\id JDG - Kuna, San Blas - Bible -Panama 2014 (DBL -2014) 
\h Jueces 
\toc1 Dule-Igar-Nabomalad-Garda 
\toc2 Jueces 
\toc3 Jc 
\mt1 DULE-IGAR-NABOMALAD-GARDA 
\mt2 JUECES 
\imt2 GEBE-SOGLENAID 
\imt1 Garda-nug 
\ip \it Dule-Igar-Nabomalad-Garda.\it*\it Igar-nabomaladi\it* igar-nikaa-negsemaladye sogleged. We-dulemala, dule-bulegan gusmalad. 
\is1 Dule-Igar-Nabomalad-Gardagi weyob sunmaklenaid 
\ip Josué-burgwisad-sorbali, dule-igar-nabomaladi, Israel-dulemar-seali gusad. Geb Israel-dulemar rey-nikunonimaladse dule-igar-nabomalad bergunonikid. Gandikidba dulamar-idusmalad, degine, dule-isganamargi dulemar-bendaksad. Bela we-dulemala, Bab-Dummad-sogedba arbadii gusmalad. Dule-igar-nabomaladi, e-ibmar-imakmaladi na akar-akar nanaed. Bab-Dummadi dule-igar-nabomaladba Israel-dulemar-bendakdii gusad. 
\ip We-gardagine, weyob ilemakar sunmaklenaid: 
\io1 1. Dummagan-igar-nabomalad-ibagan (1:1–3:6). 
\io2 1a. Israel-dulemar Canaán-yargi ambikunonimalad (1:1–2:5). 
\io2 1b. Israel-dulemarga dule-igar-nabomalad barmilemaigusad (2:6–3:6). 
\io1 2. Dummagan-Israel-dulemarga-igar-nabomalad (3:7–16:31). 
\io2 2a. Otoniel, Aod, degi, Samgar igar-nabomaladga megisad (3:7-31). 
\io2 2b. Bab-Dummad-gayaburba-barsoged-bundor-Débora (4:1–5:31). 
\io2 2c. Gedeón, degi, Abimelec igar-nabomaladga megisad (6:1–9:57). 
\io2 2d. Tola, degi, Jair igar-nabomaladga megisad (10:1-5). 
\io2 2e. Jefté igar-nabogedga megisad (10:6–12:7). 
\io2 2f. Ibzán, Elón, degi, Abdón igar-nabomaladga megisad (12:8-15). 
\io2 2g. Sansón igar-nabogedga megisad (13:1–16:31). 
\io1 3. Igar-baigan (17:1–21:25). 
\io2 3a. Levita-dule-Micaía Dan-waganba nagusad (17:1–18:31). 
\io2 3b. Levita-dule-ome-nukad Benjamín-sordamargi bila-onolesad (19:1–21:25). 
\ip Be itogua. 
\c 1  
\ms1 1. DUMMAGAN-IGAR-NABOMALAD-IBAGAN 
\mr (1:1–3:6) 
\ms2 1a. Israel-dulemar Canaán-yargi ambikunonimalad 
\mr (1:1–2:5) 
\s1 Judá-wagan, Simeón-wagan-ebogwa Adoni-Bezec-gasmalad 
\p  
\v 1 Josué-burgwisad-sorba, Israel-dulemar Bab-Jehováʼga sogdemalad: 
\p —Canaán-dulemarbo bila-ononaega, ¿doa inse naoe? 
\p  
\v 2 Bab-Jehová abin-sogded: 
\p —Judá-wagan-inse naoe, ar ade bato a-yala amarga, an uksad. 
\p  
\v 3 Judá-wagan, e-gwenad-Simeón-waganga sogded: 
\p “Anmarga-yar-uklenaidse be anmarba namala, Canaán-dulemarbo anmar bila-onomaloed. Geb a-sorba anmar bemarba namarmogoed, Canaán-dulemarbo bila-onogegar.” 
\p Degi, Simeón-wagan Judá-waganba nadmarsunnad. 
\p  
\v 4 Judá-wagan bila-ononadmargu, Bab-Jehová Canaán-dulemargi, degi, Ferezeo-dulemargi Judá-wagan nakwega imaksad. Deun, Bezecʼye-neg-nugadgi miliambe (10,000) sordamar-ogilosmalad.  
\v 5 Agine, Judá-wagan, Adoni-Bezec-abingunonimargu, ebo-bila-onodmalad. Geb Canaán-dulemar, degi, Ferezeo-dulemar Judá-wagan-idu duurmakdemalad.  
\v 6 Adoni-Bezec wakite gusad. Geb Judá-wagan balegitemargu, bargadapmalad. Gasmargu, e-goo-dummagan, degi, e-nag-goo-dummagan e-ibe siksamalad. 
\p  
\v 7 Geb degi, Adoni-Bezec weyob sogded: “An reymar-dulapaa-gakambed (70) e-goo-dummagan, degi, e-nag-goo-dummagan an ei siksagusad. Degine, an-mese-urba mas-milemalad gundii damalad. Degisoggu, a-ulale, Bab-Dummad deyob an-imaksamogad.” 
\p Geb a-sorbali, Jerusalén-neggweburse Adoni-Bezec-sesmalad. Agine Adoni-Bezec burgwedapid. 
\s1 Judá-wagan Jerusalén-neggwebur, degi, Hebrón-neggwebur-susad 
\p  
\v 8 Judá-wagan, Jerusalén-neggweburgi gwichigudapmalad, geb Jerusalén-neggwebur susmalad. Es-suidgi Jerusalén-dulemar ogilolesad. Geb a-sorbali, Jerusalén-neggwebur-ogumaksamalad. 
\p  
\v 9 Geb degi, Judá-wagan, Canaán-dulemar-yalaganba-bukwamaladgi bila-ononadmarbalid. Degi, Canaán-dulemar-Neguevʼgi-bukwamaladgi, degine, Canaán-dulemar dad-argwanedsik-nebaganba-bukwamaladgi bila-ononadmarbalid.  
\v 10 Deginbali, Judá-wagan, Canaán-dulemar-Hebrónʼgi-bukmaladgi duurmakdemarbalid, ebo-bila-onomalagar. Hebrón-neggweburde, Quiriat-Arbaʼye iduar nuganad. Agi, Judá-wagan, Anac-wagangi nakwismalad: Sesaiʼgi, Ahimánʼgi, degi, Talmaiʼgi. 
\s1 Otoniel, Debir-neggweburgi-nakwisad, degi, Acsa-nikusad 
\r (Josué 15:15-19) 
\p  
\v 11 Judá-wagan, Hebrón-akale, Debir-dulemargi duurmakdemarbalid, egi bila-onomalagar. Debir-neggweburde, Quiriat-Seferʼye iduar nuganad.  
\v 12 Degine, Caleb sogded: “Ar doa-dule Quiriat-Sefer-neggwebur-ogalakusale, degi, a-neggwebur-susale, egi nakwisale, a-dulega an-sisgwa-Acsa an ukoed, na nikuegar.”  
\v 13 Geb Otoniel, Quiriat-Sefer-neggwebur susad. Degisoggu, Caleb, Otonielʼga na e-sisgwa-Acsa-uksasunnad, na nikuegar. Otonielʼde Cenaz-e-machid. Cenazʼdi Caleb-e-urbad. 
\p  
\v 14 Acsa Otonielʼba nasokargu, Otoniel ega sogded: “Be-babse be nainu egise.” Agi, Acsa moli-uayasuid-birgi-siid aidesad. Geb e-bab-Caleb deyob daksagu, ega sogded: 
\p —¿Igi be itoge? 
\p  
\v 15 Acsa, e-bab-abin sogded: 
\p —Be anga ibmar-baid-udabi an abedo. Bato be anga napanegdi Neguevʼgi uksad, dii-gammumar-aryomamaid an abebalid. 
\p Degidgi, Caleb, dii-gammumar-nakwar-mamaid ega uksad, degi, dii-gammumar-dear-mamaid ega uksabalid. 
\s1 Judá-wagan, degi, Benjamín-wagan neggwebur-baigangi nakwisad 
\p  
\v 16 Moisés-e-saka-e-wagan-Ceneo-dulemar, Judá-waganmarba Sapimar-Ogobgi-Dakleged-Neggwebur-akar, Judá-nega-dulesulidganse nade gusmalad. A-nega-dulesulidgande, Neba-Neguevʼye-nugadba naid, Arad-neg-nugadmobin. Agi megidapmalad. 
\p  
\v 17 Geb degine, Judá-wagan, Simeón-waganmala bila-ononadmarbalid. Degi, Canaán-dulemar-Sefatʼgi-bukmaladgi nakwismalad, bela swanga neggwebur imaksamalad. A-ulale, Sefat-neggwebur, Hormaʼye onugsasmalad.  
\v 18 Judá-wagan, Gaza-neggwebur susmalad, degi, Ascalón-neggwebur, Ecrón-neggwebur susmarbalid. Degine, bela e-nainumarse-bakale, ei-susmalad. 
\p  
\v 19 Bab-Jehová Judá-sordamarba nue-gudiid. Amarde, yalaganba dulemar-bukwad-onosmar-inigwele, ar nebagi-dulemar-bukwaddi ur-napagined-esgoromar-nikad nikasoggu, onossurmalad.  
\v 20 Igi-Moisés-sogsa-gusa, deyob Hebrón-neggwebur Calebʼga uklesad. Geb Caleb, a-neggweburgi Anac-e-masmala-walapaagwad onosad.  
\v 21 Degi-inigwele, Benjamín-e-wagandi, Jebuseo-dulemar-Jerusalénʼgi-bukwad onossurgusad. A-ulale, we-garda-narmaklenaidse, Jebuseo-dulemar, Benjamín-dulemar-ebo, bular Jerusalén-neggweburgi bukwagusmalad. 
\s1 José-wagan Betel-neggwebur susad 
\p  
\v 22 José-wagan Betel-neggweburgi bila-ononade gusmalad. Bab-Jehováʼdi, José-waganba nue-gudiid.  
\v 23 José-wagan dule-ega-neg-argamalad Betel-neggweburse barmisad. We-neggweburde Luzʼye iduar nuganad.  
\v 24 Degi, dule-neg-argamalad, dule-wargwen neggweburgi-nodani-daksamargu, ega sogdemalad: “Neggweburse-igar-doglemaid be anmarga oyogele, wile an be-dakmaloed.” 
\p  
\v 25 Geb a-dule, neggweburse-igar-doglemaid ega oyosad. Degi, na dogsamargu, bela dulemar-neggweburgi-bukwamalad es-suidgi ese-ogilolesmalad. Geb dule-ega-igar-oyosaddi, degi, e-gwenadgandi wiledaksamalad, ogilossurmalad.  
\v 26 Degine, a-dule, Het-dulemar-yarse nade gusad. Agi, neggwebur sidapid. Luzʼye e-neggwebur-onugsasad. We-garda narmaklenaidse deyob nuggusad. 
\s1 Manasés-wagan, degi, Efraín-wagan dulemar-baigan onissulid 
\p  
\v 27 Manasés-wagan, amba Canaán-dulemar-onissurmogad. Amarde, wemalad: 
\q2 Bet-Seánʼgi-bukmalad, degi, e-neggwebur-burwiganase-bakar, 
\q2 Taanacʼgi-bukmalad, degi, e-neggwebur-burwiganase-bakar, 
\q2 Dorʼgi-bukmalad, degi, e-neggwebur-burwiganase-bakar, 
\q2 Ibleamʼgi-bukmalad, degi, e-neggwebur-burwiganase-bakar, 
\q2 Meguidoʼgi-bukmalad, degi, e-neggwebur-burwiganase-bakar. 
\q3 Degisoggu, Canaán-dulemar, e-yargine, yapa-ainie na bukwa gusmalad. 
\p  
\v 28 Geb Israel-dulemar gangudmargu, Canaán-dulemarga arbaed-gandikid uksamalad. Degi-inigwele, Canaán-dulemar amba bela onilessurgusad.  
\v 29 Efraín-wagan, Gezerʼgi-Canaán-dulemar-bukwad-onissurmogad. Degisoggu, Canaán-dulemar amba Efraín-wagan-abargi bukwagusmalad. 
\s1 Israel-wagan-baigan dulemar-bukwad onissurmalad 
\p  
\v 30 Zabulón-wagan, Quitrón-neggweburgi-dulemar-bukwad onissurmarmogad, degi, Naalal-neggweburgi-bukwad onissurmarbalid. Degisoggu, Canaán-dulemar amba Zabulón-wagan-abargi bukwagusmalad. Degi-inigwele, Canaán-dulemarga arbaed-gandikid-uksamalad. 
\p  
\v 31 Aser-wagan, amba Canaán-dulemar-onissurmogad. Amarde, wemalad: 
\q2 Acoʼgi-bukmalad, Sidónʼgi-bukmalad, 
\q2 Ahlabʼgi-bukmalad, degi, Aczibʼgi-bukmalad, 
\q2 Helbaʼgi-bukmalad, Afecʼgi-bukmalad, 
\q2 degine, Rehobʼgi-bukmalad. 
\p  
\v 32 A-ulale, Aser-wagan, Canaán-dulemar-abargi bukwagusmalad. 
\p  
\v 33 Neftalí-wagan, amba Canaán-dulemar Bet-Semesʼgi-bukwad, degi, Bet-Anatʼgi-bukwad onissurmogad. Degisoggu, Neftalí-wagan, Canaán-dulemar-abargi bukwagusmalad. Degi-inigwele, Bet-Semes-dulemarga, degi, Bet-Anat-dulemarga arbaed-gandikid uksamalad. 
\p  
\v 34 Amorreo-dulemar, yalaganba Dan-wagan ise-barmiar-imaksad, degine, nebaganba-aidegega gwen imaksasulid.  
\v 35 Degisoggu, Amorreo-dulemar na Heres-yargi yapa-ainie gusmalad, degi, Ajalón-yargi, degine, Saalbim-yargi yapa-ainie gusmalad. Degi-inigwele, José-wagan gangudmargua, Amorreo-dulemarga arbaed-gandikid uksamalad. 
\p  
\v 36 Dakargu, Amorreo-dulemar-e-yar-abingunaid, Acrabim-yar-nakwialidgi onoded, Selaʼse, degi, niba nakwidbalid. 
\c 2  
\s1 Bab-Jehová-e-baliwitur Boquimʼgi na magarosad 
\p  
\v 1 Bab-Jehová-e-baliwitur Gilgal-neggwebur-akar nadegusad Boquim-neg-nugadse, adi, Israel-dulemarga gayaburba sogegar: “Ani an Egipto-yargi bemar-onisad, be-dadganga-yar-ukoye an ise-sogar-sogsadse, an bemar-senonikid. Deun, be-dadganga ise-sogar an sogsa gusad, bipisaale, an bemar-ebo-Igar-Mesisad bar an osulogosurye.  
\v 2 Bemardi mer dule-we-yarginmaladbogwa igar-omesmaloye. Degi, an bemarga sogsad: A-e-bab-dummaganga-ibmar-ogumakar-ukleged-ailamar be osulomaloye. Degi-inigwele, bemar an-sogedba ibsassurmalad. ¿Ibiga be an-itossurmala? Deyobsulindo.  
\v 3 Degisoggu, an sogmosundo: We-dulemar-bemar-abargi-bukwadi, bar an obelogosurmogad. We-dulemar bemarga bonigan-ukdii gudmarsunnoed, degi, e-bab-dummagangi bemar binsaed-galedii gubarsunnoed.” 
\p  
\v 4 Bab-Jehová-e-baliwitur sunmaked-bergusgua, bela Israel-dulemar binnasuli-bodmalad.  
\v 5 A-ulale, Boquimʼye a-neg-onugsasmalad. Geb agine, Bab-Jehováʼga ibmar-ogumakar-ukleged uksamarbalid. 
\ms2 1b. Israel-dulemarga dule-igar-nabomalad barmilemaigusad 
\mr (2:6–3:6) 
\s1 Josué-burgwisad 
\r (Josué 24:29-31) 
\p  
\v 6 Josué onmaked-bergusadgi Israel-dulemar-barmisgua, Israel-dulemar ega-napaneg-uklesmaladse nadmalad.  
\v 7 Josué-ibagangi, degine, girmar-dummagan-ibagangine, Israel-dulemar, Bab-Jehová-sogedba nanadii gusmalad. A-girmar-dummagande, bela Israel-dulemarga Bab-Jehová-ibmar-gegerdaklemalad-imaksad daksamalad. 
\p  
\v 8 Nun-machi-Josué Bab-Jehová-e-mai, birga-dulatar-gakambe nika (110) burgwisad.  
\v 9 Geb Josué-e-nainu-Timnat-Sera-nugadgi Josué-digsamalad. Timnat-Seraʼde Efraín-yalagangi, Gaas-yar-dummad-dad-nakwed-argan-sapiledsik naid. 
\p  
\v 10 Degi, Israel-dulemar Josué-ibagangi-gudigusmalad bela burgwismarmogad. Geb sorba, wagan-baigan-ambikunonikiddi aku Bab-Jehová-daksamalad, degi, Bab-Jehová-Israel-dulemarga-ibmar-nuegan-imaksad wissurmarbalid. 
\s1 Israel-dulemar-isgusad, sabsur-odurdaklesad, bendaklesad 
\p  
\v 11 Geb Israel-dulemar Bab-Jehová-asabin ibmar-isganabi imakdemalad. Ar ade, bab-dummadyob-imakleged-Baal-nugadse gordii gudmalad.  
\v 12 Israel-dulemar, Bab-Jehová-obachamalad. We-Bab-Jehováʼde Israel-dulemar-e-dadgan-e-Bab-Dummadid, Egipto-yalagi e-dadgan-onisgusadid. Degine, Israel-dulemar, bab-dummadyob-imaklemaladba nanadmalad, dulemar-baigan-e-bab-dummaganse gotemalad. Degidbali, Israel-dulemar, Bab-Jehová-ourwega imaksamalad.  
\v 13 Degi, Israel-dulemar Bab-Jehová-obachamargu, bab-dummadyob-imakleged-Baal-nugadse gordii gudmalad, degi, bab-dummadyob-imakleged-Astarot-e-nuchumarse gordii gudmarbalid. 
\p  
\v 14 A-ulale, Bab-Jehová Israel-dulemargi nue sae itoded. Degisoggu, dule-gandikidgi-ibmar-atursamaladga urmaksasunnad, adi, Israel-dulemar-ibe ibmar-atursamalagar. Degi, e-isdarmalad-dikarba-bukwadga urmaksabalid. Degisoggu, Israel-dulemar, e-isdarmalad-abin bila-onogedgi geg abingwisgue gusmalad. 
\p  
\v 15 Igi-Bab-Jehová Israel-dulemarga na ise-sogar-ibmar-sogsadba-guegala, weyob imaksad: Israel-dulemar bila-ononadmalale, Bab-Jehová egi gwichidaed, adi, ogalakuegar. Degisoggu, nue-suli-suli itodmarsunnad. 
\p  
\v 16 Degisoggu, Bab-Jehová Israel-dulemarga dummagan-igar-nabomalad urbissunnad. Amarde, dule-gandikidgi-ibmar-atursamaladgi Israel-dulemar-onosad.  
\v 17 Degi-inigwele, Israel-dulemar, dummagan-igar-nabomalad-sogedba dassurmarbalid, aka dule-baigan-e-bab-dummaganba nanadmalad, ase gotemalad. Degisoggu, e-dadgan-nanasad-igarba yog-banguar gusmalad. Ar e-dadgandi, Bab-Jehová-Igar-Maidba nanasmalad, emardi, Bab-Jehová-Igar-Maidba gwen nanassurmalad.  
\v 18 Ar Bab-Jehová, Israel-dulemarga dummad-igar-naboged-susale, eba-nai-daed. Degisoggu, dummad-igar-naboged amba dula-gudiile, Bab-Jehová, Israel-dulemar e-isdarmaladgi-onodaed. Ar ade, Bab-Jehová, Israel-dulemar-sabsur-wilebukmaladba ese-gorbukwad-itosale, na bendakdedaed.  
\v 19 Ar dummagan-igar-naboged-burgwisale, Israel-dulemar e-babganba bur bule isguddamalad, aka dule-baigan-e-bab-dummaganse gotedamalad, degi, ega ibmar-imakdedamarbalid, degine, e-nug odummoddamarbalid. Degidbali, e-isgumaladgi gwen bangudasurmalad, gannar igar-isgana-imakdedamalad. 
\p  
\v 20 A-ulale, Bab-Jehová, Israel-dulemargi sae-itoded, weyob sogded: “An e-dadganbo-Igar-Mesisadba we-Israel-dulemar gwen nanassurmalad, degi, an-sogedba ibsassurmarbalid.  
\v 21 Degisoggu, Josué, e-burgwed-iduar dulemar-baigan-onissulidi, bar an oniosurmogad.  
\v 22 We-dulemar Israel-dulemar-wilubdakega an imakoed, adi, an dakega, bule an-Igar-Maidba e-dadgan-nanasadyob Israel-dulemar nanamogodibe.” 
\p  
\v 23 A-ulale, Bab-Jehová dulamar-baigan yog-oniar imaksasulid, degine, Josué we-dulemar-obelogega, Bab-Dummad imaksasurbalid. Amba we-dulemar-bukuega Bab-Jehová imaksad. 
\c 3  
\s1 Bab-Jehová Israel-dulemar-wilubdaksad 
\p  
\v 1 Bab-Jehová dulemar-baigan Canaán-yargi onissurgusad. Adi, bela Israel-dulemar-bila-onolegedgi-gwen-urwedisurmalad wilubdakegar.  
\v 2 Weyob Bab-Dummad imaksadi, adi, Israel-wagan bila-onolegedgi-durdakarsurmalad, durdakmalaga, igi bila onolege.  
\v 3 Dulemar-baigan-bukusmaladi, wemalad: 
\q2 Filistea-e-dummagan walatar bukusad. 
\q2 Canaán-dulemardi amba bela bukusad. 
\q2 Sidón-dulemar-Líbano-yargi-bukwamaladi, bukusad. 
\q2 Degi, Heveo-dulemar-Líbano-yalaganba-bukwamarmogadi, 
\q2 Baal-Hermón-yar-akale, 
\q2 degine, Hamat-neg-nugadse-bukmaladi, 
\q2 amba bela bukusmarmogad. 
\q3  
\v 4 Bab-Jehová Israel-dulemar-wilubdakega we-dulemar-obukusad. Adi, dakega, bule Israel-dulemar e-dadganga Moisésʼba-Igar-uklesadbali damalodibeye. 
\p  
\v 5 Israel-dulemar we-dulemar-abargi bukunonisunnad: 
\q2 Canaán-dulemar-abargi, 
\q2 Het-dulemar-abargi, 
\q2 Amorreo-dulemar-abargi, 
\q2 Ferezeo-dulemar-abargi, 
\q2 Heveo-dulemar-abargi, 
\q2 degine, Jebuseo-dulemar-abargi bukusmalad. 
\p  
\v 6 Degi, Israel-dulemar-e-masmala a-dulemar-e-bunamalabo nikudmalad, degine, e-sisgana a-dulemar-e-masmalabo nikudmarmogad. Deginbali, Israel-dulemar a-dulemar-e-bab-dummaganse gotemalad. 
\ms1 2. DUMMAGAN-ISRAEL-DULEMARGA-IGAR-NABOMALAD 
\mr (3:7–16:31) 
\ms2 2a. Otoniel, Aod, degi, Samgar igar-nabomaladga megisad 
\mr (3:7-31) 
\s1 Otoniel, Israel-dulemar-bendaksad 
\p  
\v 7 Israel-dulemar, Bab-Dummad-Jehová-asabin ibmar-isgana imakdemalad, e-Bab-Dummad-Jehová-iedmalad, bab-dummadyob-imakleged-Baalʼse gotemalad, degi, bab-dummad-bundoryob-imakleged-Aseraʼse gotemalad.  
\v 8 A-ulale, Bab-Jehová Israel-dulemargi bela-bela sae itoded. Degisoggu, Mesopotamia-e-rey-Cusan-Risataimʼye-nugadga urmaksad, adi, Israel-dulemargi nakwegar. Geb Israel-dulemar birgabaabak (8) Mesopotamia-dulemarga mailedii gusad.  
\v 9 Geb degidgine, Israel-dulemar ise-wilegar Bab-Jehováʼse gochamalad. Agine, Bab-Jehová, Israel-dulemarga dule-e-bendaked nug-imaksad. Geb a-dule Israel-dulemar-bendaksad. We-dulede, Otonielʼye-nugad, Cenaz-machid. Cenazʼdi, Caleb-e-urbad.  
\v 10 Bab-Jehová-Burba Otonielʼgi ubononikid. We-dule Israel-dulemar-e-idued-dummadga gusad, adi, Israel-dulemar Mesopotamia-e-rey-Cusan-Risataimʼgi bila-onogedgi nakwegar. Degidbali, Otoniel e-isdarmalad-ogalakusad.  
\v 11 Bela we-ibmarmar-gusad-sorbali, Cenaz-machi-Otoniel-burgwenonikidse birga-dulabo (40) Israel-yargi neg-bogidikid nagusad. 
\s1 Aod, Moab-dulemargi Israel-dulemar-bendaksad 
\p  
\v 12 Israel-dulemar gannar Bab-Dummad-Jehová-asabin ibmar-isgana imakdemalad. Degidbali, Bab-Jehová, Moab-dulemar-e-rey-Eglón-ogannosad, adi, Israel-dulemargi bila-onogedgi nakwegar.  
\v 13 Moab-dulemar-e-rey, Israel-dulemargi gwisguegala, Amón-dulemarbo atosad, degi, Amalec-dulemarbo atosbalid. Degisoggu, Israel-dulemargi-gwichigudgu, Ogobgi-Dakleged-Neggwebur susmalad.  
\v 14 Geb Israel-dulemar birgambe-gakabaabak (18) Moab-dulemar-rey-Eglónʼga mailedii gusad. 
\p  
\v 15 Geb degidgine, Israel-dulemar ise-wilegar Bab-Jehováʼse gochamarbalid. Agine, Bab-Jehová, Israel-dulemarga dule-e-bendaked nug-imaksad. Geb a-dule Israel-dulemar-bendaksad. We-dulede Aodʼye nugad, Gera-machid. Aodʼde, Benjamín-wagansikidid, dule-sapiledid. Degi, Israel-dulemar, Moab-e-reyga-mani-uklegergebedi, Aodʼba barmisad.  
\v 16 Degine, Aod esbunyar abinbela ebichad. Esbunyar-suguedi, sakwa-bisgise-wilub sugued. Geb degi, e-mor-urba sasirba e-dua-nuedsiki esbunyar-nasiksa naded.  
\v 17 Geb Aod, Moab-dulemar-e-rey-Eglónʼse-modapgua, manimar-semaid ega ukdapid. Ar Rey-Eglónʼde dule-wardummadid.  
\v 18 Degi, Aod, Rey-Eglónʼga manimar-uksagua, dulemar-eba-nonimarmogadmala noded, degimaloye ega sogegar.  
\v 19 Degine, Aod, Gilgalʼgi ibmar-sobarmalad-bab-dummadyob-imaklemalad-bukwadse dulemar-obesgua bilisad, gannar Rey-Eglónʼse naded. Geb degi, Rey-Eglónʼga bannabaa ibmar-sogded: 
\p —Rey, an begarbi ibmar-arbakee soged nikando. 
\p Degi, rey sogded: 
\p —¡Abitogwelo! 
\p Geb rey, dule-ega-ibmar-imakmalad-e-nagaba-bukwad bela onisad, adi, mer e-itomalagar. 
\p  
\v 20 Degi, Eglón walagwen obunnoged-neg-nibalidgi siid. Aod ese nadgu, ega sogded: 
\p —Bab-Dummad-gayaburba-soggwen an bega sogdani. 
\p Eglón degi-itosgu, gangi-siid gwichibin imaksad. 
\p  
\v 21 Degidgi, Aod e-dua-nuedsik-esbunyar-naid e-argan-sapiledsik susad, geb Eglón-e-sadergi yaalu imaksad.  
\v 22 Bela e-saderyabali esbunyar-nonose-bakar dogsad, bela e-samurmar ainisad. Ar ade Eglón-war-bipisursoggu, e-gwallu-nikadba esbunyar bela e-saderyaba-dogsa megisad. Degisoggu, Aod, Eglón-e-saderyaba-esbunyar-yoid bar onossulid.  
\v 23 Geb a-sorbali, Aod, obunnoged-neg-nibalid-e-yawagak ise-eduar imaksad. Geb edi, yawagak-bipigwadba nosad. 
\p  
\v 24 Aod-nosad-sorba, reyga-arbamalad-nonimalad, yawagak ise-atuar-sii dakarmargu, sogdemalad: “Rey akusiirgebed.” 
\p  
\v 25 Geb undar magaba abitosmalad, rey yawagak-egasuli-dakarmargu, surbinsa-itoarmalad. Geb yabegi yawagak egasmalad. Yaa-egasmargu, e-dummad-Eglón burgwar-meremai dakarmalad. 
\p  
\v 26 Aodʼdi, reyga-arbamalad rey-abitobukwadgine, wakichad. Gilgalʼgi ibmar-sobarmalad-bab-dummadyob-imaklemalad-bukwadgi nasgua, Seiratʼye-neg-nugadse na obunnodapid.  
\v 27 Aod, Efraín-yalagan-mosgua, Israel-dulemarse-golega gar-trompeta ogordapid. Geb Israel-dulemar-yalaganba-bukmalad eba aidearmarmogad. Aod, Israel-dulemar-idu-nadapi gusad. 
\p  
\v 28 Degi, Aod Israel-dulemarga sogded: “¡Anba dagmalo! Bab-Jehová, anmarga Moab-dulemar-urmaksad.” 
\p Geb Israel-dulemar Aodʼba duurmakdemalad. Degi, Moab-dulemar-ibe Jordán-diwar-obakleged-igarmar susad, Moab-dulemar asik bar obakega imaksasulid.  
\v 29 Deun, Israel-dulemar miliambe-wilub (10,000) Moab-sordamar-ogilosmalad, wargwensaale durgussulid. Dule-burgwismaladde, bela dule-gandikmaladid, degine, bilagi-yeer-urwemaladid.  
\v 30 A-ibagine, Moab-dulemar, ise-wilegar Israel-dulemar-sogedba nanad gusmalad. Degine, birga-dulabake (80) Israel-yargi neg-bogidikid nagusad. 
\s1 Samgar, Filistea-dulemargi Israel-dulemar-bendaksad 
\p  
\v 31 Aod-sorba, Samgar megnonikid. Samgarʼde Anat-machid. Samgar esgoro-swiswidikid-molimar-barmiedgi, dulataled-ilanergwa (600) Filistea-sordamar-ogilosad. Degidbali, Samgar, Filistea-dulemargi Israel-dulemar-bendaksad. 
\c 4  
\ms2 2b. Bab-Dummad-gayaburba-barsoged-bundor-Débora 
\mr (4:1–5:31) 
\s1 Débora, Barac-ebogwa Sísara-ogalakusmalad 
\p  
\v 1 Aod-burgwisad-sorba, Israel-dulemar gannar Bab-Jehová-asabin ibmar-isgana imakdemarbalid.  
\v 2 Degisoggu, Bab-Jehová, Rey-Jabínʼga Israel-dulemar-urmaksad. Rey-Jabínʼde Canaán-dulemar-e-reyd, Hazor-neggweburgi yar-semaidid. E-sorda-bila-onomalad-e-dummaddi Sísaraʼye-nugad. A-dulede, Haroset-Goim-neg-nugadgi maid.  
\v 3 Rey-Jabínʼde ur-bila-onoged-napagined-esgorobiid, dulataled-ilabakebak (900) nikad, degine, birga-dulagwen (20) Israel-dulemar-wiosad, ise-mesagwar-imaksad. Degidbali, Israel-dulemar ise-wilegar Bab-Jehováʼse gochamalad. 
\p  
\v 4 Deunni, Israel-yargi, ome igar-nabogega maid. We-omede Déboraʼye nugad, Lapidot-e-omed, degi, Bab-Dummad-gayaburba-barsoged-bundor-balid.  
\v 5 Déboraʼde gusgu ogob-urba signaddaed, Ramá-neggwebur, Betel-neggwebur-ebo-abingunaid-imbagi, Efraín-yalaganba. A-ulale, Débora-sapiye bileged. Degi, Israel-dulemar na igar-nabiroga Déboraʼse naddamalad, ega igar-nudakegar. 
\p  
\v 6 Ibagwengi, Débora, Baracʼbina gochad, adi, ebo sunmakegar. Baracʼde Abinoam-machid. Ade, Neftalí-yargi Cedesʼye-neg-nugadgi maid. Barac nonigua, Débora ega weyob sogded: 
\p —Israel-e-Bab-Dummad-Jehová bega soged: ‘Tabor-yar-dummad-siidse be nae. Agine, Neftalí-sorda-bila-onomalad, degi, Zabulón-sorda-bila-onomalad, miliambe (10,000) be urbo.  
\v 7 Geb ani an Rey-Jabín-e-sorda-bila-onomalad-e-dummad-Sísara Cisón-dianba an sedagoed. Degi, e-ur-bila-onomalad-napaginmalad, degine, e-sorda-bila-onomalad an sedabaloed. Geb agine, we-dulemargi-obinega an be-imakoed.’ 
\p  
\v 8 Barac abin-sogded: 
\p —Be anba naele, an naodo. Be anba nasulile, an naosurmodo. 
\p  
\v 9 Débora ega sogded: 
\p —Degiirdi, an beba naodo. Degi-inigwele, be-ibmar-imakoedgi be nug dunguo-sulid. Ar Bab-Jehová, omega Sísara-urmakoed. A-omegwa Sísara-oburgoed. 
\p Degidgi, Débora, Barac-ebo Cedesʼye-neg-nugadse nadsunnad.  
\v 10 Geb Barac, Cedesʼye-neg-nugadgine, Zabulón-sorda-bila-onomalad-urbisad, degi, Neftalí-sorda-bila-onomalad-urbisbalid. Bela miliambe (10,000) e-sogedba oambikusad. Débora, Baracʼba nadmogad. 
\p  
\v 11 Cedes-neggweburmobin Zaanaim-nebagi wag-ulu-war-gwichid-nagaba Heber-e-dordonegmar bukwad. Hobab-wagwa-Heberʼde, Ceneo-duled, e-dulemargi bangusgusad. Ceneo-dulemarde, Moisés-e-sak-e-waganad. 
\p  
\v 12 Sísara-owisosmargua, emi, Abinoam-machi-Barac, Tabor-yar-dummad-siidse noniye.  
\v 13 Sísara, ur-napagined-esgorobiid dulataled-ilabakebak (900) nikadi, bela guakwaa nasiksad, degi, bela e-sorda-bila-onomaladse-bakar, guakwaa urbisbalid. Geb Haroset-Goim-neggweburgi noarmalad, Cisón-dian-maidse. 
\p  
\v 14 Geb Débora, Baracʼga sogded: “¡Ogus! Ar Bab-Jehová be-sordamar-idu-nadapsoggu, emi-ibagi, Bab-Jehová bega Sísara-ukoed.” 
\p Degi, Barac, Tabor-yar-dummad-siidgine, e-sordamar-miliambedmala (10,000) noarmalad.  
\v 15 Barac-e-sordamar bila-onodmargu, Bab-Jehová, Sísara-e-sordamar, Barac-e-sordamarse-galakuega imaksad. Degidbali, Sísara-e-sordamar na duurmakdemalad. Ur-napaginmalad-onanamalad, degi, e-sorda-bila-onomalad bela es-suidgi ogilolesad. Sísaraʼbela ur-napaginedgi-siidgi ichomaksad, geb nagab wakite-gusad.  
\v 16 Barac, Haroset-Goimʼse Sísara-ur-napaginmalad-balegichad, degi, Sísara-e-sordamar-balegichabalid. We-ibagine, Sísara-e-sorda-bila-onomalad bela es-suidgi ogilolesad, wis wargwenad gwen bessulid. 
\p  
\v 17 Sísara nagab-wakitegu, Jael-e-dordoneg-siidse modapid. Ar Hazor-rey-Jabín, Jael-e-sui-e-ai-nuedsoggu, a-ulale, Sísara, Jael-negse dogdapid. Jaelʼde Heber-e-omed. Heberʼde, Ceneo-duled.  
\v 18 Jael, Sísara-abin-noargu, ega sogded: 
\p —Dage dummad, dogdage, mer dobgue. 
\p Sísara negyaba dognonigu, Jael, mor-dummadgi odukusad. 
\p  
\v 19 Sísara ega sokalid: 
\p —An uku-uku itoged, wis be anga dii udage. 
\p Jael, buglugi-moli-nunis-siid egasad, geb agi ogobsad. Degi, gannar Jael mor-dummadgi Sísara-odukusbalid. 
\p  
\v 20 Degidgi, Sísara Jaelʼga sogdebalid: 
\p —Yawagakgi be gwisguo. Dule bese danikile, bega sokalile: ‘¿Dule wegi mai?’ Ega be sogo: ‘Dule, sateye.’ 
\p  
\v 21 Geb degine, Heber-e-ome-Jael, Sísaraʼbina dordoneg-abingaed-suar amisad, degi, mardo-dummad amisbalid. Geb binnalee ese naded, ar ade, Sísara yegusadbali gabided. Degidbali, ise-gabar-maidgine, Jael, dordoneg-abingaed-suar Sísara-uaya-matargi napaba-mesa bioksad, daksik-noedse imaksad. Deyob Sísara burgwisad. 
\p  
\v 22 Barac, Sísara-amidanigu, Jael abindakega abin noalid, ega sogded: “Dage, be we-dule-amidiid an bega oyogo.” 
\p Geb Barac, Jaelʼba nadgua, dakdapid, Sísara nue-imas-meremai, suargi napaba-mesa e-nono biokles-mai dakdapid. 
\p  
\v 23 Deyopira, Bab-Dummad Israel-dulemar-wagab, Canaán-dulemar-e-rey-Jabín-galakuega imaksad.  
\v 24 Degi, Israel-dulemar-e-gangued Canaán-e-rey-Jabínʼgi gannalemai-gannalemai gusad, bela Rey-Jabín-obelogedse imaksad. 
\c 5  
\s1 Débora, Barac-ebo namaksad 
\p  
\v 1 A-ibagine, Débora, Abinoam-machi-Barac-ebo namaksad. Weyob namaksamalad: 
\q1  
\v 2 “Israel-dummagan sordagan-idu-nadapile, 
\q2 dulemar e-binsaedba bila-onogedgi-urwenadele, 
\q2 Bab-Jehová-nug-odummodii guo. 
\b  
\q1  
\v 3 ”¡Reymar, nue be an-itomar! 
\q2 ¡Dummagan, nue be an-itomar! 
\q1 An namaksokalid, Bab-Jehováʼga an namaksokalid. 
\q2 Israel-dulemar-e-Bab-Dummad-Jehováʼga an gar-ogorsokalid. 
\b  
\q1  
\v 4 ”Bab-Jehová, be Seir-yalagangi nodgua, be Edom-nainugangi nadgua, napneg wawanmakde gusad, 
\q2 nibneg giglimakde gusad, 
\q2 mogirmar dii owide gusad. 
\q1  
\v 5 Bab-Jehová Israel-dulemar-e-Bab-Dummad, be-abin Sinaí-yala wawanmaksagusadyobi, 
\q2 Be-abin yalamar wawanmaksad. 
\b  
\q1  
\v 6 ”Dulemar Anat-e-machi-Samgar-ibagangi, degi, Jael-ibagangi, igarmar-dummaganba bar nanassurmalad, 
\q2 igar-burwiganba nanadii gusmalad, adi, melle boni-amimalagar. 
\q1  
\v 7 Israel-yalagi neggwebur-burwigana ollo-ollo ambikusad, 
\q2 dule-sate ambikusad, an dummadga megnonikidse. 
\q1 Ani an Débora, dulemar-anar an gwichigusad, 
\q2 Israel-dulemar-e-nanayobi an gunonikid. 
\q1  
\v 8 Bab-Dummadye, anmar-Israel-dulemar, bab-dummad-baigan-e-nug-odummosad-ulale, 
\q2 be anmar-neggweburmargi bila-onoleged barmiar gusad. 
\q1 Israel-sordamar mili-dulabo-bukwad-abargi (40,000), dule gwen sigu-abgaed-yoi bila-ononai daklessulid, 
\q2 dule gwen ilawar-swiswidik-annika bila-ononai daklesulid. 
\b  
\q1  
\v 9 ”Israel-dummaganba an naid, 
\q2 dulemar na e-binsaedba bila-onogedgi-urwemaladba an naibalid. 
\q2 ¡Bab-Jehová-nug be odummomar! 
\b  
\q1  
\v 10 ”Bemar moli-uayasuid-ome-sipugwadgi nanamaladi, 
\q2 e-birgi mor-nuegangi be sigmaladi, 
\q1 be nue dulemar-namaked itomar. 
\q2 Degine, bemar nagab-nanamalad, be nue dulemar-namaked itomarmo. 
\q1  
\v 11 Dulemar molimar-dii-gobnonidaed-nagaba namakbukwadi, Bab-Dummad-e-igar-innikigwadba-ibmar-imakedgi namakmalad. 
\q2 Degi, Israel-sorda-bila-onomalad-igar-innikigwadba-ibmar-imakedgi namakmalad. 
\b  
\q1 ”Geb Bab-Jehová-e-dulamar, neggwebur-yawagakse nadmalad, 
\q2 sogdemalad: 
\q1  
\v 12 ‘Débora, namake, namake, 
\q2 namaklegedgi be namake. 
\q1 Abinoam-machi-Barac, ogusa, 
\q2 dule-gasmalad be sede.’ 
\b  
\q1  
\v 13 ”Dule-besmaladi, dule-nuga-nikamaladba nonimalad. 
\q2 Bab-Jehová-e-sorda-bila-onomaladi, dule-gandikmaladba anse nonimalad. 
\q1  
\v 14 Efraín-sordamar-Amalec-dulemargi-danikid nonimalad, 
\q2 a-sorbali, Benjamín-sordamar danigusmogad. 
\q1 Maquir-wagan-sorda-dummagan nonimalad, 
\q2 Zabulón-neg-akar dule-idumalad-gangued-nikamalad nonimarmogad. 
\q1  
\v 15 Isacar-e-dummagan, Déboraʼba nadmarmogad. 
\q2 Baracʼba, Isacar-e-sordagan nadmarmogad, 
\q1 bila-onogedgi Baracʼba nebase duurmakdemalad. 
\q2 Rubén-e-sordamardi, mer-naega yamo arbaed-dummad onosmalad. 
\q1  
\v 16 ¿Ibiga bemar sibad-wawaad-edarbemalad-e-goled-itogega, sibad-wawaad-e-galugi be besmala? 
\q2 Ar Rubén-e-sordamar nue-dobe itosmalad. 
\b  
\q1  
\v 17 ”Galaad-e-sordagandi, Jordán-diwar-obakar besmalad. 
\q2 Dan-e-sordagandi, ur-dummagan-walik besmalad, 
\q1 Aser-e-sordagandi, demar-gaka-naba besmalad, 
\q2 sukunyaba e-urmar-edarbemamai gusmalad. 
\q1  
\v 18 Zabulón-e-sordamala, bila-onogedgi burgwed-naga gusmalad. 
\q2 Neftalí-e-sordamala, bila-onogedgi burgwed-naga gusmarmogad. 
\b  
\q1  
\v 19 ”Canaán-dulemar-e-reymar Taanac-neggweburse nonimalad, 
\q2 Meguido-dian-asabin bila-onosmalad. 
\q2 Degi-inigwele, manimala, degi, ibmar-nuegana gwen sessurmalad. 
\q1  
\v 20 Nibaneg-akale, niisgwamar ulusad. 
\q2 Niisgwamar e-nanaid-akale, Sísaraʼgi gwichigusad. 
\q1  
\v 21 Canaán-sordamar, Cisón-diwar obelolesmalad. 
\q2 Cisón-diwarde, gusgu dikasurgus-maid. 
\q1 Ani an Débora-gued, 
\q2 ¡Gandikidgi an naoed! 
\b  
\q1  
\v 22 ”Sísara-e-molimar binnasuli abarmakmamaidba 
\q2 e-nagmar binnasuli-gornadapi gusad. 
\q1  
\v 23 Bab-Jehová-e-baliwitur weyob sogded: 
\q2 ‘Meroz-dulemar be sabsur-ukabsasun. 
\q1 We-dulemar gwen Bab-Jehová-sordamar-bendakapsurmalad, 
\q2 degi, dule-gandikmaladgi gwen bendakapsurmarbalid.’ 
\b  
\q1  
\v 24 ”Israel-dulemar-omegan-abargi, Heber-e-ome-Jaelʼgi nued binsalesun, 
\q2 omegan-dordonegyaba-bukwamaladba bur bule egi nued binsalesun. 
\q2 Heberʼde Ceneo-duled. 
\q1  
\v 25 Sísara, Jaelʼse dii-egichis gusad, 
\q2 Jaelʼdi moli-nunisgi ogobsad, 
\q2 dule-nuga-nikamaladbi-gobed-noggi moli-nunis-ollikwagwadgi ogobsad. 
\q1  
\v 26 Jael e-argan-sapiledsik dordoneg-abingaed-suar susgusad, 
\q2 e-argan-nuedsik mardo-dummad susgusad. 
\q1 Geb a-ibmargi Sísara-sarsosad, 
\q2 e-nono daasa imaksad. 
\q1 Dordoneg-suargi uaya-matarba Sísara-bioksad, 
\q2 daksik-noedse imaksad. 
\q1  
\v 27 Jael-asabin Sísara sinnii napagi-melleded, 
\q2 napagi meremai gusad, 
\q2 napagi-meremai burgwisad. 
\b  
\q1  
\v 28 ”Sísara-e-nan, yawagak-bipigwad-dale-daledba atakalid, 
\q2 e-machi-yoggud-dakedbali sabsur sogded: 
\q1 ‘¿Ibiga an-machi-e-ur-napagined yoggumai? 
\q2 ¿Ibiga e-ur-napaginmalad-goled itolesuli?’ 
\q1  
\v 29 Omegan-binsaed-ibegan-e-walik-gudimalad ega sunmaksamalad. 
\q2 Geb e-nan omegan-sunmaksadba sogdemogad: 
\q1  
\v 30 ‘Ibmarmar-nued amismarsua, a-miminanairgebed: 
\q2 Sordamar-iliba, yagan-war-wargwen mimilenairgebed, igi, war-warbodibe. 
\q1 Sísaraʼgardi, mor-nuegan-akar-akar-dakleged uklenairgebed. 
\q2 An-dukargi-nasikega mor-akar-akar-dubgi-sobarmalad, 
\q2 mor-yeerdakleged-bela-dubgi-sobarmalad uklenairgebed.’ 
\b  
\q1  
\v 31 ”Bab-Jehová, bela wegibi be-isdarmalad bergusun. 
\q2 Be-sabmaladdi dad-ibeler-gaardaedyob be imako, 
\q2 yorukudba dad-ibeler-gaedyob be sao.” 
\p Degi, bela we-ibmarmar-gusad-sorbali, birga-dulabo (40) Israel-yargi neg-bogidikid nagusad. 
\c 6  
\ms2 2c. Gedeón, degi, Abimelec igar-nabomaladga megisad 
\mr (6:1–9:57) 
\s1 Israel-dulemar Madián-dulemarse-wilesad 
\p  
\v 1 Israel-dulemar, gannar Bab-Dummad-Jehová-asabin ibmar-isgana imakdemalad. Degidbali, Bab-Jehová, Madián-dulemarga birgagugle (7) Israel-dulemar-urmaksad.  
\v 2 Israel-dulemar, Madián-dulemarse ise-mesagwar-wilebukwadgine, e-idu yalaganba akwasaila-mararmaladba dukunaddamalad, degine, akwasailagan-olloganba e-idu dukunaddamarbalid, deginbali, neg-gandikmaladba e-idu dukunaddamarbalid. 
\p  
\v 3 Israel-dulemar ibmar-gwag-digsamalale, Madián-dulemar, Amalec-dulemar, degi, dulemar-dad-nakwedsikmalad Israel-dulemarse gandikidgi ubononidamalad.  
\v 4 Wemar Israel-dulemar-yargi ambikunonidamalad, Israel-dulemar-ibe ibmar-digarmalad obelodamalad, Gaza-neggweburse-bakale, deyob imakdamalad. Bela Israel-dulemar-ibe, sibad-wawaadmar seddamalad, moli-uayasuidmar, degi, moli-bebe-nikmalad e-ibe seddamarbalid. Masgullemaladse-bakale, ega obedasurmalad, bela-e-ibe seddamalad.  
\v 5 Dule-ubononidamaladi, e-dordonegmarse-bakar, senonidamalad, degi, moli-bebe-nikad bukidar senonidamarbalid, sesmar-batedyob a-dulemar, degi, na e-moli-yargan-muremalad-abargi Israel-dulemargi ubononidamalad. Bukidar-mergumaladbali gege ebisledaed.  
\v 6 Wegiidbali, Israel-dulemar Madián-dulemarse sabsur-wilebukwa-gusmalad. Degidbali, Israel-dulemar Bab-Jehováʼse ise-wilegar gochamalad. 
\s1 Bab-Dummad e-gayaburba-barsoged-barmialid 
\p  
\v 7 Israel-dulemar Madián-dulemarse-wilebukwadba Bab-Jehováʼse gochamargua,  
\v 8 Bab-Jehová e-gayaburba-barsoged barmialid. Weyob sogsad: “Israel-e-Bab-Dummad-Jehová weyob-soged: ‘Bemar Egipto-yargi-wilebukwa an bemar-onosad, degi, maiga-gubukwa an bemar-onosad.  
\v 9 Egipto-dulemar-e-ganguedgi an bemar-bendaksad. Degi, bela dulemar-bamalad-be-wiosmaladgi an bemar-bendaksabalid. Degine, bemar-nadapidbali, dulemar-bukmalad an bega onimai imaksad, adi, e-yarmar an bemarga ukegar.  
\v 10 An bemarga sogsabalid: Ani an bemar-Bab-Dummad-Jehová guye. Melle bemar Amorreo-dulemar-yargi-bukwadgi, e-bab-dummaganse-gormaloye an sogsad. Degi-inigwele, bemar an-itossurmalad.’ ” 
\s1 Bab-Dummad Gedeónʼse-gochad 
\p  
\v 11 Degidgi, Bab-Jehová-e-baliwitur Ofra-neggweburgi sapi-urba signonikid. We-sapide Joásʼgadid. Joásʼde Abiezer-wagwad. Deun, Joás-e-machi-Gedeón uva-egureleged-neggi, orosgi-dakleged-trigo egwanaid, adi, Madián-dulemar-idu odukuegar.  
\v 12 Gedeónʼse Bab-Jehová-e-baliwitur ukiar magar-gunonigu, ega sogded: 
\p —Be-dule, bila-onogedgi-niga-nollosulidid, Bab-Jehová beba naid. 
\p  
\v 13 Gedeón abin-sogded: 
\p —Dummad, ar Bab-Jehová anmarba naile, degite, ¿ibiga anmar sabsur-odurdakleddae? Degite, ¿Ibiga ibmar-gegerdaklemalad anmar-dadgan-anmarga-sogsagusad geg bar oyolesunna? Ar anmarga sogsagusad: ‘Bab-Jehováʼde Egipto-yargi anmar-onosye.’ Emisgindi, Bab-Jehová anmar-obachad, Madián-dulemarga anmar-urmaksad. 
\p  
\v 14 Bab-Jehová Gedeónʼgi-atakdegu, ega sogded: 
\p —Be-gangued-nikadgi be bila-onona. Bee, be Madián-dulemargi Israel-dulemar-bendakoed. Ani an be-barminaid. 
\p  
\v 15 Gedeón gannar ega sogdebalid: 
\p —Dummad, ¿igi an Israel-dulemar-bendakoe? Ar an dule-binsaledid. Ar an-gwenadgande Manasés-dulemar-abargi dule-wilemaladid, degi, ande an-neg-yaginmaladba bur-bipigwadid. 
\p  
\v 16 Bab-Jehová ega sogded: 
\p —Napira an bega soged: Bee, be Madián-dulemar dule-wargwennagwadyob ogalakuoed, ar ani, an beba gudii guoed. 
\p  
\v 17 Geb Gedeón abin-sogded: 
\p —Be dule-nued an-dakele, be anga ibmar-wilub-oyodo, adi, an magar-dakegar be-dule anbo-sunmaksadi.  
\v 18 Melle be an-idu nagwelo. Wegi be an-abitogo. An bega ibmar-ukleged senonikoed, adi, an be-asabin ukegar. 
\p Bab-Jehová abin-sogded: 
\p —Degiirdi, an be-abitogo. 
\p  
\v 19 Gedeón nadgu, sibad-senigwad ega dusad, degi, madubur-nibirambe-gakatargi (15) madu-inasulid sobsabalid. Geb bela akwigusgu, garbagi san mesisad, degi, e-nisdi bormogi sesad. Geb Gedeón, Bab-Jehová-e-baliwiturse-mosgua, sapi-urba ega ukdapid. 
\p  
\v 20 Degidgi, Bab-Dummad-e-baliwitur ega sogded: 
\p —We-akwa-dummad-birgi san be mesna, madu-inasulid be omesbalo. Geb a-birgi be e-nis-eogo. 
\p Gedeón Bab-Dummad-e-baliwitur-sogedba imaksad.  
\v 21 Geb Bab-Jehová-e-baliwitur e-gaapoledgi san ebusad, degi, madu-inasulid ebusbargu, yog akwa-birgi soo gaaled. Bela san-ogumaksad, degi, bela madu-inasulid-ogumaksabalid. Geb agine, Bab-Jehová-e-baliwitur Gedeón-wagab ukiar yogguded.  
\v 22 Agine, Gedeón magar-daksad, wede Bab-Jehová-e-baliwitur gue. Degidgine na sogded: 
\p —¡An duledar-wiles! ¡Bab-Jehová, an bela! Bab-Jehová-Bur-Birigined, be-baliwitur-e-wagar an nue-daksa. 
\p  
\v 23 Bab-Jehová ega sogded: 
\p —Melle be dobgu, be burgosuli. Be akar-guosuli. 
\p  
\v 24 Geb agine, Gedeón, Bab-Jehováʼga ibmar-ogumakleged-aila sobsad. Ar Gedeón sogded: “Bab-Jehová bogidikid-ukedid.” A-ulale, Gedeón a-aila Jehová-Salómʼye onugsasad. 
\p We-garda-narmaklenaidse amba Abiezer-wagan-bukwadgi Ofra-neggweburgi ibmar-ogumakleged-aila-soblesad siid. 
\s1 Gedeón Baal-ailamar-omukusad 
\p  
\v 25 Gines a-mutik, Bab-Jehová Gedeónʼga weyob sogsad: “Be-bab-molimar-bukwadgi moli-bebe-nikad-machered-baid be suo, birgagugle (7) nikad be suo. Geb be-bab bab-dummadyob-imakleged-Baalʼga ibmar-ogumakleged-aila-sobsad be omukuo. Degine, Baal-asabin bab-dummad-bundoryob-imakleged-Asera-e-wilub-gwichid be omukubalo.  
\v 26 Geb a-sorbali, be anga yar-mullu-birgi anga-ibmar-durgan-ogumakleged-aila be sobo. Geb be anga a-moli-bebe-nikad oburgo. Be Asera-e-wilub-omukusadi e-sapanga be imakoed.” 
\p  
\v 27 Gedeón Bab-Jehová-ega-ibmar-sogsadba imaksad. Gines, a-mutiki, Gedeón, dulemar-ega-arbamalad warambe (10) sesad. Ar Gedeónʼde e-gwenadgan-dobedba, degi, dulemar-neggweburginmalad-dobedba mutik-imaksad, ibgi-imaksasulid. 
\p  
\v 28 Dulemar-neggweburginmalad wakudar gwisguarmargu, dakarmalad, Baalʼga-ibmar-ogumakleged-aila eariles sii, degine, Asera-wilub omukules maibali. Geb degi, galu-binidgi moli-bebe-nikad-machered ogumakles dakarmarbalid. 
\p  
\v 29 Na muchub-muchub egichiarmalad: “¿Doa we imaksa?” 
\p Nuekwa-igar-amiarmargu, sogdemalad: “Joás-machi-Gedeón imaksa.”  
\v 30 Degidgi, neggweburginmalad Joásʼga sogdemalad: 
\p —Be-machi be onoge. Be-machi oburgwilegergebed. Ar Baalʼgad ibmar-ogumakleged-aila earisad, a-asabin, Asera-e-wilub omukusbalid. 
\p  
\v 31 Degi-inigwele, Joás dulemar-e-asabin-urwebukmaladga weyob sogded: 
\p —¿Bemar Baal-nuki urwemalode? ¿Ar bemarde bendako be itomala? Doa-dule Baalʼbina urwebiele, we-wakdaradba oburgwilegodo. Ar Baal na bab-dummad-itogele, na walagwengi dule-ei-galu-earisadbo urwodo. 
\p  
\v 32 A-ibagine, Gedeón, Jerobaalʼye nuggusad. We-sogleged: “Baal walagwengi dukin san-bendakoye.” Ar Gedeón Baalʼga-ibmar-ogumakleged-aila-earisad-ular, deyob nuggusad. 
\s1 Gedeón Israel-dulemar-baiganse gochad 
\p  
\v 33 Geb degi, bela Madián-dulemar, Amalec-dulemarbo atosmalad, degi, dad-nakwedsikmaladbo atosmarbalid, neggwebur-soggwennadyob bela atosmalad. Geb Jordán-diwar-obaksamargu, Jezreel-nebagi ambikusmalad.  
\v 34 Geb degidgi, Bab-Jehová-Burba Gedeónʼgi ubononigua, Gedeón, Abiezer-wagan-ese-dagmalagala, gar-trompeta ogochad.  
\v 35 Gedeón, Manasés-dulemarse gayaburba-berbemalad barmisad, adi, bila-onogega, a-dulemar eba atomalagar. Degine, Aser-dulemarse, Zabulón-dulemarse, Neftalí-dulemarse, gayaburba-berbemalad barmisbalid. We-dulemar eba atosmarmogad. 
\s1 Gedeón Bab-Jehováʼse wilubgan-egichisad 
\p  
\v 36 Gedeón Bab-Dummadga sogded: “Be anga ibmar-sogsadyobi, Israel-dulemar-bendakega be an-imakoye sogele,  
\v 37 ibmar-gwag-egwalegedgi sibad-wawaad-uka an oginnoed. Unnila sibad-wawaad-ukaginbi boo batisale, napagindi boo batissulile, agi an wisguoed, be an-ganguedgi Israel-dulemar-bendakoye-anga-sogsad, nue-napiragwa.” 
\p  
\v 38 Ar bela-weyob-sogsadi, ega gusad. Banedgine, wakudaradba Gedeón sibad-wawaad-uka-ogichadi egurusad, adi, egi boo-batisad miegar. Degi, egurusadi ega nog-dummad-gwagwen nosad. 
\p  
\v 39 Geb degi, Gedeón Bab-Dummadga sogded: “Bab-Dummad, melle be isdar an-itogo, an bese napi-ibmar-wilub egisoed: Gannar sibad-wawaad-ukagi an bese ibmar-wilub egisoed. Emisgwadi, sibad-wawaad-uka be dinnaa meso, melle owardikuo. Bela napagindi, boo batega be imako.” 
\p  
\v 40 A-mutikidgine, Bab-Dummad deyob Gedeónʼga imaksad. Sibad-wawaad-uka dinnaa mesisad, degi, bela napagindi, boo batisad. 
\c 7  
\s1 Gedeón, Madián-dulemar-ogalakusad 
\p  
\v 1 Gedeón, Jerobaalʼye-nugbalid. Bela-dule-eba-nanaidi bolegwa gwisguarmalad, degi, nadmargu, Harod-dian-siid-naba ambikudapmalad. Madián-dulemar-danar-danar-bukwaddi, egi dad-nakwed-argan-sapiledsik bukmalad, More-yar-nagaba, neba-naidgi bukmalad. 
\p  
\v 2 Bab-Jehová Gedeónʼga sogded: “Be dogdar-mergu sordamar-sediid. Madián-sordamar an bega urmak-sogele, ar Israel-sordamar san-dummarbaa sadamaloed, na sogdamaloed: ‘Anmar na dukin anmar-ganguedgi na bendaksamala.’  
\v 3 Emisgi, sordamarse be golo, ega be weyob sogo: ‘Doa-dule na dobe-itogele, Galaad-yar-akar, gannar e-negse naodo.’ ” 
\p Geb mili-dulagwen-gakabo (22,000) gannar armalad. Degi, napi miliambe (10,000) besmalad. 
\p  
\v 4 Bab-Jehová Gedeónʼga sogdebalid: “Amba dogdar be-sordamar mergue. Dii-maidse be sede, agi an dakoed, bitimala sulegoe. An bega sogele: ‘We-dule beba naoye,’ a-dule beba naodo. Ar an bega sogele: ‘We-dule beba naosurye,’ a-dule beba naosurdo.” 
\p  
\v 5 Gedeón dii-maidse sordamar-sessunnad. Agine Bab-Jehová Gedeónʼga sogded: “Dulemar-achumaryob-gwabingi-eloar-dii-gobmaloedi, dulemar-sindigar-dii-gobmaloedgi bachiki be urbo.” 
\p  
\v 6 Sordamar argangi-dii-gani gwabingi-eloar-gobsamaladi, dulataled-ilapaa (300) mergued. Sordamar-baigandi, bela yokorgi-sindigar dii-gobsamalad.\fig Bab-Dummad, Gedeónʼga sogsad, sorda-igidamalad bila-onogega sulegoe. (Jueces 7:4-6) |src="CO00913B.TIF" size="col" ref="Jueces 7:6" \fig* 
\p  
\v 7 Geb degidgi, Bab-Jehová Gedeónʼga sogded: “We-dulemar-dulataled-ilapaa (300) dii-gwabingi-eloar-gobsamaladba an be-bendako, degi, Madián-sordamargi nakwega an be-imako. Sorda-baigandi e-neg-e-negse namalo.” 
\p  
\v 8 Degisoggu, Gedeón na sordamar-dulataled-ilapaagwadmala (300) bessunnad. Baigandi e-neg-e-negse barmisad. Unnila sordamar-nadmalad-e-mas-gullemaladbi, degi, e-gar-trompetaʼmarbi e-ibe wesad. 
\p Ar Gedeón-sordamar, Madián-sordamar-nebagi-bukwamalad-biriba bukwamalad. 
\p  
\v 9 A-mutikidba, Bab-Jehová Gedeónʼga sogded: “¡Gwichigue! Madián-sordamar-bukwadse be nae. Ani an bega we-dulemar-urmaked, egi be nakwemaloed.  
\v 10 Be dobe Madián-sordamargi gwichigu-naele, be-mai-Furaʼmala be nao.  
\v 11 Agi, dulemar-sunmaked nue be itogo. A-sorbali, na be Madián-dulemargi-gwichiguega niga-gannaledoed.” 
\p Degisoggu, Gedeón, e-mai-Fura-ebo Madián-dule-nakulemalad-bukwadse gwisgudapmalad.  
\v 12 Ar Madián-sordamar, Amalec-sordamar, degi, dule-dad-nakwedsikmalad, bela-ber-sesmar-batedaeyobi, nebagi aisakis bukmalad. Degi, e-moli-yargan-mureged bukidar demar-gakagi ukub-naidyob bukwad, geg-ebisleged. 
\p  
\v 13 Gedeón Madián-dule-nakulemalad-bukwadse-mosgua, sorda-wargwen e-aiga gabdaked-soggwichi itodapid. A-dule weyob soggwichid: 
\p —Emi an gabdaksado: Anmar-bukwadse, cebada-madu baparmakdani an daksad, binnasuli dordoneg-siidse yolenonigu, neg-ayaride an daksad. 
\p  
\v 14 Geb e-ai abin-sogded: 
\p —Sanar-ibmar-guoedi we anmarga obared. Israel-dule Joás-machi-Gedeón es-suidgi Madián-sordamar-obelogoed. Bab-Dummad Gedeón-argan-yaurgi Madián-sordamar-ukoed, degi, bela-sorda-baigan-bukmalad, Gedeónʼga urmakbaloed. 
\p  
\v 15 Gedeón gabdaked-itosgu, e-odulolesad-itosbargua, Bab-Dummad-nug-odummosad. Geb gannar Gedeón Israel-sordamar-danar-danar-bukwadse nonikid, gornonikid: “Gwisgumar, Bab-Jehová anmarga Madián-sordamar-urmaksad.” 
\p  
\v 16 Degi, Gedeón sordamar-dulataled-ilapaagwad (300), sogapaa mimisad, gar-trompeta bela sordamarga uksad, degi, buglu-olloganagi acha-gwallu-ogaar-yoyoi ega uksabalid. 
\p  
\v 17 Degidgi, Gedeón sordamarga sogded: “Nue be an-dakmalo. An-ibmar-imakedba be imakmalo. Madián-sordamar-danar-danar-bukwadse anmar mosale, be anyopira imakmalo.  
\v 18 An an-sordamarbo gar-trompeta-ogotele, bemar bela anmarba Madián-sordamar-bukwad-dikarba bemar gar-trompeta ogotemarmogo. Geb weyob ise-gormakar be gotemaloed: ‘¡Bab-Jehová-nuggi anmar urwemar! ¡Gedeón-nuggi anmar urwemar!’ ” 
\p  
\v 19 Degi, Gedeón, e-sordamar-dulataled-eba-nadapid (100), Madián-dulemar-danar-danar-bukwadse modapmalad. Mosmargua, deun nakulemalad-baigan neg-gabigwengi gwagsokalidgined. Degidgi, Gedeón-sordamar gar-trompeta ogotemalad, degi, buglumar mamaridmalad.  
\v 20 Sordamar dana-danad-sogapaagwad-baid gar-trompeta-ogotemargu, buglumar-mamarismarmogad. Degi, argan-sapiledsik acha-gwallu semamaid, argan-nuedsik gar-trompeta ogornadapmalad, degi, ise-gormakar gotemalad: “¡Dakebinne! ¡Bab-Jehová-nuggi anmar es-suidgi urwemar! ¡Gedeón-nuggi anmar es-suidgi urwemar!” 
\p  
\v 21 Degi, Israel-dulemar Madián-dulemar-bukwad-dikarba na e-bukwamaladgi amba bukusmalad. Madián-sordamar, dulemar-binnasuli-gormake-itoarmargu, bela binnasuli-oimaknadapi duurmakdemalad. 
\p  
\v 22 Gedeón-sordamar-dulataled-ilapaagwad (300) amba gar-trompeta-ogorbukwadgi, Bab-Jehová Madián-sordamar na muchub-muchub es-suidgi-earwarmalaga imaksad. Degi, Madián-sordamar Abel-Mehola-yar-abingunaidgi, Tabatʼye-neg-nugad-walik, Zereraʼsik, Bet-Sita-neggweburse wakitemalad. 
\p  
\v 23 Degidgine, Gedeón Israel-sordamarse gochad: Neftalí-sordamarse, Aser-sordamarse, degi, bela Manasés-sordamarse gochad. Geb Israel-sordamar Madián-sordamar-balegichamalad. 
\p  
\v 24 Gedeón, Efraín-yalaganba gayaburba-berbemalad-barmisbalid. Weyob gayaburba barmisad: 
\p “Madián-sordamar-abin be namalo. Jordán-diwar-obakleged-mamaidba e-idu be neg-gamalo, Bet-Baraʼye-neg-nugadse e-idu be neg-gamalo, adi, Madián-sordamar melle obakegar.” 
\p Efraín-sordamar ega-sogedba imaksamalad, bela Jordán-diwar-dinnalee-mamaidba e-idu neg-gasmalad, Bet-Baraʼye neg-nugadse.  
\v 25 Geb Efraín-sordamar, Madián-e-dummagan-walabo-gasmalad: Oreb, degi, Zeeb. Akwa-dummadgi Oreb-oburgwismalad. Emi, a-ulale, a-akwa Orebʼye bileged. Zeebʼdi uva-nis-eguruleged-neggi oburgwismalad. Emi, a-ulale, a-nega Zeebʼye nugad. Efraín-sordamar, Madián-sordamar-balegichad-sorba, Gedeónʼse Oreb-e-nono, degi, Zeeb-e-nono searmalad. Ar agine, Gedeónʼdi na e-sordaganmala Jordán-diwar-obakar bukwad. 
\c 8  
\s1 Gedeón, Madián-reymar-gasad 
\p  
\v 1 Efraín-sordamar weyob Gedeónʼga urwedgi sogdemalad: 
\p —¿Ibiga be anmarga sogsasuli, anmar Madián-sordamargi bila-ononasokarye? ¿Ibiga be anmar-owisossuli? Be anmarse gochawilubbinad. 
\p  
\v 2 Geb Gedeón Efraín-sordamar-abin sogded: 
\p —Ar ibu wis-imaksa be an-dake. Bemar-Efraín-dulemar, bemar-uva-e-solagan-welegedi, anmar-Abiezer-dulemar-uva-welegedba, bur bule nuedid. Ar deyobi, bemar an-ibmar-imaksadba bur bule ibmar-nued-imaksamalad.  
\v 3 Ar Bab-Dummad bemarga Madián-sordamar-e-dummagan Oreb, degi, Zeeb urmaksad. Degitega, ¿ibu-imaksa be an-daksunna? Andi gwen-dogdar ibmar-nued imaksasulid. 
\p Efraín-sordamar deyob Gedeón ega-soge-itosmargu, bar-akar-sogsasurmalad. 
\p  
\v 4 Gedeón, degi, e-sordamar-dulataled-ilapaagwadmala (300) Jordán-diwarse mosgua, obaksamalad. Ar nue yegusmar-inigwele, deggines e-isdarmalad-balegichamalad.  
\v 5 Gedeón Sucot-neggweburse mosgua, Sucotʼginmaladga sogded: 
\p —Wis be an-sordamarga mas-uke, ar an-sordamar na nue-yegusmalad. Amba anmar Madián-reymar Zebaʼye-nugad, degi, Zalmunaʼye-nugad baleginadapmalad. 
\p  
\v 6 Sucot-e-dummagan abin-sogdemalad: 
\p —¿Ibiga anmar be-sordamar masgi-ogunnoe? Ar bemarde amba yoo Zeba-gamalad, amba yoo Zalmuna-gamarbalid. Bato be gasmalardi, nabirdo. 
\p  
\v 7 Geb Gedeón Sucot-e-dummagan-abin sogded: 
\p —Degir nabir. Ar Bab-Jehová an-argan-yaurgi anga Zeba-uksale, Zalmuna-uksabalile, bemar anse suar-ikobiidgi, degi, nega-dulesulidganba gagan-ikobiid-gannareged-nikadgi san dubamaklegoed. 
\p  
\v 8 Gedeón Sucotʼgi-nadgu, Peniel-neggweburse naded. Agi, Gedeón amba-deyob e-sordamarga mas egichidapbalid. Penielʼginmalad amba Sucot-e-dummagan-sogsadyob Gedeónʼga sogsamarmogad.  
\v 9 Degi, Gedeón, Penielʼginmaladga sogsamogad: “Nuedgi an gannar aibilisale, we-neg-matusulid an earnonikoye.” 
\p  
\v 10 Rey-Zeba, Rey-Zalmunaʼbogwa Carcorʼye-neg-nugadgi sordamar-miliambe-gakatar-gudimaladba (15,000) gudimalanad. Unnila napi-wemar sordamar-dad-nakwedsikmalad besmalad. Ar e-sordagan-baigandi es-suidgi-bila-onomaladi mili-dulanergwa (120,000) bila-onogedgi girgusmalad.  
\v 11 Gedeón, Nobaʼye-neg-nugad-dad-nakwedsik dulemar-bukmaladsik, degi, Jogbeha-neg-nugadsik naded. Geb Gedeón, ukiar Madián-sordamar baisur-binsabukwadgi egi gwichigudapid.  
\v 12 Madián-reymar Zeba, Zalmunaʼbogwa aisaar-wakitemalanad. Degi-inigwele, Gedeón balegitegusgu, warbobela-gadapid. Degidbali, Madián-sordamar na nue-dobe itodmalad. 
\p  
\v 13 Joás-machi-Gedeón, bila-onodiidgi-gannar-aibilisadgi, Jeresʼsik-aibinlemaid-igarba-danigua,  
\v 14 machi-sapingwa-Sucotʼgined-gasad. Ese dulemar-nugmar egichisad. Machi-sapingwa Sucot-e-dummagan-e-nugmar, degi, girmar-dummagan-e-nugmar dulapaa-gakambe-gakagugle-mergued (77) Gedeónʼga narmakar uksad. 
\p  
\v 15 Degidgi, Gedeón Sucotʼse naded. Gedeón modapgu, Sucotʼginmaladga sogded: “¿Be ebinsamala, bemar-angi-dodosmalad, bemar an-bendaksasurmalad? Bemar anga sogsamalad: ‘An be-sordamarga masgunned-ukosurye, ar bemarde amba yoo Zeba, degi, Zalmuna-gamaladdeeye, ar be bato-gasmalardi, nabirye. ¿Bemar anga deyob sogsad be ebinsamala? Emide, an we-dulemar-gasad be dakmardo.’ ” 
\p  
\v 16 Degidgi, Gedeón, suar-ikobiid, degi, nega-dulesulidganba-gagan-ikobiid-gannareged amisad. Geb a-ikogine, Sucot-girmar-dummagan-bibyosad. 
\p  
\v 17 Deginbali, Gedeón, Peniel-neggwebur-ibe neg-matusulid earisbalid. Degi, Gedeón, machergan-Penielʼginmalad-oburgwisbalid. 
\p  
\v 18 Geb Gedeón Zebaʼse, Zalmunaʼse egichided: 
\p —Bemar Taborʼgi dulemar-oburgwisadi, ¿igi daklemala? 
\p Geb Gedeónʼga sogdemalad: 
\p —Beyob-daklemala. Rey-machiyob daklemalad. 
\p  
\v 19 Degidgi, Gedeón binnasur sogded: 
\p —Bemar, an-gwenadgan-oburgwismalad. ¡Bab-Jehová nue-dula-mai dakledo! Ar bemar an-gwenadgan-oburgwissulina, emi-ibagi, an bemar-oburgwedgi-binsasulindo. 
\p  
\v 20 Geb Gedeón e-machi-dummad-Jeterʼga sogded: 
\p —Dakebinne, oburgwe. 
\p Ar machigwade sapingwasoggu, dobedba es-suid onossulid. 
\p  
\v 21 Zeba, degi, Zalmunaʼbo Gedeónʼga sogdemalad: 
\p —Ar dule-machered na be itogele, be anmar-oburgwedo. 
\p Gedeón gwichigudgu, Zeba-oburgwisad, degi, Zalmuna-oburgwisad, degine, e-moli-yargan-muremalad-dukargi-ibmar-nanaid ei susbalid. 
\s1 Gedeón efod-sobsad 
\p  
\v 22 Israel-dulemar Gedeónʼga sogdemalad: 
\p —Gedeón, Madián-sordamargi be anmar-bendaksasoggu, be anmarga negseedo. Geb be-sorba be-machi, degi, be-wagan anmarga negseemogoed. 
\p  
\v 23 Gedeón, Israel-dulemar-abin sogded: 
\p —Suli, an bemarga negseosuli, an-machi seosurmoga. Unnila Bab-Jehová bemarga negseoed. 
\p  
\v 24 Sogdebalid: 
\p —An bemarse ibmar-soggwen egisdo: Bemar Ismael-dulemar-ibe-oluamar-susad gwa-gwagwen be anga udamalo. 
\p  
\v 25 Israel-dulemar abin-sogdemalad: 
\p —Degiirdi, nuedgi an bega ukmalo. 
\p Degidgine, napagi mor-dummad-ogichamalad. Geb oluamar-amismalad na mor-dummadgi urbismalad. 
\p  
\v 26 Oluamarbi nibir-dulabo-gakapaa (43) aidikue-wilub welesad. Ibmar-baigan soglesulid: Ibmar-nuegan, ibmar-orgimalad, mor-suir-akwagiid-Madián-reymar-ebusmalad, amardi soglesulid. Degine, moli-yargan-muremalad-dukarmargi-ibmar-nagusmalad, soglesurbalid.  
\v 27 Gedeón we-ormargi efod-sobsad. We-efod-orbiid e-neggwebur-Ofraʼgi ogwichisad. Geb bela Israel-dulemar we-efod-orbiid Bab-Dummadyob dakdemaladba isgudmalad. Amba deyob Gedeónʼga, degine, e-gwenadganga ibmar-isganaga gunonimogad. 
\s1 Gedeón-burgwisad 
\p  
\v 28 Weyob Madián-dulemar, Israel-dulemar-sogedba-nanadii gusmalad. Madián-dulemar bar Israel-dulemargi obindii gussurmalad. Gedeón-gudigusadgi, birga-dulabo (40) Israel-yalagi neg-bogidikid nagusad. 
\p  
\v 29 Geb degine, Joás-machi-Gedeón Jerobaalʼye-nugbalid e-neggweburse megnad gusad.  
\v 30 Agine, Gedeón omegan-ichesur-nikussoggu, dulapaa-gakambe (70) machimala-nikusad.  
\v 31 Geb Siquemʼgi ome-dikarbalid nikusbalid. A-omebali, machi-wargwen-nikusad. Abimelecʼye onugsasad. 
\p  
\v 32 Joás-machi-Gedeón, nue-sereddii burgwisad. Geb Abiezer-wagan-bukwadgi, Ofra-neggweburgi e-bab-Joás-neg-uangi diglesad. 
\p  
\v 33 Gedeón-burgwisad-sorba, gannar Israel-dulemar Bab-Dummad-Jehováʼgi isgudmalad. Geb Baal-Berit e-bab-dummadga imakde gusmalad.  
\v 34 Israel-dulemar e-Bab-Dummad-Jehová-iedmalad, e-isdarmaladgi e-bendaksasuliyob dakdemalad.  
\v 35 Deginbali, Israel-dulemar, Gedeón ega-ibmar-nuegan-imaksa-inigwele, e-gwenadgangi wis nued-binsassurmarbalid. 
\c 9  
\s1 Abimelec yar-sesad 
\p  
\v 1 Jerobaal-machi-Abimelec Siquem-neggweburse nadegusad, adi, e-gilormar-ebo, degi, e-nan-e-gwenadgan-ebo sunmakegar. Modapgu, amarga weyob sogdapid:  
\v 2 “Siquemʼginmaladga be sogmar, bela Jerobaal-masmala-dulapaa-gakambegwad (70) bemarga negseebi be abege, igi, be unnila dule-wargwen bemarga negseebi be abege. Be ebinsamalo, anmar na ablis galagwenmaladid.” 
\p  
\v 3 E-gilormar, bela Siquem-dulemarga sunmaksamargu, Siquem-dulemar Abimelecʼba nagusmalad, ade, sogdemalad: “Ar anmar-gwenadid.” 
\p  
\v 4 Geb bab-dummad-Baal-Beritʼse-goled-neggi mani-sibu-dulapaa-gakambe aidiku-bukwad (70) Abimelecʼga uksamarbalid. A-manigi Abimelec dulemar-isgana-bennuksad, eba naegar.  
\v 5 Abimelec, Ofra-neggweburse e-bab-megisadse nadgua, e-gwenadgan Jerobaal-masmala-dulapaa-gakambegwad (70) akwa-dummad-gwagwenad-birgi ogilosad. Degi-inigwele, e-urba-bur-bipigwad-Jotamʼdi nabir dukusad.  
\v 6 Bela Siquemʼginmalad, Miloʼginmaladbo Siquemʼgi wag-ulu-war-asabin, degine, akwa-matusulid-siid-asabin na bukusmalad. Geb reyga Abimelec-onugsasmalad. 
\p  
\v 7 Jotam wisguargua, Abimelec reyga-megisye, Gerizim-yar-birise nakwided. Geb agine, binnasuli weyob goted: 
\q1 “Siquem-dulemar, an bemarga ibmar-soged be itomar, 
\q2 adi, Bab-Dummad bemar-itomogoed. 
\b  
\q1  
\v 8 ”Ibagwengine, sapimar, e-dummad-nug-imakega nadmalad. 
\q2 Geb olivo-sapiga sogdapmalad: ‘Be anmar-reyga gue.’ 
\q1  
\v 9 Olivo-sapi abin-sogded: ‘An sapimar-e-dummadga-guega, ¿olivo-gwallu-an-ukdiid bergusunnode, 
\q2 adi, sapimar-baiganba dummarbaa guegar? Adi sulirgebed. 
\q1 Ar ade, an-olivo-gwallugi bab-dummagan-nug-odummolediid, 
\q2 degi, an-olivo-gwallugi dulemar-nug-odummoledibalid.’ 
\b  
\q1  
\v 10 ”Geb sapimar, higuera-sapiga sogdemalad: 
\q2 ‘Be anmar-reyga gue.’ 
\q1  
\v 11 Higuera-sapi abin-sogded: ‘An sapimar-e-dummadga-guega, ¿an-san-ochigwad-yeer-gullegedde bergusunnode? 
\q2 An sapimar-baiganba dummarbaa guega, ¿an-sanmar-nuegande bergubarsunnode? Adi sulirgebed.’ 
\b  
\q1  
\v 12 ”Geb sapimar, uva-dubga sogdemalad: 
\q2 ‘Be anmar-reyga gue.’ 
\q1  
\v 13 Uva-dub abin-sogded: ‘Sapimar-e-dummadga an guega, ¿an vino-ukdiid bergusunnode? Adi sulirgebed. 
\q2 Ar ade, an-vinoʼgi bab-dummagan-weligwar-imaklediid, 
\q2 degi, an-vinoʼgi dulemar-weligwar-imakledibalid.’ 
\b  
\q1  
\v 14 ”Napidgine, sapimar, bela sapi-bula-ikobiidga sogdemalad: 
\q2 ‘Be anmar-reyga gue.’ 
\q1  
\v 15 Sapi-bula-ikobiidi abin-sogded: ‘Ar bemar reyga an-onugsabiele, dagmardo, an-urba be dukudamardo. 
\q2 Ar be anse dagsurmalardi, sapi-bula-ikobiidgi soo gwabunye-dagoed, 
\q2 ese bela Líbano-urwar-sapimar ogumaklegoed.’ ” 
\p  
\v 16 Jotam sogdebalid: “Emide nued: ¿Bemarde nabiridba, degi, igar-maidba Abimelec reyga onug-imaksa be itomala? ¿Bemarde Jerobaalʼgi, degi, e-negginmaladgi igar-nued-imaksa be itomala? Degine, ¿Jerobaal-ibmar-imaksadba bemar ega ibmar-imaksamoga? Suli.  
\v 17 An-bab-Jerobaal, Madián-dulemar-ganguedgi bemar-bendakega bemar-nuki bila-onosad, degi, bemar-nuki na san-uksad.  
\v 18 Degite, emi-ibagi, an-bab-gwenadgangi be gwichigusmalad. E-masmala dulapaa-gakambegid (70) akwa-dummad-birgi be ogilosmalad. Jerobaal-ome-dikarbalid-e-machi-Abimelec bemar-gwenad-gued-ulale, bemar Siquem-reyga Abimelec-onug-imaksamalad.  
\v 19 Ar bemar Jerobaalʼgi, degi, e-gwenadgangi innikigwadba be igar-imaksamalale, degi, egi nued-binsaedgi be ibmar-imaksamarbalile, Abimelecʼba be weligwar-itomaloed. Degi, Abimelec bemarba weligwar itomogoed.  
\v 20 Ar degisulile, Siquem-dulemar-obelogega, degi, Milo-dulemar-obelogegarba, Abimelecʼgi soo-gwabunyeyobi boni-dummagan-nodasun. Degi, Abimelec-obelogega, Siquem-dulemargi, degi, Milo-dulemargi soo-gwabunyeyobi boni-dummagan-nodamosun.” 
\p  
\v 21 Geb Jotam deyob-sogsad-bergusad-sorbali, wakite gusad. Beerʼye-neg-nugadse nade gusad. A-neg-nugadgine na e-ia-Abimelec-dobedbali megidapid. 
\p  
\v 22 Abimelec birgapaagus Israel-dulemar-e-dummadga-maidgi,  
\v 23 Bab-Dummad, Siquem-dulemar Abimelecʼgi aibinnega imaksad.  
\v 24 Adi degidbali, Jerobaal-e-masmala-dulapaa-gakambegwad (70) oburgwilesmalad-ulale, Abimelec-oburgwilemogagar, degi, Siquem-dulemar oburgwilemogagar. Ar wemar, Jerobaal-e-masmala-ogilosadgi, Abimelec-bendaksamalad.  
\v 25 Degi, Siquem-dulemar Abimelecʼgi-gwisguega yar-birgi dukuar bukusdamalad. We-dule-isganamar dulemar-iirmakmaid-ibe ibmar-atursadamalad. We-ibmar-gunaid bela Abimelecʼga sogsamalad. 
\p  
\v 26 Ibagwengine, Ebed-machi-Gaal, e-gwenadganmala, Siquem-neggweburse modapgusmalad. Degi, Siquem-dulemar Gaal baisur-daksamalad, egi bensurgusmalad.  
\v 27 Gaal, e-gwenadganmala sapurba nadmargua, uva-san wesmala, egurusmala. Geb degine, e-bab-dummadse-goled-neggi iba-onosmalad. Gobbukmaladgine, degi, mas-gunbukmaladgine, Abimelec-ukabsasmalad. 
\p  
\v 28 Agine, Ebed-machi-Gaal weyob sogded: “¿Abimelecʼde doaye na wissoge? ¿Ar ibiga anmar e-maiga gumaloe? We-Abimelecʼde, ¿Jerobaal-machisursi? ¿E-bendakedde, Zebulʼsursi? ¿Ar ibiga anmar Abimelec-e-maiga bar gumarsunna? Bur be Siquem-e-bab-Hamorʼye-nugad a-e-dulemar-maiganga be gumala.  
\v 29 Ar ani an Siquem-neggwebur-e-dummadga-maina, an Abimelec-dummadga-maid onosaled. Weyob an ega sogsabaliled: ‘Abimelec, bela be-sordamar be oambikue, anmar anbo-bila-onomardo.’ ” 
\p  
\v 30 Neggwebur-saila-Zebul, deyob Ebed-machi-Gaal ibmar-sogsaye wisguargua, Zebul bela-bela sae-itoded.  
\v 31 Geb Zebul, Abimelecʼga gayaburba-berbemalad arbakee barmisad, ega weyob sogsad: “Ebed-machi-Gaal, e-gwenadganmala Siquem-neggweburse noni, neggwebur-ourwega begi nonimar.  
\v 32 Degisoggu, we-mutiki be-sordamar-abargi be nodamalo, sapurba-dukuar be nakulemalo.  
\v 33 Neg-oibosar, dad-nakwialile, neggweburgi be gwichigudmalo. Geb Gaal, e-sordaganmala begi gwichiguarmalale, be-dakedba na be imako, igi be imakbie.” 
\p  
\v 34 Degisoggu, a-mutiki belagwable Abimelec, e-sorda-bila-onomaladbo nadmalad. Na Siquem-neggweburmobin, sogabake danar-danar dukuar-nakulegega ambikudapmalad.  
\v 35 Dakargu, Ebed-machi-Gaal neggwebur-yawagak-dogedgi magaba gudiid. Degidgine, Abimelec bela e-sorda-bila-onomaladbo na dukubukmaladgi ainiarmalad. 
\p  
\v 36 Gaal, dulemar-ainialid-dakargua, Zebulʼga sogded: 
\p —¡Be dake, dulemar yarbirgi aidedani-nanaed! 
\p Zebul abin-sogded: 
\p —Suli. Yar-mullugan-e-burba dulemaryob be daked. Ar wede dulemarsulid. 
\p  
\v 37 Gaal gannar Zebulʼga sogdebalid: 
\p —Be nue dake, dulemar yar-abalallagi-aidedanimalad. Dule-bamaladdi, nermar gusgu ambikudaedsik, wag-ulusapi-gwichidsik-igarba, aidedanimalad. 
\p  
\v 38 Zebul abin-sogded: 
\p —¿Igi be iduar we-dulegi ulusgussunna? Bede weyob egi sogsagusad: ¿Abimelecʼde doaye wissoge? Ar deyob be we-dulegi dodosgussursi. ¡Emisgi be nae! ¡Egi be bila-ononae! 
\p  
\v 39 Degidgi, Gaal Siquem-sordamar-idumai gusad. Geb Abimelecʼgi bila-onosad.  
\v 40 Degi-inigwele, Abimelec, Gaal-wakitegu, balegite gusad. Bukidar Gaal-e-sordamar Abimelec-e-sordamarse igarba nailikgusad, Siquem-neggwebur-yawagak-dogedse deyob gusad.  
\v 41 Abimelec Aruma-neggweburgi megisad. Degine, Zebul, Siquem-neggweburgi Gaal-ononnosad, degi, a-e-gwenadgan-ononnosbalid, adi, mer we-dulemar Siquemʼgi ambikumalagar. 
\p  
\v 42 Banedgine, Abimelec-owisosmalad, Siquem-dulemar sapurba nasokarmarye.  
\v 43 Degidgi, Abimelec e-sordamar-urbisgua, sorda-danapaa urbisad. Geb degi, sapurba dukuar-ambikusmalad. Abimelec dakdegua, dakded, Siquem-dulemar neggweburgi-ainiarmala. Geb, Abimelec, e-sordaganmala-dukubukwadgi egi-bila-onogega ainiarmarmogad.  
\v 44 Abimelec, degi, e-sordaganmala Siquem-neggwebur-yawagak-dogedse gwae ambikudapmalad. Sordamar-danabogwaddi Siquem-sordamar-sapurba-gudimaladgi gwichigudmalad, bela-ogilosmalad.  
\v 45 A-ibagi, Abimelec ibagwen-dummad Siquem-neggweburgi bila-onosad. Degi, Abimelec Siquem-neggwebur-susgua, dulemar-gudidimalad bela-ogilosad. Geb a-sorbali, Siquem-neggwebur-earisbalid, degi, e-napa-oichogega egi balu mie-mie imaksabalid. 
\p  
\v 46 Dulemar Siquem-neg-matusulidgi-bukwamalad deyob wisgusmargua, bela bab-dummad-Baal-Beritʼse-goled-neg-gandikidse ubodmalad.  
\v 47 Abimelec wisguargua, Siquem-dulemar neg-gandikidyaba bukwamarye.  
\v 48 Abimelec e-sordamarbo bela Salmón-yar-siidse nadmalad. Degi, Abimelec akan-amisgua, sapi-e-anamar immisad. Geb e-gukingi sesgua, e-sordamar-eba-gudimaladga sogdemogad: “Igi-an-imaksa-be-an-dake, deyob be gwae-gwae imakmalo.” 
\p  
\v 49 Bela dulemar Abimelecʼba-gudimalad, sapi-ana siksamarmogad. Geb Abimelecʼba Baal-Beritʼse-goled-neg-gandikid-siidse nadmalad. A-dikarbali, sapi-anamar urbidapmalad. Geb egi soo-ogasmalad. Degidbali, dulemar-neg-matusulid-Siquemʼyaba-bukwamaladi burgwismalad. Deun, miligwen-wilub (1,000) dulemar-bukwadi bela gummaksamalad. Machergana, omeganse-bakar burgwismalad. 
\p  
\v 50 Geb a-sorbali, Abimelec, e-sordaganmala Tebes-neggweburbina nade gusad. Agine, bela neggwebur-ebilis egi-gwichiguega ambikudapid. Degidbali, a-neggwebur ese sulesbalid.  
\v 51 Tebes-neggwebur-abargine, neg-matusulid-gandikid-gwichidse, bela dulemar-neggweburginmalad duurmakdemalad. Machergan, omeganse-bakar, ase nadmalad. Yawagak-edusmaladgi, neg-uas-niba bukusmalad.  
\v 52 Degidgi, Abimelec neg-matusulidse modapgua, egi gwichiguded. Nue neg-ogumaksokali,  
\v 53 ome-wargwen Abimelec-nonogi obnaged-akwa-dummad egwannalid. E-nonogi argwannonigu, ei-nono marisad.  
\v 54 Geb a-gines Abimelec dule-ega-sigu-abgaedse gochad, ega weyob sogded: “Be-es-suid be onoge, be an-oburgwe, adi, mer an-annik soglegega: ‘Ome-wargwense burgwisye.’ ” 
\p Degidgi, dule-ega-sigu-abgaed, esbunyargi ewarisad. Agidbali, Abimelec burgwisad.  
\v 55 Israel-dulemar, Abimelec-burgwisad-daksamargua, e-neg-e-negse nadmarsunnad. 
\p  
\v 56 Abimelec, e-babgi-gwichigusad-ular, degi, e-gwenadgan dulapaa-gakambe (70) ogilosad-ular, Bab-Dummad weyob Abimelec-imaksamogad.  
\v 57 Deginbali, Bab-Dummad Siquem-dulemar, e-isgued-ular, egi buged-imaksad, adi degidbali, e-isgumalad-bennukegar. Degisoggu, Jerobaal-machi-Jotam dulemar-ukabsasadba, Siquem-dulemar sabsur-wilesad. 
\c 10  
\ms2 2d. Tola, degi, Jair igar-nabomaladga megisad 
\mr (10:1-5) 
\s1 Tola, Israel-dulemar-bendaksad 
\p  
\v 1 Abimelec-burgwisad-sorba, Isacar-dule Tolaʼye-nugad, Israel-dulemar-bendakega megnonikid. Tolaʼde, Fúa-e-machid, Dodo-e-wagwabalid. Tola, Efraín-yalaganba, Samir-neggweburgi maid.  
\v 2 Tola birga-dulagwen-gakapaa (23) Israel-yar-semai gusad. Burgwisgu, Samir-neggweburgi diglesad. 
\s1 Jair, Israel-dulemar-bendaksad 
\p  
\v 3 Tola-burgwisad-sorba, Jair-Galaadʼgined megnonikid. Birga-dulagwen-gakabo (22) Israel-yar-semai gusad.  
\v 4 Jair, masmala waladulagwen-gakambe (30) nikusad. Bela moli-uayasuidi nikadbimalad. Degi, Jair-masmala neggwebur gwadulagwen-gakambe (30) semaibalid. A-neggweburmar Galaad-yargi bukwad. We-garda-narmaklenaidse we-neggweburmar Jair-neggweburmarye nugad.  
\v 5 Jair burgwenonigua, Camón-neggweburgi diglesad. 
\ms2 2e. Jefté igar-nabogedga megisad 
\mr (10:6–12:7) 
\s1 Israel-dulemar Bab-Dummadgi isgudmalad 
\p  
\v 6 Geb Israel-dulemar, gannar Bab-Jehováʼgi isgudmalad. 
\q2 Ar ade, bab-dummadyob-imaklemalad-Baalʼse gordii gudmalad, 
\q2 bab-dummad-bundoryob-imaklemalad-Astarotʼse gordii gudmalad. 
\q2 Degi, Siria-dulemar-e-bab-dummaganse, 
\q2 Sidón-dulemar-e-bab-dummaganse, 
\q2 Moab-dulemar-e-bab-dummaganse, 
\q2 Amón-dulemar-e-bab-dummaganse, 
\q2 degine, Filistea-dulemar-e-bab-dummaganse gordii gudmalad. 
\q3 Bab-Jehováʼdi obatemalad, bar a-sogedba nanadii gussurmalad. 
\p  
\v 7 Degidbali, Bab-Jehová Israel-dulemargi sae-itoded. Degisoggu, Filistea-sordamarga, degi, Amón-dulemarga urmaknonikid.  
\v 8 A-ibagangine, Israel-dulemar bar-gangued-nika gussurmalad, birgambe-gakabaabak (18) sabsur-wilebukwa gusmalad. Bela Israel-dulemar-Jordán-diwar-dad-nakwedsik Amorreo-dulemar-yargi, Galaadʼgi-bukwamaladi, Filistea-dulemarse, degi, Amón-dulemarse sabsur wilesmalad.  
\v 9 Amón-sordamar Jordán-diwar-obaksamarbalid. Judá-sordamargi, Benjamín-sordamargi, degi, Efraín-sordamargi bila-onosmalad. Deginbali, Israel-dulemar dummad-wilesmalad. 
\p  
\v 10 A-ulale, Israel-dulemar Bab-Jehováʼse e-bendakega ise-wilegar gotemalad: 
\p —Bab-Jehováʼye, anmar begi isgusmalad. Anmar be-obachamalad. Anmar bab-dummagan-Baalʼmar-e-nug-odummodii gudmalad. 
\p  
\v 11 Bab-Jehová, weyob Israel-dulemar-abin imaksad: 
\p —Bemar epenne, anse gocha-gusmalad. Deunni, we-dulemar be-wiosmargu: 
\q2 Egipto-dulemar, Amorreo-dulemar, 
\q2 Amón-dulemar, Filistea-dulemar, 
\q2  
\v 12 Sidón-dulemar, Amalec-dulemar, 
\q2 degi, Maón-dulemar. 
\q3 Bemar we-dulemarse ise-mesagwar-wilebukwagua, be anse binnasuli gochamalad. 
\p ”Agine, ¿an bemar-bendaksasursi? An bemar-bendaksamala.  
\v 13 Degi-inigwele, bemar an-obachamalad, degi, bemar bab-dummagan-baiganba be ibsasmalad. Degisoggu, geg an bar bemar-bendake.  
\v 14 Bemar bab-dummad-baiganse be gornamardo, ar aa be, be-bab-dummadganga be susmalad. A-bab-dummagan bemar-wile-itogedgi bule bemar-bendakmalodibe.” 
\p  
\v 15 Israel-dulemar Bab-Jehová-abin sogdemalad: 
\p —Bab-Jehováʼye, suli. Anmar begi dummad-isgusad. Igi be anmar-imakbie, be-itolegedba be anmar-imakdo. Unnila anmar bese wilesagwa egisdo, we-ibagindi wis be anmar-bendakye. 
\p  
\v 16 Geb Israel-dulemar bab-dummadyob-imaklemalad-sedimaladi bela osulosmalad. Geb gannar Bab-Jehová-sogedba nanadmalad. Bab-Jehová, Israel-dulemar-wilebukwad nue-geger-dakgusadba na nue-wiledaksad. 
\s1 Dule-sapin-dummagan Jefté-suapmalad 
\p  
\v 17 Amón-dulemar guagwar bila-onogega Galaadʼgi ambikudapmalad. Israel-sordamardi na atosmarmogad, degi, Mizpa-neggweburgi ambikudapmarmogad.  
\v 18 Israel-dulemar Galaad-neggweburgi-gudimaladi, degi, sapin-dummagan na sokarmalad: “Dule Amón-dulemargi bila-onogega anmar-idugele, a-dule, bela-Galaadʼgi-dulemar-bukwamalad-e-dummadga guoed.” 
\c 11  
\p  
\v 1 Jefté, Galaad-neggweburginedid, bila-onogedgi dule-gandikidid. Galaadʼye e-bab-nugad, e-nandi gambasaedid.  
\v 2 Galaad, e-ome-sunnadbo masmala-nikusbalid. A-masmala dungusmargua, negyagi Jefté-ononnosmalad, ega sogsamalad: “Bipisaale be anmar-imbagi bab-burgwisad-sorba-ibmar-beoed-nikuosuli, ar bedi nan-baidid.” 
\p  
\v 3 Degidbali, Jefté e-gwenadgangi wakite gusad. Geb Tob-yarse megnad gusad. Agi, dulemar-gandikidgi-ibmar-atursamalad amisad, adi, e-sordaga-guegar. Amarbo ibmar-atursanaddaed. 
\p  
\v 4 Degi, ibagan-nasad-sorba, Amón-dulemar Israel-dulemargi bila-onononigua,  
\v 5 Galaad-sapin-dummagan Tob-yarse Jefté-sunad gusmalad.  
\v 6 Degi, ega sogdapmalad: 
\p —Anmarba be dage, Amón-dulemargi-bila-onogedgi be anmar-iduedga-guega, anmar be-abeged. 
\p  
\v 7 Jefté, Galaad-sapin-dummagan-abin sogded: 
\p —¿Bemarde isdar-an-daksamarsursi? An-bab-walik-gudii be an-ononnosmalad. ¿Ibiga emidi bemar suli-suli-itoalidgi be an-sudanimarsunna? 
\p  
\v 8 Galaad-sapin-dummagan, Jefté-abin sogdemalad: 
\p —Ar a-ulale, anmar bebina danimalad, be anmarba-naega, Amón-dulemargi bila-onogegar. Deyobi, bela anmar-Galaadʼgi-bukmalad-e-dummadga be guoed. 
\p  
\v 9 Jefté, Galaad-sapin-dummagan-abin sogded: 
\p —Amón-dulemargi bila-onogega be an-sedmalale, degi, Bab-Jehová Amón-dulemargi nakwega an-imaksale, ¿an bemar-dummadga gusunnode? 
\p  
\v 10 Geb Galaad-sapin-dummagan Jeftéʼga nue-sogdemalad: 
\p —Ar be-sogedba anmar ibmar-imakoed, ar Bab-Jehová anmar-barsogedga gued. 
\p  
\v 11 Geb Jefté, Galaad-sapin-dummaganba nadsunnad. Galaad-dulemar, e-dummadga Jefté-nug-imaksamalad, degi, sordamar-e-iduedga nug-imaksamarbalid. Degi, Jefté, Mizpaʼgi na e-ibmar-sogsadi gannar Bab-Jehová-asabin sogsabalid. 
\s1 Jefté, Amón-dulemar-e-reyse gayaburba barmisad 
\p  
\v 12 A-sorbali, Jefté, Amón-e-reyse gayaburba-berbemalad-barmisad, adi, ega sogega: 
\p —¿Ibu-boni be anmarbo-nika? Emide, be an-yargi gwichigunaigu. 
\p  
\v 13 Amón-dulemar-e-rey, Jefté-gayaburba-berbemalad-abin sogsad: 
\p —Bemar Egiptoʼgi ainiarmargua, bemar an-ibe Arnón-diwar-akale, Jaboc-diwarse yar-susmalad, degi, Jordán-diwarse-bakar, be susmarbalid. Emisgi, nuedgi bemar anga we-yar gannar ukmalargebed. 
\p  
\v 14 Jefté, Amón-dulemar-e-reyse gayaburba-berbemalad-barmisbalid.  
\v 15 Weyob Amón-dulemar-e-reyga sogsad: 
\p —Weyob Jefté soged: ‘Anmar, Moab-dulemar-ibe, Amón-dulemar-ibe yar sussuli,  
\v 16 Israel-dulemar Egiptoʼgi ainiarmargua, nega-dulesulidganba aligusmalad, Demar-Ginnidye-nugad-naidse. Geb Cadesʼye-neg-nugadse noni gusmalad.  
\v 17 Degidgi, Israel-dulemar, Edom-dulemar-e-reyse gayaburba-berbemalad barmis gusad, ega sogega: 
\pi1 ” ’Wilesagwa an bese egisye, be-yargi wis naega be an-imakena gadinye. Degi-inigwele, Edom-e-rey e-yargi-naega Israel-dulemar-imaksasulid. Deyob gayaburba-berbemalad, Moab-e-reyse barmilesbalid. Amba Moab-e-rey e-yargi-naega Israel-dulemar-imaksasurmogad. Degisoggu, Israel-dulemar Cadesʼgi ambikus gusmarsunnad. 
\pi1  
\v 18 ” ’Geb degine, Israel-dulemar nega-dulesulidganba aligusmalad, Edom-yar-dikarba nasa gusmalad, degi, Moab-yar-dikarba nasa gusmarbalid. Geb, Moab-yar-dad-nakwedsik modapmargu, Arnón-diwar-obakar danar-danar ambikunoni gusmalad. Ar Arnón-diwar, Moab-yar-abingunaidga-gunaisoggu, Israel-dulemar Moab-yargi dogsasurmalad. 
\pi1  
\v 19 ” ’Amba deyob, Israel-dulemar Amorreo-dulemar-e-rey-Sehónʼse gayaburba-berbemalad barmis gusbalid. Sehón, Hesbónʼgi-negdakmaidgi, Israel-dulemar weyob ega gayaburba barmisad: Wis an bese egis, be-yargi-naega be an-imakena gadin, adi, an-yarse an moegar.  
\v 20 Degi-inigwele, Sehón, Israel-dulemar-akudaksad, e-yargi-naega imaksasulid. Aka e-sorda-bila-onomalad bela Jahazaʼye-neg-nugadgi urbisad. Geb Israel-dulemargi bila-onosad. 
\pi1  
\v 21 ” ’Degi-inigwele, Israel-e-Bab-Dummad-Jehová, Israel-dulemar bela Sehón-sordamargi-obinega imaksad. Weyob, Israel-sordamar Sehón-sordamar-ogalakusmalad. Degidbali, Israel-dulemar, Amorreo-dulemar-ambikusad-e-yar na susmalad,  
\v 22 Arnón-diwar-akar alid, Jaboc-diwarse. Degine, nega-dulesulidgan-akar arbalid, Jordán-diwar-maidse. 
\pi1  
\v 23 ” ’Emide, Bab-Jehová Amorreo-dulemargi yar susad, Israel-dulemarga-ukegar. ¿A-yarde, bede gannar anmar-ibe subisunde? Adi sulirgebed.  
\v 24 Ar be-bab-dummad-Quemos bemarga-yar-ukedi, bemargadid. Ar anmar-Bab-Dummad-Jehová anmarga-yar-ukmogadi, anmargadmogad. 
\pi1  
\v 25 ” ’Emi, Zipor-machi-Balac Moab-e-rey, abali ¿bede bur buledye sogsunde? Deyobsulirgebed. Ar we-reyde Israel-dulemargi gwen bila-ononai gussulid.  
\v 26 Ar bato Israel-dulemarde birga-dulataled-ilapaa-gusad-akale (300) Hesbónʼgi, degi, e-neggwebur-burwiganagi bukwamalad. Aroerʼgi, degi, e-neggwebur-burwiganagi, degine, bela Arnón-diwar-gakaba-neggweburmar-bukwadgi bukwamalad. Degite, ¿ibiga be a-ibagangi we-yar sussurmarsunna?  
\v 27 An gwen bemar-oakalossulid. Degite, bemardi angi gwichigu-nanaid. Degi-inigwele, Bab-Jehová, igar-naboged-dummad-gued. Emi-ibagi, Israel-dulemarga, Amón-dulemarga igar-nabogoed.’ ” 
\p  
\v 28 Degi-inigwele, Amón-dulemar-e-rey, Jefté-ega-gayaburba-barmisad gwen-itossulid. 
\s1 Jefté, Amón-dulemargi Israel-dulemar-bendaksad 
\p  
\v 29 Degine, Bab-Jehová-Burba Jeftéʼgi ubononigu, Jefté bela Galaad-yargi, degi, Manasés-yargi nasad. Galaad-yargi Mizpa-neggwebur-siidgi nasbalid. Geb Mizpa-akar, Amón-dulemar-bukwadse naded, egi gwisguegar.  
\v 30 Degidgi, Jefté Bab-Jehováʼga weyob ise-sogar sogsad: “Be anga Amón-dulemar-urmaksale,  
\v 31 degi, Amón-dulemargi an nakwis-danikile, doa-inse an-abindakega an-neg-yawagakgi-nodagoedi, begadga guoed, degine, ogumakar an bega ukoed.” 
\p  
\v 32 Geb Jefté, Amón-sordamargi bila-onogega gwichiguded. Degi, Bab-Jehová Jeftéʼga Amón-dulemar-urmaksad.  
\v 33 Jefté neggwebur gwadulagwen (20) susad. Aroer-akale, Minit-neggwebur-naidse Abel-Queramimʼmobin neggweburmar-susad. Degidbali, Amón-dulemar, Israel-dulemar-sogedba nanabukwa gusmalad. 
\s1 Jefté, e-sisgwaga naibid-dummad-uksad 
\p  
\v 34 Geb, Jefté bila-onodii gannar e-neggwebur-Mizpaʼse-danigua, e-abin, e-sisgwa dodoagwar pandereta-ogordanikid. Ar Jefté unnila wargwenna webi-nikad, ar mimmigan-baigan-sated.  
\v 35 Jefté deyob na e-sisgwa-daksagua, wile-itodedbali mor-yoid siir-siir imaksad. Geb weyob binnasur goted: 
\p —¡Bunor, be an-wiosdakle! Be anga nunmaked-dummad uksado. Ar Bab-Jehováʼga an ibmar-ise-sogar-imaksadi, an ega imakergebed. 
\p  
\v 36 Degi, e-bunagwa abin-sogded: 
\p —Baba, ar Bab-Jehováʼga be ibmar-ise-sogar-imaksadba be angi ibmar-imakodo, ar Bab-Jehová be-isdarmalad-Amón-dulemargi nakwega be-imaksad. 
\p  
\v 37 Degi, e-bunagwa ega sogdebalid: 
\p —Baba, unnila an bese ibmar-soggwen an egisbido: An sui-nikuosursoggu, wis nii-warbo be anga iba-udado, adi, an-aimarmala yalaganba an bodii sanaegar. 
\p  
\v 38 E-bab abin-sogded: 
\p —Degiir, nabirdo. 
\p Geb bunagwa e-aimarmala yalaganba nade gusad, ar agine sui-nikuosulidba bodii gusad.  
\v 39 Nii-warbo-gunonikidgine, bunagwa gannar e-babse nonikid. Degi, Jefté, Bab-Jehováʼga ibmar-ise-sogar-imaksadba ibmar-imaknonikid. Jefté-bunagwa bipisaale sui-nikussuli burgwisad. 
\p  
\v 40 Agala, Israel-yagana durdaksamalad, birga-irba Galaad-dule-Jefté-e-bunagwa-ebinsaega ibabake bonaddamalad. 
\c 12  
\s1 Jefté, Efraín-dulemargi bila-onosad 
\p  
\v 1 Efraín-dulemar e-sordamar-guagwar-urbisad, Jeftéʼgi gwisguegar. Efraín-sordamar Jordán-diwargi obaksamargu, Zafón-neggweburse nonimalad. Agine, Jeftéʼga weyob sogdemalad: 
\p —¿Ibiga yogasaar be anmar-owisossuli Amón-dulemargi be bila-onosa? Ar anmar bemarba namarmogoenad ¡Anmarse be-neg ogumaklesunnoe, bese-bakar be-ogumaklegoed! 
\p  
\v 2 Jefté amar-abin sogded: 
\p —Ar anmar Amón-dulemarbo yeer-boni-nikunai-gusad. An bemarse gochamalanad. Degi-inigwele, bemar gwen anmar-bendaksasurmalad.  
\v 3 Gwen-anmar-bendakdasuli, anmar be-dakargua, anmarbi Amón-sordamargi gwisgussunnad. Ar Bab-Jehová we-dulemargi-nakwega an-imaksad. ¿Ibiga emide bemar anbo-urwebi gudanimarsunna? 
\p  
\v 4 Degidgi, Jefté Galaad-sordamar bela oambikusgu, degi, Efraín-sordamargi gwichigusmalad. Galaad-sordamar, Efraín-sordamar-ogalakusmalad, ar ade, Efraín-dulemar ega weyob sogsamalad: “Bemar Galaad-dulemar Efraín-neggweburmargi-gudii-wakichamaladid, degi, Manasés-neggweburmargi-gudii-wakichamaladid.” Weyob ega sogsad-ulale, Galaad-e-sordamar, Efraín-e-sordamar-ogalakusmalad. 
\p  
\v 5 Efraín-sordamar-mer-wakinmalaga, Galaad-sordamar Efraín-yarse-Jordán-diwarba-obaklemaid-dinnaganaba ambikusmalad. Efraín-sordamar wakinmamaile, gasdamalad, Galaad-sordamar ega sokardaed: “¿Be Efraín-neggweburginedi?” 
\p Ega a-neggweburginedsurye sogsale,  
\v 6 geb Galaad-sordamar ega sogdedamalad: 
\p “Degiirdi nabir. Emisgi be soge: ‘Shibolet.’ ” 
\p Siboletʼye-sogsale, soglegedyob bichulile, gasdamalad. Degi, Jordán-diwargi e-dukar-egwachadamalad. Deyob mili-dulabo-gakabo (42,000) Efraín-sordamar girgusmalad. 
\p  
\v 7 Jefté birganergwa (6) Israel-dulemarga negsemai gusad. Galaad-dule-Jefté burgwenonigu, Galaad-neggwebur-gwensakgi digsamalad. 
\ms2 2f. Ibzán, Elón, degi, Abdón igar-nabomaladga megisad 
\mr (12:8-15) 
\s1 Ibzánʼgi sunmaklenaid 
\p  
\v 8 Jefté-burgwisad-sorbali, dule-Belénʼgined-Ibzán-nugad, Israel-dulemarga negsemai gusad.  
\v 9 A-dulede, masmala waladulagwen-gakambe (30) nikusad, bunamala waladulagwen-gakambe (30) nikusbalid. E-bunamalaga machergan-e-dadgansikidsulid-uksad, degine, e-masmalaga omegan-e-dadgansikidsulid-uksabalid. Ibzán birgagugle (7) Israel-dulemarga yar-sesad.  
\v 10 Ibzán burgwisgua, Belén-neggweburgi diglesad. 
\s1 Elónʼgi sunmaklenaid 
\p  
\v 11 Ibzán-burgwisad-sorbali, Zabulón-dule-Elón-nugad, Israel-dulemarga birgambe (10) negsemai gusad.  
\v 12 Zabulón-dule-Elónʼye-nugad burgwisgua, Zabulón-yargi diglesad, Ajalón-neggweburgi. 
\s1 Abdónʼgi sunmaklenaid 
\p  
\v 13 Elón-burgwisad-sorba, Hilel-machi-Abdón, Israel-dulemarga negsemai gusad. Abdónʼde Piratónʼginedid.  
\v 14 We-dulede waladulabo (40) masmala-nikusad, degi, dulagwen-gakambe (30) wagan-nikusbalid. Bela e-masmala, degi, e-waganmala moli-uayasuid-nikadbimalad. Abdón, Israel-yargi birgabaabak (8) yar-semai gusad.  
\v 15 Hilel-machi-Abdón-burgwisgu, Efraín-yargi, Piratón-neggweburgi diglesad. Piratón-neggweburde Amalec-yalaganba siid. 
\c 13  
\ms2 2g. Sansón igar-nabogedga megisad 
\mr (13:1–16:31) 
\s1 Sansón-gwalulesad 
\p  
\v 1 Israel-dulemar gannar Bab-Jehováʼgi isgudmarbalid. Degi, Bab-Jehová, Filistea-dulemarga birga-dulabo (40) urmaksasunnad. 
\p  
\v 2 A-ibagangine, Dan-wagan-abargi Zora-neggweburgi dule-gwensak-Manoaʼye-nugad maigusad. E-ome geg mimmigan-nikued, ade, dule-sailaledid.  
\v 3 Ibagwengine, a-omesega, Bab-Jehová-e-baliwitur magar-gunonikid, weyob ega sogded: “Be dule-sailaled, bipisaale mimmigan be nikudisulid. Degi-inigwele, be gurgin-nika gunoniko, bega goe susugwa uklenoniko.  
\v 4 Emisgindi, mer vino gobo, mer inna-gagbid gobbalo, ibmar-ised melle gunbalo.  
\v 5 Ar ade, be gurgin-nika guoed, degi, bega goe-susugwa uklegoed. Bipisaale, e-ibe sailagia siklegosulid. Ar machigwade, e-gwalulegoed-iduar bato unnila Bab-Dummadgarbi-arbaega nugsalegoed. A-ulale, Nazareoʼye bilegoed. Degi, be-machi Filistea-dulemar-e-ganguedgi Israel-dulemar-ollorsaoed.” 
\p  
\v 6 Omegwa nadgua, e-suiga weyob sogdapid: “Bab-Dummad-e-dule-gwensak an-gunaidse arbi. Geger an daked, ar nab Bab-Dummad-baliwitur an daked. An ese egichissulid, bia be daniye. E-dule anga e-nug sogsasurmogad.  
\v 7 Unnila anga weyob sogsad: ‘Be gurgin-nika gunonikoye, bega goe-susugwa uklegoye. Machigwa Nazareoʼye bilegoye, ar machigwa e-gwalulegoed-iduar, degi, e-burgwedse Bab-Dummadgarbi-arbaega nugsalegoye. Degisoggu, emisgindi, mer be vino goboye, mer be inna-gagbid gobbaloye, melle be ibmar-ised gunbaloye.’ ” 
\p  
\v 8 Agine, Manoa Bab-Jehováʼse goted. Weyob ega sogded: 
\p “Dummadye, an bese wilesagwa egised, be-dule-be-anmarse-barmiapid gannar be barmidabali, adi, anmar-odurdakega, goe-gwalulegogu, igi odummolegoe.” 
\p  
\v 9 Bab-Dummad Manoa-ese-gochad itosad. Gannar Manoa-e-ome sapurba-gudiidgi, Bab-Dummad-e-baliwitur ese magar-gunonikid. Deunni, e-sui-Manoa e-walik gunaisulid.  
\v 10 Geb omegwa gwae-gwae e-suise-gornaega abarmakded: “¡An-ai! ¡An-ai! Iduar-anse-machered-arbigusad be dakdage.” 
\p  
\v 11 Geb Manoa e-omeba naded. Dule-gwichidse modapgua, Manoa ega weyob sogded: 
\p —¿Deun be, be an-omebo sunmaksagusa? 
\p Geb dule abin-sogded: 
\p —Eye, ani an be-ome-ebo sunmaksagusa. 
\p  
\v 12 Degi, Manoa ega sogded: 
\p —Be-ibmar-sogsad sogedba-gunonikile, degite, ¿igi anmar goe-akoe? Degi, ¿igi machigwa daergebe? 
\p  
\v 13 Bab-Jehová-e-baliwitur, Manoa-abin sogded: 
\p —An be-omega-ibmar-sogsad, na be-ome sogedba-imakergebed.  
\v 14 Be-ome, uva-nisgi-ibmar-soblearmalad gunnosulid, degi, vino gobosurbalid, degi, inna-gagbid gobosurbalid, degine, ibmar-ised gunnosurbalid. Bela an-ega-ibmar-sogsadba imakergebed. 
\p  
\v 15 Manoa, Bab-Jehová-e-baliwiturga sogded: 
\p —Wis be anmar-walik-siggwele, anmar-abargi-mas-itogegar. Anmar bin bega sibad-bipi-imakgweloed. 
\p  
\v 16 Bab-Jehová-e-baliwitur ega sogded: 
\p —Amba an bemar-walik-siggwerye-sogele, amba an bemar-mas gunnosulid. Ar be ibmar-ogumakar-ukye-sogerdi, Bab-Jehováʼga be ukodo. 
\p Ar ade, Manoaʼde wissulid, we-dule, Bab-Jehová-e-baliwitur-gue. 
\p  
\v 17 Degisoggu, Manoa Bab-Jehová-e-baliwiturse nug-egichided: 
\p —¿Igi be nuga? Adi, be-ibmar-sogsad sogedba-gusale, anmar doggus-nuedye be-annik sogmaloed. 
\p  
\v 18 Bab-Jehová-e-baliwitur abin-sogded: 
\p —¿Ibiga be an-nug anse egise? An-nug ibidar-nuedid, geger-itolegedid. 
\p  
\v 19 Degidgi, Manoa sibad-bipigwa sesad, degi, ibmar-gwag-Bab-Dummadga-binsa-ukleged sesbalid. Geb akwa-dummad-birgi Bab-Jehováʼga ogumakar uksad. Manoa e-omemala, na e-ibmar-ogumakar-uknaid-dakgwisgua, Bab-Jehová ibmar-gegerdakleged ega oyosad.  
\v 20 Ibmar-ogumakar-ukleged-ailagi soo-duurmakgwichid-abargi, Bab-Jehová-e-baliwitur niba-nakwide daksamalad. Manoa e-omemala deyob daksagua, napa-nagase wagar dulluu imaksamalad.  
\v 21 Geb Manoaʼse, degi, Manoa-e-omese Bab-Jehová-e-baliwitur bar magarossulid. Agi, Manoa magar-daknonikid, we-dule, Bab-Jehová-e-baliwitur-gue.  
\v 22 Degi, Manoa e-omega sogded: 
\p —¡Anmar, bela! ¡Anmar Bab-Dummad-daksad! ¡Anmar burgoed! 
\p  
\v 23 E-ome ega sogded: 
\p —Ar Bab-Jehová anmar-oburgwebiena, anmar ega ibmar-ogumakar-uksadi, degi, ibmar-gwag-uksabalidi, anmar-abin sussulinad. Deginbali, anmarse-ibmar-oyosad, anmarga oyossurbalinad. A-ukine, anmarga ibmar-sogsasurbalinad. 
\p  
\v 24 Manoa-e-ome, e-ibagan-mosgu, susugwa ega uklenonikid. Sansónʼye onug-imaksad. Susugwa dungudgu, Bab-Jehová ise-nued egi binsasad.  
\v 25 Ibagwengine, Sansón Dan-sordamar-danar-danar-bukwadgi-gudiidgi, Bab-Jehová-Burba egi gebe oyoleded. Dan-sordamar-danar-danar-bukwadi Zora-neggwebur-imbagi, degi, Estaol-neggwebur-imbagi siid. 
\c 14  
\s1 Sansón ome-nikusad 
\p  
\v 1 Sansón Timnat-neggweburse nadegusad. Agine, Sansón yagwa-Filistea-dule dakargusad.  
\v 2 Sansón gannar negse nonigu, e-serganga weyob sognonikid: 
\p —Timnatʼgi yagwa-Filistea-dule an daksad. Be anga we-yagwa-egisnamala, adi, an we-yagwa-nikuegar. 
\p  
\v 3 E-sergan ega sogded: 
\p —¿Ar weginde, anmar-gwenadgan-abargi omegan satesi? ¿Israel-dulemar-bukwad-abargi omegan satebarsi? Emide-be yagwa-Filistea-dule be nikubied, ar we-dulemarde, Bab-Dummad-akudakmaladid. 
\p Sansón, e-sergan-abin sogded: 
\p —Ar we-yagwa bur an abeged. Be we-yagwa be anga egisnamala. 
\p  
\v 4 Ar e-sergande we-ibmar-gunaidi, wissulid, Bab-Jehová-sogedba-gunaid. Degi, Bab-Dummadi Filistea-dulemargi-gwichiguega igar-aminaid wissurbalid. Ar ade, we-ibagangi, Israel-dulemar, Filistea-dulemar-sogedba nanabukwad. 
\p  
\v 5 Degi, Sansón, e-serganbo Timnat-neggweburse naded. Degi, Timnat-dulemar-e-uva-nainugan-mosgua, achumigur-senigwad egi urmakdani dakalid.  
\v 6 Geb degi, Bab-Jehová-Burba gandikidba Sansónʼgi ubononikid. Agine, Sansón achumigur-ogoamaksad, igi dule argangi-ibmar-ganisuli sibad-bipi-ogoamakdae, deyobi imaksad. Degi-inigwele, e-serganga achumigur-oburgwisad sogsasulid.  
\v 7 Geb Timnat-neggweburse modapmargua, Sansónʼdi yagwa-abesiidbo sunmaknaded.\fig Sansón, e-garganguedgi achumigur-oburgwisad. (Jueces 14:5-6) |src="CO00924B.TIF" size="col" ref="Jueces 14:7" \fig* 
\p  
\v 8 Ibagan-nasad-sorba, Sansón yagwa-nikuega gannar Timnat-neggweburse nadbalid. Nadapidgi, achumigur-burgwar-maid-dakega baid-igarsik dogded. Agi, achumigur-e-sangi yada-duurmaknai dakalid. Agine, achanis-nai dakarbalid.  
\v 9 Sansón achanis e-argangi wesgua, igarba gunnadap gusad. Degi, Sansón igarba e-babgan-bargadapgu, ega achanis uksamogad. Geb e-sergan guchamogad. Degi-inigwele, Sansón e-serganga sogsasulid, achanis achumigur-burgwar-maidgi amisye. 
\p  
\v 10 Geb degine, Sansón-e-bab bunagwa-negse naded. Agine, Sansón iba-onosad. Ar ade, gusgu weyob sapingana ome-nikunaidgi iba-onodamalad.  
\v 11 Filistea-dulemar deyob Sansón-dakarmargu, dulagwen-gakambe (30) sapingan-amisad, adi, Sansónʼba gudii-gumalagar. 
\p  
\v 12 Sansón we-sapinganga sogded: 
\p —Emisgwa, an bemarga oeged-soggwen sogo. Bemar anga we-oeged, ibagugle (7) iba-naguoedgi be anga odalosmalale, mor-lino goadulagwen-gakambe (30) an bemarga ukoed, degi, mormar-ibagi-yoleged dulagwen-gakambe (30) an bemarga ukbaloed.  
\v 13 Degi-inigwele, be anga odalossurmalardi, bemar anga mor-lino dulagwen-gakambe (30) ukmaloed, degi, mor-ibagi-yoleged dulagwen-gakambe (30) bemar anga ukmarbaloed. 
\p Sapingan abin-sogdemalad: 
\p —Sogdeen. Ibmar-oeged be sogdo, anmar be-itobukwa. 
\p  
\v 14 Degi, Sansón amarga sogded: 
\q1 “Emar-gunnedgi masgulleged noalid, 
\q2 degi, gargandik-nikadgi osidikid noalid.” 
\p Ibapaagusgu, sapingana oeged geg odaloge gusmalad.  
\v 15 Ibabakegusgu, sapingana Sansón-omega sogdemalad: 
\p “Be-sui-binsaed be gae, anmarga oeged odalogega. Yapa be be-sui-binsaed-gaele, anmar soogi be-ogumakoed, degi, bela be-gwenadgan anmar ogumakbaloed. ¿Anmar-ibe ibmar-atursaega, be anmarse gochasi?” 
\p  
\v 16 Degidgi, e-omegwa ise-boale Sansónʼgi matak-nagusad, ega sogded: 
\p —¡Be anbina sogsulid! Isdar be an-daked. Be an-dulemarga-oeged-sogsadi, be anga odaloge. 
\p Sansón abin-sogded: 
\p —An-sergangarbela an sogsasulid. ¿Begardi nabir an sogode? Adi sula. 
\p  
\v 17 Ibagugle (7) omegwa Sansón-asabin bosii gusad. Degi, e-ome egi alamaknai gusad. Geb ibagugledgi (7) Sansón e-omega oeged odalossunnad. Geb degi, e-ome sapinganga sogsamogad. 
\p  
\v 18 Ibagugledgi (7), dad-argwaned-iduar, Filistea-neggweburginmalad Sansónʼga sogdemalad: 
\q1 “Ar achanisba-bur bule-ibmar-ochigwad sulid, 
\q2 unnila achanisbi-nikad. 
\q1 Ar achumigurba-bur bule-ibmar-gandikid sulid, 
\q2 unnila achumigurbi dutusulid.” 
\p Sansón abin-sogded: 
\q1 “An-moli-bebe-nikad-ome-bipigwadgi be alamaknaigussurmalana, 
\q2 An-oeged, bemar wisguosurmalanad.” 
\p  
\v 19 Geb agine, Bab-Jehová-Burba gandikidba Sansónʼgi ubononikid. Geb Ascalón-neggweburse naded. Agine, dulagwen-gakambe (30) dulemar-ogilosad. Degi, a-dulemar-ibe mormar-susad. Geb dulemar-ega-oeged-odalosmaladga a-mormar-uksad. A-sorbali, nue-sae-itogedgi e-sergan-negse naded. 
\p  
\v 20 Sansón-e-ome machered-baidga uksamalad. A-macheredde, Sansón na e-aiyobi dakdii gusad. 
\c 15  
\s1 Sansón, Filistea-dulemar-sabsur-imaksad 
\p  
\v 1 Deunni, ibagan-nasadgine, orosgi-dakleged-welenaidgi, Sansón sibad-bipi suar, e-omese nadegusad. Mosgua, weyob sogdapid: 
\p —An-ome-dakega e-gabedse an dognagwelo. 
\p Degi-inigwele, ome-e-bab Sansón-dogega gwen imaksasulid.  
\v 2 Degi, ome-e-bab ega sogded: 
\p —Andi sae-ome-dakye an be-bied. Aga an be-aiga uksad. ¿Degi-inigwele, ar e-urba-bipigwad bur-yeer daklesursi? A be nikusunna, e-ior-anar. 
\p  
\v 3 Degidgi, Sansón dulemarga sogded: 
\p —An Filistea-dulemar naibi-imaksar, bar angin-surdo. 
\p  
\v 4 Degidgi, Sansón nadgua, waladulataled-ilapaa (300) achu-bunnu-wawaad-asdubingiid-gasad, degi, abin-abin e-bunnumargi edichabalid. Geb degine, e-bunnumar-abin-abin-atinnar-nanaid-irbali egi war-wargwen acha-gwallumar nasiksad.  
\v 5 Geb agi, Sansón, asdubingiid-achu-bunnumargi-acha-gwallumar-nanaid ogasad. Geb degidgi Sansón, Filistea-dulemar-ibmar-digar-nanaidba achu-asdubingiid indaksad. Geb na duurmakdemargu, bela ibmar-gwag-welear-bubukwad ogumaksad, degi, amba ibmar-gwag-yoo-welemalad bela ogumaksabalid, degine, uva-nainumarse-bakar, olivo-nainumarse-bakar, ogumaksabalid. 
\p  
\v 6 Geb degine, Filistea-dulemar egichiarmalad: “¿Doa-we ogumaksa?” 
\p Ega sogdemalad: “Timnat-dule-e-sapin-Sansón, ogumaksa. Ar e-sakde, Sansón-ibe dule-baidga ome-uksad.” 
\p Geb degidbali, Filistea-dulemar nadegusmalad. Agine, Sansón-ome-ogumakar oburgwismalad, degi, ome-e-bab-ogumakar oburgwismarbalid. 
\p  
\v 7 Ar Sansón Filistea-dulemarga weyob sogsa gusad: “Weyob bemar an-imaksamarsoggu, inniki an bemarga soged: An bemar-buged-mai-imakedse geb an bogilegoed.” 
\p  
\v 8 Agala, Sansón urwedigi amargi gwichigusad. Bukidar a-Filistea-dulemar-ogilosad. Geb a-sorba, Sansón, Etam-akwasailagi yaa-ollor-siidse megnaded. 
\s1 Sansón Lehiʼye-neg-nugadgi Filistea-sordamar-ogalakusad 
\p  
\v 9 Filistea-sordamar Judá-yargi danar-danar ambikudapmalad, bela Lehiʼye-neg-nugadgi aisakis ambikusmalad  
\v 10 Judáʼginmalad Filistea-sordamarse egichiarmalad: 
\p —¿Ibiga be anmargi bila-onodanimala? 
\p Filistea-sordamar abin-sogdemalad: 
\p —Anmar Sansón-gaega danimala. Igi-anmar-imaksamoga, deyob anmar imakmogoed. 
\p  
\v 11 Judá-sordamar degi-itosmargua, milipaa (3,000) Etam-akwasaila-yaa-ollor-siidse nadmalad. Geb Sansónʼga sogdapmalad: 
\p —¿Filistea-dulemar anmargi-obined be wissursi? ¿Ibiga weyob be anmarga boni-onosa? 
\p Sansón amar-abin sogded: 
\p —Ar igi-Filistea-dulemar-an-imaksa, unnila deyob an imaksamogad. 
\p  
\v 12 Degidgi, Judá-sordamar ega sogdemalad: 
\p —Anmar be-gadanimar, Filistea-sordamarga be-ukegar. 
\p Sansón, Judá-dulemar-abin sogded: 
\p —Be anga ise-sogar-sogmalo, bemar an-iblogosurye. 
\p  
\v 13 Judá-dulemar abin-sogdemalad: 
\p —Suli, anmar be-iblogosuli. Unnila anmar be-gaogu, geb Filistea-sordamarga anmar be-ukoed. 
\p Degine, urdub-binid-gibogi edichamalad. Geb agi, Sansón akwasaila-yaba-siidgi onosmalad. 
\p  
\v 14 Lehiʼye-neg-nugadse mosmargu, Filistea-dulemar binnasur-oimakar abin ainiarmalad. Degidgine, Bab-Jehová-Burba gandiki Sansón-imaknonikid. E-argangi urdub-atinnaled e-abin dub-nunudyob itirided.  
\v 15 Sansón moli-uayasuid-e-aku-gar-bini-binid susgua, agi, miligwen (1,000) Filistea-sordamar-ogilosad.  
\v 16 Degidgi, Sansón sogded: 
\q1 “Moli-uayasuid-e-aku-gargine, an dulemar-oburgwisadi, dunnumaksii an imaksad, danabo an urbisad. 
\q2 Moli-uayasuid-e-aku-gargine, an miligwen (1,000) dulemar-iblosad.” 
\p  
\v 17 Sansón deyob-sognaid bergusgua, moli-uayasuid-e-aku-gar meted. Geb Ramat-Lehiʼye a-neg onug-imaksad. 
\p  
\v 18 Sansón bela-belad uku-uku itosoggua, Bab-Jehováʼse gandikidba goted: 
\p “Bab-Dummad, an-isdarmaladgi-nakwega be an-imaksad. Degite, ¿igi emisgindi, uku-uku-itogedba be an-oburgosunna? ¿Igi be dulemar-abgan-uka-duku-sikarsurmaladga an-ukbalosunna? Adi sulirgebed.” 
\p  
\v 19 Degidgine, Bab-Dummad Lehiʼye-neg-nugadgi yaa-dummad-maidgi yaa egasad. Agi, dii aryoalid. Geb Sansón dii-gobsagu, na gannaleded. Aga, we-dian En-Hacoreʼye nuggusad. Emi, we-garda-narmaklenaidse Lehiʼye-neg-nugadgi a-dian amba maid. 
\p  
\v 20 Filistea-dulemar-gandik-bukmalad-ibagangi, Sansón birga-dulagwen (20) Israel-dulemarga negsesad. 
\c 16  
\s1 Sansón Gaza-neggweburse naded 
\p  
\v 1 Ibagwengi, Sansón Gaza-neggweburse nadgua, ome-gambanuchusaed dakalid. Na dakargu, a-ome-negse dogded, adi, e-walik mutik gabegar.  
\v 2 Degidgi, Gaza-dulemarga sogsamalad: “Sansón wese noniye.” Degi, dulemar bela-neg-ebilis ambikusmalad, mutikidba neggwebur-yawagak-ebilis nakulesmalad. Bela mutikidba bogidik ambikusmalad, sogdemalad: “Neg-ibguder, anmar Sansón-oburgwemalo.” 
\p  
\v 3 Degi-inigwele, Sansón, neg-gabigwengi gwisgusad. Geb neggwebur-doglegedse naded. Agine, neggwebur-doged-yawagak unnusad, e-bargamaladse-bakar, degi, esgoro-e-yaa-edimaladse-bakar, unnusad. Geb Hebrón-neggwebur-asabin yar-mullu-siidse e-gukingi-mai sesad. 
\s1 Sansón Dalilaʼse binsaed-galesad 
\p  
\v 4 Ibagan-nasad-sorba, Sansón ome-Dalilaʼye-nugad abealid. Omede Sorec-nebaginedid. 
\p  
\v 5 Degi, Filistea-dulemar-e-dummagan omegwa-daknadmargu, ega weyob sogdapmalad: 
\p “Be anmarga Sansón-yardako. Be anmarga bar-amibaloe, ibugi e-gargangued nika. Degi, igi anmar egine obinergebe, adi, anmar nabir Sansón-gugmakoed, degine, adi, egi anmar obinmaloed. Be anmarga bela baramisale, anmar bega war-wargwengi mani-sibu miligwen gaka dulatar mergu (1,100) ukmaloed.” 
\p  
\v 6 Sansón Dalila-daknadgua, ese weyob Dalila egichided: 
\p —Be anga wis ibmar-sogbi an be-abedo. ¿Ibugi be gar-gangued sii? ¿Igi-dule nabir be-edichale? Adi mer be achikegar. 
\p  
\v 7 Sansón abin-sogded: 
\p —Dub-dutusulid-binid yoo-amba-dingued goagugledgi (7) dule an-gugmakele, an-gangued nollomakdoed, dulemar-yogasaaledyob an nolloo nadoed. 
\p  
\v 8 Geb degine, Filistea-dulemar-e-dummagan dub-dutusulid-binid-amba yoo-dingued, goagugle (7) Dalilaʼse searmalad. A-dubgi Dalila Sansón-gugmaksad.  
\v 9 Dalila-e-gabedneggi bato guakwaa Filistea-dulemar nakulegega bukwasoggu, Dalila Sansónʼse binnasur goted: 
\p —¡Sansón, Filistea-sordamar begi gwichigudani! 
\p Sansón gwichiguargu, e-gugmakaled dub-nunudyob itirisad. Degisoggu, Filistea-dulemar Sansón-e-gargangued-siid wisgussurmalad. 
\p  
\v 10 Degi, Dalila Sansónʼga sogded: 
\p —Be an-yardaksa. Be anga yamo gakansasad. Be anga inniki-soge, ¿igi-dule nabir be-gugmakergebe, adi, nabir be-gamalagar? 
\p  
\v 11 Sansón abin-sogded: 
\p —Urdub-bini-binidgi sabsur ise-gugmakar be an-edinnele, an-gangued nollomakdoed, dulemar-yogasaaledyob an nolloo nadoed. 
\p  
\v 12 Dalila-e-gabedneggi bato guakwaa Filistea-dulemar nakulebukwadgi, Dalila Sansón-gugmaksad. Agine, Dalila binnasur goted: 
\p —¡Sansón, Filistea-sordamar begi gwichigudani! 
\p Sansón gwichigudgu, e-gugmakaled dub-garagwadyob itirisad. 
\p  
\v 13 Geb Dalila Sansónʼga sogdebalid: 
\p —Gannar be an-yardaksa. Emi, be anga yamo gakansasbalid. Be anga nue-inniki soge, ¿igi-dule nabir be-gugmakergebe, adi, nabir be-gamalagar? 
\p Sansón ega sogded: 
\p —An-sailagia-sobarmalad giagugle (7) gwinni-dubba be sobele, degi, gwinni ise-digar e-bargamaladgi be imakele, an-gangued nollomakdoed, dulemar-yogasaaledyob an nolloo nadoed. 
\p  
\v 14 Geb Sansón gabidgua, Dalila Sansón-e-sailagia-sobarmalad giagugle (7) gwinni-dubba sobsad, degine, gwinni ise-digar e-bargamaladgi imaksabalid. Geb agine, Dalila binnasur goted: 
\p —¡Sansón, Filistea-sordamar begi gwichigudani! 
\p Sansón gabmai-gwichigudgu, ise-digar-gwinni-gwichid bibichisad, degi, bela e-bargamalad bibichisbalid. 
\p  
\v 15 Dalila Sansónʼga sogdebalid: 
\p —Degite, be an-abeye sogde, binsa be gordii. Unnila be anga gakansadiid. Wese ilapaagus be an-yardakdaged. Yoo be anga soged, be-gargangued ibugi sii. 
\p  
\v 16 Dalila, bane-bane Sansónʼgi alamakdidaed, adi, ega e-gangued-sogegar. Na Sansón budar-itogusadbali, na burgwebi-guarsunnad.  
\v 17 Degidbali, Sansón napise bela Dalilaʼga ibugi-e-gangued-siid sogdesunnad: 
\p —Bipisaale an-sailagia sikledisulid. An gwaluleged-iduar bato an Bab-Dummadga nugsales-danikid. Ar dule an-sailagia sikele, an-gargangued an bergusaled, nolloo an nadeled, dulemar-yogasaaledyob an gudeled. Ar ade, an Nazareo-igarba-nanadiid. 
\p  
\v 18 Dalila, Sansón-ega-bela-ibmar-sogsa daksagu, Filistea-dulemar-e-dummaganse weyob gayaburba barmisad: “Gannar be anse dagmar. Emisgindi, Sansón bela anga ibmar-sogsad, anga bar ibmar-odukussulid.” 
\p Geb, Filistea-dulemar-e-dummagan Dalilaʼga mani-ukoye-sogsad, guar senonimalad. 
\p  
\v 19 Degine, Dalila e-nuku-birgi Sansón-gabega-imaksad. Agine, Dalila dulese-gochad, adi, Sansón-e-sailagia-giagugle-sobarmalad (7) immiegar. Degidba, Sansónʼgi e-gangued bangudgu, Dalila sabsur-Sansón-imakded. 
\p  
\v 20 Geb degidgi, Dalila binnasur goted: 
\p “¡Sansón, Filistea-sordamar begi gwichigudani!” 
\p Sansón gabmai-gwichigudgu, iduar-wakindaedyob na wakinbaloye na binsaalinad. Bab-Jehová egi aibachadeeye na Sansón binsassulid. 
\p  
\v 21 Degidgi, Filistea-sordamar Sansón-gasmalad. Geb e-ibe gwabobela e-ibya onosmalad. Gaza-neggweburse sesmalad. Agine, esgoro-gordikid-dubgi edichamalad, esgaryagi ibmar-nagedgi-oarbaega imaksamalad.  
\v 22 Degi-inigwele, Sansón e-ibe sailagia-siklesad gannar ega sugumai gusad. 
\s1 Sansón-burgwisad 
\p  
\v 23 Filistea-dulemar-e-dummagan na e-bab-dummad-Dagónʼga ibmar-bukidar-ogumakar-ukmalaga, degi, wergumalaga na ambikusmalad. Weyob namakbukmalad: 
\q1 “Anmar-bab-dummad-Dagón anmarga anmar-argan-yaurgi anmar-isdarad-Sansón uksad.” 
\p  
\v 24 Filistea-dulemar Sansón-dakarmargu, bela na e-bab-dummad-Dagón-nug-odummodmalad, weyob namakdemalad: 
\q1 “Anmar-bab-dummad-Dagón anmarga anmar-argan-yaurgi anmar-isdarad-Sansón uksad. 
\q2 We-Sansónʼde anmar-ibe nainu-osulodii daed, 
\q2 degi, anmar-dulemar-bukidar osulosbalid.” 
\p  
\v 25 Filistea-dulemar na yeer-itobukmaladgi, sogdemalad: “Anmarga be Sansón-sedage, anmar egi dodogegar.” 
\p Geb Sansón-esgaryagi-siid onosmalad. Ibmar-dodolegedyob egi dodosmalad. Geb degi, neg-buarmar-gwichid-imbagi ogwichismalad. 
\p  
\v 26 Degidgi, Sansón, machigwa-argangi-e-semaidga sogded: 
\p “Buarmar-neg-abga-bukmalad-walik be an-ogwiche, adi, an nabir agi akaegar.” 
\p  
\v 27 A-ibagi, itogedneg ena-siid. Machergan omeganbo oburar bukwad, degi, bela Filistea-dulemar-e-dummagan, agi bukwamalad. Aila-nibalidgindi machergan, omeganbo oburar milipaa (3,000) bukmarbalid, Sansónʼgi-dodolenaid dakbukmalad. 
\p  
\v 28 Degidgi, Sansón Bab-Jehováʼse gandikidba-goted: 
\p “Bab-Jehováʼye, bebi Bela-Gangued-Nikad maid. Emi, napi be an-ogannoge. An bese goled, Filistea-sordamar an-ibya-gwabobela ani onosmalad. An buged-imakedse be an-imako.” 
\p  
\v 29 Sansón bur-buar-e-sailagan-warbogwad abinbela-gwichid-ebusgu, egi akasad. E-argan-sapiled buar-wargwengi akasad, e-argan-nueddi buar-baidsik akasbalid. Bela abinbela-akas gwisgusad.  
\v 30 Geb agine, Sansón binnasur goted: 
\p “¡Filistea-dulemarba an burgwesun!” 
\p Geb bela Sansón gandikidbali buarmar-balimeted. Filistea-dulemar-e-dummagangi bela neg marwenonikid, degi, bela dulemar-bukwadgi batenonikid. Sansón-burgwidgu, Filistea-dulemar eba bukidar burgwismogad. Dula-gudiidgi ese-oburgwilesadba bur-melu ese girgusad. 
\p  
\v 31 A-sorbali, Sansón-e-urbamar, degi, bela e-gwenadganbo e-mui suapmalad. E-mui-sesmargu, Zora-neggwebur, Estaol-neggweburbo-siid-imbagi, e-bab-Manoa-e-neg-uangi digsamalad. Sansón birga-dulagwen (20) Israel-dulemarga igar nabosad. 
\c 17  
\ms1 3. IGAR-BAIGAN 
\mr (17:1–21:25) 
\ms2 3a. Levita-dule-Micaía, Dan-waganba nagusad 
\mr (17:1–18:31) 
\s1 Micaía bab-dummadyob-imakleged-sobsad 
\p  
\v 1 Dule-gwensak-Micaíaʼye-nugad Efraín-yalaganba maigusad.  
\v 2 Ibagwengi, e-nanga weyob sogded: 
\p —Nana, dule bei-mani nibir-durgwen-gakabaabak (28) atursasad-ukabsanai an be-itosad. Ani an be-ibe we-mani susad. Ani an ganikid. 
\p E-nan ega sogded: 
\p —¡Machi, Bab-Jehová begi nued binsasun! 
\p  
\v 3 Micaía e-nan-ibe mani-nibir-durgwen-gakabaabak-atursasad (28) gannar e-nanga uksad. Geb agi, e-nan weyob sogded: 
\p —We-mani Bab-Jehováʼga an nug-imaksad, adi, we-manigi dule-mani-sobed an-machiga bab-dummadyob-imakleged-ise-wagar-onoar sobega, degi, bab-dummadyob-imakleged-manibiid sobbaligar. Emisgindi, gannar an bega ukbalid. 
\p  
\v 4 Degisoggu, Micaía gannar e-nanga mani-uksagua, e-nan, mani-nibiratar-aidiku-wilub dule-mani-sobedga uksad. A-dule, bab-dummadyob-imakleged ise-wagar-onoar sobsad, degi, bab-dummadyob-imakleged-manibiid sobsabalid. Geb a-sorbali, Micaía-negse berbeapid. 
\p  
\v 5 Micaía e-neggi bab-dummadyob-imaklemalad-neg sii gusad. Degine, mor-suid-efodʼye-nugad maksabalid, degi, bab-dummadyob-imaklemalad-burwigana sobsabalid. Deginbali, e-machi-gwensak dule-irwa-bab-dummadyob-imaklemaladse-golega nug-imaksabalid.  
\v 6 Ar ade, a-ibagangine, Israel-yalagi rey sulid. Degisoggu, dulemar na e-itolegedba nanabukwad, degine, na e-dakedba ibmar-imakbukwad. 
\p  
\v 7 Deunni, Belén-neggweburgi machi-sapin-gwensak Levita-dule Judá-yalagined gudiid.  
\v 8 We-machigwade, Belén-neggweburgi-gudiid neg-baid-amiega aligusad. Degi, Efraín-yalaganba-nadapi, Micaía-negse modapid. 
\p  
\v 9 Micaía ega sogded: 
\p —¿Bia be daniki? 
\p Levita-dule abin-sogded: 
\p —Belén-neggweburgi an daniki. An Levita-dule. Emi, an megega neg-amidii. 
\p  
\v 10 Degi, Micaía ega sogded: 
\p —An-walik be mego, adi, be anga dule-irwa-bab-dummadse-goledga guegar, degi, anga-binsaed-ukedga be gubaloed. Birgagi, mani-sibu-miligwen gaka dulatar (1,100) aidiku-wilub, an be-bennukoed. Mor an bega ukbaloed, degine, an bega masgulleged ukbaloed. 
\p Degi, Levita-dule bessundo. 
\p  
\v 11 Levita-dule, Micaía-walik-megnonigu, nued itosad. E-machiyob Micaíaʼga gunonikid.  
\v 12 Geb Micaía dule-irwa-bab-dummadyob-imaklemaladse-goledga Levita-dule-nug-imaksad. Degisoggu, Levita-dule Micaía-neggi gudii gunonisunnad.  
\v 13 Micaía na weyob binsaalid: 
\p “Dule-irwa-bab-dummadse-goledga an Levita-dule-imaksasoggu, an wisi, emisgi Bab-Jehová an-bendakoe.” 
\c 18  
\s1 Dan-wagan Lais-neggweburgi ambikunonimalad 
\p  
\v 1 A-ibagangi, Israel-yargi rey amba sulid. Aginmoga, Dan-wagan na ambikuega yar-amidimalad. Bela Israel-dulemar-danar-danar-bukmalad-abargi amba yoo Dan-waganga yar-ukleged.  
\v 2 Degidbali, Dan-wagan Zora-neggweburgi, degi, Estaol-neggweburgi e-sordamar-bur-gandikmalad walatar barmisad, adi, dulemar-arganaegar, degine, napa-nanaid-arganabaligar. Sordamar-e-ataledga sogdemalad: 
\p “Be namar, yar-arganamar.” 
\p E-ataled nadmargu, Efraín-yalaganba nadmalad. Micaía-e-negse modapmalad. Agi gabismalad.  
\v 3 Micaía-neg-mosmargu, sapingwa-Levita-e-sunmaked magar-itosmalad. Degi, ese ibmar egisnadmalad: 
\p —¿Doa wese be-senoniki? ¿Ibu be wegi sae? ¿Ibu be wegi amie? 
\p  
\v 4 Machi-sapingwa, Micaía-ega-ibmar-imaksad sogded, degi, ega sogded: 
\p —Micaía anbo igar-mesisad, degi, an ega dule-irwa-a-bab-dummadse-goledga an gued. 
\p  
\v 5 Degidgi, ega sogdemalad: 
\p —Wis be anmar-nuki Bab-Dummadbo sunmake, adi, anmar wisguega, anmar nadele, bule nueganbi anmar naoe. 
\p  
\v 6 Geb dule-irwa-bab-dummadse-goled amarga sogded: 
\p —Be nueganbi namaloe, ar Bab-Jehová bemarba namaloed. 
\p  
\v 7 Agine, sordamar-e-ataled nadmalad. Geb, Lais-neggweburse modapmalad. Dakdapmalad, Laisʼginmalad Sidón-dulemar-gudimaladyob gudimarmoga. Sidón-dulemarde nueganbi bonisuli bukwamalad, degi, gwayedsuli bukwamarbalid. We-yargi bela ibmar-nikadbi bukwamalad, ibmarsuli bukwasurmalad. Laisʼginmalad Sidón-dulemargi dikasur-bangu-bukwamalad, degi, dulemar-baiganbo igar-nikasur-bukwamarbalid. 
\p  
\v 8 Sordamar-e-ataled gannar Zora-neggweburse, degi, Estaol-neggweburse nonimargu, e-dulemar-neggweburginmalad ese egichiarmalad: 
\p —¿Degite, igi be gudmala? 
\p  
\v 9 Sordamar-e-ataled abin-sogdemalad: 
\p —Anmar ginebinne, egi anmar gwichigu-nae. Ar an neg-daksamaladi, napa-nuedid. ¿Degite, bemar naosuli? Mer geger be itomala. Anmar yar-suega nae.  
\v 10 Anmar nader, dulemar-baisur-binsa-bukwamaladse anmar modapmaloed. Degi, a-yar-bipisur-naid Bab-Dummad anmarga ukoed. A-yargi ibmar-bela-nikad, ibmar-soggwenad suli soglesulid. 
\p  
\v 11 Degidgi, Zora-neggweburgi, degi, Estaol-neggweburgi Dan-sordamar dulataled-ilanergwa (600) nadmalad. A-sordamar bila-onogedgi-ibmar-ebulemalad guar-guar sesmalad.  
\v 12 Nadmargu, Judá-yargi, Quiriat-Jearimʼye-neg-nugadgi danar-danar ambikudapmalad. A-ulale, we-garda-narmaklenaidse Quiriat-Jearim-dad-argwanedsik Dan-dulemar-ambikuedye bileged.  
\v 13 Agi bukwa, Efraín-yalagansik nadmalad, degi, Micaía-negse modapmalad. 
\p  
\v 14 Sordamar-e-atar-Lais-yar-argaapmaladi, e-sordaganga sogdemalad: 
\p —Be wismala, we-negyabali mor-efodʼye-nugad bukwad, degi, bab-dummad-negginmalad bukwabalid. Degine, bab-dummadyob-imakleged-ise-wagar-onoar-sobaled, degi, bab-dummadyob-imakleged-manigi-sobaled gwichibalid. Be-itolegedba be samalo, be-imakbimaladba be imakbalo. 
\p  
\v 15 Micaía-negse modapmargu, Levita-sapingwa-maidse dogdapmalad. Nued-sogeye ega sogsamalad.  
\v 16 Dan-sordamar-dulataled-ilanergwad (600), bila-onogedgi-ibmar-ebulemalad-guar-guar yawagak-dogedgi nakulebukmalad.  
\v 17 Sordamar-e-atar-yar-argaapmaladi ibmarmar-bukwadyaba dogsamalad. Geb bab-dummadyob-imakleged-ise-wagar-onoar-sobaled searmalad. Geb mor-efodʼye-nugad-bukwad searmarbalid, degi, bab-dummadyob-imaklemalad-negginmalad-bukwabalid searmarbalid. Degi, bab-dummadyob-imakleged-manigi-sobaled searmarbalid. Dule-irwa-bab-dummadyob-imaklegedse-goleddi yawagakgi sordamar-dulataled-ilanergwa-walik (600) gwichid. 
\p  
\v 18 Dule-irwa-bab-dummadyob-imaklemaladse-goledi neg-akala dakargu, egichided: 
\p —¿Ibu be imaknanai? 
\p  
\v 19 Abin-sogdemalad: 
\p —Boogwa-be. Mer-be-sunmake. Anmarba be dage, anmarga be dule-irwa-bab-dummadse-goledga guoed, degi, anmarga-binsaed-ukega be gubaloed. Bur-nabirsursi, dule-wargwenga-arbaedba be bela Israel-dulemarga Bab-Dummadse-goledga gued. A-bur-nuedi. 
\p  
\v 20 Dule-irwa-bab-dummadyob-imaklemaladse-goled na yeer-itosad. Geb na mor-efodʼye-nugad-bukwad sesad, degi, bab-dummadyob-imaklemalad-negginmalad sesbalid, degi, bab-dummadyob-imakleged-ise-wagar-onoar-sobaled sesbalid. Geb Dan-sordamarba nadsunnad.  
\v 21 Dan-sordamar nadmargu, burwigana e-idu-naega-imaksamalad, degi, ibmar-durgan, degine, e-ibmar-ebumalad e-idu sedega imaksamalad. 
\p  
\v 22 Dan-sordamar undargus nanamaladgine, Micaía, dulemar-e-neg-dikarba-mamaidbo atosad. Geb na Dan-sordamar-balegitemalad. 
\p  
\v 23 Micaía-sordamar binnasur gornadapmarsoggu, Dan-sordamar daksik-aibilidmalad. Geb agine, Micaíaʼga sogdemalad: 
\p —¿Ar ibu be itoge, be oimakdanimalad? 
\p  
\v 24 Micaía abin-sogded: 
\p —Igi be anga sogmala, ¡ibu-itoye be anga sogmala! Ar bemar an-bab-dummagan ani semaid, dule-irwa-bab-dummadse-goled ani be semaimarbalid. Bela be ani ibmar-obelosmalad, gwen be anga wis ibmar obessurmalad. 
\p  
\v 25 Dan-sordamar abin-sogdemalad: 
\p —Mer be anmar-abin ee-gwisgue. Degiile, an-sordamar-abala sae-itoalile, begi gwichigudmaloed, binsarsunna be burgwedagoed, be-gwenadgan binsa-burgwedamarmogoed. 
\p  
\v 26 Micaía egi-obin-dakargu, gannar e-negse nadsunnad. Dan-sordamardi na e-nadapmaladba na nadmalad.  
\v 27 Deyobi, Dan-sordamar, Micaía-ibmarmar-sobsad sesmalad, degi, e-dule-irwa-bab-dummadyob-imaklemaladse-goled sesmarbalid. Geb degi, Lais-neggweburse modapmalad, dulemar-bogi-bukwamaladse, degi, dulemar-akar-gwen-binsa-buksurmaladse. A-dulemargi gwichigusmalad, es-suidgi ogilosmalad, degi, e-ibe neggwebur ogumaksamarbalid.  
\v 28 Ar Lais-neggwebur Sidón-neggweburgi dikasur bukwasoggu, dulemar-baiganbo igar-nikasurbarsoggu, dule-e-bendaked sate-gusad. Lais-neggweburde nebagi siinad, Bet-Rehob-neg-nugad-walik. 
\p Geb a-sorba, Dan-dulemar a-nega gannar neggweburga urbisad, degi, na agi ambikusmalad.  
\v 29 Neggwebur, Laisʼye nugan-inigwele, Dan-wagan e-dad-dummad-Danʼba Danʼye onugsasmalad. Danʼde, Israel-e-machid.  
\v 30 Agi, Dan-wagan bab-dummadyob-imaklemalad ese-golega urbismalad. Degine, dule-irwa-bab-dummadyob-imaklemaladse-golega Jonatán-nug-imaksamalad. Jonatánʼde, Gersón-machid, Moisés-wagwabalid. Geb a-sorbali, Dan-dulemar-gales-selesmalad-ibaganse, Jonatán-wagan Dan-dulemar-irwa-bab-dummadyob-imaklemaladse-golega gusmalad.  
\v 31 Silo-neggweburgi Bab-Dummadse-goled-neg-siid-gusad-ibagangi, Micaía-ibmarmar bab-dummadyob-imakleged-sobsamalad Dan-neggweburgi amba ebudii gusmalad. 
\c 19  
\ms2 3b. Levita-dule-ome-nukad Benjamín-sordamargi bila-onolesad 
\mr (19:1–21:25) 
\s1 Levita-dulegi, degi, e-omegi ibmar-gusad 
\p  
\v 1 A-ibagangi, Israel-yargi rey amba-sulidgi, Levita-dule-wargwen Efraín-yalaganba dikasur e-negsulidgi maigusad. A-dule ome-dikarbalid nikusad. A-omede Judá-yargi Belén-neggweburginedid.  
\v 2 Ibagwengine, e-ome e-dikarba-yolesad-ular, gannar ome-neggwebur-Belénʼse, e-serganse nadegusad. Nii-walabakegus, omegwa e-sergan-walik-maidgine,  
\v 3 na e-machered e-ome-balimakde gusad, adi, nidagegar. Dule-ega-arbaedbo naded, degi, moli-uayasuigan walabo sesbalid. E-ome, nabir e-bab-neggi abingasad. Ome-e-bab machered-noniki dakargua, yeer-itosad.  
\v 4 Agine, e-saka e-walik-beega imaksad. Degine, e-sapin e-walik ibapaa bessunnad. Na nue-gobdii, nue-mas-gundii, degi, nue-gabdii gusad. 
\p  
\v 5 Ibabakegine, wakudaryala na gwisguarmalad, degi, Levita-dule naega guakwaa ibmar-amisad. Degi-inigwele, e-sak ega sogded: “Be naed-iduar, mas-gucha be nae, adi, wis mas-itos be naoed.” 
\p  
\v 6 Degi, na gobsamalad, degi, na ebo mas-guchamarbalid. 
\p Geb a-sorbali, e-sak ega sokalid: “Napi-ibagwen be an-walik gabe. Nueganbi be oibodagoed.” 
\p  
\v 7 Degi, na Levita-dule naega gwichigualinad. Degi-inigwele, e-saka gannar e-walik gabega egi alamaksad. Degidbali, na gannar gabissunnad. 
\p  
\v 8 A-bangine, ibatar-gusgu, wakudaryala-naega gwisgusad. Degi-inigwele, e-sak ega sogded: “Be naed-iduar, niga-gannogega, mas-gucha be nae. Sedo be naoed.” Degi, na ebo mas-guchamalad. 
\p  
\v 9 Degi, na mas-guchad-sorbali, Levita-dule, e-ome-dikarbalidmala-naega, degi, ega-arbaedmala-naega gwichigualid. Degi-inigwele, e-saka ega sogded: “Mer bar be nae, bato neg-sedosad, emiskwaa mutikgudoed. Napi-ibagwen be an-walik gabe. Nueganbi be oibodagoed. Geb oibosar wakudaryalaba, be-negse be naoed.” 
\p  
\v 10 Degi-inigwele, Levita-dule yapa bar-gabe-gusad. Degisoggu, Jebús-neggweburse, Jerusalénʼye bilebalid, asega ali gusad. Ebali, e-moli-uayasuigan-warbogwad sealid, degi, e-ome-dikarbalid, degine, dule-ega-arbaed eba ali gusmogad. 
\p  
\v 11 Jebús-neggwebur-modanimaladgi ega nue-neg-mutikguded. Degi, e-mai e-dummadga sogded: 
\p —Dage, Jebuseo-dulemar-bukwadse anmar nae. Agi anmar gaboed. 
\p  
\v 12 E-dummad abin-sogded: 
\p —Suli. Anmar neggwebur-dulemar-baigangadse naosuli. Ar Jebús-neggwebur Israel-neggwebursursoggu, Gabaa-neggweburse anmar naoe. 
\p Degi, Levita-dule ega sogdebalid: 
\p  
\v 13 —Dage, anmar neggwebur-baidse naoe, Gabaaʼsedibe, Ramáʼsedibe. Agi anmar gaboed. 
\p  
\v 14 Degisoggu, nadmarsunnad. Dad-buge Benjamín-yargi-Gabaaʼse modapmalad. Gabaaʼde Benjamín-wagan-neggweburad.  
\v 15 Degidgi, igargi aibatemargu, Gabaa-neggweburse gabega nadmalad. Degi-inigwele, ar dulemar-e-ogabed-satesoggu, dulemar-bukidar-ambikuedgi ambikusmalad. 
\p  
\v 16 Degidgi, dador-gwensak nue-osedos sapurba-arbadii danikid. We-dulede Efraín-yalaganginedid, Gabaa-neggweburgi maid. Dulemar-a-neggweburginmaladdi Benjamín-waganad. 
\p  
\v 17 Dador dulemar-ambikuedgi dule-neggwebur-baidse-nadapid-sii daksagu, ega sogded: 
\p —¿Bia be daniki? ¿Bia be nadapi? 
\p  
\v 18 Levita-dule abin-sogded: 
\p —Anmar Judá-yargi daniki, Belén-neggweburgi. Bur-dikasur anmar Efraín-yalaganba nadapmarsoggu, aga wegi anmar bukunonimalad. Ani an abalidi. Emisgindi, Bab-Jehováʼse-goled-negse an nadapi. Degi-inigwele, dule-an-ogabed sated.  
\v 19 Anmar bela ibmar-nikamalad: Moli-uayasuigan gagan-maega anmar gagan-nika, degi, gagan-dinnagana anmar nikabalid. Degine, anmar vino, degi, masgunned nikamarbalid. Unniguar anmar ibmar-nikad, anmar ibmar-galakusulid. 
\p  
\v 20 Dador ega sogded: 
\p —An-ai, bonisuli, an-negse an be-sedoe. Amba be ibmar-galakuele, ani an bega ukoed. Degisulile, mer wegi, dulemar-ambikuedgi be gabmalo. 
\p  
\v 21 Degisoggu, dador e-negse dule-sealid. Geb moli-uayasuigan ega masgi-omasbalid. Geb degi, na akwemaladdi nag-enuksamalad-sorba gobsamalad, degi, mas-guchamarbalid. 
\p  
\v 22 Na wergu-bukwamaladgi, dule-isganamar-a-neggweburginmalad, neg-ebilis ambikunonimalad. Yawagak sarsononimargu, dule-isganamar dador-neg-ibedga sogdemalad: 
\p —Dule be-negyaba-siid be onoge. Anmar e-sangi dodogoe. 
\p  
\v 23 Neg-ibed, dulemar-abin nodgu, ega sogded: 
\p —An-aimar, mer deyob be damar. Ar we-dule an akwedisoggu, mer yogasaar be deyob neg-oakalomalo.  
\v 24 Bur an bemarga an-sisgwa-onogo, amba yoo ani sui-nikued, degi, we-dule-ome-dikarbalid an onobaloed. Emiskwaa an bemarga onomalo. Adi, be-itolegedba be imakmaloed. Degi-inigwele, we-duledi mer be oakalomalo. 
\p  
\v 25 Degi-inigwele, dule-isganamar itossurmalad. Degisoggu, Levita-dule e-ome-dikarbalid a-dulemarga magaba onosad. Degi, machergan-isgana ome-e-sangi bela-bela mutikidba dodonanai-oiboarmalad, neg-ibguedse sabsur ome-imaksamalad. Degi, neg-ibgudgu, geb indaksamalad.  
\v 26 Degi, neg-oibodanikidgi, omegwa nonikid, yawagak-nagase aimukunonikid, deyob meremai oibosad. 
\p  
\v 27 Degi, e-sui gwisgusgu, yawagak egasad, naegar. Degidgi, neg-yawagak-dogedgi-nodgua, e-ome neg-dogedgi nue-imas aasaa meremai dakalid. 
\p  
\v 28 Degidgi, e-sui ega sogded: “Gwisgue, anmar nae.” 
\p Degi-inigwele, omedi abin-imaksasulid. Degine, a-machered ome-aidosgu, e-moli-uayasuid-birgi mesisad, degi, e-negse nadmarsunnad. 
\p  
\v 29 Levita-dule negse-mosgua, es amisad. Geb e-ome-dikarbalid-e-san olomaksad, degi, e-san sogambe-gakabo (12) olomaksad. Geb bela Israel-dulemar-mamaidba ome-e-sanmar-mimisad.  
\v 30 Degi, bela we-sanmar-mimilesad-dakarmalale, sogdedamalad: “Weyob ibmar-gudisulid, degi, weyob ibmar-dakledisurbalid. Israel-dulemar Egiptoʼgi aligusad-akar, emi-ibase, weyob neg oyoledisulid. Anmar igar-amiergebed. Anmar igar-amied-iduar, anmar nue-binsaergebed.” 
\c 20  
\s1 Israel-dulemar-baigan Benjamín-wagangi urwedgi gwichigusad 
\p  
\v 1 Degidgi, Israel-dulemar belagwable nadegusmalad, Dan-yargi-alid, Beerseba-yarse, degi, Galaad-yar-akar, soggwenagwadyob Bab-Jehová-asabin Mizpaʼye-neg-nugadgi ambikunonimalad.  
\v 2 Bela Israel-dulemar-e-dummagan e-neggweburmar-ilibali sordamar-es-suidgi-bila-onomaladbo ambikusmalad. Sordamarde, mili-dulataled-ilabake mergu (400,000) bukwamalad.  
\v 3 Benjamín-e-sordamar wisgusmalad, Israel-sordamar Mizpaʼse nonimarye. 
\p Geb Israel-sordamar Levita-dulese egichidmalad: 
\p —Be anmarga soge: ¿Ibiga we deyopira ibmar-isgana gusa? 
\p  
\v 4 Levita-dule-ei-ome-burgwisad, sogded: 
\p —An-ome-dikarbalid-anbo Benjamín-wagan-bukwadse, Gabaa-neggweburse an modapmalad, adi, agi gabegar.  
\v 5 Degi-inigwele, mutikidba Gabaa-dulemar angi gwichigunonimalad, an-maid-neg-ebilis ambikunonimalad, an-oburgwegar. Degi, an-ome-dikarbalid-e-sangi dodosmalad. Degidbali, oburgwismalad.  
\v 6 Geb-sorba, an-ome-e-san an olo-olo imaksad, degi, an gwa-gwagwen Israel-dulemar-bukwadba mimisad, adi, bela wisgumalaga, we-dulemar bela-belad weyob Israel-yargi ibmar-isgana-imakledisulid omegwagi imaksamarye.  
\v 7 Ar bemarbela-Israel-dule-gumaladi, bemar-dakedba be imakmalodo, igi na be binsamaloe. 
\p  
\v 8 Israel-dulemar soggwenagwayob sogdemalad: 
\p —Anmar wargwensaar e-dordonegse naosuli, degi, anmar wargwensaar gannar e-negse naosurbali.  
\v 9 Emisgi, ¿igi anmar Gabaa-neggwebur imakoe? Anmar wilubdakar-imakoed, doa inse Gabaaʼgi gwichigudoe.  
\v 10 Bela Israel-wagan-iliba sordamar-dulatargi (100), ambe-ambe (10-10) sulegoed, miligwengi (1,000) dulatar-dulatar (100-100) sulegoed, degi, miliambegi (10,000) mili-miligwen (1,000-1,000) sulegoed. Wemar, masgullemalad amimaloed, geb sordamar-bila-onomaladga sedmaloed. Ar sordamar Benjamín-yarse, Gabaa-neggweburse mosmalale, Israel-yargi-ibmar-isgana-imakledisulid imaksamaladgi gwichiguoed. 
\p  
\v 11 Bela Israel-sordamar dule-gwennagwayob atosmalad, Gabaa-neggweburgi gwisguegar. 
\p  
\v 12 Degi, Israel-wagan, bela e-gwenadgan-Benjamín-waganse sordamar-barmisad, ega sogega: 
\p “¿Ibu-ibmar-isgana wede be imaksamala?  
\v 13 Dule-isganamar Gabaaʼgi-gudimalad be anmarga uda, adi, anmar-oburgwegar. Adi, Israel-yargi ibmar-isgana osulolegoed.” 
\p Degi-inigwele, Benjamín-sordamar, e-gwenadgan-Israel-sordamar-itossurmalad.  
\v 14 Aka Benjamín-sordamar, neggweburmar-baigangi-bukwamaladi, bela Gabaa-neggweburgi atosmalad, Israel-sordamargi gwichiguega.  
\v 15 A-ibagangine, Benjamín-wagan neggweburmar-baigangi-bukwamaladi ebislesgua, mili-dulagwen-gakanergwa mergu (26,000) daklealid, bela es-suidgi-bila-onomaladbi gumalad. Eba ebislessurmaladdi, dulataled-ilagugle (700) Gabaa-neggweburgi bukwamarmogad.  
\v 16 Bela sordamar-bukwad-abargi, dulataled-ilagugle (700) sordamar-sapirmalad bukwabalid, belagwable akwamied-dubgi bila-onomaladid. Sailagia-gagwengi akwa-metele, noar maksurmaladid. 
\p  
\v 17 De-ukinbali, Israel-dulemar-baigan sordamar-es-suidgi-bila-onomalad-bulegan mili-dulataled-ilabake (400,000) urbisad. 
\p  
\v 18 Geb Israel-sordamar Bab-Dummadse-goled-negse nadmalad, Bab-Dummadse egisega, ega sogega: 
\p —Anmar-sordamar, ¿doa-inse Benjamín-sordamargi bila-ononaoe? 
\p Bab-Jehová abin-sogded: 
\p —Judá-e-sordamar-inse onodoe. 
\p  
\v 19 Israel-sordamar wakudaryala gwichigusmalad, Gabaa-asabin ambikudapmalad.  
\v 20 Israel-sordamar Benjamín-sordamargi bila-onogega noarmalad. Geb Israel-dulemar Gabaa-asabin guakwa e-idu ambikusmalad.  
\v 21 Benjamín-sordamar Gabaa-neggweburgi ainiarmogu, a-ibagi bila-onolenaidgi Israel-sordamar-mili-dulagwen-gakabo (22,000) ogilosmalad.  
\v 22 Israel-sordamar muchub-muchub gannar na niga-ogannonanai-guarmalad. Degisoggu, a-bangine, gannar bila-onomarbaligala, iduar-gebe-bila-onosmaladse guakwa ambikudapmarbalid.  
\v 23 Ar ade, Israel-sordamar saegidbali, mutikguedse Bab-Jehová-asabin bosii gusmalad, degi, Bab-Jehováʼse idaksamalad, ega weyob sogsamalad: 
\p —¿Anmar gannar anmar-gwenadgan-Benjamín-dulemargi bila-onomaloe? 
\p Bab-Jehová amar-abin sogsad: 
\p —Egi be bila-ononamar. 
\p  
\v 24 Degisoggu, Israel-sordamar irbogi gannar Benjamín-sordamargi gwichiguapmalad.  
\v 25 Ibbogi Benjamín-sordamar Gabaaʼgi ainidmalad, Israel-sordamargi gwichiguega. Degi, Israel-sordamar-miliambe-gakabaabak (18,000) ogilolesmalad. 
\p  
\v 26 Israel-sordamar belagwable Betelʼse nonimalad. Agi ambikusmargu, Bab-Jehová-asabin bobukwa-gusmalad. A-ibagi, mutikguedse mas-guchasurmalad, degi, Bab-Jehováʼga ibmar-durgan-ogumakar-uksamalad, degi, Bab-Jehováʼga na ebo-igar-nabogega ibmar-uksamarbalid.  
\v 27 A-ibagangi, agi, Bab-Dummad-Israel-Dulemarbo-Igar-Mesisad-Ulu siisoggu, Bab-Jehováʼse idaksamalad.  
\v 28 Deunni, Aarón-wagwa-Fineesʼye-nugad, agi arbadiid. Fineesʼde Eleazar-e-machid. Geb Israel-dulemar egisdemalad: 
\p —¿Anmar gannar, anmar-gwenadgan-Benjamín-sordamargi bila-onogega namaloe, igi, bur negse an namala? 
\p Bab-Jehová abin-sogded: 
\p —Be bila ononamala. Neg-oibosar, Benjamín-sordamargi-nakwega an bemar-imakoed. 
\p  
\v 29 Degidgi, Israel-sordamar Gabaa-neggwebur-ebilis, sordamar-odukuar urbisad. 
\p  
\v 30 Ibapaagwadgi Israel-sordamar, Benjamín-sordamargi-gwichiguega nadmalad. Degine, Gabaaʼgi gwichiguega guakwa bila-onogega ambikusmalad, iduar imaksamaladyob.  
\v 31 Benjamín-sordamar, Israel-sordamar-abinguega nadmalad. Degi, neggweburgi bangumai-gudmalad. Israel-sordamar gwenna-gwenna-abingulemaidba, Benjamín-sordamar abin oburgwemai-oburgwemai imaksamalad, iduar imaksadyob. Bela dulagwen-gakambe (30) Betel-igarba, degi, Gabaa-igarba Israel-sordamar oburgwilesmalad. 
\p  
\v 32 Benjamín-e-sordamar sogdemalad: “Idualedyob anmar ogalakumaibali.” Degi-inigwele, Israel-sordamar sogdemalad: “Anmar duurmakdemalo, adi, neggweburgi bangudmaloed, igarmar-baigan-mamaidse anmar sedmaloed.” 
\p  
\v 33 Ukiar, Israel-sordamar bila-onoleged-igar-ogwasmalad, degi, sorda-bila-onomalad guakwaa Baal-Tamarʼgi ambikudapmalad. Geb Israel-sordamar-dukuar-bukwamalad Gabaa-dad-argwanedsik ainismarmogad, Gabaaʼgi gwichiguega.  
\v 34 Geb Israel-sordamar miliambe (10,000) sordamar-bur-gandikmalad Gabaa-asabin Gabaaʼgi gwichigudmalad. Degi, bela-bela bila-ononaisoggu, Benjamín-sordamar galakumamaid na itossurmalad.  
\v 35 Bab-Jehová Benjamín-sordamar, Israel-sordamar-asabin-galakuega imaksad. A-ibagi, Israel-sordamar, Benjamín-sordamar-mili-dulagwen-gakatar gaka dulatar (25,100) ogilosad, bela a-dulemar es-suidgi-bila-onomaladbiid.  
\v 36 Degidgi, Benjamín-sordamar dakarmalad, emar galakusmala. 
\p Geb degi, Israel-dulemar, Benjamín-sordamargi bangumai-bangumai gusmalad, ade, Israel-sordamar wisid, e-sordamar-dukuar-Gabaa-neggwebur-dikarba-bukwamaladi, Benjamín-sordamargi gwichiguoe.  
\v 37 Israel-sordamar-dukuar-bukwamaladi, ukiar Gabaa-neggweburgi gwichigudmalad. Egi duurmakdemargu, es-suidgi belagwable Gabaa-dulemar-neggweburgi-bukmalad ogilosad.  
\v 38 Israel-sordamar, e-sordamar-dukuar-neggwebur-dikarba-bukwamaladbogwa na igar mesismalad: Bemar neggweburgi waa bela-bela onakwiarmalale, agi anmar gannar uludmaloed. 
\p  
\v 39 Geb Israel-sordamar bila-onolenaidgi yamo wakitemargu, Benjamín-sordamar dulagwen-gakambe (30) Israel-sordamar-ogilosmalad. Geb Benjamín-sordamar sogsamalad: “Napira-we-dulemar anmarse galakumaid, gebe-anmarse-gusbalidyob.”  
\v 40 Degi-inigwele, neggweburgi waa gebe niba ainakwiargu, Benjamín-sordamar sorsik atakdemargu, dakdemalad, bela-neggweburgi waa niba-ainakmai.  
\v 41 Degidgi, Israel-sordamar gannar aibilismalad. Benjamín-sordamardi magar daksamalad emargi-boni-dummad-yolenonikoe. Degisoggu, nue-dobe-itodmalad.  
\v 42 Geb Benjamín-sordamar, Israel-sordamar-idu nega-dulesulidgan-igarba duurmakdemalad. Degi-inigwele, bila-onogedgi wakichasurmalad, sordamar-neggweburmargi-abin-danimalad ogilomai-ogilomai imaksamalad. 
\p  
\v 43 Weyob Israel-sordamar bela Benjamín-sordamar ebilis-ambikusmalad. Bela Menúha-akar, Gabaa-neggwebur-asabinse balegichamalad, degi, bela dad-nakwedsik bursursunna obelosmalad.  
\v 44 A-ibagi, Benjamín-sordamar miliambe-gakabaabak (18,000) girgusmalad. Bela we-dulemarde bila-onomaladbiid.  
\v 45 Degi-inigwele, abala nega-dulesulidganba akwasaila-dummad-Rimónʼye-nugadse wakichamalad. Igarba Israel-sordamar amar-miliatar (5,000) ogilosmalad. Geb Gidom-neg-nugadse balegitemarbalid. Agi, milibo (2,000) ogilosmarbalid. 
\p  
\v 46 Bela a-ibagi mili-dulagwen-gakatar (25,000) Benjamín-sordamar-es-suidgi-bila-onomalad girgusad. Amar belagwable bila-onomaladgi buleganad.  
\v 47 Degine, dulataled-ilanergwa (600), nega-dulesulidganba akwasaila-dummad-Rimónʼye-nugadse wakichamalad. Nii-walabake agi megismalad. 
\p  
\v 48 Israel-e-sordamar gannar Benjamín-dulemargi gwichigusmarbalid. Degi, neggweburmar-iliba es-suidgi bela dulemar-ogilosmalad. Degi, ibmar abingulemaidba, ibmar-dulase-bakar, ogilomai-gusmarbalid. Degi, neggweburmar bela soogi ogumaksamarbalid. 
\c 21  
\s1 Benjamín-wagan gannar ambikusad 
\p  
\v 1 Israel-dulemar Mizpaʼgi, bato weyob ise-sogar igar mesismalad: “Anmar-wargwensaar melle Benjamín-dulemarga anmar-sisgan-ukmalo, adi, nikuegar.” 
\p  
\v 2 Dulemar bela Bab-Dummadse-goled-negse nadmalad. Agi ambikusmargu, mutikidse Bab-Dummad-asabin bukwa gusmalad. Degi, Bab-Dummad-asabin sabsur-gorbukwa, bela-bela asabin bobukwa gusmalad. Weyob sogdemalad: 
\p  
\v 3 “Bab-Jehováʼye, bede, Israel-e-Bab-Dummad gued. ¿Ibiga Israelʼgi weyob neg-gusa? ¿Ibiga emi-ibagi Israel-wagan-soggwen bergusa?” 
\p  
\v 4 Neg-oibosgu, wakudaradba dulemar gwisgusmalad. Degi, ibmar-ogumakar-ukleged-aila sobsamalad. Agi, Bab-Dummadga ibmar-durgan ogumakar uksamalad, degine, gwenatigwarguedga ibmar-ukleged Bab-Dummadga uksamarbalid. 
\p  
\v 5 Degi, Israel-dulemar na muchub-muchub egichiarmalad: “Israel-wagan-belagwable-bukwamaladi, ¿doa-wagan Bab-Jehováʼse-goled-negse arbisuli?” 
\p Ar dule Mizpaʼgi Bab-Jehováʼse arbisulile, ega igar ise-sogar megisad: “Oburgwilegoye.” 
\p  
\v 6 Israel-dulemar, Benjamín-wagan-e-gwenadgan-gusoggu, nue-nunmak-itodmalad, degi, sogdemalad: 
\p “Emi-ibagi, Israel-wagan-soggwen osulolesdo.  
\v 7 ¿Anmar igi e-masmalaga ome-ukosunna? Ar anmarde, Bab-Jehová-asabin ise-sogar imaksamalad, anmar-sisgan an ukosurmarye, e-omega imakega.” 
\p  
\v 8 Degidgi, egichiarmalad: “¿Biti Israel-wagan Mizpaʼgi Bab-Jehováʼse arbisuli?” 
\p Geb dakarmalad, bela Jabes-Galaadʼginmalad Bab-Dummadse-goled-neg-siidse igar-itogega nonisurmala.  
\v 9 Ar dulemar bela nug-bilesgu, Jabes-Galaadʼginmalad gwen-gochasurmalad. 
\p  
\v 10 Degisoggu, igar-itolebukwadgi-bukwamaladi, sordamar-gandikmalad miliambe-gakabo (12,000) barmismalad. Degi, ega sogdemalad: “Namalo, degi, Jabes-Galaadʼginmalad es-suidgi ogilonamalo, omeganse-bakar, degi, burwiganase-bakar be ogilomalo.  
\v 11 Weyopira be imakmalo: Bela machergan-oburgwemalo, omegan-sui-nikmalad belagwable ogilobalo.” 
\p  
\v 12 Jabes-Galaad-dulemar-abargi, yagana dulataled-ilabake bukwa (400) daklealid. A-bunamalade, amba yoo-machergan-ese-gormaladid. Degi, Canaán-yarse, Silo-neggweburse searmalad. 
\p  
\v 13 Degidgi, bela Israel-dulemar, akwasaila-dummad-Rimónʼye-nugadse gayaburba barmisad, Benjamín-wagan-bukwadse, ebo igar nuedgi nabogega.  
\v 14 Benjamín-sordamar gannar armalad. Agine, Israel-dulemar Jabes-Galaadʼgi-searmalad ega uksamalad, adi, yagan e-omega guegar. Degi-inigwele, amba yagana galakusad. 
\p  
\v 15 Ar Bab-Jehová Benjamín-wagan, Israel-wagan-abargi bar-oambikussursoggu, Israel-dulemar, Benjamín-wagan wile dakarmalad.  
\v 16 Ar Benjamín-wagan-e-omegandi bela ogilolessoggu, sordamar-bukwad-abargi girmar-dummagan egichialid: “¿Igi an imakmaloe, omesuli-bukwamaladga omegan-ukega?” 
\p  
\v 17 Degi, sogdemalad: “Benjamín-wagan-burgwissurmalad wagan-nikuewilubmogad, adi, Benjamín-wagan, Israel-wagan-abargi mer berguegar.  
\v 18 Degi-inigwele, anmar-sisgan anmar ega ukosulid. Ar anmar-Israel-dulemar ise-sogar an imaksamalad: ‘Anmar-sisgan an ukosurmarye.’ Ar anmar ukabsaleged-igar mesisad: ‘Dule e-sisgwa Benjamín-dulega uksale, iwigulego, dule-isganaga guo.’ A-ular, anmar geg an-sisgan Benjamín-waganga uke.” 
\p  
\v 19 Degi, sogdemarbalid: “Emisgi nued: Birga-irba Siloʼgi Bab-Jehová-e-iba onoleged. We-Siloʼde, Betel-dad-nakwed-argan-sapiledsik siid, degi, Lebonaʼgi dad-nakwed-argan-nuedsik siid. Degine, Betel-akar, Siquemʼse igar maid. A-igar-maid-dad-nakwedsik Silo siid.” 
\p  
\v 20 Degidgi, Israel-dulemar Benjamín-dulemarga sogdemalad: 
\p “Be namalo, uva-nainumar-imbaba dukuar be ambikumalo.  
\v 21 Itoakwaa be ambikumalo. Be dakmardibe, Silo-yagan dodogega danagwen ainiarmala, uva-nainu-imbaba be dukubukmalad nodamalo. Yagan-war-wargwen gadebin-gadebin be samalo, be-omega guegar. Degi, geb Benjamín-yarse be namaloed.  
\v 22 Ar e-babgan egisdanimalale, igi e-gwenadgandibe, anmar ega sogmaloed: ‘Anmar bega nuedgi soged, Benjamín-wagan wile be dakmala, ar bila-ononaidgi wemarga anmar omegan bela amissurmaladdeeye anmar ega sogmaloed. Ar bemar-sunnad be-sisgan we-dulemarga be uksasurmalad. A-ulale, bemargi ataklegosulid, degisoggu, bemar iwiguosulid.’ ” 
\p  
\v 23 Benjamín-dulemar ega soglesadyob imaksamarmogad, emar-merguedba na yagana-susmalad, dodolenaid-abargi atur-imaksamalad. Geb degine, bela Benjamín-dulemar gannar ega-yar-uklesadse nonimargu, gannar neggweburmar urbisad. Agi ambikusmalad. 
\p  
\v 24 Degidgi, Israel-dulemar-agi-bukwa nadmarmogad, degi, e-dulemarse gannar modapmalad. E-gwenadganse gannar modapmarbalid, na war-wargwengi e-nainuse na modapmalad. 
\p  
\v 25 A-ibagangi, amba Israel-yargi rey sulid. Dulemar war-wargwengi na e-dakedba ibmar-imakbukmalad.