\id OBA - Kuna, San Blas - Bible -Panama 2014 (DBL -2014) 
\h Abdías 
\toc1 Abdías-Garda 
\toc2 Abdías 
\toc3 Ab 
\mt1 ABDÍAS-GARDA 
\mt2 ABDÍAS 
\imt2 GEBE-SOGLENAID 
\imt1 Garda-nug 
\ip \it Abdías-Garda.\it* Abdías, Bab-Dummad-gayaburbagi sunmakdii gusad. \it Bab-Jehová-e-maiye,\it* Abdías-nug obarileged. 
\is1 Abdías-Gardagi weyob sunmaklenaid 
\ip Judá-yalagi we-garda narmaklesad. Anmar nue wissulid bia Abdías Bab-Dummad-gayaburbagi sunmakdii gusa. Egi binsaledo, Jerusalénʼgi, degi, neggwebur-e-nagaba-bukmaladgi sunmakdii gusye. 
\ip We-garda-giakwagwadgi, Bab-Dummad Edom-dulemar-sabsur-odurdakoedgi bur sunmaknaid. Ar Jerusalén-neggwebur e-isdarmaladse oitolesgua, Edom-dulemar unnila Israel-dulemargi aibichasurmalad, yeer-itosmarbalid, e-ibe ibmar-susmarbalid. Deginbali, e-ibe yar saguar susmarbalid. 
\ip We-gardagine, weyob ilemakar sunmaklenaid: 
\io1 1. Edom-yar san-dummarba-imakedba bergunonikid (1:1-14). 
\io1 2. Bab-Jehová-E-Iba, degi, dule-yar-baid-baidginmalad-sabsur-odurdaklegoed (1:15-18). 
\io1 3. Israel-yar gannaryob-sigoed (1:19-21). 
\ip Be itogua. 
\c 1  
\ms1 1. EDOM-YAR SAN-DUMMARBA-IMAKEDBA BERGUNONIKID 
\mr (1:1-14) 
\s1 Edom-yar-bergunonikid 
\r (Jeremías 49:7-22) 
\p  
\v 1 Abdías-negburgan-daksad. Anmar, Bab-Jehová-e-ibmar-soged itosad. 
\p E-gayaburba-berbeged-wargwen, dulemar-yar-baid-baidgi-bukwadse barmilesad. A-dule, weyob soged: “Anmar ogusmar. Anmar we-neggweburgi bila-ononamar.” 
\p Bab-Jehová-Bela-Gangued-Nikad Edom-dulemarnik weyob soged: 
\q1  
\v 2 “Dulemar-yar-baid-baidgi-bukwamalad-abargi an bur san-bipii be-imakoed. 
\q2 Bela dulemar isdarsunna be-dakmaloed. 
\q1  
\v 3 Na be-gwage-ulubgi be-san-dummarba-itogedi be-yardaksad, 
\q2 Akwa-dummagan-imbaba be-siid, nibaduku be siid. 
\q1 A-ulale, na be binsaed, 
\q2 ‘¿doa napagulluse an-egwannosunna?’ ” 
\p  
\v 4 Bab-Jehová soged: 
\q1 “Sulubagiyob amba be matusuli gukudiile, 
\q2 amba niisgwamar-imbaba be-uu siile, 
\q2 agi-gudiidgi amba an be-egwannoed. 
\b  
\q1  
\v 5 ”Ar dule-ibmar-atursaed mutikidba be-ibe ibmar atursadanikile, ¿unnila ibmar-abegedbi be-ibe sussulir be insae? Eye. Ibmar-abegedbi be-ibe susaled. 
\q2 Ar bedi bur bule ibitogoed. 
\q1 Ar uva-weemalad, be uva-nainuse nonikile, ¿uva-e-solamar obessulir be insae? Obesale. 
\q2 Ar bedi bur bule ibitogoed. 
\q1  
\v 6 Esaú-e-ibmar-nuegandi, bela sulegoed. 
\q2 Bela e-ibmar-nuegan-gargerbamalad e-ibe sulegoed. 
\q1  
\v 7 Bela dule-beba-nanaidi, be-yar-abingunaidse be-ononnomaloed. 
\q2 Be-aimala be-yardakmaloed, be-dummadga gunonimaloed. 
\q1 Dulemar-bebo-masgundimalad, begi aibinmalaga be-yardakmaloed. 
\q2 Edom-dulemarde deyob-guoed itogosurmalad.” 
\p  
\v 8 Bab-Jehová soged: 
\q1 “A-ibagi, Edom-dulemar-dule-binsaed-ibegan, an obelogoed, 
\q2 Esaú-yargi dule-ibmar-wisimaladi, an obelogoed. 
\q1  
\v 9 Temán-neggwebur, be-sorda-bila-onomalad, dobedba wawanmakdemaloed. 
\q2 Esaú-yargi bila-onolenaidgi bela dulemar burgwemaloed. 
\b  
\q1  
\v 10 ”Esaú, be be-urba-Jacob-nue-wiosadbali, be dummad-bingeguoed, 
\q2 degisadegu be berguoed. 
\q1  
\v 11 Jacob-e-sorda-bila-onomalad dule-baiganse gales-selemamaigua, bedi agi, unnila dakgwichi gusad, 
\q2 gwen be bendaksasulid. 
\q1 Dule-baigan, Jerusalén-e-yawagakba ubomamaigua, e-ibmar-nuegan-susmalad-miminanaigua, gwen be bendaksasulid. 
\q2 A-dulemaryob be gusmogad. 
\q1  
\v 12 Esaú, be-urba-sabsur-imaklenaigusad-ibagi, ega be allewilubsulinad. 
\q2 Be-urba-sabsur-obingelenaigusad-ibagi, ega be allewilubsulinad. 
\q1 Judá-dulemar-ogilolenaigusad-ibagi, be yeer-itogewilubsulinad. 
\q2 E-suli-suli-itonaigusad-ibagi, egi be dodogewilubsulinad. 
\q1  
\v 13 Esaú, an-dulamar-sabsur-odurdaklenaigusad-ibagi, 
\q2 e-neggwebur-yawagakba be dogewilubsulinad. 
\q1 E-sabsur-odurdaklenaigusad-ibagi, 
\q2 be yeerdakgwichi guewilubsulinad. 
\q1 E-wilenanaigusad-ibagi, 
\q2 e-ibe be ibmar-nuegan-gargerbamalad suewilubsulinad. 
\q1  
\v 14 Jacob-dulemar-wakinmamaid-oburgwegala, 
\q2 igarmar-abingunanaidgi idu be gwisguewilubsulinad. 
\q1 E-suli-suli-itonaigusad-ibagi, 
\q2 dule-burgwissurmalad e-isdarmaladga be urmakewilubsulinad.” 
\ms1 2. BAB-JEHOVÁ-E-IBA, DEGI, DULE-YAR-BAID-BAIDGINMALAD-SABSUR-ODURDAKLEGOED 
\mr (1:15-18) 
\p  
\v 15 Bab-Jehová soged: 
\q1 “Ar bela dulemar-sabsur-odurdaked-e-ibagan warmaksad, 
\q2 Edom, ar igi be dule-imaksa, deyobi, be gumogoed. 
\q2 Igi be dulemar-imaksagusa, emigi be bela itomogoed. 
\q1  
\v 16 Israel-dulemar, igi-bemar anse an-yar-islidikidgi sabsur-odurdaklesgusmala, 
\q2 deyobi, dulemar-yar-baid-baidgi-bukmalad anse sabsur-odurdaklemogoed. 
\q1 Sabsur-odurdaklegoedba bergudmaloed. 
\q2 Dule-bukussuliyobi gumaloed. 
\q1  
\v 17 Ar Sión-yargindina, dule-gwenna-gwenna san-onomaloed, amala swilidikidga gumaloed. 
\q2 Jacob-wagan gannar e-ibmar sumaloed. 
\q1  
\v 18 Jacob-wagana, sooyobi gumaloed, 
\q2 José-wagandi, soo-gaeyobi gumaloed. 
\q1 Esaú-wagandina, gagan-dinnagwadyob gumaloed, 
\q2 soogi gummakmaloed, soose bergumaloed. 
\q1 Degisoggu, Esaú-wagan-abargine, dule-wargwensaar durguosulid. 
\q2 Ani an Bab-Jehová deyob soged.” 
\ms1 3. ISRAEL-YAR GANNARYOB-SIGOED 
\mr (1:19-21) 
\q1  
\v 19 Neguevʼginmalad, Esaú-yar sumaloed. 
\q2 Sefelaʼginmaladdi, Filistea-dulemar-yar sumaloed. 
\q1 Israel-dulemar, Efraín-yar sumaloed, 
\q2 Samaria-yar sumarbaloed. 
\q2 Benjamín-wagan, Galaad-yar sumarmogoed. 
\q1  
\v 20 Israel-sorda-bila-onomalad-gales-selesgusmalad Canaán-dulemar-abargi-gudimaladi, 
\q2 Sarepta-neggweburse yar-sumaloed. 
\q1 Jerusalén-dorgan-Sefarad-neggweburse-selesmaladdi, 
\q2 Neguev-neggweburmar sumaloed. 
\q1  
\v 21 Israel-dulemar-galebukwa-nosmaladi, 
\q2 Esaú-e-yar-semai-gumalaga Sión-yarse naknonimaloed. 
\q2 Bab-Jehová na we-yar-dakmai guoed.