\id TIT - Kuna, San Blas - Bible -Panama 2014 (DBL -2014) 
\h Tito 
\toc1 Titoʼse-Narmaklesad-Garda 
\toc2 Tito 
\toc3 Tt 
\mt1 TITOʼSE-NARMAKLESAD-GARDA 
\mt2 TITO 
\imt2 GEBE-SOGLENAID 
\imt1 Garda-nug 
\ip Pablo Macedonia-yargi-gudigu, we-garda Titoʼse narmaksad. Tito, Griego-duled, Pabloʼba Bab-Jesús-abingasgusad. Tito, Pabloʼba Bab-Dummad-Igar-barsogega, bipirmakdii gusad. Pablo, Corinto-neggweburse igar-nudakega, degi, gwenadgan-Jerusalénʼgi-wilemalad-bukmaladga mani-weega, ilabo Tito-barmisgusad. Binsamardo, we-garda birga 62ʼgi narmakles-insaye. 
\is1 Titoʼse-Narmaklesad-Gardagi weyob sunmaklenaid 
\ip Pablo, Jesúsʼba-nanaimalad-danar-ambikunonidamalad-irba e-dummagan-urbega Creta-dupugine Tito-obesgusad. Pablo, Bab-Dummad-Burba-Isligwaledbali, we-gardagi Titoʼga-sogsad, gwenadganga-idumalad-nuegan-urboye. We-gardagi, Titoʼga-sognaid, gwenadgan-idumalad Bab-Igargi-dulemar-odurdakega igi-nanamalargebe. 
\ip Pablo, Titoʼga sogbalid be odurdakoye, igi Bab-Dummad-Igargi gwenadgan nanaergebe, degine, igar-napiragwadsulid mer itomaloye. 
\ip We-gardagine, weyob ilemakar sunmaklenaid: 
\io1 1. Gebe-sikwas-soglenaid (1:1-4). 
\io1 2. Jesúsʼba-nanaimalad-e-idumaladga-gued-e-igar (1:5-16). 
\io1 3. Igar-nuegan-mamaidgi-odurdakleged (2:1-15). 
\io1 4. Jesúsʼba-nanaimalad igi-damalargebe (3:1-11). 
\io1 5. Pablo, Titoʼga napi ibmar sogsad (3:12-14). 
\io1 6. Napi-soglenaid (3:15). 
\ip Be itogua. 
\c 1  
\ms1 1. GEBE-SIKWAS-SOGLENAID 
\mr (1:1-4) 
\p  
\v 1 Ani Pablo, Bab-Dummad-e-mai, degine, Jesucristo-e-sapin-bur-dummadga-gumogaga nugsalesbalidid. Dulemar-Bab-Dummadgi-sulearmalad Jesucristoʼgi-bensuli-guegala, degine, Bab-Igar-Maidba igar-napiragwad-wisgumalagala, Bab-Dummad anse gochad.  
\v 2 We-dule-sulearmalad bensulidgi burba-geg-bergued edarbedii gumaloed. Ar ade, Bab-Dummad geg-gakansaedi, bato iduar, gebe-negasailaun sogsagusad, burba-geg-bergued ukoye.  
\v 3 Bab-Dummad-anmar-Abonoged e-ibagan-nasiksadbali, we-gayaburba anga uknonikid, adi, dulemarga an we-igargi sunmakegar. 
\p  
\v 4 Tito, we-garda an bese narmaked. Jesúsʼgi-bensulid be anbo-emar-nikadba be an-machi-sunnadyob gunonikid. 
\p Bab-Dummad-anmar-baba, degi, Bab-Jesucristo-anmar-Abonoged, begi nued binsamarsun, degine, wile be-dakbarsun, deginbali, ulubgi bogidik be-itogega imakbarsun. 
\ms1 2. JESÚSʼBA-NANAIMALAD-E-IDUMALADGA-GUED-E-IGAR 
\mr (1:5-16) 
\p  
\v 5 Tito, Creta-dupugi igarmar-besmalad-nudakega an be-obesgusad. Deginbali, an bega sogsagusadyob, neggweburmar-iliba Jesúsʼba-nanaimalad-e-idumalad-urbega an be-obesgusbalid. 
\p  
\v 6 Jesúsʼba-nanaimalad-e-idumalad, dule-nued-daed abeleged: 
\q2 Dule-egi-ichakwa-sunmaked-sated, 
\q2 dule-unnila-ome-wargwenna-nikad, 
\q2 e-mimmigan-Bab-Jesúsʼba-nanaid, 
\q2 degine, dulemar-geg-e-mimmigangi-sunmakmalad, 
\q2 e-mimmigan-uaya-nikaa-damalad. 
\p  
\v 7 Ar Jesúsʼba-nanaimalad-e-idumalad-e-dummad, Bab-Dummad-igargi-arbaedsoggu, abeledo: 
\q2 Dule-egi-ichakwa-sunmaked-sated, 
\q2 dule-na-ebi-ibmar-wisye-na-san-imaksulid, 
\q2 dule-itosur-urwesulid, 
\q2 dule-geg-mumgued, 
\q2 dule-geg-abin-abin-daed-amied, 
\q2 dule-geg-ibmar-isganagi-mani-onoged. 
\p  
\v 8 Dule bur weyob-daed abeledo: 
\q2 Dule-nabir-emar-akwed, 
\q2 dule-ibmar-nueganbina-soged, 
\q2 dule-binsaed-nikadaed, 
\q2 dule-igar-napiragwadbi-imaked, 
\q2 dule-gwage-swilidikid, 
\q2 dule-nabir-na-san-bargaed. 
\p  
\v 9 Deginbali, we-dule, igi Bab-Dummad-Gayaburbagi odurdaklesa, amba deyob e-gwagegi na sediirgebed. Adi, dulemar-baigan-odurdakalir, igar-napiragwadgi e-gwage ogannogegar. Degine, dulemar-igar-nabiridgi-noar-binsadimalad-e-gwage ogwaegar. 
\p  
\v 10 Ar amba bukidar Bab-Jesús-Igargi annadimalad, dulemar-yardakdimalad, degi, binsa-ee-sunmakdimalad. We-dulemar bur bule dule-abgan-duku-uka-sikergebe-sogmalad gued.  
\v 11 We-dulemar-mer-bar-sunmakega be imakergebed. We-dulemar ibmar-odurdaklegewilubsulid-odurdakedba bela negyagi-bukmalad-oichononidamalad, ibmar-isgana-odurdakedgi mani-onodimalad. 
\p  
\v 12 Ar e-dule-wargwen, gayaburba-barsoged, Creta-dupuginmogad, na e-dulemargi sogsagusad: 
\q1 “Creta-dupuginmalad, gusgu gadi gakansamalad, 
\q2 achu-sapurdamaladyobi damaladid. 
\q1 Unnila-mas-gunnedginbi-binsadimaladid, 
\q2 degine, wiegala-dulemalad.” 
\p  
\v 13 We-dule-ibmar-sogsad ar nue-napira soged. Degisoggu, gatik be amarga gandik ibmar sogo, adi, Jesús-Igargi nued-nanadii gumalagar.  
\v 14 Degine, mer binsa Judíoʼmar-nui-sunmakedba damarbaligar, deginbali, dulemar-igar-napiragwadgi-banguddamalad-e-igar-mesedba mer damarbaligar. 
\p  
\v 15 Dulemar-gwage-nuegangardi, ibmar-belagwapa swilidik naid. Ar dulemar-gwage-sunnasur-gudimaladgardi, Bab-Jesús-bengudimaladgardi, belagwapa ibmar isgusadbi naid. Ar ade, a-dulemarga e-binsaedse-bakale, e-ulubgi-ibmar-itogedse-bakale, bato isgus naid.  
\v 16 Ar Bab-Dummad-wisye sogmalando, ar na e-damaladgindi, Bab-Dummad-osulodimalad. A-dulemar ibmar-isgana imakmalad, Bab-Dummad-sogedba ibmar-imaksurmaladsoggu, bela ibmar-nuegan-imakleged geg imakmarsundo. 
\c 2  
\ms1 3. IGAR-NUEGAN-MAMAIDGI-ODURDAKLEGED 
\mr (2:1-15) 
\p  
\v 1 Tito, ar bedi Jesús-Igar-nuegan-mamaidba be innikii sunmako. 
\p  
\v 2 Dadormarga be sogo: 
\q2 Mer dogdar wilub-obichaa damaloye, 
\q2 mer dodoakwaa damaloye, 
\q2 nue-binsaed-nikaa damaloye, 
\q2 Jesúsʼgi-nue-bensuli gumaloye, 
\q2 nue sabgumaloye, 
\q2 degine, mer ukurmakar ibmar abemaloye. 
\p  
\v 3 Amba deyob mukwamarga be sogmogoed: 
\q2 E-daedgi Bab-Dummad-dobee nanamaloye, 
\q2 mer dule-baigan-ogakansamaloye, 
\q2 mer mumgudii nanamaloye, 
\q2 ibmar-nueganginbi dulemar-baigan-odurdakdii nanamaloye. 
\p  
\v 4 Deginbali, mukwamarga be sogbalo, omegan-odurdakbaloye: 
\q2 E-nusgana-sabguedgi, 
\q2 e-suimar-sabguedgi, 
\q2  
\v 5 nue-binsaed-nikadaedgi, 
\q2 san-swilidik-nanaedgi, 
\q2 neg-nued-akwedgi, 
\q2 nueddaedgi, 
\q2 e-sui-urbaligwa-nanaedgi, 
\q3 adi, dulemar mer Bab-Dummad-Gayaburbagi isdar sunmakmalagarye. 
\p  
\v 6 Deginbali, sapingana be weyob unabalo: 
\q2 Nue-binsaed-nikaa damaloye. 
\p  
\v 7 Tito, bedi be bela ibmar-nuegan-saedgi sapinganga be oyogoed, igi nanamalargebe. 
\q2 Ulubgi akar-binsasulidgi, 
\q2 degi, sunmaked-napiragwadgi dodoakwaadasulidgi, 
\q3 be sapingan-odurdakoed. 
\p  
\v 8 Gaya-nuegangi be sunmakoed. We-gayagi dule geg akar soged. Weyob be odurdakele, be-isdarmalad be obingegsaoed. Ar ade, begi ibmar-isdarmalad geg soge-gumaloed. 
\p  
\v 9 Maigan be weyob ounabalo: 
\q2 Be-dummagan-ibmar-sogedba be damarye, 
\q2 bela yeer-itoged be imakye, 
\q2 melle abin be sunmakmarye. 
\q2  
\v 10 Degine, mer e-ibe be ibmar atursamaloye. 
\q2 Na be oyoged imakmarye, bemar geg-dulemar-yardakmaladye, 
\q3 adi, begi dakmalagar, Bab-Dummad-anmar-Abonoged-e-Igar, igar-nuedi. 
\p  
\v 11 Bab-Dummad bela nabir dulemargi binsamaid. Ar Bab-Dummad nabir dulemargi binsaewilubsulinad. Emigindi, isguedgi bela dulemar-abonogega, e-nabir-binsaed bela dulemarga oyononikid. 
\p  
\v 12 Bab-Dummad nabir-anmargi-binsaedba we-igarmargi anmar-odurdaknonikid: 
\q2 Bab-Dummadgi-binsasuli-nanaed-obaned, 
\q2 ibmar-isganagi-binsaed-obaned. 
\p Adi, 
\q2 weyobi anmar we-napneg-naidgi nue-binsaed-nikaa nanaegar, 
\q2 ibmar-innikigwadbi-imakdii guegar, 
\q2 nue-Bab-Dummad-dobee-nanadii guegar. 
\p  
\v 13 Emide anmar, bensulidgi anmar-Bab-Jesucristo-Abonoged-nuedid e-gangued-yeerdaklegedgi-gannar-danikoed edarbedimarsunnad. 
\p  
\v 14 We-Jesucristoʼde isguedgi anmar-onogegala, anmar-anar na san-burba uksagusad, anmar-anar burgwisad. Adi, bela anmar-isgudiid eliega, egadga anmar-imakega swilidik anmar-imaksad. Adi, anmar ibmar-nueganbi imakdii guegar. 
\p  
\v 15 Tito, weyob bega ibmar-soglesadba be sunmako, be dule-unao, gandikidba weyob be ibmar sogo. Mer dulemar ibgwensur-be-daked be imako. 
\c 3  
\ms1 4. JESÚSʼBA-NANAIMALAD IGI-DAMALARGEBE 
\mr (3:1-11) 
\p  
\v 1 Tito, gwenadganga gannar be sogo, insamaloye: 
\q2 Dule-negsemamaid-urbaligwa be nanamaloye, 
\q2 dummagan-mamaid-urbaligwa be nanamaloye, 
\q2 amar-sogedba damaloye. 
\q2 Ibmar-nueganbi-imakegala, be guagwar gudii gumaloye. 
\q2  
\v 2 Mer dulemargi ichakwa sunmakmaloye, 
\q3 bur be bogidik gudiguo. 
\q2 Bur dulemargi binsaed-nikaa damaloye, 
\q2 bela dulemar-baigan-urbaligwadaed na be imakmaloye. 
\p  
\v 3 Ar anmar epenne deyob binsaedsuli-gudii gusmogad, Bab-Dummadba ibmar-imaksuli-gudii gusmogad. Weyob anmar gudii gusad: 
\q2 Yardakles-gudii, 
\q2 ibmar-isgana-maiga-gudii, 
\q2 ibmar-isganagi-wergudii, 
\q2 ibmar-isganagi-binsadii, 
\q2 nobgudii, 
\q2 dulemarse-isdar-dakledii, 
\q2 degine, muchub-muchub-na-isdar-dakdii, 
\q3 anmar gusmalad. 
\p  
\v 4 Ar Bab-Dummad-anmar-Abonoged-e-nued-dulemargi-binsaed-oyolenonigu, degine, bela e-sabgued dulemarse-oyolenonigu,  
\v 5 Bab Dummad wile-anmar-daksadba anmar-abonononikid. Anmar ibmar-innikii-imaksadbarsulid. Bab-Dummad-Burba-Isligwaled-uksadba anmarga isgued-elinonikid, burba-dulad anmarga uknonikid. Deyob anmar-abonononikid.  
\v 6 Anmar-Abonoged-Jesucristoʼba, Bab-Dummad anmarga E-Burba-Isligwaled unnitiba uknonikid.  
\v 7 Bab-Dummad anmargi-nabir-binsamaidba, isgussuliyob anmar-daknonikid, degine, bensulidgi burba-geg-bergued-edarbediguega anmar-imaksad. 
\p  
\v 8 Tito, we-Gayaburba, napiragwadid. We-Gayaburbagi nue-gandikidba dule-odurdaknai an be-abeged, adi, dulemar-Bab-Dummad-bensurmalad ibmar-nueganbi imakdigumalagar. We-ibmarmar, ibmar-nueganad, degine, dulemarga ibmar-nueganga gubalid. 
\p  
\v 9 Ar ibmargi-binsa-ee-sunmaklemaladgi, dadgan-danimalad-igargi, mer be sunmakdii guo. Muchub-muchub-abin-abin-imakmaladgi, Moisés-Igar-Mesisadgi-abin-abin-urwemaladgi, mer be sunmakdii guo. 
\p Ar weyob sunmaklegedi, binsaledid, gwen ibmar-nueganga gusulid. 
\p  
\v 10 Ar dule-wargwen sordamar-mamardiile, ese be goloed. Irbo-goledgi be-itosulile, a-dule be onogoed.  
\v 11 Ar be wisid, we-dule-degidaedi, isgudiid, galagwensuli gudiid. Ar na e-daedbali, bato odurdakleged-igar ega megisdo. 
\ms1 5. PABLO, TITOʼGA NAPI IBMAR SOGSAD 
\mr (3:12-14) 
\p  
\v 12 Artemas an bese barmidodibe, Tíquicoʼdibe. We-gwensak bese-modapile, be gwae anse Nicópolis-neggweburse-daged imako. Ar a-neggweburgi an dii-wied-niigi mai guoed.  
\v 13 Dule-irwa-gwisgued-Zenas, degine, Apolos, amarga ibmar be ukmalo, adi, neggwebur-baidsik-nadmalar, melle ibmar-sate igarba nadapi gumalagar.  
\v 14 Degine, anmar-sordamarmoga, ibmar-nuegan-imaked durdakmarmogoed, adi, dule-ibmarsurmaladga ibmar-nuegan-imakega, mer binsa Bab-Jesúsʼba nanadii gumalagar. 
\ms1 6. NAPI-SOGLENAID 
\mr (3:15) 
\p  
\v 15 Bela an-walik-bukmalad bega sogsimardo, bemarde nued sogeye. Dulemar-Jesúsʼgi-bensurmalad-anmar-sabmaladga be sogo, bemar nued sogeye. 
\p Bab-Dummad nued bemargi binsasun.