\id PHM - Kuna, San Blas - Bible -Panama 2014 (DBL -2014) 
\h Filemón 
\toc1 Filemónʼse-Narmaklesad-Garda 
\toc2 Filemón 
\toc3 Flm 
\mt1 FILEMÓNʼSE-NARMAKLESAD-GARDA 
\mt2 FILEMÓN 
\imt2 GEBE-SOGLENAID 
\imt1 Garda-nug 
\ip Pablo, Roma-neggweburgi esgaryagi mellesigua, Filemón-e-mai-wargwen, Onésimoʼye-nugad-ebo abingunonikid. Onésimo, e-ibed-ibe ibmar-atursasgu, wakicha gusad. Pablo, Onésimoʼga Bab-Igargi sunmaksagu, Onésimo Bab-Jesúsʼba nagus gusad. Binsamardo, we-garda birga 60ʼgi narmakles-insaye. 
\is1 Filemónʼse-Narmaklesad-Gardagi weyob sunmaklenaid 
\ip Roma-dulemar-igargine, igar-maid, gannar mai e-ibedga uklegoye. A-ulale, Pablo Filemónʼse gannar Onésimo-barmiargusad. Pablo, Bab-Dummad-Burba-Isligwaledbali, Filemónʼga we-gardagi sogsiido, Onésimo-gannar-abingaoye. Mer unnila maiyob be bar dakoye. Ar emigindi, Bab-Jesúsʼgi-gwenadga-gunonisoggu, deyob be Onésimo-abingaoye. Pablo, Filemónʼga sogbalid, Onésimo-bei-mani-atursasadi, ani an be-bennukoye. 
\ip We-gardagine, weyob ilemakar sunmaklenaid: 
\io1 1. Gebe-sikwas-soglenaid (1:1-3). 
\io1 2. Pablo, Filemónʼga Babse-goled (1:4-7). 
\io1 3. Pablo, Onésimo-ular sunmaksiid (1:8-22). 
\io1 4. Napi-soglenaid (1:23-25). 
\ip Be itogua. 
\c 1  
\ms1 1. GEBE-SIKWAS-SOGLENAID 
\mr (1:1-3) 
\p  
\v 1 Ani Pablo, Jesucristo-nuki-sunmakedba an esgaryagi mellesiid. Gwenad-Timoteo-anbo gwenad-sabesailad-Filemónʼse we-garda narmaksiid. We-gwenadde, anmarba-Jesús-igargi-arbamogadid.  
\v 2 Anmar-bun-Cristoʼgi-gusad-Apiaʼye-nugadse anmar narmaksibalid. Degi, anmarba-arbaed-Arquipoʼse narmaksibalid. Deginbali, be-neggi Jesúsʼba-nanaimalad, anmar narmaksibalid: 
\p  
\v 3 Anmar-Bab-Dummad anmar-baba, degi, anmar-Dummad-Jesucristo, bemargi nued binsamarsun, degi, ulubgi bogidik bemar-itogega imakbarsun.\fig Esgaryagi, Pablo, Filemónʼse garda narmaksad. (Filemón 1, 9-10) |src="CN02069B.TIF" size="col" ref="Filemón 1:3" \fig* 
\ms1 2. PABLO, FILEMÓNʼGA BABSE-GOLED 
\mr (1:4-7) 
\p  
\v 4 Filemón, an Bab-Dummadse-gorsiidgi an begi binsader, an gusgu Bab-Dummadga dog-nuedye sogdaed.  
\v 5 Ar ade, an be-itoged bede Bab-Jesús, degi, eba-nanaimalad nue-sabye, degi, Bab-Jesúsʼgi be nue-bensulid nikabarye.  
\v 6 Andi an bega Babse-goled, adi, Bab-Jesúsʼgi-bensulid-nikadgi be sunmakele, bela be igarmar-nuegan-mamaid-wisgusad, napiragwadba Cristo-sabedbali be odurdaksun.  
\v 7 Be dulemar-nue-sabedba, anmar nue-weligwar itoged, degi, anmar-gwage nue-ogannolenonibalid. Gwenad, ar be-ulale, gwenadgan-Jesucristoʼgi-akananaimalad nue gwage gannalesmalad. 
\ms1 3. PABLO, ONÉSIMO-ULAR SUNMAKSIID 
\mr (1:8-22) 
\p  
\v 8 A-ulale, an Cristo-nuggi, sunna an bega sabsur-ibmar-soge-wilubbinad, ibi be imakergebe.  
\v 9 Degi-inigwele, an bur sabedgine bese egised. Ani Pablo, bato selebagus, deginbali, emi, Jesucristo-nuggi-sunmaked-ular, esgaryagi mellesiid.  
\v 10 An wilesakwaa an-machi-Onésimo-ular, an bese egised. Onésimo, an wegi-esgaryagi-mellesiidgi an-machiga gunonikid.  
\v 11 We-be-mai-Onésimo, iduardi, gwen ibmar-nuedga bega gussulid. Emigindi, bega, degi, anga, ibmar-nuedga gunonikid.  
\v 12 We-Onésimo, gannar an bese barmisiid. Degisoggu, an-abinganaiyob we-dule be abingao.  
\v 13 An Bab-Jesús-Gayaburba-Nuedgi-sunmakdiid-ular, esgaryagi-mellesiidgine, wegi an Onésimo obebiendo, adi, be-anar an-bendakegar.  
\v 14 Degi-inigwele, be-ibmar-wissuli an yapa ibmar imakgusad. Adi, be-anga-ibmar-imaked an bega-ise-sogar-sogedba melle be imakegar. Bur be-itolegedba be anga ibmar imakegar.  
\v 15 Emigi, be degisadegu Onésimo-abingaega, begi-sikwas wis bangusargebed.  
\v 16 Mer maiyob bar be Onésimo-dako. Suli, aba bur bule be dakoed, gwenad-nue-sabedyob be abingaoed. Ar we-gwenad an bela-belad sabed, ar bedi bur bule nue-sabguergebed. Dule-yogasaaledyob be sabguosulid, Bab-Jesúsʼgi-be-gwenadyob be sabguoed. 
\p  
\v 17 Degisoggu, be-sordayob be an-dakele, an-abinganaiyob be Onésimo-abingado.  
\v 18 Be-ibe ibmar-oichosale, igi, begi mani-ganikile, an-nuggi be nasiko.  
\v 19 Ani Pablo, an-sunnad an-argangi an bega narmaksiid, an-sunnad an bela be-bennukoed. Ar an napiragwadgi an bega soged, be angi mani gaewilubsulinad. Ar emi be gudiidi, be-sunnad be angi mani-ganikidyob gudimogad.  
\v 20 Eye, gwenad, Bab-Jesús-nuki an begi ibmar-nued nikusana gadin. Anmar Bab-Jesúsʼgi-gwenad-guedgi, be an-gwage ogannoge.  
\v 21 An-bega-ibmar-sogedba-be-ibsaoedi, an begi-bensulidba, an bega garda narmaksiid. Ar an nue-wisid, an bese-ibmar-egisnaidba bur bule be ibmar imakoed. 
\p  
\v 22 Deginbali, an-megoed be anga guagwar sio. Ar an wisid, bemar anga-Bab-Dummadse-goled-ular, Bab-Dummad nabir an bemarse-ataknaega, an-imakoed. 
\ms1 4. NAPI-SOGLENAID 
\mr (1:23-25) 
\p  
\v 23 Epafras, Cristo-Jesús-nug-ular, anbo-esgaryagi-mellesiid bega sogdo, bede nued sogeye.  
\v 24 Deginbali, Marcos, Aristarco, Demas, Lucas, wemar anba-arbamaladi, bega sogsimarmogad, bede nued sogeye. 
\p  
\v 25 Anmar-Bab-Jesucristo be-burbagi nued binsasun. Be itomargua.