\id ISA - Kuna, San Blas - Bible -Panama 2014 (DBL -2014) 
\h Isaías 
\toc1 Isaías-Garda 
\toc2 Isaías 
\toc3 Is 
\mt1 ISAÍAS-GARDA 
\mt2 ISAÍAS 
\imt2 GEBE-SOGLENAID 
\imt1 Garda-nug 
\ip \it Isaías-Garda.\it* Amoz-machi-Isaías, Bab-Dummad-gayaburba-barsogedid. \it Jehová dule-abonogedye,\it* Isaías-nug obarileged. 
\is1 Isaías-Gardagi weyob sunmaklenaid 
\ip We-garda, Bab-Dummad-e-ganguedgi sunmaked, degi, bela neg-ganimaidgi sunmakbalid. Isaías, Judá-e-Reymar-megismalad-ibagangi sunmakdii gusad: Uzías, Jotam, Acaz, Ezequías. 
\ip Bab-Dummad, Isaíasʼse magarononikid, Israel-dulemarga e-gayaburbagi sunmakegar. Ar Israel-dulemar galagwensuli nanabukwamalad, Bab-Dummad-sogedba nanabuksurmalad. 
\ip We-gardagine, weyob ilemakar sunmaklenaid: 
\io1 1. Sabsur-odurdaklegoed (1:1–35:10). 
\io2 1a. Jerusalén-dulemargi, degi, Judá-dulemargi sunmaklenaid (1:1–5:30). 
\io2 1b. Emanuelʼgi sunmaklenaid (6:1–12:6). 
\io2 1c. Yar-baid-baidgi-bukmaladga sunmaklenaid (13:1–23:18). 
\io2 1d. Ibmar-guoed Isaíasʼga-burbar-oyolesad (24:1–27:13). 
\io2 1e. Judá-dulemar, degi, Israel-dulemar-sabsur-odurdaklegoed (28:1–35:10). 
\io1 2. Rey-Ezequíasʼga neggusad (36:1–39:8). 
\io1 3. Israel-dulemar-gwage-armaklegoed (40:1–48:22). 
\io1 4. Yoedse-gandikidba neg-oyolegoed (49:1–66:24). 
\io2 4a. Yoedse-dule-abonoged-danikoed (49:1–59:21). 
\io2 4b. Yoedse Jerusalén gandikidba yeer-daklegoed (60:1–66:24). 
\ip Be itogua. 
\c 1  
\ms1 1. SABSUR-ODURDAKLEGOED 
\mr (1:1–35:10) 
\ms2 1a. Jerusalén-dulemargi, degi, Judá-dulemargi sunmaklenaid 
\mr (1:1–5:30) 
\s1 Judá-dulemar Bab-Dummadgi nue isgus-bukwad 
\p  
\v 1 Judá-e-reymar: Uzías, Jotam, Acaz, degi, Ezequías, amar-negdakmamaidgine, Amoz-machi-Isaías, Judá-yargi, degi, Jerusalén-neggweburgi neg-guoed daksad. 
\q1  
\v 2 ¡Nibneggi-bukmalad, an-itomalo! 
\q2 ¡Napneggi-bukmalad, an-itomalo! 
\q1 Bab-Jehová weyob soged: “Ani an an-mimmigan akwisad, an na odummosad, 
\q2 degi-inigwele, angi gwisgudmalad. 
\q1  
\v 3 Moli-bebe-nikad-alugwasualed, e-ibed magar daked. 
\q2 Moli-uayasuid, moli-urbed-galu-e-ibedgad magar daked. 
\q1 Degite, Israel-dulemardi, akusunna itomalad, 
\q2 an-dulamardi, aku ibmar dakmalad. 
\b  
\q1  
\v 4 ”Dulemar-nue-isgus-bukwamalad, ¡ibitosmar! 
\q2 Dule-nue-isguedgi-bipirmaksa-bukwamalad, ¡ibitosmar! 
\q1 Dule-ibmar-isgana-imakmalad-e-wagan-bukwad, ¡ibitosmar! 
\q2 Dule-gwage-isgus-gudimalad-e-mimmigan-bukwad, ¡ibitosmar!” 
\q1 Ar bemar, ¡Bab-Jehováʼgi bangudmalad! 
\q2 ¡Israel-e-Bab-Dummad-Isligwaled isdar dakdemalad! 
\q2 ¡Gannar sorsik aibiridmalad! 
\b  
\q1  
\v 5 ¿Ibiga amba sabsur-odurdakledii gubimarsunna? 
\q2 ¿Ibiga uayasuli-gudii gubimarsunna? 
\q1 Bela e-nono, ise-nailikguar siid, 
\q2 bela e-gwage nued naisulid. 
\q1  
\v 6 Bela e-nag-duku-akale, nonosega, e-san-nued wis naisulid, 
\q2 bela oitolesadbi nanaed. 
\q1 E-san, gudure-gudure nanaid. 
\q2 E-yaamar-bukwadi, nunu-yapanne nanaed, 
\q1 ar gwen nugussuli nanaed, 
\q2 morgi-obipirmakar naisurbalid, 
\q2 olivo-gwallugi maglegarsurbalid. 
\b  
\q1  
\v 7 E-yala, nue-bergus naid. 
\q2 E-neggweburmar, bato soogi-ogumakles bubukwad. 
\q1 Emar-sunnagwad na dakmaloed, 
\q2 igi-dule-baigan e-ibmar-digar-nanaid gutemaloe. 
\q1 E-yala, olloo naioed, 
\q2 dule-bamaladse e-yala obelolesadyob naguoed. 
\q1  
\v 8 Sión-yala, uva-nainugi binsa dukued-neg olloo-siidaedyobi daklenaded. 
\q2 Melón-digar-naidgi, binsa neg-ollobi-siidyobi daklenaded, 
\q2 neggwebur, dule-isdarmaladse ebirilessiidyob gued. 
\q1  
\v 9 Ar Bab-Jehová-Bela-Gangued-Nikad anmar-gwenna-gwenna-odulossulina, 
\q2 Sodoma-dulemaryob anmar gumogoenad, 
\q2 Gomorra-dulemaryob anmar obelolemogoenad. 
\s1 Napiragwadgi e-isguedga-bukib-binsamarye ega soglenaid 
\q1  
\v 10 Sodoma-e-dummagan, Bab-Jehová-ibmar-soged be itomar. 
\q2 Gomorra-neggwebur, anmar-Bab-Dummad-Igar-Maid be itomar. 
\p  
\v 11 Bab-Jehová soged: 
\q1 “Be-ibmar-ukleged-bukidaradi, ¿ibi-nuedga anga wis gue? 
\q2 Ar gwen an abemaisulid. 
\q1 Ar sibad-wawaad-machergan-ogumakar-anga-ukleged an budar dakgusad. 
\q2 Ar ibdurgan-wardummagan-e-gwallu-anga-ukleged an budar dakgusad. 
\q1 Moli-bebe-nikad-machergan-e-ablis an abesulid, 
\q2 sibad-wawaadmar-e-ablis an abesulid, 
\q1 sibad-machergan-e-ablis an abesulid, 
\q2 we-ibmarmar, gwen bai an daksulid. 
\q1  
\v 12 ¿Ibiga be an-asabin danimala? 
\q2 ¿Doa bega ibdurgan-sedamaloye sogsa? 
\q2 Unnila anse-goled-neg-imba-oichogega be nonidamalad. 
\q1  
\v 13 Melle bar be anga ibmar-ukleged-gwen-igarga-gusulid sedamalo. 
\q2 Ar ina-wawadikid anga ibmar-isganaga gued. 
\q1 Nii-binidgi, iba-onoleged an budar dakgusad, 
\q2 obunnoged-ibagi, iba-onoleged an budar dakgusad, 
\q1 dulemar-bular-onmaknonidamalad an budar dakgusad, 
\q2 be-an-nug-odummomalad, aka bur an-ourwe damalad, bar an itobisulid. 
\q1  
\v 14 Bemar nii-binid-gwisguedgi iba-onogedi, an budar itogusad. 
\q2 Itoakwaa-iba-onolegedi, an budar itogusad. 
\q1 Ibmar-nuedga gwen anga gusulid, 
\q2 abali, an budar itogusad. 
\q1  
\v 15 Bemar anse-goledgi argan-onakwialile, an bemar-dakosulid, 
\q2 wagar-biir an bemar-idu imakoed. 
\q1 Ar gandikidgi bemar anse gornanaile, an bemar-itogosulid. 
\q2 Ar bemar dulemar-ibe ablis eosmalad. 
\b  
\q1  
\v 16 ”¡Isguedgi be bangumar, swilidik be gumar! 
\q2 ¡An-asabin ibmar-isgana-imakedgi be bangumar! 
\q2 ¡Melle bar ibmar-isgana be imakmar! 
\q1  
\v 17 ¡Igar-nuegan-imaked be durdakmar! 
\q2 ¡Igar-napiragwad be imakmar! 
\q1 ¡Dule-mesagwar-imaklediid be bendakmar! 
\q2 ¡Dule-sergan-satedga be igar nabomar! 
\q2 ¡Siamar-ei-sui-burgwismalad-ular, be gwisgumar!” 
\p  
\v 18 Bab-Jehová soged: 
\q1 “Be dagmar, anmar igar nudakmargwelo. 
\q2 Bemar-isgued, ginnitibiyob-gue-inigwele, boo-sibudikidyob-dakle naoed. 
\q1 Bemar-isgued, mor-ginnidyob-gue-inigwele, 
\q2 sibad-wawaad-e-absar-dagudikid-daklegedyob naoed. 
\q1  
\v 19 Ar bemar an-sogedba nanamaloye sogele, 
\q2 be-yargi ibmar-nuegan-sanmakoedi be gunmaloed. 
\q1  
\v 20 Ar bemar amba an-itosulile, angi be gwisgudmalale, es-suidgi be ogilolemaloed.” 
\q2 Ar Bab-Jehová, e-sunnagwad deyob soged. 
\s1 Jerusalén-neggweburga igar-nabolesad 
\q1  
\v 21 Neggwebur-innikigwad, ¿ibiyobi gambanuchusaedga be gusa? 
\q2 Gebe-iduar, igar-napiragwadbi be imakdidaenad. 
\q1 Igar-innikigwadbi begi nai gusanad. 
\q2 Emide, unnila dule-gindakmaladbi begi gudigusmarsunnad. 
\q1  
\v 22 Gebeunni be maniyob-gumalanad, 
\q2 emidi, durganga-binnideyob be gudnanaed. 
\q1 Vino-nuedyob be gumalanad, 
\q2 emidi, vino dii-sunnabi-goblegeyob be gudnanaed. 
\q1  
\v 23 Be-dummagan-neg-dakmamaid dulegi-gwisgumaladid. 
\q2 Amarde, dule-ibmar-atursamalad-e-sordamalad. 
\q1 Manigi-dule-binsaed-gaedgi bela na yeer itodamalad, 
\q2 dulemar-ega-ibmar-uked unnila abedamalad, 
\q1 dule-sergan-sated-ular sunmakdasurmalad, 
\q2 siamar-ei-sui-burgwismalad-e-igar gwen bai dakdasurmalad. 
\p  
\v 24 A-ulale, Israel-dulemar-e-Bab-Jehová-Bela-Gangued-Nikad, weyob soged: 
\q1 “¡Wese ugaksun! 
\q2 An-isdarmaladga an igar nudakoed, 
\q2 an-isdarmalad an buged imakoed. 
\q1  
\v 25 Gannar an-argan an bemarse oyogoed, 
\q2 bela be-isgued an elioed, 
\q2 degi, bela begi ibmar-isgana-naid an osulogoed. 
\q1  
\v 26 Bega dule-igar-nabomalad gebe-iduar-bukusadyob an oambikuoed, 
\q2 dule-be-unamalad gebe-iduar-ambikusadyob an oambikuoed. 
\q1 Degisoggu, Neggwebur-Innikigwadye be-nugsamaloed, 
\q2 Neggwebur-Sogedba-Daedye be-nugsamaloed.” 
\b  
\q1  
\v 27 Sión-yala, igar-innikigwadba bela-belad bendaklegoed, 
\q2 dulemar e-isguedga-bukib-binsamalad igar-napiragwadba, bela-belad bendaklegoed. 
\q1  
\v 28 Degi-inigwele, dule-uayasulidamaladdi, isguedgi-gudimaladdi, obelolegoed. 
\q2 Ar dule-Bab-Jehová-obandimaladdi, oburgwilegoed. 
\q1  
\v 29 Bemar we-sapimarbina nue-sogdimaladgi bemar nue-bingedar itomaloed, 
\q2 we-dutugalubina be nue-sogdimaladgi bemar nue-undar bingegumaloed. 
\q1  
\v 30 Bemar, sapi-e-gagan-dinguddaeyob gudmaloed, 
\q2 dutu-digaled dii-sate-gugwichidyob gudmaloed. 
\q1  
\v 31 Dule-gala-ibedi, gagan-durgan-milegeyob naoed, 
\q2 e-arbaedi, ilagwen-bergus naoed, 
\q1 ebobela soogi-ogalegoed, 
\q2 dule gwen soo oginnosulid. 
\c 2  
\s1 Bab-Jehová bela napneg-naid semaid 
\r (Miqueas 4:1-5) 
\p  
\v 1 Amoz-machi-Isaías, Judá-yargi, degi, Jerusalén-neggweburgi neg-guoed-daksad, sogsad: 
\q1  
\v 2 “Ibagan-bergued-mosale, Bab-Jehováʼse-goled-neg-yala bur yala-sunsogedga sii guoed, 
\q2 yala-mulluganba bur nug-dummarba sii guoed, 
\q2 dulemar-yar-baid-baidgi-bukmalad bela we-yalase duurmaknonikoed. 
\q1  
\v 3 Bukidar neggwebur-bamalad nonimaloed, sognonimaloed: ‘Dagmar, anmar Bab-Jehová-yalase nakwenamar, 
\q2 Jacob-e-Bab-Dummadse-goled-negse nakwenamar. 
\q1 Ar Bab-Jehová, e-Igar-Maidgi anmar-odurdakoed, 
\q2 adi, anmar e-igargi nanadii guegar.’ 
\q1 Ar ade, Sión-yalagi Bab-Jehová-igar-maid-odurdakleged nodagoed, 
\q2 Jerusalénʼgi Bab-Jehová-gayaburba ainidagoed. 
\q1  
\v 4 Bab-Jehová, dulemar-yar-baid-baidsik-bukmaladga igar-nabogoed, 
\q2 neggwebur-bukibgi-nakulegega guoed. 
\q1 Dulemar, e-es-suidmar napa-imuedga obinyemaloed, 
\q2 eswar-swiswidikmalad gagan-sikedga gudoed. 
\q1 Yar-gwensak, yar-baidbo bar na abin-abin urwosurmalad. 
\q2 Bila-onogega bar odurdaklenai guosurmalad. 
\q1  
\v 5 Jacob-wagan be dagmar, 
\q2 Bab-Jehová-anmar-nidiguega, anmar imakmar.” 
\s1 Bab-Jehová dule-san-dummarba-imakmaladga igar-itoged 
\q1  
\v 6 Bab-Dummad, be-dulamar be obachad, 
\q2 be Jacob-e-wagan obachad. 
\q1 Ar be-dulamar-yargi, dad-nakwed-dorgan-niisgwagi-nerguarmaladi, bukidar bukwad. 
\q2 Filistea-dulemaryob, yoo-ibmar-guoedgi-sunmakmalad-bukidar nikamalad, 
\q2 Be-dulamar, ar dule-bamaladbo igar mesdamalad. 
\q2  
\v 7 E-yalagi, mani-sunnabi engus bukwad, 
\q2 olo-sunnabi engus bukwad, 
\q2 e-ibmar-nuegan gege ebisleged. 
\q2 E-yalagine, moli-bukidar nikad, 
\q2 e-moli-ur-bila-onomalad gege ebisleged. 
\q1  
\v 8 A-ukinbali, e-yala ibmar-bab-dummadyob-imaklemalad-sunnabi engus bukwad, 
\q2 ar dulemar, e-argangi-ibmar-sobsamalad-asabin sindigale, sigdimalad, 
\q2 e-googi-ibmar-obinnismalad-asabin sindigale sigdimalad. 
\q1  
\v 9 Ar weyob, dulemar, e-asabin sindigar-sigedba na nug-wiodimalad, 
\q2 ar dulemar, e-asabin na nug-bipii imakdimalad. 
\q2 Begi-isgusadi, melle ega be elio. 
\b  
\q1  
\v 10 ¡Israel-dulemar! Bab-Jehová-e-gangued-sabsur-oyoged-idu be dukumar, 
\q2 e-gangued-dobesaila-dakleged-idu be dukumar, 
\q1 akwasailagan-ollogan-yaba be dogmar, 
\q2 e-idu be napa-yaba dukumar. 
\q1  
\v 11 Dule-san-dummarba-imakmalad, sabsur-obingegsalemaloed, 
\q2 dule-san-dummarba-imakmalad, san-bipii imaklemaloed. 
\q1 A-ibagangi, unnila Bab-Jehová-e-nugbi odummolegoed. 
\b  
\q1  
\v 12 Bab-Jehová-Bela-Gangued-Nikad ibagwengi nonikoed, 
\q2 bela-dulemar-na-san-dummarba-imakmaladgi, dulegi-mesagwar-sunmakmaladgi, gwichigunonikoed, 
\q1 dule-na-san-bule-bule-samaladgi, gwichigunonikoed. 
\q2 A-e-nugmar bipii imaknonikoed. 
\q1  
\v 13 Bela dulemar Líbano-yalagi-urwar-suigan-gwichiyob-san-imakmaladgi, gwichigunonikoed, 
\q2 bela urwar-matusurmalad-bukwadyob-san-imakmaladgi, gwichigunonikoed. 
\q2 Bela Basán-nebagangi sapi-dummaganyob-san-imakmaladgi, gwichigunonikoed. 
\q1  
\v 14 Bela dulemar yala-dummagan-matusurmaladyob-san-imakmaladgi, 
\q2 bela yala-mullu-mullugan-nuga-nikamaladyob-san-samaladgi, gwichigunonikoed. 
\q1  
\v 15 Bela dulemar neg-suigan-bukwadyob-san-imakmaladgi, 
\q2 bela galu-matusur-akwabiidmalad-gandikidba-bukwadyob-san-imakmaladgi, gwichigunonikoed. 
\q1  
\v 16 Bela dulemar Tarsis-ulu-dummaganyob-san-imakmaladgi, 
\q2 bela ulu-dummagan-yeerdaklemaladyob-san-imakmaladgi, gwichigunonikoed. 
\q1  
\v 17 Dule-san-dummarba-imakmalad, nug-bipii gudoed, 
\q2 dule-dogdar-obicha-san-imakmalad san-bipii gudoed. 
\q1 A-ibagangi, unnila Bab-Jehová-e-nugbi odummolegoed. 
\q2  
\v 18 Bab-dummadyob-ibmar-imaklemalad bela-naitinaga obelolegoed. 
\b  
\q1  
\v 19 Bab-Dummad dulemar-sabsur-odurdaksokalile, 
\q2 dulemar Bab-Jehová-e-gangued-sabsur-oyoged-idu, 
\q2 e-gangued-dobesaila-dakleged-idu, 
\q1 akwasailagan-ollogan-yaba ubodmaloed, 
\q2 idu napa-ollogana-yaba dogdemaloed. 
\q1  
\v 20 A-ibagine, dulemar e-bab-dummagan-nug-odummogega-orgi-sobsamaladi, manigi-sobsamaladi, 
\q2 sapur-nusaga, degi, uksirga midmaloed. 
\q1  
\v 21 Bab-Dummad dulemar-sabsur-odurdaksokalile, 
\q2 dulemar, Bab-Jehová-e-gangued-sabsur-oyoged-idu, 
\q2 e-gangued-dobesaila-dakleged-idu, 
\q1 dulemar akwasailagan-ollogana-imbaba ubodmaloed, 
\q2 akwasailagan-ollormalad-yaba dogdemaloed. 
\q1  
\v 22 Degisoggu, melle be dulegi bensuli-gudii guo. 
\q2 Ar duledi, unnila sikwas dula gudiid. 
\q2 E-dula-gudiidi, unnila buu naddaed. 
\c 3  
\s1 Bab-Jehová Judá-dulemar, degi, Jerusalén-dulemar nue-wiogoed 
\p  
\v 1 Isaías Jerusalén-dulemarga, degi, Judá-dulemarga sogded: 
\q1 “¡Nue bogi be an itomalo! 
\q2 Bab-Jehová-Bela-Gangued-Nikadi Jerusalén-neggweburgi, degi, Judá-yargi, bela ibmar-nabir-gullemalad obelogoed: 
\q2 Bela masgullemalad, bela gobedmarse-bakale, obelogoed. 
\q1  
\v 2 Bab-Jehová, bela we-dulemala, Jerusalén-neggweburgi, degi, Judá-yargi, osulogoed: 
\q2 Bela dule-gandikmalad, 
\q2 bela dule-bila-onomalad, 
\q2 dule-igar-nabomalad, 
\q2 e-gayaburba-barsogmalad, 
\q2 dule-ibmar-guoedgi-iduakwaa-sunmakmalad, 
\q2 girmar-dummagan, 
\q2  
\v 3 sorda-bila-onomalad-e-idumalad, 
\q2 dule-nug-nikamalad, 
\q2 dule-binsaed-dakmalad, 
\q2 galagwensuli-ibmar-sobmalad, 
\q2 degine, dule-burgwismaladse-gabgin-ibmar-egismalad, 
\q3 wemar, bela obelogoed.” 
\p  
\v 4 Bab-Jehová soged: 
\q1 “An negsemalaga, sapingana urboed. 
\q2 Dule-dummaganga-gumalaga, masmala-ibmar-abes-abesdamalad urboed. 
\q1  
\v 5 Dulemar na muchub-muchub sabsur-imakdemaloed: 
\q2 Dule e-neg-dikarba-maidbo, na abin-abin nagudmaloed. 
\q1 Sapingwa, dador-sarsodoed. 
\q2 Dule-binsaled, dule-nug-nikadbo na sabsur-imakdemaloed. 
\b  
\q1  
\v 6 ”Dule-gwensak e-bab-neggi e-gwenadga sogdagoed: 
\q2 ‘Ar bedi mor-nued-ise-nudakar be yoisoggu, we-neg-gagalenaid nudake, 
\q2 be anmar-dummadga gue.’ 
\q1  
\v 7 Geb e-gwenaddi e-abin sogdagoed: 
\q2 ‘An nersuli. 
\q1 Ar an-neggi mas sated, morbela satebalid. 
\q2 Melle neggwebur-dummadga-guega be an-imake.’ ” 
\b  
\q1  
\v 8 Ar Jerusalén-neggwebur nue-bergus mellesiid, 
\q2 Judá-yar nue-oitoles naid. 
\q1 Ar e-sunmakedi, e-ibmar-imakedi, Bab-Jehováʼgi ise-yolegaled. 
\q2 Amarde, Bab-Dummad-e-gangued-yeerdakleged bai daksulid. 
\q1  
\v 9 E-ichakwadamaladgi na dukin e-daed barsoged. 
\q2 Sodoma-dulemar-isgusadyobi, e-isguedgi bule-bule-gudiid odukusurmalad. 
\q1 ¡Emar na dummad-wilesmar! 
\q2 Na dukin sabsur-odurdaklegega gunanaid. 
\q1  
\v 10 Dule-napira-nanadiidga be sogmalo, “bega ibmar nueganbi guoye.” 
\q2 Ar na e-arbadiidgi nue-ibmar nikuoed. 
\q1  
\v 11 ¡Dule-isgana, be nue-wiles! 
\q2 Ar bega ibmar-nuegan guosulid, 
\q2 ar be-arbasadgi na be odurdaklegoed. 
\p  
\v 12 Bab-Jehová sogbalid: 
\q1 “¡An-dulamar, be nue-wilesmar! 
\q2 Sapinganse mesagwar-gudimalad, 
\q2 Omegan ega dummadga-negdakmamaid. 
\q1 ¡An-dulamar, be nue-wilesmar! 
\q2 Ar dule-be-idumaladi begi dododimalad, 
\q2 ar igar-isganaba be-nidimalad.” 
\b  
\q1  
\v 13 Bab-Jehová, e-dulemarga-igar-nabogega, gwichigudasokalid. 
\q2 Dulemar-sabsur-odurdakega, gwichigudasokalid. 
\q1  
\v 14 Bab-Jehová, girmar-dummagangi, 
\q2 degi, dummagan-negsemamaidgi, gwichigudasokalid. 
\q1 Bab-Dummad ega weyob sognonikoed: “Ar bemar uva-nainu-naid bela obelosmalad. 
\q2 Be-negyagi dule-wilemalad-ibe-be-ibmar-atursasmalad bukwad. 
\q1  
\v 15 ¿Doa bega sogsa, an-dulamar mesagwar imakmaloye? 
\q2 ¿Doa bega sogsa, dule-wilesagwar-gudimalad be wiomaloye?” 
\s1 Bab-Dummad, omegan-Sión-yalaginmalad sabsur-odurdakoed 
\p  
\v 16 Bab-Jehová weyob sogbalid: 
\q1 “Omegan-Sión-yalaginmalad san-bule-bule-imakmaladi, emargi-obine-itogedba bule-bule nanamalad. 
\q2 A-omegan dule-mesagwale dakdaed. 
\q1 San-bule-bule-imakedba, e-maligi ibmar-nanaid-ogolegala, yamo nag-bana-bana nadapdamalad, 
\q2 adi, e-ibmar-maligi-naid-goled itomalagar. 
\q1  
\v 17 A-ulale, ani, omegan-Sión-yalaginmalad-e-nonogi, boni-yaa-dummagan yaisur-nikuega imakoed, 
\q2 an bela amar-nono swana imakoed.” 
\p  
\v 18 A-ibagine, Bab-Jehová, we-ibmarmar osulogoed: 
\q2 Maligi-ibmar-nagumalad, 
\q2 bebegi-ibmar-nasiklemalad, 
\q2 morgi-ibmar-nasiklemalad. 
\q2  
\v 19 Bela dukargi-ibmar-nasiklemalad, 
\q2 sakwagi-ibmar-nasiklemalad, 
\q2 muswe-wagar-odukumalad. 
\q2  
\v 20 Dunwemar, 
\q2 maligi-ordubyob-ibmar-nasiklemalad, 
\q2 saderba-mordub-atillemalad. 
\q2 Ina-wawagan-nuegan, 
\q2 olargan-matar-dummagan, 
\q2  
\v 21 olarganmar, 
\q2 olasumar. 
\q2  
\v 22 Ibagi-mor-yoleged-gargerbamalad, 
\q2 mor-dummagan, 
\q2 mor-suigan, 
\q2 mor-sakwa-metegana. 
\q2  
\v 23 Isbe-wagar-dakmalad, 
\q2 lino-mor-nued, 
\q2 mor-obipirmakar-nonogi-silemalad, 
\q2 degi, dukarba-biar-mor-nasiklemalad. 
\q3 Bela e-ibe we-ibmarmar osulolegoed. 
\b  
\q1  
\v 24 A-ibagine, ina-wawadikidbi-yapannedi, nunu-yapanne naoed. 
\q2 Saderba-mordub-atillemalad-muchubbi, saderba gasdub nasikdemaloed. 
\q1 Ise-gwialed-muchubbi, sailagia-sate gumaloed. 
\q2 Ibagi-mor-gargerbamalad-yoleged-muchubbi, wilegedba mor-yaara-dakle yodmaloed. 
\q2 Wagar-yeerdakleged-muchubbi, bingedar-dakle itodmaloed. 
\q1  
\v 25 Be-machergan es-suidgi oburgwiledmaloed. 
\q2 Be-dule-bulegan bila-onolenaidgi oburgwiledmaloed. 
\q1  
\v 26 Bela dulemar ogormakdemaloed, 
\q2 burgwed-ibagi-mor-yoleged yodmaloed. 
\q2 Neggwebur bela olloo dakle nadoed. 
\c 4  
\q1  
\v 1 A-ibagangine, omegan-walagugle (7) machered-wargwengi alamakdamaloed, 
\q2 ega sogdamaloed: “Anmar anbo-nikue, 
\q1 ar be an-nikguele, anmar na dukin mas amioed, 
\q2 anmar na dukin mor bakbaloed, 
\q1 unnila anbo-nikubi anmar be-abeged. 
\q2 Adi, anmar melle bingegudii gumalagar.” 
\s1 Jerusalén-neggwebur yoedse ganguedba-yeerdaklege guoed 
\p  
\v 2 A-ibagangine, Bab-Jehová, sapi-siklesad gannar ainiega imakoed. We-sapi-gannar-ainioedi, yeerdaklegedga guoed, degi, gandikidba-yeerdaklegedga gubaloed. Ibmar-durbamar-welemaloedi, Israel-dulemar-besmalad-e-nug-odummogega guoed, degi, e-nug-ogannogega gubaloed. 
\p  
\v 3 Degine, Sión-yalagi napi-dula-bemaloedi, Jerusalén-neggweburgi napi-dula-bukumaloedi, bilegoed: Dule-islidikidmarye, degi, bela Jerusalénʼgi-gudimalad-e-nug-narmakar-mamaidse-bakar, deyob bilegoed. 
\p  
\v 4 Bab-Dummad, sabsur-odurdakleged-igar mesnonikile, degi, geb sabsur-odurdakdele, omegan-Sión-yalaginmalad-e-isgued osulogoed, degi, Jerusalén-dulemar-ablis-eosmalad-e-isgued elioed. 
\p  
\v 5 Geb degine, Bab-Jehová, ibgine, Sión-yalagi, dulemar-ambikuoedgi mogir-gudure nasikoed. Mutikdi, ibegwar soo-gwabunye-gwichi imaknonikoed. Bab-Jehová-e-gangued-yeerdaklegedi atued-dummadyob-dakle bela neg-gasa naguoed.  
\v 6 Adi, ibgine, dad-ibeler-uedikgued-idu negsichii-imakedyob naguoed. Dii-wiedgi, degi, burwa-dummad-noedgi ega dukuedga naguoed. 
\c 5  
\s1 Uva-nainugi burbar-namakleged 
\q1  
\v 1 An-ai-nued-nuggi an namakoed, 
\q2 e-uva-nainugi an namakoed. 
\q1 An-ai-nued-e-uva napa-nuedgi digar naigusad. 
\q2  
\v 2 Na napa nudaksagusad, akwa-murugan obelosgusad. 
\q2 Uva-dub-sailagan-nuegan digsagusad. 
\q1 Nainu-abargine neg-suid sobsagusad, 
\q2 uva-egured-galu sobsagusbalid. 
\q1 Uva-san-nuegan-ega-sanmaked abedii gusanad, 
\q2 aka ega uva-soledbi sanmaksad. 
\p  
\v 3 Bab-Jehová soged: 
\q1 “Judá-dulemar, Jerusalén-dulemar, be anga sogmardo. 
\q2 Emide, uva-soledbi-sanmaksadi, ¿wede doagine? 
\q2 ¿Angine? ¿Uva-nainugine? 
\q1  
\v 4 ¿Ar ibu-ibmar an-uva-nainuga an imaksasuli? 
\q2 ¿Ibu-ibmar bar an ega imakosunna? 
\q1 Ar uva-san-nuegan-anga-sanmaked an abesanad. 
\q2 Ar degite, ¿ibiga uva-san-soled sanmaksasunna? 
\q1  
\v 5 An bega sogmalodo, igi an-uva-nainu an imakoe: 
\q2 An e-ibe galu-emakaled earoed, adi, bela berguegar. 
\q1 An e-galu-matusulid e-ibe earbaloed, 
\q2 adi, bela egi annalegegar. 
\q1  
\v 6 Bela swanga-nai an imakoed, 
\q2 bar uva-dub diglegosulid, 
\q2 bar nuekwaa emilegosulid. 
\q1 Ikomarbi, degi, gagan-ikobimaladbi ainidagoed, 
\q2 bar mogirmar egi dii-owiega an imakosulid.” 
\q1  
\v 7 Israel-dulemar Bab-Jehová-Bela-Gangued-Nikad-e-uva-nainu gued. 
\q2 Judá-machergandi ega uva-yeerdakle-digaledga gued. 
\q1 Bab-Jehová Israel-dulemar ega igar-innikigwad-imaked edarbediinad, 
\q2 emide dakalid, unnila dule-ablis-eodimaladbi gudimala. 
\q1 Bab-Jehová, ega igar-napiragwadba-nanaed edarbediinad, 
\q2 emide dakalid, unnila suli-suli-itogedba binnasuli gormakdimala.\fig Uva-nainuga napa-nudaksad, ega neg-suid sobsad, uva-egured-galu sobsabalid. (Isaías 5:1-2) |src="LB00103B.TIF" size="col" ref="Isaías 5:7" \fig* 
\s1 Dule-wiodimalad ukabsalesad 
\q1  
\v 8 Dulemar emar-idu neg-sobe-sobe-gudimalad, ¡dule-wilesmar! 
\q2 Emar-ibe nainu-sue-sue-gudimalad, ¡be duledar-wilesmar! 
\q1 Dule-bamaladga wis napaneg-ollogwad nasiksulid. 
\q2 Na wargwen we-neggweburgi-gudimaladyob itoged. 
\q1  
\v 9 Bab-Jehová-Bela-Gangued-Nikad weyob an-uayagwar anga ibmar-sogsad: 
\q2 “Negamar-bukidara obelolegoed. 
\q2 Neg-dummagangi, neg-yeerdaklegedgi, dule gwen megosulid. 
\q1  
\v 10 Uva-nainu-dummagan sogapaa naidi, 
\q2 unnila bari-gwagwen wis vino egi amilegoed. 
\q1 Ibmar-gwag galón-gwaambe-diglegoedgi (10), 
\q2 unnila galón-gwagwen wis egi welegoed.” 
\b  
\q1  
\v 11 Dulemar wakudaryalaba-mumguega-gwisguardamaladi, ¡duledar-wilesmar! 
\q2 Mumgusii mutikguddamaladi, ¡be duledar-wilesmar! 
\q1  
\v 12 Be-iba-onomaladgi vino-bukidar nikadamalad, 
\q2 gar-arpaʼmar ogorleddaed, 
\q2 degi, gar-liraʼmar, damborʼmar, 
\q2 degine, gar-flautaʼmar ogorleddaed. 
\q1 Degi-inigwele, bemar Bab-Jehová-ibmar-imaksadgindi, binsadasurmalad, 
\q2 e-ibmar-saedginbela bar binsadasurbalid. 
\q1  
\v 13 An-dulamar an-itobisurmalad-ulale, gales seledmaloed. 
\q2 E-dule-nuga-nikamalad mas-gunsulidba burgwidmaloed, 
\q2 dule-bukidar gobsulidba burgwidmaloed. 
\q1  
\v 14 A-ulale, burgwarmalad-meged-galu-e-yaa sabsur-argas maid. 
\q2 Agine, dule-nuga-nikamalad, e-mumguedgi-yeer-itodimalad, neg-uanse doledmaloed. 
\q2 Dule-binsarmalad, e-isguedgi-wergudimaladba neg-uanse doledmaloed. 
\q1  
\v 15 Dulemar sabsur-ibitomaloed, emarse ibmarbina-wiledii gudmaloed. 
\q2 Dule-san-dummarba-imakdimalad, binge itodmaloed. 
\q1  
\v 16 Ar Bab-Jehová-Bela-Gangued-Nikadi igar-innikigwadba e-nug ogannolegoed, 
\q2 Bab-Dummad-Isligwaled igar-napiragwadba na san-swilidikid oyogoed. 
\q1  
\v 17 Sibad-wawaad-senigana, e-nainu-sunnadyobi, egi gagan-ara-aramalad-madii gudmaloed. 
\q2 Sibad-omemardi, dule-mani-ibmala-e-neg-ollo-ollo-bukmaladgi gagan-madii gudmaloed. 
\b  
\q1  
\v 18 Dule isguedse-ebipiledimalad, ¡duledar-wilesmarsun! 
\q2 Dule urdubgi-isgued-ebipidimalayob-gudidiid, ¡be dule-wilesmar! 
\q1  
\v 19 Na sogdimalad: “Bab-Dummad gwae dagye. 
\q2 Gwae ibmar imakdaye, adi, anmar e-ibmar-imakoed dakegarye. 
\q1 Israel-dulemar-e-Bab-Isligwaled e-ibmar-imakbied gwae imakdaye, 
\q2 adi, anmar e-ibmar-imakoed wisguegarye.” 
\q1 Deyob-sogdidiid, ¡duledar-wilesmarsun! 
\b  
\q1  
\v 20 Dulemar, igar-isgana igar-nueganga-imakdidiidi, ¡duledar-wilesmar! 
\q2 Dulemar, igar-nuegan igar-isganaga-imakdimaladi, ¡dule-wilesmar! 
\q1 Dulemar, negsichid neg-meegwadga-imakdimaladi, ¡duledar-wilesmar! 
\q2 Neg-meegwaddi, negsichidga-imakdimaladi, ¡dule-wilesmar! 
\q1 Dulemar, ibmar-gagbireged ochigwadga-imakdimaladi, ¡duledar-wilesmar! 
\q2 Dulemar, ibmar-ochigwad gagbiregedga-imakdimaladi, ¡dule-wilesmar! 
\b  
\q1  
\v 21 Dule, binsaed-ibedga na san-sadimaladi, ¡duledar-wilesmar! 
\q2 Dule, nue-ibmar-wisidga na san-imakdimaladi, ¡dule-wilesmar! 
\b  
\q1  
\v 22 Bemar vino-gobedsik-bulegan-gudimaladi, ¡be duledar-wilesmar! 
\q2 Bemar inna-gagbid-sobedsik-bulegan-sogdimaladi, ¡dule-wilesmar! 
\q1  
\v 23 Bemar dule-baiganse-manigi-baklegar, dule-ibmar-isgana-imaksad-galessiid-onodamaladi, ¡duledar-wilesmar! 
\q2 Bemar dule-ibmar-oakalossulid-obanagwar-imakdimaladi, ¡dule-wilesmar! 
\q1  
\v 24 A-ulale, igi-soo-ditismaked gagan-ogumakdedae, 
\q2 igi-gagan-dinnagwad soo-abin gummakdedae, 
\q2 deyobi, bemar gummakmaloed. 
\q1 Igi sapi-mali napa-urba-nunguddae, 
\q2 igi e-dutu, ukub-miledeyob-mileddae, 
\q2 deyob bemar berguoed. 
\b  
\q1 Ar bemar, Bab-Jehová-Bela-Gangued-Nikad-Maid-e-Igar obatemalad, 
\q2 Israel-e-Bab-Jehová-Isligwaled-e-gayaburba isdar-itodmalad. 
\q1  
\v 25 A-ulale, Bab-Jehová e-dulemarse sabsur-urwed, 
\q2 a-ulale, sabsur-odurdaked, yalagan ese giglimaked. 
\q2 Muigan, durgan-milegeyob, galimbaba omileded. 
\b  
\q1 Deyob-imaksa-inigwele, Bab-Jehová, amba sae-itomaid, 
\q2 amba dulemar-sabsur-odurdakmaid. 
\b  
\q1  
\v 26 Bab-Jehováʼdi, dulemar-yar-baid-baidgi-dikasur-bukwadse-golegala, bander onakoed. 
\q2 Bela yar-naidgi-bukwamaladse wigooed, 
\q2 we-dulemar gwae-gwae abarmakar-abarmakar nonimaloed. 
\q1  
\v 27 We-dulemar, dutusurmalad, gwen yeguosurmalad. 
\q2 Unnila, guagwar gudii gumaloed, gwen gabbie itogosurmalad. 
\q1 E-musirba-mor-atinnaimalad gwen ei achikosulid. 
\q2 Nag-uka-e-dubmar e-ibe gwen itirosurbalid. 
\q1  
\v 28 E-sigumar ise-swiswidikidbioed, 
\q2 e-warsimar bela gachii ganikidbimaloed. 
\q1 E-molimar-e-sapat akwayobi dutusulidbioed, 
\q2 e-moli-ur-bila-onomalad-e-yandamar burwa-bipirmakaledyobi guoed. 
\q1  
\v 29 Sorda-bila-onomalad-e-goledi, achumigur-nono-wawaadyob goledbioed. 
\q2 Achumigur-nono-wawaad-e-mimmigan-uurmakeyobmaloed, 
\q1 e-nugar ogotemaloed. 
\q2 Dule ese-galesale, dule gwen egi suosulid. 
\q1  
\v 30 A-ibagangine, we-dulemar Israel-dulemargi demar-dummad-arwemaiyobi gwichigunonikoed. 
\q2 Dule, Israel-yar-naid-dakalile, bela negsichidbi-nai dakdagoed, 
\q2 dad-ibeler-idu mogir-sichid nai guoed. 
\c 6  
\ms2 1b. Emanuelʼgi sunmaklenaid 
\mr (6:1–12:6) 
\s1 Isaías, Bab-Dummad-ologanagi-sii daksad 
\p  
\v 1 Rey-Uzías-burgwisad-birgagine, ani Isaías, Bab-Dummad ologana-biriginedgi-sii an daksad. E-mola-duku ese-goled-neggi bela batenai an daksad.  
\v 2 E-birgine, dule-nibnegginmalad-Serafínʼye-nugmalad gukunanai an daksad. A-dulemar sakan-nergwa (6) nikamaladbiid: Sakan-warbogwadgi e-wagar odukunanaid, sakan-warbogwad-baidgine, e-malimar odukunanaibalid, degine, sakan-warbogwad-baidgindi, gukunanaid.  
\v 3 Muchub-muchubbi, binnasuli sognanaid: 
\q1 “Bab-Jehová-Bela-Gangued-Nikadi, Bab-Jehová-Isligwaledid, Isligwaledid, Isligwaledid. 
\q2 Bela napneggi e-gangued-yeerdaklegedi neg-gasa naid.” 
\p  
\v 4 Serafínʼmar-binnasur-gornanaidbali, Bab-Dummadse-goled-neg-yawagak-bargamalad e-sailamarse-bakale, giglimakded, geb Bab-Dummadse-goled-neg bela waa daasa sigisad.  
\v 5 Geb an binnasuli goted: 
\q1 “¡An duledar-wiles! ¡An bergussun! 
\q2 Ar ande ibmar-isganabi-sogdiid-duled, 
\q2 dulemar-ibmar-isganabi-sogdimalad-abargi an gudiid. 
\q1 Emide, an Rey-daksad, 
\q2 Bab-Jehová-Bela-Gangued-Nikad an daksad.” 
\s1 Isaíasʼse-gorlesad 
\p  
\v 6 Degidgine, Serafín-gwensak ansik gukualid. Bab-Dummadga-ibmar-ogumakar-ukleged-ailagi soo-gasiidgi soo-weed-esgorogi sogun-ara-arad-wesadi sedanikid.  
\v 7 Geb a-sogungine, an-gakuli ebunonikid, agi anga sogded: 
\q1 “Be dake, we-sogun-ara-arad be-gakuli-ebusadi, bega isgued elinonisunnad. 
\q2 Bab-Dummadgi be isgudiidi, emide isgussulidyobi be daklenadsunnad.” 
\p  
\v 8 Geb degidgine, Bab-Jehová-e-sunmaked an itosad. Weyob soge an itosad: 
\q1 —¿An doa-dule barmidoe? 
\q2 ¿Doa anmar-anar naoe? 
\p Geb abin an sogded: 
\q1 —Ani be an-barmide, 
\q2 ani an naoe. 
\p  
\v 9 Geb Bab-Jehová anga sogded: 
\q1 —Be nae, we-dulemarga be sogna: 
\b  
\q1 ” ‘Be ibmar nue-itomalo-inigwele, akusunna be itomaloed. 
\q2 Be ibmar nue-dakmalo-inigwele, akusunna be dakmaloed.’ 
\q1  
\v 10 We-dulemar-e-gwage dutusuli be imako, 
\q2 akusunna ibmar-itogega be imako, 
\q2 akusunna ibmar-dakega be imako. 
\q1 Degisulile, e-ibyagwale ibmar-dakdoed, 
\q2 e-uayagwale ibmar-itodoed, 
\q1 degi, e-gwagegi magar-ibmar-itodoed, 
\q2 e-isguedga bukib binsadmaloed. 
\q2 Degidbali, nudake an dakledagoed.” 
\p  
\v 11 Geb an ese egichided: 
\q1 —Bab-Jehová, ¿sanagwadse an be-nuggi sunmakdii gusunnoe? 
\p Bab-Jehová anga sogded: 
\q1 —Bela neggweburmar-obelolegedse be an-nuggi sunmakdii guoed. 
\q2 Bela negmar-ollo-ollo-ambikuedse be angi sunmakdii guoed. 
\q1 Dulemar a-neggweburmargi-bar-gudii-guosulidse be an-nuggi sunmakdii guoed. 
\q2 Nainumarbela-swiri-naguedse be angi sunmakdii guoed. 
\q1  
\v 12 An bela-dulemar-e-yalagi dikasuli ononnogoedse be angi sunmakdii guoed. 
\q2 Bela e-yala-olloo-naguedse be an-nuggi sunmakdii guoed. 
\q1  
\v 13 Ar dulemar e-dulataledgi (100) amba e-ambe (10) besale, 
\q2 bela amba amar berguoed. 
\q1 Ar sapi-emisgwa-siklesad-e-sailabi gannaa-siidaedyobi wis bemaloed. 
\q2 Geb we-dulemar-bemaloedi neggwebur-islidikidga guoed. 
\c 7  
\s1 Emanuel-danikoed-e-wilubgangi sunmaklenaid 
\p  
\v 1 Deunni, Rey-Acaz Judá-yargi negsemaid. Acazʼde Jotam-e-machid, degi, Uzías-e-wagwabalid. A-we-reymar-warbogwad Jerusalén-neggwebur sussurgusmalad. 
\p  
\v 2 Weyob Rey-David-negga-gusadse gayaburba nonikid: Siria-dulemar Efraín-dulemarbo atosmarye. 
\p Degi, Rey-Acaz nue-dobe itonaded. E-neggweburginmalad bela dobedba wawanmakdemalad. Igi-sapimar burwaba banamakgwisdae, ayobi wawanmakdemalad. 
\p  
\v 3 Geb degi, Bab-Jehová Isaíasʼga sogded: “Be-machi-Sear-Jasubʼbo, Acaz-abinguega be nae. Bia dii-gammu-maid dii-wilad-dummad-siid-akar dii-sedanidae, a-bergunaid-nagaba be abinguoed. We-dii-gammude, mor-odidued-neg-igar-nalemaidsik maid.  
\v 4 Acazʼga be sogo: 
\p ” ‘¡Nue salakalo! ¡Melle be dobguo! Siria-rey-Rezín-sabsur-urwed-abin, melle be gwayo. Remalías-machi-Peka-abin, melle be gwayebalo. We-dulemar-warbogwad-abin melle be gwage-nunmak-itogo. We-reymar-warbogwad unnila, igi soogi-waa-ainakwialir yog berguar-naddae, ayobi gumalad.’ 
\p  
\v 5 ”Acazʼga be sogbalo: ‘Efraín-dulemar Remalías-machi-Pekaʼmala, Siria-dulemarbo, bemar-wiogega na atosmalad.  
\v 6 Ar ade, sogsamalad: Anmar Judá-yalagi gwisgunae, anmar e-dulemar ogwayenae, anmar we-yala e-ibe suoed, geb anmar agi Tabeel-machi reyga omesoed.’ 
\p  
\v 7 ”A-ukinbali, Acazʼga be sogbalo: ‘Ani Bab-Jehová-Bela-Gangued-Nikad weyob sogbarye: 
\q1 We-ibmar-deyob-sogmaladi, bipisaale guosurye. 
\q2  
\v 8 Ar Damasco-neggweburbi Siria-yala-e-nonoga wis siid, 
\q2 ar Rezínʼye-nugadi Damasco-neggwebur-e-reyga wis maid. 
\q1 Birga-dulapaa-gakatarsega (65), Efraín-yala berguoed, 
\q2 bar neggweburga sii guosulid. 
\q1  
\v 9 Samaria-neggweburbi Efraín-yala-e-nonoga wis-simogad, 
\q2 Remalías-machidi, Samaria-neggwebur-e-reyga wis-maimogad. 
\q1 Ar bemar angi benmalale, bemar wegi ambikuosurmalad.’ ” 
\s1 Mesías-gwalulegoed-e-wilub 
\p  
\v 10 Bab-Jehová, Acazʼga sogdebalid: 
\p  
\v 11 —An be-Bab-Dummad-Jehová-gued. Anse wilubga-guega ibmar-gegerdakleged-imaked be egise. Sunna bega ibmar-gegerdakleged nibneg-birigi imakodibe, bela-bela napa-uluse imakodibe. 
\p  
\v 12 Acaz abin-sogded: 
\p —Bab-Jehová, an be-wilubdakosulid. An bese bipisaale ibmar egisosulid. 
\p  
\v 13 Geb degi, Isaías sogded: “Emisgine, bemar, David-wagan, nue be an-itomalo. ¿Ar be dulemar-ourwed nubin be itosursi? Ar emide be, deyob an-Bab-Dummad-ourwebimarmogad.  
\v 14 A-ulale, Bab-Jehová-sunnagwad ibmar-guoed-e-wilub oyogoed: Yagwa-wargwen gurgin-nika guoed, degi, goe nikunonikoed. Emanuelʼye onugsaoed.  
\v 15 Goe achanisbi madii guoed, moli-nunis-ollikwagwadbi madii gubaloed. Mag-neg-itogusadse we-ibmarmar indakoed.  
\v 16 Ar mimmi-mag-neg-itoged-iduale, igid ibmar-nuedi, igid-ibmar-ichakwabali, reymar-warbogwad-ese-be-gwayediidi, e-yalamar bela ibitomaloed.” 
\s1 Judá-yargi sabsur-ubononikoedgi sunmaklenaid 
\p  
\v 17 Isaías, Acazʼga sogbalid: “Bab-Jehová, Judá-yargine Asiria-e-rey barmidagoed. Begine, be-dulemargine, degi, be-wagangine, ibagan-bulegan barmidagoed. Efraín-yala, Judá-yalagi-bangusad-akale, a-ibmarmar-gwen-dakledsulidi, begi barmidagoed.” 
\p  
\v 18 A-ibagangine, Bab-Jehová, Egipto-sorda-diwar-dukuba-dikasur-bukmaladse wigooed. Amala gukurmaryobi bemarse barmidagoed. Degi, Asiria-yalagi-bukmaladse wigobaloed. Bemarse burmaryobi barmidagoed.  
\v 19 Amar bela nonimaloed, ibe-dummagan-imbaganba ambikunonimaloed, akwasaila-ollogana-yaba ubononimaloed, gagan-moodo-ikoyaisur-naidgi bukunonimaloed, molimar-dii-gobmalad-nagaba ambikunonimaloed. 
\p  
\v 20 A-ibagangine, Bab-Jehová, Asiria-e-reyga Éufrates-diwar-obakar-Israel-dulemar-bukmalad-sabsur-odurdakega urmakoed. Bela e-sailagia swanga imaklegoed, bela e-sigamala, ei immilegoed, alu-sigase-bakale ei immilegoed. Bela-bela-wilemalaga imaklegoed. 
\p  
\v 21 A-ibagangine, dule-wargwen moli-bebe-nikad-bunolo-wargwen wis akwedii guoed, sibad-ome-warbo wis akwedii gubaloed.  
\v 22 We-ibmar-durgan ega nunis-bukidar nika guoed, e-nunis-ollikwagwad-madii guoed. Dule-we-yargi-bemaloedi, unnitiba moli-nunis-ollikwagwad achanisba madii gumaloed. 
\p  
\v 23 A-ibaganginbali, uva-nainugi uva-miligwen-digar-naigusadi (1,000), mani-sibu-miligwen-gargegus-gusadi, emidi ikomar-nainuga guoed, degi, gagan-ikobimalad-nainuga guoed.  
\v 24 Bela yala iko-sunnabi naguoed. A-sapurgi, warsibi-annika nanadii gumaloed, sigubi-annika nanadii gumaloed.  
\v 25 Gebe-iduale, a-yala-mullugangi memed-weregedgi ibmar-nabir digledaenad. Emisgindi, ikomar-dobedba, gagan-ikomar-dobedba, bar dule ese warmakosulid. Unnila, we-gaganmar, moli-bebe-nikad-e-masga, sibad-wawaadmar-e-masga guoed. 
\c 8  
\s1 Bab-Jehová-dobekwaa be nanamar 
\p  
\v 1 Bab-Jehová anga sogsad: “Urgo-matar-dummad be sue, agine be nug-narmako, nuekwaa magar-daklege be narmako. ‘Maher-Salal-Hasbazʼye be narmako.’  
\v 2 Degine, dule-irwa-anse-goled-Urías, degi, Jeberequías-machi-Zacarías, be-barsoged-innikigwadga-gumalaga an bega amioed.” 
\p  
\v 3 Geb agine, an Bab-gayaburba-barsoged-bundorse an gochad, geb gurgin-nika gunonikid, geb susugwa ega uklenonikid. Geb degi, Bab-Jehová anga sogded: “Maher-Salal-Hasbazʼye be onugsae.  
\v 4 Ar mimmi nanaye-gordagoed-iduale, babaye-gordagoed-iduale, bela Damasco-neggwebur-e-ibmar-nuegan-nikadi Asiria-e-reyse sulegoed. Degi, Samaria-neggwebur-ibe ibmar-nuegan seledbaloed.” 
\p  
\v 5 Bab-Jehová gannar anga sogdebalid: 
\q1  
\v 6 “We-Judá-neggwebur, Siloé-dii-binnalee-aryomaidgi bangudmalad, 
\q2 bur Rezín-dobee nanadmalad, 
\q2 bur Remalías-machi-dobee gudmalad. 
\q1  
\v 7 A-ulale, Bab-Dummadi, we-dulemargi Éufrates-diwala-dummad onosokalid: 
\q2 Ar Asiria-e-rey, bela e-garganguedba, Judá-yalagi-yolegega barmidagoed. 
\q1 Bela e-diangan-mamaid odogoed, 
\q2 bela e-dii-gakamar akudaklege imakoed. 
\q1  
\v 8 Judá-yalase, bela swada-dogoed, 
\q2 dii dukarba-engus naguoed. 
\q1 ¡Emanuel! Be-yala-naidgi, Asiria-sordamar dognonikoed. 
\q2 We-Asiria-rey sulubagi-sakan-nalla-napase-aidedanidaedyobi, begi dognonikoed.” 
\b  
\q1  
\v 9 Dulemar-yar-baid-baidgi-bukmalad, bela-yar-baid-baidgi-dikasur-bukmalad, 
\q2 we-ibmar-an-sogoedi nue be itomalo: 
\q1 Aisaar bemar bila-onodamaloenad, 
\q2 degi-inigwele, be bergumaloed. 
\q1 Aisaar be guagwar bila-onoged-iduar bukumaloenad, 
\q2 degi-inigwele, bemar girgumaloed. 
\q1 Aisaar be guagwar bila-onoged-iduar bukumaloenad, 
\q2 Degi-inigwele, bemar nue-ibitomaloed. 
\q1  
\v 10 Be igarmar-amimalo-inigwele, bega igarga guosurmalad. 
\q2 Aisaar be ibmargi sunmakmalo-inigwele, bega igarga guosurmalad. 
\q2 Ar ade, Bab-Dummad anmarba gudiid. 
\s1 Be Bab-Dummad-dobegwa nanae 
\p  
\v 11 Bab-Jehová weyobi anga sabsur ibmar sogsad, iduakwaa anga sogsad, melle we-dulemar-daedba be nanaoye. Weyob anga sogsad: 
\q1  
\v 12 “Melle bemar we-dulemar-sogedyob be sogmalo, we angi gwisgunaye. 
\q2 Ar bela ibmarmar-guedi, egi gwisgunaiye sogdamalad. 
\q1 Melle be we-dulemar-ibmar-dobedi, dobgumalo, 
\q2 melle be gwayebalo. 
\q1  
\v 13 Unnila be ani Bab-Jehová-Bela-Gangued-Nikadbi dobguo, 
\q2 bur be anga islidik nanamalo. 
\q1 Unnila an-nugbi be odummomalo, 
\q2 unnila anbi be dobgumalo. 
\q1  
\v 14 Ani an bemar-neg-islidikidga guoed. 
\q2 Degi-inigwele, Israel-dulemar-sogabogwadga akwasailaga an guoed, 
\q1 adi, agi goo-warmakmalagar. 
\q2 A-akwa-dummad, dule-omukuedga guoed. 
\q1 Jerusalén-dulemar-idu sakinaiyobi an naguoed, 
\q2 amar-idu galu-ibmar-gaed-siidyob an guoed. 
\q1  
\v 15 Bukidar goo-warmakmaloed, 
\q2 bukidar aimukumaloed, 
\q1 bukidar wilemaloed. 
\q2 Sakigi-galesayobi, ibmar-gaed-galugi-galesayobi, gales nagumaloed.” 
\p  
\v 16 Geb degi, Isaías, eba-nanaimaladga sogded: 
\q1 “An bemarga ibmar-sogsamaladi, gwagegi be sedii imakmalo. 
\q2 An be-odurdaksamalad, melle be sogmalo. 
\b  
\q1  
\v 17 ”Ar Bab-Jehová, urwedba Jacob-wagan-idu wagar-aibiris sigisad. 
\q2 Bab-Jehováʼgi an benguosulid, 
\q2 ar an wisid, an egi bendaklegoe.” 
\p  
\v 18 Be an-dakmalana, emisgindi wegi an Bab-Jehová-anga-mimmigan-uksadmala an gudiid. Anmar, Israel-yargi, Bab-Jehová-Bela-Gangued-Nikad-Sión-yalagi-maidga ibmar-guoed-e-wilubga gumalad, iduakwaa-ibagan-guoed-sogedga anmar ega gumalad. 
\p  
\v 19 Dule bemarga sokarmalale: “Dule-ibmar-e-burbagan-wismaladse be ibmar-wilubagan egisnamarye, yoedse-ibmar-guoed-barsogmaladse be ibmar-wilubagan egisnamarye.” Weyob be sogo: “¿Ar dulemar e-bab-dummaganse geg idakmarsogeye? ¿Ar dulemar dule-burgwarmaladse geg idakmarsogeye?” 
\p  
\v 20 An bemarga sogdo: “Bab-Dummad-Igar-Mesisadgi bur be nanamalo, e-ibmar-sogsadgi bur be binsamalo.” Ar dule, we-igarmargi-nanasulile, igar-napiragwad amiosulid. 
\p  
\v 21 Bemar, napneggi suli-suli-itoarmalale, ukudmaada-itoarmalale, be uludamaloed. Niba atakgwichi, be-reygi be gwisgudmaloed, Bab-Dummadgi be ukabsaar sunmakdemaloed.  
\v 22 Be napneg-dakdagogua, unnila boniganbi-nai be dakdemaloed, negsichidbi-nai be dakdemaloed. Bemar negasichidginbi-gudii gumaloed. 
\c 9  
\s1 Mimmi-gwensak anmarga gwalules 
\p  
\v 1 We-ibmarmar-guoed-sorbali, dule-suli-suli-itodigusadga bar negsichid naguosulid. Epennegwa, Bab-Dummad, Zabulón-dulemar-yala sabsur-odurdaksa gusad, Neftalí-dulemar-yala sabsur-odurdaksa gusbalid. We-yarmar Galilea-yargi bukwamalad. Yoedsega, Galilea-yargi nued binsanonikoed, e-nug-dummarbaa imakoed. Galilea-yala, Jordán-diwarsik, degi, demarse-nalemaidsik naid. A-yalagi, dule-Bab-wissurmalad bukwad. 
\q1  
\v 2 Dulemar-negsichidgi-gudigusmaladi, neg-meegwad daksamalad. 
\q2 Negsichidgi-bukwagusmaladga, neg mee gunonikid. 
\q1  
\v 3 Bab-Jehová, bee be, dulemar-omelosad, 
\q2 bee be, bela-bela-weligwar-itogega imaksad. 
\q1 Igi dule ibmar-gwag-weenaile, weligwar itodae, 
\q2 deyobi, be-asabinni weligwale na itomaloed. 
\q1 Igi dule ibmar-nuegan-miminaile, weligwar itodae, 
\q2 deyobi, be-asabinni weligwale na itomaloed. 
\q1  
\v 4 Bee be, dulemar-wilebukwagusad ollor-imaksad, 
\q2 sabsur-imaklebukwadgi be bendaksad, 
\q2 mesagwar-imaklebukwadgi be ollor-imaksad. 
\q1 Ar igi be, Madián-dulemar-obelosgusa, 
\q2 deyobi, be e-isdarmalad imaksad. 
\q1  
\v 5 Bila-onolegedgi-sapat-yolesmaladi, degi, bela mor-ablisbi-gusmaladi, soo-yagi ogumaklegoed, 
\q2 sooga bela binyoed. 
\q1  
\v 6 Ar susugwa-gwensak anmarga gwalulesad, 
\q2 mimmi-gwensak anmarga uklesad. 
\q1 A-machi gandikidba negseoed, 
\q2 weyob nugguoed: 
\q2 Binsaed-Daked-Wilub-Obichadye, 
\q2 Bab-Dummad-Bela-Gangued-Nikadye, 
\q2 Bab-Degisadeguadye, 
\q2 Neg-Bogidikid-E-Dummadye, nugguoed. 
\q1  
\v 7 E-gangued bela nasguoed, 
\q2 e-neg-bogidik-seoed bela nasguoed, gwen berguosulid. 
\q1 David-ologangi dummadga sigoed. 
\q2 E-yalagi dummadga negseoed. 
\q1 E-negseoedi, igar-napiragwadba yar-seoed, 
\q2 innikigwadba negseoed, 
\q1 emi-ibase, degisadegu negseoed. 
\q2 Bab-Jehová-Bela-Gangued-Nikad we-ibmar-imakoedi, e-sabgued-oyomaidba, deyob imakoed. 
\s1 Bab-Jehová Israel-dulemarse urwemaid 
\p  
\v 8 Isaías, Israel-dulemarga sogdebalid: 
\q1 “Bab-Jehová Jacob-waganse e-gayaburba barmialid, 
\q2 Israel-dulemarse e-gayaburba nonikid. 
\q1  
\v 9 We-ibmar bela dulemar wisgumaloed, 
\q2 Efraín-dulemar bela wisgumaloed, 
\q2 Samaria-dulemar bela wisgumaloed. 
\q1 Ar we-dulemar-san-dummarba-imakdimalad, 
\q2 yeer-sogdimalad, 
\q1 weyob sogdimalad: 
\q1  
\v 10 ‘Ar negmar ayarele, akarsulid. 
\q2 Ar anmar gannar akwagi-nuesaar sobmaloed. 
\q1 Ar higuera-sapiwar-nagubirga-mamaid babatidele, baisulid. 
\q2 Ar anmar a-muchub urwar mesoed.’ 
\b  
\q1  
\v 11 ”Degi-inigwele, Bab-Jehová, Rezín-sordamargi e-isdarmalad barmidagoed 
\q2 Bab-Dummad e-sunnad Rezín-sordamargi e-isdarmalad-gwisguega imakoed. 
\q1  
\v 12 Siria-dulemar dad-nakwedsik-bukwadi, degi, Filistea-dulemar dad-argwanedsik-bukwadi, 
\q2 ilagwen-obeloga Israel-dulemar-imaksamalad. 
\b  
\q1 ”Weyob-gus-inigwele, Bab-Dummad-urwedi amba bogigumaisulid. 
\q2 Amba Israel-dulemargi urwemaid. 
\b  
\q1  
\v 13 ”Degi-inigwele, dulemar Bab-Dummad-sabsur-e-odurdaksad amba aku daksamalad. 
\q2 Bab-Jehová-Bela-Gangued-Nikad e-bendakega gwen amissurmalad. 
\q1  
\v 14 A-ulale, Bab-Jehová, ibagwen-nuedi Israel-dulemar-obelogoed. 
\q2 Ibmar-dula-e-nono-egwanneyobi imakoed, 
\q2 ibmar-dula-e-bunnu-immieyobi imakoed. 
\q1 Sapi-ana-sikeyobi imakoed, 
\q2 sapi-e-war-immieyobi imakoed. 
\q1  
\v 15 Ar ibmar-dula-e-nono, girmar-dummagan-e-wilubganad, dule-nuga-nikamalad-e-wilubganad. 
\q2 Ibmar-dula-e-bunnu, Bab-Dummad-gayaburba-barsogmalad-gakansaar-odurdakmaladid. 
\q1  
\v 16 We-neggwebur-idumaladi, igar-noaledba dulemar-sesmalad. 
\q2 Dule-eba-selesmaladi, aku neg-itodmalad, yoggudmalad. 
\q1  
\v 17 A-ulale, Bab-Jehová, sapingan-gwen-yeer dakosulid, 
\q2 dule-sergan-satemalad-gwen-yeer dakosulid. 
\q2 Siamar-ei-sui-burgwismalad-gwen-yeer dakosulid. 
\q1 Ar bela wemala, isgumaladbiid, 
\q2 ibmar-isgana-imakmaladbiid, 
\q2 galagwensuli sunmakmaladbiid. 
\b  
\q1 ”Weyob dulemar imakles-inigwele, Bab-Dummad-urwedi amba bogigumaisulid. 
\q2 Amba anmargi urwemaid. 
\b  
\q1  
\v 18 ”Ibmar-isgana sooyobi gued. 
\q2 Igi-soo-gadele, gagan-ikobiid bela biin-imake, 
\q1 ikomar bela biin-imake, 
\q2 deyobi, ibmar-isgana-imaklegedi gued. 
\q1 Igi soo-gaedi sapurgi sapi-bukwadi bela obeloge, 
\q2 degi, geb burwa-bipirmakaledyob, waa ainakwiddae, 
\q2 deyobi, ibmar-isgana-imakedi gued. 
\q1  
\v 19 Ar Bab-Jehová-Bela-Gangued-Nikad-urwedbali yala duu gadoed. 
\q2 Dulemar e-sapanga guoed. 
\q2 Dulemar na e-gwenadgan wiledakosulid. 
\q1  
\v 20 Gwen-gwen, mas-satedba e-argan-nuedsik ibmar-bukwad gutemaloed. 
\q2 Degi-inigwele, amba ukudmaada itomaloed. 
\q1 Baigana, e-argan-sapiledsik ibmar-bukwad gutemarbaloed. 
\q2 Degi-inigwele, amba immelegosurmarbalid. 
\q1 Dulemar e-mimmigangi aibitemaloed, 
\q2 e-mimmigan-gutemaloed. 
\q1  
\v 21 Manasés, sabsur-Efraín-imakoed, 
\q1 Efraín, sabsur-Manasés-imakmogoed. 
\q2 Geb ebobela Judá-yalagi sabsur-gwichigudmaloed. 
\b  
\q1 ”Weyob dulemar imakles-inigwele, Bab-Dummad-urwedi amba bogigumaisulid. 
\q2 Amba anmargi urwemaid.” 
\c 10  
\s1 Israel-dummaganga ibmar-soglenaid 
\q1  
\v 1 Dule, igar-isgana-omesmalad, be duledar-wilesmar. 
\q2 Dule, dulemar-idu igar-yeer-gangu-omesmalad, be duledar-wilesmar. 
\q1  
\v 2 Bemar, dule-wilemalad-ibmar-nikuega be imaksurmalad, 
\q2 an-dula-wilesagwa-gudimaladga be igar nudaksurmalad. 
\q1 Siamar-ei-sui-burgwisadi, be wiodimalad, 
\q2 dule-sergan-sated-ibe be ibmar atursadimalad. 
\q1  
\v 3 Bemar sabsur-odurdaklealile, ¿bemar igi imakoe? 
\q2 Boni-dummad bannaba-nosa begi-dani be dakalile, be-bendakega, ¿doase be goloe? 
\q2 ¿Bia be-ibmar-nuegan be odukumaloe? 
\q1  
\v 4 Ar be bar oakalogosurmalad. 
\q2 Ar bemar gales seledmaloed. 
\q1 Emar-gales-bukwad-abargi be mesagwar gumarmogoed. 
\q2 Sulile, burgwarmalad-imbagi be oburgwilemarmogoed. 
\b  
\q1 Weyob bemar imaklego-inigwele, Bab-Dummad-urwedi, amba bogigumaiosulid, 
\q2 Bab-Dummad amba amargi urwemaioed. 
\s1 Bab-Dummad Israel-dulemargi Asiria-sordamar barmidagoed 
\p  
\v 5 Bab-Jehová weyob soged: 
\q1 “An bela-bela sae-itoged, 
\q2 Asiria-e-Rey anga sabsur-odurdaked-suaryobi guoed. 
\q1 A-suargine, an sabsur-dulemar-odurdakoed. 
\q2 An isdar-itogedbali, a-suar an ebugoed. 
\q1  
\v 6 Yala-nue-isgus-naidse an barmidoed, 
\q2 dulemar an-ourwega-imakbukwadse an barmidoed, 
\q2 adi, ibmar ei atursanaega, e-ibmar ei bela weenaegar. 
\q1 Igi-dule dii-dii napa-imake, 
\q2 deyob-emar-imaklegega an barmidoed. 
\q1  
\v 7 Ar Asiria-e-reydi deyob-imakodeeye gwen binsassulid, 
\q2 deyob-imakedgi gwen binsassulid. 
\q1 Unnila dulemar-obelogedginbi binsaed, 
\q2 unnila bukidar yar-baigan-osulogedginbi binsaed.” 
\p  
\v 8 Bab-Jehová weyob soged: 
\q1 “Ar ade, Asiria-e-rey weyob soged: 
\q2 ‘¿Ar reymarde anga dummaganga-arbabukwadbisursi? 
\q1  
\v 9 ¿Ar Calno-neggwebur, Carquemis-neggweburyob gussursi? 
\q2 ¿Hamat-neggwebur, Arfad-neggweburyob gussursi? 
\q2 ¿Ar Samaria-neggwebur, Damasco-neggweburyob gusmosursi? 
\q1  
\v 10 An ibmar-bab-dummadyob-imakleged-yalamar obelos gusad. 
\q2 A-yalamar, Jerusalén-neggweburba, degi, Samaria-neggweburba, 
\q1 bur bule melu ibmar-bab-dummadyob-imaklemalad nikagusana, 
\q2 degite, an obelosad. 
\q1  
\v 11 An igi Samaria-neggwebur-imaksa, 
\q2 degi, igi e-ibmar-bab-dummadyob-imaklemaladse-bakale, an obelosa, 
\q1 deyob an Jerusalén-neggwebur imakoed. 
\q2 E-ibmar-bab-dummadyob-imaklemaladse-bakale, an obelomogoed.’ ” 
\p  
\v 12 Bab-Jehová, Sión-yalagi-ibmar-imakoed bela-obelosale, degi, Jerusalén-neggweburgi-ibmar-imakoed bela-obelosale, sogdagoed: “Asiria-e-rey-san-dummarba-itogedba an sabsur-odurdakoed, emar-saedakedba an sabsur-odurdakoed.”  
\v 13 Ar ade, Asiria-e-rey weyob soged: 
\q1 “We-ibmar an-ganguedba an imaksad, 
\q2 an-binsaed-nikaa-daedba an imaksad, 
\q2 ar ande, nue-ibmar-wisid-duled. 
\q1 Ani an neggweburmar-e-abingunanaid ogwasad, 
\q2 ani an e-ibe ibmar-nuegan atursasad, 
\q1 ani an sorda-bila-onoged-buled-guedsoggu, 
\q2 an e-reymar-obelosad. 
\q1  
\v 14 E-yalamar bela e-ibe an susad. 
\q2 Igi dule sikwi-e-akwa-bukwad weedae, 
\q2 deyobi, an e-ibe e-yalamar susad. 
\q1 Igi dule sikwi-uu sudae, 
\q2 deyobi, dule-e-ibmar-nuegan-nikad an susad. 
\q1 An-abinni, dule-wargwensaale gochasulid, 
\q2 dule gwen akar sogsasulid.” 
\p  
\v 15 Isaías weyob soged: 
\q1 “¿Ar akande sunna dule-e-ebunaidba bur san-gannarbaa na imaksi? 
\q2 ¿Ar sunna esnali-sapisikedde dule-e-ebunaidba bur bule-bule na san-imaksi? 
\q1 ¿Gaapoledde, dule-e-ganikidgi obinosi? 
\q2 ¿E-nabiedba naosi? 
\q1 ¿Bia be daksa, suar-garagwadi, sapiwar-dummad-nakwaa imake? 
\q2 Deyob be dakdisulid. 
\b  
\q1  
\v 16 ”A-ulale, Bab-Jehová, Bab-Jehová-Bela-Gangued-Nikadi, Asiria-e-rey-sorda-bila-onomalad-bulegangi boni-dummad barmidagoed. 
\q2 Amar-e-nug-odummoleged-muchubbi, uelleged-dummad ega ukoed, 
\q2 uellegedi sooyobi uegu egi nasikoed. 
\q1  
\v 17 Bab-Dummad-wargwenna-guedi, Israel-dulemarga-neg-meegwadyobi-guedi, soo-gaeyobi gudoed. 
\q2 Bab-Jehová-Isligwaled soo-gwichigumaidyob gudoed. 
\q1 Ibagwen-nuedi, Asiria-sordamar-obelogoed, 
\q2 ikomaryobi, gagan-ikomaryobi, soogi bela obelogoed. 
\q1  
\v 18 Bab-Dummad, bela Asiria-e-sapur-yeerdakle-nanaidi, e-nainu-nanaidi, obelogoed. 
\q2 Dule-geg-bar-gugus-gegumaiyobi bela ibmar nasikoed. 
\q1  
\v 19 Sapur-naidgi sapimar napi-ichee ambikuoed. 
\q2 Ichegwadbali, burwigana sunna ebisge guoed.” 
\s1 Israel-dulemar-napi-bemaloed 
\q1  
\v 20 A-ibagangine, Israel-dulemar-napi-bemaloedi, Jacob-wagan-napi-gudimaloedi, dule-e-obelosmaladba bar naguosurmalad. 
\q2 We-napi-bemaloedi, Israel-e-Bab-Dummad-Jehová-Isligwaledba, nue innikigwadba nagumaloed. 
\q1  
\v 21 Israel-dulemar-napi-bemaloedi, gannar Bab-Dummadba nagudmaloed, 
\q2 Jacob-wagan-dula-napi-gudimaloedi, Bab-Dummad-Bela-Gangued-Nikadba gannar nagudmaloed. 
\q1  
\v 22 Israel-dulemar, bemar ukub-demar-gakaba-mergueyob-guen-inigwele, 
\q2 unnila bemar napi-ichee gannar nonimaloed. 
\q1 Israel-dulemar-obelolegoye bato soglesmaid. 
\q2 Bela ega igar nabolegoed. 
\q1  
\v 23 Ar Bab-Dummad-Jehová-Bela-Gangued-Nikad, Israel-dulemar-obelolegoye bato sogsad. 
\q2 Ar deyob yargi-gudimaladgi imakoed. 
\p  
\v 24 A-ulale, Bab-Dummad-Jehová-Bela-Gangued-Nika-Maid weyob soged: 
\q1 “An-dulamar, be Sión-yalagi-bukwamalad, 
\q2 melle be Asiria-dulemar dobee itomalo. 
\q1 Asiria-sordamar gaapoledgi be-sarsomalo-inigwele, 
\q2 begi suar-oyodamalo-inigwele, melle dobgumalo. 
\q1 Igi-Egipto-dulemar bemar-imaksagusa, 
\q2 deyob bemar-imakdago-inigwele, melle be dobgumalo. 
\q1  
\v 25 Emisgwasaale, bemargi an-nue-sae-itogedi berguoed. 
\q2 An-urwedi, be-isdarmaladgi yoledoed.” 
\b  
\q1  
\v 26 Bab-Jehová-Bela-Gangued-Nikad, Asiria-dulemar-sabsur-odurdakoed. 
\q2 Bab-Jehová, igi-akwasaila-Orebʼye-nugadgi Madián-dulemar-imaksagusa, 
\q2 deyob Asiria-dulemar-imakoed. 
\q1 Bab-Dummad, igi-Egipto-dulemar-igarba-nadapgu e-gaapoled-oyosgu, egi demar-arwega-imaksagusa, 
\q2 deyob Asiria-dulemar-sabsur-imakoed. 
\q1  
\v 27 A-ibagangine, bemar we-boniganba-galitodiidi bela bega berguoed, 
\q2 bemar gangudoedba, sabsur-wilediidgi be ollorgudmaloed. 
\b  
\q1  
\v 28 Be-isdarmalad-Asiria-sordamar Ajatʼye-neg-nugadgingus naid, 
\q2 Migrónʼye-neg-nugadgi nadapid, 
\q2 Micmasʼye-neg-nugadgi e-ibmarmar obesad. 
\q1  
\v 29 Diwar-dinnagwadgi obakmamaid, 
\q2 degi weyob sogmalad: “Gebaʼye-neg-nugadgi anmar obunnomaloye.” 
\q1 Ramá-dulemar dobedba wawanmakdemalad, 
\q2 Saúl-neggwebur-Gabaaʼginmalad duurmakdemalad. 
\q1  
\v 30 ¡Omegan-Galim-neggweburginmalad binnasur be oimakmala! 
\q2 ¡Omegan-Lais-neggweburginmalad be itomala! 
\q2 ¡Anatot-neggwebur be abinsamarmoga! 
\q1  
\v 31 Madmena-dulemar wakitemalad, 
\q2 Gebim-dulemar dukudmalad. 
\q1  
\v 32 Emi-ibagi, Asiria-sordamar Nobʼye-neg-nugadse ambikunonimaloed. 
\q2 Sión-yalagi gwichiguega, guagwar ambikumaloed. 
\q2 Siónʼde, Jerusalén-e-yalad. 
\b  
\q1  
\v 33 ¡Nue be dake! 
\q2 Bab-Dummad-Jehová-Bela-Gangued-Nikad-abin, sapi-anagan doos-doos naded. 
\q1 Sapi-suigan bibichis nanaed, sapi-dummagan e-abin ailade nanaed. 
\q1  
\v 34 Sapi-moodo-naidi, akangi immided, 
\q2 Líbano-yargi sapimar-yeerdakle-bukwad bela berguded. 
\c 11  
\s1 Mesías Igar-innikigwadba yar-seoed 
\q1  
\v 1 Sapi-siklesad-gannar-ainieyobi, dule-Isaíʼye-nugadgi dule-gwensak nodagoed. 
\q2 E-wagangine, a-dule danikoed. 
\q1  
\v 2 A-dulegi Bab-Jehová-E-Burba megoed: 
\q2 Nue-binsaed-nikagued ega ukoed, 
\q2 nue-ibmar-magar-itoged ega ukoed, 
\q1 binsaed-nued-uke imakoed, degi, gangued-nika imakoed, 
\q2 gurgin-nikarba imakoed, degi, Bab-Jehová-dobee-nanadii imakoed. 
\q1  
\v 3 We-dule, Bab-Jehová-dobee-nanaoedba yeer-itodii guoed, 
\q2 dulemar-daklegedba dulemarga igar nabogosulid, 
\q2 dulemar-ibmar-sogedba igar nudakosulid. 
\q1  
\v 4 Dule-wilemaladga igar-napiragwadba igar nabogoed, 
\q2 degi, igar-innikigwadba dule-belagwadaedga igar nudakoed. 
\q1 E-sunmakedba dule-bukwad-obelogoed, 
\q2 e-ibmar-sogedba dule-isgana-oburgoed. 
\q1  
\v 5 Igar-napiragwadi, molidub-saderba-naiyobi, oyodii guoed. 
\q2 Innikidaedi, e-musir-edinnedyobi, oyodii guoed. 
\b  
\q1  
\v 6 Achu-burburud, sibad-wawaad-senigwad-ebo gudii guoed. 
\q2 Achu-barbad, sibad-bipi-ebo dodomai guoed. 
\q1 Moli-bebe-nikad-sapingwagwad, achumigur-nono-wawaad-bipigwadmala garmakdii gumaloed. 
\q2 Machi-bipigwa a-ibmar-durgan-idudii guoed. 
\q1  
\v 7 Moli-bebe-nikad-ome, wiob-omemala garmadii guoed, 
\q2 e-mimmigana bulakwaa gudii gumogoed. 
\q1 Achumigur-nono-wawaad, moli-bebe-nikad-alugwasualedyob gagan-madii gumogoed. 
\q1  
\v 8 Goe-susugwa-amba yoo-mam-iargued, naibe-buled-galu-dikarba dodonai guoed. 
\q2 Mimmi-gebe-mam-iargusadi, naibe-nued-e-yaa-yaba e-argan ododii guoed. 
\q1  
\v 9 An-Yala-Islidikid-Naidgi gwen dulemar neg-oichodii guosurmalad, 
\q2 gwen oakalogosurmalad, 
\q1 ar ade, bela yar-naidgi, Bab-Jehová-magar-dake nanadii gumaloed. 
\q2 Muu-billi-dii-bela-engus-naiyobi, bela Bab-Dummad-magar-dake gumaloed. 
\b  
\q1  
\v 10 A-ibagangine, Isaí-e-wagangi-dule-danikoedi, dulemar-iduedga guoed. 
\q2 Bela dulemar-yar-baid-baidgi-bukwamalad ese duurmaknonimaloed. 
\q2 E-neg-megoedi gandikidba-yeerdaklege guoed. 
\q1  
\v 11 A-ibagangine, Bab-Jehová bela e-dulamar-amba-yar-baid-baidgi-mimiles-bubukwad 
\q2 gannar-sedagega imakoed. 
\q1 We-yarmargi mimiles bubukwad: 
\q2 Asiria-yalagi, Egipto-yalagi, 
\q2 Patros-yalagi, Cus-yalagi, 
\q2 Elam-yalagi, Sinar-yalagi, degi, Hamat-yalagi, 
\q2 degine, demar-gakagi-besmalad. 
\q3 Wemar gannar senonikoed. 
\q1  
\v 12 We-dule-danikoedi, dule-ebiega bandergwichiyobi guoed, 
\q2 bela-dulemar-yar-baid-baidgi-bukmalad ese duurmaknonimaloed. 
\q1 Deginbali, bela Israel-dulemar, degi, Judá-dulemar, galesadba-akar-akar-aisakis-bukwamalad 
\q2 gannarse danakwaa urboed. 
\q1  
\v 13 Efraín-dulemar nobed surgudoed, 
\q2 Judá-dulemar-e-isdarmalad bela obelolegoed. 
\q1 Efraín-dulemar, Judá-dulemargi bar nobguosulid, 
\q2 Judá-dulemarmoga Efraín-dulemar-mesagwar bar imakosurmogad. 
\q1  
\v 14 Aka, emar ebogwa, Filistea-dulemargi dad-argwanedsik-bukmaladgi gwisgudmaloed. 
\q2 Emar ebogwa, dulemar-dad-nakwedsik-bukmalad-ibe ibmar atursadmaloed. 
\q1 Edom-dulemar, Moab-dulemar, degi, Amón-wagan, amarse sabsur-wilemarmogoed. 
\q2 Amar-sogedba ibmar imakmaloed. 
\q1  
\v 15 Bab-Jehová, Egipto-demar-sukun-naid bela dinna nasikoed. 
\q2 Éufrates-diwargi e-argan oyogoed, 
\q1 egi burwa-uereged barmidagoed, 
\q2 geb we-diwargi dian-sogagugle (7) mesoed, 
\q2 adi, nabir nagab obakmalagar. 
\q1  
\v 16 Igi-Israel-dulemar Egipto-yargi-nosmargu, ega nanaed-igar maigusa, 
\q2 deyobi, Israel-dulemar-Asiria-yargi-napi-besmaladga nanaed-igar mai gumogoed. 
\c 12  
\s1 Bab-Dummad-nug-odummogedgi namakleged 
\p  
\v 1 A-ibagangine, weyob be sogdoed: 
\q1 “Bab-Jehová, be anse ulus-inigwele, 
\q2 an bega namakoed. 
\q1 Be-urwediid bergunonikid, 
\q2 be an-gwage baisur-itogega imaknonikid. 
\q1  
\v 2 Bab-Dummad, an-abonogedid. 
\q2 An egi benguosulid, an dobee itogosulid. 
\q1 Bab-Jehová, be an-ogannogedid, 
\q2 Bab-Jehová, anga namakedga gued, 
\q2 be an-abonogedga gued.” 
\q1  
\v 3 Deginbali, bemar abonolegedgi weligwar itomaloed, 
\q2 bela-bela be Bab-Dummad-e-abonolegedgi yeer itomaloed. 
\p  
\v 4 A-ibagangine, weyob sogledoed: 
\q1 “Bab-Jehováʼga be namakmar, 
\q2 e-nug be odummomar, 
\q1 bela-dulemar-napneggi-bukmaladga e-ibmar-imakedgi be sunmakmar, 
\q2 e-nug-dummarba-guedgi be sunmakmar. 
\q1  
\v 5 Bab-Jehováʼga ega-namaklemaladgi be namakmar, 
\q2 ar ade, ibmar-gegerdaklemalad imaksad. 
\q2 We-ibmar-gegerdaklemalad bela we-napneggi dulemar-wisguega be imakmar. 
\q1  
\v 6 Sión-yalagi-bukmalad, weligwaledba be namakmar, weligwaledba be gormakmar. 
\q2 Israel-dulemar-e-Bab-Dummad-Isligwaled, bemar-abargine Dule-Gandikidid.” 
\c 13  
\ms2 1c. Yar-baid-baidgi-bukmaladga sunmaklenaid 
\mr (13:1–23:18) 
\s1 Isaías, Babilonia-yala-yoedse-berguoedgi sunmaksad 
\p  
\v 1 Bab-Dummad Amoz-machi-Isaíasʼga Babilonia-dulemar-berguoedgi sunmaksad: 
\q1  
\v 2 Yala-swire-naidgi bander be mer-mer imakmar, 
\q2 sorda-bila-onomaladse be binnasuli gormar. 
\q1 Argan ese be oyomar, 
\q2 adi, dule-nuga-nikamalad-yawagakba ubomalagar. 
\q1  
\v 3 Anga-nug-salegarmaladga bato an igar-uksad. 
\q2 Anga-dule-bulegan-gumaladi, an-nakwedgi-na-yeer-itodimaladi, an guakwaa urbisad, 
\q2 adi, anga sabsur-dulemar-odurdakegar. 
\b  
\q1  
\v 4 ¡Be itomar! Yalaganba neg-oimake itoleged, 
\q2 dulemar-ichesur-oimakedyob itoleged. 
\q1 ¡Be itomar! Neggwebur-dummagan-atosmalad-oimaked, be itomar, 
\q2 mala-gollomakedyob e-oimaked itoleged. 
\q1 Bab-Jehová-Bela-Gangued-Nikad, bila-onogega, 
\q2 sorda-bila-onomalad-guagwar urbenaid. 
\q1  
\v 5 Neggwebur-dikasulidba danimalad, 
\q2 yarmar-bergunaid-akale danimalad. 
\q1 Bab-Jehová, e-urwedba-ibmar-ebulemalad sedanikid, 
\q2 adi, bela napneg obelogegar. 
\q1  
\v 6 ¡Be bomarsun! Bab-Jehová-urwemaid-iba omosad, 
\q2 Bab-Dummad-Bela-Gangued-Nikad bemar sabsur-odurdakoed-e-iba danikid. 
\q1  
\v 7 A-ulale, bela argan nollomakdoed, 
\q2 bela dulemar niga-argwatemaloed. 
\q1  
\v 8 Bela-belad dobe-itodmaloed, 
\q2 suli-suli-itomaloed, nunmaked-dummadi egi nagudmaloed. 
\q1 Igi-sior-muu-neggi-ugakgunair nunmaked-itodae, 
\q2 deyobi, egi nunmaked nagunonikoed. 
\q1 Dukin-dukin geger na dakdemaloed, 
\q2 e-wagarmar-daklegoedi, bela-bela dobed-nika daklemaloed. 
\q1  
\v 9 ¡Be dakmar! Bab-Jehová-urwed-e-iba danikid: 
\q2 Iba-buled dani, yeer-gangued-iba, bela-belad-urwed-iba dani, 
\q1 napneg ollobi daarmakar nasikoed, 
\q2 agine, bela dule-isgubukmalad obelogoed. 
\p Bab-Jehová soged: 
\q1  
\v 10 “Niisgwamar mogir-biriba-nanaidi bar gaosulid, 
\q2 niisgwamar-danar-danar nanaidi, bar ibegwar gaosulid. 
\q1 Dad-ibeler-noalile, sichii naguoed, 
\q2 bar nii ibegwar gaosulid. 
\q1  
\v 11 Napneggi-dulemar-bukwad e-isgudiid-nukad an sabsur-odurdakoed, 
\q2 dule-isganamar e-ibmar-isgana-imakdiidba an sabsur-imakoed. 
\q1 Dule-na-san-dummarba-imakmaladi, na san-dummarba-imakega bar guosurmalad. 
\q2 Dule-bulegan-na-san-dummarba-imakmaladi, na san-dummarba-san-saega bar guosurmalad 
\q2 bela nug-bipi-gumalaga an imakoed. 
\q1  
\v 12 Dulemar, olo-sunsoged-icheguedba bur ichee-bukuega an imakoed. 
\q2 Dulemar, Ofir-or-nued-icheguedba ichee-bukuega an imakoed. 
\q1  
\v 13 A-ulale, ani Bab-Jehová-Bela-Gangued-Nikad, an-urwemaid-ibagangi an-urwedba nibneg giglimakega an imakoed. 
\q2 Napneg e-naidgi ainirega an imakoed. 
\q1  
\v 14 Dulemar igi-goe-sapur balegillemaidae, 
\q2 deyob, balegillegoed, e-neggweburse duurmakdemaloed. 
\q1 Igi-sibad-wawaad e-idugedsuli duurmakmadaedyobi gumaloed, 
\q2 wala-walagwen e-yarse wakitemaloed. 
\q1  
\v 15 Doa-dule galenonikile, ewarar oburgwilegoed, 
\q2 dule yogasaar-galesale, es-suidgi oburgwilegoed. 
\q1  
\v 16 Dulemar-wagaba e-mimmigan omukudmaloed, 
\q2 e-negmar-ibe ibmarmar atursadmaloed, 
\q2 e-omegan e-ibe gagadmaloed. 
\q1  
\v 17 Babilonia-dulemargi Media-dulemar gwichiguega an imakoed. 
\q2 We-dulemar mani bai dakdasurmalad, 
\q2 orgi gwen weligwar itodasurmalad. 
\q1  
\v 18 E-sigugi ese sapingana, yagana, oburgwilegoed, 
\q2 goe-gwarugana gwen wile dakosurmalad, 
\q2 burwigana gwen bai dakosurmalad. 
\q1  
\v 19 Babilonia-neggwebur, be yeerdakleged, gandikidba be yeer-dakleged, 
\q2 Caldea-dulemarga be san-dummarbaa gusiid. 
\q1 Emidi, Sodoma-neggweburyob be guoed, 
\q2 Gomorra-neggweburyob be guoed. 
\q1 Ani an Bab-Dummad gued. 
\q1 Igi an we-neggweburmar obelosa, 
\q2 deyob an be-imakmaloed. 
\q1  
\v 20 Bipisaale, bar dulemar egi ambikuosulid, 
\q2 dulemar-sorba-danimaloedi bar egi ambikuosurmalad. 
\q1 Árabe-dulemar we-yargi bar megosulid. 
\q2 Sibad-wawaad-edarbedi, bar egi e-sibad-wawaadmar oambikuosulid. 
\q1  
\v 21 Unnila nega-dulesulidganba ibmar-durgan-ursilimaladbi bukuoed. 
\q2 E-negmargine, irmonbi ena ambikuoed, 
\q1 nuu-dummad-malisuiganbi a-yargi ambikuoed, 
\q2 sibad-omegan-sapurbarmaladbi gudidioed. 
\q1  
\v 22 E-neg-gandikmaladgi achu-sapurmarbi gordioed, 
\q2 e-reynegmargi achu-sapur-uaya-gannareged-bunnu-wawaadmarbi gordioed. 
\q1 Babilonia-neggwebur, Bab-Dummadse be sabsur-odurdakleged-igar omodanigusad, 
\q2 bar bega ibamar obannolegosulid.” 
\c 14  
\s1 Babilonia-e-reygi dodolegar sunmaklesad 
\p  
\v 1 Ar Bab-Jehová wile Jacob-wagan-daknonikoed, gannale Israel-dulemar-sunonikoed. E-yala-sunnadgi-bukuega imaknonikoed. Dule-yar-baiganginmalad ese megnonimaloed, Jacob-waganba garmakdii gumaloed.  
\v 2 Dulemar-bukidar Israel-dulemar-bendakmaloed, Israel-yarse sedmaloed. Geb degi, Israel-dulemar, e-galesgusmalayobi Bab-Jehová-yargi e-maiganga amar-imaknonimaloed. Degi, Israel-dulemar, dulemar-mesagwar-e-imaksamaladgi dummadga gumaloed. 
\p  
\v 3 Israel-dulemar, Bab-Jehová be-bukib-binsadigusadgi baisur-itoge be-imaknonikile, degi, be-nunmak-itodigusadgi, be-ise-mesagwar-imaklesadgi, Bab-Jehová bemar-ollor-imaknonikile,  
\v 4 Babilonia-e-reygi we-sabsur-emar-obingesaar-namaklegedgi be weyob namakmaloed: 
\q1 “Dule-emar-mesagwar-sadiid, igi-gusa be dakmarsunna. 
\q2 E-urwedi, igi-bergus be daksunna. 
\q1  
\v 5 Bab-Jehová dule-isganamar-e-suar bibichisad, 
\q2 dulemar-yeer-neg-gangu-semamaid-e-gaapoled bibichisad. 
\q1  
\v 6 We-gaapoled dulemar-sabsuli-wiodii gusad, 
\q2 urwedgi dulemargi-obindii, degi, balengindii gusad. 
\q1  
\v 7 Emidi, bela napneg bogigus naid, 
\q2 weligwaledba binnasuli namakmalad. 
\q1  
\v 8 Baryawarse-bakale, degi, Líbano-urwarse-bakale, Babilonia-e-rey, be-bergusadga wergumalad, 
\q2 weyob sogmalad: ‘Be-bergusad-akale, bar dulemar anmar-omukudisurmalad.’ 
\q1  
\v 9 Be-ibmar-imaksad-ular, neg-urba burgwarmalad-galu bebina itosmaid, 
\q2 be-abindakagwar maid. 
\q1 Be-ibmar-imaksad-ular, dule-burgwarmalad odaklealid. 
\q2 Amala dule-dummaganga megismaladid. 
\q1 Ar bela reymar-yar-bamaladgi-megisgusmaladi be-abin ainidagega, 
\q2 e-ologanagi-bubukwadgi ogwislealid. 
\q1  
\v 10 Bela wemar ibmar sogdamaloed, bega weyob sogdagoed: 
\q2 ‘Anmaryobi be ganguedsuli gunonisunde. 
\q2 Be anmaryobi gunonimosunde.’ 
\q1  
\v 11 Be-san-dummarba-na-be-imakdiid napa-uluba melledsun, 
\q2 be-gar-arpa-goled bergunonimosun. 
\q1 Emisgindi, nusu-imbagi be megmosunnoed, 
\q2 nusubi ber biini be megmosunnoed. 
\b  
\q1  
\v 12 ”Niisgwa-dummad-bolegoedba-gaardaed, ibiyobi be niba-nai argwannoniki. 
\q2 Bee be, bela-bela dulemar-wiodiidid, 
\q2 napnegse be e-gwallenonisunnad. 
\q1  
\v 13 Be-gwagegi weyob be sogsa gusanad: ‘Nibnegse an naoye. 
\q2 Bab-Dummad-e-niisgwamar-birigi an-ologana an sioye. 
\q1 Dad-nakwed-argan-sapiled-akar bab-dummad-baigan-e-yalagi, 
\q2 dummadga an negsemai guoye. 
\q1  
\v 14 Mogirmar-bur-birise an nakoye, 
\q2 Bab-Dummad-Bur-Biriginedyob an guoye.’ 
\q1  
\v 15 Emide, burgwarmalad-galuse be balimellealid, 
\q2 bela neg-ulubalidse be egwallesad. 
\q1  
\v 16 Dulemar-be-dakmaladi, nue-nuu be-dakmaloed, 
\q2 ar ade, geger be-dakmaloed, weyob binsadmaloed: 
\q2 ‘¿Wee we, napneg-wiodigusadi? 
\q2 ¿Wee we, yalamar-ogwayedii gusadi? 
\q1  
\v 17 ¿We-dule we, napneg nega-dulesulidga imaksadi? 
\q2 ¿We-dule we, yalamar obelodii gusadi? 
\q2 ¿We-dule we, esgaryagi-dulemar-gales-bukwad gannar e-negse-naega gwen imakdasulidi?’ 
\q1  
\v 18 Dulemar-yar-baid-baidgi-bukmalad-e-reymardi, 
\q2 nug-nikadba nuegwadgi e-neg-uangi digar-digar mamaid. 
\q1  
\v 19 Ar bedi napa-ulugi-maidgi be-onosmalad, 
\q2 igi durgan-nunud mileddae, deyob be-imaklesad. 
\q1 Dule-es-suidgi-oburgwilegar-burgwismaladi, neg-uluba-melledmaladi, 
\q1 bela be-omurus mamaid. 
\q2 Dule, muigi dii-dii-annasadyobi be dakleged. 
\q1  
\v 20 Bedi gwen reymar-diglegeyobi nuedgi be diglegosulid, 
\q2 ar be-yala be obelosad, 
\q2 be-dulamar be ogilosad. 
\b  
\q1 ”Bipisaale dule-isganamar-e-wagan bar obarlegosulid. 
\q2  
\v 21 Babgan-isgusad-ulale, e-mimmigan ogilolegega, ibmar-oburgwileged-neg guagwar imakmalo. 
\q1 Adi, wemar melle yar-seedgi bar binsamalagar, 
\q2 adi, melle bar napneggi neggweburmar-urbegar.” 
\p  
\v 22 Bab-Jehová-Bela-Gangued-Nikad weyob soged: 
\q2 “We-dulemargi ani an gwichiguoed, 
\q1 ani an Babilonia-yala osulogoed, e-nuga an obelogoed, 
\q2 dulemar-dulagudimaladi ani an obelogoed, 
\q1 e-masmala, e-wagana ani an obelogoed. 
\q2 Weyobi, ani an Bab-Jehová-guedi soged. 
\q1  
\v 23 Neg-matabi-naguega an imakoed 
\q2 akwanuku-negga an obinyoed. 
\q1 Gwalagi-negdurwieyob Babilonia-yala an imakoed, 
\q2 bar gudii an imakosulid. 
\q1 Weyobi ani an Bab-Jehová-guedi soged.” 
\s1 Isaías, Asiria-yargi-yoedse-ibmar-guoedgi sunmaksad 
\p  
\v 24 Bab-Jehová-Bela-Gangued-Nikad weyob ise-sogar imaksad: 
\q1 “Igi an igar-mesisa, deyob sogedba guodo. 
\q2 Igi an sogsa, deyob sogedba imaklegodo. 
\q1  
\v 25 An-yalagi, an Asiria-dulemar obelogoed, 
\q2 an-yarmar-birgi, an amar-ogilogoed. 
\q1 An-neggwebur bar ese mailedii guosulid, 
\q2 ibmar-buleganba bar galitodii guosulid. 
\q1  
\v 26 We-igarde, ani an weyob bela yalamarga igar-mesisad. 
\q2 We-igarde, ani an weyob bela yalamarse an oyosad.” 
\q1  
\v 27 Ar Bab-Jehová-Bela-Gangued-Nikad weyob sogsasoggu, 
\q2 ¿doa e-igar gaosunna? 
\q1 Ar e na igar mesisad, degite, ¿doa e-igar gaosunna? 
\q2 ¡Suli, dule gwen e-igar gaosuli! 
\s1 Isaías, Filistea-dulemar-berguoedgi iduakwaa sunmaksad 
\p  
\v 28 Rey-Acaz-burgwisad-birgagine, Isaíasʼse we-gayaburba nonikid: 
\q1  
\v 29 “Bemar bela-Filistea-dulemar, yala-be-wiodigusad-bergusadba, 
\q2 melle be weligwar itomalo. 
\q1 Ar yala-baid bela-bela be-isdaradga guoed, 
\q2 naibe-nued-gukualedba bur bule isganaga guoed. 
\q1  
\v 30 Ar dule-wileganadi, nue-mas-gundii gumaloed. 
\q2 Ar dulemar ibmar-abesa-gudimaladi, ibmar nue-nikagudii gumaloed. 
\q1 Degi-inigwele, Filistea-dulemar, an be-wagandi ukudba oburguoed, 
\q2 be-dule-dula-napi-bukwadi bela an obelogoed. 
\q1  
\v 31 Filistea-dulemar, gwage-nunmak-itogedba be binnasuli bomarsun. 
\q2 ¡Bela bemar dobe-itogedba be wawanmakmarsun! 
\q1 Ar ade, sorda-bila-onomalad dad-nakwed-argan-sapiledsik waa-ainakweyob melledanikid, 
\q2 dule bela danagwena duurmakdanikid. 
\q1  
\v 32 ¿Igi-be we-yalaga-dule-garda-berbemalad-abin be sogoe? 
\q2 Weyob be sogoed: 
\q1 ‘Ar Bab-Jehová Sión-yala sisad, 
\q2 ar agi dule-wile-itodimalad dukued-neg amioed.’ ” 
\c 15  
\s1 Moab-dulemar-yoedse-berguoedgi sunmaklesad 
\r (Isaías 16:6-12; Jeremías 48:29-36) 
\p  
\v 1 Isaías, Moab-neggwebur-berguoedgi iduakwaa sunmaksad. 
\q1 Moab-neggwebur-Arʼye-nugad bela ayarisad, 
\q2 mutiki bergusad. 
\q1 Moab-neggwebur-Kirʼye-nugad bela ayarisad, 
\q2 mutiki bergusad. 
\q1  
\v 2 Dibón-neggweburginmalad, e-bab-dummadse-goled-negse nadmalad, 
\q2 adi, e-bab-dummadga-ibmar-ogumakar-ukleged-ailase bonamalagar. 
\q1 Moab-dulemar Nebo-neggwebur-bergusadga, 
\q2 degi, Medeba-neggwebur-bergusadga, ogormakbukwad. 
\q1 Bela sailagia-swiri-swiri imaksamalad, 
\q2 aku-sigamarse-bakale, bela enismalad. 
\q1  
\v 3 Bela-dulemar boedbimalad, 
\q2 galimbabali wile-itoged-mor yoyoidbimalad. 
\q1 Neg-ubebbali ogormakdemalad, 
\q2 dulemar-bukidar-ambikuedgi dulemar boedbimalad. 
\q1  
\v 4 Hesbón-dulemar, degi, Eleale-dulemar, wile-itogedba binnasuli e-bendakmarye gordidimalad, 
\q2 e-binnasur-gordiidi Jahaza-neggweburse magar itoleged. 
\q1 A-ulale, Moab-sorda-bila-onomalad dobedba-binnasuli gorbukwad, 
\q2 bela-bela egi dobed nagunonikid. 
\b  
\q1  
\v 5 Moab-yar-ulale, an nue-bukib binsaed, 
\q2 E-dulemar, Zoar-neggweburse duurmakmamaid, 
\q2 Eglat-Selesiyáʼye-neg-nugadse duurmakmamaid. 
\q1 Luhitʼye-neg-nugadba ise-boar-boar nakwemamaid. 
\q2 Horonaim-neggwebur-igarba ise-boar-boar nadapmalad. 
\q1  
\v 6 Nimrim-dianmar bela dingusad, 
\q2 gagan-ara-aramalad bela dingusad. 
\q1 Bar gagan-ara-aramalad nikagussulid, 
\q2 bela gagan-ara-aramalad bergusad. 
\q1  
\v 7 A-ulale, dulemar-bukidar e-ibmar-nuegan-nikamaladi 
\q2 Sauce-sapimar-dian-maid-obakar sesmalad. 
\q1  
\v 8 Dulemar-binnasuli-bodiidi, bela Moab-yalagi itolesad. 
\q2 Dulemar-akigindiidi, bela Eglaim-neggweburse warmaksad, 
\q2 degi, Beer-Elimʼye-neg-nugadse warmaksad. 
\q1  
\v 9 Dimón-dian bela ablisbi-naid, bonigan napi-egi an barmidagoed: 
\q2 Moab-dulemar-duurmakmaidgi achumigur-nono-wawaad an barmidagoed. 
\q2 Amba dulemar-napneggi-bukwadgi achumigur-nono-wawaad an barmidagoed. 
\c 16  
\s1 Moab-dulemar, Judá-yalagi dukusmalad 
\p  
\v 1 Isaías sogdebalid: 
\q1 “Sela-neggwebur-nega-dulesulidgi-siid-akale, 
\q2 Sión-yalase, Israel-yala-dakmaidga be sibad-wawaad-senigana barmidmar. 
\q1  
\v 2 Moab-dulemar-omegan, nuu-e-uugi-ise-gwayar-noddaedyobi, 
\q2 Arnón-diwargi obakmamai guoed. 
\b  
\q1  
\v 3 ”Moab-dulemar, Sión-dulemarga weyob sogdanimalad: 
\q2 ‘Be igar-amimala, be sogmalo igi be imakmaloe. 
\q1 Neg-ibginedgine mutikidyobi negsichidbi be anmarga nasike. 
\q2 Dule-gwakiar-duurmakarmaladi be odukue, 
\q2 melle dule-dukudimalad be urmako. 
\q1  
\v 4 Itoba Moab-dulemar-gwakiar-duurmakarmalad be bemar-walik dukudii imako, 
\q2 dule-e-obelobigudiidgi be wis bendako.’ 
\b  
\q1 ”Mesagwar-imakleged-ibagan bergusale, 
\q2 sabsur-odurdakleged-ibagan bergusale, 
\q2 napneggi dule-obeloged bergudoed. 
\q1  
\v 5 Geb Rey-David-wagwa-gwensak, Israel-reyga megnonikoed. 
\q2 E-yar-seoedi, innikigwadba yar seoed, 
\q1 binsaed-nikaa yar seoed, 
\q2 nueganbi dulemar-idugoed, 
\q2 dulemarga igar-naboged ega gwae imaknonikoed. 
\b  
\q1  
\v 6 ”Anmar itodiid, Moab-dulemar doggus na san-dummarba-imakmarye. 
\q2 Wemar na bule-bule-na-san-imakdimalad. 
\q1 Dule-buledye na sogdimalad. 
\q2 Doggus-e-sunmakedgi emar-mesagwar imakdimalad. 
\q2 Ar binsarsunna deyob-damalad anmar nue-wisid. 
\q1  
\v 7 Degisoggu, Moab-dulemar ogormakdemaloed, 
\q2 bela e-yalaga boedbimaloed. 
\q1 Kir-Hareset-uva-maduga bomaloed 
\q2 ega bukib-binsamaloed, 
\q2 bukib-binsaedba ega wile itomaloed. 
\q1  
\v 8 Ar Hesbón-dulemar-nainu bela dingusad, 
\q2 Sibma-neggwebur-e-uva-nainu deyob naimogad. 
\q1 Dulemar-yar-baid-baidgi-bukmalad-negsemamaid, uva-nainu-nuegan obelosmalad. 
\q2 E-dubagan-Jazer-yalase-warmaknanainadgi, 
\q1 nega-dulesulidganse-warmaknanainadgi, 
\q2 e-dubagan-demarse-batenanainadgi, bela dii-dii imaksamalad. 
\q1  
\v 9 A-ulale, an Jazer-yala-e-uva-nainubina booed, 
\q2 an Sibma-neggwebur-e-nainuga bomogoed. 
\q1 An Hesbón-dulemarga, Eleale-dulemarga an-ibyanis aryogoed. 
\q2 Ar dule-weligwar-imakega bar e-nainugi ibmar-gwagmar nikuosulid, 
\q2 ibmar-gwagmar gwen bar weelegosulid. 
\q1  
\v 10 Nainugi bar wergulegosulid. 
\q2 Uva-nainugi dulemar bar namake itolegosulid, 
\q2 binnasuli dulemar-goled bar itolegosulid, 
\q1 uva-egurelegedgi dulemar bar uva egured daklegosulid, 
\q2 uva-welegedgi binnasur-gorledaedi ani an osulosad. 
\q1  
\v 11 Degisoggu, an-gwage, Moab-dulemar-ular, 
\q2 Kir-Hareset-neggwebur-ular, gar-arpa-dub-nakwamaknaiyobi, wile-itonaid. 
\q1  
\v 12 Ar Moab-dulemar aisaar na e-bab-dummaganga-ibmar-ogumakar-ukleged-ailase-namalo-inigwele, 
\q2 bendakleged amiosurmalad, yegudamaloed. 
\q1 E-bab-dummadse-goled-neg-islidikidse e-bab-dummadse gornamalo-inigwele, 
\q2 gwen ega igarga guosulid, bela bergus naoed.” 
\p  
\v 13 Bab-Jehová weyob epenne Moab-dulemargi ibmar-guoedi sogsagusad.  
\v 14 Emidi, Bab-Jehová weyob soged: “Igi-dule unnila birgapaa arbadae, deyobi, birgapaasega Moab-yala-e-yeerdaklegedi, berguoed. E-dulemala burgwemaloed. E-dula, unnila napi-ichee bemaloed, garganguedsuli gumaloed.” 
\c 17  
\s1 Damascoʼgi-yoedse-ibmar-guoedgi sunmaklesad 
\p  
\v 1 Isaías, Damasco-neggweburgi iduakwaa sunmaksad: Bab-Jehová-Bela-Gangued-Nikad weyob sogdo. 
\q1 “¡Damasco-neggwebur-siid be nue-dakmar! 
\q2 ¡Bar neggweburga sii guosulid! 
\q2 ¡Nue bibichis sigoed! 
\q1  
\v 2 Aroer-neggweburmar ollobi melledoed, 
\q2 gagan-ara-aramaladbi naguoed. 
\q2 Agine, sibad-wawaadmar dobed-nikasuli gagan-madii gumaloed. 
\q1  
\v 3 Efraín-dulemar-e-neggwebur-gandikid-siid berguoed, 
\q2 Damasco-neggwebur-Siriaʼgi-siid bergumogoed. 
\q2 Aram-dulemar-napi-durgumaloedi, e-ibmar-nuegana Israel-dulemargadga guoed.” 
\s1 Israel-dulemar sabsur-odurdaklegoed 
\p  
\v 4 Bab-Dummad sogdebalid: 
\q1 “Siria-yala-gandik-siid bela bergusale, 
\q2 Israel-dulemar-e-gangued bela nollomakdemogoed. 
\q1  
\v 5 Dule-ibmar-gwag-weed ibmar-gwag-welesadyobi, 
\q2 Israel-dulemar-e-gangued guoed. 
\q1 Dule na e-argangi ibmar-gwag-weesayobi, 
\q2 Israel-dulemar-e-gangued berguoed. 
\q1 Refaim-nebagi ibmar-gwag-welesad-besmaladyobi, 
\q2 Israel-dulemar ichee bemaloed. 
\q1  
\v 6 Degine, igi-dule olivo-san-osiamaksale, e-anagan-matusulid-dukugi napi gwabo, gwapaadibe, nagusdae, 
\q2 deyobi, Israel-dulemar napi-ichee bemaloed. 
\q1 Ar igi olivo-san bela e-sapi-anagangi 
\q2 gwabake, gwaatardibe napi-nagusdae, deyobi, napi-bemaloed.” 
\p Deyobi, Bab-Jehová-Bela-Gangued-Nikad sogdo. 
\q1  
\v 7 A-ibagine, Israel-dulemar, e-Obinnisad amidagoed. 
\q2 Israel-dulemar, e-Bab-Dummad-Isligwaledse gannar atakdemaloed. 
\q1  
\v 8 Bar bab-dummad-Baalʼga-ibmar-ogumakar-ukleged-aila-sobsamaladgi binsadosurmalad. 
\q2 Bar bab-bundor-Asera-sobarmalad-dakdosurmalad, 
\q1 ina-wawad-ogumaked-ailase naosurmalad. 
\q2 Ar we-bab-dummagan-ibmarmar e-argangi sobsagusmaladid. 
\p  
\v 9 A-ibagine, Israel-e-neggwebur-gandikmaladi, ollobi mellede gumaloed, sapurbi-moodo, negmar-ollobi-mellenaiyobi naguoed. Igi Israel-dulemar Canaán-e-neggweburmargi dognonigusmargu, neg-imaksamala, deyob bela-neg-ollo naguoed. 
\q1  
\v 10 Ar bemarde Bab-Dummad-bemar-abonoged be iesmalad, 
\q2 Bab-Dummad bemarga-akwasailayob-gued be iedmalad. 
\q1 A-ulale, bemar amba ibmar-durba-nuegan digmalo-inigwele, 
\q2 amba neggwebur-baidsik-uva-danikid digmalo-inigwele, 
\q2 bela boniganba ibmar-gwag isgudoed. 
\q1  
\v 11 Amba bemar-uva-digsad bega dungumalo-inigwele, banegi e-durba ainidago-inigwele, bonigan egi nonikoed. 
\q2 Ar bemar ibmar-gwag-weemaloedi, bela boniganba ibmar-gwag isgudoed. 
\b  
\q1  
\v 12 Bukidar dule-yar-baid-baidgi-bukmalad-uurmakbukwadi, ¡duledar-wilesmar! 
\q2 Demar-uurmakmaiyobi dulemar uurmakbukwad. 
\q1 Dulemar-binnasuli-oimakbukwadi, ¡duledar-wilesmar! 
\q2 Dii-wilasailad uurmakmaidyobi dulemar oimakbukwad. 
\q1  
\v 13 We-dulemar, demar-uurmakmaid-dagumakmaidyob-damar-inigwele, 
\q2 Bab-Dummad ese-binnasur-uludele, duurmakdedamalad. 
\q1 Igi yarbali gagan-dinnagana burwa-abin seleddae, 
\q2 deyobi, dulemar duurmakdedamalad. 
\q1 Igi ukub burwa-binnasur-goledba mileddae, 
\q2 deyobi, dulemar duurmakdedamalad. 
\q1  
\v 14 ¡Sedogusale, dobed-dummad egi nagusdamalad! 
\q2 Oibosale, dule-isganamar bar dakleddasulid. 
\q1 Weyob dulemar-anmar-wiodimalad guodo. 
\q2 Anmar-ibe dule-ibmar-atursadimaladga, weyob ega igar idu maid. 
\c 18  
\s1 Etiopía-yargi-yoedse-ibmar-guoedgi sunmaklesad 
\p  
\v 1 Isaías sogdebalid: 
\q1 “Gwimar-uurmaked-yala, ¡nue-wilessun! 
\q2 Cus-diwarba-bukmalad, ¡be duledar-wilesmar! 
\q1  
\v 2 Ur-nagwaryob-daklegedgi-sobaledba Nilo-diwarba 
\q2 dule-garda-berbemalad-barmimalad, ¡be duledar-wilesmar! 
\b  
\q1 ”Dule-garda-berbemalad-gandik-nanamalad be gwae-namar, 
\q2 dule-mullusurmaladse be namar, 
\q1 uka-sichigwadba-uka-dakaar-gamaladse be namar, 
\q2 we-dulemar-bela-dobesar-daklemaladse be namar, 
\q1 dulemar-gargandikmaladse be namar, 
\q2 dulegi-obin-san-sadimaladse be namar, 
\q1 yala-emargi-obinsiidse be namar. 
\q2 A-yala, diwarmar-iirmakmaid-yalad. 
\b  
\q1  
\v 3 ”Bemar, bela we-napneggi-bukmalad, yar-imbaba bander-nakwiali be dakalile, 
\q2 degi, gar-trompeta-gollali be itoarmalale, 
\q1 asiki be atakbukwa imakmalo, 
\q2 Napneggi-bela-bukmalad, nue be dakmalo, nue be itomalo.” 
\p  
\v 4 Bab-Jehová weyob anga sogsad: 
\q1 “Isaías, an-neg-maid-akale, dulemar-nue-dakmai an imakoed. 
\q2 An golosulid, bogi-mai an dulemar-dakmai imakoed. 
\q1 Dad-ibeler yorgi-duurmaknadaeyobi, 
\q2 bogidik-mai an dulemar-dakmai guoed. 
\q1 Ibmar-welenaidgi dad-ibeler duurmaknaile, boo-mileardaeyobi, 
\q2 bogidik-mai an dulemar-dakmai guoed. 
\q1  
\v 5 Ar uva-weleged-iduale, e-dutu batialir, degi, nue-uva-san-nagualir, e-anagan an sike-sike imaknonikoed. 
\q2 E-anagan-binigan an sike-sike imakoed. 
\q1  
\v 6 Deyobi, bela we-dulemar gumogoed. 
\q2 Ibdurgan-sapurbarmaladga miledoed. 
\q1 Yorgi, nuu-ibmar-burgwarmalad-gunmalad-masga guoed. 
\q2 Dii-wied-ibagangine, bela ibdurgan-sapurbarmalad-masga guoed.” 
\p  
\v 7 A-ibagangine, we-dulemar Bab-Jehová-Bela-Gangued-Nikadga ibmar-ukleged sedmaloed. We-dulemarde, dule-mullusurmaladid, uka-sichigwadba uka-dakaar-gamaladid. We-dulemar, bela-dobesar-daklemaladid, dulemar-gargandikmaladid, dulegi-obin-san-sadimaladid. A-yala, diwarmar-iirmakmaid-yalad. 
\p A-dulemarde, Bab-Jehová-Bela-Gangued-Nikadga ibmar-ukleged sedmaloed. Sión-yalase ega sedmaloed, bia Bab-Jehová-Bela-Gangued-Nikad-e-nug-obarilege, ase Bab-Jehováʼga ibmar-ukleged sedmaloed. 
\c 19  
\s1 Egiptoʼgi-yoedse-ibmar-guoedgi sunmaklesad 
\p  
\v 1 Egipto-yar-guoedgi iduakwaa sunmaklesad: 
\q1 Bab-Jehová be dakmala. 
\q2 Mogir-gwae-gwae-iirmakmaid-birgi-sii, Egipto-yalase danikid. 
\q1 Egipto-e-bab-dummagan e-abin wawanmakbukwad. 
\q2 Egipto-dulemar nue dobe-itomalad. 
\p  
\v 2 Bab-Jehová soged: 
\q1 “Egipto-dulemar na abin-abin-urwemalaga an imakoed, 
\q2 na e-gwenad-e-gwenad-egi-gwisgumalaga an imakoed, 
\q1 dulemar-na-e-aimarbo-urwega an imakoed, 
\q2 neggweburmar-na-abin-abin-urwemalaga an imakoed, 
\q2 yalamar-na abin-abin-urwemalaga an imakoed. 
\q1  
\v 3 Egipto-dulemar suli-suli itodamaloed, 
\q2 bab-dummadyob-imaklemaladse idakdemaloed. 
\q1 Dule-burgwarmalad-e-burbase idakdemaloed, 
\q2 bab-dummad-gayaburba-barsoged-bundorse idakdemaloed. 
\q1 Yoo-ibmar-guoed-soged-dulese idakdemaloed, anmar ibu imakoye. 
\q2 Degi-inigwele, e-igarmar igarga-guega an imakosulid. 
\q1  
\v 4 Egipto-dulemargi dule-bulegan yar-seega an imakoed. 
\q2 Rey-isgana yar-seega an imakoed. 
\q1 Ani Bab-Jehová-Bela-Gangued-Nikad soged. 
\b  
\q1  
\v 5 ”Demar-naid dingudoed, 
\q2 Nilo-diwar-maid bela dinna naoed. 
\q1  
\v 6 Dian-akwiar-mamaid sunnasuli yapanne gudoed, 
\q2 Nilo-diimar-iirmakmaidi, iremai gudoed, bela dinna naoed. 
\q2 Nallayob-daklemaladi, degi, nagwaryob-daklemaladi, bela burgwidoed. 
\q1  
\v 7 Nilo-diwar-gakaba ibmar-digarmaladi, bela burgwidoed, 
\q2 Nilo-diwar-gakaba ibmar-nanaidi, bela bergudoed, 
\q2 bela swiri naoed, bar daklegosulid. 
\q1  
\v 8 Bela dule Nilo-diwargi-ua-somaladi, degi, bela saki-miar-ua-gamaladi, bukib binsadmaloed, 
\q2 bela bodmaloed. 
\q1  
\v 9 Bela dule lino-mor-nued-sobedgi-arbamaladi, degi, saki-sobedgi-arbamaladi, 
\q2 suli-suli itodamaloed. 
\q1  
\v 10 Ua-galugi-arbamaladi, nue-wiles itodamaloed, 
\q2 ar bela e-sakimar itiridoed. 
\b  
\q1  
\v 11 ”Zoán-neggwebur-e-dummagan, dule-binsaed-ibedye be sogdimalad, 
\q2 bemar dule-gegeganad. 
\q1 Ar bemar Faraónʼga binsaed-isgana ukdimalad. 
\q2 Ar igi yogasaar bemar sogmalosunna: 
\q2 ‘Anmar binsaed-ibedye, epenne-reymar-binsaed-ibegan-megismaladse binsaed amismaladye.’ 
\b  
\q1  
\v 12 ”Egipto-rey, ¿be-dule-binsaed-ibegande bega igigudmarsunna? 
\q2 Emide, be-dule-binsaed-ibegan bega sogmardo, 
\q1 ibu Bab-Jehová-Bela-Gangued-Nikadi, Egipto-dulemargi imaksokali, 
\q2 igi-Egipto-dulemar-idu igar-amismaidi, bega sogmarbardo. 
\q1  
\v 13 Zoán-neggwebur-e-dummagan dule-binsaedsulidga nadmalad, 
\q2 Menfis-neggwebur-e-dummagan ese yamolesmalad. 
\q1 We-neggwebur-e-dummagan, Egipto-yala noar sesmalad. 
\q2  
\v 14 Ani an Bab-Jehová dule-binsaed-dakmaladgine, suli-suli-neg-itoged-burba egi nasiksad. 
\q1 Bela Egipto-dulemar-ibmar-imakedi, noarsaila imakdemalad. 
\q2 Igi-dule-mummudi, agar-agar banamakdii, 
\q2 debayobi, Egipto-yala banamaksiid. 
\q1  
\v 15 Gege bar Egipto-yar-ulale, ibmar imakleged. 
\q2 Ar dule-dummagana, dule-ibmar-wismaladi, 
\q1 dulamar-bukwadi, degi, sordamala, 
\q2 gege bar Egipto-yar-bendakega ibmar imakmalad.” 
\p  
\v 16 A-ibagangine, Egipto-dulemar, Bab-Jehová-Bela-Gangued-Nikad sabsur-e-odurdakega egi gwisgualile, omeganyobi dobe itodmaloed.  
\v 17 Egipto-dulemar Judá-dulemar-dobe itodamaloed. Ar Judá-dulemargi wis binsadmalale, bato dobed egi nagudmaloed. Ar ade, Bab-Jehová-Bela-Gangued-Nikadi Egipto-dulemar-idu igar-bulegan amisad. 
\p  
\v 18 A-ibagangine, Egiptoʼgi neggwebur-gwaatale Canaán-dulemar-gayaba sunmakdemaloed, degi, ise-sogar Bab-Jehová-Bela-Gangued-Nikadga sogdemaloed: Anmar be-sogedba damaloye. A-neggwebur-gwagwenad nugguoed, Herez-neggweburye. 
\p  
\v 19 A-ibagangine, Egipto-yalagi Bab-Jehováʼga ibmar-ogumakar-ukleged-aila sigoed. Geb degine, yar-abingunaid-nagaba Bab-Jehováʼga akwa-dummad ogwismarbaloed.  
\v 20 Ar a-akwa-dummadi Egipto-dulemarga e-wilubga guoed. Adi, oyogega, Egipto-dulemar Bab-Jehová-Bela-Gangued-Nikad-e-nug odummomarmoye. Ar Egipto-dulemar Bab-Jehováʼse mesagwar-dule-e-imakmaladgi e-ollor-imakega gotemaloed. Bab-Jehová ega dule-e-abonoged, degi, dule-e-ular-gwisgued barmidagoed, adi, mesagwar-dule-e-imakmaladgi ollor-imakegar.  
\v 21 A-ibagangine, Bab-Jehová Egipto-dulemar magar-e-dakega imakoed, ede, nue-Bab-Dummad guye. Geb Egipto-dulemar magar daknonimaloed, wede, Bab-Jehová nue-Bab-Dummad guye. Degi, Bab-Jehováʼga ibmar-oburgwar ukdemaloed, ibmar-gwagmar ega ukdemaloed. Bab-Jehováʼga ise-ibmar-imakoye-sogmaloedi, na sogedba ega imakmaloed.  
\v 22 Bab-Jehová bonigi Egipto-dulemar-naibi-imaknonikoed, geb a-sorbali, onugubaloed. Geb degi, Egipto-dulemar Bab-Jehováʼba gannar nagudmaloed, degine, Bab-Dummad wile amar-dakoed, degi, onuguoed. 
\p  
\v 23 A-ibagangine, Egipto-akale, Asiria-yalase igar-dummad megoed. Geb Asiria-dulemar Egiptoʼse nanabukwa gumaloed, degi, Egipto-dulemar Asiriaʼse nanabukwa gumarmogoed. Egipto-dulemar, Asiria-dulemarbo Bab-Jehová-nug odummobukwa gumaloed.  
\v 24 A-ibagangine, yala-sogapaa ambikumaloed: Egipto, Asiria, Israel. Degi, wemar-yalagi neggwebur-bamaladba egi nued binsalegoed.  
\v 25 Ar ade, Bab-Jehová-Bela-Gangued-Nikad bela we-yalamargi ise-nued binsaoed, weyob sogdoed: “Egipto an-dulamarga gued. Egi nued binsalesun. Asiria-dulemargi nued binsalesun, ani an urbisad. Degi, Israel-dulemargi nued binsalesun, wedi angadid. Ani an we-dulemar susad.” 
\c 20  
\s1 Asiria-dulemar Egipto-yala, degi, Etiopía-yala suoed 
\p  
\v 1 Ibagwengine, Asiria-e-rey-Sargón, e-sordamar-bila-onoged-e-dummad, e-sorda-bila-onomaladmala, Asdod-neggweburse barmisgusad. Geb agine, Asdod-dulemargi bila-onosgusad, geb egi nakwisadba Asdod-neggwebur-sunonigusad.  
\v 2 A-ibagangine, Bab-Jehová Amoz-machi-Isaíasʼga sunmaksad. Weyob ega sogsad: “Wile-itoged-mor-yoid be esue, nag-uka-yoid be ungebali.” Isaías deyob imaksad, uka-swili gudigusad, degi, nag-swili gudigusbalid. 
\p  
\v 3 Degine, Bab-Jehová weyob sogded: “Igi an-mai-Isaías birgapaa uka-swili e-abganbi-odukudii gusa, degi, nag-swili gudii gusa, Egipto-yalagi ibmar-guoed-e-wilub oyoged, Etiopía-yalagi neg-guoed-e-wilub oyobalid.  
\v 4 Deyobi, Asiria-e-rey, Egipto-dulemar-uka-swili, unnila e-abganbi-odukuale, nag-swili, degi, ber bela sor-daledi, gales sedmaloed. Amba deyobi, Etiopía-dulemar-e-sapingana, degi, e-dulemar-sergan gales seledmarmogoed. A-ulale, bingedar itomaloed.  
\v 5 Dulemar Etiopía-dulemargi bensurmaladi, degi, Egipto-dulemarba-san-dummarbaa-imakdimaladi, nue bingedar itodmaloed, nue bela-bela dobe itodmaloed.  
\v 6 A-ibagangine, dulemar demar-gakagi-bukmalad sogdemaloed: ‘Be dake, we-dulemar anmar-bendakega gudimalansursi. Ar wemarse anmar, Asiria-e-reygi-anmar-ollor-imakega bendakleged amidimalansursi. Emidi, be dake: ¿Igi anmar bar bendaklegosunna? Anmar bar wakinned, sate.’ ” 
\c 21  
\s1 Nega-dulesulidgan-demar-dikarba-naidgi yoedse-ibmar-guoed 
\p  
\v 1 Bab-Dummad Isaíasʼga nega-dulesulidgan-demar-dikarba-naidgi-neg-guoedi oyosad: 
\q1 Neguevʼba burwa-bipirmakaled-nanaedyobi, 
\q2 dule-yar-sumalad nega-dulesulidganba-danikidi, bato modanikid. 
\q1  
\v 2 Anga yeer-gangue negburgan oyolesad: 
\q2 Dule-emar-yardakedi, dule-yardaked. 
\q1 Dule-wiogedi, dule-wioged. 
\q2 Elam-dulemar, ¡gwichigunae! 
\q1 Media-dulemar, ¡oitonae! 
\q2 Dule-wile-itogedba-bodimalad bar boega imaklegosulid. 
\b  
\q1  
\v 3 A-ulale, an-abagan nunmakedba wawanmaked, 
\q2 an nunmaked-dummad itoged. 
\q1 Sior muu-neggi-ugakgunair abagan nunmakdaeyobi, 
\q2 an nunmak itoged. 
\q1 An dule-sunmaked-itogedi, suli-suli-ito an-imaked. 
\q2 An ibmar-dakedi, dobed-dummad anga uked. 
\q1  
\v 4 An aku-itogusad. 
\q2 Dobedba an wanwan-itoged. 
\q1 Sedogusale, negdambegwad an yeer-itodaenad. 
\q2 Emide, aka gwayed anga uked. 
\b  
\q1  
\v 5 Sorda-dummagan iba-ononanaid, 
\q2 mas-bukidar gullenaid. 
\q1 ¡Sorda-dummagan, be guagwarmalo! 
\q2 ¡Be-sigu-abgamalad be nudakmala! 
\p  
\v 6 Ar Bab-Jehová anga weyob sogsad: 
\q1 “Dule-nakuleged be ogwicho. 
\q2 Bela-ibmar-dakoedi, bega-sogega be imako. 
\q1  
\v 7 Moli-ur-bila-onomaladgi dulemar ebo-ebo moli-uayasuigan-birgi-sii-dani be dakalile, 
\q2 igi dulemar ebo-ebo moli-yargan-muremalad-birgi-sii-dani be dakalile, yog-gollar be imako.” 
\p  
\v 8 Degi, dule-nakuleged binnasuli goted: 
\q1 “Dummad, bane-bane nakuleged-neg-suid-niba an nakulegwisguad. 
\q2 Mutikidbali, an nakulegwisguad. An bangusisulid. 
\q1  
\v 9 ¡Be dake! Dulemar moli-ur-bila-onomaladgi danimalad, 
\q2 ebo-ebo danimalad.” 
\p Geb dule-gwensak binnasuli goted: 
\q1 “¡Babilonia-neggwebur bergus! 
\q2 ¡Babilonia-neggwebur bela oitoles! 
\q1 Bela ibmar-wilub-sobarmalad e-bab-dummadga-imakmalad napagi omileded.” 
\p  
\v 10 Geb Isaías sogded: 
\q1 “Sordagan, ibmar-gwagyob napagi-omilede be gusmaladid. 
\q2 Israel-e-Bab-Dummad-Jehová-Bela-Gangued-Nikad an-uayagwar anga we-ibmar-sogsadi, an bemarga sognaid.” 
\s1 Edom-yala-yoedse-berguoedgi sunmaklesad 
\p  
\v 11 Isaías, Duma-yalagi neg-guoedgi iduakwaa sunmaksad: 
\q1 Dule anse binnasuli Seir-neggwebur-akale goled: 
\q2 “Nakuleged-dule, ¿sana neg-mutikid berguoe? 
\q2 Nakuleged-dule, ¿sana neg-ibguoe?” 
\b  
\q1  
\v 12 Geb an-abin sogded: 
\q2 “Neg-ibgued omodani, neg-mutikgued omodanibar. 
\q1 Ar be gannar anse egisbiele, gannar egisbalodo. 
\q2 Gannar be anse egisbiele, gannar be anse dagodo.” 
\s1 Arabiaʼgi-yoedse-neg-guoedgi sunmaklesad 
\p  
\v 13 Arabia-dulemargi iduakwaa sunmaklesad: 
\q1 Dedánʼginmalad, danar-danar duurmakmadaed, 
\q2 nega-dulesulidganba sapur-moodonaidgi ambikumalad. 
\q1  
\v 14 Uku-uku-itodimalad-abin be ainimarsun, 
\q2 ega be dii ukmarsun. 
\q2 Tema-yarginmalad, dule-wakinmamaidga be mas ukmarsun. 
\q1  
\v 15 Ar ade, es-suidgi-gwakialidba duurmakmamaid, 
\q2 es-suid-daarmakaledgi-gwakialidba duurmakmamaid. 
\q1 Ar ade, e-idu warsi yaa-gwichidgi-gwakialidba duurmakmamaid, 
\q2 bila-onolegedgi-gwakialidba duurmakmamaid. 
\p  
\v 16 Ar Bab-Jehová weyob anga soged: “Birgagwensega, Cedar-yala-e-yeerdakleged an obelogoed. Igi dule-manigi-arbaed birgagi e-arbaed ega bergunonidae, deyobi an imakoed.  
\v 17 Dule-sigugi-urwemalad-bulegan-Cedarʼginmalad, napi-ichee durgumaloed.” Ar ade, Israel-dulemar-e-Bab-Dummad-Jehová deyob soged. 
\c 22  
\s1 Negburgan-Daked-Nebagi yoedse-ibmar-guoed 
\p  
\v 1 Isaías, Negburgan-Daked-Nebagi yoedse-ibmar-guoedgi sunmaksad: 
\q1 ¿Igi be itomala? Emide, bela bemar neg-uas-birgi be nakwemamaigu. 
\q2  
\v 2 Bemar, dulemar-e-itoleged-damalad-neggweburad, 
\q1 bemar, oimakedginbi-gudidamaladid, 
\q2 ibagibi be negdakdimalad. 
\q1 Ar be-dule-burgwismaladi, es-suidgi gwen burgwissurmalad, 
\q2 bila-ononanaidgi gwen burgwissurmalad. 
\q1  
\v 3 Bela be-dummagandi, danar duurmakdemalanad, 
\q2 degi-inigwele, gwen egi warsi-miledsuli galedapmalad. 
\q1 Bela be-dulemar-galesmaladi, aisaar wakinye sokarmalanad, 
\q2 bela galedapmalad. 
\p  
\v 4 A-ulale, Bab-Jehová weyob sogsad: 
\q1 “Be angi bangumar. 
\q2 Mer be anse gormar. 
\q1 Melle an-gwage baisur-itoge be imakmar. 
\q2 An-dulamar-bela-bergusad-ular, an boesii imakgwelo.” 
\b  
\q1  
\v 5 Ar Bab-Dummad-Jehová-Bela-Gangued-Nikad, Negburgan-Daked-Nebaga gwayed-dummad-iba nasiksad, 
\q2 suli-suli-itoged-iba nasiksad, 
\q1 nug-bipi-gued-iba nasiksad. 
\q2 Galu-matusulid-earleged-iba nasiksad, 
\q2 yalaganba binnasuli-gordigued-iba nasiksad. 
\q1  
\v 6 Elam-yar-sorda-bila-onomalad moli-birgi-sii e-warsi oniarmalad. 
\q2 Kir-yar-sorda-bila-onomalad e-sigu-abgamalad oniarmalad. 
\q1  
\v 7 Be-neba-yeerdaklemaladgi ur-bila-onomaladi, engus nanaid. 
\q2 Sorda-bila-onomaladi, degi, e-molimala, bela neggwebur-yawagak-doged-ebilis bukwad. 
\q2  
\v 8 Judá-dulemar bendakleged-sate gudmalad. 
\b  
\q1 A-ibagine, bemala Sapurba-Neg-Dummad-siidgine, 
\q2 bila-onogedgi-gingimar-ebulemalad-bukwadi, be daksagusmalad. 
\q1  
\v 9 David-neggwebur-e-galu-matusulid bukidar marar-marale be daksa gusmarbalid. 
\q2 Degine, dii-saboleged-urbalid-siidgine, dii be wesmarbalid. 
\q1  
\v 10 Jerusalén-negmar-bukwad be ebichismarbalid. 
\q2 Galu-matusulid-mararmalad-nudakmalaga, abala, a-negmar-bukwad be earismarbalid. 
\q1  
\v 11 Galu-matusulid-abinnidgi, be dia sobsamalad, 
\q2 adi, dii dia-epennegwadgi-sabolesiid, dia-soblesadse ogwaegar. 
\q1 Degi-inigwele, we-dule-ibmarmar-imaksadgi be binsaed-nikaa gwen gussurmalad. 
\q2 Degine, we-dule dikasurgus-we-ibmar-guoed-mesisadi, aku be daksamalad. 
\p  
\v 12 Isaías sogdebalid: 
\q1 “A-ibagangine, Bab-Dummad-Jehová-Bela-Gangued-Nikadi, boega bemarse gochanad, 
\q2 bukib-binsaega bemarse gochanad. 
\q1 Sailagia-swiri-saega bemarse gochanad, 
\q2 mor-sommed-yoega bemarse gochanad. 
\q1  
\v 13 Degi-inigwele, aka bemar weligwar itodmalad. 
\q2 Yeer-itogedba be iba onodmalad. 
\q1 Moli-bebe-nikad be oburgwidmalad, 
\q2 sibad-wawaad be oburgwidmalad. 
\q1 Moli-sana be gutemalad, 
\q2 vino be gobdemalad.” 
\p Degine, be weyob sogdemalad: 
\q1 “Anmar mas-gunmala, anmar gobed-gobmala, 
\q2 ar anmar banedse burgwemalosursi.” 
\p  
\v 14 A-ulale, Bab-Jehová-Bela-Gangued-Nikad an-uayagwar anga weyob sogsad: “We-isguedi an bemarga osulogosulid. Ani, Bab-Dummad-Jehová-Bela-Gangued-Nika-Maid, an soged.” 
\s1 Eliaquim, Sebna-muchub dummadga onaklesad 
\p  
\v 15 Bab-Jehová-Bela-Gangued-Nikad weyob Isaíasʼga soged: “Sebna be aminae, ar ade, reyneg-daked-dummadid. Ega be weyob sogo: 
\q1  
\v 16 ‘¿Ibu be wegi sanai? 
\q2 ¿Doa bega igar-uksa neg-uangi be yaa-gwisega? 
\q1 ¿Ibiga be nibali ise-sobale be yaa gwisnai? 
\q2 ¿Ibiga be akwasailagi nuesaale-megega be yaa gwisnai? 
\b  
\q1  
\v 17 ” ’Ar Bab-Jehová dikasuli be-barmetoed. 
\q2 Dule-gandikid-emar-gaeyobi, Bab-Jehová be-gaoed, 
\q2 ise-sabsur be-metoed. 
\q1  
\v 18 Ogob-baparmakeyob be-imakoed, 
\q2 yar-dummadgi be-balimetoed. 
\q1 Agi, be burgoed. 
\q2 Agi be-ur-bila-onomalad-yeerdaklemalad bedapoed. 
\q2 Be-dummadga binged-dummad be guoed. 
\q1  
\v 19 Be-gangi be siidgine, an be-onogoed. 
\q2 Be dummadga-maidi, an be-oberguoed.’ 
\p  
\v 20 ”A-ibagine, an-mai-Hilcías-machi-Eliaquimʼse an goloed.  
\v 21 Be-mor-dummad-suid an ega yooed. Be-molidub an ega nasikoed, degine, be-negseed-igar an ega ukoed. Jerusalén-dulemarga, degi, Judá-dulemarga, e-babayob guoed.  
\v 22 Rey-David-waganga-ibmar-sogega an ega igar ukoed. Eliaquim igar-ukele, dule igar-gaosulid, gwen dule egi akar sunmakosulid. Eliaquim igar-uksulile, ibmar guosulid.  
\v 23 Igi esgoro ise-bioklegar-gwisdae, deyob an Eliaquim dummadga-megega imakoed. Egine, e-neg-yaginmalad nug-gannarba itomaloed.  
\v 24 Bela e-neg-yaginmalad egi weligwar-itomaloed, degi, bendakdemarmogoed: E-masmala, e-wagan, bela-e-gwenadgan-bamalad, degine, e-aimarse-bakale, bendakdemaloed.” 
\p  
\v 25 Bab-Jehová-Bela-Gangued-Nikad weyob sogbali: “A-ibagine, ani an, Eliaquim, bela-e-gwenadgan, bela dulemar-egi-bengussurmalad obelononikoed. Ani an Bab-Jehová-guedgi, deyob an soged.” 
\c 23  
\s1 Tiroʼgi-yoedse-neg-guoedgi sunmaklesad 
\p  
\v 1 Bab-Jehová Isaíasʼga Tiro-neggwebur-guoedi oyosad: 
\q1 Quitim-yar-akale, Tarsis-ur-selaganse gayaburbamar nonikid. 
\q2 Tiro-neggwebur bergussiid, 
\q1 e-negmar, degi, e-ur-nagumalad, bela ei bibichisad. 
\q2 Abali, amar bukib-binsabukwad. 
\b  
\q1  
\v 2 Tiro-dorgan, boo be ambikumar. 
\q2 Sidón-dulemar-ibmar-ukedgi-arbamalad, boo be ambikumar. 
\q1 Be-selamar bega ibmar-nuegan-bukidar berbesmalad. 
\q2  
\v 3 E-masgullemaladi, Nilo-diwar-e-ana-gwensakgi danikid. 
\q1 Tiro-neggwebur, dulemar-yar-baid-baid-bukwadbo, mani-onobukwa gusad. 
\q2 Nilo-diwargi-ibmar-gwag-welegedgi mani-amibukwa gusmalad. 
\b  
\q1  
\v 4 Sidón-dulemar, be bingedar itomarsun, 
\q2 bemar, muu-billi-ibedga gumalad. 
\q1 Emidi, muu-billi weyob sogsad: 
\q2 “An bipisaale gwen abganba an galitodisulid, 
\q1 an gwen mimmi bakdisulid. 
\q2 An gwen mimmigan odummodisulid, 
\q2 an gwen bunamala ibmargi odurdakdisulid.” 
\q1  
\v 5 Egipto-yalase, Tiro-neggwebur-bergusad-gayaburba warmaksale, 
\q2 Egipto-dulemar Tiro-neggweburga bukib-binsadmaloed. 
\b  
\q1  
\v 6 Tarsis-neggweburse be namar, 
\q2 demar-gakagi-bukwamalad, be bukib-binsamar. 
\q1  
\v 7 Tiro-neggweburde, ¿neggwebur-weligwaledinsursi? 
\q2 We-neggweburde, ¿bur dikasurgus siidinsursi? 
\q2 We-dulemarde, ¿dikasur-aineba bur nanadimaladinsursi? 
\q1  
\v 8 ¿Doa Tiro-neggwebur-weyob-guega igar amisa? 
\q2 We-neggwebur nuga-nika siidinad. 
\q1 E-dulemar-ibmar-ukedgi-arbamaladi, dule-nuga-nikamaladinad. 
\q2 Dulemar-ese-ibmar-bakmaladi, bela mag-dakedbimalanad. 
\b  
\q1  
\v 9 Bab-Jehová-Bela-Gangued-Nikad we-igar mesisad, 
\q2 adi, dulemar-nug-gannarba-nikad ei obelogega, 
\q2 bela dule-napneggi-nuga-nikamalad-e-nug bipii imakegar. 
\q1  
\v 10 Tarsis-dulemar, sapurgi be arbamarsun, 
\q2 ar ur-nagumaladde, bela be-ibe bergusad. 
\q2 Ar bar bemarse Tiro-urmar dognonikosulid. 
\q1  
\v 11 Ar Bab-Jehová muu-billigi e-gangued oyosad, 
\q2 dulemar-yar-baid-baidgi-bukmalad-ogwayega imaksad. 
\q2 Bab-Jehová, Canaán-neggwebur-gandikmalad-obelogega imaksad. 
\p  
\v 12 Degi, Bab-Jehová, Sidón-dulemarga weyob sogsad: 
\q1 “Sidón-dulemar, be wese bergunonisun. 
\q2 Be-neggwebur-dummad bela bergussun, 
\q2 bar be weligwar itogosurmalad. 
\b  
\q1 ”Ar be Quitim-neggweburse obakmalo-inigwele, 
\q2 amba bogidiki gwen be itogosurmalad. 
\b  
\q1  
\v 13 ”¡Caldea-neggweburgusadi be dakmala! 
\q2 ¡Bar we-neggwebur sisulid! 
\q1 Ar Asiria-sordamar we-neggwebur bela obelosad. 
\q2 Ibmar-durgan-ursilimalad nega-dulesulidganba-gudimalad-e-negga imaksad. 
\q1 Neg-matusulid-gandikmalad sobsa gusmalad. 
\q2 Reyneg-gandikmalad bela ei earis gusmalad, 
\q2 akwamarbi ganna-ganna napi-obesmalad. 
\b  
\q1  
\v 14 ”Tarsis-ur-selagan bukib-binsabukwamalad, 
\q2 ar e-ur-nagumalad bela bergusad. 
\p  
\v 15 ”A-ibagangine, Tiro-neggwebur ieles-guoed, bar egi binsalegosulid. Rey-birga-dulapaa-gakambe (70) dula-gudiguedyobi, e-ieleged-iba guoed. Geb birga-dulapaa-gakambegwad-sorba (70), Tiro-neggweburgi, gambasamalad-e-namaklegedyobi egi namaklegoed: 
\q1  
\v 16 ‘Gambasaed-ieles-gudiid, 
\q2 gar-arpa be sue, neggwebur be ebirnae. 
\q1 Namaked-bur-nued be ogolo, 
\q2 namaklemalad-bukidar be namako, 
\q2 adi, dulemar bee-ebinsamalagar.’ ” 
\p  
\v 17 Birga-dulapaa-gakambegwad (70) bergunonikile, Bab-Jehová Tiro-dulemar gannar e-ibmar-ukedgi-arbamalaga imakdebaloed. Degine, bela-neggwebur-baiganbo gannar ibmar-ukedgi arbadmaloed.  
\v 18 Ar e-mani-onogoeddina, degi, e-ibmar-ukoeddina, Bab-Jehováʼga ukdemaloed. E-manimar, degi, e-ibmarmar gwen sabolesii guosulid. Ar e-mani-onomaladi, dule-Bab-Jehová-nug-odummomaladga uklegoed, adi, nue-immedik-gudii gumalagar, degi, mor-nuegan-yoi-gudii gumalagar. 
\c 24  
\ms2 1d. Ibmar-guoed Isaíasʼga-burbar-oyolesad 
\mr (24:1–27:13) 
\s1 Bab-Jehová napneg-sabsur-odurdakoed 
\q1  
\v 1 Dakmalana, Bab-Jehová napneg-swaana imaksad, 
\q2 bela napneg obelonaid. 
\q2 Bab-Dummad e-dulamar-ononnonaid. 
\q1  
\v 2 Bela deyobi we-dulemala gumarmogoed: 
\q2 Dule-irwa-Bab-Dummadse-gormalad, degi, bela dulamar. 
\q2 Mai-e-dummadga-gudimalad, degi, e-maimar. 
\q2 Dummagan-omeganmar, degi, mai-omeganmar. 
\q2 Ibmar-ukedgi-arbamalad, degi, ibmar-bakedgi-arbamalad. 
\q2 Mani-gaar-ukmalad, degi, dulegi-mani-gamalad. 
\q2 Mani-ibegan, degi, dule-wileganamar. 
\q3 Wemala, bela deyob gumarmogoed. 
\q1  
\v 3 Napanega bela swaanga naguoed, 
\q2 bela e-ibmarmar sulegoed. 
\q2 Ar Bab-Jehová deyob sogsad. 
\q1  
\v 4 Napneg ibitosad, napneg bela-bela oitolesad. 
\q2 Dule-gala-ibegan, bela e-gangued bergusad, 
\q2 dule-napneggi-nuga-nikamaladi, bela yogguded. 
\q1  
\v 5 Napneggi, bela isgued neg-gagasnaid, 
\q2 ar ade, e-dulemar, Bab-Dummad-Igar-Maidba gwen nanassurmalad. 
\q1 Igar-Maidgi annasmalad. 
\q2 Dule bipisaale Bab-Dummad-Ebo-Degisadegu-Igar-Mesisadba gwen nanassurmalad. 
\q1  
\v 6 A-ulale, napnega ukabsales naid, 
\q2 ar e-dulamar-nukad deyob gusad. 
\q1 Agala, soo napneggi aidesad, 
\q2 unnila dulemar napi-ichee bukusmalad. 
\b  
\q1  
\v 7 Uva-nainumar isgus naid, 
\q2 vino-binid bar daklesulid. 
\q1 Dulemar-yeer-itogedba-namakdidamaladi, 
\q2 emidi, bukib-binsaedba ogormakdimalad. 
\q1  
\v 8 Damborʼmar-goledi, bergus-nanaed, 
\q2 gar-arpaʼmar-goledi, bergus-nanaed, 
\q2 dulemar-oimakedi, bela bergusad. 
\q1  
\v 9 Namakbukmalale, bar vino gobsurmalad. 
\q2 Dule-mummuganga inna-gagbid isguded. 
\q1  
\v 10 Neggwebur nue-bergus siid, olloo selenaid. 
\q2 Bela neg-yawagakmar, atiar-atiar bubukwad. 
\q1  
\v 11 Galimbabali, dulemar vinoʼbina binnasuli oimakdimalad, 
\q2 wergulegedi bela bergusad, 
\q2 yeer-itolegedi bela yogguded. 
\q1  
\v 12 Neggwebur bela-bela nue-bergus sigisad, 
\q2 neggwebur-yawagak-dummad bela daas-daas gusad. 
\q1  
\v 13 Weyob napneggi dulemar-yar-baid-baidgi-bukmalad imaklemaloed. 
\q2 Igi olivo-sapi-san gwallealir, e-san obatega, binnasuli-osiamaklege, deyobi gumaloed. 
\q2 Uva-batisbukwayob gumaloed. 
\b  
\q1  
\v 14 Dulemar napi-ichee-besmaladi, weligwaledbali binnasuli oimakdemaloed. 
\q2 Dad-ibeler-argwanedsiki, Bab-Jehová-e-gangued-yeerdakleged weligwaledba oimakmaloed. 
\q1  
\v 15 Degisoggu, nebaganba Bab-Jehová-nug be odummomar. 
\q2 Demar-gakaba, Bab-Jehová-Israel-dulemar-e-Bab-Dummad-nug be ogannomar. 
\q1  
\v 16 Bela napneg-naidgine, anmar namakleged itoged. Weyob soged: 
\q2 “Dule-innikigwad odummolesun.” 
\q1 Ar andi an sogdo, an duledar-wilesye. 
\q2 Bela-bela an nunmak-itogedba, an burgwebied. 
\q1 Dule-yardakmaladi, unnila dule-yardakdimalad. 
\q2 Dule-yardakmaladi, emar-yardakedginbi binsadimalad. 
\q1  
\v 17 Dulemar-napneggi-bukmalad, gwayed-dummad be-edarbebukmalad, 
\q2 be-iduar neg-bulegan naid, 
\q2 yardakleged-igar be-idu naid. 
\q1  
\v 18 Dule gwayed-dummadgi unni-nosale, igar-buleganse galedapoed. 
\q2 Dule igar-bulegangi unni-nosbalile, amba yardakleged-igarse galedapbaloed. 
\q1 Ar ade, dii-dummad wioed. 
\q2 Dii-dummadi napneg-sailagan owawanmakoed. 
\b  
\q1  
\v 19 Negabandur-dummadi napneg mamaroed, 
\q2 napa-daas-daas-imakedse saoed, 
\q2 bela napa goa-goa guoed. 
\q1  
\v 20 Dule-mummu-banamakdiiyobi, napneg naguoed. 
\q2 Neg-uas-baisursunna-ayaredyobi, napneg ayaridoed. 
\q1 Dulemar-isguedbali napneg bergudoed, 
\q2 napneg gannarse bar guosulid. 
\b  
\q1  
\v 21 A-ibagangine, Bab-Jehová nibagi-negsemamaid sabsur-odurdakoed, 
\q2 napneggi, reymar-yar-semamaid sabsur-odurdakbaloed. 
\q1  
\v 22 Esgaryaba odolemaloed, 
\q2 agine, mellesii gumaloed. 
\q2 Geb sorbali, sabsur-odurdaklemaloed. 
\q1  
\v 23 Bab-Jehová-Bela-Gangued-Nikadi, Sión-yalagi, Jerusalén-neggweburgi, gandikid-yeerdaklegedba yala seoed. 
\q2 Degiidbali, dad-ibeler sichii nadoed, 
\q1 nii sichii nadmogoed. 
\q2 E-girmar-dummagan bela Bab-Dummad-e-gangued dakmaloed. 
\c 25  
\s1 Bab-Jehová-nug-ogannogedgi namaked 
\q1  
\v 1 Bab-Jehová, be an-Bab-Dummadid. 
\q2 An bega namakoed, an be-nug odummogoed, 
\q1 ar be ibmar-gegerdaklemalad imaksad. 
\q2 Be-Igarmar epennegwad-akale bela napiragwadbiid, degi, inniki maiguad. 
\q1  
\v 2 Neggwebur akwamarbi ganna-ganna be urbisad, 
\q2 neggwebur-gandikid, bela oitolesad. 
\q1 Dule-bamalad-e-neggwebur bela oitolesad, 
\q2 neggweburga bar sigissulid. 
\q1  
\v 3 A-ulale, dule-gandikmalad be-nug odummoged, 
\q2 a-ulale, neggweburgi dule-gandikmalad be-dobee itomalad. 
\q1  
\v 4 Ar be dule-wileged-suli-suli-itodiidga be niga ogannosad. 
\q2 Dule-ibmar-abesa-gudiid, be bendaksa gusad. 
\q1 Igar-bulegan-idu be, e-bendakedga gusad, 
\q2 dad-ibeler-gaed-irwa ibmar-nagueyob ega be gusad. 
\q1 Dule-isganamar-e-bunnoedi, burwa-dummad-noeyobi, galu-matusulidgi-gwichigueyobi gued, 
\q2 nega-dulesulidganba neg-diopisur-itolegeyobi gued. 
\q1  
\v 5 Igi nega-dulesulidganba neg-diopisuli itoledae, 
\q2 deyobi, be dule-yar-baidginmalad-oimakedi, bogidik imaked. 
\q1 Igi mogir dad-ibeler-idu negsichii imakdae, 
\q2 deyobi, dule-bulegan be obeloged. 
\p  
\v 6 Bab-Jehová-Bela-Gangued-Nikadi sogded: 
\q1 “Sión-yalagine, bela dulemar-yar-baid-baidgi-bukmaladga, an mas-nuegan-yeer-gullemalad bukidar imakoed. 
\q2 Vino-nuegan-sunsogmalad an bukidar imakoed. 
\q2 Mas-bur-yeer-gullemalad-nuegan, degi, bur vino-sunsogmalad-sulearmalad an imakobaloed. 
\q1  
\v 7 Ani we-yalagine, mor-dummad dulemar-odukunaidi, esirmakoed. 
\q2 Mor-dummad-dulemar-yar-baid-baidgi-bukmalad-odukunaidi, esirmakoed. 
\q1  
\v 8 Ani Bab-Jehová, burgwed-igar degisadegu obelogoed. 
\q2 Degi, bela dulemarga ibyanis elioed, 
\q1 bela napneggi, e-dulamar-mesagwar-gudiid onogoed.” 
\p Ar Bab-Jehová, e-sunnad deyob sogsad.  
\v 9 A-ibagangine, weyob sogledagoed: 
\q1 “Eye, ar we, anmar-Bab-Dummadid. 
\q2 Anmar egi bensulid, ar we, anmar-abonosad. 
\q1 We, Bab-Jehová gued, egi anmar bengussulid. 
\q2 Anmar wergumarsun, 
\q2 Bab-Jehová-anmar-abonosadgi anmar weligwar itomarsun.” 
\p  
\v 10 Isaías sogdebalid: 
\q1 “Bab-Jehová we-yala akoed, 
\q2 Moab-yaladi sabsur-odurdaklegoed, 
\q1 igi durgangi annaledii dae, 
\q2 deyob Moab-yala imaklegoed. 
\q1  
\v 11 Igi dule-dapumaknadapir, sakwa-onakwiddae, 
\q2 degine, aka dii-urba dogdedae, 
\q1 deyobi, Moab-dulemar e-san-dummarba-itogedbali, 
\q2 aisaar sakwa-onakwesii gumaloenad. 
\q1 Degi-inigwele, Bab-Jehová, we-dulemar e-san-dummarba-imakmalad ei obelogoed. 
\q2 Gannarse we-dulemar barguosulid. 
\q1  
\v 12 Bab-Jehová ei galu-matusurmalad, degi, neg-gandikmalad bibisgoed, 
\q2 bela napaga obinyoed.” 
\c 26  
\s1 Isdarmaladgi-nakwedgi-namakleged 
\p  
\v 1 A-ibagine, dulemar Judá-yargi we-namaked namakdemaloed: 
\q1 “Anmardi neggwebur-gandikid nikamalad. 
\q2 Bab-Jehová, neggwebur-gandikidi, 
\q2 galu-matusulidyobi, degi, neg-abingaed-gandikidyobi anmar-bendakega imaksad. 
\q1  
\v 2 Jerusalén-neggwebur-e-yawagak egamar, 
\q2 adi, dule-nuegan innikii-Bab-igargi-nanamalad ubomalagar. 
\q1  
\v 3 Dule-beginbi-binsaedi, bogidikidgi-gudisaega be imakoed, 
\q2 ar begi bensulid. 
\q1  
\v 4 Bab-Jehováʼgi-bensuli be gudii gumar, 
\q2 ar Bab-Jehováʼbi akwasailayobi degisadegu gued. 
\q1  
\v 5 Bab-Jehová, dule-gannarba-san-sadimaladi sabsur-imaked, 
\q2 neggwebur-san-dummarba-imakedi, ogalakued. 
\q1 Napase-balimetega imaked, 
\q2 napabi-nai imaked. 
\q1  
\v 6 Dule-wilegana, degi, dule-nollogana, 
\q2 we-neggweburgi dii-dii annamaloed. 
\b  
\q1  
\v 7 ”Dule-innikimalad-e-igar innikigwadbiid, 
\q2 Bab-Jehová, bedi dule-innikigwad gued, 
\q2 bee be, dule-innikigwadga igar inniki imaked. 
\q1  
\v 8 Bab-Jehová, anmar begi bensurmalad. 
\q2 Be-igar-nabolemalad-innikimaladgi bensurmarbalid. 
\q1 Anmar begi-binsadii gubied, 
\q2 be-nuggi-binsadii gubied. 
\q1  
\v 9 Mutikidbali, degi, ibginedbali, an be-amidaed. 
\q2 Be igar-innikigwad napneggi ukdele, 
\q2 bela dule-napnegginmalad durdakdedamalad, ibi igar-innikigwadi. 
\q1  
\v 10 Bab-Jehová, be dule-isganamar wiledakda-inigwele, 
\q2 degite, amba igar-innikigwad durdaksurmalad. 
\q1 Napneggi dule-nuegan-abargi-gudimar-inigwele, galagwensuli gudimalad, 
\q2 Bab-Jehová-Bela-Gangued-Nikadsuliyob be-dakdamalad. 
\b  
\q1  
\v 11 ”Bab-Jehová, be sabsur-odurdaked-igar guagwar ega be nasiksad, 
\q2 ar emardi degite aku dakmalad. 
\q1 Be anmar-bela-bela-sabed we-dulemarse be oyoge, 
\q2 adi, bingedar itomalagar. 
\q2 Dule-isganamar-idu be soo-sisadgi obeloge. 
\b  
\q1  
\v 12 ”Bab-Jehová, be anmarga bogidikid uked, 
\q2 ar bela anmar-ibmar-imakedi, be-ganguedba anmar imaked. 
\q1  
\v 13 Bab-Jehová, be anmar-Bab-Dummadid. 
\q2 Dummagan-baigan anmar-dummaganga gusmalanad, 
\q2 degi-inigwele, anmar bur be-nugbi odummoged. 
\q1  
\v 14 We-dummagan bato burgwismalad, bar durguosurmalad. 
\q2 Bato napaga gusmalad, bar gwisguosurmalad. 
\q1 Ar be we-dummagan sabsur-odurdaksad, bela be obelosad. 
\q2 Dulemar melle egi bar binsaega be imaksad. 
\q1  
\v 15 Bab-Jehová, be anmar-yala onasguega imaksad, 
\q2 be anmar-yala onasgusad, dule-gandikidga be gusad. 
\q2 Bela yarmar-abingunanaid-onasguega be imaksad. 
\q1  
\v 16 Bab-Jehová, anmar suli-suli-itodigua, anmar bese gochagusad. 
\q2 Be anmar-sabsur-odurdaknaigua, anmar ulubgi-nunmaked-abalagi bese gochagusad. 
\q1  
\v 17 Igi sior-gurgin-nikad e-boni-itoalile, nunmakedba binnasuli gollardae, 
\q2 deyob, Bab-Jehová, anmar be-asabinni nunmakedba binnasuli gorsii gusad. 
\q1  
\v 18 Anmar binnasuli bese gochamar-inigwele, degi, nunmakedgi bese gocha-inigwele, 
\q2 unnila boniganbi anmar abingasad. 
\q1 Gwen anmar napnegse emar-bendaked senonisulid, 
\q2 napneggi-dulemar-bukib-bukuega gwen gwalulessurmalad. 
\b  
\q1  
\v 19 ”Degi-inigwele, Bab-Jehová, be-dula-burgwarmalad gannar dula gudii gumaloed. 
\q2 E-muimar gannarse dula gumaloed. 
\q1 ¡Dulemar-burgwar-mamaidi, be gwisgumar! 
\q2 ¡Weligwaledgi binnasuli be gormar! 
\q1 Bab-Jehová, igi be bolegoedba, be-boo-miedi, gaganmar odungudae, 
\q2 deyobi, be-dula-burgwarmalad gannar be odulogoed. 
\b  
\q1  
\v 20 ”¡An-dulamar! Be-negyaba be ubomar. 
\q2 Yawagak be edumalo. 
\q1 Wis ichee be dukumalo, 
\q2 Bab-Jehová e-urwed-berguedse be dukumalo. 
\q1  
\v 21 Itoakwaa be bukumalo, 
\q2 ar Bab-Jehová e-maidgi noesokalid. 
\q1 Dulamar we-napneggi-bukmalad egi isgusadba sabsur-odurdakdasokalid. 
\q2 Napnega ablis-aryosadi, oyogoed, 
\q2 napnega dulemar-burgwismaladi, bar odukumai guosulid.” 
\c 27  
\s1 Israel-dulemar-ollor-guoed 
\p  
\v 1 Isaías sogded: 
\q1 “A-ibagangine, Bab-Jehová, naibe-dummad-Leviatánʼye-nugad sabsur-odurdakoed. 
\q2 Naibe-sinni-sinnid-Leviatánʼye-nugad sabsur-odurdakoed. 
\q1 Bab-Jehová e-es-suid-gandikidgi, 
\q2 degi, e-es-suid-dummadgi achu-simudubaled muu-billi-yagi-maidi oburgoed. 
\q1  
\v 2 A-ibagangine, Bab-Jehová weyob sogdoed: 
\q2 ‘Uva-nainu-nued-sulealedga be namakmar: 
\q1  
\v 3 Ani, an Bab-Jehová, uva-nainu-edarbedga an gued. 
\q2 Bali-bali an-uva-nainu an oged. 
\q2 Melle dule ani oakalogega, mutikidbali, ibginedbali, an-nainu an edarbed. 
\q1  
\v 4 An ese bar urwesulid. 
\q2 Ar amba ikomar uva-nainugi nikana, 
\q1 gagan-ikobimalad amba uva-nainugi nikana, 
\q2 an ebo ulusaled, an bela ogumaksaled. 
\q1  
\v 5 Ar Israel-dulemar e-irwar gwisgubi an-abegele, 
\q2 anbo igar nudakergebed. 
\q2 Anbo igar nabogergebed.’ 
\b  
\q1  
\v 6 ”Yoo ibagan nonikoed, Jacob-wagan ambikunonikoed, 
\q2 Israel-dulemar gannar ainidagoed, 
\q1 nue-nasgumai gudagoed. 
\q2 E-ibmar-nuegan napneg-dirbirmakar-naidgi iirmakmai gudoed. 
\q1  
\v 7 Ar igi Bab-Jehová dule-baigan-sabsur-imaksa, 
\q2 ¿deyobi Bab-Jehová Israel-dulemar-sabsur-imaksasi? Suli. 
\q1 Ar igi Bab-Jehová dule-baigan-ogilosgusa, 
\q2 ¿deyobi Bab-Jehová Israel-dulemar-ogilossi? Suli. 
\q1  
\v 8 Ar Bab-Jehová e-dula-sabsur-odurdaksad, e-yalagi-bukwadgi onosad. 
\q2 Igi burwa-ued nega-dulesulidganba-gordae, 
\q2 deyobi, Bab-Jehová, Israel-dulemar-neggwebur-dikasurmaladse-odurdaklegega barmeted. 
\q1  
\v 9 Jacob-wagan-e-isgued, weyob osulolenonikoed, 
\q2 e-isgued-osulolegegala, weyob imakmalargebed: 
\q1 Bela bab-dummagan-e-ailamar-bukwad obelomalargebed, 
\q2 we-ailamar, akwasib-ebillegeyob imakmalargebed. 
\q1 Deginbali, Jacob-wagan, bab-bundor-Asera-e-wilub bipisaale bar ogwissulirgebed, 
\q2 degine, bali ina-wawadikmalad-aila obukusulirgebed. 
\q2 Geb degidbali, Bab-Jehová, Jacob-wagan-e-isgued osulogoed. 
\b  
\q1  
\v 10 ”Ar neggwebur-gandikid-siid bela oitoles siid, 
\q2 neg olloo mellesiid. 
\q1 Igi-nega-dulesulidganba dule sate, deyobi siid. 
\q2 Moli-bebe-nikad-senigwad-gagan-maed-negga guded, 
\q1 moli-bebe-nikad-senigwad-obunnoged-negga guded. 
\q2 Sapi-gaganmar bela ese bergued. 
\q1  
\v 11 Geb sapi dingudele, e-anagan bibichiddaed. 
\q2 Geb omegan, sapanga aminonidamalad. 
\q1 Ar Israel-dulemar neg-gunaid nue-akusunna itomalad. 
\q2 A-ulale, e-Bab-Dummad-e-obinnisadi, we-dulemar-wiledaksulid, 
\q2 a-ulale, e-Bab-Dummad-e-obinnisadi, we-dulemarga igi-barsaye sogosulid.” 
\p  
\v 12 A-ibagangine, Bab-Jehová, Éufrates-diwar-suke-aryomaid-akale, degi, Egipto-dian-maidse dulemar-egwaoed. Ar bemar Israel-dule-gumaladdi, igi-dule-sapurgi-arbaed ibmar-gwag gagagwen weedae, deyob bemar war-wargwen welemaloed. 
\p  
\v 13 A-ibagangine, gar-trompeta-dummad gordagoed. Asiria-yalase, degi, Egipto-yalase, dulemar-galesa-selesgusadi, Jerusalén-Yala-Islidikidse Bab-Jehová-nug odummononimaloed. 
\c 28  
\ms2 1e. Judá-dulemar, degi, Israel-dulemar-sabsur-odurdaklegoed 
\mr (28:1–35:10) 
\s1 Efraín-yala sabsur-odurdaklegoed 
\q1  
\v 1 Efraín-dule-mummugan san-dummarba-imakdimalad, ¡duledar-wilesmar! 
\q2 E-dummagan neba-nued-mullu-birgi dutu-dinnagana-bukwayobi gumalad. 
\q2 Dulemar-vinoʼse-ebipiledimalad, ¡be duledar-wilesmar! 
\q1  
\v 2 Bab-Jehová dule-gwensak-yeer-gangued, be-idu amisad, 
\q2 dule-dutusulid be-idu amisad: 
\q1 We-dule, bela ise-urwedgi sabsur-be-imaknonikoed, 
\q2 we-dule, dii-gwamakar-wieyobi gangued, 
\q1 burwa-dummad-dule-obelogedyobi gangued, 
\q2 dii-burwaba-mesa-wiedyobi gangued, 
\q2 diwar-dummad-noedyobi gangued. 
\q1  
\v 3 Efraín-dule-mummugan san-dummarba-imakdimalad, ¡duledar-wilesmar! 
\q2 Egi dii-dii annalegoed. 
\q1  
\v 4 We-dutu e-gangued-yeerdaklegedi, neba-nued-mullugwagi-gwichidi, dingudoed. 
\q2 Igi higo-san-gorogwad gwallegoed-iduar dule bato daksayalaba, gwandae, 
\q1 degi, geb gundae, 
\q2 deyobi gumaloed. 
\b  
\q1  
\v 5 A-ibagangine, Bab-Jehová-Bela-Gangued-Nikadi, e-dula-napi-ichee-bemaloedgala, ologurgin-yeerdaklegedga guoed, 
\q2 ibmar-yeerdakleged-bebegi-nagued-gandikidga guoed. 
\q1  
\v 6 Bab-Dummadi, dule-igar-nabogedga igar-innikii-imaked-burba ukoed. 
\q2 Neggwebur-yawagakgi-nakulemaladga niga-ogannogoed. 
\b  
\q1  
\v 7 Amba dule-irwa-Bab-Dummadse-gormaladi, 
\q2 degi, Bab-Dummad-gayaburba-barsogmaladi, 
\q1 vinoʼba bipirmakdemarmogad, 
\q2 inna-gagbid ebipiledimarmogad. 
\q1 Vinoʼba binsaedsuli nadmalad 
\q2 Inna-gagbid-gobedba yoledimalad. 
\q1 Negburgan-dakalile, wawanmakdedamalad, 
\q2 ibmar-sokarmalale, suli-suli-ito naddamalad. 
\q1  
\v 8 Bela mesemar aged-sunnabi bukwad, 
\q2 gwen neg daarmakar naisulid, bela isgusnaid. 
\q1  
\v 9 Deginbali, an-annik weyob sogmalad: 
\q2 “¿Ar wis doamar-odurdaknai itoge? 
\q1 ¿Doamarga Bab-Dummad-gayaburba-barsognai itoge? 
\q2 ¿Burwigan-gebe-mam-iargusayobi anmargi binsae? 
\q1  
\v 10 ¿Burwigan-gebe-garda-absoged-durdaknaidyobi anmargi binsae? 
\q2 Gannar-gannar anmarga igar-mamaid sognaid, 
\q1 ise-sogar-ise-sogar we-igargi anmar-odurdaknaid. 
\q2 Nugmargi gwagwagwen-gwagwagwen anmar-odurdaknaid.” 
\b  
\q1  
\v 11 Emigindi nabir, ar bemar Bab-Dummadba ibsasulile, Bab-Dummad bemarga gaya-baidba sunmakoed, 
\q2 a-gaya bemar aku itomaloed. 
\q1  
\v 12 Bab-Dummad bemarga bato weyob sogsa gusad: “Wegine, neg-bogidikid-negad. 
\q2 Dule-yegusgudiid wegi obunnogoed.” 
\q1 Degi, sogsabalid: “We-neg, obunnoged-negad.” 
\q2 Degi-inigwele, bemar gwen itossurmalad. 
\q1  
\v 13 Degisoggu, Bab-Jehová, burwigana-gebe-garda-absoalidga-sunmakedyob ega sunmakoed. 
\q2 Gannar-gannar ega igar-mamaid sognai guoed, 
\q2 ise-sogar-ise-sogar we-igargi amar-odurdaknai guoed. 
\q1 Nugmargi gwagwagwen-gwagwagwen amar-odurdaknai guoed. 
\q2 Amar nanadmalale, gebe-burwigan-nag-obialidyob gumaloed: 
\q1 Yarganba ailadmaloed, nailikgumaloed, 
\q2 gege bar gwisgue gumaloed. 
\s1 Jerusalén-dulemarse-nuedgi-gorlesad 
\q1  
\v 14 Jerusalén-neggwebur-e-dummagan-bingedsulidamalad, 
\q2 Bab-Jehová-gayaburba be itomar. 
\b  
\q1  
\v 15 Ar bemar weyob sogmalad: “Anmar burgwed-igarbo igar amisad, 
\q2 anmar burgwed-galubo igar amismalad. 
\q1 Boni-dummagan anmargi danikile, anmarse warmakosulid, 
\q2 ar ade, anmar-gakansaedi anmar napiragwadyobi daksad, 
\q2 anmar-emar-yardakedi anmar igar-nuediyobi daksad.” 
\p  
\v 16 A-ulale, Bab-Jehová-Bela-Gangued-Nika-Maid weyob soged: 
\q1 “¡Be dakmala! Ani an Sión-yalagi akwa-bur-nued-sulealed negsailaga mesisad. 
\q2 Akwa neg-gaega, akwa-nued an ebusad, 
\q2 adi, neg gandik sii guegar. 
\q1 Ar dule agi bensulile, suli-suli itogosulid. 
\q1  
\v 17 Ar ade, we-neg-soblegoedi igar-napiragwad-wilubsaega an imakoed, 
\q2 igar-innikigwad-wilub-imakega an imakoed. 
\q1 Dii-gwamakar-wimaladi bela bemar-gakansaed-igar-napiragwadyob-imakdimalad obelogoed, 
\q2 diimala, bela bemar-neg-dukued odogoed. 
\q1  
\v 18 Degidbali, bemar burgwed-igarbo-igar-mesisadi bar igarga-guosulid. 
\q2 Burgwed-galubo-igar-amismaladi bar gangued-nika guosulid. 
\q1 Boni-dummagan bemargi danikile, 
\q2 bela bemargi gwichigunonikoed. 
\q1  
\v 19 Be-isdarmalad bemargi-gwichigued-ilibali, ese be bergudii guoed. 
\q2 Bane-bane, mutikidbali, ibginedbali, bemargi nanagwichi guoed.” 
\b  
\q1 Bonigan-daniye itoarmalale, 
\q2 bela-belad nue-dobe itodmaloed. 
\q1  
\v 20 Gas-bipigwadgi-megeyob gumaloed, 
\q2 atued-bipigwadgi-atueyob gumaloed. 
\q1  
\v 21 Bab-Jehová, Perazim-yalagi-ulusadyob, uludagoed. 
\q2 Gabaón-nebagi e-urwed-oyosadyob, oyodagoed. 
\q1 Bab-Dummad bato guagwarmaid, 
\q2 ukiarmakale, weyob-ibmar-imakdisulid imakoed. 
\q1  
\v 22 Emigindi, bemar melle bar Bab-Jehováʼgi dodomalo, 
\q2 adi, melle bur bule be sabsur-odurdaklemalagar. 
\q2 Ar Dummad-Bab-Jehová-Bela-Gangued-Nikadi, bela neggweburmar-obelolegoedgi-sunmaksa an itosad. 
\b  
\q1  
\v 23 Be itomar, nue be an-gayaburba itomar. 
\q2 Nue be bogi an-itomar, 
\q2 an-ibmar-soged be itomar: 
\q1  
\v 24 Sapurgi-arbaed-dule, ibmar-digega napa imued. 
\q2 A-dule, ¿obunnosuli napa-imuedginbi alamakdii guode? Suli. 
\q2 ¿Unnila bane-bane napa-swaana, degi, gwisar-gwisar imaknai guode? Suli. 
\q1  
\v 25 Ar bela napa guakwaa imaksale, ¿gagan-wawagan-gwag-eneldoʼye-nugad mie-mie imakdasursi? 
\q2 ¿Ibmar-gwag-cominoʼye-nugad digdasursi? 
\q1 Geb a-sorba, ¿ilekwaa-orosgi-dakleged-trigo digdasursi? 
\q2 ¿Orosgisaar-dakleged-cebada digdasursi? 
\q1 ¿Nainu-gakabali orosgi-saardakleged-centenoʼye-nugad digdasursi? 
\q2 Eye, deyob imakdado. 
\q1  
\v 26 Ar ade, Bab-Dummad weyob ibmar-imakega dule-odurdaked, 
\q2 igi dule ibmar imakoe, aba odurdaked. 
\b  
\q1  
\v 27 Ar gagan-wawagan-eneldo-gwag, orosyob omukulesulid. 
\q2 Ibmar-gwag-cominoʼye-nugad-birgine, e-gwag-oniega ibmar-ukusulid obipirmaklesulid. 
\q1 Ar ade, gagan-wawagan-eneldo-e-gwagmar suar-bipigwadgi obateledaed, 
\q2 Ibmar-gwag-cominoʼye-nugad suar-nollogwadgi obateledaed. 
\q1  
\v 28 Oros-gwagmar omukulenaile, sabsur-ubikwaa imaklesulid. 
\q2 Deginbali, ibmar-gwag naglenaidbi geg gued. 
\q1 E-birgine, ibmar-ukusulid-nanaega imakleged, 
\q2 ar molimardi, ibmar-gwagmar ubimaksulid. 
\q1  
\v 29 We-binsaedi, bela Bab-Jehová-Bela-Gangued-Nikadgi danibalid. 
\q2 E-binsaed-dakedi, innikigwadid, 
\q2 e-binsaed-nikadaedi, sunsogedid. 
\c 29  
\s1 David-neggwebur-ibitogoed 
\p  
\v 1 Bab-Jehová sogdebalid: 
\q1 “Ariel-neggwebur, be nue-wilegoed. 
\q2 We-neggwebur, David-sorda-ambikusad-negad. 
\q2 Gatik birga-irba iba-onodii be nanamar. 
\q1  
\v 2 Degi-inigwele, Ariel-dorgan, an begala bonigan onogoed. 
\q2 Ar ogormaksii be guoed, bukib-binsasii be guoed. 
\q1 Bela neggwebur soose ogumaklegoed, 
\q2 ibmar-ogumakar-ukleged-ailagi ibmar-ogumaklegeyob guoed. 
\q1  
\v 3 An-sorda-bila-onomalad bela be-ebilis an urboed. 
\q2 Bela neggwebur-dikarbali, bila-onoged-galumar an emakoed, 
\q2 bila-onoged-aila an be-iduar soboed. 
\q1  
\v 4 Mesagwar be imaklegoed, 
\q2 napagi mellemai be guoed. 
\q1 Be-ibmar-biedi wis-bollee-itolege guoed. 
\q2 Be-gayaburba galudor-sunmakedyob itolege guoed. 
\q2 Napayala be sunmakmaile, unnila wis bipi-bollee itolege guoed.” 
\b  
\q1  
\v 5 Be-isdarmalad-ichesulidi, ukub-buruyob guoed. 
\q2 Dule-gandikmalad-bukidaradi, gagan-durgan-dinnagana burwaba seleddaedyobi, imaklegoed. 
\q2 Ukiarmakagwale, ilagwen-saale imaklegoed. 
\q1  
\v 6 Bab-Jehová-Bela-Gangued-Nikadi, bese nonikoed. 
\q2 Mala-abalagi, negabandur-abalagi nonikoed. 
\q2 Neg-oimakagwaled-abalagi nonikoed, 
\q1 burwa-ololed-abalagi, burwa-dummad-abalagi nonikoed. 
\q2 Degine, soo-duurmakwichid-abalagi nonikoed. 
\q1  
\v 7 Dula-bukidar-yar-baid-baidgi-bukmalad Ariel-neggweburgi-gwisgumaladi, bela e-neg-gandikmalad-ei-earbimaladi, bela neggwebur-ebirdimaladi, bela bergudmaloed. 
\q2 Boo-dadabin-berguddaeyobi, bergudmaloed. 
\q1  
\v 8 Dula-bukidar-yar-baid-baidgi-bukmaladi, Sión-yalagi-bila-onomaladi, ukudba burgwidmaloed. 
\q2 Dule gabidele, na mas-gunsiiye gabdakdamaloed, 
\q2 gobsiiye gabdakdamaloed. 
\q1 Degi-inigwele, ataas-nadele, ukudmaada itodamaloed. 
\q2 Gammu dinare itodamaloed. 
\s1 Israel-dulemar burbar aku-atakmalad, degi, wagar-darbo damalad 
\q1  
\v 9 Bemar Bab-Dummad-gayaburba-barsogmalad, dule-binsaedsulidyob be gudii gumarsun. 
\q2 Dule-aku-atakedyob, ibmar-akudake be gudii gumarsun. 
\q1 Mummuyobi be aibandii gumarsun 
\q2 Inna-gagbid gobsabayobi be aibandii gumarsun. 
\q1  
\v 10 Bab-Jehová bela-belad bar-ibmar-daksuli be-imaksad. 
\q2 Bab-Dummad-gayaburba-barsogmalad-ibe burbar-geg-ibmar-dake imaksad. 
\q2 Negburgan-dakmalad bar negburgan-daksuli imaksad. 
\p  
\v 11 Negburgan-bemarga-oyolegedi, garda-bipirmakaled-sakdigaleyobi guoed, be aku itomaloed. Ar dule-garda-wisidga, we-garda-bipirmakar-maid be uksale, ega be sogele: “Wis be anga absoye.” We-dule, be-abin weyob sokaliled: “An bega absogosurye. Ar ade, sakdigar maiddeeye.”  
\v 12 Ar dule-garda-wissulidga, we-garda-bipirmakar-maid be ukye sogele, ega be sogele: “Wis be anga absoye.” We-dule, be-abin weyob sokaliled: “An garda wissur-absoye.” 
\p  
\v 13 Bab-Jehová weyob Isaíasʼga sogded: 
\q1 “We-dulemar an-nug-odummoye soged. 
\q2 E-sunmakedgi an-nug-ogannoye soged. 
\q1 Degi-inigwele, unnila asginbi an-nug odummomalad. 
\q2 E-gwage-ulubgindi angi gwen binsasurmalad. 
\q1 An-dobee-nanaye-sogmaladi, ar gwen an-igar-maidba nanasurmalad. 
\q2 Unnila dulemar-igar-mamaidba nanamalad. 
\q1  
\v 14 A-ulale, we-dulemar gannar ibmar-gegerdaklemalad-dakega an imakoed, 
\q2 geb geger dakdemaloed. 
\q1 E-dule-binsaed-ibegan e-binsaed-nikadi, an ei osulogoed, 
\q2 degi, e-dule-nue-ibmar-wismalad ibmar-wissulidga an imakoed.” 
\b  
\q1  
\v 15 Dulemar Bab-Jehová-idu-dukumaloye-na-bimaladi, ¡be duledar-wilesmar! 
\q2 E-igar-dukuar-imakdimaladi, negsichigi igar-isgana-imakdimaladi, ¡be dule-wilesmar! 
\q1 Ar we-dulemar na binsadimalad: 
\q2 “¿Ar doa anmar-dakoe? ¿Doa anmar-wisguoe? 
\q1 Gwen dule anmar-dakosuli. 
\q2 Gwen dule anmar-wisguosuli.” 
\q1  
\v 16 ¡Ibiyob be gakansadamala! 
\q2 ¿Ar dule-napsagi-arbaed, napsabo emarsi? 
\q1 Ar ibmar-soblesadde, dule-e-sobsadga sogosi: 
\q2 “Be an-sobsasuli.” 
\q1 Napsa-sobaled, sunna dule-napsagi-arbaedga sogosi: 
\q2 “Amba be ibmar wissuli.” 
\q2 Suli, gege deyob soged. 
\s1 Israel-dulemar abonolegoed 
\q1  
\v 17 Líbano-yala emisgwasaale, napa-nuedga guoed, gadi-ibmar-sanmakedga guoed. 
\q2 Napa-gadi-ibmar-sanmakedi, sapurga naguoed. 
\q1  
\v 18 A-ibagangine, uaya-satemaladi, dule ega garda-bipirmakar-maid absoalile, magar itodmaloed. 
\q2 Dule-ibyasurmaladi, magar atakdemaloed, 
\q2 negasichid bar ega naguosulid. 
\q1  
\v 19 Dule-wilemaladi, gannar Bab-Jehováʼgi yeer-itodmaloed, 
\q2 dule-ibmar-abesa-gudimalad Israel-e-Bab-Jehová-Isligwaledgi weligwar-itodmaloed. 
\q1  
\v 20 A-ibagangine, sabsur-dule-imakmaladi, dule-isgudimaladi, bela yoggudoed. 
\q2 Ibmar-isgana-saedginbi-binsadidamaladi, bela obelolegoed. 
\q1  
\v 21 Yogabinne-dulegi-gakansaar-gwisgumaladi, dule-igar-nabomalad-yamoged-dulemala, 
\q2 degi, dule-e-bendaked-satedgi yamo-gakansaale-sunmakmaladi, bela obelolegoed. 
\p  
\v 22 A-ulale, Bab-Jehová Abraham-bendaksadi, weyob Jacob-waganga soged: 
\q1 “Emi-iba-onodoedgi, bemar Jacob-wagan bar bingedar itogosulid, 
\q2 dobedba bar niga-argwanosulid. 
\q1  
\v 23 Israel-e-mimmigan bela e-dulemargi an-ibmar-imaksad magar daksamalale, bela an-nug-odummodmaloed, 
\q2 degi, bela Israel-dulemar Jacob-e-Bab-Dummad-Isligwaled-nug odummodmaloed. 
\q2 Israel-e-Bab-Dummadgine binsaed-nikaa gudmaloed. 
\q1  
\v 24 Dulemar aku-neg-itodimalad, magar neg-itoge namaloed. 
\q2 Dule-geg-boo-gudidamaladi, an-igar-maid itodmaloed.” 
\c 30  
\s1 Dule-uayasatemalad, duledar-wilesmar 
\p  
\v 1 Bab-Jehová weyob sogsad: 
\q1 “Bemar-uayasuli-damaladi, ¡be duledar-wilesmar! 
\q2 An-wissuli-igar-imakmaladi, an-ega-ibmar-sogsulidba ibmar-imakdimaladi, isguedginbi-nanadimaladi, ¡dule-wilesmar! 
\q1  
\v 2 Anse-idaksuli Egipto-yalase igar amibukmalad. 
\q2 Faraónʼgi bendakleged-amiega ese naddamalad. 
\q2 Egipto-dulemargi bendakleged amibukmalad. 
\q1  
\v 3 We-Faraón-be-bendakedi, be-bingeguega guoed 
\q2 Egipto-dulemargi be dukued-amiedi, nug-bipii be-imakoed. 
\q1  
\v 4 Zoán-neggweburgi e-dummagan ega mamai-inigwele, 
\q2 Hanes-neggweburse e-garda-berbemalad mosa-inigwele, gwen bendakosurmalad. 
\q1  
\v 5 Bela Israel-dulemala, neggwebur ega ibmar-nued-imaksulidba bingedar itodmaloed. 
\q2 Ar Egipto-dulemar wis gwen ega ibmar-nued imakosulid. 
\q1 Unnila we-dulemala, emar-obingegsaedginbi binsadimalad, 
\q2 dulemar-isdar-obelogedgi binsadimalad.” 
\p  
\v 6 Isaías sogdebalid: “Bab-Jehová weyob Neguev-e-ibmar-durgan-guoedgi sunmaksad: 
\q1 ‘Israel-dulemar, Egipto-yalase bela e-ibmar-nuegan, moli-uayasuidgi semamaid, 
\q2 bela e-manimar moli-yargan-muregedgi semamaid. 
\q1 Nega-dulesulidganba obakmamaid, 
\q2 ar ade, nega-bulegan naed, 
\q1 ar a-nega, achumigur-bulegan nika-naed, 
\q2 naibe-bulegan nika-naed, 
\q2 degi, naibe-gukuar-gukuar-nanamalad nika-naed. 
\q1  
\v 7 Egipto-neggwebur gwen emar-bendakosulid. 
\q2 A-ulale, weyob an bied: 
\q2 Ibdula-ursiliye, gwen dule-oakalosulidye.’ ” 
\p  
\v 8 Bab-Dummad weyob Isaíasʼga sogdebalid: 
\q1 “Emisgwa be, we-ibmar dulemar-wagab narmak. 
\q2 Urgogi be narmakar-omeso, 
\q2 adi, ibagan-danikoed-idu degisadegu narmakar-oyomai guegar.” 
\p  
\v 9 Geb Isaías sogdebalid: 
\q1 “Ar we-dulemar uayasulidamalad, dule-isgana gumalad, 
\q2 Bab-Jehová-Igar-Maid itobisurmalad. 
\q1  
\v 10 Emide, dulemar-yoedse-ibmar-guoed-sogedga sogdamalad: 
\q2 ‘Melle bar be negburgan-daked sogmarye.’ 
\q1 Bab-gayaburba-barsogmaladga sogdamarbalid: 
\q2 ‘Melle bar be anmarga Bab-Dummad-gayaburba-napiragwad sogmarye. 
\q1 Binsa nabir ibmar-nuegangi be anmarga sunmakmarye, 
\q2 binsa gakangi be anmarga sunmakmarye.’ 
\q1  
\v 11 Muchub-muchub sokarmalad: 
\q1 ‘Bab-Igargi be bangumar, 
\q2 melle Bab-Dummadba be ibsamar. 
\q2 Melle bar be anmarga Israel-dulemar-e-Bab-Dummad-Isligwaledgi sunmake.’ ” 
\p  
\v 12 A-ulale, Israel-dulemar-e-Bab-Dummad-Isligwaled weyob soged: 
\q1 “An-bemarga-ibmar-soged be itobisurmalad, 
\q2 mesagwar-gued bur be abemalad. 
\q1 Igar-isgana bur be itodmalad. 
\q2 Bur be we-igar-isganaba be akasmalad. 
\q1  
\v 13 A-ulale, we-isguedi, bemargi gwichiguoed. 
\q2 Igi-galu-matusulid marar-gwichile, ukiagwar ailaddae, 
\q1 deyob bemargi isgued gwichigudagoed. 
\q2 Ukiagwale, ilagwensaale bemargi babatedagoed. 
\q1  
\v 14 We-isguedi, napsa-bormo ise bela-belad goa-goa-mareyob guoed. 
\q2 Igi napsa-bormo bipisaale, gwen e-goa bar sogun-weega abelesurdae, 
\q1 igi bar diagi dii-weedga ebulesurdae, 
\q2 deyob we-isgued guoed.” 
\p  
\v 15 Ar weyob Bab-Jehová-Israel-dulemar-e-Bab-Dummad-Isligwaled soged: 
\q1 “Dule e-isguedga-bukib-binsaedgi bendaklegoed, 
\q2 nued-nanaedgi, bendaklegoed. 
\q1 Bargaagwar-gudiidgine, degi, angi-bensuli-nanaedgine, gannaleged siid. 
\q2 Ar degi-inigwele, bemar an-abesulid. 
\q1  
\v 16 Ar bemardi weyob sogmalad: ‘Anmar moligi wakinmaloe.’ 
\q2 Degisoggu, deyob bemar wakinmalargebdo. 
\q1 Bemar weyob sogmarbalid: ‘Moli-gwae-gwae-abarmakedgi anmar wakinmaloe.’ 
\q2 Degi-inigwele, dule-be-baleginmaloedi, beba bur bule abarmake gumaloed. 
\q1  
\v 17 Dule-gwensak-bemar-oburgwebied-asabinni, bemar-milibalidi (1,000), dobedba duurmakdemaloed. 
\q2 Dule-e-ataled-bemar-oburgwebied-asabinni, bela bemar, dobedba duurmakdemaloed. 
\q1 Igi yar-birgi suarbi ganna-gwisdae, 
\q2 deyobi be gumaloed. 
\q1 Igi-yar-mullugi ibmar-wilub gwisdae, 
\q2 deyobi bemar napi-bemaloed. 
\q2 Deyobi bela neg-olloo nadoed.” 
\s1 Bab-Dummad Israel-dulemarga wiledaked-igar mesisad 
\p  
\v 18 Isaías sogdebalid: 
\q1 “Degi-inigwele, Bab-Jehová, wile-bemar-dakegala, bemar-abitomaid. 
\q2 Bemarga e-sabgued-nikadi, oyobied. 
\q1 Ar Bab-Dummad-Jehová, igar-innikigwad imakedid. 
\q2 Dule-Bab-Dummadgi-bensuli-gudimaladgi, nued binsalesad.” 
\p  
\v 19 Sión-dulemar Jerusalén-neggweburgi-mamaid, bipisaale, bar be boosurmalad. Bab-Dummad be-bendakega ese binnasuli be gornanaile, Bab-Dummad-dule-wiledakedi, wile be-dakoed. Be-itosayalabali, be-abinsaoed.  
\v 20 Ar Bab-Jehová igar-bulegan bemarga barmidago-inigwele, degi, wile-itoged-ibagan bemarga barmidago-inigwele, be-odurdaked-saila bar bemargi dukuosulid, bemar-sunnagwad be dakmaloed.  
\v 21 Ar be igar-noar aibatedibele, be-yarganbali dule bese-gole be itogoed, weyob bega soge be itogoed: “Noar be aibatemala, wesik igar-mai. Wesik be namala.”  
\v 22 Degisoggu, be-ibmar-sobarmalad-bab-dummadyob-imaklemalad-manibiidi, be-ibmar-wilubgan-orbimaladi, bela ibmar-isedyob be metemaloed. Be sogdemaloed: “Wegi-bukwad be nae.” 
\p  
\v 23 Degisoggu, be ibmar-gwag digele, Bab-Jehová bemarga dii barmidagoed. Ibmar sanmakdagogu, nue-sanmakoed, degi, yeer-gullemaladbi guoed. A-ibagangine, be moli-bebe-nikamalad nainu-dummagangine, gagan-madii gudoed.  
\v 24 Moli-bebe-nikad-alugwasuarmalad, degi, moli-uayasuigan be-nainugi-arbamaladi, gagan-nuegan bato egwaar-guagwar-bukwad-madii gumaloed.  
\v 25 Bab-Dummad be-isdarmalad-obeloged-ibagine, e-neg-suigan ayaridele, yala-matusurmaladbali, degi, bela yala-mulluganbali dianmar megidoed, diimar iirmakdoed.  
\v 26 A-ibagangine, Bab-Jehová bemar-nailikgusmalad bemarga nudakoed, ar bemar e-dulaga gumalad. Nii-gaedi, dad-ibeler-gaeyob mee gadoed, degi, dad-ibeler-e-gaedi, ilagugle-wilub bur bule mee-gaeyob (7) gadoed. Dad-ibeler-gwagugle-mee-ganaiyob (7) dad-ibeler gaoed. 
\s1 Bab-Jehová Asiria-dulemargi gwichigusad 
\p  
\v 27 Isaías sogdebalid: 
\q1 “Be dakmar, Bab-Jehová-sunnagwad bannaba-dikasuli danikid. 
\q2 E-urwedi, soo-gwabunye-gwichidyobi, waa-bupurmakgwichiyob danikid. 
\q2 E-gaya, degi, e-gwabin-duku, soo-ginnitibi-gwichiyobi dakleged. 
\q1  
\v 28 Bab-Dummad-e-ibmar-sogedi, diwar-nollosur-uurmakmaid-neg-odogeyob gued. 
\q2 Bab-Dummadi, dulemar-yar-baid-baidgi-bukmalad-oros-omukueyobi-imakega danikid, 
\q2 adi, bela obelogega danikid. 
\q1 Moli-gaya-bargaed-yoiyobi dulemar imaksad, 
\q2 adi, igar-baidsig sedegar, adi, yoggumalagar. 
\q1  
\v 29 Ar bemardi, Islidikid-Iba-onolegedgi-namaklegedyob namakdemaloed, 
\q2 gwage-ulubgi, be weligwar-itodmaloed. 
\q1 Igi dule, Bab-Jehová-yalase-nadapile, Bab-Jehová-Israelʼga-akwasailayobi-guedse-nadapile, 
\q2 gar-gammu ogornadapdae, deyobi bemar itomaloed. 
\b  
\q1  
\v 30 ”Bab-Jehová, e-gayaburba-gandikid-itomalaga dulemar-imakoed. 
\q2 Bemarga e-gangued weyob oyogoed: 
\q1 Soo-ginnitibi gwichigudoed, 
\q2 malamar aidedoed, 
\q1 diimar suamakdoed, 
\q2 dii-gwamakarmaladi babatidagoed. 
\q1  
\v 31 Bab-Jehová e-gayaburbaba, Asiria-yala obelogoed. 
\q2 E-ganguedba obelogoed. 
\q1  
\v 32 Bab-Jehová we-dulemar-sabsur-odurdaked-ilibali, gar-panderoʼmar gotoed, 
\q2 degi, gar-arpaʼmar gotoed. 
\q1 Bab-Jehová Asiria-dulemarbo-urwenaile, 
\q2 e-sakwa minaidbioed. 
\q1  
\v 33 Ar Bab-Jehová, Asiria-dulemarga, degi, e-reyga, sabsur-odurdakleged-neg bato dikasurgus guagwar sisad. 
\q2 Yaa-dummad-matusulid-yabali soo-duurmaked sobsad, 
\q1 degi, sapanmar-ichesuli urbisad. 
\q2 Bab-Jehová soogi buu imakdogu, soo-azufre-gwabunye-gwichiyobi, gadoed.” 
\c 31  
\s1 Egipto-dulemargi-bensurmaladi, duledar-wiles 
\p  
\v 1 Isaías weyob sogded: 
\q1 “Egipto-dulemarse-bendakleged-amibukmaladi, ¡duledar-wilesmar! 
\q2 Egipto-molimargi-bensurmaladi, degi, e-moli-ur-bila-onomalad-bukidar-nikadgi-bensurmaladi, ¡duledar-wilesmar! 
\q1 E-sorda-bila-onomalad-ganguedgi bensurmaladi, ¡duledar-wilesmar! 
\q2 Ar Israel-dulemar-e-Bab-Dummad-Isligwaleddi baisur-dakmalad, 
\q2 ar Bab-Jehová-amiedgindi gwen binsasurmalad. 
\q1  
\v 2 Degi-inigwele, dule Bab-Dummad yamogosulid, 
\q2 ar ade, dule-binsaed-ibed maid. 
\q1 Boni-dummagan barmidagoed, 
\q2 ar ibmar-sogsale, sogedba imakedsedaed. 
\q1 Bab-Dummadi, dule-isganamar-e-neguyagi gwichiguoed, 
\q2 dule-ibmar-isgana-imakmalad-bendakdamaladgi gwichiguoed. 
\q1  
\v 3 Ar Egipto-dulemardi, unnila dule gumalad, Bab-Dummadsurmalad. 
\q2 E-molimala, sanakwaa gumalad, burbarsurmalad. 
\q1 Ar Bab-Jehová, e-ganguedba dulemar-sabsur-odurdakdele, 
\q2 dule-isgana-bendakmalad-obelogoed, 
\q1 ese-bendaklesmarmogad-obelobaloed, 
\q2 bela ebobela bergumaloed.” 
\p  
\v 4 Bab-Jehová weyob anga sogsad: 
\q1 “Igi achumigur-nono-wawaad sibad-wawaad-gasa-uurmaknaile, 
\q2 dule-sibad-edarbemalad ese urwed itodasuli, 
\q1 degi, igi-achumigur-nono-wawaad-senigwad mas-gasa-uurmaknaile, 
\q2 dulemar ogwayenaile, gwen dobdasuli, 
\q1 deyobi, ani an-Bela-Gangued-Nikadi, Sión-yalabina-urwega, 
\q2 e-yar-mulluganbina-urwega, an aidenonikoed. 
\q1  
\v 5 Igi-nuumar e-mimmigan uugi-bukwale, edarbesidae, 
\q2 deyobi, ani Bab-Jehová-Bela-Gangued-Nikadi, Jerusalén-dulemar-edarbemogoed, 
\q1 dule-isganamargi ollorsaoed, 
\q2 e-ular gwisguoed, bendakoed.” 
\p  
\v 6 Israel-dulemar, ar doagi bemar dummad-nosmala, ase be gannar namarsun.  
\v 7 A-ibagangine, bemar war-wargwen, bab-dummadyob-imaklemalad-manigi-sobaled, degine, orbi-sobaled, be metemaloed. Bab-Dummadgi-yolediidba bemar-sunnagwad be sobsagusmalad. 
\p  
\v 8 Bab-Jehová weyob soged: 
\q1 “A-ibagine, Asiria-dulemar es-suidgi burgwemaloed, 
\q2 degi-inigwele, dulemar imakosulid. 
\q1 Es-suidgi-wakinnegala, duurmakdemaloed. 
\q2 E-sapingan-bila-onomaladdi, maiga imaklemaloed. 
\q1  
\v 9 E-rey bela-belad nue-dobe itodoed, 
\q2 e-dummagana e-bander-ies wakitemaloed.” 
\q1 Bato guagwar Sión-yalagi Bab-Jehová-e-soo gasiid, 
\q2 Jerusalén-neggweburgi soo-yaa-matusulid bato dule-isdarmalad-idu guagwar siid. 
\c 32  
\s1 Rey-innikigwad yar-seoed 
\q1  
\v 1 Be dakmar. Rey-wargwen innikigwadba yar-seoed, 
\q2 degi, dummagan-neggwebur-semaladi, napiragwadba negsemaloed. 
\q1  
\v 2 Dummagan-neggwebur-semaladi, burwa-irwa dulemar-odukueyobi, dulemarga gumaloed. 
\q2 Burwa-dummagan-noed-irwa dulemar-odukueyobi, ega gumaloed. 
\q1 Neg-dinnagwadba dian-maidaeyobi, ega gumaloed. 
\q2 Nega-dulesulidganba akwa-dummad-negsichi-imaksidaeyobi, ega gumaloed. 
\b  
\q1  
\v 3 Bela-belad nue-nakuledii gumaloed, 
\q2 nue-bogimakar dulemar-sunmaked-itodii gumaloed. 
\q1  
\v 4 Nue-itoakwaa ibmar-imake gumaloed. 
\q2 Nuekwa-sunmake, magar-nue-neg-itoge gumaloed. 
\q1  
\v 5 Dulemala, dule-binsaedsulidaed dule-nuga-nikadye bar biosurmalad. 
\q2 Gadi-dule-yamogedi, sae-dakledoed. 
\q1  
\v 6 Ar dule-binsaedsulidaedi, binsaedsuli sunmaked, yogasaar sunmaked. 
\q2 Igar-isganaginbi binsadidaed, 
\q2 igar-isganabi imakdidaed. 
\q1 Bab-Jehováʼgi gakansaar sunmakdidaed. 
\q2 Dule-masgunbigudiid ogunbidasulid, 
\q2 dule-ukudmaada-itodiid ogobbidasulid. 
\q1  
\v 7 Gadi-dule-yamogedi, dule-yamogedgi alamakdidaed, 
\q2 igar-isgana-imakedgi alamakdidaed, 
\q1 e-gakansaedgi dule-wilemalad-wiodidaed. 
\q2 Dule-gakansaedi, dule-ibmarbina-sogdiid ega igar-naboye-gordidamaladga, gakansadidaed. 
\q1  
\v 8 Ar dule-nuga-nikaddi, degisulid. 
\q2 Igar-nueganbi imakdidaed, 
\q2 e-igar-nuegan-imakedba e-nug dunguoed. 
\s1 Jerusalén-omeganga iduakwaa ibmar soglesad 
\q1  
\v 9 Omegan-gwen-bai-itosurmalad, ¡be nue an-itomar! 
\q2 Bunamala-gwen-bai-binsadisurmalad, an bemarga-ibmar-sogoedi nue bogimakar be an-itomalo. 
\q1  
\v 10 Emide, bemar bela nueganbi-bukwa daklemalad, 
\q2 birgagwensega bemar, dobedba-wawanmakdemaloed. 
\q1 Ar ade, uva-sanmar bar welegosulid, 
\q2 ibmar-gwagmar bar welegosulid. 
\q1  
\v 11 Omegan-gwen-bai-itosurmalad, ¡be nue dobee itomarsun! 
\q2 Bemar-baisur-itodimalad, ¡dobedba be wawanmakmarsun! 
\q1 We-mor be yoimalad esumarsun, 
\q2 wile-itoged-mor be yomarsun. 
\q1  
\v 12 Nainu-yeerdaklege-naidga, degi, uva-nainu-nuegan-naidga, 
\q2 be bukib-itogedba binasgar be bibyomarsun. 
\q1  
\v 13 Degine, an-dulamar-e-yar ikomar-yaisulidga gudoed, 
\q2 gagan-ikobimalad-yaisulidga gudoed. 
\q1 Deginbali, bela neg-yagi weligwar-gudimaladga, 
\q2 neggweburgi ibabi-dakdimaladga be wile-itomarsun. 
\q1  
\v 14 Ar reynegmar olloo melledoed, 
\q2 dulemar-neggwebur bela olloo sigoed. 
\q1 Reyneg, degi, neg-gandikmalad, akwa-dummagan-ollogan-bukwayobi degisadegu bukuoed. 
\q2 Sapur-moli-uayasuid-obunnoged-negga guoed, 
\q2 sibadmar-mas-maed-negga guoed. 
\q1  
\v 15 Geb Bab-Dummad-Burba anmargi aidenonikoed, 
\q2 nega-dulesulidi, napa-nuedga gudoed, 
\q2 napa-nuedi, nainu-nued-daklege nadoed. 
\q1  
\v 16 Degisoggu, bela neggweburmar-ilibali, 
\q2 igar-napiramalad, degi, igar-innikimalad oyolemai guoed. 
\q1  
\v 17 Igar-napiragwadi, bega gwage-bogidikid ukoed. 
\q2 Baisur-itoge be-imakoed, 
\q2 degisadegu dobsuli-nanadii be-imakoed. 
\q1  
\v 18 An-dulamar neg-bogidikidgi-gudii gumaloed, 
\q2 nega-nuedgi-mamai gumaloed, 
\q2 neg-boo-itolegedgi-obunnomamai gumaloed. 
\q1  
\v 19 Ar amba sapurdi egi dii-gwamakaled babatidoed-inigwele, 
\q2 bela neggwebur ibitogoed-inigwele, bemargindi nued binsalemarsun. 
\q1  
\v 20 Bemar, dii-gakanaba-ibmar-digmaladi, moli-bebe-nikad-alugwasualed-esikar-imakdimaladi, 
\q2 degi, moli-uayasuid-esikar-imakdimaladi, bemargindi nued binsalemarsun. 
\c 33  
\s1 Bab-Jehováʼgi abonoleged danikid 
\q1  
\v 1 Asiria-dulemar-dule-wiodimalad, gwen be wioledisulidi, ¡be duledar-wilesmar! 
\q2 Asiria-dulemar-dule-yamodimaladi, gwen be yamoledisulidi, ¡be dule-wilesmar! 
\q1 Be dulemar-obelosale, be bergumarmogoed. 
\q2 Be dulemar-yamosale, be yamolemarmogoed. 
\b  
\q1  
\v 2 Bab-Jehováʼye, wile be anmar-dake. 
\q2 Ar anmar begi bendakleged edarbediid. 
\q1 Bane-bane wakudaryalabali, anmarga be niga-ogannoged. 
\q2 Suli-suli-itoged-ibagine, anmar-abonogega be gued. 
\q1  
\v 3 Be-gayaburba mala-goledyob-goledbali, 
\q2 dulemar gwakiar duurmakdedamalad. 
\q1 Be-gangued be oyodele, 
\q2 dulemar-yar-baid-baidgi-bukmalad aisakiddamalad. 
\q1  
\v 4 We-dulemar-e-ibmar-nikadgi, e-isdarmalad ses-burwigana-bateyobi egi nonimaloed. 
\q2 E-ibe bela ibmar-nuegan sunonimaloed. 
\b  
\q1  
\v 5 Bab-Jehová-e-nug odummolegoed, 
\q2 ar nibneggi negdakmaid. 
\q1 Bab-Jehová, igar-innikigwad-imakega Sión-yala-imakmaid, 
\q2 emarga-ibmar-nabir-guega imakmaid. 
\q1  
\v 6 Bab-Dummadi, dobsuli-gudiguega anmar-imaked. 
\q2 E-binsaed-nikadaed, degi, bela e-ibmar-wisid, 
\q1 bela-bela bendakleged anmarga uksad. 
\q2 Bab-Jehová-dobee-nanaedi, anmarga ibmar-nuedga gued. 
\b  
\q1  
\v 7 Be nue dule-gandikmalad-gordidiid itomar, 
\q2 ibiyobi neg-galimbaba binnasuli oimakdemala. 
\q1 Neg-bogidik-saedgi-sunmakdimaladi, 
\q2 bela-belad ogormakdemalad. 
\q1  
\v 8 Dulemar bar igarba daklesulid, igar-ollo maid, 
\q2 dulemar bar igarba iirmaksulid. 
\q1 Na-ebo-igar-mesismaladi bichismalad. 
\q2 Dulemar, dule-we-igar-maid-wismalad isdar dakdemalad. 
\q2 Dulemargi bar binsaed-nika dasurmalad. 
\q1  
\v 9 Bela dulemar bukib-binsaedbimalad, 
\q2 Líbano-yala bela dinguded, e-dakleged bela yogguded. 
\q1 Sarón-neba bela nega-dulesulidga naded. 
\q2 Basán-yala, degi, Carmelo-yala, e-yeer-ara-ara-dakleged yogguded. 
\p  
\v 10 Bab-Jehová weyob soged: 
\q1 “Emisgindi, an ibmar imakgwersunno. 
\q2 Emisgindi, an-nug odummolesunnoed, 
\q2 emisgindi, an-nug ogannolesunnoed. 
\q1  
\v 11 Asiria-dulemar igar-amimaladi, unnila e-igarmar binsaledga gued, 
\q2 igarmar-isganaga gued. 
\q2 Ar an buu imakdogua, bergudoed. 
\q1  
\v 12 E-sorda-bila-onomaladi, ikomar-sooyagi-gummaknaidyobi, gumaloed. 
\q2 Bela burubi gumaloed. 
\b  
\q1  
\v 13 ”Bemar, dikasuli-bukwamalad, an ibmar-imaksad, be nue itomar. 
\q2 Bemar, itaka-bukmalad, an-gangued be dakmar. 
\q1  
\v 14 Dule-isgumalad Sión-yalagi dobe itobukmalad. 
\q2 Dule-isganamar dobedba wawanmakbukmalad. 
\q1 Weyob sogbukwamalad: ‘¿Doa-anmar, soo-dule-obeloged-nagaba megoe? 
\q2 ¿Doa-anmar, soo-dummad-gege-bergued-duurmaksiid-nagaba megoe?’ 
\q1  
\v 15 Unnila dule-igar-innikigwadba-nanadiidbi, degi, napiragwadba-sunmakdiidbi, nibneggi mai guoed. 
\q2 Dule ibmar-isganagi-mani-onodisulidbi, dule emarse-manigi-bakledisulidbi, nibneggi mai guoed. 
\q1 Dule emar-gindakmaladba ibsadisulidbi, ibmar-isgana-imakleged dakbidasulidbi, 
\q2  
\v 16 dule-weyob-daedi, nibneggi mai guoed. 
\q1 Akwasaila-gandikmalad e-dukued-negga guoed, 
\q2 masgullemalad ega uklegoed, 
\q2 gobed ega gwen surguosulid.” 
\p  
\v 17 Isaías, Israel-dulemarga sogdebalid: 
\q1 “Bemar-sunnagwad, rey-e-gangued-yeerdaklegoed be dakmaloed, 
\q2 bemar-yala dungumai be dakmarbaloed. 
\q1  
\v 18 Bemar dobee-itosadgi-binsadmardibe, na be sogdemaloed: 
\q2 ‘¿Bia wede mani-ebisged nade? 
\q1 ¿Bia wede mani-daked nade? 
\q2 ¿Bia wede nakuleged-neg-matusurmalad-dakdiid nade?’ 
\q1  
\v 19 Bar be we-dulemar-isgana dakosurmalad. 
\q2 We-dulemar, e-gwabinduku-aku-itolemaladid, 
\q1 e-sunmakedi, magar-itolesurmaladid, 
\q2 ber oburagwar sunmakmaladid. 
\b  
\q1  
\v 20 ”Sión-yala be dakmar, 
\q2 ar a, anmar-ibamar-onoged-neggweburad. 
\q1 Bemar-sunnagwad Jerusalén-neggwebur be dakmaloed. 
\q2 A-neggwebur, bogi-meged-negad, nuesaale sobar siid. 
\q1 Bipisaale e-abgamalad-suar ungosulid, 
\q2 e-abgamalad-dubmar itirosurbalid. 
\q1  
\v 21 Jerusalénʼgi, Bab-Jehová anmarga e-gangued oyogoed. 
\q2 Diwar-dummagan-maiyob, degi, diimar-iirmakmaiyob guoed. 
\q1 Ar a-diwargine, ur-gammi-nikamalad iirmakosulid, 
\q2 degine, ur-gandikmalad egine iirmakosulid. 
\q1  
\v 22 Ar ade, Bab-Jehová, anmar-idugedid. 
\q2 Ar Bab-Jehová, anmarga dummadga negdakmaidid. 
\q1 Ar Bab-Jehová, anmar-e-reyd. 
\q2 ¡E na anmar-abonogoedid! 
\b  
\q1  
\v 23 ”Asiria-ulumar-e-dub nollomakded. 
\q2 E-urmor-buar geg-nue-gwisgue egemakwichid, 
\q1 degine, e-urmormar geg argaed. 
\q2 E-isdarmaladi, degi, dule-muya-muyamaladse-bakale, ei ibmar atursamaloed. 
\q1  
\v 24 Ar Bab-Dummad bela dulemar-Siónʼgi-mamaid-e-isgued osulogoed, 
\q2 degine, bipisaale dule-gwensak sogosulid: ‘An uelleye.’ ” 
\c 34  
\s1 Dulemar-yar-baid-baidgi-bukmalad sabsur-odurdaklegoed 
\q1  
\v 1 Dulemar-yar-baid-baidgi-bukmalad, gayaburba-itogega wese be walikgudamar. 
\q2 Dulamar, nue-bogimakar be itomar. 
\q1 Napneg-naid, nue itogo. 
\q2 Bela-egi-ibmar-bukwamalad, nue-itomarmogo. 
\q1 Napneg-bipirmaknaidgi-bukmalad, bela itomogo. 
\q2 Bela-napneggi-ibmar-sanmakedi, nue-itomarmogo. 
\q1  
\v 2 Bab-Jehová, dulemar-yar-baid-baidgi-bukmaladse bela urwemaid. 
\q2 Amar-sorda-bila-onomaladse bela urwemaid. 
\q1 Bab-Dummad, bela bemar-obeloged sogmaid, 
\q2 bela bemar-ogiloged sogmaid. 
\q1  
\v 3 Dule-girgumaloedi, bela omiledoed, 
\q2 e-muimar nunusaila yapatoed, 
\q2 e-ablismar yalaganba suurmakdoed. 
\q1  
\v 4 Niismar-mogir-imbaba-nanaid bar daklegosulid, 
\q2 bela mogir atudoed. 
\q1 Igi garda obipirmakledae, mogir deyob guoed. 
\q2 Bela niismar-e-dakarmakmalad berguoed. 
\q1 Uva-sapi-gagan-dinguddaedyobi, dakle naoed. 
\q2 Higuera-sapigi e-san-dingusnai-daedyobi, dakle naoed. 
\b  
\q1  
\v 5 Bab-Jehová weyob sogye: 
\q2 “Bato mogir-imbaba, an-es-suid guagwar naid. 
\q1 Be dakmalana, Edom-dulemargi es-suid igi-gwichigudani be dake, 
\q2 ar an we-dulemar bela ogilogoye sogsad.” 
\b  
\q1  
\v 6 Bab-Jehová-e-es-suid bela ablisbi naid, 
\q2 sibad-omemar-ablisgi obagwar naid, 
\q1 sibad-wawaad-senigana-ablisgi obagwar naid. 
\q2 Bela e-es-suidgi e-gwallu darwagwar magaled. 
\q1 Sibad-wawaad-machered-mirwa-gwallugi darwagwar magaled. 
\q2 Ar Bab-Jehová, Edom-yargi Bosra-neggweburgi ibmar-durgan oburgwenaid. 
\q2 Edom-yalagi ibmar-durgan yeer ogilonaid. 
\q1  
\v 7 Moli-bebe-nikad-ursirmalad egi gwichigudmaloed. 
\q2 Moli-bebe-nikad-sapingana, degi, moli-bebe-nikad-machergan egi gwichigudmaloed. 
\q1 Edom-yalagi ablisbi bipirmaknai guoed, 
\q2 e-napagi, e-gwallumarbi neg-ganai guoed. 
\b  
\q1  
\v 8 Ar ade, Bab-Jehováʼga buged-imaked-iba gued, 
\q2 buged-saed-birga gued, adi, Sión-yala bendaklegegar. 
\q1  
\v 9 Edom-yar-e-dianmala baryaga binnidoed, 
\q2 e-ukub, azufreʼyob uediki naguoed, 
\q2 barya-uedikidyobi diopisuli napa naguoed. 
\q1  
\v 10 Bane-bane barya uediki-ganaidbi guoed, gwen akinnosulid, 
\q2 e-waa bupurmagwichidbi guoed. 
\q1 E-yala degisadegu ollobi-nai guoed, 
\q2 bipisaale, bar dulemar egi iirmakosurmalad. 
\q1  
\v 11 Noomargii-daklemalad egi neg-egwannoed, 
\q2 akwanuku-negga gudoed. 
\q1 Egine, irmonmar e-uu sobdoed, 
\q2 degi, sikwisichimar e-uu urbidoed. 
\q1 Bab-Dummadi we-yala bela gagaoed, 
\q2 degi, walagwen-ollobi-selenai imakoed. 
\q1  
\v 12 Dule-nuga-nikamalad-sate guoed, yalaye bar bilegosulid. 
\q2 Bela dule-gandikmalad bar daklegosulid. 
\q1  
\v 13 E-reynegmargine ikomarbi bipirmakdoed, 
\q2 e-neg-gandikmaladgi dakemar-sunnabi bipirmakdoed, 
\q2 degi, gagan-iko-ikomaladbi engudoed. 
\q1 Achu-sapur-uaya-gannagana-e-negga gudoed, 
\q2 nuu-dummad-malisuigan-megega gudoed. 
\q1  
\v 14 Nega-dulesulidganba ibmar-durgan-ursilimalad-bukwadi, achu-sapurmarbo atodoed. 
\q2 Sibad-sapurmar, e-sordaganse gotemaloed. 
\q1 Irmon agi ambikumarmogoed, 
\q2 a-neggine signonimaloed. 
\q1  
\v 15 A-neggine, irmonmar e-uu soboed, 
\q2 degi, e-akwamar urbidoed. 
\q1 E-sakan-urbali, nuekwa e-akwamar urboed, 
\q2 nuekwa e-mimmigan akoed. 
\q1 Agine, mulamar ambikumogoed, 
\q2 abirgunar-abirgunar ambikumogoed. 
\p  
\v 16 Bab-Jehová-gardase be idako, agi be nue-absogo: 
\q1 “Bipisaale we-ibmar-durgan gwen beosulid, 
\q2 abirgin-abirgin egad-egad nikamaloed. 
\q1 Ar Bab-Jehová-sunnagwad igar weyob uksad, 
\q2 Bab-Dummad-Burba weyob oambikusad. 
\q1  
\v 17 Ar Bab-Dummad ega negmar amisad, ega yala uksad. 
\q2 Degisadegu, wemar we-yalagi bukwa gumaloed, 
\q2 degisadegu, egi gudii gumaloed.” 
\c 35  
\s1 Dule-bendaklesmalad weligwar itosmalad 
\q1  
\v 1 Nega-dulesulid weligwale itodoed, 
\q2 napa-dinnagwad weligwale itodoed, 
\q1 nega-dulesulidgi gagan ainidoed, 
\q2 dutu-achunnedyob dakledoed. 
\q1  
\v 2 Bela nega-dulesulid weligwar itodoed. 
\q2 Ar Bab-Dummadi nega-dulesulidga Líbano-yalayobi neg-dakle imakoed. 
\q1 Degi, igi Carmelo-yala daklege, deyobi, neg-dakle ega imakoed. 
\q2 Igi Sarón-neba yeerdaklege, deyobi, neg-dakle ega nasikoed. 
\q1 Ar Bab-Jehová-e-gangued-yeerdakleged dakmaloed. 
\q2 Anmar-Bab-Dummad-e-gangued bela dakmaloed. 
\b  
\q1  
\v 3 Dule-argan-nollo-itomalad, be ogannomarsun. 
\q2 Yokor-wanwanmalad, be ogannomarsun. 
\q1  
\v 4 Dule-dobeganaga weyob be sogmar: 
\q1 “Gandik be samala, melle be dobgumar. 
\q2 Be-Bab-Dummad danikoed, 
\q1 bemarga buged-imakega danikoed. 
\q2 Bab-Dummad-sunnagwad bemar-bendaknonikoed.” 
\b  
\q1  
\v 5 Geb degine, dulemar-aku-atakmalad magar atakdemaloed, 
\q2 dule-uaya-yallirmalad magar dule-itoge gumaloed. 
\q1  
\v 6 Geb deginbali, dule-muya-muyamalad, goe-sapuryob ichomake gumaloed. 
\q2 Dule-geg-sunmakmalad, weligwaledba binnasuli gotemaloed. 
\q1 Ar nega-dulesulidganba diimar suurmakdoed, 
\q2 nega-dinnaganba diimar aryodagoed. 
\q1  
\v 7 Napa-dinnagana dii egi sigega an imakoed. 
\q2 Neg-dinnagana-naigusadgi, ibe makumakar aryogwichioed. 
\q1 Achu-sapur-uaya-gannagan e-negga-gusadgi, nargammugi-daklemaladbi guoed, 
\q2 degi, naiwargi-daklemalad-negga guoed. 
\b  
\q1  
\v 8 Agine, igar-dummadsaar mai guoed. 
\q2 A-igar, Igar-Islidikidye bilegoed. 
\q1 Dule-isgudimalad egi gwen nanaosulid. 
\q2 Dulemar-uaya-satedamalad egi gwen iirmakosurmogad. 
\q1 Unnila dulemar we-Igarbarbi-nanadimaladbi egi nanamaloed. 
\q1  
\v 9 Bipisaale, agi achumigur-nono-wawaad gwen nika-guosulid, 
\q2 ibmar-durgan-dulegi-aibined ese gwen nonikosurmogad. 
\q1 Ibmar-degimalad gwen daklegosulid, 
\q2 unnila dulemar-bendaklesmaladbi iirmakmai guoed. 
\q1  
\v 10 Bab-Jehováʼgi dulemar-bendaklesmaladbi, gannar Sión-yalase yeer-itogedgi dognonimaloed. 
\q2 Weligwale itodmaloed, yeer itodmaloed. 
\q1 Bukib-binsaedi egi yoggudoed, 
\q2 wiles-itogedi egi yoggudbaloed. 
\q2 Bela weligwaledbi itodmaloed. 
\c 36  
\ms1 2. REY-EZEQUÍASʼGA NEGGUSAD 
\mr (36:1–39:8) 
\s1 Rey-Senaquerib, Judá-yargi dogsad 
\r (2 Reyes 18:13-37; 2 Crónicas 32:1-19) 
\p  
\v 1 Rey-Ezequías birgambe-gakabakegus (14) Judá-yalagi negsemaidgi, Asiria-e-rey-Senaquerib bela Judá-neggweburmar-sakdigar-bukmaladgi gwisgunonikid. Geb bela, Senaquerib, a-neggweburmar sunonikid. 
\p  
\v 2 Asiria-e-rey-Senaquerib, Laquis-neggwebur-akale, sordamar-e-dummadi, sorda-bukidaradmala, Jerusalén-neggweburse Rey-Ezequíasʼbo sunmaknaega, barmisad. Jerusalén-neggwebur-mosmargu, Morsan-Odoleged-Neg-siid-igarba Nakwale-Dian-Maid-e-gammu-yoid-nagaba ambikudapmalad.  
\v 3 Agine, Rey-Ezequías-neg-dakdiid-Eliaquim, Asiria-sorda-bukmaladse nonigusad. Degi, neg-gusmalad-narmaked-Sebna, degine, rey-sikwi-Joa, eba nonigusmarmogad. Eliaquimʼde, Hilcías-machid. Rey-sikwi-Joaʼdi, Asaf-machid. 
\p  
\v 4 Degi, Asiria-sordamar-e-dummad amarga sogded: 
\p —Rey-Ezequíasʼga be sogmalo, weyob Asiria-dulemar-e-rey-gandik-maid sogye: ‘¿Ar doagi be nue-bensurye be soge?  
\v 5 Bede soged, binsaed an nue-nikaye, sorda-bila-onomalad an nue-nikabarye. Ar unnila binsa gayaginbi be ee gordiid. ¿Ar be doagi-bensurye be soge, emide be anba ibmar imakbisulid?  
\v 6 An be-dakedi, Egipto-yar gaapoled-masar-darga-darga-daklegedyobidgi be bensuli an be-dakdo. Ar dule, aba-naile, sunna e-argangi e-darga-dargadgi makleged. Ar we-masar, Egipto-dulemar-e-rey-Faraón gued. Bela-dulemar-egi-bensurmaladga deyob ega gued.  
\v 7 Be anga sogele: An-Bab-Dummad-Jehováʼgi an bensurye. Ar degitega, e-neg-matusurmalad, e-ibmar-ogumakar-ukleged-ailamar, Ezequíasʼde obelossursi. Judáʼginmaladga, degi, Jerusalénʼginmaladga sogsasursi: ¿Unnila we-neg-matusulid-Jerusalén-neggweburgi-siidginbi Bab-Dummad-Jehová-nug-odummomaloye?’ 
\p  
\v 8 ”Emisgwa, an bega sogo, an-dummad-Asiria-e-rey-ebo be igar-omes: Dule-moligi-nanamalad be amiele, an bega molimar milibo (2,000) ukoed.  
\v 9 Degi-inigwele, an-sorda-dummadsulid be osikirmakosulid. Ar bede, Egipto bega, e-moli-urmar, degi, bega e-sorda-moligi-sii-urwemalad, ukoye be soged.  
\v 10 Ar andega wese, ¿Bab-Jehová-sogedba bemar-obelogega danisur be an-dake? Eye, Ar Bab-Jehová anga sogsad: ‘We-yarse be naoye, be we-yar obelogoye.’ ” 
\p  
\v 11 Degine, Eliaquim, Sebna, degi, Joa, weyob Asiria-sordamar-e-dummad-abin sogdemalad: 
\p —Be-maimarga wis Arameo-gayaba be sunmake, ar anmar mag-itomalad. Mer anmarga Hebreo-gayaba be sunmake, ar dulemar galu-matusulidgi-bukmalad anmar-itobukwad. 
\p  
\v 12 Asiria-sordamar-e-dummad ega sogded: 
\p —Ar an-dummadde, ¿unnila bemargarbi ibmar-sogega an-barmiarsi? ¿Be-dummadgarbi ibmar-sogega an-barmiarbarsi? ¿Ar dulemar-galu-matusulidgi-bukmaladga-sogega an-barmiarbarsursi? Ar bemaryobi, we-dulemarde dukin e-ibmar-isgana na gunmaloed, dukin e-winsus na gobmaloed. 
\p  
\v 13 Geb degine, sordamar-e-dummad gwichibin-imaksad, geb binnasuli Hebreo-gayaba goted: 
\p —Asiria-e-rey-gandik-maid-e-gayaburba be itomar.  
\v 14 Weyob rey soged: ‘Melle Ezequíasʼse yamolemalo. Ezequías amba angi naosulid, anse oitolegoed.  
\v 15 Ezequías bemarga sokardibe: Bab-Jehováʼgi mer be bengumarye, Bab-Jehová anmar-bendakoye. Asiria-e-rey we-neggwebur obelogosurye. Melle be Ezequías-itomalo.’ 
\p  
\v 16 ”Ar weyob Asiria-e-rey soged: ‘Anbo igar nabomar, anse be dagmar. Geb bemar gannar be-nainumargi uva-naid be gundii gumaloed, higuera-sapi-e-san be gundii gumarbaloed. Degine, bemar be-diagi na be dii-gobdii gumaloed.  
\v 17 Geb sorba, bemargadyob-yar-daklegedse an bemar-nidoed, orosgi-dakleged-yalase an bemar-nidoed, vino-yalase, madu-yalase, degi, uvaʼmar-nainu-yalase, an bemar-nidoed. 
\p  
\v 18 ” ’Melle be Ezequías-itomalo, ar yamo bemar-yamogoed, bemarga sogdagoed: Bab-Jehová anmar-bendakoye. ¿Ar yar-bamalad-e-bab-dummagande, Asiria-e-rey-annik bemarga yar-susa be daksi?  
\v 19 Ar Hamat-e-bab-dummadi, Arfad-e-bab-dummadi, Sefarvaim-e-bab-dummadi, Hena-e-bab-dummadi, gwen Samaria-neggwebur angi sussurmalad.  
\v 20 Degite, ¿bitid-yar-bamalad-e-bab-dummagan bemar-yar-angi-suega angi obicha be dake? Ar degitega, ¿igi-Bab-Jehováʼde Jerusalén-neggwebur-bendakoye be binsasunna? Bendakosuli.’ ” 
\p  
\v 21 Degine, dulemar, abin boo bukusad, bipisaale gwen-abin-imaksasurmalad, ar ade, Rey-Ezequías ega weyob igar-uksad: “Melle abin-imakmaloye.” 
\p  
\v 22 Geb degine, reyneg-dakdiid-Eliaquim Hilcías-e-machi, degi, ibmar-gusmalad-narmaked-Sebna, degine, reyga-garda-narmaked-Asaf-machi-Joa mor-dubamakagwale Rey-Ezequíasʼse nadmalad, adi, oyogega, ede bukib-binsamarye. Geb bela Asiria-sordamar-e-dummad-ega-ibmar-sogsad, Rey-Ezequíasʼga sogdapmalad. 
\c 37  
\s1 Jerusalén-neggwebur-bendaklesad 
\r (2 Reyes 19:1-13; 2 Crónicas 32:20-23) 
\p  
\v 1 Rey-Ezequías deyob ibmar-itosgua, e-mor-yoid siir-siir imaksad. Geb wile-itoged-mor yosad. Geb Bab-Jehováʼse-goled-negse naded.  
\v 2 Degi geb Rey-Ezequías, dummad-reyneg-dakdiid-Eliaquim, degi, ibmar-gusad-narmaked-Sebna, degine, dule-irwa-Bab-Dummadse-gormalad-sergan wile-itoged-mor-yoyoi, Amoz-machi-Isaías-daknamalaga barmisad. Isaíasʼde, Bab-Dummad-gayaburba-barsogedid. 
\p  
\v 3 Isaíasʼga sognonimalad: “Weyob Rey-Ezequías soged: ‘Emi-iba-naidi, suli-suli-itoged-iba naid, sabsur-odurdakleged-iba naid, degine, bingegued-dummad-iba naid. Igi ome muu-neggi-nagudele, na abagan-nollo-naddae, deyob emi-iba naid. 
\p  
\v 4 ” ’Bitigine, be-Bab-Dummad-Jehová, Asiria-sordamar-e-dummad-ibmar-sogsadi, bela itosana gadin. Ar ade, Asiria-e-rey, e-sorda-dummad, Bab-Dummad-Dula-Maidgi-dodoar-sunmakega barmiar gusad. 
\p ” ’Bitigine, be-Bab-Dummad-Jehová, we-dule-gayaburba-itosadba sabsur-odurdaksunnana gadin. Bab-Dummadse Israel-dulemar-napi-gudimaladga be gorsun.’ ” 
\p  
\v 5 Rey-Ezequías-e-dummagan Isaíasʼse nadmargu,  
\v 6 Isaías ega sokalid: “Weyob be-dummadga be sogmalo: ‘Bab-Jehová weyob sogye: Be we-dule-ibmar-soge-itosadgine, Asiria-e-rey-e-dummagan angi ise-yolegar-sunmaksadgine, mer be gwayo.  
\v 7 ¡Be dako! Senaquerib gayaburba-isgana-itogega an imakoed. Geb gannar e-yarse naoed. Geb e-yargi, es-suidgi oburgwemalaga an imakoed.’ ” 
\p  
\v 8 Asiria-sordamar-e-dummadi, Asiria-e-rey, Laquis-neggweburgi-mai-nadye-wisguargu, balimakde gusad. Libna-neggwebur-ebo bila-ononai Asiria-e-rey-dakdapid. 
\p  
\v 9 Geb agine, Rey-Senaquerib wisgualid, Etiopía-dulemar-e-rey-Tirhaca, ebo bila-onogega egi daniye. Deyob-wisguargua, gannar Rey-Ezequíasʼse dule-gayaburba-berbemalad barmisad,  
\v 10 ega sogegar: “Judá-e-rey-Ezequías, be-Bab-Dummad-egi-be-bensurgudiid bega-sogedi: ‘Asiria-e-rey Jerusalén-neggwebur suosurye.’ Mer be-Bab-Jehováʼse be yardaklego.  
\v 11 Ar Asiria-e-rey bela yarmar-obelos-gusadde be wisgussursi. Ar degite be, ¿san-onogo be itoge?  
\v 12 Ar an-babgan Gozán-neggwebur-obelosgusadi, Harán-neggwebur-obelosgusadi, Resef-neggwebur-obelosgusadi, Edén-wagan-Telasar-neggweburgi-bukwad-obelosgusbalidi, degitega, ¿e-bab-dummagan bendaksa be daksi?  
\v 13 Degite, ¿bia Hamat-dulemar-e-reyde, Arfad-dulemar-e-reyde, nadmarsunna? ¿Bia Sefarvaim-dulemar-e-reyde, Hena-dulemar-e-reyde, Iva-dulemar-e-reyde, nadmarsunna?” 
\s1 Ezequías Bab-Dummadse-gochad 
\r (2 Reyes 19:14-19) 
\p  
\v 14 Degine, Rey-Ezequías, dule-gayaburba-berbemalad-abin garda susad, geb absosad. Geb a-sorbali, Bab-Jehováʼse-goled-negse naded. Geb Bab-Jehová-asabin garda nallaa imaksad.  
\v 15 Geb degi, Ezequías weyopira Bab-Jehováʼse goted: 
\p  
\v 16 “Bab-Jehová-Bela-Gangued-Nika-Maid, Israel-dulemar-e-Bab-Dummad, baliwiturmar-wagar-darbakegwad-abargi be negsemaid. Unnila bebi we-napneg-naid-e-Bab-Dummadga be gued. Be nibnega nasiksad, napnega be obinnisbalid.  
\v 17 Bab-Jehová-Dula-Maidye, nue be an-itoye, nue be anmar-gunaid be dakye. Igi Senaquerib begi ise-yolegar anga gayaburba-barmiali, nue be itoge. 
\p  
\v 18 ”Bab-Jehová, ar nue napiragwa, Asiria-e-reymar we-neggweburmar, e-yarmar, obelosad.  
\v 19 E-bab-dummadyob-imaklemalad bela soogi-ogumaksabalid. Ar wemar Bab-Dummadsurmalad, suarmar-sobaled nanaed, akwa-sobarmalad nanaed. Dulemar sobsananaedid.  
\v 20 Emidi, Bab-Jehová, be-anmar-Bab-Dummadid, wis be we-dulegi anmar-bendake, adi, dulemar bela we-napneggi-bukmalad be-wisgumalaga, unnila beebi, Bab-Jehová wargwenna maiye.” 
\s1 Rey-Senaquerib-burgwisad 
\r (2 Reyes 19:20-37; 2 Crónicas 32:20-21) 
\p  
\v 21 Geb degi, Amoz-machi-Isaías, Rey-Ezequíasʼse weyob gayaburba barmisad: “Bab-Jehová Israel-dulemar-e-Bab-Dummad, weyob soged: ‘Be anga Asiria-e-rey-Senaqueribʼgi ibmar-sogsadi, bela an be-itosye.  
\v 22 Ani an Bab-Jehová, weyob Rey-Senaqueribʼnik an soged: 
\q1 Senaquerib, Siónʼginmalad sae be-dakmalad, begi dodomalad. 
\q2 Jerusalénʼginmalad wakite-be-dakmargu, bega nono-ege-ege imakmalad. 
\q1  
\v 23 Senaquerib, ¿doanik be isdar-sunmaksa? 
\q2 ¿Doagi be ise-dodoar-sunmaksa? 
\q1 ¿Doaga urwedgi be ibmar sogsa? 
\q2 ¿Doa-abin san-dummarba be itosa? 
\q2 Ar be Israel-e-Bab-Dummad-Isligwalednik be isdar sunmaksad. 
\q1  
\v 24 Bega-gayaburba-berbemaladba be Bab-Jehováʼgi ise-yolegar sunmaksad. 
\q1 Weyob be sogsad: An-moli-ur-bila-onomaladgi Líbano-yar-dummagan-birigi an nakwisye. 
\q2 E-urwarmar-dummagan-bubukwad, ani an ei siksa naiye. 
\q2 E-baryawarmar-yeerdaklegwismaladi bela an ei immisye. 
\q1 E-yar-birse an nakwisye, 
\q2 e-neg-sergan-nanaid bela an ei wisgusbarye. 
\q1  
\v 25 Dule-baigan-yargi, ani an dii-yaamar urbisye, 
\q2 we-diimar an gobsaye. 
\q1 An-nanaedba, bela Egipto-diwarmar an odinnosye. 
\b  
\q1  
\v 26 ” ’Senaquerib, ¿ar be wissursi? 
\q2 Ar bato an dikasurgus we-ibmarmar-guoed an ega igar mesisad. 
\q1 Bato yola-birgabargus weyob-imakega an igar amisad. 
\q2 Emisgwa, geb an we-ibmarmar oyoalid. 
\q1 Aga be nabir neggwebur-sakdigar-bukmalad be obelos nanaed. 
\q2  
\v 27 E-dulemar gaganmar-naiyob be-abin naded, 
\q2 gwen be-abin imaksasulid, 
\q1 be-abin nollo nadmalad. 
\q2 Be-abin bingegudmalad. 
\q1 Amarde nainugi gagan-dutugana-naiyob, be-abin nadmalad. 
\q2 Neg-uas-birgi-gagan-ainialir dinguddaeyob, be-abin nadegusmalad. 
\b  
\q1  
\v 28 ” ’An nue bela-belad be-wisid, sanase be signonidae, 
\q2 sanagwadse be aineba naddabali. 
\q1 Sanagwadse be dognonidabali. 
\q2 Deginbali, sanadgine be angi isdar-sunmakardabali, 
\q2 bela an nue be-wisid. 
\q1  
\v 29 Ar be, an-annik sunmaksadi, 
\q2 be-angi-apor-sunmaksadi, an bela itosad. 
\q1 Degisoggu, be-asugi esgoro-wardummad an yooed, 
\q2 mer bar be sunmakega be-gaya an edinnoed. 
\q2 Degine, bia be danigusa, gannar a-igarba an be-barmidoed.’ ” 
\p  
\v 30 Isaías, Rey-Ezequíasʼga weyob soged: 
\q1 “Rey-Ezequías, we-ibmarmar bega e-wilubga guoed: 
\q2 We-birgagine, ibmar-gwag-gwen-diglessuli-ainiardaed be gunmaloed. 
\q1 Baid-birgasega, ibmar-gwag-diglessulid-sanmakoedi amba be gunmarbaloed. 
\q2 Geb birgapaasedina, sunna ibmar-gwaggi be arbamaloed, 
\q2 degi, nabir be weemarbaloed. 
\q1 Sunna uvaʼgi be arbamaloed, 
\q2 degi, geb nabir e-san be gunmaloed. 
\q1  
\v 31 Judá-wagan-abala-san-onosmaladi sapi-malimar-ainiardaedyobi, gannar ainidagoed, 
\q2 e-anagan gannar nikudoed. 
\q1  
\v 32 Ar Jerusalén-neggweburgi wis ichee dulemar bedapoed, 
\q2 amba Sión-yargi bukumaloed. 
\q2 Ar Bab-Jehová-Bela-Gangued-Nikad e-dulamargi-bela-bela-sabgued-nikadba, we-ibmar imakoed.” 
\p  
\v 33 Degisoggu, Bab-Jehová, Asiria-e-reynik weyob soged: 
\q1 “Senaquerib we-neggweburse gwen dogosurguoed. 
\q2 We-neggweburgi sigu-wargwensaar miosulid. 
\q1 We-dule, bila-onogega we-neggweburse sigu-abgaedyalaba gwen urwosulid. 
\q2 Deginbali, neggwebur-galu-matusulid-dikarba, gwen napa-nakwemaid imakosulid. 
\q1  
\v 34 Ani an Bab-Jehová-guedgi, an soged: 
\q2 We-dule, gebe-danigusadba gannar naoed. 
\q2 We-neggweburgi gwen dogosurguoed. 
\b  
\q1  
\v 35 ”An we-neggweburgi nued-binsasoggu, an-mai-Davidʼgi nued-binsabarsoggu, 
\q2 we-neggwebur an bendakoed, we-neggwebur an obelogosulid.” 
\p  
\v 36 A-mutikidgine, Bab-Jehová-e-baliwitur, Asiria-sorda-bukwadgine, mili-dulabakebak-gakatar (185,000) dulemar-ogilosad. Degine, neg-oiboargu, bela dulemar burgwar-mamaitibi oiboalid.  
\v 37 Degidgine, geb Asiria-rey-Senaquerib nadegusad, gannar Nínive-neggweburse nonigusad, agine megidapid. 
\p  
\v 38 Ibagwengi, Rey-Senaquerib bab-dummad-Nisrocʼse-goled-neggi, e-bab-dummadse-gorsiidgi, e-masmala Adramelec, degi, Sarezer, es-suidgi Senaquerib-oburgwismalad. Geb agine, Ararat-yalase wakitegusmalad. Senaquerib-sorbali, e-machi-Esar-Hadón yar-sesad. 
\c 38  
\s1 Ezequías-boni-nikad 
\r (2 Reyes 20:1-11; 2 Crónicas 32:24-26) 
\p  
\v 1 A-ibagangine, Ezequías bela-bela nailikgumai burgwednaga gusad. Geb Bab-Dummad-gayaburba-barsoged-Isaías Amoz-e-machi, Ezequías-dakega ese nade gusad. Degi, ega sogdapid: “Bab-Jehová weyob soged: ‘Be bar-gwisguosurye, be burgoye. Degisoggu, be-neg-yaginmaladga igargan napi-nue be ukoye.’ ” 
\p  
\v 2 Geb degine, Ezequías, galusik aibilisa imaksad. Weyob, Bab-Jehováʼse isedar-gollar imaksad:  
\v 3 “Bab-Jehováʼye, be an-ebinsao. Andi be-sogedba bega arbasad. Napiragwadba an beba nanasad. Be-ibmar-abegedba andi bega ibmar imaksad.” Degi Ezequías bela-belad isedar-boale meremai gusad. 
\p  
\v 4 Geb degine, Isaíasʼse Bab-Jehová-gayaburba nonikid, ega weyob sognonikid:  
\v 5 “Ezequíasʼse be nae, ega be sogo: ‘Bab-Jehová, be-dad-dummad-David-e-Bab-Dummad weyob sogye: Anse be gochadi, bela an be-itosye, be-ibyanis-aryosadi an daksabarye. Degiirdi, birgambe-gakatar (15) napi-gudii-guega an be-imakoye.  
\v 6 Asiria-e-reygi an be-ollorsaoed, we-Asiria-neggwebur-e-reygi an be-bendakoed. Ani an, we-neggwebur-irwa gwisguoed.’ ” 
\p  
\v 7 Geb Isaías, Ezequíasʼga sogded: 
\p “Bab-Jehová-bega-ibmar-sogsad mag be dakegala, we-ibmar-wilub Bab-Jehová bega oyogoed:  
\v 8 Acaz-wachi an gannar sorsik wachi-irgwen-wilub osikirmakoed.” Geb agine, dad-ibeler-naidi gannar wachi-irgwen-wilub sorsik sikirmaksad. 
\s1 Ezequías-ibmar-narmaksad 
\p  
\v 9 Judá-e-rey-Ezequías, nailikgumaigusad-sorbali, gwisgusgua, weyob garda narmaksad: 
\q1  
\v 10 “An weyob sogmai gusad: ‘¿An nabir-gudiid-ibagangi nue-an-burgwesunnode? 
\q2 ¿Burgwed-galuse an megnaedgadsunde? 
\q2 ¿Bar an wegi daklegosuli gusunnode?’ 
\q1  
\v 11 An sogsabalid: ‘We-napneggi bar an Bab-Jehová-dakosulid. 
\q1 We-napneggi-dulemar-bukwad bar an dakosurbalid.’ 
\q1  
\v 12 An-annik an-neg susmalad, 
\q2 urwedigi an-annik susmalad. 
\q1 Sibad-wawaad-edarbed-e-dordoneg-obipirmaklegeyobi an-neg imaksamalad. 
\q2 Dule-mormaked, mor-maknaiyobi be an-san imaksad. 
\q1 Emide, Bab-Dummad, mor-maknaid-bergusadgi-e-dikarmar-sike-sike-imaklegeyobi an-imaksad. 
\q2 An-ibagan baisursunna be obelononikid. 
\q1  
\v 13 Ogormaksii an neg-oiboalid. 
\q2 Achumigur-nono-wawaad-garmar-bibisgeyobi an-imaknonikid. 
\q2 Irgwennaar be an-obelononikid. 
\q1  
\v 14 Wirsob-boedyobi an bosad, 
\q2 nuu-dabgalayob-dakleged-boedyobi an bosad, 
\q2 nuu-sibu-uurmakedyobi an bosad. 
\q1 An-ibya niba-atakedbali, yegusad. 
\q2 Bab-Jehová an suli-suli-itogusad, be an-bendakdage. 
\b  
\q1  
\v 15 ”Ar ¿igi bar an sogosunna? 
\q2 Ar e-sunnagwad anga sogsad. 
\q1 Ar deyob imaksado. 
\q2 Ulubgi an-isdar-itogedi, bar gabbisuli an-imaksad. 
\q1  
\v 16 Bab-Jehová, be-sogedbali dulemar dula gudidimalad. 
\q2 An deyobi be-sogedba an dula-gudii gumogoed. 
\q1 Bee be, anga san nudaksad, 
\q2 bee be, anga burba uksad. 
\q1  
\v 17 An suli-suli-itosad, 
\q2 emidi, an bogidik itoged. 
\q1 Be an-sabedbali yaa-dummad-dule-obelogedgi be an-bendaksad, 
\q2 begi isgussuliyob be an-daksad. 
\q1  
\v 18 Neg-uan-mamaidi, gwen be-nug ogannogosulid. 
\q2 Dule-burgwarmaladi, gwen be-nug odummosulid. 
\q1 Dule-yaa-dummadse-batemamaidi, be-innikigwadba-daedgi gwen sunmakosurmalad. 
\q2  
\v 19 Unnila dula-gudimaladi, be-nug-ogannoged, 
\q1 igi an emi-ibagi be-ogannoge, deyob be-ogannomarmogad. 
\q2 Bela babgan na e-mimmiganga be-innikidaedgi sunmakmaloed. 
\b  
\q1  
\v 20 ”Bab-Jehová an-abonogoed. 
\q2 Degisoggu, anmar bane-bane Bab-Jehováʼse-goled-neggi, igar-dub-nikamaladba namakmaloed.” 
\p  
\v 21 Geb degi, Isaías sogded: 
\q1 —Higo-san ollimakmalo, 
\q2 geb rey-abagangi yaa-siidgi be mage-mage imakmalo. 
\q2 Agine nabir nugudoed. 
\p  
\v 22 Geb degi, Ezequías, Isaíasʼga sokalid: 
\q1 —An nabir Bab-Jehováʼse-goled-negse naknaega, 
\q2 ¿ibi-wilubgi nabir magar an daksale? 
\c 39  
\s1 Ezequías, Babiloniaʼginmalad-abindaksad 
\r (2 Reyes 20:12-19; 2 Crónicas 32:27-31) 
\p  
\v 1 A-ibagangine, Babilonia-e-rey-Merodac-Baladán, Rey-Ezequíasʼse dule-gayaburba-berbemalad barmisad. Amarba Ezequíasʼga garda barmisad, degi, ibmar-binsa-ega-ukleged ega barmisbalid. Merodac-Baladánʼde, Baladán-e-machid. Ar Merodac-Baladánʼde wisgusgusad, Ezequías bela-bela-nailikgumaidi, emidi, nue-nugunoniye.  
\v 2 Ezequías weligwaledgi we-dulemar-abindaksad, degine, dule-gayaburba-berbemaladga, bela e-ibmar-nuegan-gargerbamalad-bukwad oyosad: 
\q2 Manimar, ormar, 
\q2 ina-wawadikmalad, olivo-gwallu-wawadikmalad, 
\q2 degi, bila-onogedgi-ibmar-ebulemalad-sabolebukwad bela oyosbalid. 
\q2 Degine, bela ibmar-nuegan-sabolebukwad-neggi ega ibmarmar oyosbalid. 
\q3 Ezequías, e-negsemaidgi bela e-neggi-ibmarmar-bukwad, oyosad. 
\p  
\v 3 Geb degine, Bab-Dummad-gayaburba-barsoged-Isaías, Rey-Ezequías-daknaded. Geb ega sogdapid: 
\p —¿Bia we-dulemar daniki? ¿Ar igi bega we-dulemar soge? 
\p Geb Ezequías ega sogded: 
\p —We-dulemar dikasur danimalad. Babilonia-neggwebur-akale an-dakega danimalad. 
\p  
\v 4 Geb gannar Isaías, Ezequíasʼga sogded: 
\p —¿Ibu be-negyagi daksamala? 
\p Ezequías abin-sogded: 
\p —Bela an-negyagi ibmar-bukwad daksamala. Bela ibmarmar-bukwad an ega oyosad. 
\p  
\v 5 Geb degi, Isaías, Ezequíasʼga sogdesunnad: 
\p —Nue Bab-Jehová-Bela-Gangued-Nikad-e-gayaburba be itogo:  
\v 6 ‘Ibagan danikoed, bela be-neggi-ibmarmar-bukwadi, bela be-dadgan-emi-ibase-ibmar-urbisadi, Babilonia-yarse seledoed. Bipisaale ibmar gwen beosulid.  
\v 7 Be-mimmigan-abala, be-wagan-abala, Babilonia-e-reyneggi maiga-guega seledmaloed.’ Deyobi Bab-Jehová soged. 
\p  
\v 8 Geb Ezequías, Isaíasʼga sogded: 
\p —Nueddo. Bab-Jehová-gayaburba be anga sognonikidi, yeer an itodo. 
\p Ar Ezequías e-ulubgindi binsasad: “Amba an-maidgine, neg nueganbi, degi, bogidik-nai guoed.” 
\c 40  
\ms1 3. ISRAEL-DULEMAR-GWAGE-ARMAKLEGOED 
\mr (40:1–48:22) 
\s1 Bab-Jehová, Israel-dulemarga gwage-armaked 
\p  
\v 1 Anmar-Bab-Dummad soged: 
\q1 “An-dulamar-e-gwage ogannomar, 
\q2 baisur-ito be imakmar. 
\q1  
\v 2 Jerusalén-dulemarga nue-sabedgi be sunmakmar, 
\q2 ega be sogmar: 
\q1 ‘Be maiga-arbadigusmalad-ibagan wese bergunoniye, 
\q2 be-isgusmalad bato bega bennuklesye. 
\q1 Bemar isgusad-nukad unniguar bato ilabo-wilub sabsur-odurdaklesye. 
\q2 Bab-Jehová bemarga isgued elisye.’ ” 
\b  
\q1  
\v 3 Gayaburba binnasuli goled, weyob soged: 
\q2 “Bab-Jehováʼga nega-dulesulidganba igar mayemar, 
\q1 anmar-Bab-Dummadga nega-dinnaganba igar swilidik mesmar. 
\q2  
\v 4 Bela nebagan swilidik imakmarsun, 
\q1 yalamar, degi, neg-mullugana omatolesun. 
\q2 Degine, napa-muru-muru-mamaid innikii imakmarsun, 
\q2 igar-bire-bire-mamaid innikii imakmarsun. 
\q1  
\v 5 Agine geb Bab-Jehová-e-gandikid-yeerdakleged bela dulemarga oyolegoed.” 
\q2 Ar Bab-Jehová-sunnagwad deyob sogsad. 
\p  
\v 6 Gayaburba weyob soged: 
\q1 “Binnasuli be soge.” 
\p An ega weyob soged: 
\q1 “¿Ibu an binnasuli sogosunna?” 
\p Geb anga soged: 
\q1 “Bela dulemarga be soge: ‘Dulemar gaganyobi gued. 
\q2 E-yeerdaklegedi, nainugi-dutu-achunneyobi gued. 
\q1  
\v 7 Bab-Jehová-e-buu-imaked egi nasale, gagan baisur-dinguddaed, 
\q2 dutumala, baisur-dinguddamogad. 
\q2 Ar dulemar gagan-ara-aramaladyobi gued. 
\q1  
\v 8 Gaganmala baisur-dinguddaed, 
\q2 dutumala, baisur-dinguddamogad. 
\q2 Ar anmar-Bab-Dummad-Gayaburbadi, degisadegu maiguad, berguosulid.’ ” 
\p  
\v 9 Bab-Dummad sogded: 
\q1 “Sión-yalagi be nakwenae, 
\q2 gayaburba-nuegangi be sunmaknae. 
\q1 Yala-matusulidse be nakwenae, 
\q2 Jerusalén-neggweburga, gayaburba-nuegangi be sunmaknae. 
\q1 Ise-gandikidba be sunmaknae, 
\q2 binnasuli be sunmako, 
\q2 melle be dobe itogo. 
\q1 Judá-neggweburmarga be soge: ‘Be nue-dakmar. 
\q2 Wegi anmar-Bab-Dummad-danikid be dakmar.’ 
\b  
\q1  
\v 10 ”Bab-Jehová-gandikidba-danikid, be dakmar. 
\q2 Bab-Jehová e na negsemaid. 
\q1 E-dulamar-ollor-imaksadi, ebali nidanikid. 
\q2 Ibidar-nued-amisadi eba sedanikid. 
\q1  
\v 11 Bab-Jehová e-dulamar-bendakdanikid. 
\q2 Igi sibad-wawaad-edarbedi, e-sibad-wawaad-mimmi nakwaa imakdae, geb e-binasgargi semaidae, 
\q1 degi, sibad-wawaad-milesmalad nue nimaidae. 
\q2 Deyobi, Bab-Jehová e-dulamar bendakdanikid.” 
\s1 Dule, Israel-e-Bab-Dummadyobid sulid 
\q1  
\v 12 ¿Doa dii-naid e-argangi wilubsasa? 
\q2 ¿Doa mogir-naid e-goomargi wilub-imaksa? 
\q1 ¿Doa ibmar-wilubsaedgi ukub-naid urbisa? 
\q2 ¿Doa ibmar-wilubsaedgi yar-dummagan wilubsasa? 
\q2 ¿Doa ibmar-wilubsaedgi yar-mullugana wilub-imaksa? 
\q1  
\v 13 ¿Doa Bab-Jehová-E-Burba bela balamioe? 
\q2 ¿Doa ega binsaed-ukedga guoe? 
\q1  
\v 14 ¿Ar doase Bab-Jehová ibmar-magar-itogega binsaed-amissunna? 
\q2 ¿Ar doa igar-inniki-imaked-igarba Bab-Jehová-odurdaksasunna? 
\q1 ¿Doa ega ibmar-nue-wisigued uksasunna? 
\q2 ¿Doa binsaed-nikaa-daed-igarba Bab-Jehová-odurdaksasunna? 
\q2 Suli, dule bipisaale wegiid-igarba Bab-Jehová-odurdaksasulid. 
\b  
\q1  
\v 15 Ar dulemar-yar-baid-baidgi-bukmaladi, Bab-Jehová-asabinni unnila bormoyagi dii-gwagwen-argwachayobi gumalad. 
\q2 Degi, ibmar-wilubsalegedgi ukub-ichesaar wilubsalegedyob gumalad. 
\q2 Ar Bab-Jehová dupgan-nanaidi, ukub-buru-aidikueyobi daked. 
\q1  
\v 16 Líbano-yargi-sapanmar-nikadi, Babga-ibmar-ogumaklegedgi-ebulegega unnisulid. 
\q2 Líbano-e-ibmar-durgan-nikadi, Bab-Dummadga-ogumaklegega, unnisurbalid. 
\q1  
\v 17 Bab-Jehová-asabinni, bela dulemar-yar-baid-baidgi-bukmaladi, ibigwensuli gumalad. 
\q2 Egala, gwen ibmar-nuedga gusulid. 
\b  
\q1  
\v 18 ¿Doa-ebo be Bab-Dummad-wilubdakoe? 
\q2 ¿Ibu-ibmar-sobaledbo be wilub-imakoe? 
\q1  
\v 19 Dule-ibmar-sobmaladi, esgorogi ibmar-bab-dummadyob-imakleged sobmalad. 
\q2 A-sorba, dule-or-sobedi, a-ibmar-birgi or-nasikmalad, 
\q2 geb ega manidubmar sobbalid. 
\q1  
\v 20 Ar dule-wilegeddi, e-bab-dummad-sobega suar-gege-nunguedi amied. 
\q2 A-sorbali, dule-wileged, dule-ibmar-nued-sobed amied. 
\q2 Adi, ega nuekwaa suar-bab-dummadyob sobega, melle ege-ege gwisguegar. 
\b  
\q1  
\v 21 ¿Ar ade, bemar wissurmarsi? 
\q2 ¿Bemar itossurmarsi? 
\q1 ¿Bato gebesailagine bemarga soglessursi? 
\q2 ¿Napneg-nagusad-akar bemar odurdaklessurmarsi? 
\q1  
\v 22 Ar Bab-Jehováʼdi napneg-dirbir-naidbirgi negdaksiid, 
\q2 dulemar-bukwadi sesmaryobi ega gued, bai daksulid. 
\q1 Bab-Jehová mor-dummad-nallaa-imaklegedyobi mogir-imaked. 
\q2 Bab-Jehová mor-neg-egalegedyobi, mogir-billi egadaed, 
\q2 adi, egi megegar. 
\q1  
\v 23 Bab-Jehová, dule-gandikmalad obelodaed. 
\q2 Dule napneggi-dummadga-negsemamaidi, ibmar-isganayobi obeloged. 
\q1  
\v 24 A-dummagan sapiwar-nue-diglessuliyobi gumalad, 
\q2 ibmar-gwag-nue-diglessuliyobi gumalad, 
\q1 sapi-saila napa-yaba e-malimar-nue-ainissulidyobi gumalad. 
\q2 Ar Bab-Jehová egi buu-imakdele, dingudmaloed, 
\q2 ar gagan-dinnaganayobi burwa-dummadba seledoed. 
\p  
\v 25 Bab-Jehová-Isligwaled weyob soged: 
\q1 “Degite, ¿doabo bemar an-wilubdakmalosunna? 
\q2 ¿Doa anyobi-daklege gusunna?” 
\b  
\q1  
\v 26 Niba be nue atakmar, 
\q2 ¿doa bela we-ibmarmar obinnisa? 
\q1 Bab-Jehová e na niisgwamar-onied, 
\q2 sog-soggwen ilemaked, 
\q2 e-nugbali ese goled. 
\q1 Bab-Jehová-e-ganguedi, ibiyobi dummarba gue. 
\q2 E-garganguedi, ibiyobi gandiki negsemai. 
\b  
\q1  
\v 27 Jacob-wagan, ¿ibiga be Bab-Jehová-dikarba sunmake? 
\q2 Israel-dulemar, ¿ibiga be urwakwaa Bab-Jehová-dakmala? 
\q1 Be sogmalad: “An-igarmar Bab-Jehováʼgi dukumaiye. 
\q2 An-Bab-Dummad an-ibmar-imaked baisurdakye.” 
\q1  
\v 28 ¿Ar ade, be wissursi? 
\q2 ¿Be wisgussursi? 
\q1 Ar Bab-Jehová Bab-Dummad-degisadeguadid, 
\q2 napneg-bipirmaknaid bela obinnisadid, 
\q1 budar-itoged nikasulid, gege geggubalid, 
\q2 e-nue-ibmar-wisidi, gege balamileged. 
\q1  
\v 29 Bab-Jehová dule-yegusmaladga gangued uked, 
\q2 E na dule-nollo-itomaladga gandikidba gangued uked. 
\q1  
\v 30 Sapingana dutusur-inigwele, geggusdamalad, budar-itogusdamalad. 
\q2 Masmala yoleddamalad, aimukuddamalad. 
\q1  
\v 31 Degi-inigwele, dule-Bab-Jehováʼgi-bensurmaladdi, gannarse gangued nikumaloed, 
\q2 sulubagi-gukueyobi gumaloed: 
\q1 Abarmakdii gumaloed, 
\q2 gwen gegguosurmalad, 
\q1 igala-suid-nanadii gumaloed, 
\q2 gwen gegguosurmalad. 
\c 41  
\s1 Bab-Dummad Israel-dulemar-edarboed 
\p  
\v 1 Bab-Dummad weyob soged: 
\q1 “Neggwebur-demar-gakaba-bukmalad, bogi an-abin ambikumalo. 
\q2 Dulemar-yar-baid-baidgi-bukmalad, gandik be imakmar. 
\q1 Walikaa be dagmar, 
\q2 be sunmakmar. 
\q2 Anmar igar-nabogega ambikumar. 
\b  
\q1  
\v 2 ”¿Doa dad-nakwedsik, dule-gusgu-emargi-obinmaid wese-dagega imaksa? 
\q2 ¿Doa we-dulega dulemar-yar-baid-baidgi-bukmalad urmaksa? 
\q1 ¿Doa reymar-seega imaksa? 
\q2 ¿Doa ukub-milegeyobi es-suidgi dulemar-obelogega imaksa? 
\q1 ¿Doa e-warsi-abin-ibmar-durgan-mileddaedyob dulemar-imaksa? 
\q2  
\v 3 Gwen nanadisulid-igarba, binnasuli dule-balegindanikid. 
\q1  
\v 4 ¿Doa weyob imaksa? ¿Doa nabir we-ibmar bursuli-guega imaksa? 
\q2 ¿Doa gebesailaunni dulamar-ainakwedanikidse gocha? 
\q1 Ani an Bab-Jehová guedi, bela we-ibmarmar imaksad. 
\q2 Ani an gebesailaginedid, 
\q2 ani an berguedse gudii gubaloed. 
\b  
\q1  
\v 5 ”Neggwebur-demar-gakaba-bukmaladi, dani-daksamalad, 
\q2 dobe-itodmalad. 
\q1 Napneg-naid-ugakaase abin giglimakded. 
\q2 Bato egi danimalad, bato walikgusmalad. 
\q1  
\v 6 Muchub-muchub e-aimar-bendakdemalad, 
\q2 muchub-muchub burba-ogannodmalad. 
\q1  
\v 7 Dule-ibmar-sobedi, dule-orgi-arbaed ogannoged. 
\q2 Dule-mardogi-ibmar-sobedi, dule-esgorogi-arbaed-ogannoged, ega weyob soged: ‘Arbaed-nued be imaksa.’ 
\q1 Geb sorba, ibmar-sobaled-bab-dummadyob-imakleged nue-esgorogi bioked, 
\q2 adi, melle ege-ege gwisguegar.” 
\p  
\v 8 Bab-Jehová sogdebalid: 
\q1 “Israel, bedi an-maiga gued. 
\q2 Be, Jacob-wagan, an bemar-susadid, 
\q2 An-ai-Abraham-wagan be gumalad. 
\q1  
\v 9 Ar napneg-naid-ugakaase an be-susad, 
\q2 nega-sukungan-dikasulidba an bese gochad. 
\q1 An bega sogsad: ‘Be an-maiga gued.’ 
\q2 Ani an be-susad, an be-obachasulid. 
\q1  
\v 10 Melle be gwayo. 
\q2 An beba gudiguad. 
\q1 Melle be suli-suli-itogo. 
\q1 Ani an be-Bab-Dummadid. 
\q2 An be-ogannogoed, 
\q1 an be-bendakoed, 
\q2 an-sakwa-gandikid-nuedsikidgi an be-ganikioed. 
\b  
\q1  
\v 11 ”Dule-isdar-be-dakmaladi, bingegudmaloed, 
\q2 nug-mesagwar gudmaloed. 
\q1 Dule-begi-gwisgudimaladi, bela bergudoed, 
\q2 gudisurmaladyobi naoed. 
\q1  
\v 12 Be be-isdarmalad-amidiguo-inigwele, gwen be amiosulid. 
\q2 Bebo-bila-onomaladi, bela bergudoed, 
\q2 gudisurmaladyobi naoed. 
\q1  
\v 13 Ar ani an be-Bab-Dummad-Jehová gued. 
\q2 An be-argan-nuedsikid-ganikidid. 
\q1 Ani an bega soged: ‘Melle be gwayo, 
\q2 ani an be-bendakoed.’ ” 
\p  
\v 14 Bab-Jehová soged: 
\q1 “Bemar-Israel-dulemar ichee-gue-inigwele, 
\q2 melle be gwayemalo. 
\q1 Bemar-Jacob-wagan-gandik-gusur-inigwele, 
\q2 melle be gwayemalo. 
\q2 Ar an-sunnagwad an be-bendakoed. 
\q1 Ani an Israel-dulemar-e-Bab-Dummad-Isligwaled gued. 
\q2 Ar an be-Bendakedid. 
\b  
\q1  
\v 15 ”Ibmar-gwag-egwaed-binidyobi an be-imakmaloed, 
\q2 e-nugar-abinbela-datarmakar-nikayobi an be-imakmaloed. 
\q1 Yarmar be obelogoed, swana be imakoed. 
\q2 Yar-mullugana gaganbi naguega be imakoed. 
\q1  
\v 16 Oros-gwag-burwaba-mileddaedyobi be imakoed. 
\q2 Burwa-noedba aisakidmaloed. 
\q1 Ar bedi, angi weligwar itogoed. 
\q2 Bedi, angi Israel-dulemar-e-Bab-Dummad-Isligwaledgi nug-gannarba itomaloed.” 
\p  
\v 17 Bab-Dummad sogdebalid: 
\q1 “Dule-wilemalad, degi, dule-ibmar-abesa-gudimalad, gobega dii amididamalad, 
\q2 degi-inigwele, amidasurmalad. 
\q1 Uku-uku-itogedba gwabin-dinna itogusdamalad. 
\q2 Degi-inigwele, ani Bab-Jehová-guedgi an amar-itogoed. 
\q1 Ani an Israel-dulemar-e-Bab-Dummad-guedgi, 
\q2 an amar walagwen metosulid. 
\q1  
\v 18 Yalamar-biribali, diwarmar-iirmakega an imakoed, 
\q2 nebaganba ibemargi-dii-aryogega an imakoed, 
\q1 nega-dulesulidganba dii-ambikuega an imakoed. 
\q2 Neg-dinnaganba ibemar-aryomai an imakoed. 
\q1  
\v 19 Nega-dulesulidganbali, urwarmar, acacia-sapimar, an digoed. 
\q2 Baryawarmar, degine, olivo-sapimar an digoed. 
\q1 Napa-isganagi, ciprés-sapimar an digoed, 
\q2 pino-warmar, degi, abeto-sapimar an digoed. 
\q1  
\v 20 Adi, dulemar dakega, degi, wisgumalaga, 
\q2 egi binsamalaga, degi, magar-itomalagar, 
\q1 Bab-Jehová we-ibmarmar-imaksaye, 
\q2 Israel-dulemar-e-Bab-Dummad-Isligwaledi, we-ibmarmar obinnisye.” 
\s1 Bab-Dummadi, bab-dummagan-baigangi obined 
\p  
\v 21 Bab-Jehová Jacob-dulemar-e-Rey, ibmar-sobaled-bab-dummadyobi-imaklemaladga sogded: 
\q1 “Be-igar be sogmardo. 
\q2 E-wilubmar be oyomardo. 
\q1  
\v 22 Wese be dagmar, ibmar-guoed be sogmar. 
\q2 Gebesailagi ibmarmar-gusnanaedi, anmarga be soge, 
\q1 anmar egi binsaegar, degi, ibmar-gusadi, anmar magar-itomalagar. 
\q2 Igi-neg-guoe anmarga be sogmar. 
\q1  
\v 23 Yoedse-negguoed be anmarga sogmar, 
\q2 adi, anmar wisgumalagar, bemar bab-dummagan gumarye. 
\q1 Bemar ibmar imakmala, nueddibe, ichakwadibe, 
\q2 adi, anmar dakega, degi, anmar ese gwayegar. 
\q1  
\v 24 Ar bemar binsarmaladid, 
\q2 ar be-ibmar-imakmaladi, binsa ibmar-imaklemaladid. 
\q2 Ar dule-begi-bensurmaladga ibmar-nuedga be gusurmalad.” 
\p  
\v 25 Bab-Dummad sogdebalid: 
\q1 “Dad-nakwed-argan-sapiledsik, dule-gwensak-dagega an imaksad. 
\q2 An-ese-gochad, an-itosad. 
\q1 We-dule, dad-nakwedsik an-nug odummogoed. 
\q2 We-dule, dule-dummagan-negsemamaid-birgi dule-napsa-sobed-napsagi-dii-dii-annanaiyob imakoed. 
\q1  
\v 26 ¿Ar doa we-ibmar-guoed gebesailaunni anmar-owisosa? 
\q2 ¿Ar doa abgayala we-ibmar-guoed anmar-owisosa? 
\q1 Adi, anmar sogega, eye, nabir sogye. 
\q2 Ar dule gwen we-ibmar-guoed sogsasulid, 
\q1 dule gwen owisossurbalid. 
\q2 Dule-we-ibmar-guoed-soged, gwen dule itossurbalid. 
\q1  
\v 27 Ar ani an abgasaila Sión-dulemarga bato an sogsad: ‘Be dakmarye, bato wegi bukmarye.’ 
\q2 Ani an Jerusalén-neggweburse dule-gayaburba-berbeged-nued barmisad. 
\q1  
\v 28 An-dikarbali an atakded, 
\q2 dule gwen an daksulid. 
\q1 Emar-imbagi dule-ega-binsaed-daked gwen an daksulid. 
\q2 An ibmar-ese-egichidgu, gwen an-abinsassurmalad. 
\q1  
\v 29 Ar bela we-bab-dummagan-baigana binsa-ibmar-imaklemaladyobi gued. 
\q2 E-ibmar-imakmaladi, gwen nabirsulid. 
\q1 E-ibmar-sobarmalad-bab-dummadyob-imaklemaladi, unnila uka-olloo daklemaladid. 
\q2 Binsa-ibmar-daklemalad gued.” 
\c 42  
\s1 Bab-Jehová-e-mai 
\p  
\v 1 Bab-Jehová soged: 
\q1 “We, an-mai-gued. 
\q2 Ani an we-dule-sediid. 
\q1 Ani na susad. 
\q2 An egi yeer itoged. 
\q1 An-burba an ega uksad. 
\q2 Ani Bab-Jehová, dulemar-yar-baid-baidgi-bukmaladga igar-innikigwad imakoed. 
\q1  
\v 2 We-dule, binnasuli golosulid, sabsuli sunmakosulid. 
\q2 Galimbaba binnasuli sunmakdii itolegosulid. 
\q1  
\v 3 Nargammu-bisgedanigwichidi bar bisgosurmalad. 
\q2 Gwallu-gwillo-binnagamaidi gwen oginnosulid. 
\q2 Igar-napiragwadbali igar nabogoed. 
\q1  
\v 4 We-dule, napneggi igar-napiragwad-omesedse gwen wieguosulid, gwen galakuosulid. 
\q2 Demar-gakaba-neggwebur-bukmalad, we-dule-e-odurdaked abdakbukwad.” 
\p  
\v 5 Bab-Dummad-Jehová mogir-billi obinnisadid, mogir-billi nasiksadid, napneg onasosadid, bela egi-ibmar-sanmaked onasosadid, dulemar-bukwadga niga-ogannogedid, dulemarga burba-dulad-ukedid. We-Bab-Dummad-Jehová weyopira soged: 
\q1  
\v 6 “Ani an Bab-Jehová gued. 
\q2 Ani an bese gochad, 
\q1 igar-innikigwad-imakega an be-semai gusad. 
\q2 Ani an be-odenonikid, 
\q1 an-dulamarga an dulemarbo-igar-mesisad-e-wilubga-guega an be-imaksad. 
\q2 Dule-yar-baid-baidgi-bukmalad-magar-neg-itomalaga, gwallu-meegwadyobi an be-ogwisgunonikid. 
\q1  
\v 7 Adi, be dulemar-aku-atakmaladga ibya egaegar, 
\q2 be dule-esgaryagi-bukmalad onogegar, 
\q2 degi, be dule-esgaryaba-negsichidgi-bukmalad onogegar. 
\b  
\q1  
\v 8 ”¡Ani an Jehová gued! 
\q2 ¡Deyob an nugad! 
\q1 An-nug-odummolegedi, dule-baidgadga guosulid. 
\q2 An-nug-odummolegedi, ibmar-sobaled-bab-dummadyob-imaklemaladga an ukosurbalid. 
\q1  
\v 9 Ibmar-iduar-an-sogsagusmalad bela gusad. 
\q2 Emisgindi, ibmar-gwapidmarbi an sogbalid. 
\q2 Iduakwaa ibmar-guoed an bemar-owisoged.” 
\s1 Bab-Jehová-nug-odummogedgi namakleged 
\q1  
\v 10 Bab-Jehováʼga namakleged-gwapidgi be namakmar. 
\q2 Bemar-muu-billigi-iirmakbukwad, ega be namakmar. 
\q1 Demar-yagi-ibmar-dula-bukmalad, Bab-Jehová-nug odummomar. 
\q2 Napneg-ugakagi-bukmalad, Bab-Jehová-nug ogannomar. 
\q1 Bemar demar-gakaba-bukmalad, Bab-Jehová-nug be odummomar. 
\q2  
\v 11 Nega-dulesulidganba-bukwamalad, bemar binnasuli gormar. 
\q1 Cedar-dulemar neggwebur-burwigangi-bukmalad, bemar binnasuli gormar. 
\q2 Sela-dorgan, yeer-itogedba be namakmar, 
\q2 yeer-itogedba yala-birgi binnasuli be gormar. 
\q1  
\v 12 Gandikidba be Bab-Jehová-nug odummomar, 
\q2 neggwebur-demar-gakaba-bukmaladgi binnasuli Bab-Jehová-nug be odummomar. 
\q1  
\v 13 Bab-Jehová dule-bila-onogedyob nodagoed. 
\q2 Dule-bila-onoged-urweyobi uludagoed. 
\q1 Binnasuli urwedgi bila-onodagoed, 
\q2 e-isdarmaladgi obinoed. 
\p  
\v 14 Bab-Jehová soged: 
\q1 “An dikasurgusa bogidik gudigusad, 
\q2 an gwen sunmaksasulid, an gwen ibmar sogsasulid. 
\q1 Emisgindi, an binnasuli goloed. 
\q2 Ome-ugakgunair binnasuli-bunnonaiyobi, akus-akus-bunnonaiyobi, binnasuli gornai an guoed. 
\q1  
\v 15 Yalamar, degi, yar-mullugana, an obelogoed. 
\q2 E-gaganmar bela an odinnogoed. 
\q1 Diwarmar neg-dinnaganaga an imakoed, 
\q2 dii-wilagana an odinnogoed. 
\q1  
\v 16 Dule-aku-atakmalad, igar-dakdisurmaladba an nidoed, 
\q2 nanaledisulid-igarba an nidoed. 
\q1 Amar-asabinni, negsichidi neg-meegwadga an imakoed. 
\q2 Amar-idu, neg-muru-murumalad an innikii imakoed. 
\q2 Deyob an imakoed, an gwen amar-obanosulid. 
\q1  
\v 17 Dulemar ibmar-sobaled-bab-dummadyob-imaklemaladgi bengudisurmaladi, 
\q2 nue-bingegus bangudmaloed. 
\q1 Akwa-sobarmaladga-sokardamaladi, ‘be anmar-bab-dummaganaye,’ 
\q2 a-dulemala, nue-bingegus bangudmaloed.” 
\s1 Israel-dulemar amba gwen-durdaksurmalad 
\p  
\v 18 Bab-Dummad weyob soged: 
\q1 “¡Dule-uaya-yallirmalad! Nue be itomarsun. 
\q2 ¡Dule-aku-atakmalad! Nue be atakmarsun. 
\q1  
\v 19 ¿Doa an-maiba bur bule akusunna ataksunna? 
\q2 ¿Doa an-gayaburba-berbergedba bur bule uaya-yallirsunna? 
\q1 ¿Doa an-nuggi-barmilesadba bur bule akusunna ataksunna? 
\q2 ¿Doa Bab-Jehová-e-maiba bur bule akusunna ataksunna? 
\q1  
\v 20 Be ibmar-bukidar-daksa-inigwele, degite, be amba aku daked. 
\q2 Uaya be olloo-sii-inigwele, be ibmar-itosulid.” 
\b  
\q1  
\v 21 Bab-Jehová, e-igar-innikigwad-sabedbali, yeer-itosad. 
\q2 E-igar-maid-dummarba-guedbali, degi, gandikid-guedbali, yeer-itosad. 
\q1  
\v 22 Ar we-dulemarde atursaledidimalad, 
\q2 sabsur odurdakledidimalad. 
\q1 Bela akwa-dummagan-yaba gales-bukwamaladid, 
\q2 esgaryaba mellesmaladid. 
\q1 Ei-ibmar atursales gudidimalad, dule gwen bendakdisurmalad. 
\q2 Ei ibmar sules gudidimalad. 
\q2 Gwen dulemar gannar-ega-ibmar-ukmarye sogdisurmalad. 
\b  
\q1  
\v 23 ¿Doa bemar we-ibmar itogoe? 
\q2 ¿Doa bemar yoedse-we-ibmar-guoed nue-itogoe? 
\q1  
\v 24 ¿Doa ibmar-sulesmaladyobi Jacob-wagan-uksa? 
\q2 ¿Doa ibmar-atursalealedyobi Israel-dulemar-uksa? 
\q1 ¿Ar Bab-Jehová e-dulamar egi isgusgusad urmaksasursi? Eye, urmaksa. 
\q2 Ar ade, Bab-Jehová-igarba nanassurmalad, 
\q2 e-Igar-Maid-sogedba ibsassurmalad. 
\q1  
\v 25 A-ulale, Bab-Jehová egine ulusad, 
\q2 bila egi onosad. 
\q1 Soogine sabsur-odurdaksad, degi-inigwele, amba aku-itosmalad. 
\q2 Sabsur-odurdakles-inigwele, amba eba ibsassurmalad. 
\c 43  
\s1 Bab-Jehováʼbi unnila Israel-Dule-Abonogedid 
\p  
\v 1 Jacob-wagan, Bab-Jehová-be-obinnisadi soged, Israel-dulemar, Bab-Dummad-be-urbisadi, weyob soged: 
\q1 “Melle be dobguo, 
\q2 ar ani an be-nudaksad. 
\q1 Be-nugba an bese gochad. 
\q2 Be an-mimmi gued. 
\q1  
\v 2 Be dii-obaknaile, an beba nadapmogoed. 
\q2 Be diwar-obaknaile, be gundilegosulid. 
\q1 Soo-birgi be nadapile, gwen be gummakosulid. 
\q2 Soo-duurmakedi gwen begi naguosulid. 
\q1  
\v 3 Ar ade, ani an be-Bab-Dummad-Jehová gued, 
\q2 an Israel-dulamar-e-Bab-Dummad-Isligwaledid, 
\q2 an be-Abonogedid. 
\q1 Ani an, be-onogega, Egipto-dulemar-urmaksad. 
\q2 Be-muchub Etiopía-yar, degi, Seba-yar an urmaksad. 
\q1  
\v 4 An be-muchubbi dulemar-urmakoed, 
\q2 an be-san-burba-muchubbi, dule-bamalad an urmakoed. 
\q1 Ar an bela-belad bemar-sabed. 
\q2 Be an-asabinni, ibiyob be yeerdaklege, be duledar-nued gued. 
\q1  
\v 5 Melle be dobguo. 
\q2 Ar an beba gudiid. 
\q1 Dad-nakwed-akale, an be-anagan sedagoed. 
\q2 Dad-argwaned-akale, an be-urboed. 
\q1  
\v 6 Dulemar-dad-nakwed-argan-sapiledsik yar-baid-baidgi-bukmaladga an sogoed: 
\q2 ‘¡An-dulamar anga udage!’ 
\q1 Dulemar-dad-nakwed-argan-nuedsik yar-baid-baidgi-bukmaladga an sogoed: 
\q2 ‘¡Melle an-dulamar gamalo!’ 
\q1 Be anga an-masmala-dikasuli-bukwad sedage, 
\q2 be anga an-bunamala-napneg-ugakaase-bukwad sedage. 
\q1  
\v 7 An-nugba-ese-gollemaladi, be anga bela seda. 
\q2 An-nug-odummogega an obinnisadi, be anga seda. 
\q1 Ani an obinnisad, 
\q2 ani an urbisad.” 
\s1 Israel-dulemar, Bab-Dummad-barsogega gued 
\p  
\v 8 Bab-Dummad soged: 
\q1 “Dule-aku-atakmalad, amba ibya-nika-inigwele, be anga onimar. 
\q2 Dule-uaya-yallirmalad, amba uaya-nika-inigwele, be anga onimar. 
\q1  
\v 9 Dule-yar-baid-baidgi-bukmalad bela be oambikumar. 
\q2 Bela dulemar danar ambikumar. 
\q1 ¿Doa we-dulemar-abargi we-ibmar-guoedgi iduakwaa anmarga sunmaksa? 
\q2 ¿Doa ibmar-gusmalad anmarga sogsa gusa? 
\q1 E-daksamalad be oyomardo, 
\q2 nabir-sogmarye be sogmardo, 
\q1 adi, dule-baigan itomalagar, 
\q2 degi, sogmalagar: ‘Napiraye.’ ” 
\p  
\v 10 Bab-Jehová Israel-dulemarga soged: 
\q1 “Bemar an-barsogega be gumar, 
\q2 anga-arbaega an bemar-susad, 
\q1 adi, bemar magar-an-dakmalagar, 
\q2 melle angi bengumalagar. 
\q1 Adi, be magar-itomalagar, an doa gue. 
\q2 An-iduale, bab-dummad-baid gwen megissulid, 
\q2 gwen an-sorba bab-dummad-baid megosurbalid. 
\q1  
\v 11 Ani an Bab-Jehová gued. 
\q2 An-imbagi, dule-abonoged-baid sated. 
\q1  
\v 12 Ani an bemar-owisosad, 
\q2 ani an bemar-bendaksad. 
\q1 Ani an bemarga sunmaksad. 
\q2 Bemar-abargi, gwen bab-dummad-baid gudii gussulid. 
\q1 Ani an gudii gusad. 
\q2 Ani an Bab-Jehová-guedgi soged: 
\q1 ‘Bemar an-barsogega be gumarye, 
\q2 Ani an Bab-Dummad guye.’ 
\q1  
\v 13 Ani an gebe-negasaila-akale Bab-Dummad gued. 
\q2 Dule gwen angi wakinnosulid. 
\q2 An-ibmar-imakedi, dule gwen obelogosulid.” 
\s1 Bab-Dummad Israel-dulemar-ise-wile daksad 
\p  
\v 14 Israel-dulemar-e-Bab-Dummad-Jehová-Isligwaled bemar-bendakmaidi, weyob soged: 
\q1 “Bemar-ulale, Babilonia-neggweburse sorda-bamalad an barmidoed. 
\q2 Dulemar-wakindiiyobi an bela Babilonia-dulemar-imakoed. 
\q1 Caldea-dulemar urmar-nikadba na nug-dummarba-itodimalad, 
\q2 bela an obelomogoed. 
\q1  
\v 15 Ani an Bab-Dummad-Jehová-Isligwaledid. 
\q2 Ani an bemar-e-rey gued, Israel-dulemar-obinnisad gued.” 
\p  
\v 16 Bab-Jehová sogdebalid: 
\q1 “Ani an demargi igar-mesisgusad, 
\q2 dii-wilasailadgi igar-egasgusad. 
\q1  
\v 17 Egipto-sordamar, moli-birgi, degi, moli-ur-bila-onomaladgi, Israel-dulemar-bargananai-gusmargua, 
\q2 Bab-Jehová, Egipto-sordamar-bela-obelosgusad. 
\q2 Gwallu-gwillo-akichayob amar-imaksagusad.” 
\p  
\v 18 Bab-Jehová weyob soged: 
\q1 “Ibmar-nasmalad be iemar, 
\q2 melle bar ibmar-gusmaladgi be binsadii gumar. 
\q1  
\v 19 Ibmar gwapidmar an imakoed. 
\q2 ¿Ar bato ibmar-imaklenaid aku be dakmarsi? 
\q1 Ar nega-dulesulidganba an igar mesnaid, 
\q2 neg-dinnaganba an diwarmar mesnaid. 
\q1  
\v 20 Ibmar-durgan-sapurbarmalad-ursilimalad, an-nug ogannomalad. 
\q2 Achu-sapur-uaya-gannagana, nuu-dummad-dukar-suid-avestruzʼye-nugmalad, an-nug odummomalad. 
\q1 An an-dulamar-susad-ogobega, nega-dulesulidganba dii-suurmakega an imaked, 
\q2 neg-dinnaganba diwarmar-megega an imaked. 
\q1  
\v 21 We-dulemar angadga-guega an urbisad, 
\q2 an-nug ogannomalaga an urbisad. 
\b  
\q1  
\v 22 ”Degi-inigwele, bemar, Jacob-wagan, gwen an-nug odummossurmalad. 
\q2 Israel-dulemar, bemar angi wiegudmalad. 
\q1  
\v 23 Anga bemar sibad-wawaad-sapingana-ogumakar uksasurmalad, 
\q2 ibmar-durgan-anga-ukedgi gwen be an-nug ogannosurmalad. 
\q1 An bese-ibmar-gwag-ukleged-egichedgi-wieguega, an bemar-imaksasulid. 
\q2 Ina-wawagan-oburmakedgi-budar-itogega, an bemar-imaksasulid. 
\q1  
\v 24 Be anga gwen masar-wawadikmalad baksasulid. 
\q2 Gwen be ibmar-durgan-oburgwileged-e-gwallugi an-yeer-itogega, be an-imaksasulid. 
\q1 Aka bur be be-isgumaladgi isdarsunna-itogega be an-imaksamalad. 
\q2 Be-isgumaladi, budarsunna-be-dakega an-imaksad. 
\b  
\q1  
\v 25 ”Degi-inigwele, ani, an nue-be-sabsoggu, a-ulale, an bega isgued elied. 
\q2 An be-isguedgi bar binsaosulid. 
\q1  
\v 26 Be angi ibmar-soged-nikale, igar-nabogedneggi be anga sogdado. 
\q2 Be ibmar sogdo, adi, magar-daklegega, bule-nabir be ibmar imaksasuli. 
\q1  
\v 27 Ar be-dad-sailaginedi isgusad. 
\q2 Be-odurdakmaladi, angi dummad-nosmalad. 
\q1  
\v 28 A-ulale, anse-goled-neg-dakmalad-dummagan nug-bipii an imaksad. 
\q2 Jacob-wagan-bela-obelolegega an imaksad. 
\q2 Israel-dulemar-mesagwar-imaklegega an imaksad.” 
\c 44  
\s1 Bab-Jehováʼbi, Bab-Dummadid 
\p  
\v 1 Bab-Jehová soged: 
\q1 “An-mai-Jacob-dulamar, Israel-dulamar-an-na-susad. 
\q2 ¡Emigi, nue be an-itogo!” 
\q1  
\v 2 Weyob Bab-Jehová-be-obinnisadi, sapibeneggi be-omesisadi, 
\q2 be-bendakmaidi, soged: 
\q1 “Jacob-dulamar, melle be dobgu, 
\q2 be an-mai gued, 
\q2 Jesurún, ani an be-susad. 
\q1  
\v 3 Napa-dinnaganaba dii-suurmakega an imakoed, 
\q2 nega-dinnaganaba dianmar an omesoed. 
\q1 Be-wagangine, An-Burba an odegoed, 
\q2 be-anagangine, ise-nued an binsaoed. 
\q1  
\v 4 Gagan-oglegwichiyobi gumaloed, 
\q2 dianmar-gaka-nagaba sapi-senigana-gwigwichi-daeyobi gumaloed. 
\q1  
\v 5 Dule-gwensak sogdagoed: ‘An Bab-Jehováʼgad gued.’ 
\q2 Dule-baiddi ‘Jacobʼye’ nugguoed. 
\q1 Dule-baidmoga e-argangi weyob narmakoed: 
\q2 ‘Ani an, Bab-Jehováʼgadi.’ 
\q2 Geb Israel-nug e-nugga imakoed.” 
\s1 Bab-Jehová, degi, bab-dummagan 
\p  
\v 6 Weyobi, Bab-Jehová, Israel-dulemar-e-Rey, Israel-dulemar-Bendakmaidi, degi, Bela-Gangued-Nikadi, soged: 
\q1 “Ani an gebesailadid, anse bergunaibalid, 
\q2 Bab-Dummad-baidi sulid. 
\q1  
\v 7 ¿Doa anyob gusunna? 
\q2 ¡Dule anyobile, sunmakdo! 
\q1 An an-dulamar-urbisad-akale, ibmarmar-gusad sogdo. 
\q2 ¡An-asabin, yoo-ibagan-guoedgi sunmakdo! 
\q1  
\v 8 ¡Melle be gwayemar, 
\q2 gandik be imakmar! 
\q1 ¿Ar bato an bega sogsasursi? 
\q2 ¿Dikasurgus an be-owisossursi? 
\q1 Ar bemar an-barsogega gumalad. 
\q2 ¿Ar Bab-Dummad-baid maisi? Suli. 
\q1 ¿Bab-Dummad-baid bebina-sogedi maisi? Suli. 
\q2 Gwen Bab-Dummad-baid-gudii an dakdisulid.” 
\s1 Bab-dummaganyob-soblesmalad-binsarmalad 
\q1  
\v 9 Dule ibmar-bab-dummadyob-imakleged-sobmaladi, ibmar-nuedga gusulid. 
\q2 E-ibmar-bur-yeerdakle-sobarmaladi, gwen ibmar-nuedga gusulid. 
\q1 E-sobmaladi, na wismalanad, 
\q2 we-ibmar-bab-dummadyob-imaklegedde, aku atakmalad, uaya yallirmalad. 
\q1  
\v 10 Dule-bab-dummad-baid-sobedi, we-ibmar ega ibmar-nuedga gusulid. 
\q2 Degi, esgoro-diregwadgi bab-dummadyob-imakleged-sobedi, we-ibmar ega ibmar-nuedga gusulid. 
\q1  
\v 11 Bela dule-ega-san-uksamaladi, bingedar itomaloed, 
\q2 we-ibmar-sobedgi-arbamaladi, unnila dulemar gumalad. 
\q1 Bela bular ambikudamarsun, bela dagmarsun. 
\q2 Ar bela ise-gwayar bukudmaloed, nue-bingedar itodmaloed. 
\b  
\q1  
\v 12 Dule-esgoro-sobed, esgoro amied. 
\q2 Geb soo-ginnitibidgine, esgoro mesed. 
\q1 Geb mardogi sarsogar bab-dummadyob-imakleged sobed. 
\q2 Ise nuesaar imaked. 
\q2 Ar dule-esgoro-sobedi, mas-gunsuli-arbanaile, gobsurbalile, nolloleddaed. 
\q1  
\v 13 Dule-ibmar-sobedi, suargi-ibmar-soboed dubgi wilub-imaked. 
\q2 Geb esgoro-garagwadgi ibmar sobed, ibmar-orokwaa-saedgi wagar-wilub-onoged. 
\q1 Geb a-sorbali, akwa duleyob-daklege, degi, yeerdaklege sobed, 
\q2 adi, neg-bipigwad-yaba ogwisegar. 
\b  
\q1  
\v 14 Dule-baigan nikabalid, urwar-digmalad. 
\q2 Geb dii-wiedi a-urwarmar odummoged. 
\q1 Geb urwar siklegega bukidar nika gunonikoed. 
\q2 Ciprés-warmardibe, barya-warmardibe, sapurba digdamalad, 
\q2 nue-odummogedse imakdamalad. 
\q1  
\v 15 Geb dulemar e-anagan soo-ogaega imakdamalad. 
\q2 Dule waegala, sapan-negabala ogadamalad. 
\q2 Egi soo-ogasale, madu yodamarbalid. 
\b  
\q1 Deginbali, egi suar-nuchu sobdamarbalid. 
\q2 Geb e-nug-odummoddamalad. 
\q1 Ibmar-sobaled-bab-dummadyob-imakleged sobdamarbalid. 
\q2 Geb asabin yokorgi-sindigar sigdamalad. 
\q1  
\v 16 Abala, a-suar, sapanga imakdamalad. 
\q2 Egine, geb na mas dudamalad, 
\q1 degi, san nariddamarbalid, 
\q2 geb nue-immelesdamalad. 
\q1 Geb deginbali, egi wadamarbalid. 
\q2 Sogdedamalad: “Soo-gasgu, wis uka-uegus-itole.” 
\q1  
\v 17 Geb suar-gwabgusadgi, suar-nuchu sobdamalad, 
\q2 e-bab-dummadga imakdamalad. 
\q1 Geb asabinni yokorgi-sindigar sigdamalad, 
\q2 e-nug odummoddamalad. 
\q1 Geb ise-wilegar ega sogdedamalad: “Be an-bendake, 
\q2 ar bee be, an-bab-dummadid.” 
\b  
\q1  
\v 18 Ar we-dulemar ibmar wissurmalad. 
\q2 Akusunna ibmar itomalad. 
\q1 Ar nue-atakmar-inigwele, akusunna ibmar dakmalad. 
\q2 Neg-aku-itomaladid, akusunna ibmar-itomaladid. 
\q1  
\v 19 Amba ibmar-wisgued napid. 
\q2 Amba magar-ibmar-itoged abeged. 
\q1 Ar gwen weyob binsasurmalad, 
\q2 weyob sogsurmalad: “Suar, abala madu-yoega an ebusad, 
\q1 abala an egi san-narisbalid, a-san an guchad. 
\q2 ¿A-suar-gwabgusadgi, an ibmar-isgana sobode? 
\q2 ¿Ar we-suar-asabin ande yokorgi-sindigar sigode?” 
\q1  
\v 20 Ar we-dulemar sooburu-maeyobi gumalad. 
\q2 Dukin e-binsaedbali yamoledimalad. 
\q1 Geg na-dukin agi onomalad, 
\q2 degi, geg sogbalid: “¡We an-argan-nuedsik-ibmar-ganikidi, ibmar-binsaledid!” 
\p  
\v 21 Bab-Dummad weyob sogded: 
\q1 “Jacob-wagan, we-ibmar be insao. 
\q2 Ani an be-obinnisad, be an-maiga-gued, 
\q1 Israel-dulemar, an gwen be-iegosulid. 
\q2 Israel-wagan, ar be an-maiga gued. 
\q1  
\v 22 Burwa-sibugana-yogguddaedyobi, an bega be-ibmar-isgana-imaked, osulosad. 
\q2 Degi, boo-aisakiddaedyobi, an bega be-isgued osulosad. 
\q1 Gannar be anse dage, 
\q2 ani an be-nudaksad.” 
\p  
\v 23 Isaías weyob sogded: 
\q1 “Mogir-billi, Bab-Jehová-ibmar-imaksadgi weligwaledgi be namak. 
\q2 Napa-yaa-matusurmalad, gandikidba be gormakmar. 
\q1 Yalamar, sapurmar, degi, bela e-sapimar, binnasuli be namakmar. 
\q2 Ar ade, Bab-Jehová Jacob-dulemar-bendaksad, 
\q2 Bab-Dummadi e-gandikid-yeerdakleged Israel-yalagi oyosad.” 
\s1 Jerusalénʼgi dulemar gannar ambikuoed 
\q1  
\v 24 Weyob Bab-Jehová-be-bendakedi, sapibeneggi-be-omesisadi soged: 
\q2 “Ani an Bab-Jehová gued, bela ibmar-obinnisadid. 
\q1 Ani an wargwen mogir-billi egasadid. 
\q2 Ani an dukin napneg onasosadid. 
\q2 Dule gwen an-bendaksasulid. 
\b  
\q1  
\v 25 ”Ani an Bab-Dummad-gayaburba-barsogedyob-san-imakdamalad-e-ibmar-sogedi, ega guega an imakdasulid. 
\q2 Nergan an obingesadaed. 
\q1 Dule-binsaed-ibegana sikirmakega an imakdaed. 
\q2 E-binsaed-nikaa-daedi, gannar-gannar-ibmar-obaredga an imakdaed. 
\q1  
\v 26 Ani an an-maimar-gayaburba ogannodaed. 
\q2 Degi, anga-gayaburba-berbemalad anse-ibmar-egisedi, sogedba-guega an imakdaed. 
\b  
\q1 ”Ani an soged, ‘Jerusalén-neggwebur gannar sigoye, 
\q2 Judá-neggweburmar gannar bukuoye, 
\q2 e-neg-bibichismalad, gannar an nudakoye.’ 
\q1  
\v 27 Ani an demar-wilasailad odinnoged. 
\q2 Degi, diwar-odinnogega an igar ukbalid. 
\q1  
\v 28 Ani an Rey-Ciroʼgi soged: ‘Anga sibad-wawaad-edarbed guye. 
\q2 An-ibmar-abegedi anga sogedba imakoye. 
\q1 Jerusalén-neggwebur gannar sigoye. 
\q2 Anse-goled-neg-e-saila gannar megoye.’ ” 
\c 45  
\s1 Bab-Dummad Ciroʼga igar-uked 
\p  
\v 1 Isaías soged: 
\q1 “Bab-Jehová, dulemar-yar-baid-baidgi-bukwamalad Ciro-urbalikwaa-nanaega imaksad. 
\q2 Ciroʼde, Bab-Jehová-nuggi-reyga-nugsalesadid. 
\q2 Degi, Bab-Jehová, Ciro reymar-e-gangued-obelogega imaksadid, 
\q1 Ciro-abinni, yawagakmar-argaega-imaksadid, 
\q2 yawagakmar-mer-bar-atuega-imaksabalidid.” 
\p  
\v 2 Bab-Jehová weyob Ciroʼga soged: 
\q1 “Ani an be-idunadapi guoed, 
\q2 ani an yalamar-omatogoed. 
\q1 Ani an bega esgoro-gordikid-yawagakmar mamaroed, 
\q2 ani an bega yawagak-eduged-esgorobiid bibisgoed. 
\q1  
\v 3 Ibmar-nuegan-gargerbamalad-dukuar-bukwad an bega ukoed. 
\q2 Ibmar-nuegan-dukuar-bukwad an bega ukoed. 
\q1 Adi, be wisguegar, ani an Bab-Jehová gued. 
\q2 Ani an Israel-dulamar-e-Bab-Dummadid. 
\q1 An be-nugba bese goledid. 
\q2  
\v 4 An, an-mai-Jacob-sabedbali, degi, an Israel-dulamar-susadbali, an bese be-nugba goled. 
\q1 Be aku an-dak-inigwele, an bega nug-gandikid uked. 
\q2  
\v 5 Anbi an Bab-Jehová gued, dule-baid sulid. 
\q1 An-imbagi, Bab-Dummad-baid sulid. 
\q2 Be aku an-dak-inigwele, an be-ogannogoed, 
\q1  
\v 6 adi, dulemar dad-nakwedsik-bukmalad, degi, dad-argwanedsik-bukmalad wisgumalagar, an-imbagi Bab-Dummad-baid sulid. 
\q2 Anbi an Bab-Jehová gued, dule-baid sulid. 
\q1  
\v 7 Ani an neg-meegwad nasiksad, 
\q2 ani an negsichid nasikbalid. 
\q1 Ani an dulemar-nued-gudiguega imakbalid, 
\q2 ani an boni-dummagan ukbalid, 
\q2 ani an Bab-Jehová-guedi, bela we-ibmarmar imakmaid.” 
\s1 Bab-Jehová ibmar-obinnisadid 
\p  
\v 8 Bab-Jehová soged: 
\q1 “¡Nibali, dii-boomiedyobi igar-innikigwad an barmidsun! 
\q2 ¡Mogir-imbaba dii-wiedyobi igar-napiragwad an barmidsun! 
\q1 ¡Napneggi igar-innikigwad maiguguega an imaksun! 
\q2 ¡Abonoleged an barmidsun! 
\q2 An Bab-Jehová-guedgi an we-ibmarmar obinnisad.” 
\p  
\v 9 Bab-Dummad sogbalid: 
\q1 “Dule na e-obinnisadbo urwele, ¡duledar-wiles-dakle! 
\q2 Ar dule napsa-nog-goayobi, napsa-nog-goamar-abargi-milediidyob gued. 
\q1 Ar napsa dule-e-sobedga weyob sogosi: ‘¿Ibu be imaknai? 
\q2 Be-ibmar-imaknaid nue be imaknaisulid.’ 
\b  
\q1  
\v 10 ”Dule e-babga sogele: ‘Ibiga be an-baksa.’ 
\q2 Dule-deyob-sogedi, ¡duledar-wiles-dakle! 
\q1 Dule e-nanga sogele: ‘Ibiga be napnegse an-odesa.’ 
\q2 Dule-deyob-sogedi, ¡duledar-wiles-dakle!” 
\p  
\v 11 Bab-Jehová Israel-dulemar-e-Bab-Dummad-Isligwaled, Israel-dulemar-urbisad, weyob soged: 
\q1 “¿Ar igi-an-mimmigan-yoedse-guoed be anse egichosi? 
\q2 ¿An-ibmar-obinnisadgi bemar anga igar-ukosi? Suli. 
\q1  
\v 12 Ar ani an napneg nasiksad. 
\q2 Ani an dulemar urbisad. 
\q1 An-argangine, mogir-billi an nasiksad. 
\q2 E-niisgwamarga ani an igar uksad. 
\q1  
\v 13 Ani an gandikidba Rey-Ciro-ogwichisad, 
\q2 an ega igarmar nudakoed. 
\q1 Ciro anga an-neggwebur gannar urboed, 
\q2 an-dulamar-gales-bukwad anga onogoed. 
\q1 Ciro, an-dulamar-onogoedi, manigi-baklegar onogosulid. 
\q2 Ani an Bab-Jehová-Bela-Gangued-Nikad deyob soged.” 
\p  
\v 14 Weyob Bab-Jehová soged: 
\q1 “Egipto-e-ibmar-nuegan, degi, Etiopía-e-ibmar-nuegan, begadga gumaloed. 
\q2 Sabeo-dule-burwisurmaladi, be-sorba esgoro-dubgi ebipilemai gumaloed. 
\q1 Bemar-asabinni yokorgi-sindigar bukumaloed, 
\q2 ise-wilesakwaa bemarga sogdamaloed: 
\q1 ‘Unnila Bab-Dummad wargwenna-mai, Bab-Dummad-baid suli. 
\q2 We-Bab-Dummadi, bemarba naid.’ ” 
\b  
\q1  
\v 15 Bab-Dummad, be, Israel-dulemar-Abonogedid, 
\q2 be Bab-Dummad-akudaklegedid. 
\q1  
\v 16 Bela dulemar ibmar-bab-dummadyob-imaklemalad-sobmaladi, bingedar-itoge gumaloed, 
\q2 degi, san-bipii gumaloed. 
\q2 Bela bular na san-bipi gumaloed. 
\q1  
\v 17 Israel-dulemar Bab-Jehováʼgi-nue-bendaklesmalad, bendakles sadegumaloed. 
\q2 Bali-bipisaale, bingedar-itogosurmalad, bali-san-bipi imaklegosurmalad. 
\p  
\v 18 Ar ade, weyob Bab-Jehová soged: 
\q1 “Ani an Bab-Jehová gued, 
\q2 Bab-Dummad-baid sulid. 
\q1 Ani an mogir-billi-obinnisadid. 
\q2 Ani an napneg-nasiksadid. 
\q1 Ani an napneg-ilemakar nasiksadid, 
\q2 binsa-ollobi-nasikega an imaksasulid, 
\q2 dulemar egi ambikuega an imaksad. 
\q1  
\v 19 Gwen an bemarga we-napneg-naidgi negsichidgi-dukuar an sunmaksasulid. 
\q2 Degi, gwen an Jacob-waganga weyob sogsasulid: ‘Neg-olloledgi be an-amimalo.’ 
\q1 Ani an Bab-Jehová-guedgi igar-napiragwadbi an soged, 
\q2 degi, an igar-innikigwadbi soged.” 
\s1 Bab-Jehová, degi, ibmar-sobarmalad-bab-dummadyob-imaklemalad 
\p  
\v 20 Bab-Jehová sogbalid: 
\q1 “Dule-yar-baid-baidginmalad bemar-wakindimalad be atomar, 
\q2 be anse dagmar. 
\q1 Akusunna-ibmar-itomaladi, ibmar-sobarmalad-bab-dummadyob-imakleged sedimalad. 
\q2 Degine, bab-dummagan-gwen-e-abonogosulidse gordimalad. 
\q1  
\v 21 Be sunmakmar, ibmar-imaksad be sogmar, 
\q2 na be muchub-muchub egisnanai be samalo. 
\q1 ¿Doa bato dikasurgus iduakwaa we sogsa? 
\q2 ¿Doa epenne bato we-ibmar sogsa? 
\q1 ¿Ar ade, ani an Bab-Jehová we-ibmar sogsasursi? 
\q2 Baid Bab-Dummad sulid. 
\q1 Ani an Bab-Dummad-Innikidaedid. 
\q2 Ani an Dule-Abonogedid. 
\q2 Baid Bab-Dummad sated. 
\b  
\q1  
\v 22 ”Bela napneg-ugakagi-bukmalad be abonolemalagala, anse be gannar dagmar. 
\q2 Ar ade, ani an Bab-Dummadid, Bab-Dummad-baid sated. 
\q1  
\v 23 An-nuggi an ise-sogar-imaksad, 
\q2 an napiragwadba ibmar-sogsad, 
\q2 ibmar gusuli-guosulid guedsegad. 
\q1 Bela-dulemar an-asabin yokorgi-sindigar sigmaloed, 
\q2 bela-dulemar anga ise-sogar imakmaloed. 
\b  
\q1  
\v 24 ”Wemar angi sogmaloed: ‘Unnila Bab-Jehováʼgi igar-innikigwad danikid, 
\q2 degi, gargangued eginbi danibalid.’ ” 
\q1 Dulemar isdar Bab-Dummad-daksamaladi, Bab-Dummad-asabin nonimaloed, 
\q2 bingedar itomaloed. 
\q1  
\v 25 Bela Israel-e-wagan bendaklegoed, 
\q2 degi, bela Bab-Jehová-nuggi gannarba gumaloed. 
\c 46  
\s1 Babilonia-dulemar-e-bab-dummagan 
\q1  
\v 1 Babilonia-dulemar e-bab-dummad-Belʼye-nugad dugdir naded, 
\q2 bab-dummad-Neboʼye-nugad balimelleded. 
\q1 Wemar-e-wilubgan-sobarmalad, ibmar-durgan-nabir-ibmar-semaladgi sesmalad. 
\q2 Ar ade, wemar-e-wilubgan yeer-aidikued, 
\q1 bela ibmar-durgan-nabir-ibmar-semalad-ebilis nasikdamalad, 
\q2 ibmar-durgan nue-yegus itodamalad. 
\q1  
\v 2 Bab-dummadyob-imaklemalad dugdir nadmalad, 
\q2 napagi babatided, 
\q1 gwen dukin na bendaksasurmalad, 
\q2 degidba gales selesmalad. 
\p  
\v 3 Bab-Dummad weyob soged: 
\q1 “Jacob-wagan, be an-itomar, 
\q2 bela Israel-dulemar be an-itomar. 
\q1 Sapibeneggi be maigu, an nue-be-akwisad, 
\q2 an nue-be-nidii gusad. 
\q1  
\v 4 Amba bemar seredgusale, 
\q2 bato bemar nono-dagudikgusale, 
\q1 amba an nue-be-nidii guoed. 
\q2 Amba an-sunnagwad an be-sedioed. 
\q1 Ani an bemar-obinnisad, 
\q2 ani an bemar-bendakdii guoed. 
\q1 Ani an be-sedioed. 
\q2 Ani an igar-bulegangi be-ollorsaoed. 
\b  
\q1  
\v 5 ”¿Doa-ebo be an-wilubdakoe? 
\q2 ¿Doa-ebo emar-daklege be an-imakoe? 
\q1 ¿Doa-yopira an-daklege be an-imakoe? 
\q2 Suli. Gege be emaryob be an-imaked. 
\q1  
\v 6 Ar dulemar gwenna-gwenna, binsa e-or sagumargi-bukwadi, obelodamalad, 
\q2 e-manidi, nibirgi wilubsadamalad. 
\q1 Geb dule-ibmar-sobed amidamalad, 
\q2 adi, bab-dummadyob-imakleged sobegar. 
\q2 A-bab-dummadyob-imakleged-nug-odummogega, e-asabinni yokorgi-sindigar sigdamalad. 
\q1  
\v 7 Geb a-sorbali, a-bab-dummadyob-imakleged, gukingi-mai seddamalad. 
\q2 Geb e-gwisguedgi ogwisgudapdamalad, bar onirdasurmalad. 
\q1 Ar dule amba we-ibmar-sobaledse binnasuli-gornaile, amba e-abinsaosulid. 
\q2 Degine, amba dule-bukib-binsadiid egi gwen bendaklegosulid. 
\b  
\q1  
\v 8 ”Bemar, uyasulidamalad. We-ibmar be ebinsamalo. 
\q2 ¡Nue na be binsamalo, nue be itomalo! 
\q1  
\v 9 Epenne ibmar-dikasurgus-gusmalad be ebinsamalo. 
\q2 Ani an Bab-Dummadid, dule-baid sated, 
\q2 Ani an Bab-Dummadid, dule-anyobid sulid. 
\q1  
\v 10 Ani an sailanagi yoedse-ibmar-guoed owisoged. 
\q2 Ibmar yoedse-guoedi amba dikasuli-gued-idu an soged. 
\q1 An soged: An-ibmar-abegedi sogedba guoed, 
\q2 an-ibmar-abegedba an imakoed. 
\q1  
\v 11 Dule-gwensakse dikasuli dad-nakwedsik an gochad, 
\q2 sulubagiyob dikasuli danikoed, 
\q1 a-dule, anga an-ibmar-abeged-imakoed. 
\q2 An-ibmar-sogsadi, sogedba-guega an imakoed. 
\q2 An-igar-amisadi, an imakoed. 
\q1  
\v 12 Gwage-dutusurmalad, be an-itomar. 
\q2 Igar-napiragwadgi-dikasurgudimalad, be an-itomar. 
\q1  
\v 13 An-igar-napiragwadi dikasur maisulid, 
\q2 an-abonogedi bato warmaksad. 
\q1 Sión-yala-abonoleged an imakoed, 
\q2 Israel-dulemarga an-gandikid an ukoed.” 
\c 47  
\s1 Babilonia-yala berguoed 
\p  
\v 1 Bab-Jehová sogbalid: 
\q1 “Babilonia-yala yagwa-yoo-sui-nikuedyobi be guedi, 
\q2 be aidege, napagi be sige. 
\q1 Caldea-dulemar-e-sisgwayobi be guedi, 
\q2 napagi be sige, ar be-ologana bergusad. 
\q1 Bar bese ome-nued-dakleye gorlegosulid, 
\q2 degi, ome-bakagwaledye gorlegosulid. 
\q1  
\v 2 Obnaged-akwa be sue, 
\q2 ibmar-gwag egi be nage. 
\q1 Muswe be unge, 
\q2 sabure-bayaa be sae, 
\q1 dua swiri be imake, 
\q2 diwargi be obake. 
\q1  
\v 3 Be-uka-swiligwadi bela daklegoed, 
\q2 bela be-abganse-bakale, daklegoed. 
\q1 Be dummad-bingeguoed. 
\q2 An buged be-imakoed. 
\q1 Bela dulemar isgusadbi an dakoed, 
\q2 an ega e-isgued gwen eliosulid.” 
\b  
\q1  
\v 4 Anmar-Bendakedi, Israel-dulemar-e-Bab-Dummad-Isligwaledid. 
\q2 Bab-Jehová-Bela-Gangued-Nikadye nugad. 
\p  
\v 5 Bab-Dummad weyob soged: 
\q1 “Caldea-dulemar-sisgwa bogi be sige. 
\q2 Neg-gubyagwaled-yaba be doge. 
\q1 Ar dule bar be-biosulid: 
\q2 ‘Rey-bundor yar-baid-baid-nanaid semaidye.’ 
\q1  
\v 6 An-dulamala an-oulus gusad. 
\q2 A-ulale, a-dulemar an obachagusad. 
\q1 Be-argan-yaurgi an uksagusad. 
\q2 Degi-inigwele, gwen be wiledaksasulid. 
\q2 Dule-sergangala arbaed-dummad be uksagusad. 
\q1  
\v 7 Weyob be sogsa gusad: 
\q2 ‘¡Gusgu bela yar-semaigu an guoye!’ 
\q1 Degi-inigwele, gwen be binsassulid, an berguodeeye, 
\q2 gwen weyob-guodeeye be binsassulid. 
\b  
\q1  
\v 8 ”Emigindi, Rey-bundor-ibmarbina-surbinsa-itoged, be nue-itogo: 
\q2 Emide, na be nued-gudii itoged, 
\q1 na be dukin-weyob sogdiid: 
\q2 ‘Anbi an weyob guye, dule-baid anyobid surye. 
\q1 Bipisaale, an gwen machered-sate guosurye, 
\q2 an gwen mimmigansuli guosurbarye.’ 
\q1  
\v 9 Ar ibagwennaa ukiarmakale, ibmar-sogbobela bega guoed: 
\q2 Mimmigansuli be gunonikoed, 
\q2 degi, machered-sate be gunonikoed. 
\q1 Ar be bukidar ina-isgana-imako-inigwele, degi, bela ibmar-burbamar be oyogo-inigwele, 
\q2 we-ibmar be-bendakosulid. 
\q1  
\v 10 Ar be be-ibmar-isgana-imakedgi be bengussulid. 
\q2 Ar be sogsagusad: ‘We-ibmar-isgana-imakedgi dule an-dakdisuli.’ 
\q1 Be-binsaed-nikadaedi, be-ibmar-wisidaedi, dukin be-yardaksad. 
\q2 Ulubgine na be weyob sogsad: ‘Anbi an weyob guye, dule-baid anyobid surye.’ 
\q1  
\v 11 Begine, boni-dummad nonikoed, 
\q2 mer begi-yolegega be imakoenad, 
\q2 degi-inigwele, we-boni begi yolegedsegad. 
\q1 Begine, boni-dummad-nagunonikoed, gwen be gaosulid. 
\q2 Boni-dummad begi danikoye gwen be binsadisulidgi, ukiarmakale begi gwisgunonikoed. 
\b  
\q1  
\v 12 ”Ibmar-burbamar-wisid-oyogedgi be alamakdii gudo. 
\q2 Ina-isgana-imakedgi be alamakdii gudo. 
\q1 Ar nuchukwagwad-akale, egi be arbadiid. 
\q2 Abakar wis be-ibmar be-bendakalile, 
\q2 abakar wis be nabir bonigan-ogwayealile. 
\q1  
\v 13 Bukidar-bega-binsaed-uklesadba, be budar-itogusad. 
\q2 Emisgi, dule-niisgwaba-bega-ibmar-dakar-sogmalad dagmarsun: 
\q1 We-dulemar mogirmargi-ibmar-nanaidba-nergumaladid, 
\q2 niisgwa-dakedba-ibmar-sogmaladid, degi, nii-irba iduakwaa-ibmar-guoed-sogmaladid. 
\q2 We-dulemar boni-dummagan begi-danikoedgi be-bendakmarsun. 
\q1  
\v 14 Be-dake, we-dulemar gagan-durganyob-gumalad, 
\q2 bela soo obelogoed. 
\q1 Na-dukin soo-gwabunyedgi san-onogosurmalad. 
\q2 Ar we-soo, neg-uee-imakedyobsulid, geg be walik siged. 
\q2 Geg be we-soo-asabin siged. 
\q1  
\v 15 Weyob dulemar-bebo-alamakdigusad gumaloed. 
\q2 Ar be nuchukwagwad-akale, bebo-ina-isganagi-arbasmalad weyob gumaloed. 
\q1 Na wala-walagwen e-itolegedba nademaloed, 
\q2 ar dule-wargwensaale be-bendakosulid.” 
\c 48  
\s1 Israel-dulemar-uayasulidaed 
\q1  
\v 1 Jacob-wagan, we-igar-an-bega-sogoedi, nue be itomalo. 
\q2 Judá-wagan Israel-dulemarye-biledimalad, nue an-itomalo. 
\q1 Bemar Bab-Jehová-nuggi be ise-sogar-ibmar-sogdimaladi, Israel-e-Bab-Dummadse be gordimaladi, napiragwadgi be imakdisurmalad. 
\q2 Igar-innikigwadgi be imakdisurmalad. 
\q1  
\v 2 Bemar neggwebur-islidikidginmaladye na be sogdimalad, 
\q2 degine, Israel-e-Bab-Dummadgi-bensurmalad, 
\q1 Bab-Dummad-Bela-Gangued-Nikadye-nugadgi be bensurmalad, 
\q2 nue be itomalo. 
\p  
\v 3 Bab-Dummad weyob soged: 
\q1 “Ibmar-gusmaladi, bato an dikasurgus egi an sunmaksad. 
\q2 Yoo-ibmar-guoed-iduale, bato an egi iduakwaa sunmaksad. 
\q1 An-sunnagwad dulemarga an oyosad. 
\q2 Ukiarmakale, an imaksad. 
\q2 Bela deyob gunonikid. 
\q1  
\v 4 Ar ade, bato an wisid, bede nue gwage-dutusulid, 
\q2 be-dukar-war esgoro-gannaregedyobid, 
\q2 be-bebe-gar esgoro-gordikidyobid. 
\q1  
\v 5 A-ulale, an bega dikasurgus we-ibmar sogsad. 
\q2 Iduakwaa we-ibmar-guoed an bega oyosad, 
\q1 adi, melle be sogegar: ‘An-ibmar-bab-dummadyob-sobaled, we-ibmar imaksaye. 
\q2 An-ibmar-wilub-sobaled, degi, an-suar-sobaled we-ibmar-guoed sogsaye.’ 
\q1  
\v 6 Bela we-ibmarmar-gusad be itosad, bela be daksad. 
\q2 Degite, ¿bemar we-ibmarmar-gusad sogosursi? 
\b  
\q1 ”Emisgi, an ibmar-binigan bemarga an sogoed. 
\q2 Be-idu ibmar-dukuar-mamaidi, akudaklemaladi, an bemarga sogoed. 
\q1  
\v 7 We-ibmarmar emiskwaa imaklesmaladid, 
\q2 dikasurgus imaklesurmaladid. 
\q1 Emi-ibagine, amba egi-sunmakleged be itodisulid, 
\q2 adi, melle be sogegar: ‘Eye, dika bato an wisbinye.’ 
\q1  
\v 8 Bipisaale, gwen we-ibmar be itodisulid, 
\q2 gwen be wissurbalid. 
\q1 We-ibmar gwen be iduar itodisulid, 
\q2 gwen bega iduar be-uaya, magasar-itogega argassulid. 
\q1 Ar an nue be-wisid, be emar-yardakmaladid, 
\q2 be gwalulesad-akale, uayasulidaedye be-bimalad. 
\b  
\q1  
\v 9 ”An, an-nug-sabed-ulale, an-urwed an bargaed. 
\q2 An-nug-odummoleged-ulale, an na san-bargaed, 
\q2 adi, melle be-obelogegar. 
\q1  
\v 10 ¡Be dakena! An swilidik be-imaksad. 
\q2 Degi-inigwele, mani-swilidik-imaklegedyob an be-imaksasulid, 
\q2 sabsur-wile-itolegedgi an be-wilubdaksad. 
\q1  
\v 11 An we-ibmar-imaksadi, an-ulale an imaksad, 
\q2 an na dukin-sabed-ulale, an deyob imaksad. 
\q1 ¿Sunna an-nug obanagwar-imakmalaga an imakosi? Suli. 
\q2 An-nug-odummolegedi, dule-baidgadga an ukosulid.” 
\s1 Israel-dulemar-ollorgunonikid 
\p  
\v 12 Bab-Jehová weyob sogbalid: 
\q1 “Jacob-wagan, be an-itoge, 
\q2 Israel-wagan, ani an bese gochad. 
\q1 Ani an Bab-Dummadid. 
\q2 Ani an gebesailaginedid, anse bergunaibalid. 
\q1  
\v 13 An-argangine, napneg an nasiksad, 
\q2 an-argan-nuedsiki, mogir-billi an egasad. 
\q2 Ani an e-nugba ese gochagu, bela nagunonikid. 
\b  
\q1  
\v 14 ”Bela bemar ambikumar, be an-itomar: 
\q2 ¿Doa we-ibmar-guoed iduakwaa sogsa? 
\q1 Ani Bab-Jehová, an dule-gwensak-susad Babilonia-yalagi an-ibmar-imakbied imakoed, 
\q2 Caldea-dulemargi gwichiguoed. 
\q1  
\v 15 Ani an we-ibmarmar sogsad. 
\q2 Unnila ani an we-dulese gochad. 
\q1 Dagega, an imakoed, 
\q2 e-ibmar-imakoedgi emargi obinoed. 
\b  
\q1  
\v 16 ”Anse be walikgudamar, 
\q2 an ibmar-sogoedi, nue itomalo: 
\q1 Gebesailaunni an gwen dukuar sunmaksasulid, 
\q2 ibmarmar gualile, bato an gunaidaed.” 
\p Emide, Bab-Jehová-Bela-Gangued-Nikad, E-Burba-gandikidba an-barmialid.  
\v 17 Weyobi Bab-Jehová be-Bendakedi, degi, Israel-dulemar-e-Bab-Dummad-Isligwaled, soged: 
\q1 “Ani an Bab-Jehová gued, 
\q2 bemar-Bab-Dummadid. 
\q1 Ibmar-nueganba be-odurdakedid, 
\q2 ibu-igarba be nanaoe, a-igarba be-iduedid. 
\q1  
\v 18 An-igarmar-mamaidba be uaya-nika gudigusana, 
\q2 diwar-aryomadaedyobi ulubgi bogidikid be nikuoenad, 
\q2 demar-mullumakmadaedyobi be baisur-itodii guoenad. 
\q1  
\v 19 Be-wagan ukub-naidyob-mergu guoenad, 
\q2 be-mimmigan ukub-merguedyob-mergu guoenad. 
\q1 E-nuga gwen-alliosulinad, 
\q2 an-asabinni, gwen weyob guosulinad.” 
\b  
\q1  
\v 20 ¡Babilonia-yalagi be ainimar! 
\q2 ¡Caldea-dulemargi be wakinmar! 
\q1 Bemar Babilonia-yalagi-noedgi binnasuli weligwaledba be we-igargi sunmakmalo. 
\q2 We-ibmar dulemar-wisguega be imakmalo, 
\q2 bela yala-naid-ugakaase gayaburba be mimimalo. 
\q1 Weyob be sogmalo: 
\q2 “Bab-Jehová, e-mai-Jacob-wagan bendaksaye.” 
\q1  
\v 21 Nega-dulesulidganba-seargua, gwen ukud mechasurmalad. 
\q2 Bab-Jehová emargala, akwasailagi dii-aryogega imaksad. 
\q2 Akwa-marisgusadgi dii-binnasur ega aryogega imaksad. 
\p  
\v 22 Bab-Jehová soged: 
\q1 “Dule-isganagardi gwage-bogidikid sateye.” 
\c 49  
\ms1 4. YOEDSE-GANDIKIDBA NEG-OYOLEGOED 
\mr (49:1–66:24) 
\ms2 4a. Yoedse-dule-abonoged-danikoed 
\mr (49:1–59:21) 
\s1 Bab-Jehová-e-mai 
\q1  
\v 1 Dikasur-demar-gakaba-bukmaladi, be an-itomar. 
\q2 Neggwebur-bannaba-bukmaladi, an-ibmar-sogoed itomalo: 
\q1 Gwaluleged-iduale, Bab-Jehová bato anse gochad. 
\q2 Sapibeneggi-mai, bato an-nug bisad. 
\q1  
\v 2 Es-suid-swiswidikidyobi an-gayaburba imaksad. 
\q2 E-argan-yaurgine an-odukusad. 
\q1 Sigu-daarmakaledyob an-imaksad, 
\q2 e-sigumar-saboged-yaba an-odukusad. 
\p  
\v 3 Bab-Dummad anga weyob sogsad: 
\q1 “Israel-wagan, be an-maiga gued. 
\q2 Begine, an-nug odummolegoed.” 
\p  
\v 4 Geb an abinsaded: 
\q1 “Binsarsunna an arbasad. 
\q2 Binsarsunna an gar-itosad, 
\q2 gwen ibmar-nued an nikgussulid. 
\q1 Degi-inigwele, an-ibmar-imakedi, Bab-Jehováʼgi siid. 
\q2 Bab-Dummad anga-ibmar-nuegan-ukoed bato guagwar sisad.” 
\p  
\v 5 Emide, Bab-Jehová soged: 
\q1 “An e-maiga-guegala, 
\q2 sapibeneggi-mai anga burba uksad. 
\q1 Adi, Jacob-wagan gannar eba nanaegar, 
\q2 Israel-dulemar gannar ese ambikudagegar. 
\q1 Ar ande Bab-Jehová-asabin an-nug gannarba gued. 
\q2 Agala, an-Bab-Dummad anga niga-ogannoged.” 
\p  
\v 6 Bab-Dummad weyob e-maiga soged: 
\q1 “Be an-maiga-guedgi, unnila be anga Jacob-waganbi gannarse nudakosulid. 
\q2 Unnila be anga Israel-dulemarbi gannar-e-yarse sedagosurbalid. 
\q1 Dulemar-yar-baid-baidgi-bukmaladga, neg-meegwadga-guega an be-imakbalid, 
\q2 degi, bela napaneg-naid-ugakaasega, an-abonoleged-igar-sedega an be-imakbalid.” 
\b  
\q1  
\v 7 Bab-Jehová, Israel-dulemar-ollor-imakedi, Bab-Dummad-Isligwaledi, weyob soged, 
\q2 dulemar-yar-baid-baidgi-bukmaladse mesagwar-gulediidga, isdar-daklediidga, 
\q2 degine, dummagan-negdakmamaid-e-maiganga, weyob soged: 
\q1 “Reymar be-dakdamalogu, gwisgudmaloed. 
\q2 Dule-dummagan-nuga-nikamalad be-dakdamalogu, be-abin dulluu imakmaloed. 
\q1 Israel-dulemar-e-Bab-Jehová-Isligwaled-ular, be-nug odummodmaloed. 
\q2 Ar ade, Bab-Dummad, dule-napiragwadid, 
\q2 degi, na e be-susadid.” 
\s1 Bab-Dummad Israel-dulemar gannarse urbisad 
\p  
\v 8 Bab-Jehová weyob soged: 
\q1 “Iba-nuegangi an be-itosad, 
\q2 degi, abonoleged-ibagangi an be-bendaksad. 
\q1 Emigindi, an nue-be-akoed, 
\q2 degi, an begine dulemarga igar mesoed, 
\q1 adi, be gannarse neggwebur-urbegar, 
\q2 degine, nainumar-olloo-nanaid be mimiegar. 
\q1  
\v 9 Adi, dule-galesmaladga weyob be sogegarba: ‘Be ainimarye.’ 
\q2 Degi, dulemar-negsichidgi-bukmaladga weyob be sogegarba: ‘Bemar ollorgusmarye.’ 
\b  
\q1 ”Bemar, igarbali, be-ibdurganga gagan-ara-aramalad amimaloed, 
\q2 bela nega-dulesulid-yar-mullugangi gagan-ara-aramalad be amimaloed. 
\q1  
\v 10 Bemar ukudmaada itogosurmalad. 
\q2 Dad-ibeler-gaedi, degi, neg-ueguedi, budar-itoge be-imakosurmalad. 
\q1 Ar dule-wile-be-daked, be-nioed, 
\q2 dian-aryomamaidba be-sedoed. 
\q1  
\v 11 Bela an-sapurmar-nanaidgi igar-mamai an imakoed, 
\q2 an-igarmar an omesoed. 
\q1  
\v 12 ¡Be dakmalana! 
\q2 Wemarde dikasuli danimaloed. 
\q1 Gwen-gwen dad-nakwed-argan-sapiledsik danimaloed, 
\q2 baigandi, dad-argwanedsik danimarmogoed, 
\q2 degi, baigandina, Sinim-yar-akar danimaloed.” 
\b  
\q1  
\v 13 Nibneg-naid, be weligwaledba, ¡binnasuli gole! 
\q2 Napneg-naid, ¡be wergusun! 
\q1 Sapurmar, ¡gandikidba be namakmar! 
\q2 Ar Bab-Jehová e-dulemar-gwage armaked, 
\q2 e-dulemar-wilesagwa-gudimalad wiledaked. 
\p  
\v 14 Degi-inigwele, Sión-yalagi-bukmalad weyob sogsad: 
\q1 “Bab-Jehová walagwen an-meted, 
\q2 Bab-Jehová an-iesad.” 
\p  
\v 15 Bab-Jehová sogdebalid: 
\q1 “¿Ar sunna nan-gwensakde e-mimmi-iesi? 
\q2 ¿Ar sunna e-mimmi-baksad sabgusuli gusi? 
\q1 Ar we-nande, e-mimmi-nue-ieye-sogele, 
\q2 andi an gwen be-iegosulid. 
\q1  
\v 16 An-argangi-sobar-naiyobi an be-sediid. 
\q2 Be-galu-matusurmaladi, an iedisulid. 
\q1  
\v 17 Bega-neg-sobmaladi, begi gwae-gwae danimalad. 
\q2 Be-obelomaladdi, begi bangudmalad, 
\q2 bei neg-ollomaksamalad begi bangudmalad. 
\q1  
\v 18 Nue be-atake, be-dikarba nue be neg-dake. 
\q2 Bela bulakwaa ambikunonimalad, bese danimalad.” 
\p Bab-Jehová soged: 
\q1 “An dula-maisoggu, bela wemar, ibmar-nuegan-ebulegedyobi gumaloed, 
\q2 abirgin-nikued-mor-yolegedyobi gumaloed. 
\b  
\q1  
\v 19 ”Be-yala obelosmar-inigwele, 
\q2 akwamarbi ganna-ganna obesmar-inigwele, 
\q1 degi, olloo nasiksamar-inigwele, be-yala be-dulemarga unniguosulid. 
\q2 Dule-be-wiosmaladdi, dikasuli bemargi bukwa gumaloed. 
\q1  
\v 20 Be-mimmigan-bei-yoggusye-na-be-bisadi, bega sogdamaloed: 
\q2 ‘Dogdar we-yala anga bipii noye. 
\q1 Anga be neg-amiye, 
\q2 agi nabir an gudisaegarye.’ 
\q1  
\v 21 Geb degi, be binsadoed: 
\q2 ‘¿Doa we-mimmigande anga baksasunna? 
\q1 An mimmi satenad, 
\q2 ar an geg mimmi bakenad. 
\q1 An ononnoles gudiinad, 
\q2 emarse-obanagwar an gudiinad. 
\q1 Ar we-mimmigande, ¿doa anga odummossunna? 
\q2 Ar an walagwen gudiinad, 
\q2 emide, ¿ar bia wemarde danimarsunna?’ ” 
\p  
\v 22 Bab-Jehová-Bur-Biriginedi weyob soged: 
\q1 “Dulemar-yar-baid-baidgi-bukmaladga an igar ukoed, 
\q2 neggwebur-bukmaladsik an-bander an onakoed, 
\q1 adi, wemar, e-sakwagi-mai bega be-mimmigan-sedamalagar, 
\q2 degi, e-gukingi-mai bega be-bunamala-sedamarbaligar. 
\q1  
\v 23 Reymar e-mimmiganga be-imakmaloed, 
\q2 degi, rey-omegan be-nanga gumaloed. 
\q1 Be-asabinni, dulluu napase imakmaloed. 
\q2 Degi, maligi ukub-naile, bega elimaloed. 
\q1 Geb agi, be wisgumaloed, ani an Bab-Jehová gued. 
\q2 Dule-angi-bensurmaladi, bingedar itogosurmalad.” 
\b  
\q1  
\v 24 Dule-bila-onomalad bila-onogedgi-ibmar-susadi, ¿sunna e-ibe be susi? Geg gue. 
\q2 Dule-galesadi, ¿sunna dule-isgana-e-gasadgi wakinnosi? Suli. 
\p  
\v 25 Degi-inigwele, Bab-Jehová weyob soged: 
\q1 “Dule-bila-onoged bila-onogedgi-ibmar-susadi, e-ibe sulegoed. 
\q2 Deginbali, dule-isgana dule-gasa-sesadi, gannar e-annik sulegoed. 
\q1 Ar andi, dule-begi-urwedimaladgi an be-bendakoed. 
\q2 An-sunnagwadi, an be-mimmigan bendakoed. 
\q1  
\v 26 Be-isdarmalad na dukin e-san-gunmalaga an imakoed. 
\q2 Vino-gobeyobi, na dukin e-ablisgi-mumgumalaga an imakbaloed. 
\q1 Degisoggu, bela dulemar wisgumaloed, ani an Bab-Jehová gued. 
\q2 Ani an be-Abonogedid. 
\q1 Ani an Jacob-waganga dule-gandikid gued. 
\q2 Ani an be-bendakedid.” 
\c 50  
\s1 Bab-Jehová dulemar-egi-bensulid bendaked 
\p  
\v 1 Bab-Jehová weyob soged: 
\q1 “Israel-dulemar, ¿an bemar-nan obachasi? 
\q2 Degite, ¿bia abirgin-meted-gardade nadsunna? Anga be oyodo. 
\q1 ¿An doa-dulemarga bemar-egi-mani-ganikidyobi an be-uksamarsunna? 
\q2 An deyob be-uksasurmalad. 
\q1 Ar be-isgued-ular, na be dukin uksamalad. 
\q2 Bemar uaya-sate-gusad-ulale, be-nan oballedsunnad. 
\q1  
\v 2 An nonigua, ¿ibiga dule-sate an daknonisunna? 
\q2 An gotegua, ¿ibiga dule gwen an-abin-imaksasursunna? 
\q1 ¿Ar bemar-bendakosurye, be angi binsamala? 
\q2 ¿An bemar-onogega, garganguedsuli be an-dakmala? 
\q1 Ar an sunna, demar, ilagwensaale dinna saed. 
\q2 Ar an sunna, diwarmar, nega-dulesulidga-nai imaked. 
\q1 Uamar e-mas-satedba burgwideled. 
\q2 Dii-dingudedba uamar bela nungudeled. 
\q1  
\v 3 An sunna mogir-billi nega-gubyagwaledbi-nai an imaked, 
\q2 mor-sichid-naidyobi an imaked.” 
\b  
\q1  
\v 4 Bab-Jehová binsaed-ibegan-sunmaked-gwabinduku anga uksad, 
\q2 adi, dulemar-geggus-gudimalad-e-gwage gadi-gadi-imakegar. 
\q1 Bab-Dummad bane-bane wakudaryalabali an-odaked, 
\q2 ibmar-itogega an-imaked, 
\q2 adi, dule-ibmar-durdaknaidyobi an ibmar durdakegar. 
\q1  
\v 5 Bab-Jehová ibmar-magar-itogega an-imaksad, 
\q2 an eba uayasuli gussulid, 
\q2 an eba ibsassuli gwen gussulid. 
\q1  
\v 6 Dulemar-an-bibyonanaidga an-yargan an oyosad. 
\q2 Dulemar-an-siga-sabsur-ungemaladgi, an-aku an gwen odukussulid. 
\q2 Degine, dule-angi-dodomaladgi, degi, angi-wiakmaladgi, an-wagar an gwen odukussulid. 
\q1  
\v 7 Ar Bab-Jehová-Bur-Birigined an-bendaked, 
\q2 degisoggu, mesagwar-imaklenaidgi an bai itossulid. 
\q1 A-ulale, akwasailayob an na gandik imaksad. 
\q2 Ar an wisid, an bingeguosulid. 
\q1  
\v 8 Dule-an-irwa-gwisguedi, an-nagaba gudiid. 
\q2 ¿Degisoggu, doa anbo gala-itobie? 
\q1 Dule anbo-gala-itobiele, ¡anse dagdo! 
\q2 Dule angi gwisgubiele, ¡anga ibmar sogdado! 
\q1  
\v 9 ¡Ar Bab-Jehová-Bur-Birigined an-bendakdaed! 
\q2 ¿Doa sabsur-odurdakleged-igar anga mesosunna? 
\q1 Ar an-isdarmaladdi, ilagwen-berguar gudoed, 
\q2 igi mor suuse-gulledae, deyobi namaloed. 
\b  
\q1  
\v 10 ¿Doa bemar-abargi Bab-Jehová-dobee gudii? 
\q2 ¿Doa Bab-e-mai-sogedba nanadii? Dule sated. 
\q1 Dule-negasichidba-nanadiidi, neg-meegwadba-nanadisulidi, a-dule, Bab-Jehováʼgi bensuli guoed, 
\q2 e-Bab-Dummadgi alakwaa naguoed. 
\q1  
\v 11 Ar bemar na soo ogadamalad, 
\q2 na be gwinnur ogadamarbalid. 
\q1 Bemar na be soo-ogadamaladgi be nanabukmalad, 
\q2 na be gwinnur-ogadamaladgi be nanabukmalad. 
\q1 Degi-inigwele, an we-ibmarmargi sabsur-bemar-odurdakoed: 
\q2 Igar-bulegangi be sabsur-odurdaklemaloed. 
\c 51  
\s1 Sión-yala-abonolegoed 
\p  
\v 1 Bab-Dummad weyob soged: 
\q1 “Bemar, igar-innikigwadba-nanadimalad, be an-amidimalad, be an-itomar: 
\q2 Bemar, dad-Abraham-wagan gumalad. 
\q1  
\v 2 Be nue-dakmar, 
\q2 ar dad-Abraham bemar dad-dummadid, 
\q2 degi, muu-Sara bemar-urbisadid. 
\q1 An Abrahamʼse gochagua, na sana-walagwen gudiinad. 
\q2 Degi-inigwele, an egi nued binsasad, 
\q2 an ega dula omelosad. 
\q1  
\v 3 Ani Bab-Jehová, Sión-yala wiledakedsegad. 
\q2 Bela e-neg-bibichismaladi, wiledakoed. 
\q1 E-nega-dulesulidgan Edénʼgi-nainu-nued-naigusayobi, imakoed. 
\q2 E-nainu-geg-ibmar-egi-sanmakedi, an-nainuga guoed. 
\q1 A-nainugine weligwar-itomaloed, egi wergumaloed. 
\q2 Anga namaklegedgi namakmaloed, 
\q2 dog-nuedye anga sogmaloed. 
\b  
\q1  
\v 4 ”An-dulamar, nue be an-itomar. 
\q2 An-neggweburmar, nue be an-itomar: 
\q1 Ar ani an ibmargi-odurdakleged-igar onioed, 
\q2 an-igar-napiragwadi, dulemar-yar-baid-baidgi-bukmaladga neg-meegwadga guoed. 
\q1  
\v 5 An-igar-naboged, bato walik-gusad. 
\q2 An-abonoleged-igar bato igarba abarmakdanikid. 
\q1 An-ganguedi, dule-yar-baid-baidgi-bukmaladga igar nabogoed. 
\q2 Dule-demar-gakaba-bukmaladi, angi bensurmalad, 
\q2 an-ganguedgi, bendakleged abdakmalad. 
\q1  
\v 6 Niba be atakmar, 
\q2 napneggi be atakmarbar. 
\q1 Waa-berguddaedyobi, mogir-billi bergudoed, 
\q2 mor-nunguddaedyobi napneg nungudoed. 
\q1 Gukur-burgweyobi, e-dulemar burgwidoed. 
\q2 Degi-inigwele, an-abonogeddi, degisadegu maiguoed. 
\q2 Degi, an-igar-napiragwaddi, noargumai gwen guosulid. 
\b  
\q1  
\v 7 ”Bemar, igar-napiragwad-wismalad, be an-itomar. 
\q2 Gwagegi-an-igar-sedidimalad, be an-itomar. 
\q1 Dulemar-begi-ichakwa-sunmakedi, melle be dobgumalo, 
\q2 sabsur-e-ibmar-sogedgi, melle be niga argwanmalo. 
\q1  
\v 8 Ar we-dulemar unnila mor suuse-gulledaedyob gumaloed, 
\q2 mor-wawaad nusmarse-gulledaedyob gumaloed. 
\q1 Ar an-igar-napiragwaddi, degisadegu maiguoed, 
\q2 an-abonoged-igardi, maigu guoed.” 
\b  
\q1  
\v 9 Bab-Jehová, ¡be atake! ¡Be atake! 
\q2 ¡Gandikid-mola be yoe! 
\q1 Epenne be-gangued be-dulamarga-be-oyosayob be oyoge. 
\q2 ¿Ar bee be, Rahab-obelossursi? 
\q2 ¿Ar bee be, ibdula-demargined obelossursi? 
\q1  
\v 10 ¿Ar bee be, demar-odinnosgussursi? 
\q2 ¿Ar bee be, a-dii-wilasailad odinnossursi? 
\q2 ¿Ar bee be, dule-bendaklesmalad-obakega demar-wilasailadgi igar-omesisgussursi? 
\q1  
\v 11 Bab-Jehováʼgi-bendaklesmalad gannar nonimaloed, 
\q2 weligwaledgi namakagwale Sión-yalase dognonimaloed. 
\q1 Weligwar-itodiidi, magasar na e-wagargi oyomaloed. 
\q2 Wergudii gumaloed, 
\q1 na yeer itomaloed. 
\q2 Bukib-binsadiidi, gwage-nunmak-itodiidi, bela bergudoed. 
\p  
\v 12 Bab-Jehová weyob soged: 
\q1 “Ani an bemar-gwage baisur-itoge imakedid. 
\q2 ¿Ar ibiga be dulemar-dobe? 
\q2 Ar wemardi, unnila gagan-durganyob gumalad. 
\q1  
\v 13 ¿Bab-Jehová-be-obinnisad be iesde? 
\q2 ¿Bab-Jehová-mogir-billi-nasiksad bato be iesde? 
\q1 ¿Bab-Dummad-napneg-nasiksad bato be iesde? 
\q2 ¿Bane-bane be-isdarad-be-obelobi-gudiidgi be gwayedii guode? ¡Adi surbali! 
\q2 ¿Sabsur-dule-odurdakdiid-e-urwedde, bia nadsunna? 
\q1  
\v 14 Dulemar-esgaryagi-gales-bukmaladi, emiskwaa onolemaloed. 
\q2 Esgaryagi burgosurmalad, gwen ega mas galakuosurmalad. 
\q1  
\v 15 Ani an be-Bab-Dummad-Jehová gued. 
\q2 Ani an demar-osukamakedid, 
\q1 ani an demar-uurmakega imakedid. 
\q2 Bab-Jehová-Bela-Gangued-Nikadye an nugad. 
\q1  
\v 16 Be-gwabindukugine, an-gayaburba an nasiksad. 
\q2 An-ganguedbali an be-anar gwisgusad. 
\q1 Ani an mogir-billi nasiksad, 
\q2 ani an napneg nasiksad. 
\q1 Degine, Sión-yalagi-bukmaladga an weyob sogsad: 
\q2 ‘Be an-dulamar guye.’ ” 
\s1 Bab-Dummad-e-urwed 
\q1  
\v 17 ¡Jerusalén-dulemar! Be gwisgumar, be gwisgumar. 
\q2 Bab-Dummad-e-urwed be itosad. 
\q1 Be bela-belad ulubse surbinsa-itoge be gusad, 
\q2 geg bar be gwisgu gusad. 
\q1  
\v 18 Bela be mimmigan-nikusadi, gwen wargwensaale, be-idugega gussulid. 
\q2 Bela be mimmigan-odummosadi, bipisaale, gwen argangi be-gassulid. 
\q1  
\v 19 We-bonigan-sogbogwad begi nonigusad: 
\q2 Be-neggwebur bibichisgusad, 
\q2 degi, be-neggwebur obelolesgusad. 
\q1 Ukudba be gala-itosgusad, 
\q2 es-suidgi oburgwilesgusad. 
\q1 ¿Doa wile be-dakoe? 
\q2 ¿Doa be-gwage baisur-itoge imakoe? 
\q1  
\v 20 Be-mimmigan galakusmalad. 
\q2 Goe-sapur-bebe-suid sakigi-galesnaidaeyob gusmalad, 
\q2 galimba-dikarba mellemamaid. 
\q1 Egine, bela Bab-Jehová-e-urwedi gwichigusad, 
\q2 bela be-Bab-Dummad-urwedi egi gwichigusad. 
\b  
\q1  
\v 21 Emisgindi, dule-bukib-binsadiid, vino-gobedginsuli be mummu-gudiid. 
\q2 An-bega-ibmar-sogoed be ito. 
\q1  
\v 22 Be-Bab-Dummad-Jehová-Bur-Birigined, e-dulemar-ular-sunmakedi, weyobi soged: 
\q2 “An-urwedgi an sabsur-bemar-odurdaksad an obelosad. 
\q2 We-an-urwedi bipisaale bar be itogosulid. 
\q1  
\v 23 Dulemar-sabsur-be-odurdakdimalad an odurdakoed. 
\q2 Ar we-dulemar bega weyob sogsa gusmalad: 
\q1 ‘Napagi balimellemai be imakmarye, 
\q2 adi, anmar begi annamalagarye.’ 
\q1 Ar deyob be imaksa gusmalad, 
\q2 ega napagi mellemai be gusmalad, 
\q2 bela dulemar be-birgi annas gusmalad.” 
\c 52  
\s1 Bab-Dummad Sión-dulemar-ollor-imaksad 
\q1  
\v 1 Sión-dorgan, ¡be atake! ¡Be atake! 
\q2 ¡Gandikid-mola be yoe! 
\q1 Neggwebur-islidikid-Jerusalén, be-mor-gargerbamalad be yoe. 
\q2 Ar dule-abgan-uka-duku-sikarsurmaladi, degi, dule-Bab-Dummad-wissurmaladi, bar bemarse dogosurmalad. 
\q1  
\v 2 ¡Jerusalén-neggwebur, be gwichigue! 
\q2 ¡Olli be obate! 
\q1 ¡Gannar ologanagi be sige! 
\q2 Sión-yala-sisgwa, be galesgua, dukargi-esgoro-dub-nasiklesad be unge. 
\p  
\v 3 Ar Bab-Jehová weyob soged: 
\q1 “Bemar manigi be uklessulid, 
\q2 bemar manigi be onolegosurbalid. 
\q2 Bemar binsa-onolegoed.” 
\p  
\v 4 Ar Bab-Dummad-Bur-Birigined-Jehová weyob soged: 
\q1 “Epenne an-dulamar, Egipto-yalase nadegusad. 
\q2 Agine, na megisgusmalad. 
\q2 Emide, Asiria-sordamar binsarsunna an-dulemar-mesagwar imakalid.” 
\p  
\v 5 Emide, Bab-Jehová soged: 
\q1 “¿Ibi an wegi imakdii? 
\q2 Ar binsarsunna, an-ibe an-dulamar-gasa sesmalad. 
\q1 E-negsemamaid an-dulamargi dodomalad. 
\q2 Bane-bane an-nuggi dododigudamalad, bogigudisurmalad. 
\q1  
\v 6 Degisoggu, a-ulale, a-ibagangine, an-dulamar an-nug wisgunonikoed. 
\q2 A-ibagangine, ani an ega sunmaknaidi, an e-walik gwisgunonikoed.” 
\b  
\q1  
\v 7 Dule yar-imbaba-gayaburba-nued-sedanikidi, dule-gayaburba-bogidikid-berbegedi, ibiyobi yeer daklemala. 
\q2 Dule gayaburba-nuegan-barsogedi, degine, dule abonoleged-igargi-sunmakedi, ibiyobi yeer daklemala. 
\q1 Dule, Sión-dulemarga weyob-sogedi: “Be-Bab-Dummad negdakmaiye.” 
\q2 Dule-deyob-sunmakmaladi, ibiyobi yeer daklemala. 
\b  
\q1  
\v 8 ¡Be itoge! Be-dule-nakulemalad binnasuli-gorbukmalad, 
\q2 weligwaledbali gandikidba gorbukmalad. 
\q1 Ar ade, na e-ibyagwale dakbukmalad, 
\q2 Bab-Jehová gannar Sión-yalase daniki. 
\q1  
\v 9 Jerusalén-dulemar, na be bular-weligwar-namaklegedgi be namakmar. 
\q2 Ar ade, Bab-Jehová e-dulemar-baisur-itogega imaksad, 
\q2 degi, Jerusalén-neggwebur bendaksad. 
\q1  
\v 10 Bab-Jehová, bela dulemar-yar-baid-baidgi-bukmaladga e-gangued oyogoed. 
\q2 Bela napneg-naid-ugakaase-bukmaladi, anmar-Bab-Dummad-e-abonoged dakmaloed. 
\b  
\q1  
\v 11 Bemar, Babse-goled-neggi-ibmar-ebulemalad-semaladi, be nomar, 
\q2 be agi ainimar. 
\q1 ¡E-dulemar-abargi-gudiidgi be nomar! 
\q2 ¡Be san-urukmar! 
\q2 ¡Melle ibmar-swilidiksulid be ebumalo! 
\q1  
\v 12 Degi-inigwele, mer be gwae-gwae itomalo. 
\q2 Mer be gwae-gwae-abarmakdemarbalo. 
\q1 Ar Bab-Jehová bemar-idumai guoed. 
\q2 Israel-e-Bab-Dummad be-sorba-nai guoed. 
\s1 Bab-Jehová-e-mai-wilegoed 
\p  
\v 13 Bab-Jehová soged: 
\q1 “An-mai emargi nakoed. 
\q2 E-nug odummolegoed, dule-dummadga guoed, 
\q2 degi, ologanagi sigoed. 
\q1  
\v 14 Dulemar dakdamalogu, bukidar geger-dakmaloed, 
\q2 ar e-wagar-daklegedi bar aa daklegosulid, 
\q2 ar e-daklegedi, bar dule-daklegosulid. 
\q1  
\v 15 Amba deyob dulemar-yar-baid-baidgi-bukmaladi, geger dakmarmogoed. 
\q2 E-asabinni, reymar gwen-sunmakosurmalad, 
\q1 ar weyob-ega-ibmar-soglessulid dakdamaloed, 
\q2 degi, weyob-ibmar-itossurmalad na magar itononimaloed.” 
\c 53  
\q1  
\v 1 ¿Doa anmar-ibmar-sogsad bengussuli? 
\q2 ¿Doase Bab-Jehová na e-gangued oyosa? 
\q1  
\v 2 Bab-Jehová, e-mai sapi-e-nii-dutugwad-dungueyobi odummosad. 
\q2 Sapi-e-mali napa-isganagi dogdedaeyobi, e-mai-odummosad. 
\q1 E-mai yeer daklesulid, 
\q2 gandik daklesurbalid. 
\q1 E-daklegedi, wilubba dakleged. 
\q2 Dulemar baisur-dakmalad. 
\q1  
\v 3 Dulemarse obanagwale gusad. 
\q2 Mesagwale gusad. 
\q1 Gwage-nunmaked-itodii gusad. 
\q2 Undar-odurdakledii gusad. 
\q1 Dulemar gwen-dakbisuli gusmalad. 
\q2 Dulemarse obanagwale gusad. 
\q2 Gwen anmar bai daksasurmalad. 
\b  
\q1  
\v 4 Degi-inigwele, anmarga anmar-bonigan sesad, 
\q2 anmar-anar, anmar-nunmaked itosad. 
\q1 Anmardi egi binsaed, 
\q2 Bab-Dummad we-dule-naibi-imaksaye, 
\q1 sabsur-imaksaye, 
\q2 degi, mesagwar-imaksaye. 
\q1  
\v 5 E na, anmar-uaya-sated-ular, naibigusad. 
\q2 E na, anmar-isgued-ular, bela-bela sabsur-bibyolesgusad. 
\q1 Anmarga gwage-bogidikid-ukegala, anmar-ular, bela-bela sabsur-odurdaklesad. 
\q2 Anmar e-naibigusadgi nugunonimalad. 
\q1  
\v 6 Anmar bela sibad-wawaad-yoggusgudidaedyobi, yoggus gudimalanad. 
\q2 Na wala-walagwen e-itolegedba gudidimalanad. 
\q2 Degi-inigwele, Bab-Jehová bela e-maigi anmar-isgued nasiksad. 
\q1  
\v 7 Sabsur-imaklenaigu, mesagwar-imaklenaigu, gwen e-gaya itolessulid. 
\q2 Igi-sibad-wawaad-senigwad e-oburgwilegedse selesdae, deyobi, gaya-itosuldgi selemai gusad. 
\q1 Igi-sibad-wawaad ega-e-absar-siked-abin, gordasuli, deyobi, dulemar-asabin Bab-Jehová-e-mai gaya nikussulid, 
\q2 degi, dulemar-asabin gwen gochasurbalid. 
\q1  
\v 8 Gasmargua, ega igar-amismargua, oburgwismalad. 
\q2 Gwen bai daksasurmalad, 
\q1 e-bina sogsasurmalad. 
\q2 E-wagan-danikoedgi gwen binsassurmalad. 
\q1 Dulemar-bukwad-abargi gandikidgi onolesad, 
\q2 an-dulamar-isgued-anar, oburgwilesad. 
\q1  
\v 9 Gwen e-sunmakedgi emar-yardaksasur-inigwele, 
\q2 gwen ibmar-isgana-imaksasur-inigwele, 
\q1 dule-ibmar-isgana-imakmalad-abargi burgwisad, 
\q2 degi-inigwele, mani-ibgan-abargi diglesad. 
\q1  
\v 10 Ar Bab-Jehová, mesagwar-guega imaksad, 
\q2 sabsur-wilegega imaksad. 
\q1 E na dulemar-isgued-anar san-uksasoggu, a-ulale, na suitiba gudii guoed, 
\q2 bela e-waganmar-dakoed, 
\q2 Bab-Jehová-sogedba bela ibmar imakoed. 
\q1  
\v 11 Sabsur-wilegoed-sorbali, magar-daknonikoed, 
\q2 e-sabsur-wilesadi, binsa wilessuli, degidbali na yeer-itononikoed. 
\p Bab-Jehová soged: 
\q1 “An-mai-innikigwadi, e-ibmar-wisidbali, dulemarga igarmar nabogoed. 
\q2 E na dule-ibmar-isgana-imaked sedoed. 
\q1  
\v 12 A-ulale, dule-dummagan-abargi an osimogoed, 
\q2 e-ibmar-suoedi dule-gandikmaladbo mimioed. 
\q1 Ar ade, na burgwegala, e-san uksad. 
\q2 Dulemar-isgumaladyob imaklesmogad. 
\q1 Dule-bukidarad-e-isgumalad na sesad, 
\q2 dule-isgumalad-irwa gwisgusad.” 
\c 54  
\s1 Bab-Jehová Israel-dulemar-sabgumaiguad 
\p  
\v 1 Bab-Jehová sogded: 
\q1 “Be, omegwa-geg-baked, gwen be mimmi-nikudisulid, weligwaledba be binnasuli-gole. 
\q2 Be, gwen-muu-neggi-boniba-galitodisulid, binnasuli be namake. 
\q1 ¡Weligwaledba be binnasuli-gole! 
\q2 Ar ani Bab-Jehová soged: Ome-wilesagudiid, bur bule ome-sui-nikadba mimmigan nikuoye. 
\b  
\q1  
\v 2 ”Be-dordoneg-siidi, be odummo, 
\q2 be-dordoneg-siidgi atued-dummagan-nanaid be egae. 
\q1 ¡Melle dobe-dobe be imako! 
\q2 Dordoneg-e-dubamar be osugue, 
\q2 e-dordoneg-bargamalad be ogannoge. 
\q1  
\v 3 Ar be-argan-nuedsiki, degi, be-argan-sapiledsiki be nasgudoed. 
\q2 Be-wagana yar-baigan suoed, 
\q2 be-wagana neggweburmar-olloganagi ambikudoed. 
\b  
\q1  
\v 4 ”Melle be dobe-itogo, 
\q2 ar be bingeguosulid. 
\q1 Melle be gwayo, 
\q2 ar be-nug mesagwar guosulid. 
\q1 Be yagwaunni bingegusadi be iegoed. 
\q2 Bei-machered-burgwisgu, bingedar be itosadgi bar be binsaosulid.” 
\b  
\q1  
\v 5 Ar Bab-be-obinnisadi, be-suiga gued. 
\q2 A nugad: “Bab-Jehová-Bela-Gangued-Nikadye.” 
\q1 Be-bendakedi, Israel-dulamar-e-Bab-Dummad-Isligwaledid. 
\q2 A bilegoed: “Bela-napneg-naid-e-Bab-Dummadye.” 
\q1  
\v 6 Be ome-wilesakwagudiidyob Bab-Jehová bese gornonikoed. 
\q2 Ome-suli-suli-itodiidyob Bab-Jehová bese gornonikoed. 
\q1 Igi ome dogdar yagwa-guedgi machered-nikusale, machered gannar metedae, 
\q2 deyob gudiidgi Bab-Dummad bese gornonikoed. 
\p  
\v 7 Bab-Jehová-be-ollor-imakedi soged: 
\q1 “Unnila sikwas an be-obachad. 
\q2 Degi-inigwele, na bela-belad ulubgi wile-be-dakedgi gannar an be-abingaoed. 
\q1  
\v 8 Unnila sikwas-sae-itogedgine, an be-idu bangusad. 
\q2 Degi-inigwele, sabgued-degisadeguad-nikadgine, an wile be-dakoed.” 
\p  
\v 9 Bab-Dummad sogdebalid: 
\q1 “Angardi Noé-ibaganyobi gued, 
\q2 igi an Noéʼga ise-sogar sogsa gusa, muu-dummad bar napneggi murosurye. 
\q1 Deyobi, an bega ise-sogar soged, bar an bebo urwosulid, 
\q2 bar an iisedi bega ibmar sogosulid.” 
\p  
\v 10 Bab-Jehová-wile-be-dakedi soged: 
\q1 “Amba yalamar-bukwad baidsik ainirye-sogele, degi, yar-mullugana giglimakdele, andi amba an be-sabedi gwen gwagosulid. 
\q2 Anbo be igar-bogidikid-omesisadi, andi obelogosulid.” 
\p  
\v 11 Bab-Jehová-soged: 
\q1 “¡Be dake! Neggwebur-nue-wilesagwa, burwa-dummadba oitolesad. 
\q2 Dule a-neggwebur baisur-itogega-imaked sated. 
\q1 ¡Akwa-nuegan-yeerdaklemaladgi an be-soboed! 
\q2 Akwamar-zafiros-birgi an be-sioed. 
\q1  
\v 12 Be-galu-matusulid-birgine, an akwa-rubí-nuegan e-bargaedga mesoed. 
\q2 Be-yawagakmar akwa-gargemalad-gaemaladgi an soboed. 
\q2 Degi, bela be-galu-matusurmalad, akwa-gargemaladgi an soboed. 
\q1  
\v 13 Ani Bab-Jehová, bela be-mimmigan odurdakoed, 
\q2 be-mimmigan gwage-bogidikid nika gudii guoed. 
\q1  
\v 14 Igar-napiragwadi gannarbaa an be-imakoed. 
\q2 Mesagwar-gudii bar be itogosulid. 
\q1 Bali dobee be itogosulid. 
\q2 Begine, gwayed-dummadi bangudoed, gwen be-walikaa guosulid. 
\q1  
\v 15 Dule begi gwichigualile, an eba-nai guosulid, 
\q2 dulemar-yogasaar begi gwichiguarmalale, bese galakudmaloed. 
\b  
\q1  
\v 16 ”Ani an dule-esgoro-sobed-soo-oduurmakedi obinnisad. 
\q2 We-dule, na bilagi-ibmar-ebulemalad sobed. 
\q1 Ani an dule-emar-obeloged obinnisbalid, 
\q2 adi, bela dule-obelogegar. 
\q1  
\v 17 Dule begi-nakwega, bila-onogedgi-ibmar-ebuleged-yeer-ganguedi, gwen begi obinosulid. 
\q2 Dulemar begi yogasaar-sunmakmaladi, boo-sigega be imakoed. 
\q1 We-ibmarmala anga-arbadimaladga an ukoed. 
\q2 Angine, igar-innikigwad danikid.” 
\p Deyobi, Bab-Jehová soged. 
\c 55  
\s1 Bab-Dummad wiledaked ukmaid 
\p  
\v 1 Bab-Jehová sogbalid: 
\q1 “¡Dule-uku-uku-itodimaladi, dii gobdamar! 
\q2 Dule-mani-surmaladi, ibmar-sudamar, 
\q1 vino be sudamar, 
\q2 moli-nunis be sudamar. 
\q1 Gwen be bennukosulid, 
\q2 binsa bega uklegoed. 
\q1  
\v 2 ¿Ar ibiga be binsarsunna mas-nuedsulidgi be mani-oesunna? 
\q2 ¿Ar ibiga binsarsunna be ibmar-yeer-ito-be-imaksulidgi mani-misunna? 
\q1 Be nue an-itomar, 
\q2 bur be mas-nued gunmar, 
\q2 ar be mas-nuegan-gullegedgi na be yeer itomaloed. 
\q1  
\v 3 Nue be bogi itomar, 
\q2 be anse dagmar. 
\q1 Be nue an-itomar, 
\q2 adi, be dula gudii gumaloed. 
\q1 An bemar-ebo degisadegu igar mesoed, 
\q2 adi, an-mai-David-sabedba an-ega-ibmar-sogsa-gusadba guegar. 
\q1  
\v 4 Dulemargala, we-David, an-barsogega an nug-imaksad, 
\q2 degi, dule-yar-bamaladga-e-odurdaked-sailaga-guega an nug-imaksad, 
\q2 degine, dummadga an nug-imaksad. 
\q1  
\v 5 Israel-dulemar, dulemar-dakdisurmaladbina be goloed, 
\q2 degi, dule-aku-be-dakdimarmogadi, bese abarmakdanimaloed. 
\q2 Ar ani an be-Bab-Dummad-Jehová Israel-dulemar-e-Bab-Dummad-Isligwaled, be-nug odummosad.” 
\b  
\q1  
\v 6 Bab-Jehová be amimar, 
\q2 ar emisgwa, Bab-Dummad amilegedgined, 
\q1 Bab-Dummadse be gormar, 
\q2 ar ade, be-walikaa gudiid. 
\q1  
\v 7 Dule-ibmar-isgana-imaked, e-igar-isgana-imakedgi bangusun, 
\q2 dule-isgana, e-binsaed-isganagi bangusun. 
\q1 Bab-Jehová amisun, 
\q2 ar ade, Bab-Jehová dule-nuedid, isgued-eliedid. 
\q2 Ar anmar-Bab-Dummad wile be-dakoed. 
\p  
\v 8 Bab-Jehová soged: 
\q1 “An-binsaedi, bemar-binsaedyobsulid, 
\q2 an-daedi, bemar-daedyobsulid. 
\q1  
\v 9 Igi mogir, napneggi dikasur nai, 
\q2 deyobi, an-daedi, bemar-daedba bur-dikasur-akalad. 
\q2 Deginbali, deyobi an-binsaedi, bemar-binsaedba bur-dikasur-akarbalid. 
\q1  
\v 10 Ar dii-wiedi, degi, dambed-sibudikid-batedi, ibmar-imaksasuli geg gannar ainakwedaed. 
\q2 Bina we-ibmar imakgwelergebed: 
\q1 Napa-owardikuergebed, 
\q2 napagi-ibmar-oniergebed, 
\q1 ibmar-gwag-osanmakergebed, 
\q2 adi, dule-ibmar-digedga, ibmar-gwag-ukega, 
\q2 degine, dulega masgunned ukegarbar, 
\q1  
\v 11 deyobi, gayaburba an-gayagi nodele: 
\q2 Anse ollobi nonikosulid, 
\q1 an-ibmar-abegedba ibmar saoed, 
\q2 an-ibmar-sogedba ibmar imakoed. 
\q1  
\v 12 Bemar weligwaledba ainidmaloed, 
\q2 bogidikidgi gannar be-yalase be momaloed. 
\q1 Be-nadapidbali yalamar, degi, yar-mullugan, binnasuli-weligwaledba namakdemaloed. 
\q2 Degi, bela sapimar-bukwadi, argan ogotemaloed. 
\q1  
\v 13 Gagan-ikobimalad-muchubbi, ciprés-sapimar ainidagoed. 
\q2 Dakemar-muchubbi, mirto-sapimar dungudagoed. 
\q1 We-ibmarmala, ani an-Bab-Jehová-nug ogannogoed, 
\q2 we-ibmarmala, degisadegu e-wilubga naiguoed.” 
\c 56  
\s1 Dule-baigan-abonoleged-igar 
\p  
\v 1 Bab-Jehová weyob soged: 
\q1 “Igar-innikigwad be imakmar, 
\q2 igar-nued be oyomar. 
\q1 Ar an-abonolegedi, warmakdanigusad, 
\q2 an-igar-innikigwadi, sanar-guoed. 
\q1  
\v 2 Dule, an-igarmarba nanadiile, degi, sogedba eba gudiile, 
\q2 we-dule, dule-weligwaledid. 
\q1 Dule, obunnoged-ibagi obunnodiile, gwen egi nodisulile, 
\q2 degi, dule ibmar-isgana-imakdisulile, we-dule dule-weligwaledid.” 
\b  
\q1  
\v 3 Dule-ainebalidi e-binsaedba Bab-Jehová-nug-odummodiile, geg weyob binsaed: 
\q2 “Bab-Jehová e-dulemar-imbagi an-obanguoye.” 
\q1 Dule-alugwasualed geg weyob sogmogad: 
\q2 “Sapi-dingus-gwichidyob, an dakleye.” 
\p  
\v 4 Ar Bab-Jehová weyob soged: 
\q1 “Ar dule-alugwasuarmalad obunnoged-ibagi obunnodimalale, 
\q2 an-ibmar-abegedba ibmar-imakdimalale, an-igar-mesisadba nue-nanadimalale, 
\q1  
\v 5 an-neggweburgi, anse-goled-negyaba, galugi an ega e-nuga ise-narmakar nasikoed. 
\q2 We-ibmala ega mimmigan-nikuedba bur bule guoed, 
\q1 degine, an ega nug-degisadeguad ukbaloed, 
\q2 bipisaale gwen e-nuga ielegosulid. 
\q1  
\v 6 Dule-ainebarmalad anga-arbaega anba-akasmaladi, 
\q2 an-nug-ogannogega anba-akasmaladi, 
\q1 an-nug-odummogega anba-akasmaladi, 
\q2 an-yalase an nidoed. 
\q1 Bela obunnoged-ibagi-obunnodimalad gwen angi-nodisurmaladi, 
\q2 degi, anbo-igar-mesisad-sogedba-gudimaladi, 
\q2  
\v 7 an-yala-islidikidse an nidoed. 
\q1 Anse-goled-neggi an weligwar-imakoed. 
\q2 Anga ibmar-ogumakar-ukleged-ailagi ibmar-ukmaloedi an abingaoed. 
\q1 Degi, anga-ibmar-ogumakar-ukmaloedi, an abingabaloed, 
\q2 ar an-nega, bela dulemarga anse-goled-negye nugguoed.” 
\p  
\v 8 Bab-Dummad-Bur-Birigined-Jehová weyob soged: 
\q1 “Israel-dulemar e-yargi-gudisurmaladi, gannar e-yargi-ambikuega imaked. 
\q2 An-dulamar dagega an imakoed, 
\q2 bato an Israel-dulemar-baigan-urbisadbo, an oatogoed.” 
\s1 Bab-Dummad dule-isganagi sunmaknaid 
\p  
\v 9 Bab-Jehová weyob soged: 
\q1 “Bela ibmar-durgan-sapurgi-gudimaladi, degi, bela ibmar-durgan-ursirmaladi, 
\q2 be dagmar, an-dulamar be obelodamar. 
\q1  
\v 10 Bela Israel-dulemar-nakulemaladi aku-atakmalad, ar wargwensaale, ibmar-daksurmalad. 
\q2 Ar bela achu-gwabinsulidyob gumalad, 
\q2 ar geg urwemalad. 
\q1 Gadi-gabmalad, wiegalamalad, 
\q2 yeer gabed itodamalad. 
\q1  
\v 11 Bemar achumar-gadi-mas-gunnedyobmalad, immeleged itodasurmalad. 
\q2 Bemar sibad-wawaad-edarbemalad, ibmar akusunna itomalad. 
\q1 Na war-wargwen e-itolegedba gudidii nanaed, 
\q2 bela na e-ibmar-abegedba wala-walagwengi gudidiid. 
\q1  
\v 12 Binnasuli be gormar, 
\q2 bemar sogmala: ‘¡Dagmar, 
\q1 anmar vino sunamar! 
\q2 ¡Anmar mumgue, inna-gagbid gobe! 
\q1 Anmar banedse emiyobi ibmar imakbaloed, 
\q2 emiba anmar bur bule imakmaloed.’ ” 
\c 57  
\s1 Israel-dulemar ibmar-sobarmaladse gormalad 
\q1  
\v 1 Dule-innikidaedi burgwemamaigusad, 
\q2 dule gwen bai daksurmalad, 
\q1 dule-bega-arbamalad-nuegan, burgwemamaigusad. 
\q2 Ar dule aku itodamalad, ibiga dule-nuegan isgued-ular burgwiddamala. 
\q1  
\v 2 Ar dule-igar-nuedba-nanaedi, nuedgi burgwemalad, 
\q2 neg-uangi obunnomegisdamalad. 
\p  
\v 3 Bab-Jehová sogded: 
\q1 “Bemar, ome-ina-isgana-imaked-mimmigan, 
\q2 negsichigi-galagwensuli-gambanuchuganba-nanamalad-e-wagan, be anse walikgudamar. 
\q1  
\v 4 ¿Doagi be dodoye sogmala? 
\q2 ¿Doaga be binnasur gaya-maa-maa-imake? 
\q1 ¿Doaga be gwabin buud-buud-imake? 
\q2 ¿Ar bemar isgued-mimmigansursi? 
\q2 ¿Ar bemar gakansamalad-wagansursi? 
\q1  
\v 5 Bemar wag-ulu-sapi-urba, degi, bela sapi-dummagan-urba, galagwensuli guddamalad. 
\q2 Bab-dummadsurmalad-e-nug-odummogega diangangi, degi, akwa-yaa-ollogangi burwigana be oburgwiddamalad. 
\q1  
\v 6 Dian-akwa-swirimalad, begadga gumaloed. 
\q2 We-akwa-swirigangi be bergudmaloed. 
\q1 We-ibmar-asabinni, vino be eosmalad, 
\q2 degi, ega be ibmar-gwag-uklemalad uksamalad. 
\q2 Degite, ande we-ibmarmar-abinni, ¿bogi sigode? ¡Adi surbali! 
\q1  
\v 7 Yar-matusulid-birigine, be-meged be omesisad, 
\q2 yar-matusulidse be nakwisad, 
\q2 agi bab-dummadsulidga ibmar-ogumakar-ukega be nakwisad. 
\q1  
\v 8 Be-yawagak-daksiki, degi, e-suarmargine, bab-dummadyob-imaklemalad be nasiksad. 
\q2 Be angi bangusad, 
\q1 dule-baid-asabinni uka-swili be gwisgusad. 
\q2 Be-meged-dummad-omesisadgine, be megisad. 
\q1 Doamarbo be megbigusa, amarbo be igar nabosad. 
\q2 Amarbo be megisgua, e-abgan be daksad. 
\q1  
\v 9 Bab-dummad-Molocʼse be nanasad. 
\q2 Ega be olivo-gwallu berbedii gusad, 
\q2 be-ina-wawagan ega be omelosad. 
\q1 Be be-nuggi-sunmakmalad dikasuli barmisad. 
\q2 Amala, dule-burgwarmalad-burbase binsaed-amiega, be barmisad. 
\q1  
\v 10 Bali-bali-nanaedba be yegus-inigwele, 
\q2 degite, gwen be sogsasulid: ‘An wesegoye.’ 
\q1 Aka bur be gangusad. 
\q2 A-ulale, gwen be galakussulid. 
\b  
\q1  
\v 11 ”¿Doa be-ogwayisa? 
\q2 ¿Doa dobguega be-imaksa? 
\q1 Emide, be an-yardakdiid. 
\q2 Gwen be angi bar binsassurmalad. 
\q2 Gwen bai be an-daksasurmalad. 
\q1 ¿Ar be an-dobsurmarsunde? 
\q2 ¿Ar an undar bogi-gudigusadba be deyob damarsunde? 
\q1  
\v 12 Emisgi, an be-ibmar-imakedi an barsogoed, 
\q2 gwen bega ibmar-nuedga guosulid. 
\q1  
\v 13 Ar dule-be-bendakega be binnasuli gollalile, 
\q2 we-ibmar-sobarmalad-bab-dummadyob-imaklemalad gwen be-bendakosulid. 
\q1 Bela we-ibmarmala burwaba seledoed, 
\q2 unnila buu-imakedgi yoggudoed. 
\q1 Ar dule angi-bensuli guele, napaneg egadga guoed, 
\q2 an-yala-islidikid na egadga suoed.” 
\s1 Bukib-binsadimalad baisur-itoge imaked 
\p  
\v 14 Bab-Jehová sogded: 
\q1 “Weyob sogdamaloed: ‘Igar-nudakmar, igar-nudakmar, igar-mesmar, 
\q2 an-dulamar-idu igar-isgana nudakmar.’ 
\q1  
\v 15 Ar ade, ani an Bab-Dummad-degisadegu-maidid, an-nuga Isligwaledid, weyob an soged: 
\q2 Ani an niba-maid, neg-isligwaledgi an maid, 
\q1 degi, dulemar-bukib-binsadimaladgi, degi, gwage-eikwaa-imakmaladgi an burbar maibalid. 
\q2 Adi, dulemar-gwage-eikwaa-imakmaladga niga-ogannogegar, 
\q2 degi, dule-bukib-binsadimalad baisur-ito imakegar. 
\q1  
\v 16 An degisadegu an-dulamargi gwisgudii guosulid, 
\q2 degisadegu an amarse urwedii guosurbalid. 
\q2 Ar degisulile, bela an dulemar-obinnisadi an-abin bergudo-itole. 
\q1  
\v 17 Emar-isgued-ular, an ese ulusad. 
\q2 An-urwedgine, an sabsur-imaksad. 
\q1 An egi bangusgusad, 
\q2 degi-inigwele, aka igar-isganaba bur nanadmalad. 
\q1  
\v 18 E-damaladi, an daksad, 
\q2 degi-inigwele, an ega nudakoed. 
\q1 Idudii an guoed, 
\q2 baisur-itoge an imakoed. 
\q1 Degine, dule-ega-bukib-binsadimalad,  
\v 19 weligwaledgi weyob namakmalaga an imakoed: 
\q2 ‘Dikasuli-bukmaladga gwage-bogidik gusun, 
\q2 degi, walikaa-bukmaladga gwage-bogidik gusun.’ 
\q1 An-dulamar an isgussulidyob-dakoed. 
\q2 Ani, an Bab-Jehová-guedgi, deyob soged. 
\q1  
\v 20 Ar dule-ibmar-isgana-imakmaladi, demar-arwemaiyob gued, 
\q2 geg bogi meged. 
\q1 Igi demar-arwemair, ibmar-isgana mie, 
\q2 degi, ollimar-miardae, 
\q2 deyob dule-isganamar gued. 
\q1  
\v 21 An Bab-Dummadi soged: 
\q2 ‘Dule-isganamargala gwage-bogidikid sulid.’ ” 
\c 58  
\s1 Mas-gunsuli-gudigued-Bab-Dummad-yeerdaked 
\p  
\v 1 Bab-Dummadi Isaíasʼga sogded: 
\q1 “Gandikidba be binnasuli gole, 
\q2 melle be bogguo, 
\q2 gar-trompetaʼyob be binnasuli gole. 
\q1 An-dulamarga e-nodiid be soge, 
\q2 Jacob-waganga e-isgudiid be soge. 
\q1  
\v 2 Ar bane-bane anse gordimalad, 
\q2 dulemar igar-innikigwad-imakdiiyobi, 
\q1 degi, An-Igar-Mesisadgi bangussurmalayobi, 
\q2 An-Igar-Mamaid wisgubimalad. 
\q1 Igar-inniki-imakleged anse egismalad, 
\q2 ar anse walikgudabimalad. 
\q1  
\v 3 Degi, ar anga weyob sogmalad: ‘¿Ar ibiga anmar mas-gunsuli bese-golega gudiguoe? 
\q2 Ar bede aku-anmar-daked. 
\q1 ¿Ar ibiga anmar be-ular san-wiomarsunna? 
\q2 Ar bede baisur anmar-dakbalid.’ 
\b  
\q1 ”Bemar mas-gunsuli-gudigued-ibagi, mani-onogedgi be arbadamalad, 
\q2 degi, dule-bega-arbamalad be sabsur-imakdedamalad. 
\q1  
\v 4 Ar unnila bemar urwegala, degi, abin-abin-imakmalagala, 
\q2 na sarsomalagala, be mas-gunsuli gudii damalad. 
\q1 Ar be-itobi be an-abemalale, be mas-gunsuli-gudigued imakmardo. 
\q2 Degi-inigwele, melle emi-imakedyobi be imako. 
\q1  
\v 5 Weyob mas-gunsuli-gudiguedgi, ¿dule na dukin san-wiodii imakoye an sogsasi? 
\q2 Nargammu-dopee-daklegedyobi, ¿nono-dullu-gudiguoye an sogsasi? 
\q1 Gwage-naibid-oyogega, ¿wile-itoged-mor-yoi gudiguoye an sogsasi? 
\q2 ¿We be bimarsunde, mas-gunsuli-gudigued an yeer dakye? 
\q2 Degi, ¿Bab-Jehová-iba-nued guye? 
\b  
\q1  
\v 6 ”An-ular-mas-gunsuli-gudigued-iba an susadi, ¿igar-isgana obelogegarsursi? 
\q2 ¿Dule-sabsur-arbaega-imakleged onogegarsursi? 
\q1 ¿Dule-mesagwar-saledimalad bendakegarsursi? 
\q2 Degine, ¿bela igar-isganaba-ebipiledimalad onogegarsursi? 
\q1  
\v 7 Ar mas-gunsuli-gudiguedi, ¿dule-ukudmaada-gudiidga be-mas be ukegarsursi? 
\q2 ¿Dule-negsuli-gudimalad akwegarsursi? 
\q1 ¿Dule-morsatemaladga mor-ukegarsursi? 
\q2 Degine, ¿melle be-gwenadgan-obanegarsursi? 
\q1  
\v 8 Ar be weyob mas-gunsuli-gudigued imakele, igi-wakudar-dad-ibeler noardae, deyobi be guoed. 
\q2 Boni-be-nikadi, yog-bega nugudoed. 
\q1 Be-igar-inniki-imakedi bega igar egaoed, 
\q2 gandikidba-an-yeerdaklegedi beba gudioed. 
\q1  
\v 9 Be anse golele, an be-abinsaoed. 
\q2 Be anse-bendakleged-egisele, an bega sogoed: ‘¡Wegi an gwichiye!’ 
\b  
\q1 ”Dule-mesagwar-imaked-igargi be banguele, 
\q2 dulegi-gwisgued-igargi be noele, 
\q1 degi, yogasaar-emargi-gakansaedgi be banguele, 
\q2 igi-negsichidgi neg-ibegwar-naddae, deyobi be-daedi naoed. 
\q1  
\v 10 Dule-ukudmaada-gudimalad be bendakdele, degi, dule-ibmar-abesa-gudiidga be ibmar-ukdele, 
\q2 igi-yoruku-neg-mee-dakledae, deyobi be-daedi guoed. 
\q1  
\v 11 Ani an Bab-Jehová gusgu be-idudii guoed. 
\q2 Nega-dinnaganba an bega mas-ukdii guoed, 
\q2 an bega be-garmar ogannogoed. 
\q1 Igi-dutugalu ogles-naidae, deyobi be guoed, 
\q2 igi-ibe-aryomaidaedi, geg dii-bergue, deyobi be guoed. 
\q1  
\v 12 Dikasurgus-neg-bibichismaladi gannar bemar soboed. 
\q2 E-sailamar dikasurgus-mamaidi, ogannomaloed. 
\q1 Be weyob bilemaloed: ‘Galu-matusurmalad-bibichisad-nudakmaladye, 
\q2 negmar-bibichisad-gannar-sobmaladye.’ ” 
\s1 Obunnoged-ibagi, obunnoged-igar 
\p  
\v 13 Bab-Jehová weyob soged: 
\q1 “Obunnoged-ibagi be obunnodimalale, 
\q2 gwen egi be nodisurmalale, 
\q1 an-iba-islidikidgi be-itolegedba be ibmar-baigan-imaksulile, 
\q2 be ani Jehováʼgine wergued amimaloed. 
\q1 Weyob be obunnoged-iba-bimalale: 
\q2 ‘Weligwaled-ibaye.’ 
\q1 Degi, weyob be iba-islidikid-bimarbalile: 
\q2 ‘Bab-Jehová-nug-odummoged-ibaye.’ 
\q2 Be angine, wergued amimaloed. 
\q1 Obunnoged-ibaga be bagagwar-gumalale, 
\q2 mani-onogedgi-arbasulidgi be an-nug-odummomalale, 
\q1 degine, walagwengi be-itolegedba-yogasaar-sunmaksulidgi be an-nug-odummomalale, 
\q2  
\v 14 be angine, wergued amimaloed. 
\q1 Neggwebur-e-dummaganga an be-imakmaloed, 
\q2 degi, be-dad-Jacobʼba be ibmar-nikuoedgi be yeer itomaloed.” 
\c 59  
\s1 Israel-dulemar e-isgued barsogsad 
\q1  
\v 1 Bab-Jehová anmar-abonogega, ganguedsurye soglesulid. 
\q2 Degi, aku-anmar-itoye soglesurbalid, 
\q2 ar bela magar anmar-itoged. 
\q1  
\v 2 Ar bemar-isguedi, Bab-Dummadgi-banguega bemar-imaked. 
\q2 Ar be-isgumaladi, Bab-Dummad bemar-idu wagar-aibirar-megega imaked, 
\q2 adi, melle bemar-itogegar. 
\q1  
\v 3 Ar bemar ablisbi argan sedimalad, 
\q2 degi, goonumar isguedbi na be sedimalad. 
\q1 Be-gwabin-duku unnila gakansaedgi sunmaked, 
\q2 be-gaya unnila igar-isganaginbi sunmaked. 
\q1  
\v 4 Dule igar-innikigwadgi-sunmaked sulid, 
\q2 dule napiragwadgi-igar-naboged sulid. 
\q1 Gakansalegedgi bensurmalad, 
\q2 na muchub-muchub gakansamalad. 
\q1 Binsaed-isganagi binsadamalad, 
\q2 degi, igar-isgana imakdedamalad. 
\q1  
\v 5 Dulemar, naibe-nuegan-e-akwa-bukwayobi binsaed-isgana sedimalad, 
\q2 diba-nagueyob, igar-isgana amimalad. 
\q1 Dule, binsaed-isgana we-naibe-akwayob gunnele, burgoed. 
\q2 Ar dule, we-naibe-akwa marele, ega naibeyob binsaed-isgana ainidagoed. 
\q1  
\v 6 Dibagi geg mor sobleged, 
\q2 dule diba-soblealed geg e-morga imaked. 
\q1 Dule-ibmar-imakedi ibmar-isganabi-imakmalad, 
\q2 e-ibmar-samaladi, unnila sabsur-neg-gagaed. 
\q1  
\v 7 A-dulemar ibmar-isgana bur-imakmalad, 
\q2 bur dule-ibmar-akalodisulid-ibe ablis eomalad. 
\q1 E-binsaedi, galagwensur-igar-isganagi binsamalad. 
\q2 E-ibmar-imakedi bela neg-oichoged. 
\q1  
\v 8 Gwage-bogidikid-igar gwen wissurmalad. 
\q2 E-ibmar-imakedgi igar-innikimalad naisulid, 
\q2 unnila igar-noarmaladbi onoardaed. 
\q1 Ar dule we-igar-isganamarba nanadiile, 
\q2 gwage-bogidikid-igar wisguosulid. 
\p  
\v 9 Isaías sogded: 
\q1 “A-ulale, igar-napira-maid anmargi banguded. 
\q2 Degi, igar-innikigwadi anmargi aibated. 
\q1 Neg-meegwadi anmar abdakdii gusanad. 
\q2 Degi-inigwele, neg-gubyagwaledgi anmar bukudapid. 
\q1 Neg-ibegwaledi anmar abdakdii gusanad. 
\q2 Degi-inigwele, anmar negsichidgi bukudapid. 
\q1  
\v 10 Dule-aku-atakmaladyobi, anmar galu-ebu-ebu gudimalad. 
\q2 Dule-ibyasurmaladyobi, anmar negsichidgi acha-acha gudimalad. 
\q1 Neg-mutikidyobi, anmar neg-ibgine yoleddamalad. 
\q2 Anmar bonisuli-inigwele, burgwaleyob na gudimalad. 
\q1  
\v 11 Bela anmar wiob-uurmakedyob, uurmakbukwad. 
\q2 Nuu-sibu akiginnedyob, anmar akiginbukwad. 
\q1 Aisaar igar-innikigwad-imaked anmar na abdakbukwanad, gwen imaklessulid. 
\q2 Ollorgued-igala anmargi amba dikasulid. 
\b  
\q1  
\v 12 ”Be wisid, anmar-isguedi bukidarad. 
\q2 Anmar-isguedi, anmargi aibined. 
\q1 Anmar-ibmar-isgana-imaked anmarba gudiguad. 
\q2 Anmar isguedgi-gudiidi, na magar itomalad. 
\q1  
\v 13 Anmar, uayasuli gusad. 
\q2 Anmar, Bab-Jehová-obachamalad. 
\q1 Anmar, Bab-Dummad-iedmalad. 
\q2 Anmar, dogdar dule-mesagwar imakmalad, 
\q1 degi, dogdar dule-yardaksamalad. 
\q2 Anmar-binsaedgi-gakansaed-ainiedi, anmar dulemarga sogsamalad. 
\q1  
\v 14 Igar-napira-maidi isdar-daklege gusad, 
\q2 degi, igar-napiragwadi amba anmargi dikasulid. 
\q1 Dulemar-ambikuedgi igar-nabirid-oyoleged bergusad. 
\q2 Binsaed-nikadaedi, bar anmar oyosurgusad. 
\q1  
\v 15 Dule ibmar-nabir-imaked, bar daklesulid. 
\q2 Ar dule isguedgi bangudele, bela e-ibmar-nikadi ei obelodamalad. 
\b  
\q1 ”Bab-Jehová bela igar-innikimalad-bergusa-dakargu, nabir-itossulid. 
\q2  
\v 16 Bab-Dummadi, dule igar-nuegangi bar-binsasuli dakargu, geger dakalid. 
\q1 A-ulale, Bab-Dummad na e-gangued oyogoye binsaalid. 
\q2 Adi, anmar-abonogegar, e-igar-innikigwadba anmar-abingaegar. 
\q1  
\v 17 Bab-Dummadi e-igar-innikigwadi, sigu-abgaedyobi yooed, 
\q2 degi, bormo-gurginyobi abonoleged-igar sioed, 
\q1 buged-imaked-mola yooed, 
\q2 urwed-mola yooed. 
\q1  
\v 18 Dule-ibmar-imaksamaladba sabsur-odurdakoed. 
\q2 Neggwebur-demar-gakaba-bukmaladga buged-imakoed: 
\q1 E-isdarmaladse urwoed, 
\q2 degi, e-isdarmaladgi buged-imakoed. 
\b  
\q1  
\v 19 ”Dad-argwanedsikmalad Bab-Jehová-nug dobgudmaloed. 
\q2 Dad-nakwedsikmalad Bab-Jehováʼgi binsaed-nikaa gudmaloed. 
\q1 Ar ade, diwar-gwichigudanidaedyobi Bab-Jehová na e-buu-imakedba danikoed.” 
\p  
\v 20 Bab-Jehová weyob soged: 
\q1 “Dule-bendakedi, Sión-yalase danikoed, 
\q2 Jacob-wagan-e-isguedga-bukib-binsaega imaknonikoed. 
\b  
\q1  
\v 21 ”An bemarbo igar mesed, 
\q2 An-Burba bemargi maigu guoed. 
\q1 Be-gwabindukugine, an bega an-gayaburba-nasiksadi, bar begine alliosulid. 
\q2 Degi, be-mimmigangine, be-wagangine, bar an-gayaburba alliosulid, 
\q2 emi-ibadse degisadegu guoed.” 
\c 60  
\ms2 4b. Yoedse Jerusalén gandikidba yeer-daklegoed 
\mr (60:1–66:24) 
\s1 Jerusalén neggwebur-gwapidga guoed 
\p  
\v 1 Bab-Jehová soged: 
\q1 “¡Jerusalén-dulemar, be gwichigu! 
\q2 ¡Bela ibegwale be gumar! 
\q1 ¡Be-neg-ibegwaledi bese warmaknonikid! 
\q2 Ani Bab-Jehová-gued. 
\q2 An-gangued-yeerdaklegedi begi ibegwar naid. 
\q1  
\v 2 Be dake, neg-gubyagwaledi napneg-gasanaid. 
\q2 Degi, negsichidi, dulemargi naid. 
\q1 Degi-inigwele, an-ibegwaledi begi mee-gaoed. 
\q2 ¡Begine, an-gangued-yeerdaklegedi oyolegoed! 
\q1  
\v 3 Dule-yar-baid-baidgi-bukmaladi, be-neg-meegwadba gudii gumaloed, 
\q2 degi, reymar be-neg-ibegwaledba nanadii gumaloed. 
\b  
\q1  
\v 4 ”Nue be atake, be-dikarba be nue neg-dake: 
\q2 Bela danar-ambikusmalad, bese danimalad. 
\q1 Be-mimmigana dikasuli bese danimaloed. 
\q2 Be-bunamala argangi-annikaa nidanimaloed. 
\q1  
\v 5 Weyob be dakoed, 
\q2 degi, weligwaledba be yeer itodoed, 
\q1 ise-weligwaledba be-gwage dik-dik naguoed. 
\q2 Degi, be-gwage ise-yeer itonaoed. 
\q1 Ar begala neggwebur-demar-gakagi-bukmalad-e-ibmar-nuegan senonimaloed. 
\q2 Degi, dulemar-yar-baid-baidgi-bukmalad-e-ibmar-nuegan bese warmaknonikoed. 
\q1  
\v 6 Be-walik moli-yargan-muremalad engudoed. 
\q2 Madián-dulemar-e-moli-yargan-muremalad, Efa-dulemar-moli-yargan-muremalad engudoed. 
\q1 Bela Sabá-neggweburginmaladi bese nonimaloed, 
\q2 bega ina-wawagana, degi, ormar senonimaloed. 
\q2 Degine, an-nug-odummogagwale danimaloed. 
\q1  
\v 7 Bega, Cedar-neggwebur-e-sibad-wawaadmar ambikunonikoed. 
\q2 Degi, Nebaiot-neggwebur-e-sibad-wawaad-machergan bega ibnuedga guoed. 
\q1 Adi, an-ailagi anga ibmar-nued-uklegedga guegar. 
\q2 Degi, ani an, an-nug-odummoleged-neg yeerdaklege an imakoed. 
\b  
\q1  
\v 8 ”Mogiryob-nasdamalad, ¿wede doamala? 
\q2 Nuu-sibuyob e-uuse nadapdamalad, ¿wede doamala? 
\q1  
\v 9 Neggwebur-demar-gakaba-bukmaladi angi benguosurmalad. 
\q2 Tarsis-ur-dummagan, ur-dummagan-idudanikid. 
\q1 We-urmar, dikasuli be-mimmigan-sedanikid, 
\q2 degi, e-ormar, e-manimar sedanikid, 
\q2 adi, an-nug-odummolegegar. 
\q1 Ar ani an Israel-dulemar-e-Bab-Dummad-Isligwaledid, 
\q2 ar ani an gandikidga be-imaksad. 
\b  
\q1  
\v 10 ”Dule-ainebarmalad bega gannar galu-matusurmalad soboed, 
\q2 degi, e-reymar bega arbamaloed. 
\q1 An-urwedgi an sabsur-be-odurdaksa-inigwele, 
\q2 an-sabguedgi an ise-wile be-dakoed. 
\q1  
\v 11 Be-yawagak argasigu guoed, 
\q2 mutikidbali, degi, ibginedbali gwen atiosulid. 
\q1 Bega dulemar-yar-baid-baidgi-bukmalad-e-ibmar-nuegan seledanikoed, 
\q2 e-reymar bese ilekwaa seledanikoed. 
\q1  
\v 12 Dulemar-yar-baid-baidgi-bukmaladi, degi, yalamar-nanaidi, 
\q2 beba ibmar-imaksulile, bela obelolegoed. 
\b  
\q1  
\v 13 ”Líbano-yala-e-ibmar-nuegan-nikadi, bese warmakoed, 
\q2 ciprés-sapi-warmar, baryawarmar, degi, abeto-sapi-warmar bese warmakoed. 
\q1 Adi, an-neg-islidikid yeerdakle imakega, 
\q2 an-mali-onakwed-gana-neg-siid-e-nug ogannogegar. 
\q1  
\v 14 Dulemar-mesagwar-be-imakmalad-e-mimmigan, bese dulluu-ambikunonimaloed. 
\q2 Bela dulemar isdar-be-dakmaladi, be-asabin sindigar-signonimaloed, 
\q1 degi, weyob be-bimaloed, ‘Bab-Jehová-neggweburye, 
\q2 Sión-yala, Israel-dulamar-e-Bab-Dummad-Isligwaledgadye.’ 
\b  
\q1  
\v 15 ”Be walagwen-melledgus-inigwele, 
\q2 degi, be isdardakles-inigwele, 
\q1 dule gwen be-igarba nanassur-inigwele, 
\q2 degisadegu nug-dummarba-guega an be-imakoed, 
\q2 degi, dulemar weligwar be-imakega an imakoed. 
\q1  
\v 16 Dule-yar-baid-baidgi-bukmalad-e-mas be gunnoed, 
\q2 reymar-e-ibmar-nuegan bega uklegoed. 
\q1 Degisoggu, na be wisguoed, ani an Bab-Jehová be-Abonogedid. 
\q2 Ani an Jacob-wagan-e-Bab-Dummad-gandikid be-bendakedid. 
\b  
\q1  
\v 17 ”Esgoro-gordikid-muchubbi an bega olo sedagoed, 
\q2 esgoro-muchubbi an bega mani sedagoed. 
\q1 Urgo-muchubbi an bega esgoro-gordikid sedagoed, 
\q2 degi, akwamar-muchubbi an bega esgoro sedagoed. 
\q1 Neg-bogidikid-naguega an imakoed. 
\q2 Degi, igar-innikigwadi negseega an imakoed. 
\q1  
\v 18 Bipisaale bar be-yargi sabsur-imaklegedi, be itogosulid. 
\q2 Bar be-yalagi neg-bibichedgi, degi, neg-obelogedgi sunmaklegosulid. 
\q1 Ar ade, weyob be-galu-matusurmaladgi soglegoed: 
\q2 ‘Abonolegedye.’ 
\q1 Degi, be-yawagakmardi weyob bimarbaloed: 
\q2 ‘Bab-Dummad-nuggi-namaklegedye.’ 
\q1  
\v 19 Bar dad-ibeler bega neg-ibgi, neg-meegwadga guosulid, 
\q2 degi, nii bar bega mee gaosurbalid. 
\q1 Ar Bab-Jehová bega gwallu-meegwad-degisadeguadga guoed. 
\q2 Be-Bab-Dummad be-gangued-yeerdaklegedga guoed. 
\q1  
\v 20 Dad-ibeler bar bega argwanosulid, 
\q2 degi, nii-gaedi gwen mommolegosurbalid. 
\q1 Ar ani Bab-Jehová be-gwallu-meegwadga degisadegu guoed. 
\q2 Geb agi be-wile-itodiidi bergunonikoed. 
\b  
\q1  
\v 21 ”Degisoggu, bela innikigwadga be-dulemar guoed, 
\q2 degi, bela be-dulemar napneg gaoed. 
\q1 Sapi-ainiedyob ainidamaloed. 
\q2 Ani an deyob imakoed. 
\q1 An-sunnagwad an imakoed, 
\q2 an-nug odummolegoed. 
\q1  
\v 22 Dula-ichegwadi bur miliba (1,000) mergudoed, 
\q2 bur-neggwebur-bipigwadi, neggwebur-gandikidga guoed. 
\q1 Ani an Bab-Jehová gued. 
\q2 We-ibmarmar-guoed-e-ibagan warmaknonikile, gwae-gwae-guega an imakoed.” 
\c 61  
\s1 Israel-yarga bendaklegedgi sunmaklenaid 
\q1  
\v 1 “Bab-Dummad-Jehová-Bur-Birigined-E-Burba angi maid. 
\q2 Ar ade, dule-wilemaladga gayaburba-nuegangi-sunmakega, Bab-Dummad an-susad. 
\q1 Bab-Dummad an-barmialid, 
\q2 dule-gwage-nunmak-itodimaladga gwage-armakegar. 
\q1 An-barmialid, dule-galesbukmalad-onogedgi sunmakega, 
\q2 degi, dule-esgaryagi-galesbukmalad onogegar. 
\q1  
\v 2 Bab-Dummad an-barmiarbalid, Bab-Jehová-birga-nuedgi sunmakega, 
\q2 degi, anmar-Bab-Dummad-buged-mai-imakoed-e-ibagi sunmakegar. 
\q1 An-barmiarbalid, bela dule-wile-itodimalad-e-gwage armakega, 
\q2  
\v 3 degi, Sión-dulemar-gwage-nunmak-itodimalad-niga ogannoegar. 
\q1 An-barmialid, nonogi-buru-biin-gudiid-muchub, ega ologurgin ukegar. 
\q2 An-barmialid, wile-itoged-muchub, weligwaledba ega gwallu-wawad ukegar. 
\q2 An-barmialid, bukib-binsadiid-muchub, ega weligwar-itoged ukegar. 
\q1 Geb degine, wemar weyob biledmaloed: ‘Igar-innikigwad-urwar-sapimarye.’ 
\q2 Bab-Jehová na e-gangued-oyogega digsad. 
\b  
\q1  
\v 4 ”Negmar-epennemalad-bibichis-bukwadi, gannar sobmaloed. 
\q2 Negmar-birgabargus-akwamarbi-omilededi, gannar nudakmaloed. 
\q1 Neggweburmar-bibichis-bukwadi, gannar obinomaloed. 
\q2 Dikasurgus akwamarbi-neggwebur-omilededi, gannar nudakmaloed. 
\q1  
\v 5 Dule-ainebarmaladi, be-sibad-wawaadmar akwemaloed. 
\q2 Dule-neggwebur-baidsikmaladi, be-nainumargi, degi, be-uva-nainumargi, bega arbamaloed. 
\q1  
\v 6 Ar bemardi weyob biledmaloed: ‘Dule-irwa-Bab-Dummadse-goled Bab-Jehováʼgadye.’ 
\q2 Bemarga sogdemaloed: ‘Anmar-Bab-Dummadga ibmar-imakmaladye.’ 
\q1 Dulemar-yar-baid-baidgi-bukmalad-e-ibmar-nuegangi, be yeer itomaloed. 
\q2 E-ormar-sunsogmaladi, be yomaloed. 
\b  
\q1  
\v 7 ”An-dulamar, e-binged-dummad-itosmalad-muchub, ibmar-nuegan ilabo-wilub abingamaloed. 
\q2 An-dulamar, e-nug-isgusad-muchub, ibmar-ega-uklegoedgi yeer itomaloed. 
\q1 Deyobi, na e-napagine ibmar-ega-uklegoedi, ilabo-wilub abingamaloed, 
\q2 degisadegu weligwale gudii gumaloed. 
\b  
\q1  
\v 8 ”Ani an Bab-Jehová, igar-innikigwad-sabedid, 
\q2 ar ibmar-atursaeddi, degi, igar-isgana-imaklegeddi, an isdar-daked. 
\q1 An-inniki-daedgi an bemarga ibmar-buged-ukleged ukoed. 
\q2 An bemarbo igar-degisadeguad mesoed. 
\q1  
\v 9 Be-wagana, dulemar-yar-baid-baidgi-bukmalad-imbagi, nug-nika gumaloed. 
\q2 Be-mimmigan neggweburmar-imbagi nug-nika gumaloed. 
\q1 Dulemar dakarmalale, magar dakmaloed, sogmaloed: 
\q2 ‘We-dulemar, Bab-Jehová dulemargi-nued-binsasmalad e-waganad.’ ” 
\b  
\q1  
\v 10 “Bab-Jehováʼgi an bela-bela yeer itoged, 
\q2 an-Bab-Dummadgi an weligwar itoged. 
\q1 Ar ade, abonoleged-mormar anga yosad, 
\q2 degi, igar-innikigwad-imaked-morgi an-edusad. 
\q1 Machered ome-nikunair, igi ibmar-yeerdakleged bebegi-yoidae, deyobi an gued. 
\q2 Ome sui-nikunair, igi ormar-nasikdae, deyobi an gued. 
\q1  
\v 11 Ar igi napa ibmar-muugan-oniega imake, degi, igi nainu ibmar-gwag-niega imake, 
\q2 deyobi, Bab-Jehová-Bur-Birigined, bela dulemar-yar-baid-baidgi-bukmalad-abargi, igar-innikigwad, degi, namakleged, ainidagega imakoed.” 
\c 62  
\s1 Sión-neggwebur-nug-gwapid 
\q1  
\v 1 An Sión-neggwebur-sabed-ulale, an bogiguosulid. 
\q2 An Jerusalén-neggwebur-sabed-ulale, an obunnogosulid. 
\q1 Geb Bab-Dummad-e-Igar-innikigwad-imaked magar-daklegedse, an bogiguoed. 
\q2 Geb Bab-Dummad-bendakleged, gwinnur-gaedyob-guedse, an obunnogoed. 
\q1  
\v 2 Dulemar-yar-baid-baidgi-bukmaladi, be-igar-innikigwad-imaked dakmaloed. 
\q2 Bela reymala be-gangued-be-yeerdakleged dakmaloed. 
\q1 Nug-gwapid be nikuoed, 
\q2 Bab-Jehová-sunnad bega nug ukoed. 
\q1  
\v 3 Bab-Jehová-e-argangine, ologurgin-yeer-gaedyob, be guoed. 
\q2 Be-Bab-Dummad-e-argan-yaurgine, ibmar-yeerdakleged-reymar-bebegi-nasiklegedyob, be guoed. 
\q1  
\v 4 Wargwen-mellededye, bar be-biosurmalad. 
\q2 Napabi-naidye, be-yala biosurmarbalid. 
\q1 An egi-yeer-itogedye, be bilegoed. 
\q2 An-sanwaye, be-yala bilegoed. 
\q1 Ar Bab-Jehová begi yeer itogoed, 
\q2 be-yala sui nikuoed. 
\q1  
\v 5 Ar sapingwa na e-yagwabo-nikunaiyobi, gannar-be-urbed, 
\q2 deyobi bebo nikuoed. 
\q1 Ar igi-sapingwa yagwa-ebo-nikuoedgi weligwar-itodae, 
\q2 deyobi, be-Bab-Dummad, begi yeer itogoed. 
\b  
\q1  
\v 6 Jerusalén-neggwebur, be-galu-matusurmaladgi, sorda-nakulemalad an urbisad. 
\q2 Wemala, bipisaale gwen mutikidbali, ibginedbali, gaya bogiguosurmalad. 
\q2 Bemar, Bab-Jehováʼse-gormalad melle be obunnomalo. 
\q1  
\v 7 Ar Jerusalén-neggwebur gannar urbedse, degi, Jerusalén-neggwebur-nug-nika imakedse, 
\q2 melle be, Bab-Dummad obunnogega imakmalo. 
\b  
\q1  
\v 8 Bab-Jehová na e-argan-gangued-nikadba, weyob ise-sogar imaksad: 
\q2 “Bipisaale be-ibmar-gwag be-isdarmalad-e-masga-guega bar an ukosulid, 
\q2 degi, vinoʼgi be nue-arbasgusadi, dule-ainebarmaladi be-ibe gobosurmalad. 
\q1  
\v 9 Dule ibmar-gwag-wesmaladi, an nug odummobukwa ibmar-gwag gunmaloed. 
\q2 Dule uva-san-wesmaladi, anse-goled-neg-islidikid-neg-imbagi, vino gobmaloed.” 
\b  
\q1  
\v 10 ¡Jerusalénʼginmalad, be ainimar! 
\q2 ¡Yawagak-bukwadgi, be ainimar! 
\q1 ¡Dulemar-idu igar nudakmar! 
\q2 ¡Igar-dummad be mesmar! 
\q1 ¡Bela akwamar be onirmar! 
\q2 ¡Dulemar igar-maid-magar-dakega be bander onakwe! 
\p  
\v 11 Bab-Jehová bela-dulemar-napneggi-bukwadga, weyob sogsad: 
\q1 “Jerusalén-dorganga be sogmar: 
\q2 ‘¡Bato be-abonoged danikid! 
\q1 Na e-nakwisad-ibmar eba sedanikid, 
\q2 na e-ibmar-buged-ukleged eba danikid.’ 
\q1  
\v 12 Dulemar-islidikidye, be bilemaloed. 
\q2 Bab-Jehováʼse bendaklesmaladye, be bilemaloed. 
\q1 Neggwebur-abelegedye, be-neggwebur bilegoed. 
\q2 Neggwebur bipisaar wargwen-melledsulidye, be-neggwebur bilegoed.” 
\c 63  
\s1 Bab-Jehová Edom-dulemargi nakwisad 
\q1  
\v 1 Edom-yar-akar danikid, ¿wede doawa? 
\q2 Bosra-neggwebur-akar mor-ginnidbi-yoi danikid, ¿wede doawa? 
\q1 Mor-nudakar-yoi danikid, ¿wede doawa? 
\q2 Gandikidba binna-binnagwad danisulid, ¿wede doawa? 
\b  
\q1 “Ani an danikid. An igar-innikigwadba-sunmakedid, 
\q2 an dule-abonogega-gangued-nikadid.” 
\b  
\q1  
\v 2 ¿Ar ibiga be-mor ginnitibi daklege? 
\q2 Ar be-mor, uva-egured-galugi dule-uva-egured-e-moryob dakleged. 
\b  
\q1  
\v 3 “An walagwen uva-egured-galugi uva-egurusad, 
\q2 dule-bamalad gwen anba gunai gussulid. 
\q1 An-sae-itogedgi an egi annasad. 
\q2 An-urwedgi an maataa imaksad. 
\q1 E-ablis an-morgine milesad, 
\q2 degi, bela an-mor ese isgusad. 
\q1  
\v 4 Buged-mai-imaked-iba bato an mesisad. 
\q2 An-dulamar-bendakleged-iba bato warmaksad. 
\q1  
\v 5 Dule-an-bendaked an edarbisanad, degi-inigwele, dule gwen an-bendaksasulid, 
\q2 dule-wargwensaar-an-bendakbi-gussulid geg an itoged. 
\q1 Dukin an-ganguedgine an emargi obichad. 
\q2 An-urwedi sikirmakega an-imaksasulid. 
\q1  
\v 6 An-sae-itogedgi, dulemar-yar-baid-baidgi-bukmalad-birgi an annasad, 
\q2 an-urwedgi an amar-obelosad. 
\q2 E-ablis napagi-milegega an imaksad.” 
\s1 Bab-Jehová Israel-dulemargi nued-binsaed 
\q1  
\v 7 Bab-Jehová-e-sabgued-dummad an ebinsaoed, 
\q2 e-ibmar-dummagan-imaksadgi an namakoed. 
\q1 Bab-Jehová bela anmarga ibmar-imaksad-ular, an ega namakoed. 
\q2 Wile-anmar-daked-ular, degi, dummad-anmar-sabed-ular, an ega namakoed. 
\q1 Bab-Jehová Israel-dulemarga ibmar-nuegan-bukidar-imaksad-ular, an ega namakoed. 
\q2  
\v 8 Ar Bab-Dummad weyob sogsad: 
\q1 “Ar napiragwa, wemar an-dulamalad, mimmigan-an-yardakmalosulidid.” 
\q2 Deyobi, e-suli-suli-itogedgine, Bab-Dummad bendaknonikid. 
\q1  
\v 9 Bab-Dummad dule-abonogega, dule-e-nuggi-sunmaked, degi, baliwitur, barmiarsulid, 
\q2 na e-sunnad dule-abonosad. 
\q1 E-sabedgine, degi, e-wile-dule-dakedgine, bendaknonikid. 
\q2 Gannarse ogwichisad, na e-ganguedba sesad. 
\q2 Epennegwadyobi deyob imaksad. 
\q1  
\v 10 Degi-inigwele, Israel-dulemar Bab-Jehováʼba ibsassurmalad, 
\q2 E-Burba-Isligwaled-wile-itogega imaksamalad. 
\q1 A-ulale, Bab-Jehová Israel-dulemar-e-isdaradga gunonikid, 
\q2 Bab-Dummad e-sunnad egi bila-onosad. 
\b  
\q1  
\v 11 E-dulamar, epenne neg-gusmalad-ebinsadmalad, 
\q2 degi, Moisés-ibagangi neggusad-ebinsadmalad, weyob sogdemalad: 
\q1 “Dule demar-obakega anmar-idunadap-gusadi, emide, ¿bia gudii? 
\q2 Dule Israel-dulemar-e-iduedi, ¿bia nade? 
\q1 Bab, E-Burba-Isligwaled-Moisésʼgi-mesisad, ¿wede bia nade? 
\q2  
\v 12 Dule e-gangued-nikadba Moisés-argan-nuedsik, Moisésʼba nadapigusad, emide, ¿bia nade? 
\q1 Bab, dulemar-asabin demar-egasad, 
\q2 adi, degisadegu e-nug-dummarba-guega, ¿wede bia nade? 
\q1  
\v 13 Igi-moli nega-dulesulidganba gwen ibmargi-yolesuli nadapdae, 
\q2 deyobi, muu-billi-odinnosadba dulemar-obakega-imaksadi, ¿wede bia nade?” 
\q1  
\v 14 Igi-moli-bebe-nikamalad nebase gagan-manonidamala, deyobi, 
\q2 Bab-Jehová-E-Burba, Israel-dulemarga obunnoged uksad. 
\q2 Bab-Jehová, be-nug-dummarba-guega, weyobi, be-dulamar-idumai be gusad. 
\s1 Bendaklegega Bab-Dummadse goled 
\q1  
\v 15 Bab-Dummadye, mogir-billi-akale, be nue atake. 
\q2 Be-neggandikid-islidikid-yeerdakleged-akale, be nue negdake. 
\q1 ¿Bia be-sabed-dummarbad, degi, be-gangued nade? 
\q2 Be-wile-dule-daked, degi, be-sabgued anmar daksulid. 
\q1  
\v 16 Degi-inigwele, be, anmar-Babad, 
\q2 ar Abraham amba aku-anmar-dakele, degi, dad-Israel amba aku-anmar-dakbalile, 
\q1 be, Bab-Jehová, be anmar-Babad. 
\q2 Gusgu be Anmar-Ollor-Imakedye nugad. 
\q1  
\v 17 Bab-Jehová, ¿ibiga be-igargi banguega be anmar-imake? 
\q2 Bab-Jehová, ¿ibiga be, mer be-dobgumalaga, anmar-gwage-dutusur imake? 
\q1 Be-maigan-sabed-ulale, be gannar dage. 
\q2 Be-dulamar-danar-danar-bukwad-sabed-ulale, be gannar dage. 
\q1  
\v 18 Be-dulamar ichesaale be-neg-islidikid akwisad. 
\q2 Emidi, anmar-isdarmalad bela be-neg-islidikidyaba ubosad. 
\q1  
\v 19 Emidi, anmala, be-anmar-dummad-iduedga-megissulidyob bukwad. 
\q2 Anmala, begadga-gussulidyob bukwad. 
\c 64  
\q1  
\v 1 Anmar-Bab-Dummadye, bitigi be nibneg egasana gadin, 
\q2 bitigi be aidealina gadin. 
\q2 Ar be-abin yarmar giglimakdeled. 
\q1  
\v 2 Be-isdarmalad-abargi be-nug be oyodele, 
\q2 igi soo sapan-ogader dii-ogwakgwarmakdae, 
\q1 deyobi, be-abin dulemar-yar-baid-baidgi-bukmaladi gudmalaled, 
\q2 be-abin wawanmakdemalaled. 
\q1  
\v 3 Be aidenonigu, ibmar-geger-itolemalad, ibmar-gegerdaklemalad, anmar abdakbuksulid be imaksad, 
\q2 be-asabin yarmar giglimakded. 
\q1  
\v 4 Negasaila-akale, dule-egi-bensurmaladga ibmar-dummagan-imaked dakledisulid, 
\q2 dule-baid-beyobid gwen itoledisurbalid. 
\q1  
\v 5 Dule-weligwaledgi-igar-innikigwad-imakdiid be abingaed, 
\q2 be-igarba-nanadimalad be abingabalid. 
\q1 Ar anmar isgussoggu, be sae-itoded. 
\q2 Ar anmar dikasurgus isguedginbi gudidimalad. 
\q1 ¿Ar wede anmar sunna abonolede? 
\q2  
\v 6 Ar anmarde bela ibmar-isganayob gumalad. 
\q1 Bela anmar-igar-inniki-imakedi, siamar-yokor-bisgemalad-e-mor-ebusadyob gued. 
\q2 Bela anmar gagan-dinguedyob gumalad. 
\q2 Anmar-isguedi, burwayobi anmar-oseleged. 
\q1  
\v 7 Dule-wargwensaale, be-nug obarsulid, 
\q2 begi-bendakleged-amiegala gwen gandik-imaksurmarbalid. 
\q1 A-ulale, be-wagar be anmar-idu odukusad, 
\q2 degi, anmar-isguedba-berguega be anmar-imaksad. 
\b  
\q1  
\v 8 Degi-inigwele, Bab-Jehová, bee be anmar-Babad. 
\q2 Anmar napsa gumalad. 
\q1 Bedi napsa-sobedga gued, 
\q2 bela be anmar-obinnisad. 
\q1  
\v 9 Bab-Jehová, melle be bela-bela sae-itoge. 
\q2 Melle be degisadegu anmar-isgued ebinsadii gue. 
\q1 Wis be wile-anmar-dake, 
\q2 ar anmar bela be-dula gumalad. 
\q1  
\v 10 Be-neggweburmar-islidikmalad nega-dulesulidganga gunonikid. 
\q2 Siónʼse-bakale, nega-dulesulidganga gunonikid, 
\q2 Jerusalén-neggwebur ollobi-daarmakarnai gunonikid. 
\q1  
\v 11 Anmar-bese-goled-neg-yeerdakleged-islidikid, bia an-babgan bega namakbukdamala, bela soose gummaksa siid. 
\q2 Bela anmar-ibmar-bur-nuegan-nikadi, bergusad. 
\q1  
\v 12 Bab-Jehová, weyob-ibmarmar-gusadgine, bede, ¿gwen ibmar akar imakosuli? 
\q2 Bede, ¿ibmar sogosurde? ¿Binsarsunna be bukib-binsaega anmar-imakode? 
\c 65  
\s1 Uayasulidamalad-odurdaklegoed 
\p  
\v 1 Bab-Jehová soged: 
\q1 “Dule-an-egisdisurmaladse an magarosad, an doa-dule gue. 
\q2 Dule-an-amidisurmalad an-amiega an imaksad. 
\q1 Dule-baigan-an-nug-odummodisurmaladga, an sogsad, 
\q2 wegi an gwichiye. 
\q1  
\v 2 Dule-uayasulidamaladse, igar-isganaba-nadapmaladse, e-binsaedba-nanadimaladse, 
\q2 bane-bane, an-argan an oyomai gusanad. 
\q1  
\v 3 We-dulemar, bali-bali an-ourwega an-imakmalad. 
\q2 Dutugalumargine, bab-dummadyob-ibmar-imaklemaladga ibmar ukmalad. 
\q2 Ibmar-ogumakar-ukleged-ailamargi, ina-wawadikmalad ogumakmalad. 
\q1  
\v 4 We-dulemar, neg-uangi sigmalad, 
\q2 mutikidbali, dukuar oibosii damalad. 
\q1 Sin-san gundamalad, 
\q2 e-esmedmargi ibmar-nis-isgana dudamalad. 
\q1  
\v 5 We-dulemar sogmalad: ‘¡Be anmargi bannabagudii samalo! 
\q2 ¡Melle be anmarse walikaa gumalo!’ 
\q2 An bemarba bela-bela dule-islidikid gued. 
\b  
\q1 ”We-dulemar, waayobi gwen-nabir-ito an-asu-imaksulid, 
\q2 bane-bane soo-duurmaksiiyob gued. 
\q1  
\v 6 An-asabin bela e-ibmar-imaked narmakar naid, an sunmaksuli guosulid. 
\q2 An sabsur-odurdakoed, na nunmak itomaloed.” 
\p  
\v 7 Bab-Jehová soged: 
\q1 “Bemar-isgued-ulale, degi, be-babgan isgusad-ulale, an sabsur-be-odurdakoed. 
\q2 Ar we-dulemar yar-birgi ina-wawadikmalad-ogumakdii gusmalad, 
\q1 yar-mullugangi angi-gwisgudii gusmalad. 
\q2 Epenne e-ibmar imaksamaladba, na dukin sabsur-odurdaklemalaga an imakoed.” 
\p  
\v 8 Bab-Jehová weyob soged: 
\q1 “Dule-wargwen uva-san-dukgwen-nued-amisale, sogdaed: 
\q2 ‘An oichogosurye, ar ade, amba nis nikaye.’ 
\q1 Deyopira, an an-maimar-sabed-ulale, 
\q2 belamakale, an-maimar an obelogosulid. 
\q1  
\v 9 Jacob waganmar-nikuega an imakoed, 
\q2 Judáʼgi, dulemar-an-yarmar-gamaloedi, an onidagoed. 
\q1 Anse-sulegarmaladi we-napaneg gamaloed, 
\q2 a-napagine, an-maimar megmaloed. 
\q1  
\v 10 An-dulamar-an-amidimaladga, Sarón-neba sibad-wawaad-galuga guoed, 
\q2 Acor-neba-naidi, moli-bebe-nikamalad-galuga guoed. 
\b  
\q1  
\v 11 ”Ar bemar angi-banguddamaladdi, bemar an-yala-islidikid-ieddamaladdi, 
\q2 es-suidgi-oburgwilegega an be-imakmaloed. 
\q1 Bemar bab-dummad-ibmar-bukidar-ukedgala, degine, bab-dummad-deyob-guoye-sogmaidgala, 
\q2 guagwar mas, degi, vino ukdamaladdi, 
\q1  
\v 12 es-suidgi-oburgwilegega an be-imakbaloed. 
\q2 Bela bemar dukar-egwallegega sindigar sigmaloed. 
\q1 Ar an bemarse gochamalanad, 
\q2 bemardi gwen an-abin-imaksasurmalad. 
\q1 An bemarga sunmaksanad, 
\q2 bemardi, gwen an-itossurmalad. 
\q1 Aka bur an-asabin ibmar-isgana imaksamalad, 
\q2 degi, an-ibmar-abesulidi bemar imaksabalid.” 
\p  
\v 13 A-ulale, Bab-Jehová-Bur-Gangued-Nikad weyob soged: 
\q1 “An-maimar mas-gunmaloed, 
\q2 bemardi, ukudmaad gudigumaloed. 
\q1 An-maimar gobed-nika gudimaloed, 
\q2 bemardi, gobedsuli gudigumaloed. 
\q1 An-maimardi, weligwar-itodii gumaloed, 
\q2 bemardi, bingedar-itodii gumaloed. 
\q1  
\v 14 An-maimar weligwaledgi namakmaloed, 
\q2 bemardi, suli-suli-itogedgi binnasuli gormaloed, 
\q2 nue wiles-itogedba akiginmaloed. 
\q1  
\v 15 Anse-sulegarmaladi, emar-ukabsamalaga bemar-nug ebumaloed. 
\q2 Ani Bab-Dummad-Jehová-Bur-Birigined bemar-oburgoed, 
\q2 ar an-maimargardi, nug-baid an ukoed. 
\q1  
\v 16 Dule, neggweburgi ise-nued-binsaleged egichialile, an-innikigwad-gued-nuggi egisoed. 
\q2 Dule, neggweburgi ise-sogar-ibmar-imakalile, an-innikigwad-gued-nuggi imakoed. 
\q1 Suli-suli-itolesadi, bela ielesad, 
\q2 an-asabin an bela elisad.” 
\s1 Nibneg-binid, napneg-binid 
\p  
\v 17 Bab-Jehová weyob soged: 
\q1 “Nue an-itomalo. 
\q2 An nibneg-binid, napneg-binid, an obinyesokalid. 
\q1 Ibmar-nasmalad bar obarilegosulid, 
\q2 bar egi binsalegosurbalid. 
\q1  
\v 18 An-ibmar-obinyesokalidba bur be weligwar-itomala, 
\q2 degisadegu be yeer-itomala. 
\q1 An Jerusalén-neggweburga yeer-itoged nasiksokalid, 
\q2 an e-dulemarga weligwar-itoged uksokalid. 
\q1  
\v 19 An Jerusalén-neggweburba, weligwar itogoed, 
\q2 an-dulamarbo an yeer itogoed. 
\q1 Jerusalénʼgi bar boed itolegosulid, 
\q2 deginbali, suli-suli-itogedba-gormaked bar itolegosurbalid. 
\b  
\q1  
\v 20 ”Jerusalénʼgi mimmigan gwalulesale, bipigwadgi bar burgosurmalad, 
\q2 deginbali, dadormar bar sapingwaa burgosulid, selebaa megmaloed. 
\q1 Ar dule birga-dulatar-nika (100) burgwele, amba nuchukwaa burgwisye soglegoed. 
\q2 Ar dule birga-dulatarse (100) warmaksasulirdi, dule-isganaye egi soglegoed. 
\q1  
\v 21 An-dulamar, negmar sobmaloed, egi megmaloed. 
\q2 Uva-dubmar digmaloed, e-san gunmaloed. 
\q1  
\v 22 Dule-baid-megega neg bar sobosurmalad. 
\q2 Deginbali, dule-bamalad uva-san-gunnega, uva-dubmar bar digosurmarbalid. 
\q1 Ar an-dulamar-e-ibagan, sapimar-ibaganyob guoed. 
\q2 Anse-sulegarmaladi, na e-ibmar-imakmaladgi yeer itomaloed. 
\q1  
\v 23 Binsarsunna arbanai guosurmalad, 
\q2 deginbali, mimmigan-wiogega, mimmigan nikuosurmalad. 
\q1 An-dulamar na e-sunnagwad, degi, e-waganmoga, 
\q2 Bab-Jehová egi ise-nued-binsasad-dulemarga guoed. 
\q1  
\v 24 Anse-goled-iduale, ani an abinsaoed. 
\q2 Amba sunmaknanaidgine, bato an itogoed. 
\q1  
\v 25 Achu-sapur, sibad-wawaad-senigwadbo mas-gundii gumaloed. 
\q2 Achumigur-nono-wawaad, moli-bebe-nikad-alugwasualedyob gagan-madii guoed, 
\q2 degi, naibe unnila ukub-burubi madii guoed. 
\q1 Bela an-yar-islidikidgine, dule, dule-baid-onailiksadii guosulid, 
\q2 degi, ibmar-obelodii guosurbalid. 
\q2 Ani an Bab-Jehová-guedi deyob soged.” 
\c 66  
\s1 Bab-Jehová-e-igar-naboged, degi, Sión-yala-gannar-sigoed 
\p  
\v 1 Bab-Jehová weyob soged: 
\q1 “Nibnega an-ologana gued, 
\q2 napneg an-nag-onakwed gued. 
\q1 ¿Ibi-neg be anga sunna sobsamarsunnale? 
\q2 An-obunnoged-neg, ¿bia be anga sobmalosunna? 
\q1  
\v 2 Ani Bab-Jehová soged: Ar belagwable we-ibmarmar ani an obinnisad, 
\q2 deyobi nagunonikid. 
\b  
\q1 ”Ani an dule-wilemalad, dule-suli-suli-itodimalad, 
\q2 degi, an-gayaburbaba binsaed-nika-nanadimalad, an yeer-daked. 
\q1  
\v 3 Ar dulemar anga moli-bebe-nikad-machered ogumakar ukedi, 
\q2 dule-gindakmaladyob gumalad. 
\q1 Ar dulemar anga sibad-wawaad-senigana-oburgwedamaladi, 
\q2 bab-dummadyob-imaklemaladga achu-nono-bisgar-ukmaladyob gumalad. 
\q1 Ar dulemar anga ibmar-gwag ukdamaladi, 
\q2 bab-dummadyob-imaklemaladga sin-ablis-ukdamaladyob gumalad. 
\q1 Ar dulemar an-nug odummogega anga ina-wawadikid obupurmakdamaladi, 
\q2 bab-dummadyob-imaklemalad-e-nug-odummomaladyob gumalad. 
\q1 We-dulemar na dukin e-itolegedba igar susmalad, 
\q2 e-ibmar-isgana-imakedgi na yeer itodimalad. 
\q1  
\v 4 An ega sabsur-odurdakleged ukmogoed, 
\q2 bela-belad-ibmar-dobmalad an egi barmidoed. 
\q1 Ar an gochagua, gwen dule an-abin-imaksasulid. 
\q2 Ar an sunmaksagua, gwen dule an-itossulid. 
\q1 Aka bur an-asabin ibmar-isgana imaksamalad, 
\q2 an-ibmar-abesulid imaksamarbalid.” 
\b  
\q1  
\v 5 Bemar Bab-Jehová-gayaburba-dobee-nanadimalad, Bab-Jehová-gayaburba be itomala: 
\q2 “Be-gwenadgan-sae-be-dakdimaladi, degi, an-nug-ular-be-obandimaladi, dodoakwaa weyob sogmalad: 
\q1 ‘Bab-Jehová, e-gargangued oyoge, 
\q2 adi, anmar bemar-weligwar-itoged dakegar.’ 
\q2 Ar isdar-be-dakmaladdi bingegumaloed.” 
\b  
\q1  
\v 6 Neggwebur-akale, gayaburba binnasuli goled, 
\q2 Bab-Dummadse-goled-neggi gayaburba goled: 
\q1 “We-gaya, Bab-Jehová-gayaburba gued, 
\q2 e-isdarmaladga sabsur-ibmar sognaid.” 
\p  
\v 7 Bab-Jehová soged: 
\q1 “Jerusalén, boni-itodaged-iduale, bato mimmi nikusad. 
\q2 Jerusalén, yoo-bonigan-itodaged-iduale, goe-susugwa baksad. 
\q1  
\v 8 ¿Doa weyob ibmar-soglege itodii? 
\q2 ¿Doa weyob ibmar-oyolege dakdii? 
\q1 ¿Ar dulemar-yargi-bukued ilagwen-bukuar bukusi? 
\q2 ¿Ar neggwebur-gwagwen ukiagwale gwalulesi? 
\q2 Degi-inigwele, Sión-yardi abga-bonigan-itoaliyalaba mimmigan nikusad.” 
\p  
\v 9 Bab-Jehová soged: 
\q1 “Ar ani an sikwi-aidegega imaked, 
\q2 degite, ¿an geg sikwi-odegega imakde? 
\q1 Ar ani an dula-nikuega-imaked, 
\q2 degite, ¿an sikwimar-aideged-igar gaode? 
\b  
\q1  
\v 10 ”Bemar, Jerusalén-neggwebur-sabmaladi, Jerusalénʼba be weligwar-itomala, 
\q2 e-ular, be yeer-itomala. 
\q1 Bemar, Jerusalénʼba bukib-binsadimaladi, be weligwaledgi ichomakmala. 
\q2  
\v 11 Ar Jerusalén-neggwebur nanyobi e-mamgi be-onumaloed, immerbaa be gumaloed. 
\q1 E-nunis-ena-ena-nanaid immelegedse bemar gobmaloed, 
\q2 egi be nue-yeer itomaloed.” 
\p  
\v 12 Ar Bab-Jehová weyob soged: 
\q1 “An Jerusalén-neggweburgi dii-nollosur-aryomaidyobi gwage-bogidikid nasikoed. 
\q2 Dulemar-yar-baigangi-bukmalad-e-ibmar-nuegan diwar-engumaidyobi, Jerusalénʼga-ukega an imakoed. 
\q1 Jerusalén, goemaryobi mamgi be-onumaloed, 
\q2 e-sakwagi angaagwar be-semai guoed, 
\q2 e-nukugi be-mesmaloed. 
\q1  
\v 13 Nan igi na e-mimmi-gwage armake, deyobi an bemar-gwage armakoed. 
\q2 Bemar Jerusalén-neggweburgi gwage armaklemaloed.” 
\b  
\q1  
\v 14 Bemar weyob ibmar-dakalile, gwagegi bemar weligwar itodmaloed, 
\q2 gagan-aramakdedyobi bemar gannar gannaledmaloed. 
\q1 Bab-Jehová e-maimar-abargi e-gangued oyogoed, 
\q2 e-isdarmalad-abargi e-urwed oyogoed. 
\q1  
\v 15 Bab-Jehová bato soo-abargi danikid. 
\q2 E-bila-onoged-ur-napagined burwa-ooredyob dakleged. 
\q1 Bab-Dummad, e-sae-itoged urwedgi oyononikoed, 
\q2 e-sabsur-odurdaked soo-aramakwichiyob guoed. 
\q1  
\v 16 Bab-Jehová, bela dulemarga soogi, degi, es-suidgi igar-nabogoed. 
\q2 Bukidar Bab-Jehováʼse burgwemaloed. 
\p  
\v 17 Bab-Jehová soged: “Dulemar-san-islidik-imakmaladi, degi, san-swilidik-imakmaladi, dule-negabargi-nadapidba nadapmalad, adi, bab-dummadyob-imaklemalad-dudumar-galuse-dogega. Bela-wemar na mesa burgwemaloed. Dulemar-sin-gunmalad, nusa-gunmalad, degi, ibmar-baigan-isemalad-gunmalad, bela-mesa bergumaloed. 
\p  
\v 18 ”Ani, an e-ibmar-imaked-ulale, degi, e-binsaed-ulale, bela dulemar-yar-baid-baidgi-bukmalad, degi, gaya-akar-akar-sunmakmaladi oatosokalid. We-dulemar danimaloed. An-gangued-yeerdakleged dakmaloed. 
\p  
\v 19 ”An ega wilub-oyogoed, abala dule dula-bemaloedi, we-yarmarse an barmidoed: 
\q2 Tarsisʼse, Futʼse, 
\q2 Ludʼse (we-dulemarde sigu-mied-dulemalad), 
\q2 Tubalʼse, Javánʼse, 
\q2 dikasur demar-gakaba-neggwebur-bukmalad an-nug-itodisurmaladse, 
\q2 degi, an-gangued-yeerdakleged-dakdisurmaladse an barmidoed. 
\p ”Wemala, dulemar-yar-baid-baidgi-bukmaladga, an-gangued-yeerdaklegedgi sunmakmaloed.  
\v 20 Dulemar be-gwenadgan-yar-baid-baidgi-gudidimalad, an-yala-islidikid-Jerusalénʼse, anga ibmar-uklegedyobi seledagega imakmaloed: 
\q2 Abala, molimargi be-gwenadgan-sedamaloed. 
\q2 Bamaladdi, moli-ur-napagined-bila-onomaladgi, 
\q2 e-gabmaladgi, 
\q2 moli-uaya-senigwadmargi, 
\q2 degi, moli-yargan-muremaladgi sedamaloed. 
\p ”Ar igi-Israel-dulemar anse-goled-negse bormo-swilidikidgi anga ibmar-gwag-ukleged sedanidamala, deyobi, be-gwenadgan-sedamaloed. Ani Bab-Jehová deyob soged. 
\p  
\v 21 ”We-be-gwenadgan-seledamaloedi, abala dule-irwa-anse-golemaladga, degi, Levita-dulemarga an suoed.  
\v 22 Ar igi an-asabinni nibneg-gwapid, degi, napneg-gwapid degisadegu-nai-guoe, deyobi, be-waganmar degisadegu-bukwa an imakoed. Degi, bemar-nug degisadegumogoed. Ani Bab-Jehová deyob soged.” 
\p  
\v 23 Bab-Jehová soged: 
\q1 “Nii-binid-gwisgued-ilibali, degi, obunnoged-ibagan-ilibali, bela dulemar an-nug-odummodii gumaloed. 
\q2  
\v 24 Ainidmaloed, geb dule-angi-gwisgusmalad-e-muigan omilede dakmaloed. 
\b  
\q1 ”Ar nus-e-san-gunnedi gwen burgosulid, 
\q2 deginbali, soo-e-san-ogumaknaidi gwen ginnosurbalid. 
\q2 Bela dulemarga ibmar-imadga guoed.”