\id ECC - Baibal Kathoung New Testament 
\h PHUNGDEIKUNG 
\toc1 PHUNGDEIKUNG 
\toc2 Phungdeikung 
\toc3 Pdk 
\mt1 PHUNGDEIKUNG  
\mt2 (Ecclesiastes)  
\c 1  
\s1 Bangpueng ahrawnghrang  
\p
\v 1 Devit capa, phungdeikung Jerusalem siangpahrang ni a dei e lawk teh,   
\q1
\v 2 Ahrawnghrang doeh, ahrawnghrang doeh.  
\q2 Bangpueng hai ahrawnghrang doeh.   
\q1
\v 3 Kanî rahim vah tami ni a tawksak e pueng  
\q2 bang hawinae maw kaawm.   
\q1
\v 4 Se buet touh aloum teh se alouke bout a tâco.  
\q2 Hatei, talai teh a kangning.   
\q1
\v 5 Kanî a tâco teh bout a khup.  
\q2 Hatei, a tâconae koehoi bout bout a tâco.   
\q1
\v 6 Kahlî haiyah a kâheinae koe lah  
\q2 bout bout a kâhei.   
\q1
\v 7 Tuipuinaw a lawng teh talîpui dawk koung a kâcu eiteh kawi hoeh.  
\q2 Talîpui teh a lawngnae koelah bout bout a ban.   
\q1
\v 8 Bangpueng hai tami ni dei thai hoeh totouh patangnae a kâhmo .  
\q2 Mit ni a khet eiteh hmawt thai hoeh.  
\q2 Hnâ ni a thai eiteh boum thai hoeh.   
\q1
\v 9 Hno kaawm tangcoung e hai bout kaawm hane hoi a kâvan.  
\q2 Atu sak e hai bout sak hane hoi a kâvan.  
\q2 Kanî rahim vah hno katha awm hoeh.   
\q1
\v 10 Khenhaw! hno katha buet tabang ao maw awm hoeh,  
\q2 ayan vah yo kaawm tangcoung e doeh.   
\q1
\v 11 Ayan kaawm boi e hnonaw ouk pahnim thai awh.  
\q2 Ka tho hane naw hai ka tho hane naw ni bout a pahnim awh han.   
\s1 Lungangnae ahrawnghrang  
\p
\v 12 Kai, phungdeikung, Jerusalem khopui dawk Isarel siangpahrang lah ka o nah,  
\v 13 Kanî rahim vah sakyoe e pueng thoumthainae lahoi pakhingpalang lungthin ka tawng. Cathut ni taminaw koe khoram sak nahanelah a patangpalai sak.  
\v 14 Kanî rahim e hnosak e pueng ka hmu toe. Bangpueng ahrawnghrang doeh. Kahlî ka man e hoi doeh a kâvan.   
\q1
\v 15 Ka longkawi e teh palan thai hoeh.  
\q2 Kamko e hno teh touk mahoeh.   
\p
\v 16 Kama hoi kama ka kâdei e teh, kai teh Jerusalem kauknaw pueng hlakvah ka talue, ka lung a ang, ka lungthin ni lungangnae hah alawkpui lah a kamtu.  
\v 17 Lungangnae hoi pathunae, polainae pakhingpalang ka tawn. Hot naw haiyah, kahlî man e patetlah doeh ao.  
\v 18 Lungangnae apap nah, lungreithainae a pap. Thoumthainae apapnae koe lungmathoenae hoe a pap.   
\c 2  
\s1 Nawmnae ahrawnghrang  
\p
\v 1 Ka lungthin thung hoi atuteh nawmnae hoi na tanouk han, hno alouke pouk laipalah nawmnae dueng ka sak han ka ti. Hatei, hot hai ahrawnghrang doeh.  
\v 2 Thoumthainae heh pathunae doeh. Nawmnae haiyah bang ahawinae awm hoeh.  
\v 3 Tami ni talai van kum kaduem ca a hring nathung vah hnokahawi a sak hane panue hanelah lungangnae lamthung dawn hoi thahmei nahanelah, yamu ngainae koelah a pâlei teh pathunae dawk khosak hanlah lungthin hoi ka tawng.  
\v 4 Hno kalennaw hah ka sak. Kama hanlah im ka sak teh misur takha hai ka sak.  
\v 5 Takha aphunphun ka sak teh a pawhik aphunphun ka ung.  
\v 6 Thingthai karoung lahun naw awi nahanelah tui imnaw hah ka sak.  
\v 7 San ka tawn dueng tho laipalah sannu hoi sanpanaw hai bout ka ran sin. Ka tawn e saringnaw teh ka o hoehnahlan Jerusalem kaawm e naw hlak a pap.  
\v 8 Suingun hai thoseh, siangpahrang hoi kâkuen e hno hai thoseh, khocanaw koe cawng e hno hai thoseh ka pâkhueng toe. Ratoung tamawi ka tum e napui tongpa hai thoseh, taminaw ni nawmnae yupui yudonaw hai thoseh ka la toe.  
\v 9 Hottelah Jerusalem kho ouk kaawm tangcoungnaw hlak ka tawnta teh ka talue toe. Ka lungangnae hai a cak.  
\v 10 Ka mit ni a noe e kangek hoeh. Ka lung ka nawm sak hane buet touh hai ka hnoun hoeh. Ka thawtawknae dawk lunghawinae ka hmu, hot teh ka tawkphu ka hmu e doeh.  
\v 11 Hete hnonaw pueng heh ka pouk teh ka tawk e hoi ka sak e hnonaw pueng ka pouk navah, khenhaw! ahrawnghrang doeh. Kahlî man e patetlah la doeh ao ti ka panuecai. Kanî rahim talaivan, taminaw hanlah hnokahawi banghai awm hoeh.   
\s1 Lungangnae hoi khosak e ahrawnghrang  
\p
\v 12 Hahoi, lungangnae, pathunae hoi lunganghoehnae, naw ka pâkhing ka palang. Siangpahrang ni a sak tangcoung e hloilah a hnuklah ka tho e tami ni hai bang bout sak thai hoeh.  
\v 13 Ka pakhingpalang hnukkhu, lungangnae teh pathunae hlak, angnae teh hmonae hlak ahawi ti ka panue.  
\v 14 Tami a lungkaang e teh a lû dawk mit a tawn. Hatei, tamipathu teh hmonae dawk kho a sak. Hateiteh, tami pueng ni hno buet touh rip a kâhmo e hah ka hmu.  
\v 15 Tamipathu ni a kâhmo e hno ka kâhmo van boipawiteh, ahni hlak lungkaang ka tie haiyah ahrawnghrang pui doeh.  
\v 16 A tu kaawm e hnonaw pueng heh hmalah pahnim lah ao han. Tamipathu ni a pahnim thai e patetlah tami lungkaang ni hai a pahnim thai. Tamipathu a due e patetlah tami lungkaang hai a due van.  
\v 17 Hatdawkvah, hringnae kahmawt toe. Kanî rahim e hnonaw pueng ni runae duengdoeh a thokhai. Hnonaw pueng teh ahrawnghrang doeh. Hnonaw pueng heh ahrawnghrang lah ao. Kahlî ka man e patetlah doeh ao.   
\s1 Tawksak e hno ahrawnghrang  
\p
\v 18 Kanî rahim ka sak e hoi ka tawk e hnonaw pueng ka panuet. Ka hnuklah ka tho hane naw hanlah ka ceitakhai han ti ka panue.  
\v 19 Ahni teh tami lungkaang e maw, ka pathu e maw tie apinimaw a panue thai han. Ahni ni ka kâyawm laihoi ka tawk e pueng, kanî rahim ka lungangnae kamnue sak e pueng koe kâ a tawn han. Hatei hotnaw haiyah ahrawnghrang doeh.  
\v 20 Hatdawkvah, Kanî rahim vah panki laihoi ka tawknae dawk ngaihawinae awm hoeh. Lungpoutnae lah ka pouk.  
\v 21 Bangkongtetpawiteh, banghai ka tawk hoeh hanelah lungangnae, panuethainae, thoumthainae hoi thaw ka tawk e ni a ceitakhai hanlah ao. Hot hai thoseh, banghai ahawinae awm hoeh. Hoe kathoute hno lah ao.  
\v 22 Kanî rahim kaawm e tami ni panki laihoi a tawk e thaw, a lungthin hoi a lungpennae naw pueng hai bangmaw aphu kaawm.  
\v 23 Ahnie a hnintha teh lungmathoenae hoi akawi. A tawk e dawk hai reithainae lah ao. Tangmin haiyah ip thai hoeh. Hot haiyah ahrawnghrang doeh.   
\p
\v 24 Tami hane teh canei hoi a thawtawknae dawk hoi nawmnae a hmu e heh hnokahawi lah ao. Hot haiyah, Cathut koehoi a hmu awh e ti ka panue.  
\v 25 Cathut laipalah apimaw ka cat thai ni teh ka nawm thai.  
\v 26 Cathut lung ka youk e taminaw koevah lungangnae, panuethainae hoi lunghawinae a poe. Hatei, yon ka sak naw teh patang laihoi a tawknae dawk yawhawinae a poe. Hatdawkvah, hot hai ahrawnghrang lah doeh ao.   
\c 3  
\s1 Bangpueng ni atueng a tawn  
\p
\v 1 Hno cawngca pueng ni amamae atueng a tawn. Kanî rahim vah pouk e pueng lengkaleng tawksaknae atueng ao.   
\q1
\v 2 Khenae atueng hoi duenae atueng hai ao.  
\q2 Patuenae atueng ao patetlah phawknae atueng hai ao.   
\q1
\v 3 Theinae atueng ao patetlah dam saknae atueng hai ao.  
\q2 Raphoenae atueng ao patetlah bout saknae atueng hai ao.   
\q1
\v 4 Kanae atueng hoi, panuinae atueng hai ao.  
\q2 Cingounae atueng hoi, lamtunae atueng hai ao.   
\q1
\v 5 Talungnaw kaheikalainae atueng ao.  
\q2 Pâkhuengnae atueng hai ao.  
\q2 Takawinae atueng ao, kâtakawi laipalah  
\q2 kâkapeknae atueng hai ao.   
\q1
\v 6 Pâkuemnae atueng ao, hnopai a kahmanae hai ao.  
\q2 Pâtungnae atueng hoi, tâkhawngnae atueng hai ao.   
\q1
\v 7 Hnicu raveinae atueng hoi, khuinae atueng hai ao.  
\q2 Sairasuep onae atueng hoi, lawk deinae atueng hai ao.   
\q1
\v 8 Kâpahrennae atueng hoi, kâmaithoenae atueng hai ao.  
\q2 Tarankâtuknae atueng hoi, taran roumnae atueng hai ao.   
\s1 Cathut ni poe e thaw  
\p
\v 9 Ka tawk e tami ni panki teh a thapathonae hah bangmaw hawinae kaawm.  
\v 10 Taminaw kho a sak nahan Cathut ni a poe e tawntanae hai, kai ni ka hmu toe.  
\v 11 A cawngca pueng amamae atueng a pha nah, kahawicalah a sakyoe toe. Tami e lungthin hai a yungyoe e atueng dawk, a kamtawngnae koehoi apout totouh tami ni teh pâphue nakunghai baw thai hoeh.  
\v 12 Lunghawinae hno dawk ka hring nah, hnokahawi sak hoeh e laipalah alouke thawnaw dawk, ahawinae awm hoeh tie ka panue.  
\v 13 Tami pueng canei hane hai thoseh, mahoima panki tha patho e naw dawk, nawm nahane hai thoseh, Cathut e lungmanae lahoi doeh kâtawnnae ao.  
\v 14 Cathut e hno a sak e naw teh a yungyoe doeh tie ka panue. Bout sak thai lah awm hoeh, bout rayu thai e lahai awm hoeh. Taminaw teh a hmalah, a taki awh nahanlah Cathut ni telah a sak e doeh.  
\v 15 Kaawm tangcoung e hno teh atu kaawm e hno hoi a kâvan. Bout kaawm hane hno hai, kaawm tangcoung e hno hoi a kâvan. Ka loum tangcoung e naw hai Cathut ni bout a hei.   
\s1 Vaiphu koehoi vaiphu koe  
\p
\v 16 Hothloilah, Kanî rahim lawkcengnae hmuen dawk kahawihoehe hno ao tie thoseh, lannae dawk yonnae ao tie hai thoseh, ka hmu toe.  
\v 17 Cathut ni tami kalannaw e tawksak e hoi, tamikalan hoeh naw e tawksak e hah lawk a ceng han telah ka pouk. Bangkongtetpawiteh, pouk e pueng, tawk e pueng lawkceng nahane atueng ao.  
\v 18 Taminaw e a hmuenhmawn ka pouk nah, taminaw Cathut ni a tanouk hane hoi, ahnimouh teh saringnaw patetlah doeh tie a kâpanue thai awh nahane hah doeh.  
\v 19 Tami ni a kâhmo e saring ni hai kâvan e hno a kâhmo teh, bout a due e patetlah a due van. A cawngca pueng hringnae phun touh doeh rei ao awh. Hatdawkvah tami teh saring hlak a taluenae awm hoeh. A cawngca pueng ahrawnghrang seng doeh.  
\v 20 A cawngca pueng buet touh e hmuen koe doeh ouk a pha awh. A cawngca pueng vaiphu dawk hoi a kangcoung e patetlah vaiphu lah bout a ban han.  
\v 21 Hatnavah, lathueng lah ka luen e tami e muitha hai thoseh, rahim lae hmuen talai lah ka khum e saring e muitha hai thoseh, apinimaw a kapek thai teh a panue thai han.  
\v 22 Tami ni a sak e hno dawk nawmnae hno hlak, hoe kahawi e hno awm hoeh tie ka hmu. Hote hno teh ahni hane doeh, ahni ni a hnukkhu lah bang hno ne ka tho han tie hah a panue nahan, apinimaw a bankhai han.   
\c 4  
\s1 Kanî rahim e kahawihoeh hno  
\p
\v 1 Hahoi, kanî rahim vah sak e pacekpahleknae naw pueng bout ka pouk. Pacekpahleknae ka khang e taminaw ni a khuika ei nakunghai, hloutnae ka poe thai e tami awm hoeh. Ka pacekpahlek e taminaw teh bahu a tawn dawk hloutnae ka poe thai e tami awm hoeh.  
\v 2 Hateiteh, kadout tangcoung e tami teh kahring rae tami hlak hoe yawhawinae ao telah a ti.  
\v 3 Hatdawkvah, vai touh hai kaawm hoeh e tami, kanî rahim sak e yonnae kahmawt hoeh rae tami teh hote kahni touh hlak hoe yawhawinae ao.   
\p
\v 4 Hahoi, panki thapathonae hoi kahawicalah pâbaw e hnonaw pueng dawk hai thoseh, hot patetlah e hno dawkvah alouke tami ni hmuhmanae thoseh, kai ni ka pouk. Hote hno teh ahrawnghrang e hno kahlî man e hoi doeh a kâvan.   
\p
\v 5 Tami pathu ni teh a kut a kâtapam teh, amae a tak hah letlang a ca.  
\v 6 Roumnae hoi hmu e kutvang touh e hno teh, tawnta laihoi kahlî man laihoi hmu e kutkarum touh e hno hlak bet ahawihnawn.   
\p
\v 7 Hahoi, kanî rahim ahrawnghrang e hno bout ka pouk navah,  
\v 8 tami teh a huiko, a canaw, a hmaunawnghanaw tawn hoeh, ama dueng kaawm ei nakunghai, panki thapathonae baw thai hoeh. A hno hmunae dawkvah lungkuep thai hoeh. Kai ni mahoima ka yue teh api hane maw ka panki aw telah ka pacei boihoeh. Hete haiyah ahrawnghrang tawntam nah hrum doeh.  
\v 9 Tami teh madueng hlak tami kahni touh bet ahawi. Tawk pawiteh kahawie tawkphu a hmu.  
\v 10 Buet touh rawm pawiteh buet touh ni a pathaw han. Buet touh dueng e tami rawm pawiteh ahawinae awm hoeh. Kapathawkung awm mahoeh.  
\v 11 Tami teh kahni touh rei ip pawiteh a phubet han. Madueng teh bangtelamaw phubet thai han.  
\v 12 Tami buet touh ni buet touh tâ pawiteh ahni hah tami kahni touh ni a ngang thai. Rui kathum touh hoi pakhit e tangron teh kayawicalah thawk thai hoeh.   
\p
\v 13 Tounnae ka ngai hoeh e, a kum kacue ka pathu e siangpahrang hlak, a lungkaang e mathoe camo teh aphuohnawn.   
\p
\v 14 Thongim hoi siangpahrang koe ka phat e hai, a uknaeram dawk mathoe lah doeh a khe.  
\v 15 Kanî rahim kaawm e taminaw pueng e kong ka pouk navah, ahnimouh thung dawk siangpahrang hmuen ka coe hane, camo ao awh e hah ka panue.  
\v 16 Hote siangpahrang ni a uk e taminaw pueng parei thai kawi lah awm hoeh. A hnukkhu lah ka tho e taminaw ni hai hote siangpahrang hah a lungkuep thai awh mahoeh. Atangcalah, hote hno hai ahrawnghrang e hno, kahlî man e hoi doeh a kâvan.   
\c 5  
\s1 Cathut hah taket  
\p
\v 1 Cathut e im koe na cei navah na khok kâhruetcuet. Tami pathu ni a sak e thuengnae a sak e hlak teh, lawk thai hanelah hoe kâyawm. Tamipathunaw teh mae yonnae naw pouk awh hoeh.  
\v 2 Na pahni hah kâhruetcuet. Cathut hmalah lawk na dei han navah na lungthin rang sak hanh. Cathut teh kalvan vah ao. Nang teh talai dawk na o. Hatdawkvah lawk moikapap dei hanh.  
\v 3 Tawksaknae apap e lahoi mang ouk mang e patetlah lawk papnae lahoi pathunae lawk thai lah o.   
\p
\v 4 Cathut koe lawkkamnae na sak pawiteh lawkkam sak laipalah awm hanh. Cathut ni tamipathunaw koe lungkuep hoeh. Lawk na kam e patetlah sak. Lawk na kam e patetlah sak loe.  
\v 5 Lawkkam tarawi hoeh e hlak teh khoeroe kam laipalah awm pawiteh bet ahawihnawn.  
\v 6 Na pahni ni na tak dawk yon phat sak hanh naseh. Ka payon toe telah a laiceinaw e hmalah dei hanelah awm sak hanh. Bangkongmaw na lawkdei e dawk Cathut a lungphuen vaiteh na sakyoe e a raphoe han vaw.  
\v 7 Mang apapnae dawk thoseh, lawk apapnae dawk hai thoseh, kacungkeihoehe hno doeh. Nang teh Cathut hah taket haw.   
\s1 Tawntanae hoi Barinae ahrawnghrang doeh  
\p
\v 8 Kho dawkvah ka roedeng naw ka pacekpahlek e, lam ka phen sak e, kamsoumhoehe laidei ka tâtueng naw na hmu navah, ahnimouh kecu dawk na kângairu sak hanh. Bawi buet touh ni buet touh a panue e patetlah kacuehloe e bawi ni patuen a panue doeh.  
\v 9 Talai dawk e tawnta e naw hateh a cawngca hanelah doeh. Siangpahrang nakunghai laikawk hoi kâkawk e doeh.   
\p
\v 10 Tangka ka raduek e teh tangka ni a ngainae kuep sak mahoeh. Hnopai ka tawn poung e hai hoehoe a tawn ei, a lungkuep thai hoeh. Hot naw pueng teh ahrawnghrang doeh.  
\v 11 Hnopai hoe apap navah ka catnet e hai hoe a pap. Hno katawnkung ni a mit hoi a khet e doeh yawhawinae lah kaawm.  
\v 12 Thaw ka tawk e tami teh moi a ca nakunghai thoseh, yitca a ca nakunghai thoseh a ihmu atui. Ka tawnta e tami teh a tawn e hno ni ip sak thai hoeh.   
\p
\v 13 Ka tawnta kung teh a tawn e a hnopai ni runae a poe. Hote hno teh kanî rahim vah kathout poung e hno lah ao.  
\v 14 Hote hnopai teh kahawihoehe hno ni a kamko sak. Hnopai katawnkung a capa haiyah kuthrawng lah doeh ao.  
\v 15 Hoehpawiteh, hno katawnkung teh a manu von thung hoi caici lah a khe e patetlah bout a ban han. Kâyawm laihoi a hmu e hnopai buet touh boehai bout sin thai mahoeh.  
\v 16 Ahni teh a tâco e patetlah banghai lanae awm laipalah bout ban e hateh, hno kathout doeh. Kahlî man hanelah kâyawm e tami teh bangmaw hawinae kaawm.  
\v 17 Ahnie hnin a tha teh kahmawt thung doeh a loum sak. Tarawknae, Lungmathoe, lungkhueknae doeh a pang awh.   
\p
\v 18 Kai ni ka hmu e naw hateh, canei e, kanî rahim vah Cathut ni na poe e hringnae hoi hring yunglam kâyawm teh hawinae coe dawkvah lunghawikhai hanelah ao. Ahawi ngounh. Hot hateh tami hane doeh.  
\v 19 Cathut ni na poe e hno ka tawnta pueng, ma hanelah coe teh pang hanelah thoseh, kâyawmnae dawk nawmnae thoseh, Cathut pahrennae dawk hoi doeh coe awh.  
\v 20 Kaloum tangcoung e ahninnaw hah ngailawi pouk hanh. Lungthin nawmnae teh Cathut ni doeh na poe awh.   
\c 6  
\p
\v 1 Taminaw ni kapap lah a kâhmo teh, kanî rahim ka hmu e hno kathoutnaw teh;  
\v 2 A ngai e hno pueng, hnopai hoi bawinae, barinae naw hah Cathut ni a poe eiteh, canae kâ a poe hoeh dawkvah, amamouh ni cat laipalah, kâkuen hoeh e alouke ram e taminaw ni a ca e heh, ahrawnghrang doeh, kahawihoehe hno doeh.  
\v 3 Tami ni kum moikasawlah a hring teh, a canaw, 100 touh ka tawn nakunghai, ngainae kuep laipalah, pakawp laipalah oun dout pawiteh, hote tami hlak camo ka hrun e ahawihnawn.  
\v 4 Bangkongtetpawiteh, ka hrun e camo teh ayawmyin lah a kamnue teh, hmonae thung a cei. Ahnie min teh hmonae ni a ramuk han.  
\v 5 Kanî hai hmawt mahoeh. Banghai panuek mahoeh. Hateiteh, hmaloe dei e tami hlak ahawihnawn.  
\v 6 Hmaloe dei e tami teh a kum thawnghni touh ka hring nakunghai aphu awmhoeh. A hmuen buet touh koe nahoehmaw koung a khup awh heh vaw.   
\p
\v 7 Tami ni panki thapatho e naw pueng teh, vonpui hanelah panki thapatho awh eiteh, cangainae lung roum thai hoeh.  
\v 8 Lungkaang e tami teh ka pathu e tami hlak bangmaw hawinae kaawm. Kahring e taminaw hmalah, ka tawk e mathoe ni a coe e hawinae teh bangne.  
\v 9 Mit hoi hmu e teh pouk e hlak ahawi. Hote hno teh ahrawnghrang e hno, kahlî man e hoi doeh a kâvan.   
\p
\v 10 Kaawm tangcoung e hnonaw, pâkuem lah ao toe. Tami teh bang patet e tami maw tie hai panue tangcoung e lah ao toung dawkvah, ama hlak tha ka sai e tami tâ thai mahoeh.  
\v 11 Cungkeihoehnae hoe a pung dawkvah, tami teh bangmaw hawinae kaawm.  
\v 12 Tâhlip patetlah kaloum ni teh ahrawnghrang hring nathung, tami dawk hnokahawi sak e heh apinimaw a panue thai han. Kanî rahim tami hnukkhu kaawm hane naw hai apinimaw a dei thai han.   
\c 7  
\s1 Lungangnae hoi pathunae  
\p
\v 1 Minhawinae teh hmuitui satui hlak ahawi. Duenae hnin hai khenae hnin hlak bet ahawi.   
\q1
\v 2 Ro im cei e heh pawi koe cei e hlak ahawi.  
\q2 Bangkongtetpawiteh, tami pueng ni ro im vah lam a pâpout awh.  
\q2 Kahring lahun e naw ni hai a lungthin thungvah a pâkuem awh han.   
\q1
\v 3 Panui e hlakvah lungmathoe e bet ahawi.  
\q2 Bangkongtetpawiteh, lungmathoenae ni lungthin bet ahawi sak.   
\q1
\v 4 Lungkaangnaw e lungthin teh ro im vah ao.  
\q2 Tamipathunaw e lungthin teh pawi im vah ao.   
\q1
\v 5 Tamipathunaw e la sak lawk thai hlakvah,  
\q2 lungkaangnaw e tounnae lawk tarawi e bet ahawi.   
\q1
\v 6 Bangkongtetpawiteh, tamipathunaw e panuinae teh  
\q2 hlaam rahim vah pâkhing ka kang e lawk hoi a kâvan.  
\q2 Hot naw hai ahrawnghrang doeh.   
\q1
\v 7 Atangcalah, rektapnae ni a lungkaangnaw a pathu sak.  
\q2 Tadawngnae ni lungthin a rawk sak.   
\q1
\v 8 Apoutnae teh kamtawngnae hlak ahawi,  
\q2 a lungkasaw e tami teh a lungkalen e tami hlakvah ahawi.   
\q1
\v 9 Lungkhuek han totouh na lungduem sak hanh.  
\q2 Lungkhueknae teh kapathunaw e lungthung vah hmuen ouk a la.   
\q1
\v 10 Bangkongmaw yampa e atueng teh  
\q2 atu e atueng hlak ahawi telah na pacei awh hanh.  
\q2 Hottelah na pacei pawiteh lungangnae lahoi pacei e na hoeh.   
\q1
\v 11 Lungangnae teh râw patetlah ahawi.  
\q2 Kanî ka hmawt e naw koe hnokahawi a sak.   
\q1
\v 12 Bangkongtetpawiteh, lungangnae ni na rawngkhan,  
\q2 tangka ni hai na rawngkhan thai.  
\q2 Thoumthainae teh banghloimaw aphu ao.  
\q2 Thoumthainae ka coe e tami teh hringnae hai a coe.   
\q1
\v 13 Cathut ni hno a sak e hah pouk haw,  
\q2 a longkawi sak e teh apinimaw a palan thai han.   
\q1
\v 14 Yawhawinae na coe nah lunghawi awh.  
\q2 Rucatnae na kâhmo nah kâpouk awh.  
\q2 Tami ni ka tho hane kawi a panue nahanlah  
\q2 Cathut ni hawinae hoi roedengnae kâletta lah a poe.   
\p
\v 15 Ayawmlah ka onae atueng nah hno pueng ka hmu thai toe. Tami kalan ni a lannae dawk a sung e tie hoi, tami kahawihoeh ni ahawihoehnae, dawk a hringsaw e hai thoseh ka hmu.  
\v 16 Hloi lan hanh, hloi lungang hanh. Bangkongmaw nama e hawinae hah raphoe hanelah na ngai.  
\v 17 Hloi mathout hanh, hloi pathu hanh. Bangkongmaw atueng a pha hoehnahlan due hane na ngai.  
\v 18 Hete lawk heh pâkuem hanelah ahawi. Thada hanh, Cathut ka taket e tami teh hno pueng dawk hoi a hlout han.   
\p
\v 19 Khopui thung kaawm e ukkung hra touh hlak, tami lungkaang buet touh e lungangnae a tha aohnawn.   
\p
\v 20 Yon nuen laipalah hnokahawi ka sak e tami a nuen kahawi e talai van buet touh hai awm hoeh.   
\p
\v 21 Ayâ ni a dei e pueng hah pâkuem hanh. Hottelah na tetpawiteh, na san e thoebo lawk na thai han.   
\p
\v 22 Nama roeroe ni atuhoitu, ayânaw thoe na bo e hah na lung hoi na panue.   
\p
\v 23 Hetnaw pueng heh, kai ni lungangnae hoi ka noumcai toe. Ka lungang han toe ka ti navah, lungangnae hoi hoe ka kâhla.  
\v 24 Kahlat ni teh kadung poung e hno hah apinimaw a tawng vaiteh a hmu thai han.  
\v 25 Lungangnae hoi akongnaw hah ka tawng teh panue hanelah thoseh, povangtanae hoi pathunae panue nahanelah thoseh, ka lung ni a kâyawm toe.  
\v 26 Tangkhek hoi tamlawk lah kaawm e napui e lungthin teh duenae hlak bet akhahnawn tie ka panue. Cathut a lung ka youk lah kaawm e ni duengdoeh hote napui kut dawk hoi a hlout han. Yon ouk ka sak e teh a kâman han.  
\v 27 Phungdeikung ti e teh kai ni ka tawng teh ka hmu hoeh rae hah hmu hanelah buet touh hnukkhu buet touh a pâphue.  
\v 28 Tongpa thong touh thung dawk buet touh ka hmu toe. Napui thong touh thung buet touh boehai ka hmawt hoeh.  
\v 29 Kai ni ka hmu e buet touh teh, Cathut ni tami hah tamikalan lah a sak ei teh, taminaw ni moikapap e pouknae hah a tawng awh.   
\c 8  
\s1 Siangpahrang e kâlawk hah tarawi haw  
\p
\v 1 Apimaw a lungkaang e patetlah kaawm  
\q2 Apimaw deicainae ka panuek.  
\q2 Lungangnae ni minhmai a pan sak teh  
\q2 taranhawinae mei a kamnue sak.   
\p
\v 2 Cathut hmalah lawk na kam e patetlah siangpahrang e lawk ngâi haw telah pouknae na poe.  
\v 3 Siangpahrang hmalah hoi karanglah tâcawt hanh. Kahawi hoeh e hno saknae koe lah kampang hanh. Bangkongtetpawiteh, a ngai e patetlah lawk a ceng.  
\v 4 Siangpahrang e kâlawk dawk bahu ao. Ahni koe apini maw, nang bangmaw na sak tie hah a pacei ngam han.  
\v 5 Ahnie kâ ka tarawi e teh runae dawk hoi a hlout han. Tami a lungkaang e a lungthin ni atueng hoi sak han kawi a panue.  
\v 6 Tami ni a pouk e pueng hah atueng hoi saknae kâ ao. Hatei, tami teh runae puenghoi a khang.  
\v 7 Hmalah ka tho hane panuek hoeh. Bangtelamaw ao han tie apinihai dei thai hoeh.  
\v 8 Apihai muitha ka kuen thai e tami buet touh hai awm hoeh. A due hnin dawk apinihai kâ tawn hoeh. Hote kâtuknae dawk hoi apihai hlout thai hoeh. Yonnae a sak ei nakunghai, yonnae ni hot dawk hoi hlout sak thai hoeh.  
\v 9 Hetnaw pueng heh ka hmu toe. Kanî rahim vah sakyoe e pueng heh ka pouk toe. Amahoima runae kâhmo hanelah ayâ alouknaw uknae tueng hai ao.   
\s1 Cathut ka taket e ni hnokahawi a sak  
\p
\v 10 Hothloilah, thoungnae hmuen koe ka cet e tami kahawihoehnaw pakawp lah ao awh e hai thoseh, hawihoehnae a saknae kho dawk apinihai ahni hah a pouk awh hoeh e hai thoseh, ka hmu toe. Hathai ahrawnghrang doeh.  
\v 11 Kahawi hoeh ka sak naw hah karanglah lawkceng teh dan ouk a poe hoeh dawkvah, taminaw ni kahawihoehe hno sak hanelah a lungtang awh.  
\v 12 Tami kahawihoeh ni avai cum touh hawihoehnae a sak nahlangva a hring a saw eiteh, Cathut kataketnaw ni a hmalah a taki awh dawkvah, hawinae a coe awh han tie kamcengcalah ka hmu.  
\v 13 Tami kahawihoehe niteh, Cathut a taki hoeh dawkvah hawinae coe mahoeh. Tâhlip hoi kâvan e a hringnae hai aduem han.   
\s1 Cathut ni a sak e hnopueng tami ni panuek thai hoeh  
\p
\v 14 Talai van kaawm e ahrawnghrang hno buet touh teh, tami kahawihoehnaw ni a pang awh hane kathout hno hah tami kalannaw ni a pang awh teh, tami kalannaw ni a pang awh hane kahawi hno hah tami kahawihoehnaw ni letlang a pang awh. Hathai ahrawnghrang doeh telah ka pouk.  
\v 15 Hatnavah nawmnae hah ka oup. Bangkongtetpawiteh, kanî rahim vah caneinae, nawmnae hlakvah kahawi e hno awm hoeh. Kanî rahim vah Cathut ni na hring sak nathung vah, panki laihoi hmu e hno thung dawkvah, hot doeh pou coe awh.   
\p
\v 16 Lungangnae panue hane hoi talai van thaw tawk e pueng hmu hanelah karum khodai ip laipalah ka lungthin ka hroecoe navah,  
\v 17 Cathut ni kanî rahim a sak e hno pueng tami ni panuek thai hoeh tie ka hmu. Hothloilah banghloi e a lungkaang ni koung ka panue han ka tet nakunghai coung thai hoeh.   
\c 9  
\s1 Tami pueng koe duenae a pha  
\p
\v 1 A lathueng lah dei tangcoung e naw hah kai ni ka pouk navah, tamikalan hoi tami lungkaangnaw teh, a tawksak e hno khuehoi Cathut kut dawk ao. Tami pueng ni amamae hmalah lengkaleng kaawm e lungpatawnae hoi hmuhmanae hah panuek awh hoeh.  
\v 2 Tami pueng e lathueng vah reikâvan e hno a tâco. Tami kalan hoi kalan hoeh e, tami kahawi hoi kahawihoeh e, tami kathoung hoi kathounghoehe, thuengnae ka sak hoi ka sak hoeh e, yonnae ka tawn hoeh e hoi ka tawn e, thoekâbo e tami hoi kâbo hoeh e taminaw lathueng hai reikâvan e hno a tâco.  
\v 3 Hethateh, kanî rahim vah sak e reikâvan e hawihoehnae tami pueng ni a kâhmo e hno doeh. Atang katang lah taminaw e lungthin teh yonnae hoi akawi. A hring awh nathung vah, pathunae lung a tawn awh teh bout a due awh.  
\v 4 Ka hring e taminaw hoi kâkuennaw teh ngaihawinae ao. Kahring e ui teh kadout e sendek hlak bet ahawi.  
\v 5 Kahring e tami ni a due hane a panue. Ka dout e ni teh banghai panuek hoeh. Tawkphu awm hoeh toe. Ama hai pahnim awh toe.  
\v 6 Ahnie lungpatawnae, maithoenae, utnae hai a kahma toe. Kanî rahim vah sak e hno dawk ayânaw hoi rei coe mahoeh toe.   
\s1 Na lungpataw e hoi nawm haw  
\p
\v 7 Cet nateh lunghawi lahoi rawca cat leih. Lunghawi lahoi misurtui net leih. Nang ni na sak e naw pueng Cathut ni lung na kuepkhai.  
\v 8 Na khohna hai pou pangaw naseh. Na lû dawk e satui hai phui sak hanh.  
\v 9 Kanî rahim na poe e ahrawnghrang hring nathung, na lungpataw e yu hoi kanawmcalah hringnae atueng loum sak haw. Hetteh, hring na thung kanî rahim vah panki thapatho e dawk coe e doeh.   
\p
\v 10 Tawk hane kaawm e pueng hah thahmei laihoi tawk awh. Bangkongtetpawiteh, atu na cei teh na pha hane hmu e, tami kadout kho teh thaw tawknae, kho pouknae, thoumthainae, lungangnae hai awm mahoeh toe.   
\s1 Lungang e teh pathu e hlak bet ahawihnawn  
\p
\v 11 Kanî rahim kaawm e naw pueng bout ka khet navah, a hue karang poung e tami hai ouk tâ hoeh. Atha kaawm poung ni taran a tuk ei, ouk tâ hoeh. A lungkaang ni ka boum lah ouk cat hoeh. A ratho kahawi ni hnopai ouk hmawt hoeh. Lawk ka ngai e teh tami hmalah minhmai kahawi ouk hmawt hoeh. Tami pueng koe atueng akuepnae, coungkacoenae patetlah doeh ouk ao tie hah ka hmu.  
\v 12 Tami ni amae atueng hah ouk panuek hoeh. Tamlawk dawk kâman e tanga patetlah tangkam dawk kâman e tava patetlah taminaw ni runae thungvah pouk laipalah a kâman awh toe.   
\p
\v 13 Kanî rahim oup han kawi lah ka hmu e lungangnae teh,  
\v 14 khoca kayoun e kho buet touh ao. Siangpahrang kalen e a tho teh, hote kho lawilah ao awh teh, ransanaw moikapap hoi a kalup awh.  
\v 15 Hote kho dawk kaawm e mathoe ca a lungkaang e buet touh ni, amae lungangnae lahoi hote kho teh a hlout sak. Hatei, hote mathoe ca hah apinihai noutna awh hoeh.  
\v 16 Hatnavah, ka dei ngai e teh, lungangnae teh thasainae hlak ahawi. Hatei, mathoe ca e lungangnae teh banglahai ouk noutna awh hoeh. A lawk hai ngai a pouh hoeh.   
\p
\v 17 Ka ukkung ni kapathunaw e hramkikhai e lawk ngâi e hlakvah, soumtinae koe tami lungkaang ni dei e lawk doeh a ngâi pouh.  
\v 18 Lungangnae teh senehmaica hlak bet ahawi. Yonnae ka sak e haiyah hno kahawinaw hah ouk a raphoe.   
\c 10  
\p
\v 1 Kâhluk e hmuitui hah bitsei ro ni  
\q2 a hmuikawk sak e patetlah,  
\q2 pathunae titca e ni a lungkaang e hoi  
\q2 bari kaawm e tami hah hot boiboe lah ao sak.   
\q1
\v 2 Tami lungkaang e a lungthin teh amae aranglae kut dawk ao.  
\q2 Tamipathu e a lungthin teh avoilae kut dawk ao.   
\q1
\v 3 Tamipathu teh lam a cei lahun nah pouknae a tawn hoeh dawkvah,  
\q2 kai teh tamipathu doeh telah tami pueng koe ouk a dei.   
\q1
\v 4 Bawi buet touh ni nang koe a lungphuen pawiteh,  
\q2 nama e hmuen cettakhai hanh.  
\q2 Panguepnae ni yon kalen e hai ouk a roum sak.   
\q1
\v 5 Bawi ni a payon e kecu dawk kanî rahim vah  
\q2 hnokahawi hoeh ka hmu e teh,   
\q1
\v 6 kapathunaw ni a rasangnae koe,  
\q2 ka tangrengnaw ni a rahnoumnae koe a tahung awh e,   
\q1
\v 7 sannaw ni marang a kâcui awh teh,  
\q2 bawinaw ni sannaw patetlah khok hoi a cei awh e hah ka hmu.   
\q1
\v 8 Tangkom ka tai e tami teh hote tangkom dawk a bo han.  
\q2 Takha ka raphoe e tami teh tahrun ni a khue han.   
\q1
\v 9 Talungnaw ka takhoe e tami teh ama a ratet han,  
\q2 thing ka tâtueng tami haiyah hmâtanca hoi ao han.   
\q1
\v 10 Cakâ a hâ a kim nah na kata hoeh pawiteh, tha hoe patung han.  
\q2 Thoumthainae ni tânae hoi yawhawinae a coe sak.   
\q1
\v 11 Ân hoehnahlan tahrun ni tami khuek pawiteh,  
\q2 Taânkasinnaw teh banghai hawinae awm hoeh.   
\q1
\v 12 Tami lungkaang e lawk teh a radip.  
\q2 Hatei, tamipathu e pahni teh amahoima a kâpayawp thai.   
\q1
\v 13 Lawkdei a kamtawng nah pathunae lah a o,  
\q2 apoutnae koe lah teh ka mathout poung e pathunae lah ao.   
\q1
\v 14 Tamipathu teh lawk apap.  
\q2 Hateiteh, kaawm hane hno tami ni dei thai awh hoeh.  
\q2 Ahnie a hnuklah bangtelamaw a tho han tie apimaw ka dei thai.   
\q1
\v 15 Tamipathunaw teh khothung a cei awh han e  
\q2 lamthung pateng a panue awh hoeh dawkvah,  
\q2 ahnimae kâyawmnae teh ayâ patang sak.   
\q1
\v 16 Camo rae siangpahrang ni a uknaeram teh,  
\q2 Ukkungnaw ni amom patenghai  
\q2 a ngai patetlah a canei dawkvah yawthoenae lah ao.   
\q1
\v 17 Na ram dawk e siangpahrang teh  
\q2 ka talue e a miphun lah ao dawkvah,  
\q2 ukkungnaw ni yamuhrinae laipalah  
\q2 thao nahanelah atueng khoe e dawk  
\q2 catnet pawiteh yawhawinae lah o.   
\q1
\v 18 Ekvoi pangak dawkvah lemphu a hmawn thai  
\q2 kut hoi pathoup hoehpawiteh kho a yu thai.   
\q1
\v 19 Nawm nahanelah pawi ouk to awh.  
\q2 Misur ni hai na nawm sak thai.  
\q2 Tangka ni bangpueng a sak thai.   
\q1
\v 20 Na lungthin hoi siangpahrang hah thoebo hanh.  
\q2 Na inae hmuen koehai kacue e hah thoebo hanh.  
\q2 Kalvan kamleng e tava ni hote lawk hah a kamlengkhai han.  
\q2 A kamleng lahun nah hote tava ni hote kong hah a pathang han.   
\c 11  
\p
\v 1 Na rawca hah tui dawk tâkhawng haw,  
\q2 atueng moi a ro hnukkhu bout na hmu han.   
\q1
\v 2 Tami sari touh dueng na hoeh, tami taroe touh hah rei lah.  
\q2 Talai dawk bangmaw kaawm han tie na panuek hoeh.   
\q1
\v 3 Tâmainaw teh khotui hoi a kawi torei teh talai dawk kho a rak.  
\q2 Thingkung ni akalah, atunglah a rawp nakunghai thoseh,  
\q2 A rawpnae hmuen dawk roup ao.   
\q1
\v 4 Kahlî dueng ka khen e tami ni cati kahei hoeh,  
\q2 Tâmainaw banglahai ka noutna hoeh e ni hai canga mahoeh.   
\p
\v 5 Kahlî a cei nahane lam hai thoseh, camo ka neng e napui e von dawk a hrunaw ni bangtelamaw a roung tie hai thoseh, panue thai hoeh e patetlah a cawngca pueng kasakkung Cathut ni a tawksak e panuek thai hoeh.   
\p
\v 6 Amom lae atueng dawk cati kahei nateh, tangmin lahai kahei laipalah awm hanh. Bangkongtetpawiteh, bangpatet hah maw aphu o han tie hai thoseh, hot roi teh kâvan e lah aphu ao han tie hai thoseh, panuek thai hoeh.   
\p
\v 7 Atangcalah, angnae teh a radip, kanî raeng a hmu nah lunghawi han kawi lah ao.   
\p
\v 8 Hatnavah tami ni a hringyung asaw teh a lunghawi nakunghai, hmonae tueng hah pouk naseh, hote atueng teh moi a ro han. Kaawm tangcoung e hnonaw teh a hrawnghrang la doeh be ao.   
\p
\v 9 Thoundoun nang, na naw lahun nah nawmnae sak awh haw, na nawnae tueng nah lunghawinae tawn haw. Ma ngainae lamthung hoi, na panuenae koe lah dawn haw, hat navah, hote hnonaw pueng Cathut ni lawkceng vaiteh, nang yon na pen han tie panuek awh.   
\p
\v 10 Hatdawkvah, lungreithainae hoi na roedengnae hah takhoe haw, camonae hoi thoundounnae hai a hrawnghrang doeh.   
\c 12  
\p
\v 1 Na nawnae a hninnaw dawk na kasakkung pouk loe. Rucatnae a hninnaw a pha teh kai dawk a nawmnae awmhoeh toe telah na deinae kumnaw a pha hoehnahlan,  
\v 2 Kanî hoi angnae, thapa hoi âsinaw a mawm hoehnahlan, khorak hnukkhu tâmainaw bout a tho hoehnahlan, Bawipa pouk loe.  
\v 3 Hote atueng dawk imkaringnaw a tâsue vaiteh, athakaawme taminaw a thayoun awh han. Cakang kaphawmnaw ayoun dawkvah, a kâhat awh han. Hlalangaw dawk hoi ka khen e taminaw, a mitmawm awh han.  
\v 4 Cakang phawm lawk rek a cai hoeh torei teh, lam teng e longkhanaw teh khan lah ao han. Tava lawk a thai torei teh amom a thaw awh han, la ka sak e tanglanaw abuemlah tha a tawn awh han.  
\v 5 Taminaw ni hmuenrasang hoi lam dawk takikathonaw a taki awh han. Almond kung ni a pei han. Samtong teh amahoima a ri han. Bangkongtetpawiteh, tami teh yungyoe e im koe lah cei lahun lah o dawkvah, ka khui e taminaw ni lam dawk a kâhei awh han.  
\v 6 Ngun dingyin a thouknae, suimanang a reknae tuiphuek koe tuium kâbawngnae, tui sawnnae rui thawknae, atueng ka phat han.  
\v 7 Hatnae atueng dawk vaiphu teh a thonae talai koelah bout a ban vaiteh, muitha teh na kapoekung Cathut koe bout a ban han.  
\v 8 Ahrawnghrang doeh, hnopueng teh ahrawnghrang doeh telah phungdeikung ni a ti.   
\p
\v 9 Phungdeikung teh a lungang dawkvah, tamihunaw, lungang thoumthainae ouk a cangkhai. A pouklak e phungdeilawknaw a noumcai teh a thut.  
\v 10 Phungdeikung ni thai kahawi e lawklung a tawng teh a thut e lawklung teh kathuem e lawk, lawkkatang doeh.  
\v 11 Tami lungkaang e lawk teh sâw hoi thoseh, tukhoumkung kalen buet touh koe a hnawng teh tamihu hemnae sumtaboung hoi thoseh a kâvan.  
\v 12 Hothloilah, ka capa hot patet e lawk lahoi na dei pouh e hah tarawi loe. Ca lahoi ka thun nakunghai baw thai mahoeh. Ca panki lai hawi khetnae ni na tawn sak.   
\p
\v 13 Ahnoungpoung e lawk teh, Cathut taket nateh kâpoelawknaw hah tarawi haw. Hethateh, tami pueng e thaw lah ao.  
\v 14 Cathut ni kahawi hno thoseh, kahawihoehe hno thoseh, hro e hnonaw pueng hoi hnocawngca lawk a ceng han.