw jah msang lü, \wj “Ka Pa aläa khüikia kyase, kei pi ka khüiki,”\wj* a ti.
\p
\v 18 Jesuh Sabbath käh jeih lü, Mhnam pi amäta Pa ni tia a pyen ja, amät Mhnam am tängkia a pyena phäha, Judah ngvaie naw hnim law hlü bawkbawkie.
\s Capaa Ana
\p
\v 19 Jesuh naw jah msang lü, \wj “Akcanga ka ning jah mthehki, Capa amät naw i am pawh thei. Acunsepi, Pa naw a pawh hmu lü pawhki. Pa naw a pawh naküt cun Capa naw pi acukba pawhki.\wj* 
\v 20 \wj “Pa naw Capa mhläkphya na lü, ahmäi amäta pawh naküt mhnuhki. Nami müncan vaia Pa naw Capa üng ahina kthaka däm bawkie jah mdang law khai.\wj* 
\v 21 \wj Pa naw akthie jah mtho be lü, xünnak a jah peta mäiha, akcanga Capa naw pi a hlüeia khyang üng xünnak pe khai. \wj* 
\v 22 \wj Pa naw ua lei am mtai, acunsepi, ngthumkhyahnak avan Capa üng a pet päng. \wj* 
\v 23 \wj “Acun cun, Pa ami leisawnga mäiha khyang naküt naw Capa pi leisawng law khaie. Capa am leisawngki cun ani tüih lawki Pa am leisawngkia kyaki.\wj*
\p
\v 24 \wj “Akcanga, ka ning jah mthehki, ka ngthu ngai lü na tüih lawki jumki naw angsäi xünnak yahki. Ngthumkhyahnak käh khamei khai, thihnak üngka naw xünnak pha pängki ni.\wj* 
\v 25 \wj “Akcanga ka ning jah mthehki, thi pängki he naw Pamhnama Capa a ngkhü kthai ngja acun he. Ngjakia khyang naküt a xüng be vaia kcün pha law khai, akcanga ta pha law pängki ni.\wj* 
\v 26 \wj “Pa amät cun xünnaka phung ania mäiha, Pa naw Capa pi xünnaka phunga kyasaki.\wj* 
\v 27 \wj Acunüng, ngthumkhyahnak vaia ana pi a pet ni. Isetiakyaküng, ani cun Khyanga Capa ania phäha kyaki.\wj* 
\v 28 \wj “Ahina phäha käh müncan ua, lungdüa awmki he naküt naw Capa kthai ami ngjaknak vaia kcün pha law khai,\wj* 
\v 29 \x - \xo 5:29 \xo*\xt Dan 12:2\xt*\x*\wj akdaw bilokie tho be u lü xünnak yah u se, akse bilokie tho be u lü mkatnak khamei khaie.\wj*
\s Jesuha mawng saksinak
\p
\v 30 \wj “Kamät naw i am pawh thei nawng. Ka ngjaka mäiha lei ka mtaiki; ka ngthumkhyah ngkhaiki. Isetiakyaküng, kamäta ngjak hlü käh sui lü, Pa na tüih lawkia ngjak hlü ka suia phäha kyaki.\wj*
\p
\v 31 \wj “Kamäta mawngma ka saksi üng ka saksi cangki ti mdangnak vai am ve.\wj* 
\v 32 \wj “Ka mawng saksiki akce veki; ani naw ka mawng a saksi cangki ti ka ksingki.\wj* 
\v 33 \x - \xo 5:33 \xo*\xt Jn 1:19-27; 3:27-30\xt*\x*\wj “Johana veia ngsä tüih uki se, ani naw ngthungtak saksi khai.\wj* 
\v 34 \wj “Khyang he naw ka mawng ihawkba ami saksi üng kei am ngtungjin nawng. Acunsepi nangmi küikyannak nami yah vaia phäh hin ka pyena kyaki.\wj* 
\v 35 \wj “Johan cun däi lü vaikia meiim mat am tängki. Ania kvai asäng nami jenak vaia nami ngja hlükie. \wj* 
\v 36 \wj “Kei naw Johana saksia kthaka dawki saksi ka taki. Isetiakyaküng, Pa naw a na peta khut ka biki. Ka bia khut naw Pa naw a na tüih law ti cun mdanki.\wj* 
\v 37 \x - \xo 5:37 \xo*\xt Mt 3:17; Mk 1:11; Lk 3:22\xt*\x*\wj “Acunüng, na tüih lawkia Pa naw pi keia mawng na saksi petki. Iti üngpi a kthai ngja lü a hmai am hmu khawi uki.\wj* 
\v 38 \wj A tüih law am nami jumeia phäh, Pamhnama ngthu pyen pi nami mlunga am kenei uki. \wj* 
\v 39 \wj “Cangcima k'uma angsäia xünnak nami hmu khaia ngai u lü, cangcim nami khe khawi jaiki. Acuna cangcim cun keia mawng saksikia kyaki.\wj* 
\v 40 \wj “Acunsepi, xünnak nami yah khaia ka veia am law hlü uki.\wj*
\p
\v 41 \wj “Khyanga mhlünmtainak am sui nawng.\wj* 
\v 42 \wj Cunsepi, nangmi cun ia khyang mjü ti ka ksingki. Pamhnam nami mlungmthin kcang üng am nami mhläkphyanak pi ka ksingki.\wj* 
\v 43 \wj “Ka pa a ngming üng law ngü se, am na dokham uki. Amäta ngming üng lawki khyang ani vai sü ta nami dokham khaie sü.\wj* 
\v 44 \wj “Pamhnam mat däka vei üngka naw lawkia hlüngtainak käh sui u lü, namimät üngka hlüngtainak nami hlawheikie naw kei ihawkba nami na jum thei khai ni?\wj* 
\v 45 \wj Kei naw, Paa veia ka ning jah khya khaia käh ngai u. Nami üpnak Mosi naw va ning jah khya khai.\wj* 
\v 46 \wj “Mosi nami jum üng kei nami na jum khai. Isetiüng, ani naw keia mawng va yuk hütki.\wj* 
\v 47 \wj “Cunsepi, ania yuk am nami jum üng, ihawkba keia pyen nami jum khai?”\wj* a ti.
\c 6
\s Jesuh naw khyang thawngmhma a jah mbei 
\r (Mt 14:13-21; Mk 6:30-44; Lk 9:10-17)
\p
\v 1 Acunkäna, Jesuh Kalile Tuili, Tiberi Tuili pi ngmingnaki, a caye kama citki. 
\v 2 Am phetkie a jah mdaw bea müncanksee hmukie khyangpänu naw läk hükie. 
\v 3 Jesuh mcunga kai lü acuia axüisaw he am ngaw yümkie. 
\v 4 Judahea Lätnak Pawi cun cäh law betüki. 
\v 5 Jesuh naw mang hü lü khyang aktäkpai a veia lawkie a jah hmuh. Philip üng, \wj “Hinea ei khyawh vai, hawia mi khei khai ni?”\wj* ti lü a kthäh. 
\v 6 (I pawh vai cun a ksing päng kyaw, Philip a mhnütnaka a pyena kyaki.)
\p
\v 7 Philip naw, “Nguikcang phyanghngih am kheih muk ta, hine naw apica cim ei u sepi am khäk khai ni,” a ti.
\p
\v 8 Axüisaw üngka mat, Sihmon Pitaa na Andru naw, 
\v 9 “Hia kpamica hnasen mat naw kyung muk mhma ja ngaca nghngih taki ve ve. Acunüng pi khyang hikäna phäh am khäk hlü ve?” ti lü a pyen.
\p
\v 10 Jesuh naw, \wj “Jah ngawhsak ua,”\wj* a ti. (Acuna hnün cun msai aktäa sahki.) Khyang avan ngawkie, kpami däk thawngmhma lawkie. 
\v 11 Jesuh naw muk lo lü, Pamhnama veia jenak mthehki. Acun käna axüisaw he üng jah pe se, amimi naw ngawhkie üng ami jah pet. Acukba bäa nga pi ami ngaih kän käna ami jah pet u. 
\v 12 Ami phü käna Jesuh naw, axüisaw he üng, \wj “Apica pi käh bawkya khaia akhläi jah mkhäm be ua,”\wj* a ti. 
\v 13 Muk nglung mhma cim ami eia khläi mkhäm be u se, cä xaleinghngih üng beki.
\p
\v 14 Acun üng Jesuha pawh müncankse hmukia khyange naw, “Akcanga hin hin, khawmdek khana law khaia Sahma kcang ni,” ami ti. 
\v 15 Khyang he naw man lü asihlinga ami sangpuxanga mcawn hlükie ti Jesuh naw ksingki. Acunakyase, mcunga amät kaiki.
\s Jesuh tui khana citki
\r (Mt 14:22-33; Mk 6:45-52)
\p
\v 16 Khaw mü law se axüisaw he tuili da ju citkie. 
\v 17 Mlawng üng kai lü, tuilia a caye Kapenawm mlüha citkie. Khaw nghmüp law sepi, Jesuh ami veia am pha law ham. 
\v 18 Khaw aknuia khi law se, tui ngnawk law lü kyan law dämdämki. 
\v 19 Mäng kthum kphyü bang tui vak u lü ami pha käna, Jesuh tuia khana law lü mlawng da cäh law se ami hmu üng kyüeikie. 
\v 20 Jesuh naw, \wj “Kei ni; käh na kyüei ua,”\wj* a ti. 
\v 21 Mlawng üng Jesuh a na do law u se, angxita ami cehnak vaia kawng mlawng am va phakie.
\s Khyang he naw Jesuh suikie
\p
\v 22 Angawi üng, tuili caye kawnga vekia khyange naw mlawng mat däk va veki ti ksing lawkie. Jesuh pi mlawng üng axüisaw hea hlawnga am ve se, axüisaw he amimät mlawng üng citei u se, ami jah hmu. 
\v 23 Tiberi mlüh üngkhyüh Mlawng akce he cun, Bawipa naw Pamhnam üng jenak a mtheh käna muk ami einaka peia lawkie. 
\v 24 Khyang he naw Jesuh ja axüisaw he acuia am ve u se ami jah hmu üng, amimät mlawnge üng kai u lü, Kapenawm mlüha Jesuh sui khaia citkie.
\s Jesuh xünnaka muk
\p
\v 25 Khyang he naw tuili cayea Jesuh a ve hmu u lü, “Rabbi, iti üng ahia na lawki ni?” ti lü, ami kthäh u.
\p
\v 26 Jesuh naw jah msang lü, \wj “Akcanga ka ning jah mthehki: müncanksee nami hmuha phäha nami na suikia am kya, muk ei lü nami phüa phäh nami na suikie ni.\wj* 
\v 27 \wj “Pyüpye theikia ei käh ktha na u. Khyanga Capa naw a ning jah pet vaia ei, angsäi xünnak ktha na u. Isetiakyaküng, Pa Pamhnam naw amäta msingnak cun Jesuha khana a tak ni,”\wj* a ti.
\p
\v 28 Amimi naw, “Pamhnama mlung hlü kami pawhnak vaia, i kami pawh üng daw khai ni,” ami ti.
\p
\v 29 Jesuh naw, \wj “A tüih lawa khyang nami jumei cun Pamhnama mlung hlü nami pawhkia kyaki,”\wj* a ti.
\p
\v 30 Amimi naw, “Hmu lü kami ning jumnak law vaia, ia müncankse ja na bi kawm? I ja na pawh kawm? 
\v 31 \x - \xo 6:31 \xo*\xt Ex 16:4,15; Sal 78:24\xt*\x* ‘Amimi naw muk ami ei vai khana khyüh jah peki’ ti lü, ami yuka mäiha, kami pupae naw manah khawmkyanga eikie,” ami ti.
\p
\v 32 Jesuh naw, \wj “Akcanga ka ning jah mthehki: khana ka muk cen Mosia ning jah pet am ni. Khankhawa ka muk kcang ning jah peki ta keia Pa ni.\wj* 
\v 33 \wj “Pamhnama ning jah pet muk cun naw khankhaw üngkhyüh kyum law lü, khawmdek üng xünnak peki,”\wj* a ti.
\p
\v 34 Amimi naw, “Bawipa aw, acuna muk aläa jah pea,” ami ti.
\p
\v 35 Jesuh naw, \wj “Kei cun xünnak muka ka kyaki. Ka veia lawki naküt naw ei am cawi be ti; kei na jumki naküt naw tui am xai be ti,” ti lü a jah mtheh.\wj* 
\v 36 \wj Nangmi naw nami na hmuha kpheia am na jumei uki, ti ka ning jah mthehki.\wj* 
\v 37 \wj “Ka Pa naw a na pet naküt ka veia law khaie. Ka veia lawki naküt kei naw am jah nghei ta ngü.\wj* 
\v 38 \wj “Isetiakyaküng, kamäta ngjak hlü ka pawh khaia khana khyüh ka kyum lawki am ni. Na tüih lawkia a ngjak hlü ka pawh khaia ka lawki ni.\wj* 
\v 39 \wj “Na tüih lawkia a ngjak hlü cun a na pete u pi käh jah mkhyüh lü, akpäihnaka khawmhnüp üng avan ka jah xünsak be khai.\wj* 
\v 40 \wj “Ka paa ngjak hlü cun Capa hmu lü jumki naküt naw angsäi xünnak a yahnak vai ja, kei naw akpäihnaka khawmhnüp üng ka jah xünsak be khaia kyaki,”\wj* a ti.
\p
\v 41 Jesuh naw, \wj “Kei khana khyüh ka kyum lawkia muk ni,”\wj* a tia phäha Judahe naw aktäa am ngja hlü u. 
\v 42 “Hin hin Jesuh, Josepa capa; a pa ja a nu pi mi jah ksing am niki aw? Ihawkba, \wj ‘Kei khana khyüh ka kyum lawki’\wj* a ti ni?” ami ti.
\p
\v 43 Jesuh naw, \wj “Namimät naw käh ngcuh ti ua.\wj* 
\v 44 \wj “Na tüih lawkia Pa naw lam am a msüm üng, u ka veia am law thei khai ni. Akpäihnaka khawmhnüp üng ka jah xünsak be khai.\wj* 
\v 45 \x - \xo 6:45 \xo*\xt Hesa 54:13\xt*\x*\wj ‘‘Ami van Pamhnam naw jah mthei khai’ ti lü, sahma he naw ami yuka mäiha, Ka Paa mtheh ngja lü ngtheingthangki naküt ka veia lawki.\wj* 
\v 46 \wj “Pamhnama veia ka däka thea, u naw Pa am hmu khawi; Ani däk naw ni a hmuh.\wj* 
\v 47 \wj “Akcanga ka ning jah mthehki: kei na jumki naw angsäi xünnak yahki.\wj* 
\v 48 \wj “Kei cun xünnak muka ka kyaki.\wj* 
\v 49 \wj “Nami pupae naw khawkhyawng khawa manah ei kyaw u lü pi, amimi cun thikie.\wj* 
\v 50 \wj “Cunüngpi khankhaw üngkhyüh kyum lawki hina muk ei nakütki naw thihnak am hmu ti.\wj* 
\v 51 \wj “Kei cun khana khyüh kyum lawkia xünnaka muk ni. Acuna muk eiki cun angsäia xüng khai. Khawmdeka xünnak vaia ka ning jah pet vaia muk ta ka mtisa hin ni,”\wj* a ti.
\p
\v 52 Judahe amimät thüi lü ngcuh u lü, “Hina khyang naw ihawkba a mtisa ei vaia jah pe hlü theiki ni?” ami ti.
\p
\v 53 Jesuh naw, \wj “Akcanga ka ning jah mthehki: Khyanga Capa a mtisa am ei lü, a thisen am awkia khyang naw xünnak am yah. \wj* 
\v 54 \wj “Ka mtisa ei lü, ka thi awki naküt naw angsäi xünnak yah khai. Akpäihnaka khawmhnüp üng ka jah mtho be khai.\wj* 
\v 55 \wj “Isetiakyaküng, ka mtisa cun ei vai kcanga kya lü, ka thisen pi awk vai kcanga kyaki.\wj* 
\v 56 \wj “Ka mtisa ei lü, ka thisen awki cun kei üng xüng se, kei pi ani üng ka xüng khai.\wj* 
\v 57 \wj “Xüngseikia Pa naw na tüih law lü ania phäh kei ka xüngseia kba, ka mtisa eiki naküt cun keia phäh üng xüng khai.\wj* 
\v 58 \wj “Hin ni khana khyüh kyum lawki xünnaka muk ta. Nami pupae naw ei u lü akäna ami thihnaka mäih am ni. Ahin eikia khyang naküt cun angsäia xüng khai,”\wj* a ti.
\p
\v 59 Ahin Jesuh naw, Kapenawm mlüh, sinakoka k'uma a jah mthei üng a pyena kyaki.
\s Angsäi xünnaka ngthu
\p
\v 60 Axüisawe khawhah naw ahin ami ngjak üng, “Hina mtheinak akhak hin u naw ksing khawh khai ni?” ami ti.
\p
\v 61 U naw am mtheh xa se, axüisaw he naw a pyen küisakie ti Jesuh naw a ksing üng, \wj “Hina phäha nami mlung seki aw?\wj* 
\v 62 \wj “Khyanga Capa asüa a venaka kai be se nami hmu vai sü ta, ikba nami ti khai sü aw?\wj* 
\v 63 \wj “Xünnak peki cun Pamhnama Ngmüimkhya ni. Khyanga khyaihnak naw i am khyaih khawh. Ka ning jah mtheha ngthue naküt hin naw Mhnam üngkhyüh sak xünnak ning jah peki Ngmüimkhya law püiki.\wj* 
\v 64 \wj “Acunsepi, nangmi üng akhäk naw am na jum hlü uki,”\wj* a ti. (Akcük üngkhyüh Jesuh naw am jumkie, ja phyaheikia khyang a ksing pänga kyaki) 
\v 65 Jesuh bä naw, \wj “Pa naw am a lawpüia khyang cun ka veia am law thei. Acunakyase, ahin he ka ning jah mthehki ni’\wj* ka ti,” a ti.
\p
\v 66 Acunüng axüisaw he khawhah naw ceh ta u lü, am läk ti u. 
\v 67 Jesuh naw, axüisaw he xaleinghngiha veia, \wj “Nangmi naw pi nami na ceh ta hlüki aw?”\wj* ti se,
\p
\v 68 \x - \xo 6:68 \xo*\xt Mt 16:16; Mk 8:29; Lk 9:20\xt*\x*Sihmon Pita naw, “Bawipa aw, ua veia kami cit khai ni? Nang üng angsäi xünnaka ngthu veki. 
\v 69 “Atuh ta nang cun Pamhnam üngkhyüh law lü, Ngcingcaihkia Khyang tia jum lü kami ksingki ni,” ti lü, a msang.
\p
\v 70 Jesuh naw, \wj “Nangmi xaleinghngih cun keia ning jah xüa am nami kyaki aw? Acunsepi, nangmi üng mat cun khawyai ni,”\wj* a ti. 
\v 71 Jesuh naw Sihmon Iskarota capa Judah a pyena kyaki. Judah cun axüisaw xaleinghngih üngkaa kya kyaw lüpi, Jesuh jawiei khaia kyaki.
\c 7
\s Jesuh ja a nae
\p
\v 1 Acunkäna Jesuh Kalile hne da citki, Judahe naw hnim hlü u se Judah hne da am cit hlü. 
\v 2 \x - \xo 7:2 \xo*\xt Lev 23:34; Deut 16:13\xt*\x*Judahea Sam Pawi cäh law se, 
\v 3 a nae naw, “Na hnukläke naw na pawhmsah ami hmuh vaia, ahin üngkhyüh Judah hnea cita. 
\v 4 “U naw amäta ngminga ngthang vai ngja hlü lü, anghmüa i am pawh khawi u. Hin akcanga na jah pawh üng, khawmdek avan naw ksing se,” ami ti. 
\v 5 (Amäta nae hngawh naw pi am jum u.)
\p
\v 6 Jesuh naw, \wj “Ka kcün am pha law ham; nangmia kcün cun aläa pha lawki.\wj* 
\v 7 \wj “Khawmdek naw nangmi am ning jah hneng thei, ami pawhmsah am dawki ka pyena phäh kei na hnengki ni.\wj* 
\v 8 \wj “Nangmi pawia jeng cit ua, kei ta akcün am a pha law hama phäha tuh pawia am cit hlü ham veng,”\wj* a ti. 
\v 9 Acun jah mtheh lü, Jesuh Kalile khawa ve hamki.
\s Sam pawia Jesuh cit hngaki
\p
\v 10 A nae pawia ami jeng ceh käna, Jesuh pi khyangea käh ksinga anghmüa heng cit hngaki. 
\v 11 Judah ngvaie naw pawia sui hü u lü, “Hawia veki ni?” ami ti.
\p
\v 12 Khyang he naw Jesuha mawng ampyua sumkyemkie. Akhäk naw, “Ani ta khyang kdaw ni,” ti se, avang naw, “Am daw, khyang jah mhleiki ni,” ami ti. 
\v 13 Acunsepi, Judah ngvaie ami jah kyüha phäh u naw angdanga am pyen u.
\p
\v 14 Pawia nghning k’um üng, Jesuh naw Temple k’uma jeng cit lü Pamhnama ngthu jah mtheiki. 
\v 15 Judah ngvaie naw, “Hin, i pi am ngthei khawiki naw ihawkba kca ksingki ni?” ti u lü, münakie.
\p
\v 16 Jesuh naw, \wj “Ka ning jah mtheia ngthu hin kamäta ngaiha ka ning jah mthei am ni. Na tüi lawki Pamhnam üngkhyüh lawkia ngthua kyaki.\wj* 
\v 17 \wj “Au pi, ania ngjak hlü biloki naw ka ngthu pyen hin Pamhnama ngthu ja, kamäta ngaiha ka pyena kyaki aw, ti cun ksing khai.\wj* 
\v 18 \wj “Amäta mhnüna ngthu pyenki cun amäta dawnak, hlüngtainak vai suiki ni. Acunsepi ani tüih lawkia hlüngtainak vai suiki cun ngsungpyun lü mkhyenak ani üng am ve. \wj* 
\v 19 \wj Mosi naw Thum ning jah peki am niki aw? Mat naw pi Thum am nami läki. Ise nami na hnim khaia nami ngtängki ni?”\wj* a ti.
\p
\v 20 Khyang he naw, “Khawyai naw a ning venak ni; u naw ning hnim hlüki ni,” ti u lü, ami msang.
\p
\v 21 Jesuh naw, \wj “Müncankse mat ka pawh üng avan nami müncankie.\wj* 
\v 22 \x - \xo 7:22 \xo*\xt Lev 12:3\xt*\x*\wj “Ahina phäha ni Mosi naw vun mawih vaia Thum ning jah pe se (Acun cun Mosi üng tüna am kya, nami pupae üngkhyüh tüneikia kpamica üng ami na bilawh khawia kyaki), Sabbath mhnüp üng pi kpamicaa vun nami mawikie.\wj* 
\v 23 \x - \xo 7:23 \xo*\xt Jn 5:9\xt*\x*\wj “Sabbath üng pi kpamicaa vun mawih uki lü, Mosia Thum lümkankia am a kya üng, kei naw Sabbath mhnüp üng khyang ka mdaw bea phäh ka khana ise am nami jeki ni?\wj* 
\v 24 \wj “Hmai teng u lü ngthu käh mkhyah ua, ngsungpyun dawkyakia mtai ua,”\wj* a ti.
\s Jesuh hin Mesijah aw
\p
\v 25 Jerusalem mlüha ka avang naw, “Hin hin Judah ngvaie naw hnim vaia ami büa khyang am niki aw? 
\v 26 “Teng u, khyangea ksunga ngthu pyen se, i pi am ti na be u. Ani hin Mesijah ti lü ngvaie naw akcanga ksing pängki he aw? 
\v 27 Mesijah a law üng, u naw pi hawia khyüh a law am ksing. Ani ta a ngtüinak law pi khyang naküt naw mi ksing,” ami ti u.
\p
\v 28 Acunakyase, Jesuh naw Temple k'uma a jah mthei üng ngpyang lü, \wj “Kei hawia ka, kei u ti nami na ksing kcangkie aw? Kamäta ngjak hlüa ka lawki am ni. Na tüi lawki cun ngthungtak ni, ani am ksing uki.\wj* 
\v 29 \wj “Kei naw ani ka ksingki. Isenitiüng, kei cun ani üngka naw ka lawki, ani naw a na tüih law ni,”\wj* a ti.
\p
\v 30 Acunüng Jesuh man vaia ami bü kyaw, akcün am pha hamkia kyase, u naw pi am hnet u. 
\v 31 Khyang avang naw ta jum u lü, “Mesijah a law üng, ania pawhmsaha kthaka daw bawki, müncanksee jah pawhmsah law khai aw” ti u lü amimät ngthäkie.
\s Jesuh man khaia yekape jah tüih
\p
\v 32 Acukba, khyange cun Jesuha mawng sumkyemkie ti Pharisee naw ami ngjak üng, ktaiyü ngvaie am ngthäh u lü, man khaiea yekape ami jah tüih. 
\v 33 Jesuh naw, \wj “Asängca nami hlawnga ka ve käna, na tüi lawkia veia ka cit be khai.\wj* 
\v 34 \wj “Nangmi naw na sui u lü pi, am na hmu uki; ka venaka pi am law thei uki,”\wj* a ti.
\p
\v 35 Judah ngvaie amimät sumkyam u lü, \wj “Am mi hmu ti vaia, hin hawia cit hlüki ni? Akce kcea ve hükie Krikea veia cit lü, Krike jah mthei hü hlüki aw’\wj* 
\v 36 \wj ‘Nangmi naw na sui u lü, am nami na hmu khai; ka venaka pi am law thei uki’\wj* a ti hin, i a ti hlünak ni,” ami ti.
\s Xünnaka tui lawng
\p
\v 37 \x - \xo 7:37 \xo*\xt Lev 23:36\xt*\x*Pawia akpäihnak ja akkü säihkia mhnüp üng, Jesuh ngdüiki naw, ngpyang lü, \wj “Au pi, tui xaiki ka veia law lü aw law se.\wj* 
\v 38 \x - \xo 7:38 \xo*\xt Hez 47:1; Zakh 14:8\xt*\x*\wj “Au pi, kei na jumki cun Pamhnama cangcim üng a vea mäiha xünnak Tui Lawng cun ani üngkhyüh lawng law khai,”\wj* a ti. 
\v 39 Jumeikie naw Ngmüimkhya ami yahnak vaia mawng a pyenaka kyaki. Jesuh cun hlüngtainak üng am tho be hamkia kyase, Ngmüimkhya cun jah peta am kya ham.
\s Khyang he üng ngtainak ve lawki
\p
\v 40 Khyang avang naw a pyen ngja u lü, “Hin hin Sahma kcanga kya ve,” ami ti.
\p
\v 41 Avang naw, “Ani hin Mesijah ni,” ami ti.
\p Avange naw pi, “Kalile khaw üngka naw Mesijah hmi law thei khai aw? 
\v 42 \x - \xo 7:42 \xo*\xt 2Sam 7:12; Mik 5:2\xt*\x*Mesijah cun Sangpuxang Davita ksawn üngka, Davita venaka mlüh Bethlehem üng hmi law khai ti lü cangcim üng veki” ami ti. 
\v 43 Acukba Jesuha phäha khyange ngtaikie. 
\v 44 Avange naw ta man vai ami jum, acunsepi u naw pi am hnet dat u.
\s Judah ngvaie naw am jum u
\p
\v 45 Yekape ami ceh be üng, ktaiyü ngvaie ja Pharisee naw “Ise am nami lawpüi ni?” ti u se,
\p
\v 46 yekape naw, “Ania mäiha u naw ngthu am pyen khawi” ti lü ami jah msang be.
\p
\v 47 Pharisee naw, “Nangmi pi a ning jah nghmawngmhlei hnga aw? 
\v 48 “Ngvaie ja Pharisee üngka ani jumki nami ksing khawiki aw? 
\v 49 “Mosia Thum am ksingkia khyange ta yüncenak khamei ve u,” ti lü, ami pyen.
\p
\v 50 \x - \xo 7:50 \xo*\xt Jn 3:1,2\xt*\x*Ahlana mthana Jesuha veia lawkia Pharise üngka khyang mat Nikawdim naw, 
\v 51 “Amäta mpyawng ye üng a ngthu am ngja kaa, a pawhmsah am hmu kaa, mi Thum üng khyang am mi cijang khawi,” a ti.
\p
\v 52 Amimi naw, “Nang pi Kalile khyanga na kya hngaki aw? Cangcim üng tenga, Kalile khaw üng sahma, u am hmi law khawi,” ti lü na hmu khai.
\c 8
\s Kpami am bäühmakia nghnumi ami man
\p
\v 1 [Amimäta im phähphäha cit bekie. Acunüng pi, Jesuh cun Olip Mcunga kaiki. 
\v 2 Ngawilama Templea law be se, khyang naküt a veia lawkie. Acunüng, Jesuh naw ngaw lü jah mtheiki. 
\v 3 Thum mthei he ja Pharisee naw nghnumi mat kpami am bäühmaki xawi lawpüi u lü; avana maa ami ngdüihsak. 
\v 4 Jesuha veia, “Saja aw, hina nghnumi kpami am ani bäühma k’um bäbä üng ami mana kyaki. 
\v 5 \x - \xo 8:5 \xo*\xt Lev 20:10; Deut 22:22-24\xt*\x*“Mi Thum üng, Mosi naw hina mäih cun lung am vawi ngen vaia ngthu a mkhyah. Nang naw ihawkba na ngaiki ni?” ami ti. 
\v 6 Acuna ngthu cun Jesuh mhnüteinaka, a mkhyenak ami suinaka ami kthäha kyaki. Acunsepi Jesuh naw ngmüm lü, a kut mdawng am mdek üng kca yuki. 
\v 7 Kthäh laihlaih u se, ngkyäk law be lü, \wj “Nangmi üng am mkhyekat khawikia khyang naw akcüka lung am vawi se,” \wj*a ti. 
\v 8 Acunüng, ngmüm betü lü a kut mdawng am mdek üng yuk betüki. 
\v 9 A pyen ami ngjak üng, amimäta mkhyenake ksing law u lü, axü säih üngka naw akdik säih cäpa mat cia khyük be päihkie. Acunüng Jesuh amät däk ve se, nghnumi anglung üng a venak kung üng veki. 
\v 10 Jesuh naw a ngmümnak üngkhyüh ngkyäk law be lü, nghnumi amät däk ve se a hmu üng, \wj “Nghnumi aw, hawia ni ami ve u? Ning mkatei khai u pi am ve se mä?”\wj* a ti.
\p
\v 11 Nghnumi naw, “Bawipa aw, u naw am na mkat ve,” a ti.
\p Jesuh naw, \wj “Kei naw pi am ning mkat veng; cit be lü tuh üngkhyüh ta käh mkhyekat ti kawpi,”\wj* a ti.]
\s Jesuh cun khawmdeka akvai
\p
\v 12 \x - \xo 8:12 \xo*\xt Lev 20:10; Deut 22:22-24\xt*\x*Jesuh naw ami veia ngthu pyen be lü, \wj “Kei cun khawmdeka kvaia ka kyaki. Ka hnu läki naküt cun nghmüpa k'um üng käh xünsei ti lü, xünnaka kvai yahei khaie”\wj* a ti.
\p
\v 13 \x - \xo 8:13 \xo*\xt Jn 5:31\xt*\x*Pharisee naw, “Namäta mawng na pyenki, na pyen am cang ve,” ami ti.
\p
\v 14 Jesuh naw, \wj “Kamäta ngthu ka pyen üngpi ka pyen cangki. Isenitiüng, kei naw ka lawnak ja ka cehnak vai ka ksingeiki. Nangmi naw ka lawnak ja ka cehnak vai am ksing uki.\wj* 
\v 15 \wj “Nangmi naw nghngicim thum üng ngthu nami mkhyah khawiki, kei naw u am mtai pet nawng.\wj* 
\v 16 \wj “Kei naw ngthu ka mkhyah üngpi ka ngthumkhyah cang khai. Isetiakyaküng, kei kamät däk am ni. Na tüih lawki Pa kei üng a ngpüia phäh ni.\wj* 
\v 17 \wj “Nami Thum üng, ‘Ai pi cangki ti ksing vaia saksi nghngih hlüki,”\wj* ti lü, ng’yuki. 
\v 18 \wj “Kei kamäta ngthu ka saksiki, Pa na tüih lawki naw pi ka mawng saksiki,”\wj* ti lü a jah msang.
\p
\v 19 Acunkäna amimi naw, “Na Pa hawia ni?” ti lü ami kthäh.
\p Jesuh naw, \wj “Nangmi naw kei am na ksing uki, ka Pa pi am ksing uki. Kei nami na ksing üng ka Pa pi nami ksing khai,”\wj* a ti.
\p
\v 20 Acuna ngthu cun Temple k'uma khawthem petnaka hnüna a jah mtheia kyaki. Cunsepi u naw pi akcün am küm law hamkia kyase am man u.
\s Ka cehnak vaia am cit khawh uki
\p
\v 21 Jesuh naw, \wj “Kei naw akcea ka ning jah ceh ta khai; nangmi naw nami na sui hü khaie. Cunüngpi nami mkhyekatnake üng nami thi khaie. Ka cehnaka am cit thei uki,”\wj* ti lü, a jah mtheh.
\p
\v 22 Judah ngvaie naw, \wj ‘“Ka cehnaka am cit thei uki,”\wj* a ti hin amät nghnimei hlü bang se,” ami ti.
\p
\v 23 Jesuh naw, \wj “Nangmi ta khawmdek üng nami sängeiki, kei ta khan üngkhyüh ka lawki. Nangmi cun hina khawmdek üngkhyüh nami ngtüi lawkia kya lü, kei ta khawmdek üng am sängei ve ngü.\wj* 
\v 24 \wj “Acunakyase, ‘Nami mkhyekatnake üng nami thi khai’ ka ti ni. ‘Kei cun Ania Ka Kyaki’ ti am nami jum üng nami mkhyekatnake üng nami thi kcang khai,”\wj* a ti.
\p
\v 25 Amimi naw, “Nang u ni?” ti u se,
\p Jesuh naw\wj “Akcüka nami veia ka pyen khawi cen,\wj*
\p
\v 26 \wj nangmia phäha ka pyen vai ja, ka ning jah mkatnak vai khawhah veki. Na tüih lawki cun ngthungtak üng kümceiki; ani üngkhyüh ka ngjak naküt khawmdek üng ka mtheh khawiki,”\wj* ti lü a jah msang be.
\p
\v 27 Jesuh naw ami veia a pyena Paa mawng cun am ngjakkya u. 
\v 28 Acunakyase, Jesuh naw, \wj “Khyanga Capa nami taih käna, ‘‘Kei cun Ania Ka Kyaki’ ti nami ksing law khai. Acun käna, kei naw kamäta ngjak hlüa i am pawh lü, Pa naw a na mtheha mäih cia hina ngthu ka pyenki ti nami ksing law khai.\wj* 
\v 29 \wj “Na tüih lawki kei üng atänga veki. Kamätca am na hawih. Isetiakyaküng, aläa ania ngjak hlüa ka pawhmsaha phäh kyaki,”\wj* ti lü a pyen.
\p
\v 30 Acuna ngthu a pyen ngjakia khyang khawhah naw jumkie.
\s Mpya üngkhyüh lätnak
\p
\v 31 Jesuh naw jumeiki Judahea veia, \wj “Ka ngthu pyen nami ngjak üng, ka xüisawea nami kya kcang khai.\wj* 
\v 32 \wj “Ngthungtak nami ksing üng, ngthungtak naw ning jah lätsak khai,”\wj* a ti.
\p
\v 33 \x - \xo 8:33 \xo*\xt Mt 3:9; Lk 3:8\xt*\x*Amimi naw, “Abrahama mjüa kami kyaki, tuh vei cäpa usüma mpyaa am thawn khawi u nawng, ‘Lätlangnak nami yah khai’ ti hin, i na tinak ni?” ti lü ami kthäh betü.
\p
\v 34 Jesuh naw, \wj “Akcanga ka ning jah mthehki: mkhyekatnak pawhki naküt cun mkhyenaka mpyaa kyaki.\wj* 
\v 35 \wj “Mpya cun ima asäng ni a ve khawi; capa ta angläta ima ve khawiki.\wj* 
\v 36 \wj “Acunakyase, Capa naw mpya üngkhyüh a ning jah mhlät üng, nami lät kcang khaie.\wj* 
\v 37 \wj “Abrahama mjüa nami kyaki ti ka ksingki. Acunsepi, na hnim khaia nami bü hin, keia mtheimthangnak am nami dodangeia phäha kyaki.\wj* 
\v 38 \wj “Ka Paa na mhnuh naküt ka pyenki. Acunüng pi nangmi naw nami paa ning jah mtheh nami pawhkie”\wj* a ti.
\p
\v 39 Amimi naw, “Keimia pa ta Abraham” ami ti.
\p Jesuh naw, \wj “Abrahama caea nami kya üng Abrahama a awmiha mäiha nami awmih khai sü.\wj* 
\v 40 \wj “Pamhnama veia ngthungtak ka ngjak naküt ning jah mtheh ngü se, nami na hnim hlüki. Abraham ahikba am ve khawi naw.\wj* 
\v 41 \wj “Nangmi hin nami paa vea mäiha nami awmki he ni,”\wj* a ti.
\p Amimi naw, “Pamhnam däk ni kami pa, ania jah ca kcang ni,” ami ti.
\p
\v 42 Jesuh naw, \wj “Pamhnam nami Pa ani üng nami na mhläkphya na khai sü; Pamhnam üngka naw va ka lawki, kamäta ngaiha ka lawkia am ni, ani naw a na tüih law ni.\wj* 
\v 43 \wj “Ise ka pyena suilam am nami ngjakyaki he ni? Ka ngthu pyen am nami ngaih hlüa phäh, am nami ngjakkya u ni.\wj* 
\v 44 \wj “Nangmi cun nami pa Khawyama canaa nami kyaka phäh, nami paa ngjak hlü bi vai ni nami mlung ngaih. Khawyam cun akcüka khyüh khyang k’hnima kyaki. Ngthungtak am vekia kyase, ngthungtak üng am xüngsei. A ngthuei üngpi, hleihlak lü hleihlaknaka pa a thawna phäh, amät am ngkäki va anaküt biloki.\wj* 
\v 45 \wj “Ngthungtak ka pyena phäh, nangmi naw am nami na jumki.\wj* 
\v 46 \wj “Ka mkhyekatnak mdang thei khai u nami veki ni? Ngthungtak ka pyen üng nangmi naw ise am nami na jumkie ni?\wj* 
\v 47 \wj “Pamhnam üngkhyüh ngtüiki naw Pamhnama ngthu ngai khawiki, nangmi cun Pamhnam üngkhyüh am nami ngtüikia kyase Pamhnama ngthu am nami ngaiki,”\wj* a ti.
\s Jesuh ja Abraham
\p
\v 48 Judahe naw, “Nang Samarih khyang, khawyaia venaka kya veki kami ti hin am kami cangki aw?” ami ti.
\p
\v 49 Jesuh naw, \wj “Khawyaia venaka am kya nawng. Ka Pa ka leisawngki, cunüng pi nangmi naw am na leisawng ve uki.\wj* 
\v 50 \wj “Kei naw ta kamät ami na leisawngnak vai am sui veng; acun suihjap lü keia phäh cijangki mat veki.\wj* 
\v 51 \wj “Akcanga ka ning jah mthehki: ka ngthu ngaiki naküt isüm käh thi khai,”\wj* a ti.
\p
\v 52 Judahe naw, “Khawyaia venaka na kyak hman tuh ni kami ksing ve u. Abraham ja sahma he pi thi päng u se, nang naw ‘Na ngthu ngaiki naküt isüm käh thi khai’ ti veki. 
\v 53 “Kami pu, Abraham kthaka na däm bawki aw? Ani pi thi pängki, sahma he pi thi pängki he . Namät hin ua na ngaieiki ni?” ami ti.
\p
\v 54 Jesuh naw, \wj “Kamät ka mhlünmtaiei üng, ia käh ka mawng khai. ‘Kami Pamhnam,’ nami tia, ka Pa naw na mhlünmtaiki ni.\wj* 
\v 55 \wj “Nangmi naw ani am ksing khawi uki. Cunüng pi, kei naw ta ani ka ksingki. ‘Ani am ksing nawng’ ka ti üng nangmia mäiha ka hleihlak hngakia kya khai. Acunakyase, ani ksing lü, a mtheh ka ngjaki.\wj* 
\v 56 \wj “Nami pa Abraham naw, ka law vaia khawmhnüp a hmuh vaia phäh jekyaiki. Acunüng, hmu law lü je khütki,”\wj* ti lü, a jah msang.
\p
\v 57 Judahe naw, “Na kum mhmakip pi am law ham lü, Abraham na hmuki pängki aw?” ami ti.
\p
\v 58 Jesuh naw, \wj “Akcanga ka ning jah mthehki: Abraham am a ve ham üng, ka veki,”\wj* a ti.
\p
\v 59 Ami vawihnak vaia lung jah loei u se, Jesuh cun ngthup lü, Temple üngkhyüh akcea citki.
\c 9
\s A mikmüa hmi lawki Jesuh naw a mdaw be
\p
\v 1 Jesuh lama a ceh k’um üng, a hmi law üngkhyüh a mik müki khyang mat a hmuh. 
\v 2 Axüisawe naw, “Saja aw, a mik müa hmiki hin ua mkhyenaka phäha ni? Amäta mkhyenaka phäh aw, a nupaa ani mkhyenaka phäh aw?” ti lü, ami kthäh u.
\p
\v 3 Jesuh naw, \wj “Amäta mkhyenaka phäh am ni, a nupaa mkhyenaka phäha pi am ni. Ani üng Pamhnama johit khyange naw ami hmuh vaia phäha ni.\wj* 
\v 4 \wj “A mhnüp ham üng na tüih lawkia khut mi pawh khai. U naw pi khut am a binak theia mthan pha law hlüki.\wj* 
\v 5 \x - \xo 9:5 \xo*\xt Mt 5:14; Jn 8:12\xt*\x*\wj “Khawmdeka khana ka vea küt üng khawmdeka kvaia ka kyaki,\wj*” ti lü, a jah msang.
\p
\v 6 Acukba a pyen käna, mdek üng a mci msawh lü, a mci am mdek mthaü lü acun am a mikmüa mik a jut. 
\v 7 A mikmü üng, \wj “Cit lü Silawng Tuili üng va hmaieia,”\wj* a ti. (Silawng ti cun “Tüih” tinak ni) Acunüng, cit lü va hmaiei se a mik vai law beki.
\p
\v 8 A impei locenge ja, ahlana täei se hmu khawikie naw, “Hin hin ngaw lü täei khawiki am niki aw?” ami ti.
\p
\v 9 Avang naw, “Acun ni” ami ti. Avang naw, “Acun ta am ni” a tängpüi ni” ami ti.
\p Amät naw, “Kei acun ni” a ti.
\p
\v 10 Amimi naw, “Na mik ihawkba vai beki?” ami ti.
\p
\v 11 Ani naw, “Jesuh ami ti naw mdek mthaü lü, ka mik üng jut lü, ‘Silawng Tuilia va cit lü va hmaieia’ ti se, cit lü hmaiei ngü se ka mik vai law beki,” a ti.
\p
\v 12 “Ani hawia veki ni?” ti lü a mi kthäh üng,
\p ani naw “Am ksing veng” a ti be.
\s Pharisee naw a mika daw bea mawng ami kthäh
\p
\v 13 A mik mü khawikia khyang cun Phariseea veia ami cehpüi. 
\v 14 Jesuh naw mdek mthaü lü a mik a vaisak bea mhnüp cun Sabbath mhnüpa kyaki. 
\v 15 Pharisee naw, a mik a vai law bea mawng kthäh u se, ani naw, “Lawk am ka mik na nawi se, hmaei lü, ka hmu law be theiki ni,” a ti.
\p
\v 16 Pharise avang naw, “Acuna khyang naw Sabbath am a jeiha phäha, Pamhnama üngkhyüh lawki ta am ni khü vai,” ami ti.
\p Avang naw, “Khyangka naw ihawkba hina mäih müncanksee jah pawh khawh khai aw?” ami ti. Phariseea ksunga ngtainak ve lawki.
\p
\v 17 Acun käna, amikmü üng, “Na mik a vaisak bea phäha, nang naw ihawkba ani na ngaiki ni?” ti u lü, ami kthäh betü üng,
\p “Ani cun Sahma ni” a ti.
\p
\v 18 Judah ngvaie naw, a mik vai law bekia nu ja pa, am ami jah khü ham veia, amikmü khawiki vai law beki ni tia mawng am kcang na u. 
\v 19 A nu ja a paa üng, “Hin hin nami ca, amikmüa hmi lawki nami ti khawi am niki aw? Ihawkba atuh hmu law be theiki ni?” ti u lü, ami jah kthäh.
\p
\v 20 A nu ja pa naw, “Hin kami ca ti kami ksingki, amikmüa hmi lawki ti pi kami ksing. 
\v 21 Cunsepi, ihawkba atuh hmu law beki ti am kani ksingki, hmuhsak beki pi am ksing ve ning. Amät kthäh ua; khyang teh lawki; amäta mawng cun amät naw pyen se,” ti ni lü, ani jah msang. 
\v 22 A nu ja pa naw Judah ngvaie ami jah kyüha phäha acukba ani pyena kyaki. Am acun ham üng pi, “Ani cun Mesijah ni” tiki naküt cun sinakok üngkhyüh ksät vaia ami mkhyäp thüpthüpa kyaki. 
\v 23 Acunakyase, a nu ja pa naw, “Khyang teh lawki, amät kthäh ua” ani tia kyaki.
\p
\v 24 Anghngihnaka amikmüa hmi lawki cun khü betü u lü, “Pamhnama veia akcang ka pyen khai tia sitih taa, nang ning mdaw beki cun khyangka ti kami ksingki ni,” ami ti.
\p
\v 25 Ani naw, “Khyangka a ni ja am a ni am ksing nawng. Mat ka ksing cun ahlana ka mik mü khawiki, tuh ka hmu law beki,” ti lü, a jah msang.
\p
\v 26 Amimi naw, “Na khana i ja a pawh? Na mik ihawkba ja a vaisak be?” ti lü, ami kthäh.
\p
\v 27 Ani naw, “Cükta üng ka ning jah mtheh päng, am nami na ngai hlüki. Ise nami ngja hlü betükie ni? Nangmi pi axüisaw hea nami thawn hngaa nami yüki aw?” ti lü, a jah msang.
\p
\v 28 Amimi naw ksekha na u lü, “Nang hin ania xüisawa na kyaki ni, keimi ta Mosia axüisaw he ni. 
\v 29 “Pamhnam naw Mosi ngthuhei püiki ti kami ksingki, cunüngpi Jesuh hawia ka naw lawki ti am ksing u nawng,” ami ti.
\p
\v 30 “Ani naw ka mik vaisak be kyaw sepi, ani hawia khyüh lawki ti am nami ksing hin müncankse ni. 
\v 31 “Pamhnam naw khyangkaa ngthu am ngai khawiki ti mi ksingki. Acunsepi, au naw pi Pamhnam mhläkphya na lü a ngjakhlü a pawh üng Pamhnam naw ngaih pet khawiki. 
\v 32 “Khawmdek a ngtüi üngkhyüh, a mikmüa hmi lawki vaisak be ve u, tia u naw am mi ngja khawi. 
\v 33 “Hin hin Pamhnam üngkhyüh lawki am a ni ta, i am pawh khawh,” ti lü, a jah msang.
\p
\v 34 Amimi naw, “Na hmi law üng, mkhyenake am hmi law lü, na jah mthei lawki aw?” ti u lü, msangkie naw, Sinakok üngka naw ami ksät u.
\s Ngmüimkhya mik mükie
\p
\v 35 Ksätkie ti Jesuh naw ksing lü hmuki naw, \wj “Khyanga Capa na jumki aw?”\wj* ti lü a kthäh.
\p
\v 36 Ani naw, “Bawipa aw, ka jum law vaia, ani u ni na mtheha?” a ti.
\p
\v 37 Jesuh naw, \wj “Ani na hmu päng ni, atuh ning ngthuheipüiki hin ani ni,”\wj* a ti.
\p
\v 38 Ani naw, “Bawipa aw, jum veng,” ti lü, Jesuh hjawkhahki.
\p
\v 39 Jesuh naw, \wj “Ngthumkhyah khaia hina khawmdek khana ka lawki, amikmüea mik vai be lü, a mik kvaiea mik a münak vaia ka lawki ni,”\wj* a ti.
\p
\v 40 Ahlawnga vekia Pharisee naw, acun ngja u lü, “Keimi pi kami mik mü hngaki aw?” ti lü, ami kthäh u.
\p
\v 41 Jesuh naw, \wj “Nami mik a mü üng mkhyenak am ta uki. Acunsepi, atuh ‘Kami mik vaiki’ nami tia phäh nami mkhyekatki”\wj* a ti.
\c 10
\s Toksäm am msuimcäpnak
\p
\v 1 Jesuh naw\wj “Akcanga ka ning jah mthehki: to ngvawng mkawt üng käh lut lü, akce üngka naw kai lü lutki cun mpyukeiea ja tome manei hlükiea kyaki.\wj* 
\v 2 \wj “Mkawt üng lutkia khyang cun toksäma kyaki.\wj* 
\v 3 \wj “Mkawt mtät naw ani cun mkawt nghmawn pet se, toe naw a kthai ksing khawikie; amäta toe ami ngming phähphäh am jah khü lü kpunga jah ceh püi khawiki.\wj* 
\v 4 \wj “Kpunga a jah khü üng, ami hmaia cit lü lam jah msüm se ani cun läk khawikie. Isetiakyaküng, a kthai cun a toe naw ksingki he.\wj* 
\v 5 \wj “Acunsepi, khyang kce cun a kthai am ami ksinga kyase, am läk u, dawngin ta khaie”\wj* a ti.
\p
\v 6 Ahina msuimcäpnak Jesuh naw jah mtheh se, i a ti hlü hman am ksing u.
\s Jesuh toksäm kdaw
\p
\v 7 Acunüng, Jesuh naw, \wj “Akcanga ka ning jah mthehki: kei cun toe phäh mkawta ka kyaki.\wj* 
\v 8 \wj Keia hmaia law maki naküt cun mpyukei ja tome manei hlükiea kyaki he, to naw pi a kthai am jah ngja.\wj* 
\v 9 \wj “Kei mkawta ka kyaki. Kei üngkhyüh lutki naküt naw küikyanak yah khai; a k’uma lut lü, akpunga lut law lü, a ei vai hmu khai.\wj* 
\v 10 \wj “Mpyukei cun mpyu khai, hnim khai ja kpye khaia va law khawiki. Kei cun xünnak ami yahnak vai däka am kya lü kümkawikia xünnak ami yah vaia phäha ka lawki ni.\wj*
\p
\v 11 \wj “Kei toksäm kdawa ka kyaki; toksäm kdaw naw toea phäha a sak tawn khawhki.\wj* 
\v 12 \wj “Toksäm am niki, ami ngvaha toksäm naw mhnge law se a hmuh üng toe jah hawih lü jah dawng ta se, mhnge naw toe jah hutei lü jah kpyang khawiki.\wj* 
\v 13 \wj “Ami ngvaha toksäm cun ngvaha kyase, toe am jah cäi na lü jah dawng taki.\wj* 
\v 14-15 \x - \xo 10:14-15 \xo*\xt Mt 11:27; Lk 10:22\xt*\x*\wj “Kei cun dawkia toksäm ni. Pa naw na ksing se kei naw pi Pa ka ksinga mäiha, ka toe ka jah ksingki. Ka toe naw pi na ksingki he. “Ami phäha ta ka thih khawhki.\wj* 
\v 16 \wj “Ahina to ngvawnga k'uma am veki toe pi ka jah ta hamki. Acun he pi ka jah lawpüi khai. Acun he naw pi ka kthai ngai u se, to pä mat, toksäm mat däka kya law khai.\wj*
\p
\v 17 \wj “Kei naw ka sak tawn lü, xünnak ka yah be khaia kyase, Pa naw na mhläkphyanaki.\wj* 
\v 18 \wj “U naw ka sak am lak thei. Kamäta hlüeia ka sak ka pet ni. Ka sak cun pe lü, ka loei be khawhnaka khyaibahnak ka taki. Ahina ngthupet hin ka Paa veia ka yaha kyaki,” \wj*a ti.
\p
\v 19 Acuna ngthua phäha Judahea ksunga ngtainak ve lawki. 
\v 20 Aknung bawk naw, “Ani üng khawyai umki ni, yawki ni; ise a ngthu nami ngaiki ni?” ami ti.
\p
\v 21 Avang naw, “Khawyaia venak naw ahin he am jah pyen thei. Khawyai naw ihawkba amikmüe jah vaisak be khawh khai ni? ami ti.
\s Jesuh am jumkia Judah khyange
\p
\v 22 Khawksik khya üng Jerusalem mlüh Temple Kainaka Pawi veki. 
\v 23 Jesuh cun Temple k'um, Solamon Luhnak üng ve hlü se, 
\v 24 Judahe naw a peia ngbäm law u lü, “Am ngsingngkyaikia i vei na ve ham khai ni? Mesijah na kyak üng angsinga jah mtheha,” ti lü kthähkie.
\p
\v 25 Jesuh naw, \wj “Ka ning jah mtheh päng ni, am nami jumki; ka Paa ngming am khut ka pawhe cun ka saksie ni.\wj* 
\v 26 \wj “Acunsepi, ka toea am nami nia phäh, am na jum uki.”\wj* 
\v 27 \wj “Ka toe naw ka kthai ksing khawikie, kei naw jah ksing ngü se, na läk law khawikie.\wj* 
\v 28 \wj Amimi üng angsäia xünnak ka jah pet, i tia pi am thi u. Amimi cun u naw pi am na jah hutei thei u. \wj* 
\v 29 \wj “Amimi na jah pekia ka Pa cun anaküta kthaka hlüngtai bawki; u naw pi Paa kut üngka am loei thei.\wj* 
\v 30 \wj “Kei ja ka Pa cun mata kani kyaki,”\wj* a ti.
\p
\v 31 Judahe naw ami khawngnak vaia lung loei betükie. 
\v 32 Cunsepi Jesuh naw jah msang lü, \wj “Nami hmuha Pa naw a na pet khut akdaw khawhah ka pawhki ni, ia phäha lung am nami na khawng hlüki ni?”\wj* a ti.
\p
\v 33 \x - \xo 10:33 \xo*\xt Lev 24:16\xt*\x*Judahe naw, “Khut akdaw na pawha phäha lung am kami ning khawng hlüki am ni. Pa na pyenkse ja, nang nghngicim khyanga kya kphei lü Mhnama na ngsuieia phäh ni,” ti lü, ami msang.
\p
\v 34 \x - \xo 10:34 \xo*\xt Sal 82:6\xt*\x*Jesuh naw, \wj “Namimäta Thum üng, ‘Nangmi cun mhnamea nami kyaki ka ti’ ti lü am ng’yuk mä?\wj* 
\v 35 \wj “Cangcima pyen naküt cun anghläia cangki ti mi ksingki. Pamhnam naw mhnamea a jah suia khyange üng a ngthu jah peki.\wj* 
\v 36 \wj “Pa naw mcawn lü khawmdek khana a na tüih law kei naw, ‘Kei Mhnama Capa ka tia phäha, ‘Mhnam na pyenkseki’ nami na tinaki aw?\wj* 
\v 37 \wj “Ka Paa ngjak hlü am ka pawh üng, käh na jum kawm uki. \wj* 
\v 38 \wj “Acunsepi, ka Pa a khut ka pawh üng ta, kei am nami na jum üng pi, Pa kei üng a ve ja Pa üng kei ka vea mawng ahun nami ksing hin anglät cäng khaia, ka pawhmsahea hleng ta nami jum vai sü”\wj* ti lü, a jah msang.
\p
\v 39 Jesuh man khaiea ami bü be kyaw, acunsepi, ami kut üngka naw lätei betüki.
\p
\v 40 \x - \xo 10:40 \xo*\xt Jn 1:28\xt*\x*Jordan Mliktuia caye, Johan naw akcüka Baptican a jah petnak da cit lü acuia veki. 
\v 41 Khyang khawkän a veia law u lü, “Johan naw müncankse i am pawh; acunsepi Johan naw hina mawng a pyen naküt cang ve” tikie. 
\v 42 Acunüng, acuia khyang khawkän naw Jesuh jumkie.
\c 11
\s Lazaruha thiha mawng
\p
\v 1 \x - \xo 11:1 \xo*\xt Lk 10:38,39\xt*\x*Lazaruh ngmingnaki am khyaihki cun Bethanih mlüha veki. Acuna Bethanih mlüh cun Marih ja a na Matah ami venaka kyaki. 
\v 2 \x - \xo 11:2 \xo*\xt Jn 12:3\xt*\x*Hina Marih cun (A na Lazaruh am khyaihki) ksi ng’ui am Jesuh jut lü a khaw a lusam am xuh petki. 
\v 3 Lazaruha ci xawi naw, “Bawipa aw, na mhlänak na püi am khyaih ve” ti lü Jesuh ani cük.
\p
\v 4 Jesuh naw acun ksing lü, \wj “Acuna natnak cun thihnak vaia natnak am ni; Pamhnama hlüngtainak a ngdangnak vaia kyaki ni, ahina phäha Pamhnama Capa a ngming hlüngtai khai”\wj* a ti.
\p
\v 5 Jesuh naw Matah, a na Marih ja Lazaruh cun aktäa jah mhläkphyanaki. 
\v 6 Acunakyase, Lazaruh am khyaihki ti a ngjak käna pi am cit lü, a venaka mhnüp nghngih ve hamki. 
\v 7 Acun käna, axüisaw hea üng, \wj “Judah khawa mi cit be vai u” \wj*a ti.
\p
\v 8 Axüisawe naw, “Rabbi, ahlana Judahe naw lung am ning khawng hlükie; acuia na cit hlü betüki aw?” ami ti.
\p
\v 9 Jesuh naw, \wj “Khaw mhnüp mat üng naji xaleinghngih lawki, am niki aw. Mhnüpa cit hükia khyang ta khawmdeka kvai hmuh lü am ngsukngvän khawi.\wj* 
\v 10 \wj Acunsepi, mthana a ceh hü üng akvai am vekia kyase, ngsukngvänei khawiki”\wj* ti lü, a jah msang. 
\v 11 Acun a pyen päng ja, \wj “Mi püi u Lazaruh ipki; ipki mtho be khaia ka cit khai”\wj* a ti.
\p
\v 12 Axüisawe naw, “Bawipa aw, a ih üng ta daw law be khai ni” ami ti.
\p
\v 13 Jesuh naw a thiha mawng a pyen kyaw, amimi naw ipei sawxatkia ami ngaih u. 
\v 14 Acunakyase, Jesuh naw, \wj “Lazaruh thiki” ti lü angsinga a jah mtheh.\wj* 
\v 15 \wj “Acuia am ka ve hin nami jumnak vaia, nami phäh ka jeki; acunsepi a veia mi cit vai u”\wj* a ti.
\p
\v 16 Thomah (Angphia ami sui) naw a püi he üng, “A thihnak üng thi hnga khaia, Saja am atänga mi cit vai u” a ti.
\s Jesuh cun thawhnak be ja xünnak
\p
\v 17 Jesuh a pha law üng, Lazaruh ami k’uhnak mhnüp kphyü law päng se a hmuh. 
\v 18 Bethanih mlüh cun Jerusalem mlüh üngkhyüh mäng nghngih bang thuki. 
\v 19 Ani be thi se, Judahe cun naw jah mbawikyahpüi khaiea Matah ja Mariha veia lawkie.
\p
\v 20 Matah naw Jesuh pha law hlüki ti a ngjak üng do khaia citki. Acunüng Marih cun ima a na veki. 
\v 21 Matah naw Jesuh üng, “Bawipa aw, ahia na vea ta ka be am thi khai sü. 
\v 22 “Tuh pi Pamhnama veia na kthäh naküt Pamhnam naw ning pe khai ti ka ksingki” a ti.
\p
\v 23 Jesuh naw, \wj “Na be tho law be khai” \wj*a ti.
\p
\v 24 Matah naw, “Akpäihnaka khawmhnüp üng tho law be khai ti ka ksingki” a ti.
\p
\v 25 Jesuh naw, \wj “Kei hin thawhnak be ja xünnaka ka kyaki ni. Kei na jumeiki naküt cun xüng khai, a thih üngpi angsäia xüng khai;\wj* 
\v 26 \wj xüng lü, kei na jumki naküt cun itüha pi am thi ti u. Ka pyen na jumki aw?”\wj* a ti.
\p
\v 27 Matah naw “Bawipa aw, jum veng. Nang cun khawmdeka law khaia Mesijah, Mhnama Capaa na kyaki ti jum veng” a ti.
\s Jesuh kyapki
\p
\v 28 Acukba a pyen päng ja Matah cit lü a ci Marih anghmüa khü lü, “Bawipa pha law lü ning khü ve” a ti. 
\v 29 Marih naw a ngjak ja tho law ngxit lü Jesuh hmuh khaia citki. 
\v 30 Jesuh cun ngnam k'uma am lut law ham lü, Matah naw a va hmuhnak, a venaka ve hamki. 
\v 31 Im k'uma mbawikyahpüi u lü awmki hea Judahe naw Marih angxita tho law lü va kco se ami hmuh üng, lungdüa kyap khaia cit hlükia ngai lü läki he.
\p
\v 32 Marih cun Jesuha venaka a va pha üng, a hmuh ja a khaw kunga kawp lü, “Bawipa aw, hia na vea ta ka be am thi khai sü” a ti.
\p
\v 33 Mariha kyah ja läk lawkiea kyah a hmuh üng Jesuha mlung aktäa na lü pukseki. 
\v 34 Jesuh naw, \wj “A yawk hawia nami tak ni?”\wj* a ti.
\p Amimi naw, “Bawipa aw law lü teng lawa” ami ti.
\p
\v 35 Jesuh naw hmu lü kyapki. 
\v 36 Judahe naw, “Teng u, Lazaruh ihlawka a mhläkphyanak ni” ami ti.
\p
\v 37 Acunsepi avang naw, “Hin, amikmü pi vaisak beki am niki aw. Lazaruh pi käh thi khaia am pawh theiki aw?” ami ti.
\s Lazaruh xüng law beki
\p
\v 38 Jesuh aktäa pukse lü, ng’ui hnün da lawki. Acuna ng’utnak cun mdek khüia kya lü lung am ami khaih. 
\v 39 Jesuh naw, \wj “Lung loa”\wj* a ti.
\p Thikia a ci Matah naw, “Bawipa aw, a thihnak mhnüp kphyü law pängki, tuh ta thu päng khai ni” a ti.
\p
\v 40 Jesuh naw, \wj “Na jum üng Pamhnama hlüngtainak na hmu khai, ti lü am ka ning mtheh pängki aw?”\wj* a ti. 
\v 41 Lung lo u se, Jesuh naw khana jeng mang lü, \wj “Ka Pa aw, ka ngthu na ngaiha phäh, ning je na veng,\wj* 
\v 42 \wj “Aläa ka ngthu na ngai khawiki ti ksing veng; acunsepi hin üng veki khyange naw kei hin nang naw na na tüih law ti ami jumnak thei vai ka pyen ni” \wj* a ti. 
\v 43 Acukba a pyen päng ja, \wj “Lazaruh, lut lawa”\wj* ti lü, angsanga ngpyangki. 
\v 44 Akthi cun a kut khaw hlawpnaka jih ja a hmai hlawpnaka jih mahmaha lut law se Jesuh naw, \wj “Sut u lü, cehsak ua”\wj* a ti.
\s Jesuh hnim vaia cengkie 
\r (Mt 26:1-5; Mk 14:1-2; Lk 22:1-2)
\p
\v 45 Marih vepüikiea Judah avang naw Jesuha bilawh hmu u lü Jesuh jumkie. 
\v 46 Acunsepi avang ta Phariseea veia cit u lü, Jesuh naw a pawhmsahe ami jah va mtheh. 
\v 47 Ktaiyü ngvaie ja Pharisee naw Kawngci ngvaie jah ngkhämpüi u lü, “Ihawkba mi pawh khai? Hina khyang naw müncanksee khawhah pawh ve. 
\v 48 Ahikba mi hawihin üng ta, khyang naküt naw ani jum law u se, acunüng, Romah ngvaie naw mi Temple ja mi khyangmjü jah kpyükpye law khaie ni” ami ti.
\p
\v 49 Ami hlawnga ka khyang mat Kaiphah, acuna kum üng Ktaiyü Ngvaisäih naw, “Ise nami yawkie ni, 
\v 50 mi khyangmjü naküt a pyüpye kthaka khyang mat a thih hin daw bawki ti am nami ksingki he aw” a ti. 
\v 51 Acuna ngthu cun amät naw mhnün lü a pyen sawxat am ni. Acuna kum üng Ktaiyü Ngvai säiha kyase, Jesuh cun Judah khyang mjüea phäh a thih vaia mawng malam a pyena kyaki. 
\v 52 Acuna khyange däka phäh am ni lü, khawmdeka khana ngpyeng hükia Pamhnama khyange cun pumsa mata a jah mkhämnak be vai phäha pi kyaki.
\p
\v 53 Acuna mhnüp üngkhyüh Judah ngvaie naw Jesuh hnim khaia cengkie. 
\v 54 Acunakyase, Jesuh cun Judahea khaw ksunga angdanga käh citcawn hü ti lü, acun üngka naw mkyangkhawa, mlüh mat Epharam ami tia citeiki. Acuia axüisaw he am awmki he.
\p
\v 55 Judahea Lätnak Pawi cäh law se, khyang khawkän ami khaw üngka naw Jerusalem mlüha amimät naw khawning ngcingcaihnak pawi am a pha law ham üng bi khaiea jeng citkie. 
\v 56 Jesuh sui hü u lü, Temple k’uma ngkhäm u lü, “Pawi pawhnaka am law khai aw, ihawkba nami ngaiki ni?” ti lü ami püi kthäkie. 
\v 57 Ktaiyü ngvaie ja Pharisee naw, Jesuh ami mannak thei vaia, au pi, a venak ksingki naw a pyen vaia ami jah mtheh.
\c 12
\s Bethanih mlüha Jesuh ksi ng’ui am buih
\r (Mt 26:6-13; Mk 14:3-9)
\p
\v 1 Lätnak Pawi a phanak vai a mhnüp khyuk üng, thi se a mthawh be Lazaruha venak, Bethanih mlüha Jesuh pha lawki. 
\v 2 Acuia Jesuha mü ei vai buh pyangnaka Matah naw jah kpüiki. Acuia Lazaruh pi Jesuh am atänga ngaw hngaki. 
\v 3 \x - \xo 12:3 \xo*\xt Lk 7:37,38\xt*\x*Marih naw aktäa a phu küikia natuh ksi ng’ui liter uma cäpcäp lawpüi lü, Jesuha khaw jah buiki naw a lusam am a xuh pet. Acuna ksi ng’ui cun im k’um naküt üng ng'uiki. 
\v 4 Acunsepi, axüisaw he üngka mat, Judah Iskarot, Jesuh phyahei khai naw, 
\v 5 “Hina ksi ng’ui hin, ise ngui phya kthuma jawi lü, msih mpyaki he üng am a jah pet ni?” a ti. 
\v 6 Msih mpyaki he a jah mpyeneia phäh acukba a pyen am ni, khyang mpyukeia a kyaa thea, nguiip cüm lü, a k’uma ngui a lawhei khawia phäha kyaki.
\p
\v 7 Jesuh naw, \wj “Hawih ua, ka ng’utnak mhnüpa phäh pawh se.\wj* 
\v 8 \x - \xo 12:8 \xo*\xt Deut 15:11\xt*\x*\wj “Msih mpyaki he cun aläa nami hlawnga awmki he ni. Kei cun aläa nami hlawnga ka ve khaia am kya” \wj*a ti.
\s Lazaruh ami cengnak
\p
\v 9 Jesuh Bethaniha veki ti Judahe naw ksing u lü, ami lawsih. Jesuh däk lawsihkie am ni, thihnak üngka naw a mthawh be Lazaruh pi ami hmuh hlüa phäha kyaki. 
\v 10 Ktaiyü ngvaie naw Lazaruh pi ami hnim vaia cengkie; 
\v 11 Lazaruha phäha Judah khyang khawhah naw jah hawih u lü, Jesuh ami juma phäha kyaki.
\s Hlüngtainak am Jerusalem a luhnak 
\r (Mt 21:1-11; Mk 11:1-11; Lk 19:28-40)
\p
\v 12 Angawi üng, Lätnak Pawia lawkia khyangpänu naw Jesuh Jerusalema law hlüki ti ami ksing üng, 
\v 13 \x - \xo 12:13 \xo*\xt Sal 118:25,26 \xt*\x*nghleng hnahe jah kcüngei lü do khaia cit u lü, “Hosana, Bawipa ngming üng lawki Pamhnam naw dawkyanak pe se!” Pamhnam naw Isarelea sangpuxang dawkyanak pe se” ti lü ngpyangkie.
\p
\v 14 Jesuh naw sanghngaksaü hmu lü, acuna khana ngcumki. Cangcim üng ang’yuka mäiha,
\q1
\v 15 \x - \xo 12:15 \xo*\xt Zakh 9:9\xt*\x*“Zion mlüh aw, käh kyüheia;
\q1 Tenga sanghngaksaüca üng cum lü,
\q2 na sangpuxang law ve.”
\p
\v 16 Asüa ta axüisaw he naw am ksing u. Acunsepi Jesuh mhlünmtai a ni üng, Jesuha mawng cangcim naw a pyen ja ania phäh ahikba ami bilawhe ti cun süm law bekie.
\p
\v 17 Lazaruh, ng’utnak üngka naw a khü be, thihnak üngka a mthawh be üng, a peia awmki hea khyange naw pi a mawngma pyenkie. 
\v 18 Acunakyase, khyange naw pi a na do u lü ümhlamkie. Acukba müncanksee jah pawhki ni ti ngjakie. 
\v 19 Pharisee amimät naw, “Teng u, i am mi pawh khawhki, khawmdek avan naw a hnu läk päng ve” ami ti.
\s Krik khyange naw Jesuh suikie
\p
\v 20 Pawia Pamhnam hjawkhah khaia Jerusalem mlüha jeng citkie üng Krike avang pi cit hngakie. 
\v 21 Acun he cun Philipa (Kalile hne Bethsaida mlüha ka kyaki) veia law u lü, “Saja aw, Jesuh kami hmu hlüki” ti lü ami nghuinak.
\p
\v 22 Philip naw Andru mtheh law se ani nghngih naw Jesuh üng ani va mtheh. 
\v 23 Jesuh naw jah msang lü, \wj “Khyanga Capa a hlüngtainak vai akcün pha law ve.\wj* 
\v 24 \wj “Akcanga ka ning jah mthehki: cangmci mdek üng am kya lü am a thih üng mäei khawiki. A thih üng va khawhaha ngtheipai law be khawiki.\wj* 
\v 25 \x - \xo 12:25 \xo*\xt Mt 10:39; 16:25; Mk 8:35; Lk 9:24; 17:33\xt*\x*\wj “A xünsak mcehnaki naküt naw a xünsak mkhyüh khai. Hina khawmdek khana a xünsak hnengki naw angsäia xünnak yah khai.\wj* 
\v 26 \wj “Ka khut pawh hlüki naküt naw na läk law se; ka khut pawhki cun ka venaka ve hnga khai. Ka khut pawhkia khyang cun Pa naw mhlünmtai khai.\wj*
\s Jesuh naw a thih vai a pyen
\p
\v 27 \wj “Atuh hin ka mlung khuikha ve. I ka pyen khai ni? ‘Ka Pa aw, hina kcün hin ka khana käh kpha lawa, ka ti khai aw? Iakyasepi, ahina khuikhatnak khamei khaia ni, ka law. \wj* 
\v 28 \wj “Ka Pa aw, na ngming hlüngtai se”\wj* a ti.
\p Acunüng, “Ka mhlünmtai pängki, ka mhlünmtai betü khai” tia kthai khankhaw üngka naw a ngjak.
\p
\v 29 A peia ngdüikia khyange naw ngja u lü, “Khaw nghmümki ni,” ti u se, avang naw, “Khankhawngsä naw ngthuhei püiki ni,” ami ti.
\p
\v 30 Jesuh naw, \wj “Acuna kthai cun ka phäha ngthang lawkia am ni, nangmia phäh ni.\wj* 
\v 31 \wj “Tukbäih hina khawmdek ngthumkhyahnaka kcüna kyaki. Tukbäih hina khawmdek ukia sangpuxang cun ksäta kya khai.\wj* 
\v 32 \wj “Kei, mdek üngka naw khana a na taih law üng, khyang naküt ka veia ka jah kaih khai” \wj*a ti. 
\v 33 Acuna ngthu cun a thih vai ksingnak vaia a pyena kyaki.
\p
\v 34 \x - \xo 12:34 \xo*\xt Sal 110:4; Hesa 9:7; Hez 37:25; Dan 7:14\xt*\x*Khyang he naw, \wj “Mesijah cun angdäia ve khai ti mi Thum üng kami hmuki. Nang naw, ‘Khyanga Capa mdek üngka naw khana taiha kya khai’ na ti hin, i ni? Acuna Khyanga Capa cun u ni?”\wj* ti u lü, ami msang.
\p
\v 35 Jesuh naw, \wj “Akvai asäng nami hlawnga ve ham ve. Akvai a ve k’um üng cit hü ua, am ani üng ta nghmüp naw ning jah kpha law khai ni. Nghmüp üng cit hüki naw a cehnak am ksingei khawi.\wj* 
\v 36 \wj “Akvai a ve ham üng akvai jumei ua, akvaia canaa nami kya khai”\wj* a ti.
\s Khyang he naw Jesuh am jum hlü u
\p Acun a pyen päng ja Jesuh cit lü, am ami hmuhnak vaia ngthupeiki.
\p
\v 37 Ami maa müncanksee khawkän pawh sepi Jesuh am jum u; 
\v 38 \x - \xo 12:38 \xo*\xt Hesa 53:1\xt*\x*Sahma Hesajah naw a na pyen:
\q1 “Bawipa aw, kami pyena ngthu u naw jumki ni?
\q2 Bawipa naw ua veia a johit mdanki ni?” tia ngthua kümnak vaia kyaki.
\p
\v 39 Acuna thea am jum u se, sahma Hesajah naw pyen lü,
\q1
\v 40 \x - \xo 12:40 \xo*\xt Hesa 6:10 \xt*\x*“Pamhnam naw ami mik a jah müsak,
\q2 ami mlung jah nghlangsak se,
\q1 acunüng ami mik naw am hmuh thei,
\q2 ami lu pi cing se,
\q2 ka jah mdaw be vaia,
\q2 ka veia am nghlat law be thei u, ti lü Pamhnam naw pyenki” a ti.
\p
\v 41 Hesajah naw Jesuha hlüngtainak hmu lü ania mawng cun a pyena kyaki.
\p
\v 42 Acunsepi, Judah ngvaie üngka khawkän naw Jesuh jumkie. Pharisee naw sinakoka k’um üngkhyüh ami jah ksät vai kyüh u lü am phyeh u. 
\v 43 Mhnama jah mhlünmtaia kthaka khyanga jah mhlünmtai ami jawngnaka phäh ni.
\s1 Jesuha ngthu am ngthumkhyah
\p
\v 44 Jesuh naw, \wj “Kei na jumki naküt cun naw, kei däk na jumki am ni, na tüi lawki pi jumki ni.\wj* 
\v 45 \wj “Kei na hmuki cun naw, na tüi lawki pi hmuki ni.\wj* 
\v 46 \wj “Khawmdek vaisak khaia ka lawki ni, kei na jumki naküt cun nghmüp üng am ve ti.\wj* 
\v 47 \wj “Ka ngthu pyen ngja lü am jum u sepi, kei naw ngthu am jah mkhya pet nawng. Khawmdek ngthumkhyah khaia ka lawki am ni, khawmdek küikyan khaia va ka lawki.\wj* 
\v 48 \wj “Kei na ma lü ka ngthu pyene am ngaiki naw ngthumkhyah pet khai mat taeiki. Ka ngthu pyen, acuna ngthu naw akpäihnaka mhnüp üng ngthumkhyah pet khai.\wj* 
\v 49 \wj “Kamät naw khyaihnak am ka pyen am ni; Pa na tüih lawki naw ka pyen vai ja ka sang vai ngthu a na pet ni.\wj* 
\v 50 \wj “Ania a na peta ngthu cun anglät xünnaka kyaki ti ka ksingki. Acunakyase, ngthu ka pyen naküt cun Pa naw a na mtheh naküta kyaki” \wj* ngpyang lü a pyen.
\c 13
\s Jesuh naw axüisaw hea khaw jah mthih petki
\p
\v 1 Lätnak Pawi a pha vai mhnüp mat a hlü ham üng, Jesuh naw hina khawmdek ceh ta lü Paa veia a cehnak vai kcün pha lawki ti ksingki. Hina khawmdeka veki a khyange cen aläa jah mhläkphyanak lü adüt vei cäpa jah kphyanaki.
\p
\v 2 Jesuh ja axüisaw he naw mü buh eikie. Sihmona capa, Judaha mlung k’uma, Jesuh phyehei khaia khawyai naw a mhlawmcawk pänga kyaki. 
\v 3 Pa naw ahmäi a mhjum ja Mhnam üngkhyüh law lü Pamhnama veia cit be khai ti cun Jesuh naw ksingki. 
\v 4 Acunakyase, buh capawi üngka naw tho law lü a jih ngvaih sut lü ngxuheinak jih a vawh. 
\v 5 Kbe ksung üng tui kyäi lü axüisaw hea khaw jah mthih pet lü a jih vawh am a jah xuh pet. 
\v 6 Sihmon Pita veia a pha law üng, “Bawipa aw, ka khaw na na mthih hlü petki aw?” a ti.
\p
\v 7 Jesuh naw, \wj “Tukbäih i ka pawhmsah ti am ksing hamki; acunsepi, tuha ta na ksing law khai ni”\wj* ti lü a msang.
\p
\v 8 Pita naw, “Ka khaw käh na mthi sümsüm khai” a ti.
\p Jesuh naw, \wj “Na khaw am ka ning mthih pet üng ta keia hnukläka am kya tiki”\wj* a ti.
\p
\v 9 Sihmon Pita naw, “Bawipa aw, acun ani üng ta ka khaw däk am ni lü ka kut ja ka lu pi na mthih peta” a ti.
\p
\v 10 Jesuh naw, \wj “Tui nghlawk pängki naküt ngcimki ni, i a mthih vai am hlü, a khaw däk ni a hlü. Nangmi avan ngcimcaih päng ve uki, acunsepi am ngcimcaih hamki mat ve ve”\wj* a ti. (
\v 11 U naw jawiei khai a ksing pänga phäha, “Nami van nami ngcimki, lüpi am ngcimki mat nami ksunga veki” a ti.)
\p
\v 12 \x - \xo 13:12 \xo*\xt Lk 22:27\xt*\x*Ami khaw jah mthih pet lü, a jih ngvaih be lü, ngaw beki naw, \wj “Nami khana ka pawh hin asuilam nami ksingki aw?\wj* 
\v 13 \wj “Nangmi naw Saja aw, Bawipa aw nami na ti na khawiki. Nami cangki, ka kya kungki.\wj* 
\v 14 \wj “Kei nami na Bawipa ja Saja hngawh naw nami khaw ka ning jah mthih pet üng, nangmi pi mat naw mata khaw nami mthih pet vai.\wj* 
\v 15 \wj “Nami khana ka pawha mäiha nangmi naw pi nami pawh hnga vaia ka ning jah mhnuhki.\wj* 
\v 16 \x - \xo 13:16 \xo*\xt Mt 10:24; Lk 6:40; Jn 15:20\xt*\x*\wj “Akcanga ka ning jah mtheh ta: mpya cen a mahpa kthaka am däm bawk khawi; ngsäe cun pi jah tüihkia kthaka däm bawkia am kya.\wj* 
\v 17 \wj “Ahina ngthungtak nami ksingki, nami ksinga mäiha nami xünpüi üng ta ihlawka nami jo sen khai ni.\wj*
\p
\v 18 \x - \xo 13:18 \xo*\xt Sal 41:9\xt*\x*\wj “Nami vana mawng ka pyen am ni. Ka xüe ka jah ksingki. Acunsepi, ‘Kani ei yümki naw am na ngja hlü ve’ ti lü, cangcima kümkawi lawnak vaia kyaki.\wj* 
\v 19 \wj “Ahin hin am a pha law ham üng, atuh ka ning jah mtheh ni. Acun a pha law üng ‘Kei Ania Ka Kyaki’ ti nami jumnak thei vaia ka ning jah mtheh ni.\wj* 
\v 20 \x - \xo 13:20 \xo*\xt Mt 10:40; Mk 9:37; Lk 9:48; 10:16\xt*\x*\wj “Akcanga ka ning jah mthehki: au pi ka tüi law dokhameiki cun kei na dokhameiki ni; au pi ka tüi law dokhamki naw, kei pi na dokhameikia kyaki. Kei na dokhameiki naw pi na tüi lawki dokhamkia kyaki” \wj* ti lü a pyen.
\s Jesuh naw ami man vai pyenki 
\r (Mt 26:20-25; Mk 14:17-21; Lk 22:21-23)
\p
\v 21 Jesuh naw acukba a pyen law päng üng a mlung khuikha lü, \wj “Akcanga ka ning jah mthehki: nangmi üngka mat naw na phyehei khai”\wj* ti lü a jah mtheh.
\p
\v 22 U a pyennak hman am ksing u lü axüisaw he naw ami püi ci teng lü awmki he. 
\v 23 Axüisawe üngka mat, Jesuha kphyanak cun Jesuha peia ngawki. 
\v 24 Sihmon Pita naw, “U a pyenak ni, na mtheha” ti lü, a kut am khiktawt hü lü a kthäh.
\p
\v 25 Acuna axüisaw naw Jesuh peia va ngnawn lü, “Bawipa aw, u ni?” a ti.
\p
\v 26 Jesuh naw, \wj “Hina muk mte mcawi lü ka peta khyanga kya khai” \wj*ti lü a msang. Muk mte mcawi lü, Sihmona capa Judah üng a pet. 
\v 27 Muk mte a doei ja khawyam a k’uma lutki. Jesuh naw, \wj “Na pawh vai akjanga pawha”\wj* a ti. 
\v 28 Ei kbe kunga ngawkie naw, i a pyennak ti, u naw pi am ksing u. 
\v 29 Avang naw Judah Iskarot naw nguiip a cüma phäh, Jesuh naw, ‘‘Hina pawi üng mi summang vai va khyeia a tinak ni, am ani üng khuikha si mpyaki he üng ik’eih jah pea” tikia, ami ngai.
\p
\v 30 Judah naw muk mte lo lü cit ktäihki. Acun cun mthana kyaki.
\s Ngthumkhän kthai
\p
\v 31 Acukba a ceh käna Jesuh naw pyen lü, \wj “Atuh hin Khyanga Capa mhlünmtaia kya ve. Ani üngkhyüh Pamhnam pi mhlünmtaia kya ve.\wj* 
\v 32 \wj “Ani üngkhyüh Pamhnama hlüngtainak mdan lü, Pamhnam naw Khyanga Capa pi amät üng mhlünmtai khai. Sängsäng se Pamhnam naw ani mhlünmtai khai.\wj* 
\v 33 \x - \xo 13:33 \xo*\xt Jn 7:34\xt*\x*\wj “Ka canae aw, nami hlawnga ka ve vai hin am hjo ti. Nami na sui hü khaie. Acunüng, Judah ngvaie üng, ‘Ka cehnak vaia am law thei uki’ ti lü ka pyena mäiha atuh pi acukba bäa ka ning jah mthehki.\wj* 
\v 34 \x - \xo 13:34 \xo*\xt Jn 15:12,17; 1Jn 3:23; 2Jn 5\xt*\x*\wj “Ngthumkhän kthai ka ning jah peki: mat ja mat mhläkphya na ua. Ka ning jah mhläkphyanaka mäiha mat ja mat mhläkphya na u.\wj* 
\v 35 \wj “Mat ja mat nami mhläkphyanak üng ta, khyang naküt naw ka hnukläke tia ning jah ksing khaie”\wj* a ti.
\s Pita naw a ma vai Jesuh naw a pyen 
\r (Mt 26:31-33; Mk 14:27-31; Lk 22:31-35)
\p
\v 36 Sihmon Pita naw, “Bawipa aw, hawia na cit khai?” a ti.
\p Jesuh naw, \wj “Ka cehnak hlüa nang tuh am law theiki; tuha ta na law thei khai”\wj* ti lü, a msang.
\p
\v 37 Pita naw, “Bawipa aw, ise atuh na hlawnga am ka law theiki ni? Na phäha ta thih vai pi am kyüh nawng” a ti.
\p
\v 38 Jesuh naw, \wj “Keia phäha na thih vai akcanga am na kyühki aw? Akcanga ka ning mthehki: nang naw ainghlüi am khawng ham se, ani am ksing ngü ti lü kthum vei na ngcim khai”\wj* a ti.
\c 14
\s Jesuh cun Paa veia phanak lam
\p
\v 1 \wj “Käh cäicing pukse ua; Pamhnam jumei ua, kei pi na jumei ua.\wj* 
\v 2 \wj “Ka Paa ima hnün khawhah veki, nangmia phäh hnün pyang khaia ka cit khai. Hnün am a ve üng, am a vea mawng cun ka ning jah mtheh khai.\wj* 
\v 3 \wj “Cit lü nami phäha hnün ka pyang käna, ka nghlat law be khai. Ka venaka nami ve hnga khaia, ka ning jah la law khai,\wj* 
\v 4 \wj “Ka cehnak vaia hnün nami ksingki”\wj* a ti.
\p
\v 5 Thomah naw, “Bawipa aw, na cehnak vai am ksing ve ung, ihawkba lam kami ksing khai ni” a ti.
\p
\v 6 Jesuh naw, \wj “Kei cun lama ka kyaki. Ngthungtaka pi ka kyaki. Xünnaka pi ka kyaki. Keia thea Pa veia cehnak vaia lam akce am ve.\wj* 
\v 7 \wj “Kei nami na ksing pängki, ka Pa pi nami ksing khaie; tukbäih üngkhyüh cutei lü ani ksing päng lü hmu päng ve uki”\wj* a ti.
\p
\v 8 Philip naw, “Bawipa aw, Pa jah mhnuha, acun ni kami hlüei” a ti.
\p
\v 9 Jesuh naw, \wj “Philip, hi vei nami hlawnga ve ngü se, am na na ksingki aw? Au pi kei na hmuki cun Pa hmuki ni. ‘Pa jah mhnuha’ ise na ti ni?\wj* 
\v 10 \wj “Kei Pa üng ka ve ja Pa kei üng veki ti, am na jumki aw, Philip? Nami veia ka pyene hin kamäta mhnün ka pyena am ni. Kei üng vekia Pa naw a jah pawha kyaki.\wj* 
\v 11 \wj “Pa üng kei ka ve ja kei üng Pa veki ti jum ua. Am ani üng ka jah pawhmsahea phäh hleng ta na jum ua.\wj* 
\v 12 \wj “Akcanga ka ning jah mthehki: au pi na jumki naw ka jah pawhmsahe jah pawh khai; ahina kthaka däm bawkie pi jah pawhmsah law khai. Isetiakyaküng Paa veia ka cit khaia kyaki.\wj* 
\v 13 \wj “Ka ngming üng ahmäi nami täsam naküt ka ning jah pawh pet khai. Acun cun Pa, Capaa phäh a hlüngtainak vaia phäha kyaki.\wj* 
\v 14 \wj “Nangmi naw ka ngming üng ahmäi nami täsam üng, nami täsama mäiha ka ning jah pawh pet khai.\wj*
\s Khyütam Ngmüimkhya ngcim
\p
\v 15 \wj “Nangmi naw nami na kphyanak üng, ka ngthumkhäne nami jah läk khai.\wj* 
\v 16 \wj “Pa kthäh ngü se, ani naw ning jah Kpüikpak khai akce ning jah pe khai. Acun naw aläa ning jah vepüi khai.\wj* 
\v 17 \wj “Ani cun Pamhnama mawng ngthungtak pyenki, Ngmüimkhyaa kyaki. Khawmdek khyange naw ani am hmu lü am ami ksinga phäh, ani am doei khawh u. Cunüng pi nami hlawnga ve lü nami k’uma xüngkia kyase, nangmi naw ta ani nami ksingki. \wj*
\p
\v 18 \wj “Ka ceh be üng namimät ka ning hawihin khaia käh ngai ua. Nami veia ka law be khai.\wj* 
\v 19 \wj “Asäng üng khawmdek naw am na hmu ti; cunsepi nangmi naw ta nami na hmu khai. Kei ka xüngseikia kyase, nangmi pi nami xüng hnga khai.\wj* 
\v 20 \wj “Acuna mhnüp a pha law üng, kei Pa üng ka ve, nangmi kei üng nami ve ja kei nangmi üng ka ve nami ksing khai.\wj*
\p
\v 21 \wj “Au pi ka ngthumkhäne jah yah lü, jah läklamki cun kei na mhläkphyanaki ni. Kei na mhläkphyanaki naküt ka Pa naw mhläkphya na khai. Kei naw pi ani mhläkphya na lü kamät ami veia ka ngdang khai”\wj* a ti.
\p
\v 22 Judah (Judah Iskarot am niki) naw, “Bawipa aw, khawmdeka veia am mdan lü, keimia veia namät na mdan vai cun ihawkba ni?” a ti.
\p
\v 23 Jesuh naw, \wj “Kei na mhläkphyanaki naw ka ngthu läklam se, ka Pa naw ani mhläkphya na khai. Ka Pa ja kei a veia law ni lü ani am kani ve khai.\wj* 
\v 24 \wj “Au pi, kei am na kphyanaki naw ka ngthu am läklam; ngthu nami ngjake hin kamäta ngthu am ni, Pa na tüi lawkia ngthua kyaki.\wj*
\p
\v 25 \wj “Nami hlawnga ka ve ham vei ahin he ka ning jah mthehki.\wj* 
\v 26 \wj “Ning jah Kpüikpak khai, Ngmüimkhya Ngcim, Pa naw ka ngming üng tüih law khai. Ani naw ahmäi ning jah mthei lü, nami veia ka pyen naküt ning jah sümsak be khai.\wj*
\p
\v 27 \wj “Dimdeihnak ka ning jah tak hütki; kamäta dimdeihnak ka ning jah peki. Khawmdek naw a peta mäiha ka ning jah peki am ni. Käh cäicing, pukse kyühkyawk ua.\wj* 
\v 28 \wj ‘Atuh cit kyaw ngü sepi, nami veia ka law be khai’ ka ning jah mtheh nami ngjaki. Nami na kphyanak üng ta Paa veia ka ceh vaia phäh nami je khai. Isetiakyaküng, Pa cun keia kthaka hlüngtai bawkia kyaki.\wj* 
\v 29 \wj “Ahin a thawnhlawk law üng, nami jumnak vaia; ahin am a thawnhlawk law ham üng, atuh ka ning jah mthehki. \wj* 
\v 30 \wj “Khawmdek Ukia Mdek bawipa pha law hlükia kyase, khawvei am ning jah ngthuheipüi thei nawng. Ani naw keia khana khyaihnak isüm am ta.\wj* 
\v 31 \wj “Acunsepi kei naw Pa ka kphyanaki, Pa naw a na mtheha mäiha ka pawh ti khawmdek naw a ksing vaia phäh ni.\wj*
\p Tho law u, hin üngka naw mi cit vai u.
\c 15
\s Jesuh cun capyit ngsun kcang
\p
\v 1 \wj “Kei Capyit ngsun kcang ni, ka Pa cun ngvawng kbia kyaki.\wj* 
\v 2 \wj “Ani naw kei üng am ngtheipaikia kphyem naküt cun ksawm pat lü xawtki, am ngtheipai naküt cun khek lü pawhki. Acunüng ngcingcaih lü a ngtheipai law dämdäm vaia ksekpaih khawiki.\wj* 
\v 3 \wj “Ka ning jah mtheimthang naw tuh hin ning jah ngcingcaihsak päng ve.\wj* 
\v 4 \wj “Kei üng ngphungmanei u, kei pi nangmi üng ka ngmanei khai. Akpyeng cun a phung üng am a ngphunei üng, amät am a ngtheipai khawha mäiha, nangmi pi kei üng am ngphuneiki cun am ngtheipai thei.\wj*
\p
\v 5 \wj “Kei hin Capyit ngsun ni, nangmi cun a kphyengma nami kyaki. Kei üng ngphuneikie veia kei pi ngphunei be ngü se, khawkäna ngtheipai khai; keia kaa i am pawh khawh uki.\wj* 
\v 6 \wj “Kei üng am ngphunmaneikie cun khyawngkia akpyenga mäiha xawtin vaia kyaki. Acukba a kphyem cun mkhäm lü mei üng mkhihin u se, mei naw jah ui khawiki.\wj* 
\v 7 \wj “Nangmi kei üng ve u lü ka ngthu nangmi üng a ve üng, nami hlüei naküt nami täsam üng nami yah khai.\wj* 
\v 8 \wj “Ka Paa hlüngtainak cun khawkäna nami ngtheipainak naw mdanki.\wj* 
\v 9 \wj “Pa naw a na kphyanaka mäiha ka ning jah kphyanaki. Ka kphyanaka kea xüngsei ua.\wj* 
\v 10 \wj “Ka Paa ngthupete jah läklam lü a kphyanaka kea ka vea kba, ka ngthupete nami jah läklam üng, ka mhläkphyanaka kea nami ve khai. \wj*
\p
\v 11 \wj “Kei naw ning jah je na ngü se, nami jenak a kümcei vaia phäha ahin he ka ning jah mtheh ni.\wj* 
\v 12 \x - \xo 15:12 \xo*\xt Jn 13:34; 15:17; 1Jn 3:23; 2Jn 5\xt*\x*\wj “Hin hin ka ngthupeta kyaki: kei naw ka ning jah kphyanaka kba mat ja mat mhläkphya na ua.\wj* 
\v 13 \wj “Na püi hea phäh mhläkphyanak akyäp säih ta, amimia phäh na sak na pet hin ni. \wj* 
\v 14 \wj “Ka ning jah mtheh naküt nami läklam üng ka püi hea nami kya khai.\wj* 
\v 15 \wj “Mpyaea am ning jah sui ti nawng. A mahpa naw a bilawh cen mpya naw am ksing khawi. ‘Ka püi he aw’ ti lü ka ning jah khüki. Isetiakyaküng, Paa veia ka ngjak naküt ka ning jah mtheha phäh kyaki.\wj* 
\v 16 \wj “Nangmi naw kei cun nami na xü am ni, kei naw va ka ning jah xüki. Cit lü khawkäna pungpyah ngtheipai lü käh thuuih theikia ngtheipaia nami kya khaia ka ning jah mcawnki. Ka ngming üng Paa veia nami täsam naküt ning jah pe khai.\wj* 
\v 17 \wj “Mat naw mat nami mhläkphyanak vaia phäh ka ning jah mtheh ni.\wj*
\s Khawmdeka hnengnak
\p
\v 18 \wj “Khawmdek naw a ning jah hneng üng, nangmi am a ning jah hneng ham üng kei na hneng pängki ti ksing ua.\wj* 
\v 19 \wj “Khawmdek üng nami sängei üng, khawmdek naw ning jah jawng na khai. Cunüngpi, kei naw khawmdek üngka naw ning jah xü ngü se, khawmdek üng am sängei uki. Acunakyase, khawmdek naw ning jah hnengki.\wj* 
\v 20 \x - \xo 15:20 \xo*\xt Mt 10:24; Lk 6:40; Jn 13:16\xt*\x*\wj ‘Mpya cun a bawia kthaka däm bawka thum am ve,’ ti ka ning jah mtheh cen süm ua. Khyang he naw ami na mkhuimkha üng, nangmi pi ning jah mkhuimkha khaie. Ka khyübe ami ngaih üng, nangmia pyen pi ning jah ngai khaie.\wj* 
\v 21 \wj “Cunüngpi ka khyangea nami thawna phäh, khyange naw ahin he nami khana jah pawh law acun he. Isenitiüng, na tüi lawki am ami ksinga phäh kyaki. \wj* 
\v 22 \wj “Kei naw law lü am ka jah mtheha ta, mkhyekatnak am ksing khaie sü. Tuh ta ami mkhyenaka phäh ami lätnak vai lam am ve ve.\wj* 
\v 23 \wj “Kei na hnengki naküt cun ka Pa pi hnengkia kyaki.\wj* 
\v 24 \wj “U naw pi am a pawh khawie ami maa am ka jah pawha ta, mkhyenak am ksing khaie sü. Tuh ta ka pawhe jah hmu u lü, kei ja ka Pa jah hnengkie ni. \wj* 
\v 25 \x - \xo 15:25 \xo*\xt Sal 35:19; 69:4\xt*\x*\wj “Acunakyase, “Amdanga na hnengkie ni,” ti ami Thum üng ng’yuki cun kümcei law khaia kya kungki ni.\wj*
\p
\v 26 \wj “Jah Kpüikpak khai Ngmüimkhya law khai. Ani naw Pamhnama mawng ngthungtak pyen lü, Pa üngka naw lawkia kyaki. Ani cun kei naw Pa üngka naw ka tüi law khai, ani naw ka mawng pyen hü khai.\wj* 
\v 27 \wj “Nangmi naw pi keia mawng nami pyen acun he. Isetiakyaküng ta akcük ma säih üngkhyüh ka hlawnga nami awmki hea kyaki.\wj*
\c 16
\p
\v 1 \wj “Nami jumeinak käh nami hawih vaia ka ning jah mthehki.\wj* 
\v 2 \wj “Sinakokea k’um üngkhyüh ning jah ksät khaie. Ning jah hnimki naw Pamhnama khut ka pawki ti lü ami ngaihnaka kcün pha law khai.\wj* 
\v 3 \wj “Amimi naw Pa am ksing u, kei pi am na ksingkiea kya se, nami khana acukba pawh law khaie.\wj* 
\v 4 \wj “Akcün a pha law üng, ahlana ka ning jah mtheh päng ti cun nami süm vaia tuh ka ning jah mthehki.\wj*
\s Ngmüimkhya ngcima khut
\p \wj Nami hlawnga ka ve hama phäh ahin he ahlana am ning jah mtheh khawi nawng.\wj* 
\v 5 \wj “Atuh na tüi lawkia veia ka cit khai. Nangmi üng u naw pi, ‘Hawia na cit khai?’ ti lü am na kthäh uki.\wj* 
\v 6 \wj “Ahin ka pyen nami ngjaka phäh aktäa nami pukseki.\wj* 
\v 7 \wj “Acunsepi, akcanga ka ning jah mthehki: ka ceh hin nami phäha daw bawki ni; am ka ceh üng ning jah Kpüikpak khai am law khaia kyaki. Ka ceh üng va nami veia ani ka tüi law khai.\wj* 
\v 8 \wj “Ani a law üng, khawmdek khyangea mkhyenaka mawng ami ksing mkhye ja, akdaw ami pawh ja Pamhnama ngthumkhyahnaka mawng cun jah mdan law khai.\wj* 
\v 9 \wj “Kei am ami na juma phäh, mkhyenaka mawng ami ksing cun khyekia kyaki. \wj* 
\v 10 \wj “Kei ka Paa veia cit be ngü se am ami na hmuh tia phäh, akdaw pawh vai am ksing u.\wj* 
\v 11 \wj “Khawmdek upki cun naw ngthumkhyahnak khamei pängkia kyase, ngthumkhyahnak naw ami mkhyenak ngdangsaki. \wj*
\p
\v 12 \wj “Ka ning jah mtheh vai khawhah ve sepi, atuha nangmi naw am ksing päih khawh uki.\wj* 
\v 13 \wj “Acunsepi, Pamhnama mawng ngthungtak pyenki Ngmüimkhya a pha law üng, ani naw lam ning jah msüm khai. Amäta ana sumei lü pyen khai am ni. Ahmäi a ngjak pyen lü malama pha law khaie pi ning jah mtheh khai.\wj* 
\v 14 \wj “Keia pyen naküt cun nangmi üng ning jah mtheh be khaia kyase, kei cun ani naw na mhlünmtai khai. \wj* 
\v 15 \wj “Paa ka naküt cun keia kaa kyaki. Acunakyase, kei naw ka mtheh naküt cun Ngmüimkhya naw nangmi üng ning jah mtheh be khai.”\wj*
\s Puksetnak ja Jekyainak
\p
\v 16 \wj “Asängca üng nangmi naw kei am na hmu ti u lü, asängca bä üng nami na hmu be khai”\wj* a ti.
\p
\v 17 Axüisawe avang naw, “I a pyen hlünak ni? \wj ‘Asängca üng am mi hmu u lü, asängca bä üng mi hmu be khai,’ \wj*a ti ja, \wj ‘Paa veia ka cit khaia kyase’ a ti hin i ni\wj*, ti lü mat ja mat ngthähkie. 
\v 18 “\wj ‘Asängca’ \wj*a ti hin i a ti ni? A ngthu pyena suilam am ksing ve u ngü” ami ti.
\p
\v 19 Kthähkhyah hlükie ti Jesuh naw ksing lü, \wj “Asängca üng nangmi naw kei am na hmu ti u lü, asängca bä üng nami na hmu be khai’ ti lü, ka pyen namimät nami ngthähkie aw? \wj* 
\v 20 \wj “Akcanga ka ning jah mthehki: nangmi kyap lü nami mbawi khaie, khawmdek ta jekyai khai. Nami pukse khai, cunüngpi nami puksetnak cun jenaka ngläüh khai.\wj* 
\v 21 \wj “Nghnumi a ca law hlü üng pukse khawiki. Isetiakyaküng, a huiheinak vaia kcün cäh lawkia kyase ni. Cunüngpi naca hmi lawki a hmuh ja a huihei naküt mhnihinki. Isetiakyaküng, naca cun khawmdek khana a hmi law pänga phäh jekyainak am beki.\wj* 
\v 22 \wj “Tukbäih nangmi pi nami pukseki; acunsepi ning jah hmu be ngü se jenak am nami kümcei khai. Nami mlung jenak am be se, u naw käh ning jah hutei khai.\wj*
\p
\v 23 \wj “Acuna mhnüp üng nangmi naw i pi am na kthäh ti uki. Akcanga ka ning jah mthehki: Paa veia ahmäi ka ngming am nami täsam naküt Pa naw ning jah pe khai. \wj* 
\v 24 \wj “Tuh vei cäpa ka ngming üng i am tä ham uki; nami jenaka kümceinak vaia täsam ua, nami yah khai.\wj*
\s Khawmdek ka näng päng
\p
\v 25 \wj “Ahina ngthu msuimcäpnak am ka ning jah mtheh pängki. Msuimcäpnak üng am ning jah mtheh lü Paa mawng angsinga ka ning jah mtheh vaia kcün cun pha law khai. \wj* 
\v 26 \wj “Acuna mhnüp apha law üng, ka ngming üng ania veia nami ktaiyü khai; Pa veia nami kcaha ka ning jah ktaiyü pet khai am ti nawng;\wj* 
\v 27 \wj “Isetiakyaküng, nangmi naw kei na mhläkphya na u lü, kei Pa üngka naw ka lawki ti nami jumkia kyase Pa naw pi ning jah mhläkphyanaki.\wj* 
\v 28 \wj “Kei, Pa üngka naw law lü, khawmdek khana ka lawki. Khawmdek ceh ta lü Paa veia ka cit be khaia kyaki” \wj*a ti.
\p
\v 29 Acunüng, axüisaw he naw, “Tenga, tuh ta msuimcäpnak kaa angsinga ngthu pyen veki. 
\v 30 “Nang naw ahmäi na ksingki, u naw ani kthäh vai am hlü ve ti atuh kami ksingki he. Ahina phäha Pamhnam üngka naw na lawki ti jum ve ung” ami ti.
\p
\v 31 Jesuh naw, \wj “Tuh mä nami jum?\wj* 
\v 32 \wj “Teng u, akcün pha law hlüki, pha law päng ve. Acuna kcün üng kei kamät däk na hawih u lü, nami im phähphäha nami dawng be khaie. Acunsepi, Pa ka hlawnga vekia kyase kamät däk am ve nawng.\wj* 
\v 33 \wj “Kei üngkhyüh dimdeihnak nami yah vaia ahin ka ning jah mtheh päng ni. Khawmdek naw ning jah mkhuimkha khai. Cunsepi, linglai lü ve ua. Kei naw khawmdek ka näng päng ni”\wj* a ti.
\c 17
\s Axüisawe phäh Jesuh ktaiyüki
\p
\v 1 Acuna ngthu a pyen law käna Jesuh khana mang lü, \wj “Ka Pa aw, akcün pha law päng ve. Capa naw a ning mhlünmtai law vaia, na Capa mhlünmtaia.\wj* 
\v 2 \wj Acukba khyange naküta khana khyaibahnak a na pet am, na peta khyang naküt üng angsäia xünnak a jah pet khawh vaia.\wj* 
\v 3 \wj “Angsäia xünnak hin ta, nang Pamhnam kcang däk ja na tüi law Jesuh Khritaw ksingnak cen ni.\wj* 
\v 4 \wj “Ka pawh vaia khut na na pet mcän lü, khawmdek khana ka ning mhlünmtai pängki.\wj* 
\v 5 \wj “Aw ka Pa aw, khawmdek am a ngtüi ham üng nang am atänga hlüngtainak ka yah cen atuh pi na hmai maa na pe bea.\wj*
\p
\v 6 \wj “Khawmdek üngka jah xü lü na na jah petea veia na ngming ka jah mtheh päng ni. Amimi na jah kaa kyase, kei üng na na jah pet päng ni. Amimi naw na ngthukhyü pi läklamkie.\wj* 
\v 7 \wj “Na na jah pet naküt cun nang üngka naw lawki ti ksing päng ve u.\wj* 
\v 8 \wj “Na na jah peta ngthue pi ka jah pet; acun dokhamei u lü nang üngka naw ka lawki ti angsinga ksing ve u. Nang naw na na tüi law ti pi jumkie.\wj*
\p
\v 9 \wj “Ami phäha ktaiyü veng. Khawmdeka phäha am ktaiyü nawng. Nang naw na na jah pete na kaa ami kyaa phäha, hinea phäha ni ka ktaiyü ve.\wj* 
\v 10 \wj “Ka kaa naküt cun na ka ni, na ka naküt cun pi ka kaa kyaki. Keia hlüngtainak cun acune üngkhyüh ngdang ve.\wj* 
\v 11 \wj “Acunüng, na veia ka law khaia kyase, kei khawmdek khana am ve ti nawng. Hine hin khawmdeka khana ve hüt khaie. Ngcingcaihkia ka Pa aw, nini pumata ni kyaa mäiha, amimi pi pumata ami kya thei vaia, na na peta na ngming jomah am jah kcungvawnga.\wj* 
\v 12 \x - \xo 17:12 \xo*\xt Sal 41:9; Jn 13:18\xt*\x*\wj “Ami hlawnga ka vea küt üng, na na peta na ngming jomah am ka jah kcungvawng khawiki. Cangcim a küm lawnak vaia, khyükia capa mata thea, u pi am khyük khaia ka jah kcungvawng ni. \wj* 
\v 13 \wj “Acunsepi, tukbäih na veia ka law khaia kyase, hine naw keia jenak ami mlung k’uma kümkawikia ami yahei vaia phäh, kei naw hina ngthu khawmdek khana ka ve ham üng ka pyen ni.\wj* 
\v 14 \wj “Na ngthu ka jah peki; acunüng, kei khawmdek üng am ka sängeia mäiha, amimi pi khawmdek üng am sängei u se, khawmdek naw jah hnengki.\wj* 
\v 15 \wj “Ahin he khawmdek khan üngka naw na jah lak be vaia ka täsamki am ni. Khawyaipaa kut üngkhyüh na jah yungkaih vaia na veia ka täsamki.\wj* 
\v 16 \wj “Kei khawmdek üng am ka sängeia mäiha, amimi pi khawmdek üng am sängei u.\wj* 
\v 17 \wj “Amimi, ngthungtak am jah ngcimcaihsaka, na ngthu cun ngthungtaka pi kyaki. \wj* 
\v 18 \wj “Nang naw kei khawmdeka na na tüiha mäiha, kei naw pi amimi ka jah tüihki.\wj* 
\v 19 \wj “Amimi akcanga na veia ami ng’apei law vaia phäh, kei ami phäha kamät na veia ka ng’apeiki.\wj*
\p
\v 20 \wj “Hinea phäh däka ka ktaiyüki am ni, hinea ngthu pyena phäh kei na jum law khaiea phäha pi ka ktaiyüki. \wj* 
\v 21 \wj “Ami yümmat law vaia ka ktaiyüki. Pa aw, nang kei üng ve lü kei nang üng ka vea mäiha, amimi pi nini üng ve law u se. Amimi ami yümmat üng va, khawmdek khyange naw na na tüi law ti cun jum law khaie.\wj* 
\v 22 \wj “Nang ja kei pumsa mata ni thawna mäiha amimi pi pumsa mata ami thawn thei vaia; hlüngtainak na na pet cen ka jah peki.\wj* 
\v 23 \wj “Kei amimi üng ve lü, nang kei üng veki se, amimi ami yümmat law vaia phäh. Acunüng va, na na tüih law ja na na mhläkphyanaka mäiha, na jah mhläkphyanaki ti cun khawmdek khyange naw ksing law khaie.\wj*
\p
\v 24 \wj “Ka Pa aw, khawmdek am a ngtüi ham üng na mhläkphya na lü na na peta hlüngtainak cen, ka venaka ve u lü keia hlüngtainak ami hmu thei vaia hlüei veng. \wj* 
\v 25 \wj “Ngsungpyunkia Pa aw, khawmdek naw am ni ksing. Kei naw ta ni ksing veng; hine naw pi na na tüi law ti ksingki he.\wj* 
\v 26 \wj “Ka hama na taka mhläkphyanak cen amimi üng ve se, kei pi amimi üng ka ve vaia, ami veia na ngming ka jah ksingsaki, ka jah ksingsak ham lä khai”\wj* ti lü ktaiyüki.
\c 18
\s Jesuh ami man 
\r (Mt 26:47-56; Mk 14:43-50; Lk 22:47-53)
\p
\v 1 Jesuh ktaiyü law päng se axüisaw he am Kidron Lawngca caye da va citkie. Acuna hnüna ngvawng veki, acun üng axüisaw he am atänga lutkie. 
\v 2 Jesuh cun axüisaw he am acuna hnüna khawvei cit khawikiea kyase, cengkia Judah Iskarot naw acuna hnün cun ksingki. 
\v 3 Judah ngvawng da citki. Romah yekape, ktaiyü ngvaie ja Pharisee naw ami jah tüi law Temple ngängkia khyange avang jah lawpüi se, mthikcime, meiim ja ngtukmei jah kawteikie cun acuia a jah lawpüi. 
\v 4 Jesuh naw a khana pha law khai naküt jah ksingei lü, va cit lü, \wj “U nami suiki ni?”\wj* a ti.
\p
\v 5 Amimi naw, “Nazaret Jesuh,” ni ami ti.
\p Jesuh naw, \wj “Acun cun kei ni”\wj* a ti.
\p Cengkia Judah pi ami ksunga ngdüi hngaki. 
\v 6 Jesuh naw, \wj “Acun cun kei ni” \wj*a ti ja, ami hnua ngnawn u lü mdeka kyukie. 
\v 7 Jesuh naw, \wj “U nami suiki ni?”\wj* ti lü a jah kthäh betü.
\p Amimi naw, “Nazaret Jesuh” ami ti.
\p
\v 8 Jesuh naw, \wj “Acun cun kei ni, ti lü ka ning jah mtheh päng; kei nami na suikia a kyak üng akce he cit u se”\wj* a ti. 
\v 9 (Acun cun, \wj “Nang naw na na jah pet mat pi käh ka mkhyüh khai ni”\wj* ti lü a ngthu pyen akümnak vaia kyaki.)
\p
\v 10 Sihmon Pita naw kcim a kbahei kset lü Ktaiyü Ngvai säiha mpyaa nghnga khet da a ksawm pat. Acuna mpyaa ngming cun Malakhuha kyaki. 
\v 11 \x - \xo 18:11 \xo*\xt Mt 26:39; Mk 14:36; Lk 22:42\xt*\x*Jesuh naw Pita üng, \wj “Kcim a im üng xawn bea; ka Pa naw a na peta khuikhatnak khawt hin am ka aw khai aw?”\wj* a ti.
\s Jesuh Anna veia ami cehpüi
\p
\v 12 Acunüng, Romah yekape ja Temple ngängkia Judah khyange naw Jesuh man u lü, khitkie naw, 
\v 13 Annaa veia ami cehpüi ma u. Anna cun acuna kum üng Ktaiyü Ngvaisäih Kaiphaha pupua kyaki. 
\v 14 \x - \xo 18:14 \xo*\xt Jn 11:49,50\xt*\x*Kaiphah cun, “Khyang khawhaha phäh khyang mat a thih daw bawki” ti lü, Judah ngvaie jah mthehkia khyanga kyaki.
\s Pita naw Jesuh a ma 
\r (Mt 26:69-70; Mk 14:66-68; Lk 22:55-57)
\p
\v 15 Sihmon Pita ja axüisaw he üngka mat naw Jesuh läki xawi. Acuna axüisaw üngka mat cun Ktaiyü Ngvaisäih naw ksingki; Ktaiyü Ngvai säiha im ngvawng mkawt k’uma Jesuh am lutki xawi. 
\v 16 Acunsepi Pita cun khawkpung mkawt peia ngdüiki. Acunüng axüisaw kce mat va nghlat be lü mkawt ksawh ngängki nghnumica kthäh lü Pita a luh lawpüi. 
\v 17 Mkawt ksawh ngängkia nghnumica naw Pita üng, “Nang pi ania xüisawa am na kyaki aw?” a ti.
\p “Am ni nawng” Pita naw a ti.
\p
\v 18 Khawsikia kyase, mpyae ja Romah yekape naw mei tik lü ngdüi lü mei omkie. Pita pi ami hlawnga va ngdüi lü mei awmei hngaki.
\s Ktaiyü ngvaisäih naw Jesuh a kthäh
\r (Mt 26:59-66; Mk 14:55-64; Lk 22:66-71)
\p
\v 19 Ktaiyü Ngvaisäih naw axüisaw hea mawng ja a jah mtheia mawng Jesuh üng a kthäh. 
\v 20 Jesuh naw msang lü, \wj “Ngthu ka pyen üng khyanga hmuh ngjaka va ka pyenki. Sinakok ja Judahea ami ngbumnak Templea ka jah mthei khawiki, khyange pi ngcun lawkie, ampyua i am pyen khawi nawng.\wj* 
\v 21 \wj “Ise na na kthäh ni? Ami veia ka ngthu pyena mawng cun ka ngthu ngjakie jah kthäha; acune naw i ka pyen ksingki he” \wj*a ti.
\p
\v 22 Acun a pyen üng a peia ngdüiki, yekap mat naw Jesuh kbei lü, “Ktaiyü Ngvaisäih ahikba na msangki aw?” a ti.
\p
\v 23 Jesuh naw, \wj “Ka pyen mkhye a ve üng ahin üng veki naküt üng jah mtheha. Ka pyen cangki ani üng, ise na na kbeiki ni?”\wj* a ti.
\p
\v 24 Acunüng Anna naw Jesuh a ngkhihnak mahmaha Ktaiyü Ngvaisäih Kaiphah a veia a tüih.
\s Pita naw Jesuh a ma betü
\r (Mt 26:71-75; Mk 14:69-72; Lk 22:58-62)
\p
\v 25 Sihmon Pita ngdüi lü mei om ham se, khyang kce he naw, “Nang pi ania xüisawa am na kyaki aw?” ami ti üng,
\p “Am ni nawng,” ti lü, ngcim betüki.
\p
\v 26 Ktaiyü Ngvai säiha a mpya Pita naw a nghnga a ksawm pata a mjükphyüi mat naw, “Ani am ngvawnga ve niki se ka ning jah hmuh am ni mä?” a ti.
\p
\v 27 Pita a ngcim betü ja; ainghlüi khawngki.
\s Pilata maa Jesuha ngdüihnak 
\r (Mt 27:1,2,11,14; Mk 15:1-5; Lk 23:1-5)
\p
\v 28 Khawa ngawi law üng, Jesuh Kaiphaha im üngkhyüh sangpuxanga Bawingawhnaka ami cehpüi u. Judah ngvaie cun sangpuxanga Bawingawhnaka am lut u. Lätnak Pawi buh ami einak thei vaia, ngcingcaihnak am amimät ami ve vaia phäh kyaki. 
\v 29 Acunüng, Pilat akpunga lut law lü, “Hina khana i nami mkatnak ve se aw?” a ti.
\p
\v 30 Amimi naw, “Hin hin khyangkaa am a ni üng na veia am lawpüi sawxat u nawng” ti lü ami msang.
\p
\v 31 Pilat naw, “Namimät naw cehpüi u lü, nami thuma kba cijang ua,” a ti.
\p Judah mkhawnge naw, “Kami ngaiha u hnim vaia thum am ve” ami ti. 
\v 32 \x - \xo 18:32 \xo*\xt Jn 3:14; 12:32\xt*\x*(Acun cun a thih vaia mawng Jesuh naw a pyena mäiha akümnak law vaia kyaki.)
\p
\v 33 Pilat naw Bawingawhnaka lut be lü Jesuh khüki naw, “Nang Judahea sangpuxanga na kyaki aw?” ti lü a kthäh.
\p
\v 34 Jesuh naw, \wj “Hina ngthu hin namäta mlung üngka naw lut lawki aw. Am ani üng ka mawngma khyange naw ning mtheh u se na pyen aw?” \wj*ti lü a kthäh be.
\p
\v 35 Pilat naw, “Kei Judah khyanga na ngaih aw? Namäta khyang mjüe ja ktaiyü ngvaie naw ka kut üng ami na msum lawa na kyaki. Ia mkhyenak na pawh ni?” ti lü a msang.
\p
\v 36 Jesuh naw, \wj “Ka khaw ta hina khawmdek üng am sängei; ka khaw hin hina khawmdek üng a sängei vai sü ta ka hnukläke naw Judah ngvaiea kut üngkhyüh na yung khaie sü; ka khaw hin hina khawmdeka am ni”\wj* ti lü a pyen.
\p
\v 37 Pilat naw, “Acunüng, nang sangpuxang aw?” ti se,
\p Jesuh naw, \wj “Ä, na pyena mäiha kei sangpuxang ni. Ka hmi lawnak ja khawmdek khana ka lawnak hin ngthungtak saksinak vaia phäha kyaki. Au pi ngthungtak üng sängeiki naküt naw ka ngthu ngaiki”\wj* a ti.
\p
\v 38 Pilat naw Jesuh üng, “Ngthungtak cun i ni?” a ti.
\s Jesuh hnim vaia mkhyäp 
\r (Mt 27:15-31; Mk 15:6-20; Lk 23:13-25)
\p Acuna ngthu a pyen päng ja Judahea veia cit lü, “Thihnak awng vaia mkhyenak ani üng am hmu veng, 
\v 39 acunsepi Lätnak Pawi k’um üng thawng kyum mat ka ning jah mhlät pet vaia thum nami taki. Acunakyase, Judahea sangpuxang hin ka ning jah mhlät pet vaia nami ngaiki aw?” a ti.
\p
\v 40 Amimi naw ngpyang u lü, “Ani käh mhläta. Barabah jah mhlät peta” ami ti. (Barabah cun mawa ve lü kcim kcei bikia mpyukeia kyaki.)
\c 19
\p
\v 1 Acunüng, Pilat naw Jesuh cehpüi lü a kpaih. 
\v 2 Yekape naw nghling lukhüm pyang u lü ami ngbüngsak. Acun käna, jih sennu ngvüihsak u lü, 
\v 3 a peia law u lü, “Judahea Sangpuxang, xüng soa” ti lü a hmai ami kbeih.
\p
\v 4 Pilat naw lut law betü lü, “Teng u, thih vai awnga mkhyenak i pi am hmu nawng ti nami ksing vaia, nami veia ka lawpüi beki” a ti. 
\v 5 Jesuh cun nghling lukhüm ngbüng lü jih sennu pi ngvaih lü kpunga lut lawki. Pilat naw, “Teng u, hina khyang” a ti.
\p
\v 6 Ktaiyü ngvaie ja Temple ngänge naw ami hmu ja, “Kutlamktung üng taiha, kutlamktung üng taiha” ti lü ngpyangkie.
\p Pilat naw, “Nangmi naw cehpüi u lü, kutlamktung üng taih ua; kei naw ta thih awng vai a mkhyenak am hmu veng” a ti.
\p
\v 7 Judahe naw, “Pamhnama Capaa mhnüneikia kyase, kami thuma tia kba, thi khaia nglawi ve” ti lü ami msang.
\p
\v 8 Pilat naw acun a ngjak ja kyühei law dämdäm lü, 
\v 9 a Bawingawhnaka cit be lü, “Nang hawia ka naw na lawki ni?” a ti.
\p Jesuh naw mkhap mat am pi am msang be. 
\v 10 Pilat naw, “Am na na msang hlüki aw? Ning khyah be vai ja kutlamktung üng ning taih vai hin keia mkhyaha kya khai, ti cun ksinga” a ti.
\p
\v 11 Jesuh naw, \wj “Pamhnam naw a ning pet pänga phäh däk ni, ka khana khyaibahnak na tak ve. Acunakyase, kei hin na veia ning msum lawki cen mkhyekatnak akdäm bawk pawhki ni”\wj* a ti.
\p
\v 12 Pilat naw acun a ngjak üngkhyüh Jesuh a mhlät vaia lam suiki. Acunsepi Judahe naw ngpyang u lü, “Hina khyang na mhlät üng Emperoa püia käh na kya khai. Sangpuxanga mhnüneiki naküt cun Emperoa yee ni” ami ti.
\p
\v 13 Pilat naw acun a ngjak ja Jesuh luh lawpüi lü, Hebru läk am Kabbata ami ti Ngthumkhyahnak Lungsüma khana ngawki. 
\v 14 Acuna mhnüp cun Lätnak Pawi am a pha ham mhnüp mat a hlüa mhnüpa; mhnüp ngsunga kyase, Pilat naw Judahea veia, “Teng u, nami sangpuxang” a ti.
\p
\v 15 Amimi naw ngpyang u lü, “Hnima, hnima, mkhyüha, kutlamktung üng taiha” ami ti.
\p Pilat naw, “Nami sangpuxang, kutlamktung üng ka taih vai nami hlüeiki aw?” a ti.
\p Ktaiyü ngvaie naw, “Emperoa thea sangpuxang akce am ta u nawng” ti lü, ami msang.
\p
\v 16 Acunüng, Pilat naw Jesuh cun kutlamktung üng taih vaia a jah msum.
\s Jesuh kutlamktung üng tai h
\r (Mt 27:32-44; Mk 15:21-32; Lk 23:26-43)
\p Jesuh cun ami cehpüi. 
\v 17 Jesuh naw amäta phäha kutlamktung kawt lü ‘Luyuh Hnün’ ami ti, Hebru läk am Kolkothaa citki. 
\v 18 Acuia kutlamktung üng khyang nghngih am ami jah taih yüm. A peia mat cim jah taih u lü Jesuh anglung üng ami taih. 
\v 19 Pilat naw, “Nazaret Jesuh, Judahea Sangpuxang” ti lü kca yuk lü kutlamktung khana a taih. 
\v 20 Jesuh kutlamktung üng ami taihnaka hnün cun Jerusalem mlüha peia kyaki. Acuna kca cun Hebru, Latin ja Krik läke üng ami yuka kyase Judah khyang khawhah naw khekie. 
\v 21 Ktaiyü ngvaie naw Pilat aw, “Judahea Sangpuxang” ti lü käh yuka, “Kei, Judahea Sangpuxang ni, ti ve” ti lü yuka’” ami ti.
\p
\v 22 Pilat naw, “Ka yuk päng cen ka yuka kba ve se” ti lü a jah msang.
\p
\v 23 Yekape naw kutlamktung khana Jesuh ami taih päng üng a suisake jah lo u lü, kphyüa ktek u lü mat cima ami ng’yatei. Ak’uma a phyang jih cun am xüi u, alu üngka naw ale cäpa taha kyaki. 
\v 24 \x - \xo 19:24 \xo*\xt Sal 22:18\xt*\x*Yekape naw, “Käh mi ktek vai, u naw a bi vai cungkek mi kphawng vai u” ami ti. Acun cun Pamhnama cangcim üng,
\q1 “Ka suisake jah ng’yetei u lü,
\q2 ka kcu nglünglawknak khaie ni” ti a küm lawnak vaia kyaki.
\m Acun cun yekape naw ami pawha kyaki.
\p
\v 25 Jesuha kutlamktung peia, Jesuha nu ja Kalawphaa a khyu Marih ja Marih Makdalin ngdüikie. 
\v 26 Jesuh naw a nu ja a kphyanak axüisaw a peia ngdüi ni se jah hmu lü, a nu üng, \wj “Na capa ta ani ni”\wj* a ti.
\p
\v 27 Axüisaw üng, \wj “Ani ni na nu”\wj* a ti. Acunüng tün lü, acuna axüisaw naw Jesuha nu cun a ima a cehpüi.
\s Jesuh thihnak
\r (Mt 27:45-56; Mk 15:33-41; Lk 23:44-49)
\p
\v 28 \x - \xo 19:28 \xo*\xt Sal 69:21; 22:15\xt*\x*Acunkäna, atuh ta ahmäi naküt kümcei pängki ti Jesuh naw ksing lü, cangcima kümnak vaia, \wj “Tui cawi veng”\wj* a ti.
\p
\v 29 Acuia Capyitui kpaih k’am mat ami tak. Hisop Capyitui k'am üng kphum lü cung üng taihkie naw a mpyawng üng ami jeng sun. 
\v 30 Jesuh naw Capyitui kpaih a awk päng ja \wj “Ngpäng ve”\wj* a ti.
\p Acunüng, a ngmüm üng a sak päihki.
\s Jesuha kpem kcei am sun
\p
\v 31 Judah ngvaie naw kutlamktung üng ami taiha khaw jah k'ek lü, ami yawke ami jah khyak vaia Pilat ami kthäh. Isenitiüng, acuna mhnüp cun Amhma mhnüpa kyaki. Angawi Sabbath mhnüp (Lawkia Sabbath mhnüp cun Judahea thuma aktäa ngcingcaihkia mhnüpa kyaki) üng ami yawke kutlamktung üng a ngtaihei vai am jum u. 
\v 32 Yekape law u lü Jesuh am atänga ami jah taih yüm xawia ani khawe cun ami jah k’ek. 
\v 33 Acunsepi, Jesuha veia ami law üng, Jesuh thi pängki ti ksing u lü a khawe am jah k’ek u. 
\v 34 Acunsepi yekape üngka mat naw Jesuha kpem kcei am a sun. Acunüng thi ja tui ngsawi law yümki xawi. (
\v 35 Hmuki mat naw pyen lü ngsingsak pängki. A ngsingsak pi cangki. Nami jum vaia a ngthu pyen cangki ti pi ani naw ksing lawki.) 
\v 36 \x - \xo 19:36 \xo*\xt Ex 12:46; Num 9:12; Sal 34:20\xt*\x*Acun cun, “A yuh mat pi käh ek khai” ti lü, Cangcima a küm lawnak vaia kyaki. 
\v 37 \x - \xo 19:37 \xo*\xt Zakh 12:10; Malam 1:7 \xt*\x*Acuna thea cangcim naw, “Khyange naw kcei am a kpem ami sun cun hmu khaie” pi Cangcim naw ti hamki.
\s Jesuh ami k’ut nak
\r (Mt 27:57-61; Mk 15:42-47; Lk 23:50-56)
\p
\v 38 Acunkäna Arimahte mlüha ka Josep, Jesuha axüisaw, acunsepi Judah ngvaie a jah kyüha phäh, ampyua veki. Ani naw Jesuha yawk a cehpüi vaia Pilat kthäh se, Pilat naw a khyah. Josep naw law lü Jesuha a yawk cun a cehpüi. 
\v 39 \x - \xo 19:39 \xo*\xt Jn 3:1,2\xt*\x*Ahlana mthana Jesuha veia lawkia Nikawdim naw mura ng'ui ja aloe jah kcaw, khin mku bang cehpüi lü Josep am citki xawi. 
\v 40 Jesuha yawk cun lo ni lü Judahea ami ng’utei khawia thuma, mura ng’ui ja jih am ani hlawp. 
\v 41 Kutlamktung üng ami taihnaka peia ngvawng mat veki. Acuna ngvawng üng u pi am ami k’utnak khawia lungdü kthai mat veki. 
\v 42 Angawi cun Judahea Sabbath mhnüpa kya lü, lungdü ng'etkia kyase, acun üng Jesuh ami k’ut.
\c 20
\s Jesuh tho beki 
\r (Mt 28:1-8; Mk 16:1-8; Lk 24:1-12)
\p
\v 1 Ngpum mhnüp khawa nghmüp ham üng, Marih Makdalin cun lungdüa cit lü ng’utnak ami khaihnak lungnu a na ngpyawtei se a hmuh. 
\v 2 Sihmon Pita ja Jesuha mhlänak axüisaw kcea veia dawng lü, “Ng’utnak üngka naw Bawipa cehpüi ve u, hawia ami tak am ksing veng” a ti.
\p
\v 3 Acunüng,Pita ja axüisaw kce lungdüa citki xawi. 
\v 4 Nghngih cun dawngki xawi; axüisaw mat naw Pita khe lü lungdüa a na pha maki. 
\v 5 Ngmüm lü a teng üng, hlawpnak jih däk ve se a hmuh; acunsepi ak’uma am lut. 
\v 6 Sihmon Pita naw pi hnua pha law lü, ng’utnak k’uma a luh üng hlawpnak jih ja, 
\v 7 a lu ami hlawpnak kpyawn cun a hmuh. A pum hlawpnaka jihea hlawnga am ve lü, a pum hlawpnak cun amät ngtawmei hnga se a hmuh. 
\v 8 Axüisaw kce dawng lü lungdü pha maki naw pi lut hnga lü hmu lü jumki. (
\v 9 Thihnak üngkhyüh tho be khai tia cangcim üng veki cun axüisaw he naw am ksing u.) 
\v 10 Acunüng, axüisaw he cun animäta ima nghlat beki xawi.
\s Marih Makdalina veia Jesuh ngdangki 
\r (Mt 28:9-10; Mk 16:9-11)
\p
\v 11 Marih cun lungdüa peia kyap lü ngdüiki; a kyah sawa ngmüm lü ng’utnaka k’um cun a juk teng; 
\v 12 khankhawngsä nghngih jih kbawk suisa ni lü Jesuha yawka peia mat a lu da, mat a khaw da ngaw ni se a jah hmuh. 
\v 13 Anini naw, “Nghnumi aw, ise na kyapki ni?” ti lü Marih ani kthäh.
\p Marih naw, “Ka Bawipa cehpüi ve u, ami taknak am ksing veng” a ti.
\p
\v 14 Acukba a pyen päng ja, a hnu da nghlat lü Jesuh ngdüi se a hmuh. Acunsepi Jesuh hman tia am ksing. 
\v 15 Jesuh naw, \wj “Nghnumi aw, ise na kyapki ni? U na suiki ni?”\wj* a ti.
\p Marih naw ngvawng mtäta ngai lü, “Nang naw ani ahin üngkhyüh na cehpüi a ni üng na taknak na mtheha. Cit lü ka lak be vaia” a ti.
\p
\v 16 Jesuh naw, \wj “Marih”\wj* a ti.
\p Marih naw nghlat lü Hebru läk am, “Raboni” a ti; (Acun cun Saja aw, tinaka kyaki.)
\p
\v 17 Jesuh naw, \wj “Käh na mana; Paa veia am kai be ham nawng. Ka naea venaka cit lü ka Paa kyakia nami Pa, Ka Pamhnama kyakia nami Pamhnam ania veia ka kai be vaia mawng jah va mtheha”\wj* a ti.
\p
\v 18 Acunüng Marih Makdalin cun axüisaw hea veia cit lü, Bawipa a hmuh ja ngthu a mthehea mawng pi a jah mtheh.
\s Axüisawea veia Jesuh ngdangki 
\r (Mt 28:16-20; Mk 16:14-18; Lk 24:36-49)
\p
\v 19 Ngpum mhnüp mü lama, Judah ngvaie ami jah kyüha phäh ksawh khai u lü, axüisaw he ngbumnakie. Ami ngbumnaka Jesuh law lü, ami ksunga ngdüi lawki naw, \wj “Nami khana dimdeihnak ve se” \wj*a ti. 
\v 20 Acukba pyen päng lü, a kut ja a kpem a jah mhnuh. Axüisawe naw Bawipa ami hmuh ja aktäa jekie. 
\v 21 Jesuh naw, \wj “Nami khana dimdeihnak ve se; Pa naw a na tüiha mäiha ka ning jah tüihki”\wj* a ti betü. 
\v 22 Acunkäna ami khana khawkhi hmut lü, \wj “Ngmüimkhya Ngcim doei ua.\wj* 
\v 23 \x - \xo 20:23 \xo*\xt Mt 16:19; 18:18\xt*\x*\wj Khyang hea mkhyenak nami mhlät naküt cun mhläta kya khai; am nami jah mhlät üng jah mhläta am kya”\wj* a ti.
\s Jesuh ja Thomah
\p
\v 24 Jesuh a law üng, xaleinghngihe üngka (Angphia ami sui) Thomah cun ami hlawnga am ve. 
\v 25 Acunakyase, axüisaw kce he naw, “Bawipa kami hmuki” ti lü ami mtheh.
\p Thomah naw, “Ami hnennaka a kut nghma am hmu lü, hnennak anghma ka kut pyün üng am mtham lü, a kpem üng hnet lü am ka mhjut üng ta, am jum thei nawng” a ti.
\p
\v 26 Pat at mhjawk lü, axüisaw he im k'uma ami ngcun be üng Thomah pi ami hlawnga ve hngaki. Ksawhe pi khai lü ami jah ken kyaw, Jesuh law lü ami nglung üng ngdüi lawki naw, \wj “Nami khana dimdeihnak pha law se”\wj* a ti. 
\v 27 Thomah üng, \wj “Ka kute jah mthama; ka kute pi jah tenga, na kut säng lü ka kpem hneta. Käh uplat ti lü, jum hnüha”\wj* a ti.
\p
\v 28 Thomah naw, “Ka Bawipa ja ka Pamhnama kya veki” a ti.
\p
\v 29 Jesuh naw, \wj “Nang naw na na hmuha phäha na na jumki aw? Am na hmu lü na jumkie ta ihlawka ami josenki ni”\wj* a ti.
\s Ahina caup yuka mawngma
\p
\v 30 Hina caup üng am ami yuksiha müncanksee khawhah, Jesuh naw axüisaw hea maa jah biki. 
\v 31 Acunsepi, Jesuh cun Mesijah, Pamhnama Capaa kyaki ti cun nami jumnak vai ja, ani nami jumnak am xünnak nami yah vaia, ahin he hin jah yuka kyaki.
\c 21
\s Axüisawe khyüha veia Jesuha ngdangnak
\p
\v 1 Acunkäna, Jesuh Tiberi Tuili pei, axüisaw hea veia ngdang betüki. Acuia a ngdang betüa mawng ta, 
\v 2 Sihmon Pita, Thomah (Angphi ami ti), Natanelah (Kalile hne Kana mlüha ka), Zebedea capa xawi ja axüisaw kce xawi nghngih awmki he. 
\v 3 \x - \xo 21:3 \xo*\xt Lk 5:5\xt*\x*Sihmon Pita naw ami vei, “Nga sui khaia ka cit khai” a ti.
\p Amimi naw, “Keimi pi na hlawnga kami law hnga khai” ami ti. Acunüng mlawng am citkie; acuna mthan cun ipi am yah u. 
\v 4 Khawmik a luh law üng, Jesuh tui kama ngdüiki. Acunsepi axüisaw he naw Jesuh hmana am ksing u. 
\v 5 Jesuh naw, \wj “Ka püi he aw, nga i pi am mbawh ham uki aw?”\wj* ti lü a jah kthäh.
\p Amimi naw, “Ipi am mbawh u ngü” ami ti.
\p
\v 6 \x - \xo 21:6 \xo*\xt Lk 5:6\xt*\x*Jesuh naw, \wj “Mlawng khet da ngvai vawi ua, nami yah khai ni”\wj* a ti. Ami vawih üng nga khawhah yahkie. Acunüng nga nung lü ngvai am kaih be khawh u.
\p
\v 7 Jesuha mhlänak axüisaw naw Pita üng, “Bawipa va ni kbak” a ti. Bawipa a ni hman Sihmon Pita naw a ngjak üng a kcu jih be lü tui da kcoki, (Akpuma a vea phäha kyaki). 
\v 8 Axüisaw kce he ngvai üng nga akbea kaih law u lü mlawng am kawng da lawkie. Kawng üngka naw lam khyukip banga thuki. 
\v 9 Kawng ami va pha ja acuia mei k’eh am mei ami tih, a khana nga ngxaih ja muk ve se ami hmuh u. 
\v 10 Jesuh naw, \wj “Nga nami mbawh api lawpüi ua”\wj* a ti.
\p
\v 11 Sihmon Pita naw mlawnga khana va kai lü nga angbaü avana phya ja mhmakip ja kthum law se, ngvai kawnga a kaih law. Acukba nung kyaw lü pi ngvai am tek. 
\v 12 Jesuh naw, \wj “Ngawi ei, ei law ua”\wj* a ti. Bawipa a ni hman ksing u lü, axüisaw he üng u naw pi, “Nang u ni?” ti lü am kthäh dat u. 
\v 13 Jesuh naw law lü muk lo lü a jah pet, nga pi acukba a jah pet.
\p
\v 14 Acun cun Jesuh thihnak üngkhyüh a thawh be käna axüisaw hea veia a ngdang akthumnaka kyaki.
\s Jesuh ja Pita
\p
\v 15 Ngawi ei ami ei käna, Jesuh naw Sihmon Pita üng, \wj “Johana capa Sihmon, hinea na mhläkphyanaka kthaka na na mhläkphyanaki aw?”\wj* a ti.
\p Ani naw, “Ä, Bawipa aw, ka ning kphyanak na ksingki” a ti.
\p Jesuh naw, \wj “Ka tocae jah tumcah bä”\wj* a ti. 
\v 16 Anghngihnaka Jesuh naw, \wj “Johana capa Sihmon, na na mhläkphyanaki aw?”\wj* a ti betü.
\p Ani naw, “Ä, Ka ning mhläkphyanaki ti na ksingki” a ti be.
\p Jesuh naw, \wj “Ka toe jah mcei bä” \wj*a ti. 
\v 17 Akthumnaka Jesuh naw, \wj “Johana capa Sihmon, na na mhläkphyanaki aw?”\wj* a ti betü.
\p Jesuh naw, “Na na mhläkphyanaki aw?” ti lü kthum vei kthäh se Pita pukse law lü, “Bawipa aw, ahmäi na ksingki, ka ning kphyanak pi na ksingki” a ti.
\p Jesuh naw, \wj “Ka toe jah tumcah bä.”\wj* 
\v 18 \wj “Akcanga ka ning mthehki: na dik hama kcün üng na cehnak hlü naküta na cit hü theiki. Acunsepi, na xü law üng na kut jah säng lü, khyang kce naw ning khit lü am na cehnak hlüa ning cehpüi khai”\wj* a ti. 
\v 19 (Acuna ngthu cun Pita naw ihawkba thi lü, Pamhnam mhlünmtai khai ti msingnaka a pyena kyaki.) Acukba a pyen käna, Jesuh naw \wj “Na läk lawa”\wj* a ti.
\s Jesuh ja Axüisaw kce he
\p
\v 20 \x - \xo 21:20 \xo*\xt Jn 13:25\xt*\x*Pita naw nghlat lü Jesuha mhlänak axüisaw, ahlana müei ami ei üng a peia nghlat law lü, “Bawipa aw, ning phyehei khai cun u ni?” tiki a hnua ngaw se a hmuh. 
\v 21 Pita naw Jesuh hmu lü, “Bawipa aw, hina khyang ihawkba vai ni?” a ti.
\p
\v 22 Jesuh naw, \wj “Ka law be veia ani a xüng vai ka hlüei üng mä, nang üng i pi am sängei. Na läk lawa”\wj* a ti.
\p
\v 23 Acuna mawng cun Jesuha axüisaw hea ksunga, acuna axüisaw am thi khai” ti lü, aktäa ngthang hüki. Acunsepi, Jesuh naw acuna axüisaw am thi khai a ti am ni, \wj “Ka law be veia ani a xüng vai ka hlüei üng, nang üng i pi am sängei” \wj* däk va a ti.
\p
\v 24 Ahina mawngmae jah pyensa lü jah yukthetki cun axüisaw ni; a pyen pi cangki ti kami ksingki.
\s Khüpnak
\p
\v 25 Ahina thea pi Jesuh naw a jah pawhmsah akce khawhah veki. Acun he jah yuk päih vai ani üng, acun jah yuknaka caupe khawmdek khana taknak vai am khäk khaia ka ngaiki.