\id JOS  
\h JOSUA 
\toc1 Josua 
\toc2 Josua 
\toc3 Jos 
\mt1 Josua  
\ib  
\is1 Kapas akom  
\iot I. Iten ei puk: Josua. Ei puk a angei itan seni iten ewe aramas mi aüchea a mak pworausan lon. Wewen ei it Josua: Ewe Samol mi Lapalap a alisi o amanaua aramas.  
\iot II. Chon makei ei puk: Esap fat, lon än chon Israel uruwo Josua. Nge pworausen än Josua mäla eman a makei o apacha ngeni ei puk.  
\iot III. Itelapemongen ei puk: Ach win a pop seni ach lükülük.  
\iot IV. Kapas aüchean ei puk: Ewe pwon Kot a pwon ngeni Apraham a pwönüetä, chon Israel ra liapeni o fanüeni ewe fanüen pwon.  
\iot V. Masouen ei puk Josua: Lon ei puk a mak ewe pworaus usun än chon Israel toki o liapeni ewe fanü Kanaan fän emwenien Josua, ätewe mi siwili Moses. Ikkei ekewe pworaus aüchea mi fis ra mak lon ei puk: Än chon Israel feila epek ewe chanpupu Jortan, än Jeriko oola, än chon Israel maun ngeni Ai me försefälin ewe pwon lefilen Kot me nöün aramas. Ewe wokisin aramas ra kon silei me lon ei puk a mak lon sopun 24.15: “Ikenai oupwe filätä iö oupwe angang ngeni... Nge ngang me chon leimwei äm aipwe angang ngeni ewe Samol mi Lapalap.”  
\iot VI. Tettelin masouen ei puk:  
\io1 Chon Israel ra liapeni ewe fanü Kanaan \ior 1.1–12.24\ior*  
\io1 Ewe fanü a ainet \ior 13.1–21.45\ior*  
\io2 1. Ewe fanü ötiuen ewe chanpupu Jortan \ior 13.1-33\ior*  
\io2 2. Ewe fanü lotoun ewe chanpupu Jortan \ior 14.1–19.51\ior*  
\io2 3. Ekewe telinimwen op \ior 20.1-9\ior*  
\io2 4. Ekewe telinimw chon ewe ainangen Lefi ra imweimw lon \ior 21.1-45\ior*  
\io1 Chon ekewe ainang mi nom ötiuen ewe chanpupu Jortan ra liwiniti fanüer \ior 22.1-34\ior*  
\io1 Än Josua kapasen emwirimwir \ior 23.1-16\ior*  
\io1 Ewe pwon a försefäl me lon Sikem \ior 24.1-33\ior*  
\c 1  
\s1 Chon Israel ra amolätä ar repwe maun ngeni chon Kanaan  
\sr 1.1-18  
\p
\v 1 Iwe, mürin än Moses nöün ewe Samol mi Lapalap chon angang mäla, ewe Samol mi Lapalap a üreni Josua nöün Nun we mwän, ätewe mi angang ngeni Moses,  
\v 2 “Nei chon angang Moses a mäla. Iei mine kopwe ütä iei o feila pekilan ei chanpupu Jortan, ämi me ekei aramas meinisin, pwe oupwe feila lon ewe fanü üpwe ngeni ekewe aramasen Israel.  
\v 3 Ekewe leni meinisin ia oupwe ipwelong ie üa ngenikemi, usun üa fen pwon ngeni Moses.  
\v 4 Kiän fanüemi epwe seni ewe fanüapö mi nom ör tori ewe chuk Lepanon mi nom efeng, seni ewe chanpupu watte itan Oifrat mi nom ötiu, unusen ewe fanüen chon Hit tori ewe matau watte mi nom lotou.  
\v 5 Esap wor eman epwe tongeni ü ngonuk lon ränin manauom meinisin. Usun üa eti Moses, iei usun üpwe pwal etuk. Üsap tümwününgau ngonuk, üsap pwal likituk. \x + \xo 1.5 \xt Tut 11.24-25; 31.6,8; Ipr 13.5\x*  
\v 6 Kopwe apöchökülok o tipepwora. Pun en kopwe afanüa ekei aramas ngeni ewe fanü üa pwon fän akapel ngeni ar kewe lewo pwe üpwe ngeniir. \x + \xo 1.6 \xt Tut 31.6,7,23\x*  
\v 7 Kopwe chök apöchökülok o tipepwora, kopwe pwal tümwünüöchü om kopwe apwönüetä ekewe allük meinisin Moses nei we chon angang a allük ngonuk. Kosap fokun aleasolap ngeniir, pwe kopwe fefeitä lon meinisin mine kopwe föri.  
\v 8 Kosap ükütiu le apworausa masouen ei puken allük, kopwe ekieki usun lerän me lepwin, pwe kopwe tümwünüöchü om kopwe apwönüetä meinisin mine a mak lon. Mürin kopwe feiöch o fefeitä lon meinisin mine kopwe föri.  
\v 9 Ifa usun, üsap allük ngonuk pwe kopwe apöchökülok o tipepwora? Kosap niuokus, kosap pwal rükö, pun ngang ewe Samol mi Lapalap om Kot üpwe etuk ekis meinisin ia kopwe feila ie.”   
\p
\v 10 Mürin Josua a allük ngeni ekewe meilapen ekewe aramas,  
\v 11 pwe repwe pwerefetal lemenen ewe leni ia ekewe aramas ra nonom ie, o allük ngeniir, “Oupwe amolätä amötümi. Pun mürin ülüngat rän oupwe pwerela pekilan ewe chanpupu Jortan o pwerelong lon ewe fanü ewe Samol mi Lapalap a ngenikemi pwe oupwe fanüeni.”   
\p
\v 12 Nge Josua a üreni chon ekewe ainangen Rupen me Kat pwal esopun ewe ainangen Manasa,  
\v 13 “Oupwe chechemeni ekewe kapas Moses nöün ewe Samol mi Lapalap we chon angang a ürenikemi, pwe ewe Samol mi Lapalap ämi we Kot epwe amolätä eu lenien asösö fän itemi o ngenikemi ei fanü.  
\v 14 Pwülüemi, nöümi semirit me nöümi pwiin man repwe chök nonom lon ei fanü Moses a ngenikemi ötiuen ewe chanpupu Jortan. Nge ekewe sounfiu meinisin me leimi repwe akomwola mwen pwimi fän pisekin maun o alisiir,  
\v 15 tori ewe Samol mi Lapalap epwe asösöü pwimi usun chök ämi. Iwe, repwe fanüeni ewe fanü ewe Samol mi Lapalap ämi we Kot a ngeniir. Mürin oupwe liwiniti ewe fanü pwe oupwe fanüeni, ewe fanü Moses nöün ewe Samol mi Lapalap we chon angang a fen ngenikemi me ötiuen ewe chanpupu Jortan.” \x + \xo 1.15 \xt Num 32.28-32; Tut 3.18-20; Jos 22.1-6\x*  
\v 16 Iwe, ra üreni Josua, “Meinisin mine ka allük ngenikem aipwe föri, nge ia ka tinikeemila ie aipwe feila.  
\v 17 Äm aipwe aleasochisiik usun chök äm aia aleasochisi Moses lon mettoch meinisin. Eu chök, amwo ewe Samol mi Lapalap epwe etuk usun an eti Moses.  
\v 18 Nge iö a ü ngeni om allük o aleasolap ngeni alom, ese lifilifil met ka allük ngeni, ätewe epwe ninnila. Kopwe chök apöchökülok o tipepwora.”   
\c 2  
\s1 Josua a tinala chon op ngeni Jeriko  
\sr 2.1-24  
\p
\v 1 Iwe, Josua nöün Nun we mwän a tinala seni Sitim ruoman mwän lemonomon, pwe repwe operi ewe fanü. Iwe, a üreniir, “Oupwe feila o ouwasacha ewe fanü, akaeuin ewe telinimw Jeriko.” Iwe, ra feila, ra tolong lon imwen eman fin lisowu itan Rahap o nonom ikenan. \x + \xo 2.1 \xt Ipr 11.31; Jas 2.25\x*  
\v 2 Iwe, ewe pworaus a tori ewe kingen Jeriko pwe ekoch re Israel ra feito lon ei pwinin, pwe repwe sachei ewe fanü.  
\v 3 Mürin, ewe kingen Jeriko a titi Rahap o üreni, “Kopwe emwenato ekewe mwän mi feito reöm lon imwom. Pun ra feito pwe repwe sachei unusen ewe fanü.”  
\v 4 Nge ewe fefin a angei ekewe ruoman mwän o aopeer. Iwe, a apasa, “Mi pwüng pwe ekewe mwän ra feito rei, nge ngang üsap silei ia ra feito me ie.  
\v 5 Me mwen än ewe asamalap epwe kapüng lepwin, ekewe mwän ra towu. Üsap silei ia ra feila ie. Oupwe müttir tapweriir, pun oua chüen tongeni liapeniir.”  
\v 6 Nge ewe fefin a fen emwenätä ekewe mwän won ewe imw o aopeer fän fetilipwas seni ewe irä itan fläks, neminewe a atettelöchü me mwan won ewe imw.  
\v 7 Iei mine nöün ewe king kewe chon künö ra tapwerirela won ewe al ngeni ewe chanpupu Jortan tori ekewe aropetepeetin ewe chanpupu. Nge lon ewe chök otun ekewe chon tap ra towu, ewe asamalap a kapüng.   
\p
\v 8 Iwe, me mwen än ekewe mwän konola, ewe fefin a feitä rer won ewe imw  
\v 9 o üreniir, “Üa silei pwe ewe Samol mi Lapalap a ngenikemi ei fanü. Iwe, äm aia niuokusitikemi, nge chon ewe fanü meinisin ra rükö pokitemi.  
\v 10 Pun aia rong usun ewe Samol mi Lapalap a apwasatä lölön ewe Setipar me mwemi, lupwen oua towu seni Isip. Aia pwal rong usun ämi niela ekewe ruoman kingen chon Amor iter Sihon me Ok ra nom ötiuen ewe chanpupu Jortan. \x + \xo 2.10 \xt Eks 14.21; Num 21.21-35\x*  
\v 11 Iwe, lupwen äm aia rongorong ei pworaus, lelukem a kisikisila, nge esap chüen wor tipepwora ren eman aramas pokitemi. Pun ewe Samol mi Lapalap ämi Kot, i ewe Kot mi nom won läng pwal won fanüfan.  
\v 12 Iei oupwe pwon ngeniei fän akapel fän iten ewe Samol mi Lapalap, pwe oupwe kirikiröch ngeni chon leimwen semei usun üa kirikiröch ngenikemi. Iwe, oupwe ngeniei eu asisil mi let  
\v 13 o pwon ngeniei pwe oupwe amanaua semei me inei, mongeei me pwii me aramaser meinisin. Iwe, oupwe angasakem seni mäla.”  
\v 14 Nge ekewe mwän ra üreni, “Manauem akasiwilin manauemi. Are ousap akafat äm ei angang, äm aipwe kirikiröch o allükülük ngenikemi, lupwen ewe Samol mi Lapalap epwe ngenikem ei fanü.”   
\p
\v 15 Mürin, ewe fefin a aürüretiu won efoch säl me lon asammwachon imwan, pun imwan a kaütä won tittin ewe telinimw.  
\v 16 Iwe, a üreni ekewe mwän, “Oupwe feila won ekewe chukuchukutä pwe ekewe chon tap resap churikemi. Oupwe op ikenan lon ükükün ülüngat rän, tori ekewe chon tap repwe liwin. Mürin oupwap feila.”  
\v 17 Nge ekewe mwän ra üreni, “Äm aipwe apwönüetä ewe pwon en ka üra sipwe pwonfengen won fän akapel. Nge en kopwe föri iei usun:  
\v 18 Lupwen aipwe tolong lon ewe fanü, kopwe rietä ei säl mi par won ewe asammwacho ka aürükeemitiu me lon. Kopwe pwal emwichato lon imwom semom me inom, mongeom me chon leimwen semom meinisin.  
\v 19 Are eman epwe towu seni imwom o nom won al, chan epwe ukun chök, nge äm aisap tipis. Nge are eman a angeetä won eman lein chokewe mi nom lon imwom, chan epwe ukem chök.  
\v 20 Nge are ka akafat äm ei angang, äm aisap tipis ngeni om we pwon ka üra sipwe pwonfengen won fän akapel.”  
\v 21 Iwe, ewe fefin a üra, “Epwe fis meinisin usun mine oua apasa.” Iwe, a tinirela. Nge mürin ar feila, a rietä ewe säl mi par won ewe asammwacho.   
\p
\v 22 Iwe, ekewe mwän ra feitä won ekewe chukuchukutä o nonom ikenan lon ükükün ülüngat rän, tori ekewe chon tap ra liwinsefäl. Iwe, ekewe chon tap ra kütteer won unusen ewe al, nge resap küneer.  
\v 23 Mürin ekewe ruoman mwän ra feitiu seni ekewe chukuchukutä, ra pwerela pekilan ewe chanpupu o feila ren Josua nöün Nun we mwän. Iwe, ra apworausa ngeni meinisin usun mine a fis ngeniir.  
\v 24 Iwe, ra üreni Josua, “Ellet, ewe Samol mi Lapalap a ngenikich unusen ewe fanü. Pwal chon ewe fanü meinisin ra fokun rükö pokitach.”   
\c 3  
\s1 Chon Israel ra pwerela pekilan ewe chanpupu Jortan  
\sr 3.1-17  
\p
\v 1 Iwe, lesosorusich Josua me ekewe aramasen Israel meinisin ra sai seni Sitim. Ra tori ewe chanpupu Jortan o aüetä imwer ikenan me mwen ar repwe feila pekilan.  
\v 2 Mürin ülüngat rän, ekewe meilap ra fetalfeil lemenen ewe ia ekewe aramas ra nonom ie.  
\v 3 Iwe, ra üreni ekewe aramas, “Lupwen oua küna pwe ekewe souasor ra mwärei än ewe Samol mi Lapalap we pworofel, ina otun ämi oupwe pwal sai seni leniemi o tapwela mürir,  
\v 4 pwe oupwe silei ewe al oupwe pwerela won. Pun ämi ousap mwo pwerela won ei al me mwan. Nge epwe wor wäwän lefilemi me ewe pworofel ina epwe ükükün esop mail, pwe ousap kan ngeni.”  
\v 5 Iwe, Josua a üreni ekewe aramas, “Oupwe apinikemi, pun lesor ewe Samol mi Lapalap epwe föri manaman lefilemi.”  
\v 6 Nge Josua a üreni ekewe souasor, “Oupwe eki ewe pworofel o akomwola mwen ekewe aramas.” Iwe, ra eki ewe pworofel o akomwola mwen ekewe aramas.   
\p
\v 7 Iwe, ewe Samol mi Lapalap a üreni Josua, “Ikenai üpwe popuetä le atekioketä me fän mesen chon Israel meinisin, pwe repwe silei pwe ngang üa etuk usun üa eti Moses.  
\v 8 Iwe, kopwe allük ngeni ekewe souasor mi mwärei ewe pworofel, pwe lupwen repwe tori ünükün ewe chanpupu Jortan, repwe tolong o üla lon.”  
\v 9 Nge Josua a üreni ekewe aramasen Israel, “Oupwe kanoto o rongorong än ewe Samol mi Lapalap ämi we Kot kewe kapas.”  
\v 10 Josua a pwal üra, “Ren ei oupwe silei pwe ewe Kot mi Manau a nom lefilemi, epwe wesewesen asüela me mwemi ekewe chon Kanaan, chon Hit, chon Hiw, chon Peris, chon Kirkas, chon Amor me chon Jepus.  
\v 11 Nengeni, ewe pworofel än ewe Samol mi nemeni unusen fanüfan epwe akomwola mwemi o tolong lon ewe chanpupu Jortan.  
\v 12 Iei oupwe filätä engol me ruoman mwän seni ekewe ainangen Israel, akaeman seni eu me eu ainang.  
\v 13 Nge lupwen pechen ekewe souasor mi mwärei ewe pworofel än ewe Samol mi Lapalap, ewe mi nemeni unusen fanüfan, repwe ipwelong lon ewe chanpupu Jortan, pupun ewe koluk epwe kaüla. Nge ewe koluk mi putiu me asan epwe aioifengen.”   
\p
\v 14 Iwe, ekewe aramas ra sai seni ewe ia ra nonom ie, pwe repwe pwerela pekilan ewe chanpupu, nge ekewe souasor mi mwärei ewe pworofel ra akom mwer.  
\v 15 Iwe, ewe chanpupu a urowu ekis meinisin tori ünükün, pun ei otun fansoun räs. Nge lupwen ekewe souasor mi mwärei ewe pworofel ra tori ewe chanpupu Jortan o ipwelong lepetepeetan,  
\v 16 ewe koluk mi putiu me asan a popuetä aioifengen me toau tori Atam eu telinimw mi nom ünükün Saretan. Nge ewe koluk mi putiu ngeni ewe Setin Mäla esap chüen pu. Iwe, ekewe aramas ra pwerela pekila akawenewenen Jeriko.  
\v 17 Nge lupwen chon Israel meinisin ra pwerela pekila won pwül mi pwasapwas, ekewe souasor mi mwärei än ewe Samol mi Lapalap we pworofel ra ütä won pwasapwas lukalapen ewe chanpupu Jortan, tori chon Israel meinisin ra toola pekilan ewe chanpupu.   
\c 4  
\s1 Ekewe engol me ruoföü fau ra angei seni ewe chanpupu Jortan  
\sr 4.1-24  
\p
\v 1 Iwe, lupwen chon Israel meinisin ra toola pekilan ewe chanpupu Jortan, ewe Samol mi Lapalap a üreni Josua,  
\v 2 “Kopwe filätä engol me ruoman mwän me lein ekewe aramas, akaeman seni eu me eu ainang.  
\v 3 Kopwe allük ngeniir pwe repwe angei engol me ruoföü fau seni lukalapen ewe chanpupu Jortan, seni chök ewe leni ia ekewe souasor ra ütä ie. Repwe uweerela pekila o iseniretiu lon ewe leni ia oupwe asösö ie lepwinei.”  
\v 4 Mürin Josua a körato engol me ruoman mwän seni lein ekewe aramasen Israel, ätekewe i a filiretä, akaeman seni eu me eu ainang.  
\v 5 Iwe, Josua a üreniir, “Oupwe akomwola mwen ewe pworofel än ewe Samol mi Lapalap ämi we Kot o tolong lukalapen ewe chanpupu Jortan. Iwe, eman me eman leimi epwe angei eföü fau o mwärei won afaran fän iten eu me eu ekewe ainangen Israel.  
\v 6 Ekei fau repwe achema ngenikemi mine Kot a föri. Lupwen nöümi repwe aisinikemi lon kan fansoun mwach, ‘Met wewen ekei fau ngenikemi?’,  
\v 7 mürin oupwe üreniir, ‘Lölön ewe chanpupu Jortan a kaüla, lupwen aia pwerela lon ewe chanpupu fän än ewe Samol mi Lapalap we pworofel.’ Iei mine ekei fau repwe föün achem ngeni ekewe aramasen Israel tori feilfeilachök.”   
\p
\v 8 Iwe, ekewe re Israel ra föri usun mine Josua a allük ngeniir. Ra angei engol me ruoföü fau seni lukalapen ewe chanpupu Jortan, eföü fän iten eu me eu ekewe ainangen Israel, usun ewe Samol mi Lapalap a üreni Josua. Iwe, ra uwala ekewe fau lon ewe leni ia ra asösö ie, o iseniretiu ikenan.  
\v 9 Iwe, Josua a pwal senätä engol me ruoföü fau lukalapen ewe chanpupu Jortan lon ewe leni ia ekewe souasor mi mwärei ewe pworofel ra ütä ie. Iwe, ekewe fau ra nom ikenan tori ikenai.  
\v 10 Nge ekewe souasor mi mwärei ewe pworofel ra ü lukalapen ewe chanpupu Jortan, tori ekewe aramas ra wes le föri mine ewe Samol mi Lapalap a allük ngeni Josua. Ekei kapas meinisin Moses a fen allük ngeni Josua. Iwe, ekewe aramas ra pwerela fän pacheu.   
\p
\v 11 Iwe, lupwen ekewe aramas meinisin ra toola pekilan ewe chanpupu Jortan, än ewe Samol mi Lapalap we pworofel me ekewe souasor ra pwal pwerela pekila fän mesen ekewe aramas.  
\v 12 Iwe, chon ekewe ainangen Rupen me Kat pwal esopun ewe ainangen Manasa ra pwerela pekila mwen ekewe aramasen Israel fän ar pisekin maun, usun Moses a amwirimwir ngeniir.  
\v 13 Iwe, ina epwe ükükün faik ngeröü mi molotä fän ar pisekin maun, ra pwerela pekila tori ewe maasiesin Jeriko fän mesen ewe Samol mi Lapalap, pwe repwe maun.  
\v 14 Lon ewe rän, ewe Samol mi Lapalap a atekiatä Josua me fän mesen chon Israel meinisin. Iwe, ra meniniti Josua lon ränin manauan meinisin, usun ar meniniti Moses.   
\p
\v 15 Iwe, ewe Samol mi Lapalap a üreni Josua,  
\v 16 “Kopwe allük ngeni ekewe souasor mi mwärei ewe pworofel, pwe repwe towu me lon ewe chanpupu Jortan.”  
\v 17 Iei mine Josua a allük ngeni ekewe souasor pwe repwe towu.  
\v 18 Iwe, lupwen ekewe souasor mi mwärei än ewe Samol mi Lapalap we pworofel ra towu seni lukalapen ewe chanpupu Jortan o ipwetä won pwül mi pwasapwas, lölön ewe chanpupu a liwiniti lenian o urowu ünükün ekis meinisin usun mesemwan.   
\p
\v 19 Iwe, ekewe aramas ra towu me lon ewe chanpupu Jortan lon aengolun ränin ewe aeuin maram. Ra aüetä imwer lon Kilkal ötiuen kiännin Jeriko.  
\v 20 Nge Josua a senätä me lon Kilkal ekewe engol me ruoföü fau ra angei me lon ewe chanpupu Jortan.  
\v 21 Iwe, a üreni ekewe aramasen Israel, “Are nöümi repwe aisinikemi lon kan fansoun mwach, ‘Met wewen ekei fau?’  
\v 22 mürin oupwe üreniir, ‘Chon Israel ra pwereto lon ewe chanpupu won pwül mi pwasapwas.’  
\v 23 Pun ewe Samol mi Lapalap ämi we Kot a apwasatä ewe chanpupu Jortan fän itemi, tori oua pwerela pekilan, usun mine a fen föri ngeni ewe Setipar, lupwen a apwasatä fän itach, tori sia pwerela pekilan.  
\v 24 Iei usun aramasen fanüfan meinisin repwe silei pwe ewe Samol mi Lapalap a fokun manaman. Nge ämi oupwe meniniti ewe Samol mi Lapalap ämi we Kot tori feilfeilachök.”   
\c 5  
\s1 Chon Israel ra sirkomsais o föri ewe Pasofer me lon Kilkal  
\sr 5.1-12  
\p
\v 1 Iwe, lupwen ekewe kingen chon Amor meinisin mi nom lotoun ewe chanpupu Jortan me ekewe kingen chon Kanaan meinisin mi nom aroset ra rongorong, pwe ewe Samol mi Lapalap a apwasatä lölön ewe chanpupu Jortan fän iten ekewe aramasen Israel tori ra pwerela pekila, a kisikisila leluker o ra rükö pokiten ekewe aramasen Israel.   
\p
\v 2 Lon ena fansoun ewe Samol mi Lapalap a üreni Josua, “Kopwe föri sar seni fau mi pöchökül o sirkomsaisi ekewe re Israel resamwo sirkomsais.”  
\v 3 Iei mine Josua a föri sar seni fau mi pöchökül o sirkomsaisi ekewe re Israel me lon Kipeat-haaralot.  
\v 4 Mi wor popun pwe Josua a sirkomsaisiir. Pun lon ekewe faik ier, lupwen ekewe aramasen Israel ra sai lon ewe fanüapö, nöür kewe ät resamwo sirkomsais.  
\v 5 Nge ekewe mwän meinisin me lein ekewe aramas mi towu seni Isip ra fen sirkomsais. Iwe, sopolan ekewe faik ier ekewe mwän meinisin mi tori ierin sounfiu lupwen ar towu seni Isip ra rosola, pokiten resap aleasochisi alon ewe Samol mi Lapalap.  
\v 6 Pun a pwon fän akapel ngeniir, pwe esap mwüt ngeniir pwe repwe küna ewe fanü mi pwülüöch o fanüeräs a pwon ngeni ar kewe lewo, pwe epwe ngeniir. \x + \xo 5.6 \xt Num 14.28-35\x*  
\v 7 Iwe, nöür kewe, Kot a amäriretä me mürir, Josua a sirkomsaisiir. Pun ir resap sirkomsais lupwen ar sai.   
\p
\v 8 Iwe, wesin ewe angangen sirkomsais won ekewe aramas meinisin, ra nonom lon ewe leni ia ra nom ie, tori ra pöchökülsefäl.  
\v 9 Nge ewe Samol mi Lapalap a üreni Josua, “Ikenai üa angei senikemi ämi itengau me ren chon Isip.” Iei mine ewe leni a iteni Kilkal \f + \fr 5.9 \ft wewen Kilkal angei seni\f* tori ikenai.   
\p
\v 10 Iwe, lupwen ekewe aramasen Israel ra nom lon Kilkal, ra föri ewe Pasofer lekuniolun ewe engol me rüanün ränin ewe maram lon ewe maasiesin Jeriko. \x + \xo 5.10 \xt Eks 12.1-13\x*  
\v 11 Nge sorotän mürin ewe Pasofer, lon ewe chök ränin, ra mongö seni mine a mär lon ewe fanü. Ra mongö pilawa esap wor iis lon me föün wiich mi kapwich.  
\v 12 Iwe, seni lesosorun ewe rän ra mongö seni mine a mär lon ewe fanü, esap chüen wor enen ekewe aramasen Israel mana. Nge ra mongö seni uän irän ewe fanü Kanaan lon ewe ier. \x + \xo 5.12 \xt Eks 16.35\x*   
\s1 Josua me ewe mwän mi kömwöch efoch ketilas  
\sr 5.13-15  
\p
\v 13 Lupwen Josua a nom arun Jeriko, a küna eman mwän mi ütä me mwan, a amwöchü efoch ketilas. Iwe, Josua a feila ren o aisini, “Ifa usun, en peliem ika pelien chon oputakem?”  
\v 14 Nge ewe mwän a pälüeni, “Apwi, üa feito, pun ngang ewe chon nemenemen än ewe Samol mi Lapalap mwichen sounfiu.” Iwe, Josua a chapetiu lepwül, a fel ngeni o aisini, “Ai samol, met ka mochen akünöü ngeniei ngang noum chon angang?”  
\v 15 Iwe, ewe chon nemenemen än ewe Samol mi Lapalap mwichen sounfiu a üreni Josua, “Kopwe pwilitawu ipwom sus, pun ei leni ka ütä won a pin.” Iwe, Josua a föri iei usun.   
\c 6  
\s1 Jeriko a oola  
\sr 6.1-21  
\p
\v 1 Iwe, asamalapen ewe telinimw Jeriko ra kapüngüla pwe ekewe aramasen Israel resap tongeni tolong lon. Esap wor eman a tongeni towu ika tolong.  
\v 2 Nge ewe Samol mi Lapalap a üreni Josua, “Nengeni, üa atolonga Jeriko fän nemeniom fiti an king me nöün kewe sounfiu mi pöchökül o pwora.  
\v 3 Oupwe karis lükün pwelin ewe telinimw, pwe ekewe sounfiu meinisin repwe pweli ewe telinimw fän eu. Oupwe föri iei usun lon ükükün wonu rän.  
\v 4 Füman souasor repwe uwei fisu rappwa seni mächän ätemwänin sip me mwen ewe pworofel. Nge lon afisuen rän oupwe karis lükün pwelin ewe telinimw fän fisu, nge ekewe souasor repwe ettiki ekewe rappwa.  
\v 5 Iwe, lon ewe otun, lupwen oupwe rongorong tikin ekewe rappwa pwe ra tikitam, ekewe aramas meinisin repwe leüömong le arükak. Iwe, tittin ewe telinimw epwe turutiu, nge ekewe aramas repwe töfochofocholong lon seni en me awenewenen lenian.  
\v 6 Iwe, Josua nöün Nun we mwän a körato ekewe souasor o üreniir, “Oupwe eki ewe pworofel, nge füman me leimi repwe uwei fisu rappwa seni mächän ätemwänin sip me mwen än ewe Samol mi Lapalap we pworofel.”  
\v 7 Mürin, Josua a üreni ekewe aramas, “Oupwe feila o karis lükün pwelin ewe telinimw, nge ekewe mwän mi eäni pisekin maun repwe akomwola mwen än ewe Samol mi Lapalap we pworofel.”   
\p
\v 8 Nge wesin än Josua kapas ngeni ekewe aramas, ekewe füman souasor mi uwei ekewe fisu rappwa me fän mesen ewe Samol mi Lapalap ra popuetä le fetal o ettiki ekewe rappwa, nge chokewe mi mwärei än ewe Samol mi Lapalap we pworofel ra tapwela mürir.  
\v 9 Iwe, ekewe mwän mi eäni pisekin maun ra akom mwen ekewe souasor mi ettiki ekewe rappwa. Nge eu mwichen sounfiu a pwal tapweto mürin ewe pworofel, lupwen ekewe rappwa ra tikifochofoch.  
\v 10 Nge Josua a allük ngeni ekewe aramas, “Ousap arükak ika lalal, esap pwal wor eu kapas epwe towu seni awemi tori ewe rän üpwe ürenikemi pwe oupwe arükak. Mürin oupwap arükak.”  
\v 11 Iwe, Josua a allük pwe repwe apwelifeili fän eu än ewe Samol mi Lapalap we pworofel lükün ewe telinimw. Mürin ra liwiniti ewe leni ia ra nonom ie o pwinipwin ikenan.   
\p
\v 12 Iwe, Josua a pwätä lesosorusich, nge ekewe souasor ra eki än ewe Samol mi Lapalap we pworofel.  
\v 13 Ekewe füman souasor mi uwei ekewe fisu rappwa ra akomwola mwen än ewe Samol mi Lapalap we pworofel o atikifochei ekewe rappwa. Iwe, ekewe mwän mi eäni pisekin maun ra akom mwer, nge eu mwichen sounfiu a tapweto mürin än ewe Samol mi Lapalap we pworofel, lupwen ekewe rappwa ra tikifochofoch.  
\v 14 Iwe, lon aruuen rän ra pwal karis lükün pwelin ewe telinimw fän eu. Mürin ra liwiniti ewe leni ia ra nonom ie. Ra föri iei usun lon ükükün wonu rän.   
\p
\v 15 Iwe, lon afisuen rän ra pwätä lesosorusich o karis lükün pwelin ewe telinimw fän fisu usun chök me mwan. Nge lon ewe chök rän ra karis lükün pwelin ewe telinimw fän fisu.  
\v 16 Nge lupwen ekewe souasor ra ettiki ekewe rappwa lon afisuen fansoun ar karis, Josua a üreni ekewe aramas, “Oupwe arükak. Pun ewe Samol mi Lapalap a ngenikemi ewe telinimw.  
\v 17 Iwe, ewe telinimw me mettoch meinisin mi nom lon repwe pin fän iten ewe Samol mi Lapalap pwe repwe katala. Chilon chök Rahap ewe fin lisowu me meinisin mi nom ren lon imwan repwe manau, pun a aopa ekewe chon künö sia tiniir.  
\v 18 Nge ämi oupwe afälikemi ren ekewe mettoch mi pin repwe kata. Pun lupwen oupwe apiniir pwe repwe kata, nge mürin oua angei och seniir, oupwe atoto tatakis me feiengau won lenien chon Israel.  
\v 19 Nge silifer me kolt meinisin me ekewe sepi mi för seni piras me mächä ra pin fän iten ewe Samol mi Lapalap. Repwe tolong lon än ewe Samol mi Lapalap lenien iseis.”  
\v 20 Iwe, ekewe souasor ra ettiki ekewe rappwa. Lon ewe otun ekewe aramas ra rongorong tikin rappwa, ra leüömong le arükak, nge ewe tit a turutiu. Mürin ekewe aramas ra töfochofocholong lon ewe telinimw seni en me awenewenen lenian o liapeni ewe telinimw. \x + \xo 6.20 \xt Ipr 11.30\x*  
\v 21 Iwe, ra ataala mettochun lon ewe telinimw meinisin o niela mwän me fefin, semirit me chinlap, ätemwänin kow me sip me aas ren nöür ketilas.   
\p
\v 22 Iwe, Josua a üreni ekewe ruoman mwän mi operi ewe fanü, “Oupwe tolong lon imwen ewe fin lisowu o emwenawu me aramasan meinisin, usun oua fen pwon ngeni fän akapel.”  
\v 23 Iei mine ekewe alüal mi piin operi ewe fanü ra tolong lon o emwenawu Rahap pwal saman me inan, mongean me aramasan meinisin. Iwe, ra emwenirewu meinisin o anomuur lükün ewe leni ia chon Israel ra nom ie.  
\v 24 Mürin ra keni ewe telinimw me meinisin mine a nom lon. Nge silifer me kolt, pwal ekewe sepi mi för seni piras me mächä ra iseis lon ewe lenien iseis lon imwen ewe Samol mi Lapalap.  
\v 25 Nge Josua a amanaua Rahap ewe fin lisowu me chon leimwen saman meinisin, pwal aramasan meinisin, pokiten a aopa ekewe chon künö Josua a tinirela pwe repwe operi Jeriko. Iwe, ekewe mwirimwirin Rahap ra nom lon Israel tori ikenai. \x + \xo 6.25 \xt Ipr 11.31\x*   
\p
\v 26 Lon ei fansoun Josua a eäni ei pwon fän akapel ngeni chon Israel o apasa, “A anümamau me ren ewe Samol mi Lapalap eman mwän mi aüsefälietä ewe telinimw Jeriko.  
\q1 Iö a föri longolongun ewe telinimw,  
\q1 nöün mwänichi epwe mäla.  
\q1 Nge iö a apachätä asamalapan,  
\q1 nöün setiputur epwe mäla.” \x + \xo 6.26 \xt 1.King 16.34\x*  
\v 27 Iei usun ewe Samol mi Lapalap a eti Josua, iwe, an iteüöch a chöfetal lon unusen ewe fanü.   
\c 7  
\s1 Än Akan tipis  
\sr 7.1-26  
\p
\v 1 Nge ekewe chon Israel ra atai allükün ekewe mettoch mi pin repwe kata. Pun Akan nöün Karmi we mwän, nge Karmi nöün Sapti, nge Sapti nöün Sera seni ewe ainangen Juta, a angei ekoch ekewe mettoch repwe kata. Iwe, ewe Samol mi Lapalap a fokun song ngeni ekewe aramasen Israel.   
\p
\v 2 Iwe, Josua a tinala ekoch mwän seni Jeriko ngeni Ai mi arap ngeni Pet-awen ötiuen Petel. Iwe, a üreniir, “Oupwe feila o operi ewe fanü.” Nge wesin än ekewe mwän operi ewe fanü,  
\v 3 ra liwiniti Josua o üreni, “Kosap tinala ekewe aramas meinisin pwe repwe maun ngeni Ai. Kopwe chök mwütätä ükükün ruu ika ülüngat ngeröü mwän repwe feila o maun ngeni. Kosap aweiresi ekewe aramas meinisin le tinirela ikenan, pun chon Ai ra chokükün.”  
\v 4 Iei mine ina epwe ükükün ülüngat ngeröü chök mwän seni lein ekewe aramas ra feila. Nge lupwen ra maun ngeni ekewe chon Ai, ra sü rer.  
\v 5 Iwe, ekewe chon Ai ra niela ina epwe ükükün ilik me wonoman mwän me leir. Ra pwal tapweriir seni ewe asamalap tori Separim o nirela me lon ewe pwokur. Iwe, leluken chon Israel a kisikisila o rükö.   
\p
\v 6 Mürin, Josua me ekewe souakomwen Israel ra kamwei üfer, ra chapetiu lepwül mwen än ewe Samol mi Lapalap we pworofel tori lekuniol. Ra pwal tukotuketä won mökürer pwül moromor pwe asisilen ar letipeta.  
\v 7 Iwe, Josua a apasa, “Ai Samol me ai Kot, pwota chök ka fen emwenikeemito pekiton ewe chanpupu Jortan? Ifa usun, kopwe atokeemilong lepöün chon Amor pwe repwe arosakeemila? Amwo sipwe menemen le nonom pekilan ewe chanpupu Jortan.  
\v 8 Ai Samol, met ngang üpwe chüen apasa, nge iei chon Israel ra sü me mwen chon oputeer?  
\v 9 Pun ekewe chon Kanaan me chon ewe fanü meinisin repwe rong usun. Iwe, repwe pwelikeemila o nikeemila meinisin. Nge met en kopwe föri pwe epwe wor meninum me ren aramas?”   
\p
\v 10 Nge ewe Samol mi Lapalap a üreni Josua, “Kopwe ütä. Pwota ka chapetiu lepwül?  
\v 11 Chon Israel ra tipis. Ra atai ai we pwon üa allük ngeniir. Ra angei ekoch ekewe mettoch mi pin repwe kata. Ra solä o chofana, ra pwal achuelong ekewe mettoch lon püsin pisekir.  
\v 12 Iei mine ekewe aramasen Israel resap tongeni pwora ngeni chon oputeer. Ra sü me mwer, pun ir ra püsin atoto feiengau wor. Üsap chüen etikemi, tori oupwe ataela ekewe mettoch mi pin ngenikemi.  
\v 13 Kopwe ütä o apini ekewe aramas. Kopwe üreniir pwe repwe apiniir o amol ngeni lesor. Pun iei aloi, ngang ewe Samol mi Lapalap ewe Koten Israel, ‘Ämi chon Israel, a wor mettoch leimi mi pin ngenikemi. Ousap tongeni pwora ngeni chon oputakemi, tori oupwe ataela ekewe mettoch mi pin ngenikemi.’  
\v 14 Iei mine lesosorun lesor eu me eu kewe ainang epwe mwicheto, nge ewe ainang ewe Samol mi Lapalap a asilla, eu me eu eterekesin lon epwe mwicheto. Iwe, ewe eterekes ewe Samol mi Lapalap a asilla, eu me eu familien lon epwe mwicheto, nge ewe famili ewe Samol mi Lapalap a asilla, eman me eman mwänin lon epwe feito.  
\v 15 Iwe, ätewe mi siil pwe a anomu ekewe mettoch mi pin ngeni epwe kekila, i me chon an famili pwal an mettoch meinisin, pokiten a atai än ewe Samol mi Lapalap we pwon, pwal pokiten a föri eu föför mi äsäw me lon Israel.”   
\p
\v 16 Iwe, Josua a pwätä lesosorusich o amwichato chon Israel lon eu me eu ainang, nge ewe ainangen Juta a siil.  
\v 17 Mürin a amwichato eu me eu eterekesin Juta, nge ewe eterekesin Sera a siil. Iwe, a amwichato eu me eu familien ewe eterekesin Sera, nge ewe familien Sapti a siil.  
\v 18 Mürin a amwenato eman me eman mwän seni ewe familien Sapti, nge Akan nöün Karmi we mwän a siil. Karmi nöün Sapti, nge Sapti nöün Sera seni ewe ainangen Juta.  
\v 19 Mürin Josua a üreni Akan, “Nei, kopwe kapas wenechar fän mesen ewe Samol mi Lapalap ewe Koten Israel o pwärätä meinisin. Iei kopwe üreniei met ka föri, nge kosap aopala och seniei.”  
\v 20 Iwe, Akan a üreni Josua, “Ellet üa tipis ngeni ewe Samol mi Lapalap ewe Koten Israel. Iei usun mine ngang üa föri:  
\v 21 Lupwen üa küna me lein liapach kewe echö owokot mi ling minen Papilon, pwal limu paun silifer me efoch fochun kolt ükükün choun rüe aunus, üa mocheniaitiir o angeer. Üa aopeer fän pwül lon imwei imw mangaku, nge ewe silifer a nom far.”   
\p
\v 22 Iwe, Josua a tinala ekoch chon künö. Ra sä ngeni imwen Akan we o küna ekewe mettoch ra kaop lon, nge ewe silifer a nom far.  
\v 23 Iwe, ra angeer seni lon ewe imw mangaku o uweerela ren Josua me ekewe aramasen Israel meinisin. Iwe, ra iseniretiu fän mesen ewe Samol mi Lapalap.  
\v 24 Mürin, Josua me chon Israel meinisin ra angei Akan nöün Sera we mwän, ewe silifer, ewe owokot me ewe fochun kolt, pwal nöün mwän me fefin, nöün ätemwänin kow, nöün aas me sip, imwan imw mangaku me meinisin mine a eäni. Iwe, ra uweeretä ren ewe lemolun Akor.  
\v 25 Iwe, Josua a üreni, “Pwota ka atoto woch feiengau? Ewe Samol mi Lapalap epwe atoto womw feiengau ikenai.” Iwe, chon Israel meinisin ra monei fau ngeni Akan me aramasan tori ra mäla. Mürin ra keniir.  
\v 26 Iwe, ra achukuchukätä wor eu ioien fau mi tekia a nom tori ikenai. Mürin ewe Samol mi Lapalap a ükütiu le song. Iei mine ewe leni a iteni lemolun Akor \f + \fr 7.26 \ft wewen Akor feiengau\f* tori ikenai.   
\c 8  
\s1 Chon Israel ra liapeni o atai Ai  
\sr 8.1-29  
\p
\v 1 Iwe, ewe Samol mi Lapalap a üreni Josua, “Kosap niuokus ika rükö. Kopwe feila o maun ngeni Ai, nge ekewe sounfiu meinisin repwe etuk. Nengeni, üa atolonga fän nemeniom ewe kingen Ai me nöün aramas, an telinimw me fanüan.  
\v 2 Iwe, kopwe föri ngeni Ai me an king usun mine ka fen föri ngeni Jeriko me an king. Nge liapemi me ekewe manfetal oupwe püsin angei pwe choon wokumi. Oupwe operi ewe telinimw me pelilotoun.”   
\p
\v 3 Iei mine Josua me ekewe sounfiu meinisin ra feitä Ai. Iwe, Josua a filätä ükükün ilik ngeröü sounfiu mi pöchökül me pwora o tinirela lepwin.  
\v 4 Nge a allük ngeniir, “Oupwe operi ewe telinimw me lepelilotoun. Ousap toau seni, nge ämi meinisin oupwe chök molotä.  
\v 5 Iwe, äm me ekewe aramas meinisin mi nom rei aipwe fetaliti ewe telinimw. Nge lupwen chon ewe telinimw repwe towu pwe repwe fiu ngenikem usun me mwan, äm aipwe sü me mwer.  
\v 6 Iwe, repwe towu o cherikem tori aipwe panirela toau seni ewe telinimw. Repwe ekieki pwe aia sü me mwer usun me mwan.  
\v 7 Mürin ämi oupwe ütä seni ämi lenien op o tolong lon ewe telinimw, pun ewe Samol mi Lapalap ämi we Kot epwe atolonga lepöümi.  
\v 8 Iwe, lupwen oupwe liapeni ewe telinimw, oupwe kenala, pun iei usun ewe Samol mi Lapalap a allük. Oupwe pii pwe oupwe föri mine üa allük ngenikemi.”  
\v 9 Mürin, Josua a tinirela. Iwe, ra feila ren ewe lenien op o witiwit pelilotoun Ai lefilen Petel me Ai. Nge Josua a nom ren ekewe aramas lon ewe pwinin.   
\p
\v 10 Iwe, Josua a pwätä lesosorusich o körifengeni ekewe sounfiu. Mürin a akomwola mwer, nge ekewe souakomwen Israel ra eti.  
\v 11 Iwe, ekewe sounfiu meinisin mi eti ra kan ngeni mwen ewe telinimw o asösö peliefengin Ai, nge eu lemol a nom lefiler me Ai.  
\v 12 Iwe, Josua a angei ina epwe ükükün limungeröü mwän o anomuur lon eu lenien op pelilotoun ewe telinimw lefilen Petel me Ai.  
\v 13 Iei usun ra alenia ekewe sounfiu: Ewe mwich mi watte a nom peliefengin ewe telinimw, nge ewe mwich mi op a nom pelilotoun. Nge Josua a nom lon ewe lemol lon ewe pwinin.  
\v 14 Iwe, lupwen ewe kingen Ai a küna ekewe re Israel, ir me mwänin ewe telinimw meinisin ra müttir towu lesosor o feila ren ewe lemolun Jortan, pwe repwe maun ngeniir. Nge ewe king esap silei pwe mi wor chon op lükisökürün ewe telinimw.  
\v 15 Mürin, Josua me ekewe re Israel meinisin ra tipin timär o sü ngeni ewe fanüapö.  
\v 16 Iei mine ekewe meilapen ewe telinimw ra körifengeni ekewe aramas meinisin mi nom lon, pwe repwe tapweri ekewe re Israel. Nge lupwen ra tapweri Josua, ra toauala seni ewe telinimw.  
\v 17 Esap wor eman mwän mi chüen nom lon Ai ika Petel, pwe meinisin ra tapweri chon Israel. Ra sukala chök asamalapen ewe telinimw o likitala, nge esap wor eman a mamasa.   
\p
\v 18 Iwe, ewe Samol mi Lapalap a üreni Josua, “Kopwe aitietä wokum siles ngeni Ai, pun üpwe atolonga ewe telinimw lepoum.” Iwe, Josua a aitietä wokun siles ngeni ewe telinimw.  
\v 19 Lon ewe otun ewe mwichen chon op a müttir ütä seni lon lenier, ra sälong lon ewe telinimw o liapeni. Iwe, ra müttir kenala ewe telinimw.  
\v 20 Nge lupwen ekewe re Ai ra nenesökür, ra küna ötüötün ekkei seni ewe telinimw mi ötütä läng. Iwe, esap chüen wor ia repwe süla ie, pun ekewe re Israel mi sü ngeni ewe fanüapö ra kul o fiu ngeni ekewe re Ai mi tapweriir.  
\v 21 Pun lupwen Josua me ekewe re Israel meinisin ra küna ötütän ekkei seni ewe telinimw pokiten ekewe chon op ra liapeni o kenala, ra kul o niela ekewe re Ai.  
\v 22 Mürin, ekewe re Israel mi nom lon ewe telinimw Ai ra towu pwe repwe maun ngeni ekewe re Ai. Iei usun ekewe re Israel ra pweliela ekewe re Ai ekoch me epek, nge pwal ekoch me ewe epek. Iwe, ekewe re Israel ra nirela tori esap chüen wor eman mi manau, esap pwal wor eman a tongeni süla.  
\v 23 Nge ewe kingen Ai ra amanaua o emwenato ren Josua.   
\p
\v 24 Iwe, ekewe re Israel ra niela ekewe re Ai meinisin me lon ewe fanü mi amassawa ia ra tapwerirela ie. Mürin, ra liwinsefäl ngeni Ai o niela chon meinisin.  
\v 25 Iwe, unusen aramasen Ai meinisin ra mäla lon ewe ränin ükükün engol me ruungeröü.  
\v 26 Pun Josua esap aitietiu pöün mi amwöchü wokun siles, tori chon Ai meinisin ra rosola.  
\v 27 Nge ekewe chon Israel ra angei ekewe man me ekewe pisek seni ewe telinimw pwe choon wokur, pun iei usun ewe Samol mi Lapalap a allük ngeni Josua.  
\v 28 Iwe, Josua a kenala Ai o awili ngeni eu ioien mettoch mi tatakis, usun a nom tori ikenai.  
\v 29 A pwal forusi ewe kingen Ai won efoch irä tori lekuniol. Nge lupwen akkar a tuputiu, Josua a allük pwe repwe apichätiu inisin me won ewe irä. Iwe, ra moneetiu leasamalapen ewe telinimw o achukuchukätä won eu ioien fau mi watte a nom tori ikenai.   
\s1 Ra makeetiu ekewe allük me won ewe chuk Epal  
\sr 8.30-35  
\p
\v 30 Iwe mürin, Josua a senätä eu rongen asor ngeni ewe Samol mi Lapalap ewe Koten Israel me won ewe chuk Epal. \x + \xo 8.30 \xt Eks 20.25\x*  
\v 31 Ewe rongen asor a för seni fau resap fal, esap wor eman a aea pisekin angang seni mächä wor, usun mine Moses nöün ewe Samol mi Lapalap we chon angang a allük ngeni chon Israel, pwal usun a mak lon ewe puken allük me ren Moses. Iwe, ra eäni asoren kek ngeni ewe Samol mi Lapalap won, pwal asoren kinamwe.  
\v 32 Iwe, ikenan me fän mesen ekewe aramasen Israel, Josua a makei won ekewe fau ekewe allük Moses a fen makei me mwan. \x + \xo 8.32 \xt Tut 27.2-8\x*  
\v 33 Iwe, ekewe chon Israel meinisin, ekewe souakom, ekewe meilap pwal ekewe soukapwüng fiti ekewe chon ekis mi nom rer ra ütä lepekin ewe pworofel me rüepek fän mesen ekewe souaso ir mwirimwirin Lefi mi mwärei än ewe Samol mi Lapalap we pworun pwon. Esopun ar mwich a ütä o sap ngeni ewe chuk Keresim, nge esop a ütä o sap ngeni ewe chuk Epal. Moses nöün ewe Samol mi Lapalap we chon angang a allük me lepoputän pwe repwe föri iei usun, lupwen repwe angei ewe feiöch.  
\v 34 Mürin, Josua a aleani kapasen ewe allük meinisin, kapasen ewe feiöch me kapasen ewe anümamau, usun meinisin mine a mak lon ewe puken allük.  
\v 35 Iwe, esap wor eu kapas Josua a likiti seni ekewe kapas meinisin Moses a allük, pwe a aleaniir meinisin me fän mesen unusen ewe mwichen chon Israel, me fän mesen ekewe fefin, ekewe semirit me ekewe chon ekis mi nom rer. \x + \xo 8.35 \xt Tut 11.29; 27.11-14\x*   
\c 9  
\s1 Chon Kipeon ra atupu chon Israel  
\sr 9.1-27  
\p
\v 1 Iwe, pworausen än chon Israel win a tori ekewe king meinisin mi nom lotoun ewe chanpupu Jortan, lon ewe fanü mi chukuchukutä me ewe fanü tekison, unusen arosetin ewe matau watte tori ewe chuk Lepanon. Ir ekewe kingen chon Hit, chon Amor, chon Kanaan, chon Peris, chon Hiw me chon Jepus.  
\v 2 Ra chufengen o tipeeufengen pwe repwe fiu ngeni Josua me chon Israel.   
\p
\v 3 Nge lupwen ekewe aramasen Kipeon, ir chon Hiw, ra rong usun mine Josua a föri ngeni Jeriko me Ai,  
\v 4 ra ekiekietä pwe repwe eäni angangen atuputup. Ra feila o amolätä amötür, ra uwätä tuk mi mesingau won nöür aas, pwal lenien wain seni silin man mi mesingau me kamwakam me apinas.  
\v 5 Ra pwal ipweip sus mi mesingau me apinas o üföüf üf mi mesingau. Iwe, amötür a pwasapwas o topur.  
\v 6 Iwe, ra feila ren Josua lon ewe leni ia chon Israel ra nonom ie me lon Kilkal. Ra üreni Josua me ekewe re Israel, “Äm aia feito seni fanü toau pwe aipwe tüngor ngenikemi pwe sipwe eäni eu pwonen atipeeufengen.”  
\v 7 Nge ekewe re Israel ra üreni ekewe re Hiw, “Eli oua chök kan ngenikem. Ifa usun ach sipwe tongeni eäni eu pwonen atipeeufengen?” \x + \xo 9.7 \xt Eks 23.32; 34.12; Tut 7.2\x*  
\v 8 Iwe, ra üreni Josua, “Äm aipwe noum chon angang.” Nge Josua a aisiniir, “Ämi chon ia? Ia oua feito me ie?”  
\v 9 Iwe, ra üreni, “Äm noum chon angang aia feito seni fanü toau pokiten iten ewe Samol mi Lapalap om we Kot. Pun aia rong pworausan, usun mine a föri me lon Isip,  
\v 10 pwal meinisin mine a föri ngeni ekewe ruoman kingen chon Amor, ra nom ötiuen ewe chanpupu Jortan, iten eman Sihon ewe kingen Hespon, pwal iten ewe eman Ok ewe kingen Pasan mi nom lon Astarot. \x + \xo 9.10 \xt Num 21.21-35\x*  
\v 11 Iwe, nöüm souakom me chon fanüem meinisin ra ürenikem, pwe aipwe angei amötüm fän iten äm sai o feito pwe aipwe churikemi. Aipwe pwal ürenikemi pwe äm aipwe nöümi chon angang. Aipwe tüngor ngenikemi pwe sipwe eäni eu pwonen atipeeufengen.  
\v 12 Ikkei enem pilawa. Mi chüen pwichikar, lupwen aia uwei seni imwem lon ewe ränin aia popuetä saito remi. Nge nengeni, iei ra pwasapwas o topur.  
\v 13 Ekei lenien wain seni silin man ra minefö, lupwen aia alölöör, nge nengeni, ra kam. Üfem kei me ipwem sus ra mesingau pokiten äm saitam.”  
\v 14 Iwe, ekewe re Israel ra etiwa mine ra ngeniir o mongö, nge resap akomwen ais öüröürer me ren ewe Samol mi Lapalap.  
\v 15 Iwe, Josua a föri eu pwonen atipeeu ngeni ekewe re Kipeon pwe epwe amanaueer. Nge ekewe souemwenin ewe mwichen Israel ra pwon fän akapel ngeniir pwe repwe apwönüetä ewe pwon.   
\p
\v 16 Iwe, ülüngat rän mürin ar föri ewe pwonen atipeeu, ekewe chon Israel ra rong pwe ekewe aramas ir chon arur mi nom lefiler.  
\v 17 Mürin ekewe aramasen Israel ra saila o tori än ekewe aramas telinimw lon aülüngatin rän. Nge iten ar kewe telinimw Kipeon, Kefira, Pereot me Kiriat-jearim.  
\v 18 Nge ekewe aramasen Israel resap tongeni nirela pokiten än nöür kewe souemwen pwon fän akapel ngeniir iten ewe Samol mi Lapalap ewe Koten Israel. Mürin, unusen ewe mwichen Israel a lal ngeni ekewe souemwen.  
\v 19 Iwe, ekewe souemwen meinisin ra üreni unusen ewe mwichen Israel, “Äm aia fen eäni pwon fän akapel ngeniir iten ewe Samol mi Lapalap ewe Koten Israel. Iei mine sisap tongeni afeiengaueer.  
\v 20 Nge iei meta sipwe föri ngeniir: Sipwe amanaueer, pwe än Kot song esap feitiu woch pokiten sia eäni ngeniir ewe pwon fän akapel.  
\v 21 Sipwe amanaueer, nge repwe chon uwos mwüch me chon üfüf koluk fän itach meinisin.” Iwe, ra föri usun mine nöür souemwen ra üreniir.   
\p
\v 22 Iwe, Josua a körato ekewe chon Kipeon o üreniir, “Pwota oua atupukem o üra pwe ämi oua feito seni fanü toau, ngei oua fen nom lefilem?  
\v 23 Ren ei oua anümamau. Aramas repwe nöünikemi amanau fansoun meinisin, oupwe uwos mwüch o üfüf koluk fän iten imwen ai Kot.”  
\v 24 Iwe, ekewe chon Kipeon ra üreni Josua, “Äm noum chon angang aia rongorong pwe a let mine ewe Samol mi Lapalap om we Kot a allük ngeni nöün we chon angang Moses, pwe epwe ngenikemi unusen ewe fanü o arosala chon meinisin me mwemi. Iei mine aia chüngümongüw manauem pokitemi o föri ei föför.  
\v 25 Nengeni, iei äm aia nom fän nemeniom. Kopwe föri ngenikem mine a mürina o pwüng me reöm.”  
\v 26 Iei usun mine Josua a föri ngeniir: A amanaueer seni ekewe chon Israel pwe resap nirela.  
\v 27 Seni ewe fansoun Josua a nöüniir amanau pwe repwe chon uwos mwüch me chon üfüf koluk fän iten ekewe chon Israel, pwal fän iten än ewe Samol mi Lapalap we rongen asor. Iwe, ra föri ei angang tori ikenai lon ewe leni ewe Samol mi Lapalap a filätä.   
\c 10  
\s1 Chon Amor ra kuf  
\sr 10.1-43  
\p
\v 1 Iwe, Atonisetek ewe kingen Jerusalem a rong pwe Josua a liapeni Ai o fokun ataela. A föri ngeni Ai me an king usun mine a föri ngeni Jeriko me an king. A pwal rong pwe chon Kipeon ra kinamwe ngeni chon Israel o nonom lefiler.  
\v 2 Ren ei ewe king me nöün aramas ra fokun niuokus. Pun Kipeon eu telinimw mi watte usun ekewe telinimwen king, a pwal watte seni Ai, nge mwänin lon meinisin ra fokun pwora.  
\v 3 Iei mine Atonisetek ewe kingen Jerusalem a tinala pworaus ren Hoham kingen Hepron, Piram kingen Jarmut, Japia kingen Lakis pwal Tepir kingen Eklon o üreniir,  
\v 4 “Oupwe etto rei o alisiei pwe sipwe maun ngeni Kipeon. Pun chon Kipeon ra kinamwe ngeni Josua me ekewe aramasen Israel.”  
\v 5 Mürin, ewe kingen Jerusalem, ewe kingen Hepron, ewe kingen Jarmut, ewe kingen Lakis me ewe kingen Eklon, ir ekewe limman kingen chon Amor, ra amwichafengeni nöür sounfiu meinisin o feila Kipeon, ra pwelifeili ewe telinimw o maun ngeni.   
\p
\v 6 Nge ekewe chon Kipeon ra titi Josua me lon Kilkal ewe ia a nom ie o üreni, “Kosap asechikeemila äm noum chon angang. Kopwe müttir feito rem, kopwe amanauakem o alisikem. Pun ekewe kingen chon Amor meinisin mi nom lon ewe fanü mi chukuchukutä ra chufengen o maun ngenikem.”  
\v 7 Iei mine Josua a feitä seni Kilkal, ir me ekewe sounfiu meinisin fiti ekewe mi pwora o pöchökül.  
\v 8 Iwe, ewe Samol mi Lapalap a üreni Josua, “Kosap niuokusiitir, pun üa fen awinnok. Esap wor eman me leir epwe tongeni ü ngonuk.”  
\v 9 Iwe, Josua a fetal seni Kilkal lon unusen ewe pwin o aserengaua ekewe sounfiun Amor.  
\v 10 Iwe, ewe Samol mi Lapalap a atolongeer lon niuokus watte, lupwen ra küna ekewe chon Israel. Nge Josua a fokun akufuur o nirela me lon Kipeon, a pwal tapweriretiu won ewe al ngeni Pet-horon o sopwela le nirela tori Aseka me Maketa.  
\v 11 Iwe, lupwen ra sü me mwen ekewe chon Israel o sütiu won ewe al ngeni Pet-horon tori Aseka, ewe Samol mi Lapalap a apüngätiu ütten fau mi watte wor seni läng, pwe ra mäla. Iwe, a wor chomong mi mäla pokiten ewe ütten fau, lap seni chokewe ekewe re Israel ra nirela ren ketilas.   
\p
\v 12 Iwe, lon ewe ränin, lupwen ewe Samol mi Lapalap a atolonga ekewe chon Amor lepöün chon Israel, Josua a kapas ngeni ewe Samol mi Lapalap o apasa me fän mesen ekewe chon Israel, “Akkar, kopwe üla me asen Kipeon, nge en, maram, kopwe üla me asen ewe lemolun Aialon.”  
\v 13 Iwe, akkar a üla pwal ewe maram, tori ekewe chon Israel ra akufu chon oputeer. Ei pworaus a mak lon nöün Iasar puk. Iwe, akkar a üla me lukalapen läng, nge a mang le tuputiu lon ükükün unusen eu rän. \x + \xo 10.13 \xt 2.Sam 1.18\x*  
\v 14 Iwe, esap wor eu rän usun ei rän lon ekewe fansoun mwan ika me mürin, pwe ewe Samol mi Lapalap a aüselinga alon eman aramas. Pun ewe Samol mi Lapalap a maun fän iten Israel.   
\p
\v 15 Mürin, Josua me nöün sounfiu meinisin ra liwiniti Kilkal ewe ia ra nom ie.  
\v 16 Iwe, ekewe limman king ra süla o op lon ewe fööimw lon Maketa.  
\v 17 Nge eman a küneer o asile ngeni Josua pwe ra op lon ewe fööimw lon Maketa.  
\v 18 Mürin Josua a üra, “Oupwe pünüweto fau mi watte mesen ewe fööimw, oupwe pwal awisa ekoch mwän pwe repwe mamaseer.  
\v 19 Nge püsin ämi ousap nonom ikenan, pwe oupwe tapweri chon oputakemi. Oupwe maun ngeniir me lükisökürür, nge ousap mwüt ngeniir pwe repwe tolong lon ar kewe telinimw. Pun ewe Samol mi Lapalap ämi we Kot a awinnakemi.”  
\v 20 Iwe, Josua me ekewe re Israel ra nirela o aroserela, chilon chök ekoch mi süri ekewe telinimw mi tit.  
\v 21 Mürin ra liwin ngeni Josua lon Maketa ewe ia ra nom ie fän kinamwe. Iwe, esap wor eman me lon ewe fanü a tongeni pälüeni eman lein ekewe aramasen Israel.   
\p
\v 22 Mürin Josua a apasa, “Oupwe suki ewe fööimw o emwenato rei ekewe limman king.”  
\v 23 Iwe, ra suki ewe fööimw o emwenawu ekewe limman king ren Josua: ewe kingen Jerusalem, ewe kingen Hepron, ewe kingen Jarmut, ewe kingen Lakis me ewe kingen Eklon.  
\v 24 Nge lupwen ra emwenireto ren, Josua a körato ekewe re Israel meinisin o üreni ekewe samolun sounfiu mi eti le maun, “Oupwe kanoto o ipwetä won üwen ekei king.” Mürin ra kanoto o ipwetä won üwer.  
\v 25 Iwe, Josua a üreniir, “Ousap niuokus ika rükö. Oupwe apöchökülakemi o tipepwora. Pun iei usun ewe Samol mi Lapalap epwe föri ngeni chon oputemi meinisin, chokewe oupwe maun ngeniir.”  
\v 26 Mürin, Josua a niela ekewe king o aitiueretä won limefoch irä. Iwe, ra nikemeittiu won ekewe irä tori lekuniol.  
\v 27 Nge lupwen akkar a tuputiu, Josua a allük pwe repwe apichiretiu me won ekewe irä. Iwe, ra atururolong lon ewe fööimw, ewe ia ra piin op ie, o pineela mesen ewe fööimw ngeni fau mi watte. Iwe, ekewe fau ra chüen nom tori ikenai.   
\p
\v 28 Iwe, lon ewe rän Josua a liapeni Maketa o ataela, a pwal niela ewe kingen lon o fokun arosala aramasan. Esap amanaua eman. A föri ngeni ewe kingen Maketa usun mine a piin föri ngeni ewe kingen Jeriko.   
\p
\v 29 Mürin, Josua me nöün sounfiu meinisin ra feil seni Maketa o feila Lipna. Iwe, ra maun ngeni.  
\v 30 Iwe, ewe Samol mi Lapalap a pwal atolonga fän nemenien chon Israel ewe telinimw me an king. Iwe, Josua a niela chon o arosala chokewe meinisin mi nom lon, nge esap amanaua eman. A föri ngeni kingen ewe telinimw usun mine a piin föri ngeni ewe kingen Jeriko.   
\p
\v 31 Mürin, Josua me nöün sounfiu meinisin ra pwal feil seni Lipna o feila Lakis. Iwe, ra pwelifeili ewe telinimw fän ar pisekin maun o maun ngeni.  
\v 32 Nge ewe Samol mi Lapalap a atolonga Lakis fän nemenien chon Israel. Iwe, Josua a liapeni ewe telinimw lon aruuen rän o niela aramasen lon meinisin, usun mine a piin föri ngeni Lipna.   
\p
\v 33 Mürin, Horam ewe kingen Keser a feito pwe epwe alisi chon Lakis. Nge Josua a niela ewe king me nöün sounfiu, tori esap chüen wor eman mi manau.   
\p
\v 34 Iwe, Josua me nöün sounfiu meinisin ra feil seni Lakis o feila Eklon. Ra pwelifeili ewe telinimw fän ar pisekin maun o maun ngeni.  
\v 35 Iwe, ra liapeni ewe telinimw lon ewe chök ränin o niela aramasen lon meinisin, usun mine ra piin föri ngeni Lakis.   
\p
\v 36 Mürin, Josua me nöün sounfiu meinisin ra feitä seni Eklon o feila Hepron. Iwe, ra maun ngeni.  
\v 37 Ra liapeni ewe telinimw o niela chon fiti ar we king. Ra pwal atai wisoposopun kewe o niela aramasen lor meinisin. Josua esap amanaua eman, nge a fokun ataala ewe telinimw o arosala aramasen lon meinisin, usun mine a piin föri ngeni Eklon.  
\v 38 Mürin, Josua me nöün sounfiu meinisin ra kul ngeni Tepir o maun ngeni.  
\v 39 Iwe, Josua a liapeni ewe telinimw me an we king pwal wisoposopun meinisin. Ra fokun niela aramasen lon meinisin. Josua esap amanaua eman. Usun mine a piin föri ngeni Hepron me Lipna me ar kewe king, iei usun a pwal föri ngeni Tepir me an king.   
\p
\v 40 Iwe, Josua a liapeni unusen ewe fanü: ewe fanü mi chukuchukutä me ewe fanü Nekep, ewe fanü mi tekison me ewe fanü mi pal, a pwal liapeni ar kewe king. Esap amanaua eman, nge a fokun arosala meinisin, usun ewe Samol mi Lapalap ewe Koten Israel a allük.  
\v 41 Iwe, Josua a akufu chon ekewe fanü seni Kates-parnea tori Kasa, unusen chon ewe fanü Kosen tori Kipeon.  
\v 42 Iwe, Josua a liapeni ekei king meinisin me fanüer fän eu chök, pokiten ewe Samol mi Lapalap ewe Koten Israel a maun fän iten chon Israel.  
\v 43 Mürin, Josua me nöün sounfiu meinisin ra liwiniti Kilkal, ewe leni ia ra nom ie.   
\c 11  
\s1 Chienen ewe king Japin ra kuf  
\sr 11.1-15  
\p
\v 1 Iwe, lupwen Japin ewe kingen Hasor a rong pworausen än chon Israel win, a titi Jopap kingen Maton pwal ewe kingen Simron me ewe kingen Aksaf.  
\v 2 A pwal titi ekewe king seni ewe fanü mi chukuchukutä mi nom efeng, seni ewe lemolun Jortan örün ewe nomun Kaliläa, seni ewe fanü tekison, pwal seni ewe fanü mi pal itan Tor mi nom lotou.  
\v 3 Iwe, a titi ekewe chon Kanaan mi nom ötiu me lotou, ekewe chon Amor, chon Hit, chon Peris me chon Jepus mi nom lon ewe fanü mi chukuchukutä, pwal ekewe chon Hiw mi nom fäsonun ewe chuk Hermon lon ewe fanü Mispa.  
\v 4 Iwe, ra feito me nöür kewe sounfiu meinisin lon mwicheicher mi fokun watte, ükükün chochor usun föün pien aroset. A pwal wor rer chomong oris me woken.  
\v 5 Iwe, ekei king meinisin ra achufengeni nöür kewe mwichen sounfiu, ra feito o nonomfengen arun ewe kolukun Merom, pwe repwe maun ngeni Israel.   
\p
\v 6 Nge ewe Samol mi Lapalap a üreni Josua, “Kosap niuokusitiir, pun iei otun lesor üpwe atolongeer meinisin lepöün chon Israel, nge ir mei mä. Kopwe pökü selin pechen nöür kewe oris o kenala war kewe woken.”  
\v 7 Iwe, Josua me nöün kewe sounfiu meinisin ra aserengaueer me arun ewe kolukun Merom o maun ngeniir.  
\v 8 Iwe, ewe Samol mi Lapalap a awinna chon Israel, pwe ra akufuur o tapweriir tori Sitonlap me Misrefot-maim, pwal tori ewe lemolun Mispa mi nom ötiu. Iwe, ra nirela meinisin tori esap chüen wor eman mi manau.  
\v 9 Iwe, Josua a föri ngeniir usun mine ewe Samol mi Lapalap a allük ngeni. A pökü selin pechen nöür kewe oris o kenala war kewe woken.   
\p
\v 10 Mürin Josua a kulsefäl, a liapeni Hasor o niela an king. Lon ena fansoun Hasor a samolun telinimwen ekewe mwü.  
\v 11 Iwe, ra niela chon ewe telinimw meinisin o fokun aroserela. Esap chüen wor eman mi manau me lon. Josua a pwal kenala Hasor.  
\v 12 Iwe, Josua a liapeni ekewe telinimw me ar kewe king meinisin, a niela aramasen lor o fokun aroserela, usun Moses nöün ewe Samol mi Lapalap we chon angang a fen allük.  
\v 13 Nge ekewe chon Israel resap kenala ekewe telinimw mi kaütä won chukutekison, chilon chök Hasor Josua a kenala.  
\v 14 Ekewe chon Israel ra angei mine ra liapeni me lon ekewe telinimw pwal ekewe pwiin man pwe choon wokur. Nge ekewe aramas meinisin ra nirela. Resap fokun amanaua eman.  
\v 15 Usun mine ewe Samol mi Lapalap a allük ngeni nöün we chon angang Moses, iei usun Moses a allük ngeni Josua. Nge Josua esap likiti och, pwe a föri meinisin mine ewe Samol mi Lapalap a allük ngeni Moses.   
\s1 Josua a liapeni unusen ewe fanü  
\sr 11.16-23  
\p
\v 16 Iwe, Josua a liapeni unusen ewe fanü: Ewe fanü mi chukuchukutä me ewe fanü tekison mi nom efeng me ör, unusen ewe fanü Kosen me ewe fanü Nekep pwal ewe lemolun Jortan.  
\v 17 Iei ükükün ewe fanü seni ewe chuk Halak mi nom ör arap ngeni Etom tori Paal-kat mi nom efeng lon ewe lemolun Lepanon fäsonun ewe chuk Hermon. Iwe, a liapeni kingen ekewe fanü o nirela.  
\v 18 Josua a maun ngeni ekewe king meinisin fansoun langatam.  
\v 19 Ekewe aramasen Israel ra liapeni ekewe telinimw meinisin lon maun, pun esap fokun wor eu me leir a kinamwe ngeniir, chilon chök ewe telinimw Kipeon, ia ekewe chon Hiw ra nom ie.  
\v 20 Pun ewe Samol mi Lapalap a aföreai leluker pwe repwe ü ngeni Israel lon maun. Ren ei ra atoto feiengau wor pwe ra fokun rosola, nge esap wor eman a ümöümöch ngeniir. Iei usun ewe Samol mi Lapalap a allük ngeni Moses. \x + \xo 11.20 \xt Tut 7.16\x*   
\p
\v 21 Lon ena fansoun Josua a feito o arosala ekewe mwänämong ir mwirimwirin Anak seni ewe fanü mi chukuchukutä, seni Hepron me Tepir, seni Anap me unusen ewe fanü mi chukuchukutä me lon Juta me Israel. Josua a fokun aroserela, a pwal ataala ar kewe telinimw.  
\v 22 Iwe, esap wor eman mwirimwirin Anak a chüen manau lon fanüen ekewe aramasen Israel, chilon chök ekoch mi chüen nom lon Kasa, lon Kat pwal lon Astot.  
\v 23 Iei usun Josua a liapeni unusen ewe fanü fän alon ewe Samol mi Lapalap ngeni Moses. Iwe, Josua a ngeni chon Israel ewe fanü pwe repwe fanüeni lon ükükün inetin eu me eu ainang. Mürin ewe fanü a kinamwe, pun esap chüen wor maun.   
\c 12  
\s1 Ekewe king Moses a akufuur  
\sr 12.1-6  
\p
\v 1 Iwe, ekewe aramasen Israel ra fen liapeni o fanüeni ewe fanü ötiuen ewe chanpupu Jortan seni ewe lemolun Arnon tori ewe chuk Hermon, pwal unusen ewe lemolun Jortan me peliötiu. Ra pwal akufu kingen ekei fanü.  
\v 2 Ra akufu Sihon ewe kingen chon Amor mi nom lon Hespon. A nemeni ewe fanü seni Aroer mi nom lepökütiwen ewe lemolun Arnon, pwal ewe telinimw lukalapen ewe lemol tori ewe chanpupu Japok kiännin fanüen chon Amon. Iei esopun Kiliat.  
\v 3 A pwal nemeni ewe lemolun Jortan tori ewe nomun Kaliläa me peliötiu, fetal ngeni Pet-jesimot, pwal tori ewe Setin Mäla ator ngeni fäsonun ewe chuk Piska me peliör.  
\v 4 Ra pwal akufu Ok ewe kingen Pasan, eman me lein ekewe mwirimwirin Refa mi chüen manau, a nom lon Astarot me Etrei.  
\v 5 A nemeni ewe chuk Hermon me Saleka me unusen ewe fanü Pasan tori kiännin fanüen chon Kesur me chon Makat, pwal esopun Kiliat tori kiännin fanüen Sihon ewe kingen Hespon. \x + \xo 12.5 \xt Num 21.21-35; Tut 2.26–3.11\x*  
\v 6 Iwe, Moses nöün ewe Samol mi Lapalap we chon angang me ekewe aramasen Israel ra akufu ekei ruoman king. Nge Moses a ngeni chon ekewe ainangen Rupen me Kat pwal ewe esopun ainangen Manasa fanüer pwe repwe fanüeni. \x + \xo 12.6 \xt Num 32.33; Tut 3.12\x*   
\s1 Ekewe king Josua a akufuur  
\sr 12.7-24  
\p
\v 7 Iwe, Josua me ekewe aramasen Israel ra akufu ekewe king meinisin mi nom pelilotoun ewe chanpupu Jortan seni Paal-kat mi nom lon ewe lemolun Lepanon tori ewe chuk Halak mi nom ör arap ngeni Etom. Iwe, Josua a ngeni ekewe ainangen Israel fanüer pwe repwe fanüeni lon ükükün en me inetin.  
\v 8 A ngeniir ewe fanü mi chukuchukutä me ewe fanü tekison, ewe lemolun Jortan me ewe fanü mi pal, ewe fanüapö me ewe fanü Nekep. Ekei fanü fanüen chon Hit, chon Amor, chon Kanaan, chon Peris, chon Hiw me chon Jepus.  
\v 9 Ikkei ir kingen ekewe telinimw Josua me ekewe chon Israel ra akufu: Ewe kingen Jeriko me ewe kingen Ai mi nom lükün Petel,  
\v 10 ewe kingen Jerusalem me ewe kingen Hepron,  
\v 11 ewe kingen Jarmut me ewe kingen Lakis,  
\v 12 ewe kingen Eklon me ewe kingen Keser,  
\v 13 ewe kingen Tepir me ewe kingen Keter,  
\v 14 ewe kingen Horma me ewe kingen Arat,  
\v 15 ewe kingen Lipna me ewe kingen Atulam,  
\v 16 ewe kingen Maketa me ewe kingen Petel,  
\v 17 ewe kingen Tapua me ewe kingen Hefer,  
\v 18 ewe kingen Afek me ewe kingen Lasaron,  
\v 19 ewe kingen Maton me ewe kingen Hasor,  
\v 20 ewe kingen Simron-meron me ewe kingen Aksaf,  
\v 21 ewe kingen Tanak me ewe kingen Mekito,  
\v 22 ewe kingen Ketes me ewe kingen Jokneam lon Karmel,  
\v 23 ewe kingen Tor lon Nafat-tor me ewe kingen Koiim lon Kaliläa  
\v 24 pwal ewe kingen Tirsa. Iwe, iteiten ekewe king meinisin ükükün ilik me eman.   
\c 13  
\s1 Ewe fanü chon Israel resamwo liapeni  
\sr 13.1-7  
\p
\v 1 Iwe, lupwen Josua a fokun chinlap, ewe Samol mi Lapalap a üreni, “Ka fokun chinlapala, nge a chüen wor chomong fanü ousamwo liapeni.  
\v 2 Iei ewe fanü ousamwo liapeni: Unusen kinikinin fanüen chon Filistia me chon Kesur.  
\v 3 Ewe fanü seni ewe chanpupu Sihor mi nom ötiuen Isip pwere ngeni efeng tori kiännin Ekron, iei fanüen chon Kanaan. Nge mi wor limman sounemenemen chon Filistia, ra nom lon Kasa, Astot, Askelon, Kat me Ekron. Ousamwo pwal liapeni fanüen chon Aw mi nom ör,  
\v 4 unusen fanüen chon Kanaan me Meara, fanüen chon Siton tori Afek mi nom arun kiännin fanüen chon Amor,  
\v 5 ewe fanüen chon Kepal me unusen ewe fanü Lepanon kükü ngeni ötiu, seni Paal-kat mi nom fäsonun ewe chuk Hermon tori ewe al mi ale ngeni Hamat,  
\v 6 pwal ekewe fanüen chon Siton meinisin mi chukuchukutä lefilen Lepanon me Misrefot-maim. Ngang üpwe püsin asüela me mwen ekewe aramasen Israel chon ekewe fanü meinisin. Nge kopwe chök ineti ewe fanü ngeni ekewe chon Israel pwe repwe fanüeni, usun üa fen allük ngonuk. \x + \xo 13.6 \xt Num 33.54\x*  
\v 7 Iei mine kopwe ineti ei fanü ngeni ekewe tiu ainang me ewe esopun ainangen Manasa, pwe repwe fanüeni.”   
\s1 Ewe fanü mi inet ngeni chon ekewe ainangen Manasa, Rupen me Kat  
\sr 13.8-33  
\p
\v 8 Iwe, ewe esopun ainangen Manasa me chon ekewe ainangen Rupen me Kat ra fen angei fanüer me ren Moses pekilan ewe chanpupu Jortan me peliötiuan, usun Moses nöün ewe Samol mi Lapalap we chon angang a fen ineti ngeniir. \x + \xo 13.8 \xt Num 32.33; Tut 3.12\x*  
\v 9 Fanüer a poputä seni Aroer mi nom lepökütiwen ewe lemolun Arnon pwal ewe telinimw mi nom lukalapen ewe lemol me unusen ewe fanü mi sosonöch seni Metepa tori Tipon,  
\v 10 fiti ekewe telinimw meinisin än Sihon ewe kingen chon Amor mi nemenem lon Hespon tori kiännin fanüen chon Amon.  
\v 11 Ra pwal fanüeni Kiliat me ewe fanüen chon Kesur me chon Makat, unusen ewe chuk Hermon me unusen Pasan tori Saleka.  
\v 12 Iei unusen ewe mwün Ok, ätewe a nemenem lon Astarot me Etrei, i amüchülan mwirimwirin chon Refa. Iwe, Moses a akufu ekei aramas o asürela seni fanüer.  
\v 13 Nge ekewe aramasen Israel resap asüela chon Kesur me chon Makat seni fanüer. Iei mine ra nonom lein chon Israel tori ikenai.   
\p
\v 14 Iwe, Moses esap ngeni chon ewe ainangen Lefi eu fanü pwe repwe fanüeni. Nge repwe angei inetir seni ekewe asor aramas ra uwato pwe repwe kek fän iten ewe Samol mi Lapalap ewe Koten Israel, pun iei usun Kot a fen kapas ngeni Moses. \x + \xo 13.14 \xt Tut 18.1\x*   
\p
\v 15 Iwe, Moses a ngeni chon ewe ainangen Rupen fanüer a aükük ngeni ükükün ar kewe famili.  
\v 16 Iei kinikinin fanüer seni Aroer mi nom lepökütiwen ewe lemolun Arnon, pwal ewe telinimw mi nom lukalapen ewe lemol me unusen ewe fanü mi sosonöch tori Metepa  
\v 17 me Hespon fiti wisoposopun kewe meinisin mi nom lon ewe fanü mi sonosonöch, pwal ekewe telinimw Tipon, Pamot-paal me Pet-paalmeon,  
\v 18 Jahas, Ketemot me Mefaat,  
\v 19 Kiriat-aim, Sipma me Seret-sahar mi nom won palapalatän ewe lemol,  
\v 20 Pet-peor, ekewe palen ewe chuk Piska me Pet-jesimot.  
\v 21 Ikkei ekewe telinimw meinisin mi nom won ewe fanü mi sosonöch me unusen ewe mwün Sihon ewe kingen chon Amor mi nemenem lon Hespon. Sihon ätewe Moses a akufu fiti ekewe souemwenin Mitian iter Ewi, Rekem, Sur, Hur me Repa. Ir ekewe samolukis nöün Sihon mi nom lon ewe fanü.  
\v 22 Iwe, pwal Palaam nöün Peor we mwän ewe soupwe a fitilong lein chokewe ekewe aramasen Israel ra niela.  
\v 23 Iwe, ewe chanpupu Jortan kiännin fanüen ekewe aramasen Rupen me pelilotou. Iei fanüen chon ewe ainangen Rupen fiti ar kewe telinimw me wisoposopur a aükük ngeni ükükün ar kewe famili.   
\p
\v 24 Iwe, Moses a pwal ngeni chon ewe ainangen Kat fanüer a aükük ngeni ükükün ar kewe famili.  
\v 25 Iwe, kinikinin fanüer: Jaser me ekewe telinimwen Kiliat meinisin pwal esopun fanüen chon Amon tori Aroer mi nom ötiuen Rapa,  
\v 26 pwal seni Hespon tori Rammat-mispa me Petonim, seni Mahanaim tori kiännin ewe telinimw Tepir.  
\v 27 Ra pwal eäni ekewe telinimw lon ewe lemolun Jortan iter Pet-haram, Pet-nimra, Sukkot me Safon, pwal lusun ewe mwün Sihon ewe kingen Hespon. Nge kiännin fanüer me pelilotou ewe chanpupu Jortan, ator ngeni ewe nomun Kaliläa me peliefeng.  
\v 28 Iei fanüen chon Kat fiti ar kewe telinimw me wisoposopur a aükük ngeni ükükün ar kewe famili.   
\p
\v 29 Iwe, Moses a ngeni esopun chon ewe ainangen Manasa fanüer a aükük ngeni ükükün ar kewe famili.  
\v 30 Iwe, fanüer a poputä seni Mahanaim, pachelong unusen Pasan, iei unusen mwün Ok ewe kingen Pasan me ekewe telinimwen Jair meinisin lon Pasan ükükün wone telinimw,  
\v 31 pwal esopun Kiliat, Astarot me Etrei ekewe samolun telinimwen mwün Ok lon Pasan. Ikkei inetin esopun mwirimwirin Makir nöün Manasa we mwän a aükük ngeni ükükün ar kewe famili.   
\p
\v 32 Ikkei ekewe fanü Moses a aineti me lon ewe maasiesin Moap pekilan ewe chanpupu Jortan ötiuen Jeriko.  
\v 33 Nge Moses esap ngeni chon ewe ainangen Lefi eu fanü pwe repwe fanüeni. Pun a üreniir pwe repwe angei inetir seni ekewe asor aramas ra uwato ngeni ewe Samol mi Lapalap ewe Koten Israel. \x + \xo 13.33 \xt Num 18.20; Tut 18.2\x*   
\c 14  
\s1 Ewe fanü Kanaan a ainet ren üttüt  
\sr 14.1-5  
\p
\v 1 Iei pworausen inetin ewe fanü Kanaan mi nom lotoun ewe chanpupu Jortan ngeni ekewe aramasen Israel. Ewe souasor Eleasar me Josua nöün Nun we mwän, pwal souemwenin än semer kewe cho seni ekewe ainangen Israel ra aineti ewe fanü ngeniir.  
\v 2 Iwe, ra angei fanüer ren üttüt, usun ewe Samol mi Lapalap a fen allük fän iten ekewe tiu esop ainang. \x + \xo 14.2 \xt Num 26.52-56; 34.13\x*  
\v 3 Pun Moses a fen ngeni ekewe ruu esop ainang fanüer ötiuen ewe chanpupu Jortan. \x + \xo 14.3 \xt Num 32.33; 34.14-15; Tut 3.12-17\x*  
\v 4 Pun ekewe mwirimwirin Josef ra ruu ainang, ekewe ainangen Manasa me Efraim. Nge chon ewe ainangen Lefi resap angei eu kinikin me lon ewe fanü, pwe ra chök angei telinimw pwe repwe imweimw lon fiti ekewe fanü ünükür fän iten nöür man.  
\v 5 Iwe, ekewe aramasen Israel ra aineti ewe fanü ren üttüt, usun mine ewe Samol mi Lapalap a allük ngeni Moses.   
\s1 Josua a ngeni Kalep ewe telinimw Hepron  
\sr 14.6-15  
\p
\v 6 Lon eu rän ekoch re Juta ra feito ren Josua lon Kilkal. Iwe, eman me leir itan Kalep nöün Jefune we mwän, ewe re Kenis, a üreni Josua, “En ka silei mine ewe Samol mi Lapalap a üreni Moses ewe aramasen Kot me lon Kates-parnea usun en me ngang. \x + \xo 14.6 \xt Num 14.30\x*   
\p
\v 7 Ngang üa ierini faik lupwen Moses nöün ewe Samol mi Lapalap we chon angang a tinieila seni Kates-parnea pwe üpwe operi ewe fanü. Iwe, üa uwato ren eu pworaus usun mefien lelukei. \x + \xo 14.7 \xt Num 13.1-30\x*  
\v 8 Nge pwii kewe mi etiei le feila ra akisikisala leluken ekewe aramas. Nge ngang üa fokun apwönüetä letipen ewe Samol mi Lapalap ai we Kot.  
\v 9 Iwe, lon ewe ränin Moses a pwon fän akapel ngeniei o apasa, ‘Ellet, ewe fanü ka fen ipwetiu won epwe fanüom me noum kana tori feilfeilachök, pokiten ka apwönüetä letipen ewe Samol mi Lapalap ai we Kot.’ \x + \xo 14.9 \xt Num 14.24\x*  
\v 10 Nengeni, iei ewe Samol mi Lapalap a amanauaei usun a apasa. Iei a faik me limu ier seni ewe fansoun ewe Samol mi Lapalap a eäni ei kapas ngeni Moses, lupwen chon Israel ra fetalfeil lon ewe fanüapö. Ikenai üa ierini walik me limu.  
\v 11 Ngang üa chüen pöchökül tori ikenai, usun pöchökülei lon ewe fansoun Moses a tinieila. Ikenai üa chüen pöchökül le feila maun usun chök lepöchökülei me lom.  
\v 12 Iei mine kopwe ngeniei ewe fanü mi chukuchukutä, ewe Samol mi Lapalap a fen pwon ngeniei lon ewe ränin. Ka pwal rong lon ewe fansoun pwe ekewe mwirimwirin Anak ra nom ikenan, nge ar kewe telinimw ra watte o pöchökül tittir. Eli ewe Samol mi Lapalap epwe etiei pwe üpwe asürela, usun a fen apasa.”   
\p
\v 13 Iwe, Josua a afeiöchü Kalep. A ngeni Kalep nöün Jefune we mwän ewe telinimw Hepron pwe epwe telinimweni.  
\v 14 Iei mine ekewe mwirimwirin Kalep nöün Jefune we mwän, ewe re Kenis, ra telinimweni Hepron tori ikenai, pun Kalep a fokun apwönüetä letipen ewe Samol mi Lapalap ewe Koten Israel.  
\v 15 Iwe, iten Hepron me lom telinimwen Arpa. Nge Arpa eman mwän mi iteföüla me lein mwirimwirin Anak. Iwe, ewe fanü a kinamwe, pun esap chüen wor maun.   
\c 15  
\s1 Ewe fanü mi ainet ngeni chon ewe ainangen Juta  
\sr 15.1-12  
\p
\v 1 Iwe, iei ewe fanü mi ainet ngeni chon ewe ainangen Juta a aükük ngeni ükükün ar kewe famili. Iwe, peliörün fanüer a poputä me won kiännin Etom ewe fanüapön Sin kuku ngeni ör.  
\v 2 Mürin, kiännin fanüer me peliör a fetal seni lesopolan ewe Setin Mäla, ewe nom mi sasape ngeni ör.  
\v 3 A feila örün ewe chukuchukutä Akrapim, a pwerela tori Sin o feitä örün Kates-parnea, a pwal pwerela ünükün Hesron, a feitä tori Atar o pweliela ngeni Karka.  
\v 4 Mürin, ewe kiä a pwerela tori Asmon, a feila ngeni ewe öüwön Isip o müchütiu me ren ewe mataulap. A iei kiännin fanüer me peliör.  
\v 5 Iwe, kiännin fanüer me peliötiu ewe Setin Mäla tori mesen ewe chanpupu Jortan. Nge kiännin fanüer me peliefeng a poputä seni ewe Setin Mäla mesen ewe chanpupu Jortan.  
\v 6 A feila tori Pet-hokla o pwerela efengin Pet-arapa. Mürin, kiännin ewe fanü a feila tori ewe fau föün Pohan nöün Rupen we mwän.  
\v 7 Ewe kiä a pwal feila seni lon ewe lemolun Akor tori Tepir. Iwe, a feila efeng o weneiti Kilkal mi sasape ngeni ewe chukuchukutän Atumim peliörün ewe lemol. A pwal pwerela tori ekewe kolukun En-semes o müchütiu me En-rokel.  
\v 8 Mürin, ewe kiä a feitä ren ewe lemolun Hinnom tori peliörün me won ekewe chukun Jepus, ia ewe telinimw Jerusalem a nom ie. Iwe, a pwal feitä tori won ungen ewe chuk mi nom sasape ngeni ewe lemolun Hinnom me pelilotou pwal amüchülan ewe lemolun Refaim me peliefeng.  
\v 9 Mürin, ewe kiä a feila seni ungen ewe chuk tori ekewe koluk mi puächetä me lon Neftoa. Nge seni ikenan a feila ngeni ewe telinimw mi arap ngeni ewe chuk Efron o pwelila tori Paala, iei Kiriat-jearim.  
\v 10 Iwe, ewe kiä a pwal pwelila lotoun Paala tori ewe chukun Seir, a pwerela tori won ewe chuk Jearim me peliefeng, iei Chesalon, a pwal feitiu tori Pet-semes o pwerela Timna.  
\v 11 Mürin a pwerela tori won ewe chukutekison efengin Ekron o pwelila ngeni Sikkeron, a pwal pwerela tori ewe chuk Paala o pwerewu tori Japneel. Mürin, ewe kiä a müchütiu me ren ewe mataulap.  
\v 12 Nge kiännin fanüer me pelilotou arosetin ewe mataulap. Iei kiännin pwelin fanüen aramasen Juta a aükük ngeni ükükün ar kewe famili.   
\s1 Kalep a akufu chon Hepron me chon Tepir  
\sr 15.13-19  
\r (Souk 1.11-15)  
\p
\v 13 Iwe, Josua a ngeni Kalep nöün Jefune we mwän eu kinikinin fanü me lein fanüen ekewe aramasen Juta, usun ewe Samol mi Lapalap a allük ngeni. Iwe, a ngeni Kalep Hepron ewe telinimw än Arpa, nge Arpa semen Anak.  
\v 14 Iwe, Kalep a asüela seni ewe telinimw mwirimwirin Anak kewe ülüman mwän iter Sesai, Ahiman me Talmei. \x + \xo 15.14 \xt Souk 1.20\x*  
\v 15 Mürin, Kalep a feila seni ikenan o maun ngeni chon Tepir. Nge iten Tepir me lom Kiriat-sefer.  
\v 16 Iwe, Kalep a apasa, “Iö a akufu o liapeni Kiriat-sefer, üpwe ngeni nei we föpwül Aksa pwe pwülüan.”  
\v 17 Iwe, Otniel nöün Kenas we mwän, nge Kenas pwin Kalep, a liapeni ewe telinimw. Iwe, Kalep a ngeni nöün we föpwül Aksa pwe pwülüan.  
\v 18 Nge lupwen neminewe a feito ren Otniel, ätewe a pesei ngeni pwe epwe tüngorei saman we eu tanipi. Iwe, neminewe a tötiu seni wan aas, nge Kalep a aisini, “Met ka mochen?”  
\v 19 Nge neminewe a üreni, “Kopwe ngeniei eu feiöch. Pokiten ka ngeniei eu fanü mi pwasapwas lon Nekep, kopwe pwal ngeniei ekewe koluk mi puächetä.” Mürin Kalep a ngeni neminewe ekewe koluk mi puächetä ra nom asan, pwal ekewe ra nom fan.   
\s1 Ekewe telinimwen chon Juta  
\sr 15.20-63  
\p
\v 20 Iwe, iei fanüen chon ewe ainangen Juta a aükük ngeni ükükün ar kewe famili.  
\v 21 Iwe, än chon ewe ainangen Juta kewe telinimw kükü ngeni ör arap ngeni kiännin Etom iter: Kapseel, Eter me Jakur,  
\v 22 Kina, Timona me Atata,  
\v 23 Ketes, Hasor me Itnan,  
\v 24 Sif, Telem me Pealot,  
\v 25 Hasor-hatata me Keriot-hesron, iei Hasor,  
\v 26 Amam, Sema me Molota,  
\v 27 Hasar-kata, Hesmon me Pet-pelet,  
\v 28 Hasar-sual, Peer-sepa me Pisiotia,  
\v 29 Paala, Iim me Esem,  
\v 30 Eltolat, Chesil me Horma,  
\v 31 Siklak, Matmana me Sansana,  
\v 32 Lepaot, Silim, Ain me Rimon, ükükür meinisin rüe me tiu telinimw fiti wisoposopur.   
\p
\v 33 Nge iten ekewe telinimw lon ewe fanü tekison: Estaol, Sora me Asna,  
\v 34 Sanoa, En-kanim, Tapua me Enam,  
\v 35 Jarmut, Atullam, Soko me Aseka,  
\v 36 Sa-araim, Atitaim, Ketera me Keterotaim, ükükür meinisin engol me rüanü telinimw fiti wisoposopur.   
\p
\v 37 Iwe, pwal Senan, Hatasa me Miktalkat,  
\v 38 Tilean, Mispa me Jokteel,  
\v 39 Lakis, Poskat me Eklon,  
\v 40 Kapon, Lamam me Chitlis,  
\v 41 Keterot, Pet-takon, Naama me Maketa, ükükür meinisin engol me wonu telinimw fiti wisoposopur.   
\p
\v 42 Iwe, pwal Lipna, Eter me Asan,  
\v 43 Ifta, Asna me Nesip,  
\v 44 Keila, Aksip me Maresa, ükükür meinisin tiu telinimw fiti wisoposopur.   
\p
\v 45 Iwe, pwal Ekron me telinimwan me wisoposopun,  
\v 46 pwal ekewe telinimw meinisin ünükün Astot fiti wisoposopur seni Ekron tori ewe mataulap.  
\v 47 Iwe, pwal Astot me Kasa fiti telinimwer me wisoposopur tori ewe öüwö mi nom won ewe kiän Isip me arosetin ewe mataulap.   
\p
\v 48 Iwe, ikkei iten ekewe telinimw lon ewe fanü mi chukuchukutä: Samir, Jatir me Soko,  
\v 49 Tana me Kiriat-sefer, iei Tepir,  
\v 50 Anap, Estemo me Anim,  
\v 51 Kosen, Holon me Kilo, ükükür meinisin engol me eu telinimw fiti wisoposopur.  
\v 52 Iwe, pwal Arap, Tuma me Esan,  
\v 53 Janim, Pet-tapua me Afeka,  
\v 54 Humta, Kiriat-arpa, iei Hepron, pwal Sior, ükükür meinisin tiu telinimw fiti wisoposopur.  
\v 55 Pwal Maon, Karmel, Sif me Jutta,  
\v 56 Jesreel, Jokteam me Sanoa,  
\v 57 Kain, Kipea me Timna, ükükür meinisin engol telinimw fiti wisoposopur.  
\v 58 Iwe, pwal Halul, Pet-sur me Ketor,  
\v 59 Ma-arat, Pet-anot me Eltekon, ükükür meinisin wonu telinimw fiti wisoposopur.  
\v 60 Iwe, Kiriat-paal, iei Kiriat-jearim, pwal Rapa, ükükün ruu telinimw fiti wisoposopur.   
\p
\v 61 Iwe, ikkei iten ekewe telinimw lon ewe fanüapö: Pet-arapa, Mitin me Sekaka,  
\v 62 Nipsan, ewe telinimwen salt me Enketi, ükükür meinisin wonu telinimw fiti wisoposopur.   
\p
\v 63 Nge ekewe aramasen Juta resap tongeni asüela ekewe chon Jepus mi imweimw lon Jerusalem. Iei mine ekewe chon Jepus ra nomofengen me ekewe aramasen Juta lon Jerusalem tori ikenai. \x + \xo 15.63 \xt Souk 1.21; 2.Sam 5.6; 1.Kron 11.4\x*   
\c 16  
\s1 Ewe fanü mi ainet ngeni chon ekewe ainangen Efraim me Manasa  
\sr 16.1–17.8  
\p
\v 1 Iwe, iei inetin mwirimwirin Josef fanü: Kiännin me peliör a poputä seni ewe chanpupu Jortan ünükün Jeriko peliötiuen ekewe kolukun Jeriko. Seni Jeriko a feilong lon ewe fanüapö o feitä lon ewe fanü mi chukuchukutä tori Petel.  
\v 2 Seni Petel a pwerela tori Lus o pwerela tori Atarot, iei fanüen ekewe chon Ark.  
\v 3 Mürin a pweretiu ngeni lotou tori kiännin fanüen chon Jaflet, pwal tori kiännin Pet-horon-fan, a pwal tori Keser o müchütiu me ren ewe mataulap.   
\p
\v 4 Iei ewe fanü ekewe mwirimwirin Manasa me Efraim nöün Josef kewe mwän ra angei.   
\p
\v 5 Iwe, iei fanüen chon ewe ainangen Efraim lon tettelin ar kewe famili: Kiännin fanüer seni Atarot-atar feila ngeni ötiu tori Pet-horon-asan.  
\v 6 Iwe, ewe kiä a pwerela seni ikenan tori ewe matau watte. Nge ewe telinimw Mikmetat a nom won kiännin me efeng. Mürin ewe kiä mi pwere ngeni ötiu a pwelila ngeni Tanat-silo o pwerela peliötiu tori Janoa.  
\v 7 Mürin a pweretiu seni Nanoa tori Atarot, pwal tori Naara, a pwal akü Jeriko o müchütiu me ren ewe chanpupu Jortan.  
\v 8 Nge ewe kiä a pwal pwerela seni Tappua ngeni lotou tori ewe öüwö Kana o müchütiu me ren ewe matau watte. Iei ükükün fanüen chon ewe aingangen Efraim lon tettelin ar kewe famili,  
\v 9 chufengen me ekewe telinimw mi imwüla fän iter lon fanüen chon ewe ainangen Manasa, eu me eu telinimw fiti wisoposopun.  
\v 10 Nge resap asüela ekewe chon Kanaan mi nom lon Keser. Iei mine ekewe chon Kanaan ra nonom lein chon ewe ainangen Efraim tori ikenai, nge ra angang weires ren än aramas nöüniir amanau. \x + \xo 16.10 \xt Souk 1.29\x*   
\c 17  
\p
\v 1 Iwe, iei ewe fanü mi ainet ngeni chon ewe ainangen Manasa nöün Josef mwänichi. Nge Makir nöün Manasa mwänichi semen Kiliat, a inetini Kiliat me Pasan ra nom peliötiuen ewe chanpupu Jortan, pun i eman chon maun mi iteföüla.  
\v 2 Nge ewe fanü mi nom pelilotoun ewe chanpupu Jortan a pwal ainet ngeni lusun chon ewe ainangen Manasa lon tettelin ar kewe famili: Apieser, Helek, Asriel, Sekem, Hefer me Semita. Ikkei ir ekewe mwän mwirimwirin Manasa nöün Josef we mwän lon tettelin ar kewe famili.   
\p
\v 3 Nge Selofeat nöün Hefer we mwän esap wor nöün mwän, pwe a chök wor nöün fefin. Iwe, Selofeat nöün Hefer we mwän, nge Hefer nöün Kiliat, nge Kiliat nöün Makir, nge Makir nöün Manasa we mwän. Iwe, ikkei iten nöün Selofeat kewe fefin: Mala, Noa, Hokla, Milka me Tirsa.  
\v 4 Ra feito ren ewe souasor Eleasar, ren Josua nöün Nun we mwän, pwal ren ekewe souemwen o üreniir, “Ewe Samol mi Lapalap a allük ngeni Moses, pwe epwe ngenikem fanüem usun chök märärim kewe mwän.” Iei mine Josua a ngeniir fanüer me lein fanüen pwin semer, usun ewe Samol mi Lapalap a allük.  
\v 5 Iei popun chon ewe ainangen Manasa ra sereni engol kinikinin fanü lükün ewe fanü Kiliat me Pasan ra nom ötiuen ewe chanpupu Jortan,  
\v 6 pokiten mwirimwirin Manasa kewe fefin ra pwal angei fanüer usun chök ekewe mwän. Nge ewe fanü Kiliat a ainet ngeni ekewe lusun chon ewe ainangen Manasa.   
\p
\v 7 Iwe, kiännin fanüen Manasa a popuetä seni Aser tori Mikmeta mi nom ötiuen Sikem. Mürin ewe kiä a pwerela ngeni peliör tori fanüen chon En-tapua.  
\v 8 Iwe, Manasa a fanüeni ewe fanü Tapua, nge ewe telinimw Tapua mi nom won kiännin fanüen chon ewe ainangen Manasa än chon ewe ainangen Efraim.  
\v 9 Mürin, ewe kiä a pweretiu tori ewe öüwö Kana. Iwe, ekewe telinimw peliörün ewe öüwö än chon ewe ainangen Efraim, nge ra nom lein ekewe telinimwen chon ewe ainangen Manasa. Mürin kiännin fanüer a pwerela peliefengin ewe öüwö o müchütiu me ren ewe mataulap.  
\v 10 Iwe, ewe fanü mi nom ör fanüen chon ewe ainangen Efraim, nge ewe fanü mi nom efeng fanüen chon ewe ainangen Manasa, nge ewe mataulap kiännin fanüer me pelilotou. Iwe, kiännin fanüer me efeng fanüen chon Aser, nge kiännin fanüer me ötiu fanüen chon Isakar.  
\v 11 Iwe, a pwal wor än Manasa telinimw lon fanüen Isakar me Aser iter: Pet-sean me Ipleam fiti wisoposopur, pwal ekewe telinimw Tor me Entor, Taanak me Mekito fiti chor me wisoposopur, pwal eu leülüngatin ewe fanü Nafat.  
\v 12 Nge chon ewe ainangen Manasa resap tongeni eäni ekewe telinimw, pun ekewe chon Kanaan ra chök amwöchümwöchütiu le nom lon ewe fanü.  
\v 13 Nge lupwen ekewe aramasen Israel ra pöchökülela, resap asüela ekewe chon Kanaan meinisin, nge ra chök aweiresiir ren angangochou. \x + \xo 17.13 \xt Souk 1.27-28\x*   
\p
\v 14 Iwe, chon ewe ainangen Josef ra üreni Josua, “Pwota ka ngenikem eu chök kinikinin fanü pwe fanüem? Nge äm aia kon chomong, pun ewe Samol mi Lapalap a fokun afeiöchükem.”  
\v 15 Iwe, Josua a üreniir, “Are ämi chon ewe ainangen Efraim oua kon chomong, nge fanüemi a kükün ngenikemi, oupwe feitä ren ewe wöllap, oupwe limeti ewe fanü fän itemi, ewe fanüen chon Peris me chon Refa.”  
\v 16 Nge chon ewe ainangen Josef ra apasa, “Ewe fanü mi chukuchukutä esap naf ngenikem. Nge ekewe chon Kanaan meinisin mi nom lon ewe maasies a wor war woken seni mächä, chokewe mi nom Pet-sean pwal lon wisoposopun me chokewe mi nom lon ewe lemolun Jesreel.”  
\v 17 Mürin, Josua a üreni chon ekewe ainangen Efraim me Manasa, “Ämi oua kon chomong, oua pwal pöchökül. Ousap fanüeni eu chök fanü,  
\v 18 nge oupwe pwal fanüeni ewe fanü mi chukuchukutä. Inamwo are ewe fanü a wöllap, oupwe limeti o fanüeni tori leamüchülan kiännin. Pun oupwe asüela ekewe chon Kanaan, inamwo are a wor war woken seni mächä, are ra pwal pöchökül.”   
\c 18  
\s1 Ewe fanü a ainet me Silo  
\sr 18.1-10  
\p
\v 1 Mürin, unusen ewe mwichen aramasen Israel ra mwichefengen lon Silo o aüetä ewe imwenfe sen mangaku ikenan. Iwe, ewe fanü mi nom mwer a oola,  
\v 2 nge mi chüen wor fisu ainang me lein ekewe ainangen Israel esap mwo ainet ngeniir fanüer.  
\v 3 Iei mine Josua a üreni ekewe aramasen Israel, “Pwota ina saromangemi le feila o fanüeni ewe fanü ewe Samol mi Lapalap än ämi kewe lewo we Kot a ngenikemi?  
\v 4 Oupwe filätä ülüman mwän seni eu me eu ainang. Üpwe tinirela pwe repwe fetalfeil lon unusen ewe fanü o makei tichikin lapalapan, nge repwe anomu lon ar ekiek meni kinikin epwe öchiti eu me eu ainang. Mürin, repwe liwinto rei.  
\v 5 Repwe ineti ewe fanü lon fisu kinikin. Iwe, chon ewe ainangen Juta repwe chök nom lon fanüer me ör, nge chon ewe ainangen Josef repwe nom lon fanüer me efeng.  
\v 6 Nge ämi oupwe alapalapa ewe fanü lon fisu kinikin o uwato ewe alapalap rei ikei. Mürin üpwe ütti üttiemi me fän mesen ewe Samol mi Lapalap ach we Kot.  
\v 7 Nge esap wor kinikinin fanüen chon ewe ainangen Lefi me leimi, pun ewe wisen souasor ngeni ewe Samol mi Lapalap iei wiser. Nge chon ekewe ainangen Kat me Rupen pwal esopun ewe ainangen Manasa ra fen angei fanüer me peliötiuen ewe chanpupu Jortan, Moses nöün ewe Samol mi Lapalap chon angang a ngeniir.”   
\p
\v 8 Iwe, lupwen ekewe mwän ra popuetä ar sai pwe repwe makei tichikin lapalapen ewe fanü, Josua a öüröüreer o üreniir, “Oupwe fetalfeil lon ewe fanü o makei tichikin lapalapan. Mürin oupwe liwinto rei. Iwe, üpwe ütti üttiemi me fän mesen ewe Samol mi Lapalap ikei lon Silo.”  
\v 9 Iei mine ekewe mwän ra feila o fetalfeil lon ewe fanü. Ra makeelong lon eu puk lapalapen ewe fanü pwal eu me eu kewe telinimw lon ekewe fisu kinikin. Mürin ra liwinto ren Josua lon Silo ewe ia ra nom ie.  
\v 10 Nge Josua a ütti üttier fanü me fän mesen ewe Samol mi Lapalap lon Silo. Mürin a aineti ewe fanü o ngeni eu me eu kewe lusun ainangen Israel inetin.   
\s1 Ewe fanü mi ainet ngeni chon ewe ainangen Peniamin  
\sr 18.11-28  
\p
\v 11 Iwe, aeuin kinikinin ewe fanü a ainet ngeni chon ewe ainangen Peniamin a aükük ngeni ükükün ar kewe famili. Kinikinin fanüer a nom lefilen fanüen chon ekewe ainangen Juta me Josef.  
\v 12 Iwe, kiännin fanüer me peliefeng a popuetä ren ewe chanpupu Jortan. Mürin a feitä won ewe chukuchukutä peliefengin Jeriko, a pwal feitä o pwerela ngeni lotou won ewe fanü mi chukuchukutä o müchütiu lon ewe fanüapön Pet-awen.  
\v 13 Nge seni ikenan ewe kiä a pwerela ngeni ör wenewen ngeni Lus tori won chukuchukutän Lus, iei Petel. Mürin, ewe kiä a feitiu won ewe chuk mi nom peliörün Pet-horon-fan tori Atarot-atar.  
\v 14 Nge lepelian me lotou ewe kiä a pwelitiu ngeni ör seni ewe chuk mi nom ör sasape ngeni Pet-horon, nge a müchütiu me Kiriat-paal, iei Kiriat-jearim, eu telinimwen chon ewe ainangen Juta. Iei kiännin me pelilotou.  
\v 15 Iwe, kiännin me peliör a popueta me lesopun Kiriat-jearim mi nom lotou o pwerela tori ekewe koluk mi puächetä me lon Neftoa.  
\v 16 Mürin, ewe kiä a feitiu fäsonun ewe chuk mi sapechöchö ngeni ewe lemolun Hinnom mi nom peliefengin müchütiuen ewe lemolun Refaim. A pwal fitätiu ewe lemolun Hinnom peliörün ekewe chukun chon Jepus o feitiu tori En-rokel.  
\v 17 Mürin, ewe kiä a pwelila ekis ngeni efeng o pwerela tori Ensemes. Seni ikenan a pwerela tori Kelilot mi sasape ngeni ewe palen Atumim. Mürin a feitiu tori ewe fau föün Pohan nöün Rupen we mwän.  
\v 18 A pwal pwerela peliefengin won ekewe chukuchukutä sasape ngeni ewe lemolun Jortan o feitiu tori ewe lemol.  
\v 19 Mürin, ewe kiä a pwerela peliefengin won ekewe chukuchukutän Pet-hokla o müchütiu me peliefengin ewe Setin Mäla amüchütiuen ewe chanpupu Jortan me ör. Iei kiännin me peliör.  
\v 20 Nge ewe chanpupu Jortan kiännin me peliötiu. Iei unusen pwelin kiännin fanüen chon ewe ainangen Peniamin a aükük ngeni ükükün ar kewe famili.   
\p
\v 21 Iwe, ikkei iten ekewe telinimwen chon ewe ainangen Peniamin a aükük ngeni ükükün ar kewe famili: Jeriko, Pet-hokla me Emek-kesis,  
\v 22 Pet-arapa, Semaraim me Petel,  
\v 23 Awim, Para me Ofra,  
\v 24 Chefar-amoni, Ofni me Kepa, ükükür meinisin engol me ruu telinimw fiti wisoposopur.  
\v 25 Pwal Kipeon, Rama me Peerot,  
\v 26 Mispa, Chefira me Mosa,  
\v 27 Rekem, Irpeel me Tarala,  
\v 28 Sela, Haelef me Jepus, iei Jerusalem, Kipea me Kiriat-jearim, ükükür meinisin engol me rüanü telinimw fiti wisoposopur. Iei fanüen chon ewe ainangen Peniamin a aükük ngeni ükükün ar kewe famili.   
\c 19  
\s1 Ewe fanü mi ainet ngeni chon ewe ainangen Simeon  
\sr 19.1-9  
\p
\v 1 Iwe, aruuen kinikinin ewe fanü a ainet ngeni chon ewe ainangen Simeon a aükük ngeni ükükün ar kewe famili. Nge fanüer a nom lukalapen fanüen chon ewe ainangen Juta.  
\v 2 Iwe, iei inetir me lon ewe fanü ekei telinimw iter: Peer-sepa, Sepa me Molata,  
\v 3 Hasar-sual, Pala me Esem,  
\v 4 Eltolat, Petul me Horma,  
\v 5 Siklak, Pet-markopot me Hasar-susa,  
\v 6 Pet-lepaot me Saruhen, ükükür meinisin engol me ülüngat telinimw fiti wisoposopur.  
\v 7 Pwal Ain, Rimmon, Eter me Asan, ükükür meinisin rüanü telinimw fiti wisoposopur,  
\v 8 me ekewe sop meinisin mi pweli ekei telinimw tori Paalat-peer me Rama lon ewe fanü Nekep. Iei inetin chon ewe ainangen Simeon me lon ewe fanü a aükük ngeni ükükün ar kewe famili. \x + \xo 19.8 \xt 1.Kron 4.28-33\x*  
\v 9 Pokiten fanüen chon ewe ainangen Juta a kon watte ngeniir, chon ewe ainangen Simeon ra angei eu kinikin me lukalapen fanüer pwe inetir.   
\s1 Ewe fanü mi ainet ngeni chon ewe ainangen Sepulon  
\sr 19.10-16  
\p
\v 10 Iwe, aülüngatin kinikinin ewe fanü a ainet ngeni chon ewe ainangen Sepulon a aükük ngeni ükükün ar kewe famili. Iwe, ükükün ewe fanü ra angei a tori Sarit.  
\v 11 Seni ikenan ewe kiä a pwerela ngeni lotou o feila ngeni Mareal, a akkü Tapeset o tori ewe öüwö mi nom peliötiuen Jokneam.  
\v 12 Nge seni Sarit ewe kiä a pwal pwerela ngeni ötiu tori kiännin Chislot-tapor. Seni ikenan a pwerela tori Taperat o feitä tori Jafia.  
\v 13 Seni ikenan ewe kiä a pwerela ngeni ötiu tori Kat-hefer me Etkasin, nge lupwen a pwerela tori Rimmon, a pwelila ngeni Nea.  
\v 14 Iwe, me peliefeng ewe kiä a pwerela ngeni Hanaton o müchütiu me lemolun Iftahel.  
\v 15 Nge lükün ekei telinimw a pwal wor ekoch iter: Katta, Nahalal, Simron, Itala me Petleem \f + \fr 19.15 \ft iten fisu telinimw esap mak\f*, ükükün engol me ruu telinimw fiti wisoposopur.  
\v 16 Iei fanüen chon ewe ainangen Sepulon, ar kewe telinimw fiti wisoposopur, a aükük ngeni ükükün ar kewe famili.   
\s1 Ewe fanü mi ainet ngeni chon ewe ainangen Isakar  
\sr 19.17-23  
\p
\v 17 Iwe, arüanün kinikinin ewe fanü a ainet ngeni chon ewe ainangen Isakar a aükük ngeni ükükün ar kewe famili.  
\v 18 Iwe, a pachelong lon kiännin fanüer ekei telinimw: Jesreel, Chesulot me Sunem,  
\v 19 Hafaraim, Sion me Anaharat,  
\v 20 Rapit, Kision me Epes,  
\v 21 Remet, En-kanim, En-hata me Pet-pases.  
\v 22 Ewe kiä a pwal akkü Tapor, Sahasuma me Pet-semes o müchütiu me arun ewe chanpupu Jortan. A wor ükükün engol me wonu telinimw fiti wisoposopur.  
\v 23 Iei fanüen chon ewe ainangen Isakar, ar kewe telinimw fiti wisoposopur, a aükük ngeni ükükün ar kewe famili.   
\s1 Ewe fanü mi ainet ngeni chon ewe ainangen Aser  
\sr 19.24-31  
\p
\v 24 Iwe, alimuen kinikinin ewe fanü a ainet ngeni chon ewe ainangen Aser a aükük ngeni ükükün ar kewe famili.  
\v 25 Iwe, a pachelong lon kiännin fanüer ekei telinimw: Helkat, Hali, Peten me Aksaf,  
\v 26 Alamelek, Amat me Misal. Nge me pelilotou ewe kiä a akkü Karmel me Sihor-lipnat.  
\v 27 Mürin, ewe kiä a pwelila ngeni ötiu, a pwerela tori Pet-takon o akkü Sepulon pwal ewe lemolun Iftahel, a pwerela efeng tori Pet-emek me Neier. Mürin a sopwela le pwerela efeng tori Kapul,  
\v 28 Epron, Rehop, Hamon me Kana tori Sitonlap.  
\v 29 Mürin ewe kiä a pwelila tori Rama pwal tori ewe telinimw mi pöchökül tittin itan Tirus. Mürin, ewe kiä a pwelila tori Hosa o müchütiu me arun ewe mataulap. Iwe, a pwal pachelong ekei telinimw iter: Mahalap me Aksip,  
\v 30 Uma, Afek me Rehop, ükükün rüe me ruu telinimw fiti wisoposopur.  
\v 31 Iei fanüen chon ewe ainangen Aser, ar kewe telinimw fiti wisoposopur, a aükük ngeni ükükün ar kewe famili.   
\s1 Ewe fanü mi ainet ngeni chon ewe ainangen Naftali  
\sr 19.32-39  
\p
\v 32 Iwe, awonuen kinikinin ewe fanü a ainet ngeni chon ewe ainangen Naftali a aükük ngeni ükükün ar kewe famili.  
\v 33 Kiännin a pwerela seni Helef tori ewe irä ook lon Saananim, a pwal pwerela tori Atami-nekep me Japneel tori Lakum, nge a müchütiu me arun ewe chanpupu Jortan.  
\v 34 Mürin ewe kiä a pwelila ngeni lotou tori Asnot-tapor. Nge seni ikenan a pwerela tori Hukok, a akkü Sepulon me peliör o Aser me pelilotou, pwal ewe chanpupu Jortan me peliötiu.  
\v 35 Iwe, ar kewe telinimw mi pöchökül tittir iter: Sitim, Ser, Hamat, Rakat me Kineret,  
\v 36 Atama, Rama me Hasor,  
\v 37 Ketes, Etrei me En-hasor,  
\v 38 Jiron, Miktalel, Horem, Pet-anat me Pet-semes, ükükün engol me tiu telinimw fiti wisoposopur.  
\v 39 Iei fanüen chon ewe ainangen Naftali, ar kewe telinimw fiti wisoposopur, a aükük ngeni ükükün ar kewe famili.   
\s1 Ewe fanü mi ainet ngeni chon ewe ainangen Tan  
\sr 19.40-48  
\p
\v 40 Iwe, afisuen kinikinin ewe fanü a ainet ngeni chon ewe ainangen Tan a aükük ngeni ükükün ar kewe famili.  
\v 41 Ikkei iten ekewe telinimw mi nom lon kiännin fanüer: Sora, Estaol me Ir-semes,  
\v 42 Sa-alapin, Aijalon me Itla,  
\v 43 Elon, Timna me Ekron,  
\v 44 Elteke, Kipeton me Paalat,  
\v 45 Jehut, Pene-perak me Kat-rimon,  
\v 46 Me-jarkon me Rakon, pwal ewe fanü mi sasape ngeni Jopa.  
\v 47 Nge lupwen ekewe chon Tan resap tongeni färelong lon ewe fanü, ra feitä o maun ngeni Lesem. Mürin ar liapeni ewe telinimw o niela chon, ra tolong o imweimw lon. Nge ra aita ngeni Lesem iten semelaper we Tan. \x + \xo 19.47 \xt Souk 18.27-29\x*  
\v 48 Iei fanüen chon ewe ainangen Tan, ar kewe telinimw fiti wisoposopur, a aükük ngeni ükükün ar kewe famili.   
\s1 Ewe fanü mi ainet ngeni Josua  
\sr 19.49-51  
\p
\v 49 Iwe, lupwen ra wes le aineti ekewe kinikinin fanü ngeni ekewe aramasen Israel pwe fanüer, ekewe aramasen Israel ra ngeni Josua nöün Nun we mwän eu fanü me lein fanüer pwe fanüan.  
\v 50 Iwe, fän än ewe Samol mi Lapalap allük ra ngeni Josua ewe telinimw a tüngor seniir. Ra ngeni ewe telinimw Timnat-sera mi nom won chukuchukutän ewe fanü Efraim. Iwe, a aüsefälietä ewe telinimw o imweimw lon.   
\p
\v 51 Iwe, ikkei ekewe kinikinin fanü ewe souasor Eleasar me Josua nöün Nun we mwän, pwal souemwenin än semer kewe cho seni ekewe ainangen Israel ra aineti ren üttüt me fän mesen ewe Samol mi Lapalap lon Silo me leasamalapen ewe imwmangaku ia aramas ra churi Kot ie. Iei usun ra wes le aineti ewe fanü.   
\c 20  
\s1 Ekewe telinimwen op mi kefilitä  
\sr 20.1-9  
\r (Num 35.6-32; Tut 4.41-43; 19.1-13)  
\p
\v 1 Mürin, ewe Samol mi Lapalap a kapas ngeni Josua,  
\v 2 “Kopwe üreni ekewe aramasen Israel pwe repwe filätä ekewe telinimwen op, usun üa fen allük ngeni Moses pwe epwe ürenikemi.  
\v 3 Are eman aramas a niela eman fän chechengau, nge esap fän letipan, epwe tongeni sü ngeniir pwe epwe op seni ewe mi kütta liwinin chan aramasan.  
\v 4 Iwe, epwe tongeni sü ngeni eu lein ekewe telinimwen op, epwe ütä leasamalapan o apworausa ngeni ekewe souakomwen ewe telinimw mine a fis ngeni. Mürin, repwe emwenalong lon ewe telinimw o alenia pwe epwe nom rer.  
\v 5 Nge are ewe mi kütta liwinin chan aramasan a tapweri, ekewe souakom resap asechalong ewe mi niela eman aramas lepöün. Repwe tümwünü, pokiten a niela chon arun fän chechengau, nge esap oput i me mwan.  
\v 6 Iwe, ewe mi niela eman aramas epwe chök nom lon ewe telinimw tori a fis kapwüngün fän mesen ewe mwichen aramas. Nge lupwen ewe souasor mi lap mi wiseni ewe wis lon ewe fansoun a mäla, ina otun ewe aramas a tongeni liwiniti telinimwan we a sü seni.”   
\p
\v 7 Iei mine ra aimwüela Ketes me lon Kalilea lon chukuchukutän ewe fanü Naftali me Sikem lon chukuchukutän ewe fanü Efraim, pwal Kiriat-arapa, iei Hepron lon chukuchukutän ewe fanü Juta me lotoun ewe chanpupu Jortan.  
\v 8 Nge ötiuen ewe chanpupu Jortan me Jeriko ra filätä Peser mi nom lon ewe fanüapö won ewe fanü mi sosonöch seni fanüen chon ewe ainangen Rupen, nge Ramot lon Kiliat seni fanüen chon ewe ainangen Kat, pwal Kolan lon Pasan seni fanüen chon ewe ainangen Manasa.  
\v 9 Ikkei ekewe telinimwen op mi kefilitä fän iten ekewe aramasen Israel meinisin, pwal fän iten chon ekis mi siamü lefiler. Pun iteiten eman me eman mi niela eman aramas fän chechengau a tongeni sü ngeniir, pwe esap mäla ren ätewe mi kütta liwinin chan aramasan, tori a fis kapwüngün fän mesen ewe mwichen aramas.   
\c 21  
\s1 Ekewe telinimwen chon ewe ainangen Lefi  
\sr 21.1-42  
\p
\v 1 Iwe, ekewe souemwenin än Lefi cho ra feito ren ewe souasor Eleasar, ren Josua nöün Nun we mwän, pwal ren souemwenin än ekewe ainangen Israel cho.  
\v 2 Iwe, ra üreniir me lon Silo lon ewe fanü Kanaan, “Ewe Samol mi Lapalap a allük ngeni Moses pwe epwe wor telinimwem aipwe imweimw lon, pwal ekewe fanü ünükür fän iten nöüm man.” \x + \xo 21.2 \xt Num 35.1-8\x*  
\v 3 Iei mine ekewe aramasen Israel ra ngeni chon ewe ainangen Lefi ekei telinimw pwal ekewe fanü ünükür fän iten nöür man seni lon fanüer fän än ewe Samol mi Lapalap allük.   
\p
\v 4 Iwe, ekewe familien lon ewe eterekesin Kohat seni ewe ainangen Lefi ra akomwen angei inetir telinimw ren üttüt. Ekewe famili ir mwirimwirin ewe souasor Aaron, ra angei ren pwüngün üttüt ükükün engol me ülüngat telinimw seni chon ekewe ainangen Juta, Simeon me Peniamin.   
\p
\v 5 Nge ekewe lusun me lon ewe eterekesin Kohat ra angei ren pwüngün üttüt ükükün engol telinimw seni chon ekewe ainangen Efraim, Tan me esopun ewe ainangen Manasa.   
\p
\v 6 Iwe, ekewe famili lon ewe eterekesin Kerson ra angei ren pwüngün üttüt ükükün engol me ülüngat telinimw seni chon ekewe ainangen Isakar, Aser me Naftali, pwal seni esopun ewe ainangen Manasa me lon Pasan.   
\p
\v 7 Nge ekewe famili lon ewe eterekesin Merari ra angei ükükün engol me ruu telinimw seni chon ekewe ainangen Rupen, Kat me Sepulon.   
\p
\v 8 Iwe, ekewe aramasen Israel ra ngeni chon ewe ainangen Lefi ekei telinimw, pwal ekewe fanü ünükür fän iten nöür man ren pwüngün üttüt, usun ewe Samol mi Lapalap a fen allük ngeni Moses.   
\p
\v 9 Ikkei iten ekewe telinimw chon ekewe ainangen Juta me Simeon  
\v 10 ra ngeni ekewe mwirimwirin Aaron, ir seni ewe eterekesin Kohat seni ewe ainangen Lefi, pun ewe üttüt a toriir akom.  
\v 11 Iwe, ra ngeniir ewe telinimw än Arpa. (Ewe mwän Arpa semen Anak.) Iei ewe telinimw a iteni Hepron, a nom won chukuchukutän ewe fanü Juta. Ra pwal ngeniir ewe fanü ünükün fän iten nöür man.   
\p
\v 12 Nge ekewe tanipi ünükün ewe telinimw me wisoposopun kewe ra fen ngeni Kalep nöün Jefune we mwän pwe fanüan.   
\p
\v 13 Iei usun ra ngeni mwirimwirin ewe souasor Aaron ewe telinimw Hepron, ewe telinimwen op fän iten eman mi niela eman aramas, pwal ekewe fanü ünükün fän iten nöür man. Ra pwal ngeniir Lipna,  
\v 14 Jattir me Estemoa,  
\v 15 Helon me Tepir,  
\v 16 Ain, Jutta me Pet-semes pwal ekewe fanü ünükür fän iten nöür man, ükükün tiu telinimw seni ekei ruu ainang.  
\v 17 Iwe, seni ewe ainangen Peniamin ra ngeniir Kipeon me Kepa,  
\v 18 Anatot me Almon pwal ekewe fanü ünükür fän iten nöür man, ükükün rüanü telinimw.  
\v 19 Iwe, mwirimwirin ewe souasor Aaron ra angei ükükün engol me ülüngat telinimw pwal ekewe fanü ünükür fän iten nöür man.   
\p
\v 20 Iwe, ekewe lusun familien lon ewe eterekesin Kohat seni ewe ainangen Lefi ra angei telinimwer kewe seni ewe ainangen Efraim.  
\v 21 Iwe, ra ngeniir Sikem ewe telinimwen op, pwal ekewe fanü ünükün fän iten nöür man lon chukuchukutän ewe fanü Efraim. Ra pwal ngeniir Keser,  
\v 22 Kipsaim me Pet-horon, pwal ekewe fanü ünükür fän iten nöür man, ükükün rüanü telinimw.  
\v 23 Nge seni ewe ainangen Tan ra ngeniir Elteke me Kipeton,  
\v 24 Aijalon me Kat-rimon, pwal ekewe fanü ünükür fän iten nöür man, ükükün rüanü telinimw.  
\v 25 Iwe, seni esopun ewe ainangen Manasa ra ngeniir Taanak me Kat-rimon, pwal ekewe fanü ünükür fän iten nöür man, ükükün ruu telinimw.  
\v 26 Iwe, ekewe lusun familien lon ewe eterekesin Kohat ra angei ükükün engol telinimw, pwal ekewe fanü ünükür fän iten nöür man.   
\p
\v 27 Nge chon ewe eterekesin Kerson, ir seni ewe ainangen Lefi, ra angei seni esopun ewe ainangen Manasa ewe telinimw Kolan lon Pasan ewe telinimwen op, pwal Pestera me ekewe fanü ünükür fän iten nöür man, ükükün ruu telinimw.  
\v 28 Iwe, seni ewe ainangen Isakar ra angei Kision me Taperat,  
\v 29 Jarmut me En-kanim pwal ekewe fanü ünükür fän iten nöür man, ükükün rüanü telinimw.  
\v 30 Nge seni ewe ainangen Aser ra pwal angei ekewe telinimw Misal me Apton,  
\v 31 Helkat me Rehop, pwal ekewe fanü ünükür fän iten nöür man, ükükün rüanü telinimw.  
\v 32 Iwe, seni ewe ainangen Naftali ra angei ekewe telinimw Kates lon Kaliläa, ewe telinimwen op, Hamot-tor me Kartan, pwal ekewe fanü ünükür fän iten nöür man, ükükün ülüngat telinimw.  
\v 33 Iwe, ekewe familien lon ewe eterekesin Kerson ra angei ükükün engol me ülüngat telinimw, pwal ekewe fanü ünükür fän iten nöür man.   
\p
\v 34 Iwe, ekewe lusun chon ewe ainangen Lefi, ir familien lon ewe eterekesin Merari ra angei seni ewe ainangen Sepulon ekewe telinimw Jokneam me Karta,  
\v 35 Timna me Nahalal, pwal ekewe fanü ünükür fän iten nöür man, ükükün rüanü telinimw.  
\v 36 Iwe, seni ewe ainangen Rupen ra angei ekewe telinimw Peser me Jahas,  
\v 37 Ketemot me Mefaat, pwal ekewe fanü ünükür fän iten nöür man, ükükün rüanü telinimw.  
\v 38 Nge seni ewe ainangen Kat ra angei ekewe telinimw Ramot lon Kiliat ewe telinimwen op, pwal Mahanaim,  
\v 39 Hespon me Jaser, pwal ekewe fanü ünükür fän iten nöür man, ükükün rüanü telinimw.  
\v 40 Iwe, ekewe familien lon ewe eterekesin Merari, ir lusun chon ewe ainangen Lefi, ra angei ren üttüt ükükün engol me ruu telinimw.   
\p
\v 41 Iwe, chon ewe ainangen Lefi ra angei seni lein fanüen ekewe aramasen Israel ükükün faik me walu telinimw, pwal ekewe fanü ünükür fän iten nöür man.  
\v 42 Iwe, eu me eu ekei telinimw a wor fanü pwelin ünükün fän iten nöür man. Iei usun lapalapen ekei telinimw meinisin.   
\s1 Chon Israel ra fanüeni ewe fanü  
\sr 21.43-45  
\p
\v 43 Iei usun ewe Samol mi Lapalap a ngeni chon Israel unusen ewe fanü a fen pwon fän akapel ngeni ar kewe lewo. Iwe, ra angei fanüer o nonom lon.  
\v 44 Iwe, ewe Samol mi Lapalap a fang ngeniir kinamwe ekis meinisin, usun a fen pwon ngeni ar kewe lewo. Esap wor eman chon oputeer a tongeni ü ngeniir, pun ewe Samol mi Lapalap a awinner, pwe ra akufu chon oputeer meinisin.  
\v 45 Iwe, ekewe pwon meinisin ewe Samol mi Lapalap a eäni ngeni ekewe chon Israel ra pwönüetä. Esap wor eu me leir esap pwönüetä.   
\c 22  
\s1 Ewe rongen asor arun ewe chanpupu Jortan  
\sr 22.1-34  
\p
\v 1 Mürin, Josua a körifengeni chon ekewe ainangen Rupen me Kat pwal esopun ewe ainangen Manasa.  
\v 2 Iwe, a üreniir, “Ämi oua tümwünü meinisin mine Moses nöün ewe Samol mi Lapalap we chon angang a allük ngenikemi, oua pwal aleasochisi aloi lon meinisin mine üa allük ngenikemi. \x + \xo 22.2 \xt Num 32.20-32; Jos 1.12-15\x*  
\v 3 Seni ekewe fansoun ra la tori ikenai ousap likitala pwimi kewe. Oua pwal fokun aleasochisi ekewe allük än ewe Samol mi Lapalap ämi we Kot.  
\v 4 Iwe, iei ewe Samol mi Lapalap ämi we Kot a fang kinamwe ngeni pwimi kewe, usun a fen pwon ngeniir. Iei mine oupwe liwiniti leniemi lon fanüemi, ewe fanü Moses nöün ewe Samol mi Lapalap we chon angang a ngenikemi me ötiuen ewe chanpupu Jortan.  
\v 5 Oupwe fokun aleasochisi ekewe allük me pwüüng Moses nöün ewe Samol mi Lapalap we chon angang a allük ngenikemi: Oupwe echeni ewe Samol mi Lapalap ämi we Kot, oupwe föri letipan o aleasochis ngeni an kewe allük, oupwe pwal fitipacheiti o angang ngeni ren unusen lelukemi me unusen ngünümi.”  
\v 6 Iwe, Josua a afeiöchüür o tinirela. Nge ir ra liwiniti lenier.   
\p
\v 7 Moses a fen ngeni ewe esopun ainangen Manasa fanüer me lon Pasan. Nge Josua a ngeni pwal ewe esopun ainangen Manasa fanüer me ünükün fanüen pwir me lon ewe fanü lotoun ewe chanpupu Jortan. Iwe, lupwen Josua a tinirela ngeni lenier o afeiöchüür,  
\v 8 a üreniir, “Oupwe liwiniti leniemi fän pisekisek, fän nöümi man mi chomong, fän silifer, kolt, piras me mächä, pwal fän üf mi chomong. Oupwe aineti ngeni pwimi kewe liapemi seni chon oputakemi.”  
\v 9 Mürin, chon ekewe ainangen Rupen me Kat pwal ewe esopun ainangen Manasa ra imwüfesen me ekewe aramasen Israel me lon Silo lon ewe fanü Kanaan o liwiniti lenier lon ewe fanü Kiliat. Pun iei wesewesen fanüer ra fanüeni fän än ewe Samol mi Lapalap allük ngeni Moses.   
\p
\v 10 Iwe, lupwen chon ekewe ainangen Rupen me Kat pwal ewe esopun ainangen Manasa ra tori Kelilot aropen ewe chanpupu Jortan me lon ewe fanü Kanaan, ra senätä eu rongen asor mi fokun watte ikenan.  
\v 11 Iwe, ekewe aramasen Israel ra rong pwe chon ekewe ainangen Rupen me Kat pwal ewe esopun ainangen Manasa ra senätä eu rongen asor lekiännin ewe fanü Kanaan lon Kelilot arun ewe chanpupu Jortan won ewe pekin fanüen aramasen Israel.  
\v 12 Nge lupwen ekewe aramasen Israel ra rong ei pworaus, unusen ar mwich a chufengen lon Silo pwe repwe maun ngeniir.   
\p
\v 13 Mürin, ekewe aramasen Israel ra tinala Pineas nöün ewe souasor Eleasar we mwän ren chon ekewe ainangen Rupen me Kat pwal ren ewe esopun ainangen Manasa lon ewe fanü Kiliat.  
\v 14 Nge engol samol ra eti Pineas, akaeman seni eu me eu ainangen Israel, pwal ir souemwenin ekewe famili lon ekewe eterekesin Israel.  
\v 15 Iwe, ra tori chon ekewe ainangen Rupen me Kat pwal ewe esopun ainangen Manasa me lon Kiliat o üreniir,  
\v 16 “Iei alon unusen än ewe Samol mi Lapalap we mwich: Pwota oua kirikiringau ngeni ewe Koten Israel? Pwota oua tok seni ewe Samol mi Lapalap o senätä eu rongen asor fän itemi ikenai lon ämi ü ngeni ewe Samol mi Lapalap? \x + \xo 22.16 \xt Tut 12.13-14\x*  
\v 17 Ifa usun, sisap mwo ker ren ewe tipis a fis me lon Peor, ewe tipis sisamwo limöch seni tori ikenai? Ifa usun, än ewe Samol mi Lapalap mwichen aramas esap fen feiengau ren mätter pokiten ewe tipis? \x + \xo 22.17 \xt Num 25.1-9\x*  
\v 18 Ifa usun, oupwe le tok seni ewe Samol mi Lapalap ikenai? Nge are ämi oua ü ngeni ewe Samol mi Lapalap ikenai, i epwe song ngeni unusen ewe mwichen aramasen Israel lesor.  
\v 19 Nge are fanüemi esap öch ngeni ämi oupwe fel lon, oupwe feito pekito lon fanüen ewe Samol mi Lapalap, ewe ia an imwenfel seni mangaku a nom ie. Oupwe angei eu fanü fän itemi me lon fanüem. Nge ousap chök ü ngeni ewe Samol mi Lapalap, ousap pwal atolongakem le ü ngeni ren ämi senätä fän itemi eu rongen asor lükün ewe rongen asor än ewe Samol mi Lapalap ach we Kot.  
\v 20 Oupwe chechemeni, pwe lupwen Akan nöün Sera we mwän a aleasolap ngeni ewe allük ren an angei ekewe mettoch mi pin repwe kata, än Kot song a tori unusen ewe mwichen Israel. Sap Akan chök a mäla fän iten an tipis.” \x + \xo 22.20 \xt Jos 7.1-26\x*   
\p
\v 21 Mürin, chon ekewe ainangen Rupen me Kat pwal ewe esopun ainangen Manasa ra üreni ekewe souemwenin ekewe famili lon Israel,  
\v 22 “Kot i ewe Samol mi Lapalap, ewe mi Manaman! Kot i ewe Samol mi Lapalap, ewe mi Manaman, a silei met popun äm föri ei föför, nge Israel epwe pwal silei. Are äm aia föri ei föför ren äm ü ngeni ewe Samol mi Lapalap ika ren äm aleasolap ngeni, ousap amanauakem ikenai.  
\v 23 Nge are aia senätä eu rongen asor pwe aipwe tok seni ewe Samol mi Lapalap, ika aia eäni asoren kek ika asoren mongö ika asoren kinamwe won, ewe Samol mi Lapalap epwe ngenikem liwinin äm tipis.  
\v 24 Nge wesewesen popun äm aia föri ei, seni äm niuokus, pwe lon ekan fansoun mwach mwirimwirimi repwe üreni mwirimwirim, ‘Ifa lefilemi me ewe Samol mi Lapalap ewe Koten Israel?  
\v 25 Pun ewe Samol mi Lapalap a föri pwe ewe chanpupu Jortan kiän lefilem me ämi chon ekewe ainangen Rupen me Kat. Esap wor wisemi me won ewe Samol mi Lapalap.’ Ren ei mwirimwirimi repwe aükätiu mwirimwirim le fel ngeni ewe Samol mi Lapalap.  
\v 26 Iei mine aia kapasfengen, ‘Ousipwe senätä eu rongen asor iei, sap fän iten asoren kek ika sokun asor.  
\v 27 Nge ei rongen asor epwe eu pisekin pwärätä lefilach pwal lefilen mwirimwirich, pwe äm aia wesewesen fel ngeni ewe Samol mi Lapalap lon imwan mi pin ren äm asoren kek me sokun asor, pwal asoren kinamwe, nge mwirimwirimi resap tongeni apasa ngeni mwirimwirim lon ekan fansoun mwach, pwe esap wor wiser me won ewe Samol mi Lapalap.’  
\v 28 Iwe, äm aia ekieki, are epwe iei alor ngenikem ika ngeni mwirimwirim lon ekan fansoun mwach, äm aipwe üreniir, ‘Oupwe nenengeni liosun än ewe Samol mi Lapalap rongen asor äm kewe lewo ra föri. Sap fän iten asoren kek ika sokun asor, ngei eu pisekin pwärätä lefilach me ämi’  
\v 29 Äm aisap fokun ekieki ei sokun, pwe aipwe ü ngeni ewe Samol mi Lapalap o tok seni ikenai ren äm senätä eu rongen asor fän iten asoren kek, asoren mongö me sokun asor lükün än ewe Samol mi Lapalap äm we Kot rongen asor mi nom mwen imwan imwenfel.”   
\p
\v 30 Iwe, lupwen ewe souasor Pineas me ekewe samolun ewe mwichen aramas, ir souemwenin ekewe familien chon Israel mi eti, ra rong alon chon ekewe ainangen Rupen, Kat me Manasa, ra pwapwa ren.  
\v 31 Nge Pineas nöün ewe souasor Eleasar we mwän a üreniir, “Ikenai sia silei pwe ewe Samol mi Lapalap a nom lefilach, pun ämi ousap ü ngeni ewe Samol mi Lapalap. Ren ei oua amanaua ekewe aramasen Israel seni än ewe Samol mi Lapalap apwüng.”   
\p
\v 32 Mürin, Pineas nöün ewe souasor Eleasar we mwän me ekewe samol ra liwin seni chon ekewe ainangen Rupen me Kat me lon ewe fanü Kiliat o liwinla ngeni ewe fanü Kanaan ren ekewe aramasen Israel. Iwe, ra uwei ngeniir ei pworaus.  
\v 33 Iwe, ei pworaus a apwapwai ekewe aramasen Israel. Ra mwareiti Kot, nge resap chüen kapas usun ar repwe maun ngeni chon ekewe ainangen Rupen me Kat o atai fanüer ia ra nom ie.  
\v 34 Nge chon ekewe ainangen Rupen me Kat ra aita ngeni ewe rongen asor “Pisekin Pwärätä”, pun ra apasa, “Iei eu pisekin pwärätä lefilach pwe ewe Samol mi Lapalap i Kot.”   
\c 23  
\s1 Än Josua öüröür ngeni chon Israel  
\sr 23.1-16  
\p
\v 1 Iwe, a la chomong fansoun mürin än ewe Samol mi Lapalap ngeni chon Israel kinamwe seni chon oputeer mi nom ünükür. Lon ei fansoun Josua a fokun chinlap.  
\v 2 Iwe, Josua a körifengeni chon Israel meinisin, nöür kewe souemwen me souakom, nöür kewe soukapwüng me nöür kewe meilap o üreniir, “Iei ngang üa fokun chinlap.  
\v 3 Ämi oua küna meinisin mine ewe Samol mi Lapalap ämi we Kot a föri ngeni ekei mwü meinisin fän itemi. Pun ewe Samol mi Lapalap ämi we Kot a maun fän itemi.  
\v 4 Nengeni, üa fen aineti ngenikemi fanüen chon ekewe mwü resamwo oola usun chök pwal fanüen chon ekewe mwü üa arosala chor, seni ewe chanpupu Jortan me ötiu tori ewe mataulap mi nom lotou, pwe fanüen ämi kewe ainang.  
\v 5 Iwe, ewe Samol mi Lapalap ämi we Kot epwe püsin tinirewu me mwemi, epwe pwal asürela, lupwen oupwe tolong lon fanüer, nge ämi oupwe fanüeni fanüer, usun ewe Samol mi Lapalap a fen pwon ngenikemi.  
\v 6 Iei mine oupwe fokun aleasochis o apwönüetä meinisin mine a mak lon än Moses we puken allük. Ousap fokun aleasolap ngeni.  
\v 7 Ousap chiechifengen me chon ekei mwü mi chüen nom leimi, ousap pwal föüni iten ar kewe kot ika eäniir akapel, ousap angang ngeniir ika fel ngeniir.  
\v 8 Nge oupwe fitipachei ewe Samol mi Lapalap ämi we Kot, usun oua fen föri tori ikenai.  
\v 9 Pun ewe Samol mi Lapalap a fen asüela me mwemi ekewe mwü watte o pöchökül. Nge tori ikenai esap wor eman aramas a tongeni ü ngenikemi.  
\v 10 Iwe, eman mwän me leimi epwe tongeni asüela engeröü mwän, pun ewe Samol mi Lapalap ämi we Kot a maun fän itemi usun a fen pwon ngenikemi. \x + \xo 23.10 \xt Tut 32.30; Tut 3.22\x*  
\v 11 Iei mine oupwe fokun afälikemi pwe oupwe echeni ewe Samol mi Lapalap ämi we Kot.  
\v 12 Nge are oupwe tok seni o pach ngeni chon ekewe mwü mi chüen nom leimi, are oupwe pwal pwüpwülüfengen me ir,  
\v 13 oupwe fokun silei pwe ewe Samol mi Lapalap ämi we Kot esap chüen asüela chon ekei mwü me mwemi. Nge ir repwe afeiengau ngenikemi usun chök eu lenien likatup ika eu sär, pwal usun chök metekin efoch wokun wichiwich eman a wichi ngeni sökürümi ika efoch fölün irafölüföl lon mesemi, tori oupwe rosola seni ewe fanü mi mürina, ewe Samol mi Lapalap ämi we Kot a ngenikemi.   
\p
\v 14 Iwe, iei a tori fansoun ai üpwe le mäla. Ämi meinisin oua silei seni lelukemi me letipemi, pwe ewe Samol mi Lapalap a ngenikemi ekewe mettoch mi mürina meinisin a pwon ngenikemi. Iteiten ekewe pwon a eäni ngenikemi ra pwönüetä, nge esap wor eu me leir esap pwönüetä.  
\v 15 Nge usun ewe Samol mi Lapalap ämi we Kot a apwönüetä ekewe pwon meinisin a eäni ngenikemi, iei usun epwe pwal atoto womi ekewe feiengau meinisin a kapas usun, tori epwe arosakemiila seni won ei fanü mi mürina a ngenikemi.  
\v 16 Are oua atai ewe pwon ewe Samol mi Lapalap ämi we Kot a eäni ngenikemi, are oupwe angang ngeni pwal ekoch kot o fel ngeniir, ewe Samol mi Lapalap epwe song ngenikemi. Oupwe müttir rosola seni ewe fanü mi mürina a ngenikemi.”   
\c 24  
\s1 Än Josua kapasen amwirimwir  
\sr 24.1-28  
\p
\v 1 Mürin, Josua a emwichafengeni ekewe ainangen Israel meinisin lon Sikem. A körifengeni ekewe souakom, ekewe souemwen, ekewe soukapwüng me ekewe meilapen Israel. Iwe, ra feito fän mesen Kot.  
\v 2 Iwe, Josua a üreni ekewe aramasen Israel meinisin, “Iei alon ewe Samol mi Lapalap ewe Koten Israel, ‘Me lomlom, ämi kewe lewo ra nom pekilan ewe chanpupu Oifrat o fel ngeni pwal ekoch kot. Eman me leir itan Tera semen Apraham me Nahor. \x + \xo 24.2 \xt Ken 11.27\x*  
\v 3 Mürin üa angei Apraham ämi we lewo seni ewe fanü pekilan ewe chanpupu o emwenifeili lon ewe fanü Kanaan, üa pwal awora chomong mwirimwirin. Üa ngeni Apraham Isaak, \x + \xo 24.3 \xt Ken 12.1-9; Ken 21.1-3\x*  
\v 4 mürin üa ngeni Isaak Jakop me Esau. Iwe, üa ngeni Esau ewe chukuchukutän Etom pwe epwe fanüeni, nge Jakop me nöün kewe ra feila Isip. \x + \xo 24.4 \xt Ken 25.24-26; Ken 36.8; Tut 2.5; Ken 46.1-7\x*  
\v 5 Mürin üa tinala Moses me Aaron, üa pwal ariaföüü chon Isip ren sokun feiengau üa föri ngeniir. Nge mürin üa emwenikemiiwu. \x + \xo 24.5 \xt Eks 3.1–12.42\x*  
\v 6 Üa emwenawu ämi kewe lewo seni Isip. Nge ekewe chon Isip ra tapweriir fän war woken me chon wawa oris o toriir me ren ewe Setipar.  
\v 7 Iwe, lupwen ämi kewe lewo ra siö ngeniei, üa awora rochopwak lefiler me ekewe chon Isip, üa pwal föri pwe ewe matau a pwölürela o amopuur. Ämi oua silei mine üa föri ngeni ekewe chon Isip. Iwe, oua nom lon ewe fanüapö fansoun langatam. \x + \xo 24.7 \xt Eks 14.1-31\x*  
\v 8 Mürin üa emwenikemiila lon fanüen chon Amor mi nom ötiuen ewe chanpupu Jortan. Iwe, ra maun ngenikemi, nge ngang üa awinnakemi. Ämi oua fanüeni fanüer, nge ngang üa aroserela me mwemi. \x + \xo 24.8 \xt Num 21.21-35\x*  
\v 9 Mürin, Palak ewe kingen Moap nöün Sippor we mwän a maun ngenikemi. Iwe, a titi Palam nöün Peor we mwän pwe epwe anümamauakemi.  
\v 10 Nge ngang üsap mochen aüselinga Palam, iei mine a afeiöchükemi. Iei usun üa amanauakemi seni Palak. \x + \xo 24.10 \xt Num 22.1–24.25\x*  
\v 11 Mürin oua feila pekilan ewe chanpupu Jortan o tori Jeriko. Iwe, ekewe re Jeriko ra maun ngenikemi, pwal ekewe chon Amor, chon Peris, chon Kanaan, chon Hit, chon Kirkas, chon Hiw me chon Jepus. Nge üa akufuur meinisin o awinnakemi. \x + \xo 24.11 \xt Jos 3.14-17; Jos 6.1-21\x*  
\v 12 Iwe, üa atolongeer lon niuokus me rükö, pwe üpwe asüela ekewe ruoman kingen chon Amor me mwemi. Ei esap fis ren nöümi ketilas ika wokumi esefich. \x + \xo 24.12 \xt Eks 23.28; Tut 7.20\x*  
\v 13 Iwe, üa ngenikemi eu fanü ämi ousap angang ngeni, üa pwal ngenikemi telinimw pwe oupwe imweimw lon, nge sap aüemi, oua pwal ochoch föün irä seni ekewe tanipin irän wain me olif, nge sap fotukiemi.’ \x + \xo 24.13 \xt Tut 6.10-11\x*   
\p
\v 14 Iei mine oupwe meniniti ewe Samol mi Lapalap o angang ngeni fän leten lelukemi pwal fän allükülüköch. Oupwe pöütala ekewe kot ämi kewe lewo ra fel ngeniir me pekilan ewe chanpupu Oifrat pwal me Isip, nge oupwe chök angang ngeni ewe Samol mi Lapalap.  
\v 15 Nge ika ousap mochen angang ngeni ewe Samol mi Lapalap, ikenai oupwe filätä iö oupwe angang ngeni. Oupwe filätä ika oupwe angang ngeni ekewe kot ämi kewe lewo ra angang ngeniir me lon ewe fanü pekilan ewe chanpupu Oifrat, ika än chon Amor kewe kot mine fanüer we oua nom lon. Nge ngang me chon leimwei, äm aipwe angang ngeni ewe Samol mi Lapalap.”   
\p
\v 16 Iwe, ekewe aramas ra üreni, “Äm aisap fokun likitala ewe Samol mi Lapalap o angang ngeni pwal ekoch kot.  
\v 17 Pun ewe Samol mi Lapalap äm we Kot, i a emwenikeemiwu me äm kewe lewo seni ewe fanü Isip, ewe leni ia ra nöünikem amanau ie. Aia küna ekewe manaman i a föri. A tümwünükem lon unusen äm sai lein chon ekewe mwü meinisin ia aia pwerela ie.  
\v 18 Iwe, ewe Samol mi Lapalap a asüela me mwem chon ekewe mwü meinisin, pwal ekewe chon Amor mi nom lon ewe fanü. Iei mine pwal äm aipwe angang ngeni ewe Samol mi Lapalap, pun i äm Kot.”   
\p
\v 19 Nge Josua a üreni ekewe aramas, “Ämi ousap tongeni angang ngeni ewe Samol mi Lapalap, pun i eman Kot mi pin, i pwal eman Kot mi lukomong. Esap mochen amusala ämi pupungau me tipis.  
\v 20 Are oua likitala ewe Samol mi Lapalap o angang ngeni pwal ekoch koten ekis, i epwe kul o afeiengauakemi. Epwe arosakemiila mürin an afeiöchükemi.”  
\v 21 Nge ekewe aramas ra üreni Josua, “Apwi, äm aipwe chök angang ngeni ewe Samol mi Lapalap.”  
\v 22 Mürin, Josua a üreni ekewe aramas, “Ämi oua püsin chon pwärätä fän itemi, pwe oua filätä ewe Samol mi Lapalap pwe oupwe angang ngeni.” Nge ir ra üreni, “Äm aia chon pwärätä.”  
\v 23 Mürin, Josua a üreniir, “Oupwe pöütala ekewe koten ekis mi nom remi o akulu lelukemi ngeni ewe Samol mi Lapalap ewe Koten Israel.”  
\v 24 Iwe, ekewe aramas ra üreni Josua, “Äm aipwe chök angang ngeni äm Kot ewe Samol mi Lapalap, aipwe pwal aleasochis ngeni alon.”  
\v 25 Iwe, lon ewe ränin Josua a angei än ekewe aramas pwon, a pwal föri allük me pwüüng fän iter me lon Sikem.  
\v 26 Iwe, Josua a makei ekei kapas lon än Kot we puken allük. Iwe, a angei eföü fau watte o aüetä fän ewe irä ook lon ewe leni mi pin än ewe Samol mi Lapalap.  
\v 27 Nge Josua a üreni ekewe aramas meinisin, “Nengeni, ewe fau epwe eu pisekin pwärätä ngenikich, pun a rongorong ekewe kapas meinisin ewe Samol mi Lapalap a ürenikich. Iei mine epwe eu pisekin atuttur ngenikemi, are oua ü ngeni ämi we Kot.”  
\v 28 Mürin, Josua a tinala ekewe aramas eman me eman ngeni fanüan.   
\s1 Josua me Eleasar ra mäla  
\sr 24.29-33  
\p
\v 29 Mürin an fis ekei mettoch, Josua nöün Nun we mwän, nöün ewe Samol mi Lapalap we chon angang, a mäla, lupwen a ierini ipükü engol.  
\v 30 Iwe, ekewe aramas ra peiaseni lon püsin fanüan me lon Timnat-sera mi nom won chukuchukutän ewe fanü Efraim peliefengin ewe chuk Kaas. \x + \xo 24.30 \xt Jos 19.49-50\x*   
\p
\v 31 Iwe, chon Israel ra angang ngeni ewe Samol mi Lapalap lon ränin manauen Josua meinisin, pwal lon ränin manauen ekewe souakom mi manauatam seni Josua, ir mi silei ekewe föför meinisin ewe Samol mi Lapalap a föri fän iten Israel.   
\p
\v 32 Iwe, ekewe aramasen Israel ra peiaseni chün Josef ra uwato me Isip. Ra peiaseni lon Sikem, lon kinikinin ewe fanü Jakop a möni won ükükün ipükü föün moni silifer seni nöün Hamor kewe mwän, nge Hamor semen Sikem. Ei fanü a wiliti fanüen mwirimwirin Josef. \x + \xo 24.32 \xt Ken 50.24-25; Eks 13.19; Ken 33.19; Joh 4.5; Föf 7.16\x*   
\p
\v 33 Mürin, Eleasar nöün Aaron we mwän a mäla. Iwe, ra peiaseni lon Kipea ewe telinimw mi nom won chukuchukutän ewe fanü Efraim, ra ngeni Pineas nöün we mwän.