\id 2JN - Kuna, San Blas - Bible -Panama 2014 (DBL -2014) 
\h 2 Juan 
\toc1 Juan-Garda-Sogbogwad 
\toc2 2 Juan 
\toc3 2Jn 
\mt1 JUAN-GARDA-SOGBOGWAD 
\mt2 2 JUAN 
\imt2 GEBE-SOGLENAID 
\imt1 Garda-nug 
\ip Juan Bab-Dummad-Burba-Isligwaledbali we-garda omegwa-Bab-Dummad-na-susadse, degi, omegwa-e-mimmiganse narmaksad. Binsamardo, we-garda birga 90ʼgi narmakles-insaye. 
\is1 Juan-Garda-Sogbogwadgi weyob sunmaklenaid 
\ip Juan, omegwaga sogsiid, dulemar-odurdakdimalad nue be dakoye, ar ade, bukidar Bab-Jesúsʼba nue naisurmaladdeeye. Omegwaga sogsibalid, igar-napiragwadgi, degi, nue-sabguedgi be nanaye. 
\ip We-gardagine, weyob ilemakar sunmaklenaid: 
\io1 1. Doggus-nuedye sogsiid (1:1-3). 
\io1 2. Cristo-igar-maidba nanadii-sao (1:4-11). 
\io1 3. Degimaloye-soged (1:12-13). 
\ip Be itogua. 
\c 1  
\ms1 1. DOGGUS-NUEDYE SOGSIID 
\mr (1:1-3) 
\p  
\v 1 Ani an Jesúsʼba-nanaimalad-e-idued, omegwa-Bab-Dummad-na-susadse, degi, e-mimmiganse an garda narmaksiid. Ar an amar napiragwadgi sabed. Unnila anbi an amar-sabsulid, bela dulemar-igar-napiragwad-wisgunonimalad amar-sabmarmogad.  
\v 2 Anmargi igar-napiragwad-naid-ular, an be-sabmalad, degi, we-igar-napiragwad anmarba degisadeguoed. 
\p  
\v 3 Bab-Dummad, degi, Jesucristo Bab-Dummad-Machi, napiragwadgi, degi, sabedgi, bemargi nued binsasun, wile-bemar-daksun, degi, ulubgi bogidikid bemarga ukbarsun. 
\ms1 2. CRISTO-IGAR-MAIDBA NANADII-SAO 
\mr (1:4-11) 
\p  
\v 4 Gwen-gwen be-mimmigan, Bab-Dummad-anmarga-igar-uksadba, igar-napiragwadgi nue-inniki-nanadii an dakargu, an nue-weligwar itosad.  
\v 5 Emigindi, omegwa, an bese wilesunnad, anmar na muchub-muchub gwenadgan-sabgumarsunye. An weyob bese garda narmakedi, wedi igar-binidsulid, ar gusgu bato negasailaun-akale, we-igar anmarga uklesad.  
\v 6 Bab-Dummad-Igar-islidikid-maidba-nanaedgi, sabgued oyoleged. Ar bemar negasailaun-akale, we-igar-islidikid-maid-bega-sognaid bato itodimalad, na be sabgudii nanamarye. 
\p  
\v 7 Ar bukidar dule-yardakmalad we-napneggi ainis gudimalad. We-dulemar sogmalad, Jesucristo we-napnegse dulemaryob gwalulessurye. Ar dule-deyob-sogedi, Cristoʼgi-yolegedid, dule-yardakedid.  
\v 8 Bemar nue-salakarmar, bemar-arbasadgi-ibmar-nikusad oyoggudamalar. Ar bur bule belagwapa ibmar-abingaed be imakmar.  
\v 9 Ar dule-wargwen Cristo-Igar-Maidgi-bangudele, Cristo-Igar-odurdaksadgi alamaknai gusulile, we-dule, Bab-Dummadba naisulid. Ar dule Cristo-Igar-odurdaksadgi alamaknairdi, we-dule, Bab-Dummadba naido, degi, Bab-Dummad-Machiba naibardo.  
\v 10 Ar dule-wargwen be-negse danikile, degi, we-Igar-Maidyob be-odurdakdanisulile, mer be abingao, degi, mer ega be sogbalo, wese-be-nonikid, nuedye.  
\v 11 Ar be a-dulega sogele, wese-be-nonikid, nuedye, a-dule-ibmar-isgana-imakedba, ibmar-isgana-imaknaiyob be gumogoed. 
\ms1 3. DEGIMALOYE-SOGED 
\mr (1:12-13) 
\p  
\v 12 Amba an ibmar-bukidar bemarga narmaked nikanad, degi-inigwele, an yapa gardagindi bemarga an soged. Ar an bemarse ataknadapo an insado, agi, an-sunnad an bemarga ibmar-sogmaloed. Deyobi, anmar weligwar itomaloed. 
\p  
\v 13 Emi, be-gwenad-Bab-Dummad-na-susad-e-mimmigan, bega sogsimalad, bemarde nued sogeye. Be itomargua.