\id HAG - Kuna, San Blas - Bible -Panama 2014 (DBL -2014) 
\h Hageo 
\toc1 Hageo-Garda 
\toc2 Hageo 
\toc3 Hag 
\mt1 HAGEO-GARDA 
\mt2 HAGEO 
\imt2 GEBE-SOGLENAID 
\imt1 Garda-nug 
\ip \it Hageo-Garda.\it*\it Iba-nonaidgi-gwalulesadye,\it* Hageo-nug obarileged. 
\is1 Hageo-Gardagi weyob sunmaklenaid 
\ip Hageo, Judá-yalagi bur bule Bab-Dummad-gayaburbagi sunmakdii gusad. Deunni, Zorobabelʼba dulemar-Babiloniaʼgi-gales-bukwad bato gannar Judá-yarse nonimalad. Ibagan-nasad-sorbali, dulemar Jerusalén-neggweburgi neg-dummagan-yeerdaklemalad sobdemalad. Bab-Dummadse-goled-neg-sobeddi, ied gusmalad. 
\ip We-gardagine, weyob ilemakar sunmaklenaid: 
\io1 1. Bab-Jehová ese-goled-neg-sobega igar-uknaid (1:1-15). 
\io1 2. Bab-Jehováʼse-goled-neg-binid-yeerdakleged (2:1-9). 
\io1 3. Galagwensur-damaladga sabsur-ibmar-soged (2:10-19). 
\io1 4. Bab-Jehová, Zorobabelʼga ibmar-imakoye sogsad (2:20-23). 
\ip Be itogua. 
\c 1  
\ms1 1. BAB-JEHOVÁ ESE-GOLED-NEG-SOBEGA IGAR-UKNAID 
\mr (1:1-15) 
\p  
\v 1 Rey-Darío birgabogus negdakmaidgi, nii-walanergwad gebe-e-iba-onodedgine, Bab-Jehová Judá-yar-dakmaid-Salatiel-machi-Zorobabelʼse, degi, dule-irwa-Babse-goled-bur-dummad-Josadac-machi-Josuéʼse, e-gayaburba-barsoged-Hageoʼye-nugadba e-gayaburba barmialid. Weyobi sognaid: 
\p  
\v 2 “Bab-Jehová-Bela-Gangued-Nikad weyob sogye: ‘We-dulemar soged, gannar Bab-Jehováʼse-goled-neg-sobegala amba yoo e-ibagan warmakye.’ ” 
\p  
\v 3 Bab-Jehová, e-gayaburba-barsoged-Hageoʼba weyob sogsabalid: 
\q1  
\v 4 “Ar bemardi neg-nuegangi mamaid, 
\q2 degite, an-negdi amba bela bibisgar siid.” 
\p  
\v 5 Bab-Jehová-Bela-Gangued-Nikadi, weyob soged: 
\q1 “Bemar-ibmar-imaknanaidgi be nue binsamar. 
\b  
\q1  
\v 6 ”Bemar ibmar-durba bukidar makenad, 
\q2 degi-inigwele, ichee wis be wemalad. 
\q1 Be mas gunmalanad, 
\q2 degi-inigwele, amba be ukudmaada itodamalad. 
\q1 Be gobmalanad, 
\q2 degi-inigwele, amba be uku-uku itodamalad. 
\q1 Be mor yodamalanad, 
\q2 degi-inigwele, amba be dambe itodamalad. 
\q1 Arbasadgi be-mani-bennuklegedi, 
\q2 ibmar-bakega amba bega unnisurdaed.” 
\p  
\v 7 Bab-Jehová-Bela-Gangued-Nikad weyob sogbalid: 
\q1 “Bemar-ibmar-imaknanaidgi be nue binsamar. 
\b  
\q1  
\v 8 ”An-neg gannar-sobega, bemar sapurba urgo aminamala. 
\q2 Anse-goled-neg-soblegoedi an yeerdakoed. 
\q1 Agine an-gangued-yeerdakleged an oyogoed. 
\q2 Ani Bab-Jehová deyob soged. 
\b  
\q1  
\v 9 ”Bemar ibmar-bukidar abitodimalanad, 
\q2 degi-inigwele, wis be ichee ibmar abingamalad. 
\q1 Bemar na neggi ibmar-sabomaladi, an bemar-ibe yoga-obelogar imaked. 
\q2 ¿An ibiga deyob imaksa? 
\q1 ‘Ar an-neg bela bibisgar-siid-ular, an deyob imaksad. 
\q2 Bemardi, unnila be-negginbi be binsamalad.’ 
\q1 Ani Bab-Jehová-Bela-Gangued-Nikad deyob soged. 
\p  
\v 10 ”Degisoggu, bemar-ulale, dii bar wisulid, degi, napneggi geg bar ibmar sanmakbalid  
\v 11 Ani an wemargi mer bar dii-wiega imaksad: 
\q2 Orosyob-dakleged-trigo-digar-nanaidgi, 
\q2 uva-digar-nanaidgi, 
\q2 olivo-gwallu-nuegan-digar-nanaidgi, 
\q2 ibmar-durbamar-digarmaladgi, 
\q2 dulemar-bukwadgi, 
\q2 ibdurgan-bukwadgi, 
\q2 degi, dulemar-e-ibmarmar-imakmaladgi, 
\q3 ani an mer bar dii-wiega imaksad.” 
\p  
\v 12 Geb degine, Salatiel-machi-Zorobabel, degi, dule-irwa-Babse-goled-e-dummad-Josadac-machi-Josué, deginbali, bela dulemar e-Bab-Dummad-Jehováʼba ibsasmalad. Ar igi Bab-Dummad na e-gayaburba-barsoged-Hageoʼga ibmar-sogsadi, dulemar itosmalad. Geb dulemar Bab-Jehová dobgudmalad.  
\v 13 Geb degine, Bab-Jehová-gayaburba-barsoged-Hageo, Bab-Jehová ega ibmar-sogsadi, dulemarga sogded: “Bab-Jehová sogye, an beba gudimarye.”  
\v 14 Weyobi Bab-Jehová Judá-yar-dakmaid-Salatiel-machi-Zorobabel-ogannosad, degi, dule-irwa-Bab-Dummadse-goled-e-dummad-Josadac-machi-Josué-ogannosad, deginbali, bela-dulemar-ogannosbalid. Geb bela wemar, e-Bab-Dummad-Jehová-Bur-Gangued-Nikad-e-neg-sobmalaga arbadmalad.  
\v 15 Deunni, Rey-Darío birgabogus negsemaid. A-Nii-walanergwagi, e-iba-durgwen-gakabakegi neg sobdemalad. 
\c 2  
\ms1 2. BAB-JEHOVÁʼSE-GOLED-NEG-BINID-YEERDAKLEGED 
\mr (2:1-9) 
\p  
\v 1 Nii-walaguglegi, e-iba-durgwen-gakagwensakgi, Bab-Jehová na e-gayaburba-barsoged-Hageoʼba sunmaknonikid:  
\v 2 “Judá-yar-dakmaid-Salatiel-machi-Zorobabelʼse be egiso, degi, dule-irwa-Babse-goled-e-dummad-Josadac-machi-Josuéʼse be egiso, deginbali, bela dulemarse be egisbalo:  
\v 3 ‘Dule-gwensak, epenne Bab-Dummadse-goled-neg-sigisad-e-yeerdakleged-daksagusadi, ¿amba bemar-abargi gudii? Amar sogmardena, emi Bab-Dummadse-goled-neg-binid-siidi ¿igi be dakmarsunna? ¿Ar idualedba, bur baisur-daklesursi? Eye, bur baisur-daklege.’ ” 
\p  
\v 4 Degi-inigwele, Bab-Jehová bemarga soged: “Zorobabel, be gandik imake. Josadac-e-machi-Josué be gandik imake. Ar be dule-irwa-Bab-Dummadse-goled-e-dummadid. Bela dulemar be gandik-imakmarmoga, be arbamala, ar an beba gudiid.” Ar Bab-Jehová-Bela-Gangued-Nikad weyob soged:  
\v 5 “Bemar Egipto-yargi-nosmargua, an bemarbo igar-mesisad, an bemarba gudii guoye. A-ulale, an-burba bemar-abargi gudiid. 
\p ”Degisoggu, mer be dobgumar.  
\v 6 Ar Bab-Jehová-Bela-Gangued-Nikad weyob soged: ‘Ar emisgwasaar, an nibneg, napneg ogiglimakoed. Demar, demar-gaka-ugakaase an osukamakoed.’ ” 
\p  
\v 7 Bab-Jehová-Bela-Gangued-Nikad weyob soged: “Bela dulemar-yar-baid-baidgi-bukwamalad an owawanmakoed. Dulemar-yar-baid-baidgi-bukmalad na e-ibmar-nuegan senonimaloed, deyobi, anse-goled-neg yeerdaklegega an imakoed.”  
\v 8 Bab-Jehová-Bela-Gangued-Nikad weyob soged: “Mani, degi, ormar angadid.”  
\v 9 Bab-Jehová-Bela-Gangued-Nikad weyob soged: “Anse-goled-neg-binid, bur idualedba, yeerdakle guoed. We-neggi neg-bogidik an nasikoed.” Bab-Jehová-Bela-Gangued-Nikad deyob soged. 
\ms1 3. GALAGWENSUR-DAMALADGA SABSUR-IBMAR-SOGED 
\mr (2:10-19) 
\p  
\v 10 Rey-Darío birgabogus negdakmaidgi, nii-walabakebakgi, e-iba-durgwen-gakabakegi, Bab-Jehová na e-gayaburba-barsoged-Hageoʼga sunmaknonikid:  
\v 11 Bab-Jehová-Bela-Gangued-Nikad weyob soged: “Dule-irwa-Bab-Dummadse-gormaladse, anga ibmar-swilidikmalad-uklegedsik be egiso.” Geb Hageo amarse egisdesunnad: 
\p  
\v 12 —Anmar binsa-sogmalo. Dule-gwensak ibmar-san-swilidikid-Bab-Dummadga-uksadi, e-mor-saburedgi obipirmakar semaid, agine, e-mor-sabured-duku madugi warmaksadibe, igi, san-gisi-dualedgindibe, vinoʼgindibe, olivo-gwallugindibe, igi, ibmar-baigan-gullegedgindibe, ¿bela we-ibmarmar ibmar-swilidikga gumogoe? 
\p Dule-irwa-Babse-gormalad Hageo-abin sogdemalad: 
\p —Suli. 
\p  
\v 13 Hageo sogdebalid: 
\p —An bega binsa-sogbargwelo. Ar dule-gwensak mui-ebusadba-swilidik-gudisulid, a-dule, we-ibmar-soggwenad ebunonikile, ¿ar bela we-ibmarmar bar swilidik guosuli? 
\p Dule-irwa-Babse-gormalad sogdemalad: 
\p —Eye, swilidik guosuli. 
\p  
\v 14 Geb degine, Hageo amar-abin sogded: 
\q1 “Bab-Jehová-Bela-Gangued-Nikad weyob soged: ‘Ar deyobi, we-neggwebur gued. 
\q2 Ar deyobi, an-asabin we-dulemar gumalad. 
\q1 Ar deyobi, bela e-ibmar-imakmaladi gued, 
\q2 amba anga e-ibmar-ukmaladse-bakale, deyobi gubalid.’ ” 
\p  
\v 15 Degisoggu, emi-iba-onoded-akale, bemar gwage-ulubgi we-ibmargi nue binsamar. Bemar yoo Bab-Jehováʼse-goled-neg-sobgua,  
\v 16 ¿igi bemar gubukwana? Be-dule-gwensak sagu-wardurgwen (20) ibmar-gwag-weoye binsadaenad, degi-inigwele, unnila sagu-warambe (10) wesdaed. Vino ega bari-gwadurbo-gakambe (50) guoye binsadaenad, degi-inigwele, unnila bari-gwadurgwen (20) ega gusdaed. 
\p  
\v 17 Bab-Jehová weyob soged: “Ani an e-nainumargi ibmar-digarmalad ogumaksad, boni an ega uksad. Bela e-ibmar-imaksadgi dii-gwamakaled-babatega an imaksad. Degi-inigwele, gwen an-amiedgi binsassurmalad.  
\v 18 Emi-iba-onoded-akale, bemar gwage-ulubgi nue binsamar. Emi nii-walabakebak e-iba-durgwen-gakabake-naidgi, bemar anse-goled-neg-e-saila mesided. A-akale, bemar gwage-ulubgi nue-binsadii gumalo.  
\v 19 Ibmar-gwag-saboleged-neggi, ¿amba ibmar-gwag wis bukwa? Uva-dub, higo-sapi, sapi-granada, degi, olivo-sapi ¿amba yoo sanmakmarde? Degiirdi, emi-iba-onodoedgine, an bemargi nued binsaoed.” 
\ms1 4. BAB-JEHOVÁ, ZOROBABELʼGA IBMAR-IMAKOYE SOGSAD 
\mr (2:20-23) 
\p  
\v 20 Amba a-niigi, e-iba-durgwen-gakabakegi, Bab-Jehová, Hageoʼga gannar ibmar sognonibalid:  
\v 21 “Judá-yar-dakmaid-Zorobabelʼga be soge: ‘Ani, Bab-Jehová, nibneg, napneg, an ogiglimaksokalid.  
\v 22 Reymar bar yar-seega an imakosulid. Reymar-gargangued an obelosokalid. Moli-ur-bila-onomalad, degi, egi nanamalad an osulogoed. Molimar, degi, egi-sordamar-sigmalad burgwemaloed. Wemar na muchub-muchub es-suidgi gindakmaloed.’  
\v 23 Bab-Jehová-Bela-Gangued-Nikad soged: ‘A-ibagi, be, Salatiel-machi-Zorobabel, be-an-mai gued, an be-suoed. An-wilub-sied-or-arganyob an be-imakoed. Ar ani an be-susad.’ Bab-Jehová-Bela-Gangued-Nikad deyob soged.”