\id TIT  
\h TITUS 
\toc1 Nöün Paulus Toropwe ngeni Titus 
\toc2 Titus 
\toc3 Tit 
\mt2 Nöün Paulus Toropwe ngeni  
\mt1 Titus  
\is1 Kapas akom  
\iot I. Chon makkei ei toropwe: Ewe soukünö Paulus.  
\iot II. A mak ngeni iö: Ngeni Titus, ewe chon angang ngeni Kot.  
\iot III. Itelapemongen ei toropwe: Kapasen öüröür me kapasen fön usun än Titus epwe föri än Kot angang.  
\iot IV. Kapas aüchean ei toropwe: Sisap küna manau ren ach föföröch, nge sia küna manau, pwe sipwe föri föför mi öch.  
\iot V. Masouen ei toropwe: Titus, eman chon lükün Israel a soulängila, nge mürin a chieneni Paulus o alisi i lon an föri angangen missionari. Paulus a makkei ei toropwe ngeni ei alüal Titus nöün we chon alilis, i a likitätiu lon Kreta, pwe epwe tümwünü angangen lon ewe mwichefel. Ei toropwe a kapas usun ülüngat sokun ekiek mi aüchea:  
\ip Aeuin, Paulus a achema ngeni Titus met sokun manau eman chon emweni mwichefel epwe manaueni. Ei a aüchea, pokiten manauen chomong chon Kreta a ngau. Aruuan, Paulus a öüröüra Titus usun an epwe asukula ekewe sokopaten mwichen aramas lon mwichefel, ekewe chinlap mwän me chinlap fefin, (ir chokewe repwe asukula ekewe föpwül me mürin) pwal usun an epwe asukula ekewe alüal me ekewe amanau. Sopolan Paulus a öüröüra ngeni Titus usun ewe manauen souläng, akaeuin usun ar repwe kinamwefengen me kirikiröchfengen, nge resap koputfengen, aninifengen me kinikinfesen lon mwichefel.  
\iot VI. Tettelin masouen ei toropwe:  
\io1 Kapas akom \ior 1.1-4\ior*  
\io1 Usun ekewe nöüwisen mwichefel \ior 1.5-16\ior*  
\io1 Wisen ekewe sokopaten mwichen aramas lon mwichefel \ior 2.1-15\ior*  
\io1 Kapasen pesepes me kapasen fön \ior 3.1-11\ior*  
\io1 Kapasen lesopolan \ior 3.12-15\ior*  
\c 1  
\s1 Kapong  
\sr 1.1-4  
\p
\v 1 Kapong seni ngang Paulus, eman nöün Kot chon angang me eman nöün Jesus Kraist soukünö.  
\p Kot a filiei o tinieila, pwe üpwe alisi nöün Kot kewe mi fil lon ar lükülük o emweniir ngeni ar repwe silei ewe let sia kaiö seni ach lamalam.  
\v 2 Iei ewe let mi longolong won ach apilükülük ngeni ewe manau esemüch. Kot, ewe esap chofona, a pwon ngenikich ei manau me mwen fansoun esepop,  
\v 3 nge lon fansoun mi fich a pwärala ewe let lon an kapas. Kot, ach Chon Amanau, a lükü ngeniei ei kapas, pwe üpwe arongafeili ren an we allük ngeniei.  
\v 4 Üa makkei ei toropwe ngonuk, Titus, en wesewesen nei lon ewe lükülük sia eänifengeni. Samach Kot me Kraist Jesus ach Chon Amanau epwe ngonuk ümöümöch me kinamwe. \x + \xo 1.4 \xt 2.Kor 8.23; Kal 2.3; 2.Tim 4.10\x*   
\s1 Än Titus angang lon Kreta  
\sr 1.5-16  
\p
\v 5 Üa likituketiu lon Kreta, pwe kopwe akota ekewe mettoch resamwo kotöch, kopwe pwal filätä souakom lon iteiten ekewe mwichefel. Kopwe chechemeni ai kewe kapasen öüröür ngonuk:  
\v 6 Eman souakom epwe fokun unusöch lon manauan, epwe pwülüeni eman chök fefin, nge nöün kana repwe souläng, pwe esap wor eman epwe tip ngeniir pwe ra föföringau ika lükümach.  
\v 7 Pokiten eman soumas epwe tümwünü än Kot angang, i epwe eman mi unusöch lon manauan, esap eman mi lamalamtekia are songokai, are eman mi ünüpuch, are rochongau are tipemong won moni.  
\v 8 Epwe etiwöchü wasöla, epwe pwapwaiti le föri mine a mürina, epwe tufichin nemeni püsin inisin, epwe föri mine a pwüng, epwe apini manauan o eäni mirit lon manauan.  
\v 9 Epwe fokun kamwöchünük won ewe Kapasen Kot mi allükülük usun a kaiö ngeni, pwe epwe tongeni apöchöküla ekewe souläng ren an afalafala ewe kapas mi let usun ach lükülük, epwe pwal tongeni pölüeni chokewe mi ü ngeni. \x + \xo 1.9 \xt 1.Tim 3.2-7\x*   
\p
\v 10 Pun mi wor chomong aramas mi lükümach, ar kapas a lomotongau, ra atupu aramas, akaeuin ir seni ewe mwichen chon Juta mi soulängila.  
\v 11 Kopwe fokun aükätiu ar kapas, pun ra afitikokoi ekoch chon ekewe famili ren ar afalafala mine esap pwüng. Ra föri ei fän iten eu popun mi asäw, pun ra mochen angei moni.  
\v 12 Eman me lein nöür kewe soufos seni Kreta a apasa, “Chon Kreta ra kapas chofona fansoun meinisin, ra usun chök manmwacho mi ngau me chon mongömong mi chipwang.”  
\v 13 Ekei kapas ra let. Iei mine kopwe fokun apwüngüür, pwe epwe pwüng ar lükülük,  
\v 14 nge resap chüen aüseling ngeni än ekewe chon Juta tutulap, pwal ngeni ekewe allük mi pop seni ekewe aramas mi likitala ewe let.  
\v 15 Mettoch meinisin ra limöch ngeni chokewe mi limöch manauer, nge esap wor och a limöch ngeni chokewe mi limengau manauer, ir chokewe mi lükümang, pun ar ekiek me mwelien letiper a fen limengau.  
\v 16 Ra apasa pwe ra silei Kot, nge ar föför a pwärätä pwe resap silei i. Ra anioput me ren Kot, ra lükümach, resap tongeni ar repwe föri och mi mürina.   
\c 2  
\s1 Afalafal mi let usun ach lükülük  
\sr 2.1-15  
\p
\v 1 Nge en Titus, kopwe fokun afalafal won met mi tipeeu ngeni pwüngüöchün ach lükülük.  
\v 2 Kopwe aiti ngeni ekewe chinlap mwän ar repwe tipefesir me tipepwetete, repwe tufichin nemeni püsin inisiir, repwe pöchökül lon ar lükülük, lon ar chen, pwal lon ar likitü.  
\v 3 Ina chök usun om kopwe aiti ngeni ekewe chinlap fefin ar repwe usun ekewe fefin mi manaueni eu manau mi pin. Resap luapas, resap riri ngeni ükün wain. Repwe fokun asukula mine a mürina  
\v 4 lon ar aiti ngeni ekewe föpwül usun ar repwe echeni pwülüer me nöür kana,  
\v 5 usun ar repwe nemeni püsin inisiir o eäni eu letip mi limöch, usun ar repwe sipeöch le angang lon imw, repwe eäni kirikiröch o aleasochis ngeni pwülüer, pwe esap wor eman epwe kapas ingau usun än Kot kapas.   
\p
\v 6 Ina chök usun om kopwe fönöü ekewe alüal ar repwe nemeni püsin inisiir.  
\v 7 Nge en kopwe fokun eu lenien apirü lon om föför mi mürina. Kopwe wenechar o tiliken lon om afalafal.  
\v 8 Kopwe aea kapas mi pwüng, pwe esap wor eman epwe tongeni esitok. Mürin, ekewe chon oputom repwe säw, pun esap wor och kapas mi ngau repwe tongeni apasatä usuch.   
\p
\v 9 Kopwe aiti ngeni ekewe amanau pwe repwe anomur fän nemenien ar kewe masta o apwapwaar lon mettoch meinisin. Resap wippin ngeniir,  
\v 10 ika soläni och seniir, nge repwe fokun pwärala pwe ra wenechar o allükülük. Iei usun repwe aitöchü ewe angangen asukul usun Kot ach Chon Amanau lon mettoch meinisin.  
\v 11 Pun Kot a pwärala an ümöümöch, pwe aramas meinisin repwe küna manau ren.  
\v 12 Än Kot ümöümöch a aiti ngenikich ach sipwe likitala ach turunufas me mochenian fanüfan, nge sipwe eäni mirit, pwüng me soulängöch lon ach manau lon ei fanüfan.  
\v 13 Iwe, sipwe witiwiti ewe Ränin feiöch sia apilükülük ngeni, lupwen lingen ach we Kot mi tekia, ach Chon Amanau Jesus Kraist epwe wareto.  
\v 14 I a fangala manauan fänäsengesich, pwe epwe angasakich seni ach föföringau meinisin, epwe pwal limetikich seni ach tipis, pwe sipwe nöün aramas mi fokun achocho le föri mine a mürina. \x + \xo 2.14 \xt Kölf 130.8; Eks 19.5; Tut 4.20; 7.6; 14.2; 1.Pet 2.9\x*   
\p
\v 15 Ikkei ekewe mettoch kopwe aiti ngeni ekewe souläng. Kopwe aea om pwüüng lon wisom, lupwen kopwe apöchöküla än ekewe souläng lükülük, pwal lupwen om kopwe apwüngüür. Kosap mwüt ngeni eman epwe turunufaseek.   
\c 3  
\s1 Kapasen öüröür fän iten souläng  
\sr 3.1-11  
\p
\v 1 Kopwe achema ngeni noumw kewe souläng, pwe repwe fokun aleasochis ngeni ekewe samol me sounemenem, repwe pwal molotä ngeni ar repwe föri sokun föför mi mürina.  
\v 2 Kopwe üreniir, pwe resap kapas ingau usun eman aramas, repwe afisätä kinamwe me chiechiöch o pwärala ar tipepwetete ngeni aramas meinisin.  
\v 3 Pun me lom püsin kich sia miritimang o aleasolap, sia pwal mwalechela. Sia nom fän nemenien sokopaten mochenia me pwapwan fanüfan. Sia manaueni eu manau mi ngau me lolowo, aramas ra oputakich, nge kich sia oputa ir.  
\v 4 Nge lupwen än Kot, ach Chon Amanau kirikiröch me tong a pwäla,  
\v 5 i a amanauakich, esap pokiten föriach föförün pwüng, nge pokiten an tong. A amanauakich ren ewe Ngünmifel, ewe mi aupusefälikich o ngenikich eu manau mi fö ren an limetikich.  
\v 6 Kot a fokun tinatiu woch ewe Ngünmifel ren Jesus Kraist ach Chon Amanau,  
\v 7 pwe ren an ümöümöch sipwe küna pwüng me ren Kot o eäni ewe manau esemüch sia apilükülük ngeni.  
\v 8 A allükülük ekei kapas.  
\p Üa mochen pwe kopwe fokun aweweöchü ekei mettoch, pwe chokewe mi lükü Kot repwe fokun alomota ar fansoun le föri föför mi mürina, sokun föför mi öch o lomot ngeni aramas meinisin.  
\v 9 Nge kopwe afäluk seni ekewe kapasen anini esor mirit lon, seni tettelin uruwon ekewe lewo, seni ekiekin tipefesen me kapasen anini usun ekewe allük, pun ra lomotongau o aücheangau.  
\v 10 Kopwe chök apwüngü fän eu ika fän ruu eman aramas mi afisätä tipefesen, nge mürin kosap chüen iamüri.  
\v 11 En ka silei, pwe ena sokun aramas a fokun ngau. An kewe tipis a alletätä pwe i mi mwäl.   
\s1 Än Paulus kapasen öüröür lesopolan  
\sr 3.12-15  
\p
\v 12 Lupwen üpwe tinala reöm Artemas ika Tikikus, kopwe achocho ngeni om kopwe feito rei Nikapolis, pun üa fen ekiekin nonom ikenan lon fansoun lefen. \x + \xo 3.12 \xt Föf 20.4; Ef 6.21-22; Kol 4.7-8; 2.Tim 4.12\x*  
\v 13 Kopwe pwal achocho le alisi Senas ewe souallük me Apolos lon ar sai, kopwe pii pwe resap osupwang ren och. \x + \xo 3.13 \xt Föf 18.24; 1.Kor 16.12\x*  
\v 14 Kopwe aiti ngeni chiechiach kewe souläng, pwe repwe fokun alomota ar fansoun le föri föför mürina, pwe epwe wor rer mine ra osupwang ren, pwe manauer esap lomotongau.   
\p
\v 15 Chokewe meinisin mi nom rei ra kapong ngonuk. Kopwe uwei äm kapong ngeni chiechiach kewe souläng lon ach lükülük.  
\p Än Kot ümöümöch epwe nonom remi meinisin.