\id MIC - Kuna, San Blas - Bible -Panama 2014 (DBL -2014) 
\h Miqueas 
\toc1 Miqueas-Garda 
\toc2 Miqueas 
\toc3 Mi 
\mt1 MIQUEAS-GARDA 
\mt2 MIQUEAS 
\imt2 GEBE-SOGLENAID 
\imt1 Garda-nug 
\ip \it Miqueas-Garda.\it* Miqueasʼde Moresetʼginedid. Miqueasʼgi binsaleged we-dulede, Amósʼyobi sapurgi arbadii gusmoye. \it Doa Bab-Jehováʼyobidye,\it* Miqueas-nug obarileged. 
\is1 Miqueas-Gardagi weyob sunmaklenaid 
\ip Miqueas, Rey-Jotam-ibagangi, Rey-Acaz-ibagangi, degi, Rey-Ezequías-ibagangi gudii gusad. 
\ip Miqueas, Judá-neggweburgi Bab-gayaburbagi sunmakdii gusad. Degi, Israel-neggweburgi sunmakdii gusbalid. Miqueas, sogdii gusad, yoedsega David-e-neguyagine, Rey-Dummadi gwalulenonikoye. We-Mesías, Belén-Efrata-neggweburgi gwalulenonikoye. We-gaya-sunmaksadi, Jesús-gwalulenonikoedgi sunmaksad. (Mateo 2:6) 
\ip We-gardagine, weyob ilemakar sunmaklenaid: 
\io1 1. Bab-Dummad Israel-dulemarga, degi, Judá-dulemarga igar-nabosad (1:1–3:12). 
\io1 2. Bab-Jehová bela napneg semaid (4:1–5:15). 
\io1 3. Israel-dulemar-isgusad, degi, Bab-Dummad Israel-dulemar-wiledaksad (6:1–7:20). 
\ip Be itogua. 
\c 1  
\ms1 1. BAB-DUMMAD ISRAEL-DULEMARGA, DEGI, JUDÁ-DULEMARGA IGAR-NABOSAD 
\mr (1:1–3:12) 
\s1 Samariaʼga, degi, Jerusalénʼga naibi-itosad 
\p  
\v 1 Judá-dule-e-reymar Jotam, Acaz, degi, Ezequías, negsemamaid-ibagangine, Bab-Jehová dule-Moreset-neggweburgined-Miqueasʼye-nugadga sunmaksad. Miqueas, Samaria-yalagi-negguoed, degi, Jerusalén-yalagi-negguoed weyob negburgan daksad. 
\s1 Bab-Jehová-danikoed 
\p Miqueas, Bab-Jehová-ega-sogsadba weyob sogded: 
\q1  
\v 2 “Dulemar, bela we-yalagi-bukmalad be an-itomar, 
\q2 bela napneggi-bukmalad, nue-bogimakar be itomalo. 
\q1 Bab-Dummad-Jehová-Bela-Gangued-Nika-Maid, ese-goled-neg-akale, bemargi-gwisguega sunmakoed. 
\q2  
\v 3 ¡Dakmala! Bab-Jehová, e-maidgi bato noalid, bato aidealid, 
\q2 yar-mullugan-imbaba gannamakdanikid. 
\q1  
\v 4 E-nanaedbali yarmar abin maludoed. 
\q2 Ibmar-gwallu-soo-abin-daluddaedyobi yar gudoed, 
\q1 igi diwar-noedbali, nebagan negabar-argaddae, 
\q2 deyobi, nebagan argadoed. 
\q1  
\v 5 Bela we-ibmarmar Jacob-wagan-Bab-Dummadgi-gwisgusadbali guoed. 
\q2 Israel-dulemar-isgued-ular, deyob, guoed. 
\q1 ¿Ar bia Jacob-wagan Bab-Dummadgi gwisgusmala? 
\q2 ¿Ar Samaria-neggweburgi isgusmarsursi? 
\q1 ¿Ar Jerusalén-neggweburgi, Judá-dulemar e-bab-dummaganse-gorleged-neggi isgusmarsursi? 
\q2  
\v 6 A-ulale, Bab-Jehová soged: 
\q1 ‘An Samaria-neggwebur akwamarbi dunnumaksii an imakoed. 
\q2 E-akwamar nebaganba an mioed, 
\q1 bela swanga an imakoed. 
\q2 Unnila e-yala uvaʼmar-digega guoed. 
\q1  
\v 7 Bela e-bab-dummadyob-imaklemalad bibislegoed. 
\q2 Bela bab-dummagan-neggi-gambasamaladga ibmar-uklesmalad, ogumaklegoed. 
\q1 Bela we-ibmarmar-soblesmalad an obelogoed. 
\q2 Ar ade, galagwensuli-nanamalad-manigi, we-ibmarmar-soblesadi, gannar amar-maniga an imakoed.’ ” 
\s1 Miqueas, Israel-dulemar-ular, bukib-itosad 
\p  
\v 8 Miqueas sogded: 
\q1 “Agala, an booed, 
\q2 bukib-binsaedba an binnasuli goloed, 
\q1 nag-swili an gudii guoed, 
\q2 uka-swili an gudii guoed. 
\q1 Achu-boeyobi an gordii guoed. 
\q2 Irmonyobi an akigindii guoed. 
\q1  
\v 9 Ar ade, Samaria-e-naibigusadi, gege nudakleged. 
\q2 E-naibigusadi, bela Judá-yalase warmaksad. 
\q2 Bela Jerusalén-neggweburse an-dulemar-bukwadse nasgusad. 
\q1  
\v 10 Melle be bomalo, 
\q2 melle Gat-neggweburgi be ibmar sogmalo. 
\q1 Napayala nunmakedba, Bet-Le-Afra-neg-ukubgi be bindumakmar. 
\q2  
\v 11 Safirʼginmalad, uka-swiri binged-abalagi be-yargi be nomar. 
\q1 Zaanánʼginmaladdi, ainiega sikirmaksamalad. 
\q2 Betesel-neggweburgi ogormakdemalad, bar bemar bendaklegosulid. 
\q1  
\v 12 Marotʼginmalad, ibmar-nued-gued abebukwad, 
\q2 ar Bab-Jehováʼdi, Jerusalén-neggwebur-dogedse bonigan barmialid. 
\b  
\q1  
\v 13 ”Laquis-dorgan, bemar ur-bila-onomaladgi moli be nasikmar. 
\q2 Ar ade, be-neggwebur-Jerusalénʼgi isgued noalid, 
\q2 bemargine, Israel-dulemar-e-isgued noalid. 
\q1  
\v 14 Degisoggu, Moreset-Gat-neggweburga degimaloye be sogmalo. 
\q2 Aczib-neggwebur-e-negmar, Israel-dulemar-e-reymar-yardakega gued. 
\b  
\q1  
\v 15 ”Maresa-dorgan, dule-wargwen be-ibe-yarsuega, an bemargi barmidoed. 
\q2 Adulam-akwasaila-yaa-ollogwadyaba Israel-dule-bulegan dukunamaloed. 
\q1  
\v 16 Degisoggu, be-mimmigan-sabed-ulale, be bukib-binsae, 
\q2 aku-siga be esie, 
\q1 mula-nono-swirigwadyobi be-nono swiri be imake, 
\q2 ar ade, be-mimmigan yogasaar-gales dikasuli begi seledmaloed.” 
\c 2  
\s1 Dule, dule-wileged-mesagwar-imakdiid, duledar-wiles 
\q1  
\v 1 Dule, igar-isgana-imakedgi-binsamalad, duledar-wilesmar. 
\q2 Ar megidele, igar-isgana-imakedgi, binsamaidamalad. 
\q1 Neg-oibosale, igar-isgana imakdedamalad, 
\q2 ar ade, e-ibmar-imakbiedba imakdamalad. 
\q1  
\v 2 We-dulemar, emar-nainubina sokalile, e-ibe susdamalad, egadga imakdedamalad. 
\q2 Emar-ibe negmar susdamalad, egadga imakdedamalad. 
\q1 E-neg-ibed-mesagwar imakdedamalad, 
\q2 degi, e-neg-ibed-mimmigan-mesagwar imakdedamarbalid. 
\q1 E-nainu-ibed-mesagwar imakdedamalad, 
\q2 degi, e-nainu e-ibe susdamarbalid. 
\p  
\v 3 Degisoggu, Bab-Jehová weyob soged: 
\q1 “Emigine, ani, an we-dulemar-isganagi bonigan barmidamogoed, 
\q2 we-bonigangi gwen wakinnosurmalad. 
\q1 Bar san-dummarbaa na itogosurmalad, 
\q2 ar ade, e-sabsur-odurdakleged-wachimar omosad. 
\q1  
\v 4 A-ibagan-omosale, dule-bamalad egi dododmaloed, 
\q2 ega we-naibi-itoleged-namakleged weyob egi dodoar namakmaloed: 
\q1 ‘Anmar bela bergusmala. 
\q2 An-dulamar-ibe nainumar miminanaid, 
\q1 ibiyobi anmar-ibe nainumar sunanai. 
\q2 Dule-isganamar, anmar-nainumar miminanaid.’ ” 
\b  
\q1  
\v 5 A-ulale, Bab-Jehová-sordagan-onmakbukwad-abargi, 
\q2 we-dulemarga napa-mimilegedgi ega napa uklegosulid. 
\s1 Bab-Dummad-gayaburba-barsoged-napiragwadsurmalad 
\p  
\v 6 We-gayaburba-barsoged-napiragwadsurmalad anga soged: 
\q1 “Mer bar be anmarga ee-gordii samala. 
\q2 Mer be anmarga soge, be wilemaloye.” 
\q1  
\v 7 Jacob-wagan weyob sogmalad: 
\q1 “¿Bab-Jehová e-san-bargaagwar-imaked bergussi? E-daedde, ¿weyobsi? 
\q2 ¿Ar dule-inniki-nanadiidga Bab-Dummad-gayaburba ibnuedga gusursi?” 
\q1  
\v 8 Bab-Jehová soged: “Ar bemar an-dulamarga gumalanad, 
\q2 degi-inigwele, emi-ibagi be an-isdarmaladga gudmalad. 
\q1 Dulemar-igarba-baisurbinsa-nadapdamalad-ibe sordamar-be-isdarmaladyobi, e-ibe be mor-nuegan atursasdamalad. 
\q2  
\v 9 An-dulamar-omegan e-neg-nuegangi be ononnosmalad. 
\q2 A-omegan-e-mimmigan-ibe, be e-wergued osulosmalad. 
\b  
\q1  
\v 10 ”¡Ogusmar! ¡Be namar! 
\q2 We-nega, obunnoged-negsulid. 
\q1 Bela nue-isgus naid, 
\q2 bela oitoles siid. 
\q1  
\v 11 Ar dule-gwensak yogasaar-gakansaedgi 
\q1 weyob sognonikile: 
\q2 ‘An bemarga-sunmakega, vino be anga udamaloye, 
\q2 sisa be anga udamaloye.’ 
\q1 We-neggwebur Bab-Dummad-gayaburba-barsogedyobi, we-dule-dakdoed.” 
\s1 Gales-bukwadgi onolemaloye soglesad 
\p  
\v 12 Bab-Jehová sogdebalid: 
\q1 “Jacob-wagan, an bemarga nue-napira-soged, 
\q2 bela be-dulemar gannar nuekwa an urboed. 
\q1 Israel-wagan, an bemarga nue-napira-soged, 
\q2 bemar-napi-besmaladi, an gannar danar urboed. 
\q1 Igi sibad-wawaad galu-yaba danale-bukwadae, 
\q2 deyobi, an bemar-urboed. 
\q1 Degi, igi sibad-wawaad gagan-araramaladgi bukwadae, 
\q2 deyobi, an bemar-urboed, 
\q2 degine, binnasuli dule-bukidarayob oimakdemaloed.”\fig Sibad-wawaad-edarbed galu-yaba sibad-wawaad-urbisad. (Miqueas 2:12) |src="LB00014B.TIF" size="col" ref="Miqueas 2:12" \fig* 
\q1  
\v 13 Ega igar-mayedi, emar-idumai guoed, 
\q2 deginbali, emarmoga, igar-egamai gumarmogoed. 
\q1 Amar, igar-bulegangi ollorgumaloed, degi, namaloed. 
\q2 E-reydi, amar-idumai guoed. 
\q2 Bab-Jehová, na e-sunnagwadi emar-idumai guoed. 
\c 3  
\s1 Dule-negsemamaid-isganamar sabsur-odurdaklegoed 
\p  
\v 1 Geb degine, an sogded: 
\q1 “Jacob-dulemar-negsemamaid, Israel-dulemar-e-dummagan, nue be an-itomar: 
\q2 Bemar bur igar-innikigwad-imaked-durdaked ¿nabirsursi? 
\q1  
\v 2 Ar bemar igar-nued bur isdar dakmalad, 
\q2 igar-isgana aka be yeer dakmalad. 
\q1 An-dulamar be wiodimalad, 
\q2 mesagwar be imakdimalad. 
\q1  
\v 3 Bemar ibgwensur an-dulamar imakdimalad. 
\q2 E-ukamar e-ibe be edared. 
\q2 E-garmar bis-bis e-ibe be imaked. 
\q1 Igi san-olomakar esmed-yagi onakledae, deyobi, an-dulamar be wiodimalad. 
\q2 San-narilegedyobi, an-dulamar be imakdimalad.” 
\b  
\q1  
\v 4 Bemar ibagwengi Bab-Jehováʼse gotemaloed, 
\q2 edina, bemar-abin imakosulid. 
\q1 Ar bemar dogdar isgusgudiidba, 
\q2 a-ibagangine, bemar-idu banguoed. 
\s1 Bab-Dummad-gayaburba-barsogmalad 
\p  
\v 5 Bab-Jehová weyob bemar-annik soged: 
\q1 “Bemar Bab-gayaburba-barsogmalad, 
\q2 dulemar-yamodimalad, igar-noaledba an-dulamar-sedimalad: 
\q1 Unnila dule-bega-masgunned-ukmaladgarbi, igar-bogidikidgi be sunmakdamalad, 
\q2 ar dule-bega-masgunned-uksurmaladgardi, bila-onoged be obariddamalad. 
\q1  
\v 6 Degisoggu, an bar bemarga an-ibmar-sabiedi sogosulid. 
\q2 Bipisaale bar an bemarga an-gayaburba sogosulid. 
\q1 Bar anga-gayaburba-barsogmalad bemarga yoedse-ibmar-guoedgi sunmakosurmalad. 
\b  
\q1 ”An-gayaburba-barsogmalad bar sunmaksuli guoed 
\q2 e-ibagan bergudoed. 
\q1  
\v 7 An-gayaburba-barsogmaladi, bingedar itodmaloed. 
\q2 Nergan aku neg-dake gudmaloed. 
\q1 Ar bela wemar bar-ibmar sogosurmalad, 
\q2 ar ade, an gwen ega ibmar sogosulid.” 
\q1  
\v 8 Andi, Miqueas, Bab-Jehová-Burba nue-nika gudiid. 
\q2 Igar-napiragwadi, degi, garganguedi, an nue-nika gudiid. 
\q1 Adi, Jacob-dulemar ibmar-isgana-imakmaladgi an sunmakegar, 
\q2 degi, Israel-dulemar-isgudiidgi an sunmakegar. 
\s1 Jerusalén-neggwebur oitolesad 
\q1  
\v 9 Jacob-dulemar-negsemamaid, Israel-dulemar-e-dummagan, be nue an-itomalo. 
\q2 Bemar igar-innikimalad bur be obandimalad. 
\q2 Bipisaale, bemar igar-maidgi binsaed-nika dasurmalad. 
\q1  
\v 10 Ablis-eogedgi Sión-neggwebur be sobsamalad 
\q2 igar-isgana-imaklegedba be Jerusalén-neggwebur sebukmalad. 
\q1  
\v 11 Be-dummagan-negsemaladi, dule-baiganse-manigi-baklegar igar nabomalad. 
\q2 Be-dule-irwa-Bab-Jehováʼse-gormaladi, manigi-bennuklegar dule-odurdakmalad, 
\q1 degi, be-Bab-Jehová-gayaburba-barsogmaladi, manigi-bennuklegar dulega sunmakmalad, 
\q2 aka bur Bab-Jehováʼga weyob sogdedamalad: 
\q1 “¿Ar Bab-Jehováʼde anmarba gudisursi? 
\q2 Degisoggu, anmar akar-guosulid.” 
\q1  
\v 12 A-ulale, bemar-nukine Sión-neggwebur nainu-imuar-naidaedyob guoed. 
\q2 Jerusalén-neggwebur akwamarbi ganna-ganna-bubukwa guoed. 
\q2 Bab-Jehováʼse-goled-neg-e-yala, gannar sapurbi moodo naguoed. 
\c 4  
\ms1 2. BAB-JEHOVÁ BELA NAPNEG SEMAID 
\mr (4:1–5:15) 
\s1 Sión-yala nug-dummarbaa guoed 
\r (Isaías 2:1-5) 
\q1  
\v 1 Ibagan-bergued-mosale, Bab-Jehováʼse-goled-neg-yala bur yala-biriginedga guoed, 
\q2 yala-mulluganba bur nuga-nika guoed. 
\q1 Dulemar-yar-baid-baidgi-bukmalad bela ase nonimaloed. 
\q2  
\v 2 Dule-yar-baid-baidgi-bukmalad-bukidar-nonikoedi, sognonimaloed: 
\q1 “Dagmar, anmar Bab-Jehová-yalase nakwenamar, 
\q2 Jacob-e-Bab-Dummadse-goled-negse anmar namar. 
\q1 Bab-Dummad, e-sunnad, e-igar-maidba anmar-odurdakoed, 
\q2 degi, anmar e-igarba nanadii gumaloed.” 
\q1 Ar ade, Sión-yalagi Bab-Dummad-Igar-Maid-odurdakleged danikid, 
\q2 Jerusalén-neggweburgi Bab-Jehová-gayaburba ainidagoed. 
\q1  
\v 3 Bab-Dummad, dulemar-yar-baid-baid-abargi dulemarga igar-nabogoed, 
\q2 neggwebur-gandikmalad-bukibga, degi, dikasurmaladga igar-nabogega guoed. 
\q1 E-es-suidmar napa-imuedga gudoed, 
\q2 e-ila-swiswidikmalad es-dopegwadga gudoed. 
\q1 Dule-yar-baid-baidginmalad, bar abin-abin urwosurmalad. 
\q2 Bila-onogega, bar guagwar-gudii guosurmalad. 
\q1  
\v 4 Bela dulemar bogidik e-uva-dubmar-urba-bukwa gumaloed, 
\q2 degi, bogidik e-higuera-sapi-urba-bukwa gumaloed, 
\q1 dule-bamaladi, gwen amar-ogwayosulid, 
\q2 ar ade, deyobi, Bab-Jehová-Bela-Gangued-Nikad sogsad. 
\q1  
\v 5 Ar bela dulemar e-bab-dummagan-nug ogannomalale, akarsulid, 
\q2 ar anmardi, anmar-Bab-Dummad-Jehová-Bela-Gangued-Nikad-e-nugbi odummodii guoed. 
\s1 Bab-Jehová, Israel-dulemar-gales-selesmalad onogoed 
\p  
\v 6 Bab-Jehová weyob sogded: 
\q1 “A-ibagangine, dulemar-nailikguarmalad nuekwa an urboed. 
\q2 Dulemar-yar-baid-baidse-mimilesmalad bulakwaa an oambikuoed, 
\q2 degi, sabsur-imakledimalad nuekwa an oambikuoed. 
\q1  
\v 7 Dulemar-nailikguarmalad napi besmaloed. 
\q2 Amarde, neggweburga an imakoed. 
\q1 Dulemar-yar-baid-baidse-mimilesmaladgi, 
\q2 dulamar-bela-bela-gangued-nikadga an imakoed. 
\q1 Ani Bab-Jehová ega Sión-yalagi yar-seoed, 
\q2 degisadegu yar-semai guoed. 
\q1  
\v 8 Sión-yala, Jerusalén-neggweburgi be siid, 
\q2 neg-matusulid-nakulegedga be gunonikid. 
\q1 Be epennegwadyobi, gannar gangued-nika be guoed, 
\q2 Jerusalén, epenne be negsesadyobi, gannar be negseoed.” 
\s1 Sión-yala sabsur-wilegoed, geb weligwar-itobaloed 
\q1  
\v 9 Emide, Jerusalén, ¿ibiga be binnasuli gole? 
\q2 ¿Ar be, rey satesi? 
\q1 ¿Ibiga begi naibid-dummad noniki? 
\q2 ¿Ar bega-binsaed-uked burgwissi? 
\q1  
\v 10 Sión-dulemar, ome-ugakgunaidaedyob, be binnasuli gole, 
\q2 be binnasuli akiginne. 
\q1 Ar be-neggweburgi be nooed, 
\q2 magabali gaamakdii be guoed. 
\q1 Babilonia-yalase be naoed. 
\q2 Geb agine, be ollorgunonikoed, 
\q2 Bab-Jehová be-isdarmaladgine be-onogoed. 
\b  
\q1  
\v 11 Emigindi, dulemar-yar-baid-baidgi-bukwad-bukidar begi-gwisguega atosmalad. 
\q2 Weyob sogmalad: 
\q1 “Sión-yala-ibe anmar ibmar sunae. 
\q2 ¡Bitigi, Sión-yala galakusa an daksamalana yeerbanye!” 
\q1  
\v 12 Degi-inigwele, we-dulemar Bab-Jehová-e-binsanaidi, degi, e-ibmar-imakbiedi wissurmalad. 
\q2 Ar wemar wissurmalad, Bab-Jehová oros-dugmaklegedyobi e-saboleged-neggi e-urbemaloed. 
\q1  
\v 13 Bab-Jehová sogdebalid: “Sión-dulemar, ¡ogusmar! 
\q2 Oros-omukueyob be dulemar imaknamar. 
\q1 Ar ani an moli-bebe-esgorogi-sobaledyobi gargangued an bega ukoed. 
\q2 Moli-e-nag-goonasi-esgoro-gordikidgi-sobaledyobi, an bega gargangued ukbaloed. 
\q1 Adi, bukidar neggwebur-bamalad napabi-nai be imakegar, 
\q2 degi, bela e-ibmar-nuegan be ei subaligar. 
\q1 Geb agine, a-ibmarmar anga be ukoed. 
\q2 Ani an Bab-Jehová Napneg-E-Dummadga gued.” 
\c 5  
\s1 Dule-emar-onoged negseoed 
\q1  
\v 1 Jerusalén-dorgan, be-sorda-bila-onomalad guagwar be urbemar. 
\q2 Ar ade, anmar-isdarmalad bela anmar-ebiris bukmalad. 
\q1 Israel-dulemar-e-dummad-negsemaidi, sabsur-wiolegoed. 
\q2  
\v 2 Bab-Jehová sogdebalid: 
\q1 “Belén-Efrata, ar bedi Judá-yargi-neggweburmar-bukwadba bur bipigwadid. 
\q2 Begine, dule-Israel-yala-seoed nodagoed. 
\q2 We-dulede, amba yoo-napaneg-nague bato gudibinned.” 
\q1  
\v 3 A-ulale, Bab-Dummad, omegwa-goe-baknonikoedse be-isdarmaladga be-urmakmaloed. 
\q2 Geb degine, Israel-dulemar-yar-baid-baidgi-napi-besmaladi, Israel-dulemar-baiganbo bular bukunonikoed. 
\q1  
\v 4 Geb a-dule Bab-Jehová-e-ganguedba, 
\q2 e-Bab-Dummad-Jehová-e-nug-gandikidba, e-dulemar-idugoed. 
\q1 Dulemar, dobedsuli gudii gumaloed, 
\q2 ar ade, a-dule bela napaneg-naid seoed. 
\q2  
\v 5 Ar a-dule neg-bogidikid senonikoed. 
\q1 Ar Asiria-dulemar anmar-yar-subiguarmalale, anmar-neg-gandikmalad-bibisbiguarmalale, a-dule, anmar-bendaknonikoed. 
\q2 E-abin e-gugle (7) dummagan barmidoed, 
\q2 degi, e-baabak (8) neggwebur-sapin-dummagan barmidabaloed. 
\q1  
\v 6 Wemala, gandikidba dadsaila-Nimrod-yala Asiriaʼye-nugad semai gumaloed, 
\q2 Asiria-dulemar anmar-yar subiguarmalale, degi, anmar-yar-abingunanaidgi dogbiguarmalale, a-dule, anmar-bendakoed. 
\s1 Israel-dulemar-napi-besmalad 
\q1  
\v 7 Igi Bab-Jehová wakudaryala boo-bomiardae, 
\q1 degi, igi gagangi dii-owiardabali, 
\q2 debayobi, Jacob-wagan-napi-besmaladi, neggwebur-bamalad-abargine gudii gumaloed. 
\q1 Gaganmar gwen dule-eoged abdakdasulid 
\q2 deyobi, gumaloed. 
\q1  
\v 8 Igi achumigur-nono-wawaad, ibdurgan-sapurbarmalad-imbagi gudidae, 
\q2 debayobi, Jacob-wagan-napi-besmaladi gumaloed. 
\q1 Igi achumigur-senigwad sibad-wawaad-bukwadgi-gudiidgi, 
\q2 sibad-wawaad-gasadae, 
\q1 gwen-odulodasuli, 
\q2 debayobi, Jacob-wagan neggwebur-bamalad-imbagine gudigumaloed. 
\q1  
\v 9 Bab-Jehová, bee be, be-isdarmaladgi gwichiguoed, 
\q2 bela be-isdarmalad be obelogoed. 
\s1 Bab-dummaganga-imaklemalad berguoed 
\p  
\v 10 Bab-Jehová weyob Israel-dulemarga sogded: 
\q1 “A-ibagangine, an be-molimar ogilogoed, 
\q2 degi, be-moli-ur-bila-onomalad an obelogoed. 
\q1  
\v 11 An bela be-neggweburmar obelogoed, 
\q2 degi, be-neg-gandikmalad bela an obelogoed. 
\q1  
\v 12 Bela dulemar ina-isgana-imakmalad an obelogoed, 
\q2 degi, bar be nergan-nika guosurmalad. 
\q1  
\v 13 An bela be-bab-dummadyob-imaklemalad obelogoed, 
\q2 degi, akwa-dummagan-islidikmalad an bela obelobaloed. 
\q1 Bipisaale, be-ibmar-sobsamalad-asabin bar sindigar be sigosurmalad. 
\q2  
\v 14 Be-bab-bundor-Asera-e-wilub-gwismalad an bemar-ibe ungoed, 
\q1 degi, bela be-neggweburmar an obelogoed. 
\q2  
\v 15 Dule-yar-baid-baidgi-bukmalad an-sogedba-dasurmalad ise-urwedgi, degi, sae-itogedgine, an buged imakoed.” 
\c 6  
\ms1 3. ISRAEL-DULEMAR-ISGUSAD, DEGI, BAB-DUMMAD ISRAEL-DULEMAR-WILEDAKSAD 
\mr (6:1–7:20) 
\s1 Bab-Dummad Israel-dulemarse ulusad 
\p  
\v 1 Israel-dulemar, Bab-Jehová-ibmar-sogedi be nue itomar: 
\q1 “Be gwichigumar. Be boni-nikagudiid yarmar-asabin be sognamar. 
\q2 Yar-mullugana be-itogega be imakmar.” 
\b  
\q1  
\v 2 Yalamar, Bab-Jehová-urwed be itomar, 
\q2 napa-e-saila-gandikmalad, nue be bogimakar itomar, 
\q1 Bab-Jehová, e-dulemarga igar itosokalid, 
\q2 Israel-dulemargi gwisgusokalid. 
\b  
\q1  
\v 3 Bab-Jehová sogded: “An-dulamar, ¿igi an bemar-imaksa? 
\q2 Be anga-sogmala, ¿ibigi an begi nosa? 
\q1  
\v 4 Ar ani an Egipto-yalagi bemar-onosadid, 
\q2 maigagudiid-yalagi an bemar-ollor-imaksadid. 
\q1 Ani an bemarga Moisés, Aarón, María, barmisgusadid, 
\q2 adi, amar bemar-idumalagar. 
\q1  
\v 5 An-dulamar, be-ebinsamala, 
\q2 Moab-dulemar-e-rey-Balac bemar-wiogega bemar-idu igar amisgusanad. 
\q1 Beor-machi-Balaam, igi Balac-abin sogsagusa, 
\q2 a be nue-ebinsamala. 
\q1 Deginbali, Sitimʼye-neg-nugad-akale, Gilgal-neg-nugadse-be-nonigusmaladi, be ebinsabali. 
\q2 Magar be an-dakmala, 
\q2 ani an, Bab-Jehová bemar-onosadid.” 
\b  
\q1  
\v 6 Emide be sogmalad: 
\q1 “Anmarde, ¿igi Bab-Jehová-walikaa gumalosunna? 
\q2 ¿Igi anmar Bab-Dummad-Bur-Birigined-asabin sindigar sigmalosunna? 
\q1 ¿Moli-bebe-nikad-birgagwenad-ogumakar-ukleged, an ega ukega sedoe? 
\q2  
\v 7 An sibad-wawaad-machered miliba (1000) Bab-Jehováʼga uker, Bab-Jehová ¿yeer itogoe? 
\q1 Olivo-gwallu bute-miliambe (10,000) an ega uker, ¿yeer itogoe? 
\q2 An ibmar-isgana-imaksad-ular, ¿an-machi-sailagined an ukoe? 
\q2 An-machi-sunnad, ¿an-isgued-ular, an ukoe?” 
\b  
\q1  
\v 8 Ar Bab-Jehová bato bega sogsad ibu ibmar-nuedi. 
\q2 Bab-Jehová be-daed-abemaidi, bato bega sogsad: 
\q1 Igar-napiragwad-imaked be-abemaid, 
\q2 dule-wiledaked be-abemaid, 
\q2 e-asabin gwage-eikwadaed be-abemaid. 
\s1 Jerusalén-dulemar sabsur-odurdaklegoed 
\q1  
\v 9 Jerusalén-dulemar, Bab-Jehová-ibmar-soged nue be itomar: 
\q2 Dule Bab-Dummad-dobee-nanadiile, 
\q2 a-dule, dule-binsaed-ibedid. 
\q1 Sabsur-odurdaklenaid nue be itomala. 
\q2 Bega dule-odurdakleged-barmialidi, nue be itomala. 
\q1  
\v 10 “¡Dule-isganamar! Ande be-ibmar-nuegan ibmar-isgana-imakedba-amisad, ¿baisurdakode? 
\q2 Degi, ande be ibmar-wilubsamalad-isgana, ¿baisurdakode? ¡Adi surbali! 
\q1  
\v 11 Ar ande, dule ibmar-wilubsaed-nuegansulid-ebudiid ¿igi yeer dakosunna? 
\q2 Degi, ibmar-wilubdaked-ebudiid, ¿an igi yeer dakosunna? ¡Geg an yeer daked! 
\q1  
\v 12 Dule-mani-ibegan, sabsur dule-imakedid. 
\q2 Bela neggweburginmalad, gakansilimalad. 
\q2 Na e-ibmar-sogedi bela gakansaedbiid. 
\q1  
\v 13 Emisgine, ani an sabsur-be-imakmaloed, 
\q2 bemar-isgued-ular, an bemar-obelogoed. 
\q1  
\v 14 Na be mas-gunmalo-inigwele, gwen be immelegosurmalad, 
\q2 amba ukudmaada be gudii gumaloed. 
\q1 Be ibmar-gwag weemaloe-inigwele, be-ibe berguoed. 
\q2 Ar be ibmar-soggwensaar-gaoedi, ani an bila-onolegedgi be-ibe obelogoed. 
\q1  
\v 15 Be ibmar-digmaloedi, gwen be weosurmalad, 
\q2 degi, be olivo-gwallu-egurmaloedi, gwen be ebugosurmalad. 
\q2 Vino-onogega uva-nis-egurusadi, be gobosurmarbalid. 
\b  
\q1  
\v 16 ”Rey-Omri-igar-mesisadba be nanadimalad, 
\q2 bela Rey-Acab-e-wagan-ibmar-isgana-imaksadba be ibmar-imakdimalad. 
\q1 Amar-ibmar-imaksadyobi be nanadiid. 
\q2 A-ulale, an bemar-obeloged imakoed. 
\q1 Be-dulemar bingedar-itogega an saoed. 
\q2 Dulemar-begi-dodoedi, an imakoed.” 
\c 7  
\s1 Miqueas, dulemar-isgudiidga bukib-itoged 
\p  
\v 1 Miqueas sogded: 
\q1 “¡An duledar-wiles! 
\q2 Ibmar-gwag-yorgi-weleged-abin an nonisulid. 
\q2 Uva-solagan-weleged-abin an nonisulid. 
\q1 Degisoggu, uva-san-dukgwenad bar an daksulid, 
\q2 degi, an higuera-san-gunnegala gwen an daksurbalid. 
\q1  
\v 2 Dule-wiledakmalad bela neggweburgi obelolesad, we-yargi dule-innikimalad bergusad. 
\q2 Bela dule-oburgwedgi-binsadimaladi, na muchub-muchub yamodidimalad. 
\q1  
\v 3 Ibmar-isgana-imakedgi dule gwen egi obinsulid. 
\q2 Dule-dummagan-negsemamaid, degi, dule-igar-nabomalad, dule-bamaladse manigi-baklegar, igar nabomalad. 
\q1 Dule-gandikmalad e-itolegedba ibmar egismalad, 
\q2 e-ibmar-abegedba ega ukdamalad. 
\q1  
\v 4 A-dulemar-abargi wis-dule-nuegan-gudimaladdina, 
\q2 bur bule sapi-ikobiidyob gued. 
\q1 A-dulemar-abargi dule-bur-innikigwaddina, bur bule ikomaryob gued. 
\q2 Suli-suli-itoleged-e-ibadi begi danikid, 
\q1 Bab-gayaburba-barsogmalad bega-ibmar-sogsadyobi, sabsur-odurdakleged-iba bato bega warmaksad. 
\q2  
\v 5 Degisoggu, melle be-ai-ibmar-soged be itogo, 
\q1 degi, melle dule-baid-bega-ibmar-soged be itogo. 
\q2 Be-ome-ebo be sunmakalile, nue-itoakwaa be sunmako. 
\q1  
\v 6 Ar ade, masmala, e-sergangi binsaedsuli guded, 
\q2 bunamala, nangangi obited, 
\q1 balamar, sak-omegangi obited, 
\q2 degi, e-isdarmaladi, e-neguyaginmalad nanaed. 
\q1  
\v 7 Degi-inigwele, ani Miqueas, Bab-Jehováʼgi an bensulid, 
\q2 Bab-Dummad-an-abonogedi, an edarbedii guoed. 
\q2 An-Bab-Dummadi, an-itogoed.” 
\s1 Israel-dulemar bendaklegoed 
\p  
\v 8 Miqueas weyob sogded: 
\q1 “An-isdarmalad-yar-baid-baidgi-bukmalad, mer be an-odurdaklegedgi weligwar itomala. 
\q2 Ar an galakus-inigwele, amba an gannar gwisguoed. 
\q1 An negsichidgi gudii-inigwele, ar Bab-Jehová neg-meegwadga anga gued. 
\q2  
\v 9 Ar Bab-Jehováʼgi an isgusad, 
\q1 degisoggu, Bab-Dummad-anga-igar-nudakedse, 
\q2 degi, anga-igar-nabogedse an e-urwed itogoed. 
\q1 Geb Bab-Jehová, igar-nued anga oyogoed, 
\q2 degi, e-an-abonosadgi an werguoed. 
\q1  
\v 10 An-isdarad anga sokardaed: ‘¿Bia be-Bab-Jehováʼde? 
\q2 A-dule, an-dakalile, bingedar itodoed.’ 
\q1 An-sunnagwad an-ibya-nuki e-wilegoed an dakoed. 
\q2 A-dule, neg-imbaba-olligi-annalegedyobi guoed. 
\b  
\q1  
\v 11 ”Jerusalén, gannar be-galu-matusurmalad-sobledele, 
\q2 be-yar-abingunanaid nasgudoed. 
\q1  
\v 12 A-ibagangine, dule-bamalad, Asiria-yala-akale, Egipto-yalase-dulemar-bukwad, bese nonimaloed. 
\q2 Nilo-diwar-akale, Éufrates-diwarse-dulemar-bukwad, bese nonimaloed. 
\q1 Demarsik-bukmalad-akale, demar-baidsik-bukmaladse-dulemar-bukwad, bese nonimaloed. 
\q2 Deginbali, yar-dummagansik-bukmalad-akale, yar-dummagan-baidsik-bukmaladse-dulemar-bukwad, bela bese nonimaloed. 
\q1  
\v 13 Dule-isgusmalad-ular, we-napneg olloo naguoed, 
\q2 deyobi, neg naguoed.” 
\s1 Bab-Jehová, Israel-dulemar-wiledakoed 
\q1  
\v 14 Bab-Jehová, be-dulamar be nue ako, 
\q2 be-mimmigan walagwengi sapur-nuedgi-bukmalad be nue akwedii be guo. 
\q1 Epennegwadyobi be Basán-yalase, degi, Galaad-yalase be sede. 
\q2  
\v 15 Egipto-yalagi Israel-dulemar-onosgu, ibmar-dakledisurmalad-oyosayobi, be oyoge. 
\q1  
\v 16 Dulemar-yar-baid-baidgi-bukmaladi, be-ibmar-gegerdaklemalad dakmaloed. 
\q2 Be-gandikid-dakoedba bingedar itodmaloed, 
\q1 geger-dakedba gaya-gadmaloed, 
\q2 degi, uaya-atidmaloed. 
\q1  
\v 17 Igi-naibe napagi yaarmakar-nanae, deyobi, nanamaloed. 
\q2 Ibdula-unimalad-unimakedyob gumaloed. 
\q1 E-dukued-neggi dobed-abalagi nodamaloed, 
\q2 be-asabin dobedgi ainidamaloed. 
\q1 Anmar-Bab-Dummad-Jehová, bese, gannar we-dulemar nonimaloed. 
\b  
\q1  
\v 18 Bab-Dummad, ¿ar doa beyobid e-mimmigan-besmaladga isgusad-elied gudii? 
\q2 ¿Doa beyobid ibmar-isgana-imaksad bela ei-ieged gudii? 
\q1 Ar be degisadegu, urwedii guosulid, 
\q2 ar ade, bur bule anmar-sabguedgi be binsaed. 
\q1  
\v 19 Gannar wile be anmar-dake. 
\q2 Anmar-isgued be osuloge, 
\q2 anmar-isguedgi mer bar be binsae. 
\q1  
\v 20 Jacob-waganga, be-ibmar-inniki-imaked, be oyoge, 
\q2 Abraham-waganga, dule-ise-wiledaked be oyoge. 
\q1 Epennegwa anmar-dadganga ise-sogar-imaksayobi, be ibmar imake.