\id 3JN - Kuna, San Blas - Bible -Panama 2014 (DBL -2014) 
\h 3 Juan 
\toc1 Juan-Garda-Sogbaagwad 
\toc2 3 Juan 
\toc3 3Jn 
\mt1 JUAN-GARDA-SOGBAAGWAD 
\mt2 3 JUAN 
\imt2 GEBE-SOGLENAID 
\imt1 Garda-nug 
\ip Juan, Bab-Burba-Isligwaledbali gwenadgan-idued-Gayoʼye-nugadse garda narmaksiid. Binsamardo, we-garda birga 90ʼgi narmakles-insaye. 
\is1 Juan-Garda-Sogbaagwadgi weyob sunmaklenaid 
\ip Juan, Gayo-nug-ogannosiid, ar we-gwenadgan-iduedde, gwenadgan-Bab-Jesúsʼba-nanaimalad nue-bendakdiid. Demetrioʼgi amba nued sunmaksibalid, ade, gwenadgan-nue-bendakdimogad. Diótrefesʼdi, gwenadgan-abargi na san-dummarba imakdiid. We-dule, Juanʼba ibsabidasulid. Deginbali, gwenadgan-Bab-igargi-sunmakdimalad wissur-abingadabalid. 
\ip We-gardagine, weyob ilemakar sunmaklenaid: 
\io1 1. Gebe-sikwas-soglenaid (1:1-4). 
\io1 2. Gayoʼgi nued sunmakmalad (1:5-8). 
\io1 3. Diótrefes, gwenadgangi ichakwa-daed (1:9-10). 
\io1 4. Demetrio, dule-nued-daye sogmalad (1:11-12). 
\io1 5. Napi-soglenaid (1:13-15). 
\ip Be itogua. 
\c 1  
\ms1 1. GEBE-SIKWAS-SOGLENAID 
\mr (1:1-4) 
\p  
\v 1 Ani an Jesúsʼba-nanaimalad-e-idued, gwenad-sabesailad-Gayoʼse garda narmaksiid. Ar an Gayo napiragwadgi sabed. 
\p  
\v 2 Gwenad-sabesailad, an bega Bab-Dummadse goled, igi be-san-burbaled nueganbi nadapi, bitigi deyobi bega bela ibmar-nueganbi nadsunye, degi, gwen-uellesuli be gudii gusun.  
\v 3 Ibibayobi weligwar an itosa, gwenadgan-nonikid anga sognonigu, be innikigwadba gudiiye, degi, igar-napiragwadgi nue-nanadibarye.  
\v 4 Bur-weligwar an-imaked, an itoalir, an-mimmigan igar-napiragwadgi nued nanadimarye. 
\ms1 2. GAYOʼGI NUED SUNMAKMALAD 
\mr (1:5-8) 
\p  
\v 5 Gwenad-sabesailad-Gayo, be bamalad-gwenadgan-bendakalile, be innikigwadgi bendakdaed. Bur bule gwenadgan-yar-baidgi-danimalad be deyob imakdaed.  
\v 6 We-gwenadgan Jesúsʼba-nanaimalad-abargi sogmardo, bede nue-sabedgi gwenadgan-bendakdaye. Bab-Dummad-abegedyob, we-ibmar be imakoed. Degisoggu, neggwebur-baidse-naegala, nue-gatik we-dulemar be bendako.  
\v 7 Ar we-gwenadgan, Bab-Jesús-nug-sabed-ular, Bab-akudakmaladse gwen bendaklessuli noargusmalad.  
\v 8 A-ulale, anmar, we-gwenadgan-abingae-wilubbid. Ar deyobi, anmar, Bab-Igar-napiragwadba-sunmakedgi bendakmogoed. 
\ms1 3. DIÓTREFES, GWENADGANGI ICHAKWA-DAED 
\mr (1:9-10) 
\p  
\v 9 An Jesúsʼba-nanaimaladse garda narmaksad. Ar Diótrefesʼdi, an-ega-ibmar-soged gwen itobisulid, ar ade, e na emar-iduedga-gued abedaed.  
\v 10 A-ulale, an bemarse nadele, Diótrefesʼga an ibmar-bakar sogoed, ar ade, anmargi sunnasur sunmakdiid. Unnila wegibi gudisulid, ar gwenadgan-Jesúsʼba-nanaimalad-yar-baidgi-danimalad, wissur-abingabalid. Ar gwenad-wargwen na e-neggi gwenadgan-abingabiele, Diótrefes, a-idu igar-biir mesdaed, degi, Jesúsʼba-nanaimalad-abargi a-gwenad-onodabalid. 
\ms1 4. DEMETRIO, DULE-NUED-DAYE SOGMALAD 
\mr (1:11-12) 
\p  
\v 11 Gwenad-sabesailad-Gayo, mer dulemar-ibmar-isgana-imakmalad-daedba be dae, dulemar-ibmar-nuegan-imakmalad-daedba bur be dae. Ar dule-ibmar-nued-imakedi, Bab-Dummadgadid. Ar dule-ibmar-isgana-imakedi, amba aku-Bab-Dummad-daked. 
\p  
\v 12 Bela-dulemar Demetrioʼgi nuedbi sunmakedbimalad, degi, e-daedi anmarga oyomogad napira sogmarye. Ar anmar amba deyob sogmarmogad, Demetrio dule-nuedye. Ar bemar wisid, anmar-ibmar-sogedi, we napiragwadid. 
\ms1 5. NAPI-SOGLENAID 
\mr (1:13-15) 
\p  
\v 13 Ar bukidar an bega-ibmar-soged nikanad, degi-inigwele, an bega gardagi narmakbisulid.  
\v 14 Ar emisgwasaar an be-dako an-insado, agi anmar na asabin sunmakmaloed. 
\p  
\v 15 Ulubgi bogidik be nikusun. Be-aimar bega sogsimalad, bede nued sogeye. Anmar-aimarga, wargwen-wargwengi ega be sogo, bemarde nueganbimar sogeye.