\id NUM - Kuna, San Blas - Bible -Panama 2014 (DBL -2014) 
\h Números 
\toc1 Números-Garda 
\toc2 Números 
\toc3 Mn 
\mt1 NÚMEROS-GARDA 
\mt2 NÚMEROS 
\imt2 GEBE-SOGLENAID 
\imt1 Garda-nug 
\ip \it Números-Garda.\it* We-garda, Garda-Sogataled-sogabakedid. Latín-gayabali, \it Liber numerorumʼye\it* sogleged. “Númerosʼye” bileged. Hebreo-gayabardina, \it Bemidbarʼye\it* nugad. We-sogleged, \it “Nega-dulesulidganbarye.”\it* Wede Sinaí-yalagi bukwamaladgi ibmar-gusadgi sunmaked. 
\is1 Números-gardagi weyob sunmaklenaid 
\ip We-gardagine, ilabo nega-dulesulidganba Israel-dulemar-ebislesadgi sunmaknaid. Gebe Sinaí-yalagi-naed-iduar ebislesad. Geb baidi, birga-dulabogwad-sorba (40), Moab-yalagi-bukwa ebislesbalid. Adi, dakega bule sorda-bila-onomaladi mergue, degidbali, ega napamar-uklegegar. 
\ip We-gardagi anmarga oyonaid, igi Israel-dulemar nega-dulesulidganbali nadapi gusmala. Bonigan-abalagi nadapi gusmalad, degi, imbagwenale, bukib-itoardamalad, wiles itoardamalad. Degidbali, Bab-Dummadgi uayasuli guardamalad. Moisés-ega-ibmar-sogedba ibmar-imakbi dasurmalad. Imbagwenale, gannar Bab-Dummad-ega-ibmar-sogedba nanaardamalad. Degite, Bab-Dummad e-dulamargi gwen-bangussulid. 
\ip We-gardagine, weyob ilemakar sunmaklenaid: 
\io1 1. Israel-dulemar Sinaí-yargi ambikusmalad (1:1–10:10). 
\io1 2. Israel-dulemar Moab-yarse nadapigusad (10:11–21:35). 
\io1 3. Israel-dulemar Moab-nebagangi ambikudapmalad (22:1–36:13). 
\ip Be itogua. 
\c 1  
\ms1 1. ISRAEL-DULEMAR SINAÍ-YARGI AMBIKUSMALAD 
\mr (1:1–10:10) 
\s1 Sinaí-yargi-Israel-dulemar-ebislesad 
\p  
\v 1 Israel-dulemar birgabogus gaka nii-warbo-ibagwengusa Egipto-yargi-bukwa ainisgusmaladgine, Bab-Jehová Sinaí-nega-dulesulidganba, dulemarbo-ambikued-neggi, Moisésʼga sunmaksad. Weyob ega sogded: 
\p  
\v 2 “Bela Israel-dulemar be ebiso, na e-dadgan-e-dadganba, na e-gwenadgan-e-gwenadganba be ebiso. Bela machergan-irba e-nug be meso.  
\v 3 Bee be, be-ia-Aarónʼbo, dulemar-ilekwaa na e-sordamar-bukwadba machergan birga-durgwen (20) nikamalad, degi, birga-durgwen-obine (20+) nikamalad, sunna dule-bila-onogedse-namalad be ebiso.  
\v 4 Bemar-bendakega bemar-dadgan-warambe-gakabogwad-war-wargwengi, neguyagi-dummadga-gudiid be suoed.” 
\s1 Nug-weega-nugsalesmalad 
\p  
\v 5 Bab-Jehová Moisésʼga sogdebalid: “We-dulemala, bemar-bendakmaloedid: 
\q2 Rubén-e-wagansik, Sedeur-machi-Elisur. 
\q2  
\v 6 Simeón-e-wagansik, Zurisadai-machi-Selumiel. 
\q2  
\v 7 Judá-e-wagansik, Aminadab-machi-Naasón. 
\q2  
\v 8 Isacar-e-wagansik, Zuar-machi-Natanael. 
\q2  
\v 9 Zabulón, e-wagansik, Helón-machi-Eliab. 
\q2  
\v 10 José-e-masmalasikdi: 
\q3 Efraín-e-wagansik, Amiud-machi-Elisama. 
\q3 Manasés-e-wagansik, Pedasur-machi-Gamaliel. 
\q2  
\v 11 Benjamín-e-wagansik, Gedeoni-machi-Abidán. 
\q2  
\v 12 Dan-e-wagansik, Amisadai-machi-Ahiezer. 
\q2  
\v 13 Aser-e-wagansik, Ocrán-machi-Pagiel. 
\q2  
\v 14 Gad-e-wagansik, Deuel-machi-Eliasaf. 
\q2  
\v 15 Neftalí-e-wagansik, Enán-machi-Ahira.” 
\q3  
\v 16 Wemala, dule-dummagan-nuga-nikamalad Israel-dulemar-dadgan-warambe-gakabogwad-abargi (12) onugsalesmalad-dake. 
\q3 Wemala, Israel-dulemar-idumaladga nugsalesmaladid. 
\s1 Dule-nug-welesmalad-ebislesad 
\p  
\v 17 Degisoggu, Moisés, degi, Aarón, we-dulemar-nugsalesmaladse e-nugba ese gochasunnad.  
\v 18 Nii-warbogwad gebe-iba-onodedgi, Moisés bela dulemar-danar urbisad. Geb degine, machergan na e-dadgan-e-dadganba, na e-gwenadgan-e-gwenadganba bela e-nugmar mesisad. Bela machergan birga-dulagwen-nikad (20), degine, birga-dulagwen-obine-nikamaladi (20+), e-nugmar narmaklesad.  
\v 19 Ar Bab-Jehová igi Moisésʼga-sogsagusa, deyob, Moisés Sinaí-nega-dulesulidganba dulemar-ebichisad. 
\p  
\v 20 Rubén, Israel-e-machi-sailagined, a-e-wagan, na e-dadgan-e-dadganba, degine, na e-gwenadgan-e-gwenadganba, na wala-walagwen, 
\q1 bela machergan birga-durgwen-nikad (20), degine, birga-durgwen-obine-nikamaladi (20+), sunna dule-bila-onogedse-namalad-e-nugmar mesilesad. 
\q2  
\v 21 Rubén-wagan, mili-dulabo-gakanergwa gaka dulataled-ilatar-mergu (46,500) dakleardo. 
\p  
\v 22 Simeón-wagan, na-e-dadgan-e-dadganba, na e-gwenadgan-e-gwenadganba, na wala-walagwen, 
\q1 bela machergan birga-durgwen-nikad (20), degine, birga-durgwen-obine-nikamaladi (20+), sunna dule-bila-onogedse-namalad-e-nugmar mesilesad. 
\q2  
\v 23 Simeón-wagan, mili-dulabo-gakambe-gakabakebak gaka dulataled-ilapaa-mergu (59,300) dakleardo. 
\p  
\v 24 Gad-wagan, na e-dadgan-e-dadganba, na e-gwenadgan-e-gwenadganba, na wala-walagwen, 
\q1 bela machergan birga-durgwen-nikad (20), degine, birga-durgwen-obine-nikamaladi (20+), sunna dule-bila-onogedse-namalad-e-nugmar mesilesad. 
\q2  
\v 25 Gad-wagan, mili-dulabo-gakatar gaka dulataled-ilanergwa gaka dulabo-gakambe-mergu (45,650) dakleardo. 
\p  
\v 26 Judá-wagan, na e-dadgan-e-dadganba, na e-gwenadgan-e-gwenadganba, na wala-walagwen, 
\q1 bela machergan birga-durgwen-nikad (20), degine, birga-durgwen-obine-nikamaladi (20+), sunna dule-bila-onogedse-namalad-e-nugmar mesilesad. 
\q2  
\v 27 Judá-wagan, mili-dulapaa-gakambe-gakabake gaka dulataled-ilanergwa-mergu (74,600) dakleardo. 
\p  
\v 28 Isacar-wagan, na e-dadgan-e-dadganba, na e-gwenadgan-e-gwenadganba, na wala-walagwen, 
\q1 bela machergan birga-durgwen-nikad (20), degine, birga-durgwen-obine-nikamaladi (20+), sunna dule-bila-onogedse-namalad-e-nugmar mesilesad. 
\q2  
\v 29 Isacar-wagan, mili-dulabo-gakambe-gakabake gaka dulataled-ilabake-mergu (54,400) dakleardo. 
\p  
\v 30 Zabulón-wagan, na e-dadgan-e-dadganba, na e-gwenadgan-e-gwenadganba, na wala-walagwen, 
\q1 bela machergan birga-durgwen-nikad (20), degine, birga-durgwen-obine-nikamaladi (20+), sunna dule-bila-onogedse-namalad-e-nugmar mesilesad. 
\q2  
\v 31 Zabulón-wagan, mili-dulabo-gakambe-gakagugle gaka dulataled-ilabake-mergu (57,400) dakleardo. 
\p  
\v 32 José-masmaladi, Efraín-wagansik, na e-dadgan-e-dadganba, na e-gwenadgan-e-gwenadganba, na wala-walagwen, 
\q1 bela machergan birga-durgwen-nikad (20), degine, birga-durgwen-obine-nikamaladi (20+), sunna dule-bila-onogedse-namalad-e-nugmar mesilesad. 
\q2  
\v 33 Efraín-wagan, mili-dulabo gaka dulataled-ilatar-mergu (40,500) dakleardo. 
\p  
\v 34 Manasés-wagansikdi, na e-dadgan-e-dadganba, na e-gwenadgan-e-gwenadganba, na wala-walagwen, 
\q1 bela machergan birga-durgwen-nikad (20), degine, birga-durgwen-obine-nikamaladi (20+), sunna dule-bila-onogedse-namalad-e-nugmar mesilesad. 
\q2  
\v 35 Manasés-wagan, mili-dulagwen-gakambe-gakabo gaka dulataled-ilabo-mergu (32,200), dakleardo. 
\p  
\v 36 Benjamín-wagan, na e-dadgan-e-dadganba, na e-gwenadgan-e-gwenadganba, na wala-walagwen, 
\q1 bela machergan birga-durgwen-nikad (20), degine, birga-durgwen-obine-nikamaladi (20+), sunna dule-bila-onogedse-namalad-e-nugmar mesilesad. 
\q2  
\v 37 Benjamín-wagan, mili-dulagwen-gakambe-gakatar gaka dulataled-ilabake-mergu (35,400), dakleardo. 
\p  
\v 38 Dan-wagan, na e-dadgan-e-dadganba, na e-gwenadgan-e-gwenadganba, na wala-walagwen, 
\q1 bela machergan birga-durgwen-nikad (20), degine, birga-durgwen-obine-nikamaladi (20+), sunna dule-bila-onogedse-namalad-e-nugmar mesilesad. 
\q2  
\v 39 Dan-wagan, mili-dulapaa-gakabo gaka dulataled-ilagugle-mergu (62,700) dakleardo. 
\p  
\v 40 Aser-e-wagan, na e-dadgan-e-dadganba, na e-gwenadgan-e-gwenadganba, na wala-walagwen, 
\q1 bela machergan birga-durgwen-nikad (20), degine, birga-durgwen-obine-nikamaladi (20+), sunna dule-bila-onogedse-namalad-e-nugmar mesilesad. 
\q2  
\v 41 Aser-wagan, mili-dulabo-gakagwensak gaka dulataled-ilatar-mergu (41,500) dakleardo. 
\p  
\v 42 Neftalí-wagan, na e-dadgan-e-dadganba, na e-gwenadgan-e-gwenadganba, na wala-walagwen, 
\q1 bela machergan birga-durgwen-nikad (20), degine, birga-durgwen-obine-nikamaladi (20+), sunna dule-bila-onogedse-namalad-e-nugmar mesilesad. 
\q2  
\v 43 Neftalí-wagan, mili-dulabo-gakambe-gakapaa gaka dulataled-ilabake-mergu (53,400) dakleardo. 
\p  
\v 44 Moisés, Aarón, degi, Israel-dummagan-na-e-dadgangi-war-wargwen-sulearmalad, we-dulemar-ebichismalad. 
\q1  
\v 45 Bela Israel-dulemar birga-durgwen-nikad (20), degine, birga-durgwen-obine-nikamalad (20+), sunna dule-bila-onogedse-namalad-e-nugmar, na e-gwenadgan-e-gwenadganba bela mesilesad. 
\q2  
\v 46 Bela Israel-dulemar-e-nug, mili-dulataled-ilanergwa-gakapaa gaka dulataled-ilatar gaka dulabo-gakambe-mergu (603,550) mesilesad. 
\s1 Leví-wagan-nugsalesmalad 
\p  
\v 47 Leví-wagandi, na e-gwenadgan-e-gwenadganba, amardi Israel-dulemar-baiganba ebislessurmalad.  
\v 48 Ar ade, Bab-Jehová Moisésʼga sogsagusad:  
\v 49 “Unnila Leví-waganbi Israel-dulemar-abargi be ebisosulid.  
\v 50 Be, Levita-dulemar Dulemar-Anbo-Igar-Mesisad-E-Neg-dakega be imakoed. Degine, a-neggi-ibmar-ebulemalad, degi, bela a-negga-ibmar-ebulemalad-dakega, be imakbaloed. Levita-dulemala, anse-goled-neg-sunna-seleged, degine, bela e-ibmarmar-agi-ebulemalad semaloed. Degine, Levita-dulemarbi agi arbamaloed. Degine, a-neg-dikar-ebilis megmaloed. A-ular, Leví-e-wagan be ebisosulid.” 
\p  
\v 51 Bab-Dummad Moisésʼga sogdebalid: “Anse-goled-neg-sunna-seleged seledsokalile, Levita-dulemar a-neg earoed. A-neg gannar osisokarmalale, Levita-dulemar osimarbaloed. Dule-baid, Levita-dulesulid a-negse warmaksale, oburgwilegoed.  
\v 52 Israel-dulemar na danar-danar, degine, na e-bander-e-bander-urba ambikumaloed. E-sordamar-bila-onomalad-ilemakar ega soglesadba ambikumaloed.  
\v 53 Levita-dulemardi, Dulemar-Anbo-Igar-Mesisad-E-Neg-dikar-ebilis ambikumaloed, adi, melle an-urwed Israel-dulemargi yolegegar. Levitaʼmar, Dulemar-Anbo-Igar-Mesisad-E-Neg edarboed.” 
\p  
\v 54 Israel-dulemala bela Bab-Jehová-Moisésʼga-ibmar-sogsadba imaksamalad. Ar deyob bela imaksamardo. 
\c 2  
\s1 Israel-dulemar-danar-danar-ambikusmalad-igar 
\p  
\v 1 Bab-Jehová Moisésʼga, degi, Aarónʼga sunmakded, amarga sogded:  
\v 2 “Israel-dulemala dulemar-anbo-ambikued-neg-ebilis ambikumaloed, na egad-egad, e-dadgan-e-dadgan-e-bander-urba bukwa gumaloed. 
\p  
\v 3 ”Wemala, dulemar-anbo-ambikued-neg-siid-dad-nakwedsik ambikumaloed: 
\q1 Gebedgi, Judá-wagan, na e-bander-urba e-sordamarba ambikumaloed. 
\q2 Judá-wagan-e-dummad Naasónʼye nugad. Naasónʼde Aminadab-e-machid. 
\q3  
\v 4 E-sordamar ebislesmaladba, 
\q3 mili-dulapaa-gakambe-gakabake gaka dulataled-ilanergwa (74,600) mergued. 
\b  
\q1  
\v 5 ”Judá-wagan-dikarba, Isacar-wagan ambikuoed. 
\q2 Isacar-wagan-e-dummad Natanaelʼye nugad. Natanaelʼde Zuar-e-machid. 
\q3  
\v 6 E-sordamar ebislesmaladba, 
\q3 mili-dulabo-gakambe-gakabake gaka dulataled-ilabake (54,400) mergued. 
\b  
\q1  
\v 7 ”Baid-dikarsik Zabulón-wagan ambikumarmogoed. 
\q2 Zabulón-wagan-e-dummad Eliabʼye nugad. Eliabʼde Helón-e-machid. 
\q3  
\v 8 E-sordamar ebislesmaladba, 
\q3 mili-dulabo-gakambe-gakagugle gaka dulataled-ilabake (57,400) mergued. 
\b  
\q1  
\v 9 ”Bela Judá-wagan-bukwamaladgi, sordamar-sogapaa-ebislesmaladba, 
\q2 bular mili-dulabakebak-gakanergwa gaka dulataled-ilabake (186,400) mergued. 
\q3 Judá-wagan, na e-sordamar-nanadapmalad idunadapi gumaloed. 
\b  
\q1  
\v 10 ”Rubén-wagan, na-e-bander-urba, e-sordamarba dulemar-anbo-ambikued-neg-siid-dad-nakwed-argan-nuedsik ambikumaloed. 
\q2 Rubén-wagan-e-dummad Elisurʼye nugad. Elisurʼde Sedeur-e-machid. 
\q3  
\v 11 E-sordamar ebislesmaladba, 
\q3 mili-dulabo-gakanergwa gaka dulataled-ilatar (46,500) mergued. 
\b  
\q1  
\v 12 ”Rubén-wagan-dikarba, Simeón-wagan ambikuoed. 
\q2 Simeón-wagan-e-dummad Selumielʼye nugad. Selumielʼde Zurisadai-e-machid. 
\q3  
\v 13 E-sordamar ebislesmaladba, 
\q3 mili-dulabo-gakambe-gakabakebak gaka dulataled-ilapaa (59,300) mergued. 
\b  
\q1  
\v 14 ”Baid-dikarsik Gad-wagan ambikumarmogoed. 
\q2 Gad-wagan-e-dummad Eliasafʼye nugad. Eliasafʼde Reuel-e-machid. 
\q3  
\v 15 E-sordamar ebislesmaladba, 
\q3 mili-dulabo-gakatar gaka dulataled-ilanergwa gaka dulabo-gakambe (45,650) mergued. 
\b  
\q1  
\v 16 ”Bela Rubén-wagan-bukwamaladgi, sordamar-sogapaa-ebislesmaladba, 
\q2 bular mili-dulagugle-gakambe-gakagwensak gaka dulataled-ilabake gaka dulabo-gakambe (151,450) mergued. 
\q3 Rubén-wagan, Judá-sordamar-sorba, na e-sordamar-nanaimaladba nadapi gumaloed. 
\p  
\v 17 ”Geb degine, a-sorbali, Levita-dulemar, dulemar-anbo-ambikued-neg semai gumaloed. We-negde, Israel-dulemar-negabargi siidaed. Ar igi Levita-dulemar na bukwa-daniki, deyob na e-bander-e-bander senadapi gumaloed. 
\q1  
\v 18 Efraín-wagan e-bander-urba, dulemar-anbo-ambikued-neg-siid-dad-argwanedsik ambikumaloed. 
\q2 Efraín-wagan-e-dummad Elisamaʼye nugad. Elisamaʼde Amiud-e-machid. 
\q3  
\v 19 E-sordamar ebislesmaladba, 
\q3 mili-dulabo gaka dulataled-ilatar (40,500) mergued. 
\b  
\q1  
\v 20 ”Efraín-wagan-dikarba, Manasés-wagan ambikuoed. 
\q2 Manasés-wagan-e-dummad Gamalielʼye nugad. Gamalielʼde Pedasur-e-machid. 
\q3  
\v 21 E-sordamar ebislesmaladba, 
\q3 mili-dulagwen-gakambe-gakabo gaka dulataled-ilabo (32,200) mergued. 
\b  
\q1  
\v 22 ”Baid-dikarsik Benjamín-wagan ambikumarmogoed. 
\q2 Benjamín-wagan-e-dummad Abidánʼye nugad. Abidánʼde Gedeoni-e-machid. 
\q3  
\v 23 E-sordamar ebislesmaladba, 
\q3 mili-dulagwen-gakambe-gakatar gaka dulataled-ilabake (35,400) mergued. 
\b  
\q1  
\v 24 ”Bela Efraín-wagan-bukwamaladgi, sordamar-sogapaa-ebislesmaladba, 
\q2 bular mili-dulatar-gakabaabak gaka dulataled (108,100) mergued. 
\q3 Efraín-wagan, na e-sordamar-nanaimaladba danakwaa-nadapmalad-sogapaagi nadapi gumaloed. 
\b  
\q1  
\v 25 ”Dan-wagan e-bander-urba, dulemar-anbo-ambikued-neg-siid-dad-nakwed-argan-sapiledsik ambikuoed. 
\q2 Dan-wagan-e-dummad Ahiezerʼye nugad. Ahiezerʼde Amisadai-e-machid. 
\q3  
\v 26 E-sordamar ebislesmaladba, 
\q3 mili-dulapaa-gakabo gaka dulataled-ilagugle (62,700) mergued. 
\b  
\q1  
\v 27 ”Dan-wagan-dikarba, Aser-wagan ambikuoed. 
\q2 Aser-wagan-e-dummad Pagielʼye nugad. Pagielʼde Ocrán-e-machid. 
\q3  
\v 28 E-sordamar ebislesmaladba, 
\q3 mili-dulabo-gakagwensak gaka dulataled-ilatar (41,500) mergued. 
\b  
\q1  
\v 29 ”Degine, baid-dikarsik Neftalí-wagan ambikumarmogoed. 
\q2 Neftalí-wagan-e-dummad Ahiraʼye nugad. Ahiraʼde Enán-e-machid. 
\q3  
\v 30 E-sordamar ebislesmaladba, 
\q3 mili-dulabo-gakambe-gakapaa gaka dulataled-ilabake (53,400) mergued. 
\b  
\q1  
\v 31 ”Bela Dan-wagan-bukwamaladgi, sordamar-sogapaa-ebislesmaladba, 
\q2 bular mili-dulagugle-gakambe-gakagugle gaka dulataled-ilanergwa (157,600) mergued. 
\q3 Dan-wagan, napi-solaba na e-bander senadapi gumaloed.” 
\p  
\v 32 Wemala, Israel-dulemar na e-gwenad-e-gwenadganba ebislesmaladid. Bela danar-danar-bukwamaladgi, na e-sorda-e-sordamar-ebislesmaladba, mili-dulataled-ilanergwa-gakapaa gaka dulataled-ilatar gaka dulabo-gakambe (603,550), bela mergued.  
\v 33 Ar igi Bab-Jehová Moisésʼga igar-uksadba, Leví-wagandi we-Israel-dulemarba ebislessurmalad. 
\p  
\v 34 Israel-dulemala bela Bab-Jehová-Moisésʼga-igar-uksadba imaksamalad. Bela na e-bander-e-bander-urba ambikusmalad, degine, na e-dadgan-e-dadganba, na e-gwenad-e-gwenadganba nadapi gusmalad. 
\c 3  
\s1 Leví-wagan-Aarónʼsikid 
\p  
\v 1 Deun, Bab-Jehová Sinaí-yargi Moisésʼga sunmaksagusgu, weyobi, Aarón-wagan, degi, Moisés-wagan gardagi-narmaklegar mesilesad. 
\q1  
\v 2 Weyobi, Aarón-masmala nugmalad: 
\q2 Nadab, Abiú, Eleazar, Itamar. 
\q3 Nadabʼde, e-machi-sailaginedid. 
\p  
\v 3 We-Aarón-masmala, dule-irwa-Bab-Dummadse-gormaladga sulesmalad. Wemarde, Bab-Dummadse-dule-irwa-goledga-gumalaga nug-imaklesmalad. 
\p  
\v 4 Sinaí-nega-dulesulidganba Nadab, degi, Abiúʼbo, igar-maisulidba Bab-Jehováʼga ibmar-ogumakar uksamalad. A-ular, amar Bab-Jehová-asabin burgwismarsunnad. Wemar-warbogwad mimmi-nikussurmalad. Unnila, Eleazar, degi, Itamar, wemarbi e-bab-Aarón-asabin dule-irwa-Bab-Dummadse-goledga arbananai gusmalad. 
\s1 Leví-wagan-baigan-e-arbaed 
\p  
\v 5 Bab-Jehová Moisésʼga sunmakded, ega sogded:  
\v 6 “Leví-wagan, dule-irwa-anse-goled-Aarón-asabin be sedage. We-Leví-waganmar, Aarón-ibmar-imakedgi Aarón-bendakmaloed.  
\v 7 Amala, dulemar-anbo-ambikued-neggi Aarónʼga, degi, bela Israel-dulemarga arbananai gumaloed.  
\v 8 We-Leví-wagan dulemar-anbo-ambikued-neggi bela ibmarmar-ebulemalad akwemaloed. Degine, anse-goled-neg-sunna-selegedgi Israel-dulemar-ular ibmar imakoed.  
\v 9 We-Leví-wagan, Aarón, degi, e-masmala-bendakega be imakoed. Wemala, Israel-dulemar-abargine bachikii sulesmalad, anga arbaegar.  
\v 10 Aarón, degi, e-masmaladi, dule-irwa-anse-goledga be imakoed. Ar dule-baid, dule-irwa-anse-goledsulid anse-goled-negse warmakele, oburgwilegoed.” 
\s1 Leví-wagan-baigan-onugsalesmalad 
\p  
\v 11 Bab-Jehová Moisésʼga sunmakded, ega sogded:  
\v 12 “Ani an Israel-dulemar-abargi Leví-wagan-baigan bela Israel-machi-sailaginmalad-anar an susad. Ar bela machimala-sailaginmalad angadsoggu, Leví-wagan-baigan angadga gusunnodo.  
\v 13 Egipto-yalagi bela machi-sailaginmalad an oburgwisgua, ani an Israel-machi-sailaginmalad angadga-guega an susad. Deyob dulemar, degi, ibdurganse-bakale, an imaksad. Ar we-ibdurgan, bela angadid. Ani an Bab-Jehová gued.” 
\s1 Leví-wagan-baigan-ebislesmalad 
\p  
\v 14 Bab-Jehová Sinaí-nega-dulesulidganba, Moisésʼga sunmaksad, ega sogded:  
\v 15 “Leví-wagan-baigan na e-dadgan-e-dadganba, degi, na e-gwenad-e-gwenadganba be ebiso. Bela-machergan be ebisoed, susmar-nii-wargwen-nikamaladse-bakar, be ebisoed.” 
\p  
\v 16 Moisés, Bab-Jehová-ega-igar-uksadba, bela Leví-wagan-baigan ebichisad. 
\q1  
\v 17 Leví-masmala, wemalad: 
\q2 Gersón, Coat, degi, Merari. 
\q1  
\v 18 Gersón-masmaladi, wemarmogad: 
\q2 Libni, Simei. 
\q1  
\v 19 Coat-masmaladi, wemarmogad: 
\q2 Amram, Izhar, Hebrón, degi, Uziel. 
\q1  
\v 20 Merari-masmaladi, wemarmogad: 
\q2 Mahli, Musi. 
\q3 Leví-wagan-baigan na e-dadgan-e-dadganba weyob gumalad, na e-gwenad-e-gwenadganba ebislesad. 
\s1 Gersón-wagan 
\q1  
\v 21 Libni-wagan-danaled, degi, Simei-wagan-danaled Gersónʼgi danimalad. 
\q2 Wemala, Gersón-wagan gumardo. 
\q1  
\v 22 We-e-sordamar bela machergan-ebislesmalad, susmala-nii-wargwen-nikamaladse-bakar-ebislesmaladi, 
\q2 miligugle gaka dulataled-ilatar (7,500) mergued. 
\q1  
\v 23 Gersón-wagan dad-argwanedsik Bab-Dummadse-goled-neg-sunna-seleged-yarganba, bukusmalad. 
\q2  
\v 24 Gersón-wagan-e-dummad Eliasafʼye nugad. Eliasafʼde Lael-e-machid. 
\b  
\q1  
\v 25 Gersón-wagan we-ibmar-imakmalaga gumalad: 
\q2 Bab-Dummad-dulemarbo-ambikued-neg-dakedga. 
\q2 Ibmar-ukamar Bab-Dummadse-goled-neg e-uasga-gunaid-dakedga. 
\q2 A-yawagak-dogedgi-mor-dummad-naid-dakedga. 
\q2  
\v 26 Mor-dummad bela Bab-Dummadse-goled-neg, degi, ibmar-ogumakar-ukleged-aila-ebirnaid-dakedga. 
\q2 Degine, e-yawagakgi mor-dummad-naid, bela urdubmar-agi-ebulemaladse-bakar-dakedga gumalad. 
\s1 Coat-wagan 
\q1  
\v 27 Amram-wagan-danaled, Izhar-wagan-danaled, Hebrón-wagan-danaled, degi, Uziel-wagan-danaled Coatʼgi danimalad. 
\q2 Wemar, Coat-wagan gumalad. 
\q1  
\v 28 We-e-sordamar bela machergan-ebislesmaladi, degi, susmala-nii-wargwen-nikamaladse-bakar-ebislemaladi, 
\q2 milibaabak gaka dulataled-ilanergwa (8,600) mergued. 
\q3 Wemala, Bab-Dummadse-goled-neg-dakmaladga gumalad. 
\q1  
\v 29 Coat-wagan, dad-nakwed-argan-nuedsik Bab-Dummadse-goled-neg-sunna-seleged-dikarba, bukusmalad. 
\q2  
\v 30 Coat-wagan-e-dummad Elizafánʼye nugad. Elizafánʼde Uziel-e-machid. 
\b  
\q1  
\v 31 Coat-wagan we-ibmar-imakmalaga gumalad: 
\q2 Bab-Dummad-Israel-Dulemarbo-Igar-Mesisad-Ulu-dakedga. 
\q2 Mese-dakedga. 
\q2 Gwallumar-sied-dakedga. 
\q2 Ibmar-ogumakar-uklemalad-ailamar-dakedga. 
\q2 Bab-Dummadse-goled-neggi-ibmar-ebulemalad-dakedga. 
\q2 Mor-dummagan-dakedga. 
\q2 Degi, bela agi ibmarmar-ebulesiid dakedga gumalad. 
\p  
\v 32 Leví-wagan-baigan-e-dummad Eleazarʼye nugad Aarón-e-machid. Aarónʼde dule-irwa-Bab-Dummadse-goledid. Eleazarʼde Bab-Dummadse-goled-neg-sunna-seleged-dakmalad-e-dummadid. 
\s1 Merari-wagan 
\q1  
\v 33 Mahli-wagan-danaled, degi, Musi-wagan-danaled, Merariʼgi danimalad. 
\q2 Wemar, Merari-wagan gumalad. 
\q1  
\v 34 We-e-sordamar, bela machergan-ebislesmalad, susmar-nii-wargwen-nikamaladse-bakar-ebislesmaladi, 
\q2 milinergwa gaka dulataled-ilabo (6,200) mergued. 
\q1  
\v 35 Merari-wagan, dad-nakwed-argan-sapiledsik Bab-Dummadse-goled-neg-sunna-seleged-dikarba bukusmalad. 
\q2 Merari-wagan-e-dummad Zurielʼye nugad. Zurielʼde, Abihail-e-machid. 
\b  
\q1  
\v 36 Merari-wagan we-ibmar-dakmalaga gumalad: 
\q2 Bab-Dummadse-goled-neg-sunna-seleged-e-urgomar-dakmaladga, 
\q2 e-suarmar-dakmaladga, 
\q2 e-buarmar-dakmaladga, 
\q2 e-sigmalad-dakmaladga, 
\q2 bela e-ibmarmar-dakmaladga, 
\q2 degine, bela ibmar-egi-ebulemalad-dakmaladga. 
\q2  
\v 37 Bab-Dummadse-goled-neg-e-galu-bubamar-dakmaladga, 
\q2 e-sigmalad-dakmaladga, 
\q2 e-bargamalad-dakmaladga, 
\q2 e-dubmar-dakmaladga gumalad. 
\s1 Leví-wagan 
\p  
\v 38 Moisés, Aarón, degi, a-e-masmala, Bab-Dummadse-goled-neg-sunna-seleged-asabin mamaigusmalad. A-sogleged, Bab-Dummad-dulemarbo-ambikued-neg-dad-nakwedsik mamaigusmarye. Aarón, degi, e-masmala, Israel-dulemar-nuggine, Bab-Dummadse-goled-neg-sunna-seleged dakega gumalad. Dule-baigan dule-irwa-Babse-goledsulile, Bab-Dummadse-goled-negse warmaksale, oburgwilegoed. 
\p  
\v 39 Moisés, degi, Aarón, Bab-Jehová-ega-sogsadba, bela Leví-wagan, machergan, degi, bela susmar-nii-wargwen-nikamaladse-bakar, na e-dadgan-e-dadganba ebichismargua, daklealid, mili-dulagwen-gakabo (22,000) mergue. 
\s1 Masmala-gebesailagined-onolegoed-igar 
\p  
\v 40 Bab-Jehová Moisésʼga sogded: “Israel-dulemar-e-masmala-sailaginmalad, nii-wargwen-nikamaladse-bakale, bela ebiso, degine, e-nugmar be narmakbalo. 
\p  
\v 41 ”Geb degine, Israel-masmala-gebesailaginmalad-anar bela Leví-wagan be suo. Geb deginbali, bela Israel-dulemar-e-ibdurgan-gebemalad-anar, Leví-wagan-e-ibdurgan be subalo. Ani an Bab-Jehová gued.” 
\p  
\v 42 Moisés Bab-Jehová-ega-sogsadba imaksad, bela Israel-masmala-gebesailaginmalad ebichisad.  
\v 43 Bela masmala-sailaginmalad-nii-walagwen-nikamaladse-bakar-ebislesadi, a-e-nugmar-mesilesadi, mili-dulagwen-gakabo gaka dulataled-ilabo gaka dulapaa-gakambe-gakapaa (22,273) mergu daklealid. 
\p  
\v 44 Geb degine, Bab-Jehová Moisésʼga sunmakded, ega sogded:  
\v 45 “Bela Israel-masmala-gebesailagined-anar, Leví-wagan be suo. Degine, Israel-dulemar-e-molimar-anar, Leví-wagan-e-molimar be subalo. Leví-wagan angadga guoed. Ani an Bab-Jehová gued. 
\p  
\v 46 ”Ar Israel-dulemar-e-masmala-gebesailaginmalad, Leví-wagangi dulataled-ilabo gaka dulapaa-gakambe-gakapaa (273) egi-obinedba, Israel-masmala burgoenad. Amar-onogega,  
\v 47 dule-war-wargwengi mani-sibu-gwaatar be suo. A-mani Bab-Dummadse-goled-neggi-aidikuedba be suo. We-manide, gera-dulagwen (20) aidikued.  
\v 48 We-manimala, bela Aarónʼga, degi, e-masmalaga be uko. We-manide Israel-masmala-gebesailaginmalad-onolesad-e-manid.” 
\p  
\v 49 Moisésʼde Israel-masmala-gebesailaginmalad, Leví-wagan-obinedba manigi-onolesadi susad.  
\v 50 Moisés we-mani abingasad, mani-sibu-miligwen gaka dulataled-ilapaa gaka-dulapaa-gakatar (1,365) aidikued. Bab-Dummadse-goled-neggi-mani-oaidikuedba we-mani oaidikusmalad.  
\v 51 A-sorbali, Moisés, we-dule-onolesmalad-mani Aarónʼga, degi, a-e-masmalaga uksad. Moisés, ar Bab-Jehová-ega-sogsadba imaksad. 
\c 4  
\s1 Coat-wagan-arbamaloed 
\p  
\v 1 Bab-Jehová Moisésʼga, degi, Aarónʼga sunmakded, ega sogded: 
\p  
\v 2 “Leví-wagan-abargi, Coat-wagan na e-dadgan-e-dadganba, na e-gwenad-e-gwenadganba, be ebiso.  
\v 3 Bela machergan birga-durgwen-gakambe-nikamalad (30), degi, birga-durbo-gakambe-nikamaladse (50), dulemar-anbo-ambikued-neggi sunna-arbamaloed, be ebiso. 
\p  
\v 4 ”Coat-wagan dulemar-anbo-ambikued-neggi, ibmarmar-ise-islidikid akwega be imakoed:  
\v 5 Bemar danar-danar-bukwamaladgi baid-negse-naesokarmalale, Aarón, degi, e-masmala nonimaloed, anse-goled-negse dogmaloed, mor-dummagan Nega-Ise-Islidikid-idu-nanaid weemaloed. A-morgi, Dulemar-Anbo-Igar-Mesisad-Ulu anwoed.  
\v 6 A-birgine, ibdurgan-uka-nuegan oginmaloed. Geb agi, Aarón, degi, e-masmala, a-uka-birgi mor-aradbiid oginmarbaloed. Geb degine, Ulu-sedmalaga egi e-suarmar yomaloed. 
\p  
\v 7 ”Madu-anga-ukleged-mese-birgi mor-arad oginmaloed. Geb agi, batemar, wesarmar, nogmar, degi, bormo-dukwa-ibmar-eogega-ebuleged urbemaloed. Madude a-mesegi bukwagu guoed.  
\v 8 A-ibmarmar-birgine, mor-ginnid oginmaloed. Geb birgine, ibdurgan-uka-nuegan oginmarbaloed. Geb a-sorbali, mese-sedmalaga egi e-suarmar yomaloed. 
\p  
\v 9 ”Geb degine, Aarón, degi, e-masmala mor-arad sumaloed. A-mor-aradgi gwallumar-sied anwemaloed, degi, e-gwallumar, gwallu-gwillodub-sikmalad-e-disla, e-bate-burwigana, degine, bela olivo-gwallu-simalad-e-nogmar agi anwemarbaloed.  
\v 10 Geb degine, gwallumar-sied, degi, bela egi-ibmar-ebulemaladi, ibdurgan-uka-nuegangi anwemaloed. Geb degi, nabir-sedmalaga suar-wargwengi be nasikoed. 
\p  
\v 11 ”Ibmar-ogumakar-ukleged-aila-olobiidi mor-aradgi anwemaloed, geb, ibdurgan-uka-nuegan e-birgi anwebaloed. Geb degine, nabir-sedmalaga e-suarmar egi yomarbaloed. 
\p  
\v 12 ”Aarón, degi, e-masmala, bela ibmar-anse-goled-neggi-ebulemalad weemaloed. Geb mor-aradgi anwemaloed, degi, ibdurgan-uka-nuegangi anwemarbaloed. Geb degine, nabir-sedmalaga suar-wargwengi be nasikoed. 
\p  
\v 13 ”Ibmar-ogumakar-ukleged-ailagi buru-bukwad weemaloed. Geb a-aila mor-suir-akwagiidgi anwemarbaloed.  
\v 14 A-aila-birgi, bela e-ibmar-ebulemalad urbemarbaloed: 
\q2 Buru-weemalad, 
\q2 iko-san-obin-obin-imakmalad, 
\q2 sianarmar, 
\q2 degi, nog-dummagan. 
\q3 A-ibmarmar-birgine, ibdurgan-uka-nuegan oginmaloed, degine, nabir-sedmalaga suarmargi nasikmaloed. 
\p  
\v 15 ”Aarón, degi, e-masmala, bela anse-goled-neggi, degi, anse-goled-neggi-ibmar-ebulemalad-bukwad bela morgi anwisale, geb agi Israel-dulemar naega guakwagusale, Coat-wagan nonimaloed, a-ibmarmar sedmalagar. Degi-inigwele, ibmar-angadga-gusadi na e-argangi ebugosurmalad. Ar ebusmalale, burgwemaloed. Bela we-ibmarmar dulemarbo-an-ambikued-neggi-bukwadi, Coat-wagan sedmaloed. 
\p  
\v 16 ”Eleazarʼdi, dule-irwa-anse-goled Aarónʼye-nugad-e-machid. We-Eleazarʼde gwalluga gwalludii-baloedid, degi, ina-wawadikmalad, ibmar-gwag-gusgu-ukleged, degine, olivo-gwallu-ibmarmargi-eolegega-ebuleged dakoedid. Deginbali, Eleazar bela anse-goled-neg, degine, agi bela-ibmarmar-bukwad dakbaloed. Deginbali, bela agi-ibmarmar-ebulesimalad dakbaloed.” 
\p  
\v 17 Bab-Jehová Moisésʼga, degi, Aarónʼga sunmakdebalid, ega sogdebalid:  
\v 18 “Leví-wagan-abargi, melle Coat-wagan-obelogega be imako.  
\v 19 Coat-wagan ibmar-anga-nugsalesmaladse nonisogele, dula-gudigumalagala, melle burgwemalaga, weyob be imako. 
\p ”Aarón, degi, e-masmala Coat-waganga sogoed, ibu-ibmar imakmaloe, degi, ega sogbaloed, ibu-ibmarmar sedmarbaloe. 
\p  
\v 20 ”Aarón, degi, e-masmala ibmar-anga-nugsalesmalad anwelenaile, Coat-wagan dogosurmalad, degine, bipisaale dakosurmarbalid. Ar dogmalale, burgwemaloed.” 
\s1 Gersón-wagan-e-arbaed 
\p  
\v 21 Bab-Jehová Moisésʼga sunmakdebalid, ega sogdebalid: 
\p  
\v 22 “Gersón-wagan, e-dadgan-e-dadganba, na e-gwenad-e-gwenadganba be ebiso.  
\v 23 Bela machergan birga-dulagwen-gakambe-nikamalad (30), degi, birga-dulabo-gakambe-nikamaladse (50), dulemar-anbo-ambikued-neggi sunna-arbamaloed be ebiso. 
\q1  
\v 24 Gersón-wagana we-ibmarmar-seedgi arbamaloed: 
\q2  
\v 25 Anse-goled-neg-sunna-seleged, a-e-mor-dummagan, 
\q2 Dulemar-anbo-ambikued-neg-e-mormar-anwemalad, 
\q2 ibdurgan-uka-nuegan-a-neggi-akinnarmamaid, 
\q2 dulemar-anbo-ambikued-neg-yawagakgi mor-dummad-naid, 
\q2  
\v 26 mor-dummagan-bela-neg-imba-ebirnanaid sedmarbaloed. 
\q2 Degi, ibmar-ogumakar-ukleged-ailase mor-dummagan warmaknaid, 
\q2 degine, anse-goled-neg-yawagakgi mor-dummagan-warmaknanaibalid sedmarbaloed. 
\q2 Geb a-e-dubmar, 
\q2 degi, bela agi-ibmarmar-ebulemalad sedmarbaloed. 
\p  
\v 27 ”Gersón-wagan bela na e-arbamaladgi, na ibmar semamaidgindibe, anse-goled-neggi arbananaidgindibe, bela Aarón, degi, e-masmala-sogedba ibmar imakmaloed. Gersón-waganga be sogoed, we-ibmarmar sedsokarmalale, nue salakarmaloye.  
\v 28 Gersón-wagan dulemar-anbo-ambikued-neggi weyob ibmar imakmaloed. 
\q1 Amarde, Itamar-ibmar-sogedba arbanai gumaloed. 
\q2 We-Itamarʼde, Aarón-e-machid. 
\q2 Aarónʼdi, dule-irwa-anse-goledid.” 
\s1 Merari-wagan-e-arbaed 
\p  
\v 29 Bab-Jehová Moisésʼga sogdebalid: 
\p “Merari-wagan, e-dadgan-e-dadganba, na e-gwenad-e-gwenadganba, be ebiso.  
\v 30 Bela machergan birga-dulagwen-gakambe-nikamalad (30), degi, birga-dulabo-gakambe-nikamaladse (50), sunna dulemar-anbo-ambikued-neggi arbamaloed be ebisoed.  
\v 31 We-dulemar dulemar-anbo-ambikued-neggi urgomar-ebulesad sedmaloed. 
\q1 A-urgomardina, wemalad: 
\q2 E-suarmar, 
\q2 e-buarmar, 
\q2 e-sigmalad, 
\q2  
\v 32 galu-ebirar buarwar-gwigwichid, 
\q2 e-sigmalad, 
\q2 e-bargamalad, 
\q2 e-dubmar, 
\q2 degi, bela e-ibmar-abelemalad sedmarbaloed. 
\p ”Dule-war-wargwenga be sogoed, ibu-ibmarmar sedmaloe.  
\v 33 We-arbaedi Merari-wagan, na e-dadgan-e-dadganba, degisadegu na e-arbaedgi dulemar-anbo-ambikued-neggi arbamaloed. 
\q1 Itamar-ega-igar-ukedba arbamaloed. 
\q2 We-Itamarʼde Aarón-e-machid. 
\q2 Aarónʼdi, dule-irwa-anse-goledid.” 
\s1 Coat-wagan na e-dadgan-e-dadganba-ebislesad 
\p  
\v 34 Moisés, Aarón, degi, Israel-dulemar-danar-danar-bukwamalad-e-dummaganmala, Coat-wagan, na e-dadgan-e-dadganba, na e-gwenad-e-gwenadganba ebichismarsunnad.  
\v 35 Bela machergan birga-durgwen-gakambe-nikamalad (30), degi, birga-durbo-gakambe-nikamaladse (50) bela sunna Bab-Dummad-dulemarbo-ambikued-neggi-arbamaloed ebichilesad.  
\v 36 Weyob Coat-wagan na e-dadgan-e-dadganba ebislesmargu, milibo gaka dulataled-ilagugle gaka dulabo-gakambe (2,750) mergu daklealid.  
\v 37 Weyob bela Coat-wagan e-dadgan-e-dadganba ebislesmalad. A-dulemarde bela sunna Bab-Dummad-dulemarbo-ambikued-neggi arbamaloed. Weyob Moisés, degi, Aarón, Coat-wagan ebichismalad. Bab-Jehová-Moisésʼga-igar-uksadba imaksamalad. 
\s1 Gersón-wagan e-dadgan-e-dadganba-ebislesad 
\p  
\v 38 Moisés, Aarón, degi, Israel-dulemar-danar-danar-bukmalad-e-dummaganmala, Gersón-wagan e-dadgan-e-dadganba, na e-gwenad-e-gwenadganba ebichismarmogad.  
\v 39 Bela machergan birga-durgwen-gakambe-nikamalad (30), degi, birga-dulabo-gakambe-nikamaladse (50), sunna Bab-Dummad-dulemarbo-ambikued-neggi arbanonimaloed ebichilesad.  
\v 40 Weyob Gersón-wagan e-dadgan-e-dadganba, degine, na e-gwenad-e-gwenadganba ebislesmargu, milibo gaka dulataled-ilanergwa gaka dulagwen-gakambe (2,630) mergu daklealid.  
\v 41 Weyob bela Gersón-wagan, e-dadgan-e-dadganba, ebislesmalad. A-dulemarde bela sunna Bab-Dummad-dulemarbo-ambikued-neggi arbamaloed. Weyob Moisés, degi, Aarón, Gersón-wagan-ebichismalad. Bab-Jehová-Moisésʼga-igar-uksadba imaksamalad. 
\s1 Merari-wagan e-dadgan-e-dadganba-ebislesad 
\p  
\v 42 Moisés, Aarón, degi, Israel-dulemar-danar-danar-bukwamalad-e-dummaganmala, Merari-wagan, na e-dadgan-e-dadganba, na e-gwenad-e-gwenadganba ebichismarmogad.  
\v 43 Bela machergan birga-durgwen-gakambe-nikamalad (30), degi, birga-dulabo-gakambe-nikamaladse (50) sunna Bab-Dummad-dulemarbo-ambikued-neggi arbanonimaloed ebichilesad.  
\v 44 Weyob Merari-wagan na e-dadgan-e-dadganba ebislesmargu, milipaa gaka dulataled-ilabo (3,200) mergu daklealid.  
\v 45 Weyobi Moisés, degi, Aarón, bela Merari-wagan, na e-dadgan-e-dadganba-mergue ebichismalad. Amar Bab-Jehová-Moisésʼga-igar-uksadba imaksamalad. 
\s1 Leví-wagan e-dadgan-e-dadganba-ebislesad 
\p  
\v 46 Moisés, Aarón, degi, Israel-girmar-dummagan bela Leví-wagan na e-dadgan-e-dadganba, na e-gwenad-e-gwenadganba ebichismaladi,  
\v 47 machergan birga-durgwen-gakambe-nikamalad (30), degi, birga-durbo-gakambe-nikamaladse (50) sunna Bab-Dummad-dulemarbo-ambikued-neggi arbanonimaloedi, degine, sunna we-negsemaloedi,  
\v 48 bela we-dulemar milibaabak gaka dulataled-ilatar gaka dulabake (8,580) mergu daklealid.  
\v 49 Moisés, Bab-Jehová-igi-ega-igar-uksadba, dulemarga ibmar-imaked-igar uksad, degine, ibmar-sedmaloed-igar uksabalid. 
\p Moisés, Bab-Jehová-ega-igar-uklesadba, weyob dulemar-ebichisad. 
\c 5  
\s1 Dule-boni-nikamalad-onolegoed-igar 
\p  
\v 1 Bab-Jehová Moisésʼga sunmakded, ega sogded:  
\v 2 “Israel-dulemarga be soge: ‘Bemar-danar-danar-bukwadgi bela Israel-dulemar ukagi-boni-yaa-akar-akar-nikamalad be onomalo. Dule-na-e-burba-daksamalad, degi, dule-burgwisad-ebusmalad, be onomarbalo. Ar ade, dule-burgwisad-ebussoggu, swilidiksuli gunonikid.  
\v 3 Bemar-bukwadgi dule-boni-nikamalad, omedibe, igi, machereddibe, be onomaloed. Adi, wemar melle bemar-bukwadgi an-bemar-abargi-maid-neg oichogegar.’ ” 
\p  
\v 4 Israel-dulemala Bab-Jehová-Moisésʼga-sogsadyobi imaksamalad: Dulemar-boni-nikamalad emar-bukwadgi onosmalad. 
\s1 Dule-baid-ibe ibmar-oakalolesar igi-imaklegoe 
\p  
\v 5 Bab-Jehová Moisésʼga sunmakdebalid, ega sogded:  
\v 6 “Israel-dulemarga be soge: ‘Dule-machereddibe, igi, omedibe, dule-baid-ibe-ibmar-oakalosale, we-dule angi nue dummad-nosdo. Degisoggu, nue-odurdakleged ega igar mego.  
\v 7 We-dulede e-isgusad na dukin barsogo. Degine, dule-baidgi-nosad-ular, ibmar-oakalosawilub ega ibmar-uko. A-ukine, ibmar-atargi gwensak napi ega ukbalo.  
\v 8 Ar dule-naibi-gusad bato burgwisale e-gwenad-walikagwad-satele, ega-ibmar-uklegoenad anga uklego, degi, dule-irwa-anse-goledga uklemogo. Deginbali, dule-aimar-naibisasadi, e-isgusad-ular, sibad-wawaad-machered-ukbalo, adi, dule-irwa-anse-goled we-ibmar anga ogumakar ukegar. 
\p  
\v 9 ” ’Israel-dulemar bela-ibmarmar-dule-irwa-anse-goledse-sedmaloedi, dule-irwa-anse-goledgadga guo.  
\v 10 Ar dule anga ibmar-uksardi, we-ibmar na egadga guo. Ar dule-irwa-anse-goledga uksardi, adi, we-ibmar we-dule-irwa-anse-goledgadga guo.’ ” 
\s1 Nobgumalad-igar 
\p  
\v 11 Bab-Jehová Moisésʼga sogdebalid:  
\v 12 “Israel-dulemarga be sunmak, ega be soge: ‘Binsa sogmalo, ome-gwensak abirgunagwar-gudiid-igargi yoledsunnad,  
\v 13 we-ome e-sui-dikarba dukuar machered-baidbo negsichigi yoledsunnad, degi, bipisaale a-ome negsichigi-yolenai daklessulid. 
\p  
\v 14 ” ’Degi-inigwele, e-sui e-omegi nue-nobe-itogele, degi, egi dodosye binsaele, igi amba e-ome egi nossurdibe,  
\v 15 e-sui dule-irwa-anse-goledse e-ome-sedoed. Agi, madubur-cebadaʼye-nugad, nibiratar e-omegi nobed-ular anga we-ibmar ukoed. Ar we-ibmar, omegi-nobe-itoged-ular uklenaisoggu, we-ibmar-birgine olivo-gwallu eogosulid, degine, ibmar-wawadikmalad eogosurbalid. Deginbali, we-ibmar-uklesadi, isgusad wisguegalad. 
\p  
\v 16 ” ’Dule-irwa-anse-goled, an-asabin we-ome ogwisoed.  
\v 17 Geb degidgine, dule-irwa-anse-goled dii-nued-ditirmakaled napsa-noggi eogoed. Geb anse-goled-neg-sunna-seleged-e-napa-buru weoed, agine, we-olli dii-ebo oburoed.  
\v 18 Geb degi, dule-irwa-anse-goled, we-ome an-asabin ogwisguoed, geb ome-e-sailagia ei esikoed, agine, ome-argangi ome-wisguega-nobedba-ibmar-uklegaledi, sioed. Dule-irwa-anse-goleddi, e-argangine dii-gagbid gani-gwisguoed. We-dii-gagbidye dule-ukabsaed-diid.  
\v 19 Geb degidgine, dule-irwa-anse-goled ome ega ise-sogar-imaked saoed. A-omega sogoed: Dule bebo gabissulile, degine, be-suigi be nossulile, degine, egi be dodossulile, we-dii-gagbireged-iwir-dule-imakedgi be ollorguoed.  
\v 20 Ar be-suigi be nosardi, egi be dodosardi, machered-baidbo be akar-akar-gusardi, be ukabsalegoed. 
\p  
\v 21 ” ’Degidgine, dule-irwa-anse-goled we-ome-ukabsaoed, weyob ega sogoed: 
\q1 Bab-Jehová iwiguega be-imaksun, 
\q2 degine, be-dulamar-abargi dulemar sunnasuli-be-dakega be-imaksun. 
\q1 Degine, we-dii-gagbid anagan-nikusuli be-imaksun, 
\q2 deginbali, saban-muega be-imakbarsun. 
\q1  
\v 22 We-dii-dule-iwisaed begi ubodele, be-saban odunguega-imaksun, 
\q2 geg-anagan-nikuega be-imaksun. 
\p ” ’Ome, dule-irwa-anse-goled-abin sogdoed: ¡Ar deyob gudo! ¡Ar deyob gudo! 
\p  
\v 23 ” ’Dule-irwa-anse-goled iwisalesad-soglesad, gardagi narmakoed. Geb degine, a-gardagi-narmakaledi, dii-gagbiregedgi elioed.  
\v 24 Geb a-dii-gagbiregedgi ome-ogoboed. Adi, ome nue-dummad-wiledii guegar. 
\p  
\v 25 ” ’Geb a-sorbali, ome dule-irwa-anse-goledga ibmar-nobedba-uklenaid ukoed. Geb degine, dule-irwa-anse-goled, an-asabin ibmar-orosgi-dakleged-cebadaʼye-nugad bana-bana imakoed. Agine, ibmar-ogumakar-ukleged-ailase sedoed.  
\v 26 Degine, dule-irwa-anse-goled argan-nukgwen orosgi-dakleged-cebada suoed. We sogleged, ebinsalegegaye. Geb degi, we-ibmar, ibmar-ogumakar-ukleged-aila-birgi ogumakoed. 
\p ” ’Dule-irwa-anse-goledi, we-diigi ome-ogoboed.  
\v 27 Ar we-ome, e-suigi nosale, we-dii-dule-iwisaed gobogu, ome-e-saban mudoed, geg-bar-mimmi-bake gudoed. Deyobi, we-ome na e-dulemar-abargi iwilesgudii gusunnoed.  
\v 28 Ar we-ome e-suigi nossulile, galagwensuli-gussulile, adi, iwiguosulid, degisoggu, akar-guosulid sunna mimmi-bake guoed. 
\p  
\v 29 ” ’Ome e-sui-dikarba nosa-sogele, e-suigi dodosale, weyobi nobgued-igar ega mai guoed.  
\v 30 Machered nue e-omegi nobe-itoalile, an-asabin e-ome-sedoed. Geb degine, dule-irwa-anse-goled we-igar-maidba ega imakoed.  
\v 31 Ome na e-isgusadba sabsur-odurdaklegodo, machereddi nosdeeye egi soglegosulid.’ ” 
\c 6  
\s1 Dule-Bab-Dummadga-san-uksamalad-igar 
\p  
\v 1 Bab-Jehová Moisésʼga sunmakded, ega sogded:  
\v 2 “Israel-dulemarga be sunmak, ega be soge: ‘Machered-gwensak-sokardibe, igi, ome-gwensak-sokardibe, Bab-Jehováʼgarbi an ibmar-imakdii guega Bab-Jehováʼga bela an-san an na ukoye, we-dule Nazareoʼye soglegoed.  
\v 3 Deyob na imakele, vino gobosulid, degi, sisamar gobosurbalid. Deginbali, vinagre-vinoʼgi-danikid, degi, vinagre-sisamargi-danikid, gobosurbalid. Deginbali, uva-nis gobosurbalid, degine, uvaʼmar, degi uva-odinnolegarmalad gunnosurbalid.  
\v 4 Dule Nazareoʼga-gudiid-ibagangine, e-ibagan-sogsad-berguedse bipisaale, uva-san, e-gwag, degi, e-ukase-bakale, gunnosulid. 
\p  
\v 5 ” ’Ar dule na Nazareoʼga-gudiidgine, e-ibagan-sogsad-berguedse sailagia sikosulid. Unnila Bab-Jehováʼgarbi-ibmar-imakdii guoed, degine, e-sailagia suitii imakoed, ar ade, e-sailagia sikosulid. Geb ibagan-bergunonikile, a-sorba, sunna na e-sailagia sikoed. 
\p  
\v 6 ” ’A-ukinbali, a-dule Bab-Jehováʼga na-san-uksad-ibagangine, dule-burgwaledse warmakosurbalid.  
\v 7 Amba e-babdibe, igi, e-nan burgwisdibe, igi, e-urbadibe, igi, e-ia-burgwisdibe, igi, e-bundibe, ase-bakale, ese warmakosulid, ar ade, Bab-Jehováʼgarbi-ibmar-imakdiguega Bab-Jehováʼga na san-uksa gudiid.  
\v 8 Dule Bab-Jehováʼga na san-uksad-ibagangine, unnila Bab-Jehováʼgarbi ibmar-imakdii guoed. 
\p  
\v 9 ” ’Dule-Bab-Jehováʼga-na-san-uksad-walik, dule-wargwen ukiar burgwenonikile, we-dule-Nazareoʼga-gudiid-e-igar-maid oichogoed. Degisoggu, ibagugledgi (7), na san-uruked-e-ibagan-mosale, non-swirii imakoed.  
\v 10 Degine, ibabaabakadgi (8) sapur-nuu-gwabo, igi, wagnuu-e-mimmi-gwabodibe, sedagoed. Bab-Dummad-dulemarbo-ambikued-neg-yawagakse, dule-irwa-Bab-Dummadse-goledse sedagoed. 
\p  
\v 11 ” ’Ar dule-Bab-Jehováʼga-na-san-uksad, dule-burgwisad-ular isgunonisoggu, we-nuu-gwabo-ukoedi, dule-irwa-Bab-Dummadse-goled, we-nuu-gwagwen dule-isgued-osulogega Bab-Dummadga ukoed. Nuu-baiddi, ogumakar Bab-Dummadga ukbaloed. A-ibagangine, gannar na e-sailagia osuguoed, Bab-Dummadga sogegar, gannar an bega an-san ukbarye.  
\v 12 Geb degi, we-dule Bab-Jehováʼga-na-san-uksad-ibagangi, Bab-Jehováʼgarbi nanadii guoed. E-isgusad-ular, sibad-wawaad-sapingwagwad-birgagwen-nikad Bab-Dummadga sedagoed, adi, e-isgusad ega osulogegar. Idu Bab-Jehováʼgarbi-arbadigusad-ibagan bar ebislegosulid. Ar dule-burgwisadi, ei ibagan oichossoggu, e-ibagan gannar onodoed. 
\p  
\v 13 ” ’Weyobi, dule-Nazareoʼga-gudiid e-ibagan-sogsad bergunonikile, ega-igar-maidba imakoed. Bab-Dummad-dulemarbo-ambikued-neg-yawagakse na dagoed.  
\v 14 Agi, Bab-Jehováʼga ibmar-ukleged sedagoed: 
\q1 Sibad-wawaad-sapingwagwad-birgagwen-nikad uknonikoed. 
\q2 We-sibad-wawaad swilidik, gwen boni-nikasuli ogumakar-uklegega senonikoed. 
\q1 Degine, sibad-wawaad-ome-birgagwen-nikad-swilidikid, gwen boni-nikasulid, e-isgued-anar ukega senonibaloed. 
\q2 Deginbali, dule gwenatigwar-guega, 
\q2 sibad-wawaad-machered-swilidikid gwen boni-nikasulid ukbaloed. 
\q1  
\v 15 Deginbali, Nazareo-dule ibmar-gwag-Bab-Jehováʼga-ukleged, degine, e-gobed-ega-uklebalid, sedabaloed. 
\q2 Deginbali, garba-bipigi madu-inasulid, sedabaloed. 
\q2 We-madude, madu-ologana madubur-nuedgi olivo-gwalluba-omukualedid, 
\q2 degine, madu-matargana olivo-gwallugi-magaledid. 
\q3 We-ibmarmar, we-Nazareo-dule sedagoed. 
\p  
\v 16 ” ’Geb degine, dule-irwa-Bab-Dummadse-goled, we-Nazareo-dulega-isgued-osulogega, we-ibmar Bab-Jehováʼga ukoed. A-ukinbali, we-ibmar ogumakar Bab-Jehováʼga ukbaloed.  
\v 17 Deginbali, gwenatigwar-guega, sibad-wawaad-machered oburgwebaloed. We-sibad-wawaadba-mesa garba-bipigi-madu-inasuli-bukwad dule-irwa-Bab-Dummadse-goled Bab-Jehováʼga ukbaloed. Deginbali, ibmar-gwagmar, degi, ibmar-eolemalad Bab-Jehováʼga ukbaloed. 
\p  
\v 18 ” ’Geb degidgine, dule-na-Bab-Jehováʼga-san-uksad, Bab-Dummad-dulemarbo ambikued-neg-e-yawagak-walik na-e-sailagia ioed. Geb agine, e-sailagia soogi-ogumakega Bab-Dummadga-ibmar-uklenaid-urba soo-gasiidgi urboed. We-ibmarde gwenatigwar-guega uklenaid. 
\p  
\v 19 ” ’Dule-Bab-Jehováʼga-san-uksad-sailagia-siksad-sorbali, dule-irwa-Bab-Dummadse-goled sibad-wawaad-machered-e-gukin-matar-dualed suoed, degine, garbagi madu-olo-inasulid-siid, madu-matar-e-inasulid-siid subaloed. Agi, geb Nazareo-dulega ukoed.  
\v 20 Geb we-ibmar-ukoedi, gannar suoed. Geb dule-irwa-Bab-Dummadse-goled, bana-bana-imakar Bab-Jehováʼga ukoed. We-ibmar dule geg yogasaar sued, unnila dule-irwa-Bab-Dummadse-goledga uklegoed. Deginbali, sibad-wawaad-e-binasgar, degi, e-dua Bab-Jehováʼga-uklearbalid dule-irwa-Bab-Dummadse-goledga uklebaloed. Geb deyobi, a-sorbali, dule-Bab-Jehováʼga-na-san-uksad, sunna vino-gobe gunonisunnoed. 
\p  
\v 21 ” ’Dule Bab-Jehováʼga-san-uksad-Nazareoʼye-bileged Bab-Jehováʼgarbi-ibmar-imakdigubiele, weyob ega igar-mai guoed. Weyobi, Bab-Jehováʼga ibmar-ukoed, degi, na ibmar-nikadba ukbaloed. Dule-Bab-Jehováʼga-na-san-urmaksadi igar-maidba na imakergebed, imaksuli guosulid, imakedsegad.’ ” 
\s1 Bab-Dummad-dulemargi-nued-binsaed-igar 
\p  
\v 22 Bab-Jehová Moisésʼga sunmakdebalid, ega sogdebalid:  
\v 23 “Aarónʼga, degi, e-masmalaga be sunmak. Ega be soge: ‘Israel-dulemargi ise-nued be sunmakalile, weyobi, be sogoed: 
\q1  
\v 24 Bab-Jehová ise-nued begi binsadii gusun, 
\q2 nue be-akwedii gusun. 
\q1  
\v 25 Bab-Jehová bela-bela nued be-dakdii gusun. 
\q2 Bela-bela nue-be-sabgudii gusun. 
\q1  
\v 26 Bab-Jehová nued-begi-binsaed bega-oyodii gusun. 
\q2 Degi, ulubgi bogidikid bega ukdii gusun.’ 
\p  
\v 27 ”Weyobi Aarón, degi, e-masmala, Israel-dulemarga an-nuggi sogoed. Geb degine, Israel-dulemargi nued an binsaoed.” 
\c 7  
\s1 Bab-Dummadse-goled-negga ibmar-uksamalad 
\p  
\v 1 Moisés Bab-Dummadse-goled-neg-seleged-sobsad-obelosgu, ina-wawadikid a-neggi bomi-bomi imaksad. Degine, bela agi ibmarmar-bukwad Bab-Dummadga nug-imaksad. Agi, we-neg Bab-Dummadgarbi-ebulegega nug-imaksasunnad. Geb ibmar-ogumakar-ukleged-ailagi ina-wawadikid egi bomi-bomi imaksabalid, degine, bela ailagi-ibmarmar-ebulemalad Bab-Dummadga nug-imaksabalid. Agi, we-ibmar bela Bab-Dummadgarbi-ebulegega nug-imaksad. 
\p  
\v 2 Geb degine, Israel-dulemar-e-dummagan, a sogleged, na e-gwenad-e-gwenadgan-e-dummaganye, amala, e-dadgan-dummaganba-dulemar-ebislesmalad-e-dummagan gumalad. Amala, Bab-Jehováʼga ibmar uknonimalad. 
\q1  
\v 3 We-ibmarmar senonimalad: 
\q2 Dummagan ebo-ebo ur-napagined-ibmar-seed-wargwen senonimalad, 
\q2 degine, dummagan-iliba moli-bebe-nikad-alugwasualed-war-wargwen senonimalad. 
\q2 Degisoggu, bela ur-napagined-ibmar-seed walanergwasundo (6), 
\q2 degine, moli-bebe-nikad-alugwasualed warambe-gakabosundo (12). 
\q3 We-ibmarmala, Bab-Jehováʼga-ukega Bab-Dummadse-goled-neg-sunna-selegedse senonimalad. 
\p  
\v 4 Bab-Jehová Moisésʼga sunmakded, ega sogded:  
\v 5 “We-ibmarmar-bega-uknanaid e-abin be sue, adi, dulemar-anbo-ambikued-neggi ebulegegar. We-ibmarde Leví-wagan-baiganga, na e-ibmar-ebulegedba ega be ukoed.” 
\p  
\v 6 Geb Moisés, we-urmar, degi, moli-alugwasuarmalad sussunnad. Geb degine, Leví-wagan-baiganga uksasunnad.  
\v 7 Gersón-e-waganga urmar-napagined-ibmar-seed walabo ega uksad, degine, moli-bebe-nikad-alugwasualed walabake ega uksabalid, arbagedgi-ibmar-abemaladba ebugegar.  
\v 8 Merari-e-waganga urmar-napagined-ibmar-seed walabake ega uksad, degine, moli-bebe-nikad-alugwasualed walabaabak (8) uksabalid, arbagedgi ibmar-abemaladba ebugegar. We-Leví-wagan-baigande dule-irwa-Bab-Dummadse-goled-Aarón-machi-Itamar-sogedba arbananai gusmalad.  
\v 9 Moisés, Coat-wagangardi we-ibmarmar uksasulid, ar ade, wemala e-gukingi ibmarmar-Bab-Dummadgadga-gusadi, semamai gumaloed. 
\s1 Ibmar-ogumakar-ukleged-aila Bab-Dummadga-nugsalesad 
\p  
\v 10 Ibmar-ogumakar-ukleged-aila Bab-Dummadga nugsalesgu, we-dummagan ibmar-ogumakar-ukleged-aila-asabin, Bab-Dummadga ibmarmar uksamalad.  
\v 11 Ar ade, Bab-Jehová, Moisésʼga sogsagusad: “Ibmar-ogumakleged-aila-anga-nugsalesadga-ibmar-ukegale, iba-ibagwengi dummagan-war-wargwen anga ibmar ukoed.” 
\s1 Judá-wagan-e-dummad Bab-Jehováʼga-ibmar-uksad 
\p  
\v 12 Iba-gebe-onodedgine, Aminadab-machi-Naasón-inse Bab-Jehováʼga ibmar senonikid. We-Naasónʼde, e-dad-dummad-Judáʼgi danikid. 
\q1  
\v 13 Naasón Bab-Jehováʼga-ibmar-uksadi, wemalad: 
\q2 Mani-bate-gwagwen, dulanergwa-gakambe-aidikued (130) senonikid. 
\q3 E-aidikuedi, Bab-Dummadse-goled-neggi mani-aidikued-ebislegedyobid. 
\q2 Degine, mani-nog-dummad, dulapaa-gakambe-aidikued (70) senonibalid. 
\q3 E-aidikuedi, Bab-Dummadse-goled-neggi mani-aidikued-ebislegedyobid. 
\q2 A-ibmargi, madubur-olivo-gwalluba-omukuar Bab-Dummadga-uklegedi, Bab-Dummadga-ukega senonikid. 
\q2  
\v 14 Degine, or-wesar-dummad gagwen, mani-sibugan-gwaambe-aidikue-wilub (10) senonibalid. 
\q3 A-or-wesargi, ina-wawadikid ena senonibalid. 
\b  
\q1  
\v 15 Deginbali, Bab-Dummadga ibmar-ogumakar-ukega we-ibmarmar senonibalid: 
\q2 Moli-bebe-nikad-sapingwagwad, wargwen. 
\q2 Sibad-wawaad-machered, wargwen. 
\q2 Sibad-wawaad-sapingwagwad-birgagwen-nikad, wargwen. 
\q2  
\v 16 Deginbali, e-isgued-osulogega, sibad-machered wargwen, Bab-Dummadga-ukega senonibalid. 
\b  
\q1  
\v 17 Deginbali, gwenatigwar-guega, we-ibdurgan senonibalid: 
\q2 Moli-bebe-nikad-alugwasualed, warbo. 
\q2 Sibad-wawaad-machered, walatar. 
\q2 Sibad-machered, walatar. 
\q2 Degi, sibad-wawaad-sapingwagwad-birgagwen-nikad, walatar senonikid. 
\q3 We-ibmarmala, Aminadab-machi-Naasón, Bab-Jehováʼga senonikid. 
\s1 Isacar-wagan-e-dummad Bab-Jehováʼga-ibmar-uksad 
\p  
\v 18 Ibabogi, Zuar-machi-Natanael, Bab-Jehováʼga ibmar-senonimogad. We-Natanaelʼde dad-dummad-Isacarʼgi-danimalad-e-dummadid. 
\q1  
\v 19 Natanael Bab-Jehováʼga-ibmar-uksadi, wemalad: 
\q2 Mani-bate-gwagwen, dulanergwa-gakambe-aidikued (130) senonikid. 
\q3 E-aidikuedi, Bab-Dummadse-goled-neggi mani-aidikued-ebislegedyobid. 
\q2 Degine, mani-nog-dummad, dulapaa-gakambe-aidikued (70) senonibalid. 
\q3 E-aidikuedi, Bab-Dummadse-goled-neggi mani-aidikued-ebislegedyobid. 
\q2 A-ibmargi, madubur-olivo-gwalluba-omukuar Bab-Dummadga-uklegedi, Bab-Dummadga-ukega senonikid. 
\q2  
\v 20 Degine, or-wesar-dummad gagwen, mani-sibugan-gwaambe-aidikue-wilub (10) senonibalid. 
\q3 A-or-wesargi, ina-wawadikid ena senonibalid. 
\b  
\q1  
\v 21 Deginbali, Bab-Dummadga ibmar-ogumakar-ukega we-ibmarmar senonibalid: 
\q2 Moli-bebe-nikad-sapingwagwad, wargwen. 
\q2 Sibad-wawaad-machered, wargwen. 
\q2 Sibad-wawaad-sapingwagwad-birgagwen-nikad, wargwen. 
\q2  
\v 22 Deginbali, e-isgued-osulogega, sibad-machered wargwen, Bab-Dummadga-ukega senonibalid. 
\b  
\q1  
\v 23 Deginbali, gwenatigwar-guega, we-ibdurgan senonibalid: 
\q2 Moli-bebe-nikad-alugwasualed, warbo. 
\q2 Sibad-wawaad-machered, walatar. 
\q2 Sibad-machered, walatar. 
\q2 Degi, sibad-wawaad-sapingwagwad-birgagwen-nikad, walatar senonikid. 
\q3 We-ibmarmala, Zuar-machi-Natanael, Bab-Jehováʼga senonikid. 
\s1 Zabulón-wagan-e-dummad Bab-Jehováʼga-ibmar-uksad 
\p  
\v 24 Ibapaagine, Helón-machi-Eliab, Bab-Jehováʼga ibmar senonimogad. We-Eliabʼde dad-dummad-Zabulónʼgi-danimalad-e-dummadid. 
\q1  
\v 25 We-Eliab Bab-Jehováʼga-ibmar-uksadi wemalad: 
\q2 Mani-bate-gwagwen dulanergwa-gakambe-aidikued (130) senonikid. 
\q3 E-aidikuedi, Bab-Dummadse-goled-neggi mani-aidikued-ebislegedyobid. 
\q2 Degine, mani-nog-dummad, dulapaa-gakambe-aidikued (70) senonibalid. 
\q3 E-aidikuedi, Bab-Dummadse-goled-neggi mani-aidikued-ebislegedyobid. 
\q2 A-ibmargi, madubur-olivo-gwalluba-omukuar Bab-Dummadga-uklegedi, Bab-Dummadga-ukega senonikid. 
\q2  
\v 26 Degine, or-wesar-dummad gagwen, mani-sibugan-gwaambe-aidikue-wilub (10) senonibalid. 
\q3 A-or-wesargi, ina-wawadikid ena senonibalid. 
\b  
\q1  
\v 27 Deginbali, Bab-Dummadga ibmar-ogumakar-ukega we-ibmarmar senonibalid: 
\q2 Moli-bebe-nikad-sapingwagwad, wargwen. 
\q2 Sibad-wawaad-machered, wargwen. 
\q2 Sibad-wawaad-sapingwagwad-birgagwen-nikad, wargwen. 
\q2  
\v 28 Deginbali, e-isgued-osulogega, sibad-machered wargwen, Bab-Dummadga-ukega senonibalid. 
\b  
\q1  
\v 29 Deginbali, gwenatigwar-guega, we-ibdurgan senonibalid: 
\q2 Moli-bebe-nikad-alugwasualed, warbo. 
\q2 Sibad-wawaad-machered, walatar. 
\q2 Sibad-machered, walatar. 
\q2 Degi, sibad-wawaad-sapingwagwad-birgagwen-nikad, walatar senonikid. 
\q3 We-ibmarmala, Helón-machi-Eliab, Bab-Jehováʼga senonikid. 
\s1 Rubén-wagan-e-dummad Bab-Jehováʼga-ibmar-uksad 
\p  
\v 30 Ibabakegine, Sedeur-machi-Elisur, Bab-Jehováʼga ibmar senonimogad. We-Elisurʼde dad-dummad-Rubénʼgi-danimalad-e-dummadid. 
\q1  
\v 31 We-Elisur Bab-Jehováʼga-ibmar-uksadi wemalad: 
\q2 Mani-bate-gwagwen, dulanergwa-gakambe-aidikued (130) senonikid. 
\q3 E-aidikuedi, Bab-Dummadse-goled-neggi mani-aidikued-ebislegedyobid. 
\q2 Degine, mani-nog-dummad, dulapaa-gakambe-aidikued (70) senonibalid. 
\q3 E-aidikuedi, Bab-Dummadse-goled-neggi mani-aidikued-ebislegedyobid. 
\q2 A-ibmargi, madubur-olivo-gwalluba-omukuar Bab-Dummadga-uklegedi, Bab-Dummadga-ukega senonikid. 
\q2  
\v 32 Degine, or-wesar-dummad gagwen, mani-sibugan-gwaambe-aidikue-wilub (10) senonibalid. 
\q3 A-or-wesargi, ina-wawadikid ena senonibalid. 
\b  
\q1  
\v 33 Deginbali, Bab-Dummadga ibmar-ogumakar-ukega we-ibmarmar senonibalid: 
\q2 Moli-bebe-nikad-sapingwagwad, wargwen. 
\q2 Sibad-wawaad-machered, wargwen. 
\q2 Sibad-wawaad-sapingwagwad-birgagwen-nikad, wargwen. 
\q2  
\v 34 Deginbali, e-isgued-osulogega, sibad-machered wargwen, Bab-Dummadga-ukega senonibalid. 
\b  
\q1  
\v 35 Deginbali, gwenatigwar-guega, we-ibdurgan senonibalid: 
\q2 Moli-bebe-nikad-alugwasualed, warbo. 
\q2 Sibad-wawaad-machered, walatar. 
\q2 Sibad-machered, walatar. 
\q2 Degi, sibad-wawaad-sapingwagwad-birgagwen-nikad, walatar senonikid. 
\q3 We-ibmarmala, Sedeur-machi-Elisur, Bab-Jehováʼga senonikid. 
\s1 Simeón-wagan-e-dummad Bab-Jehováʼga-ibmar-uksad 
\p  
\v 36 Ibatargine, Zurisadai-machi-Selumiel, Bab-Jehováʼga ibmar senonimogad. We-Selumielʼde dad-dummad-Simeónʼgi-danimalad-e-dummadid. 
\q1  
\v 37 We-Selumiel Bab-Jehováʼga-ibmar-uksadi wemalad: 
\q2 Mani-bate-gwagwen, dulanergwa-gakambe-aidikued (130) senonikid. 
\q3 E-aidikuedi, Bab-Dummadse-goled-neggi mani-aidikued-ebislegedyobid. 
\q2 Degine, mani-nog-dummad, dulapaa-gakambe-aidikued (70) senonibalid. 
\q3 E-aidikuedi, Bab-Dummadse-goled-neggi mani-aidikued-ebislegedyobid. 
\q2 A-ibmargi, madubur-olivo-gwalluba-omukuar Bab-Dummadga-uklegedi, Bab-Dummadga-ukega senonikid. 
\q2  
\v 38 Degine, or-wesar-dummad gagwen, mani-sibugan-gwaambe-aidikue-wilub (10) senonibalid. 
\q3 A-or-wesargi, ina-wawadikid ena senonibalid. 
\b  
\q1  
\v 39 Deginbali, Bab-Dummadga ibmar-ogumakar-ukega we-ibmarmar senonibalid: 
\q2 Moli-bebe-nikad-sapingwagwad, wargwen. 
\q2 Sibad-wawaad-machered, wargwen. 
\q2 Sibad-wawaad-sapingwagwad-birgagwen-nikad, wargwen. 
\q2  
\v 40 Deginbali, e-isgued-osulogega, sibad-machered wargwen, Bab-Dummadga-ukega senonibalid. 
\b  
\q1  
\v 41 Deginbali, gwenatigwar-guega, we-ibdurgan senonibalid: 
\q2 Moli-bebe-nikad-alugwasualed, warbo. 
\q2 Sibad-wawaad-machered, walatar. 
\q2 Sibad-machered, walatar. 
\q2 Degi, sibad-wawaad-sapingwagwad-birgagwen-nikad, walatar senonikid. 
\q3 We-ibmarmala, Zurisadai-machi-Selumiel, Bab-Jehováʼga senonikid. 
\s1 Gad-wagan-e-dummad Bab-Jehováʼga-ibmar-uksad 
\p  
\v 42 Ibanergwadgi (6), Deuel-e-machi-Eliasaf, Bab-Jehováʼga ibmar senonimogad. We-Eliasafʼde dad-dummad-Gadʼgi-danimalad-e-dummadid. 
\q1  
\v 43 We-Eliasaf Bab-Jehováʼga-ibmar-uksadi wemalad: 
\q2 Mani-bate-gwagwen dulanergwa-gakambe-aidikued (130) senonikid. 
\q3 E-aidikuedi, Bab-Dummadse-goled-neggi mani-aidikued-ebislegedyobid. 
\q2 Mani-bate-gwagwen, dulanergwa-gakambe-aidikued (130) senonikid. 
\q3 E-aidikuedi, Bab-Dummadse-goled-neggi mani-aidikued-ebislegedyobid. 
\q2 Degine, mani-nog-dummad, dulapaa-gakambe-aidikued (70) senonibalid. 
\q3 E-aidikuedi, Bab-Dummadse-goled-neggi mani-aidikued-ebislegedyobid. 
\q2 A-ibmargi, madubur-olivo-gwalluba-omukuar Bab-Dummadga-uklegedi, Bab-Dummadga-ukega senonikid. 
\q2  
\v 44 Degine, or-wesar-dummad gagwen, mani-sibugan-gwaambe-aidikue-wilub (10) senonibalid. 
\q3 A-or-wesargi, ina-wawadikid ena senonibalid. 
\b  
\q1  
\v 45 Deginbali, Bab-Dummadga ibmar-ogumakar-ukega we-ibmarmar senonibalid: 
\q2 Moli-bebe-nikad-sapingwagwad, wargwen. 
\q2 Sibad-wawaad-machered, wargwen. 
\q2 Sibad-wawaad-sapingwagwad-birgagwen-nikad, wargwen. 
\q2  
\v 46 Deginbali, e-isgued-osulogega, sibad-machered wargwen, Bab-Dummadga-ukega senonibalid. 
\b  
\q1  
\v 47 Deginbali, gwenatigwar-guega, we-ibdurgan senonibalid: 
\q2 Moli-bebe-nikad-alugwasualed, warbo. 
\q2 Sibad-wawaad-machered, walatar. 
\q2 Sibad-machered, walatar. 
\q2 Degi, sibad-wawaad-sapingwagwad-birgagwen-nikad, walatar senonikid. 
\q3 We-ibmarmala, Deuel-machi-Eliasaf, Bab-Jehováʼga senonikid. 
\s1 Efraín-wagan-e-dummad Bab-Jehováʼga-ibmar-uksad 
\p  
\v 48 Ibagugledgi (7), Amiud-machi-Elisama, Bab-Jehováʼga ibmar senonimogad. We-Elisamaʼde dad-dummad-Efraínʼgi-danimalad-e-dummadid. 
\q1  
\v 49 We-Elisama Bab-Jehováʼga-ibmar-uksadi wemalad: 
\q2 Mani-bate-gwagwen, dulanergwa-gakambe-aidikued (130) senonikid. 
\q3 E-aidikuedi, Bab-Dummadse-goled-neggi mani-aidikued-ebislegedyobid. 
\q2 Degine, mani-nog-dummad, dulapaa-gakambe-aidikued (70) senonibalid. 
\q3 E-aidikuedi, Bab-Dummadse-goled-neggi mani-aidikued-ebislegedyobid. 
\q2 A-ibmargi, madubur-olivo-gwalluba-omukuar Bab-Dummadga-uklegedi, Bab-Dummadga-ukega senonikid. 
\q2  
\v 50 Degine, or-wesar-dummad gagwen, mani-sibugan-gwaambe-aidikue-wilub (10) senonibalid. 
\q3 A-or-wesargi, ina-wawadikid ena senonibalid. 
\b  
\q1  
\v 51 Deginbali, Bab-Dummadga ibmar-ogumakar-ukega we-ibmarmar senonibalid: 
\q2 Moli-bebe-nikad-sapingwagwad, wargwen. 
\q2 Sibad-wawaad-machered, wargwen. 
\q2 Sibad-wawaad-sapingwagwad-birgagwen-nikad, wargwen. 
\q2  
\v 52 Deginbali, e-isgued-osulogega, sibad-machered wargwen, Bab-Dummadga-ukega senonibalid. 
\b  
\q1  
\v 53 Deginbali, gwenatigwar-guega, we-ibdurgan senonibalid: 
\q2 Moli-bebe-nikad-alugwasualed, warbo. 
\q2 Sibad-wawaad-machered, walatar. 
\q2 Sibad-machered, walatar. 
\q2 Degi, sibad-wawaad-sapingwagwad-birgagwen-nikad, walatar senonikid. 
\q3 We-ibmarmala, Amiud-machi-Elisama, Bab-Jehováʼga senonikid. 
\s1 Manasés-wagan-e-dummad Bab-Jehováʼga-ibmar-uksad 
\p  
\v 54 Ibabaabakadgi (8), Pedasur-machi-Gamaliel, Jehováʼga ibmar senonimogad. We-Gamalielʼde dad-dummad-Manasésʼgi-danimalad-e-dummadid. 
\q1  
\v 55 We-Gamaliel Bab-Jehováʼga-ibmar-uksadi wemalad: 
\q2 Mani-bate-gwagwen, dulanergwa-gakambe-aidikued (130) senonikid. 
\q3 E-aidikuedi, Bab-Dummadse-goled-neggi mani-aidikued-ebislegedyobid. 
\q2 Degine, mani-nog-dummad, dulapaa-gakambe-aidikued (70) senonibalid. 
\q3 E-aidikuedi, Bab-Dummadse-goled-neggi mani-aidikued-ebislegedyobid. 
\q2 A-ibmargi, madubur-olivo-gwalluba-omukuar Bab-Dummadga-uklegedi, Bab-Dummadga-ukega senonikid. 
\q2  
\v 56 Degine, or-wesar-dummad gagwen, mani-sibugan-gwaambe-aidikue-wilub (10) senonibalid. 
\q3 A-or-wesargi, ina-wawadikid ena senonibalid. 
\b  
\q1  
\v 57 Deginbali, Bab-Dummadga ibmar-ogumakar-ukega we-ibmarmar senonibalid: 
\q2 Moli-bebe-nikad-sapingwagwad, wargwen. 
\q2 Sibad-wawaad-machered, wargwen. 
\q2 Sibad-wawaad-sapingwagwad-birgagwen-nikad, wargwen. 
\q2  
\v 58 Deginbali, e-isgued-osulogega, sibad-machered wargwen, Bab-Dummadga-ukega senonibalid. 
\b  
\q1  
\v 59 Deginbali, gwenatigwar-guega, we-ibdurgan senonibalid: 
\q2 Moli-bebe-nikad-alugwasualed, warbo. 
\q2 Sibad-wawaad-machered, walatar. 
\q2 Sibad-machered, walatar. 
\q2 Degi, sibad-wawaad-sapingwagwad-birgagwen-nikad, walatar senonikid. 
\q3 We-ibmarmala, Pedasur-machi-Gamaliel, Bab-Jehováʼga senonikid. 
\s1 Benjamín-wagan-e-dummad Bab-Jehováʼga-ibmar-uksad 
\p  
\v 60 Ibabakebakadgi (9), Gedeoni-machi-Abidán, Bab-Jehováʼga ibmar-senonimogad. We-Abidánʼde dad-dummad-Benjamín-e-dummadid. 
\q1  
\v 61 We-Abidán Bab-Jehováʼga-ibmar-uksadi wemalad: 
\q2 Mani-bate-gwagwen, dulanergwa-gakambe-aidikued (130) senonikid. 
\q3 E-aidikuedi, Bab-Dummadse-goled-neggi mani-aidikued-ebislegedyobid. 
\q2 Degine, mani-nog-dummad, dulapaa-gakambe-aidikued (70) senonibalid. 
\q3 E-aidikuedi, Bab-Dummadse-goled-neggi mani-aidikued-ebislegedyobid. 
\q2 A-ibmargi, madubur-olivo-gwalluba-omukuar Bab-Dummadga-uklegedi, Bab-Dummadga-ukega senonikid. 
\q2  
\v 62 Degine, or-wesar-dummad gagwen, mani-sibugan-gwaambe-aidikue-wilub (10) senonibalid. 
\q3 A-or-wesargi, ina-wawadikid ena senonibalid. 
\b  
\q1  
\v 63 Deginbali, Bab-Dummadga ibmar-ogumakar-ukega we-ibmarmar senonibalid: 
\q2 Moli-bebe-nikad-sapingwagwad, wargwen. 
\q2 Sibad-wawaad-machered, wargwen. 
\q2 Sibad-wawaad-sapingwagwad-birgagwen-nikad, wargwen. 
\q2  
\v 64 Deginbali, e-isgued-osulogega, sibad-machered wargwen, Bab-Dummadga-ukega senonibalid. 
\b  
\q1  
\v 65 Deginbali, gwenatigwar-guega, we-ibdurgan senonibalid: 
\q2 Moli-bebe-nikad-alugwasualed, warbo. 
\q2 Sibad-wawaad-machered, walatar. 
\q2 Sibad-machered, walatar. 
\q2 Degi, sibad-wawaad-sapingwagwad-birgagwen-nikad, walatar senonikid. 
\q3 We-ibmarmala, Gedeoni-machi-Abidán, Bab-Jehováʼga senonikid. 
\s1 Dan-wagan-e-dummad Bab-Jehováʼga-ibmar-uksad 
\p  
\v 66 Ibambegi (10), Amisadai-machi-Ahiezer, Bab-Jehováʼga ibmar senonimogad. We-Ahiezerʼde dad-dummad-Danʼgi-danimalad-e-dummadid. 
\q1  
\v 67 We-Ahiezer Bab-Jehováʼga-ibmar-uksadi wemalad: 
\q2 Mani-bate-gwagwen, dulanergwa-gakambe-aidikued (130) senonikid. 
\q3 E-aidikuedi, Bab-Dummadse-goled-neggi mani-aidikued-ebislegedyobid. 
\q2 Degine, mani-nog-dummad, dulapaa-gakambe-aidikued (70) senonibalid. 
\q3 E-aidikuedi, Bab-Dummadse-goled-neggi mani-aidikued-ebislegedyobid. 
\q2 A-ibmargi, madubur-olivo-gwalluba-omukuar Bab-Dummadga-uklegedi, Bab-Dummadga-ukega senonikid. 
\q2  
\v 68 Degine, or-wesar-dummad gagwen, mani-sibugan-gwaambe-aidikue-wilub (10) senonibalid. 
\q3 A-or-wesargi, ina-wawadikid ena senonibalid. 
\b  
\q1  
\v 69 Deginbali, Bab-Dummadga ibmar-ogumakar-ukega we-ibmarmar senonibalid: 
\q2 Moli-bebe-nikad-sapingwagwad, wargwen. 
\q2 Sibad-wawaad-machered, wargwen. 
\q2 Sibad-wawaad-sapingwagwad-birgagwen-nikad, wargwen. 
\q2  
\v 70 Deginbali, e-isgued-osulogega, sibad-machered wargwen, Bab-Dummadga-ukega senonibalid. 
\b  
\q1  
\v 71 Deginbali, gwenatigwar-guega, we-ibdurgan senonibalid: 
\q2 Moli-bebe-nikad-alugwasualed, warbo. 
\q2 Sibad-wawaad-machered, walatar. 
\q2 Sibad-machered, walatar. 
\q2 Degi, sibad-wawaad-sapingwagwad-birgagwen-nikad, walatar senonikid. 
\q3 We-ibmarmala, Amisadai-machi-Ahiezer, Bab-Jehováʼga senonikid. 
\s1 Aser-wagan-e-dummad Bab-Jehováʼga-ibmar-uksad 
\p  
\v 72 Ibambe-gakagwensakgi (11), Ocrán-machi-Pagiel, Bab-Jehováʼga ibmar senonimogad. We-Pagielʼde dad-dummad-Aserʼgi-danimalad-e-dummadid. 
\q1  
\v 73 We-Pagiel Bab-Jehováʼga-ibmar-uksadi wemalad: 
\q2 Mani-bate-gwagwen, dulanergwa-gakambe-aidikued (130) senonikid. 
\q3 E-aidikuedi, Bab-Dummadse-goled-neggi mani-aidikued-ebislegedyobid. 
\q2 Degine, mani-nog-dummad, dulapaa-gakambe-aidikued (70) senonibalid. 
\q3 E-aidikuedi, Bab-Dummadse-goled-neggi mani-aidikued-ebislegedyobid. 
\q2 A-ibmargi, madubur-olivo-gwalluba-omukuar Bab-Dummadga-uklegedi, Bab-Dummadga-ukega senonikid. 
\q2  
\v 74 Degine, or-wesar-dummad gagwen, mani-sibugan-gwaambe-aidikue-wilub (10) senonibalid. 
\q3 A-or-wesargi, ina-wawadikid ena senonibalid. 
\b  
\q1  
\v 75 Deginbali, Bab-Dummadga ibmar-ogumakar-ukega we-ibmarmar senonibalid: 
\q2 Moli-bebe-nikad-sapingwagwad, wargwen. 
\q2 Sibad-wawaad-machered, wargwen. 
\q2 Sibad-wawaad-sapingwagwad-birgagwen-nikad, wargwen. 
\q2  
\v 76 Deginbali, e-isgued-osulogega, sibad-machered wargwen, Bab-Dummadga-ukega senonibalid. 
\b  
\q1  
\v 77 Deginbali, gwenatigwar-guega, we-ibdurgan senonibalid: 
\q2 Moli-bebe-nikad-alugwasualed, warbo. 
\q2 Sibad-wawaad-machered, walatar. 
\q2 Sibad-machered, walatar. 
\q2 Degi, sibad-wawaad-sapingwagwad-birgagwen-nikad, walatar senonikid. 
\q3 We-ibmarmala, Ocrán-machi-Pagiel, Bab-Jehováʼga senonikid. 
\s1 Neftalí-wagan-e-dummad Bab-Jehováʼga-ibmar-uksad 
\p  
\v 78 Ibambe-gakabogi (12), Enán-machi-Ahira, Bab-Jehováʼga ibmar senonimogad. We-Ahiraʼde dad-dummad-Neftalíʼgi-danimalad-e-dummadid. 
\q1  
\v 79 We-Ahira Bab-Jehováʼga-ibmar-uksadi wemalad: 
\q2 Mani-bate-gwagwen, dulanergwa-gakambe-aidikued (130) senonikid. 
\q3 E-aidikuedi, Bab-Dummadse-goled-neggi mani-aidikued-ebislegedyobid. 
\q2 Degine, mani-nog-dummad, dulapaa-gakambe-aidikued (70) senonibalid. 
\q3 E-aidikuedi, Bab-Dummadse-goled-neggi mani-aidikued-ebislegedyobid. 
\q2 A-ibmargi, madubur-olivo-gwalluba-omukuar Bab-Dummadga-uklegedi, Bab-Dummadga-ukega senonikid. 
\q2  
\v 80 Degine, or-wesar-dummad gagwen, mani-sibugan-gwaambe-aidikue-wilub (10) senonibalid. 
\q3 A-or-wesargi, ina-wawadikid ena senonibalid. 
\b  
\q1  
\v 81 Deginbali, Bab-Dummadga ibmar-ogumakar-ukega we-ibmarmar senonibalid: 
\q2 Moli-bebe-nikad-sapingwagwad, wargwen. 
\q2 Sibad-wawaad-machered, wargwen. 
\q2 Sibad-wawaad-sapingwagwad-birgagwen-nikad, wargwen. 
\q2  
\v 82 Deginbali, e-isgued-osulogega, sibad-machered wargwen, Bab-Dummadga-ukega senonibalid. 
\b  
\q1  
\v 83 Deginbali, gwenatigwar-guega, we-ibdurgan senonibalid: 
\q2 Moli-bebe-nikad-alugwasualed, warbo. 
\q2 Sibad-wawaad-machered, walatar. 
\q2 Sibad-machered, walatar. 
\q2 Degi, sibad-wawaad-sapingwagwad-birgagwen-nikad, walatar senonikid. 
\q3 We-ibmarmala, Enán-machi-Ahira, Bab-Jehováʼga senonikid. 
\s1 Israel-dummagan Bab-Jehováʼga bela-ibmar-uksad 
\q1  
\v 84 Weyobi, Israel-dulemar-e-dummagan Bab-Jehováʼga ibmar-ogumakar-ukleged-aila nug-imaknanaigusgu ibmarmar senonigusmalad: 
\q2 Mani-bate, gwaambe-gakabo (12), 
\q2 mani-nog-dummad, gwaambe-gakabo (12), 
\q2 or-wesar, warambe-gakabo (12) senonigusmalad. 
\q2  
\v 85 Mani-bate gwa-gwagwengi, mani-dulanergwa-gakambe-aidiku (130) nanaed. 
\q2 Degine, nog-dummad gwa-gwagwengi, mani-dulapaa-gakambe-aidiku (70) nanaed. 
\q1 Bela batemar, degine, nogmar, Bab-Dummadse-goled-neggi mani-aidikued-ebislegedyobi, mani-nibir-milibo gaka dulataled-ilabake-aidiku (2,400) daklealid. 
\q2  
\v 86 Or-wesar-warambe-gakabo (12) egi ina-wawadikid-ena-senonimaladi, a-or-wesar-ga-gagwengi mani-ambe-aidiku (10) nanaed. 
\q1 Bela or-wesar Bab-Dummadse-goled-neggi mani-aidikued-ebislegedyobi, mani-nibir-dulanergwa-aidikue (120) gussundo. 
\b  
\q1  
\v 87 Bab-Jehováʼga ibdurgan-ogumakar-ukega senonimaladdina, weyob mergued: 
\q2 Molimar-bebe-nikmalad-sapingwagwad, warambe-gakabo (12), 
\q2 sibad-wawaad-machered, warambe-gakabo (12), 
\q2 sibad-wawaad-sapingwagwad-birgagwen-nikad, warambe-gakabo (12). 
\q2 We-sibad-wawaad-birgagwenadba ibmar-gwag-ukleged senonimarbalid. 
\q2 Degine, isgued-eliega sibad-machered, warambe-gakabo (12) senonimarbalid. 
\b  
\q1  
\v 88 Gwenatigwar-guega, ibdurgan-senonimalad, weyob mergued: 
\q2 Molimar-bebe-nikad-alugwasuarmalad, waladulagwen-gakabake (24), 
\q2 sibad-wawaad-machered, waladulapaa (60), 
\q2 sibad-machered, waladulapaa (60), 
\q2 degine, sibad-wawaad-sapingwagwad-birgagwen-nikad, waladulapaa (60) mergued. 
\q3 We-ibmarmala ibmar-ogumakar-ukleged-aila-nug-imaklenaigusgu Bab-Jehováʼga uklesad. 
\s1 Bab-Jehová Moisés-ebo-sunmaksad 
\p  
\v 89 Moisés Bab-Jehová-ebo-sunmakega, Bab-Jehová-dulemarbo-ambikued-negse dogdegu, Moisés, Bab-Jehová-ega-sunmake itosad. Bab-Jehová-Dulemarbo-Igar-Mesisad-Ulu-e-atued-birgi, baliwitur-warbo-querubinʼye-nugad-gwichimalad-imbagi ega sunmake itosad. Weyobi, Bab-Jehová Moisés-ebo sunmakdaed. 
\c 8  
\s1 Gwallu-ogalegoed-igar 
\p  
\v 1 Bab-Jehová Moisésʼga sunmakded, ega sogded:  
\v 2 “Aarónʼga be soge: ‘Gwallu-gwagugled (7) be ogaalile, e-siedgi be sialile, e-gwallu-gaedi asabin be obiroed, adi, e-mee-gaedi asabinbi gaegar.’ ” 
\p  
\v 3 Aarón, Bab-Jehová-Moisésʼga-sogsadyobi imaksad: Gwallu-sied-birgi gwallumar asabin-nasiksad, adi, e-mee-gaedi asabinbi gaegar.  
\v 4 Gwallu-sied bela olobiid, e-mali, degine, e-dutumar mardogi-binna-sarsolegar sobaled. Ar igi Bab-Jehová Moisésʼga oyosa, deyobi, inniki gwallu-sied sobaled. 
\s1 Leví-wagan-baigan Bab-Dummadga-arbaega-nugsalesmalad 
\p  
\v 5 Bab-Jehová Moisésʼga sunmakdebalid, ega sogdebalid:  
\v 6 “Israel-dulemar-abargi Leví-wagan-baigan bachikii be anga urbo, degine, a-dulemar be anga abaluko.  
\v 7 Be Leví-wagan-baigan-abalukega weyob be imako: Isgued-eliega-dii-ebuleged be egi bomi-bomi imakoed, degi, bela e-abagangi-siga-nikad enioed. Degine, na e-mormar enukmaloed. Weyob imaksale, geb na san-swilidik gumaloed.  
\v 8 Geb a-sorbali, moli-bebe-nikad-machered-sapingwagwad sumaloed, degine, ibmar-gwag-uklegedi madubur-nued olivo-gwalluba-bato-omukualed, sumarbaloed. Deginbali, bedina, dule-isgued-eliega moli-bebe-nikad-sapingwagwad-baid anga ukega be suoed.  
\v 9 Geb degidgine, Leví-wagan-baigan dulemar-anbo-ambikued-neg-asabin be sedoed. Agine, bela Israel-dulemar a-asabin-ambikued be imakoed.  
\v 10 Be, Leví-wagan-baigan Bab-Jehová-asabin senonikoed, geb Israel-dulemar we-Leví-wagan-baigangi na e-argan mesmaloed.  
\v 11 Geb degidgine, Aarón Israel-dulemar-nuggi a-Leví-wagan-baigan anga ibmar-bana-bana-ukledaedyobi, imakoed. Weyobi, Leví-wagan-baigan Bab-Jehováʼga-arbaega gudii gumaloed. 
\p  
\v 12 ”Geb a-sorbali, Leví-wagan-baigan moli-bebe-nikad-sapingwagwadmar-e-nonogi e-arganmar mesoed. Geb agine, an amarga isgued-eliega, bedi moli-bebe-nikad-wargwen anga be ukoed. Moli-bebe-nikad-baiddina, ogumakar anga be ukoed.  
\v 13 Geb degidgine, be, Leví-wagan-baigan Aarón-asabin, degi, e-masmala-asabin, be urboed. Geb degine, anga ibmar-bana-bana-imakledaedyobi, Leví-wagan-baigan anga be nugsaoed.  
\v 14 Weyobi, Leví-wagan-baigan Israel-dulemar-abargi bachikii anga be imakoed, adi, we-Leví-wagan-baigan angadga guegar. 
\p  
\v 15 ”Geb degine, be, bela Leví-wagan-baigan-uruksad-sorbali, degine, anga-ibmar-bana-bana-imakledaedyobi, be anga imaksad-sorbali, geb wemar dulemar-anbo-ambikued-neggi arbanonimaloed.  
\v 16 Ar ade, Israel-dulemar-abargi, bela Leví-wagan-baigan anga nugsalearmaladid. We-Leví-wagan-baigan Israel-masmala-gebesailagined-anar an susad.  
\v 17 Ar ade, bela Israel-dulemar-abargi masmala-gebe-gwalulemalad angadid. Duledibe, ibdurgandibe, bela wemala angadid. Egipto-dulemar-e-masmala-sailaginmalad an ogilosgua, we-ibmarmala bachikii angadga-guega an na imaksad. 
\p  
\v 18 ”Degi-inigwele, Israel-masmala-gebegwalulesmalad-ular, Leví-wagan-baigan an susad.  
\v 19 We-Leví-wagan-baigan, Aarónʼga, degi, e-masmalaga, ibmar-binsa-ukledaedyobi an ega uksad, adi, dulemar-anbo-ambikued-neggi arbamalagar. Leví-wagan-baigan Israel-dulemar-anar Bab-Dummad-dulemarbo-ambikued-neggi arbamaloed, degi, emarga isgued-elileged-igar imakoed, adi, melle Israel-dulemar anse-goled-neg-asabin-nonikoedgi boni-dummad-nika guegar.” 
\p  
\v 20 Deyobi, Moisés, Aarón, degine, bela Israel-dulemar-danar-bukwamaladi, Bab-Jehová-Moisésʼga-ibmar-sogsadba, Leví-wagan-baigan-imaksamalad.  
\v 21 Leví-wagan-baigan na abaluksamalad, degine, bela na e-mormar enuksamarbalid. Geb agine, Aarón Bab-Jehováʼga we-Leví-wagan-baigan ibmar-bana-bana-imakledaeyobi uksad, degine, we-dulemar-isgued-eliega ibmar-uksad, adi, we-dulemar swilidik guegar.  
\v 22 Geb a-sorbali, we-Leví-wagan-baigan Bab-Dummad-dulemarbo-ambikued-neggi, Aarón-wagab, degi, e-masmala-wagab arbananai gusmalad. Ar igi Bab-Jehová Moisésʼga igar-uksa, deyobi, Aarón, degi, e-masmala, Leví-wagan-baigan-imaksamalad. 
\p  
\v 23 Geb deginbali, Bab-Jehová Moisésʼga sunmakdebalid, ega sogdebalid:  
\v 24 “Weyob Leví-wagan-baiganga igar maiguoed: ‘Leví-wagan birga-durgwen-gakatar-nikad (25), degine, birga-durgwen-gakatar-obine-nikamaladi (25+), sunna dulemar-anbo-ambikued-neggi arbamaloye.  
\v 25 We-Leví-wagan-baigan birga-dulabo-gakambe-nikunonikile (50), e-arbaedgi noergebed. A-sorbali, e-arbaed bar imakosurmalad.  
\v 26 We-Leví-wagan-baigan anbo-ambikued-neggi sunna e-gwenadgan-bendakega gumaloed, e-sunnaddi bar we-arbaed imakosurmalad. Weyobi, Leví-wagan-baigan e-arbaed-imake be imakoed.’ ” 
\c 9  
\s1 Oburgwilegoenad-Iba-onolegoed 
\p  
\v 1 Israel-dulemar Egipto-yargi birgabogusa, gebe-nii-onoded-ibagwengus-noaligusadgi, Bab-Jehová Moisésʼga Sinaí-nega-dulesulidganba sunmaksagusad. Weyob Moisésʼga sogded:  
\v 2 “Israel-dulemala Oburgwilegoenad-Iba iba-sekalaa onomaloed.  
\v 3 E-iba-maidba ibambe-gakabakegi (14), osedodedgi, we-iba be onomaloed. We-iba-be-onogoedi bela igar-maidba-imaked be imako, degine, bela e-igarmar-sogmaidba be iba onogo.” 
\p  
\v 4 Geb degine, Moisés Israel-dulemarga sogded: “Oburgwilegoenad-e-Iba bemar onomar.”  
\v 5 Geb agine, Israel-dulemar gebe-nii-onoded-ibambe-gakabakegi nega-dulesulidgan-Sinaíʼye-nugadgi, sedogidba Oburgwilegoenad-e-Iba onosmarsunnad. Ar igi Bab-Jehová Moisésʼga igar-uksa, aba bela Israel-dulemar imaksamalad. 
\s1 Dule-Iba-geg-onomalad-igar 
\p  
\v 6 Dakleargua, dule-gwenna-gwenna, dule-e-mui-ebusad-ular, san-swilidiksuli gunonigusmalad. A-ulale, a-ibagi Oburgwilegoenad-e-Iba onossurmalad. A-ibagi, dule-swilidiksurmalad Moisésʼse, degi, Aarónʼse nonigusmalad, amala ega sogdemalad: 
\p  
\v 7 —Anmar dule-mui ebusad, agala anmar swilidiksurmalad. ¿Ibiga geg anmar Israel-dule-baiganyobi Bab-Jehováʼga Iba-sekalaa ibmar-uke guosunna? 
\p  
\v 8 Moisés we-dulemar-abin sogded: 
\p —Bemar an-edarbemargwelo. An itogweloed, igi Bab-Jehová bemargi anga igar-ukoe. 
\p  
\v 9 Geb degine, Bab-Jehová Moisésʼga sogded:  
\v 10 “Israel-dulemarga be sunmak, amarga be soge: ‘Ar doa-dule, igi, e-wagandibe, dule-burgwisad-ebusad-ular, na san-swilidiksur-gunonimalale, igi, dikasuli e-yarginsuli gudimalale, bemar nabir Oburgwilegoenad-e-Iba Bab-Jehováʼga onomaloed.  
\v 11 Degi-inigwele, we-dule, a-Iba, geb sorba nii-warbo-ibambe-gakabakegi, sedogidbali onomaloed. A-Ibagi madumar-e-inasulid, degi, gaganmar-gagbiremaladba sibad-wawaad-sapingwagwad gunmaloed.  
\v 12 We-sibad-wawaad-Bab-Dummadga-ukaled-e-san-obichad, melle banedga be sabogo, degine, a-sibad-wawaad-e-garmar be bisgosurbalid. Oburgwilegoenad-e-Iba be onoarmalale, bela igar-maidba be imako. 
\p  
\v 13 ” ’Ar dule san-swilidikindibe, igi, neg-baidsik gudisulindibe, Oburgwelegoenad-Iba onossulile, we-dule, e-dulemar-abargi onolegoed. Ar anga ibmar-ukleged Iba-sekalaa-uksasursoggu, we-dule na e-isgusadba oburgwilegodo. 
\p  
\v 14 ” ’Dule-be-yarginsulid bemar-abargi maile, we-dule anga Oburgwilegoenad-Iba onobiele, igar-maidba imakoed. Ar iba-e-igar-mamaidba inniki imakoed. Israel-duledibe, igi, Israel-yarginsuliddibe, amba igar-maidba imakmogoed.’ ” 
\s1 Bab-Jehová-e-gangued-yeerdakleged aidenonikid 
\r (Éxodo 40:34-38) 
\p  
\v 15 Bab-Dummadse-goled-neg-sunna-seleged gannar osilesgu, mogir we-Bab-Dummad-dulemarbo-ambikued-neg-birgi nagunonikid. Sedogidbali, neg-oibogedsega, we-neg-birgi mogir-naidi sooyobi-dakle nagusad.  
\v 16 Gusgu mogir weyobi nai gusad: Neg-ibgine, mogir neg-birgi-naidaed. Mutikdi, mogir sooyobi we-neg-birgi-naidaed.  
\v 17 Mogir Bab-Dummadse-goled-neg-birgi-naid-nakwided-iliba, Israel-dulemar na-e-danar-danar-bukwadgi banguddamalad. Bia mogir nagudapoe, agi Israel-dulemala gannar danar ambikudapdamalad.  
\v 18 Bab-Jehová-igar-ukedba Israel-dulemar banguddaed, degi, Bab-Jehová-sogedba Israel-dulemar danar ambikudapdabalid. Ar mogir bane-bane Bab-Dummadse-goled-neg-birgi naile, Israel-dulemar bangudasurmalad.  
\v 19 Ar mogir Bab-Dummadse-goled-neg-birgi iba-bukidar-naile, Israel-dulemar Bab-Jehová-sogedba imakdamalad, gwen bangudasurmalad. 
\p  
\v 20 Mogir Bab-Dummadse-goled-neg-sunna-seleged-birgi iba-ichesaar-naile, Bab-Jehová-sogedba Israel-dulemar danar-danar-ambikusdamalad, degine, Bab-Jehová-sogedba banguddamarbalid.  
\v 21 Ar mogir, sedogidbali, degi, oibogedse nagusale, a-wakdar mogir nakwidele, Israel-dulemar banguddamarmogad. Ar mogir ibagwen-nagusale, mutikidba mogir nakwidele, Israel-dulemar naddamarmogad.  
\v 22 Ar mogir bangusulile, Bab-Dummadse-goled-neg-sunna-seleged-birgi ibabo-naidibe, nii-wargwendibe, birgagwen-naidibe, Israel-dulemar geg bangudamarmogad, danar-danar bukwagu damalad. Ar mogir nakwiderdi, Israel-dulemar naddamarmogad. 
\p  
\v 23 Israel-dulemar Bab-Jehová-sogedba danar-danar-ambikudapdamalad, Bab-Jehová-sogedba naddamarbalid. Weyobi, Bab-Jehová-sogedba Bab-Jehová-Moisésʼba-Igar-Uksadba ibmar-imakdii gusmalad. 
\c 10  
\s1 Gar-trompeta-manigi-sobaled 
\p  
\v 1 Bab-Jehová Moisésʼga sunmakded, ega sogded:  
\v 2 “Gar-trompeta, walabo manigi be sobo. We-garmarde mardogi binnaa sarsoar be soboed. We-gar-trompetaʼde dulemarse golega be ebugoed. Degine, dulemar-danar-danar-bukwad baid-negsik-sedesokalile be ebubaloed.  
\v 3 We-gar-trompeta warbobela be ogotele, bela dulemar be-asabin dulemar-anbo-ambikued-neg-yawagak-abin ambikunonimaloed.  
\v 4 Ar unnila gar-trompeta-wargwen be ogochardi, Israel-dulemar-e-dummaganbi bese nonimaloed.  
\v 5 Gebegi gar-trompeta binnasur be ogotele, degi, dulemar-oimaknadapmalale, dulemar-e-dad-sailaganba dad-nakwedsik-danar-danar-bukmalad-inse namaloed. 
\p  
\v 6 ”Irbogi gar-trompeta binnasur be ogotele, dulemar-e-dad-sailaganba dad-nakwed-argan-nuedsik-danar-danar-bukwamaladi bangudmaloed. Gar-trompeta binnasuli ogormaloed, degi, dulemar-oimaknadapmaloed, adi, namalaga guoed.  
\v 7 Dulemar danar-oambikuegardi unnila gar-trompetaʼbi be ogoloed. 
\p  
\v 8 ”Aarón-masmala-dule-irwa-Bab-Dummadse-gormalad, amar gar-trompetaʼmar ogormaloed. Weyob degisadegu, bemarga, degi, be-waganga be igar mesoed. 
\p  
\v 9 ”Dule-be-isdarmalad bemar-yargi begi-yoledanimalad-abin bemar bila-ononamalagala, gar-trompeta binnasuli be ogormaloed. Weyobi adi ani, Bab-Jehová, bemar-Bab-Dummad bemar-insamaloed, degine, be-isdarmaladgi an be-abonomaloed. 
\p  
\v 10 ”Bemar weligwar-itoged-ibagangi, iba-itoakwaa-onolemalad-ibagindibe, igi, nii-gwapid-gwisgued-ibagindibe, gar-trompeta bemar ogormarbaloed. Bemar ibmar-ogumakar-anga-ukarmalar, gwenatigwar-guega ibmar-ukarmalar, agi, bemar gar-trompeta ogormarbaloed, adi, an bemar-insamalagar. Ani an be-Bab-Dummad-Jehová gued.” 
\ms1 2. ISRAEL-DULEMAR MOAB-YARSE NADAPIGUSAD 
\mr (10:11–21:35) 
\s1 Israel-dulemar Sinaí-akar Paránʼse modapmalad 
\p  
\v 11 Birgabogwadgi, a-nii-walabogwad-iba-dulagwengi, mogir Bab-Dummad-Israel-Dulemarbo-Igar-Mesisad-neg-birgi-naid nakwided. Geb mogir Israel-dulemar-idu nadegusad.  
\v 12 Agi, Israel-dulemar, nega-dulesulidgan-Sinaíʼye-nugadgi bangudmalad. Mogir-e-idu-nadapid, ega nega-dulesulidgan-Paránʼye-nugadgi nagudapid.  
\v 13 We-Israel-dulemar, Bab-Jehová-Moisésʼba-ega-Igar-uksadba, gebe nadegusmalad. 
\q1  
\v 14 Judá-wagan-inse, igar-uklesadba e-sorda-e-sordamarba, danar-danar-bukwamaladba e-bander-senadapi gusmalad. 
\q2 E-dummadgala, Aminadab-machi-Naasón nadapi gusad. 
\q2  
\v 15 Zuar-machi-Natanael, Isacar-wagan-danar-danaled-e-dummadga nadapi gusad. 
\q2  
\v 16 Helón-machi-Eliab, Zabulón-wagan-danar-danaled-e-dummadga nadapi gusad. 
\p  
\v 17 Bab-Dummadse-goled-neg-sunna-seleged bela earilesgua, Gersón-wagan, degi, Merari-wagan a-neg semamai gusmalad. 
\q1  
\v 18 Geb a-sorba, Rubén-wagan igar-uklesadba e-sorda-e-sordamarba danar-danar-bukwamaladba e-bander-senadapi gusmalad. 
\q2 E-dummadgala, Sedeur-machi-Elisur nadapi gusad. 
\q2  
\v 19 Zurisadai-machi-Selumiel, Simeón-wagan-danar-danaled-e-dummadga nadapi gusad. 
\q2  
\v 20 Deuel-machi-Eliasaf, Gad-wagan-danar-danaled-e-dummadga nadapi gusad. 
\p  
\v 21 Geb a-sorbali, Coat-wagan ibmar-Bab-Jehováʼga-nugsalesmalad semamai gusad. We-dulemar omoged-iduale, Leví-wagan-baigan bato guakwa Bab-Dummadse-goled-neg madar-madar onakwismalad. 
\q1  
\v 22 Geb degidgine, Efraín-wagan igar-uklesadba e-sorda-e-sordamarba danar-danar-bukwamaladba e-bander-senadapi gusmalad. 
\q2 E-dummadgala, Amiud-machi-Elisama nadapi gusad. 
\q2  
\v 23 Pedasur-machi-Gamaliel, Manasés-wagan-danar-danaled-e-dummadga nadapi gusad. 
\q2  
\v 24 Gedeoni-machi-Abidán, Benjamín-wagan-danar-danaled-e-dummadga nadapi gusad. 
\q1  
\v 25 Geb degine, bela dulemar-baigan-solaba Dan-wagan ega igar-uklesadba e-sorda-e-sordamarba danar-danar-bukwamaladba e-bander-senadapi gusmalad. 
\q2 E-dummadgala, Amisadai-machi-Ahiezer nadapi gusad. 
\q2  
\v 26 Ocrán-machi-Pagiel, Aser-wagan-danar-danaled-e-dummadga nadapi gusad. 
\q2  
\v 27 Enán-machi-Ahira, Neftalí-wagan-danar-danaled-e-dummadga nadapi gusad. 
\q3  
\v 28 Weyobi, Israel-dulemar e-bukwadgi bangudmalale, danar-danar e-sorda-e-sordamarba igar-uklesadba nadapi gusmalad. 
\s1 Moisés, Hobabʼse-gochad 
\p  
\v 29 Geb degine, Moisés, Reuel-machi-Hobabʼga sunmakded. Reuelʼde Madián-duled, Moisés-e-sakad. Moisés Hobabʼga sogded: 
\p —Bab-Jehová anmarga sogsad, yar an bemarga ukoye. Emide, a-yalase anmar naesokalid. Anmarba be dage, anmar nued be-akwemaloed. Ar ade, Bab-Jehová Israel-dulemarga sogsad, ise-nued an bemargi binsamaloye. 
\p  
\v 30 Hobab, Moisés-abin sogded: 
\p —An bemarba naosuli, an-negse bur an naoe, an-babganse bur an naoe. 
\p  
\v 31 Ar Moisésʼdi egi alamaknaigusad: 
\p —Melle be anmargi nae, ar be, be wisid bia sunna anmar nega-dulesulidgangi nabir ambikudapoe. Be anmar-idugega be guoed.  
\v 32 Ar be anmarba alile, Bab-Jehová anmarga-ibmar-nuegan-ukoye-sogsad anmarga-uknonikile, a-ibmarmar anmar bega ukmarmogoed. 
\s1 Israel-dulemar Sinaí-yargi bangudmalad 
\p  
\v 33 Weyobi, Israel-dulemar ibapaa-nanae-wilub Bab-Jehová-yalagi-bukwadi bangud gusmalad. Leví-wagan-baigan Bab-Jehová-Dulemarbo-Igar-Mesisad-Ulu-senadapmaladi, ibapaa Israel-dulemar-idu-nadapi gusad. Adi, ega danar-danar-ambikued-neg amiegar.  
\v 34 Israel-dulemar bukwamaladgi bangudmargua, ibginedba Bab-Jehová-e-mogir Israel-dulemar-birgi nadapigusad.  
\v 35 Bab-Dummad-Israel-dulemarbo-Igar-Mesisad-Ulu seledele, Moisés sogdedaed: 
\q1 “¡Bab-Jehováʼye, be anmar-bendake! 
\q2 Be-isdarmalad bela aisakisun. 
\q2 Dule-isdar-be-dakmalad bela be-idu duurmakmarsun.” 
\p  
\v 36 Bab-Jehová-Ulu siledapile, agindi Moisés sogdedaed: 
\q1 “Bab-Jehová, gannar be-Israel-dulemar-mili-milibalidse be dage.” 
\c 11  
\s1 Bab-Jehová soo barmialid 
\p  
\v 1 Ibagwengine, Israel-dulemar igar-bulegan-itonaidgi sae-itoarmalad. Bab-Jehová deyob daksagua, nue-uluded. Agine, Bab-Jehová e-soo barmialid, dulemar-bukwad-dikarba odesad.  
\v 2 Geb degine, Israel-dulemar Moisésʼse bela-bela wilenai gusmalad. Geb agine, Moisés Bab-Jehováʼse gotesunnad. Geb degidgine, soo akitesunnad.  
\v 3 Agala, Taberaʼye a-neg onugsasmarsunnad, ar ade, agi Bab-Jehová e-soo odesgusad. 
\s1 Israel-dulemar san-satedba uludmalad 
\p  
\v 4 Israel-dulesurmalad Israel-dulemarba-apurusmaladi, unnila mas-gunnedginbi binsadimalad. We-dulemarba Israel-dulemar akadmarmogad. Geb binnasuli-bodmalad, sogdemalad: “¿Wede doa anmarga san-gunnega ukoe?  
\v 5 Anmar ebinsaed, Egipto-yargi anmarga binsa ua-ukleardaed. Agindi anmar akar-akar ibmar-gunnardaed: Pepinoʼmar, melónʼmar, puerroʼmar, ajoʼmar, degi, agumar anmar nue-gundaed.  
\v 6 Ar emigindi, unnila we-manáʼbi anmar dakdiid, ibmar-baigan sated. Degisoggu, anmar ukudbargudmaloed.” 
\p  
\v 7 Manáʼde gagan-ina-wawadikid-culantroʼye-nugad-e-gwagyobid. E-dakleged, gorosdikii sapi-gichiyob dakleged.  
\v 8 Israel-dulemar maná-weega ainiddaed. Geb akwamuugi nagdamalad, igi, orsargi ollimakodibe. Geb esmedgi dudamalad. Sulile, madu-maná-ologanaga imakodibe. E-gullegedi madu-olivo-gwalluba-imakaleyob gulleged.  
\v 9 E-bukwamaladgi mutikidba boo babatialile, maná batiardamogad. 
\s1 Moisés-uluded 
\p  
\v 10 Moisés, Israel-dulemar na e-neg-e-neg-yawagak-naba sabsur-bobukwa itosad. Agidbali, Bab-Jehová nue uluded, degine, Moisésʼmoga nue-sae itosmogad.  
\v 11 Agi, Moisés, Bab-Jehováʼga sogded: 
\p —Ande be-maid, degite, ¿ibiga be angi ichakwaa binsae? ¿Ibiga be bar an-bendaksuli? Emide, bela we-dulemar-niega be an-imaksad. Ar ade, we-dulemar-seleged dutusulid.  
\v 12 ¿Ar we-dulemarde angi danisi? ¿Ani an we-dulemar-baksasi? Emide be anga soggu: ‘We-dulemar be sede, igi dule na e-goe-mam-nunaid argangi semaidae, deyobi, e-dadganga an yala-ukoye-sogsadse, be sede.’  
\v 13 An we-dulemarga-san-ukega, ¿bia an ega san amioe? Bela we-dulemar anse-ise-boale anga sognonimalad: ‘San be anmarga amie, adi, anmar a-san gunnegar.’  
\v 14 Bela we-dulemar an sedye-sogele, anbi wargwen geg an gued. Anbi wargwenale, angi dutusur noed.  
\v 15 Ar weyob arbaed be anga ukele, bur be an-oburgwesunna. Be an-oburgwisar, bur nabirid, adi, nunmaked-dummad-itodii bar an guosulid. 
\s1 Bab-Jehová Moisés-abin sogded 
\p  
\v 16 Geb degine, Bab-Jehová Moisésʼga sogded: 
\p “Israel-girmar-dummagan dulapaa-gakambe (70) be anga onmako. Be girmar-dummaganga-gudidiid-wisidi, degi, dule-dummaganga-mamaid-wisbalidi be sedago. A-girmar-dummagan dulemar-anbo-ambikued-negse be sedago. Agi, be an-edarbemaloed.  
\v 17 Agi, an bebo-sunmakega an aidegoed. Be An-Burba-nikadyobi, a-dulemar An-Burba-nikuega an imakmogoed. Deyob an imakoed, adi, a-dulemar be-bendakegar, melle wargwen alamaknai be guegar.” 
\p  
\v 18 Bab-Jehová Moisésʼga sogdebalid: “Israel-dulemar-baigangardi be soge: ‘Oibosale, na be abalukmalo, ar ade, san be gunmaloed. Bemar Bab-Jehováʼse boapmargua, ega be sogsamalad: Dule anmarga san gunnega ukmalana gadinye. Ar anmar Egipto-yargi bur-nued gudimalanad. 
\p ” ’Degisoggu, Bab-Jehová be-boed itosad, bemarga san ukoed, adi, bemar a-san gunmaloed.  
\v 19 Bemar unnila ibagwen, ibabo, ibatar, ibambe (10), iba-durgwen (20) san-gundii guosurmalad. Bemar nii-walagwen san gunmaloed. 
\p  
\v 20 ” ’Bemar san-gunnoedi budar-gungusadse be gunmaloed, ar ade, bemar be-Bab-Jehová-bemar-abargi-gudiid nabir gwen daksasurmalad. Deunni, ese bemar boapmalad, ega be sogsamalad: ¿Ar ibiga wese-dagega be Egipto-yargi be anmar-onosmala?’ ” 
\s1 Bab-Jehová e-sogsadba imaknonikid 
\p  
\v 21 Geb degine, Moisés, Bab-Jehováʼga sogded: “Sordamar-mili-dulataled-ilanergwad-abalagi (600,000) an gwichid. Emide be soged: ‘We-dulemarga san an ukoye. We-dulemar nii-walagwen san gunmaloye.’  
\v 22 We-dulemarga sibad-wawaad, degi, moli-bebe-nikamalad ega ichesuli-oburgweye-sogele, amba unnigussuliled. Ar wemarga bela-uamar-gudidiid ega somalale, amba unnigussuliled.” 
\p  
\v 23 Geb degine, Bab-Jehová Moisés-abin sogded: “¿An geg imak be-ebinsae? Emigindi be dakodo, an-bega-ibmar-soged an imakodibe, igi, an imakosurdibe.” 
\p  
\v 24 Geb degine, Moisés Israel-dulemarse naded, Bab-Jehová-ega-ibmar-sogsad sognaded. Agine, Moisés Israel-girmar-dummagan dulapaa-gakambegwadse (70) gochad. Moisés Bab-Dummadse-goled-negse amar-sesad, agi oambikudapid.  
\v 25 Degidgine, Bab-Jehová mogir-abalagi aidenonikid, Moisésʼga sunmaksad. Geb degine, Bab-Jehová Israel-girmar-dummaganga Moisés-Bab-Burba-nikad ukdemogad. Bab-Dummad-Burba amargi aidenonimogu, amala Bab-Burbaba sunmakdemalad. Deyob-gusadi, a-sorba we-dummagangi bar deyob gussulid. 
\p  
\v 26 Israel-girmar-dummagan-warbo dulemar-danar-danar-bukwamaladgi besmalad. Amardi girmar-dummaganba-sulesmarmo-inigwele, Bab-Dummadse-goled-negse arbisurmalad. Amar-warbogwadi gwensak Eldadʼye nugad, baiddi Medadʼye nugad. Amargine, Bab-Dummad-Burba aidenonimogad. Amala Bab-Burbaba dulemar-danar-bukwamaladgi sunmakdemarmogad.  
\v 27 Machi-sapin-gwensak Moisés-owisogega abarmakded, ega sogdapid: 
\p —Eldad, degi, Medad, dulemar-danar-danar-bukwadgi Bab-Dummad-Burbaba sunmakdimarye. 
\p  
\v 28 Agine, Nun-machi-Josué, sapingwagwad-akar Moisés-bendakdiid, Moisésʼga sogded: 
\p —Dummad-Moisés, melle we-dulemar Bab-Dummad-Burbaba-sunmaked be imake. 
\p  
\v 29 Moisés Josué-abin sogded: 
\p —Mer be nobgue. Bab-Jehová bela e-dulemargi E-Burba odegena yeerban. Bitigi bela Bab-Jehová-dulamar Bab-Dummadga-gayaburba-barsogmaladga gumalana gadin. 
\p  
\v 30 Geb a-sorbali, Moisés Israel-girmar-dummaganmala, dulemar-danar-danar-bukwamaladse nonimalad. 
\s1 Nuumar-codornizʼye-nugad-ainisad 
\p  
\v 31 Geb degidgine, Bab-Jehová burwa ogornonikid. Abali, nuu-demargi-nikad-codornizʼye-nugad burwaba nonikid. We-codornizʼmarde Israel-dulemar-bukwadgi batenonikid. Codornizʼmar bela-bela mergued. Bela Israel-dulemar-bukwad-ebiris, argan-nuedsik ibagwen-dummad-nanae-wilubbi nuumar babatisad, degi, argan-sapiledsik ibagwen-dummad-nanae-wilubbi babatisbalid. Deginbali, dali-abala napagi-nibgu odunnumakbukwa gusbalid. 
\p  
\v 32 A-ibagine, Israel-dulemar nuu-codorniz-wenanai osedosad, degi, oibosbalid. Degine, banedgine deyob nuu-codorniz-wenanai gusmarbalid. Dulemar bur nuu-ichee-wesmaladi garba-dummagan-gwadulatar (100) wesmalad. Emar-bukwamalad-dikarba dad-abin narismalad.\fig Israel-dulemar nuu-codorniz-wenanaid. (Números 11:31-32) |src="CO00854B.TIF" size="col" ref="Números 11:32" \fig* 
\p  
\v 33 Israel-dulemar geb san e-gayayaba ododmaladgine, amba yoo sakumake, Bab-Jehová we-dulemargi isdar-binsaded, amargi boni-dummad ogwisnonikid.  
\v 34 A-yargi dulemar-yaisur-ibmarbina-sogmalad-digsamaladba a-neg Kibrot-Hataavaʼye onugsasmalad. 
\p  
\v 35 Israel-dulemar Kibrot-Hataava-akar Hazerotʼse nadegusmalad. Agi danar ambikudapmalad. 
\c 12  
\s1 María-ulusad degi Aarón-ulusad 
\p  
\v 1 Moisés ome-Cus-yargined-nikusad-ular, e-bun-María, degi, e-ia-Aarón, egi isdar sunmakarmalad.  
\v 2 María, Aarón-ebogwa sokarmalad: “¿Unnila Bab-Jehová Moisésʼgarbi sunmaksasi? ¿Anmarga Bab-Jehová sunmaksasurmosi? Anmarga sunmaksamoga.” María, Aarónʼbo-deyob-sogmaladi, Bab-Jehová itosad. 
\p  
\v 3 Ar Moisésʼdi, dule-na-san-dummarba-imaksulidid. We-napneggi-dulemar-baiganba bur na san-maikwaa imakdiid. 
\p  
\v 4 Geb degine, Bab-Jehová Moisésʼga, Aarónʼga, degi, Maríaʼga sogded: “Bemar-warbaagwad dulemar-anbo-ambikued-negse namar.” 
\p Degine, wemar-warbaagwad Bab-Dummad-dulemarbo-ambikued-negse nadmarsunnad.  
\v 5 Agine, Bab-Jehová mogir-bubawaryob-gwichidba, ese-goled-neg-seleged-yawagakse aidenonikid. Geb Aarónʼse, degi, Maríaʼse gochad. Amar-ebogwad nonimargua,  
\v 6 Bab-Jehová ega sogded: 
\q1 “An bemarga-ibmar-sogoed, nue be itomalo: 
\q2 Bemar-abargi an-gayaburba-barsoged gudiile, 
\q2 negburgan-dakedba an ese magaroged, 
\q2 gabdakedba an ega ibmar soged. 
\q1  
\v 7 An-mai-Moisésʼsedi, deyob an ese magarosulid. 
\q2 Ar Moisésʼdi anga-arbamalad-baiganba bur inniki gudiid-duled. 
\q1  
\v 8 Moisés-anbo asabin-asabin an sunmaked, 
\q2 odukuar an ega ibmar sogdasulid. 
\q2 Moisés, an-dakleged-e-wilub dakdaed. 
\q1 Emide, ¿ibiga an-mai-Moisésʼgi be isdar sunmakmala?” 
\p  
\v 9 Geb degine, Bab-Jehová Maríaʼgi, degi, Aarónʼgi sae-itogedba uluded. Geb a-sorbali, Bab-Jehová nadsunnad. 
\p  
\v 10 Bab-Dummadse-goled-neggi mogir-naid-bangudeyalaba, María naibe-buna-yaa-maleged nikuded, bela e-uka sibudik-dakle naded. Aarón Maríaʼsik atakdegu, dakded María naibe-buna-yaa-maleged nika. 
\p  
\v 11 Aarón, Moisésʼga sogded: “Dummad, anmar yogasaar-binsaedsuli-begi-sunmaksadba anmar begi isgusad. A-ulale, melle be sabsur-anmar-odurdake.  
\v 12 Melle María, mimmi muu-neggi-burgwar-aidenonidaed-daklegedyobi be obego.” 
\s1 Moisés, Maríaʼga Bab-Jehováʼse-gochad 
\p  
\v 13 Geb degine, Moisés wilesagwa Bab-Jehováʼse gochad: “Bab-Dummadye, wilesakwaa an bese egised, María be emisbinne be nudake.” 
\p  
\v 14 Bab-Jehová Moisés-abin sogded: “E-bab, María wagargi-wiaksana, ¿María ibagugle (7) bingegudiguosulin be insae? Bingegudii guoenad. Degisoggu, ibagugle-wilub (7) María dulemar-danar-danar-bukwad-abargi be onogo. A-ibagan-sorbali, sunna gannar dulemar-danar-danar-bukwadse nonibaloed.” 
\p  
\v 15 Weyobi, María dulemar-danar-danar-bukwad-abargi ibagugle-wilub (7) onolesad. A-ibagangine, María-gannar-nonikidse Israel-dulemar e-danar-danar-bukwamaladgi gwen baid-yarse bangussurmalad.  
\v 16 Geb a-sorbali, Israel-dulemar Hazerotʼgi-bukwamaladgi nadmalad, nega-dulesulidgan-Paránʼye-nugadse modapmalad. Agi, Israel-dulemar danar-danar ambikudapmarsunnad. 
\c 13  
\s1 Dule-e-ambe-gakabogwad (12) Canaán-yar-argaapmalad 
\r (Deuteronomio 1:19-33) 
\p  
\v 1 Bab-Jehová Moisésʼga sunmakded, ega sogded:  
\v 2 “Canaán-yar Israel-dulemarga an ukesokarsoggu, dulemar a-yar arganaega be barmide. Israel-dadgan-warambe-gakabogwad-irba (12), sapin-dummagan-war-wargwen be barmidoed.” 
\p  
\v 3 Geb degine, Moisés Bab-Jehová-ega-sogsadba nega-dulesulidgan-Paránʼye-nugad-akar dulemar-barmisad. We-dulemarde, bela Israel-dulemar-abargi dule-dummagan gumalad. 
\q1  
\v 4 We-dulemarde, wemalad: 
\q2 Dad-dummad-Rubénʼgi-danikidi: Samúa Zacur-e-machi. 
\q2  
\v 5 Dad-dummad-Simeónʼgi-danikidi: Safat Horí-e-machi. 
\q2  
\v 6 Dad-dummad-Judáʼgi-danikidi: Caleb Jefone-e-machi. 
\q2  
\v 7 Dad-dummad-Isacarʼgi-danikidi: Igal José-e-machi. 
\q2  
\v 8 Dad-dummad-Efraínʼgi-danikidi: Oseas Nun-e-machi. 
\q2  
\v 9 Dad-dummad-Benjamínʼgi-danikidi: Palti Rafú-e-machi. 
\q2  
\v 10 Dad-dummad-Zabulónʼgi-danikidi: Gadiel Sodi-e-machi. 
\q2  
\v 11 Dad-dummad-Joséʼgi-danikidi, Dad-dummad-Manasésʼsik-danikid: Gadi Susi-e-machi. 
\q2  
\v 12 Dad-dummad-Danʼgi-danikidi: Amiel Gemali-e-machi. 
\q2  
\v 13 Dad-dummad-Aserʼgi-danikidi: Setur Micael-e-machi. 
\q2  
\v 14 Dad-dummad-Neftalíʼgi-danikidi: Nahbi Vapsi-e-machi. 
\q2  
\v 15 Dad-dummad-Gadʼgi-danikidi: Geuel Maqui-e-machi. 
\q3  
\v 16 Moisés dulemar-yar-arganaega-barmisgusadi, weyob nugmalad. 
\q3 Moisés, Nun-machi-Oseasʼgala nug ogwasad, Josuéʼye onugsasad. 
\p  
\v 17 Moisés, dulemar-Canaán-yar-arganaega-barmidsokalidga sogded: “Neguevʼgi bemar nasmaloed, geb yalaganse bemar modapoed. 
\q1  
\v 18 Nue be yar argamalo, negde igidibe, 
\q2 dulemar-agi-bukmalad, bule nollosurmardibe, igi, nollomardibe, 
\q2 bule mergumardibe, igi, ichemardibe. 
\q2  
\v 19 Dule-bukmaladgi, neg nueddibe, igi neg ichakwadibe. 
\q2 E-neggweburmar-bukwadgi, galu-matusulid-dummagan mamaidibe, igi, galu-matusurmalad mamaisurdibe. 
\q2  
\v 20 Napade, igidibe, gadi ibmar-sanmakdibe, igi, ibmar-geg-sanmakdibe. 
\q2 A-napaginde, sapimar-nikadibe, sapimar satedibe. 
\q1 Melle be dobgumalo. 
\q2 A-yargine sapi-sanmar-nikadi, bemar sedamalo.” 
\q3 A-ibagangi, uva gebe-goroleged-ibad. 
\p  
\v 21 Dule-barmilesmaladi, nega-dulesulidgan-Zinʼye-nugad-akar Hamat-neggwebur-dogedse neg-argaapmalad, Rehob-neggweburse warmakapmalad.  
\v 22 Neguevʼgi nasmargu, Hebrón-neggweburse warmaksamalad. Hebrónʼgine, Anac-e-wagan Ahimán, Sesai, degi, Talmai mamaimalad. Hebrón-neggwebur bato birga-guglegus-siid (7), geb Zoán-neggwebur Egipto-yargi bukunonikid.  
\v 23 Dule-barmilesmalad Escol-dianse-modapmargu, uva-dubgi uva-dukgwen-naid siksamalad. Geb dulemar ebo suar-abargi uva-nai searmalad, degi, gusebyob-dakleged-granadoʼmar, degine, higo-sanmar searmarbalid.  
\v 24 Israel-dulemar uva-dukgwen-gwachadgine, neg-naid Escol-nebaye onugsasmalad.\fig Neg-argamalad-ebogwadi na abin uva-san sedanimalad. (Números 13:23) |src="CO00856B.TIF" size="col" ref="Números 13:24" \fig* 
\s1 Dule-yar-argaapmalad-gannar-nonimalad 
\p  
\v 25 Dule-neg-argadimaladi iba-dulabogusgu (40), gannar nonimalad.  
\v 26 Dule-neg-argaapmalad nega-dulesulidgan-Paránʼse nonimalad, Cadesʼye-neg-nugadse. 
\p Agine, Moisésʼga, Aarónʼga, degi, bela Israel-dulemarga, bela neg-argasmaladba sunmaksamalad. Geb degine, sapi-san-senonimalad oyosmarbalid.  
\v 27 Deginbali, Moisésʼga weyob sogsamarbalid: 
\p —Neg-argaega be anmar-barmisadse anmar modapmalad. Ar nue-napiragwad, inso agi gadi-ibmar-sanmaked, napa-nuedid. Bemar dakegala, sapi-san an bega senonimalad.  
\v 28 Degi-inigwele, dulemar-a-yargi-bukwamaladi dutusur nanaed. E-neggweburmar dummagan nanaed, degine, e-neggweburmar nue-sakdigar bukwananabalid. Deginbali, Anac-e-wagan anmar daksamarbalid.  
\v 29 Neguevʼgi Amalec-dulemar bukwananaed. Yalaganbali, Het-dulemar, Jebuseo-dulemar, degi, Amorreo-dulemar bukwananaed. Canaán-dulemardi demar-gakaba, degi, Jordán-diwar-gakaba bukwananamalad. 
\p  
\v 30 Geb degine, Caleb Moisés-asabin dulemar-bar-sunmakega imaksasulid, geb sogded: 
\p —Anmar we-yarse ubonae. Anmargadga anmar we-yar-imaknae. Ar an wisid, anmar we-dulemar-bukwadgi nakwemaloed. 
\p  
\v 31 Ar dulemar-Calebʼba-arbimaladdi sogdemalad: 
\p —We-dulemar-bukwamaladi anmarba bur dutusursoggu, anmar geg we-dulemarse bila-onogega namalad. 
\p  
\v 32 We-dulemarde Israel-dulemarga yar-daksamaladgi neg-sunnasurye sogdemalad. Geb sogdemarbalid: 
\p —Anmar-negmar-dakapidgi, yarmar-argaapidgi bela dule-bukmaladi bemar-obelogoed. A-yarmargine, anmar dulemar-bukwa-daksamaladi, bela dule-masdummagan-nanaed, dule-bipisurmaladid.  
\v 33 Aginbali, anmar Anac-e-wagan-dule-masdummagan daksamarbalid. Anmar, a-dulemarba sesyob-dakle-nanaed, emar burwii emarba anmar-dakmaloed. 
\c 14  
\s1 Israel-dulemar Bab-Jehováʼgi gwisgusmalad 
\p  
\v 1 Geb degine, Israel-dulemar-bela-bukwamaladi oimakdemalad. A-mutiki, bela boedibi gusmalad.  
\v 2 Bela Israel-dulemala Moisésʼgi, degi, Aarónʼgi uludmalad. Amar sogdemalad: “¿Ar ibiga Bab-Jehová we-yarse anmar-senoniki? ¿We-yargi es-suidgi anmar-oburgwega anmar-senoniki? Wede, ¿bila-onogedgi anmar-omegan, degi, anmar-mimmigan anmar-isdarmaladse-seledega guode? Sulirgebed.  
\v 3 Egipto-yalagi anmar burgwismalana, bur gadinad. We-nega-dulesulidgangi anmar burgwebalina, bur gadindo. ¿Anmar gannar Egipto-yarse bur naer nuedirsursi? A bur nuediled.” 
\p  
\v 4 Na muchub-muchub sokarmalad: “Anmar dule-wargwen anmar-iduega amido. Adi, gannar anmar Egipto-yarse naegar.” 
\p  
\v 5 Moisés, Aarón-ebogwa Israel-dulemar-bukidar-bukwad-asabin dulluu napase e-nono imakdemalad.  
\v 6 Nun-machi-Josué, degi, Jefone-machi-Caleb, amala neg-argaapmaladba arbigusmarmogad. Amar mor siir-siir imakdemalad, oyogega, emarde nue-nunmak itomarye.  
\v 7 Josué, Caleb-ebo, bela Israel-dulemar-bukwamaladga sogdemalad: “Anmar-yar-argaapidi, anmar egi-nanasadi, yar-nuedid.  
\v 8 Ar Bab-Jehová yeer anmar-dakele, e, anmar-nidoed, a-yala anmarga ukoed. A-yalagi napade gadi-ibmar sanmaked, napa-nuedid.  
\v 9 Degisoggu, melle bemar Bab-Jehováʼba uayasuli gumalo. Melle Bab-Jehováʼgi yolemalo. Bemar dule-a-yargi-bukmalad melle dobgumarbalo, ar ade, we-dulemargi bemar baisursunna nakwemaloed. We-dulemardina dule-e-bendaked sated. Anmarbardina Bab-Jehová gudiid. Degisoggu, melle we-dulemar be dobgumar.” 
\p  
\v 10 Ar bela dulemar-danar-bukwadi, Josué, Caleb-ebo akwagi-makedgi-binsabuksoggua, Bab-Jehová-e-gangued-yeerdakleged Bab-Dummad-dulemarbo-ambikued-neggi Israel-dulemar-bukwadse magarononikid. 
\p  
\v 11 Geb degine, Bab-Jehová Moisésʼga sogded: “Israel-dulemar-abargi bela ibmar-dummagan-dakledisurmalad an imakdii-inigwele, degite, ¿sanagwadse we-dulemar isdar-an-dakdii guoe? ¿Ar wede sana angi bensuli gumaloe? An wesesun. Bar an bendakosur.  
\v 12 Aka bur boni-dummagan ega an barmidoed, bela wemar an ogilogoed. Moisés, ar begine anagan-baigan ainidagega an imakoed. Amar, dule-burgwemaloedba bur bukidar gumaloed, degi, dutusuli gumarbaloed. A-iduega an be-imakoed.” 
\p  
\v 13 Ar Moisésʼdi Bab-Jehováʼga sogded: “Bab-Jehová mer deyob be imake. Ar Israel-dulemar be obelogele, Egipto-dulemar be-wisgumaloed. Geb Egipto-dulemar Canaán-yargi-bukmaladga sogoed. Ar Canaán-dulemar bato wismalad bede Egipto-dulemar-abargine, we-Israel-dulemar be-gangued-nikadba be onosad.  
\v 14 Deginbali, wismarbalid bede Israel-dulemar-abargi gudiiye, be-dulamarse be magarodiiye, degine, be-mogir dulemar-birgi naidaye. Ibginedgine, Israel-dulemar be-mogir-bubawaryob-gwichidba nadapdamarye. Mutikdina, be-soo-bubawaryob-gwichid-gwabunyemaidba nadapdamarye.  
\v 15 Ar bela Israel-dulemar be oburgweye-sogele, dulemar-be-nug-dummarba-itosmaladi sogdamaloed:  
\v 16 ‘Jehováʼde epenne we-Israel-dulemarga sogsagusad, Canaán-yar an bega ukedseye. Emide, Bab-Jehová a-yarse we-dulemar geg odogussoggu, agala, we-Israel-dulemar nega-dulesulidganba ogilosye.’ ” 
\p  
\v 17 Moisés Bab-Jehováʼga sogdebalid: “Ar emigindi, bese wilesakwaa an egised, be-gangued-dummarbad be oyoge. Ar be-sunnad bato be sogsad:  
\v 18 ‘An wissur gwae-gwae urweye. Bela-bela dulemar-sabye. Degine, dule-begi-isgusad, ega be elidaye. Deginbali, dule-begi-gwisgued ega be elidabarye. Degi-inigwele, be sogdasulid, dule-isgusad an sabsur-odurdakosurdeeye. Ar babgan-isgusad-ular, be, e-mimmigan, e-wagan, degi, e-wagan-yokorgined, degine, e-wagan-yarganbalid be sabsur odurdakdaed.’  
\v 19 Ar be-sabgued dummarbasoggu, wilesakwaa an bese egised, we-dulemar-begi-nosad-e-isgued ega be elie. Ar igi Egipto-akar we-Israel-dulemar-begi-nosale, be, ies-imakdanidae, deyob be imake.” 
\s1 Bab-Jehová Israel-dulemar-sabsur-odurdaksad 
\r (Deuteronomio 1:34-40) 
\p  
\v 20 Geb degine, Bab-Jehová Moisésʼga sogded: “Ar be anse egichisadba, we-dulemar-e-isgued bato an elisad.  
\v 21 Emi, napira an bega soged: An nue-dula-gudiid-ular, degi, bela napneg-naidgi an-gangued-yeerdakleged mag-dakleged-ular,  
\v 22 an bega soged: ‘We-dulemar Egiptoʼgi, degi, nega-dulesulidgangi an-ibmar-imaksad-daksamaladi, degine, an-gangued-yeerdakleged daksamarbalidi, bipisaale wargwensaale yar-an-ega-ukoye-sogsad dakosurmalad. Amar bali-bali nega-dulesulidganba an-wilubdakdani gusmalad, an-sogedba ibmar imaksasurmalad.  
\v 23 Amar wargwensaale, Canaán-yar-e-babganga-an-ukoye-sogsad dakosurmalad. A-dulemar baisur-an-daksamalad. Degisoggu, wargwensaale a-yar gwen dakosurmalad. 
\p  
\v 24 ” ’Ar an-mai-Calebʼdi, a-dulemaryob gwen binsadisursoggu, anba nanadii guoeye sogsasoggu, yar-argaapidse-doged an imakoed, degi, e-wagan a-yala-egadga-guega, an imakbaloed.  
\v 25 Ar emide, Amalec-dulemar, degi, Canaán-dulemar, nebagi bukwamalad. Oibosale, bemar Demar-Ginnidye-nugad-igarba nega-dulesulidganse namalo.’ ” 
\p  
\v 26 Bab-Jehová Moisésʼga, degi, Aarónʼga sogdebalid:  
\v 27 “¿Ar wede sanagwadse dule-isganamar-angi-urwedimalad an baisur-itodii guoe? Israel-dulemar-angi-gwisgudimalad, angi-sunmakdimalad bato an itosad. 
\p  
\v 28 ”Israel-dulemarga be soge: ‘Bab-Jehová sogye, nue-napira an dula-gudisoggu, ar igi angi sunmaksamala, deyob an bemar-imakoye.  
\v 29 Be-muimar we-nega-dulesulidganba omilede gumaloed. Bela bemar birga-dulagwen (20), degi, obine-nika-ebislesmalad (20+) burgwemaloed.  
\v 30 Jefone-machi-Calebʼdi, degi, Nun-machi-Josuéʼdi, Canaán-yar-an-bemarga-ukedseye-sogsadse dogmaloed. Bela dule-baigandi bipisaale a-yarse dogosurmalad. 
\p  
\v 31 ” ’Be, mimmigangi sunmaksamalad: Bila-onogedgi anmar-mimmigan gandikidgi anmargi sulegoye. A-mimmigandi, Canaán-yarse dogmaloed, a-yala dakmaloed. Ar bemardi a-yar baisur-daksamalad. 
\p  
\v 32 ” ’Ar be-muimardi we-nega-dulesulidganba omilede gumaloed.  
\v 33 Bemar-isgusmalad-ular, bemar we-nega-dulesulidgangi bela-burgwemaladse, be-mimmigana birga-dulabo (40) nega-dulesulidganba bipirmakdii gumaloed. 
\p  
\v 34 ” ’Bemar yar-argaega iba-dulabo (40) bipirmakdii gusmalad. A-iba-ibagwenad, birgagwen-wilub be-mimmiganga guoed. Degisoggu, be-isgusmalad-ular, birga-dulabo (40) nega-dulesulidganba bipirmakdii gumaloed. We-sogleged, ibagwenad, birgagwen-wilubye. Agi bemar wisgumaloed, ani an sabsur-bemar-odurdaknaid. 
\p  
\v 35 ” ’Ani, an Bab-Jehová gued. Ani an sogsad. Weyob bela dule-isganamar-angi-gwisgudimaladi, an imakoye. We-nega-dulesulidgangine we-dulemala bela bergumaloye, agi bela burgwemaloye.’ ” 
\p  
\v 36 Canaán-yar-argaega dulemar-Moisésʼse-barmilesgusmaladi, gannar aibilismargua, Moisésʼgi uludgusmalad, degine, Moisésʼgi-urwega bela dulemar-imaksamarbalid. Yar-argaapmaladgi neg-sunnasurye sognonigusmalad.  
\v 37 Amardi, Bab-Jehová-asabinni boni-dummagangi burgwismalad.  
\v 38 Ar Nun-machi-Josuéʼdi, degi, Jefone-machi-Calebʼdi, dulemar-Canaán-yar-argaapmaladba burgwissurmalad. 
\s1 Israel-dulemar Horma-neggweburgi galakusmalad 
\r (Deuteronomio 1:41-46) 
\p  
\v 39 Moisés, Israel-dulemarga we-ibmar-gusad-sogsagua, bela Israel-dulemar nue-bukib itosmalad.  
\v 40 Israel-dulemar wakudaryalaba gwichigusmalad, yalaganba nakwidmalad. A-dulemala sokarmalad: 
\p —Anmar, inso nue Bab-Jehováʼgi nosmalad. Degisoggu, Bab-Jehová-yar-anmarga-ukoye-sogsadse anmar nae. A-yar anmar sunamala. 
\p  
\v 41 Moisés Israel-dulemar-abin sogded: 
\p —¿Ibiga bemar Bab-Jehová-igar-uksadba ibsassurmala? Weyob bemar ibmar-imaksokarmaladi, bemarga igarga guosurmalad.  
\v 42 Melle be namar. Ar Bab-Jehová bemarba bar gudisursoggu, bemar be-isdarmaladse galakumaloed.  
\v 43 Ar Amalec-dulemar, degi, Canaán-dulemar bemar-idu bukwamalad. Amarse bemar galakumaloed. Bemar Bab-Jehováʼba yapa ibmar-imakgussoggu, Bab-Jehová bemarba gudiosulid. 
\p  
\v 44 Ar Bab-Jehová-Dulemarbo-Igar-Mesisad-Ulu, degi, Moisés, Israel-dulemar-danar-danar-neg-ambikuedgi gwen bangussurmar-inigwele, Israel-dulemardi aka yala-birse nakwidmalad.  
\v 45 Geb degidgine, Amalec-dulemar, degine, Canaán-dulemar-a-yargi-bukwamaladi, bila-onogega Israel-dulemar-abin ainiarmalad. Amala Israel-dulemargi nakwismalad. Geb Horma-neggweburse Israel-sordamar-baregichamalad. 
\c 15  
\s1 Bab-Dummadga-ibmar-uklegoed-e-igarmar 
\p  
\v 1 Bab-Jehová Moisésʼga sunmakded, ega sogded:  
\v 2 “Israel-dulemarga be sunmak, ega be soge: ‘Canaán-yar-Bab-Jehová-bega-uksokalidse bemar dogdemalale, egi, bemar megidmalale,  
\v 3 agi, bemar Bab-Jehováʼga moli-bebe-nikaddibe, igi, sibad-wawaaddibe, ogumakar-ukye binsaarmalale, na be ukoed. 
\q1 Igi-barsundibe, ar na be Bab-Jehováʼga-sogsadba, we-ibmar-an-ukedseye, 
\q2 a-ular, na be ukbidibe, na be ukoed. 
\q1 Igi-barsundibe, be-itolegedba Bab-Jehováʼga-ibmar-ukbiedba-ukbidibe, na be ukoed. 
\q1 Igi-barsundibe, iba-itoakwaa-onolegedgi na be ibmar-ukbiedba-ukbidibe, na be ukoed. 
\q2 We-ibmar-ogumaklegar-uklegedde Bab-Jehová, yeer-yapanne itodaed. 
\b  
\q1  
\v 4 ” ’Ar dule Bab-Jehováʼga ibmar-ukbiele, napi-ibmar-baid ega ukega sedabaloed, 
\q2 nibiratar-mergu madubur-bur-nued sedagoed. 
\q2 A-madubur be omukuoed. 
\q2 Geb olivo-e-gwallu bute-warbo eba be oburoed. 
\q1  
\v 5 Sibad-wawaad-wargwen ogumakar-ukleged-iliba, igi ibmar-negabar-ogumaklegodibe, igi bela ogumaklegodibe, 
\q2 a-iliba, vino-bute-warbo egi be eogoed. 
\b  
\q1  
\v 6 ” ’Sibad-wawaad-machered-iliba, Bab-Dummadga be ukoed, 
\q2 madubur-bur-nued nibirbaa olivo-e-gwalluba oburar be omukoed. 
\q2  
\v 7 Vino bute-walatar egi eolegoed. 
\q1 We-ibmarmar Bab-Jehováʼga ogumakar be ukoed. 
\q2 Ar Bab-Jehová yeer-yapanne itodaed. 
\p  
\v 8 ” ’Dule Bab-Jehováʼga ibmar-ukbiele, sunna uked: Moli-bebe-nikad sapingwagwa bela-ogumakardibe, igi abala-ogumakar Bab-Jehováʼga be ukodibe, igi na be ibmar-ukbiedba be ukodibe, igi gwenatigwar-guega ukodibe.  
\v 9 We-moli-bebe-nikadbali madubur-bur-nued, nibiratar Bab-Jehováʼga be ukoed. We-be-ukoedi olivo-e-gwalluba galón-negabar eba oburar be omukuoed.  
\v 10 Degine, vino galón-negabala egi eolegoed. We-ibmarmar ogumakar-uklegoed, ar Bab-Jehová yeer-yapanne itodaed. 
\q1  
\v 11 Weyobi ibmar-anga-uklegarmalad: 
\q2 Moli-bebe-nikad-sapingwagwaddibe, 
\q2 sibad-wawaad-machereddibe, 
\q2 sibad-wawaad-birgagwen-nikaddibe, 
\q2 sibad-sapingwagwaddibe, 
\q3 bega igar-uklesadba be imakoed. 
\p  
\v 12 ” ’Ar ibdurgan igi mergudibe, akarsulid. Bega-igar-uklesadba bela be imakoed.  
\v 13 Israel-dule-wargwen Bab-Jehováʼga ibmar-ogumakar-ukleged-nue-yeer-yapanned uked-ilibali, Bab-Dummad ega-igar-uksadba bela imakergebed. 
\p  
\v 14 ” ’Dule-ainebalid bemar-abargi maile, Bab-Jehováʼga ibmar-ogumakar-nue-yeer-yapanned ukbiele, amba bemaryob Bab-Dummadga ibmar-ukmarmogoed. Be-wagan degisadegu deyob imakmogoed. 
\p  
\v 15 ” ’Bemarga, degi, dule-yar-baidginmalad-bemar-abargi-mamaimaladga, unnila igar-wargwenna maiguoed, ar ade, bemar-neggweburgine unnila igar-wargwenna mai guoed. Bemar-waganga we-igar degisadegu mai guoed. Bemar, degi, dule-yar-baidginmalad Bab-Jehová-asabinni, bela emarbiid.  
\v 16 Degisoggu, Israel-dulemarga, degi, dule-yar-baidginmalad-bemar-abargi gudiidmarga, bela unnila igar-gwennagwa an bemarga uksad, a-igarbi bemar nika gumaloed.’ ” 
\s1 Ibmar-san-gebe-sanmakleged Bab-Jehováʼga uklegoed 
\p  
\v 17 Bab-Jehová Moisésʼga sogdebalid:  
\v 18 “Israel-dulemarga be sunmake, ega be soge: ‘Bab-Jehová yala-bemarga-uknaidse be dogsamalale,  
\v 19 agi ibmar-sanmakmalad bemar gutemalale, Bab-Jehováʼga be ibmar ukmarmogo.  
\v 20 Gebe-madu-olo-bur-nued be imakoedi, a-madu-olo Bab-Jehováʼga be ukoed.  
\v 21 Wegibi degisadegu be-wagana gebe-madu-olo-imaklegedi Bab-Jehováʼga ukdii gumaloed.’ ” 
\s1 Dule wissulidgi Bab-Jehová-Igargi-yolediidgi Bab-Jehováʼga ibmar-ukoed 
\p  
\v 22 Bab-Jehová Moisésʼga sogdebalid: “Israel-dulemarga be soge: ‘Bab-Jehová-Moisésʼga-Igarmar-Uksad, be, degi, bemar-wagan degisadegu imakdii guoed.  
\v 23 Ar bemar, igi be-wagan a-igarmar-wissuli yolediile, a sogleged, we-isguedgi be igar-wissulidba be isgusye.  
\v 24 Bela dule-mamaimalad wissulidba isgunonimogale, bela amar moli-bebe-nikad-sapingwagwad ogumakar, nue-yeer-yapanned Bab-Jehováʼga ukoed. Degine, madubur-bur-nued Bab-Jehováʼga ukbaloed, degine, vino egi eobaloed. Geb degine, igar-soglesad-maidba dulemar-mamaid e-isgued-eliega sibad-machered ukbaloed.  
\v 25 Geb a-sorbali, dule-irwa-Bab-Dummadse-goled bela Israel-dulemar-isgued-eliega ibmar-ogumakar ukoed. 
\p ” ’Geb degidgine, Bab-Jehová we-Israel-dulemar-e-isgusad bergusa dakoed, ar ade, igar-wissulidba isgusadga ibmar-ogumakar anga uksamalad, degi, e-isgued-eliegala ibmar uksamalad.  
\v 26 Bela dule-igar-wissulidba-isgusmaladba Bab-Jehová bela Israel-dulemar, degi, dule-ainebarmalad isgussuliyobi dakoed. 
\p  
\v 27 ” ’Dule-wargwen igar-wissulidba-isgusale, e-isgusad-osulogega Bab-Jehováʼga sibad-ome-birgagwen-nikad ukoed.  
\v 28 Dule-irwa-Bab-Dummadse-goled, dule-igar-wissulidba-isgusadga-isgued-osulogega Bab-Jehová-asabin ibmar oburgoed. We-dule Bab-Jehová-ebo igar-nabogoed, geb degine, Bab-Jehová we-dulega isgued obergunonikoed.  
\v 29 Israel-duledibe, igi dule-ainebaliddibe, igar-wissulidba isgusmalale, wemarga unnila igar-wargwenna maiguoed. 
\p  
\v 30 ” ’Ar Israel-duledibe, igi-dule-ainebaliddibe, igar-maid-wisidba-isgusale, Bab-Jehováʼgi nue-isgusdo. We-duledi bemar-abargi oburgwilegoed.  
\v 31 Ar we-dule na dukin imakodo, ar ade, Bab-Jehová-ega-ibmar-sogsad baisur-itosad, Bab-Jehová-Igar-Maidgi annasad.’ ” 
\s1 Obunnoged-ibagi-yoleged 
\p  
\v 32 Israel-dulemar nega-dulesulidgangi-gudidimargua, dule-wargwen obunnoged-ibagi sapan-aminai daksamalad.  
\v 33 We-dulemar dule-sapan-aminaidi, Moisés-asabin, degi, Aarón-asabin, degine, bela dulemar-neggweburginmalad-asabin senonimalad.  
\v 34 Ar wissurmarsoggu, igi a-dule-imakmaloe, esgaryagi metemalad. 
\p  
\v 35 Geb degine, Bab-Jehová Moisésʼga sogded: “We-dule oburgwilegergebed. Bela dulemar e-danar-danar-ambikued-neg-magaba we-dule akwagi maknamalo.” 
\p  
\v 36 Degisoggu, ar igi Bab-Jehová Moisésʼga-igar-uksa, deyobi, dulemala, we-dule e-danar-danar-ambikued-neg-magaba sesmalad. Geb we-dule-oburgwedse, akwagi maksamalad. 
\s1 Morduku-durbamakar-imaklegoed 
\p  
\v 37 Bab-Jehová Moisésʼga sunmakded, ega sogded:  
\v 38 “Israel-dulemarga be sunmako, ega be soge: ‘Bemar dub-suir-akwagiidgi be-morduku durbamakar be imakmalo. Degibi be-wagan degisadegu imakmaloed.  
\v 39 We-morduku-durbamakaled be dakarmalale, Bab-Jehová bemarga-Igargan-uksad-insamalaga be-imakoed. Adi, a-Igarganba bemar nanamalagar, melle ibmar-dakedba wargwengi ibmar-imakbiedba nanamalagar, degi, melle Bab-Jehováʼgi be bangumalagar.  
\v 40 Adi weyobi, igargan bemar insaoed, degine, a-igargan-sogedba bemar nanaoed. Weyob be imakele, bemar be-Bab-Dummadga dule-swilidikmaladga gumaloed.  
\v 41 Ani an Bab-Jehová, be-Bab-Dummad gued. Ani an Egipto-yalagi an bemar-onosad, adi, be-Bab-Dummadga guegar. Ani an bemar-Bab-Dummad-Jehová gued.’ ” 
\c 16  
\s1 Coré, Datán, Abiram, Moisésʼgi, degi, Aarónʼgi gwisgusmalad 
\q1  
\v 1 We-dulemar Moisésʼgi gwisgusmalad: 
\q2 Leví-wagwa-yarganbalid Coat-wagwa-Izhar-machi-Coréʼye-nugad, 
\q2 Degi, Dad-dummad-Rubénʼgi-danimalad: 
\q3 Eliab-masmala Datán, degi, Abiram. 
\q2 Deginbali, Pelet-machi-Onʼye-nugad. 
\p  
\v 2 Israel-dule-dummagan-dulataled-ilabo gaka dulabo-gakambe (250) Coréʼba akadmalad, Moisésʼgi gwisgudmarmogad. We-dummagande dulemar-binsaed-dakmalad-yagi bukwamaladid, dule-nue-nug-nikamaladid.  
\v 3 We-dulemar bulakwa-ambikunonimargua, Moisésʼgi, degi, Aarónʼgi isdar-sunmakdemalad. Geb Moisésʼga, degi, Aarónʼga sogdemalad: 
\p —¡Bemar, wese be ugakmalo! Ar bela Israel-dulemar bato Bab-Jehováʼgadid, degite, ¿ibiga be binsamala, bemarde Bab-Jehová-sordamar-e-dummadye? Bemar a-sordamar-e-dummagansulid. 
\p  
\v 4 Moisés we-dulemar-degii-ega-sognanaid itosgua, amar-asabin dulluu imakded.  
\v 5 Geb degidgine, Moisés Coréʼga, degi, Coréʼba-nanaimaladga sunmakded, amarga sogded: 
\p —Oibosale, Bab-Jehová sogoed, ede doa-susa, doa-egadi, doa sunna ese warmakoe. Ar Bab-Jehová na dule-suoedi, a-dulebi, Bab-Jehováʼga nabir-ibmar-uke guoed.  
\v 6 Coré, be oibosale, degi, be-sordamar-beba-nanaimalad weyob bemar imakmalo: Bemar sianar sedmalo.  
\v 7 A-sianargi bemar soo urbemalo, geb degine, a-sianargi ina-wawadikmalad bemar Bab-Jehová-asabin urbemarbalo. Ar Bab-Jehová doa-dule-suoe, a-dule, dule-irwa-Bab-Dummadse-goledga guoed. ¡Bemar Leví-wagan, emigindi bemar igar-maidgi-obitemalad! 
\p  
\v 8 Geb degine, Moisés Coréʼga sogdebalid: 
\p —¡Leví-wagan, an-ibmar-bemarga-sogoed, nue be an-itomalo!  
\v 9 Israel-e-Bab-Dummad Israel-dulemar-abargi bemar-susad, adi, ese-goled-neggi ega be arbamalaga, degine, Israel-dulemarga arbamalagarba, degite, ¿unniguar be itosurmarde? 
\p  
\v 10 ”Bab-Dummad bemar-abesad, bemar e-walikaa gudigued, degine, bela bemar-Leví-wagan e-walikaa gudigued abesad. ¿Emide, bemar dule-irwa-Bab-Dummadse-goledga gubimarbarde?  
\v 11 Degisoggu, be, degi, beba-nanaimalad, bemar Bab-Jehováʼgi-beedse-yolegegala na atosmalad. Ar ¿Aarónʼde doasunna, emide bemar egi gwisgunanaimargu? Degisulirgebed.” 
\p  
\v 12 Geb degine, Moisés, Datánʼse, degi, Abiramʼse gochad, ese dagmaloye. We-warbogwadde, Eliab-e-masmala-gumalad. Ar wemardi Moisés-abin sogdemalad: 
\p —¡Anmar bese naed-sate!  
\v 13 ¿Ar unnisur be itode, napa-gadi-ibmar-sanmakedgi, napa-nuedgi be anmar-onosad? Emigindi, we-nega-dulesulidgangi be anmar-oburgwebied. Anmar-dummadga be gubibalid. Adi sulirgebed.  
\v 14 Emide yala gadi-ibmar-sanmakedse, amba napa-nuedse yoo be anmar-odoged. Degine, amba yoo be anmarga nainumar, degi, nainu-uva-digarmalad be ukbalid. ¿Bela dulemar aku-atakeyobi beba bipirmakdii be abede? ¡Anmar bese naed, satemala! 
\p  
\v 15 Geb degine, Moisés nue-uluded, Bab-Jehováʼga sogded: 
\p —¡We-dulemar bega ibmar-ukalile, melle annik be suo! Ar wemar-ibe moli-uayasuid wargwensaale an sussulid, degine, an we-dulemar bipisaale gwen oakalossulid. 
\p  
\v 16 Geb a-sorbali, Moisés Coréʼga sogded: 
\p —Oibosale, bedi, degi, be-sordamar Bab-Jehová-asabin nonimaloed. Aarón ase nonimogoed.  
\v 17 Bemar wala-walagwengi Bab-Jehová-asabin, be esgoro-gordikid-sianargi ina-wawadikmalad ena sedamaloed. A sogleged, esgoro-gordikid-sianar dulataled-ilabo gaka dulabo-gakambe (250), ina-wawadikmalad-egi-bukwa senonimaloye. Be, degi, Aarón, bemar esgoro-gordikid-sianar sedamarmogoed. 
\p  
\v 18 Degine, dulemar egad-egad esgoro-gordikid-sianar-ganikidgi, soo urbismalad, degine, ina-wawadikmalad egi eosmarbalid. Geb agine, we-dulemar, Moisésʼmala, degi, Aarónʼmala, Bab-Dummadse-goled-neg-sunna-seleged-e-yawagakgi ambikunonimalad.  
\v 19 Coré Bab-Dummadse-goled-neg-sunna-seleged-yawagakgi bela dulemar-Moisésʼgi-yolenanaid oambikusgua, Bab-Jehová-e-gangued-yeerdakleged bela dulemar-bukwadgi magarononikid.  
\v 20 Agine, Bab-Jehová Moisésʼga, degi, Aarónʼga sunmakded, amarga sogded: 
\p  
\v 21 —¡Bemar, we-dulemar-abargi be bangumar! Emiskwaa bela we-dulemar an obelogoed. 
\p  
\v 22 Moisés Aarón-ebogwa na e-wagar napase dulluu imakdemalad, geb sogdemalad: 
\p —Bab-Dummad, ar bee be, bela dulemarga san-burba-dulad-ukmaid. ¿Unnila dule-wargwenbi begi isgusad-ular, bela dulemar sabsur be odurdakode? Sulirgebed. 
\p  
\v 23 Bab-Jehová Moisésʼga sunmakded, ega sogded: 
\p  
\v 24 —Bela Israel-dulemarga be sunmake, ega be soge: ‘Bemar Coré-neggi, Datán-neggi, degi, Abiram-neggi bangumar. Melle a-dikarba bemar gudii gumalo.’ 
\p  
\v 25 Moisés, degi, Israel-girmar-dummaganmala, Datán-maidse, degi, Abiram-maidse nadegusmalad.  
\v 26 Geb degine, Moisés Israel-dulemarga sogded: 
\p —We-dulemar-isgana-neggi bemar bangumar, degine, melle e-ibmar be ebumalo, ar degiile, wemar-isgusmaladba be burgwemarmogoed. 
\p  
\v 27 Geb degine, Israel-dulemar, Coré-e-neggi, Datán-e-neggi, degi, Abiram-e-neggi bangudmalad. Datanʼdi, degi, Abiramʼdi e-neggi noalid, e-yawagak-asabin, e-omemala, e-mimmiganmala ambikunonimalad. 
\p  
\v 28 Agine, Moisés dulemarga sogded: 
\p —Wegine geb bemar wisguoed, bela-we-ibmarmar-imakega Bab-Jehová an-barmialid. Wargwen an-na-ibmar-imakbiedba an imaksasulid.  
\v 29 We-machergan, ar igi-dulemar-baigan-burgwemala deyob burgwemarmogale, we-soglegodo, Bab-Jehová an-barmiarsurye.  
\v 30 Ar Bab-Jehová ibmar-dakledisulid-imakele, napa egaele, agi bela we-dulemar, degi, e-ibmarmala obatele, geb bemar wisgumaloed, we-dulemar Bab-Jehováʼgi nue-dummad-nosmarye. 
\p  
\v 31 Moisés bela-weyob-ibmar-soggwichid-bergusgua, we-dulemar-bukwadgi napa yog-argaar naded.  
\v 32 Napa argadegusad, bela Coréʼba-nanaimalad, degi, e-mimmigan, e-negmar, e-ibmarmar, a-napa-yaba babatided.  
\v 33 We-dulemar, dula napa-yaba babatidmalad, degi, bela e-ibmar-nikamalad napa-yaba babatidmarmogad. A-napa gannar atidegusad. Weyob we-dulemar Israel-dulemar-abargi bar-daklessurmalad, yoggudegusmalad.  
\v 34 Bela Israel-dulemar-dikarba-bukwamalad a-dulemar-binnasur-boe-itoarmargu, duurmakdemalad, sogdemalad: 
\p —¡Anmar wakinmala! ¡Abakalegi napa anmar-doarmogale! 
\p  
\v 35 Dulemar dulataled-ilabo gaka dulabo-gakambe (250) Bab-Jehováʼga ina-wawadikid-obupurmaknanaid, soogi-gummakar burgwismalad, ar ade, Bab-Jehová we-dulemargi soo barmialid. 
\s1 Esgoro-gordikid-sianar 
\p  
\v 36 Bab-Jehová Moisésʼga sunmakdebalid, ega sogdebalid:  
\v 37 “Eleazarʼga be soge: ‘Ar esgoro-gordikid-sianar bato ibmar-nue-islidikidga an imaksasoggu, esgoro-gordikid-sianar be sue. A-sianargi soo-gabukwad dikasur be mio. We-Eleazarʼde Aarón-e-machid. We-Aarónʼde dule-irwa-Bab-Dummadse-goledid.  
\v 38 We-dulemar-isgusmaladba-burgwismalad-e-sianar be sue. A-sianarmala matargwa-matargwa be imakoed, adi, amar Bab-Jehováʼga-ibmar-ogumakar-ukleged-ailagi matak-matak nasikegar. Ar ade, we-sianarmarde bato Bab-Jehováʼga uklesad. We-ibmarmala Israel-dulemar-oinsaega guoed.’ ” 
\p  
\v 39 Geb degine, dule-irwa-Bab-Dummadse-goled-Eleazar Bab-Jehová-ega-sogsadba we-sianar-esgoro-gordikidgi-sobaledi matargwa-matargwa imaksad. Agine, Bab-Dummadga-ibmar-ogumakar-ukleged-ailagi matak-matak nasiksad.  
\v 40 Esgoro-gordikid-sianar-matargwa-matargwa-imaklesadi, Bab-Dummadga-ibmar-ogumakar-ukleged-aila-birgi matak-matak-nasiklesadi, adi, Israel-dulemarga oyogegalad, degi, Aarón-e-wagansurmaladga oyogegalad, degine, dule-ega-igar-uklearsurmaladga oyogegalad melle Bab-Jehováʼga ina-wawadikid ukoye. Ar degisulile, Coré, degi, eba-nanaigusmarmogadyob gumarmogoed, ar igi Bab-Jehová bato iduakwaa Israel-dulemarga Moisésʼba sogsagusa, deyobi gumarmogoed. 
\s1 Aarón, Israel-dulemarga Bab-Dummadse gochad 
\p  
\v 41 Deginbali, a-oibosadgine, bela Israel-dulemar gannar Moisésʼgi, degi, Aarónʼgi isdar-sunmakarmarbalid, sogdemalad: “Bemar Bab-Jehová-e-dulemar oburgwismalad.” 
\p  
\v 42 Ar Israel-dulemar Moisésʼgi, degi, Aarónʼgi sunmakarmarsoggu, a-ular, Moisés, degi, Aarón Bab-Dummad-dulemarbo-ambikued-negse nadmalad. Agine, dakdemalad, Bab-Dummadse-goled-neggi Bab-Jehová-e-gangued-yeerdakleged aidenoniki.  
\v 43 Geb Moisés, degi, Aarón dulemar-Bab-Jehováʼbo-ambikued-neg-walik gwisgudapmalad.  
\v 44 Agine, Bab-Jehová Moisésʼga sogded:  
\v 45 “¡We-dulemar-abargi bemar bangumar, adi, we-dulemar yoga-obeloar an imakegar!” 
\p Degidgine, Moisés Aarón-ebo napase dulluu na e-nono imakdemalad.  
\v 46 Degine, Moisésʼdi Aarónʼga sogded: “Sianar be sue, Bab-Dummadga-ibmar-ogumakar-ukleged-aila-soo-gasiid egi be urbe. Geb degine, ina-wawadikid agi be eogoed. Geb degidgine, Israel-dulemar-bukwadse gwae be nao, adi, we-dulemar-isgusad-anar we-ina-wawadikid Bab-Dummadga be ukegar. Deyob be imakoed, ar ade, Bab-Jehová bato uluded, dulemar bato nue-nailikguar nanaed.” 
\p  
\v 47 Aarón, ar igi Moisés-ega-sogsadba sianar sussunnad. Degine, dulemar-bukwad-abarse abarmakded. Israel-dulemar bato yaisuli burgwiarmalad. Agi, Aarón Israel-dulemar-isgusad-anar Bab-Jehováʼga ina-wawadikid ukdesunnad.  
\v 48 Geb degine, dule-burgwismalad-mamaid-asabin Aarón gwisgusad. E-yarganbardi, dule-dulamalad bukwad. Geb agine, Bab-Dummad-boni-dummad-barmialid galenonikid. 
\p  
\v 49 We-boni-dummadgi dulemar miliambe-gakabake gaka dulataled-ilagugle-mergu (14,700) burgwismalad. Coré-e-sordamar Moisésʼgi-yolesmaladba-burgwismaladi, adi, obarlesulid. 
\p  
\v 50 Geb a-sorbali, boni-dummad galenonigua, Aarón gannar Moisésʼse Bab-Dummad-dulemarbo-ambikued-neg-yawagakse aligusad. 
\c 17  
\s1 Aarón-e-suar-gaapoled 
\p  
\v 1 Bab-Jehová Moisésʼga sunmakded, ega sogded:  
\v 2 “Israel-dulemarga be sunmakna, ega be sogna: ‘Na e-dadgan-dummagan-warambe-gakabogwad-irba (12) gaapoled wargwen-wargwen sedamaloye. Degisoggu, gaapoled warambe-gakabo (12) sedamaloed. Wemar-gaapoledgi dummagan-e-nugmar bela be narmakoed.  
\v 3 Dad-dummad-Leví-gaapoledgine, Aarón-nug be narmakoed, ar ade, dadgan-dummagan-iliba gaapoled nikadbi gumaloed. 
\p  
\v 4 ” ’We-gaapoledmar dulemar-anbo-ambikued-neggi Dulemar-Anbo-Igar-Mesisad-Ulu-asabin, bia an bebo-sunmakdae, agi be mesoed.  
\v 5 Gaapoled-aramakoedi, an a-e-ibed an suoed. Adi, Israel-dulemar-begi-gwisguardamaladi, melle bar begi sunmakmalagar.’ ” 
\p  
\v 6 Degidgine, Moisés Israel-dulemarga sunmaksagu, dadgan-dummagan-warambe-gakabogwad-e-dummagan-iliba gaapoled senonimalad. Degisoggu, gaapoled warambe-gakabo (12) senonimarsundo. We-gaapoledmar-wargwenad, Aarón-gaapoled gued.  
\v 7 Agine, Moisés Bab-Jehová-asabin gaapoledmar Bab-Dummad-Israel-Dulemarbo-Igar-Mesisad-Ulu-siid-asabin urbisad.  
\v 8 Degidgine, Moisés banedgine Bab-Dummad-Israel-Dulemarbo-Igar-Mesisad-Ulu-siidse-dogdegu, dakalid, Leví-wagwa-Aarón-gaapoled aradik-mai, e-dutumar-nanai, e-madumar nagusnanai, degine, almendroʼmar sanmaksananai daksad. 
\p  
\v 9 Geb degine, Moisés, bela-Israel-dulemar we-gaapoledmar-dakmalaga, Bab-Jehová-asabin-gaapoled-bukwadi onosad. Amar bela we-gaapoledmar daksamalad, degine, dummagan na egad-egad susmarsunnad.  
\v 10 Agine, Bab-Jehová Moisésʼga sogdebalid: “Gannar Aarón-gaapoled an-bemarbo-Igar-Mesisad-Uluse be mesna, adi, dulemar-anba-dasurmaladga wilubga guegar. Adi, a-dulemar melle begi bar urwemalagar. Ar urwemalale, we-dulemar burgwemaloed.” 
\p  
\v 11 Moisés bela Bab-Jehová-ega-ibmar-sogsadba imaksad. 
\p  
\v 12 Geb degine, Israel-dulemar Moisésʼga sogdemalad: “¡Anmar bela oitolemaloed! ¡Bela anmar burgwemaloed!  
\v 13 Ar dule Bab-Jehová-goled-negse-nadele, burgwemaloed. Degisoggu, bela anmar burgwemarsunnoed.” 
\c 18  
\s1 Dule-irwa-Babse-gormalad, degi, Leví-dulemar-ibmar-imakoed 
\p  
\v 1 Bab-Jehová Aarónʼga sogded: “Israel-dulemar anse-goled-neggi isgusale, begi, be-masmalagi, degi, be-dad-dummad-Leví-e-wagangi ataklegoed. Ar bemar dule-irwa-anse-gormalad na be-arbanaidgi isgusardi, begi, degi, be-mimmigangi ataklegoed. 
\p  
\v 2 ”Aarón, igi, be-masmaladibe, anse-goled-neggi bemar arbananaile, be-gwenadgan-Leví-wagan-baigan bemar-bendakega be imakmalo.  
\v 3 Wemala bemar-ibmar-imakedgi be-bendakmaloed, dulemar-anbo-ambikued-neg-akwega gumarbaloed. Degi-inigwele, ibmar-anga-uklesmaladse warmakosurmalad, degine, melle burgwemalaga anga-ibmar-ogumakar-ukleged-ailase warmakosurmarbalid.  
\v 4 We-Leví-dulemala bemar-bendakedga gumaloed. Degine, we-Leví-dulemar dulemar-anbo-ambikued-neg dakmaloed, degine, bela agi-ibmar-imaklemalad imakmarbaloed. Degisoggu, agi bemar ibmar-imaknaigusale, Leví-dulemarbi bemarse warmakmaloed, dule-baigandi bemarse warmakosurmalad. 
\p  
\v 5 ”Unnila bemarbi An-Neg-Islidikid, degine, anga-ibmar-ogumakar-ukleged-aila dakmaloed, adi, melle bar Israel-dulemar sabsur an odurdakegar.  
\v 6 Ar Israel-dulemar-abargi, ani an be-gwenadgan-Leví-dulemar an-sunnad an bemarga ukega susad, adi, dulemar-anbo-ambikued-neggi arbamalagar.  
\v 7 Unnila be, degine, be-masmalabi dule-irwa-anse-gormaladga gumaloed. A sogleged, anga-ibmar-ogumakar-ukleged-aila, degine, mor-dummad-naid-yarganba-ibmar-bukwad unnila bemarbi dakoye. Ani an bemarga dule-irwa-anse-goled-e-arbaed an uknaid. Ar dule-baid a-ibmar imakye-sogele, adi, oburgwelegoed.” 
\s1 Dule-irwa-Bab-Dummadse-gormaladga ibmar-uklegoed 
\p  
\v 8 Bab-Jehová Aarónʼga sogdebalid: “Deginbali, dulemar anga-ibmar-ukmaloed-akwega an be-imakbalid. Ar bemar anga ibmar-akwemaladsoggu, bela Israel-dulemar anga ibmar-ukmalad, an bega, degi, be-masmalaga an ukoed. We-igarde degii-maigua sadeguoed.  
\v 9 Ibmar-anga-uklegaled-ogumaklessurmalad, begadga gumaloed. Israel-dulemar ibmar-bela-anga-ukmalad, ibmar-gwagmar, isgued-ular ibmar-ukmalad, degi, e-nosad-ular ibmar-ukmalad, bela we-ibmarmala bega, degi, be-masmalaga ibmar-islidikidga guoed.  
\v 10 We-ibmarmala bemarga ibmar-islidikid gumalad. Anse-goled-neggi we-ibmarmar be gunmaloed. Bela machergan we-ibmarmar nabir gunmaloed.” 
\p  
\v 11 Bab-Jehová Aarónʼga sogdebalid: “Deginbali, bela Israel-dulemar anga-ibmar-bana-bana-ukmaloedi, begala, degi, be-masmalagala, be-bunamalagala, we-ibmarmar an ukbaloed. Ar be-neguyagi bela islidik-gudimaladi sunna we-mas gunmarmogoed. We-igala degisadegu maiguoed. 
\p  
\v 12 ”Deginbali, ibmar-gebe-sanmakmalad, ibmar-bur-nuegan Israel-dulemar anga-senonimaloedi, olivo-gwallu, vino-binid, degi, ibmar-gwagmala, wemar bemarga an ukbaloed.  
\v 13 Israel-dulemar na e-nainugi gebe-ibmar-sanmakmalad-anga-sedamaloedi, an bemarga ukbaloed. Ar dule be-neguyagi bela islidik-gudimaladi we-ibmarmala nabir gunmaloed. 
\p  
\v 14 ”Israel-dulemar bela anga ibmar-ukmaladi, bela an bemarga ukbaloed.” 
\p  
\v 15 Bab-Jehová Aarónʼga sogdebalid: “Machigwa-gebegwaluleged, ibdurgan-gebe-gwalulemalad-anga-ukleged amba begadga gubaloed. Degi-inigwele, machigwa-gebegwaluleged sunna manigi onolegoed. A-sogleged, a-machigwa-anar mani uklegoye. Ibdurgan-sailagined-swilidiksulid anga-uklegosulid, degisoggu, a-anar mani uklebaloed.  
\v 16 Duledibe, igi, ibdurgandibe, nii-wargwen-nikadgi onolegegala, mani-sibu-gwaatar-anse-goled-neggi-mani-aidikued-ebislegedyob a-anar uklegoed. We-manimala, gera-dulagwen (20) nanaed. 
\p  
\v 17 ”Moli-bebe-nikaddi, sibad-wawaaddi, degi, sibaddi manigi onolegosulid. Ar ade, we-ibmarmardi anga uklegaledid. We-ibmarmar-e-abedi ibmar-ogumakar-ukleged-aila-dikarba be eogoed, degine, we-ibmarmar-gwallumardi ogumakar anga be ukoed. We-gwallumar-gummakaled yeer-yapan an itodaed.  
\v 18 Degi-inigwele, we-ibmarmar-e-sandi, e-binasgardi, e-dua-nued-sikiddi be suo, begadga be imako.  
\v 19 Israel-dulemar anga bela-ibmar-ukmalad, bela bega, be-masmalaga, be-bunamalaga an uked. Weyob we-igar degimaigu sadeguoed.” 
\s1 Leví-dulemar-bennuklemaloed-e-igar 
\p  
\v 20 Bab-Jehová Aarónʼga sogdebalid: “Israel-dulemar-abargi bega nainumar an ukosulid, ar ade, ani we-Israel-dulemar-abargi an begadga gued. 
\p  
\v 21 ”Bela Israel-dulemar-ibmar-ambegi-gwensak-anga-ukedi (10%), Leví-dulemarga we-ibmarmala an bela ega ukoed. Ar wemar dulemar-anbo-ambikued-neggi-arbamarsoggu, a-bennukega an ega bela ukoed.  
\v 22 Israel-dulemar dulemar-anbo-ambikued-negse warmakosurmalad. Ar warmaksale, angi-isgusadba burgwemaloed.  
\v 23 A-ulale, Leví-dulemar dulemar-anbo-ambikued-neggi arbamaloed. Ar Israel-dulemar anse-goled-neggi isgunonimalale, Leví-dulemargi a-isgusad nagunonikoed. We-igar degisadegu dulemar-danimaloedga maigu guoed. Leví-dulemar e-gwenadgan-Israel-dulemar-baiganba yar nikuosurmalad.  
\v 24 Ar ade, ani an Leví-dulemarga Israel-dulemar-ambegi-gwensak (10%) anga-ibmar-uklegedi, an uksad. A-ulale, Israel-dulemar-abargine, we-Leví-dulemarga yar an uksasulid.” 
\s1 Ibmar-ambegi-gwensak-uklegoedgi (10%), Leví-dulemar ibmar-gwensak ukmogoed 
\p  
\v 25 Bab-Jehová Moisésʼga sogded:  
\v 26 “Leví-dulemarga be sunmako, ega be sogo: ‘Israel-dulemar ibmar-ambegi gwensak (10%) anga-ukega senonikile, we-ibmar Bab-Jehová-bega-sogsadba begadga guoed. Bela ibmar-begadga-guoedi ambegi gwensak (10%) Bab-Jehováʼga be ukmogoed. 
\p  
\v 27 ” ’Igi Israel-dulemar-baigan anga ibmar-gwag-bur-nued-ukmoga, degi, vino-ukmoga, deyobi, bemar anga uksamarmoye soglemogoed.  
\v 28 Weyobi, Israel-dulemar be-Bab-Jehováʼga ambegi-gwensak-ibmar-ukedi (10%), a-ibmar be-Bab-Jehováʼga be ukmogoed. Dule-irwa-Bab-Dummadse-goled-Aarónʼye-nugadga be ukoed. We soglegoed, be-Bab-Jehováʼga we-ibmar be uksaye.  
\v 29 Bela bega-ibmar-uklegoedi, abala be ibmar-bur-nuegan Bab-Jehováʼga ukoed.’ ” 
\p  
\v 30 Bab-Jehová Moisésʼga sogdebalid: “Leví-dulemarga be sogbalo: ‘Ibmar-bur-nuegan Bab-Jehováʼga be uksale, soglegoed, na be Bab-Dummadga ibmar-gwag, degi, vino uksaye.  
\v 31 We-ibmar-gwabguoedi bia na bemar gunbimala, na be gunmalodo, degine, be-gwenadgan gunmarmogoed. Ar ade, we-ibmargi Bab-Dummad-dulemarbo-ambikued-neggi-be-arbaedgi be bennuklesiid.  
\v 32 We-ibmar Bab-Jehováʼga be uksale, a-sorba, a-ibmar-gwabguoedi sunna be gunnoed. Be guchale, be isguosulid. 
\p ” ’We-ibmar Bab-Jehová-bega-sogedba be imakoed. Melle be Bab-Jehováʼgi yolemalo. Ar degiile, be burgwemaloed.’ ” 
\c 19  
\s1 Dule-swilidikid-imakleged-igar 
\p  
\v 1 Bab-Jehová Moisésʼga, degi, Aarónʼga sunmakded, ega sogded:  
\v 2 “We-igala, ani, Bab-Jehová an igar uked. Israel-dulemarga be soge: ‘Moli-bebe-nikad-ome-ginnid, swilidikid, bonigan-nikasulid, degi, bipisaale gwen amba yoo oarbaleged be sedamaloye.  
\v 3 We-moli-bebe-nikad dule-irwa-anse-goled Eleazarʼye-nugadga ukmaloed. Eleazar bemar-danar-danar-bukwadgi we-moli-bebe-nikad-ome onogega imakoed. Geb degine, agi a-moli-bebe-nikad-e-nono egwannega imakoed. 
\p  
\v 4 ” ’Geb degidgine, dule-irwa-anse-goled-Eleazar, e-goo moli-bebe-nikad-abegi owardikuogu, geb agi ilagugle (7) dulemar-anbo-ambikued-neg-e-yawagaksik bomi-bomi imakoed.  
\v 5 Deginbali, moli-bebe-nikad e-asabin-ogumakega imakbaloed. We-ibmarmar ogumaklegoed: Moli-bebe-nikad-e-uka, e-san, e-abe, degi, e-saa.  
\v 6 Geb degine, dule-irwa-anse-goled, urwar-e-anagan, hisopo-e-ana, degi, mor-ginnid suoed. Geb degine, soo-yagi moli-ogumaknaidba-mesa a-ibmar ogumakoed. 
\p  
\v 7 ” ’A-sorbali, dule-irwa-anse-goled na e-mor enukoed, degi, obbaloed. Geb a-sorbali, mutikguedse nabir Israel-dulemar-danar-danar-bukwadse naoed. Mutikguedse swilidiksuli-gudii guoed.  
\v 8 Amba deyobmogoed, dule-moli-bebe-nikad-ogumaksad, na e-mor enukmogoed, degi, obmogoed. We-dulegi neg-mutikguedse swilidiksulidye soglegoed. 
\p  
\v 9 ” ’Geb agine, dule-gwensak-igar-maidba-swilidik-gudiid moli-bebe-nikad-ogumaklesad-e-buru weoed. Geb dulemar-danar-danar-bukwad-magaba, neg-swilidikidgi urboed. Agi, Israel-dulemarga sabolegoed. Israel-dulemar we-buru dii-ibmar-urukedgi-ebulegega imakoed. Wede anga isgued-anar uklenaid.  
\v 10 Dule-moli-buru-wesad na e-mor enukmogoed. We-dule neg-mutikguedse swilidiksurye soglegoed. Israel-dulemar, degi, Israel-dulesurmaladga weyob ega igar maigu guoed. A-igar degisadegu maigu guoed.’ ” 
\s1 Dule-uruked-dii 
\p Bab-Jehová Moisésʼga, degi, Aarónʼga sogdebalid: “Israel-dulemarga be soge:  
\v 11 ‘Dule-gwensak dule-burgwisad-ebusale, ibagugle (7) Bab-Dummad-asabin swilidiksuli guoed.  
\v 12 Dule-burgwisad-ebusad-ibapaagine dii-nued-islidikidgi na san urukoed, degi, ibagugledgine (7), we-dii-nued-islidikidgi na san urukbaloed. Geb agine, san swilidik gunonikoed. We-dule, a-ibapaagine, igi, a-ibagugledgine (7) san uruksulile, swilidiksuli-gudii guoed. 
\p  
\v 13 ” ’Dule-gwensak dule-burgwisad-ebusad-ular, san uruksulile, we-dule anse-goled-neg oichogoed. A-dule, Israel-dulemar-abargi onolegoed, ar ade, dule-uruked-diigi san uruksasulidba, egi isgued naigu guoed. 
\p  
\v 14 ” ’Dule-wargwen negyagi burgwisale, weyob ega igar-mai guoed. A-negyase dule dogsale, degine, ar doamala a-negyagi bukwamala, we-dulemala ibagugle (7) Moisés-Igar-Maidba burbar-swilidiksuli gumaloed.  
\v 15 Deginbali, bormo argasiidibe, igi, nue-atuarsurdibe, we-bormo swilidiksurye soglegoed. 
\p  
\v 16 ” ’Dule-gwensak sapurba dule-yamo-oburgwilesad-ebusale, dule-nuedgi-burgwisad ebusale, igidibe, neg-uangindibe, igi dule-burgwaled-e-gar-ebusdibe, we-dule ibagugle (7) swilidiksuli-gudii guoed. 
\p  
\v 17 ” ’Dule-swilidiksuli-gusad swilidik-guegala, moli-bebe-nikad-dule-ular-ogumaklesad-e-buru bormogi eogoed. Geb, agi dii eogoed.  
\v 18 A-sorbali, dule-Moisés-Igar-Maidba-swilidik-gudiid, sapi-bipi-hisopoʼye-nugad suoed. Geb agine, diigi owardikuoed. Geb a-dii neggi bomi-bomi imakoed, bela mesemargi bomi-bomi imakbaloed. Dulemar-negyagi-bukmaladgi, dule-garburba-ebusmaladgi, dule-yamo-oburgwilesad-ebusadgi, dule-neg-uan-ebusadgi bomi-bomi imakbaloed. 
\p  
\v 19 ” ’Dule-swilidikid dule-isgusadgi ibapaagi, degi, ibagugledgi (7) dii bomi-bomi imakoed. Ibagugledgi (7) Moisés-Igar-Maidba-imaksadgi, dule swilidik-guogua, e-mor enukoed, degi, obbaloed. Geb degine, we-dule neg-mutikguedse burbar swilidiksuli-gudii guoed.  
\v 20 Dule-wargwen Moisés-Igar-Maidba san-swilidik-imaked-igar imaksulile, we-dule Israel-dulemar-abargi onolegoed, ar ade, anse-goled-neg oichosad. We-dule dii-dule-swilidik-imaked egi bomi-bomi-imaklessulidba burbar-dule-swilidiksuli gudiid.  
\v 21 We-igar degimaigu Israel-dulemarga sadeguoed. 
\p ” ’Dule-wargwen, dule-baidgi dii-islidikid bomi-bomi-imakele, na e-mor enukoed. Dule-wargwen a-dii-islidikid-ebusale, isgusye soglegoed. Neg-mutikguedse geb we-dule burbar-swilidik gunonikoed.  
\v 22 Dule-isgusad, ar ibi ebugoe, bela a-ibmar swilidiksurye soglemogoed. Degine, dule-gwensak we-dule-swilidiksulid-ebusale, swilidiksurye egi soglemogoed. Geb neg-mutikguedse we-dule burbar-swilidik gunonikoed.’ ” 
\c 20  
\s1 Akwasailagi dii noalid 
\r (Éxodo 17:1-7) 
\p  
\v 1 Gebe-nii-onodedgi, bela Israel-dulemar Zin-nega-dulesulidganse warmakdapmalad. Agi, bela dulemar danar-danar Cadesʼye-neg-nugadse ambikudapmalad. Agine, María burgwisad. Agi, diglesbalid. 
\p  
\v 2 A-yargi, dii satesoggu, dulemar bela Moisésʼgi, degi, Aarónʼgi gwisguarmalad.  
\v 3 Bela dulemar Moisésʼgi oimakdemalad, sogdemalad: 
\p “Anmar-gwenadgan Bab-Jehová-asabin-burgwismargu, anmar burgwismarmogana gadindo.  
\v 4 ¿Ar ibiga Bab-Jehová-e-dulemar we-nega-dulesulidganse be senoniki? ¿Wegi anmar-oburgwega, an-ibdurgan-oburgwega be anmar-senoniki?  
\v 5 ¿Ar ibiga Egipto-yargi be anmar-onosa? ¿We-neg-sunnasulidse be anmar-sedagega be anmar-onosa? Wegine, ibmar-gwagmala, higuera-sanmar, uva-sanmar, granado-sanmar sated. Degine, diise-bakale satebalid.” 
\p  
\v 6 Moisés, Aarón-ebogwa, dule-bukidar-bukwad-abargi nodmalad, Bab-Dummad-dulemarbo-ambikued-neg-e-yawagakse nadmalad. Agine e-wagar napase dulluu imaksamalad. Geb Bab-Jehová-e-gangued-yeerdakleged ese magarononikid.  
\v 7 Agi, Bab-Jehová Moisésʼga sogded:  
\v 8 “Gaapoled be sue. Be, degi, be-ia-Aarón-bebogwa dulemar-danar be urbemalo. A-dulemar-asabin akwa-dummadga be sunmakmaloed. We-akwa-dummad bega dii ukoed. A-akwa-dummadgi dii ega be onogoed, adi, dulemar, degi, ibdurgan, a-dii gobmalagar.” 
\p  
\v 9 Geb degine, Moisés Bab-Jehová-ega-sogsadba, gaapoled susad.  
\v 10 Moisés Aarón-ebogwa akwa-dummad-asabin Israel-dulemar-danar oambikusad. Geb degine, sogded: “¡Bemar dule-uayasulidamalad, nue itomar! ¿We-akwa-dummadgi anmar bemarga dii-onobi be abemala?” 
\p  
\v 11 Moisés e-sakwa-onakwidgu, ilabo akwa-dummad e-gaapoledgi bibyosad. Agi, dii binnasuli aryoalid, dule-bukidar-bukmalad, degi, ibdurgan a-dii gobsamalad. 
\p  
\v 12 Bab-Jehová, Moisésʼga, degi, Aarónʼga, sogded: “Ar ibmar-an-bega-sogsad be bengusmarsoggu, Israel-dulemar-asabin be an-nug-odummossurmarsoggu, we-dulemarga-yar-an-uknaidse we-dulemarba be dogosurmalad.” 
\p  
\v 13 A-dii, Meriba-dii-aryogwichidye bilenonikid. Ar ade, agine Israel-dulemar Bab-Jehováʼgi oimaksagusmalad. Degine, Bab-Jehová oyosad, ede dule-isligwaledye. 
\s1 Edom-e-rey, Israel-dulemar-yapa-bendakgusad 
\p  
\v 14 Israel-dulemar Cades-neggweburgi bukwamargua, Moisés Edom-dulemar-e-reyse dulemar-gaya-berbemalad-barmisad, weyob ega sogsiid: 
\pi1 “Be-gwenadgan-Israel-dulemar, weyob sogmalad: ‘Be nue-wisid igi anmar wiledanimala.  
\v 15 Anmar-dadgan Egipto-yarse nadegusmalad, agi yolabirgaba bukwagusmalad. Deunni, Egipto-dulemar anmar-dadgan nue-wiobukwa gusmalad, degi, nue anmar-wiosgusmarmogad.  
\v 16 Agine, Bab-Jehováʼse anmar gotegusmalad. Bab-Jehová anmar-itosad. Anmarga na e-baliwitur-barmiargusad. A-baliwitur Egipto-yargi anmar-onosgusad. 
\pi1 ” ’Emigindi, anmar Cades-neggweburgi be-yar-abingunaid-dikarba bukwamalad.  
\v 17 Anmar bese egised, be-yargi anmar nabimarye. Bemar-ibmarmar-digaledgi, uvaʼmar-digaledgi anmar naosurmalad. Degine, anmar be-diamar-bukwad-e-dii gobosurmarbalid. Anmar unnila igar-dummadbarbi namaloed, bipisaale a-igargi anmar banguosurmalad. Unnila anmar be-yargi nasmaloed.’ ” 
\p  
\v 18 Edom-e-reydi Israel-dulemar-abin imaksad: 
\pi1 “Melle an-yargi naedgi be binsamalo. An-yargi dogeye be sogmalale, an-sordamar begi bila-ononaega an bese barmidoed.” 
\pi1  
\v 19 Israel-dulemar abin-sogdemalad: “Unnila anmar igar-dummadbarbi namaloed. Anmar, degi, anmar-ibdurgan be-dii gobele, anmar be-bennukmaloed. Unnila anmar be-yargi nabimalad.” 
\p  
\v 20 Edom-e-rey Israel-dulemar-abin sogded: 
\pi1 “An-yargi be naosurmala.” 
\p Edom-e-rey, e-sordaganmala ichesuli Israel-dulemargi bila-onogegala ainiarmalad.  
\v 21 Degisoggu, Edom Israel-dulemar-e-yargi-naega imaksasulid. A-ulale, Israel-dulemar a-yar-ebirar nadegusmalad. 
\s1 Aarón Hor-yar-birgi-burgwisad 
\p  
\v 22 Bela Israel-dulemala Cades-neggweburgi-bukwa ainiarmalad, Hor-yar-nugadse warmakdapmalad.  
\v 23 Bab-Jehová Moisésʼga, degi, Aarónʼga, Horʼye-yar-nugadgi Edom-yar-abingunaidgi sogded:  
\v 24 “Aarón burgwesokalid. Israel-dulemarga-yar-an-uksadse dogosulid, ar ade, Meriba-akwasaila-nugadgi diibina-oimakbukwagusmargu, an-ega-igar-uksadba ibmar-imaksasurgusad.  
\v 25 Moisés, Aarón be sede, degi, e-machi-Eleazar be sedbali. Hor-yar-birse be nide.  
\v 26 Agi Aarón burgoed. Aarón-burgwisale, dule-irwa-anse-goledga-mor-yoidaed ega be ungoed, geb e-machi-Eleazarʼga a-mor be yooed.” 
\p  
\v 27 Igi Bab-Jehová ega sogsa, deyob Moisés imaksad. Bela Israel-dulemar-wagab, Moisés, Aarón, degi, Eleazar, Hor-yarse nakwidmalad.  
\v 28 Geb degine, agi Aarón yar-birgi burgwisad. Moisés, Aarón-Bab-Dummadse-goled-mor-yoleged-yoidi ega esusad. A-mormala, e-machi-Eleazarʼgala yosad. Geb degine, Moisés, Eleazar-ebogwa yar-birgi-gwichi aidearmarsunnad. 
\p  
\v 29 Israel-dulemar wisguarmargu, Aarón burgwisye, iba-dulagwen-gakambe (30) ega bosmalad. 
\c 21  
\s1 Israel-dulemar Rey-Aradʼgi nakwisad 
\p  
\v 1 Canaán-dule Neguev-yalagi Arad-neggweburgi-reyga-maigua, wisgusad, Israel-dulemar Atarim-igarba danimarye. Agine abin bila-onogega nadegusad. Geb Arad-e-rey Israel-dulemar-gwenna-gwenna gasa sesagusad.  
\v 2 Degidgine, Israel-dulemar Bab-Jehováʼse gotemalad, ise-sogar sogdemalad: “Bab-Jehováʼye, we-dulemargi-nakwega be anmar-imaksale, anmar we-dulemar-e-neggweburmar bela obelogoed.” 
\p  
\v 3 Bab-Jehová Israel-dulemar-ese-gochadi itosad. Degine, Israel-dulemar Canaán-dulemargi-nakwega imaksad. Israel-dulemar bela Canaán-dulemar-ogilogega imaksad, degine, e-neggweburmar bela osulogega imaksabalid. A-ulale, a-yar Hormaʼye onugsasmalad. Ar ade, Horma sogleged: “Bela obelolealedye.” 
\s1 Moisés esgoro-gordikidgi naibe-sobsad 
\p  
\v 4 Geb degine, Israel-dulemar Hor-yargi bangudmalad, Edom-dulemar-bukwad-ebirar-namalaga, Demar-Ginnidye-nugad-igarba nadmalad. Dulemar igarba-nadapmargua, surbinsa-itoarmalad.  
\v 5 Agi, Bab-Dummadgi, degi, Moisésʼgi sunnasur sunmakarmalad: “¿We-nega-dulesulidganba be anmar-oburgwega, Egipto-yargi-bukwa be an-niarmala? Ar weginde, mas sated, degi, dii satebalid, deginbali, anmar budar mas-isgana gungusmalad.” 
\p  
\v 6 Geb degidgine, Bab-Jehová dulemargi naibe-nuegan barmialid. A-ulale, Israel-dulemar-bukidar naibegi-warmaksadba burgwismalad.  
\v 7 Geb degine, Israel-dulemar Moisésʼse nadegusmalad, ega sogdapmalad: “Anmar begi, degi, Bab-Jehováʼgi sunmaksad-ular, anmar nue-isgusmalad. Bab-Jehováʼse wilesakwaa be egise, we-naibemar anmarga osuloye.” 
\p Moisés Bab-Jehováʼse dulemar-ular goted,  
\v 8 Degine, Bab-Jehová Moisés-abin sogded: “Naibe be sobe. A-naibe suar-dukugi be nasiko. Ar doa-dule naibegi warmaksale, we-naibe-suargi-naidse-atakdele, durguoed, gwen burgosulid.” 
\p  
\v 9 Agi, Moisés esgoro-gordikidgi naibe-sobsad, degine, suar-dukugi nasiksad. Dulemar naibe-nuedgi warmasdibe, suar-dukugi-naibe-sobar-naidgi atakdedaed, degidbali, burgwedasulid.\fig Moisés esgoro-gordikidgi naibe sobsad. Dulemar melle-burgwega naibe-sobaledse atakdedamalad. (Números 21:9) |src="CO00860B.TIF" size="col" ref="Números 21:9" \fig* 
\s1 Israel-dulemar Moab-yarse nadmalad 
\p  
\v 10 Israel-dulemar nadegusmarbalid, Obotʼye-neg-nugadse modapmalad.  
\v 11 Geb degine, Obotʼgi nadmarbalid, Moab-dad-nakwedsik nega-dulesulidgan-naidgi, Ije-Abarimʼye-neg-nugadgi danar-danar ambikudapmalad.  
\v 12 Agi-bukwa, Israel-dulemar nadegusmarbalid, Zered-nebagi danar-danar ambikudapmarbalid.  
\v 13 Agi-bukwa nadmarbalid, Arnón-diwar-obakar danar-danar ambikudapmalad. We-diwar nega-dulesulidganba maid. Arnón-diwar Amorreo-dulemar-e-yar, Moab-dulemar-ebo-yar-abingunaidga maid.  
\v 14 A-ulale, Bab-Jehová-bila-onoged-e-gardagi sogmaid: 
\q1 “Anmar Demar-Ginnidgi nasad, 
\q2 degine, Arnón-diangangi nasbalid. 
\q2  
\v 15 Diangi diimar-aryomamaidba nasbalid. 
\q2 A-diimar, Arʼye-neg-nugadse bergumaid, 
\q2 Moab-yar-abingunaidse warmakmaid.” 
\p  
\v 16 Agine, nadegusmarbalid, Beerʼse warmakdapmalad. Agi dia-siidgi Bab-Jehová Moisésʼga sogsagusad, Israel-dulemar danar be oambikuye. Agi, Bab-Jehová Israel-dulemarga dii-gobed uksagusad.  
\v 17 Agine, Israel-dulemar weyob namaksagusmalad: 
\q1 “¡Dii be aryoge! 
\q2 ¡Diaga namakmala! 
\q1  
\v 18 Dule-dummagan, na e-gaapoledgi, 
\q2 degi, na e-negsemamaid-gaapoledgi, 
\q2 we-dia akwismalad.” 
\p Nega-dulesulidgangine bangudmalad, Matanaʼye-neg-nugadse warmakdapmalad.  
\v 19 Matanaʼgi nadmalad, Nahalielʼye-neg-nugadse modapmalad. Nahalielʼgi nadmalad, Bamotʼye-neg-nugadse warmakdapmalad.  
\v 20 Bamotʼgi nadmalad, Moab-neba-naidse, degi, Pisga-yala-dukuse warmakdapmalad. Agine, nega-dulesulidgan-naid magar dakleged. 
\s1 Israel-dulemar Amorreo-e-rey-Sehónʼye-nugadgi nakwismalad 
\r (Deuteronomio 2:26-37) 
\p  
\v 21 Israel-dulemar gaya-berbenaega dule-gayaburba-berbemalad Sehónʼse barmisad. Sehónʼde Amorreo-dulemar-e-reyd. Weyob ega garda barmisad: 
\pi1  
\v 22 “Anmar be-yargi nasmaloed. Be-ibmarmar-digaledgi, be-uvaʼmar-digaledgi anmar naosurmalad. Degine, dii-gobega bemar-dia anmar ebugosurbalid. Unnila anmar be-yargi-noedse igar-dummadbarbi namaloed.” 
\p  
\v 23 Degi-inigwele, Sehón, Israel-dulemar e-yargi-naega imaksasulid, aka bur e-sordamar nega-dulesulidganse sealid, Israel-dulemarbo urwegar. Sehón-sordamar, Jahazaʼye-neg-nugadse modapmalad. Agi, Israel-dulemar-ebo uludmalad.  
\v 24 Israel-sordamar, Sehón-sordamargi nakwismalad, ei-yar Arnón-diwar-akar, Jaboc-diwarse susmalad. A-sogledo, Amón-dulemar-e-yar-abingunaidse susmarye. Amón-sordamar e-yargi nue-nakulebukmarsoggu, Israel-dulemar agindi dogsasurmalad.  
\v 25 Israel-dulemar bela Amorreo-neggweburmar susad. Agi, na ambikudmalad, Hesbón-neggweburgi, degi, bela a-neggweburmar-burwiganagi ambikusmalad.  
\v 26 Amorreo-dulemar-e-rey-Sehón Hesbón-neggweburgi maigusad. We-Sehónʼde epenne Moab-e-reyga-gusanad-ebo ulusad. Deunni, Rey-Sehón egi nakwisgua, bela e-yarmar Arnón-diwarse susagusad.  
\v 27 A-ulale, dule-sunmakmalad soged: 
\q1 “¡Hesbónʼse dagmar! ¡Gannar Hesbón-neggwebur sobdamar! 
\q2 Gannar Sehón-e-neggwebur nudakdamar. 
\q1  
\v 28 Hesbón-akar soo-gwabunyealid, 
\q2 Sehón-e-neggwebur-akar soo gwichigualid. 
\q1 Ar-neggwebur-Moab-yargi-siid bela ese gummaksad. 
\q2 Arnón-yarse-bakar, bela ese gummaksa gusad. 
\q1  
\v 29 ¡Moab-dulemar, be duledar-wilesmar! 
\q2 Bab-dummad-Quemosʼye-nugad-e-dulemar, 
\q2 ¡Ibiyobi be nue-wilesmala! 
\q1 Be-bab-dummad-Quemos be-masmala-wakinnega imaksad, 
\q2 degi, Amorreo-dulemar-e-rey-Sehónʼse be-bunamala-galegega imaksabalid. 
\b  
\q1  
\v 30 ”Anmar bela be-neggweburmar oitosad, 
\q2 Hesbón-akar Dibónʼse bela bergusad. 
\q2 Nofaʼse, degine, Medebaʼse, anmar bela obelosad.” 
\p  
\v 31 Weyob-gusadba Israel-dulemar Amorreo-yargi ambikusmalad. 
\s1 Israel-dulemar Basán-e-reygi nakwismalad 
\r (Deuteronomio 3:1-11) 
\p  
\v 32 A-ukinbali, Moisés dulemar-barmisbalid, Jazer-neggwebur arganaegar. Israel-dulemarde we-neggwebur-burwiganagi nakwismalad, degine, agi Amorreo-dulemar-bukmalad onosmarbalid, adi, emar agi ambikumalagar.  
\v 33 Israel-dulemar gannar armargua, Basán-yala-igarba nadegusmalad. Rey-Og, degi, e-sordamar belagwapa Edrei-neggweburse Israel-dulemar-abin noarmalad, adi, ebo urwemalagar. 
\p  
\v 34 Geb degine, Bab-Jehová Moisésʼga sogded: “Melle we-dulemar be dobguo, ar ade, we-sordamargi-nakwega an be-imakoed. Degi, e-ibe be yar subaloed. Igi Amorreo-dulemar-e-rey-Sehón be imaksa, deyobi, Og be imakbaloed. Rey-Sehónʼde Hesbón-neggweburgi negsemaid.” 
\p  
\v 35 Israel-dulemar deyobi, Og, e-machimala, degi, bela e-dulemar-imaksad, bela amar-oburgwisad. Degine, Israel-dulemar Og-yala na egadga imaksagusmalad. 
\c 22  
\ms1 3. ISRAEL-DULEMAR MOAB-NEBAGANGI AMBIKUDAPMALAD 
\mr (22:1–36:13) 
\s1 Balac, Balaamʼbina gochad 
\p  
\v 1 Israel-dulemar e-bukwadgi nade gusmalad. Jordán-diwar-naba Moab-nebagan-naidgi Jericó-neggwebur-asabin danar-danar ambikudapmalad. 
\p  
\v 2 Zipor-machi-Balac, wisgusad, igi Israel-dulemar Amorreo-dulemar-imaksa.  
\v 3 A-ulale, Moab-dulemar bela-bela Israel-dulemar-dobee itoalid. Ar ade, Israel-dulemar sordamar-yeer-mergu nikamalad. Degidbali, Moab-dulemar bela-belad nue dobe itodmalad. 
\p  
\v 4 A-ulale, Moab-dulemar Madián-girmar-dummaganga sogded: “We-dulemar bela anmar-ibmar-nikadi anmar-ibe obelogoed. Ar igi moli-bebe-nikad-alugwasualed nainu-gagan obelodae, deyobi we-dulemar anmar-ibe ibmar obelogoed.” 
\p Deunni, a-ibagangine, Zipor-machi-Balac, Moab-dulemar-e-reyga maid.  
\v 5 Geb Balac, Balaamʼbina gochad, ese dagoye. Balaamʼde Beor-e-machid, Petorʼye-neggwebur-nugadgi maid. We-neggweburde Petor-yalagi, Éufrates-diwar-gakaba siid. 
\p Rey-Balac weyob Balaamʼga gayaburba barmisad: 
\pi1 “Dulemar-Egipto-yalagi-noalidi, yeer mergued. Emide, we-dulemar anmar-yargi ambikunonimalad.  
\v 6 Degisoggu, Balaam, anse be dage, we-dulemar be anga ukabsadage. Ar ade, we-dulemar bur anmarba dutusulid. Abakalegi be anmarga-ukabsaoedba anmar we-dulemargi obinnalile. Degiir, geb anmar we-dulemar-anmar-yargi-bukwad onioed. Ar an wisid, ar doagi nued be sunmaksale, we-dulega ibmar nuedbi naddaed. Ar doa-dule be ukabsasale, a-dule iwigusdaed.” 
\p  
\v 7 Moab-girmar-dummagan, degi, Madián-girmar-dummagan, Balac-Balaamʼga-gayaburba-barminaid Balaamʼse berbenad gusmalad. Degine, Balaamʼga mani sesmarbalid, adi, Israel-dulemar-ukabsaoed bennukegar. 
\p  
\v 8 Mosmargu, Balaam girmar-dummagan-abin sogded: 
\p —Bemar wegi emi-mutik gabmalo. Bab-Jehová-anga-ibmar-sogedba an bega sogmaloed. 
\p Degisoggu, Moab-girmar-dummagan Balaam-walik gabismalad.  
\v 9 Degidgine, a-mutiki Bab-Dummad Balaamʼse magarononikid, ega sogded: 
\p —¿Doa-dulemar be-walik mamai? 
\p  
\v 10 Balaam, Bab-Dummad-abin sogded: 
\p —Moab-e-rey-Zipor-machi-Balacʼga gayaburba-berbemalad an-walik mamaid. Balac anse weyob gayaburba barmialid:  
\v 11 ‘Dulemar-Egipto-yalagi-noalidi, yeer merguye. Anse be dagye, we-dulemar be anga ukabsadaye. Abakalegi be anmarga-ukabsaoedba anmar we-dulemargi obinnalirye. Degiir, geb anmar we-dulemar-anmar-yargi-bukwad onioye.’ 
\p  
\v 12 Degi, Bab-Dummad Balaamʼga sogded: 
\p —Melle we-dulemarba be nao. Melle Israel-dulemar-ukabsanao. Ar ani an Israel-dulemargi ise-nued binsamaid. 
\p  
\v 13 Balaam oibosgu, wakudaryala gwisgusad. Geb Balacʼga-gayaburba-berbemaladga sogded: 
\p —Be-yarse be namar, Bab-Jehová bemarba nabisur an-abeged. 
\p  
\v 14 Geb Balacʼga-gayaburba-berbemaladi gannar Balacʼse aligusmalad, ega sognonimalad: 
\p —Balaam yapa anmarba dagye. 
\p  
\v 15 Geb Balac e-dummagan-baigan ichesur barmisad. Idualedba bur nue-nug-nikamaladid.  
\v 16 A-dulemar Balaamʼse nade gusmalad, ega sogdapmalad: 
\p —Weyob Zipor-machi-Balac soged: ‘An bega wilesakwaa soged, melle dagsuli be guo, anse-daged be sao.  
\v 17 An bega ibmar-buged ukoed, degine, ibi be anse egisoe, be-sogedba an bega imakoed. Degisoggu, be anse dage, anga we-dulemar be ukabsadage.’ 
\p  
\v 18 Balaam we-dulemar-abin sogded: 
\p —Ar amba anga Balac e-neg-ena olo, degi, mani ukye sogele, gege an, an-Bab-Dummad-Jehová anga-sogsulidba an ibmar saed.  
\v 19 Degi-inigwele, emi-mutik bemar an-walik gabmalo. Bab-Jehováʼse an egisgweloed, igi anga sogdabalodibe. 
\p  
\v 20 A-mutiki Bab-Dummad Balaamʼse magarononikid, ega sogded: “We-dulemar bebina danimarsoggu, eba be nao. Degi-inigwele, ibmar-an-bega-sogedba be imakoed.” 
\s1 Balaam-e-moli-uayasuid baliwitur-daksad 
\p  
\v 21 Balaam wakudaryalaba gwichigusad, e-moli-uayasuid-ome guakwaa nasiksagu, Balaam Moab-dulemar-girmar-dummaganba nade gusad.  
\v 22 Balaam e-moli-uayasuid-ome-birgi-sii nadapgusad, geb ega-arbamalad-warbo eba nadapi gusmogad. Degi-nadapidgine, Bab-Dummad Balaamʼse ulualid. Dulemarba-nadapidba ese uluded. Degisoggu, Bab-Jehová-e-baliwitur Balaam-idu igargi gwisgus imaksad, adi, melle egi naegar.  
\v 23 Moli-uayasuid Bab-Jehová-e-baliwitur-daksagu e-idu-igargi-gwichi, degi, guagwar es-suid gani-gwichi, igargi banguded, sapurba doge-doge naded. Geb Balaam moli-bibyoded, adi, gannar ega igarse naegar. 
\p  
\v 24 Ar Bab-Jehová-e-baliwitur uva-nainumar-abinbela-akwagi-emakaled-imbagi, igar-garagwadba, Balaam-idu gwisgusad.  
\v 25 Moli-uayasuid-ome Bab-Jehová-e-baliwitur-daksagua, galugi matak nagusad. Degidba Balaam-e-mali sarwilesad. Agine, Balaam gannar moli-bibyosbalid. 
\p  
\v 26 Geb Bab-Jehová-e-baliwitur gwae moli-idusa imaksad, igar-bur-garagwadgi idu gwisgudapid. Ar a-igargi geg dule sapiledsik, degi, nuedsik geg naed, ar ade, igar bur garagwad.  
\v 27 Moli-uayasuid Bab-Jehová-e-baliwitur-daksagua, napagi megisa imaksad. Agine, Balaam sae-itoded, suargi moli-bibyosad. 
\p  
\v 28 Degine, Bab-Jehová moli-uayasuid-sunmakega imaksad. Moli Balaamʼga sogded: 
\p —¿Igi an be-imaksa be an-dake? Emide, ilapaagus be an-bibyodanikid. 
\p  
\v 29 Balaam moli-uayasuid-abin sogded: 
\p —¡Angi be nue-dodosad! Es-suid an ganikina, emisbinne be anse oburgwilegoendo. 
\p  
\v 30 Moli-uayasuid Balaam-abin sogdebalid: 
\p —¿An be-molisursi? Be an-ibed-gued-akar, emi-ibadse be angi sigdiguad. ¿Emisgwa an be-imaknaidyob an be-imakdii? 
\p Balaam moli-abin sogded: 
\p —Nabir be soge. Weyob be an-imakdisuli. 
\p  
\v 31 Geb degine, Bab-Jehová, e-baliwitur-mag-dakega Balaam-imaksad. Balaam, Bab-Jehová-e-baliwitur e-idu igargi es-suidyalaba-gwichi dakalid. Agine, Balaam napase e-wagar-dulluu imaksad.  
\v 32 Geb Bab-Jehová-e-baliwitur Balaamʼga sogded: 
\p —¿Ibiga be be-moli-uayasuid ilapaa bibyosa? Ar ani an be-abin noalid. Balacʼse-naed an be-abesulid. An be-dakedi, be nadapidi, igar-nuedsulid.  
\v 33 Moli-uayasuidi an-daksad. A-ulale, ilapaa angi bangusad. We-moli an-idu bangusulina, bato be anse oburgwilesanad. Molidi, an oburgosulinad. 
\p  
\v 34 Geb degine, Balaam, Bab-Jehová-e-baliwiturga sogded: 
\p —An begi dummad-nosa. Andi be an-idu igargi gwisgudasurye an bied. Degiir nabirdo, gannar an-negse an nasunnodo. 
\p  
\v 35 Bab-Jehová-e-baliwitur Balaam-abin sogded: 
\p —Baisuli, we-dulemarba be nae. Unnila an-bega-ibmar-sogoedbi be sogoed. 
\p Weyobi Balaam, Balac-e-dummaganba nadsunnad. 
\s1 Balac, Balaam-abindaksad 
\p  
\v 36 Balac itoargu, Balaam ese daniye, Balac, Balaam-abin Moab-neggwebur-gwensakse abindaknad gusad. We-neggweburde Arnón-diwar-gakaba yar-abingunaidgi siid.  
\v 37 Mosgua, Balac, Balaamʼga sogded: 
\p —An bebina gochagu be anse dagoye, ¿ibiga be anse arsuli? ¿Ibmar-buged an bega ukosurye be binsa? 
\p  
\v 38 Balaam, Balac-abin sogded: 
\p —Emidi bato an bese nonikid. Degi-inigwele, an-ibmar-sogoedi, unnila Bab-Dummad-anga-ibmar-sogoedbi an bega sogoed. 
\p  
\v 39 Geb agine, Balaam, Balacʼbo Quiriat-Huzotʼye-neg-nugadse nade gusad.  
\v 40 Geb degine, Balac, moli-bebe-nikamalad, degi, sibad-wawaadmar oburgwisad. Agine, Balaamʼga, degi, dummagan-Balaam-suapmaladga iba-dummad onosad. 
\p  
\v 41 A-bangine, Balac, Bamot-Baal-yarse Balaam-sesad. A-yargi-gwichi, Balaam Israel-dulemar-danar-danar-bukwad abar-daksad. 
\c 23  
\s1 Balaam gebe-sunmaksad 
\p  
\v 1 Geb degine, Balaam, Balacʼga sogded: “Wegi be anga ibmar-ogumakar-ukleged-aila gwagugle (7) be sobo. Degi, moli-bebe-nikad-machered walagugle (7) be anga guakwaa amio, degine, sibad-wawaad-machered walagugle (7) be anga guakwaa amibalo.” 
\p  
\v 2 Geb Balac, Balaam-ega-igi-sogsa, deyob imaksad. Balac, Balaam-ebogwa ibmar-ogumakar-ukleged-aila-irba moli-bebe-nikad-wargwen, degine, sibad-wawaad-machered-wargwen ogumakar uksamalad. 
\p  
\v 3 Degi, Balaam, Balacʼga sogded: “Na be-ibmar-ogumakar-uknaid-nagaba be gwisguo, andi nagwelo, abakalegi an Bab-Jehová abingualile. Anga-ibmar-sogoedi geb an bega sogmogoed.” 
\p Geb Balaam dulemarsulidse yar-mullu-siidse nadsunnad. 
\p  
\v 4 Agine, Bab-Dummad Balaamʼse magarononikid. Geb Balaam, Bab-Dummadga sogded: 
\p —Ibmar-ogumakar-ukleged-aila gwagugle (7) an sobsad. Amar-aila-iliba an bega moli-bebe-nikad-machered-wargwen, degi, sibad-wawaad-machered-wargwen ogumakar uksad. 
\p  
\v 5 Bab-Jehová Balaamʼga gayaburba ukded, ega weyob sogded: 
\p —Balac-gwichidse be nae, an bega-ibmar-sogsad ega be sogna. 
\p  
\v 6 Balaam, Balac-gwichidse nonikid, daknonikid, Balac, Moab-dulemar-dummaganmala e-moli-bebe-nikad-ogumakar-uknaid-nagaba gwichi.  
\v 7 Geb Balaam, Bab-Jehová-ega-ibmar-sogsadba sunmakded: 
\q1 “Dad-Ibeler-nakwiardaed-yalagansiki, 
\q2 Aram-yar-akar, Moab-dulemar-e-rey-Balac an-sealid. 
\q1 Ese dagye anga sogsad. Ega Jacob-wagan ukabsadaye, 
\q2 degi, Israel-dulemar ega iwisadaye, anga sogsad. 
\q1  
\v 8 ¿Ande ibiga, dulemar Bab-Dummadse-ukabsalessulid, ukabsadagoe? 
\q2 ¿Ande ibiga, dulemar Bab-Jehová-egi-ichakwa-binsassulidgi ichakwa-binsadagoe? 
\q1  
\v 9 Ar ade, akwasailagan-birgi-gwichid-akar an we-dulemar-dakgwichid, 
\q2 yar-mullugan-birgi-gwichid-akar an we-dulemar-argagwichid. 
\q1 We-dulemarde, bachiki bukwamalad, 
\q2 we-dulemarde, baigan-dulemarba akarsailad. 
\q1  
\v 10 ¿Wede doa Jacob-wagan ebisoe? 
\q2 ¿Israel-dulemar danabake urbilesar, 
\q2 a-gwensakde sunna dule ebichisar, be insae? Suli, ebichissulile. 
\q1 Bitigi we-dule-ibmar-innikii-imakmalad-burgwedyobi, an burgwemogana gadin. 
\q2 Bitigi wemar-gumaloedyobi, an gumogana yeerban.” 
\p  
\v 11 Balac, deyob-soge Balaam-itosgu, ega sogded: 
\p —¿Ibiga weyob be sunmaknai? ¿An-isdarmalad-ukabsaega an be-searsursi? Emide, we-dulemargi ise-nued be sunmaknaid. ¿Ar wede be igidi? 
\p  
\v 12 Balaam, Balac-abin sogded: 
\p —Unnila Bab-Jehová-anga-ibmar-sogedbarbi an sunmakergebed. 
\s1 Balaam irbogi-sunmaksad 
\p  
\v 13 Geb degine, Balac, Balaamʼga sogded: 
\p —An bese wilesakwaa egis, baidsik be anba dage, adi, agi Israel-dulemar-bukwad be dakbaloed. Ar amar bela be dakosulid. Unnila abala be dakoed. Agi-gwichi be anga a-dulemar ukabsaoed. 
\p  
\v 14 Balac, Pisga-yala-dukuse, Zofim-nainuse Balaam-sesad. Agine, ibmar-ogumakar-ukleged-aila gwagugle (7) sobsad. Geb ibmar-ogumakar-ukleged-aila-irba moli-bebe-nikad-wargwen, degine, sibad-wawaad-machered-wargwen ogumakar uksad. 
\p  
\v 15 Degi, Balaam, Balacʼga sogded: 
\p —Na be-ibmar-ogumakar-uknaid-nagaba be gwisguo, andi Bab-Dummad-ebo abingunagwelo. 
\p  
\v 16 Agine, Bab-Jehová Balaamʼse magarononikid. Ega gayaburba ukded. Ega weyob sogded: “Balac-gwichidse be nae, an bega-ibmar-sogsad ega be sogna.” 
\p  
\v 17 Balaam, Balac-gwichidse nonigua, daknonikid, Balac, Moab-dulemar-dummaganmala e-moli-bebe-nikad-ogumakar-uknaid-nagaba gwichi. Agi, Balac, Balaamʼga sogded: 
\p —¿Bab-Jehováʼde, igi bega sogsa? 
\p  
\v 18 Geb Balaam, Bab-Jehová-ega-ibmar-sogsadba sunmakded: 
\q1 “Zipor-machi-Balac, nue be an-itogo. 
\q1  
\v 19 Bab-Dummad dulemaryobsulid, gege dulemaryob gakansaed, 
\q2 Bab-Jehová, e-binsaedi gege ogwaed. 
\q1 Bab-Dummad na-ibmar-sogsadba bela imaked, 
\q2 Na ibmar-imakoye sogsale, imakedsegad. 
\q2 Geg-imaksuli gued. 
\q1  
\v 20 Bab-Jehová anga soged: 
\q2 ‘Israel-dulemargi ise-nued be sunmakoye.’ 
\q1 Degisoggu, ise-nued an egi sunmakergebed, 
\q2 geg an sogsuli gued, sogergebed. 
\b  
\q1  
\v 21 ”Bab-Dummad Jacob-wagan-isgusye sogsulid. 
\q2 Bab-Jehová Israel-dulemar nosa gwen daksulid. 
\q1 Ar Israel-dulemarba Bab-Dummad-Jehová gudiid. 
\q2 Israel-dulemar na sogmalad, Bab-Dummad e-reyye. 
\q1  
\v 22 Ar Bab-Dummad Egipto-yargi onosad. 
\q2 Israel-dulemar-e-ganguedi, moli-bebe-nikad-sapurbalidyobid. 
\q1  
\v 23 Ar ade, Jacob-wagan-ukabsaye be sogele, geg be bayoged, 
\q2 Israel-dulemargi sunnasuli-sunmakye be sogele, geg be oakaloged. 
\q1 Ar Jacobʼgi, Israelʼgi soglegoed: 
\q2 ‘¡Bab-Dummad-ega-ibmar-imaksad be dake!’ 
\q1  
\v 24 Israel-dulemar, achumiguryob gwichiguardaed, 
\q2 achumiguryob yargan-baasmakardaed. 
\q1 We-achumigurde e-ibmar-oburgwisad-e-san-obelogedse, geb megdaed. 
\q2 E-ibmar-oburgwisad-e-abe gobedse, geb obunnomegdaed.” 
\p  
\v 25 Geb degine, Balac, Balaamʼga sogded: 
\p —Ar be Israel-dulemar-ukabsasursoggu, melle egi be ise-nued sunmakbardo. 
\p  
\v 26 Geb Balaam, Balac-abin sogded: 
\p —Ar ande an bega sogsad, Bab-Jehová-anga-ibmar-sogoedba, an ibmar sogoye. 
\s1 Balaam irbaagi-sunmaksad 
\p  
\v 27 Geb degine, Balac, Balaamʼga sogded: 
\p —An bese wilesakwaa egis, anba be dage, neg-baidse an be-sedo. Adi, abakalegi agindi Bab-Dummad sokalile, we-dulemar be ukabsaye. 
\p  
\v 28 Agi, Balac, Peor-yala-dukuse Balaam-sesad. Agine, nega-dulesulidgan-naid bela mag dakleged. 
\p  
\v 29 Geb agine, Balaam, Balacʼga sogded: 
\p —Wegi be anga ibmar-ogumakar-ukleged-aila gwagugle (7) be sobo. Degi, moli-bebe-nikad-machered walagugle (7) be anga guakwaa amio, degine, sibad-wawaad-machered walagugle (7) be anga guakwaa amibalo. 
\p  
\v 30 Geb Balac, Balaam-ega-igi-sogsa, deyob imaksad. Balac, Balaam-ebogwa ibmar-ogumakar-ukleged-aila-irba moli-bebe-nikad-wargwen, degine, sibad-wawaad-machered-wargwen ogumakar uksamalad. 
\c 24  
\p  
\v 1 Balaam dakargu, Bab-Jehová bur Israel-dulemargi-ise-nued-binsaed bur yeer-itodae, Balaam bar idualedyob Bab-Dummadbo abingunadsulid. Ilagwen-nega-dulesulidgansik atakdeguad.  
\v 2 Balaam Israel-dulemar-bukwad-dakdegu, dakded, Israel-dulemar na e-dadgan-e-dadganba danar-danar bukwamala. Agine, Bab-Dummad-Burba Balaamʼgi aidenonikid.  
\v 3 Geb Balaam, Bab-Jehová-ega-ibmar-sogsadba sunmakded: 
\q1 “Ani, Beor-machi-Balaam-guedi weyob soged, 
\q2 ani, dikasur-ataked-dule-guedi weyob soged. 
\q1  
\v 4 Ani, Bab-Dummad-ibmar-soge-itosad-guedi soged, 
\q2 Bab-Dummad-Bela-Gangued-Nikad ibmar-guoed-oyoged dakedid, 
\q2 dule negoesayob an megisdaedid, 
\q2 negburgan-dakdegudaedid, weyob an soged: 
\b  
\q1  
\v 5 ”¡Jacob-dulemar, ibibayobi be-negmar 
\q1 yeerdaklege, 
\q2 Israel-dulemar, ibibayobi be-danar-danar-bukmalad 
\q2 yeerdaklege! 
\q1  
\v 6 Yala-imbaba neba-nuegan-yeerdaklegeyobi, 
\q1 Israel-dulemar-danar-danar-bukwad dakleged. 
\q2 Nainu-nuegan diwar-gakaba-naiyobi, 
\q2 Israel-dulemar-bukwad dakleged. 
\q1 Degi, Bab-Jehová bii-áloeʼye-nugad-digsadyobi 
\q1 Israel-dulemar yeerdakleged. 
\q2 Degine, sapi-urwarmar diwar-gakaba-bubukwayobi 
\q2 yeerdakleged. 
\q1  
\v 7 Israel-dulemar-e-gwidumala dii ena-ena bubukwad, 
\q2 e-ibmar-digarmaladi dii unniguar nikad. 
\q1 Israel-dulemar-e-rey, Rey-Agagʼba bur-dutusulid. 
\q2 Na e-yar-ganikid bur-dummad. 
\b  
\q1  
\v 8 ”Ar Bab-Dummad Egipto-yargi onosad. 
\q2 Israel-dulemar-e-ganguedi, moli-bebe-nikad-sapurbalidyobid. 
\q1 Israel-dulemar e-isdarmaladgi nakoed, 
\q2 e-isdarmalad-e-garmar bela bibisgoed. 
\q2 Degine, e-sigumargi e-isdarmalad-naibi-saoed. 
\q1  
\v 9 Israel-dulemar, achumigur-macheredyobi obunnomeged. 
\q2 Achumigur-omeyobi megisdaed. 
\q2 ¿Wede doa ese achaoe? Gege dule ese achae. 
\q1 ¡Dulemar-begi-ise-nued-sunmakmaladi egi nued sunmaklemogoed. 
\q2 Dulemar-be-ukabsamaladdi, ukabsalemogoed!” 
\p  
\v 10 Geb degidgine, Balac, Balaamʼse uluded. Sae-itogedba e-argan-sarsodgu, Balaamʼga sogded: 
\p —An-isdarmalad-ukabsaega an bese gochad. Emide, wese ilapaagus egi be ise-nued sunmakdanikid.  
\v 11 Emis-emis be-negse gannar be nae. An bega ibmar-nuegan ukoye sogsanad, ar Bab-Jehová ibmar-nikubisuli be-abesad. 
\p  
\v 12 Balaam, Balac-abin sogded: 
\p —Ar be-dulemar-be-anse-barmismaladga iduakwaa weyob an sogsad:  
\v 13 ‘Ar amba anga Balac e-neg-ena olo, degi, mani ukye sogele, gege an, an-Bab-Dummad-Jehová anga-sogsulidba an ibmar saye. Ar Bab-Jehová anga ibmar-sogedbarbi an ibmar saergebye.’  
\v 14 Degir nabir. Gannar an-negse an naed-iduale, an bega soggwelo, igi we-dulemar ibagan-danikoedgi be-imakmaloe. 
\s1 Balaam irbakegi-sunmaksad 
\p  
\v 15 Geb Balaam, Bab-Jehová-ega-ibmar-sogsadba sunmakded: 
\q1 “Ani, Beor-machi-Balaam-guedi weyob soged, 
\q2 ani, dikasur-ataked-dule-guedi weyob soged. 
\q1  
\v 16 Ani, Bab-Dummad-ibmar-soge-itosad-guedi soged, 
\q2 Bab-Dummad-Bur-Birigined e-ibmar-wisguega an-imaksadid. 
\q2 Bab-Dummad-Bela-Gangued-Nikad ibmar-guoed-oyoged dakedid, 
\q2 dule negoesayob an megisdaedid, 
\q2 negburgan-dakdegudaedid, weyob an soged. 
\q1  
\v 17 Yoedse-ibmar-guoed an daked, ibmar-guoedi amba dikasulid. 
\q2 An nue-daked, degi-inigwele, itakasulid. 
\q1 Israelʼgi rey-wargwen gwisgudagoed, 
\q2 Jacob-wagan-abargi niisgwayobi nodagoed, 
\q1 We-rey, Moab-uaya-matar-sagamakoed, 
\q2 bela we-reyse Set-wagan-nono-sagamakoed. 
\q1  
\v 18 We-rey, Edom-yala-suoed, 
\q2 e-isdarmalad-Seir-yala ese sulebaloed. 
\q1 Israel-dulemar bur-dule-buleganga gumaloed. 
\q1  
\v 19 Jacob-wagangi rey-wargwen nodagoed. 
\q2 We-rey, dulemar-neggweburgi-oburgwilessurmalad-obelogoed.” 
\s1 Balaam napi-sunmaksad 
\p  
\v 20 Degine, Balaam Amalec-dulemarsik atakded, geb Bab-Jehová-ega-sogsadba weyob sunmakded: 
\q1 “Amalec-dulemarde dulemar-baiganba bur dutusulid, 
\q2 degi-inigwele, obelolegoed.” 
\p  
\v 21 Geb degi, Balaam Ceneo-dulemar-bukwadsik atakdegua, Bab-Jehová-ega-sogsadba weyob sunmakdebalid: 
\q1 “Be-neggweburde dutusulid. 
\q2 Be-uumar akwasaila-imbaba bukwayobid. 
\q1  
\v 22 Asiria-dulemar e-maiga-guega be-sedmaloed, 
\q2 bemar, Ceneo-dulemar, bela girgumaloed.” 
\p  
\v 23 Berguegala, Balaam, Bab-Jehová-ega-sogsadba weyob napi sogded: 
\q1 “¡Wilesdakle! Bab-Dummad weyob neg-imakdele, ¿doa san-onogoe? 
\q2 Dule geg san-onoge. 
\q1  
\v 24 Quitim-yar-demar-gakaba ur-dummagande danikoed, 
\q2 Asiria-yala-obelogoed, degi, Heber-yala-obelogoed. 
\q2 Degi-inigwele, Quitim-dulemarde bela bergumarmogoed.” 
\p  
\v 25 Geb we-ibmar-sogsad-sorbali, Balaam e-negse gannar nade gusad. Balacʼdi e-yarse nade gusmogad. 
\c 25  
\s1 Israel-dulemar bab-dummad-Baal-Peorʼba nanadmalad 
\p  
\v 1 Israel-dulemar Sitimʼye-neg-nugadgi danar-danar bukwamargua, Israel-machergan Moab-dulemar-omeganba galagwensuli nanaarmalad.  
\v 2 A-omegande, Israel-dulemarse gollardaed. Adi, e-bab-dummaganga-ibmar-uknaidse emarba dagegar. Israel-dulemarde, a-omegan-e-bab-dummagan-asabin mas-gundamalad, degine, a-nug-odummogega asabin dulluu imakdedamalad.  
\v 3 Weyobi Israel-dulemar bab-dummad-Baal-Peor na e-bab-dummadyob dakdemalad. A-ulale, Bab-Jehová Israel-dulemargi bela-belad sae-itoalid. 
\p  
\v 4 Agi, Bab-Jehová Moisésʼga sogded: “Israel-dulemar-e-girmar-dummagan be gao, neg-ibgi an-asabin gammu-gaar be oburgo, adi, an-sabsur-Israel-dulemargi-urwemaid osulogegar.” 
\p  
\v 5 Moisés, Israel-dulemarga-igar-nabomaladga sogded: “Be-sapin-dummagan, bab-dummad-Baal-Peorʼba-ibmar-imaksamalad be oburgwemalo.” 
\p  
\v 6 Deunni Israel-dulemar, Bab-Dummad-dulemarbo-ambikued-neg-yawagak-dogedgi bobukmaladgine, Israel-dule-wargwen e-gwenadganse bingedsulid ome-Madián-dule sedani gusad. Moisés-wagab, degi, bela-dulemar-bukwad-wagab ome-sedani gusad.  
\v 7 Eleazar-machi-Finees, deyob daksagua, dulemar-bukwad-abargi gwichibin imaksad, degi, eswar gadebin imaksabalid. Fineesʼde dule-irwa-Bab-Dummadse-goled-Aarón-e-wagwad.  
\v 8 Geb Finees a-dule-e-neg-siidse sorba nade gusad. Agine, Finees, machered-omebo-mesa sabangi eswar ogwisdapid. Finees degii imaksagua, Bab-Jehová-e-bela-belad-urwed galesad.  
\v 9 Degi-inigwele, a-iduale, mili-dulagwen-gakabakegus (24,000) bonigi bato burgwedanimalad. 
\p  
\v 10 Geb degine, Bab-Jehová, Moisésʼga sunmakded, ega sogded:  
\v 11 “Finees-Eleazar-e-machi, Aarón-e-wagwad. Finees an-bela-belad-Israel-dulemargi-urwed onollomaksad. Ar ade, an-ibmar-bela-bela-imakbiedyobi, we-Fineesʼde bemarga imaksad. A-ulale, bar an Israel-dulemar obelossulid.  
\v 12 Degisoggu, Fineesʼga be sogo: ‘Bogidik-anbo-nanaed-igar, an ebo mesoye.’  
\v 13 Fineesʼga, degi, e-waganga, dule-irwa-anse-goled-e-igar degisadegu maiguoye. Ar Finees an-ibmar-abegedyob abesmogad, Israel-dulemarga igar-nabossoggu, deyob guoed.” 
\p  
\v 14 Machered-Israel-dule, ome-Madián-dulebo-oburgwilesadi, Zimriʼye nugad. Zimriʼde Salu-e-machid. We-Zimriʼde Simeón-e-wagan-dummadga gudinad.  
\v 15 Ome-Madián-dule-oburgwilesadi Cozbiʼye nugad, Zur-e-sisgwad. Zurʼde Madián-dulemar-e-dummadmogad. 
\p  
\v 16 Bab-Jehová Moisésʼga sunmakded, ega sogdebalid:  
\v 17 “Madián-dulemargi be bila-onona, a-dulemar bela be ogilogo.  
\v 18 Ar Madián-dulemarde, gakansaar-be-yardaksamalad. Ar amarde, Baal-Peor be-bab-dummadga-imakega bemar-imaksamalad. Deun, Sitimʼye-neg-nugadgi bemar bukwamargu, boni-dummad Israel-dulemargi an barmiar gusad. Deun, ome-Madián-dule Cozbiʼye-nugad, an oburgwis gusad. Cozbiʼde Madián-dulemar-e-dummad-e-sisgwad.” 
\c 26  
\s1 Moabʼgi-bukwa Israel-dulemar-ebislesad 
\p  
\v 1 Bukidar-Israel-dulemar-burgwismalad-sorbali, Bab-Jehová Moisésʼga, degi, Eleazarʼga sunmakded. Eleazarʼde dule-irwa-Bab-Dummadse-goled-Aarón-e-machid. Amarga weyob sogded:  
\v 2 “Israel-dulemar birga-dulagwen-nikamalad (20), degi, birga-dulagwen-obine-nikamalad (20+) sunna nabir bila-onomalad be ebismalo. Amar be na e-gwenad-e-gwenadganba ebismaloed.” 
\p  
\v 3 Moisés, dule-irwa-Bab-Dummadse-goled-Eleazarʼbogwa Jordán-diwar-naba Moab-nebagan-naidgi Jericó-neggwebur-asabin, Israel-dulemarga igar-uksamalad. Ega weyob sogsamalad: 
\p  
\v 4 “Machergan birga-dulagwen-nikamalad (20), degi, birga-dulagwen-obine-nikamalad (20+) be ebismaloye, igi-Bab-Jehová, Moisésʼga igar-uksagusa, deyob imakmaloye.” 
\p Ebichismargu, Israel-machergan Egipto-yalagi-noarmalad wemalad: 
\q1  
\v 5 Israel-machi-sailagined-Rubén, a-wagan e-dadganba-ebislesmalad, wemalad: 
\q2 Enoc-wagan, Falú-wagan, 
\q2  
\v 6 Hezrón-wagan, degi, Carmi-wagan. 
\q3  
\v 7 Wemala dad-dummad-Rubénʼgi danimalad. 
\q3 Mili-dulabo-gakapaa gaka dulataled-ilagugle gaka dulagwen-gakambe (43,730) mergued. 
\q1  
\v 8 Falú unnila machigwa wargwenna nikusad, Eliabʼye nugad.  
\v 9 Eliab-masmala, wemalad: 
\q2 Nemuel, Datán, Abiram. 
\q3 We-Datán, Abiram-ebogwa Israel-dulemarga binsaed-dakega gusmaladid. 
\p Wemala, Coré, Moisésʼgi, Aarónʼgi, degi, Bab-Jehováʼgi gwisgusgu, Coréʼba akas-gusmalad. Wemarde Bab-Jehováʼgi gwisgusmogad.  
\v 10 Degidbali napa-argadgu, Coréʼmala napa-yaba ammurud gusmarmogad. Dulemar-dulataled-ilabo gaka dulabo-gakambe (250) Coréʼba-nanaimalad soogi-gummakar burgwis gusad. Bela Coréʼba-nanaimalad burgwisgusmalad. We-ibmar-gusadi, Israel-dulemar-odurdakega deyob gusad, adi, Bab-Dummad-dobee nanamalagar.  
\v 11 Coré-wagandi burgwissurmalad. 
\q1  
\v 12 Dad-dummad-Simeónʼgi-danimalad-ebislesmalad wemalad: 
\q2 Nemuel-wagan, Jamín-wagan, Jaquín-wagan, 
\q2  
\v 13 Zera-wagan, degi, Saúl-wagan. 
\q3  
\v 14 Wemala, dad-dummad-Simeónʼgi danimalad. 
\q3 Mili-dulagwen-gakabo gaka dulataled-ilabo (22,200) mergued. 
\q1  
\v 15 Dad-dummad-Gadʼgi-danimalad-ebislesmalad wemalad: 
\q2 Zefón-wagan, Hagui-wagan, Suni-wagan, 
\q2  
\v 16 Ozni-wagan, Eri-wagan, 
\q2  
\v 17 Arod-wagan, degi, Areli-wagan. 
\q3  
\v 18 Wemala, dad-Gadʼgi danimalad. 
\q3 Mili-dulabo gaka dulataled-ilatar (40,500) mergued. 
\q1  
\v 19 Judá-masmala Canaán-yalagi mimmi-nikussuli-burgwismalad, wemalad: 
\q2 Er, degi, Onán. 
\q1  
\v 20 Dad-dummad-Judáʼgi-danimalad-ebislesmaladi, wemalad: 
\q2 Sela-wagan, Fares-wagan, degi, Zera-wagan. 
\q1  
\v 21 Faresʼgi-danimaladdi, wemalad: 
\q2 Hezrón-wagan, degi, Hamul-wagan. 
\q3  
\v 22 Bela wemala, dad-dummad-Judáʼgi danimalad. 
\q3 Mili-dulapaa-gakambe-gakanergwa gaka dulataled-ilatar (76,500) mergued. 
\q1  
\v 23 Dad-dummad-Isacarʼgi-danimalad-ebislesmalad, wemalad: 
\q2 Tola-wagan, Fúa-wagan, 
\q2  
\v 24 Jasub-wagan, degi, Simrón-wagan. 
\q3  
\v 25 Bela wemala, dad-dummad-Isacarʼgi danimalad. 
\q3 Mili-dulapaa-gakabake gaka dulataled-ilapaa (64,300) mergued. 
\q1  
\v 26 Dad-dummad-Zabulónʼgi-danimalad-ebislemalad, wemalad: 
\q2 Sered-wagan, Elón-wagan, degi, Jahleel-wagan. 
\q3  
\v 27 Bela wemala, dad-dummad-Zabulónʼgi danimalad. 
\q3 Mili-dulapaa gaka dulataled-ilatar (60,500) mergued. 
\q1  
\v 28 Dad-dummad-Joséʼgi-danimalad-ebislesmalad, wemalad: 
\q2 Manasés-wagan, degi, Efraín-wagan. 
\q1  
\v 29 Manasés, wargwenna machi nikusad. 
\q2 A-machigwade, Maquirʼye nugad. 
\q3 Agine, Maquir-wagan danikid. 
\q1 Maquir, wargwenna machi nikusmogad. 
\q2 A-machigwade, Galaadʼye nugad. 
\q3 Agine, Galaad-wagan danikid. 
\q1  
\v 30 Dad-Galaadʼgi-danimalad-ebislesmalad, wemalad: 
\q2 Jezer, degi, e-wagan, Helec-wagan, 
\q2  
\v 31 Asriel-wagan, Siquem-wagan, 
\q2  
\v 32 Semida-wagan, degi, Hefer-wagan. 
\q1  
\v 33 Hefer-machi-Zelofehad masmala-nikussulid, unnila bunamalabi nikusad. A-bunamala-ebislesmalad, wemalad: 
\q2 Maala, Noa, Hogla, Milca, degi, Tirsa. 
\q3  
\v 34 Bela wemala, dad-dummad-Manasésʼgi danimalad. 
\q3 Mili-dulabo-gakambe-gakabo gaka dulataled-ilagugle (52,700) mergued. 
\q1  
\v 35 Dad-dummad-Efraínʼgi-danimalad-ebislesmalad, wemalad: 
\q2 Sutela-wagan, Bequer-wagan, degi, Tahán-wagan. 
\q1  
\v 36 Sutelaʼgi-danimalad, wemalad: 
\q2 Erán-wagan. 
\q3  
\v 37 Bela wemala, dad-dummad-Efraínʼgi danimalad. 
\q3 Mili-dulagwen-gakambe-gakabo gaka dulataled-ilatar (32,500) mergued. 
\p Bela wemala sogabobela, dad-dummad-Joséʼgi danimalad. 
\q1  
\v 38 Dad-dummad-Benjamínʼgi-danimalad-ebislesmalad, wemalad: 
\q2 Bela-wagan, Asbel-wagan, Ahiram-wagan, 
\q2  
\v 39 Sufam-wagan, Degi, Hufam-wagan. 
\q1  
\v 40 Belaʼgi-danimalad, wemalad: 
\q2 Ard-wagan, degi, Naamán-wagan. 
\q3  
\v 41 Bela wemala, dad-dummad-Benjamínʼgi danimalad. 
\q3 Mili-dulabo-gakatar gaka dulataled-ilanergwa (45,600) mergued. 
\q1  
\v 42 Dad-dummad-Danʼgi-danimalad-ebislesmalad, wemalad: 
\q2 Súham-wagan. 
\q3  
\v 43 Wemala, dad-dummad-Danʼgi danimalad. 
\q3 Mili-dulapaa-gakabake gaka dulataled-ilabake (64,400) mergued. 
\q1  
\v 44 Dad-dummad-Aserʼgi-danimalad-ebislesmalad, wemalad: 
\q2 Imna-wagan, Isúi-wagan, degi, Bería-wagan. 
\q1  
\v 45 Beríaʼgi-danimalad wemalad: 
\q2 Heber-wagan, degi, Malquiel-wagan. 
\q2  
\v 46 Dad-dummad-Aser, bunagwa wargwen nikusbalid, a-bunagwa Seraʼye nugad. 
\q3  
\v 47 Bela wemala dad-dummad-Aserʼgi danimalad. 
\q3 Mili-dulabo-gakambe-gakapaa gaka dulataled-ilabake (53,400) mergued. 
\q1  
\v 48 Dad-dummad-Neftalíʼgi-danimalad-ebislesmalad, wemalad: 
\q2 Jahzeel-wagan, Guni-wagan, 
\q2  
\v 49 Jezer-wagan, degi, Silem-wagan. 
\q3  
\v 50 Wemala, Dad-dummad-Neftalíʼgi danimalad. 
\q3 Mili-dulabo-gakatar gaka dulataled-ilabake (45,400) mergued. 
\p  
\v 51 Belamakar-machergan-ebislesmaladi weyob mergued: Mili-dulataled-ilanergwa gaka gwensak gaka dulataled-ilagugle gaka dulagwen-gakambe (601,730) mergued. 
\s1 Yar-mimilesokalidga igar-uklenaid 
\p  
\v 52 Bab-Jehová Moisésʼga sunmakded, ega sogded:  
\v 53 “Be dulemar-ebichismaladga, na e-dula-mergumaladba we-yarmar be mimioed.  
\v 54 Na dadgan-wargwengi dulemar-bur-melu-nikale, amarga yala bur dumma be ukoed. Na dulemar-bur-ichee-nikardi, amarga yala senii be ukoed. Na emar-mergu-ebislesmaladba ega yala be ukoed.  
\v 55 Degi-inigwele, wilubdakar ega yarmala be mimioed. Na e-dad-dummaganba-ebislesmaladba yarmar nikumaloed.  
\v 56 Dulemar-mergumaladba ega yarmar wilub-daklear uklegoed.” 
\s1 Leví-wagan-ebislesmalad 
\q1  
\v 57 Dad-dummad-Levíʼgi-danimalad-ebislesmalad, wemalad: 
\q2 Gersón-wagan, Coat-wagan, degi, Merari-wagan. 
\q1  
\v 58 Dad-dummad-Leví-wagangi-danimarmogad, wemarmogad: 
\q2 Libni-dulemar, Hebrón-dulemar, Mahli-dulemar, 
\q2 Musi-dulemar, degi, Coré-dulemar. 
\p Coat, machi-wargwen-Amramʼye-nugad nikusad.  
\v 59 Amramʼde Leví-wagwa-Jocabedʼye-nugad nikusad. Jocabedʼde, Egipto-yalagi gwalulesad. Amram, Jocabedʼbo mimmigan warbaa nikusmalad. Amala, wemalad: 
\q2 Aarón, Moisés, degi, e-bun-María. 
\q1  
\v 60 Aarón masmala-nikunonimogad. Amar, wemalad: 
\q2 Nadab, Abiú, 
\q2 Eleazar, degi, Itamar. 
\p  
\v 61 Degi-inigwele, Nadab, Abiú-ebogwa Bab-Jehová-ega-igar-uksasulidba soo-isgana Bab-Jehováʼga-ogasmargu, burgwismalad. 
\p  
\v 62 Wemala Dad-dummad-Levíʼgi danimalad, mili-dulagwen-gakapaa (23,000) mergued. Nii-wargwen-nikamaladse-bakar ebislesad. Wemardi, Israel-dulemar-baiganba bular ebislessulid. Ar we-dulemargardi yar uklessulid. 
\p  
\v 63 We-nugmala Moisés, dule-irwa-Bab-Dummadse-goled-Eleazarʼbogwa ebichismaladid. Deunni, Jordán-diwar-naba Moab-nebagan-naidgi Jericó-neggwebur-asabin-bukwamargu ebislesad.  
\v 64 Degine, Moisés, dule-irwa-Bab-Dummadse-goled-Aarónʼbogwa, Sinaí-nega-dulesulidgangi, gebe-dulemar-ebichisgusad-nugmardi wemar-ebislesmalad-imbagi naisulid.  
\v 65 Ar ade, Bab-Jehová sogsagusad: We-dulemala, nega-dulesulidganba burgwemaloye. Unnila Jefone-machi-Calebʼbi, degi, Nun-machi-Josuéʼbi dula-gudii gusad. Baigandi bela burgwisad. 
\c 27  
\s1 Zelofehad-sisgan nainu-egichismalad 
\p  
\v 1 Israel-yalagine dule-wargwen maigusad. We-dulede, Zelofehadʼye nugad. We-dule, sisgan walatar nikad. 
\q1 E-sisgana weyob nugmalad: 
\q2 Maala, Noa, Hogla, 
\q2 Milca, degi, Tirsa. 
\q3 We-bunamala, Moisésʼse nonigusad. 
\q1 E-bab-Zelofehadʼde Hefer-machid. 
\q2 Galaad-wagwad. 
\q2 Maquirʼdi e-dad-dummadid. 
\q3 Bela wemala, dad-dummad-Manasésʼgi danikid. 
\q3 Dad-dummad-Manasésʼdi, José-machid. 
\p  
\v 2 We-bunamala-walataledi Bab-Dummad-dulemarbo-ambikued-neg-yawagakse nonimalad, adi, Moisésʼbo, dule-irwa-Babse-goled-Eleazarʼbo, degi, Israel-girmar-dummaganbo, degine, bela Israel-dulemarbo sunmakegar. Weyob sognonimalad: 
\p  
\v 3 “Anmar-bab nega-dulesulidganba burgwisad. Anmar-baba Coré-sordamar-Bab-Jehováʼgi-gwisgusmaladba akassulid. Ar anmar-baba na dukin e-isgusadba burgwisad. Degidbali, anmar-baba gwen machimala-nikussulid.  
\v 4 ¿Anmar-bab machimala-nikusulidba e-gwenadgan-abargi e-nugde elilegode? Adi sulirgebed. Ar anmar e-sisgan gued. Degisoggu, wis anmar-gilormarba be anmarga nainumar udabi an abemodo.” 
\p  
\v 5 Moisés, we-bunamala-ega-sogsadi, Bab-Jehováʼse idaknad gusad.  
\v 6 Bab-Jehová, Moisés-abin sogded:  
\v 7 “Nabir Zelofehad-sisgan bega soged. E-gilormarba ega nainu be uko. Nainu-e-babga-uklegoenad ega be uko. 
\p  
\v 8 ”Degine, Israel-dulemarga be sogo: ‘Dule-wargwen masmala-sate burgwisale, e-nainu e-sisgwaga uklegoye.  
\v 9 Sisgwa-sate burgwisardi, adi, na e-iamargardibe, igi, e-urbamargardibe, e-nainu uklegoye.  
\v 10 Ar iamar, igi, urbamar saterdi, adi, e-gilormarga uklegoye.  
\v 11 Gilormar satebalirdi, adi, e-gwenadgan bur-walikagwadga nainu uklegoye.’ Weyob Israel-dulemarga igar-mai guoed, ar igi an Moisésʼga igar-uksa, aba deyob imaklegoed.” 
\s1 Moisés-burgoedgi-sunmaklenaid 
\p  
\v 12 Bab-Jehová Moisésʼga sogdebalid: 
\p “We-Abarim-yalase be nakwena. Agi, Israel-dulemarga an yar-ukesokalid be dakoed.  
\v 13 A-yar-daksad-sorbali, be burgoed. Be-sergan-abargi na be megnaoed, igi be-ia-Aarón na e-sergan-abargi mai, deyob be megnamogoed.  
\v 14 Ar ade, bemar-bebogwadi Zin-nega-dulesulidganba an-igar-uksadba ibmar imaksasurmalad. Deunni, dulemar dii-abearmargu, binnasuli angi uurmakarmargu, bemar Israel-dulemar-asabin an-nug odummosurmalad.” 
\p We-dii-onolesadi, Zin-nega-dulesulidganba Cadesʼgi Meriba-akwasailagi-onolesadid. 
\s1 Josué, Moisés-sorba dummadga nugsalesad 
\p  
\v 15 Geb degine, Moisés Bab-Jehováʼga sogded:  
\v 16 “Bab-Jehová, bela be ibmar-dulamalad-e-Bab-Dummadid. Dule-wargwen Israel-dulemarga be onugsae,  
\v 17 adi, we-dule, be-dulamar-idugegar. Deyob be imakele, bila-onolear-sogele, be-sordamar-idudii guoed, degine, gannar negse danimar-sogele, sordamar-idudani guoed. Adi, be-dulamar melle sibad-wawaad-e-iduedsulidyob gudii gumalagar.” 
\p  
\v 18 Bab-Jehová, Moisésʼga sogded: “Nun-machi-Josué be suo. Ar Josué dule-gandikidid, an-sogedba daedid. Israel-dulemar-iduedga-onugsaega egi be-argan be mese.  
\v 19 Geb a-sorbali, dule-irwa-Bab-Dummadse-goled-Eleazar-asabin, degi, dulemar-danar-bukwad-asabin be sedoed. Geb amar-asabin dummadga be Josué-onugsaoed.  
\v 20 Moisés, be dummad-guedgine gargangued-nika-gudiid-abala, Josuéʼga be ukoed. Adi, bela Israel-dulemar Josué-ibmar-sogedba ibsamalagar.  
\v 21 Josué, dule-irwa-Bab-Dummadse-goled-Eleazar-asabin nonikoed, adi, ega Urimʼye-nugadba Bab-Jehováʼse idakegar. Josué-sogedba bela Israel-dulemar ibmar imakmaloed.” 
\p  
\v 22 Moisés, Bab-Jehová-ega-sogsadba imaksad. Dule-irwa-Bab-Dummadse-goled-Eleazar-asabin, degi, bela dulemar-danar-bukmalad-asabin, Josué-sesad.  
\v 23 Moisés, Josué-nonogi e-argan-mesisad. Geb dummadga Josué-onugsasad. Moisés, Bab-Jehová-ega-sogsadba imaksad. 
\c 28  
\s1 Bane-bane Bab-Dummadga-ibmar-uklegoed-igar 
\r (Éxodo 29:38-46) 
\p  
\v 1 Bab-Jehová, Moisésʼga sunmakded, ega sogded:  
\v 2 “Israel-dulemarga igar be uko, ega be sogo: ‘Ibagan-maid-sekalaa anga-ibmar-ukleged anga ukoye. We-ibmar-ogumakar-uklegoed-yeer-yapandaedi anga an-masga gued.’ ” 
\p  
\v 3 Bab-Jehová, Moisésʼga sogdebalid: “Israel-dulemarga be sogbalo: ‘Weyob soogi anga ibmar ogumakar be ukmaloye: Bane-bane degisadegu sibad-wawaad-sapingwagwad-warbo birgagwen-nikamalad bonisulidi be anga ukoye.  
\v 4 Wakdar, we-sibad-wawaad-wargwen be oburgoed. Sedodi, baid be oburgwebaloed.  
\v 5 Madubur-bur-nued nibiratar, olivo-gwalluba-mesa-omukuar be anga ukoed. We-olivo-gwallu bute-wargwen be ebugoed.  
\v 6 Degisadegu, Bab-Jehová Sinaí-yargi na igar-uksadba ega ibmar-ogumakar uklemai guoed. We-ibmarde yeer-yapanne Bab-Jehová itodaed.  
\v 7 Sibad-wawaad-irba bute-wargwen vino be ukoed. We-vinoʼde ibmar-ogumakar-ukleged-ailagi be eogoed.  
\v 8 Sedogusale, sibad-wawaad-baid ogumakar be anga ukbaloed. Ibmar-gwagba-mesa be anga ukoed. Degine, igi wakdar vino-bute-wargwen aila-birgi-eogega be uksabali, deyob, be sedo ukbaloed. We-ibmarde, Bab-Jehováʼga-ibmar-ogumakar-uklegedid, yeer-yapanne Bab-Jehová itodaed.’ ” 
\s1 Obunnoged-Iba-iliba-ibmar-uklegoed 
\p  
\v 9 Bab-Jehová Moisésʼga sogdebalid: “Israel-dulemarga be soge: ‘Obunnoged-ibagindi, sibad-wawaad-sapingwagwad-warbo, birgagwen-nikamalad, bonisulidi, be anga ogumakar ukoye. Degine, vino egi-eolegega be ukbaloye. Madubur-nued nibirambe (10) olivo-gwalluba-mesa-omukuar anga be ukbaloye.  
\v 10 We-ibmar-ogumakar-uklegedi, obunnoged-ibagi uklegedid. Ukinbali, bane-bane ibmar-ogumakar-ukleged be ukbaloed, degine, vino egi-eolegega-ebuleged be ukmarbaloed.’ ” 
\s1 Nii-iliba-ibmar-uklegoed 
\p  
\v 11 Bab-Jehová Moisésʼga sogdebalid: “Israel-dulemarga be sogo: ‘Gebe-nii-onodedgi, anga moli-bebe-nikad-sapingwagwad-walabo bonisulidi, sibad-wawaad-machered-wargwen bonisulidi, degi, sibad-wawaad-sapingwagwad-birgagwen-nikad bonisulidi, walagugle (7), ogumakar be anga ukoye. 
\q1  
\v 12 Degine, moli-bebe-nikad-iliba, madubur-nued nibirambe-gakatar (15) 
\q2 olivo-gwalluba-omukuar be anga ukoed. 
\q1 Sibad-wawaad-macheredgindi madubur-nued nibirambe (10) 
\q2 olivo-gwalluba-omukuar be anga ukoed. 
\q1  
\v 13 Degine, sibad-wawaad-birgagwen-nikad-ilibardi madubur-nued nibiratar, 
\q2 olivo-gwalluba-omukuar be anga ukoed. 
\q3 We-ibmar-ogumakar-uklegedi, yeer-yapanne Bab-Jehováʼga gued. 
\q1  
\v 14 E-vino-egi-eolegoed be ukbaloed: 
\q2 Moli-bebe-nikamalad-iliba, bute-warbo. 
\q2 Sibad-wawaad-machered-iliba, bute-wargwen-abala. 
\q2 Degi, sibad-wawaad-birgagwen-nikad-iliba, bute-wargwen. 
\q3 Weyobi birgagi nii-iliba ibmar-ogumakar be anga ukoed. 
\p  
\v 15 ” ’Nii-iliba-ibmar-ukleged-ukinbali, bane-bane-ibmar-ogumakar-ukleged be ukbaloed, degi, e-nis-egi-eoleged be ukbaloed. A-ukinbali, be-Bab-Dummad, bemarga isgued-osulogega sibad-wargwen Bab-Jehováʼga ogumakar be ukbaloed.’ ” 
\s1 Oburgwilegoenad-Iba-iliba-ibmar-ukleged 
\r (Levítico 23:5-8) 
\p  
\v 16 Bab-Jehová Moisésʼga sogdebalid: “Israel-dulemarga be sogo: ‘Gebe-nii-onoded-ibambe-gakabakegi Bab-Jehováʼga Oburgwilegoenad-Iba nagudoye.  
\v 17 A-bangine, iba-itoakwaa-onoleged be onodoye: Ibagugle (7) madu e-inasuli be gunnoed.  
\v 18 Gebe-iba-onodoedgi bela an-nug-odummogega anse nonimaloed. Bipisaale, a-ibagi dule gwen arbaosulid.  
\v 19 Bab-Jehováʼga ibmar ogumakar be ukoed. 
\q1 Wemar be ukoed: 
\q2 Moli-bebe-nikad-sapingwagwad, warbo. 
\q2 Sibad-wawaad-machered, wargwen. 
\q2 Degi, sibad-wawaad-birgagwen-nikad, walagugle (7). 
\q3 We-ibdurgan, bela bonisulid be ukoed. 
\q1  
\v 20 Moli-bebe-nikad-irba, madubur-nued nibirambe-gakatar (15), 
\q2 olivo-gwalluba-omukuar be anga ukoed. 
\q1 Sibad-wawaad-machered-irba, madubur-nued nibirambe (10), 
\q2 olivo-gwalluba-omukuar be anga ukoed. 
\q1  
\v 21 Degine, sibad-wawaad-sapingwagwad-birgagwen-nikad-irbardi, madubur-nued nibiratar, 
\q2 olivo-gwalluba-omukuar be anga ukoed. 
\q1  
\v 22 Degine, isgued-ulale, sibad-machered-wargwen ogumakar be ukbaloed, 
\q2 adi, bega isgued-nabogegar. 
\q3  
\v 23 We-ibmarmala, bela be anga, wakdar-ibmar-ogumakar-ukleged-ukine ukoed. 
\p  
\v 24 ” ’A-ukine, bane-bane ibagugle (7) weyobi masi, degi, ibmar soogi-ogumakar be anga ukoed. Wede, anga ibmar-yeer-yapannedga guedid. Gusgu ibmar-bane-bane-anga-uklegedi, degi, egi-eoleged-uklegedi uklebaloed.  
\v 25 Ibagugledgine (7), an-nug-odummogega anse bela bulakwaa nonimaloed. A-ibagine, bipisaale dule gwen arbaosulid.’ ” 
\s1 Ibmar-Gebe-Sanmaked-Iba-iliba-ibmar-uklegoed 
\r (Levítico 23:15-22; Deuteronomio 16:9-12) 
\p  
\v 26 Bab-Jehová, Moisésʼga sogdebalid: “Israel-dulemarga be sogo: ‘Gebe be ibmar-gwag-weedmalale, a-ibagine, ibmar-gwag-weleged-iba onodoed. A-ibagine, bipisaale dule gwen arbaosulid.  
\v 27 A-ibagi, ibmar-ogumakar yeer-yapanne-itogega be anga ukoed. 
\q1 Wemar be anga ukoed: 
\q2 Moli-bebe-nikad-sapingana, walabo. 
\q2 Sibad-wawaad-machered, wargwen. 
\q2 Degi, sibad-wawaad-sapingwagwad-birgagwen-nikamalad, walagugle (7) 
\q1  
\v 28 Ibmar-ogumakar-uklegoed-irba, madubur-nued 
\q2 olivo-gwalluba-omukuar be anga ukoed. 
\q1 Moli-bebe-nikad-sapingwagwad-irba, madubur-nued 
\q2 nibirambe-gakatar (15), be anga ukoed. 
\q1 Degi, sibad-wawaad-machered-irba, madubur-nued 
\q2 nibirambe (10), be anga ukoed. 
\q1  
\v 29 Degine, sibad-wawaad-sapingwagwad-birgagwen-nikamalad-irba, 
\q2 madubur-nued nibiratar, be anga ukoed. 
\q1  
\v 30 Degine, be-isgued-ular bega isgued-nabogega sibad-machered-wargwen ogumakar be ukbaloed. 
\p  
\v 31 ” ’Bane-bane weyob be anga ukoed, vino-egi-eolemaloedse-bakar, be anga ukoed. Gusgu ibmar-bane-bane-anga-uklegedi, degi, egi-eoleged-uklegedi uklebaloed. Ibdurgan-be-anga-ukoedi, bonisulid be anga ukoed.’ ” 
\c 29  
\s1 Gar-Trompeta-Ogoled-Iba-iliba-ibmar-uklegoed 
\r (Levítico 23:23-25) 
\p  
\v 1 Bab-Jehová, Moisésʼga sogdebalid: “Israel-dulemarga be sogo: ‘Nii-walagugled-gebe-iba-onodedgi, bemar Bab-Jehová-nug odummogegala, bulakwaa nonimaloed. A-ibagi, bipisaale dule gwen arbaosulid. A-ibagi Gar-Trompeta-Ogoled-Iba naguoed. 
\p  
\v 2 ” ’Bab-Jehováʼga ibdurgan yeer-yapanne ogumakar be ukoed. 
\q1 Wemar be ukoed: 
\q2 Moli-bebe-nikad-sapingwagwad, wargwen. 
\q2 Sibad-wawaad-machered, wargwen. 
\q2 Sibad-wawaad-sapingwagwad-birgagwen-nikamalad, walagugle (7). 
\q3 A-ibdurgan bonisulid Bab-Jehováʼga be ukoed. 
\q1  
\v 3 We-ibdurgan-irba, madubur-bur-nued olivo-gwalluba-omukuar be ukoed: 
\q2 Moli-bebe-nikad-sapingwagwad-irba, madubur-nued nibirambe-gakatar (15) 
\q2 olivo-gwalluba-omukuar be ukoed. 
\q1 Sibad-wawaad-machered-irba, madubur-nued nibirambe (10) 
\q2 olivo-gwalluba-omukuar be ukoed. 
\q1  
\v 4 Sibad-wawaad-machered-birgagwen-nikamalad-irba, madubur-nued nibiratar 
\q2 olivo-gwalluba-omukuar be ukoed. 
\q1  
\v 5 Degine, isgued-nabogegala, 
\q2 sibad-machered-wargwen ogumakar be ukbaloed. 
\q1  
\v 6 Nii-irba gusgu ibmar-ogumakar-ukleged-ukine, 
\q2 eba-ibmar-gwag-gusgu-ukleged-ukine, 
\q2 degi, vino-egi-eolegega-ukleged-ukine, 
\q2 wemar Bab-Jehováʼga be ukoed. 
\q1 Gusgu-igar-uklesadba be imakoed. 
\q2 Bela we-ibmar-uklemalad soogi-ogumakar Bab-Jehováʼga be ukoed. 
\q3 Wede Bab-Jehová yeer-yapanne itodaed.’ ” 
\s1 Isgued-Naboged-Iba-iliba-ibmar-uklegoed 
\r (Levítico 23:26-32) 
\p  
\v 7 Bab-Jehová, Moisésʼga sogdebalid: “Israel-dulemarga be sogo: ‘Nii-walagugled-ibambegi bela bemar an-nug-odummogegala, anse bulakwaa nonimaloye. A-ibagi, bipisaale dule gwen arbaosulid, degine, bemar mas-gunsuli gudigumaloed. 
\q1  
\v 8 Bab-Jehováʼga ibmar-yeer-yapanned-ukegale, we-ibdurgan be ukoed: 
\q2 Moli-bebe-nikad-sapingwagwad, wargwen, 
\q2 sibad-wawaad-machered, wargwen. 
\q2 Degi, sibad-wawaad-sapingwagwad-birgagwen-nikamalad, walagugle (7). 
\q3 We-ibdurgan bonisulid Bab-Jehováʼga be ukoed. 
\q1  
\v 9 We-ibdurgan-irba, madubur-bur-nued olivo-gwalluba-omukuar be ukoed: 
\q2 Moli-bebe-nikad-sapingwagwad-irba, madubur-nued nibirambe-gakatar (15) 
\q2 olivo-gwalluba-omukuar be ukoed. 
\q1 Sibad-wawaad-machered-irba, madubur-nued nibirambe (10) 
\q2 olivo-gwalluba-omukuar be ukoed. 
\q1  
\v 10 Sibad-wawaad-machered-birgagwen-nikamalad-irba, madubur-nued nibiratar 
\q2 olivo-gwalluba-omukuar be ukoed. 
\q1  
\v 11 Deginbali, gusgu ibmar-ogumakar-ukleged-ukine, 
\q2 gusgu ibmar-gwag-ukleged-ukine, 
\q2 gusgu vino-egi-eoleged-ukleged-ukine, 
\q2 isgued-nabogegala, sibad-machered-wargwen ogumakar be ukbaloed.’ ” 
\s1 Neg-Matargana-Sobaled-Iba-iliba-ibmar-uklegoed 
\r (Levítico 23:33-43; Deuteronomio 16:13-17) 
\p  
\v 12 Bab-Jehová Moisésʼga sogdebalid: “Israel-dulemarga be sogo: ‘Nii-walagugled-ibambe-gakaatargine bela bemar an-nug-odummogegala, anse bulakwaa nonimaloye. A-ibagi, bipisaale dule gwen arbaosulid. Degine, Bab-Jehováʼga ibagugle (7) iba-itoakwaa-onoleged be onogoed. 
\q1  
\v 13 Bab-Jehováʼga ibmar-yeer-yapanned-ukegala, we-ibdurgan be ukoed: 
\q2 Moli-bebe-nikad-sapingana, warambe-gakapaa (13), 
\q2 sibad-wawaad-machered, warbo. 
\q2 Degi, sibad-wawaad-sapingwagwad-birgagwen-nikamalad, warambe-gakabake (14). 
\q3 We-ibdurgan bonisulid Bab-Jehováʼga be ukoed. 
\q1  
\v 14 We-ibdurgan-irba, madubur-bur-nued olivo-gwalluba-omukuar be ukoed: 
\q2 Moli-bebe-nikad-sapingwagwad-irba, madubur-nued nibirambe-gakatar (15) 
\q2 olivo-gwalluba-omukuar be ukoed. 
\q1 Sibad-wawaad-machered-irba, madubur-nued nibirambe (10) 
\q2 olivo-gwalluba-omukuar be ukoed. 
\q1  
\v 15 Sibad-wawaad-machered-birgagwen-nikamalad-irba, madubur-nued nibiratar 
\q2 olivo-gwalluba-omukuar be ukoed. 
\q1  
\v 16 Deginbali, gusgu ibmar-ogumakar-ukleged-ukine, 
\q2 gusgu ibmar-gwag-ukleged-ukine, 
\q2 gusgu vino-egi-eoleged-ukleged-ukine, 
\q2 isgued-nabogegala, sibad-machered-wargwen ogumakar be ukbaloed. 
\b  
\q1  
\v 17 ” ’Ibabogwadgine, we-ibdurgan be ukoed: 
\q2 Moli-bebe-nikad-sapingana, warambe-gakabo (12). 
\q2 Sibad-wawaad-machered, warbo. 
\q2 Degi, sibad-wawaad-sapingwagwad-birgagwen-nikamalad, warambe-gakabake (14). 
\q3 We-ibdurgan bonisulid Bab-Jehováʼga be ukoed. 
\q1  
\v 18 Moli-bebe-nikamalad-sapinganaba, 
\q2 sibad-wawaad-macherganba, 
\q2 sibad-wawaad-birgagwen-nikamaladba, 
\q1 gusgu eba-ibmar-gwag-uklemalad, 
\q2 gusgu vino-egi-eoleged-ukleged be ukoed. 
\q3 Gusgu-igar-uklesadba be imakoed. 
\q1  
\v 19 Deginbali, gusgu ibmar-ogumakar-ukleged-ukine, 
\q2 gusgu ibmar-gwag-ukleged-ukine, 
\q2 gusgu vino-egi-eoleged-ukleged-ukine, 
\q2 isgued-nabogegala, sibad-machered-wargwen ogumakar be ukbaloed. 
\b  
\q1  
\v 20 ” ’Ibapaagwadgine, we-ibdurgan be ukoed: 
\q2 Moli-bebe-nikad-sapingana, warambe gakagwensak (11). 
\q2 Sibad-wawaad-machered, warbo. 
\q2 Degi, sibad-wawaad-sapingwagwad-birgagwen-nikamalad, warambe-gakabake (14). 
\q3 We-ibdurgan bonisulid Bab-Jehováʼga be ukoed. 
\q1  
\v 21 Moli-bebe-nikamalad-sapinganaba, 
\q2 sibad-wawaad-macherganba, 
\q2 sibad-wawaad-birgagwen-nikamaladba, 
\q1 gusgu eba-ibmar-gwag-uklemalad, 
\q2 gusgu vino-egi-eoleged-ukleged be ukoed. 
\q3 Gusgu-igar-uklesadba be imakoed. 
\q1  
\v 22 Deginbali, gusgu ibmar-ogumakar-ukleged-ukine, 
\q2 gusgu ibmar-gwag-ukleged-ukine, 
\q2 gusgu vino-egi-eoleged-ukleged-ukine, 
\q2 isgued-nabogegala, sibad-machered-wargwen ogumakar be ukbaloed. 
\b  
\q1  
\v 23 ” ’Ibabakegwadgine, we-ibdurgan be ukoed: 
\q2 Moli-bebe-nikad-sapingana, warambe (10). 
\q2 Sibad-wawaad-machered, warbo. 
\q2 Degi, sibad-wawaad-sapingwagwad-birgagwen-nikamalad, warambe-gakabake (14). 
\q3 We-ibdurgan bonisulid Bab-Jehováʼga be ukoed. 
\q1  
\v 24 Moli-bebe-nikamalad-sapinganaba, 
\q2 sibad-wawaad-macherganba, 
\q2 sibad-wawaad-birgagwen-nikamaladba, 
\q1 gusgu eba-ibmar-gwag-uklemalad, 
\q2 gusgu vino-egi-eoleged-ukleged be ukoed. 
\q3 Gusgu-igar-uklesadba be imakoed. 
\q1  
\v 25 Deginbali, gusgu ibmar-ogumakar-ukleged-ukine, 
\q2 gusgu ibmar-gwag-ukleged-ukine, 
\q2 gusgu vino-egi-eoleged-ukleged-ukine, 
\q2 isgued-nabogegala, sibad-machered-wargwen ogumakar be ukbaloed. 
\b  
\q1  
\v 26 ” ’Ibataledgine, we-ibdurgan be ukoed: 
\q2 Moli-bebe-nikad-sapingana, walabakebak (9). 
\q2 Sibad-wawaad-machered, warbo. 
\q2 Degi, sibad-wawaad-sapingwagwad-birgagwen-nikamalad, warambe-gakabake (14). 
\q3 We-ibdurgan bonisulid Bab-Jehováʼga be ukoed. 
\q1  
\v 27 Moli-bebe-nikamalad-sapinganaba, 
\q2 sibad-wawaad-macherganba, 
\q2 sibad-wawaad-birgagwen-nikamaladba, 
\q1 gusgu eba-ibmar-gwag-uklemalad, 
\q2 gusgu vino-egi-eoleged-ukleged be ukoed. 
\q3 Gusgu-igar-uklesadba be imakoed. 
\q1  
\v 28 Deginbali, gusgu ibmar-ogumakar-ukleged-ukine, 
\q2 gusgu ibmar-gwag-ukleged-ukine, 
\q2 gusgu vino-egi-eoleged-ukleged-ukine, 
\q2 isgued-nabogegala, sibad-machered-wargwen ogumakar be ukbaloed. 
\b  
\q1  
\v 29 ” ’Ibanergwadgine (6), we-ibdurgan be ukoed: 
\q2 Moli-bebe-nikad-sapingana, walabaabak (8). 
\q2 Sibad-wawaad-machered, warbo. 
\q2 Degi, sibad-wawaad-sapingwagwad-birgagwen-nikamalad, warambe-gakabake (14). 
\q3 We-ibdurgan bonisulid Bab-Jehováʼga be ukoed. 
\q1  
\v 30 Moli-bebe-nikamalad-sapinganaba, 
\q1 sibad-wawaad-macherganba, 
\q1 sibad-wawaad-birgagwen-nikamaladba, 
\q2 gusgu eba-ibmar-gwag-uklemalad, 
\q2 gusgu vino-egi-eoleged-ukleged be ukoed. 
\q3 Gusgu-igar-uklesadba be imakoed. 
\q1  
\v 31 Deginbali, gusgu ibmar-ogumakar-ukleged-ukine, 
\q1 gusgu ibmar-gwag-ukleged-ukine, 
\q1 gusgu vino-egi-eoleged-ukleged-ukine, 
\q2 isgued-nabogegala, sibad-machered-wargwen ogumakar be ukbaloed. 
\b  
\q1  
\v 32 ” ’Ibagugledgine (7), we-ibdurgan be ukoed: 
\q2 Moli-bebe-nikad-sapingana, walagugle (7). 
\q2 Sibad-wawaad-machered, warbo. 
\q2 Degi, sibad-wawaad-sapingwagwad-birgagwen-nikamalad, warambe-gakabake (14). 
\q3 We-ibdurgan bonisulid Bab-Jehováʼga be ukoed. 
\q1  
\v 33 Moli-bebe-nikamalad-sapinganaba, 
\q2 sibad-wawaad-macherganba, 
\q2 sibad-wawaad-birgagwen-nikamaladba, 
\q1 gusgu eba-ibmar-gwag-uklemalad, 
\q2 gusgu vino-egi-eoleged-ukleged be ukoed. 
\q3 Gusgu-igar-uklesadba be imakoed. 
\q1  
\v 34 Deginbali, gusgu ibmar-ogumakar-ukleged-ukine, 
\q2 gusgu ibmar-gwag-ukleged-ukine, 
\q2 gusgu vino-egi-eoleged-ukleged-ukine, 
\q2 isgued-nabogegala, sibad-machered-wargwen ogumakar be ukbaloed. 
\b  
\q1  
\v 35 ” ’Ibabaabakgine (8), bela bemar Bab-Jehová-nug-odummogegala, ese bulakwaa nonimaloed. 
\q2 A-ibagi, bipisaale dule gwen arbaosulid. 
\q1  
\v 36 Bab-Jehováʼga ibmar-yeer-yapanned-ukegale, we-ibdurgan be soogi-ogumakar ukoed: 
\q2 Moli-bebe-nikad-sapingwagwad, wargwen. 
\q2 Sibad-wawaad-machered, wargwen. 
\q2 Degi, sibad-wawaad-sapingwagwad-birgagwen-nikamalad, walagugle (7). 
\q3 We-ibdurgan bonisulid Bab-Jehováʼga be ukoed. 
\q1  
\v 37 Moli-bebe-nikad-sapingwagwadba, 
\q2 sibad-wawaad-macheredba, 
\q2 sibad-wawaad-birgagwen-nikamaladba 
\q1 gusgu eba-ibmar-gwag-uklemalad, 
\q2 gusgu vino-egi-eoleged-ukleged be ukoed. 
\q3 Gusgu-igar-uklesadba be imakoed. 
\q1  
\v 38 Deginbali, gusgu ibmar-ogumakar-ukleged-ukine, 
\q2 gusgu ibmar-gwag-ukleged-ukine, 
\q2 gusgu vino-egi-eoleged-ukleged-ukine, 
\q2 isgued-nabogegala, sibad-machered-wargwen ogumakar be ukbaloed. 
\p  
\v 39 ” ’Bela we-ibmarmala, e-ibagan-maidba Bab-Jehováʼga be ukmaloed. De-ukinbali, bemar Bab-Dummadga-ibmar-ukdii-nanaoye-sogsamalad-ibmar sunna ega be ukmaloed. Degine, na be-itogedba-ibmar-ukbimalad sunna be ukmarbaloed: Ibdurgan-ogumakar-uklegeddibe, ibmar-gwagmardibe, vino-ibmargi-eolemaladdibe, degine, igar-nabogega-ibmar-ukmaladdibe, amar sunna be ukmarbaloed.’ ” 
\p  
\v 40 Moisés, bela Israel-dulemarga Bab-Jehová-ega-igar-uksad sogsad. 
\c 30  
\s1 Bab-Jehováʼga ise-sogar-ibmar-imakoye-sogsad 
\p  
\v 1 Moisés, Israel-dadgan-ambe-gakabogwad-e-dummaganga sogded: “Bab-Jehová weyob bemarga igar ukmalad:  
\v 2 ‘Dule-gwensak Bab-Dummadga sogsadibe, sogedba an imakedseye, igi ise-sogar ebo igar-omesisdibe, bipisaale e-ibmar-sogsadi gwen gakansaosulid, sogsadba imakedsegad. 
\p  
\v 3 ” ’Degi, yagwa-gwensak amba e-bab-neggi-gudiidgi, e-bab-wissuli Bab-Jehováʼga ise-sogar-sogsale, an bega ibmar-imakedseye, igi, ibmarsik ebo-igar-mesisdibe,  
\v 4 geb e-bab wisgualile, e-sisgwa deyob sogsaye, degi, Bab-Dummad-ebo igar-mesisye. Ar e-bab akar-sogsulile, bunagwa Bab-Dummadga-ibmar-imakedse-saoye-sogsad bela imakedsegad. 
\p  
\v 5 ” ’Ar bunagwa-e-bab, e-sisgwa-ibmar-sogsadba naisulile, bunagwa na e-ibmar-sogsad bar-imakosulid. Yog-berguar guoed. Degidbali, Bab-Jehová bunagwaga bar akar sogosulid. Ar ade, bunagwa-e-bab, e-sisgwa-ibmar-sogsadba naisulid. 
\p  
\v 6 ” ’Ar bunagwa, nue-binsassuli ukurmakar Bab-Dummadga sogsale, deyob an saedseye, igi ibmar an bega imakedseye, Degid-sorba, sui-nikunonikile,  
\v 7 e-sui wisgunonikile, e-ome, deyob Bab-Dummadga-ibmar-imakoye sogsaye, e-sui akar itossulile, omegwa Bab-Dummadga-ibmar-imakoye-sogsad imakedse saoed.  
\v 8 Ar e-sui, e-ome-ibmar-sogsadba naisulile, e-ome na nue-binsassuli ukurmakar e-ibmar-sogsad, ede imakedseye, bar imakosulid. Yog-berguar guoed. Degidbali, Bab-Jehová omegwaga bar akar sogosulid. 
\p  
\v 9 ” ’Ome-ei-sui-burgwisaddibe, sui-meteddibe, Bab-Dummadga sogsale, deyob an imakedseye, degi, Bab-Dummad-ebo igar-mesisale, imakedse saoed. 
\p  
\v 10 ” ’Ome-sui-nikad, Bab-Dummadga sogsale, deyob an imakedseye, igi Bab-Dummadbo ibmarsik ise-sogar igar mesisale,  
\v 11 e-sui wisgunonikile, e-ome, deyob Bab-Dummadga-ibmar-imakoye sogsaye, e-sui akar itossulile, omegwa Bab-Dummadga-ibmar-imakoye-sogsad imakedse saoed.  
\v 12 Ar e-sui, e-ome-ibmar-sogsadba naisulile, ome Bab-Dummadga-ise-sogar-sogsadi, degi, ebo-ibmarsik-igar-mesisadi, bar imakosulid. Yog-berguar guoed. Degidbali, Bab-Jehová omegwaga bar akar sogosulid. Ar ade, e-sui, e-ome-ibmar-sogsadba naisulid. 
\p  
\v 13 ” ’Ar machered-sogedba, e-ome-ibmar-imakoye-sogsadi, igi mas-gunsuli-gudii-guoye-sogsadi, sunna imakleged. Degi, machered-sogedba, e-ome-we-ibmar-sogsadi, sunna bergubalid.  
\v 14 Ar e-sui, e-ome-ibmar-sogsad-wisile, e-omega akar sogsulile, soglegoed, e-sui, e-ome-ibmar-sogsadba naiye.  
\v 15 Ar wisgusad-sorba, e-sui, e-omega sokalile, be-ibmar-sogsad bar be imakosurye. Degidbali, e-macheredgi ataklegoed. Bab-Dummadi, omegi bar atakosulid.’ ” 
\p  
\v 16 Weyobi, Bab-Jehová, Moisésʼga igar-uksad: Ome e-sui-ebogwa, degi, baba na e-sisgwa-yoo-sui-nikuedbogwa, weyob ega igar mai guoye. 
\c 31  
\s1 Israel-sordamar Madián-sordamargi-nakwisad 
\p  
\v 1 Bab-Jehová, Moisésʼga sunmakded, ega sogded:  
\v 2 “We-napneggi be naed-iduale, be-sergan-abargi be megnaed-iduale, be-dulemar-nuggine be Madián-dulemargi buged-mai be imakergebed. Geb a-sorbali, be burgoed.” 
\p  
\v 3 Geb degine, Moisés Israel-dulemarga sogded: 
\p “Bemar Madián-dulemargi bila-ononamalaga be-sordamar be guakwa urbemalo. Anmar Bab-Jehová-nuggine, egi buged-mai imakmaloed.  
\v 4 Bela Israel-dulemala, na dadgan-ambe-gakabogwad-iliba (12), miligwen-miligwen (1,000-1,000) bila-ononaega sordamar-barmidoed.” 
\p  
\v 5 Weyobi, Israel-dulemar, na dadgan-ambe-gakabogwad-iliba (12), miligwen-miligwen welesad. Degisoggu, bela miliambe-gakabo-mergu (12,000) bila-ononaega sordamar-amilesad.  
\v 6 Moisés, we-sordamarbali dule-irwa-Babse-goled-Eleazar-machi-Finees barmisad. A-Fineesʼde Bab-Dummadse-goled-neggi nog-ebulemalad-semai gusad, degi, gar-trompeta semai gusbalid, adi, bila-onolealir ogolegar. 
\p  
\v 7 Bab-Jehová-Moisésʼga-sogsadba Israel-sordamar Madián-sordamargi bila-onodmargu, egi nakwismalad, bela ogilosmalad.  
\v 8 Israel-sordamar wemar-ogilosad-ukine, es-suidgi Madián-e-reymar-walataled oburgwismarbalid. 
\q1 A-reymarde, wemalad: 
\q2 Evi, Requem, Zur, 
\q2 Hur, degi, Reba. 
\q3 Deginbali, es-suidgi Beor-machi-Balaam oburgwismarbalid. 
\p  
\v 9 Deginbali, Israel-sordamar Madián-omegan, degi, Madián-mimmigan gasmalad. De-ukinbali, bela e-moli-bebe-nikamalad, e-sibad-wawaadmar, e-sibadmar, e-ibmar-nuegan e-ibe susmarbalid, bela ei searmalad.  
\v 10 Degi, Israel-sordamar bela Madián-dulemar-neggweburmar, e-neggwebur-burwiganse-bakar, ogumaksamalad.  
\v 11 Bela Madián-dulemar-galesadi, degi, e-ibmar-durgan-e-ibe-sulesadi,  
\v 12 bela Moisésʼse, dule-irwa-Bab-Dummadse-goled-Eleazarʼse, degine, bela Israel-dulemarse searmalad. Deunni, Israel-dulemar Jordán-diwar-naba Moab-nebagan-naidgi Jericó-neggwebur-asabin danar-danar bukwamalad. 
\p  
\v 13 Moisés, dule-irwa-Bab-Dummadse-goled-Eleazar, degi, Israel-dulemar-sapin-dummagan, danar-danar-bukwadgi ainiar gusmalad. Adi, danar-danar-bukwad-magaba sordamar-abindakegar.  
\v 14 Moisés, omegan-seledani dakargu, sordamar-idumaladse uluded, sordamar-miligwenad-e-dummaganse (1,000), sordamar-dulataled-e-dummaganse (100) uluded.  
\v 15 Ega sogded: “¿Ar ibiga bemar omegan-oburgwissuli?  
\v 16 We-omegan, Baal-Peorʼgi Balaam-ega-binsaed-uksadba, Israel-machergan-Bab-Jehováʼgi-isguega imaksamalad. A-ulale, Israel-machergan bukidar burgwisad.” 
\p  
\v 17 Moisés sogdebalid: “Degisoggu, bela masmala-oburgwemalo, degine, bela omegan-machergan-nikusmalad be oburgwemarbalo.  
\v 18 Unnila, omegan-yoo-macherganbo-gabmaladbi be odulomalo, adi, melle oburgwemalo.” 
\s1 Sorda-bila-onodimalad, degi, dule-galesmalad-san-uruked-igar 
\p  
\v 19 Moisés, Israel-sordamarga sogded: “Bemardina, be dule-wargwen-oburgwisale, igi, mui-ebusale, ibagugle (7) dulemar-danar-danar-bukwad-magaba gudii guoed. Ibapaagwadgi, degi, ibagugledgi (7) bemar san-urukmaloed, degi, dulemar-galesmalad san-urukmarmogoed.  
\v 20 Deginbali, bela be-mormala, be-ibmar-ukamar, be-sibad-e-absarmar, degi, be-ibmarmar-urgogi-sobarmalad be enukbaloed.” 
\p  
\v 21 Dule-irwa-Bab-Dummadse-goled-Eleazar, sordamar-bila-onodidanimaladga sogded: “Bab-Jehová Moisésʼga weyob igar-uksad:  
\v 22 ‘Olo, mani, esgoro-gordikid, esgoro, esgoro-estañoʼye-nugad, gingwa,  
\v 23 degine, bela ibmarmar soo-abin geg-akargumalad, soogi be ogoed. Adi, a-ibmarmar swilidik guoed. Geb degi, ibmar-uruked-diigi be urukbaloed. Ibmarmar soo-abin-gummakdedamaladdi unnila ibmar-uruked-diigi be urukoed.  
\v 24 Ibagugledgine (7), bemar, be-mormar enukoed. Geb agi, be swilidik gumaloed. Geb dulemar-danar-danar-bukwadse gannar be dogmaloed.’ ” 
\s1 Ibmar-mimilemaloed-igar 
\p  
\v 25 Bab-Jehová, Moisésʼga sogdebalid:  
\v 26 “Dule-irwa-anse-goled-Eleazarʼga, degi, Israel-dule-danar-danar-bukmalad-e-dummaganga ibmar-ebisega be-bendakmarye be sogo. Dulemar-gales-selenonimalad be ebismalo, degi, bela ibdurganmar-gales-selenonimalad ebismarbalo.  
\v 27 Geb degine, sordamar-bila-onoapmaladga negabar ibmar be ukoed, Israel-dulemar-baiganga negabar be ukmogoed.  
\v 28 Sorda-bila-onoapmaladga-ibmar-uklegoedi, anga be sumogoed. 
\q1 Ibmarmar-dulataled-ilataled-iliba (500) war-wargwen be suoed: 
\q2 Dulemar-gales-selenonikid, 
\q2 moli-bebe-nikad, 
\q2 moli-uayasuid, 
\q2 sibad-wawaad, 
\q2 degi, sibad. 
\q3  
\v 29 We-ibmarmala dule-irwa-anse-goled-Eleazarʼga be ukoed, adi, anga ukegar. 
\p  
\v 30 ”Baid-negabalad Israel-dulemarga-uklegoedi, anga be subaloed. 
\q1 Ibmarmar-dulabo-gakambegwad-iliba (50) war-wargwen be suoed: 
\q2 Dulemar-gales-selenonikid, 
\q2 moli-bebe-nikad, 
\q2 moli-uayasuid, 
\q2 sibad-wawaad, 
\q2 degi, sibad. 
\q3 Geb we-ibmarmala, Leví-wagan-anse-goled-neggi-arbamaladga be ukoed.” 
\p  
\v 31 Moisés, dule-irwa-Bab-Dummadse-goled-Eleazarʼbo Bab-Jehová-ega-igar-uksadba imaksamalad. 
\q1  
\v 32 Ibmar-weyob-mergu senonimalad, sordamar-dukin-ibmar-amismaladdi obarilesulid: 
\q2 Sibad-wawaad, mili-dulataled-ilanergwa gaka dulapaa-gakambe-gakatar (675,000). 
\q2  
\v 33 Moli-bebe-nikad, mili-dulapaa-gakambe-gakabo (72,000). 
\q2  
\v 34 Moli-uayasuid, mili-dulapaa gakagwensak (61,000). 
\q2  
\v 35 Degi, yagana-amba-macherganse-gordisulid, mili-dulagwen-gakambe-gakabo (32,000). 
\b  
\q1  
\v 36 Sorda-bila-onoapmaladga weyob-mergu we-ibmarmar uklesad: 
\q2 Sibad-wawaad, mili-dulataled-ilapaa gaka dulagwen-gakambe gakagugle gaka dulataled-ilatar (337,500). 
\q3  
\v 37 Geb Bab-Jehováʼga dulataled-ilanergwa-gakadulapaa-gakambe-gakatar (675) we-sibad-wawaad uklesmogad. 
\q2  
\v 38 Moli-bebe-nikad, mili-dulagwen-gakambe-gakanergwa (36,000). 
\q3 Geb Bab-Jehováʼga dulapaa-gakambe-gakabo (72) we-moli-bebe-nikad uklesmogad. 
\q2  
\v 39 Moli-uayasuid, mili-dulagwen-gakambe gaka dulataled-ilatar (30,500). 
\q3 Geb Bab-Jehováʼga dulapaa-gakagwensak (61) we-moli-uayasuidmar uklesmogad. 
\q2  
\v 40 Degi, yagana, miliambe-gakanergwa (16,000). 
\q3 Geb Bab-Jehováʼga dulagwen-gakambe-gakabo (32) we-yagana uklesmogad. 
\p  
\v 41 Moisés, Bab-Jehová-ega-igar-uksadba dule-irwa-Bab-Dummadse-goled-Eleazarʼga ibmarmar-Bab-Jehováʼga-uklegoed uksad. 
\p  
\v 42 Degi, sordamar-bila-onoapmalad-ibmar-senonimaladi, Moisés negabala Israel-dulemarga uksamogad. 
\q1  
\v 43 Degisoggu, Israel-dulemarga weyob-mergu we-ibmarmar uklesmogad: 
\q2 Sibad-wawaad, mili-dulataled-ilapaa gaka dulagwen-gakambe gakagugle gaka dulataled-ilatar (337,500). 
\q2  
\v 44 Moli-bebe-nikad, mili-dulagwen-gakambe-gakanergwa (36,000). 
\q2  
\v 45 Moli-uayasuid, mili-dulagwen-gakambe gaka dulataled-ilatar (30,500). 
\q2  
\v 46 Degi, yagana, miliambe-gakanergwa (16,000). 
\p  
\v 47 We-ibmar-Israel-dulemarga-uklesadi, Moisés dulemar-dulabo-gakambegwad-iliba (50) war-wargwen susad. Degi, ibdurgan-dulabo-gakambegwad-iliba (50) war-wargwen susbalid. Bab-Jehová-ega-igar-uksadba imaksad. Geb bela Moisés we-ibmarmala Leví-wagan-Bab-Dummadse-goled-neggi-arbamaladga uksad. 
\s1 Sordamar-idumalad Bab-Dummadga-ibmar-uksad 
\p  
\v 48 Degidgine, sordamar-idumaladi, sordamar-miligwenad-e-dummagana (1,000), sordamar-dulataled-e-dummagana (100), Moisésʼse nonimalad.  
\v 49 Ega weyob sognonimalad: “Anmala bega-arbamaladi, anmar na egad-egad sordamar-sediid ebichismalad. Dakleargu, wargwensaale anmar-sordamar bilagi burgwissulid.  
\v 50 A-ulale, anmar na ibmar-orbiid-amismaladi Bab-Jehováʼga sedanimalad, adi, anmar-isgued-ular ukegar. 
\q1 A-ibmarmala wemalad: 
\q2 Ormar-sakwagi-nagumalad, 
\q2 ordudmar, olarganmar, 
\q2 oluamar, degi, ormar-baigan.” 
\p  
\v 51 Degine, Moisés, dule-irwa-Bab-Dummadse-goled-Eleazarʼbo sorda-bila-onomalad-e-dummagan ega-ibmar-orgi-sobarmalad-senonimalad abin susmalad.  
\v 52 Sordamar-idumaladi, sordamar-miligwenad-e-dummagana (1,000), sordamar-dulataled-e-dummagana (100) belagwapa Bab-Jehováʼga or-uksamaladi, nibir-dulataled-ilabake gaka dulagwen-aidiku (420) uksamalad.  
\v 53 Sorda-bila-onomaladi, na egad-egad wala-walagwen ibmarmar susgusmalad.  
\v 54 Moisés, dule-irwa-Bab-Dummadse-goled-Eleazarʼbo sorda-bila-onomalad-e-dummagan ega-or-uksamaladi, Bab-Dummad-dulemarbo-ambikued-negse sesad, adi, Bab-Jehová Israel-dulemar-ibmar-imaksad ebinsaegar. 
\c 32  
\s1 Rubén-wagan, degi, Gad-wagan Jordán-diwar-dad-nakwedsik ambikusmalad 
\r (Deuteronomio 3:12-22) 
\p  
\v 1 Rubén-wagan, degi, Gad-wagan, moli-bebe-nikmalad ichesuli nikamalad. Amar dakarmalad, Jazer-yala, degi, Galaad-yala, moli-bebe-nikamalad-akwemalaga nega-nuedi.  
\v 2 Degisoggu, Gad-wagan, degi, Rubén-wagan, Moisésʼse, dule-irwa-Bab-Dummadse-goled-Eleazarʼse, degi, Israel-dulemar-e-dummaganse nadmalad. Amarga sogdapmalad: 
\q1 —We-neggweburmar napa-nuegan nikananaed: 
\q2  
\v 3 Atarot-neggwebur, Dibón-neggwebur, 
\q2 Jazer-neggwebur, Nimra-neggwebur, 
\q2 Hesbón-neggwebur, Eleale-neggwebur, 
\q2 Sebam-neggwebur, Nebo-neggwebur, 
\q2 degi, Beón-neggwebur. 
\p  
\v 4 ”Bab-Jehová Israel-dulemarga we-neggwebur-yarmala susad. Emide, we-yarmala moli-bebe-nikamalad-akwed-nueganad. Anmarde bukidar molimar nikad.  
\v 5 Degisoggu, be nued itogele, anmarga we-yarmar be udado, adi, anmargadga guegar. Mer Jordán-diwar-obakar-megega be anmar-imake.” 
\p  
\v 6 Geb Moisés, Gad-wagan-abin, degi, Rubén-wagan-abin sogded: 
\p —¿Ar be-gwenadgan bila-ononadmalale, bemardi wegi bemalode? Degisulirgebed.  
\v 7 Bemar bilase nasulile, bemar-ular Israel-dulemar-baigan Bab-Jehová-yar-uknaid yapa sunae gudamaloed.  
\v 8 Be-babgan deyob imaksamarmogad, deun an Cades-Barnea-akar we-yar-argadagega barmiargu.  
\v 9 Escol-nebase warmaksamalad. Gannar aibirismargua, Israel-dulemar-niga egwachagusmalad. Adi, melle Israel-dulemar, Bab-Jehová-ega-yar-uknaidse dognamalagar.  
\v 10 A-ibagine, Bab-Jehová ulud gusad, degine, ise-sogar sogsagusad:  
\v 11 ‘Abrahamʼga, Isaacʼga, Jacobʼga, yar an ukedsegoye sogsagusad. A-yarse machergan-Egiptoʼgi-noarmalad birga-durgwen-nikamalad (20), degi, birga-dulagwen-obine-nikamaladi (20+), a-yarse dogosurmarye, ar ade, angi bengusmaladdeeye.  
\v 12 Unnila Cenezeo-dule-Jefone-machi-Calebʼbi, degi, Nun-machi-Josuéʼbi, we-yarse dogmaloye. Ar wemardi angi bengussurmaladdeeye.’  
\v 13 A-ulale, Bab-Jehová Israel-dulemargi ulusgusad, birga-dulabo (40) nega-dulesulidganba gaamakdii imaksad. Degidbali, Israel-dulemar Bab-Jehováʼgi-bengusmaladi nega-dulesulidganba gaamakdimaladgi burgwismalad. 
\p  
\v 14 ”Emide, bemardemoga, be-serganyob dulemar-isganamalad, amar-sunnaa be damarmogad. ¿Emide bemar, Bab-Jehová-ourwebimarmode?  
\v 15 Bemar Bab-Jehováʼgi bangudmalale, nega-dulesulidganba gaamakdii bemar-imakmarmogoed. Bemar-ular Israel-dulemar burgwemaloed.” 
\p  
\v 16 Geb agine, Gad-wagan, degi, Rubén-wagan gannar Moisésʼse nonimalad, ega weyob sognonimalad: 
\p —Anmar wegi anmar-mimmiganga neggweburmar urboed, degi, anmar-moli-bebe-nikamaladmarga anmar moli-galumar sobbaloed.  
\v 17 Degine, anmar bila-onogedse namarmogoed. Anmar-gwenadgan na e-yarse dogmaladse idunadapi anmar gumarmogoed. Anmar-mimmigandi anmar-neggwebur-sakdigar-soboedgi bukwa gumaloed. Adi, melle dulemar-anmar-dikarba-bukwamaladi, anmar-mimmigan-oakalogegar.  
\v 18 Anmar-gwenadgan bela-yar-nikusmaladse anmar aibiroed. Degisulirdi, anmar amba aibirosulid.  
\v 19 Anmar, anmar-gwenadganbo Jordán-diwar-dad-argwanedsik ambikuosulid. Ar anmar-yala Jordán-diwar-dad-nakwedsik nai guoed. 
\p  
\v 20 Geb Moisés amar-abin sogded: 
\p —Ar bemar deyob sogele, nabirdo. Bila-ononaega guakwamalo, Bab-Jehová-sogedba be nadapi gumalo,  
\v 21 bela bemar-bila-onomalad Bab-Jehová-sogedba be-gwenadgan-idunadapi Jordán-diwar-obakmalo. Bela Bab-Dummad be-isdarmalad-obelogedse be imakmalo.  
\v 22 Bela be-Bab-Jehová bemarga-yar-suedse geb be-negse be dagmaloed. Deyob be-ibmar-sogsamaladba be imaksamalale, Bab-Jehová-asabin, degi, be-gwenadgan-Israel-dulemar-asabin napiragwadba be ibmar-imakmalodo. Geb degine, Bab-Jehová-bemarga-yar-uksadi nue bemargadga gumarmogoed. 
\p  
\v 23 ”Ar bemar ibmar-sognaidba imaksasurmalale, adi, bemar Bab-Jehováʼgi nue-nomalodo. Agindi nue insamalo, na be isgusmaladgi san-onogosurmalad.  
\v 24 Degirdi, bemar be-mimmiganga neggwebur-urbemar, degine, be-molimarga moli-galu be sobmar. Degine, na be ibmar-sogsamaladba ibmar imakmarbalo.” 
\p  
\v 25 Geb degi, Gad-wagan, Rubén-wagan Moisés-abin sogdemalad: 
\p —Anmar bega arbamaladid. Bab-Jehová-sogedba anmar ibmar imakoed.  
\v 26 Wegine, Galaad-neggweburmargi anmar-mimmigan, anmar-omegan, anmar-moli-bebe-nikamalad, degi, bela anmar-ibdurgan bemaloed.  
\v 27 Anmar-bega-arbamaladdi, bila-ononamaloed, Bab-Jehová-sogedba anmar nadapi gumaloed, be-anmarga-ibmar-sogedba anmar imakmaloed. 
\p  
\v 28 Geb degine, Moisés, dule-irwa-Bab-Dummadse-goled-Eleazarʼga, degi, Nun-machi-Josuéʼga, degine, Israel-dadgan-warambe-gakabogwad-e-dummaganga (12) igar-uksad.  
\v 29 Weyob amarga sogded: 
\p —Gad-wagana, Rubén-wagana, Bab-Jehová-sogedba bemarba bila-ononaegala, Jordán-diwar-obaksamalale, degi, Bab-Jehová bemarga-yar-uknonimalale, geb bemar ega Galaad-yala ukmarmogoed, adi, a-yala emargadga guegar.  
\v 30 Ar bila-ononaega bemarba Jordán-diwar obaksasurmalardi, bemarba Canaán-yala nikumarmogoed. 
\p  
\v 31 Gad-wagan, Rubén-wagan, Moisés-abin sogdemalad. 
\p —Anmar bega arbamaladid. Bab-Jehová-sogedba anmar ibmar imakoed.  
\v 32 Anmar Bab-Jehová-sogedba Canaán-yalase bila-ononamaloed. Ar anmar-yaladi, Jordán-diwar-dad-nakwedsik naiguoed. 
\p  
\v 33 Moisés, Gad-waganga, Rubén-waganga, degi, José-machi-Manasés-wagan-negabaladga, we-reymar-yar uksad: 
\q1 Amorreo-dulemar-e-rey-Sehón-yar 
\q1 degi, Basán-dulemar-e-rey-Og-yar 
\q2 Degine, bela ega neggweburmar-bukwad uksad, 
\q2 degi, amar-dikarba nainumar-nanaid bela uksabalid. 
\q1  
\v 34 Gad-wagan gannar we-neggweburmar sobsamalad: 
\q2 Dibón-neggwebur, Atarot-neggwebur, Aroer-neggwebur, 
\q2  
\v 35 Atarot-Sofán-neggwebur, Jazer-neggwebur, Jogbeha-neggwebur, 
\q2  
\v 36 Bet-Nimra-neggwebur, degi, Bet-Arán-neggwebur. 
\q3 We-neggweburmar ise-sakdigar sobsamalad. 
\q3 Degine, sibad-wawaad-galumar sobsamarbalid. 
\q1  
\v 37 Rubén-wagandi gannar we-neggweburmar sobsamarmogad: 
\q2 Hesbón-neggwebur, Eleale-neggwebur, Quiriataim-neggwebur, 
\q2  
\v 38 Nebo-neggwebur, Baal-Meón-neggwebur, degi, Sibma-neggwebur. 
\q3 Rubén-wagan abala we-neggwebur-nugmar ogwasmalad. 
\p  
\v 39 Manasés-machi-Maquir-wagan, Galaadʼse bila-ononadgusmalad. Agine Galaad-yala susmalad. Geb Maquir-wagan Galaad-yalagi Amorreo-dulemar-bukwad onismalad.  
\v 40 Agine, Moisés, Manasés-machi-Maquir-waganga Galaad-yala uksad. A-yalagi Maquir-wagan bukusad. 
\p  
\v 41 Deginmoga, Manasés-wagwa-Jair, Galaad-neggwebur-burwiganase bila-ononadgusmogad. Agine, neggwebur-burwigana susmalad. Havot-Jairʼye a-neggwebur-onugsasad.  
\v 42 Amba deyob Noba imaksamogad. Kenat-neggwebur susmogad, degi, e-neg-burwigana susbalid. A-neggwebur na e-nugba Nobaʼye onugsasad. 
\c 33  
\s1 Israel-dulemar-nanasad 
\p  
\v 1 Israel-dulemar Egipto-yargi noarmargu, Moisés-sogedba, degi, Aarón-sogedba nue-ilekwaa sorda-bila-onomalad-nanamaladyob aligusmalad.  
\v 2 Moisés, Bab-Jehová-sogedba Israel-dulemar-ambikusmalad ilemakar narmaksad. Bia-bukwa noarmala, degi, biase ambikunonidamarbali, bela Moisés narmakmai imaksad. Israel-dulemar we-igarba aligusmalad: 
\pi1  
\v 3 Gebe-nii-onoded-ibambe-gakatargi, Oburgwilegoenad-Iba-nasad-sorbali, Israel-dulemar Egipto-dulemar-wagab Ramesésʼye-neggwebur-nugadgi, gandikidgi ainiali gusmalad.  
\v 4 Agine, Egipto-dulemardi Bab-Jehová ei e-masmala-gebesailagined-oburgwisad-dignanai gusmalad. Degi, Bab-Jehová Egipto-dulemar-e-bab-dummagan-sabsur-odurdaksa gusad. 
\pi1  
\v 5 Israel-dulemar, Ramesés-neggweburgi ainialigusmalad, geb Sucotʼye-neg-nugadse danar-danar ambikunonimalad. 
\pi1  
\v 6 Sucotʼgi-bukwa ainidmargu, Etamʼye-neg-nugadgi danar-danar ambikudapmarbalid. Etamʼde nega-dulesulidgan-abingunaidgi naid. 
\pi1  
\v 7 Geb Etamʼgi-bukwa ainidmargu, Pi-Hahirotʼye-neg-nugadsik nade gusmalad. Pi-Hahirotʼde Baal-Zefón-asabin naid. Migdolʼye-neg-nugad-asabin danar-danar ambikudapmarbalid. 
\pi1  
\v 8 Pi-Hahirotʼgi-bukwa ainidmargu, demar-obaksamalad, nega-dulesulidganse warmaksamalad. Nega-dulesulidgan-Etamʼye-nugadgi ibapaa nanasmargu, Maraʼye-neg-nugadgi danar-danar ambikudapmarbalid. 
\pi1  
\v 9 Maraʼgi-bukwa ainidmargu, Elimʼye-neg-nugadse warmakdapmalad. Agi, dianmar-gwaambe-gakabo (12) bukwad, degine, ogobgi-daklemalad-sapimar dulapaa-gakambe (70) bukwad. Agi, Israel-dulemar danar-danar ambikudapmarbalid. 
\pi1  
\v 10 Elimʼgi-bukwa ainidmargu, Demar-Ginnidye-nugad-walik danar-danar ambikudapmarbalid. 
\pi1  
\v 11 Demar-Ginnidgi-bukwa ainidmargu, nega-dulesulidgan-Sinʼye-nugadgi danar-danar ambikudapmarbalid. 
\pi1  
\v 12 Nega-dulesulidgan-Sinʼgi ainidmargu, Dofcaʼye-neg-nugadgi danar-danar ambikudapmarbalid. 
\pi1  
\v 13 Dofcaʼgi-bukwa ainidmargu, Alúsʼye-neg-nugadgi danar-danar ambikudapmarbalid. 
\pi1  
\v 14 Alúsʼgi-bukwa ainidmargu, Refidimʼye-neg-nugadgi danar-danar ambikudapmarbalid. Agine, Israel-dulemar gobegala dii sate-guarmalad. 
\pi1  
\v 15 Refidimʼgi-bukwa ainidmargu, nega-dulesulidgan-Sinaíʼye-nugadgi danar-danar ambikudapmarbalid. 
\pi1  
\v 16 Nega-dulesulidgan-Sinaíʼgi-bukwa ainidmargu, Kibrot-Hataavaʼye-neg-nugadgi danar-danar ambikudapmarbalid. 
\pi1  
\v 17 Kibrot-Hataavaʼgi-bukwa ainidmargu, Hazerotʼye-neg-nugadgi danar-danar ambikudapmarbalid. 
\pi1  
\v 18 Hazerotʼgi-bukwa ainidmargu, Ritmaʼye-neg-nugadgi danar-danar ambikudapmarbalid. 
\pi1  
\v 19 Ritmaʼgi-bukwa ainidmargu, Rimón-Peresʼye-neg-nugadgi danar-danar ambikudapmarbalid. 
\pi1  
\v 20 Rimón-Peresʼgi-bukwa ainidmargu, Libnaʼye-neg-nugadgi danar-danar ambikudapmarbalid. 
\pi1  
\v 21 Libnaʼgi-bukwa ainidmargu, Rissaʼye-neg-nugadgi danar-danar ambikudapmarbalid. 
\pi1  
\v 22 Rissaʼgi-bukwa ainidmargu, Ceelataʼye-neg-nugadgi danar-danar ambikudapmarbalid. 
\pi1  
\v 23 Ceelataʼgi-bukwa ainidmargu, Sefer-yalagi danar-danar ambikudapmarbalid. 
\pi1  
\v 24 Sefer-yargi-bukwa ainidmargu, Haradaʼye-neg-nugadgi danar-danar ambikudapmarbalid. 
\pi1  
\v 25 Haradaʼgi-bukwa ainidmargu, Macelotʼye-neg-nugadgi danar-danar ambikudapmarbalid. 
\pi1  
\v 26 Macelotʼgi-bukwa ainidmargu, Tahatʼye-neg-nugadgi danar-danar ambikudapmarbalid. 
\pi1  
\v 27 Tahatʼgi-bukwa ainidmargu, Taraʼye-neg-nugadgi danar-danar ambikudapmarbalid. 
\pi1  
\v 28 Taraʼgi-bukwa ainidmargu, Mitcaʼye-neg-nugadgi danar-danar ambikudapmarbalid. 
\pi1  
\v 29 Mitcaʼgi-bukwa ainidmargu, Hasmonaʼye-neg-nugadgi danar-danar ambikudapmarbalid. 
\pi1  
\v 30 Hasmonaʼgi-bukwa ainidmargu, Moserotʼye-neg-nugadgi danar-danar ambikudapmarbalid. 
\pi1  
\v 31 Moserotʼgi-bukwa ainidmargu, Bene-Jaacánʼye-neg-nugadgi danar-danar ambikudapmarbalid. 
\pi1  
\v 32 Bene-Jaacánʼgi-bukwa ainidmargu, Gidgad-yargi danar-danar ambikudapmarbalid. 
\pi1  
\v 33 Gidgad-yargi-bukwa ainidmargu, Jotbataʼye-neg-nugadgi danar-danar ambikudapmarbalid. 
\pi1  
\v 34 Jotbataʼgi-bukwa ainidmargu, Abronaʼye-neg-nugadgi danar-danar ambikudapmarbalid. 
\pi1  
\v 35 Abronaʼgi-bukwa ainidmargu, Ezión-Geberʼye-neg-nugadgi danar-danar ambikudapmarbalid. 
\pi1  
\v 36 Ezión-Geberʼgi-bukwa ainidmargu, nega-dulesulidgan-Zinʼye-nugadgi danar-danar ambikudapmarbalid. Zinʼde Cadesʼye nugbalid. 
\pi1  
\v 37 Cadesʼgi-bukwa ainidmargu, Hor-yalagi danar-danar ambikudapmarbalid. Hor-yala, Edom-yala-abingunaidgi siid.  
\v 38 Dule-irwa-Bab-Dummadse-goled-Aarón, Bab-Jehová-sogedba Hor-yalase nakwisgusad. Agine, Aarón burgwisad. Nii-walatar-gebe-iba-onodedgi burgwisad. Deunni, birga-dulabogus (40) Israel-dulemar Egipto-yargi noalid-akaled.  
\v 39 Aarón, birga-dulanergwa-gakapaa-nikadgi (123), Hor-yalagi burgwisad. 
\p  
\v 40 Deun, agine, Arad-dulemar-e-rey-Canaán-dule, Canaán-yalagi-Neguevʼye-neg-nugadgi maigusad. A-dulede, wisguargusad, Israel-dulemar danimarye. 
\pi1  
\v 41 Israel-dulemar Hor-yargi-bukwa ainidmargu, Zalmonaʼye-neg-nugadgi danar-danar ambikudapmarbalid. 
\pi1  
\v 42 Zalmonaʼgi-bukwa ainidmargu, Punónʼye-neg-nugadgi danar-danar ambikudapmarbalid. 
\pi1  
\v 43 Punónʼgi-bukwa ainidmargu, Obotʼye-neg-nugadgi danar-danar ambikudapmarbalid. 
\pi1  
\v 44 Obotʼgi-bukwa ainidmargu, Moab-yar-abingunaidgi Ije-Abarimʼye-neg-nugadgi danar-danar ambikudapmarbalid. 
\pi1  
\v 45 Ije-Abarimʼgi-bukwa ainidmargu, Dibón-Gadʼye-neg-nugadgi danar-danar ambikudapmarbalid. 
\pi1  
\v 46 Dibón-Gadʼgi-bukwa ainidmargu, Almón-Diblataimʼye-neg-nugadgi danar-danar ambikudapmarbalid. 
\pi1  
\v 47 Almón-Diblataimʼgi-bukwa ainidmargu, Abarim-yalaganba, Nebo-asabin danar-danar ambikudapmarbalid. 
\pi1  
\v 48 Abarim-yalagangi-bukwa ainidmargu, Jordán-diwar-naba Moab-nebagan-naidgi Jericó-neggwebur-asabin danar-danar ambikudapmarbalid. 
\pi1  
\v 49 Napidgine, Bet-Jesimotʼye-neg-nugad-akar, Abel-Sitim-naidse, Jordán-diwar-naba Moab-nebagan-naidgi, danar-danar ambikusmalad. 
\s1 Israel-dulemar-yar-sumaloed-igar 
\p  
\v 50 Bab-Jehová Jordán-diwar-naba Moab-nebagangi Jericó-neggwebur-asabin Moisésʼga sunmakded, ega sogded:  
\v 51 “Israel-dulemarbo be sunmako, ega be sogo: ‘Bemar Jordán-diwar obaksamalale, Canaán-yalase dogdemalale,  
\v 52 bela dulemar-be-idu-bukwamalad be onimaloye. Degine, bela akwamar-e-bab-dummadga imakbukmalad, be mamarmaloye, degine, bela ibmar-wilubgan-soogi-duar-sobarmalad mamarmarbaloye, deginbali, bela e-bab-dummadga ibmar-ukleged-ailamar-bukwad, be obelomarbaloye.  
\v 53 A-yala bemargadga-guega an bemarga uksamalad. Degisoggu, dulemar-be-idu-bukmalad be onomalo, ar ade, a-yalagi bemar ambikumaloed.  
\v 54 Na be-dad-be-dadganba, yarmar wilubdakar be nikumaloed. Dad-gwensakgi bur dulemar-ichesulile, yar bur dumma ega uklegoed. Dad-baidgi bur dulemar-ichegwale, yar bur senii ega uklegoed. Yar-ega-wilubdakar-uklegoedba na yar nikumaloed. Na be-dadgan-warambe-gakabogwadba (12) na be yar nikumaloed. 
\p  
\v 55 ” ’Ar bemar yarse-dogesokalidgi dulemar-bukwad onissurmalale, we-dulemar bemarga boniga gunonikoed. Bemar-ibyagi suar-dargamakles-gwichiyob bemarga gunonikoed, degi, bemar-dikargi iko-yoiyobi bemarga we-dulemar gunonikoed. Degine, bemar-ambikuedgi we-dulemar bemarga naibid-dummad-ukdii gumaloed.  
\v 56 Ar bemar we-dulemar-onissulile, we-dulemar an igi-imakoye-binsadii, deyob an bemar-imaknonisunnoed.’ ” 
\c 34  
\s1 Canaán-yar-abingunanaid 
\p  
\v 1 Bab-Jehová Moisésʼga sunmakded, ega sogded:  
\v 2 “Israel-dulemarga be sogo, ‘Canaán-yalase bemar dogsamalale, we-yala-bemarga-uklegoedi, wese-wese bemarga abingunai guoye: 
\p  
\v 3 ” ’Dad-nakwed-argan-nuedsik-yar-abinguoedi, nega-dulesulidgan-Zinʼye-nugadbo, degi, Edom-yalabo abingunai guoed. 
\p ” ’Dad-nakwed-argan-nuedsik-yar-abinguoed-onodagoedi, dad-nakwedsik Demar-Gagbid-bergunaid-dukugi onodagoed.  
\v 4 Geb we-Demar-Gagbidye-nugad-duku-akar-onodagoedi, dad-nakwed-argan-nuedsik aidedagoed, Acrabimʼye-neg-nugad-nakwemaidsik naoed. Nega-dulesulidgan-Zinʼye-nugadba nasoed. Geb agine, Cades-Barneaʼse warmakoed. Geb Cades-Barneaʼgi nakwidogua, Hasar-Adarʼgi nasoed, geb Asmónʼse warmakdapoed.  
\v 5 Geb Asmónʼgi dukingudabalogu, Egipto-dian-maidse warmakdapoed, geb Demar-Dummad-naidse itirdapoed. 
\p  
\v 6 ” ’Dad-argwanedsik-yar-abinguoedi, Demar-Dummad-naidbo abingunai guoed. 
\p  
\v 7 ” ’Dad-nakwed-argan-sapiledsik-yar-abinguoedi, weyob abinguoed: Demar-Dummad-naid-akar baksa be gaoed, Hor-yalase.  
\v 8 Hor-yala-akar baksa be imakbaloed, Hamat dogedse. A-abingunaid nadeguoed, Zedadʼse.  
\v 9 Geb degine, Zifrónʼgi nasoed, Hazar-Enánʼse bergudapoed. Wese dad-nakwed-argan-sapiledsik-yar-abinguoedi naiguoed. 
\p  
\v 10 ” ’Dad-nakwedsik-yar-abinguoedi, Hazar-Enán-akar-baksa onodmogoed Sefamʼse warmakoed.  
\v 11 Geb Sefamʼgi aidedmogoed Aín-dad-nakwedsik-Riblaʼye-neg-nugad-naidse warmakdapoed. Geb agine, yar-abingunaidi aidedbaloed, Cineret-demar-gaka-dad-nakwedse. Ase warmakoed.  
\v 12 Geb agine, Jordán-diwarba aidedbaloed, Demar-Gagbid-bergunaid-dukuse. Ase yar-abingunaid bergudapoed. 
\p ” ’We, bemar-yalaga guoed. Degine, weyobi, bemarga yar abingunanai guoed.’ ” 
\p  
\v 13 Moisés weyob Israel-dulemarga igar-uksad: “We-yala na bemar wilubdakar mimimaloye. Bab-Jehová weyob soged, dadgan-dummagan-e-bakebakadga (9) uklegoye, degi, dad-dummad-Manasés-e-wagan-negabaladga uklemogoye.  
\v 14 Ar ade, bato dad-dummad-Rubén-waganga, na e-gwenad-e-gwenadganba yar uklesad. Degi, dad-dummad-Gad-waganga, degine, dad-dummad-Manasés-wagan-negabaladga bato na e-gwenad-e-gwenadganba ega yar uklesmogad.  
\v 15 A-sogleged, dad-dummagan-warbogwad-wagan, degine, dad-dummad-baid-e-wagan-negabalad Jericó-neggwebur-asabin Jordán-diwar-dad-nakwiardaedsik yar-gasmarye.” 
\s1 Yarmar-mimilegoed 
\p  
\v 16 Bab-Jehová Moisésʼga sunmakded, ega sogded:  
\v 17 “Wemala bemarga yar mimimaloed: Dule-irwa-Bab-Dummadse-goled-Eleazar, degi, Nun-machi-Josué.  
\v 18 Deginbali, dadgan-warambe-gakabogwad-iliba (12) e-dummaganga-gudimalad war-wargwen be subaloed. Amala bemarga yar mimimarmogoed. 
\q1  
\v 19 We-dulemala, wemalad: 
\q2 Dad-Judá-wagan-e-dummad, Jefone-machi-Caleb. 
\q2  
\v 20 Dad-Simeón-wagan-e-dummad, Amiud-machi-Semuel. 
\q2  
\v 21 Dad-Benjamín-wagan-e-dummad, Quislón-machi-Elidad. 
\q2  
\v 22 Dad-Dan-wagan-e-dummad, Jogli-machi-Buqui. 
\q2  
\v 23 Dad-José-machi-Manasés-wagan-e-dummad, Efod-machi-Haniel. 
\q2  
\v 24 Dad-José-machi-Efraín-wagan-e-dummad, Siftán-machi-Kemuel. 
\q2  
\v 25 Dad-Zabulón-wagan-e-dummad, Parnac-machi-Elizafán. 
\q2  
\v 26 Dad-Isacar-wagan-e-dummad, Azán-machi-Paltiel. 
\q2  
\v 27 Dad-Aser-wagan-e-dummad, Selomi-machi-Ahiud. 
\q2  
\v 28 Dad-Neftalí-wagan-e-dummad, Amiud-machi-Pedael.” 
\q3  
\v 29 We-dulemargala Bab-Jehová igar uksad, 
\q3 adi, we-dulemala Israel-dulemarga Canaán-yar-mimiegar. 
\c 35  
\s1 Leví-waganga neggweburmar-uklesad 
\p  
\v 1 Bab-Jehová Jordán-diwar-naba Moab-nebagan-naidgi Jericó-neggwebur-asabin Moisésʼga sunmakded, ega sogded:  
\v 2 “Israel-dulemarga be soge: ‘Yar-gamaloedgine, Leví-waganga neggweburmar be ukmogoye, adi, agi na maigumarmogagar. A-neggweburmar-dikarba gagan-nainumar-nanaid ega be ukbalo.  
\v 3 We-Leví-wagana na neggweburmar-nikumaloedgi maigumaloed, degine, gagan-nainumar-ega-uklegoedgi na e-moli-bebe-nikamalad, e-sibadmar, e-sibad-wawaadmar, degi, bela e-ibdurgan ambikumaloed. 
\p  
\v 4 ” ’We-Leví-waganga gagan-nainumar-uklegoedi, neggwebur-galu-matusulid-dakasik bela neggwebur-ebiris ega uklegoed. Galu-matusulidgine, dali-dulataled-ilabo gaka dulabo-gakambe-banguedgi (250) ega be ukmaloed. 
\q1  
\v 5 Weyob-dungu-dungu ega be gagan-nainumar ukoed: 
\q2 Dad-nakwedsik, dali-dulataled-ilatar-dungu (500). 
\q2 Dad-argwanedsik, dali-dulataled-ilatar-dungu (500). 
\q2 Dad-nakwed-argan-nuedsik, dali-dulataled-ilatar-dungu (500). 
\q2 Degi, dad-nakwed-argan-sapiledsik, dali-dulataled-ilatar-dungu (500). 
\q3 Degisoggu, neggwebur, we-nainumar-uklegoed-negabargi sii guoed. 
\q3 We-nainumar-uklegoedi, Leví-wagan-e-nainumarga guoed. 
\p  
\v 6 ” ’Leví-waganga-neggweburmar-uklegoedi, gwanergwa (6) dukumalad-neggweburga guoed. Adi, dule-gwensak emar-gindaksale, a-neggweburmarse dukunaoed. De-ukinbali, we-neggwebur-gwanergwad-uklegoed-ukine gwadulabo-gakabo (42) neggweburmar-baigan ega be ukbaloed.  
\v 7 Belamakale, ega gwadulabo gakabaabak (48) neggweburmar be ukoed. Degi, e-gagan-nainumar-nika-nika ega be ukoed.  
\v 8 Israel-dulemar Leví-waganga neggweburmar-ukarmalale, neggwebur-susmaladbali ega ukoed. Dule neggwebur-bukidar-susale, ega neggwebur ichesur ukmogoed. Ar dule ichee neggwebur-susardi, ichee ega ukmogoed. Bela Israel-dulemala na e-neggwebur-merguedba Leví-waganga neggweburmar-ukoed.’ ” 
\s1 Dukued-neggweburmar 
\r (Deuteronomio 19:1-13) 
\p  
\v 9 Bab-Jehová Moisésʼga sunmakded, ega sogded:  
\v 10 “Israel-dulemarga be sunmak, ega be soge: ‘Bemar Jordán-diwar-obaksamalale, Canaán-yalase-dogdapmalale,  
\v 11 dukued-neggweburmar be suo. Adi, dule, dule-baid-oburgwebiedba-oburgwidsulid, ase dukunaegar.  
\v 12 Degisoggu, we-dule, a-neggweburmargi dule-buged-e-imakbied-idu dukuoed. Adi, dule-gindakedi melle Israel-dulemar-abin ega igar-itolessuli oburgwilegegar. 
\p  
\v 13 ” ’Neggweburmar-uklegoedi, gwanergwa (6) dukued-neggweburga be imakoed.  
\v 14 Neggwebur-gwapaa Jordán-diwar-dad-nakwedsik bukwa guoed, neggwebur-baigan-gwapaa Canaán-yalagi bukwa gumogoed.  
\v 15 We-neggweburmar-gwanergwadi (6) Israel-dulemarga, dukued-negga guoed. Degi, dule-ainebarmaladga dukued-negga guoed. Ar we-dule-ainebalidi bemar-abargi mamaidibe, igi sikwas-bemar-walik gudimardibe, amarga dukued-negga guoed. Ar dule, dule-baid-oburgwebisulidba-oburgwisad, ase dukunaoed. 
\p  
\v 16 ” ’Dule-gwensak esgorogi dule-baid-sarsosale, dule-sarsolesad burgwisale, soglegoed, we-dule-gwensak dule-gindakedye. We-dule, oburgwilemogoed. 
\p  
\v 17 ” ’Dule-gwensak akwagi dule-baid-sarsosale, dule-sarsolesad burgwisale, soglegoed, we-dule-gwensak dule-gindakedye. We-dule, oburgwilemogoed. 
\p  
\v 18 ” ’Dule-gwensak suargi dule-baid-sarsosale, dule-sarsolesad burgwisale, soglegoed, we-dule-gwensak dule-gindakedye. We-dule, oburgwilemogoed. 
\p  
\v 19 ” ’Dule-gindaklesad-e-gwenadi, e-gwenad-gindaksad-abingualile, gindakoed, buged-mai imakoed. 
\p  
\v 20 ” ’Dule-gwensak yamo isdar-dakedba dule-baid-barmetele, igi, yamo egi ibmar-metele, dule burgwenonikile,  
\v 21 degi, yamo isdar-dakedba sabsur-sarsosale, we-dule burgwenonikile, soglegoed, we-dule-gwensak dule-gindakedye. We-dule, oburgwilemogoed. Ar dule-buged-mai-imakbied we-dule-gindaksad-abingualirdi, dule-gindaksad ese oburgwilegoed. 
\p  
\v 22 ” ’Dule-gwensak isdar-daksulidba dule-baid-barmetele, igi, baisur-binsaedgi egi ibmar-metele,  
\v 23 degi, baisur-binsaedgi egi akwa metele, we-dule burgwenonikile, degi-inigwele, we-dule-gwensak e-isdaradsulid, deginbali, gwen oburgwebisulidba-oburgwisad.  
\v 24 A-ulale, dulemala, we-dule-gwensakga, degi, dule-buged-mai-imakbiedga igar-maidba igar-itomaloed.  
\v 25 Israel-dulemar dule-gindaksad dule-buged-mai-imakbiedgi bendakoed. Dule-gindaksad na bia dukued-neggweburse-dukuapidse gannar naoed. We-dule-gwensak-dule-gindaksad, dule-irwa-Bab-Dummadse-goled-bur-dummadga-maid-burgwedse, na e-neggweburse dagoed. We-dule-irwa-Bab-Dummadse-goledi Bab-Dummadga-arbaega olivo-gwallu egi eolesad. 
\p  
\v 26 ” ’Ar dule-gindaksadi e-dukumaid-neggwebur-abingunaidgi nodele,  
\v 27 dule-buged-mai-imakbied dukued-neggwebur-abingunaidgi dule-gindaksad-abingualile, sunna dule-gindaksad-oburgwed. Ar dule-buged-imakedgi ataklegosulid.  
\v 28 Ar ade, dule-gwensak-dule-gindaksadi, dule-irwa-Bab-Dummadse-goled-bur-dummad-burgwedse, dukued-neggweburgi maigu-guewilubbid. Dule-irwa-Bab-Dummadse-goled-bur-dummad-burgwisale, geb dule-gindaksad na e-negse gannar nonikoed.’ ” 
\s1 Dule e-sunnad ibmar-daksad-igar 
\p  
\v 29 Bab-Jehová sogdebalid: “Bia be bukwamalale, bemarga, degi, be-waganga weyobi degisadegu we-igar mai guoed. 
\p  
\v 30 ”Dule-wargwen, dule-baid-oburgwisale, igi-e-daksamalad-sogoe, aba oburgwilegoed. Degi-inigwele, dule-wargwen-sogedbarbi dule-oburgwilegosulid. 
\p  
\v 31 ”Dule-gindaked manigi onolegosulid, ar ade, oburgwilegoye ega igar maid. Ar we-dulede, oburgwilegergebed. 
\p  
\v 32 ”Deginbali, dule dukued-neggweburse-dukunadedi gannar e-neggweburse-dagega mani-ukosulid. Dule-irwa-Bab-Dummadse-goled-bur-dummad-burgwisar, geb we-dule gannar na e-negse dagoed. 
\p  
\v 33 ”Bemar-ambikumaloed-yala, melle dule-gindaklegedgi oichogo. Ar dule-gindaklegedi yar-oichoged. Bur dule-emar-gindaked-obeloerdi nabirdo. Adi, degidbali, nueganbi yar nai guoed. 
\p  
\v 34 ”Ar an bemar-abargi gudisoggu, bemar-megmaloedgi melle napa oichomalo. Ar ade, ani, Bab-Jehová, Israel-dulemar-abargi an gudiid.” 
\c 36  
\s1 Omegan-nainu-abingasmalad igi-sui-nikumaloe 
\p  
\v 1 Ibagwengine, Galaad-wagan-dummagan Moisésʼbo, degi, Israel-dulemar-e-dummaganbo sunmaknadmalad. Galaadʼde, Maquir-e-machid, Manasés-e-wagwad, degi, José-e-wagwa-yokorginedbalid.  
\v 2 Galaad-wagan, sogdemalad: 
\p —Bab-Jehová bega igar-uksad, Israel-dulemarga wilubdakar yarmar mimioye. Deginbali, Bab-Jehová bega igar-uksabalid, anmar-mesad-Zelofehad-e-nainumar e-sisganga ukoye.  
\v 3 Ar emide, bunamala anmar-dad-dummadsikidsulid-e-wagan nikudele, bunamala-e-nainumar anmar-yargi-naid e-ibe sulegoed, e-sui-nainumarse bunamala-nainu gwagoed. Deyob gudogua, nainu-anmarga-wilubdakar-uklesadi anmar-ibe bipiledoed.  
\v 4 Israel-dulemarga gannar-ibmar-obirileged-birga nonikile, Zelofehad-sisgan-nainumar e-suimar-dad-dummad-nainuga gudoed. Degisoggu, dad-dummaganba-nainu-anmarga-uklesadi anmar-ibe bipiledoed. 
\p  
\v 5 Geb Moisés, Bab-Jehová-ega-igar-uksadba, Israel-dulemarga igar uksamogad. Weyob sogded: 
\p —Nabir José-wagan soged.  
\v 6 Bab-Jehová, Zelofehad-sisgan-annik weyob soged: ‘Ar bunamala biti-machered-nikubimala, na nikumalado. Degi-inigwele, e-dad-dummad-Joséʼsik-danikid-wagan nikuergebed.  
\v 7 Ar bemarga egad-egad-nainumar-uklesadi dad-dummagan-baid-baidse gwage-gwage gudii guosulid. Ar Israel-dulemar na egad-egad nainumar akwergebed.  
\v 8 Israel-dulemar-abargi ome-wargwenga nainu uklesale, we-omegwa na e-dad-dummad-wagansikid machered-nikuoed. Adi, degidbali, Israel-dulemar na egad-egad nainumar-gaoed.  
\v 9 Ar bemarga egad-egad-nainumar-uklesadi dad-dummagan-baid-baidse gwage-gwage gudii guosulid. Ar Israel-dulemar na egad-egad nainumar akwergebed.’ 
\p  
\v 10 Ar igi Bab-Jehová, Moisésʼga-igar-uksa, deyob Zelofehad-sisgan imaksamalad. 
\q1  
\v 11 Zelofehad-sisgan, wemalad: 
\q2 Maala, Tirsa, Hogla, 
\q2 Milca, degi, Noa. 
\q3 We-bunamalade e-gilormar-e-babsikid-e-masmala nikusmalad. 
\p  
\v 12 We-bunamala, dad-dummad-Manasés-wagansik-danikid nikusmalad. Manasésʼde dad-dummad-José-machimogad. Degisoggu, bunamala na e-nainu-abingasmaladi, e-bab-dad-dummad-nainugi nagusad, bar aibachasulid. 
\p  
\v 13 We-igarmala, Bab-Jehová, Moisésʼba Israel-dulemarga uksa gusad. Deunni, Israel-dulemar Jordán-diwar-naba Moab-nebagan-naidgi Jericó-neggwebur-asabin danar-danar bukwamargu. Agine, ega we-igarmar uklesad.