\id JON - Kuna, San Blas - Bible -Panama 2014 (DBL -2014) 
\h Jonás 
\toc1 Jonás-Garda 
\toc2 Jonás 
\toc3 Jon 
\mt1 JONÁS-GARDA 
\mt2 JONÁS 
\imt2 GEBE-SOGLENAID 
\imt1 Garda-nug 
\ip \it Jonás-Garda.\it* Jonásʼde, Amitai-e-machid. \it Nuu-sibuye,\it* Jonás-nug obarileged. A-sogleged, \it Gayaburba-berbegedye.\it* 
\is1 Jonás-Gardagi weyob sunmaklenaid 
\ip Bab-Dummad, Jonásʼse gochagusad, Nínive-neggweburse e-gayaburbagi sunmaknaegar. Adi, we-dulemar e-isguedga na bukib-binsamalagar. Degi-inigwele, Jonás, Bab-Dummad-ega-ibmar-sogedba ibsassulid. Jonás, Bab-Dummadba-ibsassulidba boni-dummagan abingasgusad, burgwednaga gusad. Deyob, Jonás, wilubdaklesgua, Bab-Dummad-sogedba Nínive-neggweburse, Nínive-dulemarga Bab-Igargi sunmaknadgusad. 
\ip Bab-Dummad-bela-neg-ganimaidgi sunmaked. Bela-bela emar-wiledakedgi, emar-sabgumaidgi sunmaked. Dule Babse egisdibe, e-isgued ega eliye, Bab-Dummad ega elied. 
\ip We-gardagine, weyob ilemakar sunmaklenaid: 
\io1 1. Jonás, Bab-Jehováʼgi wakinye sogenad (1:1-17). 
\io1 2. Jonás, ua-sabanyaba-mai, Bab-Jehováʼse goted (2:1-10). 
\io1 3. Jonás, Nínive-neggweburgi Bab-Dummad-Gayaburbagi sunmaksad (3:1-10). 
\io1 4. Jonás ulude gusad (4:1-11). 
\ip Be itogua. 
\c 1  
\ms1 1. JONÁS, BAB-JEHOVÁʼGI WAKINYE SOGENAD 
\mr (1:1-17) 
\p  
\v 1 Bab-Jehová, Amitai-e-machi-Jonásʼse gornonikid. Ega weyob sognonikid:  
\v 2 “Jonás, Nínive-neggwebur-dummadse be nao. A-dulemarga be sogo, anse ibitomaloye. Ar Nínive-dulemar-e-isgued doggus wilub-obicha-gusad, e-ibmar-isgana-imakmalad anse warmaksad.” 
\p  
\v 3 Ar Jonásʼdi Bab-Jehováʼba gwen ibsassulid. Bab-Jehováʼgi-wakinnegala aka Tarsis-neggweburse naedgi binsaali gusad. A-ular, Jope-neggweburgi urmar-naguedse nade gusad. Jopeʼse modapgua, Tarsis-neggweburse ur-nae-sognai dakdapid. Geb Jonás agi ur-bennuksad, eba naegar. Deyob Bab-Jehováʼgi dikasur-wakinnega Tarsis-neggweburse nadegusad.\fig Jonás ur-e-ibedbo sunmakwichid. (Jonás 1:3) |src="CO01407B.TIF" size="col" ref="Jonás 1:3" \fig* 
\p  
\v 4 Agine, Bab-Jehová mataba burwa binnasur-golega imaksad. Geb degidbali, demar bela-bela dunguded, degisoggu, ur mared-naga-gualid.  
\v 5 Ur-selamar bela-bela gwayidmalad, geb, neg-isgued-wis-bargaegala, war-wargwen na e-bab-dummad-e-bab-dummadse gotemalad. Deginbali, selamar ur ukuu imakegala, ur-yagi-ibmar-bukwadi demarse midmalad. 
\p Jonásʼdina, ur-sukun-yaba-aides megisad. Agi, ise-nue-gabar megisad.  
\v 6 Agine, ur-seed Jonás-gabmaidse nonikid, geb ega sogded: 
\p —Ar bedi, ¿ibu be samai weyob be gabmaigu? ¡Gwisgue! ¡Be-Bab-Dummadse be gole! Ar abakale, be-Bab-Dummad wile anmar-dakalile, nabir anmar-bendakalile, adi, anmar burgosulid. 
\p  
\v 7 Geb selamardi, na dukin-dukin sogdemalad: 
\p —Anmar wilubdakgwelo. Agi, anmar dakoed, doa gudiidibe, doa-nukad anmargi burwa-dummad noali. 
\p Agi, wilubdaknanai-guarmalad. Geb Jonásʼgi yolenonikid.  
\v 8 Degisoggu, selamar Jonásʼse egisdemarsunnad: 
\p —Anmarga be soge, ¿wede ibiga anmargi burwa-dummad noali? ¿Be ibigi arbae? ¿Bia be daniki? ¿Be bialidi? ¿Bede, igid-dule? 
\p  
\v 9 Geb Jonás dulemar-abin sogded: 
\p —Ani, an Hebreo-dule, Bab-Jehováʼse-gordiid-duled. Ar we-Bab-Dummad nibneg-e-dummadid, demar nasiksabalid, napneg nasiksabalid. 
\p  
\v 10 Agi, selamar bela-bela dobgudmalad. Geb Jonásʼga sogdemalad: 
\p —¿Igi be neg-imaksa? 
\p Ar ega Jonás sogsasoggu, selamar wisgunonimarsunnad, Jonás Bab-Jehováʼgi wakindii. 
\p  
\v 11 Degine, demar bur bule dungumaisoggu, Jonásʼse egichidmalad: 
\p —Anmarga demar nabir bogilegegala, ¿igi anmar be-imakosunna? 
\p  
\v 12 Jonás abin-sogded: 
\p —Ar an-nukad we-burwa-dummad nomaid. Degisoggu, gasa be an-imakmala, demargi be an-metemala, ar degii geb demar bogilegoed. 
\p  
\v 13 Degine, selamar aisaar gakase-warmakega sabsur-gamminanai-gusmalanad, degi-inigwele, demar-dungueddi baligannosad. E-urdina, sunnale dogsar gunaid, degisoggu, demar-gakase ur-sessur-gusmalad.  
\v 14 Geb degine, selamar Bab-Jehováʼse binnasur gotemalad, ega sogdemalad: “Bab-Jehováʼye, melle be we-dule-ular anmar-oburgwe. Ar we-dule ibmar-oakalossulile, melle e-burgoed, anmargi be nasiko. Bab-Jehová, ar bedi na ibmar-imakbiedba be imakmaid.” 
\p  
\v 15 Agine, selamar Jonás-gasmalad, geb, demargi metemalad. Jonás-melledgua, demar yog bogilegargusad.  
\v 16 Selamar bela deyob daksamargua, Bab-Jehová-dobee-ito-nadmalad. Geb Bab-Jehováʼga ibmar-ogumakar uksamalad, deginbali, ise-sogar na weyob sognanai-guarmalad: “Bab-Jehová-sogedba anmar gudii-guoye, deyob anmar imakergebye.” 
\p  
\v 17 Ar Bab-Jehováʼdi Jonás-ua-dummadse-dolegegala, idu guakwaa ua-dummad-nasiksad. Jonás ua-dummadse-dolesgua, e-saban-yaba ibapaa megisad.\fig Jonásʼga demar-magarba burwa-dummad noalid. (Jonás 1:4-15) |src="CO01413B.TIF" size="col" ref="Jonás 1:17" \fig* 
\c 2  
\ms1 2. JONÁS, UA-SABANYABA-MAI, BAB-JEHOVÁʼSE GOTED 
\mr (2:1-10) 
\p  
\v 1 Geb degine, Jonás ua-sabanyaba-mai, e-Bab-Dummad-Jehováʼse goted.  
\v 2 Ega sogded: 
\q1 “An dummad-wilenaidgi, an bese gochad. 
\q2 An bese gochagua, be an-itononikid. 
\q1 Bato an burgwarmalad-neg-gullugi-mai an gochad. 
\q2 Agi, Bab-Jehová be an-bendaknonikid. 
\q1  
\v 3 Demar-wilasolase, dii-ulak be an-barmeted. 
\q2 Be-demar-ebilemaid, bela angi nasad. 
\q1 Be-demar-dummagan-nukamakmaidi, bela angi bipirmaksad. 
\q2  
\v 4 Weyob an binsanonikid: 
\q1 Bab-Jehová nue an-obachasunye. 
\q2 Degi-inigwele, an gannar ese-goled-neg-swilidikidsik an nabaloye. 
\q1  
\v 5 Bela diimar dukarse an-ebiris-nagusad, 
\q2 demar-wilasailad bela an-ebirisad, 
\q1 demar-gaganmar an-nonogi bela bipirmaksad. 
\q2  
\v 6 Bela-bela demar-napa-ulubse an megdapid. 
\q1 ¡Bato an napa-ulubgi-mellesigua, gwen bar noed an itossulid! 
\q2 Degi-inigwele, be an-Bab-Dummad-Jehová-gued, 
\q2 an gulluba-mellesiidgi be an-onononikid. 
\b  
\q1  
\v 7 ”An na nue-burgwe-itogua, Bab-Jehová, an begi binsaded, 
\q2 agi an bese goted. 
\q1 An-bese-goled, bese mosad, 
\q2 bese-goled-neg-swilidikidse warmaksad. 
\b  
\q1  
\v 8 ”Dulemar-bab-dummaganse-gormaladdi, Bab-Dummad-e-sabgued gwen bai daksurmalad. 
\q2  
\v 9 Andina, an weligwar-namakedgi, an bega ibmar-ogumakar ukoed. 
\q1 An bega ibmar-imakoye ise-sogar an sogsad, an imakedsegoed. 
\q2 ¡Bab-Jehová, unnila bebi sunna dule-abonoged!” 
\p  
\v 10 Geb agine, Bab-Jehová Jonás-onogegala, ua-dummad-agega imaksad. Geb neg-dinnagwadgi ua agsagua, Jonás neggunasse nononikid. 
\c 3  
\ms1 3. JONÁS, NÍNIVE-NEGGWEBURGI BAB-DUMMAD-GAYABURBAGI SUNMAKSAD 
\mr (3:1-10) 
\p  
\v 1 Degine, geb ilabogi, Bab-Jehová Jonásʼga gannar sogdebalid:  
\v 2 “¡Jonás! ¡Gwisgu! Nínive-neggwebur-dummadse be nae. An bega-ibmar-sogoed a-dulemarga be sognao.” 
\p  
\v 3 Agi Jonás, gwichibin imaksad, geb, Nínive-neggweburse nadegusad, Bab-Jehová-ega-sogsadba. Ar Nínive-neggwebur bipisursoggua, egi naegala ibapaa-nanaleged.  
\v 4 Jonás, Nínive-neggweburgi dognonikid, geb, ibagwen-dummad gandikidgi weyob sunmakdii gualid: “Iba-dulabose (40) Nínive-neggwebur berguoye.”\fig Jonás, Nínive-dorganga Bab-Dummad-Gayaburbagi sunmaksad. (Jonás 3:4) |src="CO01420B.TIF" size="col" ref="Jonás 3:4" \fig* 
\p  
\v 5 Agine, Nínive-dorgan Bab-Dummad-ega-sogedi nue-itosmalad. Degisoggu, serganmala, degi, bipiganase-bakar, bar mas-guchasurmalad, bela mor-sommed-ai-aid yosmarbalid, adi, oyogegar, emarde e-isguedga na wile-itomarye. 
\p  
\v 6 Nínive-e-rey we-gaya-itoargua, na e-rey-gangi-sii gwichibin-imaksad. Geb e-rey-mor-yoid-esusad, agi mor-sommereged yosad. Deginbali, buru-birgi sigisbalid, oyogegar, ede na e-isguedga bukib-binsamoye.  
\v 7 Geb degine, rey na e-dummaganmala, Nínive-neggweburginmaladga igar-uknonikid. Weyob sognonikid: 
\pi1 “Bela dule-gwablemakar melle mas-gunmalo, melle dii gobmarbalo, bela molimarse-bakar, sibad-wawaadmarse-bakar, bela-ibmar-durganse-bakar, melle masgi-ogunmalo.  
\v 8 Deginbali, dulemar mor-sommed yomalo, degine, e-ibmar-durganse-bakale, egi mor-sommereged nasikmalo. Bab-Dummadse bela-bela gandikidgi gormalo. Degi, na war-wargwen e-daed-sunnasulid iemalo, degine, e-ibmar-isgana-sabsur-imakdimalad bela iemamarbalo.  
\v 9 Abakale, Bab-Dummad, wile anmar-dakalile. Bela-bela sabsur-anmar-odurdaksokalidgi, bar sabsur-anmar-odurdakarsulile, adi, melle anmar burgwemalagar.” 
\p  
\v 10 Bab-Dummad Nínive-dorgan e-isguedga na bukib-binsasa, degi, e-ibmar-isgana-imaked mete daksagua, na sognonisunnad, we-dulemar-osulogoye an sogsadi, emigindi, bar an sabsur-odurdakosurye. 
\c 4  
\ms1 4. JONÁS ULUDE GUSAD 
\mr (4:1-11) 
\p  
\v 1 We-ibmar-gusad bela-bela Jonás-sae-itogega imaksad. Sae-itogedba, sabsur-uluded.  
\v 2 Geb Jonás, Bab-Jehováʼse goted. Weyob ega sogded: 
\p —Bab-Jehová, ¿ar an we-obarissursi, deunni an-yargi an gudigu? Agala, an Tarsis-neggweburse nadegusanad. Ar an nue-wisid, be, Bab-Dummad-emar-saberbadid, be, wile-emar-dakedid. Be wissur-gwae-gwae urwebalidid. Ar be, dulemar-nue-sabsoggu, emar-sabsur-odurdakoye be sogdaenad, degite, be sorba sogdedabalid, be-isgued bergusye.  
\v 3 Bab-Jehováʼye, degisoggu, an bega soged, bur be an-oburgwesunna. Bur an dula-gudiidba burgwisunnana gadinad. 
\p  
\v 4 Bab-Jehová, Jonás-abin sogded: 
\p —Ar weyob be urwenaidde, ¿ibmar-nued na be sanaye sogsunde? Gwen ibmar-nuedsulid. 
\p  
\v 5 Geb Jonás neggweburgi nodegusad, dad-nakwedsik sigwidapid. Agi, neg-matarkwaa sobsad. A-neg-urba, negsichigwagi sigisad. Geb neggwebursik ataksii gusad, adi, dakegar, igi Nínive-neggwebur gudodibeye.  
\v 6 Geb degine, Bab-Dummad-Jehová Jonás-siidgi dagargii-dakleged-urwa dunguega imaksad, adi, Jonás a-urwa-urba dukuegar, degine, urwesiidbali wis yeer-itobaligar. Agi Jonás, we-urwa-urba-dukusiidgi yeer-itos-gusad.  
\v 7 Neg-oiboargua, Bab-Dummad, dagargii-dakleged-urwa nusse gullegega imaksad. Degisoggu, urwa dingussunnad. 
\p  
\v 8 Dad nakwiargu, Bab-Dummad, dad-nakwedsikid-burwa diopisur-golega imaksad. Degisoggu, Jonásʼgi dad-dummadi-ganai-gualid. Degidbali, Jonás, sulibinsa-ito-naded, na neg negoe-itoged. Agala, burgwebi-guarsunnad, geb, weyob sogded: “Bitigi an burgwissunnana gadina, ar dula-gudiidba bur-nuedid.” 
\p  
\v 9 Agine, Bab-Dummaddi Jonásʼga sogded: 
\p —¿Ar dagargii-dakleged-dingusadbina nue be urwe? 
\p Jonás, Bab-Dummad-abin sogded: 
\p —Eye, nue-bela-bela an sae-itoged. 
\p  
\v 10 Geb degine, Bab-Jehová Jonásʼga sogdebalid: 
\p —¿We-dagargii-dakleged-urwa, mutiki-dungusad, a-banedgine, mutiki burgwisbalid, a-bina be bukib-binsade? Emide be, gwen digsasulid, be gwen odummossurbalid.  
\v 11 Ar deyob be itogele, an-bulesunna, ¿ar an Nínive-neggwebur wiledakosur be an-insae? Ar we-Nínive-neggwebur-dummadgi dulemar-aku-neg-itomalad mili-dulanergwa-gaka (120,000+) bukwad, degine, moli-bebe-nikamalad bukidar-bukwabalid. ¿Amarde an wiledakosursi? An wile dakoed.