\id MAT - SYN- Siyin Bible 
\h MATTHEW 
\toc1 MATTHEW 
\toc2 Matthew 
\toc3 Matt 
\mt1 MATTHEW  
\mt2 Matthew  
\c 1  
\s1 Jesus Khazih Khangthu  
\r Lk 3:23-28  
\p
\v 1 Abraham le David i suan ahi, Jesus Christ i khang thu sia hibang a hihi.   
\p
\v 2 Abraham tapa Isaac; Isaac tapa Jacob; Jacob tapa Judah le a suapuite;   
\p
\v 3 Judah le Tamar tapa te Perez le Zerah, Perez ta Hezron; Hezron tapa Aram,   
\p
\v 4 Aram tapa Amminadab; Amminadab tapa Nahshon; Nahshon tapa Salmon;   
\p
\v 5 Salmon tapa Boaz hi; Boaz i nu Rahab; Boaz tapa Obed; Obed nu Ruth; Obed tapa Jesse;   
\p
\v 6 Jesse tapa David Kumpipa; David kumpipa tapa Solomon; a nu sia Uriah i zi hi ngei hi.   
\p
\v 7 Solomon tapa Roboam; Roboam tapa Abijah; Abijah tapa Asa;   
\p
\v 8 Asa tapa Jehoshaphat; Jehoshaphat tapa Jehoram; Jehoram ta Uzziah;   
\p
\v 9 Uzziah ta Jotham; Jotham ta Ahaz; Ahaz ta Hezekiah;   
\p
\v 10 Hezekiah ta Manasseh; Manasseh ta Amon; Amon tapa Josiah;   
\p
\v 11 Josiah ta Jechoniah, Jechoniah in Babylon khua ah a ki khin ma a nei a suapui te;   
\p
\v 12 Babylon a ki khin zawkciang Jechoniah tapa Shealtiel; Shealtiel tapa Zerubbabel;   
\p
\v 13 Zerubbabel ta Abiud; Abiud ta Eliakim; Eliakim ta Azor;   
\p
\v 14 Azor ta Zadok; Zadok ta Achim; Achim ta Elihud;   
\p
\v 15 Elihud ta Eleazar; Eleazar ta Matthan; Matthan ta Jacob;   
\p
\v 16 Jacob ta Joseph; Joseph sia Mary i pasal hi a, Mary sung pan Christ a kici Jesus hong suak hi.   
\p
\v 17 Tua ahikom Abraham pan in David dong khang sawm le khang li hi a; David pan in Babylon ah a ki khin dong khang sawm le khang li; Babylon a ki khin pan in Christ ciang dong khang sawm le khang li a hihi.   
\s1 Ngaknu Thiangtho Mary le Jesus  
\r Lk. 1:26-35; Lk. 2:1-7; Jn. 1:1, 2, 14  
\p
\v 18 Jesus Christ sua na thu sia hibang a hihi: A nu Mary sia Joseph in dokzu a piak sa hi a, a ki ngawm khop ma in Thaa Thiangtho taw nau ngil om hi.   
\p
\v 19 Joseph sia thutang khat hi a, Mary mindaisak nuam ngawl ahikom, nol ku tu in ngaisun hi.   
\p
\v 20 Tabang a ngaisut laitak in, a mang sung ah vantungmi khat hong ki lang a, David suan Joseph awng, Mary na zi tu in teenpui tu lau heak in: banghangziam cile a naungil sia Tha Thiangtho taw a hihi.   
\p
\v 21 Tapa nei tu a, tua tapa in a mite mawna pan ngum tu ahi man in, Jesus ci in a min na phuak tu hi: ci in vangtungmi in son hi.   
\p
\v 22 Hi te theampo Pathian in kamsang te tungtawn in a sonkholsa a tangtun na hi, kamsang i sonkhol na ah,   
\p
\v 23 En vun, ngaknu thiangtho khat naungil om tu a, tapa khat nei tu hi, a min Immanuel kiphuak tu hi, Emmanuel a khiakna sia, Pathian eite taw hong om hi, ci nopna a hihi.   
\p
\v 24 Joseph a khanlaw ciang, Topa vantungmi i sawl bang in, Mary tenpui hi.   
\p
\v 25 Ahihang taciil a nei dong luppui ngawl a, a min Jesus ci in phuak hi.   
\c 2  
\s1 Nisuana Sang Pan Mipil Te  
\p
\v 1 Herod Kumpi a sep lai in, Judah ngam Bethlehem khua ah Jesus a sua ciang in, nisuana sang pan mipil te Jerusalem ah hong theng uh a;   
\p
\v 2 Hong suak Judah te Kumpipa koisung ah om ziam? Nisuana sang panin ama i aksi hong suak ka mu uh a, ama bia tu in hong theng khu hi, ci uh hi.   
\p
\v 3 Herod kumpipa in hi thu a zak ciang in ama le Jerusalem ah a om theampo linglawng ngawp uh hi.   
\p
\v 4 Herod in mipi te sung pan thiampi lian te le thukhamhil sya te kaikhawm in, Christ koisung a suak tu ziam? ci in dong hi.   
\p
\v 5 Taciang amate in, Judah ngam Bethlehem khua ah hi tu hi: banghangziam cile kamsang khat i atkhol na ah,   
\p
\v 6 Judah ngam sung a om, nang Bethlehem awng, Judah ngam uk te sung ah a nobel na hi bua hi: banghangziam cile ka mi Israel te a uk tu nang sung pan hong piang tu hi, ci hi.   
\p
\v 7 Tasiaciang Herod kumpipa in mipil te samku a, banghun in aksi suak ziam ci thiangtak in dong hi.   
\p
\v 8 Taciang amate Bethlehem ah paisak a, tua nauno phatak hong zong tavun; Ama na mu uh ciang in hong sonkik tavun, keizong pai in bia tu khi hi, ci hi.   
\p
\v 9 Amate in kumpipa son teng a zak zawk uh ciang pai uh hi; Taciang, en vun, nisuana sang pan a mu uh aksi sia nausen omna tungsan ah theng in a tawlngak dong amate mai ah pai hi.   
\p
\v 10 Amate in tua aksi a mu uh ciang in, nasiatak in lungdam uh hi.   
\p
\v 11 Innsung a tum uh ciang in, a nu Mary le nausen mu uh a, kun in bia tek uh hi: taciang a ken uh na manpha te sua in, kham, frankincense le myrh te pia uh hi.   
\p
\v 12 Tua zawkciang Herod kumpipa kung ah heakkik nawnngawl tu in Pathian in amate i mang sung ah kidop natu a piak hu in lamdang pan in amate ngam ah cia uh hi.   
\s1 Nausen Egypt Ngam ah Taipui  
\p
\v 13 Amate cia zawkciang, Joseph mang sung ah Topa vantungmi hong kilang a, tho in, nausen le a nu keng in, Egypt ngam ah tai vun, thu kong puak kik dong tua ngam ah om nginge vun: banghangziam cile Herod in hi nausen that tu in zong tu hi, ci hi.   
\p
\v 14 Joseph a khanlaw ciang, nausen le a nu keng in, a zan a zan in Egypt ngam ah taipui hi.   
\p
\v 15 Herod kumpipa a thi dong tua ngam ah om uh hi: hi thu sia, ka tapa Egypt ngam pan samkik zo khi hi, ci Topa in kamsang tungtawn in a sonkhol thu a tangtun na a hihi.   
\s1 Herod in Patangno te That  
\p
\v 16 Herod kumpipa in, mipil te i theam hunlam a heak ciang, a thin-uk mama a, mihing sawl in, mipil te in ama kung ah phatak in a dok thu taw kisai in Bethlehem khua pan kipan a kim a pam a om patang kum ni le a nuai sia theampo that siat hi.   
\p
\v 17 Kamsang Jeremiah i sonkhol na ah,   
\p
\v 18 Ramah ngam pan in kaana aw te le nasiatak in tau na aw ki za hi, a tate a om ngawl hu in Rachel i kaana sia kuama in heneam zo ngawl hi, ci thu a tangtun na a hihi.   
\s1 Egypt Ngam Pan Nazareth  
\r Lk. 2:39, 40  
\p
\v 19 Herod thi zawkciang, Egypt ngam a om Joseph mang sung ah Topa vantungmi khat hong kilang a,   
\p
\v 20 Tho in, nauno le a nu keng in Israel ngam ah paipui in: banghangziam cile nauno that nuam in a zong te thi siat zo hi, ci hi.   
\p
\v 21 Joseph tho in, nauno le a nu Israel ngam ah paipui hi.   
\p
\v 22 Ahihang Archelaus in a pa Herod zalai in Judah ngam uk hi, ci Joseph in a zak ciang tua ngam ah pai ngam ngawl hi: ahihang a mang sung ah Pathian in kidop natu a son bang in, Joseph zong Galilee ngam ah kiheam hi.   
\p
\v 23 Nazareth kici khua hong theng in tua khua ah om uh hi: tabang in kamsang i sonkholsa bang in, Nazareth khuami, kici tuh hi, a ci sia hong tangtung hi.   
\c 3  
\s1 Tuiphumpa John  
\r Mk. 1:3-8; Jn. 1:19-28  
\p
\v 1 Tua hun laitak in tuiphumpa John hong theng a, Judah ngam duisung ah thuhil hi,   
\p
\v 2 John in, vantung kumpingam hong nai zo hi, na thinsung uh ki kheal in na mawna uh ki sikkik vun: ci hi.   
\p
\v 3 Banghangziam cile hi thu sia, duisung ah a au mikhat i aw in, Topa pai na lampi pua vun, tangsak vun, ci kamsang Isaiah in John thu sonkhol zo hi.   
\p
\v 4 John i puansil sia kala-uk mul taw ki tak a, savun khau taw a kawng hen hi; ama an sia khaumaw le ngam khuaitui a hihi.   
\p
\v 5 Taciang Jerusalem pan ahizong, Judah ngam khua tatuam pan ahizong, Jordan ngun kiim theampo pan ahizong a kung ah hongpai tek uh hi.   
\p
\v 6 Amate mawna tek uh pualak in, Jordan ngun sung ah tui ki phum uh hi.   
\p
\v 7 Pharisee te le Sadducee te tui ki phum tu in hongpai John in a mu ciang in, maw no ngul suan te, hong theng pheang tu Pathian thin-ukna taisan tu in akua in kidop natu hong pia ziam?   
\p
\v 8 Mawna pan ki sikkikna taw a kilawm nga pha te nga tavun:   
\p
\v 9 Ka pa uh Abraham hi ci in na thin sung ah ngaisun heak vun: banghangziam cile, Pathian in hi suangtum te Abraham suan le pal in vawt thei hi, ci kong son hi.   
\p
\v 10 Tu in thingkung te bul ah heipui ki ngat zo hi: tua ahikom nga pha a nga ngawl thingkung sia phuk tu a, mei sung ah bum hi.   
\p
\v 11 Kei ka hile mawna ki sikkik na in tui kong phum hi: ahihang ka nung pan hongpai pa sia kei sang in vanglian zaw a, a peangdap toaisak tu zong ka kilawm bua hi: Ama in Tha Thiangtho le mei taw tuiphumna hong pia tuh hi:   
\p
\v 12 A khut sung ah tangkheaplaw toai in, tangzap tu hi, taang tang teng beamsung ah thun tu a, tangsi te sia a mit thei ngawl mei taw hal tu hi.   
\p
\v 13 Tua laitak in Jesus sia Galilee pan Jordan ngun ah tui ki phum tu in John kung ah hongpai hi.   
\s1 John in Jesus Tuiphumna Pia  
\r Lk. 3:21, 22; Jn. 1:31-34  
\p
\v 14 Ahihang John in ama tho a, Keima sia nangma i nong tuiphum tu hizaw napi, kei kung ah nang hongpai zaw ni ziam? ci hi.   
\p
\v 15 Tasiaciang Jesus in \wj Tu hile hibang hi phot hen, banghangziam cile thutang suana theampo a kicin kul hi, \wj* ci hi. Taciang John zong thukim hi.   
\p
\v 16 Jesus tui a kiphum zawk pociang tui sung pan hong pusuak to hi: taciang en vun, van ki hong in, Pathian Thaa sia vakhu bang hong tuaksuk in a tung ah a tawl nga, John in mu hi:   
\p
\v 17 Taciang van pan in aw khat in, Hisia in ka it ka Tapa a hihi, ama tung ah ka lungkim hi, ci hi.   
\c 4  
\s1 Doaimangpa in Jesus Ze-et  
\r Mk. 1:12, 13; Lk. 4:1-13  
\p
\v 1 Tua zawkciang doaimangpa i ze-etna thuak tu in Thaa in duisung ah paipui hi.   
\p
\v 2 Sun sawm li le zan sawm li an a tan zawkciang, Jesus a ngilkial hi.   
\p
\v 3 Tasia ciang ze-et tu pa hongpai a, Pathian Tapa na hile, suang hite anluum suak tu in thupia in, ci hi.   
\p
\v 4 Ahihang Jesus in, \wj Mihingte sia anluum bek taw hi ngawl in, Pathian kam pan a pusuak kammal taw nungta hi, ci in ki at hi, \wj* ci in zo kik hi.   
\p
\v 5 Tua zawkciang doaimangpa in Jesus sia khuapi thiangtho ah paipui a, biakinn khuvum ah a domto zawkciang,   
\p
\v 6 Pathian Tapa na hile nangma le nangma ki khiasuk in, banghangziam cile Pathian in a khut taw hong dom tu in vantungmi te thupia tu a, na peang suang taw ki khen ngawl tu hi, ci ki at hi, ci hi.   
\p
\v 7 Jesus in, \wj Na Topa Pathian na ze et heak in, ci zong ki at thua hi, \wj* ci in zo kik hi.   
\p
\v 8 Tua zawkciang doaimangpa in mualsang mama tung ah Jesus paipui in, leitung kumpingam theampo le vangletna te lak a,   
\p
\v 9 Ka mai ah kun in nong bia le, hi teng theampo kong pia tu hi, ci hi.   
\p
\v 10 Tuasia ciang Jesus in, \wj Satan awng, tai in: banghangziam cile, Topa na Pathian bek bia in a, Ama na bek seam in, ci in ki at hi, \wj* ci hi.   
\p
\v 11 Tasiaciang doaimangpa sia Jesus kung pan in tai a, vantungmi te hongpai in Jesus ou uh hi.   
\s1 Jesus Nasep Ki Pan  
\r Mk. 1:14; Lk. 4:14, 15  
\p
\v 12 John thongtak hi, ci thu Jesus in a zakciang in, Galilee ah pai hi;   
\p
\v 13 Nazareth khua nusia in, Capernaum ah om tu in pai hi, tua khua sia Zebulun le Naphtali ngamngi, tuipi hui ah a om khua a hihi.   
\p
\v 14 Hibang teng sia kamsang Isaiah i sonkholsa,   
\p
\v 15 Zebulun ngam le Naphtali ngam, Jordan ngun ngal tuipi pai na lam hui, Gentile mite omna mun Galilee;   
\p
\v 16 Khuazing sung ah a teang mihingte in, a lian mama khuavak mu tu a, thina lim nuai ah a om te tung ah khuavak tang tu hi, ci thu a tangtun na a hihi.   
\p
\v 17 Tua hun pan kipan Jesus in, \wj Na mawna ki sikkik vun: banghangziam cile vantung kumpingam hong nai zo hi, \wj* ci in thuhil kipan hi.   
\s1 Nungzui Masa te a Sapna  
\r Mak. 1:16-20; Luk. 5:2-11  
\p
\v 18 Jesus Galilee hui ah a va laitak in ngasa man te u nau ni, tui sung ah ngen a pai laitak mu hi, tua u nau ni te sia Peter a kici Simon le a nau Andrew te a hihi.   
\p
\v 19 Jesus in amate tung ah, \wj Hong zui tavun, mihing mante kong suaksak tu hi, \wj* ci hi.   
\p
\v 20 Tasia pociang amate in a ngen te nusia uh a, ama zui pai uh hi.   
\p
\v 21 Tua mun pan a paisuak uh ciang, Zebedee tapa te ni James le John te u nau mu hi, amate sia a pa taw ngunkuang sung ah a ngente a phaw laitak hi a; Jesus in amate sam hi.   
\p
\v 22 Tasia pociang a ngunkuang le a pa nusia in zui pai hi.   
\s1 Jesus in Mi Tam Mama Damsak  
\r Mk. 1:29-34; Lk. 6:17-19  
\p
\v 23 Jesus Galilee ngamsung theampo ah vak in, amate synagogue tatuam te ah thuhil a, kumpingam lungdamna thu son kawm in natna tatuam a thuak cina te damsak siat hi.   
\p
\v 24 Syria ngamsung theampo ah a minthang mama a: natna le ngimna namcin a thuak cina theampo ahizong, doai vei te, butthi thei te le langngaw te damsak siat hi.   
\p
\v 25 Galilee, Decapolis, Jerusalem, Judah le Jordah ngunngal pan mihon tampi te in Ama zui uh hi.   
\c 5  
\s1 Mualtung Thuhilna  
\r Lk. 6:20-49  
\p
\v 1 Tua mihonpi te Jesus in a mu ciang in mualtung ah kato hi: a tosuk zawkciang, a nungzui te a kung ah hongpai uh hi:   
\p
\v 2 Taciang a kam hong in, amate thuhil a,   
\p
\v 3 \wj Thaa thu ah a zawngkhal te thuphatoai a hihi: banghangziam cile vantung ki ukna sia amate a, a hihi.\wj*   
\p
\v 4 \wj Thum le tau in a kap te thuphatoai a hihi: banghangziam cile amate in henepna nga tu hi.\wj*   
\p
\v 5 \wj Mi nunneam te thuphatoai a hihi: banghangziam cile amate in leitung ngamh lua tu uh hi.\wj*   
\p
\v 6 \wj Thutang suana an du tui du bang in a du te thuphatoai a hihi: banghangziam cile amate a ngilva kik tu hi.\wj*   
\p
\v 7 \wj Hesuakna neite thuphatoai a hihi: banghangziam cile amate hesuakna ma sangkik tu hi.\wj*   
\p
\v 8 \wj Thinsung thiangtho te thuphatoai a hihi: banghangziam cile amate in Pathian mu tu hi.\wj*   
\p
\v 9 \wj Kilemna a vawt te thuphatoai a hihi: banghangziam cile amate Pathian tate kici tu hi.\wj*   
\p
\v 10 \wj Thutang suana hang in vawtsiatna a thuak te thuphatoai a hihi: banghangziam cile vantung ngam sia amate a, a hihi.\wj*   
\p
\v 11 \wj Keima hang in ngual in mawsiatna taw hong vawtsia a, leilot thu a tatuam a son ciang in, thuphatoai na hi uh hi.\wj*   
\p
\v 12 \wj Lungdam vun a, angtang vun, banghangziam cile vantung ah na thaman uh lian mama hi: banghangziam cile note mai ah kamsang te zong tabang ma in vawtsia ngei uh hi.\wj*   
\s1 Ci le Khuavak  
\r Mk. 4:21-23; Mk. 9:50; Lk. 8:16-18; Lk. 14:34, 35  
\p
\v 13 \wj Note sia leitung i ci na hi uh hi: ahihang ci sia a al na a om nawn bale, bangbang in al kik thei tu ziam? doipua ah vawk in peangtaw sikcil tu simngawl bangma phatuam ngawl hi.\wj*   
\p
\v 14 \wj Note sia leitung i khuavak na hi uh hi. Mualdawn ah a kisa khuapi sia kilia thei ngeingawl hi.\wj*   
\p
\v 15 \wj Kuama in khuaimei a det ciang khum taw khup ngei ngawl hi, meidetna munsang na ah suan in de hi; taciang tua meivang in innsung theampo tangsak hi.\wj*   
\p
\v 16 \wj Na khuavak uh midang te muna ah tang tahen, tabang in amate in a pha na vawt te mu tu a, van ah a om na Pa pokna pia tu uh hi.\wj*   
\s1 Thukham Hilna  
\p
\v 17 \wj Keima sia thukham le kamsang te thu siatsua tu in hongpai hi, ci in ngaisun heak vun: siatsua tu in hongpai ngawl khi hi, a kicingsak tu in hongpai zaw khi hi.\wj*   
\p
\v 18 \wj Amantak kong son hi, van le lei a bo zong thukham sung pan a nobel bawkno khat zong khuangkhim ngawl in bo thong ngawl tu hi.\wj*   
\p
\v 19 \wj Tua ahikom, a kuamapo in, thupiak te sung pan a nobel khat pealkhial in, ngualdang thu a hil le, vantung kumpingam sung ah a nobel hi kici tu hi: ahizong in a kuamapo in thupiakte seam a, ngualdang zong a hil le, vantung kumpingam sung ah lian hi, kici tu hi.\wj*   
\p
\v 20 \wj Banghangziam cile, thukhamhil te le Pharisee te na dem zo bua u le, vantung kumpingam sung ah tum thei ngawl tu nu hi, ci in kong son hi.\wj*   
\s1 Tualthat Thu  
\p
\v 21 \wj Nidanglai in, tualthat heak in; tualthat te thukhenna thuak tu kilawm hi, ci thu na zazo uh hi.\wj*   
\p
\v 22 \wj Ahihang keima in hibang in kong ci hi, a kuamapo matlap nei ngawl in a suapui te tung ah a thin-uk peuma, thukhenna thuak tu hi: taciang a kuamapo in, a suapui a zawngsak sia zong thukhen upa te kung puak tu kilawm hi: a kuamapo in, a suapuipa mi ngoai a ci peuma, hell sung a theng tu kilawm hi.\wj*   
\p
\v 23 \wj Tua ahikom biaktau tung ah piak tu na ken ciang in, na suapui khatpo i hong mawsiatna khatpo na phawk le, \wj*   
\p
\v 24 \wj Na piaktu sia biaktau mai ah nusia phot in a, na suapuipa kung ah pai masa in; kilemna na vawt zawkciang, biakpiakna pia kik pheang in.\wj*   
\p
\v 25 \wj Khat po in thu hong vawt a hile, zumkong na thetma in, lamkallak ah manlang in ama taw thukimna vawt pak in; tabang a hibale, thukhen te kung hong ap tu a, thukhen te in palik te hong ap in, palik te in thonginn ah hong khia tu hi.\wj*   
\p
\v 26 \wj A mantak kong ci ciang, liausum na piak siat mateng thonginn sung pan na suakta thei batu hi.\wj*   
\s1 Palngul Mawna  
\r Mat. 19:1-12; Mk. 10:1-12; Lk. 16:18  
\p
\v 27 \wj Nidang in palngul mawna vawtheak in, ci sia na zaksa uh a hihi:\wj*   
\p
\v 28 \wj Ahizong tu in, khatpo in numei khat khialpui nopna thin taw a en a hile, a thinsung pan tua nu taw khial zo hi.\wj*   
\p
\v 29 \wj Na ziatsang mit in hong khialsak a hile, khelkeak in vawk in: na pumpi vekpi taw hell sung ah na ki khiak tu sang in pumpi khen khat na sup tu phazaw hi.\wj*   
\p
\v 30 \wj Na ziatsang khut in hong khialsak le, tan in vawk in: na pumpi vekpi taw hell sung ah na ki khiak tu sang in pumpi khen khat na sup tu phazaw hi.\wj*   
\s1 Nupa Kikhenna Thu  
\p
\v 31 \wj Khat po in a zi a khul nuam a hile, khulna lai pia tahen, kici hi:\wj*   
\p
\v 32 \wj Ahihang keima in, khatpo in paktatna thu simngawl a zi a khul le, a zi sia palngul mawna vawt suaksak hi, taciang tua a ki khul numei a tenpui kik pa zong, palngul mawna vawt ma hi veve hi.\wj*   
\p
\v 33 \wj Nidang in, kamciam pia heak in, ahihang Topa kung ah na kiciamna te tangtun in, ci thu na zazo uh hi:\wj*   
\p
\v 34 \wj Ahihang kei ka hile hibang kong ci hi, kiciamna vawt lilim heak in; van sam in kiciam heak in; banghangziam cile Pathian kumpi tokhum a hihi:\wj*   
\p
\v 35 \wj Lei sam in kiciam heak in; banghangziam cile Pathian i peang ngak na mun hi: Jerusalem sam zong kiciam heak in; banghangziam cile a lian kumpipa omna mun khuapi a hihi.\wj*   
\p
\v 36 \wj Na lu sam in zong kiciam heak in, banghangziam cile na samzamno khat vomsak le kangsak thei ngawl ni hi.\wj*   
\p
\v 37 \wj Ahihang, ngualdang taw na ki paupui ciang in, A “hi” te ‘hi'; a “hi ngawl” te “hi ngawl” ma ci vun: banghangziam cile hi teng zawkciang sia pha nawn ngawl hi.\wj*   
\s1 Thukkikna Thu  
\r Lk. 6:27-36  
\p
\v 38 \wj Mittang khat luang in mit tang khat, hatang khat luang in ha tang khat, ci thu na zaksa uh a hihi:\wj*   
\p
\v 39 \wj Ahihang kei hibang in kong ci hi, siatna te na khak heak vun: khatpo in na ziatsang biang hong beang le, na veisang biang zong daw vet lai in.\wj*   
\p
\v 40 \wj Khatpo in na puansil dei in thu hong vawt le, na tungsil zong pia vet in.\wj*   
\p
\v 41 \wj Nang hong zawthawkvawt khatpo in tai khat hongpaisak le, tai ni dong paipui vet in.\wj*   
\p
\v 42 \wj Van hong ngen te pia in, ciang hong pu nuam te zong nial heak in.\wj*   
\s1 Ngalte Itna  
\r Lk. 6:29, 30  
\p
\v 43 \wj Na innpam it in, na ngal te ensan in, ci thu na zaksa uh a hihi.\wj*   
\p
\v 44 \wj Ahihang kei kong cina pan, na ngal te uh it vun a, no hong hamsiat te thupha pia vun, no hong ensan te atu thungetsak vun;\wj*   
\p
\v 45 \wj Tabang in vantung a om na Pa uh i tate na hi tu uh hi: banghangziam cile Ama in misia le mipha te tung ah ni suaksak a, thuman le thuman ngawl te tung ah ngua zusak hi.\wj*   
\p
\v 46 \wj Banghangziam cile no hong it te bek na it uh le, bang thaman a om ziam? siadong te nangawn zong in tabangma seam hi ngawl ziam?\wj*   
\p
\v 47 \wj Na suapui te bek na paupui uh le, ngualdang taw bang ki lamdang nu ziam? siadong te zong tabangma vawt hi ngawl ziam?\wj*   
\p
\v 48 \wj Vantung a na Pa uh cialcing ahi bangma in, no zong na cialcing uh kul hi, ci hi.\wj*   
\c 6  
\s1 Ngual Mu na ah Phatna  
\p
\v 1 \wj Mizawng te hu na na piak uh ciang in ngual mai ah na vawt thak tu kidawm vun, tabang in ngual mu na ah na vawt uh le vantung a om na Pa uh kung pan in thaman bangma nga ngawl tu nu hi.\wj*   
\p
\v 2 \wj Tua ahikom, mizawng te hu na na piak uh ciang in, a ki hitheamsak te in ngual pok tu thangai in synagogue sung le lampi dung teng ah a vawt bang in, na mai uh pan lemle tum in vawt heak vun. Amantak kong ci ciang, amate thaman a sang hi zo hi. \wj*   
\p
\v 3 \wj Ahihang mizawng te hu na na piak ciang in, na ziatsang khut i sep sia, na veisang khut in he heak tahen: \wj*   
\p
\v 4 \wj Kuama heak ngawl in mizawng te na hu na, thuku a mu na Pa in thaman a kilangtak in hong pia tu hi. \wj*   
\s1 Thungetna Thu  
\r Lk. 11:1-4  
\p
\v 5 \wj Thu na nget ciang in a ki hitheamsak te bang in ngen heak in: banghangziam cile amate sia synagogue sung le lamkabom ah ding in, ngual i mu thei tu in thungen nuam sap si. Amantak in kong ci ciang, amate sia thaman nga zo uh hi. \wj*   
\p
\v 6 \wj Ahihang, thu na nget ciang in, na inndoi sung ah tum in a, kongkha na kha zawkciang, a ki mu ngawl na mun ah a om na Pa kung ah thungen in; taciang thuku a mu na Pa in a kilangtak in thaman hong pia tu hi. \wj*   
\p
\v 7 \wj Ahizong, thu na nget ciang in Pathian nei ngawl te in matlap nei ngawl a thuap kikik bang in ngen heak vun: banghangziam cile amate in tam tatak ngen bialbual le Pathian in za tuansap tu in um uh hi.\wj*   
\p
\v 8 \wj Amate bang hi heak vun: na kisapna uh na nget uh ma in, na Pa uh in he siat zo hi.\wj*   
\p
\v 9 \wj Tua ahiciang, hibang in thu ngen vun: vantung a om kote Pa awng, na min thiangtho ki upat tahen.\wj*   
\p
\v 10 \wj Na kumpingam hong piang tahen. Vantung ah na deina a kicin bang in, leitung ah kicing tahen.\wj*   
\p
\v 11 \wj Tu ni in ka nisim an uh hong pia ta in.\wj*   
\p
\v 12 \wj Ngual dang mawna ka maisak uh bangma, kote mawna zong hong maisak ta in.\wj*   
\p
\v 13 \wj Ze-etna sung ah hong paipui ngawl in, phatngawlna sung pan in hong tankhia tan: ukzawkna, vangletna le minthanna a tawntung in nangma a, a hihi. Amen. \wj*   
\p
\v 14 \wj Ngual i khialna te na maisak uh le, vantung a om na Pa in note khialna zong hong maisak tu hi.\wj*   
\p
\v 15 \wj Ahihang ngual khialna na maisak bua uh le, noma khialna te zong na Pa uh in hong maisak ngawl tu hi.\wj*   
\s1 Antanna Thu  
\p
\v 16 \wj Bektham ngawl in, an na tan uh ciang in, a ki hitheamsak te bang in maikhing in om heak vun: ngual mu na ah antang ci a ki heak thei natu in maikhing in om uh hi: Amantak in kong ci ciang, amate in thaman a sang zo uh hi.\wj*   
\p
\v 17 \wj Ahihang, nang na hile, an na tan ciang in, na lu sathau thi in a, na mai phiat in. \wj*   
\p
\v 18 \wj Tua hile na antan hunlam ngualdang kung ah ki lang ngawl tu a, a kimu ngawl na mun ah a om na Pa mai bek ah kilang tu hi: taciang thuku a mu na Pa in kilangtak in thaman hong pia tu hi. \wj*   
\s1 Neisa Kholna Thu  
\r Lk. 12:33, 34  
\p
\v 19 \wj Nget i neak thei, eakseau thei le nguta te i phul in a nguk theina hileitung ah na neisa uh khol heak vun: \wj*   
\p
\v 20 \wj Nget i neak thei ngawl, eakseau thei ngawl le nguta te in phul in a nguk thei ngawl na mun, vantung ah noma atu in neisa te khol zaw tavun: \wj*   
\p
\v 21 \wj Banghangziam cile na neisa omna mun ah na thin le lung zong om tu hi. \wj*   
\s1 Pumpi Khuavak  
\r Lk. 11:34-36  
\p
\v 22 \wj Mittang sia pumpi atu in khuavak a hihi: na mit a ciim le, na pumpi khuavak siat tu hi.\wj*   
\p
\v 23 \wj Ahizong, na mit a pha bua a hile, na pumpi theampo mial siat tu hi. Tua ahikom na sung ah a om khuavak a thim le, tua khuazing sia bangza zing tuh ziam? \wj*   
\s1 To Namni  
\p
\v 24 \wj Kuama in to ni i sal hi thei ngawl hi: banghangziam cile ama in khat ensan tu a, khat it tu hi; khat zaw sia beal tu a, a dang khat sia thusimngawl tu hi. Pathian le neisa i sal na seam khawm thei batu hi. \wj*   
\s1 Thintoi Heak Vun  
\r Lk. 12:22-32  
\p
\v 25 \wj Tua ahikom kei kong ci na ah, bang na ne tu uh a, a hibale, bang dawn tu nu ziam: taciang na pumpi atu in, bang na sil tu uh ziam, ci in na nuntakna atu in thintoi heak vun. An le tui sang in na nuntakna, nik le puan sang in pumpi thupi zaw hi ngawl ziam? \wj*   
\p
\v 26 \wj Van a leang vacim te en vun: amate in thai cing ngawl, anla ngawl a, saal sung ah zong khol ngawl hi; ahihang vantung ah a om na Pa in amate vak hi. Vacim te sang in thupi zaw hi ngawl nu ziam? \wj*   
\p
\v 27 \wj Note sung pan thintoi na taw a khan tong khat a pe thua thei akua om ziam? \wj*   
\p
\v 28 \wj Banghang in nik le puan atu thintoi nu ziam? Duisung ah unok pak te bangbang in khang ziam, ci in ngaisun vun; naseam ngawl hi, pat khau zong hual ngawl hi: \wj*   
\p
\v 29 \wj Kei kong ci na pan, Solomon in a vangletna theampo taw a kipua ciang zong tua unok pak te khat zong ban ngawl lai hi. \wj*   
\p
\v 30 \wj Tua ahikom, tu in pak a, zingciang in vawk in a ki hal tu lo lai a lopa te bekzong Pathian in zeam a hile, tua te sang in, note hong zeam zawkan lai tu hi ngawl ziam, maw no upna no te. \wj*   
\p
\v 31 \wj Tua ahikom, bang i ne tu ziam? a hibale, bang i dawn tu ziam? a hibale, bang sil tu hi ziam, ci in thintoi heak vun. \wj*   
\p
\v 32 \wj Banghangziam cile hite theampo sia Gentile te in zong thei bul uh hi: hibang te na kisap uh hunlam vantung ah na Pa uh in he nginge hi.\wj*   
\p
\v 33 \wj Tua sang in Pathian kumpingam le ama i thutang suana zong masa vun; taciang hi nate theampo zong hong pia thua tu hi. \wj*   
\p
\v 34 \wj Tua ahikom zingciang atu in thintoi in om heak vun: banghangziam cile zingciang in ama atu thintoi tu zam. Tuni phatngawlna teng tuni atu kicing zo hi. \wj*   
\c 7  
\s1 Ngualdang Thukhen Heak Vun  
\r Lk. 6:37-42  
\p
\v 1 \wj Thukhenna taw na ki peal thei natu in, ngualdang thukhen heak vun.\wj*   
\p
\v 2 \wj Banghangziam cile ngual dang te thu na khen uh bangma in, ngualdang te in zong no tung thu hong khen tu hi: ngualdang te na tekak bangma in hong te kik tu hi.\wj*   
\p
\v 3 \wj Na mit sung ah thing tawnpui thintoi ngawl in, na suapuipa mitsung a om nin themno sia banghang en ni ziam.\wj*   
\p
\v 4 \wj Na mitsung a om thing tawnpui om nginge in, na suapuipa mitsung a om nin themno sia kong kheisak tu, bangbang ci thei tu ni ziam? \wj*   
\p
\v 5 \wj A ki hitheamsakpa, na mitsung a thing tawnpui sia vawk masa in a; tuazawkciang na suapuipa mitsung a nin themno sia kheisak tu in thiangtak in mu thei tu ni hi.\wj*   
\p
\v 6 \wj A thiangtho nate ui te na pia heak vun a, vok te mai ah pale te lot heak vun, a peang nuai ah sikcil tu a, leheak in hong pet tu hi.\wj*   
\s1 Ngen, Zong, King  
\r Lk. 11:9-13  
\p
\v 7 \wj Ngen vun, hong pia tu hi; zong vun, mu tu nu hi; king vun, hong ki hon tu hi:\wj*   
\p
\v 8 \wj Banghangziam cile a ngen te in nga hi; a zong te in mu hi; a king te ki hon tu hi.\wj*   
\p
\v 9 \wj Na tate in anluum hong ngen le, a kua in suangtum na pia tu uh ziam?\wj*   
\p
\v 10 \wj Ngasa hong nget ciang, kua in ngul na pia tu uh ziam?\wj*   
\p
\v 11 \wj Na phat ngawl uh kawm pan in na tate letsong pha nano piak tu na he uh le, vantung a a om na Pa uh in a ngen te a tamzawkan in pia ngawl in om tu ziam?\wj*   
\s1 Kumpi Thukham  
\r James 2:8  
\p
\v 12 \wj Tua ahikom ngual in no tung ah hong vawt le na oai uh theampo, ngualdang tung ah zong vawt tavun: banghangziam cile hiteng theampo sia thukham le kamsang te thu theampo a khaikim thu a hihi.\wj*   
\s1 Lampi Namni  
\r Lk. 13:24  
\p
\v 13 \wj Kongbiang ciak pan in tum vun: banghangziam cile siatna a then kongpi le lampi sia zai mama a, a tum tam mama hi:\wj*   
\p
\v 14 \wj Banghangziam cile nuntakna a then kongpi le lampi sia ciak hi, a tawn tha le a tum tawm hi.\wj*   
\s1 Leilot Kamsang  
\r Lk. 6:43, 44  
\p
\v 15 \wj A sungsang sia ngia hangsan hi napi, ki phualseal in na kung hongpai leilot kamsang te kidawm vun.\wj*   
\p
\v 16 \wj Ama te i nga tungtawn in na tel tu uh hi. Mihing te in lingkung pan in sapit le thei a lo ngei ziam?\wj*   
\p
\v 17 \wj Tabangma in thingkung pha in nga pha nga a; thingkung pha ngawl in nga pha ngawl ma nga hi.\wj*   
\p
\v 18 \wj Thingkung pha in nga pha ngawl a nga thei ngawl bangma in, thingkung pha ngawl zong nga pha nga thei ngawl hi.\wj*   
\p
\v 19 \wj Nga pha nga ngawl thingkung peuma phuk in, meisung ah khia hi.\wj*   
\p
\v 20 \wj Tua ahiciang amate i nga te pan in amate hi na tatak na tel tu uh hi.\wj*   
\s1 Tapidaw Minpu  
\r Lk. 6:46  
\p
\v 21 \wj Topa, Topa, ci in hong sam theampo vantung kumpingam sung ah tum siat ngawl tu uh hi; ahihang vantung a a om i Pa deibang a seam te bek tum tu hi.\wj*   
\p
\v 22 \wj Tua ni ciang in, Topa, Topa, na min taw mailam thu sonkhol hi ngawl khu ziam? taciang na min taw doai te zong hawlkhia hi ngawl khu ziam? bekdom ngawl in na min taw nalamdang tam mama vawt hi ngawl khu ziam? ci in mi tampi te in ka kung ah hong ci lai tu hi.\wj*   
\p
\v 23 \wj Tasiaciang, note kong he ngei bua hi: na pha ngawl seam te ka kung pan kiheam vun, ci in thiangtak in ka ci tu hi.\wj*   
\s1 Innsa Ni  
\r Lk. 6:47-49  
\p
\v 24 \wj Tua ahikom, a kuamapo in, ka son thu za a, a seam te sia suangtung ah innsa mipil pa taw kibang hi:\wj*   
\p
\v 25 \wj Nguazu in khuanawl suak a, huipi in tua inn sia nawm in nuaicip napi; puk ngawl hi: banghangziam cile suangtung ah a kisak hang a hihi.\wj*   
\p
\v 26 \wj Akua mapo in ka son thu te za napi, a seam ngawl sia, senneal tung ah innsa mi mawmawpa taw kibang hi:\wj*   
\p
\v 27 \wj Nguazu in khuanawl suak a, huipi in tua inn sia nawm in a nuaicip ciang in; tua inn puk hi: a nasia mama puna a hihi.\wj*   
\p
\v 28 Jesus in hi thu te a son zawkciang in, mihon te in ama hilna lamdangsa mama uh hi.   
\p
\v 29 Banghangziam cile thukham hil te bang hi ngawl in, thunei ulian khat bang in hil hi.   
\c 8  
\s1 Jesus in Miphak Khat Damsak  
\r Mk. 1:40-45; Lk. 5:12-16  
\p
\v 1 Jesus mualtung pan hong tuaksuk ciang in, mihonpi te in zui uh hi.   
\p
\v 2 Tasiaciang miphak khat a kung ah hongpai in, a biak zawkciang, Topa, uk hipo le te, hong thiangsak thei ni hi, ci hi.   
\p
\v 3 Jesus in a khut zan in, tham a, \wj Ka uk hi, thiang tan, \wj* ci hi.   
\p
\v 4 Jesus in tua pa tung ah, \wj Ngai in, kuama son heak in; ahihang thiampipa kung ah pai in kilak in, midang atu tetti hi tu in, Moses thupiakna bang in, biakpiakna pia in, \wj* ci hi.   
\s1 Ngalkap Mangpa Naseampa Damsak  
\r Lk. 7:1-10  
\p
\v 5 Jesus Capernaum khua sung a tum ciang in, zakhat uk ngalkapmang khat a kung ah hongpai in, hesuak ngen hi,   
\p
\v 6 Topa awng, ka naseampa langngaw nat na in inn ah lum a, ngim mama hi, ci hi.   
\p
\v 7 Jesus in ama kung ah, \wj Hongpai in damsak tu khi hi, \wj* ci hi.   
\p
\v 8 Tua ngalkap mangpa in, Topa, nangma vateak ka inn sung dong nong pai tu ki phu ngawl khi hi: ahizong kamkhat bek son po le te, ka naseampa dam lel tu hi.   
\p
\v 9 Banghangziam cile keima sia khutnuai a om ka hi a, ka khutnuai ah zong ngalkap te nei khi hi; khatpo pai in, ka cile pai a, a dang khat sia hongpai tan, ka cile hongpai hi; ciang ka naseam khat, hisia seam in ka cile seam hi, ci in zo kik hi.   
\p
\v 10 Jesus in hi thu a zak ciang, lamdangsa in, a nungzui te kung ah, \wj A tatak in ka ci ciang, Israel te sung nangawn ah hibangza a lian upna mu ngeingawl lai khi hi. \wj*   
\p
\v 11 \wj Kei kong ci na ah, nisuana le nitumna pan in mihing tam mama hongpai tu a, vantung kumpingam sung ah Abraham, Isaac le Jacob te taw tokhawm tek tu hi. \wj*   
\p
\v 12 \wj Ahihang kumpingam sung ah omte sia kaana le ha ngoaina om na mun, doipua khuazing sung ah khia tu hi.\wj*   
\p
\v 13 Jesus in ngalkap mangpa kung ah, \wj Cia kik tan, na upna bang in kivawtsak zo tu hi, \wj* ci hi. Ngalkap mangpa naseampa tua hun laitak lian in dam hi.   
\s1 Jesus in Tam Mama Damsak  
\r Mk. 1:29-34; Lk. 4:38-41  
\p
\v 14 Jesus Peter innsung a tum laitak in, Peter zi i nu sia cisa natna taw dam ngawl in mu hi.   
\p
\v 15 Jesus in a khut pan tham in, a cisa dam hi: taciang tho in, amate leangna do hi.   
\p
\v 16 Nitak sang hong thet ciang in, doaivei tam mama hong paipui uh hi: Jesus in a kammal taw thaa niin te hawlkhia in, cina theampo damsak siat hi:   
\p
\v 17 Hi thu sia, Ama vateak ma in i thaneamna le i natna theampo hong laksak siat hi, ci in kamsang Isaiah sonkhol thu a tangtun na a hihi.   
\s1 Jesus Nungzui Thaman  
\r Lk. 9:57-62  
\p
\v 18 Jesus in a kim a om mihon tampi te a mu ciang in, ngalkhat ah pai tu in thupia hi.   
\p
\v 19 Thukhamhil khat a kung ah hongpai a, Syapa awng, na pai na po ah kong zui tu hi, ci hi.   
\p
\v 20 Jesus in, \wj Ngia te in kua nei a, tungleang vacimte in zong bu nei uh hi; ahihang mihing Tapa in a lu ngak natu nangawn zong nei ngawl hi, \wj* ci hi.   
\p
\v 21 A nungzui dang khat in, Topa awng, pai in ka pa hong vuisak masa tan, ci hi.   
\p
\v 22 Ahihang Jesus in, \wj Hong zui tan, mithi te in amate i mithi te vui tahen, \wj* ci hi.   
\s1 Jesus in Huipi Suangval Thimsak  
\r Mk. 4:35-41; Lk. 8:22-25  
\p
\v 23 Jesus ngunkuang sung a thet ciang in, a nungzui te in zui hi.   
\p
\v 24 Taciang en vun, tuipi sung ah huipi suangval hong tho ngawp a, ngunkuang sia tui in khum hi: ahihang Jesus sia mu hi.   
\p
\v 25 A nungzui te hongpai in phong a, Topa awng, hong hun tan: bocip khu hi, ci hi.   
\p
\v 26 Jesus in, \wj Banghang in lau nu ziam, upna no te awng?\wj* ci hi. Tua zawkciang Jesus tho in, hui le tuipi thupia hi; taciang thim khipkhep hi.   
\p
\v 27 Lamdang sa mama uh a, hi sia pa sia bangbang mihing hi tu ziam, hui le tuipi te nangawn in a thu ngai hi, ci hi.   
\s1 Jesus In Thin Manngawl Ni Damsak  
\r Mk. 5:1-20; Lk. 8:26-39  
\p
\v 28 Jesus ngalkhat Gargesenes ngam a thet ciang in, than pan hong pusuak doai vei thin-am ni taw ki si hi, amate sia ngilo mama ahikom, tua lampi sia kuama in tawn ngam ngawl hi.   
\p
\v 29 Amate au in, Jesus, nang Pathian Tapa, ko kung ah bang kin nei ni ziam? A hun cin ma ko hong vawtsia tu in hongpai ni ziam? ci uh hi.   
\p
\v 30 Tuak sung pan a khuala hiat na mun ah an zong tu a ki tha vokhon te om hi.   
\p
\v 31 Doai te in Jesus thum uh a, nong hawlkhia tu a hile, zesung vokhon sung ah hong tumsak tan, ci hi.   
\p
\v 32 Jesus in, \wj Pai vun, \wj* ci hi. Amate pusuak in vokhon te sung ah tum uh hi: taciang, en vun, vok te a vekpi in tai a, tuipi sung ah kinuntaw suk in, tuisung ah thi siat hi.   
\p
\v 33 Vokcing te khuapi sung ah tai in, doai vei te ni tung ah thupiang teng son uh hi.   
\p
\v 34 Tua ahikom khuapi sung mihing bup Jesus taw kisi tu in hongpai tek uh a: a mu uh ciang amate ngamngi pan pusuak tu in ngen uh hi.   
\c 9  
\s1 Jesus in Langngawpa Damsak  
\r Mk. 2:1-12; Lk. 5:17-26  
\p
\v 1 Jesus ngunkuang sung ah tum a, a langkhat dong kantan in, ama khuapi ah theng hi.   
\p
\v 2 Langngaw nat hang in lupna tung ah a lum cina khat, Jesus kung ah hong paipui uh hi: Jesus in amate upna a mu ciang in cina pa kung ah, \wj Ka tapa awng, thinnuam in om in; na mawna ki maisak zo hi, \wj* ci hi.   
\p
\v 3 Tasiaciang thukhamhil te pawlkhat in, hi sia pa in Pathian thusimngawl hi, ci in a thinsung uh pan ci uh hi.   
\p
\v 4 Tabang in a ngaisut uh Jesus in he a, \wj Banghang in thupha ngawl na thinsung uh pan ngaisun nu ziam?\wj*   
\p
\v 5 \wj Na mawna hong ki maisak zo hi; a hibale, tho in a, lampai in, ci koisia ol zaw ziam?\wj*   
\p
\v 6 \wj Mihing Tapa in leitung ah mawmaisak theina vangletna nei hi, ci na heak thei natu uh in, cina pa kung ah, tho in a, na luppha la in, na inn ah cia in, \wj* ci hi.   
\p
\v 7 Taciang ama zong tho in, a inn ah cia hi.   
\p
\v 8 Tua thu mipi te in a mu uh ciang in, lamdangsa tek in, hibang in mihing te tung ah vangletna a pia Pathian poktek uh hi.   
\s1 Jesus in Matthew Teal  
\r Mk. 2:13-17; Lk. 5:27-32  
\p
\v 9 Jesus tua mun teng kantan in pai a, Matthew a kici pa khat shia piakna zum sung ah ato mu a: \wj Hong zui tan, \wj* ci hi. Taciang ding vangiat in Jesus nungzui hi.   
\p
\v 10 Tua zawkciang in, Jesus anne tu in a to ciang, siadong te le mawnei te zong hongpai in nungzui te taw tokhawm tek uh hi.   
\p
\v 11 Pharesee te in a mu ciang in a nungzui te kung ah, na syapa uh banghang in hibang mite taw anne ziam? ci uh hi.   
\p
\v 12 Ahihang Jesus in a zakciang in amate tung ah, \wj A cidam te in syavuan kisam ngawl hi, cina te bekma in kisam hi.\wj*   
\p
\v 13 \wj Ahihang pai tavun a, biakpiakna sang in hesuakna dei zaw khi hi, ci thu a khiakna sin tavun: banghangziam cile mipha te sam tu in kong pai bua hi, mawnei te ki sikkik natu kong pai hi, \wj* ci hi.   
\s1 John Nungzuite in Antan Thu Dong  
\r Mk. 2:18-22; Lk. 5:33-39  
\p
\v 14 Tua zawkciang, John nungzui te a kung ah hongpai a, koma le Pharesee te antang tawntung khu hi, banghang na nungzui te antang ngawl ziam? ci hi.   
\p
\v 15 Jesus in, \wj Bangbang in zinei pa omlaitak in a lawmte antang tu ziam? ahihang zinei pa sia amate kung pan in mundang ah a ki paipui zawkciang amate antang pheang tu hi.\wj*   
\p
\v 16 \wj Kuama in puan luisa khat a thak taw phaw thua ngei ngawl hi, banghangziam cile, tua a phaw thua na puanthak in puan lui sia kaikin tu a, ekkeak seseam tu hi.\wj*   
\p
\v 17 \wj Tasia bangma in savun um lui sung ah kuama in sapittui thak thun ngei ngawl hi: a thun le savun um tamtham tu a, sapittui buasiat in, savun um zong laltham tu hi: ahihang sapittui thak sia savun um thak sung ah a thun le, a ni ma pha khawm tu hi, \wj* ci hi.   
\s1 Kum Sawm le ni Thisuak nu le Ulianpa Tanu  
\r Mk. 5:21-43; Lk. 8:40-56  
\p
\v 18 Tua thu a son laitak in, Ulian khat Jesus kung ah hongpai in bia a, ka tanu tulian ma in thi hi: ahihang hongpai in atung ah na khut suan in, ama nungtakik tu hi, ci hi.   
\p
\v 19 Jesus ding in ama zui a, nungzui te in zong zui uh hi.   
\p
\v 20 Tasiaciang, kum sawm le kum ni sung thisuak natna a nei numei khat a nungsang pan hongpai in, Jesus puan mong tham hi:   
\p
\v 21 A puanmong beak ka tham zong, dam tu khi hi, ci a thinsung pan ngaisun hi.   
\p
\v 22 Jesus in le-et kik in, numei nu a mu ciang, \wj Ka tanu awng, na thin nuamsak in; na upna in hong damsak zo hi, \wj* ci hi. Tua hun lian pan in numei nu dam hi.   
\p
\v 23 Tua zawkciang Jesus ulianpa inn sung a tum laitak in, tumnging tum te le mihing te ngamlum litlut in om khawm tek a mu ciang,   
\p
\v 24 Amate kung ah, \wj Hong pial tavun: banghangziam cile hi numeino sia thi ngawl hi, mu hi, \wj* ci hi. Tasiaciang amate in nuisan uh hi.   
\p
\v 25 Mihonte a pusua zawkciang, a sung ah tum a, a kut pan len hi, taciang numeino hong tho hi.   
\p
\v 26 Hi thu tua ngam sung bup ah thang hi.   
\s1 Mittaw Ni Khuamusak  
\p
\v 27 Jesus tua mun pan a pai ciang, mittaw ni te in zui in au kawm a, nang David tapa, hong hesuak kapo in, ci hi.   
\p
\v 28 Jesus inn sung ah atum ciang in, mittaw te a kung ah hongpai a: Jesus in, \wj Hi thu seam thei tu in nong um uh ziam?\wj* ci hi. Amate in hong um khu hi Topa awng, ci hi.   
\p
\v 29 Tasiaciang, Jesus in amate mit thamsak in, \wj Na upna uh bangin piang tahen, \wj* ci hi   
\p
\v 30 Tasiaciang in amate mit ki hong kik a, \wj Kuama na hesak heak vun, \wj* ci in Jesus in nasiatak in vaitha hi.   
\p
\v 31 Ahihang amate pai in, Jesus thu sia tua ngamsung theampo ah kizelsak hi.   
\s1 A Pau Thei Ngawl Pau  
\p
\v 32 Amate a pusua uh ciang, doaivei hang in a pau thei ngawl khat a kung ah hong paipui uh hi.   
\p
\v 33 Tua doai a hawlkhiat zawkciang, a pau thei ngawl pa sia hong pau in: mipi te in lamdangsa mama uh a, Israel mite sung ah hibang i mu ngei balai hi, ci tek uh hi.   
\p
\v 34 Ahihang Pharisee te in, doai kungpu vang taw in doai te nawt hi, ci uh hi.   
\s1 Tang At Tu Tam, A At Tu Tawm  
\p
\v 35 Jesus sia khuapi le khuano te ah vak kawkoai in, amate synagogue sung ah kumpingam lungdamna thu son kawm in, natna namcin a thuak te damsak siat hi.   
\p
\v 36 Mihon te amu ciang in, amate tung hesuakna thin nei hi, banghangziam cile amate sia toi mama uh a, a cing tu om ngawl a peakkeak tuu taw kibang sa hi.   
\p
\v 37 Tua zawkciang, a nungzui te kung ah, \wj Anlak tu tam mama napi, naseam te tawm hi;\wj*   
\p
\v 38 \wj Tua ahikom anneipa tung ah, anla tu naseam mi tam mama hong sawl natu, thu na ngen vun, \wj* ci hi.   
\c 10  
\s1 Nungzui Sawmleni Te  
\r Mk. 3:13-19; Lk. 6:12, 16  
\p
\v 1 Jesus in nungzui sawmleni te sam in, tha-nin te hawlkhiat thei natu le natna namcin damsak thei na vangletna pia hi.   
\p
\v 2 Nungzui sawmleni te i min sia hi teng a hihi; a masa phit in Peter kici Simon le a nau Andrew; Zebedee i tapa James le a nau John;   
\p
\v 3 Philip le Bartholomew; Thomas le siadongpa Matthew; Alphaeus i tapa James le Thaddaeus kici Lebbaeus;   
\p
\v 4 Canan minam Simon, le Jesus leheakpa Judah Iscariot te a hihi.   
\s1 Nungzuite tung Thupia  
\r Mk. 6:7-13; Lk. 9:1-6  
\p
\v 5 Hi sawmleni teng paisak in thupia hi, \wj Gentile te kung paina lampi le Samaria minam te i khuapi sung ah tum heak vun:\wj*   
\p
\v 6 \wj Ahihang, Israel minam sung pan a mangthang tuu te kung ah pai zaw vun.\wj*   
\p
\v 7 \wj Na pai uh kawm, vantung kumpingam hong nai zo hi, ci in thuhil tavun.\wj*   
\p
\v 8 \wj Cina te damsak vun, miphak te thiangsak vun, mithi te thosak vun, doai te hawlkhia vun a, a thong in na san uh te sia a thong ma in pia tavun.\wj*   
\p
\v 9 \wj Na sumbawm uh sung ah kham, ngun le tau ngo te keng heak vun, \wj*   
\p
\v 10 \wj Na khualhaw na atu thungkua ahizong, puan sil ni ahizong, peangdap kop ni le ciangkhut te zong keng heak vun: banghangziam cile naseampa an vak tu kilawm hi.\wj*   
\p
\v 11 \wj Khuapi sung a hibale, khuapi khatpo sung na tum tu uh ciang, zintun natu a ki phu le a ki phu ngawl dong masa vun; na pusuakik dong tua mun ah tam vun.\wj*   
\p
\v 12 \wj Innsung na tum uh ciang, innteak te nukset vun.\wj*   
\p
\v 13 \wj Tua inn sia a ki phu le, ama tung ah na thupha uh theng tu hi: ahihang a ki phu bale, noma tung ah hong heakkik tu hi.\wj*   
\p
\v 14 \wj Taciang khatpo in note hong sang ngawl le na thu uh hong ngai nuam ngawl te tung ah, a inn a hibale, a khuapi pan na pusua uh ciang, na peang i leivui te thin vun.\wj*   
\p
\v 15 \wj A tatak kong ci ciang, thukhen ni ciang in tua khuapi sang in Sodom le Gomorah te thuakna sia ol zaw lai tu hi.\wj*   
\p
\v 16 \wj En vun, ngia hon sung ah tuu bang in kong paisak hi: Tua ahikom ngul bang in pilvang vun a, vakhu bang in cingh tavun.\wj*   
\p
\v 17 \wj Mihing te kidawm vun: banghangziam cile zum ah hong ap tu a, synagogue sung ah hong vel tu hi;\wj*   
\p
\v 18 \wj Keima, na tetti pan na uh le Gentile te hang in thunei te le kumpi te mai ah hong puak tu uh hi.\wj*   
\p
\v 19 \wj Ahihang amate i hong ap ciang in, bang son tu le bangbang son tu, ci thintoi in om heak vun: banghangziam cile a hun a cin ciang na pau tu uh hong kipia tu hi.\wj*   
\p
\v 20 \wj Banghangziam cile noma pau hi ngawl in, na sung uh ah a om na Pa uh i Thaa in pau hi zaw hi.\wj*   
\p
\v 21 \wj Suapui laipe cilteal zong thi na ciang ki then tu a, a pa in a tapa ahizong: tate in a nu le a pa ahizong thi na dong ki then tu uh hi.\wj*   
\p
\v 22 \wj Ka min hang in mi theampo in hong ensan tu hi: ahihang a tawp dong a thuakzo sia suatakna nga tu hi.\wj*   
\p
\v 23 \wj Hi khuapi sung ah hong ki vawtsia le, a dang khat ah tai vun: A tatakin kong ci ciang, mihing Tapa hong paikik ma in, Israel te khuapi theampo thengsiat man ngawl tu nu hi.\wj*   
\p
\v 24 \wj Nungzui khat sia a syapa sang in a sanzawk ngawl bangma, naseam pa zong a topa sang in sangzaw ngawl hi.\wj*   
\p
\v 25 \wj Nungzui sia syapa bang ahizong, naseam khat sia a topa taw a kibang le, pha zo hi. Innteak sia Beelzabub a kici le, a innkuanpui te kicizaw kan tu hi ngawl ziam?\wj*   
\p
\v 26 \wj Tua ahikom, amate lau heak vun: a kilang ngawl tu in phualseal thei a om ngawl bangma; heak ngawl tu in a ki phualseal thei zong om ngawl hi.\wj*   
\p
\v 27 \wj Khuazing sung ah kong son te sia khuavak sung ah son tavun a, a thimtham na zak uh te innkhum tung pan in na thangsak tu uh hi.\wj*   
\p
\v 28 \wj Taciang, pumpi that in, tha a that thei ngawl te lau heak vun: ahihang tha le taksa pumpi hell sung ah a lalcip khawmsak thei sia lau zaw vun.\wj*   
\p
\v 29 \wj Tonbawm ni sia pia khat in ki zuak hi ngawl ziam? ahizong tua tonbawm khat nangawn na Pa thu ngawl in lei ah tak ngawl hi.\wj*   
\p
\v 30 \wj Ahihang note na hi uh le na lu tung ah na samzam te dong in hong ki simsak siat sa a hihi.\wj*   
\p
\v 31 \wj Tua ahikom lau heak vun, note sia tonbawm tam mamate sangin manphazaw nu hi.\wj*   
\p
\v 32 \wj Akua mapo mipi mai ah kei hong pualak peuma, vantung Pa mai ah ama zong ka pualak tu hi.\wj*   
\p
\v 33 \wj Ahihang mihingte mai ah kei hong nial peuma, vantung Pa mai ah zong ka nial tu hi.\wj*   
\p
\v 34 \wj Leitung ah kilemna puak tu in hongpai hi, ci in ngaisun heak vun: kilemna puak tu in hongpai ngawl zaw in, namsau taw hongpai khi hi.\wj*   
\p
\v 35 \wj Banghangziam cile Keima sia, pa le tapa te, nu le tanu te, nu le monu te ki tukalsak tu in hongpai khi hi.\wj*   
\p
\v 36 \wj Khatpo i a ngal te sia ama innsung pan hi tu hi.\wj*   
\p
\v 37 \wj Akua mapo kei sang in a nu le a pa a it zaw sia, kei taw ki phu ngawl hi: kei sang in a tapa le a tanu a it zaw sia kei taw ki phu ngawl hi.\wj*   
\p
\v 38 \wj Akua mapo ama thinglamte pua in ka nung hong zui ngawl peuma, kei taw ki phu ngawl hi.\wj*   
\p
\v 39 \wj A nuntakna a zong peuma a nuntakna sum tu hi, keima hang in a nuntakna a suplaw peuma nuntakna mu tu hi.\wj*   
\p
\v 40 \wj Note hong sang peuma keima hong sang hi a, keima hong sang peuma in keima hong sawlpa a sang a hihi.\wj*   
\p
\v 41 \wj Kamsang min taw kamsang a sang peuma thaman nga tu hi; mipha min taw mipha a sang peuma thaman nga tu hi.\wj*   
\p
\v 42 \wj A tatak kong ci ciang, a kuamapo in, a nobel te sung pan, khatpo sia nungzui mintaw tuivot hai no khat a pia le, thaman sumthong peuma ngawl tu hi.\wj*   
\c 11  
\s1 Jesus le Tuiphumpa John  
\r Lk. 7:18-35  
\p
\v 1 Jesus in a nungzui sawmleni te thu a hil zawkciang, tua mun pan pusuak in, amate khuapi sungteng ah hilna pia tu le thuhil tu in pai hi.   
\p
\v 2 Thonginn sung pan in tuiphumpa John in Christ nasep nate a zak ciang in, a nungzui ni te sawl a,   
\p
\v 3 Jesus kung ah, Nangma sia hongpai tu pa na hi ziam, a hibale a dang ngak laitu khu ziam, ci in dong hi.   
\p
\v 4 Jesus in, \wj Heakkik tavun a, na zak le na mu uh teng John tung ah sonkik vun;\wj*   
\p
\v 5 \wj Mittaw te khuamu in, peangbai te lampai thei a, miphak te thiangsak in, nangong te khuaza thei a, mithi te thosak in, mizawng te tung ah lungdamna thu ki tangko zo hi.\wj*   
\p
\v 6 \wj Akua mapo kei hang in muanlakna a nei ngawl te thuphatoai a hihi, \wj* ci in zo kik hi.   
\p
\v 7 Amate a heakkik zawkciang Jesus in mipi te tung ah John thu son kipan a, \wj Duisung ah bang en tu in pai nu ziam? Hui i seam phaikung ngawk ziam?\wj*   
\p
\v 8 \wj Bang en tu in pai nu ziam? Puanneam hoi nano sil mu nuam nu ziam? en vun, puanneam nano sil te kumpi innsung ah a om te a hihi.\wj*   
\p
\v 9 \wj Bang en tu in pai nu ziam? Kamsang ziam? hi hi, kamsang bek domngawl hi, kong ci hi.\wj*   
\p
\v 10 \wj Banghangziam cile, en in, na mai ah na lampi puakhol tu in ka thupuak sawl khi hi, ci a ki atkholsa thu sia, John thu a hihi.\wj*   
\p
\v 11 \wj A tatak ka ci ciang, numei sung pan a piang teng sungpan tuiphumpa John sang in a lianzaw kuama om ngawl hi: ahihang vantung kumpingam sung ah a nobel sia nangawn John sang in lianzaw lai hi.\wj*   
\p
\v 12 \wj Tuiphumpa John hunlai pan in tuni dong vantung kumpingam sia zawthawkthu taw ki suttol in, a ngoltol te in sut in la hi.\wj*   
\p
\v 13 \wj Banghangziam cile, kamsang theampo le Moses thukham te in John hundong maisang thu sonkhol zo uh hi.\wj*   
\p
\v 14 \wj Hi thu te na sangthei uh le, Elijah hongpai tu hi, a ci sia a ma John hi zo hi.\wj*   
\p
\v 15 \wj Zak natu bil nei theampo in za tahen.\wj*   
\p
\v 16 \wj Tu hun mihing te sia bang taw sonte tu khi ziam? Amate sia sumbuk te ah to in, a lawmte a biakpui patang te taw kibang hi.\wj*   
\p
\v 17 \wj Tamngai kong tum uh hang lam nuam ngawl nu hi; katap kong law uh hang zong kap tuan ngawl nu hi, ci uh hi.\wj*   
\p
\v 18 \wj Banghangziam cile John sia ne ngawl dawn ngawl in hongpai ciang, amate in doai vei hi, ci uh hi.\wj*   
\p
\v 19 \wj Mihing Tapa sia ne le dawn in hongpai ciang, amate in, en vun, an tuang pa, sapittui tuang pa, siadong te le mawnei te i lawmpa, ci uh hi. Ahihang ciimna in a tate mawsiatna pan suatak hi. \wj* ci hi.   
\s1 A Um Ngawl Khuate Thukhenna  
\r Lk. 10:13-15  
\p
\v 20 Jesus in nalamdang a tamzaw a vawtna khuapi te a ki sikkik nop ngawl hang in mawsiat a:   
\p
\v 21 \wj Chorazin awng! na mailam bing hi! Bethsaida awng! na mailam bing hi! banghangziam cile na sung ah a ki vawt nalamdang te, Tyre le Sidon khua sung ah ki vawt hile, khau-ip le vut taw a ki sikkik uh ngei zo tu hi.\wj*   
\p
\v 22 \wj Ahizong kei kong ci na pan, thukhenna ni ciang Tyre le Sidon te nang sang in thuak nop zawlai tu hi.\wj*   
\p
\v 23 \wj Nang Capernaum awng! van dong in lapsang hi napi, hell sung dong khiaksuk na hi tu hi: banghangziam cile na sung ah a ki vawt nalamdang te Sodom ah ki vawt hile, tuni dong taang lai tu hi.\wj*   
\p
\v 24 \wj Ahihang, kei kong ci na pan, thukhenna ni ciang nang sang in Sodom leitang i thuakna sia thuaknop zawlai tu hi, \wj* ci hi.   
\s1 Jesus in Pa Tung Lungdam Ko  
\r Lk. 10:21-24  
\p
\v 25 Tua hun laitakin Jesus in, \wj Simlei le vantung i Pa, Ka Topa awng, mipil mithiam te kung pan in na sealcip thu te, hi patangno te tung ah pualak na hi man in ka lungdam hi.\wj*   
\p
\v 26 \wj Hi tahen, Pa awng: hibang teng a piang tu na dei na a hihi.\wj*   
\p
\v 27 \wj Ka Pa in na theampo hong pia zo hi: Pa simngawl kuama in Tapa a he bua uh hi; Tapa le Tapa in a telsak nop te simngawl kuama in Pa a he bua uh hi.\wj*   
\s1 Van Ngit Dawn  
\p
\v 28 \wj Van ngit pua in a toite theampo, ka kung ah hongpai tavun, tawlngakna kong pia tu hi.\wj*   
\p
\v 29 \wj Ka hakkol la in ki suan vun; keima tung pan ki sin vun; banghangziam cile keima in cingh in thinsung ki niamkhiakna nei ka hi kom: na thaa atu in tawlngakna na mu tu uh hi.\wj*   
\p
\v 30 \wj Banghangziam cile, ka hakkol puak nop a, ka van a zaang hi.\wj*,   
\c 12  
\s1 Jesus Sabbath I Topa  
\r Mk. 2:23-28; Lk. 6:1-5  
\p
\v 1 Tua hun laitak, Jesus sia sabbath ni khat losung kantan in pai a; a nungzui te a ngilkial ahikom, zungtang hui te hiat in ne uh hi.   
\p
\v 2 Ahihang Pharisee te in a mu uh ciang, Jesus kung ah, en in, na nungzui te in sabbath ni sep tu a kilawm ngawl te seam hi, ci uh hi.   
\p
\v 3 Ahihang Jesus in amate tung ah, \wj David le a lawm te a ngilkial uh ciang in, bang vawt ci sim ngei ngawl nu ziam?\wj*   
\p
\v 4 \wj David sia Pathian innsung ah tum in, amate neak tu a kilawm ngawl, thiampi te bek i a neak thei tu in Pathian mai ah a ki lui anluum te ne uh hi.\wj*   
\p
\v 5 \wj Biakinn sung ah thiampi te zong sabbath ni sim in, sabbath thukham paltan napi, mawsiatna thuak ngawl hi, ci in thukhambu sung ah sim ngei ngawl nu ziam?\wj*   
\p
\v 6 \wj A tatak in kong ci ciang, biakinn sang in a lianzaw khat om hi.\wj*   
\p
\v 7 \wj Biakpiakna sang in hesuakna ka dei zaw hi, a ci sia i a khiakna he le uh te, maw nei ngawl khat mawsiat ngawl tu nu hi.\wj*   
\p
\v 8 \wj Banghangziam cile mihing Tapa sia sabbath i Topa a hihi, \wj* ci hi.   
\s1 Sabbath Ni in Khutzaw Pa Damsak  
\r Mk. 3:1-5; Lk. 6:6-11  
\p
\v 9 Tua mun pan Jesus a pai zawkciang, amate synagogue sung ah tum uh hi.   
\p
\v 10 En vun, a khut zaw khat om hi. Amate in, sabbath ni in cina damsak sia ngeina om ziam? ci a mawna tu zong nuam in dong uh hi.   
\p
\v 11 Jesus in, \wj Note sung ah mi khat in tuu khat nei hi, tua tuu sia sabbath ni in dumsung ah tak bang hile, pusua ngawl in om tu ziam?\wj*   
\p
\v 12 \wj Mihing sia tuu sang in bangza phazaw ziam? Tua ahikom sabbath ni ah na pha sep tu kilawm hi, \wj* ci hi.   
\p
\v 13 Tuapa kung ah, \wj Na khut zan in, \wj* ci hi. A khut a zan ciang in, a khut langkhat bangma in dam hi.   
\p
\v 14 Tua zawkciang Pharisee te pusuak uh a, ama sia bangbang in susia thei tu, ci thu vaihawm uh hi.   
\s1 Pathian I Teal Naseam  
\p
\v 15 Jesus in tua thu a heak ciang mundang ah pai a: mihon tampi in zui uh hi, amate natna theampo damsak hi;   
\p
\v 16 Ama thu ngualdang tung a son ngawl natu in vaitha hi.   
\p
\v 17 Tua thu in kamsang Isaiah sonkholna,   
\p
\v 18 En vun, ka tealsa ka naseampa; keima i ka it pa, ama sung ah ka thaa a lungkim mama hi: ama tung ah ka thaa ka koi tu a, ama in Gentile te tung ah thukhenna lak tu hi.   
\p
\v 19 Ama sia kuama nial ngawl tu a, au zong au ngawl tu hi; lampi ah kuama in a aw za ngawl tu hi.   
\p
\v 20 Ama in zawna nga a, a ki kuaikhumsa pumpa a thiaktan batu hi, a khu va buai mei-inn zong mit ngawl tu hi.   
\p
\v 21 Gentile te in ama min um in muang tu uh hi.   
\s1 Jesus le Beelzebub  
\r Mk. 3:20-30; Lk. 11:14-23  
\p
\v 22 Tua zawkciang doai vei hu in a thin-am khat, a mittaw in, a pau thei ngawl khat Jesus kung ah hong paipui uh hi: Ama in tua mittaw le a pau thei ngawl pa sia, a damsakkik man in pau thei in khuamu kik hi.   
\p
\v 23 Mi theampo in lamdangsa mama uh a, Ama sia David i tapa hi ngawl ziam, ci tek uh hi.   
\p
\v 24 Ahihang Pharisee te in hi thu a zak uh ciang, hi sia pa in doai te hawlkhia hi ngawl in, doai te i topa Beelzebub vang taw in hawlkhia hi, ci uh hi.   
\p
\v 25 Jesus in amate ngaisutna he a, \wj Ngam khat sia ki khen in a ki do le, siatna sung theng tu hi; khuapi le inn te zong ki khen in a ki do uh le, kip ngawl tu hi:\wj*   
\p
\v 26 \wj Satan in satan hawlkhia in, ama le ama ki khen in a ki do le; bangbang in a ngam kip thei tu ziam?\wj*   
\p
\v 27 \wj Keima in Beelzebub vang taw doai te ka hawlkhia a hile, na tate uh in a kua vang taw hawlkhia ziam? Tua ahikom amate sia note i thukhen te ahi uh hi.\wj*   
\p
\v 28 \wj Keima in Pathian Thaa vangletna taw in doai te ka hawlkhia a hile, Pathian kumpingam sia no kung ah hong theng si.\wj*   
\p
\v 29 \wj Kua in mihing thahatpa hencip masa ngawl in a inn sung ah tum in a van sut thei tu ziam? Mi thahat pa a hen zawkciang bek in a innsung om van te sut thei tu hi.\wj*   
\p
\v 30 \wj Keima taw hong om ngawl peuma ka ngal hi a; keima taw a kaikhawm ngawl peuma a thezau a hihi.\wj*   
\p
\v 31 \wj Tua ahikom mihing te mawna tatuam le sonsiatna tatuam te ki maisak tu hi: ahihang Tha Thiangtho a sonsia peuma ki maisak ngawl tu hi.\wj*   
\p
\v 32 \wj Akua mapo in mihing Tapa sia kammal taw a do peuma, ki maisak tu hi: ahihang khatpo in Tha Thiangtho sia kammal taw a do peuma sia, tu hun le hongpai pheang tu hun sung ah zong ki maisak ngawl tu hi.\wj*   
\s1 Thingkung le A Nga  
\r Lk. 6:43-45  
\p
\v 33 \wj Thingkung pha in a pha nga a; thingkung pha ngawl in nga pha ngawl nga hi: banghangziam cile, thingkung sia a nga pan in ki he thei hi.\wj*   
\p
\v 34 \wj Maw, no ngul ngilo suan te, note sia mihing ngilo te hi napi, bangbang in kampha pau thei tu nu ziam? banghangziam cile na thinsung uh pan a let sia na muk uh pan pau nu hi.\wj*   
\p
\v 35 \wj Mipha te thinsung na manpha te pan in napha te ma pusuak hi: taciang mipha ngawl te i na manpha ngawl pan in napha ngawl ma pusuak hi.\wj*   
\p
\v 36 \wj Ahihang, kei kong ci na ah, a kuamapo phattuamna om ngawl a pau kammal te pan thukhenna thuak kik tu hi.\wj*   
\p
\v 37 \wj Nangma kampau te hang in na suakta tu a, nangma kampau na ma taw in mawsiatna thuak tu ni hi, \wj* ci hi.   
\s1 Jonah Thu  
\r Mk. 8:11-12; Lk. 11:29-32  
\p
\v 38 Thukham hil te le Pharisee te pawlkhat in, syapa awng, musakna lim khat hong lak tan, ci uh hi.   
\p
\v 39 Jesus in, \wj Mihing pha ngawl le thu man ngawl te awng; kamsangpa Jonah musakna lim simngawl a dang om ngawl hi:\wj*   
\p
\v 40 \wj Banghangziam cile, Jonah sia whale ngasa ngilsung ah ni thum le zanthum sung a om bangma in; mihing Tapa zong lei sung ah ni thum le zan thum sung om tu hi.\wj*   
\p
\v 41 \wj Thukhenna ni ciang in Nineveh khuami te sia hi minam te taw hong ding tu a, mawsiat tu uh hi: banghangziam cile amate in Jonah thuhil na a zak uh ciang in kisik tek uh hi; en vun, Jonah sang in a lianzaw ziaksung ah om hi.\wj*   
\p
\v 42 \wj Thukhenna ni ciang in, thangsang ngam kumpinu hong ding tu a, hong mawsiat tu hi: banghangziam cile kumpi Solomon ciimna za nuam in leitung mongkhat pekpan in hongpai hi; en vun, Solomon sang in a lianzaw ziaksung ah om hi.\wj*   
\p
\v 43 \wj Thaniin sia mihing khat sung pan a puasua ciang, mun ko ngaw sung teng ah tawlngak natu zong in vak kakawai napi, mu ngawl hi.\wj*   
\p
\v 44 \wj Ka pusua na mun inn sung ah heakkik tong, ci hi; a thet ciang in tua inn sia a hawm, a ki phiat sa le a ki pua sa in mu hi.\wj*   
\p
\v 45 \wj Tasiaciang, pai in ama sang a sukzaw thaniin sali te kaizawn in, tua inn sung ah tum in om khawm uh hi: tuapa i omdan sia amasa sang in suk zawkan hi. Hibang tatsia minam te tasia bangma hi tu hi, \wj* ci hi.   
\s1 Jesuh Nu le a Suapui Te  
\r Mk. 3:31-35; Lk. 8:19-21  
\p
\v 46 Jesus mihon pite thu a hil laitak in, A nu le a suapuipa te hong theng a, a puasang ah ama paupui nuam in ding uh hi.   
\p
\v 47 Taciang mi khat in, en in, na nu le na suapui te nangma paupui nuam in puasang ah ding hi, ci in son hi.   
\p
\v 48 Jesus in, \wj Ka nu akua ziam? a kua ziam ka suapui te?\wj* ci in zo kik hi.   
\p
\v 49 Taciang, a nungzui te kawk in, \wj En in, ka nu le ka suapui te!\wj*   
\p
\v 50 \wj Akua mapo vantung a om Ka Pa i deina bang a seam peuma, ka suapui pa, ka suapui nu te a hihi, \wj* ci hi.   
\c 13  
\s1 Thaici Poai Thu  
\r Mk. 4:1-20; Lk. 8:4-15  
\p
\v 1 Tua ni ma in Jesus inn pan pusuak in, tuili hui ah to hi.   
\p
\v 2 Mihon pi te ama kung ah hong ki kaikhop ngawp ciang in, ngunkuang sung ah tuaksuk in, to hi; taciang in mihonpi theampo sia tuili hui ah ding tek uh hi.   
\p
\v 3 Taciang in sontena te zang in thu tampi son a; \wj En vun, thaici poai pa thaici poai tu in hongpai hi;\wj*   
\p
\v 4 \wj A poai ciang in, thaici pawlkhat te sia lamzin tung ah tak a, tungleang te hongpai in nekhawng siat hi:\wj*   
\p
\v 5 \wj Pawlkhat te sia suang tam in, leidai na mun ah tak hi: tawmvei sung in hong po pai hi, banghangziam cile lei thuk ngawl hi:\wj*   
\p
\v 6 \wj Tabang in ni hong sua ciang, nisa in kang a; zungthuk nei ngawl ahikom in vuai in ngawtak siat hi.\wj*   
\p
\v 7 \wj Pawlkhat te sia lingphung sung ah tak a; lingkung te khang in zapcip siat hi:\wj*   
\p
\v 8 \wj A dang te sia leipha na sung ah tak a, pawlkhat te a se zakhat, pawlkhat te sia a se sawmluk, pawlkhat te sia a se sawm thum in khang hi.\wj*   
\p
\v 9 \wj Zak natu bil nei peuma in, za tahen, \wj* ci hi.   
\p
\v 10 Taciang in nungzui te Jesus kung ah hongpai a, banghang in sontena taw thuson ni ziam? ci in dong uh hi.   
\p
\v 11 Jesus in, \wj Banghangziam cile, vantung kumpingam thuku heak thei na sia note hong kipia zo hikale, mipi te ki pia ngawl lai hi.\wj*   
\p
\v 12 \wj Banghangziam cile, a neite ki pia thua tu a, a dimlet in nei tu hi: ahihang a nei ngawl te kung pan in a neisun zong ki laksak lai tu hi.\wj*   
\p
\v 13 \wj Tua ahikom amate tung ah sontena te taw thuson khi hi: banghangziam cile amate sia en napi mu ngawl; ngai napi za ngawl in tel zong tel thei ngawl uh hi. \wj*   
\p
\v 14 \wj Kamsang Isaiah in maisangthu a sonkholna ah, note sia za napi na tel bua uh hi; mu tu hi napi, kan tel ngawl nu hi, a ci thu amate tung ah tangtung hi.\wj*   
\p
\v 15 \wj Banghangziam cile, hi minam te sia a mit te khua mu ngawl, a bil te khuaza ngawl, a thinsung in bangma tel thei ngawl in, a nuntak na uh zong ki kheal ngawl hang in, a natna te zong ka damsak ngawl zadong in, amate sia a thinpui lei a, a bil uh in khua za hak bek domngawl in a mit uh zong thi siat hi.\wj*   
\p
\v 16 \wj Ahizong, note sia na mit in mu a: na bil zong in za ahikom in thuphatoai na hi uh hi.\wj*   
\p
\v 17 \wj A tatak ka ci ciang, na mu uh le na zak uh te kamsang te le mi thutang te in mu nuam mama napi, mu tha ngawl hi; za nuam mama napi, za tha ngawl hi.\wj*   
\p
\v 18 \wj Tuahang in thaici poaipa thu sontena sia ngai vun.\wj*   
\p
\v 19 \wj Lamzin tung ah atak thaici i khiakna sia, khatpo in kumpingam thu za a, tel thei ngawl hi, taciang mi pha ngawl pa hongpai in, a thinsung ah a ki poai thaici sia laksak hi.\wj*   
\p
\v 20 \wj Suangtam na mun ah a tak thaici sia, thu a zak pociang lungdamtak in a sang te hi;\wj*   
\p
\v 21 \wj Ahihang zungthuk tha ngawl ahikom, tawmvei sung bek khom in: tua thu hang in haksatna le vawtsiatna a thet ciang, tawlnga kik pai hi.\wj*   
\p
\v 22 \wj Lingphung sung a tak thaici te sia, thu za napi; hileitung thinngimna, leitung hauna i theamna in tua thu zapcip a, nga zo ngawl hi.\wj*   
\p
\v 23 \wj Leipha na ah a tak thaici te sia, thu za a, a telthiam te hi; tua te in a nga hong nga a, pawlkhat te a se zakhat, pawlkhat te a se sawmluk, pawlkhat te a se sawmthum ciang dong khang hi.\wj*   
\s1 Zungtang le Mimphei  
\p
\v 24 Jesus in amate tung ah sontena adang khat son thua a, \wj Vantung kumpingam sia pasal khat in a lo sung ah thaici pha a cing taw kibang hi:\wj*   
\p
\v 25 \wj Hi kale, ngual mut lan in, a ngal pa hongpai a, zungtang sung ah mimphei ci a poai zawkciang, ciakik hi.\wj*   
\p
\v 26 \wj Thaici hong po in, tanghui te hong luak ciang in, mimphei te hong kilang hi.\wj*   
\p
\v 27 \wj Tabang ahiciang, naseam te inteakpa kung ah hongpai a, Topa awng, na losung ah thaici pha poai hi ngawl ni ziam? koisung pan hi mimphei te hong theng ziam? ci in dong hi.\wj*   
\p
\v 28 \wj Innteakpa in hite sia ka ngalpa i vawt a hihi, ci hi. A naseam te in ama kung ah, pai in mimphei te ka bot tu uh ziam? ci in dong hi.\wj*   
\p
\v 29 \wj Ahihang inteakpa in, bot heak vun; banghangziam cile mimphei te na baw uh ciang, zungtang te taw bot khawm tha tu nu hi, ci hi.\wj*   
\p
\v 30 \wj Anlak hun dong khang khawm phot tahen, anlak hun ciang in mimphei te khawm masa vun a, na lom hen zawk uh ciang hal vun: ahihang zungtang te a hile seau sung ah thun vun, ci in anla te ka ci tu hi, \wj* ci hi.   
\s1 Ankam Cii Sontena  
\r Mk. 4:30-32; Lk. 13:18, 19  
\p
\v 31 Jesus in sontena dang khat ma a son thua na ah, \wj Vantung kumpingam sia pasal khat in ankam cii la in, lo sung ah a poai taw kibang hi:\wj*   
\p
\v 32 \wj Tua thaici sia thaici theampo sung pan a nobel hi: ahihang hong khan ciang in ante teng sung pan a lianbel hong suak a, a kung hong suak hi, tua hu in van a vacim te zong hongpai in a bak te tung ah tawlnga hi, \wj* ci hi.   
\s1 Tol Sontena  
\r Lk. 13:20, 21  
\p
\v 33 Jesus in amate tung ah sontena dang khat a son thu sia; \wj Vantung kumpingam sia nupi khat in tol tawm a lak sia, anvui law thum sung ah hel a, tua tol tawm cilik in anvui theampo a pawmsak siat taw kibang hi, \wj* ci hi.   
\s1 Sontena Pualakkholna  
\r Mk. 4:33, 34  
\p
\v 34 Jesus in hi sontena te zang in mipite tung ah thuson hi: sontena zang ngawl in thuson ngeingawl hi:   
\p
\v 35 Kamsang i sonkholna ah, amate tung ah sontena te zang in thuson tu khi hi; leitung bulpi a ki phu panin thuku sia amate tung ah pualak tu khi hi, ci thu a tangtunna tu hi.   
\s1 Mimphei thu Hilthiangna  
\p
\v 36 Tua zawkciang Jesus in mihonpi te ciasak a, innsung ah a tum uh ciang: a nungzui te a kung ah hongpai in, losung a mimphei thu sontena sia hong son tan, ci uh hi.   
\p
\v 37 Jesus in, \wj Thaici pha a poai sia mihing Tapa hi;\wj*   
\p
\v 38 \wj Lo sia leitung bup hi; thaici pha sia kumpingam tate a hihi; ahihang mimphei te sia mi pha ngawl pa tate a hihi;\wj*   
\p
\v 39 \wj Mimphei cii a poai ngalpa sia doaimangpa hi; anlak hun sia leitung bo hun hi a; anla te sia vantungmi te a hihi.\wj*   
\p
\v 40 \wj Tua ahikom mimphei te sia khawm in, mei taw hal siat hi; tasiabangma in hileitung a bo ciang in piang tu hi.\wj*   
\p
\v 41 \wj Mihing Tapa in, Ama vantungmi te sawl tu a, mi a khialsak te le siatna a vawt te ama ukna sung pan kaikhawm tu hi;\wj*   
\p
\v 42 \wj Tua te sia kaa na le hangoaina mun mei sung ah khiasuk tuh hi.\wj*   
\p
\v 43 \wj Taciang in mipha te sia a Pa uh i ukna sung ah ni bang in tang tu uh hi. Zak natu bil nei theampo in za tahen.\wj*   
\s1 A ki Phualseal Neisa  
\p
\v 44 \wj Vantung kumpingam thu sia, losung ah a ki sealcip na manpha taw kibang hi; tua neisa sia khatpo in a mu ciang in, phual a, lungdam mama in a neisa theampo zuak hi, taciang tua lo lei hi.\wj*   
\s1 A Manham Pale  
\p
\v 45 \wj Vantung kumpingam sia a manham pale a zong sumleang pa taw kibang hi:\wj*   
\p
\v 46 \wj Ama in a manham pale khat a mu ciang in, a neisa theampo zuak in, lei hi.\wj*   
\s1 Ngenpai Sontena  
\p
\v 47 \wj Vantung kumpingam thu sia tuipi sung ah a ki pai, ngasa tatuam a awk ngen taw kibang hi:\wj*   
\p
\v 48 \wj A ngen a dim ciang in tuihui ah kai a, a to kawm in teal hi, ngasa pha te bawm sung ah heang a, a pha ngawl te sia vawk hi.\wj*   
\p
\v 49 \wj Hi leitung bo ciang in tabangma hi tu hi: vantungmi te hongpai in, mipha te sung pan in mi pha ngawl te khen tu a, \wj*   
\p
\v 50 \wj Kaana le hangoaina mun meisung ah khia tu hi, \wj* ci in zo hi.   
\p
\v 51 Jesus in, \wj Hi thu te theampo na tel zo uh ziam?\wj* ci in dong hi, amate in tel khu hi, Topa, ci in zo kik uh hi.   
\p
\v 52 Jesus in amate tung ah, \wj Tua ahikom, vantung kumpingam atu in a ki hil thukhamhil te sia, a neisa a lui le a thak a vekpi in a pusua inn neipa taw kibang hi.\wj*   
\s1 Nazareth Khua ah Jesus Ki Nial  
\r Mk. 6:1-6; Lk. 4:16-30  
\p
\v 53 Jesus in hi sontena te a son zawkciang tua mun pan in pusuak hi.   
\p
\v 54 Ama ngamsung a tum ciang in, amate i synagogue sung ah thuhil a, amate in lamdangsa mama in, hibang ciimna le vangletna nei nasep te sia koisung pan nga ziam?   
\p
\v 55 Ama sia lettama pa tapa hi ngawl ziam? Mary sia a nu hi ngawl ziam? James, Joses, Simon le Judah te zong a suapui te hi ngawl ziam?   
\p
\v 56 A suapui nu te zong i kung ma ah hong om hi ngawl ziam? koisung pan hisia pa in hite theampo nga ziam? ci uh hi.   
\p
\v 57 Amate sia Jesus hang in tha neam uh hi. Ahihang Jesus in amate tung ah, \wj Kamsang sia ama ngamsung le a innkuan sung simngawl mundang ah ki upat hi, \wj* ci hi.   
\p
\v 58 Amate i up ngawlna hang in, tua mun ah vanglian nasep tam seam ngawl hi.   
\c 14  
\s1 Tuiphumpa John Thina  
\r Mk. 6:14-29; Lk. 9:7-9  
\p
\v 1 Tua hun laitak in Herod in Jesus thu za a,   
\p
\v 2 A naseam te kung ah, hisia pa sia tuiphumpa John hi; ama sia thina pan thokik hi; tua ahikom hibang vanglian nasep te lak thei hi, ci hi.   
\p
\v 3 Banghangziam cile Herod in John sia a naupa zi Herodias hang in man a, lehhen in thong sung ah khia hi.   
\p
\v 4 John in, hi sia nu na tenpui ngeina om ngawl hi, a ci hang a hihi.   
\p
\v 5 Herod in ama sia that nuam hi napi, mihonpi te lau hi, banghangziam cile ama sia kamsang khat bang in a ngaisut uh a hihi.   
\p
\v 6 Herod suani in Herodias tanu sia amate mai ah lam a, Herod a lungkimsak hi.   
\p
\v 7 Tua hang in, Herod in a nget po pia tu in tua nu kamciam pia hi.   
\p
\v 8 A nu in ngaisutna a piak bang in, kuangdal sung ah tuiphumpa John i lu hong pia tan, ci hi.   
\p
\v 9 Tasiaciang kumpipa sia khuangai mama hi: ahihang a kamciam le anneak na mun ah a topui te mai a et na in, tua tanu i a ngetbang piak tu in thupia hi.   
\p
\v 10 Taciang, ama in thonginn sung ah John ngawng tan tu in sawl hi.   
\p
\v 11 A lutang sia kuangdal taw hong paipui a, tanu nu pia hi: ama in a nu kung ah paipui hi.   
\p
\v 12 John nungzui te hongpai uh a, a luang pua in phum uh hi; tuazawkciang amate pai in Jesus kung ah son hi.   
\s1 Jesus in Mihing Tul Nga Anvak  
\r Mk. 6:30-44; Lk. 9:10-17; Jn. 6:1-14  
\p
\v 13 Jesus in tua thu a zak ciang in, pusuak a ngunkuang to in senneal omna sang ah pai hi: midang te in a zak ciang in, khuapi te sung pan in pusuak a, peang taw pai in a nung pan zui tek uh hi.   
\p
\v 14 Jesus in mihon tampi te a mu ciang in, amate hesuak huai sa a, cina te damsak hi.   
\p
\v 15 Nitak sang ciang in, a nungzui te a kung ah hongpai in, hi mun sia senneal ngam hi, khua niam zo ahikom; mihonpi te paisak in a, khuapi te ah pai in amate neak tu an lei tahen, ci uh hi.   
\p
\v 16 Ahihang Jesus in, \wj Amate paisak kul ngawl hi, a neak tu note in pia vun, \wj* ci hi.   
\p
\v 17 Tasiaciang amate in, ziak ah anluum nga le ngasa ni bek nei khu hi, ci uh hi.   
\p
\v 18 Jesus in, \wj Hong paipui tavun, \wj* ci hi.   
\p
\v 19 Mihonpi te sia lopa tung ah to tu in thupia hi, taciang anluum nga le ngasa ni la in, vandak to in thupha a piak zawkciang, bal in, a nungzui te pia hi, a nungzui te in mihonpi te pia hi.   
\p
\v 20 A vekpi khamteak in a neakzawk uh ciang: a neakval a neng a tawng te tawm a, bawm sawm le bawm ni dim hi.   
\p
\v 21 A ne te sia numei le patang simngawl, pasal cingteng tul nga kiim pha uh hi.   
\s1 Jesus Tui Tung Lampai  
\r Mk. 6:45-52; Jn. 6:15-21  
\p
\v 22 Tuazawk pociang, Jesus in mihonpi te a ciasak laitak in, a nungzui te sia a mai ngalkhat ah pai khol tu in ngunkuang sung tosak hamtang hi.   
\p
\v 23 Mihonpi te a ciasak zawkciang, thungen tu in mualtung ah ka to a: nitak hun ciang in tua mun ah ama nguak om hi.   
\p
\v 24 Tua hun laitak in ngunkuang tui lai ah om a, hui hongpai taw ki situa ahikom tuihual in ngunkuang lok zazan hi.   
\p
\v 25 Zingsang nai thum le nai luk kilaklaw ciang, Jesus sia tuitung, a nungzui te kung hongpai hi.   
\p
\v 26 A nungzui te in tuitung ah lampai a mu ciang in patau uh a, hi sia thitha hi, ci in lau in aukeak uh hi.   
\p
\v 27 Ahihang tasia pociang Jesus in amate paupui a, \wj Na thin uh nuamsak vun, keima khi hi; lau heak vun, \wj* ci hi.   
\p
\v 28 Peter in, Topa awng, nangma na hile, tuitung na kung ah hongpaisak tan, ci hi.   
\p
\v 29 Jesus in, \wj Hongpai tan, \wj* ci hi. Tasiaciang Peter sia ngunkuang sung pan tuak in Jesus kung ah pai tu in tuitung ah pai hi.   
\p
\v 30 Ahihang vui va ngawp a mu ciang lau hi; tui sung tumsuk tu a kithoai ciang, Topa hong hun tan, ci in au hi.   
\p
\v 31 Thakhat in Jesus in a khut zan in zam pai a, \wj Maw nang upna no pa, banghang in muangla ni ziam?\wj* ci hi.   
\p
\v 32 Amate ngunkuang sung ah a thetkik uh ciang hui zong thim hi.   
\p
\v 33 Tasiaciang in ngunkuang sung a omte hongpai in bia a, nangma in Pathian Tapa tatak na hihi, ci uh hi.   
\p
\v 34 Amate ngalkhat a thet uh ciang Gennersaret ngam sung ah hongpai uh hi.   
\p
\v 35 Tua mun ah mihing te in Jesus thu a heak uh ciang, a kim a pam ngam theampo ah sawl in, cina theampo a kung ah puak uh hi;   
\p
\v 36 Amate in a puanmong thamtha tu in ngen uh a: a thamtha peuma dam siat hi.   
\c 15  
\s1 Sungsang Thianthona  
\r Mk. 7:1-23  
\p
\v 1 Tua zawkciang Jerusalem pan in, Pharisee te le thukhamhil te Jesus kung ah hongpai uh a,   
\p
\v 2 Banghangin na nungzui te in ka pu le pa ngeina te paltan ziam? Banghangziam cile amate in an a neak tu uh ciang a khut uh sil ngawl hi, ci hi.   
\p
\v 3 Ahihang Jesus in, \wj Banghang in Pathian thupiak te sia na pu le pa ngeina taw paltan nu ziam?\wj*   
\p
\v 4 \wj Banghangziam cile, Pathian in thupia a, na nu le na pa zakta in: a nu le a pa a taisan peuma ki that tu hi, ci hi.\wj*   
\p
\v 5 \wj Ahihang note in, khatpo in a nu a hibale a pa a piak tu khatpo sia, Pathian atu a kipia sa hi, ci a hi po le,\wj*   
\p
\v 6 \wj A nu a hibale a pa sia upat kul nawn ngawl, peng thei hi, ci nu hi. Tabang in note in na pu le pa ngeina zang in Pathian thupiak sia mannei ngawl sua nu hi.\wj*   
\p
\v 7 \wj No a ki hitheamsak te, kamsang Isaiah in noma thu a mantak in a sonkhol na ah, \wj*   
\p
\v 8 \wj Hi mite in a kam bek uh taw kei hong neak a, a muk bek taw kei hong upat uh hi; ahihang a thinsung uh sia kei taw ki khuala hi, ci hi.\wj*   
\p
\v 9 \wj Ahihang mihing te thupiakna bang in pomdan te hil a, keima hong biak sia luithathong bek hi, \wj* ci in zo kik hi.   
\p
\v 10 Taciang Jesus in mihonpi te sam a, \wj Ngai vun a, he tavun.\wj*   
\p
\v 11 \wj Kamsung pan a tum te in mihing ninsak ngawl a, kam sung pan a a pusuak te in mihing ninsak zaw hi, \wj* ci hi.   
\p
\v 12 Tasiaciang a nungzui te a kung ah hongpai a, na thuson te in Pharisee te thin-uksak hi, ci na he ziam? ci uh hi.   
\p
\v 13 Jesus in, \wj Vantung a om Ka Pa i suan ngawl peuma ki bot siat tu hi.\wj*   
\p
\v 14 \wj Koi lel vun: amate sia mittaw te lamlak mittaw te hi. Mittaw in mittaw lamlak le a ni in luamsung ah tak tu hi, \wj* ci in zo kik hi.   
\p
\v 15 Peter in tua thu sontena hong son thiang tan, ci ngen hi.   
\p
\v 16 Jesus in, \wj Note zong tu dong telthiam ngawl lai nu ziam?\wj*   
\p
\v 17 \wj Kamsung a tumsuk te theampo sia ngilpi sung ah theng a, taciang dumsung ah vawk hi, ci tu dong tel thei ngawl lai nu ziam?\wj*   
\p
\v 18 \wj Ahihang kamsung pan a pusuakte sia thinsung pan pusuak ahikom; tua te in mihing sia ninsak hi.\wj*   
\p
\v 19 \wj Banghangziam cile, ngaisutna pha ngawl, tual that, palngul mawna, paktat na, nguta, a man ngawl tetti, sonsiatna te theampo sia thinsung pan in a pusuak a hihi:\wj*   
\p
\v 20 \wj Hite in mihing ninsak hi: hi kale khut sil ngawl anneakna in mihing ninsak ngawl hi, \wj* ci hi.   
\s1 Canaan Numeinu Upna  
\r Mk. 7:24-30  
\p
\v 21 Jesus tua mun pan pai a, Tyre le Sidon khua kiim teng ah pai hi.   
\p
\v 22 Tua khua kiim ah a teang Canaan numei khat a kung ah hongpai a, Maw Topa, nang David Tapa awng, hong hesuak ka po in, ka tanu sia doai in nasiatak in vawtsia hi, ci in au hi.   
\p
\v 23 Ahihang Jesus in kamkhat zong zo kik ngawl hi. A nungzui te hongpai in, hi numei sia not in, banghangziam cile i nung pan in au top hi, ci ngen hi.   
\p
\v 24 Ahihang Jesus in, \wj Israel minam sung pan tuu pai te kung simngawl hong ki sawl ngawl hi, \wj* ci in zo kik hi.   
\p
\v 25 Tasiaciang tua nu hongpai in, Jesus bia a, Topa awng, hong hu tan, ci hi.   
\p
\v 26 Jesus in ama zo kik a, \wj Tate i anneak laksak in ui piak tu sia ngeina om ngawl hi, \wj* ci hi.   
\p
\v 27 Numei nu in, man hi, Topa awng: hima kale, to te i sabuai pan anneng tak te buang ui in ne hi, ci hi.   
\p
\v 28 Tasiazawkciang Jesus in zo kik a, \wj Maw numei nu, na upna lian mama hi: na deina bang in hi tahen, \wj* ci hi. Tua hun lian in a tanu damthiang hi.   
\s1 Jesus in Mi Tam Mama Damsak  
\p
\v 29 Jesus tua mun nusia in, Galilee tuili hui ah pai in; mualtung ah kato hi.   
\p
\v 30 Mihon tampi te a kung ah hongpai a, amate taw peangbai, mittaw, pau thei ngawl, pumpi cing ngawl le a dang tampi te hong paipui a, Jesus peang ah koi tek uh hi; Jesus in amate damsak hi:   
\p
\v 31 A pau thei ngawl te pau thei, pumpi kim ngawl te dam, peangbai te lampai, mittaw te in khuamu ci mihonpi in a mu uh ciang in lamdangsa tek mama a: Israel te Pathian pok uh hi.   
\s1 Mihing Tulli Anvak  
\r Mk. 8:1-10  
\p
\v 32 Jesus in a nungzui te sam a, \wj Hi mihonpi te tung ah hesuakna nei khi hi, banghangziam cile ka kung ah nithum sung a kipe in om zo uh a, neak tu bangma nei ngawl hi: amate lamkal ah puk-hong in a tha bo tu ahiciang, an ngawl in ciasak ngawl tu khi hi, \wj* ci hi.   
\p
\v 33 Nungzui te in, mihon tampi te a kham in vak natu an tampi hi duisung ah koisung pan om tu ziam? ci uh hi.   
\p
\v 34 Jesus in, \wj Anluum bangza nei nu ziam?\wj* ci in dong hi. Amate in anluum sali le ngasa nosi tawm, ci uh hi.   
\p
\v 35 Tasiaciang Jesus in mihonpi te lei ah to tu in thupia hi.   
\p
\v 36 Anluum sali le ngasa tawm teng la in, lungdam a ko zawkciang khen in a nungzui te kung ah pia hi, a nungzui te in mihonpi te pia hi.   
\p
\v 37 A vekpi a khamteak in ne tek uh hi: tuazawkciang a bal nen sa a val teng a top uh ciang bawm sali dim hi.   
\p
\v 38 A nete sia numei le patang ki simngawl pasal tul li pha hi.   
\p
\v 39 Jesus in mihonpi te ciasak a, ama sia ngunkuang sung ah to in Magdala khua kiim ah theng hi.   
\c 16  
\s1 Musakna Laksak  
\r Mk. 8:11-13  
\p
\v 1 Pharisee te Sadducee te pawlkhat taw Jesus kung ah hongpai uh a, maw a zon nop uh man in tungsang musakna laksak hi.   
\p
\v 2 Jesus in amate tung ah, \wj Nitak sang in van hong san le, khuapha tu hi.\wj*   
\p
\v 3 \wj Taciang zingsang ciang in, van hong san in khua hong niim le khuasia tu hi, ci nu hi. Maw no a ki hitheamsak te, van en in khuahun omdan tu telthei napi, hun le ni i musakna te telthei ngawl nu ziam?\wj*   
\p
\v 4 \wj Mi ngilo le tatsia tate in musakna zong napi; kamsang Jonah musakna simngawl a dang ki pia ngawl tu hi, \wj* ci in zo kik hi. Tua zawkciang amate nusia in paisan hi.   
\s1 Pharisee te Tol  
\r Mk. 8:14-21  
\p
\v 5 Nungzuite ngalkhat ah hong thet uh ciang, anluum ken tu mangil uh hi.   
\p
\v 6 Taciang in Jesus in, \wj Pharisee te le Sadducee te i tol pan in kidawm tavun, \wj* ci hi.   
\p
\v 7 Amate in anluum i ken ngawl hang hi, ci in amate kikum uh hi.   
\p
\v 8 Tua thu Jesus in a heak ciang in, \wj Maw no upna no te, anluum na ken ngawl uh hang hi, ci in banghang in kikum nu ziam?\wj*   
\p
\v 9 \wj Anlum nga sia mihing tul nga in a neak zawkciang a val bawm bangza tawm nu ziam, ci he ngawl nu ziam? \wj*   
\p
\v 10 \wj Anlum sali mihing tul li in a neakzawkciang, a val bawm bangza tawm kik, ci sia phawk nawn ngawl nu ziam?\wj*   
\p
\v 11 \wj Pharisee le Saducee te tol kidawm vun kong ci ciang, anluum thu ka son nop na hi ngawl hi, ci banghang in tel thei ngawl nu ziam?\wj* ci hi.   
\p
\v 12 Tasiaciang a nungzui te in, anluum sung a tol kidawm tu a cinopna hi ngawl a, Pharisee le Saducee te hilna hi zaw, ci sia tel kik hi.   
\s1 Peter in Jesus Pualak  
\r Mk. 8:27-30; Lk. 9:18-21  
\p
\v 13 Jesus in Ceasaria Philippi khua kiim a thet uh ciang, a nungzui te kung ah, \wj Ngual in mihing Tapa sia kua hong ci uh ziam?\wj* ci in dong hi.   
\p
\v 14 Amate in, pawlkhat te in tuiphumpa John: pawlkhat te in Elijah; pawlkhat te in Jeremiah, a hibale kamsang khat papo, hong ci hi, ci uh hi.   
\p
\v 15 Jesus in, \wj No ma na e, keima sia kua hi nong ci uh ziam?\wj* ci in dong hi.   
\p
\v 16 Simon Peter in zo a, Nangma sia a nungta Pathian Tapa, Christ na hihi, ci hi.   
\p
\v 17 Tasiaciang Jesus in, \wj Jonah tapa Simon awng, thuphatoai na hihi: banghangziam cile, hi thu sia mihing cile sa le thisan in hong hesak thei ngawl hi, vantung a om Ka Pa in hong hesak hi.\wj*   
\p
\v 18 \wj Keima in kong son hi, nang sia Peter ni hi, hi suangpi tung ah ka pawlpi ka phut tu hi; taciang hell ngam kongpi te in a zo zo batu hi.\wj*   
\p
\v 19 \wj Vantung kumpingam tawtang te kong pia tu hi: leitung ah na hen theampo vantung ah zong ki hen tu hi: leitung ah na tha theampo vantung ah zong ki tha tu hi, \wj* ci hi.   
\p
\v 20 Ama sia Christ kici Jesus a hi na sia kuama a son ngawl natu in nungzui te vaitha hi.   
\s1 Jesus in a Thi natu Thuson  
\r Mk. 8:31-9:1; Lk. 9:21, 22  
\p
\v 21 Tua hun panin, Jesus in a nungzui te tung ah, Jerusalem a pai natu thu, ulian te, thiampi lian te le thukhamhil te hang in a thuak tu tampi te le ki that tu a, ni thum ni ciang a thawkik natu thu te son kipan hi.   
\p
\v 22 Tasiaciang Peter in Jesus sia samtuam in tei hi, Topa awng, hi thu sia nangma taw ki khuala tahen a: na tung ah hong theng heak tahen, ci hi.   
\p
\v 23 Ahihang Jesus in le-et in, Peter kung ah, \wj Satan, nang ka nung ah om in, kei hong khak in hongliksak na hihi: banghangziam cile Pathian thu sang in, mihing te thu kinzaw ni hi, \wj* ci hi.   
\p
\v 24 Tua zawkciang Jesus in a nungzui te kung ah, \wj A kuamapo ka nung hong zui nuam peuma, ama le ama ki nial hen a, ama thinglamte pua in, hong zui tahen.\wj*   
\p
\v 25 \wj Banghangziam cile, kuamapo in, ama nuntakna a hun nuam sia sum tu a: keima atu in a nuntakna a sum peuma nuntakna mu tu hi.\wj*   
\p
\v 26 \wj Mihing khat in leitung theampo a nga zong in, a tha nuntakna a sum le bang phattuamna om ziam? mihing in a tha nuntakna bang taw theak thei tu ziam?\wj*   
\p
\v 27 \wj Mihing Tapa sia a Pa vangletna le Ama vantungmi te taw hongpai tu a; khatsim i a sep bang tek in thaman pia tu hi.\wj*   
\p
\v 28 \wj A tatak kong ci ciang, hi lai ah a om pawlkhat te, mihing Tapa Ama kumpingam sung ah hongpaikik na mu uh dong thina a tep ngawl tu te omhi, \wj* ci hi.   
\c 17  
\s1 Jesus Meal Kilamdang  
\r Mk. 9:2-13; Lk. 9:28-36  
\p
\v 1 Ni luk zawkciang Jesus in Peter, James le a suapuipa John te mual tung ah kapui to hi.   
\p
\v 2 Amate mu tangin Jesus a meal kikheal hi: a maitang ni bang in tang a, a puansil zong khuavak bang in ngo hi.   
\p
\v 3 Taciang en vun, Moses le Elijah te hong kilang a Jesus taw thu kikum khawm uh hi.   
\p
\v 4 Peter in Jesus kung ah, Topa, hi mun sia ko atu in pha hi: na lung a kim le buk thum, nang atu khat, Moses atu khat, Elijah atu khat sa tawng, ci hi.   
\p
\v 5 Tabang a pau laitak in, a tang meingo in lia a: ngai vun meingo sung pan in aw khat in, Hi sia ka it ka Tapa a hihi, ama tung ah ka lungkim hi, a thu ni vun, ci hi.   
\p
\v 6 Nungzui te in tua aw a zak uh ciang in, lau mama ahikom lei ah bokcip uh hi.   
\p
\v 7 Jesus hongpai in amate phong a, \wj Tho vun, lau heak vun,\wj* ci hi.   
\p
\v 8 Tasiaciang dakto in en uh a, Jesus simngawl adang kuama a mu bua uh hi.   
\p
\v 9 Mualtung pan a tuaksuk kawm in Jesus in, \wj Hi na mu uh thu sia mihing Tapa thina pan a thawkik mateng kuama son heak vun, \wj* ci in vaitha hi.   
\p
\v 10 A nungzui te in Jesus kung ah, banghang in thukhamhil te in Elilah hongpai masa tu hi ci ziam? ci in dong hi.   
\p
\v 11 Jesus in, \wj Elijah hongpai masa takpi tu a, na theampo sia ama in puapha siat tu hi.\wj*   
\p
\v 12 \wj Ahihang kei kong ci na ah, Elijah hong theng zo a amate in tel ngawl hi, tua hang in amate a uk bang in vawt hi. Tasia bangma in mihing Tapa zong thuak tu hi, \wj* ci hi.   
\p
\v 13 Tasiaciang in ama in tuiphumpa John thu son hi, ci in a nungzui te in tel uh hi.   
\s1 Jesus in Patangno Damsak  
\r Mk. 9:14-29; Lk. 9:37-43  
\p
\v 14 Amate mihonpite kung ah a paikik uh ciang in, pasal khat Jesus kung ah pai a, a mai ah khupdin in,   
\p
\v 15 Topa awng, ka tapa hesuak po in: butthi nei a a nat tun ciang, mei sung le tuisung ah puk in tak tawntung a, nasiatak in vawtsiatna thuak hi.   
\p
\v 16 Na nungzui te kung ah ka paipui uh hang in, amate in damsak thei ngawl uh hi, ci hi.   
\p
\v 17 Jesus in zo kik a, \wj Maw upna nei ngawl le lamkhial te, banghun dong no taw hong om tu khi ziam? banghun dong hong maisak lai tu khi ziam? patangno sia ka kung ah hong puak tavun, \wj* ci hi.   
\p
\v 18 Jesus in doai tung ah thupia a; tua patang sung pan in tai hi: Tua hun lian in patangno dam hi.   
\p
\v 19 Nungzuite sia atuam in Jesus kung ah hongpai a, banghang in hawlkhia zo ngawl khu ziam? ci in dong hi.   
\p
\v 20 Jesus in, \wj Na up ngawl uh hang hi: a tatak in kong ci ciang, ankam ci cia upna nei le uh te, mual hisia hi mun pan in zesung mun ah ki khin in: ci le uh te kikhin tu hi; no atu a piangthei ngawl bangma om ngawl hi.\wj*   
\p
\v 21 \wj Ahizong, thungetna le antan na simngawl hibang te pusuak thei ngawl hi, \wj* ci hi.   
\s1 Jesus in A Thi natu Thu Sonkik  
\r Mk. 9:30-32; Lk. 9:43b-45  
\p
\v 22 Galilee ah a omtek uh laitak in, Jesus in amate tung ah, \wj Mihing Tapa sia ngualdang khutsung ah ap tu hi:\wj*   
\p
\v 23 \wj Amate in that tu uh a, ni thum ni ciang in thokik tu hi, \wj* ci hi. Taciang amate nasiatak in khuangai uh hi.   
\s1 Ngasa Sungah Dangka  
\p
\v 24 Amate Capernaum khua a thet uh ciang in, siadong te Peter kung ah hongpai a, na syapa in, shia a pia ziam? ci in dong hi.   
\p
\v 25 Peter in, pia hi, ci hi. Innsung ah a tum uh ciang in, Jesus in dok phit in nei a, \wj Simon awng, bangbang ngaisun ni ziam? Hi leitung kumpite in a kuate tung pan sum vawt shia, a hibale inn le lo shia la ziam? amate tate tung pan maw, ngamdang mite tung pan ziam?\wj* ci hi.   
\p
\v 26 Peter in, ngamdang mite, ci in zo hi. Jesus in Peter kung ah, \wj Tabang a hile atate shia piak tu pan in peng hi.\wj*   
\p
\v 27 \wj Ahihang, ei hang in ngual a puk ngawl natu in, tuili ah na pai tan a, ngasa tangthak tan, a awk masabel sia la in a, a kam keau in, dangka khat mutu ni hi: tasia la in a, nangma le keima atu in shia pia in, \wj* ci hi.   
\c 18  
\s1 A Kua Lianbel  
\r Mk. 9:33-37; Lk. 9:46-48  
\p
\v 1 Tua hun laitak in a nungzui te Jesus kungah hongpai a, vantung kumpingam sung ah a kua lianbel tu ziam? ci in dong hi.   
\p
\v 2 Jesus in patangno khat a kung ah sam in, amate laizang ah koi a,   
\p
\v 3 \wj A tatak in kong ci ciang, kikheal in patangno te bang na hi bua uh le, vantung ngam sung ah na tum thei batu uh hi.\wj*   
\p
\v 4 \wj Tua ahikom a kuamapo hi patangno bang in ama le ama a ki niamkhiak te, vantung kumpingam sung ah a lianbel hi tu hi.\wj*   
\p
\v 5 \wj A kuamapo keima min taw tabang patangno khat a sang sia in keima hong sang a hihi.\wj*   
\s1 Patang Siatsua Te  
\r Mk. 9:42-49; Lk. 17:1-4  
\p
\v 6 \wj Mihing khatpo in keima hong um hi patangno khat a siatsua peuma, a ngawng ah an ngoaina suangtum khai in, tuipi thuk sung ah khia leang ama atu in phazawlai hi.\wj*   
\p
\v 7 \wj Mihing te upna a lalsak thei nate om ahikom, hileitung mite mailam bing hi! Tabang te sia hong piang tawntung tu hi, ahihang tabang a piangsak te atu in, a mailam bing hi!\wj*   
\p
\v 8 \wj Tua ahikom na khut a hibale na peang in hong khialsak le, tan in: khut lang ni, a hibale peang ni nei in tawntung mei sung ah khiak thuak tu sang in, pumpi cing ngawl in nuntakna sung ah tum tu phazaw hi.\wj*   
\p
\v 9 \wj Taciang na mit in hong khialsak le, khel in a, vawk in: mit ni taw hell sung ah khiak suk thuak sang in, mit langkhat taw nuntakna sung ah tum tu phazaw hi.\wj*   
\s1 Tuu Bo Sontena  
\r Lk. 15:3-7  
\p
\v 10 \wj Patangno te sung pan khatpo zawnsak vawt thak ngawl tu in kidawm in; banghangziam cile, amate vantungmi te in vantung Ka Pa mai en tawntung uh hi, ci in kong son hi.\wj*   
\p
\v 11 \wj Banghangziam cile mihing Tapa sia, a bote ngum tu in hongpai a hihi.\wj*   
\p
\v 12 \wj Bangbang in na ngaisun uh ziam? mihing khat in tuu zakhat nei a, khat sia lampial in bo bang hile, sawm kua le kua te nu sia in mual tung theampo ah pai in, a bo tuu sia zong tu hi ngawl ziam?\wj*   
\p
\v 13 \wj Mu kik a hile, a man tatak kong ci ciang, a bo ngawl tuu sawm kua le kua te sang in, tua a bo tuu khat tung ah lungdam zaw hi.\wj*   
\p
\v 14 \wj Tabang ma in vantung a om na Pa in, hibang patangno khat a siat tu oai ngawl hi.\wj*   
\p
\v 15 \wj Bek tham ngawl in, na suapuipa in na tung ah hong khial a hile, va pai tan a, na ki laklaw ah a khial na a ma bek taw kikum vun: na thu hong ngai a hile, na suapuipa na nga kik zo hi.\wj*   
\p
\v 16 \wj Ahihang na thu hong ngai bua a hile, mihing a dang khat, a hibale, ni zuisak in a, taciang tetti ni le thum kam pan a pau nate taw ki kipsak tu hi.\wj*   
\p
\v 17 \wj Taciang ama in hong ngai ngawl in na thu hong ni bale, pawlpi tung ah son in: ahihang pawlpi thu zong ngai ngawl in a ni nuam tuan ba lai le, Pathian he ngawl te le shiadong te bang in koi lel vun.\wj*   
\p
\v 18 \wj A tatak in kong ci ciang, leitung ah na hen uh te vantung ah zong ki hen tu hi: taciang leitung ah na tha uh te, vantung ah zong ki tha tu hi.\wj*   
\p
\v 19 \wj Khatvei kong son kik hi, leitung ah mihing ni a nget tu thu taw kisai thu akisi le van a om Ka Pa in vawtsak tu hi.\wj*   
\p
\v 20 \wj Banghangziam cile ka min taw ni le thum na ki kaikhop uh ciang, note lai ah keima ka om hi, \wj* ci hi.   
\s1 Maw Maisak Nuam Ngawl Sontena  
\p
\v 21 Jesus kungah Peter hongpai a, Topa awng, ka tung ah hong khial ka suapuipa bangza vei dong maisak tu khi ziam? sali vei dong ziam? ci in dong hi.   
\p
\v 22 Jesus in, \wj Sali vei dong hong ci ngawl khi hi: ahihang sawm sali vei a se sali dong maisak tu ni hi.\wj*   
\p
\v 23 \wj Tua ahikom vantung kumpingam sia, a naseam te sazian a sittel kumpipa taw kibang hi.\wj*   
\p
\v 24 \wj Tabang in a sittel ciang in, talent tul sawm a ba mi khat a kung ah hong ki puak hi.\wj*   
\p
\v 25 \wj Ahihang piak tu a nei ngawl hu in, a topa in, a zi le a ta, a neisa theampo zuak in, piasak tu in thupia hi.\wj*   
\p
\v 26 \wj Naseampa bok in bia a, topa, hong ngak lai tan, a vekpi in hong lo tu khi hi, ci hi.\wj*   
\p
\v 27 \wj Tasiaciang in kumpipa in a naseampa khuangai huai sa a, a bat theampo maisak in ciasak hi.\wj*   
\p
\v 28 \wj Hi kamale tua naseampa sia pai in, ama tung ah zakhat a ba a nasep khoppui khat taw a ki sik ciang, a tawlsan in, na leiba hong lo tan, ci hi.\wj*   
\p
\v 29 \wj Tasiaciang a naseppui pa sia a peang nuai ah bok in, hong ngak hi lai po tan, a vekpi in kong lo tu hi, ci in thum hi.\wj*   
\p
\v 30 \wj Ahizong maisak nuam ngawl hi: a leiba a lo siat dong thong sung ah khum hi.\wj*   
\p
\v 31 \wj A naseppui te in a mu uh ciang in, a thin uh nuam ngawl a, a vawt na theampo a topa kung ah pai in son tek uh hi.\wj*   
\p
\v 32 \wj Tua zawkciang a topa in ama sam a, maw nang naseam tatsia, nong thum bang in na leiba theampo hong maisak khi hi:\wj*   
\p
\v 33 \wj Nang tung ah hesuakna ka nei bang in, nang zong na naseppui te tung ah hesuakna na nei tu kilawm hi ngawl ziam? ci hi.\wj*   
\p
\v 34 \wj Kumpipa a thin-uk a, a leiba a lo siat mateng thong cingpa kung ah ap hi.\wj*   
\p
\v 35 \wj Tasia bangma in a kuamapo na suapuipa i sepkhial nate na thinsung uh pan na maisak bua uh le, vantung a om Ka Pa in note zong hong maisak ngawl tu hi, \wj* ci hi.   
\c 19  
\s1 Nupa Ki Khen Thu  
\r Mk. 10:1-12  
\p
\v 1 Jesus in hi thu teng a son zawkciang, Galilee ngam nusia in, Jordan ngun ngalkhat Judah ngam ah pai hi.   
\p
\v 2 Mihon tampi in zui a; tua mun ah mi tampi damsak hi.   
\p
\v 3 Pharisee te a kung ah hongpai a, bang thu po taw ahizong pasal khat in a zi a khul tu sia ngeina a hi ziam? ci in aita nuam in dong uh hi.   
\p
\v 4 \wj Jesus in, a kipatcil in a vawtpa in numei le pa in vawt hi, ci thu sim ngei ngawl nu ziam, \wj*   
\p
\v 5 \wj Hi thu hang in pasal in a pa le a nu nusia tu a, a zi beal tu hi: bekdom ngawl amate ni sia phumkhat hi tu hi, ci thu zong sim ngei ngawl nu ziam?\wj*   
\p
\v 6 \wj Tua ahikom amate sia ni hi nawn ngawl in pumkhat suak hi. Pathian i ngawmsa sia mihing in khen heak tahen, \wj* ci hi.   
\p
\v 7 Amate in Jesus kung ah, Moses in zi khul na lai at in, khul tahen, ci in banghang thupia ziam? ci in dong uh hi.   
\p
\v 8 Jesus in amate tung ah, \wj Moses in na thinpui lei uh hang in zi khul tu hong oai hi: ahihang a kipatcil in tabang hi ngawl hi.\wj*   
\p
\v 9 \wj Keima in hibang kong ci hi, khatpo in paktat na simngawl thudang hang in a zi khul in, zi dang a nei peuma palngul mawna vawt a hihi, taciang a khul sa sia a tenpui pa zong palngul mawna vawt a hihi, \wj* ci hi.   
\p
\v 10 A nungzui te in Jesus kung ah, pasal le a zi thu sia tabang a hile, ki ten awl vet tu phazaw hi, ci uh hi.   
\s1 Cilkhe Thu  
\p
\v 11 Jesus in amate tung ah, \wj Tabang thu sia, mi theampo i san thei hi ngawl hi, tua tel a ki pia teng bek in nga tu hi.\wj*   
\p
\v 12 \wj Banghangziam cile, pawlkhat te sia a nu sung pan a sua lilim in cilkhe in suak hi: pawlkhat te sia amate vawttawm in cilkhe hi: pawlkhat te sia vantung kumpingam atu in amate le amate cilkhe in ki vawt uh hi. Tabang in a sang te bek in sang ta uh hen, \wj* ci hi.   
\s1 Jesus in Patangte Thupha Pia  
\r Mk. 10:13-16; Lk. 18:15-17  
\p
\v 13 Tua zawkciang in patangno te lu tung ah khut nga a, thungetsak tu dei in Jesus kungah paipui uh a; nungzui te in tei hi.   
\p
\v 14 Ahihang Jesus in, \wj Patangno te ka kung ah hongpai tahen, khak heak vun: banghangziam cile vantung kumpingam sia hibang te atu a hihi, \wj* ci hi.   
\p
\v 15 Jesus in patangno te i lutung ah khutnga a, tuazawkciang paisan hi.   
\s1 Mihau Tangvalpa  
\r Mk. 10:17-31; Lk. 18:18-30  
\p
\v 16 Khat hongpai in, sya pha awng, tawntung nuntakna ka nei natu in bang ngamtatpha seam tu khi ziam? ci in dong hi.   
\p
\v 17 Jesus in, \wj Banghang in, pha, hong ci ni niam? A pha khat bek om a, tua in Pathian a hihi: ahihang nuntakna sung ah na tum nuam le thupiak te zui in, \wj* ci hi.   
\p
\v 18 Tua pa in koisia bel ziam? ci in dong hi. Jesus in, \wj Tualthat heak in, palngul mawna vawt heak in, nguta heak in, tetti man ngawl pang heak in, \wj*   
\p
\v 19 \wj Na nule na pa zakta in: nangma le nangma na ki it bang in na innpam te zong it in, \wj* ci in zo kik hi.   
\p
\v 20 Tangval pa in hi te theampo ka no lai pan in ka zui siat sa hi: bang kisamlai khi ziam? ci in dong hi.   
\p
\v 21 Jesus in ama kung ah, \wj Na cialcing nuam le va pai tan a, na neisa te zuak in a, a zawngte pia in, tua hile vantung ah neisa na nei tu hi: tuazawkciang hongpai tan a, hong zui tan, \wj* ci hi.   
\p
\v 22 Ahihang tangvalpa in a zakciang in a thin nuam ngawl in pusuak hi: banghangziam cile ama sia nei le lam tam mama nei hi.   
\p
\v 23 Tua zawkciang Jesus in a nungzui te kung ah, \wj A man tatak in kong ci ciang, vantung kumpingam sung ah tua mihaupa sia haksa tak in tum tu hi.\wj*   
\p
\v 24 \wj Kong ci kik hi, mihau khat Pathian kumpingam sung a tum sang in, kala-uk khat phil bilvang sung a tum tu ol zaw lai hi, \wj* ci hi.   
\p
\v 25 Tua thu a nungzui te in a zakciang in lamdangsa mama uh a, a kua peuma ngupna nga zo thong tu ziam? ci uh hi.   
\p
\v 26 Ahihang Jesus in amate en a, \wj Hi thu sia mihing te atu in piang thei ngawl hi; ahihang Pathian atu in na theampo piang thei siat hi, \wj* ci hi.   
\p
\v 27 Taciang Peter in, En in, na theampo nusia khu hi; bang ka nga tu uh ziam? ci in dong hi.   
\p
\v 28 Jesus in amate tung ah, \wj A man tatak kong ci ciang, na theampo puaphat hun hong theng tu hi, mihing Tapa sia a vangletna tokhum tung a to ciang in, no ka nungzui te tokhum sawmleni tung ah to in, Israel minam sawmleni te thu na khen tu uh hi.\wj*   
\p
\v 29 \wj Khatpo in keima hang in a inn le a lo, a nu le a pa, a suapui, a zi le a ta a nusia a hile, a se zakhat in sang kik tu a, tawntung nuntakna ngamh in lua tu uh hi.\wj*   
\p
\v 30 \wj Ahihang amasa te nungkhak tu a, a nungkhak te amasa hi tu hi.\wj*   
\c 20  
\s1 Sapit Huan Naseam Te  
\p
\v 1 \wj Vantung kumpingam sia, ama sapit huan sung ah naseam tu te sam tu in zingtung a vak innteakpa taw kibang hi.\wj*   
\p
\v 2 \wj Nikhat thaman dangkasan pheak khat piak tu in naseam tute taw a thukim zawkciang, amate sia sapit huan ah sawl hi.\wj*   
\p
\v 3 \wj Zingsang nai kua ciang hong pusuak a, ngual sumbuk ah a ding thathong mu hi, \wj*   
\p
\v 4 \wj Amate kung ah, note zong sapit huan ah pai tavun a, a kiphu bang in hong pia tu khi hi, a ci ciang, amate zong pai hi.\wj*   
\p
\v 5 \wj Ama sia nai sawmleni le nitaksang nai thum ciang in vakkik a, a dang te zong sawl leleau hi.\wj*   
\p
\v 6 '\wj Nitaksang nai nga kimpawl in paikik leleau a, bangma seam ngawl in a ding thathong te mu hi, taciang, banghang in na seam ngawl in sun khuateak ziaksung ah ding nu ziam? ci hi.\wj*   
\p
\v 7 \wj Amate in ko kuama in hong cial ngawl hi, ci uh hi. Ama in, no zong ka sapit huan ah thalaw vun a; a kilawm za nga tu nu hi, ci hi.\wj*   
\p
\v 8 \wj Nitakciang in sapit huanneipa in sumkeampa kung ah, a khakbel pan a masabel dong a seam te theampo sam siat in a, a thaman pia in, ci hi.\wj*   
\p
\v 9 \wj Nitaksang nai nga pan nasep kipan te hongpai ciang, ngun dangka piakhat tek nga uh hi.\wj*   
\p
\v 10 \wj Amasabel te hongpai ciang in, a tamzaw nga tu in ngaisun hi kale; ngun dangka piakhat tek ma nga uh hi.\wj*   
\p
\v 11 \wj Amate in thaman a nga uh ciang in, innteakpa phunsan uh a, \wj*   
\p
\v 12 \wj Hi a khakbel a seam te sia nai khat sung bek seam napi, vanngit pua in, nisaham thuak ko te taw a kikim in hong vawt ni hi, ci uh hi.\wj*   
\p
\v 13 \wj Hi kamale, ama in amate sung pan khat tung ah hibang in zo kik hi, lawm awng, na tung ah khialna vawt ngawl khi hi: ngun dangka piakhat piak tu in i thukim sa hi ngawl ziam?\wj*   
\p
\v 14 \wj Na thaman la in a, cia in: a khakbel te zong nangma kong piak za pia tu khi hi.\wj*   
\p
\v 15 \wj Keima neisa sia ka ukbang zeak thei natu ngeina om ngawl ziam? Keima phatna hang in banghang hong mu khial ni ziam?\wj*   
\p
\v 16 \wj Tua ahikom a khakbel te sia masabel tu a, a masabel te sia nungkhakbel tu hi: banghangziam cile sapna nga tam hi ka le, a ki teal tawm hi, \wj* ci hi.   
\s1 Jesus in a Thi natu Thumvei na Son  
\r Mk. 10:32-34; Lk. 18:31-34  
\p
\v 17 Jesus Jerusalem a pai ciang in, a nungzui sawmleni te a tuam in sam a,   
\p
\v 18 \wj En vun! Jerusalem ah i pai hi; mihing Tapa sia thiampi lian te le thukhamhil te kung ah ki zuak tu a, that tu in thukhen tu uh hi.\wj*   
\p
\v 19 \wj Mihing Tapa sia selno tu, sat tu le thinglamte tung ah khai tu in Gentile te kung ah ap tu a, nithum ni ciang in thokik tu hi, \wj* ci hi.   
\s1 Zebedee Zi in A Tate atu Jesus Kung ah Ngetsak  
\r Mk. 10:35-45  
\p
\v 20 Zebedee zi sia Jesus kung ah a tate ni taw hongpai in bia a, a dei thu khat ngen hi.   
\p
\v 21 Jesus in, \wj Bang dei ni ziam?\wj* ci in dong hi. Ama in, na kumpingam sung ah hi ka tapa te ni sia na ziatsang ah khat, na veisang ah a dang khat tosak in, ci hi.   
\p
\v 22 Ahihang Jesus in, \wj Bang thu hong ngen nu ziam ci na he bua uh hi. Ka dawn tu hai dawn zo tu nu ziam, ka thuak tu baptisma thuak zo tu nu ziam? \wj* ci in zo kik hi. Amate in zo tu khu hi, ci uh hi.   
\p
\v 23 Jesus in, \wj Ka dawn tu hai sia dawn takpi tu nu hi, ka thuak tu baptisma zong thuak takpi tu nu hi: ahihang ka ziatsang le ka veisang ah a to tu sia Kei i piak tu hi ngawl a, Ka Pa in a ngealkholsa te pia tu hi, \wj* ci hi.   
\p
\v 24 Hi thu a dang sawm te in a zak uh ciang, tuate u nau tung ah thin-uk mama uh hi.   
\p
\v 25 Ahihang Jesus in amate a kung ah sam a, \wj Na heaksa uh bangma in Gentile kumpi te in a mihing te sia zawthawk thu taw uk a, ulian te in thuneina taw uk uh hi.\wj*   
\p
\v 26 \wj Ahizong note sung ah tabang hisak heak vun: note sung ah khatpo a lian nuam le, note i naseam hi tahen, \wj*   
\p
\v 27 \wj Note sung ah khatpo in a lu bel a hi nuam le, note i sila hi tahen.\wj*   
\p
\v 28 \wj Mihing Tapa sia ngual a sawl tu in hongpai ngawl hi, ngual atu seam tu in le mi tampi tatkhiat natu a nuntakna pia tu in hongpai hi, \wj* ci hi.   
\s1 Jesus in Mittaw Ni Khuamusak  
\r Mk. 10:46-52; Lk. 18:35-43  
\p
\v 29 Amate Jericho pan in a pusua uh ciang, mihon tampi in zui uh hi.   
\p
\v 30 En vun, mittaw ni te lamhui ah to in, Jesus in hong kantan hi, ci a zak uh ciang, maw Topa, nang David Tapa, hong hesuak po tan, ci in au uh hi.   
\p
\v 31 Mihonpi te in a om khipkhep natu in tei uh hi: ahihang amate au seseam uh a, nang David Tapa, hong hesuak po tan, ci uh hi.   
\p
\v 32 Jesus ding in amate sam a, \wj Bang kong vawtsak tu uk nu ziam?\wj* ci hi.   
\p
\v 33 Amate in, Topa awng, ka mit uh hong in khua hong musak tan, ci uh hi.   
\p
\v 34 Jesus in amate tung ah hesuakna nei a, a mit te uh a thamsak ciang in thakhatthu in khuamu uh a, amate in a nung zui hi.   
\c 21  
\s1 Jerusalem ah Minthanna Taw Tum  
\r Mk. 11:1-11; Lk. 19:28-40; Jn. 12:12-19  
\p
\v 1 Amate Jerusalem a thet ma, Olive mual nai Bethphage a thet uh ciang, Jesus in a nungzui te ni sawl in,   
\p
\v 2 \wj Na mai khua ah pai tavun a, Lapui a ki khi a no taw mu tu nu hi: a khau sut vun a ka kung ah hong paipui tavun.\wj*   
\p
\v 3 \wj Mi khatpo in thu khatpo hong ci le, Topa in tulmaw hi ci vun; tua hile hong paisak pai tu hi, \wj* ci hi.   
\p
\v 4 Hi bangin a pian thei na sia kamsangpa sonkhol thu a tangtunna a hihi.   
\p
\v 5 Zion tanu tung ah son vun, en in, na kumpipa sia kiniamkhiak a, laa tung ah to hi, lano to in na kung ah hongpai hi, ci hi.   
\p
\v 6 A nungzui te pai uh a, Jesus thupiak bang in vawt uh hi,   
\p
\v 7 Laa le a no hong paipui uh a, a nungzang ah puan pha in Ama tosak uh hi.   
\p
\v 8 Mihon tampi in a puan te sia lampi tung ah pha uh hi; midang te zong in thingsawl te sat in lampi tung ah pha uh hi.   
\p
\v 9 Taciang mihonpi te a mai ah pai a, a nung pan zong zui in, David Tapa tung ah Hosanna: Topa min taw hongpai pa thupha nga tahen; a sangbel na mun ah Hosanna, ci in au uh hi.   
\p
\v 10 Jerusalem khua sung a tum ciang in, khuapi sung theampo linglawng a, hi sia a kua ziam? ci uh hi.   
\p
\v 11 Tasiaciang in mihonpi te in, hisia pa sia Galilee ngam Nazareth khuami kamsang Jesus hi, ci uh hi.   
\s1 Biakinn Thiansua  
\r Mk. 11:15-19; Lk. 19:45-48; Jn. 2:13-22  
\p
\v 12 Jesus sia Pathian biakinn sung ah tum in, biakinn sung ah vanzuak te le vanlei te a vekpi in notkeak siat hi, sum theak te i sabuai te le vakhu zuak te tokhum te theampo zong lawnthal siat hi,   
\p
\v 13 Amate kung ah, \wj Ka inn sia thungetna mun, kici tu hi; ci in ki atkhol napi, note in nguta te kua suaksak nu hi, \wj* ci hi.   
\p
\v 14 Mittaw le peangbai te biakinn sung ama kung ah hongpai uh a, damsak siat hi.   
\p
\v 15 Na lamdang a vawt te le biakinn sung pan patangno te in, David Tapa tung ah Hosanna, ci in a au na uh thiampi lian te le thukhamhil te in a mu uh ciang, a thin-uk mama uh hi,   
\p
\v 16 Amate in ama kung ah, hi te bang au ci na za ziam? ci in dong uh hi. Jesus in amate tung ah, \wj Za khi hi, nausen noaitawp te kam sung pan in pokna cialcing na suaksak hi, ci thu sim ngei ngawl nu ziam?\wj* ci hi.   
\p
\v 17 Jesus in amate nusia a, khuapi puasang ah paisuak in, Bethany khua ah zuan a, tuak ah tam hi.   
\s1 Theikung Hamsiatna  
\r Mk. 11:12-14, 20-24  
\p
\v 18 A zingsang ciang in Jesus khuapi sang a heakkik ciang, a ngilkial hi.   
\p
\v 19 Lamhui ah theikung khat a mu ciang, a tung ah a te simngawl bangma a mu ngawl hu in, \wj Bangmahun in nga nawn heak in, \wj* ci hi. Tasia pociang tua theikung ko hi.   
\p
\v 20 Nungzui te in a mu uh ciang, lamdangsa mama in, bangbang in hizata manlang in ko pai ziam? ci uh hi.   
\p
\v 21 Jesus in, \wj A tatak in kong ci ciang, um in muang la bua po le uh te, theikung tung ah a ki vawt bang bek hi ngawl, hi mual tung ah, ki khin in a, tuipi sung ah tak in, na ci uh le, na ci uh bang in piang tu hi.\wj*   
\p
\v 22 \wj Na um uh le thungetna taw na nget uh theampo na nga tu uh hi, \wj* ci hi.   
\s1 Jesus Thuneina Kidong  
\r Mk. 11:27-33; Lk. 20:1-8  
\p
\v 23 Jesus biakinn sung hongpai in, thu a hil laitak, thiampi lian te le ulian te a kung ah hongpai a, bang thuneina taw hibang te seam ni ziam? Akua in hibang thuneina hong pia ziam? ci uh hi.   
\p
\v 24 Jesus in, \wj Kei zong thu khat kong dong tu hi, tua thu nong son thei uh le, kua thu taw hite vawt khi ziam, ci kong son tu hi.\wj*   
\p
\v 25 \wj John i tuiphumna sia koisung pan ziam? van pan ziam maw, mihing te kung pan ziam?\wj* ci in dong hi. Tasiaciang amate ngaisun tek a, van pan ci leang, banghang in um ngawl nu ziam? hong ci tu hi.   
\p
\v 26 Ahihang, mihing tung pan ci thong leang, mipite ki lau si: banghangziam cile mi theampo in kamsang khat in sang uh hi.   
\p
\v 27 Tasiaciang amate in Jesus kung ah, hong son thei ngawl khu hi, ci in zo kik uh hi. Tasiaciang Jesus in, \wj Kei zong bang thuneina taw hite vawt, ci hong son ngawl tu khi hi.\wj*   
\s1 Tapa Ni Sontena  
\p
\v 28 \wj Ahihang, bangbang na ngaisun uh ziam? Mi khat in tapa ni nei hi; a tapa a lianzaw pa kung ah pai a, ka tapa awng, tu ni sun ka sapithuan ah pai in a, naseam in, ci hi.\wj*   
\p
\v 29 \wj A tapa in, kuan ngawl tu khi hi: ci in zokik napi, a zawkciang ki sikkik in kuankik hi.\wj*   
\p
\v 30 \wj Tua zawkciang a tapa nozaw kung ah pai in, tabang ma in son hi. Taciang a tapa in, kuan tu khi hi, topa, ci in zo napi, kuan ngawl hi.\wj*   
\p
\v 31 \wj Hi tapa te ni sung pan a kua in a pa deina seam ziam?\wj* Amate in a tapa lianzaw, ci in zo kik uh hi.   
\p
\v 32 \wj Banghangziam cile John sia thutang in note kung ah hongpai napi, um ngawl nu hi, ahihang siadong te le pumpi zuak te in um hi: note sia na mu zawk uh ciang zong um tu in na thinsung uh na kikheal nuam bua uh hi.\wj*   
\s1 Sapit Huan Naseamte Sontena  
\r Mk. 12:1-12; Lk. 20:9-19  
\p
\v 33 \wj A dang sontena ngai lai vun: innteakpa khat in sapit huan sung ah sapit cing hi; a kimkot pan dal um in, sapit sukna mun dum to hi, teitan te zong daw in, huan naseam te sap thaw tu in zawn a, ama sia ngam khuala mama na ah khualhaw hi:\wj*   
\p
\v 34 \wj A nga hun a cin ciang, huan naseam te tung pan sapit nga ama nga tu teng la tu in a naseam te paisak hi.\wj*   
\p
\v 35 \wj Huan tho te in a naseam te man in, khat sia vel hi, khat sia that in, a dang khat sia suangtum taw deang hi.\wj*   
\p
\v 36 \wj Amasa sang in a tamzaw naseam te paisak kik a, amasa te bangma in vawt leleau uh hi.\wj*   
\p
\v 37 \wj Ahihang a khakbel ciang in, a tapa paisak hi, amate in ka tapa sia upat tu hi, ci hi.\wj*   
\p
\v 38 \wj Ahihang huan naseam te in a tapa a mu uh ciang in, hi sia a ngamhlua tu pa hi, pai tavun, thatlum in a ngamh sut tawng, ci uh hi.\wj*   
\p
\v 39 \wj Tabang in a tapa sia man in, sapit huan puasang ah pusua in that uh hi.\wj*   
\p
\v 40 \wj Tua ahikom sapit huannei pa hongpai ciang, huan naseam te sia bangbang in vawt tu ziam?\wj* ci in dong hi.   
\p
\v 41 Amate in, tua ngamtat sia te susia tu a, a hun a cin ciang thing nga te a pia tu lo tho dang te sapthawsak tu hi, ci uh hi.   
\p
\v 42 Jesus in amate tung ah, \wj Innsa te in a nil uh suangtum sia innbul thupibel hongsuak hi, hi thu sia Topa i nasep hi a, i mu na ah, lamdang mama hi, ci Lai Thiangtho sung ah sim ngei ngawl nu ziam?\wj*   
\p
\v 43 \wj Tua ahikom kong ci hi, Pathian kumpingam sia note kung pan in la tu a, nga tampi a nga minam te pia tu hi.\wj*   
\p
\v 44 \wj A kuamapo hi suang tung ah a tak le tam tham tu hi: ahihang hi suang a takna mun po, ki ngoai in hui siat tu hi, \wj* ci hi.   
\p
\v 45 Jesus i sontena te sia thiampi te le Pharisee te in a zak uh ciang, amate thu son hi, ci tel uh hi.   
\p
\v 46 Amate in Jesus sia mat sawm uh hi napi, mihonpi te kita uh hi, banghangziam cile amate in kamsang khat bang in ngaisun uh hi.   
\c 22  
\s1 Mopoai Sontena  
\r Lk. 14:15-24  
\p
\v 1 Jesus in amate tung ah sontena son kik a,   
\p
\v 2 \wj Vantung kumpingam sia a tapa atu mopoai vawttu kumpipa taw kibang hi, \wj*   
\p
\v 3 \wj A naseam te sawl in, a khualhil sa teng samsak napi, kuama pai ngawl hi.\wj*   
\p
\v 4 \wj A naseam te sawlkik a, khualhil sa teng tung son vun, nitak an sia ki nginkhol sa in om zo hi: ka khui tal te le nganno thau mamate ki ngo siat zo a, na theampo ki nginsa hi zo hi, mopoai ah hongpai tek tavun, ci hi.\wj*   
\p
\v 5 \wj Ahihang a khualhil nate in, bangma thusimngawl in, khat sia lo ah, a dang khat sia sumzonna mun ah, tabang in amate uk na tek ah pai veve uh hi:\wj*   
\p
\v 6 \wj A dang a tang lai te in a naseam te sia man a, vawtsia in that uh hi.\wj*   
\p
\v 7 \wj Kumpipa in a zak ciang thin-uk mama a, a ngalkap te sawl in tualthat te siatsua in, amate khuapi te zong mei taw hal siat hi.\wj*   
\p
\v 8 \wj Tua mun ah a naseam te hibang in ci hi, mopoai sia kinging siset zo hi, ahihang ka khualhil sa teng a sap thamman om ngawl hi.\wj*   
\p
\v 9 \wj Tua ahikom lamzikpi ah pai vun a, na mu uh theampo mopoai pai tu in hil vun. \wj*   
\p
\v 10 \wj Tua ahikom a naseamte sia lamzikpi ah pai uh a, mipha ngawl le a pha a kibang in a mu uh theampo kaikhawm in, mopoai ah leangna dim siat hi.\wj*   
\p
\v 11 \wj Kumpipa sia a leangna te en tu in a tum ciang, mopoai puan a sil ngawl mi khat mu a:\wj*   
\p
\v 12 \wj Lawm awng, hi mun ah bangbang in mopoai puan sil ngawl in hongpai ni ziam? ci in a dok ciang, bangma son tu a nei bua hi.\wj*   
\p
\v 13 \wj Tua zawkciang, kumpipa in a naseam te kung ah, a khut le a peang hencip in paipui vun a, a puasang khuazing na ah khia vun; tua mun ah kaana le ha ngoai na om tu hi, ci hi.\wj*   
\p
\v 14 \wj Banghangziam cile a kisam tam mama napi, a ki teal tawm hi, \wj*   
\s1 Caesar Shia Piak natu Thu  
\r Mk. 12:13-17; Lk. 20:20-26  
\p
\v 15 Tua zawkciang Pharisee te hongpai in, Jesus pauna pan, bangbang in aita thei tu, ci in ngaisun tek uh hi.   
\p
\v 16 Amate in a nungzui te le Herod i mihing te sawl in, Topa awng, nangma sia na thuman hi, kuama zong lau ngawl in le kuama mai zong zakta tuan ngawl a, Pathian thuman lampi hil ni hi, ci kong he uh hi.   
\p
\v 17 Tua ahikom, bangbang in ngaisun ni ziam? Caesar tung ah shia pia tu khu ziam maw, pia ngawl tu khu ziam? hong son tan, ci uh hi.   
\p
\v 18 Ahihang Jesus in amate tatsiatna he a, \wj No a ki hitheamsak te, banghang in hong aita nu ziam\wj*   
\p
\v 19 \wj Shia dangka hong lak tavun, \wj* ci hi, amate in zong dangka paipui hi.   
\p
\v 20 Jesus in, \wj Hi sia a kua lim le ceptena ziam? \wj* ci in dong hi.   
\p
\v 21 Amate in, Caesar lim le ceptena hi, ci uh hi, tasiaciang, \wj Caesar neisa te Caesar pia vun a, Pathian a te Pathian pia vun, \wj* ci hi.   
\p
\v 22 Amate in hi thu a zak uh ciang in, lamdangsa tek mama uh a, ama nusia in paisan uh hi.   
\s1 Thawkikna Thu  
\r Mk. 12:18-27; Lk. 20:27-40  
\p
\v 23 Tua ni in thawkikna om ngawl hi, a ci Saducee te a kung ah hongpai in, thu dong hi.   
\p
\v 24 Syapa awng, mi khat sia ta nei ngawl in a thi le, a ci-mit ngawl tu in a nau in a mo tenpui tahen, ci in Moses in ci hi.   
\p
\v 25 Tu in u nau pa sali om hi: a lianbel sia in zi nei napi, ta nei ngawl in thi hi, tasiaciang a nau kung ah a zi nusiat hi:   
\p
\v 26 Tabangma in a ni na, a thum na le a sali na dong in thi hi.   
\p
\v 27 A khakbel ciang in tua numei nu zong thi hi.   
\p
\v 28 Tua ahikom thawkikni ciang tua numei nu sia, sali sung pan a kua bel i zi hi tu ziam? banghangziam cile a u nau vekpi in tenpui ngeitek uh hi, ci in dong uh hi.   
\p
\v 29 Jesus in amate zo kik a, \wj Lai thiangtho le Pathian vangletna na heak ngawl uh hang in khial siat nu hi:\wj*   
\p
\v 30 \wj Banghangziam cile, thawkik ni ciang in kipui na le tenpui tu in ki pia, cite om nawn ngawl tu a, vantung ngam ah Pathian i vantungmi te bang hi tu hi.\wj*   
\p
\v 31 \wj Ahihang mithi te thawkikna thu taw kisai Pathian in note tung hong son na ah, \wj*   
\p
\v 32 \wj Keima in Abraham Pathian, Isaac Pathian, Jacob Pathian ka hihi, ci in a son thu sim ngei ngawl nu ziam? Pathian sia mithi te Pathian hi ngawl a, a nungta te pathian a hihi, \wj* ci hi.   
\p
\v 33 Tasiaciang mihonpi te in hi thu a zak uh ciang in, Jesus thuhil na lamdangsa mama uh hi.   
\s1 A Lianbel Thupiak  
\r Mk. 12:28-34; Lk. 10:25-28  
\p
\v 34 Jesus in Sadducee te pau natu he ngawl in vawt hi, ci sia Pharisee te in a zak uh ciang, amate munkhat ah ki kaikhawm uh hi.   
\p
\v 35 Tua zawkciang amate sung ah thukhamhil khat in Jesus aita nuam ahikom,   
\p
\v 36 Syapa awng, thukham sung pan a lianbel thupiak sia bang ziam? ci in dong hi.   
\p
\v 37 Jesus in ama tung ah, \wj Topa na Pathian sia na thinsung theampo, na nuntakna theampo le na ngaisutna theampo taw it in.\wj*   
\p
\v 38 \wj Hi thu sia thupiak masabel le a lian thupiak a hihi.\wj*   
\p
\v 39 \wj Taciang a ni na sia, nangma le nangma na ki it bang in, na innpam te it in, a ci sia a masabel taw a kibang a hihi.\wj*   
\p
\v 40 \wj Hi thupiak ni te tung ah thukham theampo le kamsang te thu theampo khuangkhim siat hi, \wj* ci hi.   
\s1 Christ sia Akua Tapa Ziam?  
\r Mk. 12:35-37; Lk. 20:41-44  
\p
\v 41 Pharisee te munkhat ah a ki kaikhop laitak in, Jesus in amate tung ah,   
\p
\v 42 \wj Christ sia bangbang in ngaisun nu ziam? akua tapa ziam?\wj* ci in dong hi; amate in, David Tapa hi, ci uh hi.   
\p
\v 43 Jesus in amate mun ah, \wj Tabang a hile David in Christ sia; Topa, ci in Thaa taw banghang in sam thei ziam, David i ci na ah, \wj*   
\p
\v 44 \wj Topa in ka Topa kung ah, na ngal te na peang koina in ka vawt mateng Ka ziatsang ah to in, ci hi.\wj*   
\p
\v 45 \wj David in Christ sia ka Topa ci in a sam le, banghang in a tapa hi thei tu ziam?\wj* ci hi.   
\p
\v 46 Kuama in kamkhat zong zo kik thei ngawl ahikom, tua ni pan kipan in, kuama in thu dong ngam nawn ngawl uh hi.   
\c 23  
\s1 Thukhamhil te le Pharisee te Mailambing  
\r Mk. 12:38-39; Lk. 11:43, 46; 20:45, 46  
\p
\v 1 Tua zawkciang in Jesus in mihonpi te le a nungzui te kung ah thuhil a,   
\p
\v 2 \wj Thukhamhil te le Pharisee te sia Moses tokhum ah to uh hi:\wj*   
\p
\v 3 \wj Tua ahikom amate in vawt a hong sawl peuma zui vun a, ahihang amate ngamtat bang in ngamta heak vun, banghangziam cile amate in a son uh bang in seam ngawl uh hi.\wj*   
\p
\v 4 \wj Banghangziam cile amate in a puak zawk ngawl tu vanngit te sia hen in mihing te i liangko tung ah suan uh a, puasak uh a hi hang amate a hile, a khutme dawn taw zong tham nuam ngawl uh hi.\wj*   
\p
\v 5 \wj Ahihang amate i a vawt theampo te sia, mite mu thei tu in vawt uh hi: Amate lai thiangtho bu koi na savun ip te nangawn a lianpui in vawt uh a, a puan kiil te zong a zai tatak in vawt uh hi.\wj*   
\p
\v 6 \wj Poai sung ah a sangbel khan sung ah to nuam in, synagogue sung ah zong tokhum thupibel tung ah to nuam hi, \wj*   
\p
\v 7 \wj Sumbuk te ah ngual i paupui tu le Rabbi, Rabbi, ci in sap tu dei uh hi.\wj*   
\p
\v 8 \wj Hi kale note sia, Rabbi ci in sap tu uk heak vun; banghangziam cile, na Topa uh khatbek om a, tua in Christ a hihi, note sia u nau khat na hi uh hi.\wj*   
\p
\v 9 \wj Taciang in hileitung ah kuama, pa, ci heak vun: banghangziam cile vantung a om na Pa uh khat bekma om hi.\wj*   
\p
\v 10 \wj Christ bekma na Topa uh ahikom kuama peuma, topa, ci in ki sam heak tahen.\wj*   
\p
\v 11 \wj Ahizong note sung pan a lianbel sia na naseam uh hi tu hi, \wj*   
\p
\v 12 \wj Akua mapo ama le ama a ki lamsang sia khiaksuk na thuak tu hi.\wj*   
\p
\v 13 \wj Ahihang thukhamhil te le Pharisee te, a ki hitheamsak te, na mailam uh bing hi, banghangziam cile, vantung kumpingam na khaktan uh a, noma le tum nuam ngawl bekdom ngawl a tum nuam te zong na tumsak bua uh hi.\wj*   
\p
\v 14 \wj Thukhamhil te le Pharisee te awng! na mailam uh bing hi! banghangziam cile note in meingong te inn te sia ngongtat in na suttol uh a, a sau theiza in thu ki ngen theamsak nu hi: Tua ahikom dan a lianzaw na thuak tu uh hi.\wj*   
\p
\v 15 \wj Thukhamhil te le Pharisee te, a kihitheamsak te, na mailam uh bing hi! banghangziam cile mi khat biakna lai tu in tuipi le leitung kimveal in na vak uh a, a ki kheal zawkciang note sang in a se ni tamzaw Hell ngam i ta na suaksak uh hi.\wj*   
\p
\v 16 \wj No mittaw lamlak te, na mailam uh bing hi, khatpo in biakinn sam in a kiciam le bangma poimaw ngawl hi, ahihang a kuamapo biakinn a om kham sam in a kiciam le ama sia leiba nei hi, na ci uh hi.\wj*   
\p
\v 17 \wj No mi mawmaw le mittaw te: bang lianzaw ziam, kham maw, a hibale kham a thiangthosak biakinn koisia hi zaw?\wj*   
\p
\v 18 \wj Khat po in biaktau sam in a kiciam le bangma poimaw ngawl hi, ahihang khatpo in tua tung ah biakpiakna a ki piasia sam in a kiciam le ama sia mawnei hi.\wj*   
\p
\v 19 \wj No mi mawmaw le mittaw te! bang lianzaw ziam; biaktau ah a ki pia sia maw, a hibale a ki pia sia a thiangsak biaktau lianzaw ziam?\wj*   
\p
\v 20 \wj Tua ahikom mihing khat in biaktau sam in a kiciam le tua tung ah a om te theampo sam in kiciam a hihi.\wj*   
\p
\v 21 \wj Taciang khatpo in biakinn sam in a kiciam le tua biakinn sung ah a om sia sam in kiciam a hihi.\wj*   
\p
\v 22 \wj Taciang van le Pathian tokhum sam in a kiciam peuma tokhum tung ah a to pa sam in kiciam a hihi.\wj*   
\p
\v 23 \wj Thukhamhil te, Pharisee te le a ki hitheamsak te, na mailam uh bing hi! banghangziam cile note in lenmui, thihawm le, lonamsia te se sawm sua se khat pia tek napi, thukham sung ah a thupi zaw thukhenna, hesuakna le upna thu te zui ngawl in khe nu hi: tua te sia na vawt tu uh hi a, a dang te zong vawt ngawl in nusiat thong tu hi ngawl hi.\wj*   
\p
\v 24 \wj No mittaw lamlak te, thosi no khat zong ki hel ngawl tu in hawp napi, kala-uk lopval nu hi.\wj*   
\p
\v 25 \wj Thukhamhil te, Pharisee te le a ki hitheamsak te, na mailam uh bing hi! banghangziam cile hai le kuang na sil uh ciang in, a puasang bek na sil uh a, a sungsang sia ngual neisa na lak uh le duhopna taw kidim hi.\wj*   
\p
\v 26 \wj Nang Pharisee mittaw pa, hai le kuang te a sungsang sil masa in a, a puasang zong thiang tu hi.\wj*   
\p
\v 27 \wj Thukhamhil te, Pharisee te le a ki hitheamsak te, na mailam uh bing hi! banghangziam cile, note sia za ngo a ki zut thankul taw na kibang uh hi, a puasang sia a hoi tu bang in kilang napi, a sungsang sia mithi ngu le a thiang ngawl taw kidim hi.\wj*   
\p
\v 28 \wj Tasia bangma in note zong na puasang uh sia mihing te mai ah a thutang in kilang napi, na sungsang uh sia ki hitheamsak na le siatna taw dim hi.\wj*   
\p
\v 29 \wj Thukhamhil te, Pharisee te le a ki hitheamsak te, na mailam uh bing hi! banghangziam cile kamsang te thankul na sa uh a, mi thutang te thankul te zong a hoi mama in zeam nu hi, \wj*   
\p
\v 30 \wj Ka pu ka pa te hun lai koma om kana le ung, kamsang te thisan luan na ah ki hel ngawl tu kana khu hi, ci nu hi.\wj*   
\p
\v 31 \wj Tua ahikom kamsangte a that te na hi uh hi, ci noma mama tetti te na hi uh hi.\wj*   
\p
\v 32 \wj Tua ahikom na pu na pa te i ki te na note in dim tavun.\wj*   
\p
\v 33 \wj No ngul suan te, hell ngam thet natu pan bangbang suakta thei tu nu ziam?\wj*   
\p
\v 34 \wj Tua ahikom, en vun, note kung ah kamsang te, mipil te le thukhamhil te kong paisak a, pawlkhat te sia that in thinglamte tung ah khai tu nu hi; taciang pawlkhat te sia synagogue sung ah vel in le khuapi khat zawkciang khat ah vawtsia tu nu hi.\wj*   
\p
\v 35 \wj Tua ahikom a thutang Abel thisan pan kipan biakinn le biaktau ki kal ah na thalup uh Barachias tapa Zachariah thisan ciangdong, leitung ah a luang thisan theampo note tung ah hong theng tu hi.\wj*   
\p
\v 36 \wj A tatak in kong ci ciang, hi thu te theampo sia tu hun mihing te tung ah theng tu hi.\wj*   
\s1 Jesus in Jerusalem Katap  
\r Lk. 13:34, 35  
\p
\v 37 \wj Maw Jerusalem, Jerusalem, kamsang te na that a, na kung ah hongpai te suangtum taw sep ni hi, akpui in a no te a a thakhui nuai ah a uap bang in, tamveipi hong uap nuam hi kaleng, na uk bua hi!\wj*   
\p
\v 38 \wj En vun, na inn uh ngamkhing dide in ki nusia zo hi.\wj*   
\p
\v 39 \wj Banghangziam cile Topa min taw hongpai pa sia thuphatoai hi, na ci uh mateng, note in hong mu nawn ngawl tu nu hi, ci in kong son hi, \wj* ci hi.   
\c 24  
\s1 Biakinn Thiansuana Thu  
\r Mk. 13:1, 2; Lk. 21:5, 6  
\p
\v 1 Jesus sia biakinn pan pusuak in a pai laitak, a nungzui te in biakinn kisa lak tu ih a kung ah hongpai uh hi.   
\p
\v 2 Jesus in, \wj Hi bang van te a vekpi in mu hi ngawl nu ziam? a tatak in kong ci ciang, suangtum kithuap to khat zong tang ngawl in vawksiat lai tu hi.\wj* ci hi.   
\s1 Hunbotu Musakna  
\r Mk. 13:3-13; Lk. 21:7-19  
\p
\v 3 Jesus Olive mualtung ah to a, a nungzui te kuama heak ngawl in a kung ah hongpai uh hi, hi thu te sia banghun ciang hong piang tu ziam, nangma paikik tu le leitung bo tu thu musakna sia bangbang ziam? ci hong son tan, ci uh hi.   
\p
\v 4 Jesus in, \wj Kuama in hong theam ngawl natu in kidawm vun.\wj*   
\p
\v 5 \wj Banghangziam cile mi tampi te keima min taw hongpai tu a, keima in Christ ka hihi; ci in mi tampi theam tu hi.\wj*   
\p
\v 6 \wj Taciang ngal kido na le ngal ki sim tu thu te na zak uh ciang in thinngim le buai in om heak vun, banghangziam cile hibang te theampo sia a piang hamtang tu thu hi a, a tawpna hi ngawl lai hi. \wj*   
\p
\v 7 \wj Banghangziam cile minam khat le minam khat ki do tu a, kumpingam khat le kumpingam khat kisim tu uh hi, mun tatuam ah kial le pul te hong tung tu a, zinling tu hi.\wj*   
\p
\v 8 \wj Hite theampo sia hena dana kipat na a hihi.\wj*   
\p
\v 9 \wj Tua zawkciang note sia vawtsia tu le that tu in hong ki ap tu a, Keima min hang in, minam theampo in hong ensan tu hi.\wj*   
\p
\v 10 \wj Mi tampi te thin-uk tu in kivawt tu uh a, khat le khat ki leheak tu uh hi.\wj*   
\p
\v 11 \wj Kamsang tampi te hong piang tu a, mi tampi theam tu hi.\wj*   
\p
\v 12 \wj Siatna hong khang va-ial tu ahikom, mi tampi te itna kiam va-ial tu hi.\wj*   
\p
\v 13 \wj Ahihang a tawp dong a thuak te sia ngupna nga tu hi.\wj*   
\p
\v 14 \wj Minam theampo atu tetti hi tu in kumpingam lungdamna thu sia leitung theampo ah ki son tu a, tua zawkciang in a tawpna hong theng tu hi.\wj*   
\s1 Kum Sali Ngimna Thu  
\r Mk. 13:14-23; Lk. 21:20-24  
\p
\v 15 \wj Tua ahikom kamsang Daniel sonkholna bang in suksiatna, a lipkhaphuai sia mun thiangtho ah a din ciang in, hi lai a sim peuma in tel tahen.\wj*   
\p
\v 16 \wj Taciang Judah ngam sung ah om te mualtung ah tai tahen.\wj*   
\p
\v 17 \wj Inn tung ah a omte sia innsung van la tu in tuaksuk heak tahen.\wj*   
\p
\v 18 \wj Lo sung ah a omte in a nik le puan la tu in cia heak hen.\wj*   
\p
\v 19 \wj Tua hun ciang in, naupai te le nau noailuai te sia haksa mama tu hi.\wj*   
\p
\v 20 \wj Ahihang na tai tu uh hun sia phalbi hun le sabbath ni a hi ngawl natu in thungen vun:\wj*   
\p
\v 21 \wj Banghangziam cile leitung ki bitphua pan kipan a om ngei ngwl le mailam hun ah zong a om nawn ngawl tu haksatna lianpi a hihi.\wj*   
\p
\v 22 \wj Tuabang ni te tomsak ngawl hile kuama in thuakzo ngawl tu hi: ahihang a tealsa te atu in, tua ni te sia tomsak tu hi.\wj*   
\p
\v 23 \wj Tasiaciang khatpo in Christ sia ziak ah om hi, a hibale zesung ah om hi, hong ci le um heak vun.\wj*   
\p
\v 24 \wj Banghangziam cile Christ phaw a sil te le leilot kamsang te hong theng tu a, a suak thei le a tealsa te zong theam tu in musakna le nalamdang tampi lak tu uh hi.\wj*   
\p
\v 25 \wj En vun, hi thu te kong sonkhol zo hi.\wj*   
\p
\v 26 \wj Tua ahikom, mihing te in en vun Chrsit sia duisung ah om hi, hong cile pai heak vun: en vun, inndoi sung ah om hi, a ci le zong um heak vun.\wj*   
\p
\v 27 \wj Banghangziam cile, khualeng sia nisuana sang pan hong leng in nitumna sang dong taan hi; mihing Tapa hongpai ciang zong tabangma hi tu hi.\wj*   
\p
\v 28 \wj Banghangziam cile, mithi luang omna mun theampo ah vaciik te hong ki kaikhawm tu hi.\wj*   
\s1 Mihing Tapa Hong Paikik Natu  
\r Mk. 13:24-27; Lk. 21:25-28  
\p
\v 29 \wj Tua ngimna ni te zawk pociang ni hong mial tu a, tha zong tang nawn ngawl tu hi, taciang aksi te van pan in tak tu a, vantung vangletna te zong ling tu hi.\wj*   
\p
\v 30 \wj Tasiaciang mihing Tapa musakna van ah hong kilang tu a, leitung minam theampo tau tu hi, taciang amate in vangletna le minthanna lianpi taw mihing Tapa mei tung ah hongpai sia mu tu uh hi.\wj*   
\p
\v 31 \wj Ama vantungmi te a lian mama lemle tum tu in sawl tu a, a tealsa te sia van mongkhat pan mongkhat dong leitung kingli a a om te theampo munkhat ah hong kaikhawm tu hi.\wj*   
\s1 Theikung Sontena  
\r Mk. 13:28-31; Lk. 21:29-33  
\p
\v 32 \wj Theikung pan in sontena khat sin vun; a bak te pan in a dawnmoi hong sua ciang, khal hun hong nai zo hi, na ci thei uh hi:\wj*   
\p
\v 33 \wj Tasia bangma in hi thu te na mu uh ciang a hun hong nai zo a, kongbiang bul vacin hong theng zo hi, ci sia he tavun.\wj*   
\p
\v 34 \wj A tatak in kong ci ciang, hi thu te theampo a tangtut dong hi minam te bo ngawl tu hi.\wj*   
\p
\v 35 \wj Van le lei bo tu hi, ahihang ka kammal te a bo batu hi.\wj*   
\s1 Kuama in A Hun He Ngawl  
\r Mk. 13:32-37; Lk. 17:26-30, 34-36  
\p
\v 36 \wj Ahizong tua ni le hun sia kuama in he ngawl hi, vantungmi te in zong he ngawl hi, Ka Pa bek in he hi.\wj*   
\p
\v 37 \wj Hikama le Noah hun lai bangma in mihing Tapa hongpai ciang zong tabangma hitu hi.\wj*   
\p
\v 38 \wj Banghangziam cile tuipiliim ma, Noah tembaw sung a tum ni dong mihing te sia ne in dawn in, kipui le mopoai vawt in om tek uh hi, \wj*   
\p
\v 39 \wj Tuipi a liim hunlam zong he ngawl in, tui in a khu siat bangma in mihing Tapa hongpai ciang zong tabangma hi tu hi.\wj*   
\p
\v 40 \wj Tua hun ciang in lolai ah mi ni sung pan khat sia la tu a, a khat sia ki nusia tu hi.\wj*   
\p
\v 41 \wj An ngoai numei ni sung pan khat ki la tu a, a khat sia ki nusia tu hi.\wj*   
\p
\v 42 \wj Na Topa uh hongpai tu hun he ngawl na hi uh ciang in, encik ngak vun.\wj*   
\p
\v 43 \wj Nguta hongpai tu hun sia innteakpa in he hile, a inn sia encik nginge tu a, nguta te i phulsak na thuak ngawl tu hi.\wj*   
\p
\v 44 \wj Tua a hiciang kinging kholsa in om vun, banghangziam cile mihing Tapa sia na ki ngin ngawl hun laitak in hongpai tu hi.\wj*   
\s1 A Muanhuai Naseam  
\r Lk. 12:41-48  
\p
\v 45 \wj A topa in ama innkuanpui te a hun cinciang neaktu an a pia thei sia a makai in koi tu a, a muanhuai le a ciim naseam sia a kua ziam?\wj*   
\p
\v 46 \wj A topa hongpai ciang in na a sep laitak a mu thak naseampa sia thuphatoai a hihi.\wj*   
\p
\v 47 \wj A tatak in kong ci ciang, tua naseam pa sia a topa in a neisa theampo tung ah thunei tu in koi tu hi.\wj*   
\p
\v 48 \wj Ahihang naseam pha ngawl in a thinsung pan in ka topa hong cia hak tu zam, ci in ngaisun a;\wj*   
\p
\v 49 \wj Naseam dang te sia vel in zukham thei te taw ne le dawn in om tu hi, \wj*   
\p
\v 50 \wj Tua naseampa in a upmawk ngawl ni le a kingin ngawl laitak in a topa hong theng tu hi, \wj*   
\p
\v 51 \wj Tua naseampa sia a topa in nasiatak in sat tu a, kana le ha ngoaina om na mun ah a ki hitheamsak te taw koi khawm tu hi.\wj*   
\c 25  
\s1 Ngaknu Thiangtho Sawm Sontena  
\p
\v 1 \wj Tasiaciang in vantung kumpingam sia Zineipa a muak tu in mei-inn taw a pai tu ngaknu thiangtho sawm taw sonte hi.\wj*   
\p
\v 2 \wj Nga te sia ciim a, a dang nga te sia mawmaw uh hi.\wj*   
\p
\v 3 \wj A mawmaw nga teng in mei-inn keng ahihang meitui keng thua ngawl uh hi,\wj*   
\p
\v 4 \wj A ciim te a hile bungsung ah a mei-inn taw keng uh hi.\wj*   
\p
\v 5 \wj Zineipa hong theng hak ahikom a vekpi in lusu in mu siat hi.\wj*   
\p
\v 6 \wj Zankim ciang in, en vun, zineipa hongpai zo hi; pai vun a, muak vun, ci au hi.\wj*   
\p
\v 7 \wj Tasiaciang ngaknu thiangtho te a vekpi in tho a, amate mei-inn tek vak tek uh hi.\wj*   
\p
\v 8 \wj A mawmaw te in, a ciim te kung ah, na meitui hong pia tavun; banghangziam cile ka mei-inn te uh mitsiat hi, ci uh hi.\wj*   
\p
\v 9 \wj Ahihang a ciim te in, tabang hi ngawl hi; ka meitui uh sia no atu taw kicing ngawl hi: meitui zuak te kung ah pai tavun a, lei tavun, ci in zo kik uh hi.\wj*   
\p
\v 10 \wj Amate meitui lei tu a pai lan in zineipa hongpai hi; taciang a ki ngingsa in a om te taw mopoai sung ah tum tek uh a: tuazawkciang kongkha kikhak hi.\wj*   
\p
\v 11 \wj Tua zawkciang, a dang ngaknu thiangtho te zong hongpai uh a, Topa, Topa, kong hong hon tan, ci uh hi.\wj*   
\p
\v 12 \wj Ahihang ama in, amantak in kong son hi, note kong he ngei bua hi, ci in zo kik hi.\wj*   
\p
\v 13 \wj Tua a hikom, mihing Tapa hongpai tu ni le a hun he ngawl na hi uh ciang in, encik in ngak nginge tavun.\wj*   
\s1 Talent Sontena  
\r Lk. 19:11-27  
\p
\v 14 \wj Banghangziam cile, vantung kumpingam sia khual khuala a haw tu hang in, a naseam te sam a, a neisa te a ap pa taw kibang hi.\wj*   
\p
\v 15 \wj Amate hitheiza taw kisi in, khat sia tatent nga, a dang khat sia talent ni le a dang khat sia talent khat pia in; a piak zawk pociang in khualhaw hi.\wj*   
\p
\v 16 \wj Talent nga a sang pa sia pai in summet a vawt ciang a dang talent nga metsak hi.\wj*   
\p
\v 17 \wj Tasia bangma in talent ni a sang pa in zong a dang talent ni nga thua hi.\wj*   
\p
\v 18 \wj Ahihang talent khat a sang pa sia pai in, dum a taw zawkciang a topa i sum sia phual hi.\wj*   
\p
\v 19 \wj A khuangei zawkciang in, a topa hongpai a, a naseam te san za tek en hi.\wj*   
\p
\v 20 \wj Talent nga a sang pa sia a dang talent nga keng in hongpai a, topa nangma in talent nga hong ap ni hi: en in, talent nga ma a met nga khi hi, ci hi.\wj*   
\p
\v 21 \wj A topa in, a pha in na seam hi, nang a pha le a thuman naseam pa: na tawmno tung ah thuman na hikom in, na tampi uk tu in kong koi tu hi: na topa lungdamna sung ah tum in, ci hi.\wj*   
\p
\v 22 \wj Talen ni a sang pa zong hongpai in, topa, talent ni hong ap ni hi: en in, a dang talent ni nga thua khi hi, ci hi.\wj*   
\p
\v 23 \wj A topa in, a pha in na seam hi, nang a pha le a thuman naseam pa; na tawmno tung ah thuman na hikom in na tampi uk tu in kong koi tu hi: na topa lungdamna sung ah tum in, ci hi.\wj*   
\p
\v 24 \wj Tua zawkciang in, talent khat a sang pa zong hongpai a, topa awng, nangma sia mi sonhak ni hi, ci kong he hi, na poai ngawl na mun ah na at a, na ciin ngawl na mun ah anla ni hi:\wj*   
\p
\v 25 \wj Lau kahikom pai in, lei sung ah na talent ka phual hi: en in, na neisa tuak sung ah om nginge hi, ci hi.\wj*   
\p
\v 26 \wj A topa in, nang naseam tatsia le datham pa, ka poai ngawl na ah ka at le ka ciin ngawl na pan ka lak, na he a hile:\wj*   
\p
\v 27 \wj Ka sum teng sumtheak te kung ap le te pha hi, tabang hile kongpai ciang ka sum le a met nga tu khi hi, ci hi.\wj*   
\p
\v 28 \wj Tua ahikom a talent laksak vun a, talent sawm a nei pa tung ah pia vun.\wj*   
\p
\v 29 \wj Banghangziam cile, a neite ki pia thua tu a, a dimlet in nei tu hi: ahihang a nei ngawl te sia a neisun uh zong ki laksak tu hi.\wj*   
\p
\v 30 \wj Phattuamna om ngawl naseam pa sia kana le ha ngoaina mun doipua khuazing sung ah khia vun, ci hi.\wj*   
\s1 Tuu le Keal Thukhenna  
\p
\v 31 \wj Mihing Tapa minthanna taw, a thiangtho vantungmi theampo taw hongpai ciang in a vangletna kumpi tokhum tung ah to tu hi:\wj*   
\p
\v 32 \wj Taciang in a mai ah mi theampo te kaikhawm tu a: tuucing pa in tuu le keal te a khen bang in khat le khat khen tu hi.\wj*   
\p
\v 33 \wj Tuu te sia a ziatsang ah koi tu a, keal te sia a veisang ah koi tu hi.\wj*   
\p
\v 34 \wj Tua zawkciang in, kumpipa in a ziatsang a te tung ah, hongpai tavun, no ka Pa thupha sang te, leitung bitphua pan kipan in note atu a kipua kholsa kumpingam lua tavun:\wj*   
\p
\v 35 \wj Banghangziam cile, ka ngilkial laitak in, an nong pia uh hi: ka dangko laitak in, tui nong pia uh hi: zin ka hi laitak in, nong tungsak uh hi:\wj*   
\p
\v 36 \wj Pum nguak in ka om laitak in, puan nong silsak uh hi: ka cinat laitak in, nong ve uh hi: ka thongtak laitak in, nong pai uh hi.\wj*   
\p
\v 37 \wj Tasiaciang in a thutang te in, Topa, banghun lai na ngilkial hong mu in, an hong pia khu ziam? a hibuale na dangko in dawn tu hong pia khu ziam?\wj*   
\p
\v 38 \wj Banghun lai in zin na hi hong mu in, hong tungsak khu ziam, na pum nguak hong mu in, puan hong silsak khu ziam?\wj*   
\p
\v 39 \wj Banghun lai na nat le na thongtak hong mu in, hong ve khu ziam? ci uh hi.\wj*   
\p
\v 40 \wj Kumpipa in, a man tak ka ci ciang, ka suapui te sung a nobel te tung ah na vawt uh te, keima tung ah hong vawt na hi uh hi, ci hi.\wj*   
\p
\v 41 \wj Tasiaciang in a veisang a to te tung ah, Topa in, no hamsiat thuak te ka kung pan in kiheam tavun, doaimangpa le a nungzui te a tu a ki vawtkhol tawntung mei sung ah pai vun:\wj*   
\p
\v 42 \wj Banghangziam cile, ka ngilkial a, an hong pia ngawl nu hi: ka dangko a, tui hong pia ngawl nu hi:\wj*   
\p
\v 43 \wj Zin ka hi lai in, hong tungsak ngawl nu hi: pum nguak in ka om a, puan hong silsak ngawl nu hi: ka nat le thong ka tak ciang in, hong ve ngawl nu hi, ci hi.\wj*   
\p
\v 44 \wj Tasiaciang a mate in, Topa, banghun lai na ngilkial, na dangko, zin na hile thong na tak hong mu in hong khoi ngawl khu ziam? ci uh hi.\wj*   
\p
\v 45 \wj Tasiaciang ama in, kei kong cina pan, hi teng sung pan a nobel tung ah na vawt ngawl uh teng sia kei tung ah vawt ngawl na hi uh hi, ci in zo kik hi.\wj*   
\p
\v 46 \wj Hite sia tawntung ngim na sung ah pai tu a: mi thutang te a hile tawntung nuntakna sung ah pai tu uh hi, \wj* ci hi.   
\c 26  
\s1 Jesus Thatlum tu in Ngeal Ku  
\r Mk. 14:1, 2; Lk. 22:1, 2l; Jn. 11:45-53  
\p
\v 1 Hi thu te a hil zawkciang in Jesus in a nungzui te tung ah,   
\p
\v 2 \wj Tuzawk ni ni ciang in, paisan poai hi tu hi, ci na he uh hi, taciang mihing Tapa sia thinglamte tung ah khai tu in ap tu hi, \wj* ci hi.   
\p
\v 3 Taciang in thiampi lian te, thukhamhil te le mi upa te thiampi sang Caiaphas leitual ah ki kaikhawm uh a,   
\p
\v 4 Jesus man ku in, a thalup thei natu thu ngeal uh hi.   
\p
\v 5 Poai hun sung ah vawt ngawl tu hi, tabang hi thong leang, mipite hong ngamlum tu hi, ci uh hi.   
\s1 A Manham Sathau Namtui  
\r Mk. 14:3-9; Jn. 12:1-8  
\p
\v 6 Bethany khua ah Simon kici miphak pa inn ah Jesus a om laitak in,   
\p
\v 7 Anne in a to na mun ah numei khat, a manham mama sathau namtui alabaster thawlkhat keng in hongpai a, Jesus lu tung pan buak hi.   
\p
\v 8 Ahihang a nungzui te in a mu uh ciang in thin-uk uh a, banghang in hibang ki pakvawt ziam?   
\p
\v 9 Banghangziam cile hi sathau namtui sia a mantam in zuak in, mizawng te piak tu hi, ci uh hi.   
\p
\v 10 Tua thu Jesus in a heak ciang in, \wj Banghang in numei nu nawngkaisak nu ziam? hi numei nu in ka tung ah napha vawt hi.\wj*   
\p
\v 11 \wj Banghangziam cile mizawng te sia noma taw om tawntung hi; ahihang kei hong om tawntung ngawl khi hi.\wj*   
\p
\v 12 \wj Ka pumpi tung ah sathau namtui hong buak na sia, keima ki vui natu in hong vawt a hihi.\wj*   
\p
\v 13 \wj A tatak in kong ci ciang, leitung theampo lungdamna thu ki son na theampo ah hi numei nu vawt thu zong ama phaw tawntung na in son tu uh hi, \wj* ci hi.   
\s1 Judah Iscariot in Jesus Leheak  
\r Mk. 14:10, 11; Lk. 22:3-6  
\p
\v 14 Tua zawkciang Judas Iscariot a kici, nungzui sawmleni sung pan khat pa sia, thiampi lian te kung ah pai a,   
\p
\v 15 Amate tung ah, Jesus note hong ap leng bang nong pia tu uh ziam? ci hi. Amate in dangka sawmthum taw thukim na vawt uh hi.   
\p
\v 16 Tua hun pan kipan Jesus a ap thei natu hunpha zong tan hi.   
\s1 Paisan Poai  
\r Mk. 14:12-21; Lk. 22:7-14, 21-23; Jn. 13:21-30  
\p
\v 17 Tol saw ngawl anluum poai ni masabel ni in nungzui te Jesus kung ah hongpai a, paisan poai ciang in, koisung ah anneakna tu mun vawtsak tu khu ziam? ci uh hi.   
\p
\v 18 Jesus in, \wj Khuapi sung ah pai tavun a, khat i tung ah hibang son vun, Syapa in ka hun cing zo hi; ka nungzui te taw na inn ah paisan poai vawt tu khi hi, ci hi, \wj* ci in sawl hi.   
\p
\v 19 A nungzui te in Jesus sawl bangin vawt uh a, paisan poai atu kinging khol uh hi.   
\p
\v 20 Nitaksang ciang in Jesus sia a nungzui sawmleni te taw to uh hi.   
\p
\v 21 Amate an a neak uh laitak Jesus in, \wj A mantak in ka ci ciang, note sung pan khat in kei hong leheak tu nu hi, \wj* ci hi.   
\p
\v 22 Amate sia he mama uh a, khat zawkciang khat in, Topa, keima ka hi ziam? ci in dong tek uh hi.   
\p
\v 23 Jesus in, \wj Keima taw kuang sung a sawkkhawm sia in kei hong leheak tu hi.\wj*   
\p
\v 24 \wj A ki atsa om bang in, mihing Tapa sia pai tu hi: ahihang mihing Tapa a leheak sia a hile, a mailam bing hi, ama sia piang bale phazaw hi, \wj* ci in zo kik hi.   
\p
\v 25 Topa a leheak pa Judas Ischariot in, Topa, keima khi ziam? ci in dong a, Jesus in, \wj Na ci bang in man hi, \wj* ci in zo kik hi.   
\s1 Topa Nitak An  
\r Mk. 14:22-26; Lk. 22:14-20; I Cor. 11:23-25  
\p
\v 26 Amate an a neak uh laitak in, Jesus in anluum la a, thupha a piak zawkciang phel in, a nungzui te pia a, \wj La vun a, ne vun, hisia in ka pumpi hi, \wj* ci hi.   
\p
\v 27 Tua zawkciang hai zong la in, lungdam a ko zawkciang, amate pia a, \wj Na vekpi in dawn vun;\wj*   
\p
\v 28 \wj Banghangziam cile, hisia in thuciam thak taw kisai mi tampi te mawna maisakna tu in a luang ka thisan a hihi.\wj*   
\p
\v 29 \wj Ahihang kei kong ci na pan, hibang sapittui a thak sia ka Pa kumpingam sung ah note taw ka dawn kik mateng, bangmahun in dawn kik ngawl tu khi hi, \wj* ci hi.   
\p
\v 30 Amate la asak zawk uh ciang, Olive mualtung zuan in pai uh hi.   
\s1 Peter in Jesus A Nial Natu Thu  
\r Mk. 14:27-31; Lk. 22:31-34; Jn. 13:36-38  
\p
\v 31 Tua zawkciang Jesus in, \wj Tuucingpa ka that tu a, tuu hon te kikhen in peakkeak tu hi, ci in a ki atkhol bang in, na vekpi in tu zan keima hang in thinno mama tu nu hi.\wj*   
\p
\v 32 \wj Ahihang ka thawkik zawkciang in, Galilee ah note mai ah ka na paikhol tu hi, \wj* ci hi.   
\p
\v 33 Peter in, mi theampo nangma hang in thinkiam in om kale, kei ka thinkiam batu hi, ci in zo hi.   
\p
\v 34 Jesus in, \wj A tatak kong ci ciang, tu zan ak khuan ma thum vei hong nial tu ni hi, \wj* ci hi.   
\p
\v 35 Peter in, nangma taw ka thi tu ahizong hong nial ngawl tu khi hi, ci hi. Tasia bangma in nungzui dang theampo in zong ci uh hi.   
\s1 Jesus le A Nungzuite Gethsemane Huan ah Thungen  
\r Mk. 14:32-42; Lk. 22:39-46  
\p
\v 36 Jesus amate taw Gethsemane a kici huan ah pai uh a, \wj Zia sung ah thu ka nget laitak ziak ah to vun, \wj* ci in a nungzui te son hi.   
\p
\v 37 Peter le Zebedee tapa ni te paipui a, thinngim mama le thuakhak na hong kipan hi.   
\p
\v 38 Tasiaciang amate tung ah, \wj Thi tu za dong in ka thinngim hi: ziak ah om vun a, keima taw ngak nginge vun, \wj* ci hi.   
\p
\v 39 Tua mun pan in khua la zaw hiat na mun ah pai a, bok in thungen hi; \wj Maw ka Pa, a hi thei le, hi hai sia kei taw ki pealsak tan: ahihang kei dei bang hi ngawl in nangma deina bang hi zaw tahen, \wj* ci in thungen hi.   
\p
\v 40 A nungzui te kung ah hongpai a, a mate a mu sa in mu hi, taciang Peter kung ah, \wj Nai khatpo zong hong ngak zo ngawl nu ziam?\wj*   
\p
\v 41 \wj Ze-etna sung ah na tum ngawl natu thungen in ngak vun: thaa sia ukna nei ahihang, pumpi sia thaneam hi, \wj* ci hi.   
\p
\v 42 Jesus a ni veina paikik a, \wj Maw ka Pa, a hi thei le, hi hai sia kei taw ki pealsak in: ahihang kei dei bang hi ngawl in nangma deina bang hi zaw tahen, \wj* ci in thungen hi.   
\p
\v 43 A nungzui te kung ah hongpai a, a mu sa ma in mu kik hi: banghangziam cile amate a mutsuak peuma uh hi.   
\p
\v 44 Jesus in amate nusia in khatvei paikik a, a ngetsa bangma in a thumvei na ngen hi.   
\p
\v 45 Tua zawkciang nungzui te kung ah hongpai a, \wj Tu in mu vun a, tawlnga vun, mihing Tapa sia mawnei te khut ah ap tu hun hong theng zo hi.\wj*   
\p
\v 46 \wj Tho vun a, pai tawng, en vun keima hong ap sia pa hong theng zo hi, \wj* ci hi.   
\s1 Jesus Kimatna Thu  
\r Mk. 14:43-50; Lk. 22:47-53; Jn. 18:3-12  
\p
\v 47 Tabang in Jesus a pau laitak in, en vun, nungzui sawmleni sung pan khat a hi, Judas hongpai a, thiampi lian te le ulian te i sawl mihon tampi te zong namsau le moltum te toai in hongpai hi.   
\p
\v 48 Jesus a ap sia pa in, ka nap sia Ama hi, man vun; ci in heaksakna pia khol zo hi.   
\p
\v 49 Taciang Jesu kung ah manlang tak in hongpai a, Topa, na tung ah thupha om tahen; ci in nam hi.   
\p
\v 50 Jesus in, \wj Lawm awng, banghang hongpai ni ziam?\wj* ci hi. Tua zawkciang amate hongpai a, Jesus man in paipui uh hi.   
\p
\v 51 En vun, Jesus taw omkhawm khat in, a namsau dok in thiampi lian pa i naseam pa sat ahikom, a bil tawng pai hi.   
\p
\v 52 Tasiaciang in Jesus in ama kung ah, \wj Na namsau ama omna mun ah koikik in: banghangziam cile namsau a zam te, namsau taw ma in thi kik tu hi.\wj*   
\p
\v 53 \wj Tu mama in ka Pa tung ah ngen thei khi hi, ci le, ngen leng vantungmi hon sawmleni sang tamzaw hong sawl tu hi, ci thu ngaisun nagwl ni ziam?\wj*   
\p
\v 54 \wj Ahihang hibang hi tu hi, ci laithiangtho sung a ki atkholsa thu te bangbang tangtung thei tu ziam?\wj* ci hi.   
\p
\v 55 Tua hun laitak in mihonpi te tung ah, \wj Note, banghang nguta man tu bang in namsau le moltum taw kei man tu in hongpai nu ziam? biakinn sung ah thuhil in nisim note taw ka to lai hong man ngawl nu hi.\wj*   
\p
\v 56 \wj Ahihang hi thu te sia, kamsang te atkholsa laithiangtho a tangtun natu a hihi, \wj* ci hi. Tasiaciang in a nungzui te theampo in ama nusia in, tai siat uh hi.   
\s1 Jesus Caiaphas Mai Ah  
\r Mk. 14:53-65; Lk. 22:54, 55, 63, 71; Jn. 18:13, 14, 19-24  
\p
\v 57 Jesus a man te in thukhamhil te le ulian te ki kaikhop na mun thiampi sang Caiaphas kung ah paipui uh hi.   
\p
\v 58 Peter in a khuala thithim na pan zui in thiampi sangbel pa leitual dong pai a, a tawp dong en tu in naseam te taw to khawm hi.   
\p
\v 59 Thiampi lian te, upa te le council te theampo in Jesus that thei tu in leilot tetti te zong uh hi;   
\p
\v 60 Ahihang khat zong a mu bua uh hi, leilot tetti tam mama hongpai napi khat zong a mu bua uh hi. A khakbel ciang leilot tetti ni hongpai a,   
\p
\v 61 Hisia pa in Pathian biakinn sia pheltam in nithum sung sa kik thei khi hi, ci hi.   
\p
\v 62 Thiampi lianbelpa hong ding a, bangma zo kik ngawl tu ni ziam? Hite tetti te in bangbang in nangma hong langpan ziam? ci hi.   
\p
\v 63 Ahihang Jesus huthe ngawl hi. Thiampi sangbel pa in, nang Christ a kici Pathian Tapa na hile hi ngawl nong son tu in a nungta Pathian min taw kong ngen hi, ci hi.   
\p
\v 64 Jesus in, \wj Na ci bang in man hi: ahihang keima in kong ci hi, tu zo mihing Tapa sia vangletna ziatsang ah to in mei tung pan hong tuaksuk na mu tu uh hi, \wj* ci hi.   
\p
\v 65 Tasiaciang in thiampi sangbel in a puan eaukeak a, hisia pa in Pathian min daisak in pau hi, tetti dang bang kul lai ziam? en vun, Pathian min a daisak, na za zo uh hi, ci hi.   
\p
\v 66 Bangbang ngaisun nu ziam? ci a dok ciang in, amate in hisia pa in, a thi tu kilawm mawna nei hi, ci uh hi.   
\p
\v 67 Tua zawkciang a maitang cilphi uh a, sat cip in; a khut zapheak uh taw beang uh hi,   
\p
\v 68 Kua na hong beang ziam? nang Christ, kamsang bang in hong son tan, ci uh hi.   
\s1 Peter in Jesus Nial  
\r Mk. 14:66-72; Lk. 22:56-62; Jn. 18:15-18, 25-27  
\p
\v 69 Peter sia leitual ah a to laitak in, naseam numei khat a kung ah hongpai a, nang zong Gelilee mi Jesus taw om khawm nu hi, ci hi.   
\p
\v 70 Ahihang Peter in, amate theampo mai ah nial a, bang son ni ziam, ci kong ke bua hi, ci hi.   
\p
\v 71 Tua zawkciang Peter sia innmai kongbiang ah pai a, a dang naseam numei khat in a mu ciang in, tua mun a om te sung ah hisia pa zong Nazareth mi Jesus taw om khawm hi, ci hi.   
\p
\v 72 Peter in kiciam na kammal taw hisia pa he ngawl khi hi, ci nial leleau hi.   
\p
\v 73 Tuazawk a ngei ngawl in tua mun ah a ding te Peter kung ah hongpai a, nang sia hi mite sung ah ki hel te khat hi lalawm ni hi; banghangziam cile na paudan taw ki he hi, ci hi.   
\p
\v 74 Tasiaciang Peter in, kiciam in, hisia pa he ngawl khi hi, ci hi. Tasia pociang akkhuang hi.   
\p
\v 75 Jesus in, \wj Ak khuan ma thumvei dong hong nial tu ni hi, \wj* a ci sia Peter in phawkkik hi. Taciang a puasang ah pusuak in, nasiatak in kap hi.   
\c 27  
\s1 Jesus Pilate Mai Ah  
\r Mk. 15:1-5; Lk. 23:1, 2; Jn. 18:28-32  
\p
\v 1 Zingsang hong thet ciang in thiampi lian te le upa te theampo in Jesus that tu in kikum khawm uh hi:   
\p
\v 2 Amate in a hen zawk uh ciang, ngam uk Pontius Pilate kung ah paipui in ap uh hi.   
\s1 Judas Ischariot Thina Thu  
\r Sawl. 1:18, 19  
\p
\v 3 Tua zawkciang in Jesus a leheak pa Judas in, Topa sia that tu in maw ki suan hi, ci a mu ciang in, ki sikkik a, dangka sawmthum sia thiampi lian te le upa te kung ah puak kik in,   
\p
\v 4 Mawna nei ngawl pa thisan ka ap thak man in khial khi hi, ci hi. Amate in, ko taw bang kisai ziam? nangma taw kisai bek hi, ci uh hi.   
\p
\v 5 Ama in tua dangka sia biakinn sung ah lawn a, mundang ah pai in ama le ama ngui awk hi.   
\p
\v 6 Thiampi lian te in, tua dangka te la a, hi sum sia thisan man a hikom in, biakinn neisa te sung ah koi tu kilawm ngawl hi, ci uh hi.   
\p
\v 7 Amate kikum khawm uh a, ngamdang mite ki phum natu in bealvawtpa lo lei uh hi.   
\p
\v 8 Tua ahikom tua lo sia, tu ni dong in thisan lo, kici hi.   
\p
\v 9 Kamsang Jeremiah in a sonkholna ah, Israel mite in a kitat na uh man dangka sawmthum sia amate in la a;   
\p
\v 10 Topa thupiak na bang in bealvawtpa lo lei hi, a ci thu tangtung hi.   
\s1 Pilate in Jesus Thu Dong  
\r Mk. 15:2-5; Lk. 23:3-5; Jn. 18:33-38  
\p
\v 11 Jesus sia ngam uk pa mai ah ding a, tua ngam uk pa in, nangma sia Judah Kumpipa ni ziam? ci in dong hi; taciang Jesus in, \wj Na ci bang in hi khi hi, \wj* ci hi.   
\p
\v 12 Jesus sia thiampi lian te le upa te in a mawsiat ciang in kamkhat zong zo kik ngawl hi.   
\p
\v 13 Tua zawkciang in Pilate in, nangma mawsiat na tetti theampo za ngawl ni ziam? ci hi.   
\p
\v 14 Jesus in kamkhat zong a zo kik ngawl ciang in: ngam uk pa in lamdangsa mama hi.   
\s1 Jesus le Barabbas  
\r Mk. 15:6-15; Lk. 23:13-25; Jn. 18:39-19:16  
\p
\v 15 Tua poai sung ah ngam uk pa in thongtak te sung pan, mipi te dei khat suatak thei hi.   
\p
\v 16 Tua ahikom thongtak te sung ah Barabbas a kici a minthang mama khat om hi.   
\p
\v 17 Tua ahikom mipite hong ki kaikhop ciang, Pilate in amate tung ah, kua na suaktasak nuam uh ziam? Barabbas maw, Christ a kici Jesus? ci hi.   
\p
\v 18 Banghangziam cile Pilate in amate in Jesus sia el ahikom hong ap hi, ci he hi.   
\p
\v 19 Pilate sia thukhenna tokhum tung a to ciang in, a zi in mikhat sawl in, hi thutangpa tung ah bangma vawt heak in, banghangziam cile tuni ka mang sung ah ama hang in tampitak thuak khi hi, ci hi.   
\p
\v 20 Ahihang thiampi lian te le upa te in mihonpi te sia Barabbas ngen tu le Jesus that tu in hol uh hi.   
\p
\v 21 Pilate in hi ni te sung pan a kua suatak tu dei nu ziam? ci in a dok ciang, amate in Barabbas suatak tu dei khu hi, ci uh hi.   
\p
\v 22 Tua a hile Christ a kici Jesus sia banglaw tu khi ziam? ci in Pilate in a dok ciang in, amate theampo in, thinglamte tung ah khaina thuak tahen, ci uh hi.   
\p
\v 23 Taciang ngam uk pa in, banghangziam, bang khialna vawt ziam? a ci ciang in, amate in thinglamte tung ah ki khai tahen, ci in au seseam uh hi.   
\p
\v 24 Pilate in zo nawn ngawl khi hi, mipi te ngamlum siat hi, ci a mu ciang, tui la in, a khut sil a, hi a thutang pa thisan pan ka thiang hi: no ma khensat tavun, ci hi.   
\p
\v 25 Tasiaciang in mi theampo in, hi sia pa i thisan koma le ka tate tung ah om tahen, ci tek uh hi.   
\p
\v 26 Taciang Pilate in Barabas suatak a: Jesus sia a sat zawkciang thinglamte tung ah khai tu in ap hi.   
\s1 Ngalkap te in Jesus Selno  
\r Mk. 15:16-20; Lk. 22:63-65; Jn. 19:2, 3  
\p
\v 27 Tua zawkciang Pilate ngalkap te in Jesus sia ngam uk pa inn ah paipui uh a, ngalkap hon bup sia ama kim ah kikhawm hi.   
\p
\v 28 Amate in a puan te sutkeak in, puan sannum silsak uh hi.   
\p
\v 29 Amate in lingtaw a ki pheak ling lukhu sia a lu tung ah khusak uh a, a ziatsang khut ah phai kung khat toaisak uh hi: taciang a mai ah khupdin in, Judah te kumpipa! na khansau tahen, ci in selno uh hi.   
\p
\v 30 Amate in ama tung ah cilphi uh a, a phaikung la in a lu pan vel uh hi.   
\p
\v 31 Tabang in a selno uh zawkciang a puan tual hawksak kik in, ama puan silsakkik hi, tua zawkciang thinglamte tung ah khen tu in paipui uh hi.   
\s1 Jesus Thinglamte Tung ah  
\r Mk. 15:21-32; Lk. 23:26-43; Jn. 19:17-27  
\p
\v 32 Tabang in a paipui uh laitak, Sairin khuami Simon taw kisi uh a: thinglamte zawthawk thu taw puasak uh hi.   
\p
\v 33 Amate in Golgotha a kici lu ngu mual a thet uh ciang in,   
\p
\v 34 Jesus sia sapittui le a kha a kihel pia uh a: ama in tep bek a, dawn nuam ngawl hi.   
\p
\v 35 Jesus sia thinglamte tung ah khai uh a, a puan te a khen zawk uh ciang in, aisan nataw hawm uh hi: tua thu sia kamsangpa sonkholna, amate in ka puan te sia aisan in hawm uh hi, ci thu a tangtunna a hihi.   
\p
\v 36 Tua zawkciang tua mun ah to in ama encik uh hi.   
\p
\v 37 A lu tung san ah mawsiatna lai, \sc HI SIA JUDAH TE KUMPIPA JESUS HI\sc* ci in at uh hi.   
\p
\v 38 Ama taw nguta ni te zong a ziatsang ah khat, a veisang zong ah a dang khat, thinglamte tung ah khai uh hi.   
\p
\v 39 Lampi ah a vak te in zong nu nau in, a lu thin uh a;   
\p
\v 40 Biakinn pheltham in nithum sung asakik tu pa, nangma le nangma ki hun in. Pathian Tapa na hile, thinglamte tung pan tuaksuk in, ci uh hi.   
\p
\v 41 Tasia bangma in thiampi lian te, thukhamhil te le, upa te zong in nu nau in,   
\p
\v 42 Ama in ngualdang ngum thei a, ama le ama ki ngum thei ngawl hi. Ama sia Israel te kumpipa a hile thinglamte tung pan tu mama in tuak hen a, tasiaciang in ka um tu uh hi, ci uh hi.   
\p
\v 43 Ama in Pathian muang a; keima sia Pathian Tapa khi hi, ci a hi ciang, tu mama in Pathian in suaktasak hen: ci in nu nau tek uh hi.   
\p
\v 44 Ama taw thinglamte tung ah a ki khai nguta te zong in, tabangma in nu nau uh hi.   
\s1 Jesus Thina  
\r Mk. 15:33-41; Lk. 23:44-49; Jn. 19:28-30  
\p
\v 45 Sun nai sawmleni pan nitak sang nai thum dong leitung theampo khuazing hi.   
\p
\v 46 Nai thum kim ciang in, Jesus sia a nging tatak in, \wj Eli, Eli, Lama sabachthani?\wj* ci in au hi, a khiakna sia, Ka Pathian, Ka Pathian, banghang in hong taisan ni ziam? a cinopna hi.   
\p
\v 47 Tua mun ah a ding te pawlkhat in a zak uh ciang in, Elijah sam hi, ci uh hi.   
\p
\v 48 Tasia pociang amate sung pan khat tai a, tuihup puan la in, sapittui hau sung ah a papsuk zawkciang, phaikung dawn ah hen in, Jesus dawn tu in pia hi.   
\p
\v 49 A dang te in, ngak hi vun, Elijah ama hun tu in hongpai tha tu hi, ci en tawng, ci uh hi.   
\p
\v 50 Jesus ngingtak in au kik in thi hi.   
\p
\v 51 Taciang in, en vun, biakinn sung sang kidalna puan sia a lu pan a taw dong ki khen ni in ki khen suk hi; zin zong ling in, suangtum te zong kektham a,   
\p
\v 52 Thankul te ki hong in; a thisa mithiangtho tampi te thokik hi,   
\p
\v 53 Amate than sung pan pusuak uh a, Jesus thawkik zawkciang in, khuapi thiangtho sung ah pai uh a, mi tampi te kung ah kilang uh hi.   
\p
\v 54 Ngalkap zakhat uk pa le a kung ah om te in Jesus en in, zinling le thupiang dang te a mu uh ciang in, lau mama uh a, hisia pa Pathian Tapa tatak hi, ci uh hi.   
\p
\v 55 Galilee pan Jesus a zui te le a khoi numei tampi te in, a khuala na pan en tek uh hi:   
\p
\v 56 Tua numei te sung ah Mary Magdalene, James le Joses te nu Mary le Zebedee zi zong ki hel hi.   
\s1 Jesus Than ah Ki Vui  
\r Mak. 15:42-47; Luk. 23:5—56; Jn. 19:38-42  
\p
\v 57 Nitak sang ciang in, Arimathea khua pan mihau pa khat hongpai hi, a min sia Joseph kici a, Jesus nungzui khat a hihi:   
\p
\v 58 Ama sia Pilate kung ah pai a, Jesus luanghawm ngen hi. Tasiaciang Pilate in Jesus luanghawm piak tu in thupia hi.   
\p
\v 59 Taciang Joseph in Jesus luanghawm a lak zawkciang, puanneam thiang taw tun in,   
\p
\v 60 Ama atu in a taw suang hawng thankul sung ah vui hi: than kongkha ah suangtum lian mama khat lik in a kha zawkciang pai hi.   
\p
\v 61 Mary Magdalene le a dang Mary te sia tua mun ah thankul sang nga in to uh hi.   
\s1 Than Cing Te  
\p
\v 62 Ki ngin ni a zingciang in, thiampi lian te le Pharisee te Pilate kung ah hongpai uh a,   
\p
\v 63 Topa awng, tua leilot thu son pa in a nuntak lai in, nithum zawkciang thokik tu khi hi, a ci sia phawkkik khu hi, ci uh hi.   
\p
\v 64 A nungzui te zan ciang hongpai in a luanghawm ngu a, thina pan thokik zo hi: ci in midang te tung ah son a hile, a nungsang thu sia a masa sang in poimaw zaw tu hi, tua ahiciang a than sia nithum dong cing tu in thupia in, ci uh hi.   
\p
\v 65 Pilate in amate tung ah, a cing tu nei nu hi: pai tavun a, na hitheitawp in vawt vun, ci hi.   
\p
\v 66 Tua ahikom amate zong than ah pai in, thankul kha na suangpheak tung ah ceptena khen in, a cing te koi uh hi.   
\c 28  
\s1 Jesus Thawkikna  
\r Mk. 16:1-10; Lk. 24:1-12; Jn. 20:1-10  
\p
\v 1 Sabbath ni bo in nipi khat sung ni masabel khuavak tu hong kipat ciang in, Mary Magdalene le a dang Mary te than en tu in pai uh hi.   
\p
\v 2 Tua laitak in nasiatak in zinling hi: banghangziam cile Topa vantungmi van pan hong tuaksuk in, than kongkha suangtum sia lik a, a tung ah to hi.   
\p
\v 3 A mai sia khualeng bang hi a, a puan sia vukbang in pak hi:   
\p
\v 4 Taciang than cing te a lau in ling uh a, mithi bang hi uh hi.   
\p
\v 5 Vantungmi in numei te kung ah, lau heak vun: banghangziam cile, thinglamte tung ah a ki khai Jesus zong nu hi, ci kong he hi.   
\p
\v 6 Ama ziak ah om ngawl hi: banghangziam cile, a sonsa bang in thokik zo hi. Hongpai tavun a, a ki sial na en vun.   
\p
\v 7 Taciang manlang in pai tavun a, thina pan thokik zo hi, ci in a nungzui te son vun; en vun, ama sia note mai Galilee ah pai hi; tuak ah mu tu nu hi: en vun, hong son zo khi hi, ci hi.   
\p
\v 8 Amate sia than pan in launa le lungdamna lianpi taw ciakik uh a; a nungzui te son tu in tai uh hi.   
\p
\v 9 A nungzui te son tu in a tai uh laitak in, en vun, Jesus in a mate kung hongpai a, \wj Note tung ah nopna om tahen, \wj* ci hi. Taciang amate Jesus peang ah hongpai in, a peang len in bia uh hi.   
\p
\v 10 Tua zawkciang Jesus in amate tung ah, \wj Lau heak vun, ka suapui te sia Galilee ah pai tu in son vun a, tuaksung ah hong mu tu uh hi, \wj* ci hi.   
\s1 Than Cing te Sumnguk Pia  
\p
\v 11 Amate a pai zawkciang in than cing pawlkhat te sia khuapi sung ah pai uh a, thiampi lian te kung ah thupiang teng theampo son uh hi.   
\p
\v 12 Ama te upa te taw ki kaikhawm tek uh a, thu a kikup zawk uh ciang in, ngalkap te sum tampi pia uh a,   
\p
\v 13 A nungzui te zan in hongpai uh a, ka mut uh lan in a luang ngu uh hi, ci vun.   
\p
\v 14 Hi thu te ngam uk pa i beng ah a theng zong in, na suatak thei natu uh, koma in hong sonsak tu khu hi, ci uh hi.   
\p
\v 15 Tua ahikom amate in sum la in, a son uh bang in vawt uh hi: taciang tua thu sia Judah mite in tuni dong in mun theampo ah hil hi.   
\s1 Nasep Lianbel Apna  
\r Mk. 16:14-18; Lk. 24:36-49; Jn. 20:19-23; Sawl. 1:6-8  
\p
\v 16 A nung zui sawm le khat te sia Galilee ah pai uh a, Jesus in a ciamsa mun mualtung ah ka to uh hi.   
\p
\v 17 Amate in Jesus a mu uh ciang bia tek uh hi: ahihang pawlkhat te in muang ngam ngawl uh hi.   
\p
\v 18 Jesus hongpai a, amate tung ah, \wj Van le lei thuneina theampo hongpia siat zo hi.\wj*   
\p
\v 19 \wj Tua a hiciang note pai tavun a, minam theampo te hil tavun, Pa, Tapa le Tha Thiangtho min taw tuiphumna pia tavun:\wj*   
\p
\v 20 \wj Keima i kong thupiak teng theampo a vekpi zui tu in hil tavun: taciang en vun, leitung bo dong in a tawntung keima in kong ompui hi, \wj* ci hi. Amen.