\id ZEP  
\h SEFANAIA 
\toc1 Sefanaia 
\toc2 Sefanaia 
\toc3 Sef 
\mt1 Sefanaia  
\ib  
\is1 Kapas akom  
\iot I. Iten ei puk: Sefanaia, pun mine a mak lon, an kapasen osuni. Wewen ei it Sefanaia: Ätewe ewe Samol mi Lapalap a aopa.  
\iot II. Chon makei ei puk: Sefanaia  
\iot III. Itelapemongen ei puk: Oupwe ekieksefäl, pun än ewe Samol mi Lapalap apwüng epwe tori chon fanüfan meinisin.  
\iot IV. Kapas aüchean ei puk: Sefanaia a asile ngeni ekewe chon Juta, pwe feiengau epwe toriir me chon ekewe mwü pokiten ar tipis, a pwal achipa chokewe mi chüen manau me mürin.  
\iot V. Masouen ei puk Sefanaia: Ewe Soufos Sefanaia a afalafala ekewe aramas lefilen ekewe ier 636 tori 623 mwen Kraist (B.C.), mwen fansoun än ewe king Josia aöchüsefäli ar angangen fel ngeni Kot lon ewe ier 621 mwen Kraist. Lon ei puk a mak kapasen osuni usun eu ränin apwüng me feiengau, lupwen ewe Samol mi Lapalap epwe apwüngü ekewe chon Juta pokiten ar fel ngeni pwal ekoch kot. Ewe Samol mi Lapalap epwe pwal apwüngü chon ekewe ekoch mwü. Inamwo ika Jerusalem epwe tala, nge epwe war eu fansoun, lupwen ewe telinimw epwe kaüsefäl, nge eu mwichen aramas mi tipetekison o pwüng epwe imweimw lon.  
\iot VI. Tettelin masouen ei puk:  
\io1 Ränin än ewe Samol mi Lapalap apwüng epwe war \ior 1.1-18\ior*  
\io1 Feiengauen chon ekewe mwü mi nom ünükün Juta \ior 2.1-15\ior*  
\io1 Feiengauen chon Jerusalem me ar küna ngas \ior 3.1-20\ior*  
\c 1  
\s1 Ewe ränin än Kot apwüng  
\sr 1.1-18  
\p
\v 1 Iei alon ewe Samol mi Lapalap ngeni Sefanaia nöün Kusi we mwän. Kusi nöün Ketalia, Ketalia nöün Amaria, nge Amaria nöün Hiskia. Ei a fis lon mwün Josia ewe kingen Juta nöün Amon we mwän. \x + \xo 1.1 \xt 2.King 22.1–23.30; 2.Kron 34.1–35.27\x*   
\p
\v 2 Iei alon ewe Samol mi Lapalap, “Ngang üpwe wesewesen ataela mettoch meinisin won fanüfan.  
\v 3 Üpwe niela aramas me man, ekewe mansüsü me ekewe ikenen leset. Üpwe asapwilätiu ekewe aramasangau o ärala aramas meinisin seni won fanüfan. Ngang ewe Samol mi Lapalap üa kapas.  
\v 4 Üpwe apwüngü chon Juta me chon Jerusalem meinisin. Üpwe ärala seni ei leni mine a chüen fis ren angangen fel ngeni Paal, üpwe pwal arosala ekewe souasor mi angang ngeni anümwäl.  
\v 5 Üpwe ärala chokewe mi fel ngeni akkar me maram me ekewe fü me won ekewe imw. Üpwe pwal ärala chokewe mi fel ngeniei o eäni itei lon ar pwon fän akapel, nge ra pwal eäni iten ewe kot Milkom lon ar pwon fän akapel.  
\v 6 Üpwe ärala chokewe mi kul seni ar tapwela müri, chokewe resap küttaei ika resap angei öüröürer me rei.”   
\p
\v 7 Oupwe mosonosonola fän mesen Kot ewe Samol mi Lapalap. Pun ränin ewe Samol mi Lapalap a arapoto. A amolätä eu asor o apini chokewe a körireto.  
\v 8 Iei alon ewe Samol mi Lapalap, “Lon ewe ränin asor üpwe apwüngü ekewe meilap me nöün ewe king kewe mwän, pwal meinisin mi föri örünien chon ekis.  
\v 9 Üpwe pwal apwüngü ir meinisin mi eäni fel lon lapalapen chon lükün, pwal chokewe mi solä o nimanauei aramas pwe repwe aura imwen ar kot ren mine ra angei seniir.”   
\p
\v 10 Iei alon ewe Samol mi Lapalap, “Lon ewe rän aramas repwe rongorong eu puchör seni ewe Asamalapen Ik me lon Jerusalem, eu ngüngüres seni ewe kinikin söfö me lon ewe telinimw me eu ngüngün ta mi leüömong seni ekewe chukutekison.  
\v 11 Oupwe ngüngüres ämi mi imweimw lon kinikinin ewe telinimw me fan, pun ekewe chon amömö meinisin repwe rosola, nge ekewe chon kiloni silifer repwe ärela.  
\v 12 Lon ewe fansoun üpwe chosani Jerusalem fän eu lamp. Üpwe apwüngü ekewe mwän mi menemen ren püsin ar tufich o lükü püsin ir, ir chokewe mi ekieki lon leluker, ‘Ewe Samol mi Lapalap esap föri och mi mürina, esap pwal föri och mi ngau.’  
\v 13 Aramas repwe soläni ar kewe pisek, nge imwer kewe repwe tala. Inamwo ika ra aüetä imwer, resap fokun nonom lor. Inamwo ika ra fotuki tanipin wain, resap fokun ün wain seniir.”   
\p
\v 14 Ewe rän mi lap, ränin ewe Samol mi Lapalap a arapoto, a arapoto o müttirito. Oupwe rong! Ränin ewe Samol mi Lapalap epwe eu rän mi weires. Pwal ekewe mwän mi pwora repwe leüömong le puchörüngau.  
\v 15 Ewe rän epwe eu ränin lingeringer, eu ränin riaföü me niuokus, eu ränin tatakis me feiengau, eu ränin rochopwak me toputop, eu ränin kuchuchu me rochokichin rochopwak,  
\v 16 epwe pwal eu ränin tikin rappwa me puchörün maun, lupwen ekewe sounfiu repwe maun ngeni ekewe telinimw mi pöchökül tittir me ekewe imw tekia mi nom lon ekewe pwokuku.   
\p
\v 17 Iei alon ewe Samol mi Lapalap, “Üpwe atoto riaföü won aramas pwe repwe fetal usun chon chun pokiten ar tipis ngeniei. Char epwe ninitiu usun chök koluk, nge fituker epwe toropas usun chök kiten mongö.”  
\v 18 Sap ar silifer ika ar kolt epwe tongeni angaseer lon ewe ränin än ewe Samol mi Lapalap lingeringer. Unusen fanüfan epwe karala ren ekkeiin an lingeringer, pun epwe müttir le awesi manauen chon fanüfan meinisin.   
\c 2  
\s1 Feiengauen chon ekewe mwü mi nom ünükün Juta  
\sr 2.1-15  
\p
\v 1 Oupwe chufengen o amwichafengenikemi, ämi chon ewe mwü esap sile säw,  
\v 2 me mwen eman epwe asükemiila usun asepwäl a ässala pön wiich, me mwen epwe wareitikemi än ewe Samol mi Lapalap song mi fokun watte, pwal mwen epwe torikemi ränin än ewe Samol mi Lapalap lingeringer.  
\v 3 Oupwe kütta ewe Samol mi Lapalap, ämi meinisin mi tipetekison me lon ewe fanü, ämi mi aleasochis ngeni an kewe allük. Oupwe föri mine a pwüng o atekisonakemi. Eli oua tongeni sü seni ewe apwüng lon ränin än ewe Samol mi Lapalap lingeringer.  
\v 4 Pun Kasa epwe pönüla, nge Askalon epwe wiliti eu fanüapö. Ekewe aramasen Astot repwe kasüla leoloas, nge ekewe chon Ekron repwe sä seni telinimwer.   
\p
\v 5 Feiengau epwe torikemi, ämi mi imweimw aroset, ämi chon Keret. Ewe Samol mi Lapalap a apwüngala pwe epwe ataela Kanaan, ewe fanüen chon Filistia. Epwe arosakemiila tori esap chüen wor eman lusun.  
\v 6 Nge fanüemi mi nom aroset epwe wiliti eu mälämäl, ia chon masen sip ra nom ie me ar lenien sip.  
\v 7 Ekewe chon Juta mi chüen manau repwe fanüeni ewe fanü mi nom aroset. Repwe foleni nöür sip won, nge lefäf repwe anut lon imwen chon Askalon. Ewe Samol mi Lapalap ar we Kot epwe kirikiröch ngeniir o aliwini ngeniir wöür.   
\p
\v 8 Iei alon ewe Samol mi Unusen Manaman, ewe Koten Israel, “Üa rongorong än chon Moap kapasen turunufas me än chon Amon kapasen ämängau usun nei aramas. Ra tunosikesik pwe repwe liapeni fanüer.  
\v 9 Mwo manauei, ekewe fanü Moap me Amon repwe tala usun Sotom me Komora, repwe wiliti eu fanüen pötöwölingau me pwangen salt, repwe eu fanüapö tori feilfeilachök. Nei aramas mi chüen manau repwe angei pisekir fän pöchökül o fanüeni fanüer.” \x + \xo 2.9 \xt Ken 9.24\x*  
\v 10 Iei usun mine epwe fis ngeni chon Moap me chon Amon pwe liwinin ar lamalamtekia, pun ra turunufas o tunosikesik ngeni nöün ewe Samol mi Unusen Manaman aramas.  
\v 11 Ewe Samol mi Lapalap epwe eniweer, lupwen epwe ataela ekewe koten fanüfan meinisin. Mürin, chon ekewe mwü meinisin repwe fel ngeni Kot lon en me püsin fanüan.   
\p
\v 12 Pwal ämi chon Itiopia, oupwe ninnila ren nöün ketilas. \x + \xo 2.12 \xt Ais 18.1-7\x*  
\v 13 Iwe, Kot epwe aitiela pöün ngeni efeng o ataela Asiria. Epwe föri pwe Ninifa epwe pönüla, epwe eu leni mi pwasapwas usun eu fanüapö.  
\v 14 Epwe eu leni ia pwin sip me kow me sokopaten man repwe nom ie. Ekewe fukuro repwe nom letonen ekewe ür, nge tirisin ngüngür epwe towu seni ekewe asammwacho. Ioien pipi repwe nom lon ekewe asamalap, etippen ekewe imw seni setar repwe ripiwu.  
\v 15 Iei usun mine epwe fis ngeni ewe telinimw mi tekia o nükünük. Aramasen lon ra ekieki pwe ar telinimw a iteföüla seni ekewe telinimwen fanüfan meinisin. Iei epwe wiliti eu leni mi fokun pönüla, eu leni ia manmwacho ra nom ie. Iteiten eman me eman mi pwere seni epwe ngäri o itiitini. \x + \xo 2.15 \xt Ais 10.5-34; 14.24-27; Ne 1.1–3.19\x*   
\c 3  
\s1 Än Jerusalem tipis me an ngasala  
\sr 3.1-20  
\p
\v 1 Feiengauen Jerusalem, ewe telinimw mi ngau o ü ngeni Kot, a ariaföüü püsin nöün aramas.  
\v 2 Esap mochen rongorong mwelien Kot, esap etiwa an kapasen emirit. Esap lükü ewe Samol mi Lapalap, esap pwal kanoto ren.   
\p
\v 3 Nöün kewe nöüwis ra usun chök laion mi wörüwör, nöün kewe soukapwüng ra usun chök wolif mi echik, resap likiti och tori lesosor.  
\v 4 Nöün kewe soufos ra tunosikesik o uren atuputup, nöün kewe souasor ra apiningaua mine a pin o fokun sorei än Kot allük.  
\v 5 Nge ewe Samol mi Lapalap mi nom lon ewe telinimw a fokun pwüng, esap föri och mi mwäl. Iteiten lesosor a pwärawu an pwüng, esap etiwala eu rän. Nge ekewe chon pwüngingau ra chök föri mine a ngau, nge resap sile säw.   
\p
\v 6 Iei alon ewe Samol mi Lapalap, “Ngang üa ärala chon ekewe mwü. Ar kewe imw tekia o pöchökül ra tala. Üa föri pwe ekewe al ra pön, pwe esap wor eman a fetal wor, pwal ar kewe telinimw ra tala, pwe esap wor eman aramas a nonom lor.  
\v 7 Üa apasa, ‘Amwo itä nei aramas repwe meninitiei, repwe etiwa ai kapasen emirit, pwe imwer esap tala, esap pwal toriir ewe apwüng üa amolätä fän iter.’ Nge ir ra chök achocho le alapala ar föför mi ngau.”   
\p
\v 8 Iei alon ewe Samol mi Lapalap, “Oupwe chök witiwitiei, oupwe witiwiti ewe rän, lupwen üpwe ütä o atipisi chon ekewe mwü. Pun üa fen apwüngala pwe üpwe achufengeni chon ekewe fanü me mwü, pwe üpwe awarato wor ai chou me ai song mi fokun watte. Pun unusen fanüfan epwe tala ren ekkeiin ai lingeringer.   
\p
\v 9 Mürin, üpwe awili letipen chon ekewe mwü, pwe resap chüen fel ngeni ekewe uluulun anümwäl, nge repwe chök iotek ngeniei, Ngang ewe Samol mi Lapalap, o angang ngeniei fän tipeeu.  
\v 10 Nei kewe aramas mi fel ngeniei, ir mi toropasfeil, repwe uwato ar asor ngeniei seni pekilan ekewe chanpupun Itiopia.   
\p
\v 11 Lon ena fansoun ousap chüen säw pokiten oua ü ngeniei. Pun üpwe atowu seni me leimi chokewe mi lamalamtekia o tunosikesik, pwe ousap chüen ü ngeniei me won chuki mi pin.  
\v 12 Nge üpwe likiti me leimi eu mwichen aramas mi tipetekison o tipefesir, repwe anomu ar apilükülük woi.  
\v 13 Iwe, chokewe mi chüen manau me lon Israel resap chüen föri föför mi mwäl, resap pwal chüen eäni kapas chofana me kapasen atuputup. Repwe fefeitä o nom fän kinamwe, nge esap wor eman epwe eniwokusuur.” \x + \xo 3.13 \xt Pwär 14.5\x*   
\q1
\v 14 Oupwe leüomong le köl fän pwapwa, ämi chon Israel!  
\q1 Oupwe meseik o mwänek ren unusen lelukemi, ämi chon Jerusalem!   
\q1
\v 15 Ewe Samol mi Lapalap a aükätiu ämi kewe apwüng  
\q1 o asüela chon oputemi.  
\q1 Ewe Samol mi Lapalap ewe Kingen Israel a nom remi,  
\q1 pwe ousap chüen niuokusiti och feiengau.   
\q1
\v 16 Lon ena fansoun repwe apasa ngeni Jerusalem,  
\q1 “Kosap niuokus, en Sion,  
\q1 kosap aitietiu poum.   
\q1
\v 17 Ewe Samol mi Lapalap om we Kot a nom reöm,  
\q1 a wor an manamanen amanaua aramas.  
\q1 Epwe meseik reöm fän pwapwa,  
\q1 epwe asöföök ren an tong.  
\q1 Epwe ingemwareituk fän köl mi leüömong,   
\q1
\v 18 usun aramas ra pwapwa lon ar ränin chulap.”  
\q1 Iei alon ewe Samol mi Lapalap,  
\q1 “Üa aükätiu ewe niuokusun feiengau  
\q1 o angei senuk om itengau.   
\q1
\v 19 Lon ena fansoun üpwe apwüngü chokewe meinisin mi ariaföüük.  
\q1 Üpwe angasa ekewe mi pechemä o aliwinisefäli ekewe chon oola.  
\q1 Üpwe akasiwili ar säw ngeni iteüöch,  
\q1 nge chon fanüfan meinisin repwe mwareitiir.   
\q1
\v 20 Lon ena fansoun, lupwen üpwe achufengenikemi,  
\q1 üpwe aliwinisefälikemi ngeni leniemi.  
\q1 Üpwe aiteüöchükemi me lein chon fanüfan meinisin pwe repwe mwareitikemi,  
\q1 lupwen üpwe aliwinisefäli ekewe chon oola.”  
\q1 Iei alon ewe Samol mi Lapalap.