\id ZEC - Kuna, San Blas - Bible -Panama 2014 (DBL -2014) 
\h Zacarías 
\toc1 Zacarías-Garda 
\toc2 Zacarías 
\toc3 Za 
\mt1 ZACARÍAS-GARDA 
\mt2 ZACARÍAS 
\imt2 GEBE-SOGLENAID 
\imt1 Garda-nug 
\ip \it Zacarías-Garda.\it* Bab-Dummad-gayaburba-barsoged-Zacarías, Berequías-machid. E-dada, Iddoʼye nugad. Zacarías, Jerusalén-neggweburgi Bab-Dummad-gayaburba-barsogdii gusad. \it Bab-Jehová ebinsasye,\it* Zacarías-nug obarileged. 
\is1 Zacarías-Gardagi weyob sunmaklenaid 
\ip Zacarías, Bab-Dummad-gayaburba-barsoged-Hageo-ibagangi gudigusmogad. Zacarías, Hageo-sunmaked-balillasaale sunmaknaimogad. 
\ip Zacarías, Zorobabelʼba dule-gales-selesgusmalad-abargi gannar Jerusalén-neggweburse nonigusad. Zacarías bur bule negburgan-daksadgi sunmaknaid. We-negburgan-daksadgi dulemar-ogannonaid. Deginbali, Jerusalén-neggwebur-gannar-bukuoedgi, Bab-Dummadse-goled-neg-gannar-soblegoedgi, dulemar-e-isgusad-idualed-elilesadgi, degi, yoedse Mesías-negsenonikoedgi, sunmaknaibalid. 
\ip We-gardagine, weyob ilemakar sunmaklenaid: 
\io1 1. Bab-Jehováʼse-gannar-walikguega gorlenaid (1:1-6). 
\io1 2. Negburgan-daklesmalad (1:7–6:8). 
\io1 3. Josuéʼga ologurgin silesad (6:9-15). 
\io1 4. Mas-gunsulid-iba-sunsogedsulid (7:1-14). 
\io1 5. Bab-Jehová, Jerusalén-neggwebur-obinogoye soged (8:1-23). 
\io1 6. Dulemar-yar-baid-baidgi-bukwamalad sabsur-odurdaklegoed (9:1-8). 
\io1 7. Sión-e-rey-megnonikoed (9:9-17). 
\io1 8. Bab-Jehová, e-dulamar-ollor-imaknonikoed (10:1–11:3). 
\io1 9. Sibad-wawaad-edarbemalad-ebogwad (11:4-17). 
\io1 10. Jerusalén-neggwebur-ollorgunonikoed (12:1–13:9). 
\io1 11. Bab-Jehová, Jerusalén-dulemar-nakwega imakoed (14:1-21). 
\ip Be itogua. 
\c 1  
\ms1 1. BAB-JEHOVÁʼSE-GANNAR-WALIKGUEGA GORLENAID 
\mr (1:1-6) 
\p  
\v 1 Rey-Darío birgabogus negsemaidgine, nii-walabaabakgine, Bab-Jehová Iddo-wagwa-Berequías-e-machi-Zacaríasʼga weyob sunmaknonikid: 
\p  
\v 2 “Ani Bab-Jehová be-dadgangi bela-bela urwemai gusad.  
\v 3 Degisoggu, dulemarga be sogo, Bab-Jehová-Bela-Gangued-Nikad weyob sogye: 
\q1 ‘Be gannar an-amimala, 
\q2 geb, an gannar bemarba gudii saoed.’ ” 
\p  
\v 4 Bab-Jehová-Bela-Gangued-Nikad weyob soged: 
\q1 “Mer be be-dadgan-gudigusmaladyob gumala. 
\q2 Be-dadgangala Bab-Dummad-gayaburba-barsogmalad, 
\q2 Bab-Dummad-Bela-Gangued-Nikad weyob sogye sogsamalanad: 
\q1 ‘Mer bar galagwensuli-gudii gumarye. 
\q2 Mer bar ibmar-isgana imakmarye.’ 
\q1 Degi-inigwele, gwen anba ibsassurmalad, 
\q2 gwen an-itossurmalad.” 
\p  
\v 5 Bab-Jehová sogdebalid: 
\q1 “Emide, be-dadgan, ¿bia nadmala? 
\q2 ¿Ar an-gayaburba-barsogmalad amba dula-gudidimala? 
\q1  
\v 6 Ar an-maimar-an-gayaburba-barsogmaladga an-gayaburbamar, degi, an-igarmar-an-sogsagusadi, 
\q2 ¿be-dadgangi deyob gunonisursi? Deyob gunoniki.” 
\p A-ulale, be-dadgan gannar Bab-Jehová-aminonimalad, geb weyob sogsamalad: “Ar anmar-daedbali, degi, anmar-ibmar-imakedbali, na igi Bab-Dummad-Bela-Gangued-Nikad anmar-imakoye sogsa-gusa, deyobi anmar-imaksad.” 
\ms1 2. NEGBURGAN-DAKLESMALAD 
\mr (1:7–6:8) 
\s1 Sapimar-arrayánʼye-nugad-abargi, dule-wargwen gudiid 
\p  
\v 7 Rey-Darío-birgabogus-negsemaidgi, nii-warambe-gakagwensakgi, nii-Sebatʼye-bilegedgi, a-iba-dulagwen-gakabakegi, Bab-Jehová, e-gayaburba-barsoged-Zacaríasʼga gabgine ibmar oyosad. Zacaríasʼde Iddo-wagwad, Berequías-e-machid. 
\p  
\v 8 Ani Zacarías mutikidbali negburgan dakalid. Dule-gwensak moli-gisigwad-birgi-sii-daniki an dakalid. We-dule, neba-naidgi, sapimar-arrayánʼye-nugad-imbaba nagunonikid. We-dule-yarganbali dulemar-bukidar molimar-gisigwad-birgi-sii, molimar-goro-goro-dakleged-birgi-sii, degi, molimar-sipugwad-birgi-sii an daksad.  
\v 9 Geb an dulese egichided: “Dummad, we-dulemar-moli-birgi-bukwamalad, ¿wede ibu obare?” Agine, baliwitur-anbo-sunmaknaid an-abin-imakded: “An bega sogoed, wede ibu obare.”  
\v 10 Dule-sapimar-arrayánʼye-nugad-imbaba-gwichid anga sogded: “Bab-Jehová we-dulemar-moli-birgi-bukwamaladi, bela we-napneggi-bipirmakega barmialid.” 
\p  
\v 11 Geb dulemar-moli-birgi-bukwamaladi Bab-Jehová-e-baliwitur-sapi-arrayánʼmarye-nugad-abargi-gwichidga sogdemalad: “Anmar bela we-napneggi bipirmaksad. Anmar napneg bogidik-nai daksamalad, bonisuli an daksamarbalid.” 
\p  
\v 12 Bab-Jehová-e-baliwitur weyob-itosgua, sogded: “Bab-Jehová-Bela-Gangued-Nikadye, birga-dulapaa-gakambegusa (70) be Jerusalén-dulemargi-urwedanikid, degi, be Judá-dulemargi-urwedanikid, ¿wede, we-neggweburmar be gannar wiledakega birgabigwa napi?” 
\p  
\v 13 Bab-Jehová, baliwitur-anga-sunmaknaidga nuekwaa sunmaksad, mer bukib-binsaed-gayaburba ega sogsad.  
\v 14 Geb baliwitur anga sogded: “Weyob be sogo: ‘Bab-Jehová-Bela-Gangued-Nikad weyob sogye: 
\q1 An bela-bela Sión-yar-sabedbali, an nue egi nobed. 
\q2 An bela-bela Jerusalén-neggwebur-sabedbali, an nue egi nobed. 
\q1  
\v 15 Ar dulemar-yar-baid-baidgi-bukwad-san-dummarba-imakdimaladgindi, an urwemaid. 
\q2 An bela-bela urwemaisulinad, 
\q2 ar emar bela-bela-an-ourwega an-imaksamalad. 
\b  
\q1  
\v 16 ” ’Degisoggu, Bab-Jehová weyob soged: 
\q2 An gannar Jerusalén-neggwebur wiledaknonikoed. 
\q1 Agine, anse-goled-neg gannar soblenonikoed, 
\q2 an gannar neggwebur nue-ilemaknai imakoed.’ ” 
\p Bab-Jehová-Bela-Gangued-Nikadi weyob soged:  
\v 17 “Aginbali, Bab-Jehová-Bela-Gangued-Nikad-e-nuggi be weyob sogbali: 
\q1 ‘Gannar an-neggweburmar ibmar-nuegan-nikuega an imakoed. 
\q2 Gannar Bab-Jehová Sión-yar-wiledaknonikoed. 
\q2 Gannar Jerusalén-neggwebur egadga imaknonikoed.’ ” 
\s1 Moli-bebemar, degi, dule-esgorogi-arbamalad 
\p  
\v 18 An niba-atakdegua, an-asabin walabake moli-bebemar nodaniki an daksad.  
\v 19 Geb an baliwitur-anbo-sunmaknaidsega egisded: “We-bebemarde, ¿ibu obare?” Baliwitur anga weyob sogded: “We-moli-bebemar reymar-gangued-nikamalad oyoged. We-reymar e-gangued-nikadbali Judá-dulemar, Israel-dulemar, degi, Jerusalén-dulemar-oaisakiega imaksamalad.” 
\p  
\v 20 Geb sorbali, Bab-Jehová anga walabake dule-esgorogi-arbamalad oyosad.  
\v 21 Geb Bab-Jehováʼse an egisded: “Wemardi, ¿ibu imakega danimala?” Geb Bab-Jehová anga sogded: “We-moli-bebemar, reymar-gargangued-nikamalad oyoged. We-reymar Judá-dulemar-oaisakiega imaksamalad. Dule-wargwensaale e-abin gwisgussulid. We-dule-esgorogi-arbamaladi, we-bebemar-walabakegwad ogwayega nonimalad. Deginbali, dulemar-yar-baid-baidgi-bukwamalad-e-gangued-nikad-obelogega nonimarbalid. Ar we-bebemar Judá-dulemar-oaisakis gusmalad.” 
\c 2  
\s1 Dule wilubsaed-dub ganikid 
\p  
\v 1 An niba atakdegua, dule-gwensak e-argangine wilubsaed-dub-ganiki an dakalid.  
\v 2 An a-dulese egisded: “¿Bia be nae?” Geb an-abin-imaksad: “An Jerusalén-neggwebur wilubsasokalid. An wisgubied, bule sugudibe, degi, bule matardungubardibe.” 
\p  
\v 3 We-baliwitur-anbogwa-sunmaknaid bato nasokalidgine, baliwitur-baid ese nonikid,  
\v 4 ega sogded: “We-sapingwaga gwae ega be weyob sognae: 
\q1 ‘Jerusalén-neggweburgi dule-bukidar ambikunonikoed, 
\q2 moli-bukidar ambikunonikoed. 
\q1 Jerusalén neggwebur-galu-matusulid-satedga gunonikoed.’ 
\b  
\q1  
\v 5 ”Bab-Jehová soged: ‘Jerusalén-neggweburgala an soo-galu-matusulidyob ebiris gunonikoed. 
\q2 An Jerusalén-neggweburga e-gangued-yeerdaklegedga gunonikoed.’ 
\b  
\q1  
\v 6 ”Bab-Jehová weyob soged: ‘¡Be nomala! ¡Be wakinmala! 
\q2 Yar-dad-nakwed-argan-sapiledsik-naidgi be nomala.’ 
\b  
\q1 ”Bab-Jehová weyob soged: ‘Ani an bela-we-napneg-ugakaase, 
\q2 bemar-oaisakiega imaksad.’ 
\p  
\v 7 ”Bemar Sión-dulemar, Babilonia-yargi-gudimalad, egi be nomala, egi be wakinmala.”  
\v 8 Ar Bab-Jehová-Bela-Gangued-Nikad, dule-yar-baid-baidgi-bukmalad-bemar-ibe-ibmar-susmaladga, weyob gandikidba ibmar-sogega an-barmialid: 
\q1 “Dule-bamalad an-dulamar-naibi-imakele, an-naibi-imaknaimogad. 
\q2  
\v 9 A-ulale, an-sunnad, an we-dulemargi gwisgunonikoed, 
\q2 e-maimar bela e-ibe ibmar atursanonimaloed.” 
\p Weyobi wisgunonimaloed, Bab-Jehová-Bela-Gangued-Nikad an-barmiarye.  
\v 10 Bab-Jehová weyob soged: 
\q1 “¡Sión-dulemar, weligwaledbali be gormakmala! 
\q2 ¡An bemar-abargi megnonikoed! 
\b  
\q1  
\v 11 ”A-ibagine, bukidar dule-yar-baid-baidgi-bukmalad anba nagumaloed. 
\q2 A-dulemar-bukidarad an-dulamarga gunonimaloed, 
\q2 a-dulemar-abargi an megnonikoed.” 
\p Deyobi, wisgunonimaloed, Bab-Jehová-Bela-Gangued-Nikad bemarse an-barmiarye.  
\v 12 Bab-Jehová yar-islidikid-naidgi Judá-yar na egadga imaknonikoed. Degine, Jerusalén-neggwebur gannar sunonibaloed. 
\p  
\v 13 Bela-dulemar Bab-Jehová-asabin bogidik ambikumala, ar Bab-Jehová e-neg-islidikidgi-maid-akar bato danikid. 
\c 3  
\s1 Dule-irwa-Babse-gormalad-e-dummad-e-mor-swilidikid 
\p  
\v 1 Geb degine, Bab-Jehová anga negburganbali dule-irwa-Bab-Dummadse-gormalad-e-dummad-Josué oyosad. Josué, Bab-Jehová-e-baliwitur-asabin-gwichi an daksad. Degine, nia-saila Josuéʼgi-yolegega Josué-e-argan-nuedsik-gwichi an daksad.  
\v 2 Geb agine, Bab-Jehová-e-baliwitur nia-saila-Satanásʼga sogded: 
\q1 “Satanás, Bab-Jehová bese sabsur-urwesun. 
\q2 ¡Bab-Jehová-Jerusalén-neggwebur-susad, bese sabsur-urwesun! 
\q1 ¡Nia-saila, Bab-Jehová bese sabsur-urwesun! 
\q2 ¡Satanás! Ar we-Josuéʼde, ¿sapan-gummakmai-sulesadyob bendaklessursi?” 
\p  
\v 3 Josué baliwitur-asabin mor-ollibi-yoi-gwichi an daksad.  
\v 4 Degisoggu, baliwitur dulemar-ega-ibmar-samalaga-guakwa-bukmaladga sogded: “Josué-mor-ollibi-yoid ega ungemar.” Geb Josuéʼgardi sogded: “Be dake, be-isgued an bega osulosad. Emigindi, mor-nuedi an bega yooed.” 
\p  
\v 5 Agine, baliwitur sogdebalid: “Josué-e-nonogine morgurgin-gutu-sated ega be sibali.” Bab-Jehová-e-baliwitur amba gwisgua, Josué-nonogi morgurgin-gutu-sated sismalad, mor-nued ega yosmarbalid.  
\v 6 Geb sorbali, Bab-Jehová-e-baliwitur Josuéʼga weyobi sogded:  
\v 7 “Bab-Jehová-Bela-Gangued-Nikadi weyob sogye: 
\q1 ‘Ar an-igar-maidba be nanadidibe, dule-irwa-anse-goled-ibmar-imaked be imakdidibe, 
\q2 anse-goled-neg-seega an be-imakoed, 
\q1 an-neg-imbamar-nanaid-dakega an be-imakbaloed. 
\q2 We-dulemar-anga-ibmarsamalad-abargi, be anga-arbaega an be-imakoed. 
\b  
\q1  
\v 8 ” ’Dule-irwa-Babse-goled-bur-dummad-Josué, nue be itogo. 
\q2 Be-sordagan-be-asabin-sigdimaladi, nue itomarmogo. 
\q1 Ar bemar yoedse-ibmar-guoed-wilubga gumalad. 
\q2 An-mai sapi-siklesad-gannar-ainieyobid an sedasokalid. 
\q1  
\v 9 Josué, an be-asabin akwa-sisad nue be dake. 
\q2 We-akwa wagar-gwagugle (7) nikad. 
\q1 An-sunnagwad an we-akwagi ibmar-soggwen narmakoed. 
\q1 Ani Bab-Jehová-Bela-Gangued-Nikad soged, 
\q2 We-yargi-bukmalad-e-isgued ibagwen-unni an elioed.’ 
\p  
\v 10 ”Bab-Jehová-Bela-Gangued-Nikad soged: ‘A-ibagine, uva-dub-urba-ambikumalaga, degi, sapi-higueraʼye-nugad-urba-ambikumalaga, bemar na be muchub-muchub be-neg-dikarba-mamaidse gormaloed.’ ” 
\c 4  
\s1 Gwallu-olobiid, degi, olivo-sapi-warbogwad 
\p  
\v 1 Geb baliwitur-anbo-sunmaknaidi anse gannar nonikid. Agine, ar igi-dule-gabmaile, odakledae, deyobi an-odaknonikid.  
\v 2 Geb anse egisded: “¿Ibu be dake?” An abin-sogded: “Gwallu-olo-sunnabiid-candelabroʼye-nugad an daked. Geb birgine, olivo-gwallu-siged-nika an dakbalid. Gwallu-olo-sunnabiid-birgine, gwallu-senigana gugle (7) siid. Degi, e-warmar gugle (7) nikabalid. A-warmarbali, olivo-gwallu ese warmaked.  
\v 3 Deginbali, gwallu-olo-sunnabiid-dikarbali olivo-sapi sarbo gwichibalid. Olivo-sapi-wargwen, gwallu-olo-sunnabiid-nuedsik gwichid, baiddina, argan-sapiledsik gwisbalid.” 
\p  
\v 4 Geb baliwitur-anbo-sunmaknaidse an egisded: “Dummad, wede, ¿bela ibu obare?”  
\v 5 Baliwitur anga sogded: “¿Ar be wissurde, we ibu-obare?” 
\p An ega sogded: “Dummad, an wissuli.”  
\v 6 Degisoggu, baliwitur anga sogdesunnad: “Bab-Jehová Zorobabelʼga weyob sunmaknaid: 
\q1 ‘Sordamar-bila-onogedginsulid, 
\q2 garganguedginsurbalid. 
\q1 Unnila An-Burbaba ibmar imaklegoed.’ 
\q2 Deyob, Bab-Jehová-Bela-Gangued-Nikad soged. 
\q1  
\v 7 Yar-dummad-siid, ¿ar na be doa-itosunna? 
\q2 ¡Ar be Zorobabel-asabinni unnila neba gued! 
\q1 Zorobabel akwa-nued begi ononai guoed. 
\q2 We akwa-yeerdakmaladba sognanai gumaloed: ‘¡Doggus yeerdakleye!’ ” 
\p  
\v 8 Geb sorbali, Bab-Jehová weyob anga sogded: 
\q1  
\v 9 “Zorobabel Babse-goled-neg-sobegala, akwasailamar urbisad. 
\q2 Na e-sunnad neg-sobnaid obelononikoed.” 
\p Deyobi, bemar wisgumaloed, Bab-Dummad-Bela-Gangued-Nikad bemarse an-barmiarye. 
\q1  
\v 10 Dulemar-gebesaila-ibmar-burwigan-imakledgu egi-bengusmaladi, 
\q2 Zorobabel e-argangi dubgi-gingwa-naid-gani dakarmalale, weligwar itodmaloed. 
\q1 We-gwallu-gwagugle-guedi (7), Bab-Jehová-e-ibya gued, 
\q2 bela neg-dirbir-naidgi nakulediid. 
\p  
\v 11 Geb baliwiturse an egisded: “We-olivo-sapi-warbogwad-gwichid, wargwen, gwallu-olo-sunnabiid-nuedsik-gwichid, baiddi, sapiledsik-gwichid, wede, ¿ibu obare?”  
\v 12 An baliwiturse egisdebalid: “Gwallu-e-war-olobiid-warbogwad-dikarba olivo-anagan-walabogwad-gwigwichid, agi e-gwallu iirmakmaid, wede, ¿ibu obarbali?” 
\p  
\v 13 Baliwitur an-abin-imakded: “¿Ar be wissurde, wede ibu-obare?” Geb an ega sogded: “Dummad, an wissuli.”  
\v 14 Geb baliwitur anga odulodsunnad: “We-olivo-sarbogwadi, dule-nug-imaklegarmaladid. Bab-Jehováʼga-arbaega, nug-imaklesmaladid. Ar Bab-Jehová, bela napaneg-naid-ibedid.” 
\c 5  
\s1 Garda-bipirmakaled-nabir-gukued 
\p  
\v 1 Gannar an niba atakdebargua, an negburgan dakarbalid. Garda-bipirmakaled gukumai an dakalid. 
\p  
\v 2 Baliwitur anse egisded: “¿Ibu be dake?” An abin-sogded: “Garda-bipirmakaled gukumai an daked. We-garda, daliatar sugue an daked. E-matardungueddi, dalibo-negabar dungue an daked.” 
\p  
\v 3 Geb baliwitur anga sogded: “We-be-dakedi, bela-napneg-ukabsalenaid be daked. Ar garda-wagar-soggwengi igi narmakar-nai, deyobi dule-atursaed bela ibitogoed. Ar garda-wagar-baidsik igi narmakar-nai, deyobi dule-gakansaar-ibmar-ise-sogar-soged ibitogoed.  
\v 4 Degisoggu, we-bonigan dule-atursaed-e-neggi-yolegega an barmialid, degi, dule-gakansaar-an-nuggi-sunmaked-e-neggi-yolegega an barmialid. We-bonigan we-negmar-yagi dogoed, degi, bela e-neg-nagubirmala, e-neg-akwamar, obelogoed. Bab-Dummad-Bela-Gangued-Nikad deyob soged.” 
\s1 Omegwa, mete-dummad-yagi siid 
\p  
\v 5 Geb degine, baliwitur-anbo-sunmaknaid nodegusad, geb anga sogded: “Niba be atake, ibmar-nodanikid nue be dake.” 
\p  
\v 6 Agine, an ese egisded: “Ar we, ¿ibua?” 
\p Geb an-abin-imaksad: “We, mete-dummadid, ibmar-gwag oaidikuegalad. We, bela dulemar-we-yargi-bukmalad-e-isgued-e-wilub gued.” 
\p  
\v 7 Geb degine, mete-dummad-edued-gingwabiid onakwismalad. We-mete-dummad-yagine ome-gwensak sii daklealid.  
\v 8 Agine, baliwitur anga sogded: “We-ome, isgued-e-wilub gued.” Geb baliwitur ome-mete-dummad-yagi-siidi gindiis imaksad. Geb edued-gingwabiidgi mete-dummad edunonikid. 
\p  
\v 9 Geb an niba atakdebargua, omegan-walabo burwaba gukudaniki an dakalid. E-sakanmar dabgala-e-sakanmaryob nikamalad. Geb a-omegan gukumai mete-dummad sesmalad. 
\p  
\v 10 Baliwitur-anbo-sunmaknaidse an egisded: “¿Bia we-mete-dummad semamai?”  
\v 11 Baliwitur an-abin-imakded: “Babilonia-yarse semamai, adi, e-neg ega sobmalagar. E-neg-ogulesale, agi we-mete-dummad aila-soblesad-birgi sinonimaloed.” 
\c 6  
\s1 Moli-urmar-walabakegwad 
\p  
\v 1 Gannar an niba atakdebargua, an negburgan dakarbalid. Agine, yar-gwabo-siid-imbaba bila-onoged-urmar-napagined-walabake nodaniki an dakalid. A-yar-gwabogwadi esgoro-gordikidbi nanaed.  
\v 2 Ur-napagined-gebed moli-ginniganase ebipilenaid. Ur-napagined-sogbogined moli-sichiganase ebipilenaid.  
\v 3 Ur-napagined-sogbaagined moli-sipuganase ebipilenaid. Ur-napagined-napisorbaliddina moli-goto-gotomaladse ebipilenaid. Bela we-molimala, dutusur itomalad.  
\v 4 Baliwitur-anbo-sunmaknaidse an egisded: “Dummad, we-urmar, ¿ibu obarsunna?” 
\p  
\v 5 Baliwitur anga sogded: “We-urmar, burwa-sogabakegwad-gormamaidid. We-burwamar, Bab-Jehová-bela-napneg-ganikid-asabin-arbimalad-sorba, noarmaladid.  
\v 6 Ur-napagined-moli-sichigan-egi-nanaidi, dad-nakwed-argan-sapiledsik-yar-naidsik nadapid. Ur-napagined-moli-sipugan-egi-nanaidi, dad-argwanedsik nadapid. Ur-napagined-moli-goto-gotomalad-egi-nanaidi, dad-nakwed-argan-nuedsik-yar-naidsik nadapid.” 
\p  
\v 7 We-moli-nollosurmaladi, napneg-ebirega gwae-gwae itomalad. Baliwitur ega weyob sogded: “Namala, bela napneg-ugakaase bipirmaknamar.” Geb nadmarsunnad. 
\p  
\v 8 Geb degine, baliwitur anse goted, weyob anga sogded: “Be dake, molimar-dad-nakwed-argan-sapiledsik-yar-naidse-nadmaladi, a-yargi an-urwed-boo-imakega nadmalad.” 
\ms1 3. JOSUÉʼGA OLOGURGIN SILESAD 
\mr (6:9-15) 
\p  
\v 9 Bab-Jehová weyob anga sogsabalid:  
\v 10 “Emi, Sofonías-e-machi-Josías-negse be nae. A-negsega, Heldaiʼye-nugad, Tobíasʼye-nugad, Jedaíasʼye-nugad nonimalad. Amar Babilonia-neggweburgi-galesbukwa nonimalad.  
\v 11 We-dulemarse or-senonimaladi, mani-senonimaladi, be egiso. We-ormargine, we-manimargine, ologurgin be sobo. We-ologurgin, dule-irwa-anse-gormalad-e-dummad-Josué-nonogi be sioed. Josuéʼde, Josadac-e-machid.  
\v 12 Ani, Bab-Jehová-Bela-Gangued-Nikad-gued. Geb Josuéʼga an-nuggi, weyob be sogoed: 
\q1 ‘Wegi-dule-gwichidi, Sapi-Siklesad-Gannar-Ainieyobidye nugadid. 
\q2 Ar na e-sailagi gannar ainidagoed, 
\q2 Bab-Jehováʼse-goled-neg gannar sobnonikoed. 
\q1  
\v 13 We-dule Bab-Jehováʼse-goled-neg gannar sobnonikoed. 
\q2 E-gangued-yeerdakleged nikunonikoed, 
\q2 e-ologangi-sii negsemai guoed. 
\q1 Deginbali, dule-irwa-Babse-goled e-ologangi signonimogoed. 
\q2 Wemar-ebogwadi, nuedgi neg-bogidikidgi negsemai gumaloed.’ 
\p  
\v 14 ”Ologurginmar anse-goled-neggi bukuoed. Adi deyobi, Helem, Tobías, Jedaías, degi, Sofonías-e-machi-Hen, degisadegu an-gayaburba-ebinsadii gumaloed.” 
\p  
\v 15 Ar bemar, be-Bab-Dummad-Jehováʼba ibsaele, dulemar-dikasuli-gudidimaladi, Bab-Jehováʼse-goled-neg-soblealile, bemar-bendaknonimaloed. Deyobi, bemar wisguoed, Bab-Jehová-Bela-Gangued-Nikad bemarse an-barmiarye. 
\c 7  
\ms1 4. MAS-GUNSULID-IBA-SUNSOGEDSULID 
\mr (7:1-14) 
\p  
\v 1 Rey-Darío birgabakegus negsemaidgine, nii-walabakebak-ibabakegi, Bab-Jehová Zacaríasʼga sunmaknonikid. A-nii Quisleuʼye nugad.  
\v 2 A-ibagangine, Betelʼginmalad, Bab-Jehováʼse wilesagwa-ibmar-egisega we-dulemar-barmisad: Sarezer, Regem-Melec, degi, e-dule-bamalad.  
\v 3 We-dulemar, Bab-Jehováʼse-goled-neggi dule-irwa-Babse-gormalad-gudidimaladse-ibmar-egisega, degi, Bab-Dummad-e-gayaburba-barsogmaladse, weyob ibmar-egisegala barmilesmalad: “Ar igi anmar gusgu birga-irba nii-walataledgi, iba-onodaeyobi, ¿ibagwen wile-itoged-iba, degi, mas-gunsuli-gued-iba nasikoe?” 
\p  
\v 4 Geb Bab-Jehová-Bela-Gangued-Nikad-e-gayaburba anse weyob nonikid: 
\q1  
\v 5 “Bela dulemar we-yargi-bukwamaladga be sogo, 
\q2 dule-irwa-anse-gormaladga be sogmogo: 
\q1 ‘Bemar birga-irba, birga-dulapaa-gakambegus (70), nii-walataledgine, degi, nii-walagugledgine (7), 
\q2 mas-gunsulid-iba, degi, wile-itoged-iba onodamargua, 
\q1 ¿bemar nue anga mas-gunsulid-iba ononanaidamala? 
\q2  
\v 6 Ar bemar mas-gunnarmalale, gobbarmarbalile, ¿na be bemarga imakmarsursi?’ ” 
\b  
\q1  
\v 7 Jerusalén-neggweburgi, degi, neggweburmar-e-dikarba-bukwadgi-dulemar-bukwaunni, degi, neg-bogidikid-naiunni, 
\q2 Bab-Jehová we-gayaburba na e-gayaburba-barsogmaladba, ¿deyob sogsa gussursi? 
\q1 Deginbali, Neguev-yargi, dad-argwanedsik-neba-nanaidgi-dulemar-bukwamarmounni, 
\q2 Bab-Jehová we-gayaburba na e-gayaburba-barsogmaladba, ¿deyob sogsa gussursi? 
\p  
\v 8 Geb Bab-Jehová Zacaríasʼga weyob sognonibalid: 
\p  
\v 9 “Ani Bab-Jehová-Bela-Gangued-Nikad weyob soged: 
\q1 ‘Innikigwadba igar be nabomala. 
\q2 Na be muchub-muchub sabgumala, 
\q2 na be muchub-muchub wiledakmala. 
\q1  
\v 10 Mer omegan-ei-sui-burgwismalad be sabsur-imakmala, 
\q2 mer dule-babgan-satemalad be sabsur-imakmala. 
\q1 Mer dule-ainebarmalad be sabsur-imakmala, 
\q2 mer dule-wilemalad be sabsur-imakmala. 
\q1 Mer be na be gwage-ulubgine, muchub-muchub isdar binsamala.’ 
\p  
\v 11 ”Degi-inigwele, dulemar gwen eba ibsassulid. Urwedgine, wagar-biir imaksamalad. Mer itogega uaya gasmalad.  
\v 12 Dulemar Bab-Jehová-Bela-Gangued-Nikad na E-Burbaba e-gayaburba-barsogmaladba-ibmar-sogsagusad, degi, e-igar-mesisgusad-mer-itomalaga, na e-gwage, akwayobi, dutusur imaksamalad. Degisoggu, Bab-Jehová-Bela-Gangued-Nikad uludsunnad.” 
\p  
\v 13 Bab-Jehová-Bela-Gangued-Nikad weyob sogded: “An ese gornaigua, gwen an-itossurmalad. Degisoggu, anse-gollarmalale, an itogosurmogad.  
\v 14 Agala, igi-burwa-dummadba ibmar-seleddae, deyobi, dule-akudakmalad-yar-baid-baidgi-bukwamaladse, an we-dulemar oaisakis gusad. E-yar-metemaladi, swanga nagunonikid, dulemar gwen bar egi nabi dasurmalad. Deyobi, iduar yar napa-nuedga-naigusadi, nega-dulesulidganga nagunonikid.” 
\c 8  
\ms1 5. BAB-JEHOVÁ, JERUSALÉN-NEGGWEBUR-OBINOGOYE SOGED 
\mr (8:1-23) 
\p  
\v 1 Bab-Jehová-Bela-Gangued-Nikad-gayaburba anse nonibalid. Weyob anga sognonikid: 
\p  
\v 2 “Ani Bab-Jehová-Bela-Gangued-Nikad, weyob soged: 
\q1 Sión-dulemarbina an bela-bela nue soged. 
\q2 An bela-bela nue-binasogedbali, an e-isdarmaladse sabsur-ulud gusad.” 
\p  
\v 3 Bab-Jehová weyob soged: 
\q1 “An Sión-yarse gannar nonikoed, 
\q2 an Jerusalén-neggweburgi megnonikoed. 
\q1 Jerusalén-neggwebur Napiragwad-Neggweburye nuggunonikoed. 
\q2 Bab-Jehová-Bela-Gangued-Nikad-e-yar Islidikid-Yarye nuggunonikoed.” 
\p  
\v 4 Bab-Jehová-Bela-Gangued-Nikad weyob soged: 
\q1 “Dadgana, muugana, Jerusalén-e-igarbali gannar sigdii gumaloed. 
\q2 Na seredgusmaladbali, e-gaapoled-sedii gumaloed. 
\q1  
\v 5 Masmala, bunamala, Jerusalén-igarganbali gannar dododii gumaloed.” 
\p  
\v 6 Bab-Jehová-Bela-Gangued-Nikad weyob soged: 
\q1 “A-ibagan nonikile, dulemar-dula-napi-besmaladi, binsamaloed, 
\q2 gwen deyob ibmar-gued daklesurye. 
\q1 Ar angardina, ibmar-geg-gued nikasulid, 
\q2 Ani Bab-Jehová-Bela-Gangued-Nikad deyob soged.” 
\p  
\v 7 Bab-Jehová-Bela-Gangued-Nikad weyob soged: 
\q1 “An-dulamar-dad-nakwedsik-bukwamalad an bendakoed, 
\q2 an-dulamar-dad-argwanedsik-bukwamalad an bendakbaloed. 
\q1  
\v 8 Jerusalén-neggweburgi-gudigumalaga, gannar dagmalaga an imakoed. 
\q2 Wemar an-dulamarga gunonimaloed. 
\q1 Ani an e-Bab-Dummadga gunonikoed, 
\q1 e-Bab-Dummad-innikigwad, 
\q2 e-Bab-Dummad-igar-innikigwad-imaked.” 
\p  
\v 9 Bab-Jehová-Bela-Gangued-Nikad weyob soged: 
\q1 “Bemar, we-ibagangi, Bab-Dummad-gayaburba-barsogmalad e-ibmar-sogsad-itosmalad, 
\q2 be niga-gandik imakmala. 
\q1 Anse-goled-neg-soblesokargu, 
\q2 akwa-gebesaila-silesad-akale, we-gayaburba be itosmalad. 
\q1  
\v 10 Ar we-ibagan-iduale, dule-arbamalad gwen bennuklesurmalad, 
\q2 ibdurganmala gwen-masgi ogullesurbalid. 
\q1 Dule e-isdarmalad-ulale, aineba nadele, dobgunadapdaed. 
\q2 Ar an bela dulemar, na dukin-dukin-urwemalaga imaksad. 
\q1  
\v 11 Ar epenne an igi-dulemar-napibesmalad-imaksagusa, bar an deyobi imakosulid. 
\q2 Ani Bab-Dummad-Bela-Gangued-Nikad deyob soged. 
\b  
\q1  
\v 12 ”Neg-bogidikidgi be ibmar digmaloed, 
\q2 uva-dubmar sanmakega guoed, 
\q1 napamar ibmar-sanmaknai guoed, 
\q2 nibnega e-boomar obadnai guoed. 
\q1 We-neggweburgi-napibesmaladga, 
\q2 bela we-ibmar egadga-guega an ukoed. 
\q1  
\v 13 Judá-dulemar, Israel-dulemar, mer dobgumalo, 
\q2 gatik niga-ogannomalo. 
\q1 Bemar, dule-yar-baid-baidgi-bukmalad-abargi, ibmar-isganayob ukabsales gusmalad. 
\q2 Emigindi, an be-bendakmaloed, 
\q2 ibnuedga be gunonimaloed.” 
\p  
\v 14 Ar Bab-Jehová-Bela-Gangued-Nikad weyob soged: 
\q1 “Ar be-dadgan an-oulus-gusmargua, bar an wiledaksuli obelogedgi an binsasgusad. 
\q2 Ani Bab-Jehová-Bela-Gangued-Nikad deyob soged. 
\b  
\q1  
\v 15 ”Emigindi, Jerusalén-dulemarga, Judá-dulemarga ibmar-nued-imakedgi an binsaed. 
\q2 Degisoggu, ¡mer dobgumalo! 
\b  
\q1  
\v 16 ”Bemar we-ibmarmar imakergebed: 
\q2 Napiragwadgi ibmar sogmalo. 
\q1 Igar-nabolemalad-neggi, napiragwadgi, igar-inniki-maidba igar nabomalo. 
\q2 Ar deyob imaklegedi, ¡neg-bogidikid nasiked! 
\q1  
\v 17 Be-gwenadgangine, mer ichakwa be binsao, 
\q2 mer gakansaale emargi be gwisguo. 
\q1 Ar bela we-ibmarmar an isdardaked. 
\q2 Ani Bab-Jehová deyob soged.” 
\p  
\v 18 Bab-Jehová-Bela-Gangued-Nikad anga sogdebalid: 
\p  
\v 19 “Ani Bab-Jehová-Bela-Gangued-Nikad weyob soged: 
\q1 ‘Judá-dulemargala nii-walabakedgi, nii-walataledgi, nii-walagugledgi (7), nii-warambedgi (10), mas-gunsuli-gudiguedi, weligwaledga, yeer-itolegedga guoed, 
\q2 iba-dummad-weligwaledga guoed. 
\q1 Degisoggu, neg-bogidikidbina be sogmar, 
\q2 igar-napiragwadbina be sogmar.’ ” 
\p  
\v 20 Bab-Jehová-Bela-Gangued-Nikad weyob soged: 
\q1 “Amba dulemar-yar-baidginmalad, dulemar-neggwebur-bamaladginmalad danimaloed. 
\q2  
\v 21 We-dulemar neggwebur-baid-baid-onodii gumaloed. 
\q2 Dulemar-a-neggweburgi-gudimaladga sogdimaloed: 
\q1 ‘¡Bab-Jehová anmargi nued-binsaega, anmar ese namarye! 
\q2 ¡Anmar Bab-Jehová-Bela-Gangued-Nikad amimarye! 
\q2 ¡Ar an Bab-Jehová-amimogoeddeeye!’ ” 
\b  
\q1  
\v 22 Bab-Jehová-Bela-Gangued-Nikad-amimalaga, 
\q2 Bab-Jehová-egi-nued-binsaed-amimalaga, 
\q1 Jerusalén-neggweburse, neggweburmar-bukidar, 
\q2 neggweburmar-yar-baid-baidgi-dutusur-bukmaladi, nonimaloed. 
\p  
\v 23 Bab-Jehová-Bela-Gangued-Nikad weyob soged: “A-ibagangine, dule-bukidara gwabinduku-akar-akar-sunmakmaladi, bela-dulemar-yar-baid-baidgi-bukwamaladi, Judío-dule-wargwen-e-mordukugi akanai gumaloed, ega weyob sogmaloed: ‘¡Anmar beba-naega be anmar-imake! ¡Ar anmar wisgusad, Bab-Dummad bemarba gudiiye!’ ” 
\c 9  
\ms1 6. DULEMAR-YAR-BAID-BAIDGI-BUKWAMALAD SABSUR-ODURDAKLEGOED 
\mr (9:1-8) 
\p  
\v 1 Bab-Jehová we-gayaburba Hadrac-neggwebur-annik, degi, Damasco-neggweburnik sogsagusad. Bab-Jehová bela-dulemar-bukwadi dakmaid, degi, bela Israel-dulemar-danar-danar-bukwamalad dakmaibalid.  
\v 2 Deginbali, Bab-Jehová Israel-dikarba-yar-naid Hamatʼye-nugad dakmaibalid. Bab-Jehová, neggwebur-nasgusbukmalad: Tiro, degi, Sidón, dakmaibalid. 
\q1  
\v 3 Tiro-dulemar galu-matusulid-gandikmalad sobsad. 
\q2 Ukub-mergueyob mani onmaksad. 
\q2 Igarba olli-nanaiyob ormar onmaksad. 
\q1  
\v 4 Degi-inigwele, Bab-Jehová bela e-ibe ibmar sunonikoed, 
\q2 bela e-ibe e-ibmar-nuegan demargi mioed. 
\q2 Soogi bela e-neggwebur ogumakoed. 
\q1  
\v 5 Ascalón-dulemar deyob-neg-guoedi dakmaloed, geb dobgudmaloed. 
\q2 Gaza-dulemar, naibid-dummad itomaloed. 
\q1 Ecrón-dulemar e-bendakleged-edarbediid-sate-dakarmalale, nunmaked-dummad itomarmogoed. 
\q2 Gaza-dulemar, rey-sate gumaloed. 
\q1 Ascalón-neggwebur dulemar-sate sigoed. 
\q2  
\v 6 Asdod-neggweburgi dule-isganamar megnonikoed, 
\q1 Filistea-dulemar-na-e-nug-dummarba-imakdiid, an obelogoed. 
\q2  
\v 7 Filistea-dulemar ablisba-mesa-san-gunmaladi, an obelogoed. 
\q2 Mas-ise-gulleged-gunmaladi, an obelogoed. 
\q1 Filistea-dulemar-abar-bemaloedi, anmar-Bab-Dummadgadga gunonimarmogoed. 
\q2 Amala, Judá-dulemar-e-dummaganga gunonimaloed. 
\q2 Ecrón-dulemar, Jebuseo-dulemaryob gumaloed. 
\b  
\q1  
\v 8 Mer dulemar anse-goled-neggi yogasaar dogsa-dogsa-gumalaga, an egi nakuledii guoed. 
\q2 An-neggweburgi dule-emar-sabsur-imaked bar dognonikosulid, 
\q2 ar an-sunnagwad an egi nakuledii guoed. 
\ms1 7. SIÓN-E-REY-MEGNONIKOED 
\mr (9:9-17) 
\s1 Sión-e-rey 
\q1  
\v 9 Sión-dulemar, ¡be nue-wergumala! 
\q1 Jerusalén-dulemar, ¡weligwaledba be binnasur gormala! 
\q2 ¡Weligwaledba be gormakmala! 
\q1 Be dake, be-rey bese danikid. 
\q2 Be-rey, dule-innikigwadid, emar-abonogedid, 
\q2 na san-dummarba imaksulidid. 
\q1 Moli-uayasuid-bipigwad-birgi-sii danikid, 
\q2 we-moli-bipigwad, moli-uayasuid-ome-e-mimmid.\fig Moli-uayasuid-bipigwad atinnar naid. (Zacarías 9:9) |src="HK00033B.TIF" size="col" ref="Zacarías 9:9" \fig* 
\q1  
\v 10 We-rey, Efraín-e-moli-urmar-bila-onoged obelogoed, 
\q2 Jerusalén-e-molimar obelogoed. 
\q1 Warsib-bila-onoged bibisgoed, 
\q2 bela dulemar-yar-baid-baidgi-bukmaladga, neg-bogidikidgi sunmaknonikoed. 
\q1 We-rey, bela demar-nanaid-ugakaase neg-ganonikoed. 
\q2 Éufrates-diwar-maid-akar, bela we-napneg-bergunaidse, neg-ganonikoed. 
\s1 Israel-dulemar gannar bendaklenonikid 
\q1  
\v 11 “An bebo-ablisba-igar-mesisad-ulale, be-dulemar-dia-dummad-dinnagwadgi-galesbukwamaladi, an onogoed. 
\q2  
\v 12 Dule-galesbukmalad-bendakleged-edarbebukmalad, gannar e-neg-gandikid-bukwadse dagmala. 
\q1 Ar emi an bega soged, 
\q2 bemar-wilesadbali, bur bule ilabo-wilub wergued an bemar-imakoed. 
\q1  
\v 13 An-warsiyob an Judá-dulemar gachii gaoed, 
\q2 an-siguyob an Efraín-dulemar imakoed. 
\q1 Sión-yar, an be-mimmigan, Grecia-mimmigangi-yolegega an imakoed. 
\q2 Bila-onogedgi-es-suid-ebulegeyob an be-imakoed.” 
\b  
\q1  
\v 14 Bab-Jehová Grecia-dulemargi nonikoed. 
\q2 E-sigu, mala-aidegeyobi miledoed. 
\q1 Bab-Jehová-Bela-Gangued-Nikad gar-trompeta ogornonikoed, 
\q2 dad-nakwed-argan-nuedsik-burwa-dummad-goled-abargi naoed. 
\q1  
\v 15 Bab-Jehová-Bela-Gangued-Nikad na e-sordamar-bendaknonikoed. 
\q2 E-sordamar, e-isdarmalad-e-gingimar bela obelogoed. 
\q1 Vino-gobeyobi ablis gobmaloed 
\q2 abali, mummu-gunanaiyobi, allenanaioed. 
\q1 Igi ablis ibmar-ogumakar-ukleged-ailagi-eolegega nogmargi enoledae, 
\q2 deyobi, ablisbi-moodo gudimaloed. 
\q1  
\v 16 A-ibagine, e-Bab-Dummad-Jehová, 
\q2 na e-sordamar sibad-wawaadyobi bendaknonikoed. 
\q1 E-sordamar Bab-Jehová-e-yargine, 
\q2 ologurgingi-akwa-nuegan-bukwadyob dakarmakdemaloed. 
\q1  
\v 17 Ibiyobi bela we-ibmarmar, doggus-nued daklenonikoe. 
\q2 Ibmar-gwag-gulleged sapingan-ogannogoed. 
\q2 Vino-ochigwad, weligwar bunamala-imaknonikoed. 
\c 10  
\ms1 8. BAB-JEHOVÁ, E-DULAMAR-OLLOR-IMAKNONIKOED 
\mr (10:1–11:3) 
\q1  
\v 1 Bab-Jehováʼse dad-dummad-ganaidgi dii-wied be egismala. 
\q2 Ar Bab-Jehová mar-golega imakedid, na e dii-owimaidid. 
\q2 Bab-Jehová bela dulemargala, ibmar nabir-sanmakega imaked. 
\q1  
\v 2 Ibmar-bab-dummadyob-imaklemalad, dule-yardakmaladid. 
\q2 Nergan gabgi-ibmar-gakanad dakmalad. 
\q1 Gakansaar-negburgan-dakmaladgi sunmakmalad, 
\q2 yamo-nabir-emar-obinsaega sunmakmalad. 
\q1 Dulemar na e-idued-satesoggu, 
\q2 ibdurgan-igarsuli-gudiidyobi, yogasaar gudimalad. 
\p  
\v 3 A-ulale, Bab-Jehová sogded: 
\q1 “Dule-emar-idudimaladgi an nue-urwed, 
\q2 we-dulemar, sibad-wawaad-macheredyob-gudidimaladi, an sabsur-odurdakoed.” 
\q1 Napiragwa, Bab-Jehová-Bela-Gangued-Nikadi, Judá-dulemar-edarbed. 
\q2 Ar Judá-dulemar e-sibad-wawaadyob gued. 
\q1 Bab-Jehová moli-bulegan-bilagi-ebulemaladyobi, 
\q2 Judá-dulemar-imakoed. 
\q1  
\v 4 Judá-dulemar-abargine, negsaila-gaed-akwadummad nodagoed, 
\q2 neg-abgaed-suar nodagoed. 
\q1 Bila-onogedgi warsib-ebuleged nodagoed, 
\q2 bela dummagan-negsemaloed nodagoed. 
\q1  
\v 5 Wemala, ollimar-nanaidgi bila-onomalad-bulegan-urwenanaidyob gumaloed, 
\q2 moli-birgi-sii-urwemaladbogwa urwenai gumaloed. 
\q2 Ar Bab-Jehová eba gudisoggu, a-dulemargi nakwemaloed. 
\p  
\v 6 Bab-Jehová sogdebalid: 
\q1 “An Judá-dulemar ogannononikoed, 
\q2 an José-e-wagan bendaknonikoed. 
\q1 An wemar-wiledaked, degisoggu, gannar dagmalaga an imakoed, 
\q2 gwen-mesagwar-anse-gussuliyob gunonimaloed. 
\q1 Ar ani an e-Bab-Dummad-Jehová gued, 
\q2 e-anse-goled, an itogoed. 
\q1  
\v 7 Efraín-dulemar dule-bila-onogedyob gunonimaloed. 
\q2 Igi-dule vino-gobsadba yeer-itodae, 
\q2 deyobi, yeer itononimaloed. 
\q1 E-mimmigan e-babgan-yeer-ito-dakarmalale, weligwar itodmarmogoed. 
\q2 Bab-Jehová-ega-ibmar-imakoedba, yeer itononimaloed. 
\b  
\q1  
\v 8 ”Ani an ese goloed, 
\q2 ani an gannar danar oambikuoed. 
\q1 An wemar-ollor-imaknonikile, 
\q2 igi iduale dule-bukidar-gumalana, 
\q2 deyobi, gannar gunonimaloed. 
\q1  
\v 9 An wemar neggwebur-bamaladse oaisakis-inigwele, amba-dikasuli yar-baidgi mamai-inigwele, angi binsadii gumaloed. 
\q2 A-neggweburmargi e-mimmiganmala gudigusmalan-inigwele, gannar e-yarse nonimaloed. 
\q1  
\v 10 Egipto-yargi-bukwa an sedagoed, 
\q2 Asiria-yargi-bukwa an ninonikoed. 
\q1 Galaad-yar-naidse, Líbano-yar-naidse, an sedoed. 
\q2 Bela wemargala, yar unni-guosulid. 
\q1  
\v 11 Bukib-itoged-abalagi, demar-obakmaloed, 
\q2 degi-inigwele, ani an ega demar-bogidik imakoed, 
\q2 Nilo-diwar-wilasailad an bela odinnogoed. 
\q1 Asiria-dulemar na san-dummarba-imakdimalad an osulogoed, 
\q2 Egipto-dulemar-negsemaid an obelobaloed. 
\q1  
\v 12 An-sunnad an-dulamar an ogannogoed, 
\q2 dobsuli an-nuggine nanamaloed. 
\q1 Ani an Bab-Jehová deyob soged.” 
\c 11  
\q1  
\v 1 Líbano-yar, be-yawagakmar be egae, 
\q2 adi, be-urwarmar soose gummakegar. 
\q1  
\v 2 Baryawar, be boe, ar urwarmar aimukusad, 
\q2 sapi-dummagan ailasad. 
\q1 Basán-wag-uluwarmar, be bomala, 
\q2 ar bela sapi-dummagan-gwigwichid omukulesad. 
\q1  
\v 3 Sibad-wawaad-edarbemalad-bonanaid, be itomala, 
\q2 ar bela e-gagan-aragana-nuegan bergusad. 
\q1 Achumigur-nono-wawaad-uurmaked, be itomala, 
\q2 ar bela Jordán-e-sapur-naidi napabi-swiri nagusad. 
\ms1 9. SIBAD-WAWAAD-EDARBEMALAD-EBOGWAD 
\mr (11:4-17) 
\p  
\v 4 An-Bab-Dummad-Jehová weyob soged: “Sibad-wawaad-oburgwilegega-bukwad nue be sabguo.  
\v 5 Ar dulemar a-sibad-wawaad-bakmalad yogasaar sabsuli oburgwemalad. Ar dule-sibad-wawaad-manigi-ukmalad sogmalad: ‘Bab-Jehová-e-nug odummolesun, emigindi an mani-ibedid.’ Ar sibad-wawaad-akwed-dulemarbela gwen bai e-sibad-wawaad daksurmalad.” 
\p  
\v 6 Bab-Jehová soged: “Deyopira, dulemar-we-yargi-gudimalad bar an sabguosurmogad. Dulemar-e-dikarba-yar-baid-baidgi-bukwamaladga an urmakoed, degi, e-reyga an urmakbaloed. Ar e-yar-naidi bela oitonanaile, bendakega an naosulid.” 
\p  
\v 7 Degisoggu, ibmar-ukmalad sibad-wawaad-oburgwega-urbisadi, an akwedigussunnad. Sibad-wawaad-edarbed-e-suar-walabo an susad: Suar-wargwen Graciaʼye an onug-imaksad. Baiddi, Uniónʼye an onug-imaksabalid. An sibad-wawaadmar-akwedigussunnad.  
\v 8 Nii-wargwengi, sibad-wawaad-edarbemalad-walapaa an e-arbaedgi onosad. 
\p Degi-inigwele, an sibad-wawaadmar budar dakalid, sibad-wawaadmarmoga budar an-dakarmarmogad.  
\v 9 Degisoggu, an ega sogdesunnad: “Bar an bemar-akwega guosulid. Ar na be burgwebimaladi, burgwemarsundo. Ar na be yoggubimaladi, yoggumarsundo. Ar dula-bemaloeddi, na dukin-dukin gunmarsunna.” 
\p  
\v 10 Geb degine, an suar-Graciaʼye-onugsasad sussunnad, geb an a-suar bichisad. Deyobi, an bela dulemar-yar-baid-baidgi-bukwamaladbo-igar-mesisadi, obelononikid.  
\v 11 A-ibagine, igar-maid bela bergunonikid. Dule-sibad-wawaad-manigi-ukmalad an-dakbukmaladi, wisgunonimalad, we, Bab-Jehová-gayaburba guye. 
\p  
\v 12 An ega sogded: “Ar be nabir-itomalale, an-arbasad be an-bennukmala. Degisulile, mani na be sumarsunna.” Unnila mani-gwadurgwen-gakambe (30) an-bennuksamalad.  
\v 13 ¡Weyob-gargegu an-uklegega anga nasiksamalad! 
\p Geb degine, Bab-Jehová anga sogded: “Anse-goled-neggi mani-ulu-siidgi be egwannae.” Degisoggu, an mani-gwadurgwen-gakambegwad (30) susad. Bab-Jehová-neggi mani-ulu-siidgi an egwannonikid. 
\p  
\v 14 Geb sorbali, suar-baid-Uniónʼye an onug-imaksadi, an bichisad. Deyobi, Judá-dulemar Israel-dulemarbogwa gwenatigwar-igar-maidi, an obelononikid.  
\v 15 Geb Bab-Jehová anga sogded: “Sibad-wawaad-edarbed-binsaedsulidaedyob be mor-yoe.  
\v 16 Ar we-yar-naidgi, sibad-wawaad-edarbed, sibad-wawaad-burgwedani-gudimalad-gwen-baisur-daked, an ogwisgunonikoed. We-dule, sibad-wawaad-senigana gwen aminaosulid. Sibad-wawaad-nailikgusmalad gwen onudakosurbalid, sibad-wawaad-bonisurmalad gwen masgi omaosurbalid. We-dule, aka sibad-wawaad-wardadamalad gutoed, sibad-wawaad-e-gonasimar e-ibe-ungenai gudoed.” 
\q1  
\v 17 ¡Sibad-wawaad-edarbed-isgana, be duledar-wiles! 
\q2 ¡E-Sibad-wawaadmar-metenaded, be duledar-wiles! 
\q1 E-swida es-suidgi nailikguena gadin, 
\q2 e-ibya-nuedsikid esbipise onolesana gadin. 
\q1 E-swida bela e-ibe burgwar-gusana gadin. 
\q2 E-ibya-nued sommoor-gusana gadin. 
\c 12  
\ms1 10. JERUSALÉN-NEGGWEBUR-OLLORGUNONIKOED 
\mr (12:1–13:9) 
\p  
\v 1 Bab-Jehová Israel-dulemargi we-gayaburbaba sunmaknaid. 
\q1 Bab-Jehová-bela-mogirmar-nasiksad, 
\q2 napa-e-billigan-mesisad, 
\q1 dulemarga-burba-dulad-uksad, weyob soged: 
\p  
\v 2 “Jerusalén-neggwebur inna-gagbidga an obinyoed. Bela neggweburmar-e-dikarba-bukmalad ese omumsalemaloed. Judá-yar, degi, Jerusalén-neggwebur, e-isdarmalad ebiris bukunonikoed.  
\v 3 Bela we-napneggi dulemar-yar-baid-baidgi-bukwamalad Jerusalén-obelogega na atomaloed. 
\p ”A-ibagine, bela neggweburmarga Jerusalén-neggwebur akwa-dummad-sabsur-aidikuedyob an imakoed. Dulemar, a-akwa-onirbiedi ese maad guoed.” 
\p  
\v 4 Bab-Jehová soged: “A-ibagi, molimar an bela ogwayoed, dule-moli-birgi-simalad surbinsa-itogega an imakoed. Ani, an Judá-dulemargi nakulegoed. Bela dulemar-yar-baid-baidgi-bukmalad-e-molimar aku-atake an imakoed.  
\v 5 Geb degine, Judá-dule-dummagan-nuga-nikamalad, sogdemaloed: ‘Jerusalén-dulemar-e-ganguedi, e-Bab-Dummad-Jehová-Bela-Gangued-Nika-Maid gued.’ 
\p  
\v 6 ”A-ibagine, Judá-dulemar-e-dummagan sapurgi soo-gamaiyob an imakoed. Ibmar-duk-dukgwen-bukwad-abargi soo-gamaiyob an imakoed. Bela neggweburmar-e-dikarba-bukwamalad ese gummakoed. Jerusalén-dulemardina, gannar e-neggweburgi ambikunonimaloed. 
\p  
\v 7 ”Ani, Bab-Jehová, Judá-dulemar-inse bendakoed, adi, David-e-wagan, degi, Jerusalén-dulemar, mer bur Judá-dulemarba nuga-nika itomalagar. 
\p  
\v 8 ”A-ibagine, ani, Bab-Jehová, Jerusalén-dulemar an bendaknonikoed. A-dulemar-abargi dule-nollogudiidi, Davidʼyob gunonikoed. Rey-David-neguya, Bab-Dummadyob gunonikoed. Bab-Jehová-e-baliwituryob emar-idu-nadapi gunonikoed. 
\p  
\v 9 ”A-ibagine, bela dulemar Jerusalén-neggwebur-obelogega-danimaloedi anse bergumaloed.  
\v 10 Rey-David-neguyagi, degi, Jerusalén-dulemargi burba-nued-binsaed, degi, burba-Bab-Dummadse-goled an odegoed, geb ansik atakdemaloed. Ar igi-dule e-machi-wargwenna-nikad-e-ibe-burgwisadba wile-itonadae, deyobi, Jerusalén-dulemar dule-sabsur-naibigusadga wile-itonanai gumaloed. Ar igi-dule e-machi-sailagined-burgwisadba bonaidae, deyobi, bela-bela bonanai gumaloed. 
\p  
\v 11 ”A-ibagine, ar igi Meguido-nebagi bab-dummad-Hadad-Rimónʼga bonanaidae, deyobi, Jerusalén-neggweburgi dummad-bonanai gumaloed.  
\v 12 Bela yar-naidgi, neguya-neguyagi wile-itonanai gumaloed: 
\q1 David-e-gwenadgan bonanai gumaloed, 
\q2 e-omegan, bonanai gumarmogoed. 
\q1 Natán-e-gwenadgan bonanai gumaloed, 
\q2 e-omegan, bonanai gumarmogoed. 
\q1  
\v 13 Leví-e-gwenadgan bonanai gumaloed, 
\q2 e-omegan, bonanai gumarmogoed. 
\q1 Simei-e-gwenadgan bonanai gumaloed, 
\q2 e-omegan, bonanai gumarmogoed. 
\q1  
\v 14 Bela gwenadgan-bamalad bonanai gumaloed, 
\q2 e-omegan, bonanai gumarmogoed.” 
\c 13  
\s1 Bab-Dummad e-dulamar-swilidik imakoed 
\p  
\v 1 Bab-Jehová sogdebalid: “A-ibagine, Rey-David-e-gwenadgan-e-isgued-eliega, degi, Jerusalén-dulemar-e-isgued-eliega, dii ariomai guoed. 
\p  
\v 2 ”A-ibagine, we-yargi ibmar-bab-dummadga-imaklediid-e-nugmar an elinonikoed. Bipisaale bar ese gorlenai guosulid.” 
\p Bab-Jehová-Bela-Gangued-Nikad weyob soged: “Deginbali, we-yargine, e-bab-dummagan-gayaburba-barsogmalad, degi, bela burba-isgana an obelogoed.  
\v 3 Ar amba dule-gwensak Bab-gayaburba-barsogdii gualile, e-babgan ega sogdemaloed: ‘Bab-Jehová-nuggi be gakansadiiye. Degisoggu, be-oburgwilegergebye.’ Ar na Bab-Jehová-gayaburba-barsogedga-imaksad-ular, e-babgan es-suidgi ewarar a-dule-oburgoed. 
\p  
\v 4 ”A-ibagine, Bab-gayaburba-barsogmalad gakansaar-sunmaksad-ulale, bingegudmaloed. E-mor-ibmar-ukagi-makaled-yoi bar emar-yardakosurmalad.  
\v 5 We-dulemar sogdemaloed: ‘An Bab-Dummad-gayaburba-barsogedsulid. Unnila an sapurgi-arbaed-duled. An sapingwa-akale, sapur-duled.’  
\v 6 Ar dule-wargwen, ese egichialile: ‘Be-argangi nailikgusad-igar-maidi, ¿igi be gusa?’ Weyob emar-abin-imakdoed: ‘We-an-nailikgusadi, an-aimar-neggi an-naibi-imaksamalad.’ ” 
\s1 Sibad-wawaad-edarbed-nailikgusad 
\q1  
\v 7 “Es-suid, be an-sibad-wawaad-edarbed onailiksae. 
\q2 An dulegi-bensurgudiidgi be yoledage. 
\q2 Ani Bab-Jehová-Bela-Gangued-Nikad weyob soged. 
\q1 Sibad-wawaad-edarbed be oburgwe. 
\q2 Deyobi, sibad-wawaadmar duurmakdemaloed, 
\q2 geb an e-burwigana obelogoed. 
\q1  
\v 8 Dulemar we-yargi-bukmalad-e-walapaagwadgi, warbo bergumaloed. 
\q2 Unnila wargwen burgosulid. 
\q2 Ani Bab-Jehová weyob soged. 
\q1  
\v 9 Degi-inigwele, we-dule-durgusmaladdi, an soogi odurdakoed. 
\q2 Ar igi mani swilidik-guega soogi-dulege, deyobi, an swilidik imakoed, 
\q2 ar igi or soogi wilubdaklege, deyobi, an wilubdakoed. 
\q1 Geb degine, we-dulemar anse gornanai gumaloed, 
\q2 geb an, abin-imakoed. 
\q1 An sogdoed: ‘Wemar, an-dulamalad.’ 
\q2 Wemar sogdemogoed: ‘Bab-Jehová, anmar-Bab-Dummadid.’ ” 
\c 14  
\ms1 11. BAB-JEHOVÁ, JERUSALÉN-DULEMAR-NAKWEGA IMAKOED 
\mr (14:1-21) 
\s1 Bab-Jehová reyga megnonikoed 
\p  
\v 1 “¡Jerusalén-neggwebur! Bab-Jehová-e-iba danikid. A-ibagine, be-ibmar be-galimbabali mimilenai gudoed.  
\v 2 Bela dulemar-yar-baid-baidgi-bukmalad bemargi bila-onodagega an imakoed. We-dulemar be-yar sunonimaloed, be-neggi-ibmar-nikadi be-ibe sumaloed, degi, be-omegangi dodomaloed. Be-dulemar-negabar aineba gales seledmaloed. Bamaladdi, bemaloed.  
\v 3 Geb degine, Bab-Jehová nonikoed. Igi-bila-onoleged-ibagi urwelegeyob, we-dulemarbogwa urwenonikoed. 
\p  
\v 4 ”A-ibagine, Bab-Jehová Olivo-Yar-birgi gwisgunonikoed. We-yar Jerusalén-neggwebur-dad-nakwedsik siid. Olivo-yar dad-nakwedsiki dad-argwanedse sogabo maridoed. A-abargine, neba-dummad nagunonikoed. Yar-marisad-gwensak, dad-nakwed-argan-sapiledsik signonikoed, yar-baid-marisaddina, dad-nakwed-argan-nuedsik signonimogoed.  
\v 5 Bemar yarmar-imbaba-neba-naguoedba wakitemaloed. Ar we-neba Azal-neg-nugadse nai guoed. Ar igi Judá-e-rey-Uzías-ibagangi negabandur-nasgua, dulemar wakinmamaigusa, deyobi, bemar wakinmaloed. Geb degine, an-Bab-Dummad-Jehová e-sordamarmala danikoed. 
\p  
\v 6 ”A-ibagine, neg-ibgined, degi, neg-dambed naguosulid.  
\v 7 A-ibayobi iba-baigan naguosulid. A-ibagi, igi-ibmar-guoe, unnila ani Bab-Jehováʼbi wisid. A-ibagi, neg-ibgined, degi, neg-mutikid naguosulid. Ar unnila neg mee nai guoed. 
\p  
\v 8 ”A-ibagine, Jerusalén-neggwebur-akale, diwar ariomai guoed. A-diwar, yorgine, degi, dii-wiedgi, dinguosulid. E-dii, abala Demar-Gagbidye-nugadsik ariomai guoed. Abala, Demar-Dummadye-nugadsik ariomai gubaloed.  
\v 9 Bab-Jehová, bela-napneg-naid-e-reyga megnonikoed. A-ibagine, Bab-Jehováʼbi Bab-Dummadga mai guoed. E-nugbi unnila itolegoed. 
\p  
\v 10 ”Jerusalén-neggwebur-dad-nakwed-argan-nuedsik Gebaʼye-neg-nugad-akale, Rimónʼye-neg-nugadse, bela yar neba-dummadga nagunonikoed. Jerusalén-neggweburdina na e-yar-niba sii guoed. Agine, e-yawagak-Benjamínʼye-nugad-akar, e-yawagak-Ánguloʼye-nugadse dulemar megega ambikunonimaloed. Yawagak-Ánguloʼye-nugad-iduar yawagak-sered gwisgusgusad. Deginbali, Hananeel-neg-suid-gwichid-akale, rey-uva-eguruleged-negse dulemar megega ambikunonibaloed.  
\v 11 Jerusalén-neggweburgi gannar dulemar megega ambikunonimaloed, agi neg-bogidik nagunonikoed, bar bipisaale obergulegosulid. 
\p  
\v 12 ”Ar Bab-Jehováʼdi, bela dulemar-yar-baidsikid-nonimalad Jerusalén-dulemargi-bila-onosmaladi, we-bonigangi naibigumaloed: We-dulemargala e-san nungudoed, e-ibyagwag nungudoed, e-gwabin ega nungudbaloed.  
\v 13 A-ibagine, Bab-Jehová a-dulemar bela-bela-dobguega imakoed. Na e-sordamargi aibinnanai gumaloed, degi, na muchub-muchub oburgwenanai gumaloed.  
\v 14 Judá-dulemar a-dulemargi Jerusalén-neggweburse bila-onononimarmogoed. E-dikarba neggweburmar-baigan-bukwamalad-ibe, ibmar-nuegan-wenanai gumaloed. Deginbali, ormar-bukidar, mani-bukidar, mormar-bukidar e-ibe sumarbaloed.  
\v 15 Deyobi, boniganse molimar, moli-uaya-senigan, moli-yargan-muregedmar, moli-uayasuidmar, degi, e-neg-danar-danar-bukwadgi bela ibdurgan-gudimalad oitolemarmogoed. 
\p  
\v 16 ”A-sorbali, Jerusalén-dulemargi bela dulemar-yar-baid-baidginmalad-bila-onoapgusmalad-durgusmaladi, birga-ilibali, Rey-Bab-Jehová-Bela-Gangued-Nikad-e-nug-odummogega nanagwisgumaloed, deginbali, Neg-Matargana-E-Iba-onomalaga nanagwisgumarbaloed.  
\v 17 Ar abar-dulemar-we-napneggi-bukwamalad, Rey-Bab-Jehová-Bela-Gangued-Nikad-e-nug-odummogega, Jerusalén-neggweburse-dagsurdibe, e-yargine dii wiosulid.  
\v 18 Ar Egipto-dulemar dagsurmardibe, e-yargi dii wiosulid. Deginbali, Bab-Jehová dulemar-yar-baigangi-bukmalad Neg-Matargana-E-Iba-onogega-dagsurmaladgi boni-barmidagoedi, Egipto-dulemargi barmidabaloed.  
\v 19 Deyobi, Egipto-dulemar, degi, dulemar-yar-baid-baidgi-bukmalad Neg-Matargana-E-Iba-onogega-dagsurmaladi, sabsur-odurdaklemaloed. 
\p  
\v 20 ”A-ibagine, moli-e-dolo-den-den-gornanaidgi weyob narmakar naguoed: ‘BAB-JEHOVÁʼGA NUG-IMAKLEGALED.’ Bab-Jehová-neggi bormomar-bukwadi, nogmar ibmar-ogumakar-ukleged-aila-asabin-bukwadyob islidiki gunonimogoed.  
\v 21 Bela Jerusalén-neggweburgi-bormomar-bukwad, degi, bela Judá-yargi-bormomar-bukwad, Bab-Jehová-Bela-Gangued-Nikadga nug-imaklenonikoed. Bela dulemar ibmar-ogumakar-ukalile, we-bormomar ebumaloed, agi ibmar-dunai gumaloed. A-ibagine, Bab-Jehová-Bela-Gangued-Nikad-neggi, dulemar-manigi-ibmar-ukmaladi bar gudii guosulid.”