\id EPH Dai-Chin: Bible Translation 1st Edition
\ide UTF-8
\ide Unicode (UTF-8)
\h Ephet
\toc1 EPHETEA veia Pawluha Cayuk
\toc2 Ephet
\toc3 Eph
\mt1 EPHETEA
\mt2 Veia Pawluha Cayuk
\imt Pyenhlüma
\ip Ephetea vei Pawluha ca yuk hin akcüka “Pamhnama nümnak üng mhnünmceng naküt atänga law lü khankhaw ja mcea veki naküta lua Khritaw cun kyaki” ti üng sängeiki ni (1.10). Jesuh Khritaw üng khyangmjü yümmat lü Pamhnama nümnak üng khyange ami xünsei vaia a jah nghuinaka pi kyaki.
\ip Ephet caupa ma da ta, ca yuki naw Pa Pamhnam naw a khyange a jah xüa tuilam üngkhyüh yümmatnaka mawng cun a mdäm law, Cakpa Jesuh Khritaw naw ihawkba ami mkhyenak üngkhyüh a jah mhlät ja nawnei ja ihawkba Pamhnama dämduhkia khyütam naw Ngmüimkhya Ngcim üngkhyüh ngsingnak a jah pet ti cun ngpüiki. Anghngihnak ta ca khekie cun Khritaw am ami yümmatnak üng ami xüngsei hin ami ngneisak üngpi a ve law vaia phäha ni.
\ip Pamhnama khyange Khritaw am ami yümmatnak cun Msuimcäpnak khawhah sumeiki: Sangcim cun pumsaa mäi law lü Khritaw cun a lu, am ani üng imloa mäi law lü Khritaw cun kittunga lung, am ani üng, nghnumia mäi law lü Khritaw cun kpamia kba a mtumtäng ni. Khritaw üng Pamhnama bäkhäknak naw cayuki kpüi lü akhlüng kunga ngthu am pyenki ni. Anaküt cun Khritawa mhläkphyanak akvai, amät petmsawtnak, mhläteinak, bäkhäknak ja ngcimngcaihnake üng hmu päihki.
\iot Amawng Ktawie
\io1 Pyenhlüma \ior (1:1-2) \ior*
\io1 Khritaw ja Sangcim \ior (1:3—3:21) \ior*
\io1 Khritaw üng sak kthai \ior (4:1—6:20) \ior*
\io1 Akpäihnak \ior (6:21-24) \ior*
\c 1
\p
\v 1 \x - \xo 1:1: \xo*\xt Ngs 18:19-21; 19:1\xt*\x*Khritawa ngsä vaia Pamhnam naw a xü Pawluh üngkhyüh ni —
\p \f + \fr 1:1: \fr*\ft avanga caup üng am ve\ft*\fq Ephet.\fq*\f*Sitih lü Khritaw Jesuha hnu läkie Epheta veki Pamhnama khyange veia ni.
\p
\v 2 Mi Pa Pamhnam ja Bawi Jesuh Khritaw naw ami bäkhäknak ja dim’yenak ning jah pe se.
\s Khritaw üng Ngmüimkhya dawkyanak
\p
\v 3 Pamhnam ja Mi Bawi Jesuh Khritawa Pamhnam veia jenak mi mtheh vai u! Khritaw üng mi yüm mata phäh ani naw khankhaw pea ka Ngmüimkhya dawnak naküt mimi üng jah pe lü dawkyanak pi jah peki. 
\v 4 Pamhnam naw khawmdek am a mhnünmceng ham üng mimi cun Khritaw üng xüngsei lü ania hmai maa ngcimcaih lü vecawh vaia a jah xü ni.
\p Isetiakyaküng a mhläkphyanaka phäh ni. 
\v 5 Pamhnam\f + \fr 1:5: \fr*\fq Pamhnam maa. Pamhnama kphyanaka phäha; \fq*\ft am ani üng\ft*\fq ania maa, kphyanak am xün vai. Pamhnam.\fq*\f* cun naw Jesuh Khritaw üngkhyüh a jah ca vaia a mkhyah päng ni, ahin cun ania xenak ja bünaka kyaki ni. 
\v 6 A mhläkphyanaka Cakpa amdanga a jah peta phäh jomahkia a bäkhäknak mi mhlünmtai vai u. 
\v 7 \x - \xo 1:7: \xo*\xt Kol 1:14\xt*\x*Khritawa thia\f + \fr 1:7: \fr*\fq Khritawa thi üngkhyüh\fq*\ft am ani üng\ft*\fq Khritaw ajüa a thihnak.\fq*\f* phäh lätnak mi yahki acun cun mi mkhye mhlätnak ni. Pamhnama bäkhäknak hin däm da ve. 
\v 8 Acuna bäkhäknak am a mät naw ksingnak ja themnak jah peki. 
\v 9 Pamhnam naw i nüm’yanki ti cun pawh lü ngthupki a bü cun Khritaw üngkhyüh kümcei khaia a mkhyah päng cun jah ksingsaki. 
\v 10 Ahina bünak cun akcün a pha law üng a küm law käna mce ja khankhawa veki naküt avan Khritaw lua kya lü ania kea jah ta law khai.
\p
\v 11 Anaküt cun Pamhnama nümyan ja a titänga ve lü Pamhnam naw a khyanga kya lü Khritaw am mi yümmat khaia jah xü hin akcük üngkhyüh ania bünak am a mkhyah päng ni. 
\v 12 Khritaw mi na äpei makia mimia phäha, Pamhnama hlüngtainak mi mküimto vaia phäha kyaki.
\p
\v 13 Nangmi pi ngthu kcang, Thangkdaw nami ngjak naw küikyannak da ning jah lawpüi lü Pamhnama khyanga nami kyaki. Khritaw nami jumei ja Pamhnam naw a ning jah ka tia msingnak cun a ning jah bekhütnaka Ngmüimkhya Ngcim ning jah peki ni. 
\v 14 Pamhnam naw a khyange khyütam a jah peta kba mimi naw Ngmüimkhya Ngcim mi yahkie, acun cun Pamhnam naw a jah kümbekia mhlät cun jah ksingsaki. Pamhnam naw mküinak yah se.
\s Pawluha ktaiyünak
\p
\v 15 Acunakyase, Bawi Jesuh nami jum ja khyang ngcime nami ja mhlänak ka ngjak üng, 
\v 16 nangmia phäha a bäkhäknak anglät se mhlünmtai lü ka ktaiyü üngpi ning jah süm ni. 
\v 17 Ka ktaiyünak ta mi Bawipa Jesuh Khritawa Pamhnam, jomahkia Pamhnam naw Ngmüikhya ning jah pe lü acuna Ngmüimkhya naw kthemnak ja amät ksingnak a ning jah pet vaia ni. 
\v 18 Akvai nami hmuhnak thei vaia nami mlunga nghmawngnak vai Pamhnama veia ka ktaiyüki. A ning jah khünak üng äpeinak i ti cun nami ksingnak vai ja a khyange üng khyütam a jah pet ihlawka müncam phyakia dawkyanak daki ni, 
\v 19 ani mi jumeikia khana a johita khut bi cun ihlawka dämduhki ni. Mi khana khut bikia johit cun ktha mah säihki ni. 
\v 20 \x - \xo 1:20: \xo*\xt Sal 110:1\xt*\x* Acun cun Khritaw thinak üngkhyüh mtho be lü khankhaw pea a khet lama a ngawhsak, 
\v 21 Khritaw naw ngvaie, khankhawa anataknake, johite, bawie naküt, hina khawmdek khan däka am kya velaw khaia khana pi jah upkia kyaki ni. 
\v 22 \x - \xo 1:22: \xo*\xt Sal 8:6\xt*\x*\x - \xo 1:22,23: \xo*\xt Kol 1:18\xt*\x*Acunüng Pamhnam naw anaküt, ania khaw kea a tak, anaküta khana lua kya khaia sangcim üng a pet, 
\v 23 acun cun ania mtisaa kya lü ani üng kümceiki cun anaküt kümceisaki.\f + \fr 1:23: \fr*\fq amät naw hnün naküta a kümsak\fq*\ft am ani üng\ft*\fq Pamhnama bebangnak am amät küm beki.\fq*\f*
\c 2
\s Thihnak üngkhyüh xünnak
\p
\v 1 \x - \xo 2:1: \xo*\xt Kol 2:13\xt*\x*Ahlana nangmi cun Ngmüimkhya lama nami thiki, isetiakyaküng, pyen käh ngja lü nami mkhyekata phäh ni. 
\v 2 Acuna kcün üng am dawkia khawmdeka lam kse läk lü khawlivaa veki ngmüimkhya johitea uknak nami jah kcangnaki. Acuna Ngmüimkhya naw Pamhnam käh kcangnak vaia khyange cun atuha jah pinmanki. 
\v 3 Mimi pi amimi akba ve khawi lü ni mtisa hlüeia mimäta pumsae ja mlungkawea titänga mi xüng khawikie. Mi mtisa lama avana kba Pamhnama mlungsonak mi khamei khaiea mi ngkawihkie ni.
\p
\v 4 Lüpi Pamhnama a jah mpyeneinak nungmja lü a jah kphyanak pi dämduhki, 
\v 5 pyen käh ngja lü Ngmüimkhya lama mkhyea phäh mi thih k'um üng ani naw Khritaw am xünnaka a jah lawpüi ni. Pamhnama bäkhäknak am küikyannak nami yahki. 
\v 6 Khritaw Jesuh üng mi yümmatnak am ani naw jah mtho be lü ani am khankhaw pea atänga mi uk khai. 
\v 7 Ahin a pawh cun law khai akcün tä üng mdan lü aktäa dämduhkia a bäkhäknak cun Khritaw Jesuh üng a kphyanak jah mdanki. 
\v 8-9 Pamhnama bäkhäknak üng jumnak üngkhyüh küikyannak nami yahki. Ahin cun namimäta mtunkthaeinak am kya, lüpi Pamhnam naw ajüa aning jah yet ni, acuna kyase u pi käh camcah kawm.
\p
\v 10 Mimi cun Pamhnama sepbeia mi kya lü Pamhnam naw Khritaw Jesuh üng yümmat lü akdaw mi pawh khaia a jah mhnünmceng päng ni, mi bilawh vai kunga a jah pitpyang pet päng ni.
\s Khritaw üng pumsa mat
\p
\v 11 Nami ngtüi law üng khyangmjükcee, Judahe naw “vun am mawiki” aning jah tinak, amimäte naw ta vun mawikia ngsuikiea (Ahin cun khyang naw pumsa üng bilawhnak) ajana ihawkba nami ve khawiki ti cun süm ua. 
\v 12 Acuna kcün üng Khritaw üngkhyüh nami thuki. Nangmi cun khyangmjükcea kya lü Pamhnama a jah xü khyanga pi am kya uki. Pamhnam naw Isarele üng khyütam a jah pet ngthupet üng pi am sängei lü Pamhnam jah äpeinak käh ta lü khawmdeka nami xüng khawiki. 
\v 13 Tuh ta, ajana thuk khawi uki lüpi Khritawa thisen naw ning jah law püi lü Khritaw Jesuh üng nami yümmat law beki.\f + \fr 2:13: \fr*\fq Khritawa thisen; \fq*\ft am ani üng\ft*\fq Khritaw ajüa thinak.\fq*\f* 
\v 14 Khritaw amät naw dim’yenak law püi lü Judahe ja khyangmjükcee cun khyangmjü mata a jah pyan. Yea jah thawnsaki ja jah mkhyakia kpang cun amäta pumsa üng a kcimpyak ni. 
\v 15 \x - \xo 2:15: \xo*\xt Kol 2:14\xt*\x*Ani naw Judahea Thum, ngthupet ja ningsawe jah kpyakki, isetiakyaküng, khyangmjü nghngih cun khyang kthai mata kya lü a nih üng a jah yümmatsak. Ahikba va dimdeihnak a bi law. 
\v 16 Ani kutlamtunga a thiha phäh üng am ami ngkhawtnak mkhyüh lü kutlamtunga phäh üng khyangmjü nghngih cun pumsa mat üng jah ngkhawsak lü Pamhnama vei a jah law püi be. 
\v 17 \x - \xo 2:17: \xo*\xt Hesa 57:19\xt*\x*Acuna kyase Khritaw cun law lü dimdeihnaka Thangkdaw cun ami vana vei — Pamhnam am thuki khyangmjükce ja Pamhnam am cähki Judahe vei sangki. 
\v 18 Khritaw üngkhyüh khyangmjükce jah Judah mi van cun Ngmüimkhya mat am Pa Pamhnama maa mi law khawhki.
\p
\v 19 Acuna kyase, nangmi khyangmjükcee cun pe kce khyanga ja khina am kya ti u ki, nangmi cun Pamhnama khyange am atänga khankhaw khyanga thawn u lü Pamhnama canaa nami kyaki. 
\v 20 Khritaw Jesuh amät cun \f + \fr 2:20: \fr*\fq ngsä he ja sahmae naw tüneinaka khana ami mdüi; \fq*\ft am ani üng\ft*\fq tüneinak acun hin ngsä he ja sahmae.\fq*\f*tüneinak lunga kya lü nangmi cun tüneinaka khana ngsä he ja sahmae naw aning jah sawngsak ua kyaki. 
\v 21 Ani naw im avan cun kcüng lü Pamhnam üng pet vaia dawki temple ngcima dämduhsak lü Bawipa üng a ap ni. 
\v 22 Ani üng yümmat lü Pamhnam cun a Ngmüimkhya üng a ve vaia nangmi cun khyang kcee am atänga ning jah sawngsaka nami kyaki.
\c 3
\s Khyangmjükcee phäh Pawluha khut
\p
\v 1 Ahina phäh, nangmi khyangmjükceea phäha Khritaw Jesuha thawng khyuma ka kyaki kei Pawluh Pamhnama veia ka ktaiyüki. 
\v 2 Nami phäha akdaw ka pawh vaia Pamhnam naw a bäkhäknak a na pet tia nami ksing pängki. 
\v 3 Pamhnam naw ngthupkia a mkhüh cun na mdan lü na ksingsaki. (Kei naw ahina mawng cun aktawia ka yuk pängki, 
\v 4 \x - \xo 3:4: \xo*\xt Kol 1:26,27\xt*\x*i ka yuk law ti cun nami kheh ua kyak üng ngthupkia Khritawa mawng ka ksingnak cun nami ngtheinak khaie.) 
\v 5 Ahlana kcün üng ta ahina ngthupki cun nghngicime üng am jah mtheh, lüpi, atuh ta Pamhnam naw Ngmüimkhya sumei lü ngsä ngcime ja sahmae üng jah mdanki. 
\v 6 Ngthupki tinak cun thangkdaw üngkhyüh khyangmjükcee naw Pamhnama dawkyanak cun Judahe mah maha yahkie. Pumsa mata kya u lü Pamhnam naw Khritaw Jesuh üngkhyüh a pawha khyütam cun pi yah hnga kie.
\p
\v 7 Kei cun Pamhnama bäkhäknak üng thangkdawa phäh mpyaa ka kyaki. Acun cun a johit üngkhyüh khut binak vaia ani naw kei üng a na pet ni. 
\v 8 Kei cun Pamhnama khyang kneme kthaka pi ka nem säihki, lüpi am päih khawhkia Khritawa bawimangnaka mawng Thangkdaw cun khyangmjükcee vei cehpüi khaia hina kcün kdaw a na pet kya lü, 
\v 9 Pamhnama ngthupkia mkhüh cun khyang avan naw a mi hmuh vaia kyaki. Pamhnam cun avan tüipyang lü ajana kcün üng ngthupki a na cümki, 
\v 10 atuha kcün üng ta Pamhnam naw sangcim üngkhyüh khankhawngsä hea uknak ja khankhawa veki johite cun naw ania pumngyam cun hngalangkia pumngyam mjüküm üng ngthei na khaie ni. 
\v 11 Pamhnam naw ania angläta atitänga kba pawhki, acun cun mi Bawipa Khritaw Jesuh üngkhyüh a yah ni. 
\v 12 Khritaw am yümmat lü Ani mi jumnak üngkhyüh mkhühüpnak am Pamhnama hmai maa ling lü mi citcawnki. 
\v 13 Käh pukse ua ti lü ning jah nghui na veng, isetiakyaküng, nangmia phäh khuikha ka khamei hin nami dawnak vaia phäh ni.
\s Khritawa mhläkphyanak
\p
\v 14 Ahina phäha Pa Pamhnama vei ka mkhuk msüm veng, 
\v 15 khawmdek ja khankhaw üng veki khuiim kyawnglawng naküt naw ngming kcang cun ani üngkhyüh a yah. 
\v 16 Kei naw Pamhnam ka kthäh ta hlüngtaikia a khawhthema naw Ngmüimkhya üngkhyüh johit ning jah pe lü nami uma ka angkhängsak vaia ni. 
\v 17 Jumeinak üngkhyüh Khritaw naw nami mlung k'uma a imlo a sak vaia ka ktaiyüki. Mhläkphyanak üng tünei lü Mhläkphyanak am nami ngphungmanei vaia ka ktaiyüki. 
\v 18 Acun üngva nangmi cun Pamhnama khyange am atänga Khritawa mhläkphyanak ihlawka thuk lü hlüngki, ihlawka saü lü jaüki tia nami ksinga johit nami tak khai. 
\v 19 Ä, Khritawa mhläkphyanak cun nami ksing khai lüpi kümbe khaia am mi ksing khawh, acuna kyase, Pamhnama ning üng bebang ua.
\p
\v 20 Mi cungaiha kthaka am ani üng mi kthähkhyah khawia kthaka sa lü johit am mi k'uma khut bi khawhki cun Pamhnama kyaki. 
\v 21 Akcün tä se, Khritaw Jesuh üngkhyüh sangcim khana Pamhnama hlüngtainak angläta ve se! Amen.
\c 4
\s Khritaw üng yümmatnak
\p
\v 1 Bawipa khut ka pawha phäh thawng üng ka kyumki kei naw ka ning jah nghuinak ta, Pamhnam naw a ning jah khü üng a ning jah tak pet cän nami kpha vaia xüngsei ua. 
\v 2 \x - \xo 4:2: \xo*\xt Kol 3:12,13\xt*\x* Angläta mlung mhnem lü hniphnawi lü mlung msaü lü ve ua. Mat ja mat püi cuneinak am nami mhläkphyanak mdan ua. 
\v 3 Dim’yenak am atänga ning jah khitkhawn khaia Ngmüimkhya naw a ning jah peta yümmatnak cän nami khyaih khawha thupei ua. 
\v 4 Pumsa mat ja Ngmüimkhya mat ni a ve ta, Pamhnam naw a ning jah khü üng pi äpeinak mat ni a ve. 
\v 5 Bawipa mat, jumnak mat, baptican mat ja, 
\v 6 khyang avana Pa ja Pamhnam mat ni a ve. Ani cun avan khana Bawia kya lü avana üngkhyüh khut bi lü avana k'uma veki.
\p
\v 7 Khritaw naw aphäh phäha a jah pet ktunga letsawng cun mat cim naw mi yahki. 
\v 8 Cangcim naw,
\q1 “Ak’hlünga a kai üng,
\q2 tamna khawhah a jah cehpüi,
\q2 khyange üng letsawng pi jah peki,” a ti.
\m
\v 9 Atuha “kaiki” tinak hin i ni? Tinak hlü ta a ni cun akcüka aknem säiha khawmdeka kyum lawki ni.\f + \fr 4:9: \fr*\fq aknem säiha khawmdeka; \fq*\ft am ani üng\ft*\fq anemnak, mdek kunga.\fq*\f* 
\v 10 Kyum lawki cun jäng kaiki kunga kya lü khankhawea khan ja acuna thea üng pi a venak cun khawliva avan üng beki ni. 
\v 11 Ani cun naw “khyange üng letsawnge jah peki”; ani naw avang cun ngsä he vaia a jah mcawn, akcee cun sahmae vaia, akcee cun evawnkelih saja vaia, akcee cun pasatae jah mtheimthangkiea a jah mcawna kyaki. 
\v 12 Khritawa pumsa cun sawngsak vaia phäha Pamhnama khyange cun khritjan kawnsang khut üng ngpüi khaia a jah pitpyang ni. 
\v 13 Mi jumnak yümmatnaka k'um ja Pamhnam ksingnaka atänga mi lawki. Mimi cun xüngvai law lü Khritawa hlüngkia a pumyaw cun mi pha vaia ni. 
\v 14 Khyange jah mhlei lü hlawhlepnak mtünmdawng u lü hmakatnaka jah cehpüikie khyangea mtheinak naw a jah jawnceh canaea mimi cun am ni kya ti u. 
\v 15 Acuna hnün üng lua kyaki Khritaw üng dämduh lü mhläkphyanaka Ngmüimkhya am ngthungtak cun mi pyen yah khai. 
\v 16 \x - \xo 4:16: \xo*\xt Kol 2:19\xt*\x*Ania upthingnaka nghngalangkia kphyeme cun atänga pumsa mat am ve u lü pumsa mat naw kphyem avan cun atänga jah mcahki. Mat cim naw a mi pawh vai pawh u lü pumsa cun mhläkphyanak am däm law lü amät cun sawngsaeiki.
\s Khritaw üng sak kthai
\p
\v 17 Pamhnam am tä lü ami cungaih pi ia am ngtähkhehki khyangea kba msu lü käh nami xün vaia Bawipa ngming ning jah mcäi lü, 
\v 18 Acuna khyange mlung cun nghmüp k'uma ni. Pamhnam naw a jah peta xünnak üng am ngpüi u, ami cun mawngcei lü ami mlung pi ngcangki. 
\v 19 Ami ngkeei vai am ksing lü mtüihmlehki ja akse bilawhnak naküt üng am ngphep khawh u lü amimät ngapeikie ni.
\p
\v 20 Khritawa vei ami ngthei ta acun am ni! 
\v 21 A mawng nami ngjaki, nami cun a hnu kläkea ami kya akba Jesuh üng veki ngthungtak cun nami ngtheikie ni. 
\v 22 \x - \xo 4:22: \xo*\xt Kol 3:9\xt*\x*Acunakyase nami xünnak khawi, akphyüme cän jah hawihkceh lü akphyüm amät hin am dawkia hlükaweinak naw akpyak ni. 
\v 23 Nami mlung ja cungaihnak cun akthaia avan jah pyang u, 
\v 24 \x - \xo 4:24: a \xo*\xt Kol 3:10; \xt*\xo b \xo*\xt Gen 1:26\xt*\x*lü akthai cän jah suisa u, acun hin Pamhnam am täng lü xünnak akcanga kyaki ngcim lü ngsungki tia amät naw mdan khaia mhnünmcenga kyaki ni.
\p
\v 25 \x - \xo 4:25: \xo*\xt Zakh 8:16\xt*\x*Käh hleihlak ti vai! Mat cim naw ngthungtak cun jumeiki akcee üng nami mtheh yah khai, isetiakyaküng, Khritawa pumsa üng mi van hin atänga akphyema mi kyaki. 
\v 26 \x - \xo 4:26: \xo*\xt Sal 4:4 (LXX)\xt*\x*Nami mlung a so law üng mkhyenak käh pawhsak lü a mhnüpa nami mlung käh so kawm. 
\v 27 Khawyai üng akcün käh pe u. 
\v 28 Nami mpyukei khawi üng mpyukeinak cän hawih lü khut bi ua, iseniti ta mpyenkseki nami jah kpüinak vai ja nami phäha akdaw lama nami yahmtang thei vaia ni. 
\v 29 Khyükse käh sumei lü ngdüih thawhnak vai khyü däk sumei u. Akcukba ani üngva ngjakiea phäha na pyensak daw lü jah sawngsa khai ni. 
\v 30 Pamhnama Ngmüimkhya Ngcim käh thüiseisak ua, Pamhnama Ngmüimkhya Ngcim naw va ning jah msing lü Pamhnam naw a ning jah mhlätnak vaia Mhnüpa phäh amahkhamkia kyaki. 
\v 31 Mlungsonak, mlungsetnak ja am dawki hlükaweinak cun jah hawih ua. Püi cawkeinak, ngpyangpyetnak ja ng’eihnak am ve ti. 
\v 32 \x - \xo 4:32: \xo*\xt Kol 3:13\xt*\x*Acuna hnün üng mat ja mat üawm na lü Pamhnam naw Khritaw üngkhyüh aning jah mhläteia kba mat ja mat pi mhlätei ua.
\c 5
\s Akvai üng xünnak
\p
\v 1 Nangmi cun Pamhnama mhlänak caea nami kyaka phäh, ani üng nami täng vaia ktha na u. 
\v 2 \x - \xo 5:2: \xo*\xt Ex 29:18; Sal 40:6\xt*\x*Mhläkphyanak naw nami kcün sak up yah khai, Khritaw naw jah mhläkphya na lü a sak a jah pet cun Pamhnam jekyaisak lü ng’uinghnamkia petmsawt ja ngkengnaka a kyaka kba ni.
\p
\v 3 Pamhnama khyanga nami kyaka phäha hüipawmnak, kamvanak ja am ngjaphyakia vecawhnak cun nami ksunga käh pyen ua. 
\v 4 Am dawkyaki ja mdihmsuinaka ngthukhyüe cun pi nami phäha am daw ve. Acuna kcaha Pamhnam je na ua. 
\v 5 Nami ksing vai ta ngneisak am dawki, am ngjakphyakia vecawhnak ja kamvanak (Kammanak cun juktuh hjawkhahnaka ngkhaw ni) naw Pamhnam ja Khritawa pe cun u naw pi am yah uki.
\p
\v 6 U naw pi käh ning jah nghmawng mhlei se, isetiakyaküng, Pamhnama mlungsonak cun ani am kcangnakiea khana pha law khai ni. 
\v 7 Acunakyase, acuna khyange am mi jah pawh püi vai am ve. 
\v 8 Nangmi cun mthana nami ve khawikie lüpi Bawipaa khyanga nami thawn pängkie kya lü akvai k'uma nami vekie. Acunakyase akvai kanaki khyange mäiha xüng ua, 
\v 9 akvai\f + \fr 5:9: \fr*\fq Akvai; \fq*\ft avang caupe üngta \ft*\ft Ngmüimkhya ti lü veki\ft*\f* kyase, acun naw ngthungtak, dawkyanak ja ngsungpyunnak naw mawihaheinak be law püiki ni. 
\v 10 I naw Bawipa jesaki i ti cun ktha na lü ngtheingthang ua. 
\v 11 Ia am kyahkia khyangea bilawh cän anghmüp üng sängeikie ni. Acuna hnün üng anghmüp üngkhyüh jah set lü akvai da jah law püi ua. (
\v 12 Angthupnaka ami bilawhe jah pyen vaia pi ngkeeiphyaki ni.) 
\v 13 Anaküt akvaia vei ni law püi üng, ami ngneisak kcang cun angsing ngdangki; 
\v 14 Acunakyase, anaküt angsinga mdanki cun akvaia kyaki.
\q1 “Ipkia khyang let law,
\q2 thinak üngkhyüh tho law,
\q1 acunüng Khritaw na khana vai khai ni,” \f + \fr 5:14: \fr*\fq anaküt angsinga mdanki cun akvaia kyaki\fq*\ft am ani üng \ft*\fq Akvai naw anaküt angsinga mdanki.\fq*\f*tia pyenki.
\p
\v 15 Acunakyase, ihawkba na vecawhki mceieia. I am ksingkia mäia käh ve lü khyang kthemngvaia mäia vea. 
\v 16 \x - \xo 5:16: \xo*\xt Kol 4:5\xt*\x*Na taka kcün daw cun akdawa sumeia, isetiakyaküng, atuh cun am dawkia kcünmka ni. 
\v 17 Käh nghmawng ua, Bawipa naw i ning jah pawh hlüsaki ti cun ktha na lü sui ua. 
\v 18 Ning jah kpyak khaia ju käh mpyüi lü acuna hnün üng Ngmüimkhya am be ua. 
\v 19 \x - \xo 5:19,20: \xo*\xt Kol 3:16,17\xt*\x*Mküinake, Salan ja ngcimkia ng’äie am mat ja mat mtheh ua; mküinake ja Salan jah mcuk lü nami mlungkyawng am Bawipa mküimto ua. 
\v 20 Pa Pamhnam veia anaküt cun mi Bawipa Jesuh Khritawa ngming üng anglät se jenak mtheh ua.
\s Nghnumi ja Kpami
\p
\v 21 Khritaw nami leisawngnak am mat ja mat mlung mhnem ua.
\p
\v 22 \x - \xo 5:22: \xo*\xt Kol 3:18; 1Pit 3:1\xt*\x*Nghnumie Bawipa kea nami veia kba nami ceia kea pi ve ua. 
\v 23 Isetiakyaküng, Khritaw cun sangcima khana ana a vea kba kpami cun a nghnumia khana ana veki, Khritaw a mät cun amäta pumsaa kyaki sangcima küikyan Bawi ni. 
\v 24 Sangcim cun Khritawa kea a vea kba nghnumie pi ami ceiea kea ve u se.
\p
\v 25 \x - \xo 5:25: \xo*\xt Kol 3:19; 1Pit 3:7\xt*\x*Khritaw naw sangcim mhlä na lü a sak a peta kba kpamie naw pi nami khyu jah mhlä na ua. 
\v 26 Tui am ngcim khaia a jah pyawt käna a ngthu cun Pamhnam naw sangcim am a jah ap ni, 
\v 27 sangcim cun ngtongtai lü caih lü käh mkhye lü käh ngpihma lü käh ngkhep lü amät kümcei lü amät kung üng a pet vaia phäh ni. 
\v 28 Kpami he naw ami mäta pumsa ami kphyanaka kba ami khyue jah kphya na u se. A nghnumi kphyanakia kpami naw amät kphyanaki. (
\v 29 Mi mäta pumsa am hmu hlüki u am ve. Khritaw naw sangcim a bühtenga kba mi pumsa cun mcei lü mi mbeimbawki ni; 
\v 30 Mimi cun a pumsa üng mi ngpüiki.) 
\v 31 \x - \xo 5:31 \xo*\xt Gen 2:24\xt*\x* Cangcim naw, “Ahina phäha kpami naw a nu ja a pa jah hawih lü a khyu üng yümmat lü nghngih cun mata thawn khai,” tia pyenki. 
\v 32 Ahin cun thuk lü ngthupkia ngthungtak cun Cangcim üng mdanki, acun kei naw ksing ngüse Khritaw ja sangcim am ka msuimcäpki. 
\v 33 Nangmi naw pi ahin sumei ua: kpami naküt naw ami mäta kba a khyu kphya na lü nghnumi naküt naw pi a kpami leisawng yah khai.
\c 6
\s Nupae ja Hnasen he
\p
\v 1 \x - \xo 6:1 \xo*\xt Kol 3:20\xt*\x*Hnasen he aw, \f + \fr 6:1 \fr*\ft caup avang üng am ve \ft*\fq khritjan mta.\fq*\f*nami nupaa mtheh nami ngjak vai cun khritjan mtaa kya lü akcanga nami pawh vai kunga kyaki. 
\v 2 \x - \xo 6:2,3: \xo*\xt Ex 20:12; Deut 5:16\xt*\x*“Na nu ja na pa jah leisawnga” ti hin akcüka ngthupeta kya lü khyütam pi ngpüiki: 
\v 3 “Acunüng, nang cun akdawa citcawn lü na venak mdeka na sak pi saü khai ni.”
\p
\v 4 \x - \xo 6:4: \xo*\xt Kol 3:21\xt*\x*Nupae, nami cae ami mlung a sonak vaia käh jah pawh ua. Acuna hnün üng Khritjan thumning am jah mthehmkhyah lü jah jäksawn ua.
\s Mpyae ja Mahpae
\p
\v 5 \x - \xo 6:5-8: \xo*\xt Kol 3:22-25\xt*\x*Mpyae aw, Khritawa khut nami bikia kba mlungkyawng ngcim am bi lü nami nghngicim mahpaea pyen cän kyühkyawknak am jah kcang na u. 
\v 6 A ning jah mküiei vaia a ning jah hmuh däk üng käh pawh lü Khritawa mpyaa kba Pamhnam naw i hlükaweiki ti cun mlungkyawng kcang am pawh ua. 
\v 7 Mpya khut nami pawh üng nghngicima khut pawhkia kba am kya lü Bawipa khut pawhkia kba jekyai lü khüia. 
\v 8 Mpya pi ni se, mpya am niki pi ni se, akdaw ni bilawh cun mat cima khana Bawipa naw jah thung be khai ti cun süma.
\p
\v 9 \x - \xo 6:9: a \xo*\xt Kol 4:1; \xt*\xo b \xo*\xt Deut 10:17; Kol 3:25\xt*\x*Mahpae, nami mpyae nami jah mkyühmcik cän hawih lü akdawa ngneisak ua. Khyang naküt angteha ngthu jah mkhyah khai khankhawa ka Bawipa naw ning jah kanaki ti cun süm ua.
\s Pamhnama likcime
\p
\v 10 Akpäihnaka dämduhkia a johit cun Bawipaa dä yümmatnak am nami johit ngjuktha yahnak vaia bilo ua. 
\v 11 Khawyaia mhleimhlaknake nami jah sungkham khawh vaia Pamhnam naw a ning jah peta likcim cun jah bilo ua. 
\v 12 Mimi cun naw khyang üng mi ngtuatki am ni, anghmüp k'uma veki Ngmüimkhya ksea johite, anae, jah upkie ja khankhawa veki johite cun mi jah ngtukah püikie ni. 
\v 13 Pamhnama likcime cun atuh jah suiawi u! Khawmhnüp kse a pha law üng yea a ning tukahnak cun na sungkham khawh khai, acun üngva na nglehei cäm lü apäihnak vei cäpa na ngtu khawh khai.
\p
\v 14 \x - \xo 6:14: a \xo*\xt Hesa 11:5; \xt*\xo b \xo*\xt Hesa 59:17\xt*\x* Ngthungtak cun khapata kba na kcawi khit lü ngsungpyunnak am na ngkyang khüm lü ngsüngcei lü ngdüia, 
\v 15 \x - \xo 6:15: \xo*\xt Hesa 52:7\xt*\x*Dimyenaka thangkdaw cän sang khaia yüconaka khawdawk cän ngcum ua. 
\v 16 Khawyaia kah däikia thee cän na jah hnimnak khawh vaia jumeinaka ksawi cän akcün tä se kawt ua. 
\v 17 \x - \xo 6:17: \xo*\xt Hesa 59:17\xt*\x*Küikyannaka mthi lukhum ja Ngmüimkhya naw a ning jah peta Pamhnama ngthu cän kcimsaüa kba jah taei ua. 
\v 18 Avan cun ktaiyünak am pawh u lü Pamhnama kpüinak pi kthähei ua. Ngmüimkhya naw lam a ning jah msüma kba akcün tä ktaiyü ua. Ahina phäha mcei lü käh ngdüm lü Pamhnama khyangea phäh angläta ktaiyü ua. 
\v 19 Keia phäh pi ktaiyü u bä, Pamhnam naw a na peta ngthu cun ling lü pyen lü ngthupkia thangkdaw cun ka jah ksingsak vaia phäh ni. 
\v 20 Thawng k'uma atuh ve üngpi ahina thangkdawa phäh kei cun ngsäa ka kyaki. Thangkdaw cun ka pyen kung vaia kba ling lü ka pyen vaia ktaiyü ua.
\s Hnuksetnak
\p
\v 21 \x - \xo 6:21: \xo*\xt Ngs 20:4; 2Tim 4:12\xt*\x*\x - \xo 6:21,22: \xo*\xt Kol 4:7,8\xt*\x*Ihawkba ka veki ti cun nami ksing vaia Bawipaa khut pawhnak am sitihki mpya, mi mhlänaka mi bena Taikikah naw ka mawng ning jah mtheh khai. 
\v 22 Nangmi ngjuktha ning jah pe lü ihawkba kami vekie ti cun ning jah mtheh khaia ani ka tüih law ni.
\p
\v 23 Pa Pamhnam ja Bawipa Jesuh Khritaw naw khritjanea dimdeihnak ja jumnak am mhläkphyanak ning jah pe se. 
\v 24 Am thi theikia mhläkphyanak am Bawi Jesuh Khritaw kphyanakiea veia Pamhnama bäkhäknak ve se.