\id PSA  
\h KÖLFEL 
\toc1 Kölfel 
\toc2 Kölfel 
\toc3 Kölf 
\mt1 Kölfel  
\ib  
\is1 Kapas akom  
\iot I. Iten ei puk: Kölfel. Ei puk a iteni ei it, pun mine a mak lon, köl mi fel, souläng ra eäni lon ar fel ngeni Kot seni me lom tori ikenai.  
\iot II. Chon makei ei puk: Mi wor ekoch chon makei ei puk. Ikkei iter:  
\io1 Tafit a makei ina epwe ükükün 73  
\io1 Ekewe mwirimwirin Kora 10  
\io1 Asaf 12  
\io1 Salomon 2  
\io1 Etan 1  
\io1 Heman 1  
\io1 pwal Moses 1  
\io1 Mi pwal wor ekoch Kölfel esap fat iö a makeer.  
\iot III. Itelapemongen ei puk: Ngüni, kopwe mwareiti ewe Samol mi Lapalap.  
\iot IV. Kapas aüchean ei puk: Än chon lükülük mwareiti Kot me ar iotek.  
\iot V. Masouen ei puk Kölfel: Ei puk eu puken köl me iotek me lon Paipel. A lefiletam lefilen fansoun än ekewe chon mak makei ekei Kölfel, pun ekei köl minen fansoun Moses tori fansoun än chon Juta liwinsefäl seni ar oola. Nge ekewe chon Israel ra achufengeni ekei köl me iotek o aea lon fansoun ar fel ngeni Kot. Mürin ra apacha ekei Kölfel ngeni nöür Paipel. Mi wor chomong sokun Kölfel: Kölün mwareiti me fel ngeni Kot, iotekin tüngor alilis, tümwün me küna manau, tüngoren amusamusen tipis, kölün kilisou fän iten än Kot afeiöchüür, pwal tüngor pwe Kot epwe apwüngü chon oputer. Ekei iotek ra eäni fän iten eman chök ika fän iten eu mwü. Ekoch ekei iotek ra pwärätä mefien mwökütükütün leluken eman aramas, nge ekoch ra pwärätä osupwangen me mefien nöün Kot aramas meinisin. Jesus a aea ekei Kölfel, pwal ekewe chon makei Testament mi Fö ra aea ekoch wokisin seniir. Iei mine ekei Kölfel ra aüchea me ren ekewe souläng lon mwichefel seni lepoputan tori ikenai.  
\iot VI. Tettelin masouen ei puk: Ekei 150 Kölfel ra kinikinitiu lon limu kinikin:  
\io2 1. Kölfel 1-41: Usun aramas me än Kot föri läng me fanüfan  
\io2 2. Kölfel 42-72: Usun chon Israel me ar ngasala  
\io2 3. Kölfel 73-89: Usun än aramas fel ngeni Kot, pwal usun ewe imwenfel  
\io2 4. Kölfel 90-106: Usun än aramas siamü won fanüfan  
\io2 5. Kölfel 107-150: Usun än aramas mwareiti Kot me än Kot kapas  
\c 1  
\ms1 AEUIN PUK  
\s1 Eman aramas mi pwüng me eman aramasangau  
\sr 1.1-6  
\q1
\v 1 Ra feiöch ekewe aramas resap fetal fän öüröüräen aramasangau,  
\q1 resap apirü föförün ekewe chon tipis,  
\q1 resap pwal nom ren ekewe chon turunufas,   
\q1
\v 2 nge ra pwapwaiti än ewe Samol mi Lapalap allük  
\q1 o ekieki usun lerän me lepwin.   
\q1
\v 3 Ätekewe ra wewe ngeni irä mi mär ünükün ekewe chanpupu,  
\q1 ra ua lon fansoun räs,  
\q1 nge chör resap aiolol.  
\q1 Meinisin mine ra föri a fisiöch. \x + \xo 1.3 \xt Jer 17.8\x*   
\q1
\v 4 Nge ekewe aramasangau resap iei usun.  
\q1 Pun ra wewe ngeni pipi asepwäl a ässala.   
\q1
\v 5 Iei mine ekewe aramasangau resap üöch lon ewe ränin kapwüng,  
\q1 nge ekewe chon tipis resap nom lon mwichen chon pwüng.   
\q1
\v 6 Pun ewe Samol mi Lapalap a emweni o tümwünü ekewe chon pwüng,  
\q1 nge ekewe aramasangau repwe fetal ngeni ewe lenien feiengau.   
\c 2  
\s1 Än ewe mi kepit me ren Kot nemenem  
\sr 2.1-12  
\q1
\v 1 Pwota chon ekewe mwü ra rawangau,  
\q1 nge ekewe aramas ra ekingau won mine a lomotongau?   
\q1
\v 2 Ekewe king won fanüfan ra ütä,  
\q1 ekewe sounemenem ra pwüngüpwüngfengen usun ar repwe ü ngeni ewe Samol mi Lapalap,  
\q1 pwal ngeni nöün we mi kepit.   
\q1
\v 3 Iwe, ra apasa, “Ousipwe mwütala fööfööch me rer  
\q1 o pöütala senikich ar kei riri.” \x + \xo 2.3 \xt Föf 4.25-26\x*   
\q1
\v 4 Nge Kot ewe mi mot won an lenien motun king lon läng a takir,  
\q1 ewe Samol a ämängaueer.   
\q1
\v 5 Mürin epwe kapas ngeniir fän an song  
\q1 o fokun eniwokusuur fän an lingeringer.   
\q1
\v 6 Iwe, a apasa, “Üa seikätä ai king lon wisan  
\q1 me won Sion chuki we mi pin.”   
\q1
\v 7 Ngang üpwe pwärätä mine a pwüngüla me ren ewe Samol mi Lapalap.  
\q1 Iwe, a üreniei, “En nei mwän, ikenai üa nounuk. \x + \xo 2.7 \xt Föf 13.33; Ipr 1.5; 5.5\x*   
\q1
\v 8 Kopwe tüngorei, nge ngang üpwe ngonuk ekewe mwü pwe kopwe mwüni,  
\q1 üpwe pwal ngonuk unusen fanüfan pwe kopwe fanüeni.   
\q1
\v 9 Kopwe atarela ren efoch wokomächä,  
\q1 kopwe amökkükisiretiu usun eu sepi mi för seni pwül.” \x + \xo 2.9 \xt Pwär 2.26-27; 12.5; 19.15\x*   
\q1
\v 10 Iei mine ämi kana king, oupwe tipachemela,  
\q1 ämi sounemenem won fanüfan, oupwe miritila.   
\q1
\v 11 Oupwe angang ngeni ewe Samol mi Lapalap fän niuokus,  
\q1 oupwe pwapwa fän chechech.   
\q1
\v 12 Oupwe mitiri ewe nau pwe esap song, nge ämi ousap mäfeiengau.  
\q1 Pun a müttir fis an song.  
\q1 Ra feiöch ir meinisin mi eäni i lenien op.   
\c 3  
\s1 Iotekin lesosor pwe Kot epwe alilis  
\sr 3.1-8  
\d Echö än Tafit köl lupwen an sü seni Apsalom nöün we.  
\q1
\v 1 Ai Samol mi Lapalap, ekewe mi oputaei ra kon chomong!  
\q1 Chomong ra ü ngeniei. \x + \xo 3.1 \xt 2.Sam 15.13–17.22\x*   
\q1
\v 2 Chomong ra kapas usi,  
\q1 “Esap wor an alilis me ren Kot.”   
\b  
\q1
\v 3 Nge en, ai Samol mi Lapalap, ka epeti seniei feiengau,  
\q1 en ai ling,  
\q1 ka achimwäeitä.   
\q1
\v 4 Üa leüömong le siö ngeni ewe Samol mi Lapalap,  
\q1 nge i a pälüeniei seni chukun mi pin.   
\b  
\q1
\v 5 Üa konola o möür. Üa pwal nenela,  
\q1 pun ewe Samol mi Lapalap a tümwünüei.   
\q1
\v 6 Üsap niuokusiti engol ngeröün aramas  
\q1 mi pwelifeiliei o ü ngeniei.   
\b  
\q1
\v 7 Kopwe feito, ai Samol mi Lapalap. Kopwe angasaei, ai Kot.  
\q1 Pun ka apwüngü ekewe chon oputaei meinisin,  
\q1 ka angei seniir ar pöchökül pwe resap tongeni afeiengauaei.   
\q1
\v 8 Ewe Samol mi Lapalap a angasala aramas mi nom lon weires.  
\q1 Om feiöch epwe nom won noum aramas.   
\c 4  
\s1 Iotekin lekuniol pwe Kot epwe alilis  
\sr 4.1-8  
\d Ngeni ewe mi emweni chon köl: Won pisekin ettik mi wor saitenin. Echö än Tafit köl.  
\q1
\v 1 Ai Kot, en mi pwüng, kopwe pälüeniei, lupwen üa kökö.  
\q1 Ka fen angasaeila, lupwen üa nom lon riaföü.  
\q1 Kopwe ümöümöch ngeniei o aüselinga ai iotek.   
\b  
\q1
\v 2 Ämi aramas, ifa ükükün fansoun ämi oupwe chüen aitengauaei?  
\q1 Ifa ükükün fansoun ämi oupwe aücheani mine a lomotongau  
\q1 o tipeni mine a mwäl?   
\b  
\q1
\v 3 Nge oupwe silei pwe ewe Samol mi Lapalap a aimwüela chokewe mi pwüng fän püsin itan.  
\q1 Ewe Samol mi Lapalap a rongorong, lupwen üa kökköri.   
\b  
\q1
\v 4 Are oua song, oupwe afälikemi pwe ousap tipis ren.  
\q1 Oupwe ekieki ei lon lelukemi,  
\q1 lupwen ämi konola lon kiemi fän mosonoson. \x + \xo 4.4 \xt Ef 4.26\x*   
\q1
\v 5 Oupwe eäni sokun asor mi pwüng ngeni ewe Samol mi Lapalap  
\q1 o anomu ämi apilükülük won.   
\b  
\q1
\v 6 Chomong aramas ra apasa,  
\q1 “Iö a tongeni fang ngenikich feiöch?”  
\q1 Ai Samol mi Lapalap, kopwe netiu wom o kirikiröch ngenikem.   
\q1
\v 7 Ka fen ngeniei pwapwa mi lap seni än chokewe pwapwa  
\q1 ren kinier wiich me ünümer wain mi somwola.   
\b  
\q1
\v 8 Üpwe konola o möür fän kinamwe,  
\q1 pun en echök, ai Samol mi Lapalap, ka tümwünüöchüei.   
\c 5  
\s1 Eu iotek pwe Kot epwe tümwünükich  
\sr 5.1-12  
\d Ngeni ewe mi emweni chon köl: Won ekewe aangün. Echö än Tafit köl.  
\q1
\v 1 Ai Samol mi Lapalap, kopwe aüselinga ai kei kapas,  
\q1 kopwe ekieki ai ngüngü fän weires.   
\q1
\v 2 Kopwe rongorong ai siö,  
\q1 ai king me ai Kot,  
\q1 pun üa iotek ngonuk.   
\b  
\q1
\v 3 Ai Samol mi Lapalap, ka rongorong mweliei lesosor,  
\q1 lesosorusich üa iotek ngonuk o witiwiti om kopwe pälüeniei.   
\q1
\v 4 Pun en sap eman Kot mi sani mine a ngau,  
\q1 eman chon föföringau esap tongeni nonom reöm.   
\q1
\v 5 Ekewe mi sikesik resap tongeni ü fän mesom,  
\q1 ka oput chokewe meinisin mi föföringau.   
\q1
\v 6 Ka arosala chokewe meinisin mi kapas chofana.  
\q1 Ka oput chon niela aramas me chon atupu aramas.   
\b  
\q1
\v 7 Nge ngang üpwe tolong lon imwom pokiten om we tong ellet mi lap o somwola.  
\q1 Üpwe fel ngonuk lon imwom we mi pin  
\q1 o chapetiu mwom fän menin.   
\q1
\v 8 Ai Samol mi Lapalap, kopwe atufichiei pwe üpwe föri letipom,  
\q1 pun mi wor chon oputaei mi nenengeniei,  
\q1 kopwe aiti ngeniei mine üpwe föri.   
\b  
\q1
\v 9 Chon oputaei ra apasa mine a chofana,  
\q1 leluker a chök ekiekin kata,  
\q1 ar kapas a motoutou,  
\q1 nge ra uren atuputup mi afeiengau. \x + \xo 5.9 \xt Rom 3.13\x*   
\q1
\v 10 Ai Kot, kopwe ngeniir liwinin ar tipis.  
\q1 Repwe feiengau ren püsin ar raw.  
\q1 Kopwe pöütirela pokiten a chomong ar pupungau,  
\q1 pun ra ü gonuk.   
\b  
\q1
\v 11 Nge chokewe meinisin mi anomu ar apilükülük womw repwe meseik,  
\q1 repwe köl fän pwapwa fansoun meinisin.  
\q1 Kopwe peni chokewe mi echenuk,  
\q1 pwe repwe ingemwareituk.   
\q1
\v 12 Pun en, ai Samol mi Lapalap, ka afeiöchü ekewe chon pwüng,  
\q1 ka pwölürela ren om ümöümöch usun chök eu tittin maun.   
\c 6  
\s1 Eu iotekin tüngor ümöümöch lon fansoun riaföü  
\sr 6.1-10  
\d Ngeni ewe mi emweni chon köl: Won pisekin ettik mi wor walufoch saitenin. Echö än Tafit köl.  
\q1
\v 1 Ai Samol mi Lapalap, kosap amiritiei lon om song,  
\q1 kosap pwal apwüngüei lon om lingeringer. \x + \xo 6.1 \xt Kölf 38.1\x*   
\q1
\v 2 Kopwe ümöümöch ngeniei, ai Samol mi Lapalap, pun üa fokun pekus.  
\q1 Ai Samol mi Lapalap, kopwe apöchökülaei, pun üa fokun apwangapwang.   
\q1
\v 3 Ngüni a pwal fokun riaföü.  
\q1 Ai Samol mi Lapalap, ifa ükükün fansoun om kopwe akachopwa ngeniei?   
\q1
\v 4 Ai Samol mi Lapalap, kopwe feito o amanauaei,  
\q1 kopwe angasaei seni mäla ren om we tong ellet.   
\q1
\v 5 Pun chon mäla resap chechemenuk.  
\q1 Esap wor eman epwe mwareituk lon lenien sotup.   
\b  
\q1
\v 6 Üa malülü ren ai ngüngü,  
\q1 iteiten pwin kiei a nüküchöchön ren chönün mesei,  
\q1 ai peet a chöchön ren chönün mesei, lupwen üa kechü.   
\q1
\v 7 Mesei a tton ren ai letipeta,  
\q1 a toputopula ren ai kechü pokiten chon oputaei ra ariaföüüei.   
\b  
\q1
\v 8 Oupwe sü seniei, ämi meinisin mi föri föför mi ngau.  
\q1 Ewe Samol mi Lapalap a rongorong ai leüömong le kechü. \x + \xo 6.8 \xt Mat 7.23; Luk 13.27\x*   
\q1
\v 9 Ewe Samol mi Lapalap a rongorong ai tüngorün alilis,  
\q1 ewe Samol mi Lapalap a etiwa ai iotek.   
\q1
\v 10 Ekewe chon oputaei meinisin repwe säw o rükö.  
\q1 Repwe kulsefäl o müttir mefi ar itengau.   
\c 7  
\s1 Eu iotekin tüngor aleleten pwüng  
\sr 7.1-17  
\d Echö än Tafit Sikaion, a köl ngeni ewe Samol mi Lapalap usun Kus ewe re Peniamin.  
\q1
\v 1 Ai Samol mi Lapalap ai Kot, üa feito pwe üpwe op reöm,  
\q1 kopwe amanauaei seni chokewe meinisin mi tapweriei. Kopwe angasaeila,   
\q1
\v 2 pwe resap etekinieila o atatakisi fitukei  
\q1 usun chök mine eman laion a föri,  
\q1 nge esap wor eman a chimanüei.   
\b  
\q1
\v 3 Ai Samol mi Lapalap, ai Kot,  
\q1 are üa föri eu lein ekei föför,  
\q1 are üa föri och mi mwäl ngeni eman,   
\q1
\v 4 are üa liwini än chienei kirikiröch ngeni mi ngau,  
\q1 ika angei och fän pöchökül seni chon oputaei, nge esap wor popun,   
\q1
\v 5 mürin, ekewe chon oputaei repwe tapweriei o liapeniei,  
\q1 repwe atatakisiei, repwe nieila  
\q1 o likitieila lepwül.   
\b  
\q1
\v 6 Ai Samol mi Lapalap, kopwe ütä lon om song,  
\q1 kopwe awenokota o ü ngeni än ekewe chon oputaei lingeringeritiei.  
\q1 Kopwe pwätä o alisiei, ai Kot en mi allük pwe epwe fis pwüng.   
\q1
\v 7 Kopwe amwichato chon ekewe mwü ünükum,  
\q1 nge en kopwe nom aser o nemeniir.   
\q1
\v 8 En ka apwüngü chon ekewe mwü meinisin.  
\q1 Ai Samol mi Lapalap, lon om kapwüng kopwe pwärätä pwe üa pwüng,  
\q1 pun ka silei pwe esap wor ai tipis.   
\q1
\v 9 En ewe Kot mi pwüng, ka etittina ekiekin me tipen aramas.  
\q1 Kopwe aükätiu än ekewe aramasangau föför mi ngau,  
\q1 nge kopwe anüküchara ekewe chon pwüng. \x + \xo 7.9 \xt Pwär 2.23\x*   
\q1
\v 10 Kot a tümwünüei,  
\q1 a amanaua chokewe mi aleasochisi i.   
\q1
\v 11 Kot eman soukapwüng mi pwüng,  
\q1 eman Kot mi apwüngü ekewe aramasangau fansoun meinisin.   
\q1
\v 12 Are eman aramas esap mochen ekieksefäl,  
\q1 Kot epwe seimi nöün ketilas,  
\q1 epwe emeia an likapich o änna ngeni.   
\q1
\v 13 A amolätä an pisekin maun mi afeiengau,  
\q1 pwal wokun föün esefich mi ngetenget.   
\b  
\q1
\v 14 Nengeni, ekewe aramasangau ra chök ekiekietä mine a ngau,  
\q1 ra chök föri föför esepwüng o eäni kapas chofana.   
\q1
\v 15 Iwe, ra tuw pwang pwe aramas repwe tup lon,  
\q1 nge ra püsin turulong lon.   
\q1
\v 16 Ar föför esepwüng epwe püsin ukur chök,  
\q1 nge liwinin ar föförün mwäneson epwe püsin küür.   
\b  
\q1
\v 17 Üpwe kilisou ngeni ewe Samol mi Lapalap pokiten an pwüng,  
\q1 üpwe pwal kölün mwareiti ewe Samol mi Lapalap, Ewe mi Unusen Tekia.   
\c 8  
\s1 Lingen Kot me iteüöchün aramas  
\sr 8.1-9  
\d Ngeni ewe mi emweni chon köl: Won ewe pisekin ettik itan kitit. Echö än Tafit köl.  
\q1
\v 1 Äm Samol mi Lapalap, äm Samol,  
\q1 a fokun pwäla iteüöchum won unusen fanüfan!  
\q1 Kölün mwareiti lingom a tori läng.   
\q1
\v 2 Ekewe semirit me ekewe mönükol ra kölün mwareituk.  
\q1 Ekewe chon oputom resap tongeni afeiengauok.  
\q1 Ka afanafanaloi chon oputom me chon ü ngonuk. \x + \xo 8.2 \xt Mat 21.16\x*   
\q1
\v 3 Lupwen üa netä läng förien poum  
\q1 o nengeni ewe maram me ekewe fü ka anomuur lon lenier,   
\q1
\v 4 met aüchean aramas pwe ka ekieki usun,  
\q1 nge met aüchean nöün aramas pwe ka tümwünü? \x + \xo 8.4 \xt Hiop 7.17-18; Kölf 144.3; Ipr 2.6-8\x*   
\q1
\v 5 Nge ka föri i pwe epwe ekis kis fomw en ai Kot,  
\q1 ka ämwärämwära ngeni ling me iteüöch.   
\q1
\v 6 Ka awisa ngeni pwe epwe nemeni mettoch meinisin ka föri.  
\q1 Ka anomu fän nemenian föriom kewe meinisin, \x + \xo 8.6 \xt 1.Kor 15.27; Ef 1.22; Ipr 2.8\x*   
\q1
\v 7 ekewe sip me ekewe kow meinisin, pwal ekewe manmwachon lemäl,   
\q1
\v 8 ekewe mansüsü me ekewe ikenen leset  
\q1 me sokopaten mönün leset.   
\b  
\q1
\v 9 Äm Samol mi Lapalap, äm Samol,  
\q1 a fokun pwäla iteüöchum won unusen fanüfan!   
\c 9  
\s1 Kilisou ren än Kot eäni pwüng le kapwüng  
\sr 9.1-20  
\d Ngeni ewe mi emweni chon köl: Ei köl usun ngingin ewe köl itan ‘Mälan ewe Nau’. Echö än Tafit köl.  
\q1
\v 1 Üpwe kilisou ngonuk, ai Samol mi Lapalap, ren unusen lelukei,  
\q1 üpwe apworausa usun om kewe föför meinisin mi amwarar.   
\q1
\v 2 Üpwe pwapwa o ingemwareituk,  
\q1 üpwe kölün mwareituk, En ewe mi Unusen Tekia.   
\b  
\q1
\v 3 Ekewe chon oputaei ra kulsefäl, lupwen ka waroto,  
\q1 ra turula o mäla.   
\q1
\v 4 Ka apwüngala pwe üa pwüng,  
\q1 en ka mot won om lenien mot o eäni kapwüng fän pwüng.   
\b  
\q1
\v 5 Ka apwüngü chon ekewe mwü,  
\q1 ka arosala ekewe aramasangau,  
\q1 esap wor eman epwe chüen chechemeniir tori feilfeilachök.   
\q1
\v 6 Ekewe chon oputem ra feiengau o rosola.  
\q1 Ka ataela ar kewe telinimw  
\q1 pwe esap wor eman epwe chüen chechemeniir.   
\b  
\q1
\v 7 Nge ewe Samol mi Lapalap a king tori feilfeilachök,  
\q1 a anüküchara an lenien motun king pwe epwe eäni kapwüng.   
\q1
\v 8 Iwe, a apwüngü chon fanüfan fän pwüng,  
\q1 a apwüngü chon ekewe mwü fän wenechar.   
\b  
\q1
\v 9 Ewe Samol mi Lapalap eu lenien op mi pöchökül fän iten ekewe mi riaföü,  
\q1 eu lenien manau lon fansoun riaföü.   
\q1
\v 10 Chokewe mi silei en ra anomu ar apilükülük womw,  
\q1 pun en, ai Samol mi Lapalap, kosap kul seni chokewe mi feito reöm.   
\b  
\q1
\v 11 Oupwe kölün mwareiti ewe Samol mi Lapalap mi imweimw lon Sion,  
\q1 oupwe apworausa an kewe föför ngeni chon ekewe mwü.   
\q1
\v 12 Kot a chechemeni chokewe mi riaföü,  
\q1 esap manlükala ar siö,  
\q1 nge epwe ngeni ekewe chon föföringau chappen ar föför.   
\b  
\q1
\v 13 Ai Samol mi Lapalap, kopwe ümöümöch ngeniei!  
\q1 Kopwe nenengeni ai riaföü ren chokewe mi oputaei.  
\q1 Ai Samol mi Lapalap, kopwe angasaeila seni mäla,   
\q1
\v 14 pwe üpwe tufichin pwärätä mwen ekewe aramasen Jerusalem  
\q1 ekewe metoch meinisin üa mwareituk ren.  
\q1 Üpwe pwal pwapwa pun ka angasaeei.   
\q1
\v 15 Iwe, chon ekewe mwü ra turulong lon ewe pwang ra püsin tuw,  
\q1 ra tup lon ewe sär ra püsin aopala.   
\q1
\v 16 Ewe Samol mi Lapalap a pwärala püsin i ren an eäni kapwüng fän pwüng.  
\q1 Ekewe aramasangau ra tup lon püsin ar föför.   
\b  
\q1
\v 17 Iwe, ekewe aramasangau repwe fokun feil ngeni mäla,  
\q1 pwal chon ekewe mwü meinisin mi pöütala Kot.   
\q1
\v 18 Kot esap manlükala ekewe chon mwelele tori feilfeilachök,  
\q1 pwal än chon wöüngau apilükülüköch esap tala tori feilfeilachök.   
\b  
\q1
\v 19 Ai Samol mi Lapalap, kopwe feito! Kosap mwütätä pwe aramas repwe ü ngonuk.  
\q1 Chon ekewe mwü repwe kapwüng fän mesom.   
\q1
\v 20 Ai Samol mi Lapalap, kopwe eniweer.  
\q1 Kopwe asile ngeniir pwe ir aramas echök repwe mäla.   
\c 10  
\s1 Eu iotek pwe aramasangau repwe kuf  
\sr 10.1-18  
\q1
\v 1 Ai Samol mi Lapalap, pwota ka chök ütä me toau?  
\q1 Pwota ka okopola lupwen äm nom lon riaföü?   
\q1
\v 2 Ekewe aramasangau ra ariaföüü ekewe chon wöüngau fän lamalamtekia.  
\q1 Kopwe föri pwe repwe oo lon ekewe ekiekingau ra püsin ekiekitä.   
\b  
\q1
\v 3 Ewe aramasangau a sikäsini mochenin lelukan,  
\q1 nge ewe aramas mi mochenian win a otteki o pöütala ewe Samol mi Lapalap.   
\q1
\v 4 Ewe aramasangau esap kütta Kot.  
\q1 Lon an lamalamtekia a chök ekieki pwe esap wor Kot.   
\b  
\q1
\v 5 Än ewe aramasangau kewe föför meinisin ra chök fisiöch fansoun meinisin.  
\q1 Esap weweiti om kewe allük,  
\q1 nge a chök esita chon oputan.   
\q1
\v 6 Iwe, a ekieki lon lelukan, “Üsap tongeni mwökütütküt.  
\q1 Üpwe pwapwa fansoun meinisin, nge üsap tolong lon osupwang.”   
\b  
\q1
\v 7 An kapas a uren ottek, atuputup me eniweniw,  
\q1 a müttir le apasawu kapasen oput me kapas mi ngau. \x + \xo 10.7 \xt Rom 3.14\x*   
\q1
\v 8 A op lon ekewe sop  
\q1 o awiti ekewe aramas esap wor ar tipis pwe epwe nirela.  
\q1 Iwe, a aköürü ekewe chon mwelele,   
\q1
\v 9 a witiwit lon an lenien op usun eman laion.  
\q1 A öüröürela pwe epwe turufi ekewe chon wöüngau.  
\q1 A liapeniir me lon an we sär o etekinirela.   
\b  
\q1
\v 10 Iwe, ewe chon mwelele a kawet,  
\q1 a mwörürütiu o turula ren pöchökülen ewe aramasangau.   
\q1
\v 11 Nge ewe aramasangau a ekieki lon lelukan,  
\q1 “Kot esap ekieki usun, a aopala mesan pwe esap fokun künaei.”   
\b  
\q1
\v 12 Ai Samol mi Lapalap, kopwe apwüngü ekei aramasangau.  
\q1 Kosap manlükala chokewe mi nom lon riaföü.   
\q1
\v 13 Pwota ewe aramasangau a turunufasei Kot o ekieki lon lelukan,  
\q1 “Kot esap apwüngüei.”   
\b  
\q1
\v 14 Nge en ka küna, ewer, ka silei ewe osupwang me riaföü,  
\q1 ka pwal amolätä om kopwe alilis.  
\q1 Ewe chon mwelele a atolonga püsin i lepoum,  
\q1 en ewe ka alisi ekewe mi mäsen fansoun meinisin.   
\b  
\q1
\v 15 Kopwe kupi pöchökülen ewe aramasangau me ewe chon föföringau.  
\q1 Kopwe aunusa ngeniir liwinin ar föföringau  
\q1 tori resap chüen försefäli.   
\b  
\q1
\v 16 Ewe Samol mi Lapalap i king tori feilfeilachök.  
\q1 Chon ekewe mwü repwe rosola seni fanüan.   
\b  
\q1
\v 17 Ai Samol mi Lapalap, kopwe rong än ekewe mi riaföü tüngor,  
\q1 kopwe apöchöküla leluker  
\q1 o aü selingom ngeni ar siö.   
\q1
\v 18 Kopwe peni ekewe mi mäsen me ekewe mi riaföü,  
\q1 pwe aramas mi pop seni fanüfan resap chüen eniwokusu eman.   
\c 11  
\s1 Än chon wenechar lenien op  
\sr 11.1-7  
\d Ngeni ewe mi emweni chon köl: Echö än Tafit köl.  
\q1
\v 1 Üa anomu ai apilükülük won ewe Samol mi Lapalap pwe epwe tümwünüei.  
\q1 Pwota oua üreniei,  
\q1 “Kopwe sü ngeni ekewe chuk usun eman machang?   
\q1
\v 2 Pun nengeni, ekewe aramasangau ra emeia ar likapich  
\q1 o pachetä wokur föün esefich ngeni selin,  
\q1 pwe repwe likapichi ekewe mi wenechar leluker seni ewe leni mi kiroch.   
\q1
\v 3 Are ekewe longolongun pwüng ra tala,  
\q1 met eman chon pwüng a chüen tongeni föri?”   
\b  
\q1
\v 4 Ewe Samol mi Lapalap a nom lon imwan mi pin,  
\q1 än ewe Samol mi Lapalap lenien motun king a nom lon läng.  
\q1 A netiu won fanüfan o ouwasacha aramas meinisin,  
\q1 a pwal silei mine ra föri.   
\q1
\v 5 Ewe Samol mi Lapalap a sotuni ekewe aramas mi pwüng me ekewe aramasangau,  
\q1 a oput ätewe mi föri föförün mwäneson.   
\q1
\v 6 A apüngätiu molien ekkei me primston won ekewe aramasangau.  
\q1 A apwüngüür ren asepwäl mi pwichikar.   
\q1
\v 7 Pun ewe Samol mi Lapalap a pwüng,  
\q1 a pwapwaäsini föför mi pwüng.  
\q1 Ekewe aramas mi wenechar repwe küna i.   
\c 12  
\s1 Iotekin tüngor alilisin ngas seni ekewe aramasangau  
\sr 12.1-8  
\d Ngeni ewe mi emweni chon köl: Won pisekin ettik mi wor walufoch saitenin. Echö än Tafit köl.  
\q1
\v 1 Äm Samol mi Lapalap, kopwe alisikem,  
\q1 pun esap chüen wor eman chon pin,  
\q1 nge ekewe chon allükülük ra rosola seni lein aramas.   
\q1
\v 2 Iteiten eman me eman a chofana ngeni chon arun.  
\q1 Ra chök eäni kapas atuputup lefiler.   
\b  
\q1
\v 3 Amwo ewe Samol mi Lapalap epwe aükätiu ar kapas atuputup  
\q1 o pineela awen ekewe aramas mi tunesikesikemong.   
\q1
\v 4 Ir chokewe mi apasa, “Sa win ren ach kapas,  
\q1 nge kapasen awach a alisikich.  
\q1 Iö epwe tongeni nemenikich?”   
\b  
\q1
\v 5 Nge ewe Samol mi Lapalap a üra, “Iei ngang üpwe feito,  
\q1 pokiten ekewe chon wöüngau ra osupwang,  
\q1 pwal ekewe chon mwelele ra ngüngü.  
\q1 Ngang üpwe alenier lon ewe lenien kinamwe ra älälei.”   
\q1
\v 6 Än ewe Samol mi Lapalap kewe pwon ra allükülük o fatafatöch,  
\q1 usun silifer a kurufat me lon ewe lenien um lepwül,  
\q1 lupwen a ketel fän fisu pwe epwe limöch.   
\b  
\q1
\v 7 Äm Samol mi Lapalap, kopwe amwöchükem,  
\q1 kopwe tümwünükem fansoun meinisin seni ei täppin aramas mi ngau.   
\q1
\v 8 Pun ekewe aramasangau ra nom ekis meinisin,  
\q1 nge aramas meinisin ra pwapwaiti mine a ngau.   
\c 13  
\s1 Iotekin tüngor alilis lon riaföü  
\sr 13.1-6  
\d Ngeni ewe mi emweni chon köl: Echö än Tafit köl.  
\q1
\v 1 Ai Samol mi Lapalap, ifa ükükün fansoun om kopwe manlükieila?  
\q1 Ifa usun, kopwe manlükieila tori feilfeilachök?  
\q1 Ifa ükükün fansoun om kopwe aopala mesom seniei?   
\q1
\v 2 Ifa ükükün fansoun ai üpwe engila fän ai weires?  
\q1 Ifa ükükün fansoun lelukei epwe riaföü lerän me lepwin?  
\q1 Ifa ükükün fansoun än chon oputaei repwe nemenieila?   
\b  
\q1
\v 3 Ai Samol mi Lapalap, kopwe nenengeniei o pälüeniei.  
\q1 Kopwe apöchökülaei, kosap mwütätä ai üpwe mäla.   
\q1
\v 4 Kosap mwüt ngeni ekewe chon oputaei pwe repwe apasa, “Aia akufu ätewe.”  
\q1 Kosap mwüt ngeni ekewe chon pälüeniei repwe takiriei ren ai tumwula.   
\b  
\q1
\v 5 Nge üa anomu ai apilükülük won om tong ellet,  
\q1 üpwe pwapwa ren om amanauaei.   
\q1
\v 6 Ngang üpwe köl ngonuk, ai Samol mi Lapalap,  
\q1 pun ka fokun eäni kirikiröch ngeniei.   
\c 14  
\s1 Än ekewe aramas umwes me föföringau  
\sr 14.1-7  
\r (Kölf 53)  
\d Ngeni ewe mi emweni chon köl: Echö än Tafit köl.  
\q1
\v 1 Ekewe mi umwes ra ekieki lon leluker, “Esap wor Kot.” Ir ra fokun ngau,  
\q1 ra föri sokun föför mi anioput,  
\q1 esap wor eman a föri mine a pwüng.   
\b  
\q1
\v 2 Ewe Samol mi Lapalap a nenetiu seni läng won aramas meinisin,  
\q1 pwe epwe küna ika a wor eman mi mirit,  
\q1 ika eman mi kütta Kot.   
\q1
\v 3 Nge ir meinisin ra tokola, ir ra ingaueppök.  
\q1 Esap wor eman a föri mine a pwüng,  
\q1 esap fokun wor eman. \x + \xo 14.3 \xt Rom 3.10-12\x*   
\q1
\v 4 Ewe Samol mi Lapalap a ais, “Ifa usun, esap wor än ekewe chon föföringau mirit?  
\q1 Ir chokewe mi manau seni mine ra soläni seni nei aramas,  
\q1 nge resap iotek ngeniei.”   
\b  
\q1
\v 5 Nge mürin repwe nom lon niuokus watte,  
\q1 pun Kot a nom ren ekewe aramas mi pwüng.   
\b  
\q1
\v 6 Ekewe chon föföringau ra pinei än ewe chon wöüngau akot,  
\q1 nge ewe Samol mi Lapalap an lenien op.   
\b  
\q1
\v 7 Amwo eman epwe feito seni Sion o amanaua chon Israel.  
\q1 Ekewe chon Israel repwe fokun pwapwa,  
\q1 lupwen ewe Samol mi Lapalap epwe aliwini ngeniir wöür.   
\c 15  
\s1 Ekewe chon nonom won ewe chukun Kot  
\sr 15.1-5  
\d Echö än Tafit köl.  
\q1
\v 1 Ai Samol mi Lapalap, iö epwe tongeni tolong lon imwom mi pin?  
\q1 Iö epwe tongeni nonom won chukum mi pin?   
\b  
\q1
\v 2 Ätewe mi aleasochisi Kot  
\q1 o föri mine a pwüng fansoun meinisin,  
\q1 a eäni kapas wenechar seni lon lelukan.   
\q1
\v 3 Esap aitengaua eman,  
\q1 esap föri mine a ngau ngeni chienan,  
\q1 esap pwal ngününgünüfetalei chon arun.   
\q1
\v 4 A oput eman mi manauangau,  
\q1 nge a asamolu chokewe mi meniniti ewe Samol mi Lapalap,  
\q1 a apwönüetä an pwon a eäni fän akapel, inamwo are a weires ren.   
\q1
\v 5 A mwütawu nöün moni, nge esap angei winnan,  
\q1 esap pwal angei lifangen amichimich pwe epwe aturu eman esap wor an tipis.  
\q1 Ätewe mi föri ekei mettoch epwe nomopos won chukum mi pin.   
\c 16  
\s1 Iotekin apilükülük  
\sr 16.1-11  
\d Echö än Tafit köl.  
\q1
\v 1 Ai Kot, kopwe tümwünüei,  
\q1 pun üa anomu ai apilükülük womw pwe kopwe ti seniei feiengau.   
\q1
\v 2 Üa kapas ngeni ewe Samol mi Lapalap, “En chök ai Samol.  
\q1 Esap wor ai feiöch lükün en.”   
\b  
\q1
\v 3 Ekewe chon pin mi nom won fanüfan ra iteföüla.  
\q1 Üa fokun pwapwaäsini ai üpwe nom rer.   
\b  
\q1
\v 4 Ekewe aramas mi filätä pwal ekoch kot ra achomonga ar riaföü.  
\q1 Üsap fokun etiir, lupwen ra asor,  
\q1 üsap pwal fel ngeni ar kewe kot.   
\b  
\q1
\v 5 Ai Samol mi Lapalap, en ai, ka fokun aüchea ngeniei.  
\q1 En ewe mi fang ngeniei meinisin mine üpwe eäni.   
\q1
\v 6 Ineti we a nom lon eu fanü mi fokun öch.  
\q1 Ewer, ineti we a mürina.   
\b  
\q1
\v 7 Üa mwareiti ewe Samol mi Lapalap, pun a öüröüraei,  
\q1 nge lepwin lelukei a pwal fönöüei.   
\q1
\v 8 Iteiten fansoun üa mefi pwe ewe Samol mi Lapalap a nom rei.  
\q1 Pokiten i a arap ngeniei, üsap tongeni mwökütüküt.   
\b  
\q1
\v 9 Iei mine lelukei a pwapwa o mwänek,  
\q1 inisi a mefi kinamwe.   
\q1
\v 10 Pun en ka tümwünüei seni manamanen mäla,  
\q1 kosap pwal mwüt ngeni noum we mi pin pwe epwe mwöch lon peias. \x + \xo 16.10 \xt Föf 13.35\x*   
\q1
\v 11 En ka aiti ngeniei ewe alen manau.  
\q1 Om nom rei a afisätä ai pwapwa mi somwosom  
\q1 o awarato ai mwänek tori feilfeilachök. \x + \xo 16.11 \xt Föf 2.25-28\x*   
\c 17  
\s1 Iotekin tüngor pwe Kot epwe tümwünü nöün seni chon ariaföüü  
\sr 17.1-15  
\d Eu än Tafit iotek.  
\q1
\v 1 Ai Samol mi Lapalap, kopwe aüselinga ai tüngor mi pwüng  
\q1 o afäli ai siö.  
\q1 Kopwe aü selingom ngeni ai iotek mi wenechar.   
\q1
\v 2 Alelletin ai pwüng epwe feito senuk.  
\q1 Pun en ka silei mine a pwüng.   
\b  
\q1
\v 3 En ka atittina lelukei,  
\q1 ka äämwaei lepwin,  
\q1 ka sotuniei, nge kosap küna och ekiek mi ngau rei.  
\q1 Üsap apasa och mi ngau.   
\q1
\v 4 Pokiten än ekewe aramas föför,  
\q1 üa afäliei seni föförün ekewe chon mwäneson  
\q1 ren ai aleasochisi alom.   
\q1
\v 5 Üa chök fetal lon om kewe al,  
\q1 nge üsap rik seni.   
\b  
\q1
\v 6 Ai Kot, üa kökköruk, pun en kopwe pälüeniei,  
\q1 kopwe aü selingom ngeniei o rongorong ai kapas.   
\q1
\v 7 Kopwe pwärala om tong ellet mi amwarar.  
\q1 Ren om manaman ka amanaua chokewe mi feito reöm pwe kopwe tümwünüür seni chon ü ngeniir.   
\b  
\q1
\v 8 Kopwe tümwünüei usun chök fituken lon mesom,  
\q1 kopwe aopaei fän nürün poum,   
\q1
\v 9 seni ekewe aramasangau mi fiu ngeniei,  
\q1 seni ekewe chon oputaei mi pwelifeiliei o mochen nieila.   
\b  
\q1
\v 10 Ra pineela leluker pwe resap eäni tong,  
\q1 ra eäni kapasen tunesikesik.   
\q1
\v 11 Ra eipwa ipwei, iei ra pwelifeiliei,  
\q1 ra chök änenaei pwe repwe aturueitiu lepwül.   
\q1
\v 12 Ra wewe ngeni eman laion mi achocho le kütta liapan,  
\q1 ika wewe ngeni eman nienifön laion mi öüröürela lon an lenien op.   
\b  
\q1
\v 13 Ai Samol mi Lapalap, kopwe feito. Kopwe ü ngeni chon oputaei o akufuur.  
\q1 Kopwe angasaei seni ekewe aramasangau ren noum ketilas.   
\q1
\v 14 Ai Samol mi Lapalap, kopwe angasaei seni ekewe aramas mi chök angei ar feiöch me lon ei fanüfan.  
\q1 Kopwe apwüngüür ren ekewe riaföü ka amolätä fän iter,  
\q1 amwo epwe naf ngeni nöür me nöün nöür.   
\b  
\q1
\v 15 Nge me rei, ngang üpwe nenengeni mesom, pun üsap föri och mi mwäl.  
\q1 Lupwen üpwe nenela, üpwe fokun pwapwa ren ai nenengonuk.   
\c 18  
\s1 Än Tafit kölün kilisou ren an ngasala  
\sr 18.1-50  
\r (2.Sam 22.1-51)  
\d Ngeni ewe mi emweni chon köl: Echö köl än Tafit nöün ewe Samol mi Lapalap we chon angang. A apasa kapasen ei köl ngeni ewe Samol mi Lapalap lon ewe rän, lupwen ewe Samol mi Lapalap a angasa i seni lepöün ekewe chon oputa meinisin, pwal seni lepöün Saul. Iwe, a apasa:  
\q1
\v 1 Ai Samol mi Lapalap,  
\q1 üa echenuk, en ai pöchökül.   
\q1
\v 2 Ewe Samol mi Lapalap ai achau,  
\q1 i imwei imwen maun, pwal i chon angasaei,  
\q1 ai Kot, ai achau ewe ia üa op ie.  
\q1 A epeti seniei feiengau usun eu tittin maun,  
\q1 a peniei o tümwünüei.   
\q1
\v 3 Üa kökköri ewe Samol mi Lapalap,  
\q1 ewe mi fich ngeni ach sipwe mwareiti.  
\q1 A amanauaei seni ekewe chon oputaei.   
\b  
\q1
\v 4 Ekewe feiengauen mäla ra pwelifeiliei,  
\q1 ekewe öütöüten feiengau ra puitiei.   
\q1
\v 5 Ekewe feiengauen lenien sotup ra pwelifeiliei,  
\q1 ekewe likatupun mäla ra mochen säreei.   
\b  
\q1
\v 6 Üa kökköri ewe Samol mi Lapalap lon ai riaföü,  
\q1 üa siö ngeni ai Kot pwe epwe alisiei.  
\q1 A rongorong mweliei seni lon imwan imwenfel,  
\q1 a aüselinga ai siö ngeni.   
\b  
\q1
\v 7 Iwe, fanüfan a chechech o mwöükük,  
\q1 nge longolongun ekewe chuk ra pwal chechech o chüngüchüng pokiten än Kot song.   
\b  
\q1
\v 8 Ötüöt a ötüwu seni lon pwötün,  
\q1 nge ekkei lapalap a ngetewu seni lon awan, pwal mooch mi sarara a küwu seni.   
\q1
\v 9 A tinenifeseni läng o feitiu.  
\q1 Kuchuchol ra nom fän pechen.   
\q1
\v 10 A wawa eman kerop o äs,  
\q1 a müttir feito won pöükässin asepwäl.   
\q1
\v 11 A pwölüela ngeni inisin rochopwak,  
\q1 kuchu mi malul o uren koluk ra pwelifeili.   
\q1
\v 12 Seni lon ewe saramaram mi nom mwan  
\q1 ütten fau me moochen ekkei ra towu o tinenifeseni ewe kuchuchol.   
\q1
\v 13 Ewe Samol mi Lapalap a pwal apüngü chopulap lon läng,  
\q1 Ewe mi Unusen Tekia a aronga mwelian.   
\q1
\v 14 A esefichala wokun kewe föün esefich o atoropasa chon oputan,  
\q1 a efifi ngeniir inefi o asürela.   
\q1
\v 15 Mürin, epin matau a pwä,  
\q1 longolongun fanüfan a lingetä, lupwen ka apwüngü chon oputom  
\q1 o leüömong ngeniir fän om song, ai Samol mi Lapalap.   
\b  
\q1
\v 16 Iwe, ewe Samol mi Lapalap a angetiu seni won ewe leni mi tekia  
\q1 o amwöchüei,  
\q1 a efieitä seni lon ekewe koluk mi alolol.   
\q1
\v 17 A angasaei seni ekewe chon pälüeniei mi pöchökül,  
\q1 seni chokewe mi oputaei,  
\q1 pun ra kon pöchökül ngeniei.   
\q1
\v 18 Iwe, ra münitiei lon ränin ai feiengau,  
\q1 nge ewe Samol mi Lapalap a tümwünüei.   
\q1
\v 19 A alisiei lon ai feiengau  
\q1 o angasaei, pun a pwapwa rei.   
\b  
\q1
\v 20 Ewe Samol mi Lapalap a liwiniöchüei, pun üa föri mine a pwüng,  
\q1 a afeiöchüei, pun esap wor ai tipis.   
\q1
\v 21 Üa aleasochisi än ewe Samol mi Lapalap kewe allük,  
\q1 nge üsap rik seni ai Kot ren och föför mi ngau.   
\q1
\v 22 Üa apwönüetä an kewe allük meinisin,  
\q1 nge üsap aleasolap ngeni an kewe pwüüng.   
\q1
\v 23 A silei pwe esap wor ai mwäl,  
\q1 pwe üa püsin tümwünüei seni tipis.   
\q1
\v 24 Iei mine ewe Samol mi Lapalap a liwiniöchüei, pun üa föri mine a pwüng,  
\q1 pun a silei pwe esap wor ai tipis.   
\b  
\q1
\v 25 Ai Samol mi Lapalap, ka allükülük ngeniir mi allükülük,  
\q1 ka pwal pwärätä om unusen pwüng ngeniir mi unusen pwüng.   
\q1
\v 26 Ka pwärätä om limelimöch ngeni ir mi limelimöch,  
\q1 nge ekewe mi pwor manauer ka pwärätä om pöchökül ngeniir.   
\q1
\v 27 Ka angasa aramas mi tipetekison,  
\q1 nge chokewe mi lamalamtekia ka atekisoneretiu.   
\q1
\v 28 Ai Samol mi Lapalap, ka asarama manauei,  
\q1 en ai Kot ka awili ai rochopwak ngeni saram.   
\q1
\v 29 Ewer, ren om alisiei üa tongeni fiu ngeni ekewe chon oputaei,  
\q1 ren en ai Kot üa tongeni mwet won eu tit.   
\q1
\v 30 Än Kot kewe föför ra unusen pwüng,  
\q1 än ewe Samol mi Lapalap kapasen pwon a let.  
\q1 I a usun chök tittin maun fän iten chokewe meinisin mi op ren.   
\b  
\q1
\v 31 Ewe Samol mi Lapalap i chök Kot.  
\q1 Kot echök ach achau.   
\q1
\v 32 I ewe Kot mi apöchökülaei  
\q1 o anükünüköchü ai al.   
\q1
\v 33 A amüttiriei usun müttirin chia,  
\q1 a pwal aleniöchüei won ekewe leni mi tekia. \x + \xo 18.33 \xt Ipr 3.19\x*   
\q1
\v 34 A asipa pei ngeni maun  
\q1 pwe üa tongeni pworefengeni efoch esefich seni piras.   
\q1
\v 35 Ka epeti seniei feiengau o amanauaei,  
\q1 poum a amwöchüei,  
\q1 nge om alilis a atekiaeitä.   
\q1
\v 36 Ka achölapa ewe al üa fetal won,  
\q1 pwe pechei esap mit.   
\q1
\v 37 Üa tapweri chon oputaei o liapeniir.  
\q1 Üsap kulsefäl seniir tori ra rosola.   
\q1
\v 38 Üa atururela pwe resap chüen tongeni ütä.  
\q1 Ra turula arun pechei.   
\q1
\v 39 Ka ngeniei pöchökül pwe üa tongeni maun,  
\q1 ka pwal akufu me mwei ekewe chon ü ngeniei.   
\q1
\v 40 Ka föri pwe ekewe chon pälüeniei ra sü seniei,  
\q1 üa arosala chokewe mi oputaei.   
\q1
\v 41 Ra siö pwe eman epwe alisiir, nge esap wor eman a amanaueer.  
\q1 Ra siö ngeni ewe Samol mi Lapalap, nge esap pälüeniir.   
\q1
\v 42 Üa üsiir pwe ra usun chök pipisüsü  
\q1 asepwäl a ässala.  
\q1 Üa puriretiu usun pwakaken lon ekewe al.   
\b  
\q1
\v 43 En ka angasaei seni ekewe aramas mi ü ngeniei,  
\q1 ka seikieitä pwe üpwe samolun ekewe mwü.  
\q1 Ekewe aramas üsap sileer me mwan ra nom fän nemeniei.   
\q1
\v 44 Ra aleasochisiei lon ewe otun ra rong mweliei.  
\q1 Chon ekis ra feito o chapetiu mwei.   
\q1
\v 45 Iwe, ra apilükingau,  
\q1 ra towu seni ar kewe lenien maun mi pöchökül fän chechech.   
\b  
\q1
\v 46 Ewe Samol mi Lapalap a manau. Üa mwareiti ai achau,  
\q1 üa ingeiti ai Kot mi amanauaei.   
\q1
\v 47 Kot a atufichiei pwe üpwe ngeni chon oputaei chappen ar föför,  
\q1 a anomu fai aramasen ekewe mwü.  
\q1 A amanauaei seni ekewe chon pälüeniei.   
\b  
\q1
\v 48 En ai Samol mi Lapalap ka atekiaeitä asen chon ü ngeniei  
\q1 o angasaei seni ekewe aramas mi mwäneson.   
\q1
\v 49 Iei mine üpwe ingemwareituk me lein chon ekewe mwü.  
\q1 Ai Samol mi Lapalap, üpwe kölün mwareituk. \x + \xo 18.49 \xt Rom 15.9\x*   
\q1
\v 50 Kot a ngeni nöün we king win mi lapalap  
\q1 o pwäri an tong ellet ngeni nöün we mi kepit,  
\q1 ngeni Tafit me mwirimwirin kewe tori feilfeilachök.   
\c 19  
\s1 Än Kot föför me an kewe allük  
\sr 19.1-14  
\d Ngeni ewe mi emweni chon köl: Echö än Tafit köl.  
\q1
\v 1 Ekewe läng ra pwärätä lingen Kot,  
\q1 nge fän läng a arongafeili usun angangen pöün.   
\q1
\v 2 Rän a kapas ngeni pwal eu rän usun,  
\q1 nge pwin a asile ngeni pwal eu pwin usun.   
\q1
\v 3 Esap wor ar fos, esap pwal wor ar kapas,  
\q1 esap wor eman a tongeni rong mwelier.   
\q1
\v 4 Nge mwelier a chöfetal lemenen unusen fanüfan,  
\q1 ar kapas a tori lesopun fanüfan.  
\q1 Kot a föri eu imw fän läng fän iten akkar. \x + \xo 19.4 \xt Rom 10.18\x*   
\q1
\v 5 Akkar a tötä usun eman mwän apwüpwülü söfö a towu seni lon rumwan,  
\q1 a pwal sä won alan usun eman mwän mi pöchökül  
\q1 a pwapwa lon an kitir.   
\q1
\v 6 Akkar a tötä seni epek läng  
\q1 o fetal ngeni ewe epek,  
\q1 nge esap wor och mettoch a tongeni op seni pwichikaran.   
\b  
\q1
\v 7 Än ewe Samol mi Lapalap allük a fokun mürina, a apöchökülasefäli letipach.  
\q1 Än ewe Samol mi Lapalap kait a let,  
\q1 a atipachema ir mi wewemang.   
\q1
\v 8 Än ewe Samol mi Lapalap öüröür ra pwüng,  
\q1 ra apwapwai lelukach.  
\q1 Än ewe Samol mi Lapalap kewe allük ra fat,  
\q1 ra awora mirit.   
\q1
\v 9 Ach niuokusiti ewe Samol mi Lapalap a mürina,  
\q1 epwe nonom tori feilfeilachök.  
\q1 Än ewe Samol mi Lapalap pwüüng ra let,  
\q1 ir meinisin ra pwüng.   
\q1
\v 10 Ra aüchea lap seni kolt, ewer, lap seni chomong kolt mi mürina.  
\q1 Ra pwal arar seni chönün chunen, pwal seni sürün ewe fasen chunen.   
\b  
\q1
\v 11 Ren ekei allük ngang noum chon angang üa angei ai fön seniir.  
\q1 Eman mi apwönüetä epwe angei liwinin mi lapalap.   
\q1
\v 12 Nge iö a tongeni mefi iteiten an föför mi mwäl?  
\q1 Kopwe amusa seniei ekewe tipis mi monomon.   
\q1
\v 13 Kopwe pwal tümwünüei pwe ngang noum chon angang üsap föri tipis ren mochenin letipei.  
\q1 Kosap mwüt ngeniir pwe repwe nemeniei.  
\q1 Mürin üpwe unusöch lon manauei o ngas seni pupungau mi watte.   
\b  
\q1
\v 14 Amwo kapasen awei me ekiekin lelukei epwe mürina me fän mesom,  
\q1 ai Samol mi Lapalap, ai achau me ai chon amanau.   
\c 20  
\s1 Eu iotekin tüngor win  
\sr 20.1-9  
\d Ngeni ewe mi emweni chon köl: Echö än Tafit köl.  
\q1
\v 1 Amwo ewe Samol mi Lapalap epwe pälüeni om tüngor lon ränin om riaföü.  
\q1 Amwo än Jakop we Kot epwe tümwünuk.   
\q1
\v 2 Amwo epwe tinato reöm alilisum seni lon ewe leni mi pin  
\q1 o apöchökülok seni Sion.   
\q1
\v 3 Amwo epwe etiwa om kewe asor meinisin  
\q1 o pwapwaäsini om kewe asoren kek.   
\b  
\q1
\v 4 Amwo Kot epwe ngonuk mochenin letipom  
\q1 o apwönüetä om kewe ekiek meinisin.   
\q1
\v 5 Mürin sipwe mweir fän pwapwa ren om win,  
\q1 sipwe pwal aürätä ach filaik fän iten ach Kot.  
\q1 Amwo ewe Samol mi Lapalap epwe apwönüetä om kewe tüngor meinisin.   
\b  
\q1
\v 6 Iei üa silei pwe ewe Samol mi Lapalap a alisi nöün we king mi kepit,  
\q1 a pälüeni an tüngor seni an we läng mi pin  
\q1 o awinna ren win mi lapalap ren an manaman.   
\q1
\v 7 Ekoch aramas ra anomu ar apilükülük won war wokenin maun,  
\q1 ekoch ra anomu won nöür oris,  
\q1 nge kich sia anomu ach apilükülük won manamanen ewe Samol mi Lapalap ach we Kot.   
\q1
\v 8 Ir repwe mwaroro o turula,  
\q1 nge kich sipwe ütä o üwenewenetä.   
\b  
\q1
\v 9 Äm Samol mi Lapalap, kopwe awinna ewe king,  
\q1 kopwe pälüenikem, lupwen aia kökköruk.   
\c 21  
\s1 Kölün mwareiti Kot pokiten ngasala seni ekewe chon oput  
\sr 21.1-13  
\d Ngeni ewe mi emweni chon köl: Echö än Tafit köl.  
\q1
\v 1 Äm Samol mi Lapalap, ewe king a pwapwa ren om manaman,  
\q1 a fokun ingeiti om alilis ngeni pwe a win.   
\q1
\v 2 Ka fang ngeni mochenin letipan,  
\q1 nge kosap amwöchü seni mine a tüngor.   
\q1
\v 3 Pun ka etiwa i ren feiöch mi chomong,  
\q1 ka pwal isetä won möküran epa mwärämwär seni kolt mi mürina.   
\q1
\v 4 A tüngor manau me reöm, nge en ka fang ngeni,  
\q1 ka alangatama ränin manauan tori feilfeilachök.   
\q1
\v 5 An ling a lapalap, pun ka alisi pwe a win.  
\q1 Ka awora ngeni iteüöch me iteföüla.   
\q1
\v 6 Ewer, ka fokun afeiöchü ren feiöch esemüch,  
\q1 ka apwapwai ren om nonom ren.   
\q1
\v 7 Pun ewe king a anomu an apilükülük won ewe Samol mi Lapalap,  
\q1 nge ren än Ewe mi Unusen Tekia tong ellet  
\q1 esap tongeni mwökütüküt.   
\b  
\q1
\v 8 Ewe king epwe liapeni chon pälüeni meinisin,  
\q1 epwe liapeni chokewe mi oput i.   
\q1
\v 9 Lupwen epwe wareto,  
\q1 epwe aroserela usun eu ekkei a kenala mettoch.  
\q1 Ewe Samol mi Lapalap epwe ärirela lon an lingeringer,  
\q1 nge ekkei epwe fisirela.   
\q1
\v 10 Epwe arosala mwirimwirir seni won fanüfan,  
\q1 pwe esap wor eman epwe chüen manau.   
\q1
\v 11 Ra ekiekietä ar repwe föri mi ngau ngeni o rawangauei,  
\q1 nge esap fokun tongeni pwönüetä.   
\q1
\v 12 Epwe emeia an likapich o änna ngeniir  
\q1 pwe repwe kul o süla.   
\b  
\q1
\v 13 Äm Samol mi Lapalap, aipwe ingemwareiti om pöchökül mi watte.  
\q1 Äm aipwe kölü o mwareiti om manaman.   
\c 22  
\s1 Siön lon riaföü me kölün mwareiti Kot  
\sr 22.1-31  
\d Ngeni ewe mi emweni chon köl: Ei köl usun ngingin ewe köl itan ‘Ewe chian wünümweerän.’ Echö än Tafit köl.  
\q1
\v 1 Ai Kot, ai Kot, pwota ka likitieila?  
\q1 Pwota ka fokun toau seniei fän om alilis,  
\q1 pwal seni ai siöngau? \x + \xo 22.1 \xt Mat 27.46; Mark 15.34\x*   
\q1
\v 2 Ai Kot, üa siö ngonuk lerän, nge kosap pälüeniei,  
\q1 üa siö ngonuk lepwin,  
\q1 nge üsap tongeni asösö.   
\b  
\q1
\v 3 Nge en ka pin. Ka mot won om lenien motun king,  
\q1 en ewe chon Israel ra kölün mwareiti.   
\q1
\v 4 Äm kewe lewo ra anomu ar apilükülük womw.  
\q1 Ra apilükülükuk, nge en ka angaserela.   
\q1
\v 5 Ra siö ngonuk, nge en ka amanaueer,  
\q1 ra apilükülukuk, nge resap lichipüng.   
\b  
\q1
\v 6 Nge ngang eman moso, sap eman aramas,  
\q1 üa küna esit me koput me ren aramas.   
\q1
\v 7 Meinisin mi künaei ra turunufaseei,  
\q1 ra akopea awer o alifechefechi mökürer ngeniei. \x + \xo 22.7 \xt Mat 27.39; Mark 15.29; Luk 23.35\x*   
\q1
\v 8 Ra apasa, “A anomu an apilükülük won ewe Samol mi Lapalap,  
\q1 i epwe angasa,  
\q1 i epwe amanaua, pun a pwapwa ren.” \x + \xo 22.8 \xt Mat 27.43\x*   
\q1
\v 9 Nge en ewe mi atoeiwu seni lon letipen inei,  
\q1 ka tümwünüöchüei, lupwen üa eman mönükol.   
\q1
\v 10 Seni leuputiuei üa apilükülükuk,  
\q1 seni ewe fansoun inei a nöünieitiu en ai Kot.   
\q1
\v 11 Kosap toau seniei, pun osukosuk a arap ngeniei,  
\q1 nge esap wor eman a alisiei.   
\b  
\q1
\v 12 Chomong chon oputaei ra pwelifeiliei usun epwi pwin ätemwänin kow,  
\q1 ra nom ünüki usun ätemwänin kow  
\q1 mi pöchökül seni Pasan.   
\q1
\v 13 Ra amassaw ngeniei usun eman laion mi mwacho a wörüwör  
\q1 o atatakisi liapan.   
\b  
\q1
\v 14 Üa usun chök koluk mi niitiu,  
\q1 lekeilen chüi meinisin ra ruwofesen,  
\q1 lelukei a usun kiris,  
\q1 a telila me leupwei.   
\q1
\v 15 Lon awei a pwasapwas usun pwül moromor,  
\q1 nge chönawei a pacheetä fän fongochi.  
\q1 Ka likitieila lon pwül moromor  
\q1 usun eman mi mäla.   
\b  
\q1
\v 16 Eu mwichen aramasangau a pwelifeiliei,  
\q1 ra rongeeila usun epwi pwiin kolak.  
\q1 Ra posu pei me pechei.   
\q1
\v 17 Üa tongeni aleani chüi meinisin.  
\q1 Chon oputaei ra änefotaei o takiriei.   
\q1
\v 18 Ra üttüt won üfei kewe  
\q1 o ineti lefiler. \x + \xo 22.18 \xt Mat 27.35; Mark 15.24; Luk 23.34; Joh 19.24\x*   
\q1
\v 19 Nge en, ai Samol mi Lapalap, kosap toau seniei!  
\q1 En ai chon alilis, kopwe müttir feito o alisiei.   
\q1
\v 20 Kopwe angasaei seni afeiengauen ketilas,  
\q1 kopwe angasa manauei seni ekei kolak mi pöchökül.   
\q1
\v 21 Kopwe amanauaei seni ekewe laion,  
\q1 kopwe amanaua inisi seni mächän ekewe ätemwänin kow mi mwacho.   
\b  
\q1
\v 22 Üpwe apworausa ngeni pwii kewe mine ka föri,  
\q1 üpwe mwareituk lein ewe mwichen aramas. \x + \xo 22.22 \xt Ipr 2.12\x*   
\q1
\v 23 Ämi mi niuokusiti ewe Samol mi Lapalap, oupwe mwareiti i,  
\q1 ämi mwirimwirin Jakop meinisin oupwe alinga i,  
\q1 ämi chon Israel meinisin oupwe fokun meniniti i.   
\q1
\v 24 Pun Kot esap aliwini eman mi mwelele ika oput eman mi nom lon riaföü.  
\q1 Esap amona mesan seni,  
\q1 nge a pälüeni, lupwen a siö ngeni.   
\b  
\q1
\v 25 En popun ai mwareituk me lon ewe mwich mi lap.  
\q1 Üpwe eäni ekewe asor me fän mesen chokewe mi niuokusituk,  
\q1 ekewe asor üa pwon ngonuk.   
\q1
\v 26 Chokewe mi wöüngau repwe mongö o möt.  
\q1 Chokewe mi feito ren ewe Samol mi Lapalap repwe mwareiti i.  
\q1 Amwo repwe feiöch tori feilfeilachök.   
\b  
\q1
\v 27 Chon fanüfan meinisin repwe chechemeni ewe Samol mi Lapalap  
\q1 o kuliti i.  
\q1 Chon ekewe ainang seni ekewe mwü meinisin repwe fel ngeni.   
\q1
\v 28 Pun ewe Samol mi Lapalap i king,  
\q1 i a nemeni ekewe mwü.   
\b  
\q1
\v 29 Ewer, ekewe chon lamalamtekia meinisin me won fanüfan repwe chapetiu mwan,  
\q1 chokewe meinisin mi feil ngeni mäla repwe fotopwäsuk me mwan, pwal chokewe resap tongeni püsin amwöchü manauer.   
\q1
\v 30 Mwirimwirich repwe angang ngeni i.  
\q1 Aramas repwe apworausa ngeni ewe täppin aramas epwe feito usun ewe Samol,   
\q1
\v 31 repwe asilefeili ngeni ekewe aramas resamwo uputiu,  
\q1 “Ewe Samol mi Lapalap a amanaua nöün aramas.”   
\c 23  
\s1 Kot ai chon mas  
\sr 23.1-6  
\d Echö än Tafit köl.  
\q1
\v 1 Ewe Samol mi Lapalap ai chon mas,  
\q1 üsap osupwang ren och mettoch.   
\q1
\v 2 A mwüt ngeniei pwe üpwe konola lon eu maasies ia a mär fetil ie.  
\q1 A emwenieila ünükün ekewe koluk mi kurufat. \x + \xo 23.2 \xt Pwär 7.17\x*   
\q1
\v 3 A apöchöküla lelukei,  
\q1 a emweniei won ekewe al mi pwüng usun a pwon.   
\b  
\q1
\v 4 Pwal are üa feila lemolun nürün mäla,  
\q1 üsap niueiti och feiengau,  
\q1 pun en ka etiei,  
\q1 öürom me wokum ra tümwünüei.   
\b  
\q1
\v 5 Ka amolätä eu chepelin mongö fän itei  
\q1 me fän mesen ekewe chon oputaei,  
\q1 ka epiti ngeni mökürei lö,  
\q1 ka alölöü ai kap tori a urela.   
\q1
\v 6 Ewer, kirikiröch chök me tong repwe nom rei lon ränin manauei meinisin,  
\q1 nge üpwe nonom lon imwen ewe Samol mi Lapalap tori feilfeilachök.   
\c 24  
\s1 Ewe king mi ling  
\sr 24.1-10  
\d Echö än Tafit köl.  
\q1
\v 1 Fanüfan me masouan meinisin än ewe Samol mi Lapalap,  
\q1 pwal meinisin mi nonom won ir nöün. \x + \xo 24.1 \xt 1.Kor 10.26\x*   
\q1
\v 2 Pun i a anomu fanüfan won ekewe matau  
\q1 o anükücharätiu won ekewe koluk.   
\b  
\q1
\v 3 Iö epwe tongeni feitä won chukun ewe Samol mi Lapalap?  
\q1 Nge iö epwe tongeni nom lon lenian mi pin?   
\q1
\v 4 Chokewe mi limöch ar föför me ar ekiek,  
\q1 resap fel ngeni uluulun anümwäl, resap pwal chofana le akapel. \x + \xo 24.4 \xt Mat 5.8\x*   
\q1
\v 5 Ewe Samol mi Lapalap epwe afeiöchüür.  
\q1 Kot epwe pwärätä pwe ra pwüng o amanaueer.   
\q1
\v 6 Iei usun ekewe aramas mi kütta Kot,  
\q1 chokewe mi feito fän mesen än Jakop we Kot.   
\b  
\q1
\v 7 Oupwe sukala ekewe asam,  
\q1 oupwe sukchöchöla ekewe asamen lom,  
\q1 pwe ewe king mi ling epwe tolong lon.   
\q1
\v 8 Iö ewe king mi ling?  
\q1 Ewe Samol mi Lapalap mi pöchökül o pwora,  
\q1 ewe Samol mi Lapalap mi win lon maun.   
\q1
\v 9 Oupwe sukala ekewe asam,  
\q1 oupwe sukchöchöla ekewe asamen lom,  
\q1 pwe ewe king mi ling epwe tolong lon.   
\q1
\v 10 Iö ei king mi ling?  
\q1 Ewe Samol mi Unusen Manaman, i ewe king mi ling.   
\c 25  
\s1 Eu iotekin tüngor pwe Kot epwe emweni o tümwünü nöün aramas  
\sr 25.1-22  
\d Echö än Tafit köl.  
\q1
\v 1 Ai Samol mi Lapalap, üa suki ngonuk lelukei.   
\q1
\v 2 Ai Kot, üa anomu ai apilükülük womw.  
\q1 Kosap mwüt ngeniei pwe üpwe säw ren chon oputaei,  
\q1 kosap pwal mwüt ngeniir pwe repwe ätäiwetiei ren ai kuf.   
\q1
\v 3 Ewer, esap wor eman mi apilükülükuk epwe säw.  
\q1 Nge chokewe mi ü ngonuk repwe säw.   
\b  
\q1
\v 4 Ai Samol mi Lapalap, kopwe aiti ngeniei om kewe al  
\q1 o aitöchüür ngeniei.   
\q1
\v 5 Kopwe emweniei lon om let o aiöüei,  
\q1 pun en ewe Kot mi amanauaei,  
\q1 üa apilükülükuk fansoun meinisin.   
\b  
\q1
\v 6 Ai Samol mi Lapalap, kopwe chechemeni om ümöümöch me om tong ellet,  
\q1 ka pwärätä seni chök lomlom.   
\q1
\v 7 Kopwe amusala ai kewe tipis me ai kewe pupungau üa föri lesäräföi.  
\q1 Ai Samol mi Lapalap, kopwe chechemeniei  
\q1 lon om tong me om kirikiröch.   
\b  
\q1
\v 8 Ewe Samol mi Lapalap a pwüng o kirikiröch.  
\q1 Iei mine a aiti ngeni ekewe chon tipis ewe al repwe fetal won.   
\q1
\v 9 A emweni chon tipetekison lon mine a pwüng  
\q1 o aiti ngeniir letipan.   
\q1
\v 10 Ewe Samol mi Lapalap a eäni tong me allükülük  
\q1 ngeni chokewe mi apwönüetä an we pwon o aleasochisi an kewe allük.   
\q1
\v 11 Ai Samol mi Lapalap, kopwe amusala ai tipis usun ka pwon,  
\q1 pun ai tipis a kon chomong.   
\q1
\v 12 Iö ewe aramas a niuokusiti ewe Samol mi Lapalap?  
\q1 Kot epwe aiti ngeni ewe al epwe fetal won.   
\q1
\v 13 I püsin epwe wöümong,  
\q1 nge nöün kana repwe fanüeni ewe fanü.   
\q1
\v 14 Ewe Samol mi Lapalap a chiechifengen me chokewe mi niuokusiti i.  
\q1 A asile ngeniir an we pwon.   
\q1
\v 15 Üa sachetä ngeni ewe Samol mi Lapalap fansoun meinisin,  
\q1 pun i epwe angasaei seni feiengau.   
\q1
\v 16 Kopwe kul ngeniei o ümöümöch ngeniei,  
\q1 pun ngang üa metip o osupwang.   
\q1
\v 17 Kopwe akisikisala weiresin letipei  
\q1 o angasaeila seni ai kewe riaföü.   
\q1
\v 18 Kopwe ekieki usun ai riaföü me ai weires  
\q1 o amusala ai kewe tipis meinisin.   
\b  
\q1
\v 19 Kopwe nenengeni chomongun ekewe chon pälüeniei,  
\q1 pwal usun ar oputangauaei.   
\q1
\v 20 Kopwe tümwünü manauei o angasaei.  
\q1 Kosap mwüt ngeniei pwe üpwe säw,  
\q1 pun üa feito reöm pwe kopwe tümwünüei.   
\q1
\v 21 Let me wenechar repwe tümwünüei,  
\q1 pun üa apilükülükuk.  
\v 22 Ai Kot, kopwe angasa chon Israel  
\q1 seni ar kewe weires meinisin.   
\c 26  
\s1 Än eman aramas mi pwüng iotek  
\sr 26.1-12  
\d Echö än Tafit köl.  
\q1
\v 1 Ai Samol mi Lapalap, kopwe aletätä ai pwüng,  
\q1 pun üa föri mine a pwüng,  
\q1 üa apilükülükuk, nge üsap mwökütüküt.   
\q1
\v 2 Kopwe atitinaei, ai Samol mi Lapalap, o sotuniei,  
\q1 kopwe sotuni mochenin lelukei me ai ekiek.   
\q1
\v 3 Pun om tong ellet a nom mwei,  
\q1 om allükülük a emweniei.   
\b  
\q1
\v 4 Üsap nom ren aramas mi chofana,  
\q1 üsap pwal chiechi ngeni chon likatuputup.   
\q1
\v 5 Üa oput ewe mwichen chon föföringau,  
\q1 nge üsap nom ren ekewe aramasangau.   
\b  
\q1
\v 6 Ai Samol mi Lapalap, üa talü pei pwe asisilen ai limelimöch  
\q1 o pwelifeili om rongen asor,   
\q1
\v 7 Üa eäni echö kölün kilisou fän leüömong  
\q1 o apworausa om kewe föför meinisin mi amwarar.   
\b  
\q1
\v 8 Ai Samol mi Lapalap, üa echeni imwom ewe ia ka nonom ie,  
\q1 ewe leni ia lingom a nonom ie.   
\q1
\v 9 Kosap nieila fitifengen me ekewe chon tipis,  
\q1 kosap angei manauei fitifengen me chon nimanauei aramas,   
\q1
\v 10 ätekewe mi föri föför mi ngau fansoun meinisin,  
\q1 ra pwal pwapwa le angei lifangen amichimich.   
\b  
\q1
\v 11 Nge ngang won inisi üa föri mine a pwüng,  
\q1 kopwe ümöümöch ngeniei o amanauaei.   
\q1
\v 12 Üa nom won sonomaw.  
\q1 Üpwe mwareiti ewe Samol mi Lapalap  
\q1 lon ewe mwich mi lap.   
\c 27  
\s1 Kot ai saram me ai manau  
\sr 27.1-14  
\d Echö än Tafit köl.  
\q1
\v 1 Ewe Samol mi Lapalap i ai saram me ai Chon Amanau.  
\q1 Üsap niueiti eman.  
\q1 Ewe Samol mi Lapalap a tümwünüei seni feiengau,  
\q1 üsap fokun niuokus.   
\b  
\q1
\v 2 Lupwen aramasangau ra rangetiei pwe repwe nieila,  
\q1 lupwen chon ü ngeniei ra fiu ngeniei,  
\q1 repwe chök chepetek o turula.   
\b  
\q1
\v 3 Inamwo are eu mwichen sounfiu repwe pwelifeiliei,  
\q1 ngang üsap niuokus.  
\q1 Inamwo are ra maun ngeniei,  
\q1 nge ai lükü Kot epwe chök nüküchar.   
\b  
\q1
\v 4 Eu mettoch üa tüngorei ewe Samol mi Lapalap,  
\q1 eu mettoch chök üa mochen:  
\q1 Pwe üpwe nonom lon imwen ewe Samol mi Lapalap lon ränin manauei meinisin,  
\q1 pwe üpwe ingeiti an kirikiröch  
\q1 o kütta öüröürei me ren me lon imwan imwenfel.   
\b  
\q1
\v 5 Pun lon fansoun weires i epwe aopaei.  
\q1 I epwe tümwünüei me lon imwan imwenfel,  
\q1 epwe pwal atekiaeitä won eu achau.   
\b  
\q1
\v 6 Mürin üpwe chimwetä o nom asen ekewe chon oputaei mi pwelifeilei,  
\q1 üpwe asor lon imwan fän mweireiren pwapwa.  
\q1 Üpwe köl o ettiki pisekin ettik ngeni ewe Samol mi Lapalap.   
\b  
\q1
\v 7 Ai Samol mi Lapalap, kopwe aüselinga ai siö ngonuk.  
\q1 Kopwe ümöümöch ngeniei o pälüeniei.   
\q1
\v 8 En ka apasa, “Oupwe küttaei.”  
\q1 Nge ngang üa pälüeni, “Üa küttok, ai Samol mi Lapalap.”   
\q1
\v 9 Kosap aopa mesom seniei.  
\q1 Kosap aliwini noum ei chon angang lon om song,  
\q1 pun en ai chon alilis.  
\q1 Kosap pöütieila, kosap pwal likitieila,  
\q1 Ai Kot, ai Chon Amanau.   
\q1
\v 10 Inamwo ika semei me inei ra likitieila,  
\q1 nge ewe Samol mi Lapalap epwe tümwünüei.   
\b  
\q1
\v 11 Ai Samol mi Lapalap, kopwe aiti ngeniei mine üpwe föri  
\q1 o emweniei won efoch al mi wenechar  
\q1 pokiten chon oputaei.   
\q1
\v 12 Kosap asechieilong lepöün chon pälüeniei.  
\q1 Pun chon pwärätä chofana ra ü ngeniei,  
\q1 ra tiliken le föri föförün mwäneson ngeniei.   
\b  
\q1
\v 13 Nge ngang üa lükü pwe ewe Samol mi Lapalap epwe kirikiröch ngeniei  
\q1 lon fansoun ai manau won fanüfan.   
\q1
\v 14 Kopwe apilükülükü ewe Samol mi Lapalap,  
\q1 kopwe pöchökül o tipepwora.  
\q1 Ewer, kopwe apilükülükü ewe Samol mi Lapalap.   
\c 28  
\s1 Eu iotekin tüngor alilis me iotekin kilisou  
\sr 28.1-9  
\d Echö än Tafit köl.  
\q1
\v 1 Ai Samol mi Lapalap, en ai achau, üa kökköruk.  
\q1 Kopwe aüselinga ai siö ngonuk.  
\q1 Pun are kosap pälüeniei,  
\q1 üpwe wewe ngeni chokewe mi tolong lon peias.   
\q1
\v 2 Kopwe rongorong kapasen ai tüngor, lupwen üa siö ngonuk.  
\q1 Kopwe alisiei, lupwen üa aitietä pei ngeni imwom mi unusen pin.   
\b  
\q1
\v 3 Kosap apwüngüei fitifengen me ekewe aramasangau,  
\q1 pwal fiti chokewe mi föri föför mi ngau,  
\q1 ir mi eäni kapas pwetete ngeni chon arur,  
\q1 nge ra ekiekingau lon leluker.   
\q1
\v 4 Kopwe ngeniir chappen ar föför  
\q1 me ükükün liwinin ar föföringau.  
\q1 Kopwe ngeniir chappen angangen pöür  
\q1 o liwini ngeniir mine a fichitiir. \x + \xo 28.4 \xt Pwär 22.12\x*   
\q1
\v 5 Pokiten ir resap afäli än ewe Samol mi Lapalap föför  
\q1 ika angangen pöün, iei mine i epwe apwüngüür  
\q1 o aroserela.   
\b  
\q1
\v 6 Üpwe mwareiti ewe Samol mi Lapalap,  
\q1 pun a rongorong ai tüngorun alilis.   
\q1
\v 7 Ewe Samol mi Lapalap a tümwünüei o epeti seniei feiengau,  
\q1 üa apilükülükü i, nge i a alisiei.  
\q1 Iei mine üa fokun pwapwa.  
\q1 Üpwe kilisou ngeni o kölün mwareiti.   
\b  
\q1
\v 8 Ewe Samol mi Lapalap i än nöün aramas pöchökül.  
\q1 I ewe lenien op mi allükülük fän iten nöün we mi kepit ewe king.   
\q1
\v 9 Kopwe amanaua noum kewe aramas  
\q1 o afeiöchü noum kana.  
\q1 Kopwe ar chon mas  
\q1 o tümwünüür tori feilfeilachök.   
\c 29  
\s1 Möngüngün Kot me lon mölümöl  
\sr 29.1-11  
\d Echö än Tafit köl.  
\q1
\v 1 Ämi chon läng kana, oupwe mwareiti ewe Samol mi Lapalap,  
\q1 oupwe mwareiti an ling me manaman.   
\q1
\v 2 Oupwe mwareiti lingen iten ewe Samol mi Lapalap.  
\q1 Oupwe fel ngeni i fän üf mi pin. \x + \xo 29.2 \xt Kölf 96.7-9\x*   
\q1
\v 3 Aramas ra rongorong möngüngün ewe Samol mi Lapalap won ekewe matau.  
\q1 Ewe Kot mi ling a apüngü chopulap.  
\q1 Möngüngün ewe Samol mi Lapalap a tittiriis me won ekewe matau.   
\q1
\v 4 Möngüngün ewe Samol mi Lapalap a manaman.  
\q1 Möngüngün ewe Samol mi Lapalap a fokun amwarar.   
\b  
\q1
\v 5 Möngüngün ewe Samol mi Lapalap a kupi ekewe irä setar,  
\q1 a kupi ekewe irä setar mi nom won Lepanon.   
\q1
\v 6 A föri pwe ewe chuk Lepanon a mwetemwet usun eman nienifön kow,  
\q1 nge ewe chuk Hermon a mwetemwet usun eman nienifön ätemwänin kow.   
\b  
\q1
\v 7 Möngüngün ewe Samol mi Lapalap a afifi inefi.   
\q1
\v 8 Möngüngün ewe Samol mi Lapalap a achechecha ewe fanüapö,  
\q1 a achechecha ewe fanüapön Kates.   
\b  
\q1
\v 9 Möngüngün ewe Samol mi Lapalap a amäräkulu ekewe irä ook  
\q1 o wichikätiu chön irän ewe wöllap.  
\q1 Nge lon imwan imwenfel meinisin ra kökkö, “Kot a ling.”   
\b  
\q1
\v 10 Ewe Samol mi Lapalap a nemenem won ekewe lölö.  
\q1 A nemenem, pun i a king tori feilfeilachök.   
\q1
\v 11 Ewe Samol mi Lapalap a ngeni nöün kewe aramas pöchökül,  
\q1 a afeiöchü nöün kewe aramas ren kinamwe.   
\c 30  
\s1 Kölün kilisou fän iten ngasala seni mäla  
\sr 30.1-12  
\d Echö än Tafit köl. Echö köl fän iten apinipinin ewe imwenfel.  
\q1
\v 1 Ai Samol mi Lapalap, üpwe ingeituk, pun ka amanauaei,  
\q1 nge kosap mwüt ngeni ekewe chon pälüeniei pwe repwe ämängauaei.   
\q1
\v 2 Ai Samol mi Lapalap, ai Kot,  
\q1 üa siö ngonuk pwe kopwe alisiei.  
\q1 Iwe, ka apöchökülaei.   
\q1
\v 3 Ai Samol mi Lapalap, ka angeeitä seni peias.  
\q1 Üa fetal ngeni ewe lenien sotup,  
\q1 nge en ka amanauaei.   
\b  
\q1
\v 4 Oupwe kölün mwareiti ewe Samol mi Lapalap,  
\q1 ämi nöün kewe chon pin.  
\q1 Oupwe chechemeni Ewe mi Pin o kilisou ngeni.   
\q1
\v 5 Pun a mochomoch fansoun an song,  
\q1 nge an kirikiröch a wor lon unusen fansoun manauen eman aramas.  
\q1 Lepwin a fis kechü,  
\q1 nge lesosor a fis pwapwa.   
\b  
\q1
\v 6 Lupwen üa nom lon nükünüköch, üa apasa,  
\q1 “Üsap fokun mwökütüküt.”   
\q1
\v 7 Ren om kirikiröch, ai Samol mi Lapalap,  
\q1 ka anükücharaei usun eu chuk mi pöchökül.  
\q1 Nge lupwen ka amona mesom seniei,  
\q1 üa fokun niuokus.   
\b  
\q1
\v 8 Ai Samol mi Lapalap, üa siö ngonuk.  
\q1 Üa tüngor ngonuk pwe kopwe alisiei.   
\q1
\v 9 “Met sokun win kopwe angei, are üpwe mäla  
\q1 o tolong lon peias?  
\q1 Ifa usun, chon mäla repwe tongeni mwareituk?  
\q1 Ifa usun, repwe tongeni apworausa usun om allükülük?   
\q1
\v 10 Ai Samol mi Lapalap, kopwe aüselingaei o ümöümöch ngeniei.  
\q1 Ai Samol mi Lapalap, kopwe alisiei.”   
\b  
\q1
\v 11 Iwe, ka awili ai ngüngüres ngeni pwörük,  
\q1 ka pwiliti seniei üfei üföüfen letipeta  
\q1 o aüföüfa ngeniei pwapwa.   
\q1
\v 12 Üpwe fokun mwareituk,  
\q1 nge üsap fanafanala.  
\q1 Ai Samol mi Lapalap, ai Kot,  
\q1 üpwe kilisou ngonuk tori feilfeilachök.   
\c 31  
\s1 Kapasen pwärätä lükülük  
\sr 31.1-24  
\d Ngeni ewe mi emweni chon köl: Echö än Tafit köl.  
\q1
\v 1 Ai Samol mi Lapalap, üa feito reöm pwe kopwe tümwünüei,  
\q1 kosap mwüt ngeniei pwe üpwe kuf.  
\q1 Kopwe angasaei, en ewe Kot mi pwüng.   
\q1
\v 2 Kopwe aü selingom ngeniei, kopwe müttir amanauaei.  
\q1 En kopwe ai lenien op usun eu föimw mi pöchökül,  
\q1 pwe kopwe amanauaei.   
\b  
\q1
\v 3 Ewer, en ai achau, pwal imwei imwen maun.  
\q1 Kopwe emweniei o aiti ngeniei ewe al usun ka pwon.   
\q1
\v 4 Kopwe tümwünüei seni ewe sär mi molotä fän itei,  
\q1 kopwe ti seniei feiengau.   
\q1
\v 5 Üa atolonga manauei lepoum,  
\q1 kopwe amanauaei, ai Samol mi Lapalap,  
\q1 ewe Kot mi allükülük. \x + \xo 31.5 \xt Luk 23.46\x*   
\q1
\v 6 Ka oput chokewe mi fel ngeni anümwäl mi lomotongau,  
\q1 nge ngang üa anomu ai apilükülük womw.   
\q1
\v 7 Üpwe mwänek o pwapwa  
\q1 ren om tong ellet,  
\q1 pun ka küna ai riaföü  
\q1 o silei ai kewe weires.   
\q1
\v 8 Kosap atolongaei lepöün chon oputaei,  
\q1 nge ka mwüt ngeniei pwe üpwe feila ia üa mochen feila ie.   
\b  
\q1
\v 9 Ai Samol mi Lapalap, kopwe ümöümöch ngeniei,  
\q1 pun ngang üa nom lon riaföü.  
\q1 Mesei ra toputopula ren ai kechü,  
\q1 nge inisi a apwangapwangala.   
\q1
\v 10 Manauei a mochomochola ren riaföün letipei,  
\q1 nge ierin manauei ren ai ngüngü.  
\q1 Ai pöchökül a kisikisila pokiten ai riaföü,  
\q1 pwal chüi mwo nge ra apwangapwangala.   
\b  
\q1
\v 11 Üa sachowun me ren ekewe chon oputaei meinisin o koput me ren chon ari.  
\q1 Üa och pisekin eniw me ren chon sileei,  
\q1 nge chokewe mi künaei me lon al ra sü seniei.   
\q1
\v 12 Üa manlüküla me ren aramas usun eman mi mäla,  
\q1 üa usun eu sepi mi mök.   
\q1
\v 13 Ewer, üa rongorong pwe chomong ra möngününgün.  
\q1 Lupwen ra raweei usun ar repwe angei manauei,  
\q1 niuokus watte a nom pwelin ünüki.   
\b  
\q1
\v 14 Nge ngang üa apilükuk, ai Samol mi Lapalap,  
\q1 üa apasa, “En ai Kot.”   
\q1
\v 15 Fansoun manauei a nom lepoum.  
\q1 Kopwe angasaeila seni ekewe chon oputaei  
\q1 me ekewe chon ariaföüüei.   
\q1
\v 16 Kopwe netiu won noum chon angang fän kirikiröch  
\q1 o amanauaei lon om tong ellet.   
\q1
\v 17 Kosap mwütätä pwe üpwe itengau, ai Samol mi Lapalap,  
\q1 pun üa kökköruk.  
\q1 Nge kopwe mwütätä pwe ekewe aramasangau repwe itengau,  
\q1 repwe fanafanala le feitiu lon lenien sotup.   
\q1
\v 18 Kopwe afanafanalai ekewe chon chofana  
\q1 ra fos sikesik usun chon pwüng  
\q1 lon ar lamalamtekia me oput.   
\b  
\q1
\v 19 Om kirikiröch a fokun somwola,  
\q1 ka eäni ngeni chokewe mi niuokusituk.  
\q1 Ka pwal kirikiröch ngeni chokewe mi eänuk lenien op  
\q1 me fän mesen aramas meinisin.   
\q1
\v 20 Ka nonom rer o aopeer seni än ekewe aramas rawangau.  
\q1 Ka tümwünüöchüür me lon leniom  
\q1 seni än ekewe chon oputeer kapasen efitikoko.   
\b  
\q1
\v 21 Üpwe mwareiti ewe Samol mi Lapalap,  
\q1 pun a eäni tong ellet mi amwarar ngeniei,  
\q1 lupwen üa osupwang usun chon eu telinimw ra osupwang,  
\q1 lupwen sounfiu ra pwelifeili fän pisekin maun.   
\q1
\v 22 Üa ekieki lon ai niuokus  
\q1 pwe a asüeila seni fän mesan.  
\q1 Nge i a rongorong ai tüngor,  
\q1 lupwen üa siö ngeni pwe epwe alisiei.   
\b  
\q1
\v 23 Ämi nöün ewe Samol mi Lapalap chon pin meinisin, oupwe echeni i.  
\q1 Ewe Samol mi Lapalap a tümwünü chokewe mi allükülük,  
\q1 nge a liwiningau ngeni ekewe chon lamalamtekia won en me ükükün liwinin an föför.   
\q1
\v 24 Oupwe pöchökül o tipepwora,  
\q1 ämi meinisin mi apilükülükü ewe Samol mi Lapalap.   
\c 32  
\s1 Feiöchün musalan tipis  
\sr 32.1-11  
\d Echö än Tafit köl. Echö kölün kait.  
\q1
\v 1 Feiöchün ätewe an pupungau a musala,  
\q1 nge an tipis a möla.   
\q1
\v 2 Feiöchün ewe aramas ewe Samol mi Lapalap esap tip ngeni och pwüngingau,  
\q1 ewe aramas ese wor chofana lon lelukan. \x + \xo 32.2 \xt Rom 4.7-8\x*   
\q1
\v 3 Lupwen üsap pwärätä ai tipis,  
\q1 inisi a apwangapwangala ren ai kechü lon unusen rän me rän.   
\q1
\v 4 Pun lerän me lepwin ka apwüngüei.  
\q1 Pöchökülen inisi a morotä  
\q1 usun koluk a morotä lupwen fansoun pwichikar.   
\b  
\q1
\v 5 Mürin üa pwärätä ai tipis ngonuk,  
\q1 nge üsap aopala ai pwüngingau.  
\q1 Üa apasa, “Üpwe pwärätä ngeni ewe Samol mi Lapalap ai pupungau.”  
\q1 Iwe, ka amusala ai tipis meinisin.   
\b  
\q1
\v 6 Iei mine ekewe chon allükülük repwe iotek ngonuk lon fansoun riaföü.  
\q1 Lupwen feiengauen apwüng a war usun eu noter,  
\q1 esap toriir.   
\q1
\v 7 En eu lenien op fän itei,  
\q1 ka tümwünüei seni weires.  
\q1 Üa leüömong le köl  
\q1 usun om angasaeila.   
\b  
\q1
\v 8 Ewe Samol mi Lapalap a apasa,  
\q1 “Üpwe aiti ngonuk ewe al kopwe fetal won o emwenuk,  
\q1 üpwe öüröürok o mamasok.   
\q1
\v 9 Kosap wewe ngeni eman oris ika eman aas esap mirit,  
\q1 nge eman a chök tongeni nemeniir, are efoch mächä a nom lon awer fiti efoch säl,  
\q1 pwe repwe aleasochis ngeni.”   
\b  
\q1
\v 10 A wor chomong än ekewe aramasangau riaföü,  
\q1 nge ewe Samol mi Lapalap a tongei o tümwünü  
\q1 chokewe mi anomu ar apilükülük won.   
\q1
\v 11 Ämi chon pwüng, oupwe pwapwa o meseik  
\q1 ren mine ewe Samol mi Lapalap a föri.  
\q1 Oupwe mweireir fän pwapwa, ämi meinisin mi wenechar lelukemi.   
\c 33  
\s1 Kölün mwareiti ewe mi föri o tümwünü läng me fanüfan  
\sr 33.1-22  
\q1
\v 1 Ämi chon pwüng,  
\q1 oupwe köl fän pwapwa ngeni ewe Samol mi Lapalap,  
\q1 A fich ngeni chon wenechar pwe repwe mwareiti i.   
\q1
\v 2 Oupwe mwareiti ewe Samol mi Lapalap ren ükülele,  
\q1 oupwe ettik ngeni won kitar mi wor engol saitenin.   
\q1
\v 3 Oupwe köl ngeni echö köl mi fö,  
\q1 oupwe ettikiöchü won ekewe pisekin ettik fiti mweireir mi  
\q1 leüömong.   
\b  
\q1
\v 4 Pun än ewe Samol mi Lapalap kapas a wenechar,  
\q1 an kewe föför ra fis fän allükülük.   
\q1
\v 5 Ewe Samol mi Lapalap a sani pwüng me let,  
\q1 fanüfan a ur ren an tong ellet.   
\b  
\q1
\v 6 Ewe Samol mi Lapalap a afisi ekewe läng ren an kapas,  
\q1 nge akkar, maram me fü kana ra fisitä ren mine a apasa.   
\q1
\v 7 A achufengeni ekewe setin lematau lon eu leni usun lon eu rume,  
\q1 a anomu ekewe matau mi alolol lon lenier usun lon eu imwen iseis.   
\b  
\q1
\v 8 Unusen fanüfan epwe niuokusiti ewe Samol mi Lapalap,  
\q1 nge chon fanüfan meinisin repwe meniniti.   
\q1
\v 9 Pun mine a apasa a fisitä,  
\q1 nge mine a allük a pwönüetä.   
\b  
\q1
\v 10 Ewe Samol mi Lapalap a ataela än chon ekewe mwü akot  
\q1 o pinei än ekewe aramas ekiek.   
\q1
\v 11 Nge än ewe Samol mi Lapalap akot a nonom tori feilfeilachök,  
\q1 ekiekin lelukan a nonom seni eu täppin aramas tori eu täppin.   
\q1
\v 12 Feiöchün ewe mwü mi eäni Kot ewe Samol mi Lapalap,  
\q1 feiöchün ekewe aramas i a filiretä pwe epwe nöüniir.   
\b  
\q1
\v 13 Ewe Samol mi Lapalap a nennetiu seni läng,  
\q1 a küna chon fanüfan meinisin.   
\q1
\v 14 A nennewu seni an we lenien nemenem  
\q1 o küna aramas meinisin mi nonom won fanüfan.   
\q1
\v 15 I ewe mi afisi ekiekin leluker  
\q1 o silei ar kewe föför meinisin.   
\q1
\v 16 Eman king esap manau ren watten an mwichen sounfiu,  
\q1 nge eman sounfiu esap ngasala ren an pöchökül mi lapalap.   
\q1
\v 17 A solap an eäni apilükülük orisin maun pwe epwe win,  
\q1 pun resap tongeni amanaua eman ren ar pöchökül.   
\b  
\q1
\v 18 Ewe Samol mi Lapalap a mamasa chokewe mi niuokusiti,  
\q1 pwal chokewe mi apilükülüküni an tong ellet,   
\q1
\v 19 pwe epwe angaseer seni mäla o tümwünüür,  
\q1 pwe repwe tongeni manau lupwen fansoun lengita.   
\b  
\q1
\v 20 Sa eäni apilükülük ewe Samol mi Lapalap,  
\q1 pun i ewe chon alisikich a epeti senikich feiengau.   
\q1
\v 21 Ewer, lelukach a pwapwa ren Kot,  
\q1 pun sa lükü itan mi pin.   
\q1
\v 22 Ai Samol mi Lapalap, om tong ellet epwe nonom wom,  
\q1 usun äm apilükülük a nom womw.   
\c 34  
\s1 Kölün mwareiti Kot ren an angasakichela seni riaföü  
\sr 34.1-22  
\r (1.Sam 21.13-15)  
\d Echö än Tafit köl, lupwen a pomweni pomwen eman chon umwes me fän mesen Apimelek, pwe ätewe a asüela, nge Tafit a feila seni.  
\q1
\v 1 Üpwe ingemwareiti ewe Samol mi Lapalap fansoun meinisin,  
\q1 üpwe chök mwamwareiti i.   
\q1
\v 2 Ngang üpwe aingaing won ewe Samol mi Lapalap.  
\q1 Chokewe mi nom lon riaföü repwe rongorong o pwapwa ren.   
\q1
\v 3 Oupwe etiei le asilefeili än ewe Samol mi Lapalap manaman,  
\q1 ousipwe mwareitifengeni itan.   
\b  
\q1
\v 4 Üa iotek ngeni ewe Samol mi Lapalap, nge i a pälüeniei  
\q1 o angasaei seni ai kewe niuokus meinisin.   
\q1
\v 5 Oupwe sachetä ngeni i pwe oupwe pwapwa,  
\q1 nge ousap säw.   
\q1
\v 6 Ewe chon mwelele a siö, nge ewe Samol mi Lapalap a aüselinga  
\q1 o amanaua i seni an weires meinisin.   
\q1
\v 7 Nöün ewe Samol mi Lapalap chon läng a nom pwelin ünükün chokewe mi niueiti i  
\q1 o angaseer seni feiengau.   
\q1
\v 8 Oupwe neni o nengeni pwe ewe Samol mi Lapalap a kirikiröch.  
\q1 Ra feiöch ätekewe mi eäni i lenien op. \x + \xo 34.8 \xt 1.Pet 2.3\x*   
\q1
\v 9 Ämi nöün ewe Samol mi Lapalap kewe chon pin, oupwe meniniti i,  
\q1 pun chokewe mi meniniti i resap osupwang.   
\q1
\v 10 Ekewe laion ra echik, pun esap wor ener.  
\q1 Nge chokewe mi aleasochis ngeni ewe Samol mi Lapalap resap osun och mettoch mi mürina.   
\b  
\q1
\v 11 Oupwe feito, ämi nei mwän o aüselingaei,  
\q1 üpwe aiti ngenikemi usun ämi oupwe meniniti ewe Samol mi Lapalap.   
\q1
\v 12 Iö me leimi a pwapwaiti manau o mochen manauatam  
\q1 pwe epwe alomota ekewe feiöch meinisin?   
\q1
\v 13 Oupwe tümwünükemi pwe ousap eäni kapas mi ngau,  
\q1 ousap pwal kapas chofana.   
\q1
\v 14 Oupwe kul seni mine a ngau o föri mine a mürina,  
\q1 oupwe kütta kinamwe ren unusen lelukemi.   
\b  
\q1
\v 15 Ewe Samol mi Lapalap a mamasa ekewe chon pwüng,  
\q1 selingan a rongorong ngeni ar siö.   
\q1
\v 16 Nge a ü ngeni chokewe mi föri mine a ngau,  
\q1 a föri pwe mürin ar mäla aramas repwe müttir manlükirela. \x + \xo 34.16 \xt 1.Pet 3.10-12\x*   
\q1
\v 17 Lupwen ekewe chon pwüng ra siön alilis, ewe Samol mi Lapalap a rongorong  
\q1 o angaserela seni ar weires meinisin.   
\q1
\v 18 Ewe Samol mi Lapalap a kan ngeni chokewe mi luketatakis,  
\q1 a amanaua chokewe mi apilükingau.   
\b  
\q1
\v 19 Chomong riaföü ra tori ewe chon pwüng,  
\q1 nge ewe Samol mi Lapalap a angasala i seniir meinisin.   
\q1
\v 20 A fokun tümwünü ewe chon pwüng,  
\q1 pwe esap mwo nge kup efoch chün. \x + \xo 34.20 \xt Joh 19.36\x*   
\q1
\v 21 Föför mi ngau epwe afeiengaua ekewe aramasangau,  
\q1 nge chokewe mi oput ekewe chon pwüng repwe küna liwiningau.   
\q1
\v 22 Ewe Samol mi Lapalap a amanaua nöün kewe chon angang.  
\q1 Esap wor eman lein chokewe mi eäni Kot lenien op epwe küna liwiningau.   
\c 35  
\s1 Iotekin ngasala seni chon oput  
\sr 35.1-28  
\d Echö än Tafit köl.  
\q1
\v 1 Ai Samol mi Lapalap, kopwe ü ngeni chokewe mi ü ngeniei,  
\q1 kopwe fiu ngeni chokewe mi fiu ngeniei.   
\q1
\v 2 Kopwe angei om kewe tittin maun,  
\q1 ewe mi watte me ewe mi kükün,  
\q1 kopwe feito pwe kopwe alisiei.   
\q1
\v 3 Kopwe öüröürela fän wokum siles me noum kouken maun  
\q1 o ü ngeni ekewe chon tapweriei.  
\q1 Kopwe üreniei, “Ngang om Chon Amanau.”   
\b  
\q1
\v 4 Amwo chokewe mi mochen nieila  
\q1 repwe kuf o itengau.  
\q1 Amwo chokewe mi rawangauaei  
\q1 repwe kulsefäl o rükö.   
\q1
\v 5 Amwo repwe usun chök pön wiich asepwäl a ässala,  
\q1 nge nöün ewe Samol mi Lapalap chon läng epwe asürela.   
\q1
\v 6 Amwo aler epwe rochopwak o amitimit,  
\q1 nge nöün ewe Samol mi Lapalap chon läng epwe tapweriir.   
\b  
\q1
\v 7 Pun ra aopala ar sär pwe repwe liapeniei,  
\q1 ra pwal tuw eu pwang pwe üpwe turulong lon,  
\q1 nge esap wor popun.   
\q1
\v 8 Amwo feiengau mi lapalap epwe toriir mwen ar silei.  
\q1 Amwo repwe püsin tup lon ewe sär ra aopala.  
\q1 Amwo repwe turulong lon ewe pwang o fokun feiengau.   
\b  
\q1
\v 9 Mürin ngang üpwe meseik ren ewe Samol mi Lapalap,  
\q1 üpwe ingemwareiti i pokiten an angasaei.   
\q1
\v 10 Ngang üpwe apasa ngeni ewe Samol mi Lapalap ren unusen lelukei,  
\q1 “Iö a wewe ngonuk?  
\q1 En ka angasala ewe mi apwangapwang seni ätekewe mi pöchökül seni,  
\q1 ka angasala ewe mi apwangapwang o mwelele seni ätekewe mi eliapa pisekin.”   
\b  
\q1
\v 11 Chon pwärätä chofana ra ü ngeniei,  
\q1 ra atipisiei won föför üsap silei.   
\q1
\v 12 Ra liwini ngeniei ingau fän iten ai föför mürina.  
\q1 Iwe, üa fokun apilükingau.   
\q1
\v 13 Nge lupwen ir ra samau, ngang üa üföüf üf seni tuk,  
\q1 üa ariaföüüei ren ai öchüün,  
\q1 üa pworetiu o iotek,   
\q1
\v 14 üa pwal letipeta usur usun üa letipeta fän iten chienei ika pwii.  
\q1 Üa pworetiu fän ai lolilen o fetalfeil  
\q1 usun eman mi kechüeiti inan.   
\b  
\q1
\v 15 Nge lupwen üa nom lon weires, ra mwicheto rei o takiriei,  
\q1 ra mwichefengen pwe repwe ü ngeniei.  
\q1 Chon ekis üsap sileer me mwan ra kapasingau usi,  
\q1 nge resap ükütiu.   
\q1
\v 16 Ra chök alapala ar kapasen turunufas,  
\q1 ra afochofoch ngeniei ren ar oputaei.   
\b  
\q1
\v 17 Ai Samol, ifa ükükün fansoun om kopwe chök nenengeni ei lapalap?  
\q1 Kopwe angasaei seni ar afeiengauaei,  
\q1 kopwe amanauaei seni ekei laion.   
\q1
\v 18 Mürin üpwe kilisou ngonuk lon ewe mwichelapen noum aramas,  
\q1 üpwe mwareituk me lein ewe mwicheichen aramas.   
\b  
\q1
\v 19 Kosap mwüt ngeni chon palüeniei, nge esap wor popun,  
\q1 pwe repwe takirin ämängauaei,  
\q1 kosap pwal mwüt ngeni chokewe mi oputafatei  
\q1 pwe repwe takiriei ren ai letipeta. \x + \xo 35.19 \xt Kölf 69.4; Joh 15.25\x*   
\q1
\v 20 Iwe, resap eäni kapas pwetete,  
\q1 nge ra eäni kapasen tipitipmwäl ngeni chokewe mi mosonoson lon ewe fanü.   
\q1
\v 21 Ra atipisiei fän leüömong o apasa,  
\q1 “Aha, aha, mesem ra küna mine ka föri.”   
\b  
\q1
\v 22 Nge en, ai Samol mi Lapalap, ka küna ei lapalap,  
\q1 kosap fanafanala.  
\q1 Ai Samol, kosap toau seniei.   
\q1
\v 23 Ai Samol, kopwe amwökütuk o ütä pwe kopwe pwärawu ai pwüng.  
\q1 Kopwe peniei, ai Kot.   
\q1
\v 24 Ai Samol mi Lapalap ai Kot, en ka pwüng, kopwe aletätä ai pwüng,  
\q1 nge kosap mwüt ngeni ekewe chon oputaei pwe repwe takirin ämängauaei.   
\q1
\v 25 Kosap mwüt ngeniir pwe repwe apasa lefiler,  
\q1 “Aha, a torikich mochenin letipach.  
\q1 Sa awesi manauan.”   
\b  
\q1
\v 26 Amwo chokewe meinisin mi pwapwaäsini ai feiengau  
\q1 repwe säw o osukosuk.  
\q1 Amwo chokewe meinisin mi lamalamtekia ngeniei  
\q1 repwe küna säw me itengau.   
\b  
\q1
\v 27 Amwo chokewe mi mochen pwe epwe pwä ai pwüng  
\q1 repwe meseik o mweireiren pwapwa, repwe pwal apasafochei,  
\q1 “Ewe Samol mi Lapalap a tekia,  
\q1 a pwapwa ren feiöchün nöün chon angang.”   
\q1
\v 28 Mürin üpwe apworausafeili om pwüng  
\q1 o kölün mwareituk fansoun meinisin.   
\c 36  
\s1 Än Kot tong ellet  
\sr 36.1-12  
\d Ngeni ewe mi emweni chon köl: Echö köl än Tafit nöün ewe Samol mi Lapalap chon angang.  
\q1
\v 1 Tipis a nom lon leluken eman aramasangau o kapas ngeni.  
\q1 Esap wor an meniniti Kot. \x + \xo 36.1 \xt Rom 3.18\x*   
\q1
\v 2 A lamalamtekia won inisin o ekieki  
\q1 pwe Kot esap tongeni küna o oput an tipis.   
\q1
\v 3 An kewe kapas ra mwäl me chofana.  
\q1 Esap chüen föri föför mi mirit me mürina.   
\q1
\v 4 Lupwen a kon won an peet, a ekiekietä mine a ngau.  
\q1 Esap mwo nge föri mine a mürina,  
\q1 esap pwal oput mine a ngau.   
\b  
\q1
\v 5 Ai Samol mi Lapalap, om tong ellet a tori ekewe läng,  
\q1 om allükülük a tori ekewe kuchu.   
\q1
\v 6 Om pwüng a tekia usun chök ekewe chuk,  
\q1 nge om kapwüng a usun chök matau mi alolol.  
\q1 Ai Samol mi Lapalap, ka tümwünü aramas me man.   
\b  
\q1
\v 7 Ai Kot, om tong ellet a fokun aüchea.  
\q1 Aramas meinisin ra op fän nürün poum.   
\q1
\v 8 Ra kametip won somwen mongö lon imwom.  
\q1 Ka aünüür koluk seni ewe chanpupun om pwapwa.   
\b  
\q1
\v 9 Pun en ewe lepopun manau meinisin,  
\q1 nge ren om saram äm aia küna saram.   
\q1
\v 10 Kose mochen kopwe sopwela om tong ellet ngeni chokewe mi sileek,  
\q1 kopwe pwal sopwela om amanaua chokewe mi wenechar leluker.   
\q1
\v 11 Kosap mwüt ngeni ekewe chon lamalamtekia pwe repwe afeiengauaei.  
\q1 Kosap pwal mwüt ngeni ekewe aramasangau pwe repwe asüeila.   
\q1
\v 12 Nengeni ia ekewe chon föföringau ra turutiu ie.  
\q1 Ikenan ra konola, nge resap chüen tongeni pwätäsefäl.   
\c 37  
\s1 Nonomongauen ekewe aramasangau  
\sr 37.1-40  
\d Echö än Tafit köl.  
\q1
\v 1 Kosap achouuk pokiten ekewe aramasangau,  
\q1 nge kosap lolowo ngeni chokewe mi föri mine a ngau.   
\q1
\v 2 Pun repwe pwasekai usun fetil,  
\q1 repwe pwal mäla usun pötöwöl mi pwasala.   
\b  
\q1
\v 3 Kopwe apilükülükü ewe Samol mi Lapalap o föri mine a mürina,  
\q1 pwe kopwe nonom lon ewe fanü fän kinamwe.   
\q1
\v 4 Ewe Samol mi Lapalap i chök epwe om pwapwa,  
\q1 nge i epwe ngonuk mochenin lelukom.   
\b  
\q1
\v 5 Kopwe lükü ngeni ewe Samol mi Lapalap manauom  
\q1 o apilükülük ngeni, nge i epwe alisuk.   
\q1
\v 6 Epwe pwärawu om pwüngüöch pwe epwe usun saram,  
\q1 nge om pwüng pwe epwe usun tinen akkaren leoloas.   
\b  
\q1
\v 7 Kopwe fanafanala me fän mesen ewe Samol mi Lapalap o likitü le witiwiti i.  
\q1 Kosap achouuk ren ekewe aramas mi pisekisekila,  
\q1 pwal ren chokewe mi afisätä ar rawangau.   
\b  
\q1
\v 8 Kopwe ükütiu seni song o likitala lingeringer.  
\q1 Kosap achouuk, pun a chök emwenukelong lon mine a ngau.   
\q1
\v 9 Pun ekewe aramasangau repwe käriwu,  
\q1 nge chokewe mi apilükülükü ewe Samol mi Lapalap repwe fanüeni ewe fanü.   
\b  
\q1
\v 10 Lon fansoun mochomoch echök ekewe aramasangau resap chüen nom.  
\q1 Inamwo are kopwe küttafichiir lon lenier,  
\q1 nge resap nom ikenan.   
\q1
\v 11 Nge ekewe chon tipetekison repwe fanüeni ewe fanü  
\q1 o pwapwaäsini ar feiöch me kinamwe mi somwola. \x + \xo 37.11 \xt Mat 5.5\x*   
\q1
\v 12 Ekewe aramasangau ra rawangauei ewe chon pwüng  
\q1 o afochofoch ngeni.   
\q1
\v 13 Nge ewe Samol a takiri ekewe aramasangau,  
\q1 pun a silei pwe a arap ränin ar mäla.   
\b  
\q1
\v 14 Ekewe aramasangau ra üttawu nöür ketilas o emeia nöür likapich,  
\q1 pwe repwe afeiengaua ekewe mi wöüngau me mwelele,  
\q1 repwe pwal niela chokewe mi föri mine a pwüng.   
\q1
\v 15 Nge repwe mäla ren püsin nöür ketilas,  
\q1 nge ar likapich epwe kup.   
\b  
\q1
\v 16 Än eman chon pwüng pisek mi chokükün  
\q1 a mürina seni wöün ekewe aramasangau meinisin.   
\q1
\v 17 Pun pöchökülen ekewe aramasangau epwe wesila,  
\q1 nge ewe Samol mi Lapalap epwe alisi ekewe chon pwüng.   
\b  
\q1
\v 18 Ewe Samol mi Lapalap a tümwünü ekewe aramas esap wor ar tipis,  
\q1 repwe chök fafanü fanüer tori feilfeilachök.   
\q1
\v 19 Lon fansoun feiengau resap küna säw,  
\q1 nge lon ränin lengita epwe somwola ener mongö.   
\q1
\v 20 Nge ekewe aramasangau repwe rosola.  
\q1 Ekewe chon oputa ewe Samol mi Lapalap ra usun chök lingen ekewe pön ira mi morola lon ekewe mälämäl,  
\q1 repwe moropöküla usun och ötüöt.   
\b  
\q1
\v 21 Ewe aramasangau a liwinimang, nge esap tongeni amusasefäli.  
\q1 Nge ewe chon pwüng a kirikiröch o fangafangöch.   
\q1
\v 22 Pun chokewe mi feiöch me ren ewe Samol mi Lapalap repwe fanüeni ewe fanü,  
\q1 nge chokewe mi anümamau me ren Kot repwe kärila.   
\b  
\q1
\v 23 Ewe Samol mi Lapalap a emweni eman aramas won ewe al epwe fetal won,  
\q1 a pwal anüküchara i, pun a pwapwa ren.   
\q1
\v 24 Are epwe tur, esap turuchapala,  
\q1 pun ewe Samol mi Lapalap a kamwöch pöün.   
\b  
\q1
\v 25 Seni me lom, lupwen ngang üa eman alüal, tori iei üa chinlap,  
\q1 üsap küna mwo eman chon pwüng epwe sachawun,  
\q1 ika nöün kana repwe tütüngorfetal ener mongö.   
\q1
\v 26 Ewe chon pwüng a fangafangöch o mwütätä pisekin ngeni aramas,  
\q1 nge nöün kana ra wään feiöch ngeni aramas.   
\b  
\q1
\v 27 Kopwe sü seni mine a ngau o föri mine a mürina,  
\q1 mürin kopwe nonomöch lon ewe fanü fän kinamwe.   
\q1
\v 28 Pun ewe Samol mi Lapalap a efich mine a pwüng,  
\q1 esap likitala nöün kewe mi allükülük.  
\q1 Ewe Samol mi Lapalap a tümwünü ekewe chon pwüng tori feilfeilachök,  
\q1 nge mwirimwirin ekewe aramasangau repwe kärila.   
\q1
\v 29 Ekewe chon pwüng repwe fanüeni ewe fanü o nonom won tori feilfeilachök.   
\q1
\v 30 Ewe chon pwüng a eäni fos mirit,  
\q1 a chök apasa mine a pwüng.   
\q1
\v 31 Än Kot kewe allük ra nom lon lelukan,  
\q1 nge esap tokola seniir.   
\b  
\q1
\v 32 Eman aramasangau a opoperi ewe chon pwüng  
\q1 o kütta an epwe niela.   
\q1
\v 33 Nge ewe Samol mi Lapalap esap asechala ewe chon pwüng fän nemenien ewe chon oputa,  
\q1 esap pwal mwüt ngeni pwe epwe etipisi lon kapwüng.   
\b  
\q1
\v 34 Kopwe anomu om apilükülük won ewe Samol mi Lapalap o aleasochisi an kewe allük.  
\q1 I epwe atekioketä pwe kopwe fanüeni ewe fanü,  
\q1 nge en kopwe nenengeni, lupwen ekewe aramasangau repwe kasüla.   
\q1
\v 35 Üa küna eman aramasangau a nemenem fän pöchökül,  
\q1 a fokun tekiatä won aramas meinisin usun efoch irä setar won Lepanon.   
\q1
\v 36 Mürin üa pwal pweresefälila ren, nge esap chüen nom.  
\q1 Üa kütta i, nge üsap chüen küna.   
\b  
\q1
\v 37 Kopwe afota ewe aramas esap wor an tipis o nenengeni ätewe mi wenechar.  
\q1 A wor mwirimwirin ätewe mi afisätä kinamwe,   
\q1
\v 38 nge ekewe chon tipis repwe rosola meinisin,  
\q1 pwal mwirimwirin ekewe aramasangau repwe kärila.   
\b  
\q1
\v 39 Ewe Samol mi Lapalap a amanaua ekewe chon pwüng,  
\q1 i ar lenien op lon fansoun riaföü.   
\q1
\v 40 Ewe Samol mi Lapalap a alisiir o angaseer.  
\q1 A angaserela seni ekewe aramasangau o amanaueer,  
\q1 pun ra eäni i lenien op.   
\c 38  
\s1 Än eman chon aier iotek  
\sr 38.1-22  
\d Echö än Tafit köl fän iten asoren achechem.  
\q1
\v 1 Ai Samol mi Lapalap, kosap apwüngüei lon om song,  
\q1 kosap pwal ninniei lon om lingeringer.   
\q1
\v 2 Pun ka akinasaei ren wokum kewe föün esefich,  
\q1 ka pwal amiritiei.   
\b  
\q1
\v 3 Esap wor pöchökülen inisi pokiten om song,  
\q1 esap pwal wor pöchökülen lechüi pokiten ai tipis.   
\q1
\v 4 Üa pwölüla fän ai kewe föför mi ngau,  
\q1 ra chou usun och mettoch mi kon chou ngeniei.   
\b  
\q1
\v 5 Kinasei kewe ra pwongau o not  
\q1 pokiten ai umwesila lon tipis.   
\q1
\v 6 Üa wesewesen pworetiu o chapala,  
\q1 fansoun meinisin üa lolilen.   
\q1
\v 7 Üa samaun pwichikar,  
\q1 esap fokun wor pöchökülen inisi.   
\q1
\v 8 Üa aiemalü o fokun apwangapwang,  
\q1 üa ngüngü pokiten riaföün lelukei.   
\b  
\q1
\v 9 Ai Samol, en ka silei mochenin letipei meinisin,  
\q1 ka rongorong ai ngüngü meinisin.   
\q1
\v 10 Lelukei a chechech, ai pöchökül a sü seniei,  
\q1 pwal mesei esap chüen neneöch.   
\q1
\v 11 Pwii kewe me chiechiei resap kaneto rei  
\q1 pokiten ai samau,  
\q1 pwal mwo nge aramasei ra ütä me toau.   
\b  
\q1
\v 12 Chokewe mi mochen nieila ra amolätä ar kewe sär,  
\q1 nge chokewe mi mochen ariaföüüei ra kapas usun ar repwe afeiengauaei,  
\q1 ra chök ekiekin rawangauaei fansoun meinisin.   
\b  
\q1
\v 13 Nge ngang üa usun eman aramas mi selingapwas esap tongeni rongorong.  
\q1 Üa usun eman aramas mi awemwöch esap tongeni fos.   
\q1
\v 14 Ewer, ngang üa usun eman aramas esap tongeni rongorong,  
\q1 esap pwal wor an kapasen pälüeni.   
\b  
\q1
\v 15 Nge ngang üa apilükülükuk, ai Samol mi Lapalap.  
\q1 Ai Samol me ai Kot, en ätewe mi pälüeniei.   
\q1
\v 16 Pun üa iotek, pwe kosap fokun mwüt ngeni ekewe chon oputaei pwe repwe takirin ämängauaei  
\q1 o esitaei, lupwen üa mit.   
\b  
\q1
\v 17 Pun üa arap ngeni ai üpwe turula,  
\q1 üa chök memetek fansoun meinisin.   
\q1
\v 18 Üa pwärätä ai kewe föför mi ngau,  
\q1 üa pwal lolilen ren ai tipis.   
\q1
\v 19 Chokewe mi oputaei ra fokun pöchökül,  
\q1 nge chokewe mi oputafateei ra chomong.   
\q1
\v 20 Chokewe mi liwini ngeniei ingau fän iten ai föför mürina,  
\q1 ir chon ü ngeniei, pun üa föri mine a pwüng.   
\b  
\q1
\v 21 Ai Samol mi Lapalap, kosap likitieila,  
\q1 ai Kot, kosap toau seniei.   
\q1
\v 22 Kopwe kaito pwe kopwe alisiei, ai Samol, ai Chon Amanau.   
\c 39  
\s1 Manauen aramas a mochomoch  
\sr 39.1-13  
\d Ngeni ewe mi emweni chon köl: ngeni Jetutun. Echö än Tafit köl.  
\q1
\v 1 Üa apasa, “Üpwe püsin tümwünüei ren mine üa föri,  
\q1 üsap pwal mwüt ngeni chönawei pwe epwe apasa och mine üa tipis ren.  
\q1 Üpwe pinei awei  
\q1 lon ükükün fansoun än ekewe aramasangau nom rei.”   
\q1
\v 2 Üa mosonoson o fanafanala,  
\q1 üsap mwo nge apasa och mi mürina.  
\q1 Nge ai riaföü a chök wattela.   
\q1
\v 3 Üa fokun lolilen.  
\q1 Iwe, lupwen üa ekinlon,  
\q1 ai riaföü a chök lapala.  
\q1 Mürin, üa kapas.   
\b  
\q1
\v 4 “Ai Samol mi Lapalap, kopwe asile ngeniei sopolan manauei,  
\q1 pwal ükükün langatamen ränin manauei.  
\q1 Kopwe asile ngeniei müttirin än manauei sü seniei.   
\q1
\v 5 Nengeni, ka föri pwe tamen ränin manauei ra chök usun tamen  
\q1 ekoch chöchön lon pau.  
\q1 Fansoun manauei a usun chök nge esor me fän mesom.  
\q1 Ellet, iteiten aramas mi nom won ei fanüfan ra usun chök eu enienin asepwäl.   
\q1
\v 6 Ellet, aramas ra usun chök ngünüen mettoch.  
\q1 Meinisin mine ra anganga esap wor lomotan.  
\q1 Aramas ra achukuchukätä wöür, nge resap silei iö epwe angei me mürin.   
\b  
\q1
\v 7 Ai Samol, met üpwe tongeni ösüküsükü iei?  
\q1 Ai apilükülük a nom womw.   
\q1
\v 8 Kopwe amanauaei seni ai tipis meinisin.  
\q1 Kosap mwüt ngeni ekewe chon umwes pwe repwe turunufaseei.   
\q1
\v 9 Üa fanafanala, üsap tongeni kapas,  
\q1 pun en ewe mi atolongaei lon ei riaföü.   
\q1
\v 10 Kose mochen kosap chüen ninniei.  
\q1 Üa arap ngeni mäla ren om wichiei.   
\q1
\v 11 Lupwen ka apwüngü eman aramas ren om fönöü pokiten an tipis,  
\q1 ka ataela mettochun meinisin mi aüchea ngeni, usun pwötür ra enala mettoch.  
\q1 Ellet, iteiten aramas ra usun chök eu enienin asepwäl.   
\b  
\q1
\v 12 Ai Samol mi Lapalap, kopwe aüselinga ai iotek,  
\q1 kopwe aü selingom ngeni ai siö.  
\q1 Kosap fanafanala, lupwen üa kechü.  
\q1 Pun ngang üa chök eman wasöla reöm,  
\q1 üa eman chon siamü usun ai kewe lewo meinisin.   
\q1
\v 13 Kopwe nenne seniei pwe üpwe tongeni pwapwa  
\q1 me mwen ai üpwe mäla, nge üsap chüen nom.”   
\c 40  
\s1 Kölün mwareiti Kot fän iten ngasala  
\sr 40.1-17  
\d Ngeni ewe mi emweni chon köl: Echö än Tafit köl.  
\q1
\v 1 Üa likitü le witiwiti än ewe Samol mi Lapalap epwe alisiei.  
\q1 I a aüselingaei o rongorong ai siö.   
\q1
\v 2 A efieitä seni lon ewe pwang mi afeiengau,  
\q1 seni lon ewe pwakak,  
\q1 a anomuei won eu achau o anüküchara pechei  
\q1 pwe üsap mit.   
\q1
\v 3 A aiti ngeniei echö köl mi fö,  
\q1 echö kölün mwareiti ach Kot.  
\q1 Chomong repwe küna ei o niuokus,  
\q1 repwe anomu ar apilükülük won ewe Samol mi Lapalap.   
\b  
\q1
\v 4 A feiöch eman aramas a anomu an apilükülük won ewe Samol mi Lapalap,  
\q1 ätewe esap kul ngeni chon lamalamtekia,  
\q1 ika eti chokewe mi fel ngeni ekewe uluulun anümwäl.   
\q1
\v 5 Ai Samol mi Lapalap ai Kot, ka föri chomong föför mi amwarar me om akot ngenikem,  
\q1 esap wor eman a wewe ngonuk.  
\q1 Are üpwe asilefeiliir o apworausa usur,  
\q1 repwe chomong seni ai üpwe tongeni aleaniir.   
\b  
\q1
\v 6 Kosap mochen ekewe asor me lifang,  
\q1 nge ka ngeniei selingei pwe üpwe rongorong ngonuk.  
\q1 Kosap allük pwe üpwe eäni asoren kek  
\q1 me asoren tipis.   
\q1
\v 7 Mürin üa apasa, “Ngang iei, üa feito.  
\q1 Lon ewe puken allük a mak usi.   
\q1
\v 8 Üa pwapwa le föri letipom, ai Kot,  
\q1 om allük a nom lon lelukei.” \x + \xo 40.8 \xt Ipr 10.5-7\x*   
\q1
\v 9 Üa apworausa ewe pworaus mi mürina usun om amanauakem  
\q1 me lon ewe mwichen noum aramas meinisin.  
\q1 Üsap fokun ükütiu le apworausa usun, ka fen silei, ai Samol mi Lapalap.   
\q1
\v 10 Üsap aopala ewe pworausen om amanauakem.  
\q1 Üa kapas usun om allükülük me om alisikem.  
\q1 Üsap tukumala seni ewe mwichen noum aramas meinisin  
\q1 om tong ellet me om allükülük.   
\b  
\q1
\v 11 Ai Samol mi Lapalap, kosap amwöchü seniei om ümöümöch.  
\q1 Om tong ellet me om allükülük repwe tümwünüei.   
\q1
\v 12 Chomong osukosuk ra pwelifeiliei,  
\q1 esap wor eman a tongeni aleaniir.  
\q1 Ai kewe tipis ra rongeeila pwe üsap chüen künaei,  
\q1 ra kon chomong lap seni meten mökürei,  
\q1 nge lelukei a kisikisila.   
\b  
\q1
\v 13 Ai Samol mi Lapalap, kose mochen kopwe amanauaei.  
\q1 Ai Samol mi Lapalap, kopwe kaito pwe kopwe alisiei.   
\q1
\v 14 Amwo meinisin mi mochen nieila  
\q1 repwe säw o tolong lon fitikoko.  
\q1 Amwo chokewe mi tipeni ai üpwe feiengau  
\q1 repwe kulsefäl o itengau.   
\q1
\v 15 Amwo chokewe mi ämängauaei  
\q1 repwe fokun rükö ren ar kuf.   
\b  
\q1
\v 16 Nge meinisin mi feito reöm  
\q1 repwe meseik o pwapwa.  
\q1 Chokewe mi aücheani om amanaueer repwe apasafochei,  
\q1 “Ewe Samol mi Lapalap a tekia.”   
\q1
\v 17 Nge ngang üa wöüngau o osupwang,  
\q1 nge en ai Samol, ka ekiekiei.  
\q1 En ai chon alilis me ai Chon Amanau.  
\q1 Ai Kot, kosap mang le alisiei.   
\c 41  
\s1 Eu iotekin tüngor chikarsefäl  
\sr 41.1-13  
\d Ngeni ewe mi emweni chon köl: Echö än Tafit köl.  
\q1
\v 1 Ra feiöch chokewe mi ekieki ekewe mi apwangapwang o wöüngau.  
\q1 Ewe Samol mi Lapalap epwe angaserela  
\q1 lon ränin ar riaföü.   
\q1
\v 2 Ewe Samol mi Lapalap epwe tümwünüür o amwöchü manauer,  
\q1 nge ir repwe iteni chokewe mi feiöch me lon ewe fanü.  
\q1 Iwe, esap atolongeer lepöün ekewe chon oputeer.   
\q1
\v 3 Ewe Samol mi Lapalap epwe tümwünüür won ar kiekien samau,  
\q1 nge lupwen ra apwangapwang, epwe apöchöküleer seni ar samau meinisin.   
\b  
\q1
\v 4 Nge ngang üa apasa, “Ai Samol mi Lapalap, kopwe ümöümöch ngeniei o apöchökülaei,  
\q1 pun üa tipis ngonuk.”   
\q1
\v 5 Chon oputaei ra kapas usi lon ar ekingau,  
\q1 “Inet ätei epwe mäla pwe itan epwe mola?”   
\q1
\v 6 Lupwen eman a feito pwe epwe churiei, a chök eäni kapas pön.  
\q1 Nge lon lelukan a ioi ekiekingau usi.  
\q1 Mürin a towu lükün o apworausafetalei.   
\q1
\v 7 Meinisin mi oputaei ra mwöngününgünfengen usi,  
\q1 ra ekiekietä mine a fokun ngau ngeniei.   
\b  
\q1
\v 8 Iwe, ra apasa, “A üri och samaungau,  
\q1 esap chüen tongeni pwätä seni an kiekien samau.”   
\q1
\v 9 Pwal chiechiei mi fokun kan ngeniei, üa pwal fokun lükü,  
\q1 ätewe mi mongö rei,  
\q1 a ü ngeniei. \x + \xo 41.9 \xt Mat 26.23; Mark 14.18; Luk 22.21; Joh 13.18\x*   
\q1
\v 10 Nge en, ai Samol mi Lapalap, kopwe ümöümöch ngeniei o apöchökülaei,  
\q1 pwe üpwe tongeni liwini ngeni ekewe chon oputaei ükükün ar föför.   
\b  
\q1
\v 11 Üa silei pwe en ka pwapwaitiei,  
\q1 pun ekewe chon oputaei resap tongeni akufuei.   
\q1
\v 12 En ka alisiei, pun üa föri mine a pwüng,  
\q1 ka pwal anomuei fän mesom tori feilfeilachök.   
\b  
\q1
\v 13 Oupwe mwareiti ewe Samol mi Lapalap ewe Koten Israel  
\q1 seni lomlom tori feilfeilachök.  
\q1 Amen, Amen. \x + \xo 41.13 \xt Kölf 106.48\x*   
\c 42  
\ms1 ARUUEN PUK  
\s1 Positi Kot  
\sr 42.1-11  
\d Ngeni ewe mi emweni chon köl: Echö än nöün Kora kewe mwän kölün kait.  
\q1
\v 1 Usun eman chia a positi lölön chanpupu,  
\q1 iei usun ngang üa posituk, ai Kot.   
\q1
\v 2 Üa fokun posituk, en ai Kot mi manau.  
\q1 Inet üpwe tongeni feila o nenengeni mesom?   
\q1
\v 3 Chönün mesei a fisitiu pwe enei mongö lerän me lepwin,  
\q1 pun aramas ra aispat ngeniei, “Ifa i om we Kot?”   
\b  
\q1
\v 4 Lelukei a tatakis, lupwen üa chechemeni ekei mettoch:  
\q1 Usun üa eti ewe mwicheichen aramas  
\q1 o emweniir lon och tettel le feila ngeni ewe imwen Kot,  
\q1 eu mwichemongun aramas mi mweireiren pwapwa me kölün kilisou.   
\q1
\v 5 Ngüni, pwota ka letipengau,  
\q1 pwota ka ngüngü me loi?  
\q1 Üpwe apilükülükü Kot,  
\q1 pun üpwe mwareitisefäli i,  
\q1 ai Chon Amanau me ai Kot.   
\b  
\q1
\v 6 Ngüni a letipengau me loi. Iei mine üa chechemenuk  
\q1 seni ewe fanü pekilan ewe chanpupu Jortan,  
\q1 seni ewe chuk Hermon me ewe chuk Misar.   
\q1
\v 7 Eu lenien alolol a kökkörato pwal eu lenien alolol,  
\q1 lupwen om kewe koluk mi putiu ra püngümong.  
\q1 Om kewe no meinisin me om kewe nolapalap ra pwölüeila.   
\q1
\v 8 Lerän ewe Samol mi Lapalap a pwärawu an tong ellet,  
\q1 nge lepwin üa eäni echö an köl,  
\q1 üa iotek ngeni ewe Kot mi ngeniei manau.   
\b  
\q1
\v 9 Üa kapas ngeni Kot ai achau,  
\q1 “Pwota ka manlükieila?  
\q1 Pwota üa chök ngüngüres  
\q1 pokiten ai riaföü ren chon oputaei?”   
\q1
\v 10 Usun chök nge chüi ra kup,  
\q1 lupwen chon ü ngeniei ra ämängauaei ren ar aispat ngeniei,  
\q1 “Ifa i om we Kot?”   
\q1
\v 11 Ngüni, pwota ka letipengau,  
\q1 pwota ka ngüngü me loi?  
\q1 Üpwe apilükülükü Kot,  
\q1 pun üpwe mwareitisefäli i  
\q1 ai Chon Amanau me ai Kot.   
\c 43  
\s1 Iotekin tüngor ngas  
\sr 43.1-5  
\q1
\v 1 Ai Kot, kopwe aletätä ai pwüng  
\q1 o peniei seni ekewe aramas resap aleasochis ngonuk.  
\q1 Kopwe angasaei seni ekewe aramas mi atuputup o pwüngingau.   
\q1
\v 2 Pun en ewe Kot üa eänuk lenien op.  
\q1 Pwota ka pöütieila?  
\q1 Pwota üa chök ngüngüres  
\q1 pokiten ai riaföü ren chon oputaei?   
\b  
\q1
\v 3 Kopwe tinato om saram me om let  
\q1 pwe repwe emweniei,  
\q1 repwe emwenieila ngeni chukum mi pin,  
\q1 pwal ngeni imwom ia ka nom ie.   
\q1
\v 4 Mürin üpwe feila ren om rongen asor,  
\q1 ai Kot en popun ai pwapwa mi fokun lapalap.  
\q1 üpwe kölün mwareituk won ükülele,  
\q1 en ai Kot.   
\b  
\q1
\v 5 Ngüni, pwota ka letipengau,  
\q1 pwota ka ngüngü me loi?  
\q1 Üpwe apilükülükü Kot,  
\q1 pun üpwe mwareitisefäli  
\q1 ai Chon Amanau me ai Kot.   
\c 44  
\s1 Eman mi ngasala me lom, nge iei a nom lon riaföü  
\sr 44.1-26  
\d Ngeni ewe mi emweni chon köl: Echö än nöün Kora kewe mwän kölün kait.  
\q1
\v 1 Ai Kot, äm aia rongorong ren püsin selingem,  
\q1 pun äm kewe lewo ra apworausa ngenikem  
\q1 usun om kewe föför ka föriir lon ränin manauer,  
\q1 lon ekewe fansoun lom.   
\q1
\v 2 Ka püsin asüela chon ekewe mwü,  
\q1 nge ka fotukätiu äm kewe lewo lon ewe fanü.  
\q1 Ka ariaföüü ekewe aramas,  
\q1 nge ka angasa äm kewe lewo.   
\q1
\v 3 Pun resap liapeni ewe fanü ren püsin nöür ketilas,  
\q1 resap pwal win ren püsin ar pöchökül,  
\q1 ngei ren om pöchökül me manaman,  
\q1 pwal ren om nonom rer, pun ka tongeer.   
\b  
\q1
\v 4 En ai king me ai Kot,  
\q1 ka akota pwe noum kewe aramas repwe win.   
\q1
\v 5 Ren om manaman aia akufätiu ekewe chon oputakem.  
\q1 Pokiten itom aia purätiu ekewe chon fiu ngenikem.   
\q1
\v 6 Pun üsap lükü ai likapich,  
\q1 nei ketilas esap pwal tongeni amanauaei.   
\q1
\v 7 Nge en ka amanauakem seni ekewe chon ü ngenikem  
\q1 o akufu chokewe mi oputakem.   
\q1
\v 8 Äm aia chök aingaing womw en äm Kot fansoun meinisin  
\q1 o kilisou ngonuk tori feilfeilachök.   
\b  
\q1
\v 9 Nge iei ka pöütikeemila o föri pwe aipwe kuf,  
\q1 kosap pwal chüen eti äm mwichen sounfiu le feila ngeni maun.   
\q1
\v 10 En ka föri pwe äm aipwe timär me mwen ekewe chon ü ngenikem,  
\q1 nge ekewe chon oputakem ra angei liaper senikem fän pöchökül.   
\q1
\v 11 Ka asechikeemilong lepöür pwe repwe niikem usun sip mi amol ngeni ar repwe ninnila,  
\q1 ka pwal atoropasafeilikem lein chon ekewe mwü.   
\q1
\v 12 Ka amömöla noum kewe aramas ren liwin mi kisikis,  
\q1 nge kosap angei och win ren om amömörela.   
\b  
\q1
\v 13 Ka föri pwe äm aia uren takir me ren chon arüm,  
\q1 ir ra ämängauakem o esitakem.   
\q1
\v 14 Ka föri pwe chon ekewe mwü ra leawenikem lon ar kapasen turunufas,  
\q1 ra elifechefech ren ar ämängauakem.   
\q1
\v 15 Fansoun meinisin üa itengau,  
\q1 üa pwölüla ren ai säw   
\q1
\v 16 pokiten än ekewe chon ämängau me chon turunufas kapas,  
\q1 pwal pokiten än ekewe chon oputaei liwiningau ngeniei.   
\b  
\q1
\v 17 Ekei mettoch meinisin ra fis ngenikem,  
\q1 nge äm aisap manlükukala  
\q1 ika atai om we pwon.   
\q1
\v 18 Äm aisap kul senuk,  
\q1 äm aisap pwal aleasolap ngeni om kewe allük.   
\q1
\v 19 Nge en ka atatakisikem me lon lenien ekewe kolak mi mwacho  
\q1 o pwölükeemila ren rochokichin mäla.   
\b  
\q1
\v 20 Are äm aipwe manlükala iten äm we Kot  
\q1 ika iotek ngeni pwal eman koten ekis,   
\q1
\v 21 ifa usun, Kot esap küna ei föför?  
\q1 Ewer, pun Kot a silei mine a monomon me lon lelukem.   
\q1
\v 22 Nge fansoun meinisin aia küna ninni pokitom,  
\q1 äm aia wewe ngeni sip mi amol ngeni ar repwe ninnila. \x + \xo 44.22 \xt Rom 8.36\x*   
\q1
\v 23 Ai Samol, kopwe pwök! Pwota ka annut?  
\q1 Kopwe nennela! Kosap pöütifochekeemila.   
\q1
\v 24 Pwota ka amona mesom senikem?  
\q1 Kosap manlükala äm riaföü me weires.   
\q1
\v 25 Pun äm aia turula lon pwülümoromor,  
\q1 inisim ra pacheri pwül.   
\q1
\v 26 Kopwe ütä o feito pwe kopwe alisikem.  
\q1 Kopwe angasakem pokiten om tong ellet.   
\c 45  
\s1 Echö köl fän iten apwüpwülüen ewe king  
\sr 45.1-17  
\d Ngeni ewe mi emweni chon köl: Ei köl usun ngingin ewe köl itan Kiop. Echö än nöün Kora kewe mwän kölün kait. Echö kölün tong.  
\q1
\v 1 Lelukei a säsewu ren pworaus mi mürina.  
\q1 Üpwe apasa ekewe wokisin lon ai we köl fän iten ewe king.  
\q1 Chönawei a usun nöün eman soumak pen mi molotä.   
\b  
\q1
\v 2 En ka äteöch seni mwän meinisin,  
\q1 kapasen awom ra pwetete,  
\q1 iei mine Kot a afeiöchuk fansoun meinisin.   
\q1
\v 3 En ewe mi pwora, kopwe rietä noum ketilas won wänükum,  
\q1 ka ling o manaman.   
\b  
\q1
\v 4 Fän om manaman kopwe fetal ngeni win  
\q1 pwe kopwe peni let, tipefesir me pwüng.  
\q1 Ren om pöchökül kopwe föri föför mi amwarar.   
\q1
\v 5 Wokum kewe föün esefich ra ken,  
\q1 ra fotolong lon luken ekewe chon oputom.  
\q1 Chon ekewe mwü ra kuf fomw.   
\b  
\q1
\v 6 Om lenien motun king a usun chök än Kot lenien mot,  
\q1 a nom tori feilfeilachök.  
\q1 Ka nemeni noum kewe aramas fän pwüng.   
\q1
\v 7 Ka efich pwüng, nge ka oput mi ngau.  
\q1 Iei mine Kot, om we Kot a filuketä,  
\q1 a fang ngonuk pwapwa  
\q1 lap seni an fang ngeni chienom kewe. \x + \xo 45.7 \xt Ipr 1.8-9\x*   
\q1
\v 8 Ufom kewe meinisin ra pwokus ren pwonnen lö seni ekewe irä mör, aloes me kasia.  
\q1 Chon ettiki pisekin ettik mi wor saitenir ra apwapwook me lon imwen king mi fout ngeni ngiin äläfant.   
\q1
\v 9 Nöün ekewe king föpwül ra nom lein ekewe fefin mi nom lon imwom,  
\q1 nge ewe kiwiin mi ütä lepelifichum  
\q1 a fout ngeni kolt seni Ofaia.   
\b  
\q1
\v 10 Nei föpwül, kopwe rongorong ai kapas o ekieki usur.  
\q1 Kopwe manlükala aramasom me chon leimwen semom,   
\q1
\v 11 mürin, ewe king epwe fokun sani liöchum.  
\q1 Kopwe tütiu me mwan, pun i om samol.   
\q1
\v 12 Ekewe aramasen Tirus repwe uwato ar lifang ngonuk,  
\q1 ekewe aramas mi fokun pisekisek repwe kütta chenir me reöm.   
\b  
\q1
\v 13 Nöün ewe king föpwül a unusen ling me lon rumwan,  
\q1 üfan kewe ra tür seni terech kolt.   
\q1
\v 14 Ra emwenala i ren ewe king fän üfan mi sokopat önüan,  
\q1 ra pwal emwenala chienan kewe föpwül  
\q1 mi tapwela mürin.   
\q1
\v 15 Ra feito o tolong lon imwen ewe king  
\q1 fän pwapwa o mweireir.   
\b  
\q1
\v 16 Noum kewe mwän repwe akasiwili  
\q1 om kewe lewo lon wisen king.  
\q1 Ka awiseer pwe repwe nemenem won unusen fanüfan.   
\q1
\v 17 Üpwe pwärala om iteföüla seni eu täppin aramas tori pwal eu täppin.  
\q1 Iei mine chon ekewe mwü repwe mwareituk tori feilfeilachök.   
\c 46  
\s1 Kot ach lenien op me ach pöchökül  
\sr 46.1-11  
\d Ngeni ewe mi emweni chon köl: Echö köl än nöün Kora kewe mwän. Ei köl usun ngingin sopran.  
\q1
\v 1 Kot ach lenien op me ach pöchökül,  
\q1 a sip le alilis lon fansoun riaföü.   
\q1
\v 2 Iei mine sisap niuokus are fanüfan epwe wilila,  
\q1 nge chuk kana repwe kokotiu lealololun matau,   
\q1
\v 3 are nonon lematau epwe püng o puropur,  
\q1 nge ekewe chuk repwe chechech ren püngüpüngün.   
\b  
\q1
\v 4 Mi wor eu chanpupu mi awarato pwapwa ngeni ewe telinimwen Kot,  
\q1 ewe leni mi pin än Ewe mi Unusen Tekia.   
\q1
\v 5 Kot a nonom lon ewe telinimw pwe esap fokun tala.  
\q1 Lesosorusich Kot epwe alisi ewe telinimw.   
\q1
\v 6 Chon ekewe mwü ra fokun niuokus, nge mwün ekewe king ra taroporop.  
\q1 Iwe, lupwen Kot a akkapwas, fanüfan a telila.   
\q1
\v 7 Ewe Samol mi Unusen Manaman a etikich,  
\q1 än Jakop we Kot i ach lenien op mi pöchökül.   
\b  
\q1
\v 8 Oupwe feito o nenengeni än ewe Samol mi Lapalap föför,  
\q1 usun an ataela fanüfan.   
\q1
\v 9 A aükätiu maun won unusen fanüfan,  
\q1 a kupi ekewe likapich o pwülü ekewe siles,  
\q1 a fisi ngeni ekkei ekewe wokenin maun.   
\q1
\v 10 A apasa, “Oupwe emwen le maun, oupwe silei pwe ngang echök Kot.  
\q1 Ngang üa tekia seni chon ekewe mwü,  
\q1 ngang üa tekia won fanüfan.”   
\q1
\v 11 Ewe Samol mi Unusen Manaman a etikich,  
\q1 än Jakop we Kot i ach lenien op mi pöchökül.   
\c 47  
\s1 Kot i king won unusen fanüfan  
\sr 47.1-9  
\d Ngeni ewe mi emweni chon köl: Echö köl än nöün Kora kewe mwän.  
\q1
\v 1 Oupwe alopolop ämi chon ekewe mwü meinisin.  
\q1 Oupwe mweireir fän leüömong ren kölün pwapwa.   
\q1
\v 2 Sipwe niuokusiti ewe Samol mi Lapalap, Ewe mi Unusen Tekia,  
\q1 i eman king mi lap a nemeni unusen fanüfan.   
\q1
\v 3 A asapwilätiu chon ekewe mwü fach  
\q1 o atolonga ekewe mwü fän nemeniach.   
\q1
\v 4 A filätä fän itach ewe fanü sa fanüeni,  
\q1 ewe fanü nöün aramas ra aücheani, ir chokewe Kot a tongeer.   
\b  
\q1
\v 5 Kot a feitä ren an lenien motun king fän mweireiren pwapwa,  
\q1 ewe Samol mi Lapalap a feitä  
\q1 fän tikin rappwa.   
\q1
\v 6 Oupwe kölün mwareiti Kot, oupwe kölün mwareiti.  
\q1 Oupwe kölün mwareiti ach king, oupwe kölün mwareiti.   
\q1
\v 7 Pun Kot i kingen unusen fanüfan,  
\q1 oupwe mwareiti i ren echö köl mi pin.   
\b  
\q1
\v 8 Kot a nemeni ekewe mwü,  
\q1 Kot a mot won an lenien motun king mi pin.   
\q1
\v 9 Ekewe samolun ekewe mwü ra mwichefengen,  
\q1 ir ewe mwichen aramas nöün än Apraham we Kot.  
\q1 Pun ekewe kingen fanüfan nöün Kot,  
\q1 i a fokun tekia mwer meinisin.   
\c 48  
\s1 Öchün me lingen Sion  
\sr 48.1-14  
\d Echö köl än nöün Kora kewe mwän.  
\q1
\v 1 Ewe Samol mi Lapalap a tekia, nge aramas meinisin repwe fokun mwareiti i  
\q1 me lon ewe telinimwen ach Kot,  
\q1 me won chukun mi pin.   
\q1
\v 2 Ewe chuk Sion a tekia o fokun lingöch,  
\q1 chon fanüfan meinisin ra pwapwaiti.  
\q1 Lepekin ewe chuk kükü ngeni efeng a nom telinimwen ewe king mi lap. \x + \xo 48.2 \xt Mat 5.35\x*   
\q1
\v 3 Kot a nom lon ekewe imwen king.  
\q1 A pwärätä pwe i ewe lenien op mi pöchökül.   
\b  
\q1
\v 4 Ekewe king ra mwichefengen,  
\q1 ra mwinepöküto le feito pwe repwe maun ngeni ewe telinimw.   
\q1
\v 5 Nge lon ewe otun, lupwen ra küna ewe telinimw, ra weitifengeniir,  
\q1 ra niuokus o süla.   
\q1
\v 6 Ikenan niuokus a toriir, cheuch a cheriir  
\q1 usun eman fefin a tori an cheuchen famw.   
\q1
\v 7 Ka aroserela usun asepwälin ötiu a ataela ekewe sipen Tarsis.   
\q1
\v 8 Usun mine sa rongorong,  
\q1 iei usun sa pwal küna me lon ewe telinimwen ewe Samol mi Unusen Manaman,  
\q1 me lon ewe telinimwen ach Kot.  
\q1 I a anüküchara ewe telinimw tori feilfeilachök.   
\b  
\q1
\v 9 Ai Kot, äm aia ekieki usun om we tong ellet  
\q1 me lon ewe imwenfel.   
\q1
\v 10 Ai Kot, usun aramas won unusen fanüfan ra silei itom,  
\q1 iei usun ra pwal mwareituk.  
\q1 Ka nemenem fän pwüng.   
\q1
\v 11 Ekewe aramasen Sion repwe pwapwa.  
\q1 Ekewe telinimwen Juta repwe mweireir  
\q1 pokiten ka eäni kapwüng fän pwüng.   
\b  
\q1
\v 12 Ämi aramasen Kot, oupwe fetalfeil lon Sion o pwelifeili,  
\q1 oupwe aleani ekewe imw tekia lon.   
\q1
\v 13 Oupwe nenengenöchü tittin mi pöchökül o katolfeil ekewe imwen king,  
\q1 pwe oupwe tongeni apworausa ngeni ekewe pilon aramas repwe feito,   
\q1
\v 14 “Iei i Kot, ach Kot tori feilfeilachök.  
\q1 I epwe emwenikich tori feilfeilachök.”   
\c 49  
\s1 Ach apilükülükü pisekin fanüfan och ekiek umwes  
\sr 49.1-20  
\d Ngeni ewe mi emweni chon köl: Echö köl än nöün Kora kewe mwän.  
\q1
\v 1 Ämi chon ekewe mwü meinisin, oupwe rongorong ekei kapas,  
\q1 oupwe aü selingemi, ämi meinisin mi nom won fanüfan,   
\q1
\v 2 ämi aramas tekia me aramas tekison,  
\q1 ämi aramas pisekisek me aramas wöüngau.   
\q1
\v 3 Üpwe apasätä kapas tipachem,  
\q1 nge ekiekin lelukei epwe awora weweöch.   
\q1
\v 4 Üpwe aü selingei ngeni eu kapasen amirit,  
\q1 üpwe awewei ai asisil,  
\q1 lupwen üa ettiki nei ükülele.   
\b  
\q1
\v 5 Pwota üpwe niuokus lupwen fansoun riaföü,  
\q1 lupwen chon ariaföüüei ra pwelifeiliei?   
\q1
\v 6 Ir ekewe aramas mi apilükülükü wöür  
\q1 o sikäsini pisekir mi somwola.   
\q1
\v 7 Ellet esap wor eman a tongeni isetiu penmanauen pwin  
\q1 ika ngeni Kot liwinin manauan.   
\q1
\v 8 Pun liwinin manauen eman aramas a men mömong.  
\q1 Esap fokun naf an epwe möni manauan,   
\q1
\v 9 pwe epwe tongeni manau tori feilfeilachök,  
\q1 nge esap tolong lon peias.   
\b  
\q1
\v 10 Ewer, aramas ra küna pwe pwal ekewe chon tipachem ra mäla  
\q1 usun chök ekewe mi umwes me tiparoch.  
\q1 Ra likiti wöür ngeni pwal ekoch.   
\q1
\v 11 Ar lenien peias iei imwer tori feilfeilachök,  
\q1 iei lenier repwe nom lon fansoun meinisin.  
\q1 Inamwo ika mi wor püsin fanüer me lom.   
\q1
\v 12 Aramas resap tongeni nonomotiu won fanüfan lon ar wöümong,  
\q1 nge repwe mäla usun chök man.   
\b  
\q1
\v 13 Iei usun mine epwe fis ngeni chokewe mi püsin lükü ir,  
\q1 iei sopolan chokewe mi pwapwaäsini wöür.   
\q1
\v 14 Ra fil pwe repwe ninnila usun chök ekewe sip.  
\q1 Mäla epwe nöür chon mas.  
\q1 Ekewe chon pwüng repwe pwapwa ren ar akufuur lesosor,  
\q1 nge ir repwe pwomachala  
\q1 lon ewe lenien sotup toau seni imwer mi ling.   
\q1
\v 15 Nge Kot epwe angasaeila seni ewe lenien sotup,  
\q1 pun i epwe etiwaei.   
\b  
\q1
\v 16 Kosap weitifengeniik are eman a pisekisekila,  
\q1 are wöün a chök lapalapala,   
\q1
\v 17 pun lupwen epwe mäla, esap uweela och,  
\q1 nge wöün esap tapwela mürin.   
\q1
\v 18 Inamwo are a ekieki pwe a feiöch lupwen an manau,  
\q1 pwal inamwo are aramas ra mwareiti i pokiten an pisekisekila,   
\q1
\v 19 epwe chök eti an kewe lewo le mäla,  
\q1 chokewe resap fokun chüen küna saram.   
\q1
\v 20 Aramas resap tongeni nonomotiu won fanüfan lon ar wöümong,  
\q1 nge repwe mäla usun chök man.   
\c 50  
\s1 Kot ewe soukapwüng  
\sr 50.1-23  
\d Echö än Asaf köl.  
\q1
\v 1 Kot ewe Samol mi Lapalap, Ewe mi Unusen Manaman, a kapas  
\q1 o körifengeni chon fanüfan seni meserän tori apiläng.   
\q1
\v 2 Kot a saramawu seni Sion,  
\q1 ewe telinimw mi unusen ling.   
\b  
\q1
\v 3 Ach Kot a feito, nge esap fanafanala.  
\q1 Ekkei mi kümau a nom mwan,  
\q1 nge eu mölümöl mi watte a pwelifeili ünükün.   
\q1
\v 4 A kökkötä ngeni ekewe läng, a pwal kökkö ngeni fanüfan pwe repwe küna,  
\q1 lupwen epwe apwüngü nöün kewe aramas.   
\q1
\v 5 A apasa, “Oupwe amwichato rei nei kewe mi allükülük,  
\q1 chokewe mi eäni eu pwon ngeniei ren ar eäni eu asor.”   
\q1
\v 6 Ekewe läng ra pwärätä pwe Kot a pwüng,  
\q1 pwe püsin i ewe soukapwüng.   
\b  
\q1
\v 7 “Ämi nei aramas, oupwe rongorong, ngang üpwe kapas.  
\q1 Ämi chon Israel, üpwe ü ngenikemi ren ai pwärätä usumi.  
\q1 Ngang Kot, ämi we Kot.   
\q1
\v 8 Üsap fönökemi pokiten ämi asor  
\q1 me ämi asoren kek oua uwato rei fansoun meinisin.   
\q1
\v 9 Nge üsap osun eman ätemwänin kow seni ämi imwen man,  
\q1 ika eman kuuch seni ämi lenien man.   
\q1
\v 10 Pun iteiten man mi nom lein wöllap nei,  
\q1 pwal ekewe kow mi nom won ekewe engeröü chuk nei.   
\q1
\v 11 Üa silei ekewe machang won ekewe chuk meinisin,  
\q1 nge meinisin mine a mwökütüküt me lon ewe lemäl nei.   
\b  
\q1
\v 12 Ika üpwe echik, üsap ürenikemi,  
\q1 pun fanüfan me masouan meinisin ai.   
\q1
\v 13 Ifa usun, üa ochei fituken ekewe ätemwänin kow,  
\q1 ika ünümi chan ekewe kuuch?   
\q1
\v 14 Ämi kilisou epwe ina ämi asor ngeni Kot.  
\q1 Oupwe apwönüetä ämi kewe pwon oua eäni ngeni Ewe mi Unusen Manaman.   
\q1
\v 15 Oupwe köriei lon ränin ämi riaföü,  
\q1 pun ngang üpwe angasakemi,  
\q1 nge ämi oupwe mwareitiei.”   
\b  
\q1
\v 16 Nge Kot a apasa ngeni ewe aramasangau,  
\q1 “Pwota ka tongeni leaweni ai kewe allük  
\q1 ika kapasen ai we pwon?   
\q1
\v 17 Pun ka oput ai amirituk  
\q1 o pöütala ai kewe kapas.   
\q1
\v 18 Are ka küna eman chon solä, ka chiechi ngeni,  
\q1 ka pwal nom ren ekewe chon lisowu.   
\b  
\q1
\v 19 Ka chök akapasa kapasingau,  
\q1 nge kosap aposa awom seni kapasen atuputup.   
\q1
\v 20 Ka chök tipitipimwäl ngeni pwiüm  
\q1 o aitengaua püsin nöün inom.   
\q1
\v 21 Ekei mettoch en ka föri, nge ngang üa fanafanala.  
\q1 Ka ekieki pwe ngang usun chök en.  
\q1 Nge iei üpwe apwünguk  
\q1 o atipisuk.   
\b  
\q1
\v 22 Oupwe ekieki usun ei, ämi mi manlükieila.  
\q1 Nge are ousap, üpwe arosakemiila,  
\q1 nge esap wor eman epwe amanauakemi.   
\q1
\v 23 Eman mi kilisou ngeniei ina an asor ngeniei.  
\q1 Ren ei a asamoluei,  
\q1 nge eman mi aleasochisiei üpwe fokun amanaua.”   
\c 51  
\s1 Eu iotekin tüngor amusamusen tipis  
\sr 51.1-19  
\r (2.Sam 12.1-15)  
\d Ngeni ewe mi emweni chon köl: Echö än Tafit köl, lupwen ewe soufos Natan a feito ren mürin än Tafit kon ren Patsipa.  
\q1
\v 1 Ai Kot, kopwe kirikiröch ngeniei lon om tong ellet,  
\q1 kopwe amoela ai pupungau  
\q1 lon om ümöümöch mi lapalap.   
\q1
\v 2 Kopwe fokun talü seniei ai föföringau  
\q1 o limetiei seni ai tipis.   
\b  
\q1
\v 3 Pun üa mefi ai pupungau,  
\q1 nge ai tipis a nonom fochofoch fän mesei.   
\q1
\v 4 Üa tipis ngonuk, fokun ngonuk echök,  
\q1 o föri mine a ngau me fän mesom.  
\q1 Iei mine a pwüng om kopwe apwüngüei,  
\q1 esap pwal wor om mwäl, lupwen ka eäni kapwüng. \x + \xo 51.4 \xt Rom 3.4\x*   
\q1
\v 5 Ellet ngang eman chon tipis seni ai uputiu.  
\q1 Ngang üa uren tipis seni ewe fansoun inei a nöünieitiu.   
\b  
\q1
\v 6 Ellet, ka pwapwaäsini letip wenechar.  
\q1 Kopwe aiti ngeniei ewe tipachem mi monomon.   
\q1
\v 7 Kopwe limetiei ren ülün ewe irä isop pwe üpwe limöch,  
\q1 kopwe talü seniei ai tipis pwe üpwe pwech seni snow.   
\q1
\v 8 Kopwe mwüt ngeniei pwe üpwe rongorong mweireiren pwapwa me meseik.  
\q1 Kopwe pwal mwüt ngeniei ai üpwe pwapwa,  
\q1 inamwo ika ka kupi chüi.   
\q1
\v 9 Kosap nenengeni ai kewe tipis, nge kopwe amoela ai föföringau meinisin.   
\q1
\v 10 Ai Kot, kopwe föri loi eu leluk mi limöch  
\q1 o fangelong loi eu ngün mi fö o pos.   
\q1
\v 11 Kosap asüeila seni fän mesom,  
\q1 kosap pwal angei seniei Ngünum mi pin.   
\q1
\v 12 Kopwe aliwinisefäli ngeniei ewe pwapwa mi nom rei, lupwen ka amanauaei,  
\q1 kopwe atufichiei pwe üpwe aleasochis ngonuk.   
\b  
\q1
\v 13 Mürin üpwe aiti ngeni ekewe chon tipis om kewe allük.  
\q1 Iwe, ir repwe kulituk.   
\q1
\v 14 Ai Kot, kopwe angasaeila seni mäla,  
\q1 en Kot ai Chon Amanau.  
\q1 Üpwe pwapwa le köl usun om pwüng.   
\b  
\q1
\v 15 Ai Samol, kopwe amwelieliaei  
\q1 pwe üpwe mwareituk.   
\q1
\v 16 Pun en kosap efich asor, ika ngang üpwe uwato reöm.  
\q1 En kosap pwapwa ren asoren kek.   
\q1
\v 17 Ai Kot, üa asor ngonuk eu letip mi tipetekison,  
\q1 eu leluk mi tipetekison o liamam, en kosap oput.   
\b  
\q1
\v 18 Ai Kot, kopwe kirikiröch ngeni Sion fän pwapwan letipom.  
\q1 Kopwe aüsefälietä tittin Jerusalem.   
\q1
\v 19 Mürin kopwe pwapwa ren ekewe asor mi fis fän pwüng,  
\q1 pwal ren äm kewe asoren kek.  
\q1 Mürin, ekewe ätemwänin kow repwe kekila won om rongen asor.   
\c 52  
\s1 Lomotongauen ach sikäsini föföringau  
\sr 52.1-9  
\r (1.Sam 22.9-10)  
\d Ngeni ewe mi emweni chon köl: Echö än Tafit kölün kait, lupwen Toek ewe re Etom a feila ren Saul o üreni pwe Tafit a feila lon imwen Ahimelek.  
\q1
\v 1 En mwän mi pwora, pwota ka sikäsini om föföringau?  
\q1 Än Kot tong a nom tori feilfeilachök.   
\q1
\v 2 Ka ekiekietä usun om kopwe afeiengaua aramas.  
\q1 Chönawom a usun chök echö räisö mi ken,  
\q1 en eman chon föri angangen atuputup.   
\q1
\v 3 Ka efich mine a ngau lap seni mine a mürina,  
\q1 ka pwal efich kapas chofana lap seni kapas mi let.   
\q1
\v 4 Ka efich om kopwe afeiengaua aramas ren om kapas, en chon atuputup.   
\q1
\v 5 Nge Kot epwe afeiengauok tori feilfeilachök,  
\q1 epwe turufuk o urusukowu seni imwom.  
\q1 Epwe üttukowu seni fanüen chon manau.   
\q1
\v 6 Ekewe chon pwüng repwe küna mine epwe fis ngonuk o niuokus,  
\q1 mürin repwe takiriik o üra,   
\q1
\v 7 “Nengeni, iei i ewe mwän esap mochen eäni Kot apilükülük,  
\q1 nge a apilükülükü wöün mi somwola  
\q1 o pöchökülela lon an föföringau.”   
\b  
\q1
\v 8 Nge ngang üa usun efoch irä olif mi märöch me lon imwen Kot.  
\q1 Üa lükü än Kot tong ellet tori feilfeilachök.   
\q1
\v 9 Ai Kot, üpwe kilisou ngonuk tori feilfeilachök ren mine ka föri.  
\q1 Üpwe asilefeili ngeni noum kewe aramas pwe en ka kirikiröch.  
\q1 Ei üpwe föri me fän meser.   
\c 53  
\s1 Än ekewe aramas umwes me föföringau  
\sr 53.1-6  
\r (Kölf 14)  
\d Ngeni ewe mi emweni chon köl: Ei köl usun ngingin ewe sokun köl mi mang. Echö än Tafit kölün kait.  
\q1
\v 1 Ekewe mi umwes ra ekieki lon leluker, “Esap wor Kot.”  
\q1 Ir ra fokun ngau,  
\q1 ra föri sokun föför mi anioput,  
\q1 esap wor eman a föri mine a pwüng.   
\b  
\q1
\v 2 Kot a nennetiu seni läng won aramas meinisin,  
\q1 pwe epwe küna ika a wor eman mi mirit,  
\q1 ika eman mi kütta Kot.   
\b  
\q1
\v 3 Nge ir meinisin ra tokola,  
\q1 ir meinisin ra ingauepök.  
\q1 Esap wor eman a föri mine a pwüng,  
\q1 esap fokun wor eman. \x + \xo 53.3 \xt Rom 3.10-12\x*   
\q1
\v 4 Ewe Samol mi Lapalap a ais,  
\q1 “Ifa usun, esap wor än ekewe chon föföringau mirit?  
\q1 Ir chokewe mi manau seni mine ra soläni seni nei aramas,  
\q1 nge resap iotek ngeniei.”   
\b  
\q1
\v 5 Mürin a toriir niuokus watte,  
\q1 eu niuokus watte esamwo toriir me mwan.  
\q1 Pun Kot epwe atoropasafeili chün chokewe mi oput nöün aramas.  
\q1 Chon Israel repwe fokun akufuur,  
\q1 pun Kot a fen pöütirela.   
\b  
\q1
\v 6 Amwo eman epwe feito seni Sion  
\q1 o amanaua chon Israel.  
\q1 Ekewe chon Israel repwe fokun pwapwa,  
\q1 lupwen Kot epwe aliwini ngeniir wöür.   
\c 54  
\s1 Eu iotekin tüngor pwe Kot epwe tümwünü nöün aramas seni ekewe chon oputer  
\sr 54.1-7  
\r (1.Sam 23.19; 26.1)  
\d Ngeni ewe mi emweni chon köl: Won pisekin ettik mi wor saitenin. Echö än Tafit kölün kait, lupwen ekewe chon Sif ra feila ren Saul o üreni pwe Tafit a op lefiler.  
\q1
\v 1 Ai Kot, kopwe amanauaei ren manamanen itom,  
\q1 kopwe aletätä ai pwüng ren om pöchökül.   
\q1
\v 2 Ai Kot, kopwe aüselinga ai iotek,  
\q1 kopwe aü selingom ngeni ai kewe kapas.   
\b  
\q1
\v 3 Pun chon lamalamtekia ra ü ngeniei,  
\q1 ekewe chon mwäneson ra mochen nieila.  
\q1 Ir chokewe resap ekieki Kot.   
\b  
\q1
\v 4 Nge Kot ai chon alilis,  
\q1 ewe Samol i chon amwöchü manauei.   
\q1
\v 5 Kot epwe ukun ngeni chon oputaei ar föför mi ngau.  
\q1 Epwe aroserela fän an allükülük.   
\b  
\q1
\v 6 Ngang üpwe eäni eu asor ngonuk seni mochenin letipei.  
\q1 Üpwe kilisou ngonuk, ai Samol mi Lapalap,  
\q1 pun en ka kirikiröch.   
\q1
\v 7 En ka angasaei seni ai riaföü meinisin,  
\q1 nge üa pwapwa, lupwen üa küna pwe chon oputaei ra kuf.   
\c 55  
\s1 Eu iotekin tüngor feiengauen chon atuputup  
\sr 55.1-23  
\d Ngeni ewe mi emweni chon köl: Won pisekin ettik mi wor saitenin. Echö än Tafit kölün kait.  
\q1
\v 1 Ai Kot, kopwe aüselinga ai iotek,  
\q1 kosap asorongorongola seni ai tüngor.   
\q1
\v 2 Kopwe rongorong ngeniei o palüeniei.  
\q1 Ai osukosuk a fokun aweiresiei.   
\q1
\v 3 Üa fokun niuokus ren än chon oputaei eniwaei,  
\q1 pwal ren än ekewe aramasangau ariaföüüei.  
\q1 Ra aweiresiei,  
\q1 nge lon ar song ra fokun oputaei.   
\b  
\q1
\v 4 Lelukei a fokun riaföü, niuokusun mäla a toriei.   
\q1
\v 5 Niuokus me chechech ra feitiu woi,  
\q1 nge niuokus watte a pwölüeila.   
\q1
\v 6 Iwe, üa apasa, “Amwo epwe wor pöükässi usun pöükässin eman lisom.  
\q1 Üpwe ässila o kütta ai lenien asösö.   
\q1
\v 7 Ewer, üpwe ässila toau o nonom lon ewe fanüapö.   
\q1
\v 8 Üpwe müttir le kütta ana ie üpwe op ie  
\q1 seni ewe asepwäl watte me ewe mölümöl.”   
\b  
\q1
\v 9 Ai Samol, kopwe afitikokoi än ekewe aramasangau kapas.  
\q1 Pun üa küna ar föförün mwäneson me ar aninifengen lon ewe telinimw.   
\q1
\v 10 Lerän me lepwin ra pwelifetalei me won tittin ewe telinimw.  
\q1 Pwüngingau me weires ra nonom lon,   
\q1
\v 11 feiengau a nom ekis meinisin,  
\q1 nge angangen ariaföü me atuputup ra chök fifis lon ekewe al.   
\b  
\q1
\v 12 Are eman chon oputaei epwe ämängauaei,  
\q1 üpwe tongeni engila fan.  
\q1 Are eman chon ü ngeniei epwe turunufaseei,  
\q1 üpwe tongeni op seni.   
\q1
\v 13 Nge en, chienei, pwal pwii mi achengicheng,  
\q1 en ätewe mi föri iei usun ngeniei.   
\q1
\v 14 Kich sa pwapwa le akapworausfengen,  
\q1 sa pwal fetalepök ngeni imwen Kot pwe sipwe fel ngeni.   
\q1
\v 15 Amwo mäla epwe müttir tori ekewe chon oputaei,  
\q1 amwo repwe feilmanauetiu lon lenien sotup.  
\q1 Pun ngau a nom lon lenier pwal lon leluker.   
\b  
\q1
\v 16 Nge ngang üa siö ngeni Kot.  
\q1 Iwe, ewe Samol mi Lapalap epwe amanauaei.   
\q1
\v 17 Lekuniol me lesosor pwal leoloas  
\q1 üa apasätä ai kewe weires o ngüngü.  
\q1 Iwe, Kot epwe rongorong mweliei.   
\q1
\v 18 Epwe angasa manauei,  
\q1 pwe üpwe tongeni liwiniti fän kinamwe seni ewe maun üa eäni,  
\q1 inamwo ika chomong aramas ra ü ngeniei.   
\q1
\v 19 Kot ewe mi mot won an lenien motun king seni me lomlom  
\q1 epwe aüselingaei o akufuur,  
\q1 pun resap mochen siwili ar föför,  
\q1 resap pwal niuokusiti Kot.   
\b  
\q1
\v 20 Chienei we me lom a fiu ngeni chiechian  
\q1 o ataela an we pwon.   
\q1
\v 21 An fos a mwotoutou seni pwötö,  
\q1 nge ekiekin maun a nom lon lelukan.  
\q1 An kewe kapas ra pwetete seni lö,  
\q1 nge ra ken usun chök kenin ekewe ketilas.   
\b  
\q1
\v 22 Kopwe monätä won ewe Samol mi Lapalap om weires,  
\q1 pwe i epwe tümwünuk.  
\q1 Esap fokun mwütätä pwe ewe chon pwüng epwe kuf.   
\b  
\q1
\v 23 Nge en, ai Kot, kopwe aturätiu lon ewe lenien sotup ekewe chon nimanauei aramas me ekewe chon atuputup  
\q1 mwen esamwo tori esopun manauer.  
\q1 Nge ngang üpwe anomu ai apilükülük womw.   
\c 56  
\s1 Eu iotek fän apilükülük  
\sr 56.1-13  
\r (1.Sam 21.13-15)  
\d Ngeni ewe mi emweni chon köl: Ei köl usun ngingin ewe köl itan “Ewe lisom won ekewe irä terepin mi toau”. Echö än Tafit köl, lupwen ekewe chon Filistia ra turufi me lon Kat.  
\q1
\v 1 Ai Kot, kopwe ümöümöch ngeniei,  
\q1 pun aramas ra chök tatapweriei.  
\q1 Ekewe chon oputaei ra ariaföüüei fansoun meinisin.   
\q1
\v 2 Chon ü ngeniei ra tapweriei iteiten rän.  
\q1 Chomong ra fiu ngeniei fän ar lamalamtekia.   
\q1
\v 3 Lupwen üa niuokus,  
\q1 üa chök isetä ai apilükülük womw.   
\q1
\v 4 Üa mwareiti än Kot kapas,  
\q1 üa apilükülükü Kot, nge üsap niuokus.  
\q1 Met aramas repwe tongeni föri ngeniei?   
\b  
\q1
\v 5 Chon oputaei ra sorei mine üa apasa fansoun meinisin,  
\q1 ra chök ekiekietä met repwe afeiengauaei ren.   
\q1
\v 6 Ra amwichafengeniir,  
\q1 ra operiei  
\q1 o mamasafetaleei  
\q1 pwe repwe nieila.   
\q1
\v 7 Iei mine kopwe liwini ngeniir ar föföringau.  
\q1 Ai Kot, kopwe akufu ekei aramas fän om lingeringer.   
\b  
\q1
\v 8 En ka küna ai süsüfeil.  
\q1 Kopwe osupwalong chönün mesei lon om rume.  
\q1 Ifa usun, kosap aleaniir?   
\q1
\v 9 Lon ewe rän, lupwen üpwe köruk pwe kopwe alisiei,  
\q1 ekewe chon oputaei repwe kul seniei.  
\q1 Ren ei üa silei pwe Kot a peniei.   
\q1
\v 10 Üa mwareiti än Kot kapas,  
\q1 üa mwareiti än ewe Samol mi Lapalap kapas.   
\q1
\v 11 Üa apilükülükü Kot, nge üsap niuokus.  
\q1 Met aramas repwe tongeni föri ngeniei?   
\b  
\q1
\v 12 Ai Kot, üpwe apwönüetä ai kewe pwon ngonuk.  
\q1 Üpwe eäni asoren kilisou ngonuk,   
\q1
\v 13 pun ka angasa manauei seni mäla.  
\q1 Ewer, ka amwöchü pechei pwe üsap mit,  
\q1 pwe üpwe fetal fän mesen Kot lon ewe saram mi atoto manau.   
\c 57  
\s1 Eu iotekin tüngor alilis  
\sr 57.1-11  
\r (1.Sam 22.1; 24.3)  
\d Ngeni ewe mi emweni chon köl: Ei köl usun ngingin ewe köl itan “Kosap ataela”. Echö än Tafit köl, lupwen a sü seni Saul o sülong lon ewe föimw.  
\q1
\v 1 Kopwe ümöümöch ngeniei, ai Kot, kopwe ümöümöch ngeniei,  
\q1 pun üa eänuk lenien op.  
\q1 Üa op fän nürün poum,  
\q1 tori ewe mölümölün feiengau a feil seniei.   
\q1
\v 2 Üa siö ngeni Kot, Ewe mi Unusen Tekia,  
\q1 ewe Kot mi alisiei lon mettoch meinisin.   
\q1
\v 3 I epwe tinato an alilis seni läng o amanauaei,  
\q1 i epwe akufu chokewe mi chök tatapweriei.  
\q1 Kot epwe tinato an we tong ellet me an allükülük ngeniei.   
\b  
\q1
\v 4 Chon oputaei mi wewe ngeni laion mi mwäräräiti le ochei aramas ra pwelifeiliei,  
\q1 ngir ra usun chök siles me föün esefich,  
\q1 nge chönawer ra usun chök ketilas mi ken.   
\b  
\q1
\v 5 Ai Kot, kopwe pwäri om tekia asen ekewe läng.  
\q1 Om ling epwe pwä won unusen fanüfan.   
\b  
\q1
\v 6 Chon oputaei ra anomu eu sär fän itei.  
\q1 Ai osukosuk a chouitiei.  
\q1 Ra tuw eu pwang lon alei,  
\q1 nge ra püsin turulong lon.   
\b  
\q1
\v 7 Üa apilükülükuk, ai Kot, üa apilükülükuk,  
\q1 üpwe köl o mwareituk.   
\q1
\v 8 Ngüni, kopwe pwök,  
\q1 ekewe kitar me ükülele repwe pwök.  
\q1 Üpwe apwökü mallen rän.   
\q1
\v 9 Ai Samol, üpwe kilisou ngonuk me lein ekewe mwichen aramas,  
\q1 üpwe kölün mwareituk me lein chon ekewe mwü.   
\q1
\v 10 Pun om tong ellet a tekia seni ekewe läng,  
\q1 om allükülük a tori ekewe kuchu.   
\b  
\q1
\v 11 Ai Kot, kopwe pwäri om tekia asen ekewe läng.  
\q1 Om ling epwe pwäla won unusen fanüfan.   
\c 58  
\s1 Eu iotek pwe Kot epwe apwüngü ekewe aramasangau  
\sr 58.1-11  
\d Ngeni ewe mi emweni chon köl: Ei köl usun ngingin ewe köl itan “Kosap ataela”. Echö än Tafit köl.  
\q1
\v 1 Ämi sounemenem, ifa usun, oua wesewesen apwüngala mine a pwüng?  
\q1 Ifa usun, oua apwüngü ekewe aramas fän wenechar?   
\q1
\v 2 Apwi, oua chök ekiekietä mine a ngau lon lelukemi,  
\q1 nge pöümi ra föri föförün mwäneson won fanüfan.   
\q1
\v 3 Ekewe aramasangau ra tokola lon unusen manauer,  
\q1 ra chök kapas chofana seni ewe fansoun ra uputiu.   
\q1
\v 4 Ra urela ren poison usun chök ekewe serepenit mi poison.  
\q1 Ra pineela selinger usun eman serepenit a pineela selingan,   
\q1
\v 5 pwe esap tongeni rongorong ngingin ätewe mi afesira serepenit,  
\q1 ika än eman sourong förüör.   
\b  
\q1
\v 6 Ai Kot, kopwe kupi ngir, kopwe tülü ngin ekewe laion mi langatam.   
\q1
\v 7 Amwo repwe morola usun koluk mi pula,  
\q1 repwe pachachala usun fetil aramas ra purätiu.   
\q1
\v 8 Amwo repwe wewe ngeni eföü pweechar, a telila o wiliti mongomong,  
\q1 repwe wewe ngeni eman mönükol esap küna saram, pun a uputiu, nge esap manau.   
\q1
\v 9 Mwen ämi kewe nape ra mefi pwichikaren ewe ekkei seni iräfölüföl,  
\q1 ese lifilifil ika ir irä mi manau ika mi pwas.  
\q1 Kot epwe ässala ekewe aramasangau ren eu ewiniär.   
\b  
\q1
\v 10 Ekewe chon pwüng repwe pwapwa, lupwen repwe küna pwe Kot a apwüngü ekewe chon tipis,  
\q1 repwe talü pecher lon chan ekewe aramasangau.   
\q1
\v 11 Iwe, aramas repwe apasa, “Ellet, ekewe chon pwüng ra angei liwinir.  
\q1 Ellet, mi wor eman Kot mi eäni kapwüng won fanüfan.”   
\c 59  
\s1 Eu iotekin tüngor ngasala seni chon oput  
\sr 59.1-17  
\r (1.Sam 19.11)  
\d Ngeni ewe mi emweni chon köl: Ei köl usun ngingin ewe köl itan “Kosap ataela”. Echö än Tafit köl, lupwen Saul a tinala ekoch mwän pwe repwe operi imwan, pwe repwe niela.  
\q1
\v 1 Ai Kot, kopwe angasaeila seni ekewe chon oputaei,  
\q1 kopwe tümwünüei seni chokewe mi ü ngeniei,   
\q1
\v 2 kopwe angasaeila seni ekewe chon föföringau  
\q1 o amanauaei seni ekewe aramas mi chök mochen nimanauei aramas.   
\b  
\q1
\v 3 Nengeni, ra operiei pwe repwe nieila,  
\q1 aramas mi fokun ngau ra mwichfengen o ü ngeniei.  
\q1 Ei a fis ngeniei sap pokiten ai pupungau ika tipis, ai Samol mi Lapalap.   
\q1
\v 4 Üsap föri och mi mwäl,  
\q1 nge ra chök amoleretä pwe repwe fiu ngeniei.  
\q1 Kopwe ütä o alisiei, kopwe nenengeni ai osukosuk.   
\q1
\v 5 En Samol mi Unusen Manaman, en Koten Israel,  
\q1 kopwe pwätä pwe kopwe apwüngü chon ekewe mwü meinisin.  
\q1 Kosap eäni ümöümöch ngeni chokewe mi rawangauei aramas.   
\b  
\q1
\v 6 Iteiten lekuniol ra liwinito,  
\q1 ra wörüwör usun ekewe kolak, lupwen ra aniffetal lon ewe telinimw.   
\q1
\v 7 Kapasen turunufas me kapasen eniweniw ra towu seni awer,  
\q1 chönawer ra usun chök ketilas,  
\q1 nge ra ekieki pwe esap wor eman a rongorong ar kapas.   
\b  
\q1
\v 8 Nge en, ai Samol mi Lapalap, ka takiriir,  
\q1 ka ämängaua chon ekewe mwü meinisin.   
\q1
\v 9 En ai pöchökül, üa osukusukuk,  
\q1 pun en ai Kot imwei imwen maun.   
\q1
\v 10 Ai Kot epwe feito rei fän an tong ellet,  
\q1 ai Kot epwe föri pwe üpwe nenengeni än chon oputaei kuf.   
\b  
\q1
\v 11 Kosap nirela, pwe nei aramas resap manlükala mine ka föri ngeniir.  
\q1 Kopwe atoropaseer ren om manaman o akufuur.  
\q1 Ai Samol, en ka epeti senikem feiengau.   
\q1
\v 12 Pokiten kapasen awer ra chök tipis, repwe tup lon ar lamalamtekia.  
\q1 Pokiten ar ottek me chofana,   
\q1
\v 13 kopwe aroserela lon om lingeringer,  
\q1 kopwe aroserela tori resap chüen nom.  
\q1 Mürin, aramas meinisin repwe silei pwe Kot a nemenem lon Israel,  
\q1 pwal tori unusen fanüfan.   
\b  
\q1
\v 14 Iteiten lekuniol chon oputaei ra liwinto,  
\q1 ra wörüwör usun ekewe kolak, lupwen ra aniffetal lon ewe telinimw.   
\q1
\v 15 Ra küttafetal ener mongö  
\q1 o ngüngü, lupwen resap möt.   
\b  
\q1
\v 16 Nge ngang üpwe köl usun om manaman.  
\q1 Iteiten lesosor üpwe köl fän leüömong usun om tong ellet.  
\q1 Pun en ka wewe ngeni eu imwen maun me rei,  
\q1 pwal eu lenien op lon ränin ai riaföü.   
\q1
\v 17 En ai pöchökül, üpwe kölün mwareituk,  
\q1 pun en ai Kot imwei imwen maun.  
\q1 En ewe Kot mi tongeei.   
\c 60  
\s1 Eu iotekin tüngor alilis pokiten chon oput  
\sr 60.1-12  
\r (2.Sam 8.13; 1.Kron 18.12)  
\d Ngeni ewe mi emweni chon köl: Ei köl usun ngingin ewe köl itan “Kiopun pwärätä”. Echö än Tafit köl fän iten kait ngeni aramas, lupwen a maun ngeni chon Aram seni Naharaim me Sopa, pwal lupwen Joap a liwinsefäl o niela engol me ruungeröü chon Etom me lon ewe Lemolun Salt.  
\q1
\v 1 Ai Kot, ka pöütikeemila o akufukem,  
\q1 ka pwal song ngenikem.  
\q1 Kose mochen kopwe apöchökülasefälikem.   
\q1
\v 2 Ka achecha ewe fanü, ka pwal asangafeseni.  
\q1 Kopwe aöchüsefäli mine a ta, pun ewe fanü a mökküfesen.   
\q1
\v 3 Ka ariaföüü noum aramas ren riaföü mi chou,  
\q1 ka aünü ngenikem wain pwe äm aia taroporopfetal ren.   
\b  
\q1
\v 4 Ka aürätä efoch filäik fän iten chokewe mi meninituk,  
\q1 pwe repwe chufengen fan o sü seni ekewe föün esefich.   
\q1
\v 5 Kopwe awinakem ren om manaman o pälüeni äm iotek,  
\q1 pwe noum kewe ka echeniir repwe ngasala.   
\b  
\q1
\v 6 Kot a kapas seni lon imwan mi pin,  
\q1 “Lon ai meseik üpwe ineti Sikem  
\q1 o aineti ewe lemolun Sukot ngeni nei aramas.   
\q1
\v 7 Kiliat fanüei, Manasa pwal fanüei,  
\q1 Efraim imwei akkaw, Juta woki wokun king.   
\q1
\v 8 Moap sepiei sepien tötöl,  
\q1 üpwe moneela ipwei sus won Etom,  
\q1 asisilan pwe fanüei,  
\q1 nge won ewe fanü Filistia üpwe arükak fän ai win.”   
\b  
\q1
\v 9 Iö epwe emwenieilong lon ewe telinimw mi pöchökül tittin?  
\q1 Iö epwe emweniei ngeni Etom?   
\q1
\v 10 Ai Kot, ifa usun, ka wesewesen pöütikeemila?  
\q1 Ifa usun, kosap chüen eti äm mwichen sounfiu le feila maun?   
\q1
\v 11 Kopwe alisikem pwe aipwe tongeni maun ngeni ekewe chon oputakem,  
\q1 pun än aramas alilis a lomotongau.   
\q1
\v 12 Are Kot a etikich, kich sipwe win,  
\q1 i epwe akufu chon oputakich.   
\c 61  
\s1 Apilükülük ren än Kot tümwün  
\sr 61.1-8  
\d Ngeni ewe mi emweni chon köl: Won pisekin ettik mi wor saitenin. Echö än Tafit köl.  
\q1
\v 1 Ai Kot, kopwe rongorong ai siö,  
\q1 kopwe aüselinga ai iotek.   
\q1
\v 2 Üa kökköruk seni lesopun fanüfan,  
\q1 lupwen üa apilükingau.  
\q1 Kopwe emweniei ngeni ewe achau mi tekia seniei.   
\q1
\v 3 Pun en ai lenien op,  
\q1 ka tümwünüöchüei seni ekewe chon oputaei.   
\b  
\q1
\v 4 Kopwe mwüt ngeniei pwe üpwe nom lon imwom mi pin lon unusen manauei,  
\q1 pwe üpwe kinamwe le op fän poum.   
\q1
\v 5 Pun en ai Kot, ka rongorong ai kewe pwon,  
\q1 ka ngeniei wisen chokewe mi meninituk.   
\b  
\q1
\v 6 Kopwe alangatamala ränin manauen ewe king.  
\q1 Amwo ierin manauan repwe tori ekewe täppin aramas meinisin.   
\q1
\v 7 Amwo epwe nemenem fän mesom tori feilfeilachök.  
\q1 Ai Kot, kopwe tümwünü ewe king ren om tong ellet me om allükülük.   
\q1
\v 8 Mürin üpwe kölün mwareiti itom fansoun meinisin,  
\q1 lupwen üa apwönüetä ai kewe pwon iteiten rän.   
\c 62  
\s1 Kot echök ach lenien op  
\sr 62.1-12  
\d Ngeni ewe mi emweni chon köl: Ei köl usun ngingin förien Jetutun köl. Echö än Tafit köl.  
\q1
\v 1 Üa likitü le witiwiti Kot pwe epwe amanauaei,  
\q1 üa anomu ai apilükülük won i chök.   
\q1
\v 2 I chök a tümwünüei o amanauaei,  
\q1 i a peniei pwe üsap fokun kuf.   
\b  
\q1
\v 3 Ifa ükükün fansoun ämi meinisin oupwe fiu ngeni eman chök aramas,  
\q1 pwe oupwe aturala usun eu oror mi söön ika eu tit mi päpäifetal.   
\q1
\v 4 Oua chök ekiekin asapwilätiu i seni wisan mi tekia,  
\q1 oua pwapwaäsini kapas chofana.  
\q1 Oua eäni kapasen afeiöch,  
\q1 nge oua otteki me lon lelukemi.   
\b  
\q1
\v 5 Üa likitü le witiwiti Kot echök,  
\q1 pun üa anomu ai apilükülük won.   
\q1
\v 6 I chök a tümwünüei o amanauaei,  
\q1 i a peniei pwe üsap fokun kuf.   
\q1
\v 7 Ai küna manau me ai ling ra longolong won Kot.  
\q1 Kot ai achau mi pöchökül  
\q1 me ai lenien op.   
\b  
\q1
\v 8 Ämi aramas, oupwe lükü Kot fansoun meinisin.  
\q1 Oupwe pwäri ngeni ämi weires meinisin,  
\q1 pun i ach lenien op.   
\b  
\q1
\v 9 Aramas tekison ra usun chök enienin asepwäl,  
\q1 nge aramas tekia ra usun chök och minen chofana.  
\q1 Are ra kilo, esap wor chour,  
\q1 ra pän seni enienin asepwäl.   
\q1
\v 10 Ousap anomu ämi apilükülük won pisek oua angemwäli fän pöchökül,  
\q1 ousap pwal eäni apilükülük pisek oua soläni.  
\q1 Inamwo ika oua pisekisekila, ousap apilükülükü.   
\b  
\q1
\v 11 Eu mettoch Kot a kapas usun. Ruu mettoch üa rongorong usun,  
\q1 pwe en Kot echök ka manaman.   
\q1
\v 12 Pwal en chök, ai Samol, ka eäni tong ellet.  
\q1 Ellet ka liwini ngeni aramas ükükün ar föför. \x + \xo 62.12 \xt Hiop 34.11; Jer 17.10; Mat 16.27; Rom 2.6; Pwär 2.23\x*   
\c 63  
\s1 Kot a amenemenöchü manauen aramas  
\sr 63.1-11  
\r (1.Sam 23.14)  
\d Echö än Tafit köl, lupwen a nom lon ewe fanüapön Juta.  
\q1
\v 1 Ai Kot, en ai Kot üa tiliken le küttok.  
\q1 Inisi a apwangapwangala ren ai posituk,  
\q1 nge ngüni a kakaituk usun eu fanü mi pwasapwas o pön,  
\q1 esap wor koluk lon.   
\q1
\v 2 Üa mochen künok lon imwom mi pin  
\q1 pwe üpwe nengeni om manaman me om ling.   
\q1
\v 3 Pun om tong ellet a mürina seni manau,  
\q1 ngang üpwe mwareituk.   
\q1
\v 4 Iwe, üpwe kilisou ngonuk lon ränin manauei meinisin.  
\q1 Üpwe aitietä pei lon ai iotek ngonuk.   
\b  
\q1
\v 5 Ngüni a mötüla usun üa mötüla ren mongö mi annö.  
\q1 Üpwe mwareituk fän pwapwa,   
\q1
\v 6 üa chechemenuk, lupwen üa kon won ai peet  
\q1 o ekieki usum lepwin.   
\q1
\v 7 Pun en ai soualilis,  
\q1 üa köl fän pwapwa me fän nürün poum.   
\q1
\v 8 Üa fitipacheituk,  
\q1 pöüifichum a amwöchüeitä.   
\b  
\q1
\v 9 Nge chokewe mi mochen nieila  
\q1 repwe feitiu epin fanüfan,   
\q1
\v 10 repwe mäla lon maun,  
\q1 nge kolak mi mwacho repwe ochei fituker.   
\q1
\v 11 Nge ewe king epwe meseik ren Kot.  
\q1 Meinisin mi eäni iten Kot le pwon fän akapel repwe mwänek,  
\q1 nge awen ekewe chon chofana repwe pinela.   
\c 64  
\s1 Eu iotekin tüngor pwe Kot epwe angasala seni ekewe chon oputa  
\sr 64.1-10  
\d Ngeni ewe mi emweni chon köl: Echö än Tafit köl.  
\q1
\v 1 Ai Kot, kopwe aüselingaei, lupwen üa pwäri ngonuk ai osukosuk.  
\q1 Kopwe tümwünü manauei, pun üa niuokus ren chon oputaei,   
\q1
\v 2 kopwe aopaeila seni än ekewe aramasangau rawangauaei,  
\q1 seni ewe mwichen chon föföringau mi akürang.   
\q1
\v 3 Ra seimi chönawer pwe ra ken usun chök ketilas,  
\q1 ra awena ar kapas mi ngau usun chök föün esefich,   
\q1
\v 4 pwe repwe pekki ätewe esap wor an tipis seni ar lenien op,  
\q1 ra müttir pekki i, nge resap niuokus.   
\q1
\v 5 Ra apöchökülafengeniir lon ar ekiek mi ngau,  
\q1 ra kapas usun ar repwe föri ekewe sär lemonomon o apasa,  
\q1 “Esap wor eman a tongeni künakich?”   
\q1
\v 6 Ra rawangau won mine a pwüngingau o apasa,  
\q1 “Sa ekiekietä eu akot mi unusöch.”  
\q1 Ellet ekiek me leluken aramas ra men atuputup.   
\b  
\q1
\v 7 Nge Kot epwe esefichi ngeniir wokun föün esefich  
\q1 pwe repwe müttir kinas.   
\q1
\v 8 Epwe atoto wor feiengau pokiten kapasen awer,  
\q1 nge meinisin mi küneer repwe nünüti mökürer.   
\q1
\v 9 Mürin, aramas meinisin repwe niuokus.  
\q1 Repwe ekieki mine Kot a föri  
\q1 o apworausa usun.   
\b  
\q1
\v 10 Ekewe chon pwüng repwe pwapwa  
\q1 ren mine ewe Samol mi Lapalap a föri,  
\q1 repwe pwal op ren.  
\q1 Nge ekewe mi wenechar leluker repwe mwareiti.   
\c 65  
\s1 Kölün mwareiti Kot ren eu räs mi watte  
\sr 65.1-13  
\d Ngeni ewe mi emweni chon köl: Echö än Tafit köl.  
\q1
\v 1 Ai Kot, a fich ngonuk pwe aramas repwe mwareituk lon Sion,  
\q1 repwe pwal apwönüetä ar pwon ngonuk,   
\q1
\v 2 pun en ka aüselinga iotek.  
\q1 Aramas meinisin repwe feito reöm   
\q1
\v 3 pokiten ar tipis.  
\q1 Lupwen äm pupungau ra chouitikem,  
\q1 en ka amuseer senikem.   
\q1
\v 4 Feiöchün chokewe ka filiretä  
\q1 o emwenireto pwe repwe nom lon leniom mi pin.  
\q1 Äm aipwe üren feiöch ren ekewe mettoch mi mürina  
\q1 me lon imwom we mi pin.   
\b  
\q1
\v 5 Ai Kot äm Chon Amanau, ka pälüenikem fän pwüng  
\q1 ren föför mi amwarar.  
\q1 En ewe chon fanüfan meinisin  
\q1 pwal chon ekewe fanü toau mi nom lematau  
\q1 ra eänuk apilükülük.   
\q1
\v 6 Ren om pöchökül ka anüküchara ekewe chuk,  
\q1 pun ka pwärala om manaman.   
\q1
\v 7 Ka aükätiu ötötün ekewe matau,  
\q1 pwal püngüpüngün ekewe no  
\q1 me akürangen chon ekewe mwü,   
\q1
\v 8 pwe chokewe mi nonom lesopun fanüfan repwe niuokus  
\q1 ren om kewe manaman.  
\q1 Ka föri pwe chon ekewe fanüen ötiu tori chon ekewe fanüen lotou  
\q1 ra mweireir fän pwapwa ren om kewe föför.   
\b  
\q1
\v 9 Ka tümwünü fanüfan o achöchönü,  
\q1 ka föri pwe a pwülüöch o fanüeräs.  
\q1 Ka aurala ekewe chanpupu ren koluk.  
\q1 Ka ngeni chon fanüfan ener mongö.  
\q1 Iei usun mine ka föri ngeni fanüfan:   
\q1
\v 10 Ka fokun achöchönü ekewe warawar lon ekewe tanipi,  
\q1 ka asosonöchü o apwetetei ewe pwül ren üt  
\q1 o afeiöchü mine a märitä.   
\q1
\v 11 Ka awora iteiten ier räs mi fokun somwola.  
\q1 Ekis meinisin ia ka fetal ie a wor räsimong.   
\q1
\v 12 Ekewe mälämäl lon fanüapö a märitä chomong fetil wor,  
\q1 nge ekewe chuk ra pwölüla ren pwapwa.   
\q1
\v 13 Ekewe maasies ra ur ren pwiin sip,  
\q1 nge ekewe lemol ra ur ren wiich.  
\q1 Aramas meinisin ra mweireir o kölfengen fän pwapwa.   
\c 66  
\s1 Kölün mwareiti Kot ren an kewe föför mi manaman  
\sr 66.1-20  
\d Ngeni ewe mi emweni chon köl: Echö köl.  
\q1
\v 1 Oupwe mweireir fän pwapwa ngeni Kot,  
\q1 ämi chon fanüfan meinisin,   
\q1
\v 2 oupwe kölü lingen itan  
\q1 o fokun mwareiti i.   
\q1
\v 3 Oupwe apasa ngeni Kot, “Om kewe föför ra fokun amwarar.  
\q1 Om kewe manaman ra kon lapalap,  
\q1 pwe chon oputok ra chapetiu me mwom fän niuokus.   
\q1
\v 4 Chon fanüfan meinisin ra fel ngonuk,  
\q1 ra kölün mwareituk,  
\q1 ra kölün mwareiti itom.”   
\b  
\q1
\v 5 Oupwe feito o nenengeni mine Kot a föri.  
\q1 An kewe föför me lein aramas ra fokun amwarar.   
\q1
\v 6 A awili matau ngeni fanüpwas.  
\q1 Äm kewe lewo ra fetal lon ewe chanpupu won pecher.  
\q1 Ikenan äm aia pwapwa ren mine Kot a föri. \x + \xo 66.6 \xt Eks 14.21; Jos 3.14-17\x*   
\q1
\v 7 A nemenem ren an manaman tori feilfeilachök,  
\q1 mesan ra mamasa ekewe mwü.  
\q1 Ekewe aramas mi ü ngeni Kot resap tongeni atekiaretä.   
\b  
\q1
\v 8 Ämi chon ekewe mwü, oupwe mwareiti ach we Kot.  
\q1 Aramas repwe rong ngingin ämi mwareiti i.   
\q1
\v 9 I a amwöchü manauach,  
\q1 nge esap mwüt ngenikich pwe sipwe turula.   
\b  
\q1
\v 10 Pun en äm Kot, ka sotunikem,  
\q1 ka limetikem  
\q1 usun aramas ra limeti silifer.   
\q1
\v 11 Ka atolongakem lon fötek.  
\q1 Ka anomu won sökürüm och wosochou,   
\q1
\v 12 ka mwüt ngeni aramas pwe repwe purikem.  
\q1 Äm aia pwerelong lon ekkei me koluk,  
\q1 nge en ka emwenikeemiwu o atolongakem lon eu leni mi mürina.   
\b  
\q1
\v 13 Üpwe feila lon imwom fän asoren kek  
\q1 o apwönüetä ai kewe pwon ngonuk.   
\q1
\v 14 Üpwe uwato reöm mine üa pwon ngonuk,  
\q1 lupwen üa nom lon weires.   
\q1
\v 15 Üpwe eäni asoren kek ngonuk seni man mi öümanau.  
\q1 Üpwe eäni asor ätemwänin sip,  
\q1 pwal ätemwänin kow me kuuch,  
\q1 pwe ötüötün ekewe asor epwe ötütä.   
\b  
\q1
\v 16 Oupwe feito o rongorong, ämi meinisin mi asamolu Kot,  
\q1 üpwe apworausa ngenikemi mine Kot a föri fän itei.   
\q1
\v 17 Üa siö ngeni fän leüömong,  
\q1 üa kölün mwareiti i.   
\q1
\v 18 Are üa ekiekietä och föför mi ngau lon lelukei,  
\q1 ewe Samol esap aüselingaei.   
\q1
\v 19 Nge Kot a fokun aüselingaei,  
\q1 a aü selingan ngeni ai iotek.   
\b  
\q1
\v 20 Üpwe mwareiti Kot,  
\q1 pun i esap oput ai iotek,  
\q1 esap pwal amwöchü seniei an we tong ellet.   
\c 67  
\s1 Echö kölün mwareiti Kot  
\sr 67.1-7  
\d Ngeni ewe mi emweni chon köl: Ren pisekin ettik mi wor saitenin. Echö köl.  
\q1
\v 1 Ai Kot, kopwe ümöümöch ngenikem o afeiöchükem,  
\q1 kopwe netiu wom fän om kirikiröch,   
\q1
\v 2 pwe aramas won fanüfan repwe silei letipom,  
\q1 nge chon ekewe mwü meinisin repwe silei om we angangen amanaua aramas.   
\q1
\v 3 Chon ekewe mwü repwe mwareituk, ai Kot,  
\q1 chon ekewe mwü meinisin repwe mwareituk.   
\b  
\q1
\v 4 Chon ekewe mwü repwe pwapwa o köl fän ar pwapwa,  
\q1 pun en ka apwüngü chon fanüfan fän pwüng,  
\q1 ka pwal emweni chon ekewe mwü won fanüfan.   
\q1
\v 5 Chon ekewe mwü repwe mwareituk, ai Kot,  
\q1 chon ekewe mwü repwe mwareituk.   
\b  
\q1
\v 6 Fanüfan a awora räs,  
\q1 Kot ach Kot a afeiöchükich.   
\q1
\v 7 Kot a afeiöchükich.  
\q1 Chon fanüfan meinisin repwe asamolu i.   
\c 68  
\s1 Ewe Koten Sinai me an we mwichefel  
\sr 68.1-35  
\d Ngeni ewe mi emweni chon köl: Echö än Tafit köl.  
\q1
\v 1 Kot epwe ütä o atoropasafeili chon oputan,  
\q1 chokewe mi oputa i repwe sü me mwan.   
\q1
\v 2 Usun asepwäl a ässala ötüötün ekkei, iei usun epwe ässirela.  
\q1 Usun kiris a telila ren ekkei,  
\q1 iei usun ekewe aramasangau repwe rosola me fän mesen Kot.   
\q1
\v 3 Nge ekewe chon pwüng repwe uren pwapwa, repwe mwänek me fän mesen Kot,  
\q1 repwe mweireir fän pwapwa.   
\b  
\q1
\v 4 Oupwe köl ngeni Kot, oupwe kölün mwareiti itan.  
\q1 Oupwe chietä echö köl ngeni ewe mi wawa ekewe kuchu,  
\q1 itan ewe Samol mi Lapalap. Oupwe mwänek me fän mesan.   
\b  
\q1
\v 5 Kot ewe mi nom lon imwan mi pin,  
\q1 i semen ekewe mi mäsen me chon tümwünün ekewe fefin mi mä pwülüer.   
\q1
\v 6 Kot a ngeni ekewe mi akaleman ar famili,  
\q1 a emwenawu ekewe chon fötek pwe repwe ngasala fän pwapwa,  
\q1 nge ekewe chon ü ngeni Kot repwe nom lon eu fanü mi pwasapwas o pwichikar.   
\b  
\q1
\v 7 Ai Kot, lupwen ka akom mwen noum aramas,  
\q1 lupwen ka pwerela lon ewe fanüapö,   
\q1
\v 8 fanüfan a chechech, ekewe läng ra apüngätiu üt me fän mesen Kot.  
\q1 Ewe chuk Sinai a chechech me fän mesen Kot,  
\q1 ewe Koten Israel. \x + \xo 68.8 \xt Eks 19.18\x*   
\q1
\v 9 Ai Kot, ka apüngätiu ütomong ekis meinisin.  
\q1 Ka amürinala fanüom, lupwen a pwasala.   
\q1
\v 10 Noum kewe aramas ra küna lenier me lon.  
\q1 Lon om kirikiröch, ai Kot, ka tümwünü ekewe chon wöüngau.   
\b  
\q1
\v 11 Ewe Samol a atowu ewe kapas.  
\q1 A fokun lapalap ewe mwichen fefin mi arongafeili ewe pworausen win,   
\q1
\v 12 “Ekewe king me nöür kewe mwichen sounfiu ra süla.”  
\q1 Ekewe fefin mi nom leimw ra inetifengeni mine ekewe sounfiu ra liapeni lon maun.   
\q1
\v 13 Uluulun lisom, pöükässir ra pwölüpwöl ngeni silifer,  
\q1 nge ülöüler ra molupolup ren kolt mi mürina.  
\q1 Pwota ekoch me leimi ra chök nonom lefilen ekewe lenien sip?   
\q1
\v 14 Lupwen Ewe mi Unusen Manaman a atoropasafeili ekewe king won ewe fanü,  
\q1 snow a püngütiu won ewe chuk Salmon.   
\b  
\q1
\v 15 Ewe chuk Pasan eu chuk mi tekia.  
\q1 Eu chuk mi wor chomong chukun.   
\q1
\v 16 En chuk mi chukuchukutä, pwota ka nennetiu fän lolowo  
\q1 won ewe chuk Kot a filätä pwe epwe nonom won.  
\q1 Ewer, iei ewe leni ewe Samol mi Lapalap epwe nonom ie tori feilfeilachök.   
\b  
\q1
\v 17 Ewe Samol a feito seni ewe chuk Sinai ngeni ewe leni mi pin  
\q1 fiti ngeröün wan woken mi pöchökül.   
\q1
\v 18 A feitä won ewe chuk mi tekia  
\q1 o emwenätä chon oola lon an mwich mi tapwela mürin,  
\q1 a pwal angei lifang seni aramas, fokun seni chokewe mi ü ngeni,  
\q1 Kot ewe Samol mi Lapalap epwe nonom ikenan. \x + \xo 68.18 \xt Ef 4.8\x*   
\q1
\v 19 Sipwe mwareiti ewe Samol  
\q1 mi mwärei ach wosochou iteiten rän.  
\q1 Kot ach Chon Amanau.   
\q1
\v 20 Ach Kot eman Kot mi amanauakich,  
\q1 Kot ewe Samol  
\q1 a angasakich seni mäla.   
\b  
\q1
\v 21 Nge Kot epwe amökkü möküren chon oputan,  
\q1 epwe amökkü mongosaponen ätewe mi chök föföri tipis.   
\q1
\v 22 Iwe, ewe Samol a apasa, “Üpwe aliwinato chon oputom seni Pasan.  
\q1 Üpwe aliwinireto seni epin matau,   
\q1
\v 23 pwe pecheöm epwe fetal lon char,  
\q1 nge noum kewe kolak repwe asomwa inetir seniir.”   
\b  
\q1
\v 24 Ai Kot, aramas ra küna om fetal fän win,  
\q1 ra küna än ai Kot me ai king fetalelong lon imwan mi pin.   
\q1
\v 25 Ekewe chon köl ra akom, ekewe chon ettik pisekin ettik ra nom mürin,  
\q1 nge ekewe föpwül mi ettik pisekin kaktai ra nom lukalaper,   
\q1
\v 26 “Oupwe mwareiti Kot lon ewe mwich mi lap.  
\q1 Oupwe mwareiti ewe Samol mi Lapalap, ämi mwirimwirin Jakop.”   
\q1
\v 27 Peniamin ewe ainang mi kükün me leir a akom mwer,  
\q1 ekewe samolun Juta lon mwicheicher ra tapw müriir,  
\q1 nge ekewe samolun Sepulon me Naftali ra kükümwir.   
\b  
\q1
\v 28 Ai Kot, kopwe aworato om manaman.  
\q1 Ai Kot, kopwe pwärawu ngenikem om pöchökül usun ka fen föri me mwan.   
\q1
\v 29 Pokiten om we imwenfel lon Jerusalem  
\q1 ekewe king repwe uwato lifang ngonuk.   
\q1
\v 30 Kopwe apwüngü Isip, ewe manmwacho mi nom lein ekewe wowo.  
\q1 Kopwe apwüngü ekewe mwü, ewe pwiin ätemwänin kow me nöür kewe nienifön kow,  
\q1 tori repwe chapetiu me mwom o fang ngonuk ar silifer.  
\q1 Kopwe atoropasafeili chon ekewe mwü mi pwapwaiti maun.   
\q1
\v 31 Chon künö repwe feito seni Isip.  
\q1 Chon Itiopia repwe aitietä pöür lon ar iotek ngeni Kot.   
\b  
\q1
\v 32 Oupwe köl ngeni Kot, ämi chon ekewe mwü won fanüfan,  
\q1 oupwe kölün mwareiti ewe Samol,   
\q1
\v 33 ewe mi saifeil lon ekewe läng,  
\q1 ekewe längin lomlom.  
\q1 I ewe mi fos fän mwelian mi leüömong.   
\q1
\v 34 Oupwe asilefeili än Kot manaman,  
\q1 lingan a nom won Israel,  
\q1 nge an manaman a nom lon ekewe läng.   
\q1
\v 35 Kot a men eniwokus, lupwen a towu seni imwan mi pin.  
\q1 I ewe Koten Israel  
\q1 mi ngeni nöün kewe aramas manaman me pöchökül.  
\q1 Sipwe mwareiti Kot!   
\c 69  
\s1 Siö fän riaföü  
\sr 69.1-36  
\d Ngeni ewe mi emweni chon köl: Ei köl usun ngingin ewe köl itan Kiop. Echö än Tafit köl.  
\q1
\v 1 Ai Kot, kopwe amanauaei!  
\q1 Pun ekewe koluk ra feitä tori fän üei.   
\q1
\v 2 Üa kokotiu lon pwakak mi alolol,  
\q1 esap wor ana ie üpwe ipwetiu ie.  
\q1 Üa nonom lon koluk mi alolol,  
\q1 nge ekewe no ra pwölüeila.   
\q1
\v 3 Üa fokun malülü ren ai siö,  
\q1 chiorei a pinela,  
\q1 mesei ra toputopula  
\q1 ren ai witiwiti om kopwe alisiei.   
\b  
\q1
\v 4 Chokewe mi oputaei, nge esap wor popun,  
\q1 ra chomong seni iteiten meten mökürei.  
\q1 Chokewe mi mochen nieila ra pöchökül,  
\q1 ra kapas chofana usi.  
\q1 Ra pöchökül ngeniei  
\q1 pwe üpwe aliwinala mettoch üsap soläni. \x + \xo 69.4 \xt Kölf 35.19; Joh 15.25\x*   
\q1
\v 5 Ai Kot, en ka silei ai kewe föför mi mwäl,  
\q1 nge ai kewe tipis üa föriir resap mon senuk.   
\b  
\q1
\v 6 Ai Kot, en ewe Samol mi Unusen Manaman,  
\q1 kosap mwütätä pwe chokewe mi eänuk apilükülük repwe säw pokitei.  
\q1 En ewe Koten Israel,  
\q1 kosap mwütätä pwe chokewe mi fel ngonuk repwe itengau pokitei.   
\q1
\v 7 Pun üa itengau fän itom,  
\q1 nge säw a pwölüeila.   
\q1
\v 8 Üa usun chök eman wasöla ngeni pwii kewe,  
\q1 üa usun chök eman chon ekis ngeni nöün inei kewe.   
\b  
\q1
\v 9 Pun ai ekipwichi imwom mi pin a küküri leüti usun ekkei,  
\q1 nge ekewe kapasen esit mi toruk ra pwal toriei. \x + \xo 69.9 \xt Joh 2.17; Rom 15.3\x*   
\q1
\v 10 Iwe, lupwen üa atekisonaeitiu ren ai echikefel,  
\q1 aramas ra asitaei.   
\q1
\v 11 Lupwen üa üföüf üf seni tuk,  
\q1 ra chök takiriei.   
\q1
\v 12 Ir mi mot lon asamalapen ewe telinimw ra kapasen ämängau usi,  
\q1 nge ekewe chon puch ra kölüei.   
\b  
\q1
\v 13 Nge ngang üa chök iotek ngonuk, ai Samol mi Lapalap.  
\q1 Kopwe pälüeniei, ai Kot, lon fansoun mi fich me reöm.  
\q1 Kopwe pälüeniei lon om tong ellet,  
\q1 pun ka apwönüetä om we pwon pwe kopwe amanauaei.   
\q1
\v 14 Kopwe amanauaei seni ai kokotiu lon ewe pwakak.  
\q1 Kopwe angasaei seni ekewe chon oputaei,  
\q1 pwal seni ekewe koluk mi alolol.   
\q1
\v 15 Kosap mwütätä pwe ekewe no repwe pwölüeila,  
\q1 kosap pwal mwüt ngeniei pwe üpwe kokotiu lon ewe lenien alolol,  
\q1 ika mwocholong lon peias.   
\b  
\q1
\v 16 Ai Samol mi Lapalap, kopwe pälüeniei lon om tong ellet mi mürina.  
\q1 Kopwe kul ngeniei lon om ümöümöch mi somwola.   
\q1
\v 17 Kosap amona mesom seni noum chon angang.  
\q1 Kopwe müttir pälüeniei, pun ngang üa nom lon riaföü.   
\q1
\v 18 Kopwe kaneto rei o amanauaei,  
\q1 kopwe angasaeila seni ekewe chon oputaei.   
\b  
\q1
\v 19 En ka silei usun ai küna turunufas,  
\q1 usun ai säw me ai itengau,  
\q1 ka pwal silei ekewe chon oputaei meinisin.   
\q1
\v 20 Ekewe kapasen turunufas ra atatakisi lelukei  
\q1 pwe üa nom lon apilükingau.  
\q1 Üa kütta ika eman epwe tongeei, nge esap wor eman,  
\q1 üa pwal kütta ika eman epwe achipaei, nge esap wor eman.   
\q1
\v 21 Ra uwalong poison lon enei mongö,  
\q1 nge lupwen üa kaka, ra aünüei finikar. \x + \xo 69.21 \xt Mat 27.48; Mark 15.36; Luk 23.36; Joh 19.28-29\x*   
\q1
\v 22 Amwo ar kewe kametip repwe wiliti eu likatup ngeniir,  
\q1 nge ar kewe chulapen mongö mi pin repwe wiliti eu sär mi awarato feiengau wor.   
\q1
\v 23 Amwo meser repwe toputop pwe resap tongeni küna mwer,  
\q1 kopwe pwal föri pwe sökürür epwe pwor fansoun meinisin. \x + \xo 69.23 \xt Rom 11.9-10\x*   
\q1
\v 24 Kopwe awarato om song wor,  
\q1 om lingeringer epwe toriir.   
\q1
\v 25 Amwo lenier epwe pönüla,  
\q1 amwo esap chüen wor eman epwe nonom lon imwer imw mangaku. \x + \xo 69.25 \xt Föf 1.20\x*   
\q1
\v 26 Pun ir ra ariaföüü ätewe en ka wichi,  
\q1 ra pwal alapala ar ariaföüü ätewe en ka akinasa.   
\q1
\v 27 Kopwe achuetä liwiningau won ar liwiningau,  
\q1 nge kosap mwüt ngeniir pwe repwe küna manau.   
\q1
\v 28 Kopwe amoela iter seni ewe puken manau,  
\q1 nge kosap makelong iter lein chon pwüng. \x + \xo 69.28 \xt Eks 32.32; Pwär 3.5; 13.8; 17.8\x*   
\q1
\v 29 Nge ngang üa metek o nom lon apilükingau.  
\q1 Ai Kot, kopwe atekiaeitä o amanauaei.   
\b  
\q1
\v 30 Üpwe mwareiti Kot ren echö köl,  
\q1 üpwe ingeiti i ren ai kilisou.   
\q1
\v 31 Ei epwe apwapwai ewe Samol mi Lapalap lap seni ai üpwe eäni asor eman kow  
\q1 ika eman ätemwänin kow fiti mächän me pachapachan.   
\q1
\v 32 Ekewe mi nom lon riaföü repwe küna ei o pwapwa.  
\q1 Ämi mi fel ngeni Kot oupwe apilüköch.   
\q1
\v 33 Pun ewe Samol mi Lapalap a aüseling ngeni ekewe chon osupwang,  
\q1 nge esap manlükala nöün aramas mi nom lon fötek.   
\b  
\q1
\v 34 Läng me fanüfan repwe mwareiti i,  
\q1 pwal ekewe matau me meinisin mine a manau lon.   
\q1
\v 35 Pun Kot epwe amanaua Sion  
\q1 o aüsefälietä ekewe telinimwen Juta.  
\q1 Mürin, nöün chon angang repwe nonom ikenan o fanüeni ewe fanü.   
\q1
\v 36 Mwirimwirin nöün kewe chon angang repwe fanüeni ewe fanü,  
\q1 nge chokewe mi echeni i repwe nonom won.   
\c 70  
\s1 Eu iotek pwe Kot epwe angasakich  
\sr 70.1-5  
\r (Kölf 40.13-17)  
\d Ngeni ewe mi emweni chon köl: Echö än Tafit köl fän iten ewe asoren achechem.  
\q1
\v 1 Ai Kot, kose mochen kopwe angasaeila.  
\q1 Ai Samol mi Lapalap, kopwe kaito pwe kopwe alisiei.   
\q1
\v 2 Amwo meinisin mi mochen nieila  
\q1 repwe säw o tolong lon fitikoko.  
\q1 Amwo chokewe meinisin mi tipeni ai üpwe feiengau  
\q1 repwe kulsefäl o itengau.   
\q1
\v 3 Amwo chokewe mi ämängauaei  
\q1 repwe fokun rükö ren ar kuf.   
\b  
\q1
\v 4 Nge meinisin mi feito reöm repwe meseik o pwapwa.  
\q1 Chokewe mi aücheani om amanaueer  
\q1 repwe apasafochei, “Kot a tekia.”   
\q1
\v 5 Nge ngang üa wöüngau o osupwang.  
\q1 Ai Kot, kopwe kaito rei.  
\q1 En ai chon alilis me Chon Amanau.  
\q1 Ai Samol mi Lapalap, kosap mang le alisiei.   
\c 71  
\s1 Än eman chinlap iotek  
\sr 71.1-24  
\q1
\v 1 Ai Samol mi Lapalap, en ai lenien op,  
\q1 kosap fokun mwüt ngeniei pwe üpwe kuf.   
\q1
\v 2 Pokiten ka pwüng, kopwe angasaei o alisiei.  
\q1 Kopwe aü selingom ngeniei o amanauaei.   
\q1
\v 3 En kopwe ai lenien op usun eu föimw,  
\q1 ia üa tongeni op ie fansoun meinisin.  
\q1 En ewe mi pwon ngeniei pwe kopwe amanauaei,  
\q1 pun en ai achau me ai imwen maun.   
\q1
\v 4 Ai Kot, kopwe angasaei seni ekewe aramasangau,  
\q1 pwal seni ekewe mwän mi ngau o mwäneson.   
\q1
\v 5 Ai Samol mi Lapalap, en ai apilükülük,  
\q1 üa lükülükuk seni lesäräföi.   
\q1
\v 6 Lon unusen manauei üa unnenuk,  
\q1 en ewe mi tümwünüei seni ai uputiu.  
\q1 Üpwe chök mwareituk fansoun meinisin.   
\b  
\q1
\v 7 Üa usun chök eu asisil mi eniwokus ngeni chomong aramas,  
\q1 nge en ai lenien op mi pöchökül.   
\q1
\v 8 Üa mwareituk iteiten rän  
\q1 o pwärätä om ling.   
\q1
\v 9 Kosap pöütieila iei lon ai chinlap,  
\q1 nge kosap likitieila iei, lupwen üa apwangapwang.   
\q1
\v 10 Pun chon oputaei ra kapas usi,  
\q1 ra rawangauaei o mochen nieila.   
\q1
\v 11 Ra apasa, “Kot a likitala ätei.  
\q1 Ousipwe tapweri o turufi,  
\q1 pun esap wor eman epwe angasa i.”   
\b  
\q1
\v 12 Ai Kot, kosap toau seniei.  
\q1 Ai Kot, kopwe kaito pwe kopwe alisiei.   
\q1
\v 13 Amwo ekewe chon atipisiei repwe säw o rosola.  
\q1 Nge chokewe mi kütta ar repwe afeiengauaei repwe küna turunufas me itengau.   
\q1
\v 14 Nge ngang üpwe apilükülükuk fansoun meinisin  
\q1 o alapala ai mwareituk.   
\q1
\v 15 Iteiten rän üpwe apworausa usun om föför mi pwüng,  
\q1 pwal usun om amanauaei,  
\q1 inamwo ika üsap tongeni weweiti meinisin.   
\q1
\v 16 Ai Kot, Samol mi Lapalap, üpwe feito o apworausafeili om kewe föför mi manaman,  
\q1 üpwe mwareiti om pwüng echök.   
\b  
\q1
\v 17 Ai Kot, ka aiöüei seni lesäräföi,  
\q1 nge ngang üa chüen asilefeili om föför mi amwarar.   
\q1
\v 18 Ai Kot, kosap likitieila iei,  
\q1 lupwen üa chinlap o pwech mökürei.  
\q1 Kopwe etiei, lupwen üpwe asilefeili om manaman me om tufich  
\q1 ngeni ekewe täppin aramas repwe up me mürin.   
\b  
\q1
\v 19 Ai Kot, om pwüng a tori ekewe läng mi tekia.  
\q1 En ka föri mettoch mi amwarar.  
\q1 Ai Kot, iö a wewe ngonuk?   
\q1
\v 20 En ewe mi öküna ngeniei chomong weires me riaföü,  
\q1 kopwe pwal apöchökülasefäliei,  
\q1 kopwe uweesefälieitä seni epin fanüfan.   
\q1
\v 21 En kopwe alapala ai iteüöch  
\q1 o achipasefäliei.   
\b  
\q1
\v 22 Ai Kot, ngang üpwe fokun mwareituk ren kitar,  
\q1 pokiten om allükülük,  
\q1 üpwe kölün mwareituk ren ükülele,  
\q1 en Ewe mi Pin me lon Israel.   
\q1
\v 23 Üpwe mweir fän pwapwa, lupwen üpwe kölün mwareituk.  
\q1 Üpwe mwareituk,  
\q1 pun ka amanauaei.   
\q1
\v 24 Iteiten rän üpwe kapas usun om pwüng,  
\q1 pun chokewe mi kütta ar repwe afeiengauaei  
\q1 ra säw o itengau.   
\c 72  
\s1 Än ewe king mi pwüng nemenem  
\sr 72.1-20  
\d Echö köl fän iten Salomon.  
\q1
\v 1 Ai Kot, kopwe fang ngeni ewe king om pwüngüöch,  
\q1 kopwe ngeni nöün ewe king we mwän om pwüng,   
\q1
\v 2 pwe epwe eäni kapwüng won noum kewe aramas fän pwüng,  
\q1 pwal won noum kewe mi riaföü fän pwüngüöch.   
\q1
\v 3 Amwo ewe fanü epwe awora feiöch me kinamwe ngeni ekewe aramas,  
\q1 amwo epwe fis pwüng lon.   
\q1
\v 4 Amwo ewe king epwe peni ekewe mi riaföü me lein ekewe aramas,  
\q1 amwo epwe alisi ekewe mi osupwang  
\q1 o akufu ekewe mi ariaföüür.   
\b  
\q1
\v 5 Amwo ewe king epwe manau ükükün fansoun akkar me maram ra nonom läng,  
\q1 seni eu täppin aramas tori pwal eu täppin.   
\q1
\v 6 Amwo epwe usun chök üt mi püngütiu won fetil mi pwüküfö,  
\q1 pwal usun chök üt mi achöchönü fanüfan.   
\q1
\v 7 Amwo pwüng epwe fefeitä lon ränin manauan,  
\q1 nge feiöch me kinamwe epwe lapala, tori ewe maram esap chüen nom.   
\b  
\q1
\v 8 Iwe, ewe king epwe nemenem seni eu matau tori pwal eu,  
\q1 pwal seni ewe chanpupu Oifrat tori lesopun fanüfan. \x + \xo 72.8 \xt Sek 9.10\x*   
\q1
\v 9 Ekewe aramas mi nonom lon ewe fanüapö repwe pworotiu me mwan,  
\q1 nge chon oputan repwe chapetiu lepwül fän mesan.   
\q1
\v 10 Ekewe kingen Tarsis pwal ekewe king seni ekewe fanü mi nom lematau repwe takises ngeni,  
\q1 nge ekewe kingen Shepa \f + \fr 72.10 \ft Shepa eu fanü lon Arapia\f* me Sepa \f + \fr 72.10 \ft Sepa eu fanü lon Itiopia\f* repwe uwato ar lifang ngeni.   
\q1
\v 11 Ekewe king meinisin repwe chapetiu me mwan,  
\q1 nge chon ekewe mwü meinisin repwe angang ngeni.   
\b  
\q1
\v 12 Pun a angasa ekewe chon osupwang, lupwen ra kökköri,  
\q1 pwal ekewe mi mwelele me chokewe esap wor ar chon alilis.   
\q1
\v 13 Iwe, a tongei chokewe mi apwangapwang me wöüngau,  
\q1 a pwal amanaua ekewe mi osupwang.   
\q1
\v 14 A angaseer seni ar riaföü me ewe angangen mwäneson mi fis ngeniir,  
\q1 pun manauer a aüchea me ren.   
\b  
\q1
\v 15 Amwo ewe king epwe manauatam!  
\q1 Amwo aramas repwe uwato kolt ren seni Shepa.  
\q1 Amwo aramas repwe iotek fän itan fansoun meinisin,  
\q1 repwe tüngor an feiöch rän meinisin.   
\q1
\v 16 Amwo epwe wor chomong wiich lon ewe fanü.  
\q1 Amwo epwe wor uän irä won ekewe chuk.  
\q1 Resin ewe fanü epwe usun chök resin Lepanon.  
\q1 Nge ekewe telinimw repwe ur ren aramas  
\q1 usun chök ewe lemäl a ur ren fetil.   
\q1
\v 17 Amwo iten ewe king epwe nonom tori feilfeilachök,  
\q1 nge iteüöchün epwe nonom ükükün fansoun akkar a nonom.  
\q1 Chon ekewe mwü meinisin repwe angei ar feiöch me ren,  
\q1 nge ir repwe apasa pwe i a feiöch.   
\b  
\q1
\v 18 Sipwe mwareiti ewe Samol mi Lapalap, ewe Koten Israel,  
\q1 i chök a föri mettoch mi amwarar.   
\q1
\v 19 Sipwe mwareiti itan mi ling tori feilfeilachök.  
\q1 An ling epwe aurala unusen fanüfan.  
\q1 Amen, amen.   
\b  
\q1
\v 20 Iei müchülan ekewe iotek än Tafit nöün Jesi we mwän.   
\c 73  
\ms1 AÜLÜNGATIN PUK  
\s1 Sopolan ekewe aramasangau  
\sr 73.1-28  
\s1 Echö än Asaf köl.  
\q1
\v 1 Ellet, Kot a kirikiröch ngeni chon Israel,  
\q1 ngeni chokewe mi limöch leluker.   
\q1
\v 2 Nge ngang a arapakan ngeni an epwe tur seniei ai apilükülük,  
\q1 a arapakan chök esap chüen wor ai lükülük.   
\q1
\v 3 Pun üa lolowo ngeni ekewe chon lamalamtekia,  
\q1 lupwen üa küna än ekewe aramasangau wöümong.   
\b  
\q1
\v 4 Esap wor ar metek,  
\q1 inisir a pöchökül o öümanau.   
\q1
\v 5 Ir resap weires usun pwal ekoch aramas, resap riaföü usun pwal ekoch.   
\q1
\v 6 Iei mine ra mwärini lamalamtekia fän üer usun chök epa mwärämwär,  
\q1 angangen mwäneson a pwölürela usun echö üf.   
\q1
\v 7 Seni lon leluker mi pöchökül a towu ekiek mi ngau,  
\q1 rawangau esap wor aükükün a chök nom lon ar ekiek.   
\q1
\v 8 Ra takirin ämängaua aramas o eäni kapasingau,  
\q1 ra eniwa aramas fän ar lamalamtekia pwe repwe ariaföüür.   
\q1
\v 9 Ra eäni kapasingau usun Kot lon läng  
\q1 o eäni fos sikesik ngeni chon fanüfan.   
\b  
\q1
\v 10 Iei mine nöür kewe aramas ra kul ngeniir  
\q1 o müttir lükü ar kewe kapas meinisin.   
\q1
\v 11 Iwe, ra apasa, “Kot esap sile.  
\q1 Ewe mi Unusen Tekia esap wor an silelap.”   
\q1
\v 12 Iei usun lapalapen ekewe aramasangau.   
\q1
\v 13 Ellet a solap pwe üa tümwünü lelukei pwe epwe limöch,  
\q1 a solap ai üsap tipis.   
\q1
\v 14 Iteiten rän üa küna riaföü,  
\q1 nge iteiten lesosor ka apwüngüei.   
\b  
\q1
\v 15 Iwe, are üa pwal apasätä usun mine ir ra apasa,  
\q1 wewen nge üpwe afangamäi noum kewe aramas.   
\q1
\v 16 Üa sotuni le ekieki usun ai üpwe weweiti ei,  
\q1 nge a kon weires ngeniei,   
\q1
\v 17 tori üa tolong lon imwom imwenfel.  
\q1 Ikenan a fateitiei usun sopolan ekewe aramasangau.   
\q1
\v 18 Ellet, ka anomuur won leni mi mitimit.  
\q1 Ka föri mine repwe turutiu ren lon feiengau.   
\q1
\v 19 Ra rosola lon eu chök otun,  
\q1 ra moropöküla ren niuokus.   
\q1
\v 20 Ra usun chök eu tan mi morokaila, lupwen eman a pwök.  
\q1 Ai Samol, lupwen ka ütä, ra morokaila.   
\b  
\q1
\v 21 Lupwen üa chou,  
\q1 lupwen lelukei a kinas,   
\q1
\v 22 üsap weweiti och, üa umwes o usun chök eman man me mwom.   
\q1
\v 23 Nge ngang üa chök nonom reöm fansoun meinisin,  
\q1 pun en ka amwöchü pöüifichi.   
\q1
\v 24 Ka emweniei fän om öüröür,  
\q1 nge mürin kopwe etiwaei lon ling.   
\q1
\v 25 Üsap eäni och me läng nge en chök.  
\q1 Üsap pwal pwapwaiti och mettoch me won fanüfan lükün en.   
\q1
\v 26 Inisi me lelukei ra tongeni apwangapwangala,  
\q1 nge Kot ai pöchökül pwal wisei tori feilfeilachök.   
\b  
\q1
\v 27 Nge chokewe mi likitukela repwe feiengau.  
\q1 Ka arosala chokewe resap allükülük ngonuk.   
\q1
\v 28 Nge me rei, a mürina pwe üpwe kan ngeni Kot.  
\q1 Üa filätä Kot ewe Samol mi Lapalap pwe epwe ai lenien op,  
\q1 pwe üpwe apworausa an kewe föför meinisin.   
\c 74  
\s1 Eu tüngor ngeni Kot pwe epwe ü ngeni chon oput nöün kana  
\sr 74.1-23  
\d Echö än Asaf kölün kait.  
\q1
\v 1 Ai Samol mi Lapalap, pwota ka pöütikeemila tori feilfeilachök?  
\q1 Pwota ka chök sosong ngeni noum kewe aramas?   
\q1
\v 2 Kopwe chechemeni noum we mwichen aramas, ka filiir me lomlom,  
\q1 chokewe ka angaseer pwe repwe chon om ainang.  
\q1 Kopwe pwal chechemeni ewe chuk Sion, ia ka nonom ie me lom.   
\q1
\v 3 Kopwe fetal ngeni ekewe lemol imw mi tala seni me lomlom.  
\q1 Ekewe chon oputom ra ataela meinisin mine a nom lon ewe imwenfel.   
\b  
\q1
\v 4 Chon palüenuk ra akürang lon leniom mi pin.  
\q1 Ra aürätä ar filäik pwe asisilen ar win.   
\q1
\v 5 Ra wewe ngeni chon pöküpök irä  
\q1 mi pökü irä lein wöllap ren ar kouk.   
\q1
\v 6 Ra äsätätiu ellingen won ekewe ettip mi rup meinisin  
\q1 ren kouk mi watte me kükün.   
\q1
\v 7 Ra ataela imwom imwenfel o kenala,  
\q1 ra apiningaua ewe leni ia aramas ra fel ngonuk ie.   
\q1
\v 8 Ra kapasfengen lefiler, “Sipwe aroserela meinisin.”  
\q1 Iwe, ra kenala ekewe leni meinisin ia aramas ra fel ngeni Kot ie  
\q1 me lon ewe fanü.   
\b  
\q1
\v 9 Ach kewe asisil mi pin meinisin rese chüen nom,  
\q1 ese chüen wor eman soufos,  
\q1 nge esap wor eman me leich a silei inet epwe ükütiu ei lapalap.   
\q1
\v 10 Ai Kot, ifa ükükün fansoun än ekewe chon oputakem repwe esitok?  
\q1 Ifa usun, repwe turunufasei itom tori feilfeilachök?   
\q1
\v 11 Pwota kosap mochen alisikem?  
\q1 Pwota ka uwala poum lükisökürum?   
\b  
\q1
\v 12 Nge ai Kot, en ai king seni me lomlom,  
\q1 ka amanaua aramas won unusen fanüfan.   
\q1
\v 13 En ka kinifeseni ewe matau ren om manaman,  
\q1 ka amökkü möküren ekewe trakon mi nom lematau. \x + \xo 74.13 \xt Eks 14.21\x*   
\q1
\v 14 Ka atatakisi ekewe möküren ewe man itan Lefiatan \f + \fr 74.14 \ft Lefiatan eman man mi fokun mwacho, a aliosunätä mine a ngau\f*,  
\q1 ka pwal aochocha fitukan ngeni ekewe mönün lon fanüapö. \x + \xo 74.14 \xt Hiop 41.1; Kölf 104.26; Ais 27.1\x*   
\q1
\v 15 Ka amichätä puächen koluk me öüwö.  
\q1 Nge ka apwasatä ekewe chanpupu mi pufochofoch.   
\q1
\v 16 En ka föri rän me pwin.  
\q1 Ka anomu lon lenier maram me akkar.   
\q1
\v 17 Ka föri kiännin fanüfan,  
\q1 ka pwal föri fansoun pwichikar me fansoun patapat.   
\b  
\q1
\v 18 Ai Samol mi Lapalap, kopwe chechemeni usun ekewe chon oputom ra esitok,  
\q1 usun ekewe aramas mi umwes ra turunufasei itom.   
\q1
\v 19 Kosap likitala noum kewe aramas mi apwangapwang ngeni ekewe chon oputer mi fokun ingau,  
\q1 kosap pwal manlükala noum aramas mi nom lon riaföü tori feilfeilachök.   
\b  
\q1
\v 20 Kopwe chechemeni om we pwon ka eäni ngenikem.  
\q1 Pun föförün mwäneson a chök fifis lon ekewe leni mi kiroch me lon ewe fanü.   
\q1
\v 21 Kosap mwütätä pwe ekewe mi riaföü repwe säw.  
\q1 Nge ekewe mi wöüngau me osupwang repwe mwareituk.   
\b  
\q1
\v 22 Ai Kot, kopwe ütä, kopwe püsin kapas fän itom,  
\q1 kopwe chechemeni än ekewe aramas mi umwes esitok iteiten rän.   
\q1
\v 23 Kosap manlükala pupuchörün ekewe chon oputom  
\q1 me akürangen ekewe chon ü ngonuk mi chök fifis ngonuk.   
\c 75  
\s1 Kot a atekisona ekewe aramasangau o atekiatä ekewe chon pwüng  
\sr 75.1-10  
\d Ngeni ewe mi emweni chon köl: Ei köl usun ngingin ewe köl itan ‘Kosap ataela’. Echö än Asaf köl.  
\q1
\v 1 Äm aia kilisou ngonuk, äm Kot, äm aia kilisou ngonuk,  
\q1 lupwen aia köri itom.  
\q1 Aramas ra apworausa om kewe föför mi amwarar.   
\b  
\q1
\v 2 Iwe, Kot a apasa, “Üa filätä eu fansoun  
\q1 pwe üpwe eäni kapwüng fän wenechar.   
\q1
\v 3 Lupwen fanüfan a mwaroro fiti chon meinisin,  
\q1 ngang ewe mi anüküchara longolongun we.   
\q1
\v 4 Üa üreni chokewe mi aingaing, ‘Ousap aingaing.’  
\q1 Nge üa üreni ekewe aramasangau, ‘Ousap üranang.’   
\q1
\v 5 Ousap üranang ika fos fän lamalamtekia.”   
\q1
\v 6 Pun esap wor eman seni ötiu ika lotou,  
\q1 ika seni ewe fanüapö a tongeni atekiatai eman aramas.   
\q1
\v 7 Nge i Kot ewe mi eäni kapwüng,  
\q1 a asapwilätiu eman, nge a pwal seikätä eman.   
\q1
\v 8 Ewe Samol mi Lapalap a amwöchü eu kap lepöün,  
\q1 a ur ren wain mi pwichikar, iei än Kot song.  
\q1 A ninätiu, nge ekewe aramasangau meinisin won fanüfan ra ünümi.  
\q1 Ra ünümala meinisin tori amüchülan sosoon.   
\b  
\q1
\v 9 Nge ngang üpwe asilefeili usun Kot tori feilfeilachök.  
\q1 Üpwe kölün mwareiti än Jakop we Kot.   
\q1
\v 10 I epwe ataela pöchökülen ekewe aramasangau,  
\q1 nge epwe awateela pöchökülen ekewe chon pwüng.   
\c 76  
\s1 Kot a win o eäni kapwüng  
\sr 76.1-12  
\d Ngeni ewe mi emweni chon köl: Won pisekin ettik mi wor saitenin. Echö än Asaf köl.  
\q1
\v 1 Ekewe aramas ra silei Kot me lon Juta,  
\q1 itan a föüla me lon Israel.   
\q1
\v 2 A förätä lenian me lon Jerusalem,  
\q1 a nonom won ewe chuk Sion.   
\q1
\v 3 Ikenan a kupi än chon oputan kewe föün esefich mi meriweriw,  
\q1 ekewe tittin maun, ekewe ketilas me ekewe pisekin maun.   
\b  
\q1
\v 4 En ka fokun ling o tekia,  
\q1 lupwen ka liwinto seni ekewe chuk,  
\q1 ia ka akufu chon oputom me ie.   
\q1
\v 5 Ekewe sounfiu mi pwora a oo seniir liaper,  
\q1 ra turula o möürüfoch.  
\q1 Ekewe chon maun meinisin esap wor ar pöchökül.   
\q1
\v 6 Ai Kot än Jakop we Kot,  
\q1 ren om apwüngü ekewe chon wawa oris me ekewe oris ra turula o mäla.   
\b  
\q1
\v 7 Nge en echök, ai Samol mi Lapalap, aramas repwe niuokusituk.  
\q1 Iö a tongeni ü me mwom, lupwen ka song?   
\q1
\v 8 Ka eäni kapwüng seni won läng.  
\q1 Iwe, fanüfan a niuokus o fanafanala,   
\q1
\v 9 lupwen ka ütä pwe kopwe atowu pwüngün kapwüng  
\q1 o amanaua ekewe mi nom lon riaföü meinisin won fanüfan.   
\b  
\q1
\v 10 Ellet, än ekewe aramas lingeringer iei fen om ling.  
\q1 Nge lusun ewe lingeringer kopwe chök efitti ngonuk.   
\b  
\q1
\v 11 Kopwe eäni om kewe pwon ngeni ewe Samol mi Lapalap om we Kot o apwönüretä.  
\q1 Chon ekewe fanü mi nom ünükün repwe uwato lifang ngeni Kot, ewe Kot aramas ra niuokusiti.   
\q1
\v 12 I a atekisona ekewe samol mi lamalamtekia,  
\q1 ekewe kingen fanüfan ra niuokusiti.   
\c 77  
\s1 Ach chip a fis ren ach chechemeni än Kot kewe manaman  
\sr 77.1-20  
\d Ngeni ewe mi emweni chon köl: Ei köl usun ngingin förien Jetutun köl. Echö än Asaf köl.  
\q1
\v 1 Üa siö ngeni Kot fän leüömong,  
\q1 üa siö ngeni Kot fän leüömong pwe epwe aüselingaei.   
\q1
\v 2 Lon ränin ai riaföü üa kütta ewe Samol.  
\q1 Lepwin üa aitietä pei lupwen ai iotek,  
\q1 nge üsap chipwang.  
\q1 Nge letipei esap tongeni chip.   
\b  
\q1
\v 3 Lupwen üa ekieki usun Kot, üa ngüngü,  
\q1 nge lupwen üa ekinlon, üa tipemösök.   
\q1
\v 4 A föri pwe üsap tongeni möür lepwin,  
\q1 üa nom lon weires pwe üsap tongeni kapas.   
\q1
\v 5 Üa ekieki usun ekewe fansoun lom  
\q1 o chechemeni ekewe ier ra la.   
\q1
\v 6 Üa ekiek lon lelukei lepwin,  
\q1 üa ekinlon o akais ngeniei,   
\q1
\v 7 “Ifa usun, ewe Samol epwe pöütikichela tori feilfeilachök,  
\q1 nge esap ümöümöchsefäl ngenikich?   
\q1
\v 8 Ifa usun, an we tong ellet a wesewesen müchüla?  
\q1 Ifa usun, an kewe pwon ra ükütiu fansoun meinisin?   
\q1
\v 9 Ifa usun, Kot a manlükala an epwe kirikiröch?  
\q1 Ifa usun, an song a aükätiu an tong?”   
\q1
\v 10 Mürin üa üra, “Iei ai weires,  
\q1 pwe manamanen Ewe mi Unusen Tekia esap chüen usun me lom.”   
\b  
\q1
\v 11 Ai Samol mi Lapalap, üpwe achemato om kewe föför.  
\q1 Ewer, üpwe chechemeni om kewe manaman ka föri me lom.   
\q1
\v 12 Üpwe ekieki usun om kewe föför meinisin  
\q1 o ekiek won om kewe föför mi amwarar.   
\q1
\v 13 Ai Kot, meinisin mine ka föri a pin.  
\q1 Esap wor eman kot a tekia seni en.   
\q1
\v 14 En ewe Kot mi föri föför mi amwarar.  
\q1 Ka pwäri om manaman lein chon ekewe mwü.   
\q1
\v 15 Ren om manaman ka angasa noum aramas,  
\q1 ir ekewe mwirimwirin Jakop me Josef.   
\b  
\q1
\v 16 Ai Kot, lupwen ekewe koluk ra künok, ra niuokus,  
\q1 nge epin ewe matau a chechech.   
\q1
\v 17 Ekewe kuchu ra ninätiu koluk,  
\q1 ekewe chopulap ra püng me läng.  
\q1 Om kewe inefi ra fila ekis meinisin.   
\q1
\v 18 Püngün om chopulap a nom lon ewe ewiniär.  
\q1 Om kewe inefi ra asarama fanüfan.  
\q1 Fanüfan a chechech o mwöükük.   
\q1
\v 19 En ka pwerela won matau,  
\q1 ka fetal won ekewe koluk mi watte,  
\q1 nge esap wor eman a küna rasen ipwom.   
\q1
\v 20 Ka emweni noum aramas ren Moses me Aaron  
\q1 usun eman chon mas a emweni eu pwiin sip.   
\c 78  
\s1 Usun än Kot allükülük ngeni nöün aramas resap allükülük  
\sr 78.1-72  
\d Echö än Asaf kölün kait.  
\q1
\v 1 Ämi nei aramas, oupwe aüselinga mine üpwe aiti ngenikemi.  
\q1 Oupwe aüeto selingemi ngeni mine üpwe apasa.   
\q1
\v 2 Üpwe apasatä eu kapasen awewe.  
\q1 Üpwe apasawu kapas monomon mi fis me lom, \x + \xo 78.2 \xt Mat 13.35\x*   
\q1
\v 3 usun ekewe mettoch sa rongorong o silei,  
\q1 semalapach kewe ra apworausa ngenikich.   
\q1
\v 4 Sisap aopa ekewe kapas seni nöüch,  
\q1 nge sipwe apworausa ngeni ewe täppin aramas epwe feito me mürich  
\q1 usun än ewe Samol mi Lapalap föför mi amwarar,  
\q1 usun an kewe manaman me an kewe asisil a föriir.   
\b  
\q1
\v 5 A awora ekewe pwüüng fän iten ekewe mwirimwirin Jakop  
\q1 o föri ekewe allük fän iten chon Israel.  
\q1 A allük ngeni ach kewe lewo  
\q1 pwe repwe aiti ngeni nöür kewe an kewe allük,   
\q1
\v 6 pwe ekewe täppin aramas me müriir repwe silei ekewe allük,  
\q1 pwal ekewe mönükol resamwo uputiu,  
\q1 mürin, pwal ir repwe apworausa ngeni nöür.   
\q1
\v 7 Ren ei repwe anomu ar apilükülük won Kot,  
\q1 nge resap manlükala än Kot kewe föför.  
\q1 Repwe pwal aleasochisi an kewe allük,   
\q1
\v 8 pwe resap wewe ngeni ar kewe lewo,  
\q1 ewe täppin aramas mi ülöförea me lükümach,  
\q1 ewe täppin aramas leluker esap pos,  
\q1 resap pwal allükülük ngeni Kot.   
\b  
\q1
\v 9 Ekewe mwän seni ewe ainangen Efraim mi uwei nöür likapich  
\q1 ra kulsefäl o sü lon ewe rän a fis maun.   
\q1
\v 10 Resap tümwünü än Kot pwon,  
\q1 resap pwal mochen aleasochisi an kewe allük.   
\q1
\v 11 Ra manlükala mine a föri,  
\q1 ekewe manaman a pwäri ngeniir.   
\q1
\v 12 Kot a föri föför mi amwarar fän mesen ar kewe lewo  
\q1 lon ewe fanü Isip me lon ewe maasiesin Soan. \x + \xo 78.12 \xt Eks 7.8–12.32\x*   
\q1
\v 13 A kinifeseni ewe matau o emwenirela tori epek,  
\q1 a föri pwe ekewe koluk ra ütä usun chök eu tit. \x + \xo 78.13 \xt Eks 14.21-22\x*   
\q1
\v 14 Lerän a emweniir ren eu kuchu,  
\q1 nge lepwin a emweniir ren ekkei mi saramaram. \x + \xo 78.14 \xt Eks 13.21-22\x*   
\q1
\v 15 A asangafeseni achau lon ewe fanüapö  
\q1 o aünü ngeniir chomong koluk seni ekewe leni mi alolol.   
\q1
\v 16 A föri pwe öüwö a towu seni ewe achau,  
\q1 nge koluk a puputiu usun chanpupu. \x + \xo 78.16 \xt Eks 17.1-7; Num 20.2-13\x*   
\q1
\v 17 Nge ra chök sopwela le tipis ngeni Kot,  
\q1 ra ü ngeni Ewe mi Unusen Tekia me lon ewe fanüapö.   
\q1
\v 18 Ra sotuni Kot seni mochenin letiper  
\q1 ren ar tüngormau ener mongö ra mwäräräiti. \x + \xo 78.18 \xt Eks 16.2-15; Num 11.4-23; 31.35\x*   
\q1
\v 19 Ra ü ngeni Kot ren ar kapas o apasa,  
\q1 “Ifa usun, Kot a tongeni ngenikich mongö lon ewe fanüapö?   
\q1
\v 20 A wichi ewe achau pwe koluk a towu,  
\q1 nge ekewe öüwö ra urourela.  
\q1 Nge ifa usun, a pwal tongeni fangeto pilawa  
\q1 ika amolätä fituk fän iten nöün aramas?”   
\b  
\q1
\v 21 Iei mine, lupwen ewe Samol mi Lapalap a rongorong ar kewe kapas, a fokun song.  
\q1 A tinala ekkei pwe a keni chon Israel,  
\q1 nge an song a wattela ngeniir,   
\q1
\v 22 pun esap wor ar lükülük won Kot,  
\q1 resap pwal lükü an manaman pwe a tongeni amanaueer.   
\q1
\v 23 Nge Kot a chök allük ngeni ekewe läng  
\q1 o sukala ekewe asamen läng.   
\q1
\v 24 A apüngätiu wor mana, ekewe föün wiichen läng,  
\q1 pwe repwe tongeni mongö, \x + \xo 78.24 \xt Joh 6.31\x*   
\q1
\v 25 Aramas ra mongö enen ekewe chon läng.  
\q1 A tinala rer chomong mongö.   
\q1
\v 26 A pwal föri pwe asepwälin ötiu a enien fän läng,  
\q1 nge ren an manaman a emwenawu ewe asepwälin ör.   
\q1
\v 27 A apüngätiu wor fituk usun chök pwül moromor,  
\q1 ekewe machang ra chomong usun chök chomongun föün pien aroset.   
\q1
\v 28 A apüngüretiu lukalapen lenier  
\q1 pwelin ünükün imwer.   
\q1
\v 29 Iwe, ekewe aramas ra mongö o fokun mötüla,  
\q1 pun Kot a ngeniir mine ra fokun mwäräräiti.   
\q1
\v 30 Nge mwen an esamwo wesöchüla ar mwärä,  
\q1 lupwen ra chüen mongö ewe mongö,   
\q1
\v 31 Kot a song ngeniir, pwe a niela ekewe mi fokun pöchökül me leir  
\q1 me ekewe alüal me lon Israel.   
\b  
\q1
\v 32 Iwe, ekei mettoch meinisin ra fis, nge ekewe aramas ra chök sopwela le tipis.  
\q1 Kot a föri an kewe manaman, nge resap fokun lükü.   
\q1
\v 33 Iei mine Kot a föri pwe ränin manauer a wesila usun chök enienin asepwäl,  
\q1 nge ierin manauer a chök sopolong lon niuokus watte.   
\q1
\v 34 Nge lupwen Kot a niela ekoch me leir,  
\q1 ekewe mi chüen manau ra kütta i.  
\q1 Ra ekieksefäl o tiliken le iotek ngeni.   
\q1
\v 35 Ra chechemeni pwe Kot ar achau,  
\q1 pwe ewe Kot mi Unusen Tekia ar Chon Amanau.   
\q1
\v 36 Nge ar kewe kapas resap pwüng,  
\q1 meinisin mine ra apasa a chök mwakel.   
\q1
\v 37 Leluker esap wenechar ngeni,  
\q1 resap pwal allükülük won an we pwon. \x + \xo 78.37 \xt Föf 8.21\x*   
\q1
\v 38 Nge Kot a tongeer,  
\q1 a amusala ar tipis,  
\q1 esap pwal aroserela,  
\q1 Fän chomong a amwöchü an song,  
\q1 nge esap amüchawu an lingeringer ngeniir.   
\q1
\v 39 A chechemeni pwe ir aramas echök,  
\q1 ra usun chök asepwäl mi enila, nge esap chüen enito.   
\b  
\q1
\v 40 Fän chomong ra ü ngeni i me lon ewe fanüapö  
\q1 o achouu me lon ewe fanüpwas.   
\q1
\v 41 Ra sotuni Kot fän chomong  
\q1 o asonga Ewe mi Pin me lon Israel.   
\q1
\v 42 Resap chechemeni an manaman ika ewe rän,  
\q1 lupwen a amanaueer seni chon oputeer,   
\q1
\v 43 resap pwal chechemeni an kewe föför mi amwarar  
\q1 me an kewe manaman a föri lon Isip me lon ewe maasiesin Soan.   
\q1
\v 44 Iwe, Kot a awili lölön ekewe chanpupu ngeni cha,  
\q1 pwe ekewe chon Isip resap tongeni ün seniir. \x + \xo 78.44 \xt Eks 7.17-21\x*   
\q1
\v 45 Kot a tinato pwiin nikken leir pwe repwe küür,  
\q1 pwal kairü mi ataela irän fanüer. \x + \xo 78.45 \xt Eks 8.20-24; Eks 8.1-6\x*   
\q1
\v 46 A amongöü ngeni ekewe müün fotar irä,  
\q1 nge ekewe lifichimas ra eni uän ar tanipi. \x + \xo 78.46 \xt Eks 10.12-15\x*   
\q1
\v 47 A ataela ar tanipin wain ren ütten fau  
\q1 me ar irä sikamor ren patapat.   
\q1
\v 48 A niela nöür pwiin kow ren ütten fau,  
\q1 pwal nöür pwiin sip ren inefi. \x + \xo 78.48 \xt Eks 9.22-25\x*   
\q1
\v 49 Ren an song mi fokun watte ngeniir,  
\q1 ren an lingeringer me an koput a esen ngeniir  
\q1 pwe repwe tolong lon riaföü.  
\q1 Ei a usun chök eu mwichen chon läng mi feito o afeiengaueer.   
\q1
\v 50 Esap chüen engila lon an song,  
\q1 esap pwal achika manauer seni mäla,  
\q1 nge a asechirela pwe repwe mäla ren mätter.   
\q1
\v 51 A niela ekewe mwänichi meinisin lon Isip,  
\q1 ir mwen pöchökülen mwirimwirin Ham me lon ewe fanü. \x + \xo 78.51 \xt Eks 12.29\x*   
\q1
\v 52 Mürin, Kot a emwenawu nöün aramas usun eman chon mas a emweni nöün pwiin sip,  
\q1 o emweniir lon ewe fanüapö. \x + \xo 78.52 \xt Eks 13.17-22\x*   
\q1
\v 53 A emwenirela fän kinamwe pwe resap niuokus,  
\q1 nge ewe matau a pwölüela ekewe chon oputeer. \x + \xo 78.53 \xt Eks 14.26-28\x*   
\q1
\v 54 Iwe, a emwenirela ngeni fanüan we mi pin,  
\q1 ngeni ewe chuk püsin i a liapeni. \x + \xo 78.54 \xt Eks 15.17; Jos 3.14-17\x*   
\q1
\v 55 A asüela chon ekewe mwü me mwer.  
\q1 A aineti ngeni ekewe ainangen Israel fanüer pwe repwe fanüeni  
\q1 o ngeniir imwer. \x + \xo 78.55 \xt Jos 11.16-23\x*   
\q1
\v 56 Nge ir ra sotuni ewe Kot mi Unusen Tekia  
\q1 o ü ngeni.  
\q1 Resap aleasochisi an kewe allük, \x + \xo 78.56 \xt Souk 2.11-15\x*   
\q1
\v 57 nge ra tokola seni Kot o kirikiringau usun chök semelaper kewe,  
\q1 ra lomotongau usun chök efoch esefich mi pwor.   
\q1
\v 58 Pun ra asonga Kot ren ar lenien fel won ekewe leni tekia,  
\q1 ra pwal föri pwe a lingeringeritiir ren ar kewe uluulun anü mi fal.   
\q1
\v 59 Iwe, lupwen Kot a küna ei, a fokun song  
\q1 o wesewesen pöütala chon Israel.   
\q1
\v 60 A likitala lenian me lon Silo,  
\q1 ewe imw mangaku ia Kot a nom ie me lein ekewe aramas. \x + \xo 78.60 \xt Jos 18.1; Jer 7.12-14; 26.6\x*   
\q1
\v 61 A föri pwe ewe pworofel, asisilen an manaman me ling,  
\q1 epwe oolong lepöün chon oputeer. \x + \xo 78.61 \xt 1.Sam 4.4-22\x*   
\q1
\v 62 A lingeringeriti nöün aramas  
\q1 o mwüt ngeni chon oputeer pwe repwe nirela ren ketilas.   
\q1
\v 63 Nöür alüal ra mäla lon maun.  
\q1 Esap chüen wor alüal repwe pwüpwülü ngeni nöür föpwül.   
\q1
\v 64 Nöür souasor ra mäla ren ketilas,  
\q1 nge nöür fefin mi mä pwülüer resap tongeni ngüngüres.   
\b  
\q1
\v 65 Mürin, ewe Samol a pwök usun eman a pwök me annut.  
\q1 A usun eman mwän mi pöchökül a akkapwas pokiten an ün wain.   
\q1
\v 66 Iwe, a akufu chon oputan pwe ra sü  
\q1 o asäweer ren säw esemüch.   
\b  
\q1
\v 67 Mürin, Kot a pöütala ekewe mwirimwirin Josef,  
\q1 esap filätä ewe ainangen Efraim.   
\q1
\v 68 Nge a filätä ewe ainangen Juta,  
\q1 pwal ewe chuk Sion a efich.   
\q1
\v 69 Ikenan a aüetä imwan mi pin o tekia usun tekian ekewe läng,  
\q1 a pwal anüküchara usun fanüfan  
\q1 pwe epwe nom tori feilfeilachök.   
\b  
\q1
\v 70 Kot a filätä nöün chon angang Tafit  
\q1 o angei i seni ekewe lenien sip.   
\q1
\v 71 A emwenato Tafit seni an tümwünü ekewe pwiin sip  
\q1 pwe epwe chon masen nöün aramas,  
\q1 ekewe chon Israel. \x + \xo 78.71 \xt 1.Sam 16.11-12; 2.Sam 7.8; 1.Kron 17.7\x*   
\q1
\v 72 Iwe, Tafit a tümwünüür ren wenecharen lelukan,  
\q1 a fokun angangöch lon an emweniir.   
\c 79  
\s1 Eu iotekin tüngor alilis, lupwen Jerusalem a tala  
\sr 79.1-13  
\d Echö än Asaf köl.  
\q1
\v 1 Ai Kot, chon ekewe mwü ra tolong lon fanüom.  
\q1 Ra apiningaua pinin imwom we mi pin  
\q1 o atatakisi Jerusalem. \x + \xo 79.1 \xt 2.King 25.8-10; 2.Kron 36.17-19; Jer 52.12-14\x*   
\q1
\v 2 Ra ngeni ekewe machang mi mwacho somän noum kewe chon angang pwe ochar,  
\q1 ra ngeni ekewe manmwacho fituken noum kewe chon pin.   
\q1
\v 3 Ra ninätiu char usun koluk pwelin ünükün Jerusalem,  
\q1 nge esap wor eman a peiaseni ekewe somä.   
\q1
\v 4 Äm aia uren takir me ren chon ekewe mwü mi nom ünüküm,  
\q1 ra turunufasekem o esitakem.   
\b  
\q1
\v 5 Ai Samol mi Lapalap, ifa ükükün fansoun om kopwe song ngenikem? Epwe tori feilfeilachök?  
\q1 Ifa usun, om lingeringeritikem epwe chök ngetenget usun ekkei?   
\q1
\v 6 Kopwe song ngeni chon ekewe mwü resap sileek,  
\q1 pwal ngeni chokewe resap iotek ngonuk.   
\q1
\v 7 Pun ra niela noum aramas  
\q1 o ataela fanüer.   
\b  
\q1
\v 8 Kosap ukun ngenikem tipisin äm kewe lewo.  
\q1 Kopwe amüttirato om ümöümöch ngenikem,  
\q1 pun äm aia apilükingau.   
\q1
\v 9 Kopwe alisikem, ai Kot äm Chon Amanau,  
\q1 pwe itom epwe ling.  
\q1 Kopwe angasakem o amusala äm tipis pokiten itom.   
\q1
\v 10 Pwota chon ekewe mwü repwe ais, “Ifa i chök ar we Kot?”  
\q1 Kopwe öküna ngenikem usun om kopwe ngeni chon ekewe mwü  
\q1 chappen ar nimanauei noum kewe chon angang.   
\b  
\q1
\v 11 Kopwe aüselinga ngüngün ekewe chon fötek.  
\q1 Fän om manaman mi lapalap kopwe angasala ir mi feil ngeni mäla.   
\q1
\v 12 Ai Samol, kopwe liwini ngeni chon ekewe mwü fän fisu  
\q1 ar kewe kapasen turunufas ra turunufaseek ren.   
\q1
\v 13 Mürin, äm noum aramas, ewe mwichen sipen om mälämäl,  
\q1 äm aipwe kilisou ngonuk tori feilfeilachök.  
\q1 Seni eu täppin aramas tori eu täppin äm aipwe mwareituk.   
\c 80  
\s1 Eu iotek pwe chon Israel repwe liwinsefäl  
\sr 80.1-19  
\d Ngeni ewe mi emweni chon köl: Ei köl usun ngingin ewe köl itan ‘Kiop’. Eu än Asaf kapasen pwärätä. Echö köl.  
\q1
\v 1 Kopwe aüselingakem, en än Israel chon mas,  
\q1 en mi emweni ekewe mwirimwirin Josef usun eu pwiin sip.  
\q1 En mi mot won om lenien motun king asen ekewe kerop, \x + \xo 80.1 \xt Eks 25.22\x*   
\q1
\v 2 Kopwe pwärukela ngeni chon ekewe ainangen Efraim me Peniamin me Manasa.  
\q1 Kopwe pwäri ngenikem om manaman, kopwe feito o amanauakem.   
\b  
\q1
\v 3 Ai Kot, kopwe aliwinisefälikem,  
\q1 kopwe netiu wom fän om kirikiröch pwe aipwe küna manau.   
\b  
\q1
\v 4 Ai Samol mi Lapalap, en ewe Kot mi unusen manaman,  
\q1 ifa ükükün fansoun om kopwe song ren än noum kewe aramas iotek?   
\q1
\v 5 Ka amongöü ngenikem riaföü pwe enem mongö,  
\q1 ka pwal aünü ngenikem chönün mesem fän aükük watte.   
\q1
\v 6 Ka föri pwe chon ekewe mwü mi nom aruum ra aninifengen won fanüem,  
\q1 nge chon oputakem ra takirin ämängauakem.   
\b  
\q1
\v 7 Ai Kot mi Unusen Manaman, kopwe aliwinisefälikem,  
\q1 kopwe netiu wom fän om kirikiröch pwe aipwe küna manau.   
\b  
\q1
\v 8 En ka uwato efoch irän wain seni Isip,  
\q1 ka asüela chon ekewe mwü o fotukätiu ewe irä lon fanüer.   
\q1
\v 9 Ka limeti eu leni fän iten ewe irä pwe epwe tongeni märitä.  
\q1 A tötiu waran fän pwül lealolol, a pwal amasoua ewe fanü.   
\q1
\v 10 Ekewe chuk ra pwölüla ren nürün,  
\q1 nge palan kewe ra usun chök palen ekewe irä setar mi fokun watte.   
\q1
\v 11 Palen ewe irän wain ra meresiwu tori ewe matau watte,  
\q1 nge fasaran kewe ra tori ewe chanpupu Oifrat.   
\q1
\v 12 Pwota ka ataetiu tittin kewe,  
\q1 pwe meinisin mi pwerela won ewe al ra kini uan?   
\q1
\v 13 Pik mi mwacho seni ewe wöllap ra tipwei ewe irä,  
\q1 nge ekewe manmwacho ra mongö seni.   
\b  
\q1
\v 14 Ai Kot mi Unusen Manaman, kopwe kul ngenikem,  
\q1 kopwe netiu seni läng o nenengenikem.  
\q1 Kopwe ekieki ei irän wain.   
\q1
\v 15 Kopwe tümwünü, pun en ewe ka püsin fotukätiu.  
\q1 Kopwe tümwünü palan we ka ämärätä o apöchöküla fän itom.   
\q1
\v 16 Ra pöküetiu om we irän wain o kenala.  
\q1 Kopwe netiu wor fän om song o aroserela.   
\q1
\v 17 Nge kopwe fokun tümwünü noum aramas ka filätä,  
\q1 ewe mwü ka fokun apöchöküla fän itom.   
\q1
\v 18 Mürin, äm aisap fokun chüen kul senuk.  
\q1 Kopwe fang ngenikem manau, nge äm aipwe mwareituk.   
\b  
\q1
\v 19 Ai Samol mi Lapalap, en ewe Kot mi Unusen Manaman, kopwe aliwinisefälikem,  
\q1 kopwe netiu wom fän om kirikiröch pwe aipwe küna manau.   
\c 81  
\s1 Än Kot kirikiröch me än chon Israel tokola  
\sr 81.1-16  
\d Ngeni ewe mi emweni chon köl: Won pisekin ettik itan Kitit. Echö än Asaf köl.  
\q1
\v 1 Oupwe leüömong le köl ngeni Kot i ach pöchökül.  
\q1 Oupwe mweireir fän pwapwa ngeni än Jakop we Kot.   
\q1
\v 2 Oupwe chietä echö köl, oupwe ettiki pisekin kaktai,  
\q1 oupwe ettiki ükülele me kitar.   
\q1
\v 3 Oupwe ettiki rappwa lelingen maram me leunusen maram,  
\q1 pwal lupwen ach ränin chulap. \x + \xo 81.3 \xt Num 10.10\x*   
\q1
\v 4 Pun iei eu allük lon Israel,  
\q1 eu pwüüng seni än Jakop we Kot.   
\q1
\v 5 Kot a anükücharala ei allük ngeni chon Israel,  
\q1 lupwen a feila pwe epwe maun ngeni Isip.  
\q1 Üa rongorong eu möngüngü üsamwo rong me mwan:   
\b  
\q1
\v 6 “Üa angei seni afaremi ewe mettoch mi chou,  
\q1 üa atowu me lepöümi ewe chüük mi chou ren pilak.   
\q1
\v 7 Oua köriei lon ämi riaföü, nge ngang üa angasakemi.  
\q1 Üa pälüenikemi seni ewe kuchuen chopulap, nge ousap künaei,  
\q1 üa sotunikemi arun ekewe kolukun Meripa. \x + \xo 81.7 \xt Eks 17.7; Num 20.13\x*   
\q1
\v 8 Ämi nei aramas, oupwe rongorong ngeni ai kapasen fön.  
\q1 Ämi chon Israel, amwo oupwe aüselingaei.   
\q1
\v 9 Esap tufich pwe oupwe eäni eman kot än chon ekewe mwü,  
\q1 ousap fel ngeni eman koten ekis. \x + \xo 81.9 \xt Eks 20.2-3; Tut 5.6-7\x*   
\q1
\v 10 Ngang ewe Samol mi Lapalap ämi we Kot,  
\q1 üa emwenikemiiwu seni ewe fanü Isip.  
\q1 Oupwe fokun amassaw, nge ngang üpwe amongökemi.   
\b  
\q1
\v 11 Nge nei aramas resap mochen aüselinga aloi,  
\q1 chon Israel resap mochen aleasochisiei.   
\q1
\v 12 Iei mine üa asechirela lon ar tipeförea  
\q1 pwe repwe chök föri mine ra mochen.   
\q1
\v 13 Amwo nei aramas repwe aüselinga aloi,  
\q1 amwo chon Israel repwe aleasochisiei.   
\q1
\v 14 Are epwe iei usun, üpwe müttir akufu chon oputeer  
\q1 o fiu ngeni chokewe mi ü ngeniir.   
\q1
\v 15 Iwe, chokewe mi oputaei repwe chapetiu me mwei fän niuokus,  
\q1 nge ar feiengau esap müchüla tori feilfeilachök.   
\q1
\v 16 Nge üpwe amongöü ngenikemi wiich mi fokun mürina  
\q1 o aünü ngenikemi chönün chunen seni ewe achau, pwe oupwe mötüla.”   
\c 82  
\s1 Kot a apwüngü ekewe soukapwüng mi pwüngingau  
\sr 82.1-8  
\d Echö än Asaf köl.  
\q1
\v 1 Kot ewe meilapen ewe mwichen lon läng,  
\q1 a eäni kapwüng me lein ekewe kot:   
\q1
\v 2 “Ifa ükükün fansoun ämi oupwe eäni kapwüng fän pwüngingau  
\q1 o peni ekewe aramasangau?   
\b  
\q1
\v 3 Oupwe eäni kapwüng fän pwüng ngeni ekewe mi mwelele me ekewe mi mäsen.  
\q1 Oupwe eäni pwüng ngeni ekewe mi riaföü me wöüngau.   
\q1
\v 4 Oupwe amanaua ekewe mi mwelele me ekewe mi osupwang o angaserela seni lepöün ekewe aramasangau.”   
\q1
\v 5 Iwe, esap wor ar sile ika mirit,  
\q1 ra chök fetal lon rochopwak.  
\q1 Ra ataela ekewe pwüüng ekewe mwün fanüfan ra longolong won.   
\q1
\v 6 Üa apasa, “Ämi oua kot,  
\q1 ämi meinisin nöün Ewe mi Unusen Tekia. \x + \xo 82.6 \xt Joh 10.34\x*   
\q1
\v 7 Nge ämi oupwe chök mäla usun aramas,  
\q1 oupwe mäfeiengau usun chök ekewe samol.”   
\b  
\q1
\v 8 Ai Kot, kopwe feito o apwüngü fanüfan,  
\q1 pun noum chök chon ekewe mwü meinisin.   
\c 83  
\s1 Eu iotek pwe Kot epwe afeiengaua chokewe mi oputa Israel  
\sr 83.1-18  
\d Echö än Asaf köl.  
\q1
\v 1 Ai Kot, kosap fanafanala,  
\q1 ai Kot, kosap mosonoson ika asösö.   
\q1
\v 2 Pun nengeni, chon ü ngonuk ra akürang,  
\q1 nge chokewe mi oputok ra achimwätä mökürer.   
\q1
\v 3 Ra rawangauei noum aramas fän atuputup.  
\q1 Ra ekiekietä mine a ngau ngeni noum kewe ka tümwünüür.   
\q1
\v 4 Ra apasa, “Ou etto, ousipwe aroserela pwe resap chüen eu mwü,  
\q1 esap pwal wor eman epwe chüen chechemeni Israel.”   
\b  
\q1
\v 5 Ewer, ra tipeeufengen le rawangau.  
\q1 Ra föri eu pwonen atipeeufengen pwe repwe ü ngonuk.   
\q1
\v 6 Ekewe chon Etom me ekewe mwirimwirin Ismael,  
\q1 ekewe chon Moap me ekewe mwirimwirin Hakar,   
\q1
\v 7 ekewe chon Kepal, chon Amon me chon Amalek,  
\q1 ekewe chon Filistia me chokewe mi imweimw lon ewe telinimw Tirus,   
\q1
\v 8 pwal ekewe chon Asiria ra choniir.  
\q1 Ir meinisin ra alisi ekewe mwirimwirin Lot.   
\b  
\q1
\v 9 Kopwe föri ngeniir usun mine ka föri ngeni chon Mitian,  
\q1 usun mine ka föri ngeni Sisera me Japin arun ewe chanpupu Kison. \x + \xo 83.9 \xt Souk 7.1-23; Souk 4.6-22\x*   
\q1
\v 10 Ir ra ninnila me Entor,  
\q1 inisir a usun chök kiten mongö won pwül.   
\q1
\v 11 Kopwe föri ngeni ar kewe aramas tekia pwe repwe usun chök Orep me Seep,  
\q1 nge ar kewe samol meinisin repwe usun chök Sepa me Salmuna, \x + \xo 83.11 \xt Souk 7.25; Souk 8.12\x*   
\q1
\v 12 ir chokewe mi apasa, “Ousipwe angei fän itach  
\q1 ekewe fanüen Kot pwe sipwe fanüeni.”   
\b  
\q1
\v 13 Ai Kot, kopwe föri pwe repwe usun chök pipisüsü,  
\q1 pwal usun chök fetilipwas asepwäl a ässala.   
\q1
\v 14 Usun ekkei a kenala ewe wöllap,  
\q1 usun ngetengeten ekkei a akkara ekewe chuk,   
\q1
\v 15 iei usun kopwe tapweriir ren om asepwäl mi pöchökül  
\q1 o eniwokusuur ren om mölümöl.   
\q1
\v 16 Kopwe atoto wor säw,  
\q1 pwe repwe küttok, ai Samol mi Lapalap.   
\q1
\v 17 Amwo repwe säw o nom lon niuokus watte tori feilfeilachök.  
\q1 Amwo repwe mäla lon itengau.   
\q1
\v 18 Iwe, repwe silei pwe en ewe mi iteni Samol mi Lapalap,  
\q1 en chök Ewe mi Unusen Tekia won unusen fanüfan.   
\c 84  
\s1 Positi imwen Kot  
\sr 84.1-12  
\d Ngeni ewe mi emweni chon köl: Won pisekin ettik itan Kitit. Echö köl än nöün Kora kewe mwän.  
\q1
\v 1 Ai Samol mi Unusen Manaman, üa fokun efich imwom.   
\q1
\v 2 Üa fokun positi ai üpwe nom lon imwen ewe Samol mi Lapalap,  
\q1 ewer, üa aiengau ren.  
\q1 Lelukei me inisi ra kölün pwapwa  
\q1 ngeni ewe Kot mi manau.   
\b  
\q1
\v 3 Iwe, ewe nichok a küna lenian,  
\q1 nge ewe ekiek a wor fasan  
\q1 ia a tongeni anomu ie apanan,  
\q1 ina usun üa küna leniei ünükün om kewe rongen asor,  
\q1 ai Samol mi Unusen Manaman, ai king me ai Kot.   
\q1
\v 4 Ra feiöch ir mi nonom lon imwom,  
\q1 ir mi kölün mwareituk fansoun meinisin.   
\b  
\q1
\v 5 Ra feiöch ekewe aramas mi angei ar pöchökül senuk.  
\q1 Ra chök ekieki lon leluker ar repwe fetal won ekewe al ngeni Sion.   
\q1
\v 6 Lupwen ra pwerela lon ewe lemolun kechü mi pwasapwas,  
\q1 ra awili ngeni eu lenien puächen koluk.  
\q1 Pwal ewe ütten leefen a pwölüela ewe lemol ren feiöch.   
\q1
\v 7 Ra fetal o pöpöchökülela  
\q1 tori repwe küna ewe Kot mi lap seni ekewe kot meinisin me lon Sion.   
\b  
\q1
\v 8 Ai Samol mi Lapalap, en ewe Kot mi Unusen Manaman,  
\q1 kopwe aüselinga ai iotek, kopwe aü selingom, Maing än Jakop we Kot.   
\q1
\v 9 Ai Kot, kopwe afeiöchü äm king,  
\q1 kopwe netiu won noum we mi kepit.   
\b  
\q1
\v 10 Pun ai nonom lon imwom lon ükükün eu chök rän  
\q1 a mürina seni ai nonom ekis lon ükükün engeröü rän.  
\q1 Üa efich ai üpwe nom lon asamalapen imwen ai Kot,  
\q1 lap seni ai üpwe nonom lon imwen ekewe aramasangau.   
\q1
\v 11 Pun Kot ewe Samol mi Lapalap i ai saram, a apetiei seni ei feiengau.  
\q1 A fangela ngenikich ümöümöch me iteüöch.  
\q1 Ewe Samol mi Lapalap esap amwöchü och mi mürina  
\q1 seni chokewe mi föri mine a pwüng.   
\q1
\v 12 Ai Samol mi Unusen Manaman, a feiöch ewe aramas mi lükü en.   
\c 85  
\s1 Eu iotek pwe Kot epwe ümöümöch ngeni chon Israel  
\sr 85.1-13  
\d Ngeni ewe mi emweni chon köl: Echö köl än nöün Kora kewe mwän.  
\q1
\v 1 Ai Samol mi Lapalap, ka fen efich fanüom me lom,  
\q1 ka aliwinisefäli ekewe chon Israel seni ar oola o awöüür.   
\q1
\v 2 Ka amusala pwüngingauen noum aramas,  
\q1 ka amusala ar tipis meinisin.   
\b  
\q1
\v 3 Ka aükätiu om lingeringer ngeniir  
\q1 o wes seni om song mi fokun lapalap.   
\b  
\q1
\v 4 Ai Kot, äm Chon Amanau, kopwe aliwinisefälikem  
\q1 o aükätiu om song ngenikem.   
\q1
\v 5 Ifa usun, kopwe song ngenikem tori feilfeilachök?  
\q1 Ifa usun, kopwe chök sopwela le song ngeni ekewe täppin aramas meinisin?   
\q1
\v 6 Kose mochen kopwe amanauasefälikem,  
\q1 pwe äm noum kewe aramas aipwe mwareituk.   
\q1
\v 7 Ai Samol mi Lapalap, kopwe pwäri ngenikem om we tong ellet  
\q1 o fang ngenikem om manau.   
\b  
\q1
\v 8 Üpwe rongorong ngeni mine Kot a apasa.  
\q1 A pwon pwe epwe awora kinamwe ngeni nöün kewe aramas, ngeni nöün kewe mi pin,  
\q1 are resap chüen liwinsefäl ngeni ar kewe föför mi mwäl.   
\q1
\v 9 Ellet, a kaneto pwe epwe amanaua chokewe mi niuokusiti i,  
\q1 pwe an ling epwe nonom lon fanüach.   
\b  
\q1
\v 10 Tong ellet me allükülük repwe chufengen,  
\q1 pwüng me kinamwe repwe mitirifengeniir.   
\q1
\v 11 Än aramas allükülük epwe feitä seni fanüfan,  
\q1 nge än Kot pwüng epwe netiu seni läng.   
\q1
\v 12 Ewer, ewe Samol mi Lapalap epwe fangeto mettoch mi mürina,  
\q1 nge fanüach epwe awora räsimong.   
\q1
\v 13 Pwüng epwe akomwola mwen ewe Samol mi Lapalap,  
\q1 pwe epwe föri efoch al fän itan.   
\c 86  
\s1 Eu iotek pwe Kot epwe sopwela an ümöümöch  
\sr 86.1-17  
\d Eu än Tafit iotek.  
\q1
\v 1 Ai Samol mi Lapalap, kopwe aüselingaei o pälüeniei,  
\q1 pun ngang eman aramas mi wöüngau o osupwang.   
\q1
\v 2 Kopwe amwöchü manauei, pun ngang üa föri letipom.  
\q1 Kopwe amanauaei, ngang noum chon angang mi apilükülükuk, pun en ai Kot.   
\b  
\q1
\v 3 Ai Samol, kopwe ümöümöch ngeniei,  
\q1 pun ngang üa siö ngonuk iteiten rän.   
\q1
\v 4 Kopwe apwapwai leluken noum ei chon angang,  
\q1 ai Samol, pun üa suki ngonuk lelukei.   
\q1
\v 5 Pun en, ai Samol, ka kirikiröch o amusala tipis,  
\q1 om tong ellet a somwosom ngeni meinisin mi iotek ngonuk.   
\b  
\q1
\v 6 Ai Samol mi Lapalap kopwe aü selingom ngeni ai iotek,  
\q1 kopwe aüseling ngeni ai tüngor.   
\q1
\v 7 Lon ränin ai riaföü üpwe kökköruk,  
\q1 pun en kopwe pälüeniei.   
\b  
\q1
\v 8 Esap fokun wor eman me lein ekewe kot usun en, ai Samol,  
\q1 esap pwal wor och föför mi wewe ngeni om kewe föför.   
\q1
\v 9 Chon ekewe mwü meinisin ka föriir  
\q1 repwe feito o fel ngonuk,  
\q1 ai Samol mi Lapalap, repwe pwal alinga itom. \x + \xo 86.9 \xt Pwär 15.4\x*   
\q1
\v 10 Pun en ka tekia, ka föri mettoch mi amwarar,  
\q1 en echök Kot.   
\b  
\q1
\v 11 Ai Samol mi Lapalap, kopwe aiti ngeniei mine ka mochen pwe üpwe föri.  
\q1 Iwe, üpwe aleasochis ngonuk fän allükülük.  
\q1 Kopwe fang ngeniei eu leluk esap tipekinikin, pwe üpwe niuokusiti itom.   
\q1
\v 12 Ai Samol me ai Kot, üpwe kilisou ngonuk ren unusen lelukei,  
\q1 üpwe alinga itom tori feilfeilachök.   
\q1
\v 13 Pun om we tong ellet a fokun lapalap ngeniei,  
\q1 ka amanauaei seni epin lenien sotup.   
\b  
\q1
\v 14 Ai Kot, aramas mi lamalamtekia ra ü ngeniei,  
\q1 eu mwichen mwänewüs ra mochen nieila,  
\q1 ir chokewe resap ekieki en.   
\q1
\v 15 Nge en, ai Samol, eman Kot mi ümöümöch o kirikiröch,  
\q1 ka songomang o wöün tong ellet me allükülük.   
\q1
\v 16 Kopwe sap ngeniei o tongeei,  
\q1 kopwe ngeni noum ei chon angang pöchökül  
\q1 o amanaua nöün noum we chon angang fefin mwän.   
\q1
\v 17 Kopwe pwäri ngeniei eu asisil pwe ka kirikiröch ngeniei,  
\q1 pwe chokewe mi oputaei repwe säw,  
\q1 lupwen repwe küna pwe en ai Samol mi Lapalap ka alisiei o achipaei.   
\c 87  
\s1 Feiöchün chokewe mi nonom lon Sion  
\sr 87.1-7  
\d Echö köl än nöün Kora kewe mwän.  
\q1
\v 1 Kot a aüetä an we telinimw won ewe chuk mi pin.   
\q1
\v 2 Ewe Samol mi Lapalap a aücheani Sion  
\q1 lap seni ekewe leni meinisin lon Israel.   
\q1
\v 3 A eäni pworaus mi amwarar usum,  
\q1 en telinimwen Kot.   
\b  
\q1
\v 4 Üpwe makei iten Isip me Papilon  
\q1 lon tettelin ekewe mwü mi aleasochisiei,  
\q1 pwal ekewe chon Filistia me Tirus me Itiopia  
\q1 üpwe alearelong lein chokewe mi imweimw lon Jerusalem.   
\q1
\v 5 Nge usun Sion aramas repwe apasa  
\q1 pwe chon ekewe mwü meinisin repwe nonom lon.  
\q1 Iwe, Ewe mi Unusen Tekia epwe püsin anüküchara ewe telinimw.   
\q1
\v 6 Ewe Samol mi Lapalap epwe angei iteiten ekewe aramas,  
\q1 epwe alearelong meinisin lon iteiten chon ewe telinimw Jerusalem.   
\b  
\q1
\v 7 Iwe, ekewe chon köl me chon pworuk ra apasa,  
\q1 “Äm kewe puächen kolukun manau ra nonom lomw.”   
\c 88  
\s1 Eu iotekin tüngor ngasala seni mäla  
\sr 88.1-18  
\d Echö köl än nöün Kora kewe mwän. Ngeni ewe mi emweni chon köl Ei köl usun ngingin ewe sokun köl mi mang. Echö kölün kait än Heman eman mwirimwirin Esra.  
\q1
\v 1 Ai Samol mi Lapalap, ai Kot mi amanauaei lerän me lepwin,  
\q1 üa siö ngonuk pwe kopwe alisiei.   
\q1
\v 2 Amwo kopwe etiwa ai iotek,  
\q1 kopwe aüselinga ngeni ai siö.   
\b  
\q1
\v 3 Pun chomong riaföü ra toriei,  
\q1 pwe üa arap ngeni ai üpwe mäla.   
\q1
\v 4 Üa alealong lein chokewe mi tolong lon peias.  
\q1 Ngang eman mwän esap wor ai pöchökül.   
\q1
\v 5 Üa usun eman mi pöütüla me lein ekewe somä,  
\q1 usun ekewe mi ninnila ra kon lon peias,  
\q1 pwal usun chokewe en kosap chüen chechemeniir,  
\q1 pun ka ärirewu seni om tütümwün.   
\q1
\v 6 Ka aturueilong epin ewe peias,  
\q1 lon ewe leni mi rochopwak o alolol.   
\q1
\v 7 Om lingeringer a chouitiei,  
\q1 üa pwölüla fan usun chök ai pwölüla fän no.   
\b  
\q1
\v 8 Ka föri pwe chiechiei kewe ra likitieila.  
\q1 Ka föri pwe ngang och mettoch mi anioput me rer,  
\q1 üa mwöchülong lon fötek pwe üsap tongeni süla.   
\q1
\v 9 Mesei ra toputopula ren ai riaföü.  
\q1 Iteiten rän üa kökköruk, ai Samol mi Lapalap,  
\q1 üa aitietä pei ngonuk lon ai iotek.   
\b  
\q1
\v 10 Ifa usun, en ka föri manaman fän iten sotup?  
\q1 Ifa usun, ir repwe tongeni ütä o mwareituk?   
\q1
\v 11 Ifa usun, repwe apworausa om we tong ellet me lon peias,  
\q1 ika om allükülük me lon ewe leni mi ta?   
\q1
\v 12 Ifa usun, ra silei usun om kewe manaman me lon lenien rochopwak,  
\q1 ika usun om kewe föförün pwüng me lon fanüen chokewe mi manlüküla?   
\b  
\q1
\v 13 Nge ngang, ai Samol mi Lapalap, üa siö ngonuk,  
\q1 iteiten lesosor üa iotek ngonuk.   
\q1
\v 14 Ai Samol mi Lapalap, pwota ka pöütieila,  
\q1 pwota ka aopa mesom seniei?   
\q1
\v 15 Üa apwangapwang o kan ngeni mäla seni lesäräföi,  
\q1 üa riaföü ren om kewe eniweniw o apilükingau.   
\q1
\v 16 Om lingeringer a pwölüeila,  
\q1 om kewe eniweniw ra afeiengauwaei.   
\q1
\v 17 Ra pwelifeiliei usun no iteiten rän,  
\q1 ra pweliei o rongeila.   
\q1
\v 18 Ka föri pwe atongeei me chienei ra likitieila,  
\q1 nge rochopwak chiechiei we mi fokun kan ngeniei.   
\c 89  
\s1 Än Kot pwon ngeni Tafit  
\sr 89.1-52  
\d Echö kölün kait än Etan eman mwirimwirin Esra.  
\q1
\v 1 Ai Samol mi Lapalap, üpwe kölü om tong ellet tori feilfeilachök.  
\q1 Üpwe arongafeili om allükülük ngeni ekewe täppin aramas meinisin.   
\q1
\v 2 Üpwe pwärätä pwe om tong ellet a nomopos tori feilfeilachök,  
\q1 pwe om allükülük a nüküchar usun ekewe läng.   
\q1
\v 3 En ka apasa, “Üa eäni eu pwon ngeni ätewe üa filätä,  
\q1 üa pwon fän akapel ngeni Tafit nei we chon angang:   
\q1
\v 4 Üpwe föri pwe mwirimwirum kana repwe king tori feilfeilachök  
\q1 o anüküchara mwum tori ekewe täppin aramas meinisin.” \x + \xo 89.4 \xt 2.Sam 7.12-16; 1.Kron 17.11-14; Kölf 132.11; Föf 2.30\x*   
\q1
\v 5 Ai Samol mi Lapalap, ekewe läng repwe mwareiti om kewe manaman,  
\q1 nge ewe mwichen chon pin kana repwe ingeiti om allükülük.   
\q1
\v 6 Pun esap wor eman lon läng mi wewe ngonuk en Samol mi Lapalap.  
\q1 Esap wor eman me lein ekewe chon läng a usun chök en.   
\q1
\v 7 En ewe Kot ewe mwichen chon pin a niwelapeituk.  
\q1 Ka kon eniwokus lap seni meinisin mi nom ünükumw.   
\b  
\q1
\v 8 Ai Samol mi Lapalap, en ewe Kot mi Unusen Manaman, iö a manaman usun en?  
\q1 Ai Samol mi Lapalap, ka allükülük lon mettoch meinisin.   
\q1
\v 9 En ka nemeni ewe matau mi nono.  
\q1 Lupwen ekewe no ra pwotä, en ka alüaar.   
\q1
\v 10 Ka atatakisi Rahap \f + \fr 89.10 \ft Rahap a aliosunätä Isip\f* pwe a usun chök eman mi ninnila,  
\q1 ka atoropasa ekewe chon oputom ren poum mi manaman.   
\q1
\v 11 Ekewe läng om, ewe fanüfan pwal om.  
\q1 En ka föri fanüfan me masouan meinisin.   
\q1
\v 12 En ka förätä efeng me ör.  
\q1 Ekewe chuk Tapor me Hermon ra mwareituk fän pwapwa.   
\q1
\v 13 En ka fokun manaman.  
\q1 Poum a pöchökül, pöüifichum a ititä.   
\q1
\v 14 Pwüng me apwüng longolongun mumw,  
\q1 tong ellet me allükülük a pwä lon meinisin mine ka föri.   
\b  
\q1
\v 15 Ra feiöch ekewe aramas mi silei ewe kölün mwareituk,  
\q1 ir mi fetal lon saramen won mesom, ai Samol mi Lapalap.   
\q1
\v 16 Repwe mwareituk iteiten rän  
\q1 o ingeiti om pwüng.   
\q1
\v 17 En ar ling me ar pöchökül.  
\q1 Ren om kirikiröch mökürem a chimwetä.   
\q1
\v 18 Pun ewe mi tümwünükich nöün ewe Samol mi Lapalap,  
\q1 ach king nöün Ewe mi Pin lon Israel.   
\b  
\q1
\v 19 Me lom en ka kapas ngeni noum we chon angang mi allükülük lon künan o apasa,  
\q1 “Üa alisi eman sounfiu mi pwora.  
\q1 Üa seikätä eman alüal seni lein ekewe aramas.   
\q1
\v 20 Üa awisa nei we chon angang Tafit pwe epwe king.  
\q1 Üa epiti ren ai lö mi pin. \x + \xo 89.20 \xt 1.Sam 13.14; Föf 13.22; 1.Sam 16.12\x*   
\q1
\v 21 Üpwe alisi i fansoun meinisin,  
\q1 ai manaman epwe apöchöküla.   
\q1
\v 22 Ekewe chon oputan resap tongeni pwora ngeni,  
\q1 nge ekewe aramasangau resap tongeni akufu.   
\q1
\v 23 Üpwe atatakisi chokewe mi ü ngeni,  
\q1 üpwe pwal niela chokewe mi oputa.   
\q1
\v 24 Ai allükülük me tong ellet epwe nom ren,  
\q1 nge i epwe chimwätä möküran pokiten itei.   
\q1
\v 25 Ngang üpwe awisa pwe epwe nemeni ewe matau watte,  
\q1 epwe pwal fokun nemeni ekewe chanpupu.   
\q1
\v 26 Iwe, epwe apasa ngeniei, ‘En semei me ai Kot,  
\q1 en ewe chon tümwünüei me ai Chon Amanau.’   
\q1
\v 27 Üpwe filätä i pwe epwe nei mwänichi,  
\q1 epwe tekia me lein ekewe kingen fanüfan. \x + \xo 89.27 \xt Pwär 1.5\x*   
\q1
\v 28 Üpwe chök eäni ai tong ellet ngeni tori feilfeilachök,  
\q1 nge ai pwon ngeni epwe nükünük.   
\q1
\v 29 Üpwe föri pwe mwirimwirin kana repwe king tori feilfeilachök,  
\q1 nge mwün epwe nonom ükükün fansoun än ekewe läng nonom.   
\b  
\q1
\v 30 Nge are nöün kana resap aleasochis ngeni ai kewe allük,  
\q1 resap pwal apwönüetä ai kewe pwüüng,   
\q1
\v 31 are repwe puri ai kewe allük  
\q1 pwe resap tümwünüür,   
\q1
\v 32 mürin üpwe apwüngüür pokiten ar pupungau,  
\q1 üpwe pwal ariaföüür pokiten ar tipis.   
\q1
\v 33 Nge üsap ükütiu le tongei Tafit,  
\q1 üsap pwal föri pwe ai allükülük ngeni epwe mwäl.   
\q1
\v 34 Üsap atai ai pwon ngeni  
\q1 ika siwili eu ai kewe kapas üa apasa ngeni.   
\b  
\q1
\v 35 Fän eu chök üa pwon fän akapel ren ai pin, nge üsap pwal apinisefäli.  
\q1 Üsap chofana ngeni Tafit.   
\q1
\v 36 Epwe wor mwirimwirin Tafit tori feilfeilachök,  
\q1 nge mwün epwe nonom mwei usun chök akkar a nom mwei.   
\q1
\v 37 Epwe chök nonom tori feilfeilachök usun ewe maram a nonom,  
\q1 iei ewe pisekin pwärätä mi allükülük fän läng.”   
\b  
\q1
\v 38 Nge iei ka fokun song ngeni noum we mi kepit,  
\q1 ka likitala o pöütala.   
\q1
\v 39 Ka atai om we pwon ngeni noum we chon angang,  
\q1 ka asapwilätiu seni wisan wisen king.   
\q1
\v 40 Ka ataetiu tittin an telinimw meinisin  
\q1 o atatakisi an kewe leni mi pöchökül.   
\q1
\v 41 Meinisin mi pwerela lükün ra soläni pisekin.  
\q1 A küna turunufas me ren chon arun.   
\q1
\v 42 Ka fokun awinna chon ü ngeni,  
\q1 ka föri pwe ekewe chon oputan meinisin ra pwapwa ren ar akufu.   
\q1
\v 43 Ewer, ka föri pwe nöün ketilas esap wor nian, kosap pwal alisi lon maun.   
\q1
\v 44 Ka angei seni lepöün wokun wokun king,  
\q1 ka pwal aturätiu lepwül an lenien motun king.   
\q1
\v 45 Ka föri pwe a chinlapala, lupwen a chüen alüal,  
\q1 o pwölüla ren säw.   
\b  
\q1
\v 46 Ai Samol mi Lapalap, ifa usun, kopwe aopok tori feilfeilachök?  
\q1 Ifa ükükün fansoun om lingeringer epwe kü usun ekkei?   
\q1
\v 47 Ai Samol mi Lapalap, kopwe chechemeni pwe ränin manauei a mochomoch,  
\q1 pun ka föri aramas meinisin pwe repwe chök mäla.   
\q1
\v 48 Ifa usun, meni aramas a tongeni manau, nge esap fokun mäla?  
\q1 Iö a tongeni angasa manauan seni manamanen ewe lenien sotup?   
\b  
\q1
\v 49 Ai Samol, ia a nom ie om tong ellet ka eäni me lom,  
\q1 ewe tong ka pwon fän akapel ngeni Tafit ren om allükülük?   
\q1
\v 50 Ai Samol, kopwe chechemeni usun ngang noum ei chon angang üa küna turunufas,  
\q1 usun üa weires lon lelukei ren än chon ekewe mwü kapasen esit.   
\q1
\v 51 Ai Samol mi Lapalap, ekewe chon oputok ra turunufasei noum we king mi kepit,  
\q1 ra turunufasei i ekis meinisin ia a fetal ie.   
\b  
\q1
\v 52 Ousipwe mwareiti ewe Samol mi Lapalap tori feilfeilachök!  
\q1 Amen, Amen.   
\c 90  
\ms1 ARÜANÜN PUK  
\s1 Kot a nom tori feilfeilachök, nge manauen aramas a chök mochomoch  
\sr 90.1-17  
\d Eu iotek än Moses ewe aramasen Kot.  
\q1
\v 1 Ai Samol en äm lenien op seni eu täppin aramas tori eu täppin.   
\q1
\v 2 Mwen ekewe chuk resamwo fis,  
\q1 pwal mwen kosamwo föri unusen fanüfan  
\q1 en chök Kot seni fansoun esepop  
\q1 tori fansoun esemüch.   
\b  
\q1
\v 3 Ka awili aramas ngeni pwül o üra,  
\q1 “Ämi nöün aramas, oupwe liwinsefäliti pwül.”   
\q1
\v 4 Pun engeröü ier ra usun chök eu rän me reöm,  
\q1 ra usun chök ewe rän näneu a fen la,  
\q1 ika usun chök eu leülüngatin eu pwin. \x + \xo 90.4 \xt 2.Pet 3.8\x*   
\q1
\v 5 En ka angekaiela manauen aramas usun müttirin puun eu chanpupu.  
\q1 Ra usun chök eu tan mi müttir manlüküla,  
\q1 ra pwal usun chök fetil mi märifötä lesosor.   
\q1
\v 6 Lesosor ewe fetil a aümanau o märifötä,  
\q1 nge lekuniol a aümämä o pwasala.   
\b  
\q1
\v 7 Pun äm aia rosola ren om song,  
\q1 äm aia fokun niuokus ren om lingeringer.   
\q1
\v 8 Ka anomu äm pwüngingau me mwom,  
\q1 äm tipis mi monola ka särifätä pwe ka tongeni küneer.   
\b  
\q1
\v 9 Pun ränin manauem meinisin ra la senikem ren om lingeringer,  
\q1 nge ierin manauem kewe ra müchüla usun eu ngasangas.   
\q1
\v 10 Iwe, ierin manauem ra tori fik,  
\q1 nge are eman a pöchökül, a tori walik ier.  
\q1 Nge lon ekewe ier a chök masou ren angang me weires.  
\q1 Ra müttir wesila usun chök aia ässila.   
\b  
\q1
\v 11 Nge iö a mefi manamanen om song,  
\q1 nge iö a silei an epwe niuokusiti om lingeringer?   
\q1
\v 12 Kopwe aiti ngenikem pwe aipwe eiteita ränin manauem mi mochomoch,  
\q1 pwe aipwe tipachemela.   
\b  
\q1
\v 13 Ai Samol mi Lapalap, kopwe kul ngenikem. Ifa ükükün fansoun kopwe song ngenikem?  
\q1 Kopwe tongei noum kewe chon angang.   
\q1
\v 14 Kopwe aurakem ren om tong ellet iteiten lesosor,  
\q1 pwe aipwe köl o pwapwa lon ränin manauem meinisin.   
\q1
\v 15 Kopwe apwapwakem lon aükükün ekewe rän ka ariaföüükem lon,  
\q1 pwal lon aükükün ekewe ier aia küna weires lon.   
\q1
\v 16 Kopwe pwäri ngeni noum kewe chon angang om kewe föför,  
\q1 pwal om manaman mi ling ngeni nöür kewe.   
\q1
\v 17 Äm Kot Samol mi Lapalap, om ümöümöch epwe nom wom.  
\q1 Kopwe afisätä angangen pöüm.   
\c 91  
\s1 Nonom fän nürün Ewe mi Unusen Tufich  
\sr 91.1-16  
\q1
\v 1 Eman mi nom ren Ewe mi Unusen Tekia pwe epwe op ren  
\q1 o nonom fän än Ewe mi Unusen Manaman tümwün,   
\q1
\v 2 epwe kapas ngeni ewe Samol mi Lapalap,  
\q1 “En ai lenien op me imwei imwen maun,  
\q1 en ai Kot üa apilükülükuk.”   
\q1
\v 3 Pun i epwe tümwünuk seni ekewe feiengau meinisin mi monola senuk  
\q1 o amanauok seni ewe mätter mi afeiengau,   
\q1
\v 4 epwe pwölü ngonuk pöün kewe pwe kopwe op fan.  
\q1 An allükülük epwe tümwünuk o epeti senuk feiengau.   
\q1
\v 5 Kosap niueiti eniweniwen lepwin  
\q1 ika ekewe föün esefich mi äkkäs lerän lupwen maun,   
\q1
\v 6 ika ewe mätter mi akanif lerochopwak,  
\q1 ika ewe samau mi akafeiengau leoloas.   
\b  
\q1
\v 7 Engeröü repwe turula lepekum,  
\q1 nge engol ngeröü lepelifichum,  
\q1 nge en kosap feiengau.   
\q1
\v 8 Kopwe chök nengeni ren mesom  
\q1 o küna usun än ekewe aramasangau angei liwiningau.   
\b  
\q1
\v 9 Pokiten ka eäni ewe Samol mi Lapalap lenien op,  
\q1 ka pwal fili Ewe mi Unusen Tekia pwe om chon tümwün,   
\q1
\v 10 iei mine esap wor och feiengau epwe toruk,  
\q1 esap pwal wor och riaföü epwe arap ngeni imwom.   
\b  
\q1
\v 11 Pun i epwe akünöü nöün chon läng kana pwe repwe tümwünuk,  
\q1 repwe emwenuk won ekewe al meinisin ia kopwe feila ie. \x + \xo 91.11 \xt Mat 4.6; Luk 4.10\x*   
\q1
\v 12 Repwe pwisuk lepöür kana  
\q1 pwe pecheöm esap chepeti fau. \x + \xo 91.12 \xt Mat 4.6; Luk 4.11\x*   
\q1
\v 13 Kopwe ipwetiu won laion me serepenit,  
\q1 kopwe purätiu fän pecheöm ekewe nienifön laion me ekewe serepenit mi poison. \x + \xo 91.13 \xt Luk 10.19\x*   
\q1
\v 14 Ewe Samol mi Lapalap a apasa, “Pokiten a echeniei, ngang üpwe amanaua,  
\q1 üpwe tümwünü i, pun a silei itei.   
\q1
\v 15 Are epwe köriei, üpwe pälüeni.  
\q1 Üpwe nom ren lon an riaföü,  
\q1 üpwe angasa o aitöchü.   
\q1
\v 16 Üpwe alangatama ränin manauan pwe epwe menemen ren,  
\q1 üpwe fokun amanaua.”   
\c 92  
\s1 Sipwe mwareiti än Kot kirikiröch  
\sr 92.1-15  
\d Echö köl fän iten ewe ränin sapat.  
\q1
\v 1 A mürina äm aipwe kilisou ngonuk, äm Samol mi Lapalap,  
\q1 aipwe kölün mwareiti itom,  
\q1 en Ewe mi Unusen Tekia.   
\q1
\v 2 Iteiten lesosor aipwe arongafeili om tong ellet,  
\q1 nge iteiten lepwin om allükülük,   
\q1
\v 3 fiti tikin pisekin ettik mi wor engol saitenin,  
\q1 pwal fiti ngingin kitar.   
\q1
\v 4 Pun en, ai Samol mi Lapalap, ka apwapwaei ren om föför.  
\q1 Üa köl fän pwapwa ren mine en ka föri.   
\b  
\q1
\v 5 Ai Samol mi Lapalap, om kewe föför ra fokun tekia,  
\q1 om kewe ekiek ra fokun alolol.   
\q1
\v 6 Aramas mi tipate resap tongeni silei,  
\q1 nge ir mi tiparoch resap tongeni wewe ren:   
\q1
\v 7 Inamwo are ekewe aramasangau ra mämäritä usun fetil,  
\q1 nge ekewe chon föföringau meinisin ra aümanau,  
\q1 repwe chök fetal ngeni feiengau esemüch.   
\q1
\v 8 Nge en ai Samol mi Lapalap, ka tekia tori feilfeilachök.   
\q1
\v 9 Ai Samol mi Lapalap, ellet ekewe chon oputom repwe rosola,  
\q1 nge ekewe chon föföringau meinisin repwe toropasfeil.   
\b  
\q1
\v 10 En ka ngeniei pöchökül usun pöchökülen eman kow mi mwacho,  
\q1 ka epiti ngeniei lö mi fö.   
\q1
\v 11 Mesei ra küna usun än chon oputaei kuf,  
\q1 selingei ra rongorong usun feiengauen ekewe aramasangau mi ü ngeniei.   
\q1
\v 12 Ekewe chon pwüng repwe aümanau usun ewe irä palm,  
\q1 repwe mämäritä usun efoch irä setar won Lepanon.   
\q1
\v 13 Ra usun chök irä mi fotetiu lon imwen ewe Samol mi Lapalap,  
\q1 repwe aümanauatä me lon än ach we Kot we imwenfel.   
\q1
\v 14 Ra chüen ua lon ar chinlap,  
\q1 ra uren pöchökül o wowoöch fansoun meinisin,   
\q1
\v 15 pwe repwe arongafeili pwe ewe Samol mi Lapalap a wenechar.  
\q1 I ai achau, esap wor och pwüngingau a nom ren.   
\c 93  
\s1 Kot a ling o manaman  
\sr 93.1-5  
\q1
\v 1 Ewe Samol mi Lapalap a nemenem,  
\q1 a üföüf ngeni ling me manaman.  
\q1 Ewer, fanüfan a nükünük,  
\q1 esap fokun tongeni mwöküt seni lenian.   
\q1
\v 2 Om lenien motun king a nüküchar seni me lomlom,  
\q1 en ka nom seni fansoun esepop.   
\b  
\q1
\v 3 Ai Samol mi Lapalap, ekewe noon lematau ra tekiatä,  
\q1 ekewe no ra atekiatä ngüngür, ekewe no ra atekiatä püngüpüngür.   
\q1
\v 4 Ewe Samol mi Lapalap mi nom pekitä a fokun manaman,  
\q1 a pöchökül seni püngümongun chomong koluk,  
\q1 a pöchökül seni nonon lematau.   
\b  
\q1
\v 5 Ai Samol mi Lapalap, om kewe allük ra fokun let,  
\q1 imwom a fokun pin tori feilfeilachök.   
\c 94  
\s1 Eu iotek pwe Kot epwe liwini ngeni ekewe aramasangau chappen ar föföringau  
\sr 94.1-23  
\q1
\v 1 Ai Samol mi Lapalap, en ewe Kot mi ngeni aramas chappen ar föföringau,  
\q1 en ewe Kot mi ngeni aramas chappen ar föföringau, kopwe pwärukela.   
\q1
\v 2 En soukapwüngün fanüfan,  
\q1 kopwe ütä o liwini ngeni ekewe chon lamalamtekia ükükün ar föför.   
\q1
\v 3 Ai Samol mi Lapalap, ifa ükükün fansoun än ekewe aramasangau repwe tunosikesik?   
\q1
\v 4 Ekewe chon föföringau meinisin ra atowu kapasen lamalamtekia,  
\q1 ra aingaing won ar föför mi ngau.   
\q1
\v 5 Ai Samol mi Lapalap, ra atatakisi noum kewe aramas  
\q1 o ariaföüü noum kana.   
\q1
\v 6 Ra niela ekewe fefin mi mä pwülüer me ekewe chon ekis  
\q1 o nimanauei ekewe mi mäsen.   
\q1
\v 7 Iwe, ra apasa, “Ewe Samol mi Lapalap esap küna,  
\q1 ewe Koten Israel esap silei.”   
\b  
\q1
\v 8 Ämi mi fokun tipate me lein ekewe aramas, oupwe weweöch.  
\q1 Ämi mi tiparoch, inet oupwe tipachemela?   
\q1
\v 9 Ifa usun, ewe mi förätä seling, esap püsin rongorong?  
\q1 Ifa usun, ewe mi föri mas, esap püsin küna?   
\q1
\v 10 Ifa usun, ewe mi apwüngü chon ekewe mwü esap pwal apwüngüür?  
\q1 Ifa usun, ewe chon kait ngeni aramas esap silelap?   
\q1
\v 11 Ewe Samol mi Lapalap a silei ekiekin aramas,  
\q1 a silei pwe ra pön chök. \x + \xo 94.11 \xt 1.Kor 3.20\x*   
\q1
\v 12 Ai Samol mi Lapalap, a feiöch ewe mwän en ka amiriti,  
\q1 ätewe ka aiti ngeni om allük.   
\q1
\v 13 Kopwe angasa seni an kewe riaföü,  
\q1 tori eu pwang a tu fän iten ekewe aramasangau.   
\q1
\v 14 Iwe, ewe Samol mi Lapalap esap likitala nöün aramas,  
\q1 esap pwal pöütala chokewe a nöüniir.   
\q1
\v 15 Angangen kapwüng epwe longolongsefäl won pwüng,  
\q1 nge meinisin mi wenechar lon leluker repwe tipeeu ngeni.   
\b  
\q1
\v 16 Iö epwe ütä fän itei o ü ngeni ekewe aramasangau?  
\q1 Iö epwe nom won peki o ü ngeni ekewe chon föföringau?   
\q1
\v 17 Are ewe Samol mi Lapalap esap alisiei,  
\q1 ngang üpwe müttir feila lon lenien sotup.   
\q1
\v 18 Lupwen üa apasa, “Üpwe turula,”  
\q1 om tong ellet a amwöchüei, ai Samol mi Lapalap.   
\q1
\v 19 Lupwen a wor chomong ai öürek,  
\q1 en ka achipaei o apwapwai lelukei.   
\q1
\v 20 En kosap fokun tipeeu ngeni ekewe soukapwüng mi ngau,  
\q1 chokewe mi föri mine a pwüngingau, nge ra aita ngeni pwe iei pwüngün allük.   
\q1
\v 21 Ra chufengen pwe repwe rawangauei ekewe chon pwüng  
\q1 o atipisi chokewe esap wor ar tipis, pwe repwe mäla.   
\q1
\v 22 Nge ewe Samol mi Lapalap i imwei imwen maun,  
\q1 i ai Kot, ewe achau üa op fan.   
\q1
\v 23 I epwe liwini ngeniir liwinin ar tipis  
\q1 o aroserela pokiten ar föföringau.  
\q1 Ewe Samol mi Lapalap ach Kot epwe aroserela.   
\c 95  
\s1 Echö kölün mwareiti Kot o fel ngeni  
\sr 95.1-11  
\q1
\v 1 Ou etto, ousipwe köl ngeni ewe Samol mi Lapalap.  
\q1 Ousipwe mweireir fän pwapwa ngeni Kot ewe mi tümwünükich.   
\q1
\v 2 Ousipwe feito fän mesan fän kilisou,  
\q1 ousipwe mweireir fän pwapwa ngeni Kot ren kölün mwareiti i.   
\q1
\v 3 Pun ewe Samol mi Lapalap eman Kot mi tekia,  
\q1 eman king mi tekia seni ekewe kot meinisin.   
\q1
\v 4 Ekewe leni mi alolol won fanüfan ra nom lepöün,  
\q1 pwal ungen ekewe chuk an.   
\q1
\v 5 An ewe matau, pun förian,  
\q1 pwal an ewe fanüpwas, pun afisian.   
\b  
\q1
\v 6 Ou etto, ousipwe chapetiu o fel ngeni,  
\q1 ousipwe fotopwäsuk fän mesen ewe Samol mi Lapalap ewe chon förikich.   
\q1
\v 7 Pun i ach Kot,  
\q1 nge kich nöün aramas i a tümwünü,  
\q1 kich nöün mwichen sip i a foleni. \x + \xo 95.7 \xt Ipr 3.7-11\x*  
\p Ikenai, are oupwe aüselinga alon,   
\q1
\v 8 ousap apöchöküla lelukemi usun a fis me lon Meripa,  
\q1 usun a fis lon ewe rän me lon ewe fanüapö lon Masa, \x + \xo 95.8 \xt Ipr 3.15; 4.7\x*   
\q1
\v 9 lupwen ämi kewe lewo ra sotuniei, ra aleletaei,  
\q1 nge ra fen küna ai kewe föför üa föri fän iter. \x + \xo 95.9 \xt Eks 17.1-7; Num 20.2-13\x*   
\q1
\v 10 Lon ükükün faik ier üa song ngeni ei täppin aramas o üra,  
\q1 “Ir eu mwichen aramas mi tokola leluker.  
\q1 Resap fokun mochen aleasochisi ai kewe allük.”   
\q1
\v 11 Iei mine üa pwon fän akapel lon ai song  
\q1 pwe resap tongeni tolong lon ewe fanü  
\q1 ia üpwe asösöör ie. \x + \xo 95.11 \xt Num 14.20-23; Tut 1.34-36; Ipr 4.3,5; Tut 12.9-10\x*   
\c 96  
\s1 Echö kölün mwareiti Kot  
\sr 96.1-13  
\r (1.Kron 16.23-33)  
\q1
\v 1 Oupwe eäni echö köl mi fö ngeni ewe Samol mi Lapalap, oupwe köl  
\q1 ngeni ewe Samol mi Lapalap, ämi chon fanüfan meinisin.   
\q1
\v 2 Oupwe köl ngeni ewe Samol mi Lapalap, oupwe mwareiti i.  
\q1 Oupwe arongafeili iteiten rän usun an amanaua aramas.   
\q1
\v 3 Oupwe asilefeili an ling me lein chon ekewe mwü,  
\q1 pwal an föför mi amwarar me lein ekewe aramas meinisin.   
\b  
\q1
\v 4 Pun ewe Samol mi Lapalap a tekia. Sipwe alapala ach mwareiti i,  
\q1 sipwe pwal niuokusiti i lap seni ekewe kot meinisin.   
\q1
\v 5 Pun än chon ekewe mwü kewe kot ra chök uluulun anümwäl.  
\q1 Nge ewe Samol mi Lapalap a föri ekewe läng.   
\q1
\v 6 Iteüöch me manaman ra nonom mwan,  
\q1 pöchökül me ling ra nonom lon imwan mi pin.   
\b  
\q1
\v 7 Oupwe mwareiti ewe Samol mi Lapalap, ämi chon ekewe mwü meinisin,  
\q1 oupwe mwareiti än ewe Samol mi Lapalap ling me manaman.   
\q1
\v 8 Oupwe mwareiti lingen iten ewe Samol mi Lapalap.  
\q1 Oupwe uwato eu asor o feito lon imwan.   
\q1
\v 9 Oupwe fel ngeni ewe Samol mi Lapalap fän üf mi pin.  
\q1 Ämi chon fanüfan meinisin, oupwe chechech me mwan. \x + \xo 96.9 \xt Kölf 29.1-2\x*   
\q1
\v 10 Oupwe apasa me lein chon ekewe mwü, “Ewe Samol mi Lapalap a nemenem.  
\q1 Ewer, fanüfan a fokun nükünük, esap tongeni mwöküt seni lenian.  
\q1 Kot epwe apwüngü chon ekewe mwü fän wenechar.”   
\q1
\v 11 Ekewe läng repwe pwapwa, nge fanüfan epwe meseik.  
\q1 Matau epwe ngüngü, pwal meinisin mine a nonom lon.   
\q1
\v 12 Ekewe mälämäl repwe mweireir, pwal meinisin mine a nom lor.  
\q1 Mürin, ekewe irän lein wöllap meinisin repwe köl fän pwapwa   
\q1
\v 13 fän mesen ewe Samol mi Lapalap, pun i epwe feito,  
\q1 epwe feito pwe epwe apwüngü chon fanüfan.  
\q1 Epwe apwüngü fanüfan fän pwüng, pwal ekewe aramas fän let.   
\c 97  
\s1 Än Kot nemenem me manaman  
\sr 97.1-12  
\q1
\v 1 Ewe Samol mi Lapalap a nemenem, fanüfan epwe meseik,  
\q1 ekewe fanüen lematau meinisin repwe pwapwa.   
\q1
\v 2 Kuchu me rochokich ra pweli ünükün Kot,  
\q1 pwüng me apwüng longolongun an nemenem.   
\q1
\v 3 Ekkei a akomwola mwan  
\q1 o kenala chon oputan mi nom ünükün.   
\q1
\v 4 An kewe fifi ra asarama fanüfan,  
\q1 chon fanüfan ra küna o chechech.   
\q1
\v 5 Ekewe chuk ra telila usun kiris me fän mesen ewe Samol mi Lapalap,  
\q1 me fän mesen ewe Samol mi nemeni unusen fanüfan.   
\b  
\q1
\v 6 Ekewe läng ra asilefeili an pwüng,  
\q1 nge chon ekewe mwü meinisin ra küna an ling.   
\q1
\v 7 Aramas meinisin mi fel ngeni ekewe uluulun anümwäl repwe küna säw,  
\q1 pwal chokewe mi aingaing won ekewe anümwäl esap wor aüchear.  
\q1 Ekewe kot meinisin ra chapetiu me mwen ewe Samol mi Lapalap.   
\q1
\v 8 Sion a rongorong ei o pwapwa.  
\q1 Ekewe telinimwen Juta ra meseik  
\q1 pokiten om kewe apwüng, ai Kot.   
\q1
\v 9 Pun en, ai Samol mi Lapalap, ka fokun tekia won unusen fanüfan,  
\q1 ka fokun tekia lap seni ekewe kot meinisin.   
\b  
\q1
\v 10 Ewe Samol mi Lapalap a echeni chokewe mi oput mine a ngau.  
\q1 A tümwünü manauen nöün kewe chon pin  
\q1 o angaseer seni ekewe aramasangau.   
\q1
\v 11 Saram a tinetiu won ekewe chon pwüng,  
\q1 nge pwapwa a tori chokewe mi wenechar leluker.   
\q1
\v 12 Oupwe kilisou ngeni o mwareiti itan mi pin.   
\c 98  
\s1 Mwareiti än Kot pwüng  
\sr 98.1-9  
\d Echö köl.  
\q1
\v 1 Oupwe eäni echö köl mi fö ngeni ewe Samol mi Lapalap,  
\q1 pun a föri mettoch mi amwarar.  
\q1 An manaman me an pöchökül mi pin ra afisätä an win.   
\q1
\v 2 Ewe Samol mi Lapalap a asile ngeni aramas an win,  
\q1 a pwärätä an pwüng me fän mesen chon ekewe mwü.   
\q1
\v 3 A chechemeni an tong ellet me an allükülük ngeni chon Israel.  
\q1 Aramasen fanüfan meinisin ra küna usun än Kot amanaua aramas.   
\b  
\q1
\v 4 Oupwe eäni eu mweireiren pwapwa ngeni ewe Samol mi Lapalap, ämi chon fanüfan meinisin.  
\q1 Oupwe chietä echö kölün pwapwa me kölün mwareiti Kot.   
\q1
\v 5 Oupwe kölün mwareiti ewe Samol mi Lapalap  
\q1 fän ükülele, pwal fän sokopaten pisekin ettik.   
\q1
\v 6 Oupwe eäni eu mweireiren pwapwa fän rappwa me puun sewi  
\q1 me fän mesen ewe King, ewe Samol mi Lapalap.   
\b  
\q1
\v 7 Ewe matau epwe ngüngü, pwal mönümanau meinisin mi nom lon.  
\q1 Fanüfan epwe köl, pwal aramas meinisin mi nom won.   
\q1
\v 8 Ekewe koluk repwe alopolop,  
\q1 ekewe chuk repwe kölfengen fän pwapwa.   
\q1
\v 9 Repwe köl me fän mesen ewe Samol mi Lapalap,  
\q1 pun epwe feito o apwüngü chon fanüfan.  
\q1 Epwe apwüngü chon ekewe mwü fän pwüng me wenechar.   
\c 99  
\s1 Än Kot allükülük ngeni chon Israel  
\sr 99.1-9  
\q1
\v 1 Ewe Samol mi Lapalap a nemenem. Chon ekewe mwü ra chechech.  
\q1 A mot won an lenien motun king asen ekewe kerop.  
\q1 Fanüfan a chechech. \x + \xo 99.1 \xt Eks 25.22\x*   
\q1
\v 2 Ewe Samol mi Lapalap a tekia me lon Sion,  
\q1 a fokun tekia seni chon ekewe mwü meinisin.   
\q1
\v 3 Aramas meinisin repwe mwareiti itan mi tekia o eniwokus.  
\q1 Kot a pin.   
\b  
\q1
\v 4 En king mi manaman, ka efich pwüng.  
\q1 Ka anüküchara mine a wenechar,  
\q1 ka föri mine a pwüng me wenechar lon Israel.   
\q1
\v 5 Oupwe ingeiti ewe Samol mi Lapalap ach Kot,  
\q1 oupwe fel ngeni me mwen alongolongun pechen.  
\q1 I a pin.   
\b  
\q1
\v 6 Iwe, Moses me Aaron ra nom lein nöün kewe souasor,  
\q1 pwal Samuel a nom lein chokewe mi köri itan.  
\q1 Ra iotek ngeni ewe Samol mi Lapalap, nge i a pälüeniir.   
\q1
\v 7 A kapas ngeniir seni lon ewe ürekuchu.  
\q1 Ra aleasochisi an kewe kapasen pwärätä me ekewe allük i a ngeniir. \x + \xo 99.7 \xt Eks 33.9\x*   
\q1
\v 8 Ai Samol mi Lapalap äm we Kot, en ka pälüeni än noum aramas iotek.  
\q1 En eman Kot mi amusala ar tipis,  
\q1 inamwo ika ka apwüngüür ren ar föför mi mwäl.   
\q1
\v 9 Oupwe ingeiti ewe Samol mi Lapalap ach we Kot  
\q1 o fel ngeni me arun chukun we mi pin,  
\q1 pun ewe Samol mi Lapalap ach Kot a pin.   
\c 100  
\s1 Sipwe kilisou ngeni Kot  
\sr 100.1-5  
\d Echö köl fän iten asoren kilisou.  
\q1
\v 1 Oupwe eäni eu mweireiren pwapwa ngeni ewe Samol mi Lapalap, ämi chon fanüfan meinisin.   
\q1
\v 2 Oupwe angang ngeni ewe Samol mi Lapalap fän pwapwa,  
\q1 oupwe feito fän mesan ren kölün pwapwa.   
\b  
\q1
\v 3 Oupwe silei pwe ewe Samol mi Lapalap i Kot.  
\q1 I ewe a förikich, nge kich sa nöün.  
\q1 Sa nöün aramas me nöün sip lon an we mälämäl.   
\b  
\q1
\v 4 Oupwe tolong lon asamen imwan fän kilisou,  
\q1 oupwe tolong lon rumwen imwan kewe fän kölün mwareiti i.  
\q1 Oupwe kilisou ngeni o mwareiti itan.   
\q1
\v 5 Pun ewe Samol mi Lapalap a kirikiröch,  
\q1 an tong ellet a nonom tori feilfeilachök,  
\q1 nge an allükülük a tori ekewe täppin aramas meinisin. \x + \xo 100.5 \xt 1.Kron 16.34; 2.Kron 5.13; 7.3; Esr 3.11; Kölf 106.1; 107.1; 118.1; 136.1; Jer 33.11\x*   
\c 101  
\s1 Eu pwon usun manau fän pwüng  
\sr 101.1-8  
\d Echö än Tafit Köl.  
\q1
\v 1 Üpwe köl usun allükülük me pwüng.  
\q1 Üpwe köl ngonuk, ai Samol mi Lapalap.   
\q1
\v 2 Üpwe afäliei pwe üsap föri tipis.  
\q1 Inet kopwe feito rei?  
\q1 Üpwe manaueni eu manau mi limöch me lein chon leimwei.   
\b  
\q1
\v 3 Üsap anomu ai ekiek won mettoch mi ngau.  
\q1 Üa oput föförün ekewe chon tipis.  
\q1 Ar föför esap fokun fitipacheitiei.   
\q1
\v 4 Eman mi ulöförea lelukan epwe toau seniei.  
\q1 Üsap fokun efich föför mi ngau.   
\q1
\v 5 Eman mi aitengaua chon arun lemonomon  
\q1 üpwe niela.  
\q1 Eman aramas mi wolamalamtekia o sikesik  
\q1 üsap etiwa.   
\q1
\v 6 Üpwe filätä chokewe mi allükülük lon ewe fanü  
\q1 pwe repwe nom rei.  
\q1 Chokewe mi fokun wenechar  
\q1 repwe angang ngeniei.   
\b  
\q1
\v 7 Esap wor eman mi föri föförün atuputup epwe nom lon imwei,  
\q1 nge eman mi kapas chofana esap tongeni nonom fän mesei.   
\q1
\v 8 Iteiten lesosor üpwe niela  
\q1 ekewe aramasangau lon ewe fanü,  
\q1 üpwe ärala meinisin mi föri mine a ngau  
\q1 me lon telinimwen ewe Samol mi Lapalap.   
\c 102  
\s1 Eu siön riaföü  
\sr 102.1-28  
\d Eu iotek seni eman mi nom lon riaföü, lupwen a apwangapwang o apasätä an kewe riaföü me fän mesen ewe Samol mi Lapalap.  
\q1
\v 1 Kopwe aüselinga ai iotek, ai Samol mi Lapalap,  
\q1 ai siö epwe toruk.   
\q1
\v 2 Kosap aopala mesom seniei,  
\q1 lupwen üa nom lon riaföü.  
\q1 Kopwe aü selingom ngeniei  
\q1 o müttir pälüeniei, lupwen üa köruk.   
\b  
\q1
\v 3 Pun ränin manauei ra feil seniei usun och ötüöt,  
\q1 inisi a kar usun efoch wes mi kü.   
\q1
\v 4 Lelukei a tatakis usun fetil mi pöküpök o pwasapwas.  
\q1 Üsap chüen mwon mongö.   
\q1
\v 5 Pokiten ai leüömong le ngüngü  
\q1 üa kichüchüla pwe chüi ra pwäwu.   
\q1
\v 6 Üa usun eman fukuron fanüapö,  
\q1 pwal usun eman fukuro mi nom lon ekewe leni mi tatakis.   
\q1
\v 7 Üa kon nge nennela,  
\q1 üa usun eman machang mi akaleman won ungen eu imw.   
\q1
\v 8 Iteiten fansoun chon oputaei ra takirin ämängauaei,  
\q1 chokewe mi kapasingau usi ra eäni itei le ottek.   
\q1
\v 9 Üa mongö falang usun üa mongö pilawa,  
\q1 ünümei koluk a nofit ngeni chönün mesei   
\q1
\v 10 pokiten watten om lingeringer.  
\q1 Pun en ka angeei o pöütieila.   
\q1
\v 11 Ränin manauei ra usun chök nürün och mettoch lekuniol,  
\q1 üa aiolol usun fetil.   
\b  
\q1
\v 12 Nge en, ai Samol mi Lapalap, ka nemenem tori feilfeilachök.  
\q1 Kopwe chem me ren ekewe täppin aramas meinisin.   
\q1
\v 13 En kopwe ütä o eäni tong ngeni Sion.  
\q1 A tori fansoun om kopwe ümöümöch ngeni,  
\q1 ewe fansoun ka pwoneela a war.   
\q1
\v 14 Pun noum kewe chon angang ra aücheani föün Sion  
\q1 o tongei pwülün mi moromor.   
\b  
\q1
\v 15 Chon ekewe mwü repwe meniniti ewe Samol mi Lapalap,  
\q1 nge ekewe kingen fanüfan meinisin repwe niuokusiti an ling.   
\q1
\v 16 Pun ewe Samol mi Lapalap epwe aüsefälietä Sion,  
\q1 i epwe pwä lon lingan.   
\q1
\v 17 Epwe aüselinga än ekewe chon riaföü iotek,  
\q1 nge esap turunufasei ar tüngor.   
\b  
\q1
\v 18 Ei pworaus epwe mak fän iten ewe täppin aramas epwe uputiu,  
\q1 pwe ekewe aramas resamwo uputiu repwe mwareiti ewe Samol mi Lapalap:   
\q1
\v 19 Ewe Samol mi Lapalap a nennetiu seni lenian mi pin o tekia,  
\q1 seni läng a nennetiu fanüfan,   
\q1
\v 20 pwe epwe rongorong ngüngün ekewe chon fötek  
\q1 o apichi ririn chokewe mi fen pwüngüla pwe repwe ninnila.   
\q1
\v 21 Iwe, aramas repwe pwärätä iten ewe Samol mi Lapalap me lon Sion,  
\q1 nge me lon Jerusalem repwe mwareiti i,   
\q1
\v 22 lupwen chon ekewe mwü repwe chufengen  
\q1 pwe repwe fel ngeni ewe Samol mi Lapalap.   
\b  
\q1
\v 23 Iwe, Kot a akisikisätiu ai pöchökül lupwen ai chüen alüal,  
\q1 a amochomochala ränin manauei.   
\q1
\v 24 Üa apasa, “Ai Kot, kosap angeeila me lukalapen ränin manauei,  
\q1 en ewe mi manau tori feilfeilachök.”   
\b  
\q1
\v 25 Me lomlom en ka föri longolongun fanüfan,  
\q1 nge ekewe läng förien poum kana.   
\q1
\v 26 Ir repwe tala, nge en kopwe nonom fochofoch.  
\q1 Ir repwe mesila usun echö üf.  
\q1 Ka siwiliir usun eman a siwili üfan,  
\q1 iwe, repwe morola.   
\q1
\v 27 Nge en ka ususum we chök,  
\q1 manauom esap müchüla. \x + \xo 102.27 \xt Ipr 1.10-12\x*   
\q1
\v 28 Nöün noum kewe chon angang repwe nonom fän kinamwe,  
\q1 nge mwirimwirir repwe nonomöch me mwom.   
\c 103  
\s1 Mwareiti Kot ren an afeiöchü aramas  
\sr 103.1-22  
\d Echö än Tafit köl.  
\q1
\v 1 Ngüni, kopwe mwareiti ewe Samol mi Lapalap,  
\q1 leuti meinisin, kopwe mwareiti itan mi pin.   
\q1
\v 2 Ngüni, kopwe mwareiti ewe Samol mi Lapalap,  
\q1 kosap manlükala an kirikiröch ngonuk.   
\q1
\v 3 A amusala ai tipis meinisin  
\q1 o amoela ai apwangapwang meinisin,   
\q1
\v 4 a angasaei seni peias  
\q1 o ämwärämwära ngeniei tong ellet me ümöümöch,   
\q1
\v 5 a amasoua manauei ren mettoch mi mürina,  
\q1 pwe üpwe liwiniti pöchökülen le säräföi usun eman ikel.   
\b  
\q1
\v 6 Ewe Samol mi Lapalap a pwüng lon an föför,  
\q1 a eäni kapwüng fän pwüng ngeni chokewe meinisin mi küna riaföü.   
\q1
\v 7 A pwäri ngeni Moses an kewe akot  
\q1 o aküna ngeni ekewe aramasen Israel an kewe föför.   
\q1
\v 8 Ewe Samol mi Lapalap a lukpwetete o kirikiröch,  
\q1 a songomang o wöün tong ellet. \x + \xo 103.8 \xt Jas 5.11\x*   
\q1
\v 9 Esap apwüngü aramas fansoun meinisin,  
\q1 esap pwal amwöchü an song tori feilfeilachök.   
\q1
\v 10 Esap föri ngenikich ükükün ach tipis,  
\q1 esap pwal liwini ngenikich ükükün ach föföringau.   
\q1
\v 11 Pun usun ekewe läng ra tekia seni fanüfan,  
\q1 iei usun an we tong ellet a tekia ngeni chokewe mi niuokusiti i.   
\q1
\v 12 Pun usun meserän a toau seni epilen,  
\q1 iei usun a atoauala ach pupungau senikich.   
\q1
\v 13 Usun eman sam a tongei nöün kana,  
\q1 iei usun ewe Samol mi Lapalap a tongei chokewe mi niuokusiti i.   
\q1
\v 14 Pun a silei sokosokuch,  
\q1 a chemeni pwe kich pwül echök.   
\b  
\q1
\v 15 Iwe, ränin manauen aramas a wewe ngeni fetil,  
\q1 a sol usun epö pöön irän lemäl.   
\q1
\v 16 Are asepwäl a eniti, a ässala,  
\q1 nge esap chüen wor eman epwe künasefäli.   
\q1
\v 17 Nge än ewe Samol mi Lapalap tong ellet a nom seni me lomlom tori feilfeilachök won chokewe mi niuokusiti i,  
\q1 nge an pwüng a tori nöür me nöün nöür,   
\q1
\v 18 ir chokewe mi apwönüetä an we pwon  
\q1 o chechemeni ar repwe aleasochisi an kewe allük.   
\b  
\q1
\v 19 Iwe, ewe Samol mi Lapalap a anüküchara an lenien motun king me lon ekewe läng,  
\q1 mwün a nemeni unusen fanüfan.   
\q1
\v 20 Oupwe mwareiti ewe Samol mi Lapalap, ämi nöün chon läng kana,  
\q1 ämi mi pwora o aleasochisi an kapas,  
\q1 ämi mi aüselinga alon.   
\q1
\v 21 Oupwe mwareiti ewe Samol mi Lapalap, ämi chon an kewe mwich meinisin lon läng,  
\q1 ämi nöün kewe chon angang mi föri letipan.   
\q1
\v 22 Oupwe mwareiti ewe Samol mi Lapalap, ämi förian kana meinisin  
\q1 lon ekewe leni meinisin mi nom fän nemenian.  
\q1 Ngüni, kopwe mwareiti ewe Samol mi Lapalap.   
\c 104  
\s1 Kot a tümwünü förian kana  
\sr 104.1-35  
\q1
\v 1 Ngüni, kopwe mwareiti ewe Samol mi Lapalap.  
\q1 Ai Samol mi Lapalap ai Kot, en ka fokun tekia.  
\q1 Ka üföüf ngeni iteüöch me manaman   
\q1
\v 2 o pwölü ngonuk saram usun echö üf.  
\q1 Ka ameresala ekewe läng usun eu imw mangaku   
\q1
\v 3 o aüetä imwom won ekewe koluk.  
\q1 Ka föri ekewe kuchu pwe woom woken,  
\q1 o sai won pöükässin asepwäl.   
\q1
\v 4 Ka akünöü ekewe asepwäl pwe noum chon künö,  
\q1 o nöüni chon angang ngetengeten ekkei. \x + \xo 104.4 \xt Ipr 1.7\x*   
\q1
\v 5 Ka anükätiu fanüfan won longolongun kewe,  
\q1 pwe esap fokun mwökütüküt tori feilfeilachök.   
\q1
\v 6 Ka pwölüela fanüfan ren matau mi alolol usun ren echö üf,  
\q1 ekewe koluk ra nom asen ekewe chuk,   
\q1
\v 7 lupwen ka apwüngü ekewe koluk, ra süla.  
\q1 Ra müttir sü ren püngün om chopulap.   
\q1
\v 8 Ra pula won ekewe chuk o putiu lon ekewe lemol  
\q1 ngeni ewe leni en ka amolätä fän iter.   
\q1
\v 9 Ka föri eu kiä pwe ekewe koluk resap tongeni kusula,  
\q1 resap pwal chüen pwölüela fanüfan.   
\b  
\q1
\v 10 Ka ammichätä puächen koluk me lon ekewe lemol.  
\q1 Chanpupu ra pula lefilen ekewe chuk,   
\q1
\v 11 pwe ekewe manmwacho meinisin lon ekewe lemäl ra ün seni,  
\q1 ekewe aas mi mwacho ra ün seni pwe a mola ar kaka.   
\q1
\v 12 Ekewe machang ra fas won ekewe irä mi mär ünükün ekewe koluk,  
\q1 ra tik me lein palen ekewe irä.   
\b  
\q1
\v 13 Seni won leniom mi tekia ka achöchönü ekewe chuk.  
\q1 Fanüfan a urela ren om kewe feiöch.   
\q1
\v 14 En ka amärätä fetil fän iten ekewe kow,  
\q1 pwal irä fän iten aramas pwe repwe fotukätiu,  
\q1 pwe epwe wor ener seni ewe fanü.   
\q1
\v 15 Iwe, epwe wor wain pwe aramas repwe ün o pwapwa,  
\q1 epwe wor lö pwe repwe emmisi ngeni won meser,  
\q1 pwal pilawa pwe repwe mongö o pöchökül ren.   
\b  
\q1
\v 16 Än ewe Samol mi Lapalap irä ra chöchön ren chomong üt,  
\q1 ekewe setar won Lepanon i a fotukätiu.   
\q1
\v 17 Ekewe machang ra senätä faser wor,  
\q1 ewe öröpwech a lenieni ewe irä itan pain.   
\q1
\v 18 Ekewe kuuch mi mwacho ra lenieni ekewe chuk tekia,  
\q1 ekewe man iter pächer ra op fän ekewe achau.   
\b  
\q1
\v 19 Ka föri ewe maram pwe epwe asisillätä ekewe fansoun,  
\q1 akkar a silei fansoun an epwe tuputiu.   
\q1
\v 20 Ka föri pwin pwe lon kirochan  
\q1 ekewe manmwacho lein wöllap meinisin ra towu seni lenier.   
\q1
\v 21 Ekewe nienifön laion ra wörüwör, lupwen ra kütta liaper,  
\q1 ra kütta ener me ren Kot.   
\q1
\v 22 Lupwen akkar a tötä, ra liwiniti lenier  
\q1 o konola lon pwanger.   
\q1
\v 23 Mürin, aramas ra feila ngeni ar angang,  
\q1 ra angang tori lekuniol.   
\b  
\q1
\v 24 Ai Samol mi Lapalap, ra fokun chomong  
\q1 ekewe mettoch ka föri. Ka föriir meinisin lon om tipachem.  
\q1 Fanüfan a ur ren föriom mönümanau meinisin.   
\q1
\v 25 Ikenan a wor ewe matau mi lapalap o chölap,  
\q1 a masou ren chomong mönümanau  
\q1 mi watte me kükün rese lea.   
\q1
\v 26 Ekewe sip ra saifetal won, pwal ewe man itan Lefiatan,  
\q1 en ka föri, a kukulou lon. \x + \xo 104.26 \xt Hiop 41.1; Kölf 74.14; Ais 27.1\x*   
\q1
\v 27 Ekei mönümanau meinisin ra lükülükuk  
\q1 pwe kopwe ngeniir ener mongö lon fansoun fich.   
\q1
\v 28 Lupwen ka ngeniir ener mongö, ra ionifengeni,  
\q1 lupwen ka suki poum, ra mongö o möt ren.   
\q1
\v 29 Nge lupwen ka aopa mesom seniir, ra niuokus,  
\q1 lupwen ka angei seniir ngasangaseer,  
\q1 ra mäla o liwiniti pwül moromor.   
\q1
\v 30 Lupwen ka tinato Ngünum, ra fisitä.  
\q1 En ka försefäli fanüfan.   
\b  
\q1
\v 31 Amwo lingen ewe Samol mi Lapalap epwe nom tori feilfeilachök,  
\q1 amwo ewe Samol mi Lapalap epwe meseikeiti an föför.   
\q1
\v 32 Lupwen a netiu won fanüfan, fanüfan a chechech.  
\q1 Lupwen a atapa ekewe chuk, ra ötüöt.   
\b  
\q1
\v 33 Üpwe köl ngeni ewe Samol mi Lapalap lon ränin manauei meinisin.  
\q1 Üpwe kölün mwareiti ai Kot lupwen ai manau.   
\q1
\v 34 Amwo ai ekinlon epwe apwapwai letipen ewe Samol mi Lapalap,  
\q1 pun üa meseikeiti i.   
\q1
\v 35 Ekewe chon tipis repwe rosola seni won fanüfan,  
\q1 nge ekewe aramasangau repwe mochola.  
\q1 Ngüni, kopwe mwareiti ewe Samol mi Lapalap.  
\q1 Ousipwe mwareiti ewe Samol mi Lapalap.   
\c 105  
\s1 An Kot kewe manaman a föri fän iten chon Israel  
\sr 105.1-45  
\r (1.Kron 16.8-22)  
\q1
\v 1 Oupwe kilisou ngeni ewe Samol mi Lapalap, oupwe köri itan.  
\q1 Oupwe asilefeili an kewe föför lein chon ekewe mwü.   
\q1
\v 2 Oupwe köl ngeni, oupwe kölün mwareiti i,  
\q1 oupwe apworausa an kewe föför meinisin mi amwarar.   
\q1
\v 3 Oupwe fokun ingemwareiti itan mi pin.  
\q1 Chokewe mi kütta ewe Samol mi Lapalap repwe meseik.   
\q1
\v 4 Oupwe kütta ämi alilis me ren ewe Samol mi Lapalap,  
\q1 oupwe kütta i fansoun meinisin.   
\q1
\v 5 Oupwe chechemeni ekewe föför mi amwarar a föriir.  
\q1 Oupwe chechemeni an kewe manaman me an kewe kapwüng a eäni,   
\q1
\v 6 ämi mwirimwirin Apraham nöün Kot we chon angang,  
\q1 ämi mwirimwirin Jakop kewe, ätewe mi fil me ren.   
\b  
\q1
\v 7 Ewe Samol mi Lapalap i ach we Kot,  
\q1 an kewe allük ra fän iten unusen fanüfan.   
\q1
\v 8 I a chechemeni an we pwon tori feilfeilachök,  
\q1 an we kapas a anüküchara ngeni engeröü täppin aramas.   
\q1
\v 9 A chechemeni ewe pwon a eäni ngeni Apraham,  
\q1 ewe pwon a eäni fän akapel ngeni Isaak. \x + \xo 105.9 \xt Ken 12.7; 17.8; Ken 26.3\x*   
\q1
\v 10 A anüküchara ewe pwon ngeni Jakop pwe eu allük,  
\q1 pwal eu pwon esemüch.   
\q1
\v 11 Iwe, a apasa, “Üpwe ngonuk ewe fanü Kanaan  
\q1 pwe fanüom.” \x + \xo 105.11 \xt Ken 28.13\x*   
\q1
\v 12 Lupwen nöün Kot kewe aramas ra fokun chokükün,  
\q1 lupwen ra chon siamü lon ewe fanü Kanaan   
\q1
\v 13 o saifetal seni eu fanü tori pwal eu fanü,  
\q1 seni eu mwü tori pwal eu mwü,   
\q1
\v 14 Kot esap mwüt ngeni eman pwe epwe ariaföüür.  
\q1 A apwüngü ekewe king pokiter   
\q1
\v 15 o apasa, “Ousap atapa nei kewe mi fil,  
\q1 ousap afeiengaua nei kewe soufos.” \x + \xo 105.15 \xt Ken 20.7\x*   
\q1
\v 16 Lupwen ewe Samol mi Lapalap a awarato eu lengita won ewe fanü  
\q1 o angei seniir ener mongö meinisin, \x + \xo 105.16 \xt Ken 41.53-57\x*   
\q1
\v 17 a tinala eman mwän itan Josef epwe akom mwer,  
\q1 ätewe ra amömöla pwe epwe eman amanau. \x + \xo 105.17 \xt Ken 37.28; 45.5\x*   
\q1
\v 18 Pechen ra föfö ren selimächä,  
\q1 nge üan a katolong lon efoch ring seni mächä,   
\q1
\v 19 tori a fis mine a fen apasa,  
\q1 nge än ewe Samol mi Lapalap we kapas a alletätä pwe a pwüng. \x + \xo 105.19 \xt Ken 39.20–40.23\x*   
\q1
\v 20 Mürin, ewe kingen Isip a tinala eman pwe epwe amusa Josef,  
\q1 ewe mi nemeni ekewe mwü a angasala i. \x + \xo 105.20 \xt Ken 41.14\x*   
\q1
\v 21 A seikätä i pwe epwe samol lon imwan  
\q1 o nemeni mettochun meinisin. \x + \xo 105.21 \xt Ken 41.39-41\x*   
\q1
\v 22 Epwe nemenem won nöün kewe samol  
\q1 o aiti ngeni nöün kewe souakom tipachem.   
\b  
\q1
\v 23 Mürin, Jakop a feila Isip  
\q1 o siamü lon ewe fanü. \x + \xo 105.23 \xt Ken 46.6; Ken 47.11\x*   
\q1
\v 24 Nge ewe Samol mi Lapalap a fokun achomonga nöün kewe aramas  
\q1 o apöchöküleer lap seni chon oputeer.   
\q1
\v 25 A akulu leluken chon Isip, pwe ra oput nöün kewe aramas  
\q1 o eäni rawangau ngeni nöün kewe chon angang. \x + \xo 105.25 \xt Eks 1.7-14\x*   
\q1
\v 26 Mürin, Kot a tinala Moses nöün we chon angang  
\q1 me Aaron ätewe i a filätä. \x + \xo 105.26 \xt Eks 3.1–4.17\x*   
\q1
\v 27 Ir ra föri an kewe asisil me manaman  
\q1 me lein ekewe aramas me lon ewe fanü Isip.   
\q1
\v 28 Kot a tinala rochopwak o arochokichi ewe fanü,  
\q1 nge ekewe chon Isip ra chök ü ngeni an kewe kapas. \x + \xo 105.28 \xt Eks 10.21-23\x*   
\q1
\v 29 Iwe, a awili ngeni cha ar kewe koluk,  
\q1 pwe ekewe ikenen lor ra mäla. \x + \xo 105.29 \xt Eks 7.17-21\x*   
\q1
\v 30 Fanüer a ur ren kairü,  
\q1 ra mwo nge tolong lon imwen ar we king. \x + \xo 105.30 \xt Eks 8.1-6\x*   
\q1
\v 31 Kot a kapas, nge ra war chomong pwiin loong,  
\q1 pwal nikken ra nom lemenen fanüer. \x + \xo 105.31 \xt Eks 8.20-24; Eks 8.16-17\x*   
\q1
\v 32 A apüngätiu wor ütten fau akasiwilin üt,  
\q1 pwal fifi a fi ekis meinisin won fanüer,   
\q1
\v 33 Kot a atai ar irän wain me ar irä fiik  
\q1 o atatakisi irän fanüer meinisin. \x + \xo 105.33 \xt Eks 9.22-25\x*   
\q1
\v 34 Iwe, a kapas, nge ekewe lifichimas ra war,  
\q1 pwal ekewe kükün lifichimas resap lea.   
\q1
\v 35 Ra eni meinisin mine a mär me won fanüer  
\q1 o eni uän fotar irä. \x + \xo 105.35 \xt Eks 10.12-15\x*   
\q1
\v 36 Iwe, a niela ekewe mwänichi meinisin me lon fanüer,  
\q1 chokewe ra nöüniir lupwen ar pöchökül. \x + \xo 105.36 \xt Eks 12.29\x*   
\q1
\v 37 Mürin, Kot a emwenawu chon Israel  
\q1 fän silifer me kolt.  
\q1 Esap wor eman me lein chon ar kewe ainang a apwangapwang.   
\q1
\v 38 Iwe, chon Isip ra pwapwa, lupwen chon Israel ra towu,  
\q1 pun ra fokun niuokusitiir. \x + \xo 105.38 \xt Eks 12.33-36\x*   
\q1
\v 39 Kot a anomu eu kuchu wor pwe pwölüpwölür,  
\q1 pwal eu ekkei, pwe epwe asarameer lepwin. \x + \xo 105.39 \xt Eks 13.21-22\x*   
\q1
\v 40 Ra tüngor, nge i a awarato ekewe machang iter kweil,  
\q1 a ngeniir mongö mi chomong seni läng. \x + \xo 105.40 \xt Eks 16.2-15\x*   
\q1
\v 41 A asangafeseni ewe achau pwe koluk a puwu seni,  
\q1 a pulong lon ewe fanüapö usun eu chapupu. \x + \xo 105.41 \xt Eks 17.1-7; Num 20.2-13\x*   
\q1
\v 42 Pun Kot a chechemeni an we pwon mi pin  
\q1 a eäni ngeni nöün we chon angang Apraham.   
\b  
\q1
\v 43 Iei mine a emwenawu nöün kewe aramas mi fil  
\q1 fän pwapwa me mweireiren köl.   
\q1
\v 44 Iwe, a ngeniir fanüen chon ekewe mwü,  
\q1 nge ir ra fanüeni ewe fanü o feiöchüni än ekewe aramas angang. \x + \xo 105.44 \xt Jos 11.16-23\x*   
\q1
\v 45 Ei a fis pwe nöün kewe aramas repwe aleasochisi an kewe pwüüng  
\q1 o apwönüetä an kewe allük.  
\q1 Ousipwe mwareiti ewe Samol mi Lapalap.   
\c 106  
\s1 Än Kot kirikiröch ngeni nöün aramas me ar ü ngeni  
\sr 106.1-48  
\q1
\v 1 Ousipwe mwareiti ewe Samol mi Lapalap.  
\q1 Oupwe kilisou ngeni ewe Samol mi Lapalap, pun i a kirikiröch,  
\q1 an tong ellet a nonom tori feilfeilachök. \x + \xo 106.1 \xt 1.Kron 16.34; 2.Kron 5.13; 7.3; Esr 3.11; Kölf 100.5; 107.1; 118.1; 136.1; Jer 33.11\x*   
\q1
\v 2 Iö a tongeni apworausa än ewe Samol mi Lapalap föför mi manaman?  
\q1 Iö a tongeni anafa an mwareiti i?   
\q1
\v 3 Ra feiöch chokewe mi aleasochisi an kewe allük  
\q1 o föri mine a pwüng fansoun meinisin.   
\b  
\q1
\v 4 Ai Samol mi Lapalap, kopwe chechemeniei, lupwen ka pwäri om kirikiröch ngeni noum aramas.  
\q1 Kopwe pwal ochueilong, lupwen ka amanaueer,   
\q1
\v 5 pwe üpwe tongeni küna feiöchün noum kewe mi fil  
\q1 o eti chon mwum lon ar pwapwa,  
\q1 üpwe pwal eti noum aramas kana le mwareituk.   
\b  
\q1
\v 6 Äm aia tipis usun chök äm kewe lewo.  
\q1 Äm aia föri föför mi ngau o apwönüetä föför esepwüng.   
\q1
\v 7 Lupwen äm kewe lewo ra nom lon Isip, resap ekieki än Kot kewe föför mi amwarar,  
\q1 resap pwal chechemeni an tong ellet mi lapalap,  
\q1 nge ra ü ngeni Ewe mi Unusen Tekia me arun ewe Setipar. \x + \xo 106.7 \xt Eks 14.10-12\x*   
\q1
\v 8 Nge Kot a amanaueer fän püsin itan  
\q1 pwe epwe pwärätä an manaman mi pöchökül.   
\q1
\v 9 A allük ngeni ewe Setipar pwe a pwasatä,  
\q1 a emwenirelong epin ewe matau usun lon eu fanüpwas.   
\q1
\v 10 A amanaueer seni chon pälüeniir  
\q1 o angaseer seni chon oputeer.   
\q1
\v 11 Ewe sät a pwölüela ekewe chon ü ngeniir,  
\q1 pwe esap wor eman mi chüen manau.   
\q1
\v 12 Mürin, ra lükü an kewe kapasen pwon  
\q1 o kölün mwareiti i. \x + \xo 106.12 \xt Eks 14.31; Eks 15.1-21\x*   
\q1
\v 13 Nge chon Israel ra müttir manlükala an kewe föför,  
\q1 resap awiti an öüröür.   
\q1
\v 14 Ra fokun mwäräkich me lon ewe fanüapö  
\q1 o sotuni Kot lon ewe fanüpwas.   
\q1
\v 15 Iei mine a ngeniir mine ra tüngor,  
\q1 nge a pwal tinato eu mätter mi afeiengau leir. \x + \xo 106.15 \xt Num 11.4-34\x*   
\q1
\v 16 Ikenan lon ewe fanüapö ekoch me leir ra lolowo ngeni Moses  
\q1 me Aaron, ätewe ewe Samol mi Lapalap a apini.   
\q1
\v 17 Mürin, ewe pwül a sangfesen o oromala Tatan,  
\q1 a pwal pwölüela Apiram me an we mwich.   
\q1
\v 18 Ekkei a pwal ngetewu me lein chokewe mi etiir  
\q1 o kenala ekewe aramasangau. \x + \xo 106.18 \xt Num 16.1-35\x*   
\q1
\v 19 Iwe, ra föri eu uluulun nienifön kow me lon Horep  
\q1 o fel ngeni ewe uluulun anümwäl seni mächä.   
\q1
\v 20 Ra akasiwili ewe lingen Kot  
\q1 ngeni uluulun eman kow mi mongö fetil.   
\q1
\v 21 Ra manlükala Kot ar Chon Amanau  
\q1 mi föri föför mi manaman me lon Isip.   
\q1
\v 22 A föri föför mi amwarar me ikenan,  
\q1 pwal mettoch mi eniwokus me arun ewe Setipar.   
\q1
\v 23 Iei mine Kot a apasa pwe epwe aroserela.  
\q1 Nge Moses nöün we chon angang mi fil a ütä lefiler me Kot,  
\q1 pwe epwe asepa an lingeringer, pwe esap aroserela. \x + \xo 106.23 \xt Eks 32.1-14\x*   
\q1
\v 24 Mürin, ra oput ewe fanü mi mürina,  
\q1 resap lükü an we pwon.   
\q1
\v 25 Ra ngününgün me lon imwer imw mangaku,  
\q1 nge resap aleasochis ngeni alon ewe Samol mi Lapalap.   
\q1
\v 26 Iei mine Kot a aitietä pöün o pwon fän akapel ngeniir  
\q1 pwe epwe nirela me lon ewe fanüapö, \x + \xo 106.26 \xt Num 14.1-35\x*   
\q1
\v 27 epwe atoropasafeili mwirimwirir lein chon ekewe mwü  
\q1 pwe repwe mäla lon ewe fanüen chon ekis. \x + \xo 106.27 \xt Lif 26.33\x*   
\q1
\v 28 Mürin, ra fiti ekewe aramas mi fel ngeni Paal me lon Peor  
\q1 o mongö ekewe föten anü ra eäni asor ngeni ekewe kot ese wor manau lor.   
\q1
\v 29 Ra asonga ewe Samol mi Lapalap ren ar kewe föför,  
\q1 pwe eu mätter a terifetal leir.   
\q1
\v 30 Mürin, Pinehas a ütä o apwüngü ekewe mi tipis,  
\q1 pwe ewe mätter a ükütiu.   
\q1
\v 31 Iwe, ren ei föför Pinehas a küna pwüng me ren Kot  
\q1 seni eu täppin aramas tori eu täppin tori feilfeilachök. \x + \xo 106.31 \xt Num 25.1-13\x*   
\q1
\v 32 Iwe, chon Israel ra asonga Kot me arun ekewe kolukun Meripa.  
\q1 Moses a küna riaföü watte pokiter,   
\q1
\v 33 pun ra achouu lelukan  
\q1 pwe a ssela an fos.   
\b  
\q1
\v 34 Iwe, chon Israel resap pwal arosala chon ekewe mwü  
\q1 usun ewe Samol mi Lapalap a allük ngeniir.   
\q1
\v 35 Nge ra pwüpwülüfengen me chon ekewe mwü  
\q1 o föri sokun föför usun mine ir ra föri.   
\q1
\v 36 Ra fel ngeni ar kewe uluulun anümwäl,  
\q1 nge ekewe uluulun anümwäl ra wiliti eu likatup ngeniir.   
\q1
\v 37 Ra eäni asor nöür kewe ät me nengin  
\q1 ngeni ekewe anün rochopwak.   
\q1
\v 38 Ra niela nöür kewe ät me nengin esap wor ar tipis,  
\q1 o eäniir asor ngeni ekewe uluulun anümwäl än chon Kanaan.  
\q1 Iwe, ewe fanü a limengau ren ei sokun föför.   
\q1
\v 39 Iei usun ra limengau ren ar föför  
\q1 o kirikiringau ngeni Kot ren ar lapalap usun lapalapen eman fin lisowu.   
\b  
\q1
\v 40 Iei mine ewe Samol mi Lapalap a fokun song ngeni nöün aramas,  
\q1 pwe a fokun anioputäsiniir.   
\q1
\v 41 A asechirela fän nemenien chon ekewe mwü,  
\q1 pwe chokewe mi oputeer ra nemeniir.   
\q1
\v 42 Iwe, chon oputeer ra ariaföüür  
\q1 o atolongeer fän ar nemenem.   
\q1
\v 43 Fän chomong Kot a angaserela,  
\q1 nge ra chök sopwela le ü ngeni.  
\q1 Iwe, ra sapwilitiu pokiten ar tipis.   
\q1
\v 44 Iei mwo nge Kot a chök ekieki ar riaföü,  
\q1 lupwen a rongorong ar siö.   
\q1
\v 45 A chechemeni an pwon fän äsengesiir,  
\q1 lon an tong ellet mi lapalap a liamamala ren mine a föri ngeniir.   
\q1
\v 46 A föri pwe chokewe meinisin mi liapeniir  
\q1 o uweerela lon ekewe fanü mi toau repwe tongeer. \x + \xo 106.46 \xt Souk 2.14-18\x*   
\q1
\v 47 Ai Samol mi Lapalap äm Kot, kopwe amanauakem  
\q1 o achufengenikem seni me lein chon ekewe mwü,  
\q1 pwe aipwe kilisou ngonuk  
\q1 o mwareiti itom mi pin.   
\b  
\q1
\v 48 Oupwe mwareiti ewe Samol mi Lapalap, ewe Koten Israel  
\q1 seni fansoun esepop tori fansoun esemüch.  
\q1 Iwe, ekewe aramas meinisin repwe apasa, “Amen.”  
\q1 Ousipwe mwareiti ewe Samol mi Lapalap. \x + \xo 106.48 \xt 1.Kron 16.35-36\x*   
\c 107  
\ms1 ALIMUEN PUK  
\s1 Kot a angasala chon riaföü  
\sr 107.1-43  
\q1
\v 1 Oupwe kilisou ngeni ewe Samol mi Lapalap,  
\q1 pun i a kirikiröch,  
\q1 an tong ellet a nonom tori feilfeilachök. \x + \xo 107.1 \xt 1.Kron 16.34; 2.Kron 5.13; 7.3; Esr 3.11; Kölf 100.5; 106.1; 118.1; 136.1; Jer 33.11\x*   
\q1
\v 2 Ekewe mi ngasala ren ewe Samol mi Lapalap repwe apasa iei usun,  
\q1 chokewe i a angaserela seni ekewe chon oputeer   
\q1
\v 3 o achufengeniir seni ekewe fanü,  
\q1 seni ötiu me lotou,  
\q1 seni ör me efeng.   
\b  
\q1
\v 4 Ekoch aramas ra fetalfeil lon fanüapö,  
\q1 nge resap küna efoch al ngeni eu telinimw pwe repwe imweimw lon.   
\q1
\v 5 Ra echik me kaka  
\q1 o apilükingau lon leluker.   
\q1
\v 6 Mürin, ra siö ngeni ewe Samol mi Lapalap lon ar weires,  
\q1 nge i a angaseer seni ar riaföü.   
\q1
\v 7 A emwenirela won efoch al mi wenechar  
\q1 tori ra tori eu telinimw pwe repwe imweimw lon.   
\q1
\v 8 Ir repwe kilisou ngeni ewe Samol mi Lapalap pokiten an tong ellet,  
\q1 pwal pokiten an kewe föför mi amwarar ngeni chon fanüfan.   
\q1
\v 9 Pun a amötü chokewe mi kaka  
\q1 o amongöü chokewe mi echik ngeni mongö mi annö.   
\b  
\q1
\v 10 Ekoch aramas ra nom lon rochopwak me nürün mäla,  
\q1 ra fötek ren selimächä o riaföü,   
\q1
\v 11 pun ra ü ngeni alon Kot  
\q1 o oput än Ewe mi Unusen Tekia öüröür.   
\q1
\v 12 A atolongeer fän angang weires,  
\q1 ra turula, nge esap wor eman mi alisiir.   
\q1
\v 13 Mürin ra siö ngeni ewe Samol mi Lapalap lon ar weires,  
\q1 nge i a angaseer seni ar riaföü.   
\q1
\v 14 Iwe, a emwenirewu seni lon rochopwak me nürün mäla  
\q1 o mwütifeseni föföör kewe selimächä.   
\q1
\v 15 Ir repwe kilisou ngeni ewe Samol mi Lapalap pokiten an tong ellet,  
\q1 pwal pokiten an kewe föför mi amwarar ngeni chon fanüfan.   
\q1
\v 16 Pun a atatakisi ekewe asam seni piras  
\q1 o pöküsopwei ekewe ömwöch seni mächä.   
\b  
\q1
\v 17 Ekoch aramas ra samau ren ar föförün tipis,  
\q1 ra pwal riaföü pokiten ar föför mi ngau.   
\q1
\v 18 Ra nou sokopaten mongö meinisin  
\q1 o kan ngeni mäla.   
\q1
\v 19 Mürin ra siö ngeni ewe Samol mi Lapalap lon ar weires,  
\q1 nge i a angaseer seni ar riaföü.   
\q1
\v 20 A tinala an kapas o apöchöküleer,  
\q1 a amanaueer seni mäla.   
\q1
\v 21 Ir repwe kilisou ngeni ewe Samol mi Lapalap pokiten an tong ellet,  
\q1 pwal pokiten an kewe föför mi amwarar ngeni chon fanüfan.   
\q1
\v 22 Repwe pwal eäni asoren kilisou ngeni  
\q1 o apworausa an kewe föför lon kölün pwapwa.   
\b  
\q1
\v 23 Ekoch aramas ra sai lematau won sip  
\q1 pwe repwe föri ar angangen amömö won ekewe mataulap.   
\q1
\v 24 Ra küna än ewe Samol mi Lapalap föför,  
\q1 an angang mi amwarar lon ekewe leni mi alolol.   
\q1
\v 25 Iwe, Kot a kapas o awarato eu mölümöl  
\q1 mi apwota noon ewe matau.   
\q1
\v 26 Ekewe sip ra kekitä fän läng,  
\q1 ra pwal feitiu tori lealololun matau,  
\q1 pwe chokewe mi nom won ra apilükingau pokiten ar feiengau.   
\q1
\v 27 Ra mwaroro o rikirikfetal usun ir mi pulas,  
\q1 resap chüen silei mine repwe föri.   
\q1
\v 28 Mürin ra siö ngeni ewe Samol mi Lapalap lon ar weires,  
\q1 nge i a angaseer seni ar riaföü.   
\q1
\v 29 A aükätiu ewe mölümöl,  
\q1 pwe nonon ewe matau a lüala.   
\q1
\v 30 Mürin ra pwapwa pwe a lüa,  
\q1 nge i a emweniir ngeni ewe leni ia ra mochen ilelong ie.   
\q1
\v 31 Iwe, ir repwe kilisou ngeni ewe Samol mi Lapalap pokiten an tong ellet,  
\q1 pwal pokiten an kewe föför mi amwarar ngeni chon fanüfan.   
\q1
\v 32 Repwe ingeiti Kot lon ewe mwichen aramas  
\q1 o mwareiti i lon ewe mwichen souakom.   
\b  
\q1
\v 33 Kot a awili ekewe chanpupu ngeni fanüpwas,  
\q1 a pwal awili ekewe fanüen puächen koluk ngeni pwül mi pwasapwas.   
\q1
\v 34 A awili eu fanü mi pwülüöch ngeni eu fanüapö mi uren salt,  
\q1 pun chon ewe fanü ra föföringau.   
\q1
\v 35 Kot a pwal awili eu fanüpwas ngeni eu fanüen koluk,  
\q1 a pwal awili eu fanü mi pwasapwas ngeni eu fanüen puächen koluk.   
\q1
\v 36 Iwe, a mwüt ngeni ekewe chon echik pwe repwe nonom ikenan,  
\q1 repwe aüetä eu telinimw pwe repwe nonom lon.   
\q1
\v 37 Iwe, ra amora pwükil lon ar kewe tanipi,  
\q1 ra fotuki irän wain o kini eu räs mi watte.   
\q1
\v 38 Kot a afeiöchü nöün aramas pwe ra chomongola.  
\q1 Esap pwal mwütätä pwe nöür pwiin kow repwe chokükünüla.   
\b  
\q1
\v 39 Mürin ra chokisikisila, ra küna tekison ren riaföü,  
\q1 weires me letipeta.   
\q1
\v 40 Iwe, Kot a anomu itengau won ekewe aramas tekia  
\q1 o föri pwe ra fetalfeil lon fanüapö, ia esap wor efoch al ie.   
\q1
\v 41 Nge a angasala ekewe chon osupwang seni ar riaföü  
\q1 o achomongala ar kewe famili pwe ra usun chomongun pwiin sip.   
\q1
\v 42 Ekewe chon pwüng ra küna ei o pwapwa,  
\q1 nge ekewe aramasangau meinisin ra fanafanala.   
\b  
\q1
\v 43 Iön mi tipachem epwe iseis ekei mettoch lon lelukan  
\q1 o ekieki usun än ewe Samol mi Lapalap tong ellet.   
\c 108  
\s1 Eu iotekin tüngor alilis pokiten chon oput  
\sr 108.1-13  
\r (Kölf 57.7-11; 60.5-12)  
\d Echö än Tafit köl.  
\q1
\v 1 Üa apilüköch, ai Kot,  
\q1 üa apilüköch.  
\q1 Üpwe köl o mwareituk.  
\q1 Ngüni, kopwe pwök.   
\q1
\v 2 Ekewe kitar me ükülele repwe pwök.  
\q1 Üpwe apwökü mallen rän.   
\q1
\v 3 Ai Samol mi Lapalap, üpwe kilisou ngonuk me lein ekewe mwichen aramas,  
\q1 üpwe kölün mwareituk me lein chon ekewe mwü.   
\q1
\v 4 Pun om tong ellet a tekia seni ekewe läng,  
\q1 om allükülük a tori ekewe kuchu.   
\b  
\q1
\v 5 Ai Kot, kopwe pwäri om tekia asen ekewe läng.  
\q1 Om ling epwe pwäla won unusen fanüfan.   
\q1
\v 6 Kopwe amanauakem ren om manaman o pälüeni ai iotek.  
\q1 pwe chokewe ka tongeer repwe ngasala.   
\b  
\q1
\v 7 Kot a kapas me lon imwan mi pin,  
\q1 “Lon ai meseik üpwe ineti Sikem  
\q1 o aineti ewe lemolun Sukot ngeni nei aramas.   
\q1
\v 8 Kiliat fanüei, Manasa pwal fanüei,  
\q1 Efraim imwei akkau,  
\q1 Juta woki wokun king.   
\q1
\v 9 Moap sepiei sepien töttöl,  
\q1 üpwe moneela ipwei sus won Etom asisilan pwe fanüei,  
\q1 nge won ewe fanü Filistia üpwe arükak fän ai win.”   
\b  
\q1
\v 10 Iö epwe emwenieilong lon ewe telinimw mi pöchökül tittin?  
\q1 Iö epwe emweniei ngeni Etom?   
\q1
\v 11 Ai Kot, ifa usun, ka wesewesen pöütikeemila?  
\q1 Ifa usun, kosap chüen eti äm mwichen sounfiu le feila maun?   
\q1
\v 12 Kopwe alisikem, pwe aipwe tongeni maun ngeni ekewe chon oputakem,  
\q1 pun än aramas alilis a lomotongau.   
\q1
\v 13 Are Kot a etikich, kich sipwe win,  
\q1 i echök epwe akufu chon oputakich.   
\c 109  
\s1 Eu tüngor pwe Kot epwe ngeni ekewe aramasangau liwinin ar föför  
\sr 109.1-31  
\d Ngeni ewe mi emweni chon köl: Echö än Tafit köl.  
\q1
\v 1 Ai Kot, en ewe üa mwareiti, kosap fanafanala.   
\q1
\v 2 Pun ekewe aramas mi ngau o atuputup ra apasawu kapasen ü ngeniei,  
\q1 ra aitengauaei ren ar kapas chofana.   
\q1
\v 3 Ra kapasingau usi o fiu ngeniei,  
\q1 nge esap wor popun.   
\q1
\v 4 Liwinin ai tongeer, ra atipisiei,  
\q1 nge ngang üa fen iotek fän iter.   
\q1
\v 5 Iei usun ra liwini ngeniei ngau fän iten ai föför mürina ngeniir,  
\q1 nge oput fän iten ai tongeer.   
\b  
\q1
\v 6 Kopwe filätä eman aramasangau epwe ü ngeni ewe chon oputaei,  
\q1 eman chon atipisi epwe atolonga i lon kapwüng.   
\q1
\v 7 Are a wes le kapwüng, epwe pwä pwe a tipis.  
\q1 Pwal an iotek epwe wiliti tipis.   
\q1
\v 8 Amwo ränin manauan epwe chökükün,  
\q1 nge eman epwe siwili lon wisan. \x + \xo 109.8 \xt Föf 1.20\x*   
\q1
\v 9 Amwo nöün kana repwe mäsen,  
\q1 nge pwülüan we epwe lipichsefäl.   
\q1
\v 10 Amwo nöün kana repwe nomofetal o tütüngor,  
\q1 eman epwe asürela seni imwer mi tala.   
\q1
\v 11 Amwo ewe chon angei liwinimang epwe angei meinisin mine an,  
\q1 nge chon ekis repwe angei fän pöchökül uän an angang.   
\q1
\v 12 Amwo esap wor eman epwe eäni kirikiröch ngeni,  
\q1 esap pwal wor eman epwe tongei nöün kewe mi mäsen.   
\q1
\v 13 Amwo mwirimwirin kana repwe mäla,  
\q1 nge iter epwe töttölüwu me lon aruuen täppin aramas.   
\q1
\v 14 Amwo än an kewe lewo föföringau repwe chem me ren ewe Samol mi Lapalap,  
\q1 nge än inan tipis esap musala.   
\q1
\v 15 Amwo ewe Samol mi Lapalap epwe chechemeni ar tipis fansoun meinisin,  
\q1 nge aramas repwe fokun manlükirela.   
\b  
\q1
\v 16 Pun ewe mwän esap ekiekin eäni kirikiröch,  
\q1 nge a tapweri ekewe mi wöüngau o mwelele,  
\q1 pwal ekewe mi tatakis leluker, pwe epwe nirela.   
\q1
\v 17 A sani anümamaua aramas. Amwo ekewe anümamau repwe feitiu won.  
\q1 Esap sani an epwe afeiöchü aramas. Amwo esap wor eman epwe afeiöchü.   
\q1
\v 18 A örüni kapasen anümamau usun an örüni üföüf üf.  
\q1 Amwo an kewe kapasen anümamau repwe tolong lon inisin usun chök koluk,  
\q1 repwe pwal tolong lon chün usun chök kiris.   
\q1
\v 19 Amwo repwe usun chök echö üf a pwölü ngeni,  
\q1 pwal usun efoch pelit a ri ngeni lukalapan fansoun meinisin.   
\b  
\q1
\v 20 Amwo epwe iei liwinin ekewe chon atipisiei me ren ewe Samol mi Lapalap,  
\q1 liwinin chokewe mi kapasingau usi.   
\q1
\v 21 Nge en, ai Kot, ai Samol mi Lapalap, kopwe peniei usun ka pwon ngeniei,  
\q1 kopwe angasaei pokiten om tong ellet mi mürina.   
\q1
\v 22 Pun ngang eman mi wöüngau o mwelele,  
\q1 lelukei a fokun tatakis.   
\q1
\v 23 Üpwe le morola usun nürün och mettoch a morola lekuniol.  
\q1 Aramas ra pönieila usun ra pöni eman lifichimas.   
\q1
\v 24 Pwäsuki ra apwangapwang ren ai öchüün,  
\q1 inisi a kichüchüla.   
\q1
\v 25 Ngang eman mi küna turunufas me ren chon atipisiei,  
\q1 lupwen ra künaei, ra elifechifechi mökürer. \x + \xo 109.25 \xt Mat 27.39; Mark 15.29\x*   
\q1
\v 26 Ai Samol mi Lapalap ai Kot, kopwe alisiei,  
\q1 kopwe amanauaei lon om tong ellet.   
\q1
\v 27 Kopwe amefi ngeniir  
\q1 pwe en, ai Samol mi Lapalap, ka amanauaei.   
\q1
\v 28 Ir ra tongeni eäni kapasen anümamau ngeniei,  
\q1 nge en kopwe afeiöchüei.  
\q1 Chokewe mi ü ngeniei repwe küna säw.  
\q1 Nge ngang noum chon angang üpwe pwapwa.   
\q1
\v 29 Amwo ekewe chon atipisiei repwe pwölüla ren itengau,  
\q1 repwe pwölüla ren püsin ar säw usun ra pwölüla fän echö üf.   
\b  
\q1
\v 30 Üpwe kilisou chapur ngeni ewe Samol mi Lapalap.  
\q1 Üpwe mwareiti i me lein ewe mwicheichen aramas.   
\q1
\v 31 Pun i a peni ewe chon mwelele,  
\q1 pwe epwe amanaua seni chokewe mi atipisi pwe epwe mäla.   
\c 110  
\s1 Kot a ngeni ewe king an nemenem  
\sr 110.1-7  
\d Echö än Tafit köl.  
\q1
\v 1 Ewe Samol mi Lapalap a kapas ngeni ai samol ewe king,  
\q1 “Kopwe mot lepelifichi  
\q1 tori üpwe anomu chon oputom pwe repwe lenien puun pecheöm.” \x + \xo 110.1 \xt Mat 22.44; Mark 12.36; Luk 20.42-43; Föf 2.34-35; 1.Kor 15.25; Ef 1.20-22; Kol 3.1; Ipr 1.13; 8.1; 10.12-13\x*   
\q1
\v 2 Ewe Samol mi Lapalap epwe alapala manen om nemenem lon wisom wisen king seni Sion.  
\q1 A apasa, “Kopwe nemenem won chon oputom.”   
\q1
\v 3 Lon ränin om kopwe maun ngeni chon oputom  
\q1 noum aramas repwe etuk fän püsin letiper  
\q1 o üföüf ekewe üf mi pin.  
\q1 Usun amurenipwin mi nom lesosorusich,  
\q1 iei usun noum kewe alüal repwe feito reöm.   
\q1
\v 4 Ewe Samol mi Lapalap a pwon fän akapel, nge esap siwili an ekiek,  
\q1 “En eman souasor tori feilfeilachök  
\q1 lon kotun Melkisetek.” \x + \xo 110.4 \xt Ipr 5.6; 6.20; 7.17,21\x*   
\q1
\v 5 Ewe Samol a nom lepelifichum.  
\q1 I epwe akufu ekewe king lon ewe rän a lingeringer.   
\q1
\v 6 Epwe eäni kapwüng won chon ekewe mwü.  
\q1 Epwe aura ewe lenien maun ren somä  
\q1 o akufu ekewe king won unusen fanüfan.   
\q1
\v 7 Ewe king epwe ün seni ewe öüwö mi nom ünükün ewe al,  
\q1 epwe pöchökülela ren o sopwela le win.   
\c 111  
\s1 Aramas repwe mwareiti Kot  
\sr 111.1-10  
\q1
\v 1 Ousipwe mwareiti ewe Samol mi Lapalap.  
\q1 Üpwe kilisou ngeni ewe Samol mi Lapalap ren unusen lelukei  
\q1 lon ewe mwichen chon wenechar, pwal lein ewe mwichen aramas.   
\q1
\v 2 Än ewe Samol mi Lapalap föför ra fokun amwarar,  
\q1 chokewe meinisin mi pwapwaitiir ra ekinloneer.   
\q1
\v 3 An kewe föför ra fokun ling me manaman,  
\q1 an pwüng a nonom tori feilfeilachök.   
\b  
\q1
\v 4 Ewe Samol mi Lapalap a föri pwe aramas repwe chechemeni an kewe föför mi amwarar.  
\q1 A eäni kirikiröch o ümöümöch.   
\q1
\v 5 A ngeni chokewe mi niuokusiti i ener mongö.  
\q1 A chechemeni an we pwon fansoun meinisin.   
\q1
\v 6 A pwäri ngeni nöün kewe aramas manamanen an kewe föför,  
\q1 lupwen a ngeniir fanüen chon ekewe mwü.   
\b  
\q1
\v 7 A allükülük o pwüng lon mettoch meinisin a föri.  
\q1 An kewe allük meinisin ra nükünük.   
\q1
\v 8 Ra nonomopos tori feilfeilachök,  
\q1 Kot a föriir fän allükülük me wenechar.   
\q1
\v 9 A angasala nöün aramas  
\q1 o föri eu pwon esemüch.  
\q1 Itan a pin o eniweniu.   
\q1
\v 10 Niuokusiti ewe Samol mi Lapalap, iei poputän tipachem.  
\q1 Chokewe meinisin mi föri iei usun ra fefeitä lon ar silelap.  
\q1 Sipwe mwareiti Kot tori feilfeilachök. \x + \xo 111.10 \xt Hiop 28.28; SalF 1.7; 9.10\x*   
\c 112  
\s1 A feiöch eman mi niuokusiti Kot  
\sr 112.1-10  
\q1
\v 1 Ousipwe mwareiti ewe Samol mi Lapalap.  
\q1 A feiöch ewe aramas mi niuokusiti ewe Samol mi Lapalap,  
\q1 mi pwapwaiti an epwe aleasochisi an kewe allük.   
\q1
\v 2 Nöün kana repwe nemenem lon ewe fanü.  
\q1 Mwirimwirin kana mi wenechar repwe feiöch.   
\q1
\v 3 Wöü me chomong pisek ra nom lon imwan,  
\q1 nge an pwüng a nonom tori feilfeilachök.   
\b  
\q1
\v 4 Saram a tin lon rochopwak fän iten ewe mi wenechar.  
\q1 Pun ewe Samol mi Lapalap a kirikiröch, a pwal ümöümöch o pwüng.   
\q1
\v 5 A feiöch eman mwän mi kichiöch o mwütätä mettoch,  
\q1 eman mi föri an angang fän pwüng.   
\q1
\v 6 Pun ewe chon pwüng epwe fokun tipepos.  
\q1 Aramas repwe chechemeni i tori feilfeilachök.   
\b  
\q1
\v 7 Esap niuokusiti pworaus mi ngau,  
\q1 lelukan a pos, a apilükülükü ewe Samol mi Lapalap.   
\q1
\v 8 Lelukan a kinamwe, esap niuokus.  
\q1 Lesopolan epwe pwapwa le küna än chon oputan kuf.   
\q1
\v 9 A fangafangöch ngeni ekewe chon wöüngau,  
\q1 an pwüng epwe nonom tori feilfeilachök.  
\q1 Epwe wor manan me meninin me ren aramas. \x + \xo 112.9 \xt 2.Kor 9.9\x*   
\q1
\v 10 Ekewe aramasangau ra küna ei o song ren,  
\q1 ra attina meser, nge mürin resap chüen nom.  
\q1 Än ekewe aramasangau mochen esap pwönüetä.   
\c 113  
\s1 Kölün mwareiti Kot pokiten an atekiatä ewe chon tipetekison  
\sr 113.1-9  
\q1
\v 1 Ousipwe mwareiti ewe Samol mi Lapalap.  
\q1 Ämi chon angang ngeni ewe Samol mi Lapalap oupwe mwareiti itan.   
\b  
\q1
\v 2 Oupwe mwareiti iten ewe Samol mi Lapalap  
\q1 seni ei fansoun tori feilfeilachök.   
\q1
\v 3 Seni tötän akkar tori a tuputiu  
\q1 aramas repwe mwareiti iten ewe Samol mi Lapalap.   
\q1
\v 4 Ewe Samol mi Lapalap a tekia seni chon ekewe mwü,  
\q1 an ling a nom asen ekewe läng.   
\b  
\q1
\v 5 Ese wor eman a wewe ngeni ewe Samol mi Lapalap ach we Kot.  
\q1 A mot won an lenien mot mi tekia,   
\q1
\v 6 nge a nennetiu  
\q1 won ekewe läng, pwal won fanüfan.   
\q1
\v 7 A apwätai ekewe chon wöüngau seni lepwül  
\q1 o atekiatäi ekewe chon mwelele seni ioien falang,   
\q1
\v 8 a amoteer ren ekewe samol,  
\q1 ren ekewe samolun nöün aramas.   
\q1
\v 9 A aleniöchü ewe fefin mi rit lon imwan  
\q1 o föri pwe epwe eman inelap mi pwapwa ren nöün kewe.  
\q1 Ousipwe mwareiti ewe Samol mi Lapalap.   
\c 114  
\s1 Ekewe manaman mi fis, lupwen chon Israel ra towu seni Isip  
\sr 114.1-8  
\q1
\v 1 Lupwen ekewe chon Israel ra towu seni Isip,  
\q1 ir ekewe mwirimwirin Jakop mi towu seni eu mwichen aramas mi sokola ar fos, \x + \xo 114.1 \xt Eks 12.51\x*   
\q1
\v 2 Juta a wiliti an leni mi pin,  
\q1 Israel a wiliti an lenien nemenem.   
\b  
\q1
\v 3 Ewe matau a küna mine a fis o süla,  
\q1 ewe chanpupu Jortan a üla. \x + \xo 114.3 \xt Eks 14.21; Jos 3.16\x*   
\q1
\v 4 Ekewe chukutekia ra mwetemwet usun ekewe ätemwänin sip,  
\q1 ekewe chukutekison ra mwetemwet usun ekewe nienifön sip.   
\b  
\q1
\v 5 Met o sät, pwota ka sü?  
\q1 Met o chanpupu Jortan, pwota ka üla?   
\q1
\v 6 Met o ämi kewe chukutekia, pwota oua mwetemwet usun ekewe ätemwänin sip?  
\q1 Nge ämi chukutekison, pwota oua mwetemwet usun ekewe nienifön sip?   
\b  
\q1
\v 7 En fanüfan, kopwe chechech me fän mesen ewe Samol,  
\q1 me fän mesen än Jakop we Kot,   
\q1
\v 8 i ewe mi awili ewe achau ngeni eu nomun koluk,  
\q1 nge ewe achau mi fokun pöchökül ngeni eu puächen koluk. \x + \xo 114.8 \xt Eks 17.1-7; Num 20.2-13\x*   
\c 115  
\s1 Kot me ekewe uluulun anümwäl  
\sr 115.1-18  
\q1
\v 1 Ai Samol mi Lapalap, kopwe alingala itom,  
\q1 nge sap item,  
\q1 pokiten om tong ellet me om allükülük.   
\b  
\q1
\v 2 Pwota chon ekewe mwü repwe aisinikem,  
\q1 “Ifa i ämi Kot?”   
\q1
\v 3 Ach Kot a nom lon läng,  
\q1 i a chök föri mine a mochen.   
\q1
\v 4 Nge ar kewe uluulun anümwäl seni silifer me kolt  
\q1 aramas chök ra föri.   
\q1
\v 5 A wor awer, nge resap tongeni kapas,  
\q1 a wor meser, nge resap tongeni küneer.   
\q1
\v 6 A wor selinger, nge resap tongeni rongorong,  
\q1 a wor pwötür,  
\q1 nge resap tongeni titin.   
\q1
\v 7 A wor pöür, nge resap tongeni attap,  
\q1 a wor pecher, nge resap tongeni fetal,  
\q1 resap pwal tongeni möngüngü me lon chiorer.   
\q1
\v 8 Chokewe mi föri ekewe uluulun anümwäl o lüküür  
\q1 repwe pwal wewe ngeni ekewe uluulun anümwäl. \x + \xo 115.8 \xt Kölf 135.15-18; Pwär 9.20\x*   
\q1
\v 9 Ämi chon Israel, oupwe apilükülükü ewe Samol mi Lapalap.  
\q1 I epwe alisikemi o epeti senikemi feiengau.   
\q1
\v 10 Ämi mwirimwirin Aaron, oupwe apilükülükü ewe Samol mi Lapalap.  
\q1 I epwe alisikemi o epeti senikemi feiengau.   
\q1
\v 11 Ämi mi niuokusiti ewe Samol mi Lapalap, oupwe apilükülükü i.  
\q1 I epwe alisikemi o epeti senikemi feiengau.   
\b  
\q1
\v 12 Ewe Samol mi Lapalap a chechemenikich,  
\q1 i epwe afeiöchükich.  
\q1 I epwe afeiöchü ekewe chon Israel me ekewe mwirimwirin Aaron.   
\q1
\v 13 Ewe Samol mi Lapalap epwe afeiöchü chokewe mi niuokusiti i,  
\q1 ekewe aramas kis me ekewe aramas tekia. \x + \xo 115.13 \xt Pwär 11.18; 19.5\x*   
\q1
\v 14 Amwo ewe Samol mi Lapalap epwe achomongakemiila  
\q1 me mwirimwirimi kana.   
\q1
\v 15 Amwo oupwe feiöch me ren ewe Samol mi Lapalap,  
\q1 ewe mi föri läng me fanüfan.   
\b  
\q1
\v 16 Ekewe läng än ewe Samol mi Lapalap echök,  
\q1 nge fanüfan a ngeni aramas.   
\q1
\v 17 Ekewe somä resap mwareiti ewe Samol mi Lapalap,  
\q1 usun chök chokewe mi feitiu lon lenien sotup.   
\q1
\v 18 Nge kich mi manau sipwe mwareiti ewe Samol mi Lapalap  
\q1 seni ei fansoun tori feilfeilachök.  
\q1 Ousipwe mwareiti ewe Samol mi Lapalap.   
\c 116  
\s1 Kilisou ren ngasala seni feiengauen mäla  
\sr 116.1-19  
\q1
\v 1 Üa echeni ewe Samol mi Lapalap, pun a rongorong mweliei  
\q1 o aüselinga ai kewe tüngor pwe epwe ümöümöch ngeniei.   
\q1
\v 2 I a aü selingan ngeniei,  
\q1 iei mine üpwe kökköri i lon unusen ränin manauei.   
\q1
\v 3 Ekewe likatupun mäla ra pwelieila,  
\q1 ekewe feiengauen lenien sotup ra toriei,  
\q1 üa uren riaföü me niuokus.   
\q1
\v 4 Mürin üa köri iten ewe Samol mi Lapalap o apasa,  
\q1 “Ai Samol mi Lapalap, üa tüngor ngonuk, kopwe amanauaei.”   
\b  
\q1
\v 5 Ewe Samol mi Lapalap a kirikiröch o pwüng,  
\q1 ach Kot a fokun eäni tong.   
\q1
\v 6 Ewe Samol mi Lapalap a tümwünü ekewe chon lipwäkingau.  
\q1 Lupwen üa nom lon feiengau, a amanauaei.   
\q1
\v 7 Ngüni, kopwe apilükülüköch,  
\q1 pun ewe Samol mi Lapalap a kirikiröch ngeniei.   
\b  
\q1
\v 8 Ewe Samol mi Lapalap a amanauaei seni mäla.  
\q1 A aükätiu chönün mesei,  
\q1 a tümwünü pechei pwe üsap chepetek,   
\q1
\v 9 pwe üpwe fetal fän mesan  
\q1 lon fanüen chon manau.   
\q1
\v 10 Üa amwöchü ai lükülük pwal lupwen fansoun ai üra,  
\q1 “Üa nom lon riaföü lapalap.” \x + \xo 116.10 \xt 2.Kor 4.13\x*   
\q1
\v 11 Üa apasa lon ai niuokus,  
\q1 “Aramas meinisin ra chofana.”   
\b  
\q1
\v 12 Met üpwe liwini ngeni ewe Samol mi Lapalap  
\q1 ren ekewe feiöch meinisin a ngeniei?   
\q1
\v 13 Üpwe uwato ewe kapen wain pwe ai asoren ün  
\q1 o kilisou ngeni ewe Samol mi Lapalap.   
\q1
\v 14 Üpwe apwönüetä ai kewe pwon ngeni ewe Samol mi Lapalap  
\q1 me fän mesen nöün kewe aramas meinisin.   
\b  
\q1
\v 15 A aüchea me fän mesen ewe Samol mi Lapalap  
\q1 mälan nöün kewe chon pin.   
\q1
\v 16 Ai Samol mi Lapalap, ngang noum chon angang.  
\q1 Ngang noum chon angang, nöün noum chon angang fefin.  
\q1 En ka apichala föföi kewe.   
\q1
\v 17 Üpwe eäni ngonuk ewe asoren kilisou  
\q1 o iotek ngonuk.   
\q1
\v 18 Üpwe apwönüetä ai kewe pwon ngeni en, ewe Samol mi Lapalap,  
\q1 me fän mesen noum kewe aramas meinisin   
\q1
\v 19 me lon imwom we imwenfel me lukalapen Jerusalem.  
\q1 Ousipwe mwareiti ewe Samol mi Lapalap.   
\c 117  
\s1 Kapasen mwareiti Kot fän iten an tong ellet  
\sr 117.1-2  
\q1
\v 1 Oupwe mwareiti ewe Samol mi Lapalap, ämi chon ekewe mwü meinisin.  
\q1 Oupwe ingeiti i, ämi aramas meinisin. \x + \xo 117.1 \xt Rom 15.11\x*   
\q1
\v 2 Pun an tong ellet ngenikich a fokun lapalap,  
\q1 än ewe Samol mi Lapalap allükülük a nonom tori feilfeilachök.  
\q1 Ousipwe mwareiti ewe Samol mi Lapalap.   
\c 118  
\s1 Kilisou ren än Kot amanauakich  
\sr 118.1-29  
\q1
\v 1 Oupwe kilisou ngeni ewe Samol mi Lapalap,  
\q1 pun i a kirikiröch,  
\q1 an tong ellet a nonom tori feilfeilachök. \x + \xo 118.1 \xt 1.Kron 16.34; 2.Kron 5.13; 7.3; Esr 3.11; Kölf 100.5; 106.1; 107.1; 136.1; Jer 33.11\x*   
\q1
\v 2 Chon Israel repwe apasa,  
\q1 “An tong ellet a nonom tori feilfeilachök.”   
\q1
\v 3 Ekewe mwirimwirin Aaron repwe apasa,  
\q1 “An tong ellet a nonom tori feilfeilachök.”   
\q1
\v 4 Chokewe mi niuokusiti ewe Samol mi Lapalap repwe apasa,  
\q1 “An tong ellet a nonom tori feilfeilachök.”   
\b  
\q1
\v 5 Üa kökköri ewe Samol mi Lapalap seni lon ai riaföü,  
\q1 nge i a pälüeniei o angasaeila.   
\q1
\v 6 Üsap niuokus, pun ewe Samol mi Lapalap a nom rei.  
\q1 Met aramas repwe tongeni föri ngeniei? \x + \xo 118.6 \xt Ipr 13.6\x*   
\q1
\v 7 Ewe Samol mi Lapalap peniei me chon alisiei.  
\q1 Üpwe küna pwe ekewe chon oputaei ra kuf.   
\q1
\v 8 A mürina ach sipwe anomu ach apilükülük won ewe Samol mi Lapalap,  
\q1 lap seni ach sipwe anomu ach apilükülük won aramas.   
\q1
\v 9 A mürina ach sipwe anomu ach apilükülük won ewe Samol mi Lapalap,  
\q1 lap seni ach sipwe anomu ach apilükülük won ekewe samol.   
\b  
\q1
\v 10 Chon ekewe mwü meinisin ra pwelieila,  
\q1 nge ngang üa ärirela fän iten ewe Samol mi Lapalap.   
\q1
\v 11 Ra pweliela lepeki meinisin,  
\q1 nge ngang üa ärirela fän iten ewe Samol mi Lapalap.   
\q1
\v 12 Ra rangeitiei usun achi,  
\q1 nge ra karakai usun ekkei a kenala iräfölüföl.  
\q1 Ngang üa ärirela fän iten ewe Samol mi Lapalap.   
\q1
\v 13 Ra tiiniei fän pöchökül pwe üpwe turula,  
\q1 nge ewe Samol mi Lapalap a alisiei.   
\q1
\v 14 Ewe Samol mi Lapalap ai pöchökül me ai köl.  
\q1 I ai Chon Amanau. \x + \xo 118.14 \xt Eks 15.2; Ais 12.2\x*   
\q1
\v 15 Oupwe aüseling ngeni ekewe kölün pwapwan win lon imwen ekewe chon pwüng,  
\q1 “Pöüifichin ewe Samol mi Lapalap a föri föförün pwora me win.   
\q1
\v 16 Pöüifichin ewe Samol mi Lapalap a aköüpöü,  
\q1 pöüifichin ewe Samol mi Lapalap a föri föförün pwora me win.”   
\q1
\v 17 Üsap mäla, nge üpwe manau  
\q1 o asilefeili än ewe Samol mi Lapalap kewe föför.   
\q1
\v 18 Ewe Samol mi Lapalap a fokun apwüngüei,  
\q1 nge esap atolongaei lon mäla.   
\b  
\q1
\v 19 Oupwe suki ngeniei ekewe asamen imwenfel  
\q1 pwe üpwe tolong lon o kilisou ngeni ewe Samol mi Lapalap.   
\q1
\v 20 Iei asamen ewe Samol mi Lapalap,  
\q1 ekewe chon pwüng echök repwe tolong lon.   
\b  
\q1
\v 21 Üa kilisou ngonuk, pun ka pälüeni ai iotek,  
\q1 ka pwal amanauaei.   
\b  
\q1
\v 22 Ewe fau ekewe chon kaü imw ra pöütala  
\q1 a wiliti ewe föün lepwokuku mi fokun aüchea. \x + \xo 118.22 \xt Luk 20.17; Föf 4.11; 1.Pet 2.7\x*   
\q1
\v 23 Iei än ewe Samol mi Lapalap we föför,  
\q1 a fokun amwarar me fän mesach. \x + \xo 118.23 \xt Mat 21.42; Mark 12.10-11\x*   
\q1
\v 24 Iei ewe rän ewe Samol mi Lapalap a föri,  
\q1 ousipwe meseik o pwapwa lon.   
\q1
\v 25 Ai Samol mi Lapalap, äm aia tüngor ngonuk pwe kopwe amanauakem.  
\q1 Ai Samol mi Lapalap, äm aia tüngor ngonuk pwe kopwe atufichikem. \x + \xo 118.25 \xt Mat 21.9; Mark 11.9; Joh 12.13\x*   
\q1
\v 26 A feiöch ätewe mi feito fän iten ewe Samol mi Lapalap.  
\q1 Äm aia afeiöchükemi seni lon imwen ewe Samol mi Lapalap. \x + \xo 118.26 \xt Mat 21.9; 23.39; Mark 11.9; Luk 13.35; 19.38; Joh 12.13\x*   
\q1
\v 27 Ewe Samol mi Lapalap i Kot, a ngenikich saram.  
\q1 Oupwe fötätä ewe mönün asoren chulap ren säl  
\q1 ngeni ewe rongen asor tori mächän kewe.   
\b  
\q1
\v 28 En ai Kot, üpwe kilisou ngonuk.  
\q1 En ai Kot, üpwe ingemwareituk.   
\q1
\v 29 Oupwe kilisou ngeni ewe Samol mi Lapalap, pun i a kirikiröch,  
\q1 an tong ellet a nonom tori feilfeilachök.   
\c 119  
\s1 An Kot kewe allük ra mürina  
\sr 119.1-176  
\q1
\v 1 Ra feiöch chokewe resap tipis lon manauer,  
\q1 chokewe mi aleasochisi än ewe Samol mi Lapalap kewe allük.   
\q1
\v 2 Ra feiöch chokewe mi tümwünü an kewe allük.  
\q1 chokewe mi kütta i ren unusen leluker,   
\q1
\v 3 chokewe resap föri mine a ngau,  
\q1 nge ra chök föri letipen Kot.   
\q1
\v 4 Ai Kot, en ka asile ngenikem om öüröür,  
\q1 pwe aipwe tümwünüöchüür le apwönüetä.   
\q1
\v 5 Amwo üpwe likitü le apwönüetä om kewe allük.   
\q1
\v 6 Mürin üsap säw,  
\q1 lupwen üa ekiekifichi om kewe allük meinisin.   
\b  
\q1
\v 7 Üpwe mwareituk fän wenecharen lelukei,  
\q1 lupwen üa kaiö pwüngün om kewe pwüüng.   
\q1
\v 8 Üpwe aleasochisi om kewe allük.  
\q1 Kosap fokun likitieila.   
\b  
\q1
\v 9 Epwe ifa usun än eman alüal tümwünü manauan pwe epwe limöch?  
\q1 Ei a chök tongeni fis ren an aleasochisi om kapas.   
\q1
\v 10 Üa küttok ren unusen lelukei.  
\q1 Kosap mwüt ngeniei pwe üpwe aleasolap ngeni om kewe allük.   
\q1
\v 11 Üa iseis om kapas lon lelukei  
\q1 pwe üsap tipis ngonuk.   
\q1
\v 12 Ai Samol mi Lapalap, üpwe mwareituk.  
\q1 Kopwe aiti ngeniei om kewe allük.   
\q1
\v 13 Üpwe apasasefäli om kewe pwüüng meinisin  
\q1 ka ngenikem.   
\q1
\v 14 Üa pwapwaäsini le apwönüetä om kewe allük  
\q1 lap seni ai pwapwaäsini ekewe wöü meinisin.   
\q1
\v 15 Üpwe ekinlonei om kewe öüröür  
\q1 o ekiekifichi mine ka aiti ngeniei.   
\q1
\v 16 Üpwe pwapwaäsini om kewe allük,  
\q1 nge üsap manlükala om kewe kapas.   
\b  
\q1
\v 17 Kopwe kirikiröch ngeniei ngang noum chon angang,  
\q1 pwe üpwe manau o aleasochisi om kapas.   
\q1
\v 18 Kopwe suki mesei pwe üpwe küna  
\q1 ekewe mettoch mi amwarar seni lon om kewe allük.   
\q1
\v 19 Ngang eman chon siamü won fanüfan,  
\q1 kosap aopala om kewe allük seniei.   
\q1
\v 20 Lelukei a tatakis  
\q1 ren ai positi om kewe pwüüng fansoun meinisin.   
\q1
\v 21 Ka apwüngü ekewe mi lamalamtekia,  
\q1 ra anümamau, chokewe mi aleasolap ngeni om kewe allük.   
\q1
\v 22 Kopwe angei seniei säw me itengau,  
\q1 pun ngang üa tümwünü om kewe allük.   
\q1
\v 23 Inamwo are samol kana ra mwichfengen o rawangauaei,  
\q1 nge ngang noum ei chon angang üpwe chök ekinlonei om kewe allük.   
\q1
\v 24 Üa pwapwaäsini om kewe allük,  
\q1 ir chon öüröüraei.   
\b  
\q1
\v 25 Üa konola won pwül moromor,  
\q1 kopwe apöchökülaei usun ka pwon lon om kapas.   
\q1
\v 26 Üa pwärätä meinisin mine üa föri, nge en ka pälüeniei.  
\q1 Kopwe aiti ngeniei om kewe allük.   
\q1
\v 27 Kopwe awewe ngeniei usun ai üpwe fetal fän om kewe öüröür,  
\q1 nge ngang üpwe ekinlonei om kewe föför mi amwarar.   
\b  
\q1
\v 28 Üa fokun kechü ren ai letipeta.  
\q1 Kopwe apöchökülaei usun ka pwon lon om kapas.   
\q1
\v 29 Kopwe amwöchüei pwe üsap fetal won ekewe al rese pwüng.  
\q1 Lon om ümöümöch kopwe aiti ngeniei om we allük.   
\q1
\v 30 Üa filätä ai üpwe fetal won ewe al mi let,  
\q1 üa anomu mwei om kewe pwüüng.   
\q1
\v 31 Ai Samol mi Lapalap, üa kamwöchünük won om kewe allük,  
\q1 kosap mwüt ngeniei pwe üpwe säw.   
\q1
\v 32 Üpwe fokun aleasochisi om kewe allük,  
\q1 pun ka alapala ai sile.   
\b  
\q1
\v 33 Ai Samol mi Lapalap, kopwe aiti ngeniei wewen om kewe allük,  
\q1 nge ngang üpwe aleasochisiir fansoun meinisin.   
\q1
\v 34 Kopwe fang ngeniei silelap, pwe ngang üpwe aleasochisi om kewe allük  
\q1 o apwönüretä ren unusen lelukei.   
\q1
\v 35 Kopwe emweniei pwe üpwe tongeni aleasochisi om kewe allük,  
\q1 pun ngang üa pwapwaäsiniir.   
\q1
\v 36 Kopwe akulu lelukei ngeni om kewe allük,  
\q1 nge sap ngeni mochenian win.   
\q1
\v 37 Kopwe akulu mesei seni mettoch mi lomotongau,  
\q1 nge kopwe amanauaei ren om kapas.   
\q1
\v 38 Kopwe apwönüetä om pwon ngeniei ngang noum chon angang,  
\q1 ewe pwon ka eäni ngeni chokewe mi niuokusituk.   
\q1
\v 39 Kopwe angei seniei ewe itengau üa niuokusiti,  
\q1 pun om kewe pwüüng ra mürina.   
\q1
\v 40 Üa fokun positi om kewe kapasen öüröür.  
\q1 Kopwe amanauaei, pun en ka pwüng.   
\b  
\q1
\v 41 Ai Samol mi Lapalap, kopwe pwäri ngeniei om tong ellet,  
\q1 kopwe amanauaei usun ka fen pwon.   
\q1
\v 42 Mürin üpwe tongeni pälüeni chokewe mi ämängauaei,  
\q1 pun üa lükü om kapas.   
\q1
\v 43 Kopwe atufichiei pwe üpwe apasawu kapas mi let fansoun meinisin,  
\q1 pun ai apilükülük a nom won om kewe pwüüng.   
\q1
\v 44 Üpwe aleasochisi om kewe allük  
\q1 iteiten fansoun tori feilfeilachök.   
\q1
\v 45 Iwe, üpwe fetalchöchö fän ngasala,  
\q1 pun üa kütta om öüröür.   
\q1
\v 46 Üpwe pwal pwärätä om kewe allük me fän mesen ekewe king,  
\q1 nge üsap säw.   
\q1
\v 47 Üa fokun pwapwa le aleasochisi om kewe allük,  
\q1 pun üa aücheaniir.   
\q1
\v 48 Üa etiwa o aücheani om kewe allük,  
\q1 üpwe pwal ekinlonei om kewe pwüüng.   
\b  
\q1
\v 49 Kopwe chechemeni om kapas ngeniei ngang noum we chon angang,  
\q1 ewe kapas mi ngeniei apilükülüköch.   
\q1
\v 50 Iei ai chip lon ai riaföü,  
\q1 pwe om pwon a ngeniei manau.   
\q1
\v 51 Ekewe chon lamalamtekia ra fokun turunufaseei,  
\q1 nge ngang üsap kul seni om allük.   
\q1
\v 52 Ai Samol mi Lapalap, lupwen üa ekieki usun om kewe pwüüng,  
\q1 ra nonom seni me lomlom, üa chip.   
\q1
\v 53 Lingeringer watte a toriei,  
\q1 lupwen üa küna ekewe aramasangau mi purätiu om kewe allük.   
\q1
\v 54 Üa kökkölü om kewe allük ekis meinisin  
\q1 ia üa siamü ie.   
\q1
\v 55 Ai Samol mi Lapalap, üa chechemenuk lepwin  
\q1 o ekieki usun om kewe allük.   
\q1
\v 56 Iei usun mine üa chök föföri:  
\q1 Üa aleasochisi om kewe öüröür.   
\b  
\q1
\v 57 Ai Samol mi Lapalap, en chök ineti.  
\q1 Üpwe pwon pwe üpwe aleasochisi om kewe kapas.   
\q1
\v 58 Üa tüngor seni unusen lelukei om kopwe kirikiröch ngeniei.  
\q1 Kopwe ümöümöch ngeniei usun ka pwon.   
\q1
\v 59 Üa ekieki usun ai kewe föför,  
\q1 mürin üa kul ngeni om kewe allük.   
\q1
\v 60 Üa amüttiriei pwe üpwe aleasochisi om kewe allük,  
\q1 nge üsap mang.   
\q1
\v 61 Inamwo ika ekewe aramasangau ra anomu eu sär me mwei,  
\q1 nge üsap manlükala om kewe allük.   
\q1
\v 62 Üa pwätä lukenipwin  
\q1 pwe üpwe mwareituk pokiten om kewe allük mi pwüng.   
\q1
\v 63 Ngang eman chienen chokewe meinisin mi niuokusituk,  
\q1 chokewe mi aleasochisi om kewe öüröür.   
\q1
\v 64 Ai Samol mi Lapalap, fanüfan a ur ren om tong ellet.  
\q1 Kopwe aiti ngeniei om kewe allük.   
\b  
\q1
\v 65 Ai Samol mi Lapalap, ka eäni kirikiröch ngeniei  
\q1 ngang noum chon angang usun ka pwon.   
\q1
\v 66 Kopwe aiti ngeniei mirit me silelap,  
\q1 pun üa lükü om kewe allük.   
\q1
\v 67 Mwen om atolongaei lon riaföü üa mwälechfeil,  
\q1 nge iei üa aleasochisi om kapas.   
\q1
\v 68 En ka kirikiröch o föri mine a mürina.  
\q1 Kopwe aiti ngeniei om kewe allük.   
\q1
\v 69 Ekewe mi lamalamtekia ra aitengauaei ren ar chofana,  
\q1 nge üa aleasochisi om kewe öüröür ren unusen lelukei.   
\q1
\v 70 Leluker esap wor memmef lon,  
\q1 nge ngang üa pwapwaäsini om allük.   
\q1
\v 71 A mürina ngeniei pwe üa riaföü,  
\q1 pun ren ei üa tongeni kaiö om kewe allük.   
\q1
\v 72 Ewe allük ka ngenikem a mürina ngeniei  
\q1 lap seni ngeröün föün kolt me silifer.   
\b  
\q1
\v 73 En ka föriei o tümwünüei.  
\q1 Kopwe fang ngeniei mirit pwe üpwe tongeni kaiö om kewe allük.   
\q1
\v 74 Chokewe mi niuokusituk repwe pwapwa, lupwen repwe künaei,  
\q1 pun üa apilükülükü om kewe kapas.   
\q1
\v 75 Ai Samol mi Lapalap, üa silei pwe om kewe apwüng ra pwüng,  
\q1 fän om allükülük ka ariaföüüei.   
\q1
\v 76 Om tong ellet epwe achipaei,  
\q1 usun ka pwon ngeniei ngang noum we chon angang.   
\q1
\v 77 Om ümöümöch epwe toriei pwe üpwe tongeni manau,  
\q1 pun üa pwapwaäsini om allük.   
\q1
\v 78 Amwo ekewe chon lamalamtekia repwe säw,  
\q1 pun ra atipisiei, nge ese wor popun.  
\q1 Nge me rei, üpwe ekinlonei om kewe öüröür.   
\q1
\v 79 Amwo chokewe mi niuokusituk repwe feito rei,  
\q1 ir chokewe mi silei om kewe allük.   
\q1
\v 80 Amwo üpwe fokun aleasochisi om kewe allük,  
\q1 pwe üsap säw.   
\b  
\q1
\v 81 Üa fokun apwangapwangala ren ai positi om kopwe amanauaei,  
\q1 nge üa apilükülükü om kapas.   
\q1
\v 82 Mesei ra toputopula ren ai akköürü mine ka pwon.  
\q1 Üa ais, “Inet kopwe achipaei?”   
\q1
\v 83 Inamwo ika üa lomotongau usun chök eu rumen wain seni silin man mi nürüfengen ren ötüöt,  
\q1 nge üsap manlükala om kewe allük.   
\q1
\v 84 Ifa ükükün fansoun ngang noum ei chon angang üpwe engila?  
\q1 Inet kopwe apwüngü chokewe mi ariaföüüei?   
\q1
\v 85 Ekewe chon lamalamtekia ra tuw pwang pwe üpwe turulong lon,  
\q1 ir chokewe resap aleasochisi om allük.   
\q1
\v 86 Om kewe allük meinisin ra let.  
\q1 Nge aramas ra chök ariaföüüei ren ar kapas chofana. Kose mochen kopwe alisiei.   
\q1
\v 87 Arapakan ar repwe ärieila me won fanüfan.  
\q1 Nge ngang üsap likitala om kewe öüröür.   
\q1
\v 88 Lon om tong ellet kopwe amwöchü manauei,  
\q1 pwe üpwe tongeni aleasochisi om kewe allük.   
\b  
\q1
\v 89 Ai Samol mi Lapalap, om kapas a nüküchar me lon läng,  
\q1 a nom tori feilfeilachök.   
\q1
\v 90 Om allükülük a nonom tori ekewe täppin aramas meinisin.  
\q1 En ka anomu fanüfan lon lenian, nge a nonomopos.   
\q1
\v 91 Om kewe allük ra nonom tori ikenai,  
\q1 pun mettoch meinisin ra angang ngonuk.   
\q1
\v 92 Are üsap pwapwaiti om allük,  
\q1 üpwe mäla lon ai riaföü.   
\q1
\v 93 Üsap fokun manlükala om kewe öüröür,  
\q1 pun ka amanauaei pokiter.   
\q1
\v 94 Ngang noum, kopwe amanauaei,  
\q1 pun ngang üa kütta om öüröür.   
\q1
\v 95 Ekewe aramasangau ra okoperiei pwe repwe nieila,  
\q1 nge ngang üpwe ekinlonei om kewe allük.   
\q1
\v 96 Üa küna pwe mi wor öükükün mettoch meinisin,  
\q1 nge om allük esap wor öükükün.   
\b  
\q1
\v 97 Üa fokun aücheani om allük,  
\q1 üa ekinlonei fansoun meinisin.   
\q1
\v 98 Om allük a atipachemaei pwe üa tipachem lap seni chon oputaei,  
\q1 pun a nonom rei fansoun meinisin.   
\q1
\v 99 A wor ai sile lap seni än nei kewe sense sile,  
\q1 pun üa ekinlonei om kewe allük.   
\q1
\v 100 Üa mirit lap seni ekewe reikewe,  
\q1 pun üa aleasochisi om kewe öüröür.   
\q1
\v 101 Üsap föri sokun föför mi ngau,  
\q1 pun üa aleasochisi om kewe kapas.   
\q1
\v 102 Üsap tok seni om kewe pwüüng,  
\q1 pun püsin en ai chon kait.   
\q1
\v 103 Om kewe kapasen pwon ra fokun arar me rei,  
\q1 ra arar seni chönün chunen me lon awei.   
\q1
\v 104 Üa angei ai mirit seni om kewe öüröür,  
\q1 iei mine üa oput ekewe föför mi ngau meinisin.   
\b  
\q1
\v 105 Om kapas eu lamp a aiti ngeniei ia üpwe ipwela ie,  
\q1 a pwal asarama alei.   
\q1
\v 106 Üa pwon fän akapel o anükünükü  
\q1 pwe üpwe aleasochisi om kewe öüröür mi pwüng.   
\q1
\v 107 Üa fokun riaföü. Ai Samol mi Lapalap,  
\q1 kopwe amanauaei, usun ka pwon lon om kapas.   
\q1
\v 108 Ai Samol mi Lapalap, kopwe aüselinga ai iotekin kilisou  
\q1 o aiti ngeniei om kewe pwüüng.   
\q1
\v 109 Üa fangala manauei pwe üpwe tolong lon feiengauen mäla fansoun meinisin,  
\q1 nge üsap manlükala om kewe allük.   
\q1
\v 110 Ekewe aramasangau ra anomu eu sär fän itei,  
\q1 nge ngang üsap aleasolap ngeni om kewe öüröür.   
\q1
\v 111 Om kewe allük wöüi tori feilfeilachök.  
\q1 Ewer, ra apwapwai lelukei.   
\q1
\v 112 Üa filätä pwe üpwe apwönüetä om kewe allük fansoun meinisin  
\q1 tori sopolan manauei.   
\b  
\q1
\v 113 Üa oput ekewe aramas mi tiperuu,  
\q1 nge üa aücheani om allük.   
\q1
\v 114 En ai lenien op me ai chon tümwün.  
\q1 Üa anomu ai apilükülük won om kewe kapas.   
\q1
\v 115 Oupwe sü seniei, ämi chon föri mine a ngau,  
\q1 pwe üpwe aleasochisi än ai Kot kewe allük.   
\q1
\v 116 Kopwe alisiei pwe üpwe tongeni manau, usun ka fen pwon,  
\q1 nge kosap mwütätä pwe üpwe lichipüng lon ai apilükülük.   
\q1
\v 117 Kopwe amwöchüeitä pwe üpwe manau,  
\q1 üpwe meniniti om kewe allük fansoun meinisin.   
\q1
\v 118 Ka oput chokewe meinisin mi aleasolap ngeni om kewe allük.  
\q1 Ewer, ar tipachemsolä esap wor lomotan.   
\q1
\v 119 Ekewe aramasangau meinisin won fanüfan ra usun chök mettoch mi limengau me fän mesom,  
\q1 iei mine üa aücheani om kewe öüröür.   
\q1
\v 120 Inisi a chechech ren ai niueituk.  
\q1 Üa niuokus ren om kewe kapwüng.   
\q1
\v 121 Üa fen föri mine a wenechar o pwüng,  
\q1 kosap likitiei ngeni chon ariaföüüei.   
\q1
\v 122 Kopwe pwon pwe kopwe alisiei ngang noum chon angang,  
\q1 nge kosap mwüt ngeni ekewe chon lamalamtekia pwe repwe ariaföüüei.   
\q1
\v 123 Mesei ra toputopula ren ai aköürü om kopwe amanauaei,  
\q1 pwal ren ai aköürü om kopwe apwönüetä om kewe pwon mi pwüng.   
\q1
\v 124 Lon om föför ngeniei ngang noum chon angang kopwe pwäri om tong ellet  
\q1 o aiti ngeniei om kewe allük.   
\q1
\v 125 Ngang noum chon angang, kopwe ngeniei mirit  
\q1 pwe üpwe tongeni silei om kewe allük.   
\q1
\v 126 Ai Samol mi Lapalap, a tori fansoun pwe kopwe föri om angang,  
\q1 pun aramas ra puri om allük.   
\q1
\v 127 Ellet, üa aücheani om kewe allük lap seni kolt  
\q1 me kolt mi mürina.   
\q1
\v 128 Iei mine üa apwönüetä om kewe öüröür meinisin,  
\q1 nge üa oput ekewe föför mi mwäl.   
\b  
\q1
\v 129 Om kewe allük ra fokun amwarar,  
\q1 iei mine üa aleasochisiir ren unusen lelukei.   
\q1
\v 130 Lupwen a suk ngenikem masouen om kewe kapas, a wor saram,  
\q1 a ngeni ekewe chon wewemang tipachem.   
\q1
\v 131 Lon ai positi om kewe allük  
\q1 üa amassaw o ngasepwich.   
\q1
\v 132 Kopwe kuluto o ümöümöch ngeniei,  
\q1 usun ka föri ngeni chokewe mi echenuk.   
\q1
\v 133 Kopwe anükücharaei pwe üsap tur, usun ka pwon,  
\q1 nge kosap mwüt ngeni tipis epwe nemenieila.   
\q1
\v 134 Kopwe angasaei seni ekewe aramas mi ariaföüüei,  
\q1 pwe üpwe tongeni aleasochisi om kewe öüröür.   
\q1
\v 135 Kopwe netiu woi ngang noum chon angang fän om kirikiröch  
\q1 o aiti ngeniei om kewe allük.   
\q1
\v 136 Chönün mesei ra pupu usun chanpupu,  
\q1 pun aramas resap aleasochisi om kewe allük.   
\b  
\q1
\v 137 Ai Samol mi Lapalap, en ka pwüng,  
\q1 nge om kewe kapwüng ra pwüng.   
\q1
\v 138 Om kewe allük ka ngenikem ra pwüng,  
\q1 ra pwal unusen allükülük.   
\q1
\v 139 Ai tiliken a apwangapwangaeila,  
\q1 pun chon oputaei ra tümwününgauei om kewe kapas.   
\q1
\v 140 Om kewe pwon ra asosotöch,  
\q1 ngang noum chon angang üa aücheaniir.   
\q1
\v 141 Üa itengau o küna koput,  
\q1 nge üsap manlükala om kewe öüröür.   
\q1
\v 142 Om we pwüng a nom tori feilfeilachök,  
\q1 nge om allük a let.   
\q1
\v 143 Weires me eniweniw ra toriei,  
\q1 nge om kewe allük ra apwapwaei.   
\q1
\v 144 Om kewe allük ra pwüng tori feilfeilachök.  
\q1 Kopwe ngeniei mirit pwe üpwe manau.   
\b  
\q1
\v 145 Üa siö ngonuk ren unusen lelukei.  
\q1 Ai Samol mi Lapalap, kopwe pälüeniei.  
\q1 Ngang üpwe aleasochisi om kewe allük.   
\q1
\v 146 Üa siö ngonuk.  
\q1 Kopwe amanauaei pwe üpwe apwönüetä om kewe allük.   
\q1
\v 147 Üa pwätä wünümweerän o siö pwe kopwe alisiei.  
\q1 Üa apilükülükü om kewe kapas.   
\q1
\v 148 Üa nenela lon unusen pwin  
\q1 pwe üpwe ekinlonei om we pwon.   
\q1
\v 149 Kopwe aüselinga mweliei lon om tong ellet.  
\q1 Ai Samol mi Lapalap, kopwe amanauaei fän om pwüng.   
\q1
\v 150 Chokewe mi ariaföüüei ra kaneto fän ar ekingau,  
\q1 nge resap fokun apwönüetä om kewe allük.   
\q1
\v 151 Nge en ka arap ngeniei, ai Samol mi Lapalap,  
\q1 om kewe allük meinisin ra let.   
\q1
\v 152 Seni me lomlom üa silei seni om kewe allük,  
\q1 pwe ka anüküchareer tori feilfeilachök.   
\b  
\q1
\v 153 Kopwe nengeni ai riaföü o angasaei,  
\q1 pun üsap manlükala om allük.   
\q1
\v 154 Kopwe peniei o angasaei,  
\q1 kopwe amanauaei, usun ka pwon.   
\q1
\v 155 En kosap amanaua ekewe aramasangau,  
\q1 pun resap aleasochisi om kewe allük.   
\q1
\v 156 Ai Samol mi Lapalap, om ümöümöch a lapalap,  
\q1 kopwe amanauaei fän om pwüng.   
\q1
\v 157 Ra men chomong chon ariaföüüei me chon ü ngeniei,  
\q1 nge ngang üsap tok seni om kewe allük.   
\q1
\v 158 Fän koput üa nenengeni ekewe aramas resap allükülük,  
\q1 pun ir resap aleasochisi om kewe allük.   
\q1
\v 159 Kopwe ekieki usun ai aücheani om kewe öüröür.  
\q1 Kopwe tümwünü manauei fän om tong ellet.   
\q1
\v 160 Masouen om kewe kapas meinisin a let.  
\q1 Om kewe allük mi pwüng meinisin ra nonom tori feilfeilachök.   
\b  
\q1
\v 161 Ekewe samol ra ariaföüüei nge esor popun,  
\q1 nge ngang üa meniniti om kewe kapas.   
\q1
\v 162 Üa pwapwa ren om kewe pwon  
\q1 usun eman mi angei chomong liapan.   
\q1
\v 163 Üa oput o anioputa chofana,  
\q1 nge üa aücheani om allük.   
\q1
\v 164 Üa mwareituk fän fisu lon eu rän  
\q1 fän iten om kewe allük mi pwüng.   
\q1
\v 165 Chokewe mi aücheani om allük ra fokun kinamwe.  
\q1 Esap wor och ra tongeni chepetek ren.   
\q1
\v 166 Ai Samol mi Lapalap, üa apilükülükü om kopwe amanauaei,  
\q1 üa pwal apwönüetä om kewe allük.   
\q1
\v 167 Üa aleasochisi om kewe allük,  
\q1 üa wesewesen aücheaniir.   
\q1
\v 168 Üa aleasochisi om kewe öüröür me om kewe allük,  
\q1 pun en ka küna meinisin mine üa föri.   
\b  
\q1
\v 169 Ai Samol mi Lapalap, amwo ai siö epwe toruk.  
\q1 Kopwe ngeniei mirit usun ka apasa.   
\q1
\v 170 Ai iotekin tüngor epwe toruk.  
\q1 Kopwe angasaei usun ka pwon.   
\q1
\v 171 Üpwe fokun mwareituk  
\q1 pwe ka aiti ngeniei om kewe allük.   
\q1
\v 172 Üpwe kölü om kapas,  
\q1 pun om kewe allük meinisin ra pwüng.   
\q1
\v 173 Amwo kopwe molotä pwe kopwe alisiei,  
\q1 pun üa filätä om kewe öüröür pwe üpwe apwönüretä.   
\q1
\v 174 Ai Samol mi Lapalap, üa positi om kopwe amanauaei,  
\q1 üa fokun pwapwaiti om allük.   
\q1
\v 175 Kopwe mwüt ngeniei pwe üpwe manau, pwe üpwe tongeni mwareituk,  
\q1 nge om kewe pwüüng repwe alisiei.   
\q1
\v 176 Üa mwälechfeil usun eman sip mi mwälechela,  
\q1 kopwe küttaei ngang noum chon angang,  
\q1 pun üsap manlükala om kewe allük.   
\c 120  
\s1 Eu iotekin tüngor ngasala seni chon atuputup  
\sr 120.1-7  
\d Echö kölün feitä \f + \fr 120.0 \ft Ekei kölfel seni sopun 120 tori sopun 134 chon Israel ra sou eäniir lupwen ar feitä Jerusalem fansoun ar kewe chulap.\f*.  
\q1
\v 1 Üa siö ngeni ewe Samol mi Lapalap lon ai riaföü,  
\q1 nge i a pälüeniei,   
\q1
\v 2 “Ai Samol mi Lapalap, kopwe angasaei  
\q1 seni ekewe chon chofana me chon atuputup.”   
\b  
\q1
\v 3 Ämi chon atuputup, met Kot epwe liwini ngenikemi?  
\q1 Met epwe pwal föri ngenikemi?   
\q1
\v 4 Epwe apwüngükemi ren än eman sounfiu föün esefich mi ken,  
\q1 ren moochen chia mi sarara.   
\b  
\q1
\v 5 Feiengauei pwe üa siamüfetal lon Mesek  
\q1 o nonom lon imwen ekewe chon Ketar.   
\q1
\v 6 A fansoun langatam ai imweimw  
\q1 lein chokewe mi oput kinamwe.   
\q1
\v 7 Üa tipeni kinamwe. Nge lupwen üa kapas usun,  
\q1 ir ra tipeni maun.   
\c 121  
\s1 Kot om chon tümwün  
\sr 121.1-8  
\d Echö kölün feitä.  
\q1
\v 1 Üa anetai mesei ngeni ekewe chuk.  
\q1 Ia alilisi epwe feito me ie?   
\q1
\v 2 Alilisi epwe war me ren ewe Samol mi Lapalap  
\q1 mi förätä läng me fanüfan.   
\b  
\q1
\v 3 I epwe amwöchuk pwe kosap mit,  
\q1 ewe mi tümwünuk esap aiesum.   
\b  
\q1
\v 4 Nengeni, ewe mi tümwünü Israel  
\q1 esap aiesum, esap pwal möür.   
\q1
\v 5 Ewe Samol mi Lapalap epwe tümwünuk,  
\q1 i epwe annüruk o nom pelifichum.   
\q1
\v 6 Akkar esap afeiengauok lerän,  
\q1 nge maram esap afeiengauok lepwin.   
\b  
\q1
\v 7 Ewe Samol mi Lapalap epwe tümwünuk seni feiengau meinisin,  
\q1 i epwe tümwünü manauom.   
\q1
\v 8 Ewe Samol mi Lapalap epwe tümwünü om towu me om tolong  
\q1 seni ikenai tori feilfeilachök.   
\c 122  
\s1 Eu iotekin kinamwe fän iten chon Jerusalem  
\sr 122.1-9  
\d Echö kölün feitä än Tafit.  
\q1
\v 1 Üa pwapwa, lupwen ra üreniei,  
\q1 “Ousipwe feila ren imwen ewe Samol mi Lapalap.”   
\q1
\v 2 Iei äm aia tolong lon asamalapom kewe  
\q1 o ütä lon, en Jerusalem.   
\b  
\q1
\v 3 Jerusalem a kaüsefälitä  
\q1 usun eu telinimw mi nükünüköch.   
\q1
\v 4 Chon ekewe ainang ra feitä ie,  
\q1 ekewe ainangen Israel,  
\q1 pwe repwe kilisou ngeni ewe Samol mi Lapalap,  
\q1 usun a fen allük ngeniir.   
\q1
\v 5 Ikenan mi wor lenien mot fän iten chokewe mi eäni kapwüng,  
\q1 ekewe lenien motun king fän iten chon leimwen Tafit.   
\b  
\q1
\v 6 Oupwe tüngor pwe epwe wor kinamwe lon Jerusalem,  
\q1 “Amwo chokewe mi echenuk repwe feiöch.   
\q1
\v 7 Epwe wor kinamwe lon tittum, Jerusalem,  
\q1 o imwom kewe imwen king repwe nükünük.”   
\q1
\v 8 Pokiten pwi me chienei kewe üpwe apasa ngeni Jerusalem,  
\q1 “Kinamwe epwe nonom lomw.”   
\q1
\v 9 Pokiten imwen ewe Samol mi Lapalap ach we Kot  
\q1 üpwe kütta om feiöch.   
\c 123  
\s1 Eu iotekin tüngor ümöümöch  
\sr 123.1-4  
\d Echö kölün feitä.  
\q1
\v 1 Üa netä reöm, ai Samol mi Lapalap,  
\q1 en ewe mi mot won ewe lenien motun king lon läng.   
\q1
\v 2 Usun mesen ekewe chon angang mwän ra netä ren ar samol,  
\q1 pwal usun mesen eman chon angang fefin a netä ren an samol fefin,  
\q1 iei usun mesach ra netä ren ewe Samol mi Lapalap ach we Kot,  
\q1 tori epwe ümöümöch ngenikich.   
\b  
\q1
\v 3 Kopwe ümöümöch ngenikem, äm Samol mi Lapalap, kopwe ümöümöch ngenikem.  
\q1 Pun a kon watte än aramas aitengauakem.   
\q1
\v 4 A kon langatam fansoun äm riaföü ren än ekewe mi wöümong esitakem,  
\q1 pwal ren än ekewe mi lamalamtekia aitengauakem.   
\c 124  
\s1 Kilisou ren ngasala seni chon oput  
\sr 124.1-8  
\d Echö kölün feitä än Tafit.  
\q1
\v 1 Chon Israel repwe apasa, “Are ewe Samol mi Lapalap esap nom rech,   
\q1
\v 2 are ewe Samol mi Lapalap esap nom rech,  
\q1 lupwen aramas ra maun ngenikich,   
\q1
\v 3 repwe oromanauekichela  
\q1 lon ar song mi watte ngenikich.   
\q1
\v 4 Iwe, ewe lölö epwe pwölükichela,  
\q1 ewe öütöüt epwe purikichela,   
\q1
\v 5 nge nonoon ekewe koluk repwe pwölükichela.   
\q1
\v 6 Sipwe mwareiti ewe Samol mi Lapalap,  
\q1 pun esap mwüt ngeni chon oputakich pwe repwe arosakichela.   
\q1
\v 7 Sa tiwela usun eman machang a tiwela seni ewe sär, ewe chon sär a soni.  
\q1 Ewe sär a mwü, nge kich sa tiwela.   
\q1
\v 8 Alilisich a feito seni ewe Samol mi Lapalap,  
\q1 ewe mi föri läng me fanüfan.   
\c 125  
\s1 Kot a nom pwelin ünükün nöün aramas  
\sr 125.1-5  
\d Echö kölün feitä.  
\q1
\v 1 Chokewe mi apilükülükü ewe Samol mi Lapalap ra usun chök ewe chuk Sion,  
\q1 esap tongeni mwökütüküt,  
\q1 nge epwe chök nonom tori feilfeilachök.   
\q1
\v 2 Usun ekewe chuk ra nom pwelin ünükün Jerusalem,  
\q1 iei usun ewe Samol mi Lapalap a nom pwelin ünükün nöün aramas  
\q1 seni ei fansoun tori feilfeilachök.   
\b  
\q1
\v 3 Än ekewe aramasangau nemenem esap nonomopos won ewe fanü mi inet ngeni ekewe chon pwüng,  
\q1 pun mürin, ekewe chon pwüng repwe pwal föri mine a ngau.   
\q1
\v 4 Ai Samol mi Lapalap, kopwe föri mine a mürina ngeni chokewe mi föri mine a mürina,  
\q1 pwal ngeni chokewe mi wenechar lon leluker.   
\q1
\v 5 Nge chokewe mi rikila ngeni ekewe al mi pwor  
\q1 kopwe asechirela fiti ekewe chon föföringau.  
\q1 Kinamwe epwe nom lon Israel.   
\c 126  
\s1 Kilisou fän iten än ekewe aramas liwinsefäl seni ar oola  
\sr 126.1-6  
\d Echö kölün feitä.  
\q1
\v 1 Lupwen ewe Samol mi Lapalap a aliwinisefälikich ngeni Sion seni ach oola,  
\q1 sa usun chök chon tan.   
\q1
\v 2 Lon ena fansoun kich sa takirikir. Sa mweireir fän pwapwa.  
\q1 Mürin, chon ekewe mwü ra apasa lefiler,  
\q1 “Ewe Samol mi Lapalap a föri föför mi amwarar fän iter.”   
\q1
\v 3 Ellet, ewe Samol mi Lapalap a föri föför mi amwarar fän itach,  
\q1 iei popun sa pwapwa.   
\b  
\q1
\v 4 Ai Samol mi Lapalap, kopwe aliwinisefälieto ekewe chon oola meinisin,  
\q1 usun chök ekewe chanpupu lon Nekep ra lölösefäl ren üt.   
\q1
\v 5 Chokewe mi fofot fän kechü  
\q1 repwe kinikin fän mweireiren pwapwa.   
\b  
\q1
\v 6 Eman mi feila fän kechü o uwei föün irä pwe epwe fotuki,  
\q1 epwe liwinto fän mweireiren pwapwa o uwato kinian ua.   
\c 127  
\s1 Feiöch a feito seni Kot  
\sr 127.1-5  
\d Echö kölün feitä än Salomon.  
\q1
\v 1 Are ewe Samol mi Lapalap esap aüetä ewe imw,  
\q1 a solap än ekewe chon aüetä angang.  
\q1 Are ewe Samol mi Lapalap esap mamasa ewe telinimw,  
\q1 a solap än ekewe chon mas nenela le mamas.   
\q1
\v 2 A solap ämi pwätäkai pwal ämi annutumang,  
\q1 pwe oupwe angang weires fän iten enemi mongö.  
\q1 Pun Kot a fang ngeni nöün kewe a echeniir mettoch meinisin mine ra osupwang ren,  
\q1 lupwen ra annut.   
\b  
\q1
\v 3 Nau eu lifang seni ewe Samol mi Lapalap,  
\q1 ir eu liwin mi öch.   
\q1
\v 4 Ekewe ät eman a nöüni lupwen an alüal  
\q1 ra usun chök ekewe föün esefich lepöün eman sounfiu.   
\q1
\v 5 A feiöch ewe mwän mi ur an lenien föün esefich ren ei sokun föün.  
\q1 Ätewe esap säw, lupwen epwe kapas ngeni chon oputan lon lenien kapwüng.   
\c 128  
\s1 A feiöch eman mi niuokusiti Kot  
\sr 128.1-6  
\d Echö kölün feitä.  
\q1
\v 1 Ra feiöch ir meinisin mi niuokusiti ewe Samol mi Lapalap,  
\q1 chokewe mi aleasochisi an kewe allük.   
\b  
\q1
\v 2 Kopwe mongö uän angangen poum,  
\q1 kopwe pwapwa o feiöch.   
\q1
\v 3 Pwülüom epwe wewe ngeni efoch irän wain mi fokun ua me lon imwom.  
\q1 Noum kana repwe wewe ngeni fasaren ewe irä olif ünükün om chepel.   
\q1
\v 4 Iei usun feiöchün ewe mwän  
\q1 mi niuokusiti ewe Samol mi Lapalap.   
\b  
\q1
\v 5 Ewe Samol mi Lapalap epwe afeiöchuk seni Sion.  
\q1 Amwo kopwe küna feiöchün Jerusalem  
\q1 lon ränin manauom meinisin.   
\q1
\v 6 Amwo kopwe küna nöün noum kana.  
\q1 Kinamwe epwe nom won Israel.   
\c 129  
\s1 Eu iotek pwe chon oputen Sion repwe kuf  
\sr 129.1-8  
\d Echö kölün feitä.  
\q1
\v 1 Israel epwe apasa, “Chon oputaei ra fokun ariaföüüei seni leküküni.   
\q1
\v 2 Ewer, ra fokun ariaföüüei seni leküküni,  
\q1 nge resap tongeni akufuei.   
\q1
\v 3 Ra akinasa söküri pwe a fokun watte kinasan,  
\q1 usun chök eman chon tuw pwül a tuw warawar mi langatam.   
\q1
\v 4 Nge ewe Samol mi Lapalap a pwüng.  
\q1 I a angasaei seni än ekewe aramasangau fötekiniei.   
\q1
\v 5 Amwo meinisin mi oput Sion  
\q1 repwe timär fän säw.   
\q1
\v 6 Amwo repwe wewe ngeni fetil won osun ekewe imw  
\q1 mi pwasala me mwen an märitä,   
\q1
\v 7 ewe chon kinikin esap tongeni amasoua pöün ren,  
\q1 nge ewe chon föri pilük esap tongeni pilükü o efiti.   
\q1
\v 8 Nge chokewe mi pwerela resap apasa ngeniir,  
\q1 “Än ewe Samol mi Lapalap feiöch epwe nom womi.  
\q1 Äm aia afeiöchükemi fän iten ewe Samol mi Lapalap.”   
\c 130  
\s1 Ach apilükülüküni än Kot amanauakich  
\sr 130.1-8  
\d Echö kölün feitä.  
\q1
\v 1 Ai Samol mi Lapalap, üa siö ngonuk seni lon ekewe leni mi alolol.   
\q1
\v 2 Ai Samol, kopwe rongorong mweliei.  
\q1 Kopwe aü selingom ngeni ai kewe tüngor pwe kopwe ümöümöch ngeniei.   
\q1
\v 3 Are en, äm Samol mi Lapalap, kopwe maketiu äm kewe tipis,  
\q1 iö epwe tongeni manau?   
\q1
\v 4 Nge en ka amusala äm tipis,  
\q1 pwe aipwe niuokusituk.   
\b  
\q1
\v 5 Üa fokun witiwiti ewe Samol mi Lapalap,  
\q1 üa apilükülükü an kapas.   
\q1
\v 6 Üa witiwiti ewe Samol,  
\q1 lap seni än ekewe chon mas witiwiti an epwe ränila,  
\q1 lap seni än ekewe chon mas witiwiti an epwe ränila.   
\b  
\q1
\v 7 Ämi chon Israel, oupwe apilükülükü ewe Samol mi Lapalap.  
\q1 Pun tong ellet a nom ren ewe Samol mi Lapalap,  
\q1 a pwal watte an angangen amanaua aramas.   
\q1
\v 8 I epwe amanaua chon Israel seni ar tipis meinisin. \x + \xo 130.8 \xt Mat 1.21; Tit 2.14\x*   
\c 131  
\s1 Ach kinamwe lon Kot  
\sr 131.1-3  
\d Echö kölün feitä än Tafit.  
\q1
\v 1 Ai Samol mi Lapalap, üsap tipetekia lon lelukei,  
\q1 mesei esap wolamalamtekia.  
\q1 Üsap aosukosukaei ren mettoch mi kon tekia me amwarar ngeniei.   
\q1
\v 2 Nge üa amosonosonaei o akinamweeila,  
\q1 usun eman semirit a mosonosonola lepöün inan, lupwen a wes seni oupun.  
\q1 Lelukei a mosonosonola usun eman semirit mi wes seni oupun inan.   
\q1
\v 3 Ämi chon Israel, oupwe apilükülükü ewe Samol mi Lapalap seni ei fansoun tori feilfeilachök.   
\c 132  
\s1 Eu iotekin tüngor feiöch won ewe imwenfel  
\sr 132.1-18  
\s1 Eu iotekin tüngor feiöch won ewe imwenfel  
\sr 132.1-18  
\d Echö kölün feitä.  
\q1
\v 1 Ai Samol mi Lapalap, kopwe chechemeni Tafit  
\q1 me an kewe riaföü meinisin a eäni.   
\q1
\v 2 Kopwe chechemeni usun an pwon fän akapel ngonuk  
\q1 me an pwon ngonuk, en Ewe mi Unusen Tekia, än Jakop we Kot.   
\q1
\v 3 “Üsap tolong lon imwei ika konola lon kiei.   
\q1
\v 4 Üsap mochen aiesum ika annut   
\q1
\v 5 tori ai üpwe küna eu leni fän iten ewe Samol mi Lapalap,  
\q1 eu imw fän iten Ewe mi Unusen Tekia, än Jakop we Kot.”   
\b  
\q1
\v 6 Sa rongorong usun ewe pworofel me lon Petleem,  
\q1 sa küna me lon ekewe mälämälen Jearim.   
\q1
\v 7 Sa apasa, “Ousipwe feila ren imwen ewe Samol mi Lapalap  
\q1 o fel ngeni me arun lenien puun pechen.”   
\b  
\q1
\v 8 Ai Samol mi Lapalap, kopwe feito o tolong lon ewe imwenfel,  
\q1 en me ewe pworofel  
\q1 asisilen om manaman.   
\q1
\v 9 Noum kewe souasor repwe föri mine a pwüng fansoun meinisin,  
\q1 nge noum kewe chon pin repwe mweireir fän pwapwa.   
\q1
\v 10 Pokiten Tafit noum we chon angang  
\q1 kosap aliwini noum we mi kepit. \x + \xo 132.10 \xt 2.Kron 6.41-42\x*   
\q1
\v 11 Ewe Samol mi Lapalap a akapel ngeni Tafit eu pwon mi let,  
\q1 nge esap atai,  
\q1 “Üpwe awisa eman me lein noum kewe mwän  
\q1 epwe siwiliik lon wisom wisen king. \x + \xo 132.11 \xt 2.Sam 7.12-16; 1.Kron 17.11-14; Kölf 89.3-4; Föf 2.30\x*   
\q1
\v 12 Are noum kewe mwän repwe tümwünü ai we pwon  
\q1 me ai kewe allük üa aiti ngeniir,  
\q1 nöür kewe mwän repwe pwal siwiliik lon wisom wisen king tori feilfeilachök.”   
\b  
\q1
\v 13 Pun ewe Samol mi Lapalap a fen filätä Sion.  
\q1 I a mochen pwe epwe lenien imwan,   
\q1
\v 14 “Iei ewe leni üpwe nonom lon tori feilfeilachök,  
\q1 iei ai we lenien nemenem, pun iei ai mochen.   
\q1
\v 15 Üpwe afeiöchü Sion ren chomong wöü,  
\q1 üpwe awora enen ekewe chon wöüngau.   
\q1
\v 16 Üpwe ngeni ekewe souasor seni Sion manau,  
\q1 nge nöün chon pin kana repwe mweireir fän pwapwa.   
\q1
\v 17 Ikenan üpwe awora eman mwirimwirin Tafit mi pöchökül epwe king,  
\q1 üpwe föri pwe nei we mi kepit epwe chök nemenem. \x + \xo 132.17 \xt 1.King 11.36\x*   
\q1
\v 18 Iwe, üpwe awora säw ngeni chon oputan,  
\q1 nge won möküren ewe mi kepit epwe wor epa mwärämwär mi ling.”   
\c 133  
\s1 Feiöchün än pwipwi tipeeufengen  
\sr 133.1-3  
\d Echö kölün feitä.  
\q1
\v 1 Nengeni usun mürinan me apwapwan,  
\q1 lupwen pwipwi ra nonomfengen fän tipeeu.   
\q1
\v 2 Ei sokun a usun chök löön kepit mi aüchea a nitiu won möküren Aaron  
\q1 o suputiu won alüsan,  
\q1 a pwal suputiu won kalan üfan.   
\q1
\v 3 A pwal usun chök amurenipwinin ewe chuk Hermon,  
\q1 a püngütiu won ekewe chukun Sion.  
\q1 Pun ikenan ewe Samol mi Lapalap a anomu an feiöch,  
\q1 ewe manau esemüch.   
\c 134  
\s1 Kapasen fön ngeni ekewe chon mas lepwin  
\sr 134.1-3  
\d Echö kölün feitä.  
\q1
\v 1 Oupwe feito, oupwe mwareiti ewe Samol mi Lapalap, ämi nöün chon angang meinisin,  
\q1 ämi mi angang ngeni lon imwan lepwin.   
\q1
\v 2 Oupwe aitietä pöümi lon ämi iotek ngeni ewe leni mi pin  
\q1 o mwareiti ewe Samol mi Lapalap.   
\b  
\q1
\v 3 Ewe Samol mi Lapalap, ewe mi föri läng me fanüfan  
\q1 epwe afeiöchükemi seni Sion.   
\c 135  
\s1 Kot a tekia, nge ekewe uluulun anümwäl ra lomotongau  
\sr 135.1-21  
\q1
\v 1 Ousipwe mwareiti ewe Samol mi Lapalap.  
\q1 Oupwe mwareiti iten ewe Samol mi Lapalap, ämi nöün kewe chon angang.  
\q1 Oupwe mwareiti i,   
\q1
\v 2 ämi mi angang lon imwen ewe Samol mi Lapalap,  
\q1 ämi mi nom lon ekewe leni ünükün imwen ach we Kot.   
\q1
\v 3 Oupwe mwareiti ewe Samol mi Lapalap, pun a kirikiröch.  
\q1 Oupwe kölün mwareiti itan, pun i a ümöümöch.   
\q1
\v 4 Ewe Samol mi Lapalap a filätä Jakop fän püsin itan,  
\q1 a filätä ekewe chon Israel pwe epwe nöüniir.   
\b  
\q1
\v 5 Üa silei pwe ewe Samol mi Lapalap a tekia,  
\q1 a nom asen ekewe kot meinisin.   
\q1
\v 6 Ewe Samol mi Lapalap a föri meinisin  
\q1 mine a efich lon läng pwal won fanüfan,  
\q1 lon ekewe matau pwal lon ekewe leni mi alolol meinisin.   
\q1
\v 7 I ewe mi atötäi ekewe kuchu me lesopun fanüfan,  
\q1 a förätä inefi fiti püngün üt,  
\q1 a pwal atowu asepwäl seni an lenien iseis.   
\b  
\q1
\v 8 I ewe mi niela ekewe mwänichi lon Isip,  
\q1 ekewe mwänichien aramas me ekewe mweinöün man,   
\q1
\v 9 a föri ekewe asisil me manaman lefilen ekewe chon Isip,  
\q1 pwe epwe apwüngü Farao me nöün kewe nöüwis meinisin.   
\q1
\v 10 I ewe mi ataela chomong mwü  
\q1 o niela ekewe king mi pwora.   
\q1
\v 11 A niela Sihon ewe kingen chon Amor,  
\q1 pwal Ok ewe kingen Pasan  
\q1 me ekewe kingen Kanaan meinisin,   
\q1
\v 12 nge fanüer a ngeni nöün kewe aramasen Israel pwe repwe fanüeni.   
\q1
\v 13 Ai Samol mi Lapalap, itom a nonom tori feilfeilachök.  
\q1 Ai Samol mi Lapalap, iteüöchum a nonom fansoun meinisin.   
\q1
\v 14 Pun ewe Samol mi Lapalap epwe alletätä pwüngün nöün kewe aramas  
\q1 o eäni tong ngeni nöün kewe chon angang.   
\b  
\q1
\v 15 Än chon ekewe mwü uluulun anümwäl seni silifer me kolt  
\q1 aramas chök ra föri.   
\q1
\v 16 A wor awer, nge resap tongeni kapas,  
\q1 a wor meser, nge resap tongeni küneer.   
\q1
\v 17 A wor selinger, nge resap tongeni rongorong,  
\q1 resap pwal tongeni ngasangas.   
\q1
\v 18 Ewer, chokewe mi föri ekewe uluulun anümwäl o lüküür  
\q1 repwe pwal wewe ngeni ekewe uluulun anümwäl. \x + \xo 135.18 \xt Kölf 115.4-8; Pwär 9.20\x*   
\q1
\v 19 Ämi chon Israel, oupwe mwareiti ewe Samol mi Lapalap.  
\q1 Ämi mwirimwirin Aaron, oupwe mwareiti ewe Samol mi Lapalap.   
\q1
\v 20 Ämi mwirimwirin Lefi, oupwe mwareiti ewe Samol mi Lapalap.  
\q1 Ämi meinisin mi niuokusiti ewe Samol mi Lapalap, oupwe mwareiti i.   
\q1
\v 21 Oupwe mwareiti ewe Samol mi Lapalap seni lon Sion,  
\q1 i ewe mi imweimw lon Jerusalem.  
\q1 Ousipwe mwareiti ewe Samol mi Lapalap.   
\c 136  
\s1 Mwareiti än Kot tong ellet  
\sr 136.1-26  
\q1
\v 1 Oupwe kilisou ngeni ewe Samol mi Lapalap, pun i a kirikiröch,  
\q1 an tong ellet a nonom tori feilfeilachök. \x + \xo 136.1 \xt 1.Kron 16.34; 2.Kron 5.13; Esr 3.11; Kölf 100.5; 106.1; 107.1; 118.1; Jer 33.11\x*   
\q1
\v 2 Oupwe kilisou ngeni ewe Kot mi tekia seni ekewe kot meinisin,  
\q1 an tong ellet a nonom tori feilfeilachök.   
\q1
\v 3 Oupwe kilisou ngeni ewe Samol mi tekia seni ekewe samol meinisin,  
\q1 an tong ellet a nonom tori feilfeilachök.   
\b  
\q1
\v 4 Ewe Samol mi Lapalap i chök ewe mi föri ekewe manaman mi amwarar,  
\q1 an tong ellet a nonom tori feilfeilachök.   
\q1
\v 5 I ewe mi föri ekewe läng ren an silelap,  
\q1 an tong ellet a nonom tori feilfeilachök. \x + \xo 136.5 \xt Ken 1.1\x*   
\q1
\v 6 A anomu fanüfan won ekewe koluk,  
\q1 an tong ellet a nonom tori feilfeilachök. \x + \xo 136.6 \xt Ken 1.2\x*   
\q1
\v 7 A föri ekewe saram mi watte,  
\q1 an tong ellet a nonom tori feilfeilachök:   
\q1
\v 8 ewe akkar pwe epwe tin lerän,  
\q1 an tong ellet a nonom tori feilfeilachök,   
\q1
\v 9 ewe maram me ekewe fü pwe repwe tin lepwin,  
\q1 an tong ellet a nonom tori feilfeilachök. \x + \xo 136.9 \xt Ken 1.16\x*   
\q1
\v 10 Iwe, i a niela ekewe mwänichien Isip,  
\q1 an tong ellet a nonom tori feilfeilachök. \x + \xo 136.10 \xt Eks 12.29\x*   
\q1
\v 11 A emwenawu chon Israel seni Isip,  
\q1 an tong ellet a nonom tori feilfeilachök, \x + \xo 136.11 \xt Eks 12.51\x*   
\q1
\v 12 ren pöün mi manaman o aköüpöü,  
\q1 an tong ellet a nonom tori feilfeilachök.   
\q1
\v 13 A aimwüfeseni ewe Setipar lon ruu kinikin,  
\q1 an tong ellet a nonom tori feilfeilachök,   
\q1
\v 14 pwe chon Israel repwe pwerela lukalapan,  
\q1 an tong ellet a nonom tori feilfeilachök.   
\q1
\v 15 Nge a aturalong Farao me nöün mwichen sounfiu lon ewe Setipar,  
\q1 an tong ellet a nonom tori feilfeilachök. \x + \xo 136.15 \xt Eks 14.21-29\x*   
\q1
\v 16 A emweni nöün kewe aramas lon ewe fanüapö,  
\q1 an tong ellet a nonom tori feilfeilachök.   
\q1
\v 17 A niela ekewe king mi lap,  
\q1 an tong ellet a nonom tori feilfeilachök.   
\q1
\v 18 A pwal niela ekewe king mi iteföüla,  
\q1 an tong ellet a nonom tori feilfeilachök:   
\q1
\v 19 Sihon ewe kingen chon Amor,  
\q1 an tong ellet a nonom tori feilfeilachök, \x + \xo 136.19 \xt Num 21.21-30\x*   
\q1
\v 20 me Ok ewe kingen Pasan,  
\q1 an tong ellet a nonom tori feilfeilachök. \x + \xo 136.20 \xt Num 21.31-35\x*   
\q1
\v 21 A ngeni chon Israel fanüer pwe repwe fanüeni,  
\q1 an tong ellet a nonom tori feilfeilachök,   
\q1
\v 22 a ngeni Israel nöün we chon angang ekewe fanü pwe epwe fanüeni,  
\q1 an tong ellet a nonom tori feilfeilachök.   
\b  
\q1
\v 23 I ewe mi chechemenikich lon ach tekison,  
\q1 an tong ellet a nonom tori feilfeilachök,   
\q1
\v 24 o chimanükich seni chon oputach,  
\q1 an tong ellet a nonom tori feilfeilachök.   
\q1
\v 25 A amongöni mönümanau meinisin,  
\q1 an tong ellet a nonom tori feilfeilachök.   
\b  
\q1
\v 26 Oupwe kilisou ngeni ewe Koten läng,  
\q1 an tong ellet a nonom tori feilfeilachök.   
\c 137  
\s1 Än ekewe chon oola Papilon kechü  
\sr 137.1-9  
\q1
\v 1 Iwe, ünükün ekewe chanpupun Papilon aia mottiu o kechü,  
\q1 lupwen aia chechemeni Sion.   
\q1
\v 2 Ikenan aia asapätä nöüm kewe ükülele  
\q1 won ekewe silifö.   
\q1
\v 3 Ikenan ekewe chon liapenikem ra ürenikem pwe aipwe köl,  
\q1 ekewe chon ariaföüükem ra ariänikem pwe aipwe pwapwa,  
\q1 ra apasa, “Oupwe eäni ngenikem echö ekewe kölün Sion.”   
\b  
\q1
\v 4 Epwe ifa usun, äm aipwe tongeni eäni kölün ewe Samol mi Lapalap  
\q1 lon fanüen ekis?   
\q1
\v 5 Are üpwe manlükala en, Jerusalem,  
\q1 pöüifichi epwe pwasala.   
\q1
\v 6 Chönawei epwe pachätä fän fongochi,  
\q1 are üsap chechemenuk,  
\q1 are üsap ekieki pwe en, Jerusalem,  
\q1 kopwe ai pwapwa lap seni mettoch meinisin.   
\b  
\q1
\v 7 Ai Samol mi Lapalap, kopwe chechemeni mine ekewe chon Etom ra föri  
\q1 lon ewe ränin Jerusalem a tala.  
\q1 Kopwe chechemeni usun ar apasa, “Ataela, ataela, aturätiu tori longolongun fan.”   
\b  
\q1
\v 8 En Papilon kopwe tala.  
\q1 Epwe pwapwa ätewe mi ngonuk  
\q1 chappen om föför ngenikem. \x + \xo 137.8 \xt Pwär 18.6\x*   
\q1
\v 9 Epwe pwapwa ätewe mi angei noum kewe semirit  
\q1 o monerela ngeni eu achau.   
\c 138  
\s1 Kilisou ren än Kot feiöch  
\sr 138.1-8  
\d Echö än Tafit köl.  
\q1
\v 1 Ai Samol mi Lapalap, üa kilisou ngonuk ren unusen lelukei.  
\q1 Üa kölün mwareituk me fän mesen ekewe kot.   
\q1
\v 2 Üa chapetiu ngeni imwom mi pin  
\q1 o kilisou ngeni itom,  
\q1 pokiten om tong ellet me om allükülük.  
\q1 Pun en ka atekiatä itom me om kapas asen ekewe mettoch meinisin.   
\q1
\v 3 Lupwen üa kökkö, ka pälüeniei,  
\q1 ka apworaei o apöchöküla lelukei.   
\b  
\q1
\v 4 Ai Samol mi Lapalap, ekewe king won fanüfan meinisin repwe mwareituk,  
\q1 pun ra rongorong om kapas.   
\q1
\v 5 Iwe, repwe kölü om kewe föför,  
\q1 pun a tekia lingom.   
\q1
\v 6 Inamwo ika ka fokun tekia,  
\q1 ka afäli ekewe chon tekison.  
\q1 Nge ka silleni ekewe chon lamalamtekia me toau.   
\b  
\q1
\v 7 Nge are üa nom lon riaföü,  
\q1 en ka tümwünü manauei.  
\q1 Ka ü ngeni ekewe chon oputaei mi song ngeniei  
\q1 o amanauaei ren om manaman.   
\q1
\v 8 Ai Samol mi Lapalap, kopwe apwönüetä ekiekin letipom ngeniei.  
\q1 Ai Samol mi Lapalap, om tong ellet a nonom tori feilfeilachök.  
\q1 Kosap likitala ewe angang ka popuetä.   
\c 139  
\s1 Kot a silei o tufich ngeni mettoch meinisin  
\sr 139.1-24  
\d Ngeni ewe mi emweni chon köl: Echö än Tafit köl.  
\q1
\v 1 Ai Samol mi Lapalap, en ka atittinaei, ka pwal sileei.   
\q1
\v 2 Ka silei fansoun ai mottiu me ai ütä,  
\q1 ka silei ai ekiek kana me toau.   
\q1
\v 3 Ka nenengeniei, lupwen üa angang, pwal lupwen üa asösö,  
\q1 ka silei ai kewe föför meinisin.   
\q1
\v 4 Nengeni, mwen ai üsamwo kapas,  
\q1 en, ai Samol mi Lapalap, ka fen unusen silei mine üpwe apasa.   
\q1
\v 5 Ka pweliei me lükisöküri pwal fän mesei,  
\q1 ka pwal iseis poum woi.   
\q1
\v 6 Ei sokun silelap a fokun amwarar ngeniei,  
\q1 a pwal tekia ngeniei pwe üsap tongeni to won.   
\b  
\q1
\v 7 Ia üpwe feila ie seni Ngünum?  
\q1 Nge ia üpwe süla ie seni fän mesom?   
\q1
\v 8 Are üpwe feitä läng, en ka nom ikenan.  
\q1 Nge are üpwe kon lon lenien sotup, en ka pwal nom ikenan.   
\q1
\v 9 Are üpwe ässila ngeni ötiu ewe ia akkar a tötä me ie,  
\q1 ika nonom lesopolan matau me lotou,   
\q1
\v 10 en kopwe emweniei me ikenan,  
\q1 nge pöüifichum epwe amwöchüei.   
\q1
\v 11 Are üpwe apasa pwe rochopwak epwe pwölüeila,  
\q1 nge ewe saram ünüki epwe wiliti pwin,   
\q1
\v 12 inamwo nge ewe rochopwak esap roch me reöm,  
\q1 nge pwin a saram usun lerän,  
\q1 pun rochopwak a usun chök saram me reöm.   
\b  
\q1
\v 13 En ewe mi förätä masouen loi,  
\q1 en ka achufengeniei me lon letipen inei.   
\q1
\v 14 Üa mwareituk, pokiten a amairü o amwarar om föri ei.  
\q1 Om kewe föför ra amwarar.  
\q1 Üa fokun sileöchü ei.   
\q1
\v 15 Chün inisi resap mon senuk,  
\q1 lupwen üa för lemonomon o kachufengen  
\q1 lon ekewe leni mi alolol lon fanüfan.   
\q1
\v 16 En ka fen künaei, lupwen esamwo wor uluuli.  
\q1 Iteiten ränin manauei meinisin, ka awora fän itei, ra fen mak lon noum puk  
\q1 mwen ar resamwo fis.   
\q1
\v 17 Ai Samol mi Lapalap, om kewe ekiek ra fokun aüchea ngeniei.  
\q1 Ra kon fokun chomong.   
\q1
\v 18 Ika ngang üpwe aleaniir, repwe chomong seni föün pi.  
\q1 Lupwen üa pwök, üa chüen nom reöm.   
\b  
\q1
\v 19 Ai Kot, amwo kopwe niela ekewe aramasangau.  
\q1 Amwo ekewe mwän mi nimanauei aramas repwe sü seniei.   
\q1
\v 20 Ir ekewe mi kapasingau usum,  
\q1 ekewe chon oputom ra föünimwäli itom.   
\q1
\v 21 Ai Samol mi Lapalap, üa fokun oput chokewe mi oputok.  
\q1 Üa fokun nou chokewe mi ü ngonuk.   
\q1
\v 22 Üa fokun oput ir  
\q1 o aleanirelong lein chon oputaei.   
\b  
\q1
\v 23 Ai Kot, kopwe atittinaei o silei letipei.  
\q1 Kopwe sotuniei o silei ai ekiek.   
\q1
\v 24 Kopwe pi ika mi wor och mi ingau lon manauei,  
\q1 nge kopwe emweniei won ewe al esemüch.   
\c 140  
\s1 Än Tafit iotekin tüngor pwe Kot epwe tümwünü seni chon ariaföüü  
\sr 140.1-13  
\d Ngeni ewe mi emweni chon köl: Echö än Tafit köl.  
\q1
\v 1 Ai Samol mi Lapalap, kopwe angasaei seni aramas mi ngau,  
\q1 kopwe tümwünüei seni aramas mi mwäneson,   
\q1
\v 2 chokewe mi ekiekietä föför mi ngau lon leluker  
\q1 o popuetä maun iteiten fansoun.   
\q1
\v 3 Ra akkeni chönawer pwe a ken usun chönawen eman serepenit,  
\q1 nge ar kapas a usun chök poisonun serepenit. \x + \xo 140.3 \xt Rom 3.13\x*   
\q1
\v 4 Ai Samol mi Lapalap, kopwe epeti seniei ekewe aramasangau.  
\q1 Kopwe tümwünüei seni aramas mi mwäneson,  
\q1 chokewe mi rawangauaei pwe üpwe chepetek.   
\q1
\v 5 Aramas mi lamalamtekia ra aopala eu sär fän itei,  
\q1 ra ameresala ar kewe chew  
\q1 o soni ar kewe likatup aropen ewe al pwe repwe liapeniei.   
\b  
\q1
\v 6 Üa kapas ngeni ewe Samol mi Lapalap, “En ai Kot.”  
\q1 Ai Samol mi Lapalap, kopwe aüselinga ai kewe tüngor pwe kopwe ümöümöch ngeniei.   
\q1
\v 7 Ai Samol mi Lapalap ai Kot, en chon angasaeila mi pöchökül,  
\q1 ka epeti seniei feiengau lon maun.   
\q1
\v 8 Ai Samol mi Lapalap, kosap mwütätä mochenin ekewe aramasangau,  
\q1 kopwe atai ar kewe rawangau.   
\b  
\q1
\v 9 Chokewe mi pwelifeiliei ra chimwetä mökürer.  
\q1 Amwo ar kapasen eniweniw ngeniei epwe püsin küür.   
\q1
\v 10 Amwo molien ekkei mi sarara epwe turutiu wor.  
\q1 Repwe katurulong lon ekewe pwang, nge resap chüen tosefäliwu.   
\q1
\v 11 Amwo ekewe chon etipisimwäli chon arur resap nonomotiu lon ewe fanü.  
\q1 Amwo feiengau epwe chekaiiti ewe aramas mi mwäneson.   
\b  
\q1
\v 12 Üa silei pwe en ai Samol mi Lapalap ka peni ekewe mi wöüngau  
\q1 o eäni pwüng ngeni ekewe chon mwelele.   
\q1
\v 13 Ellet, ekewe chon pwüng repwe mwareiti itom,  
\q1 ekewe mi wenechar repwe nonom fän mesom.   
\c 141  
\s1 Iotekin tüngor tümwün seni ngau  
\sr 141.1-10  
\d Echö än Tafit köl.  
\q1
\v 1 Ai Samol mi Lapalap, üa kökköruk, kopwe kaito rei.  
\q1 Kopwe aü selingom ngeni mweliei, lupwen üa kökköruk.   
\q1
\v 2 Ai iotek epwe wewe ngeni eu asoren apach mi pwokus me mwom,  
\q1 ai aitietä pei epwe wewe ngeni eu asoren lekuniol. \x + \xo 141.2 \xt Pwär 5.8\x*   
\q1
\v 3 Ai Samol mi Lapalap, kopwe awora eman chon masen awei,  
\q1 kopwe tümwünü asamen tinawei.   
\q1
\v 4 Kopwe tümwünüei pwe üsap föri mine a ngau,  
\q1 pwe üsap eti ekewe aramasangau lon ar föföringau,  
\q1 üsap pwal etiir le mongö ener mi annö.   
\b  
\q1
\v 5 Eman aramasöch epwe wichiei are apwüngüei fän kirikiröch,  
\q1 nge üsap mwüt ngeni ekewe aramasangau pwe repwe asamoluei.  
\q1 Pun lon ai iotek üa pälüeni ar kewe föför mi ngau fansoun meinisin.   
\q1
\v 6 Lupwen ekewe samol repwe koturutiu seni ekewe achau,  
\q1 ekewe aramas repwe mefi pwe ai kewe kapas ra let.   
\q1
\v 7 Usun eman a tuw pwül o atatakisi,  
\q1 iei usun chür repwe toropas mesen ewe lenien sotup.   
\b  
\q1
\v 8 Nge ngang üa chök anomu ai apilükülük womw, en ai Samol mi Lapalap ai Kot.  
\q1 En ai lenien op.  
\q1 Kosap asechieilong lon mäla.   
\q1
\v 9 Kopwe tümwünüei seni ewe sär ra anomu fän itei,  
\q1 pwal seni än ekewe chon föföringau likatuputup.   
\q1
\v 10 Ekewe aramasangau meinisin repwe turulong lon püsin ar kewe sär,  
\q1 nge ngang üpwe feila seniir, pun üsap tup lon.   
\c 142  
\s1 Eu iotekin tüngor alilis lon riaföü  
\sr 142.1-7  
\r (1.Sam 22.1; 24.3)  
\d Echö än Tafit kölün kait, lupwen a nom lon ewe föimw. Eu iotek.  
\q1
\v 1 Üa siö ngeni ewe Samol mi Lapalap fän leüömong,  
\q1 üa alapätä mweliei o tüngor ngeni pwe epwe ümöümöch ngeniei.   
\q1
\v 2 Üa uwato ren ai letipengau meinisin  
\q1 o asile ngeni ai kewe riaföü.   
\q1
\v 3 Lupwen üa apilükingau,  
\q1 i a fen silei mine üpwe föri.  
\p Ekewe chon oputaei ra aopala eu sär fän itei  
\q1 lon ewe al ia üa fetal ie.   
\q1
\v 4 Lupwen üa nennela lepelifichi,  
\q1 üa küna pwe esap wor eman a alisiei,  
\q1 esap wor ai lenien op,  
\q1 esap wor eman a tümwünüei.   
\b  
\q1
\v 5 Ai Samol mi Lapalap, üa siö ngonuk.  
\q1 Üa üra: En ai lenien op  
\q1 me ineti me lon fanüen chon manau.  
\v 6 Kopwe afäli ai siö,  
\q1 pun üa fokun apilükingau.  
\q1 Kopwe angasaei seni ekewe chon ariaföüüei,  
\q1 pun ra kon pöchökül ngeniei.   
\q1
\v 7 Kopwe angasaeila seni lon ewe lenien fötek,  
\q1 pwe üpwe tongeni mwareiti itom.  
\q1 Mürin, ekewe chon pwüng repwe mwicheto rei, pokiten ka afeiöchüei.   
\c 143  
\s1 Eu iotekin tüngor ngasala me emwen  
\sr 143.1-12  
\d Echö än Tafit köl.  
\q1
\v 1 Kopwe aüselinga ai iotek, ai Samol mi Lapalap,  
\q1 kopwe aü selingom ngeni ai kewe tüngor  
\q1 o pälüeniei lon om allükülük me pwüng.   
\q1
\v 2 Kosap atolongaei lon om kapwüng, ngang noum chon angang,  
\q1 pun esap wor eman aramas mi manau a pwüng fän mesom. \x + \xo 143.2 \xt Rom 3.20; Kal 2.16\x*   
\q1
\v 3 Iwe, ewe chon oputaei a tapweriei  
\q1 o purieitiu lepwül.  
\q1 A anomuei lon rochopwak  
\q1 usun chokewe mi mäla me lom.   
\q1
\v 4 Iei mine üa apilükingau,  
\q1 nge lelukei a fokun niuokus.   
\b  
\q1
\v 5 Üa chechemeni ewe fansoun lom  
\q1 o ekieki usun mine ka fen föri.  
\q1 Üa ekieki usun om kewe föför.   
\q1
\v 6 Üa aitietä pei lon ai iotek ngonuk,  
\q1 ngüni a kakaituk usun eu fanü mi pwasapwas a kakaiti üt.   
\b  
\q1
\v 7 Ai Samol mi Lapalap, kopwe müttir le pälüeniei,  
\q1 pun üa fokun apilükingau.  
\q1 Kosap aopa mesom seniei,  
\q1 pwe üsap wewe ngeni chokewe mi tolong lon ewe lenien sotup.   
\q1
\v 8 Iteiten lesosor kopwe pwäri ngeniei om tong ellet,  
\q1 pun üa anomu ai apilükülük womw.  
\q1 Kopwe aiti ngeniei ewe al üpwe fetal won,  
\q1 pun üa suki ngonuk lelukei.   
\b  
\q1
\v 9 Ai Samol mi Lapalap, kopwe angasaei seni ekewe chon oputaei.  
\q1 Üa sü ngonuk pwe üpwe op reöm.   
\q1
\v 10 Kopwe aiti ngeniei usun ai üpwe föri letipom,  
\q1 pun en ai Kot.  
\q1 Ngünum mi mürina epwe emweniei won efoch al mi sosonöch.   
\b  
\q1
\v 11 Ai Samol mi Lapalap, kopwe tümwünü manauei pokiten itom.  
\q1 Lon om pwüng kopwe emwenieiwu seni ai riaföü.   
\q1
\v 12 Kopwe ärala ekewe chon oputaei pokiten ka tongeei  
\q1 o arosala meinisin mi ariaföüüei,  
\q1 pun ngang noum chon angang.   
\c 144  
\s1 Eu iotek pwe Kot epwe amanaua o afeiöchükich  
\sr 144.1-15  
\d Echö än Tafit köl.  
\q1
\v 1 Üpwe mwareiti ewe Samol mi Lapalap ai achau  
\q1 mi asipa pei ngeni maun,  
\q1 pwal kumuchi ngeni fiu.   
\q1
\v 2 I ai Kot mi tongeei me imwei imwen maun, ai lenien op mi pöchökül  
\q1 me ai Chon Amanau,  
\q1 i a epeti seniei feiengau.  
\q1 Üa anomu ai apilükülük won  
\q1 ewe mi akufätiu chon ekewe mwü fai.   
\b  
\q1
\v 3 Ai Samol mi Lapalap, met aüchean aramas pwe ka chüngüw,  
\q1 nge met aüchean nöün aramas pwe ka ekieki usun? \x + \xo 144.3 \xt Hiop 7.17-18; Kölf 8.4\x*   
\q1
\v 4 Pun eman aramas a wewe ngeni enienin ngasangas,  
\q1 nge ränin manauan a usun chök och nür mi morokai.   
\b  
\q1
\v 5 Ai Samol mi Lapalap, kopwe asanga om we läng o feitiu.  
\q1 Kopwe atapa ekewe chuk pwe repwe ötüöt.   
\q1
\v 6 Kopwe efifi ekewe inefi o atoropasa chon oputom,  
\q1 kopwe esefichala om kewe föün esefich o tinifeiliir.   
\q1
\v 7 Kopwe aitietiu poum seni pekitä,  
\q1 kopwe amanauaei seni ekewe koluk mi alolol  
\q1 o angasaei seni fän nemenien ekewe chon ekis,   
\q1
\v 8 seni chokewe mi chök kapas chofana,  
\q1 ra mwo nge aitietä pöüifichir lon ar akapelmwäl.   
\b  
\q1
\v 9 Ai Kot, üpwe eäni ngonuk echö köl mi fö,  
\q1 üpwe ettiki ngonuk kitar mi wor engol saitenin.   
\q1
\v 10 En ka awinna ekewe king,  
\q1 ka amanaua Tafit noum we chon angang.   
\q1
\v 11 Kopwe amanauaei seni ekewe chon oputaei mi mochen afeiengauaei,  
\q1 kopwe angasaei seni fän nemenien ekewe chon ekis,  
\q1 seni chokewe mi chök kapas chofana,  
\q1 ra mwo nge aitietä pöüifichir lon ar akapelmwäl.   
\b  
\q1
\v 12 Amwo nöüch kewe ät  
\q1 repwe wewe ngeni irä mi mär pöchökül lon ar alüal,  
\q1 nge nöüch kewe nengin repwe wewe ngeni üren lepwokuku mi rup pwe alingen lon imwen king.   
\q1
\v 13 Amwo ach kewe lenien iseis  
\q1 repwe ur ren sokopaten föün irä,  
\q1 nge nöüch kewe sip  
\q1 repwe oupwätiu ngeröü me engol ngeröü sip lon ach kewe mälämäl.   
\q1
\v 14 Amwo nöüch kewe pwiin kow repwe nöünöü chomong,  
\q1 nge esap mwet seniir nöür ika mä nöür.  
\q1 Amwo esap fis puchörün riaföü lon ach kewe al.   
\b  
\q1
\v 15 Feiöchün chon ekewe mwü a toriir ekei sokun feiöch.  
\q1 Feiöchün chon ekewe mwü mi eäni Kot ewe Samol mi Lapalap.   
\c 145  
\s1 Kölün mwareiti än Kot kirikiröch me manaman  
\sr 145.1-21  
\d Echö än Tafit kölün mwareiti Kot.  
\q1
\v 1 Üpwe ingemwareiti ai Kot me ai king,  
\q1 üpwe mwareiti itom tori feilfeilachök.   
\q1
\v 2 Iteiten rän üpwe mwareituk  
\q1 o alinga itom tori feilfeilachök.  
\v 3 Ewe Samol mi Lapalap a tekia, aramas meinisin repwe fokun mwareiti i.  
\q1 Esap wor eman a tongeni aükü an tekia.   
\b  
\q1
\v 4 Eu täppin aramas epwe ainga om kewe angang ngeni pwal eu,  
\q1 repwe arongafeili om kewe föför mi manaman.   
\q1
\v 5 Repwe kapas usun lingen om tekia,  
\q1 nge ngang üpwe ekinlonei usun amwararen om kewe föför.   
\q1
\v 6 Aramas repwe asilefeili manamanen om kewe föför mi eniwokus,  
\q1 nge ngang üpwe arongafeili om tekia.   
\q1
\v 7 Repwe apworausa usun om kirikiröch mi lapalap  
\q1 o osomong le kölü om pwüng.   
\q1
\v 8 Ewe Samol mi Lapalap a kirikiröch o lukpwetete,  
\q1 a songomang o wöün tong ellet.   
\q1
\v 9 Ewe Samol mi Lapalap a kirikiröch ngeni aramas meinisin,  
\q1 an tong a nom won förian meinisin.   
\b  
\q1
\v 10 Ai Samol mi Lapalap, meinisin mine ka föri repwe kilisou ngonuk,  
\q1 noum chon pin meinisin repwe mwareituk.   
\q1
\v 11 Repwe kapas usun lingen mwum  
\q1 o apworausa usun om manaman,   
\q1
\v 12 pwe aramas meinisin repwe silei om föför mi manaman  
\q1 me amwararen lingen mwum.   
\q1
\v 13 Mwum eu mwü mi nom tori feilfeilachök,  
\q1 nge om nemenem a nonom won ekewe täppin aramas meinisin.  
\p Ewe Samol mi Lapalap a allükülük lon an pwon meinisin,  
\q1 a eäni ümöümöch ngeni förian meinisin.   
\q1
\v 14 Ewe Samol mi Lapalap a aütäi ir meinisin mi turula,  
\q1 a awenätä sokürün ir mi pworotiu.   
\b  
\q1
\v 15 Mönümanau meinisin ra nennetä ngonuk fän ar apilükülük,  
\q1 pun en ka ngeniir ener mongö, lupwen a tori otun.   
\q1
\v 16 Ka suki poum  
\q1 o ngeni ekewe mönümanau meinisin mine repwe menemenöch ren.   
\b  
\q1
\v 17 Ewe Samol mi Lapalap a pwüng lon meinisin mine a föri  
\q1 o kirikiröch lon an kewe föför meinisin.   
\q1
\v 18 Ewe Samol mi Lapalap a arap ngeni ir meinisin mi köri,  
\q1 a arap ngeniir meinisin mi köri fän wenechar.   
\q1
\v 19 A föri mochenin ir meinisin mi niuokusiti i,  
\q1 a rong ar siö o amanaueer.   
\q1
\v 20 Ewe Samol mi Lapalap a tümwünü meinisin mi echeni i,  
\q1 nge a arosala ekewe aramasangau meinisin.   
\b  
\q1
\v 21 Üpwe mwareiti ewe Samol mi Lapalap,  
\q1 mönümanau meinisin repwe mwareiti itan mi pin tori feilfeilachök.   
\c 146  
\s1 Kölün mwareiti Kot fän iten an föför mi pwüng  
\sr 146.1-10  
\q1
\v 1 Ousipwe mwareiti ewe Samol mi Lapalap.  
\q1 Ngüni, kopwe mwareiti ewe Samol mi Lapalap.   
\q1
\v 2 Üpwe mwareiti ewe Samol mi Lapalap lon unusen manauei.  
\q1 Üpwe kölün mwareiti ai Kot lupwen fansoun ai manau.   
\b  
\q1
\v 3 Ousap anomu ämi apilükülük won ekewe samol ika won eman aramas,  
\q1 pun resap tongeni amanaua eman.   
\q1
\v 4 Lupwen ra mäla, ra liwiniti pwül.  
\q1 Lon ewe chök rän ar kewe akot meinisin ra tala.   
\q1
\v 5 A feiöch ewe aramas a eäni än Jakop we Kot soualilis,  
\q1 a anomu an apilükülük won ewe Samol mi Lapalap an we Kot,   
\q1
\v 6 ewe mi föri läng me fanüfan, pwal ewe matau  
\q1 me meinisin mine a nom lor.  
\q1 Ewe Samol mi Lapalap a allükülük tori feilfeilachök, \x + \xo 146.6 \xt Föf 4.24; 14.15\x*   
\q1
\v 7 a eäni pwüng ngeni ekewe mi riaföü ren aramas  
\q1 o amongöni ekewe mi echik.  
\q1 Ewe Samol mi Lapalap a angasala ekewe chon fötek,   
\q1
\v 8 a aneloi mesen ekewe mi chun.  
\q1 Ewe Samol mi Lapalap a awenätä sökürün chokewe mi pworotiu  
\q1 o echeni ekewe chon pwüng.   
\q1
\v 9 Ewe Samol mi Lapalap a tümwünü ekewe chon ekis,  
\q1 a alisi ekewe fefin mi mä pwülüer me ekewe mi mäsen,  
\q1 nge a atai mine ekewe aramasangau ra akota.   
\b  
\q1
\v 10 Ewe Samol mi Lapalap epwe nemenem tori feilfeilachök.  
\q1 Chon Sion, ämi we Kot epwe nemenem won ekewe täppin aramas meinisin.  
\q1 Ousipwe mwareiti ewe Samol mi Lapalap.   
\c 147  
\s1 Kölün mwareiti Kot fän iten an aücheani Jerusalem  
\sr 147.1-20  
\q1
\v 1 Ousipwe mwareiti ewe Samol mi Lapalap.  
\q1 A fokun mürina ach sipwe kölün mwareiti ach we Kot.  
\q1 A fich ngeni ach sipwe kölün mwareiti i.   
\q1
\v 2 Ewe Samol mi Lapalap a aüsefälietä Jerusalem,  
\q1 a aliwinisefäli ekewe chon Israel mi oola.   
\q1
\v 3 A apöchöküla ir mi tatakis leluker  
\q1 o filiti kinaser.   
\b  
\q1
\v 4 A apwüngala iteiten ekewe fü  
\q1 o aita eföü me eföü ngeni itan.   
\q1
\v 5 Ach Samol a tekia o fokun manaman,  
\q1 an mirit esap wor aükükün.   
\q1
\v 6 Ewe Samol mi Lapalap a atekiatä chokewe mi tekison,  
\q1 nge a aturätiu ekewe aramasangau lepwül.   
\b  
\q1
\v 7 Oupwe köl ngeni ewe Samol mi Lapalap fän kilisou.  
\q1 Oupwe köl ngeni ach we Kot fiti ükülele.   
\q1
\v 8 I a pwölüela ekewe läng ren kuchu  
\q1 o apüngätiu üt won fanüfan,  
\q1 a ämärätä fetil won ekewe chukuchukutä.   
\q1
\v 9 A ngeni ekewe man ener mongö  
\q1 o amongöü ekewe apansüsün ängä mi tik.   
\q1
\v 10 Ewe Samol mi Lapalap esap sani pöchökülen oris,  
\q1 esap pwal pwapwa ren pöchökülen aramas,   
\q1
\v 11 nge a pwapwa ren chokewe mi niuokusiti i,  
\q1 ren chokewe mi eäni apilükülük an tong ellet.   
\b  
\q1
\v 12 Ämi chon Jerusalem, oupwe mwareiti ewe Samol mi Lapalap,  
\q1 en Sion, kopwe mwareiti om Kot.   
\q1
\v 13 Pun i a apöchöküla lokkun asamalapom kewe  
\q1 o afeiöchü noum kewe aramas mi nom reöm.   
\q1
\v 14 A awora kinamwe lon fanüom  
\q1 o amongöü ngeni noum aramas chomong wiich mi mürina.   
\b  
\q1
\v 15 A tinato an allük won fanüfan,  
\q1 an kapas a müttir säfetal.   
\q1
\v 16 A tinato sno mi pwech usun chök ülen sip  
\q1 o amorafeili sno usun falang.   
\q1
\v 17 A amorätiu föün ais usun chari.  
\q1 Iö a tongeni pwäk ngeni patapatan?   
\q1
\v 18 Kot a kapas, ewe ais a telila.  
\q1 A föri pwe an asepwäl a enien, iwe, ekewe koluk ra pupula.   
\b  
\q1
\v 19 A aronga ngeni nöün aramas an kapas,  
\q1 a ngeni chon Israel an kewe allük me pwüüng.   
\q1
\v 20 Ei sokun lapalap esap föri ngeni pwal eu mwü.  
\q1 Ir resap silei an kewe allük.  
\q1 Ousipwe mwareiti ewe Samol mi Lapalap.   
\c 148  
\s1 Förien Kot meinisin ra angei föneer pwe repwe mwareiti i  
\sr 148.1-14  
\q1
\v 1 Ousipwe mwareiti ewe Samol mi Lapalap.  
\q1 Oupwe mwareiti ewe Samol mi Lapalap seni won läng,  
\q1 oupwe mwareiti i me won ekewe leni tekia.   
\q1
\v 2 Oupwe mwareiti i, ämi nöün chon läng meinisin.  
\q1 Oupwe mwareiti i, ämi nöün mwichen sounfiun läng meinisin.   
\b  
\q1
\v 3 Oupwe mwareiti i, ämi akkar me maram,  
\q1 oupwe mwareiti i, ämi fü meinisin mi tin.   
\q1
\v 4 Oupwe mwareiti i, ämi kewe läng mi fokun tekia,  
\q1 pwal ämi kewe koluk asen ekewe läng.   
\b  
\q1
\v 5 Ir meinisin repwe mwareiti iten ewe Samol mi Lapalap.  
\q1 Pun i a allük, nge ir ra fisitä.   
\q1
\v 6 Kot a anüküchareer lon lenier pwe repwe nom tori feilfeilachök  
\q1 ren eu allük esap tongeni tala.   
\b  
\q1
\v 7 Oupwe mwareiti ewe Samol mi Lapalap seni won fanüfan,  
\q1 ämi kewe mönün lematau mi fokun watte me ämi kewe leni mi alolol,   
\q1
\v 8 ämi inefi me ütten fau, sno me kuchu,  
\q1 pwal mölümöl mi apwönüetä an allük.   
\b  
\q1
\v 9 Oupwe mwareiti i, ämi kewe chukutekia me chukutekison meinisin,  
\q1 ämi kewe irä mi ua me ämi irä setar meinisin,   
\q1
\v 10 ämi manmwacho me manfesir,  
\q1 ämi mantötö me mansüsü meinisin.   
\b  
\q1
\v 11 Oupwe mwareiti i, ämi kewe kingen fanüfan me chon ekewe mwü meinisin,  
\q1 ämi samol me chon nemenem meinisin won fanüfan,   
\q1
\v 12 ämi alüal me föpwül,  
\q1 pwal chinlap me semirit.   
\b  
\q1
\v 13 Ir meinisin repwe mwareiti iten ewe Samol mi Lapalap,  
\q1 pun itan a tekia seni it meinisin,  
\q1 an ling a nom asen fanüfan me läng.   
\q1
\v 14 A apöchöküla mwün nöün aramas.  
\q1 Iei mine nöün kewe chon pin meinisin ra mwareiti,  
\q1 ir ekewe aramasen Israel a echeniir.  
\q1 Ousipwe mwareiti ewe Samol mi Lapalap.   
\c 149  
\s1 Chon Israel ra angei föneer pwe repwe mwareiti Kot  
\sr 149.1-9  
\q1
\v 1 Ousipwe mwareiti ewe Samol mi Lapalap.  
\q1 Oupwe eäni ngeni ewe Samol mi Lapalap echö köl mi fö,  
\q1 oupwe kölün mwareiti i me lon ewe mwichen chon allükülük.   
\q1
\v 2 Chon Israel repwe pwapwa ren ewe chon föriir.  
\q1 Ekewe aramasen Sion repwe mwänek ren ar king.   
\q1
\v 3 Repwe mwareiti itan fän pworuk  
\q1 o köl ngeni fän pisekin kaktai me ükülele.   
\q1
\v 4 Pun ewe Samol mi Lapalap a pwapwaäsini nöün aramas,  
\q1 a alinga ekewe chon tipetekison ren win.   
\q1
\v 5 Ekewe chon pin repwe meseik lon ling,  
\q1 repwe köl fän pwapwa lon kier kewe.   
\q1
\v 6 Kapasen mwareiti Kot fän leüömong epwe nom lon awer,  
\q1 nge ekewe ketilas mi seisei me rüepek repwe nom lon pöür,   
\q1
\v 7 pwe repwe ngeni chon ekewe mwü chappen ar föför  
\q1 o apwüngü ekewe aramas.   
\q1
\v 8 Repwe föti ar kewe king ren sein,  
\q1 nge ar kewe aramas tekia ren selimächä,   
\q1
\v 9 pun repwe eäni apwüng wor usun Kot a fen allük.  
\q1 Ren ei nöün kewe mi pin meinisin ra ling ren.  
\q1 Ousipwe mwareiti ewe Samol mi Lapalap.   
\c 150  
\s1 Sipwe mwareiti Kot  
\sr 150.1-6  
\q1
\v 1 Ousipwe mwareiti ewe Samol mi Lapalap.  
\q1 Oupwe mwareiti Kot me lon lenian mi pin,  
\q1 oupwe mwareiti an manaman lon läng.   
\q1
\v 2 Oupwe mwareiti i ren an kewe föför mi manaman,  
\q1 oupwe mwareiti an tekia esap wor aükükün.   
\b  
\q1
\v 3 Oupwe mwareiti i ren tikin rappwa,  
\q1 oupwe mwareiti i ren ükülele me kitar.   
\q1
\v 4 Oupwe mwareiti i ren pisekin kaktai me pworuk,  
\q1 oupwe mwareiti i ren pisekin ettik mi wor saitenin, pwal ren aangün.   
\q1
\v 5 Oupwe mwareiti i ren sokopaten pisekin kaktai mi tikiken,  
\q1 oupwe mwareiti i ren sokopaten pisekin kaktai mi osomong.   
\q1
\v 6 Mönümanau meinisin repwe mwareiti ewe Samol mi Lapalap.  
\q1 Ousipwe mwareiti ewe Samol mi Lapalap.