\id 2TI 562TIkvn.sfm utf8 2Timothy CUK-Kuna San Blas-Panama 2009 
\h 2 Timoteo 
\toc1 Timoteose Pablo Irbogus Garda Narmaksad 
\toc2 2 Timoteo 
\toc3 2 Timoteo 
\mt1 Timoteose Pablo Irbogus Garda 
\mt1 Narmaksad 
\mt2 2 Timoteo 
\ip Timoteose we-garda-sogbogwad Pablo narmaksado, deun Roma-neggweburgi eskaryagi mellesiigu. Pablo we-gardagi Timoteoga sunmaknaid, gwenadgan-Bab-Jesúsba-nanaimalad-idumalad igi Bab-Jesús-igargi nanamalar-gebe. 
\ip Pablo na wisid ede eskaryagi-mellesiid, bar noosulid, dule-iskanamaryobi Roma-dummad e-oburgoed. Pablo napi Timoteoga garda narmaksiid, ega sogsiid Bab-Jesús-igargi mer galakuoye. Pablo Timoteoga soged, an Bab-Jesús-igargi arbasad gwen an galakussurye, degisoggu, ede weligwar itoye. Gwenadgan-Bab-Jesús-igargi-bangudmaladbardi ede bukib-binsaye. Timoteoga sogbalid, gwenadgan Bab-igargi odurdakdii be sadeguoye. 
\ip Binsamardo, we-garda birga 64-gi narmakles insaye. Be itomargua. 
\c 1  
\p  
\v 1 Ani Pablo, Bab-Dummad-sogedba Jesucristo-nuggi-barmilealidid. Ar Cristo-Jesúsgi san-burba-geg-bergued danikidi, a-san-burba baramilegoye-soglesad barsogegala an barmilenaid.  
\v 2 Timoteo, be Bab-Jesúsba-naid-ular be an-machi-sunnadyob an be-daked. An na nue be-sabed. We-garda na bese narmaked. 
\p Bab Dummad, anmar-Baba, degi, anmar-Dummad-Jesucristo, amar bitigi begi nued binsamalana-gadin, degine, wile be-dakbalina-gadin, deginbali, ulubgi bogidik be-itogega imakbalina-yerban. 
\s1 Pablo Timoteoga soged, gatik Cristogi sunmakoye 
\p  
\v 3 An bega Bab Dummadse gotele, mutikidba, degi, neg-ibginedba, dog-nuedye Bab Dummadga an sogde-daed. Igi an-dadgan binsaed-swilidikidgi Bab Dummadga arbasa, abayobi an Bab Dummadga alamaknaimogad.  
\v 4 An wisdo, be angi bangudgu, boed-abalagi be naded. Nue an be-dakbido, adi an be-dakalile, weligwar an itogwichi-guegar.  
\v 5 Deginbali, nue an wisbardo, be-Jesucristogi-bensulid napiragwadid. Be-muu-Loida, degine, be-nan-Eunice Jesucristogi nue bensuli-gusmarmogad. Degisoggu, an wisdo, be amaryob Jesucristogi nue bensuli-gudimogad. 
\p  
\v 6 Degisoggu, an bega sogsun, an-argan an begi mesisgu, deun Bab Dummad na E-Burba-Nuedba bega gurgin uksad, a-gurgin gannar be odulo, dule soo-ogannonaidyob, ayob be-gurgin be ogannomogoed.  
\v 7 Ar Bab Dummad anmarga burba dobee-itogedi uksasulid, anmarga burba-gandikid uksad, sabgued, degine, sunna na dukin burba-bargaed. 
\p  
\v 8 Degisoggu, anmar-Dummad-Jesúsgi-sunmakedgi mer be bingeguo, degi, mer bingegubalo, an Bab-Jesúsgi-sunmaked-ular eskaryagi-mellesiidgi. Suli, degisuli. Bur Bab-Dummad-gaya-burba-nuedgi sunmaked-ular naibi-itoleged an itodiyob-itoleged be sumo, Bab Dummad na e-gangued bega ukedbar.  
\v 9 Bab Dummad anmar-abonosad. Egadga guegala anmarse gochad, anmar-ibmar-nued-imaksadba anmarse gochasulid, ar na wargwen na e-igar-mesisadba, na e-sogedba, amba yo napneg-nagued-iduar, bato Cristo-Jesúsgi Bab Dummad nabir-anmargi-binsasadbali anmarse gochad. 
\p  
\v 10 Bab Dummad we-sabgued anmarse oyosad, anmar-Abonoged-Jesucristo, anmarse we-napnegse barmiargu. A-Jesucristo burgwed-igar biskenonikid, E-gaya-burba-nuedba dula-gudigued anmarga senonikid, degi, burba-geg-bergued anmarga uknonisunnad. 
\p  
\v 11 A-ulale we-gaya-burba-nuedgi sunmakega Bab Dummad an-nug imaksad. An Bab-Jesús-nuggi-barmilealidga an-nug-imaksabalid, degine, an nugsalesbalid Judiosurmalad-odurdakegar.  
\v 12 Ar a-gaya-burbagi an sunmakdiidba an eskaryagi mellesisunnad. Degi-inigwele, gwen binge an itosulid, ar an wisid, doagi bensuli an gudiid. Ar an nue wisid, a-dule, Jesucristo, na gangued nue-nikadba an-yardakosulid, an-edarbedii-guoed, anga igar-uksad an obelogedse anba gudiguoed, na napnegse danikidse. 
\p  
\v 13 Bab-Jesús-igar-napiragwad be-angi-durdaksad nue-akwedii be sao. Jesúsgi-bensulidgine, degine, sabguedgine nue-nanadii be-sao, ar Cristo-Jesúsgi anmar akanaid-ular, we-igar-nuegan an nikmalad.  
\v 14 Bab-Dummad-bega-igar-nuegan-uksad, E-Burba-Nued-anmargi-maid, aba be nue-akwedii be saoed. 
\p  
\v 15 Emide bato be wisbalid, bela Asia-yarginmalad an-obachamalad, Figelo, degine, Hermógenesse-bakar an-metemarmogad. 
\p  
\v 16 Bitigi Bab Dummad Onesíforo-neg-yagi-gubukmalad nue wile daksana-gadin, ar ade beedse a-dule an-ogannodii-gusad. An eskaryagi mellesii-inigwele, gwen angi binge itossulid.  
\v 17 Onesíforo Roma-neggweburse nonigu, bela-bela nue an-amidii-gusad, degisoggu, an-amisdo.  
\v 18 Bab-Jesús-danikoed-ibagi bitigi Bab Dummad Onesíforo-nue-wile-daksana-gadin. Emide bedina nue wisid, Efesogi ibiyobi Onesíforo nue anmar-bendaksa-gusad. 
\c 2  
\s1 Jesucristoga-yeer-arbaed-dule 
\p  
\v 1 Timoteo, be an-machi, Cristo-Jesús nabir anmargi binsae-wilubsulinad, degite, Cristo-Jesúsgi nabir anmargi binsasad, agi be gatik ganguo.  
\v 2 Igi dulemar-bukidar-abargi emar-odurdak be an-itosa, deyob be dulemar-Bab-igargi-nue-inikii-nanadimalad-odurdakmogoed, adi amar nabir baigan-odurdakmarmogagar. 
\p  
\v 3 Be Jesucristoga-nued-arbaed-dulesoggu, naibi-itoged-abargi be gudiid, mer be bai itogoed.  
\v 4 Dule sordaga-guedi, geg dulemar-yogsaar-gudimalad-igarba apurnai-gued, ar ade e-dummad-sogedbarbi gudigubied, e-dummad yeer-ito imakegar.  
\v 5 Deginbali, dule-dodomalad na bengunanair geg emargi nakwed, dodolenaid-igar-maidba dasulir.  
\v 6 Dule-nainugi-arbaed, sapi-durba gunbiele, bina arbagweler-gebed.  
\v 7 Nue be binsao, an-bega-ibmar-soged. We an-bega-ibmar-soged, Bab Dummad ibmar-magasaila mag-ito be-imakoed. 
\p  
\v 8 Be insao, Jesucristo, David-wagwa, burgwisgu, gannar durgusad. We-gaya-burba-nuedgi an sunmakdiid.  
\v 9 We-Bab-Dummad-gaya-burbagi an sunmakdiid-ular an naibid itodisunnad, dule-iskana neg-ichodiidyob an eskoro-dubgi edilles-gusad. Ar Bab-Dummad-gaya-burbadi gwen edillegosurguoed, bur-bule nasgumai-guoed.  
\v 10 Degisoggu, Bab-Dummad-dulemar-abonogoye-sogsad-sabed-ular, an wiledisunnad, igi-barsaye an sogdisunnad, adi amar nabir Cristo-Jesúsgi abonoleged-nikumarmogagar, degine, adi degi-sadegu e-nug odummoledii-gubaligar. 
\p  
\v 11 Ar we napiragwad sogleged: 
\q1 Ar anmar Cristoba burgwisale, 
\q1 anmar eba dula megbaloed. 
\q1  
\v 12 Anmar Jesúsba naibigued itosale, 
\q1 Jesús-na-neg-gaoedba anmar eba neg gamarmogoed. 
\q1 Ar anmar Jesús-osulosale, 
\q1 Jesús anmar-osulomogoed. 
\q1  
\v 13 Anmar Jesúsga inikii nanasurmalale, 
\q1 ar Jesúsdi anmarga galakuosulid. 
\q1 Ar Bab-Jesúsdi geg na dukin osuloged. 
\s1 Dule-arbaed-nued igi nanae-wilubbi 
\p  
\v 14 We-ibmar an-bega-sogsiid, Bab-Dummad-asabin dulemar-baiganga be nue sogmogo: Mer na be binsa gayagi abin-abin imakmaloye. Ar ade we-ibmardi anmar-bendakosulid, ar igar nabiridsulid, binsa dulemar-baigan-be-itobukmalad-ichogedid. 
\p  
\v 15 Be-arbaedgi gatik nue arbanai be sae, adi be nued-arbasadba Bab Dummad yeer be-dakegar. Bab-Dummad-gaya-burba-napiragwad nued be dulemarga odulogedba be-arbaedgi be bingegugwichi-guosulid.  
\v 16 Galagwensuli binsa ee sunmaklemaladba mer be dao, ar degi-sunmaklemalad Bab Dummadgi dulemar obanguega imakde-damalad.  
\v 17 Ar e-odurdakdiid, boni dule-san-gunnaid-malemaiyob gued. Himeneo, degine, Fileto, dule-degimaladid.  
\v 18 Amar Bab-Jesús-igar-napiragwad-maidgi bangudmalad. Wemar-warbogwad sogmalad, dulemar-gannar-durguleged-iba bato nasye. Degisoggu, gwenadgan-Bab-Jesúsba-nanaimalad gwenna-gwenna e-binsaed gadisundo.  
\v 19 Ar Bab Dummad na e-igar-mesisad geg na ogwaed, ar weyob anmarga oyomaid: 
\q1 Bab Dummad na wisid 
\q1 doamar na e-sordamala. 
\qr Nm. 16:5 
\m Degine, bela dulemar-Cristoba-naimaladi, iskuedgi banguer-gebed. 
\p  
\v 20 Ar neg-dummagangi unnila or-batebi, degine, mani-batebi niksulid, suar-bate, degi, napa-bate nikbalid. Amar-bate gwenna-gwenna iba-gualirginbi ebuleged, baigandi bane-bane ebuleged.  
\v 21 Degisoggu, ar Bab Dummadga ibmar-nuedga be gubiele, ibmar-iskanagi be banguer-gebed, gwage-swilidik na be imaker-gebed, geb degi Bab Dummadga ibmar-nuedga be gunonikoed, degi, geb be guagwar gudiguoed bela ibmar-nuegan imakegar. 
\p  
\v 22 Ibmar-galagwensuli sapingana-ichomaladgi be bangusun. Degine, igar-inikii imaklegedba, Jesúsgi-bensulidba, sabguedba, degine, ulubgi-bogidik-itogedba, be nanadii imaksun. Dulemar-gwage-swilidikidgi-Bab-Dummadse-gordimaladba, be alamaknai-gumosun.  
\v 23 Mer binsa galagwensuli-na-abin-abin-imakmalad be itogo, ar be wisid, we degimalad, urwedga gud-daed.  
\v 24 Ar dule-Bab-Dummad-maiga-guedi dulemar-baigan-ebo abin-abin imaknai-gue-wilubsulid. Suli, degisuli. Ar bela, dulemar-baigangi be binsaoed, degine, nued emar-odurdakbaloed, deginbali, na san-bargaakwaa nanabaloed.  
\v 25 Degine, dule-begi-gwisgudimaladga binnalee be sunmakoed, ar abakalegi Bab Dummad a-dule-e-gwage ogwaalile, adi a-dule igar-napiragwad amiarmogale,  
\v 26 adi nabir nia-sailagi wakinnalile, ar ade nia e-daed ganikid. 
\c 3  
\s1 Neg-dukumosar, dulemar igi gudamaloe 
\p  
\v 1 Deginbali, we-igargan be wisgubalir-gebed: Neg-dukumosale, iba-bulegan nagunonikoed.  
\v 2 Ar ade dulemar na dukin e-sanginbi binsamalad nonikoed, maniginbi binsamalad, sunmakedgi na san-dummarba samalad, na dukin san-ogannomalad, Bab Dummadgi dodoar-sunmakmalad, e-babgan-sogedba-dasurmalad, dule ega ibmar imaksar dog-nuedye gwen sogsurmalad, degi, Bab-Dummadgi-gwen-binsasurmalad,  
\v 3 degi, dule-sabed-gwen-niksurmalad, dulemar egi yolesar, geg na san bargamalad, gadi gakan-berbemalad, wichur-na-san-bargamalad, sabsur-aimar-imakmalad, degine, ibmar-nuegan-istar-dakmalad.  
\v 4 Degine, na-e-aimargi-na-dukin-aibinmalad, dake-dakesur-ibmar-imakmalad, na-dukin-na-san-dummarba-na-itomalad, unnila bur-bule na dukin san-yeer-itogedgi binsamalad, Bab-Dummadgindi-binsaosurmalad-dulemar.  
\v 5 Yamo Bab-Dummad-igar-maidba-daeyob damalad, ar surdo, Bab Dummad igar-nued-gangueddi gwen e-ogwassurmardo. 
\p A-dulemarba mer be akao.  
\v 6 Ar we-dulemar negaya-negaya doge-doge gunonimaloed, omegan-baisursunna-binsaed-galemalad, unnila iskuedginbi-nanadimalad, degine, galagwensuli-bina-gutuu-damalad beedse yardaknonimaloed.  
\v 7 Ar amar-omegan, ibmar-durdakdimalan-inigwele, gege igar-napiragwad-maid durdakmalad.  
\v 8 Ar igi Janes, Jambres-ebogwa, Moisés-abin-gwisgusmala, abayobi amarde igar-napiragwadgi gwisgudimarmogad. We-dulemar-e-binsaed nue iskus-gudimalad, Jesúsgi-bensulid-igar, igar-iskanaga imaksamarsunnad.  
\v 9 Ar amar-e-igardi gwen nasguosurmalad, ar e-igar-noaled magarba dakdamaloed, ar igi Janes, Jambres-ebo, e-igar-noaled Moisés-e-ibagangi magar daksamala, deyob wemar-igar-noaled magar dakdamarmogoed. 
\s1 Pablo napi Timoteo-unasad 
\p  
\v 10 Timoteo, nue be wisid igi dulemar an odurdaksa, degine, nue be wisbalid, an-daed, ibiga deyob an gudii, an Jesúsgi-bensulid, an baisur-ibmar-itoged, an sabgued, degine, gwae-gwae an itosulid.  
\v 11 Deginbali, nue be wisbalid dulemar an-baregindiid, an-solegagwar-naibi-itodiid, degine, igi Antioquíagi, Iconiogi, degi, Listragi an gusad. Ise-baregillear an wilesad, Bab Dummaddi bela amargi an-abonosad.  
\v 12 Ar deginbali, bela dulemar Cristo-Jesúsgi nue-islimakar nanabimaladga, solegagwar-naibi-itoged-igar ega nue maibalid.  
\v 13 Dule-iskanamardi, dulemar-yardakdimaladdi aka-bur-bule iskumai-gudoed. Dulemar-yardakdii, degine, na dukin yardakledii-gudmaloed. 
\p  
\v 14 Bedina, ar ibmar-be-durdaksadba gatik nanao, igi nabir be itosa, ar be wisid, doa be-odurdaksad.  
\v 15 Ar bato be bipigwaunni Bab-Dummad-Garda-swilidik-maid be wisi-gudiid, ar a-igarde sunna ibmar-wisii igar-abonolegedsik be imaked, Cristo-Jesúsgi-bensuli-guedgi. 
\p  
\v 16 Bab-Dummad-Garda-narmakar-maid bela Bab-Dummad-sogedba narmaklesad. Bab-Dummad-Garda ib-nuedid, dulemar-odurdakegar, dulemarga sabsur ibmar-sogegar, dulemar-unaegar, degi, igar-inikigwadgi dulemar-odurdakegar,  
\v 17 adi Bab-Dummad-sorda nabir nuedgi, bela guagwar nabir ibmar-nueganbi imakdii-guegar. 
\c 4  
\s1 Bab-Dummad-igargi gatik sunmako 
\p  
\v 1 Bab-Jesucristo-asabin, we-napnegse neg-dakegala na gannar danikoed, adi dule-burgwismalad, degi, dula-gudidimaladga igar-itogegar, degine, Bab-Dummad-asabin, an bega soged:  
\v 2 Gatik Bab-Dummad-gaya-burbagi nue be sunmako. Dulemar be-itobi-dibe, dulemar be-itobisurbar-dibe, amba ega be sunmakoed. Be nue-itoakwaa ibmar-sogedgi, degi, Bab-igarba nue odurdakedgi, be dulemar-odurdakoed, adi bur-nuekwaa Bab-igargi nanamalagar, degi, mer noar bar nanamalagar, degine, gwenadgan nue be unabaloed, adi Bab-Jesúsba bur-bule nagumalagar. 
\p  
\v 3 Ar ibagan-danikoed, Bab-Jesús-igar-nued-maid gwen itobisur-gudamaloed, unnila e-itogedba nanadmaloed. Amar bukidar na e-odurdaked-amidmaloed, adina unnila e-ibmar-itobiedbi ega sogegar.  
\v 4 Amar degisoggu, igar-napiragwadgi bangudmaloed, unnila igar-sergan-binsarmaladbi itobi-gudamaloed.  
\v 5 Timoteo, bedina, binsaed-nueganginbi binsadii na be sae, naibid mer bai be itogoed, gatik Bab-Jesús-gaya-burba-nuedgi sunmakdii be saoed, gatik a-igargi be nue arbaoed. 
\p  
\v 6 Ar angardi bato an-oburgwileged-ibagandi warmakdanikid, an-begi-bangued-ibagandi omosad.  
\v 7 Urwed-nuedgi yeer igar-nueganbina an urwedii-gusad, an-arbaeddi an obelosad, Bab-Jesúsgi-bensulidgi gwen an galakussulid.  
\v 8 Degisoggu, emigindi dule-inikii-ibmar-imakmaladga olo-gurgin-nued-ukleged anga sabolesisunnad. Bab-Jesús, igar-naboged-napiragwad, gannar danikoed, a-ibagangi anga olo-gurgin ukoed, unnila angarbisulid, Bab-Jesús olo-gurgin amba ukmogoed, dulemar yeer-itogedgi e-gannar-danikoed edarbedimarmogadgar. 
\s1 Pablo Timoteoga sogsagusad, ega ibmar imakegar 
\p  
\v 9 Timoteo, gwae-gwaesaar anse be daged saoed.  
\v 10 Demas we-napneg-naid-ibmarbina bur-nue sogsoggu, an-meted, Tesalónicase naded. Crescentedi Galacia-yalaganba nadmogad, degi, Titodi Dalmaciase naded.  
\v 11 Unnila Lucasbi an-walik gudiid. Be anse alir, Marcos be nidago, ar ade sunna an-arbaedgi an-bendakoed.  
\v 12 Tíquicodi Efeso-neggweburse an barmisad. 
\p  
\v 13 Be anse alile, Troasgi an-suba, Carpo-neggi an obesad, be anga sedago. Gardamar anga sedabalo, bur mer be ieged sao, gardamar-bipirmakaled-maid. 
\p  
\v 14 Alejandro, esnongi-ibmar-sobed, beedse angi yoledii, an-ichodii-gusad. Degisoggu, Bab Dummad na-e-sogedba a-dule na-e-ibmar-imaksadba sabsur odurdakena-gadin.  
\v 15 Degisoggu, a-dulegi nue salakar, ar ade anmar-gaya-burba-nued-sunmakdiidgi nue-dummad yolediid. 
\p  
\v 16 Gebe dummagan anga igar-itoarmargu, amar-asabin na sana walagwen na san bendaksad, dule gwen an-bendaksasulid, bela angi bangud-gusmalad. Bab Dummad a-dulemar degi-gusasuliyob dakena-gadin.  
\v 17 Ar Bab-Jesúsdi an-metesulid, an-bendaksad, degine, an-ogannosbalid. Degisoggu, aga nabir Bab-Jesúsgi-abonoleged-igargi an sunmaksad, adi bela Judiosurmalad a-igar itomarmogagar. A-ulale, nabir Bab-Jesús burgwedgi an-abonosad.  
\v 18 Degine, Bab Dummad bela ibmar-iskana-birgi an-bendakoed, na E-neg-dakmaidse nuedgi ase an-odogoed. Degisoggu, Bab-Dummad-nug ogannomarsun, degi-sadegu gusun. Ar deyobdo. 
\p  
\v 19 Priscila, degi, Aquila, degine, Onesíforo-e-neg-yaurginmalad, bela bemar nueganbimar sogeye ega be sogoed.  
\v 20 Erastodi Corintogi besad, Trófimodi, Miletogi uele an obesad.  
\v 21 Di-wied-nii-iduar be daged-saoed. Gwenadgan Eubulo, Pudente, Lino, Claudia, degine, bela gwenadgan-baiganmo, bemargi binsadimalad. 
\p  
\v 22 Dummad-Jesucristo be-burbaba gudiguoed. Bab Dummad bitigi nued bemargi binsamalana-gadin. Be itogua.