\id 1CO Dai-Chin: Bible Translation 1st Edition
\ide UTF-8
\ide Unicode (UTF-8)
\h 1 Korintuh
\toc1 KORINTUHEA veia Pawluha Cayuk Akcüknak
\toc2 1 Korintuh
\toc3 1Kor
\mt1 KORINTUHEA
\mt2 Veia Pawluha Cayuk Akcüknak
\imt Pyenhlüma
\ip Pawluh naw a mdüihmthawh hüt sangcim k'uma Khritjan kcünsak ja jumeinak am sängeikia akhakhai a phäh Pawluh a ca yuk akcüka kyaki. Acuna kcün üng Korin cun kun jawihtuknak Krik mlüh, Romah hne Achaia a mlüh ktunga kyaki. Korin cun jawihtuk dämdaki, vecawh ning, am dawkia ngneisak ja pata a nung mjaa phäh nglo ngthangki. Ngsä naw aktunga a yuk ta sangcim k'uma ngtainak, sangcim k'uma ngnei kse, sangcima cehcawn ning, khyunglaa mawng ngthähnak, ksingeinak, Ngmüimkhya Ngcima bänake ja thawhnak be a mawngea kyaki. Thang kdaw cun naw a na ngthähnake a ksinga a pyennaka kyaki. Akhyang kdäm 13 naw mhläkphyanak hin Pamhnam naw a khyange üng akdaw säih bänak a ja pet ti cun cauk k'uma jah ksingsaki.
\iot Amawng ktawie
\io1 Tüneinak (1:1-9)
\io1 Sangcim k'uma ana (1:10—4:21)
\io1 Hüipawmnak ja im khyawnga ngneisak (5:1—7:40)
\io1 Khritjane ja am khritjane (8:1—11:1)
\io1 Sangcima kcünsak ja mküimtonak (11:2—14:40)
\io1 Khritawa thawhnak be ja jumeikiea thawhnak be (15:1-58)
\io1 Judah Khritjanea phäh petmsawtnak (16:1-4)
\io1 Khyang mat üng sängeikie ja apäihnak (16:5-24)
\c 1
\p
\v 1 Pamhnama hlüeia khü Jesuh Khritawa ngsä, kei Pawluh jah ka na Soten naw,
\p
\v 2 \x - \xo 1:2: \xo*\xt Ngs 18:1\xt*\x*Korintuh mlüha vekia Pamhnama sangcime, Khritaw Jesuh üng khyang ngcima kya khaie a jah khüe, hnün naküt üng mi Bawipa Jesuh Khritaw mküimtokie naküta veia;
\p
\v 3 Mi Pa, Pamhnam jah Bawipa Jesuh Khritawa veia ka bäkhäknak ja dimdeihnak nami khana ve se.
\s Khritaw üng dawkyanak
\p
\v 4 Khritaw Jesuh üngkhyüh Pamhnama bäkhäknak aning jah peta phäha Pamhnama veia aläa jenak ka mthehki.
\p
\v 5 Khritaw üng yümmat lü ngthu pyennak jah ksingnak üng, amät üng bawimang u lü, nami vea phäha kyaki. 
\v 6 Acukba Khritaw a ngthu ka ning jah ksingsak nangmi üng khäng lü veki cän ni; 
\v 7 A dawkyanak yah lü, mi Bawipa Jesuh Khritawa a ngdannak law vai k'äihei ua. 
\v 8 Mi Bawipa Jesuh Khritaw a Khaw mhnüp a pha law üng, apäihnak veia ning jah khängsak lü nami mkhye am ve. 
\v 9 Mi Bawipa kyakia, a Capa Jesuh Khritaw am yümat khaia jah khüikia Pamhnam cun ümnak vai ni.
\s Sangcim k'uma ngtainak
\p
\v 10 Ka püie aw, mi Bawipa Jesuh Khritawa ana sumei lü avan ning jah nghüinak ta nami pyen üng ä ti yüm lü nami ksunga ngtainak am ve. Cungaihnak ja ti tängnak üng yüm mat ua. 
\v 11 Ka püie aw, nami ngcungkaih veki tia mawng cun Kalokuha khui im kyawng lawng naw na mthehkie ni. 
\v 12 \x - \xo 1:12: \xo*\xt Ngs 18:24\xt*\x*Ahinni ka pyen cun, khyang naküt naw, “Kei Pawluha hnu kläk ni” “Kei Apawluha hnu kläk ni” “Kei Kiphaha hnu kläk ni” “Kei Khritawa hnu kläk ni” nami tiki. 
\v 13 Khritaw cun ngkhawipaki aw?\f + \fr 1:13:\fr*\fq Khritaw cun ngkhawipaki aw; \fq*\ft avang yuknake üngta\ft*\fq Khritaw am ngkhawipa thei.\fq*\f* Pawluh nami phäha kutlamktung üng thiki aw? Am ani üng, Pawluha ngming am baptican nami ngkhamki aw?
\p
\v 14 \x - \xo 1:14:a \xo*\xt Ngs 18:8; \xt*\xo b\xo*\xt Ngs 19:29; Rom 16:23\xt*\x*Pamhnam je na veng isetiakyaküng Kripuh ja Kajas däk ni baptican ka jah pet, nangmi üng u pi baptican am pe veng. 
\v 15 Am aniüng, khyang naw, keia ngming am baptican nami ngkhamkia ngai khaie ni. 
\v 16 \x - \xo 1:16: \xo*\xt 1Kor 16:15\xt*\x*Stephena kyawnglawng ta baptican ka jah ngkhamsakki; acuna thea khyang kce baptican ka ja khamsak u am ksing veng. 
\v 17 Khritaw naw baptican ka jah khamsak khaia am na tüih law. Thangkdaw pyen üng ksingkhyapnak am sumei hin Khritawa kutlamtunga johit käh a khyüh vaia ni.
\s Khritawa johit ja Pamhnama themnak
\p
\v 18 Kutlamtunga mawng cun khyükie phäha ta amdang ni; mimi küikyannak yakiea phäha ta Pamhnama khyaihnak ni. 
\v 19 \x - \xo 1:19: \xo*\xt Hesa 29:14 (LXX)\xt*\x*“Khyang kthema ksingkhyapnak mkhyüh lü, ksinghmatnak pi ka kpyak khai” tia cangcim naw pyenki.
\m
\v 20 \x - \xo 1:20: a\xo*\xt Job 12:17; Hesa 19:12; 33:18; \xt*\xo b\xo*\xt Hesa 44:25\xt*\x*Khyang kthem cun hawa ni? Thum ksingki cun hawa ni? Hina khawmdek khana ngcungkaih khyaihki cun hawa ni? Pamhnam naw khawmdeka kthemnak cun angnak ni tia, mdan pängki ni. 
\v 21 Khawmdek khyanga ksingnak üng Pamhnam cun ksing lü am ng’yah. Ak’anga ngthukhyü ami ti cun pyen lü jum ti cun Pamhnam naw küikyan ve. 
\v 22 Judahe naw, müncannak kthäh u lü Krike naw kthemnak suikie, 
\v 23 keimie naw ta Khritaw kutlamtung üng taiha mawng kami pyenki, acun cun Judahea phäha kyukngtängnak kya lü, Khyangmjü kceea phäha angnaka kyaki. 
\v 24 Acunsepi, Judahea pi kyase, Krikea pi kyase, Pamhnama khüea phäha ta Khritawa ngthu cun Pamhnama khyaihnak ja Pamhnama ksingnaka kyaki ni. 
\v 25 Pamhnama angnak cun nghngicima ksingnaka kthaka kyäp bawki, Pamhnama am kyannak mäi cän pi nghngicima kyannaka kthaka kyäp bawki ni.
\p
\v 26 Ka püie aw, a ning jah khünak cän ngai süm ua, pumsa lama khyang kthem khawhah, khyang kyan khawhah, khyang kdaw khawhah am jah khü ve. 
\v 27 Acunsepi, Pamhnam naw khyang ktheme a jah hmaisetsak vaia, khawmdek üng angkie jah khüki, ktha mahkie a jah hmaisetsak vaia, khawmdek üng ktha ngcekie ja khüki. 
\v 28 Acunüng, kyäpkie ia am ngtäh khaiea khawmdek üng aksee jah hmuhmsitkie, am ngtähkie Pamhnam naw jah khüki. 
\v 29 Acunakyase, Pamhnama hmaia u am awcah thei. 
\v 30 Nangmi ta, amäta phäha, Khritaw Jesuh üng nami vekie ni, pamhnam naw Khritaw cun mi hama themnaka a pawh ni, ani am mimi cun Pamhnam üng ngsungpyunkia a jah pawh, acuna phäh Pamhnama khyang ngcima mi kya lü mi lätki. 
\v 31 \x - \xo 1:31: \xo*\xt Jer 9:24\xt*\x*Acunakyase, “Awhcahki naküt naw Bawipa awhcah na se” Cangcim naw tiki.
\c 2
\s Kutlamktung üng taih Jesuha mawng
\p
\v 1 Ka püie aw, nami veia law lü, ngthupkia Pamhnama ngthungtak\f + \fr 2:1:\fr*\fq Ngthupkia Pamhnama ngthungtak; \fq*\ft avang yuknake üng veki\ft*\fq Pamhnama saksia mawng.\fq*\f* ka ning ja mtheh üng, ngthu mpyawng mahnak ja ksingnak am sumei veng. 
\v 2 Jesuh Khritaw kutlamktung üng taiha ngthua thea nami veia ka, ka ksing vai am ve. 
\v 3 \x - \xo 2:3: \xo*\xt Ngs 18:9\xt*\x* Nangmia vei ka law üng ktha ngcek lü cäi lü ngkhyet veng. 
\v 4 Ka pyen ja ka mtheimthangnak cun nghngicima khyaihnaka ngthu üng pyena am kya lü, Pamhnama Ngmüimkhya ja johit üng ni akya ve. 
\v 5 Nami jumnak cun Pamhnama johita kya lü nghngicima ksingnaka am kya.
\s Pamhnama kthemnak
\p
\v 6 Jumeinak üng dämduh pängki veia pumngyam mah akba kami ngthukhyüki. Ahina pumngyam cun khawmdek upkiea asäng üng khyük be theikia khawmdek pumngyam am ni. 
\v 7 Khawmdek am a ngtün law ham üngka naw mi hlüngtainak vaia axü päng, acun cun khyang üngka naw ngthupkia Pamhnam pumngyam ni kami sang ta. 
\v 8 Acun cun hina khawmdek upkie naw am ksing u, ami ksing vai sü ta hlüngtainaka Bawipa kutlamktung üng am ami taih vai sü.
\q1
\v 9 \x - \xo 2:9: \xo*\xt Hesa 64:4\xt*\x* “Mik üng am hmuh, hnga üng am ngjak,
\q2 nghngicima mlung üng am lutki,
\q2 Pamhnam naw ani mhläkphyanakiea phäha a pitpyang ni” tia Cangcim naw pyenki.
\m
\v 10 \f + \fr 2:10:\fr*\fq lüpi\fq*\ft avang yuknake üng veki\ft*\fq phäh.\fq*\f*Mimi cun, acuna ngthu Pamhnama Ngmüimkhya naw jah ksingsaki ni. Ngmüimkhya naw avan naküt cun suihjap lü, Pamhnama ngthupkia nümnak pi ksing theiki. 
\v 11 Mi Ngmüimkhya naw ni, mi mäta mawng a ksing. Acuna mäiha Pamhnama Ngmüimkhya naw ni Pamhnama mawng a ksing ta. 
\v 12 Acunakyase, khawmdeka ngmüimkhya am mi yaki. Pamhnama a jah pete mi jah ksingnak thei vaia Pamhnama veia ka, Pamhnama Ngmüimkhya mi yahki.
\p
\v 13 \f + \fr 2:13:\fr*\fq Ngmüimkhya takie; \fq*\ft am ani üng\ft*\fq Ngmüimkhya naw a jah peta khyübe üng.\fq*\f*Cuna kyalü Ngmüimkhya takie, Ngmüimkhya üng sängki kami jah mtheha kba kami khyübe hin khyanga themnak naw a jah mthei am pyen lü Ngmüimkhya a jah mthei khyübe ni kami pyen. 
\v 14 Pamhnama Ngmüimkhya üngkhyüh lawki letsawnge cun Ngmüimkhya am taki naw am doei thei. Ngmüimkhya am taki naw acubange cun akcanga am jah ksing lü i ja pi am jah ngai, isetikyaküng amimi cun Ngmüimkhya lam üng jah msuimsäpa kya se ni. 
\v 15 Ngmüimkhya khyang cun naw avana ngthumkhyah theiki, acunsepi, ani cun u naw ngthu am mkhya thei. 
\v 16 \x - \xo 2:16: \xo*\xt Hesa 40:13 (LXX)\xt*\x*
\q1 U naw, Bawipaa mlung ksingki ni?
\q2 U naw a dawnak vai mtheh thei khai ni?
\m Mimi cun Khritawa mlung mi taki.
\c 3
\s Pamhnama mpyae
\p
\v 1 Ka püie, akcanga ta kei hin naw Ngmüimkhya takie vei ka pyen akba nami veia pyen lü am ng’yah. Kei cun naw khawmdek üng nami säng hamkia kya se Khritaw üng hnasena kba ni ka ning jah mtheh. 
\v 2 \x - \xo 3:2: \xo*\xt Heb 5:12,13\xt*\x*Kei naw angcang käh ning jah mbei lü cihtui ni ka ning jah tu. Isetiakyaküng nangmi cun angcang am ei thei ham u ki. Tuh pi am ei thei ham u ki. 
\v 3 Isetiakyaküng, hin khawmdeka khyange xüna kba nami xüngkiea kyase ni. Hmuhmsitnak ja ngvawknak nami ksunga vekia kyase, pumsa khyanga kya u lü, khawmdek khyanga vea mäiha nami ve hamkia am kyaki aw? 
\v 4 \x - \xo 3:4: \xo*\xt 1Kor 1:12\xt*\x*Nangmi üngka mat naw, “Pawluh ka läki” akce naw, “Apawluh ka läki” nami ti ta, khawmdek khyangea kba nami vecawhki am ni aw?
\p
\v 5 U ni Apawluh ta? U ni Pawluh ta? Nami jum vai ja ning jah cehpüiki Pamhnama mpyaea kani kyaki. Bawipa a jah mtat khut bikia mat cima kani kyaki. 
\v 6 \x - \xo 3:6:a \xo*\xt Ngs 18:4-11; \xt*\xo b\xo*\xt Ngs 18:24-28\xt*\x*Kei naw ka nglinki, Apawluh naw tui buiki, acunsepi, Pamhnam naw va dämsaki. 
\v 7 Acunakyase, dämsaki cun Pamhnam kya lü nglinki ja buiki naw i am khyaih khawh. 
\v 8 Mci sawki ja tui buiki hngalangnak am ve, ani pawha kba Pamhnam naw jah thung be khai. 
\v 9 Nangmi cun Pamhnama laia kya lü keimie cun Pamhnama phäh atänga khut kami biki. Nangmi cun Pamhnama imloa pi nami kyaki. 
\v 10 Pamhnam naw a na pet bäkhäknak sumei lü sawngsa theikia bilawh akba tüneinak ka taki. A cuna khana akce naw sawngsaki. Lüpi nangmi mat cim naw ihawkba nami sawngsak cun sitih ua. 
\v 11 Pamhnam naw tüneinak mat däka kyaki Jesuh Khritaw a tak pänga kya lü u naw pi tüneinak akce am ta yah. 
\v 12 Avang naw xüi, ngui ja aphumah lung sumei lü tüneinaka khana sawngsa khaie. Akcee naw thing, mphyaw ja cangkpa sumei khaie. 
\v 13 Khyang mat cima bilawh cun Khritawa khawmhnüp naw mdan law lü mi hmu law khai. Acuna mhnüp üng khyang naküta bilawh cun mei naw kcet lü akcang cun mdan khai. 
\v 14 Tüneinaka khana jah sawngsak cun mei naw amceih ta sawngsaki naw ngkhyengnak yah khai. 
\v 15 Na bilawh mei naw a uih päih ta amdang vai ni cunsepi mei üng a bilawh lätki cun küikyannak yah khai.
\p
\v 16 \x - \xo 3:16: \xo*\xt 1Kor 6:19; 2Kor 6:16\xt*\x*Nami k'uma Pamhnama Ngmüimkhya vekia kyase nangmi cun Pamhnama Templea nami kyaki ti cun nami ksingki. 
\v 17 Pamhnama temple kpyehki a u pi, Pamhnam naw ani pi kpyeh hnga khai ni. Pamhnama temple cun ngcimcaihki kyase namimät kung pi acuna templea nami kyaki.
\p
\v 18 Namimät käh mawngsak u. Nami ksunga mat naw hina khawmdek üng themkia a ngaih üng, a themnak law vaia ang ma se. 
\v 19 \x - \xo 3:19: \xo*\xt Job 5:13\xt*\x*Hina khawmdeka themnak cun Pamhnama ngaih a angnak ni. “Pamhnam naw khyang ktheme cun, ami mäta ksingnak am jah angsaki” tia a ng’yuki ni. 
\v 20 \x - \xo 3:20: \xo*\xt Sal 94:11\xt*\x*“Bawipa naw, khyang kthemea ngaihnak amdanga kyaki ti cun ksingki” tia pyenki. 
\v 21 Acunakyase, aupi a bilawhnak thei üng käh awhcah kawm. A naküt hin Mhnama ka ni. 
\v 22 Pawluha pi kyase, Apawluha pi kyase, Pitaa pi kyase, khawmdeka pi kyase, xünnaka pi kyase, thihnaka pi kyase, ve k'umkia pi kyase, ve law khaia pi kyase, avan nami ka ni, 
\v 23 nangmi pi Khritawa ka kya lü, Khritaw pi Pamhnama ka ni.
\c 4
\s Khritawa ngsä he
\p
\v 1 Keimi hin, Khritaw a mpya ja Pamhnama khyü ngthup pyen khaia Pamhnam naw a jah tak tia jah ngai kawm uki. 
\v 2 Mpyaea phäh hlüki mat cun ami bawia vei sitih yah khaie. 
\v 3 Nghngicima ningsaw ja nangmia ngthumkhyah cun kei naw ia am ngai veng. Kamät naw pi kamät ngthu am mkhyahei veng. 
\v 4 Ka ngaihnak ngcim ve, acunsepi acun naw akcanga ka ngcimki tia am mdan. Ka khana ngthumkhyahki cun Bawipa amät ni. 
\v 5 Acunakyase, Bawipa kcün am pha ham üng u pi ngthu käh mkhya pet ua, akpäihnaka ngthumkhyahnak cun Bawipa a law veia k'äih kawm. Ani naw nghmüp üng thup naküte cun akvai da jah law püi khai, mlung üng jah ngaihe pi jah mdang law khai, acuna mhnüp üng, khyang naküt naw ami mäta kyanaka, Pamhnama veia mküi yahei law khaie.
\p
\v 6 Ka püie, nami phäha kei ja Apawluh nami jah ngtheinak vaia ka mtänga kyaki. Isetiüng nami jah ngcuhngkihnak vaia ni. Thum mat naw ta “ning jah upkie cän jah bükteng ua” tiki. Nangmi naw mat camcah na lü mat pi käh msetei ua. 
\v 7 U naw nang ngvaia aning mcawn ni? Na tak naküt Pamhnam naw a ning peta am kyaki aw? Acune cun Pamhnam naw a ning peta kyase i vai na awhcahnaki ni?
\p
\v 8 Nami hlüei naküt nami tapängki aw? Nami bawimang pängkie aw? Sangpuxangea nami kyaki aw? Keimi ta am kya veng u lüpi nangmi nami kya üngta a atänga sangpuxanga mi kya khaie. 
\v 9 Pamhnam naw keimi ngsä he cun khawmdek khyange ja khankhawngsä he hmuh vaia khyang ksunga akhnu säiha thi khaia a jah tak ni. 
\v 10 Khritawa phäha kami angki lüpi nangmi khritaw üng nami thengvaikie, keimi kthangcek lü nami ngjuktha üng nami beki. Nangmi khyang naw ning jah mhlünmtai lü keimi khyang naw jah hmumsitki. 
\v 11 Tuh vei cäpa, cawixainak üng kami citcawn hüki. Suisak kdaw am kami taki, kpainak pi kami khamki, pung naküta kami citcawn hüki. 
\v 12 \x - \xo 4:12: \xo*\xt Ngs 18:3\xt*\x*Khüikhawm u ngüse kami suisaki, khyang naw a jah ksenak üng dawkyanak am kami kbeki; khyang naw a jah mkhuimkha üngka mi khameiki; 
\v 13 ksekhanak kami kham üng akdawa kami jah msang beki. Khawmdeka phyawksak am kami tängeiki, tuhvei cäpa ia am kyakia kami veki.
\p
\v 14 Isetiakyaküng ahin ka yuk law hin ning jah ngkeei hlüsak ngüse am ni. Ka ning jah mhlänak ka caea akba ning jah mcuhmtheh veng. 
\v 15 Nami Khritjannak üng ning jah büktengki khawhah ve lü pi, pa mat däk nami taki. Nami veia thangkdaw ka lawpüi naw hina kcünsak üng Khritaw Jesuh üng nami yümmatkia kyase nami pa ka thawn lawki. 
\v 16 \x - \xo 4:16: \xo*\xt 1Kor 11:1; Phi 3:17\xt*\x*Nami na ngcuhngkihnak vaia ning jah nghui na veng. 
\v 17 Acunakyase, hina phäh kei naw Timoti ka tüih law ni. Ani cun khritjan kcünsak üng sitih lü ka mäta mhlänak Bawipa üng ka cakpa ni. Ani naw khaw naküt üng sangcime veia ka jah mthei ja Jesuh Khritaw üng pum matnaka xünnak ning jah mtheh be khai.
\p
\v 18 Avang naw nami veia am ka law khaia ngaikiea kyase awhcahkie ni. 
\v 19 Acunsepi, Bawipa naw, a ngjak'hlü ta, akjanga nami veia ka law khai; acunüng ami pyen däk am kya lü ka phäha nangmi üngka johit pi ka hmuh law khai. 
\v 20 Pamhnama khyawngpe cun ngthu am kya, johita ni a kyak. 
\v 21 Ini nami hlüei bawk? Kpaihcung am nami veia ka law khai aw?Ngmüimkhya Mhlänak ja mlunghnemnak am ka law khai aw?
\c 5
\s Sangcima k'uma am ngcimcaihnak
\p
\v 1 \x - \xo 5:1: \xo*\xt Deut 22:30\xt*\x*Nami ksunga hüipawmnak kyühkse akcanga veki tia ngthang hüki; acun hin khyang kcee üng pi am ve. Ami paa khyu kdik ihpüikie ti cun na mthehkie. 
\v 2 Ihawkba nami awhcah khai ni. Acukba veki cun thüiseinak vai ni. Nami vei üngkhyüh pi ksät vai sü. 
\v 3-4 Ka pumsa am thuk lüpi Ngmüimkhya am nami hlawnga ka veki. Aksekhyua vekia khana Bawi Jesuh naw ngthumkhyah khaia kei naw pyen veng. Nangmi atänga nami nghmuh akba kei naw Ngmüimkhya am ka ning jah hmuh ngüse ni Bawi Jesuha johit naw atänga jah vepüiki. 
\v 5 Khyang acuna mäih cun a Ngmüimkhya Bawipa khaw mhnüp üng küikyannak a yah vaia, a pumsa khyükleih khaia Khawyama veia ap ua.
\p
\v 6 \x - \xo 5:6: \xo*\xt Kal 5:9\xt*\x*Nami awhcah hin am daw ve. Nghngen apica naw bu angkhä thawh saki ti am nami ksingki aw? 
\v 7 \x - \xo 5:7: \xo*\xt Ex 12:5\xt*\x*Mkhyenaka nghngen kphyüm cän loin ua, acukba ani üngva avana nami caih khai. Tuhta nghngen am ngcawki buh tawh üng nami täng khai. Nangmi cun akcanga nami ngcimki he ni. Mi lätnak pawi pi ngsäm hnüh ve, mi lätnak pawhnak vai Khritaw pi hnim päng ve u. 
\v 8 \x - \xo 5:8: \xo*\xt Ex 13:7; Deut 16:3\xt*\x*Acunakyase, mkhyekatnaka nghngnen akphyüm am kcawa muk am ni lü, nghngnen käh kcawa muk ngcimcaihnak ja ngthungtak am lätnak mi pawh vai u.
\p
\v 9 Ka cayuk üng hüipawmkie käh nami jah ngpawngpüi vaia ka ning ja mthehki. 
\v 10 Ka tinak hlü ta hüipawmkie, mpyukei he, juktuh hjawkhahkie käh jah ngpawngpüi ka tinak am ni. Khawmdek üng käh nami sängei vaia jah hjawng kung ua. 
\v 11 Ka tinak hlü ta jumeikia ngsui lü hüipawmki, mpyuki, ngvawk pawhki, juktuh hjawkhahki, khyang hnimki, ju awki he cun atänga ngaw lü ei pi käh jah eipüi u.
\p
\v 12-13 \x - \xo 5:12-13: \xo*\xt Deut 13:5; 17:7 (LXX)\xt*\x*Akcee ngthu jah mkhya pet vai cun keia bilawh vai am ni. Pamhnam naw jah mkhyah pe khai. Acunsepi namäta püie cun nami jah mkhya pe khai am ni aw? Cangcim naw a pyena kba “Am dawkia khyang nami ksung üngkhyüh jah ksät ua.”
\c 6
\s Am jummeikiea veia ngkhyaknak
\p
\v 1 Jumeiki mat ja mat nami ngvawk üng, khyang ngcime veia am phapüi u lü, am jumeikiea veia nami phapüi khai aw? 
\v 2 Pamhnama Khyange naw khawmdek ngthumkhyah khaie tia am nami ksingkie aw? Acukba anita khawmdek ngthumkya khaiea naw apimsüm ta am nami cijang thei khai aw? 
\v 3 Khankhawngsä he pi ngthu jah mkhya pet vai am nami ksingkie aw? Acukba anita tuha kcün saka vekie cun ngthu am nami mkhya khai aw. 
\v 4 Acubang a ve law üng sangcim üngka am kyakiea veia na cehpüi lü ngthu na mkhyahsak khai aw? 
\v 5 Ngkehkhyakei veng! jumeiki mat ja mata lei mkhya khawh khai akthem matca pi nami ksunga am veki aw? 
\v 6 Acukba am kya lü jumeiki mat naw jumeiki mat cun am jumeikia veia a lei a mkhya pet vaia cehpüiki.
\p
\v 7 Jumeiki mat ja mat nami ngkhyakei hin am nami dawnak mdan ve. Aning jah hmakatsak, aning jah huhei cun am daw bawk khai aw? 
\v 8 Acukba am kya lü nami mät naw mat ja mat hmakatsak lü jumeiki akceea ka pi nami jah huteiki. 
\v 9 Am dawki he Pamhnama khyawngpe am pha u ti cun am nami ksingki aw? Nami mät naw nami mät käh mawgsak u; juktuh hjawkhahkie, khyanga khyu vepüikie, hüipawmkie, juktuh hjawkhahkie, kpami ja kpami ngkhyunglakie, 
\v 10 mpyukie, hleikie, ju awki he, khyang ngvawk püikie, hleikie naküt cun Pamhnama khyawngpe am pha u. 
\v 11 Nangmi avange pi acukba nami vekie; acunsepi, Bawipa Jesuh Khritawa ngming ja Pamhnama Ngmüimkhya üng ngthiei u lü nami ngcimcaih pängkie.
\s Pumsa Pamhnam mhlünmtainaka sumei ua
\p
\v 12 \x - \xo 6:12: \xo*\xt 1Kor 10:23\xt*\x*“Avan ka bi theiki” ti lü mat naw pyen khai, acunsepi, avan bilawh am daw; avan bi vai ka phäha kyaki ti lü ka pyen khai, acunsepi, kei cun acuna mpyaa am kya veng. 
\v 13 Eiawk cun khawna phäha kya lü, khawn pi eiawka phäha kyaki; acunsepi, Pamhnam naw ani nghngih ja mkhyüh khai. Acunüng pumsa cun hüipawmnak vaia am kya lü Bawipa mhlünmtainak vai kyase pumsa hlüki cun Bawipa naw ja peki. 
\v 14 Pamhnam naw Bawipa thihnak üngkhyüh mtho beki, mimi pi a johit am jah mtho be khai.
\p
\v 15 Nami pumsae cun Khritawa ngbana kyakie tia nami ksingki. Khritawa mtisa cun lo lü am nghnumi ksea pumsaa ka pawh khai aw? Am kya! 
\v 16 \x - \xo 6:16: \xo*\xt Gen 2:24 \xt*\x*Nghnumi kse ihpüiki cun pumsa üng nghnumi am mata kyaki ti cun am nami ksingkie aw?” Nghngih cun mata kya khai” ti lü Cangcim naw pyenki. 
\v 17 Bawipa üng ngpüilawki cun Ngmüimkhya lam üng Bawipa am mata kya khai.
\p
\v 18 Hüipawmnak cän jeih u. Nghngicima mkhyekatnak hin pumsa kpung da kyaki; hüipawmnaka mkhyekatnak cun mäta pumsa mkhyekatnaka kyaki. 
\v 19 \x - \xo 6:19: \xo*\xt 1Kor 3:16; 2Kor 6:16 \xt*\x*Acunüng, nami pumsa cun Pamhnama ning jah pet, Ngmüimkhya ngcima Temple tia am nami ksingki aw? Nami mät naw nami mät am kana u lü Pamhnama a ning jah ka ni; 
\v 20 A phu pe lü ning jah khyäih ni; acunakyase, nami pumsa Pamhnam mhlünmtainak vaia summang ua.
\c 7
\s Ngkhyunglanaka mawng ngthähnak
\p
\v 1 Atuh nami yuka mawng üng sängki ka pyen khai. Kpami cun am a khyumah pi kdaw khai ni.\f + \fr 7:1: \fr*\fq Kpami am a khyumah üng\fq*\ft a ani üng\ft*\fq Kpami khyumak ngkäih khaia a ve na ti üng. \fq*\f* 
\v 2 Isetiakyaküng hüipawmnak vekia kyase kpami naküt khyu mah lü, nghnumi naküt pi cei mah kawm. 
\v 3 Kpami naw pi kpamia bilawh vai bilo lü, nghnumi naw pi a bilawh vai bilo se, ngkhyungla xawi naw mat ja mata hlükaw cun kbe ni se. 
\v 4 Nghnumi naw amäta pumsa am ka na, acunsepi a ceia phäha kyaki ni; acuna mäiha, kpami naw pi amäta pumsa am ka na, a khyua phäha kyaki. 
\v 5 Atänga nami ktaiyünak vaia phäha mat jah mat käh ma lü nami ve khawia kba ve ni a. Acukba nami ve ta Khawyama hlawhlepnak üng nami ngxungei thei khai.
\p
\v 6 Hin ka ning jah mtheh hin ngthupeta kba ka ning jah mtheha am kya, nami pawh vaia ka ning jah mtheh ni. 
\v 7 Nangmi akcanga keia akba nami ve vai ka tängki. Acunsepi, khyang naküt üng Pamhnama pet am täng, mat ja mat ta yah am täng, mat naw akce ta lü mat naw akce taki.
\p
\v 8 Tukbäih am ceimahkie ja hmeinuea veia ka pyen hlü ta, keia kba nami ve khawh ta daw bawk khai ni. 
\v 9 Acunsepi, nami hlüeinak am nami üp thei ta khyungla ua; isetiakyaküng, mlunga khuikha kthaka ta khyumah hin daw säihki ni.
\p
\v 10 \x - \xo 7:10,11: \xo*\xt Mt 5:32; 19:9; Mk 10:11,12; Lk 16:18\xt*\x*Ngkhyungla pängkiea veia ngthu jah pet hin ka mät naw ka jah pet am ni, Bawipa jah peta kyaki: Nghnumi naw a cei käh hawih lü; 
\v 11 a hawih üng käh ceimah be kawm, am ani üng a cei ng’yäpüi be se, a cei naw pi käh ngtaipüi kawm.
\p
\v 12 Khyang kcee veia kamäta pyen ta (Bawipa pyen am ni), jumeiki mat naw am jumeiki nghnumi a khyunak üng acun naw ve yüm khai xawia a bü üng käh hawih kawm. 
\v 13 Acunüng, nghnumi naw am jumeiki a ceinak üng, a cei naw a hlawnga a ve vaia ngaih üng käh yawk kawm. 
\v 14 Am jumeikia kpami cun a khyua phäha ngcimcaih lü, am jumeikia nghnumi pi a ceia phäha ngcimcaihki ni; acukba am ni vai sü ta nami cae am ngcim khaie sü; acunsepi ngcimki he ni. 
\v 15 Nilüpi, am jumeiki naw Khritjan a püi a ngkya hlüpüi üng ngkyapüi kawm. Acubang üngta Khritjan kpami ja nghnumi cun ami ngaih sima kya khai. Pamhnam naw ngkhawtnak üng nami xüngsei khai a ning jah khü ni. 
\v 16 Khritjan nghnumi aw, ihawkba na cei am na küikyan\f + \fr 7:16: \fr*\fq Küikyannak na yah vai ihawkba ngsing khai; \fq*\ft am ani üng\ft*\fq Küikyannak na yah vai ihawkba na ksing khai.\fq*\f* thei vai na ksingki ni? Khritjan kpami aw, ihawkba na khyu am na küikyan\f + \fr 7:16: \fr*\fq Küikyannak am na yah vai cun ihawkba na ngsing khai ni; \fq*\ft am ani üng\ft*\fq Küikyannak na yah vai ihawkba na ksing khai.\fq*\f* thei khai na ksingki ni?
\s Pamhnama khüa kba xüngsei
\p
\v 17 Pamhnam naw a ning jah khü üng a ning jah peta kba xüngsei u lü ve ua. Acukba sangcime naküt ka jah mtheiki. 
\v 18 Khyang mat vun mawihnak kham pängki naw Pamhnama khünak a yah üng vun mawihnak cun käh mkhyüh se, vun am mawi hamki naw Pamhnama khünak a yah üng pi vun käh mawi hlü se. 
\v 19 Khyanga vun mawih ja am mawih cun ia am kya, Pamhnama ngthupet naküt ngai ua. 
\v 20 Pamhnama khünak nami yah üng nami vea mäiha ve u. 
\v 21 Mpyaa nami kyak ham üng Pamhnam naw a ning jah khü ni. Ia käh ngai ua; lätnak vai akyak üng sumei ua.\f + \fr 7:21: \fr*\fq na lätnak vaia kcün a ve üng sumeia; \fq*\ft am ani üng\ft*\fq lüpi na lätnak vaia kcün a ve üngpi, akdawa ning vesak khai cän mpyaa kba xüeia.\fq*\f* 
\v 22 Bawipa khüa mpya cun Bawipa mhläta khyanga kyaki; acukba bäa mpya am niki Khritaw naw a khü üng Khritawa mpya kyaki. 
\v 23 A phu pe lü Pamhnam naw a ning jah khyäih ni; acunakyase khyanga mpyaa käh thawn be u. 
\v 24 Ka püie, Pamhnam naw a ning jah khü üng nami ve khawia kba Pamhnam üng ngphunei ua.
\s Am Khyumahkie ja hmeinuea mawng ngthähnak
\p
\v 25 Am khyumahkia mawng nami yuk lawnak üng, Bawipa ngthu peta am kya lü; Bawipa a mpyeneinak üng ümnak ngkäiha kyakia kyase, ka ngaih ka pyenki.
\p
\v 26 Acunakyase, atuh khuikhanaka phäha, kpami amät a ve khawia kba a ve vai hin daw khaia ngai veng. 
\v 27 Na khyu veki aw? Acun kba akyak üng käh ksäta. Am na khyumahki aw? Acukba akyak üng na khyu vai käh suia. 
\v 28 Acunsepi, na khyumah üng na mkhyekatki am ni, am ceimah hamki nghnumi a ceimah üng pi mkhyekatkia am kya. Acunsepi, ngkhyunglakie naw amhnüp tä se khuikhanak ta bawki he ni, acukba nami ve vai am täng ve.
\p
\v 29 Ka püie aw, ka pyen hlü cun akcün hin tawikia kyase, khyumahki pi, am khyumahkia kba ve kawm. 
\v 30 Kyapkie pi am kyapkiea mäiha ve u se. Jeki pi am jekia mäiha ve kawm. Khawhthem khyäihktuki naw pi ami khyäih am takiea kba ve u se. 
\v 31 Hina khawmdek khawhthem summangeiki pi am summangeikia mäiha ve u se. Isetiakyaküng hina khawmdek cun ivei am law lü xük law khaia kyaki.
\p
\v 32 Cäicingnak üng nami lätlang vai hlüei veng. Am khyumahki naw Bawipa khut mcei lü a bi cun Bawipa jekyai hlüsak lü ni. 
\v 33 Khyumahki naw a khyua jenak vai ngaih lü khawmdek lam cäi naki; 
\v 34 acunakyase lam nghngih üng veki. Am ceimahki ja ngla naw cun pumsa ja Ngmüimkhya üng Bawipa khut bi khaia ngcuapei lü, ceimahkia nghnumi cun a cei a jekyaisak vai ngaih lü khawmdek lam cungaiki.
\p
\v 35 Ahin ka pyen cun, isetikyaküng, ka ning jah kuei hlüa phäh ni. Ka ning jah mkhyawhnak am ni. Akdaw bilo lü ia sungkhamnak am ve lü Bawipa khut binak üng nami mät nami cuap vaia ka pyen ni.
\p
\v 36 Ngkhyungla khai xawia mkhyäp päng te am ngkhyungla khai xawia ti beki xawia mawngma üng: kpami naw akdawa am a vecawhpüi üng a ngaihnak am nängei üngta khyumah kawm. Kakawngki xawia am kya.\f + \fr 7:36\fr*\fq Ngkhyungla xawi; a hlüei ta; \fq*\ft am ani üng\ft*\fq kpami ja am ceimah hamki a cangla: akdawa am a vecawhpüi lü a canglaa sak a xam hnüh üngta ceimahsak kawm.\fq*\f* 
\v 37 Acunsepi, kpami naw am khyumah\f + \fr 7:37: \fr*\fq käh ceimah khai; \fq*\ft am ani üng\ft*\fq a cangla am a ceimah hlüsak üng.\fq*\f* khaia a mlung khängsak lü amäta ngainak näng khaia bü lü acuna ngla am a khyunak üng ia am kya. Dawki ni.\f + \fr 7:37: \fr*\fq nglami a ceimah hlü üng\fq*\ft am ani üng\ft*\fq ceimah kawm.\fq*\f* 
\v 38 Acunakyase, khyumah\f + \fr 7:38: \fr*\fq ceimah; \fq*\ft am ani üng\ft*\fq a cangla ceimah se.\fq*\f* hin dawki, cunsepi am khyumah\f + \fr 7:38: \fr*\fq käh ceimah; \fq*\ft am ani üng\ft*\fq käh ceimah kawm.\fq*\f* hin daw bawki ni.
\p
\v 39 Ceimahkia nghnumi cun a ceia xüna k'um üngta a ceia phäha kyaki; acunsepi, a cei a thih käna a ngaiha khyang cei na khaia lätki ni. Acunsepi kpami a cei vai cun Bawipaa hnu kläka kya kawm. 
\v 40 Acunsepi, keia ngaiha ta, am ceimah lü amät a ve üng jekyai bawk khai. Ahin ta ka mäta ngaih ni. Pamhnama Ngmüimkhya ka takia ka ngaiki.
\c 8
\s Juktuh hea veia peta ei
\p
\v 1 Juktuh üng pet eia mawng ngthähnak nami yuk lawki. Mi van naw ksingnak mi taki. Acunsepi ksingkhyapnak naw jah awhcahsak lü, mhläkphyanak naw khyang jah sawngsaki.
\p
\v 2 U pi i mä ksingkia ngaiki naw ami ksing vaia kba am ksing u.
\p
\v 3 Acunsepi, Pamhnam mhläkphyanaki cun Pamhnam naw ksingki.
\p
\v 4 Acunakyase, juktuha veia pet eiawka mawng cun: khawmdeka am ve xakia lupa phäh juktuh mcawmkie lüpi Pamhnam mat däk veki tia mi ksingki.
\p
\v 5 Khankhawa pi kyase, mcea pi kyase, mhnam ngmingnakie mhnam khawhah bawi khawhah veki,
\p
\v 6 mimia phäha ta Pamhnam mat däk, Pa mat veki, ani cun naw avan tüipyang lü ania phäha mi xüngki, Bawipa mat däk veki ani naw Jesuh Khritaw üngkhyüh anaküt mhnünmceng lü mimi pi mi xüngki.
\p
\v 7 Acunsepi khyang avan naw hina ngthungtak am ksing u. Khyang avang naw juktuh xüngkia ngaikie. Acunakyase juktuha veia peta ei ami ei üng tuh vei cäpa juktuha eiawka ngaikie; ami ksingnak ngcekia kyase acun ami ei naw jah mtüihkhehsakia ngaihkie.
\p
\v 8 Ei naw Pamhnama dä mi keha dawsakia am kya; am mi eia phäha i pi am mi sum na, mi eia phäh i pi am ni yahei na.
\p
\v 9 Acunsepi, mcei ua, nami lätnak hin naw jumeinak ktha ngcekie käh jah kyukngtängsak se.
\p
\v 10 Na ksingkia kyase, juktuh a venak templea na ei vai naw am ning ähei. Acunsepi akse ja akdaw a ksingnak am kyanki naw a ning hmu üng juktuha veia peta ei cun ei hnga khaia kyaki.
\p
\v 11 Acunakyase a hama Khritaw thikia na bena cun na ksingnaka phäha khyük khaia kyaki.
\p
\v 12 Benaea veia acuna mäiha mkhyekatnak pawh u lü, akse ja akdaw ami ksingnak ngcek se, nami mhlem üngta, Khritawa khana pi mkhyekatnak nami pawhki ni.
\p
\v 13 Acunakyase, ka ei naw jumeiki kyukngtängsakia akyak üng, jumeiki am ka kyukngtängsak vaia ka xüna küt üng meh ka jeih khai.
\c 9
\s Ngsäa bilawhnak thei
\p
\v 1 Kei lätlangki khyanga am ka kyaki aw? Angsäa am ka kyaki aw? Mi Bawipa Jesuh ka hmuh pängki am ni aw? Nangmi cun Bawipa khutbinaka ktheiha am nami kyakie aw? 
\v 2 Akcee naw ngsäa am na ngai u se pi, nangmi naw nami na dokhamki; nami xünak Bawipa am pumata kyakia kyase nangmi cun ngsäa ka kyaknak msingnaka nami kyaki.
\p
\v 3 Khyange naw ami na cijangei üng, kamät naw kamät ka ngxungeinak cun: 
\v 4 Ka khutbia phäha ka eiaw khaia am kyaki aw?
\p
\v 5 Bawipaa benae, ngsä kcee ja Pita naw a khyu aceh hüpüia kba ka hlawnga ka cehpüi hnga theikia am kyaki aw?
\p
\v 6 Acunüng, kei ja Banabah däk khüi lü kami ei khaia aw?
\p
\v 7 Yekape u naw pi ami mäta tungmang vai peei u lü ngtuk khaie aw? Lobikie naw ami mäta lo üngka capyit am ei khai aw? Tome sämki naw tomea cihtui am aw khai aw?
\p
\v 8 A msuimcäpnake üng ka pät am khunkhih ngü, isetiakyaküng thum cun naw a ti kung ni a ti. 
\v 9 \x - \xo 9:9: \xo*\xt Deut 25:4; 1Tim 5:18 \xt*\x*Mosia thum üng, “Cang lehki sea mpyawng käh na mkhüp vai” tia ng’yuki. Pamhnam naw se sawxat a pyen aw? 
\v 10 Mimi phäha a pyena am kyaki aw? Mimia phäha a yuka kyaki. Lai kthawnki ja cang atki naw ami hama angtheipai äpki lü bi yahki xawi.
\p
\v 11 \x - \xo 9:11: \xo*\xt Rom 15:7\xt*\x*Keimi naw ngmüimkhya mci nami veia kami saw pängki. Nangmi üngka khawhthem khawha kami laki aw?
\p
\v 12 Khyang kcee naw pi acuna mäih nangmi üng ami ngaihk’uh üng keimi naw ta acuna kthaka am kami ngaihk’uhei khai aw? Lüpi acukba bi vai cun am bi veng u. Khritawa Thangkdaw am kami kyawhnak vaia, kami khameikie ni. 
\v 13 \x - \xo 9:13: \xo*\xt Deut 18:1\xt*\x*Temple k'uma khüikie naw ami ei vai acuna k'umaka yah u lü, kpyawngkunga khüikie naw pi ngkengnaka yahkie tia am ksingkie aw? 
\v 14 \x - \xo 9:14: \xo*\xt Mt 10:10; Lk 10:7\xt*\x*Acuna mäiha ni, Thangkdaw sangkie cun, Thangkdaw üngkhyüh xüng khaie ti lü Bawipa naw ngthu jah peki.
\p
\v 15 Acunsepi, kei ta acun kba am ve veng; ka khana acuna mäih nami pawhnak vaia hina ngthu ka yukia am kya; ka awhcahnak ia am ngtäh khaia khyang naw a pawha kdama ta, ka thih hngawh kyäp khai ni. 
\v 16 Thangkdaw ka sanga phäh ka awhcahnak vai i am ve. Ka sang vaia kya kungki. Thangkdaw am ka sang üngta ka khana josetnaka kya khai. 
\v 17 Kamät naw xü lü khut ka pawh üngka ngkhengnak ka yah khai; acunsepi Pamhnam naw a na apa bilawh vai kung ka biloki.
\p
\v 18 I ni Ka hlawh ei? Ami na pet vai käh äpei lü thangkdaw ka pyen hin daw ve. Thangkdawa phäh ka yahei vai am pyen veng.
\p
\v 19 Ua mpyaa pi am kya veng; cunsepi khyang khawhah ka yah vaia phäha kamät naw kamät khyangea mpyaa thawn veng.
\p
\v 20 Judahea veia ka khüi üng Judahe ka jah yahnak vaia Judahea kba ka veki. Judahea veia ka khüih üng ka jah yahnak thei vaia ta Mosia thum am ka läk üng pi ka läkia kba ka veki.
\p
\v 21 Khyangmjükceea veia ka khüi üng Judahea thum am ksingkia kba ka jah yahnak vaia khyangmjükceea kba ka veki. Ahikba ka ve hin Pamhnama thum am ka läkia am kya; kei cun Khritawa thuma keha ka veki ni.
\p
\v 22 Ktha ngcekie ka jah yahnak vaia phäha ktha ngcekia mäiha ka veki. Acunakyase khyange ka jah yahnak thei vaia anaküta ka thawnki.
\p
\v 23 Jodawnak ka yah hin jah yetnak be thei vaia, Thangkdawa phäha avan ka pawhki.
\p
\v 24 Dawn ngcameinak üng khawhah dawngkie cunsepi mat däk naw ni ngkhengnak a yah kawm tia am nami ksingki aw? Ngkhengnak nami yah vaia dawng u. 
\v 25 Dawngcameinak üng dawngki naküt naw ivei am khäng khaia lukhum ami yahnak vaia yet nakie, cunsepi mimi cun angläta khäng khaia lukhuma phäh mi kthanaki.
\p
\v 26 Acunakyase dawng sawxatkia mäiha am ka dawngki; khawkhi thäk sawxatkia mäiha am ka ngthäki. 
\v 27 Acunakyase, Thangkdaw khyangea veia ka sang hü üng am ami na hnepeinak vaia, ka pumsa ka nängeinak thei vaia ka kthanaki.
\c 10
\s Juktuha phäh mcäinak
\p
\v 1 \x - \xo 10:1: a \xo*\xt Ex 13:21,22; \xt*\xo b\xo*\xt Ex 14:22-29\xt*\x*Ka püie, Mosia hnu läkie mi pupae ia kya khawikie ti cun nami süm vai hlüei veng. Amimi cun khawngmei naw jah ksung lü Mpanglaisen pi phyawn lü khekhamkie ni. 
\v 2 Mosia hnu ami läka kba ami van khawngmei ja tui üng baptican khamkie. 
\v 3 \x - \xo 10:3: \xo*\xt Ex 16:35\xt*\x*Avan naw Ngmüimkhya ei atänga ei u lü, 
\v 4 \x - \xo 10:4: \xo*\xt Ex 17:6; Num 20:11\xt*\x*ami van naw Ngmüimkhya tui awki he ni; jah ngkhahpüikia Ngmüimkhya Lung üngka tüi awki he; acuna Lung cun Khritaw amät kung ni. 
\v 5 \x - \xo 10:5: \xo*\xt Num 14:29,30\xt*\x*Acunsepi, avangea khana Pamhnam am je se, khawkhyawng khawa thi u lü ami pumsa khyük päihki.
\p
\v 6 \x - \xo 10:6: \xo*\xt Num 11:4 \xt*\x*Ahine hin mimi phäha msuimcäpnak ni, amimia bilawha kba am dawki käh bilawh vaia sitih jah peki, 
\v 7 \x - \xo 10:7: \xo*\xt Ex 32:6\xt*\x*juktuh ami sawhkhaha mäiha juktuh käh sawhkhah u. “Hüipawmnak ja eiawknaka pawia khyange ngawki he” tilü Cangcim naw pyenki.
\p
\v 8 \x - \xo 10:8: \xo*\xt Num 25:1-18\xt*\x*Avang he ami mkhyea kba käh mi mkhye khaie, mhnüp mat üng khyang tawng nghngih jah thawng kthum ami thiha mäiha käh mi ve vai u.
\p
\v 9 \x - \xo 10:9: \xo*\xt Num 21:5,6 \xt*\x*Avang naw Khritaw cam u se, kphyu naw jah hnimki, cunakyase Bawipa\f + \fr 10:9: \fr*\fq Bawipa; \fq*\ft avang yuknake üngta\ft*\fq Khritaw.\fq*\f* käh mi cam vai u.
\p
\v 10 \x - \xo 10:10: \xo*\xt Num 16:41-49\xt*\x*Avang he putcit u se thihnaka Ngsä naw a jah hnima mäiha käh mi ve vai u.
\p
\v 11 Ahine cun akceea phäha msuimcäpnak vaia phäha ami veia kya lawki, cunsepi mimi phäha cingnak vaia ng’yuki ni. Mimi cun apäihnak law hlü hnüha kcün üng mi vekie ni.
\p
\v 12 Khängkia nami ngdüikia nami ngaih üng käh nami kyuk vaia mcei ua.
\p
\v 13 Nghngicima khamei thei hlawhlepnak ni nami khamei ta. Pamhnam a khyü mäki kyase, am nami khamei thei vaia hlawhlepnak nami khana am pha lawsak. Nami khameinak thei vaia hlawhlepnak üngka naw lätnak vaia lam pi ning pawh pet khai.
\p
\v 14 Acunakyase, ka mhlänake aw, juktuh sawhkhahnak cun jeih ua.
\p
\v 15 Khyang kthemea jah mtheha kba ning jah mtheh veng, i ka pyen ti cun ksing ua. 
\v 16 \x - \xo 10:16: \xo*\xt Mt 26:26-28; Mk 14:22-24; Lk 22:19,20\xt*\x*Bawipa Müeinaka Pamhnama veia jenak mi mtheh üng mi summangeia khawt: acuna khawt mi awk üng, Khritawa thisen mi awyümki, muk mi bo mi ei üng Khritawa pumsa mi yümeiki.
\p
\v 17 Khyang khawjaha mi kyase pi, muk mat mi eiyüm üng pumsa mata mi kya lawki.
\p
\v 18 \x - \xo 10:18: \xo*\xt Lev 7:6\xt*\x*Isarel khyange jah teng süm u; Pamhnam üng ami peta ngkengnaka sa eikie cun naw phyawnkunga bilo yümkiea kyaki ni.
\p
\v 19 Juktuha veia peta eiawk ja juktuh cun iyawa kya ve ka tiki aw?
\p
\v 20 \x - \xo 10:20: \xo*\xt Deut 32:17 (LXX)\xt*\x*Ka! juktuha veia peta ngkengtainak cun Pamhnama veia peta am kya lü, khawyaiea veia peta ni akya ve, ka tiki ni. Khawyaia püipawa nami kya vai am hlüei veng.
\p
\v 21 Bawipa khawt ja khawyaia khawt atänga am aw thei u ti; Bawipa kbe ja khawyaia kbe atänga am jah ei thei u ki. 
\v 22 \x - \xo 10:22: \xo*\xt Deut 32:21\xt*\x*Am ani üng, Bawipa mlung mi setsak khai aw? Mimi hin Bawipa kthaka mi kyan bawki aw?
\p
\v 23 \x - \xo 10:23: \xo*\xt 1Kor 6:12\xt*\x*“Avan pawh vaia nglawiki,” ami ti. Acun cun cang ve, cunsepi avan hin am daw. “Mimi cun avan mi pawh theiki” cunsepi avan cun mi phäha dawkia am kya.
\p
\v 24 Nami hlüei käh sui u lü khyang kcea hlüei sui ua.
\p
\v 25 Meh ami Jawihtuknaka ami jawih naküt mät ksingeinaka üng käh ngthäh u lü nami ei üng yahki. 
\v 26 \x - \xo 10:26: \xo*\xt Sal 24:1 \xt*\x*Cangcim naw, “Khawmdek jah khana vekie naküt cun Bawipa kaa kyakie ni,” tia pyenki.
\p
\v 27 Am jumeiki naw buh na ei khaia a ning khüei üng, mät ksingeinak üng käh ngthäh lü a ning mbei naküt na ei sawxat vai.
\p
\v 28 Khyang mat naw “Hin hin juktuh hjawkhanaka eiawk ni,” a ti üng, ning mthehkia phäha ja ksingeinaka phäh käh eia.
\p
\v 29 Acun cun nanga ksingeinak am ni lü, khyang kcea ksingeinaka phäha kyaki. “Acunüng dawki,” Khyang mat naw, “Ise khyang kcea ksingeinak naw ka lätnak cun na khyawh pe khai ni? ti lü a ning kthäh üng,
\p
\v 30 Ka eiawka phäha Pamhnama veia jenak ka pyen üng, ivai acuna eia phäh khyange naw na mseteikie ni?
\p
\v 31 Daw ve, a i nami pawh üng pi, nami ei üng pi kyase, nami awk üng pi kyase Pamhnama hlüngtainak vaia avan pawh ua.
\p
\v 32 Judahea pi kyase, Krikea pi kyase, Pamhnama sangcima pi kyase am nami jah kyukngtäsak vaia xüngsei ua.
\p
\v 33 Ka bilawh naküt üng khyang ka jesak vaia ktha na lü ami lät vaia phäh ja ami daw vai cun ngai lü, kamäta dawnak vai am sui veng.
\c 11
\s Nghnumiea lu khüm
\p
\v 1 \x - \xo 11:1: \xo*\xt 1Kor 4:16; Phi 3:17\xt*\x*Khritaw üng ka ngtheia mäiha na ngthei na ua.
\p
\v 2 Nangmi naw angläta na süm u lü ka ning jah mtheimthangnak he nami ja läklama phäha ning jah mküiei veng.
\p
\v 3 Kpami hea lu cun Khritaw ni, nghnumia lu cun kpami ni, Khritawa lu cun Pamhnam ni tia nami ksing vai hlüei veng.
\p
\v 4 Kpami a lu khüm lü ktaiyü lü ngthu pyenki cun Khritawa thangmsetki ni. 
\v 5 Acunüng, nghnumi naw a lu am bu lü khyang ksunga Pamhnama ngthu a pyen üng a ceia thangmsetki ni, acukba akya üngta a lukkanga veki nghnumi üng am hngalang ni.
\p
\v 6 Nghnumi naw a lu am a bu üngta a lu kteih kawm. Nghnumia phäh lu kteih cun seteinaka kyakia kyase a lu a bu vai. 
\v 7 \x - \xo 11:7: \xo*\xt Gen 1:26,27\xt*\x*Kpami naw a lu a bu vai am hlü, isetiakyaküng ani cun Pamhnama müihmai mdankia kyaki. Nghnumi cun naw kpamia müihmai mdanki.
\p
\v 8 \x - \xo 11:8,9: \xo*\xt Gen 2:18-23\xt*\x*Kpami cun nghnumi üngkhyüh ngtüi lawkia am kya; nghnumi cun kpami üngkhyüh ngtüi lawkia kyaki.
\p
\v 9 Kpami cun nghnumia phäha am kya lü nghnumi cun kpamia phäha kyaki. 
\v 10 Khankhawngsä hea phäha nghnumi cun naw kpamia kea veki ti cun a mdannaka a lu bu kawm.
\p
\v 11 Acunsepi Bawipa üng, kpami pi nghnumi kaa am cawm, nghnumi pi kpami kaa am cawm thei, ani nghngih mat jah mat hlüeiki xawi ni.
\p
\v 12 Nghnumi cun kpami üngkhyüh a ngtüi lawa mäiha, kpami pi nghnumi üngka naw hmi lawkia kyaki, acunsepi, avan naküt cun Pamhnam üngka naw ngtüi lawki.
\p
\v 13 Nami mät ngai ua, nghnumi naw a lü am khüm lü Pamhnama veia a ktaiyü hin nglawi ki aw? 
\v 14 Kpami a lusam a sei üng hmuseki ti cun nami ksingeiki.
\p
\v 15 Nghnumia lusam a sei cun a ngtonaka kyaki. A lusam cun a lu bunak vaia peta kyaki.
\p
\v 16 Ahin cun Pamhnama sangcim avan üng thuma kyaki. Acunakyase nangmi üng u naw pi hina ka pyen cun a na ngcuhpüi vaia am kya.
\s Bawipa müei
\r (Mt 26:26-29; Mk 14:22-25; Lk 22:14-20)
\p
\v 17 Hina mawng üng, sawkhah khaia nami ngcunak üng akdawa kthaka setsakia kyase am ning jah mküiei veng.
\p
\v 18 Akcüka nami ngbämnak ning jah kehlankie veki tia ka ning jah mtheh päng ni. Acun hin avang cang khaia jum veng.
\p
\v 19 Nami ksunga cangki a ngdangnak vaia ngpainak ve kung khai.
\p
\v 20 Atänga ngcun law u lü nami ei cun Bawipa müei nami eikia am kya.
\p
\v 21 Nami ei üng nami mäta ka nami eikia kyase avang jah khyawtei se avang eiaw ktatkie.
\p
\v 22 Eiawknak vai im am nami takie aw? Am acunüng Pamhnama sangcim hmumsit u lü, i am takie nami jah ngkeeisakie aw? Ahina phäha i ka pyen vai nami ngjak'hlüki ni? Ning jah mküiei vai aw? Am ning jah mküiei veng.
\p
\v 23 Ngthu ka ning jah mtheh hin Bawipa üngka ka yah ni: acun kba Bawipa Jesuh naw ami jawiheia mthan üng muk lo lü,
\p
\v 24 Pamhnama veia Jenaka ngthu pyen lü, boki naw, “Hin hin nami phäha ka pumsa ni. Nami na sümnak vaia ahin hin pawh ua,” a ti.
\p
\v 25 \x - \xo 11:25:a \xo*\xt Ex 24:8; Jer 31:31-34; \xt*\xo b\xo*\xt Ex 24:6-8\xt*\x*Acukba Müei ami ei käna, khawt lo lü “Hina khawt cun ka thisen am msinga ngthumkhän kthaia kyaki. Nami awk naküt üng nami na sümnak nglät vaia pawh ua,” a ti.
\p
\v 26 Ahina muk ei u lü, khawt nami awk naküt üng Bawipa a law be vei cäpa a thihnak nami sangki tinaka kyaki ni.
\p
\v 27 Acunakyase, a u pi, am nglawi xa se muk ei lü Bawipa khawt awki cun Bawipa pumsa ja a thisen mkhyekatnakia kyaki.
\p
\v 28 Acunakyase a u naw pi, muk ja khawt üngka a eiawka kcük üng amät naw amät ksükcetei ma kawm.
\p
\v 29 Bawipa a pumsaa suilam am ksing lü muk ei lü khawt üngka na awk üng, na mäta khana ngthumkhyahnak cun na eiawknak am na phaei law saki ni.
\p
\v 30 Acunakyase ni avange am yai u lü, avange jah mhnatei se, khawjah thikie.
\p
\v 31 Akcüka mimät naw mimät mi ksükcetei kyu üng Pamhnama ngthumkhyahnaka keha am mi pha.
\p
\v 32 Bawipa naw ngthu jah mkhyah lü a jah mkhuimkha cun, khawmdek am atänga am a jah mkateinak vaia a jah yuhnaka kyaki ni.
\p
\v 33 Acunakyase, ka püie, Bawipa müei nami ei khaia atänga nami ngcun law üng nami püi k'äih ua.
\p
\v 34 Nami ngcun law üng Pamhnama ngthumkhyahnak am nami khameinak vaia, ei nami cawi üng nami ima nami ei vai sü. Akcea phäha ta ka law be üng ka ning jah mthehei law khai.
\c 12
\s Ngmüimkhya Ngcima bänake
\p
\v 1 Ka püie, Ngmüimkhya bänaka mawng nami yuk lawki. Akcanga ahine nami jah ksing vai hlüei veng.
\p
\v 2 Am nami jumei ham üng juktuh akthie sawhkhah khaia lam ning jah hmesak ve u.
\p
\v 3 Acunakyase, Pamhnama Ngmüimkhya naw am a cehpüia khyang naw, “Jesuh ksekha na khai” acunüng, Ngmüimkhya ngcima lam sümnak am taki naw, “Jesuh cun Bawipa ni” tia am pyen thei ti cun ning jah ksingsak veng.
\p
\v 4 \x - \xo 12:4: \xo*\xt Rom 12:6-8 \xt*\x*Ngmüimkhya bänak akce kce veki, cunsepi, Ngmüimkhya mat däka kyaki. 
\v 5 Khutbi akce kce veki, cunsepi, Bawipa cun mata kyaki.
\p
\v 6 Bilawhnak thei akce kce veki, cunsepi, bilawhnak thei jah peki Pamhnam mat däka kyaki.
\p
\v 7 Ngmüimkhya khyang mat cia k'uma a ve cun avan mi dawnak vaia phäha kyaki ni.
\p
\v 8 Ngmüimkhya naw Khyang akcea veia themnaka ngthu pe lü, acuna Ngmüimkhya kung naw khyang akcea veia ngthu ksingkhyapnak peki.
\p
\v 9 Acuna Ngmüimkhya bä naw khyang akcea veia jumeinak pe lü, khyang akcea veia yainak be theia johit peki.
\p
\v 10 Ngmüimkhya naw khyang akcea veia müncankse bilawhnaka johit pe lü khyang akcea veia Pamhnama ngthu pyensaknak thei peki. Mata veia Ngmüimkhya üngka naw lawkia bänak ja akce üngka naw lawkia bänaka hngalangnak ksingnak peki. Khyang akcea veia ngthu akce kce pyen theinak pe lü akcea veia acuna ngthua suilam pyenak be thei peki.
\p
\v 11 Acunsepi khyang avana khana acune jah pawhki cun Ngmüimkhya mäta kyaki; amäta hlüa kba khyang mat cia veia bänak akce kce jah peki.
\s Pumsa mat üng kphyem khawhah
\p
\v 12 \x - \xo 12:12: \xo*\xt Rom 12:4,5\xt*\x*Khritaw cun ngban khawhah lawkia pumsa mata kba kyaki; Ngban khawhah am pyana kyase pi pumsa mata kyaki.
\p
\v 13 Acun kba ni avan hin Judaha pi kyase, Krika pi kyase, mpyaa pi kyase, mpya am ni tia pi kyase, pumsa mat üng mi ve khaia Ngmüimkhya mat üng baptican mi khanki. Ngmüimkhya mat däk awk vaia jah peki.
\p
\v 14 Pumsa cun ngban mat dänga pyana am kya, ngban khawhah üng pyana kyaki.
\p
\v 15 Khaw naw “Kuta am ka kyakia kyase pumsa üng am ngpüi veng” a ti üng acuna phäha pumsa üng am ngpüikia am kya.
\p
\v 16 Acunüng, nghnga naw, “Mika am ka kyakia kyase pumsa üng am ngpüi veng” a ti üng, acuna phäha pumsa üng am ngpüikia am kya.
\p
\v 17 Pumsa avan cun mika akya päih vai sü ta ihawkba mi ngja khai ni? Avan ngjaknaka akya vai sü ta ihawkba ahawi mi ksing khai ni?
\p
\v 18 Acukba Pamhnam naw am tängkia pumsa ngbane cun a ngjakhlüa a jah tak ni.
\p
\v 19 Avan ngban mata mi kya päih üng, pumsa vai am ve.
\p
\v 20 Hin kba kyaki, ngban khawhah law se pi pumsa mat däka kyaki.
\p
\v 21 Acunüng, mik naw kuta veia, “Am ning ngjahlü veng” am ti thei; lu naw pi khawa veia, “Ä, am ning ngjahlü veng” am ti thei.
\p
\v 22 Pumsa üng akjaw säiha mi ngaih am ngpüi xase i am mi pawh thei.
\p
\v 23 Acunakyase, pumsa üng am mawngkia mi jah ngaiha ngbane ni mi jah künak säih; pumsa üng am dawkia mi jah hmuhe ni mi jah cäinak säih.
\p
\v 24 Dawkia ngbane cun jah dawsak vai am hlü ti u. Pamhnam amät naw am tängkia ngbane pumsa üng a jah tak hin mata hlü cun mat naw am mcei lü a leisawng vaia phäh ni.
\p
\v 25 Pumsa üng ngpainak am ve, cunsepi am tängkia ngbane naw ami püi mceiei khaie.
\p
\v 26 Acunakyase, ngban mata khuikha üng ngban naküt khuikha hngakie; ngban mat mküiei üng jekyainak cun avan naw yahkie.
\p
\v 27 Avan Khritawa pumsaa nami kyaki, mat ci cun a ngbana nami kyaki.
\p
\v 28 \x - \xo 12:28: \xo*\xt Eph 4:11 \xt*\x*Pamhnama sangcim üng avan cun hnün a jah pet: akcüka ngsä he, anghnihnaka sahmae, akthumnaka jah mtheimthangkie; acun käna müncankse pawhkie; acun käna jah m’yai be theikie, acunüng khyang kpüikpakie, acunüng lam kdaw jah msüm theikie ja ngthu kce pyen theikia kyakie.
\p
\v 29 Khyang avan cun ngsä he, sahmae ja jah mtheimthangkiea am kya u. Avan naw müncankse pawhnak am ta u;
\p
\v 30 Avan naw hlikhaüa pawh m’yai be theikiea am kya. Avan naw ngthu akce kce pyen theikia am kya. Avan acuna ngthua suilam pyen be theikia am kya.
\p
\v 31 Akdaw säih yah vai ja nami mlung üngta ua. Akdaw säih lam ka ning jah hmuh khai.
\c 13
\s Mhläkphyanak
\p
\v 1 Khyang naküta ngthukhyü pyen thei lü khankhaw ngsä hea ngthukhyü pi pyen thei ngü se pi, mhläkphyanak am ka tak üngta, ng'yüng sawxatkia pung ja ng'yüng sawxatkia kcinga mäiha ni ka law kawm.
\p
\v 2 \x - \xo 13:2: \xo*\xt Mt 17:20; 21:21; Mk 11:23\xt*\x*Ngthu pyennak thei, ngthu ngthup naküt ksingkhyapnak ta lü; mcung pi akcea ngpyawt thei khai hlawka jumnak tak üng pi; mhläkphyanak am ka tak üngta kei amdang vai ni.
\p
\v 3 Ka tak naküt jah yet hü lü ka pumsa pi mei üng mkhih vai hlawka ve ni se pi\f + \fr 13:3: \fr*\fq Mkhih vai; \fq*\ft avang yuknake naw\ft*\fq awhcahak vaia.\fq*\f* mhläkphyanaka am ka tak üngta acukba pawh cun naw i pi am na dawsak.
\p
\v 4 Mhläkphyanak cun mlung msaünak ja dawnaka kyaki; Ani cun awhcahnak, ng’eihnak ja pakhyapnaka am kya.
\p
\v 5 Mhläkphyanak cun angnei am kse, a mäta malam am sui, am mlung am so; mhläkphyanak naw khyang mhlätki;
\p
\v 6 mhläkphyanak cun akse üng am je, cunsepi ngthungtak üng jekyaiki.
\p
\v 7 Mhläkphyanak cun am bawngka thei; jumei theiki, äpei theiki, angläta k'äihei theiki.
\p
\v 8 Mhläkphyanak cun ngläta kyaki. Ngthu sangnak, ngthu akce kce pyennak thei, ksingnak theie cun ve u se pi asäng üng päih law khaie.
\p
\v 9 Am kümkawi khaia mi ksingki, ngthu pi avang ni kami sangki.
\p
\v 10 A kümkawinak a pha law üng, am kümkawiki cun düt lawsaka khai.
\p
\v 11 Ka hnasen ham üng ka pyen, ka ngaih ja ka bilawhe cun hnasena kba kyaki; cunsepi atuh ta ka däm lawki kyase hnasena kba am kya ti veng.
\p
\v 12 Atuh cun hman üng mi müihmai am ngkhaiki mi hmuha mäih kyaki; ngawia ta angsinga mi hmuh law khai. Atuh ka ksing cun avang ni; cunsepi Pamhnama ksingkhyapnak kei üng a küma kba aküma ka ksing law khai.
\p
\v 13 Atuh cun jumeinak, äpeinak ja mhläkphyanak kthum vekie. Ahina kthume üng mhläkphyanak hlüng säihki.
\c 14
\s Ngmüimkhya üngka bänakea mawng
\p
\v 1 Mhläkphyanak cun ktha na ua. Ngmüimkhyaa bänake üng nami mlungmthin jah ta ua, aktunga Pamhnama ngthu sang theia bänak cun tak vaia ktha na ua.
\p
\v 2 Am ksinga ngthu pyenkie cun u naw ami pyen am ksingkia kyase khyanga veia käh pyen u lü Pamhnama veia pyenkiea kyaki. Ngmüimkhya johit üng ngthu ngthup cun pyenkie ni.
\p
\v 3 Ngthu sangkie cun, khyanga dawnak vaia ngthu, mcäinaka ngthu ja mhlawhmcahnaka ngthu pyenkie.
\p
\v 4 Am ksing theia ngthu pyenkie cun ami mäta dawnak vaia kyaki, acunsepi Pamhnama ngthu sangkie cun naw sangcimea dawnak vaia pyenkie ni.
\p
\v 5 Acunüng nami van naw am ksing theia ngthu nami pyen thei vai ka hlüeiki, acunsepi ngthu nami sangnak vaia bäkhäknak cun hlüei bawk veng; ngthu kce pyenkia kthak Pamhnama ngthu sangki cun phumah ve, ngthu pyenkia phäh lat be khai a ve ta sangcim daw khai ni.
\p
\v 6 Ka püie, nami veia ka law üng am ksinga ngthu pyen lü ka law üng ia ka kya khai. Ia am kya, Pamhnama mdannak, ksingnak, dawkia khyübe ja mtheinak ka lawpüi üngpi ia am kya.
\p
\v 7 Am xüngsekie pilim ja cawng pi akdaw am ami ng'yünko ta a tuilam am ksingki naw ihawkba jah ksing thei khai ni?
\p
\v 8 Ngtuk pawh vai üng kpun ami tum, am mi ngsinga a ng'yüng am ksing üng ngtuk pawh khaia u ngpitngpyang khai ni?
\p
\v 9 Acuna mäiha, am ksinga ngthu üng pyen cun ihawkba khyange naw ksing khaie ni? Khawkhi üng pyen sawxata mäiha law khai.
\p
\v 10 Khawmdek khana ngthukhyü akce kce veki, acunsepi ami van ami ti hlü veki.
\p
\v 11 Ami pyen am ka ksing üng acun pyenki cun keia phäha khyangmjü kcea kya lü kei pi amimi phäha khyangmjü kcea ka kya khai.
\p
\v 12 Acunakyase, nangmi pi Ngmüimkya bänak tak vaia nami kthanaka mäiha; sangcima ngdüih thawhnak vaia acune jah sumei vaia ktha na däm ua.
\p
\v 13 Am ksing theia ngthu pyenki naw i a pyen ti cun a jah mtheh be thei vaia ktaiyü se.
\p
\v 14 Am ksing theia ngthu üng ka ktaiyü üng, ka ngmüimkhya akcanga ktaiyüki, cunsepi ka mlung naw am sim.
\p
\v 15 Acukba anita i ja ka pawh kawm? Ka ngmüimkhya am ka ktaiyü khai, ka ksingnak am pi ka ktaiyü khai; ka ngmüimkhya am ng’äi lü ka mlung kyawng am pi ka ng’äi hnga khai.
\p
\v 16 Ngmüimkhya däk am Pamhnama vei jenak na mtheh üng, jenak mtheh lü na ktaiyü cun am ksingkie naw ihawkba “Amen” ti thei khaie ni.
\p
\v 17 Pamhnam üng jenak mtheh lü na ktaiyü cun aktäa dawki cunsepi khyang kcee naw am daw na u.
\p
\v 18 Nangmi kthaka am ksinga ngthu ka pyen bawka phäh Pamhnam je na veng.
\p
\v 19 Acunsepi, sangcimea sawkhanaka am ksing theia ngthu thawng mat pyen na kthaka ta, khyangea ksing theia ngthu nglung mhma ka sumei khai ni.
\p
\v 20 Ka püie, nami cungaihnak üng hnasen hea kba käh ve ua; cungaihnak am xü u lü mkhyekatnak am ksingkia hnasena mäiha ve ua.
\p
\v 21 \x - \xo 14:21: \xo*\xt Hesa 28:11,12\xt*\x*Thum üng, “khyangmjü kcea khyü üng ka khyange ka jah ngthungmin püi khai; khyangmjü kcea mpyawng üng ka khyange ka jah ngthungmin püi khai, acunüng pi ka khyange naw am na ngai khaie” tia ng’yuki.
\p
\v 22 Acunakyase, am ksing theia ngthu pyen cun jumeikiea phäha msingnaka am kya, am jumeikiea phäha ni a kya ve; ngthu sangnak cun am jumeikiea phäha msingnaka am kya, jumeikiea phäha ni a kya ve.
\p
\v 23 Acunakyase, sangcime naküt ngcun u lü, nami van naw am ksinga khyü am ngthu nami pyen üng, am ksingkie ja am jumeikie ami law üng, nami angkia am ning jah ngai khaie ni?
\p
\v 24 Acunsepi, sangcime nami van ngthu sang u lü nami na ve k'um üng, am jumeikia pi kyase, khyang sawxata pi kyase, a luh law üng ami ngjaka ngthu naw ami mkhyekatnak jah ksingsak khai. Ami ngjak naw ami katnak ngthu jah mkhyah khai.
\p
\v 25 Ami mlungkyawng k'uma anghmüa ami ngaihkyunake mdana kya khai, kawp u lü Pamhnam sawhkhah khaie; “Pamhnam hia ve kcang ve” tia pyen khaie.
\s Sangcim k'uma ngitawkia bilawhnak
\p
\v 26 Ka püie aw, ka ti hlü ta hikba ni. Hjawhkhah khaia nami ngkhäm law üng, mat ng’äi khai, mat naw mtheimthangnak, mat naw Pamhnam üngkhyüh mdannak, mat naw am ksing theia khyü pyenak, mat naw acuna khyü ti cun lat be yah khai. Avan cun sangcima dawnak vaia kya khaie.
\p
\v 27 Am ksing theia ngthu üng pyenki a ve üng, nghngih ja anung säih kthum ami ve üng, mat päng lü mat naw pyen yah khai. Acuna ani pyen cun pi mat mat naw lat be yah khai.
\p
\v 28 Lüpi acuna lat be khai am a ve ta sangcima k'uma käh khihkheh kawm, amät naw Pamhnam ngthueipüi kawm.
\p
\v 29 Nghngih kthum Pamhnama ngthu yahki naw ami pyen um üng akce naw i ami pyen ti cun jah ksükcet kawm.
\p
\v 30 Ngkämnaka mat naw Pamhnam üngkhyüh ngthu a yah ta am ksinga ngthu pyenki naw a pyen hawih se.
\p
\v 31 Avan naw Pamhnama ngthu mat mat cima nami sang yah khai acun üng ni avan naw ngthei na u lü ngjuktha pi yah khaie.
\p
\v 32 Pamhnama ngthu pyennak thei bänak yahki cun ngthu pyenkia keha ve yah vai,
\p
\v 33 isetiakyaküng Pamhnam naw amimi akse mi ve vai am hlüei, mi ngkawt vai ja mi dim’yeki vai hlüeiki. Pamhnama sangcim avan ami ngkhäm üng,
\p
\v 34 nghnumie ngkhämnaka käh khihkheh lü ve u se; Judahea thum naw a pyena kba; käh jah ksenak vai jah phäh käh ngthuei u se.
\p
\v 35 I mä ami ksing hlü üng pi ami cei ima kthäh u se. Sangcima ngkhämnaka nghnumia ngthu pyen cun ngkekhyakei phyaki ni.
\p
\v 36 Pamhnama ngthu cun nangmi üngkhyüh lawki aw? Am ani üng nangmia vei däka pha lawki aw?
\p
\v 37 A u pi, Pamhnama ngsäa am ani üng Ngmüimkhya bänaka a ngaih üng, ani naw a ksing vaia Bawipa ngthupet cun ania veia ka yuk ni.
\p
\v 38 Hina ka yuk ia am msuiki cun ani pi ia käh msui ua.
\p
\v 39 Acunakyase ka püie, Pamhnama ngthu sang da nami mlung ktha na u; am ksinga ngthu pyenki pi käh mkhyawh u.
\p
\v 40 Anaküt cun akdawa tui lam üng bilo ua.
\c 15
\s Khritawa thawhnak be
\p
\v 1 Ka püie aw, Thangkdaw ka ning jah mtheh ning jah ksingsak be veng, acuna Thangkdaw dokham u lü, nami jumnak acuna khana angkhänga ngdüiki.
\p
\v 2 Ka ngthu sang cän nami jum sawxatkia am kya lü, nami läklam kcangkia akyak üng, acun bä üng küikyana nami kyaki.
\p
\v 3 \x - \xo 15:3: \xo*\xt Hesa 53:5-12\xt*\x*Ka yah nami veia ka ning jah peki, acun cun sayü lü däm säihki ni, Khritaw cun mi mkhyekata phäh thiki tia Cangcim üng ng’yuki,
\p
\v 4 \x - \xo 15:4: \xo*\xt Sal 16:8-10; Mt 12:14; Ngs 2:24-32 \xt*\x*ani cun ami k’ut, amhnüp kthum üng tho law beki tia Cangcim üng ng’yuki ni.
\p
\v 5 \x - \xo 15:5:a \xo*\xt Lk 24:34; \xt*\xo b\xo*\xt Mt 28:16,17; Mk 16:14; Lk 24:36; Jn 20:19\xt*\x*Pita veia ngdang law lü, acun käna xaleinghngihea veia ngdangki.
\p
\v 6 Acun käna bena, phyamhmaa kthaka nungki veia ngdang lawki, khawhah cun tuhkbäih veia xüng hamkie, avange cun thi pängkie ni.
\p
\v 7 Acun käna Jakuka veia ngdangki, acun käna ngsä he naküta veia ngdangki.
\p
\v 8 \x - \xo 15:8: \xo*\xt Ngs 9:3-6\xt*\x*Ak’hnu säiha, keia vei pi ngdang lawki, kei cun am kha se hmi lawkia mäih ni ka law ta.\f + \fr 15:8: \fr*\fq A hmi law am hmanki; \fq*\ft am ani üng\ft*\fq akcün a set üng hmi lawki.\fq*\f*
\p
\v 9 \x - \xo 15:9: \xo*\xt Ngs 8:3\xt*\x*Kei cun ngsä he ksunga ka dik säihki, Pamhnama sangcime ka jah mkhuimkhakia kyase, ngsäa pi am ka nglawi kyawki va.
\p
\v 10 Cunsepi, Pamhnama bäkhäknak am ahikba ka kyaki; a bäkhäknak amdanga a na pet cun ni, ngsä kcea kthaka ktha na bawk lü ka khüikhawmki. Acukba ka kthanak bawk cun kamäta kthanaka am kya, Pamhnama bäkhäknak naw kei üng khut pawhki.
\p
\v 11 Acukba ani üng, keia khyüh kyase, amimia khyüh pi kyase, ahin kung kami pyenki, nangmi naw pi ahin kung nami jumki.
\s Mi thawhnak be
\p
\v 12 Atuha kami ngthu cun Khritaw thihnak üngkhyüh thobeki tia kyase, ise nangmi üng avange naw, “Khyang kthia thawhnak be am ve,” nami tiki ni?
\p
\v 13 Khyang kthia thawhnak be am a ve üng Khritaw pi am tho law be khai sü;
\p
\v 14 acunüng, Khritaw tho law bekia am akyak üng kami ngthu sang amdanga kya lü nami jumnak pi amdanga kya khai ni.
\p
\v 15 Acunüng, Pamhnam hleikia mi mdankia ni akya, isetiakyaküng, Khritaw cun Pamhnam naw mtho beki mi tia phäh ni, ahin akcang ta thikie sak xünnaka am tho be u. Pamhnam naw pi Khritaw am mtho be.
\p
\v 16 Khyang kthie, am ami thawh law be üng Khritaw pi am tho law be;
\p
\v 17 acunüng, Khritaw am a thawh law be ham üng nami jumnak pi amdanga kya lü nami mkhyekatnak üng khyük lü nami thi hamkie ni.
\p
\v 18 Acukba akyak üng Khritaw üng thi pängkiea jumeikie pi khyük khaie ni.
\p
\v 19 Tuhkbäih mi xün k'um däk üng Khritawa khana äpeinak mi ta lü akcea saka phäh am akyak üng\f + \fr 15:19:\fr*\fq Khritaw üng äpeinak mi tak hin tuha kcüna phäh daw lü akcea phäh am akyak üng; \fq*\ft am ani üng\ft*\fq tuha sak üng vekia Khritaw üng mi äpeinak hin.\fq*\f* khawmdeka veki khyange kthaka jah mpyeneinak yahei bawk khaia mi nglawiki.
\p
\v 20 Acunsepi, Khritaw cun thihnak üngka naw tho law be kcang lü, ipkie pi tholaw be khaie tia msingnak ni.
\p
\v 21 Nghngicim khyanga phäha thihnak a ve lawa mäiha, nghngicim khyanga phäh kunga khyang kthia thawh lawnak be ve lawki.
\p
\v 22 Adam üng khyang naküt ami thiha kba Khritaw üng khyang naküt tho be khai.
\p
\v 23 Acunsepi, khyang mat cim ami kcün üng tho khaie; Khritaw cun akcüka tho be khai. Acun käna Khritawa law be üng ani taki tho law be khaie.
\p
\v 24 Acun käna apäihnak pha law khai; Khritaw naw ngmüimkhya upkie, anae, johite naküt a jah näng lawpäng üng Khritaw naw khyawngpe cun Pamhnam üng ap law khai.
\p
\v 25 \x - \xo 15:25: \xo*\xt Sal 110:1\xt*\x*A yee naküt a khaw kunga am a jah tak hama küt üng, Khritaw naw jah up yah kung khai.
\p
\v 26 Ak’hnu säiha ye näng vai cun thihnak kyaki.
\p
\v 27 \x - \xo 15:27 \xo*\xt Sal 8:6\xt*\x*“Pamhnam naw avan ania khaw kea tak khai,” tia Cangcim naw pyenki. “Avan naküt tak khai” tinak üng Pamhnam amät am ngpüi, Khritawa khaw kea avan takia Pamhnam a ngpüi.
\p
\v 28 Acunüng, avan naküt Khritawa upnaka kea taka akya lawpäng üng, Cakpa amät kung Pamhnama kea ve khai acuna Pamhnam naw avan ania kea taki cun naw avan up khai.
\p
\v 29 Atuh, khyang kthia thawhnak be am a ve üng, i ja amimi naw yah vai ami äpei. Khyang kthia phäha baptican khankie ihawkba kya khaie. Thikiea phäha ivai baptican khankie ni.
\p
\v 30 Ise mimi pi anglät se kyühkse da akcün tä mi dawngki ni?
\p
\v 31 Ka püie, amhnüp tä thihnak ka sawngki! Khritaw Jesuh mi Bawipa üng ka ning jah awhcahnak pyen lü, “Kei, a mhnüp tä se ka thiki” ka ti ni.
\p
\v 32 \x - \xo 15:32: \xo*\xt Hesa 22:13\xt*\x*Nghngicima ngjakhlüa mäih düta Ephet mlüh üng “Sa kyung he” ka jah ngtunpüi vai sü üng i ka ngmang na khai ni? Khyang kthiea thawhnak be am ve khaia akyak üng, “Mi ei lü mi aw be vai u, khawngawi mi thi täng khai” mi ti hlü ye se.
\p
\v 33 Käh yu ua. Am dawkia püipaw naw vecawh kpyaki.
\p
\v 34 Ngsunpyunnak üng law be u lü, mkhyekatnak hawih ua. Avang naw Pamhnam am ami ksing hin na ngkeei vaia kei naw pyen veng.
\s Pumsa thawhnak be
\p
\v 35 Mat mat naw, “Khyang kthie cun ihawkba tholaw be khaie ni? Ia mäia pumsa na khaie ni?” ti lü ngthäh khai.
\p
\v 36 Nang khyang k’ang, namät naw na sawa mci cun am a thih üng am cawt law be;
\p
\v 37 Acunüng, na saw cän pumsaa ve khaia am na saw khawiki, a mci va na saw khawiki, cang mcia pi kyase mci kcea pi kyase mci däk va na sawki. Adäm pänga apung am nglingki. Akäna va däm law khai.
\p
\v 38 Acunsepi, Pamhnam naw a mäta ngjakhlüa pumsa jah peki, mci naküta veia ami mäta pumsa phäh phäh jah peki.
\p
\v 39 Pumsa naküt am täng; nghngicima pumsa mjü at, khisa pumsa mjü at, khaa pumsa mjü at, ngaa pumsa mjü ata kyaki.
\p
\v 40 Khankhaw pumsae ve u lü, khawmdek pumsae pi vekie; acunsepi khankhaw pumsaa hlüngtainak hnga lü, khawmdek pumsaa hlüngtainak pi hngaki.
\p
\v 41 Nghngia hlüngtainak akce, khyaa hlüngtainak akce, aisiea hlüngtainak akce; aisi jah aisi pi ani hlüngtainak am täng ni.
\p
\v 42 Khyang kthia thawhnak be pi acukba kyaki. Yawk k’uh üng thu lü, a thawh law be üng am thi thei.
\p
\v 43 K’ut üng am daw lü seki, mthawh be üng ngto lü daw khai.
\p
\v 44 K’ut üng mtisa pumsaa kya lü; mthawh be üng ngmüimkya pumsaa kya khai. Khawmdek pumsa vekia kyase Ngmüimkhya pumsa pi ve khai.
\p
\v 45 \x - \xo 15:45: \xo*\xt Gen 2:7 \xt*\x*Cangcim naw, “Nghngicim kcük Adam cun khyang xünga mhnünmcenga kyaki”; a tia kyase, Adam anghnu cun xünnak Ngmüimkhya jah peki kyaki.
\p
\v 46 Ngmüimkhya lam cun ve law makia am kya, pumsa lam ve law ma lü acun käna Ngmüimkhya lam ve lawki.
\p
\v 47 Nghngicim akcük cun khawmdek üngkhyüh mhnünmcenga kya lü; anghngihnaka nghngicim cun khankhawa kaa kyaki.
\p
\v 48 Khawmdek üng mhnünmcenga khyange cun khawmdek khyangea mäih law u se; khankhaw üngka khyange cun khankhaw üngka naw lawki hea mäih lawki he.
\p
\v 49 Acunüng, khawmdek üng mhnünmceng khyanga müia mäih mi müinaka mäiha,\f + \fr 15:49: \fr*\fq mi jih khai; \fq*\ft avang yuknake üng veki\ft*\fq mi jih vai u.\fq*\f* khankhaw khyanga müihmai pi mi müihmai na khai.
\p
\v 50 Ka püie aw, pumsa jah thisen Pamhnama pea am ve thei; thi theiki naw am thi theiki cun am yah tia ning jah mtheh veng.
\p
\v 51 \x - \xo 15:51-52: \xo*\xt 1Thes 4:15-17 \xt*\x*Ngthupki ning jah mtheh vang; mi van mi ip khaia am kya.
\p
\v 52 Acunsepi, ak’hnu säiha kpun a ng'yüng law üng, asängca üng, mik mkhyüpca üng, mi van mi hngalangei law khai. Kpun a ng'yüng law üng thi pängkie cun am pyawih theikia tho law be u se; mimi, mi na vekie pi mi hngalang law khai.
\p
\v 53 Tuhkbäih hina pyawih theiki am pyawih theikia nglat law lü, tuhkbäih hina thi theiki käh thi theikia nglat law khai.
\p
\v 54 \x - \xo 15:54: \xo*\xt Hesa 25:8 \xt*\x*Hina thi theiki hin am thi theikia a nglat law üng, “Thihnak cun mkhyüh lü nängnak cun küm law khai” tia Cangcim cun küm law khai.
\p
\v 55 \x - \xo 15:55: \xo*\xt Hos 13:14 (LXX)\xt*\x*“Thihnak aw, na ngnängnak, hawa ni a ve. Aw thihnak aw, na jah kphyaknak vai johit hawa ni a ve?”
\p
\v 56 Thihnaka naw johit cun mkhyekatnak üngkhyüh yahki; mkhyekatnaka khyaihnak cun thuma kyaki.
\p
\v 57 Acunsepi, mi Bawipa Jesuh Khritaw üng ngnängnak jah pekia Pamhnama veia jenak ve se.
\p
\v 58 Acunakyase, ka mhläkphyanaka ka püie aw, khängkia ngdüi ua. Bawipa khutbi ktha na kcang u lü bi ua, Bawipa khutbi nami bi hin am danga am kya tia nami ksingki.
\c 16
\s Hlükawkia phäh petmsawtnak
\p
\v 1 \x - \xo 16:1: \xo*\xt Rom 15:25,26\xt*\x*Judah khyawnga veki Pamhnama khyange jah kpüinak vaia ngui nami ngcawna mawng nami yuk lawki. Kalatih mlüha sangcime ka jah mtheha mäiha, nangmi naw pi pawh hnga ua.
\p
\v 2 Ka law üng petmsawtnak am ve khaia ngpum mhnüp naküt üng nami khawhthem üngka lo u lü a na mcun ua.
\p
\v 3 Ngcawn cehpüi khaia nami jah xüa khyangea veia, ka law käna kcae jah pe lü, nami ngcawn cehpüi khaiea Jerusalema ka jah tüi khai.
\p
\v 4 Acunüng, kamät ka cit khaia akyak üng pi, ka hlawnga cit hnga khaie.
\s Pawluha ngtünnak
\p
\v 5 \x - \xo 16:5: \xo*\xt Ngs 19:21\xt*\x*Acunüng, Maketawniha mlüha ka cit piling khaia kyase, Maketawniha mlüha ka ceh käna nami veia ka law khai;
\p
\v 6 Akcea ka ceh üng nami na tha khaia nami veia law lü, khawksik khya üng ta nami hlawnga ka ve hman khai.
\p
\v 7 Law sawxat am ni, ning jah hmuh hlü veng, Bawipa naw a dawsak üng nami hlawnga khawvei ka ve khaia ka büki ni.
\p
\v 8 \x - \xo 16:8: \xo*\xt Lev 23:15-21; Deut 16:9-11\xt*\x*\x - \xo 16:8,9: \xo*\xt Ngs 19:8-10\xt*\x*Acunsepi, Pentikos mhnüp veia Ephet mlüha ka ve khai,
\p
\v 9 acua bilawh vai ka phäha akdaw vekia kyase ni. Acua am na hmu hlüki pi dakie.
\p
\v 10 \x - \xo 16:10: \xo*\xt 1Kor 4:7\xt*\x*Timoti nami veia a law üng akdaw ana dokham ua. Ani cun pi keia kba Bawipa khutbi biki ni.
\p
\v 11 Acunakyase, u naw pi käh hmumsit lü, ka veia a lawnak thei vaia dim’yenak am tha law ua; jumeikie mah mah ka veia law be khaia ka äpeiki.
\p
\v 12 Mi bena Apawluh cun jumeikie am atänga nami veia kdung law khaia ka nghuinak te tukbäih a law vai am yü ham ve;\f + \fr 16:12:\fr*\fq am täng ham; \fq*\ft am ani üng\ft*\fq ahin hin Pamhnam hlüei avan am ni.\fq*\f* akha law üng law khai ni.
\s Ak’hnu säiha khyü
\p
\v 13 Ngsüngcei lü k'äih u, jumnak üng khängcek u, lingnak am kyan u lü ve u. 
\v 14 Avan cän Mhläkphyanak am bilo u.
\p
\v 15 \x - \xo 16:15: \xo*\xt 1Kor 1:16\xt*\x*Stephena kyawnglawng cun nami jah ksingki, amimi cun Akaijah hnea jumei law kcük u lü, Pamhnama khyang ngcime jah khüih petkie ni. Ka püie ning jah nghui na veng, 
\v 16 acuna khawngmange cun jah läk ua, ami am atänga khutbi ua.
\p
\v 17 Acunüng, Stephen, Photunat ja Akaikas ami law hin je veng; am nami ve pi am ka ksing khaia na pawh ve u.
\p
\v 18 Amimi naw kei ami na jesaka kba nangmi naw pi nami na jesaki, acunakyase, ahina mäihe cän jah ümnak ni.
\p
\v 19 \x - \xo 16:19: \xo*\xt Ngs 18:2\xt*\x*Asah hne sangcime naw ning jah hnukset ve u. Akuilah jah Priscilah ima veki sangcime naw pi Bawipa ngming üng ning jah hnukset ve u.
\p
\v 20 Jumeikie naküt naw ning jah hnukset ve u. Dimyenaka mhnamnak am nghnuksetei ua.
\p
\v 21 Kei Pawluh naw kamäta kut am yu lü ning jah nghnukset veng.
\p
\v 22 Au pi Bawipa am mhlänaki ta yüncenak yah khai! Maranatha — Kami Bawipa, lawa!
\p
\v 23 Bawipa Jesuh Khritawa bäkhäknak nami khana ve se.
\p
\v 24 Jesuh Khritaw üng nami vana khana ka mhlänak ve se.