\id 1PE Dai-Chin: Bible Translation 1st Edition
\ide UTF-8
\ide Unicode (UTF-8)
\h 1 Pita
\toc1 PITAA Cayuk Akcüknak
\toc2 1 Pita
\toc3 1Pit
\mt1 PITAA
\mt2 Cayuk Akcüknak
\imt Pyenhlüma
\ip \bk Pitaa Cayuk Akcüknak \bk* hin Asah khawa sip da ngpyeng hükie “Pamhnama jah xüa khyang” tia ami jah sui khritjanea vei a yuka kyaki. A yuknak üng a jah mtheh hlü ktung ta, ami jumeinaka phäh khuikhanak ja mkhuimkhanak ami khameia phäh a jah mcuhmcäinaka kyaki. Jesuh Khritawa a thihnak, a thawhnak be ja a law be vaia khyütame naw äpeinak jah peki tia Thangkdaw cun a jah sümsak benaka kyaki. Ahin ksingnaka phäh üng, ami khuikhanak cun dunei khawh u lü doei khawh khaie. Ami jumeinak akcang mä tia mhnütnaka mkhüh üpnak ja “Jesuh Khritawa law bea Mhnüp” üng ngkhyengnak yah khai tia mkhüh üpnak jah peki. (1:7)
\ip Khuikhanaka kcün üng a jah mcuhmcäinak am atänga, a kca yuknak khyange üng Khritaw üng sängeikia kba ami xüngsei vaia pi jah mthehki.
\iot Amawng Ktawie
\io1 Pyenhlüma \ior (1:1-2)\ior*
\io1 Pamhnama küikyannak a jah sümsak \ior (1:3-12)\ior*
\io1 Ngcingcaihkia xüngsei vaia mthümhletnak \ior (1:13—2:10)\ior*
\io1 Khuikhanaka kcün üng Khritjana mta \ior (2:11—4:19)\ior*
\io1 Khritjana mlung mhnemnak ja khut bi \ior (5:1-11)\ior*
\io1 Khüpnak \ior (5:12-14) \ior*
\c 1
\p
\v 1 Jesuh Khritawa ngsä Pita üngkhyüha,
\p Pontas hne, Kalatih hne, Kappadokih hne, Asah hne ja Bithuniha hnee üng pekce khyanga kba ngpyeng lü ve hükie, Pamhnama sakhyangea veia. 
\v 2 Jesuh Khritaw läklam lü a thisen am ning jah ngcimsak se, a Ngmüimkhya Ngcim am khyang ngcima ning jah pyang lü Pa Pamhnama hlüeia a ning jah xü pänga nami kyaki.
\p Bäkhäknak ja dimdeihnak cun nami khana hläipyam lü ve se.
\s Xüngseikia Äpeinak
\p
\v 3 Jesuh Khritaw thihnak üngkhyüh a mthawh bea phäh, a mpyeneinak dämduh lü sak kthai ja xüngseikia äpeinak a jah pet ni. Acuna phäh mi Bawipa Jesuh Khritawa Pa ja a Pamhnam hin mi mhlünmtai vai u. 
\v 4 Pamhnam naw a khyanga phäh a jah cüm peta dawkyanak kümcei cun kanak khaia ma da kami tengki. Ani naw acune cun käh thuuih cimpye khyükhleih thei khaia khankhawa a ning jah tak pet ni. 
\v 5 Acun he cun: akpäihnaka khawmhnüp üng mdan vaia küikyannak, Pamhnama johit am ami jumeinak üngkhyüh jah thupa khyangea phäh jah tak pet ni.
\p
\v 6 Acuna phäh nami jekyaikie. Cunüngpi, khuikhanak mjüküm nami khameia phäh atuh hin asängca nami pukset vai hlü taw khai. 
\v 7 Acun cun nami jumeinak hin cangki aw tia ami mhnütnak hlüa phäh ni. Pyüpye theikia xüi pi mei üng mhnüta kyaki. Acuna kthaka daw bawk lü am pyüpye theikia nami jumeinak pi mhnüt yah vai. Acunüng Jesuh Khritaw a law bea Mhnüp üng hlüngtainak, mhlünmtainak ja leisawngnak nami yah khai. 
\v 8 Ani cun am hmu khawi kyaw uki lüpi, nami mhläkphyanaki. Atuh hin am hmu kyaw uki lüpi, nami jumeiki. Mpyawng üng am pyen theia jekyainak k’hlüngtai am nami jekyaiki. 
\v 9 Isenitiüng ta, ani nami jumeinak üng nami büa nami ngmüimkhya küikyannak nami yaha phäh ni.
\p
\v 10 Pamhnam naw ahina küikyannak a ning jah pet vai cun sahma he naw angsingtea mcek lü suihjap lü ana pyen pängki he . 
\v 11 Khritawa Ngmüimkhya cun ami k’uma ve lü Khritawa khamei vaia khuikhanaka suilam ja hlüngtainak a yah vai cun jah mhnüh lü ana pyenki. Acunakyase, Khritaw cun ihawkba law be khai, itia law be khai ti cun suihjapkie. 
\v 12 Pamhnam naw sahma he naw ami khut bi cen amimäta phäh am ni. Nangmia phäh ni tia khankhaw üngka naw jah tüih lawa ngsäe, Ngmüimkhya Ngcima johit am Thangkdaw sangkie, naw ami pyen cen nami ngjakie. Ahina mawnge ni khankhawngsäe naw pi ngjakkya vai ami ngaih.
\s Ngcingcaihnak am xüngsei khaia khü
\p
\v 13 Acunakyase, khut bi am nami mdan vaia nami mlung pitpyang ua. Jesuh Khritaw a ngdang law be üng, ning jah pet vai dawkyanaka khana nami äpeinak kümcei cun ta lü thüxak lü a na ngcüngcei ua. 
\v 14 Pamhnama ngthu läklam ua. Mawngcei lü nami ve ham üng, am dawkyakia nami xüngseia mäiha, nami xünsak käh ning jah up be ti kawm. 
\v 15 Acuna kthaka ta, ning jah khükia Pamhnam a ngcingcaih mäih kunga kba nami bilawh naküt üng ngcingcaih lü ve ua. 
\v 16 Cangcim üng, “Kei ka ngcingcaihkia kyase ngcingcaih ua” ti lü a pyen.\x - \xo 1:16 \xo*\xt Lev 11:44,45; 19:2\xt*\x*
\p
\v 17 Hmai käh teng lü khyang naküt a pawha kba angteha ngthu mtaiki Pamhnama veia nami ktaiyü üng, ka Pa nami tiki. Acunakyase, khawmdek khana nami xün k’um üng ani leisawng lü ve ua. 
\v 18 Nami pupa üngkhyüh ia käh ngtähkia xüngseinak üngka naw ning jah thawngkhyah ni. Pyüpye lü khyükhleih theikia ngui xüi am ning jah thawng am ni. 
\v 19 Ia mkhyenak käh ve lü am lembawikia toca am tängki Khritaw thisen küi am ning jah thawngkhyah cun ksing ua. 
\v 20 Khawmdeka am a ngtüi ham üngkhyüh ani cun Pamhnam naw a xü päng ni. Ahina akpäihnaka khawmhnüpe üng, nami phäha ngdang lawki. 
\v 21 Thihnak üngkhyüh mtho be lü hlüngtainak ani üng peki Pamhnam cun ani üngkhyüh nami jumeikia kyase, nami jumeinak ja äpeinak cun Pamhnam üng nami taki.
\p
\v 22 Atuh ta ngthungtak nami läklamnak üng namimät ngcingcaihsakei ve uki. Acunakyase, nami khritjanpüi mhläkphyanak ja, mat ja mat mlung kcang naküt am mhläkphya na ua. 
\v 23 Pyüpye theiki am ni lü, käh pyüpye theikia mci ui, angsäia xüng lü mäkia Pamhnama ngthu am nami hmi be pängki ni. 
\v 24 Cangcim naw\x - \xo 1:24 \xo*\xt Hesa 40:6-8 (LXX)\xt*\x*,
\q1 Khyang nghngicim naküt cun msaia kba ni,
\q2 ami hlüngtainake pi mawa ka khyeipai hea kba ni;
\q1 Msai cun ngjai lü, khyeipai pi kyüki ni,
\q2
\v 25 cunüngpi, Bawipaa ngthu ta angsäia mäki” ti lü pyenki.
\m Ahina ngthu hin nami veia sang lawa Thangkdaw ni.
\c 2
\s Xüngseikia lung ja ngcimcaihkia khyangmjü
\p
\v 1 Acunakyase, mkhyenak naküt, hleihlaknak naküt, ngsaihnak naküt, ngkeingkünak naküt ja pyenksenak mjüküm jah hawih ua. 
\v 2 Hmi law thaiki hnasena kba, ngmüimkhya cihtui ngcim aläa cawixai lü ve ua. Acunüng va, acun eiaw lü dämduh law lü küikyannak nami yah khai. 
\v 3 Cangcim naw a pyena kba, “Bawipa ihlawka akcanga dawki ti cun namimät naw nami cayah pängki.” \x - \xo 2:3 \xo*\xt Sal 34:8\xt*\x*
\p
\v 4 Khyang he naw ia käh mawngmeikia ngai lü ami ma. Cunüngpi, Pamhnam naw aphu küia a xü päng, xüngseikia lung Bawipaa veia law ua. 
\v 5 Nangmi pi xüngseikia lunga kya u lü, ngmüimkhya üng sängeikia im sawngsaknak üng sumei ua. Acuna im üng ktaiyü ngcime naw Jesuh Khritawa ngming am Pamhnama veia ngmüimkhya üng sängeikia ngkengnak ami petnak vai hnüna kyaki. 
\v 6 Cangcim üng\x - \xo 2:6 \xo*\xt Hesa 28:16 (LXX)\xt*\x*,
\q1 “Aphu küi lung ka xü,
\q2 Zion mcunga aphungnua ka tak;
\q2 Ani jumeiki naküt cun itia pi käh hmaiset khai” ti lü veki.
\m
\v 7 Ahina lung nami jumeikie phäh ta aphu kdäm yah khaie. Cunüngpi, am jumeikiea phäh ta:\x - \xo 2:7 \xo*\xt Sal 118:22\xt*\x*
\q1 ia am mawngkia ngai lü imksae naw ami nawt hüa lung cun,
\q2 aphungnu ktunga thawn law khawiki.
\m
\v 8 Cangcim naw a pyen betü ta:\x - \xo 2:8 \xo*\xt Hesa 8:14-15\xt*\x*
\q1 “Ahina lung ni khyange jah ngsukeisaki,
\q2 khyange jah kyukngpäsakia lung.”
\m Ngthu am ami juma phäh ni ami ngsukei; acun ni Pamhnam naw ami phäha a hlüei.
\p
\v 9 Cunüngpi, nangmi ta ning jah xüa khyangmjü, Sangpuxanga ktaiyü he, ngcingcaihkia khyange ja amät Pamhnama sakhyange ni. Pamhnama müncankse khute jah sang khaia, anghmüp khui üngkhyüh amäta müncan phyakia akvai üng ning jah khü be lü a ning jah xü päng ni.\x - \xo 2:9 \xo*\xt Ex 19:5,6; Hesa 43:20 (LXX); Ex 19:5; Deut 4:20; 7:6; 14:2; Tit 2:14; Hesa 9:2\xt*\x* 
\v 10 Ahlana ta Pamhnama khyanga am kya uki. Atuh ta ania khyanga nami kyaki. Ahlana ta Pamhnama mpyeneinak am ksing uki. Atuh ta a mpyeneinak nami yaheiki.\x - \xo 2:10 \xo*\xt Hos 2:23\xt*\x*
\s Pamhnama mpyae
\p
\v 11 Ka püi he aw, khawmdek khana khin ja pekce khyanga kba ning jah nghui na veng. Aläa ngmüimkhya ngtäkpüiki mtisa hlükaw naküt hjawng ua. 
\v 12 Am jumeikiea ksunga nami pawh naküt akdawa pawh ua. Akse pawhkia khyange ami ning jah tinaka kcün üng, akdaw nami pawh cun süm be lü a law bea Khawmhnüp üng Pamhnam ami mküimto vaia phäh ni.
\p
\v 13 Khyang nghngicima ana naküt Bawipaa ngminga phäh jah läklam ua. Ana ak’hlüng säih taki Emperoa pyen läklam ua. 
\v 14 Akdaw pawhki mküiei lü akse pawhki kcet khaia Empero naw a jah mcawn mlüh ukea mtheh pi jah läklam ua. 
\v 15 Khyang kseea am dawkia ngthu ami pyen cun akdaw nami pawhnak naw a jah him vai Pamhnam naw hlüei ve. 
\v 16 Lätnak yahki khyanga kba nami xüngsekie ni. Cunüngpi, nami lätlangnak cen akse thupnak vaia käh sumei lü, Pamhnama mpyaa kba ve ua. 
\v 17 Khyang naküt leisawng ua, nami khritjanpüi mhläkphya na ua. Pamhnam kyüh lü Empero pi leisawng ua.
\s Khritawa khuikhanak
\p
\v 18 Mpyae aw, leisawngnak am nami bawi veia ng’apei ua. Khyang kdaw ja khyang k’hniphnawiea ma däka am ni lü, khyang mlung k’ngyatea veia pi acukba ve ua. 
\v 19 Pamhnama hlüei nami dangyaha phäh am khamei vai sükyaw nami khamei üng, acuna phäh Pamhnam naw dawkyanak ning jah pe khai. 
\v 20 Nami mkhyenaka phäh mkhuimkhanak nami dunei üng, i ni nami yah. Cunüngpi, akdaw nami pawha phäh mkhuimkhanak nami dunei üng, Pamhnam naw dawkyanak ning jah pe khai. 
\v 21 Ahina phäh ni Pamhnam naw a ning jah khü. Khritaw naw a khawleh üng nglehei lü ani üng nami ngcuhngkih vaia nami phäha khuikhanak khamki. 
\v 22 Ani cun naw ia mkhyenak pi am pawh. A mpyawng üng hlei a pyen pi u naw am ngja khawi.\x - \xo 2:22 \xo*\xt Hesa 53:9\xt*\x* 
\v 23 Khyang he naw mdihmsui u lü pi, am jah mdihmsui be. Ami mkhuimkha üngpi, am jah mkyühmkyawk be. Ania äpeinak cun ngtäikia ngthumkhyahki Pamhnam üng taki.\x - \xo 2:23 \xo*\xt Hesa 53:7\xt*\x* 
\v 24 Mkhyenak üng mi thi lü, ngsungpyunak üng mi xün vaia, mi mkhyenake Khritaw amät naw a pum üng phüi lü kutlamktunga a cehpüi ni. A nghmalem am yainak mi yahki.\x - \xo 2:24 \xo*\xt Hesa 53:5\xt*\x* 
\v 25 Toa mäiha lam nami hmüki cen, atuh ta ning jah msümceiki Toksäm ja nami ngmüimkhya ning jah Sämbänkia veia nami law beki.\x - \xo 2:25 \xo*\xt Hesa 53:6\xt*\x*
\c 3
\s Khyungcei awmih ning
\p
\v 1 Acuna kba ni, nghnumie aw, nami ceiea mtheh ngja ua. Nami ceie naw Pamhnama ngthu am ami jum üng, i nami pyen vai käh hlükia dawkyakia nami ngneisak naw jumei law khaiea jah pyang khai.\x - \xo 3:1 \xo*\xt Eph 5:22; Kol 3:18\xt*\x* 
\v 2 Isenitiüng, nami ngneisak hin ihlawka ngcingcaih lü leisawng phyaki ti cun ksing khaie. 
\v 3 Nami lusam phan lü ngui xüi jah awi hnak ja suisak kdaw nami suijih am akhawkpung ning jah ngtongtaisak khai cen käh sumei ua.\x - \xo 3:3 \xo*\xt 1Tim 2:9\xt*\x* 
\v 4 Acuna nghnün üng, nami mlung k’uma käh hngalang theikia ngtongtainaka kyaki hniphnawinak ja mlung kdip üng ngtongtai ua. Pamhnama hmuha ngtongtainak akdaw säih ta acun ni. 
\v 5 Ahlana Pamhnam üng ami äpeinak ta lü Pamhnam jumeikia nghnumie naw, ami ceia mtheh ngjaknak üng amimät ngtongtaisak khawikie. 
\v 6 Sarah naw pi acukba ve lü: Abrahama mtheh ngja lü, ka bawi aw ti lü khüki. Nangmi hin akdawa ve lü kyükyawknak am a ve üng ta, Saraha canghnuea nami kyaki.\x - \xo 3:6 \xo*\xt Gen 18:12\xt*\x*
\p
\v 7 Acuna kba ni, nangmi kpamie pi nami nghnumie cun pumsa ktha ngcekie ti ksing lü sitih am jah vepüi ua. Nami ktaiyü üng i naw käh a ning jah kyawh vaia, Pamhnama jah pet angsäia xünnak nang am atänga yah hnga khaia kyase, jah leisawng ua.\x - \xo 3:7 \xo*\xt Eph 5:25; Kol 3:19\xt*\x*
\s Akcang pawha phäh khuikhanak
\p
\v 8 Akpäihnaka, mlung mat ngaihnak mat üng ve ua. Ngbengnaa kba nami püi mhläkphya na ua. Nami püi mpyeneinak ja mlung mhnemnak am ve ua. 
\v 9 Akse, akse am; yünsenak pi yünsenak am käh thungei be ua. Dawkyanak am thung be ua. Isenitiüng, dawkyanak cun a ning jah khüa kcün üng a ning jah pet vaia Pamhnama bekhüta kyaki. 
\v 10 Cangcim naw\x - \xo 3:10-12 \xo*\xt Sal 34:12-16 (LXX)\xt*\x*
\q1 “Jenaka xünsak hlüei lü
\q2 kcün kdawe jah hmuha yüki naw,
\q2 akse pyennak ja
\q2 hlei pyennak jah hawih yah khai.
\q1
\v 11 Akse pawhnak üngkhyüh nghlat lü akdaw pawh se;
\q2 dimdeihnak sui lü acun läk hü se.
\q1
\v 12 Bawipa naw khyang ngsungpyune jah teng lü
\q2 ami ktaiyünak pi jah ngai ve;
\q2 cunüngpi, akse pawhkie ta jah nghei ta ve.
\p
\v 13 Akcang pawh vaia na ngtäng üng u naw ning mhlembawi khai ni. 
\v 14 Cunüngpi, akcang na pawha phäh na khuikha vai üngpi, nami josenki. U pi käh kyüh ua, käh cäicing ua.\x - \xo 3:14-15 \xo*\xt Mt 5:10; Hesa 8:12-13\xt*\x* 
\v 15 Nami mlung k’uma Khritaw leisawng lü Bawipa mäih leisawng ua. Nangmi naw nami taka äpeinaka mawng ning jah kthähki a ve üng, nami jah mtheh ngkyai be thei vaia, aläa ngsüngcei ua. 
\v 16 Hniphnawinak ja leisawngnak am bi ua. Khritawa hnukläka nami thawna phäh akdaw nami pawh üng, ning jah kse na lü ning jah yaihyüneikie naw ami pyen am ngkeeinaka thawn khaia, nami cungaihnak ngcingcaihsak ua. 
\v 17 Akdaw pawh lü nami khuikha cun Pamhnama hlüei ani üngta, akse pawh lü nami khuikha kthaka ta daw bawk ve. 
\v 18 Pamhnama veia a ning jah ceh hlüpüia phäh khyangkaea nghnün üng khyang kdaw Khritaw cun mkhyenakea phäh thiki. Ahun a thih cun angläta phäha kyaki. Pumsa lama thihnak khamki, cunüngpi ngmüimkhya lam üng xünsak be pängki. 
\v 19 Acuna ngmüimkhya pumsa am cit lü thawng üng ami jah khyum ngmüimkhyaea veia ngthu pyenki. 
\v 20 Acuna ngmüimkhyae ta, Nawe naw mlawng a saka kcün üng mlung msaü lü jah k’äihei kyaw sepi Pamhnama mtheh am ngjakia ngmüimkhyae ni. Nawea mlawng am khyang khyet mlikpitui üngka naw jah küikyana kyaki.\x - \xo 3:20 \xo*\xt Gen 6:1—7:24\xt*\x* 
\v 21 Acuna tui cun atuh ning jah küikyanki baptican tia msingnak ni. Acun cun nami pumsa lelawiki mthihnak am ni lü, akdaw ksingnak üngkhyüh Pamhnama veia khyütam pawhnaka kyaki. Acun naw Jesuh Khritaw cun thihnak üngkhyüh a thawhnak be naw ning jah küikyanki. 
\v 22 Jesuh cun khankhawa kai be pängki. Khankhawngsäe naküt ja khankhaw johite ja khyaihbahnake cun jah up lü Pamhnama khet da ngawki.
\c 4
\s Ngthunghlaikia xünsak kthai
\p
\v 1 Khritaw naw a pumsa am khuikhanak khameiki. Nangmi pi a Ania khameia kba nami khamei khai kunga ngai lü, nami ktha mcüng ua. Isenitiüng, Pumsa khuikhanak khamei nakütki cun mkhyenak üng am ngpüi ti tinaka kyaki. 
\v 2 Tuh üngkhyüha ta, khawmdek ning üng na xünseinak naküt cen, khyanga hlüeia käh nikia, Pamhnama hlüeia xüngsei hnüha. 
\v 3 Mi khe lawa kcüne üng am jumeikiea kba: mlung hlükaw jawnga awmih, hnunglanak hlü, jukung ktaipam xanak, ampyua ei aw lü hnungla pawia awmih, juhai eiawknak ja mtuihsekia juktuhe hjawkmkhähnake cun nami khyaih khawha nami jah pawh pängki he . 
\v 4 Atuh ta Mhnam am ksingki hea mlung xanak ja mlümlawknak üng am nami ngpüingpaw tia phäh, mün u lü ning jah yaihei ve u. 
\v 5 Acunüngpi, akthi ja akxüng ngthu jah mtai khaia ngcüngceiki Pamhnama veia amimäta mawng cun pyenei yah khaie. 
\v 6 Acuna phäh ni, khyang naküta khameia kba ngthumkhyahnak cun pumsa üng khameikie akthiea veia pi Thangkdaw cun sanga kyaki. Pamhnam a xüngseia mäiha ngmüimkhya üng ami xüisei vaia phäh sanga kyaki.
\s Pamhnama jah pet msümceiei thei
\p
\v 7 Anaküta adütnak vai cun cäh lawki. Acunakyase, nami ktaiyü khawh vaia, mlung ngkhängsak lü thüxaknak am ve ua. 
\v 8 Anaküta kthaka nami püi mhläkphya na ua. Mhläkphyanak naw mkhyenak khawhah jah küm pet theiki.\x - \xo 4:8 \xo*\xt Ngthk 10:12\xt*\x* 
\v 9 Käh hlawpcap lü nami püi khin na thei ua. 
\v 10 Khyang mat phäh phäh hin Pamhnama jah pet ami phäh phäha msümceikia kyaki he. Pamhnam naw letsawnga a pet cun khyang kce hea phäh daw khaia sumei se. 
\v 11 Ngthu sangkia khyang naküt naw Pamhnama ngthu sang se. Khut bikia khyang naküt naw Pamhnama peta ngjuktha am khut bi se. Acunüng va, anaküt üng Pamhnam cun Jesuh Khritawa phäh üng mhlünmtaia kya khai. Johit ja hlüngtainak cun angsäia Pamhnama kaa kyaki. Amen.
\s Khritjana kya lü khuikha
\p
\v 12 Ka püi he aw, nami khana am thawn khawiki pha law lü ning jah huimhleikia mhnütnaka nami khamei üng käh müncan ua. 
\v 13 Khritawa khuikhatnak nami khameipüi hin jekyai ua. Hlüngtainak am a law bea kcün üng, jekyainak am nami kümcei khaia kyase. 
\v 14 Khritawa hnukläka nami kyaa phäh ami ning jah yaihyünei üng ta, jekyai ua. Acun cun hlüngtaikia Ngmüimkhya, Pamhnama Ngmüimkhya cun nami khana vekia kyaki. 
\v 15 Nangmi üng mat naw a khuikhatnak a khamei üng; khyang a hnima phäh, a mpyuka phäh, khyangkaa a thawna phäh ja khyanga khut üng a ngcawngcik hüa phäha, käh khamei se. 
\v 16 Acunüngpi, Khritjana na thawna phäh khuikhatnak na khamei üngta, käh ngkeei kawpi. Khritawa ngming üng na khameia phäh Pamhnam na jenak vai.
\p
\v 17 Ngthumkhyahnak cutei vaia kcün cun pha päng ve. Pamhnama a khyange cun akcüka jah cijang vai. Mimi üng a cutei üng, Pamhnam üngkhyüh lawkia Thangkdaw am jumeikiea khütnak vai ta ihawkba vai ni. 
\v 18 Cangcim naw,\x - \xo 4:18 \xo*\xt Ngthk 11:31 (LXX)\xt*\x*
\q1 “khyang kdawe jah küikyan vai hin khak ve;
\q2 acunüng, Mhnam am jumki khyangkae ta ihawkba vai ni.”
\m
\v 19 Acunakyase, Pamhnama hlüeia khuikhat khameikie naw, a khyütam nängpang lü jah Tüipyangkia veia, dawkyakia ngneisak am ami xünsak cun ng’apei u se.
\c 5
\s Pamhnama Tome pä
\p
\v 1 Kei sangcim ngvai, Khritawa khuikhanak ka mik am hmu lü a ngdang law bea kcün üng hlüngtainak yah hnga khai naw nami ksunga sangcim ngvai jah nghui na veng. 
\v 2 Toksäm naw a toe a jah msümceia mäiha, nami msümcei vaia Pamhnam naw a ning jah pet cen jah msümcei ua. Msümcei vaia mta a nia phäh am ni lü, Pamhnam jesak khaia mlung am bi ua. Ngui yahnak hlüa mlung am käh nikia, Pamhnama phäh khut binak hlüa mlung kcang üng bi ua.\x - \xo 5:2 \xo*\xt Jn 21:15-17\xt*\x* 
\v 3 Nami jah msümceiea khana ngvai kawlaiha käh yäng u lü ami ning jah ngcuhngkihnak vaia ve ua. 
\v 4 Toksäm Ngvai säih a law be üng, a vainak käh khyük theikia hlüngtaikia lukhüm nami ngbung law khai.
\p
\v 5 Acuna kba ni, nangmi athawie naw akdämea mtheh ngja ua. Nami püia maa mlung mhnemnak ta ua. Cangcim naw, “A mlung dämki Pamhnam naw khyah lü, mlung mhnemki jäk ve” a ti.\x - \xo 5:5 \xo*\xt Ngthk 3:34 (LXX)\xt*\x* 
\v 6 Khyaihbahkia Pamhnama kut kea ve lü nami mlung mhnem ua. Amäta kcün a pha law üng, ning jah mhlünmtai khai.\x - \xo 5:6 \xo*\xt Mt 23:12; Lk 14:11; 18:14\xt*\x* 
\v 7 Nami cäicing pyangmanak naküt Pamhnam üng ap ua. Isenitiüng, ani naw ning jah msümceiki ni.
\p
\v 8 Thüxak lü mceiei ua. Nami yepa Khawyai cun hengsiha kba huk lü a mjaw vai sui lü cit hüki. 
\v 9 Nami jumeinak am ngkhängcek lü ani cen sungkham ua. Isenitiüng, khawmdek khan abäng üng, nami khritjanpüi he pi nangmia khamei mäiha khuikhanak khameikie ti nami ksingki. 
\v 10 Acukba khuikhanak asäng nami khamei käna, Khritaw üng yümmatnak am angsäia a hlüngtainak yah hnga khaia ning jah khüki Pamhnama bäkhäknak naw ning jah kümceisak khai. Ning jah ngkhängpangsak lü ngjuktha ning jah pe khai. Acun käna, ngkhängkia ngleheinak am ning jah ngdüihsak khai. 
\v 11 Johit cun angsäia ania kaa kyase. Amen.
\s Akpäihnaka hnuksetnak
\p
\v 12 Ahina kca ktawica hin Tilah naw na kpüi se ka yuk law ni. Ani hin sitihkia mi khritjanpüia ka ngaiki. Ahin hin Pamhnama bäkhäknak akcang tia ka saksi lü ka ning jah mcuhmcäi hlüki. Acun üng ngkhängpang ua.\x - \xo 5:12 \xo*\xt Ngs 15:22,40\xt*\x*
\p
\v 13 Pamhnam naw a khü hnga Babalunga veki sangcim naw pi ning jah hnukset ve. Ka ca Makuh naw pi ning jah hnukset ve.\x - \xo 5:13 \xo*\xt Ngs 12:12,25; 13:13; 15:37-39; Kol 4:10; Phil 24\xt*\x* 
\v 14 Nami khritjanpüi mhläkphyanak am mat ja mat hnuksetei ua.
\p Khritaw üng sängeiki naküta veia dimdeihnak ve se.