\id COL  
\h COLOSENSES 
\toc1 Kityi nu ngwaꞌan Palyu ndyaa seꞌen ndiꞌin nten ꞌin Jesucristo nde kichen Colosas 
\toc2 COLOSENSES 
\toc3 Col. 
\mt1 Kityi nu ngwaꞌan Palyu ndyaa seꞌen ndiꞌin nten ꞌin Jesucristo nde kichen Colosas 
\c 1  
\p  
\v 1 Palyu lkaǎn nu ndaꞌaǎn kityi re. Ndiose ngulo tñan ꞌñaǎn, kanꞌ chaꞌ ndaꞌaǎn nchkwiǐnꞌ chaꞌ ꞌin Jesucristo loꞌo neꞌ xka kichen nu tijyuꞌ la. Suꞌwa ndiꞌin ba nde re loꞌo Timu taꞌa msñian chaꞌ ꞌin Krixtu.  
\v 2 Msuꞌwaǎn kityi re chaꞌ tsaa seꞌen ndiꞌin wan nde kichen Colosas kwa, ꞌwan nu wa ndiꞌin chaꞌ ꞌwan loꞌo Ndiose, ꞌwan nu lka wan taꞌaan chaꞌ wa msñi suꞌwe wan chaꞌ ꞌin Krixtu. 
\p Nde lka chaꞌ nchka tiǎnꞌ, chaꞌ ñaꞌan ti kuꞌni Ndiose Stian chaꞌ suꞌwe loꞌo wan, chaꞌ kuꞌni Ni chaꞌ tiin ti tyiꞌin niꞌ kasiya ꞌwan seꞌen ndiꞌin wan nde kwa. 
\s1 Nchkwiꞌ Palyu loꞌo Ndiose chaꞌ ꞌin neꞌ kanꞌ 
\p  
\v 3 Bra nu nchkwiꞌ ba loꞌo Ndiose Sti Jesucristo nu nka Xꞌnaan chaꞌ ꞌwan, taꞌa ti ndya ba xuꞌwe ꞌin Ndiose chaꞌ ꞌwan.  
\v 4 Wa ynan ba chaꞌ suꞌwe ꞌa msñi wan chaꞌ ꞌin Jesucristo, kwiꞌ ngwañaꞌan nchkwiꞌ neꞌ chaꞌ suꞌwe ꞌa nka tiye wan ñaꞌan wan ꞌin nchga neꞌ taꞌa msñi wan chaꞌ ꞌin Ndiose.  
\v 5 Ti kulo, bra nu ynan wan chaꞌ suꞌwe ꞌin Ndiose nu chañi lka, chaꞌ kanꞌ lka nu kulaa ꞌñaan ꞌin nchga chaꞌ kuxi, bra kanꞌ ngwa biyaꞌ tiꞌ wan chaꞌ ti nsuꞌwi xka chaꞌ nu tnun la nu kaja ꞌñaan nde loo la, bra nu kalaan la seꞌen ndiꞌin Ndiose. La kanꞌ ndiꞌin chaꞌ kanꞌ, chaꞌ ꞌwan.  
\v 6 Wa ndijyan nganen la chaꞌ suꞌwe ꞌin Jesús kanꞌ tyukwi ñaꞌaan chalyuu, loꞌo ngwañaꞌan nchka suꞌwe kasiya ꞌin nten bra nu nganan neꞌ chaꞌ kanꞌ. Kwiꞌ ngwañaꞌan ngwa bra nu ynan wan chaꞌ kanꞌ ti kulo; ti bra kanꞌ ynan wan chaꞌ ngiꞌni ꞌa Ndiose chaꞌ suꞌwe loꞌo nten, bra kanꞌ ngwa biyaꞌ tiꞌ wan chaꞌ chañi ꞌa lka chaꞌ kanꞌ.  
\v 7 Wa ynan wan chaꞌ kanꞌ bra nu ngwaꞌu Epafras ꞌwan; suꞌwe ꞌa ngiꞌni yu kanꞌ tñan ꞌin Krixtu loꞌo ba. Jlyo tiꞌ ba chaꞌ suꞌwe ꞌa nchkwiꞌ yu chaꞌ ꞌin Krixtu loꞌo neꞌ nchga seꞌen ndaꞌan yu chaꞌ ꞌwa.  
\v 8 Ti kwiꞌ yu kanꞌ lka nu ytsaꞌ ꞌwa chaꞌ nu ngiꞌni Tyiꞌi Ndiose chaꞌ suꞌwe ꞌa nka tiye wan ñaꞌan wan ꞌin xka ta nten. 
\p  
\v 9 Kanꞌ chaꞌ taꞌa ti nchkwiꞌ ba loꞌo Ndiose chaꞌ ꞌwan; ti bra nu ynan ba chaꞌ wa msñi wan chaꞌ kanꞌ, njñan ba xuꞌwe ꞌin Ndiose chaꞌ ta Ni chabiyaꞌ chaꞌ ka biyaꞌ ji tiꞌ wan nchga tñan nu nchka tiꞌ Ni chaꞌ kuꞌni wan. Kwiꞌ ngwañaꞌan njñan ba ꞌin Ni chaꞌ ka tyaꞌan suꞌwe chaꞌ tiye wan, chaꞌ ka kiꞌya suꞌwe wan kwenta chabiyaꞌ ꞌin Tyiꞌi Ndiose.  
\v 10 Kanꞌ chaꞌ nchga tsan nu ndiꞌin wan lo chalyuu ka kuꞌni wan tñan, ti kwiꞌ tñan nu nchka tiꞌ Ndiose chaꞌ kuꞌni wan; ka kuꞌni wan nchga lo tñan nu suꞌwe chaꞌ ꞌin Ndiose bra kanꞌ, ka ka biyaꞌ la tiꞌ wan sa ñaꞌan ndiꞌin nchga chaꞌ ꞌin Ni.  
\v 11 Tnun ꞌa tñan ngiꞌni Ndiose nde seꞌen tlyu la seꞌen ndiꞌin Ni; kanꞌ chaꞌ njñaǎn ꞌin Ni chaꞌ ta Ni ti kwiꞌ jwersa kanꞌ ꞌwan, chaꞌ ka ngula la tiꞌ wan niꞌ kasiya ꞌwan, chaꞌ talo wan ꞌin nchga chaꞌ kuxi nu tyukwa wan.  
\v 12 Loꞌo tya wan xuꞌwe ꞌin Ndiose Sti wan nu nda chabiyaꞌ chaꞌ kaja chaꞌ suꞌwe ꞌwan, ti kwiꞌ chaꞌ suꞌwe nu ndiꞌin seꞌen ndiꞌin Ndiose chaꞌ kaja ꞌin nten, bra nu kala neꞌ seꞌen ndukwa Ndiose nu xaa ꞌa.  
\v 13 Nan wa ngulaa Ni ꞌñaan, wa yꞌni tyii Ni chalyuu tla seꞌen mdaꞌaan sꞌni, loꞌo ni, wa ngwaꞌu Ni xka tuwiin ꞌñaan nu tsaan chalyuu kwi seꞌen nka Krixtu ndloo la ꞌñaan. Sñiꞌ Ndiose lka Krixtu, loꞌo ndiya ꞌa tiꞌ Ndiose ꞌin yu;  
\v 14 chunꞌ tñan nu yꞌni Krixtu wa mdoꞌo laan ꞌin nchga chaꞌ kuxi, chunꞌ Krixtu wa yꞌni Ni chaꞌ tlyu tiꞌ ꞌñaan ꞌin kiꞌya nu ndiꞌin ꞌñaan loꞌo Ni. 
\s1 Suꞌwe ti ndiꞌian loꞌo Ndiose chunꞌ nu ngujwi Krixtu lo wsi 
\p  
\v 15 Ja nchka ꞌñaan ñaꞌaan ꞌin Ndiose siyaꞌ ti; bra nu yan Krixtu Sñiꞌ Ndiose lo chalyuu, bra kanꞌ mjwi chabiyaꞌ ꞌñaan ñaꞌaan ꞌin Ndiose. Ti kwiꞌ Krixtu kanꞌ lka nu mdiꞌin ti kulo la loꞌo Ndiose, loꞌo kwiꞌ Ni lka Ni ndloo ꞌin nchga lo nan nu ngwiñan Ni lo chalyuu.  
\v 16 Suꞌwa mdiꞌin Krixtu loꞌo Ndiose Sti Ni bra nu mdyisnan ndyaꞌ chalyuu, ni siya ndyaꞌ tyukwi ñaꞌaan niꞌ kwan, ni siya ndyaꞌ tyukwi ñaꞌaan lo chalyuu. Wa ngwiñan Ni nchga nan nu nchka ñaꞌaan lo chalyuu; loꞌo ngwiñan Ni nchga nan nu ja nchka ñaꞌaan, ñaꞌan tiꞌ nchga kwiꞌin nu nka ndloo nde niꞌ kwan; kwiꞌ ngwañaꞌan, wa ngwiñan Ni nchga xꞌnan nu kulo tñan ꞌin nten, ni siya lo chalyuu, ni siya nde niꞌ kwan. Loꞌo Krixtu kanꞌ ndyaꞌ nchga lo nan sikwa; ti kwiꞌ ti chaꞌ wa ndyaꞌ ran chaꞌ ka kuꞌni tnuun ꞌin Ni.  
\v 17 Wa lka ndiꞌin Krixtu bra nu ti ji tyaꞌ chalyuu, loꞌo ngwañaꞌan nchga tsan ngiꞌni Ni tñan chaꞌ tyiꞌin suꞌwe ti nchga nan nu nsuꞌwi lo chalyuu.  
\v 18 Ti kwiꞌ Ni lka Ni ndloo ꞌin nchga ta nten nu ngiꞌni tnun ꞌin Ndiose sa tlyu ti, ti kwiꞌ Ni nda Ni chalyuu ꞌin neꞌ kanꞌ. Ti kwiꞌ Krixtu lka nu kulo ndukwa la ndyuꞌu xiyaꞌ bra nu ngujwi yu, chaꞌ bra kanꞌ ka ꞌin Ni tyukwa Ni seꞌen lka Ni ndloo la ꞌin nchga nan.  
\v 19 Wa ndukwin Ndiose chaꞌ ka Sñiꞌ sa ñaꞌan nu lka ykwiꞌ Ni,  
\v 20 chaꞌ ngwañaꞌan ngwa tiꞌ Ni kuꞌni Ni, chaꞌ xiyaꞌ ka Ni ndloo ꞌin tyukwi ñaꞌaan chalyuu chunꞌ tñan nu yꞌni Krixtu. Suꞌwe ti ndiꞌian loꞌo Ndiose chaꞌ nu wa ngujwi Krixtu lo wsi chaꞌ katin kiꞌya ꞌñaan; ngwañaꞌan yꞌni Krixtu chaꞌ xiyaꞌ tyiꞌin tyukwi ñaꞌaan chalyuu chaꞌ ꞌin Ndiose, ni siya nde lo chalyuu, ni siya nde niꞌ kwan. 
\p  
\v 21 Nu ngwa sꞌni la, tijyuꞌ ꞌa mdaꞌan wan ꞌin Ndiose; taꞌa wsuun Ndiose ngwa wan bra kanꞌ siꞌya chaꞌ kuxi nu mdaꞌan chaꞌ tiye wan, siꞌya chaꞌ kuxi nu yꞌni wan. Loꞌo ni, wa yꞌni Ni chaꞌ katin kiꞌya nu ndukwi wan ꞌin Ndiose,  
\v 22 chunꞌ chaꞌ nu mdijin tyukwi ñaꞌaan Krixtu Sñiꞌ Ni nu tiꞌí bra nu yjwi neꞌ ꞌin yu lo wsi. Ngwañaꞌan yꞌni Ni ti bra kanꞌ chaꞌ ka wan nten ꞌin Ndiose, chaꞌ nu ja tyiꞌin ꞌa yuweꞌ ꞌwan siyaꞌ ti. Kanꞌ chaꞌ ja tyiꞌin ꞌa kiꞌya ꞌwan tloo Ni, bra nu tyaan Ni tyaan yꞌya Ni ꞌñaan chaꞌ tsaa loꞌo Ni ꞌñaan nde seꞌen ndiꞌin Ni.  
\v 23 Ñaꞌan ti ndloo ꞌa chaꞌ ꞌwan chaꞌ lye la kanun tsaa chaꞌ ꞌin Krixtu niꞌ kasiya ꞌwan, chaꞌ Krixtu lka seꞌen ndukwa kiyaꞌ nchga chaꞌ kanꞌ. Ja ta wan chabiyaꞌ chaꞌ kwiñi lyoꞌo nten ꞌwan. Si xñi wan chaꞌ nu nchkwiꞌ neꞌ kanꞌ, ja ka ꞌa tyaꞌan chaꞌ tiye wan ꞌin chaꞌ suꞌwe nu kaja ꞌwan nde loo la, ti kwiꞌ chaꞌ nu wa ynan wan ti kulo. Chunꞌ chaꞌ suꞌwe ꞌin Krixtu kanꞌ, kanꞌ chaꞌ ndaꞌan nten tyukwi ñaꞌaan chalyuu nchkwiꞌ neꞌ chaꞌ kanꞌ loꞌo xka ta nten. Loꞌo ngwañaꞌan naꞌ, Palyu, ndaꞌaǎn ꞌaǎn lo tñan kanꞌ. 
\s1 Ngiꞌni Palyu tñan chaꞌ ꞌin nten nu msñi chaꞌ ꞌin Ndiose nchga kichen 
\p  
\v 24 Suꞌwe nxkeꞌ tiǎnꞌ ni siya wa mdijiǐn chinꞌ nu tiꞌí chaꞌ ꞌwan; suꞌwe nxkeꞌ tiǎnꞌ chaꞌ ndijiǐn nu tiꞌí chaꞌ ka suꞌwe chaꞌ ꞌin nchga ta nten nu msñi chaꞌ ꞌin Krixtu nchga kichen. Loꞌo Krixtu ni, mdijin ꞌa Ni nu tiꞌí lo chalyuu chaꞌ ꞌñaan, chaꞌ kaan nten ꞌin ykwiꞌ Ni; kwiꞌ ngwañaꞌan naꞌ, ndijiǐn nu tiꞌí, chaꞌ nu ndiꞌin chaꞌ ka suꞌwa chaꞌ ꞌñaan taꞌaan loꞌo ykwiꞌ Krixtu bra nu mdijian nu tiꞌí lo chalyuu re chaꞌ wa ytean chaꞌ ꞌin Krixtu.  
\v 25 Ndiose lka nu wa nda tñan re ꞌñaǎn, chaꞌ kaǎn tñan ꞌin nchga wan nu wa msñi wan chaꞌ ꞌin Ni nchga kichen, chaꞌ ka ngula la tiꞌ niꞌ kasiya ꞌwan. Loꞌo ti ndiꞌin la chaꞌ chkwiǐnꞌ chaꞌ ꞌin Krixtu loꞌo xka ta nten sa ñaꞌan nu tyii kunan neꞌ chaꞌ re.  
\v 26 Tyukwi tyempu nu ngwa sꞌni, ja ngwa ka biyaꞌ tiꞌ nten chaꞌ re; wa mdiꞌin nchkunꞌ chaꞌ re ꞌin neꞌ. Loꞌo ni, wa ngwaꞌu Ndiose chaꞌ re ꞌin nchga nten nu ndiꞌin chaꞌ ꞌin Ni.  
\v 27 Ska chaꞌ tnun nu suꞌwe ꞌa lka chaꞌ re, ska chaꞌ nu ndiꞌin chaꞌ kunan nchga lo nten chalyuu lka chaꞌ ꞌin Ndiose re; ja mjwi chabiyaꞌ chaꞌ ka biyaꞌ tiꞌ nten chaꞌ re nu ngwa sꞌni. Nde lka chaꞌ nu ja ya kunan nten: Ka tyiꞌin Krixtu loꞌoan lo chalyuu, ni siya ni ti; loꞌo ngwañaꞌan chunꞌ ndiꞌin la ka tyiꞌin chaꞌ ꞌñaan loꞌo Ndiose la seꞌen tlyu nu xaa ꞌa seꞌen ndiꞌin Ni. 
\p  
\v 28 Kanꞌ chaꞌ lye ꞌa nchkwiꞌ ba chaꞌ ꞌin Krixtu loꞌo nchga nten; suꞌwe ti, tiyaꞌ ti nduꞌu ba chaꞌ re ꞌin neꞌ, lye ꞌa nchkwiꞌ ba loꞌo neꞌ chaꞌ ja kuꞌni ꞌa neꞌ chaꞌ kuxi. Nchka ꞌa tiꞌ ba chaꞌ ka suꞌwe ꞌa ka tiye nchga nten tloo Krixtu bra nu kala neꞌ seꞌen ndiꞌin Ndiose.  
\v 29 Kanꞌ chaꞌ lye ꞌa ngiꞌniǐn tñan; ngula ꞌa tñan ngiꞌniǐn, loꞌo ngwañaꞌan tlyu ꞌa jwersa nda ykwiꞌ Krixtu ꞌñaǎn chaꞌ xuꞌwi niꞌ kasiya ꞌñaǎn, chaꞌ taloǔn kuꞌniǐn tñan re. 
\c 2  
\p  
\v 1 Chkwiǐnꞌ ska chaꞌ loꞌo wan ni, chaꞌ ka biyaꞌ tiꞌ wan chaꞌ lye ꞌa ngiꞌniǐn tñan chaꞌ ꞌwan, loꞌo chaꞌ ꞌin neꞌ kichen Laodicea, loꞌo chaꞌ ꞌin tyun ꞌa nten, ni siya ti ji xuꞌwi lyo neꞌ ꞌñaǎn.  
\v 2 Kanꞌ chaꞌ ngiꞌniǐn tñan, chaꞌ ka tukwi la tiye neꞌ chaꞌ ꞌin Ndiose, chaꞌ suꞌwa ka tiye neꞌ loꞌo xka ta taꞌa neꞌ. Bra kanꞌ ja kutsen neꞌ bra nu chkwiꞌ neꞌ chaꞌ ꞌin Krixtu, chaꞌ suꞌwe ꞌa nchka biyaꞌ tiꞌ neꞌ chaꞌ re. Ngwañaꞌan tyija lyo chaꞌ ꞌin neꞌ, chaꞌ kwiꞌ chaꞌ ꞌin Krixtu nchkwiꞌ chaꞌ re, ti kwiꞌ chaꞌ ꞌin Ndiose nu ja ya ka biyaꞌ tiꞌ nten nu ngwa sꞌni.  
\v 3 Chunꞌ chaꞌ nu msñian chaꞌ ꞌin Krixtu, kanꞌ chaꞌ ka biyaꞌ tianꞌ la seꞌen ndukwa kiyaꞌ nchga chaꞌ nu nka tiye Ndiose, ni siya nchga chaꞌ nu ndiꞌya ke Ni chaꞌ kuꞌni Ni lo chalyuu.  
\v 4 Nchka ꞌa tiǎnꞌ chaꞌ ja tukwin kwiñi lyoꞌo ꞌwan, ni siya xkeꞌ tiꞌ wan chaꞌ suꞌwe ꞌa nchkwiꞌ neꞌ kanꞌ; kanꞌ chaꞌ nchkwiǐnꞌ loꞌo wan ngwañaꞌan.  
\v 5 Ni siya ja ndiꞌiǐn ꞌaǎn loꞌo wan ni, taꞌa ti ndyuꞌwi tiǎnꞌ ꞌwan. Suꞌwe ꞌa ngwa tiyeěn bra nu ynaǎn chaꞌ suꞌwe ꞌa msñi wan chaꞌ ꞌin Krixtu. Kwiꞌ ngwañaꞌan, suꞌwe ꞌa nka tiyeěn ni, chaꞌ suꞌwe ti ndiꞌin wan loꞌo nchga taꞌa msñi wan chaꞌ ꞌin Ndiose. 
\p  
\v 6 Nan wa msñi wan chaꞌ ꞌin Jesucristo chaꞌ ka Ni Xꞌnan wan, kanꞌ chaꞌ kiꞌya wan kwenta chaꞌ suꞌwa ka tiye wan loꞌo Ni nchga tsan bra nu tyiꞌin wan lo chalyuu.  
\v 7 Ngwañaꞌan xñi suꞌwe wan chaꞌ ꞌin Jesús, chaꞌ ka biyaꞌ tiꞌ wan nchga seꞌen ndukwa kiyaꞌ chaꞌ kanꞌ; chaꞌ Jesús ni, kanꞌ lka kiyaꞌ nchga chaꞌ nu wa msñian, ti kwiꞌ chaꞌ nu ngwaꞌu neꞌ ꞌwan nu ngwa bra kanꞌ. Loꞌo ngwañaꞌan, nchga tsan tya wan xuꞌwe ꞌin Krixtu bra kanꞌ. 
\s1 Wa nkwan neꞌ chabiyaꞌ ꞌin Krixtu 
\p  
\v 8 Kiꞌya suꞌwe wan kwenta sikwa, chaꞌ ja tukwin ka ꞌin kwiñi lyoꞌo ꞌwan loꞌo ya ñaꞌan ti chaꞌ kwiñi nu chkwiꞌ nten loꞌo wan, ni siya sa ꞌa chkwiꞌ neꞌ kanꞌ. Siꞌi Krixtu nu ngulo tñan ꞌin neꞌ kanꞌ chaꞌ chkwiꞌ neꞌ ngwañaꞌan, kwentu lka kanꞌ; chaꞌ kwiñi nu nchkwiꞌ nten chalyuu ti, kanꞌ lka chaꞌ nu nchkwiꞌ neꞌ kanꞌ, ni siya nchkwiꞌ neꞌ chaꞌ ꞌin ska joꞌo, ni siya nchkwiꞌ neꞌ chaꞌ ꞌin ska kwiꞌin nu nsuꞌwi lo chalyuu. 
\p  
\v 9 Krixtu ni, suꞌwa ñaꞌan nchka tiꞌ Ndiose Stian, ngwañaꞌan ngwa Krixtu bra nu yan yu lo chalyuu.  
\v 10 Ti kwiꞌ Krixtu nka ndloo la ꞌin nchga nu lka xꞌnaan, loꞌo ꞌin nchga kwiꞌin nu nka ndloo; loꞌo ꞌwan ni, chunꞌ chaꞌ ndiꞌin chaꞌ ꞌwan loꞌo Krixtu, kanꞌ chaꞌ ndiꞌin Ndiose loꞌo wan, chaꞌ ngwa suꞌwa chaꞌ ꞌwan loꞌo Krixtu.  
\v 11 Kwiꞌ ngwañaꞌan, chabiyaꞌ ꞌin Krixtu wa nkwan wan; loꞌo siꞌi chaꞌ msiꞌyu lo kijin wan bra nu nkwan wan sa ñaꞌan nu ngiꞌni neꞌ judío loꞌo sñiꞌ, ti kwiꞌ Krixtu nkwan ꞌwan bra nu wa yꞌni tyii Ni kiꞌya nu ndiꞌin ꞌwan chaꞌ lka wan nten chalyuu.  
\v 12 Bra nu mdukwatya wan ni, ñaꞌan tiꞌ si wa ngutsiꞌ wan niꞌ kwaa loꞌo Krixtu, ngwañaꞌan ngwa wan; loꞌo kanꞌ ñaꞌan tiꞌ si wa ndyuꞌu wan suꞌwa ti loꞌo Krixtu xiyaꞌ, ngwañaꞌan ndyoꞌo chaꞌ kanꞌ bra kanꞌ. Ndiose lka nu yꞌni chaꞌ ndyuꞌu wan, chaꞌ ndiꞌin chaꞌ ꞌwan loꞌo Ni.  
\v 13 Ñaꞌan tiꞌ si wa ngujwi wan, ngwañaꞌan ndyoꞌo chaꞌ ꞌwan, chaꞌ nu mdiꞌin ꞌa kiꞌya ꞌwan loꞌo Ndiose. Kanꞌ chaꞌ ja mjwi ñaꞌan nu lkwan Ndiose ꞌwan bra kanꞌ, chaꞌ ja mdiꞌin chaꞌ ꞌwan siyaꞌ ti loꞌo Ni nu ngwa bra kanꞌ. Loꞌo ni, wa yꞌni Ni chaꞌ ndyuꞌu wan xiyaꞌ sa ñaꞌan nu ndyuꞌu Krixtu. Wa yꞌni Ni chaꞌ tlyu tiꞌ ꞌñaan ꞌin nchga kiꞌya nu ndukwian ꞌin Ni.  
\v 14 Wa yꞌni tyii Ni ꞌin yuweꞌ nu nganun chuanꞌ chaꞌ ꞌin kiꞌya nu ndiꞌin ꞌñaan. Ti ngwa sꞌni wa nganun yuweꞌ kanꞌ chuanꞌ, chaꞌ ndukwa nchga tñan nu ndiꞌin chaꞌ kuꞌnian chaꞌ ꞌin Ndiose lo kityi kula kanꞌ. Loꞌo ni, ti bra nu mjiꞌin kaꞌan neꞌ ꞌin Krixtu lo wsi, ti bra kanꞌ wa yꞌni tyii Ni kiꞌya kanꞌ ꞌñaan siyaꞌ ti.  
\v 15 Ti kwiꞌ lo wsi kanꞌ wa mdijin lyo Krixtu ꞌin nchga nu nka ndloo la ꞌin chaꞌ kuxi nu nsuꞌwi lo chalyuu, loꞌo ꞌin nchga kwiꞌin kuxi nu nka ndloo la ꞌñaan nten chalyuu. Xa wa yꞌni tlyu Ndiose ꞌin Krixtu chunꞌ mdijin lyo yu ꞌin nchga xꞌnan chaꞌ kuxi kanꞌ, bra kanꞌ ndyaa loꞌo Krixtu ꞌin xꞌnan chaꞌ kuxi kanꞌ laja nten kaꞌan, nu sa tlyu ti ndoꞌo tuwiin chaꞌ ñaꞌan kwiꞌya nchga nten chaꞌ wa mdijin lyo Krixtu ꞌin nchga xꞌnan chaꞌ kuxi. 
\s1 Suꞌwe ꞌa lka nchga chaꞌ suꞌwe nu nda Ndiose 
\p  
\v 16 Ja ta wan chabiyaꞌ chaꞌ kulo xka nten tñan ꞌwan sikwa, nan lka nu ku wan, nan lka nu koꞌo wan chaꞌ kuꞌni kti wan ꞌin Ndiose. Kwiꞌ ngwañaꞌan, ja suꞌwe si kulo neꞌ tñan ꞌwan ni tsan kuꞌni wan taꞌa; ni siya taꞌa nu nxitñaanꞌ nu ndyukwi snuꞌ tsan, ni siya taꞌa chaꞌ koꞌ kuneꞌ, ni siya xka la taꞌa nu ngiꞌni neꞌ ska niꞌ yijan ti, ja ndiꞌin chaꞌ tukwa wan chaꞌ nchkwiꞌ neꞌ kanꞌ siyaꞌ ti.  
\v 17 Sꞌni la xkwiꞌ taꞌa kanꞌ ngiꞌni nten lo chalyuu, chaꞌ ka biyaꞌ tiꞌ neꞌ nchga chaꞌ nu ngwa tiꞌ Ndiose chkwiꞌ loꞌo neꞌ nu ngwa bra kanꞌ; loꞌo ni, wa yan ykwiꞌ Krixtu lo chalyuu, kanꞌ chaꞌ ja ndiꞌin chaꞌ tukwaan chaꞌ kula kanꞌ. Wa naꞌaan ꞌin Krixtu, kanꞌ lka nu chañi ka.  
\v 18 Ja kuwe tiꞌ wan ꞌin ya ñaꞌan ti nten nu kuꞌni siyeꞌ loꞌo wan, neꞌ nu kti la ngiꞌni, nxkeꞌ tiꞌ neꞌ, chaꞌ ngiꞌni tnun neꞌ ꞌin ska angajle nde niꞌ kwan; siꞌi ꞌin Ndiose ykwiꞌ ngiꞌni tnun neꞌ kanꞌ. Nten nu ngiꞌni ngwañaꞌan, nxkeꞌ tiꞌ neꞌ chaꞌ Ndiose ngwaꞌu xka chaꞌ nu suꞌwe la ꞌin neꞌ. Lye ꞌa ngiꞌni siyeꞌ neꞌ kanꞌ loꞌo taꞌa nten neꞌ, ni siya ja ndiꞌin chaꞌ kuꞌni neꞌ kanꞌ ngwañaꞌan, chaꞌ ñaꞌan ti ndiꞌin chaꞌ kuxi niꞌ kasiya ꞌin neꞌ;  
\v 19 loꞌo ja ndukwa ꞌa neꞌ kanꞌ chaꞌ nchkwiꞌ Krixtu nu nka ndloo la ꞌñaan. Krixtu nduun loo la ꞌin nchga ta nten nu ngiꞌni tnun ꞌin Ndiose nchga seꞌen; kanꞌ chaꞌ suꞌwa ꞌa chaꞌ ꞌñaan loꞌo xka la taꞌa ntean, kanꞌ chaꞌ suꞌwe la ndiꞌin chaꞌ ꞌñaan loꞌo Ndiose, chaꞌ kaꞌan la tñan ngiꞌni Krixtu niꞌ kasiya ꞌin nten ꞌin Ni, sa ñaꞌan nu nchka tiꞌ Ndiose chaꞌ ka. 
\p  
\v 20 ꞌWan ni, wa mxnun wan ꞌin xka la joꞌo nu ngwa xꞌnan wan nu ngwa sꞌni la, wa mxnun wan ꞌin nchga chaꞌ nu ndyaa ñaꞌan ꞌa tiꞌ nten chalyuu. Ti bra nu ngujwi Krixtu lo wsi chaꞌ kuꞌni tyii ꞌin nchga chaꞌ kuxi kanꞌ, ti bra kanꞌ wa mxnun wan chaꞌ kuxi kanꞌ. Ja ndiꞌin chaꞌ ti kuꞌni wan sa ñaꞌan nu ngiꞌni xka ta nten chalyuu; ja ndiꞌin chaꞌ tukwa wan xka ta tñan nu ndlo neꞌ ꞌwan,  
\v 21 bra nu chkwiꞌ neꞌ chaꞌ re: “Kti ꞌa nan kwa. Ja kalaꞌ wan ꞌin ran, ja ku wan ꞌin ran” chkwiꞌ neꞌ.  
\v 22 Loꞌo nchga nan kanꞌ, tsaa tii ran; yaꞌ nu ngwa kastu ran, ja ñaꞌaan ꞌaan ꞌin ran bra kanꞌ. Bra nu chkwiꞌ neꞌ ngwañaꞌan, ska tñan nu ngiꞌni nten chalyuu ti lka kanꞌ.  
\v 23 Suꞌwe ꞌa ndyoꞌo chaꞌ kanꞌ, mskeꞌ tianꞌ nu ngwa sꞌni. Mdatsaa ꞌa chaꞌ kanꞌ ꞌñaan chaꞌ kuꞌni tnuan ꞌin joꞌo kanꞌ; yꞌni chaꞌ kanꞌ chaꞌ kti ꞌa mdiꞌian, loꞌo mdaan nu tiꞌí ꞌñaan tyukwi ñaꞌaan. Chañi chaꞌ ngwañaꞌan yꞌni chaꞌ kula kanꞌ; loꞌo siꞌi ngwañaꞌan ndiꞌin chaꞌ ka, chaꞌ ka tiin chaꞌ kuxi nu mdiya ꞌa tianꞌ nu ngwa sꞌni la. 
\c 3  
\p  
\v 1 ꞌWan ni, wa mjwi xka chalyuu kwi ꞌwan chunꞌ wa ngwa suꞌwa chaꞌ ꞌwan loꞌo Krixtu; kanꞌ chaꞌ sikwa, lye tyaꞌan chaꞌ tiye wan nchga chaꞌ suꞌwe nu ndiꞌin ꞌin Krixtu, chaꞌ ndukwa Krixtu laꞌa seꞌen kwin ꞌin Ndiose.  
\v 2 Ndiꞌin chaꞌ kanun tsaa chaꞌ ꞌin Krixtu niꞌ kasiya ꞌwan, loꞌo ja ndiꞌin chaꞌ kalaꞌ tiꞌ wan loꞌo nchga chaꞌ kuxi nu nsuꞌwi lo chalyuu.  
\v 3 Loꞌo ni, ja ndiꞌin ꞌa chaꞌ ꞌwan loꞌo chaꞌ kuxi nu nsuꞌwi lo chalyuu; wa ndiꞌin suꞌwe chaꞌ ꞌwan loꞌo Ndiose chunꞌ tñan nu yꞌni Krixtu.  
\v 4 Xka chalyuu kwi nu mjwi ꞌwan chunꞌ Krixtu ni, kanꞌ lka chaꞌ nu ndloo la ꞌwan. Suꞌwa ti tyituun wan loꞌo Krixtu tsan kanꞌ, bra nu tyoꞌo tukwa Ni tyaan Ni xiyaꞌ; bra kanꞌ ka suꞌwa chaꞌ ꞌwan loꞌo Krixtu bra nu ka tlyu la chaꞌ ꞌin Ni, nde seꞌen ndiꞌin Ndiose Sti Ni. 
\s1 Wa mxnun tiꞌin neꞌ chalyuu kula ꞌin neꞌ chaꞌ kaja xka chalyuu kwi ꞌin neꞌ 
\p  
\v 5 Kuꞌni tyii wan nchga chaꞌ kuxi nu ndiya ꞌa tiꞌ wan sikwa: ja kuꞌni wan chaꞌ kuxi loꞌo kwilyoꞌo xka nten, ja kuꞌni wan chaꞌ chen ñaꞌan loꞌo taꞌa nten wan, ja xitukwi tiꞌ wan ꞌin taꞌa nten wan, kuꞌni tyii wan nchga lo chaꞌ kuxi nu ndaꞌan ꞌa chaꞌ tiye wan chaꞌ kuꞌni wan, ja xitukwi tiꞌ wan skaa chaꞌ suꞌwe nu nsuꞌwi ꞌin nten chalyuu. Ska nan nu nxitukwi tianꞌ ni, suꞌwa ti lka chaꞌ kuxi kanꞌ ñaꞌan tiꞌ si kuꞌni tnuan ꞌin ska nkwin joꞌo.  
\v 6 Msinꞌ ꞌa tiꞌ Ndiose ꞌin nten nu ngiꞌni chaꞌ kuxi ngwañaꞌan.  
\v 7 Ti kwiꞌ taꞌa chaꞌ kuxi kanꞌ yꞌni wan nchga seꞌen mdiꞌin wan nu ngwa sꞌni la,  
\v 8 loꞌo ni, ndiꞌin chaꞌ kulaa yaꞌ wan nchga chaꞌ kuxi kanꞌ; ni siya taꞌa ti msinꞌ ꞌa tiꞌ wan nu ngwa sꞌni, ni siya liyeꞌ tiꞌ wan ꞌin taꞌa nten wan nu ngwa bra kanꞌ, ja kuꞌni ꞌa wan ngwañaꞌan ni. Kwiꞌ ngwañaꞌan, ja chkwiꞌ ꞌa wan kwentu ꞌin taꞌa nten wan, ja chkwiꞌ wan chaꞌ chen ñaꞌan loꞌo taꞌa nten wan.  
\v 9 Ja chkwiꞌ wan chaꞌ kwiñi loꞌo taꞌa wan; nan wa ngulaa tiꞌin wan chalyuu kula ꞌwan, kwiꞌ ngwañaꞌan wa ngulaa yaꞌ wan nchga chaꞌ kuxi nu yꞌni wan ti sꞌni,  
\v 10 loꞌo ni, wa mjwi xka chalyuu kwi ꞌwan. Xka lo nten lka wan ni; wa mxaꞌan Ndiose nchga chaꞌ nu nsuꞌwi niꞌ kasiya ꞌwan ni, chaꞌ ka wan sa ñaꞌan nu nchka tiꞌ Ndiose, laja nu ngiꞌni xaꞌan ji wan nchga chaꞌ nu ndiꞌin ꞌin Ni.  
\v 11 Kanꞌ chaꞌ ni, ja ndloo ꞌa chaꞌ ꞌñaan loꞌo taꞌaan, ni siya ti kwiꞌ neꞌ judío lkaan, ni siya siꞌi neꞌ judío lka wan; ja nꞌni chaꞌ ꞌñaan ni siya wa nkwaan, ni siya ja ya lkwaan; ja nꞌni chaꞌ ꞌñaan ni siya neꞌ xka laꞌa tsuꞌ tujoꞌo lkaan, ni siya lye ꞌa nsuꞌwian niꞌ kixinꞌ, ni siya neꞌ nu ndiꞌin suꞌwe ti lkaan, ni siya msu nu msiꞌi nten ti lka wan chaꞌ kuꞌni wan tñan ꞌin nten xuꞌwe ti. Ja ndloo ꞌa chaꞌ kanꞌ ꞌñaan ni, chaꞌ ska ti Krixtu lka nu ndloo la ꞌñaan. Loꞌo ndiꞌin Krixtu loꞌo nchga nten ꞌin Ni, sa ñaꞌan nu nchka tiꞌ neꞌ, loꞌo nchga seꞌen ndiꞌin neꞌ. 
\p  
\v 12 Nten ꞌin Ndiose lka wan sikwa; nan wa ngulo suwi Ni ꞌwan, chaꞌ suꞌwe ꞌa nka tiye Ni ñaꞌan Ni ꞌwan. Kanꞌ chaꞌ ndiꞌin chaꞌ chka tꞌnan tiꞌ wan ꞌin xka ta nten; suꞌwe ti kuꞌni wan loꞌo neꞌ, ja kuꞌni siyeꞌ wan loꞌo neꞌ; tiyaꞌ ti chkwiꞌ wan loꞌo neꞌ, kuꞌni ꞌa wan chaꞌ tlyu tiꞌ ꞌin neꞌ.  
\v 13 Talo wan ꞌin xka ta nten taꞌa wan sikwa, loꞌo kuꞌni wan chaꞌ tlyu tiꞌ ꞌin neꞌ si ndiꞌin kiꞌya ꞌin neꞌ loꞌo wan. Sa ñaꞌan nu ngiꞌni Xꞌnaan chaꞌ tlyu tiꞌ ꞌwan, ngwañaꞌan ndiꞌin chaꞌ kuꞌni wan chaꞌ tlyu tiꞌ ꞌin taꞌa nten wan.  
\v 14 Kwiꞌ ngwañaꞌan, suꞌwe ꞌa ka tiye wan ñaꞌan wan ꞌin nchga la taꞌa wan, chaꞌ ngwañaꞌan ka suꞌwa ꞌa chaꞌ ꞌwan loꞌo neꞌ bra kanꞌ.  
\v 15 Tiin ti tyiꞌin kasiya ꞌwan sikwa, chaꞌ Ndiose nka ndloo ꞌwan; wa ngulo suwi Ni ꞌwan, loꞌo ꞌin xka la nten taꞌa wan, chaꞌ ka wan ska ta ti nten chaꞌ ꞌin Ndiose. Loꞌo ngwañaꞌan, suꞌwe si nchga bra tya wan xuꞌwe ꞌin Ndiose chaꞌ ꞌin nchga lo nan. 
\p  
\v 16 Ndiꞌin chaꞌ kanun tyukwi chaꞌ ꞌin Krixtu niꞌ kasiya ꞌwan. Suꞌwe ꞌa ndyoꞌo chaꞌ kanꞌ, kanꞌ chaꞌ suꞌwe ti kwaꞌu wan chaꞌ kanꞌ ꞌin taꞌa wan sa ñaꞌan yaꞌ nu kunan suꞌwe nchga nten. Kwiꞌ ngwañaꞌan, kula tuꞌwa wan nchga lo kantu nu nsuꞌwi ꞌin Ndiose, ni siya salmos nu ndukwa lo kityi ti sꞌni, ni siya ya ñaꞌan ti kantu nu kiꞌya ke wan nu chkwiꞌ chaꞌ ꞌin Ndiose; kula tuꞌwa wan kantu chaꞌ kunan Ndiose, chunꞌ suꞌwe ꞌa nka tiye wan ñaꞌan wan ꞌin Ni.  
\v 17 Nchga tñan nu nchka tiꞌ wan kuꞌni wan, nchga chaꞌ nu nchka tiꞌ wan chkwiꞌ wan loꞌo nten, chabiyaꞌ ꞌin Jesús nu nka Xꞌnaan kuꞌni wan ꞌin ran sikwa. Loꞌo ngwañaꞌan, ti kwiꞌ bra kanꞌ tya wan xuꞌwe ꞌin Ndiose Stian chaꞌ ꞌin Jesús. 
\s1 Chaꞌ suꞌwe nu kuꞌnian bra nu ka Krixtu ndloo ꞌñaan 
\p  
\v 18 ꞌWan neꞌ kunaꞌan, tukwa wan chaꞌ nchkwiꞌ kwilyoꞌo wan. Ndiꞌin ꞌa chaꞌ kuꞌni wan ngwañaꞌan, chaꞌ wa ndiꞌin chaꞌ ꞌwan loꞌo Krixtu nu nka Xꞌnaan.  
\v 19 ꞌWan yu kiꞌyu, ndiꞌin ꞌa chaꞌ ka suꞌwe tiye wan ñaꞌan wan ꞌin kwilyoꞌo wan; ja kuꞌni tlá wan ꞌin kwilyoꞌo wan.  
\v 20 ꞌWan neꞌ kuneꞌ, tukwa wan tñan nu kulo neꞌ kula ꞌwan, chaꞌ ndiya ꞌa tiꞌ Xꞌnaan bra nu ngiꞌni wan ngwañaꞌan.  
\v 21 ꞌWan, neꞌ kula nu nsuꞌwi sñiꞌ wan, ja suꞌwa wan chaꞌ msinꞌ tiꞌ ꞌin sñiꞌ wan, chaꞌ ja ka ndaja tiꞌ sñiꞌ wan chaꞌ ꞌwan.  
\v 22 ꞌWan, msu nu ngiꞌni tñan ꞌin nten xuꞌwe ti, tukwa wan nchga tñan nu kulo xꞌnan wan ꞌwan lo chalyuu. Siꞌi bra nu nduun ti xꞌnan wan chaꞌ nsñi yu kwenta ꞌwan kuꞌni wan ngwañaꞌan, chaꞌ kanun suꞌwe chaꞌ ꞌwan loꞌo neꞌ; tyukwi ti tiye wan kuꞌni wan tñan kanꞌ, chunꞌ nchga bra nduwe tiꞌ wan ꞌin Ndiose nu nka Xꞌnaan.  
\v 23 Nchga tñan nu kuꞌni wan, luwi ꞌa tñan kuꞌni wan bra kanꞌ. Nde ñaꞌan tyaꞌan chaꞌ tiye wan, sa ñaꞌan lka si ngiꞌni wan tñan ꞌin Ndiose nu nka Xꞌnaan, siꞌi tñan ꞌin nten chalyuu ti.  
\v 24 Wa jlyo tiꞌ wan chaꞌ nu nka Xꞌnaan ndiya chaꞌ suꞌwe nu kaja ꞌin skaa wan bra wa tyii ti chaꞌ. Loꞌo Krixtu lka Xꞌnan wan nu chañi ka; chaꞌ ꞌin Krixtu lka tñan nu ngiꞌni wan.  
\v 25 Loꞌo ta Ndiose nu tiꞌí ꞌin nchga nten nu ngiꞌni chaꞌ kuxi; suꞌwa ti ngiꞌni biyaꞌ Ni ꞌin nchga nten, ni siya nten nu tnun nchka, ni siya nten xuwe ti. 
\c 4  
\p  
\v 1 ꞌWan nu lka wan xꞌnan msu, nchga chaꞌ nu nchka ꞌwan loꞌo msu ꞌwan, ñi ti kuꞌni wan, suꞌwe ti kuꞌni wan loꞌo neꞌ kanꞌ. Tyuꞌwi tiꞌ wan chaꞌ loꞌo wan, ndiya xka nu tnun la nchkwiꞌ ke ꞌwan, kanꞌ nu ndukwa seꞌen tlyu ꞌa la seꞌen ndiꞌin Ndiose. 
\p  
\v 2 Nchga wan, ja ndiꞌin chaꞌ ka ndaja tiꞌ wan, nchga tsan chkwiꞌ wan loꞌo Ndiose. Ndii ti tiꞌ wan tyiꞌin wan bra nu chkwiꞌ wan loꞌo Ni. Kwiꞌ ngwañaꞌan, tya wan xuꞌwe ꞌin Ni bra nu chkwiꞌ wan loꞌo Ni.  
\v 3 Ti kwiꞌ bra kanꞌ jñan wan chaꞌ tlyu tiꞌ ꞌin Ndiose chaꞌ ꞌwa chaꞌ kaja la jwersa ꞌwa, chaꞌ ti chkwiꞌ la ba chaꞌ suꞌwe ꞌin Krixtu loꞌo nchga nten, chaꞌ kunan neꞌ chaꞌ kanꞌ ni siya ja mjwi ñaꞌan kunan neꞌ chaꞌ kanꞌ ti sꞌni la; chunꞌ chaꞌ lye ꞌa ykwiǐnꞌ chaꞌ ꞌin Krixtu loꞌo nten, kanꞌ chaꞌ nsuꞌwiǐn niꞌ ñaꞌan chkwan ni.  
\v 4 Chkwiꞌ wan loꞌo Ndiose sikwa, chaꞌ tayaꞌ Ni ꞌñaǎn chaꞌ ti chkwiǐnꞌ ñi laǎn nchga chaꞌ kanꞌ, sa ñaꞌan nu ndiꞌin chaꞌ chkwiǐnꞌ. 
\p  
\v 5 Chaꞌ tiya ti tiꞌ tyiꞌin wan seꞌen ndiꞌin xka ta nten nu ja ya xñi chaꞌ ꞌin Jesucristo; ja kuꞌni wan chaꞌ mnaꞌ seꞌen ndiꞌin neꞌ kanꞌ, chaꞌ nchga bra nu ta neꞌ tyempu chaꞌ chkwiꞌ wan loꞌo neꞌ, bra kanꞌ suꞌwe ti chkwiꞌ wan chaꞌ ꞌin Jesús loꞌo neꞌ.  
\v 6 Bra nu chkwiꞌ wan loꞌo nten, suꞌwe ti chkwiꞌ wan sa ñaꞌan yaꞌ nu kunan suꞌwe neꞌ chaꞌ nu nchkwiꞌ wan; suꞌwe si suꞌwe ti xkwen wan ꞌin nchga nten. 
\s1 Chaꞌ nu ykwiꞌ Palyu xa wa tyii ti kityi re 
\p  
\v 7 Yu Tíquico taꞌaan ni, katsaꞌ yu ꞌwan nchga chaꞌ nu nchka ꞌñaǎn nde re. Suꞌwe ꞌa nka tiyeěn ñaꞌaǎn ꞌin yu kanꞌ, ti kwiꞌ taꞌa ngiꞌni ba tñan ꞌin Xꞌnaan lka yu; nchga tsan ngiꞌni yu tñan kanꞌ, loꞌo ja nchka ndaja tiꞌ yu.  
\v 8 Kanꞌ chaꞌ msuꞌwaǎn ꞌin yu ndijyan yu seꞌen ndiꞌin wan, chaꞌ ka suꞌwe ka tiye wan xiyaꞌ bra nu ñaꞌan wan ꞌin yu; nchka tiǎnꞌ chaꞌ katsaꞌ yu ꞌwan sa ñaꞌan nan nu nchka ꞌwa seꞌen ndiꞌin ba nde re.  
\v 9 Suꞌwa ti ndijyan yu loꞌo Onésimo taꞌa kichen tyi wan; ndiya ꞌa tiꞌ ba ꞌin Ne kanꞌ, chaꞌ ja nchka ndaja tiꞌ yu nchkwiꞌ yu chaꞌ ꞌin Xꞌnaan. Taꞌa tyukwaa neꞌ kanꞌ, katsaꞌ neꞌ ꞌwan sa ñaꞌan nan nu nchka nde seꞌen ndiꞌin bare. 
\p  
\v 10 Aristarco taꞌa nsuꞌwiǐn niꞌ ñaꞌan chkwan, loꞌo yu nchka tiꞌ yu chkwiꞌ suꞌwe yu loꞌo wan; ti kwiꞌ taꞌa chaꞌ nchkwiꞌ Marku taꞌa Bernabé. Ti ngwa xkanꞌ wa msuꞌwaǎn ska chaꞌ ndyaa seꞌen ndiꞌin wan chaꞌ ꞌin Marku kanꞌ, chaꞌ suꞌwe ti chkwiꞌ wan loꞌo yu bra nu kala yu seꞌen ndiꞌin wan.  
\v 11 Kwiꞌ ngwañaꞌan Jesús Justo, nchka tiꞌ yu chkwiꞌ suꞌwe yu loꞌo wan. Tyun neꞌ judío wa msñi chaꞌ ꞌin Krixtu nu ngwa xkanꞌ; loꞌo ni, xnan ti neꞌ kanꞌ, Aristarco loꞌo Marku loꞌo Justo, sa kanꞌ ti neꞌ nu mslyaa mdaꞌan loꞌoǔn seꞌen mdaꞌaǎn ykwiǐnꞌ loꞌo xka ta nten sa ñaꞌan ka chaꞌ ꞌin neꞌ bra nu ka Ndiose ndloo la niꞌ kasiya ꞌin nten. Loꞌo lye ꞌa mdayaꞌ neꞌ kanꞌ ꞌñaǎn.  
\v 12 Loꞌo Epafras taꞌa kichen tyi wan, nchka tiꞌ yu chkwiꞌ suꞌwe yu loꞌo wan; suꞌwa ti ndaꞌan yu tñan ꞌin Jesucristo loꞌo ba. Nchga tsan njñan ꞌa yu chaꞌ tlyu tiꞌ ꞌin Ndiose chaꞌ ꞌwan, njñan yu chabiyaꞌ ꞌin Ndiose chaꞌ ja kulaa yaꞌ wan chaꞌ ꞌin Ni siyaꞌ ti. Nde lka chaꞌ nu nchka tiꞌ yu, chaꞌ tyukwi ti tiye wan kuꞌni wan nan lka nu nchka tiꞌ Ni chaꞌ kuꞌni wan lo chalyuu.  
\v 13 Jlyo tiǎnꞌ chaꞌ lye ꞌa yꞌni yu tñan chaꞌ tayaꞌ yu ꞌwan, loꞌo ꞌin neꞌ kichen Laodicea, loꞌo ꞌin neꞌ kichen Hierápolis taꞌa msñian chaꞌ ꞌin Krixtu.  
\v 14 Loꞌo Luka taꞌa suꞌwe nsuꞌwiǐn nu nka doctor, loꞌo Dema, nchkwiꞌ suꞌwe yu loꞌo wan. 
\p  
\v 15 Kwiꞌ ngwañaꞌan, suꞌwe ti chkwiꞌ wan loꞌo neꞌ taꞌa msñian chaꞌ ꞌin Krixtu nde kichen Laodicea, loꞌo ꞌin Ninfas loꞌo nchga taꞌaan nu ndyoꞌ tiꞌin seꞌen ndiꞌin neꞌ kula kanꞌ.  
\v 16 Chkwiꞌ wan lo kityi re kulo ndukwa, loꞌo kanꞌ suꞌwa wan kityi re tsaa nde seꞌen ndiꞌin neꞌ Laodicea taꞌa ngiꞌni tnuan ꞌin Ndiose. Kwiꞌ ngwañaꞌan, ndiꞌin ꞌa chaꞌ chkwiꞌ wan lo xka kityi nu msuꞌwaǎn ndyaa seꞌen ndiꞌin neꞌ Laodicea kanꞌ.  
\v 17 Nde lka chaꞌ nu chkwiꞌ wan loꞌo Arquipo taꞌaan: “Wa nda ykwiꞌ Xꞌnaan ska tñan nu kuꞌnii chaꞌ ꞌin Ni” nchkwin wan ꞌin yu, “kanꞌ chaꞌ ni, suꞌwe ti kuꞌnii tñan kanꞌ, chaꞌ tsaa toꞌo suꞌwe ran”. 
\p  
\v 18 Xa wa mdyii kityi re, nde lka ska chaꞌ nu ndaꞌaǎn loꞌo yaǎnꞌ ykwiǐnꞌ: Palyu lkaǎn, naꞌ lkaǎn nu msuꞌwaǎn chaꞌ suꞌwe re nu kan seꞌen ndiꞌin wan; tyuꞌwi tiꞌ wan ꞌñaǎn chaꞌ nsuꞌwiǐn niꞌ ñaꞌan chkwan ni. Loꞌo ngwañaꞌan, ti kuꞌni la Ndiose chaꞌ suꞌwe loꞌo wan tyukwi tyempu nde loo la. Ngwañaꞌan ka sikwa.