\id SNG  
\h ÄN SALOMON KÖL 
\toc1 Än Salomon Köl 
\toc2 Än Salomon Köl 
\toc3 SalK 
\mt1 Än Salomon Köl  
\ib  
\is1 Kapas akom  
\iot I. Iten ei puk: Än Salomon Köl, pun mine a mak lon, ekewe köl Salomon a föri. Ei puk a pwal iteni “Ewe köl mi öch seni köl meinisin”.  
\iot II. Chon makei ei puk: Salomon  
\iot III. Itelapemongen ei puk: Tipen Kot pwe eman mwän me eman fefin repwe pwüpwülüfengen o tongfengen.  
\iot IV. Kapas aüchean ei puk: Ewe tong lefilen eman mwän me eman fefin a aliosunätä usun ewe tong lefilen Jesus Kristus me nöün kana.  
\iot V. Masouen ei puk Än Salomon Köl: Lon ei puk a mak ekoch kölün tong, ra pwärätä usun än eman mwän kölüw eman fefin, pwal usun än eman fefin kölüw eman mwän. Ekei köl chon Israel ra awewe ngeni ewe chiechiöchfengen lefilen Kot me nöün aramas, nge ren souläng ra awewe ngeni ewe chiechiöchfengen lefilen Kristus me mwichefel, pwal lefilen Kristus me eman me eman souläng.  
\iot VI. Tettelin masouen ei puk:  
\io1 Ekewe kapasen tong lefilen ewe fin-apwüpwülü-söfö me ewe mwän-apwüpwülü söfö \ior 1.1–2.7\ior*  
\io1 Ewe fin-apwüpwülü-söfö a fos usun ewe mwän-apwüpwülü-söfö, a tana ewe mwän \ior 2.8–3.5\ior*  
\io1 Telin aramas lon ränin apwüpwülü. Ewe fin-apwüpwülü söfö a tana ewe mwän fän aruuan. A fosfengen me ekewe fin Jerusalem \ior 3.6–6.3\ior*  
\io1 Ewe mwän-apwüpwülü-söfö a mwareiti liöchün pwülüan we. Ewe fin-apwüpwülü-söfö a positi pwülüan we \ior 6.4–8.4\ior*  
\io1 Ekewe kapasen lesopolan usun ar tongfengen \ior 8.5-14\ior*  
\c 1  
\s1 Ewe fin apwüpwülü söfö me ekewe fin Jerusalem  
\sr 1.1-7  
\p
\v 1 Iei ewe köl mi öch seni ekewe köl meinisin Salomon a föri. \x + \xo 1.1 \xt 1.King 4.32\x*   
\sp Fefin  
\q1
\v 2 Amwo kopwe mitiriei.  
\q1 Pun om tong a mürina seni wain.   
\q1
\v 3 Epitom lö a fokun pwokus.  
\q1 Itom a wewe ngeni lö mi niiniila.  
\q1 Iei mine ekewe föpwül ra tongeek.   
\q1
\v 4 Kopwe nukiei pwe sipwe müttir le sä.  
\q1 Ai king, kopwe emwenieila lon rumwom.  
\sp Chienan fefin  
\q1 Sipwe pwapwaituk o mwäneketuk,  
\q1 sipwe pwal mwareiti om tong lap seni wain.  
\q1 A fokun pwüng ach tongeek.   
\sp Fefin  
\q1
\v 5 Ämi föpwülün Jerusalem, üa liechochol, nge üa liöch.  
\q1 Üa chol usun chök ekewe imw mangaku lon Ketar,  
\q1 üa pwal öch usun chök ekewe cheech lon imwen Salomon.   
\q1
\v 6 Ousap nenengeniei, pun ngang üa liechochol  
\q1 pokiten akkar a acholaei.  
\q1 Iwe, nöün inei kewe mwän ra song ngeniei.  
\q1 Ra awisaei pwe üpwe tümwünü ekewe tanipin wain,  
\q1 nge püsin tanipii üsap tümwünü.   
\q1
\v 7 Kopwe aiti ngeniei, en ewe üa tongei seni lon letipei,  
\q1 ia kopwe foleni ie noum kewe sip?  
\q1 Ia kopwe asösöör ie leoloas?  
\q1 Pwota üpwe usun chök eman mi mwalechfeil  
\q1 lein nöün chienom kewe pwiin sip?   
\s1 Ewe mwän apwüpwülü söfö me ewe fin apwüpwülü söfö  
\sr 1.8–2.17  
\sp Mwän  
\q1
\v 8 Are kosap silei ewe leni, en mi liöch mwen ekewe fefin,  
\q1 kopwe tapwala mürin ipwen ekewe pwiin sip.  
\q1 Kopwe foleni noum nienifön kuuch  
\q1 ünükün imwen ekewe chon mas imw mangaku.   
\q1
\v 9 En mi wor tongom me rei,  
\q1 üa awewe ngonuk eman liefefinin oris mi nuki wän Farao woken.   
\q1
\v 10 Sapom a ling ren foutan,  
\q1 nge üom a ling ren mwärämwär seni fau aüchea.   
\sp Chienan fefin  
\q1
\v 11 Sipwe föri fän itom fout  
\q1 seni kolt me silifer.   
\sp Fefin  
\q1
\v 12 Lupwen ewe king a kon won an peet,  
\q1 ai lö a fokun pwopwonfeil.   
\q1
\v 13 Ätewe mi wor tongan me rei a usun chök eu tükütükün säfei mi aüchea itan mör,  
\q1 a nonom lefilen oupwi.   
\q1
\v 14 Ätewe mi wor tongan me rei a usun chök epilük pilükün pön irä mi pwokus,  
\q1 ra mär lon ekewe tanipin wain lon Enketi.   
\sp Mwän  
\q1
\v 15 Nengeni, en ka fokun liöch, en mi wor tongom me rei.  
\q1 Ka fokun liöch, föün mesom ra wewe ngeni föün mesen lisom.   
\sp Fefin  
\q1
\v 16 Nengeni, en ka fokun äteöch,  
\q1 en mi wor tongom me rei, ka wesewesen äteöch.  
\sp Mwän  
\q1 Lenien ach kon a anüen fetil,   
\q1
\v 17 irän imwach ewe irä setar,  
\q1 nge etippen imwach ewe irä saipires.   
\sp Fefin  
\c 2  
\q1
\v 1 Iwe, ngang epö pön rous seni Saron,  
\q1 pwal epö pön kiopun ekewe lemol.   
\sp Mwän  
\q1
\v 2 Liewe a wor tongan me rei a nom lein ekewe föpwül  
\q1 usun chök epö pön kiop lein iräfölüföl.   
\sp Fefin  
\q1
\v 3 Ätewe mi wor tongan me rei a nom lein ekewe alüal  
\q1 usun chök efoch apel lein wöllap.  
\q1 Üa fokun pwapwa le mot fän nürün,  
\q1 nge uan a arar, lupwen üa ochei.   
\q1
\v 4 Iwe, a emwenieila ngeni ewe lenien kametip,  
\q1 a aürätä an filäik woi pwe asisilen an tongeei.   
\q1
\v 5 Kopwe aochocha ngeniei uän irän wain mi pwas, pwe üpwe pöchökülsefäl,  
\q1 kopwe pwal apöchöküleitä ren uän apel,  
\q1 pun üa apwangapwang ren ai tongeek.   
\q1
\v 6 Pöüimöngün a nom fän mökürei,  
\q1 nge pöüifichin a romiei.   
\sp Mwän  
\q1
\v 7 Oupwe pwon ngeniei, ämi föpwülün Jerusalem,  
\q1 oupwe öpölü ekewe chian lemäl,  
\q1 pwe ousap aosukosuka äm tongfengen.   
\sp Fefin  
\q1
\v 8 Üa rong möngüngün ätewe mi wor tongan me rei.  
\q1 Nengeni, a feito,  
\q1 a mwetemwet o lusulus won ekewe chuk.   
\q1
\v 9 Ätewe mi wor tongan me rei a usun chök eman chia  
\q1 ika eman apanen chia.  
\q1 Nengeni, a ütä ünükün tittin imwach  
\q1 o nenelong me lon asamwachon,  
\q1 a pwal anäämwelong lefichen ewe tit mächä.   
\q1
\v 10 Ätewe mi wor tongan me rei a kapas ngeniei.  
\q1 Iwe, a apasa, “Kopwe pwätä, en mi wor tongom me rei,  
\q1 ka fokun liöch, sipwe feila ekis.   
\q1
\v 11 Pun nengeni, fansoun patapat a wes, nge püngün üt a ükütiu.   
\q1
\v 12 Ekewe pön irä ra sonola won ewe fanü,  
\q1 ewe fansoun köl a war,  
\q1 sia rongorong tikitikin lisom won fanüach.   
\q1
\v 13 Ewe irä fik a ua,  
\q1 nge sotun ekewe irän wain ra fokun pwokus.  
\q1 Kopwe ütä, en mi wor tongom me rei,  
\q1 ka fokun liöch, sipwe feila ekis.”   
\sp Mwän  
\q1
\v 14 En ka wewe ngeni eman lisom me rei mi nom lon pwangen achau,  
\q1 ka op fän sässärin achau,  
\q1 kopwe aküna ngeniei won mesom mi fokun mesemesöch,  
\q1 kopwe mwüt ngeniei pwe üpwe rongorong mweliom mi mürina.   
\q1
\v 15 Oupwe turufi ekewe foks, ekewe apanen foks mi ataela ekewe tanipin wain,  
\q1 pun ach kewe tanipin wain ra sot.”   
\sp Fefin  
\q1
\v 16 Aüküki me ren, ngang nöün, nge aükükün me rei, i nei.  
\q1 Iwe, a foleni nöün pwiin sip lein ekewe kiop.   
\q1
\v 17 Kopwe liwinto o nom rei, en mi wor tongom me rei,  
\q1 tori a tö mallen rän,  
\q1 o lerochen mettoch ra morola.  
\q1 Kopwe usun chök eman chia  
\q1 ika eman apanen chia won ekewe chukuchukutä.   
\c 3  
\s1 Ekiekin ewe fin apwüpwülü söfö  
\sr 3.1-5  
\q1
\v 1 Lupwen üa kon won kiei lepwin,  
\q1 üa tan pwe üa kütta ätewe üa tongei seni lon letipei.  
\q1 Üa kütta, nge üsap küna.   
\q1
\v 2 Iwe, iei üpwe pwätä o kukulou won alen ewe telinimw,  
\q1 pwal lon ekewe lenien amwicheich.  
\q1 Üpwe kütta ätewe üa tongei seni lon letipei.  
\q1 Üa fokun küttafetalei, nge üsap küna.   
\q1
\v 3 Ekewe chon mas ra künaei lupwen ar feilfetal lon ewe telinimw.  
\q1 Iwe, üa aisiniir, “Ifa usun, ousap küna ätewe üa tongei seni lon letipei?”   
\q1
\v 4 Üa kärän feil seniir, ngei üa fen küna ätewe üa tongei seni lon letipei.  
\q1 Üa amwöchü, nge üsap mwüt ngeni pwe epwe feila  
\q1 tori üa panalong lon imwen inei,  
\q1 lon rumwen neminewe a nöüniei.   
\sp Mwän  
\q1
\v 5 Oupwe pwon ngeniei, ämi föpwülün Jerusalem,  
\q1 oupwe öpölü ekewe chian lemäl,  
\q1 pwe ousap aosukosuka äm tongfengen.   
\s1 Telin aramas lon ränin apwüpwülü  
\sr 3.6-11  
\sp Chienan fefin  
\q1
\v 6 Met ewe a feitä seni lon fanüapö usun eu ötüöt mi ötütä,  
\q1 a pwokus ren säfei mi aüchea me apach mi pwokus,  
\q1 pwal ren sokun osiroi mi pwokus itan mör chon amömö ra amömöla?   
\q1
\v 7 Nengeni, ra uwei Salomon won an lenien mot,  
\q1 nge wone mwän mi pwora seni lein ekewe mwichen sounfiun Israel  
\q1 ra nom ünükün.   
\q1
\v 8 Ir meinisin ra ri ngeni lukalaper efoch ketilas,  
\q1 ra pwal silelap le maun.  
\q1 Iteiten eman me eman a wor nöün ketilas,  
\q1 pun ra molotä fän iten ar repwe maun lepwin.   
\q1
\v 9 King Salomon a föri eu lenien mot mi lingöch  
\q1 fän itan seni irän Lepanon.   
\q1
\v 10 Iwe, üren ewe lenien mot ra för seni silifer,  
\q1 lükisökürün a för seni kolt,  
\q1 nge ekewe pinu ra för seni mangaku mi parapar.  
\q1 Iwe, ekewe föpwülün Jerusalem ra fokun angangöch le chüri lon fän ar tong.   
\q1
\v 11 Oupwe towu, ämi föpwülün Sion, pwe oupwe nengeni ewe king Salomon  
\q1 mi mwärini ewe mwärämwär inan a amwärämwära ngeni  
\q1 lon ränin an apwüpwülü,  
\q1 lon ewe rän letipan a fokun pwapwa.   
\s1 Ewe mwän apwüpwülü söfö a mwareiti ewe fin apwüpwülü söfö  
\sr 4.1–5.1  
\sp Mwän  
\c 4  
\q1
\v 1 Nengeni, ka fokun liöch, en mi wor tongom me rei,  
\q1 nengeni, ka wesewesen liöch.  
\q1 Föün mesom fän pwölüpwölün won mesom ra usun chök ekewe lisom,  
\q1 nge meten mökürom a wewe ngeni epwi pwiin kuuch  
\q1 ra tötiu me won ekewe chukun Kiliat.   
\q1
\v 2 Ngiim ra pwech usun chök epwi pwiin sip ra wes me fich,  
\q1 ra feitä seni ar lenien tütü.  
\q1 Ir meinisin a wor nöür lippwe,  
\q1 esap wor eman me leir a aemanüla.   
\q1
\v 3 Tinawom a wewe ngeni efoch riri mi parapar,  
\q1 nge awom a fokun öch.  
\q1 Sapom ra woparapar fän pwölüpwölün won mesom,  
\q1 usun chök pekin apel.   
\q1
\v 4 Üom a wewe ngeni ewe imw tekia imwen Tafit,  
\q1 a kukumos o motoutou,  
\q1 fän üom a wor epa mwärämwär mi wewe ngeni engeröü tittin maun ra itiuetä won.   
\q1
\v 5 Oupwum kewe ra usun chök apanen chia lippwe  
\q1 mi mongö lein ekewe kiop.   
\q1
\v 6 Üpwe feitä won ewe chukun säfei mi aüchea itan mör,  
\q1 pwal won ewe chukun apach mi pwokus,  
\q1 o nonom ie tori epwe ränila  
\q1 o lerochen mettoch repwe morola.   
\q1
\v 7 En mi wor tongom me rei, ka wesewesen liöch,  
\q1 esap fokun wor och terum.   
\q1
\v 8 Kofoti, kopwe etiei le feitiu me won Lepanon,  
\q1 kopwe etiei le feitiu me won Lepanon.  
\q1 Kopwe feitiu me won ungen ewe chuk Amana,  
\q1 pwal me won ungen Senir me Hermon,  
\q1 seni ekewe lenien laion me lepart.   
\q1
\v 9 Kofoti, en mi wor tongom me rei, ka fokun liapeni lelukei.  
\q1 Ka fokun liapeni lelukei ren nennen mesom ngeniei,  
\q1 pwal ren mwärum fän üom.   
\q1
\v 10 Kofoti, en mi wor tongom me rei,  
\q1 om tong a arar ngeniei,  
\q1 a mürina seni wain,  
\q1 nge om lö a pwokus seni ekewe lö me nofitin mongö meinisin.   
\q1
\v 11 Kofoti, tinawom a sup ren chönün ächi,  
\q1 nge chönün chunen me milik ra nonom fän chönawom.  
\q1 Iwe, pwonnen üfom a wewe ngeni pwonnen Lepanon.   
\q1
\v 12 Kofoti, en mi wor tongom me rei, ka usun chök eu tanipi mi köpüng,  
\q1 ewer, eu tanipi mi köpüng pwal eu puächen koluk mi tittila.   
\q1
\v 13 Om kewe irä mi märitä lon ra wewe ngeni eu tanipin apel  
\q1 ra uäni sokun uän irä mi mürina.  
\q1 Ra pwal mär lon ekewe irä mi pwokus iter henna me nart,   
\q1
\v 14 ekewe irä äfän, säpük me sinamon,  
\q1 pwal sokun irän apach mi pwokus meinisin,  
\q1 ekewe irä mi pwokus iter mör me aloes  
\q1 me nofitin mongö mi anö.   
\q1
\v 15 En ka usun chök eu puächen koluk mi achöchönü ewe tanipi,  
\q1 pwal usun chök eu chönüttu mi ur ren koluk mi manau.  
\q1 Ka pwal wewe ngeni ekewe chanpupu mi puputiu seni ewe chuk Lepanon.   
\sp Fefin  
\q1
\v 16 Kopwe pwätä asepwälin efeng, etto asepwälin ör.  
\q1 Oupwe eniti tanipii we pwe pwoöchün epwe pwopwonfeil.  
\q1 Amwo ätewe mi wor tongan me rei epwe feito ren tanipin we  
\q1 o mongö seni uän ekewe irä mi mürina.   
\sp Mwän  
\c 5  
\q1
\v 1 Kofoti, en mi wor tongom me rei, üa feito ren tanipii we.  
\q1 Üa ionifengeni ai säfei mi aüchea itan mör me ai nofitin mongö,  
\q1 üa neni ai fasen chunen me chönün,  
\q1 üa pwal ünümi ünümei wain me ünümei milik.  
\q1 Oupwe mongö o ün, ämi chienei.  
\q1 Ämi chienei mi achengicheng, oupwe fokun ün.   
\s1 Riaföün toaufesen  
\sr 5.2-8  
\sp Fefin  
\q1
\v 2 Üa möür, nge letipei a nela.  
\q1 Iwe, üa tan pwe üa rongorong pwe ätewe mi wor tongan me rei a fichifich o apasa,  
\q1 “Kopwe suki ngeniei asamen imwom, acheniei mi achengicheng,  
\q1 nei lisom pwal nei mi fokun limelimöch.  
\q1 Mökürei a chöchön ren amurenipwin,  
\q1 nge meten mökürei a chöchön ren chichin amurenipwin.”   
\q1
\v 3 Üa fen pwilitawu üfei.  
\q1 Ifa usun ai üpwe pwilitisefälielong?  
\q1 Üa fen talü pechei.  
\q1 Ifa usun ai üpwe alimengauasefäli?   
\q1
\v 4 Iwe, ätewe mi wor tongan me rei a aitielong pöün lon pwangen asamen imwei,  
\q1 nge letipei a fokun mwökütüküt ren.   
\q1
\v 5 Üa pwätä pwe üpwe suki asamen imwei ngeni ätewe mi wor tongan me rei,  
\q1 nge pei me aüti ra sür ren säfei mi aüchea itan mör,  
\q1 lupwen üa atapa lokun ewe asam.   
\q1
\v 6 Iwe, üa suki asamen imwei ngeni ätewe mi wor tongan me rei,  
\q1 nge i a fen kul o feila.  
\q1 Ngüni a süla, pun ese chüen nom.  
\q1 Üa kütta ätewe mi wor tongan me rei, nge üsap küna.  
\q1 Üa köri, nge esap pälüeniei.   
\q1
\v 7 Ekewe chon mas ra künaei, lupwen ra feilfetal lon ewe telinimw.  
\q1 Iwe, ra wichiei o akinasaei.  
\q1 Ekewe chon mas won tittin ewe telinimw ra urusi seniei mine üa filiti ngeniei.   
\q1
\v 8 Üa tüngor ngenikemi, ämi föpwülün Jerusalem,  
\q1 are oua küna ätewe mi wor tongan me rei,  
\q1 oupwe üreni pwe üa riaföü ren ai tongei.   
\s1 Ewe fin apwüpwülü söfö a mwareiti ewe mwän apwüpwülü söfö  
\sr 5.9–6.3  
\sp Chienan fefin  
\q1
\v 9 En mi liöch seni fefin meinisin,  
\q1 ren met ätewe mi wor tongan me reöm a aüchea seni ekewe lusun mwän?  
\q1 Ren met ätewe mi wor tongan me reöm a aüchea seni ekewe lusun mwän,  
\q1 pwe a iei usun om tüngor ngenikem?   
\sp Fefin  
\q1
\v 10 Ätewe mi wor tongan me rei a unusen äteöch o mesemesöch,  
\q1 a sil me lein engol ngeröü aramas.   
\q1
\v 11 Möküran a usun chök kolt mi mürina,  
\q1 nge meten möküran ra rürü  
\q1 o chol usun ülen eman ängä.   
\q1
\v 12 Föün mesan ra mürina usun chök lisom mi nom ünükün chanpupu o tütü lon milik,  
\q1 ra masolong lon lenier usun fau aüchea.   
\q1
\v 13 Sapan ra wewe ngeni lenien irän nofitin mongö mi fokun pwokus.  
\q1 Tinawan a usun kiop  
\q1 ra sup ren säfei mi aüchea itan mör.   
\q1
\v 14 Iwe, pöün ra wewe ngeni fochun kolt  
\q1 ra fout ngeni ring a wor faü aüchea lor.  
\q1 Inisin a motoutou usun chök ngiin äläfan,  
\q1 a pwal fout ngeni fau aüchea itan safaia.   
\q1
\v 15 Pechen ra usun chök ür seni ewe fau itan alapaster,  
\q1 ra longolong won kolt.  
\q1 Iwe, lapalapan a wewe ngeni ewe chuk Lapanon,  
\q1 a pwal mürina usun ewe irä setar.   
\q1
\v 16 An kapas a fokun pwetete.  
\q1 Ellet, a fokun äteöch.  
\q1 Iei usun lapalapen ätewe mi wor tongan me rei,  
\q1 ämi föpwülün Jerusalem.   
\sp Chienan fefin  
\c 6  
\q1
\v 1 Ia ätewe mi wor tongan me reöm a feila ie,  
\q1 en mi liöch seni fefin meinisin?  
\q1 Ia a feila ie,  
\q1 pwe aipwe etuk le kütta?   
\sp Fefin  
\q1
\v 2 Ätewe mi wor tongan me rei a feila ren tanipin we  
\q1 ia ekewe irän nofitin mongö ra mär ie.  
\q1 Ikenan epwe foleni nöün pwiin sip  
\q1 o fichifich kiop.   
\q1
\v 3 Aüküki me ren, ngang nöün, nge aükükün me rei, i nei.  
\q1 A foleni nöün pwiin sip lein ekewe kiop.   
\s1 Ewe mwän apwüpwülü söfö a mwareiti ewe fin apwüpwülü söfö  
\sr 6.4–7.5  
\sp Mwän  
\q1
\v 4 En mi wor tongom me rei,  
\q1 ka liöch usun ekewe telinimw Tirsa me Jerusalem,  
\q1 nge ka pwal eniwokus usun eu mwichen sounfiu fän ar filäik.   
\q1
\v 5 Kopwe akulu mesom seniei,  
\q1 pun üa tiperukoruk rer.  
\q1 Meten mökürom a usun chök epwi pwiin kuuch  
\q1 ra tötiu me won ekewe chukun Kiliat.   
\q1
\v 6 Ngiim ra pwech usun chök epwi pwiin sip  
\q1 ra liwinto seni ar lenien tütü.  
\q1 Ir meinisin a wor nöür lippwe,  
\q1 esap wor eman me leir a aemanüla.   
\q1
\v 7 Sapom ra woparapar fän pwölüpwölün won mesom usun chök pekin apel.   
\q1
\v 8 A wor wone kiwinnen ewe king me walik ülüpwülüan,  
\q1 pwal föpwül resap lea.   
\q1
\v 9 Nge ngang üa chök tongei eman,  
\q1 neminewe mi liöch usun eman lisom.  
\q1 I chök eman won inan,  
\q1 a pwal lieson me won.  
\q1 Lupwen ekewe föpwül ra küna, ra apasa pwe a feiöch,  
\q1 nge kiwinnen ewe king me ülüpwülüan meinisin ra mwareiti.   
\q1
\v 10 Iö we a ling usun chök mallen rän,  
\q1 a tinöch usun maram o saramaram usun akkar,  
\q1 nge a pwal eniwokus usun eu mwichen sounfiu fän ar filäik?   
\q1
\v 11 Üa feitiu ren ewe tanipin almont,  
\q1 pwe üpwe nengeni ekewe irä mi pwüküfö lon ewe lemol,  
\q1 pun üa mochen silei ika ekewe irän wain ra sawit,  
\q1 ika ekewe apel ra ua.   
\q1
\v 12 Iwe, üse mörüei mwo, nge ai mochen a nukieila  
\q1 won wän nei aramas woken, pwe üpwe ar samol.   
\sp Chienan fefin  
\q1
\v 13 Kopwe liwinto, kopwe liwinto, en föpwülün Sulam,  
\q1 kopwe liwinto, kopwe liwinto pwe aipwe tongeni atolok.  
\sp Mwän  
\q1 Pwota oua mochen katol ewe föpwülün Sulam,  
\q1 lupwen a pwörük lefilen ruu telin chon katol?   
\c 7  
\q1
\v 1 En nöün king föpwül,  
\q1 a fokun öch pecheöm lon ipwom sus.  
\q1 Sengesengen wänükum a usun chök chipwechipwen fau aüchea,  
\q1 förien eman mi silelap.   
\q1
\v 2 Iwe, pwuom a wewe ngeni eu kap mi ur ren wain mi anö,  
\q1 nge lukom a wewe ngeni eu chukun föün wiich,  
\q1 kiop ra nom pwelin ünükün.   
\q1
\v 3 Oupwum kewe ra usun chök apanen chia lippwe.   
\q1
\v 4 Iwe, üom a usun chök eu imw tekia a för seni ngiin äläfan,  
\q1 nge mesom ra usun chök ekewe nomun Hespon  
\q1 arun ewe asamalapen Pat Rappim.  
\q1 Pwötum a wewe ngeni ewe imw tekia won Lepanon  
\q1 mi nom awenewenen Tamaskus.   
\q1
\v 5 Mökürom a wenetä usun chök ewe chuk Karmel,  
\q1 meten mökürom a sapwilitiu, nge anüan a usun chök parachol.  
\q1 Iwe, ewe king a fif ren meten mökürom.   
\s1 Ewe mwän apwüpwülü söfö me ewe fin apwüpwülü söfö ra pwapwafengen  
\sr 7.6–8.4  
\q1
\v 6 En mi wor tongom me rei, en ka fokun liöch,  
\q1 a fokun mürina amwararen om tong.   
\q1
\v 7 Iwe, ka üwenewenetä usun chök efoch nü,  
\q1 nge oupwum ra wewe ngeni uan.   
\q1
\v 8 Iwe, üpwe tötä won ewe irä palm o kini uan.  
\q1 Oupwum a usun chök umwun föün wain me rei,  
\q1 nge pwonnen ngasangasom a usun chök pwonnen apel.   
\q1
\v 9 Awom a usun chök wain mi mürina a mitimit le oromala,  
\q1 lupwen a achöchönü tinawei me ngii.   
\sp Fefin  
\q1
\v 10 Aüküki me ren ätewe mi wor tongan me rei ngang nöün,  
\q1 nge i a chök positiei.   
\q1
\v 11 Kopwe etto, en mi wor tongom me rei,  
\q1 pwe sipwe feila lemäl o pwinipwin lon ekewe sop.   
\q1
\v 12 Lesosorusich sipwe feila ren ekewe tanipin wain  
\q1 pwe sipwe nengeni ika ekewe irän wain ra sot,  
\q1 ika sotur ra sukula,  
\q1 ika ekewe apel ra ua.  
\q1 Ikenan üa mochen pwäri ngonuk ai tong.   
\q1
\v 13 Ekewe apelin omung ra pwokus,  
\q1 nge arun asamen imwach a wor chomong sokun uän irä mi mürina,  
\q1 ua mi fö pwal ua minen lom.  
\q1 Iwe, üa iseniir fän itom, en mi wor tongom me rei.   
\c 8  
\q1
\v 1 Amwo kopwe usun chök eman mongeei ngeniei inei a oupwu.  
\q1 Mürin, are üpwe churuk me lükün,  
\q1 üpwe mitiruk,  
\q1 nge esap wor eman epwe turunufaseei.   
\q1
\v 2 Iwe, üpwe panukolong lon imwen inei,  
\q1 lon rumwen ewe mi nöüniei.  
\q1 Üpwe aünuk wain mi anö,  
\q1 pwal chönün föün ai apel.   
\q1
\v 3 Pöüimongum epwe nom fän mökürei,  
\q1 nge pöüifichum epwe romiei.   
\sp Mwän  
\q1
\v 4 Oupwe pwon ngeniei, ämi föpwülün Jerusalem,  
\q1 pwe ousap aosukosuka äm tongfengen.   
\s1 Tong a pöchökül usun mäla  
\sr 8.5-14  
\sp Chienan fefin  
\q1
\v 5 Iö we a feitä seni lon fanüapö  
\q1 o üllü ngeni ätewe mi wor tongan me ren?  
\sp Mwän  
\q1 Fän ewe apel üa apwökuk.  
\q1 Iei ewe leni inom we a nöünuk me ie.   
\q1
\v 6 Kopwe pwauni lelukom fän itei,  
\q1 kosap romi eman me lüki.  
\q1 Pun tong a pöchökül usun mäla,  
\q1 nge lukomong a afeiengau usun ewe lenien sotup.  
\q1 Tong a chök kükkü,  
\q1 nge ngetengetan a fokun sarara.   
\q1
\v 7 Chomong koluk resap tongeni kunuela tong,  
\q1 nge chomong lölö resap pwal tongeni amopu.  
\q1 Are eman mwän a mochen möni tong ren pisekin imwan meinisin,  
\q1 epwe chök uren takir me ren aramas.   
\sp Chienan fefin  
\q1
\v 8 A wor rech eman kükün pwiich esamwo tipwük.  
\q1 Iwe, met sipwe föri fän iten pwiich,  
\q1 ika eman alüal epwe tüngor pwe epwe pwülüeni?   
\q1
\v 9 Are pwiich a wewe ngeni eu tit,  
\q1 sipwe aüetä eu imw tekia seni silifer won.  
\q1 Nge are a wewe ngeni eu asamalap,  
\q1 sipwe ti ngeni pap seni setar.   
\sp Fefin  
\q1
\v 10 Iwe, ngang üa wewe ngeni eu tit,  
\q1 nge oupwi ra usun chök ekewe imw tekia.  
\q1 Iei mine üa wiliti me ren ätewe mi wor tongan me rei  
\q1 usun eman mi küna kinamwe.   
\q1
\v 11 Iwe, Salomon a eäni eu tanipin wain lon Paal Hamon.  
\q1 Nge a mwüt ngeni nöün chon tümwün pwe repwe tanipini.  
\q1 Iwe, iteiten eman me eman a wisen mönätiu engeröü föün moni silifer fän iten uan.   
\q1
\v 12 Ai tanipin wain wesewesen püsin ai.  
\q1 Iwe, en Salomon kopwe nöüni ekewe engeröü föün moni silifer,  
\q1 nge ekewe chon tümwünü uän ewe tanipi repwe angei ruopükü.   
\sp Mwän  
\q1
\v 13 O en mi wor tongom me rei, ka nonom lon ekewe tanipi,  
\q1 chiechiom kewe ra aüselinga mweliom.  
\q1 Kose mochen üpwe pwal aüselinga mweliom.   
\sp Fefin  
\q1
\v 14 En mi wor tongom me rei, kopwe müttir feito rei usun chök eman chia,  
\q1 ika eman ätemwänin chia won ekewe chukun irän nofitin mongö.