\id LUK - SYN- Siyin Bible 
\h LUKE 
\toc1 LUKE 
\toc2 Luke 
\toc3 Lk 
\mt1 LUKE  
\mt2 LUKE  
\c 1  
\s1 Thupatna  
\p
\v 1 Kote sung ah thu piang te sia mitampi in a ban a ban in at zo a, tua thu tangkona te sia ka up bel uh a hihi,   
\p
\v 2 A kipatcil pan in mitmu tetti te le Pathian kamal naseam te i hong son bang in a ki at a hihi;   
\p
\v 3 A masabel pan in thu theampo a cialcing in he ka hikom, na tung ah a ban a ban in hong at leng pha tu hi, ci ngaisun khi hi, a thupibel Theofilas awng,   
\p
\v 4 Nangma hong hil sa thu te a kip a kho thei natu in hong at khi hi.   
\s1 Zacharias le Elizabeth  
\p
\v 5 Judah kumpipa Herod hun lai in, Zacharias a kici thiampi khat om a, ama sia Abijah i thiampi pawl sung ah kihel hi: a zi min sia Elizabeth hi a, Aaron suan a hihi.   
\p
\v 6 Amate ni sia Pathian mai ah mi thutang te hi uh a, thupiak te le biakna ngeina te sia paubang ngawl in a zui te a hi uh hi.   
\p
\v 7 Amate in ta a nei bua uh hi, banghangziam cile Elizabeth sia ciing hi, taciang amate a ni ma in a kum uh zong ham zo hi.   
\p
\v 8 Zecharias sia ama pawl te taw a nasep hun cing a Pathian mai ah thiampi nasep a sep laitak in,   
\p
\v 9 Thiampi te nasep ngeina bang in aisan uh a, Zecharias in Topa biakinn sung a tum ciang in ngimnamtui hal tu nasep nei hi.   
\p
\v 10 Ngimnamtui a hal laitak in mihonpi theampo a puasang ah thungen khawm uh hi.   
\s1 Tuiphumpa John Sua natu Sonkholna  
\p
\v 11 Topa vantungmi khat a kung ah hong kilang a, ngimnamtui hal na mun biaktau ziatsang ah ding hi.   
\p
\v 12 Zechariah in ama a mu ciang in, patau a, a tung ah launa theng hi.   
\p
\v 13 Ahihang vantungmi in, Zechariah: lau heak in, Pathian in na thungetna hong za zo hi, taciang na zi Elizabeth in tapa hing tu a, a min sia John, phuak tu ni hi, ci hi.   
\p
\v 14 Lungdamna le thinnopna nei tu ni hi; a sua ciang in mi tampi te zong lungdam tu uh hi.   
\p
\v 15 Banghangziam cile ama sia Topa mai ah mi thupi hi tu hi, sapittui ahizong, zu ahizong, dawn ngawl tu hi; a nu ngil sung pan ma in Tha Thiangtho taw kidim tu hi.   
\p
\v 16 Israel mi tampi te zong amate Pathian Topa kung ah heakkiksak tu hi.   
\p
\v 17 Elijah i thaa le vangletna taw Topa mai ah pai tu a, pa te le ta te i thinsung te ahizong, thu ni ngawl te sia mi thuman te i ciimna ah ahizong; Topa atu in mihing te kinging kholsak le ki thoaikholsak tu in heakkiksak tu hi.   
\s1 Zechariah Pau Thei Ngawl  
\p
\v 18 Zechariah in vantungmi kung ah, nong son bang in piang takpi tu hi, ci bangbang in he tu khi ziam? banghangziam cile keima sia pasal huai khi hi, taciang ka zi zong huai mama zo hi, ci hi.   
\p
\v 19 Tasiaciang vantungmi in, keima sia Pathian mai ah a ding Gabriel ka hihi; nangma paupui tu le lungdamna thu son tu in hong sawl hi.   
\p
\v 20 Taciang, en in, hi thu te a pian ni dong pau thei ngawl tu ni hi, banghangziam cile amate hun ciang a tangtung tu ka thu na up ngawl hang a hihi, ci in zo hi.   
\p
\v 21 Mipi te in Zechariah ngak uh a, biakinn sung ah ngei mama om ahikom in, lamdangsa uh hi.   
\p
\v 22 Biakinn sung pan a pusua ciang in amate tung ah bangma son thei ngawl hi: taciang biakinn sung ah mangmu hi, ci amate in he uh hi: banghangziam cile a khut taw lak a, pau thei tuan ngawl hi.   
\p
\v 23 Thiampi nasep ni te a bo pociang in Zechariah sia a inn ah cia hi.   
\p
\v 24 Tua zawkciang in a zi Elizabeth sia naupai a, tha nga sung bu hi,   
\p
\v 25 Tua ahikom Elizabeth in, Topa in keima atu in hi thu hong vawtsak hi, mihing te sung ah zawnsakna ka thuak nate hong laksak tu in Ama in hong ve zo hi, ci hi.   
\s1 Jesus Suatu Sonkhol  
\p
\v 26 Tha luk a cin ciang in, Pathian in vantungmi Gabriel sia Galilee ngam Nazareth khua ah a om,   
\p
\v 27 Ngaknu thiangtho khat, David suan Joseph taw nupa tu in zuthawl piaksa, Mary kung ah paisak hi.   
\p
\v 28 Vantungmi a kung ah hongpai a, na tung ah thupha om tahen, nangma sia a thupi mama maipha nga na hihi, Topa nang taw hong om hi: numei te sung ah thuphatoai na hihi, ci hi.   
\p
\v 29 Ama in vantungmi a mu ciang, a sonthu hang in a thinsung buai a, bangbang paupuina hi tu ziam, ci ngaisun hi.   
\p
\v 30 Taciang vantungmi in, Mary awng, lau heak in, banghangziam cile Pathian mai ah maipha nga zo ni hi, ci hi.   
\p
\v 31 En in, nau na pai tu a, tapa nei tu ni hi, taciang a min sia Jesus phuak tu ni hi, ci hi.   
\p
\v 32 Ama sia mi thupi hi tu a, A sangbel i Tapa, kici tu hi: taciang Topa Pathian in a Pa David i kumpi tokhum pia tu hi:   
\p
\v 33 Ama in Jacob suan te a tawntung in uk tu a; Ama ukna sia tawp hun nei ngawl tu hi.   
\p
\v 34 Mary in vantungmi kung ah, bangbang piang thei tu ziam, keima in pa taw ki he ngei ngawl khi hi, ci hi.   
\p
\v 35 Vantungmi in zo kik a, Tha Thiangtho na tung ah hong theng tu a, A sangbel i vangletna in hong tuam tu hi: tua ahikom na sung pan in a suak tu tapa thiangtho sia Pathian Tapa kici tu hi, ci hi.   
\p
\v 36 En in, na mealheak Elizbeth, a ciing ci in ngual i son ngei sia a kum ham zawkciang in tapa pai hi: tu in tha luk pha zo hi.   
\p
\v 37 Banghangziam cile, Pathian taw a piang thei ngawl bangma om ngawl tu hi.   
\p
\v 38 Mary in, keima sia Topa i sal nu ka hihi; ka tung ah na ci bang in hi tahen, ci hi. Taciang vantungmi a kung pan in paikhia hi.   
\s1 Mary Eilizabeth Kung Haw  
\p
\v 39 Tua hun in, Mary ding a, Judah ngam huam mualtung khua ah manlangtak in pai hi;   
\p
\v 40 Zechariah innsung ah tum a, Elizabeth paupui hi.   
\p
\v 41 Taciang, Elizabeth in Mary paupuina a zak ciang in a ngil sung ah nauno tawn hi; taciang Elizabeth sia Tha Thiangtho taw kidim a:   
\p
\v 42 Aw ngingtak taw, nangma sia numei te sung pan thuphatoai na hihi, taciang na ngilsung a om nauno zong thuphatoai a hihi.   
\p
\v 43 Bangbang in ka Topa i nu sia kei kung ah hongpai ziam?   
\p
\v 44 Banghangziam cile, en in, nong paupui na aw ka zak pociang, ka ngil sung ah nauno sia lungdamna taw tawn hi.   
\p
\v 45 A um nu sia thuphatoai a hihi: banghangziam cile tua thu te sia Topa in ama a son bang in vawt tu hi, ci hi.   
\s1 Mary in Pathian Pok  
\p
\v 46 Mary in, ka nuntakna in Topa lamsang hi,   
\p
\v 47 Keima hong Ngum Pathian tung ah ka thaa a lungdam hi.   
\p
\v 48 Banghangziam cile, nunniam kei a salnu hong ve hi: en vun, tu pan kipan in khangkhat zawk khangkhat, thuphatoai nu, hong kici tu hi.   
\p
\v 49 Banghangziam cile a vanglian Pathian in keima atu in a thupi mama te vawt zo hi; taciang a min thiangtho hi.   
\p
\v 50 A hesuakna sia ama a zakta te tung ah khangkhat zawk khangkhat om tawntung hi.   
\p
\v 51 Ama in a ban taw thahatna hong lak zo a; a ki phasak te thinsung ngaisutna zong ki thethangsak siat zo hi.   
\p
\v 52 Ama in a vanglian te amate tokhum pan in a nuai ah khiasuk zo a, mi nunniam te domto zo hi.   
\p
\v 53 Ama in a ngilkial te thupha te taw ngilvasak zo a; a hau te khut hawm taw ki heamsak hi.   
\p
\v 54 Ama in a hesuakna phawk tawntung in a sal Israel hu zo hi;   
\p
\v 55 I pu i pa te kung ah a sonsa bangma in, Abraham le a suan te hu hi, ci hi.   
\p
\v 56 Taciang Mary sia Elizabeth kung ah tha thum sung om a, ama inn ah ciakik hi.   
\s1 Tuiphumpa John Suak  
\p
\v 57 Elizabeth nau sua tu hun a cin ciang in tapa nei hi.   
\p
\v 58 Elizabeth kung ah Topa hesuakna lianpi kilang ci a innpam te le a mealheak te in a zak uh ciang in lungdampui tek mama uh hi.   
\p
\v 59 Nausen ni liat a cin ciang in vunteap tan tu in hongpai a, a pa min zui in, Zechariah, ci uh hi.   
\p
\v 60 A nu in, hi ngawl hi; a min John kici tu hi, ci in zo hi.   
\p
\v 61 Amate in, na phung sung uh ah hibang min nei kuama om ngawl hi, ci uh hi.   
\p
\v 62 Taciang amate in a pa khut taw lak uh a, bangbang ci nuam ni ziam, ci dong uh hi.   
\p
\v 63 Zechariah in lai at natu ngen a, a min sia John hi, ci at hi. Taciang a vekpi in lamdangsa mama uh hi.   
\p
\v 64 Taciang thatkhatthu in a kam ki hong in a lei hong suakta kik ahikom, pau in Pathian pok hi.   
\p
\v 65 A kim a om theampo tung ah lau na hong theng a; tua thu sia Judah kual mualtung khuano theampo ah ki zel hi.   
\p
\v 66 Tua thu a za theampo in amate thinsung tek ah keam uh a, hisia bangbang nausen hi peuma tu ziam! ci tek uh hi. Taciang Topa khut sia Ama tung ah om hi.   
\s1 Zechariah in Maisang Thu Pualak  
\p
\v 67 John i pa Zechariah sia Tha Thiangtho taw kidim hi, taciang maisang thu a pualak na ah,   
\p
\v 68 Israel te Topa Pathian minthang tahen; banghangziam cile a mite ve in hun zo hi,   
\p
\v 69 Eite atu in ngupna kii sia a sal David inn sung pan in hong suaksak zo hi;   
\p
\v 70 Leitung kipat lai pan in kamsang thiangtho te kam zang in son zo hi:   
\p
\v 71 I ngal te le hong ensan te khutsung pan in eite ngum tu in ahizong;   
\p
\v 72 I pu i pa te tung ah vawt tu in thu a ciam sa hesuakna le thuciam thiangtho phawk tawntung tu in ahizong;   
\p
\v 73 I pa Abraham tung ah a kiciamna thukham,   
\p
\v 74 Eite tung ah pia tu le i ngal te khutsung pan in hong suaktasak tu a, lau na om ngawl in,   
\p
\v 75 I nuntaksung theampo Ama mai ah thianthona le thutang suana taw Ama na i sep thei natu a hihi.   
\p
\v 76 Taciang nang, nausen, A sangbel i kamsang, hong ci tu hi: banghangziam cile Topa mai ah a lampi puakhol tu in pai tu hi;   
\p
\v 77 A mite tung ah, amate mawna pan in mawmaisak na tungtawn in ngupna thu hesak tu in,   
\p
\v 78 I Pathian i a neam thuthiamna tungtawn in; van pan zing nisuak bang in hong ve zo hi,   
\p
\v 79 Khuazing le thi na lim sung ah a to te khuavak pia tu le eite i peang te thinnopna lampi ah hong makai tu hi, ci hi.   
\p
\v 80 Nausen sia khang a, thaa lam ah thahat hi, Israel te kung ah a kilaak mateng duisung ah om hi.   
\c 2  
\s1 Ngaknu Thiangtho Mary le Jesus  
\r Matt 1:18-25; Jn. 1:1,2,14  
\p
\v 1 Tua hun laitak in Caesar Augustus in leitung bup misimna vawt tu in thupia hi.   
\p
\v 2 Hi misimna masabel a vawt ciang in Syrenius sia Syria ngam uk a hihi.   
\p
\v 3 Taciang mi theampo misimna nei tu in amate khua tek ah pai uh hi.   
\p
\v 4 Joseph sia Galilee ngam, Nazareth khua pan in David khua, Judah ngam Bethlehem khua ah pai hi; banghangziam cile ama sia David i suan le minam a hihi:   
\p
\v 5 Misimna nei tu in dokzu a piaksa Mary taw pai uh hi, Mary sia a ngil lian mama zo hi.   
\p
\v 6 Bethlehem ah a om uh laitak in, Mary sia a naunei tu ni hong cing hi.   
\p
\v 7 A tacil tapa hong nei a, puan taw a tun zawkciang, khui ankuang sung ah sial hi, banghangziam cile zintun inn ah amate atu inndoi om nawn ngawl hi.   
\s1 Vantungmi te le Tuucing te  
\p
\v 8 Tua ngamsung ah tuucing te duisung ah ngiak uh a, zan in a tuuhon te cing in om uh hi.   
\p
\v 9 Taciang, en vun, Topa vantungmi amate kung ah hongpai a, Topa vangletna sia amate kiim teng ah taang hi: taciang amate lau mama uh hi.   
\p
\v 10 Vantungmi in amate tung ah, lau heak vun: banghangziam cile, en vun, note tung ah lungdamna thu hong puak khi hi, tua thu sia mi theampo atu in lungdamna lianpi hi tu hi.   
\p
\v 11 Banghangziam cile tuni in David khuapi sung ah Ngumpa Christ Topa suak zo hi.   
\p
\v 12 Hisia in note atu musakna a hihi; nausen sia puan taw tun a, khui ankuang sung ah a kisial na mu tu uh hi, ci hi.   
\p
\v 13 Thakhatthu in vantungmi taw vantungmi honpi te Pathian pok in,   
\p
\v 14 Van a sangbel na ah Pathian minthang tahen, leitung ah thinnop na om tahen a, mihing te tung ah deisakna pha om tahen, ci hi.   
\p
\v 15 Vantungmi te amate kung pan van ah a heakkik zawkciang in tuucing te in, tu in Bethlehem khua ah pai tawng, Topa i hong heaksak thu en tawng, khat le khat kici uh hi.   
\p
\v 16 Taciang manlangtak in pai uh a, Mary, Joseph le khui ankuang sung ah a kisial nausen mu uh hi.   
\p
\v 17 Tuucing te in ama a mu uh ciang in, vantungmi in hi nausen thu taw kisai amate a son thu te midang te tung ah son uh hi.   
\p
\v 18 Tuucing te i son thu te a za theampo in lamdangsa mama uh hi.   
\p
\v 19 Ahihang Mary in hi thu te theampo sia, a thinsung ah keam in ngaisun hi.   
\p
\v 20 Vantungmi in amate tung ah a son bang in, a zak uh le a mu uh thu te hang in tuucing te in Pathian vangletna le minthanna pok in heakkik uh hi.   
\s1 Jesus Vunteap Tan le Minphuak  
\p
\v 21 Nausen sia vunteap tan tu ni liat a cin ciang, a min sia Jesus ci hi, tua min sia a nu in a ngilsung a pai ma in vantungmi i a phuakholsa min a hihi.   
\s1 Jesus Biakinn ah Paipui  
\p
\v 22 Mary sia Moses thukham bang in thianthona hun a cin ciang in, Topa kung ah ap tu in nausen sia Jerusalem ah paipui hi;   
\p
\v 23 Topa thukham sung ah, sulhong tapa masabel peuma Topa kung ah a thiangtho, kici tu hi; ci in ki at hi.   
\p
\v 24 Topa thukham sung ah a om bangma in, khutun kop khat, a hibale khutheh ni taw biakpiakna piak tu a hihi.   
\s1 Simeon in Jesus Toai  
\p
\v 25 Taciang en vun, Jerusalem ah Simeon a kici pasal khat om hi; ama sia mi pha thutang le biakna sang ah a ki pumpiak hi a, Israel te henepna a ngak khat zong a hihi: ama tung ah Tha Thiangtho om hi.   
\p
\v 26 Topa i Messiah na mu mateng na thi buatu hi, ci in Tha Thiangtho in pualak hi.   
\p
\v 27 Tha ompui na taw in Simeon sia biakinn sung ah hong pai a: thukham ngeina bang in vawtsak tu in nulepa te in nausen Jesus paipui uh hi,   
\p
\v 28 Simeon in nausen a kang ah toai a, Pathian pok kawm in,   
\p
\v 29 Topa awng, tu in, na thu bang in na sal keima thinnuamtak in hong paisak ta in:   
\p
\v 30 Banghangziam cile na ngupna ka mit taw mu zo khi hi,   
\p
\v 31 Tua thu sia mi theampo mai ah na vawtsa a hihi;   
\p
\v 32 Gentile te tung khuavaksak tu le na minam Israel te minthan natu a hihi, ci hi.   
\p
\v 33 Simeon pau nate sia Joseph le Mary te in lamdangsa mama uh hi.   
\p
\v 34 Taciang Simeon in amate thupha pia a, a nu Mary kung ah, hi nausen sia Israel mitampi te lutu na le mitampi te ki phokkik na hi tu hi; banghangziam cile kam ki nial na musakna hi tu hi;   
\p
\v 35 Hi hi, namsau in na nuntakna hong sun tu hi, taciang mitampi te thinsung ngaisutna te kilangsak tu hi.   
\s1 Anna Kici Numei Kamsang  
\p
\v 36 Asher suan, Phanuel tanu Anna a kici kamsang nu khat om a, ama sia huai mama zo hi: ama sia ngaknu thiangtho a hi na pan in a pasal taw kum sali sung bek omkhawm hi;   
\p
\v 37 Ama sia meingong hi a, kum sawm liat le kum li pha zo hi, biakinn pan pusuak ngawl in sun tawzan taw antang le thungen in Pathian naseam hi.   
\p
\v 38 Jesus biakinn ah a thetpui laitak in Anna zong hong theng a, Topa tung ah lungdam ko hi, taciang Jerusalem ah ngupna a ngakla te theampo tung ah nausen thu son hi.   
\s1 Jesus Nazareth ah Ciapui  
\r Matt 2:19-23  
\p
\v 39 Joseph le Mary te in Topa thukham bang in na theampo a vawt zawk uh ciang in, Galilee ngam Nazareth khua ah ciakik uh hi.   
\p
\v 40 Nausen hong khang a, tha lam ah thahat in, ciimna taw dim a: Pathian hesuakna ama tung ah om hi.   
\s1 Nauno Jesus Doctor te taw Thu Kikum  
\p
\v 41 Jesus i nulepa te kumsim paisanpoai ciang in Jerusalem ah pai bul uh hi.   
\p
\v 42 Jesus kum sawm le kum ni a cin ciang in, Jerusalem ah ngeina bang in poai mun ah pai hi.   
\p
\v 43 Poai man ciang in a inn ah ciakik uh hi, ahihang nauno Jesus sia Jerusalem ah tanglai hi; Joseph le a nu in tuathu a he bua uh hi.   
\p
\v 44 Ahihang, mi honpi sung ah hi tu hi, ci ngaisun uh a nikhat sung pai uh hi; taciang amate mealheak te le a ki naipui uh te sung ah zong uh hi.   
\p
\v 45 Amate in a mu ngawl uh ciang in, Jerusalem ah heakkik in zong uh hi.   
\p
\v 46 Nithum zawkciang in amate in biakinn sung ah mu hi, doctor te laizang ah to a, thu ngai le thu dong in om hi.   
\p
\v 47 A thu heak le a zo kik nate a za theampo in lamdangsa uh hi.   
\p
\v 48 Amate in a mu uh ciang in lamdangsa mama uh a: a nu in, ka Tapa awng, banghang hibang in hong vawt ni ziam? en in, na pa taw thinngim mama in hong zong khu hi, ci hi.   
\p
\v 49 Jesus in, \wj Banghang in hong zong nu ziam? ka Pa nasep seam hamtang tu khi hi, ci he ngawl nu ziam?\wj* amate tung ah ci hi.   
\p
\v 50 Taciang amate in a sonnop na a tel bua uh hi.   
\s1 Jesus a Pilna Khang  
\p
\v 51 Taciang amate taw pai a, Nazareth ah ciakik in amate thu ni in om hi: ahihang a nu in Ama kampau te a thinsung ah keamcing hi.   
\p
\v 52 Jesus sia a ciimna le a pumpi khang a, Pathian mai le mihing te mai ah maipha nga hi.   
\c 3  
\s1 Tuiphumpa John  
\r Matt 3:1-12; Mk 1:2-8; Jn. 1:19-28  
\p
\v 1 Tiberius Caesar in ngam a uk zawk kum sawm le kum nga a cin ciang in, Pontius Pilate sia Judah ngam ukpa hi a, Herod sia Galilee ngam ukpa a hihi, taciang Herod nau Philip sia Ituraea le Trachonitis ngam ukpa a hihi, taciang Lysanias sia Abilene ngam ukpa a hihi,   
\p
\v 2 Annas le Caiaphas te sia thiampi sangbel hi uh a, tua hun sung in duisung ah a om Zechariah tapa John tung ah Pathian thu theng hi.   
\p
\v 3 Tua ahikom John sia Jordan ngun dung khuano te theampo ah maw ki sikkik na tuiphumna tungtawn in mawmaina thu hil hi.   
\p
\v 4 Kamsangpa Isaiah i kammal te laibu sung ah a ki atsa bang in, duisung ah a au aw khat in, Topa i lampi puakhol vun, lampi te na tangsak vun.   
\p
\v 5 A kom na theampo dim vun a, mual sang le mualdung te theampo niamsak vun; a kingkoai theampo tangsak vun a, lampi ham theampo nealsak vun;   
\p
\v 6 Taciang mi theampo in Pathian i ngupna mu tu uh hi, ci hi.   
\p
\v 7 Ama kung ah tui ki phum tu in hongpai mihonpi te kung ah, maw, ngul suan te, hong theng tu thin-ukna pan suakta tu in kua in note kidopna hong pia ziam? ci hi.   
\p
\v 8 Taciang mawna ki sikkik nataw a kiphu in nga pha te nga tavun, kote in ka pa uh Abraham nei khu hi: ci heak vun, banghangziam cile Pathian in hi suangtum te sia Abraham suan suaksak thei hi, hong ci khi hi.   
\p
\v 9 Tu in thingkung te a bul ah heipui ki koi zo hi: nga pha a nga ngawl thingkung peuma phuk tu a, meisung ah khia hi.   
\p
\v 10 Taciang mipi te in, tabang hithongle banglaw tu khu ziam? ci in dong uh hi.   
\p
\v 11 Ama in, puansil ni a nei sia in a nei ngawl te pia tahen; an a nei sia in tabangma in vawt tahen, ci in zo hi.   
\p
\v 12 Siadong te zong tui ki phum tu in hongpai uh a, Syapa awng, kote bangbang ngamta tu khu ziam? ci uh hi.   
\p
\v 13 Taciang ama in, a kiciangtan za sang in a tamzaw khon heak vun, ci hi.   
\p
\v 14 Ngalkap te in zong tabangma in, kote e, bangbang ngamta tu khu ziam? ci in dong uh hi. Amate kung ah, zawthawk thu taw mite tung ah bangma ngamta heak vun, a manngawl pi in mite mawsiat heak vun; na nga uh thaman taw lungkim vun, ci hi.   
\p
\v 15 Mite in lametna a nei tek uh bangma in, John sia Christ a hile hi ngawl, mi theampo in amate thinsung ah ngaisun tek uh hi.   
\p
\v 16 Tua ahikom John in amate teng tung ah, keima in a tatak in tui taw tuiphumna hong pia khi hi; ahihang keima sang in a vanglianzaw khat hongpai tu hi, a peangdap khau sutsak tu nangawn ka kilawm bua hi: Ama in Tha Thiangtho le mei taw baptisma hong pia tu hi:   
\p
\v 17 A khut sung ah tangkheaplaw toai a, tangzap tu hi, tang pha te beam sung ah thun tu a; tangsi te sia a mit ngei ngawl meitaw hal tu hi, ci in zo kik hi.   
\p
\v 18 Ama hanthotna sung ah thudang tampi te zong mite tung ah pualak hi.   
\p
\v 19 Ahizong ngam uk Herod sia a naupa Philip i a zi, Herodias thu le a pha ngawl a vawt nate hang in John in tek hi,   
\p
\v 20 Taciang Herod in John sia thongtaksak a, tabang in mawna dang vawt thua belap hi.   
\s1 John in Jesus Tuiphum  
\r Matt 3:13-17; Mk 1:9-11; Jn. 1:31-34  
\p
\v 21 Ngual theampo tui a ki phum zawk uh ciang in, Jesus zong tui ki phum a, thu a nget laitak in van ki hong hi,   
\p
\v 22 Tha Thiangtho sia vakhu bang in a tung ah tuaksuk hi, taciang van pan in aw khat hong theng a, Nangma sia ka it mama Ka Tapa ni hi; na tung ah ka lungkim mama hi, ci hi.   
\s1 Jesus Christ Khang Thu  
\r Matt 1:1-17  
\p
\v 23 Tua hun in Jesus sia kum sawmthum hong cing hi, Ama sia mihing ngaisut na bang in Joseph tapa hi a, Joseph sia Heli tapa hi,   
\p
\v 24 Heli sia Matthat tapa hi, Matthat sia Levi tapa hi, Levi sia Melchi tapa hi, Melchi sia Janna tapa hi, Janna sia Joseph tapa hi,   
\p
\v 25 Joseph sia Mattathias tapa hi, Mattathias sia Amos tapa hi, Amos sia Nahum tapa hi, Nahum sia Esli tapa hi, Esli sia Nagge tapa hi,   
\p
\v 26 Nagge sia Maath tapa hi, Maath sia Mattathias tapa hi, Mattathias sia Semei tapa hi, Semei sia Joseph tapa hi, Joseph sia Judah tapa hi,   
\p
\v 27 Judah sia Joanan tapa hi, Joanan sia Rhesa tapa hi, Rhesa sia Zerubbabel tapa hi, Zerubbabel sia Shealtiel tapa hi, Shealtiel sia Neri tapa hi,   
\p
\v 28 Neri sia Melchi tapa hi, Melchi sia Addi tapa hi, Addi sia Cosam tapa hi, Cosam sia Elmodam tapa hi, Elmodam sia Er tapa hi,   
\p
\v 29 Er sia Jose tapa hi, Jose sia Eliezer tapa hi, Eliezer sia Jorim tapa hi, Jorim sia Matthat tapa hi, Matthat sia Levi tapa hi,   
\p
\v 30 Levi sia Simeon tapa hi, Simeon sia Judah tapa hi, Judah sia Joseph tapa hi, Joseph sia Jonan tapa hi, Jonan sia Eliakim tapa hi,   
\p
\v 31 Eliakim sia Melea tapa hi, Melea sia Menan tapa hi, Menan sia Mattatha tapa hi, Mattatha sia Nathan tapa hi, Nathan sia David tapa hi,   
\p
\v 32 David sia Jesse tapa hi, Jesse sia Obed tapa hi, Obed sia Boaz tapa si. Boaz sia Salmon tapa hi, Salmon sia Nahshon tapa hi,   
\p
\v 33 Nahshon sia Amminadab tapa hi, Amminadab sia Aram tapa hi, Aram sia Hezron tapa hi, Hezron sia Pharez tapa hi, Pharez sia Judah tapa hi,   
\p
\v 34 Judah sia Jacob tapa hi, Jacob sia Isaac tapa hi, Isaac sia Abraham tapa hi, Abraham sia Terah tapa hi, Terah sia Nahor tapa hi,   
\p
\v 35 Nahor sia Serug tapa hi, Serug sia Reu tapa hi, Reu sia Peleg tapa hi, Peleg sia Heber tapa hi, Heber sia Shelah tapa hi,   
\p
\v 36 Shelah sia Cainan tapa hi, Cainan sia Arphaxad tapa hi, Arphaxad sia Shem tapa hi, Shem sia Noah tapa hi, Noah sia Lamek tapa hi,   
\p
\v 37 Lamek sia Methuselah tapa hi, Methuselah sia Enok tapa hi, Enok sia Jared tapa hi, Jared sia Mahalalel tapa hi, Mahalalel sia Kenan tapa hi,   
\p
\v 38 Kenan sia Enosh tapa hi, Enosh sia Seth tapa hi, Seth sia Adam tapa hi, Adam sia Pathian tapa a hihi.   
\c 4  
\s1 Jesus Ze-et na  
\r Matt 4:1-11; Mk 1:12,13  
\p
\v 1 Jesus sia Tha Thiangtho taw kidim in Jordan pan ciakik a, Thaa in duisung ah paipui hi,   
\p
\v 2 Ni sawamli sung doaimangpa in ze-et hi. Tua hunsung theampo bangma ne ngawl hi: taciang tua ni te a bo zawkciang in a ngilkial hi.   
\p
\v 3 Doaimangpa in ama tuung ah, Pathian Tapa na hile, hi suangtum te anluum suak tu in thupia in, ci hi.   
\p
\v 4 Taciang Jesus in hibang in zo hi, \wj Mihing te sia anluum bek hi ngawl in, Pathian thu taw nungta zaw tu hi, ci ki at hi, \wj* ci hi.   
\p
\v 5 Doaimangpa in mualsang dawn ah paipui a, leitung kumpingam theampo sia tawmvei sung in lak hi.   
\p
\v 6 Taciang doaimangpa in, hi thuneina theampo le minthanna teng kong pia tu hi: banghangziam cile hite sia keima hong ki pia zo a; ka piaknop po pia khi hi.   
\p
\v 7 Tua ahikom keima nong bia le, a vekpi in nangma neisa hi tu hi, ci hi.   
\p
\v 8 Jesus in, \wj Satan, ka nung ah om in: banghangziam cile, Topa na Pathian bia in a, Ama na bek seam in, ci in ki at hi, \wj* ci in zo kik hi.   
\p
\v 9 Taciang doaimangpa in Jerusalem ah paipui a, biakinn khuhum ah koi hi, taciang, Pathian Tapa na hile, hi mun pan in leangsuk in:   
\p
\v 10 Banghangziam cile, nangma a keam tu in Pathian in ama vantungmi te sawl tu hi:   
\p
\v 11 Na peang suang taw a khet ngawl natu in amate in a khut taw hong dom tu hi, ci in ki at hi, ci hi.   
\p
\v 12 Taciang Jesus in, \wj Topa na Pathian ze-et heak in, ci zong om hi, \wj* ci in zo kik hi.   
\p
\v 13 Doaimangpa in ze-et na theampo a man ciang in, a kung pan tawlkhat sung kiheam hi.   
\s1 Jesus Nasep Kipan  
\r Matt 4:12-17; Mk 1:14,15  
\p
\v 14 Jesus sia Tha Thiangtho vangletna taw Galilee ah heakkik a: tua ngamsung theampo ah a minthang hi.   
\p
\v 15 Ama in synagogue sung ah thuhil a, mi theampo in pok tek uh hi.   
\s1 Nazareth Khua ah Jesus Ki Sang Ngawl  
\r Matt 13:53-58; Mk 6:1-6  
\p
\v 16 Jesus a khan na mun Nazareth khua ah pai a, ama ngeina bang in, sabbath ni synagogue sung ah pai hi, taciang laithiangtho sim tu in ding hi.   
\p
\v 17 Kamsang Isaiah laibu ama pia uh hi. Taciang tua laibu a hon ciang in, hi lai ki at na mun mu hi.   
\p
\v 18 \wj Topa Tha sia ka tung ah om hi, banghangziam cile mizawng te tung ah lungdamna thu pualak tu in sathau hong buak zo hi; thinsung tamtham te damsak tu in ahizong, saltang mite tung ah suatakna thu pualak tu in ahizong, mittaw te khuamu kik natu in ahizong, vawtsiatna thuak te suatakna pia tu le, \wj*   
\p
\v 19 \wj Topa i santhei kum pualak tu in hong sawl hi.\wj*   
\p
\v 20 Jesus in a sim laibu khupkik a, naseam pa tung ah a ap zawkciang to hi. Sinakok sung a omte theampo in sal tinten uh hi.   
\p
\v 21 Taciang Ama in, \wj Hi laithiangtho sia tu ni in na bilsung uh ah tangtung hi, \wj* ci hi.   
\p
\v 22 A kamsung pan a pusuak kammal te amate in lamdangsa mama uh a, a vekpi in tettipang uh hi. Taciang, ama sia Joseph tapi hi ngawl ziam? ci uh hi.   
\p
\v 23 Jesus in amate tung ah, \wj Hi paunak sia kei tung ah, syavuan pa, nangma le nangma ki damsak in: Capernaum ah na vawt ka zak uh theampo hi na khua ah zong vawt in, hong ci tu nu hi, \wj* ci hi.   
\p
\v 24 Taciang Jesus in, \wj A tatak kong ci hi, kamsang sia ama khua ah ki sang ngei ngawl hi.\wj*   
\p
\v 25 \wj Ahihang a mantak kong ci hi, Elijah hun lai, kumthum le tha luk sung ngua zu ngawl hi, ngamsung theampo ah kialpi a tun lai in, Israel ngamsung ah meingong tam mama om hi;\wj*   
\p
\v 26 \wj Ahihang tua meingong te kung ah Elijah paisak ngawl in, Sidon ngam Zarephath khua meingong nu kung ah paisak hi.\wj*   
\p
\v 27 \wj Taciang in kamsang Elisha hun ciang in, Israel ngamsung ah miphak tampi om napi, Syria minam Naaman simngawl midang kuama a ki thiangsak om ngawl hi, \wj* ci hi.   
\p
\v 28 Syngogue sung a omte theampo in hi thu te a zak uh ciang in, thin-ukna taw kidim uh a,   
\p
\v 29 A vekpi ding in, Jesus sia khuasung pan hawlkhia uh a, khualu mualtung liangdawn pan lusuknuailam khiasuk tu in paipui uh hi.   
\p
\v 30 Ahihang Jesus in amate laizang pan kantan in paisuak hi.   
\s1 Jesus in Tha Nin Hawlkhia  
\r Mk 1:21-28  
\p
\v 31 Taciang Galilee ngam Capernaum khuapi ah pai a, sabbath ni in thuhil hi.   
\p
\v 32 A hilna te amate in lamdangsa mama uh hi: banghangziam cile Ama thu sia vanglian hi.   
\p
\v 33 Taciang synagogue sung ah doai ngilo a vei pa khat om a, aw nging mama taw,   
\p
\v 34 Nang Nazareth khuami Jesus, koma nguak hong omsak po tan; nang taw bang kisai hi ziam? A kua ci hong he khi hi; Pathian i mithiangtho pa na hihi, ci in au hi.   
\p
\v 35 Taciang Jesus in tei a, \wj Thim in, ama sung pan pusuak in, \wj* ci hi. Doai ngilo in mipi te mai ah ama puksak a, ama vawtsia ngawl in a sungpan pusuak hi.   
\p
\v 36 Amate theampo in lamdangsa mama uh a, amate sung ah, hisia in bangthu ziam! banghangziam cile thuneina le vangletna taw doai ngilo te thupia a, amate pusuak siat hi, ci uh hi.   
\p
\v 37 Jesus thu sia tua ngam kiim mun theampo ah ki zel hi.   
\s1 Jesus in Mi Tampi Damsak  
\r Matt 8:14-17; Mk 1:29-34  
\p
\v 38 Jesus sia synagogue sung pan pusuak a, Simon inn ah pai hi. Simon zi i nu sia cisa nasia mama in na a; Jesus kung ah amate in hesuak ngetsak uh hi.   
\p
\v 39 Jesus a hui ah ding in, a cisa natna tei hi; taciang a natna in nusia a: tasia pociang tho in, amate leangna do hi.   
\p
\v 40 Nitum ciang in, natna namcin taw cina te Jesus kung ah hong paipui uh hi: khatsim tung ah a khut nga a, damsak siat hi.   
\p
\v 41 Mitampi sung pan doai te pusuak a, Nangma sia Pathian Tapa Christ na hihi, ci in au uh hi. Taciang Jesus in amate tei in, pausak ngawl hi: banghangziam cile doai te in Ama sia Christ hi, ci he uh hi.   
\s1 Jesus Galilee Synagogue ah Thuhil  
\r Mk 1:38,39  
\p
\v 42 Khua hong vak ciang in, Jesus sia khuasung pan in senneal ngam sang ah pai a, mite in zong uh hi, a kung ah hongpai uh a, amate paisan ngawl tu in thum uh hi.   
\p
\v 43 Ahihang, amate tung ah, \wj Pathian kumpingam sia khuadang tatuam ah zong ka pualak kul hamtang hi: banghangziam cile tua thu a pualak tu in hong ki sawl ka hihi, \wj* ci hi.   
\p
\v 44 Taciang Galilee ngamsung synagogue te sung ah thuhil hi.   
\c 5  
\p
\v 1 Ni khat Jesus sia Gennesaret tuihui ah a din laitak in, Pathian thu a hil nate ngai nuam in mite in ama phul ngawp uh hi.   
\s1 Nungzui Masa Te Sapna  
\r Matt 4:18-22; Mk 1:16-20  
\p
\v 2 Taciang Jesus in tuihui ah ngunkuang ni a tawlnga mu hi: ahihang ngasa man te ngunkuang sung pan tuak a, a ngen te sawp uh hi.   
\p
\v 3 Jesus ngunkuang khatsung ah tum a, ta sia Simon ngunkuang a hihi, tuihui pan in a khuala zawhiat na ah khin tu in ngen hi. Tua ngunkuang sung ah Jesus to in, mipi te thuhil hi.   
\p
\v 4 Thuhil a man ciang in, Simon kung ah, \wj Tui thukna mun sang ah na ngunkuang khin in a, na ngen uh pai vun, \wj* ci hi.   
\p
\v 5 Simon in, Topa awng, zan khuateak hanciam zo ka hi uh hang, bangma nga ngawl khu hi, ahizong na thu bang in ngen pai tu khi hi, ci in zo hi.   
\p
\v 6 Ngen a pai uh ciang in, ngasa tam mama awk a, a ngen uh ek hi.   
\p
\v 7 Tasiaciang in ngunkuang dang ah a om a lawmte pai in a hu natu in khutphet uh hi. Amate hongpai uh a, ngunkuang ni sung ah ngasa dim ahikom, ngungkuang tuisung tum dektak hi.   
\p
\v 8 Tua thu Simon Peter in a mu ciang in, Jesus khup nuai ah bok a, Topa, ka kung pan kiheam in; banghangziam cile keima in mawnei ka hihi, ci hi.   
\p
\v 9 Banghangziam cile Ama le a kung a, a om te in, ngasa tam mama a mat uh hu in lamdangsa mama uh hi.   
\p
\v 10 Tasia bangma in ama taw ngasa a man Zebedee tapa James le John zong in lamdangsa mama uh hi. Jesus in Simon tung ah, \wj Lau heak in; tu pan kipan in mihing man tu ni hi, \wj* ci hi.   
\p
\v 11 A ngunkuang te tuihui ah a koi zawk uh ciang in, na theampo nusia in Jesus zui uh hi.   
\s1 Jesus in Miphak Khat Damsak  
\r Matt 8:1-4; Mk 1:40-45  
\p
\v 12 Khatvei Jesus miphak khat omna khuapi khat ah theng hi, tua pa in Jesus a mu ciang in a mai ah bok a, Topa awng, uk po le te hong thiangsak thei ni hi, ci in thum hi.   
\p
\v 13 Jesus in a khut zan a, a tham zawkciang, \wj Uk khi hi, dam in, \wj* ci hi. Tasia pociang a phak natna in ama taisan hi.   
\p
\v 14 Jesus in kuama son heak in ci vaitha hi: \wj Ahihang pai tan a, nangma le nangma thiampi te kung ah ki lak in, taciang Moses thupiak bang in thianthona biakpiakna pia in, banghangziam cile amate tung ah na thiantho na tetti hi tu hi, \wj* ci hi.   
\p
\v 15 Ahihang Jesus thu sia muntheampo ah kizel a: mihon tampi te a thu ngai tu le natna damsak nuam in hongpai hon uh hi.   
\p
\v 16 Taciang mipi te kung pan in duisung ah pai a, ama nguak thungen hi.   
\s1 Jesus in Pumzaw Pa Damsak  
\r Matt 9:1-8; Mk 2:1-12  
\p
\v 17 Ni khat, Jesus in thu a hil laitak in, Jerusalem, Judah le Galilee ngamsung khua tatuam pan hongpai Pharisee le thukhamhil te zong to uh hi: cina damsak thei na vangletna sia Topa tung ah om hi.   
\p
\v 18 En vun, pumzaw khat sia a lupna taw zawng uh a, Jesus mai ah sial tu in, innsung ah tumpui sawm hi.   
\p
\v 19 Ahihang mihonpi te hang in a tum natu lampi a mu zawk ngawl uh ciang, inntung ah kato uh a, a khuhum hawk in mipi te laizang Jesus mai ah a lupna taw cinapa khiasuk uh hi.   
\p
\v 20 Jesus in amate upna a mu ciang in, \wj Pasal pa, na mawna te ki maisak zo hi, \wj* ci hi.   
\p
\v 21 Thukhamhil te le Pharisee te in, Pathian mindaisak in a pau sia a kua ziam? A kua in mawna te maisak thei ziam, Pathian bek hi ngawl ziam? ci in ngaisun uh hi.   
\p
\v 22 Ahihang Jesus in amate ngaisutna a heak ciang in, amate tung ah, \wj Na thinsung uh ah bang ngaisun nu ziam?\wj*   
\p
\v 23 \wj Na mawna te ki maisak zo hi; ci le, ding in a, lampai in, ci koisia ol zaw ziam?\wj*   
\p
\v 24 \wj Ahihang mihing Tapa in leitung ah mawna te maisak tu in vangletna nei hi, ci na heak natu uh in, \wj* (cina pa tung ah ci hi) \wj Keima in kong ci hi, tho in a, na lupna la in, na inn ah cia in, \wj* ci hi.   
\p
\v 25 Thakhatthu in pumzaw pa amate mai ah ding to a, a lupna la in, Pathian pok kawm, a inn ah cia hi.   
\p
\v 26 Amate theampo in lamdangsa uh a, Pathian pok uh hi, taciang patau na taw dim uh a, tuni na lamdang mama i mu zo hi, ci uh hi.   
\s1 Jesus in Levi Sam  
\r Matt 9:9-13; Mk 2:13-17  
\p
\v 27 Tua zawkciang in, Jesus pusuak a, Levi a kici siadong khat, a zumsung ah a to mu hi: taciang Jesus in ama kung ah, \wj Hong zui tan, \wj* ci hi.   
\p
\v 28 Levi hong ding a, na theampo nusia in Jesus zui hi.   
\p
\v 29 Taciang Levi in a inn ah Jesus atu in poai lian mama khat vawtsak a: siadong te le midang tampi taw tokhawm tek uh hi.   
\p
\v 30 Ahihang amate i thukhamhil te le Pharisee te in a nungzui te tung ah phun uh a, banghang in siadong te le mawnei te taw ne khawm dawn khawm nu ziam? ci uh hi.   
\p
\v 31 Jesu in amate zo kik a, \wj Cidam te in syavuan kul ngawl a; cina te bek in kul hi.\wj*   
\p
\v 32 \wj Mi pha te sam tu in hongpai ngawl khi hi, ahihang mawnei te a mawna ki sikkik natu in hongpai khi hi, \wj* ci hi.   
\s1 John Nungzui te in Antan Thu Dong  
\r Matt 9:14-17; Mk 2:18-22  
\p
\v 33 Amate in, John nungzui te le Pharisee te nungzui te antang in thungen tawntung uh hi; ahihang banghang in na nungzui te ne le dawn in om uh ziam? ci in dong hi.   
\p
\v 34 Jesus in amate tung ah, \wj Mopoai vawt te in mopa amate te taw a om laiteng antangsak thei tu ni ziam?\wj*   
\p
\v 35 \wj Ahihang mopa sia amate kung pan in mundang ah a paipui hun hong theng tu hi, tasiaciang amate zong antang kik tu uh hi, \wj* ci hi.   
\p
\v 36 Jesus in amate tung ah sontena khat son a; \wj Puan lui sia puan thak taw kuama in phaw ngei ngawl hi; tabang hile puanthak in puan lui sia kaikin tu a, puan lui tung ah a bel ciang in puan thak taw kizawp thei ngawl tu hi.\wj*   
\p
\v 37 \wj Savun um lui sung ah kuama in sapittui thak thun ngei ngawl hi; a thun le sapittui thak in savun um puakthamsak tu a, sapittui bua siat in, savun um zong laltham tu hi.\wj*   
\p
\v 38 \wj Ahihang sapittui thak sia savun um a thak sung ah thun kul hamtang hi; taciang a ni in pha khawm tu hi.\wj*   
\p
\v 39 \wj Kuama in sapittui lui a dawn zawk uh ciang, sapittui thak dawn kik nuam pai ngawl uh hi: banghangziam cile a lui sia phazaw hi, \wj* ci hi.   
\c 6  
\s1 Jesus Sabbath i Topa  
\r Matt 12:1-8; Mk 2:23-28  
\p
\v 1 Sabbath ni a masa bo in, sabbath ni ni na hong thet ciang in, Jesus zungtang losung kantan in pai a; a nungzui te in zungtang vui te hiat in amate khutsung ah nuai in ne uh hi.   
\p
\v 2 Pharisee te in amate tung ah, banghang in sabbath ni ngeina a hi ngawl te vawt nu ziam? ci uh hi.   
\p
\v 3 Jesus in, \wj David le a lawm te a ngilkial uh ciang in, bang vawt ci simngei ngawl nu ziam?\wj*   
\p
\v 4 \wj David sia Pathian innsung ah tum a, Pathian mai ah a ki lui anluum la in ne hi, taciang a lawm te zong pia hi; tua anluum sia thiampi te bek i neak thei hi ngawl ziam? \wj* ci in amate zo kik hi.   
\p
\v 5 Jesus in amate tung ah, \wj Mihing Tapa sia sabbath ni i Topa a hihi, \wj* ci hi.   
\s1 Sabbath Ni in Khutzaw Pa Damsak  
\r Matt 12:9-14; Mk 3:1-5  
\p
\v 6 Sabbath ni dang khat, Jesus synagogue sung ah tum a, thuhil hi: kut ziatsang zaw khat om hi.   
\p
\v 7 Thukhamhil te le Pharisee te in Jesus maw na zong nuam a hi uhkom, sabbath ni in a damsak ziam, a damsak bua ziam, ci encik uh hi.   
\p
\v 8 Ahihang Jesus in amate ngaisutna he a, a khutzaw pa kung ah, \wj Ding in a, a laizang ah ding in, \wj* ci hi. Taciang ama zong tho in ding hi.   
\p
\v 9 Jesus in amate tung ah, \wj Thu khat kong dong tu hi; sabbath ni in na pha sep tu ngeina a om ziam, a hibale, na pha ngawl sep tu ziam? nuntakna hun tu maw, that tu?\wj* ci hi.   
\p
\v 10 Taciang a kiim a pam en a, tua pa kung ah, \wj na khut phal in,\wj* ci hi. A khut a phal ciang a langkhat bangma in dam kik hi.   
\p
\v 11 Amate thin-uk na taw dim uh a; Jesus banglaw thei tu hi ziam ci kikum uh hi.   
\s1 Sawltak Sawm le Ni Te  
\r Matt 10:1-4; Mk 3:13-19  
\p
\v 12 Tasiaciang in Jesus thungen tu in mualtung ah kato a, Pathian kung ah zan khuateak thungen hi.   
\p
\v 13 Khuavak ciang in, a nungzui te a kung ah sam a: sawmleni pha uh hi, tuate sia sawltakte, kici a;   
\p
\v 14 Peter a kici Simon le a suapui pa Andrew, James le John, Philip le Bartholomew,   
\p
\v 15 Matthew le Thomas, Alphaeus tapa James le Zelotes a kici Simon,   
\p
\v 16 James i suapui pa Judah le Jesus leheak pa Judah Iscariot te a hi uh hi.   
\s1 Jesus in Mitampi Damsak  
\r Matt 8:14-17; Mk 1:29-34  
\p
\v 17 Jesus a nungzui te taw tuaksuk a, amtam na mun ah ding hi, mihon tampi te sia Judah le Jerusalem, tuipi hui Tyre le Sidon pan in thu ngai tu le amate natna pan a dam nuam in hongpai uh hi;   
\p
\v 18 Doai ngilo te i vawtsiat te damsak hi.   
\p
\v 19 A sung pan in vangletna pusuak a, a vekpi in damsak ahikom mihonpi te theampo in Ama tham tu in zong uh hi.   
\s1 Mualtung Thuhilna  
\r Matt 5:1-12  
\p
\v 20 Jesus in a zungzui te en a, \wj Mizawng te thuphatoai te na hi uh hi: banghangziam cile Pathian kumpingam sia note a, a hihi.\wj*   
\p
\v 21 \wj Tu in a ngilkial te thuphatoai na hi uh hi: banghangziam cile na ngil uh va kik tu hi. Tu in a kap te thuphatoai na hi uh hi: banghangziam cile na nui kik tu uh hi.\wj*   
\p
\v 22 \wj Mihing Tapa hang in ngual in hong ensan, amate sung pan hong hawlkhia, hong vawtsia, na min uh hong siatsak ciang in, thuphatoai te na hi uh hi.\wj*   
\p
\v 23 \wj Tua ni ciang in, angtang vun a, lungdam in tawn vun: en vun, banghangziam cile vantung ah na thaman uh lian mama hi: banghangziam cile amate pu le pa te in kamsang te tung ah tabangma in vawt zo uh hi.\wj*   
\s1 Mailambing Mite  
\p
\v 24 \wj A hizong no mihau te na mailam uh bing hi! banghangziam cile nuntak nuam na nga zo uh hi. \wj*   
\p
\v 25 \wj A ngilva te na mailam uh bing hi! banghangziam cile na ngil uh kialkik tu hi. Tu in a nuite na mailam uh bing hi! banghangziam cile kap in na taukik tu uh hi.\wj*   
\p
\v 26 \wj Ngual theampo in hong pok ciang in na mailam uh bing hi! banghangziam cile amate pu le pa te in leilot kamsang te tabangma in vawt zo uh hi.\wj*   
\s1 Thukkikna Thu  
\r Matt 5:38-48  
\p
\v 27 \wj Ahizong ka thu a za note hibang in kong ci hi, na ngal te it vun a, hong ensan te tung ah thupha vawt vun, \wj*   
\p
\v 28 \wj Note hong hamsiat te thupha pia vun a, hong vawtsia te atu in thungetsak vun.\wj*   
\p
\v 29 \wj Na biang langkhat hong beang sia a langkhat ngat vet in; na laktong hong laksak sia na puanlum a lak tu zong khak heak in.\wj*   
\p
\v 30 \wj Na tung ah hong ngen peuma pia in; taciang na van a la sia zong ngenkik heak in.\wj*   
\p
\v 31 \wj Na tung ah ngualdang i vawttu na dei bang in, amate tung ah vawt vun.\wj*   
\p
\v 32 \wj Banghangziam cile no hong it te bek na it uh le, bang lungdam kotak na nei tu uh ziam? banghangziam cile mawnei te zong amate a itte it uh hi.\wj*   
\p
\v 33 \wj No tung ah thupha vawt te tung ah, thupha na vawt uh le, bang lungdam kotak na nei tu uh ziam? banghangziam cile mawnei te zong in tabangma in vawt uh hi.\wj*   
\p
\v 34 \wj Hong lo kik tu hi, ci na lamet uh te tung bek ah na puk uh le, bang lungdam kotak na nei uh ziam? banghangziam cile mawnei te zong in a puk uh za nga kik tu a hile, a dang mawnei te tung ah puk uh hi.\wj*   
\p
\v 35 \wj Ahihang note in, na ngal te it vun na, amate tung ah phatna vawt vun, pukthak vun a, nga kik tu in lamen heak vun; taciang na thaman uh lian mama tu a, a Sangbel i tate hi tu nu hi: banghangziam cile Ama sia lungdam ko thei ngawl te le mipha ngawl te tung ah pha hi.\wj*   
\p
\v 36 \wj Tua ahikom na Pa uh sia ngual hesuak thei a hibangma in, note zong hesuakna nei tavun.\wj*   
\s1 Midang te Thukhen Heak Vun  
\r Matt 7:1-5  
\p
\v 37 \wj Ngual dang thukhen heak vun, taciang note zong thukhenna na thuak batu uh hi: ngualdang mawsak heak vun, taciang note zong mawsiatna na thuak buatu uh hi: ngual dang maisak vun, taciang note zong hong ki maisak tu hi:\wj*   
\p
\v 38 \wj Ngual dang te pia vun, note zong piak na hi tu uh hi; phatak a ki te, a ki hen ih-eh, a ki lok cinten, a dimlet in ngual in note kang sung ah hong pia tu uh hi. Banghangziam cile ngualdang na tesak uh bangma in note zong hong tesak kik tu hi, \wj* ci hi.   
\p
\v 39 Jesus in amate tung ah sontena khat son a, \wj Mittaw in mittaw lamlak thei tu ziam? a ni in dum sung ah tak tu hi ngawl ziam?\wj*   
\p
\v 40 \wj Nungzui in a syapa sang in sangzaw ngawl hi: ahihang a cialcing in a sin khat sia a syapa bang hi tu hi.\wj*   
\p
\v 41 \wj Na mitsung ah thing tawnpui zong phawk ngawl in, na suapui pa mit sung ah nin themno sia banghang en ni ziam?\wj*   
\p
\v 42 \wj Na mitsung a om thing tawnpui om nginge nangma le nangma ki en ngawl in, bangbang in na suapui pa kung ah, na mit sung ah nin themno sia hong laksak tu khi hi, ci thei tu ni ziam? A ki hitheamsak pa, na mit sung a om thing tawnpui sia vawk masa in a, tua zawkciang in na suapuipa mit sung a om nin themno sia a thiangtak in na mu thei tu a, khelsak thei tu ni hi.\wj*   
\s1 Thingkung le a Nga  
\r Matt 12:33-35  
\p
\v 43 \wj Banghangziam cile thingkung pha in a pha ngawl nga ngei ngawl hi; thingkung pha ngawl zong nga pha nga ngei tuan ngawl hi.\wj*   
\p
\v 44 \wj Banghangziam cile thingkung peuma a nga pan in ki tel thei hi. Lingkung tung pan in thei min ki lo ngei ngawl a, theimiling kung pan in sapit nga ki lo ngei ngawl hi.\wj*   
\p
\v 45 \wj Mi pha in a thinsung a om na pha te pusuaksak hi; mi pha ngawl in a thinsung a om na pha ngawl te ma pusuaksak hi: banghangziam cile a thinsung pan a dimlet te a kam uh pan pau uh hi.\wj*   
\s1 Innsa Ni Te  
\r Matt 7:24-29  
\p
\v 46 \wj Ka son te nangawn seam nuam ngawl in, banghang in Topa, Topa awng, ci hong sam nu ziam?\wj*   
\p
\v 47 \wj A kuamapo in ka kung ah hongpai in ka son thu te za a a seam te sia bang taw kibang ziam, ci kong lak tu hi:\wj*   
\p
\v 48 \wj Ama sia, dum thuk mama to in, suangpi tung ah innbul a phut pa taw kibang hi: tui hong khang in, hawktui in tua inn sia nasiatak in nawk napi ngawk zo ngawl hi: banghangziam cile suangpi tung ah innbul a phu hang a hihi.\wj*   
\p
\v 49 \wj A hizong ka son te za napi, a zui ngawl te sia innbul kip nei ngawl in leinen tung ah innsa pa taw kibang hi; hawktui in nasiatak in a nawk ciang in, thakhatthu in puk a; tua inn siatna sia na sia mama hi, \wj* ci hi.   
\c 7  
\s1 Ngalkap Mangpa Naseam Pa Damsak  
\r Matt 8:5-13  
\p
\v 1 Jesus in mipi te tung ah hi thu te theampo a hil zawkciang in, Capernaum khua sung ah tum hi.   
\p
\v 2 Tua mun ah zakhat uk ngalkap mangpa khat i a it mama a naseam pa thi dektak in na hi.   
\p
\v 3 Jesus thu a zak ciang in, Judah upa te sawl a, Jesus pai in a naseam pa damsak tu in ngen hi.   
\p
\v 4 Amate Jesus kung a thet uh ciang in, hanciam in thum uh a, ama atu vawtsak tak mama hi:   
\p
\v 5 Banghangziam cile ama in ka minam uh it a, synagogue zong hong saksak hi, ci uh hi.   
\p
\v 6 Jesus amate taw hongpai hi. Tua inn a thet dektak uh ciang in, zakhat uk ngalkap mangpa in a lawmte Jesus kung ah sawl a, Topa, nangma tatak ngim ki pia heak in: banghangziam cile, Nangma vateak ka innsung dong nong pai tu sia kei kiphu ngawl khi hi:   
\p
\v 7 Tua ahikom na kung ah keima kong pai tu zong ka ki phu bua hi, ci ngaisun khi hi: ahihang kamkhat pau po le te, ka naseam pa dam tu hi.   
\p
\v 8 Banghangziam cile keima zong thuneina nuai ah ka om hi, ka nuai ah ngalkap te nei khi hi, taciang khat kung ah pai in, ka cile pai hi; taciang a dang khat kung ah, hongpai tan, ka cile hongpai hi; taciang ka naseam khat kung ah zong, hisia seam in, ka cile seam hi, ci hi.   
\p
\v 9 Jesus in hi thu a zak ciang in, lamdangsa hi, Ama hong kihei in, a zui te kung ah, \wj Note tung ah kong son hi, Israel mite sung ah zong hibangza a lian upna mu ngei ngawl lai khi hi, \wj* ci hi.   
\p
\v 10 A paisak te inn ah hong heakkik a, a dam ngawl a naseam pa a dam sa in mu hi.   
\s1 Jesus in Meingong nu Tapa Thina pan Thokik Sak  
\p
\v 11 A zingciang in, Nain a kici khua ah Jesus pai a; a nungzui tampi te le mi tampi te zong pai uh hi.   
\p
\v 12 Khuapi tumna kongpi a thet uh ciang, mithi khat hong pua uh a, ama sia a nu i tapa neisun a hihi: taciang khuasung ah mi tampi te sia meingong nu kung ah om hi.   
\p
\v 13 Topa in tua nu a mu ciang in, a tung ah hesuakna nei a, \wj Kap heak in, \wj* ci hi.   
\p
\v 14 Jesus hongpai a, mithikuang tham hi: taciang a pua te tawlnga hi. Taciang Jesus in, \wj Tangvalpa, tho in, hong ci khi hi, \wj* ci hi.   
\p
\v 15 Mithi hong tho to a, hong pau hi. Jesus in a nu kung ah ap kik hi.   
\p
\v 16 A vekpi tung ah launa hong theng a, eite sung ah kamsang lian hong piang hi; Pathian in a mite hong ve hi, ci in Pathian pok uh hi.   
\p
\v 17 Jesus thu sia Judah ngamsung theampo le a kiim a pam ah thang hi.   
\s1 Jesus le Tuiphumpa John  
\r Matt 11:2-19  
\p
\v 18 John i nungzui te in hi thu teng ama tung ah son uh hi.   
\p
\v 19 Tasiaciang John in a zungzui te ni sam a, Jesus kung ah paisak in, Nangma sia hongpai tu pa ni ziam? a hibale a dang ngak lai tu khu ziam? ci hi.   
\p
\v 20 Amate Jesus kung a thet uh ciang in, tuiphumpa John in, na kung ah hongpaisak hi, Nangma sia hongpai tu pa na hi ziam? a hibale a dang ngak lai tu khu ziam? ci hi.   
\p
\v 21 Tuahun laitak in Jesus in mi tampi te natna a tatuam, nat sia tatuam le doai ngilo vei te damsak a, mittaw tampi te zong khuamusak hi.   
\p
\v 22 Jesus in amate tung ah, \wj Pai tavun a, na mu uh le na zak uh te John kung son vun; bangbang in mittaw te in khuamu thei, peangbai te lampai thei, miphak te thiang, nangong te khuaza thei, mithi te thokik a, mizawng te tung ah lungdamna thu ki pualak zo hi.\wj*   
\p
\v 23 \wj A kuamapo Keima hang in uplakna a nei ngawl te thuphatoai a hihi, \wj* ci in zo kik hi.   
\p
\v 24 John i kamtaite a pai zawk uh ciang in, Jesus in mite tung ah John thu son kipan a, \wj Duisung ah bang en tu in pai nu ziam? Hui i seam phaikung ngawk ziam? \wj*   
\p
\v 25 \wj Bang en tu in pai nu ziam? Puan neam hoi nano sil mu nuam nu ziam? en vun, puan neam nano sil in nuntak nuam mamate kumpi innsung ah a omte hi.\wj*   
\p
\v 26 \wj Bang en tu in pai nu ziam? Kamsang ziam? hi hi, a man tatak kong ci ciang, kamsang bek dom ngawl hi.\wj*   
\p
\v 27 \wj Banghangziam cile, en vun, ka kamtai pa na mai ah ka sawl hi, ama in na mai pan in na lampi hong puakholsak tu hi, ci ama thu sonkhol hi.\wj*   
\p
\v 28 \wj Banghangziam cile keima in kong ci hi, numei sungsuak theampo sungpan tuiphumpa John sang in a lianzaw kuama om ngawl hi: ahihang vantung kumpingam sung ah a nobel sia nangawn John sang in lianzaw lai hi, \wj* ci hi.   
\p
\v 29 Tua thu a za te theampo le siadong te in, Pathian sia thuman hi, ci in pualak uh hi, amate sia John i tuiphumna a piak te a hi uh hi.   
\p
\v 30 Ahihang Pharisee te le thukhamhil te in amate langpan in Pathian i ngaisutna nate nial uh hi, amate sia John i tuiphumna a piak te hi ngawl hi.   
\p
\v 31 Topa in, \wj Tu hun mihing te bang taw sonte tu khi ziam? taciang amate bang taw kibang uh ziam?\wj*   
\p
\v 32 \wj Amate sia sumbuk ah a to patang te taw kibang hi, amate sia khat le khat ki biakpui uh a, tamngai kong tum uh hang lam nuam ngawl nu hi, katap kong law uh hang, kap nuam tuan ngawl nu hi, \wj*   
\p
\v 33 \wj Banghangziam cile, tuiphumpa John sia anluum ne ngawl sapittui dawn ngawl in hongpai ciang, note in doai vei hi, na ci uh hi.\wj*   
\p
\v 34 \wj Mihing Tapa sia ne le dawn in hongpai ciang; note in, en vun, an tuang pa, sapittui tuang pa, siadong te le mawnei te i lawmpa, na ci uh hi.\wj*   
\p
\v 35 \wj Ahihang ciimna in a tate mawsiatna pan suatak hi, \wj* ci hi.   
\s1 Numei Khat in Jesus Sathau Namtui Buak  
\p
\v 36 Pharisee khat in Jesus taw an ne khawm nuam hi. Taciang Jesus sia Pharisee te inn ah pai in, anne tu in to hi.   
\p
\v 37 Taciang, en vun, tua khua ah mawnei numei khat om a, Jesus sia Pharisee pa inn ah anne tu in to hi, ci a heak ciang in, alabaster sathau namtui thawl khat keng hi,   
\p
\v 38 Jesus i nung, a peang kung ah kap a, Jesus i peang a thitui taw silsak hi, taciang a sam taw nawlsak a, a nap zawkciang in sathau namtui buak hi.   
\s1 Leiba Nei Ni Sontena  
\p
\v 39 Tabang a vawt Jesus a sam Pharisee pa in amu ciang, a thinsung pan in, hisia pa kamsang a hile, ama a tham sia bangbang numei ziam, ci he tu hi: banghangziam cile tua numei nu sia mawnei hi, ci hi.   
\p
\v 40 Jesus in ama zo kik a, \wj Simon awng, kong son nop khat om hi, \wj* ci hi. Taciang ama in, syapa awng, hong son tan, ci hi.   
\p
\v 41 Jesus in, \wj Dangka pukthak khat om a, leiba nei ni om hi: khat in dangka za nga ba a, a dang khat sia in sawm nga ba hi.\wj*   
\p
\v 42 \wj Amate in a lokik zawk ngawl uh hang in, a ni ma in maisak hi. Tua ahikom tua te ni sung ah kua in dangka pukthak pa itzaw tu ziam, hong son tan?\wj* ci hi.   
\p
\v 43 Simon in, dangka tamzaw a maisak pa in itzaw tu in ngaisun khi hi, ci in zo kik hi. Taciang Jesus in, \wj A man in thukhen ni hi, \wj* ci hi.   
\p
\v 44 Numeinu sang ah kiheikik a, Simon kung ah, \wj Hi numei nu na mu ziam? Na innsung ah hong tum ka hihang, ka peang sil natu tui nong pia bua hi; ahihang hi numei nu in ka peang a thitui taw hong silsak a, a sam taw hong nawlsak hi.\wj*   
\p
\v 45 \wj Nang in hong nam ngawl ni hi, ahihang hi numei nu a hile kong tum pan kipan ka peang tawlnga ngawl in nam hi.\wj*   
\p
\v 46 \wj Nang ka lu zong sathau hong buak ngawl ni hi: ahihang hi numei nu in ka peang sathau namtui hong buak hi.\wj*   
\p
\v 47 \wj Tua ahikom hong son khi hi, a mawna tam mamate ki maisak zo ahikom a itna zong tam hi: ahihang tawmbek a ki maisak te in tawm bek it hi, \wj* ci hi.   
\p
\v 48 Jesus in numei nu tung ah, \wj Na mawna te ki maisak zo hi, \wj* ci hi.   
\p
\v 49 Anneak na mun ah a tote in, mawna a maisak sia kua ziam? ci in amate thinsung pan in ci uh hi.   
\p
\v 50 \wj Jesus in numei nu tung ah, na upna in hong ngum zo hi; thinnuam in pai in, \wj* ci hi.   
\c 8  
\s1 Jesus i Damsak Numei te  
\p
\v 1 Tua zawkciang in, Jesus sia Pathian kumpingam lungdamna thupha son tu in khuapi le khua no sang ah nungzui sawmleni te taw pai hi,   
\p
\v 2 Taciang natna a tatuam le doai ngilo vei na pan a damsak numei te, tua numei te sung ah, a sung pan doai sali a hawlkhiatsak Mary magdalene,   
\p
\v 3 Herod i neisa keam Chuza i zi Joanna, Susanna le a dang tampi te in amate neisa te taw Jesus paai uh hi.   
\s1 Thaici Poai Pa Sontena  
\r Matt 13:1-23; Mk 4:1-20  
\p
\v 4 Khua tatuam pan in mi tampi te Jesus kung ah hong ki kaikhop ciang in, thu sontena son a:   
\p
\v 5 \wj Thaici poai khat thaici poai tu in pai hi: a poai ciang in, pawlkhat te lamlai ah tak hi; tate sia ki sikcil lel a, van a leang vacim te in ne siat hi.\wj*   
\p
\v 6 \wj Pawlkhat te sia suang tung ah tak a; a po zawkpociang ngawtak pai hi, banghangziam cile lei hing ngawl hang a hihi.\wj*   
\p
\v 7 \wj Thaici pawlkhat te sia lingphung sung ah tak hi; ling te taw khangkhawm a, ling te in deapcip hi.\wj*   
\p
\v 8 \wj A dang te sia leipha na mun ah tak a, po in a se zakhat in khang hi.\wj* Taciang hi thu te a son zawkciang in, \wj Zak natu bil nei theampo in za ta uh hen, \wj* ci au hi.   
\p
\v 9 Taciang a nungzui te in, hi sontena a khiakna bang ziam? ci in dong hi.   
\p
\v 10 Jesus in, \wj Pathian kumpingam thuku te heak thei na note tung ah hong ki pia zo hi: ahihang ngualdang te tung ah sontena te bek taw ki son tu hi; en napi mu ngawl tu uh hi, ngai na pi tel tuan ngawl tu uh hi.\wj*   
\p
\v 11 \wj Hi sontena sia hibang a hihi: thaici sia Pathian kammal a hihi.\wj*   
\p
\v 12 \wj Lampi ah a tak thaici sia Pathian kammal za napi, um in ngupna a nga thei ngawl natu in, doaimangpa hongpai a amate thinsung pan in Pathian kammal te laksak siat hi.\wj*   
\p
\v 13 \wj Suang tung ah a tak thaici te sia, Pathian kammal za a, lungdam in sang napi, zung a nei ngawl hang in tawmvei sung um a, ze-etna hun ciang pukkik pai hi.\wj*   
\p
\v 14 \wj Lingphung sung a tak thaici te sia, Pathian kammal za napi, leitung thinngimna, hauna le lungkimna te in deap cip a, nga pha nga zo ngawl hi.\wj*   
\p
\v 15 \wj Ahihang leipha na a tak thaici te sia, Pathian kammal a zak uh ciang in, thinsung pha le thuman taw Pathian kammal za a, keamcing ahikom thuakna taw nga pha a nga te a hihi.\wj*   
\s1 Khum Nuai a ki Khum Khuaimei  
\r Matt 5:14-16; Mk 4:21-23  
\p
\v 16 \wj Kuama in khuaimei a det uh ciang in khum taw sin ngei ngawl a, lupna nuai ah zong koi ngei ngawl hi; ahihang innsung a tum te in a vaangtang a mu thei natu in meidet na munsang ah koi hi.\wj*   
\p
\v 17 \wj Banghangziam cile a kilang ngawl tu in sealcip thei om ngawl a; heak ngawl tu le ki thethang ngawl tu in phual thei na zong om ngawl hi.\wj*   
\p
\v 18 \wj Tua ahikom na thu zak uh te kidawm vun, banghangziam cile a kuamapo a nei te ki pia tu a; a nei ngawl khatpo zong a nei bang in a ngaisut te ki laksak vet lai tu hi, \wj* ci hi.   
\s1 Jesus Nu le A Suapuite  
\r Matt 12:46-50; Mk 3:31-35  
\p
\v 19 Jesus a nu le a suapui te hongpai uh ahihang, mi tamlei ahikom a kung ah pai thei ngawl hi.   
\p
\v 20 Mi khat in Jesus kung ah, na nu le na suapui te nangma taw ki mu nuam in a puasang ah ding hi, ci in son hi.   
\p
\v 21 Taciang Jesus in amate tung ah, \wj Pathian thu ngai in, a seam te sia ka nu le ka suapui te a hi uh hi, \wj* ci in zo kik hi.   
\s1 Jesus in Huipi Suangval Thimsak  
\r Matt 8:23-27; Mk 4:35-41  
\p
\v 22 Nikhat Jesus a nungzui te taw ngunkuang sung ah to uh a: amate tung ah, \wj Tuili ngalkhat ah pai tawng, \wj* ci hi. Taciang ngunkuang taw pai tek uh hi.   
\p
\v 23 Ahihang ngunkuang taw a pai uh laitak in Jesus mu hi: tuili tung ah huipi suangval hong va hi; taciang ngunkuang sung ah tuidim in, a lauhuai mama dinmun hong theng hi.   
\p
\v 24 Nungzui te Jesus kung pai in phong a, Topa, Topa, bo cip khu hi, ci uh hi. Jesus hong tho a, huipi le tuihual te tei hi: taciang amate thim uh a, dai dide hi.   
\p
\v 25 Jesus in amate tung ah, \wj Na upna uh kongsung ziam?\wj* ci hi. Taciang amate lau le lamdangsa in, hisia pa sia bangbang mihing ziam! banghangziam cile ama in huipi le tui te thupia a, a thu ni uh hi, ci in khat le khat kikum uh hi.   
\s1 Jesus in Thin-am Pa Damsak  
\r Matt 8:28-34; Mk 5:1-20  
\p
\v 26 Taciang amate sia Galilee ngalkhat, Gadarenes ngam ah hong theng uh hi.   
\p
\v 27 Jesus tuihui ah hong kato ciang in, doai a vei zawk a ngei mama zo khat taw ki si uh hi, ama sia puansil ngawl in, inn zong om ngei ngawl a, than sung bebek ah om hi.   
\p
\v 28 Jesus a mu ciang in, au a, a mai ah bok in, taciang aw ngingtak taw, Jesus, nang a sangbel Pathian Tapa, nang taw bang kisaina nei hi ziam? hong vawtsia heak in, hesuak kong ngen hi, ci hi.   
\p
\v 29 Banghangziam cile Jesus in tha-nin sia mihing sung pan pusuak tu in thu pia zo hi. Tamvei mama doai ngilo in ama man hi: taciang ama sia saikhau le thikkhau taw hen uh ahihang; a hen nate bottan in, doai ngilo in duisung ah paisak hi.   
\p
\v 30 Jesus in, \wj Na min kua ziam?\wj* ci in dong hi, ama in ka min sia Legion, hi ci hi: banghangziam cile doai ngilo tam mama a sung ah tum hi.   
\p
\v 31 Doai ngilo te in Jesus kung ah, dum thukpi sung ah a hawlkhiat ngawl natu in ngen hi.   
\p
\v 32 Mualtung ah vokhon tam mama anne in om hi: taciang doai ngilo te in Jesus tung ah vokhon sung ah tumsak natu in ngen uh a, Jesus in tumsak hi.   
\p
\v 33 Tua pa sung pan in doai ngilo te pusuak a, vokhon sung ah tum hi: vokhon te sia liang pan ki nuntaw suk in tuili sung ah tuita in thi siat hi.   
\p
\v 34 Vokcing te in thupiang teng a mu uh ciang, tai uh a, tua thu khuasung le khuano tatuam te ah son hi.   
\p
\v 35 Tua thupiang en tu in mi tampi pusuak uh a; Jesus kung ah hongpai uh hi, taciang a sung pan doai ngilo a pusuak pa nik le puan sil in, thinsung man in Jesus peang kung ah a to a mu uh ciang in, lau tek mama uh hi.   
\p
\v 36 Tua pa a mu uh ciang in doai ngilo vei in a thin-am pa a damkik na thu ngualdang te son uh hi.   
\p
\v 37 Tasiaciang Gadarenes ngam le a kiimkot a om mihonpi theampo in amate kung pan pusuak tu in ngen uh hi; banghangziam cile amate lau mama uh hi: taciang Jesus sia ngunkuang sung ah to a, cia kik hi.   
\p
\v 38 A sung pan doai ngilo tampi a pusuak pa in Jesus zui tu in ngen hi: ahihang Jesus in ama paisak a,   
\p
\v 39 \wj Na inn ah cia tan a, Pathian in nangma atu in na lianpi hong vawtsak te son in, \wj* ci hi. Tua pa zong pai a, Jesus in ama atu a vawtsak na lianpi te khuasung theampo ah tangko hi.   
\s1 Kum Sawm le Kum Ni Thi Suak Nu  
\r Matt 9:18-26; Mk 5:21-43  
\p
\v 40 Jesus a heakkik ciang in, mite in lungdamtak in sang uh hi: banghangziam cile a vekpi in ama ngak tek uh hi.   
\p
\v 41 Taciang, en vun Jairus a kici, synagogue lampui khat hongpai hi: taciang a inn ah pai tu in a peang ah bok in thum hi.   
\p
\v 42 Banghangziam cile a tanu neisun sia kum sawm le kum ni kiim hi a, thi dektak in zau hi. Ahihang Jesus a pai ciang in ngual in phul kheukho hi.   
\p
\v 43 Tuate sung ah numei khat kum sawm le kum ni sung thisuak in a nei theampo syavuan te tung ah zangsiat napi, kuama in damsak thei ngawl hi.   
\p
\v 44 Jesus nung pan pai in, a puan mong dawn a tham pociang, a thisuak tawlnga hi.   
\p
\v 45 Taciang Jesus in, \wj Kua na hong tham nu ziam?\wj* ci hi. Mi theampo in nial uh a, Peter le a kung ah a om te in, Topa awng, mihonpi in hong phul kheukho in hong neng cip hi, banghang in, kua in hong tham nu ziam ci ni ziam? ci uh hi.   
\p
\v 46 Jesus in, \wj Khat in hong tham hi: banghangziam cile ka sung pan in vangletna a pusuak hunlam he khi hi, \wj* ci hi.   
\p
\v 47 Numeinu in ki im thei ngawl tu hi, ci a tel ciang, huang vadil kawm in hongpai a, Jesus mai ah bok hi, mi theampo mai ah, banghang in Jesus tham ci le, thakhatthu in a dam na thu pualak hi.   
\p
\v 48 Jesus in, \wj Ka tanu awng, patau heak in: na upna in hong damsak zo hi; thinnuamtak in cia in, \wj* ci hi.   
\p
\v 49 Taciang Jesus a pau laitak in, synagogue lampui pa inn pan khat hongpai a, na tanu thi zo hi; Syapa nawngkaisak nawn heak in, ci hi.   
\p
\v 50 Ahihang Jesus in, tua thu za a, \wj Lau heak in: um bek um in, taciang ama dam tu hi, \wj* ci in zo kik hi.   
\p
\v 51 Jesus tua inn a thet ciang in, Peter, James, John le patangno i nu le pa simngawl kuama innsung ah tumsak ngawl hi.   
\p
\v 52 Mi theampo kap uh a, tua nu sia nasia tak in ka tek uh hi: ahihang Jesus in, \wj Kap heak vun; ama thi ngawl hi, a mu hi, \wj* ci hi.   
\p
\v 53 Numei no sia thi hi, ci he tek zo a hi uh man in Jesus selno in nuisan uh hi.   
\p
\v 54 Jesus in a vekpi in pusuaksak siat hi, taciang numeino khut pan len in sam a, \wj Tanu no, tho in, \wj* ci hi.   
\p
\v 55 Tasiaciang a thaa hong heakkik a, thakhatthu in thokik hi: taciang Jesus in, an pia tu in thupia hi.   
\p
\v 56 Taciang a nu le a pa te in lamdangsa mama hi: ahihang Jesus in a sep thu kuama tung son ngawl tu in vaitha hi.   
\c 9  
\s1 Sawltakte Thu Vaitha  
\r Matt 10:5-15; Mk 6:7-13  
\p
\v 1 Jesus in a nungzui sawmleni te sia munkhat ah sam a, doai ngilo theampo tung ah ahizong, natna te damsak tu in ahizong, a vanglian thuneina pia hi.   
\p
\v 2 Tabang in Pathian kumpingam thuhil tu le cina te damsak tu in paisak hi.   
\p
\v 3 Jesus in amate tung ah, \wj Na khualhaw natu uh in bangma keng heak vun, ciangkhut ahizong, thung a hizing, anluum ahizong, dangka ahizong; puansil ni ahizong in keng heak vun.\wj*   
\p
\v 4 \wj Koibang innsung ah na tum uh zong in, mundang na pai kik uh mateng tua inn ah tam nginge vun.\wj*   
\p
\v 5 \wj Khat po note hong sang ngawl te sia, tua khua pan na pusua uh ciang in, na peang uh tung ah leivui te thin vun a, tate sia amate langpang in tetti te hi tu hi, \wj* ci hi.   
\p
\v 6 A nungzui te pai uh a, khuapi khat zawkciang khat pai in lungdamna thupha tangko uh hi, taciang mun theampo ah cina te damsak hi.   
\s1 Tuiphumpa John Thina  
\r Matt 14:1-12; Mk 6:14-29  
\p
\v 7 Ngam uk Herod in Jesus na vawt te a zak ciang in, thin ngim mama in om uh hi, banghangziam cile pawlkhat te in John hong thokik hi, ci uh hi.   
\p
\v 8 Mi pawlkhat te in, Elijah hong kilang zo hi; ci uh a, taciang ngualdang te in nidanglai kamsang te khat papo thokik hi, ci uh hi.   
\p
\v 9 Herod in John i ngawng ka tan sa hi: ahihang hibang thu ka zak sia a kua ziam? ci a, mu nuam mama hi.   
\s1 Jesus in Mihing Tul Nga An Vak  
\r Matt 14:13-21; Mk 6:30-44; Jn. 6:1-14  
\p
\v 10 Sawltakte hong cia kik uh ciang in, amate vawt theampo Jesus tung ah son uh hi. Jesus in amate sia senneal om na mun Bethsaida ngamsung ah a tuam in paipui hi.   
\p
\v 11 Taciang mipi te in a heak uh ciang in, zui uh a, Jesus in amate sang uh hi, taciang Pathian kumpingam thuhil uh a, damna a kisam te damsak uh hi.   
\p
\v 12 Ni tum tu kuan ciang in, nungzui sawmleni te Jesus kung ah hongpai uh a, mihonpi te khuapi sung le a kiimkot ngam tatuam ah pai in, ngia natu mun le an zong tu in paisak in: banghangziam cile eite senneal ngam ah i om hi, ci uh hi.   
\p
\v 13 Ahihang Jesus in amate tung ah, \wj Note in amate neak tu pia vun, \wj* ci hi. Amate in, hi mihing theampo atu pai in an lei ngawl in hileang, anluum nga le ngasa ni simngawl bangma i nei bua hi; ci uh hi.   
\p
\v 14 Banghangziam cile amate sia pasal bebek tul nga kiim pha uh hi. Jesus in nungzui te tung ah, \wj Amate sawm nga, sawm nga pawl in tosak vun, \wj* ci hi.   
\p
\v 15 Tabang in a nungzui te in a sonbang in vawt uh a, a vekpi in tosak uh hi.   
\p
\v 16 Taciang Jesus in anluum nga le ngasa ni la a, vanlam en in thupha a piak zawkciang, phel a, mihonpi hawm tu in nungzui te kung ah pia hi.   
\p
\v 17 A vekpi khamtak in a neak tek zawk uh ciang in, a neakmong a val teng tawm uh a, bawm sawm le bawm ni dim hi.   
\s1 Peter in Jesus Thu Pualak  
\r Matt 16:13-19; Mk 8:27-30  
\p
\v 18 Jesus ama nguak thu a nget laitak in, a nungzui te a kung ah om uh hi: taciang amate tung ah, \wj Ngual in keima kua hong ci uh ziam?\wj* ci in dong hi.   
\p
\v 19 Amate in, tuiphumpa John; ahihang pawlkhat te in Elijah; hong ci uh hi, a dang pawlkhat te in, nidang lai kamsang khatpo hong thokik hi, hong ci uh hi, ci in zo uh hi.   
\p
\v 20 Jesus in amate tung ah, \wj Ahizong note in kua nong ci uh ziam?\wj* ci in a dok ciang in, Peter in, Pathian i Christ na hihi, ci in zo hi.   
\s1 Jesus in A Thi natu Thu Son  
\r Matt 16:21:28; Mk 8:31-9:1  
\p
\v 21 Taciang Jesus in tua thu kuama tung son ngawl tu in thupia a, a khotak in amate vaitha hi;   
\p
\v 22 \wj Mihing Tapa in tam mama thuak hamtang tu hi, taciang upa te, thiampi lian te le thukhamhil te in nial tu uh a, that tu uh hi, taciang nithum a cin ciang in thokik tu hi, \wj* ci hi.   
\p
\v 23 Jesus in a vekpi tung ah, \wj A kuamapo ka nung hong zui nuam le, ama le ama ki nial hen a, ama thinglamte nisim pua in, hong zui tahen.\wj*   
\p
\v 24 \wj Banghangziam cile a kuamapo in, ama nuntakna a ngum nuam peuma sum tu a: ahihang keima atu in, a nuntakna a sum peuma nungta tu hi.\wj*   
\p
\v 25 \wj Mihing khat in leitung buppi a nei hial zong, ama nuntakna sum in bo hile, bang phattuamna om tu ziam?\wj*   
\p
\v 26 \wj Banghangziam cile, khatpo in keima le ka thu atu in a maizum le, mihing Tapa sia Ama, Pa le a thiangtho vantungmi te minthanna taw hongpai ciang in, mihing Tapa in zong ama atu maizum pui veve tu hi.\wj*   
\p
\v 27 \wj Ahihang, a mantak in kong ci ciang, hisung mun ah a ding pawlkhat te, Pathian kumpingam a mu uh mateng, thina tep tha ngawl tu hi, \wj* ci hi.   
\s1 Jesus Meal Kikheal  
\r Matt 17:1-8; Mk 9:2-13  
\p
\v 28 Hi thu te a son zawk ni liat ni ciang in, Peter, John le James te sam a, thungen tu in mualtung ah kato tek uh hi.   
\p
\v 29 Thu a nget laitak in, Jesus a maitang meal kikheal a a puan te taang in te liang hi.   
\p
\v 30 Taciang, en vun, mi ni in paupui hi, tuate sia Moses le Elijah te a hi uh hi:   
\p
\v 31 Amate sia vangletna taw kilang a, Jerusalem ah a thi natu le a nasep a khuangkhim na tu thu son uh hi.   
\p
\v 32 Ahihang Peter le a kung a omte sia mutnuam mama uh a: a khuaphaw kik uhciang in, Jesus vangletna le a dinpui mi ni te mu uh hi.   
\p
\v 33 Amate Jesus kung pan a pai zawk uh ciang in, Peter in Jesus kung ah, Topa, hi mun ah om leang pha hi: buk thum sa tawng; khat nangma atu, khat Moses atu, khat Elijah atu, ci hi: Peter in bang son ci zong tel ngawl hi.   
\p
\v 34 Tabang a pau laitak in, meingo in amate tuam a: meingo sung a tum ciang in amate lau mama uh hi.   
\p
\v 35 Taciang meingo sung pan in aw khat in, hisia in ka it mama ka Tapa hi: a thu ni vun, ci hi.   
\p
\v 36 Tua aw nging a bo ciang in, Jesus ama nguak bek mu uh hi. Taciang amate in phualseal uh a, a mu uh thu te kuama tung a son bua uh hi.   
\s1 Jesus in Patangno Damsak  
\r Matt 17:14-18; Mk 9:14-29  
\p
\v 37 A zingciang, amate mualtung pan a tuaksuk uh ciang in, mi tam mama in Jesus muak uh hi.   
\p
\v 38 Taciang, en vun, mipi sung pan in mikhat au a, Syapa awng, ka tapa hong etsak kapo in: banghangziam cile ama sia ka neisun ka tapa hi, ci hi.   
\p
\v 39 Taciang, en in, doai in man a, upmawk ngawlbul in au hi; taciang puksak a, a kam pan cilphuan te pusuak za dong in, vawtsia a, pusuak kik vacit nuam ngawl hi.   
\p
\v 40 Na nungzui te i hawlkhiatsak tu in ka nget hang; hawlkhia zo ngawl uh hi, ci hi.   
\p
\v 41 Jesus in, \wj Maw! upna nei ngawl le lamkhial te, banghun dong note taw hong om khawm tu khi ziam? banghun dong hong maisak lai tu khi ziam? Na tapa ka kung paipui tan, \wj* ci in zo hi.   
\p
\v 42 Tabang in Jesus kung ah patangno hong paipui ciang, doai ngilo in puksak a, a thangui ki kaikinsak hi. Jesus in doai ngilo tei a, patang pa damsak hi, taciang a pa kung ah ap kik hi.   
\s1 Jesus in a Thi natu Thu Sonkik  
\r Matt 17:22,23; Mk 9:30-32  
\p
\v 43 Amate a vekpi in Pathian i vangletna lian sia lamdangsa tek mama uh hi. Ahihang amate in Jesus vawt te theampo te lamdang asak mama uh laitak in, Jesus in a nungzui te tung ah,   
\p
\v 44 \wj Hi ka thuhil te na bilsung uh ah tum tahen: banghangziam cile mihing Tapa sia mihing te khutsung ah ap tu hi, \wj* ci hi.   
\p
\v 45 Ahizong a nungzui te in Jesus thuhil te a tel bua uh hi, amate kung pan in ki phualseal ahikom a tel bua uh hi: taciang a sonte zong a dong ngam bua uh hi.   
\s1 Kua Lianbel Tu  
\r Matt 18:1-5; Mk 9:33-37  
\p
\v 46 Tua zawkciang in, a nungzui te sia amate laklaw ah, a kua lianbel tu, ci ngaisun tek uh hi.   
\p
\v 47 Jesus in amate thinsung ngaisutna a heak ciang in, patang khat la a, a kung ah koi hi,   
\p
\v 48 Amate tung ah, \wj Khatpo in, ka min taw hi patangno a sang peuma keima hong sang a hihi: keima hong sang peuma in keima hong sawlpa a sang a hihi: banghangziam cile note sung ah, a nobel sia a lian hi tu hi, \wj* ci hi.   
\s1 Eite Hong Langpan Ngawl Te  
\r Mk 9:38-40  
\p
\v 49 John in, Topa awng, na min taw doai ngilo te hawlkhia khat ka mu uh a; tho khu hi, banghangziam cile kote taw hong kithawl ngawl hang hi, ci hi.   
\p
\v 50 Jesus in, \wj Tho heak vun: banghangziam cile hong langpan ngawl peuma hong hu a hihi, \wj* ci hi.   
\s1 Samaria Mite in Jesus Nial  
\p
\v 51 Jesus sia van a ka tu hun hong nai ciang in, Jerusalem pai tu in a maitang khosak mama hi.   
\p
\v 52 A mai ah kamtai paisak khol a, amate pai hi, taciang Ama atu kinging tu in Samaria khua khat ah tum hi.   
\p
\v 53 Ahihang tua khuasung mite in a sang bua uh hi, banghangziam cile a mai sia Jerusalem ah pai tu bang in a om hang a hihi.   
\p
\v 54 Hi thu a nungzui te James le John in a mu uh ciang in, Topa, Elijah in a vawt bang in, van pan in mei tak suk a, amate kangsiatsak tu in thu ka piak tu uh nong oai ziam? ci uh hi.   
\p
\v 55 Ahihang Jesus ki hei in, amate tei hi, \wj Bangbang thaa nei nu ziam ci zong he ngawl nu hi.\wj*   
\p
\v 56 \wj Banghangziam cile mihing Tapa sia mihing te nuntakna lalsak tu in hongpai ngawl hi, ahihang ngum tu in hongpai hi, \wj* ci hi.   
\s1 Jesus Nungzui Thaman  
\r Matt 8:18-22  
\p
\v 57 Amate lampi ah a pai uh laitak in, mi khat in, Topa, na pai na mun theampo ah hong zui tu khi hi, ci hi.   
\p
\v 58 Taciang Jesus in ama tung ah, \wj Ngia te in kua nei a, van a vacim te in bu nei hi; ahihang mihing Tapa in a lu ngakna tu zong nei ngawl hi, \wj* ci hi.   
\p
\v 59 Taciang a dang khat tung ah Jesus in, \wj Hong zui tan, \wj* ci hi. Ahihang ama in, Topa awng, pai in ka pa hong vuisak phot tan, ci hi.   
\p
\v 60 Jesus in ama tung ah, \wj Mithi te sia mithi te in vui tahen: ahihang nang na hile pai in a, Pathian kumpingam thuhil in, \wj* ci hi.   
\p
\v 61 Midang khat in, Topa awng, hong zui tu khi hi; ahihang ka inn ah pai in, innkuanpui te nukset in vaitha masa phot tu khi hi, ci hi.   
\p
\v 62 Jesus in ama tung ah, \wj A kuamapo nungsang en in lo a tho peuma, Pathian kumpingam atu in man na om ngawl hi, \wj* ci hi.   
\c 10  
\s1 Jesus in Mihing Sawm Sali Sawl  
\p
\v 1 Hiteng zawkciang in Topa in a dang sawm sali teal a, ama pai na mun tu khua le mun tatuam ah ni veu ni veu kop in paikholsak hi.   
\p
\v 2 Taciang Topa in amate tung ah, \wj Tang at tu tampi om napi, naseam tu tawm hi: tua ahikom, tang at tu Topa in naseam tu te tang at na mun ah sawl tu in thungen vun.\wj*   
\p
\v 3 \wj Pai tavun: en vun, ngia hon sung ah tuuno bang in hong tha khi hi.\wj*   
\p
\v 4 \wj Dangka bawm, thung le peangdap te keng heak vun: lamkal ah ngual dang paupui heak vun.\wj*   
\p
\v 5 \wj Inn khatpo ah na tum uh ciang in, a masabel in, hi innsung ah thinnopna om tahen, ci vun.\wj*   
\p
\v 6 \wj Tua inn ah thinnopna tapa a om le, na thinnop na uh a tung ah om tu hi: a om bua a hile, note tung ah hong heakkik tu hi.\wj*   
\p
\v 7 \wj Tua inn ah tam nginge vun a, hongpiak po ne in, dawn vun: banghangziam cile naseam te thaman nga tu kilawm hi. Inn khat pan a dang inn khat ah kikhin heak vun.\wj*   
\p
\v 8 \wj Khua khatpo ah na tum uh ciang in, hong sang uh a hile, na mai uh ah hong lui te ne vun:\wj*   
\p
\v 9 \wj Tua khua sung a om cina te damsak vun a, amate tung ah, Pathian kumpingam hong nai zo hi, ci in hil vun.\wj*   
\p
\v 10 \wj Ahihang khuapi khatpo ah na tum uh ciang in, hong sang bua a hile, na tum na uh lampi pan ma in pusuakkik vun a, \wj*   
\p
\v 11 \wj Ka peang tung uh ah a bang leivui te cikteak sia, note langpan tu in nawl khu hi: ahihang Pathian kumpingam hong nai zo hi, ci tel thiang tavun, ci tavun.\wj*   
\p
\v 12 \wj Ahihang kong son tu hi, tua ni ciang in Sodom thuak na sia tua khuapi sang in thuak nop zaw tu hi.\wj*   
\s1 A Um Ngawl Khuate Thukhenna  
\r Matt 11:20-24  
\p
\v 13 \wj Maw Chorazin! na mailam bing hi, maw Bethsaida! na mailam bing hi, banghangziam cile na sung ah a ki vawt vanglian nasep te Tyre le Sidon khua ah ki vawt hile, khau-ip puan le vut sung ah to in a mawna uh a ki sikkik zawk ngei zo tu hi.\wj*   
\p
\v 14 \wj Ahihang thukhenna ni ciang Tyre le Sidon sia nang sang in a thuakna uh ol zaw tu hi.\wj*   
\p
\v 15 \wj Taciang nang, Capernaum, van dong hong ki lamsang zo napi, hell sung dong in khiaksuk kik na hi tu hi.\wj*   
\p
\v 16 \wj Na thu hong ni te sia ka thu hong ni te a hi uh hi; note hong zawngsak te keima hong zawngsak a hihi; keima hong zawngsak te keima hong sawl pa zawngsak a hihi, \wj* ci hi.   
\s1 Sawm Sali te Heakkik  
\p
\v 17 Sawm sali te lungdamna taw hong heakkik uh a, Topa awng, doai ngilo te nangawn in na min hang in ka thu uh hong ni hi, ci uh hi.   
\p
\v 18 Taciang Jesus in amate tung ah, \wj Khualeng bang in van pan Satan a taksuk ka mu hi.\wj*   
\p
\v 19 \wj En vun, ngul te le ai-kam te sikcil tu in vangletna kong pia hi, taciang ngal te vangletna theampo tung ah zong vangletna kong pia hi: taciang bangma peuma in hong susia thei ngawl tu hi. \wj*   
\p
\v 20 \wj Ahihang thaa te in na thu uh hong nit hu in lungdam heak vun; tua sang in na min uh vantung ah ki at zo ahikom in lungdam zaw vun, \wj* ci hi.   
\s1 Jesus in Pa Tung ah Lungdamko  
\r Matt 11:25-27  
\p
\v 21 Tua hun laitak in Jesus sia Thaa sung ah lungdam a, \wj Maw ka Pa, lei le van Topa, mipil le mi thiam te tung ah na phualseal te, patangno te tung ah na pualak hu in lungdam kong ko hi: hi tahen, maw ka Pa awng; banghangziam cile na mu na ah hisia in pha hi.\wj*   
\p
\v 22 \wj Ka pa in na theampo kei hong pia zo hi: Tapa a kua ziam, ci Pa simngawl kuama in a he bua hi; taciang, Pa sia a kua ziam, ci Tapa le, ama Tapa i a pualak te bek in a he uh hi, \wj* ci hi.   
\p
\v 23 Jesus a nungzui te sang ah kihei a, \wj Na mu uh thu te a mu mitte thuphatoai a hihi:\wj*   
\p
\v 24 \wj Kei kong cina pan, kamsang le kumpi tampi te in na mu uh thu te mu nuam napi, mu tha ngawl hi; na zak uh thu te za nuam napi za tha ngawl uh hi, \wj* ci a tuam in son hi.   
\s1 Samaria Mipha Pa  
\p
\v 25 Taciang, en vun, thukhamhil khat hong ding a, Syapa awng, tawntung nuntakna ka lua natu bang vawt tu khi ziam? ci in ze-et hi.   
\p
\v 26 Jesus in ama tung ah, \wj Thukham laibu sung ah bang ki at ziam? bangbang sim ni ziam?\wj* ci hi.   
\p
\v 27 Tua pa in, Topa na Pathian sia na thinsung theampo, na nuntakna theampo, na hatna theampo le na ngaisutna theampo taw it in; nangma le nangma na ki it bang in na innpam te it in, ci in zo hi.   
\p
\v 28 Jesus in, \wj Na zo na man hi: hi te vawt in a, na nungta tu hi, \wj* ci hi.   
\p
\v 29 Ahihang thukhamhil pa in ama le ama ki thutangsak nuam ahikom, Jesus tung ah, ka innpam te a kua ziam? ci hi.   
\p
\v 30 Tasiaciang Jesus in, \wj Khatvei mikhat Jerusalem pan Jericho ah pai hi, phalak te taw ki si a, a nikten puansil teng sutsak in velcip hi, nasia mama in liam a, a thi dektak in nusia hi.\wj*   
\p
\v 31 \wj Thiampi khat tua lampi tawn luilam a; tua pa a mu ciang in, a langkhat pan pial in paisan hi.\wj*   
\p
\v 32 \wj Tabangma in Levi khat zong tua mun ah hongpai a, a et zawkciang in, a langkhat pan pial in paisan hi.\wj*   
\p
\v 33 \wj Ahihang Samaria mi khat, tua lampi ah khualhaw in hongpai a, tua cina pa a mu ciang in, a tung ah hesuakna nei hi, \wj*   
\p
\v 34 \wj Taciang a kung ah pai in, a meima te sathau le sapittui buaksak in tuamsak hi, taciang ama nganno tung ah suan a, zintun inn ah paipui in khoi hi.\wj*   
\p
\v 35 \wj A zingciang a paikik tu ciang in, dangka tang ni sua a, zintun inn keampa pia hi, taciang hi sia pa na khoi in a; na bo thua na teng theampo sia, kong paikik ciang in hong pia tu khi hi, ci hi.\wj*   
\p
\v 36 \wj Hi te thum sung pan, phalak te taw a ki si pa i innpam sia a kua hi tu ngaisun ni ziam?\wj* ci in dong hi.   
\p
\v 37 Thukhamhil pa in, cina pa tung ah hesuakna a nei pa, ci in zo hi. Taciang Jesus in ama tung ah, \wj Pai tan a, nang zong tabang in ngamta in, \wj* ci hi.   
\s1 Mary le Martha  
\p
\v 38 Jesus le a nungzui te pai uh a, khua khat ah theng uh hi; taciang Martha a kici numei khat in Jesus sia a inn ah sang hi.   
\p
\v 39 Martha in Mary a kici naunu khat nei a, ama sia Jesus peang kung ah to in, thu ngai hi.   
\p
\v 40 Ahihang Martha sia nasep tam hu in a thintoi a, Jesus kung ah pai in, Topa, ka naunu in nasep theampo keima nguak i sep tu in hong awn hi, phamaw sa ngawl ni ziam? tua ahikom keima nasep hu tu in sawl in, ci hi.   
\p
\v 41 Taciang Jesus in, \wj Martha, Martha, nang sia na tam mama thintoi le buaipui ni hi:\wj*   
\p
\v 42 \wj Ahihang a kisam tatak khat bek om hi: tasia Mary in teal zo a, kuama in ama tung pan in laksak kik thei nawn ngawl tu hi, \wj* ci hi.   
\c 11  
\s1 Thungetna Thu  
\r Matt 6:5-15  
\p
\v 1 Jesus munkhat ah thungen a, a man ciang in, a nungzui te sung pan khat in, Topa awng, John in a nungzui te a hil bang in, thunget hong hil tan, ci hi.   
\p
\v 2 Jesus in amate tung ah, \wj Thu na nget uh ciang in, hibang in ci vun, vantung a om kote pa awng, na min thiangtho ki upat tahen. Na kumpingam hong theng tahen. Vantung ah na deina a kicin bang in, leitung ah zong kicing tahen.\wj*   
\p
\v 3 \wj Ka nisim an uh, ni khat zawk ni khat hong pia tan.\wj*   
\p
\v 4 \wj Ngual mawna te ka maisak uh bangma in; kote mawna te zong hong maisak ta in. Ze-etna sung ah hong paipui heak in; siatna sung pan hong hun ta in, \wj* ci hi.   
\p
\v 5 Jesus in a nungzui te tung ah, \wj Note sung ah khatpo in lawmtam nei tu a, zanlai tak a inn ah pai in, ka lawm awng, anluum thum hong puk hi tan;\wj*   
\p
\v 6 \wj Banghangziam cile ka lawmte a khualkhaw na mun pan in ka kung ah hongtheng a, bangma piak tu nei ngawl khi hi, ci hi.\wj*   
\p
\v 7 \wj Taciang a lawmpa in innsung pan in, hong nawngkaisak heak in: innkha zong ka khak zo a, ka tate zong ka kung lupna tung ah om hi; tho in hong pia thei ngawl tu khi hi, ci in zo hi.\wj*   
\p
\v 8 \wj Hong ci khi hi, lawmtam a hi hang in tho in pia tuan ngawl hi, ahihang maizum ngawl in a nget hamtang hang in, tho tu a, a kisap theampo pia tu hi.\wj*   
\s1 Ngen, Zong, King  
\r Matt 7:7-12  
\p
\v 9 \wj Keima in kong ci hi, ngen vun, hong ki pia tu hi; zong vun, na mu tu uh hi; king vun, note atu in hong ki hon tu hi.\wj*   
\p
\v 10 \wj Banghangziam cile a ngen peuma in nga tu a; a zong peuma in mu tu hi; taciang a king te atu ki hon tu hi.\wj*   
\p
\v 11 \wj Note sung ah pa khatpo, a tapa in anluum ngen le, suangtum pia tu ziam? a hibale ngasa ngen le, tua ngasa tang in ngul pia tu ziam?\wj*   
\p
\v 12 \wj A hibale, aktui ngen le, ai-kam pia tu ziam?\wj*   
\p
\v 13 \wj Note sia mi pha ngawl te hi napi, na tate uh tung ah letsong pha te bangbang in pia tu, ci na he uh le: vantung a om na Pa uh in a ngente tung ah Tha Thiangtho bangzata in hong pia zawkan tu ziam?\wj* ci hi.   
\s1 Jesus le Beelzebub  
\r Matt 12:22-30; Mk 3:20-30  
\p
\v 14 Jesus in a pau thei ngawl pa sung pan doai ngilo khat hawlkhia hi. Doai ngilo a pusua ciang in, tasia pa pau a; midang te in lamdangsa mama uh hi.   
\p
\v 15 Ahihang pawlkhat te in, doai ngilo te i topa Beelzabub vang taw in Ama in doai ngilo te hawlkhia hi, ci uh hi.   
\p
\v 16 A dang te in Jesus sia ze-et tu in, van pan musakna te ngen hi.   
\p
\v 17 Ahihang Jesus in amate ngaisutna te he a, \wj Ngam khat sia ki khen in a ki langpan uh le, siatna sung theng tu hi; taciang inn khatpo zong ki khen in a ki langpan uh le puk tu hi.\wj*   
\p
\v 18 \wj Satan sia ama le ama ki khen in a ki langpan le, bangbang in a kumpingam kho thei tu ziam? banghangziam cile note in Beelzebub vang taw doai ngilo te hawlkhia hi, hong ci nu hi.\wj*   
\p
\v 19 \wj Taciang Beelzebub vang taw in doai ngilo te hawlkhia ka hile, na tate uh in a kua vang taw in hawlkhia uh ziam? tua ahikom amate sia note i thukhen te a hi uh hi.\wj*   
\p
\v 20 \wj Ahihang Pathian khutma taw doai ngilo te hawlkhia ka hile, note tung ah Pathian kumpingam hong theng a hihi, ci thu uplak natu om ngawl hi.\wj*   
\p
\v 21 \wj A thahat mama pa khat in a innpi huang sia ngalhiam taw a cin ciang in, a neisa te bit tu hi:\wj*   
\p
\v 22 \wj Ahihang ama sang a hat zaw khat hongpai in, a zo le, a muan mama a ngalhiam theampo laksak siat in, a sutol van te khen in hawm siat tu hi.\wj*   
\p
\v 23 \wj Keima taw a om ngawl te sia ka ngal hi a, kei taw a kaikhawm ngawl peuma a thethang te a hihi.\wj*   
\p
\v 24 \wj Tha-nin khat sia mi khat sung pan a pusua ciang in, tawlngak natu zong in kongaw ngam tatuam ah vak a; a mu ngawl ciang in, ka pusua na mun ka inn ah heakkik tu khi hi, ci hi.\wj*   
\p
\v 25 \wj A thet ciang in, a inn sia mun ki phiat sa le a ki pua sa in mu hi.\wj*   
\p
\v 26 \wj Tua zawkciang in paikik a, ama sang a sia zaw a dang thaa sali kaizawn thua hi; taciang tua mun ah tum in om khawm uh hi: taciang tua pa i om dan sia a masa sang in law mawk zaw hi.\wj*   
\p
\v 27 Jesus in hi thu te a hil laitak in, mipi te sung pan numei khat in, au kawm in Jesus kung ah, nangma hongpai ngil le na tawp noaimuk sia thuphatoai a hihi, ci hi.   
\p
\v 28 Ahizong Jesus in, \wj Hi hi, tasia sang in Pathian thu za a, a zuite thuphatoai zaw lai hi, \wj* ci hi.   
\s1 Jonah Musakna  
\r Matt 12:38-42; Mk 8:11-12  
\p
\v 29 Mitampi te a hon a hon in hong ki kaikhop uh ciang in, Jesus in, \wj Hi mi pha ngawl suan te in musakna zong uh ahihang; kamsang Jonah musakna simngawl a dang ki pia ngawl tu hi.\wj*   
\p
\v 30 \wj Banghangziam cile Jonah sia Nineveh mite atu in, musakna a hibangma in, mihing Tapa sia hi suan le pal te atu in musakna hi tu hi.\wj*   
\p
\v 31 \wj Thukhenna ni ciang in, thangsang kumpinu hong ding tu a, amate mawsak tu hi: banghangzima cile kumpipa Solomon ciimna ngai tu in leitung mong vateak pan in hongpai hi; en vun, hi mun ah Solomon sang a lian zaw om hi.\wj*   
\p
\v 32 \wj Thukhenna ni ciang in Nineveh mite sia hi suan le pal te taw ding tu a, mawsak tu uh hi: banghangziam cile amate in Jonah thuhil na a zak uh ciang in maw ki sikkik uh hi; en vun, ziak ah Jonah sang a lianzaw om hi.\wj*   
\s1 Pumpi Khuavak  
\r Matt 6:22,23  
\p
\v 33 \wj Kuama in khuaimei a det uh ciang in a bulia na ah koi ngei ngawl hi, khum nuai ah zong koi ngei ngawl hi, a sungtang te in khuavak a mu thei natu in meidetna munsang tung ah koi hi.\wj*   
\p
\v 34 \wj Mit sia pumpi atu in khuavak a hihi: tua ahikom na mit a ciim le, na pumpi theampo taang siat tu hi; ahihang na mit a pha bua le, na pumpi mial siat tu hi.\wj*   
\p
\v 35 \wj Tua ahikom na sung uh ah khuavak sia a mial ngawl natu in kidawm vun.\wj*   
\p
\v 36 \wj Tua ahikom na pumpi theampo sia khuavak taw kidim in, a mial na mun a om bua a hile, a tang khuaimei in nangma khuavak hongpiak bang in, na pumpi theampo in khuavak taw dim tu hi, \wj* ci hi.   
\s1 Thukhamhil te le Pharisee te Mailam Bing  
\r Matt 23:1-36; Mk 12:38-39  
\p
\v 37 Jesus thu a hil zawkciang, Pharisee khat in annekhawm tu in ngen hi: taciang tum uh a, anne tu in to uh hi.   
\p
\v 38 Jesus nitak an a neak uh ma khut sil masa ngawl ci Pharisee pa in a mu ciang in lamdangsa hi.   
\p
\v 39 Taciang Topa in ama tung ah, \wj Tu in no Pharisee te, na hai uh le na kuang uh te a puasang bek sil nu hi; ahihang na sungsang uh sia ngual van suttol nopna le ngitlo na taw kidim hi.\wj*   
\p
\v 40 \wj No a mawmaw te, a puasang a vawt pa in a sungsang zong vawt hi ngawl ziam?\wj*   
\p
\v 41 \wj Ahihang na nei uh bang in mizawng te huna pia zaw vun; taciang, en vun, na theampo sia note atu in thiang hi.\wj*   
\p
\v 42 \wj Ahihang Pharisee te, na mailam uh bing hi! banghangziam cile lenmui le ante tatuam te, se sawm sua se khat pia na hi uh hang, Pathian i itna le thukhenna te suangkhial siat nu hi: tabang te na vawt tu uh te hi zaw a, vawt ngawl in na nusiat thong tu uh hi ngawl hi.\wj*   
\p
\v 43 \wj Pharisee te, na mailam uh bing hi! banghangziam cile synagogue sung ah a sangbel tokhum te le sumbuk ah paupui tu na dei uh hi.\wj*   
\p
\v 44 \wj Thukhamhil le Pharisee te, a ki hitheamsak te, na mailam uh bing hi! banghangziam cile note sia a ki lang ngawl than taw na kibang uh hi, taciang than tung ah a vak te in a om hunlam zong a he bua uh hi, \wj* ci hi.   
\p
\v 45 Tasiaciang thukhamhil te sung pan khat in, Syapa awng, hibang na pau sia koma nong zawnsak na hi, ci hi.   
\p
\v 46 Jesus in, \wj Thukhamhil te zong, na mailam uh bing hi! banghangziam cile puakzawk ngawl vanngit ngual tung ah suan nu hi, taciang noma sia na khutme khat taw zong, tua vanngit tham nuam ngawl nu hi.\wj*   
\p
\v 47 \wj Na mailam uh bing hi! banghangziam cile na pu le pa te i thalup kamsang te i than note in na sa uh hi.\wj*   
\p
\v 48 \wj A mantak in na pu le pa te i sep teng na lung uh kim hi, ci kilangsak nu hi: banghangziam cile na pu na pa te in kamsang te that takpi uh a, note in a than na sa uh hi.\wj*   
\p
\v 49 \wj Tua ahikom Pathian ciimna in amate tung ah, kamsang te le sawltakte ka sawl tu hi, pawlkhat te amate in that in vawtsia tu uh hi:\wj*   
\p
\v 50 \wj Tua kamsang theampo te i thisan, leitung ki bitphua pan kipan a luang theampo, hi minam te tung ah ka siik tu hi;\wj*   
\p
\v 51 \wj Abel thisan pan kipan biaktau le biakinn kikal a a bo Zacharias i thisan dong in: a mantak kong ci ciang, hi minam tung ah ki ngen tu hi.\wj*   
\p
\v 52 \wj Thukhamhil te, na mailam uh bing hi! banghangziam cile heakna tawtang sia na la zo uh a: note zong tum ngawl in, a tum tu te zong khak nu hi, \wj* ci hi.   
\p
\v 53 Jesus in hi thu te amate tung ah a hil ciang in, thukhamhil te le Pharisee te a thin uh uk mama uh a, thu tampi hil tu in dong uh hi:   
\p
\v 54 A kam pan a pau na pan, Ama mawsiat thei natu in a paukhial tu encik uh hi.   
\c 12  
\s1 Pharisee te Tol  
\r Matt 16:5-12  
\p
\v 1 Tua laitak in simzawk ngawl za dong in mihonpi hong ki kaikhawm kheukho uh a, khat le khat a ki phul ngawp liang uh laitak in, Jesus in a nungzui te kung ah amasabel in, \wj Pharisee te tol a kici ki hitheamsak nate kidawm vun.\wj*   
\s1 Ki Phualseal Thei Om Ngawl  
\r Matt 10:26,27  
\p
\v 2 \wj Banghangziam cile a kilang ngawl tu in a ki sincip thei a om ngawl bangma in; heak ngawl tu in a ki phualcip thei zong om ngawl hi.\wj*   
\p
\v 3 \wj Tua ahikom khuazing sung ah na son theampo uh sia khuavak sung ah ki za tu hi; inndoi sung bil kung vacin pan na son uh te innkhum tung pan ki tangko tu hi.\wj*   
\s1 Lau Heak Vun  
\r Matt 10:28-31  
\p
\v 4 \wj Ka lawmte awng hong son khi hi, pumpi that in, tua zawkciang bangma a law thei nawn ngawl te lau heak vun.\wj*   
\p
\v 5 \wj Ahihang na lau tu uh te kidop na kong pia khol tu hi: a thalup zawkciang hell sung ah a khia thei sia na lau vun; hi hi, keima in kong son hi, lau vun.\wj*   
\p
\v 6 \wj Tonbawm nga ciang dangka san pia ni taw ki zuak hi, tua te khat zong Pathian in mangil ngawl hi ngawl ziam?\wj*   
\p
\v 7 \wj Ahihang na lu tung uh a samzam te nangawn simsiat sa hi. Tua ahikom lau heak vun: note sia tonbawm tam mama sang in manphazaw nu hi.\wj*   
\s1 Mipi Mai ah Jesus Pualak  
\r Matt 10:32,33  
\p
\v 8 \wj Keima in kong ci hi, a kuamapo mipi mai ah hong pualak sia, mihing Tapa in Pathian i vantungmi te mai ah ama zong pualak tu khi hi:\wj*   
\p
\v 9 \wj Ahihang mipi mai ah kei hong nial te Pathian i vantungmi te mai ah ka nial tu hi.\wj*   
\p
\v 10 \wj A kuamapo in mihing Tapa langpan in a pau sia, ki maisak tu hi: ahihang a kuamapo Tha Thiangtho a sonsia peuma, ki maisak ngawl tu hi.\wj*   
\p
\v 11 \wj Synagogue sung ah ahizong, ngam uk te le thunei te mai ah hong ki paipui ciang in, bangbang in, a hibale, bangbang zo kik tu, a hibale bang pau tu, ci in ngaisun heak vun:\wj*   
\p
\v 12 \wj Banghangziam cile Tha Thiangtho in hong hil tu hi, \wj* ci hi.   
\s1 Mihau Mawmaw Pa  
\p
\v 13 Mipi sung pan khat in, Syapa awng, ka suapuipa in ngamh hong khen natu in hong sonsak tan, ci hi.   
\p
\v 14 Taciang Jesus in, \wj Pasal pa awng, note tung ah a kua in thukhen tu le ngamh khensak tu in hong vawt ziam?\wj* ci hi.   
\p
\v 15 Tasiaciang in Jesus in amate tung ah, \wj Duhopna kidawm vum: banghangziam cile mihing khat i nuntakna sia a dimlet liang a nei le a lam sung ah ki hel ngawl hi, \wj* ci hi.   
\p
\v 16 Jesus in amate tung ah sontena khat son a, \wj Mihau pa khat om a, a lo sung pan in an tam mama piang hi.\wj*   
\p
\v 17 \wj Tasiaciang a thinsung pan in, an khol natu inndoi nei ngawl ka hikom, bangbang hi tu khi ziam? ci in ngaisun hi.\wj*   
\p
\v 18 \wj Tua ahikom, hibangin ka vawt tu hi: ka ansal ka phel siat tu a, a lianzaw in ka sa tu hi; tua mun ah ka an le van te theampo khol tu khi hi.\wj*   
\p
\v 19 \wj Taciang ka thaa tung ah, Maw ka thaa awng, kum tampi atu kholsa van le na tam mama nei ni hi; suaktatak in, ne in a, dawn in, a nuam mama in om in, ka ci tu hi, ci hi.\wj*   
\p
\v 20 \wj Ahihang Pathian in ama tung ah, nang a mawmaw pa, tuzan mama in na thaa la tu khi hi: taciang na khol sa van theampo sia akua in lua tu ziam? ci hi.\wj*   
\p
\v 21 \wj Tasia bangma in ama atu neisa khol a, Pathian sung ah a hau ngawl peuma, hi mihau pa taw kibang hi, \wj* ci hi.   
\s1 Thintoi Heak Vun  
\r Matt 6:25-34  
\p
\v 22 Jesus in a nungzui te tung ah, \wj Tua ahikom kong ci hi, na nuntakna atu in na kisap uh an le tui; na pumpi atu sil le ten atu in thintoi heak vun.\wj*   
\p
\v 23 \wj An sang in nuntakna, puansil sang in pumpi thupi zaw hi.\wj*   
\p
\v 24 \wj Va-ak te nuntak na en vun: banghangziam cile amate thaici ciing ngawl a, tang zong at ngawl hi; ansal zong nei ngawl hi; ahihang Pathian in vak hi: note sia vacimno te sang in bangza in thupi zaw nu ziam?\wj*   
\p
\v 25 \wj Note sung ah a kua in thintoi na taw a khan tongkhat belap thei tu ziam?\wj*   
\p
\v 26 \wj Hi a nobel nangawn vawt thei ngawl na hi uh le, banghang a dang te thintoi nu ziam?\wj*   
\p
\v 27 \wj Duisung ah unok pak te bangbang in khang, ci ngaisun pak vun, naseam ngawl hi, khauzong hual ngawl hi; Keima in kong ci hi, Solomon in a minthanna theampo taw a kipua ciang in, hi pak khat zong ban zo ngawl lai hi.\wj*   
\p
\v 28 \wj Tuni po a, zingciang vawk in a ki hal tu lolai ah lopa te nangawn Pathian in zeam a hile, tuate sang in note hong zeam zaw mama tu hi ngawl ziam, no upna no te?\wj*   
\p
\v 29 \wj Na neak tu uh le na dawn tu uh te zong heak vun, uplakna thinsung zong nei heak vun.\wj*   
\p
\v 30 \wj Banghangziam cile hibang te sia leitung minam theampo te in zong peu uh hi; hibang nate kisam nu hi, ci na Pa uh in hong he hi.\wj*   
\p
\v 31 \wj Ahihang note sia Pathian kumpingam zong zaw vun; tua hile hibang na theampo hong pia thua tu hi.\wj*   
\p
\v 32 \wj Lau heak vun, tuuhon tawm no te awng; banghangziam cile note kumpingam piak tu sia na Pa uh i deina a hihi.\wj*   
\s1 Neisa Kholna Thu  
\r Matt 6:19-21  
\p
\v 33 \wj Na neisa uh te zuak vun a, mizawng te hu na pia vun; a nget le a lui thei ngawl te note atu in khol vun, na neisa te uh a bo thei ngawl na mun, nguta te a thet thei ngawl na mun le nget i neak thei ngawl na mun vantung ah khol vun.\wj*   
\p
\v 34 \wj Banghangziam cile na neisa uh om na mun ah na thinsung uh zong om tu hi.\wj*   
\s1 Mihing Tapa Hongpai Tu Kingingkhol Vun  
\p
\v 35 \wj Na kawng uh kawngkhau thua vun, na meivak uh tangsak vun;\wj*   
\p
\v 36 \wj Note mopoai pan in a topa hong theng a; kongkha hong kik pociang, hon pai tu in a ngak nginge te bang hi tavun.\wj*   
\p
\v 37 \wj A topa a thet ciang in ama ngak nginge in a mu naseam te thuphatoai a hihi: a tatak kong ci ciang, a topa ama vateak in a kawngkhau kil in, a naseam te sia an ne tu in tosak tu a, amate an lui tu hi.\wj*   
\p
\v 38 \wj Nai ni ciang ziam, nai thum ciang ziam, a topa hongpai a hile, ama ngak nginge in a mu, a naseam te thuphatoai a hihi.\wj*   
\p
\v 39 \wj Nguta hongpai tu hun sia, innteakpa in he hile, a inn cing nginge tu a, nguta i inn phulsak thuak ngawl tu hi.\wj*   
\p
\v 40 \wj Tua ahikom ki ngingsa in om vun: banghangziam cile mihing Tapa sia na ki ngin ngawl uh laitak in hongpai tu hi, \wj* ci hi.   
\s1 A Muantak Naseam  
\r Matt 24:45-51  
\p
\v 41 Peter in, Topa awng, hi thu sontena sia koma atu nong son ziam maw, a hibale mi theampo atu ziam? ci hi.   
\p
\v 42 Topa in, \wj A topa in ama innkuanpui te a hun a cin ciang in amate i tel tek neak tu a pia thei lampui koi tu a, a muantak le a ciim neisa keampa sia a kua ziam?\wj*   
\p
\v 43 \wj A topa hongpai ciang in, na a sep laitak a mu, naseam pa thuphatoai a hihi.\wj*   
\p
\v 44 \wj A tatak ka ciciang, tua naseam pa sia a topa in a nei theampo keam in koi tu hi.\wj*   
\p
\v 45 \wj Ahizong naseam khat in a thinsung pan in, ka topa hongpai pai ngawllai tu hi, ci ngai sun a; naseam dang numei le pasal ci ngawl in vel tu hi, taciang ne le dawn tu a, zukham in om tu hi;\wj*   
\p
\v 46 \wj Tua naseam pa in a upmawk ngawl ni le a ki ngin ngawl hun laitak in a topa hongpai tu a, tua naseam pa sia a topa in nasiatak in velcip tu hi, taciang thu um ngawl te taw ama ngatu a tel teng koisak tu hi.\wj*   
\p
\v 47 \wj Tua naseam in a topa dei na he nginge napi, vawtkhol ngawl in a topa deina bang in seam ngawl hi, tua naseam pa sia nasia mama in a liam dong vatcip tu hi.\wj*   
\p
\v 48 \wj Ahihang topa deina a heak ngawl hu in, a vawt te sia nasiatak liamna thuak tak napi, tawmbek liam in vat tu hi. Banghangziam cile khatpo tung ah tam mama a pia a hile, ama tung ah tam mama ki ngen kik tu hi: taciang mitampi a ap le, tampi ma ki ngen kik tu hi.\wj*   
\s1 Christ Hang In Kikhenna  
\r Matt 10:34-36  
\p
\v 49 \wj Leitung ah mei kuangsak tu in kongpai hi; taciang a kuang zo bang hi zen thong le, bangza in uk khi ziam?\wj*   
\p
\v 50 \wj Ahihang thuak tu baptisma khat nei khi hi; tasia ka vawt ma teng ka thin nuam thei ngawl tu hi.\wj*   
\p
\v 51 \wj Leitung ah kilemna pia tu in hongpai hi, ci hong ngaisun nu ziam? hong ci khi hi, tabang hi ngawl hi; kikhenna tu in hongpai zaw khi hi:\wj*   
\p
\v 52 \wj Banghangziam cile tu pan kipan in inn khat sung ah mihing nga a om te ki khen tu a, thum te a dang ni te in langpan tu hi, taciang ni te a dang thum te in langpan tu hi.\wj*   
\p
\v 53 \wj A pa in a tapa taw ki khen in ki langpan tu a, a tapa in zong a pa langpan kik tu hi; a nu in a tanu langpan tu a, a tanu in zong a nu langpan tu hi; a nu in a mo langpan tu a, a mo in zong a tonupi langpan tu hi, \wj* ci hi.   
\s1 A Hun Tel Natu  
\r Matt 16:2,3  
\p
\v 54 Jesus in mipi te tung ah, \wj Nitum na sang pan mei hong kai ciang in, ngua zu tu hi, na ci thei pai uh a; zu takpi hi.\wj*   
\p
\v 55 \wj Thangsang pan in hui hong va le, khualum tu hi, na ci uh a; lum takpi hi.\wj*   
\p
\v 56 \wj No a ki hitheamsak te, van le lei pan in khuahun he thei nu hi; ahihang banghang in, tu hun paizia tel thei ngawl nu ziam?\wj*   
\s1 Zum Hong Then te taw Kilemna Vawt  
\r Matt 5:25,26  
\p
\v 57 \wj Hi hi, banghang in thu man khat sia thukhen ngawl nu ziam? \wj*   
\p
\v 58 \wj Mihing khat in zum hong then le, zum na thet uh ma lamkal ah, a kung pan na suatak thei natu hanciam in; tabang na hi bale, thukhen pa kung ah hong ap tu a, thukhen pa in palik te kung ah hong ap in, palik te in thong hong taksak tu hi.\wj*   
\p
\v 59 \wj Na liausum na piaksiat mateng, thonginn sung pan in suakta ngawl tu ni hi, ci in kong son hi, \wj* ci hi.   
\c 13  
\s1 Na Mawna Uh Kisik Vun  
\p
\v 1 Taciang Pilate in amate biakpiakna taw Galilee te thisan hel hi, ci in Jesus kung ah a son pawlkhat om hi.   
\p
\v 2 Jesus in amate tung ah hibang in zo hi, \wj Hi Galilee mite sia tabang a thuak uh hu in, a dang Galilee mite theampo sang in mawzaw uh hi, ci in ngaisun nu ziam?\wj*   
\p
\v 3 \wj Kong ci hi, hi ngawl hi: ahihang noma zong na ki sikkik bua uh le, na vekpi in tabangma in na lalcip tu uh hi.\wj*   
\p
\v 4 \wj Siloam tausang cim in hukcip a, a thi sawm le liat te, Jerusalem a teang ngualdang te sang in mawzaw uh hi, ci in ngaisun nu ziam?\wj*   
\p
\v 5 \wj Kong son hi, hi ngawl hi: ahihang note zong na ki sikkik bua uh le, na vekpi in tabangma in na lalcip tu uh hi, \wj* ci hi.   
\s1 Sapit Huan Neipa le Theikung  
\p
\v 6 Jesus in hi sontena zong son hi; \wj Mi khat in a sapit huan sung ah theikung khat suan hi; taciang a nga zong tu in hongpai a, khat zong mu ngawl hi.\wj*   
\p
\v 7 \wj Taciang in sapit huan cing te tung ah, en in, hi theikung tung ah a nga zong tu in ka pai a, kum thum sung khat zong mu ngawl khi hi: phuk lel in; banghang in leitang deap lel in koi tu hi ziam? ci hi.\wj*   
\p
\v 8 \wj Huan cing pa in, Topa awng, tu kum sung om hi lai po hen, a kiim teng pan lei taw tu khi hi, taciang eaklei pia phot hi lai tu khi hi:\wj*   
\p
\v 9 \wj Hong nga a hile, pha hi: taciang hong nga bale la tua zawkciang phuk in, ci hi, \wj* ci in zo kik hi.   
\s1 Jesus in Cingbawng Nu Damsak  
\p
\v 10 Jesus sabbath ni khat synagogue khat sung ah thuhil hi.   
\p
\v 11 Taciang, en vun, cinasak doai in kum sawm le kum liat sung zawngkhal in a thaneamsak numei khat om hi, taciang ama sia a cing zong bawng a, bangbang po in a om zong ama le ama ki mamsak thei ngawl hi.   
\p
\v 12 Tua nu Jesus in a mu ciang in, a kung ah sam a, \wj Nu mei awng, na natna pan in na suakta zo hi, \wj* ci hi.   
\p
\v 13 Jesus in a tung ah a khut nga hi: ta sia pociang thakhat thu in ding tang thei a, Pathian pok hi.   
\p
\v 14 Jesus in sabbath ni in a damsak hu in, synagogue lampui pa a thin-uk a, ni luk sung nasep ngeina hi: tua ahikom tua ni luk sung in hongpai tavun, sabbath ni ah hongpai heak vun, ci hi.   
\p
\v 15 Tasiaciang in Topa in, \wj Nang a ki hitheamsak pa, note sung ah khatpo, sabbath ni in na khui uh a hibale, na laa uh a khau sut in, tui dawn tu in paipui hi ngawl nu ziam?\wj*   
\p
\v 16 \wj Kum sawm le kum liat sung Satan hencip, Abraham tanu sia tua a ki hencip napan sabbath ni in suatak tu hi ngawl ziam?\wj* ci in zo kik hi.   
\p
\v 17 Hi teng a son zawkciang in, a ngal te theampo maizum in om uh hi: taciang Jesus in a vawt nalamdang te hang in mi theampo lungdam uh hi.   
\s1 Ankamci Sontena  
\r Matt 13:31,32; Mk 4:30-32  
\p
\v 18 Jesus in, \wj Pathian kumpingam sia bangtaw kibang ziam? bangtaw sonte tu khi ziam?\wj*   
\p
\v 19 \wj Mi khat in ankamci la a, huansung ah a poai taw kibang hi; tua anci hong khang a, thingkung lianpui hong suak hi; a bak te tung ah van a vacim te ngiak hi.\wj*   
\s1 Tol Sontena  
\r Matt 13:33  
\p
\v 20 Jesus in son thua kik a, \wj Pathian kumpingam sia bangtaw sonte tu khi ziam? \wj* ci kik hi.   
\p
\v 21 \wj Nupi khat in tol la a, an hui law thum sung ah hel hi, tua tol in an hui theampo a thosak taw kibang hi.\wj*   
\s1 Lampi Ni  
\r Matt 7:13,14  
\p
\v 22 Jesus Jerusalem sang ah pai a, khuapi le khuano tampi ah pai in thuhil hi.   
\p
\v 23 Khat hongpai a, Topa awng, ngupna a nga tu mihing tawmbek a hi ziam? ci in dong hi. Tasiaciang Jesus in,   
\p
\v 24 \wj Kongkha ciak na pan tum tu in hanciam vun, banghangziam cile mihing tampi te tuaksung ah tum tu hanciam napi, a tum thei bua uh hi.\wj*   
\p
\v 25 \wj Innteakpa topa sia khat vei tho a, kongkha a kha zawkciang in, note a puasang ah ding in kongkha na king uh a, Topa, Topa awng, kong hong hon tan; na ci uh ciang in, Topa in, koisung pan hongpai nu ziam, hong he ngei ngawl khi hi, hong ci tu hi:\wj*   
\p
\v 26 \wj Tasiaciang in, note in, na mai ah an ne tui dawn in om khu hi, taciang ka lampi uh ah zong thuhil ni hi, ci tu uh hi.\wj*   
\p
\v 27 \wj Ahihang ama in, hong son khi hi, kong pan hongpai nu ziam, hong he ngawl khi hi; no na pha ngawl seam te, ka kung pan tai tavun, ci tu hi.\wj*   
\p
\v 28 \wj Abraham, Isaac, Jacob le kamsang theampo te sia Pathian kumpingam sung ah na mu uh ciang in, note sia a puasang ah hong vawk tu a, tua mun ah kaana le ha ngoaina om tu hi.\wj*   
\p
\v 29 \wj Amate sia nisua na sang, nitum na sang, sak le thang pan in hongpai tu uh a, Pathian kumpingam sung ah to tek tu uh hi.\wj*   
\p
\v 30 \wj Taciang, en vun, a khakbel te masabel tu a, a masabel te nungkhakbel tu hi, \wj* ci hi.   
\s1 Herod in Jesus That Nuam  
\p
\v 31 Tua ni in Pharisee pawlkhat te Jesus kung ah hongpai uh a, hi mun pan pusuak in a, pai in: banghangziam cile Herod in hong that tu hi, ci uh hi.   
\p
\v 32 Taciang Jesus in amate tung ah, \wj Pai tavun a, tua ngia tung ah son vun, en in, doai te hawlkhia khi hi, taciang tuni le zingciang cina te damsak khi hi, taciang nithum na ciang in ka cialcing tu hi.\wj*   
\p
\v 33 \wj Ahihang tu ni, zingciang le thai ciang vak hamtang tu khi hi: banghangziam cile kamsang khat sia Jerusalem puasang ah lalcip thei ngawl hi.\wj*   
\s1 Jesus in Jerusalem Katap  
\r Matt 23:37-39  
\p
\v 34 \wj Maw Jerusalem, Jerusalem awng, kamsang te na that a, na tung ah a ki sawl te suangtum taw na deang hi; akpui in a note a tha nuai ah a uap bang in, tamvei mama hong uap nuam ka hi hang, na uk bua hi!\wj*   
\p
\v 35 \wj En vun, na inn uh dap khipkhep in ki nusia tu hi: a mantak kong ci ciang, Topa min taw hongpai pa thuphatoai a hihi, na ci uh mateng, note in hong mu nawn ngawl tu nu hi, \wj* ci hi.   
\c 14  
\s1 Jesus in Sabbath Ni Cina Damsak  
\p
\v 1 Sabbath ni khat Jesus sia Pharisee upa te sung pan khat i inn ah anne tu a pai ciang in midang te in encik uh hi.   
\p
\v 2 Taciang, en vun, a khut le a peang a tum pasal khat Jesus mai ah om hi.   
\p
\v 3 Jesus in thukhamhil te le Pharisee te, \wj Sabbath ni in cina damsak sia ngeina a hi ziam?\wj* ci in dong hi.   
\p
\v 4 Tasiaciang in amate pau ngawl in om uh hi. Taciang Jesus in cina pa len in damsak a, ciasak hi;   
\p
\v 5 Jesus in amate tung ah, \wj Note sung pan khatpo in a laa a hibale, a khui dumsung tak bang hile, sabbath ni in kai kik tu a, a pusua ngawl tu na om uh ziam?\wj* ci in dong hi.   
\p
\v 6 Amate in hi thu zong bangma a zo kik thei bua uh hi.   
\s1 Ki Niamkhiak Nuntakna  
\p
\v 7 A ki sam leangna te in to na phabel te teal uh hi, ci a mu ciang in; amate tung ah sontena khat son hi,   
\p
\v 8 \wj Khat po in mopoai ah hong sap ciang in, a sangbel indoi sung ah to heak in; nang sang in a zatak huai zaw a sam a hile;\wj*   
\p
\v 9 \wj Nang hong sam sia hongpai tu a, ama na to na pial in; hong ci le, a niambel inndoi sung na to suk tu na maizum tu hi.\wj*   
\p
\v 10 \wj Ahihang ngual in hong sap ciang in, a niambel inndoi ah pai in to in; taciang nang hong sam te hongpai ciang in, lawm awng, a sang zaw ah ka to in, hong ci tu hi: taciang in na an kuang umpui te mai ah zatakna na nga tu hi.\wj*   
\p
\v 11 \wj Banghangziam cile a kuamapo ama le ama a ki lamsang peuma ki khiasuk tu a; ama le ama a ki niamkhiak peuma ki lamsang tu hi.\wj*   
\p
\v 12 Jesus in a sam pa tung zong ah, \wj Zing an ahizong, nitak an ahizong, na vawt ciang in, na ngualtam, na suapui, mealheak, mihau innpam te sam heak in; tabang in na sam a hile amate in nangma hong sam thuk kik tu a, hong lo kik tu hi.\wj*   
\p
\v 13 \wj Ahihang poai na vawt ciang in, mizawng, pumpi cing ngawl, peangbai le mittaw te sam in:\wj*   
\p
\v 14 \wj Taciang nangma in thupha na sang tu hi; banghangziam cile amate in hong thukkik zo ngawl tu hi: mi thutang te thawkik na ni ciang hong thukkik tu hi, \wj* ci hi.   
\s1 Mopoai Sontena  
\r Matt 22:1-10  
\p
\v 15 Anneak poai ah a ankuang umpui sung pan khat in, hi thu te a zak ciang in, Pathian kumpingam sung ah anluum a ne tu te thuphatoai a hihi, ci hi.   
\p
\v 16 Jesus in tua pa tung ah hibang in son hi, \wj Mi khat in poai lian mama khat vawt a, khual tam mama hil hi:\wj*   
\p
\v 17 \wj Nitak an neak hun ciang in a naseam te sawl a, a hil sa uh te kung ah, Pai tavun; banghangziam cile tu in na theampo ki nginsa hi zo hi, ci in sonsak hi.\wj*   
\p
\v 18 \wj A sap te theampo ki tuiton tak in kamzong tek uh hi. A masabel khat in lo ciing khat ka lei a, pai in ka et kul tu hi: hong telthiam tan, ci hi.\wj*   
\p
\v 19 \wj A dang khat in, kuital kap nga ka lei a, pai in tate ki sinsak nuam khi hi: hong telthiam tan, ci hi.\wj*   
\p
\v 20 \wj A dang khat in, zi ka nei a, hongpai thei ngawl khi hi, ci hi.\wj*   
\p
\v 21 \wj Naseampa sia a topa kung ah pai kik a, thu theampo son hi. Taciang innteakpa a thin-uk a, manlang in khuasung lampi le lamno teng ah pai tan a, mizawng, pumpi cing ngawl, peangbai le mittaw te hong paipui tan, ci hi.\wj*   
\p
\v 22 \wj Naseam pa in, Topa awng, na thupiak bang in vawt zo khi hi, ahihang mun awng lai hi, ci hi.\wj*   
\p
\v 23 \wj Taciang a topa in naseam pa kung ah, lamzikpi le daipam teng ah pai tan a, ka inn a dim thei natu, hongpai hamtang natu in sam in, ci hi.\wj*   
\p
\v 24 \wj Banghangziam cile, keima in hong ci khi hi, kasap te khat zong in ka nitak an tep ngawl tu hi, \wj* ci hi.   
\s1 Na Theampo Nusia in Jesus Nungzui  
\p
\v 25 Mihon tampi te in a nung pan zui uh hi: taciang Jesus amate sang kihei a,   
\p
\v 26 \wj Mi khatpo ka kung hongpai in, a nu le a pa, a zi le a ta te, a suapui, a nau nu te le ama nuntakna zong a ensan bale, ka nungzui hi thei ngawl tu hi.\wj*   
\p
\v 27 \wj A kuamapo in ama thinglamte pua in ka nung pan hong zui ngawl peuma, ka nungzui hi thei ngawl tu hi.\wj*   
\p
\v 28 \wj Banghangziam cile note sung pan khatpo in, tausangsak tu a sawm le, a man dong a cing tu le a cing ngawl tu to masa in aman tuat tu hi ngawl ziam?\wj*   
\p
\v 29 \wj Tabang tuat masa ngawl in, khuambul a phu zawkciang, a man dong a sa bale, a mu theampo in selno tu a, \wj*   
\p
\v 30 \wj Hisia pa in tausang sa napi, manzo ngawl hi, ci tu uh hi.\wj*   
\p
\v 31 \wj A hibale kumpipa khat in, a dang kumpipa khat taw ki sim tu a hile, ama do tu in ngalkap tul kul taw hongpai sia, ngalkap tul sawm taw do thei tu le do thei ngawl tu, ci sia to in thu ngaisun masa ngawl tu ziam?\wj*   
\p
\v 32 \wj A do thei bua tu le, kumpi dangkhat kung ah, a khuala lai in kilemna vawt tu in, palai paisak tu hi.\wj*   
\p
\v 33 \wj Tabangma in, note sung ah a kuamapo in a neisa theampo a nusia bua a hile, ka nungzui hi thei ngawl tu hi.\wj*   
\s1 Ci  
\r Matt 5:13; Mk 9:50  
\p
\v 34 \wj Ci sia pha hi: ahihang a al na a bo le, bangbang in al kiksak thei tu ziam?\wj*   
\p
\v 35 \wj Leitang atu le phangawl, eaklei zong kizang thei ngawl hi; ahizong mihing te in a puasang ah vawk hi. Zak natu bil a nei theampo in za tahen, \wj* ci hi.   
\c 15  
\s1 Tuu Bo Sontena  
\r Matt 18:10-14  
\p
\v 1 Siadong te le mawnei te Jesus thu ngai tu in a kung ah hongpai tek uh hi.   
\p
\v 2 Taciang, hisia pa in mawnei te sang a, amate taw an ne khawm hi, ci Pharisee te le thukhamhil te phun uh hi.   
\p
\v 3 Taciang Jesus in hi sontena amate tung ah son hi.   
\p
\v 4 \wj Note sung ah khatpo in, tuu zakhat nei a, khat bo a hile, sawm kua le kua teng duisung ah nusia in, a bo tuu a mu dong zong tu hi ngawl ziam?\wj*   
\p
\v 5 \wj A mu ciang in, lungdam in a liangko mual suan hi.\wj*   
\p
\v 6 \wj Inn a thet ciang in, a lawm te le innpam te samkhawm tek a, hong lungdampui tavun; banghangziam cile a bo ka tuu mukik khi hi, ci hi.\wj*   
\p
\v 7 \wj Keima in kong son hi, tasia bangma in, mawna kisik ngawl mihing sawm kua le kua te sang in, mawna a ki sikkik khat tung ah, vantung ah lungdamna tamzaw tu hi.\wj*   
\s1 Dangka Bo Sontena  
\p
\v 8 \wj A hibale, numei khat in dangka pia sawm nei a, pia khat a bosua le, khuaimei de in, a inn phiat tu a, hanciam in a mu dong zong tu hi ngawl ziam?\wj*   
\p
\v 9 \wj A mu ciang in, a lawm te le a innpam te samkhawm in, hong lungdam pui tavun; banghangziam cile ka bosua dangka mukik zo khi hi, ci hi.\wj*   
\p
\v 10 \wj Tasia bangma in, keima in kong ci hi, a ki sikkik mawnei khat tung ah Pathian vantungmi te sung ah lungdamna om hi, \wj* ci hi.   
\s1 Tapa Bo Sontena  
\p
\v 11 Jesus in hibang in ci hi, \wj Pasal khat in tapa ni nei a:\wj*   
\p
\v 12 \wj A nozaw in a pakung ah, pa awng, ka lua tu ngamh hong pia tan, ci hi. Taciang a pa in a neisa theampo a tate ni hawmsak hi.\wj*   
\p
\v 13 \wj Ni tam ngei ngawl in a tapa nozaw in a nga teng theampo kaikhawm a, ngam khuala mama ah khualhaw hi, taciang a neisa theampo a ukbang in pakvawt in zang vapeak hi.\wj*   
\p
\v 14 \wj A nei theampo a zaksiat zawkciang, tua ngam ah kialpi tung a; ki tangsam mama in om hi.\wj*   
\p
\v 15 \wj Tua ngam mi khat kung ah pai a, tua pa in vok an pia tu in a lo ah paisak hi.\wj*   
\p
\v 16 \wj Vok i neak be haw nangawn a khamteak in ne nuam napi: kuama in bangma pia ngawl hi.\wj*   
\p
\v 17 \wj A thin ciim ciang in, ka pa kung ah a kicial naseam te bekzong an a kham in nei uh a val lai hi, kei ka hile ngilkial in mangthang tu ka hi zo hi!\wj*   
\p
\v 18 \wj Tho in, ka pa kung ah pai tu khi hi, taciang ama tung ah, pa awng, vantung le na mai ah khial zo khi hi, \wj*   
\p
\v 19 \wj Na tapa ci tu zong ki phu nawn bong: na cial tawm naseam khat bang in hong koi tan, ka ci tu hi, ci hi.\wj*   
\p
\v 20 \wj Taciang ama hong ding a, a pa kung ah pai hi. Ahihang a khuala mama kisam lai na pan, a pa in mu hi, taciang khuangaihuai sa in tai a, a ngawng pan koai in nam hi.\wj*   
\p
\v 21 \wj Taciang, a tapa in a pa kung ah, pa awng, vantung le na mai ah maw zo khi hi, na tapa ci tu zong ki phu nawn ngawl khi hi, ci hi.\wj*   
\p
\v 22 \wj Ahihang a pa in a naseam te kung ah, puan a phabel hong la tavun a, silsak vun; a khut ah khutzungbu bulsak vun, taciang a peang ah peangdap bulsak vun:\wj*   
\p
\v 23 \wj Taciang khuino thau khat hong la tavun a, ngo vun; taciang i ne khawm tek tu a, thinnuam in i om khawm tek tu hi:\wj*   
\p
\v 24 \wj Banghangziam cile hi ka tapa sia thi hi, ahizong, nungta kik hi; bo hi kale, ki mu kik hi, ci hi. Tabang in thinnuam in om khawm tek uh hi.\wj*   
\p
\v 25 \wj Tu in a tapa lianzaw lo ah om hi: lo pan hong cia a, inn nai a thet ciang in lasa le lapna aw nging te za hi.\wj*   
\p
\v 26 \wj Taciang naseam khat sam a, hi thu te a bangthu ziam, ci dong hi.\wj*   
\p
\v 27 \wj Tua naseam pa in, na naupa hong cia a; cidam ludam in hong thengkik ahikom, na pa in khuino a thau khat ngaw hi, ci hi.\wj*   
\p
\v 28 \wj A tapa lianzaw sia a thin-uk ahikom, innsung zong tum nuam ngawl hi: tua ahikom a pa pusuak a, innsung ah tum tu in tho hi.\wj*   
\p
\v 29 \wj A pa hibang in zo hi, en in, kum tam mama na na seam khi hi, na thupiak bangma hun peal ngei ngawl khi hi: ahihang ka lawm te taw thinnuam khawm tu in, kealno khat zong hong pia ngei ngawl hi hi:\wj*   
\p
\v 30 \wj Ahihang hi na tapa, pumpi kizuak te taw na neisa theampo hong sut pa hong cia pociang in, khuino thau ngaw ni hi, ci hi.\wj*   
\p
\v 31 \wj Taciang a pa in ama tung ah, ka tapa awng, nang sia keima taw om tawntung ni hi, taciang ka neisa theampo sia nangma' a hihi.\wj*   
\p
\v 32 \wj Ahihang na naupa sia, thi napi, nungta kik hi; bo napi, tu in mu kik khi hi, tua ahikom thinnop na le lungdamna ka vawt tu ki lawm hi, \wj* ci hi.   
\c 16  
\s1 Neisa Keam Sontena  
\p
\v 1 Jesus in a nungzui te tung ah, \wj Mihau khat om a, neisa keam tu khat nei hi; tua pa in na neisa teng bo thongsak siat hi, ci in a topa tung ah ki mawsiat hi.\wj*   
\p
\v 2 \wj Taciang a topa in sam a ama tung ah, na thu ka zak te bangbang ziam? ka van na kep teng sazian hong pia tan; banghangziam cile ka neisa keam hi nawn ngawl tu ni hi, ci hi.\wj*   
\p
\v 3 \wj Tasiaciang in neisa keam pa in, ka topa in ka nasep pan hong tawlngasak tu a hi ciang in, bang vawt tu khi ziam? lo le ka tho thei bua a; khutdaw ngen tu le ka maizum hi.\wj*   
\p
\v 4 \wj Neisa keam dinmun pan hong tawlngaksak ciang in, amate inn ah hong san thei natu in ka vawt tu ka he hi, ci hi.\wj*   
\p
\v 5 \wj Tua ahikom a topa kung ah leiba nei te theampo sam a, a masabel pa kung ah, ka topa tung bangza ba ni ziam? ci hi.\wj*   
\p
\v 6 \wj Tua pa in, sathau pheal zakhat, ci hi. Taciang neisa keam pa in, na sazian la tan a, a manlang in to in, taciang pheal sawm nga ci at in, ci hi.\wj*   
\p
\v 7 \wj A dang khat kung ah, nang e, bangza ba ni ziam? ci hi. Ama in, zungtang hui ip zakhat, ci hi. Taciang neisa keam pa in, na sazian la tan a, ip sawm liat ci at in, ci hi.\wj*   
\p
\v 8 \wj Hi a thuman ngawl neisa keampa in thimtheltak in a vawt nate a topa in pok hi: banghangziam cile, leitung mihing te sia amate hun sung, khuavak tate sang in lupil zaw uh hi.\wj*   
\p
\v 9 \wj Keima in kong ci hi, note hileitung pan na pusua uh ciang in tawntung omna biakbuk sung ah hong sang tu na nei thei natu uh in, leitung sum le pai taw ngualtam vawt vun.\wj*   
\p
\v 10 \wj A tawmno ah a thuman peuma a tampi ah zong thuman hi: A tawmno ah a thuman ngawl peuma a tampi tung ah zong thuman ngawl hi.\wj*   
\p
\v 11 \wj Tua ahikom a kip ngawl neisa tung ah thuman ngawl na hi uh le, a kua in hauna tatak hong ap ngam tu ziam?\wj*   
\p
\v 12 \wj Ngual dang neisa tung nangawn ah thuman ngawl na hi uh le, noma nei tu in a kua in hong pia ngam tu ziam?\wj*   
\p
\v 13 \wj Mihing khat in to ni na seam thei ngawl tu hi: banghangziam cile khat ensan tu a, a dang khat it tu hi; khat beal tu a, a dang khat ngaingon tu hi. Note in Pathian le nei le lam naseam hi khawm thei ngawl tu nu hi, \wj* ci hi.   
\s1 Jesus in Pharisee te Kidopna tu Son  
\r Matt 11:12,13  
\p
\v 14 A duhop Pharisee te in hi thu te theampo a zak uh ciang in, Jesus selno in nui uh hi.   
\p
\v 15 Tasiaciang in Jesus in amate tung ah hibang in ci hi, \wj Note in mihing te mai ah noma le noma ki thutangsak nu hi; ahihang Pathian in na thinsung uh hong he hi: banghangziam cile mihing te sung ah a sang mama in a ki ngaisun te, Pathian mai ah lipkhap huai mama hi.\wj*   
\p
\v 16 \wj John hong thet dong thukham le kamsang thu te om hi: tua hun pan kipan Pathian kumpingam thu pualak uh a, mi theampo phul in tum uh hi.\wj*   
\p
\v 17 \wj Thukham sung ah a nobel a bawk no khat sang in, van le lei a bo tu ol zaw lai hi.\wj*   
\p
\v 18 \wj A kuamapo a zi khul a, zi dang a nei sia, palngul mawna vawt a hihi: taciang a pasal in a khul numei a tenpui sia zong palngul mawna vawt ma a hihi.\wj*   
\s1 Mihau pa le Lazarus  
\p
\v 19 \wj Mi hau khat om a, puan sannum le puan neamno a pha mama sil in, nisim nuamsa in nungta hi:\wj*   
\p
\v 20 \wj Taciang a pumpi tung theampo meima taw a dim, Lazarus a kici khutdaw ngen khat om a, mi hau pa kongbiang ah ngual in koi hi.\wj*   
\p
\v 21 \wj Mihaupa sabuai pan a tak anneng te ne nuam in om a, ui hongpai in a meima te liasak hi.\wj*   
\p
\v 22 \wj Khutdaw ngen pa thi a, vantung mite in Abraham kang sung ah paipui hi: taciang, mihaupa zong thi a, phum hi;\wj*   
\p
\v 23 \wj Taciang a ngim thuak na hell sung pan a tungsang a et ciang in, a khuala mama na ah Abraham mu hi, taciang a kangsung ah Lazarus om hi.\wj*   
\p
\v 24 \wj Mihaupa au in, ka pa Abraham awng, hong hesuak kapo in, hi meikuang sung ah ngim na thuak kahikom Lazarus in a khutzung dawn tuisung ah papsuk in, ka lei hong votsak natu in sawl in, ci hi.\wj*   
\p
\v 25 \wj Ahihang Abraham in, ka tapa awng, na nuntaksung a pha theampo sang zo ni hi, tabangma in Lazarus sia a pha ngawl teng sang hi: ahizong tu in ama sia henepna nga zo a, nang na hile ngimna na thuak hi, ci phawk in.\wj*   
\p
\v 26 \wj Hiteng theampo bek domngawl, kote le nangma ki laklaw ah luamthukpi om hi: tua ahikom hi mun pan in na kung ah ki pai thei ngawl a, nangma kung pan zong ko kung ki pai thei ngawl hi, ci hi.\wj*   
\p
\v 27 \wj Tasiaciang in mihaupa in, tua a hi ciang, ka pa Abraham awng, Lazarus sia ka pa inn ah paisak tu in hong ngen khi hi:\wj*   
\p
\v 28 \wj Banghangziam cile, suapui nga nei lai khi hi; hi ngimna sung ah hong thet ngawl natu uh in Lazarus in amate tung ah tettipang tahen, ci hi.\wj*   
\p
\v 29 \wj Abraham in, amate in Moses le kamsang te nei hi; tuate thu ngai tahen, ci hi.\wj*   
\p
\v 30 \wj Taciang in mihaupa in, hi ngawl hi, ka pa Abraham awng: mithi te sung pan in khat amate kung ah pai a hile, amate ki sikkik tu uh hi, ci hi.\wj*   
\p
\v 31 \wj Abraham in ama kung ah, Moses le kamsang te thu a ngai nuam bua a hile, khatpo thina pan a thokik hial zong in ngai nuam tuan ngawl tu uh hi, \wj* ci hi.   
\c 17  
\s1 Patang A Khialsak Te  
\r Matt 18:6,21,22; Mk 9:42  
\p
\v 1 Jesus in a nungzui te tung ah, \wj Mawna sung ah puk le khial thak ngawl tu sia suak thei ngawl hi: ahihang tabang a thengsak sia a mailam bing hi!\wj*   
\p
\v 2 \wj Patang no khat khialsak tu sang in, a ngawng ah an ngoaina suang khit in, tuipi sung ah ki khiasuk le, ama atu in phazaw hi.\wj*   
\p
\v 3 \wj Noma le noma kidawm vun: na suapui pa sia na tung ah hong khial le, tei in; a ki sikkik a hile, maisak in.\wj*   
\p
\v 4 \wj Na tung ah ni khat sung sali vei dong hong khial a, na tung ah sali vei dong hongpai in, kisik khi hi, hong cile, maisak in, \wj* ci hi.   
\s1 Upna le Sepna  
\p
\v 5 Sawltakte in, Topa tung ah, ka upna uh hong khangsak tan, ci uh hi.   
\p
\v 6 Taciang Topa in, \wj Note in ankamci cia upna nei le uh te, hi theikung mun ah, na bul pan kilong in, tuipi sung ah ki phut in; ci le uh te, na thu hong ni tu hi.\wj*   
\p
\v 7 \wj Ahihang note sung ah khatpo in, lo tho, a hibale tuucing naseam khat nei in, tua naseampa lo pan hong cia pociang, pai in a, anne tu in to in, ci a kua in ci tu nu ziam?\wj*   
\p
\v 8 \wj Ka an neak tu hong vawtkholsak tan a, an hong thuk tan, ka neak ka dawn man dong hong ngak tan, tua zawkciang in ne in a, dawn kik in; ci tu hi ngawl ziam01?\wj*   
\p
\v 9 \wj Naseam pa in thupiak teng a vawt siat zawkciang a topa in lungdam a ko tu ziam? Ko tu um ngawl khi hi.\wj*   
\p
\v 10 \wj Tabangma in, note zong thupiak theampo na vawt siat zawk uh ciang, kote sia phattuam na nei ngawl naseam te ka hi uh hi, ka sep tu nasep a seam bekma khu hi, ci tavun, \wj* ci hi.   
\s1 Jesus in Miphak Sawm Damsak  
\p
\v 11 Jesus Jerusalem a pai ciang in Samaria le Galilee ngamngi tawn in pai hi.   
\p
\v 12 Khua khat sung ah a tum uh ciang in, miphak sawm te taw kisi a, a khuala na ah ding in:   
\p
\v 13 Jesus, Topa awng, hong hesuak tan, ci in a nging tatak in au uh hi.   
\p
\v 14 Jesus in amate a mu ciang in, \wj Pai tavun a, thiampi te kung ah noma le noma ki lak tavun, \wj* ci hi. Amate a pai uh laitak in, a vekpi in thiangtho siat uh hi.   
\p
\v 15 Amate sung pan khat in damzo khi hi, ci a mu ciang in, heakkik a, aw ngingtak taw Pathian pok hi,   
\p
\v 16 Taciang Jesus peang ah bok a, lungdam ko hi: ama sia Samaria mi a hihi.   
\p
\v 17 Jesus in, \wj Mihing sawm ki thiangsak hi ngawl ziam? Ahihang a dang kua te, koisung ah om ziam?\wj*   
\p
\v 18 \wj Hi ngamdang mi simngawl Pathian pok tu in a heakkik mu ngawl khi hi, \wj* ci hi.   
\p
\v 19 Taciang in Jesus in, \wj Tho in a, pai in: na upna in hong damsak zo hi, \wj* ci hi.   
\s1 Pathian Kumpingam Hong Thettu Hun  
\r Matt 24:37-41  
\p
\v 20 Pharisee te in, Pathian kumpingam sia banghun ciang hong theng tu ziam? ci in Jesus dong uh hi, Jesus in, \wj Pathian kumpingam sia mit taw mu thei in hong theng ngawl tu hi:\wj*   
\p
\v 21 \wj Hi mun ah en vun! a hibale, zesung ah en vun! ci in kuama in hong ci ngawl tu hi, banghangziam cile, en vun, Pathian kumpingam sia note sung ah om hi, \wj* ci hi.   
\p
\v 22 Jesus in a nungzui te tung ah, \wj Mihing Tapa ni sia, nikhat sung bek zong na mu nop mama uh hun hong theng tu hi, ahihang mu tha ngawl tu nu hi.\wj*   
\p
\v 23 \wj Note tung ah, hi mun ah en vun; a hibale, zesung ah en vun, hong ci tu uh hi: tabang te nung pan zui tha heak vun.\wj*   
\p
\v 24 \wj Banghangziam cile, khualeng sia, van mong khat pan mong khat dong a tang bang in, mihing Tapa ni zong tabangma hi tu hi.\wj*   
\p
\v 25 \wj Ahizong a masabel in ama in nasiatak thuak tu a, tu hun mihing te in nial tu uh hi.\wj*   
\p
\v 26 \wj Noah hunlai bangma in mihing Tapa hun ciang zong tabangma hi tu hi.\wj*   
\p
\v 27 \wj Noah tembaw sung tum a, tuiliim in mi theampo a bocip siat dong, amate ne le dawn, mopui motha in om tek uh hi.\wj*   
\p
\v 28 \wj Tasia bangma in Lot hun lai zong amate ne le dawn, van zuak, thingkung cing le inn sa in om tek uh hi;\wj*   
\p
\v 29 \wj Ahihang Lot sia Sodom khua pan a pusua ni ciang in, van pan mei le kat sia ngua bang in zu a, a vekpi in susia siat hi.\wj*   
\p
\v 30 \wj Mihing Tapa hong ki pualak ni ciang zong tabangma hi tu hi.\wj*   
\p
\v 31 \wj Tua ni ciang in, innkhum tung a om te, innsung ah van la tu in tuaksuk nawn heak hen: lo ah a omte zong inn ah ciakik nawn heak hen. \wj*   
\p
\v 32 \wj Lot i zi na phawk tavun.\wj*   
\p
\v 33 \wj A kuamapo ama nuntakna a hung nuam peuma a nuntakna sum tu hi; a kuamapo a ma nuntakna a sum peuma nuntakna nga tu hi.\wj*   
\p
\v 34 \wj Keima in kong ci hi, tua ni zan ciang lupna khat tung ah mi ni lumkhawm tu hi; khat ki la tu a, khat ki nusia tu hi.\wj*   
\p
\v 35 \wj Numei ni an ngoai khawm tu hi; khat ki la tu a, khat ki nusia tu hi.\wj*   
\p
\v 36 \wj Pasal ni lo sung ah na seam khawm tu hi; khat kila tu a, khat ki nusia tu hi, \wj* ci hi.   
\p
\v 37 Ama te in, Topa, koisung hi tu ziam? ci in dong uh hi, Jesus in amate tung ah, \wj Mithi luang om na mun theampo ah vaciik te ki kaikhawm tu hi, \wj* ci in zo kik hi.   
\c 18  
\s1 Meingong Nu le Thukhenpa Sontena  
\p
\v 1 Tua zawkciang Jesu in a nungzui te tung ah thinkiam ngawl a, a thunget tawntung natu a hilna in thusontena te son hi;   
\p
\v 2 \wj Khuapi khat sung ah Pathian a lau ngawl, kuama zong a khual ngawl, thukhenpa khat om hi:\wj*   
\p
\v 3 \wj Tua khuapi sung ah meingong khat om hi; thukhen pa kung ah pai a, ka ngal pa phu hong lamsak tan, ci hi.\wj*   
\p
\v 4 \wj Thukhenpa in hun saupi sung thukhensak ngawl in om hi: ahihang a khakbel ciang ama in, keima sia Pathian kita ngawl in mihing zong kuama khual tuan ngawl ka hi hang;\wj*   
\p
\v 5 \wj Hi meingong nu in hong nawngkaisak ahikom, phu lamsak tu khi hi, tabang hibale hongpai tawntung tu a, hong nawngkaisak tawntung tu hi, ci ngaisun hi.\wj*   
\p
\v 6 Topa in, \wj A man ngawl thukhenpa son na ngai vun.\wj*   
\p
\v 7 \wj Ama sia haisang napi, Pathian in a tealsa te, sun le zan in Ama kung ah a au te phu lamsak ngawl in om tu ziam?\wj*   
\p
\v 8 \wj Keima in kong ci hi, a manlangtak in phulamsak tu hi. Ahihang mihing Tapa hongpai ciang in, hi leitung ah upna a mu tu ziam?\wj* ci hi.   
\s1 Pharisee te le Siadongte Sontena  
\p
\v 9 Jesus in, mipha khi hi, ci amate le amate ki muang mama a, ngualdang a thusimngawl te kung ah hi sontena son hi:   
\p
\v 10 \wj Mihing ni thungen tu in biakinn ah pai uh hi; khat sia Pharisee hi a, a dang khat sia siadong a hihi.\wj*   
\p
\v 11 \wj Pharisee pa hong ding to a, Pathian awng, keima sia phalak te, thuman ngawl te, palngul mawna vawt te, a hibale siadong pa bang ka hi ngawl man in ka lungdam hi.\wj*   
\p
\v 12 \wj Nipi khat sung ni vei antang khi hi, ka neisa theampo sung pan se sawm sua se khat pia khi hi, ci in thungen hi.\wj*   
\p
\v 13 \wj Taciang siadongpa sia, a khuala na ah ding a, van lam zong en ngam ngawl in, a awm tum in, maw Pathian awng kei mawneipa tung ah hesuakna hong nei po tan, ci hi.\wj*   
\p
\v 14 \wj Keima in kong ci hi, hisia pa sia a dang khat sia sang in thutang suana nga zaw a, a inn ah cia hi: banghangziam cile ama le ama a ki lamsang peuma khiaksuk na thuak tu a, ama le ama a ki niamkhiak peuma ki lamsang tu hi.\wj*   
\s1 Jesus in Patang te Thupha Pia  
\r Matt 19:13-15; Mk 10:13-16  
\p
\v 15 Amate in patang te a thamsak tu a dei uh hu in, Jesus kung ah paipui uh hi: tua thu a nungzui te in a mu uh ciang in amate tei uh hi.   
\p
\v 16 Ahihang Jesus in, patang te ama kung ah sam a, \wj Patangte ka kung ah hongpai tahen, khak heak vun: banghangziam cile Pathian kumpingam sia hibang te atu a hihi.\wj*   
\p
\v 17 \wj A man tatak kong ci ciang, a kuamapo in Pathian kumpingam sia patangno te bang in a sang thei ngawl peuma tua kumpingam sung ah tum thei ngawl tu uh hi, \wj* ci hi.   
\s1 Mihau Tangvalpa  
\r Matt 19:16-30; Mk 10:17-31  
\p
\v 18 Lampui khat in Jesus kung ah, Sya pha awng, tawntung nuntakna ka nga thei natu in bang vawt tu khi ziam? ci in dong hi.   
\p
\v 19 Jesus in, \wj Banghang in pha hong ci ni ziam? Pathian khatbek simngawl mipha dang kuama om ngawl hi.\wj*   
\p
\v 20 \wj Thupiakte na he hi, palngul mawna vawt heak in, tualthat heak in, nguta heak in, a man ngawl tetti son heak in, na pa le na nu zakta in, \wj* ci hi.   
\p
\v 21 Tua tangval pa in, hite theampo sia ka nolai pan ma in ka zui sa hi zo hi, ci hi.   
\p
\v 22 Hi thu te Jesus in a zak ciang in, a kung ah, \wj Na khat na kisam lai hi: na neisa theampo zuak in a, mizawng te hawmsak in, tua hile vantung ngam ah nei le lam na nei tu hi: taciang hongpai tan a, hong zui tan, \wj* ci hi.   
\p
\v 23 Hi thu a zak ciang in khuangai mama hi: banghangziam cile ama sia mihau mama a hihi.   
\p
\v 24 Jesus in a khuangai mama a mu ciang in, \wj Mihau te Pathian kumpingam sung a tum tu bangza in haksa ziam!\wj*   
\p
\v 25 \wj Banghangziam cile mihau khat Pathian kumpingam sung a tum tu sang in, kala-uk khat phin bilvang sung a tum tu ol zaw hi, \wj* ci hi.   
\p
\v 26 Tua thu a zate in, kua peuma ngupna nga thei tu ziam? ci uh hi.   
\p
\v 27 Jesus in, \wj Mihing te taw a piang thei ngawl te sia, Pathian taw piang thei siat hi, \wj* ci hi.   
\p
\v 28 Tua zawkciang in Peter in, en in, ka neisa uh theampo nusia in hong zui khu hi, ci hi.   
\p
\v 29 Taciang Jesus in amate tung ah, \wj A man tatak kong ci ciang, Pathian kumpingam atu in, a inn, a nu le a pa, a suapui, a zi, a hibale a tate a nusia peuma, \wj*   
\p
\v 30 \wj Tu hun sung in a se tampi le hongpai lai tu hun sung ah tawntung nuntakna a nga ngawl tu om ngawl hi, \wj* ci hi.   
\s1 Jesus in a Thi Natu Thu A Thumveina Son  
\r Matt 20:17-19; Mk 10:32-34  
\p
\v 31 Jesus in a nungzui sawmleni te ama kung ah sam a, amate tung ah, \wj En vun, Jerusalem ah i pai hi, kamsang te in mihing Tapa thu a atkholsa thu theampo tangtung tu hi.\wj*   
\p
\v 32 \wj Gentile te khutsung ah ap tu a, selno na zong thuak tu hi, vawtsiatna zong thuak tu a, cil zong phi tu uh hi: \wj*   
\p
\v 33 \wj Amate in vel tu a, that tu uh hi: taciang ni thum ni ciang tho kik tu hi, \wj* ci hi.   
\p
\v 34 Amate in hi thu khat zong a tel bua uh hi: hi a son te sia amate kung pan ki phualseal hi, tua ahikom Jesus i son thu te khat zong a tel bua uh hi.   
\s1 Jesus in Mittawpa Khuamusak  
\r Matt 20:29-34; Mk 10:46-52  
\p
\v 35 Jesus Jericho nai na hong thet ciang in, mittaw khat lamhui ah khutdaw ngen in to hi:   
\p
\v 36 Mihonpi in a kantan tuh a zak ciang in, bang thu ziam, ci in dong hi.   
\p
\v 37 Amate in, Nazareth mi Jesus in hong kantan hi, ci uh hi.   
\p
\v 38 Taciang ama in, Jesus, nang David Tapa awng, hong hesuak ka po in, ci au hi.   
\p
\v 39 A mai a pai te in a om khipkhep natu in tei hi: ahihang, nang David Tapa awng, hong hesuak ka po in, ci a nasia seseam in au hi.   
\p
\v 40 Taciang Jesus ding a, a kung ah paipui tu in thupia hi: a nai ah hongpai ciang in,   
\p
\v 41 \wj Bang vawtsak tu dei ni ziam?\wj* ci in dong hi. Ama in, topa awng, khua ka mu nuam hi, ci hi.   
\p
\v 42 Taciang Jesus in a kung ah, \wj Khua mu in: na upna in hong ngum zo hi, \wj* ci hi.   
\p
\v 43 Thakhat thu in khuamu a, Jesus zui in Pathian min pok hi: taciang a mu te theampo in Pathian minthang pok uh hi.   
\c 19  
\s1 Jesus le Zacchaeus  
\p
\v 1 Jesus Jericho khua sung ah tum in kantan hi.   
\p
\v 2 Taciang en vun, siadong te lampui Zacchaeus a kici khat om a, ama sia hau mama hi.   
\p
\v 3 Jesus sia a kua ziam, ci mu nuam in zong napi; mihing tamlei bek dom ngawl ama sia a tuntom ahikom mu thei ngawl hi.   
\p
\v 4 Taciang mipi te mai ah tai a, Jesus mu thei tu in theikung tung ah ka to hi: banghangziam cile tua lampi ah Jesus hongpai hi.   
\p
\v 5 Tua mun ah Jesus a thet ciang in, a tung ento a, Zacchaeus mu hi, taciang ama tung ah, \wj Zacchaeus, manlang tak in tuaksuk in; banghangziam cile tuni na inn ah hong tam tu khi hi, \wj* ci hi.   
\p
\v 6 Zacchaeus manlangtak in hong tuaksuk a, lungdamtak in Jesus a sang hi.   
\p
\v 7 Tua thu amate in a heak uh ciang in, a vekpi in phun uh a, hisia pa sia mawnei pa inn ah leangna hi tu in pai hi, ci tek uh hi.   
\p
\v 8 Tasiaciang Zacchaeus ding a, Topa kung ah, en in, Topa awng, ka neisa a lang sia mizawng te pia khi hi; taciang khatpo tung pan in na khatpo a man ngawl in mawsiatna taw ka laksak a hile, a se li in lokik khi hi, ci hi.   
\p
\v 9 Jesus in ama tung ah, \wj Tuni hi inn sung ah ngupna theng hi, banghangziam cile ama zong Abraham tapa a hihi.\wj*   
\p
\v 10 \wj Banghangziam cile mihing Tapa sia a bo te zong tu le ngum tu in hongpai hi, \wj* ci hi.   
\s1 Talent Sontena  
\r Matt 25:14-30  
\p
\v 11 Amate in hi thu te a zak ciang in, sontena khat son thua hi, banghangziam cile ama sia Jerusalem nai zo a, mite in Pathian kumpingam sia thakhatthu in hong ki lang tu hi zo hi, ci ngaisun uh hi.   
\p
\v 12 Tua ahikom hibang in ci hi, \wj Ulian khat sia kumpipa ukna ngam a san zawkciang in hong ciakik tu in, ngam khuala mama ah khualhaw hi.\wj*   
\p
\v 13 \wj A vai din ma in a naseam te sawm sam a, dangka mina khattek ap hi, taciang, hisia taw kong thetkik mateng summet vawt tavun, ci hi.\wj*   
\p
\v 14 \wj Ahihang a ngamsung mihing tein tua ulian pa ensan uh ahikom, hisia pa sia kote hong uk tu in dei ngawl khu hi, ci in a nung pan thu vaitha uh hi.\wj*   
\p
\v 15 \wj Tuapa in kumpi ukna za a nga zawkciang hong ciakik a, sum a piak a naseam te khatsim in a summet vawt na uh pan a met bangza nga, ci he nuam in a kung ah sam tu in thupia hi.\wj*   
\p
\v 16 \wj A masabel in khat hongpai a, Topa awng, dangka mina khat pan in sawm a met nga khi hi, ci hi.\wj*   
\p
\v 17 \wj Topa in ama tung ah, pha hi, nang, naseam pha: a no mama na tung ah muantak nahikom in khuapi sawm tung ah thuneina nei tan, ci hi.\wj*   
\p
\v 18 \wj A nina pa hongpai a, Topa, dangka mina khat pan in nga a met nga khi hi, ci hi.\wj*   
\p
\v 19 \wj Taciang Topa in ama tung ah, nang zong khuapi nga tung ah thuneina nei tan, ci hi.\wj*   
\p
\v 20 \wj A dang khat hongpai a, en in, ziaksung ah na dangka mina, dial no taw tun in koi khi hi:\wj*   
\p
\v 21 \wj Banghangziam cile nangma sia a sonhak mama mihing na hi man in hong lau khi hi: na koi ngawl pi na la a, na poai ngawl pi zong na at hi, ci hi.\wj*   
\p
\v 22 \wj Taciang in a Topa in, nang naseam pha ngawl, nangma kampau pan in thu hong khen tu khi hi. Mihing sonhak ka hi na he a, ka koi ngawl na pan la in, ka poai ngawlpi zong at, ci nong he le:\wj*   
\p
\v 23 \wj Banghang in ka sum dangka inn ah koi ngawl ni ziam, koi a hile te kong thet ciang a sum teng a met taw nga tu hi ngawl khi ziam? ci hi.\wj*   
\p
\v 24 \wj Taciang a hui ah a ding te kung ah, a tung pan in dangka mina sia la vun a, dangka mina sawm a neipa pia vun, ci hi.\wj*   
\p
\v 25 \wj Ahihang amate in Topa awng, ama in dangka mina sawm nei zo hi, ci uh hi.\wj*   
\p
\v 26 \wj Note tung ah kong ci hi, a neite ki pia thua tu a, a nei ngawl te a neisun po zong ki laksak belap lai tu hi.\wj*   
\p
\v 27 \wj Ahihang ka ukna a dei ngawl hibang ka ngalte ka kung ah hong paipui tavun a, ka mai ah that vun, ci in Topa in ci hi.\wj*   
\s1 Jerusalem ah Minthanna taw Tum  
\r Matt 21:1-11; Mk 11:1-11; Jn. 12:12-19  
\p
\v 28 Hi thu te a son zawkciang in, Jesus sia a nungzui te mai pan in Jerusalem ah pai hi.   
\p
\v 29 Olive mual ah a om Bethphage le Bethany khua nai a thet ciang in, a nungzui ni sawl a,   
\p
\v 30 \wj Na mai ah a om khua ah pai tavun a; kuama to ngei ngawl lai laa no khat a ki khit mu tu nu hi: sut vun a, hi mun ah hong paipui tavun.\wj*   
\p
\v 31 \wj Khat po in, banghang sut nu ziam? ci hong dong le, Topa in tulmaw hi, ci vun, \wj* ci hi.   
\p
\v 32 A sawl te pai uh a, Jesus in amate tung ah a sonkhol bang in mu uh hi.   
\p
\v 33 Laano a sut uh laitak in, a neite in amate tung ah, banghang laano sut nu ziam? ci hi.   
\p
\v 34 Amate in, Topa in tulmaw hi, ci uh hi.   
\p
\v 35 Taciang Jesus kung ah hong paipui uh a: laano tung ah puan pha in, Jesus suanto uh hi.   
\p
\v 36 Jesus a pai kawm in, lampi ah puan te pha uh hi.   
\p
\v 37 Olive mualtung pan tuaksuk natu a nai ciang in, nungzui mihonpi theampo in a vanglian nasep te mu uh ahikom, aw ngingtak taw lungdamtak in Pathian pok uh a;   
\p
\v 38 Topa min taw hongpai Kumpipa thuphatoai tahen: vantung ah nopna om tahen a, a sangbel na mun ah vangletna om tahen, ci in au tek uh hi.   
\p
\v 39 Mihonpi sung a om Pharisee te in Jesus kung ah, Syapa awng, na nungzui te tei in, ci uh hi.   
\p
\v 40 Jesus in, \wj Keima in kong ci hi, hi te om khipkhep a hile suangtum te thakhatthu in au tu hi, \wj* ci in zo kik hi.   
\s1 Jesus in Jerusalem Katap  
\r Matt 23:37-39  
\p
\v 41 Jerusalem nai na hong thet ciang in, tua khuapi en in, kap a,   
\p
\v 42 \wj Thinnuam inna om thei natu, tuni in bang kisam ziam ci in he thei thong le te maw! Ahizong tua thu mu thei ngawl ni hi!\wj*   
\p
\v 43 \wj Banghangziam cile na ngal te in na kimkot pan in phunglecian bang in hong kimum uh a, kingli pan in hong pang uh hi, \wj*   
\p
\v 44 \wj Taciang nangma le na tate sia leizul in hong mon siat tu hi; taciang suangtum khat le khat a ki thuap in khe ngawl tu hi; banghangziam cile nangma hong ve tu hun na heak ngawl hang a hihi, \wj* ci hi.   
\s1 Biakinn Thiansua  
\r Matt 21:12-17; Mk 11:15-19; Jn. 2:13-22  
\p
\v 45 Jesus biakinn sung ah tum a, vanzuak te le van lei te nawtkeak siat hi;   
\p
\v 46 Amate tung ah, \wj Ka inn sia thungetna mun kici tu hi: ci ki at hi, ahihang note in nguta phalak te kua na suaksak uh hi, \wj* ci hi.   
\p
\v 47 Taciang Jesus in biakinn sung ah nisim in thuhil hi. Ahihang thiampi lian te, thukhamhil te le upa te in Jesus that tu in zong uh hi,   
\p
\v 48 Ahihang thalup thei natu lampi a mu bua uh hi: banghangziam cile mi theampo in a thuhil na phatak in ngai tek uh hi.   
\c 20  
\s1 Jesus Thuneina Ki Dong  
\r Matt 21:23-27; Mk 11:27-33  
\p
\v 1 Ni khat Jesus biakinn sung ah mipi te thuhil in lungdamna thu a son laitak, thiampi lian te le thukhamhil te sia upa te taw hongpai uh a,   
\p
\v 2 Jesus kung ah, hong son tan, hibang te bang thuneina taw vawt ni ziam? a hibale hi thuneina kua in hong pia ziam? ci uh hi.   
\p
\v 3 Jesus in zo kik a, \wj Kei zong thu khat hong dong tu khi hi; hong zo tavun:\wj*   
\p
\v 4 \wj Tuiphumpa John sia, van pan ziam maw, mihing te kung pan ziam?\wj* ci hi.   
\p
\v 5 Amate ngaisun khawm tek uh a, van pan hi; ci leang, ama in, banghang um ngawl nu ziam? hong ci tu.   
\p
\v 6 A hi tazong, mihing te kung pan hi; ci leang zong, mihing te in suangtum taw hong sep tu hi: banghangziam cile amate in John sia kamsang hi, ci um uh hi.   
\p
\v 7 Taciang amate in, koisung pan, ci hong son thei ngawl khu hi, ci in zo uh hi.   
\p
\v 8 Jesus in amate tung ah, \wj Kei zong hi te bang thuneina taw vawt, ci sia hong son ngawl tu khi hi, \wj* ci hi.   
\s1 Sapit Huan Naseamte Sontena  
\r Matt 23:33-46; Mk 12:1-12  
\p
\v 9 Tua zawkciang Jesus in mipi te hi sontena son hi; \wj Mi khat in sapit huan sung ah sapit suan a, huan naseam te thosak hi, taciang ama sia a ngei mama om tu in khual khuala ah haw hi.\wj*   
\p
\v 10 \wj A hun a cin ciang in, huan naseam te in sapit huan sung ah a nga te a piak tu in, a naseam khat sawl hi: ahihang huan naseam te in a naseam pa sia vel in, a khut hawm taw tha kik hi.\wj*   
\p
\v 11 \wj Taciang naseam dang khat sawl kik leleau a, tua pa zong vel leleau hi, taciang maizumhuai tak in koi uh a, khut hawm mataw tha kik hi.\wj*   
\p
\v 12 \wj A thum na sawl kik leleau hi: taciang amate in liamsak uh a, doi pua sang ah nawt uh hi.\wj*   
\p
\v 13 \wj Tua zawkciang in sapit huan nei pa in, bangbang hi tu khi ziam? Ka it ka tapa sawl a hileng, amate in a mu uh ciang zakta tu uh hi, ci hi.\wj*   
\p
\v 14 \wj Ahihang huan naseam te in a mu uh ciang in, kikum uh a, hi sia pa sia a ngamhlua tu pa hi: pai tavun, that tawng, taciang a ngamh teng i lua tu hi, ci uh hi.\wj*   
\p
\v 15 \wj Taciang amate in sapit huan puasang ah pusuapui in that uh hi. Tua ahikom huan neipa in amate tung ah bang vawt tu ziam?\wj*   
\p
\v 16 \wj Ama hongpai tu a hi teng that in a sapit huan sia ngual dang pia tu hi, \wj* ci hi.   
\p
\v 17 Jesus in amate en a, \wj Innsa te i a nil uh suangtum sia innkhuambul hong suak hi, ci a ki atkhol thu sia bang ziam?\wj*   
\p
\v 18 \wj A kuamapo hi suang tung ah a tak peuma tal tu hi, ahizong hi suang a takna te sia a vui in ki ngoai siat tu hi, \wj* ci hi.   
\s1 Caesar Tung Sia Piakna Thu  
\r Matt 22:15-22; Mk 12:13-17  
\p
\v 19 Tua hun laitak in thiampi lian te le thukhamhil te in Jesus mat tu in zong hi; banghangziam cile hi thu sontena sia amate langpan in kampau hi, ci he uh hi, taciang amate in mipi te lau hi.   
\p
\v 20 Amate in Jesus pang uh a, thukan te paisak uh hi, tua thukan te sia mipha bang in ki hitheamsak a, ama kammal pan in mat tu le ngam uk za nei ulian te ap tu in sawm uh hi.   
\p
\v 21 Thukan te in, Syapa awng, a man tatak in hil le kampau ci kong he uh hi, kuama doidan zong nei ngawl ni hi, Pathian i lampi sia a mantak in na hil hi:   
\p
\v 22 Caesar shia pia tu khu ziam maw, pia ngawl tu khu ziam? ci in dong uh.   
\p
\v 23 Ahihang Jesus in amate thin kukal na he a, \wj Banghang hong ze-et nu ziam?\wj*   
\p
\v 24 \wj Sum tang hong lak tavun. A kua i lim le ceptena ziam?\wj* ci hi. Amate in Caesar lim le ceptena hi, ci in zo uh hi.   
\p
\v 25 Taciang Jesus in amate tung ah, \wj Caesar neisa te Caesar pia vun a, Pathian neisa te Pathian pia vun, \wj* ci hi.   
\p
\v 26 Mipi te mai ah a kammal te pan in a man thei bua uh hi: a zo kik nate lamdangsa uh a, huthe ngawl in om tek uh hi.   
\s1 Thawkikna Thu  
\r Matt 22:23-33; Mk 12:18-27  
\p
\v 27 Thawkikna a nial Sadducee pawlkhat te Jesus kung ah hongpai uh a,   
\p
\v 28 Sya awng, mi khatpo sia ta nei ngawl in a thi le, a ci mit ngawl natu in a nau in a mo tenpui tahen, ci Moses in at hi.   
\p
\v 29 Tua ahikom u nau sali om uh hi: a lianbel sia in zi nei a, ta nei ngawl in thi hi.   
\p
\v 30 A ni na pa in tua nu tenpui a, ta nei ngawl ma in thi hi.   
\p
\v 31 A thum na pa zong in tua nu tenpui hi; tabangma in a sali in tenpui uh a, ta nei ngawl in thi siat uh hi.   
\p
\v 32 A khakbel ciang tua nu zong thi hi.   
\p
\v 33 Tua ahikom thawkik na ni ciang tua nu sia a kua bel i zi hi tu ziam? banghangziam cile a sali in tenpui hi, ci in dong uh hi.   
\p
\v 34 Jesus in amate tung ah, \wj Hi leitung mite kipui uh a, nupa tu in ki pia uh hi:\wj*   
\p
\v 35 \wj Ahihang tua leitang lua tu kilawm ci in ngaisut te le thina pan a thokik te sia kipui le nupa tu in ki piak om nawn ngawl tu hi.\wj*   
\p
\v 36 \wj Amate sia thi thei nawn ngawl tu uh hi: banghangziam cile amate sia vantungmi te bang hi tu uh a, thawkikna i tate a hi uh man in Pathian i tate a hihi.\wj*   
\p
\v 37 \wj Tu in mithi te thokik hi, ci Moses zong in lophung sung ah topa, Abraham Pathian, Isaac Pathian le Jacob Pathian, a sap ciang in mu hi.\wj*   
\p
\v 38 \wj Banghangziam cile Pathian sia mithi te Pathian hi ngawl hi, ahihang a nungta te i Pathian a hihi: banghangziam cile mi theampo ama sung ah a nungta te vive a hihi, \wj* ci in zo kik hi.   
\p
\v 39 Thukhamhil pawlkhat te in, Syapa awng, na pau na pha mama hi, ci tek uh hi.   
\p
\v 40 Tua zawkciang amate in thudong ngam nawn ngawl hi.   
\s1 Christ Sia Kua Tapa Ziam?  
\r Matt 22:41-46; Mk 12:35-37  
\p
\v 41 Jesus in amate tung ah, \wj Bangbang in mihing te in Christ sia David tapa hi, ci thei uh ziam?\wj*   
\p
\v 42 \wj David ama mama in Psalm labu sung ah, Topa in ka Topa tung ah, \wj*   
\p
\v 43 \wj Na ngalte na peang koi na in na vawt mateng, ka ziatsang ah to in.\wj*   
\p
\v 44 \wj Tua ahikom David in Topa, ci in sam hi, bangbang in a tapa hi thei tu ziam?\wj* ci hi.   
\s1 Thukhamhil te Kidawm Vun  
\r Matt 23:1-36; Mk 12:38-40  
\p
\v 45 Tua zawkciang in thu ngai te theampo i zak in a nungzui te tung ah,   
\p
\v 46 \wj Thuakhamhil te kidawm vun, amate sia puan tualpi sil in vak nuam uh a, sumbuk te ah paupuina, synagogue sung ah tokhum sangbel te le poai mun ah a inndoi lianbel te dei uh hi; \wj*   
\p
\v 47 \wj Amate in meingong te inn suttol uh a, ngual mu tu in thu sau tatak ngen uh hi: tabang te in a lianzaw danpiak na thuak tu uh hi, \wj* ci hi.   
\c 21  
\s1 Meingong Nu Sumpi  
\r Mk 12:41-44  
\p
\v 1 Jesus khuadak a, sumkholna sung ah mihaute i sumpi khiak mu hi.   
\p
\v 2 Taciang a zawng meingong nu khat i dangka san pia ni a khiak zong mu hi.   
\p
\v 3 Jesus in, \wj A tatak kong ci ciang, hi a zawng meingong nu in ngualdang theampo sang in a tamzaw khia hi:\wj*   
\p
\v 4 \wj Banghangziam cile midang te sia a dimlet a nei uh sung pan in Pathian atu a piak uh teng khia hi: ahihang hi meingong nu sia zawng hi napi, a nuntak natu in a nei theampo khia hi, \wj* ci hi.   
\s1 Biakinn Suksiatnatu Thu  
\r Matt 24:1,2; Mk 13:1,2  
\p
\v 5 Mi pawlkhat te in biakinn sia suangtum hoi mama te le a kipia van te taw a kizep nathu a son uh ciang in,   
\p
\v 6 \wj Hi na mu uh nate, kuama in vawk ngawl napi, suangtum khat le khat a ki thuap nawn ngawl hun hong theng tu hi, \wj* ci hi.   
\s1 Hun Bo Natu Musakna Te  
\r Matt 24:3-14; Mk 13:3-13  
\p
\v 7 Amate in Jesus kung ah, Syapa awng, hibang te banghun ciang piang tu ziam? hibang te hong pian tu ciang in bangbang musakna om tu ziam? ci in dong uh hi.   
\p
\v 8 Jesus in, \wj Ngual i theam na hi ngawl natu uh in kidawm vun: banghangziam cile mi tampi te keima min taw hongpai tu uh a, keima in Christ ka hihi; a hun hong nai zo hi, ci tu uh hi: hi kamale amate zui heak vun.\wj*   
\p
\v 9 \wj Ahihang ngal ki do na le tualngal thu te na zak uh ciang in lau heak vun: banghangziam cile hibang te hong piang masa hamtang tu hi; ahizong a tawpna hong theng pai ngawl lai tu hi, \wj* ci hi.   
\p
\v 10 Tua zawkciang amate tung ah, \wj Minam khat le namkhat, kumpi ngam khat le khat ki langpan tu hi:\wj*   
\p
\v 11 \wj Mun tatuam te ah a nasia mama zinling tu a, kial le pul te hong tung tu hi; vantung ah a kimu thei a lauhuai te le musakna tatuam te hong om tu hi.\wj*   
\p
\v 12 \wj Ahizong hite theampo a pian ma in, amate in hong man tu uh a, hong vawtsia in synagogue le thonginn ah hong ap tu uh hi, keima min hang in kumpi te le ngam uk te mai ah hong then tu uh hi.\wj*   
\p
\v 13 \wj Tasia sia note atu tettipan na hong suak tu hi.\wj*   
\p
\v 14 \wj Tua ahikom note i thin sung ah, bangbang in zo tu, ci ngaisun khol heak vun:\wj*   
\p
\v 15 \wj Banghangziam cile na ngalte theampo i hong nial zawk ngawl tu le hong nal zawk ngawl tu in pau thiam nale ciimna kong pia tu hi.\wj*   
\p
\v 16 \wj Na nu le na pa, na suapui, na mealheak le na lawmte in hong zuak tu uh hi; pawlkhat te thi tu ciangdong in hong then tu uh hi.\wj*   
\p
\v 17 \wj Keima min hang in mi theampo in hong ensan tu uh hi.\wj*   
\p
\v 18 \wj Ahihang na lutung samzam khat zong sumsi ngawl tu hi.\wj*   
\p
\v 19 \wj Na thuakzawkna uh sung ah nuntakna na nei tu uh hi.\wj*   
\s1 Kum Sali Haksatna  
\r Matt 24:15-28; Mk 13:14-23  
\p
\v 20 \wj Jerusalem sia ngalkap te in a kimum na mu uh ciang in, siatsuana hong nai zo hi, ci na tel tu uh hi.\wj*   
\p
\v 21 \wj Tua hun ciang in Judah ngam a omte mual tung ah tai tahen; khuasung ah a omte khuapua ah pusuak tahen; duisung ah a omte khuasung ah tum heak tahen.\wj*   
\p
\v 22 \wj Banghangziam cile tua hun sia phu lak ni hi tu hi, ci a ki atkhol theampo tangtun natu a hihi.\wj*   
\p
\v 23 \wj Ahihang tua hun laitak in naupai te le nausen noailuai lai nei te mailam bing tu hi! banghangziam cile Judah ngam ah haksatna lianpi theng tu a, Judah minam te tung ah Pathian thin-ukna theng tu hi.\wj*   
\p
\v 24 \wj Amate namsau taw puk tu uh a, ngam theampo ah sal in ki kai tu hi: Jerusalem sia Gentile te hun a bo dong Gentile te in sik tu uh hi.\wj*   
\s1 Mihing Tapa Hong Paikik Natu  
\r Matt 24:29-31; Mk 13:24-27  
\p
\v 25 \wj Ni le tha le aksite tung ah musakna te hong om tu a; leitung minam theampo tung ah thinngimna le dipkuatna hong theng tu hi; tuipi le tuihual te hawk tu hi;\wj*   
\p
\v 26 \wj Leitung ah a theng tu te en in mihing te thin sia lau na hang in but thi in puk tu uh hi: banghangziam cile vantung vangletna te ki thiing tu hi.\wj*   
\p
\v 27 \wj Tua zawkciang in mihing Tapa sia mei tung pan in vangletna le minthanna lianpi taw hongpai amate in mu tu uh hi.\wj*   
\p
\v 28 \wj Hibang te hong thet kipat ciang in, dak in na lu tung vun; banghangziam cile note i ngupkhiatna ni hong nai zo hi, \wj* ci hi.   
\s1 Theikung Sontena  
\r Matt 24:32-33; Mk 13:28-31  
\p
\v 29 Jesus in amate tung ah sontena khat son hi; \wj Theikung le thingkung theampo en vun;\wj*   
\p
\v 30 \wj A te no meang hong sua ciang in khuakhal hun hong nai zo hi, ci mu in na he uh hi.\wj*   
\p
\v 31 \wj Tasia bangma in, hibang te hong thet na mu uh ciang in, Pathian kumpingam hong nai zo hi, ci he tavun.\wj*   
\p
\v 32 \wj A man tatak kong ci ciang, hi thu te theampo a tangtut mateng, hi minam bothong ngawl tu hi.\wj*   
\p
\v 33 \wj Van le lei bo tu hi: ahihang ka kammal te bo ngawl tu hi.\wj*   
\s1 Kuama In A Hun He Ngawl Hi  
\r Matt 24:36-44; Mk 13:32-37  
\p
\v 34 \wj Note ki nging in om vun, a valkai neak le dawn hu in thinngimna le zu kham buaina, leitung nuntakna atu thintoi in na om uh le, tua ni sia muanmawkngawl het laitak in note tung ah hong theng tu hi.\wj*   
\p
\v 35 \wj Banghangziam cile leitung mi theampo tung ah thangawk bang in hong theng tu hi.\wj*   
\p
\v 36 \wj Tua ahikom note in ngak nginge vun, hong theng tu na theampo pan a suakta tu a kilawm tu le mihing Tapa mai ah ding tu in thungen tawntung vun, \wj* ci hi.   
\p
\v 37 Jesus sia sun ciang in biakinn sung ah thuhil hi; zan ciang in a puasang pusuak a, Olive mual tung ah ngiak hi.   
\p
\v 38 Mi theampo zingtung in a thuhil na ngai nuam in biakinn ah ama kung hongpai uh hi.   
\c 22  
\s1 Jesus Thalup Natu Kikum Ku  
\r Matt 26:1-5; Mk 14:1,2; Jn. 11:45-53  
\p
\v 1 Paisanpoai a kici, tol saw ngawl anluum poai hong nai zo hi.   
\p
\v 2 Thiampi lian te le thukhamhil te in Jesus bangbang in that thei tu ci in zong uh hi; banghangziam cile amate in mipi te lau uh hi.   
\s1 Judas Iscariot in Jesus Leheak  
\r Matt 26:14-16; Mk 14:10,11  
\p
\v 3 Tua zawkciang in nungzui sawmleni sung a ki hel Iscariot a kici Judas sung ah Satan tum hi.   
\p
\v 4 Taciang Judah paikhia a, thiampi lian te le biakinn cing upa te taw Jesus bangbang in amate tung ah zuak thei tu, ci kikum uh hi.   
\p
\v 5 Amate lungdam mama uh a, dangka piak tu in lungkim uh hi.   
\p
\v 6 Taciang Judas in hunpha zong a, mipi te om ngawl laitak in amate tung ah zuak tu in kiciam hi.   
\s1 Paisanpoai  
\r Matt 26:17-25; Mk 14:12-21; Jn. 13:21-30  
\p
\v 7 Tol saw ngawl anluum poai ni in paisanpoai atu tuu no ngaw tu hun hong theng hi.   
\p
\v 8 Taciang Jesus in Peter le John te sawl a, \wj Pai tavun a, paisanpoai an neak khop natu vawtkhol tavun, \wj* ci hi.   
\p
\v 9 Amate in koisung ah vawtkhol tu in dei ni ziam? ci uh hi.   
\p
\v 10 Taciang Jesus in amate tung ah, \wj En vun, khuasung na tum uh ciang in tuibeal pua pasal khat taw ki si tu nu hi; a tum na mun innsung ah zui tavun.\wj*   
\p
\v 11 \wj Taciang inn nei pa kung ah, Syapa in nangma kung ah, ka nungzui te taw paisanpoai an ka neak natu uh inndoi koi sung ah om ziam? hong ci hi, na ci tavun.\wj*   
\p
\v 12 \wj Taciang ama in inn tung ah innsung van a cing in a ki koi inndoi lian mama hong lak tu a, tuaksung mun ah vawtkhol tavun, \wj* ci hi.   
\p
\v 13 Amate pai uh a, Jesus in a sonkhol bang in mu uh hi: taciang paisanpoai atu vawtkhol uh hi.   
\s1 Topa Zan An  
\r Matt 26:26-30; Mk 14:22-26; I Cor. 11:23-25  
\p
\v 14 A hun hong cin ciang in, Jesus sia a Sawltak sawmleni te taw to khawm tek uh hi.   
\p
\v 15 Taciang Jesus in amate tung ah, \wj Hi paisanpoai sia haksatna ka thuak ma in, note taw neakkhop tu ka uk mama hi:\wj*   
\p
\v 16 \wj Banghangziam cile keima in kong ci hi, Pathian kumpingam sung ah a kicin mateng, hi sia ne nawn ngawl tu khi hi, \wj* ci hi.   
\p
\v 17 Taciang Jesus in hai la a, lungdam a ko zawkciang, \wj Hi sia la vun a hawmtek vun:\wj*   
\p
\v 18 \wj Banghangziam cile keima in kong ci hi, Pathian kumpingam hong thet mateng, hi sapittui dawn kik nawn ngawl tu khi hi, \wj* ci hi.   
\p
\v 19 Taciang Jesus in anluum la a, lungdam a ko zawkciang, phel in amate pia hi, \wj Hisia in note atu in kong piak ka pumpi a hihi: keima nong phaw na in vawt tavun, \wj* ci hi.   
\p
\v 20 Tasia bangma in nitak an a neak zawk uh ciang hai zong la a, \wj Hi hai sia note atu in a luang ka thisan sung ah thuciam thak a hihi.\wj*   
\p
\v 21 \wj A hizong en vun, keima hong leheakpa khut sia keima taw sabuai tung ah om hi.\wj*   
\p
\v 22 \wj Ciangtan sa ombang in mihing Tapa sia pai hamtang tu hi: ahizong mihing Tapa a leheak sia a mailam bing hi, \wj* ci hi.   
\p
\v 23 Taciang in hibang a ngamta tu sia kua hitu ziam ci amate sung ah ki dong uh hi.   
\s1 Kua Lianbel  
\r Matt 20:25-28; Mk 10:42-45  
\p
\v 24 A nungzui te sung ah, a lianbel tu in kua kilawm tu ziam, ci ki nial na hong om hi.   
\p
\v 25 Jesus in amate tung ah, \wj Gentile kumpi te in mipi te sia to hi na taw uk uh a, amate tung ah thuneina a zang te sia, ngual hu te, kici hi.\wj*   
\p
\v 26 \wj Ahihang note tabang na hi heak vun: note sung ah a lianbel sia a no zaw bang hi tahen a; a thupi bel sia in, naseam khat bang in om tahen.\wj*   
\p
\v 27 \wj A kua lian zaw ziam, An ne tu in a to sia pa lianzaw ziam maw ankuang a lui pa lianzaw ziam? A to sia pa lianzaw hi. Ahizong in note sung ah kei sia ankuang luipa bangin kong om hi.\wj*   
\p
\v 28 \wj Note in ze-etna ka thuak sung theampo ah nong ompui uh hi.\wj*   
\p
\v 29 \wj Ka pa in kumpingam nasep hongpiak bangma in keima in note kong pia hi;\wj*   
\p
\v 30 \wj Ka kumpingam sung ah ka sabuai pan dawn in na ne tu uh a, kumpi tokhum tung ah to in Israel mi nam sawmleni te thu na khen tu uh hi, \wj* ci hi.   
\s1 Peter in Jesus A Nial Natu Thu  
\r Matt 26:31-35; Mk 14:27-31; Jn. 13:36-38  
\p
\v 31 Taciang Topa in, \wj Simon, Simon, en in, Satan in nangma hong nei nuam mama a, tang kheap bang in hong kheap nuam hi:\wj*   
\p
\v 32 \wj Ahihang na upna a puk ngawl natu in, thu hong ngetsak zo khi hi: taciang kei sang nong ki hei kik ciang in, na suapui te tha na khohsak in, \wj* ci hi.   
\p
\v 33 Peter in ama kung ah, Topa, nangma taw thonginn sung ahizong, thi khawm tu ahizong ka ki nging zo hi, ci hi.   
\p
\v 34 Jesus in, \wj Peter awng, hong ci khi hi, tu ni in, he ngawl khi hi, ci thum vei dong nong nial mateng akkhuang ngawl tu hi, \wj* ci hi.   
\s1 Buaina Taw Kisai Kidop Tu Thu  
\p
\v 35 Jesus in a nungzui te tung ah, \wj Dangka bawm, thung le peangdap keng ngawl in kong paisak lai, na kisapna uh a om ziam?\wj* ci hi. Amate in bangma ka kisam bua uh hi, ci uh hi.   
\p
\v 36 Jesus in amate tung ah, \wj Ahizong tu in, dangka bawm a nei te in keng tahen a, tasia bangma in thung zong keng tahen: namsau a nei ngawl te in, a puan tungsil zuak tahen a, khat lei tahen, \wj*   
\p
\v 37 \wj Banghangziam cile ama sia thukham paltan te sung ah ki hel hi, ci a ki atkhol sia keima tung ah tangtung hamtang tu hi: banghangziam cile keima taw kisai thu te a tawpna hong theng zo hi, ci in kong son hi, \wj* ci hi.   
\p
\v 38 A nungzui te in, Topa, en in, ziak ah namsau ni om hi, ci uh hi. Ama in, \wj Hisia pha zo hi, \wj* ci hi.   
\s1 Jesus Le A Nungzuite Gethsemane Huan Sung Ah Thungen Khawm  
\r Matt 26:36-46; Mk 14:32-42  
\p
\v 39 Jesus pusuak a, a ngeina bang in Olive mual ah pai hi; taciang a nungzui te in zong zui uh hi.   
\p
\v 40 Tua mun a thet uh ciang in, amate tung ah, \wj Ze-etna sung ah na tum thak ngawl natu uh in thungen vun, \wj* ci hi.   
\p
\v 41 A nungzui te taw muiden khat za a ki khuala na mun ah pai a, khupdin in thungen hi.   
\p
\v 42 \wj Pa awng, na deina a hile hi hai sia kei kung pan in hong khinsak tan: ahihang keima deina bang hi ngawl in nangma deina bang hizaw tahen, \wj* ci hi.   
\p
\v 43 Taciang tua mun ah vantung pan in vantungmi khat hong kilang a, Jesus tha dimsak hi.   
\p
\v 44 Thin ngimna lianpi taw nasia seseam in thungen hi: taciang a khua ulsa sia thisan bang in lei ah tak hi.   
\p
\v 45 A thungetna mun pan ding in a nungzui te kung ah a pai ciang, khua ngai in a mut uh mu hi.   
\p
\v 46 Taciang amate tung ah, \wj Banghang in mu nu ziam? ze-etna sung ah na thet ngawl natu uh in, tho vun a, thungen vun, \wj* ci hi.   
\s1 Jesus Ki Matna Thu  
\r Matt 26:47-56; Mk 14:43-50; Jn. 18:3-12  
\p
\v 47 Jesus a pau laitak in, en vun, mi honpi te mai ah Judas a kici, nungzui sawmleni sung pan khat in Jesus nam tu in hong neak hi.   
\p
\v 48 Ahihang Jesus in ama kung ah, \wj Judas, mihing Tapa sia nap na taw leheak ni ziam?\wj* ci hi.   
\p
\v 49 Jesus kung ah a omte in bang piang tu, ci a mu uh ciang in, Topa, namsau taw ka vat tu uh ziam? ci uh hi.   
\p
\v 50 Amate sung pan khat in thiampi sang i naseam pa ziatsang bil sattansak hi.   
\p
\v 51 Jesus in, \wj Tu za pha zo hi, \wj* ci a, a bil thamsak in damsak hi.   
\p
\v 52 Taciang Jesus in a kung hongpai thiampi lian te, biakinn cing ulian te le, upa te tung ah, \wj Note in nguta man tu bang in, namsau le moltum te taw hongpai nu ziam?\wj*   
\p
\v 53 \wj Nizim in biakinn sung ah note taw ka om lai in, hong man ngawl nu hi: ahihang hi thu sia note i hun le khuamial i vangletna hi, \wj* ci hi.   
\s1 Peter in Jesus A Nialna Thu  
\r Matt 26:69-75; Mk 14:66-72; Jn. 18:15-18, 25-27  
\p
\v 54 Amate in Jesus man uh a, thiampi sang pa inn ah paipui uh hi. Peter in a khuala pan in zui hi.   
\p
\v 55 Leitual laizang ah meiphual sep a, to tek uh hi, amate ki laklaw ah Peter to hi.   
\p
\v 56 Ahihang naseam numei khat in Peter mei hui ah a to a mu ciang in, sal tinten a, hi sia pa zong Jesus taw om hi, ci hi.   
\p
\v 57 Taciang Peter in nial a, numei awng, Ama he ngawl khi hi, ci hi.   
\p
\v 58 Tawmvei zawkciang a dang khat in Peter a mu ciang, nangma zong amate sung ah kihel ni hi, ci hi. Taciang Peter in, pasal pa awng, kei hi ngawl khi hi, ci hi.   
\p
\v 59 Nai khat bang zawkciang in, a dang khat in, a tatak in hi sia pa zong Jesus taw om hi: banghangziam cile ama sia Galilee mi hi, ci in teltak in son hi.   
\p
\v 60 Taciang Peter in, pasal pa awng, bang son ni ziam, ci he ngawl khi hi, ci hi. Tua hun lian Peter a pau laitak in ak khuang hi.   
\p
\v 61 Taciang Topa hong ki hei a, Peter en hi. Taciang Peter in Topa i ama tung ah a son sa, \wj Ak khuan ma in thum vei nong nial tu hi, \wj* ci kammal phawk kik hi.   
\p
\v 62 Peter pusuak a, nasiatak in kap hi.   
\s1 Ngalkap te in Jesus Nunau  
\r Mat 27:27-31; Mak 15:16-20; Jn. 19:2,3  
\p
\v 63 Jesus a man te in ama nu-nau in vel uh hi.   
\p
\v 64 Taciang a mit puan taw tuamsak a, a mai pan vel hi, taciang kua in hong vel ziam? kamsang bang in hong son sin tan, ci uh hi.   
\p
\v 65 Taciang ama selno na kam te pau uh hi.   
\s1 Jesus Caiaphas Mai ah  
\r Matt 26:57-68; Mk 14:53-65; Jn. 18:13,14,19-24  
\p
\v 66 Khuavak pociang in, upa te, thiampi sang te le thukhamhil te ki kaikhawm uh hi, taciang Jesus sia amate thu kikup na mun ah paipui uh a,   
\p
\v 67 Nangma in Christ na hi ziam? hong son tan, ci uh hi. Taciang Jesus in amate tung ah, \wj Kong son hang hong um ngawl tu nu hi:\wj*   
\p
\v 68 \wj Taciang note thu kong dong zong, hong zo ngawl tu nu hi, taciang zong hong tha ngawl tu nu hi.\wj*   
\p
\v 69 \wj Tu zawkciang in mihing Tapa sia Pathian vangletna ziatsang ah to tu hi, \wj* ci hi.   
\p
\v 70 Tua zawkciang amate theampo in, nangma sia Pathian Tapa ni ziam? ci uh hi. Jesus in amate tung ah, \wj Na son uh bang in ka hihi, \wj* ci hi.   
\p
\v 71 Taciang amate in, bang tetti dang kul lai ziam? banghangziam cile eima vateak in ama kam pan i za zo hi, ci uh hi.   
\c 23  
\s1 Jesus Pilate Mai Ah  
\r Matt 27:1,2,11-14; Mk 15:1-5; Jn. 18:28-32  
\p
\v 1 Taciang mihonpi te hong ding uh a, Jesus sia Pilate kung ah paipui uh hi.   
\p
\v 2 Amate in Jesus mawsiat kipan uh a, hi sia pa in i ngamsung i mipui te lampialsak hi, ci mu khu hi, Ama le Ama sia Christ Kumpipa khi hi, ci a, Caesar tung ah shia piak tu zong kham hi, ci uh hi.   
\p
\v 3 Pilate in Judah Kumpipa na hi ziam? ci in dong hi. Jesus in, \wj Nangma in ci ni hi, \wj* ci in zo hi.   
\p
\v 4 Tasiaciang in Pilate in thiampi lian te le mipi te tung ah, hisia pa a maw na mu ngawl khi hi, ci hi.   
\p
\v 5 Taciang amate in a nasia zaw in, hisia pa in Galilee pan kipan hi mun dong, Judah ngam sung theampo mipi te thuhil in hanthawn hi, ci uh hi.   
\s1 Herod Mai ah Jesus  
\p
\v 6 Pilate in Galilee thu a zak ciang in, hisia pa sia Galilee mi a hi ziam, ci in dong hi.   
\p
\v 7 Pilate in Jesus sia Herod thuneina nuai ah om hi, ci a heak pociang, Herod kung ah puak hi, tua hun laitak in Herod sia Jerusalem ah a om laitak a hihi.   
\p
\v 8 Herod in Jesus a mu ciang in angtang mama hi: banghangziam cile Ama thu tampitak za zo a, a mu nop zawk ngei mama zo hi; taciang nalamdang a vawt te mu tu in ki lamen hi.   
\p
\v 9 Tua zawkciang in Herod in Jesus sia thu tam mama dong hi; ahihang Jesus in bangma a zo kik bua hi.   
\p
\v 10 Thiampi lian te le thukhamhil te hong ding uh a, Jesus nasiatak in mawsiat uh hi.   
\p
\v 11 Herod le a ngalkap te in Jesus sia bangma thusimngawl in nu-nau uh a, puan pha mama khat a silsak zawk uh ciang, Pilate kung ah puakkik uh hi.   
\p
\v 12 Tua ni tatak ma in Pilate le Herod te lawmtam suak uh hi: banghangziam cile tua masia amate ni ki langpan tan uh hi.   
\s1 Jesus Le Barabbas  
\r Matt 27:15-26; Mk 15:6-15; Jn. 18:39-19:16  
\p
\v 13 Pilate in thiampi lian te, ngam uk te le mihon te sam khawm in,   
\p
\v 14 Amate tung ah, hisia pa sia mipi te lampialsak hi, ci in ka kung ah hong paipui nu hi: en vun, note i mai ah ka sittel zo a, na mawsiatna uh mawna khat zong mu ngawl khi hi:   
\p
\v 15 Herod in zong a mawna a mu ngawl hang in keikung ah hong puakkik hi: thi natu a kilawm mawna bangma om ngawl hi.   
\p
\v 16 Tua ahikom thu ka hil tu a, tha kik tu khi hi, ci hi.   
\p
\v 17 Banghangziam cile paisanpoai ciang in ama in mihing khat papo suatak hamtang hi.   
\p
\v 18 Taciang amate theampo sia thakhat thu in au uh a, hisia pa that in a, Barabbas suaktasak in, ci uh hi:   
\p
\v 19 Barabbas sia khuapi sung ah buaina le tual tha na hang in thongtak a hihi.   
\p
\v 20 Pilate in Jesus a suatak nop hang in, amate tung ah thu son kik hi.   
\p
\v 21 Ahihang amate au uh a, Ama thinglamte tung ah khai in, Ama thinglamte tung ah khai in, ci uh hi.   
\p
\v 22 Pilate in a thumvei na amate tung ah, banghang ziam, bang phatngawlna vawt ziam? a thi tak a vawt bangma mu ngawl khi hi: tua ahikom sat in thakik tu khi hi, ci hi.   
\p
\v 23 Amate aw ngingtak in, thinglamte tung ah khai tu in ngen uh hi. Taciang amate le thiampi lian te aw in zo hi.   
\p
\v 24 Tua ahikom amate nget bang in Pilate in thukhen hi.   
\p
\v 25 Taciang in Pilate in buaina le tualthat hang in thongtak pa sia amate deina bang in suaktasak hi, ahihang amate deina bang in Jesus ap hi.   
\s1 Jesus Thinglamte Tung Ah  
\r Matt 27:32-44; Mk 15:21-32; Jn. 19:17-27  
\p
\v 26 Amate in Jesus a paipui uh ciang in, khuano sang pan hongpai Cyrene khua mi Simon sia man uh a, thinglamte puasak in Jesus nung pan zuisak hi.   
\p
\v 27 Jesus nung pan in mihonpi te in zui uh a, Jesus kaa kawm in a zui numei te zong om hi.   
\p
\v 28 Ahihang Jesus in, amate sang kihei a, \wj Jerusalem tanu te awng, keima atu in kap heak vun, ahizong note le na tate atu in kap zaw vun.\wj*   
\p
\v 29 \wj Banghangziam cile, en vun, a ciing te, nau a nei ngei ngawl sul le nau i tawp ngei ngawl noai te, thuphatoai a hihi, a kici tu nite hong theng tu hi.\wj*   
\p
\v 30 \wj Mual te tung ah, ko tung ah hong cim tavun; mualdung te tung ah kote hong huk tavun, ci tu uh hi.\wj*   
\p
\v 31 \wj Banghangziam cile, thingkung hing te tung nangawn ah hibang vawt a hile, thing ko te tung ah bang a vawt tu ziam?\wj* ci hi.   
\p
\v 32 Taciang thi dan a thuak tak mi ngilo ni zong Jesus taw that khawm tu in paipui uh hi.   
\p
\v 33 Calvary a kici na mun a thet uh ciang in, Jesus taw tua thi dan a piak tak mi ngilo ni te sia a ziatsang ah khat, a veisang ah khat, thinglamte tung ah khai uh hi.   
\p
\v 34 Jesus in, \wj Pa awng, amate maisak in; banghangziam cile, amate in bang ka vawt uh ci zong a he bua uh hi, \wj* ci hi. Taciang amate in a puan zong ai-san in hawm uh hi.   
\p
\v 35 Mipi te in dinkhawl in en uh hi. Ngam uk te in, midang te ngum hi; Pathian i teal Christ a hile, ama le ama ki ngum tahen, ci in selno uh hi.   
\p
\v 36 Ngalkap te zong in, a kung ah hongpai in, sapittui hau pia hi.   
\p
\v 37 Taciang Judah kumpipa na hile, nangma le nangma ki ngum in, ci uh hi.   
\p
\v 38 Ama i tung ah, \sc hisia in judah te kumpipa a hihi, \sc* ci in Greek, Latin le Hebrew lai taw in at uh hi.   
\p
\v 39 Ama taw a ki khaikhawm thi dan piaktak khat in selno a, nangma sia Christ na hile, nangma le nangma ki ngum in a, kote zong hong ngum tan, ci hi.   
\p
\v 40 Ahihang a dang khat sia in, nangma sia ama taw mawsiatna a kibang ci na musa hi napi, Pathian kita ngawl ni ziam?   
\p
\v 41 Eite i hile i thuak tuma hi; banghangziam cile i ngamtatna bang in thaman a sang i hihi: ahihang hisia pa sia bangma khialna nei ngawl hi, ci in tei hi.   
\p
\v 42 Taciang ama in Jesus kung ah, Topa awng, na kumpingam sung ah na tum ciang in hong phawk tan, ci hi.   
\p
\v 43 Jesus in ama kung ah, \wj A tatak in kong ci hi, tuni in keima taw paradise ah i om tu hi, \wj* ci hi.   
\s1 Jesus Thina  
\r Matt 27:45-56; Mk 15:33-41; Jn. 19:28-30  
\p
\v 44 Tua hun sia sun nai sawmleni pawl hi a, nitak nai thum ciang dong leitung theampo ah khuazing hi.   
\p
\v 45 Taciang in ni zong mial a, biakinn sung ki doi na puan sia a laizang pan ki zen hi.   
\p
\v 46 Taciang in Jesus aw ngingtak in au a, \wj Pa awng, ka tha na kutsung ah kong ap hi:\wj* ci hi, tabang a ci zawkciang thi hi.   
\p
\v 47 Tua thu ngalkap mangpa in a mu ciang in, Pathian pok a, hisia pa sia mi thutang khat hi takpi hi, ci hi.   
\p
\v 48 Tua thu piang en tu in hongpai mihing theampo in tua thu piang te a mu uh ciang in, a awm uh tum in heakkik uh hi.   
\p
\v 49 Jesus a he theampo le Galilee pan in a zui numei te sia a khuala na ah ding in, thu piang teng en khawm uh hi.   
\s1 Jesus Than Ah Sial  
\r Matt 27:57-61; Mk 15:42-47; Jn. 19:38-42  
\p
\v 50 Taciang, en vun, Joseph a kici ngaisutna pia khat om a, ama sia mipha le mi thutang a hihi:   
\p
\v 51 Ama sia makai khat hi napi, makai dang te i ngaisutna le a sep dan a lungkim ngawl hi; ama sia Judah minam te khuapi Arimathaea khua pan hi a, Pathian kumpingam a ngak khat a hihi.   
\p
\v 52 Hi pasal pa sia Pilate kung ah pai in, Jesus luanghawm ngen hi.   
\p
\v 53 Taciang thinglamte tung pan in khiasuk uh a, puanneam taw a tuam zawk uh ciang in, kuama a ki sial ngei ngawl lai na mun, a ki khuak tawm suang hawng than thak sung ah sial hi.   
\p
\v 54 Tua ni sia ki ngin ni hi a, sabbath ni theng dektak zo hi.   
\p
\v 55 Galilee pan in Jesus taw hongpai numei te in Joseph zui uh a, Topa Jesus luang bangbang in sial ziam, ci in than en tek uh hi.   
\p
\v 56 Amate heakkik uh a, paknamtui te le sathau namtui a tatuam te ki nging khol uh hi; taciang thupiak bang in sabbath ni in tawlnga uh hi.   
\c 24  
\s1 Jesus Thawkikna  
\r Matt 28:1-10; Mk 16:1-10; Jn. 20:1-10  
\p
\v 1 Nipi kal khat sung ni masabel ni zingsang tung in numei te sia a vawtkhol sa ngimnamtui te keng in, a dang numei te taw than ah pai khawm uh hi.   
\p
\v 2 Amate in than pan in suangtum a ki lik sa in mu uh hi.   
\p
\v 3 Amate than sung ah tum uh a, Topa Jesus luang a mu bua uh hi.   
\p
\v 4 Tasia ciang amate sia a lungmang tek mama uh a, en vun, mihing ni puan pak sitset sil in amate hui ah ding hi:   
\p
\v 5 Amate in lau kawm in, lei ah boksuk uh a, tua mihing te in amate tung ah, banghang in mihing sia mithi te sung ah zong nu ziam?   
\p
\v 6 Ama ziak ah om ngawl hi, tho zo hi: Galilee ah a om lai in note tung ah bangbang in hong son ziam, ci phawk tavun,   
\p
\v 7 Mihing Tapa sia mi ngilo te khut sung ah ap tu uh a, thinglamte tung ah khai tu uh hi, taciang nithum ni ciang in thokik tu hi, ci hi.   
\p
\v 8 Taciang amate in Jesus kammal te phawkkik uh hi,   
\p
\v 9 Taciang than pan heakkik uh a, Sawltak sawm le khat te le midang te kung ah hi thu te theampo son uh hi.   
\p
\v 10 Hi thu te Sawltakte kung ah a son te sia, Mary Magdalene, Joana le James nu Mary te a hi uh hi.   
\p
\v 11 Sawltakte in numei te kammal te sia tangthu banglel in ngaisun uh a, a um bua uh hi.   
\p
\v 12 Tua zawkciang in Peter ding a, than sang ah tai hi; taciang kun in puanneam no a ki koi bek mu hi, taciang thu piang te lamdangsa mama in heakkik hi.   
\s1 Emmaus Lampi ah Nungzui Ni Te  
\r Mk 16:12,13  
\p
\v 13 Taciang, en vun, tua ni in amate sungpan mi ni te sia, Jerusalem pan tai sali kiim a khuala na mun Emmaus a kici khua ah pai khawm uh hi.   
\p
\v 14 Amate in hi thu piang te theampo kikum uh hi.   
\p
\v 15 Tabang a kikup le a ngaisut khop uh laitak in Jesus Ama mama hong nai a, amate taw tonkhawm hi.   
\p
\v 16 Ahihang amate in Jesus a hi hunlam a tel ngawl tu in a mit uh ki humsak hi.   
\p
\v 17 Jesus in amate tung ah, \wj Na paikawm in bang thu kikum nu ziam, banghang in maikhing nu ziam?\wj* ci hi.   
\p
\v 18 Amate sung pan khat ahi, Cleopas a kici pa in, tulai thu piang te he ngawl in Jerusalem ah khual a haw nangmabek ni ziam? ci in zo kik hi.   
\p
\v 19 Taciang Jesus in amate tung ah, \wj Bang thu te ziam?\wj* ci hi. Amate in, Pathian le mi theampo mai ah sep na le kammal taw a vanglian mama kamsang khat, Nazareth mi Jesus thu a hihi:   
\p
\v 20 Thiampi lian te le ka ngam uk te in, thidan thuak tu in mawsiat uh a, thinglamte tung ah khai hi.   
\p
\v 21 Ahihang Ama sia Israel te ngumpa tu in, ka lam-et mama uh a hihi: bek domngawl in, tu ni hi thu te a pian zawk ni thum na hi zo hi.   
\p
\v 22 Kote sung ah numei te in hong lungmangsak belap lai hi, amate zingtung in than ah pai tek uh a;   
\p
\v 23 A luang a mu ngawl uh ciang in, heakkik uh a, amate in vantungmi te hong kilang mu uh hi, tua vantungmi in, Ama nungta hi, ci hi.   
\p
\v 24 Taciang kote sung pan mi pawlkhat te than ah pai uh a, numei te sonbang in mu uh hi: ahihang Ama a mu bua uh hi, ci hi.   
\p
\v 25 Taciang in Jesus in amate tung ah, \wj Aw mi mamaw te, kamsang te sonkholsa um tu in na lungtang uh hai lei hi:\wj*   
\p
\v 26 \wj Christ in hi thu te theampo a thuak zawkciang in Ama minthanna sung ah tum tu hi ngawl ziam?\wj* ci hi.   
\p
\v 27 Moses laibu pan kipan kamsang laibu theampo laithiangtho theampo sung ah Ama thu a ki at te amate tung ah hilthiang hi.   
\p
\v 28 A pai natu khua a thet dektak uh ciang: Jesus sia paisuak lai tu bang in om hi.   
\p
\v 29 Ahihang amate in, koma kung ah hong tam tan: banghangziam cile nitak sang hi zo a, khua niam mama zo hi, ci in tho hamtang uh hi. Taciang amate taw tam tu in pai hi.   
\p
\v 30 Tua zawkciang in, amate taw an ne tu in to khawm tek uh hi, taciang anluum la a thupha pia hi, taciang phel a, amate pia hi.   
\p
\v 31 Amate mitte te honsak a, amate in Jesus he uh hi; taciang amate mitmu pan in na bo zo hi.   
\p
\v 32 Amate khat le khat kung ah, lamkal ah hong paupui a, laithiangtho hong hilthiang laitak in, i thinsung ah mei bang in hong kang hi ngawl kana ziam? kici khawm uh hi.   
\p
\v 33 Amate tua laitak ma in ding uh a, Jerusalem ah heakkik uh hi, taciang Sawltak sawm le khat te le a dang te munkhat ah a ki kaikhawm tek mu uh a,   
\p
\v 34 Topa sia tho takpi hi, taciang Simon kung ah kilang zo hi, ci uh hi.   
\p
\v 35 Amate in lamkal lak ah thu piang te le anluum a bal ciang in Topa hi, ci a heak thu te son uh hi.   
\s1 Nungzui te Kung ah Jesus Kilak  
\r Jn. 20:19-23; Sawl. 1:6-8  
\p
\v 36 Amate a kikup uh laitak in, Jesus sia amate laizang ah hong ding a, \wj Note tung ah thinnopna om tahen, \wj* ci hi.   
\p
\v 37 Ahihang amate in thitha mu ki sa uh a, lau mama uh hi.   
\p
\v 38 Jesus in amate tung ah, \wj Banghang in patau nu ziam? banghang in na thinsung uh ah a tatuam ngaisun nu ziam?\wj*   
\p
\v 39 \wj En vun, ka khut le ka peang te, keima tatak ma khi hi: hong tham tavun a hong en tavun; ngu le tang te ka nei na mu uh bang in, thitha in ngu le tang nei ngawl hi, \wj* ci hi.   
\p
\v 40 Jesus in a son zawkciang in, amate a khut le a peang te lak hi.   
\p
\v 41 Amate lungdam le lamdang asak uh hu in a up ngawl uh ciang, Jesus in amate tung ah, \wj Ziak sung ah neak thei khatpo na nei uh ziam?\wj* ci hi.   
\p
\v 42 Amate in ngasa em bakkhat le khuai phang khat pia uh hi.   
\p
\v 43 Jesus in la a, amate mai ah ne hi.   
\p
\v 44 Taciang Jesus in amate tung ah, \wj Hi kammal te sia note taw ka om lai in kong son te a hihi, Moses thukham, kamsang laibu te le Psalms labu sung ah keima thu a ki atkhol theampo te a tangtut hamtang na a hihi, \wj* ci hi.   
\p
\v 45 Taciang laithiangtho a tel thei natu in amate heaktheina honsak a,   
\p
\v 46 Amate tung ah, \wj Hibang in ki atkhol hi, Christ sia a thuak kul hamtang a, thina pan nithum ni ciang in thokik tu hi:\wj*   
\p
\v 47 \wj Jerusalem pan kipan in minam theampo tung ah, Ama min taw mawna ki sikkik na le mawmaisak na thu pualak tu hi.\wj*   
\p
\v 48 \wj Taciang note sia hi thu te i tetti te na hi uh hi.\wj*   
\p
\v 49 \wj Taciang, en vun, ka Pa kamciam sia note tung ah hong puak khi hi: ahihang tungsang pan vangletna taw hong tuam mateng, Jerusalem ah om nginge vun, \wj* ci hi.   
\s1 Jesus Van Ka  
\r Sawl 1:9-11  
\p
\v 50 Taciang Jesus in amate sia Bethany dong paipui a, a khut lamto in, amate thupha pia hi.   
\p
\v 51 Thupha a piak laitak in, amate kung pan kikhen a, vantung ah ki lato hi.   
\p
\v 52 Amate in Jesus a biak zawk uh ciang in, Jerusalem ah lungdamna lianpi taw heakkik tek uh hi:   
\p
\v 53 Amate tatsat ngawl in biakinn sung ah om uh a, Pathian pok in thupha pia tek uh hi. Amen.