\id ZEP - Kuna, San Blas - Bible -Panama 2014 (DBL -2014) 
\h Sofonías 
\toc1 Sofonías-Garda 
\toc2 Sofonías 
\toc3 So 
\mt1 SOFONÍAS-GARDA 
\mt2 SOFONÍAS 
\imt2 GEBE-SOGLENAID 
\imt1 Garda-nug 
\ip \it Sofonías-Garda.\it* Sofonías, Nahúm-ibagangi, degi, Habacuc-ibagangi, Bab-Dummad-gayaburba-barsogedga mai gusmogad. \it Odukulesadye,\it* Sofonías-nug obarileged. 
\is1 Sofonías-Gardagi weyob sunmaklenaid 
\ip Sofoníasʼgi binsaleged, Bab-Dummad, Rey-Manasés-ibagangi Sofonías-odukusye. 
\ip Judá-e-rey-Josías-ibagangi, Sofonías, Bab-gayaburbagi sunmakdii gusad. Deun, Rey-Josías Judá-yargi, degi, Jerusalén-neggweburgi, bab-dummagan-bamalad-e-wilub-gwigwichid obelosad. E-ailamar, degi, ese-goled-negmar obelosbalid. Bab-Jehová-Igar-Maid-Garda amilesbalid. A-ular, Rey-Josías, Jerusalén-neggweburgi Bab-Dummadse-goled-e-igargan nudaksa gusad. 
\ip We-gardagine, weyob ilemakar sunmaklenaid: 
\io1 1. Bab-Jehová-Sabsur-Urwoed-E-Iba (1:1-18). 
\io1 2. Dulemar-yar-baid-baidgi-bukwamalad sabsur-odurdaklemaloed (2:1-15). 
\io1 3. Jerusalén-dulemar-e-isgusad, degi, e-bendaklenonikoed (3:1-20). 
\ip Be itogua. 
\c 1  
\ms1 1. BAB-JEHOVÁ-SABSUR-URWOED-E-IBA 
\mr (1:1-18) 
\p  
\v 1 We, Bab-Jehová-e-gayaburbad. Amón-machi-Josías, Judá-yargi-reyga-maiunni, Bab-Jehová we-gayaburba Cusi-machi-Sofoníasʼga sognonigusad. Sofoníasʼde Gedalías-wagwad, Amarías-wagwa-yokorginedid, degi, Ezequías-wagwa-daksikidid. 
\s1 Neg-bergued-danikoed iduakwaa owisolenaid 
\p  
\v 2 Bab-Jehová soged: 
\q1 “We-napneggi bela ibmar-bukwadi, an obelogoed. 
\q2  
\v 3 Dulemar-bukwadi, ibdurgan-bukwadi, an obelogoed. 
\q1 Sikwimar-gukudimaladi, uamar-gudimaladi, an obelogoed. 
\q2 Bab-dummadyob-ibmar-imakledimalad, an obelogoed, 
\q1 dule-isganamar, an obelogoed. 
\q2 Dule-we-napneggi-gudiid, an obelogoed.” 
\p Bab-Jehová deyob soged. 
\s1 Judá-dulemar sabsur-odurdaklenonikoed 
\p  
\v 4 Bab-Jehová sogbalid: 
\q1 “Judá-yarginmalad an sabsur-odurdakoed, 
\q2 bela Jerusalénʼgi-gudimalad an sabsur-odurdakoed. 
\q1 Jerusalénʼgi ibmar-Baal-bab-dummadyob-imaklediidi, an bela obelogoed. 
\q2 Dule-Baalʼga-arbadimalad-e-nug, an obelogoed. 
\q2 Dule-irwa-Baalʼse-gormalad-e-nugse-bakale, an obelogoed. 
\q1  
\v 5 Dulemar na e-neg-niba niisgwamar-nug-odummogega, 
\q2 niisgwamar-asabin-sindigar-sigmalad, an obelogoed. 
\q1 Dulemar, sindigar-sii an-nuggi ise-sogar-ibmar-sognaid, 
\q2 degi, bab-Milcom ise-sogar-ibmar-sognaidamarbalid, an obelogoed. 
\q1  
\v 6 Dulemar-angi-bangudmalad, 
\q2 degi, an amisurmarbalid, 
\q2 degi, anse idaksurmarbalid, an obelogoed.” 
\b  
\q1  
\v 7 Bab-Jehová-Bur-Gandik-Maid-asabin bogidik sigmalo, 
\q2 ar Bab-Jehová-e-iba bato mosad. 
\q1 Bab-Jehová ibmar-ogumakar-ukleged guakwaa urbisad, 
\q2 ese-dagega-gorlesmaladi swilidik imaklesmalad. 
\p  
\v 8 Bab-Jehová sogbalid: 
\q1 “Anga-ibmar-uklegoed-e-ibagi, 
\q1 dule-dummaganga-mamaid, an sabsur-odurdakoed, 
\q2 rey-masmala, an sabsur-odurdakoed. 
\q1 Bela dulemar dule-ainebalidyob-mor-yomalad, an sabsur-odurdakoed. 
\q2  
\v 9 A-ibagine, anse-goled-neg-yawagak-dogedgi nag-obiar-dogmaladi, an sabsur-odurdakoed. 
\q1 Dulemar, emar-sabsur-imakedba e-bab-dummagan-neg ibmar-enasii-imakdimalad, an sabsur-odurdakoed. 
\q2 Emar-yardakedba e-bab-dummagan-neg ibmar-enasii-imakdimalad, an sabsur-odurdakoed.” 
\p  
\v 10 Bab-Jehová weyob sogbalid: 
\q1 “A-ibagine, Yawagak-Uaye-nugad-akale, dule-e-bendakega binnasuli-gornanai-gumaloedi, itolegoed. 
\q2 Neggwebur-binid-akale, dule-akiginmalad, itolegoed. 
\q2 Yarmar-mullugan-akale, wile-itogedba-binnasur-oimakmaladi, itolegoed. 
\b  
\q1  
\v 11 ”Mactesʼginmalad, binnasur be gormakmarmoga. 
\q2 Ar a-ibagine, dule-manigi-ibmar-ukmalad bergunonikoed. 
\q2 Mani-muchub-ibmar-ogwamalad bela burgwemaloed. 
\q1  
\v 12 A-ibagine, Jerusalén-neggweburgi gwallu-mee an imaknonikoed. 
\q2 Dulemar-vino-sabolebukwadyob dobsuli-bukwamalad, an sabsur-odurdakoed. 
\q1 We-dulemar binsamalad: 
\q1 ‘Bab-Jehová ibmar-nued imakosulid, 
\q2 ibmar-isgana imakosurbalid.’ 
\q1  
\v 13 A-ulale, ibmar-nuegan bela e-ibe sulegoed, 
\q2 e-negmar, bela swana naguoed. 
\q1 Neg-sobnanai-gumaloenad, 
\q2 degi-inigwele, egi gwen megosurmalad. 
\q1 Uva-dub digmaloenad, 
\q2 degi-inigwele, e-vinoʼdi gwen gobosurmalad.” 
\s1 Bab-Jehová-e-urwed-dummad-iba 
\q1  
\v 14 “Bab-Jehová-e-urwed-dummad-iba bato walikgudanikid, 
\q2 a-iba gwae-gwae modanikid. 
\q1 Bab-Jehová-e-urwed-dummad-ibagine, sabsur-gormaknanai gumaloed. 
\q2 Dule-buledse-bakale, binnasuli-gornai guoed. 
\q1  
\v 15 A-iba, urwed-dummad-iba, naguoed. 
\q2 Wile-itoged-iba, surbinsa-itoged-iba, naguoed. 
\q1 Bela ibmar-bergued-iba, ibmar-bibisged-iba, naguoed. 
\q2 Negsichid-nagued-iba, neg-gudureged-iba, naguoed. 
\q1 Boo-bela-bela-babated-iba, mogirmar-sichigan-nagued-iba, naguoed. 
\q2  
\v 16 Gar-trompeta-goled-iba, bila-onogega oimaknanaigumaloed-iba, naguoed. 
\q1 A-ibagi, neggweburmar-sakdigar-bukwadgi-bila-ononaegala, igar uklegoed. 
\q2 Negmar-matusur-gwigwichidgi-urwenamalaga, igar uklegoed.” 
\p  
\v 17 Bab-Jehová soged: 
\q1 “Dulemar angi isgusmalad. 
\q2 A-ulale, bela-bela-surbinsa-itogega an imakoed. 
\q2 Ibyasuliyob gudii gumaloed.” 
\b  
\q1 E-ablis ukubyob milemai guoed. 
\q2 E-sanmar ibmar-isganayob milemamai guoed. 
\q1  
\v 18 Bab-Jehová-urwed-ibagi, 
\q2 e-mani gwen e-bendakosulid, 
\q2 e-or gwen e-bendakosurbalid. 
\q1 Bab-Jehová-e-sae-itogedbali, bela napneg-naid berguoed. 
\q2 Bela-dulemar-napneggi-gudidimalad, ilagwen-obelolegar ese imaklemaloed. 
\c 2  
\ms1 2. DULEMAR-YAR-BAID-BAIDGI-BUKWAMALAD SABSUR-ODURDAKLEMALOED 
\mr (2:1-15) 
\p  
\v 1 Geb ani an Sofonías sogded: 
\q1 “Dulemar-bingedsurmalad, 
\q2 be bulakwaa ambikudamala, 
\q2 Bab-Jehová-asabin na be san-bipii imakmala. 
\q1  
\v 2 Bab-Jehová-igi-neg-imakoye-sogsagusad-guoed-idu, 
\q1 be deyob na be san-bipii imakmala. 
\q2 A-iba, ar igi-gagan-dinnagana burwaba-seleder berguddae, 
\q2 deyobi bergudoed. 
\q1 Bab-Jehová-bela-bela-e-urwed bemargi-yoleged-idu, 
\q1 be bulakwaa ambikudamala. 
\q2 Bab-Jehová-e-urwed-iba bemargi-yoleged-idu, 
\q2 Bab-Jehová-asabin na be san-bipii imakmala. 
\q1  
\v 3 Napneggi bela na san-bipi-imakdimalad, 
\q1 Bab-Jehová amimala. 
\q2 Bab-Jehová-Igar-Maidba-gudidimalad, 
\q2 Bab-Jehová amimala. 
\q1 Igar-inniki-imaked be amimala, san-bipi-imaked be amimala, 
\q2 abakalegi, Bab-Jehová-e-urwed-ibagi, 
\q2 na be dukued amiarmalale.” 
\s1 Filistea-dulemar sabsur-odurdaklegoed 
\q1  
\v 4 Gaza-neggwebur dule-sate guoed, 
\q2 Ascalón-neggwebur napabi-nai guoed. 
\q1 Asdod-neggweburgi-dulemar-bukwadi, 
\q1 ibginedbali onilegoed. 
\q2 Ecrón-neggwebur bela swiri naguoed. 
\q1  
\v 5 Demar-gakaba-bukwamalad-Cereteo-dorgan, 
\q2 ¡be duledar-wilesmar! 
\q1 Filistea-dulemar-e-yar-Canaán, 
\q2 Bab-Jehová weyob be-annik soged: 
\b  
\q1 “An be-oberguoed, 
\q2 begi dulemar bar gudii an imakosulid.” 
\b  
\q1  
\v 6 Bela-demar-gakagi-neg-naidi gaganga binyoed. 
\q2 Agi dulemar sibad-wawaad-akwedii gumaloed. 
\q2 A-neg-naidi sibad-wawaadmar-bukuega naguoed. 
\q1  
\v 7 A-neg-naidi, Judá-dulemar-napi-besmaladgadga guoed, 
\q2 agi e-sibad-wawaadmar gagan-madii guoed. 
\q1 Mutikgusale, Ascalón-neggwebur-e-negmargi 
\q2 gabnonimaloed. 
\q1 E-Bab-Dummad-Jehová 
\q2 amar-bendakega ese nonikoed. 
\q1 E-dulemar-galesbukwad, 
\q2 gannar e-yarse dagega imakoed. 
\s1 Moab-dulemar, degi, Amón-dulemar sabsur-odurdaklegoed 
\p  
\v 8 Bab-Jehová soged: 
\q1 “Moab-dulemar an-dulamargi-isdar-sunmaknanaigusad an itosad. 
\q2 Amón-dulemar an-dulamargi-dodonanaigusad an itosbalid. 
\q1 We-dulemar, an-dulamar-nug oichosmalad, 
\q2 an-dulamar-ibe e-yar-naid susmalad. 
\q1  
\v 9 A-ulale, ani Israel-e-Bab-Dummad-Jehová-Bela-Gangued-Nikad soged: 
\q1 An na dukin ise-sogar soged, Moab-yar, 
\q1 Sodoma-yaryob gunonikoed, 
\q2 Amón-dulemar, Gomorra-dulemaryob gunonimarmogoed. 
\q1 E-napaneg ikobiin nagunonikoed, balu-negga gunonikoed, 
\q2 degisadegu napabi-nai guoed. 
\q1 An-dulamar-napi-besmaladi, a-dulemar-ibe ibmar sumaloed. 
\q2 An-dulamar-dula-bemaloedi, 
\q2 a-dulemar-napaneg egadga imaknonimaloed.” 
\b  
\q1  
\v 10 Moab-dulemar, degi, Amón-dulemar, 
\q2 na san-dummarba-imaksad-ulale, deyob gunonimaloed. 
\q1 Bab-Jehová-Bela-Gangued-Nikad-e-dulamargi-isdar-sunmaksad-ular, deyob gunonimaloed. 
\q2 Bab-Jehová-Bela-Gangued-Nikad-e-dulamar-isdar-daksad-ular, deyob gunonimaloed. 
\q1  
\v 11 Bab-Jehová, amar-sabsur-odurdakoed. 
\q2 Bela napneggi ibmar-bab-dummadga-imakledimaladi, obelogoed. 
\q1 Deyobi, bela dulemar-we-napneg-ugakaase-bukmaladi, 
\q2 na e-yar-e-yargi Bab-Jehová-asabin sindigar sigmaloed. 
\s1 Etiopía-dulemar sabsur-odurdaklegoed 
\q1  
\v 12 Bemar Etiopía-dulemar, 
\q2 Bab-Jehová-e-es-suidse be oburgwilemarmogoed. 
\s1 Asiria-dulemar sabsur-odurdaklegoed 
\q1  
\v 13 Bab-Jehová na e-argan dad-nakwed-argan-sapiledsik oyodoed, 
\q2 Asiria-dulemar-obelogoed. 
\q1 Napabi-swanga Nínive-neggwebur nasikoed, 
\q2 nega-dulesulidgan-dinnagwadyob nasikoed. 
\q1  
\v 14 Agi sibad-wawaadmar obunnomamai guoed, 
\q2 bela-ibdurgan-ursirmar egi gudii guoed. 
\q1 E-buarmargi, mutikidbali 
\q2 gorgimar, dabgalamar, gabdidii gumaloed. 
\q1 Irmon yawagak-seniganaba gorsii guoed. 
\q2 Sikwisichid yawagak-dogedgi gorsii guoed, 
\q2 urwar nagubirga-mamaid magar-dakle megoed. 
\q1  
\v 15 Weyobi Nínive-neggwebur-na-gannarba-imakdiid, 
\q2 na gwen-dulemar e-akar-imakosuli-itodiid, gunonikoed. 
\q1 Na e-dulemar sogdimalad: 
\q2 “Anmar-neggweburyobid, baid-neggwebur sate.” 
\q1 Ibiyobi swanga nagunoniki, 
\q2 ibdurgan-ursirmalad-e-galuga gunonikid. 
\q1 Bela dulemar e-dikarba-nasmaloed, 
\q2 egi dododmaloed, argan-olole egi oyonanai gumaloed. 
\c 3  
\ms1 3. JERUSALÉN-DULEMAR-E-ISGUSAD, DEGI, E-BENDAKLENONIKOED 
\mr (3:1-20) 
\s1 Jerusalén-e-isgusad 
\q1  
\v 1 Neggwebur-emar-sabsur-imaksiid, 
\q2 uayasuli-siid, nue-isgussiid. ¡Be duledar-wiles! 
\b  
\q1  
\v 2 Dule-ega-binsaed-daked itosulid, 
\q2 nabir-gudiguega ega-ibmar-soged, abesulid. 
\q1 We-dulemar Bab-Jehová-bened, 
\q2 e-Bab-Dummad amisulid. 
\q1  
\v 3 We-neggweburgi dule-dummagan-negsedimaladi, 
\q2 achumigur-nono-wawaad-uurmakdiiyob gudimalad. 
\q1 E-negsedimalad, igi achu-sapur-burburud mutikidba mas-gasale, 
\q2 gwen banedga mas sabosuli, deyobi damalad. 
\q1  
\v 4 E-Bab-Dummad-gayaburba-barsogmalad, na san-dummarba-imakmaladid, 
\q2 emar-yardakmaladid. 
\q1 E-dule-irwa-Bab-Dummadse-gormalad, neg-islidikidi oichodimalad. 
\q2 Bab-Jehová-Igar-Mamaidgi annadimalad. 
\q1  
\v 5 Dule, Bab-Jehová-e-dulamar-abargi-gudiiddi, 
\q2 igar-inniki-imakedid, ibmar-isgana imaksulid. 
\q1 Bane-bane wakudaryalaba e-igar-inniki-imaked imakdiid, 
\q2 bangi-oibosale, geg imaksuli gued. 
\q2 Dule-isganadina, gwen binged itosulid. 
\p  
\v 6 Bab-Jehová soged: 
\q1 “Dule-yar-baid-baidgi-bukwamalad an obelosad, 
\q2 e-neg-matusurmalad an earisad. 
\q1 E-neg-imbamar dule-sate an imaksad, 
\q2 gwen bar dulemar egi nanasulid. 
\q1 E-neggweburmar napabi nagusad, 
\q2 e-dulemar bela girgusad. 
\q1  
\v 7 An binsanaigualid: 
\q2 ‘Jerusalén-dulemardi an-dobguoergebye, 
\q2 anba ibsaoergebye.’ 
\q1 Adi, deyobi, an e-neg-bukwadse ataknadele, 
\q2 e-negmar an oberguosurye. 
\q1 Degi-inigwele, aka Jerusalén-dulemar bur 
\q2 gwae-gwae ibmar-isgana-imakde gusmalad.” 
\p  
\v 8 Agala, Bab-Jehová soged: 
\q1 “Degisoggu, an-bemargi-yolegega-danikoed-ibagi 
\q2 be an-abitomalo. 
\q1 Ar dule-yar-baid-baidgi-bukwamalad-onmakega an imaksokalid, 
\q2 bela-neg-selemamaid-atoega an imaksokalid, 
\q1 adi, an-bela-bela-sae-itogedgi wemar sabsur-odurdakega, 
\q2 an-bela-bela-urwedgi wemar sabsur-odurdakegar. 
\q1 An uludele, an sooyob gued, 
\q2 anse bela napneg ogumaklegoed. 
\s1 Dule-napi-besmalad 
\q1  
\v 9 ”Bela Bab-Jehová-nug-odummomalaga, 
\q2 bela bulakwaa Bab-Jehováʼga arbamalaga, 
\q2 an dulemar-e-gwabinduku swilidik imakoed. 
\q1  
\v 10 Etiopía-diwarmargi dikasur-daksik-bukwamaladi, 
\q2 an-nug-odummodimaladi, an-dulamar-aisakis-bukwamaladi, 
\q2 anga ibmar-ukleged senonimaloed. 
\q1  
\v 11 A-ibagine, be angi-yoledigusadgine, 
\q2 bar be bingeguosulid. 
\q1 Be-abargi dule-na-san-dummarba-imakdiid, 
\q2 dule-na-nuga-nikadga-imakdiid, an obelogoed. 
\q1 Deyobi, an-yar-islidikidgi, 
\q2 bar na san-dummarba-imakdii guosulid. 
\q1  
\v 12 Be-abargi unnila dule-wileganabi, 
\q2 dule-na-san-dummarba-imaksurmaladbi, an obegoed. 
\q1 Wemar unnila Bab-Jehováʼgi 
\q2 bensurgudii gumaloed. 
\q1  
\v 13 Israel-dulemar-napi-bemaloedi, 
\q1 ibmar-isgana imakosurmalad, 
\q2 bar gakansaosurmalad, 
\q2 bar emar-yardakosurmarbalid. 
\q1 Unnila nuedgi mas-gundii, 
\q2 dobsulidgi obunnodii gumaloed.” 
\p  
\v 14 Ani an Sofonías bega sogmalad: 
\q1 “Sión-dulemar, weligwar-itogedba be iseed gormala, 
\q2 Israel-dulemar, nakwisadba be oimakmala. 
\q2 Jerusalén-dulemar, gwage-ulubgi be yeer-itomala, be wergumala. 
\q1  
\v 15 Bab-Jehová bar sabsur be-imakosulid, 
\q2 Bab-Jehová be-isdarmalad gannar sorsik-duurmakega imaksad. 
\q1 Israel-e-rey-Bab-Jehová, bemar-abargi gudiid. 
\q2 Bar be ibmar-isgana dobguosurmalad. 
\q1  
\v 16 A-ibagine, Jerusalén-dulemarga sogdemaloed: 
\q2 ‘Sión-dulemar mer be dobgumarye, gandik-imakmarye.’ 
\q1  
\v 17 Ar be-Bab-Dummad-Jehová bemar-abargi gudiid. 
\q2 Ar Bab-Jehová dule-bila-onoged-nakwisad gued. 
\q1 Ibamargineyobi, Bab-Jehová begi weligwar itogoed. 
\q2 Gannaryobi e-sabgued bega oyogoed, 
\q2  
\v 18 be-nuggine weligwaledba namakoed.” 
\p Bab-Jehová soged: 
\q1 “Wile-itogedgi an be-ollor-imakoed, 
\q2 ar we, bingedar-itoge be imaked. 
\q1  
\v 19 A-ibagine, an-sunnagwad 
\q2 dule-mesagwar-be-imakdimalad an obelogoed. 
\q1 Sibad-wawaad-yaku-yaku-nanaed an bendakoed. 
\q2 Sibad-wawaad-yoggus-gudiid gannar an sedagoed. 
\q1 Ibi-yarmargi be bingegudii gusmala, 
\q2 agi an be-nug-odummomaloed, 
\q2 agi nuga-nikamaladga an be-imakmaloed. 
\q1  
\v 20 A-ibagine, an bemar-senonikoed, 
\q2 an bemar-onmaknonikoed. 
\q1 An bemar-wagab, 
\q2 be-dule-galesbukmalad an gannar senonikile, 
\q1 bela dulemar-we-napneggi-bukwamalad-abargi, 
\q1 an be-nug-odummomaloed. 
\q2 Nuga-nikamaladga an be-imakmaloed.” 
\p Bab-Jehová deyob soged.