\id 2TI Dai-Chin: Bible Translation 1st Edition
\ide UTF-8
\ide Unicode (UTF-8)
\h 2 Timoti
\toc1 TIMOTIA veia Pawluha Cayuk Anghngihnak
\toc2 2 Timoti
\toc3 2Tim
\mt1 TIMOTIA
\mt2 Veia Pawluha Cayuk Anghngihnak
\imt Pyenhlüma
\ip \bk Timotia vei Pawluha cayuk anghngihnak\bk* hin ani kuei lü ania kthaka dikia Timoti a khyang pum cun a mcuhmthehnak khawhah ngpüiki ni. Aktunga ta cuneinak ni. Timoti naw khuikhanak ja ktek khaihnak a hjawng üngpi evawnkelih pawh lü sajaa kba a mta cun pawh lü Cangcim phyüm ja Thankdaw akcang mtheinak cun kcüngei lü Jesuh Khritaw cun sitih lü a saksinak vaia kthape lü mcuhmthehnak ni.
\ip Aktunga Timoti cun “anghmawng ja ia am kyaki ngcuhngkaihnak” naw cungaikia khyange jah kpyak lü am jah dawsak lü kyühei phyaki ti cun mcäi lü käh a ngpüi hü vaia mawng ni.
\ip Ahin avan üng, cayukia kcünsak ja a bünaka kyakie a jumeinak, a mlungmsaünak, a mhläkphyanak, a cuneinak ja mkhuimkhanak üng a khameinak cun a ngtheinak vaia sümsaki ni.
\iot Amawng ktawie
\io1 Pyenhlüma \ior (1:1-2) \ior*
\io1 Mhlünmtainak ja Kthapetnak \ior (1:3—2:13) \ior*
\io1 Ngthähnak ja mcäinak \ior (2:14—4:5) \ior*
\io1 Pawluh amäta vecawh \ior (4:6-18) \ior*
\io1 Akpäihnak \ior (4:19-22) \ior*
\c 1
\p
\v 1 Khritaw Jesuh am yümmatnak mi taka xünnak khyütam sang khaia tüih, Pamhnama hlüei Khritaw Jesuha ngsä Pawluh üngkhyüh ni,
\p
\v 2 \x - \xo 1:2: \xo*\xt Ngs 16:1\xt*\x*Ka mhlänak ka ca Timotia veia ni: Pa Pamhnam ja mi Bawipa Khritaw Jesuha bäkhäknak, mpyeneinak ja dim’yenak nang üng ning pe se.
\s Mcäinak ja Jenak
\p
\v 3 Ka pupae naw ami na khüih khawia mäiha ngcimkia mät ja mät ksingnak am ka khüiha Pamhnama veia jenaka mthehki. Amhnüp amthan ka ktaiyünak üng ka ning süma phäh ani ka jenaki. 
\v 4 Na miktui ka süm üng, jekyainak am ka be vaia aktäa ka ning hmu hlüki. 
\v 5 \x - \xo 1:5: \xo*\xt Ngs 16:1\xt*\x*Na nu Unick ja na pi Lawiha ami tak jumnaka ngkaw nang naw pi jumnak akcang na tak ka sümki. Nang naw pi acuna jumnak na taki tia ka ksingki. 
\v 6 Acunakyase, na khana ka kut ka mtai üng Pamhnam naw bänak a ning yet cän mphyünki lü na süm vaia ka ning mtheh be tüki ni. 
\v 7 Pamhnam naw a jah peta Ngmüimkhya naw am jah kyüheisak, acuna hnün üng Ngmüimkhya naw johit, mhläkphyanak ja mimät nängeinak am jah kbeki. 
\v 8 Acunakyase, käh ngkeei lü mi Bawipa phäh saksia, Khritawa phäh thawng üng ka khyuma phäh pi käh ngkeeia. Pamhnam naw ngjuktha a ning peta mäiha Thangkdawa phäh khuikhanak khameia. 
\v 9 Ani naw jah küikyan lü a khyang vaia a jah khü hin mi bilawhnak üng am kya lüpi a bäkhäknak ja a mkhühnak am ni. Akcün am a tünei ham üng Khritaw Jesuh üngkhyüh a bäkhäknak jah peki. 
\v 10 Mi Küikyan Bawi Khritaw Jesuh a lawnak üng ahin cun mimia veia ngdang law pängki ni. Ahih naw thihnaka johit cän mkhyüh lü anglät xünnak cun thangkdaw üngkhyüh mdanki ni.
\p
\v 11 \x - \xo 1:11: \xo*\xt 1Tim 2:7\xt*\x* Thangkdaw sang khai saja ja ngsäa Pamhnam naw na mcawn lü, 
\v 12 ahinea phäh khuikha ka khamki ni. Lüpi mkhühüpnak ka taki, isetiakyaküng, u ka umnaki ti cun ka ksingki. Kei üng a na ap hüt cun Khawmhnüp a pha law vei cäpa ani naw säm khawhki tia ka ksingki\f + \fr 1:12: \fr*\fq kei üng i a na ap; \fq*\ft am ani üng \ft*\fq kei naw ani üng i ka ap.\fq*\f*. 
\v 13 Khritaw Jesuh üng mi yümmatnaka kyaki mhläkphyanak ja jumeinak üng ve lü na läklama vai ka ning mtheia khyübe kcang cän kcüng kyet bä. 
\v 14 Mimi üng vekia Ngmüimkhya Ngcima johita khyüh a ning apa akdawe cän sämei kyet bä.
\p
\v 15 Asah hne veki khyang avan, Phakilas ja Hamawkines naw pi na cehtaki xawi ni. 
\v 16 Bawipa mpyeneinak Onesiphoraha im kyawnga ve se, isetiakyaküng, ani naw akcün tä na jesaki ni. Thawng üng ka kyuma phäh pi am ngkeei lü, 
\v 17 Romah a pha law ja am a na hmuha küt üng kei na sui hüki ni. 
\v 18 Acuna Mhnüp üng Bawipa naw a bäkhäknak pe se! Keia phäha Epheta ihlawka biloki tia cän nami ksingkie ni.
\c 2
\s Khritaw Jesuha sitihkia yekap
\p
\v 1 Ka ca, nanga phäha Khritaw Jesuh am mi yümatnaka kyaki bäkhäknak üng ngkhängpanga. 
\v 2 Saksi khawhah maa ka pyena mtheimthangnak, na ngjaka mtheimthangnak he cän la lü khyang akce pi jah mthei be thei khaia khyange am jah ap siha.
\p
\v 3 Khritaw Jesuha sitihkia yekapa kba khuikhanak cän khameia. 
\v 4 Yekap cun naw ani mtheh lü ngthupeki angvai a jesak vaia akce bilawhnak üng kcaw lü i pi am bi khawi. 
\v 5 Ngcamei lü dawngkia khyang naw pi mcuhmthenake am a jah läk üngta ngkhyengnak cun am yah khai ni. 
\v 6 Ngnüngseng lü lai biki naw akcüka a ah cun taeiki ni. 
\v 7 I ka pyen ti hin ngaia, ahin avan na ksingnak vaia Bawipa naw khyaih khawhki ni.
\p
\v 8 Thangkdaw sang lü ka jah mtheia kba Davita mjüa kyaki thihnak üngkhyüh tho beki Jesuh Khritaw cän süma. 
\v 9 Isetiakyaküng, Thankdaw ka sanga phäha mpyukeia mäiha khunnak khamei lü ka khuikhaki ni. Lüpi Pamhnama ngthu cun khunnak am khamei thei, 
\v 10 acunakyase, angläta hlüngtainak law lü Khritaw Jesuh üngkhyüh lawkia küikyannak ami yah vaia phäha, anaküt hin Pamhnama xü khyangea phäha ka khamei ni. 
\v 11 Ahin cun akcanga pyen ni:
\q1 “Ani am mi thih üngta,
\q2 ani üng mi xüng khai.
\q1
\v 12 \x - \xo 2:12: \xo*\xt Mt 10:33; Lk 12:9\xt*\x* Msu lü mi khamei üngta,
\q2 ani am mi up hnga khai.
\q1 Ani mi ma üngta,
\q2 ani naw pi jah ma hnga khai.
\q1
\v 13 Am mi sitih üngpi,
\q2 ani cun sitih nglätki,
\q2 isetiakyaküng amät naw amät am hmakatsak thei.”
\s Khut biki ümpanak
\p
\v 14 Ahina mcuhmthehnak hin na khyange am jah sümsak lü ngcuhngkaihnak vaia khyübe käh ami pawh vaia, Pamhnama maa jah mcäi kawm pi. Ahine naw am jah dawsak lü cungaikie jah pyaksaki ni. 
\v 15 Pamhnama ngthungtaka mawng cangkia jah mthei lü, khut biki naw a khut käh ngkeei lü, a pawha kba Pamhnama hmaia ümpanak na yah vaia na khyaih khawha pawha. 
\v 16 Pamhnam üngkhyüh jah thuksaki, khawmdek üng sängei lü am danga ngthähnake üngka naw akthuka vea. 
\v 17 Acunea mtheimthangnak hin naw mi pumsa jah eiawki mnehmnanga mäi ni a law ve. Himenias ja Philetuh xawi naw ahi bang jah mtheiki xawi ni.
\p
\v 18 Ani xawi naw ngthungtaka suilam hawih ni lü mi thawhnak be cun ve pängki ti lü jumeikie avanga jumeinak cun jah uplatsaki xawi ni. 
\v 19 \x - \xo 2:19: \xo*\xt Num 16:5\xt*\x*Acunsepi, Pamhnam naw a taka ngkhängkia tüneinak lung cun am ngsünngkyet; hina ngthue cun acuna khana, “Bawipa naw a kae cun jah ksingki” cunkäna “Bawipa ka kanaki tikia khyang cun am dawki bilawhnak üngkhyüh nglat yah khai,” tia ng’yuki.
\p
\v 20 Imnua k'uma kbee ja k’ame amjü küm veki: avang cun ngui ja xüi am ami jah pyan, akcee cun thing ja mdek am ami jah pyan, avang cun pawipyang üng jah sumei lü avang cun ami jah sumei sawxat ni. 
\v 21 Akse üngkhyüh amimät ngcimsaki cun adawnaka hnün üng sumei khaie, isetiakyaküng, ami mahpa naw akdaw jah pawhnak vaia jah sumei lü ami ngapei vaia ngsäm yah khaie ni. 
\v 22 Cawngpyanga hlükaweinak cän hawih lü ngsungpyunnak, jumeinak, mhläkphyanak ja dim’yenak, mlungkyawng ngcimki he am atänga Bawipaa kpüinak yah vaia ngkhüngkonake cän jah mtuneia. 
\v 23 Ngtunngvawknak üng jah kphakia amdang ngcuhngkaihnak ja am ngtähngkehkia ngkaw üngkhyüh akthuka vea. 
\v 24 Bawipaa mpyaa na kyaka mäiha nang naw ngtunngvawknak am pawh yahki. Nang cun khyang daw ja a mlungmsaüki sajaa kba khyang naküta vei na daw yah khai. 
\v 25 Nang cun ning ngcam püiki na mtheh üng na hniphnawi yah khai, ahin cun Pamhnama hlüeia kya lü ami cun ngjut be lü ngthungtak cun ksing law khai ni. 
\v 26 Khawyai naw ani kcangnak khaia a jah pinmane cun lätlang law u lü akdawkyaa ksing law khaie ni.
\c 3
\s Akpäihnaka mhnüpe
\p
\v 1 Akpäihnaka mhnüpe üng akhaknaka kcüne ve law khai ti cun süma. 
\v 2 Khyange naw amimäta nghmah bük khaie, ngui hlüei khaie, awhcah khaie, khyanga thang mset khaie, mäta phäh tengnak, nupaa pyen kpet khaie, dawkyanak am ksing u lü ningsaw pi am ksing u, 
\v 3 amimi cun am dawkya u, mpyeneinak am ve, khyang aksea pyen khaie, hlühlawk u lü sosat khaie; akdaw cun am hmu hlü u, 
\v 4 ami cun am sitih u, cungaihnak pi am ve, awhcah u lü Pamhnama kthaka bawimangnak jawngnakie; 
\v 5 mi ningsaw akpung sawxat läklam u lü johit kcang cun mah khaie. Acuna khyange üngkhyüh akthuka vea. 
\v 6 Khyang avange cun khyangea ima cit hü u lü ktha ngceki nghnumie, ami mkhyea ja hlükawei naw a jah nängeie naküt cun jah hnepei hükie ni, 
\v 7 acun nghnumie cun ngthungtak am ksing u lüpi ngthei khaia angläta kthanakie ni.
\p
\v 8 \x - \xo 3:8: \xo*\xt Ex 7:11\xt*\x*Janneh ja Jambareh naw Mosi ami ngtek püia kba ahina khyange naw pi ngthungtak ngtek püikie-ahinea mlung cun thi lü jumeinak üngpi ngsukngvänkie ni. 
\v 9 Khyang avan naw ihlawka yüangkie ti cun ami jah ksinga phäh akthuk am pha khawh u. Acukba kunga Janneh ja Jambareha veia thawnki.
\s Akpäihnak mcäinake
\p
\v 10 Nang naw ta, ka vecawh, ka mtheimthang ja ka kcün sak üng ka mkhühnak; ka jumnak, ka mlung msaünak, ka mhläkphyanak, ka khameinak, 
\v 11 \x - \xo 3:11: a \xo*\xt Ngs 13:14-52; \xt*\xo b\xo*\xt Ngs 14:1-7; \xt*\xo c\xo*\xt Ngs 14:8-20\xt*\x*ami na mkhuimkhanake ja ka khuikhanake. Khyühkyawk vaia mkhuimkhanake hin Antiok, Ikonih ja Luhtaraha thawnki ti cun na jah ksingki ni. Lüpi Bawipa naw na yungkaihki ni. 
\v 12 A u pi, Khritaw Jesuh am yümmat lü akdawa xüng hlüki ta mkhuimkhanak khamei lü, 
\v 13 khyang ksee ja khyang k’hleie cun akse üngkhyüh akse bawk pawh u lü khyange jah mhlei u lü amimät naw amimät mhlei sihki he ni. 
\v 14 Acun sepi, nang ta, angkhänga jumki lü na ngthei ja ngthungtak am msu lü vea. Na sajae u tia ksingki lü, 
\v 15 Ngcimkia Cangcim na dik ham üngkhyüh na ksingki, acun naw kthemnak jah pe lü acuna kthemnak naw Khritaw Jesuh jumnak üngkhyüh küikyannak da jah cehpüiki ti cun süm bä. 
\v 16 Cangcim naküt hin Pamhnama xünsaka kya lü \f + \fr 3:16: \fr*\fq Cangcim naküt hin Pamhnama xünsaka kya lü dawki; \fq*\ft am ani üng \ft*\fq Pamhnama xünsak Cangcim naküt hin dawki.\fq*\f*ngthungtak jah mtheinak, akhye jah mthehnak, hmaki pitpyannak ja akdawa xün vaia jah mcuhmthehnaka dawki ni, 
\v 17 acunakyase, Pamhnama khut pawhkia khyang cun Cangcim üngkhyüh akdaw amjü mjü bilawhnak khawh am kbebangki ni.
\c 4
\p
\v 1 Khritaw Jesuh ja Pamhnam naw akthi ja akxüng üng ngthu jah mkhyah khai, isetiakyaküng, ani cun sangpuxanga kba jah up law khaia hmaia ka ning mtheh ta, 
\v 2 mlung msaünak am na jah mtheia kba jah ksingsak lü mkhye jah mtheh lü ktha jah petnak üng (akcün ve lüpi kyase akcün am a ve üng pi kyase) ngthu cun pyen lü na sang vai ni. 
\v 3 Khyange naw akdawa ningsaw am cungaihnak vai kcün pha law lü amimäta hlükawei cun läk u lü ami hnga a ngjak'hlünak bawk vaia jah mtheikia sajaea vei ngkhäm hü khaie ni. 
\v 4 Ngthungtak cungaihnak nglata u lü khüikama ngkhawe cun ngai law hlü khaie. 
\v 5 Lüpi nang ta a i naküt üng namät cän mceiei lü khuikhanak cunei lü Thangkdaw sangki sajaa khut pawh lü na mta naküt cän Pamhnama mpyaa kba khüikhawma.
\p
\v 6 Keia phäha ta, ka ngapei vaia kcün pha law hnühki; ahina sak ka cehta law hnüh khai ni. 
\v 7 Ka jumnak ta lü akthuka dawnnak vai üng ka khyaih khawha ka dawng pängki.\f + \fr 4:7: \fr*\fq jumnak ta lü \fq*\ft am ani üng \ft*\fq ka khyütam üng kcang lü.\fq*\f* 
\v 8 Tukbäih ta keia phäh Pamhnam am ngsungpyunnaka ngnängnaka ngkhyengnak (Pamhnam am ngsungpyunnak) naw na k'äihki. Acun cun Bawipa, ngsungpyunkia Ngthumkhyahki naw acuna Mhnüp üng kei däk am kya lü ani angdannak law vai mhläkphyanak am k'äihki üngpi jah pe khai ni.
\s Pawluha khyübe
\p
\v 9 Akjanga ka veia na law vaia ktha na bä. 
\v 10 \x - \xo 4:10: a\xo*\xt Kol 4:14; Phil 24; \xt*\xo b\xo*\xt 2Kor 8:23; Kal 2:3; Tit 1:4\xt*\x*Demah naw khawmdek kphyanakia kyase Thesalonikah da kei na cehtaki. Crescens Kalatih da cit lü Tihtuh Dalamatiha citki. 
\v 11 \x - \xo 4:11: a \xo*\xt Kol 4:14; Phil 24; \xt*\xo b\xo*\xt Ngs 12:12,25; 13:13; 15:37-39; Kol 4:10; Phil 24\xt*\x*Luhka däk ni ka hlawnga a ve. Makuh cän khü lü ka veia law püia, isetiakyaküng, ani naw ka khut na kpüi khai ni. 
\v 12 \x - \xo 4:12: \xo*\xt Ngs 20:4; Eph 6:21,22; Kol 4:7,8\xt*\x*Taikikah cun Epheta ka tüih ni. 
\v 13 \x - \xo 4:13: \xo*\xt Ngs 20:6\xt*\x*Na law üng, Tarosa mlüh, Kaphus ima ka tak hüt kcuawh cän law lü ka caupe ja ca ka yuknak mehvun nglepe pi jah law bä.
\p
\v 14 \x - \xo 4:14: a \xo*\xt 1Tim 1:20; \xt*\xo b\xo*\xt Sal 62:12; Rom 2:6\xt*\x*Mthiksep Aleksanda naw aktäa na mkhuimkhakia kyase a bilawha kba Bawipa naw thung be khai. 
\v 15 Ani cän mceiei lü ve bä, isetiakyaküng, mi ngthu aktäa am jah kcangnakki ni.
\p
\v 16 Kamät akcüka ka ng’yungei üng kei da upi am ve, avan naw na cehtak päihkie. Pamhnam naw ami bilawh käh jah kheh pe se! 
\v 17 Bawipa ka hlawnga veki lü ngjuktha na pekia kyase kkeia mpyawng üngkhyüh pi na yung lü khyangmjükce vana ngjak vaia ngthu avan cun ka sang khawhki. 
\v 18 Bawipa naw akse naküt üngkhyüh na yung lü a khankhaw pea kei cun üpawmkia na cehpüi khai. Ani üng hlüngtainak angläta ve se! Amen.
\s Akpäihnaka hnuksetnak
\p
\v 19 \x - \xo 4:19: a \xo*\xt Ngs 18:2; \xt*\xo b\xo*\xt 2Tim 1:16,17\xt*\x*Priscilah ja Akuilah, Onesiphoraha imkyawng lawnge na jah hnukset pet bä. 
\v 20 \x - \xo 4:20: a \xo*\xt Ngs 19:22; Rom 16:23; \xt*\xo b\xo*\xt Ngs 20:4; 21:29\xt*\x*Eratuh cun Korintuh mlüha vehüt lü Throphimah ta Miletuha ka hawih hüt ni, isetiakyaküng, ani cun am khyaiheiki ni. 
\v 21 Khawksik khya apha hlana na law vaia mtunei bä.
\p Eubulas, Puden, Linas ja Kalawdih ja Khritjan akcee naw pi ning hnukset ve u.
\p
\v 22 Bawipa na ngmüimkhyaa hlawnga ve se. Pamhnama bäkhäknak nami vana khana ve se.