\id JHN - SYN- Siyin Bible 
\ide 65001 - Unicode (UTF-8)
\h JOHN 
\toc1 JOHN 
\toc2 John 
\toc3 Jn 
\mt1 JOHN  
\mt2 John  
\c 1  
\s1 Thu Mihing in Piang  
\p
\v 1 A kipatcil in Thu om hi, tua thu sia Pathian taw omkhawm a, tua Thu in Pathian a hihi.   
\p
\v 2 Tua thu sia a kipatcil in Pathian taw omkhawm hi.   
\p
\v 3 Na theampo Ama vawt a hihi; a kivawt theampo sung ah Ama kihel ngawl in a kivawt khatzong a om bua hi.   
\p
\v 4 Ama sung ah nuntakna om a; tua nuntakna sia mihing te i khuavak a hihi.   
\p
\v 5 Taciang khuavak sia khuazing sung ah tang a; khuazing in Ama a he bua hi.   
\p
\v 6 Pathian kungpan hong ki sawl mi khat om a, ama min sia John a hihi.   
\p
\v 7 John sia tetti tu in hongpai a, mi theampo in ama tungtawn in a up thei natu, khuavak tettipang tu in hongpai hi.   
\p
\v 8 Ama sia tua Khuavak hi ngawl hi, ahihang tua Khuavak tettipang tu in a ki sawl a hihi.   
\p
\v 9 Tasia sia Khuavak tatak hi a, mi theampo taan tu in hi leitung ah hongpai hi.   
\p
\v 10 Ama sia leitung ah om a, leitung sia Ama vawtsa a hihi, taciang leitung in Ama a he bua hi.   
\p
\v 11 Ama minam te kung ah hongpai napi, a minam te in Ama a sang bua hi.   
\p
\v 12 Ahihang a sang te theampo tung ah, Pathian tapa sua na vangletna pia hi, tua te sia Ama min a umte a hihi:   
\p
\v 13 Ama te sia thisan, ci le sa deina, le mihing deina tungtawn in a piang a hi bua uh hi, ahihang Pathian deina tungtawn in a piang a hihi.   
\p
\v 14 Tua thu sia ci le sa in hong ki vawt a, taciang thuthiamna le thutak taw kidim in eite sung ah hong om a, Pa i Tapa a neisun minthanna bang in a minthanna i mu hi.   
\p
\v 15 John in Ama thu tettipang in a au na aw sia, ka nung pan hongpai pa sia kei sang in thupi zaw hi: banghangziam cile Ama sia kei pian ma in om zo hi: A thu ka sason sia Ama a hihi, ci hi.   
\p
\v 16 Ama kicinna pan in i vekpi in hesuakna khat zawkciang khat i sang tato hi.   
\p
\v 17 Banghangziam cile thukham sia Moses tungtawn in hong kipia hi, ahihang thuthiamna le thutak ahile Jesus Christ tungtawn in hongpai hi.   
\p
\v 18 Kuama in Pathian sia bangmahun in mu ngei ngawl hi; Pa kangsung ah a om khatbek a nei a Tapa in, Pa thu hong tangko zo hi.   
\s1 Tuiphumpa John  
\r Matt 3:1-12; Mk 1:1-18; Lk 3:1-18  
\p
\v 19 Hi thu sia, nang sia a kua ni ziam? ci dong tu in Judah te in thiampi te le Levite te Jerusalem pan a sawl uh ciang in, John i a cepte thu a hihi.   
\p
\v 20 John in nial peuma ngawl in, keima sia Christ hi ngawl khi hi; ci in pualak hi.   
\p
\v 21 Amate in, tua a hile a kua ni ziam? Elijah ni ziam? ci in dong uh hi. Taciang John in, hi ngawl khi hi, ci hi. Amate in, kamsang tasia ni ziam? ci in a dok leleau uh ciang in, hi ngawl khi hi, ci in zo hi.   
\p
\v 22 Amate in, nang a kua ni ziam? tua hile hong sawl te kung ah son thei tu khu hi. Nangma le nangma kua ka hi ci ni ziam? ci uh hi.   
\p
\v 23 John in, kamsang Isaiah sonkholsa bang in, Topa i lampi tangsak vun, ci in ngamsung pan a au Aw ka hihi, ci hi.   
\p
\v 24 Amate sia Pharisee te in sawl in a paisak te a hi uh hi.   
\p
\v 25 Amate in, Christ na hi bua a, Elijah le hi ngawl, kamsang le hi tuan ngawl napi, banghang in tuiphumna pia ni ziam? ci in dong uh hi.   
\p
\v 26 John in, keima in tui taw tuiphumna kong pia hi: ahihang na heak ngawl uh mi khat note sung ah ding nginge hi;   
\p
\v 27 Ama sia, ka nung pan hongpai a, kei sang in thupi zaw hi, kei sia a peangdap khau sutsak tu zong ka kilawm bua hi, ci hi.   
\p
\v 28 Hi thu te sia John in tuiphumna a piak na mun, Jordan ngun ngal Bethabara ah a sep thu a hihi.   
\s1 Pathian Tuuno  
\p
\v 29 A zingciang in John in Jesus a kung ah hongpai mu a, en vun, leitung mawna a pua Pathian Tuuno.   
\p
\v 30 Hi sia pa sia, ka nung pan hongpai a, kei sang in thupi zaw hi: banghangziam cile kei pian ma in om zo hi, ci ka son sia Ama a hihi.   
\p
\v 31 Ama ka he bua hi: ahihang Ama sia Israel te tung ah kilangsak tu hi, tua ahikom keima hongpai in tui taw tuiphumna pia khi hi.   
\p
\v 32 Taciang John in ceptena tettipang a, Thaa sia vantung pan vakhu bang in tuaksuk a, Ama tung ah a tu ka mu hi.   
\p
\v 33 Ama ka he bua hi: ahihang tui taw tuiphumna pia tu in, hong sawl sia in, Ama tung ah Thaa hong tuaksuk tu a, tua na mu uh sia sia, Tha Thiangtho taw tuiphumna pia tu pa hi, ci in hong son hi.   
\p
\v 34 Ama ka mu zo a, hisia pa sia Pathian Tapa a hihi, ci in ceptena tettipang khi hi, ci hi.   
\s1 Nungzui Masa te Sapna  
\p
\v 35 A zingciang in John le a nungzui ni te hong dingkik uh a;   
\p
\v 36 Jesus hongpai a mu ciang in, en vun Pathian Tuuno! ci hi.   
\p
\v 37 Taciang nungzui nite in tua thu a zak uh ciang, Jesus nung zui uh hi.   
\p
\v 38 Tua zawkciang in Jesus in a nungsang le-et a, amate i zui a mu ciang, amate tung ah, \wj Bang zong nu ziam?\wj* ci hi. Amate in, Rabbi awng koisung ah om ni ziam? ci uh hi. Rabbi a khiakna sia syapa awng, a cinopna a hihi.   
\p
\v 39 Jesus in amate tung ah, \wj Hongpai tavun a hong en tavun, \wj* ci hi. Amate hongpai uh a, a omna mun mu uh hi, taciang tua ni sia Ama taw omkhawm uh hi: banghangziam cile a hun sia nitak sang nai li pawl a hihi.   
\p
\v 40 John i son thu a za mihing ni te sung ah khat sia Simon Peter suapui pa, Andrew a hihi.   
\p
\v 41 A masaphit in a u Simon taw ki si uh a, ko Messiah taw ki mu zo khu hi, ci son hi. Messiah a khiakna sia Christ a ci nopna hi.   
\p
\v 42 Ama in Jesus kung ah paipui hi. Jesus in ama a et ciang in, \wj Nangma sia Jonah i tapa Simon na hihi: nang sia Cephas hong kici tu hi, \wj* ci hi, Cephas a khiakna sia suangpi a cinopna a hihi.   
\s1 Jesus in Philip le Nathanael Sam  
\p
\v 43 A zingciang in Jesus sia Galilee ah pai nuam hi, taciang Philip taw ki si a, ama kung ah, \wj Hong zui tan, \wj* ci hi.   
\p
\v 44 Philip sia Bethsaida khua mi hi a, Andrew le Peter te i khua a hihi.   
\p
\v 45 Philip sia Nathanael taw ki mu a, ama kung ah, Moses i thukham sung le kamsang te in a atkholsa, Joseph tapa Nazareth mi Jesus sia mu zo khu hi, ci hi.   
\p
\v 46 Taciang Nathanael in, Nazareth khua pan na pha piang thei na ziam? ci hi. Philip in, hongpai tan a, en in, ci hi.   
\p
\v 47 Jesus in Nathanael hongpai a mu ciang in, \wj En vun, Israel mi tatak a hihi, a sung ah theamna om ngawl hi!\wj* ci hi.   
\p
\v 48 Nathanael in, bangbang in hong he thei ni ziam? ci hi. Jesus in, \wj Philip in nang hong sap ma theikung nuai ah na to laitak in, kong mu zo hi, \wj* ci hi.   
\p
\v 49 Nathanael in, Rabbi, nangma sia Pathian Tapa na hihi; nangma sia Israel Kumpi na hihi, ci hi.   
\p
\v 50 Jesus in, \wj Theikung nuai ah na to laitak kong mu hi, ka ci hang in hong um ni ziam? Hi te sang in a lianzaw nate na mu lai tu hi, \wj* ci in zo kik hi.   
\p
\v 51 Jesus in ama kung ah, \wj Amantak in kong ci hi, a ngei ngawl in van a ki hong na mu tu a, mihing Tapa tung ah Pathian i vantungmi te a tuaksuk le a kato na mu tu hi, \wj* ci hi.   
\c 2  
\s1 Cana Khua Mopoai  
\p
\v 1 Ni thum ni ciang in Galilee huam Kana khua ah mopoai om a; tua mun ah Jesus i nu zong om hi:   
\p
\v 2 Taciang Jesus le a nungzui te zong mopoai ah ki sam hi.   
\p
\v 3 Amate sapittui a ki sap uh ciang in, a nu in Jesus kung ah, amate in sapittui nei nawn ngawl hi, ci hi.   
\p
\v 4 Jesus in, \wj Nunei awng, nang taw bang kisai hi ziam? ka hun cing ngawllai hi, \wj* ci hi.   
\p
\v 5 A nu in naseam te kung ah, hong son theampo seam vun, ci hi.   
\p
\v 6 Tua mun ah Judah te ngeina bang in, thiansuana tu in suang tuibeal luk koi uh hi, beal khat sung ah tui gallon kul pan sawmthum kiim ta hi.   
\p
\v 7 Jesus in amate tung ah, \wj Tuibeal te tui dim vun, \wj* ci hi. Taciang amate in a dim in tui dim uh hi.   
\p
\v 8 Jesus in amate tung ah, \wj Tu in tui suak vun a, poai ukpa kung ah paipui vun, \wj* ci hi. Taciang amate in paipui uh hi.   
\p
\v 9 Poai uk pa in tua sapittui a ki suaksak tui a tep zawkciang in, koisung pan ci a he bua hi: ahihang naseam tuitoai te in he uh hi; poai uk pa in mopa sam a,   
\p
\v 10 Ama kung ah, midang te in sapittui a pha te koi masa hi; amate in a khomkhat tek a dawn zawk uh ciang in, a pha ngawl zawhiat te koi hi: ahihang nang na hile sapittui a pha te tu dong ciang in na khealsia lai hi, ci hi.   
\p
\v 11 Jesus in hi amasabel nalamdang sia Galilee huam Cana khua ah vawt a, a minthanna kilangsak hi; taciang nungzui te in Ama um uh hi.   
\p
\v 12 Hite zawkciang in, Jesus le a nu, a suapui te le a nungzui te sia Capernaum ah pai uh a: tua mun ah ni tampi sung taam ngawl hi.   
\s1 Biakinn Thiansua  
\r Matt 21:12-17; Mk 11:15-19; Lk 19:45-48  
\p
\v 13 Judah te paisanpoai hong naizo a himan in, Jesus sia Jerusalem ah pai hi.   
\p
\v 14 Biakinn sung ah khuital, tuu le vakhu zuak te le sumtheak te a to hon uh laitak mu hi:   
\p
\v 15 Ciangduai tang in khauhual vawt a, tuu le khuital te biakinn sung pan in bengkeak hi; taciang sumtheak te i sum te sung keak a, sabuai te zong lotthalsak hi;   
\p
\v 16 Taciang vakhu zuak te tung ah, \wj Hi van te hi mun pan in lasiat vun; ka Pa inn sia sumzuakna mun suaksak heak vun, \wj* ci hi.   
\p
\v 17 A nungzui te in, na inn i lawpna in hong ne siat hi, ci a ki atkhol sia phawk uh hi.   
\p
\v 18 Judah mite in zo kik a, hibang te vawt na hikom in bang musakna hong lak tu ni ziam? ci uh hi.   
\p
\v 19 Jesus in zo kik a, \wj Hi biakinn pheltham vun, nithum sung sakik tu khi hi, \wj* ci hi.   
\p
\v 20 Judah mite in, hi biakinn sia kum sawmli le kum luk sung a kisa a hihi, nithum sung tung kik zo tu ni ziam? ci uh hi.   
\p
\v 21 Ahihang Jesus in Ama pumpi biakinn a son na a hihi.   
\p
\v 22 Tua ahikom Jesus sia thina pan a thawkik ciang in, a nungzui te in hi thu te son a hi hunlam phawkkik uh hi; taciang amate in laithiangtho le Jesus i son thu te um uh hi.   
\s1 Jesus in Mihing Thinsung He  
\p
\v 23 Tu in Jesus sia Jerusalem ah paisanpoai ni in, nalamdang tampi a vawt te a mu uh hu in, mi tampi in Ama min um uh hi.   
\p
\v 24 Ahihang Jesus in amate tung ah Ama le Ama ki ap ngawl hi, banghangziam cile mi theampo a heak hang a hihi,   
\p
\v 25 Kuama in mihing te thu tettipan kul ngawl hi: banghangziam cile mihing sung ah bang om ziam, ci Ama in he hi.   
\c 3  
\s1 Jesus Le Nicodemus  
\p
\v 1 Judah mite i lampui, a min Nicodemus a kici Pharisee khat om hi:   
\p
\v 2 Ama sia Jesus kung ah zan ciang in hongpai a, Rabbi\f + \fr 3:2 \fq Rabbi \ft Syapa a cinopna hi\f*, nang sia Pathian kung pan in hongpai syapa ni hi, ci hong he khi hi: banghangziam cile na vawt nalamdang te sia Pathian in ompui ngawl hile, kuama in vawt thei ngawl hi, ci hi.   
\p
\v 3 Jesus in ama kung ah, \wj Thuman, thutak in kong ci hi, mihing khat sia a suakkik bua ahile Pathian kumpingam a mu bua tu hi, \wj* ci in zo hi.   
\p
\v 4 Nicodemus in, mihing khat a huai zawkciang bangbang in suakkik thei tu ziam? A nu ngil sung ah a ni vei na tum in suakkik tu ziam? ci hi.   
\p
\v 5 Jesus in, \wj Aman tak in kong son hi, mihing khat sia tui le Thaa taw a suak bua a hile, Pathian kumpingam sung ah tum thei ngawl tu hi.\wj*   
\p
\v 6 \wj Ci le sa taw a suak sia ci le sa hi; taciang Thaa taw a suak sia thaa a hihi.\wj*   
\p
\v 7 \wj Na sua kik kul tu hi kong ci hangin, lamdang na sa heak in.\wj*   
\p
\v 8 \wj Vui sia a uknapo pan in hongpai hi, taciang a nging za ni hi, ahihang kongpan hongpai a, koisang ah pai ziam, ci son thei ngawl ni hi: tasia bangma in Thaa taw a suak te zong tabangma a hihi, \wj* ci ni.   
\p
\v 9 Nicodemus in, bangbang in hi thu te piang thei tu ziam? ci in zo hi.   
\p
\v 10 Jesus in zo a, \wj Nangma sia Israel te sya khat hi napi, hi thu te he ngawl ni ziam?\wj*   
\p
\v 11 \wj Aman tatak kong ci hi, kote ka hi uh le ka heak thu uh son khu hi, taciang ka mu uh thu te tettipang khu hi; taciang note in ka tetti pan uh sia hong sang ngawl nu hi.\wj*   
\p
\v 12 \wj Leitung thu te kong son a, um ngawl na hile, bangbang in vantung thu te kong son ciang in um thei tu ni ziam?\wj*   
\p
\v 13 \wj Van om a, van pan hong tuaksuk, mihing Tapa simngawl kuama van ah kato ngawl hi.\wj*   
\p
\v 14 \wj Moses in senneal ngam ah ngul a khai bang in, mihing Tapa zong ki khai tu hi:\wj*   
\p
\v 15 \wj A kuamapo Ama a um peuma, ki siacip ngawl tu a, tawntung nuntakna nei hi.\wj*   
\p
\v 16 \wj Banghangziam cile Pathian in leitung mite it mama ahikom a Tapa neisun pia hi, akuamapo Ama a um peuma kisia ngawl tu a, nuntak tawntungna nei hi.\wj*   
\p
\v 17 \wj Banghangziam cile Pathian in leitung mite mawsiat tu in a Tapa leitung ah hong paisak ngawl hi; ahihang Ama hang in leitung mite ngupna a nga natu in hongpaisak hi.\wj*   
\p
\v 18 \wj Ama a um peuma mawsiat nataw kipeal hi: ahihang a um ngawl peuma sia mawsiatna thuak zo hi, banghangziam cile Pathian i a neisun a Tapa i min a up ngawl uh hang a hihi.\wj*   
\p
\v 19 \wj Taciang hi thu sia mawsiatna hi, khuavak sia leitung ah hongpai a, mihing te in khuavak sang in khuazing dei zaw uh hi, banghangziam cile amate sep nate a phat ngawl hang a hihi.\wj*   
\p
\v 20 \wj Banghangziam cile na pha ngawl a vawt peuma in khuavak sia ensan uh hi, tabang hi bale a vawtna te tung ah kitekna thuak tu uh hi.\wj*   
\p
\v 21 \wj Ahihang thuman a seam peuma in, a sep uh po Pathian deina taw seam hi, ci kilangsak tu in khuavak sung ah hongpai uh hi, \wj* ci hi.   
\p
\v 22 Hiteng zawkciang in Jesus le a nungzui te Judah ngamsung ah pai uh hi; tua mun ah amate taw omkhawm uh a, tuiphumna pia hi.   
\p
\v 23 John zong Salim pan a nai na mun Aenon ah tuiphumna pia hi, banghangziam cile tua mun ah tui tam mama om hi: taciang amate hongpai uh a tui kiphum uh hi.   
\p
\v 24 Banghangziam cile John sia thong a tak laitak a hihi.   
\p
\v 25 Tua zawkciang in John i nungzui te le Judah mite kilaklaw ah ki thiansua na taw kisai thu dok na hong piang hi.   
\p
\v 26 Amate John kung ah hongpai uh a, Rabbi, Jordan ngunngal ah nangma taw om a, Ama thu tetti na pansak pa, en in, tua pa in tuiphumna pia a, mi theampo a kung ah pai uh hi, ci hi.   
\p
\v 27 John in, vantung pan a ki pia simngawl mihing in bangma peuma sang thei ngawl hi.   
\p
\v 28 Keima sia Christ hi ngawl khi hi, ahihang Ama mai ah a ki sawlpa ka hihi, ka ci thu ah note ka tetti na hi uh hi.   
\p
\v 29 Mo nei sia mopa a hihi: ahihang mopa a dinpui pa le, a aw a za a lawmpa sia, mopa i aw hang in nasiatak in lungdam hi: tua ahikom ka lungdamna pawlcing hi.   
\p
\v 30 Ama sia puicing va-ial tu hi, ahihang kei ka hile ka kiam va-ial tu hi.   
\p
\v 31 Tungsang pan hongpai pa sia na theampo i tung ah om hi: leitung pan hongpai pa sia leitung mi hi a, leitung thu son hi: vantung pan hongpai pa sia na theampo i tung ah a hihi.   
\p
\v 32 Ama in a mu le a zak sa thu te son a, ama tettipan na sia kuama in sang ngawl hi.   
\p
\v 33 Ama tettipan na a sang peuma in Pathian sia thuman hi, ci ama ceptena\f + \fr 3:33 \fq Ceptena \ft Seal tum\f* khen hi.   
\p
\v 34 Banghangziam cile Pathian i sawl pa in Pathian thu te son hi: banghangziam cile Pathian in Thaa khaikhin in hong pia ngawl hi.   
\p
\v 35 Pa in Tapa it a, na theampo a khutsung ah pia zo hi.   
\p
\v 36 Tapa a um peuma tawntung nuntakna nei hi: Tapa a um ngawl peuma in nuntakna mu ngawl tu hi; ahihang Pathian thin-ukna a tung ah om tu hi, ci in zo hi.   
\c 4  
\s1 Jesus le Samaria Nu  
\p
\v 1 Tua ahikom Jesus in John sang in nungzui tam koi zaw a, tuiphumna pia hi, ci thu Pharisee te in zazo uh hi, ci Topa in a heak ciang in,   
\p
\v 2 Jesus Ama vateak in tuiphumna pia ngawl hi, ahihang a nungzui te bek in pia hi,   
\p
\v 3 Judah ngam nusia in Galilee ngam sung ah paikik uh hi.   
\p
\v 4 Taciang Jesus sia Samaria ngamsung a kantan ngawl phamaw hi.   
\p
\v 5 Sychar a kici, Samaria ngam khuapi khat, Jacob in a tapa Joseph a piak lo ngam nai na ah Jesus theng hi.   
\p
\v 6 Tua mun ah Jacob tuikhuk om hi. Jesus sia a khualhaw na toi ahikom in, tuikhuk hui ah to hi: tua hun sia sun nai sawm le nai ni pawl a hihi.   
\p
\v 7 Samaria numei khat tuitoai tu in hongpai a: Jesus in a kung ah, \wj Ka dawn tu hong pia tan, \wj* ci hi.   
\p
\v 8 Banghangziam cile a nungzui te khuapi sung ah an lei tu in pai uh hi.   
\p
\v 9 Taciang in Samaria numei nu in, nang sia Judah mi na hi a, kei sia Samaria numei ka hihi, bangbang in tui dawn tu hong ngen ni ziam? ci hi. Banghangziam cile Judah te in Samaria te taw ki pawlkhawm ngei ngawl uh hi.   
\p
\v 10 Jesus in a kung ah hibang in ci hi, \wj Pathian i letsong le nangma hong paupui sia kua ci he le te, Ama kung ah, tui dawn tu hongpia tan, ci in ngen zawsap tu ni hi; taciang Ama in nuntakna tui hongpia tu hi, \wj* ci in zo hi.   
\p
\v 11 Numei nu in, Topa awng, tuitoai natu le bangma na nei bua a, tuikhuk zong thuk mama si hi: koisungpan tua nuntakna tui nei tu ni ziam?   
\p
\v 12 Nangma in ka pa uh Jacob sang in lianzaw ni ziam? ama in tuikhuk hong pia a, ama tatak ma, a tate le nganno te zong in dawn hi, ci hi.   
\p
\v 13 Jesus in a kung ah, \wj A kuamapo hi tui a dawn peuma dangtak kik tu hi:\wj*   
\p
\v 14 \wj Ahihang keima i ka piak tu tui a dawn peuma a dangtak kik nawn ngawl tu hi; ahihang ka piak tu tui sia ama sung ah tawntung nuntakna a piangsak ciktui hi tu hi, \wj* ci hi.   
\p
\v 15 Numei nu in, Topa awng, dangtak ngawl tu le hi mun ah tuitoai pai kul ngawl tu in, hi tui hong pia tan, ci hi.   
\p
\v 16 Jesus in, \wj Pai in, na pasal sam tan a hi mun ah hongpai tan, \wj* ci hi.   
\p
\v 17 Numei nu in, pasal ka nei bua hi, ci in zo hi. Jesus in, \wj Pasal nei ngawl khi hi na ci sia pha hi:\wj*   
\p
\v 18 \wj Banghangziam cile pasal nga na nei zo hi; taciang tu in na nei sia zong na pasal hi ngawl hi: tua thu ah a mantak in na son hi, \wj* ci hi.   
\p
\v 19 Numei nu in, Topa awng, nangma sia kamsang ni hi, ci hong he khi hi.   
\p
\v 20 Ka pa te uh in hi mual tung ah biakpia uh hi; taciang note in Jerusalem ah na biak tu uh a hihi, na ci uh hi, ci hi.   
\p
\v 21 Jesus in ama tung ah, \wj Numei awng, hong um tan, Pa sia hi mualtung ah ahizong, Jerusalem ah ahizong, na biak ngawl uh hun hong theng tu hi.\wj*   
\p
\v 22 \wj Na biak uh sia bang ziam, ci na he bua uh hi: kote in bang bia khu ziam, ci ka he uh hi: banghangziam cile ngupna sia Judah mite kung pan in hongpai hi.\wj*   
\p
\v 23 \wj Ahihang a mantak in a bia te in, Pa sia thaa le thutak taw a biak tu uh hun hong theng tu hi, tu in tua hun hong theng zo hi: banghangziam cile Pa in tabang in Ama a bia te zong hi.\wj*   
\p
\v 24 \wj Pathian sia Thaa a hihi: taciang a bia peuma in thaa le thutak taw a biak tu uh a hihi, \wj* ci hi.   
\p
\v 25 Numei nu in a kung ah, Christ a kici Messiah sia hongpai tu a: hongpai ciang in, Ama in na theampo hong son tu hi, ci hi.   
\p
\v 26 Jesus in, \wj Na kung ah nang hong paupui sia, tua pa ka hihi, \wj* ci hi.   
\p
\v 27 Taciang in a nungzui te hongpai uh a, numei nu taw a ki paupui sia lamdangsa mama uh ahihang: kuama in bang zong ni ziam? a hibale, banghang in numei nu taw ki paupui ni ziam? a ci bua uh hi.   
\p
\v 28 Tua numei nu in a tuibeal nusia in, khuasung ah pai a, mite tung ah,   
\p
\v 29 Ka sep theampo hong son pa sia pai vun a, en vun: hi sia in Christ hi ngawl ziam? ci hi.   
\p
\v 30 Tabang in khuasung pan pusuak uh a, Jesus kung ah hongpai hon uh hi.   
\p
\v 31 Tua laitak in a nungzui te in, Syapa awng, an ne in, ci uh hi.   
\p
\v 32 Ahihang ama in, \wj Note i heak ngawl an neak tu ka nei hi, \wj* ci hi.   
\p
\v 33 Tua ahikom khatpo in neak tu puak a hi tam? ci in a nungzui te khat le khat ki dong uh hi.   
\p
\v 34 Jesus in amate kung ah, \wj Keima hong sawlpa deina bang sep tu le Ama nasep ka zaw tu sia keima an a hihi.\wj*   
\p
\v 35 \wj Tu zo tha li ciang in anlak hun hong theng tu hi, ci hi ngawl nu ziam? dak vun a, lo te en vun; amate ang zo a, anlak hun zo hi, kong ci hi.\wj*   
\p
\v 36 \wj Taciang anla peuma in sep thaman nga tu a, tawntung nuntakna atu in thing nga te kaikhawm tu hi: taciang thaici a poai te le anla te lungdam khawm tu uh hi.\wj*   
\p
\v 37 \wj Khat in thaici poai a, a dang khat in anla hi, a ci sia a thuman a hihi.\wj*   
\p
\v 38 \wj Na sep ngawl na uh lo sung ah anla tu in kong sawl hi: midang te in seam uh a, taciang midang te sepnasa sung ah note na tum uh hi, \wj* ci hi.   
\p
\v 39 Numei nu in, ka sep theampo Ama in hong son hi, ci in son ahikom, Samaria khua sung mi tampi te in Jesus um uh hi.   
\p
\v 40 A kung ah Samaria mite hongpai ciang in, amate taw om tu in kun uh a: tua mun ah ni ni sung taam hi.   
\p
\v 41 Jesus Ama kam vateak hang in a um mihing hong tam seseam hi;   
\p
\v 42 Taciang numei nu kung ah, tu in nangma son bek taw hi ngawl in, koma vateak in ka zak uh hu in um khu hi, taciang Ama sia leitung ngum tu Christ a hihi, ci ka he uh hi, ci uh hi.   
\s1 Jesus in Capernaum Khua ah Cina Damsak  
\p
\v 43 Ni ni zawkciang in, Jesus tua mun pan in pusuak a, Galilee ah pai hi.   
\p
\v 44 Banghangziam cile Jesus ama vateak in, kamsang sia ama ngam ah ki zakta ngawl hi, ci in tettipang hi.   
\p
\v 45 Galilee ah hongpai ciang in, Galilee mite in Ama sang uh hi, banghangziam cile Jerusalem poai ah amate pai uh a: a sep theampo mu uh hi.   
\p
\v 46 Tua ahikom Jesus in tui pan sapittui a suasak na mun, Galilee huam Cana khua ah paikik hi. Tua khua ah ulian khat om a, a tapa Capernaum khua ah a cina hi.   
\p
\v 47 Jesus sia Judah ngam pan in pusuak a, Galilee ah om hi, ci a zak ciang in, a kung ah pai hi, Capernaum khua ah pai in, a tapa damsak tu in ngen hi: banghangziam cile a tapa thi dektak hi.   
\p
\v 48 Jesus in ama kung ah, \wj Musakna te le nalamdang te na mu bua uh le, na um bua uh hi, \wj* ci hi.   
\p
\v 49 Tua ulian pa in, Topa awng, ka tapa a thi ma hongpai tan, ci hi.   
\p
\v 50 Jesus in ama kung ah, \wj Va pai tan, na tapa nungta hi, \wj* ci hi. Tua pa in Jesus kammal um in pai hi.   
\p
\v 51 A pai laitak in, a naseam te in dawntua a, na tapa nungta hi, ci son hi.   
\p
\v 52 Ama in a tapa bang hun laitak in damzaw ziam, ci dong hi. A naseam te in sun nai khat pawl in a cisa dam hi, ci uh hi.   
\p
\v 53 Tua hun sia Jesus in, \wj Na tapa nungta hi, \wj* a ci lian laitak hi, ci a pa in he hi: taciang ama vateak le a innkuan bup in um uh hi.   
\p
\v 54 Hi thu sia Judah ngam pan in Galilee huam ah Jesus a paizawk nalamdang a vawt ni vei na a hihi.   
\c 5  
\s1 Kum Sawmthum le Kum Liat Cina Damsak  
\p
\v 1 Tua zawkciang in Judah mite i poai om a; Jesus sia Jerusalem ah pai hi.   
\p
\v 2 Jerusalem tuu kongpi hui, Hebrew kam in Bethesda a kici tuili khat om a, buk nga zong om hi.   
\p
\v 3 Hi buk nga sung ah natna namcin a thuak cina tampi, mittaw, peangbai le langngaw te sia tui kilok tu ngak in lum uh hi.   
\p
\v 4 Banghangziam cile hun khakhat ciang in tuili sung ah vantungmi hong tuaksuk a, tuili sau hi: tua tui a sau zawkciang in tuisung ah a tuaksuk masabel sia bang natna po ahizong dam hi.   
\p
\v 5 Tua mun ah, kum sawmthum le kum liat sung a dam ngawl khat om hi.   
\p
\v 6 Jesus in tua pa a lum a mu ciang in, kum tam mama sung om zo hi ci he a, \wj Na dam nuam ziam?\wj* ci hi.   
\p
\v 7 Tua cina pa in, Topa awng, tui a ki lok ciang in tuili sung ah hong koi tu mihing nei ngawl khi hi: taciang, ka pai laitak in ka mai ah ngualdang tuaksuk masa hi, ci in zo hi.   
\p
\v 8 Jesus in, \wj Tho in, na luppha la in a, lampai in, \wj* ci hi.   
\p
\v 9 Thakhat thu in tua pa dam a, a luppha la in lampai hi: tua ni sia sabbath ni a hihi.   
\p
\v 10 Tua ahikom Judah mite in damna a nga pa kung ah, tu ni sia sabbath ni hi: na luppha na puak sia ngeina om ngawl hi, ci uh hi.   
\p
\v 11 Ama in, keima hong damsak pa in, na luppha la in a, lampai in, hong ci hi, ci in zo hi.   
\p
\v 12 Taciang amate in, na luppha la in a, lampai in, hong ci sia bang mihing ziam? ci in dong uh hi.   
\p
\v 13 Damna a nga pa in, a kua ci zong he ngawl hi: banghangziam cile tua mun ah mihonpi te om a, Jesus sia ama le ama na ki heam zo hi.   
\p
\v 14 Tua zawkciang Jesus in tua pa sia biakinn sung ah mu a, \wj En in, na dam zo hi: mawna vawt nawn heak in, tabang a hibale na tung ah a nasia zaw hong theng tu hi, \wj* ci hi.   
\p
\v 15 Tua pa pai in, keima hong damsak pa sia Jesus hi, ci Judah mite son hi.   
\p
\v 16 Tua ahikom Judah te in Jesus vawtsia in, thatlum tu in zong uh hi, banghangziam cile sabbath ni in hibang te a sep hang a hihi.   
\p
\v 17 Ahihang Jesus in, \wj Ka Pa sia tu dong in na seam a, keima zong seam khi hi, \wj* ci in amate zo hi.   
\p
\v 18 Tua ahikom Judah te in Ama that tu in nasia seseam in zong uh hi, banghangziam cile sabbath ni paltan bek domngawl in, Pathian zong Ama Pa ci a, Ama le Ama sia Pathian taw kikimsak hi, ci uh hi.   
\s1 Tapa i Thuneina  
\p
\v 19 Tua zawkciang in Jesus in, \wj A mantak in kong ci hi, Tapa in ama thu in bangma seam thei ngawl hi, ahihang Pa i sep bang in seam hi: banghangziam cile Pa i a sep theampo sia Tapa in zong seam hi.\wj*   
\p
\v 20 \wj Banghangziam cile Pa in Tapa it a, a sep theampo te lak siat hi: taciang hi te sang in a lianzaw nasep te zong lak tu a, lamdang na sa tu uh hi.\wj*   
\p
\v 21 \wj Banghangziam cile Pa in mithi te thokiksak a, nungtasak hi; tasia bangma in Tapa in zong a nuntaksak nop te nungtasak hi.\wj*   
\p
\v 22 \wj Banghangziam cile Pa in kuama thukhen ngawl hi, ahihang thukhenna theampo Tapa tung ah ap siat hi:\wj*   
\p
\v 23 \wj Tua ahikom Pa a zakta peuma in Tapa zong a zatak tu uh a hihi. Tapa a zakta ngawl peuma in Ama a sawl Pa a zakta bua hi.\wj*   
\p
\v 24 \wj A tatak in kong ci hi, ka kammal za a, kei hong sawl pa a um peuma in, tawntung nuntakna nei hi, taciang mawsiatna sung ah theng ngawl tu hi; ahihang thina pan in nuntakna ah kantan zo hi.\wj*   
\p
\v 25 \wj A tatak in kong ci hi, mithi te in Pathian Tapa kammal a zak uh hun hong theng tu a, tu mama zong hi zo hi: taciang a za peuma a nungta tu uh hi.\wj*   
\p
\v 26 \wj Banghangziam cile Pa in ama sung mama ah nuntakna nei hi; tua ahikom Tapa in zong ama sung mama ah nuntakna nei tu in, pia zo hi;\wj*   
\p
\v 27 \wj Tapa i tung ah thukhen theina thuneina pia hi, banghangziam cile ama sia mihing Tapa a hihi.\wj*   
\p
\v 28 \wj Hi thu te lamdangsa heak vun: banghangziam cile than sung a om te theampo in Ama aw a zak tu uh hun hong theng tu a, \wj*   
\p
\v 29 \wj Amate Thankuul sung panin hong pusuak tu hi; na pha a seam ngei te sia tho in nungta tu a, siatna vawt te sia tho in mawna thukhenna thuak tu hi.\wj*   
\p
\v 30 \wj Keima aituam bangma seam thei ngawl khi hi: ka zakna bang in thukhen khi hi: taciang ka thukhenna sia thutang hi; banghangziam cile keima deina ka zong bua hi, ahihang keima hong sawl Pa deina ka zong hi.\wj*   
\p
\v 31 \wj Keima le Keima tetti ka kipang le, ka tettipan na man ngawl hi.\wj*   
\p
\v 32 \wj Keima atu in tetti a pang tu ngual dang khat om hi; taciang keima thu tetti a pan na sia man hi, ci ka he hi.\wj*   
\s1 John  
\p
\v 33 \wj Note in John kung ah na sawl uh a, taciang ama in thutak atu in tettipang hi.\wj*   
\p
\v 34 \wj Ahihang mihing kung pan in tetti pan na sang ngawl khi hi: ahihang hi thu te note ngupna na nga thei natu uh in ka son a hihi.\wj*   
\p
\v 35 \wj John sia a kuang le a tang khuavak a hihi: taciang note ama i khuavak sung ah hunkhat sung nuam na sa uh hi.\wj*   
\s1 Tetti Te  
\s1 \it Nasep Te\it*  
\p
\v 36 \wj Ahihang John sang in a lianzaw tetti nei khi hi: banghangziam cile Pa in zaw tu in hongpiak nasep te ka seam hi, tua nasep te in keima sia Pa i hong sawl hi, ci tettipang hi.\wj*   
\s1 \it Pa Pathian\it*  
\p
\v 37 \wj Taciang kei hongsawl Pa ama vateak in ka thu tettipang hi. Note in Ama aw sia bangma hun in na za ngei bua uh hi, a meal zong na mu ngei bua uh hi.\wj*   
\p
\v 38 \wj A thu sia note sung ah na kipsak bua uh hi: banghangziam cile ama i a sawl pa na um bua uh hi.\wj*   
\s1 \it Lai Thiangtho\it*  
\p
\v 39 \wj Tawntung nuntakna om hi, ci na ngaisut uh hang in, laithiangtho sung ah na zong uh hi; ahihang laithiangtho in keima thu tettipang hi.\wj*   
\p
\v 40 \wj Ahihang nuntakna nga tu in ka kung ah nong pai nuam bua uh hi.\wj*   
\p
\v 41 \wj Mihing te kung pan in upat na ka sang bua hi.\wj*   
\p
\v 42 \wj Ahihang note sung ah Pathian it na nei ngawl nu hi, ci kong he hi.\wj*   
\p
\v 43 \wj Ka Pa min taw kong pai hi, ahihang note in hong sang ngawl nu hi: ngualdang khat ama min taw hongpai le, note in na sang tu uh hi.\wj*   
\p
\v 44 \wj Khat le khat kung pan in zatakna sang a, Pathian kung pan bek in zatak na a zong ngawl peuma, bangbang in um thei tu nu ziam?\wj*   
\p
\v 45 \wj Keima in Pa kung ah kong mawsiat tu hi, ci ngaisun heak vun: note hong mawsiat tu khat om a, tasia in note i na muan mama uh Moses a hihi.\wj*   
\p
\v 46 \wj Banghangziam cile Moses um hile uhte, keima zong hong um tu nu hi: banghangziam cile Moses in keima thu at hi.\wj*   
\p
\v 47 \wj Ahihang ama i at te na um bua uh a hile, ka kammal te bangbang in um thei tu nu ziam?\wj* ci hi.   
\c 6  
\s1 Jesus in Mihing Tul Ngal Anvak  
\r Matt 14:13-21; Mk 6:30-44; Lk 9:10-17  
\p
\v 1 Hi teng zawkciang in, Jesus sia Galilee tuili ah pai hi, tua mun sia Tiberias tuili a hihi.   
\p
\v 2 Taciang mihon tampi in Ama zui uh hi, banghangziam cile cina te tung ah a vawt nalamdang te a mu uh hang a hihi.   
\p
\v 3 Jesus sia mual tung ah kato a, tua mun ah nungzui te taw to khawm uh hi.   
\p
\v 4 Taciang Judah te paisanpoai hong nai zo hi.   
\p
\v 5 Jesus khua a dak ciang in mihon tampi Ama kung ah hongpai mu a, Philip kung ah, \wj Hi te i neak tu anluum koisung pan lei tu ziam?\wj* ci hi.   
\p
\v 6 Hibang in a ci sia Philip a ze-et nop hang a hihi: banghangziam cile Ama in bang ka seam tu ci hekhol zo hi.   
\p
\v 7 Philip in, mi khatsim in tawm tek ne tu ahizong, dangka za ni man anluum zong kicing zo ngawl tu hi, ci zo hi.   
\p
\v 8 A nungzui te sung pan khat, Simon Peter suapui pa Andrew in,   
\p
\v 9 Hiak ah patang khat om a, ama in bali anluum nga le ngasa no ni nei hi: ahihang mihing tam mama sung ah, bang son thamman tu ziam? ci hi.   
\p
\v 10 Jesus in, \wj Mipi te tosak vun, \wj* ci hi. Tua mun ah lopa tam mama om hi. Tua ahikom mipite to uh a, tul nga bang pha uh hi.   
\p
\v 11 Jesus in anluum te la a; lungdam a ko zawkciang in, a nungzui te kung ah hawmsak hi, taciang a nungzui te in a to te hawmsak hi; tasia bangma in ngasa te zong amate dei za in hawmsak hi.   
\p
\v 12 Amate a kham zawk uh ciang, Jesus in a nungzui te kung ah, \wj Bangma bo thong ngawl tu in a omlai teng kaikhawm tavun, \wj* ci hi.   
\p
\v 13 Tua ahikom bali anluum nga a neak zawk uh ciang in a neak mong uh teng amate in tawm uh a, a kaikhop uh ciang in, bawm sawm le bawm ni dim hi.   
\p
\v 14 Amate in Jesus i sep nalamdang te a mu uh ciang in, leitung ah hongpai tu hi, a kici kamsang sia Ama tatak hi, ci uh hi.   
\p
\v 15 Tua ahikom Jesus in, amate hongpai in zawthawk thu taw kumpi hong seamsak tu hi, ci a heak ciang in, mualtung ah ama nguak pai hi.   
\s1 Jesus Tui Tung ah Lampai  
\r Matt 14:22-33; Mk 6:45-52  
\p
\v 16 Nitak sang ciang in, Jesus a nungzui te tuili sang ah tuaksuk uh hi,   
\p
\v 17 Ngunkuang sung ah to uh a, tuili ngalkhat Capernaum sang ah pai uh hi. Taciang khuazin ciang in Jesus sia amate kung ah hongpai hi.   
\p
\v 18 Hui nasiatak in hong va ahikom, tuihual te kilok ngawp hi.   
\p
\v 19 Tua ahikom amate in ngunkuang sia tai thum tai li bang a hot zawk uh ciang, Jesus sia tuitung ah lampai in, ngunkuang sang ah hong nai va-ial a mu uh ciang in amate lau mama uh hi.   
\p
\v 20 Ahihang Jesus in amate tung ah, \wj Keima khi hi; lau heak vun, \wj* ci hi.   
\p
\v 21 Tua zawkciang in amate in Jesus sia lungdamtak in ngunkuang sung ah tosak uh hi: taciang ngunkuang zong amate pai natu ngam ah tawmvei sung in theng hi.   
\s1 Jesus Nuntakna Anluum  
\p
\v 22 A zingciang in, tuili ngalkhat sang ah a ding te in Jesus nungzui te i to na simngawl, ngunkuang dang om ngawl hi, ci mu uh hi, taciang Jesus sia a nungzui te taw ngunkuang sung ah tum ngawl hi, ahihang a nungzui te amate bek pai uh hi;   
\p
\v 23 Ahihang Topa in lungdam a ko zawkciang in, anluum a neak tek na uh Tiberias nai pan in ngunkuang dangte hongpai hi.   
\p
\v 24 Tua ahikom, mite in Jesus le a nungzui te tua mun ah om ngawl hi, ci a mu uh ciang in, amate zong ngunkuang to uh a, Jesus zong tu in Capernaum ah pai tek uh hi.   
\p
\v 25 Amate in tuili ngalkhat ah, Jesus a mu uh ciang in, Rabbi, hiak ah bang hun in pai ni ziam? ci uh hi.   
\p
\v 26 Jesus in, \wj A tatak in kong ci hi, nalamdang na mu uh hang bek in hong zong na hi bua uh a, anluum khamteak in na neak uh hang in hong zong nu hi.\wj*   
\p
\v 27 \wj A kisia thei an atu in naseam heak vun, ahihang tawntung nuntakna ciangdong a kho tu, mihing Tapa in note tung ah hongpiak tu an atu in seam zaw vun: banghangziam cile Pa Pathian in ceptena\wj*\f + \fr 6:27 \fq Ceptena \ft Seal\f* \wj khen zo hi, \wj* ci hi.   
\p
\v 28 Tua zawkciang in amate in, Pathian nasep te ka sep thei natu uh in bang seam tu khu ziam? ci uh hi.   
\p
\v 29 Jesus in amate tung ah, \wj A ki sawl pa na um uh le Pathian naseam na hi uh hi, \wj* ci in zo hi.   
\p
\v 30 Amate in, mu in ka up thei natu uh in, bang musakna hong lak tu ni ziam? a bang vawt tu ni ziam?   
\p
\v 31 Laithiangtho sung ah a ki atsa bang in, ka pa te uh in senneal ngam ah mana ne ngei uh hi; ama in neak tu in vanpan in anluum pia hi, ci uh hi.   
\p
\v 32 Jesus in, \wj A tatak in kong ci hi, Moses in van pan in anluum hong pia ngawl hi; ahihang ka Pa in van pan in anluum tatak note hong pia hi.\wj*   
\p
\v 33 \wj Banghangziam cile Pathian i hongpiak anluum sia vantung pan in tuaksuk a, leitung ah a nuntakna pia tu pa a hihi, \wj* ci hi.   
\p
\v 34 Amate in, Topa awng, hi anluum sia a tawntung in hong pia tan, ci uh hi.   
\p
\v 35 Jesus in amate tung ah, \wj Keima sia nuntakna anluum ka hihi: ka kung hongpai peuma a ngilkial kik nawn ngawl tu hi; keima hong um peuma a dangtak kik nawn ngawl tu hi.\wj*   
\p
\v 36 \wj Ahihang ka sonsa bang in, note in hong mu zo napi, hong um ngawl nu hi.\wj*   
\p
\v 37 \wj Pa in hongpiak theampo ka kung ah hongpai tu hi; taciang ka kung hongpai peuma ka hawlkhia ngei batu hi.\wj*   
\p
\v 38 \wj Banghangziam cile keima deina bang seam tu in vantung pan kong tuaksuk bua hi, ahihang hong sawlpa deina seam tu in hong tuaksuk ka hihi.\wj*   
\p
\v 39 \wj Keima hongpiak theampo khatzong bosua ngawl tu in, ni tawpkhak ni ciang, thawkiksak tu sia keima hong sawlpa i deina a hihi.\wj*   
\p
\v 40 \wj Tapa a mu peuma in ama um a, tawntung nuntakna nei tu le ni tawpkhak ni ciang in keima in ka thawkiksak tu sia keima hong sawlpa i deina a hihi, \wj* ci hi.   
\p
\v 41 Keima sia vantung pan hong tuaksuk anluum ka hihi, a ci hu in Judah mite phun uh hi.   
\p
\v 42 Taciang amate in, hi Jesus sia Joseph i tapa hi ngawl ziam, a pa le a nu te zong i heak hi ngawl ziam? bangbang in van pan in hong tuaksuk khi hi, ci thei ziam? ci uh hi.   
\p
\v 43 Tua ahikom Jesus in, \wj Note sung ah phun teaptup heak vun, \wj*   
\p
\v 44 \wj Keima hong sawlpa in hong kai bale, kuama ka kung ah hongpai thei ngawl hi: taciang keima in ni tawpkhak ni ciang in ka thokiksak tu hi.\wj*   
\p
\v 45 \wj Kamsang te laibu sung ah, amate a vekpi in Pathian i hil te hi tu uh hi. Tua ahikom a za peuma le Pa kung pan a sin te ka kung ah hongpai hi, ci in atkhol hi.\wj*   
\p
\v 46 \wj Hibang ka ci ciang in, khatpo in Pa mu zo hi, cinopna hi ngawl hi, Pathian kung pan in hongpaipa bekma in Pa a mu hi.\wj*   
\p
\v 47 \wj A tatak in kong ci hi, keima hong um peuma in tawntung nuntakna nei hi.\wj*   
\p
\v 48 \wj Keima sia tua nuntakna anluum ka hihi.\wj*   
\p
\v 49 \wj Na pa te uh in senneal ngamsung ah mana ne napi uh a, thi siat veve hi.\wj*   
\p
\v 50 \wj Hisia in vantung pan hong tuaksuk anluum a hihi, tua anluum a ne peuma a thi bua tu hi.\wj*   
\p
\v 51 \wj Keima in vantung pan hongpai a nungta anluum ka hihi. Khat po in hi anluum a ne le nungta tawntung tu hi, taciang ka piak tu anluum zong ka taksa hi a, tua in leitung mite nuntakna atu ka piak a hihi, \wj* ci in zo hi.   
\p
\v 52 Tua ahikom Judah mite in, hisia pa in bangbang in a taksa sia neak tu in hong pia thei tu ziam? ci in amate le amate ki nial uh hi.   
\p
\v 53 Tua zawkciang in Jesus in amate tung ah, \wj A tatak in kong ci hi, mihing Tapa i taksa na ne bua uh a, a thisan na dawn bua uh le, na sung uh ah nuntak na nei bua uh hi.\wj*   
\p
\v 54 \wj A kuamapo in ka taksa ne a, ka thisan a dawn peuma in, tawntung nuntakna nei hi; taciang ni tawpkhak ni ciang in ka thokiksak tu hi.\wj*   
\p
\v 55 \wj Banghangziam cile ka taksa sia an tatak hi a, ka thisan sia dawn tu tatak a hihi.\wj*   
\p
\v 56 \wj Ka taksa ne a, ka thisan a dawn peuma sia, keima sung ah om hi, taciang keima zong ama sung ah ka om hi.\wj*   
\p
\v 57 \wj A nungta Pa in kei hong sawl a, taciang Pa hang in ka nungta hi: tua ahikom ka taksa a ne peuma, keima hang in nungta tu hi.\wj*   
\p
\v 58 \wj Hi thu sia vantung pan hong tuaksuk anluum a hihi: na pate uh mana ne a, a thi uh bang hi ngawl hi: hi anluum a ne peuma a tawntung in nungta tu hi, \wj* ci hi.   
\p
\v 59 Hi thu te sia Capernaum khua synagogue sung ah thu a hil lai in, ahil thu a hihi.   
\s1 Tawntung Nuntakna Thu  
\p
\v 60 Tua ahikom a nungzui tampi te in hi thu a zak uh ciang in, hi thu haksa lei hi; a kua in ngai zo tu ziam? ci uh hi.   
\p
\v 61 Jesus in a nungzui te phun uh hi, ci a heak ciang in, amate tung ah, \wj Hi thu in hong puksak ziam?\wj*   
\p
\v 62 \wj Mihing Tapa sia ama omna ah a kato mu le uhte, bang na ci tu uh ziam?\wj*   
\p
\v 63 \wj Nuntakna a pia sia Pathian i Thaa a hihi; cilesa sia bangma phattuamna nei ngawl hi: note tung ah kong son kammal te sia, thaa le nuntakna a hihi.\wj*   
\p
\v 64 \wj Ahihang note sung ah mi pawlkhat te in na um bua uh hi, \wj* ci hi. Banghangziam cile Jesus in a kipatcil pan kipan in a um ngawl te le, ama a leheak tu sia a heakkholsa hi zo hi.   
\p
\v 65 \wj Tua ahikom kong ci hi, Pa in hongpiak te simngawl kuama ka kung ah hongpai thei ngawl hi, \wj* ci hi.   
\p
\v 66 Tua hun pan kipan in nungzui tampi te heakkik uh a, Ama taw ki thawl nawn ngawl uh hi.   
\p
\v 67 Tua zawkciang in Jesus in a nungzui sawmleni te kung ah, \wj Note zong nong paisan nuam uh ziam?\wj* ci hi.   
\p
\v 68 Simon Peter in, Topa awng, a kua kung ah pai tu khu ziam? nangma in tawntung nuntakna kammal te na nei hi.   
\p
\v 69 Nangma sia a nungta Pathian Tapa Christ na hihi, ci sia um in ka he uh hi, ci in zo hi.   
\p
\v 70 Jesus in, \wj Sawmle ni hong teal hi ngawl khi ziam? taciang note sung ah khat sia doai a hihi, \wj* ci in zo hi.   
\p
\v 71 Ama in Simon tapa Judah Iscariot thu a son a hihi: banghangziam cile nungzui sawmleni sung pan khat hi napi, Ama a leheak pa a hihi.   
\c 7  
\s1 Jesus A Suapui Te In Um Ngawl  
\p
\v 1 Hibang teng zawkciang in, Jesus sia Galilee huam sung ah pai hi: banghangziam cile Judah mite in that nuam ahikom Judah ngam sung ah pai ngawl hi.   
\p
\v 2 Tu in Judah te i biakbuk poai hong nai zo hi.   
\p
\v 3 Tua ahikom a suapui te in Jesus kung ah, na vawt nasep te na nungzui te zong in a mu thei natu in, hi mun pan Judah ngam sung ah pai tan.   
\p
\v 4 Banghangziam cile a kilang in ngual heak tu a dei te kuama in a thimtham in seam ngawl hi. Hibang te na vawt ahile leitung mite kung ah nangma le nangma ki pualak in, ci uh hi.   
\p
\v 5 Banghangziam cile a suapui te in zong Ama a um bua uh hi.   
\p
\v 6 Tua zawkciang in Jesus in amate tung ah, \wj Ka hun hong theng ngawl lai hi: ahihang note atu a tawntung in hunpha a hihi.\wj*   
\p
\v 7 \wj Leitung in note hong ensan thei ngawl hi; ahihang kei hong ensan hi, banghangziam cile amate nasep pha ngawl hi, ci tetti ka pang hi.\wj*   
\p
\v 8 \wj Hi poai ah pai tavun: kei hile ka hun cing ngawl lai ahikom pai ngawl lai tu khi hi, \wj* ci hi.   
\p
\v 9 Hi thu te a son laitak in, Ama sia Galilee ah om nginge lai hi.   
\p
\v 10 Ahihang a suapui te a pai zawkciang in, Jesus zong poai ah hongpai a, a kilang ngawl in pai ku hi.   
\p
\v 11 Tua zawkciang in poai mun ah Judah te in Ama zong uh a, koisung ah om ziam? ci uh hi.   
\p
\v 12 Taciang mipi te sung ah Jesus thu taw kisai in phun teaptup uh hi: banghangziam cile mi pawlkhat te in, Ama sia mipha hi, ci uh a: a dang te in, hi ngawl hi; Ama in ngual theam hi, ci uh hi.   
\p
\v 13 Ahihang Judah mite a lau uh hang in kuama in a kilang in a pau ngam bua uh hi.   
\s1 Jesus Biakbuk Poai ah Pai  
\p
\v 14 Tu in poai a lang bang a man ciang Jesus sia biakinn sung ah pai a, thuhil hi.   
\p
\v 15 Judah mite in lamdangsa in, hi sia pa sia sin le sin ngei ngawl napi, bangbang in lai he thei ziam? ci uh hi.   
\p
\v 16 Jesus in, \wj Kong hil thu sia keima a hi ngawl hi, ahihang keima hong sawlpa i hilna a hihi.\wj*   
\p
\v 17 \wj Mihing khatpo in Pathian deina a seam tu ahile, ka hilna sia Pathian kung pan maw, a hibale keima thinsung suak hi zaw, ci he tu hi.\wj*   
\p
\v 18 \wj Ama thinsung suak a hil peuma in ama minthanna tu zong hi: ahihang ama a sawlpa atu in minthanna a zong sia mipha a hihi, taciang ama sung ah thuman ngawl na om ngawl hi.\wj*   
\p
\v 19 \wj Moses in note thukham hong pia hi ngawl ziam? ahihang kuama in thukham na zui bua uh hi, Banghang in hong that nuam nu ziam?\wj* ci in zo hi.   
\p
\v 20 Mipi te in, doai vei ni hi: kua in hong that nuam na ziam? ci zo uh hi.   
\p
\v 21 Jesus in amate tung ah, \wj Nasep khat ka seam a, na vekpi in lamdang na sa uh hi.\wj*   
\p
\v 22 \wj Tua ahikom Moses in vunteap at na thu hong pia hi; (hi sia in Moses hang hi ngawl in, pu le pa te hang a hihi;) taciang note in sabbath ni in vunteap at nu hi.\wj*   
\p
\v 23 \wj Moses thukham paltan ngawl tu in khatpo in sabbath ni in vunteap ki at a hile, banghang in sabbath ni in mihing khat ka damsak hang in ka tung ah thin-uk nu ziam?\wj*   
\p
\v 24 \wj Maitang en in thukhen heak vun, ahihang a man thukhenna taw thukhen vun, \wj* ci hi.   
\p
\v 25 Tua zawkciang in Jerusalem pan mi pawlkhat te in, ngual i thatlum nuam in a zon uh sia hi sia pa hi ngawl ziam?   
\p
\v 26 Ahihang, en vun, hangsantak in thuhil a, amate in bangma ci thei ngawl hi. Ngam uk te in hisia pa sia Christ tatak hi, ci a he takpi uh ziam?   
\p
\v 27 Ahihang hisia pa sia a kua ziam, ci i he bua hi: ahihang Christ hongpai ciang in, koisung pan hongpai, ci sia kuama in he ngawl hi, ci uh hi.   
\p
\v 28 Jesus sia biakinn sung ah thu a hil kawm in au a, \wj Note in hong he nu hi, taciang koisung pan hongpai, ci zong hong he nu hi: ahihang kei hong sawlpa sia thuman hi a, note in Ama sia na he bua uh hi.\wj*   
\p
\v 29 \wj Ahihang keima in Ama ka he hi: banghangziam cile keima sia Ama kung pan ka hi a, Ama in hong sawl hi, \wj* ci hi.   
\p
\v 30 Tua zawkciang in amate in Jesus mat sawm uh hi: ahihang kuama in man ngam ngawl hi, banghangziam cile a hun cing ngawl lai hi.   
\p
\v 31 Taciang mi tampi te in Ama um uh a, Christ hongpai ciang in, hi sia pa i vawt sang in a tamzaw nalamdang te vawt tu hi, ci uh hi.   
\p
\v 32 Pharisee te in Jesus thu taw kisai in mite a phun na thu za uh hi; taciang Pharisee te le thiampi lian te in Jesuh man tu in palik te paisak hi.   
\p
\v 33 Tua zawkciang in Jesus in amate tung ah, \wj Tawmvei sung note taw kong omkhawm tu hi, taciang kei hong sawlpa kung ah pai tu khi hi.\wj*   
\p
\v 34 \wj Note in nong zong tu uh a, ahihang nong mu bua tu uh hi: ka omna mun ah note nong pai thei bua tu uh hi, \wj* ci hi.   
\p
\v 35 Tua zawkciang in Judah te in amate sung ah, ei i mu ngawl tu in koisung pai tu ziam? Gentile mite sung ah a ki thethang te kung pai in, Gentile mite hil tu a hi tu ziam?   
\p
\v 36 Note in nong zong tu uh a, ahihang hong mu ngawl tu nu hi: ka omna mun ah note nong pai thei bua tu uh hi, a ci sia bang a cinopna hi tu ziam? ci tek uh hi.   
\s1 Nuntakna Nguntui  
\p
\v 37 Poai ni a khakbel, ni thupi ni in, Jesus hong ding a, \wj Khatpo a dang a tak le, ka kung ah hongpai tahen a, dawn tahen.\wj*   
\p
\v 38 \wj Keima hong um peuma laithiangtho in a ci bang in, a pumpi sung pan in a nungta nguntui luang tu hi, \wj* ci hi.   
\p
\v 39 Ahihang hithu sia Jesus in Ama a um te in a san tu Thaa thu a sonna a hihi: banghangziam cile Jesus vang ki liansak ngawl lai ahikom in Tha Thiangtho ki pia ngawl hi.   
\p
\v 40 Tua ahikom in mi tampi in hi thu a zak uh ciang in, hisia pa sia kamsang tatak hi, ci uh hi.   
\p
\v 41 Midang te in, hisia Christ hi, ci uh hi. Ahihang pawlkhat te in, Galilee pan Christ hongpai tu ziam?   
\p
\v 42 Laithiangtho in, Christ sia David suan sung pan hongpai tu hi, taciang David omna Bethlehem khuapi pan hongpai tu hi, ci hi ngawl ziam? ci uh hi.   
\p
\v 43 Tua ahikom, Jesus hang in mite sung ah ki khenna hong om hi.   
\p
\v 44 Pawlkhat te in man nuam uh hi napi; ahihang kuama in khut a nga ngam bua uh hi.   
\p
\v 45 Tua zawkciang in, palik te thiampi lian le Pharisee te kung ah hongpai uh a; amate in, banghang in Jesus hong paipui ngawl nu ziam? ci uh hi.   
\p
\v 46 Palik te in, hisia pa bang in kuama in thuhil ngei ngawl hi, ci in zo uh hi.   
\p
\v 47 Tua zawkciang in Pharisee te in, note zong hong theam tha zo ziam?   
\p
\v 48 Ngam uk te le Pharisee te sung ah Ama a um om zo ziam?   
\p
\v 49 Ahihang thukham a he ngwal hi mite sia hamsiat thuak te a hi uh hi, ci in zo uh hi.   
\p
\v 50 Pharisee te sung pan mi khat a hi, zan lai in Jesus kung ah a pai Nicodemus in, amate tung ah,   
\p
\v 51 Ih thukham in mi khat sia a thu ngai masa ngawl in le a vawtna he masa ngawl in thukhen ziam? ci hi.   
\p
\v 52 Amate in zo kik a, nangma zong Galilee mi ni ziam? kan in a, en in: banghangziam cile Galilee pan in kamsang piang ngawl hi, ci uh hi.   
\p
\v 53 Taciang amate inn tek ah cia siat uh hi.   
\c 8  
\s1 A Maw Laitak A Ki Man Numei  
\p
\v 1 Jesus Olive mualtung ah pai hi.   
\p
\v 2 Taciang zingtung in biakinn sung ah paikik a, mi theampo a kung ah hongpai uh hi; taciang to in, amate thuhil hi.   
\p
\v 3 Taciang thukhamhil te le Pharisee te in palngul mawna a vawt laitak a mat numei khat hong paipui uh a; a laizang ah a koi zawk uh ciang,   
\p
\v 4 Jesus kung ah, Syapa awng, hi numei nu sia palngul mawna a vawt laitak a kiman a hihi.   
\p
\v 5 Tu in Moses in thukham sung ah hibang te suangtum taw den tu in thu hong pia hi: ahihang nang bangbang ci tu ni ziam? ci uh hi.   
\p
\v 6 Amate in hibang in a ci uh sia, Jesus a mawsiat thei natu uh in aita a hi uh hi. Ahihang Jesus in a za ngawl bang in kun a, lei ah a khutzung taw lai at hi.   
\p
\v 7 Amate in a ki zom in thu a dok uh ciang in, Jesus vandakto a amate tung ah, \wj Note sung ah mawna a nei ngawl sia in deang masa tahen, \wj* ci hi.   
\p
\v 8 Taciang kun kik a, lei ah lai atkik leleau hi.   
\p
\v 9 Tua thu amate in za uh a, sia le pha heakna in amate mawna kiphawksak ahi man in u hambel pan khat zawkciang khat a khakbel dong in nusia uh hi: Jesus bek nusia uh a, numei nu sia a lai ah ding nginge hi.   
\p
\v 10 Jesus a dakto kik ciang in, numei nu simngawl kuama mu ngawl hi, Jesus in numei nu kung ah, \wj Nangma hong mawsiat te koisung ziam? kuama in hong mawsak ngawl ahi ziam?\wj* ci hi.   
\p
\v 11 Numei nu in, Topa awng, kuama in hong mawsak ngawl hi, ci hi. Jesus in ama kung ah, \wj Kei zong hong mawsak ngawl khi hi: pai tan a, mawna vawt nawn heak in, \wj* ci hi.   
\s1 Leitung Khuavak  
\p
\v 12 Jesus in amate paupui kik a, \wj Keima sia leitung khuavak ka hihi: ka nung hong zui peuma khuazing sung ah vak ngawl tu hi, ahihang nuntakna i khuavak nei tu hi, \wj* ci hi.   
\p
\v 13 Tua ahikom Pharisee te in Jesus kung ah, nangma thu sia nangma ma in tetti na pang hi, na tetti pan na man ngawl hi, ci uh hi.   
\p
\v 14 Jesus in amate zo kik a, \wj Keima thu sia keima ma in tettipang hi ka leng, ka tettipanna sia man veve hi: banghangziam cile koisungpan kong pai, ci le koisung ah pai tu, ci ka he hi, ahihang kongpan kong pai cile koisung ah pai tu ci note in nong son thei bua uh hi.\wj*   
\p
\v 15 \wj Note in ci le sa zui in thu na khen uh hi; kei ka hile kuama thu ka khen bua hi.\wj*   
\p
\v 16 \wj Taciang thu ka khen hial zong, ka thukhenna man hi: banghangziam cile keima bek hi ngawl khi hi, ahihang keima le hong sawlpa taw ka hi uh hi.\wj*   
\p
\v 17 \wj Na thukham uh sung ah zong, mihing ni i tettipanna sia man hi, ci ki at hi.\wj*   
\p
\v 18 \wj Keima thu sia keima in tetti ka pang hi, taciang hongsawl Pa in keima thu tettipang hi, \wj* ci hi.   
\p
\v 19 Tua zawkciang in amate in Jesus kung ah, na Pa koisung ziam? ci uh hi. Jesus in, \wj Note in na he bua uh hi, taciang ka Pa zong na he bua uh hi: keima hong he le uhte, ka Pa zong na he tu uh hi, \wj* ci in zo hi.   
\p
\v 20 Hi thu te sia Jesus in biakinn sung ah thu a hil kawm in, sumpi kuang koina mun ah a son thu a hihi: taciang kuama in Ama a man ngam bua uh hi; banghangziam cile a hun a cing balai hi.   
\s1 Jesus in A Thi Tu Thu Son  
\p
\v 21 Tua zawkciang in Jesus in amate tung ah, \wj Ka pai natu lampi ah ka pai tu a, note in nong zong tu uh hi, taciang na mawna uh sung ah na thi tu uh hi: ka pai na mun ah note nong pai thei bua tu uh hi, \wj* ci hi.   
\p
\v 22 Tua zawkciang in Judah mite in, ka pai na mun ah note nong pai thei bua tu uh hi, ci ahikom, Ama le Ama ki that tu a hi tu ziam? ci uh hi.   
\p
\v 23 Jesus in amate tung ah, \wj Note sia nuailam mi na hi uh hi; kei sia tunglam mi ka hihi: note hileitung mi na hi uh hi; kei sia leitung mi ka hi bua hi.\wj*   
\p
\v 24 \wj Tua ahikom, na mawna uh sung ah na thi tu uh hi, ci note tung ah kong ci hi: banghangziam cile keima sia Ama khi hi, ci na up ngawl uh hu in na mawna uh sung ah na thi tu uh hi, \wj* ci hi.   
\p
\v 25 Tua zawkciang in amate in, Nang a kua ni ziam? ci uh hi. Taciang Jesus in amate tung ah, \wj A kipatcil pan kipan in kong son sa bangma ka hihi.\wj*   
\p
\v 26 \wj Note tung ah kong son tu le thu ka khen tu tampi om hi: ahihang kei hong sawlpa sia a thuman hi; taciang Ama tung pan ka zak thu te leitung mite tung ah ka son hi, \wj* ci hi.   
\p
\v 27 Jesus in Pa thu a son na amate in a tel bua uh hi.   
\p
\v 28 Tua zawkciang in Jesus in amate tung ah, \wj Mihing Tapa na khai uh ciang in keima sia Ama khi hi, ci le, keima thu taw bangma vawt ngawl khi hi; ahihang Pa in hong hilna bang in, hi thu te kong son hi, ci na he tu uh hi.\wj*   
\p
\v 29 \wj Taciang kei hong sawlpa sia keima taw om hi: Pa in keima bek hong nusia ngawl hi; banghangziam cile Ama lungkim nate ka seam tawntung hi, \wj* ci hi.   
\p
\v 30 Hi thu te a son zawkciang in, mi tampi in Ama um uh hi.   
\s1 Thuman le Suatakna  
\p
\v 31 Tua zawkciang in Jesus in Ama a um Judah te tung ah, \wj Ka thu sung ah na kip uh a hile, ka nungzui tatak na hi uh hi;\wj*   
\p
\v 32 \wj Taciang thutak na he tu uh a, tua thutak in hong suaktasak tu hi, \wj* ci hi.   
\p
\v 33 Amate in, kote sia Abraham suan te ka hi uh hi, taciang kuama kung ah saltang ngei ngawl khu hi: bangbang in nang in, na suakta tu uh hi, hong ci ni ziam? ci in zo uh hi.   
\p
\v 34 Jesus in amate tung ah, \wj A tatak in kong ci hi, a kuamapo mawna a vawt peuma mawna i sila a hihi.\wj*   
\p
\v 35 \wj Taciang sila sia a tawntung in innsung ah om tawntung ngawl hi: ahihang Tapa ahile om tawntung hi.\wj*   
\p
\v 36 \wj Tua ahikom Tapa in hong suaktasak a hile, na suakta takpi tu uh hi.\wj*   
\p
\v 37 \wj Note sia Abraham suan te na hi uh hi, ci ka he hi; ahihang keima that tu in hong zong nu hi, banghangziam cile ka thu in note sung ah mun nei ngawl hi.\wj*   
\p
\v 38 \wj Ka Pa taw ka mu thu te ka son hi: taciang na pa uh taw na mu uh te na vawt uh hi, \wj* ci hi.   
\p
\v 39 Amate in, Abraham sia ka pa uh hi, ci zo uh hi. Jesus in amate tung ah, \wj Abraham i tate na hi uh le, Abraham i nasep te seam tu nu hi.\wj*   
\p
\v 40 \wj Ahihang tu in, Pathian tung pan ka zak thutak a son keima hong that nuam in hong zong nu hi: Abraham in hibang te vawt ngawl hi.\wj*   
\p
\v 41 \wj Note in na pa uh i septe na seam uh hi, \wj* ci hi. Tua zawkciang in amate in, kote paktat na pan a piang lamlakta hi ngawl khu hi; Pa khat ka nei uh a, tasia in Pathian a hihi, ci uh hi.   
\p
\v 42 Jesus in amate tung ah, \wj Pathian sia na Pa uh hile, keima hong it tu nu hi: banghangziam cile keima sia Pathian kungpan piang in hongpai ka hihi; keima thu in kongpai bua hi, ahihang Ama in hong sawl hi.\wj*   
\p
\v 43 \wj Ka thuson te bang hang in um thei ngawl nu ziam? ka thu na zak thei ngawl uh hang hi.\wj*   
\p
\v 44 \wj Note sia na pa uh doaimangpa i tate na hi uh hi, taciang na pa uh i deina bek na seam uh hi. Ama sia a kipatcil pan kipan in tualthat pa a hihi, taciang thutak sung ah om ngawl hi, banghangziam cile ama sung ah thutak om ngawl hi. Leilotthu a son ciang in, ama i nei te bek son hi: banghangziam cile ama sia leilotthu son pa hi a, leilotthu i pa a hihi.\wj*   
\p
\v 45 \wj Taciang note in thutak ka son hu in, nong um bua uh hi.\wj*   
\p
\v 46 \wj Note sung ah a kua in ka maw hunlam hong lak thei tu nu ziam? Taciang thutak ka son a hile, banghang in hong um ngawl nu ziam?\wj*   
\p
\v 47 \wj Pathian mite in Pathian thu ngai uh hi: tua ahikom, note Pathian mi na hi ngawl uh hang in Pathian thu na ngai bua uh hi, \wj* ci hi.   
\s1 Jesus le Abraham  
\p
\v 48 Judah mite in zo kik uh a, Nangma sia Samaria mi na hihi, taciang nangma doai vei ni hi, kong ci uh sia man hi ngawl ziam? ci uh hi.   
\p
\v 49 Jesus in, \wj Doai vei ngawl khi hi; note in hong zakta ngawl nu hi, ahihang keima in ka Pa ka zakta hi.\wj*   
\p
\v 50 \wj Taciang keima minthanna tu zong ngawl khi hi: ama minthan natu zong in thu a khen khat om hi.\wj*   
\p
\v 51 \wj A tatak in kong ci hi, khatpo in ka kammal a zui le bangmahun in thina mu ngawl tu hi, \wj* ci hi.   
\p
\v 52 Tua zawkciang in Judah te in, tu in doai vei ni hi, ci ka he uh hi. Abraham le kamsang te thi siat zo hi; ahihang nangma in, khatpo in ka thu a zui le bangmahun in thina tep ngawl tu hi, na ci hi, ci uh hi.   
\p
\v 53 Nangma sia ka pu uh Abraham sang in thupi zaw ni ziam? Abraham thi zo hi, taciang kamsang te zong thi siat zo hi: nangma le nangma kua ki sa ni ziam? ci uh hi.   
\p
\v 54 Jesus in, \wj Keima le keima ka ki thupisak le, tua ka ki thupisak na sia bangma hi ngawl hi: keima hong thuphisak sia ka Pa hi a; note i Pathian na ci uh sia a hihi.\wj*   
\p
\v 55 \wj Note in Ama na he bua lai uh hi; ahihang keima in ka he hi: taciang keima in ka he bua hi ka ci le, note bangma in leilot thuson ka hi tu hi: ahihang keima in Ama ka he a, a thu zong ka ni hi.\wj*   
\p
\v 56 \wj Na pa uh Abraham in keima ni mu tu lawp mama hi: taciang mu zo a, angtang mama hi, \wj* ci hi.   
\p
\v 57 Tua zawkciang in Judah te in a kung ah, Nangma sia kum sawm nga zong pha ngawl lai napi, Abraham mu zo ni ziam? ci uh hi.   
\p
\v 58 Jesus in amate tung ah, \wj A tatak in kong ci hi, Abraham pian ma in kei ka om hi, \wj* ci hi.   
\p
\v 59 Tua zawkciang in amate in suangtum te tawm uh a, den sawm uh hi: ahihang Jesus bu a, biakinn sung pan pusuak hi, taciang amate zanglai pan in kantan hi.   
\c 9  
\s1 Jesus in Mittaw Pa Khuamusak  
\p
\v 1 Jesus lampi ah a pai laitak in, a pian pan kipan mittaw khat mu hi.   
\p
\v 2 A nungzui te in Syapa awng, hisia pa mittaw in a pian sia ama in mawna a vawt hang ziam maw, a hibale a nu le a pa te in mawna a vawt uh hang ziam? ci in dong uh hi.   
\p
\v 3 Jesus in, \wj Ama mawna hang hi ngawl hi, taciang a nu le a pa mawna hang zong hi ngawl hi: ahihang Pathian i nasep te ama tung pan a kilang thei natu a hihi.\wj*   
\p
\v 4 \wj Sun hun ahi lai in keima hong sawlpa i nasep te ka sep hamtang tu a hihi: kuama na a sep thei ngawl hun, zan hong theng tu hi.\wj*   
\p
\v 5 \wj Leitung ah ka om sung theampo, keima sia leitung i khuavak ka hihi, \wj* ci in zo hi.   
\p
\v 6 Jesus in hibang a ci zawkciang in, leitung ah cilsia suk a, a cil taw buannoai vawt hi, taciang mittaw pa i mitte buan noisak hi,   
\p
\v 7 Taciang ama tung ah, \wj Pai tan a, Siloam tuili ah sil tan, \wj* ci hi. Siloam a khiakna sia, sawl, a cinopna a hihi. Tua ahikom ama zong pai a, a sil zawkciang in, khuamu in cia hi.   
\p
\v 8 Tua ahikom a innpam te le, nidang mittaw a hi a mu ngei te in, hisia pa sia, to a khutdaw ngen pa hi ngawl ziam? ci uh hi.   
\p
\v 9 Pawlkhat te in, hisia ama hi, ci uh a: midang te in, ama tua pa taw kibang hi, ci uh hi: ahihang ama in, keima khi hi, ci hi.   
\p
\v 10 Tua ahikom amate in, bangbang in na mit khuamu ni ziam? ci uh hi.   
\p
\v 11 Ama in, Jesus a kici khat in buan vawt a, ka mit te hong noisak hi, taciang Siloam tuili ah pai tan a, sil in, hong ci hi: taciang ka pai a ka sil zawkciang in, khuamu khi hi, ci in zo hi.   
\p
\v 12 Tua zawkciang in amate in, tua pa koisung ziam? ci uh hi. Ama in, kei he ngawl khi hi, ci hi.   
\s1 Pharisee te in Mittaw Khuamu Pa Thu Dong  
\p
\v 13 Tua zawkciang amate in a mittaw ngeipa sia, Pharisee te kung ah paipui uh hi.   
\p
\v 14 Jesus in leibuan vawt a, a mitte khua a musak sia sabbath ni a hihi.   
\p
\v 15 Tua zawkciang in Pharisee te in zong, bangbang in khua mu ni ziam, ci in dongkik uh hi. Ama in ka mit ah leibuan hongkoisak a, ka sil zawkciang in, khuamu khi hi, ci hi.   
\p
\v 16 Tua ahikom Pharisee pawlkhat te in, hisia pa sia Pathian mi hi ngawl hi, banghangziam cile sabbath ni tang ngawl hi, ci uh hi. Midang te in, mimaw khat in hibang nalamdang te bangbang in vawt thei tu ziam? ci uh hi. Taciang amate sung ah kikhen na hong om hi.   
\p
\v 17 Amate in mittaw pa kung ah, na mit khua hong musak pa bangba na ngaisun ziam? ci kik uh hi. Mittaw pa in, Ama sia kamsang hi, ci hi.   
\p
\v 18 Ahihang Judah te in, ama sia mittaw ngei a, khuamu kik hi, ci thu a up ngawl uh hu in, a nu le a pa te sam uh hi.   
\p
\v 19 Taciang amate in, hisia na tapa uh a pian pan in mittaw na ci uh sia ziam? ci in dong uh hi.   
\p
\v 20 A pa le a nu in, hisia ka tapa uh hi, taciang mittaw in piang hi, ci ka he uh hi:   
\p
\v 21 Ahihang bangbang in tu in khuamu kik, ci le kua in a mit khuamusak, ci he ngawl khu hi: ama puicing zo hi; ama dong vun: ama in ama atu hong son tu hi, ci in zo uh hi.   
\p
\v 22 A nu le a pa in Judah te a lau uh hu in hibang in a ci uh a hihi: banghangziam cile mi khatpo in ama sia Christ hi, ci in a pualak a hile synagogue sung pan hawlkhiat tu in lungkimna nei zo uh hi.   
\p
\v 23 Tua ahikom a nu le a pa in, ama sia puicing zo hi; ama dong vun, a ci a hihi.   
\p
\v 24 Tua zawkciang in amate in mittaw pa samkik leleau uh a, Pathian pokna pia in: hisia pa sia mawnei hi ci ka he uh hi, ci uh hi.   
\p
\v 25 Tua pa in, kei ka hile Ama mawnei a hile a hi ngawl ka he bua hi: ka heak thu khat sia, mittaw ka hi ngei a, tu in khuamu khi hi, ci in zo hi.   
\p
\v 26 Tua zawkciang in amate in, na tung ah bang hong law ziam? na mitte bangbang in khuamusak ziam? ci in dong leleau uh hi.   
\p
\v 27 Ama in, hong son zo khi hi, na za bua uh hi: zakik nuam nu ziam? noma zong Ama nungzui nuam nu ziam? ci in zo hi.   
\p
\v 28 Tua zawkciang in amate in tua pa sia selno in, nangma sia Ama nungzui na hihi; ahihang kote ka hi uh le Moses nungzui ka hi uh hi.   
\p
\v 29 Pathian in Moses paupui hi, ci ka he uh hi: hisia pa sia koisungpan hongpai ci ka he bua uh hi, ci uh hi.   
\p
\v 30 Tua pa in amate tung ah, koisungpan hongpai ci na heak ngawl uh sia lamdang mama hi, ahihang Ama in ka mit khua hong musak hi.   
\p
\v 31 Tu in Pathian in mawnei te kammal ngai ngawl hi, ci ka he uh hi: ahihang mi khatpo in Pathian bia in, a deina a seam le, tua pa i kammal te ngai hi.   
\p
\v 32 Leitung kipat pan mittaw in a piang kuama a mit khuamusak, ci i za ngei bua hi.   
\p
\v 33 Hisia pa sia Pathian mi ahi buale, bangma vawt thei ngawl tu hi, ci in zo hi.   
\p
\v 34 Amate in, Nang sia mawna namcin sung pan piang na hi a, hong hil sawm zaw ni ziam? ci in zo uh a, pua sang ah nawt uh hi.   
\s1 Thaa Lam Mittaw  
\p
\v 35 Jesus in a puasang ah nawt uh hi ci thu a zak ciang in; tua pa taw ki mu a, \wj Pathian Tapa na um ziam?\wj* ci hi.   
\p
\v 36 Tua pa in, Topa awng, Ama ka up thei natu in Ama sia a kua ziam? ci in zo hi.   
\p
\v 37 Jesus in ama tung ah, \wj Ama na mu zo hi, taciang nangma taw a kipau sia Ama a hihi, \wj* ci hi.   
\p
\v 38 Taciang ama in, Topa awng, um khi hi, ci in, Jesus bia hi.   
\p
\v 39 Jesus in, \wj Hi leitung ah thukhen tu in kong pai hi, tua thukhenna sia mittaw te in khuamu tu a; khua a mu te mittawsak tu in hongpai ka hihi, \wj* ci hi.   
\p
\v 40 Jesus kung ah a om Pharisee pawlkhat te in hi thu a zak uh ciang in, kote zong ka mit uh taw ziam? ci uh hi.   
\p
\v 41 Jesus in amate tung ah, \wj Mittaw hile uhte, maw nei ngawl zawsap tu nu hi: ahihang tu in, note in khua ka mu uh hi, na ci uh hu in, a maw lai na hi uh hi.\wj*   
\c 10  
\s1 Tuucing Sontena  
\p
\v 1 \wj A tatak in kong ci hi, tuukhawk sung ah kongkha pan tum ngawl in, mundang pan a kato peuma, nguta le phalak te a hihi.\wj*   
\p
\v 2 \wj Ahihang kongkha pan a tum sia a hile tuu te i tuucing a hihi.\wj*   
\p
\v 3 \wj Kongkha cingpa in ama kong hon a; tuu te in ama aw a za uh hi: taciang ama in tuu te a min taw sam in, pusua pui hi.\wj*   
\p
\v 4 \wj Taciang a tuu te a pusua zawkciang, ama sia tuu te mai ah pai a, tuu te in zui hi: banghangziam cile tuu te in ama aw a he uh hi.\wj*   
\p
\v 5 \wj Amate in ngualdang nung zui ngawl tu uh hi, a kung pan tai zaw tu uh hi: banghangziam cile amate in ngualdang te aw a he bua uh hi, \wj* ci hi.   
\p
\v 6 Jesus in hi sontena amate tung ah son hi: ahihang amate in bangson ci a he bua uh hi.   
\s1 Tuucing Pha Jesus  
\p
\v 7 Tua zawkciang in Jesus in amate tung ah, \wj A tatak in kong ci hi, keima in tuu kongpi ka hihi.\wj*   
\p
\v 8 \wj Ka mai ah hongpai sa theampo sia nguta le phalak te a hi uh hi: ahihang tuu te in amate aw a ngai bua hi.\wj*   
\p
\v 9 \wj Keima in kongkha ka hihi: mi khatpo keima tawn in a tum a hile, ki ngum tu hi, taciang in sungtang le pusuak tu a, lono hing a mu tu hi.\wj*   
\p
\v 10 \wj Nguta in ngu tu, that tu le susia tu bek in hongpai hi: kei ka hile amate in nuntakna a nei thei natu le a dimlet nuntakna a nei thei natu in kongpai hi.\wj*   
\p
\v 11 \wj Keima in tuucing pha ka hihi: tuucing pha in a tuu te atu in a nuntakna pia hi.\wj*   
\p
\v 12 \wj Ahihang tuucing a hi ngawl, tuu nei pa zong hi ngawl, a kicial tawm tuucing pa in, ngia hongpai a mu ciang, tuu te nusia in, taisan hi: taciang ngia in tuu te man a, ki thethang siat hi.\wj*   
\p
\v 13 \wj A kicial tawm tuucing pa sia tai hi, banghangziam cile ama sia sum thalaw hi a, tuu te awlmawk ngawl hi.\wj*   
\p
\v 14 \wj Keima in tuucing pha ka hihi, keima in ka tuu te ka he hi, taciang ka tuu te in zong hong he uh hi.\wj*   
\p
\v 15 \wj Pa in keima hong heak bang in, keima in zong Pa ka he hi: taciang ka tuu te atu in ka nuntakna ka pia hi.\wj*   
\p
\v 16 \wj Taciang hi tuukhawk sung ah a theng ngawl lai tuu dang te ka nei lai hi: amate zong ka paipui tu hi, taciang amate in ka aw ngai tu uh a; tuukhawk khat le tuucing khat suak tu uh hi.\wj*   
\p
\v 17 \wj Tua ahikom ka Pa in keima hong it hi, banghangziam cile ka nuntakna ka lak kik thei tu in ka pia hi.\wj*   
\p
\v 18 \wj Ka nuntakna sia kuama in kei tung pan in la ngawl hi, ahihang keima thu in ka piak a hihi. Piak thei natu vangletna ka nei a, lakkik thei natu vangletna zong ka nei hi. Hi thupiak sia ka Pa tung pan in ka nga a hihi, \wj* ci hi.   
\p
\v 19 Hi thu te hang in Judah mite sung ah ki khenna omkik hi.   
\p
\v 20 Mitampi in, Ama in doai vei a, a thin-am hi; banghang in a thu ngai nu ziam? ci uh hi.   
\p
\v 21 Ngual dang te in, hibang te sia doai vei te i kammal te hi ngawl hi. Doai in mittaw te khua musak thei ziam? ci uh hi.   
\s1 Tuu te in Tuucing He  
\p
\v 22 Taciang Jerusalem ah apna poai om a, tua hun sia phalbi hun a hihi.   
\p
\v 23 Jesus biakinn sung, Solomon talaap sung ah pai hi.   
\p
\v 24 Tua zawkciang in Judah mite hongpai uh a, Jesus kim um uh hi, taciang banghun ciangdong hong lungmangsak lai tu ni ziam? Nangma sia Christ na hile, a thiang in hong son tan, ci uh hi.   
\p
\v 25 Jesus in, \wj Kong son zo hi, taciang note in um ngawl nu hi: ka Pa min taw ka vawt nasep te in, keima atu in tettipang hi.\wj*   
\p
\v 26 \wj Ahihang kong son sa bang in, ka tuu te na hi ngawl uh hu in, um ngawl na hi uh hi.\wj*   
\p
\v 27 \wj Ka tuu te in ka aw hong ngai hi, taciang keima in amate ka he hi, taciang amate in hong zui uh hi.\wj*   
\p
\v 28 \wj Taciang amate tung ah, tawntung nuntakna ka pia a; bangmahun in kisia ngei nawn ngawl tu hi, kuama in zong ka khutsung pan hong sut thei ngawl tu hi.\wj*   
\p
\v 29 \wj Ka tung ah hong pia ka Pa sia na theampo sang in lianzaw hi; taciang amate kuama in ka Pa khut sung pan hong sut thei ngwl tu hi.\wj*   
\p
\v 30 \wj Ka pa le keima sia khat ka hi uh hi, \wj* ci hi.   
\s1 Jesus Sep tu in Suangtum Tawm  
\p
\v 31 Tua zawkciang in Judah mite in Ama sep tu in suangtum tawm leleau uh hi.   
\p
\v 32 Jesus in amate tung ah, \wj Pa kung pan in nasep pha tampi kong lak zo hi; tua nasep te atu in suangtum taw hong sep na hi uh ziam?\wj* ci in zo hi.   
\p
\v 33 Judah mite in zo kik uh a, nasep pha atu in suangtum taw kong sep bua uh hi; ahihang Pathian min na daisak hang a hihi; taciang mihing hi napi, nangma le nangma Pathian in na ki vawt hi, ci uh hi.   
\p
\v 34 Jesus in amate zo kik a, \wj Na thukham uh sung ah, note sia pathian te na hi uh hi, ci in ki at hi ngawl ziam?\wj*   
\p
\v 35 \wj Amate tung pan Pathian kammal hongpai a hikom in, pathian te, kici a hile, laithiangtho ki paltan thei ngawl hi.\wj*   
\p
\v 36 \wj Keima sia Pa in hong thiangthosak a, leitung ah hong sawl hi, keima sia Pathian Tapa ka hihi, ka ci hu in Pathian mindaisak ni hi, hong ci na hi uh ziam?\wj*   
\p
\v 37 \wj Ka Pa i nasep te ka seam bua a hile, hong um heak vun.\wj*   
\p
\v 38 \wj Ahihang ka seam a hile, keima nong um bua uh zong, ka nasep te um vun: tabang in Pa sia ka sung ah om a, keima sia Pa sung ah ka om hi, ci na he tu uh a, hong um tu nu hi, \wj* ci hi.   
\p
\v 39 Tua ahikom amate in Jesus sia mat sawm leleau uh hi: ahihang amate khut pan in Jesus suakta hi,   
\p
\v 40 Taciang Jesus sia Jordan ngun ngal, John in amasabel tuiphumna a piak na mun ah paikik a; tua mun ah taam hi.   
\p
\v 41 Taciang mi tampi a kung ah hongpai uh a, John in nalamdang bangma vawt ngawl hi: ahihang hisia pa thu John i son theampo man hi, ci uh hi.   
\p
\v 42 Tua mun ah mitampi in Ama um uh hi.   
\c 11  
\s1 Lazarus Thi Na  
\p
\v 1 Bethany ah a teang Lazarus a kici khat sia a cina hi, tua Bethany sia Mary le a suapui nu Martha te i khuapi a hihi.   
\p
\v 2 Hi Mary sia Topa sathau namtui buak in, taciang a sam taw a peang a nawlsak nu hi a, a suapuipa Lazarus sia a cina hi.   
\p
\v 3 Tua ahikom a suapui nu in ngual paisak a, Topa, en in, na it bel pa a cina hi, ci hi.   
\p
\v 4 Tua thu Jesus in a zakciang in, \wj Hi natna sia thi natu natna hi ngawl hi, ahihang Pathian minthanna tu hi a, tua tungtawn in Pathian Tapa in minthanna nga tu hi, \wj* ci hi.   
\p
\v 5 Jesus in Martha, a suapui nu le Lazarus te it hi.   
\p
\v 6 Lazarus a cina, ci thu za hi kale, a omna ah ni ni sung taam lai hi.   
\p
\v 7 Tua zawkciang a nungzui te kung ah, \wj Judah ngam sung ah paikik tawng, \wj* ci hi.   
\p
\v 8 A nungzui te in, Syapa awng, Judah mite in tu nung hiat ma in, suangtum taw den tu in hong zong uh a; tua mun ah paikik tu ni ziam? ci uh hi.   
\p
\v 9 Jesus in, \wj Nikhat sung ah nai sawm le nai ni om hi ngawl ziam? Khatpo sia sun hun in a vakle lutu ngawl hi, banghangziam cile ama in hi leitung khuavak mu hi.\wj*   
\p
\v 10 \wj Ahihang khatpo in zan in a vak le, lutu tu hi, banghangziam cile ama sung ah khuavak om ngawl hi, \wj* ci in zo hi.   
\p
\v 11 Hi thu te a son zawkciang in, Jesus in amate tung ah, \wj I lawmpa Lazarus mu hi; ahihang keima ka pai tu a, a mut na pan in ka phong tu hi, \wj* ci hi.   
\p
\v 12 A nungzui te in, Topa awng, mu a hile, dam tu hi, ci uh hi.   
\p
\v 13 Ahihang Jesus in a thi na thu a son a hihi: hi kamale amate in tawlnga in mu hi ci bang in ngasun uh hi.   
\p
\v 14 Tua zawkciang in Jesus in amate tung ah son thiang a, \wj Lazarus thi hi. \wj*   
\p
\v 15 \wj Taciang, na up thei natu uh in tua mun ah ka om ngawl sia note atu in ka angtang hi; hi kale a kung ah pai tek tawng, \wj* ci hi.   
\p
\v 16 Tua zawkciang in, Didymus a kici Thomas in, a nungzui pui te kung ah, Ama taw thi khawm tu in eite zong pai tek tawng, ci hi.   
\s1 Jesus Thawkikna le Nuntakna  
\p
\v 17 Jesus a thet ciang in, Lazarus sia than ah a phum zawk ni li hi zo ci he hi.   
\p
\v 18 Bethany sia Jerusalem nai na ah om a, tai ni dektak pha hi:   
\p
\v 19 Martha le Mary te sia a suapuipa taw kisai, amate a heneam tu in Judah mi tampi te hongpai uh hi.   
\p
\v 20 Tua zawkciang in, Martha in Jesus hongpai hi, ci a zak po ciang, pai in muak hi: ahihang Mary sia innsung ah to nginge hi.   
\p
\v 21 Martha in Jesus kung ah, Topa awng, himun ah om hile te, ka suapui pa thi ngawl tu hi.   
\p
\v 22 Ahihang, tu zong in Pathian tung ah na nget theampo Pathian in hong pia tu hi, ci ka he hi, ci hi.   
\p
\v 23 Jesus in Martha kung ah, \wj Na suapuipa thokik tu hi, \wj* ci hi.   
\p
\v 24 Martha in Jesus kung ah, thawkikna ni tawpkhak ni ciang in thokik tu hi, ci ka he hi, ci hi.   
\p
\v 25 Jesus in ama kung ah, \wj Keima in thawkikna le nuntakna ka hihi: keima hong um peuma, a thi zong in nungta tu hi:\wj*   
\p
\v 26 \wj Taciang in a kuamapo nungta a, keima hong um peuma sia bangmahun in thi nawn ngawl tu uh hi. Hi thu na um ziam?\wj* ci hi.   
\p
\v 27 Martha in, Hi hi, Topa awng: nangma in leitung ah hongpai tu Pathian Tapa, Christ na hihi, ci ka um hi, ci hi.   
\s1 Jesus Kap  
\p
\v 28 Martha sia tateng a pau zawkciang pai hi, taciang a nau Mary samku a, Syapa hongpai hi, taciang nangma hong sam hi, ci hi.   
\p
\v 29 Tua thu Mary in a zak pociang manlangtak in ding a, Jesus kung ah pai hi.   
\p
\v 30 Tu in Jesus sia khuapi sung ah tum ngawllai a, Martha i a mu na mun ah omlai hi.   
\p
\v 31 Mary inn ah a om Judah mite le ama a heneam te in, Mary manlangtak in ding a, a pusua a mu uh ciang, zui kheukho uh a, than ah a kap tu in pai hi, ci uh hi.   
\p
\v 32 Jesus kung ah Mary a thet ciang in, Jesus mu a, a peang ah bok in, Topa awng, nangma himun ah om le te, ka suapuipa thi ngawl tu hi, ci hi.   
\p
\v 33 Tua ahikom Jesus in Mary kakap in le, ama taw hongpai Judah mite zong a kakap a mu ciang in, a thaa in thuak hak sa in, tau a,   
\p
\v 34 \wj Koisung ah phum nu ziam?\wj* ci hi. Amate in, Topa awng, hongpai tan a, en in, ci uh hi.   
\p
\v 35 Jesus kap hi.   
\p
\v 36 Tua zawkciang in Judah mite in, en vun, Lazarus bangza in it ziam! ci uh hi.   
\p
\v 37 Taciang pawlkhat te in, mittaw te khua a musak hisia pa in, Lazarus thi ngawl tu in vawt thei ngawl a hi tam? ci uh hi.   
\s1 Lazarus Thokik  
\p
\v 38 Tua ahikom Jesus a thinsung pan tau kawm in than ah pai hi. Hi than sia suanghawng hi a, a tung ah suangtum khat taw huk hi.   
\p
\v 39 Jesus in, \wj A suangtum khin vun, \wj* ci hi. Mithi pa suapui nu Martha in, Topa awng, tu in ui zo tu hi: banghangziam cile a thi zawk ni li hi zo hi, ci hi.   
\p
\v 40 Jesus in ama tung ah, \wj Na umle, Pathian vangletna na mu tu hi, hong ci zo hi ngawl khi ziam?\wj* ci hi.   
\p
\v 41 Tua zawkciang in amate in suangtum sia mithi ki sial na pan in khin uh hi. Taciang Jesus in a tungsang ento a, \wj Pa awng, nangma in hong za zo na hikom in lungdam kong ko hi.\wj*   
\p
\v 42 \wj Taciang a tawntung in nong za hi, ci ka he hi: ahihang ka kiim ah a ding mihing te in, nangma in keima nong sawl hi, ci a up thei natu uh in kong ci a hihi, \wj* ci hi.   
\p
\v 43 Tabang in a ci zawkciang, Jesus sia aw ngingtak taw, \wj Lazarus, pusuak tan, \wj* ci hi.   
\p
\v 44 Taciang Lazarus hong pusuak a, a khut le a peang te sia mithi tunna puan taw ki tuam hi: taciang a mai zong dial no taw kituam hi. Jesus in amate tung ah, \wj Sut vun a, paisak vun, \wj* ci hi.   
\s1 Jesus That tu in Kikum Ku  
\r Matt 26:1-5; Mk 14:1,2; Lk 22:1,2l  
\p
\v 45 Tua zawkciang in Mary kung ah hongpai Judah mi tampi te in, Jesus i vawt te a mu uh ciang in, Ama um uh hi.   
\p
\v 46 Ahihang pawlkhat sia Pharisee te kung ah pai uh a, Jesus i sep teng son uh hi.   
\p
\v 47 Tua zawkciang in thiampi lian te le Pharisee te sia thu kikum tu in ki kaikhawm uh a, bangba hi tu hi ziam? banghangziam cile hisia pa in nalamdang tampi vawt hi.   
\p
\v 48 Hibang in i en thong a hile, mi theampo in Ama um tu uh a: Rome mite in i mun le i ngam teng hong sut siat tu hi, ci uh hi.   
\p
\v 49 Taciang amate sung pan khat, Caiaphas a kici pa, ama sia tua kum ciang in thiampi sang hi a, note bangma he ngawl nu hi,   
\p
\v 50 Minam bup i lalcip ngawl natu in, mi khat mipi atu in thi le, eite atu in phazaw tu hi, ci zong ngaisun ngawl nu hi, ci hi.   
\p
\v 51 Taciang hi thu sia ama thu in a pau hi ngawl hi: ahihang tua kum atu in thiampi sang ahikom in, Jesus sia tua minam atu in a thi natu mailamthu sonkhol a hihi:   
\p
\v 52 Taciang hi minam atu bek hi ngawl in, ngam theampo ah a ki thethang Pathian tate a ki kaikhop natu thu zong a son a hihi.   
\p
\v 53 Tua ni pan kipan in Ama bangbang in thatlum thei tu ci ngaisun uh hi.   
\p
\v 54 Tua ahikom Jesus sia Judah mite sung ah a kilang in vak nawn ngawl a; senneal ngam nai khuano sang, Ephraim a kici khua sang ah a nungzui te taw om uh hi.   
\p
\v 55 Judah mite paisanpoai hong nai zo hi: taciang mi tampi te khuano sang pan in Jerusalem ah paisanpoai ma, amate le amate ki thiansua tu in pai tek uh hi.   
\p
\v 56 Tua zawkciang in amate in Jesus zong uh a, biakinn sung ah a dinkawm in kikum uh a, Jesus sia poai ah hongpai ngawl tu hi, bang na ngaisun uh ziam? ci uh hi.   
\p
\v 57 Tu in, mihing khatpo in Jesus sia koisung a om ziam, ci a he le a omna mun lak tu a, man tu in thiampi lian te le Pharisee te in thupia uh hi.   
\c 12  
\s1 A Manham Sathau Namtui  
\r Matt 26:6-16; Mk 14:3-9  
\p
\v 1 Tua zawkciang in Jesus sia paisanpoai tu ni luk a kisap ciang in thina pan a thawkiksak Lazarus omna Bathany ah pai hi.   
\p
\v 2 Tua mun ah amate in nitak an vak uh a; Martha in an huan hi: ahihang Lazarus sia Jesus taw sabuai kim ah a tote sung ah kihel hi.   
\p
\v 3 Tua zawkciang Mary in a manham mama sathau namtui thawlkhat la a, Jesus peang buak hi, taciang a sam taw Jesus peang nawlsak a: a innsung theampo sia tua sathau namtui ngim taw kidim hi.   
\p
\v 4 Tua zawkciang in a nungzui te sung pan khat a hi, Ama a leheak tu pa, Simon tapa, Judas Iscariot in,   
\p
\v 5 Banghang in sathau namtui sia dangka zathum taw zuak in, mizawng te pia ngawl ziam? ci hi.   
\p
\v 6 Hibang a pau na sia, mizawng te a awlmawk hang hi ngawl hi; ahihang ama sia nguta hi a, dangka bawm keam ahikom in, dangka bawm sung a kikoi dangka te dawk tawntung hi.   
\p
\v 7 Tua zawkciang in Jesus in, \wj Ama omsak po vun: keima ki vui ni atu kingingkhol in hi sathau namtui a keam a hihi.\wj*   
\p
\v 8 \wj Banghangziam cile mizawng te sia note taw om tawntung tu uh hi; ahihang kei sia note taw om tawngtng ngawl tu khi hi, \wj* ci hi.   
\s1 Lazarus That Nuam  
\p
\v 9 Tua ahikom Judah mi tampi te in Jesus sia tua mun ah om hi, ci he uh hi: taciang Jesus a mu nop uh hang bek hi ngawl in, thina pan a thawkiksak Lazarus zong mu nuam uh ahikom hongpai uh hi.   
\p
\v 10 Ahihang thiampi lian te in Lazarus zong that nuam in thu vaihawm uh hi;   
\p
\v 11 Banghangziam cile Judah mi tampi te Lazarus hang in pai uh a, Jesus um uh hi.   
\s1 Jerusalem ah Minthanna Taw Tum  
\r Matt 21:1-11; Mk 11:1-11; Lk 19:28-40  
\p
\v 12 A zingciang in mi tampi te a poai ah hongpai uh a, Jesus sia Jerusalem ah hongpai hi, ci a zak uh ciang in,   
\p
\v 13 Nuktu bak te la uh a, Jesus muak tu in pai uh hi, taciang in Hosanna: Topa min taw hongpai Israel kumpipa thuphatoai a hihi, ci in au kheukho uh hi.   
\p
\v 14 Taciang Jesus in laa no khat a mu ciang in a tung ah to a;   
\p
\v 15 Tua thu sia, lau heak in, Zion tanu awng: en in, na kumpipa sia laa no tung ah to in hongpai hi, ci in laithiangtho sung ah ki atkhol hi.   
\p
\v 16 A nungzui te in hi thu te a tel pai bua uh hi: ahihang Jesus min a than zawkciang in, hi thu te sia Ama thu a ki atkhol le Ama tung ah a piang thu te hi, ci phawkkik uh hi.   
\p
\v 17 Tua ahikom Jesus in Lazarus sia thansung pan sam a, thina pan a thawkiksak ciang in Ama taw a omte in, tua thu tettipang uh hi.   
\p
\v 18 Hi thu hang in mite in Jesus muak uh hi, banghangziam cile amate in hi nalamdang a vawt thu za uh hi.   
\p
\v 19 Tua ahikom Pharisee te in, amate sung ah, bangma zozo ngawl nu hi ci na he uh ziam? en vun, leitung bup in a nung zui siat zo hi, ci uh hi.   
\s1 Greek Mite in Jesus Mu Nuam  
\p
\v 20 Tua poai sung ah Pathian bia tu in hongpai te sung ah Greek mite zong om hi:   
\p
\v 21 Tua ahikom amate sia Galilee ngam Bethsaida khua mi Philip kung ah hongpai uh a, Topa awng, Jesus ka mu nuam uh hi, ci in ngen uh hi.   
\p
\v 22 Philip sia Andrew kung ah pai in, son a: taciang Andrew le Philip in Jesus kung ah son uh hi.   
\p
\v 23 Taciang Jesus in amate tung ah, \wj A Tapa a minthansak tu hun hong theng hi.\wj*   
\s1 Jesus in a Thi Tu Thu Son  
\p
\v 24 \wj A tatak in kong ci hi, zungtang sia leisung ah tak a a thi buale, ama bek hi top hi: ahihang a thi le, a tang tam mama hong piang hi.\wj*   
\p
\v 25 \wj A nuntakna a it peuma sum tu hi; taciang hi leitung ah a nuntakna a ensan peuma tawntung nuntakna dong in keamcing tu hi.\wj*   
\p
\v 26 \wj Mi khatpo in keima na a seam nuam le hongzui tahen; taciang keima omna mun ah ka naseam peuma om tu hi: mi khatpo in keima na a seam a hile, Pa in ama patoai tu hi.\wj*   
\p
\v 27 \wj Tu in ka thinngim hi; a bang son tu khi ziam? Pa awng, hi hun pan hong ngum tan: ahihang hisia atu in tu hun in hongpai ka hihi.\wj*   
\p
\v 28 \wj Pa awng, na minthangsak in, \wj* ci hi. Tua zawkciang in, keima in minthangsak zo khi hi, ci in van pan in aw khat hong theng hi.   
\p
\v 29 Tua ahikom Jesus kiim ah a ding mihing te in, za uh a, vanto hi, ci uh hi: a dang te in, vantungmi in Ama paupui hi, ci uh hi.   
\p
\v 30 Jesus in zo kik a, \wj Hi aw sia keima hang hi ngawl hi, ahihang note atu hi zaw hi.\wj*   
\p
\v 31 \wj Tu in hi leitung thukhenna hun a hihi: tu in leitung a ukpa sia puasang ah ki hawlkhia tu hi.\wj*   
\p
\v 32 \wj Leitung pan in ka ki khai ciang in, mi theampo ka kung ah ka kai tu hi, \wj* ci hi.   
\p
\v 33 Hibang a ci ciang in, bangbang thina taw thi tu, ci a pualak a hihi.   
\p
\v 34 Mihonte in, Christ sia a tawntung in hong teang tu hi, ci thukham tungtawn in ka za uh hi: taciang nangsia bangbang in, mihing Tapa sia khai tu uh hi, ci ni ziam? hi mihing Tapa sia akua ziam? ci in zo uh hi.   
\p
\v 35 Tua zawkciang in Jesus in amate tung ah, \wj Note taw khuavak tawmvei sung omlai hi. Khuavak na nei uh lai in, tabang a hibale note tung ah khuazing hong theng tu hi: banghangziam cile khuazing sung ah a vak peuma in a paina mun a he bua uh hi.\wj*   
\p
\v 36 \wj Khuavak na nei uh lai in, khuavak sung ah om vun, tabang in khuavak i tate na hi tu uh hi, \wj* ci hi. Jesus in hi thu te a son zawkciang in pusuak a, amate kung pan in kiheam hi.   
\s1 Judah te in Jesus Um Ngawl  
\p
\v 37 Jesus in amate mai ah nalamdang tampi vawt zo napi, amate in Jesus a um bua lai uh hi:   
\p
\v 38 Tua thu kamsang Isaiah in, Topa awng, ka thuson uh te kua na um ziam? taciang a kua tung ah Topa ban kilangsak ziam? a ci sia a tangtun natu a hihi.   
\p
\v 39 Tua ahikom amate in a um thei bua uh hi, banghangziam cile Isaiah in,   
\p
\v 40 Pathian in amate i mitte tawsak a, a thinsung uh zong khauhsak hi; tabang in amate mitte taw mu ngawl tu uh a, a thinsung taw zong a he bua tu uh hi, tabang hibua thong le amate hong theng tu uh a, ka damsak tu hi, ci in sonkik hi.   
\p
\v 41 Hi thu te sia Isaiah in, Pathian a minthanna a mu ciang in a son a hihi.   
\p
\v 42 Hi kamale ngam uk ulian te sung ah mi tampi in Jesus um uh a; ahihang Pharisee te hang in a pualak bua uh hi, pualak uh hile synagogue sung pan in hawlkhia tu hi:   
\p
\v 43 Banghangziam cile amate in Pathian i pokna sang in mihing te i pokna dei zaw uh hi.   
\s1 Jesus Leitung Nuntakna  
\p
\v 44 Jesus hong au a, \wj Keima hong um peuma in keima hong um hi ngawl in, hong sawlpa um uh hi.\wj*   
\p
\v 45 \wj Taciang keima hong mu peuma in hong sawlpa a mu hi.\wj*   
\p
\v 46 \wj A kuamapo keima hong um peuma, khuazing sung ah om ngawl tu uh a, hi leitung ah keima sia khuavak in hongpai ka hihi.\wj*   
\p
\v 47 \wj Khat po in ka thu te za a, a um bua ahile, ama sia thukhen ngawl khi hi: banghangziam cile leitung thukhen tu in hongpai ngawl khi hi, ahihang leitung ngum tu in hongpai ka hihi.\wj*   
\p
\v 48 \wj Kei hong nial a, ka thu a sang ngawl te, thukhen tu nei uh hi: ka son thu in ni tawpkhak ni ciang ama thukhen tu hi.\wj*   
\p
\v 49 \wj Banghangziam cile keima thu in pau ngawl khi hi; ahihang keima hong sawl Pa in ka pau tu le ka son tu thu hong pia hi.\wj*   
\p
\v 50 \wj Taciang a thupiak te sia tawntung nuntakna hi, ci ka he hi: tua ahikom bangpo ka pau hial zong in, Pa i hong son bang in ka pau hi, \wj* ci hi.   
\c 13  
\s1 Jesus in A Nungzuite Peang Silsak  
\p
\v 1 Tu in paisanpoai mahiat, Jesus leitung pan pusuak a, Pa kung a pai tu hun hong theng zo hi, ci a heak ciang in, leitung ah a om a mite it a, a tawpdong in it hi.   
\p
\v 2 Nitak an a neak zawk uh ciang in, Simon tapa Judah Iscariot thinsung ah doaimangpa in Jesus leheak tu thu koi hi;   
\p
\v 3 Pa in a khutsung ah na theampo pia siat zo hi, ci le Ama sia Pathian kung pan hongpai a, Pathian kung ah paikik tu hi, ci Jesus in he ahikom;   
\p
\v 4 Nitak an a neak na mun pan ding a, a puan te a sut zawkciang in; dial khat la a, a kawng ah vet hi.   
\p
\v 5 Tua zawkciang in kuangdal sung ah tui sung a, a nungzui te peang silsak hi, taciang, a kawng ah a ve dial taw nawlsak hi.   
\p
\v 6 Simon Peter kung a thet ciang in, Peter in, Topa awng, nangma in ka peang hong silsak tu ni ziam? ci hi.   
\p
\v 7 Jesus in zo kik a, \wj Ka vawt nate tu in na he bua hi; ahihang nungsang ciang in na he kik tu hi, \wj* ci hi.   
\p
\v 8 Peter in, bangmahun in nangma in ka peang hong silsak ngei ngawl tu ni hi, ci hi. Jesus in, \wj Na peang ka sil bua ahile, kei taw ki zopna na nei bua hi, \wj* ci in zo hi.   
\p
\v 9 Simon Peter in, Topa awng, ka peang bek hi ngawl in, ka khut te le ka lu zong hong sil tan, ci hi.   
\p
\v 10 Jesus in, \wj A kibual sa khat sia a peang sil tu simngawl a dang kul nawn ngawl hi, banghangziam cile a pum bup thiangtho zo hi: taciang note na thiangtho uh hi, ahihang na vekpi in na thiangtho bua uh hi, \wj* ci hi.   
\p
\v 11 Banghangziam cile Jesus in Ama a leheak tu sia hekhol hi; tua ahikom na vekpi in na thiang bua uh hi, a ci a hihi.   
\p
\v 12 Tua ahikom Jesus in amate peang te a silsak zawkciang, a puan te silkik a, to kik hi, taciang amate tung ah, \wj Note tung ah ka vawt thu na he uh ziam?\wj*   
\p
\v 13 \wj Note in, Syapa le Topa awng, ci in nong sam uh hi: nong ci uh sia pha hi; banghangziam cile nong sap uh bang in hi tatak khi hi.\wj*   
\p
\v 14 \wj Na Topa le Syapa, keima in na peang uh hong silsak ka hile; note zong khat le khat na peang uh na ki silsak tu uh a hihi.\wj*   
\p
\v 15 \wj Banghangziam cile keima in note tung ah ka vawt bang in, note in zong vawt tu in ette tu kong pia zo hi.\wj*   
\p
\v 16 \wj A tatak in kong ci hi, sal sia a topa sang in lianzaw ngawl hi; a ki sawl khat zong a sawlpa sang in lianzaw ngawl hi.\wj*   
\p
\v 17 \wj Hi thu te na he uh a na vawt uh a hile, mi thuphatoai te na hi uh hi.\wj*   
\s1 Jesus in Ama a Leheak tu Pa Thu Son  
\p
\v 18 \wj Na vekpi i thu hong son ka hi bua hi: ka tealsa te ka he hi: ahihang laithiangtho in, keima taw anluum a nekhawm pa in keima langpan in a siakmit lam zo hi, a ci thu a tangtun natu a hihi.\wj*   
\p
\v 19 \wj Tu in kong sonkhol hi, hi thu a pian ciang in, note in keima sia Ama hi, ci na um tu uh hi.\wj*   
\p
\v 20 \wj A tatak in kong ci hi, ka sawlpa a sang peuma in, keima hong sang hi; taciang keima hong sang peuma in keima hong sawlpa a sang a hihi, \wj* ci hi.   
\p
\v 21 Jesus thu a son zawkciang in, a thinngim in om a, tettipang hi, taciang, \wj A tatak in kong ci hi, note sung pan khat in hong leheak tu nu hi, \wj* ci hi.   
\p
\v 22 Tua zawkciang in nungzui te in kua thu son ziam? ci in khat le khat ki muangmaw in ki en uh hi.   
\p
\v 23 Tu in nungzui te sung pan khat, Jesus i a it pa in, Jesus kang neal hi.   
\p
\v 24 Tua ahikom Simon Peter in tua pa khoiku a, a kua thu son ziam, ci dongsak hi.   
\p
\v 25 Tua zawkciang in Jesus kang a neal pa in, Topa awng, a kua ziam? ci hi.   
\p
\v 26 Jesus in, \wj Anluum ka bal sa sia ka dia zawkciang in ka piakpa sia hi, \wj* ci in zo hi. Taciang anluum a bal sa sia a dia zawkciang, Simon tapa Judah Iscariot pia hi.   
\p
\v 27 Anluum a piak zawkciang in, Judah Iscariot sung ah Satan tum hi. Tua zawkciang in Jesus in Judah Iscariot tung ah, \wj Na vawt tuteng manlang in vawt in, \wj* ci hi.   
\p
\v 28 Tu in Jesus in bang sawm in Judah Iscariot tung ah thuson ziam, ci sia sabuai kim a to te kuama in a he bua uh hi.   
\p
\v 29 Banghangziam cile Judah sia dangka bawm keampa ahikom in, nungzui pawlkhat te in, Jesus in poai atu in a kisam te leisak hi tu hi; a hibale, mizawng te bang khatpo piasak hi tu hi, ci in ngaisun uh hi.   
\p
\v 30 Judah in Jesus i piak anluum la a thakhat thu in pusuak hi: tua hun sia zan a hihi.   
\p
\v 31 Tua ahikom, Judah a pusua zawkciang in, Jesus in, \wj Tu in mihing Tapa sia ki minthangsak zo hi, taciang Pathian vangletna sia Ama sung ah kilang tu hi.\wj*   
\p
\v 32 \wj Ama sung ah Pathian minthanna a kilang le, Pathian in zong mihing Tapa minthanna sia Ama sung mama pan in kilangsak tu hi\wj*   
\p
\v 33 \wj Tano te awng, note taw hun tomno sung om lai tu khi hi. Judah mite tung ah ka son bang in, note in nong zong tu uh hi, ka paina mun ah note hongpai thei ngawl nu hi; tua ahikom tu in kong son hi.\wj*   
\s1 Thupiak Thak  
\p
\v 34 \wj Thupiak a thak kong pia hi, keima in note kong it bang in, note zong khat le khat ki it tavun.\wj*   
\p
\v 35 \wj Khat le khat na ki it uh le, ngual in keima nungzui te na hi uh mi theampo in hong he tu hi, \wj* ci hi.   
\s1 Peter in Jesus a Nial natu Thu  
\r Matt 26:31-35; Mk 14:27-31; Lk 22:31-34  
\p
\v 36 Simon Peter in, Topa awng, koisung pai tu ni ziam? ci hi. Jesus in, \wj Ka pai na mun ah tu in hong zui thei ngawl lai ni hi; ahihang nungsang ciang in hong zui tu ni hi, \wj* ci in zo hi.   
\p
\v 37 Peter in, Topa awng, banghang in tu in hong zui thei ngawl lai khi ziam? Nangma atu in ka nuntakna dong pia tu khi hi, ci hi.   
\p
\v 38 Jesus in, \wj Keima atu in na nuntakna pia tu ni ziam? A tatak in kong ci hi, thumvei nong nial mateng akkhuang ngawl tu hi.\wj*   
\c 14  
\s1 Lampi, Thutak, Nuntakna  
\p
\v 1 \wj Na thin uh ngimsak heak vun: Pathian um vun a, keima zong hong um tavun.\wj*   
\p
\v 2 \wj Ka Pa innsung ah inndoi tam mama om hi: om ngawl hile, hong son zo tu khi hi. Note atu in mun puakhol tu in ka pai tu hi.\wj*   
\p
\v 3 \wj Taciang pai in note atu mun ka puakhol le, hongpai kik tu khi hi, taciang ka kung ah kong sang tu hi; tabang in ka omna mun ah, note zong na om tu uh hi.\wj*   
\p
\v 4 \wj Ka pai natu mun le lampi sia na he uh hi, \wj* ci in zo hi.   
\p
\v 5 Thomas in, Topa awng, koisung pai tu ni ziam? ci ka he bua uh hi; taciang bangbang in lampi he thei tu khu ziam? ci hi.   
\p
\v 6 Jesus in, \wj Keima in lampi, thutak le nuntakna ka hihi: keima taw ngawl in kuama Pa kung pai thei ngawl tu hi.\wj*   
\p
\v 7 \wj Keima nong he uh le, ka Pa zong na heak tu uh a hihi: taciang tu pan kipan in Ama na he uh hi, taciang na mu zo uh hi, \wj* ci hi.   
\s1 Jesus le Pathian sia Pumkhat  
\p
\v 8 Philip in, Topa awng, Pa hong lak tan, tua in ka lung uh kimsak tu hi, ci hi.   
\p
\v 9 Jesus in, \wj Note taw ngei mama hong omkhawm zo napi, hong he ngawl lai nu ziam, Philip awng? kei hong mu peuma in Pa a mu zo hi; banghang in Pa hong lak tan, hong ci ni ziam?\wj*   
\p
\v 10 \wj Pa sung ah keima ka om hi, ci hong um ngawl ni ziam? nang tung ah kong son te keima thu in kong son hi ngawl hi: ahihang ka sung ah a om Pa i nasep a hihi.\wj*   
\p
\v 11 \wj Keima sia Pa sung ah ka om a, Pa sia keima sung ah om hi ci sia hong um tavun: a hibale ka nasep te mama pan in hong um tavun.\wj*   
\p
\v 12 \wj A tatak in kong ci hi, keima hong um peuma in keima vawt te ma vawt tu uh hi; taciang hi te sang in a lianzaw te zong vawt tu uh hi; banghangziam cile kei sia ka Pa kung ah pai tu khi hi.\wj*   
\p
\v 13 \wj Pa sia Tapa sung ah a minthan thei natu in, ka min taw na nget uh theampo seam tu khi hi.\wj*   
\p
\v 14 \wj Ka min taw khatpo na ngen uh le, keima in ka seam tu hi.\wj*   
\s1 Hupa Tha Thiangtho Kamciam  
\p
\v 15 \wj Nong it uh le ka thupiakte na zui vun, \wj*   
\p
\v 16 \wj Taciang Pa kung ah ka ngen tu a, Ama in a dang Hupa note hong pia tu hi, taciang note kung ah a tawntung in hong om tu hi;\wj*   
\p
\v 17 \wj Ama sia thuman Tha hi a; leitung mite in sang thei ngawl hi, banghangziam cile a mu ngawl uh hang a hihi, taciang he zong a he bua uh hi: ahihang note in Ama na he uh hi; banghangziam cile note kung ah om a, note sung ah hong om hi.\wj*   
\p
\v 18 \wj Hupa nei ngawl in hong nu sia ngawl tu khi hi: note kung ah kongpai tu hi.\wj*   
\p
\v 19 \wj Hai ngawl in leitung mite in hong mu nawn ngawl tu hi; ahihang note in nong mu tu uh hi: banghangziam cile keima ka nungta a, note zong na nungta tu uh hi.\wj*   
\p
\v 20 \wj Tua ni ciang keima sia Pa sung ah om khi hi, taciang note sia ka sung ah na om uh hi, ci le note sung ah keima ka om hi, ci sia na he tu uh hi.\wj*   
\p
\v 21 \wj Ka thupiak te a nei le a zui peuma keima hong it a hihi: taciang keima hong it peuma ka Pa in zong it tu hi, taciang keima in zong ka it tu hi, taciang a kung ah keima tatak ma ka kilak tu hi, \wj* ci hi.   
\p
\v 22 Iscariot hi ngawl a Judas in, Topa awng, leitung mite kung ah kilak ngawl in kote tung ah nong kilak tu sia bangbang ziam? ci hi.   
\p
\v 23 Jesus in, \wj Mi khatpo in keima hong it a hile ka kammal te zui tu hi: taciang ka Pa in ama it tu hi, taciang kote ama kung ah ka pai tu uh a, ama taw ka omkhawm tu uh hi.\wj*   
\p
\v 24 \wj Kei hong it ngawl peuma ka son thu te a zui bua hi: taciang na zak uh thu sia keima thu hi ngawl hi, ahihang keima hong sawl Pa i son a hihi.\wj*   
\p
\v 25 \wj Note taw ka omkhop lai in hi thu te hong son zo khi hi.\wj*   
\p
\v 26 \wj Ahihang Pa in keima min taw hong sawl tu Hupa Tha Thiangtho in, na theampo hong hil tu a, note kung ah ka son theampo a vekpi in hong phawksak tu hi.\wj*   
\p
\v 27 \wj Note taw thinnopna kong nusia hi, keima thinnopna kong pia hi: leitung i piak thinnopna bang in kong pia bua hi. Na thin uh ngimsak heak vun a, lau zong lau heak vun.\wj*   
\p
\v 28 \wj Ka pai tu a, note kung ah kong paikik tu hi, kong ci na za zo uh hi. Nong it uh le, Pa kung ah pai tu khi hi, ka ci thu na lung uh dam tu hi: banghangziam cile Pa sia kei sang in lianzaw hi.\wj*   
\p
\v 29 \wj A pian tatak ciang na up thei natu uh in, tu in hi thu teng hong sonkhol zo khi hi.\wj*   
\p
\v 30 \wj Note tung ah thu tampi kong son nawn bua tu hi: banghangziam cile hi leitung a ukpa hongpai in, ka sung ah bangma nei ngawl hi.\wj*   
\p
\v 31 \wj Ahihang keima in Pa ka it hi, ci leitung in a heak thei natu in, Pa i thupiak bang in ka vawt hi. Ding vun, hi mun pan pai tawng.\wj*   
\c 15  
\s1 Sapit Ngui le A Bakte  
\p
\v 1 \wj Keima in sapit ngui tatak ka hihi, taciang ka Pa sia huan neipa a hihi.\wj*   
\p
\v 2 \wj Keima sung ah a nga ngawl a bak peuma sat siat hi, taciang nga a nga bak peuma tam seseam a nga thei natu in heu hi.\wj*   
\p
\v 3 \wj Tu in note tung ah ka son thu tungtawn in note na thiang uh hi.\wj*   
\p
\v 4 \wj Keima sung ah hong om tavun, taciang keima zong note sung ah ka om tu hi. Sapit bak sia sapit ngui taw a kizom buale, ama thu in a nga thei ngawl bangma in; note zong keima sung ah na om bua uh le, bangma na nga thei bua tu uh hi.\wj*   
\p
\v 5 \wj Keima sia sapit ngui ka hihi, note a bak te na hi uh hi: keima sung ah om in, a sung ah keima ka om a hile, nga tampi nga tu hi: banghangziam cile keima ngawl taw note bangma na seam thei bua uh hi.\wj*   
\p
\v 6 \wj Khat po in keima sung ah a om bua ahile, a bak bangin ki vawk in, vuai tui hi; taciang mihing te in khawmtua in, meisung ah khia hi, taciang kang siat hi.\wj*   
\p
\v 7 \wj Keima sung ah na om uh a, ka thu te note sung ah a omle, na deina uh na ngen tu uh a, taciang na nget uh bang in hong vawtsak tu hi.\wj*   
\p
\v 8 \wj Nga tampi na nga uh ciang in ka Pa minthanna kilang a; tabang in ka nungzui te na hi tu uh hi.\wj*   
\p
\v 9 \wj Pa in keima hong it bangma in, kong it hi: ka itna sung ah om tawntung vun.\wj*   
\p
\v 10 \wj Keima in ka Pa thupiak nate ka zui a, Ama itna sung ah ka om bangma in, ka thupiak te na zui uh le, keima itna sung ah na om tu uh hi.\wj*   
\p
\v 11 \wj Keima angtanna sia note sung ah om a, note i angtanna a dim thei natu in hi thu te kong son hi.\wj*   
\p
\v 12 \wj Hisia in ka thupiak a hihi, keima in note kong it bang in, note khat le khat ki it tavun.\wj*   
\p
\v 13 \wj Mi khat in a lawmte atu a nuntakna a piak sang in, a lianzaw itna mihing in nei thei ngawl hi.\wj*   
\p
\v 14 \wj Ka thupiak theampo na vawt uh a hile ka lawmte na hi tu uh hi.\wj*   
\p
\v 15 \wj Tu pan kipan, sal te, kong ci bua hi; banghangziam cile sal te in a topa bangvawt ci a he bua uh hi: ahihang keima in, lawm te, kong ci zo hi; banghangziam cile Pa kung pan in ka zak theampo kong hesak siat zo hi.\wj*   
\p
\v 16 \wj Note in nong teal bua uh hi, ahihang keima in kong teal zo hi, taciang note pai in, nga na nga thei natu uh in nasep kong pia zo hi, taciang a ki khomsuan in na nga tu uh a: ka min taw Pa kung ah na nget uh theampo Ama in hong pia tu hi.\wj*   
\p
\v 17 \wj Note khat le khat na ki it natu uh in hi thu te kong pia hi.\wj*   
\s1 Thu Um te le Leitung  
\p
\v 18 \wj Leitung in note hong ensan a hile, note mai ah keima hong ensan zo hi, ci he tavun.\wj*   
\p
\v 19 \wj Leitung neisa hile uhte, leitung in ama neisa te it tu hi: ahihang note leitung i neisa na hi bua uh hi, ahihang leitung i neisa te sungpan in keima in kong teal zo hi, tua ahikom leitung in hong ensan hi.\wj*   
\p
\v 20 \wj Sal sia a topa sang in lianzaw ngawl hi, ci kong son sia phawk tawntung vun. Ama te in keima hong vawtsia a hile, note zong hong vawtsia tu hi; ka son te hong zui le, note i son te zong hong zui tu hi.\wj*   
\p
\v 21 \wj Ahihang hite theampo sia keima min hang in note tung ah vawt tu uh hi, banghangziam cile amate in keima hong sawlpa a he bua uh hi.\wj*   
\p
\v 22 \wj Amate tung ah hongpai ngawl in thu son bua leng, amate mawna nei ngawl zaw tu hi: ahihang tu in amate mawna atu in paulap a nei bua uh hi.\wj*   
\p
\v 23 \wj Kei hong ensan sia in ka Pa zong ensan a hihi.\wj*   
\p
\v 24 \wj Amate sung ah kuama i vawt ngei ngawl nate vawt ngawl in om kana leng, amate mawnei ngawl zaw tu uh hi: ahihang tu in amate in mu zo uh a, keima le ka Pa hong ensan uh hi.\wj*   
\p
\v 25 \wj Ahihang hi thu teng a pian thei na sia, amate thukham sung ah a ki atkhol, bangma thu om ngawl in hong ensan hi, ci thu a tangtun na a hihi.\wj*   
\s1 Tha Thiangtho Nasep  
\p
\v 26 \wj Ahihang Pa kung pan in note kung ah ka sawl tu Hupa, Pa kungpan hongpai thutak Thaa hong thet ciang in, Ama in keima thu tettipang tu hi:\wj*   
\p
\v 27 \wj Taciang note zong tetti na pang tu uh hi, banghangziam cile a kipat pan kipan keima taw na om zo uh hi.\wj*   
\c 16  
\p
\v 1 \wj Note na thinkiam ngawl natu in hi thu te kong son hi.\wj*   
\p
\v 2 \wj Amate in synagogue sung pan hong nawt tu uh hi: a kuamapo in note thalup sia Pathian nasep in a ngaisut uh hun hong theng tu hi.\wj*   
\p
\v 3 \wj Hi thu te sia amate in note tung ah vawt tu uh hi, banghangziam cile amate in Pa a he bua uh a, keima zong hong he bua uh hi.\wj*   
\p
\v 4 \wj Ahihang hi thu te kong son zo hi, tabang in a hun a cin ciang in, note in kong sonsa te na phawkkik tu uh hi. Taciang hi thu te sia a kipatcil in hong son ngawl khi hi, banghangziam cile keima sia note taw ka omkhop hang a hihi.\wj*   
\p
\v 5 \wj Ahihang tu in hong sawlpa kung ah pai tu khi hi; taciang, koisung ah paitu ni ziam? ci in kuama in nong dong bua uh hi.\wj*   
\p
\v 6 \wj Ahihang hi thu te hong son zo ka hikom in, na thinsung uh he na taw kidim hi.\wj*   
\p
\v 7 \wj Ahihang thutak hong son khi hi; kei pai leng note atu in phazaw hi: banghangziam cile ka pai bua ahile, Hupa sia note kung ah hongpai ngawl tu hi; ahihang ka pai ahile, Ama sia note kung ah kong paisak tu hi.\wj*   
\p
\v 8 \wj Ama hongpai ciang in leitung mite mawna, thuman ngawl na le thukhenna te hong tek tu hi:\wj*   
\p
\v 9 \wj Mawna thu sia, amate in keima hong up ngawl uh hang a hihi.\wj*   
\p
\v 10 \wj Thuman sia, Pa kung ka pai tu a, nong mu nawn ngawl tu uh hang a hihi;\wj*   
\p
\v 11 \wj Thukhenna thu sia, leitung ukpa sia thukhenna a thuak hang a hihi.\wj*   
\p
\v 12 \wj Note tung ah sonnop tampi nei lai khi hi, ahihang tu in na ngai zo nawn bua uh hi.\wj*   
\p
\v 13 \wj Ahizong thuman Thaa hongpai ciang in, Ama in thutak sung ah note hong paipui tu hi: banghangziam cile Ama thu hong son ngawl tu a; a zak theampo hong son tu hi: taciang hongpai lai tu thu te hong son tu hi.\wj*   
\p
\v 14 \wj Ama in hong minthangsak tu hi: banghangziam cile Ama in ka kung pan a sansa thu te hong lak tu hi.\wj*   
\p
\v 15 \wj Pa i neisa theampo sia keima neisa a hihi: tua ahikom, keima neisa hong laksak tu te, note hong lak tu hi, kong ci hi.\wj*   
\s1 Khuangaina sia Lungdamna Hong Suak Tu  
\p
\v 16 \wj Tawmvei sung hong mu ngawl tu nu ni: taciang tawmvei sung in nong mukik tu uh hi, banghangziam cile Pa kung ah ka pai tu hi, \wj* ci hi.   
\p
\v 17 Tua zawkciang in a nungzui pawlkhat te, amate sung ah, tawmvei sung nong mu bua tu uh hi: taciang tawmvei sung in nong mukik tu uh hi, banghangziam cile Pa kung ah ka pai tu hi, hong ci sia bang hi thong tu ziam? ci tek uh hi.   
\p
\v 18 Tua ahikom amate in, tawmvei sung, a ci sia bang hi tu ziam? bang hong son ziam ci i son thei bua hi, ci uh hi.   
\p
\v 19 Tu in Jesus in amate in thu hong dong nuam hi, ci he a, \wj Tawmvei sung nong mu bua tu uh hi: taciang tawmvei sung in nong mukik tu uh hi, ci ka son sia note sung ah ki kan na hi uh ziam?\wj*   
\p
\v 20 \wj A tatak in kong ci hi, note kap in na tau tu uh hi, ahihang leitung mite lungdam tu uh hi: note na khuangai tu uh hi, ahihang na khuangaina uh sia lungdamna hong suak tu hi.\wj*   
\p
\v 21 \wj Nupi khat nau a tut ciang in khuangai hi, banghangziam cile a hun hong cing zo hi: ahihang nau a nei zawkpo ciang, leitung ah mihing khat pian na i lungdamna hang in a haksatna a phawk nawn bua hi.\wj*   
\p
\v 22 \wj Tua ahikom note tu in na khuangai uh hi: ahihang hong mu kik tu khi hi, taciang note na lung uh dam tu hi, taciang na lungdamna uh sia mihing in hong laksak ngawl tu hi.\wj*   
\p
\v 23 \wj Tua ni ciang in note bangma nong ngen bua tu uh hi. A tatak in kong ci hi, ka min taw Pa kung ah na nget uh theampo Ama in hong pia tu hi.\wj*   
\p
\v 24 \wj Tuciang dong ka min taw bangma na ngen bua lai uh hi: ngen vun a, na nga tu uh hi, tabang in na lungdamna uh hong dim tu hi.\wj*   
\s1 Jesus in Leitung Zo  
\p
\v 25 \wj Hi thu te sontena taw note tung ah kong son hi: ahihang sontena te taw kong son ngawl hun hong theng zo hi, ahihang Pa sia a thiangtak in kong lak tu hi.\wj*   
\p
\v 26 \wj Tua ni ciang in note in ka min taw nong ngen tu uh hi: taciang, Pa kung ah kong ngetsak tu hi, kong ci bua hi:\wj*   
\p
\v 27 \wj Banghangziam cile Pa ama vateak ma in hong it hi, Pathian kung pan hongpai khi hi, ci na um zo uh hi, banghangziam cile nong it uh hang a hihi.\wj*   
\p
\v 28 \wj Pa kung pan kongpai a, leitung ah hong theng khi hi: leitung ka nusia tu a, Pa kung ah ka paikik tu hi, \wj* ci hi.   
\p
\v 29 A nungzui te in ama kung ah, en in, tu in sontena zang ngawl in a thiangtak in nong son hi.   
\p
\v 30 Tu in nangma in na theampo na he hi, taciang kuama in thu hong dok kul ngawl hi, ci ka he uh hi: hi thu hang in nangma sia Pathian kung pan hongpai na hihi, ci ka um uh hi, ci uh hi.   
\p
\v 31 Jesus in amate tung ah, \wj Tu in na um uh ziam?\wj*   
\p
\v 32 \wj En vun, a hun hong theng tu hi, tu in hong theng zo hi, tabang in na vekpi in noma om na mun tek ah na ki thethang siat tu uh hi, taciang keima bek nong nusia tu uh hi: ahihang keima bek hi ngawl khi hi, banghangziam cile Pa sia keima taw hong om hi.\wj*   
\p
\v 33 \wj Keima sung ah thinnopna na nei thei natu uh in, hi thu te kong son hi. Hi leitung ah haksatna nei tu nu hi: ahihang thinnuam in om vun, keima in leitung ka zo zo hi, \wj* ci hi.   
\c 17  
\s1 Jesus in A Umte Theampo Atu Thungen  
\p
\v 1 Jesus in hi thu teng a son zawkciang in, vantung ento a, \wj Pa awng, a hun cing zo hi; na Tapa minthangsak in, tabang in na Tapa in zong nangma min hong thangsak tu hi:\wj*   
\p
\v 2 \wj Tapa tung ah na piak theampo, Ama in tawntung nuntakna pia tu in mihing theampo tung ah thuneina na pia zo hi.\wj*   
\p
\v 3 \wj Amate in nangma bek a thuman Pathian hi, ci le na sawlkhiat Jesus Christ heak sia tawntung nuntakna hi.\wj*   
\p
\v 4 \wj Leitung ah na min ka thangsak zo hi: vawt tu in nong piak nasep ka seam zo hi.\wj*   
\p
\v 5 \wj Pa awng, tu in, leitung om ma in nangma taw ka neisa minthanna taw hong minthangsak tan.\wj*   
\p
\v 6 \wj Leitung mite sung pan nong piak mihing te tung ah na min kilangsak zo khi hi: amate sia nangma a, a hi uh a, keima nong piak te a hi uh hi; taciang amate in na thu zui uh hi.\wj*   
\p
\v 7 \wj Tu in, nangma in nong piak theampo te sia nangma tung pan hi, ci amate in he zo uh hi.\wj*   
\p
\v 8 \wj Banghangziam cile nangma in nong piak tu te amate ka pia zo hi; taciang amate in hong sang zo uh hi, taciang na kung pan in ka pusuak hi, ci le nangma in nong sawl hi, ci amate in um zo uh hi.\wj*   
\p
\v 9 \wj Amate atu in thu kong ngen hi: leitung mite atu in kong ngen bua hi, ahihang nangma i nong piak te atu thu kong ngen hi; banghangziam cile amate sia nangma a, a hihi.\wj*   
\p
\v 10 \wj Ka nei theampo sia nangma a, hi a, na nei theampo sia keima a, a hihi; taciang amate sung ah keima min a thang hi.\wj*   
\p
\v 11 \wj Tu in keima sia leitung ah om nawn ngawl tu khi hi, ahihang hi te sia leitung ah om lai tu uh hi, taciang keima sia na kung ah hongpai tu khi hi. A Thiangtho ka Pa awng, kei tung ah nong piak sate sia, eite bang in pumkhat a hi thei natu in, na min suang in na keamcing in.\wj*   
\p
\v 12 \wj Amate kung leitung ah ka omlai in, amate na min taw ka keamcing hi: nangma i nong piak te sia, laithiangtho tangtungsak siatna i tapa simngawl; khatzong bosua ngawl in ka keamcing zo hi.\wj*   
\p
\v 13 \wj Tu in na kung ah kongpai tu hi; amate in ka lungdamna sia mate sung ah a kicin thei natu in, hi thu te leitung ah ka son hi.\wj*   
\p
\v 14 \wj Amate na thu ka pia zo hi; taciang leitung mite in amate ensan uh hi, banghangziam cile keima sia leitung mi ka hi ngawl bangma in amate zong a hi bua uh hi.\wj*   
\p
\v 15 \wj Amate leitung pan lato tu in kong ngen bua hi, ahihang mihing pha ngawl pa kung pan keamcing tu in kong ngen hi.\wj*   
\p
\v 16 \wj Keima sia leitung mi ka hi ngawl bangma in, amate zong leitung mi a hi bua uh hi.\wj*   
\p
\v 17 \wj Amate na thutak taw in thiangthosak in: na kammal sia thutak a hihi.\wj*   
\p
\v 18 \wj Keima leitung ah nong sawl bang in, amate zong keima in leitung ah ka sawl hi.\wj*   
\p
\v 19 \wj Amate thutak taw in thianthosak ahi thei natu in, amate hang in keima le keima ka ki thiangthosak hi.\wj*   
\p
\v 20 \wj Amate atu bek thu kong ngen bua hi, ahihang amate thuhilna taw in keima hong umte atu zong thu kong ngen hi; \wj*   
\p
\v 21 \wj Nangma in nong sawl hi, ci leitung mite in a up thei natu uh ahizong, amate theampo pumkhat hi tu in, ka Pa awng, nangma sia keima sung ah na om a, keima zong nangma sung ah ka om bangma in, amate zong i sung ah pumkhat a hi tu in, thu kong ngen hi.\wj*   
\p
\v 22 \wj Nangma le keima sia pumkhat i hi bangma in amate zong pumkhat a sua thei natu in, nangma i nong piak minthanna sia amate ka pia zo hi:\wj*   
\p
\v 23 \wj Amate pumkhat sung ah a cialcing thei natu in, keima sia amate sung ah ka om a, taciang nangma sia ka sung ah na om hi; taciang nangma in nong sawl a, keima nong it bangma in amate zong na it hi, ci leitung mite in he tu uh hi.\wj*   
\p
\v 24 \wj Pa awng, nangma in nong piaksa te ka omna mun ah om tu in le; nangma in nong piak ka minthanna sia amate in zong a mu thei natu ka dei hi: banghangziam cile nangma in leitung a ki bitphua ma in nong it zo hi.\wj*   
\p
\v 25 \wj Maw a thuman ka Pa, leitung mite in hong he ngawl hi: ahihang keima in kong he zo hi, taciang hite in zong nangma in nong sawl hi, ci a he zo uh hi.\wj*   
\p
\v 26 \wj Na min sia amate tung ah ka tangko zo a, taciang tangko lai tu khi hi: tabang in nangma in keima nong itna sia amate sung ah om tu a, taciang keima zong amate sung ah ka om tu hi, \wj* ci hi.   
\c 18  
\s1 Jesus Ki Matna Thu  
\r Matt 26:47-56; Mk 14:43-50; Lk 22:47-53  
\p
\v 1 Hi thu te a son zawkciang in, Jesus a nungzui te taw Kidron lui ngalkhat ah pai uh hi, tua mun ah huan khat om a, tua huan sung ah nungzui te taw tum khawm uh hi.   
\p
\v 2 Jesus a leheakpa Judas zong in tua mun he hi: banghangziam cile Jesus a nungzui te taw tua mun ah pai bul uh hi.   
\p
\v 3 Judas in thiampi lian te le Pharisee te kung pan in, mi pawlkhat le palik te taw tua mun ah mei-inn, meisip te le ngal van te taw hongpai uh hi.   
\p
\v 4 Jesus in a tung ah a theng tu thu theampo hekhol zo ahikom, a mai ah pai in amate tung ah, \wj Kua zong nu ziam?\wj* ci hi.   
\p
\v 5 Amate in, Nazareth khua mi Jesus, ci uh hi. Jesus in, \wj Keima khi hi, \wj* ci hi. Ama a leheakpa Judas zong amate taw ding hi.   
\p
\v 6 Jesus in amate tung ah, keima khi hi, a ci po ciang, a nungsang uh ah thalpu siat uh hi.   
\p
\v 7 Tua zawkciang in Jesus in amate tung ah, \wj Kua zong nu ziam?\wj* ci in dong kik hi. Amate in, Nazareth mi Jesus, ci uh hi.   
\p
\v 8 Jesus in, \wj Keima khi hi, kong ci zo hi: tua ahikom keima nong zong uh ahile, hi teng paisak in, \wj* ci zo hi:   
\p
\v 9 Tabang in, nangma i nong piak te khat zong kisiasak ngawl khi hi, a ci sia a tangtun na a hihi.   
\p
\v 10 Tua zawkciang in Simon Peter in, a namsau dok a, thiampi lian i naseampa sat hi, taciang a ziatsang bil tawng pai hi. Tua naseampa min sia Malchus a hihi.   
\p
\v 11 Jesus in Peter kung ah, \wj Na namsau a paisung ah thunkik in: ka Pa i hongpiak hai sia dawn ngawl tu khi ziam?\wj* ci hi.   
\s1 Jesus Annas Mai Ah  
\p
\v 12 Tua zawkciang in mihon, ngalkapmang le palik te in Jesus man in, hencip uh a,   
\p
\v 13 Amasabel in Annas kung ah paipui uh hi; banghangziam cile ama sia Caiaphas zi i pa a hihi, tua kum in thiampi sang sia Caiaphas a hihi.   
\p
\v 14 Tu in Caiaphas sia, mipi atu in mi khat thi le phazaw hi, ci in Judah mite tung ah ngaisutna a pia pa a hihi.   
\s1 Peter in Jesus a Nialna Thu  
\r Matt 26:69-75; Mk 14:66-72; Lk 22:56-62  
\p
\v 15 Simon Peter le a dang nungzui khat in, Jesus zui uh hi: tua a dang nungzui pa sia thiampi sang in he hi, taciang Jesus taw thiampi sang pa leitual ah tum hi.   
\p
\v 16 Ahihang Peter sia kongkha hui a puasang ah ding hi. Tua zawkciang in thiampi sang pa i heak adang nungzui pa in, kongkha cing nu paupui a, Peter sia a sung ah tumpui hi.   
\p
\v 17 Kongkha cing naseam numei nu in, Peter kung ah, nangma zong hisia pa i nungzui te sung ah khat hi ngawl ni ziam? ci hi. Peter in, hi ngawl khi hi, ci hi.   
\p
\v 18 Khuasik ahikom, naseam te le palik te in meihol thut uh a; ding kawm in mei oai tek uh hi: taciang Peter zong amate taw ding a, mei oai khawm hi.   
\s1 Thiampi Sang in Jesus Thu Dong  
\r Matt 26:59-68; Mk 14;55-64; Lk 22:66-71  
\p
\v 19 Thiampi sang in Jesus sia a nungzui te thu le a thuhil nate dong hi.   
\p
\v 20 Jesus in, \wj Leitung mite tung ah a kilang in thu ka hil hi; Judah mite i pai tawntung na mun, synagogue le biakinn sung ah zong thuhil khi hi; taciang a thimtham in bangma son ngawl khi hi.\wj*   
\p
\v 21 \wj Banghang in keima hong dong ni ziam? amate tung ah ka thuhil a zate dong in: en in, amate in ka thuhil te he uh hi, \wj* ci in zo hi.   
\p
\v 22 Jesus in hibang in a son zawkciang in, a kung ah a ding palik te sung pan khat in Jesus a khut zapheak taw beang a, thiampi sang tabang in zo ni ziam? ci hi.   
\p
\v 23 Jesus in \wj A pha ngawl ka pau a hile, a phatngawlna tetti hong lak tan: ahihang ka pau na a pha a hile, banghang in hong vua ni ziam?\wj* ci in zo hi.   
\p
\v 24 Tu in Annas in Jesus sia a ki hencip sa ma in Caiaphas kung ah puak hi.   
\s1 Peter in Jesus Nial Leleau  
\r Matt 26:71-75; Mk 14:69-72; Lk 22:58-62  
\p
\v 25 Taciang Simon Peter ding in mei oai hi. Tua ahikom amate in a kung ah, nangma zong a nungzui te sung ah khat hi ngawl ni ziam? ci hi. Peter in hi ngawl khi hi, ci nial hi.   
\p
\v 26 Thiampi sang i naseam te sung pan khat, Peter in a bil a satsak pa i mealheak khat in, Jesus taw huan sung ah hong mu hi ngawl khi ziam? ci hi.   
\p
\v 27 Peter in nial kik leleau hi: tasia pociang akkhuang hi.   
\s1 Jesus Pilate Mai Ah  
\r Matt 27:1,2; Mk 15:1-5; Lk 23:1,2  
\p
\v 28 Zingtung in Jesus sia Caiaphas kung pan in Pilate inn ah paipui uh hi: amate sia a thiangtho in paisanpoai an a neak nop uh hang in, Pilate innsung ah a tum bua uh hi.   
\p
\v 29 Pilate sia amate kung ah hong pusuak a, hisia pa mawsakna thu bang keng nu ziam? ci hi.   
\p
\v 30 Amate in, ama napha ngawl seam hi bale, na kung ah hong ap ngawl tu khu hi, ci in zo uh hi.   
\p
\v 31 Tua zawkciang in Pilate in amate tung ah, Ama paipui vun a, no ma ngeina bang in thukhen vun, ci hi. Tua ahikom Judah mite in a kung ah, kote atu in mi khatpo thalup tu ngeina om ngawl hi, ci uh hi:   
\p
\v 32 Jesus in bangbang thina taw thi tu, ci a sonkholsa a tangtun na a hihi.   
\p
\v 33 Pilate a innsung ah tumkik hi, taciang Jesus sam a, nangma sia Judah te kumpi na hi ziam? ci hi.   
\p
\v 34 Jesus in, \wj Hi thu sia nangma thu in na pau ziam, a hibale keima thu ngualdang in hong son ziam?, \wj* ci in zo hi.   
\p
\v 35 Pilate in zo kik a, keima sia Judah mi khi ziam? Nangma minam le thiampi lian te in nangma ka kung ah hong ap uh hi: bang sep nei ni ziam? ci in zo hi.   
\p
\v 36 Jesus in, \wj Keima kumpingam sia hi leitung ah hi ngawl hi: ka kumpingam sia hileitung hile, Judah te khut ah hong ap ngawl natu in na naseam te in do tu uh hi: ahihang ka kumpingam sia himun hi ngawl hi, \wj* ci in zo hi.   
\p
\v 37 Tua ahikom Pilate in, tabang ahile Nangma sia kumpi na hi ziam? ci hi. Jesus in, \wj Keima sia kumpi ka hihi, nangma in hong ci ni hi. Thuman tettipang tu in ka piang a, hi leitung ah kongpai hi. Thuman taw a kizom peuma in ka aw a za uh hi, \wj* ci in zo hi.   
\p
\v 38 Pilate in, thuman sia bang ziam? ci a, a pau zawkciang in, Judah mite kung ah paikik hi, taciang amate tung ah, a mawna mu ngawl khi hi.   
\s1 Jesus Le Barabbas  
\r Matt 27:15-31; Mk 15:6-15; Lk 23:13-25  
\p
\v 39 Ahihang na ngeina uh bang in, paisanpoai ah mi khat note atu ka suatak kul hi: tua ahikom Judah te Kumpipa note atu ka suatak tu ziam? ci hi.   
\p
\v 40 Amate in, hisia pa suatak heak in, Barabbas suatak zaw in, ci in a vekpi in au kik uh hi. Barabbas sia ngual suam pa a hihi.   
\c 19  
\p
\v 1 Tua ahikom Pilate in Jesus paipui a, sat hi.   
\p
\v 2 Ngalkap te in ling taw kumpi lukhut khat pheak in, a lu tung ah khusak uh a, puan sannum silsak uh hi,   
\p
\v 3 Taciang Judah te Kumpi! na khan sau tahen, ci uh a, amate in a khut uh taw beang uh hi.   
\p
\v 4 Tua ahikom, Pilate pusuak kik a, amate tung ah, en vun, a mawna mu ngawl khi hi, ci na heak natu uh in, note kung ah hong pusua khi hi, ci hi.   
\p
\v 5 Tua zawkciang in, Jesus ling lukhu khu a, puan sannum sil in hong pusuak hi. Taciang Pilate in amate tung ah, Ama en vun! ci hi.   
\p
\v 6 Thiampi lian te le palik te in a mu uh ciang in, thinglamte tung ah khai in, thinglamte tung ah khai in, ci au uh hi. Pilate in amate tung ah, paipui tavun a, thinglamte tung ah khai vun: banghangziam cile a mawna bangma ka mu bua hi, ci hi.   
\p
\v 7 Judah mite in, ngeina nei khu hi, ka ngeina bang hile a thi tu in kilawm hi, banghangziam cile ama le ama Pathian Tapa in ki vawt hi, ci in zo uh hi.   
\p
\v 8 Tua ahikom Pilate in tua thu a zak ciang in, lau seseam hi;   
\p
\v 9 Taciang a innsung ah tum kik a, Jesus kung ah, koisung pan ni ziam? ci hi. Ahihang Jesus in zo ngawl hi.   
\p
\v 10 Tua zawkciang in Pilate in ama kung ah, hong paupui ngawl tu ni ziam? nangma thinglamte tung ah khai tu le suatak natu thuneina nei khi hi, ci he ngawl ni ziam? ci hi.   
\p
\v 11 Jesus in, \wj Tungsang pan a ki pia thu simngawl, keima langpan in thuneina na nei thei bua tu hi: tua ahikom na kung ah keima hong ap sia in a lianzaw mawna nei hi, \wj* ci in zo hi.   
\p
\v 12 Tasia pan kipan in Pilate in Jesus suatak thei natu zong hi: ahihang Judah mite in, hisia pa na suatak le, Caesar i lawm hi thei ngawl tu ni hi: a kuama po in ama le ama kumpi in a kivawt peuma Caesar langpan in kampau a hihi, ci au kheukho uh hi.   
\p
\v 13 Tua ahikom Pilate in tua a kampau a zak ciang in, Jesus pusua a, suangpheak kipha a kici na, thukhen tokhum tung ah to hi, tasia sia Hebrew kam in, Gabbatha, kici hi.   
\p
\v 14 Tua hun sia paisanpoai atu in kingin ni hi a, nai sawm le nai ni kiim a hihi: taciang ama in Judah mite tung ah, en vun, na Kumpipa uh! ci hi.   
\p
\v 15 Ahihang amate in, ama khai in, ama khai in, thinglamte tung ah that in, ci in au lialua uh hi. Pilate in amate tung ah, na Kumpipa uh thinglamte tung ah khai tu khi ziam? ci hi. Thiampi lian te in, kote in Caesar simngawl kumpi dang nei ngawl khu hi, ci in zo uh hi.   
\p
\v 16 Tua zawkciang in Pilate in Jesus sia thinglamte tung ah khai tu in amate tung ah ap hi. Taciang amate in Jesus la uh a, paipui uh hi.   
\s1 Jesus Thinglamte Tung Ah  
\r Matt 27:32-44; Mk 15:21-32; Lk 23:26-43  
\p
\v 17 Taciang a thinglamte pua in lungu mun, a kici na mun ah paipui uh hi, tua mun sia Hebrew kam in Golgotha kici hi:   
\p
\v 18 Tua mun ah amate in Jesus sia thinglamte tung ah khai uh hi, taciang midang ni te zong a ziat le vei ah khai uh a, Jesus sia a lai ah khai uh hi.   
\p
\v 19 Pilate in lai at a, thinglamte tung ah tak hi, Tua a lai at sia, \sc nazareth khuami jesus, judah te kumpi, \sc* ci hi.   
\p
\v 20 Hi lai ki at sia Judah mi tampi in sim uh hi: banghangziam cile Jesus thinglamte tung a khai na mun sia khuapi nai na a hihi: taciang tua lai sia Hebrew, Greek le Latin taw in ki at hi.   
\p
\v 21 Judah mite thiampi lian te in Pilate tung ah, Judah mite Kumpipa, ci in at heak in; ahihang, keima sia Judah mite i Kumpipa ka hihi, ci hi, ci in at zaw in, ci uh hi.   
\p
\v 22 Pilate in, ka at sa sia, ka at sa hi tahen, ci in zo hi.   
\p
\v 23 Ngalkap te in Jesus sia thinglamte tung ah a khai zawk uh ciang in, a puan sil sia khen li in khen uh a, ngalkap khat in khen khat tek la uh hi; taciang a laktong zong laksak uh hi: tua a laktong sia a zung ki khui ngawl hi a, a tung pan a nuai dong a ki tak a hihi.   
\p
\v 24 Tua ahikom amate sung ah, hisia eau tham bua tawng, ahihang kua in i nga ziam, aisan tawng, ci uh hi: hi thu sia, amate in ka puan te hawm uh a, ka laktong atu in aisan uh hi, ci laithiangtho sung ah a ki atkholsa a tangtun natu a hihi. Tua ahikom hi thu te ngalkap te in seam uh hi.   
\p
\v 25 Tu in Jesus thinglamte kung ah a nu le a nu i nau nu, Cleopas i zi Mary le Mary Magdalene te ding uh hi.   
\p
\v 26 Tua ahikom Jesus in a nu le a it mama a nungzui pa a ding a mu ciang, a nu kung ah, \wj Numei awng, na tapa en in!\wj* ci hi.   
\p
\v 27 Tua zawkciang in a nungzui pa kung ah, \wj Na nu en in!\wj* ci hi. Tua hun pan kipan tua nungzuipa in a nu sia ama inn ah ciapui hi.   
\s1 Jesus Thi Na  
\r Matt 27:45-56; Mk 15:33-41; Lk 23:44-49  
\p
\v 28 Hi teng zawkciang in Jesus in, tu in na theampo khuagkhim zo hi, ci he a, laithiangtho a tangtun natu in, \wj Ka dangtak hi, \wj* ci hi.   
\p
\v 29 Tua mun ah sapittui thuk taw a dim beal khat om hi: taciang tuihup puan khat sapittui thuk sung ah pap suk a, hyssop baak dawn ah a koi zawkciang, Jesus kam ah taa hi.   
\p
\v 30 Tua ahikom Jesus in sapittui thuk sia a san zawkciang in, \wj A zo zo hi, \wj* ci a: taciang a lu kun in thi hi.   
\s1 Jesus Pang Teipi Taw Sun  
\p
\v 31 Tua ni sia kingin ni hi a, zingciang sabbath ni zong ni thupi ahikom in, thiluang te sia thinglamte tung ah om ngawl tu in, a peang te thiaktan tu a, thiluang te la siat in, Judah mite in Pilate kung ah ngen uh hi.   
\p
\v 32 Tua ahikom ngalkap te hongpai uh a, Jesus taw thinglamte tung ah a ki khai khat sia i peang thiaktan a, taciang a dang khat sia i peang zong thiaktan uh hi.   
\p
\v 33 Ahihang Jesus kung ah hongpai ciang in, thi zo hi, ci a mu uh ciang a peang thiatansak ngawl uh hi:   
\p
\v 34 Ahizong ngalkap te sungpan khat in Jesus pang pan in teipi taw sun a, thakhatthu in thi le tui hong pusuak hi.   
\p
\v 35 Hi thu a mu pa in tettipang hi, taciang tettipan na sia a man hi: na up thei natu uh in, a son thu man hi, ci a he uh hi.   
\p
\v 36 Hibang thu te a vawt na sia, a ngu khat zong ki thiaktan ngawl hi, ci laithiangtho a tangtun na a hihi.   
\p
\v 37 A dang laithiangtho in a son kik na ah, amate in a sut pa en tu uh hi, ci hi.   
\s1 Jesus Than Ah Ki Vui  
\r Matt 27:57-61; Mk 15:42-47; Lk 23:5-56  
\p
\v 38 Hisia zawkciang in, Judah mite a lau uh hu in a thimtham in Jesus nung a zui, Arithmathaea khua mi Joseph in Pilate kung ah Jesus luanghawm la tu in ngen a: Pilate in pia hi. Tua ahikom Joseph in Jesus luang la hi.   
\p
\v 39 Jesus kung ah zan lai in a pai ngei Nicodemus sia myrrh le aloe a kihel, pong zakhat keng in hongpai hi.   
\p
\v 40 Amate in Jesus luang la a, Judah te mithi vui ngeina bang in, ngim namtui le puan neamno taw tun uh hi.   
\p
\v 41 Jesus thinglamte tung a khai na mun ah huan khat om a; tua huan sung ah kuama a ki vui ngei ngawl lai na mun than thak khat om hi.   
\p
\v 42 Judah mite kingin ni ahikom in Jesus sia tua than ah vui uh hi; banghangziam cile tua than sia a nai na ah om hi.   
\c 20  
\s1 Jesus Thawkikna  
\r Matt 28:1-10; Mk 16:1-10; Lk 24:1-12  
\p
\v 1 Nipi kalkhat sung ni masabel ni zingtung khuavak ma, Mary Magdalene sia than ah pai a, suangtum sia than pan a ki khin sa in mu hi.   
\p
\v 2 Tua zawkciang in Mary Magdalene sia tai a, Simon Peter le Jesus i it mama a dang nungzui pa kung ah pai hi, taciang amate tung ah, Topa sia mite in than pan in la zo uh hi, taciang a koina mun ka he bua hi, ci hi.   
\p
\v 3 Tua ahikom Peter le a dang nungzui pa sia, than ah pai uh hi.   
\p
\v 4 A ni in tai khawm uh hi: taciang a dang nungzui pa in Peter suangkhial a, than theng masa hi.   
\p
\v 5 Taciang kun a, a sung a et ciang in, puan neamno mu napi, a sung ah tum ngawl hi.   
\p
\v 6 A nung pan in Simon Peter in zui a, than sung ah tum hi, taciang puan neamno sia mu hi,   
\p
\v 7 Jesus lu tuam na dial zong mu a, puan neamno taw munkhat a omkhawm ngawl hi, ahihang a tuam veve in a kizial sa in om hi.   
\p
\v 8 Tua zawkciang in than a theng masa a dang nungzui khat sia zong a sung ah tum hi, taciang mu a, um hi.   
\p
\v 9 Banghangziam cile, thina pan thokik tu hi, ci laithiangtho sia amate in a heak ngawl lai uh hang a hihi.   
\p
\v 10 Tua zawkciang in nungzui te amate inn tek ah ciakik uh hi.   
\s1 Mary Magdalene Kung ah Jesus Kilaak  
\r Matt 28:9,10; Mk 16:9-11  
\p
\v 11 Ahihang Mary sia than puasang ah ding in kap hi: taciang a kap kawm in kun a, than sung en hi,   
\p
\v 12 Taciang vantungmi ni puanpak sil a, Jesus luang kisial na mun a luthung ah khat, a khawdop ah khat, a to mu hi.   
\p
\v 13 Vantungmi te in, numei awng, banghang in kap ni ziam? ci hi. Mary in, ka Topa hong laksak zo uh a, a koi na mun he ngawl ka hikom kap khi hi, ci hi.   
\p
\v 14 Tabang a pau zawkciang in, Mary in a nungsang le-et a, Jesus a ding mu hi, taciang Jesus ahi hunlam a he bua hi.   
\p
\v 15 Jesus in am tung ah, \wj Numei awng, banghang in kap ni ziam? kua zong ni ziam?\wj* ci hi. Mary in huancing pa sa a, ama tung ah, Topa awng, nangma in la na hile na koina hong son tan, taciang keima in ka la tu hi, ci hi.   
\p
\v 16 Jesus in ama tung ah, \wj Mary, \wj* ci hi. Mary zong Jesus sang ah kihei a, Rabboni, ci hi; Rabboni a ci sia, Syapa awng, a ci na a hihi.   
\p
\v 17 Jesus in Mary kung ah, \wj Hong tham heak in; banghangziam cile ka Pa kung ah kato ngawl lai khi hi: ahihang ka suapui te kung ah pai tan a, na Pa uh le ka Pa kung ah kato tu khi hi; keima i Pathian le note i Pathian zong a hihi, ci in son in, \wj* ci hi.   
\p
\v 18 Mary Magdalene pai in, Topa mu zo khi hi, taciang hi thu te zong hong son hi, ci in a nungzui te kung ah son hi.   
\s1 Nungzui te Kung ah Jesus Kilaak  
\r Lk 24:36-43; Sawl 1:6-8  
\p
\v 19 Nipi khat sung ni masabel ni, nitak sang in, nungzui te sia Judah mite a lau uh hu in, innkha te khak siat in, a kikhop uh laitak, Jesus hongpai a, amate laizang ah hong ding hi, taciang\wj Note tung ah thinnopna om tahen, \wj* ci hi.   
\p
\v 20 Tabang in a paupui zawkciang, Jesus in a khut te le a pang amate lak hi. Tua zawkciang in a nungzui te in Topa a mu uh ciang in angtang mama uh hi.   
\p
\v 21 Tua zawkciang in Jesus in amate tung ah, \wj Note tung ah thinnopna om tahen: ka Pa in keima hong sawl bang in, keima in note kong sawl hi, \wj* ci hi.   
\p
\v 22 Hi thu a son zawkciang in, amate tung ah mut a, \wj Tha Thiangtho sang tavun.\wj*   
\p
\v 23 \wj Ngual dang mawna te na maisak uh le, mai tu a, na maisak bua uh le, mai ngawl tu hi, \wj* ci hi.   
\s1 Jesus le Thomas  
\p
\v 24 Ahihang nungzui sawm le ni te sung pan khat, Didymus a kici Thomas sia, Jesus hongpai laitak in amate taw om ngawl hi.   
\p
\v 25 Tua ahikom nungzui dang te in, Topa ka mu zo uh hi, ci uh hi. Ahihang Thomas in amate tung ah, a khut te thikpim taw a kikhet na mapawn mu ngawl in, thikpim mapawn ah ka khutme ka tham bua a hile, taciang a pang sung ah ka khut ka thun bua a hile, um ngawl tu khi hi, ci hi.   
\p
\v 26 Ni liat zawkciang in nungzui te innsung ah om tek uh a, Thomas zong amate taw om hi: taciang innkha te a kha siat uh hi napi, Jesus hongpai a, amate laizang ah ding in, \wj Note tung ah thinnopna om tahen, \wj* ci hi.   
\p
\v 27 Tua zawkciang in Thomas kung ah, \wj Na khutme taw tham in a, ka khut te en in; na khut ka pang sung ah thun in: taciang um ngawl om heak in, um in, \wj* ci hi.   
\p
\v 28 Taciang Thomas in, ka Topa le ka Pathian, ci in zo hi.   
\p
\v 29 Jesus in ama kung ah, \wj Thomas awng, nang in nong mu hang in, hong um ni hi: mu ngawl napi a, a um te thuphatoai a hihi, \wj* ci hi.   
\s1 Lungdamna Thu John i Tupna  
\p
\v 30 Hi laibu sung ah a ki at ngawl, musakna a dang tam mama, Jesus in a nungzui te mai ah vawt hi:   
\p
\v 31 Ahihang note in Jesus sia Pathian Tapa, Christ hi, ci na um uh a; tua na upna uh hang in a min tungtawn in nuntakna na nga thei natu uh in, hi thu te a ki at a hihi.   
\c 21  
\s1 Nungzui Sawm le Ni Te Kung ah Jesus Kilaak  
\p
\v 1 Hiteng zawkciang in Jesus sia a nungzui te kung Taiberias tuili hui ah kilaakkik hi; taciang a kilaak dan sia hibang a hihi.   
\p
\v 2 Simon Peter le Didymus kici Thomas, Galilee ngam Cana khuami Nathanael, Zebedee tapa te le a dang nungzui ni te zong om uh hi.   
\p
\v 3 Simon Peter in amate tung ah, kei ngasa man ka pai tu hi, ci hi. Amate in ko zong nangma taw pai tu khu hi, ci uh hi. Amate pai vingveng in ngunkuang sung ah tuak uh hi; taciang tua zan in bangma a man bua uh hi.   
\p
\v 4 Zingsang ciang in Jesus sia tui hui ah ding hi: ahihang a nungzui te in Jesus a hi hunlam a he bua uh hi.   
\p
\v 5 Jesus in, \wj Tano te awng, neakpha khatpo nei ngawl nu ziam?\wj* ci hi. Amate in, nei ngawl khu hi, ci in zo uh hi.   
\p
\v 6 Jesus in amate tung ah, \wj Na ngunkuang ziatsang ah na ngen pai vun a, mu tu nu hi, \wj* ci hi. Tua ahikom amate zong paai uh a, ngasa tampitak awk ahikom in a ngen uh zong kai zo ngawl liang uh hi.   
\p
\v 7 Tua ahikom Jesus i a it mama nungzui pa in, Peter kung ah, Topa hi, ci hi. Simon Peter in Topa hi, ci a zak ciang in, ngasa matna laktong sia vet in, tuisung ah leangsuk hi, banghangziam cile ama a pumnguak a hihi.   
\p
\v 8 Adang nungzui te sia ngunkuang no taw hongpai uh a; ngasa taw a dim ngen kai uh hi. Banghangziam cile amate sia tui hui pan in khuala ngawl hi, tong za ni kiim khawng bekma khuala hi.   
\p
\v 9 Amate tui hui ah a thet po uh ciang, meihol a ki seam meitung ah, ngasa le anluum a ki em mu uh hi.   
\p
\v 10 Jesus in amate tung ah, \wj Tu in na mat uh ngasa hiak ah hong paipui tavun, \wj* ci hi.   
\p
\v 11 Simon Peter hong kato a, ngasa lian mama za le sawm nga le thum taw a dim ngen tui hui ah kai uh hi: tabang in ngasa tam mama hi napi, a ngen uh tat ngawl hi.   
\p
\v 12 Jesus in amate tung ah, \wj Hongpai tavun a, ne vun, \wj* ci hi. Nungzui te in, Topa hi, ci he napi, kuama in, Kua ni ziam? ci a dong ngam bua uh hi.   
\p
\v 13 Jesus hongpai a, anluum la in amate pia hi, tabangma in ngasa zong la a amate pia hi.   
\p
\v 14 Hi thu sia Jesus thina pan a thawkik zawk, nungzui te kung ah a thumvei na a kilaak na a hihi.   
\s1 Jesus in Peter Thu Dong  
\p
\v 15 Amate an a neak zawk uh ciang in Jesus in, Simon Peter kung ah, \wj Jonah tapa, Simon awng, hi te sang in nong it zaw ziam?\wj* ci hi. Simon Peter in, hi hi, Topa awng; hong it khi hi, ci nangma in na he hi, ci hi. Jesus in, \wj Ka tuuno te an vak in, \wj* ci hi.   
\p
\v 16 Jesus in, \wj Jonah tapa, Simon awng, nong it ziam?\wj* ci in a ni vei na ci kik hi. Simon Peter in, hi hi, Topa awng; kong it hi, ci nangma in na he hi, ci hi. Jesus in ama kung ah, \wj Ka tuu te an vak in, \wj* ci hi.   
\p
\v 17 Jesus in, \wj Jonah tapa, Simon awng, nong it ziam?\wj* ci in a thum vei na ci hi. Tabang thum vei dong Jesus in, nong it ziam? a ci hu in Peter khuangai a, Jesus kung ah, Topa awng, Nangma in na theampo na he hi; hong it khi hi, ci na he hi, ci hi. Jesus in ama kung ah, \wj Ka tuu te an vak in.\wj*   
\p
\v 18 \wj A tatak in kong ci hi, na khangmoi lai in nangma thu in kawngkhau kil tawm a, na uk na po ah na pai hi: ahihang na huai zawkciang in na ban te na phal tu a, ngual in hong kilsak tu hi, taciang na uk ngawl na mun ah hong pua tu uh hi, \wj* ci hi.   
\p
\v 19 Hi thu a son ciang, bangbang thi na taw Pathian minthangsak tu ci kilangsak hi. Taciang hi thu a son zawkciang, Jesus in Peter kung ah, \wj Hong zui tan, \wj* ci hi.   
\s1 Jesus le John  
\p
\v 20 Peter hong kihei a, Jesus i a it mama a nungzui pa in a zui mu si; tua mun sia nitak an a neakkhop na uh mun ah Jesus kang neal in, Topa awng, nangma hong leheak sia a kua ziam? ci hi.   
\p
\v 21 Peter in tua pa a mu ciang in, Topa, hisia pa bangbang hitu ziam? ci in Jesus kung ah ci hi.   
\p
\v 22 Jesus in, \wj Ka thet dong om tu in ka dei le, nang atu in bang poimaw ni ziam? nang hong zui po tan, \wj* ci hi.   
\p
\v 23 Tua zawkciang in, tua a nungzui pa sia thi ngawl tu hi, ci thu suapui te sung ah hong kizel hi: ahihang Jesus in, ama sia thi ngawl tu hi, ci ngawl hi; ahihang, ka thet dong om tu in ka dei le, nang atu bang poimaw ziam? a ci hi zaw hi.   
\p
\v 24 Hi a nungzui pa sia, hi thu te tetti pan nate a at pa a hihi: taciang hi tettipan na sia a man a hihi, ci ka he hi.   
\p
\v 25 Jesus i sep na dang tampi om lai hi, ta te sia khatsim at siat leang, leitung ah tua thu at natu laibu te ta zo ngawl tu hi, ci ka ngaisun hi. Amen.