\id MIC  
\h MIKA 
\toc1 Mika 
\toc2 Mika 
\toc3 Mik 
\mt1 Mika  
\ib  
\is1 Kapas akom  
\iot I. Iten ei puk: Mika, pun mine a mak lon, an afalafal me an kapasen osuni. Wewen ei it Mika: Iö a wewe ngeni ewe Samol mi Lapalap?  
\iot II. Chon makei ei puk: Mika  
\iot III. Itelapemongen ei puk: Kot a oput än nöün aramas pwomweni pwomwen souläng me ar föri tipis, nge a pwäri ngeniir alen ar repwe küna amusamusen ar tipis.  
\iot IV. Kapas aüchean ei puk: Än chon Israel tipis epwe awarato än Kot apwüng wor, nge feilfeil Kot epwe aworato ar ngasala.  
\iot V. Masouen ei puk Mika: Ewe soufos Mika eman chienen ewe soufos Aisea, i seni eu kükün telinimw lon Juta, ewe mwün Ör. Mika a fokun lükü pwe ewe mwün Juta epwe feiengau, usun chök met ewe soufos Amos a osuni fän iten feiengauen Israel, ewe mwün Efeng. A eu chök popun ar feiengau: Kot epwe apwüngü än ekewe aramas föför mi pwüngingau. Nge mine Mika a eäni afalafal, kapasen apilükülük fän iten ekewe fansoun repwe feito. Ekoch wokisin mi fokun aüchea, ewe pworaus usun ewe kinamwe epwe fis, lupwen Kot epwe nemeni läng me fanüfan (4.1-4), ekewe kapasen osuni pwe epwe war eman king mi lap, epwe pop seni mwirimwirin Tafit o uwato kinamwe ngeni ekewe mwü. Nge meinisin mine ewe soufos seni Israel a mochen apasa, a achufengeni lon eu chök wokisin (6.8), “Ewe Samol mi Lapalap a mochen pwe kopwe föri mine a pwüng o eäni kirikiröch, kopwe pwal tipetekison fän mesen om we Kot.”  
\iot VI. Tettelin masouen ei puk:  
\io1 Kapasen osuni usun än Kot epwe apwüngü Israel me Juta \ior 1.1–3.12\ior*  
\io1 Usun än Kot aüsefälietä ewe mwün Israel o awora eu fansoun kinamwe \ior 4.1–5.15\ior*  
\io1 Ekewe kapasen fön me kapasen apilükülüköch \ior 6.1–7.20\ior*  
\c 1  
\s1 Echö kölün kechü fän iten Samaria me Jerusalem  
\sr 1.1-16  
\p
\v 1 Iwe, lon mwün Jotam, Ahas me Hiskia ekewe kingen Juta, ewe Samol mi Lapalap a kapas ngeni Mik ewe re Moreset. Iei usun mine a pwäri ngeni Mik fänäsengesin Samaria me Jerusalem: \x + \xo 1.1 \xt 2.King 15.32-38; 2.Kron 27.1-7; 2.King 16.1-20; 2.Kron 28.1-27; 2.Kron 18.1–20.21; 2.Kron 29.1–32.33\x*   
\q1
\v 2 Oupwe aüseling, ämi chon ekewe mwü meinisin.  
\q1 Oupwe aüseling, ämi meinisin mi nom won fanüfan.  
\q1 Kot ewe Samol mi Lapalap epwe eman chon pwärätä mi ü ngenikemi,  
\q1 epwe kapas seni imwan we mi pin.   
\q1
\v 3 Nengeni, ewe Samol mi Lapalap a towu seni lenian we,  
\q1 epwe feitiu o fetal won ekewe leni mi tekia won fanüfan.   
\q1
\v 4 Iwe, ekewe chuk repwe telila me fän pechen  
\q1 usun kiris a telila ren ekkei.  
\q1 Ekewe lemol repwe sangfesen  
\q1 usun ekewe pal ra sangfesen ren puun koluk.  
\v 5 Ekei mettoch meinisin repwe fis pokiten än mwirimwirin Jakop kewe pupungau me än chon Israel kewe tipis. Iö popun än mwirimwirin Jakop pupungau? Sap ekewe chon Samaria? Iö a fel ngeni ekewe uluulun anümwäl me lon Juta? Sap ekewe chon Jerusalem?  
\v 6 Iei mine ewe Samol mi Lapalap a apasa, “Üpwe föri pwe Samaria epwe wiliti eu ioien pipi me lon eu maasies, pwal eu lenien fot irän wain. Üpwe asonätiu föün ewe telinimw lon ewe lemol o pwärawu longolongun.  
\v 7 An kewe uluulun anümwäl meinisin repwe tatakis, an kewe lifang ngeni ewe imwenfel meinisin repwe karala. Nge Ngang üpwe fokun ataela an kewe uluulun anümwäl meinisin. Pokiten Samaria a achufengeni ekewe lifang seni liwinin chon amömö inisir fän iten angangen lisowu, iei mine chon oputer repwe pwal aeasefäl ngeni liwinin chon amömö inisir fän iten angangen lisowu.”   
\p
\v 8 Mürin, Mika a üra, “Ren ei üpwe kechü o ngüngüres, üpwe pwilitawu ipwei sus me üfei pwe asisilen ai letipeta. Üpwe wörüwör usun ekewe kolak mi mwacho o ngüngüres usun ekewe machang iter niwanök.  
\v 9 Pun kinasen Samaria we esap tongeni mola. Ewe feiengau a fen tori Juta, a pwal tori ekewe asamalapen Jerusalem, ia nei aramas ra imweimw ie.”   
\p
\v 10 Ousap apworausa ngeni chon oputach lon Kat usun ach kuf, ousap pwal kechü. Ämi chon Petleafra, oupwe asokopelakemi lon pwül, pwe asisilen ämi riaföü.  
\v 11 Ämi chon Sefaia, oupwe oola fän selela me säw, ekewe chon Sanan resap towu seni ar we telinimw. Lupwen oupwe rong än ekewe chon Pet-esel ngüngüres, oupwe silei pwe esap wor eu lenien op ikenan.  
\v 12 Ekewe chon Marot ra niuokus o witiwiti än eman epwe alisiir, pun ewe Samol mi Lapalap a awarato feiengau, a tori ekewe asamalapen Jerusalem.  
\v 13 Ämi chon Lakis, oupwe ri ekewe oris ngeni ekewe woken. Ämi popun pwe ekewe chon Jerusalem ra tipis, pun än chon Israel kewe pupungau ra pwä me leimi.  
\v 14 Iei mine oupwe ngeni Moreset-kat ekewe lifangen aimwüfesen. Ewe telinimw Aksip epwe wiliti eu lenien atuputup ngeni ekewe kingen Israel.  
\v 15 Ämi chon Maresa, ewe Samol mi Lapalap epwe atolongakemi lepöün chon liapenikemi. Ekewe souemwen mi iteföüla repwe opolong lon ewe föimw Atulam.  
\v 16 Oupwe fichi möküremi fän ämi letipeta pokiten ekewe semirit oua echeniir. Oupwe reipöpöla möküremi, pwe oupwe wewe ngeni ekewe ikel mi paan, pun nöümi kewe repwe oola senikemi.   
\c 2  
\s1 Feiengauen chokewe mi ariaföüü chon wöüngau  
\sr 2.1-13  
\p
\v 1 Feiengauen chokewe mi ekiekietä mine a ngau o pwüngü rawangau me won kier. Lupwen a ränila, ra afisi mine ra ekieki, pun a nom rer ewe pöchökül ar repwe föri.  
\v 2 Lupwen ra mocheniaiti ekewe mälämäl, ra angeir fän pöchökül. Lupwen ra mochen imweni eu imw, ra chök angei. Iei usun ra ariaföüü eman aramas fänäsengesin imwan me fanüan me won saman.  
\v 3 Iei mine ewe Samol mi Lapalap a apasa, “Üa ekiekietä pwe üpwe afeiengauakemi, nge ousap tongeni püsin amanauakemi. Ousap chüen tongeni fetal fan lamalamtekia, pun epwe torikemi eu fansoun feiengau.  
\v 4 Lon ena fansoun aramas repwe eäni affa pworausen ämi feiengau o eäni echö kölün riaföü usun mine a fis ngenikemi. Repwe apasa:  
\q1 Aia wesewesen feiengau.  
\q1 Kot a angei senikem fanüem kewe  
\q1 o ngeni chokewe mi liapenikem.”  
\v 5 Iei mine lupwen epwe tori ewe fansoun pwe ewe fanü epwe liwinsefäl ngeni nöün Kot kewe aramas, esap fokun wor inetimi.   
\p
\v 6 Ekewe aramas ra afalafal ngeniei o üra, “Kosap afalafalakem. Kosap eäni ei sokun afalafal. Kot esap aitengauakem.  
\v 7 Ifa usun, ekewe chon Israel ra anümamau? Ifa usun, ewe Samol mi Lapalap a müttir le song? Ifa usun, epwe wesewesen föri ei sokun föför? Ifa usun, esap eäni kapas pwetete ngeni chokewe mi wenechar?”  
\v 8 Ewe Samol mi Lapalap a apasa, “Ekis chök fansoun a la, ämi nei aramas oua ütä usun chök chon oputaei. Oua angeala üfen chokewe mi pwerela, nge resap ekieki och, ir chokewe mi liwinto seni maun.  
\v 9 Oua asüela ekewe fefin me lein nei aramas seni imwer kewe mi mürina, oua pwal angefochei ai feiöch seni nöür kewe semirit.  
\v 10 Oupwe ütä o feila, pun ei leni esap chüen eu lenien asösö. Ämi kewe tipis ra afeiengaua ei leni, pwe epwe fokun tala.  
\v 11 Are eman chon chofana me eman chon atuputup epwe feito o üreni ekewe aramas, pwe epwe wor chomong ünümer wain me sakau mi pwichikar, ätewe epwe fokun nöür soufos.   
\p
\v 12 Ngang üpwe fokun achufengenikemi, ämi chon Israel meinisin mi chüen manau. Üpwe achufengenikemi usun sip ra chufengen lon lenier, usun epwi pwiin sip mi nom lon ar lenien mongö. Ewe leni epwe ti ren aramas.”  
\v 13 Kot epwe suki ewe al fän iten chon Israel o emwenirewu seni ar oola. Ir repwe pwerewu me lon asamalapen ewe telinimw o feila. Ar we king, ewe Samol mi Lapalap, epwe emweniir o akom mwer.   
\c 3  
\s1 Mika a apwüngü ekewe souamwenin Israel  
\sr 3.1-12  
\p
\v 1 Mürin, üa apasa, “Oupwe rongorong, ämi souemwen seni mwirimwirin Jakop, pwal ämi kewe samolun Israel. Ifa usun, sap ämi chon silei mine a pwüng?  
\v 2 Nge ämi oua oput mine a mürina o efich mine a ngau. Ämi oua äsera ünüchen nei aramas o etti fituker seni chür.  
\v 3 Ämi oua ochei fituken nei aramas, oua äsera ünücher o kupikisi chür, oua pökükisiretiu usun fituk lon nape.”  
\v 4 Mürin ekewe souemwen repwe siö ngeni ewe Samol mi Lapalap, nge i esap palüeniir. Lon ena fansoun epwe amona mesan seniir, pun ra föri föför mi ngau.   
\p
\v 5 Iei alon ewe Samol mi Lapalap fänäsengesin ekewe soufos mi atoka nöün kewe aramas o eäni kökö ngeni chokewe mi amongöniir pwe epwe wor kinamwe, nge ra eäni eniweniw maun ngeni chokewe resap amongöniir,  
\v 6 “Epwe wor pwin ngenikemi, nge esap wor künaemi, epwe pwal wor rochopwak ngenikemi, nge esap fis angangen ämi pwee.” Akkar epwe tuputiu won ekewe soufos, nge rän epwe rochopwak wor.  
\v 7 Ekewe souwo repwe itengau, nge ekewe soupwe repwe küna säw, repwe fokun mitingau, pun Kot esap pälüeniir.  
\v 8 Nge ngang, ewe Samol mi Lapalap a aüraei ren Ngünün me an manaman, a atufichiei, pwe üpwe weweiti mine a pwüng o apworaei, pwe üpwe pwäri ngeni ekewe chon Israel ar kewe tipis.   
\p
\v 9 Oupwe rongorong, ämi kewe mi emweni ekewe mwirimwirin Jakop pwal ämi mi nemeni ekewe chon Israel, ämi chokewe mi oput pwüng o atoka meinisin mine a wenechar,  
\v 10 ämi mi aüetä Sion fän ämi nimanauei aramas, pwal Jerusalem fän föföringau.  
\v 11 Ekewe souemwenin Jerusalem ra angei lifangen amichimich, lupwen ra eäni kapwüng, ekewe souasor ra awewei än Kot kewe allük fän iten ar repwe angei liwin, nge ekewe soufos ra föri pwee fän iten ar repwe angei moni. Nge ra pwal anomu ar apilükülük won ewe Samol mi Lapalap o üra, “Ewe Samol mi Lapalap a nom lefilach. Esor feiengau epwe torikich.”  
\v 12 Iei mine Sion epwe wiliti eu leni mi tu usun eu mälämäl pokitemi, Jerusalem epwe wiliti eu ioien mettoch mi tala, nge ewe chuk ia ewe imwenfel a nom ie epwe wiliti eu wöllap. \x + \xo 3.12 \xt Jer 26.18\x*   
\c 4  
\s1 Kot a nemeni läng me fanüfan fän kinamwe  
\sr 4.1-5  
\q1
\v 1 Iwe, lon ewe fansoun epwe feito,  
\q1 ewe chuk ia a nom ie imwen ewe Samol mi Lapalap  
\q1 epwe fefeitä o nükünük,  
\q1 epwe pwal tekia seni chuk meinisin,  
\q1 nge chon ekewe mwü won fanüfan repwe mwicheto ren.   
\q1
\v 2 Iwe, chomong aramas seni ekewe mwü repwe feito o apasa,  
\q1 “Ousipwe feitä won chukun ewe Samol mi Lapalap  
\q1 ren imwen än Jakop we Kot.  
\q1 I epwe aiti ngenikich mine sipwe föri,  
\q1 pwe sipwe tongeni föri letipan.  
\q1 Pun ewe allük epwe towu seni Sion,  
\q1 nge än ewe Samol mi Lapalap kapas epwe towu seni Jerusalem.”   
\q1
\v 3 Ewe Samol mi Lapalap epwe eäni apwüng lefilen chomong aramas  
\q1 o aükätiu fitikoko lefilen mwü mi pöchökül, ekewe mi arapoto me toau.  
\q1 Iwe, repwe amani nöür ketilas o awiliir ngeni pisekin tu pwül,  
\q1 nge wokur siles repwe awiliir ngeni näifen otot.  
\q1 Mwü kana resap chüen maunfengen,  
\q1 resap pwal chüen kaiö maun. \x + \xo 4.3 \xt Sow 3.10\x*   
\q1
\v 4 Iwe, eman me eman epwe nom lon an tanipin wain  
\q1 me fän an irä fiik fän kinamwe,  
\q1 nge esap wor eman epwe eniuokusu,  
\q1 pun ewe Samol mi Unusen Manaman a pwonei. \x + \xo 4.4 \xt Sek 3.10\x*   
\p
\v 5 Iwe, chon ekewe mwü meinisin ra fel o aleasochis ngeni ar kewe kot, nge kich sipwe fel o aleasochis ngeni ewe Samol mi Lapalap ach we Kot tori feilfeilachök.   
\s1 Chon Israel repwe ngasala seni ar oola  
\sr 4.6–5.1  
\p
\v 6 Iei alon ewe Samol mi Lapalap, “Epwe war ewe fansoun, pwe üpwe amwichafengeni chokewe mi pechemä o achufengeni chokewe mi oola, pwal chokewe üa ariaföüür.  
\v 7 Ra pechemä o toau seni lenier, nge ngang üpwe föri seni chokewe mi chüen manau eu mwichen aramas, repwe wiliti eu mwü mi pöchökül. Iwe, üpwe nemeniir seni won ewe chuk Sion seni ena fansoun tori feilfeilachök.”   
\p
\v 8 Nge en, Jerusalem, epwe liwinsefälituk ewe nemenem ka piin eäni me lom, en ewe leni ia Kot a mamasa nöün aramas ie usun eman chon masen sip.  
\v 9 Pwota ka leüömong le puchör? Ifa usun, esap wor eman king a nom reöm? Ifa usun, ra mäla noum kewe chon öüröür, iei popun cheuch a cheruk usun cheuchen fam a cheri eman fefin?  
\v 10 Ämi chon Jerusalem, oupwe asokopelakemi o ngüngü usun eman fefin mi cheri an cheuchen fam. Pun iei oupwe towu seni ewe telinimw o imweimw lon eu fanü mi amassawa. Oupwe oola Papilon, nge ewe Samol mi Lapalap epwe amanauakemi o angasakemi seni lepöün chon oputakemi me ikenan.  
\v 11 Nge iei chomong mwü ra mwichefengen pwe repwe maun ngenikemi. Ra apasa, “Jerusalem epwe fokun tala. Mesach epwe pwapwa le katol tatakisin Sion.”  
\v 12 Nge resap silei än ewe Samol mi Lapalap ekiek, resap pwal wewe ren an akot. Resap mefi pwe a achufengeniir pwe epwe apwüngüür usun eman a achufengeni pilükün wiich ngeni ewe lenien wichiwich umwun wiich pwe epwe wichiir.   
\p
\v 13 Ewe Samol mi Lapalap a apasa, “Ämi chon Jerusalem, oupwe feila o apwüngü chon oputemi. Üpwe apöchökülakemi pwe oupwe pöchökül usun eman ätemwänin kow mi wor mächän seni mächä, a pwal wor pachapachan seni piras. Oupwe atatakisi chomong mwü, nge wöür kewe ir ra angei fän pöchökül oupwe fangala ngeniei, Ngang ewe Samolun unusen fanüfan.”   
\c 5  
\p
\v 1 Ämi chon Jerusalem, oupwe amwichafengeni nöümi kewe sounfiu. Ekewe chon oputakich ra pwelifeilikich fän pisekin maun. Repwe pösapei ewe chon nemeni Israel ren efoch wok.   
\s1 Ewe chon angasa seni Petlehem epwe nemenem  
\sr 5.2-15  
\p
\v 2 En Petlehem Efrata, inamwo ika ka kisikis me lein ekewe telinimwen Juta, nge ewe mi towu senuk epwe samolun Israel, a nonom seni lomlom, seni fansoun esepop. \x + \xo 5.2 \xt Mat 2.6; Joh 7.42\x*   
\p
\v 3 Iei mine Israel epwe sechila tori ewe fansoun neminewe mi cheuchen fam a nöünöüla. Mürin pwin kewe lusun mi oola repwe liwinsefälito o chu ngeni ekewe chon Israel.  
\v 4 Iwe, lupwen ätewe epwe war, epwe nemeni nöün aramas fän pöchökülen ewe Samol mi Lapalap, pwal fän lingen iten ewe Samol mi Lapalap an we Kot. Iwe, ekewe aramas repwe nonom fän kinamwe, pun lon ena fansoun an tekia epwe föüla won unusen fanüfan.  
\v 5 Iwe, i epwe atoto kinamwe.  
\p Lupwen ekewe chon Asiria repwe tolong lon fanüem o ataelong äm kewe imwen maun mi pöchökül, äm aipwe tinala nöüm kewe souemwen mi fokun pöchökül pwe repwe maun ngeniir.  
\v 6 Repwe liapeni ewe fanü Asiria, ewe fanüen Nimrot fän kenin ketilas. Repwe angasakem seni ekewe chon Asiria, lupwen repwe tolong lon fanüem. \x + \xo 5.6 \xt Ken 10.8-11\x*   
\p
\v 7 Mürin ekewe mi chüen manau seni mwirimwirin Jakop repwe wewe ngeni amurenipwin seni ewe Samol mi Lapalap me lein chomong mwü, repwe pwal wewe ngeni üt won fetil. Resap eäni apilükülük aramas ika älälei och seni chon fanüfan.  
\v 8 Iwe, chokewe mi chüen manau seni mwirimwirin Jakop repwe nonom lein chon ekewe mwü usun eman laion lein ekewe manmwachon lein wöllap, usun eman nienifön laion mi nom lein epwi pwiin sip, epwe puriretiu o atatakisiir, nge esap wor eman a tongeni amanaueer.  
\v 9 Chon Israel repwe akufu chon oputeer meinisin o aroserela.   
\p
\v 10 Iei alon ewe Samol mi Lapalap, “Lon ena fansoun üpwe angei senikemi nöümi kewe oris o ataela wämi kewe woken.  
\v 11 Üpwe ataela ekewe telinimw lon fanüemi o atatakisietiu ämi kewe leni mi pöchökül meinisin.  
\v 12 Üpwe aükätiu ämi angangen rong, nge esap chüen wor nöümi souasisil.  
\v 13 Üpwe ataela ämi kewe uluulun anümwäl o pöküetiu ämi kewe ür mi pin pwe ousap chüen fel ngeni angangen pöümi kewe.  
\v 14 Üpwe üttätä uluulun ewe anüfefin Asera seni lon fanüemi o ataela ämi kewe telinimw.  
\v 15 Fän ai song me lingeringer üpwe ngeni chon ekewe mwü resap aleasochis chappen ar föför.”   
\c 6  
\s1 Än Kot kapasen änini ngeni chon Israel  
\sr 6.1-5  
\p
\v 1 Oupwe aüseling ngeni mine ewe Samol mi Lapalap a apasa. Oupwe ütä o pwärätä ämi osukosuk me mwen ekewe chuk, nge ekewe chukutekison repwe rongorong mweliemi.  
\v 2 Ämi ekewe chuk me en longolongun fanüfan mi nükünük, oupwe rongorong än ewe Samol mi Lapalap kapasen änini, pun a änini ngeni nöün kewe aramas, epwe atipisi chon Israel.  
\v 3 A apasa, “Ämi nei aramas, met üa föri ngenikemi? Ren met üa aweiresikemi? Oupwe pälüeniei.  
\v 4 Üa emwenikemiiwu seni ewe fanü Isip o angasakemi seni ewe fanü ia ra nöünikemi amanau ie. Üa tinala Moses, Aaron me Miriam pwe repwe akom mwemi. \x + \xo 6.4 \xt Eks 12.50-51; 4.10-16; 15.20\x*  
\v 5 Ämi nei aramas, oupwe pwal chechemeni mine Palak ewe kingen Moap a eäni rawangau ngenikemi, pwal mine Palam nöün Peor we mwän a eäni pälüen ngeni. Oupwe pwal chechemeni mine a fis, lupwen oua sai seni Sitim tori Kilkal, pwe oupwe silei mine Ngang ewe Samol mi Lapalap üa föri pwe üpwe amanauakemi.” \x + \xo 6.5 \xt Num 22.2–24.25; Jos 3.1–4.19\x*   
\s1 Mine Kot a mochen pwe aramas repwe föri  
\sr 6.6-16  
\p
\v 6 Met üpwe uwato ren ewe Samol mi Lapalap, lupwen üa feito o fel ngeni ewe Koten läng? Ifa usun, üpwe feito ren fän asoren kek me nienifön kow eu ierir?  
\v 7 Ifa usun, ewe Samol mi Lapalap epwe pwapwa ren ngeröün ätemwänin sip me pumongun apüra seni olif? Ifa usun, üpwe eäni asor nei mwänichi fän iten ai pupungau ika nei kana fän iten ai tipis?  
\v 8 En aramas, ewe Samol mi Lapalap a aiti ngonuk mine a mürina. Met a mochen pwe kopwe föri? A mochen pwe kopwe föri mine a pwüng o eäni kirikiröch, kopwe pwal tipetekison fän mesen om we Kot.   
\p
\v 9 Mwelien ewe Samol mi Lapalap a kökkö ngeni ewe telinimw, nge iö a niuokusiti i a tipachem, “Oupwe rongorong, ämi aramas mi mwichefengen lon ewe telinimw.  
\v 10 Lon imwen ekewe aramasangau a wor pisek aüchea ra angei fän rikirik. Ra aea kilo mi solä, eu föför üa oput.  
\v 11 Ifa usun, üpwe amusafatei eman aramas mi nöünöü eu kilo mi solä, eman mi eäni föün kilo mi atuputup?  
\v 12 Ekewe aramas mi pisekisek lon ewe telinimw ra föri chomong angangen mwänewüs, ekewe aramasen lon ra eäni kapas chofana me atuputup.  
\v 13 Iei mine üa popuetä le nikemi o ataela fanüemi pokiten ämi kewe tipis.  
\v 14 Oupwe mongö, nge ousap möt, oupwe chök mefi fion. Oupwe iseis mettoch, nge resap mwöch, nge mine a nom remi üpwe ataala ren maun.  
\v 15 Oupwe fofot, nge ousap kinikin. Oupwe üchüch föün olif, nge ousap epitikemi noppukun. Oupwe puri föün irän wain, nge ousap ün wain seni.  
\v 16 Ei epwe fis, pokiten oua apirü än Omri me chon leimwen Ahap föför mi ngau. Oua pwal sopwela le eäni örünier kewe. Iei mine üpwe ataala fanüemi, nge ekewe aramasen lon repwe och minen turunufas. Oupwe mwärelong fän itengau me ren chon ekewe mwü.” \x + \xo 6.16 \xt 1.King 16.23-28; 16.29-34; 21.25-26\x*   
\c 7  
\s1 Manauangauen chon Israel  
\sr 7.1-6  
\p
\v 1 Feiengauei, pun üa usun eman chon kinikin föün irä mürin fansoun räs, ika usun eman mi kütta uän irän wain mürin fansoun räs. Esap fokun wor eum föün wain pwe üpwe ochoch, esap wor eföü fiik mi anö üa mwoneiti.  
\v 2 Esap chüen wor eman aramas mi pwüng lon ewe fanü, esap pwal chüen wor eman mi wenechar me lein ekewe aramas. Meinisin ra op pwe repwe ni aramas, ra en me chei pwin pwe repwe likatupur.  
\v 3 Ra fokun sipeöch le föri mine a ngau. Ekewe nöüwis me soukapwüng ra angei lifangen amichimich. Ekewe aramas tekia ra apasawu mochenin letiper, ir meinisin ra rawangaufengen.  
\v 4 Ewe mi fokun mürina me leir a usun chök pötöwölingau, nge ewe mi fokun wenechar me leir a usun chök eu tit seni irafölüföl. A war ewe ränin än Kot apwüngü ekewe aramas, usun a fen asile ngeniir me ren ekewe soufos. Iei ra nom lon fitikoko.  
\v 5 Kosap anomu om lükülük won chon arum, kosap pwal lükü chiechiom. Kopwe pwal tümwünü mine ka apasa me fän mesen pwülüom.  
\v 6 Pun eman ät epwe aitengaua saman, eman nengin epwe ü ngeni inan, eman föpwül epwe ü ngeni inen pwülüan, nge püsin chon leimwen eman epwe chon oputan. \x + \xo 7.6 \xt Mat 10.35-36; Luk 12.53\x*   
\s1 Kot a awarato saram me ngas  
\sr 7.7-13  
\p
\v 7 Nge ngang üpwe neta ngeni ewe Samol mi Lapalap. Üpwe ösüküsükü Kot ai we Chon Amanau. Ai Kot epwe aüselingaei.  
\v 8 Ämi chon oputaei, ousap meseik woi. Inamwo ika üa turula, üpwe pwal üsefälitä. Inamwo ika üa nom lon rochopwak, ewe Samol mi Lapalap epwe ai saram.  
\v 9 Pokiten üa tipis ngeni ewe Samol mi Lapalap, üpwe mwärelong fän an song tori epwe peniei o pwärawu ai pwüng. Epwe emwenieiwu ngeni saram pwe üpwe küna an angasaei.  
\v 10 Mürin chon oputaei repwe küna mine a fis o fokun säw, ir chokewe mi aisiniei, “Ifa i ewe Samol mi Lapalap om we Kot?” Üpwe küna ar kuf me än aramas puriir usun ar puri pwakaken won ekewe al.   
\p
\v 11 Ämi aramasen Jerusalem, epwe war ewe fansoun ämi oupwe senisefälietä tittin ewe telinimw. Lon ena fansoun kiännin fanüemi epwe fokun wattela.  
\v 12 Aramasemi repwe liwinto remi seni Asiria me Isip pwal seni ewe leni arun ewe chanpupu Oifrat, seni arosetin ekewe matau, pwal seni ekewe chuk mi fokun toau.  
\v 13 Nge fanüfan epwe wiliti eu fanüapö pokiten föföringauen chokewe mi nonom won.   
\s1 Än Kot tong ngeni chon Israel  
\sr 7.14-20  
\p
\v 14 Äm Samol mi Lapalap, kopwe mamasa noum aramas fän wokum usun eman chon mas, kopwe tümwünü ewe mwichen aramas ka filätä. Ra imwüla o nonom lon eu wöllap lukalapen eu fanü mi pwülüöch. Kopwe mwüt ngeniir pwe repwe mongö lon Pasan me Kiliat usun chök lon ekewe fansoun lom.  
\v 15 Kopwe pwäri ngenikem om kewe manaman, usun ka föri lon ewe fansoun lupwen ka emwenikeemiwu seni Isip.   
\p
\v 16 Chon ekewe mwü repwe küna ei o säw, pokiten ar pöchökül meinisin a sü seniir. Repwe pwölüela awer o pinela selinger fän ar mitingau.  
\v 17 Repwe chönawei pwül moromor usun serepenit, repwe tö usun mantötö won pwül. Repwe towu seni ar kewe imwen maun mi pöchökül fän chechech. Repwe kul ngeni ewe Samol mi Lapalap ach we Kot fän niuokus.   
\p
\v 18 Esap wor eman Kot usun en. Ka amusala tipis o apichala pupungauen chokewe mi chüen manau me lein noum kewe aramas. Kosap amwöchü om song tori feilfeilachök, nge ka pwapwa le pwärätä om tong ellet ngenikem.  
\v 19 Kopwe pwal tongeesefälikem. Kopwe purätiu äm kewe föföringau fän pecheöm o aturätiu äm kewe tipis lealololun matau.  
\v 20 Kopwe pwäri om allükülük me tong ellet ngeni äm noum kei aramas, äm mwirimwirin Apraham me Jakop usun ka pwon fän akapel ngeni äm kewe lewo lon ekewe fansoun lom.