\id LAM  
\h KÖLÜN KECHÜ 
\toc1 Kölün kechü 
\toc2 Kölün kechü 
\toc3 Kölk 
\mt1 Kölün kechü  
\ib  
\is1 Kapas akom  
\iot I. Iten ei puk: Kölün kechü, pun mine a mak lon, an Jeremaia kechüäsini talan Jerusalem.  
\iot II. Chon makei ei puk: Jeremaia  
\iot III. Itelapemongen ei puk: Än Kot ümöümöch esap mwüch, inamwo ika a apwüngü aramas pokiten ar föföringau.  
\iot IV. Kapas aüchean ei puk: Lupwen Jeremaia a pwärätä än chon Juta tipis, a fis an apilükülüköch.  
\iot V. Masouen ei puk Kölün kechü: Lon ei puk a mak limu kölün kechü pokiten talan Jerusalem, me än ekewe aramasen lon oola. Ei a fis lon ewe ier 586 mwen Kraist (B.C.) Inamwo ika lon ei puk a mak chomong kapasen lolilen me letipeta, nge a pwal wor kapas usun ach lükü Kot me apilükülöch lon ekewe fansoun repwe feito. Ekewe chon Juta ra eäni ekei kölün kechü lon ar fel lon ewe ränin ar echikefel me letipeta iteiten ier, lupwen ra chechemeni talan Jerusalem.  
\iot VI. Tettelin masouen ei puk:  
\io1 Riaföün me osukosuken Jerusalem \ior 1.1-22\ior*  
\io1 Feiengauen Jerusalem eu apwüng seni ewe Samol mi Lapalap \ior 2.1-22\ior*  
\io1 Än ewe soufos riaföü me apilükülüköch \ior 3.1-66\ior*  
\io1 (Jeremaia a aliosunätä Jesus mi pwal kechüeiti Jerusalem Luk. 19.41)  
\io1 Jerusalem a tala \ior 4.1-22\ior*  
\io1 Eu iotek ngeni Kot pwe epwe eäni ümöümöch \ior 5.1-22\ior*  
\c 1  
\s1 Än ekewe chon oola seni Jerusalem letipeta  
\sr 1.1-22  
\q1
\v 1 Iei esap chüen masou ewe telinimw Jerusalem mi ur ren aramas me lom.  
\q1 A fokun iteföüla me lein ekewe mwü, nge iei a usun chök eman fefin mi mä pwülüan.  
\q1 I eman finesamol me lein ekewe telinimw, nge iei aramas ra nöüni amanau.   
\b  
\q1
\v 2 A selingüngü lepwin, chönün mesan ra suputiu won sapan.  
\q1 Esap wor eman me lein chokewe mi tongei me lom a achipa.  
\q1 Chiechian kewe meinisin ra kirikiringau ngeni, ra wiliti chon oputan.   
\b  
\q1
\v 3 Chon Juta ra oola o nom lon riaföü me angang weires.  
\q1 Ra nonom lein chon ekewe mwü, nge resap küna eu lenien asösö.  
\q1 Chokewe meinisin mi tapweriir ra tokumweer, nge esap wor efoch al repwe tongeni süla won.   
\b  
\q1
\v 4 Ekewe al mi ale ngeni Sion ra pönüla, pun esap chüen wor eman mi fetal wor ngeni ekewe chulap mi kefil.  
\q1 Ekewe asamalapen Sion meinisin ra pöla.  
\q1 Nöün kewe souasor ra ngüngü, nöün kewe föpwül ra nom lon riaföü,  
\q1 nge ewe telinimw a fokun weires lon an riaföü.   
\b  
\q1
\v 5 Chon oputen Sion ra fefeitä, ra aposu fän ar nemenem.  
\q1 Ewe Samol mi Lapalap a atolonga lon riaföü pokiten chomongun an kewe tipis.  
\q1 Nöün kewe ra feila ekis, ra oola ren chon oputan.   
\b  
\q1
\v 6 Ekewe ling meinisin ra sü seni Sion.  
\q1 Nöün kewe samol ra usun chök chia resap küna anaia repwe mongö ie.  
\q1 Ra sü me mwen ekewe chon tapweriir, nge esap wor ar pöchökül.   
\b  
\q1
\v 7 Lupwen Jerusalem a riaföü, a chechemeni an kewe pisek mi aüchea a eäni me lomlom.  
\q1 Lupwen nöün kewe aramas ra sechilong lepöün chon oputan, esap wor eman mi alisi.  
\q1 Ekewe chon oputan ra esita o takirin ämängaua pokiten an turula.   
\b  
\q1
\v 8 Jerusalem a fokun tipis, iei mine a wesewesen limengau.  
\q1 Meinisin mi asamolu me lom ra turunufasei, pun ra küna lon an selela.  
\q1 Ewer, püsin i a ngüngü o akulu mesan seniir.   
\b  
\q1
\v 9 An limengau a nom lon üfan, nge i esap ekieki an feiengau.  
\q1 Iei mine an turula a fokun afeiengau, esap wor eman a achipa.  
\q1 “Ai Samol mi Lapalap, kopwe nenengeni ai riaföü, pun ewe chon oputaei a win.”   
\b  
\q1
\v 10 Ekewe chon oputan ra angeala än Jerusalem pisek mi aüchea meinisin.  
\q1 Ewer, a küna pwe chon ekewe mwü ra ipwelong lon ewe Imwenfel,  
\q1 ir chokewe ewe Samol mi Lapalap esap mwüt ngeniir pwe repwe nonom lon an mwich.   
\b  
\q1
\v 11 Nöün kewe aramas meinisin ra ngüngü, lupwen ra kütta ener mongö.  
\q1 Ra akasiwili ar kewe pisek mi aüchea ngeni mongö, pwe repwe tongeni manau.  
\q1 Ewe telinimw a siö, “Ai Samol mi Lapalap, kopwe nengeni o küna pwe üa nom lon turunufas.”   
\b  
\q1
\v 12 “Ifa usun, ämi meinisin mi pwerela ünüki ousap ekieki usun ei feiengau?  
\q1 Oupwe nenengeni o küna, ika mi wor och riaföü usun ei riaföü  
\q1 ewe Samol mi Lapalap a atoto woi lon ewe ränin a fokun song ngeniei.   
\b  
\q1
\v 13 A tinato ekkei seni läng, a kü me leuti.  
\q1 A anomu eu sär fän itei, pwe pechei epwe fif,  
\q1 a aturueitiu lepwül.  
\q1 A likitieila, üa uren metek fansoun meinisin.   
\b  
\q1
\v 14 Ewe Samol mi Lapalap a küna ai kewe tipis meinisin,  
\q1 a rifengeniir o anomuur won afarei. Iwe, üa apwangapwangala ren chöür.  
\q1 A asechieilong lepöün chon oputaei, nge üsap tongeni ü ngeniir.   
\b  
\q1
\v 15 Ewe Samol mi Lapalap a esita nei kewe sounfiu mi pwora meinisin mi nom rei.  
\q1 A tinato eu mwichen sounfiu pwe repwe afeiengaua nei kewe alüal  
\q1 Ewe Samol mi Lapalap a puri nei aramas, usun eman a puri föün irän wain.   
\b  
\q1
\v 16 Üa kechü pokiten ekei mettoch, chönün mesei a fokun watte supun.  
\q1 Esap wor eman a nom pwe epwe achipaei, esap wor eman a apöchöküla lelukei.  
\q1 Nei kewe ra fokun riaföü, pun ewe chon oputaei a akufuei.   
\b  
\q1
\v 17 Üa aitiewu pei, nge esap wor eman a alisiei.  
\q1 Ewe Samol mi Lapalap a allük pwe chon oputaei repwe ü ngeniei.  
\q1 Üa wiliti eu mettoch mi limengau me rer.   
\b  
\q1
\v 18 Ewe Samol mi Lapalap a pwüng, nge ngang üa aleasolap ngeni an kapas.  
\q1 Oupwe aüseling, ämi chon ekewe mwü meinisin, oupwe nenengeni ai riaföü.  
\q1 Nei kewe föpwül me nei kewe alüal ra oola.   
\b  
\q1
\v 19 Üa kökköri peliei, nge resap mochen alisiei.  
\q1 Nei kewe souasor me souakom ra mäfeiengau lon ewe telinimw,  
\q1 lupwen ra kütta ener mongö pwe repwe tongeni manau.   
\b  
\q1
\v 20 Ai Samol mi Lapalap, kopwe nenengeni ai riaföü.  
\q1 Leuti a fokun weires. Lelukei a tatakis, pun üa fokun tipis ngonuk.  
\q1 A wor ninni won ekewe al, nge lon ekewe imw a wor mäla.   
\b  
\q1
\v 21 Aramas ra rongorong ai ngüngü, nge esap wor eman a achipaei.  
\q1 Chon oputaei meinisin ra rongorong usun ai kewe feiengau. Ra pwapwa pwe ka föri iei usun ngeniei.  
\q1 Kopwe awarato ewe rän ka fen pwonei, pwe chon oputaei repwe wewe ngeniei lon ai riaföü.   
\b  
\q1
\v 22 Ar kewe föför mi ngau repwe nom fän mesom.  
\q1 Kopwe apwüngüür usun ka apwüngüei pokiten ai kewe tipis meinisin.  
\q1 Üa ngüngü fän chomong, lelukei a apwangapwang.”   
\c 2  
\s1 Än Jerusalem letipeta a feito seni Kot  
\sr 2.1-22  
\q1
\v 1 Ewe Samol a uwato rochopwak won Sion lon an song.  
\q1 A aturätiu seni läng lingen Israel we won pwül,  
\q1 Lon ränin an song esap ekieki mwo nge imwan imwenfel.   
\b  
\q1
\v 2 Ewe Samol a ataela imwen ekewe mwirimwirin Jakop meinisin, nge esap eäni tong.  
\q1 A ataetiu ekewe imwen maun mi pöchökül me lon Juta lon an lingeringer.  
\q1 A awarato itengau won ewe mwü me nöün kewe sounemenem.   
\b  
\q1
\v 3 A atatakisi pöchökülen Israel meinisin lon an song mi fokun watte.  
\q1 Esap mochen alisikich, lupwen chon oputach kewe ra feito.  
\q1 An lingeringeritikich a usun chök eu ekkei lon Israel  
\q1 mi kenala mettoch meinisin mi nom ünükün.   
\b  
\q1
\v 4 A äpera an likepich ngenikich usun eman chon oputach,  
\q1 pöüifichin a molotä.  
\q1 A niela chokewe meinisin sa pwapwaitiir.  
\q1 A ninätiu an lingeringer usun ekkei won ekewe imwen Sion.   
\b  
\q1
\v 5 Ewe Samol a ataela Israel usun chök eman chon oputach.  
\q1 A ataela an Israel kewe imwen king meinisin o atatakisi an kewe imwen maun mi pöchökül.  
\q1 A pwal achomonga letipeta me kechü ngeni ekewe aramasen Juta.   
\b  
\q1
\v 6 A ataetiu imwan we imwenfel, pwe a usun chök eu tanipi, o atatakisi ewe lenien chulap.  
\q1 Ewe Samol mi Lapalap a awesi me lon Sion ekewe chulap mi kefilitä me ekewe ränin sapat.  
\q1 Lon an song mi fokun watte a pöütala ekewe king me ekewe souasor.   
\b  
\q1
\v 7 Ewe Samol esap chüen aücheani an we rongen asor, a likitala imwan we mi pin.  
\q1 A mwüt ngeni chon oputach pwe repwe ataela etippan.  
\q1 Ra mweireiren win lon imwen ewe Samol mi Lapalap usun ewe mweireir a fis lon ekewe ränin chulap.   
\b  
\q1
\v 8 Ewe Samol mi Lapalap a apwüngala pwe epwe atatakisi tittin Sion.  
\q1 A aükü ewe leni ren eu selin aükük o pii pwe epwe unusen tala.  
\q1 A föri pwe ekewe imw tekia me ekewe tit ra tapök.   
\b  
\q1
\v 9 Ekewe asamalapen Sion ra irela fän ekewe ioien mettoch mi ta.  
\q1 Kot a kupi o atatakisi amwöchür kewe.  
\q1 Än Sion kewe king me ekewe samol ra oola lein chon ekewe mwü.  
\q1 Esap chüen wor eman a aiöü ngeni aramas ewe allük, esap chüen wor künan ekewe soufos me ren ewe Samol mi Lapalap.   
\b  
\q1
\v 10 Ekewe souakomwen Sion ra mot won pwül fän mosonoson.  
\q1 Ra tukotukotä pwül won mökürer o üföüf üf seni tuk, pwe asisilen ar letipeta.  
\q1 Ekewe föpwülün Jerusalem ra rotiu lepwül.   
\b  
\q1
\v 11 Mesei a tton ren kechü, leuti a fokun weires.  
\q1 Letipeta a sasewu me lon lelukei pokiten feiengauen nei aramas,  
\q1 pwal pokiten än ekewe semirit me mönükol aiengau won alen ewe telinimw.   
\b  
\q1
\v 12 Ra kechü ngeni inelaper kewe, pun ra echik o kaka.  
\q1 Ra turula won alen ewe telinimw usun chök aramas mi echinimä ren kinaser,  
\q1 o mäla fän mwärin inelaper kewe.   
\b  
\q1
\v 13 En Jerusalem, met üpwe tongeni apasa usum?  
\q1 Ren met üpwe tongeni achipok? Esap wor eman a riaföü usum, en liewe Sion.  
\q1 Pun om tatakis a watte usun watten ewe matau. Iö a tongeni apöchökülasefäliik?   
\b  
\q1
\v 14 Künan noum kewe soufos fän itom ra mwäl o chofana.  
\q1 Resap pwäri ngonuk om kewe tipis, pwe repwe epeti senuk om kopwe oola.  
\q1 Nge osunier fän itom ra mwäl o atuputup.   
\b  
\q1
\v 15 Meinisin mi pwerela ünükum ra ämängauok.  
\q1 Ra elifechifech o atakiri talan Jerusalem.  
\q1 Ra apasa, “Ifa usun, iei ewe telinimw ra aita ngeni pwe a unusen mürina, chon fanüfan ra pwapwaiti?”   
\b  
\q1
\v 16 Chon oputom meinisin ra eäni kapas turunufas ngonuk,  
\q1 ra achuangauek o ngäruk, ra apasa, “Sa ataela Jerusalem.  
\q1 Aha, iei ewe rän sa witiwiti. Iei sa tori, sa küna.”   
\b  
\q1
\v 17 Ewe Samol mi Lapalap a föri mine a ekiekietä, a afisätä an kapasen apwüng a piin apasa me lomlom.  
\q1 A kata, nge esap eäni tong.  
\q1 A awinna chon oputom o apwapwaar ren om feiengau.   
\b  
\q1
\v 18 En Jerusalem, kopwe leüömong le siö ngeni ewe Samol.  
\q1 Chönün mesom repwe suputiu lerän me lepwin usun chök eu chanpupu.  
\q1 Kosap asösö, kosap ükütiu le kechü.   
\b  
\q1
\v 19 Kopwe pwätäkis lepwin o leüömong le siö.  
\q1 Kopwe ninawu masouen lelukom me fän mesen ewe Samol usun eman a ninawu koluk,  
\q1 kopwe iotek ngeni fän iten manauen noum kana  
\q1 mi arap ngeni mäla ren echik lepwokukun iteiten ekewe al.   
\b  
\q1
\v 20 Ai Samol mi Lapalap, kopwe nenengeni o ekieki! Ka föri ngeni iö ei sokun?  
\q1 Ifa usun, fefin repwe ochei nöür semirit ra tümwünüöchüür o tongeer?  
\q1 Ifa usun, ekewe souasor me soufos repwe ninnila lon ewe imwenfel?   
\b  
\q1
\v 21 Ekewe ät me ekewe chinlap ra mätiu won ekewe al.  
\q1 Ekewe föpwül me ekewe alüal ra mäla ren ketilas.  
\q1 Ka nirela lon ränin om song, ka nirela, nge kosap ümöümöch ngeniir.   
\b  
\q1
\v 22 Ka körifengeni chon aniuokusuei seni ekis meinisin, usun aramas ra kökköto ngeni eu ränin chulap.  
\q1 Esap wor eman aramas a tongeni sü ika manau lon ränin om song.  
\q1 Ewe chon oputaei a niela chokewe üa oupuur o foleniir.   
\c 3  
\q1
\v 1 Ngang eman aramas mi küna riaföü ren än Kot apwüngüei.   
\q1
\v 2 A asüeila o föri pwe üpwe fetal lon rochopwak, ia esap wor saram ie.   
\q1
\v 3 Ellet, a wichikisiei iteiten rän, nge esap tongeei.   
\q1
\v 4 A föri pwe inisi a kichüchüla o ünüchei a pwachela. A kupi chüi.   
\q1
\v 5 A senätä o apwelifeili ünüki weires me riaföü.   
\q1
\v 6 A föri pwe üpwe nonom lon rochopwak, usun chök ekewe sotup mi mäla me lomlom.   
\q1
\v 7 A tiela ünüki pwe üsap tongeni süla. A föti ngeniei sein mi chou.   
\q1
\v 8 Üa resin leüömong le siö ngeni Kot pwe epwe alisiei, nge esap aüselinga ai iotek.   
\q1
\v 9 A pineela ai kewe al ren fau mi watte o apora ai kewe lenien fetal.   
\q1
\v 10 A operiei usun chök eman pear, a mweteriei usun chök eman laion.   
\q1
\v 11 A etekinieila seni alei o atatakisiei, mürin a likitiei.   
\q1
\v 12 A emmeia an likapich o föri pwe ngang üpwe eu lenien ännen fän iten an föün esefich.   
\q1
\v 13 A atowu an kewe föün esefich seni lenier o posurelong leuti.   
\q1
\v 14 Ngang üa uretakir me ren aramas meinisin, ra atolongaei lon ar kölün turunufas fansoun meinisin.   
\q1
\v 15 A auraei ren riaföü watte o aünü ngeniei koluk mi maras.   
\q1
\v 16 A foira mesei lon pwül o kupi ngii ren fau.   
\q1
\v 17 Esap chüen wor kinamwe lon manauei, üsap chüen sile pwapwa.   
\q1
\v 18 Iei mine üa üra, “Esap chüen wor ai pöchökül, esap pwal chüen wor ai apilükülük won ewe Samol mi Lapalap.”   
\q1
\v 19 Üa chechemeni ai riaföü me ai siamü, iei och mi maras o kipwin ngeniei.   
\q1
\v 20 Üa fokun chechemeniir fansoun meinisin, ngüni a letipengau me loi.   
\q1
\v 21 Nge apilükülüköch a toriei, lupwen üa chechemeni ei:   
\q1
\v 22 Än ewe Samol mi Lapalap tong ellet esap fokun ükütiu, an ümöümöch esap fokun wesila.   
\q1
\v 23 Ra fö iteiten lesosor, an allükülük a fokun lapalap.   
\q1
\v 24 Üa apasa, “Ewe Samol mi Lapalap i wisei, iei mine üpwe eäni apilükülük.”   
\q1
\v 25 Ewe Samol mi Lapalap a öch ngeni chokewe mi eäni i apilükülük, ngeni chokewe mi kütta i.   
\q1
\v 26 A mürina pwe aramas repwe witiwit fän mosonoson, pwe ewe Samol mi Lapalap epwe amanaueer.   
\q1
\v 27 A mürina ngeni eman mwän pwe epwe mwärelong fän weires lealüalün.   
\q1
\v 28 Epwe akaleman le mot fän mosonoson, lupwen Kot a anomu ei weires won.   
\q1
\v 29 Epwe chapetiu lepwül, pun eli epwe chüen wor apilükülüköch fän itan.   
\q1
\v 30 Epwe aselei sapan ngeni ewe chon pösapei o mwärelong fän chomong turunufas.   
\q1
\v 31 Pun ewe Samol esap pöütala eman tori feilfeilachök.   
\q1
\v 32 Inamwo are a atoto riaföü, nge epwe eäni ümöümöch lon an tong ellet mi fokun lapalap.   
\q1
\v 33 Pun esap turun tipen Kot an epwe ariaföüü ika aweiresi aramas won fanüfan.   
\q1
\v 34 Ewe Samol a silei, lupwen aramas ra puri fän pecher ekewe chon fötek meinisin lon ewe fanü,   
\q1
\v 35 a silei, lupwen ra amwöchü seni eman aramas an pwüng püsin i a ngeni,   
\q1
\v 36 a silei, lupwen ra sorei mine a pwüng lon kapwüng.   
\q1
\v 37 Iö a tongeni kapas, nge a fisitä ika ewe Samol esap tipeeu ngeni?   
\q1
\v 38 Ifa usun, feiöch me feiengau resap fis fän alon Ewe mi Unusen Tekia?   
\q1
\v 39 Pwota eman aramas epwe lal, lupwen a küna apwüng fän iten an tipis?   
\q1
\v 40 Ousipwe sotuni o atittina ach kewe föför o kulsefäliti ewe Samol mi Lapalap.   
\q1
\v 41 Ousipwe suki lelukach ngeni Kot lon läng o iotek ngeni,   
\q1
\v 42 “Äm aia tipis o ü ngonuk, nge en kosap amusala äm tipis.   
\q1
\v 43 Ka tapwerikem o nikem. Om ümöümöch a pwölüla ren om song.   
\q1
\v 44 Om lingeringer a usun chök eu kuchu mi malül pwe äm iotek esap toruk.   
\q1
\v 45 Ka föri pwe äm aia limengau me anioput me ren chon ekewe mwü.   
\q1
\v 46 Chon oputem meinisin ra kapasen turunufas me ämängau ngenikem.   
\q1
\v 47 Kata me tatakis a torikem, aia nom lon feiengau me niuokus watte.   
\q1
\v 48 Chönün mesei a pupu usun pupun eu chanpupu pokiten feiengauen nei aramas.   
\q1
\v 49 Chönün mesei epwe pupu, nge esap ükütiu, esap pwal mola,   
\q1
\v 50 tori ewe Samol mi Lapalap epwe netiu seni läng o künakem.   
\q1
\v 51 Lelukei a letipeta, lupwen üa küna mine a fis ngeni fin ai telinimw meinisin.   
\q1
\v 52 Chokewe mi oputaei, nge esap wor popun, ra eseichiei usun  
\q1 aramas ra eseichi machang.   
\q1
\v 53 Ra aturumanaueeitiu lon eu pwang o pineela ewe pwang ren eföü fau.   
\q1
\v 54 Üa kokotiu lon koluk pwe üa ekieki pwe üpwe le mäla.   
\q1
\v 55 Ai Samol mi Lapalap, üa kökköri itom seni epin ewe pwang.   
\q1
\v 56 Lupwen üa tüngor ngonuk pwe kopwe aüselinga ai siö, en ka rongorong.   
\q1
\v 57 En ka arap ngeniei, lupwen üa kökköruk, ka apasa, ‘Kosap niuokus.’   
\q1
\v 58 Ai Samol, en ka angasaei o amanauaei.   
\q1
\v 59 Ai Samol mi Lapalap, en ka küna ekewe föför mi mwäl ra föri ngeniei. Kopwe eäni kapwüng o afata ai pwüng.   
\q1
\v 60 Ka küna usun ar oputaei pwal usun ar rawangauaei.   
\q1
\v 61 Ai Samol mi Lapalap, ka rongorong ar kewe tunoämängau, ka pwal silei usun ar rawangauaei.   
\q1
\v 62 Ekewe chon ü ngeniei ra ngününgünüei o tunopweliei fansoun meinisin.   
\q1
\v 63 Kopwe nenengeni pwe lupwen ar mot me ar ütä ra chök atolonga itei lon ar kewe kölün ämängau.   
\q1
\v 64 Ai Samol mi Lapalap, kopwe ukun ngeniir won ükükün mine ra föri.   
\q1
\v 65 Kopwe anümamaueer o aura leluker ren apilükingau.   
\q1
\v 66 Ai Samol mi Lapalap, kopwe tapweriir fän song o aroserela seni won fanüfan.”   
\c 4  
\s1 Kot a aunusa an apwüng ngeni Jerusalem  
\sr 4.1-22  
\q1
\v 1 Ewe kolt a toputopula, ewe kolt mi mürina esap chüen molupolup.  
\q1 Föün ewe imwenfel ra toropasala lon ekewe al.   
\b  
\q1
\v 2 Ekewe alüalün Jerusalem mi aüchea ra wewe ngeni kolt mi mürina me lom,  
\q1 nge iei ra wewe ngeni sepi seni pwül, förien eman chon för sepi seni pwül.   
\b  
\q1
\v 3 Eman liafefinin wolif a fen oupwu apanan,  
\q1 nge nei aramas ra chök nöünöün pwäpwä ngeni nöür.   
\b  
\q1
\v 4 Chönawen ekewe mönükol ra pachetä fän fongochur pokiten ar kaka,  
\q1 ekewe semirit ra tütüngor ener mongö, nge esap wor eman a ngeniir.   
\b  
\q1
\v 5 Chokewe mi örüni mongö mi anö me lom ra mään echik won ekewe al,  
\q1 nge chokewe mi chök üföüf üf mi ling ra kon lon ioien falang.   
\b  
\q1
\v 6 Än Kot apwüngü nei aramas a kon watte seni an apwüngü Sotom,  
\q1 ewe telinimw mi tala lon eu chök otun ren pöün Kot. \x + \xo 4.6 \xt Ken 19.24\x*   
\q1
\v 7 Ekewe samolun Jerusalem ra men limöch seni sno o pwechepwech seni milik.  
\q1 Inisir a pöchökül, ra womisimis o aümanau.   
\b  
\q1
\v 8 Nge iei won meser a chol seni moochen ekkei, esor eman a sileniir won ekewe al.  
\q1 Ünücher a pwach o pacheri chür, a sissinüng usun amwüch mi pwas.   
\b  
\q1
\v 9 Chokewe mi mäla lon maun ra feiöch seni chokewe mi mäla ren echik,  
\q1 ir chokewe mi kichüchüla o mäla, pun esap wor ener mongö seni ekewe mälämäl.   
\b  
\q1
\v 10 Ekewe fefin mi fokun tongei nöür ra püsin kukuw nöür semirit.  
\q1 A fis pwe ina ener mongö lupwen fansoun feiengauen nei aramas. \x + \xo 4.10 \xt Tut 28.57; Is 5.10\x*   
\q1
\v 11 Ewe Samol mi Lapalap a aunusawu an lingeringer, a ninätiu an song mi chou.  
\q1 A aküüw eu ekkei lon Sion mi kenala longolongun.   
\b  
\q1
\v 12 Kingen ekewe mwü me ekewe chon fanüfan resap lükü,  
\q1 pwe ekewe chon pälüeni ika chon oputa Juta repwe tongeni tolong lon ekewe asamalapen Jerusalem.   
\b  
\q1
\v 13 Ei a fis pokiten än nöün Jerusalem kewe soufos tipis,  
\q1 pwal pokiten än nöün kewe souasor föföringau.  
\q1 Ir chokewe mi niela ekewe chon pwüng.   
\b  
\q1
\v 14 Ra fetal won ekewe al usun chon mesechun,  
\q1 a fokun limengau üfer ren cha, iei popun esap wor eman a mochen atapeer.   
\b  
\q1
\v 15 Aramas ra kökkö ngeniir, “Oupwe süla, ämi mi limengau! Oupwe süla, oupwe süla! Ousap atapakem.”  
\q1 Iei mine ra wiliti choisä me chon süsüfeil, nge chon ekewe mwü ra apasa lefiler, “Resap chüen tongeni nom rech.”   
\b  
\q1
\v 16 Ewe Samol mi Lapalap a püsin atoropaseer, esap chüen ekieki usur.  
\q1 Aramas resap chüen meniniti ekewe souasor, resap pwal aücheani ekewe souakom.   
\b  
\q1
\v 17 Sa weires le nenefetalei ika eman epwe alisikich, nge esap wor lomotan.  
\q1 Sa akawitiwiti ach alilis seni eu mwü esap tongeni amanauakich.   
\b  
\q1
\v 18 Ekewe chon oputakich ra operikich pwe sisap tongeni fetal won ach kewe al.  
\q1 Sopolan manauach a arapoto. Ränin manauach ra lea, pun fansoun ach mäla a torikich.   
\b  
\q1
\v 19 Ekewe chon tapwerikich ra müttir seni ekewe ikel mi äs fän läng.  
\q1 Ra tapwerikich won ekewe chukuchukutä o operikich lon ewe fanüapö.   
\b  
\q1
\v 20 Popun manauach ach we king mi kepit me ren ewe Samol mi Lapalap, a oolong lon ar kewe likatup.  
\q1 I ätewe sa apasa usun pwe sipwe manau fän an tümwün me lein chon ekewe mwü.   
\b  
\q1
\v 21 Oupwe enen le meseik o pwapwa, ämi chon Etom mi nom lon ewe fanü Us,  
\q1 pun epwe pwal torikemi ewe kapen feiengau. Oupwe puch ren o püsin aselelakemi.   
\b  
\q1
\v 22 Ämi chon Sion, liwinin ämi tipis a wesila.  
\q1 Ewe Samol mi Lapalap esap chüen mochen oupwe nonomotam lon ämi oola.  
\q1 Nge ämi chon Etom, ewe Samol mi Lapalap epwe apwüngükemi pokiten ämi föföringau o särifala ämi tipis.   
\c 5  
\s1 Eu iotek pwe Kot epwe eäni ümöümöch  
\sr 5.1-22  
\q1
\v 1 Äm Samol mi Lapalap, kopwe chechemeni mine a fis ngenikem.  
\q1 Kopwe nenengeni o küna äm itengau.   
\q1
\v 2 Fanüem a nonom fän nemenien wasöla,  
\q1 nge ekewe chon ekis ra nom lon leniem.   
\q1
\v 3 Äm aia wiliti chon mäsen, esap wor semem.  
\q1 Inem kewe ra usun chök fefin mi mä pwülüer.   
\q1
\v 4 Äm aia wisen möni ünümem koluk  
\q1 o mönätiu liwinin äm amwüch.   
\q1
\v 5 Ra achouu ngenikem och wosochou o appakem fän wok.  
\q1 Aia malülü, nge resap mwüt ngenikem pwe aipwe asösö.   
\q1
\v 6 Äm aia feila Isip me Asiria  
\q1 o tüngor enem mongö pwe aipwe tongeni manau.   
\q1
\v 7 Äm kewe lewo ra tipis, nge iei resap chüen manau.  
\q1 Nge äm aia mwärelong fän liwinin ar kewe föföringau.   
\q1
\v 8 Chokewe aramas ra nöüniir amanau me lom ra nemenikem.  
\q1 Esap wor eman a angasakem seni fän nemenier.   
\q1
\v 9 Äm aia fangala manauem, lupwen aia kütta enem mongö,  
\q1 pun mi wor chon ni aramas me lon ewe fanüapö.   
\q1
\v 10 Pokiten choun ewe echik  
\q1 ünüchem a pwichikar usun pwichin eu um.   
\q1
\v 11 Ra achomanauei ekewe fefin lon Sion,  
\q1 pwal ekewe föpwül lon ekewe telinimwen Juta.   
\q1
\v 12 Ra forusi ekewe samol,  
\q1 resap meniniti ekewe souakom.   
\q1
\v 13 Ra ariani ekewe alüal pwe repwe föira föün wiich lon ewe lenien föir usun ekewe amanau,  
\q1 nge ekewe ät ra taroporop fän woser mwüch mi chou.   
\q1
\v 14 Ekewe mwän mi chinlap resap chüen mot lon asamalapen ewe telinimw,  
\q1 ekewe alüal resap chüen ettiki ar pisekin ettik.   
\q1
\v 15 Esap chüen wor äm pwapwa lon lelukem.  
\q1 Äm pworuk a wiliti letipeta.   
\q1
\v 16 Esap chüen wor och mine aipwe eingeing won.  
\q1 Feiengauem, pun äm aia tipis.   
\q1
\v 17 Iei popun pwe lelukem a riaföü,  
\q1 nge mesem ra toputopula ren äm kechü,   
\q1
\v 18 pun ewe chuk Sion a tala,  
\q1 ekewe foks ra töfetal won.   
\b  
\q1
\v 19 Nge en, äm Samol mi Lapalap, ka King tori feilfeilachök.  
\q1 En kopwe nemenem tori fansoun esemüch.   
\q1
\v 20 Pwota ka manlükikeemila fansoun meinisin?  
\q1 Pwota ka likitikeemila fansoun langatam?   
\q1
\v 21 Äm Samol mi Lapalap, kopwe aliwinikem ngonuk pwe äm aipwe tongeni liwinituk.  
\q1 Kopwe aliwinisefäli lingem usun me lom.   
\q1
\v 22 Ifa usun, ka wesewesen pöütikeemila?  
\q1 Ifa usun, esap wor aükükün om song ngenikem?