\id NAM  
\h NAHUM 
\toc1 Nahum 
\toc2 Nahum 
\toc3 Nah 
\mt1 Nahum  
\ib  
\is1 Kapas akom  
\iot I. Iten ei puk: Nahum, pun mine a mak lon, künaen Nahum. Wewen ei it Nahum: Ewe chon achipachip.  
\iot II. Chon makei ei puk: Nahum  
\iot III. Itelapemongen ei puk: Kot epwe ngeni aramas meinisin chappen ar föför, pun i a pin.  
\iot IV. Kapas aüchean ei puk: Pokiten ewe Samol mi Lapalap a pin o kirikiröch, epwe awarato apwüng won chon Ninifa mi tipis, nge epwe tümwünü ekewe chon pwüng lon Juta.  
\iot V. Masouen ei puk Nahum: Kapasen lon ei puk a usun chök echö köl mi pwärätä pwapwa ren talan Ninifa ewe samolun telinimwen Asiria. Ei mwün Asiria a fokun oput chon Israel o ariaföüür. Ewe soufos Nahum a pwärätä pwe talan Ninifa mi fis lon ewe ier 612 mwen Kraist (B.C.), än Kot apwüng ngeni chon eu mwü mi fokun ariaföüü aramas o lamalamtekia.  
\iot VI. Tettelin masouen ei puk:  
\io1 Än Kot apwüng epwe tori Ninifa \ior 1.1-15\ior*  
\io1 Talan ewe telinimw Ninifa \ior 2.1–3.19\ior*  
\c 1  
\s1 Kot a song ngeni Ninifa  
\sr 1.1-14  
\p
\v 1 Iei än Kot kapas usun ewe telinimw Ninifa. Lon ei puk a mak künaen Nahum ewe re Elkos. \x + \xo 1.1 \xt Ais 10.5-34; 14.24-27; Sef 2.13-15\x*   
\q1
\v 2 Ewe Samol mi Lapalap i eman Kot mi lukomong.  
\q1 A apwüngü chokewe mi ü ngeni.  
\q1 Lon an song a ngeni chon oputan chappen ar föför.   
\q1
\v 3 Ewe Samol mi Lapalap a mang le song,  
\q1 nge a fokun manaman,  
\q1 esap likitala an epwe apwüngü ewe chon tipis.  
\q1 Ia ewe Samol mi Lapalap a fetal ie, a fis mölümöl,  
\q1 nge ekewe kuchu pipisüsün fän pechen.   
\q1
\v 4 A apwüngü ewe matau o apwasapwasatä,  
\q1 a akotätä ekewe chanpupu meinisin.  
\q1 Ekewe tanipi lon Pasan ra aiolol,  
\q1 irän won ewe chuk Karmel ra oleol lechör,  
\q1 nge ekewe pön irän Lepanon ra aiemämä.   
\q1
\v 5 Ekewe chuk ra chechech me mwen ewe Samol mi Lapalap,  
\q1 nge ekewe chukutekison ra sönüla,  
\q1 fanüfan me meinisin mine a nom won ra chechech me fän mesan.   
\b  
\q1
\v 6 Iö a tongeni ütä me mwen an song?  
\q1 Iö a tongeni nom fän watten an song?  
\q1 An lingeringer a kü usun ekkei,  
\q1 nge ekewe achau ra mökküfesen me mwan.   
\q1
\v 7 Ewe Samol mi Lapalap a kirikiröch,  
\q1 a tümwünü nöün aramas lon  
\q1 fansoun riaföü,  
\q1 a silei chokewe mi anomu ar apilükülük won.   
\q1
\v 8 Nge epwe arosala chokewe mi ü ngeni ren eu lölö mi pumong,  
\q1 epwe asüelong chon oputan lon rochopwak.   
\q1
\v 9 Met oua eäni rawangau ngeni ewe Samol mi Lapalap?  
\q1 I epwe arosakemiila.  
\q1 Esap wor eman a tongeni pälüeni Kot fän ruu.   
\q1
\v 10 Oupwe karala usun irafölüföl mi likäräfit,  
\q1 pwal usun fetilipwas.  
\v 11 A wor eman a feito senuk, Ninifa, a rawangauei ewe Samol mi Lapalap o eäni kapasen öüröür mi ngau.   
\p
\v 12 Iei alon ewe Samol mi Lapalap ngeni chon Israel, “Inamwo ika chon Asiria ra pöchökül o chomong, repwe chök kärila o rosola. Nei aramas, üa ariaföüükemi, nge üsap chüen ariaföüüsefälikemi.  
\v 13 Iei üpwe awesi än Asiria nemenem womi o mwüti föfömi.”   
\p
\v 14 Ewe Samol mi Lapalap a föri eu allük fän itom, Ninifa, o apasa, “Esap chüen wor mwirimwirum repwe sopwela itom. Üpwe ataela ekewe uluulun anümwäl mi fal, pwal ekewe seni mächä me lon imwen om kewe kot. Üpwe tuw peiasom, pun ka fokun manauangau.”   
\s1 Pworausen asilesil usun talan Ninifa  
\sr 1.15–2.12  
\p
\v 15 Nengeni, eman chon künö a feito won ekewe chuk, a uwato pworausen asilesil mi mürina o asilefeili kinamwe. Ämi chon Juta, oupwe föri ämi kewe chulap o apwönüetä ämi kewe pwon. Pun ekewe aramasangau resap chüen liwinitikemi o maun ngenikemi. Ra fokun rosola. \x + \xo 1.15 \xt Ais 52.7\x*   
\c 2  
\q1
\v 1 Ewe chon kata a feito pwe epwe maun ngonuk, Ninifa.  
\q1 Kopwe tümwünü ekewe leni mi pöchökül o mamasa ewe al.  
\q1 Kopwe amolokotä  
\q1 o fokun apöchökülok.   
\p
\v 2 Pun ewe Samol mi Lapalap epwe aworasefäli lingen Israel, pwe epwe usun chök me mwen än chon oputan feito o soläni pisekin.   
\q1
\v 3 Ekewe chon pwora mi maun ngonuk ra uwei tittin maun mi parapar,  
\q1 ekewe sounfiu ra üföüf üf mi parachol.  
\q1 Ekewe wokenin maun ra molupolup usun ekkei,  
\q1 lupwen ra molotä ngeni maun,   
\q1
\v 4 Ekewe wokenin maun ra säpuropurolong lon ekewe al,  
\q1 ra akaliwin lukalapen ewe telinimw,  
\q1 ra molupolup usun töl  
\q1 o müttir usun inefi.   
\q1
\v 5 Ewe meilap a körifengeni nöün kewe sounfiu mi pwora.  
\q1 Ra chepetek ren ar niuokus.  
\q1 Ra müttir le säiti ewe tit,  
\q1 ra aüetä ar epetin feiengau.   
\q1
\v 6 Mürin, ekewe asamalap arun ewe chanpupu ra sukula,  
\q1 chon leimwen ewe king ra rükö.   
\q1
\v 7 Ewe kiwiin a oola.  
\q1 Nöün kewe chon angang fefin ra ngüngüres usun lisom  
\q1 o pisipisiri leupwer fän ar letipeta.   
\q1
\v 8 Ekewe aramasen Ninifa ra sü seni ewe telinimw usun chök koluk a puwu seni eu nomun koluk mi tala epetin.  
\q1 Ra kökkö, “Oupwe üla, oupwe üla!”  
\q1 Nge esap wor eman a kulsefäl.   
\q1
\v 9 Oupwe angei ewe silifer  
\q1 me ewe kolt fän pöchökül.  
\q1 A fokun wor chomong pisek mi aüchea lon ewe telinimw.   
\b  
\q1
\v 10 Ewe telinimw a tala o pön, esap chüen so.  
\q1 Leluken aramas a kisikisila,  
\q1 pwäsukur a chechech, esap chüen wor ar pöchökül,  
\q1 won meser a pwechela.   
\q1
\v 11 Ifa chök ewe telinimw  
\q1 mi wewe ngeni eu pwangen laion,  
\q1 ewe leni ia ekewe nienifön laion ra mongö ie,  
\q1 ewe ia ewe ätemwänin laion me ewe liafefinin laion ra feila ie,  
\q1 nge apaner kewe ra kinamwe lon?   
\q1
\v 12 Ewe laion a niela liapan  
\q1 o atatakisi fitukan, pwe ochän ewe liafefin me apanan kewe.  
\q1 A amasoua pwangan ren fituk mi tatakis.   
\s1 Ninifa a unusen tala  
\sr 2.13–3.19  
\p
\v 13 Iei alon ewe Samol mi Unusen Manaman, “Ngang üa ü ngonuk, Ninifa. Ngang üpwe kenala waom kewe wokenin maun. Noum kewe sounfiu repwe mäla lon maun. Üpwe angei senuk liapom kewe ka angei seni chon fanüfan, nge esap chüen wor eman epwe rong mwelien noum kewe chon künö.”   
\c 3  
\q1
\v 1 Feiengauen ewe telinimw mi chofana o niela aramas,  
\q1 ewe telinimw mi ur ren wöü, pokiten chon ra chök solä o angei pisekin aramas fän pöchökül.   
\q1
\v 2 Oupwe rongorong chöröüngüün ewe selin wichiwich,  
\q1 ngüngün willen ekewe woken,  
\q1 chopuchopun pechen ekewe oris  
\q1 me akürangen ekewe wokenin maun.   
\q1
\v 3 Ekewe chon wawa oris ra che  
\q1 fän ketilas mi molupolup me siles mi meriweriw.  
\q1 Chomong ra ninnila,  
\q1 ekewe somä ra chukuchukutä.  
\q1 Chokewe mi mäla resap lea,  
\q1 aramas ra chepetek wor.   
\q1
\v 4 Ei a fis ngeni Ninifa pokiten chomongun an föförün lisowu.  
\q1 A liemung o föri angangen roong mi afeiengau,  
\q1 a atupu chon ekewe mwü ren an föförün lisowu me an angangen roong.   
\p
\v 5 Iei alon ewe Samol mi Unusen Manaman,  
\q1 “Ngang üa ü ngonuk, Ninifa.  
\q1 Üpwe pwiliti senuk üfom  
\q1 o mwüt ngeni chon ekewe mwü  
\q1 pwe repwe küna om selela me äsäwum.   
\q1
\v 6 Üpwe pwölü ngonuk limengau,  
\q1 üpwe aitengauok  
\q1 o äsäwok fän mesen aramas.   
\q1
\v 7 Meinisin mi künok repwe kul senuk  
\q1 o apasa: Ninifa a tala.  
\q1 Iö epwe kechüeiti?  
\q1 Iö epwe mochen achipa?”   
\p
\v 8 Ifa usun en, Ninifa, ka mürina seni ewe telinimw Tepes lon Isip mi nom arun ewe chanpupu Nil? Koluk a pwelifeili Tepes, ewe chanpupu epetin seni feiengau, nge ekewe koluk ina tittin.  
\v 9 A nemeni Itiopia me Isip, esap wor aükükün an pöchökül, chon Put me chon Lipia ir pelian.   
\p
\v 10 Nge ekewe chon Tepes ra oola, ra feila lon fanüen chon liapeniir. Chon maun ngeniir ra atatakisi ekewe semiritin Tepes lepwokukun ekewe al meinisin, ra föti ekewe aramas tekia ngeni sein o uwerela, ra aineti lefiler ekewe mwän mi iteföüla.  
\v 11 Nge en Ninifa, kopwe pwal ün seni ewe kapen feiengau o mwäliel ren. Kopwe kütta eu lenien op pwe kopwe op seni chon oputom.  
\v 12 Om kewe leni mi pöchökül meinisin ra wewe ngeni ekewe irä fiik mi wor uar mi nup. Are eman a wichikiir, uar repwe morotiu lon awen ewe chon ochoch.  
\v 13 Noum kewe sounfiu ra usun chök fefin. Fanüom a suk ngeni chon oputom, nge ekkei epwe kenala amwöchün asamen telinimwom.  
\v 14 Kopwe üfüf koluk o amolokotä, pun chon oputom repwe pwelifeiliik, kopwe apöchöküla om kewe leni mi pöchökül. Kopwe alölü ewe pwülüpar pwe kopwe föri pilak, kopwe amolätä sekiitaan.  
\v 15 Inamwo ika ka amolokotä, nge ewe ekkei epwe chök kenukula ika kopwe mäla lon maun, kopwe kärila usun lifichimas ra ärala ekewe irä.  
\p Ka achomongokola usun lifichimas, ka achomongokola usun lifichimas mi mwetemwet.  
\v 16 En ka achomongala noum kewe chon amömö, pwe ra chomong seni ekewe fün läng. Nge iei ra ässila usun ekewe lifichimas mi ameresala pöür o ässila.  
\v 17 Noum kewe samol ra usun lifichimas mi mwetemwet, noum kewe aramas tekia ra usun chök pwiin lifichimas mi sotiu won ekewe tit lon fansoun patapat. Nge lupwen akkar a tötä, ra ässila, esap wor eman a silei ia ra ässila ie.   
\p
\v 18 En kingen Asiria, noum kewe samol ra mäla, noum kewe aramas tekia ra anutufoch. Noum kewe aramas ra toropasfeil won ekewe chuk, nge esap wor eman a achufengeniir.  
\v 19 Esap wor och epwe tongeni aükala om feiengau, kinasom esap tongeni mola. Meinisin mi rongorong pworausen om feiengau ra alopolop fän pwapwa. Pun iö esap nom fän om angangen ariaföü lon fansoun langatam? \x + \xo 3.19 \xt Ais 10.5-34; 14.24-27; Sef 2.13-15\x*