\id 2SA - Kuna, San Blas - Bible -Panama 2014 (DBL -2014) 
\h 2 Samuel 
\toc1 Samuel-Garda-Sogbogwad 
\toc2 2 Samuel 
\toc3 2Sm 
\mt1 SAMUEL-GARDA-SOGBOGWAD 
\mt2 2 SAMUEL 
\imt2 GEBE-SOGLENAID 
\imt1 Garda-nug 
\ip \it Samuel-Garda-Sogbogwad.\it* We-garda, garda-idualedbo gwadilenaid, amba a-igarba sunmaklenaimogad. Degi-inigwele, Rey-Davidʼgi bur bule sunmaklenaid. 
\is1 Samuel-Garda-Sogbogwadgi weyob sunmaklenaid. 
\ip We-gardagine, oyonaid igi-David, Rey-Saúl-sorbali, Reyga-megnoniki. David, Hebrón-neggweburgi-gudii, Judá-e-reyga nug-imaklesad. Deunni, David birga-durgwen-gakambe (30) nikad. Geb Israel-dulemar-e-reyga David nugsalesbalid. Bela birga-dulabo (40) negsemai gusad. 
\ip We-gardagine, weyob ilemakar sunmaklenaid: 
\io1 1. David Reyga megnonikid (1:1–5:10). 
\io1 2. David yar-sealid (5:11–8:18). 
\io1 3. David Reyga-maigu, bonigan nosad (9:1–20:26). 
\io1 4. David Gabaón-dulemarbo igar-nudaksad, degi, masdummagan-oburgwisad (21:1-22). 
\io1 5. David-e-namaked (22:1-51). 
\io1 6. David-napi-sunmaksad, degi, e-sorda-dummagan (23:1-39). 
\io1 7. Israel-sordamar ebislesad (24:1-25). 
\ip Be itogua. 
\c 1  
\ms1 1. DAVID REYGA MEGNONIKID 
\mr (1:1–5:10) 
\s1 David, Rey-Saúl-burgwisad wisgunonikid 
\p  
\v 1 Rey-Saúl-burgwisad-sorbali, David, Amalec-dulemargi-nakwisbargua, Siclag-neggweburse nonikid. Agi, ibabo gudii gusad.  
\v 2 Ibapaagusgua, dule-gwensak Davidʼse nonikid. We-dule Rey-Saúl-sordagan-bukmaladgi danikid. E-mor-yoid siir-siir-nonikid, e-nono olli-sichi nonibalid. We-dule Davidʼse nonigua, David-asabin dulluu napase imakded.  
\v 3 Geb David ese egisded: 
\p —¿Bia be daniki? 
\p We-dule David-abin sogded: 
\p —Israel-sordamar-danar-danar-bukwadgi an wakicha-danikid. 
\p  
\v 4 David ese egisdebalid: 
\p —¿Igi neg-gusa? Bela anga sogo, mer angi odukuo. 
\p We-sorda abin-sogdebalid: 
\p —Israel-sordamar bila-ononagu, bela sikirmakdemalad, bukidar oburgwilesmalad. Degine, Saúl, e-machi-Jonatánʼbogwa oburgwilesmogad. 
\p  
\v 5 David sorda-ega-gayaburba-senonikidga sogded: 
\p —¿Igi be nabir wisi, Saúl, e-machi-Jonatánʼbogwa oburgwilesa? 
\p  
\v 6 We-sapingwa-ega-gayaburba-senonikid abin-sogdebalid: 
\p —Gilboa-yar-nugadse binsa an atakdinad. Agi an Rey-Saúl, eswargi-akani-gwichi an dakalid. Aginbali, e-isdarmalad egi ebirdani an daksabalid. E-isdarmalad ur-napaginmaladgi egi daniki, degi, moli-birgi-sii egi danimarbali an daksad.  
\v 7 Saúl ansik-aibiriargua, an-daksad, geb anse gollalid. Agine, an abin-imakdemogad: ‘Degite, sogdeen.’ 
\p  
\v 8 ”Geb anse egichialid: ‘¿Be doawa?’ Geb an abin-imakded: ‘An Amalec-duled.’ 
\p  
\v 9 ”Geb Rey-Saúl anga sogdebalid: ‘Be an-oburgwe, an geggusa, an-bar-guosuli.’ 
\p  
\v 10 ”Agi, an ese nadsunnad. An dakdegua, Saúl bar-san-onogosuli, an oburgwissundo. Dummad, Rey-Saúl-ibe an e-ologurgin susad, or-swidagi-nagumaladse-bakar e-ibe an susbalid, bega-sedagega.” 
\p  
\v 11 David bela itosgua, naibid-dummad itononikid. A-ular, e-mor-yoid na siir-imaksad. David-e-sordagan itosmarmogua, deyob imaksamarmogad.  
\v 12 Rey-Saúl, e-machi-Jonatán-ebo es-suidse ibitosmalad-ulale, dummad-bonanai-guarmalad, bar-mas-itossurmalad, neg-mutikidse. Deginbali, Bab-Jehová-sordamar-ibitosmaladga, degine, Israel-dulemarga, bonanai-guarmarbalid, ar es-suidse ibitosmalad. 
\p  
\v 13 Geb degine, David, sapingwa-ega-gayaburba-senonikidse egisdebalid: 
\p —¿Be bialidi? 
\p Sapingwa abin-sogded: 
\p —An Amalec-dule, an Israel-dulesuli. 
\p  
\v 14 David sabsur ega sogded: 
\p —¿Ibiga yogasaar be Rey-Saúl-oburgwisa? Ar wede, Bab-Jehová na nug-imaksa gudinad. 
\p  
\v 15 Degisoggu, David e-sorda-gwensakse goted, ega sogded: 
\p —¡We-dule anga oburgwe! 
\p Sorda David-sogedba imaksad, Amalec-dule-oburgwissunnad.  
\v 16 Degi-gunai, David sogdebalid: 
\p —Na be dukin ablis-eosad, ar dukin na be-barsogsad, ar be sogsad: ‘An Bab-Jehová-dule-nug-imaksa-gudiid oburgwisye.’ 
\s1 David, Saúl-burgwisadba, degi, Saúl-machi-Jonatán-burgwisadba namaksad 
\p  
\v 17 David, Saúl-ulale, degi, Saúl-machi-Jonatán-ulale bukib-binsadiidba, we-namaked namaknai gualid.  
\v 18 A-namaked weyob nug-imaksad, “warsigi-namakleged-igar.” Degine, we-igargi bela Judá-dulemar-odurdakmarbaloye sogsad. We-namaked Jaser-gardagi weyob narmakar maid: 
\q1  
\v 19 “¡Israel-dulemar, nue-wilesmar! 
\q2 Sordamar-nug-nikamalad, Israel-yalaganba nue-ibitos. 
\q2 Israel-sordamar-niga-gandikmalad, ibsas oburgwilesmar. 
\b  
\q1  
\v 20 ”Gat-neggweburgi mer egi sunmaknai gumalo, 
\q2 Ascalón-galimbaba mer be a-obardii gumarbalo, 
\q1 adi, Filistea-omegan, Bab-Dummad-wissur-gudimalad-e-sisgan, egi mer wergumalagar, 
\q2 ega mer gwirnanai gumarbaligar. 
\b  
\q1  
\v 21 ”Gilboa-yalagan, melle bar begi dii wio, 
\q2 begi bar boo batosulid, 
\q2 napa-nabir-sanmakedga be bar guosulid. 
\q1 Ar Gilboa-yalagi Saúl-e-sigu-abgaedgi dodolesad. 
\q2 Agi Israel-sorda-niga-gandikmalad-e-sigu-abgaed, gutu-nagusadba, e-dakarmaked bergusad. 
\b  
\q1  
\v 22 ”Jonatán-warsi, dulemar-abe-eossuli geg aibired, 
\q2 dulemar-oburgwissuli, geg aibirbalid. 
\q2 Saúl-es-suid ablis-eogedse damogad. 
\b  
\q1  
\v 23 ”Saúl, e-machi-Jonatánʼbogwa an-ai-nueganmalad. 
\q2 Dula-gudiunni, na bangudsurmalad. 
\q2 Burgwedgine, na bangussurmarbalid. 
\q1 Ebogwadi, sulubbali bur gwae-gwae nanamalad, 
\q2 achumigur-nono-wawaadbali, bur bule gangumarbalid. 
\b  
\q1  
\v 24 ”Israel-omegan, Saúl-burgwisadga be bomala. 
\q2 Saúl, mor-ginnid-nuegan-yoega, degi, lino-mor-nued-yoega, bemar-imaksad, 
\q1 olo-bired-yoega bemar-imaksabalid, 
\q2 a-ulale, ega be bomala. 
\b  
\q1  
\v 25 ”Israel-dule-niga-gandikmaladi, bila-onogedgi ibiyob wilesmar. 
\q2 ¡Bila-onolegedgi burgwismalad! 
\q1 ¡Jonatán, Gilboa-yalagi oburgwilesad! 
\q2  
\v 26 Jonatán, naibid-dummad be anga uksad. 
\q1 An-gwenadyob an be-sabgusad, 
\q2 wilub-obicha be an-akwisad. 
\q2 Be-sabgued omegan-sabgulegedba bur bule be an-sabgusad. 
\b  
\q1  
\v 27 ”¡Israel-dule-niga-gandikmalad, bila-onolegedgi nue ibitosmar! 
\q2 Gingimar-bila-onogedgi-ebulemalad, bela bibichisad.” 
\c 2  
\s1 David Judá-yargi reyga megnonikid 
\p  
\v 1 Deyob-neggusad-sorbali, David, Bab-Jehováʼse idakdegusad. Geb David, Bab-Jehováʼga sogded: 
\p —¿Judá-yargi neggweburmar-bukwad-gwensakse an naoye? 
\p Bab-Jehová abin-sogded: 
\p —Eye, be nae. 
\p David gannar Bab-Jehováʼse egisdebalid: 
\p —¿Biti-neggweburse an nabi be an-abege? 
\p Bab-Jehová abin-sogdebalid: 
\p —Hebrón-neggweburse be megnao. 
\p  
\v 2 Degisoggu, David Hebrón-neggweburse nadegusad. David na e-omegan-warbogwad sesbalid, gwen Ahinoamʼye-nugad, Jezreel-neggweburginedid. E-ome-baidi, Abigailʼye-nugmogad, Nabal-e-omega-gusadid, Carmel-neggweburginedid.  
\v 3 Aginbali, David na eba e-sordamar sesbalid. David-e-sordamar na e-omegan, degi, e-mimmiganse-bakar sesmarmogad. Amar Hebrón-neggweburse megidapmalad, degi, neggwebur-dikarba-bukmaladse-bakale, megidapmarbalid.  
\v 4 Judá-dulemar deyob daksamargua, Hebrón-neggweburse nonimalad. Geb agine, Judá-dulemar, e-reyga-David-imakega David-nonogi gwallu-wawad eosmalad. 
\p Deginbali, Judá-dulemar David-owisosmalad, Jabes-dulemar-Galaad-yarginmalad, neg-uanse Saúl-digapmarye.  
\v 5 Agi, David, Jabes-De-Galaad-dulemarse e-sordagan barmisad, Rey-Saúl-digsamaladga weyob sogega: “Bemar be-dummad-Saúl-wile-daksamalad-ulale, neg-uanse dikapmalad-ulale, Bab-Jehová nued begi binsamalana gadin.  
\v 6 Bab-Jehová wile bemar-dakoed, e-ibmar-sogsadba bega ibmar-oyogoed. Bemar weyob Saúl-imaksadba, an bemarga sogmoga ibmar-nued an bemarga-oyomogoed.  
\v 7 Mer galakumalo, niga-ogannomalo. Be-dummad-Saúl-burgwissoggu, Judá-dulemar e-reyga an-nug-imaksamalad.” 
\s1 Israel-sordamar Judá-sordamargi bila-onosad 
\p  
\v 8 Saúl-sordamar-e-dummad Ner-machi-Abner, Mahanaim-neggweburse Saúl-machi-Isboset-sesad.  
\v 9 Agi, Galaad-yargi reyga Isboset-nug-imaknonikid. Deyob Gesuri-yargi, Jezreel-yargi, Efraín-yargi, Benjamín-yargi, bela Israel-yargi reyga Isboset-nug-imaksabalid. 
\p  
\v 10 Saúl-machi-Isboset birga-durbo-nikadgi (40) Israel-yargi reyga megnonikid. Isboset birgabo Israel-yar-semai gusad. Unnila Judá-dulemarbi Davidʼba nagusmalad.  
\v 11 David Hebrón-neggwebur-akar Judá-dulemargi birgagugle (7) gaka nii-walanergwa (6) negsemai gusad. 
\p  
\v 12 Ner-machi-Abner, Saúl-machi-Isboset-sordaganmala Mahanaim-neggweburgi noded, geb, Gabaón-neggweburse modapid.  
\v 13 Sarvia-machi-Joab, David-sordaganmala nodmarmogad. Geb agine, Gabaón-dii-siid-dikarba na abingunonimalad. Bila-onomalaga na abin-abin gwisgunonimalad.  
\v 14 Degidgine, Abner, Joabʼga sogded: 
\p —Be-sapingan an-sapinganbogwa na war-wargwen ourwemalo, anmar dakega doamar bur buledi. 
\p Joab abin-imakdemogad: 
\p —Nued. Be-sogedba imakmalo. 
\p  
\v 15 Sapingan emarbi-mergu na-abin-abin gwisgunonimalad. Saúl-machi-Isboset-sordagan-Benjamín-wagan e-ambe-gakabo urwega bukusmalad (12), degine, David-sordagan e-ambe-gakabo bukusmarmogad (12). 
\p  
\v 16 War-wargwen, muchub-muchub nonogi na gananai-guarmalad, degine, es-suidgi muchub-muchub dikargi na earwenanai guarmarbalid. Deyob darekwaa burgwismalad. Deyob-ululesadba, Gabaón-walik-neg-naid, Helcat-Hazurimʼye nuggunonikid. 
\p  
\v 17 A-ibagine, nue-undar bila onolesad. Abner, degi, Israel-sordaganmala, David-sordaganse galakunai gusmalad. 
\p  
\v 18 Agine Sarvia-masmala-warbaagwad urwenai gusmalad: Joab, Abisai, degi, Asael. Asaelʼdi gadi-abarmaked, goe-sapur-abarmakeyob abarmaked.  
\v 19 Asael, Abner-balegite gusad, gwen indaksasulid, geb agi barganonikid.  
\v 20 Abner sorsik-atakdegua, ega sogded: 
\p —¿Ar be Asael? 
\p Asael ega sogded: 
\p —Eye, ani. 
\p  
\v 21 Abner ega sogdebalid: 
\p —Mer-bar an-bareginne, dule-baidse be achae, a-e-ibmar be sunae. 
\p Asael eba ibsasulid. 
\p  
\v 22 Abner gannar Asaelʼga sogdebalid: 
\p —Mer bar be an-bareginne. ¿Anse be burgwebie? Ar an be-oburgwisale, ¿igi be-ia-Joabʼga an sogosunna? Binsa be-ia anbo urwedago-itole. 
\p  
\v 23 Asael indaknaisursoggua, Abner eswar-e-sorsikidgi Asael-dikargi sikaa imaksad. Eswar Asael-e-saderba butuu yarganba nosad. Geb aimukudgu, yog-burgwar gusad. Dule-igarba-nasdamalad bela gwisgusdamalad, Asael-burgwar-maid-dakegar. 
\p  
\v 24 Joab, Abisaiʼbogwa Abner-baregitemarmogad. Dad-dogmaidgi, yar-mullu-Ammaʼye-nugadse nonimalad. A-yar-mullu Gabaón-negsulidgan-igar-maidba Gía-neg-nugad-asabin siid.  
\v 25 Benjamín-wagan Abner-bendakega, Abner-dikarba gwisgunonimalad. Yar-mullugwagi gwisgunonimalad. 
\p  
\v 26 Agine Abner iseedi Joabʼse gotegusad, ega sogded: 
\p —¿Anmar weyob na dukin-dukin-oburgwedii sadeguode? ¿Be wissursi, unnila anmar na gwage-nunmaked amimaloe? ¿Sana be-sordaganga be sogoe, mer gwenadgan-bargamarye? 
\p  
\v 27 Joab abin-sogded: 
\p —¡Bab-Dummad-Dula-Maid-nukad napira an bega soge! Be sunmaksasulina, an-sordamar be-indakosurmalanad, unnila neg-oibogedse be-indakmaloenad. 
\p  
\v 28 Degi-sogsagua, Joab gar-trompeta-ogote gusad. Geb bela e-sordamar boo ambikusmalad. Israel-dulemar-sorba bar abarmaksasurmalad. Degisoggu, bar ulussurmalad. 
\p  
\v 29 Abner, e-sordaganmala neg-mutikidba Arabá-igarba nade gusmalad. Geb Jordán-diwar obaksamarbalid. Agine, Bitrónʼye-neg-nugad obaksamarbalid. Degi, geb Mahanaim-neggweburse modapmalad. 
\p  
\v 30 Joab, Abner-barganaid-indaksad-sorbali, gannar-nonikid. Geb agine, Joab, e-sordagan-ebisega sordagan-onmaknai gualid, dakega, doamar napidibe. Daklenonikid, Asael sate, degine, David-sordamar e-ambe-gakabakebak (19) satebali.  
\v 31 David-sordamardina, Abner-sordamar-Benjamín-wagan e-dulataled-ilapaa gaka dulapaa (360) oburgwisad. 
\p  
\v 32 Geb degine, David-sordamar Belén-neggweburse Asael-burgwisad sesmalad. E-babgan-neg-uan-maidgi digsamalad. A-mutiki, Joab, geb e-sordaganmala nade gusmalad. Bolegoedba, Hebrón-neggweburse modapmalad. 
\c 3  
\p  
\v 1 Saúl-sordagan, David-sordaganbogwa undar bila-ononanai gusmalad. David e-negsemaid gangumai-gangumai gualid. Saúl-sordagan-e-negsemaiddina nollomakmai-nollomakmai guded. 
\s1 David-masmala Hebrónʼgi-gwalulesmalad 
\r (1 Crónicas 3:1-9) 
\p  
\v 2 David Hebrón-neggweburgi-maiun, ega we-masmala gwalulenonikid: 
\q1 Amnón, machi-sailanagined. 
\q2 Amnón-e-nana Ahinoamʼye nugad, Jezreel-neggweburginedid. 
\q1  
\v 3 Sailagined-sorbalid, Quileab nuggunonikid. 
\q2 Quileab-e-nana, Abigailʼye nugad. 
\q2 Abigail, Nabal-omega-gusadid, Carmel-neggweburginedid. 
\q1 Baagine, Absalón gwalulesad. 
\q2 Absalón-e-nana, Maacaʼye nugad, Talmai-e-sisgwad. 
\q2 Talmaiʼde, Gesur-neggwebur-e-reyd. 
\q1  
\v 4 Bakegi, Adonías gwalulenonikid. 
\q2 E-nana, Haguitʼye nugad. 
\q1 Ataledgi, Sefatías aidenonikid. 
\q2 E-nana, Abitalʼye nugad. 
\q1  
\v 5 Nergwadgi (6) Itream gwalulenonibalid. 
\q2 E-nana, Eglaʼye nugad, David-e-ome-baidbalid. 
\q3 We-masmala, Davidʼga Hebrón-neggweburgi gwalulenonimalad. 
\s1 Abner, Davidʼbo Hebrón-neggweburgi igar-mesisad 
\p  
\v 6 David-sordagan, Saúl-sordaganbogwa bila-ononanaigusmalad. Degidbali, Abner, Saúl-sordagan-abargi gangumai gualid.  
\v 7 Epenne, Saúl ome-dikarbalid-nikus-gusad, Rizpaʼye nugad, Aja-e-sisgwad. Ibagwengine, Isboset, Abnerʼga sogded: 
\p —¿Ibiga be an-bab-Saúl-e-ome-dikarbalidse be gollali? 
\p  
\v 8 Abner Isboset-deyob-ega-sokargu, bela-bela isdar itosad. Geb Abner Isbosetʼga sogded: 
\p —¿Achu be an-daksi? ¿Judá-dulemarga mailedii be an-dake? Suli. An be-bab-Saúlʼga bule-an-arbadii gusa, be-gwenadganga, degi, be-aimargarbela an arbadii gusbalid. Aginbali, an nue-be-akwisbalid. Davidʼga an be-urmaksasurbalid. Emisgindi, be anga sognaid, we-omebo an akar-gusye.  
\v 9 Ar Bab-Jehová, Davidʼga ibmar-imakoye ise-sogar-sogsagusad an imaksasulile, Bab-Dummad sabsur an-odurdaknai gussunno.  
\v 10 Ade, Bab-Jehová sogsa gusad: ‘Saúl-yar-bela-semaid Davidʼga an bela ukoye. David bela Israel-yar-naid seoed, Judá-yar-naidse-bakar, Dan-neggwebur-siid-akale, Beerseba-neggwebur-siid-ugakaase yar-seoye.’ 
\p  
\v 11 Ar Isboset nue Abner-dobsoggua, bipisaale Abner-abin gochasulid. 
\p  
\v 12 Deginbali, Abner, Davidʼse garda-berbemalad barmisad, ega sogegar: “¿Doa-yar nai be dake? ¿Ar we-yar begadsursi?” Agi, Davidʼga sogdebalid: “Anmar anbo igar-mesmala. Bela-Israel-dulemar-e-dummadga-guega an be-bendakoed.” 
\p  
\v 13 David abin-imaksamogad: “Nabir. An bebo-igar-meso. An bega sogbargwelo: Be anse danikile, anga Saúl-e-sisgwa-Mical sedago. Degisulile, mer anse-dagedgi be binsao.” 
\p  
\v 14 A-sorbali, David, Saúl-machi-Isbosetʼse e-garda-berbemalad barmisad. Weyob ega sogdapid: “An-ome-Mical gannar be anga uko. Ar Filistea-e-abgan-uka-duku dulatar-merguedgi (100) an bennusgusad.” 
\p  
\v 15 Isboset dulemar-barmisad, Lais-machi-Paltiel-annik Mical-sunamalaga. Paltiel, Mical-e-suid.  
\v 16 Paltiel, Mical-sorba ogormaknadapi nadegusad, deyobi Bahurim-neggweburse modapid. Agine, Abner ega sogded: 
\p —¡Be-negse be nae! 
\p Degi, Paltiel e-negse nadegusad. 
\p  
\v 17 Geb agi, Abner Israel-dummaganga sunmakded. Weyob ega sogded: “Dikasurgus David-be-reyga-gued bemar abediid.  
\v 18 Emisgindi, bemar deyob imakmalo. Ar Bab-Jehová, Davidʼga sogsa gusad: ‘David-an-nug-odummodiidba, an Filistea-dulemargi an-dulamar na bendakoye, an e-isdarmaladgi bela bendakbaloye.’ ” 
\p  
\v 19 Deginbali, Abner, Benjamín-dulemarga deyob sunmaksabalid. Degine, geb Hebrón-neggweburse nade gusad, Davidʼga sogega, deyob Israel-dulemar, Benjamín-dulemarse-bakale, nabir itomarye.  
\v 20 Abner Hebrón-neggweburse nonigua, David, Abnerʼgala, degine, e-bardakdimalad-e-dulagwenadgala (20) iba-ononai gusad. 
\p  
\v 21 Agine, Abner, Davidʼga sogded: “Dummad, an bega bela-Israel-dulemar-onmakega be an-imake, bebo igar-mesega. Adi, na be-sogedba be-negseoed nasgumai gudoed.” 
\p Bergusgua, David nuedgi Abnerʼga sogsad, degimaloye. 
\s1 Joab, Abner-oburgwisad 
\p  
\v 22 David-e-sordagan Joabʼmala bila-onogedgi urwedinonimargu, e-isdarmalad-ibe bukidar-ibmar-susa nonimalad. Deunni, Abnerʼdi bato Hebrón-neggweburgi nade gusad. Ar David nuedgi Abnerʼga degimaloye sogsagusad.  
\v 23 Joab e-sordaganmala nonigua, ega sognanai guarmalad, Ner-machi-Abner wegi gudigusye, Rey-Davidʼse atakapye. Rey-David nuedgi Abnerʼga sognai gusye, degimaloye. 
\p  
\v 24 Agine, Joab, Rey-Davidʼse naded, geb ega sogded: 
\p “¿Ibiga be nuedgi Ner-machi-Abner-abindaksa? ¿Ibiga be nuedgi barmisbali?  
\v 25 Be nue-wisimakaled, Abner doa-dule. Binsa wegi bese atakega arbisulid, be-yardakega bese atakapid. Bela be-ibmar-imaknaid-wisguega bese arbid.” 
\p  
\v 26 Joab, Davidʼbo-sunmaked-bergusgua, nade gusad. Geb Joab, Abnerʼse-gannar-gornaega e-sordagan-barmisad. Degidbali, a-dulemarde Sira-dia-siid-modapidgi, Abner-gannar-obirega imaksamalad. Joab, David-owisossuli weyob ibmar-imaknaid.  
\v 27 Abner Hebrón-neggweburse gannar-nonigua, Joab, Abnerʼbo-sunmakega yawagaksik bachikii Abner-sesad. Agi, Joab, Abner-e-sadergi esbunyar yalluu-imaksad, geb burgwenonikid. Deyob Joab, e-urba-Asael-oburgwilesad-ular, buged-mai Abner-imaksad. 
\p  
\v 28 Deyob-neggusad-sorbali, David wisgunonikid, geb sogded: “Ani, degi, an-sordagan dummaganga-mamaid, Bab-Jehová-asabin akar neg-imaksasulid. Anmar we Ner-machi-Abner-e-ablis eossulid.  
\v 29 Unnila Joab, degine, e-gwenadganmar, Abner-oburgwismalad. Bitigi Joab-gwenadgan we-bonigan degisadegu nikusmalana gadin: 
\q2 Boni-nalur nika guo, 
\q2 naibe-buna-yaa-maleged-nika gubalo, 
\q2 dule-muya-muya-nanamalad-nika gubalo, 
\q2 es-suidgi oburgwiledii gumarbalo, 
\q2 ukud-dummad-itodii gumarbalo. 
\q3 Bitigi we-bonigan degisadegu nikusmalana gadin.” 
\p  
\v 30 Weyob neg-gussunnad, Joab, e-gwenad-Abisaiʼbogwa Abner-oburgwismalad. Ar Abner Gabaón-yargi-urwelenaigu, Asael-oburgwisad. Agala, Joab, e-ia-Abisaiʼbogwa e-gwenad-Asael-burgwisad-ular, Abner-oburgwismalad. 
\p  
\v 31 David, Joabʼga, degi, bela dulemarga sogdebalid: “Abner-burgwisad-ular, nunmak-itogedba bela dulemar mor-siir-siir-imakmalo, gwage-nunmaked-mor yomalo, bukib-binsadii gumalo.” Degine, Rey-David Abner-mui-sorba nadapi gualid.  
\v 32 Abner Hebrón-neggweburgi digles gusad. Rey-David neg-uan-dikarbali nue-boale-ogormagwichi gusad, bela dulemar eba nue-bonanai gusmarmogad.  
\v 33 Degidbali, Rey-David, Abner-burgwisadga wile-itogedgi weyob namakded: 
\q1 “¿Ibiga Abner dule-isganayob burgwisa? 
\q1  
\v 34 Abner, be-argan atinnar-nai gussulid, 
\q2 be-nagbela esgorogi atinnar-nai gussurbali. 
\q1 Igi dule, dule-isganase-oburgwile-damala, 
\q2 deyob be oburgwilenai gusad.” 
\p Abner-ular, bela dulemar-bomalad bur baligannosmalad. 
\p  
\v 35 Degidgine, bela dulemar ise-wilegar Davidʼga sogdemalad, neg-mutikgudoed-iduar wis mas-itoye. Davidʼdi na ise-sogar sogsad: “Neg-mutikguedse geb an mas-itogoye, an deyob imaksulile, Bab-Dummad sabsur-an-odurdakoye.” 
\p  
\v 36 Bela-dulemar David-deyob-sogsad nabir-itosmalad. Ar bela-dulemar Rey-David-ibmar-imakalile, nued dakdamalad.  
\v 37 A-ibagine, dulemar bela magar-daksamalad, Rey-David, Ner-machi-Abner-oburgwissulid. 
\p  
\v 38 Rey-David ega-arbamaladga sogsabalid: “¿Ar bemar nue-daksa, dule-nuga-nikad burgwisad?  
\v 39 An reyga-nugsales-inigwele, amba an gargangued nika-itosulid. Ar Sarvia-masmala bur sabsur dule-imakmaladid, a-ulale, an gargangued nika itosulid. ¡Bitigi Bab-Jehová a-dulemar e-ibmar-isgana-imaksadba nabossunnana gadin!” 
\c 4  
\s1 Isboset-oburgwilesad 
\p  
\v 1 Saúl-machi-Isboset Hebrón-neggweburgi Abner-oburgwilesye wisgusgua, dobee itoded. Geb bela-Israel-dulemar dobgudmarmogad.  
\v 2 Isbosetʼbali dule warbo gudimalad, dule-ibmar-atursamalad-e-dummagan. Gwensak, Baanaʼye nugad, baiddi, Recabʼye nugad. Amarde Rimón-masmala gued, Beerot-neggweburginmaladid, Benjamín-wagan-imbagi gudimarmogad. (Ar Beerot-neggweburde, Benjamín-yargadga gunonigusad.  
\v 3 Deunni, Beerot-dulemar Gitaim-neggweburse wakicha gusmalad. Degisoggu, emi we-garda narmaklenaidse, agi dule-ainebalidyob dakledimalad). 
\p  
\v 4 Deginbali, Saúl-machi-Jonatán machi-wargwen-geg-nanaed nikad. A-machi, Mefibosetʼye nugad. Mefiboset birgatar nikaunni, Jezreel-neggweburse gardamar-nonigua, soglenonikid, Saúl, Jonatán-ebogwa, oburgwilesye. Mefiboset-e-akwed deyob-itosgua, Mefiboset-gadebin imaksad. Ega gwae-gwae-abarmakdedbali, egi Mefiboset argwategusad. A-ulale, Mefiboset muya-muya nanagusad. 
\p  
\v 5 Beerot-dule-Rimón-e-masmala Recab, degi, Baana, Isboset-negse bela-bela-dad-ganaidgi nade gusmalad. Isboset-negse-dognonimargua, e-megedgi Isboset-gabmai daknonimalad.  
\v 6 Ome-Isbosetʼga-neg-akwediid orosgi-dakleged-trigoʼye-nugad-nudaksagua, gabid gusad. Agine, nabir Recab, e-gwenad-Baanaʼbogwa, Isboset-neggi basursunna dogsa gusmalad. 
\p  
\v 7 Negyaba dogsamargua, Isboset-gabmai-dakdapmalad, geb esbunyar Isboset-sadergi yaalluu-imaksamalad. Isboset-oburgwismargua, agi e-dukar egwachamalad, geb e-nono sesmalad. Mutikidbali Arabá-neg-nugad-igarba nadapi gusmalad.  
\v 8 Recab, Baanaʼbogwa Isboset-e-nono Davidʼga Hebrón-neggweburse sesmalad. Rey-Davidʼga sogdemalad: 
\p —Dummad, wegi anmar bega Isboset-e-nono sedani, Saúl-be-oburgwebidaed-e-machi-nono. Bab-Jehová we-ibagi bega-igar-nabos, Saúl-isdar-be-dakdigusad, e-masmalase-bakar, bega buged-imaksad. 
\p  
\v 9 Geb Davidʼdi, Beerot-dule-Rimón-e-masmalad-Recabʼga, degi, Baanaʼga sunmakded. Weyob ega sogded: 
\p —Bab-Dummad mag dulasaila-mai dakledo. Ar a an-sulibinsa-itodiid osulosad.  
\v 10 Dule anga Saúl-burgwisye sognonigusadi, anga gayaburba-nued sognoniye na binsasanad. A-dule, Siclag-neggweburgi anse galesgusad, geb anse oburgwiles gusadid. Ar a-dule anga-gaya-senonikidba deyob imakles gusad.  
\v 11 Ar bemar dule-isganamala, dule-nued e-neggi nue-gabmai-oburgwismalad, degite, ¿bemar bursunna? Emide, bemar Isboset-e-ablis-eosadi, ¿baisur-bemar-dako be angi binsamala? Suli, degisuli. Degisoggu, Bab-Jehová-Dula-Maid, bonigangi nue-an-bendaksad-nuki an soged: ‘Bemar oburgwilemarmogoye.’ 
\p  
\v 12 Agine, David, Recab-oburgwega, degi, Baana-oburgwega e-sordaganga igar-uksad. Ebogwad oburgwiles gusmalad, e-arganmar bela-siksamalad, e-nagmarse-bakale, siksamarbalid. Ebogwad, Hebrónʼgi-dia-siid-naba bannu-bannu nasiklesmalad. A-sorbali, Isboset-e-nonodina, Hebrón-neggweburgi, Abner-neg-uangi digsamalad. 
\c 5  
\s1 David, Israel-reyga nugsalesad 
\r (1 Crónicas 11:1-3) 
\p  
\v 1 David Hebrón-neggweburgi maigu, bela-Israel-dulemar danar-danar-bukwamalad, Davidʼse nonimalad, geb ega sogdemalad: “Anmar bebogwa na ablis-galagwenmaladid.  
\v 2 Saúl anmar-reyga-maiunni, be, bila-onogega Israel-sordamar-sesdaed, degi, be gannar sordamar-senonidabalid. Agine, Bab-Jehová bega sogsad: ‘Be an-Israel-dulemar-iduega guo, Israel-dulemar-akwedii guo.’ ” 
\p  
\v 3 Degisoggu, Rey-David Hebrón-neggweburgi-gudii, bela-Israel-sapin-dummagan ese nonimalad. Rey-David, Israel-dulemarbo Bab-Jehová-asabin igar-mesnai gualid. Geb agine, David Israel-reyga-guega, David-nonogi gwallu-wawad eosmalad. 
\p  
\v 4 David negseargua, deun birga-durgwen-gakambe (30) nikad. Geb bela birga-dulabo (40) negsemai gusad.  
\v 5 Rey-David Hebrón-neggweburgi-maigua, Judá-yar-naidgi birgagugle (7) gaka nii-walanergwa (6) negsemai gusad. Rey-David Jerusalén-neggweburgi-maigudii, bela-Israel-yargine, degi, Judá-yarginbali birga-dulagwen-gakambe-gakapaa (33) negsemai gusad. 
\s1 David Jerusalén-neggwebur sunonikid 
\r (1 Crónicas 11:4-9) 
\p  
\v 6 Rey-David, e-sordaganmala, Jebuseo-dulemar-Jerusalén-neggweburgi-gudimaladgi-bila-onogega, ese nade gusmalad. Jebuseo-dulemar binsasmalad, David neggweburgi gege dogye. Agi, Jebuseo-dulemar Davidʼga sogdemalad: “We-neggweburgi be dogosurye. Bemar-ononnogega, ar dule-aku-atakmaladbi, dule-muya-muya-nanamaladbi unniguarye.”  
\v 7 Degi-inigwele, David, Sión-neg-gandikid susad. Geb a-neg-gandikid, David-Neggweburye nuggunonikid. 
\p  
\v 8 A-ibagine, David sogsa gusad: “Bela dule Jebuseo-dulemargi-bila-ononasokarmalad dian-neg-urba-maidba nakwenamalo, adi, aku-atakmalad-oburgwega, degi, muya-muya-nanamalad-oburgwebaliga. An we-dulemar isdar daked.” Aga weyob soglenonikid: “Ibya-satemalad, muya-muya-nanamalad, reynegse dogosurmarye.” 
\p  
\v 9 David Jerusalén-neggweburgi Sión-neg-gandikid-sunonigua, David-Neggweburye onugsanonikid. Geb David, Miloʼye-neg-nugad-akar, e-neggwebur-ebiris akwamar sobar-sobar urbisbalid.  
\v 10 David gangumai gualid, nasgumai gualid, ade, Bab-Jehová-Bela-Gangued-Nikadi Davidʼba gudiguad. 
\ms1 2. DAVID YAR-SEALID 
\mr (5:11–8:18) 
\s1 Hiram, Davidʼse e-sordagan-barmisad 
\r (1 Crónicas 14:1-2) 
\p  
\v 11 Tiro-neggwebur-e-rey-Hiram, Davidʼse e-gayaburba-berbemalad barmisad. Degine, Hiram, Davidʼga barmisbalid: 
\q2 Dule-neg-sobmalad, 
\q2 dule-akwa-sobmalad, 
\q2 degi, urwar-urgomar barmisbalid. 
\q3 Bela-we-dulemar Davidʼga reyneg-sobnanai guarmalad. 
\p  
\v 12 Degidbali, David nue-magar itononikid, Bab-Jehová Israel-reyga nue-e-nug-imaksa. Degine, magar-itononibalid, Bab-Jehová, Israel-dulemar-sabedba e-negsemaid odummomaibali. 
\s1 David-masmala Jerusalénʼgi-gwalulesmalad 
\r (1 Crónicas 3:5-9; 14:3-7) 
\p  
\v 13 David Hebrón-neggweburgi-nadegusgua, Jerusalén-neggweburse megnonikid. Agine, David omegan-baigan nikunonikid, degine, omegan-dikarbarmalad nikunonibalid. Geb agine, David bukidar masmala nikusad, degi, bunamala nikusbalid.  
\v 14 We-masmala Davidʼga Jerusalén-neggweburgi gwalulenonimalad: 
\q2 Samúa, Sobab, Natán, Salomón, 
\q2  
\v 15 Ibhar, Elisúa, Nefeg, Jafía, 
\q2  
\v 16 Elisama, Eliada, degi, Elifelet. 
\s1 David, Filistea-sordamargi nakwisad 
\r (1 Crónicas 14:8-17) 
\p  
\v 17 Filistea-sordamar wisgusgua, David Israel-e-reyga-megnoniye, agi, bela Filistea-sordamar, Davidʼgi-bila-onogega nadmalad. David egi-danimalad wisgunonikid, degisoggu, e-dukuedneg-siidse nade gusad.  
\v 18 Filistea-dulemar nonimargua, Refaim-Neba-naidse ambikunonimalad.  
\v 19 Agine, David, Bab-Jehováʼse idakded, ega sogded: 
\p —¿An Filistea-sordamargi bila-ononaoye? ¿Egi-nakwega be an-imakoye? 
\p Bab-Jehová, David-abin sogded: 
\p —Eye, be bila-ononae. Inniki an bega soged, Filistea-sordamargi-nakwega an be-imakoed. 
\p  
\v 20 Degisoggu, David Baal-Perazim-neg-nugadse nade gusad. A-neg-nugadgine, David, Filistea-sordamargi nakwenonikid. Geb David sogde gusad: “Bab-Jehová diwar-dummad-nomaiyobi gangued, ayobi gandikidgi an-isdarmaladgi-nakwega an-imaksad.” Agala, David, neg Baal-Perazimʼye nugsanonikid.  
\v 21 Filistea-sordamar wakitemargua, e-ibmar-bab-dummadga-imakdimalad bela obenanai guarmalad. David, degi, e-sordamarmala a-ibmar ogumaksamalad. 
\p  
\v 22 Filistea-sordamar Refaim-Neba-naidse gannar ambikunonimalad.  
\v 23 David Bab-Jehováʼse gannar idakdebalid. Geb Bab-Jehová ega sogdebalid: 
\p —Mer abin nao, be ebirar nao, bia balsamera-sapimar-bukwa, a-innik be oitogo.  
\v 24 Be itoardibe, sapi-niba dule-nag-goleyob neg-itolege, agi, geb be bila-onodoed, ade, Bab-Jehová Filistea-sordamar-bukwadgi-bila-onogega be-idunadapoed. 
\p  
\v 25 David Bab-Jehová-ega-sogsadba igar-imaksad. Davidʼse Filistea-sordamar Geba-neg-akale, degi, Gezer-neggwebur-nugadse ibitosmalad. 
\c 6  
\s1 David, Jerusalénʼse Bab-Jehová-Ulu sedbi gusanad 
\r (1 Crónicas 13:1-14) 
\p  
\v 1 David gannar Israel-sordamar-nug-imaklesmalad mili-durgwen-gakambe (30,000) onmaksad.  
\v 2 David, degi, e-sordaganmala, Judá-yargi Baala-neg-nugadse nadegusmalad, adi, a-akale, Bab-Jehová-Dulemarbo-Igar-Mesisad-Ulu sedmalagar. A-Ulu-asabinni, Bab-Dummad-Bela-Gangued-Nikad-e-nug odummoleged. E-gan-buled baliwiturmar-querubinʼye-nugad-abalagi siid.  
\v 3 Bab-Jehová-Igar-Mesisad-Ulu moli-ur-ibmarmar-seed-binidgi onakwismalad. Abinadab-e-neg-yar-mullugi-siid-akale, Bab-Jehová-Ulu sesa gusmalad. Abinadab-masmala Uza, degi, Ahío, moli-ur semamai gusmalad.  
\v 4 Bab-Jehová-Ulu-semamaigua, Ahío ulu-idu nadapi gusad.  
\v 5 Davidʼdina, Israel-dulemarmala weligwaledba Bab-Jehová-asabin gwirnanai guarmalad. We-garmar-ogornanai guarmalad: 
\q2 Gar-arpa, gar-salterio, gar-pandero, 
\q2 gar-gammu, gar-címbalo, 
\q2 degine, gar-bamalad-urgogi-sobarmalad. 
\p  
\v 6 Nacón-e-nainu-naidse nonimargua, molimar-bebe-nikad-yolenonikidba Bab-Jehová-Igar-Mesisad-Ulu aibinednaga guenad. Agi, Uza, Bab-Jehová-Ulu-mer-argwanega ese achaded, e-argangi Bab-Jehová-Ulu ganonikid.  
\v 7 Agine, Bab-Jehová, Uza igar-maisulidba yogasaar-achasadba egi sabsur-uluded. Degisoggu, Uza ilagwen-burgwar gusad, Bab-Jehová-Ulu-naba mellenonikid. 
\p  
\v 8 David Bab-Jehová-Uza-oburgwisadba, bela-bela sae-itononikid. Agala, Bab-Jehová Uza-negabar-daasa-imaksadbali Pérez-Uzaʼye neg-onugsanonikid. We-garda-narmaklenaidse deyob amba neg bileged. 
\p  
\v 9 Geb degine, David, Bab-Jehová-dobe-itonaded, geb sogded: “¿Ar igi Bab-Jehová-Dulemarbo-Igar-Mesisad-Ulu an-neggi an odogosunna?”  
\v 10 Degidbali, David, Bab-Jehová-Ulu Jerusalén-neggweburse bar sedbi guarsulid. Degisoggu, Obed-Edomʼye-neg-nugadse sedega imaksad. Obed-Edomʼde, Gat-duled.  
\v 11 Deyob, Bab-Jehová-Dulemarbo-Igar-Mesisad-Ulu Gat-dule-Obed-Edom-neggi nii-walapaa sii gusad. Agi, Bab-Jehová, Obed-Edomʼgi nued-binsanai gualid, geb e-neguya onasgumai guarbalid. 
\s1 David, Jerusalénʼse Bab-Jehová-Ulu sesad 
\r (1 Crónicas 15:1–16:6) 
\p  
\v 12 Rey-David owisolesgua: “Bab-Jehová-Igar-Mesisad-Ulu Obed-Edom-e-neguyagi-siid-ular, Bab-Jehová Obed-Edomʼgi nued binsasye. Aginbali, bela-e-ibmar-nikad ega onasgumaibarye.” Degisoggu, David, Obed-Edom-negse nade gusad. Agi, David, Bab-Jehová-Dulemarbo-Igar-Mesisad-Ulu, weligwaledgi Jerusalén-neggweburse sesad.  
\v 13 Dulemar-Bab-Jehová-Ulu-semamaid ilanergwagus (6) nag-obidanimargusgu, David Bab-Dummadga moli-bebe-nikad-machered-oburgwisad, degi, moli-bebe-nikad-sapingwagwad-wardadad oburgwisbalid. Geb Bab-Jehováʼga uksad. 
\p  
\v 14 David, weligwaledba Bab-Jehová-asabin lino-mor-yoi gwirnai gualid.  
\v 15 David, Israel-dulemarmala weligwaledba oimakdemalad, degi, gar-trompeta-abalagi Bab-Jehová-Ulu-semamai guarmalad. 
\p  
\v 16 Bab-Jehová-Dulemarbo-Igar-Mesisad-Ulu David-Neggwebur-nugadse seledanigua, Saúl-e-sisgwa-Mical, yawagak-senigwadba atakded. Agine, dakalid, David Bab-Jehová-asabin dodoagwale-ichomakdaniki, degi, dodoagwale gwirdaniki. Mical deyob-David-daksagua, e-ulubgi sae-David-dakalid. 
\p  
\v 17 Bab-Jehová-Dulemarbo-Igar-Mesisad-Uludi, David-ega-dordoneg-sobsa-gusadse odononimalad, negabargi sinonimalad. Degine, David, Bab-Jehováʼga ibmar-durgan-ogumakar uknai gualid. Gwenatigwar-guedga-ibmar-ukleged Bab-Dummadga uknai guarbalid.  
\v 18 David ibmar-durgan-ogumakar-uked-bergusgua, ibmar-bamalad-uked-bergusbargua, dulemarga sognai gualid, Bab-Jehová-Bela-Gangued-Nikadi bemargi-nabir binsaoye.  
\v 19 A-sorbali, David bela Israel-machergan-bukwadga, degi, omegan-bukwadga madu-miminai, uva-dinnagwad-miminai, degi, dátil-dinnagana-miminai gualid. Agi, dulemar bergwapa na e-neg-e-negse nade gusmalad. 
\p  
\v 20 David e-negse-nonikid, adi, Bab-Dummadga sogega, bitigi e-neguyagi nued-binsasana gadinye. Degidgine, Saúl-sisgwa-Mical, David-abin noalid. Geb Davidʼga sogded: 
\p —Binged-dummad be neg-imaksad. Reysuliyobi be gusad. Morsuli gwilar-gwilar be gunai gusad. Omegan-bega-arbamalad-abin be sor-oyonai gusad. Dule-yogasaaledyob be gusad. 
\p  
\v 21 David, Mical-abin sogded: 
\p —Bab-Jehová-asabin weyob an gusad. Ar ade, an-ulale, Bab-Jehová be-bab-Saúl-obachad, degi, Saúl-e-neguya obachabalid. A-ulale, Bab-Jehová, Israel-dulemar-e-reyga-guega an-nug-imaksad, e-dulamarga negseega an-nug-imaksabalid. Degisoggu, an Bab-Jehová-asabin an dodagwale, gwirdii guoed.  
\v 22 Binsaedsulidyob be an-dakele, emisgindi, bur bule be binsaedsulidyob be an-dakodo. Degi-inigwele, we-omegan-anga-arbamalad-be-sogedi, amardi, magar an-dakmaloed, an-nug-odummonai gumaloed. 
\p  
\v 23 Degisoggu, Saúl-sisgwa-Mical, deyob-neggusadbali mimmi-nikussuli burgwisad. 
\c 7  
\s1 Bab-Dummad Davidʼbo igar-mesisad 
\r (1 Crónicas 17:1-15) 
\p  
\v 1 Rey-David e-neggi-megnonigua, Bab-Jehová, Davidʼga neg-bogidikid nasiknonikid, e-isdarmalad Davidʼbo bar urwenai gussurmalad.  
\v 2 Rey-David Bab-Dummad-gayaburba-barsoged-Natánʼga sogded: 
\p —Nue be an-dake. Andi urwar-neggi an maid. Bab-Jehová-Dadganbo-Igar-Mesisad-Uludi dordonegyaba siid. 
\p  
\v 3 Natán, Rey-David-abin sogded: 
\p —Nabirdo. Be itogedba be ibmar-imako, ar Bab-Jehová beba-naid. 
\p  
\v 4 A-mutiki, Bab-Jehová, Natánʼga sunmaknonikid, ega sogded: 
\pi1  
\v 5 “An-mai-Davidʼse be nao, ega be sogdapo: ‘Weyob Bab-Jehová soged: ¿Anga be neg-sobosi, egi an megega? Suli.  
\v 6 An Israel-dulemar Egipto-yargi-onosad-akale, neg-sobaledgi an megdisulid. Unnila neg-sunna-selegedgi an gudii daed. A-neggi anse-gormalaga an imakdidaed.  
\v 7 An Israel-dulemarba gudiid-akale, an Israel-dulemar-idudimaladga igar-uksagu, bemar Israel-dulemar-iduega-guoye, an Israel-dulemar-idudimaladga gwen sogsasulid be anga urwar-neg sobmaloye.’ 
\pi1  
\v 8 ”Emisgindi, an-mai-Davidʼga be sognao: ‘Weyob Bab-Jehová-Bur-Gangued-Nikad sogye: Be sibad-wawaad-edarbedga gudigu, Israel-dulemar-iduega an be-sunonikid.  
\v 9 Bia be naddibele, ani an beba naidaed, degi, an be-isdarmaladgi be-onakwisdaed. Dule-nuga-nikamalad-abalagi an be-nug-odummosad.  
\v 10 Aginbali, Israel-dulemargala nega-nued-uknai an guoed, nabir egi gudii samalagar. A-yargi onolenai gwen guosurmalad.  
\v 11 Epenne, an Israel-idumalaga igar-nabiromalad-nugsasad-ibagine, neg-gusdaeyobi, bar be-isdarmalad be-naibisanai guosurmalad. An begardi neg-obunnoged nasiko, be-isdarmalad bar-akar be-imakosulid.’ ” 
\p Aginbali, Natán, Davidʼga sogdebalid: 
\pi1 “Bab-Jehová bega sogbalid: ‘E bega neg-soboye.  
\v 12 Be burgwenonikile, be-serganse be nadele, be-machi-gwensak-begi-danikid an ogwisgunoniko, be-sorba rey-gan-seega, e-negsemaid-igar bar-berguosulid.  
\v 13 We-be-machi anga anse-goled-neg sobnonikoed, degi, e-negsemaid-igar degisadegu an ogannobaloed.  
\v 14 An e-babga gunonikoed, degi, ede an-machiga gunonimogoed. Ichakwa daele, anse molidubgi, degi, suargi bibyolenai guoed, igi baba na e-machi-odurdakardaedyob anse guoed.  
\v 15 Degisoggu, an-sabed an na ega oyodii guoed. An Saúlʼgi an-sabed-obachayob, an egi obanosulid.  
\v 16 Be-wagan-negsemaloed, degi, be-negsemaidi, an-asabin surguega an imakosulid. Degine, be-negsemaid degisadegu-selemai an imakbaloed.’ ” 
\p  
\v 17 Weyob, Natán Bab-Dummad-ega-bela-sunmaksad, degi, bela ega-ibmar-oyosadi, Davidʼga ogwanai gusad. 
\s1 David Bab-Dummadse-gochad 
\r (1 Crónicas 17:16-27) 
\p  
\v 18 Geb Rey-David Bab-Jehová-asabin sigdapid. Bab-Dummadse gotegusad: 
\pi1 “Bab-Dummad-Jehováʼye, ¿ande doasunna? ¿An-neguyade ibusunna? Emide be, we-ibmar bela be anga uknagu.  
\v 19 Bab-Jehováʼye, ¿amba be ibmar-akuar anga be uksa be itoge? Ar emide, an-wagangi be sunmaknabalid, yoedse an deyob egi ibmar-sabaloye. Bab-Jehová, ¿ar be weyob dulemarga ibmar-imakdae? 
\pi1  
\v 20 ”Bab-Dummad-Jehová, ¿ibu an bega bar sogbalirgebe? Suli. Ar nue-magasar be an-daked.  
\v 21 Be-sogedba bela ibmar-dummagan be imaksad. Aginbali, be angi we-ibmarmar odukussulid. 
\pi1  
\v 22 ”Degisoggu, Bab-Jehová, bedi Bur-Biriginedid. Bab-dummad-baid beyobid sulid, bebi unnila Bab-Dummadga maid. Bela we-ibmar anmar-sunnagwad anmar-uayagwar itosad.  
\v 23 ¡Ar be-Israel-dulamaryobidi dulamar-baigan sated! Bab-Dummad, be-dulamar-sabedbali, begadga-imakega be be-dulamar-bendaksa gusad. Israel-nug-odummogega ega be ibmar-dummagan imaksad, degi, ega be ibmar-bulegan oyosbalid. Egipto-yargi-wilebukmargu, be bendaknonikid, neggwebur-bamaladgine be obachad, degi, e-bab-dummagangi be obachabalid.  
\v 24 Bab-Jehová, Israel-dulemar degisadegu be-dulamarga be imaknonisunnad. Degisoggu, Bab-Jehová, e-Bab-Dummadga be gunonikid. 
\pi1  
\v 25 ”Emide, Bab-Dummad-Jehová, be-angi-nued-sunmaksadi, degi, an-wagangi-nued-sunmaksadi, bela be bar-oganno. Be-sogsadba be imako.  
\v 26 Adi, degisadegu be-nug-odummolenai guoed, soglegoed: ‘Israel-dulemar-e-Bab-Dummad, Bab-Jehová-Bela-Gangued-Nikadye.’ Degidbali, an-wagan-negsemaloedi degisadegu bega negsemamai guoed. 
\pi1  
\v 27 ”Be Israel-dulemar-e-Bab-Jehová-Bela-Gangued-Nikadi, we-ibmar-dukuar-mainad anga be magar-imaknonigua, anga be sognai gualid: ‘Ani an bega be-wagan-negsemai imakoye.’ Agala, ani-David be-mai guedi, an dobsuli bega soged, wilesagwadgi an bese egised.  
\v 28 Bab-Dummad-Jehová, bee be Bab-Dummadid, be-gayaburba sunsogedid. Agine, anga be sognaid, ibmar-nuegan anga be ukoye.  
\v 29 Degisoggu, an-wagan-onasguega be imake, adi, be-asabin degisadegu gudii gumalagar. Bab-Jehováʼye, be-nued-binsaedgi degisadegu an-wagan-nasgumai be-imake. Ar be-sunnad be sogsagusad an deyob imakoye.” 
\c 8  
\s1 David e-negsemaid onasgumai gusad 
\r (1 Crónicas 18:1-13) 
\p  
\v 1 A-sorbali, David Filistea-sordamargi bila-onogedgi-nakwenonikid, geb Filistea-dulemar maiga imaklesmalad. Geb David, Meteg-Ama-neggwebur Filistea-dulemar-annik sunonibalid. 
\p  
\v 2 David, Moab-dulemargi bila-onosgu, egi-nakwis gusbalid. David Moab-sordamar bela napayala ilekwaa megmalaga imaksad, geb dubgi wilub-imaksad. Dub-giabo-suguedgi dulemar mamaile, oburgwilesdaed. Geb dub-giapaagwadgi dulemar mamaile, adi, bendaklesdaed, oburgwiledasulid. Degidbali, Moab-dulemar David-e-maiga gunonimalad. Davidʼga mani-uklegergebed ukdii gusmarsunnad. 
\p  
\v 3 David, Hadad-Ezerʼgi urwenagu, egi obichabalid. Ar ade, deun, Hadad-Ezer, Éufrates-diwar-neg-naid gannar David-annik subigualid. Deun, Hadad-Ezer-e-bab-Rehobʼdi Sobaʼye-neg-nugad e-reyga maid.  
\v 4 David e-isdarmalad-ibe moli-ur-napagined miligwen (1,000) gasad, degi, miligugle (7,000) sordamar-moligi-sii-urwemalad gasbalid. Aginbali, sordamar-nagab-urwemalad mili-dulagwen (20,000) gasbalid. Geb ur-napaginedgi-moli-atinnarmalad-e-mali-gasi siksa gusbalid. Unnila e-ur-napaginedga napi-dulatar (100) moli-sabosad. 
\p  
\v 5 Siria-dulemar Damasco-neggweburginmalad, Soba-e-rey-Hadad-Ezer-bendakega nonimalanad. David amba egi obichabalid. David Siria-sordamar-mili-dulagwen-gakabo (22,000) oburgwisad.  
\v 6 Agine, David Siria-yargine e-sordamar nakulegega urbisad. Siria-yargine, Damasco-neggwebur-siid. Degisoggu, Siria-dulemar David-maiga gunonimalad, degi, Davidʼga mani-uklegergebed ukdii nanasmalad. David bia-urwenaddibe Bab-Jehová e-isdarmaladgi nakwega David-imakdaed. 
\p  
\v 7 A-sorbali, David, Hadad-Ezer-e-maiga-gudimalad-annik sigu-abgaed-olobiid susad. Geb Jerusalén-neggweburse sesa gusad.  
\v 8 Deginbali, Rey-David esnon-bormo Beta-neggweburgi-bukwad, degi, Berotai-neggweburgi-bukwabalid ichesur-susa gusbalid. Beta, degi, Berotai, Hadad-Ezer-e-neggweburmalanad. 
\p  
\v 9 Deun, Hamat-neggwebur-e-rey-Toi, bela Hadad-Ezer-e-sordamargi David-nakwisad wisgusad.  
\v 10 Ar Rey-Toi, Hadad-Ezer-e-isdaradmosoggu, na e-machi-Joram Davidʼse barmisad, ese nuedgi ataknaega, egi nued binsabaliga. David Hadad-Ezerʼgi nakwenonikid-ular, Joramʼdi, Davidʼga ibmar-manigi-sobaled, ibmar-orgi-sobaled, degi, ibmar-esgoro-gordikidgi-sobaled sesad.  
\v 11 A-ibmarmar Rey-David Bab-Jehováʼga uknai gusad. Degine, manimar, ormar Bab-Dummadga-nugsalesadi uknai gusbalid. We-manimar, degi, ormar Bab-Jehováʼga-nugsalesadi dulemar-David-maiga-gunonimalad-ibe weles gusad. We-dulemar-ibe welesad: 
\q2  
\v 12 Siria-dulemar-ibe, Moab-dulemar-ibe, Amón-dulemar-ibe, 
\q2 Filistea-dulemar-ibe, Amalec-dulemar-ibe, 
\q2 degi, Hadad-Ezer-ibe ibmarmar welesmogad. 
\q3 Hadad-Ezerʼde Rehob-machid, Rehobʼdi Soba-yar-e-reyd. 
\p  
\v 13 Deyob David-nug dungumai gusad. David Siria-dulemargi nakwis-danigua, neba Baluye-nugadgi Edom-dulemar miliambe-gakabaabak (18,000) ese ibitosmalad. 
\p  
\v 14 Aginbali, David e-sordagan neg-nakulegega Edom-yar-naidgi urbenai gusad. David Edom-dulemar e-maiga imaksad. Bab-Jehová David-bia-urwenadele, e-isdarmaladgi-onakwega imakdaed. 
\s1 David-sordamar-idumalad 
\r (2 Samuel 20:23-26; 1 Crónicas 18:14-17) 
\p  
\v 15 David igar-innikigwadba Israel-yar-sealid, sogedba dulemar-semai gusad. David-sordamar-idumaladi, wemalad: 
\q1  
\v 16 Sarvia-machi-Joab, 
\q2 sorda-bila-onomalad e-dummadid. 
\q1 Ahilud-machi-Josafat, 
\q2 garda-narmaked-e-dummadid. 
\q1  
\v 17 Ahitob-machi-Sadoc, degi, Abiatar-machi-Ahimelecʼbogwa, 
\q2 dule-irwa-Bab-Dummadse-gormaladid. 
\q1 Seraías, 
\q2 Davidʼga garda-narmakedid. 
\q1  
\v 18 Joiada-machi-Benaía, 
\q2 Cereteo-dulemar, degi, Pelet-dulemar-e-dummadid. 
\q1 Geb David-masmaladina, 
\q2 dummagan-negsedimaladid. 
\c 9  
\ms1 3. DAVID REYGA-MAIGU, BONIGAN NOSAD 
\mr (9:1–20:26) 
\s1 David Mefibosetʼgi nabir binsasad 
\p  
\v 1 David egisde gusad: “¿Saúl-gwenadgan wis-gudii be dakmala? Ade, Jonatán an-ai-nuedga gussoggu, a-nukad an egi nabir binsabied.” 
\p  
\v 2 Dule-gwensak Saúl-neguyagi arbadigusad gudii daklealid. A-dulede, Sibaʼye-nugad. Davidʼse dagega geb Sibaʼse gorlenaded. Siba nonigua, Rey-David ese egisded: 
\p —¿Be, Siba? 
\p Abin-sogded: 
\p —Eye, Dummad. Sogdena, ibu bega imakbi be an-abege. 
\p  
\v 3 Rey-David ega sogdebalid: 
\p —¿Saúl-e-gwenad-gwensak-gudii be dake? Ar Bab-Dummad-emar-wiledakmaid-nuggi an ega ibmar-nued oyobienad. 
\p Siba, Rey-David-abin sogded: 
\p —Unnila Jonatán-e-machibi gudiid, e-mali abinbela bonigwaled. 
\p  
\v 4 Rey-David ese egisdebalid: 
\p —¿A-dule bia gudii? 
\p Siba abin-sogdebalid: 
\p —Jonatán-e-machi, Lodebar-neggweburgi gudiid. Amiel-machi-Maquir-e-neggi maid. 
\p  
\v 5 Rey-David, Mefiboset-sedamalaga Lodebar-neggweburse, Amiel-machi-Maquir-negse dulemar-barmisad.  
\v 6 Mefiboset, David-asabin nonigua, napa-nagase dulluu imaksad. Mefibosetʼde Jonatán-machid. Jonatánʼdi, Saúl-machi-gumogad. David, Mefibosetʼga sogded: 
\p —¡Mefiboset! 
\p Mefiboset abin-imakded: 
\p —Degite, sogdeen dummad. 
\p  
\v 7 David ega sogdebalid: 
\p —Mer be an-dobguo. Be-bab-Jonatán-nuggi innikigwadba ibmar-nued an wile be-dakedgi bega imako. Nainumar-nanaid, be-dad-Saúlʼgad, gannar an bega uko. Bedi, be anba mas-gundii guo. 
\p  
\v 8 Mefiboset, David-abin gannar-dulluu-naded, geb ega sogdemogad: 
\p —Dummad, ¿ibiga be nabir angi nued binsae? Ar ande, ibmar-isgana-milemaiyob gued. 
\p  
\v 9 Agine, Rey-David, Saúlʼga-ibmar-akwedid-Sibaʼse goted. Geb ega sogded: 
\p —Be-dummad-e-machi-Mefibosetʼga ibmar-bela-Saúlʼgadga-gusadi, negmarse-bakar, bela ega be uke.  
\v 10 Degisoggu, Mefibosetʼga be e-nainumargi arbadii guo, be-masmala ega arbamogo, degi, be-maiga-gudimaladse-bakar, ega-arbamogo. Ibmar-gwag-gulleged-sanmakmalad welealile, ega nue sabomalo, be-dummad-e-machi nabir mas-gundii guegar. Be-dummad-e-machi-Mefibosetʼdi, bane-bane anba mas-gundii guoed. 
\p Sibaʼde, masmala-warambe-gakatar (15) nikad, degi, e-maiga-gudimalad e-dulagwen (20) nikabalid.  
\v 11 Siba, Rey-David-abin sogded: 
\p —An-dummad-rey, an be-maiga-gusoggu, be anga-igar-mesnaidba, an ibmar-imako. 
\p Mefiboset, igi rey-masmala mas-gundidamala, deyobi Rey-Davidʼba mas-gundii gussunnad.  
\v 12 Mefiboset machi-bipigwad-wargwen nikad, Micaíaʼye nugad. Bela Siba-neggi-gudimalad, Mefiboset-e-maiga gudimalad.  
\v 13 Degine, Mefiboset, muya-muya-nanasoggu, Jerusalén-neggweburgi gudii dasunnad, ade, Rey-Davidʼba bane-bane mas gundii daed.\fig David, e-ai-Jonatán-nuki, Jonatán-machi-Mefiboset, degi, e-gwenadganmala akwisad. (2 Samuel 9:5-13) |src="CO01065B.TIF" size="col" ref="2 Samuel 9:13" \fig* 
\c 10  
\s1 Amón-sordamar, degi, Siria-sordamar galakusad 
\r (1 Crónicas 19:1-19) 
\p  
\v 1 Degi-neggusad-sorba, Amón-dulemar-e-rey burgwenonikid. A-sorba, e-machi-Hanún neg-ganonikid.  
\v 2 Geb David sogded: “Igi Nahas angi nued gudigusa, e-machi-Hanúnʼga an deyob ibmar oyobimogad.” David, Hanún-e-bab-burgwisad-ular, mer-dogdar-wile-itogega, e-garda-berbemalad Hanúnʼga barmisad. 
\p David-e-garda-berbemalad Amón-dulemar-e-yarse nonimargua,  
\v 3 Amón-dulemar-idudimalad Rey-Hanúnʼga sogded: “David e-sordagan-barmialidi, ¿binsa nabir be-bab-burgwisad-ular, wile-be-dakedba danimar be ebinsae? Suli. ¿Ar amarde anmar-neggwebur argadanisurmar be ebinsae? ¿Ar anmar-neggwebur-obelogega danimarsursi? Ar deyobdo.” 
\p  
\v 4 Degisoggu, Hanún, David-sordagan-gassunnad. Geb Hanún, David-sordamar-ibe, aku-negabala siga-emiega igar-uksad. Degi geb, e-morsuid-yomalad e-sor-magar-daklegedse e-ibe sikega igar uksabalid. Hanún, David-sordagan gannar e-negse barmisad. 
\p  
\v 5 David deyob wisgunonigua, a-dulemar-abinguega e-sordagan-bamalad barmisad, ade, binged-dummad nikunonimalad. Rey-David e-sordagan-abingunadedga sogsad: “Weyob be sogdapoye: ‘Jericó-neggweburgi bemar obunnogo, siga-suguedse geb bemar anse nonimalo.’ ” 
\p  
\v 6 Amón-dulemar neggusadba dakarmalad, emarde David-e-isdarmaladga-gunoniki. Degisoggu, manigi-bennukar sorda-bamalad amismalad. Amar wemalad: 
\q2 Siria-sordamar, Bet-Rehob-neggweburginmalad, 
\q2 degi, Soba-neggweburginmalad e-mili-dulagwen (20,000). 
\q2 Amón-dulemar, Rey-Maaca-e-sordagan e-miligwen (1,000). 
\q2 Degi, Is-Tob-sordagan e-miliambe-gakabo (12,000) amisbalid. 
\p  
\v 7 Deyob David itosgua, Joab, degi, bela e-sordagan-niga-gandikmalad barmisad.  
\v 8 Amón-sordamar e-neggwebur-noedse Israel-sordamargi-urwega nadegusmalad. Geb ilekwaa ambikusmalad. Soba, degi, Rehob-e-sordagandina, Istob-e-sordaganmala, degi, Maaca-e-sordaganmala neba-ollornaidgi bachikii ambikusmarmogad. 
\p  
\v 9 Joab deyob-daksagua, Joab-e-sordagan e-isdarmalad-asabin ambikusmalad, degi, yarganba ambikusmarbalid. Degisoggu, Joab, Siria-sordamargi urwega, e-sordagan-niga-bur-gandikmalad urbisad.  
\v 10 Joab, e-sordagan-bamaladdi, e-gwenad-Abisaiʼga uksad, adi, Amón-sordamargi urwegar. 
\p  
\v 11 Geb Joab, Abisaiʼga sogded: “Siria-sordagan angi-obite be dakele, be an-bendaknoniko. Amón-sordamar begi-obite an dakdemogale, an be-bendaknamogoed.  
\v 12 Mer sikirmakmalo. Anmar-dulemar-ular, anmar-Bab-Dummad-neggweburmar-ular, niga-gandik-samalo. Degisoggu, Bab-Jehová na e-sogedba ibmar imaksun.” 
\p  
\v 13 Joab e-sordaganmala Siria-sordagangi urwega nadegusad. Siria-sordagan Joab-abin gwakidmalad.  
\v 14 Agine, Amón-sordamar dakdegua, Siria-sordamar Joab-abin-gwakide, Abisai-abin gwakidmarmogad. Agi, Amón-sordamar e-neggweburse dukunadmalad. Joab, e-sordaganmala Amón-sordamargi-ulusad-sorba Jerusalén-neggweburse gannar nonimalad. 
\p  
\v 15 Siria-sordamar Israel-dulemarse galakus-itosmargua, gannar urwega ambikusmalad.  
\v 16 Hadad-Ezer Siria-dulemar-Éufrates-diwar-obakar-bukmaladse gochad. Geb amar Helam-neg-nugadse nonimalad. Hadad-Ezer-sordagan-e-dummad-Sobac a-dulemar-idudani gusad. 
\p  
\v 17 David owisolesgu deyob e-isdarmalad ambikunonimarye, David urwenaega, belagwable Israel-sordamar-oambikunai gusmogad. Jordán-diwar obaksamalad, geb Helam-neg-nugadse nonimalad. Siria-sordamar Davidʼbogwa-urwega ilekwaa ambikusmalad. Geb urwenai guarmalad.  
\v 18 Siria-sordamar, Israel-sordamar-abin gwakidmalad. Geb Davidʼsega dulataled-ilagugle (700) sordamar-ur-napaginmaladgi-urwemalad, degi, mili-dulabo (40,000) sordamar-nagab-urwemalad oburgwilesad. Siria-sordamar-e-dummad-Sobac oburgwilesmogad.  
\v 19 Reymar Hadad-Ezer-bendaknanaigusmalad dakdegua, Siria-sordamar Israel-sordamarse galakusmala, we-reymar Israel-sordaganbo igar-nabonanai guarmalad, geb e-maiga gunonimalad. 
\p Degisoggu, Siria-sordamar dobedba bipisaale bar Amón-sordamar-bendakdii gussurmalad. 
\c 11  
\s1 David, Betsabéʼbo galagwensurgusad 
\p  
\v 1 Birga-obaksagua, reymar-urwenaddamalad-ibagi, David, Joab-barmisad, degi, bela Israel-sordagan urwenamalaga barmisbalid. Amarde, Amón-sordamar-obelosmalad, geb Rabá-neggwebur-ebirismalad. Davidʼdina Jerusalén-neggweburgi besgusad. 
\p  
\v 2 Ibagwengi, neg-sedosgua, David na obunnomai gwisguargu, niba-neg-ubeb-naidgi garmakdii gualid. Agi urba-atakdegua, ome-gwensak-obnai dakalid. A-omede yeerdakleged.  
\v 3 David we-ome-wisguega emar-barmisad, we-omede doawa. Geb ega sognonimalad: “We-ome Eliam-sisgwaye Betsabéʼye nugye, Het-dule-Urías-e-omeye.”  
\v 4 Ar Betsabéʼde, na igar-maidba san-urukega obnai gusad, ar emissaar e-burba-dakdiid bergusad. Geb David ega Betsabé-sedamalaga e-sordagan-barmisbalid. Degidgine, David, Betsabéʼse gornonikid. David-ese-gochagu, geb ome gannar e-negse nade gusad. 
\p  
\v 5 Geb Betsabé gurgin-nika gunonikid. Geb agine, David-owisosad: “An bonigwarye.” 
\p  
\v 6 Agine, David dule-barmisad, Joabʼga sogega: “Anga Het-dule-Urías barmidagoye.” Geb Joab, Davidʼse Urías-barmialid.  
\v 7 Urías, David-asabin-nonigua, David ese egichialid, Joab nueganbi-sogeye, sordamar-nueganbibar-sogeye, bila-onolenaid igi nadapbarye.  
\v 8 Geb David, Uríasʼga sogdebalid: “Be-negse be nae, wis be-ome be daknae.” 
\p Urías, Rey-Davidʼgi bangudgua, David ega ibmar-nued barmisad.  
\v 9 Uríasʼdi, e-negse nadsurgusad, David-e-maimar-e-neg-gabedgi gabisad.  
\v 10 Geb Davidʼga sognonimalad: “Urías e-negse-gabiapsurye.” Agine, David, Uríasʼga sogded: 
\p —¿Ibiga be-negse be obunnoapsuli? Ar be undar-bangu danisursi. 
\p  
\v 11 Urías, Davidʼga sogded: 
\p —Dummad, Bab-Jehová-Dadganbo-Igar-Mesisad-Ulu wis neg-matargwagwad-urba mellesiid. Degine, Israel-sordamar, degi, Judá-sordamar wis neg-matargana-urba mellebukmarmogad. Deginbali, Joab, e-sordaganmala neg-sate gaamakbukmarmogad. Ar degite, ¿sunna ande an-negse gabnao be an-itoge? ¿Sunna ande mas-nued-gunsii gubalo be an-itoge? ¿Sunna ande an-ome-yarba nue-gabmai gubalo be an-itoge? Adi sulirgebed. Dummad, be dummad-guedgine napira an bega soged, deyob an ibmar imakosulid. 
\p  
\v 12 David, Uríasʼga sogdebalid: 
\p —Emi be wegi obunnobalo. Banegidse an be-barmido. 
\p Urías a-ibagi Jerusalén-neggweburgi besad.  
\v 13 Neg-oibosgu, David mas-gunnega Uríasʼse gochad, geb omumgusad. Sedogusgu, Urías gannar David-e-maimar-e-neg-gabedse nade gusad, e-negse gwen arbisulid. 
\p  
\v 14 A-banedgine, David, Joabʼga garda narmaksad. A-garda Uríasʼba barmisad.  
\v 15 David a-gardagi Joabʼga weyob sunmaknaid: “Bia bur sabesur-urwelenai, agi be anga Urías-ogwisguo. Geb Urías-oburgwemalaga walagwen be obego.” 
\p  
\v 16 Degisoggu, Joab Rabá-neggweburgi urwesokargu, bia sordamar-niga-gandikmalad-ogwisgusa, agi Urías-ogwichisad.  
\v 17 Rabá-sordamar Joab-abin noarmargu, David-sordamar oburgwilesad. Geb Het-dule-Urías oburgwilesmogad. 
\p  
\v 18 Deyob neg-gusgua, Joab, David-owisosad, igi bila onolesa.  
\v 19 Joab dule-garda-berbegedga igar uksad: “Bela be Rey-Davidʼga bila-onolesad-ogwasale,  
\v 20 agi be-abin ulud-be-dakele, degi, bega sokardibe: ‘¿Ibiga neggwebur-galu-akwabiid-walikaa be ulusmala? ¿Ar bemar wissursi, galu-matusulid-akwabiid-birgi ibumar mileardae?  
\v 21 ¿Doa Tebes-neggweburgi Jerobaal-machi-Abimelec oburgwisgusa? ¿Ome-gwensak a-dulegi galu-matusulid-akwabiid-birgi obnaged-akwa egwachagussursi? ¿Ibiga bemar e-galu-walikaa nadegusmala?’ Geb Davidʼga be sogdebalo: ‘Be-mai-Het-dule-Urías burgwismogad.’ ” 
\p  
\v 22 Agine, Joab-e-garda-berbeged nade gusad. Geb Davidʼse nonigua, bela-ega-Joab-sunmaksad Davidʼse ogwanai gualid.  
\v 23 Dule-garda-berbeged Davidʼga sogded: 
\p —Anmar-isdarmalad nue-anmargi obitenad. Neg-olloledgi anmargi gwichigudgu, anmarse sikirmakmai gusad. E-neggwebur-yawagakse anmarse sikirmaksamalad.  
\v 24 Geb degidgine, sigu-mimalad galu-matusulid-akwabiid-birgi buksoggu, anmargi sigu miarmalad. Geb agine, be-sordagan abar oburgwilesmalad. Het-dule-Urías oburgwilesmogad. 
\p  
\v 25 David, dule-ega-garda-senonikidga sogded: 
\p —Weyob be Joabʼga sogdapo: ‘Mer bai-itogo. Ar sigu mileddibe, yogasaar emargi yoleged. Degisoggu, Rabá-neggweburgi be bila-ononaid gatik ogannogo, be neggwebur suedse imako.’ Bedina be Joab-ogannonai samogo. 
\p  
\v 26 Urías-e-ome-Betsabé e-sui-burgwisye wisgunonigua, bukib-eba-binsanai gualid.  
\v 27 Bukib-binsaed-ibagan-bergusgu, David Urías-omega-gusadbina gochad, geb ega e-negse senonimalad. Agine na nikunonikid. Geb Betsabé Davidʼga goe-susugwa nikunonikid. Bab-Jehová David-deyob-neg-imaksad nued daksasulid. 
\c 12  
\s1 Natán, Davidʼse-uluapid 
\p  
\v 1 Bab-Jehová, Davidʼse, Natán-barmisad. Geb Natán, Davidʼse-modapgu, ega sogded:\fig Natán, Rey-David-isgusye sogsad. (2 Samuel 12:1-14) |src="CO01071B.TIF" size="col" ref="2 Samuel 12:1" \fig* 
\p —Neggwebur-gwensakgi dule ebo gudiid. Gwensak mani-ibed gued, baiddina, dule-wilegedid.  
\v 2 Dule-mani-ibed sibad-wawaad-bukidar nikad, moli-bebe-nikad-ome deyob nikabalid.  
\v 3 Dule-wilegeddina, sibad-wawaad-ome-senigwad unnila wargwenna nikad. A-sibad-wawaad na baksa gusad, geb odummosbalid. Dule-wileged e-mimmigan-abargi na e-sibad-wawaad odummomai gusad. E-masgunnedgi na sibad-wawaad omadii gusad, e-nog-gobedgi na ogobdii gusbalid, degi, e-yarba na ogabdii gusbalid. We-dule-wileged e-sibad-wawaad-sabedba, e-bunoloyob na dakdaed. 
\p  
\v 4 ”Ibagwengi, dule-mani-ibedse dule-gwensak ataknonikid. We-dule-mani-ibed dule-ese-ataknonikid-masgi-ogunnega, e-sibad-wawaad-nikadi, degi, e-moli-bebe-ome-nikadi yapa oburgwe gualid. Degisoggu, dule-wileged-ibe sibad-wawaad-ome-senigwad susad. A-sibad-wawaad oburgwisad, adi, dule-ese-ataknonikid-ogunnegar.” 
\p  
\v 5 David deyob itosgua, dule-mani-ibedgi sabsur-uluded, geb Natánʼga sogded: 
\p —¡Bab-Jehová-Dula-Maid-nuki an soged, we-dule-deyob-neg-imaksad oburgwileged ega igar mai!  
\v 6 Igi sibad-wawaad-ome-senigwad-gargegue, deyob neg-imaksadba, wile-emar-daksasulidba ilabake-wilub bennukoed. 
\p  
\v 7 Agi, Natán, Davidʼga sogded: 
\p —Dule-deyob-ibmar-imaksadi, ar bee, a-dule gued. Weyob Israel-dulemar-e-Bab-Dummad-Jehová soged: ‘Ani an Israel-e-reyga be-nug-imaksad. Saúl be-oburgwebiguargu, an ega be-urmaksasurbalid.  
\v 8 Saúl-reyneg an bega uksad, e-omeganse-bakar an bega uksabalid. Aginbali, Israel-yar-naid, degi, Judá-yar-naibalidi an bega uksabalid. Amba be galakus-itogena, an bega ibmar-uknai gubaloenad.’ 
\p  
\v 9 ”Bab-Jehová sogbalid: ‘¿Ibiga be an-gayaburba be isdar itossunna? ¿Ibiga be an-asabin ibmar-isgana imaksa? Bee be, Het-dule-Uríasʼgi ome-egwannega be Urías-oburgwisad. Bee be, Amón-sordamar-es-suidgi Urías-oburgwega imaksad. Geb degidba be Urías-ome nikunonisunnad.  
\v 10 Ar be Urías-omese-gochadgi, degi, be-omega be imaknonikidgi, be angi dummad-nosad, baisur be an-daksad. A-ulale, be-neguyagi es-suidgi-dule-burgwed ollorguosulid.’ 
\p  
\v 11 ”Weyob Bab-Jehová sogsabalid: ‘Be-neguya begi-aibinega an imakoed. Be-omegan-gudimalad dule-beba-gudiidga an urmakoed, e-yarba gabdii guoed, be-ibyagwar be dakoed. We-ibmar dukuar guosulid.  
\v 12 Bedi ibmar dukuar imaksad. Andi bela Israel-dulemar be-omeganse-gollegoed-dakmalaga an imakoed.’ ” 
\p  
\v 13 David, Natánʼga sogdemogad: 
\p —Bab-Jehováʼgi an nue-nosa. 
\p Natán, Davidʼga sogdebalid: 
\p —Bab-Jehová be-isgusad bato bega elisad, be burgosulid.  
\v 14 Degi-inigwele, be Bab-Jehová-nuggi-dodosad-ular, be-mimmi-gwalulegoedi burgwenonikoed. 
\p  
\v 15 Geb Natán e-negse nade gusad. 
\p Bab-Jehová, David-e-mimmi-naibi-sanonikid, undar-uellegega imaknonikid. We-mimmide, David, Urías-omega-gusadba baksagusadid.  
\v 16 Degisoggu, David mimmi-bendakega Bab-Dummadse ise-wilegar goted. David bar-mas-itossuli gusad, napayala-meremai oiboardaed.  
\v 17 E-sapin-dummagan ese naddamalad, ega sogega, gwisguye. David yapa gwisgudaed, mas gunbidasurbalid. 
\p  
\v 18 Ibagugle-gusgua (7), mimmi burgwenonikid. David-e-sapin-dummagan dobedba binsananai gusmalad, igi Davidʼga sogoe. Geb dukin-dukin sunmakarmalad: “Mimmi dula-maigua, anmar ega sunmaknai gusanad, anmar-itobisur gusad. Anmar ega sogder, mimmi burgwisye, ¿bule gudago be ebinsae? Naibid-dummadi.” 
\p  
\v 19 David daksagua, e-sapin-dummagan muchub-muchub binna sunmaknanai, agi, David binsanonikid, mimmi burgwisargebye. Geb David e-sapin-dummaganse egisded: 
\p —¿An-ibe bergussunna? 
\p Abinsadmalad: 
\p —Eye. Be-ibe bergussunna. 
\p  
\v 20 David mimmi-burgwisye-itosgua, gwichibin imaksad, yog-obar imaksad, gwallu-wawad maksabalid, degi, mor ogwasbalid. Geb Bab-Jehováʼse-goled-negse nadgu, Bab-Dummad-nug odummosad. A-sorba, e-negse nonikid, masgunned egichisad, geb mas-guchad.  
\v 21 E-sapin-dummagan ega sogded: 
\p —¿Ibiga be deyob dae? Mimmi-nailikgumaiun be bonai gusad, be mas-gunbisur gusbalid. Emisgindi, mimmi-burgwisgua, be yog-gwisguar imaksad, be yog-mas-gunnar imaksabalid. 
\p  
\v 22 David e-sapin-dummagan-abin sogded: 
\p —Mimmi-nailikgumaiun, an mas-gunbisur-gusad, ise-boar an-gudii gusbalid, an binsasad: ‘Abakar Bab-Jehová wile an-dakalirye, anga mimmi-bendakalirye.’  
\v 23 Emisgindi, mimmi burgwissoggu, ¿ibiga bar an mas-gunnosuli? ¿Anga bar durguosi? Suli. Bar anse-danikosulid. Ani, an ese naoed. 
\p  
\v 24 David e-ome-Betsabé-e-niga-ogannonai gualid, mer wile-itogegar. Geb degine, ese gornonikid. Agine, Betsabé mimmi-nikunonikid, Salomónʼye onug-imaksad. Bab-Jehová a-mimmi nue-sabgunonikid.  
\v 25 Geb Bab-Jehová, e-gayaburba-barsoged-Natán barmisad, adi, e-sogedba mimmiga nug-nasikega, Jedidíasʼye onugsaegar. Jedidías sogleged: Bab-Jehováʼse sabgulegaledye. 
\s1 David Rabá-neggwebur susad 
\r (1 Crónicas 20:1-3) 
\p  
\v 26 Joab Rabá-sordamargi bila-ononai gusad. Geb Amón-reyneg-gandik-siid sunonikid.  
\v 27 Geb Joab, Davidʼse dule garda-berbemalad-barmisad, ega sogegar: “Ani Joab, an Rabá-neggweburgi nue-dogsokalid. E-dia-simaladdi, bato bela anmarse sulesad.  
\v 28 Degisoggu, Rabá-neggwebur-suega bela sordamar-besmalad be sedago. Degisulile, ani an Rabá-neggwebur suoed, an-nug-obarledii guoed, be-nugdi obarlegosulid.” 
\p  
\v 29 David e-sordagan-urbenai gualid, Rabá-neggweburse urwenaega. Rabá-sordamargi bila-ononai gusad, geb egi naknonikid.  
\v 30 David, Rabá-neggwebur-e-rey-annik ologurgin susad. Geb agine, David-nonogi sismalad. We-ologurgin nibir-dulapaa-gakambe-wilub (70) aidikued, a-gurgingi akwa-nuegan-dakleged nanaibalid. Aginbali, David Rabá-neggweburgi ibmar-nuegan-bukidar amisbalid.  
\v 31 David Rabá-dulemar Rabá-neggweburgi onosad. Amar oarbaega imaklesad. Amarga we-ibmar uklenai gualid: Esnali-dummad, napa-omued, degi, akanmar. Aginbali, napsa-ginnid soogi akwayob-sobnai guarmarbalid. Amón-dule-bamalad deyob imaklesmarmogad. Geb David e-sordaganmala Jerusalén-neggweburse gannar nonigusmalad. 
\c 13  
\s1 Amnón, Tamarʼgi dodosad 
\p  
\v 1 Ibagan-nasgua, weyob neg-gunonikid. David-machi-Absalón bun-gwensak-nikad, Tamarʼye-nugad. Tamarʼde yeerdakleged. Aginbali, David ome-baidsik machi-baid nikabalid, Amnónʼye-nugad. Geb Amnónʼde, Tamarʼbina sokalid. 
\p  
\v 2 Amnón e-bun-Tamar-abegedba surbinsa itoalid. Tamar amba yagwasoggua, Amnón binsadidaed, an-bunse-golega igi-an-imakergebye.  
\v 3 Amnón e-ai-wargwen nikad, Simea-machi-Jonadabʼye nugad. Jonadabʼde yeer-emar-binsaed-gaedid. Simeaʼdi, David-e-iad.  
\v 4 Jonadab, Amnónʼga sogded: 
\p —Rey-machi, ¿ibiga be garagus daklege? Deyob be ibagan-obelomai an be-daked. ¿Igi be itoge? ¿Anga be sogosurde? 
\p Amnón abin-sogded: 
\p —An-urba-Absalón-e-bun-Tamarʼbina nue an soged. 
\p  
\v 5 Jonadab, Amnónʼga sogdebalid: 
\p —Yamo uellemaiyob be imako. Degisoggu, be-gabedgi be mego. Be-bab bese-atakdanidibe, ega be sogo: ‘An-bun-Tamar masgi an-ogunnega be anga barmidaye. Anga mas-dunai an dakega, degi, e-sunnad masgi an-ogunnega be barmidaye.’ 
\p  
\v 6 Amnón e-obunnogedgi yamo uellemaiyob megisad. Rey-David ese ataknonigu, Amnón ega sogded: 
\p —Anga be an-bun-Tamar barmidage. Anga madu-matabo imakega, degi, e-sunnad masgi an-ogunbaligar. 
\p  
\v 7 David, Tamar-negse dule-barmisad, Tamarʼga sognaega: 
\p “Be-sus-Amnón-negse be dagye, ega be mas-imakdaye.” 
\p  
\v 8 Agi, Tamar e-sus-Amnón-negse-naded, e-obunnogedgi-mai dakdapid. Tamar maduburgi arbaded, omukunai gualid. Madu-madar-madar-imaksad, geb soogi yosad.  
\v 9 Tamar madu-yosgu, bategi Amnón-asabin sinonikid. Amnón yapa gunne gualid, geb sogded: 
\p —Bela neg-magaba ainimalo. 
\p Bela node gusmalad.  
\v 10 Agine, Amnón, Tamarʼga sogded: 
\p —An-gabedse be anga mas-sedago. Geb be-sunnad be anga mas-ukbalo. 
\p Tamar madu-yosad gannar susad, geb e-sus-Amnónʼga e-gabmaidse sesad.  
\v 11 Tamar, Amnón-asabin madu-sidgu, Amnón, Tamarʼgadebin imaksad, geb ega sogded: 
\p —Dage buna, anmar anbo-mege. 
\p  
\v 12 Tamar, Amnón-abin sogded: 
\p —Susu, mer weyob be an-imake. Ar Israel-yargi weyob-dule-imakleged maisulid. Mer we-ibmar-isgana be imake.  
\v 13 Angi be dodosar, ¿an bia-naosunna? Ar bedi Israel-dulemarga be dule-isganaga gumogoed. An bega ise-wilegar soged, reybogwa be sunmaknae. Rey bega an-ukoed, yapa bega an-ukosulid. 
\p  
\v 14 Amnón eba ibsassulid. Tamarʼgi obinsoggu, sabesur-imaksad, geb egi dodosad. 
\p  
\v 15 Egi-dodosad-sorba, Amnón, Tamar-nue-isdar-dakded. Iduar-sabgusadba bur bule isdar-dakded. Geb Amnón, Tamarʼga sogded: 
\p —Gwisgue. Be noe. 
\p  
\v 16 Tamar ega sogdemogad: 
\p —Mer weyob be an-imake. Be angi-dodosadba, bur-naibid-dummad be anga uknaid. 
\p Amnón, Tamar-ega-sunmaked itossulid.  
\v 17 Amnón e-maise goted, ega sogded: 
\p —We-ome be anga neg-magaba onoge, mer bar odogo, yog-yawagak-ediar imako. 
\p  
\v 18 Geb Amnón-e-mai, neg-magaba Tamar-onosad. Geb yawagak edis imaksad. 
\p Tamar mor-yeerdakle-yoi-gudiid, rey-sisgan-yagan gusgu mor-yodamaladyob.  
\v 19 Agine, Tamar sooburu amisad, e-nonogi eosad. E-mor-yeerdakleged-yoid siir-imaksabalid, e-arganmar e-nono-birgi mesisa, igarba binnasur-ogormaknadapi gusad. 
\p  
\v 20 Absalón e-bun-Tamar-deyob-daksagu, ega sogded: 
\p —¿Be-sus-Amnón begi dodosa? Buna, we-ibmar mer bar obaro, ar be-gwenadbalid. Mer be surbinsa itogo. 
\p Tamar, Absalón-negse megnonikid. Naibid-dummad itodii gusad. 
\p  
\v 21 Rey-David deyob wisgusgu, bela-bela sae itosad. Degi-inigwele, e-machi-Amnónʼse uludsurgusad. Ar ade, e-machi-sailaginedsoggu, na sabesailad.  
\v 22 Absalónʼdi, Amnón-Tamarʼgi-dodosad-ular, Amnónʼga bar sunmaksasulid. Bela-bela Amnón-sae-dake gusad. 
\s1 Absalón, Amnón-oburgwisad 
\p  
\v 23 Birgabo-nasad-sorba, Absalón, Rey-David-masmalase gochad, adi, Baal-Hazor-neggweburse ibase-dagmalagar. Baal-Hazorʼde, Efraín-yar-naid-dikarba siid. Baal-Hazorʼgine, Absalón-sibad-wawaad-e-absar-esikmalad bukwamarmogad.  
\v 24 Absalón, Rey-Davidʼse naded, geb ega sogdapid: 
\p —Anga-arbamalad sibad-wawaad-e-absar-esinanaisoggu, anse be atakdabi an be-abeged, degi, bega-arbamalad be sedabaloed. 
\p  
\v 25 Rey-David, Absalón-abin sogded: 
\p —Suli machi. Anmar bela bese naosulid. Degiile, be-ibe mani meso-itole. 
\p Absalón amba egi alamaknai-inigwele, Rey-David yapa nae gusad. David, Absalónʼga sognai gualid, bitigi bega ibmar-nueganbi gusana gadinye.  
\v 26 Absalón ega sogdebalid: 
\p —Be anba naosursoggu, degiirdi, an-ia-Amnón be anba barmide. 
\p David abin-sogded: 
\p —¿Ibiga Amnón beba naoe? 
\p  
\v 27 Absalón, Davidʼgi alamaknaisoggu, David, Amnón-barmisad, degi, bela e-masmala-bamalad barmisbalid. 
\p  
\v 28 Absalón e-maimarga sogsa gusad: “Bemar nue Amnón-dako, nue-mumgudele, an bese gotemaloed: ‘Emisgi Amnón-oburgwemarye.’ Geb bemar Amnón-oburgwemaloed. Mer dobgumalo, ani an be-barminanaid. Gandik-samalo, niga-ogannomalo.” 
\p  
\v 29 Absalón-e-maimar igi Absalón ega sogsagusa, sogedba Amnón-oburgwismalad. David-masmala deyob neg-daksagu, gwichibin imaksamalad, geb e-molimar-uaya-senigwadgi wakitemalad. 
\p  
\v 30 Amba rey-masmala igarba nadapmargu, Davidʼse gaya-mosad: “Absalón, bela be-masmala-oburgwisye, wargwensaar durgussurye.” 
\p  
\v 31 David itosgua, gwichibin imaksad, e-mor-yoid siir-imaksad, geb napayala megisad. Bela ega-arbamalad-walik-bukmalad, deyob e-mor siir-imaksamarmogad.  
\v 32 Simea-machi-Jonadab Davidʼga sunmakded, ega sogded: 
\p —Dummad, be-masmala-burgwisye-soglegedi mer be itoge, ar Amnónʼbi oburgwilesad. Ar ade, Amnón, Tamarʼgi dodosgu, Absalónʼdi sogsagusad, amba anse Amnón-oitolegedseye. 
\p  
\v 33 ”Dummad, degisoggu, mer emar-sognanaid be itogo: ‘Bela be-masmala-burgwisye,’ ade, Amnónʼbi burgwisad.” 
\p  
\v 34 Agine, Absalón wakited. Degidgine, sapingwa-nakulegwichid e-yargansik-igar-maidsik-atakdegua, dakalid, bukidar dulemar yar-aidemaid-gakaba danimala.  
\v 35 Degi, Jonadab, Rey-Davidʼga sogded: 
\p —Rey, igi an bega sogsagusa, bela be-masmala burgwissurye, be dake, danimalad. 
\p  
\v 36 Jonadab-sunmaked-bergusgu, rey-masmala nonimalad, geb binnasur-bodmalad. Rey-David, degi, bela-ega-arbamalad naibid-dummad-nagunonikidba bodmarmogad. 
\p  
\v 37 Absalónʼdi, Amiud-machi-Talmaiʼse wakited. Talmaiʼde, Gesur-neggwebur-e-reyd. David na e-machi-Amnón-burgwisadga bane-bane bodii gusad. 
\p  
\v 38 Deyob Absalón, Gesur-neggweburse wakite gusad. Agi birgapaa gudii gusad.  
\v 39 Rey-David, Amnón-burgwisadba, bato baisur-ito-gusgu, Absalón-dakbi gualid. 
\c 14  
\s1 Absalón gannar nonikid 
\p  
\v 1 Sarvia-machi-Joab, Rey-David bela-bela Absalónʼgi-nue-binsaed magar daksad.  
\v 2 Degisoggu, Joab ome-emar-binsaed-gaed ese sedamalaga imaksad. We-ome, Tecoa-neggweburginedid. Joab a-omega sogded: 
\p —An bega sogo, dule-burgwisadgi-mor-yoleged be yoo. Melle gwallu-wawa be mago, igi dule, dule-burgwisadba-bukib-itodidae, deyob be yamo san-imako. Dikasursur dule, dule-burgwisadba-wile-itodiiyob be san-sao. 
\p  
\v 3 Agi, geb Joab, Rey-Davidʼse ome-barmisad. A-iduale, omega sunmaknai gusad, igi Rey-Davidʼga sunmakdapoe.  
\v 4 Ome-Tecoa-neggweburgined Rey-David-asabin gwisgunonigua, e-dummad-dakedba, dulluu-napase imaksad. Davidʼga sogded: 
\p —¡Rey, be an-bendake! 
\p  
\v 5 Rey ega sogded: 
\p —¿Igi be itoge? 
\p Ome abin-imakded: 
\p —An suisuli gudiid, an-sui an-ibe burgwisad.  
\v 6 An-be-mai-guedi walabo masmala-nikanad. An-masmala sapurba-gudimargua, na uluarmalad. Dule-e-bendaked satesoggu, gwensak e-gwenad-sabsur-sarsosad, geb, oburgwisad.  
\v 7 Emisgindi dakleargua, aka angi bela an-gwenadgan atakdemalad. Geb an-gwenadgan sokarmalad: ‘Dule-e-gwenad-oburgwisad be anmarga udaye, e-gwenad-oburgwisad-nukad anmar oburgwemogoye.’ ¡Ar we-dulemardi gwen bai an-daksurmalad! Anga napi-gudiid oburgwebimalad, itoba e-nug-berguega imakbimalad, abali an-sui-e-nug bergudsunnoed. 
\p  
\v 8 Agine, Rey-David omega sogded: 
\p —Bega an igar-imako. Degisoggu, be-negse be nae. 
\p  
\v 9 Ome-Tecoa-neggweburgined reyga sogdebalid: 
\p —Dummad, be anga igar-imaksulile, akarsuli. Ar boni noalile, angi siid, degi, an-gwenadgangi siid. Rey, begindina, degi, be-negsemaidgindina we-boni sigosulid. 
\p  
\v 10 Rey-David ome-abin sogdebalid: 
\p —Nabir. Ar dule be-oakalobidibe, be anga sogo, adi, mer bese achaega. 
\p  
\v 11 Ome ega sogdebalid: 
\p —Rey, bese an wilegedgi egise, be-Bab-Dummad-Jehováʼse be gole, adi, an-gwenadgan-an-machi-buged-mai-imakbied, mer an-ibe an-machi-baid-oburgwegar. An-machi-oburgwilesale, aka bur bule anga nunmaked-ukbalo-itole. 
\p Rey omega sogdebalid: 
\p —Bab-Jehová-Dula-Maid-nuggi an bega soged, dule bipisaar be-machise gwen achaosulid. 
\p  
\v 12 Ome ega sogdebalid: 
\p —Dummad-Rey, napi an bega ibmar sogbied. 
\p Rey-David ega sogded: 
\p —Sunmakdena. 
\p  
\v 13 Ome reyga sogdebalid: 
\p —Ar we-ibmar be anga sogsadba be anga oyoged, dulemar-isgusale, igi-barsaye be sogdaed. Ar degite, ¿ibiga be-machi-ononnolesaddina gannar-dagega geg be imaksunna? Be imake-wilubbinad. Emide, na be dukin be-nug-oichonaid, degi, be-neggwebur-nug be oichonaibalid.  
\v 14 Igi dii napagi ariodele, gege bar gannar welege, debayobi anmar bela berguedsegad. Ar Bab-Dummaddina dule-oburgwesulid. Dule-ononnolesgudiid gannar-ese-daged bur abeged, adi, ega igar amiegar. 
\p  
\v 15 ”Dummad-Rey, dulemar an-ogwayealidba an bebo-sunmakega nonikid. Weyob sogoye an binsasad: ‘Reybogwa an sunmakoye, an ese ibmar egisoye, abakalegi anga nabir ibmar imakalirye an binsasad.  
\v 16 Degi, Reydina dule-an-oburgwebi-gudiidgi an-bendakoeddeeye, an-machi-bendakbaloeddeeye, an binsasbalid, adi, mer Bab-Dummad-anmarga-ibmar-uksad anmar-ibe sulegegarye.’ 
\p  
\v 17 ”An weyob soged: ‘Be anga-ibmar-sogoedi, gwage-gadi-gadi an-imakoed. Dummad, ar be Bab-Dummad-e-baliwituryob-gusoggu, magar be neg-daked, biti ibmar-nuedi, degi, biti ibmar-isganabali. ¡Bitigi be-Bab-Dummad-Jehová be-bendakena gadin!’ ” 
\p  
\v 18 Agine, David ome-abin sogded: 
\p —An bese ibmar-egisgwelo. Mer be angi ibmar-odukuo, be anga sogo. 
\p Ome abin-sogded: 
\p —Dummad, be anga sogdo. 
\p  
\v 19 Rey ese egisded: 
\p —¿Joab, wese be-barmiali? 
\p Ome abinsaded: 
\p —Dummad-Rey, be-nuggi napira an soged. Ar nabir be soge. Ar be-sorda-Joab bebo-sunmakega bese an-barmialid. Degine, bela an bega ibmar-sogsadi, Joab anga sogsad, deyob be reyga sogoye.  
\v 20 Be-machi-Absalónʼga be igar-nudakega yamo Joab deyob imaksad. Dummad, ar bedi, Bab-Dummad-e-baliwituryob nue binsaed nikasoggu, we-napaneggi-ibmar-gued magasar be daked. 
\p  
\v 21 Geb Rey-David ome-ega-ibmar-sogsadba, Joabʼse gochad, ega sogded: 
\p —Nabir be soge, an beba nai. Absalón be sunae. 
\p  
\v 22 Joab, Rey-David e-dummad-dakedba e-asabin dulluu-napase imaksad. Geb degine, reyga-sognai gualid, be nueganbi-sadeguana gadinye. Joab, Davidʼga sogdebalid: 
\p —Rey, be an-dummadid, an wisi, be nued angi binsaed. An ibmar-bese-egichad be anga imaksad. 
\p  
\v 23 Joab deyob sogsagua, gwisguded, agi Gesur-neggweburse naded. Degi, Joab Jerusalén-neggweburse Absalón-senonikid.  
\v 24 Agine, Rey-David sogded: “Mer Absalón anse dagoye. E-negse na nadeguoye.” Degisoggu, Absalón e-negse nadegu imaksad, reyse arbisurgusad. 
\p  
\v 25 Israel-dulemar-abargine Absalón-daklegedyobi dule sulid. Ar e-daklegedi, machered-nued dakleged.  
\v 26 Absalón sailagia-modogusale, e-sailagia sikardaed. E-sailagia-siklesale, rey-e-nibiratar-wilub aidiku gusdaed.  
\v 27 Absalón walapaa masmala nikusad, degine, bunolo gwensak nikusbalid. E-bunolo Tamarʼye-nugad, bunolo-nued dakleged. 
\p  
\v 28 Absalón birgabo-wilub rey-e-wagar-daksuli Jerusalén-neggweburgi gudigusad.  
\v 29 Ibagwengine, Absalón, Joabʼse gochad, adi, e-ular reyse naegar. Joab yapa Absalónʼse dage gusad. Degine, Absalón gannar Joabʼse gochabalid. Amba Joab itossurbalid, yapa Absalónʼse dage gusad. 
\p  
\v 30 Agine, Absalón dule-ega-arbamaladga sogded: “Nabir, Joab-e-nainu-cebada-digar-naidse be namalo. A-nainu, an-nainu-dikarba naid, e-ibe be ogumakmalo.” 
\p Absalónʼga-arbamalad nadegusmalad, geb Joab-e-nainu ogumaksamalad.  
\v 31 Agine, Joab, Absalónʼse nade gusad. Ega sogdapid: 
\p —¿Ibiga bega-arbamalad an-nainu ogumaksa? 
\p  
\v 32 Absalón abin-sogded: 
\p —An bese gochanad, anse be dagye, adi, an-ular reyse be naegar. Adi, ese egisega: ‘¿Ibiga Gesur-neggweburgi-gudii an suleapi? An weba bur gudiina, nuedinad. Emide, reyse an naoed, ar ibmar-oakalos an-dakele, an-oburgodo.’ 
\p  
\v 33 Agi, geb Joab reyse nade gusad, Absalón ega ibmar-sogsadba reyga ibmar sogdapid. Agine, rey, Absalónʼbina gochad, ese dagegar. Degi, geb Absalón reyse nonikid, rey-abin dulluu napa-naga imaksad. Geb Rey-David Absalón-wagar usad, adi, oyogega na ebo nugusmarye. 
\c 15  
\s1 Absalón, Davidʼgi aibited 
\p  
\v 1 We-ibmar-gusad-sorba, Absalón bila-onoged-ur-napaginmalad amisad, molimar amisbalid, degine, sordamar-egi-nakulemalad e-dulabo-gakambe (50) amisbalid.  
\v 2 Absalón wakudaryala gwisguardaed, degine, neggwebur-yawagak-dogedgi signaddaed. Agine, dule-gwensak Rey-Davidʼse igar-nudakega nadapile, Absalón ese gotedaed, ega weyob sogdedaed: “¿Be biti-neggweburginedi?” Dule-nadapid abin-sogdedaed: “Dummad, an Israel-dule, an igar-nudaknadapi.”  
\v 3 Agine, Absalón ega sogdedabalid: “Nabir be igar-sedanikinad, deyob imaklegewilubbindo. Degi-inigwele, rey-asabin bega dule-ibmar-imaked satesunnad.”  
\v 4 Absalón ega sogdedabalid: “¡Ani an we-neggweburgi igar-nabogega-maina, bela-dule-anse-atakdanimaladga sogedba an ega igar-nudakoenad!” 
\p  
\v 5 Agine, dule-gwensak Absalón-asabin dulluu napase imakardibe, Absalón a-dule ogwisgusdaed, angaagwar gasdaed, geb e-ibe wagar-usdabalid.  
\v 6 Weyob Absalón bela Israel-dulemar reyse-igar-itogega-atakdanidamalad imakardaed. Deyob, Absalón dulemar-e-binsaed ganaidaed. Degisoggu, e-bina yaisur-itoge guarmalad. 
\p  
\v 7 Birgabakegusgua, Absalón, Rey-Davidʼga sokalid: 
\p —Dummad, wis an bese egise, Hebrón-neggweburse an nabienad, Bab-Jehováʼga an ibmar-imakoye-sogsad imaknaegar.  
\v 8 An Siria-yargi gudigua, Gesur-neggweburgi weyob an sogsa gusad: ‘Bab-Jehová Jerusalén-neggweburse gannar an-senonidibe, an Bab-Jehová-nug-odummodii guoye.’ 
\p  
\v 9 Rey ega sogded: 
\p —Boni-sate, be nae. Agi Absalón Hebrón-neggweburse nade gusad.  
\v 10 Degidgine, Absalón, Israel-wagan-ambe-gakabo-bukwad-irba (12) dule-garda-berbemalad barmisad. Weyob sogsad: ‘Bemar gar-trompeta-gote-itodele, binnasur gotemalo: ¡Absalón Hebrón-neggweburgi negsemaiye!’  
\v 11 Absalón Jerusalén-neggweburgi dulemar dulataled-ilabo (200) sesad. Amar baisur-binsae eba-nade gusmalad, ibmar-wissuli eba-nade gusmalad.  
\v 12 Deginbali, Absalón Bab-Jehováʼga ibmar-ogumakar-uknaigua, Gilo-neggweburse Ahitofel-sunamalaga emar-barmisbalid. Ahitofelʼde, Davidʼga binsaed-daked-duled, Gilo-neggweburginedid. Deyob, rey-egwallegedgi-sunmakleged gangumai gualid, degine, dulemar Absalónʼba-nanaimalad mergumai guarbalid. 
\p  
\v 13 Garda-berbeged-gwensak Davidʼga sogdapid: “Belagwable Israel-dulemar Absalónʼba nagudmalad.” 
\p  
\v 14 Geb David e-sordamar-Jerusalén-neggweburgi-gudimaladga sogded: 
\p —Anmar gwae nae, anmar wakinnergebed. Ar degisulile, anmar Absalónʼgi wakinnosulid. Ar anmar bargalesale, Absalónʼse anmar ibitogoed, es-suidgi bela dulemar-ese-ibitomaloed. 
\p  
\v 15 Rey-David-sordamar rey-abin sogdemalad: 
\p —Rey-David, be anmar-dummadid. Anmar guakwagwad, be-sogedba anmar imako. 
\p  
\v 16 Degi, geb rey node gusad, bela e-sordamar eba nadmarmogad. Rey-e-omegan-dikarbalid-warambegwaddina (10) sorba neg-akwega obelesad.  
\v 17 Deyob Rey-David, bela e-sordaganmala nade gusad. Bannaba ambikudapmalad.  
\v 18 Bela rey-e-sordamar rey-dikarba ambikusmaladi wemalad: 
\q2 Cereteo-dulemar, Pelet-dulemar, 
\q2 degi, Geteo-dulemardi dulataled-ilanergwa (600) mergued. 
\q2 We-Geteo-dulemar, Gat-neggwebur-akar Davidʼba nagab aligusmalad. 
\q3 Bela we-dulemar, rey-idu nadapgusmalad. 
\p  
\v 19 Agine, Rey-David, Gat-dule-Itaiʼga sogded: 
\p —¿Ibiga be anmarba danimoga? Gannar Rey-Absalónʼse be nae, ar be dule-ainebalidid. Ar be-neggweburgi be onoles gudimogad.  
\v 20 ¿Ar be emiskwaa nonigudisursi? ¿Sunna anba dagega an be-imakosi? Suli. Anbela an wissulid, an bia naoe. Bur be gannar nae, be-dulemar be sede. ¡Bab-Jehová-e-sabgued-sadeguad, degine, innikigwad-sogmaid bega oyogoed! 
\p  
\v 21 Itai, rey-abin sogded: 
\p —Ar Bab-Jehová-Dula-Maid-nuggi, degi, be an-dummad-gumogad-nuggine, an ise-sogar soged: Ar bia be naoe, an beba nai. An burgodibe, an burgosurdibe, akarsuli, an beba nai. 
\p  
\v 22 Geb David, Itaiʼga sogded: 
\p —Nabirdo. Anmarba be dagsunna. 
\p Gat-dule-Itai, degi, e-sordaganmala Rey-Davidʼba nade gusmalad, bela e-gwenadganmarse-bakar, nade gusmalad.  
\v 23 David e-sordaganmala-nadapmargua, bela dulemar ega ogormakdemalad. Rey-David e-sordaganmala Cedrón-diwar-maidgi obaksamalad. Geb degine, neg-dulesulidganba nade gusmalad.  
\v 24 We-dulemarba Sadoc nade gusmogad, degi, Levita-dulemar nade gusmarmogad. Amardina, Bab-Jehová-Dadganbo-Igar-Mesisad-Ulu semai gusmalad. We-dulemar, Bab-Jehová-Ulu napagi sisad. Degine geb, Abiatar, bela dulemar-neggweburgi-noed-obelosadse Bab-Dummadga ibmar-ogumakar uknai gualid. 
\p  
\v 25 Geb Rey-David, Sadocʼga sogded: 
\p —Bab-Jehová-Dadganbo-Igar-Mesisad-Ulu gannar Jerusalén-neggweburse be berbenao. Bab-Jehová nabir angi binsabidibe, gannar Jerusalén-neggweburse-dagega an-imakoed. Degi, gannar Bab-Jehová-Ulu-dakega an-imakbaloed. Deginbali, Bab-Dummadse-goled-neg-sunna-seleged-dakbaliga an-imakbaloed.  
\v 26 Ar Bab-Jehová sogdibe: ‘Bar an bebina sogsurye, ¿igi an bar saosunna? Bab-Jehová e-sogedba an-imakodo.’ 
\p  
\v 27 Aginbali, Rey-David, dule-irwa-Bab-Dummadse-goled-Sadocʼga sogdebalid: 
\p —Ar be dule-irwa-Bab-Dummadse-goledsoggu, nuedgi gannar be Abiatarʼbogwa Jerusalén-neggweburse nao. Degine, be-machi-Ahimaas, degi, Abiatar-machi-Jonatán, beba namarmogo.  
\v 28 Neba-naidgi dule-buksulidgi anmar ambikudapoed. Gardamar be anmarga-senonikidse anmar ambikuoed. 
\p  
\v 29 Degisoggu, Sadoc, Abiatarʼbogwa Bab-Jehová-Dadganbo-Igar-Mesisad-Ulu Jerusalén-neggweburse sesgusmalad, geb agine gudigusmalad.  
\v 30 Davidʼdina Olivo-yar-enaknai gualid, emurkwaa-bonadapi gusad, degi, sapat-sate nadapi gusbalid. Bela Davidʼba-nadapmalad, emurkwaa-bonadapi gusmarmogad.  
\v 31 Agine, Davidʼga sognonimalad: “Ahitofel, emargi-aibinega Absalónʼba gunaimoye.” Geb David weyob sogded: “¡Bab-Jehováʼye, Ahitofel-binsaed-ukedi be obure!” 
\p  
\v 32 David yar-birse, Bab-Dummadse-gorledaedse mosgua, Arquita-dule-Husai abingualid. We-dule, mor siir-siir David-abin danikid, geb e-nono olli-sichi danibalid. 
\p  
\v 33 David, Husaiʼga sogded: 
\p —Anba be dagye-sogele, binsa be anga arbaed onogoed.  
\v 34 Gannar be Jerusalénʼse-naed bur nabirid, adi, be Absalónʼga sogdapiga: ‘Rey, an be-maiga guoye. Igi an be-bab-Davidʼga arbadii gusa, deyob an bega arbadii gumogoye.’ Deyob be imaksale, sunna be Ahitofel-binsaed-ukedi obured.  
\v 35 Agi dule-irwa-Bab-Dummadse-goled-Sadoc, degi, Abiatar, be-yarba gwichi gumaloed. Degisoggu, bela be rey-neguyagi-ibmar-itodagoedi, Sadocʼga, degi, Abiatarʼga be ogwaoed.  
\v 36 Degine, bela be-ibmar-itogoedi, Sadoc, e-machi-Ahimaasʼga ogwamogoed, degi, Abiatar, e-machi-Jonatánʼga ogwamogoed. A-sapingana, anga ibmar-ogwanai gumarmogoed. 
\p  
\v 37 Degidgine, David-e-ai-Husai, Jerusalén-neggweburse naded. Absalón neggweburse-dognadapidgine, Husai dognadapi gusmogad. 
\c 16  
\s1 David, Siba-abingusad 
\p  
\v 1 David yarbirgi sikwas-nasgua, Mefiboset-e-mai-Siba David-abin noalid, geb Davidʼga moli-uayasuid-walabo e-siged-nika-nika senonikid, degine, geb molimar-birgi we-ibmarmar senonibalid: 
\q2 Madu, dulataled-ilabo (200), 
\q2 uva-dinnagana-madu, gwadulatar (100), 
\q2 higo-dinnagana-madu, gwadulatar (100), 
\q2 degi, vino, moli-uka-buglu-gwagwen senonibalid. 
\p  
\v 2 Rey-David, Sibaʼse egisded: 
\p —¿Ibiga be we-ibmar sedaniki? 
\p Siba abin-sogded: 
\p —Moli-uayasuid-walabogwadi, rey-e-gwenadgan-egi-sigmalaga an sedanikid. Madumar, degi, uva-dinnagana be-sordamar-ogunnega an sedanibalid. Vinoʼdina, bemar nega-dulesulidganba-gudiidgi-yeguarmalale, gobmalaga an sedanibalid. 
\p  
\v 3 Rey-David, Sibaʼse egisded: 
\p —¿Be-dummad-Saúl-e-wagwadina? 
\p Siba abin-sogded: 
\p —Jerusalén-neggweburgi besa. Ar ade, binsaed: ‘Emi-iba, e-dad-negsemaigusad gannar ega uklegoye.’ 
\p  
\v 4 Rey-David, Sibaʼga sogded: 
\p —Mefiboset-ibmar-nikad bela begadga gusunno. Ani an bega uked. 
\p Siba, David-abin dulluu imakded, geb ega sogdemogad: 
\p —Rey, be an-dummad-gued. Nuedye an bega sogdo, we-ibmar be anga uknagu. 
\s1 Simei, David-ukabsasad 
\p  
\v 5 Rey-David Bahurim-neggweburse nonigua, Saúl-e-gwenad-Gera-machi-Simei, David-abin noalid. Agine, Simei, Davidʼgi uluded, gaya-isgana egi sogded.  
\v 6 Degine, sordamar David-ebiris nadap-inigwele, Simei, Davidʼgi akwa-misad, degine, dummagangi akwa misbalid.  
\v 7 Simei, Davidʼgi urwenagu, weyob sogded: 
\p —¡Be nae! ¡Be dule-isganad, be dule-gindakedid!  
\v 8 Rey-gan-suega be Saúl-gwenadgan oburgwisad. A-nukad Bab-Jehováʼse be sabsur-odurdaklenaid. Agala, Bab-Jehová, be-machi-Absalón negseega imaknaid. ¡Na be dukin sadii, dule-gindakedbi gaamakdiid! 
\p  
\v 9 Geb Sarvia-machi-Abisai, reyga sogded: 
\p —¿Ibiga we-dule-isgana an-dummad-reygi isdar sunmaknai? Dummad, an bega e-dukar egwanno. 
\p  
\v 10 Rey-David, Sarvia-masmala-abin sogded: 
\p —Mer be achamalo. We-igar bemargadsulid, degi, angadsurmogad. Ar dule-we-ibmar-sognaidi, Bab-Jehová-sogedba-sognair sognaid, be Davidʼga deyob sognaoye. Degite, ¿doa ese golosunna, ibiga be deyob sognaye? 
\p  
\v 11 David, Abisaiʼga, degi, e-sordaganga sogdebalid: 
\p —Be dakena, ar an-machi-sunnadbela, an-oburgwebigudiid, degite, ¿we-dule-Benjamín-wagwa-bursunna? Mer ese be gormalo. Igi na sunmakbie, e-itolegeddo, ar Bab-Jehová we-dule barmialid.  
\v 12 Abakar Bab-Jehová, an-nunmak-itodiidba wile an-dakalile, we-gaya-isgana emi-angi-milenaidi, ibmar-nuedga anga gualile. 
\p  
\v 13 David, e-sordaganmala igarba gannar nadmarbargu, amba Simei yar-dikarbali iisedi gaya-isgana-sognadapi gusad. Amba Davidʼgi akwamar-minai gusbalid, ukubse-bakar minai gusbalid.  
\v 14 Rey-David, degi, bela e-sordaganmar nadapidba nue-geggusmalad. Degisoggu, Jordán-diwarse nonimargua, agi obunnosmalad. 
\s1 Ahitofel-e-binsaed 
\p  
\v 15 Degidgine, Absalón geb bela-Israel-dulemar-eba-danigusmalad, Jerusalén-neggweburse dognonimalad. Ahitofel eba nonimogad.  
\v 16 David-e-ai-Arquita-dule-Husai, Absalónʼse-nonigua, ega sogded: 
\p —¡Rey be undar-suiti-megena gadin! 
\p  
\v 17 Absalón, Husaiʼse egisded: 
\p —¿Ibiga be-aiba be nadsuli? ¿Ar be-aigi dodoye be soge? 
\p  
\v 18 Husai, Absalón-abin sogded: 
\p —Degisuli. Ar unnila Bab-Jehová-dule-nug-imaksadba an gudiguoed, degi, dulemar, dule-nug-imaksadba an gudiguoed, bela Israel-dulemarba an gudigubaloed. Degisoggu, an be-walik gudiguoed.  
\v 19 ¿An doa-e-maiga bar guo be an insasunna? Unnila an be-maiga guergebed. ¿Ar rey-machiga an arbadii guosur be insae? Eye, an arbadii guoe. Ar igi an be-babga-arbadii gusa, deyob an bega arbadii gumogoed. 
\p  
\v 20 Geb agine, Absalón, Ahitofelʼga sogded: 
\p —Be anga binsaed dake, ibu anmar imakoe. 
\p  
\v 21 Ahitofel, Absalónʼga sogdemogad: 
\p —Be-bab e-omegan-dikarbalid e-neg-edarbega-obesadbo be gabnae. Adi, bela Israel-dulemar be-dakmalagar, be-babbogwa be nue-isdaradga gusye. Deyobile, dulemar-beba-nanaimalad bela gangudmaloed. 
\p  
\v 22 Degisoggu, Absalónʼga neg-uas-birgi dordoneg-sobsamalad. Adi, agi e-bab-e-ome-dikarbarmaladse golegar. Geb deyobi Israel-dulemar bela daksamalad. 
\p  
\v 23 We-ibagangine, dulemar Ahitofel-binsaed-ukedgi binsadamalad, wede Bab-Dummad-gayaburbaye. David, degi, Absalónʼmoga deyob egi binsadamarmogad. 
\c 17  
\p  
\v 1 Aginbali, Ahitofel, Absalónʼga sogded: 
\p —An bedile, miliambe-gakabo (12,000) sordamar-amisaled. Emisbinne emi-mutikidba an David-baleginnadeled.  
\v 2 David-geggus-gudiidgi, nollo-gudibalidgi, egi baisursunna gwisguledapiled. Ega dobed-dummad-naguega an imaksaled. Degidba, e-sordagan-eba-gudidimalad, dobedba wakitemalaled. Unnila Rey-Davidʼbi an oburgwisaled.  
\v 3 E-sordamardina an senonikiled. Degii-David-burgwisadbali, bela e-sordamar beba nagudmalaled. Deyob, geb neg-bogidik nagunonikiled. 
\p  
\v 4 Absalón, degi, Israel-dulemar-nug-nikamalad, Ahitofel-ega-binsaed-uksad nabir-itosmalad. 
\s1 Husai-e-binsaed 
\p  
\v 5 Absalón sogded: 
\p —Arquita-dule-Husaiʼse be anga gornamalo. Anmar itomarmogo, igi sogdamogodibe. 
\p  
\v 6 Husai, Absalónʼse-nonigua, Absalón ega sogded: 
\p —Weyob Ahitofel sogsadi, ¿anmar eba ibsao be itomoga? Sulile, be sogmodo. 
\p  
\v 7 Husai, Absalónʼga sogded: 
\p —Emisgindi, Ahitofel-e-binsaed-uknaidi innikisulid. 
\p  
\v 8 Geb Husai sogdebalid: 
\p —Be wisid, be-bab-David, dule-buledid. Aginbali, e-sordamar-eba-gudimalad deyobmarmogad. Igi sapurbali wiob-ome ei mimmigan-sulesale, urwedii dae, deyob e-sordamar sae itodimalad. Aginbali, be-bab bila-onoged-dulebalid, degisoggu, e-sordaganbali mutik gudii guosulid.  
\v 9 Inniki an bega soged, akwasailagan-yaba dukus-mairgebed. Bia gudisundibe. Ar e-inse bemargi yolenoniye, dulemar itoarmalale, sogdemaloed: ‘Absalón-sordamar ibitosmarye.’  
\v 10 Degidbali, sordamar achumigur-nono-wawaadyob niga-gandikmalad, bela sikirmakdemaloed. Ar bela Israel-sordamar wismalad, be-bab dule-buledi, degine, wismarbalid, e-sordagan-eba-gudidimaladi, dule-buleganmarmoga. 
\p  
\v 11 ”Degisoggu, an sogmodo, Absalón, bela Israel-sordamar Dan-yar-naidgi-bukwad, degi, Beerseba-neg-naid-ugakaase-bukwad be onmako. Ar sordamar demar-gakaba-ukub-naidyob merguosoggu, be-sunnagwad urwenaega be amar-iduergebed.  
\v 12 Ar David bia gudioe, agi anmar egi yoledapoed. Igi boo napagi batiardae, deyobi, anmar egi batidapoed. David, degi, bela e-sordagan-eba-gudimalad, wargwensaale dula anmar obegosulid.  
\v 13 Ar David neggwebur-gandikidse dukunaddibe, bela Israel-sordamar a-neggweburse urdub-nika namaloed. A-urdubgi bulakwaa anmar e-ibe e-galu-matusulid-akwabiid earoed, e-akwamar-seniganse-bakar, diwar-maidse mioed.” 
\p  
\v 14 Absalón, degi, bela Israel-dulemarmala sogdemalad: 
\p —Arquita-dule-Husai-e-binsaed, Ahitofel-e-binsaedba bur-nuedid. 
\p Ar we-ibmar-gusadi, amba Ahitofel-e-binsaed innikigwad-inigwele, Bab-Jehová, Absalónʼga-boni-onogega Ahitofel-e-binsaed-oburega imaksad. 
\p  
\v 15 A-sorbali, Husai, dule-irwa-Bab-Dummadse-gormalad-Sadocʼga, degi, Abiatarʼga sogded: 
\p —Ahitofel weyob Absalónʼga, degi, Israel-girmar-dummaganga binsaed uksad. Andina weyob Absalónʼga an binsaed uksamogad.  
\v 16 Degisoggu, gwae bemar Davidʼga weyob-sognamalo: ‘Mer-bemar emi-mutik neba-naidgi ambikumaloye, gwae Jordán-diwar obakmaloye. Rey-Davidʼye, deyob be imaksulile, be, degi, be-sordagan-beba-gudimalad oburgwilemaloye.’ 
\s1 Davidʼga gayaburba sesmalad 
\p  
\v 17 Jonatán, Ahimaasʼbogwa Rogel-dia-siid-naba besmalad, adi, mer Jerusalén-neggweburgi-dogmai dulemarse daklegegar. Degisoggu, amar-owisogega ome-gwensak-maiga-gudiidi, ega gayaburba berbenonidaed, adi, amar-ebogwad Rey-Davidʼse gayaburba sedegar.  
\v 18 Degi-inigwele, sapingwa-gwensak a-dulemar-daksad, geb Absalónʼga barsokapid. Degisoggu, Jonatán, Ahimaasʼbogwa agi-gunaid gwae nadmalad. Bahurim-neggweburse nonimargua, dule-gwensak-neggi dognonimalad. A-neg-imba-naidgi, dia-siid-yaba dogsamalad. 
\p  
\v 19 Neg-ibed-ome atued amisad, geb, dia-siid-birgi ogichad. A-birgi, ibmar-gwag eosad. Degisoggu, dia sisuliyob daklesad, wisgulessurgusad. 
\p  
\v 20 Absalón-sordamar ome-negse-nonimargua, omese egisdemalad: 
\p —¿Bia Ahimaas, Jonatán-ebo nadmala? 
\p Ome abin-sogded: 
\p —Bato dian obaksamalargebed. Sordamardi amar-ebogwad-aminade gusmalanad, amissurgusmalad. 
\p Degisoggu, Jerusalén-neggweburse gannar nonigusmalad.  
\v 21 Sordamar bela duurmakdemargua, geb Jonatán, Ahimaasʼbogwa dia-yaba-siidgi nosmalad. David-owisogega Davidʼse nade gusmalad, geb ega sogdapmalad: 
\p —David gwae be nae. Gwae be Jordán-diwar-obakmalo. Ar Ahitofel, Absalónʼga binsaed-uksad, igi-bemargi gwichiguoe. 
\p  
\v 22 Degisoggu, David, bela sordamar-eba-gudimalad neg-oiboged-idu bela Jordán-diwar obaksamalad. 
\p  
\v 23 Ahitofel, e-binsaedba-Absalón-aibirissuli daksagua, e-moli-uayasuidgi e-neggweburse naded. E-negse mosgua, bela-e-gwenadganga igarmar-uksad-sorbali, na-dukin dukar-gasad. Deyob Ahitofel burgwisad, geb degi, e-bab-neg-uan-maidgi digsamalad. 
\s1 Davidʼga masgullemalad sesmalad 
\p  
\v 24 David Mahanaim-neggweburse nonigua, Absalónʼdina Israel-sordaganmala sorba Jordán-diwar-obaksamalad.  
\v 25 Absalón, Joab-anar, sorda-dummadga Amasa-onug-imaksad. Amasaʼde, Israel-dule-Itraʼye-nugad-e-machid. Itraʼde, Abigail nikusadid. Abigailʼde, Nahas-e-sisgwad, Sarvia-e-urbad. Sarviaʼdi, Joab-e-nanad.  
\v 26 Israel-sordamar, geb Absalónʼmala Galaad-yargi ambikunonimalad. 
\p  
\v 27 David Mahanaim-neggweburse nonigua, agine wemar abingualid: 
\q1 Nahas-machi-Sobi. 
\q2 Sobiʼde, Rabá-neggweburginedid, 
\q2 Rabáʼde, Amón-wagan-e-neggweburad. 
\q1 Amiel-machi-Maquir. 
\q2 Maquirʼde, Lodebar-neggweburginedid, 
\q1 degine, Barzilai, 
\q2 Barzilaiʼde, Rogelim-neggweburginedid, 
\q2 Rogelimʼde, Galaad-yargi siid. 
\q3 Wemar Davidʼse nonimalad. 
\q1  
\v 28 A-dulemar Davidʼga we-ibmar senonimalad: 
\q2 Atuedmar, gobednogmar, mete-burwigan, 
\q2 orosgi-dakleged-trigo, orosgisaar-dakleged-cebada, madubur, 
\q2 ob-dibyaled, ingwagii-dakleged-habasʼye-nugad, 
\q2 ingwagii-dakleged-lentejas, ingwagii-dakleged-garbanzos-dibyaled, 
\q2  
\v 29 achanis, moli-bebe-nikad-nunis-ollikwagwad, 
\q2 sibad-wawaad-nunis-gwamakaled, 
\q2 degine, moli-bebe-nikad-nunis-gwamakaled. 
\q3 David, e-sordaganmala, we-ibmarmar-gunmalaga ega senonimalad. 
\p Ade, binsasmalad: “Sordamar neg-dulesulidganba geggus danimar an insaye, ukudmaada danimar an insaye, mas-gunbi gudanimar an insaye,” ade, deyob binsamalad. 
\c 18  
\s1 Absalón-burgwisad 
\p  
\v 1 David e-sordagan-eba-gudimalad danar-danar-urbenai gualid. Agine, sorda-mili-miligwengi (1,000-1,000) gusad, degi, sorda-dulatar-dulatargi (100-100) e-idumalad onug-imaksad.  
\v 2 Agine, David sordagan-bukwad sogapaa-mimisad. Geb degine, sordagan-soggwen-idugega, Joab-onug-imaksad. Sordagan-sogbogi, Abisai-onug-imaksabalid. Abisaiʼde, Joab-e-gwenadid. Ebogwadi, Sarvia-masmalad. Geb David, napi-sordagan-sogapaagwad-idugega, Itai-onug-imaksad. Itaiʼde, Gat-duled. Agine geb, Rey-David, bela sordamar-bukwadga sogded: 
\p —An bemarba urwenamogoed. 
\p  
\v 3 Bela sordamar-bukwad ega sogdemalad: 
\p —Anmarba be naosulid. Ar anmar urwenai-wakitedibe, baisur anmar-dakmaloed. Anmar-sordamar negabar-oburgwilesmalar, baisur dakmarbaloed. Ar bedi nuga-nikadsoggu, anmar-miliambe-mergueyobi be gangumaid (10,000). Degisoggu, neggwebur-akar be anmar-bendakmai guoed. 
\p  
\v 4 Rey-David abin-sogded: 
\p —Bemar-sogedba an imako. 
\p Degisoggu, Rey-David e-sordagan-dulatar-dulatar (100-100), degi, mili-miligwen-ainidmargu (1,000-1,000), neggwebur-yawagak-noedgi dakegwichi gusad.  
\v 5 Rey-David, Joabʼga, Abisaiʼga, geb Itaiʼga igar-uksad: 
\p “Mer sabsur an-machi-Absalón imakmalo.” 
\p Rey-David, Absalónʼgi deyob sognagu, bela sordamar itosmalad. 
\p  
\v 6 David-sordamar, Israel-sordamargi-urwenaega nodegusmalad. Efraín-sapur-naidgi urwenai guarmalad.  
\v 7 A-ibagine, sordamar yeer oitolesmalad, mili-dulagwen (20,000) burgwismalad. Degi-inigwele, David-sordamar Israel-sordamargi obichad.  
\v 8 Bila-onoleged bela yar-gasa nagunonikid. A-ibagine, bila-onolegedba sordamar bur bule sapurba burgwismalad. 
\p  
\v 9 Absalón moli-uayasuid-birgi-nadapgua, David-sordamar-abingunonikid. Moli-uayasuid sapi-encinaʼye-nugad-urba dogded, geb Absalón-sailagia sapi-e-anagangi galenonikid. Agi bannu-bannu nagusad. E-molidi iduar naded.  
\v 10 Sorda-gwensak deyob-Absalón-daksagua, Joabʼga sognonikid: 
\p —Emiskwaa, an Absalón-daksad, sapi-encinaʼgi bannu-bannu-nai an daksad. 
\p  
\v 11 Joab a-dulega sogded: 
\p —Degite, be deyob Absalón-daksagua, ¿ibiga be yog-oburgwar imaksasuli? Nued be imakoenad. An bega mani-nibirambe-aidikued-wilub (10) ukoenad, an bega molidub-bur-sunsoged ukbaloenad. 
\p  
\v 12 A-dule Joab-abin sogdemogad: 
\p —Amba be anga mani-miligwen-aidikued-wilub (1,000) ukena, amba Absalón an oburgosulinad. Rey-machigi gege an aibined. Ar anmar rey-bega-ibmar-sogsad ise-itogaled, Abisaiʼga deyob sogsabalid, Itaiʼga deyob sogsabalid: ‘Mer an-machi-Absalón akar-imakmaloye.’  
\v 13 Aginbali, an na dukin san-urmakbalo-itole. Ar Rey-David wisgunonidibe, be-sunnad angi be gwisgudbaloed. 
\p  
\v 14 Joab ega sogded: 
\p —An bebo bar sunmakosuli. 
\p Joab eswar-warbaa yog amiar-imaksad. Degine, Absalón-bannumaknaidse nadegusad. Agi Absalón-e-binasgargi eswar-warbaagwad yosad  
\v 15 Degidgine, sapingan-Joab-bendakmalad, e-ambe (10) Absalón-ebirismalad, geb oburgwismarsunnad. 
\p  
\v 16 Agine, Joab, sordamar-mer-bar-urwega gar-trompeta-ogormalaga imaksad. Degidgine, geb Joab-sordamar bar Israel-e-sordamar-balegichasulid.  
\v 17 A-sorbali, Absalón-e-mui-bannumaknaid odesmalad, sapurba yaa-ollo-siidgi egwachamalad. A-birgi, akwamar-mulluu sie-sie imaksamalad. Israel-sordamardina bela gwakidmalad, e-neg-e-negse duurmakdemalad. 
\p  
\v 18 Absalón dula-gudiun, Rey-Nebagi na akwa-sobar ogwichisanad. Ade, Absalón weyob binsasgusad: “An machi-satesoggu, bar an-nug obarledii gulegosulid.” Agala, akwa-ogwichisadgine, Absalón, e-nug-nasiksad. Degisoggu, a-akwa, “Absalón-akwa-bubawarye” nuggunonikid. Agala, we-garda-narmaklenaidse, amba deyob bileged. 
\s1 David, Absalón-burgwisadba wile-itosad 
\p  
\v 19 Agine, Sadoc-machi-Ahimaas, Joabʼga sogded: 
\p —Gwae an Rey-Davidʼse naoe, ega sognaegar, ‘Bab-Jehová be-isdarmaladgi-nakwega be-imaksaye.’ 
\p  
\v 20 Joab, Ahimaas-abin sogded: 
\p —Ar Rey-David-machi burgwissoggu, e-babga emi we-gayaburba bee be berbenaosulid. Baid-ibagi ega be sogoed. 
\p  
\v 21 Degidgine, Joab, Etiopía-dulega sogded: 
\p —Bee be nao. Bela be ibmar-daksadi, Davidʼga be sognao. 
\p Etiopía-dule, Joab-abin napase dulluu-imaksad, geb agi abarmakded.  
\v 22 Sadoc-machi-Ahimaas gannar Joabʼga sogdebalid: 
\p —Degi-inigwele, amba an Etiopía-dule-sorba abarmakdoe. 
\p Joab abin-sogded: 
\p —Machi, ¿ibiga be abarmakdoe? We-gayaburba-berbenaoedgi ibnued gwen be amiosulid. 
\p  
\v 23 Ahimaas abin-sogded: 
\p —Baisuli. Igi neg-gubie, deyob guodo. Amba an abarmakdoe. 
\p Joab ega sogdesunnad: 
\p —Degite, be nado. 
\p Degidba Ahimaas neba-neg-naidba abarmakde gusad. Agine, Etiopía-dule-bargadapid, geb na e idusunnad.  
\v 24 Davidʼdi neggwebur-yawagak-gebe-gwichid, degi, yawagak-baid-sorba-gwisbalid, a-negabargi siid. Dule-nakuleged yawagak-niba neg-swirinaidgi atakgwisgu, dule-gwensak-abarmakdaniki dakalid.  
\v 25 Geb agi, Rey-David-owisogegala, binnasuli goted: 
\p —Dule dani. 
\p Agine, Rey-David sogded: 
\p —Ar dule wargwen-danikile, degirdi, gaya-nued sedanido. 
\p Degidgine, dule-abarmakdanikid walikgudanigua,  
\v 26 dule-nakulegwichid dakarbalid, dule-baid sorba abarmakdanibali. Geb yawagak-dakgwichidse iseedi goted. Ega sogded: 
\p —Sorba, dule-baid abarmakdanibali. 
\p Rey-David sogdebalid: 
\p —We-dule amba gaya-nued sedanibalirgebed. 
\p  
\v 27 Dule-nakulegwichid sogded: 
\p —An dakedi, dule-idunaid Sadoc-machi-Ahimaasʼyob abarmaked. 
\p Rey-David abin-sogdebalid: 
\p —We-dule, dule-nuedi, gaya-nued sedaniki. 
\p  
\v 28 Ahimaas, Rey-David-asabin-nonigua, Davidʼga sogded: 
\p —Nued-sogeye. 
\p Agi Ahimaas dulluu napase imaksad. Geb Davidʼga sogded: 
\p —Rey-David, be-Bab-Dummad-Jehová-e-nug odummolesun. Ar aa, be-isdarmalad-begi-aibichamalad, bela bega urmaksad. 
\p  
\v 29 Rey-David ese egisded: 
\p —¿Absalónʼdi, nuedi? 
\p Ahimaas abin-sogded: 
\p —Joab-an-barmiargu, dulemar oimaknanai unnila an itosad. Degisoggu, an wissurmosundo, ibiga deyob oimaknanai gusmarsundibe. 
\p  
\v 30 Rey-David ega sogdebalid: 
\p —Dage wesik. Wegi gwisguda. 
\p Geb Ahimaas, Rey-David-naba gwisgunonikid. 
\p  
\v 31 Agine, Etiopía-dule nonimogad. Rey-Davidʼga weyob sogded: 
\p —Rey, gaya-nued bega an sedanikid: Emi, Bab-Jehová be-isdarmalad-begi-gwisgusmaladgi be-ollor-imaksad. 
\p  
\v 32 Rey-David Etiopía-dulese egisded: 
\p —¿Absalónʼdi, nuedi? 
\p Etiopía-dule abin-sogded: 
\p —Igi-we-sapingwa-naibigusa, deyob bela rey-e-isdarmalad, degi, reygi-gwisgubi-gudimalad imaklemarmogana gadin. 
\p  
\v 33 Rey-David deyob e-machi-Absalón-burgwisye itosgua, gwage-naibid-dummad ega nagunonikid. Geb yawagak-birgi-neg-siidse-nakwemaigua, ise-boar-sunmaknadapi gusad: “¡Machiye, machiye! ¡Ani an bur be-ular burgwissunnana gadin! ¡Machiye, machiye!” 
\c 19  
\s1 Joab, Davidʼga gannadgi ibmar sogsad 
\p  
\v 1 Agine, Joabʼga sognonimalad: “Rey-David Absalón-burgwisad-ular nue-bodiiye, nue-wile-itodiiye.”  
\v 2 Sordamar wisgunonigua, Rey-David e-machi-burgwisad-ular nue-wile-itodiiye. Agidba bila-onolesadgi-nakwismaladgi, bar weligwar itossurmalad, eba wile-itodmarmogad.  
\v 3 A-ibagine, David-e-sordagan bila-onogedgi-galakus-danimalayob, arbakee neggweburse ubononimalad.  
\v 4 Reydina, ise-boar emurakwaa-gornaid: “¡Machi-Absalónʼye, machi-Absalónʼye!” 
\p  
\v 5 Degidgine, Joab negyaba dogded, bia Rey-David gunai. Geb Davidʼga sogded: “Be-sordamar bega-uluapmaladgi be-bendaksamalad. Deginbali, bega be-masmala, be-bunamala, be-omegan, degine, be-omegan-dikarbalid, bendaksamarbalid. Emide, aka be be-sordaganga binged-dummad be uknaid.  
\v 6 Ar be bur bule isdar-be-dakdimaladdi be sabed. Aka be-sabgudimaladdi be isdar-daked. Emide be anga nue-oyonasunnad, sorda-nug-nikamaladdi an baisur-dakye, sordamar an baisur-dakbarye. Nue an dakedi, anmar bur oburgwilesana baisulinye be anga sogeyobid: ‘Be-machi-Absalón-durgusana bur gadinye.’  
\v 7 Degisoggu, gwisgue, sordagan-abin be nonae, ega nuedgi be sunmaknae. Bab-Jehová-nuggi inniki an bega soged: Be nonasulile, we-mutikidba dulemar bar beba gudii guosulid. Be sapingwa-akale bonigan-itosadba bur bule bega neg boniga gunonikoed.” 
\p  
\v 8 Agine, Rey-David gwisgus-imaksad, yawagak-naba dummagan-bukwad-naba signonikid. Bela sordamar owisolesgua, Rey-David yawagak-naba-sigisye, bela sordamar rey-asabin gwisgunonimalad. 
\s1 Rey-David gannar Jerusalén-neggweburse nonikid 
\p Israel-sordamardina bela e-neg-e-negse wakitemalad.  
\v 9 Degine, dadgan-ambe-gakabogwad-e-wagan-bukwad-ilibali (12) neggusadgi sunmaklenai gualid. Weyob sunmaklenai gualid: “Rey-David anmar-isdarmaladgi anmar-bendaksad, Filistea-dulemargi anmar-bendaksabalid. Degi-inigwele, Absalón-dobedbali, Rey-David, we-yargi wakite gusad.  
\v 10 Ar anmar, reyga Absalón-nug-imaksanad. Emide, bila-onolesadgi burgwissunnad. Degisoggu, Rey-David gannar anmarse-dagega, ¿ibi-boni niksunna? An dakedi, boni sate an dakdo. Anmar ese gorsundo.” 
\p  
\v 11 Rey-David deyob egi sunmaklenai wisgusgua, dule-irwa-Bab-Dummadse-gormalad-Sadocʼga, degi, Abiatarʼga gayaburba barmisad, weyob ega sogmalagar: “Judá-girmar-dummaganse be gornamaloye, ega sogmaloye: ‘Rey, Israel-dulemar gannar-e-negse-dagega-ese-gornaid bela wisgusye. Ar bemar, rey-gannar-dagega ¿emar-sorba ese be gormalo-sogeye? Deyobwilubsulinye ega be sogo.’ ” 
\p  
\v 12 David sogbalid: “Weyob be Judá-girmar-dummaganga sogbaloye: ‘Bemar anmar-gwenadgan gumaladdeeye, anmar ablis-soggwenna gumarbaliddeeye. Ar degite, an-negse-gannar-an-dagegala, ¿ibiga bemar geb emar-sorba anse gormalosunye?’  
\v 13 Amasaʼga weyob bemar sogmogoye: ‘¿Ar anmarde ablis-emar-sursogeye? Ar anmar ablis-emaladdeeye. Joab-anar sorda-iduedga an be-nug-imakoye. Deyob an imaksulile, Bab-Dummad sabsur-an-odurdakoye.’ ” 
\p  
\v 14 Rey-David Judá-dulemar-eba-nagumalagar deyob imaksad. Degisoggu, bela danakwaa ese gotemalad: “Rey-David, gannar be-negse be dage, be-sordagan be sedabalo.”  
\v 15 Degi, Rey-David aligusad, Jordán-diwar-maidse nonikid. Judá-dulemardina, Rey-David-abinguegala, Gilgal-neggweburse nonimarmogad, adi, Jordán-diwargi bulakwaa-obakmalagar.  
\v 16 Aginbali, Gera-machi-Simei, Rey-David-abindakdagegala gwae aidedanigusad, degi, Judá-dulemar eba danigusmarmogad. Simeiʼde, Benjamín-e-wagwad, Bahurim-neggweburginedid.  
\v 17 Simeiʼbali, Benjamín-e-wagan miligwen (1,000) danigusmarmogad. Siba, Saúl-e-maiga-gudigusad, danigusmogad, degi, e-masmala warambe-gakatar (15), degi, e-maiga-gudimalad e-dulagwen (20) danigusmarmogad. Wemar, Rey-Davidʼse, Jordán-diwargi obaksamalad.  
\v 18 Diwar-dinnagwadsik obaksamalad, adi, Rey-e-gwenadgan obaksokalile, bendakmalagar. 
\p Gera-machi-Simei, Jordán-diwar-obaksagua, Rey-David-abin napayala megisad.  
\v 19 Geb reyga sogded: 
\p —¡Dummadye, wile be an-dake! ¡An begi ichakwa-sunmaksadi, begi-ichakwa-sunmaksasuliyob be an-dake! Bitigi be angi isdar-binsasulina gadin. Be Jerusalén-neggweburgi nodgua, an begi ichakwa-sunmaksadi, mer bar be ebinsaena gadin.  
\v 20 An, an-isgusad magar na itoged. Dummad-rey, agala an be-abindakegala, José-waganmar-abargi an-inse an nonikid. 
\p  
\v 21 Agine, Sarvia-machi-Abisai sunmaknonikid, sogded: 
\p —Simei, Bab-Jehová-dule-nugsasad ukabsas gusad. Degisoggu, oburgwilegergebed. 
\p  
\v 22 David abin-sogded: 
\p —Sarvia-masmala, mer be achamalo, we-igar bemargadsulid. Emide, aka be an-isdarmaladyob angi be yolenanaid. Israel-e-reyga gannar an gunonikid-ibagi, ¿sunna dule-oburgwilego be ebinsae? Suli. 
\p  
\v 23 Agine, Rey-David, Simeiʼga ise-sogar sogded: 
\p —Be burgosulid. 
\p  
\v 24 Saúl-wagwa-Mefiboset, Rey-David-abindaknonimogad. Mefiboset, Rey-David Jerusalén-neggweburgi nodegusgua, degi, emi-ibase David gannar Jerusalénʼse nuedgi-dognonibalidse, gwen nag-enukdisuli, e-mor-yoid-enukdisuli, degi, e-siga-moodo gudii gusad. Deyobi Mefiboset gudii gusad.  
\v 25 Rey-David, Jerusalén-neggweburgi dogdanigua, Mefibosetʼga sogded: 
\p —Mefiboset, ¿ibiga be anba nadegussuli? 
\p  
\v 26 Mefiboset abin-sogded: 
\p —Rey, be an-dummadid. An-mai an-yardaksad. Be wisid geg an nue nanaed. An Sibaʼga aisaar sogsanad: ‘Moli-uayasuid be anga guagwar nasiko. Egi sii an reyba naoed.’  
\v 27 Degisoggu, Siba bega ibmar-sognagua, an-ogakansanai gusad. Rey, be an-dummadid. Bab-Dummad-baliwituryob be gued, be-sogedba be an-imako. Be-dakedba be an-imako.  
\v 28 Be-an-dummadsoggua, an-gwenadgan, an-bab-neguyaginmalad, bela bese oburgwilegedinad. Degi-inigwele, beba mas-gunnega be an-imaksad. Degisoggu, gwen bar bese ibmar-egised an itosulid, ar unnila an be-maiga gudiid. 
\p  
\v 29 Rey-David, Mefibosetʼga sogded: 
\p —¡Wese! ¡Mer bar be sunmak! Emi bato an igar-mesisad, be Sibaʼbogwa napa mimimaloye. 
\p  
\v 30 Mefiboset, reyga sogdebalid: 
\p —Bela Sibaʼga napa-ukleged bur nabirid. Dummad, wese be gannar nuedgi-nonikidi anga unnigualed, ibmar-baid an abesulid. 
\p  
\v 31 Aginbali, Galaad-dule-Barzilai, rey-bardakega Rogelim-neggwebur-akar nonikid, Jordán-diwargi obaknai gusad.  
\v 32 Barzilai undar-selebagusad, birga-dulabake (80) nikad, degi, mani-ibedbalid. Rey-David Mahanaim-neggweburgi-gudigua, Barzilai, rey-ibmar-abeged bela binsa ega uksagusad.  
\v 33 Rey-David ega sogded: 
\p —Anba be dage, anba be Jerusalén-neggweburgi gudii guoed. 
\p  
\v 34 Barzilai rey-abin sogded: 
\p —Jerusalén-neggweburse an beba naesogele, ¿igi-birga an napi-gudii guosunna?  
\v 35 ¡An birga-dulabake (80) nika gudiid! Bar an nue neg-itodisurgusad. Mas-e-gullegedbela an aku-itogusbalid. Machergan-namakmalad, degi, omegan-namakmalad bar nue an itosurgusbalid. Degisoggu, dummad, binsa bega arbaed-onogega an beba nao-itole.  
\v 36 Rey, unnila Jordán-diwar-obakar an be-bardaknaoed. Degisoggu, baisuli, mer be anga ibmar-uko.  
\v 37 Dummad, an-neggweburse gannar-naega be an-imake. Agi-gudii an burgwebied, adi, an-babgan-neg-uangi an-digmalagar. Dummad, bega-arbaegala an-machi-Quimamʼye-nugad an bega obege, we beba-naoed. Igi be an-imakoena, deyob na be-dakedba be an-machi-Quimam imakoed. 
\p  
\v 38 Rey-David ega sogdemogad: 
\p —Nabir. Quimam anba dago. Igi an begi binsasa, deyob an-dakedba an imakoed. Quimamʼga ibu-ibmar-imakbi be an-abege, bega an imakoed. Ibu-ibmar be abege, bega an ukoed. 
\p  
\v 39 Belagwable Jordán-diwargi obaksamalad. Obaksamargua, Rey-David, Barzilaiʼga degimaloye-sogega e-wagar-usad, degi, ega Bab-Dummadse-gornai gualid. Geb agine, Barzilai gannar e-negse nadegusad.  
\v 40 Degidgine, Rey-David, Gilgal-neggweburse naded. Quimam eba nadegusad. Judá-sordamar bela bar-daknadmarmogad, geb Israel-sordamar abar-eba nadegusmarmogad.  
\v 41 Agine, Israel-sordamar Rey-Davidʼse nonimalad, ega sogdemalad: 
\p —¿Ibiga anmar-gwenadgan-Judáʼginmalad Jordán-diwar-obakega be-semamai guarmala? ¿Ibiga wemar be-gwenadgan-semamai guarmarbali, degi, be-sordagan-semamai guarmarbali? 
\p  
\v 42 Degidgine, bela-Judá-dulemar Israel-dulemar-abin sogdemalad: 
\p —¿Ibiga be sae-itomarsunna? Ar Rey-David anmar-gwenadid. ¿Ar anmar rey-e-masbina-gunasi? ¿Ar anmar Rey-e-ibmarbina-gunasi? Suli. 
\p  
\v 43 Israel-sordamar, Judá-sordamarga sogded: 
\p —¿Ibiga be isdarsunna anmar-dakmala? Ar anmar bur bule ilambe-wilub (10) bemargi obinsiid. Degisoggu, David bur bule anmargad gued. ¿Ar anmar-inse Davidʼse gochasursi, gannar be dagoye? 
\p Degi-inigwele, Judá-sordamar, Israel-sordamarse aka bur bule uludmalad. 
\c 20  
\s1 Seba, Davidʼgi-gwisgusad 
\p  
\v 1 Degi-neg-gunaidgi dule-isgana, Benjamín-dule Bicri-machi-Seba gudimogad. A-dule gar-trompeta ogote gusad, degi, iseedi sunmakded: 
\q1 “¡Israel-dulemar, bela e-neg-e-negse namalo, 
\q2 anmar Davidʼba naguosuli, 
\q2 Isaí-machiba ibmar-nued anmar amiosulid!” 
\p  
\v 2 Degisoggu, bela Israel-sordamar Davidʼgi bangudmarsunnad, geb Bicri-machi-Sebaʼba nadmarsunna. Judá-dulemardina, Rey-Davidʼba nadegusmalad, Jordán-diwar-akar Jerusalén-neggweburse nadmalad.  
\v 3 Rey-David Jerusalén-neggweburgi e-neg-siidse-dognonigua, e-omegan-dikarbalid-warambegwad (10) na e-neg-akwega-obesadi, ononai gualid. Neg-bachik-siidse a-omegan-barmisad. Agi Rey-David we-e-omegan-dikarbalid-bendakdii gusad. Degi-inigwele, David, a-omeganse bar gordii gussulid. A-omegan e-burgwedse negyaba geg-noe gudii gusmalad, sui-e-ibe-burgwismaladyob gudii gusmalad. 
\p  
\v 4 Degine, geb Rey-David, Amasaʼga sogded: “Judá-sordamar be anga onmako, ibapaase be an-asabin gwisgunoniko, sordamar nonimarmogo.”  
\v 5 Amasa, Judá-sordamar-onmakega nade gusad. Sordamar-onmakega undar gaganai gualid, degisoggu, e-ibagan ega obite gusad. 
\p  
\v 6 David deyob daksadbali, Abisaiʼga sogded: “Bicri-machi-Seba bur bule Absalónʼba anmar-wiogoed. Degisoggu, be an-sordamar sedo, be Seba-baleginnamalo, abakale, Seba neggwebur-galu-matusulidgi dogalile. Ar degiile, aka bur bule anmarga neg-gaganonikoed.” 
\p  
\v 7 Agi Jerusalén-neggwebur-akar, Bicri-machi-Seba-barganaega wemar Abisaiʼba nade gusmalad: 
\q2 Joab, degi, e-sordamar, 
\q2 Cereteo-sordamar, 
\q2 Pelet-sordamar, 
\q2 degi, niga-gandikmalad nadegusmarmogad. 
\p  
\v 8 Gabaón-neg-nugadgi akwasaila-siid-dikarba-nadapmargua, Amasa abin noalid. 
\p Deunni, Joab urwed-mor-yoi-gudiid, e-dikargi-molidub-naidgi es-suid-nai gudibalid. Degi-gudiidgi egi esbunyar argwated.  
\v 9 Agine, Joab Amasaʼga sogded: “Degite gwenad, ¿be nueganbi?” 
\p Degine, geb Joab sakwa-nuedgi Amasa-e-siga gasad, e-wagar-uegar.  
\v 10 Amasaʼdina, Joab argan-baidgi esbunyar-baid-sedanikid daksasulid. Degisoggu, ese-danigua, Joab, Amasa-e-dikargi esbunyar-yononikid. Geb e-samurmar ainide gusad. Agi Amasa ilagwen-burgwar naded, bar Joab ese achassulid. Degine geb, Joab e-ia-Abisaiʼbogwa Bicri-machi-Seba barganadmalad. 
\p  
\v 11 Joab-e-sorda-gwensak Amasa-mui-dikarba gwisgunonikid, geb iseedi goted: “¡Dule Joabʼba nanaimalad, David-bendakbimalad, Joab-sorba namalo!” 
\p  
\v 12 Amasa abebi igargi meremaisoggua, sordamar-a-igarba-nadapmalad, Amasa-dakega, bela gwisguddamalad. Agi, sorda-iseedi-gochadi dulemar-gwisguddamalad-daksagua, Amasa-igargi-maid obacha imaksad. Geb mor-dummad egi ogicha imaksabalid.  
\v 13 Deyob Amasa-onirilesgua, Bicri-machi-Seba-baleginnegar sordamar bela Joabʼba nadegusmalad. 
\p  
\v 14 Seba, bela Israel-dadgan-walambe-gakabogwad-bukwadse (12) idakdii gusad, degi, Abel-Bet-Maaca-neggwebur-siidse idakdii gusad. Degi, Barim-neggweburginmalad bela Sebaʼba nagusmarmogad. 
\p  
\v 15 Joab e-sordaganbo Abel-Bet-Maaca-neggweburse nonimargua, bela neggwebur-ebirismalad. Neggweburgi dogega, e-galu-matusulid-akwabiid-dikarba napa-nakwemaid-imaksamalad. Geb Joab-sordamar galu-eyaridmalad.  
\v 16 Agine, geb ome-nue-binsaed-nikadi iseedi Joab-sordamarse goted: 
\p —¡An-itomala! ¡An-itomala! Joabʼse wis be anga gormala. An ebo sunmakbie. 
\p  
\v 17 Agine, Joab omese-nonikid. Geb ome ega sogded: 
\p —¿Be, Joab? 
\p Joab abin-sogded: 
\p —Eye, ani an Joab. 
\p Ome ega sogdebalid: 
\p —Dummad, nue be an-itogo, an bega ibmar-sogoed. 
\p Joab abin-sogded: 
\p —Anga be sogdo, an be-itogoed. 
\p  
\v 18 Geb ome weyob Joabʼga sogded: 
\p —Epennegwa, dule igar-nudakbiele, gusgu soglear daed: ‘Abelʼginmaladse be egismala.’ Ar dulemar deyob igar nudakdamalad.  
\v 19 Anmar Israel-yargine dule-belagwamaladid, anmar bila-onoged-dule-surmalad. Anmar-neggwebur Israel-yargine nuga-nikadid. ¡Aka be emisgindi neggwebur-nuga-nikad be oitobied! ¿Ibiga be Bab-Jehová-e-dulamar osulobie? 
\p  
\v 20 Joab ome-abin sogded: 
\p —Suli, deyob an neg-imakosuli, negmar-earnai an guosuli.  
\v 21 Neg-oichogega an danisulid. Anmar unnila dule-gwensakbina gudanikid. Efraín-yalaganbalid Bicri-machi-Sebaʼbina anmar danikid. A-dule, Rey-Davidʼgi gwisgunonikid. A-dule, be anmarga uke. Ar be, a-dule be anmarga uksale, anmar yog-naar saoed. 
\p Ome, Joabʼga sogded: 
\p —Degir-nabirdo. Neggwebur-galu-birgi Seba-e-nono bega egwallenonikodo. 
\p  
\v 22 We-ome binsaed-yeer-nikasoggua, bela dulemarbogwa sunmaksad. Degisoggu, Bicri-machi-Seba-e-nono egwachamalad. Geb Joabʼga galu-matusulid-birgi Siba-e-nono mecharmalad. Agi, Joab gar-trompeta ogochad, geb deyob neggweburgi bangudmalad, e-neg-e-negse nadegusmalad. Joabʼdina, Rey-Davidʼse nonikid, Jerusalén-neggweburse. 
\s1 David-sorda-dummagan 
\r (2 Samuel 8:15-18; 1 Crónicas 18:14-17) 
\p  
\v 23 Weyob Joab bela Israel-sordamar-e-dummadga gunonikid: 
\q2 Joiada-machi-Benaíaʼdina, Cereteo-dulemar-iduedga, 
\q2 degi, Pelet-dulemar-iduedga gunonimogad. 
\q2  
\v 24 Adoramʼdina, mani-galeged-e-dummadga gunonimogad. 
\q2 Ahilud-machi-Josafatʼdina, neg-gusmalad-garda-narmaked-e-dummadid. 
\q2  
\v 25 Sevaʼdina, garda-narmakedga nug-imaklenonikid. 
\q2 Sadoc, degi, Abiatarʼbogwa, dule-irwa-Bab-Dummadse-gormaladga nuggunonimalad. 
\q2  
\v 26 Jair-dule-Iraʼdina, Davidʼga dule-irwa-Bab-Dummadse-goledga gunonimogad. 
\c 21  
\ms1 4. DAVID GABAÓN-DULEMARBO IGAR-NUDAKSAD, DEGI, MASDUMMAGAN-OBURGWISAD 
\mr (21:1-22) 
\s1 Gabaón-dulemar Saúl-wagan-bugedmai imaksad 
\p  
\v 1 David negsemaigua, ukud-dummad birgapaa nagunonikid. Agi, David Bab-Jehováʼse idakded. Geb Bab-Jehová ega sogded: “Saúl, degi, e-gwenadgan-dule-gindakmalad Gabaón-dulemar-oburgwismalad-nukad neg-gunaid.” 
\p  
\v 2 Gabaón-dulemar Amorreo-dulemalad, Israel-dulemarsulid. Israel-dulemar Gabaón-dulemarbo igar-mesismalanad. Saúl Israel-dulemar-nue-bendakbiedba, degi, Judá-dulemar-bendakbiedba, igar-maid bisgenonikid. A-ulale, Saúl, Gabaón-dulemar-oburgwisad. Agine, geb Rey-David Gabaón-dulemar-onmaksad.  
\v 3 David, Gabaón-dulemarse egisded: 
\p —Bemar-naibi-gusad an nudakegala, degi, bemar Bab-Dummad-e-dulamargi-nabir-binsabaligala, ¿ibu an bemarga imaksale? 
\p  
\v 4 Gabaón-dulemar David-abin sogdemalad: 
\p —Anmar Saúl-manibina sognasulid, Saúl-e-orbina sognasurbalid, Saúl-e-negbina anmar gunasurbalid. Israel-sorda-gwensak-burgwed anmar abesurbalid. 
\p David abin-sogdemogad: 
\p —Bemar-sogedba an imakodo. 
\p  
\v 5 Gabaón-dulemar Rey-David-abin sogdemarbalid: 
\p —We-Saúl, Bab-Dummad-reyga-nug-imaksad anmar-wiosad. Anmar-gindaknai gusad, Israel-yargi anmar-ogilonai gusad.  
\v 6 Agala, anmar Saúl-e-gwenadgan-e-gugle (7) egisnaid. A-dulemar anmar Saúl-neggwebur-Gabaaʼye-nugadgi Bab-Jehováʼse-goled-asabin e-ibe e-dukar-gaoed. 
\p Rey abin-sogded: 
\p —A-dulemar an bemarga ukoe. 
\p  
\v 7 Degi-inigwele, Rey-David, Bab-Jehová-asabin ise-sogar Saúl-machi-Jonatánʼbo igar-mesisgussoggu, agidbali, Jonatán-machi-Mefibosetʼbi bendaksad, Gabaón-dulemarga uksasulid.  
\v 8 Aja-sisgwa-Rizpa, Saúlʼbo masmala-warbo nikusad. Gwensak Armoniʼye nugad, baiddi Mefibosetʼye nugmogad. A-masmala-warbogwad, Rey-David Gabaón-dulemarga uksad. Deginbali, Saúl-sisgwa-Merab, Barzilai-machi-Adrielʼbo masmala walatar nikusad. A-masmala-walataled, David Gabaón-dulemarga uksabalid. Barzilai-machi-Adrielʼde, Meholat-neggweburginedid.  
\v 9 David Gabaón-dulemarga we-dulemar-uknai gualid. Geb Gabaón-dulemar, yar-birgi Bab-Jehová-asabin, a-dulemar-e-gammu gasmalad. We-dulemar-e-gugled (7), cebada-weleged-e-ibagan-onodedgi darekwaa oburgwelenai gusmalad. 
\p  
\v 10 Degine, geb Aja-sisgwa-Rizpa wile-itoged-atuedmor amisad. Geb megega akwa-dummad-birgi ogichad. Deyob cebada-weleged-e-iba-onodedgi, degi, dii-wied-ibase megis gusad. Rizpa, mulamar e-masmala-muimar-ebugega imaksasulid. Mutiki, ibdurgan-sapurbarmalad e-masmala-muimar-ebugega imaksasurbalid. 
\p  
\v 11 Davidʼga sogsamalad, Saúl-ome-dikarbalidga-gusad-Rizpa deyob gudiiye. We-Rizpaʼde, Aja-e-sisgwad.  
\v 12 Agi, David, Saúl-e-garmar, degi, Jonatán-e-garmar, Jabes-De-Galaadʼgi-digar-bukwad suapid. Deunni, Filistea-dulemar Gilboa-yargi Saúl-oburgwismargua, Betsán-neg-imbagi bannu-bannu nasiksamalad. Agi, Jabes-De-Galaad-neggweburginmalad, Saúl-mui, Jonatán-muibo-bannu-bannu-naidi, atur-imakap gusmalad.  
\v 13 Degisoggu, David, Saúl-e-garmar, degi, Jonatán-e-garmar-sedmalaga imaksad. Dulemar-e-gugled (7) gammu-galesmalad-e-garmar sesmarbalid. 
\p  
\v 14 Deyobi, Saúl-e-garmar, degi, Jonatán-e-garmar, Benjamín-yar-naidgi digsamalad, Zela-neggweburgi. Saúl-e-bab-Quisʼye-nugad-e-neg uangi digsamalad. Ar igi Rey-David imakoye sogsa, deyob sogedba imaksamalad. A-sorbali, Bab-Dummad neg-nued nasiknonikid. 
\s1 Abisai, David-bendaknonikid 
\p  
\v 15 Filistea-dulemar Israel-dulemargi gannar bila-onodmalad. Degine, David, e-sordaganmala, Filistea-dulemargi-urwega nade gusmalad. Urwenaidba, David gegguded.  
\v 16 Degisoggu, David, Isbi-Benobʼse oburgweleged-naga gusad. Isbi-Benobʼde, dule-masdummagan-e-wagwad. Isbi-Benob-eswar-esgoro-gordikidbiid nibirbaabak-wilub (8) aidikued, degine, e-dikargi es-suid-binid naibalid.  
\v 17 Agine, Sarvia-machi-Abisai, David-bendaknonikid. Abisai, a-Filistea-sorda-naibi-imaksad, geb oburgwisad. David-sordagan deyob David-daksamargua, ega ise-sogar sognai guarmalad: “Dummad, bila-onolegedgi bar be anmarba nanaosulid, abakale, dule be-oburgwenonikile. Ar degiile, anmar anmar-iduged surguo-itole, Israel-yar-seed sate gunoniko-itole.” 
\s1 David-e-sordagan dule-masdummagan-oburgwismalad 
\r (1 Crónicas 20:4-8) 
\p  
\v 18 We-ululesad-sorbali, Filistea-sordamargi gannar Gob-neggweburgi urwelenonibalid. Agine, Husa-dule-Sibecai, dule-masdummad-Safʼye-nugad-oburgwisad. 
\p  
\v 19 A-sorbali, ilapaagus-urwelegedgine, amba Gob-neggweburgi Filistea-sordamargi gannar urwelenonibalid. Agi, Belén-neggweburgined Jaare-Oregim-machi-Elhanán, Gat-neggweburgined-Goliatʼye-nugad-oburgwisad. Goliat-eswar-e-wardunguedi, achagwen-wilub wardungued. 
\p  
\v 20 A-sorbali, Gat-neggweburgi gannar urwelenonibalid. Agine, sorda-gwensak-mas-bipisulid gudiid. A-dule, argan-irba nergwa (6) goomar nikad, geb nag-matar-irbali nergwa (6) goomar nikabalid. A-dule, bela goomar dulagwen-gakabake (24) nikad. We-dule, dule-masdummagan-e-wagwamogad.  
\v 21 We-dule-masdummad, Israel-sordamar-ourweardaed. Agine, Simea-machi-Jonatán a-dule-masdummad-oburgwisad. Simeaʼde, David-e-iad. 
\p  
\v 22 We-dule-masdummagan-e-bakegwadi, Gat-neggweburginmaladi, Davidʼse, degi, David-e-sordaganse ibitosmalad. 
\c 22  
\ms1 5. DAVID-E-NAMAKED 
\mr (22:1-51) 
\s1 David bendaklesadba-namaked 
\r (Salmo 18:1-50) 
\p  
\v 1 Bab-Jehová, Saúlʼgi David-bendaksa-gusgu, degi, e-isdarmaladgi-bendaksa-gusbargu, weyob David Bab-Jehováʼga namaked narmaksad.  
\v 2 David weyob narmaksad: 
\q1 “Bab-Jehová anga akwasailayob an-bendaked gued, 
\q2 Bab-Jehová an-garganguedid, 
\q2 an-ollor-imakedid. 
\q1  
\v 3 An-Bab-Dummad an-niga-ogannogedid, 
\q2 egi an benguosulid. 
\q1 Anga sigu-abgaedyob gued, 
\q2 an-abonoged-gandikidid. 
\q1 Bab-Jehová an-odukuedga gued, 
\q2 an-bendakedid. 
\q2 Neg-bulegangi be an-bendaksadid. 
\q1  
\v 4 Bab-Jehováʼye, innikigwadba be-nug odummoleged. 
\q2 An bese gotele, an-isdarmaladgi be an-bendaked. 
\b  
\q1  
\v 5 ”Burgwedse an nue sulegednaga gusad, 
\q2 demar-dummagan-arwemaiyobi angi yolenonikid. 
\q1  
\v 6 Burgwednaga an gunonikid, 
\q2 burgwed, sakiyob an-idu nagusad. 
\q1  
\v 7 An nunmak-itodiidgine, Bab-Jehováʼse an gochad. 
\q2 An-Bab-Dummad, e-neg-akale an-itosad. 
\q2 An-gormaked nue-itononikid. 
\b  
\q1  
\v 8 ”Bab-Dummad-nue-uludgua, bela ese neg giglimakded. 
\q2 Napneg-naid giglimakdegu, bela nibneg-naid-billigan giglimakdemogad. 
\q1  
\v 9 Bab-Jehová-e-bunnogedba, waa ainialid, 
\q2 e-gaya-yaba, soo-ginnitibi gwabunyealid, 
\q2 ginnitibi soomar milealid. 
\b  
\q1  
\v 10 ”Bab-Jehová-aideargua, nibneg argaded, 
\q2 mogir-gudureged-birgi aidealid. 
\q1  
\v 11 Bab-Jehová baliwitur-querubin-birgi-sii, gukunadapid, 
\q2 burwaba-gukumaiyob nadapid. 
\q1  
\v 12 Negasichid egi ebiris nasiksad, 
\q2 mogir-gudureged egi ebiris nasiksad, 
\q2 bela egi ebiris naid. 
\q1  
\v 13 Bab-Jehová-e-daklegedi, ibemakar dakleged, 
\q2 e-dakarmakedba soo ginnitibi milealid. 
\b  
\q1  
\v 14 ”Bab-Jehová nibneggi-mai sabsur-gollalid, 
\q2 Bab-Dummad-Bur-Birigined malayob goted. 
\q1  
\v 15 An-isdarmaladgi siguyob egi mar-odenai gualid, 
\q2 surbinsa-itogedba wakinmalaga imaksad. 
\q1  
\v 16 Bab-Dummad-Uludedbali, dii-suke-dummagan noalid. 
\q2 Bab-Jehová-bunnodedbali, napa-dii-urba-naid magar-dakle gunonikid. 
\b  
\q1  
\v 17 ”Bab-Jehová e-argan, anse niba-oyononikid, 
\q2 an-argan ganonikid, 
\q2 neg-wilasailadgi an-onononikid. 
\q1  
\v 18 An-isdarad-gannarbaadgi, an-ollor-imaksad. 
\q2 Dule-isdar-an-dakdiidgi, anba bur bule ganguedgi, Bab-Dummad an-bendaksad. 
\q1  
\v 19 An nue-wile-itodiidgi, an-isdarmalad angi gwisgunonikid. 
\q2 Agine, Bab-Jehová an-bendaknonikid. 
\q1  
\v 20 Bab-Jehová an nued-nanadiidba an-ollor-imaknonikid. 
\q2 Neg-nuedgi an-ogwisgunonikid. 
\b  
\q1  
\v 21 ”Bab-Jehová an-inniki-gudiidba, anga ibmar-uksad. 
\q2 An-ibmar-akar-imakdisulidba, nabir angi binsanonikid. 
\q1  
\v 22 Ar Bab-Jehová-Igar-Mesisadba an nanadii gusad. 
\q2 Ibmar-isgana an imaksasulid, 
\q2 an-Bab-Dummadgi an bangussulid. 
\q1  
\v 23 Bela e-Igar-Mamaid an-idumaid, 
\q2 e-Igar-Mamaidgi an bangussulid. 
\q1  
\v 24 Bab-Dummad-asabin islikwaa an gudii gusad, 
\q2 ibmar-isgana-imaked an na bargasad. 
\b  
\q1  
\v 25 ”An ibmar-inniki-imakdiidba, Bab-Jehová nabir anga ibmar-uksad. 
\q2 An ibmar-akar-imakdisulidba, nabir angi binsanonikid. 
\b  
\q1  
\v 26 ”Bab-Jehová, dule-bebaligwaa-gudiidgi, be inniki damogad. 
\q2 Dule-wile-emar-dakedi, be wile dakmogad. 
\q1  
\v 27 Dule-be-sogedba-gudiidga, sogedba ega be ibmar oyomogad. 
\q2 Dule-galagwensur-emar-yardakdiiddina, egi be gwisgumogad. 
\q1  
\v 28 Dule-na-san-bipi-imakdimaladi be bendaked. 
\q2 Dule-na-san-dummarba-imakmaladdina, san-bipii be imakoed. 
\q1  
\v 29 Bab-Jehová, gwalluyob be anga gued. 
\q2 Bab-Dummad, an negsichidgi-gudiidgi anga be neg-mee imaked. 
\q1  
\v 30 Be an-bendakdiidgi sorda-bamalad anse ibitomalad. 
\q2 An-Bab-Dummad, an bebogwa neggwebur-galu-matusulid-birgi nabir an obakoed. 
\b  
\q1  
\v 31 ”Bab-Dummad-e-igar, innikii maid. 
\q2 Bab-Jehová-gayaburba, sunsogedid. 
\q2 Dule-begi-dukued-amimaladga, sigu-abgaedyob be gued. 
\q1  
\v 32 ¿Doa-baid Bab-Dummadga maisunna? 
\q2 Unnila Bab-Jehováʼbi, Bab-Dummadga maid. 
\q1 Unnila Bab-Jehováʼbi, akwasailayob gued, 
\q2 abi anmar-bendakmaid. 
\b  
\q1  
\v 33 ”Bab-Dummad, an-niga-ogannogedid, 
\q2 igar-nuedbali an-nied. 
\q1  
\v 34 Igi goe-sapur abarmake, 
\q2 deyob-abarmake, Bab-Jehová an-imaked. 
\q2 Yarmar-birgi-baparmaksuli an-imaked. 
\q1  
\v 35 Bab-Jehová bila-onoged-idu an-odurdaked. 
\q2 Warsi-esgoro-gordikid nabir-dopee-imakega, an-surgan-ogannobalid. 
\q1  
\v 36 Sigu-abgaedyob be an-irwa gwisgued. 
\q2 Be-garganguedgi be an-bendaked, 
\q2 be-sabgued nasguega an-imaked. 
\q1  
\v 37 Igar-nanaed be anga nudaksad, 
\q2 adi, an nanadele, mer an yolegegar. 
\b  
\q1  
\v 38 ”An-isdarmalad anse bargalesmalad, 
\q2 anse ibitolesmalad. 
\q2 An-isdarmalad-oitossuli an aibirissulid. 
\q1  
\v 39 Bela anse naibigusmalad, 
\q2 anse galakunonimalad. 
\q1 Geg bar gwisgumalad, 
\q2 anse burgwismalad. 
\q1  
\v 40 Bila-onolenaidgi be an-ogannosad. 
\q2 An-isdarmalad anse-galakuega be imaksad. 
\q1  
\v 41 An-isdarmalad an-abin-sikirmakega be imaksad. 
\q2 Deyob isdar-an-dakdimalad an obelosad. 
\q1  
\v 42 An-isdarmalad bendaklegega binnasuli-gornai gusmalanad. 
\q2 Dule-e-bendakmalad sate gusad. 
\q1 Bab-Jehováʼse gochamarbalinad, 
\q2 Bab-Jehová bendaksasurmogad. 
\q1  
\v 43 An-isdarmalad anse sanyob ichi-ichi gusad. 
\q2 Igi ollimargi annalege, deyob an egi annasad, 
\q2 anse ibitosmalad. 
\b  
\q1  
\v 44 ”Dulemar-angi-aibinnanaidgi be an-bendaksad, 
\q2 dulemar-iduedga be an-imaksad. 
\q2 Dulemar-aku-an-dakmalad, an-maiga gunonimalad. 
\q1  
\v 45 Dule-ainebarmalad, an-nug-odummodmalad. 
\q2 Wis an-gaya-itosmalale, yog anba ibsaardamalad. 
\q1  
\v 46 We-dule-ainebarmalad geggusmalale, 
\q2 e-dukuedgi-bukwa wawanmakdani noardamalad. 
\b  
\q1  
\v 47 ”¡Bab-Jehová dula mai! 
\q2 ¡An be-nug-ogannoged. 
\q1 Akwa-gandikidyob be anga gued! 
\q2 An-Bab-Dummad-an-abonoged, an be-odummoged. 
\q1  
\v 48 Bab-Dummad, an-isdarmalad-an-naibi-imaksadi, be anga buged-mai imaked. 
\q2 Dulemar-yar-baid-baidgi-bukmaladgi-obinega be an-imaked. 
\q1  
\v 49 An-isdarmaladgi be an-onoged, 
\q2 angi-yoledimaladgi-obinega be an-imaksad, 
\q2 dule-ursirmaladgi be an-bendaked. 
\q1  
\v 50 Bab-Jehováʼye, agala, dule-yar-baid-baidginmalad-abargi an be-nug odummoged. 
\q2 Bab-Jehová, be-nuggi an namaked. 
\b  
\q1  
\v 51 ”Bab-Jehová, e-rey-onakwega imaked. 
\q2 Bab-Dummad David-na-nug-imaksadga, degi, David-e-wagangala, e-wiledakedbali, e-sabguedi degisadegu oyomai gudoed.” 
\c 23  
\ms1 6. DAVID-NAPI-SUNMAKSAD, DEGI, E-SORDA-DUMMAGAN 
\mr (23:1-39) 
\s1 David-napi-sunmaksad 
\p  
\v 1 Isaí-machi-David napi-sunmaksad: 
\q1 “We-David reyga-megega, Jacob-e-Bab-Dummad-Jehová, na nug-imaksadid, 
\q2 degine, we-sapin-e-nug odummosbalid. 
\q1 David Israel-dulemar-abargi yeer-namaked-duled. 
\q2 David, weyob napi-sunmaknai gualid: 
\b  
\q1  
\v 2 ”Bab-Jehová-Burba an-ular sunmaked, 
\q2 an-gwabindukugi e-gayaburba nasiksad. 
\q1  
\v 3 Israel-dulemar-e-Bab-Dummad sunmaksad, 
\q2 Israel-e-Akwasailayob-gued anga sogsad: 
\q1 ‘Dule igar-innikigwadba dulemar-nidiile, 
\q2 dule Bab-Dummad-dobekwaa negsemaile, 
\q1  
\v 4 we-dule, bolegoedba neg-mee-ainakwiardaedyob gued, 
\q2 wakudaryalaba dad-dummad-ganaiyob gued. 
\q1 Igi dii-wisad-sorbali, neg daarmaksidae, 
\q2 degi, gagan oaramakdedae, 
\q2 deyobi we-dule gued.’ 
\b  
\q1  
\v 5 ”Igar-innikigwadba an dulemar-nidii gussoggu, 
\q1 degi, Bab-Dummad-dobekwaa an negsesoggu, 
\q2 a-ulale, an-neguya ise-diglegar gusad, 
\q2 degi, Bab-Dummad an-ibmar-abeged anga uked. 
\q1 Bab-Dummad anbogwa igar ise-sogar mesisad, 
\q2 a-igar-mesisad akar guosulid, 
\q2 ise-imaklegar megisad, 
\q2 degisadegu megisad. 
\q1  
\v 6 Bela dule-isganamardina, gagan-ikobiidyob obelolegoed. 
\q2 We-gagan geg argangi ebuleged. 
\q1  
\v 7 Dule a-gagan-weebiele, esgorogi weed, sulile, suargi weebalid. 
\q2 Geb a-gaganmar soogi yog-ogumakar imakleged.” 
\s1 David-sordagan-bulegan 
\r (1 Crónicas 11:10-47) 
\p  
\v 8 David-sordagan-bulegan, wemalad: 
\p Tacmon-dule-Joseb-Basebetʼye nugad. E-warbaagwad-bulegan-e-dummadid. Ibagwengi urwenagu, sorda-bamalad-dulataled-ilabaabak (800) oburgwisad. 
\p  
\v 9 A-yarbalidi, Dodo-machi-Eleazar danikid. Eleazarʼde Ahoh-duled. We-dule, e-warbaagwad-buledmogad. Israel-sordamar Pasdamim-neggweburgi Filistea-sordamargi urwesokarmargua, deunni Eleazar, Davidʼbogwa gunai gusmogad. Agi, Israel-sordamar Filistea-sordamar-abin sikirmakde gusmalad.  
\v 10 Eleazarʼdi, sikirmaksasulid, Filistea-dulemarbo urwenai gusad. Geb e-argan-geggudedba ega gannare naded, geg es-suid-indak gusad. A-ibagine, Bab-Jehová Israel-dulemar bela-bela onakwega imaksad. Israel-sordamardina deyob wisgusmargua, gannar Eleazar-gunaidse nonimalad. Unnila Filistea-sorda-burgwismamaid-e-ibmar-suegarbi nonimalad. 
\p  
\v 11 Eleazar-yarbarmoga, Age-machi-Sama danikid. Samaʼde, Arar-duled. Ibagwengine, Filistea-sordamar Israel-sordamargi-bila-onogega Lehi-neggweburgi ambikusmalad, bia ingwagiid-lenteja-digar-nai, agi ambikusmalad. Agi-urwelenaigua, Israel-sordamar Filistea-sordamarse-galakudmargua, dobedba duurmakdemalad.  
\v 12 Samaʼdina, sikirmaksasulid, a-nainu-naidgi urwenai gusad. Agi Filistea-sordamar ese galakusmalad. A-ibagine, Bab-Jehová, Sama-onakwega imaksad. 
\p  
\v 13 Ibagwengi, ibmar-weleged-iba nagunonigua, Adulamʼye-neg-nugad-e-akwa-ollorsiidgi, sorda-e-durgwen-gakambegwad-e-dummagan-warbaagwadi (30) Davidʼse nonimalad. Deunni, Filisteaʼmardina yar-imbaba Refaim-nebagi bukwamalad.  
\v 14 Davidʼdi, e-neg-gandikidgi gudiid. A-ibagine, Filistea-sordamar Belén-neggweburgi bukwad.  
\v 15 Ar Davidʼdi, ukud-yaidsur-itoarsoggua, sogded: “Belén-neggwebur-yawagak-naba dia siid. A-dii an gobsa binsaed.” 
\p  
\v 16 Geb degine, sordamar-warbaagwad, Filistea-sordamar-bukwadse nadegusmalad. Belén-neggwebur-e-yawagak-naba dia-siidgi dii wesmalad. Geb Davidʼga uknonimalad. Davidʼdi yapa-gobe gualid. Bur Bab-Jehová-e-nug-odummogega napagi eosad.  
\v 17 Agi weyob sogded: “Bab-Jehováʼye, an we-dii gobosulid. Sordamar anga dii-amiedbina, burgwednaga gudigusmalad-e-ablis-gobeyob an itoged.” Agala, David, gwen gobsasulid. 
\p We-sordamar-warbaagwad-bulegan deyob ibmar-imaksamalad. 
\p  
\v 18 Sarvia-machi-Abisai, Joab-e-ia, sorda-dulagwen-gakambegwad-e-iduedga (30) gudiid. Ibagwengi, Abisai eswarbi-gani sorda-e-dulataled-ilapaa (300) oburgwisad. Agala, Abisai sordamar-warbaagwad-abargi e-nug dummarba gunonimogad.  
\v 19 Abisai sorda-dulagwen-gakambegwadmarba (30) e-nug bur dumma gunonikid, e-dummadga nugsalenonikid. Degi-inigwele, Abisai-nug-dunguedi sorda-dummagan-warbaagwad-e-nugmargi obichasulid. 
\p  
\v 20 Abisai-yarba, Joiada-machi-Benaía danikid. Benaíaʼde, sapin-buledid, Cabseel-neggweburginedid. Benaía bukidar ibmar-bulegan imaksamogad: 
\p Benaía Moab-e-sorda-ebogwad-bulegan oitosgusadid. Benaía, deunni boo batenaigu, yaa-dummad-siidgi aides gusad. Agi Benaía, achumigur-nono-wawaad oburgwisgusad. 
\p  
\v 21 Benaía, Egipto-sorda-masdummad oburgwisbalid. Deunni, we-Egipto-dule, Benaíaʼbogwa-urwega, eswar sedanigusad. Benaíaʼdina unnila suarbi sedanigusad. Degite, Benaía, Egipto-dulegi eswar-sedanikid gandikidgi susad. Geb a-eswargi Egipto-dule-oburgwisad.  
\v 22 Joiada-machi-Benaía weyob-ibmar imaksad. Deyob Benaía, sorda-e-warbaagwad-abargi e-nug dummarba gunonimogad.  
\v 23 Benaía sorda-dulagwen-gakambegwadmarba (30) e-nug bur dumma gunonikid. Degi-inigwele, Benaía-nug-dunguedi sorda-dummagan-warbaagwad-e-nugmargi obichasulid. David sordamar-egi-nakulemalad-e-dummadga-guega Benaía-nug-imaksad. 
\p  
\v 24 David-e-sordamar e-dulagwen-gakambegwad (30), wemar gumalad: 
\q1 Asael, Joab-e-urba. 
\q1 Dodo-machi-Elhanán, Belén-neggweburgined. 
\q1  
\v 25 Samaʼye-nugad, Harod-neggweburgined. 
\q1 Elicaʼye-nugad, Harod-neggweburgined. 
\q1  
\v 26 Helesʼye-nugad, Palti-duled. 
\q1 Iques-e-machi-Ira, Tecoa-neggweburgined. 
\q1  
\v 27 Abiezerʼye-nugad, Anatot-neggweburgined. 
\q1 Mebunai, Husa-duled. 
\q1  
\v 28 Salmón, Ahoh-duled. 
\q1 Maharai, Netofa-neggweburgined. 
\q1  
\v 29 Baana-e-machi-Heleb, Netofa-neggweburgined. 
\q1 Ribai-e-machi-Itai, Gabaa-neggweburgined. 
\q2 Gabaa-neggwebur, Benjamín-e-wagan-yargi siid. 
\q1  
\v 30 Benaía, Piratón-neggweburgined. 
\q1 Hidai, Gaas-diwargined. 
\q1  
\v 31 Abi-Albón, Arba-neggweburgined. 
\q1 Azmavet, Bahurim-neggweburgined. 
\q1  
\v 32 Eliaba, Saalbón-neggweburgined. 
\q1 Jonatán, Jasén-De-Guisón-neggweburgined. 
\q1  
\v 33 Sama, Arar-duled. 
\q1 Sarar-e-machi-Ahíam, Arar-duled. 
\q1  
\v 34 Ahasbai-e-machi-Elifelet, Maaca-neggweburgined. 
\q1 Ahitofel-e-machi-Eliam, Gilo-neggweburgined. 
\q1  
\v 35 Hezrai, Carmel-neggweburgined. 
\q1 Paarai, Arba-neggweburgined. 
\q1  
\v 36 Natán-e-machi-Igal, Soba-neggweburgined. 
\q1 Bani, Gad-yargined. 
\q1  
\v 37 Selec, Amón-duled. 
\q1 Naharai, Beerot-neggweburgined, 
\q2 adi, Sarvia-machi-Joab-bendakedid. 
\q1  
\v 38 Ira, Itri-neggweburgined. 
\q1 Gareb, Itri-neggweburgined. 
\q1  
\v 39 Urías, Het-duled. 
\q3 Belagwable sordamar e-dulagwen-gakambe-gakagugle (37) gued. 
\c 24  
\ms1 7. ISRAEL-SORDAMAR EBISLESAD 
\mr (24:1-25) 
\s1 David Israel-sordamar-ebichisad 
\r (1 Crónicas 21:1-17) 
\p  
\v 1 Bab-Jehová gannar Israel-dulemargi gwisgualid. Degisoggu, Bab-Jehová, David Israel-dulemargi-yolegega imaksad. Ega sogsad: “Israel-sordamar be ebiso, Judá-sordamar be ebisbalo.” 
\p  
\v 2 Agine, Rey-David, Joabʼga, degi, sordamar-dummaganga sogded: 
\p —Belagwable yar-naidgi bipirmakmalo, Dan-neggwebur-akale, Beerseba-neggweburse bila-onoged-birga-nikamalad be nue ebismalo. Adi, an wisguega, igi mergu sordamar nikadibe. 
\p  
\v 3 Joab, Rey-David-abin sogded: 
\p —Dummad-rey, be-Bab-Dummad-Jehová, emi be sordamar-nikadba, sunna bega bela-bela be-sordamar-omerguega imaked. Be-sunnad be daksaled. Degisoggu, ¿ibiga be sordamar ebisbisunna? 
\p  
\v 4 Degi-inigwele, Rey-David Joab-ibmar-sogsad itossulid, egi obichad, degi, sordamar-e-dummagangi obichabalid. Degisoggu, Israel-sordamar-ebisega sordagan belagwable nade gusmalad. 
\p  
\v 5 Dulemar-ebisnadmalad Jordán-diwar obaksamalad, geb Aroer-neggweburgi dulemar-ebisega ambikudapmalad. Degi, neggwebur-neba-imbaba-siidgi onodmarbalid. Geb Gad-yarsik, Jazer-neggweburse nadmarbalid.  
\v 6 Agi, Galaad-neggweburse nadmarbalid, geb Hodsi-yar-duturgan-naidse nadmarbalid. Agine, Danjaán-neggweburse nadmarbalid, degi, Sidón-neggwebur-naidse nadmarbalid.  
\v 7 A-sorba, Tiro-neggwebur-gandik-siidse nadmarbalid, degine, Heveo-neggweburmarba bipirmakapmalad, Canaán-neggweburmarba bipirmakapmarbalid. A-sorbali, Beerseba-neggweburse nadegusmarbalid. A-neggwebur Neguev-yargi siid, Judá-yar-naidgi. 
\p  
\v 8 Bela dulemar-ebisegala, nii-walabakebak gaka iba-dulagwen yar-ebilismalad. Agi, Jerusalén-neggweburse gannar nonimalad. 
\p  
\v 9 Agine, Joab, Rey-Davidʼga bela dulemar-ebislesad-igar ogwanonikid: “Israel-yargine, mili-dulataled-ilabaabak (800,000) sordamar-bila-onomalad bukwad. Geb Judá-yargindina mili-dulataled-ilatar (500,000) sordamar-bila-onomalad bukmogad.” 
\p  
\v 10 David sordagan-ebichisgu, gwage-ulubgi magar-itononikid, ede noar-ibmar-imaksaye. Agine, geb Bab-Jehováʼga sogded: “Bab-Jehováʼye, we-ibmar-imaksadgi an begi nue nosad. Bab-Jehováʼye, gwage-naibidgi an bese egise, an begi-isgusadi be anga elie, nossuliyob be an-dake, binsaed-sateyobi an ibmar-imaksad.” 
\p  
\v 11 David negburgan-daked-Gadʼse gusgu idakdidaed. Gadʼde Bab-Dummad-gayaburba-barsogedid. David wakdaradba gwisguargua, Bab-Jehová-e-gayaburba Gadʼse nonikid. Agi, Bab-Jehová ega sogded:  
\v 12 “Davidʼse be nao, ega be sognao: ‘Weyob Bab-Jehová sogye: An sabsur-be-odurdakega ibmar-sogapaa an bega oyogoye. A-ibmar an bega oyogoedi, unnila soggwen be suoye.’ ”  
\v 13 Gad, geb Davidʼse nonikid, ega sognonikid: 
\p —Bab-Jehová soged: ‘¿Biti be suoye? ¿We-yargi birgagugle (7) ukud-dummad-neg-naguedi? ¿Be-isdarmaladse be nii-warbaa bargalenai, degi, amargi be dukudii-guoedi? ¿Be-yargi ibapaa bonigan-buled naguoedi? Nue be binsao, be anga sogo, igi an an-barmialidga an sogdapoe.’ 
\p  
\v 14 David, Gadʼga sogded: 
\p —Gwage-naibid-dummad anga uksad, suli-suli an itoged, biti an suodibe. Degi-inigwele, an sogdo, ar dulemar-sabsur-odurdakedba Bab-Jehová-e-boni-itoged bur-nuedid, ar ade, Bab-Jehová-e-wile-emar-daked bonigan-birgi obined. 
\p  
\v 15 Agine, a-wakdaradba, Bab-Jehová Israel-dulemargi iba-sogedse boni-dummad barminonikid. Agi mili-dulapaa-gakambe (70,000) dulemar burgwenonikid. Dan-yar-naidgi geb Beersebaʼye-neg-nugadse we-boni nagunonikid.  
\v 16 Geb degine, Bab-baliwitur dulemar-ogilogega Jerusalén-neggwebursik e-argan-oyodgu, Bab-Jehová e-baliwitur-boni-uknaidga sogded: “Mer bar dulemar akar-imako. Be-argan mer bar oyogo.” 
\p Jehová-e-baliwitur Araunaʼye-dule-nugad-e-ibmar-gwag-omukuleged-neg-dikarba gwichid. Araunaʼde, Jebuseo-duled.  
\v 17 David, baliwitur dulemar-ogilonai daksagua, Bab-Jehováʼga sogded: “Bab-Dummad, ani an nosad, ani an ibmar-ichakwa imaksad. An-sordagandi ibmar oakalossulid. Wilegedgi an bese egised, we-boni bur be anga uke, degi, an-neguyaginmaladga be ukbali.” 
\s1 David, Bab-Jehováʼga ibmar-ogumakar-ukleged-aila sobsad 
\p  
\v 18 Agine, Gad a-ibagi David-gunaidse nonikid, geb ega sogded: “David, be nae, Jebuseo-dule-Arauna e-ibmar-gwag-omukuleged-neg-naidse be nae. Agi Bab-Jehováʼga ibmar-ogumakar-ukleged-aila be sobo.” 
\p  
\v 19 Deyob David, Bab-Jehová, Gadʼba ega ibmar sogsagusadba nadegusad.  
\v 20 Arauna, Rey-David-ese-daniki dakded, degi, Davidʼga-arbamalad eba daniki, dakdebalid. Agi, Arauna, Rey-David-abin napagi megisad,  
\v 21 geb ega sogded: 
\p —Dummad-rey, ¿ibiga weyob be anse daniki? 
\p Rey-David abin-sogded: 
\p —Ibmar-gwag-omukuleged-neg-bakega an danikid. Degi, Bab-Jehováʼga ibmar-ogumakar-ukleged-aila agi sobega an danibalid. Adi, boni-sordagan-ogilonaid berguegar. 
\p  
\v 22 Arauna, Davidʼga sogdebalid: 
\p —Dummad-rey, be-dakedba be napa sue. Be-dakedba Bab-Dummadga be ibmar uksunna. Aginbali, ibmar-ogumakar-uklegedga wegi moli-bebe-nikad bukwad. Suarmar-moligi-edilleged sunna be sapanga imaked, urgomar-ibmar-gwagmar-omukued be sapanga imakbaloed.  
\v 23 Rey-Davidʼye, we-ibmar bela an bega uke. 
\p Geb Arauna, Rey-Davidʼga sogdebalid: 
\p —Be-Bab-Dummad-Jehová, bitigi ega be ibmar-ukoedi, nued abingaena gadin. 
\p  
\v 24 Rey-David, Arauna-abinsaded: 
\p —¡An ibmar binsa be-ibe suosulid! An ibmar bakar imakoed. E-mani-nug-sogedba an bakoed. Ar ade, Bab-Jehováʼga an ibmar-manigi-baklegarsuli yogasaar an ukosulid. 
\p Deyob David ibmar-gwag-omukuleged-neg, degi, moli-bebe-nikad baksa gusad. Agine, mani-sibu-dulatar (100) aidikued-wilub baksa gusad.  
\v 25 David, Bab-Jehováʼga ibmar-ogumakar-ukleged-aila sobsagusad, ibmar-ogumakar uksabalid. Geb gwenatigwar-guedga-ibmar-uklegedi, Bab-Jehováʼga uknai gusbalid. David, bonigan-bargaega Bab-Jehováʼse wilesakwaa gornaid. Agi, Bab-Jehová, David-ese-goled itosad. Degisoggu, Bab-Jehová Israel-sordagangi bonigan ganonikid.