\id NUM  
\h NUMPERIS 
\toc1 Numperis 
\toc2 Numperis 
\toc3 Num 
\mt1 Numperis  
\ib  
\is1 Kapas akom  
\iot I. Iten ei puk: Numperis, wewen “angei iteit”. Ei kapas a pop seni än Moses angei iteiten chon Israel.  
\iot II. Chon makei ei puk: Chomong sousilelap lon Paipel ra tipeeu ngeni pwe Moses a makei.  
\iot III. Itelapemongen ei puk: Sipwe afälikich ren lükülükümang me aleasolap.  
\iot IV. Kapas aüchean ei puk: Lükülükümang a epetikich seni ach sipwe manaueni ewe manau mi somosomola.  
\iot V. Masouen ei puk Numperis: Lon ei puk a mak pworausen än chon Israel saifeil lon ewe fanüapö lon ükükün faik ier, seni ewe fansoun ra feila seni ewe chuk Sinai tori ötiuen kiännin ewe fanü Kot a fen pwon pwe epwe ngeniir. Moses a angei iteiten ekewe chon Israel mwen ar feil seni ewe chuk Sinai. Ina epwe mürin ükükün faik ier a pwal angesefäli iteiter me lon Moap ötiuen ewe chanpupu Jortan. Lefilen ekei ruu alean iteiten chon Israel ra feila ngeni Kates Parnea me peliörün kiännin ewe fanü Kanaan, nge resap tongeni tolong lon ewe fanüen pwon me ikenan. Mürin ar nonom lon ei fanü lon chomong ier, ra feila ngeni ewe fanü ötiuen ewe chanpupu Jortan. Ikenan ekoch lein ekewe aramas ra lefanüla lon, nge ekewe ekoch ra amolätä ar repwe feila Kanaan pekilan ewe chanpupu. Lon ei puk a mak pworausen eu mwichen aramas mi müttir tipemaramar me niuokus lupwen fansoun weires. Ra ü ngeni Kot me Moses, ewe mwän Kot a filätä pwe epwe emweniir, a pwal mak pworausen än Kot allükülük ngeni nöün aramas me an tümwünüür fansoun meinisin, inamwo ika ra lükülükümang me aleasolap, pwal usun än Moses tipepos me achocho le angang ngeni Kot me nöün aramas, nge fän ekoch esap mosonotam.  
\iot VI. Tettelin masouen ei puk:  
\io1 Ekewe chon Israel ra amolätä ar repwe sai seni ewe chuk Sinai \ior 1.1–9.23\ior*  
\io2 1. Ewe aeuin alean iteiten chon Israel \ior 1.1–4.49\ior*  
\io2 2. Ekoch sokopaten allük me pwüüng \ior 5.1–8.26\ior*  
\io2 3. Ewe aruuen Pasofer \ior 9.1-23\ior*  
\io1 Än chon Israel sai seni ewe chuk Sinai tori Moap \ior 10.1–21.35\ior*  
\io1 Mine a fis me lon ewe fanü Moap \ior 22.1–32.42\ior*  
\io1 Aliwinin pworausen ewe sai seni Isip tori Moap \ior 33.1-49\ior*  
\io1 Kapasen öüröür ngeni chon Israel me mwen ar repwe feila pekilan ewe chanpupu Jortan \ior 33.50–36.13\ior*  
\c 1  
\s1 A fis alean iteiten chon Israel me fäsonun ewe chuk Sinai  
\sr 1.1-46  
\r (Num 26.1-51)  
\p
\v 1 Iwe, lon aeuin ränin ewe aruuen maram lon aruuen ier mürin än chon Israel towu seni ewe fanü Isip, ewe Samol mi Lapalap a kapas ngeni Moses me lon ewe imw mangaku ia aramas ra churi Kot ie mi nom lon ewe fanüapön Sinai,  
\v 2 “Oupwe angei iteiten ekewe aramasen Israel meinisin, iteiten eu me eu famili lon ar kewe cho. Oupwe makei iten eman me eman mwän  
\v 3 seni ier rüe feitä mi tongeni fiti maun. Ämi me Aaron oupwe nampaniir lon eu me eu mwich.  
\v 4 Iwe, epwe wor eman mwän seni eu me eu ainang i mwänirelan an cho, epwe alisikemi.  
\v 5 Ikkei iten ekewe mwän repwe alisikemi: Elisur nöün Seteur mwän seni ewe ainangen Rupen,  
\v 6 Selumiel nöün Surisatai mwän seni ewe ainangen Simeon,  
\v 7 Nason nöün Aminatap mwän seni ewe ainangen Juta,  
\v 8 Netanel nöün Suar mwän seni ewe ainangen Isakar,  
\v 9 Eliap nöün Helon mwän seni ewe ainangen Sepulon,  
\v 10 nge seni mwirimwirin Josef kewe: Elisama nöün Amihut mwän seni ewe ainangen Efraim, pwal Kamaliel nöün Petasur mwän seni ewe ainangen Manasa,  
\v 11 Apitan nöün Kiteoni mwän seni ewe ainangen Peniamin,  
\v 12 Ahieser nöün Amisatai mwän seni ewe ainangen Tan,  
\v 13 Pakiel nöün Okran mwän seni ewe ainangen Aser,  
\v 14 Eliasaf nöün Teuel mwän seni ewe ainangen Kat,  
\v 15 Ahira nöün Enan mwän seni ewe ainangen Naftali.”  
\v 16 Ikkei ir ätekewe mi kefilitä seni ekewe chon Israel, ir ekewe souemwenin än semer ainang pwal mwänirelan ekewe eterekesin Israel.   
\p
\v 17 Iwe, Moses me Aaron ra körato ekei mwän mi föü iter.  
\v 18 Nge ir ra amwichafengeni ekewe aramasen Israel meinisin lon aeuin ränin ewe aruuen maram. Iwe, ra angei iteiten chon Israel lon en me an famili me än semer cho o makei iten eman me eman mwän seni ier rüe feitä,  
\v 19 usun ewe Samol mi Lapalap a allük ngeni Moses. Iei usun Moses a angei iteiter lon ewe fanüapön Sinai.   
\p
\v 20 Iwe, seni mwirimwirin Rupen nöün Israel we mwänichi, ekewe mwän meinisin seni ier rüe feitä mi tongeni fiti maun, ra aleaniir o makei iten eman me eman lon en me an famili me än semer cho.  
\v 21 Iwe, ükükün seni ewe ainangen Rupen faik me wonungeröü limepükü mwän.   
\p
\v 22 Seni mwirimwirin Simeon ekewe mwän meinisin seni ier rüe feitä mi tongeni fiti maun, ra aleaniir o makei iten eman me eman lon en me an famili me än semer cho.  
\v 23 Iwe, ükükün seni ewe ainangen Simeon lime me tiwungeröü ülüpükü mwän.   
\p
\v 24 Seni mwirimwirin Kat ekewe mwän meinisin seni ier rüe feitä mi tongeni fiti maun, ra aleaniir o makei iter lon en me an famili me än semer cho.  
\v 25 Iwe, ükükün seni ewe ainangen Kat faik me limungeröü wonopükü lime mwän.   
\p
\v 26 Seni mwirimwirin Juta ekewe mwän meinisin seni ier rüe feitä mi tongeni fiti maun, ra aleaniir o makei iter lon en me an famili me än semer cho.  
\v 27 Iwe, ükükün seni ewe ainangen Juta fik me rüanüngeröü wonopükü mwän.   
\p
\v 28 Seni mwirimwirin Isakar ekewe mwän meinisin seni ier rüe feitä mi tongeni fiti maun, ra aleaniir o makei iter lon en me an famili me än semer cho.  
\v 29 Iwe, ükükün seni ewe ainangen Isakar lime me rüanüngeröü föpükü mwän.   
\p
\v 30 Seni mwirimwirin Sepulon ekewe mwän meinisin seni ier rüe feitä mi tongeni fiti maun, ra aleaniir o makei iter lon en me an famili me än semer cho.  
\v 31 Iwe, ükükün seni ewe ainangen Sepulon lime me fisungeröü föpükü mwän.   
\p
\v 32 Seni nöün Josef kewe mwän, ekewe mwirimwirin Efraim, ekewe mwän meinisin seni ier rüe feitä mi tongeni fiti maun, ra aleaniir o makei iter lon en me an famili me än semer cho.  
\v 33 Iwe, ükükün seni ewe ainangen Efraim faikngeröü limepükü mwän.   
\p
\v 34 Seni mwirimwirin Manasa ekewe mwän meinisin seni ier rüe feitä mi tongeni fiti maun, ra aleaniir o makei iter lon en me an famili me än semer cho.  
\v 35 Iwe, ükükün seni ewe ainangen Manasa ilik me ruungeröü rüepükü mwän.   
\p
\v 36 Seni mwirimwirin Peniamin ekewe mwän meinisin seni ier rüe feitä mi tongeni fiti maun, ra aleaniir o makei iter lon en me an famili me än semer cho.  
\v 37 Iwe, ükükün seni ewe ainangen Peniamin ilik me limungeröü föpükü mwän.   
\p
\v 38 Seni mwirimwirin Tan ekewe mwän meinisin seni ier rüe feitä mi tongeni fiti maun, ra aleaniir o makei iter lon en me an famili me än semer cho.  
\v 39 Iwe, ükükün seni ewe ainangen Tan wone me ruungeröü füpükü mwän.   
\p
\v 40 Seni mwirimwirin Aser ekewe mwän meinisin seni ier rüe feitä mi tongeni fiti maun, ra aleaniir o makei iter lon en me an famili me än semer cho.  
\v 41 Iwe, ükükün seni ewe ainangen Aser faik me eungeröü limepükü mwän.   
\p
\v 42 Seni mwirimwirin Naftali ekewe mwän meinisin seni ier rüe feitä mi tongeni fiti maun, ra aleaniir o makei iter lon en me an famili me än semer cho.  
\v 43 Iwe, ükükün seni ewe ainangen Naftali lime me ülüngatngeröü föpükü mwän.   
\p
\v 44 Ikkei ir ekewe mwän Moses me Aaron ra aleaniir, nge ekewe engol me ruoman souemwenin Israel mi tupuni en me än saman cho ra alisiir.  
\v 45 Iwe, kapachelapen iteiten mwänin Israel seni lon än semer kewe cho seni ier rüe feitä mi tongeni fiti maun  
\v 46 ükükün wonopükü ülüngatngeröü limepükü lime mwän.   
\s1 Ekewe mwän seni ewe ainangen Lefi ra wisen tümwünü ewe imwenfel  
\sr 1.47-54  
\p
\v 47 Nge chon ewe ainangen Lefi resap alealong lon iteiten ekewe lusun ainang.  
\v 48 Pun ewe Samol mi Lapalap a üreni Moses,  
\v 49 “Kosap aleani chon ewe ainangen Lefi, kosap pwal alearelong lein ekewe re Israel mi tongeni fiti maun.  
\v 50 Nge kopwe awisa ekewe mwän seni ewe ainangen Lefi pwe repwe tümwünü ewe imwenfel seni mangaku ia ekewe allük ra nom ie me pisekin meinisin. Iwe, repwe mwärefetalei ewe imwenfel me pisekin meinisin o tümwünüöchüür, repwe pwal aüetä imwer imw mangaku pwelin ünükün.  
\v 51 Iwe, ekewe mwän seni ewe ainangen Lefi repwe atomwala ewe imwenfel seni mangaku, lupwen ekewe chon Israel repwe sai, nge repwe pwal aüsefäli, lupwen ekewe chon Israel repwe asösö. Iwe, are eman me lükür epwe kan ngeni ei imwenfel, epwe ninnila.  
\v 52 Iwe, ekewe lusun aramasen Israel repwe aüetä imwer imw mangaku lon en me an mwich pwal fän en me an filäik.  
\v 53 Nge ekewe mwän seni ewe ainangen Lefi repwe aüetä imwer imw mangaku pwelin ünükün ewe imwenfel seni mangaku o tümwünü pwe esap wor eman epwe arap ngeni, pwe ngang üsap song ngeni ekewe aramasen Israel.”  
\v 54 Iwe, ekewe aramasen Israel ra föri meinisin mine ewe Samol mi Lapalap a allük ngeni Moses.   
\c 2  
\s1 Usun lenien ekewe ainangen Israel me nöür kewe souemwen  
\sr 2.1-34  
\p
\v 1 Iwe, ewe Samol mi Lapalap a üreni Moses me Aaron,  
\v 2 “Eman me eman ekewe aramasen Israel epwe aüetä imwan imw mangaku fän filäiken an mwich pwal fän asisilen än saman cho. Repwe aüetä imwer kewe pwelin ünükün ewe imwenfel seni mangaku.  
\v 3 Iwe, peliötiuen ewe imwenfel seni mangaku awenewenen meserän chon ewe ainangen Juta me ekewe mwich mi chu ngeni lon an kinikin repwe aüetä imwer imw mangaku fän ar filäik lon tettelin en me an mwich. Iten souemwenin ewe ainangen Juta Nason nöün Aminatap mwän.  
\v 4 Iteiten ekewe mwän lon än Nason mwich ükükün fik me rüanüngeröü wonopükü.  
\v 5 Iwe, chon ewe ainangen Isakar repwe aüetä imwer ünükür. Iten nöür souemwen Netanel nöün Suar mwän.  
\v 6 Iteiten ekewe mwän lon än Netanel mwich ükükün lime me rüanüngeröü föpükü.  
\v 7 Nge chon ewe ainangen Sepulon repwe nom ünükür. Iten nöür souemwen Eliap nöün Helon mwän.  
\v 8 Iteiten ekewe mwän lon än Eliap mwich ükükün lime me fisungeröü föpükü.  
\v 9 Iwe, iteiten chokewe meinisin mi imweimw lon kinikinin Juta lon tettelin ar kewe mwich ükükün ipükü walik me wonungeröü föpükü mwän. Ir repwe wisen akomw lupwen fansoun ar sai.   
\p
\v 10 Iwe, peliörün ewe imwenfel seni mangaku chon ewe ainangen Rupen me ekewe mwich mi chu ngeni lon an kinikin repwe aüetä imwer imw mangaku fän ar filäik lon tettelin en me an mwich. Iten souemwenin ewe ainangen Rupen Elisur nöün Seteur mwän.  
\v 11 Iteiten ekewe mwän lon än Elisur mwich ükükün faik me wonungeröü limepükü.  
\v 12 Iwe, chon ewe ainangen Simeon repwe aüetä imwer ünükür. Iten nöür souemwen Selumiel nöün Surisatai mwän.  
\v 13 Iteiten ekewe mwän lon än Selumiel mwich ükükün lime me tiwungeröü ülüpükü.  
\v 14 Nge chon ewe ainangen Kat repwe nom ünükür. Iten nöür souemwen Eliasaf nöün Reuel mwän.  
\v 15 Iteiten ekewe mwän lon än Eliasaf mwich ükükün faik me limungeröü wonopükü lime.  
\v 16 Iwe, iteiten chokewe meinisin mi imweimw lon kinikinin Rupen lon tettelin ar kewe mwich ükükün ipükü lime me eungeröü föpükü lime mwän. Ir repwe nom lon tettel nampa ruu lupwen fansoun ar sai.   
\p
\v 17 Mürin ekei ruu mwich chon ewe ainangen Lefi mi nom lukalaper repwe sai o eki pisekin ewe imwenfel seni mangaku. Usun tettelin ar nom lon lenier, iei usun pwal tettelin ar sai, eu me eu mwich lon an tettel fän en me an filäik.   
\p
\v 18 Iwe, pelilotoun ewe imwenfel seni mangaku chon ewe ainangen Efraim me ekewe mwich mi chu ngeni lon an kinikin repwe aüetä imwer imw mangaku fän ar filäik lon tettelin en me an mwich. Iten souemwenin ewe ainangen Efraim Elisama nöün Amihut mwän.  
\v 19 Iteiten ekewe mwän lon än Elisama mwich ükükün faik ngeröü limepükü.  
\v 20 Iwe, chon ewe ainangen Manasa repwe nom ünükür. Iten nöür souemwen Kamaliel nöün Petasur mwän.  
\v 21 Iteiten ekewe mwän lon än Kamaliel mwich ükükün ilik me ruungeröü ruopükü.  
\v 22 Nge chon ewe ainangen Peniamin repwe nom ünükür. Iten nöür souemwen Apitan nöün Kiteoni mwän.  
\v 23 Iteiten ekewe mwän lon än Apitan mwich ükükün ilik me limungeröü föpükü.  
\v 24 Iwe, iteiten chokewe meinisin mi imweimw lon kinikinin Efraim lon tettelin ar kewe mwich ükükün ipükü walungeröü ipükü mwän. Ir repwe nom lon tettel nampa ülüngat lupwen fansoun ar sai.   
\p
\v 25 Iwe, peliefengin ewe imwenfel seni mangaku chon ewe ainangen Tan me ekewe mwich mi chu ngeni lon an kinikin repwe aüetä imwer imw mangaku fän ar filäik lon tettelin en me an mwich. Iten souemwenin ewe ainangen Tan Ahieser nöün Amisatai mwän.  
\v 26 Iteiten ekewe mwän lon än Ahieser mwich ükükün wone me ruungeröü füpükü.  
\v 27 Iwe, chon ewe ainangen Aser repwe aüetä imwer ünükür. Iten nöür souemwen Pakiel nöün Okran mwän.  
\v 28 Iteiten ekewe mwän lon än Pakiel mwich ükükün faik me eungeröü limepükü.  
\v 29 Nge chon ewe ainangen Naftali repwe nom ünükür. Iten nöür souemwen Ahira nöün Enan mwän.  
\v 30 Iteiten ekewe mwän lon än Ahira mwich ükükün lime me ülüngatngeröü föpükü.  
\v 31 Iwe, iteiten chokewe meinisin mi imweimw lon kinikinin Tan ükükün ipükü lime me fisungeröü wonopükü mwän. Iwe, repwe nom mwirichikin lupwen fansoun ar sai fän en me an filäik.”   
\p
\v 32 Iwe, ikkei ir ekewe aramasen Israel ra alealong lon en me än saman cho. Nge kapachelapen meinisin mi alea lon tettelin ar kewe mwich lon lenier kewe ükükün wonopükü ülüngatngeröü limepükü lime mwän.  
\v 33 Nge chon ewe ainangen Lefi resap alealong lein ekewe aramasen Israel, usun ewe Samol mi Lapalap a allük ngeni Moses.   
\p
\v 34 Iei usun ekewe aramasen Israel ra föri meinisin mine ewe Samol mi Lapalap a allük ngeni Moses. Iwe, ra aüetä imwer imw mangaku fän ar filäik, ra pwal sai en me lon an famili lon tettelin än semer kewe cho.   
\c 3  
\s1 Iteiten chon ewe ainangen Lefi me wiser  
\sr 3.1-39  
\p
\v 1 Iwe, iei pworausen än Aaron me Moses famili lon ewe fansoun, lupwen ewe Samol mi Lapalap a kapas ngeni Moses me won ewe chuk Sinai.  
\v 2 Ikkei iten nöün Aaron kewe mwän: Natap ewe mwänichi, Apihu, Eleasar me Itamar.  
\v 3 Ir ätekewe mi kepit o afeiöch pwe repwe angang lon wiser wisen souasor.  
\v 4 Nge Natap me Apihu ra mäla, lupwen ra eäni asor ekkei esap pin me fän mesen ewe Samol mi Lapalap lon ewe fanüapön Sinai. Iwe, ätekei esap wor nöür. Iei mine Eleasar me Itamar ra angang lon wisen souasor lupwen fansoun manauen Aaron semer we.   
\p
\v 5 Iwe, ewe Samol mi Lapalap a üreni Moses,  
\v 6 “Kopwe emwenato chon ewe ainangen Lefi mwen ewe souasor Aaron pwe repwe angang ngeni.  
\v 7 Iwe, repwe föri sokun angang ngeni Aaron, pwal ngeni unusen ewe mwichen chon Israel mwen ewe imw mangaku ia aramas ra churiei ie o föri angangen ewe imwenfel seni mangaku.  
\v 8 Iwe, repwe tümwünü pisekin ewe imwenfel seni mangaku meinisin o föri sokun angang fän iten ekewe aramasen Israel ren ar angang ngeni ewe imwenfel seni mangaku.  
\v 9 Chon ewe ainangen Lefi repwe wisen angang ngeni Aaron me nöün kewe mwän. Ir repwe tiwewu seni me lein ekewe aramasen Israel pwe repwe angang ngeni.  
\v 10 Iwe, kopwe awisa Aaron me nöün kewe mwän pwe repwe föri angangen wiser wisen souasor. Nge are eman me lükür epwe angelong lon ewe wis, epwe ninnila.”   
\p
\v 11 Iwe, ewe Samol mi Lapalap a üreni Moses,  
\v 12 “Nengeni, üa filätä ekewe mwän seni ewe ainangen Lefi seni me lein ekewe aramasen Israel, pwe repwe tupuni ekewe mwänichi me lein ekewe aramasen Israel. Iwe, ekewe mwän seni ewe ainangen Lefi repwe nei,  
\v 13 pun ekewe mwänichi meinisin nei. Lon ewe rän, lupwen üa niela ekewe mwänichi meinisin lon ewe fanü Isip, üa apini fän itei ekewe mwänichi lon Israel meinisin, seni mwänichien aramas tori man. Iwe, ir repwe nei. Ngang ewe Samol mi Lapalap.”   
\p
\v 14 Iwe, ewe Samol mi Lapalap a üreni Moses me lon ewe fanüapön Sinai,  
\v 15 “Kopwe angei iteiten mwän seni ewe ainangen Lefi lon tettelin ar kewe cho me ar famili. Kopwe aleani iteiter seni eu maram feitä.”  
\v 16 Iwe, Moses a angei iteiter, usun mine ewe Samol mi Lapalap a allük ngeni.  
\v 17 Ikkei iten nöün Lefi kewe mwän: Kerson, Kohat me Merari.  
\v 18 Nge ikkei iten nöün Kerson kewe mwän, ir lewon ar kewe cho: Lipni me Shimei.  
\v 19 Iwe, iten nöün Kohat kewe mwän, ir lewon ar kewe cho: Amram, Ishar, Hepron me Usiel.  
\v 20 Nge iten nöün Merari kewe mwän, ir lewon ar kewe cho: Mali me Mushi. Ikkei ir lewon ekewe familien Lefi lon tettelin än semer cho.   
\p
\v 21 Iwe, än Kerson cho ekewe familien Lipni me Shimei.  
\v 22 Iteiten mwän meinisin ra alea seni eu maram feitä ükükün fisungeröü limepükü.  
\v 23 Iwe, ekewe familien än Kerson cho repwe aüetä imwer imw mangaku pelilotoun ewe imwenfel seni mangaku.  
\v 24 Nge Eliasaf nöün Lael mwän epwe mwänirelan än Kerson cho.  
\v 25 Iwe, wisen nöün Kerson kewe mwän, repwe tümwünü ewe imwenfel seni mangaku, pwölüpwölün kewe me chechen asamalapan,  
\v 26 ekewe mangaku mi tit ngeni ewe leni lükün ewe imwenfel seni mangaku, pwal ewe chech fän iten asamalapen ewe leni mi pwelifeili ewe imwenfel seni mangaku me ewe rongen asor. Repwe tümwünü selin pwal meinisin mine ra aea fän iten ar angang.   
\p
\v 27 Iwe, än Kohat cho ekewe familien Amram, Ishar, Hepron me Usiel.  
\v 28 Iteiten mwän meinisin ra alea seni eu maram feitä ükükün walungeröü wonopükü. Ir ra wisen tümwünü ewe imw mi pin.  
\v 29 Iwe, ekewe familien än Kohat cho repwe aüetä imwer imw mangaku peliörün ewe imwenfel seni mangaku.  
\v 30 Nge Elisafan nöün Usiel mwän epwe mwänirelan än Kohat cho.  
\v 31 Iwe, wiser repwe tümwünü ewe pworofel, ewe chepel, ewe lenien atittin, ekewe rongen asor, ekewe sepi fän iten ewe imw mi pin ekewe souasor ra aea le angang, pwal ewe cheech mi refiela ewe rum mi unusen pin me sokopaten pisek meinisin ra aea lon ar angang.  
\v 32 Nge Eleasar nöün ewe souasor Aaron we mwän epwe meilapen ekewe souemwenin ewe ainangen Lefi, epwe pwal nemelapei chokewe mi tümwünü ewe imw mi pin.   
\p
\v 33 Iwe, än Merari cho ekewe familien Mali me Mushi.  
\v 34 Iteiten mwän meinisin ra alea seni eu maram feitä ükükün wonungeröü ruopükü.  
\v 35 Iwe, Suriel nöün Apihail mwän epwe mwänirelan än Merari cho. Repwe aüetä imwer imw mangaku peliefengin ewe imwenfel seni mangaku.  
\v 36 Nge wisen nöün Merari kewe mwän repwe tümwünü pappen ewe imwenfel seni mangaku, ekewe amwöch, ekewe ür me alongur me pisekin meinisin ra aea lon ar angang.  
\v 37 Repwe pwal tümwünü üren pwelin ewe leni lükün ewe imwenfel seni mangaku fiti alongur, chüfölür me selir.   
\p
\v 38 Iwe, mwen ewe imwenfel seni mangaku me peliötiu sasape ngeni meserän Moses me Aaron me nöün kewe mwän repwe aüetä imwer imw mangaku. Iwe, wiser repwe föri sokun angangen souasor fän iten ekewe aramasen Israel lon ewe leni mi pin. Nge are eman me lükür epwe angelong lon ewe angang, epwe ninnila.  
\v 39 Iwe, Moses me Aaron ra angei iteiten ekewe mwän seni ewe ainangen Lefi meinisin lon en me an famili fän än ewe Samol mi Lapalap allük. Nge kapachalapen ekewe mwän meinisin seni eu maram feitä ükükün rüe me ruungeröü.   
\s1 Ekewe mwän seni ewe ainangen Lefi me mön ekewe mwänichi  
\sr 3.40-51  
\p
\v 40 Iwe, ewe Samol mi Lapalap a üreni Moses, “Kopwe angei iteiten ekewe mwänichi seni ekewe aramasen Israel meinisin o makei iter seni eu maram feitä.  
\v 41 Mürin kopwe angei ekewe mwän seni ewe ainangen Lefi pwe akasiwilin ekewe mwänichi meinisin me lein ekewe aramasen Israel, pwe nei. Ngang ewe Samol mi Lapalap. Kopwe pwal angei fän itei nöün chon ewe ainangen Lefi man pwe akasiwilin mweinöün ekewe aramasen Israel man meinisin.”  
\v 42 Iei mine Moses a angei iteiten mwänichi meinisin me lein ekewe aramasen Israel, usun ewe Samol mi Lapalap a allük ngeni.  
\v 43 Iwe, iteiten ekewe mwänichi meinisin seni eu maram feitä ükükün rüe me ruungeröü ruopükü fik me ülüman.   
\p
\v 44 Iwe, ewe Samol mi Lapalap a üreni Moses,  
\v 45 “Kopwe apini ekewe mwän seni ewe ainangen Lefi pwe repwe nei akasiwilin ekewe mwänichi meinisin me lein ekewe aramasen Israel. Kopwe pwal aimwüela nöün chon ewe ainangen Lefi man pwe akasiwilin mweinöün chon Israel man. Iwe, ekewe mwän seni ewe ainangen Lefi nei: Ngang ewe Samol mi Lapalap.  
\v 46 Nge ren mön ekewe ruopükü fik me ülüman mwänichi seni ekewe aramasen Israel mi som seni iteiten ekewe mwän seni ewe ainangen Lefi,  
\v 47 kopwe angei limeföü föün silifer fän iten eman me eman. Iwe, kopwe föri won ewe kilo ra aea le aükük lon ewe imw mi pin.  
\v 48 Iwe, kopwe angei ewe moni a püng fän iten mön ekewe aramas mi som seni iteiten ekewe mwän seni ewe ainangen Lefi o ngeni Aaron me nöün kewe mwän.”  
\v 49 Iei mine Moses a angei mön ekewe aramas mi som seni iteiten ekewe mwän seni ewe ainangen Lefi.  
\v 50 Iwe, ükükün ewe moni a angei seni ekewe mwänichi nöün ekewe aramasen Israel engeröü ülüpükü wone me limeföü föün silifer. Nge ewe moni a för won ewe kilo ra aea le aükük lon ewe imw mi pin.  
\v 51 Iwe, Moses a ngeni Aaron me nöün kewe mwän ewe moni usun ewe Samol mi Lapalap a allük ngeni.   
\c 4  
\s1 Än ekewe mwän seni ewe ainangen Lefi angang  
\sr 4.1-49  
\p
\v 1 Iwe, ewe Samol mi Lapalap a üreni Moses me Aaron,  
\v 2 “Oupwe angei iteiten nöün Kohat kewe mwän seni me lein chon ewe ainangen Lefi lon ar famili me än semer cho.  
\v 3 Oupwe aleaniir seni ier ilik feitä tori ier lime, ir ätekewe mi fich ngeni ewe angang lon ewe imw mangaku ia aramas ra churiei ie.  
\v 4 Iwe, wisen nöün Kohat kewe mwän me lon ewe imwenfel seni mangaku, repwe tümwünü ekewe mettoch mi unusen pin.  
\v 5 Iwe, lupwen ekewe chon Israel repwe sai, Aaron me nöün kewe mwän repwe tolong lon ewe imwenfel seni mangaku o ettätiu ewe chechen lefil pwe repwe pwölü ngeni ewe pworofel.  
\v 6 Mürin repwe pwölü ngeni echö pwölüpwöl seni silin man mi mürina, repwe pwal ameresala won echö mangaku mi arauarau o sökalong ämwärin kewe.  
\v 7 Iwe, repwe ameresala echö mangaku mi arauarau won ewe chepel ia ewe pilawa mi pin a nom ie. Mürin repwe iseis won ekewe peleich, ekewe sepi fän iten ewe apach mi pwokus, sokun sepi me ekewe rume fän iten ewe asoren ün. Iwe, ewe pilawa epwe chök nonom won ewe chepel fansoun meinisin.  
\v 8 Mürin repwe ameresala wor echö mangaku mi parachol, repwe pwölü ngeni echö pwölüpwöl seni silin man mi mürina o sökalong ämwärin kewe.  
\v 9 Iwe, repwe angei echö mangaku mi arauarau o pwölü ngeni ewe lenien atittin fiti laman, fichin me sepian, pwal ekewe rume fän iten ewe noppuk ra aea le alölöü ngeni.  
\v 10 Mürin repwe tukumalong ewe lenien atittin fiti pisekin meinisin lon echö pwölüpwöl seni silin man mi mürina o iseis won ewe lenien keki.  
\v 11 Iwe, Aaron me nöün kewe mwän repwe ameresala won ewe rongen asor seni kolt echö mangaku mi arauarau. Repwe pwal pwölü ngeni echö pwölüpwöl seni silin man mi mürina o sökalong ämwärin kewe.  
\v 12 Repwe angei ekewe pisek meinisin ra aea le angang lon ewe imw mi pin o isenirelong lon echö mangaku mi arauarau. Mürin repwe pwölürela fän echö pwölüpwöl seni silin man mi mürina o iseniir won eu lenien keki.  
\v 13 Repwe pwal tukeila falangen ewe rongen asor o ameresala echö mangaku mi parachol won ewe rongen asor.  
\v 14 Iwe, repwe iseis won ewe pwölüpwöl ekewe pisek meinisin ra aea le angang won ewe rongen asor: ekewe sepi fän iten moli, ekewe fook, ekewe sofel, ekewe sepi me pisekin meinisin. Mürin repwe ameresala won echö pwölüpwöl seni silin man mi mürina o sökalong ämwärin kewe.  
\v 15 Nge are Aaron me nöün kewe mwän ra wes le pwölüela ekewe pisek mi pin me mettochun meinisin lupwen fansoun än chon Israel repwe sai, mürin nöün Kohat kewe mwän repwe feito o mwärei ekewe pisek. Nge resap tongeni atapa ekewe pisek mi pin pwe resap mäla. Ikkei pisekin ewe imwenfel seni mangaku nöün Kohat kewe mwän ra wisen mwärei.   
\p
\v 16 Iwe, Eleasar nöün ewe souasor Aaron we mwän epwe wisen tümwünü ewe noppuk fän iten ekewe lamp, ewe apach mi pwokus, ewe asoren mongö me ewe lön epit. Epwe pwal nemelapei unusen ewe imwenfel seni mangaku me masouen lon meinisin.”   
\p
\v 17 Iwe, ewe Samol mi Lapalap a üreni Moses me Aaron,  
\v 18 “Oupwe tümwünü pwe ekewe familien än Kohat cho resap rosola me lein chon ewe ainangen Lefi.  
\v 19 Iwe, iei usun mine oupwe föri ngeniir pwe repwe manau, nge resap mäla lupwen repwe kan ngeni ekewe mettoch mi unusen pin: Aaron me nöün kewe mwän repwe tolong o awisa eman me eman ngeni an angang mine epwe uwei.  
\v 20 Nge ekewe mwän seni än Kohat cho resap fokun tolong lon pwe repwe katol ekewe mettoch mi pin, pwe resap mäla.”   
\p
\v 21 Iwe, ewe Samol mi Lapalap a üreni Moses,  
\v 22 “Kopwe pwal angei iteiten nöün Kerson kewe mwän lon ar famili me än semer cho.  
\v 23 Kopwe aleaniir seni ier ilik feitä tori ier lime, ir ätekewe mi fich ngeni ewe angang lon ewe imw mangaku ia aramas ra churiei ie.  
\v 24 Iei än ekewe familien Kerson angang me mine repwe uwei:  
\v 25 Ewe imwenfel seni mangaku, chechan me pwölüpwölün kewe, ewe pwölüpwöl seni silin man mi mürina mi nom asan me chechen asamalapan,  
\v 26 ewe tit mangaku fän iten ewe leni lükün mi pweli ewe imwenfel seni mangaku me ewe rongen asor, chechen asamalapen tolong, pwal selir me pisekin ar angang meinisin. Iwe, repwe föri ekewe angang meinisin a weneitiir fän iten ekewe pisek.  
\v 27 Iwe, Aaron me nöün kewe mwän repwe emweni än nöün Kerson kewe mwän angang ren meinisin mine repwe uwei, pwal ren meinisin mine repwe föri. Nge en kopwe awisa ngeniir meinisin mine repwe uwei.  
\v 28 Iei ekewe angang än familien nöün Kerson kewe mwän me lon ewe imwenfel seni mangaku. Nge ar angang epwe nom fän nemelapen Itamar nöün ewe souasor Aaron we mwän.   
\p
\v 29 Iwe, kopwe angei iteiten nöün Merari kewe mwän lon ar famili me än semer cho.  
\v 30 Kopwe aleaniir seni ier ilik feitä tori ier lime, ir ätekewe mi fich ngeni ewe angang lon ewe imw mangaku ia aramas ra churiei ie.  
\v 31 Iei wiser lon ar angang, pwe repwe uwei pappen ewe imwenfel seni mangaku fiti amwöchür, ekewe ür me alongur,  
\v 32 üren pwelin ewe leni lükün fiti alongur, ekewe chüföl me ekewe säl fiti pisekir meinisin me pisekinginir. Iwe, kopwe awisa ngeni eman me eman mine epwe uwei.  
\v 33 Iei än familien nöün Merari kewe mwän angang. Unusen ar angang lon ewe imwenfel seni mangaku epwe nom fän nemelapen Itamar nöün ewe souasor Aaron we mwän.”   
\p
\v 34 Iwe, Moses me Aaron me ekewe souemwenin chon Israel ra aleani iteiten nöün Kohat kewe mwän lon ar famili me än semer cho  
\v 35 seni ier ilik feitä tori ier lime, ir ätekewe mi fich ngeni ewe angang lon ewe imwenfel seni mangaku.  
\v 36 Iteiter lon ar kewe famili ükükün ruungeröü füpükü lime mwän.  
\v 37 Iei iteiten nöün Kohat kewe mwän lon ar kewe famili mi angang lon ewe imwenfel seni mangaku. Ir ätekewe Moses me Aaron ra aleaniir fän än ewe Samol mi Lapalap allük ngeni Moses.   
\p
\v 38 Iwe, iei iteiten nöün Kerson kewe mwän lon ar famili me än semer cho  
\v 39 seni ier ilik feitä tori ier lime, ir ätekewe mi fich ngeni ewe angang lon ewe imwenfel seni mangaku.  
\v 40 Iteiter lon ar kewe famili ükükün ruungeröü wonopükü ilik mwän.  
\v 41 Iei iteiten nöün Kerson kewe mwän lon ar kewe famili mi angang lon ewe imwenfel seni mangaku. Ir ätekewe Moses me Aaron ra aleaniir fän än ewe Samol mi Lapalap allük.   
\p
\v 42 Iwe, iei iteiten nöün Merari kewe mwän lon ar kewe famili me än semer cho  
\v 43 seni ier ilik feitä tori ier lime, ir ätekewe mi fich ngeni ewe angang lon ewe imwenfel seni mangaku.  
\v 44 Iteiter lon ar kewe famili ükükün ülüngeröü ruopükü mwän.  
\v 45 Iei iteiten nöün Merari kewe mwän lon ar kewe famili Moses me Aaron ra aleaniir fän än ewe Samol mi Lapalap allük ngeni Moses.   
\p
\v 46 Iei usun Moses, Aaron me ekewe souemwenin chon Israel ra aleani chon ewe ainangen Lefi lon ar kewe famili me än semer cho  
\v 47 seni ier ilik feitä tori ier lime, ir ätekewe mi fich ngeni ewe angang lon ewe imwenfel seni mangaku me ewe angangen keki pisekin meinisin.  
\v 48 Iteiten chokewe mi alea ükükün walungeröü limepükü walik mwän.  
\v 49 Iwe, fän än ewe Samol mi Lapalap allük ngeni Moses eman me eman a angei wisan fän iten an angang ika wosan. Iei usun Moses a föri meinisin mine ewe Samol mi Lapalap a allük ngeni.   
\c 5  
\s1 Ekewe chon limengau repwe katowu seni lenier  
\sr 5.1-4  
\p
\v 1 Iwe, ewe Samol mi Lapalap a üreni Moses,  
\v 2 “Kopwe allük ngeni ekewe aramasen Israel pwe repwe atowu iteiten aramas mi üri kilingau mi afeiengau seni ewe leni ia ra nonom ie, me iteiten aramas mi pu seni och chönü, pwal iteiten aramas mi limengau ren an torii eman somä.  
\v 3 Oupwe atorowu lükün ewe leni ia oua nonom ie, ese lifilifil ika mwän ika fefin, pwe resap alimengaua leniemi kewe, ewe ia üa nonom ie.”  
\v 4 Iwe, ekewe aramasen Israel ra aleasochis ngeni o atowu ekewe chon limengau lükün ewe ia ra nonom ie, usun ewe Samol mi Lapalap a üreni Moses.   
\s1 Allük usun aliwini mettoch  
\sr 5.5-10  
\p
\v 5 Iwe, ewe Samol mi Lapalap a üreni Moses,  
\v 6 “Kopwe üreni ekewe aramasen Israel: Are eman aramas a föri och föför mi mwäl ngeni eman o atai an allükülük ngeni ewe Samol mi Lapalap ren, ewe aramas a tipis.  
\v 7 Iwe, epwe pwärätä an tipis a föri o aliwini unusen mine a mwäl won. Nge epwe pwal apachätä eu lelimu ngeni o aliwinisefäli ngeni ätewe a wor an mwäl ngeni.  
\v 8 Iwe, are ewe aramas a mäla, nge esap wor märärin mi tongeni angei mine ewe mi mwäl epwe aliwinisefäli, ewe mettoch epwe la ngeni ewe Samol mi Lapalap fän iten ewe souasor. Nge epwe pwal pach ngeni eman ätemwänin sip pwe ewe souasor epwe föri asoren amusamusen tipis fän itan.  
\v 9 Iwe, ekewe lifang mi pin meinisin ekewe aramasen Israel ra uwato ren ewe souasor repwe an.  
\v 10 Iteiten ekewe mettoch eman aramas a apini epwe än ewe souasor. Nge iteiten mettoch eman aramas a fang ngeni ewe souasor epwe pwal an.”   
\s1 Allük fän iten eman mwän mi lukomong  
\sr 5.11-31  
\p
\v 11 Iwe, ewe Samol mi Lapalap a kapas ngeni Moses,  
\v 12 “Kopwe üreni ekewe aramasen Israel: A tongeni fis pwe ekiekin lukomong a tolong lon leluken eman mwän pwe a öümöüm ngeni pwülüan. A ekieki pwe pwülüan a kirikiringau ngeni o püsin alimengaua ren än eman mwän kon ren.  
\v 13 Nge ewe mwän esap nien silei, pun ewe fefin a tukumala, esap pwal wor eman chon atipisi, pun esap wor eman a seretä wor.  
\v 14 A pwal tongeni fis pwe ekiekin lukomong a tolong lon leluken eman mwän pwe a öümöüm ngeni pwülüan, nge neminewe esap kirikiringau ngeni.  
\v 15 Lon ekei lapalap me ruu, ewe mwän epwe emwenato pwülüan we ren ewe souasor. Iwe, epwe uwato pwe eu asor fän iten neminewe ülüngat paun pilawa mi amas seni föün parli. Nge esap niniitä apüra won, esap pwal iseis apach mi pwokus won, pun ei eu asor seni eman mwän mi lukomong, eu asoren alelet, pwe mine a let epwe pwäla.  
\v 16 Iwe, ewe souasor epwe emwenato ewe fefin o anomu fän mesen ewe Samol mi Lapalap.  
\v 17 Mürin, ewe souasor epwe üfi koluk mi pin lon eu sepi mi för seni pwül, epwe pwal tukei ekis moromoren pwülün lon ewe imwenfel seni mangaku o uwalong lon ewe koluk pwe epwe maras.  
\v 18 Iwe, mürin ewe souasor epwe atomwa möküren ewe fefin o uwalong lon pöün ewe asoren alelet, iei ewe asoren lukomong. Nge ewe souasor epwe kamwöch lon pöün ewe koluk mi maras a atoto anümamau.  
\v 19 Mürin, ewe souasor epwe üreni ewe fefin pwe epwe tipeeu ngeni ewe pwon fän akapel i epwe eäni ngeni. Epwe apasa, ‘Are kosap lisowu ngeni eman o alimengauok lupwen om ei pwüpwülü, kosap feiengau ren ewe anümamau ewe koluk mi maras a atoto.  
\v 20 Nge are ka lisowu ngeni eman lupwen om ei pwüpwülü o püsin alimengauok,  
\v 21 (iei otun ewe souasor epwe atolonga ewe fefin fän anümamauen ewe pwon mi fis fän akapel, mürin epwe sopwela le fos), ewe Samol mi Lapalap epwe föri pwe aramasom repwe leaweni itom lon ar ottek, epwe pwal föri pwe kopwe rit, nge lukom epwe pwola.  
\v 22 Iwe, ei koluk mi atoto anümamau epwe tolong leutum pwe lukom epwe pwo, kopwe pwal rit.’ Iwe, ewe fefin epwe pälüeni, ‘Üa tipeeu ngeni. Epwe fis iei usun.’   
\p
\v 23 Mürin, ewe souasor epwe makeetiu ekei kapasen anümamau lon eu puk o talü ekewe kapas lon ewe koluk mi maras.  
\v 24 Iwe, mwen an epwe aünü ngeni ewe fefin ewe koluk mi maras a atoto anümamau o afisätä metek mi weires,  
\v 25 ewe souasor epwe angei seni lepöün ewe fefin ewe asoren mongö, epwe assawa me fän mesen ewe Samol mi Lapalap o uwato ren ewe rongen asor.  
\v 26 Iwe, ewe souasor epwe tukei ekumwuch seni ewe asoren mongö, iei asisilan pwe a asor meinisin, o kenala me won ewe rongen asor. Mürin epwe aünü ngeni ewe fefin ewe koluk.  
\v 27 Iwe, are neminewe a püsin alimengaua o kirikiringau ngeni pwülüan, ewe koluk mi atoto anümamau, ewe souasor a aünü ngeni, epwe tolong leutun o afisätä metek mi weires pwe lukan epwe pwo, epwe pwal rit. Iwe, aramasan repwe leaweni itan lon ar ottek.  
\v 28 Nge are ewe fefin esap tipis, esap küw ewe feiengau, nge epwe tongeni nöünöü.   
\p
\v 29 Iei ewe allük fän iten eman mwän mi lukomong, lupwen pwülüan a lisowu ngeni eman o püsin alimengaua, lupwen an pwüpwülü,  
\v 30 ika lupwen ekiekin lukomong a tolong lon leluken eman mwän, pwe a öümöüm ngeni pwülüan. Iwe, ätewe epwe anomu ewe fefin fän mesen ewe Samol mi Lapalap, nge ewe souasor epwe föri ngeni unusen pwüngün ei allük.  
\v 31 Iwe, esap wor än ewe mwän tipis, nge ewe fefin epwe püsin mwärelong fän liwinin an tipis.”   
\c 6  
\s1 Allük fän iten ekewe mi angei ewe pwonen Nasir  
\sr 6.1-21  
\p
\v 1 Iwe, ewe Samol mi Lapalap a kapas ngeni Moses,  
\v 2 pwe epwe üreni ekewe aramasen Israel: Are eman mwän ika eman fefin a eäni och sokun pwon pwe epwe püsin apini fän iten ewe Samol mi Lapalap ren an epwe eman Nasir,  
\v 3 epwe püsin apini seni wain me sakau mi pwichikar. Esap fokun ün finikar mi för seni wain ika seni sakau mi pwichikar, esap pwal ün chönün föün wain are ochoch föün minefö ika mi apwas.  
\v 4 Iwe, ükükün ekewe rän meinisin a apini lon esap fokun ochei och mi pop seni irän wain, esap mwo nge eni ekewe kükün föün lon ika silin föün wain.   
\p
\v 5 Iwe, ükükün ekewe rän meinisin a pwonen apinipin lon esap fichi möküran. Tori wesöchülan ekewe rän a püsin apini fän iten ewe Samol mi Lapalap, i epwe pin. Iwe, epwe apwükü möküran pwe epwe langatam.   
\p
\v 6 Iwe, ükükün ekewe rän meinisin a püsin apini lon fän iten ewe Samol mi Lapalap esap fokun kan ngeni eman somä.  
\v 7 Ese lifilifil ika saman ika inan ika pwin ika fefinan a mäla, esap fokun püsin alimengaua ren an kan ngeniir. Pun meten möküran asisilen an apinipin fän iten Kot.  
\v 8 Ükükün ekewe rän meinisin a apini lon epwe pin fän iten ewe Samol mi Lapalap.   
\p
\v 9 Nge are eman aramas a müttir mäla ünükün pwe möküran mi pin a limengau, epwe reipöpöla möküran lon afisuen rän, iei ränin an limöchsefäl.  
\v 10 Iwe, lon awaluen rän epwe uwato ruoman lisom ika ruoman apansüsün lisom ren ewe souasor leasamalapen ewe imw mangaku ia aramas ra churi Kot ie.  
\v 11 Iwe, ewe souasor epwe eäni asor eman leir fän iten asoren tipis, nge ewe eman fän iten asoren kek. Iwe, epwe föri asoren amusamusen tipis fän iten ätewe, pun a tipis ren an kan ngeni ewe somä. Iwe, epwe apinisefäli möküran lon ewe chök ränin  
\v 12 o püsin apini fän iten ewe Samol mi Lapalap ükükün ekewe rän a pwon pwe epwe apinipin lon. Iwe, epwe pwal uwato eman ätemwänin lam eu ierin fän iten asoren pupungau. Nge ewe fansoun mesemwan esap chüen alea, pun a limengau lon fansoun an apinipin.   
\p
\v 13 Iwe, iei ewe allük fän iten ewe Nasir, lupwen a wes ränin an apinipin. Repwe emwenato leasamalapen ewe imwenfel seni mangaku,  
\v 14 nge i epwe uwato an asor ngeni ewe Samol mi Lapalap ülüman man esap wor terir: eman ätemwänin lam eu ierin pwe asoren kek, eman liefefinin lam eu ierin pwe asoren tipis, pwal eman ätemwänin sip pwe asoren kinamwe.  
\v 15 Epwe pwal uwato lon eu chük pilawa esap wor iis lon, pilawa mi mürina a nofit ngeni apüra, pwal sokun pilawa usun nokop mi toto ngeni apüra, fitifengen me ekewe asoren mongö me asoren ün.  
\v 16 Iwe, ewe souasor epwe uwato ekei mettoch fän mesen ewe Samol mi Lapalap o eäni asor än ewe Nasir asoren tipis me asoren kek.  
\v 17 Epwe pwal eäni asor ewe ätemwänin sip pwe asoren kinamwe ngeni ewe Samol mi Lapalap fitifengen me ewe pilawa esap wor iis lon seni lon ewe chük. Epwe pwal eäni asor ewe asoren mongö me asoren ün.  
\v 18 Iwe, ewe Nasir epwe reipöpöla möküran mi apinipin leasamalapen ewe imwenfel seni mangaku. Mürin epwe angei meten möküran o isetä won ekkein ewe asoren kinamwe.  
\v 19 Iwe, wesin an reipöpöla möküran, ewe souasor epwe angei pöün ewe ätemwänin sip mi kuk, epwe pwal angei me lon ewe chük eföü pilawa mi mürina me echö nokop esap wor iis lor o isenirelong lepöün ewe Nasir.  
\v 20 Mürin, ewe souasor epwe assaweer pwe eu asoren assaw fän mesen ewe Samol mi Lapalap. Ikei ekewe kinikin mi pin epwe än ewe soausor fitifengen me ewe leup mi assaw me ewe angan. Mürin ewe Nasir a tongeni ün wain.   
\p
\v 21 Iei ewe allük fän iten eman Nasir mi angei ewe pwon. An asor ngeni ewe Samol mi Lapalap epwe alongolong won ükükün ewe pwonen Nasir. Nge lükün ekei asor a pwal tongeni asor ükükün an tufich. Iwe, epwe apwönüetä pwüngün ewe pwon a angei o föri ükükün allükün ewe pwonen Nasir.   
\s1 Än ekewe souasor kapasen afeiöch  
\sr 6.22-27  
\p
\v 22 Iwe, ewe Samol mi Lapalap a kapas ngeni Moses,  
\v 23 “Kopwe üreni Aaron me nöün kewe mwän pwe repwe eäni ekei kapasen afeiöch ngeni ekewe aramasen Israel:  
\v 24 ‘Ewe Samol mi Lapalap epwe afeiöchükemi o tümwünükemi,  
\v 25 ewe Samol mi Lapalap epwe netiu womi fän an kirikiröch o ümöümöch ngenikemi,  
\v 26 ewe Samol mi Lapalap epwe wopwapwa ngenikemi o fang ngenikemi kinamwe.’  
\v 27 Iei usun repwe föüni itei won ekewe aramasen Israel, nge ngang üpwe afeiöchüür.”   
\c 7  
\s1 Ekewe asor fän iten apinipinin ewe rongen asor  
\sr 7.1-89  
\p
\v 1 Iwe, lon ewe rän, lupwen Moses a wes le aüetä ewe imwenfel, a pwal apiti o apini fiti pisekin meinisin. A pwal apiti o apini ewe rongen asor fiti pisekin meinisin.  
\v 2 Mürin, ekewe souemwenin Israel, ir mwänirelan ar cho pwal souemwenin ar kewe ainang mi nemenem won chokewe mi alea,  
\v 3 ra uwato ar kewe asor ngeni ewe Samol mi Lapalap: wonofoch woken mi imweimw me engol me ruoman ätemwänin kow, efoch woken nge ruoman souemwen, pwal iteiten eman me eman souemwen nge eman ätemwänin kow. Ra uweereto leasamalapen ewe imwenfel seni mangaku.  
\v 4 Mürin, ewe Samol mi Lapalap a üreni Moses,  
\v 5 “Kopwe angei ekei asor seniir o ngeni ekewe mwän seni ewe ainangen Lefi pwe repwe aea le angang ngeni ewe imwenfel seni mangaku fän awenewenen en me wisan.”  
\v 6 Iwe, Moses a angei ekewe woken me ekewe ätemwänin kow o ngeni ekewe mwän seni ewe ainangen Lefi.  
\v 7 Iwe, a ngeni nöün Kerson kewe mwän ruofoch woken me föman ätemwänin kow fän awenewenen angangen wiser kewe.  
\v 8 Nge fofoch woken me waluman ätemwänin kow a ngeni nöün Merari kewe mwän fän awenewenen angangen wiser kewe. Ir meinisin ra nom fän nemenemen Itamar nöün ewe souasor Aaron we mwän.  
\v 9 Nge nöün Kohat kewe mwän esap ngeniir och, pun ir ra wisen tümwünü ekewe mettoch mi pin repwe mwärei won afarer.  
\v 10 Lon ewe rän, lupwen ewe rongen asor a kepit, ekewe souemwen ra pwal uwato ar kewe asor fän iten apinipinin ewe rongen asor o anomu mwen ewe rongen asor.  
\v 11 Pun ewe Samol mi Lapalap a üreni Moses, “Kopwe üreniir pwe repwe uwato ar kewe asor fän iten apinipinin ewe rongen asor, eman souemwen nge eu rän.”   
\p
\v 12 Iwe, lon aeuin rän Nason nöün Aminatap we mwän seni ewe ainangen Juta a uwato an asor.  
\v 13 A eäni asor eu peleich seni silifer ükükün choun ülüngat eu lerüanü paun, pwal eu sepi seni silifer ükükün choun eu ülüngat lerüanü paun, a för won ewe kilo ra aea le aükük lon ewe imw mi pin. Nge ir me ruu ra ur ren pilawa mi amas o mürina a nofit ngeni apüra pwe asoren mongö.  
\v 14 A pwal eäni asor eu sepi seni kolt ükükün choun rüanü aunus, a ur ren apach mi pwokus,  
\v 15 eman nienifön ätemwänin kow, eman ätemwänin sip me eman ätemwänin lam eu ierin fän iten asoren kek.  
\v 16 A pwal eäni asor eman ätemwänin kuuch fän iten asoren tipis,  
\v 17 pwal ruoman ätemwänin kow, liman ätemwänin sip, liman ätemwänin kuuch pwal liman ätemwänin lam eu ierir fän iten asoren kinamwe. Iei ükükün ewe asor än Nason nöün Aminatap we mwän.   
\p
\v 18 Iwe, lon aruuen rän Netanel nöün Suar we mwän ewe souemwenin ewe ainangen Isakar a uwato an asor.  
\v 19 A eäni asor eu peleich seni silifer ükükün choun ülüngat eu lerüanü paun, pwal eu sepi seni silifer ükükün choun eu ülüngat lerüanü paun, a för won ewe kilo ra aea le aükük lon ewe imw mi pin. Nge ir me ruu ra ur ren pilawa mi amas o mürina, a nofit ngeni apüra pwe asoren mongö.  
\v 20 A pwal eäni asor eu sepi seni kolt ükükün choun rüanü aunus, a ur ren apach mi pwokus,  
\v 21 eman nienifön ätemwänin kow, eman ätemwänin sip me eman ätemwänin lam eu ierin fän iten asoren kek.  
\v 22 A pwal eäni asor eman ätemwänin kuuch fän iten asoren tipis,  
\v 23 pwal ruoman ätemwänin kow, liman ätemwänin sip, liman ätemwänin kuuch pwal liman ätemwänin lam eu ierir fän iten asoren kinamwe. Iei ükükün ewe asor än Netanel nöün Suar we mwän.   
\p
\v 24 Nge lon aülüngatin rän Eliap nöün Helon we mwän ewe souemwenin ewe ainangen Sepulon a uwato an asor.  
\v 25 A eäni asor eu peleich seni silifer ükükün choun ülüngat eu lerüanü paun, pwal eu sepi seni silifer ükükün choun eu ülüngat lerüanü paun, a för won ewe kilo ra aea le aükük lon ewe imw mi pin. Nge ir me ruu ra ur ren pilawa mi amas o mürina, a nofit ngeni apüra pwe asoren mongö.  
\v 26 A pwal eäni asor eu sepi seni kolt ükükün choun rüanü aunus, a ur ren apach mi pwokus,  
\v 27 eman nienifön ätemwänin kow, eman ätemwänin sip me eman ätemwänin lam eu ierin fän iten asoren kek.  
\v 28 A pwal eäni asor eman ätemwänin kuuch fän iten asoren tipis,  
\v 29 pwal ruoman ätemwänin kow, liman ätemwänin sip, liman ätemwänin kuuch pwal liman ätemwänin lam eu ierir fän iten asoren kinamwe. Iei ükükün ewe asor än Eliap nöün Helon ewe mwän.   
\p
\v 30 Iwe, lon arüanün rän Elisur nöün Seteur we mwän, ewe souemwenin ewe ainangen Rupen a uwato an asor.  
\v 31 A eäni asor eu peleich seni silifer ükükün choun ülüngat eu lerüanü paun, pwal eu sepi seni silifer ükükün choun eu ülüngat lerüanü paun, a för won ewe kilo ra aea le aükük lon ewe imw mi pin. Nge ir me ruu ra ur ren pilawa mi amas o mürina, a nofit ngeni apüra pwe asoren mongö.  
\v 32 A pwal eäni asor eu sepi seni kolt ükükün choun rüanü aunus, a ur ren apach mi pwokus,  
\v 33 eman nienifön ätemwänin kow, eman ätemwänin sip me eman ätemwänin lam eu ierin fän iten asoren kek.  
\v 34 A pwal eäni asor eman ätemwänin kuuch fän iten asoren tipis,  
\v 35 pwal ruoman ätemwänin kow, liman ätemwänin sip, liman ätemwänin kuuch pwal liman ätemwänin lam eu ierir fän iten asoren kinamwe. Iei ükükün ewe asor än Elisur nöün Seteur we mwän.   
\p
\v 36 Nge lon alimuen rän Selumiel nöün Surisatai we mwän, ewe souemwenin ewe ainangen Simeon a uwato an asor.  
\v 37 A eäni asor eu peleich seni silifer ükükün choun ülüngat eu lerüanü paun, pwal eu sepi seni silifer ükükün choun eu ülüngat lerüanü paun, a för won ewe kilo ra aea le aükük lon ewe imw mi pin. Nge ir me ruu ra ur ren pilawa mi amas o mürina, a nofit ngeni apüra pwe asoren mongö.  
\v 38 A pwal eäni asor eu sepi seni kolt ükükün choun rüanü aunus, a ur ren apach mi pwokus,  
\v 39 eman nienifön ätemwänin kow, eman ätemwänin sip me eman ätemwänin lam eu ierin fän iten asoren kek.  
\v 40 A pwal eäni asor eman ätemwänin kuuch fän iten asoren tipis,  
\v 41 pwal ruoman ätemwänin kow, liman ätemwänin sip, liman ätemwänin kuuch pwal liman ätemwänin lam eu ierir fän iten asoren kinamwe. Iei ükükün ewe asor än Selumiel nöün Surisatai we mwän.   
\p
\v 42 Iwe, lon awonuen rän Eliasaf nöün Teuel we mwän, ewe souemwenin ewe ainangen Kat a uwato an asor.  
\v 43 A eäni asor eu peleich seni silifer ükükün choun ülüngat eu lerüanü paun, pwal eu sepi seni silifer ükükün choun eu ülüngat lerüanü paun, a för won ewe kilo ra aea le aükük lon ewe imw mi pin. Nge ir me ruu ra ur ren pilawa mi amas o mürina, a nofit ngeni apüra pwe asoren mongö.  
\v 44 A pwal eäni asor eu sepi seni kolt ükükün choun rüanü aunus, a ur ren apach mi pwokus,  
\v 45 eman nienifön ätemwänin kow, eman ätemwänin sip me eman ätemwänin lam eu ierin fän iten asoren kek.  
\v 46 A pwal eäni asor eman ätemwänin kuuch fän iten asoren tipis,  
\v 47 pwal ruoman ätemwänin kow, liman ätemwänin sip, liman ätemwänin kuuch pwal liman ätemwänin lam eu ierir fän iten asoren kinamwe. Iei ükükün ewe asor än Eliasaf nöün Teuel we mwän.   
\p
\v 48 Nge lon afisuen rän Elisama nöün Amihut we mwän, ewe souemwenin ewe ainangen Efraim a uwato an asor.  
\v 49 A eäni asor eu peleich seni silifer ükükün choun ülüngat eu lerüanü paun, pwal eu sepi seni silifer ükükün choun eu ülüngat lerüanü paun, a för won ewe kilo ra aea le aükük lon ewe imw mi pin. Nge ir me ruu ra ur ren pilawa mi amas o mürina, a nofit ngeni apüra pwe asoren mongö.  
\v 50 A pwal eäni asor eu sepi seni kolt ükükün choun rüanü aunus, a ur ren apach mi pwokus,  
\v 51 eman nienifön ätemwänin kow, eman ätemwänin sip me eman ätemwänin lam eu ierin fän iten asoren kek.  
\v 52 A pwal eäni asor eman ätemwänin kuuch fän iten asoren tipis,  
\v 53 pwal ruoman ätemwänin kow, liman ätemwänin sip, liman ätemwänin kuuch pwal liman ätemwänin lam eu ierir fän iten asoren kinamwe. Iei ükükün ewe asor än Elisama nöün Amihut we mwän.   
\p
\v 54 Iwe, lon awaluen rän Kamaliel nöün Petasur we mwän, ewe souemwenin ewe ainangen Manasa a uwato an asor.  
\v 55 A eäni asor eu peleich seni silifer ükükün choun ülüngat eu lerüanü paun, pwal eu sepi seni silifer ükükün choun eu ülüngat lerüanü paun, a för won ewe kilo ra aea le aükük lon ewe imw mi pin. Nge ir me ruu ra ur ren pilawa mi amas o mürina, a nofit ngeni apüra pwe asoren mongö.  
\v 56 A pwal eäni asor eu sepi seni kolt ükükün choun rüanü aunus, a ur ren apach mi pwokus,  
\v 57 eman nienifön ätemwänin kow, eman ätemwänin sip me eman ätemwänin lam eu ierin fän iten asoren kek.  
\v 58 A pwal eäni asor eman ätemwänin kuuch fän iten asoren tipis,  
\v 59 pwal ruoman ätemwänin kow, liman ätemwänin sip, liman ätemwänin kuuch pwal liman ätemwänin lam eu ierir fän iten asoren kinamwe. Iei ükükün ewe asor än Kamaliel nöün Petasur we mwän.   
\p
\v 60 Nge lon atiuen rän Apitan nöün Kiteoni we mwän, ewe souemwenin ewe ainangen Peniamin a uwato an asor.  
\v 61 A eäni asor eu peleich seni silifer ükükün choun ülüngat eu lerüanü paun, pwal eu sepi seni silifer ükükün choun eu ülüngat lerüanü paun, a för won ewe kilo ra aea le aükük lon ewe imw mi pin. Nge ir me ruu ra ur ren pilawa mi amas o mürina, a nofit ngeni apüra pwe asoren mongö.  
\v 62 A pwal eäni asor eu sepi seni kolt ükükün choun rüanü aunus, a ur ren apach mi pwokus,  
\v 63 eman nienifön ätemwänin kow, eman ätemwänin sip me eman ätemwänin lam eu ierin fän iten asoren kek.  
\v 64 A pwal eäni asor eman ätemwänin kuuch fän iten asoren tipis,  
\v 65 pwal ruoman ätemwänin kow, liman ätemwänin sip, liman ätemwänin kuuch pwal liman ätemwänin lam eu ierir fän iten asoren kinamwe. Iei ükükün ewe asor än Apitan nöün Kiteoni we mwän.   
\p
\v 66 Iwe, lon aengolun rän Ahieser nöün Amisatai we mwän, ewe souemwenin ewe ainangen Tan, a uwato an asor.  
\v 67 A eäni asor eu peleich seni silifer ükükün choun ülüngat eu lerüanü paun, pwal eu sepi seni silifer ükükün choun eu ülüngat lerüanü paun, a för won ewe kilo ra aea le aükük lon ewe imw mi pin. Nge ir me ruu ra ur ren pilawa mi amas o mürina, a nofit ngeni apüra pwe asoren mongö.  
\v 68 A pwal eäni asor eu sepi seni kolt ükükün choun rüanü aunus, a ur ren apach mi pwokus,  
\v 69 eman nienifön ätemwänin kow, eman ätemwänin sip me eman ätemwänin lam eu ierin fän iten asoren kek.  
\v 70 A pwal eäni asor eman ätemwänin kuuch fän iten asoren tipis,  
\v 71 pwal ruoman ätemwänin kow, liman ätemwänin sip, liman ätemwänin kuuch pwal liman ätemwänin lam eu ierir fän iten asoren kinamwe. Iei ükükün ewe asor än Ahieser nöün Amisatai we mwän.   
\p
\v 72 Nge lon engol me aeuin rän Pakiel nöün Okran we mwän, ewe souemwenin ewe ainangen Aser, a uwato an asor.  
\v 73 A eäni asor eu peleich seni silifer ükükün choun ülüngat eu lerüanü paun, pwal eu sepi seni silifer ükükün choun eu ülüngat lerüanü paun, a för won ewe kilo ra aea le aükük lon ewe imw mi pin. Nge ir me ruu ra ur ren pilawa mi amas o mürina, a nofit ngeni apüra pwe asoren mongö.  
\v 74 A pwal eäni asor eu sepi seni kolt ükükün choun rüanü aunus, a ur ren apach mi pwokus,  
\v 75 eman nienifön ätemwänin kow, eman ätemwänin sip me eman ätemwänin lam eu ierin fän iten asoren kek.  
\v 76 A pwal eäni asor eman ätemwänin kuuch fän iten asoren tipis,  
\v 77 pwal ruoman ätemwänin kow, liman ätemwänin sip, liman ätemwänin kuuch pwal liman ätemwänin lam eu ierir fän iten asoren kinamwe. Iei ükükün ewe asor än Pakiel nöün Okran we mwän.   
\p
\v 78 Iwe, lon engol me ruuen rän Ahira nöün Enan we mwän, ewe souemwenin ewe ainangen Naftali, a uwato an asor.  
\v 79 A eäni asor eu peleich seni silifer ükükün choun ülüngat eu lerüanü paun, pwal eu sepi seni silifer ükükün choun eu ülüngat lerüanü paun, a för won ewe kilo ra aea le aükük lon ewe imw mi pin. Nge ir me ruu ra ur ren pilawa mi amas o mürina, a nofit ngeni apüra pwe asoren mongö.  
\v 80 A pwal eäni asor eu sepi seni kolt ükükün choun rüanü aunus, a ur ren apach mi pwokus,  
\v 81 eman nienifön ätemwänin kow, eman ätemwänin sip me eman ätemwänin lam eu ierin fän iten asoren kek.  
\v 82 A pwal eäni asor eman ätemwänin kuuch fän iten asoren tipis,  
\v 83 pwal ruoman ätemwänin kow, liman ätemwänin sip, liman ätemwänin kuuch pwal liman ätemwänin lam eu ierir fän iten asoren kinamwe. Iei ükükün ewe asor än Ahira nöün Enan we mwän.   
\p
\v 84 Iwe, ie ükükün asoren apinipinin ewe rongen asor seni ekewe souemwenin Israel lon ewe rän a kepit: engol me ruu peleich seni silifer, engol me ruu sepi seni silifer pwal engol me ruu sepi seni kolt.  
\v 85 Iwe, ükükün choun eu me eu peleich seni silifer ülüngat eu lerüanü paun, nge ükükün choun eu me eu sepi seni silifer eu ülüngat lerüanü paun, pwe ükükün choun ewe silifer seni ekewe sepi meinisin wone paun, a för won ewe kilo ra aea le aükük lon ewe imw mi pin.  
\v 86 Iwe, ükükün choun eu me eu ekewe engol me ruu sepi seni kolt mi ur ren apach mi pwokus rüanü aunus, a för won ewe kilo ra aea le aükük lon ewe imw mi pin. Nge ükükün choun ewe kolt seni ekewe sepi meinisin ülüngat paun.  
\v 87 Iwe, ükükün ekewe man fän iten ewe asoren kek: engol me ruoman ätemwänin kow, engol me ruoman ätemwänin sip me engol me ruoman ätemwänin lam eu ierir repwe chu ngeni ekewe asoren mongö, pwal engol me ruoman ätemwänin kuuch fän iten asoren tipis.  
\v 88 Nge ükükün ekewe man fän iten ewe asoren kinamwe: rüe me föman ätemwänin kow, wone ätemwänin sip, wone ätemwänin kuuch me wone ätemwänin lam eu ierir. Iei ükükün asoren apinipinin ewe rongen asor mürin an kepit.   
\p
\v 89 Iwe, lupwen Moses a tolong lon ewe imw mangaku ia aramas ra churi Kot ie, pwe epwe kapas ngeni ewe Samol mi Lapalap, a rongorong eu möngüngü a fosowu seni lefilen ekewe ruoman kerop mi nom won öppüngün ewe pworofel. Iwe, Kot a kapas ngeni Moses.   
\c 8  
\s1 Aaron a pacheetä ekewe lamp  
\sr 8.1-4  
\p
\v 1 Iwe, ewe Samol mi Lapalap a kapas ngeni Moses,  
\v 2 “Kopwe üreni Aaron pwe lupwen epwe pacheetä ekewe fisu lamp won ewe lenien atittin, epwe föri pwe tiner epwe asarama mwan.”  
\v 3 Iwe, Aaron a föri iei usun. A pacheetä ekewe lamp won ewe lenien atittin pwe tiner epwe asarama mwan, usun ewe Samol mi Lapalap a allük ngeni Moses.  
\v 4 Iei usun förün ewe lenien atittin: a för seni kolt mi nechenech seni alongun tori ekewe uluulun pön irän won. Moses a föri ewe lenien atittin usun mine ewe Samol mi Lapalap a aiti ngeni.   
\s1 Chon ewe ainangen Lefi ra apinipin  
\sr 8.5-22  
\p
\v 5 Iwe, ewe Samol mi Lapalap a üreni Moses,  
\v 6 “Kopwe aimwüela ekewe mwän seni ewe ainangen Lefi seni lein ekewe aramasen Israel o limetiir.  
\v 7 Iei usun angangen om kopwe limetiir: Kopwe äsupu wor ewe kolukun limelim, nge ir repwe räisöü ülöülen unusen inisir, repwe pwal sopuni üfer o püsin limetiir.  
\v 8 Mürin repwe angei eman nienifön ätemwänin kow o achu ngeni ewe asoren mongö seni pilawa mi amas o mürina a nofit ngeni apüra. Nge en kopwe angei pwal eman nienifön ätemwänin kow fän iten asoren tipis.  
\v 9 Iwe, kopwe emwenato ekewe mwän seni ewe ainangen Lefi mwen ewe imw mangaku ia aramas ra churiei ie, o amwichafengeni ekewe aramasen Israel meinisin.  
\v 10 Iwe, lupwen ka aüteer fän mesei, ekewe aramasen Israel repwe anomu pöür wor.  
\v 11 Mürin, Aaron epwe fangala ngeniei ekewe mwän seni ewe ainangen Lefi pwe eu asoren assaw seni ekewe aramasen Israel, pwe ir repwe wisen föri ai angang.  
\v 12 Mürin, ekewe mwän seni ewe ainangen Lefi repwe anomu pöür won ekewe ätemwänin kow. Iwe, en kopwe eäni asor ngeniei eman fän iten asoren tipis, nge eman fän iten asoren kek, pwe kopwe föri asoren amusamusen tipis fän iter.  
\v 13 Iwe, kopwe apini fän itei ekewe mwän seni ewe ainangen Lefi pwe repwe eu asor ngeniei, nge Aaron me nöün kewe mwän repwe nemeniir.   
\p
\v 14 Iei usun kopwe aimwüela ekewe mwän seni ewe ainangen Lefi seni lein ekewe aramasen Israel pwe ir repwe nei.  
\v 15 Iwe, wesin om limetiir o apiniir fän itei, ekewe mwän seni ewe ainangen Lefi repwe tolong lon ewe imwenfel seni mangaku o föri ar angang.  
\v 16 Pun ir eu lifang mi unus ngeniei seni lein ekewe aramasen Israel. Üa angeir pwe repwe nei, akasiwilin ekewe mwänichi me lein ekewe aramasen Israel meinisin.  
\v 17 Iwe, ekewe mwänichi meinisin seni lein ekewe aramasen Israel me ekewe mweinöün man nei. Lon ewe rän üa niela ekewe mwänichi meinisin lon ewe fanü Isip, üa apiniir fän itei.  
\v 18 Nge üa angei ekewe mwän seni ewe ainangen Lefi akasiwilin ekewe mwänichi meinisin me lein ekewe aramasen Israel.  
\v 19 Iwe, üa ngeni Aaron me nöün kewe ekewe mwän seni ewe ainangen Lefi pwe eu lifang seni ekewe aramasen Israel, pwe repwe föri ar angang ngeni ekewe chon Israel lon ewe imwenfel seni mangaku, repwe pwal föri asoren amusamusen tipis fän iter, pwe esap toriir mätter, lupwen repwe kaneto ren ewe imw mi pin.”  
\v 20 Iei usun Moses me Aaron me ekewe aramasen Israel meinisin ra föri ngeni ekewe mwän seni ewe ainangen Lefi meinisin mine ewe Samol mi Lapalap a allük ngeni Moses.  
\v 21 Iwe, ekewe mwän seni ewe ainangen Lefi ra püsin limetiir o sopuni üfer. Nge Aaron a apiniir pwe repwe eu asor ngeni ewe Samol mi Lapalap o föri asoren amusamusen tipis fän iter, pwe repwe limöch.  
\v 22 Mürin, ekewe mwän seni ewe ainangen Lefi ra tolong lon ewe imwenfel seni mangaku, pwe repwe föri angangen wiser fän nemenien Aaron me nöün kewe mwän. Usun ewe Samol mi Lapalap a allük ngeni Moses fän iter, iei usun ekewe aramas ra föri ngeniir.   
\s1 Ükükün fansoun än ekewe mwän seni ewe ainangen Lefi angang  
\sr 8.23-26  
\p
\v 23 Iwe, ewe Samol mi Lapalap a üreni Moses,  
\v 24 “Iei ewe akot ngeni ekewe mwän seni ewe ainangen Lefi: Seni ier rüe me limu feitä repwe tolong lon ewe imwenfel seni mangaku o föri angangen lon.  
\v 25 Nge lupwen ra ierini lime, repwe ükütiu seni angangen wiser.  
\v 26 Iwe, ra tongeni alisi chiener kewe le föri ewe angangen lon ewe imwenfel seni mangaku, nge esap chüen wor ar nemenem. Iei usun kopwe awisa ekewe mwän seni ewe ainangen Lefi ngeni wiser.”   
\c 9  
\s1 Chon Israel ra föri ewe Pasofer  
\sr 9.1-14  
\p
\v 1 Iwe, lon aeuin maramen ewe aruuen ier mürin än chon Israel towu seni ewe fanü Isip, ewe Samol mi Lapalap a kapas ngeni Moses me lon ewe fanüapön Sinai,  
\v 2 “Kopwe üreni ekewe aramasen Israel pwe repwe föri ewe Pasofer lon fansoun mi filitä.  
\v 3 Lekuniolupwinin ewe engol me rüanün ränin ei maram repwe föri ewe Pasofer, repwe pwal föri pwüngün me allükün meinisin.”  
\v 4 Iei mine Moses a üreni ekewe aramasen Israel pwe repwe föri ewe Pasofer.  
\v 5 Iwe, lekuniolupwinin ewe engol me rüanün ränin ewe aeuin maram ra föri ewe Pasofer lon ewe fanüapön Sinai. Ekewe aramasen Israel ra föri meinisin mine ewe Samol mi Lapalap a allük ngeni Moses.  
\v 6 Nge mi wor ekoch mwän ra limengau ren ar atapa eman somä, iei mine resap tongeni eti ewe pasofer lon ewe rän. Iwe, ra feito ren Moses me Aaron lon ewe ränin o üreniir,  
\v 7 “Äm aia limengau ren äm atapa eman somä. Pwota äm aisap tongeni eäni ewe asor ngeni ewe Samol mi Lapalap fiti ekewe lusun aramasen Israel lon ewe fansoun mi filitä?”  
\v 8 Iwe, Moses a üreniir, “Oupwe mwo ekis witiwit tori üpwe silei mine ewe Samol mi Lapalap epwe allük usumi.”  
\v 9 Iwe, ewe Samol mi Lapalap a kapas ngeni Moses,  
\v 10 “Kopwe üreni ekewe aramasen Israel: Are eman mwän seni leimi ika seni mwirimwirimi kana a limengau ren an atapa eman somä ika a toau seni fanüan, ätewe epwe pwal tongeni föri ewe Pasofer ngeniei.  
\v 11 Ekei sokun aramas repwe tongeni föri ewe Pasofer lekuniolupwinin ewe engol me rüanün ränin ewe aruuen maram. Repwe ochoch ewe lamen Pasofer o mongö pilawa esap wor iis lon fiti chön irä mi kipwin.  
\v 12 Nge resap likiti och tori lesosor, resap pwal kupi efoch chün. Iwe, repwe chök föri pwüngün allükün ewe Pasofer meinisin.  
\v 13 Nge eman mwän mi limöch, esap pwal toau seni fanüan, are i esap mochen föri ewe Pasofer, epwe käriwu me lein aramasan, pun esap eäni ewe asor ngeniei lon ewe fansoun mi filitä. Iwe, ewe aramas epwe angei chappen an tipis.  
\v 14 Nge are eman chon ekis mi nom remi a mochen föri ewe pasofer ngeniei, epwe chök föri lon pwüngün me allükün ewe Pasofer. Iwe, epwe chök wor eu allük fän iten chon ekis me chon wilipos.”   
\s1 Ewe kuchu asen ewe imwenfel seni mangaku  
\sr 9.15-23  
\r (Eks 40.34-38)  
\p
\v 15 Iwe, lon ewe rän ewe imwenfel seni mangaku a kaütä, iei ewe ia ekewe allük ra nom ie, ewe kuchu a pwölüela. Nge seni lekuniol tori lesosor ewe kuchu asen ewe imwenfel seni mangaku a usun chök ekkei.  
\v 16 Iei usun a fis fansoun meinisin. Ewe kuchu a pwölüela ewe imwenfel seni mangaku lerän, nge lepwin a usun chök ekkei.  
\v 17 Iwe, iteiten fansoun, lupwen ewe kuchu a wiitä seni won ewe imwenfel seni mangaku, ekewe aramasen Israel ra sai. Nge ewe ia ewe kuchu a üla ie, ekewe aramasen Israel ra aüetä imwer.  
\v 18 Iwe, ekewe aramasen Israel ra sai fän än ewe Samol mi Lapalap allük, ra pwal aüetä imwer fän an allük. Ükükün fansoun än ewe kuchu nom asen ewe imwenfel seni mangaku, pwal iei ükükün fansoun ra nonom lon ewe leni.  
\v 19 Iwe, are ewe kuchu a nonomotam asen ewe imwenfel seni mangaku lon chomong rän, ekewe aramasen Israel resap sai, pun ra aleasochis ngeni ewe Samol mi Lapalap.  
\v 20 Lon ekoch fansoun ewe kuchu a nom asen ewe imwenfel seni mangaku ekoch chök rän. Iwe, fän än ewe Samol mi Lapalap allük ra nom lon ewe leni, nge fän an allük ra pwal sai.  
\v 21 Iwe, lon ekoch fansoun ewe kuchu a chök üla seni lekuniol tori lesosor. Nge lesosor, lupwen ewe kuchu a wiitä, ra sai. Ika mwo lerän ika lepwin, lupwen ewe kuchu a wiitä, ra sai.  
\v 22 Ese lifilifil are ewe kuchu a üla asen ewe imwenfel seni mangaku ruu rän ika eu maram ika eu ier, ekewe aramasen Israel ra chök nonom lon lenier, nge resap sai. Nge lupwen ewe kuchu a wiitä, ra chök sai.  
\v 23 Iwe, fän än ewe Samol mi Lapalap allük ra nonom lon lenier, nge fän an allük ra pwal sai. Ra chök aleasochis ngeni än ewe Samol mi Lapalap allük Moses a ngeniir.   
\c 10  
\s1 Ekewe rappwa seni silifer  
\sr 10.1-10  
\p
\v 1 Iwe, ewe Samol mi Lapalap a üreni Moses,  
\v 2 “Kopwe föri ruofoch rappwa seni silifer mi nechenech ngeni ama. Iwe, kopwe ettikiir, lupwen kopwe körifengeni ekewe aramasen Israel, pwal lupwen repwe atomwala imwer.  
\v 3 Iwe, lupwen ekewe ruofoch rappwa repwe tikitam, ekewe aramasen Israel meinisin repwe mwichefengen reöm leasamalapen ewe imw mangaku ia aramas ra churiei ie.  
\v 4 Nge ika efoch chök a tik, ekewe souemwen, ekewe mwänirelan ekewe ainangen Israel repwe mwichefengen reöm.  
\v 5 Iwe, lupwen oupwe ettiki ewe tikin asilesil mi tikimoch, ekewe aramas mi nonom peliötiuen ewe imwenfel seni mangaku repwe sai.  
\v 6 Nge lupwen oupwe ettiki ewe tikin asilesil mi tikimoch fän aruuan, ekewe mi nonom peliörün repwe sai. Ewe tikin asilesil mi tikimoch epwe tik iteiten fansoun repwe sai.  
\v 7 Iwe, lupwen ekewe aramasen Israel repwe mwichefengen, oupwe chök ettikitama ekewe rappwa, nge ousap ettiki ewe tikin asilesil mi tikimoch.  
\v 8 Iwe, nöün Aaron kewe mwän ekewe souasor repwe ettiki ekewe rappwa. Ei epwe eu allük fochofoch ngenikemi seni eu täppin aramas tori eu täppin.  
\v 9 Iwe, lupwen oupwe feila maun ngeni chon oputakemi mi ariaföüükemi me lon fanüemi, oupwe ettiki ewe tikin asilesilen maun ren ekewe rappwa. Mürin, ngang ewe Samol mi Lapalap ämi we Kot üpwe alisikemi o amanauakemi seni chon oputakemi.  
\v 10 Oupwe ettiki ekewe rappwa pwal lon ränin ämi pwapwa, lupwen fansoun ämi kewe chulap mi kefilitä me lepoputän ekewe maram. Oupwe ettiki ekewe rappwa lupwen fansoun ämi eäni asoren kek me asoren kinamwe. Mürin üpwe alisikemi. Ngang ewe Samol mi Lapalap ämi we Kot.”   
\s1 Ekewe chon Israel ra feila seni ewe chuk Sinai  
\sr 10.11-36  
\p
\v 11 Iwe, lon aruuen ränin ewe aruuen maram lon aruuen ier mürin än chon Israel towu seni Isip, ewe kuchu a wiitä seni won ewe imwenfel seni mangaku ewe ia ekewe allük ra nom ie.  
\v 12 Iwe, ekewe aramasen Israel ra sai seni ewe fanüapön Sinai lon tettelir. Iwe, ewe kuchu a üla lon ewe fanüapön Paran.  
\v 13 Ekkärän iei aeuin ar sai fän än ewe Samol mi Lapalap allük ngeni Moses.  
\v 14 Iwe, ekewe mwich mi nom lon kinikinin Juta ra akom le sai lon tettelir fän ar filäik. Nge Nason nöün Aminatap mwän i souemwenin chon ewe ainangen Juta.  
\v 15 Iwe, Netanel nöün Suar mwän i souemwenin chon ewe ainangen Isakar.  
\v 16 Nge Eliap nöün Helon mwän i souemwenin chon ewe ainangen Sepulon.   
\p
\v 17 Iwe, mürin än ewe imwenfel seni mangaku katomwola, nöün Kerson me Merari kewe mwän mi wisen mwärei ra sai.  
\v 18 Mürin ekewe mwich mi nom lon kinikinin Rupen ra sai lon tettelir fän ar filaik. Nge Elisur nöün Seteur mwän i souemwenin chon ewe ainangen Rupen.  
\v 19 Iwe, Selumiel nöün Surisatai mwän i souemwenin chon ewe ainangen Simeon.  
\v 20 Nge Eliasaf nöün Teuel mwän i souemwenin chon ewe ainangen Kat.   
\p
\v 21 Mürin, än Kohat cho ra sai. Ra mwärei ekewe mettoch mi pin. Nge lupwen ra tori ewe leni ia ra asösö ie, ewe imwenfel seni mangaku a fen kaütä.  
\v 22 Mürin, ekewe mwich mi nom lon kinikinin Efraim ra sai lon tettelir fän ar filaik. Nge Elisama nöün Amihut mwän i souemwenin chon ewe ainangen Efraim.  
\v 23 Iwe, Kamaliel nöün Petasur mwän i souemwenin chon ewe ainangen Manasa.  
\v 24 Nge Apitan nöün Kiteoni mwän i souemwenin chon ewe ainangen Peniamin.   
\p
\v 25 Iwe, ekewe mwich mi nom lon kinikinin Tan ra kükümwirifoch seni ekewe mwich meinisin. Ra sai lon tettelir fän ar filaik, nge Ahieser nöün Amisatai mwän i souemwenin chon ewe ainangen Tan.  
\v 26 Iwe, Pakiel nöün Okran mwän i souemwenin chon ewe ainangen Aser.  
\v 27 Nge Ahira nöün Enan mwän i souemwenin chon ewe ainangen Naftali.  
\v 28 Iei tettelin än ekewe aramasen Israel sai lon ar kewe mwich iteiten fansoun ar sai.   
\p
\v 29 Iwe, Moses a üreni Hopap nöün Setiro we mwän ewe re Mitian, nge Setiro semen pwülüen Moses, “Iei äm aipwe le sai ngeni ewe leni ewe Samol mi Lapalap a pwon pwe epwe ngenikem. Kopwe etikem, nge äm aipwe kirikiröch ngonuk, pun ewe Samol mi Lapalap a pwon pwe epwe awöüü ekewe chon Israel.”  
\v 30 Nge Hopap a üreni, “Üsap etikemi. Üpwe liwinsefäliti poputän fanüei me aramasei.”  
\v 31 Iwe, Moses a üra, “Üa tüngoreek, kose mochen kosap likitikem. Pun en ka silei ia aipwe aüetä imwem ie lon ewe fanüapö. En kopwe emwenikem.  
\v 32 Iwe, are kopwe etikem, aipwe pwal ngonuk ewe feiöch ewe Samol mi Lapalap epwe ngenikem.”   
\p
\v 33 Iwe, ekewe aramasen Israel ra sai seni chukun ewe Samol mi Lapalap o sai lon ükükün ülüngat rän. Nge än ewe Samol mi Lapalap we pworun pwon a akomwola mwer, pwe epwe kütta ia repwe asösö ie.  
\v 34 Iwe, kuchun ewe Samol mi Lapalap a nom wor lerän iteiten fansoun lupwen ra sai seni lenier.   
\p
\v 35 Iwe, iteiten fansoun lupwen ewe pworofel a sai, Moses a apasa, “Äm Samol mi Lapalap, kopwe ütä o atoropasafeili chon pälüenuk, nge ekewe mi oputok repwe sü me mwom.”  
\v 36 Nge iteiten fansoun lupwen ewe pworofel a asösö, Moses a apasa, “Äm Samol mi Lapalap, kopwe liwinto ren ekei ngeröüröün chon Israel.”   
\c 11  
\s1 Kot a pwon pwe epwe wor ochän chon Israel fituk  
\sr 11.1-23  
\p
\v 1 Nge ekewe aramas ra popuetä le lal ngeni ewe Samol mi Lapalap usun ar weires. Iwe, lupwen ewe Samol mi Lapalap a rong, a song o awora eu ekkei lefiler. A küwu me leir o kenala eu kinikinin lesopun ewe ia ra nonom ie.  
\v 2 Mürin, ekewe aramas ra siö ngeni Moses. Nge Moses a iotek ngeni ewe Samol mi Lapalap. Iwe, ewe ekkei a kunula.  
\v 3 Iwe, ra aita ngeni ewe leni Tapera \f + \fr 11.3 \ft wewen Tapera kar\f*, pun ewe ekkei seni ewe Samol mi Lapalap a küwu me leir.   
\p
\v 4 Iwe, a wor eu mwichen chon ekis mi ngau mi eti ekewe chon Israel lon ar sai. Ekei aramas ra mwäräkich won fituk, pwal ekewe aramasen Israel ra lalsefäl o apasa, “Amwo sia fen ochoch fituk.  
\v 5 Sia chechemeni ekewe ik sia mongö lon Isip, nge sisap möni. Sia pwal chechemeni ach ochoch küri me senia, nengi me anion pwal ninnikü.  
\v 6 Nge iei sia chök apwangapwangala. Esap fokun wor och sokun mongö lükün ewe mana sia küna.”   
\p
\v 7 Iwe, ewe mana a usun chök kükün föün irä, nge anüwan a oleolepwech.  
\v 8 Iwe, ekewe aramas ra fetalfeil o ionifengeni ewe mana, ra pwal fööira lon lenien fööir ika wüsi lon lenien wüsüs. Mürin ra kuku lon nape o nokopuni. Iwe, nennan a usun nennen nokop mi firain lon apüra.  
\v 9 Iwe, lupwen amurenipwin a püngütiu lepwin won ewe ia ra nonom ie, ewe mana a pwal püngütiu.   
\p
\v 10 Iwe, Moses a rong än ekewe aramas lal lon en me asamalapen imwan imw mangaku lon iteiten en me an famili. Iwe, ewe Samol mi Lapalap a fokun song, nge Moses a weires ren.  
\v 11 Iwe, Moses a aisini ewe Samol mi Lapalap, “Pwota ka aweiresiei ngang noum chon angang? Pwota kosap ümöümöch ngeniei pwe ka fen uwätä woi weiresin tümwünün ekei aramas meinisin?  
\v 12 Ifa usun, upun woi ir meinisin? Ir nei, pwe kopwe üreniei pwe üpwe pwisiir lepei usun eman chon tümwün a pwisi eman mönükol mi chüen oupw? Ifa usun, üpwe pwisirelong lon ewe fanü ka pwon ngeni ar kewe lewo pwe kopwe ngeniir?  
\v 13 Ia üpwe küt me ie fituk pwe üpwe ngeni ekei aramas meinisin? Pun ra lal ngeniei o üra, ‘Kopwe ngenikem fituk pwe aipwe ochoch.’  
\v 14 Ngang üsap tufich le akaleäman ngeni weiresin tümwünün ekei aramas, pun a kon chou ngeniei.  
\v 15 Nge are kopwe föri iei usun ngeniei, kopwe ümöümöch ngeniei o nieila iei chök pwe üsap chüen küna ei sokun weires.”   
\p
\v 16 Iwe, ewe Samol mi Lapalap a üreni Moses, “Kopwe körato rei fik mwän seni lein ekewe souakomwen Israel, chokewe ka sileer pwe ir souakom me sounemenemen ekewe aramas. Kopwe emwenireto ren ewe imw mangaku ia aramas ra churiei ie, pwe repwe etuk le ütä ikenan.  
\v 17 Ngang üpwe feitiu o kapas ngonuk ikenan. Iwe, üpwe angei och manamanen ewe ngün mi nom womw o isetä wor. Repwe etuk le mwärelong fän weiresin tümwünün ekewe aramas pwe kosap akaleäman le mwärelong fan.  
\v 18 Iwe, kopwe üreni ekewe aramas, ‘Oupwe apinikemi fän iten lesor pwe oupwe ochoch fituk. Pun ewe Samol mi Lapalap a rongorong ämi lal pwal ämi apasa: Iö epwe ngenikem ochäm fituk? Pun aia nonomöch lon Isip. Iei mine ewe Samol mi Lapalap epwe ngenikemi fituk pwe oupwe ochoch.  
\v 19 Nge ousap ochoch fituk lon eu chök rän ika ruu rän ika limu rän ika engol rän ika rüe rän,  
\v 20 pwe lon unusen eu maram, tori epwe nipoon ngenikemi o notä womi. Pun oua oput ewe Samol mi Lapalap mi nom lefilemi o lal ngeni lupwen oua apasa: Pwota mwo chök sia towu seni Isip?’”  
\v 21 Nge Moses a üreni Kot, “Iei üa emweni wonopükü ngeröü aramas, nge en ka apasa pwe kopwe ngeniir fituk, pwe repwe ochoch lon ükükün unusen eu maram.  
\v 22 Ifa usun, epwe naf ekewe pwiin sip me kow, pwe repwe ninnila fän iter? Ika epwe naf ngeniir ikenen leset meinisin?”  
\v 23 Nge ewe Samol mi Lapalap a pälüeni Moses, “Ifa usun, a aükük ai manaman? Iei kopwe küna ika ai kapas ngonuk epwe fis ika esap fis.”   
\s1 Än ekewe souakom osuni  
\sr 11.24-30  
\p
\v 24 Iwe, Moses a feila o asile ngeni ekewe aramas än ewe Samol mi Lapalap kapas. A emwichato fik mwän seni me lein ekewe souakomwen ekewe aramas o anomuur pwelin ewe imwenfel seni mangaku.  
\v 25 Mürin, ewe Samol mi Lapalap a feitiu lon ewe kuchu o kapas ngeni Moses. A angei och manamanen ewe ngün mi nom won Moses o isetä won ekewe fik souakom. Iwe, lupwen ewe ngün a nom wor, ra osuni. Nge mürin resap chüen osunisefäli.   
\p
\v 26 Nge mi wor ruoman mwän iter Eltat me Metat ra alealaong lein ekewe fik ra chök nom lon ewe ia ra nonom ie, nge resap feila ren ewe imwenfel seni mangaku. Iwe, ewe ngün a feito wor pwe ra pwal osuni me ewe ia ra nonom ie.  
\v 27 Iwe, eman alüal a säla ren Moses o üreni, “Eltat me Metat ra osuni me lon ewe leni ia ra nonom ie.”  
\v 28 Nge Josua nöün Nun mwän, nöün Moses we soualilis seni lealüalün, a apasa, “Ai samol Moses, kopwe aükätiu ar osuni.”  
\v 29 Nge Moses üreni, “Ifa usun, ka apangau won wisei? Amwo, nöün ewe Samol mi Lapalap aramas meinisin repwe soufos, pwe epwe anomu Ngünün wor.”  
\v 30 Mürin, Moses me ekewe souakomwen Israel ra liwiniti ewe ia ekewe aramasen Israel ra nonom ie.   
\s1 Kot a tinato kweil  
\sr 11.31-35  
\p
\v 31 Iwe, ewe Samol mi Lapalap a awora och asepwäl mi pönato mansüsü iter kweil seni lematau. Iwe, ra nom pwelin ewe ia ekewe aramasen Israel ra nonom ie ükükün langatamen än eman sai lon eu rän me lepelian meinisin, nge ra ässitiu tori ükükün ülüngat fiit seni won pwül.  
\v 32 Iwe, ekewe aramas ra ütä o ionifengeni ekewe kweil lon unusen ewe rän me unusen ewe pwin tori unusen ewe rän mürin. Nge ätewe mi chokükün ionian a ioni ükükün ülüngat ngeröü wonopükü paun. Iwe, ra apwaseer pwelin ünükün lenier we.  
\v 33 Nge lupwen ra chüen ochoch ewe fituk, nge esamwo itela, ewe Samol mi Lapalap a fokun song ngeniir, pwe a niela ekewe aramas ren eu mätter mi watte.  
\v 34 Iei popun ewe leni a iteni Kiprot-atawa \f + \fr 11.34 \ft wewen Kiprot-atawa peiasen chon mwäräkich\f*, pun ikenan ra peiaseni ekewe aramas mi mwäräkich.  
\v 35 Iwe, ekewe aramas ra sai seni Kiprot-atawa o sai ngeni Haserot. Iwe, ra nonom Haserot.   
\c 12  
\s1 Miriam me Aaron ra ü ngeni Moses  
\sr 12.1-16  
\p
\v 1 Iwe, Miriam me Aaron ra esita Moses pokiten ewe fin Kuus Moses a pwülüeni.  
\v 2 Ra apasa, “Ifa usun, ewe Samol mi Lapalap a chök wesewesen fos ngeni Moses? Esap pwal fos ngenikich?” Iwe, ewe Samol mi Lapalap a rong ei fos.  
\v 3 Nge Moses eman mwän mi tipetekison, a fokun tipetekison seni aramasen fanüfan meinisin.  
\v 4 Iwe, ewe Samol mi Lapalap a müttir kapas ngeni Moses, Aaron me Miriam, “Oupwe towu ämi me ülüman o feila ren ewe imw mangaku ia aramas ra churiei ie.” Iwe, ir me ülüman ra feila.  
\v 5 Mürin, ewe Samol mi Lapalap a feitiu lon eu ürekuchu, a ütä leasamalapen ewe imwenfel seni mangaku o körato Aaron me Miriam. Iwe, ir me ruoman ra feito.  
\v 6 Iwe, a üreniir, “Oupwe aüseling ai kapas: Are mi wor eman soufos leimi, ngang ewe Samol mi Lapalap üpwe pwäri ngeni üsi lon künan, üpwe pwal kapas ngeni lon an tan.  
\v 7 Nge esap iei usun ren nei ei chon angang Moses. Pun üa lükü ngeni nei aramasen Israel meinisin.  
\v 8 Üa fos newenewen ngeni lon kapas mi fat, nge sap lon kapas monomon. Nge i a fen küna lapalapei. Pwota chök ousap niuokus le esita nei ei chon angang Moses?”   
\p
\v 9 Iwe, ewe Samol mi Lapalap a song ngeniir. Mürin a feila seniir.  
\v 10 Nge lupwen ewe kuchu a wiitä seni ewe imw mangaku, nengeni, Miriam a üri rupun pwötür pwe inisin a pwechepwech usun snow. Iwe, Aaron a sap ngeni Miriam o küna pwe a üri rupun pwötür.  
\v 11 Mürin, Aaron a üreni Moses, “Ai samol, kose mochen kosap amwöchü äm tipis aia föri ngonuk lon äm miritingau.  
\v 12 Kosap mwütätä pwe Miriam epwe wewe ngeni eman mi mäla, lupwen a uputiu, mi pweila esop fitukan.”  
\v 13 Iwe, Moses a siö ngeni ewe Samol mi Lapalap, “Üa tüngor ngonuk ai Kot, kose mochen kopwe apöchöküla neminei.”  
\v 14 Nge ewe Samol mi Lapalap a üreni Moses, “Ifa usun, are saman a atufa mesan, neminewe esap säw lon ükükün fisu rän? Epwe kaimwüla lükün ewe ia oua nonom ie lon ükükün fisu rän, mürin a tongeni liwinsefäl.”  
\v 15 Iei mine Miriam a imwüla lükün ewe ia ra nonom ie lon ükükün fisu rän. Iwe, ekewe aramas resap sai tori Miriam a liwiniti lenier we.  
\v 16 Iwe, mürin, ekewe aramas ra sai seni Haserot tori ewe fanüapön Paran o nonom ikenan.   
\c 13  
\s1 Moses a tinala engol me ruoman chon op pwe repwe operi Kanaan  
\sr 13.1-33  
\r (Tut 1.19-33)  
\p
\v 1 Iwe, ewe Samol mi Lapalap a üreni Moses,  
\v 2 “Kopwe tinala ekoch mwän pwe repwe operi ewe fanü Kanaan, ewe fanü üpwe ngeni ekewe aramasen Israel. Kopwe tinala akaeman souemwen seni eu me eu ainangen semelaper kewe.”  
\v 3 Iei mine Moses a tinirela seni ewe fanüapön Paran, usun ewe Samol mi Lapalap a allük. Nge ekewe mwän meinisin ir mwänirelan ekewe aramasen Israel.  
\v 4 Iwe, ikkei iter: Samua nöün Sakur mwän seni ewe ainangen Rupen,  
\v 5 Safat nöün Hori mwän seni ewe ainangen Simeon,  
\v 6 Kalep nöün Jefune mwän seni ewe ainangen Juta,  
\v 7 Ikal nöün Josef mwän seni ewe ainangen Isakar,  
\v 8 Hosea nöün Nun mwän seni ewe ainangen Efraim,  
\v 9 Palti nöün Rafu mwän seni ewe ainangen Peniamin,  
\v 10 Katiel nöün Soti mwän seni ewe ainangen Sepulon,  
\v 11 Kati nöün Susi mwän seni ewe ainangen Josef, wesewesen seni ewe ainangen Manasa,  
\v 12 Amiel nöün Kemali mwän seni ewe ainangen Tan,  
\v 13 Setur nöün Mikael mwän seni ewe ainangen Aser,  
\v 14 Napi nöün Wofsi mwän seni ewe ainangen Naftali,  
\v 15 Keuel nöün Maki mwän seni ewe ainangen Kat.  
\v 16 Ikkei ir ekewe mwän Moses a tinirela pwe repwe operi ewe fanü. Nge Hosea nöün Nun we mwän Moses a aita ngeni Josua.   
\p
\v 17 Iwe, lupwen Moses a tinirela, a üreniir, “Oupwe feitä lon ewe fanü Nekep o feila ngeni ewe fanü mi chukuchukutä,  
\v 18 pwe oupwe ouwasacha lapalapen ewe fanü, are ekewe aramas mi nonom won ra pöchökül ika apwangapwang, are ra chokükün ika chomong.  
\v 19 Oupwe ouwasacha are ewe fanü a mürina ika ngau, are ar kewe telinimw ra imweimw lon telinimw resap tit ika telinimw mi pöchökül tittir,  
\v 20 are ewe fanü a fanüeräs ika esap, are a mär irä won ika esap. Oupwe tipepwora o uwato ekoch föün irän ewe fanü.” Iwe, ei fansoun a otun nupun mwen uän irän wain.   
\p
\v 21 Iwe, ekewe chon op ra feitä o operi ewe fanü seni ewe fanüapön Sin tori Rehop arap ngeni ewe al a ale ngeni Hamat.  
\v 22 Ra feitä akomw lon ewe fanü Nekep o tori Hepron ia Ahiman, Sesai me Talmai, ekewe mwirimwirin Anak, ra imweim ie. Nge ewe telinimw Hepron a kaütä fisu ier mwen ewe telinimw Soan lon Isip a kaütä.  
\v 23 Iwe, ra tori ewe lemolun Eskol, ewe ia ra kini me ie eumw umwun föün wain mi umwumong. Iwe, ruoman leir ra ämwära won efoch ämwär. Ra pwal uwato ekoch föün apel me föün fiik.  
\v 24 Iwe, ra aita ngeni ewe leni lemolun Eskol pokiten ewe umwun föün wain ekewe re Israel ra kini me ikenan.   
\p
\v 25 Iwe, amüchülan faik rän, ekewe chon op ra liwinto seni ar operi ewe fanü.  
\v 26 Iwe, ra feito ren Moses me Aaron me ekewe aramasen Israel meinisin mi nom lon Kates lon ewe fanüapön Paran. Iwe, ra apworausa ngeniir pworauser, ra pwal apii ngeniir uän irän ewe fanü.  
\v 27 Iwe, ra üreni Moses, “Äm aia tori ewe fanü ia ka tinikeemila ie. Ewe fanü eu fanü mi pwülüöch o fanüeräs, nge iei uan.  
\v 28 Nge ekewe aramas mi nonom lon ewe fanü ra pöchökül, pwal ekewe telinimw ra watte o pöchökül tittir. Iwe, ikenan aia pwal mwo nge küna ekewe mwirimwirin Anak mi mwänemong.  
\v 29 Ekewe chon Amalek ra nonom lon ewe fanü Nekep. Iwe, ekewe chon Hit, chon Jepus me chon Amor ra nonom lon ewe fanü mi chukuchukutä, nge ekewe chon Kanaan ra nonom aroset me aropen ewe chanpupu Jortan.”   
\p
\v 30 Iwe, Kalep a amosonosona ekewe aramas mi mwichefengen ren Moses o üreniir, “Ousipwe feitä iei chök o liapeni ewe fanü, pun sia fokun tongeni.”  
\v 31 Nge chienen Kalep kewe mi eti le feitä ra apasa, “Sisap tongeni fiu ngeni ekewe aramas, pun ra kon pöchökül senikich.”  
\v 32 Iei usun ra apworausa ngeni ekewe aramasen Israel pworaus mi mwäl fän iten ewe fanü ra operi. Ra apasa, “Ewe fanü aia fetalfeil lon eu fanüen ochoch aramas. Nge ekewe aramas aia küneer ra fokun mwänätam.  
\v 33 Iwe, ikenan aia pwal küna ekewe mwänämong, ekewe mwirimwirin Anak. Nge äm aia awewe ngenikem lifichimas me lükür, pwal usun chök me rer.”   
\c 14  
\s1 Ekewe aramas ra ü ngeni Kot  
\sr 14.1-19  
\p
\v 1 Mürin, ekewe aramasen Israel meinisin ra leüömong le puchör o kechü lon unusen ewe pwin.  
\v 2 Iwe, ra lal ngeni Moses me Aaron o üreniir, “Amwo aipwe fen mäla chök lon ewe fanü Isip, ika aipwe fen mäla lon ei fanüapö.  
\v 3 Pwota ewe Samol mi Lapalap a emwenikeemito lon ei fanü pwe aipwe mäla lon maun, nge pwülüem me nöüm kewe semirit repwe oola? Epwe fen öch äm aipwe liwinsefäliti Isip.”   
\p
\v 4 Iwe, ra kapasfengen lefiler, “Ousipwe le filätä eman nöüch souemwen pwe sipwe liwiniti Isip.”  
\v 5 Mürin, Moses me Aaron ra chapetiu won pwül fän mesen ekewe aramasen Israel meinisin mi mwichefengen.  
\v 6 Nge Josua nöün Nun mwän me Kalep nöün Jefune mwän, chienen chokewe mi operi ewe fanü Kanaan, ra kamwei üfer fän ar letipeta.  
\v 7 Iwe, ra üreni ekewe aramasen Israel meinisin, “Ewe fanü aia saifetal lon o operi fokun eu fanü mi unusen mürina.  
\v 8 Are ewe Samol mi Lapalap epwe kirikiröch ngenikich, epwe emwenikichelong o ngenikich ewe fanü mi pwülüöch o fanüeräs.  
\v 9 Nge ousap fokun ü ngeni ewe Samol mi Lapalap, ousap pwal niuokusiti aramasen ewe fanü, pun ir chök okufuach. Iwe, ar apilükülük a sü seniir, nge ewe Samol mi Lapalap a etikich. Ousap fokun niuokusitiir.”  
\v 10 Nge ekewe aramas meinisin ra üra pwe repwe monei ngeniir fau. Mürin, lingen ewe Samol mi Lapalap a pwä won ewe imwenfel seni mangaku ngeni ekewe aramasen Israel meinisin.  
\v 11 Iwe, ewe Samol mi Lapalap a üreni Moses, “Ifa ükükün fansoun än ekei aramas turunufaseei? Ifa ükükün fansoun ar resap mochen lüküei, inamwo ika ra fen küna ekewe manaman üa föri lefiler?  
\v 12 Üpwe ni ngeniir mätter o aroserela. Nge üpwe föri senuk eu mwü mi watte o pöchökül seniir.”   
\p
\v 13 Nge Moses a üreni ewe Samol mi Lapalap, “En ka emwenawu ekei aramas seni Isip fän om manaman. Epwe ifa usun, ika ekewe chon Isip repwe rongorong usun mine ka föri ngeniir?  
\v 14 Repwe asile ngeni chon ei fanü ei pworaus. Ir ra fen rongorong pwe en ai Samol mi Lapalap ka nom lein ekei aramas, pun en ka newenewen ngeniir, pwal om kuchu a ütä wor, nge en ka akomw mwer lon eu ürekuchu lerän me eu üreekkei lepwin.  
\v 15 Are ka nipöküela ekei aramas iei chök, chon ekewe mwü mi rongorong usun mine ka föri repwe apasa,  
\v 16 ‘Pokiten ewe Samol mi Lapalap esap tongeni emwenalong ekewe aramas lon ewe fanü a pwon pwe epwe ngeniir, iei mine a nirela lon ewe fanüapö.’  
\v 17 Nge iei üa tüngor ngonuk, ai Samol, kopwe pwäri om manaman ngenikem usun ka fen apasa lon om pwon,  
\v 18 ‘Ewe Samol mi Lapalap a songomang o wöün tong, a amusala föföringau me pupungau, nge esap amusafatei chon tipis, pwe a liwini än samasam tipis won nöür tori aülüngatin me arüanün tettelin aramas.’  
\v 19 Kose mochen kopwe amusala än ekei aramas tipis lon om tong mi lapalap, usun ka fen amusala än ekewe aramas tipis seni ewe fansoun ar towu seni Isip tori iei.”   
\s1 Kot a apwüngü chon Israel  
\sr 14.20-35  
\p
\v 20 Mürin, ewe Samol mi Lapalap a üreni Moses, “Üa amusala ar tipis usun ka tüngor.  
\v 21 Nge ellet mwo manauei me ai we ling mi aura unusen fanüfan,  
\v 22 esap wor eman lein ekewe mwän repwe tolong lon ewe fanü. Ra küna ai ling me ai kewe manaman üa föriir lon Isip pwal lon ewe fanüapö, nge ra chök sotuniei fän chomong, resap pwal aleasochisi aloi.  
\v 23 Esap wor eman leir epwe tolong lon ewe fanü üa pwon fän akapel ngeni ar kewe lewo. Esap fokun wor eman me lein chokewe mi turunufaseei repwe tolong lon ewe fanü. \x + \xo 14.23 \xt Ipr 3.18\x*  
\v 24 Nge nei chon angang Kalep üpwe emwenalong lon ewe fanü a fen piin feila lon, pwe mwirimwirin repwe fanüeni, pun a sokola ekiekin lelukan, a pwal fokun aleasochisiei. \x + \xo 14.24 \xt Jos 14.9-12\x*  
\v 25 Iwe, pokiten ekewe chon Amalek me chon Kanaan ra nonom lemolun ewe fanü, lesor ämi oupwe kul o feila lon ewe fanüapö won ewe al a ale ngeni ewe Setipar.”   
\p
\v 26 Iwe, ewe Samol mi Lapalap a üreni Moses me Aaron,  
\v 27 “Ifa ükükün fansoun än ei mwichen aramasangau lal ngeniei? Üa ku ren ai rongorong än ekei aramas lal ngeniei.  
\v 28 Oupwe üreniir pwe iei aloi ngang ewe Samol mi Lapalap, ‘Mwo manauei, mine oua apasa, iei üpwe föri ngenikemi.  
\v 29 Ämi oupwe mätiu lon ei fanüapö. Nge esap wor eman me lein iteitemi seni ier rüe feitä mi lal ngeniei, \x + \xo 14.29 \xt Ipr 3.17\x*  
\v 30 epwe tolong lon ewe fanü üa pwon fän akapel pwe oupwe fanüeni, chilon chök Kalep nöün Jefune mwän me Josua nöün Nun mwän.  
\v 31 Nge nöümi semirit oua apasa pwe repwe oola, ngang üpwe emwenirelong lon ewe fanü ämi oua oputa, pwe repwe fanüeni.  
\v 32 Nge ämi oupwe mätiu lon ei fanüapö.  
\v 33 Iwe, nöümi repwe chon fofol man lon ewe fanüapö lon ükükün faik ier, repwe pwal riaföü pokiten ämi ousap allükülük, tori ewe amüchülan me leimi epwe mätiu lon ewe fanüapö. \x + \xo 14.33 \xt Föf 7.36\x*  
\v 34 Ükükün iteiten ekewe faik rän oua operi ewe fanü, iei ükükün ierin ämi oupwe uwei liwinin ämi föföringau. Pun eu ier epwe fän iten eu rän. Iei usun oupwe mefi weiresin ai ü ngenikemi lon ükükün faik ier.’  
\v 35 Ellet üpwe föri ei ngeni unusen ei mwich mi ngau ra chufengen lon ar ü ngeniei: Repwe mätiu o rosola lon ei fanüapö. Ngang ewe Samol mi Lapalap üa kapas.”   
\s1 Ekewe engol chon op mi ngau ra mäla  
\sr 14.36-38  
\p
\v 36 Nge ekewe mwän Moses a tinirela pwe repwe operi ewe fanü, ir ätekewe mi liwinto o uwato pworaus mi mwäl usun ewe fanü, pwe unusen ewe mwichen aramas ra popuetä lal ngeni Moses, ra mäla.  
\v 37 Pokiten ar uwato och pworaus mi mwäl usun ewe fanü, ra mäla ren och mätter fän mesen ewe Samol mi Lapalap.  
\v 38 Nge Josua nöün Nun mwän me Kalep nöün Jefune mwän ra manau me lein ätekewe mi feila operi ewe fanü.   
\s1 Chon Israel ra kuf me lon Horma  
\sr 14.39-45  
\r (Tut 1.41-46)  
\p
\v 39 Iwe, lupwen Moses a apworausa ekei kapas ngeni ekewe aramasen Israel meinisin, ra fokun lolilen.  
\v 40 Iwe, lesosorusichin sorotän ewe rän ra pwätä o feitä won ewe fanü mi chukuchukutä, pun ra apasa, “Sa mefi pwe sa tipis. Nge iei ousipwe feitä ngeni ewe fanü ewe Samol mi Lapalap a pwon ngenikich.”  
\v 41 Nge Moses a üreniir, “Pwota oua chök sopwela le purätiu än ewe Samol mi Lapalap allük? Ämi ousap win.  
\v 42 Ousap feitä pwe oute kuf ren chon oputakemi, pun ewe Samol mi Lapalap esap etikemi.  
\v 43 Pun ekewe chon Amalek me chon Kanaan ra nom ikenan, repwe nikemi lon maun. Pokiten oua kul seni ewe Samol mi Lapalap, i esap chüen etikemi.”  
\v 44 Iwe, ekewe aramas ra chök ouucho le feitä ngeni ewe fanü mi chukuchukutä. Nge ewe pworofel än ewe Samol mi Lapalap pwal Moses ra chök nonom lon ewe leni ia ra nonom ie.  
\v 45 Mürin, ekewe chon Amalek me ekewe chon Kanaan mi nom lon ewe fanü mi chukuchukutä ra feitiu o maun ngeniir. Ra akufu ekewe chon Israel o tapweriir tori Horma.   
\c 15  
\s1 Allük usun asor  
\sr 15.1-31  
\p
\v 1 Iwe, ewe Samol mi Lapalap a ngeni Moses  
\v 2 ekei allük fän iten ekewe aramasen Israel pwe repwe apwönüetä me lon ewe fanü i epwe ngeniir pwe repwe fanüeni:  
\v 3 “Oupwe eäni asor ngeni ewe Samol mi Lapalap eman ätemwänin kow, ika eman ätemwänin sip, ika kuuch, pwe ämi soren kek ika sokun asoren pwon, ika asor seni püsin letipemi, ika asor lupwen fansoun ekewe chulap mi kefilitä, pwe eu asor ewe Samol mi Lapalap a efich pwoon.  
\v 4 Iwe, ewe aramas mi uwato an asor epwe pwal eäni asoren mongö ngeni ewe Samol mi Lapalap ruu paun pilawa mi amas o mürina nofitfengen me eu kuoch apüra.  
\v 5 Epwe pwal eäni asoren ün eu kuoch wain o achu ngeni eman me eman lam fän iten asoren kek ika sokun asor.  
\v 6 Iwe, are epwe eäni asor eman ätemwänin sip, epwe achu ngeni rüanü paun pilawa mi amas o mürina nofitfengen me eu esop kuoch apüra pwe eu asoren mongö.  
\v 7 Nge fän iten asoren ün epwe eäni asor eu esop kuoch wain pwe eu asor ewe Samol mi Lapalap a efich pwoon.  
\v 8 Iwe, lupwen ewe aramas epwe eäni asor ngeni ewe Samol mi Lapalap eman ätemwänin kow fän iten asoren kek ika sokun asoren pwon ika asoren kinamwe,  
\v 9 epwe achu ngeni ewe ätemwänin kow wonu paun pilawa mi amas o mürina nofitfengen me esop kalon apüra, pwe eu asoren mongö.  
\v 10 Epwe pwal eäni asoren ün esop kalon wain pwe eu asor ewe Samol mi Lapalap a efich pwoon.   
\p
\v 11 Iei usun oupwe föri fän iten iteiten eman me eman ätemwänin kow ika ätemwänin sip, fän iten iteiten eman me eman ätemwänin lam ika apanen kuuch.  
\v 12 Ükükün iteiten ekewe mönün asor oupwe eäni asor, epwe pwal ina ükükün mine oupwe achu ngeniir.  
\v 13 Iwe, chon Israel meinisin, ir chon wilipos repwe föri pwüngün ekei lapalap, lupwen repwe asor ngeni ewe Samol mi Lapalap, pwe i epwe efich pwoon.  
\v 14 Nge are eman chon ekis mi siamüfetal remi, ika eman chon ekis mi nonom leimi seni eu täppin aramas tori eu täppin, a mochen eäni eu asor ngeni ewe Samol mi Lapalap, i a efich pwoon, epwe föri pwüngün mine oua föri.  
\v 15 Iwe, epwe chök wor eu allük fän itemi me fän iten ekewe chon ekis mi nom remi. Ei epwe eu allük tori feilfeilachök seni eu täppin aramas tori eu täppin. Ämi me ekewe chon ekis oua wewe chök me fän mesen ewe Samol mi Lapalap.  
\v 16 Iwe, epwe fokun wor eu chök allük me pwüng fän itemi me fän iten ekewe chon ekis mi nom remi.” \x + \xo 15.16 \xt Lif 24.22\x*   
\p
\v 17 Iwe, ewe Samol mi Lapalap a ngeni Moses  
\v 18 pwal ekoch allük usun asor fän iten ekewe aramasen Israel, pwe repwe apwönüetä me lon ewe fanü i epwe emwenirelong lon:  
\v 19 “Lupwen oupwe eni mongön ewe fanü, oupwe aimwüela eu kinikin seni, pwe eu asor ngeni ewe Samol mi Lapalap.  
\v 20 Lupwen oua umuni pilawa, ewe efochun mwen öüwämi pilawa seni föün wiich mi fö oupwe eäni asor ngeni ewe Samol mi Lapalap usun chök ekewe föün wiich oua eäni asor seni ewe lenien wichiwich umwun wiich.  
\v 21 Oupwe eäni asor ngeni ewe Samol mi Lapalap eföü pilawa seni mwen öüwämi pilawa. Ei allük epwe fän itemi seni eu täppin aramas tori eu täppin.   
\p
\v 22 Ewe Samol mi Lapalap a ngenikemi ekei allük meinisin Moses a aiti ngenikemi. Are oua atai eu lein ekei allük, nge sap ren mochenin letipemi,  
\v 23 ika mwirimwirimi kana ra pwal atai,  
\v 24 nge ewe mwichen aramas esap mefi pwe a mwäl, ikei mine oupwe föri: Unusen ewe mwichen aramas epwe eäni asor eman nienifön ätemwänin kow fän iten asoren kek ewe Samol mi Lapalap a efich pwoon. Repwe achu ngeni ewe asoren mongö me asoren ün usun mine a pwüng. Repwe pwal eäni asor eman ätemwänin kuuch fän iten asoren tipis.  
\v 25 Iwe, ewe souasor epwe föri asoren amusamusen tipis fän iten unusen ewe mwichen chon Israel. Ar föför mi mwäl epwe musala, pun esap fis seni mochenin letiper, ra pwal uwato ar asoren kek ewe Samol mi Lapalap a efich pwoon, me ar asoren tipis.  
\v 26 Iwe, unusen ewe mwichen chon Israel me ekewe chon ekis mi nom leir epwe musala ar mwäl, pun iteiter meinisin ra pachelong lon ewe föför mi mwäl esap fis ren mochenin letiper.   
\p
\v 27 Iwe, are eman aramas a tipisin chechengau, epwe eäni asor eman liefefinin kuuch eu ierin fän iten asoren tipis.  
\v 28 Iwe, ewe souasor epwe föri asoren amusamusen tipis fän mesen ewe Samol mi Lapalap fän iten ewe aramas mi föri och mwäl, lupwen a tipisin chechengau. Iwe, epwe musala an tipis. \x + \xo 15.28 \xt Lif 4.27-31\x*  
\v 29 Iwe, epwe wor eu chök allük fän iten ätewe mi tipisin chechengau, ese lifilifil ika i eman lein ekewe aramasen Israel ika eman chon ekis mi nom leir.  
\v 30 Nge are eman a tipis seni mochenin letipan, ese lifilifil ika i eman chon wilipos ika eman chon ekis, ätewe a turunufasei ewe Samol mi Lapalap. Ewe aramas epwe käriwu seni me lein aramasan.  
\v 31 Pokiten ewe aramas a oput än ewe Samol mi Lapalap kapas o purätiu an allük, epwe wesewesen käriwu. An tipis epwe chök nonom won.”   
\s1 Ra monei ngeni fau eman mi apiningaua pinin ränin sapat  
\sr 15.32-36  
\p
\v 32 Iwe, lupwen ekewe aramasen Israel ra nom lon ewe fanüapö, ra küna eman mwän a os mwüüch lon ewe ränin sapat.  
\v 33 Nge chokewe mi küna ätewe mi os mwüüch, ra emwenato ren Moses me Aaron pwal ren ekewe aramas meinisin.  
\v 34 Iwe, ra kalapusei ewe mwän, pun esap fat mine epwe fis ngeni.  
\v 35 Mürin, ewe Samol mi Lapalap a üreni Moses, “Ewe mwän epwe ninnila. Ekewe aramas meinisin repwe monei ngeni fau me lükün ewe ia oua nonom ie.”  
\v 36 Iei mine ekewe aramas meinisin ra emwenala ewe mwän lükün ewe ia ra nonom ie o monei ngeni fau tori a mäla, usun ewe Samol mi Lapalap a allük ngeni Moses.   
\s1 Sokun fout won üf  
\sr 15.37-41  
\p
\v 37 Iwe, ewe Samol mi Lapalap a kapas ngeni Moses,  
\v 38 “Kopwe üreni ekewe aramasen Israel: Oupwe föri sokun fout lepwülün üfemi, ämi me mwirimwirimi kana. Oupwe pwal pacheetä won iteiten fout efoch säl mi arauarau. \x + \xo 15.38 \xt Tut 22.12\x*  
\v 39 Iwe, lupwen oupwe küna ewe fout, oupwe chechemeni ai kewe allük meinisin pwe oupwe aleasochisiir. Nge ousap tapwela ekiekin lelukemi me künan mesemi, usun a mecheres ngenikemi.  
\v 40 Iei usun oupwe chechemeni ai kewe allük meinisin o aleasochisiir pwe oupwe pin fän itei ngang ämi we Kot.  
\v 41 Ngang ewe Samol mi Lapalap ämi we Kot, üa emwenikemiiwu seni ewe fanü Isip pwe üpwe ämi Kot: Ngang ewe Samol mi Lapalap ämi we Kot.”   
\c 16  
\s1 Kora, Tatan me Apiram ra ü ngeni Moses  
\sr 16.1-50  
\p
\v 1 Iwe, Kora nöün Isar, nge Isar nöün Kohat, nge i nöün Lefi mwän, pwal Tatan me Apiram nöün Eliap kewe mwän me On nöün Pelet mwän seni ewe ainangen Rupen \x + \xo 16.1 \xt Jut 11\x*  
\v 2 ra ü ngeni Moses. A pwal chu ngeniir ükükün ruopükü lime chon Israel, ir souemwen mi iteüöch, ra fil seni ewe mwichen aramas pwe repwe nöür souemwen.  
\v 3 Iwe, ra mwichfengen o ü ngeni Moses me Aaron. Iwe, ra üreniir, “Ämi oua kon alapala nemeniemi. Pun unusen ei mwichen aramas a pin, nge ewe Samol mi Lapalap a nom lefiler. Pwota oua püsin atekiakemiitä won än ewe Samol mi Lapalap mwich?”  
\v 4 Iwe, lupwen Moses a rong ekei kapas, a chapetiu lepwül o iotek.  
\v 5 Mürin a üreni Kora me chienan kewe meinisin, “Lesosorun lesor ewe Samol mi Lapalap epwe pwärätä iön nöün pwal iön a pin. Epwe pwal pwärätä iön a mwüt ngeni pwe epwe kan ngeni. Ätewe Kot a filätä epwe kan ngeni.  
\v 6 Iei usun oupwe föri: Lesor, ämi Kora me chienom kewe meinisin oupwe angei sepien asoren ötüöt.  
\v 7 Oupwe uwalong ekkei lor o iseis apach mi pwokus wor fän mesen ewe Samol mi Lapalap. Nge ätewe ewe Samol mi Lapalap epwe filätä, i epwe pin. Ämi kana mwän seni ewe ainangen Lefi oua kon alapala nemeniemi.”  
\v 8 Iwe, Moses a pwal üreni Kora, “Iei oupwe aüseling, ämi chon ewe ainangen Lefi.  
\v 9 Ifa usun, esap naf ngenikemi pwe än chon Israel we Kot a aimwükemi seni ewe mwichen chon Israel, a pwal mwüt ngenikemi pwe oupwe kan ngeni o föri angangen lon än ewe Samol mi Lapalap imwenfel seni mangaku? Oua pwal ü mwen ewe mwichen aramas pwe oupwe angang ngeniir.  
\v 10 Kot a mwüt ngenikemi me pwimi kewe seni ewe ainangen Lefi pwe oupwe kan ngeni. Nge iei oua pwal kütta ewe wisen souasor.  
\v 11 Iei mine oua ü ngeni ewe Samol mi Lapalap, ämi me chienom kewe mi mwichefengen. Pun iö Aaron pwe oua lal ngeni?”   
\p
\v 12 Mürin, Moses a titi Tatan me Apiram nöün Eliap kewe mwän. Nge ir ra üra, “Äm aisap feila.  
\v 13 Ifa usun, esap naf me reöm pwe ka emwenikeemiwu seni ewe fanü mi pwülüöch o fanüeräs, pwe kopwe nikem lon ewe fanüapö? Ifa usun, kopwe pwal seikuketä pwe kopwe samol wom?  
\v 14 Kosap fokun emwenikeemilong lon eu fanü mi pwülüöch o fanüeräs, kosap pwal ngenikem fanü me tanipin wain pwe aipwe fanüeni. Ifa usun, kopwe pwal atupu ekei aramas? Äm aisap feila.”   
\p
\v 15 Mürin, Moses a fokun song ren ekei kapas o üreni ewe Samol mi Lapalap, “Kosap etiwa ar kewe asor. Ngang üsap mwo nge angei eman aas seniir, üsap pwal föri och mi mwäl ngeniir.”  
\v 16 Iwe, Moses a üreni Kora, “Ämi me chienom kewe meinisin, oupwe feito lesor ren ewe imw mangaku ia aramas ra churi Kot ie, ämi pwal Aaron.  
\v 17 Iwe, eman me eman leimi epwe angei an sepien asoren ötüöt, epwe iseis apach mi pwokus lon o uwato fän mesen ewe Samol mi Lapalap. Iwe, epwe wor ruopükü lime sepien asoren ötüöt, pwal en me Aaron oupwe uwato ämi sepien asoren ötüöt.”  
\v 18 Iei mine ekewe mwän meinisin ra angei ar sepien asoren ötüöt, ra uwalong ekkei lor o iseis apach mi pwokus wor. Iwe, ra ütä leasamalapen ewe imwenfel seni mangaku, nge Moses me Aaron ra pwal ütä rer.  
\v 19 Mürin, Kora a amwichafengeni ekewe aramas meinisin leasamalapen ewe imwenfel seni mangaku, pwe repwe ü ngeni Moses me Aaron. Iwe, lingen ewe Samol mi Lapalap a pwä ngeni ewe mwichen aramas meinisin.   
\p
\v 20 Iwe, ewe Samol mi Lapalap a üreni Moses me Aaron,  
\v 21 “Oupwe aimwükemi seni ekei aramas pwe üpwe aroserela fän eu chök.”  
\v 22 Nge ir ra chapetiu lepwül o apasa, “Äm Kot, en popun manauen aramas meinisin. Ifa usun, kopwe song ngeni unusen ewe mwichen aramas are eman chök mwän a tipis?”  
\v 23 Mürin, ewe Samol mi Lapalap a kapas ngeni Moses,  
\v 24 “Kopwe üreni ekewe aramas pwe repwe sü seni imwen Kora, Tatan me Apiram.”   
\p
\v 25 Mürin, Moses a feila ren Tatan me Apiram, nge ekewe souakomwen Israel ra tapwela mürin.  
\v 26 Iwe, a üreni ekewe aramas, “Üa tüngor ngenikemi, oupwe feil seni imwen ekei mwän mi föföringau. Ousap atapa och pisekir, pwe ousap pwal etiir le tolong lon ewe feiengau epwe toriir pokiten ar kewe tipis.”  
\v 27 Iei mine ekewe aramas ra sü seni imwen Kora, Tatan me Apiram. Nge Tatan me Apiram ra towu o ütä leasamalapen imwer kewe fiti pwülüer me nöür mwän pwal nöür semirit.  
\v 28 Iwe, Moses a üra, “Ren ei oupwe silei pwe ewe Samol mi Lapalap a akünöüei pwe üpwe föri ekei föför meinisin, nge üsap püsin ekiekietä.  
\v 29 Are ekei mwän ra mäla lon sokun mälan armamas, ika a fis ngeniir mine a fis ngeni aramas meinisin, ewe Samol mi Lapalap esap akünöüei.  
\v 30 Nge are ewe Samol mi Lapalap epwe afisätä och mettoch mi fö, are ewe pwül epwe sangfesen o oromirela fiti pisekir meinisin pwe ra feilmanauetiu lon lenien sotup, oupwe silei pwe ekei mwän ra turunufasei ewe Samol mi Lapalap.”   
\p
\v 31 Iwe, wesin chök än Moses üra ekei kapas, ewe pwül fän Tatan me Apiram a sangfesen  
\v 32 o oromirela fiti ar famili meinisin, pwal chienen Kora kewe mwän meinisin me pisekir meinisin.  
\v 33 Iei usun ir meinisin ra feilmanauetiu lon lenien sotup fiti pisekir meinisin. Iwe, ewe pwül a pwölürela pwe ra mola seni me lein ewe mwichen aramas.  
\v 34 Iwe, ekewe chon Israel meinisin mi nom ünükür ra sü, lupwen ra rong ar puchör. Ra puchör le apasa, “Sipwe sü pwe ewe pwül esap pwal oromikichela.”  
\v 35 Nge ekkei a feitiu seni ewe Samol mi Lapalap o kenala ekewe ruopükü lime mwän mi eäni ekewe asoren ötüöt.   
\p
\v 36 Mürin, ewe Samol mi Lapalap a kapas ngeni Moses,  
\v 37 “Kopwe üreni Eleasar nöün ewe souasor Aaron we mwän, epwe angei ekewe sepien asoren ötüöt seni lon molien ewe ekkei, pun ra pin. Epwe pwal atoropasala molien ewe ekkei ekis toau.  
\v 38 Nge ekewe sepien asoren ötüöt än ekewe mwän mi mäla pokiten ar tipis, repwe nechenech o achöpöp pwe pwölüpwölün ewe rongen asor. Pokiten ra aea le asor me fän mesen ewe Samol mi Lapalap, iei mine ra pin. Iwe, repwe eu asisilen fön ngeni ekewe aramasen Israel.”  
\v 39 Mürin, ewe souasor Eleasar a angei ekewe sepien asoren ötüöt mi för seni piras, chokewe mi kar ra aea le asor. Iwe, a necheer o achöpöpüür pwe pwölüpwölün ewe rongen asor.  
\v 40 Iwe, ekei pisek repwe achema ngeni ekewe aramasen Israel, pwe esap wor eman epwe kanoto pwe epwe keni apach mi pwokus fän mesen ewe Samol mi Lapalap, chilon chök ekewe mwirimwirin Aaron, pwe esap fis ngeni usun mine a fis ngeni Kora me chienan kewe. Iwe, ra föri meinisin usun mine ewe Samol mi Lapalap a allük ngeni Moses fän iten Eleasar.   
\p
\v 41 Nge sorotän ewe rän ekewe aramasen Israel ra lal ngeni Moses me Aaron o apasa, “Ämi oua niela nöün ewe Samol mi Lapalap aramas.”  
\v 42 Iwe, lupwen ekewe aramas ra chufengen pwe repwe ü ngeni Moses me Aaron, ra kul ngeni ewe imw mangaku ia aramas ra churi Kot ie o küna pwe ewe kuchu a pwölüöla o lingen Kot a pwä.  
\v 43 Mürin, Moses me Aaron ra feito ren asamalapen ewe imw mangaku ia aramas ra churi Kot ie.  
\v 44 Nge ewe Samol mi Lapalap a üreni Moses,  
\v 45 “Oupwe merela seni ei mwichen aramas pwe üpwe aroserela fän eu chök.” Iwe, ir me ruoman ra chapetiu lepwül.  
\v 46 Mürin, Moses a üreni Aaron, “Kopwe angei om sepien asoren ötüöt, kopwe atolonga ekkei seni won ewe rongen asor o iseis apach mi pwokus won. Kopwe müttir uwala ren ewe mwichen aramas o föri asoren amusamusen tipis fän iter. Pun än ewe Samol mi Lapalap song a feitiu, nge ewe mätter a fen popuetä.”  
\v 47 Iei mine Aaron a angei ewe sepien asoren ötüöt, usun Moses a üreni, o säla lein ekewe aramas. Nge lupwen Aaron a küna pwe ewe mätter a fen popuetä lein ekewe aramas, a iseis apach mi pwokus lon ewe sepien asoren ötüöt o föri asoren amusamusen tipis fän iten ekewe aramas.  
\v 48 Iwe, a ütä lefilen ekewe mi mäla me ekewe mi manau, nge ewe mätter a kaüla.  
\v 49 Iwe, iteiten chokewe mi mäla ren ewe mätter ükükün engol me rüanüngeröü füpükü lükün chokewe mi mäla pokiten ar eti Kora le tipis.  
\v 50 Nge lupwen ewe mätter a kaüla, Aaron a liwinla ren Moses leasamalapen ewe imw mangaku ia aramas ra churi Kot ie.   
\c 17  
\s1 Wokun Aaron  
\sr 17.1-13  
\p
\v 1 Iwe, ewe Samol mi Lapalap a kapas ngeni Moses,  
\v 2 “Kopwe üreni ekewe aramasen Israel pwe repwe uwato engol me ruofoch wok, epwe efoch nge fän iten souemwenin eu me eu ar kewe ainang. Kopwe ruputi iten eman me eman won en me wokun.  
\v 3 Nge kopwe ruputi iten Aaron won wokun Lefi we. Epwe wor efoch wok fän iten eman me eman souemwenin eu me eu ainang.  
\v 4 Mürin, kopwe isenirelong lon ewe imw mangaku ia aramas ra churiei ie mwen ewe pworofel, ewe ia üa churuk ie.  
\v 5 Iwe, wokun ätewe üa filätä epwe fasar. Iei usun üpwe aükätiu än ekewe aramas lal ngonuk.”  
\v 6 Iwe, Moses a apworausa ngeni ekewe aramasen Israel ekei kapas. Iwe, nöür kewe souemwen ra ngeni Moses engol me ruofoch wok, efoch wok nge eman souemwenin ar kewe ainang. Nge wokun Aaron we a pwal nom leir.  
\v 7 Iwe, Moses a isenalong ekewe wok lon ewe imwenfel seni mangaku mwen än ewe Samol mi Lapalap we pworofel.   
\p
\v 8 Iwe, sorotän ewe rän Moses a tolong lon ewe imwenfel seni mangaku. A küna wokun Aaron we fän iten ewe ainangen Lefi pwe a fasar, a et, a pwal wor pöön irä won o uani föün almont mi maaw. \x + \xo 17.8 \xt Ipr 9.4\x*  
\v 9 Mürin, Moses a uwawu ekewe wok seni mwen än ewe Samol mi Lapalap we pworofel o appii ngeni ekewe aramasen Israel meinisin. Iwe, ra küna mine a fis, nge eman me eman souemwen a angei wokun.  
\v 10 Iwe, ewe Samol mi Lapalap a üreni Moses, “Kopwe aliwinalong wokun Aaron we mwen ewe pworofel, pun epwe nom pwe eu asisilen fön ngeni ekewe chon ü ngeniei. Ren ei epwe wes ar lal ngeniei, pwe resap mäla.”  
\v 11 Iei usun Moses a föri mine ewe Samol mi Lapalap a allük ngeni.   
\p
\v 12 Nge ekewe aramasen Israel ra üreni Moses, “Nengeni, äm aia rosola. Äm aipwe mäla, äm meinisin aipwe mäla.  
\v 13 Eman me eman mi kan ngeni än ewe Samol mi Lapalap imwenfel seni mangaku epwe mäla. Ifa usun, äm meinisin aipwe mäla?”   
\c 18  
\s1 Wisen me inetin ekewe souasor me ekewe mwän seni ewe ainangen Lefi  
\sr 18.1-32  
\p
\v 1 Iwe, ewe Samol mi Lapalap a üreni Aaron, “Ämi me noum kewe mwän pwal chon än semom ainang oupwe mwärelong fän ekewe pupungau mi fis ngeni ewe imw mi pin. Nge ämi me noum kewe mwän oupwe pwal mwärelong fän pupungauen wisemi wisen souasor.  
\v 2 Iwe, kopwe pwal emwenato pwiüm kewe chon ewe ainangen Lefi, repwe etuk o alisuk, lupwen ämi me noum kewe mwän oua föri ämi angang lon ewe imwenfel seni mangaku.  
\v 3 Iwe, ir repwe angang ngonuk o föri sokun angangen ewe imwenfel seni mangaku. Nge resap kan ngeni pisekin ewe imw mi pin ika ngeni ewe rongen asor pwe ämi me ir ousap mäla.  
\v 4 Iwe, repwe etuk le föri angangen ewe imwenfel seni mangaku me sokun angangen lon meinisin. Nge esap wor eman lükür epwe etikemi lon ewe angang.  
\v 5 Nge ämi me noum kewe oupwe föri angangen lon ewe imwenfel seni mangaku me angangen ewe rongen asor, pwe esap chüen fis ai song won ekewe aramasen Israel.  
\v 6 Ngang püsin üa filätä pwimi kewe chon ewe ainangen Lefi seni lein ekewe aramasen Israel pwe eu lifang ngenikemi. Ir ra imwüla fän itei pwe repwe föri angangen ewe imwenfel seni mangaku.  
\v 7 Nge ämi chök me noum kewe mwän oupwe föri angangen wisen souasor won ewe rongen asor, pwal angangen lon ewe rumw mi unusen pin. Iei wisemi, pun üa lifang ngenikemi ewe wisen souasor. Nge are eman me lükün epwe kan ngeni ewe imw mi pin, epwe ninnila.”   
\p
\v 8 Mürin, ewe Samol mi Lapalap a üreni Aaron, “Ngang püsin üa ngenikemi mine a imwüla seni ekewe asor ra eäni asor ngeniei. Mettoch meinisin mine ekewe aramasen Israel ra apini, üa ngenikemi me noum kewe mwän pwe inetimi tori feilfeilachök.  
\v 9 Ämi oupwe eni ewe kinikin esap kekila seni ekewe asor mi unusen pin. Seni ekewe lifang meinisin aramas ra uwato rei pwe eu asor mi unusen pin, ese lifilifil ika asoren mongö, ika asoren tipis, ika asoren pupungau, ekei kinikin repwe fän itemi me noum kewe mwän.  
\v 10 Oupwe mongö ekei asor lon eu leni mi unusen pin. Iteiten mwän a tongeni mongö seniir. Oupwe chechemeni pwe ra pin fän itemi.  
\v 11 Pwal iei inetimi: Än ekewe aramasen Israel lifang ra eäni asor, pwal ar kewe asoren assaw meinisin. Ekei asor üa ngenikemi me noum kewe mwän me fefin, pwe inetimi tori feilfeilachök. Iteiten ir mi limöch me lein chon leimwom repwe tongeni mongö seni.  
\v 12 Üa pwal ngenikemi öchün apüra me öchün wain meinisin, pwal öchün föün wiich meinisin aramas ra fang ngeniei pwe ar mwen ua.  
\v 13 Iwe, mwen uän irä meinisin mi mär won fanüer ra uwato rei repwe enemi. Iteiten ir mi limöch me lein chon leimwom repwe tongeni mongö seni.  
\v 14 Iteiten mettoch meinisin aramas ra apini fän itei me lon Israel repwe om. \x + \xo 18.14 \xt Lif 27.28\x*  
\v 15 Meinisin mine a akomwen uputiu me lein aramas ika man chon Israel ra eäni asor ngeniei repwe noum. Nge mwänichien aramas repwe liwini ngonuk won moni pwal usun chök mweinöün man mi limengau.  
\v 16 Iwe, ren ekewe mwänichi repwe möni ngonuk, lupwen repwe eu maram, nge ükükün mör epwe limeföü föün silifer mi för won ewe kilo ra aea le aükük lon ewe imw mi pin.  
\v 17 Nge mweinöün eman kow ika sip ika kuuch resap tongeni möni ngonuk, pun ra pin. Kopwe äsupu char ngeni won ewe rongen asor o kenala kirisir pwe eu asor üa efich pwoon.  
\v 18 Nge fituker ochom, usun chök ewe leup seni ewe asor mi assaw me ewe pelifichin pechen pwal ochom.  
\v 19 Iwe, ekewe asor mi pin meinisin ekewe aramasen Israel ra asor ngeniei ngang üa ngenikemi me noum kewe mwän me fefin pwe inetimi tori feilfeilachök. Iei eu pwon esap tongeni tala \f + \fr 18.19 \ft lon kapasen Ipru: eu pwonen salt\f* tori feilfeilachök, üa föri ngenikemi me mwirimwirum kana.”  
\v 20 Iwe, ewe Samol mi Lapalap a pwal üreni Aaron, “Kosap fanüeni eu fanü me lon Israel, esap pwal wor inetum me leir. Pun ngang inetum me wisom me lein ekewe aramasen Israel.   
\p
\v 21 Iwe, üa ngeni chon ewe ainangen Lefi än chon Israel leengol meinisin ra uwato rei, pwe wiser fän iten ar angang lon ewe imwenfel seni mangaku. \x + \xo 18.21 \xt Lif 27.30-33; Tut 14.22-29\x*  
\v 22 Ekewe aramasen Israel resap chüen kanoto ren ewe imwenfel seni mangaku, pwe resap tipis o mäla.  
\v 23 Nge chon ewe ainangen Lefi repwe föri angangen ewe imwenfel seni mangaku o wisen tümwünü seni sokun limengau. Ei epwe eu allük tori feilfeilachök seni eu täppin aramas tori eu täppin. Iwe, esap pwal wor wisen chon ewe ainangen Lefi fanü me lein ekewe aramasen Israel.  
\v 24 Pun än ekewe aramasen Israel leengol ra eäni asor ngeniei üa ngeni chon ewe ainangen Lefi pwe wiser. Iei popun üa üreniir pwe esap wor wiser fanü me lein ekewe aramasen Israel.”   
\p
\v 25 Iwe, ewe Samol mi Lapalap a kapas ngeni Moses,  
\v 26 “Kopwe pwal üreni chon ewe ainangen Lefi: Lupwen oupwe angei seni ekewe aramasen Israel ewe leengol ewe Samol mi Lapalap a ngenikemi pwe wisemi, ämi oupwe pwal eäni asor ngeni ewe Samol mi Lapalap eu leengol seni ewe leengol oua angei.  
\v 27 Ren ämi eäni ekewe asoren leengol, oua usun chök chon Israel mi eäni asor eu leengol seni ar föün wiich me ar wain.  
\v 28 Iei usun pwal ämi oupwe eäni asor ngeni ewe Samol mi Lapalap seni ämi leengol meinisin oua angei seni ekewe aramasen Israel. Iwe, oupwe ngeni ewe souasor Aaron mine än ewe Samol mi Lapalap.  
\v 29 Iwe, seni ekewe lifang meinisin oua angei, oupwe eäni asor ngeni ewe Samol mi Lapalap ewe kinikin mi fokun mürina o pin.  
\v 30 Iwe, kopwe pwal üreni chon ewe ainangen Lefi: Lupwen oua wes le eäni asor mine a fokun mürina, ewe lusun epwe usun chök ekewe föün wiich seni püsin ämi lenien wichiwich umwun wiich, pwal usun chök ewe wain seni ämi lenien üchüch föün irän wain ngenikemi.  
\v 31 Iwe, ewe lusun oupwe tongeni mongö ekis meinisin, ämi me chon leimwemi. Pun iei liwinimi fän iten ämi angang lon ewe imwenfel seni mangaku.  
\v 32 Lupwen oua eäni asor ewe kinikin mi fokun mürina, esap wor tipisin ämi mongö ewe lusun ekis meinisin. Nge oupwe föröchü pwe ousap apiningaua än ekewe aramasen Israel asor mi pin, pwe ousap mäla.”   
\c 19  
\s1 Än chon limengau limelim  
\sr 19.1-22  
\p
\v 1 Iwe, ewe Samol mi Lapalap a üreni Moses me Aaron,  
\v 2 “Iei pwüngün ewe allük ewe Samol mi Lapalap a allük: Kopwe üreni ekewe aramasen Israel pwe repwe nukieto eman kow mi par esamwo nöünöü, esap wor terin ika ngauan, esap pwal uwei mwo efoch waas fän eu.  
\v 3 Iwe, oupwe ngeni ewe souasor Eleasar ewe kow. Nge ewe kow epwe nukunukula lükün ewe ia oua imweimw ie o ninnila me fän mesan.  
\v 4 Mürin, ewe souasor Eleasar epwe angei ekis chan ewe kow won aütün o äsupu fän fisu ngeni awenewenen asamalapen ewe imwenfel seni mangaku.  
\v 5 Nge ewe kow epwe kekila me fän mesen Eleasar: silin, fitukan, chan pwal taran epwe chök kekila.  
\v 6 Iwe, ewe souasor epwe angei mwüüch seni ewe irä setar, ülün ewe irä isop pwal ekam mangaku mi par o moneerelong lon ewe ekkei.  
\v 7 Mürin, ewe souasor epwe sopuni üfan o tütü. Iwe, mürin epwe tolong lon ewe ia oua nonom ie, nge epwe nom lon tettelin chon limengau tori lekuniol.  
\v 8 Nge ätewe mi kenala ewe kow epwe sopuni üfan o tütü, epwe pwal nom lon tettelin chon limengau tori lekuniol.  
\v 9 Mürin, eman mwän mi limöch epwe tukei falangen ewe kow o iseis lükün ewe ia oua nonom ie lon eu leni mi limöch. Iwe, ewe falang epwe iseis fän iten ekewe aramasen Israel pwe epwe nofit me koluk, pwe epwe wor kolukun limelim. Pun ei koluk kolukun limeti tipis. \x + \xo 19.9 \xt Ipr 9.13\x*  
\v 10 Nge ätewe mi tukei falangen ewe kow epwe sopuni üfan o nom lon tettelin chon limengau tori lekuniol. Ei epwe eu allük tori feilfeilachök fän iten ekewe aramasen Israel, pwal fän iten ekewe chon ekis mi nom leir.   
\p
\v 11 Iwe, eman mi atapa eman somä epwe nom lon tettelin chon limengau lon ükükün fisu rän.  
\v 12 Iwe, epwe alimelima ren ewe kolukun limelim lon aülüngatin me afisuen rän, mürin epwe limöch. Nge are esap alimelima lon aülüngatin me afisuen rän, esap limöch.  
\v 13 Iwe, iö a atapa inisin eman somä, nge esap alimelima, a alimengaua än ewe Samol mi Lapalap we imwenfel seni mangaku. Ewe aramas epwe käriwu seni ekewe chon Israel. Pokiten ewe kolukun limelim esap utututä won, ätewe epwe nom lon tettelin chon limengau, nge an limengau epwe chök nonom won.   
\p
\v 14 Iwe, iei ewe allük lupwen eman aramas a mäla lon eu imw mangaku: Iteiten eman me eman mi tolong lon ewe imw mangaku, pwal iteiten eman me eman mi nom lon epwe nom lon tettelin chon limengau lon ükükün fisu rän.  
\v 15 Nge iteiten sepi esap wor pwölüpwölün mi riritä won epwe pwal limengau.  
\v 16 Iwe, iö a atapa eman somä mi mäla ren ketilas, ika eman somä mi chök püsin mäla me lemäl, ika chün eman somä, ika eu peias, epwe nom lon tettelin chon limengau lon ükükün fisu rän.  
\v 17 Iwe, repwe angei ekis falangen ewe kow mi kekila fän iten asoren tipis o nofiti ngeni koluk mi limöch lon eu sepi fän iten ewe mi limengau.  
\v 18 Mürin, eman aramas mi limöch epwe angei ülün ewe irä isop, epwe atukalong lon ewe koluk o äsupu won ewe imw mangaku, won pisekin lon meinisin pwal won ekewe aramas mi nom lon. Epwe pwal äsupu won ätewe mi atapa chün eman somä ika atapa eman mi ninnila, ika atapa eman somä mi püsin mäla, ika atapa eu peias.  
\v 19 Iwe, ewe aramas mi limöch epwe äsupu ewe koluk won ätewe mi nom lon tettelin chon limengau lon aülüngatin me afisuen rän. Iei usun epwe alimelima ätewe mi limengau lon afisuen rän. Iwe, ätewe mi limengau epwe sopuni üfan o tütü, nge lekuniol epwe limöch.   
\p
\v 20 Iwe, are eman aramas a nom lon tettelin chon limengau, nge esap kütta limelim, ätewe epwe käriwu seni ewe mwichen aramas, pun i a alimengaua än ewe Samol mi Lapalap leni mi pin. Pokiten ewe kolukun limelim esap utututä won, a limengau.  
\v 21 Ei epwe eu allük fän itemi fansoun meinisin. Iwe, ätewe mi äsupu ewe kolukun limelim epwe sopuni üfan. Nge ätewe mi atapa ewe kolukun limelim epwe nom lon tettelin chon limengau tori lekuniol.  
\v 22 Iwe, mettoch meinisin ewe aramas mi limengau a atapa epwe limengau, nge eman mi atapa ekei mettoch epwe pwal limengau tori lekuniol.”   
\c 20  
\s1 Koluk a puwu seni lon ewe achau  
\sr 20.1-13  
\r (Eks 17.1-7)  
\p
\v 1 Iwe, lon aeuin maram ekewe aramasen Israel meinisin ra tori ewe fanüapön Sin o nonom lon Kates. Nge Miriam a mäla o peias ikenan.   
\p
\v 2 Iwe, ikenan esap wor koluk fän iten ekewe aramas. Iei mine ra mwichefengen o ü ngeni Moses me Aaron.  
\v 3 Iwe, ekewe aramas ra anini ngeni Moses o üreni, “Amwo aia eti pwim kewe ra mäla fän mesen ewe Samol mi Lapalap.  
\v 4 Pwota oua emwenato nöün ewe Samol mi Lapalap mwichen aramas lon ei fanüapö pwe aipwe mäla ikei, äm me nöüm kewe man?  
\v 5 Pwota oua emwenikeemiwu seni Isip o emwenikeemilong lon ei leni mi ngau. Ei leni esap eu lenien fot föün wiich, esap pwal mär irä fiik me irän wain me apel won. Iwe, esap pwal wor ünümem koluk ikei.”  
\v 6 Mürin, Moses me Aaron ra feila seni ekewe aramas, ra feila ren asamalapen ewe imwenfel seni mangaku o chapetiu lepwül. Iwe, lingen ewe Samol mi Lapalap a pwä ngeniir,  
\v 7 nge ewe Samol mi Lapalap a üreni Moses,  
\v 8 “Kopwe angei ewe wok mi nom ren ewe pworofel o emwichato ekewe aramas meinisin, ämi me Aaron pwiüm we. Oupwe fos me fän meser ngeni ewe achau pwe epwe atowu kolukun lon. Iei usun kopwe atowu koluk seni lon ewe achau fän iter, pwe kopwe aünü ekewe aramas me nöür man.”  
\v 9 Iwe, Moses a angei ewe wok usun ewe Samol mi Lapalap a allük ngeni.   
\p
\v 10 Iwe, Moses me Aaron ra emwichafengeni ekewe aramas meinisin mwen ewe achau. Iwe, Moses a üreniir, “Oupwe rongorong, ämi chon ü ngeniei. Ifa usun, äm aipwe atowu koluk seni lon ei achau fän itemi?”  
\v 11 Mürin, Moses a aitiela wokun o wichi ewe achau fän ruu. Iwe, ewe koluk a pumongowu, pwe ekewe aramas me nöür kewe man ra ün.  
\v 12 Nge ewe Samol mi Lapalap a üreni Moses me Aaron, “Pokiten ousap lüküei, ousap pwal apiniöchüei me fän mesen ekewe aramasen Israel, iei mine ousap emwenirelong lon ewe fanü üpwe ngeniir.”  
\v 13 Ei a fis me arun ewe kolukun Meripa \f + \fr 20.13 \ft wewen Meripa anini\f*, ewe ia ekewe aramasen Israel ra anini ngeni ewe Samol mi Lapalap ie, nge i a pwärätä me leir pwe a pin.   
\s1 Chon Etom resap mwütätä än chon Israel repwe sai lon fanüer  
\sr 20.14-21  
\p
\v 14 Iwe, Moses a tinala chon künö seni lon Kates ren ewe kingen Etom pwe repwe üreni, “Iei alon pwiüm kewe chon Israel: En ka püsin silei usun ewe riaföü a torikem.  
\v 15 Ka silei usun än äm kewe lewo feila Isip. Iwe, äm aia nonom lon Isip fansoun langatam. Nge ekewe chon Isip ra ariaföüükem me äm kewe lewo.  
\v 16 Iwe, lupwen aia siö ngeni ewe Samol mi Lapalap, a rong äm siö o tinato eman chon läng pwe epwe emwenikeemiwu seni Isip. Iwe, iei aia nom lon Kates, eu telinimw mi nom ünükün fanüom.  
\v 17 Kose mochen kopwe mwüt ngenikem pwe aipwe pwerelong lon fanüom. Äm aisap pwerelong lon om tanipin wiich ika tanipin wain, aisap pwal ün koluk seni ekewe chönüttu. Äm aipwe chök fetal won än ewe king alelap, nge aisap kul ngeni pelifichin ika pelimöngün tori aipwe pwerewu seni fanüom.”  
\v 18 Nge ewe kingen Etom a pälüeni, “Ousap fokun pwerelong lon fanüei, pun are oupwe pwerelong, äm aipwe maun ngenikemi.”  
\v 19 Iwe, ekewe aramasen Israel ra üreni, “Äm aipwe chök fetal won ewe alelap. Nge are äm me nöüm man aipwe ün seni om koluk, aipwe möni. Kopwe chök mwüt ngenikem pwe aipwe pwerelong, esap pwal wor och lükün.”  
\v 20 Nge ewe kingen Etom a pälüeni, “Ousap fokun pwerelong lon fanüei.” Iwe, ewe kingen Etom fiti chomong nöün sounfiu ra towu pwe repwe maun ngeniir.  
\v 21 Iwe, pokiten ekewe chon Etom resap mwüt ngeni chon Israel pwe repwe pwerelong lon fanüer, iei mine ekewe chon Israel ra kul seni o pwerela won efoch al.   
\s1 Aaron a mäla me won ewe chuk Hor  
\sr 20.22-29  
\p
\v 22 Iwe, ekewe aramasen Israel meinisin ra sai seni Kates o tori ewe chuk Hor.  
\v 23 Iwe, ewe Samol mi Lapalap a üreni Moses me Aaron me fäsonun ewe chuk Hor won kiännin ewe fanü Etom,  
\v 24 “Aaron epwe mäla o chufengen me an kewe lewo. Pun Aaron esap tolong lon ewe fanü üpwe ngeni ekewe aramasen Israel, pokiten oua ü ngeni ai allük arun ewe kolukun Meripa.  
\v 25 Kopwe emwenätä Aaron me Eleasar nöün we mwän won ewe chuk Hor.  
\v 26 Mürin, kopwe pwiliti seni Aaron üfan kewe üföüfen souasor o aüföüfätä won Eleasar. Iwe, Aaron epwe mäla ikenan o chufengen me an kewe lewo.”  
\v 27 Iwe, Moses a föri usun mine ewe Samol mi Lapalap a allük ngeni. Ra mwinetä won ewe chuk Hor fän mesen ekewe aramas meinisin.  
\v 28 Iwe, Moses a pwiliti seni Aaron üfan kewe o aüföüfätä won Eleasar nöün we mwän. Iwe, Aaron a mäla ikenan won ungen ewe chuk. Mürin, Moses me Eleasar ra feitiu me won ewe chuk. \x + \xo 20.28 \xt Eks 29.29; Num 33.38; Tut 10.6\x*  
\v 29 Nge lupwen ekewe aramasen Israel meinisin ra silei pwe Aaron a mäla, ir meinisin ra kechüeiti Aaron lon ükükün ilik rän.   
\c 21  
\s1 Chon Kanaan ra fiu ngeni chon Israel  
\sr 21.1-3  
\p
\v 1 Nge lupwen ewe kingen Arat ewe re Kanaan mi nonom lon ewe fanü Nekep a rongorong pwe chon Israel ra feito won ewe al ngeni Atarim, a maun ngeni chon Israel o liapeni ekoch leir. \x + \xo 21.1 \xt Num 33.40\x*  
\v 2 Mürin, chon Israel ra föri eu pwon ngeni ewe Samol mi Lapalap o üra, “Are kopwe fangelong ekei aramas fän nemenemem, äm aipwe wesewesen aroserela o ataela ar kewe telinimw.”  
\v 3 Iwe, ewe Samol mi Lapalap a rongorong än chon Israel kapas o atolonga ekewe chon Kanaan fän nemeniir. Iwe, ra wesewesen aroserela o ataela ar kewe telinimw. Iei mine ra aita ngeni ewe leni Horma \f + \fr 21.3 \ft wewen Horma tala\f*.   
\s1 Ekewe serepenit mi poison  
\sr 21.4-9  
\p
\v 4 Iwe, ekewe chon Israel ra feila seni ewe chuk Hor o sai won ewe al mi ale ngeni ewe Setipar, pwe repwe pwelila lükün ewe fanü Etom. Iwe, ekewe aramas resap chüen engila fän weiresin ar sai \x + \xo 21.4 \xt Tut 2.1\x*  
\v 5 o eäni kapasen ü ngeni Kot me Moses. Ra apasa, “Pwota ka emwenikeemiwu seni Isip pwe aipwe mäla lon ewe fanüapö? Pun esap wor mongö ikei, esap pwal wor koluk, nge äm aia noow ei mongö esap ngünü.”  
\v 6 Mürin, ewe Samol mi Lapalap a tinato serepenit mi poison lein ekewe aramas. Iwe, ra küw chomong aramasen Israel, pwe ra mäla. \x + \xo 21.6 \xt 1.Kor 10.9\x*  
\v 7 Iwe, ekewe aramas ra feito ren Moses o üreni, “Äm aia tipis, pun aia eäni kapasen ü ngenikemi me ewe Samol mi Lapalap. Kopwe tüngor ngeni ewe Samol mi Lapalap pwe epwe angei senikem ekewe serepenit.” Iei mine Moses a iotek fän iten ekewe aramas.  
\v 8 Mürin, ewe Samol mi Lapalap a üreni Moses, “Kopwe föri uluulun eman serepenit seni piras o eitiuätä won efoch mwüüch. Nge lupwen ekewe serepenit ra küw eman, epwe manau are i epwe nenengeni ewe uluulun serepenit.”  
\v 9 Iei mine Moses a föri uluulun eman serepenit seni piras o eitiuätä won efoch mwüüch. Iwe, are eman serepenit a küw eman aramas, nge a nenengeni ewe uluulun serepenit seni piras, a manau. \x + \xo 21.9 \xt 2.King 18.4; Joh 3.14\x*   
\s1 Chon Israel ra pweel lükün Moap  
\sr 21.10-20  
\p
\v 10 Iwe, ekewe aramasen Israel ra sopwela ar sai tori Opot o aüetä imwer ie.  
\v 11 Mürin ra sai seni Opot tori Ieaparim lon ewe fanüapö ötiuen ewe fanü Moap. Ikenan ra aüetä imwer.  
\v 12 Iwe, ra pwal sai seni ikenan o sai ngeni ewe lemolun Seret o aüetä imwer ie.  
\v 13 Mürin ra pwal sai seni ikenan o aüetä imwer lon ewe fanüapö efengin ewe chanpupu Arnon chöülan ewe fanüen chon Amor. Pun ewe chanpupu Arnon kiän lefilen Moap me chon Amor.  
\v 14 Iei mine a mak lon ewe puken maun än ewe Samol mi Lapalap, “Wahep lon Sufa me ekewe lemol, ewe chanpupu Arnon  
\v 15 me pwokuren ekewe lemol mi chöütiu tori ewe telinimw Ar pwal tori kiännin Moap.”  
\v 16 Iwe, seni ikenan ra sai tori Peer. Iei ewe chönüttu ia ewe Samol mi Lapalap a kapas ngeni Moses me ie, “Kopwe emwichafengeni ekewe aramas pwe ngang üpwe ngeniir koluk.”  
\v 17 Iwe, lon ewe fansoun ekewe chon Israel ra kölü ei köl:  
\q1 “Kopwe michitä en chönüttu.  
\q1 Sipwe köl ngeni.   
\q1
\v 18 Iei ewe chönüttu ekewe samol ra tuw,  
\q1 pwal ekewe mi iteföüla.  
\q1 Ra tuw ngeni ewe wokun samol,  
\q1 pwal ngeni wokur.”  
\q1 Iwe, seni ewe fanüapö ra saila ngeni Matana.   
\p
\v 19 Iwe, ra sai seni Matana tori Nahaliel, nge seni Nahaliel tori Pamot.  
\v 20 Mürin ra sai seni Pamot tori ewe lemol mi nom lon kinikinin Moap fäsonun ungen ewe chuk Piska mi sasapetiu won ewe fanüapö.   
\s1 Chon Israel ra akufu ewe king Sihon  
\sr 21.21-30  
\r (Tut 2.26–3.11)  
\p
\v 21 Mürin, ekewe chon Israel ra tinala chon künö ren Sihon ewe kingen Amor pwe repwe üreni,  
\v 22 “Kose mochen kopwe mwüt ngenikem pwe aipwe pwerelong lon fanüom. Äm aisap kul ngeni om tanipin wiich ika tanipin wain, aisap pwal ün koluk seni ekewe chönüttu. Äm aipwe chök fetal won än ewe king alelap tori aipwe pwerewu seni fanüom.”  
\v 23 Nge Sihon esap mochen mwüt ngeni ekewe chon Israel pwe repwe pwerelong lon fanüan. Iwe, a emwichafengeni nöün kewe sounfiu meinisin o feila lon ewe fanüapö pwe epwe maun ngeni chon Israel. Iwe, lupwen a tori Jahas, a maun ngeniir.  
\v 24 Nge ekewe chon Israel ra niela Sihon me chomong nöün sounfiu o liapeni fanüan seni ewe chanpupu Arnon tori ewe chanpupu Japok. Nge ra chök tori kiännin fanüen chon Amon, pun a pöchökül tittin kiännin.  
\v 25 Iwe, ekewe chon Israel ra liapeni ekewe telinimwen chon Amor meinisin o imweimw lor. Ra pwal imweimw lon Hespon me wisoposopun meinisin.  
\v 26 Pun Hespon telinimwen Sihon ewe kingen chon Amor, ätewe mi maun ngeni ewe minen lomun kingen Moap o liapeni fanüan meinisin tori ewe chanpupu Arnon.  
\v 27 Iei popun ekewe souköl ra köl,  
\q1 “Oupwe feito ngeni Hespon.  
\q1 Oupwe aüetä o anükünüköchü ewe telinimwen Sihon.   
\q1
\v 28 Pun nöün Sihon mwichen sounfiu  
\q1 a towu seni Hespon usun ekkei.  
\q1 A kenala ewe telinimw Ar lon Moap  
\q1 o amochala ekewe chukuchukutä arun ewe chanpupu Arnon.   
\q1
\v 29 Feiengauemi chon Moap!  
\q1 A iei sopolomi, ämi aramas mi fel ngeni Kemos.  
\q1 Ämi kot a föri pwe nöümi kewe mwän ra choisä,  
\q1 nge nöümi kewe fefin ra oola ren Sihon ewe kingen chon Amor. \x + \xo 21.29 \xt Jer 48.45-46\x*   
\q1
\v 30 Nge iei sia aroserela seni Hespon tori Tipon,  
\q1 pwal tori Nofa me Metepa.”   
\s1 Chon Israel ra akufu ewe king Ok seni Pasan  
\sr 21.31-35  
\p
\v 31 Iwe, ekewe chon Israel ra nonom lon fanüen chon Amor.  
\v 32 Mürin, Moses a tinala chon op pwe repwe operi ewe telinimw Jaser. Iwe, ekewe chon Israel ra liapeni ewe telinimw me wisoposopun kewe o asüela ekewe chon Amor mi nonom ikenan.  
\v 33 Mürin ra kul o feitä ngeni Pasan. Nge Ok ewe kingen Pasan me nöün sounfiu meinisin ra towu pwe repwe maun ngeniir me lon Etrei.  
\v 34 Nge ewe Samol mi Lapalap a üreni Moses, “Kosap niuokusiti Ok, pun üa atolonga i me nöün aramas meinisin pwal fanüan fän nemeniom. Iwe, kopwe föri ngeni usun mine ka föri ngeni Sihon ewe kingen chon Amor mi nonom lon Hespon.”  
\v 35 Iei mine chon Israel ra niela Ok me nöün kewe mwän pwal nöün aramas meinisin tori esap chüen wor eman lusun. Mürin ra fanüeni fanüan.   
\c 22  
\s1 Palak a titi Palam  
\sr 22.1-20  
\p
\v 1 Mürin, ekewe aramasen Israel ra sai tori ewe maasiesin Moap ötiuen ewe chanpupu Jortan sasape ngeni Jeriko. Ikenan ra aüetä imwer imw mangaku.  
\v 2 Nge Palak nöün Sipor mwän a rong meinisin mine chon Israel ra föri ngeni ekewe chon Amor.  
\v 3 Iwe, chon Moap ra fokun niuokus ren chomongun ekewe aramasen Israel, pwe ra chechech pokiten ar niuokusitiir.  
\v 4 Iwe, ekewe chon Moap ra kapas ngeni ekewe souakomwen Mitian, “Ei mwichemongun aramas epwe asomwa meinisin mine a nom ünüküch, usun eman ätemwänin kow a asomwa fetilin lemäl.” Nge Palak nöün Sipor mwän a kingen Moap lon ewe fansoun.  
\v 5 Iwe, a tinala chon künö ren Palam nöün Peor mwän lon Petor, a arap ngeni ewe chanpupu Oifrat lon ewe fanü Amaw. Iwe, ra uwei ngeni alon Palak o üreni, “Eu mwichen aramas a feito seni Isip, a pwölüela unusen ewe fanü o nonom kükü ngeniei. \x + \xo 22.5 \xt Num 31.8; 2.Pet 2.15-16; Jut 11\x*  
\v 6 Kose mochen kopwe feito iei o anümamaua ngeniei ekei aramas, pun ir ra kon pöchökül seniei. Eli üpwe tongeni akufuur o asürela seni ewe fanü. Pun üa silei pwe iö en ka afeiöchü a feiöch, nge iö ka anümamaua a anümamau.”   
\p
\v 7 Iwe, ekewe souakomwen Moap me ekewe souakomwen Mitian ra feila ren Palam o uweela owun eman soupwe. Nge lupwen ra tori, ra apworausa ngeni alon Palak.  
\v 8 Iwe, Palam a üreniir, “Oupwe pwinii epwin ikei pwe üpwe aiti ngenikemi usun mine ewe Samol mi Lapalap a aiti ngeniei.” Iei usun ekewe souakom seni Moap ra nom ren Palam.  
\v 9 Iwe, Kot a feito ren Palam o aisini, “Iö ekewe mwän ra nom reöm?”  
\v 10 Nge Palam a üreni Kot, “Palak ewe kingen Moap a tinireto rei pwe repwe üreniei,  
\v 11 pwe eu mwichen aramas a feito seni Isip o pwölüela unusen ewe fanü. A titi ngang pwe üpwe anümamaueer ngeni, pwe epwe tongeni maun ngeniir o asürela.”  
\v 12 Nge Kot a üreni Palam, “Kosap etiirela. Kosap anümamaua ekewe aramas, pun ir ra feiöch.”  
\v 13 Iwe, Palam a pwätä lesosor o üreni nöün Palak kewe chon künö, “Oupwe liwinla lon fanüemi, pun ewe Samol mi Lapalap esap mwüt ngeniei pwe üpwe etikemi.”  
\v 14 Iei mine ekewe chon künö ra ütä o liwinla ren Palak. Iwe, ra üreni, “Palam esap mochen etikem.”   
\p
\v 15 Mürin, Palak a pwal tinisefäliela eu mwichen souakom mi chocho o iteföüla seni ätekewe.  
\v 16 Iwe, ra feito ren Palam o üreni alon Palak, “Kosap mwüt ngeni och epwe epetuk seni om kopwe feito rei.  
\v 17 Pun üpwe ngonuk chomong liwinum, nge meinisin mine ka üreniei üpwe föri. Kose mochen kopwe chök feito o anümamaua ngeniei ekei aramas.”  
\v 18 Nge Palam a pälüeni nöün Palak kewe chon künö, “Are Palak epwe fen ngeniei an silifer me kolt meinisin mi nom lon imwan, üsap tongeni föri och mi watte ika kis pwe üpwe tongeni lukumach ngeni ewe allük än ewe Samol mi Lapalap ai we Kot.  
\v 19 Nge iei üa tüngor ngenikemi pwe oupwe pwal pwinii epwin ikei, pwe üpwe silei ika ewe Samol mi Lapalap epwe pwal üreniei och.”  
\v 20 Iwe, Kot a feito ren Palam lon ewe pwinin o üreni, “Are ekei mwän ra feito pwe repwe köruk, kopwe etiir. Nge kopwe chök föri mine ngang üpwe ürenuk.”   
\s1 Ewe chon läng me nöün Palam we aas  
\sr 22.21-35  
\p
\v 21 Iwe, Palam a pwätä lesosor, a rietä ewe lenien mot won nöün aas, a tötä won o eti ekewe souakomwen Moap.  
\v 22 Nge Kot a fokun song pokiten an feila. Iwe, Palam a sai won nöün we aas, nge ruoman nöün chon angang ra eti. Iwe, nöün ewe Samol mi Lapalap chon läng a ütä lon ewe al pwe epwe pinei an sai.  
\v 23 Iwe, ewe aas a küna nöün ewe Samol mi Lapalap we chon läng a ütä lon ewe al o amwöchü efoch ketilas lepöün. Iwe, ewe aas a müttir rikiwu seni ewe al o feilong lemäl. Nge Palam a wichi ewe aas pwe epwe liwiniti ewe al.  
\v 24 Mürin, nöün ewe Samol mi Lapalap we chon läng a ütä won efoch al mi chökis, a nom lefilen ruu tanipin wain, nge a pwal wor tit lepekin me rüepek.  
\v 25 Iwe, lupwen ewe aas a küna nöün ewe Samol mi Lapalap we chon läng, a üngüri lepekin ewe tit o achacha pechen Palam ngeni. Iei mine Palam a pwal wichisefäli ewe aas.  
\v 26 Mürin, nöün ewe Samol mi Lapalap we chon läng a akomwola mwan o ütä won eu leni mi fokun chökis, ia esap wor ie eman epwe tongeni rikiwu ngeni pelifichin ewe al ika pelimöngün.  
\v 27 Iwe, lupwen ewe aas a küna nöün ewe Samol mi Lapalap we chon läng, a aüpwäsukutiu fän Palam. Nge Palam a fokun song o wichi ewe aas ngeni wokun.  
\v 28 Mürin, ewe Samol mi Lapalap a afosa ewe aas pwe a aisini Palam, “Met üa föri ngonuk pwe ka wichiei fän ülüngat.”  
\v 29 Iwe, Palam a pälüeni, “Pokiten ka urumwoteei. Amwo itä a fen wor efoch ketilas lepei pwe üpwe niikela.”  
\v 30 Iwe, ewe aas a pwal aisini Palam, “Ifa usun, sap ngang noum aas ka wakkawa lon unusen manauom tori ikenai? Ifa usun, üa fen föri ngonuk ei sokun me mwan?” Nge Palam a pälüeni, “Ap.”   
\p
\v 31 Mürin, ewe Samol mi Lapalap a aneneloi mesen Palam pwe a küna nöün ewe Samol mi Lapalap we chon läng mi ütä lukalapen ewe al o amwöchü efoch ketilas. Iwe, Palam a rotiu o chapetiu lepwül.  
\v 32 Nge nöün ewe Samol mi Lapalap we chon läng a üreni, “Pwota ka wichi noum we aas fän ülüngat? Üa feito pwe üpwe pinei om al pun om ei sai esap pwüng me rei.  
\v 33 Iwe, noum we aas a künaei o rik me mwei fän ülüngat. Nge are esap rik me mwei, ellet üpwe niikela iei chök, nge ewe aas epwe manau.”  
\v 34 Mürin, Palam a üreni nöün ewe Samol mi Lapalap we chon läng, “Ngang üa tipis. Üsap silei pwe en ka ü lon ewe al o epetiei. Iei mine are ai ei sai a ngau me reöm, üpwe liwinsefäl.”  
\v 35 Nge nöün ewe Samol mi Lapalap we chon läng a üreni Palam, “Kopwe eti ekewe mwän. Nge kopwe üra ekewe chök kapas üpwe ürenuk.” Iei mine Palam a eti nöün Palak kewe souakom.   
\s1 Palam me Palak  
\sr 22.36–23.3  
\p
\v 36 Iwe, lupwen Palak a rongorong pwe Palam a war, a feila pwe epwe churi lon Ar eu telinimw ünükün ewe chanpupu Arnon mi nom lon kiännin ewe fanü Moap.  
\v 37 Iwe, Palak a aisini Palam, “Ifa usun, üsap titi en pwe kopwe feito rei? Pwota kose mochen feito? Ifa usun, ka ekieki pwe üsap tongeni liwiniik?”  
\v 38 Nge Palam a pälüeni Palak, “Nengeni, üa feito reöm. Nge ifa usun, a wor ai pöchökül iei pwe üpwe tongeni apasa och? Üpwe chök apasa ekewe kapas Kot a üreniei.”  
\v 39 Mürin, Palam a eti Palak. Iwe, ra tori Kiriat-husot.  
\v 40 Ikenan Palak a eäni asor ätemwänin kow me sip o ngeni Palam me ekewe souakom mi nom ren ekoch kinikin seni ekewe mönün asor.   
\p
\v 41 Nge sorotän ewe rän Palak a emwenato Palam won ewe chuk Pamot-paal, ia a tongeni küna me ie eu kinikinin ewe mwichen chon Israel.   
\c 23  
\p
\v 1 Iwe, Palam a üreni Palak, “Kopwe senätä fän itei fisu rongen asor ikei o uwato füman ätemwänin kow me füman ätemwänin sip.”  
\v 2 Iwe, Palak a föri usun mine Palam a üreni. Iwe, Palak me Palam ra eäni asor eman ätemwänin kow me eman ätemwänin sip won eu me eu kewe rongen asor.  
\v 3 Mürin, Palam a üreni Palak, “Kopwe ütä lükün om kei asoren kek, nge ngang üpwe feila ekis. Eli ewe Samol mi Lapalap epwe feito o churiei. Iwe, meinisin mine epwe pwäri ngeniei üpwe ürenuk.” Iwe, a feitä won eu chukuchukutä mi amasawa.   
\s1 Palam a afeiöchü Israel  
\sr 23.4–24.9  
\p
\v 4 Iwe, Kot a churi Palam, nge Palam a üreni, “Üa amolätä fisu rongen asor o eäni asor eman ätemwänin kow me eman ätemwänin sip won eu me eu.”  
\v 5 Iwe, ewe Samol mi Lapalap a aiti ngeni Palam mine epwe apasa. Mürin a üreni, “Kopwe liwinla ren Palak, nge epwe ina chök alom ngeni.”  
\v 6 Iei mine Palam a liwinla ren Palak o küna pwe a chüen ütä lükün an kewe asoren kek, nge ekewe souakomwen Moap meinisin ra nom ren.  
\v 7 Mürin, Palam a popuetä an kapasen osuni o üra,  
\q1 “Palak ewe kingen Moap a emwenieito seni Aram,  
\q1 seni ewe chuk mi nom ötiu.  
\q1 A üreniei, ‘Kopwe feito o anümamaua ngeniei ekewe mwirimwirin Jakop, kopwe feito o eniwa ekewe chon Israel.’   
\q1
\v 8 Ifa usun ai üpwe tongeni anümamaua chokewe Kot esap anümamaueer?  
\q1 Ifa usun ai üpwe tongeni eniwa chokewe ewe Samol mi Lapalap esap eniweer?   
\q1
\v 9 Üa küna ekewe chon Israel seni me won ungen ekewe chukuachau mi tekia,  
\q1 üa nenengeniir seni won ekewe chukutekison.  
\q1 Üa küna eu mwichen aramas mi imwüla lon lenier,  
\q1 resap mochen ar repwe wewe ngeni ekewe mwü.   
\q1
\v 10 Iö a tongeni aleani ekewe mwirimwirin Jakop mi usun pien fanü, nge iö a tongeni aleani eu lerüanün ewe mwichen chon Israel?  
\q1 Amwo üpwe määni mään ekewe chon pwüng.  
\q1 Amwo sopolan manauei epwe usun sopolan manauer.”   
\p
\v 11 Mürin, Palak a üreni Palam, “Met ei ka föri ngeniei? Üa körukoto pwe kopwe anümamaua chokewe üa oputeer. Nge iei ka chök afeiöchüür.”  
\v 12 Iwe, Palam a üra, “Ifa usun, üpwe tongeni apasa och me lükün mine ewe Samol mi Lapalap a aiti ngeniei?”   
\p
\v 13 Mürin, Palak a üreni Palam, “Kopwe etieila lon pwal eu leni ia ka tongeni küna ekewe aramas me ie. Pun kopwe chök küna eu kinikin seni ar we mwich, nge sap unuser. Iwe, kopwe anümamaueer ngeniei seni ikenan.”  
\v 14 Iwe, a emwenala Palam ngeni ewe lemälen Sofim won ungen ewe chuk Piska. Ikenan a pwal senätä fisu rongen asor o eäni asor eman ätemwänin kow me eman ätemwänin sip won eu me eu kewe rongen asor.  
\v 15 Nge Palam a üreni Palak, “Kopwe ütä ikei lükün om kei asoren kek, nge ngang üpwe churi ewe Samol mi Lapalap ikenan.”  
\v 16 Iwe, ewe Samol mi Lapalap a churi Palam o aiti ngeni mine epwe apasa. Mürin a üreni, “Kopwe liwinla ren Palak, nge epwe ina chök alom ngeni.”  
\v 17 Iwe, Palam a liwinla ren Palak o küna pwe a chüen ütä lükün an kewe asoren kek, nge ekewe souakomwen Moap ra nom ren. Iwe, Palak a aisini, “Met ewe Samol mi Lapalap a apasa?”  
\v 18 Mürin, Palam a popuetä an kapasen osuni o üra,  
\q1 “Kopwe ütä, Palak, o rongorong.  
\q1 Kopwe aüselingaei, en nöün Sipor we mwän.   
\q1
\v 19 Kot esap eman aramas pwe epwe chofana,  
\q1 esap pwal i nöün aramas pwe epwe ekieksefäl.  
\q1 Ifa usun, epwe apasa och, nge esap föri?  
\q1 Ika epwe pwonei och, nge esap apwönüetä?   
\q1
\v 20 Ngang üa angei eu allük pwe üpwe afeiöchü chon Israel. Kot a afeiöchüür, nge üsap tongeni sorei.   
\q1
\v 21 Üsap küna pwe epwe wor feiengau ika osukosuk  
\q1 ngeni ekewe chon Israel lon ekewe fansoun repwe feito.  
\q1 Ewe Samol mi Lapalap ar Kot a nom rer,  
\q1 ra pwärätä fän mweireir pwe i ar king.   
\q1
\v 22 Kot a emwenirewu seni Isip,  
\q1 ar pöchökül a usun chök pöchökülen eman ätemwänin kow mi mwacho.   
\q1
\v 23 Pun esap wor och pöüt ika och rong  
\q1 epwe küw ekewe chon Israel o afeiengaueer.  
\q1 Lon ei fansoun repwe apasa usun ekewe aramasen Israel,  
\q1 ‘Nengeni mine Kot a föri fän iter.’   
\q1
\v 24 Ekewe aramasen Israel ra pwätä usun eman liefefinin laion,  
\q1 ra öüröürela usun eman ätemwänin laion  
\q1 esap konola tori epwe asomwala liapan  
\q1 o ünümi chan chokewe a nirela.”   
\p
\v 25 Mürin, Palak a üreni Palam, “Are kosap mochen anümamaueer, kosap pwal afeiöchüür.”  
\v 26 Nge Palam a üreni Palak, “Ifa usun, üsap ürenuk pwe meinisin mine ewe Samol mi Lapalap a apasa üpwe fokun föri?”   
\p
\v 27 Mürin, Palak a üreni Palam, “Kopwe etto pwe üpwe emwenuk ngeni pwal eu leni. Eli Kot epwe efich om kopwe anümamaueer ngeniei seni ikenan.”  
\v 28 Iei mine Palak a emwenätä Palam won ungen ewe chuk Peor ia ra tongeni nenetiuei ewe fanüapö me ie.  
\v 29 Iwe, Palam a üreni Palak, “Kopwe senätä ikei fisu rongen asor fän itei o uwato rei füman ätemwänin kow me füman ätemwänin sip.”  
\v 30 Iwe, Palak a föri usun mine Palam a üreni. A eäni asor eman ätemwänin kow me eman ätemwänin sip won eu me eu kewe rongen asor.   
\c 24  
\p
\v 1 Iwe, lupwen Palam a silei, pwe mochenin ewe Samol mi Lapalap pwe Israel epwe feiöch, esap feila pwe epwe föri och asisil usun me mwan, nge a newenewen ngeni ewe fanüapö.  
\v 2 Iwe, a küna ekewe chon Israel lon ewe leni ia ra nonom ie en me lon an ainang. Iwe, Ngünün Kot a feito won,  
\v 3 pwe a popuetä an kapasen osuni o üra,  
\q1 “Iei alon Palam nöün Peor we mwän.  
\q1 Iei alon ewe mwän mi fat mesan,   
\q1
\v 4 alon ätewe mi rongorong än Kot kapas,  
\q1 ätewe mi wor künan seni Ewe mi Unusen Manaman.  
\q1 A chapetiu, nge mesan esap pwölüpwöl:   
\q1
\v 5 A fokun mürina imwemi kewe imw mangaku me leniemi kewe ämi chon Israel.   
\q1
\v 6 Ra usun chök tettelin ekewe irä palm mi langatam telin,  
\q1 pwal usun chök ekewe tanipi ünükün eu chanpupu.  
\q1 Iwe, ra usun chök irä mi pwokus itan aloes, ewe Samol mi Lapalap a fotuki,  
\q1 pwal usun chök ekewe irä setar ünükün ekewe chanpupu.   
\q1
\v 7 Iwe, koluk epwe pupu seni ar lenien koluk,  
\q1 repwe fotuki fotar pwükil lon pwülüchöchön.  
\q1 Ar king epwe tekia seni ewe king Akak,  
\q1 nge mwür epwe fefeitä.   
\q1
\v 8 Kot a emwenirewu seni Isip,  
\q1 ar pöchökül a usun chök pöchökülen eman ätemwänin kow mi mwacho.  
\q1 Iwe, repwe asomwala ekewe mwü mi ü ngeniir,  
\q1 repwe kupi chüür o atatakisiir, repwe pwal posu ngeniir wokur kewe esefich.   
\q1
\v 9 Ewe mwün Israel a wewe ngeni eman laion mi pwora.  
\q1 Lupwen a konola, esap wor eman a tongeni apwätäi.  
\q1 Ra feiöch chon afeiöchü chon Israel,  
\q1 nge ra anümamau chon anümamaueer. \x + \xo 24.9 \xt Ken 49.9; 12.3\x*   
\s1 Än Palam osuni  
\sr 24.10-25  
\p
\v 10 Mürin, Palak a fokun song ngeni Palam, a öüwu pöün o üreni, “Üa körukoto pwe kopwe anümamaua chokewe üa oputeer. Nge iei ka fen afeiöchüür fän ülüngat.  
\v 11 Iei mine kopwe süla lon fanüom. Üa pwon ngonuk pwe üpwe liwiniik, nge ewe Samol mi Lapalap a amwöchü senuk liwinum.”  
\v 12 Nge Palam a üreni Palak, “Üa fen üreni noum kewe chon künö ka tinireto rei,  
\v 13 pwe inamwo ika kopwe ngeniei om silifer me kolt meinisin mi nom lon imwom, üsap tongeni lükümach ngeni än ewe Samol mi Lapalap kapas, pwe üpwe föri letipei. Ikamwo a öch ika a ngau, üpwe chök apasa mine ewe Samol mi Lapalap a kapas ngeniei.  
\v 14 Iei üpwe liwinla ren aramasei kewe. Nge üpwe asile ngonuk mine ekewe aramasen Israel repwe föri ngeni noum aramas lon ekan rän mwach.”   
\p
\v 15 Mürin, Palam a popuetä an kapasen osuni o üra,  
\q1 “Iei alon Palam nöün Peor we mwän.  
\q1 Iei alon ewe mwän mi fat mesan,   
\q1
\v 16 alon ätewe mi rongorong än Kot kapas  
\q1 o angei ewe tipachem seni Ewe mi Unusen Tekia,  
\q1 ätewe mi wor künan seni Ewe mi Unusen Manaman.  
\q1 A chapetiu, nge mesan esap pwölüpwöl:   
\q1
\v 17 Üa küna i, nge esap iei,  
\q1 üa nenengeni, nge esap kanoto.  
\q1 Eföü fü epwe tötä seni Israel,  
\q1 eman king epwe ütä seni lon Israel pwe epwe nemenem.  
\q1 Epwe amökü möküren ekewe chon Moap  
\q1 o niela ekewe mwirimwirin Set meinisin.   
\q1
\v 18 Epwe akufu chokewe mi oput i me lon Etom  
\q1 o fanüeni fanüer.  
\q1 Nge Israel epwe chök win.   
\q1
\v 19 Eman sounemenem epwe towu seni ekewe mwirimwirin Jakop,  
\q1 epwe arosala chokewe mi chüen manau meinisin.”   
\p
\v 20 Mürin Palam a nenela won Amalek o eäni an kapasen osuni usun,  
\q1 “Amalek, ewe mwü mi akom me lein ekewe mwü meinisin,  
\q1 nge sopolan epwe unusen tala.”   
\p
\v 21 Nge lupwen a nenela won chon Ken, a eäni an kapasen osuni usur,  
\q1 “Inamwo are lenien imwemi ra pöchökül  
\q1 o lerasen imwemi ra nom won ekewe achau,   
\q1
\v 22 nge ämi chon Ken oupwe rosola,  
\q1 lupwen oupwe oola ren chon Asur.”   
\p
\v 23 Mürin a eäni an kapasen osuni o üra,  
\q1 “Iö epwe tongeni manau, lupwen Kot a föri ei?   
\q1
\v 24 Iwe, sipen maun repwe feito seni Kittim  
\q1 o akufu chon Asur me chon Eper.  
\q1 Nge pwal ir repwe fokun mäla me mürin.”   
\p
\v 25 Mürin, Palam a ütä o liwinla ngeni lenian. Nge Palak a pwal liwinla ngeni lenian.   
\c 25  
\s1 Chon Israel ra fel ngeni Paal me lon Peor  
\sr 25.1-18  
\p
\v 1 Iwe, lupwen ekewe chon Israel ra nonom lon Sittim, ekewe mwän ra lisowu ngeni ekewe fin Moap.  
\v 2 Iwe, ekewe fin Moap ra aweineer pwe repwe etiir le asor ngeni ar kewe kot. Iwe, ekewe aramas ra etiir le mongö seni ewe asor o chapetiu ngeni ar kewe kot.  
\v 3 Iei usun ekewe chon Israel ra etiir le fel ngeni Paal me lon Peor. Nge ewe Samol mi Lapalap a fokun song ngeniir.  
\v 4 Iwe, ewe Samol mi Lapalap a üreni Moses, “Kopwe angei ekewe samolun aramas meinisin, kopwe nirela o eitiweer fän akar me fän mesei, pwe pöchökülen ai song epwe kul seni ekewe chon Israel.”  
\v 5 Iwe, Moses a üreni ekewe soukapwüng lon Israel, “Eman me eman leimi epwe niela chokewe seni en me an ainang mi eti ekewe chon Moap le fel ngeni Paal me lon Peor.”   
\p
\v 6 Nge nengeni, eman me lein ekewe aramasen Israel a feito o emwenato lon imwan eman fin Mitian fän mesen Moses pwal fän mesen ekewe aramasen Israel meinisin, lupwen ra kechü leasamalapen ewe imw mangaku ia aramas ra churi Kot ie.  
\v 7 Iwe, lupwen Pineas nöün Eleasar mwän, nge Eleasar nöün ewe souasor Aaron mwän, a küna ei, a ütä o towu seni ewe mwichen aramas. A angei efoch siles  
\v 8 o tapwelong mürin ewe re Israel me ewe fefin lon ewe rumwen lon o posurifengeniir me ruoman. Iei usun ewe mätter a ükütiu seni ekewe aramasen Israel.  
\v 9 Nge chokewe ra fen mäla ren ewe mätter ükükün rüe me rüanüngeröü.   
\p
\v 10 Iwe, ewe Samol mi Lapalap a üreni Moses,  
\v 11 “Pineas a akulu ai song seni ekewe aramasen Israel. Pokiten i a lukomonguni ai lukomong wor, iei mine üsap chüen arosala ekewe aramasen Israel lon ai lukomong.  
\v 12 Iei mine kopwe üreni Pineas pwe üpwe föri ai pwonen kinamwe ngeni.  
\v 13 Ei pwon epwe fän itan me fän iten mwirimwirin pwe repwe wiseni ewe wisen souasor tori feilfeilachök. Pun a lukomong woi o föri asoren amusamusen tipis fän iten ekewe aramasen Israel.”  
\v 14 Iwe, iten ewe re Israel mi ninnilafengen me ewe fin Mitian Simri nöün Salu mwän, i samolun eu famili seni ewe ainangen Simeon.  
\v 15 Nge iten ewe fin Mitian mi ninnila Kospi nöün Sur fefin. Iwe, Sur i samolun eu cho lon Mitian.   
\p
\v 16 Iwe, ewe Samol mi Lapalap a üreni Moses,  
\v 17 “Oupwe afeiengaua ekewe chon Mitian o nirela.  
\v 18 Pun ir ra afeiengauakemi, lupwen ra atupukemi me lon Peor, pwal mine a fis ren Kospi fefiner we, nöün eman samolun Mitian fefin, neminewe mi ninnila lon ewe rän, lupwen a fis ewe mätter pokiten ewe föför lon Peor.”   
\c 26  
\s1 Ra aleani iteiten chon Israel me lon Moap  
\sr 26.1-51  
\r (Num 1.1-46)  
\p
\v 1 Mürin ewe mätter, ewe Samol mi Lapalap a üreni Moses me Eleasar nöün ewe souasor Aaron we mwän,  
\v 2 “Oupwe angei iteiten ekewe aramasen Israel meinisin seni ier rüe feitä lon en me an famili, meinisin mi tongeni fiti maun.”  
\v 3 Iwe, Moses me ewe souasor Eleasar ra kapas ngeni ekewe aramas me lon ewe maasiesin Moap arun ewe chanpupu Jortan sasape ngeni Jeriko o üreniir,  
\v 4 pwe repwe angei iteiten ekewe mwän seni ier rüe feitä, usun ewe Samol mi Lapalap a fen allük ngeni Moses. Ikkei ir ekewe aramasen Israel mi towu seni ewe fanü Isip:   
\p
\v 5 Ekewe mwirimwirin Rupen, nöün Israel we mwänichi lon tettelin ar kewe cho: än Hanok cho, än Palu cho,  
\v 6 än Hesron cho me än Karmi cho.  
\v 7 Iteiter meinisin me lon ewe ainangen Rupen faik me ülüngatngeröü füpükü ilik mwän.  
\v 8 Iwe, nöün Palu mwän: Eliap.  
\v 9 Nge nöün Eliap kewe mwän: Nemuel, Tatan me Apiram. Ätekei Tatan me Apiram ra kefilitä seni ewe mwichen aramas pwe nöür nöüwis. Ra ü ngeni Moses me Aaron o eti än Kora mwich le ü ngeni ewe Samol mi Lapalap.  
\v 10 Mürin, ewe pwül a sangfesen o oromirela fiti Kora. Iei usun ekewe aramas ra mäla, nge ekkei a kenala ekewe ruopükü lime mwän. Iwe, a fis pwe ir eu lenien eniweniw.  
\v 11 Nge nöün Kora kewe mwän resap mäla.   
\p
\v 12 Iwe, ekewe mwirimwirin Simeon lon tettelin ar kewe cho: än Nemuel cho, än Jamin cho, än Jakin cho,  
\v 13 än Sera cho me än Shaul cho.  
\v 14 Iteiter meinisin me lon ewe ainangen Simeon rüe me ruungeröü ruopükü mwän.   
\p
\v 15 Iwe, ekewe mwirimwirin Kat lon tettelin ar kewe cho: än Sefon cho, än Haki cho, än Shuni cho,  
\v 16 än Osni cho, än Eri cho,  
\v 17 än Arot cho me än Areli cho.  
\v 18 Iteiter meinisin me lon ewe ainangen Kat faik ngeröü limepükü mwän.   
\p
\v 19 Iwe, nöün Juta kewe mwän Er me Onan. Nge Er me Onan ra mäla lon ewe fanü Kanaan.  
\v 20 Iwe, ekewe mwirimwirin Juta lon tettelin ar kewe cho: än Shela cho, än Peres cho me än Sera cho.  
\v 21 Nge ekewe mwirimwirin Peres: än Hesron cho me än Hamul cho.  
\v 22 Iteiter meinisin me lon ewe ainangen Juta fik me wonungeröü limepükü mwän.   
\p
\v 23 Iwe, ekewe mwirimwirin Isakar lon tettelin ar kewe cho: än Tola cho, än Puwa cho,  
\v 24 än Jasup cho me än Simron cho.  
\v 25 Iteiter meinisin me lon ewe ainangen Isakar wone me rüanüngeröü ülüpükü mwän.   
\p
\v 26 Iwe, ekewe mwirimwirin Sepulon lon tettelin ar kewe cho: än Seret cho, än Elon cho me än Jalel cho.  
\v 27 Iteiter meinisin me lon ewe ainangen Sepulon wone ngeröü limepükü mwän.   
\p
\v 28 Iei ekewe mwirimwirin Josef lon tettelin ar kewe cho mi pop seni Manasa me Efraim:  
\v 29 Ekewe mwirimwirin Manasa: än Makir cho me än Kiliat cho. (Iwe, Makir semen Kiliat.)  
\v 30 Nge ekewe mwirimwirin Kiliat: än Jeser cho, än Helek cho,  
\v 31 än Asriel cho, än Sekem cho,  
\v 32 än Semita cho me än Hefer cho.  
\v 33 Nge Selofehat nöün Hefer we mwän esap wor nöün mwän, pwe a chök wor nöün fefin. Iwe, ikkei iten nöün Selofehat kewe fefin: Mala, Noa, Hokla, Milka me Tirsa.  
\v 34 Iteiter meinisin me lon ewe ainangen Manasa lime me ruungeröü füpükü mwän.   
\p
\v 35 Iwe, ekewe mwirimwirin Efraim lon tettelin ar kewe cho: än Sutela cho, än Peker cho me än Tahan cho.  
\v 36 Nge ekewe mwirimwirin Sutela: än Eran cho.  
\v 37 Iteiter meinisin me lon ewe ainangen Efraim ilik me ruungeröü limepükü mwän. Ikkei ir ekewe mwirimwirin Josef lon tettelin ar kewe cho.   
\p
\v 38 Iwe, ekewe mwirimwirin Peniamin lon tettelin ar kewe cho: än Pela cho, än Aspel cho, än Ahiram cho,  
\v 39 än Sefufam cho me än Hufam cho.  
\v 40 Nge ekewe mwirimwirin Pela: än Art cho me än Naaman cho.  
\v 41 Iteiter meinisin me lon ewe ainangen Peniamin faik me limungeröü wonopükü mwän.   
\p
\v 42 Iwe, ekewe mwirimwirin Tan lon tettelin ar we cho: än Suham cho.  
\v 43 Iteiter meinisin me lon ewe ainangen Tan wone me rüanüngeröü föpükü mwän.   
\p
\v 44 Iwe, ekewe mwirimwirin Aser lon tettelin ar kewe cho: än Imna cho, än Iswi cho me än Peria cho.  
\v 45 Nge ekewe mwirimwirin Peria: än Heper cho me än Malkiel cho.  
\v 46 Iwe, iten nöün Aser we fefin Sera.  
\v 47 Iteiter meinisin me lon ewe ainangen Aser lime me ülüngatngeröü föpükü mwän.   
\p
\v 48 Iwe, ekewe mwirimwirin Naftali lon tettelin ar kewe cho: än Jaseel cho, än Kuni cho,  
\v 49 än Jeser cho me än Sillem cho.  
\v 50 Iteiter meinisin me lon ewe ainangen Naftali faik me limungeröü föpükü mwän.  
\v 51 Iwe, kapachalapen ekewe re Israel meinisin ükükün wonopükü eungeröü füpükü ilik mwän.   
\s1 Usun ainetin ewe fanü  
\sr 26.52-56  
\p
\v 52 Iwe, ewe Samol mi Lapalap a üreni Moses,  
\v 53 “Ewe fanü epwe ainet ngeni ekei aramas pwe repwe fanüeni, epwe alongolong won iteiter.  
\v 54 Are eu ainang a watte, kopwe awattei fanüan, nge are eu ainang a kükün, kopwe pwal akükünü fanüan. Iteiten eu me eu ainang epwe angei fanüan won ükükün chochon.  
\v 55 Nge ewe fanü epwe inet ren üttüt. Repwe angei fanüer lon tettelin iten än semer kewe ainang.  
\v 56 Iwe, fän pwüngün ar üttüt, fanüer epwe ainet ngeni ekewe ainang watte me kükün.” \x + \xo 26.56 \xt Num 34.13; Jos 14.1-2\x*   
\s1 Ewe ainangen Lefi  
\sr 26.57-62  
\p
\v 57 Iwe, ikkei tettelin chon ewe ainangen Lefi lon ar kewe cho: än Kerson cho, än Kohat cho me än Merari cho.  
\v 58 Ikkei pwal ekoch cho seni ewe ainangen Lefi: än Lipni cho, än Hepron cho, än Mali cho, än Mushi cho me än Kora cho. Nge Kohat semen Amram.  
\v 59 Iwe, iten pwülüen Amram Jokopet, nöün Lefi fefin a nöüni me Isip. Nge Jokopet a nöüni me won Amram: Aaron, Moses me Miriam fefiner we.  
\v 60 Iwe, Aaron a nöüni Natap, Apihu, Eleasar me Itamar. \x + \xo 26.60 \xt Num 3.2\x*  
\v 61 Nge Natap me Apihu ra mäla, lupwen ra eäni asor ngeni ewe Samol mi Lapalap ekkei esap pin. \x + \xo 26.61 \xt Lif 10.1-2; Num 3.4\x*  
\v 62 Iwe, iteiten mwän seni ewe ainangen Lefi seni eu maram feitä ükükün rüe me ülüngat ngeröü. Ir resap alealong lon iteiten ekewe aramasen Israel, pokiten resap angei fanüer me leir.   
\s1 Kalep me Josua chök ra manau  
\sr 26.63-65  
\p
\v 63 Iwe, ikkei ekewe iteit Moses me ewe souasor Eleasar ra aleani, lupwen ra angei iteiten ekewe aramasen Israel lon ewe maasiesin Moap arun ewe chanpupu Jortan sasape ngeni Jeriko.  
\v 64 Nge lon ei iteit esap wor eman mwän me lein chokewe Moses me ewe souasor Aaron ra fen aleani, lupwen ra angei iteiten ekewe aramasen Israel lon ewe fanüapön Sinai.  
\v 65 Pun ewe Samol mi Lapalap a apasa pwe ir meinisin repwe mäla lon ewe fanüapö. Esap wor eman mwän me leir a chüen manau, chilon chök Kalep nöün Jefune mwän me Josua nöün Nun mwän. \x + \xo 26.65 \xt Num 14.26-35\x*   
\c 27  
\s1 Än nöün Selofehat fefin tüngor  
\sr 27.1-11  
\p
\v 1 Iwe, nöün Selofehat kewe fefin ra feito o uwato ar tüngor. Iwe, Selofehat nöün Hefer mwän, nge Hefer nöün Kiliat mwän, nge Kiliat nöün Makir mwän, nge Makir nöün Manasa mwän seni än Manasa cho, nge Manasa nöün Josef we mwän. Iwe, iten nöün Selofehat kewe fefin Mala, Noa, Hokla, Milka me Tirsa.  
\v 2 Iwe, ra üta leasamalapen ewe imw mangaku ia aramas ra churi Kot ie fän mesen Moses me ewe souasor Eleasar, pwal fän mesen ekewe souemwen me ekewe aramas meinisin. Iwe, ra apasa,  
\v 3 “Semem we a mäla lon ewe fanüapö. Nge esap wor nöün mwän. I esap eman lein än Kora we mwich mi chufengen le ü ngeni ewe Samol mi Lapalap, pwe a mäla pokiten püsin an tipis.  
\v 4 Pwota iten semem epwe töttöluwu seni an cho pokiten esap wor nöün mwän? Oupwe ngenikem eu fanü me lein fanüen pwin semem.”   
\p
\v 5 Iwe, Moses a asile ngeni ewe Samol mi Lapalap ar tüngor.  
\v 6 Nge ewe Samol mi Lapalap a üreni Moses,  
\v 7 “Än nöün Selofehat kewe fefin tüngor a pwüng. Kopwe afanüeer me lein fanüen pwin semer, pun fanüer we won semer epwe toriir. \x + \xo 27.7 \xt Num 36.2\x*  
\v 8 Iwe, kopwe üreni ekewe aramasen Israel: Are eman mwän a mäla, nge esap wor nöün mwän, nöün fefin epwe fanüeni fanüan.  
\v 9 Nge are esap wor nöün fefin, pwin ewe mwän repwe fanüeni fanüan.  
\v 10 Nge are esap wor pwin, pwin saman kewe repwe fanüeni fanüan.  
\v 11 Nge are esap wor pwin saman we, eman me lein an eterekes mi kükü ngeni epwe fanüeni fanüan. Ei epwe eu pwüng me eu allük fän iten ekewe aramasen Israel, usun ngang ewe Samol mi Lapalap üa allük ngonuk.”   
\s1 Moses a filätä Josua pwe siwilin  
\sr 27.12-23  
\r (Tut 31.1-8)  
\p
\v 12 Iwe, ewe Samol mi Lapalap a üreni Moses, “Kopwe feitä won ewe chukuchukutä Aparim o nenneloi ewe fanü üa ngeni ekewe aramasen Israel.  
\v 13 Nge lupwen ka küna ewe fanü, pwal en kopwe mäla o chufengen me om kewe lewo usun pwiüm Aaron.  
\v 14 Pun oua lükümach ngeni ai kewe kapas me lükün ekewe koluk me lon ewe fanüapön Sin, lupwen ekewe aramas ra lal ngeniei, nge ämi ousap apiniöchüei fän meser.” (Ikkei ekewe kolukun Meripa lon Kates lon ewe fanüapön Sin.) \x + \xo 27.14 \xt Tut 3.23-27; 32.48-52\x*  
\v 15 Iwe, Moses a üreni ewe Samol mi Lapalap,  
\v 16 “En Samol mi Lapalap popun manauen mönümanau meinisin, kose mochen kopwe filätä eman mwän epwe emweni ei mwichen aramas,  
\v 17 epwe akakomweer le emweniir lon mettoch meinisin, pwe noum mwichen aramas esap wewe ngeni eu pwiin sip esap wor ar chon mas.” \x + \xo 27.17 \xt 1.King 22.17; Is 34.5; Mat 9.36; Mark 6.34\x*  
\v 18 Iwe, ewe Samol mi Lapalap a üreni Moses, “Kopwe emwenato Josua nöün Nun we mwän o iseis poum won, pun Ngüni a nom won. \x + \xo 27.18 \xt Eks 24.13\x*  
\v 19 Kopwe aütäi fän mesen ewe souasor Eleasar pwal fän mesen ekewe aramas meinisin, pwe kopwe ngeni wisan.  
\v 20 Kopwe isetä won ekis om nemenem, pwe ekewe aramasen Israel meinisin repwe aleasochisi.  
\v 21 Epwe ütä fän mesen ewe souasor Eleasar, nge Eleasar epwe kütta letipei fän itan ren ewe Urim \f + \fr 27.21 \ft Urim eu minen asisil ra aea le asisila letipen Kot\f*. Iwe, fän än Eleasar kapas Josua fiti ekewe aramasen Israel meinisin repwe föri sokopaten ar angang meinisin.” \x + \xo 27.21 \xt Eks 28.30; 1.Sam 14.41; 28.6\x*  
\v 22 Iwe, Moses a föri usun mine ewe Samol mi Lapalap a allük ngeni. A emwenato Josua o aütäi fän mesen ewe souasor Eleasar me ekewe aramas meinisin.  
\v 23 Iwe, a iseis pöün won o awisa ngeni wisan usun ewe Samol mi Lapalapa a aiti ngeni. \x + \xo 27.23 \xt Tut 31.23\x*   
\c 28  
\s1 Ekewe asor repwe fis iteiten rän  
\sr 28.1-8  
\r (Eks 29.38-46)  
\p
\v 1 Iwe, ewe Samol mi Lapalap a üreni Moses,  
\v 2 “Kopwe allük ngeni ekewe aramasen Israel: Oupwe tümwünü pwe oupwe uwato rei ekewe asor fän itei lon ekewe fansoun mi kefilitä, ekewe asoren mongö üa efich pwoon.  
\v 3 Iwe, kopwe üreniir: Iei ewe asor oupwe eäni asor ngeni ewe Samol mi Lapalap. Iteiten rän oupwe chök äkeäni asor ruoman ätemwänin lam eu ieriir esap wor terir.  
\v 4 Iwe, ewe aemanün oupwe eäni asor lesosor, nge ewe aruomanün oupwe eäni lekuniol.  
\v 5 Oupwe pwal achu ngeni ruu paun pilawa mi amas o mürina mi nofitfengen me eu kuoch apüra seni föün olif mi wüsüs pwe asoren mongö.  
\v 6 Iei ewe asoren kek epwe chök fifis iteiten rän, usun a fen kefis me fäsonun ewe chuk Sinai, pwe eu asor ewe Samol mi Lapalap a efich pwoon.  
\v 7 Nge fän iten eman me eman lam epwe wor asoren ün eu kuoch wain. Oupwe ninätiu ei asoren ün ngeni ewe Samol mi Lapalap lon ewe leni mi pin.  
\v 8 Iwe, ewe aruomanün lam oupwe eäni asor lekuniol. Oupwe pwal achu ngeni ewe asoren mongö me ewe asoren ün, usun chök ewe asor a fis lesosor, pwe eu asor ewe Samol mi Lapalap a efich pwoon.”   
\s1 Ekewe asor repwe fis lon ränin sapat  
\sr 28.9-10  
\p
\v 9 “Iwe, lon ewe ränin sapat oupwe eäni asor ruoman ätemwänin lam eu ierir esap wor terir, pwal rüanü paun pilawa mi amas o mürina mi nofitfengen me apüra, pwe eu asoren mongö me ewe asoren ün.  
\v 10 Iei ewe asoren kek epwe fis iteiten ränin sapat lükün ewe asoren kek me ewe asoren ün mi chök fifis iteiten rän.   
\s1 Ekewe asor repwe fis lepopun maram  
\sr 28.11-15  
\p
\v 11 Iwe, lepoputän iteiten maram oupwe eäni asoren kek ngeni ewe Samol mi Lapalap ruoman nienifön ätemwänin kow, eman ätemwänin sip, füman ätemwänin lam eu ierir esap wor terir.  
\v 12 Iwe, wonu paun pilawa mi amas o mürina mi nofitfengen me apüra epwe chu ngeni eman me eman ätemwänin kow, rüanü paun pilawa mi amas mi nofitfengen me apüra epwe chu ngeni ewe ätemwänin sip,  
\v 13 nge ruu paun pilawa mi amas o mürina mi nofitfengen me apüra epwe chu ngeni eman me eman lam pwe asoren mongö. Iei eu asoren kek ewe Samol mi Lapalap a efich pwoon.  
\v 14 Iwe, ikkei ekewe asoren ün: esop kalon wain epwe chu ngeni eman me eman ätemwänin kow, eu esop kuoch wain epwe chu ngeni ewe ätemwänin sip, nge eu kuoch wain epwe chu ngeni eman me eman lam. Iei ewe asoren kek epwe fis iteiten maram lon eu ier.  
\v 15 Iwe, oupwe pwal eäni asor ngeni ewe Samol mi Lapalap eman ätemwänin kuuch pwe asoren tipis. Ei asor epwe fis lükün ewe asoren kek me ewe asoren ün mi chök fifis iteiten rän.”   
\s1 Ekewe asor repwe fis lon ewe chulapen mongö pilawa esap wor iis lon  
\sr 28.16-25  
\r (Lif 23.5-14)  
\p
\v 16 “Iwe, lon engol me rüanün ränin ewe aeuin maram epwe fis än ewe Samol mi Lapalap Pasofer. \x + \xo 28.16 \xt Eks 12.1-13; Tut 16.1-2\x*  
\v 17 Nge lon engol me limuen ränin ewe chök maram epwe fis eu chulap. Lon ükükün fisu rän oupwe mongö pilawa esap wor iis lon.  
\v 18 Iwe, lon aeuin rän oupwe afisi eu mwich mi pin. Ousap föri och angang lon.  
\v 19 Oupwe eäni eu asoren kek ngeni ewe Samol mi Lapalap ruoman nienifön ätemwänin kow, eman ätemwänin sip me füman ätemwänin lam eu ierir. Oupwe pii pwe esap wor terir.  
\v 20 Epwe pwal chu ngeniir ewe asoren mongö pilawa mi amas o mürina mi nofitfengen me apüra. Iwe, wonu paun pilawa epwe chu ngeni eman me eman ätemwänin kow, rüanü paun epwe chu ngeni ewe ätemwänin sip,  
\v 21 nge ruu paun pilawa epwe chu ngeni eman me eman kewe füman lam.  
\v 22 Oupwe pwal eäni asoren tipis eman ätemwänin kuuch, pwe epwe fis asoren amusamusen tipis fän itemi ren.  
\v 23 Iwe, oupwe eäni ekei asor lükün ewe asoren kek mi chök fifis iteiten lesosor.  
\v 24 Iei usun oupwe eäni asor iteiten rän lon ükükün fisu rän. Ei eu asoren mongö ewe Samol mi Lapalap a efich pwoon, epwe fis lükün ewe asoren kek me ewe asoren ün mi chök fifis iteiten rän.  
\v 25 Iwe, lon afisuen rän oupwe pwal afisi eu mwich mi pin. Ousap föri och angang lon. \x + \xo 28.25 \xt Eks 12.14-20; 23.15; 34.18; Tut 16.3-8\x*   
\s1 Ekewe asor repwe fis lon fansoun kinikinin mwen ua  
\sr 28.26-31  
\r (Lif 23.15-22)  
\p
\v 26 Iwe, oupwe pwal afisi eu mwich mi pin lon ewe ränin kinikinin mwen ua, lupwen oupwe eäni ewe asoren mongö seni ekewe föün wiich mi fö ngeni ewe Samol mi Lapalap lon ewe chulapen wiik. Ousap föri och angang lon.  
\v 27 Nge oupwe eäni asoren kek ruoman nienifön ätemwänin kow, eman ätemwänin sip me füman ätemwänin lam eu ierir, pwe ewe Samol mi Lapalap epwe efich pwoon.  
\v 28 Epwe pwal chu ngeniir ewe asoren mongö pilawa mi amas o mürina mi nofitfengen me apüra. Iwe, wonu paun pilawa epwe chu ngeni eman me eman ätemwänin kow, rüanü paun epwe chu ngeni ewe ätemwänin sip,  
\v 29 nge ruu paun pilawa epwe chu ngeni eman me eman kewe füman lam.  
\v 30 Iwe, oupwe pwal eäni asor eman ätemwänin kuuch, pwe epwe fis asoren amusamusen tipis fän itemi ren.  
\v 31 Iwe oupwe eäni ekei asor fitifengen me ekewe asoren ün lükün ewe asoren kek me ewe asoren mongö mi chök fifis iteiten rän. Oupwe pii pwe esap wor terin ekewe mönün asor. \x + \xo 28.31 \xt Eks 23.16; 34.22; Tut 16.9-12\x*   
\c 29  
\s1 Ekewe asor repwe fis lon ewe chulapen ettiki rappwa  
\sr 29.1-6  
\r (Lif 23.23-25)  
\p
\v 1 Iwe, lon aeuin ränin ewe afisuen maram oupwe afisi eu mwich mi pin. Ousap föri och angang lon. Ei rän eu ränin ämi oupwe ettiki ekewe rappwa.  
\v 2 Oupwe eäni asoren kek eman nienifön ätemwänin kow, eman ätemwänin sip me füman ätemwänin lam eu ierir, pwe ewe Samol mi Lapalap epwe efich pwoon. Ir meinisin esap wor terir.  
\v 3 Epwe pwal chu ngeniir ewe pilawa mi amas o mürina mi nofitfengen me apüra. Iwe, wonu paun pilawa epwe chu ngeni ewe ätemwänin kow, pwal rüanü paun epwe chu ngeni ewe ätemwänin sip,  
\v 4 nge ruu paun epwe chu ngeni eman me eman kewe füman lam.  
\v 5 Iwe, oupwe pwal eäni asoren tipis eman ätemwänin kuuch pwe epwe fis asoren amusamusen tipis fän itemi ren.  
\v 6 Ekei asor repwe fis lükün ewe asoren kek lepoputän maram me ewe asoren mongö mi chu ngeni, pwal lükün ewe asoren kek mi chök fifis iteiten rän me ewe asoren mongö me asoren ün mi chu ngeni lon pwüngün allükür. Ei eu asor ewe Samol mi Lapalap a efich pwoon.   
\s1 Ekewe asor repwe fis lon ewe ränin amusamusen tipis  
\sr 29.7-11  
\r (Lif 23.26-32)  
\p
\v 7 Iwe, lon engolun ränin ei afisuen maram oupwe afisi eu mwich mi pin. Oupwe echikefel, ousap pwal föri och angang lon.  
\v 8 Nge oupwe eäni asoren kek eman nienifön ätemwänin kow, eman ätemwänin sip me füman ätemwänin lam eu ierir, pwe ewe Samol mi Lapalap epwe efich pwoon. Ir meinisin esap wor terir.  
\v 9 Epwe pwal chu ngeniir ewe asoren mongö pilawa mi amas o mürina mi nofitfengen me apüra. Iwe, wonu paun pilawa epwe chu ngeni ewe ätemwänin kow, rüanü paun pilawa epwe chu ngeni ewe ätemwänin sip,  
\v 10 nge ruu paun epwe chu ngeni eman me eman kewe füman lam.  
\v 11 Oupwe pwal eäni asoren tipis eman ätemwänin kuuch lükün ewe asoren amusamusen tipis, pwal lükün ewe asoren kek mi chök fifis iteiten rän me ewe asoren mongö me asoren ün mi chu ngeni. \x + \xo 29.11 \xt Lif 16.29-34\x*   
\s1 Ekewe asor repwe fis lon ewe chulapen likachoch  
\sr 29.12-40  
\r (Lif 23.33-44)  
\p
\v 12 Iwe, lon engol me limuen ränin ewe afisuen maram oupwe afisi eu mwich mi pin. Ousap föri och angang lon, nge oupwe föri eu chulap ngeni ewe Samol mi Lapalap lon ükükün fisu rän.  
\v 13 Iwe, lon aeuin rän oupwe eäni asoren kek engol me ülüman nienifön ätemwänin kow, ruoman ätemwänin sip me engol me föman ätemwänin lam eu ierir, pwe ewe Samol mi Lapalap epwe efich pwoon. Ir meinisin esap wor terir.  
\v 14 Epwe pwal chu ngeniir ewe asoren mongö pilawa mi amas o mürina mi nofitfengen me apüra. Iwe, wonu paun pilawa epwe chu ngeni eman me eman kewe engol me ülüman ätemwänin kow, rüanü paun epwe chu ngeni eman me eman kewe ruoman ätemwänin sip,  
\v 15 nge ruu paun epwe chu ngeni eman me eman kewe engol me föman lam.  
\v 16 Oupwe pwal eäni asoren tipis eman ätemwänin kuuch lükün ewe asoren kek mi chök fifis iteiten rän me ewe asoren mongö me asoren ün mi chu ngeni.   
\p
\v 17 Nge lon aruuen rän oupwe eäni asor engol me ruoman nienifön ätemwänin kow, ruoman ätemwänin sip me engol me föman ätemwänin lam eu ierir. Ir meinisin esap wor terir.  
\v 18 Iwe, ewe asoren mongö me asoren ün repwe chu ngeni ekewe ätemwänin kow, ekewe ätemwänin sip me ekewe lam ükükün iteiter lon pwüngün allükür.  
\v 19 Oupwe pwal eäni asoren tipis eman ätemwänin kuuch lükün ewe asoren kek mi chök fifis iteiten rän me ewe asoren mongö me asoren ün mi chu ngeni.   
\p
\v 20 Iwe, lon aülüngatin rän oupwe eäni asor engol me eman nienifön ätemwänin kow, ruoman ätemwänin sip me engol me föman ätemwänin lam eu ierir. Ir meinisin esap wor terir.  
\v 21 Iwe, ewe asoren mongö me asoren ün repwe chu ngeni ekewe ätemwänin kow, ekewe ätemwänin sip me ekewe lam ükükün iteiter lon pwüngün allükür.  
\v 22 Oupwe pwal eäni asoren tipis eman ätemwänin kuuch lükün ewe asoren kek mi chök fifis iteiten rän me ewe asoren mongö me asoren ün mi chu ngeni.   
\p
\v 23 Iwe, lon arüanün rän oupwe eäni asor engol nienifön ätemwänin kow, ruoman ätemwänin sip me engol me föman ätemwänin lam eu ierir. Ir meinisin esap wor terir.  
\v 24 Iwe, ewe asoren mongö me asoren ün repwe chu ngeni ekewe ätemwänin kow, ekewe ätemwänin sip me ekewe lam ükükün iteiter lon pwüngün allükür.  
\v 25 Oupwe pwal eäni asoren tipis eman ätemwänin kuuch lükün ewe asoren kek mi chök fifis iteiten rän me ewe asoren mongö me asoren ün mi chu ngeni.   
\p
\v 26 Nge lon alimuen rän oupwe eäni asor tiueman nienifön ätemwänin kow, ruoman ätemwänin sip me engol me föman ätemwänin lam eu ierir. Ir meinisin esap wor terir.  
\v 27 Iwe, ewe asoren mongö me asoren ün repwe chu ngeni ekewe ätemwänin kow, ekewe ätemwänin sip me ekewe lam ükükün iteiter lon pwüngün allükür.  
\v 28 Oupwe pwal eäni asoren tipis eman ätemwänin kuuch lükün ewe asoren kek mi chök fifis iteiten rän me ewe asoren mongö me asoren ün mi chu ngeni.   
\p
\v 29 Iwe, lon awonuen rän oupwe eäni asor waluman nienifön ätemwänin kow, ruoman ätemwänin sip me engol me föman lam eu ierir. Ir meinisin esap wor terir.  
\v 30 Iwe, ewe asoren mongö me asoren ün repwe chu ngeni ekewe ätemwänin kow, ekewe ätemwänin sip me ekewe lam ükükün iteiter lon pwüngün allükür.  
\v 31 Oupwe pwal eäni asoren tipis eman ätemwänin kuuch lükün ewe asoren kek mi chök fifis iteiten rän me ewe asoren mongö me asoren ün mi chu ngeni.   
\p
\v 32 Nge lon afisuen rän oupwe eäni asor füman nienifön ätemwänin kow, ruoman ätemwänin sip me engol me föman ätemwänin lam eu ierir. Ir meinisin esap wor terir.  
\v 33 Iwe, ewe asoren mongö me asoren ün repwe chu ngeni ekewe ätemwänin kow, ekewe ätemwänin sip me ekewe lam ükükün iteiter lon pwüngün allükür.  
\v 34 Oupwe pwal eäni asoren tipis eman ätemwänin kuuch lükün ewe asoren kek mi chök fifis iteiten rän me ewe asoren mongö me asoren ün mi chu ngeni.   
\p
\v 35 Iwe, lon awaluen rän oupwe pwal afisi eu mwich mi pin. Ousap föri och angang lon.  
\v 36 Oupwe eäni asoren kek eman nienifön ätemwänin kow, eman ätemwänin sip me füman ätemwänin lam eu ierir, pwe ewe Samol mi Lapalap epwe efich pwoon. Ir meinisin esap wor terir.  
\v 37 Iwe, ewe asoren mongö me asoren ün repwe chu ngeni ekewe ätemwänin kow, ekewe ätemwänin sip me ekewe lam ükükün iteiter lon pwüngün allükür.  
\v 38 Oupwe pwal eäni asoren tipis eman ätemwänin kuuch lükün ewe asoren kek mi chök fifis iteiten rän me ewe asoren mongö me asoren ün mi chu ngeni. \x + \xo 29.38 \xt Lif 23.34; Tut 16.13-15\x*   
\p
\v 39 Ikkei ekewe asor oupwe eäni asor ngeni ewe Samol mi Lapalap lon ämi kewe ränin chulap mi kefilitä. Repwe chu ngeni ämi kewe asoren pwon me asor seni püsin letipemi, ämi kewe asoren kek me asoren mongö me asoren ün pwal ämi kewe asoren kinamwe.”  
\v 40 Iwe, Moses a asile ngeni ekewe aramasen Israel wesewesen meinisin mine ewe Samol mi Lapalap a allük ngeni.   
\c 30  
\s1 Allük usun än aramas pwon  
\sr 30.1-16  
\p
\v 1 Iwe, Moses a üreni ekewe mwänirelan ainangen ekewe aramasen Israel, “Iei usun mine ewe Samol mi Lapalap a allük:  
\v 2 Are eman mwän a eäni eu pwon ngeni ewe Samol mi Lapalap, pwe epwe fang ngeni och, ika a akapel pwe epwe pölüküela och, ätei esap tongeni atai an pwon. Epwe chök apwönüetä meinisin mine a apasawu seni awan. \x + \xo 30.2 \xt Tut 23.21-23; Mat 5.33\x*  
\v 3 Nge are eman föpwül mi chüen nom lon imwen saman a eäni eu pwon ngeni ewe Samol mi Lapalap, pwe epwe fang ngeni och, ika a pwon pwe epwe pölüküela och,  
\v 4 are saman a rongorong an pwon me an akapel, nge esap apasa och ngeni, mürin ewe föpwül epwe föri meinisin mine a eäni pwon.  
\v 5 Nge are saman we esap tipeeu ngeni lon ewe rän, lupwen a rongorong usun, ewe föpwül esap wisen föri mine a eäni pwon. Iwe, ewe Samol mi Lapalap epwe amusala an tipis, pun saman we esap tipeeu ngeni.  
\v 6 Nge are neminewe epwe pwüpwülü, lupwen a chüen nom fän an pwon ika fän mine a awakai won,  
\v 7 are pwülüan epwe rong usun, nge esap apasa och ngeni lon ewe ränin, mürin ewe föpwül epwe föri meinisin mine a eäni pwon.  
\v 8 Iwe, are pwülüan we esap tipeeu ngeni lon ewe rän, lupwen a rongorong usun, epwe atai än ewe fefin pwon, pwal mine a awakai won. Iwe, ewe Samol mi Lapalap epwe amusala an tipis.  
\v 9 Nge eman fefin mi mä pwülüan ika eman mi mwü seni pwülüan epwe fokun apwönüetä an kewe pwon meinisin.  
\v 10 Iwe, are eman fefin a eäni eu pwon me lon imwen pwülüan, ika a pwon pwe epwe pölüküela och,  
\v 11 are pwülüan a rongorong, nge esap apasa och, esap pwal pälüeni, mürin ewe fefin epwe fokun apwönüetä an kewe pwon meinisin.  
\v 12 Nge are pwülüan a atai ekewe pwon lon ewe rän, lupwen a rongorong usun, meinisin mine ewe fefin a apasawu fän iten an kewe pwon pwal fän iten an akapel esap wisen apwönüetä. Iwe, pwülüan a atai ekewe pwon, nge ewe Samol mi Lapalap epwe amusala än ewe fefin tipis.  
\v 13 Iteiten pwon me iteiten akapel eman fefin a eäni, pwülüan a tongeni anüküchara ika atai.  
\v 14 Nge are pwülüen ewe fefin esap apasa och ngeni lon ekoch rän, mürin a anüküchara än ewe fefin we pwon me an we akapel meinisin ra nom won. Pwülüan we a anüküchareer, pun esap apasa och ngeni lon ewe rän, lupwen a rongorong usun.  
\v 15 Nge are a ataar ekoch fansoun mürin an rong usur, epwe mwärelong fän än neminewe tipis.”  
\v 16 Ikkei ekewe allükün pwon ewe Samol mi Lapalap a allük ngeni Moses usun lefilen eman mwän me pwülüan, pwal usun lefilen eman sam me nöün föpwül, lupwen a chüen nom lon imwen saman.   
\c 31  
\s1 Chon Israel ra ngeni chon Mitian chappen ar föför ngeniir o limeti liaper  
\sr 31.1-24  
\p
\v 1 Iwe, ewe Samol mi Lapalap a üreni Moses,  
\v 2 “Kopwe ngeni ekewe chon Mitian chappen ar föför ngeni chon Israel. Mürin kopwap mäla.”  
\v 3 Iwe, Moses a üreni ekewe aramas, “Oupwe amolätä ekoch mwän me leimi, pwe repwe feila maun ngeni ekewe chon Mitian o ngeniir chappen ar föför fän iten ewe Samol mi Lapalap.  
\v 4 Oupwe tinala lon maun engeröü mwän seni eu me eu kewe ainangen Israel.”  
\v 5 Iei mine ra filätä engeröü mwän seni eu me eu ainang, pwe ükükün engol me ruungeröü re Israel ra molotä ngeni maun.  
\v 6 Mürin, Moses a tinirela ngeni maun, pwal Pinehas nöün ewe souasor Eleasar mwän mi uwei ekewe pisek seni ewe imw mi pin, pwal ekewe rappwa ra nöünöü le ettiki ewe tikin asilesilen maun.  
\v 7 Iwe, ra maun ngeni ekewe chon Mitian usun ewe Samol mi Lapalap a allük ngeni Moses, o niela mwän meinisin.  
\v 8 Ra pwal achu ngeni niier kewe ekewe limman king seni Mitian iter Efi, Rekem, Sur, Hur me Repa. Ra pwal niela Palam nöün Peor we mwän.  
\v 9 Iwe, ekewe aramasen Israel ra liapeni ekewe fin Mitian me nöür semirit. Ra pwal angei pwe choon wokur nöür pwiin kow me sip, pwal pisekir meinisin.  
\v 10 Nge ra pwal kenala än chon Mitian kewe telinimw me ekewe leni ia ra nonom ie.  
\v 11 Iwe, ra angei choon wokur meinisin ra liapeni, pwal ekewe aramas me man,  
\v 12 o uweereto ren Moses me ewe souasor Eleasar pwal ren ekewe aramasen Israel meinisin mi nom lon ewe maasiesin Moap arun ewe chanpupu Jortan sasape ngeni Jeriko.   
\p
\v 13 Iwe, Moses me ewe souasor Eleasar me ekewe souemwenin ekewe aramas meinisin ra feila lükün ewe ia ra nonom ie, pwe repwe churiir.  
\v 14 Nge Moses a song ngeni ekewe meilapen mwichen sounfiu, ir ätekewe mi nemenem won ngeröü me pükü ra liwinto seni maun.  
\v 15 Iwe, a üreniir, “Pwota oua amanaua ekana fefin meinisin?  
\v 16 Ir chokewe mi chei än Palam aüraür ngeniir, pwal ir popun pwe ekewe aramasen Israel ra kul seni ewe Samol mi Lapalap ren ewe föför ra föri me lon Peor. Iei mine ewe mätter a tori än ewe Samol mi Lapalap mwichen aramas. \x + \xo 31.16 \xt Num 25.1-9\x*  
\v 17 Iei popun, iei oupwe niela iteiten ät me lein ekewe semirit, pwal iteiten fefin mi tori mwän.  
\v 18 Nge oupwe amanaua ekewe nengin meinisin resamwo tori mwän fän itemi.  
\v 19 Ämi meinisin mi niela aramas, pwal ämi mi atapa somä, oupwe mwo nonom lükün ewe ia aramas ra nonom ie lon ükükün fisu rän. Oupwe püsin alimöchükemi me ekewe föpwül oua liapeniir lon aülüngatin me afisuen rän.  
\v 20 Oupwe pwal limeti iteiten üf, iteiten pisek seni silin man, iteiten mettoch mi för seni ülen kuuch pwal iteiten pisek seni irä.”   
\p
\v 21 Iwe, ewe souasor Eleasar a üreni ekewe sounfiu mi liwinto seni maun, “Iei pwüngün ewe allük ewe Samol mi Lapalap a allük ngeni Moses:  
\v 22 Mettoch meinisin resap tongeni karala: kolt, silifer, piras, mächä, tin me pilom  
\v 23 oupwe limetiir lon ekkei pwe repwe limöch. Nge repwe pwal limelim ren ewe kolukun limelim. Iwe, mettoch meinisin mi tongeni karala oupwe limetiir ren koluk.  
\v 24 Oupwe sopuni üfemi lon afisuen rän pwe oupwe limöch. Mürin oupwe tolong lon ewe ia aramas ra nonom ie.”   
\s1 Chon Israel ra ineti liaper  
\sr 31.25-54  
\p
\v 25 Iwe, ewe Samol mi Lapalap a üreni Moses,  
\v 26 “Ämi me ewe souasor Eleasar pwal mwänirelan ekewe familien ewe mwichen aramas oupwe aleani ekewe aramas me man meinisin ra liapeni.  
\v 27 Mürin kopwe ineti liaper kewe lon ruu kinikin lefilen ekewe sounfiu mi feila maun me ekewe aramas meinisin.  
\v 28 Iwe, seni inetin ekewe sounfiu mi feila maun kopwe aimwüela fän iten ewe Samol mi Lapalap eman seni iteiten limepükü aramas ika kow ika aas ika sip ika kuuch.  
\v 29 Kopwe angeir o ngeni ewe souasor Eleasar pwe eu asor ngeni ewe Samol mi Lapalap.  
\v 30 Nge seni inetin ekewe aramasen Israel, kopwe aimwüela eman seni iteiten lime aramas ika kow ika aas ika sip ika kuuch ika sokopaten man o ngeni ekewe mwän seni ewe ainangen Lefi mi wisen angang ngeni än ewe Samol mi Lapalap we imwenfel seni mangaku.”  
\v 31 Iwe, Moses me ewe souasor Eleasar ra föri usun mine ewe Samol mi Lapalap a allük ngeni Moses.   
\p
\v 32 Iwe, iei ükükün unusen liapen ekewe sounfiu: Wonopükü fik me limungeröü sip,  
\v 33 fik me ruungeröü kow,  
\v 34 wone me eungeröü aas  
\v 35 me ilik me ruungeröü föpwül resamwo tori mwän.  
\v 36 Iwe, esopun liaper inetin ekewe sounfiu mi feila maun ükükün ülüpükü ilik me fisungeröü limepükü sip.  
\v 37 Nge inetin ewe Samol mi Lapalap seni ei ükükün: wonopükü fik me limman sip.  
\v 38 Iwe, inetir kow ükükün ilik me wonungeröü. Nge seni ei ükükün, fik me ruoman inetin ewe Samol mi Lapalap.  
\v 39 Iwe, inetir aas ükükün ilik ngeröü limepükü. Nge seni ei ükükün, wone me eman inetin ewe Samol mi Lapalap.  
\v 40 Iwe, inetir aramas ükükün engol me wonungeröü. Nge seni ei ükükün, ilik me ruoman inetin ewe Samol mi Lapalap.  
\v 41 Iwe, Moses a ngeni ewe souasor Eleasar inetin ewe Samol mi Lapalap pwe eu asor fän itan, usun ewe Samol mi Lapalap a allük ngeni.   
\p
\v 42 Iwe, esopun liapen ekewe sounfiu Moses a aimwüela pwe inetin ekewe aramasen Israel.  
\v 43 Iwe, inetin ekewe aramas ükükün ülüpükü ilik me fisungeröü limepükü sip,  
\v 44 ilik me wonungeröü kow,  
\v 45 ilik ngeröü limepükü aas  
\v 46 me engol me wonungeröü aramas.  
\v 47 Iwe, seni esopun liaper inetin ekewe aramasen Israel Moses a angei eman seni iteiten lime aramas ika man o ngeni ekewe mwän seni ewe ainangen Lefi mi wisen tümwünü än ewe Samol mi Lapalap we imwenfel seni mangaku, usun ewe Samol mi Lapalap a allük ngeni Moses.   
\p
\v 48 Mürin, ekewe meilap mi nemeni ekewe mwichen sounfiu ra feito ren Moses  
\v 49 o üreni, “Äm noum chon angang aia aleani ekewe sonfiu mi nom fän nemenemem, nge esap wor eman a mäla me leim.  
\v 50 Iei aia uwato ekewe mettoch seni kolt pwe eu asor fän iten ewe Samol mi Lapalap seni mine eman me eman a angei: lälä me sokun fouten won pau, ring won pau me ierring me sokopaten fout, pwe aipwe eäni asor liwinin manauem ngeni ewe Samol mi Lapalap.”  
\v 51 Iwe, Moses me ewe souasor Eleasar ra angei seniir ekewe sokopaten fout seni kolt.  
\v 52 Nge ekewe kolt meinisin ekewe meilap mi nemeni ekewe mwichen sounfiu ra eäni asor ngeni ewe Samol mi Lapalap ina epwe ükükün föpükü rüe paun.  
\v 53 Nge ekewe sounfiu ra chök en me angei liapan fän püsin itan.  
\v 54 Iwe, Moses me ewe souasor Eleasar ra angei ewe kolt seni ekewe meilapen sounfiu o iseis lon ewe imwenfel seni mangaku fän mesen ewe Samol mi Lapalap pwe eu pisekin achem fän iten ekewe aramasen Israel.   
\c 32  
\s1 Chon ekewe ainangen Rupen me Kat me esopun ewe ainangen Manasa ra nonomotiu ötiuen ewe chanpupu Jortan  
\sr 32.1-42  
\r (Tut 3.12-22)  
\p
\v 1 Iwe, chon ekewe ainangen Rupen me Kat a wor chomong nöür pwiin kow. Iwe, ra küna pwe won ewe fanü Jaser pwal won ewe fanü Kiliat ra mürina le foleni kow.  
\v 2 Iei mine chon ekewe ainangen Rupen me Kat ra feito o üreni Moses me ewe souasor Eleasar, pwal ekewe souemwenin ekewe aramas,  
\v 3 “Ewe fanü ünükün Atarot, Tipon, Jaser, Nimra, Hespon, Eleale, Sepam, Nepo me Peon,  
\v 4 ewe fanü ewe Samol mi Lapalap a akufu me fän mesen ekewe aramasen Israel, a mürina le foleni kow won. Iwe, äm noum chon angang a wor chomong nöüm kow.  
\v 5 Kose mochen kopwe mwüt ngenikem ei fanü pwe aipwe fanüeni. Kosap nukikeemila pekilan ewe chanpupu Jortan.”   
\p
\v 6 Nge Moses a üreni chon ekewe ainangen Kat me Rupen, “Ifa usun, pwimi kewe repwe feila ngeni maun, nge ämi oupwe chök nonom ikei?  
\v 7 Pwota oupwe atipetipa leluken ekewe aramasen Israel pwe resap feila pekilan ewe chanpupu Jortan o tolong lon ewe fanü ewe Samol mi Lapalap a ngeniir?  
\v 8 Iei usun mine semelapemi kewe ra pwal föri, lupwen üa tinirela seni Kates-parnea pwe repwe operi ewe fanü.  
\v 9 Iwe, ra feila tori ewe lemolun Eskol o küna ewe fanü, nge lupwen ra liwinto, ra atipetipa leluken ekewe aramasen Israel, pwe resap feila o tolong lon ewe fanü ewe Samol mi Lapalap a ngeniir. \x + \xo 32.9 \xt Num 13.17-33\x*  
\v 10 Iwe, lon ewe rän ewe Samol mi Lapalap a fokun song o pwon fän akapel,  
\v 11 ‘Ellet, esap wor eman me lein ekewe mwän seni ier rüe feitä mi towu seni Isip repwe küna ewe fanü üa pwon fän akapel pwe üpwe ngeni Apraham, Isaak me Jakop. Pun ir resap fokun aleasochis ngeniei.  
\v 12 Chilon chök Kalep nöün Jefune we mwän ewe chon Kenis me Josua nöün Nun we mwän, pun ir ra fokun aleasochis ngeniei ngang ewe Samol mi Lapalap.’  
\v 13 Iwe, ewe Samol mi Lapalap a fokun song ngeni chon Israel o föri pwe repwe rikifetal lon ewe fanüapö lon ükükün faik ier, tori ra rosola ewe pilon aramas mi föföringau me fän mesen ewe Samol mi Lapalap. \x + \xo 32.13 \xt Num 14.26-35\x*  
\v 14 Nge iei ämi oua chök tolong lemürürün sememi kewe, ämi eu täppin aramas mi tipis. Oua chök alapala än ewe Samol mi Lapalap song mi pöchökül ngeni Israel.  
\v 15 Pun are oua kul seni ämi aleasochis ngeni Kot, i epwe likitisefäliela ekei aramas lon ewe fanüapö. Ren ei ämi oupwe awarato feiengau wor.”   
\p
\v 16 Mürin, ra kanoto ren Moses o apasa, “Äm aipwe chök aüetä tittin sip ikei fän iten nöüm kewe pwiin sip pwal telinimw fän iten pwülüem me nöüm kewe semirit.  
\v 17 Nge äm aipwe angei pisekin maun o feila mwen ekewe aramasen Israel tori aipwe emweniir ngeni lenier. Nge pwülüem me nöüm kewe semirit repwe nonom lon ekewe telinimw mi pöchökül tittir, pwe resap feiengau ren chon ei fanü.  
\v 18 Äm aisap liwiniti imwem tori ekewe aramasen Israel repwe angei en me fanüan.  
\v 19 Äm aisap angei och fanü seniir pekilan ewe chanpupu Jortan. Pun aia fen angei inetim fanü me ötiuen ei chanpupu Jortan.”  
\v 20 Mürin, Moses a üreniir, “Are oua wesewesen mochen föri iei usun, iei oupwe angei pisekin maun o feila maun fän emwenien ewe Samol mi Lapalap.  
\v 21 Ämi mwän meinisin mi molotä ngeni maun oupwe feila pekilan ewe chanpupu Jortan fän emwenien ewe Samol mi Lapalap, tori i epwe asüela chon oputan me mwan.  
\v 22 Mürin, ika ewe fanü a nom fän nemenian, ämi oupwe liwinla, pun oua apwönüetä mine oua pwon ngeni ewe Samol mi Lapalap me ekewe chon Israel. Mürin, ewe Samol mi Lapalap epwe alletätä pwe ei fanü mi nom ötiuen ewe chanpupu Jortan fanüemi.  
\v 23 Nge are ousap apwönüetä ämi pwon, oua tipis ngeni ewe Samol mi Lapalap. Oupwe silei pwe liwinin ämi tipis epwe fokun torikemi.  
\v 24 Iwe, oupwe aüetä telinimw fän iten pwülüemi me nöümi semirit me tit fän iten nöümi sip. Nge oupwe apwönüetä mine oua eäni pwon.”  
\v 25 Iwe, chon ekewe ainangen Kat me Rupen ra üreni Moses, “Äm noum chon angang aipwe föri mine en äm samol ka eäni allük.  
\v 26 Nöüm semirit me pwülüem, pwal nöüm pwiin sip me kow meinisin repwe chök nonom lon ekewe telinimwen Kiliat.  
\v 27 Nge äm meinisin aia molotä pwe aipwe feila pekilan ewe chanpupu Jortan o maun fän emwenien ewe Samol mi Lapalap, usun en äm samol ka allük.”   
\p
\v 28 Iwe, Moses a ngeni ewe souasor Eleasar me Josua nöün Nun we mwän, pwal ngeni mwänirelan ekewe familien ekewe ainangen Israel ei allük fän äsengesiir,  
\v 29 “Are ekewe mwän seni chon ekewe ainangen Kat me Rupen mi molotä ngeni maun repwe etikemi le feila pekilan ewe chanpupu Jortan fän emwenien ewe Samol mi Lapalap, nge ewe fanü epwe nom fän nemeniemi, mürin oupwe ngeniir ewe fanü Kiliat pwe repwe fanüeni.  
\v 30 Nge are resap etikemi le feila maun pekila, repwe chök fafanü remi lon ewe fanü Kanaan.”  
\v 31 Iwe, chon ekewe ainangen Kat me Rupen ra apasa, “Äm noum chon angang aipwe föri mine ewe Samol mi Lapalap a ürenikem.  
\v 32 Äm aipwe feila pekilan ewe chanpupu Jortan o tolong lon ewe fanü Kanaan fän emwenien ewe Samol mi Lapalap pwe aipwe maun. Nge inetim fanü epwe chök nom rem ötiuen ewe chanpupu Jortan.” \x + \xo 32.32 \xt Jos 1.12-15\x*   
\p
\v 33 Mürin, Moses a ngeni chon ekewe ainangen Kat me Rupen, pwal ngeni ewe esopun ewe ainangen Manasa nöün Josef we mwän ewe mwün Sihon ewe kingen chon Amor me ewe mwün Ok ewe kingen Pasan, unusen ewe fanü me telinimwan meinisin fiti ekewe leni ünükür.  
\v 34 Iwe, chon ekewe ainangen Kat ra aüsefälietä ekewe telinimw Tipon, Atarot, Aroer,  
\v 35 Arotsofan, Jaser, Jokpeha,  
\v 36 Petnimra me Petharan. Iwe, ra aüetä tit ünükün ekewe telinimw, pwal tit fän iten nöür kewe sip.  
\v 37 Iwe, chon ekewe ainangen Rupen ra aüsefälietä ekewe telinimw Hespon, Eleale, Kiriataim,  
\v 38 Nepo me Paalmeon, nge ra siwili iter. Ra pwal aüsefälietä Sipma. Iwe, ra aitasefäli ekewe telinimw ra aüsefäliretä.  
\v 39 Iwe, ekewe mwirimwirin Makir, nge Makir nöün Manasa we mwän, ra feila Kiliat o liapeni, ra pwal asüela ekewe chon Amor mi nonom won.  
\v 40 Iwe, Moses a ngeni ekewe mwirimwirin Makir ewe fanü Kiliat. Iwe, ra nonom lon.  
\v 41 Nge Jair eman mwirimwirin Manasa a feila o liapeni wisoposopun ewe fanü Kiliat. Iwe, a aita ngeniir Hawot-jair.  
\v 42 Nge Nopa a feila o liapeni Kenat me wisoposopun kewe. Iwe, a aita ngeni Nopa püsin itan we.   
\c 33  
\s1 Tettelin än ekewe chon Israel sai  
\sr 33.1-49  
\p
\v 1 Iei tettelin än ekewe aramasen Israel sai, lupwen ra towu seni ewe fanü Isip lon ar kewe ainang fän emwenien Moses me Aaron.  
\v 2 Iwe, Moses a makeetiu iteiten eu me eu kewe leni ra sai seni, usun ewe Samol mi Lapalap a allük ngeni. Iwe, iei tettelin ar sai seni eu leni tori pwal eu leni.  
\v 3 Iwe, ekewe aramasen Israel ra sai seni Rameses lon engol me limuen ränin ewe aeuin maram, eu rän mürin ewe pasofer. Ra töpworawu me fän mesen ekewe chon Isip meinisin,  
\v 4 lupwen ra peiaseni nöür kewe mwänichi meinisin ewe Samol mi Lapalap a nirela me lefiler. Ren ei ewe Samol mi Lapalap a pwärätä pwe i a manaman seni ekewe koten Isip.   
\p
\v 5 Iwe, ekewe aramasen Israel ra sai seni Rameses o aüetä imwer lon Sukot.  
\v 6 Ra pwal sai seni Sukot o aüetä imwer lon Etam mi nom lesopun ewe fanüapö.  
\v 7 Iwe, ra sai seni Etam o liwiniti Pihahirot mi nom ötiuen Paal-sefon. Ra aüetä imwer arap ngeni Miktol.  
\v 8 Mürin ra sai seni Pi-hahirot, ra pwerelong lukalapen ewe matau o feilong lon ewe fanüapö. Iwe, lupwen ra sai lon ewe fanüapön Etam lon ükükün ülüngat rän, ra tori Mara o aüetä imwer ikenan.  
\v 9 Ra pwal sai seni Mara tori Elim o aüetä imwer, pun mi wor engol me ruu chönüttu me fik irä palm ikenan.  
\v 10 Mürin ra sai seni Elim o aüetä imwer arun ewe Setipar.  
\v 11 Iwe, ra sai seni ewe Setipar o aüetä imwer lon ewe fanüapön Sin.  
\v 12 Mürin ra sai seni ewe fanüapön Sin o aüetä imwer lon Tofka.  
\v 13 Iwe, ra sai seni Tofka o aüetä imwer lon Alus.  
\v 14 Ra pwal sai seni Alus o aüetä imwer lon Refitim, ewe ia esap wor ie ünümen ekewe aramas koluk.  
\v 15 Iwe, ra sai seni Refitim o aüetä imwer lon ewe fanüapön Sinai.  
\v 16 Mürin ra sai seni ewe fanüapön Sinai o aüetä imwer lon Kiprotatawa.  
\v 17 Ra pwal sai seni Kiprotatawa o aüetä imwer lon Haserot.  
\v 18 Iwe, ra sai seni Haserot o aüetä imwer lon Ritma.  
\v 19 Ra pwal sai seni Ritma o aüetä imwer lon Rimon-peres.  
\v 20 Mürin ra sai seni Rimon-peres o aüetä imwer lon Lipna.  
\v 21 Ra pwal sai seni Lipna o aüetä imwer lon Risa.  
\v 22 Iwe, ra sai seni Risa o aüetä imwer lon Kehelata.  
\v 23 Mürin ra sai seni Kehelata o aüetä imwer fäsonun ewe chuk Sefer.  
\v 24 Iwe, ra sai seni fäsonun ewe chuk Sefer o aüetä imwer lon Harata.  
\v 25 Mürin ra sai seni Harata o aüetä imwer lon Makhelot.  
\v 26 Ra pwal sai seni Makhelot o aüetä imwer lon Tahat.  
\v 27 Mürin ra sai seni Tahat o aüetä imwer lon Tera.  
\v 28 Iwe, ra sai seni Tera o aüetä imwer lon Mitka.  
\v 29 Mürin ra sai seni Mitka o aüetä imwer lon Hasmona.  
\v 30 Ra pwal sai seni Hasmona o aüetä imwer lon Moserot.  
\v 31 Iwe, ra sai seni Moserot o aüetä imwer lon Penejaakan.  
\v 32 Mürin ra sai seni Penejaakan o aüetä imwer lon Horhakitkat.  
\v 33 Ra pwal sai seni Horhakitkat o aüetä imwer lon Jotpata.  
\v 34 Iwe, ra sai seni Jotpata o aüetä imwer lon Aprona.  
\v 35 Mürin ra sai seni Aprona o aüetä imwer lon Esionkeper.  
\v 36 Ra pwal sai seni Esionkeper o aüetä imwer lon Kates lon ewe fanüapön Sin.  
\v 37 Iwe, ra sai seni Kates o aüetä imwer fäsonun ewe chuk Hor lekiännin ewe fanü Etom.   
\p
\v 38 Iwe, ewe souasor Aaron a feitä won ewe chuk Hor fän än ewe Samol mi Lapalap allük o mäla ikenan. Ei a fis lon afaiken ier mürin än ekewe aramasen Israel towu seni ewe fanü Isip lon aeuin ränin ewe alimuen maram. \x + \xo 33.38 \xt Num 20.22-28; Tut 10.6; 32.50\x*  
\v 39 Iwe, Aaron a ierini ipükü rüe me ülüngat, lupwen a mäla me won ewe chuk Hor.   
\p
\v 40 Iwe, ewe kingen Arat, ewe re Kanaan mi nonom lon ewe fanü Nekep lon Kanaan a rong pwe ekewe aramasen Israel ra feito. \x + \xo 33.40 \xt Num 21.1\x*   
\p
\v 41 Iwe, ekewe aramasen Israel ra sai seni fäsonun ewe chuk Hor o aüetä imwer lon Salmona.  
\v 42 Ra pwal sai seni Salmona o aüetä imwer lon Punon.  
\v 43 Mürin ra sai seni Punon o aüetä imwer lon Opot.  
\v 44 Iwe, ra sai seni Opot o aüetä imwer lon Ie-Aparim lon ewe fanü Moap.  
\v 45 Mürin ra sai seni Ie-Aparim o aüetä imwer lon Tiponkat.  
\v 46 Ra pwal sai seni Tiponkat o aüetä imwer lon Almontiplataim.  
\v 47 Iwe, ra sai seni Almontiplataim o aüetä imwer won ewe chukuchukutä Aparim kükü ngeni ewe chuk Nepo.  
\v 48 Mürin ra sai seni ewe chukuchukutä Aparim o aüetä imwer lon ekewe maasiesin Moap arun ewe chanpupu Jortan sasape ngeni Jeriko.  
\v 49 Iwe, ra aüetä imwer arun ewe chanpupu Jortan seni Pet-jesimot tori Apel-sittim mi nom lon ekewe maasiesin Moap.   
\s1 Kiännin me kinikinin ewe fanü Kanaan  
\sr 33.50–34.29  
\p
\v 50 Iwe, ewe Samol mi Lapalap a kapas ngeni Moses me lon ekewe maasiesin Moap arun ewe chanpupu Jortan sasape ngeni Jeriko,  
\v 51 “Kopwe üreni ekewe aramasen Israel: Lupwen oupwe feila pekilan ewe chanpupu Jortan o tolong lon ewe fanü Kanaan,  
\v 52 oupwe asüela me mwemi chon ewe fanü meinisin. Oupwe ataela ar kewe uluulun anümwäl seni fau ika seni mächä meinisin, oupwe pwal atatakisi ar kewe lenien fel won ekewe leni tekia meinisin.  
\v 53 Iwe, oupwe angei ewe fanü o nonom lon, pun üa ngenikemi ewe fanü pwe oupwe fanüeni.  
\v 54 Oupwe aineti ewe fanü ren üttüt, aükük ngeni chochon ämi kewe cho pwe repwe fanüeni. Are eu ainang a watte, oupwe awattei fanüan, nge are eu ainang a kükün, oupwe pwal akükünü fanüan. Meni fanü eman a ütti, epwe pwal fanüeni. Oupwe fanüeni ewe fanü aükük ngeni chochon ainangen sememi kewe. \x + \xo 33.54 \xt Num 26.54-56\x*  
\v 55 Nge are ousap asüela chon ewe fanü me mwemi, chokewe oua mwüt ngeniir pwe repwe nonom repwe usun chök och mökün mettoch mi ken lon mesemi, pwal usun chök iräfölüföl lepekimi. Iwe, repwe ariaföüükemi lon ewe fanü ia oupwe nonom ie.  
\v 56 Are osap asürela, ngang üpwe föri ngenikemi mine üa ekiekin föri ngeniir.”   
\c 34  
\p
\v 1 Iwe, ewe Samol mi Lapalap a kapas ngeni Moses,  
\v 2 “Kopwe allük ngeni ekewe aramasen Israel o üreniir: Lupwen oupwe tolong lon ewe fanü Kanaan, ewe fanü üpwe ngenikemi pwe oupwe fanüeni, epwe iei unusen kiännin:  
\v 3 Kiännin fanüemi me peliör epwe seni ewe fanüapön Sin feila won kiännin Etom. Epwe popuetä me lesopun ewe Setin Mäla me ötiu.  
\v 4 Iwe, epwe kul me örün ewe chukuchukutä Akrapim o pwerelong ngeni Sin tori örün Kates-parnea. Mürin epwe pwere ngeni lotouefeng tori Hasaratar o pwerelong Asmon.  
\v 5 Iwe, ewe kiä epwe kul seni Asmon o feila ngeni ewe öüwön Isip, nge epwe müchütiu me arun ewe matau watte.   
\p
\v 6 Iwe, kiännin fanüemi me pelilotou epwe arosetin ewe matau watte.   
\p
\v 7 Nge iei kiännin fanüemi me peliefeng: Epwe seni ewe matau watte tori ewe chuk Hor.  
\v 8 Iwe, seni ewe chuk Hor epwe tori wenewenen Hamat, mürin kiännin epwe feitä tori Setat  
\v 9 o feila ngeni Sifron, nge epwe müchütiu me Hasarenan. Iei kiännin fanüemi me peliefeng.   
\p
\v 10 Iwe, kiännin fanüemi me peliötiu epwe seni Hasarenan tori Sefam.  
\v 11 Iwe, seni Sefam ewe kiä epwe feila tori Ripla peliötiuen Ain o chöüla tori ewe chukuchukutä ötiuen ewe nomun Kenesaret.  
\v 12 Mürin epwe feila ör o ouwäreer me ewe chanpupu Jortan, nge epwe müchütiu me arun ewe Setin Mäla. Iei fanüemi me pwelin kiännin.”   
\p
\v 13 Iwe, Moses a allük ngeni ekewe aramasen Israel o üreniir, “Iei ewe fanü oupwe fanüeni ren üttüt. Ei fanü epwe ainet ngeni ekewe tiu esop ainang, usun ewe Samol mi Lapalap a allük. \x + \xo 34.13 \xt Num 26.52-56\x*  
\v 14 Pun chon ekewe ainangen Rupen me Kat me esopun ewe ainangen Manasa ra fen angei fanüer iteiter lon en me an famili.  
\v 15 Ekei ruu esop ainang ra fen angei fanüer ötiuen ewe chanpupu Jortan sasape ngeni Jeriko.” \x + \xo 34.15 \xt Jos 14.1-5\x*   
\p
\v 16 Iwe, ewe Samol mi Lapalap a üreni Moses,  
\v 17 “Ikkei iten ekewe mwän repwe ineti ngenikemi ewe fanü oupwe fanüeni: Ewe souasor Eleasar me Josua nöün Nun we mwän.  
\v 18 Oupwe pwal angei eman souemwen seni eu me eu ainang, pwe repwe alisikemi le ineti ewe fanü oupwe fanüeni.  
\v 19 Ikkei iten ekewe souemwen: Kalep nöün Jefune we mwän seni ewe ainangen Juta,  
\v 20 Semuel nöün Amihut mwän seni ewe ainangen Simeon,  
\v 21 Elitat nöün Chislon mwän seni ewe ainangen Peniamin,  
\v 22 pwal ewe souemwen Pukki nöün Joki mwän seni ewe ainangen Tan.  
\v 23 Haniel nöün Efot mwän seni ewe ainangen Manasa,  
\v 24 Kemuel nöün Siftan mwän seni ewe ainangen Efraim,  
\v 25 Elisafan nöün Parnak mwän seni ewe ainangen Sepulon,  
\v 26 Paltiel nöün Asan mwän seni ewe ainangen Isakar,  
\v 27 Ahihut nöün Selomi mwän seni ewe ainangen Aser,  
\v 28 pwal Petahel nöün Amihut mwän seni ewe ainangen Naftali.  
\v 29 Ikkei ir ekewe mwän ewe Samol mi Lapalap a allük ngeniir pwe repwe ineti ewe fanü Kanaan ngeni ekewe aramasen Israel.”   
\c 35  
\s1 Ekewe telinimw fän iten chon ewe ainangen Lefi  
\sr 35.1-8  
\r (Jos 21.1-42)  
\p
\v 1 Iwe, ewe Samol mi Lapalap a kapas ngeni Moses lon ewe maasiesin Moap arun ewe chanpupu Jortan sasape ngeni Jeriko,  
\v 2 “Kopwe allük ngeni ekewe aramasen Israel pwe repwe ngeni chon ewe ainangen Lefi ekoch telinimw seni ar kewe leni ra lenieni, pwe repwe imweimw lon. Repwe pwal ngeniir ekewe fanü mi nom pwelin ünükün ekewe telinimw.  
\v 3 Iwe, chon ewe ainangen Lefi repwe imweimw lon ekewe telinimw, nge ekewe fanü ünükün repwe fän iten nöür kewe pwiin kow me sip me nöür kewe man meinisin.  
\v 4 Ekewe fanü ünükün ekewe telinimw ämi oupwe ngeni chon ewe ainangen Lefi repwe seni pwelin tittin ewe telinimw feila ükükün engeröü limepükü fiit.  
\v 5 Iwe, oupwe aükü ewe fanü lükün ewe telinimw, me peliötiuan epwe ükükün ülüngatngeröü fiit, me peliörün ülüngatngeröü fiit, me pelilotoun ülüngatngeröü fiit, me peliefengin pwal ülüngatngeröü fiit. Nge ewe telinimw epwe nom lukalapan. Ekei fanü mi chu ngeni ar kewe telinimw epwe fanüer fän iten nöür kewe man.  
\v 6 Oupwe ngeni chon ewe ainangen Lefi ekewe wonu telinimwen op, ia oupwe mwüt ngeni ewe mi niela aramas epwe süla ie. Nge oupwe pwal achu faik me ruu telinimw ngeni ekewe wonu.  
\v 7 Iwe, ekewe telinimw meinisin oupwe ngeni chon ewe ainangen Lefi repwe ükükün faik me walu, fiti ekewe fanü ünükür fän iten nöür kewe man.  
\v 8 Ekewe telinimw oupwe ngeni chon ewe ainangen Lefi seni fanüen ekewe aramasen Israel epwe aükük ngeni ükükün fanüen eu me eu ainang. Seni ekewe ainang watte oupwe ngeniir chomong, nge seni ekewe ainang kükün oupwe ngeniir ekoch chök.”   
\s1 Ekewe telinimwen op  
\sr 35.9-28  
\r (Tut 19.1-13; Jos 20.1-9)  
\p
\v 9 Iwe, ewe Samol mi Lapalap a kapas ngeni Moses,  
\v 10 “Kopwe üreni ekewe aramasen Israel: Lupwen oupwe feila pekilan ewe chanpupu Jortan o tolong lon ewe fanü Kanaan,  
\v 11 oupwe filätä ekoch telinimw pwe repwe telinimwen op fän itemi, pwe eman mwän mi niela eman aramas fän chechengau epwe tongeni sü ngeniir.  
\v 12 Ekewe telinimw repwe aopa ätewe mi niela eman aramas seni ewe mi kütta liwinin chan aramasan, pwe esap mäla me mwen an epwe apwüng fän mesen ewe mwichen aramas.  
\v 13 Oupwe fangala wonu telinimwen op.  
\v 14 Oupwe fangala ülüngat telinimw ötiuen ewe chanpupu Jortan, pwal ülüngat telinimw lon ewe fanü Kanaan, pwe repwe ämi telinimwen op.  
\v 15 Ekewe wonu telinimw repwe lenien op fän iten ekewe aramasen Israel, pwal fän iten ekewe chon ekis mi nom leir me ekewe ir mi wiliposola. Iwe, iteiten eman mi niela eman aramas fän chechengau epwe tongeni sü ngeniir.  
\v 16 Nge are eman mwän a wichi eman ren och pisek seni mächä, nge ewe aramas a mäla ren, ätewe eman chon niela aramas. Iwe, epwe ninnila.  
\v 17 Iwe, are eman mwän a monei ngeni eman eföü fau mi tongeni amälai eman, nge ewe aramas a mäla ren, ätewe eman chon niela aramas. Iwe, epwe ninnila.  
\v 18 Nge are eman mwän a wichi eman ren och pisek seni mwüch mi tongeni amälai eman, nge ewe aramas a mäla ren, ätewe eman chon niela aramas. Iwe, epwe ninnila.  
\v 19 Nge ewe chon kütta liwinin chan aramasan epwe püsin niela ätewe mi niela ewe aramas. Lupwen a tori ewe aramas, epwe niela.  
\v 20 Nge are eman mwän a posu eman pokiten an oput, ika a monei och ngeni eman seni anaia a op ie, nge ewe aramas a mäla ren,  
\v 21 ika a afönü eman pokiten an oput, nge ewe aramas a mäla ren, ätewe epwe ninnila, pun i eman chon niela aramas. Iwe, ewe chon kütta liwinin chan aramasan epwe niela ätewe, lupwen a tori.   
\p
\v 22 Nge are eman mwän a posu eman esap oput, ika a monei och ngeni, nge esap op,  
\v 23 ika a monei eföü fau mi tongeni amälai eman, nge esap küna ätewe a küüw, are ewe aramas a mäla ren, nge i esap oput ätewe, esap pwal mochen afeiengaua,  
\v 24 ewe mwichen aramas epwe föri kapwüng lefilen ätewe mi niela ewe aramas me ewe mi kütta liwinin chan aramasan lon pwüngün ekei allük.  
\v 25 Iwe, ewe mwichen aramas epwe amanaua ewe mi niela aramas seni ätewe mi kütta liwinin chan aramasan. Iwe, repwe aliwinala ätewe ngeni an telinimwen op a fen süri me mwan, pwe epwe imweimw lon tori ewe souasor mi lap a kepit ren ewe lö mi pin epwe mäla.  
\v 26 Nge are ewe mi niela eman aramas epwe towu fän eu lükün kiännin an telinimwen op a süri,  
\v 27 nge ewe chon kütta liwinin chan aramasan epwe küna ätewe o niela, ätei esap tipisin niela aramas.  
\v 28 Pun ewe mi niela eman aramas epwe fokun nonom lon an telinimwen op tori ewe souasor mi lap epwe mäla. Nge mürin än ewe souasor mi lap mäla, ewe mi niela aramas a tongeni liwiniti fanüan.”   
\s1 Allük usun chon pwärätä me usun liwinin pichila  
\sr 35.29-34  
\p
\v 29 “Iwe, ikei ekewe allük me pwüng fän itemi seni eu täppin aramas tori eu täppin me lon leniemi meinisin:  
\v 30 Are eman a niela eman aramas, ewe chon niela epwe ninnila fän pwüngün pwärien ekoch chon pwärätä. Nge esap wor eman aramas epwe ninnila fän pwärien eman chök chon pwärätä. \x + \xo 35.30 \xt Tut 17.6; 19.15\x*  
\v 31 Ousap fokun etiwa liwinin kepichilan manauen eman chon niela aramas mi tipisin mäla, nge epwe chök ninnila.  
\v 32 Ousap pwal fokun etiwa liwinin kepichilan manauen ätewe mi süri an telinimwen op, pwe epwe liwiniti fanüan mwen än ewe souasor mi lap mäla.  
\v 33 Iwe, ousap alimengaua ewe fanü oua nonom won. Pun nimanauei eman a alimengaua ewe fanü. Nge esap tongeni fis asoren limelim fän iten ewe fanü pokiten ewe angangen nimanau a fis won, chilon chök ika ätewe mi nimanauei eman epwe ninnila.  
\v 34 Ousap fokun alimengaua ewe fanü oua nonom won. Pun ngang ewe Samol mi Lapalap üa imweimw lein ekewe aramasen Israel.”   
\c 36  
\s1 Allük usun apwüpwülüen ekewe fefin mi tongeni fafanü fanü  
\sr 36.1-13  
\p
\v 1 Iwe, ekewe mwänirela seni ekewe familien än Kiliat cho, nge Kiliat nöün Makir, nge Makir nöün Manasa, nge Manasa nöün Josef we mwän ra feito o kapas fän mesen Moses me ekewe souemwen, ir mwänirelan än ekewe aramasen Israel famili.  
\v 2 Iwe, ra üra, “Ewe Samol mi Lapalap a allük ngonuk, en äm samol, pwe kopwe ineti ewe fanü ren üttüt ngeni ekewe aramasen Israel pwe repwe fanüeni. A pwal allük ngonuk pwe ewe fanü inetin Selofehat pwim we kopwe ngeni nöün kewe fefin. \x + \xo 36.2 \xt Num 27.7\x*  
\v 3 Nge are ir ra pwüpwülü ngeni mwän seni pwal eu kewe ainangen Israel, inetir fanü epwe imwü seni inetin semelapem kewe o pach ngeni inetin ewe ainang ra pwüpwülülong lon. Iei usun ewe fanü epwe imwü seni kinikinin inetim.  
\v 4 Nge lupwen a tori än ekewe aramasen Israel ierin supili, inetir fanü epwe chök pach ngeni inetin ewe ainang ra pwüpwülülong lon. Iwe, inetir fanü epwe wesewesen imwü seni inetin ainangen semelapem kewe.”   
\p
\v 5 Mürin, Moses a ngeni ekewe aramasen Israel ekei allük seni ewe Samol mi Lapalap o üreniir, “A pwüng mine chon ewe ainangen mwirimwirin Josef ra apasa.  
\v 6 Iei usun mine ewe Samol mi Lapalap a allük fän iten nöün Selofehat kewe fefin: Repwe tongeni pwülüeni iö ra sani, nge repwe chök pwüpwülülong lon familien än semer ainang.  
\v 7 Iwe, inetin ekewe aramasen Israel fanü esap tongeni amwet seni eu ainang ngeni pwal eu ainang. Pun iteiten eman me eman seni ekewe aramasen Israel epwe kamwöchüla won inetin än saman ainang.  
\v 8 Nge iteiten fefin mi fafanü me lon eu ainang seni lon ekewe ainangen Israel epwe pwülüeni eman mwän seni ainangen saman. Iei usun eman me eman me lein ekewe aramasen Israel epwe fanüeni inetin me won saman.  
\v 9 Iwe, esap tufich pwe inetin eman fanü epwe amwet seni eu ainang ngeni pwal eu ainang. Pun iteiten eu me eu kewe ainangen Israel epwe kamwöchüla won püsin inetin fanü.”   
\p
\v 10 Iwe, nöün Selofehat kewe fefin ra föri usun mine ewe Samol mi Lapalap a allük ngeni Moses.  
\v 11 Pun Mala, Tirsa, Hokla, Milka me Noa ra pwüpwülü ngeni nöün pwin semer mwän.  
\v 12 Ra pwüpwülülong lon än ewe ainangen Manasa cho, nge Manasa nöün Josef we mwän. Iwe, inetir fanü a chök nomotiu lon än semer ainang.   
\p
\v 13 Ikkei ekewe allük me pwüng ewe Samol mi Lapalap a allük ngeni Moses fän iten ekewe aramasen Israel, lupwen ra nom lon ekewe maasiesin Moap arun ewe chanpupu Jortan sasape ngeni Jeriko.