\id ZEC  
\h SEKARAIA 
\toc1 Sekaraia 
\toc2 Sekaraia 
\toc3 Sek 
\mt1 Sekaraia  
\ib  
\is1 Kapas akom  
\iot I. Iten ei puk: Sekaraia, pun mine a mak lon künaan, an kewe afalafal me an kewe kapasen osuni. Wewen ei it Sekaraia: Ewe Samol mi Lapalap a chechemeni.  
\iot II. Chon makei ei puk: Sekaraia  
\iot III. Itelapemongen ei puk: Ach angang esap fis ren pöchökül, esap pwal fis ren manaman, nge epwe fis ren Ngünün Kot.  
\iot IV. Kapas aüchean ei puk: Kot a nemeni fanüfan, iei mine ekewe chon Juta mi chüen manau repwe apilükülüköch.  
\iot V. Masouen ei puk Sekaraia: Ei puk Sekaraia a kinikinitiu lon 2 kinikin:  
\io2 1. Sopun 1-8: Än ewe soufos Sekaraia kapasen osuni me künaan lon ewe fansoun seni ewe ier 520 tori 518 mwen Kraist (B.C.). A pwärätä usun kaüsefälin ewe telinimw Jerusalem me ewe imwenfel, usun än nöün Kot kewe aramas repwe limöch, pwal usun ewe fansoun ewe Chon Amanau epwe feito.  
\io2 2. Sopun 9-14: Kochufengenin ekoch pworaus usun ewe Chon Amanau ra witiwiti, me ewe apwüngün lesopolan.  
\iot VI. Tettelin masouen ei puk:  
\io1 Ekewe kapasen fön me apilükülüköch \ior 1.1–8.23\ior*  
\io1 Kot epwe apwüngü chon ekewe mwü mi nom ünükün Israel \ior 9.1-8\ior*  
\io1 Än ekewe aramas feiöch me nonom fän kinamwe lon ekewe fansoun repwe feito \ior 9.9–14.21\ior*  
\c 1  
\s1 Kapasen tüngor pwe aramas repwe liwin ngeni Kot  
\sr 1.1-6  
\p
\v 1 Iwe, lon aruuen ierin mwün Tarius, lon ewe awaluen maram, ewe Samol mi Lapalap a kapas ngeni ewe soufos Sekaraia nöün Perekia we mwän, nge Perekia nöün Ito. \x + \xo 1.1 \xt Esr 4.24–5.1; 6.14\x*  
\v 2 Iwe, ewe Samol mi Unusen Manaman a tini Sekaraia pwe epwe üreni ekewe aramas, “Ngang ewe Samol mi Lapalap üa fokun song ngeni ämi kewe lewo.  
\v 3 Nge iei üpwe ürenikemi: Oupwe liwin ngeniei, nge ngang üpwe liwin ngenikemi.  
\v 4 Ousap apirü ämi kewe lewo. Ekewe soufos me lom ra üreniir fän aloi pwe repwe ükütiu seni ar kewe lapalapangau me föför mi ngau. Nge ir resap aüselinga ika aleasochisiei. Ngang ewe Samol mi Lapalap üa kapas.  
\v 5 Ikafa ir ämi kewe lewo? Ifa usun, ekewe soufos ra manau tori feilfeilachök?  
\v 6 Ifa usun, ai kewe kapas me ai kewe allük üa allük ngeni nei kewe chon angang ekewe soufos resap küw ämi kewe lewo? Iei mine ra ekieksefäl o üra: Usun mine ewe Samol mi Unusen Manaman a ekiekietä pwe epwe föri ngenikem fän iten äm kewe lapalap me föför, iei usun a föri ngenikem.”   
\s1 Künään ewe soufos usun ekewe oris  
\sr 1.7-17  
\p
\v 7 Iwe, lon aruuen ierin mwün Tarius, lon rüe me rüanün ränin ewe engol me aeuin maram, iei ewe maram Sepat, ewe Samol mi Lapalap a kapas ngeni ewe soufos Sekaraia. Iwe, Sekaraia a üra,  
\v 8 “Lepwin ewe a wor künaei. Üa küna eman mwän mi wawa eman oris mi par. A nom lein ekewe mwoosor lon ewe lemol mi chökis. Nge lükisökürün a wor pwal ekoch oris mi par, tiketikepar me pwech. \x + \xo 1.8 \xt Pwär 6.4; 6.2\x*  
\v 9 Mürin üa ais, ‘Met wewen ekei oris, ai samol?’ Nge ewe chon läng mi kapas ngeniei a üreniei, ‘Üpwe aiti ngonuk met wewen.’  
\v 10 Mürin ewe mwän mi nom lein ekewe mwoosor a pälüeni, ‘Ikkeiir ekewe ewe Samol mi Lapalap a tinireto pwe repwe raunei fanüfan.’  
\v 11 Iwe, ra üreni nöün ewe Samol mi Lapalap we chon läng mi nom lein ekewe mwoosor, ‘Äm aia raunei fanüfan o küna pwe unusen fanüfan a mosonoson o kinamwe.’  
\v 12 Mürin, nöün ewe Samol mi Lapalap we chon läng a üra, ‘Ai Samol mi Unusen Manaman, inet kopwe eäni ümöümöch ngeni Jerusalem me ekewe telinimwen Juta, pun ka song ngeniir lon ekei fik ier?’  
\v 13 Iwe, ewe Samol mi Lapalap a kapas pwetete me aururu ewe chon läng mi piin kapas ngeniei.  
\v 14 Mürin, ewe chon läng a üreniei pwe üpwe asilefeili alon ewe Samol mi Unusen Manaman, ‘Ngang üa fokun echeni o ekimongei Jerusalem me Sion.  
\v 15 Nge üa fokun song ngeni chon ekewe mwü mi nom fän kinamwe. Pun lupwen üa ekis song ngeni nei aramas, ir ra alapala ar afeiengaueer.  
\v 16 Iei mine üa liwinla Jerusalem pwe üpwe pwäri ai tong ngeni. Imwei epwe kaüsefäl lon, pwal Jerusalem epwe kaüksefäl,’ iei alon ewe Samol mi Unusen Manaman.  
\v 17 Kopwe pwal asilefeili alon ewe Samol mi Unusen Manaman, ‘Ai kewe telinimw repwe ursefäl ren wöü, nge ngang ewe Samol mi Lapalap üpwe aururusefäli Sion o filisefälietä Jerusalem.’”   
\s1 Künään ewe soufos usun ekewe mächän man me ekewe chon angang ngeni mächä  
\sr 1.18-21  
\p
\v 18 Mürin a pwal wor künaei. Üa küna fofoch mächän kow.  
\v 19 Iwe, üa aisini ewe chon läng mi piin kapas ngeniei, “Met wewen ekei mächä?” Nge i a pälüeniei, “Ikkei ekewe mwün fanüfan ra atoropasafeili chon Juta, chon Israel me chon Jerusalem.”  
\v 20 Mürin, ewe Samol mi Lapalap a aküna ngeniei föman chon angang ngeni mächä.  
\v 21 Iwe, üa ais, “Met ir repwe föri?” Nge a pälüeniei, “Ekewe mwü ra atoropasafeili chon Juta, pwe esap wor eman aramas a tongeni chimwetä. Nge ekei chon angang ngeni mächä ra feito pwe repwe eniwa o ataela ekewe mwü mi ü ngeni ewe fanü Juta o atoropasa aramasan.”   
\c 2  
\s1 Künään ewe soufos usun eman mwän mi kamwöch efoch selin aükük  
\sr 2.1-5  
\p
\v 1 Iwe, a pwal wor künaei. Üa küna eman mwän mi amwöchü efoch selin aükük lepöün.  
\v 2 Mürin üa aisini, “Ia kopwe feila ie?” Nge i a pälüeniei, “Üpwe feila Jerusalem pwe üpwe aükü ükükün chölapan me langataman.”  
\v 3 Mürin, ewe chon läng mi piin kapas ngeniei a kaneto, nge pwal eman chon läng a kaneto pwe epwe churi.  
\v 4 Iwe, a üreni, “Kopwe säla ren ewe alüal mi kamwöch ewe selin aükük o üreni, ‘Jerusalem epwe eu telinimw esap wor tittin pokiten chomongun ekewe aramas me man mi nom lon.’  
\v 5 Nge iei alon ewe Samol mi Lapalap, ‘Ngang üpwe eu tit seni ekkei mi pwelifeili Jerusalem, üpwe pwal eu ling fän itan me lon.’”   
\s1 Ekewe chon oola ra kö  
\sr 2.6-13  
\p
\v 6 Iei alon ewe Samol mi Lapalap ngeni nöün aramas, “Üa atoropasakemi ngeni lesopun fanüfan me rüanü. Nge iei oupwe etto, oupwe etto! Oupwe sü seni ewe fanü efeng.  
\v 7 Oupwe etto, oupwe sü ngeni Sion, ämi mi nom lon Papilon.”  
\v 8 Iwe, iei alon ewe Samol mi Unusen Manaman, a tiniei ren an ling ngeni chon ekewe mwü mi angei pisekimi fän pöchökül, pun chokewe mi atapakemi ra atapa fituken lon mesan,  
\v 9 “Ngang üpwe aü pei o fiu ngeniir, nge chokewe mi angang ngeniir me lom repwe angei pisekir fän pöchökül.” Lupwen epwe fis ei, oupwe silei pwe ewe Samol mi Unusen Manaman a tiniei.  
\v 10 Iei alon ewe Samol mi Lapalap, “Oupwe köl o meseik, ämi chon Sion, pun ngang üpwe feito o imweimw lefilemi.”  
\v 11 Iwe, lon ewe rän, chomong chon ekewe mwü repwe feito ren ewe Samol mi Lapalap o wiliti nöün aramas. Iwe, i epwe imweimw lefilemi, nge ämi oupwe silei pwe ewe Samol mi Unusen Manaman a tinieito remi.  
\v 12 Iwe, ewe Samol mi Lapalap epwe fanüeni Juta pwe lenian lon ewe fanü mi pin, epwe pwal filisefäli Jerusalem.   
\p
\v 13 Oupwe mosonosonola fän mesen ewe Samol mi Lapalap, ämi aramas meinisin, pun i a feito seni lenian mi pin.   
\c 3  
\s1 Künään ewe soufos usun Josua ewe souasor mi lap  
\sr 3.1-10  
\p
\v 1 Mürin, Kot a aküna ngeniei Josua ewe souasor mi lap mi ütä fän mesen nöün ewe Samol mi Lapalap chon läng, nge Satan a ütä lepelifichin Josua pwe epwe atipisi. \x + \xo 3.1 \xt Esr 5.2; Pwär 12.10\x*  
\v 2 Iwe, nöün ewe Samol mi Lapalap we chon läng a üreni Satan, “Ewe Samol mi Lapalap epwe apwünguk, Satan. Ewe Samol mi Lapalap mi filätä Jerusalem epwe apwünguk. Ifa usun, ätei esap wewe ngeni efoch wes eman a atowu seni ekkei?” \x + \xo 3.2 \xt Jut 9\x*  
\v 3 Iwe, Josua a ütä fän mesen ewe chon läng, nge a üföüf üf mi limengau.  
\v 4 Iwe, ewe chon läng a üreni ekewe chon künö mi ütä me mwan, “Oupwe pwiliti seni ei mwän ekewe üf mi limengau.” Nge a apasa ngeni Josua, “Nengeni, üa angei senuk om tipis, nge üpwe aüföüfa ngonuk üf mi mürina.”  
\v 5 A pwal üreniir, “Oupwe aimweimwa ngeni eu akkau mi limöch.” Iei mine ra aimweimwa ngeni eu akkau mi limöch o aüföüfa ngeni ekewe üf mi limöch. Nge nöün ewe Samol mi Lapalap chon läng a ütä ünükün.   
\p
\v 6 Iwe, nöün ewe Samol mi Lapalap we chon läng a üreni Josua,  
\v 7 “Iei alon ewe Samol mi Unusen Manaman: Are kopwe aleasochisi ai kewe allük o föri ai kewe angang üa awisa ngonuk, mürin kopwe nemenem me lon imwei o tümwünü ai kewe leni ünükün. Üpwe pwal mwüt ngonuk pwe kopwe nom lon eu leni me lein ekewe chon läng mi ütä ikei.  
\v 8 Kopwe aüseling, en Josua ewe souasor mi lap, en me chiechiom kewe mi nom reöm, ämi eu asisilen feiöch epwe war: Üpwe emwenato nei we chon angang itan Ewe Palan. \x + \xo 3.8 \xt Jer 23.5; 33.15; Sek 6.12\x*  
\v 9 Üa isetiu fän mesen Josua eföü chök fau mi wor fisu lepekin. Üpwe ruputi och kapas won, nge lon eu chök rän üpwe amoela än chon ewe fanü tipis.  
\v 10 Lon ewe fansoun iteiten eman me eman me leimi epwe kökkörato chon arun pwe epwe mot ren fän an irän wain me an irä fik fän kinamwe, iei alon ewe Samol mi Unusen Manaman.” \x + \xo 3.10 \xt Mik 4.4\x*   
\c 4  
\s1 Ewe lenien atittin me ekewe irä olif  
\sr 4.1-14  
\p
\v 1 Iwe, ewe chon läng mi piin kapas ngeniei a feitosefäl o apwöküei, usun eman a apwökü eman seni an möür.  
\v 2 Iwe, a aisiniei, “Met ka küna?” Nge üa pälüeni, “Üa küna eu lenien atittin seni kolt, nge mi wor eu sepi fän iten noppuk a nom won. Mi pwal wor fisu lamp won ewe lenien atittin, nge fisu paip ra feila ngeni ekewe lamp.  
\v 3 Iwe, a wor ruofoch irä olif ünükün ewe lenien atittin, efoch a nom pelifichin, nge efoch a nom pelimöngün.” \x + \xo 4.3 \xt Pwär 11.4\x*  
\v 4 Mürin üa aisini ewe chon läng mi piin kapas ngeniei, “Met wewen ekei mettoch, ai samol?”  
\v 5 Nge ewe chon läng a aisiniei, “Kosap silei wewen ekei mettoch?” Iwe, ngang üa pälüeni, “Apwi, ai samol.”  
\v 6 Mürin, ewe chon läng a üreniei, “Iei alon ewe Samol mi Lapalap ngeni Serupapel: Esap fis om angang ren pöchökül, esap pwal fis ren manaman, nge epwe fis ren Ngüni. Ngang ewe Samol mi Unusen Manaman üa kapas. \x + \xo 4.6 \xt Esr 5.2\x*  
\v 7 Are ekewe osukosuk repwe tekia usun chuk, repwe wiliti maasies me mwom. En Serupapel kopwe försefäli ewe Imwenfel, nge lupwen kopwe amasalong ewe föün amüchülan lon lenian, ekewe aramas repwe kökkö fän leüömong, ‘Feiöch, feiöch epwe nonom won.’”  
\v 8 Iwe, ewe Samol mi Lapalap a pwal kapas ngeniei,  
\v 9 “Serupapel a föri longolongun ei Imwenfel, i epwe pwal awesala. Are epwe fis ei, nei aramas repwe silei pwe ngang ewe Samol mi Unusen Manaman üa tinuketo rer.  
\v 10 Iö kana mi esita ewe rän, lupwen ewe angang a popuetä, pun a kükün, repwe meseik, lupwen repwe küna pwe Serupapel a sopwela le aüetä ewe Imwenfel.” \x + \xo 4.10 \xt Pwär 5.6\x*  
\p Iwe, ewe chon läng a üreniei, “Ekei fisu lamp mesen ewe Samol mi Lapalap mi nenefetal won unusen fanüfan.”  
\v 11 Mürin üa aisini ewe chon läng, “Met wewen ekewe ruofoch irä olif mi nom pelifichin me pelimöngün ewe lenien etittin?” \x + \xo 4.11 \xt Pwär 11.4\x*  
\v 12 Üa pwal aissefäl, “Met wewen ekewe ruofoch palen irä olif mi nom ünükün ekewe ruofoch paip seni kolt, ewe ia ewe noppuk a niniwu me ie?”  
\v 13 Iwe, a aisiniei, “Kosap silei wewen ekei mettoch?” Nge üa pälüeni, “Apwi, ai samol.”  
\v 14 Mürin a üreniei, “Ikkeiir ekewe ruoman mwän mi kepit ra angang ngeni ewe Samolun unusen fanüfan.”   
\c 5  
\s1 Künään ewe soufos usun ewe toropwe mi äs  
\sr 5.1-4  
\p
\v 1 Üa netäsefäl o küna echö toropwe mi äs.  
\v 2 Iwe, ewe chon läng a aisiniei, “Met ka küna?” Nge ngang üa pälüeni, “Üa küna echö toropwe mi äs, langataman a ükükün ilik fiit, nge chölapan ükükün engol me limu fiit.”  
\v 3 Mürin, a üreniei, “Iei ewe anümamau epwe feitiu won unusen ewe fanü a mak lon ei toropwe. A mak won ewe epek pwe meinisin mi solä repwe kärila, nge pwal won ewe epek a mak pwe meinisin mi akapelmwäl repwe kärila.  
\v 4 Ewe Samol mi Unusen Manaman a apasa pwe epwe tinato ewe anümamau. Epwe tolong lon imwen ewe chon solä, pwal lon imwen ätewe mi akapelmwäl fän itan. Iwe, epwe nonom lon imwer o ataretiu, epwe ataela ekewe irä me fau.”   
\s1 Künään ewe soufos usun ewe fefin mi nom lon eu pasikit  
\sr 5.5-11  
\p
\v 5 Mürin, ewe chon läng mi piin kapas ngeniei a feito o üreniei, “Kopwe netä o nengeni ei mettoch mi feito.”  
\v 6 Nge üa aisini, “Met ei?” Iwe, a pälüeniei, “Iei eu pasikit a aliosunätä än aramasen ewe fanü tipis.”  
\v 7 Iwe, ewe pasikit a wor öppüngün seni pilom. Nge lupwen üa nengeni, ewe öppüng a suk, nge mi wor eman fefin a mot lon ewe pasikit.  
\v 8 Iwe, ewe chon läng a apasa, “Ei fefin a aliosunätä föföringau.” Iwe, a tinalong ewe fefin lon ewe pasikit o apüngätiu won ewe öppüng seni pilom.  
\v 9 Mürin üa netä o küna ruoman fefin ra ässito fän pöükässir ren pöpön asepwäl. Nge pöükässir ra wewe ngeni pöükässin öröpwech. Iwe, ra ekietä ewe pasikit o ässila fan.  
\v 10 Mürin üa aisini ewe chon läng mi piin kapas ngeniei, “Ia ra uweela ie ewe pasikit?”  
\v 11 Iwe, a üreniei, “Ra uweela ngeni ewe fanü Papilon pwe repwe aüetä eu imwenfel fän itan ikenan. Nge lupwen ewe imw epwe wes, repwe anomu ewe pasikit lon lenian.”   
\c 6  
\s1 Künaen ewe soufos usun ekewe fofoch woken  
\sr 6.1-8  
\p
\v 1 Iwe, üa netäsefäl o küna fofoch woken ra feito me lefilen ruu chuk, nge ekewe chuk ra seni piras.  
\v 2 Iwe, orisin ewe aefochun woken ra parapar, orisin ewe aruofochun woken ra chol, \x + \xo 6.2 \xt Pwär 6.4-5\x*  
\v 3 orisin ewe aülüfochun ra pwech, nge orisin ewe afofochun woken ra tiketik. Ir meinisin ra fokun pöchökül. \x + \xo 6.3 \xt Pwär 6.2\x*  
\v 4 Mürin üa aisini ewe chon läng mi piin kapas ngeniei, “Met wewen ekei woken, ai samol?”  
\v 5 Nge ewe chon läng a pälüeniei, “Ikkeiir ekewe föman ngün seni läng mi towu seni fän mesen ewe Samolun unusen fanüfan. \x + \xo 6.5 \xt Pwär 7.1\x*  
\v 6 Ewe woken mi chol orisin a feila ngeni ewe fanü efeng, ewe mi pwech orisin a feila ngeni ewe fanü lotou, nge ewe mi tiketik orisin a feila ngeni ewe fanü ör.”  
\v 7 Lupwen ekewe oris mi fokun pöchökül ra towu, ra fokun pacheu ar repwe feila raunei fanüfan. Iwe, ewe chon läng a üreniir, “Oupwe feila raunei fanüfan.” Iei mine ra feila raunei fanüfan.  
\v 8 Mürin, ewe chon läng a kapas leüömong ngeniei, “Ekewe oris mi feila ngeni ewe fanü efeng ra amanasösöütiu än ewe Samol mi Lapalap song.”   
\s1 Epa mwärämwär fän iten Josua  
\sr 6.9-15  
\p
\v 9 Iwe, ewe Samol mi lapalap a üreniei,  
\v 10 “Kopwe angei silifer me kolt seni ekewe chon oola iter Heltai, Topia me Jetaia, ir ätekewe mi liwinto seni Papilon. Lon ewe chök ränin kopwe feila lon imwen Josia nöün Sefania we mwän.  
\v 11 Kopwe föri epa mwärämwär seni ewe silifer me kolt ra ngonuk o amwärämwärätä won möküren Josua ewe souasor mi lap nöün Jehosatak we mwän.  
\v 12 Iwe, kopwe üreni, ‘Iei alon ewe Samol mi Unusen Manaman: Nengeni, iei i ewe mwän mi iteni Ewe Palan. Epwe märitä seni lon lenian, epwe pwal aüsefälietä Imwenfelin ewe Samol mi Lapalap. \x + \xo 6.12 \xt Jer 23.5; 33.15; Sek 3.8\x*  
\v 13 I ätewe epwe aüetä ewe Imwenfelin ewe Samol mi Lapalap o küna meninin me ren aramas usun eman king, epwe mot won an lenien motun king o nemeni nöün aramas. Epwe wor eman souasor ünükün. Iwe, repwe angangfengen lefiler fän kinamwe.’  
\v 14 Nge ewe mwärämwär epwe nom lon Imwenfelin ewe Samol mi Lapalap pwe eu pisekin achem fän iten Heltai, Topia, Jetaia me Josia nöün Sefania we mwän.”   
\p
\v 15 Iwe, chokewe mi nom lon fanü toau repwe feito o alilis le aüetä Imwenfelin ewe Samol mi Lapalap, nge ämi oupwe silei pwe ewe Samol mi Unusen Manaman a tinieito remi. Ei epwe fis, are oupwe wesewesen aleasochis ngeni alon ewe Samol mi Lapalap ämi we Kot.   
\c 7  
\s1 Kot a apwüngü sokun echikefel mi fis fän pomwan chök  
\sr 7.1-7  
\p
\v 1 Lon aruanün ierin mwün ewe king Tarius, lon arüanün ränin ewe atiuen maram, iei ewe maram Kislef, ewe Samol mi Lapalap a kapas ngeni Sekaraia.  
\v 2 Lon ewe fansoun ekewe aramasen Petel ra tinala Sareser me Rekem-melek fiti aramaser ren imwenfelin ewe Samol mi Unusen Manaman, pwe repwe tüngor ngeni ewe Samol mi Lapalap pwe epwe ümöümöch ngeniir.  
\v 3 Repwe pwal aisini ekewe souasor me ekewe soufos, “Ifa usun, äm aipwe sopwela le ngüngüres me echikefel fän iten talan ewe Imwenfel lon ewe alimuen maram, usun äm aia piin föföri lon chomong ier?”  
\v 4 Mürin, ewe Samol mi Unusen Manaman a kapas ngeniei,  
\v 5 “Kopwe üreni aramasen ewe fanü meinisin, pwal ekewe souasor: Lupwen oua echikefel me ngüngüres lon alimuen me afisuen maram lon ekei fik ier, ifa usun, oua wesewesen echikefel fän itei?  
\v 6 Nge lupwen oua mongö o ün, ifa usun, ousap mongö o ün fän püsin itemi chök?”  
\v 7 Ifa usun, sap ikkei alon ewe Samol mi Lapalap ekewe soufosun lom ra asilefeili, lupwen Jerusalem a so o wöümong fiti ekewe telinimw pwelin ünükün, pwal lupwen ewe fanü ör me ewe fanü lotou mi maasies a so?   
\s1 Ekewe aramas ra oola pokiten ar lükümach  
\sr 7.8-14  
\p
\v 8 Iwe, ewe Samol mi Lapalap a kapas ngeni Sekaraia pwe epwe üreni ekewe aramas,  
\v 9 “Me lom üa allük ngeni nei aramas, ‘Oupwe eäni kapwüng fän let, oupwe kirikiröch o ümöümöch ngeni en me pwin.  
\v 10 Ousap ariaföüü ekewe fefin mi mä pwülüer, ekewe mi mäsen, ekewe chon ekis ika ekewe chon wöüngau. Esap wor eman epwe ekiekietä lon letipan och mi ngau ngeni pwin.’  
\v 11 Nge ir resap mochen rongorong, ra kulu sökürür o pinei selinger pwe resap tongeni rongorong.  
\v 12 Ra apöchöküla leluker pwe a pöchökül usun fau, pwe resap rongorong ekewe allük me ekewe kapas, ngang üa tini ngeni Ngüni, nge ekewe soufosun lom ra asile ngeni ekewe aramas. Iei popun ngang ewe Samol mi Unusen Manaman üa fokun lingeringeritiir.  
\v 13 Lupwen üa kapas, ir resap mochen rongorong, iei mine lupwen ir repwe iotek, ngang üsap mochen rongorong.  
\v 14 Iwe, üa atoropaserela lein chon ekewe mwün lükün meinisin, usun eu mölümöl a atoropasa mettoch, nge ewe fanü ra likitala a pönüla, pwe esap wor eman a tongeni nonom lon. Iei usun ewe fanü mi mürina a pönüla.”   
\c 8  
\s1 Kot a pwon pwe Jerusalem epwe kaüsefäl  
\sr 8.1-23  
\p
\v 1 Iwe, ewe Samol mi Unusen Manaman a kapas ngeniei,  
\v 2 “Üa ekipwichi ai üpwe alisi Jerusalem, pun üa fokun echeni aramasan. Lon ai echeniir üa song ngeni chon oputeer.”  
\v 3 Iei alon ewe Samol mi Lapalap, “Üpwe liwinsefäliti Sion o imweimw lon Jerusalem. Iwe, Jerusalem epwe iteni ewe telinimw mi let, nge chuki epwe iteni ewe chuk mi pin.”  
\v 4 Iei alon ewe Samol mi Unusen Manaman, “Chinlap mwän me chinlap fefin repwe motsefäl lon ekewe lenien mwicheich lon Jerusalem, eman me eman epwe wokukuni pokiten an chinlap.  
\v 5 Nge ekewe alen ewe telinimw repwe ur ren ät me nengin mi urumot lor.”  
\v 6 Iei alon ewe Samol mi Unusen Manaman, “Are ei epwe amwarar ngeni ekewe aramas mi chüen manau lon ei fansoun, ifa usun, epwe pwal amwarar ngeniei?”  
\v 7 Iei alon ewe Samol mi Unusen Manaman, “Üpwe amanaua nei aramas seni ewe fanü ötiu, pwal seni ewe fanü lotou.  
\v 8 Üpwe emwenireto pwe repwe imweimw lon Jerusalem. Iwe, ir repwe nei aramas, nge ngang üpwe ar Kot o nemeniir fän allükülük me pwüng.”   
\p
\v 9 Iei alon ewe Samol mi Unusen Manaman, “Ämi mi rongorong ekei kapas lon ekei rän seni ekewe soufos mi nom lon ewe rän, lupwen longolongun ewe Imwenfel a för, oupwe apöchökülakemi pwe ewe Imwenfel epwe kaüsefälitä.  
\v 10 Pun mwen ekana rän esap wor mön än eman aramas angang ika än eman man angang, esap pwal wor eman a tongeni föri an angang fän kinamwe pokiten chon oputan. Pun üa föri pwe aramas repwe fitikokofengen.  
\v 11 Nge iei üsap chüen föri ngeni ekei aramas mi chüen manau, usun mine üa piin föri me lom.  
\v 12 Aramas repwe amwora pwükil fän kinamwe. Epwe wor uän ewe irän wain, masouen lon pwül epwe märöch, nge läng epwe apüngätiu amurenipwin. Üpwe awora ekei feiöch meinisin ngeni ekei aramas mi chüen manau, pwe repwe eäniir.  
\v 13 Ämi chon Juta me chon Israel, chon ekewe mwü ra piin eänikemi apööpö lon ar kapasen ottek. Nge iei üpwe amanauakemi pwe aramas repwe eänikemi apööpö lon ar kapasen feiöch. Ousap niuokus, nge oupwe apöchökülakemi.”  
\v 14 Iei alon ewe Samol mi Unusen Manaman, “Lupwen ämi kewe lewo ra asongaei, üa ekiekietä pwe üpwe afeiengaueer, nge üsap piitela.  
\v 15 Nge iei üa pwal ekiekietä pwe üpwe afeiöchü Jerusalem me ekewe chon Juta lon ekei rän. Iei mine ousap niuokus.  
\v 16 Ikei ekewe föför oupwe föriir: Oupwe kapas wenechar lefilemi, oupwe eäni kapwüng fän pwüng pwe epwe fis kinamwe. \x + \xo 8.16 \xt Ef 4.25\x*  
\v 17 Ousap ekiekin sorongau lon lelukemi eman ngeni eman, ousap pwal sani akapelmwäl. Pun ekei föför meinisin üa oput,” iei alon ewe Samol mi Lapalap.   
\p
\v 18 Iwe, ewe Samol mi Unusen Manaman a pwal kapas ngeniei pwe üpwe üreni ekewe aramas,  
\v 19 “Ekewe ränin echikefel oua eäni lon arüanün maram, alimuen maram, afisuen maram me aengolun maram repwe wiliti fansoun pwapwa me mwänek me ränin kametip mi apwapwa ngeni chon Juta. Iei mine oupwe sani let me kinamwe.”   
\p
\v 20 Iei alon ewe Samol mi Unusen Manaman, “Epwe war eu fansoun pwe chon ekewe mwü me chokewe mi imweimw lon chomong telinimw repwe feito Jerusalem.  
\v 21 Chon eu telinimw repwe feila ren pwal chon eu o üra, ‘Ousipwe feila pwe sipwe fel ngeni ewe Samol mi Unusen Manaman o tüngor ngeni pwe epwe ümöümöch ngenikich. Iei sipwe le feila.’  
\v 22 Chomong aramas me mwü mi pöchökül repwe feito Jerusalem pwe repwe fel ngeni ewe Samol mi Unusen Manaman, repwe pwal tüngor ngeni pwe epwe ümöümöch ngeniir.  
\v 23 Lon ekana rän engol mwän seni ekewe mwü mi sokola ar kapas repwe amwöchü lepwülün üfen eman chon Juta o üra, ‘Kose mochen kopwe mwüt ngenikem pwe aipwe etikemi, pun äm aia rong pwe Kot a etikemi.’”   
\c 9  
\s1 Än Kot kapwüng won chon ekewe mwü mi nom ünükün Juta  
\sr 9.1-8  
\p
\v 1 Iei än ewe Samol mi Lapalap kapasen apwüng ngeni ewe fanü Hatrak, a pwal nonom won ewe telinimw Tamaskus. Iwe, mesen ekewe aramas meinisin pwal mesen chon ekewe ainangen Israel meinisin ra netä ngeni ewe Samol mi Lapalap. \x + \xo 9.1 \xt Ais 17.1-3; Jer 49.23-27; Am 1.3-5\x*  
\v 2 Kot a pwal eäni kapasen apwüng ngeni Hamat mi nom won kiännin Hatrak, pwal ngeni ekewe telinimw Tirus me Siton, inamwo ika ir ra fokun tipachem.  
\v 3 Tirus a senätä tit mi pöchökül, a aioiätä silifer usun chök pwül moromor me kolt usun chök pwakaken lon ekewe al.  
\v 4 Nge ewe Samol epwe angei seni Tirus pisekin o aturätiu wöün lon ewe matau, nge ewe telinimw epwe karala. \x + \xo 9.4 \xt Ais 23.1-18; Is 26.1–28.26; Sow 3.4-8; Am 1.9-10; Mat 11.21-22; Luk 10.13-14\x*   
\p
\v 5 Lupwen ewe telinimw Askelon epwe küna ei, epwe niuokus. Kasa epwe pwal küna o eriköös ren an riaföü mi lapalap, pwal Ekron, pun an apilükülüköch epwe tala. Esap chüen wor eman king lon Kasa, nge Askelon esap chüen so.  
\v 6 Chon ekis repwe imweimw lon Astot. Iei alon ewe Samol mi Lapalap, “Ngang üpwe aükätiu än chon Filistia lamalamtekia.  
\v 7 Resap chüen ochoch fituk mi cha ika mongö sokopaten mongö mi anioput ngeniei. Meinisin mi chüen manau repwe pachelong lon tettelin nei aramas pwe repwe usun chök eu eterekes me lon Juta. Pwal chon Ekron repwe pachelong lon tettelin nei aramas usun chök ekewe chon Jepus. \x + \xo 9.7 \xt Ais 14.29-31; Jer 47.1-7; Is 25.15-17; Sow 3.4-8; Am 1.6-8; Sef 2.4-7\x*  
\v 8 Mürin, üpwe püsin mamasa fanüei o apeti sounfiu pwe resap pwerelong lon. Üsap chüen mwüt ngeni ekewe chon nemenem pöchökül pwe repwe ariaföüü nei aramas, pun üa püsin küna ren mesei usun ar riaföü.”   
\s1 Ewe kingen Sion epwe feito  
\sr 9.9-10  
\q1
\v 9 Oupwe fokun meseik, ämi aramasen Sion.  
\q1 Oupwe akapwas fän pwapwa, ämi aramasen Jerusalem.  
\q1 Nengeni, ämi King a feito remi.  
\q1 A pwüng o pwora,  
\q1 nge a tipetekison o wawa eman aas,  
\q1 eman nienifön aas. \x + \xo 9.9 \xt Mat 21.5; Joh 12.15\x*  
\v 10 Ewe Samol mi Lapalap a apasa,  
\q1 “Ngang üpwe ärala ekewe wokenin maun seni Israel  
\q1 me ekewe orisin maun seni Jerusalem,  
\q1 nge ekewe esefichin maun repwe ärela.  
\q1 Ämi King epwe awora kinamwe ngeni chon ekewe mwü,  
\q1 nge an nemenem epwe seni eu matau tori pwal eu,  
\q1 pwal seni ewe chanpupu Oifrat tori lesopun fanüfan.” \x + \xo 9.10 \xt Kölf 72.8\x*   
\s1 Kot epwe aliwinisefäli chon Sion  
\sr 9.11-17  
\p
\v 11 Iwe, ewe Samol mi Lapalap a apasa,  
\q1 “En Sion, pokiten ai we pwon ngonuk  
\q1 mi fis fän cha,  
\q1 üpwe angasala noum kewe chon fötek  
\q1 seni ar oola mi wewe ngeni eu pwang esap wor koluk lon.   
\q1
\v 12 Oupwe liwiniti leniemi mi pöchökül,  
\q1 ämi chon fötek mi witiwit fän apilükülüköch.  
\q1 Iei üpwe asile ngenikemi pwe üpwe liwini ngenikemi  
\q1 feiöch fän ruu fän iten mine oua riaföü ren.   
\q1
\v 13 Üpwe nöünöü chon Juta usun efoch esefich,  
\q1 pwal chon Israel usun ekewe föün esefich.  
\q1 Üpwe nöünöü ekewe re Sion usun efoch ketilas,  
\q1 pwe üpwe maun ngeni ekewe re Kriis.”   
\b  
\q1
\v 14 Mürin, ewe Samol mi Lapalap epwe pwäto won nöün aramas,  
\q1 epwe esefichala nöün föün esefich usun chök inefi.  
\q1 Kot ewe Samol mi Lapalap epwe ettiki ewe rappwa  
\q1 o fetaleto lon ekewe mölümöl seni ör.   
\q1
\v 15 Ewe Samol mi Unusen Manaman epwe tümwünü nöün aramas.  
\q1 Nge ir repwe niela chon oputeer,  
\q1 repwe ün o akürang usun chokewe mi ün wain,  
\q1 repwe ur usun eu sepi souasor ra aea,  
\q1 lupwen ra äsupu chan ewe mönün asor  
\q1 ngeni lepwokukun ewe rongen asor.   
\b  
\q1
\v 16 Lon ena fansoun ewe Samol mi Lapalap ar we Kot epwe amanaua nöün aramas,  
\q1 usun eman chon mas a amanaua nöün pwiin sip seni feiengau.  
\q1 Repwe molupolup lon fanüan  
\q1 usun fau aüchea ra molupolup won epa mwärämwär.   
\q1
\v 17 Ewe fanü epwe fokun mürina o ling.  
\q1 Alüal me föpwül repwe märitä me lon fän pöchökül ren wiich me wain.   
\c 10  
\s1 Kot epwe amanaua nöün aramas  
\sr 10.1–11.3  
\p
\v 1 Oupwe tüngorei ewe Samol mi Lapalap pwe epwe apüngatiu ewe ütten leres lon fansoun. Ewe Samol mi Lapalap mi föri ekewe kuchun üt epwe fangeto ngeni aramas püngün üt pwe irä repwe mär lon ekewe tanipi.  
\v 2 Ekewe aramas ra kütta ar alilis seni ekewe uluulun anün leimw me ekewe soupwe, nge palüan me rer a chofana o lomotongau. Ekewe soutan ra apworausa tan mi mwäl, nge ar kapasen achipachip ra pön. Iei mine ekewe aramas ra malechfeil usun sip, ra riaföü pokiten esap wor ar chon mas. \x + \xo 10.2 \xt Mat 9.36; Mark 6.34\x*   
\p
\v 3 Ewe Samol mi Lapalap a apasa, “Üa fokun song ngeni ekewe chon mas, üpwe apwüngü ekewe souemwen. Pun ngang ewe Samol mi Unusen Manaman, üpwe tümwünü nei sip ekewe chon Juta o föri pwe repwe wewe ngeni nei orisin maun mi pöchökül.  
\v 4 Seni me leir epwe feito ewe föün lepwokuku me ewe chüfölün imw mangaku, seni me leir epwe feito ewe föün esefichin maun me ekewe sounemenem meinisin.  
\v 5 Ir meinisin repwe usun chök mwän mi pöchökül lon maun, repwe purätiu chon ü ngeniir lon pwakaken ekewe al. Repwe maun, pun ewe Samol mi Lapalap a etiir, repwe pwal akufu ekewe chon oputer mi wawa oris.   
\q1
\v 6 Üpwe apöchöküla chon Juta,  
\q1 üpwe amanaua chon Israel.  
\q1 Üpwe aliwinisefäliir, pun ngang üa tongeer.  
\q1 Ir repwe usun chök nge ngang üsap pöütirela,  
\q1 pun ngang ewe Samol mi Lapalap ar we Kot  
\q1 üpwe pälüeni ar iotek.   
\q1
\v 7 Mürin, chon Israel repwe usun chök sounfiu mi pöchökül,  
\q1 repwe pwapwa usun aramas mi ün wain.  
\q1 Nöür kewe repwe küna ei o meseik,  
\q1 repwe ingemwareitiei ngang ewe Samol mi Lapalap.   
\b  
\q1
\v 8 Üpwe äkkänipöü nei aramas o amwichafengeniir.  
\q1 Ngang üpwe amanaueer,  
\q1 nge ir repwe chomong usun me mwan.   
\q1
\v 9 Inamwo ika üa atoropaseer lein chon ekewe mwü,  
\q1 nge ir repwe chechemeniei me lon ekewe fanü toau.  
\q1 Ir me nöür kewe repwe manau  
\q1 o liwinsefäliti fanüer.   
\q1
\v 10 Ngang üpwe emwenireto seni ewe fanü Isip me ewe fanü Asiria  
\q1 o achufengeniir lon poputän fanüer.  
\q1 Üpwe emwenirela ngeni ewe fanü Kiliat me Lepanon  
\q1 tori unusen ewe fanü a ti rer.   
\q1
\v 11 Iwe, repwe pwerela lon ewe matauen riaföü,  
\q1 nge ngang ewe Samol mi Lapalap üpwe aluai ewe matau  
\q1 o apwasatä epilolun ewe chanpupu Nil.  
\q1 Chon Asiria mi lamalamtekia repwe küna tekison,  
\q1 nge än Isip nemenem epwe wesila.   
\q1
\v 12 Ngang üpwe apöchöküla nei aramas,  
\q1 nge ir repwe fel ngeniei o aleasochisiei.”  
\q1 Ewe Samol mi Lapalap a kapas.   
\c 11  
\q1
\v 1 Kopwe suki asamalapom kewe, en Lepanon,  
\q1 pwe ewe ekkei epwe kenala om kewe setar.   
\q1
\v 2 Oupwe ngüngüres, ämi kewe irä saipires,  
\q1 pun ekewe setar ra turula,  
\q1 nge ekewe irä mi pöchökül ra tala.  
\q1 Oupwe ngüngüres, ämi kewe irä ook lon Pasan,  
\q1 pun ewe wöllap a pöküpöküla.   
\q1
\v 3 Oupwe aüseling ngeni än ekewe chon mas ngüngüres,  
\q1 pun fanüer mi mürina, ia a wor ie enen man, a tala.  
\q1 Oupwe aüseling ngeni  
\q1 wörüwörün ekewe laion,  
\q1 pun ewe wöllapen Jortan a tala.   
\s1 Ekewe chon mas mi lomotongau  
\sr 11.4-17  
\p
\v 4 Iei alon ewe Samol mi Lapalap ai we Kot, “Kopwe chon masen ekewe pwiin sip mi amol ngeni ar repwe ninnila.  
\v 5 Chokewe mi möniir repwe chök nirela, nge esap wor eman a apwüngüür. Nge chokewe mi amömörela ra apasa, ‘Ousipwe mwareiti ewe Samol mi Lapalap, pun sa pisekisekila.’ Iwe, püsin ar kewe chon mas resap tongeer.  
\v 6 Iei alon ewe Samol mi Lapalap, “Üsap chüen tongei chon ei fanü. Üpwe föri pwe eman me eman aramas epwe tolong fän nemenien chon arun, pwal fän nemenien an king. Iwe, ir repwe ataela ewe fanü, nge ngang üsap angaseer seni lepöür.”   
\p
\v 7 Iwe, ngang eman mi wisen masa ewe pwiin sip mi amol ngeni ar repwe ninnila fän iten chokewe mi kamö o amömöla sip. Iwe, üa angei ruofoch wok, efoch üa aita ngeni Ümöümöch, nge ewe efoch üa aita ngeni Tipeeufengen. Iwe, üa foleni ekewe sip.  
\v 8 Mürin, üa niela ülüman chon mas lon eu chök maram, pun üsap chüen tongeni engila ngeniir, nge pwal ir ra oputaei.  
\v 9 Mürin üa üreni ekewe pwiin sip, “Üsap chüen ämi chon mas. Mine a kan ngeni mäla, epwe mäla. Mine epwe ninnila, epwe ninnila. Nge chokewe mi chüen manau repwe nifengeniir.”  
\v 10 Iwe, üa angei woki we itan Ümöümöch o kupi. Ren ei üa ataela ewe pwon ewe Samol mi Lapalap a eäni ngeni chon ekewe mwü meinisin.  
\v 11 Iei usun ewe pwon a tala lon ewe rän. Nge ekewe chon kamö me amömö sip mi nenengeniei ra silei pwe iei alon ewe Samol mi Lapalap.  
\v 12 Mürin üa üreniir, “Are a pwüng me remi, oupwe ngeniei liwini, nge are esap, oupwe chök amwöchü.” Iwe, ra ngeniei ükükün ilik föün moni silifer pwe liwini.  
\v 13 Iwe, ewe Samol mi Lapalap a üreniei, “Kopwe uwalong ewe silifer ren ewe chon för sepi seni pwül, ewe liwin mi fokun mürina ra aükü ngeni pwe ina ükükün aücheai.” Iei mine üa angei ekewe ilik föün moni silifer o moneelong lon imwen ewe Samol mi Lapalap ren ewe chon för sepi seni pwül. \x + \xo 11.13 \xt Mat 27.9-10\x*  
\v 14 Mürin üa kupi aruofochun woki we itan Tipeeufengen. Ren ei üa ataela ewe pwipwifengen lefilen Juta me Israel.   
\p
\v 15 Iwe, ewe Samol mi Lapalap a üreniei, “Kopwe wisenisefäli wisen eman chon mas, nge lon ei fansoun kopwe eman chon mas mi lomotongau.  
\v 16 Pun nengeni, üpwe seikätä eman chon mas won nei pwiin sip, eman esap ekieki chokewe mi pöütüla, ika kütta chokewe mi malechela, esap apöchöküla chokewe mi feiengau, ika amongöü chokewe mi chüen manau. Nge epwe ochei fituken chokewe mi kitinup o aserala küün pachapacher.  
\v 17 Feiengauen ei chon mas mi lomotongau a likitala ewe pwiin sip. Amwo ewe ketilas epwe pökü pöün me pelifichin mesan. Pöün epwe fokun pwasala, nge pelifichin mesan epwe wesewesen chunela.”   
\c 12  
\s1 Jerusalem epwe ngasala lon kan fansoun repwe feito  
\sr 12.1–13.6  
\p Eu kapasen osuni: 
\v 1 Iei ewe pworaus ewe Samol mi Lapalap a apasa fän äsengesin Israel. Iei alon ewe Samol mi Lapalap mi ameresala ekewe läng, ewe mi föri fanüfan o atolonga ewe ngasangasen manau lon aramas,  
\v 2 “Nengeni, üpwe föri pwe Jerusalem epwe usun chök eu kapen wain. Chon ekewe mwü mi nom ünükün repwe ün seni o taroporop. Lupwen repwe pwelifeili Jerusalem fän pisekin maun, repwe pwal pwelifeili ekewe telinimwen Juta.  
\v 3 Lon ena fansoun, lupwen chon ekewe mwü meinisin won fanüfan repwe mufengen o maun ngeni Jerusalem, üpwe föri pwe Jerusalem epwe wewe ngeni eföü fau mi fokun chou fän iter. Chokewe meinisin mi ekietä ewe fau repwe püsin feiengau ren.”  
\v 4 Iei alon ewe Samol mi Lapalap, “Lon ena fansoun üpwe eniwokusu nöür kewe oris meinisin o aumwesi chokewe mi wawa ekewe oris. Üpwe mamasaöchü ekewe chon Juta, nge üpwe ochuna nöün chon ekewe mwü kewe oris.  
\v 5 Mürin, chon ekewe eterekesin Juta repwe kapasfengen lefiler, ‘Ekewe chon Jerusalem ra pöchökül pokiten ewe Samol mi Unusen Manaman i ar we Kot.’  
\v 6 Lon ena fansoun üpwe föri pwe ekewe eterekesin Juta repwe usun chök eu ekkei lon eu wöllap, ika usun chök efoch töl mi nget me lein pilükün wiich. Repwe arosala chon ekewe mwü meinisin mi nom pwelin ünükür, nge chon Jerusalem repwe chök imweimw lon ar telinimw fän kinamwe.   
\p
\v 7 Iwe, ngang ewe Samol mi Lapalap üpwe akomwen awinna ekewe chon Juta, pwe iteüöchün ekewe mwirimwirin Tafit me chon Jerusalem esap tekia seni iteüöchün chon Juta.  
\v 8 Lon ena fansoun ewe Samol mi Lapalap epwe tümwünü ekewe chon Jerusalem, pwe chokewe mi fokun apwangapwang repwe pöchökül usun chök Tafit, nge ekewe mwirimwirin Tafit repwe emweniir usun chök Kot, usun chök nöün ewe Samol mi Lapalap chon läng.  
\v 9 Lon ena fansoun üpwe arosala chon ekewe mwü meinisin mi maun ngeni Jerusalem.   
\p
\v 10 Üpwe tinato won ekewe mwirimwirin Tafit me chon Jerusalem eman ngün mi amefi ngeni aramas usun ewe ümöümöchün Kot me eman ngün mi atufichiir lon ar iotek. Iwe, repwe nenengeni ätewe ra posu o ngüngüres won, usun eman a ngüngüres won nöün aleman, repwe kechüengau won, usun eman a kechüengau won nöün mwänichi. \x + \xo 12.10 \xt Joh 19.37; Pwär 1.7\x*  
\v 11 Lon ena fansoun ewe ngüngüres lon Jerusalem epwe watte usun ewe ngüngüres fän iten Hatat-rimon me lon ewe maasiesin Mekito.  
\v 12 Iwe, chon ewe fanü repwe ngüngüres lon en me an famili. Ekewe famili ir mwirimwirin Tafit, ekewe mwän won ar, nge pwülüer won ar. Ekewe famili ir mwirimwirin Natan, ekewe mwän won ar, nge pwülüer won ar.  
\v 13 Ekewe famili ir mwirimwirin Lefi repwe ngüngüres, ekewe mwän won ar, nge pwülüer won ar. Ekewe famili ir mwirimwirin Simei, ekewe mwän won ar, nge pwülüer won ar.  
\v 14 Pwal ekewe lusun famili meinisin repwe ngüngüres, ekewe mwän won ar, nge pwülüer won ar.   
\c 13  
\p
\v 1 Lon ena fansoun eu puächen koluk epwe puächetä fän iten ekewe mwirimwirin Tafit me chon Jerusalem, pwe epwe limetiir seni ar tipis me limengau.”   
\p
\v 2 Iei alon ewe Samol mi Unusen Manaman, “Lon ena fansoun üpwe ärala iten ekewe uluulun anümwäl seni ewe fanü, pwe esap chüen wor eman epwe chechemeniir. Üpwe pwal asüela ekewe soufos me ekewe ngün mi limengau seni ewe fanü.  
\v 3 Nge ika eman a chüen osuni, püsin saman me inan repwe üreni, ‘Kopwe fokun ninnila, pun ka apasa pwe om kapasen osuni a pop seni ewe Samol mi Lapalap, nge ka chofana.’ Püsin saman me inan repwe posu, lupwen a osuni.  
\v 4 Lon ena fansoun eman me eman soufos epwe säw ren püsin künan, lupwen a osuni, esap pwal chüen üföüf üfen soufos mi ülöül pwe epwe atupu aramas.  
\v 5 Nge epwe apasa, ‘Sap ngang eman soufos, nge üa eman soutanipi. Üa angang won ei fanü seni lealüali.’  
\v 6 Nge ika eman epwe aisini, ‘Met popun a kinas won sökürum?’, iwe, epwe pälüeni, ‘Eman a akinasaei me lon imwen chiechiei.’”   
\s1 Nöün Kot chon mas a ninnila  
\sr 13.7-9  
\p
\v 7 Iei alon ewe Samol mi Unusen Manaman, “Kopwe pwök, en ketilas, o fiu ngeni nei chon mas, ngeni ewe aramas mi fokun kan ngeniei. Kopwe niela ewe chon mas, pwe ekewe sip repwe toropasfeil. Üpwe ü ngeni ekewe aramas mi kis. \x + \xo 13.7 \xt Mat 26.31; Mark 14.27\x*  
\v 8 Lon unusen ewe fanü ruu leülüngatin aramas repwe mäla, nge eu leülüngatin repwe manau.  
\v 9 Nge ewe eu leulüngatin mi chüen manau üpwe atolongeer lon ewe ekkeiin riaföü, pwe üpwe limetiir usun eman a limeti silifer lon ekkei, üpwe sotuniir usun eman a sotuni kolt won ekkei. Mürin repwe kökköri itei, nge ngang üpwe pälüeniir. Üpwe apasa, ‘Ämi nei aramas,’ nge ir repwe apasa, ‘Ewe Samol mi Lapalap i ach we Kot.’”   
\c 14  
\s1 Chon Jerusalem me chon ekewe mwü  
\sr 14.1-21  
\p
\v 1 Iwe, ränin än ewe Samol mi Lapalap apwüng a arapoto. Mürin, aramas repwe angei pisekimi chon Jerusalem fän pöchökül o aineti fän mesemi.  
\v 2 Pun ewe Samol mi Lapalap epwe achufengeni chon ekewe mwü meinisin, pwe repwe feila Jerusalem o maun ngeni. Iwe, ewe telinimw epwe oola, repwe soläni pisekin lon ekewe imw o achomanauei ekewe fefin. Esopun chon ewe telinimw repwe oola, nge ekewe lusun aramas resap kärila seni lon ewe telinimw.  
\v 3 Mürin, ewe Samol mi Lapalap epwe feito o maun ngeni chon ekewe mwü, usun a fen föri lon fansoun maun.  
\v 4 Lon ena fansoun i epwe ütä won ewe Chukun Olif mi nom mwen Jerusalem me peliötiu. Iwe, ewe Chukun Olif epwe mökfesen lon ruu kinikin seni ötiu tori lotou, pwe epwe fis eu lemol mi fokun chölap. Iei usun epek ewe chuk epwe sönüla ngeni peliefeng, nge epek ngeni peliör.  
\v 5 Nge ämi oupwe aleni ewe lemol le sü, pun ewe lemol mi fis lefilen ekewe chuk a tori Asel. Ewer, ämi oupwe sü usun ämi kewe lewo ra sü ren ewe chechechin fanü mi fis lon mwün Usia ewe kingen Juta. Mürin, ewe Samol mi Lapalap ai we Kot epwe feito, nge ekewe chon pin meinisin repwe eti.   
\p
\v 6 Lon ena fansoun esap wor saram, esap fis patapat ika ais.  
\v 7 Epwe eu rän mi sokola, eu rän ewe Samol mi Lapalap echök a silei. Esap fis rän ika pwin, nge lupwen fansoun lekuniol epwe wor saram. \x + \xo 14.7 \xt Is 47.1; Joh 7.38; Pwär 22.1\x*   
\p
\v 8 Lon ena fansoun kolukun manau epwe puwu seni lon Jerusalem, esop ewe koluk epwe pula ngeni ewe Setin Mäla mi nom ötiu, nge esop epwe pula ngeni ewe mataulap mi nom lotou. Ei epwe fifis lon fansoun pwichikar usun chök lon fansoun patapat.  
\v 9 Mürin, ewe Samol mi Lapalap epwe king won unusen fanüfan. Lon ena fansoun ewe Samol mi Lapalap epwe i chök Kot, itan chök epwe pwal föüla.   
\p
\v 10 Iwe, unusen ewe fanü epwe siwil ngeni eu maasies seni Kepa mi nom efeng tori Rimon mi nom ör. Nge Jerusalem epwe tekia o nonom chök lon lenian seni ewe Asamalapen Peniamin tori lenien ewe aeuin asamalap, pwal tori ewe Asamalapen Pwokuku, pwal seni ewe imw tekia än Hananel tori än ewe king kewe lenien üchüch föün wain.  
\v 11 Ewe telinimw epwe so, pun esap chüen wor anümamau won. Iwe, chon Jerusalem repwe imweimw lon fän kinamwe. \x + \xo 14.11 \xt Pwär 22.3\x*   
\p
\v 12 Iwe, ewe Samol mi Lapalap epwe awarato och mäfeiengau ngeni chon ekewe mwü meinisin mi maun ngeni Jerusalem. Epwe iei usun: Fituker epwe chök machela, lupwen ra chüen manau, föün meser epwe mach me lon pwanger, nge chönawer epwe pwal machela me lon awer.  
\v 13 Lon ena fansoun ewe Samol mi Lapalap epwe awarato wor fitikoko me niuokus watte, pwe eman me eman epwe turufi chienan o fiu ngeni.  
\v 14 Pwal chon Juta repwe maun ngeni chon ekewe mwü me lon Jerusalem. Repwe angei wöün chon ekewe mwü mi nom ünükür pwe choon wokur: kolt, silifer me chomong üf.  
\v 15 Iwe, eu mäfeiengau usun mesemwan epwe pwal tori ekewe oris, ekewe sokopaten aas, ekewe kamel, ekewe aas me sokopaten man mi nom lon ekewe lenien sounfiu.   
\p
\v 16 Mürin, meinisin mi chüen manau me lein chon ekewe mwü mi maun ngeni Jerusalem repwe feila Jerusalem iteiten ier pwe repwe fel ngeni ewe King, ewe Samol mi Unusen Manaman, o eti ewe chulapen likachoch. \x + \xo 14.16 \xt Lif 23.39-43\x*  
\v 17 Nge ika chon eu mwü me won fanüfan resap mochen feila Jerusalem pwe repwe fel ngeni ewe King, ewe Samol mi Unusen Manaman, esap püngütiu üt wor.  
\v 18 Are ekewe chon Isip resap mochen feila o eti ewe chulapen likachoch, esap püngütiu üt wor. Ewe Samol mi Lapalap epwe awarato wor ewe feiengau a awarato won chon ekewe mwü resap mochen feila Jerusalem pwe repwe eti ewe chulapen likachoch.  
\v 19 Epwe iei ewe apwüng ngeni Isip, pwal ngeni chon ekewe mwü meinisin resap feila Jerusalem, pwe repwe eti ewe chulapen likachoch.   
\p
\v 20 Lon ena fansoun epwe rup won ekewe pel fän üen ekewe oris ekei kapas, “A pin fän iten ewe Samol mi Lapalap.” Iwe, ekewe nape lon imwen ewe Samol mi Lapalap repwe pin usun chök ekewe sepi mi nom mwen ewe rongen asor.  
\v 21 Iwe, iteiten nape me lon Jerusalem me Juta repwe pin fän iten ewe Samol mi Unusen Manaman, pwe meinisin mi asor repwe feito o aea ekewe nape le kuku fituken ekewe mönün asor lor. Lon ena fansoun esap chüen wor eman chon amömö lon imwen ewe Samol mi Unusen Manaman.