\id JOL  
\h SOWEL 
\toc1 Sowel 
\toc2 Sowel 
\toc3 Sow 
\mt1 Sowel  
\ib  
\is1 Kapas akom  
\iot I. Iten ei puk: Sowel, pun mine a mak lon, an kapasen osuni. Wewen ei it Sowel: Ewe Samol mi Lapalap i Kot.  
\iot II. Chon makei ei puk: Sowel  
\iot III. Itelapemongen ei puk: Are a fis ekieksefäl, Kot epwe siwili an ekiekin apwüngükich ngeni feiöch.  
\iot IV. Kapas aüchean ei puk: Ränin ewe Samol mi Lapalap, ewe ränin apwüng a arapeto. Epwe pwal war eu fansoun feiöch, lupwen Kot epwe tinato Ngünün.  
\iot V. Masouen ei puk Sowel: Ese kon nien wor pworaus usun manauen ewe soufos Sowel. Sowel a osuni pwe epwe war eu mwichemongen lifichimas mi ataela ewe fanü, epwe pwal fis eu fansoun pwasapwas. Sowel a mefi asisilen waren ränin ewe Samol mi Lapalap me lon ekei mettoch repwe fis, ewe fansoun Kot epwe apwüngü chokewe mi ü ngeni. Ewe soufos a uwei än Kot kapas ngeni ekewe aramas, pwe repwe ekieksefäl, pwal an pwon, pwe epwe aöchüsefäli ewe fanü o afeiöchü nöün aramas. Nge mine a kon aüchea, än Kot pwon pwe epwe tinato Ngünün ren aramas meinisin, ren mwän me fefin, säräfö me chinlap.  
\iot VI. Tettelin masouen ei puk:  
\io1 Ewe feiengau ren ekewe lifichimas \ior 1.1–2.17\ior*  
\io1 Ewe pwon pwe ewe fanü epwe öchsefäl \ior 2.18-27\ior*  
\io1 Ränin we Samol mi Lapalap \ior 2.28–3.21\ior*  
\c 1  
\s1 Ewe fanü epwe tala ren lifichimas  
\sr 1.1–2.11  
\p
\v 1 Iei alon ewe Samol mi Lapalap ngeni Sowel nöün Petuel we mwän:   
\q1
\v 2 Oupwe rongorong, ämi ätemirit,  
\q1 oupwe aü selingemi, ämi meinisin mi nonom lon ei fanü Juta.  
\q1 Ifa usun, ei sokun mettoch a fen fis  
\q1 lon fansoun manauemi ika lon fansoun manauen semelapemi kewe?   
\q1
\v 3 Oupwe asile ngeni nöümi usun,  
\q1 nge ir repwe asile ngeni nöür  
\q1 seni eu täppin aramas tori eu täppin.   
\b  
\q1
\v 4 Mine ekewe muunen lifichimas ra likitala seni uän ämi ira,  
\q1 ekewe lifichimas mi äsfeil ra eni.  
\q1 Nge mine ekewe lifichimas mi äsfeil ra likitala,  
\q1 ekewe lifichimas mi mwetemwet ra eni.  
\q1 Nge mine ekewe lifichimas mi mwetemwet ra likitala,  
\q1 ekewe lifichimas mi atai meinisin ra eni.   
\b  
\q1
\v 5 Oupwe nenela o kechü, ämi chon pulas,  
\q1 oupwe ngüngüres, ämi meinisin mi ünümi wain,  
\q1 pun esap chüen wor ünümemi wain mi arar.   
\q1
\v 6 Iwe, epwi pwiin lifichimas a feito o ataela fanüach.  
\q1 Ra pöchökül o chocho pwe esap wor eman a tongeni aleaniir.  
\q1 Ngir ra ken usun chök ngin eman laion. \x + \xo 1.6 \xt Pwär 9.8\x*   
\q1
\v 7 Ra ataela ach tanipin wain,  
\q1 ra pwal enala ach irä fiik  
\q1 o atikala silir,  
\q1 pwe paler ra pwechepwech.   
\b  
\q1
\v 8 Oupwe kechü usun eman föpwül  
\q1 mi kechüeiti kofotun mi mäla.   
\q1
\v 9 Esap chüen fis asoren mongö me asoren ün lon ewe imwenfel.  
\q1 Iei mine ekewe souasor mi angang ngeni ewe Samol mi Lapalap ra letipeta.   
\q1
\v 10 Iwe, ekewe tanipi ra tala,  
\q1 nge ewe pwül a masua.  
\q1 Ekewe irän wiich ra tala,  
\q1 ewe wain me ewe apüra seni föün olif ra morola.   
\b  
\q1
\v 11 Oupwe rükö, ämi chon tu pwül,  
\q1 oupwe pwal kechü, ämi chon tanipini irän wain.  
\q1 Oupwe kechüeiti ekewe irän wiich me parli,  
\q1 pun esap chüen wor resin fanüemi.   
\q1
\v 12 Iwe, ewe irän wain a pwasala, ewe irä fiik a mäla.  
\q1 Ekewe irä palm, ekewe irä apel me ringo,  
\q1 pwal ekewe lusun irän lemäl meinisin ra pwasala.  
\q1 Iwe, esap chüen wor än aramas pwapwa.   
\b  
\q1
\v 13 Oupwe üföüf üf seni tuk o kechü,  
\q1 ämi souasor mi angang ngeni ewe rongen asor.  
\q1 Oupwe feito o ngüngüres lon üfemi seni tuk lon unusen pwin,  
\q1 ämi nöün ai we Kot chon angang.  
\q1 Pun asoren mongö me asoren ün esap chüen fis lon imwenfelin ämi we Kot.   
\b  
\q1
\v 14 Oupwe apini eu rän pwe oupwe echikefel lon,  
\q1 oupwe pwal körato aramas pwe epwe wor eu mwich mi pin.  
\q1 Oupwe achufengeni ekewe ätemirit  
\q1 me chon Juta meinisin,  
\q1 pwe repwe feito lon imwenfelin ewe Samol mi Lapalap ämi we Kot o siö ngeni.   
\b  
\q1
\v 15 Eniwokusun lon ewe rän.  
\q1 Pun ränin ewe Samol mi Lapalap a arap.  
\q1 Ewe rän a war, eu ränin afeiengau  
\q1 me ren ewe Kot mi Unusen Manaman. \x + \xo 1.15 \xt Ais 13.6\x*   
\q1
\v 16 Ifa usun, ousap küna pwe a rosola enemi mongö?  
\q1 Esap pwal chüen wor pwapwa me mweireir lon imwenfelin ach we Kot.   
\b  
\q1
\v 17 Iwe, ekewe föün irä mi fot lon pwül ra pwasala.  
\q1 Esap wor föün wiich lon ekewe lenien iseis,  
\q1 iei mine ekewe imwen iseis föün wiich ra pöla o tala.   
\q1
\v 18 Iwe, ekewe kow ra wörüwör ren ar echik,  
\q1 pun esap chüen wor ener fetil,  
\q1 ekewe pwiin sip ra pwal riaföü.   
\b  
\q1
\v 19 Ai Samol mi Lapalap, üa siö ngonuk,  
\q1 pun ekewe lenien fetil me ekewe irän lemäl meinisin ra pwasala,  
\q1 ra usun chök nge ekkei a kenirela.   
\q1
\v 20 Pwal ekewe manmwacho ra siö ngonuk,  
\q1 pun esap chüen wor kolukun lon ekewe chanpupu.   
\c 2  
\q1
\v 1 Oupwe ettiki rappwa lon Sion,  
\q1 oupwe asilesil me won ewe chukun Kot mi Pin usun ewe feiengau epwe war.  
\q1 Oupwe chechech, ämi aramasen Juta meinisin,  
\q1 pun ränin ewe Samol mi Lapalap a war.   
\q1
\v 2 Ei rän epwe eu ränin rochopwak me toputop,  
\q1 pwal eu ränin kuchuchu me rochokich.  
\q1 Iwe, eu mwicheichen pwiin lifichimas mi fokun pöchökül  
\q1 epwe pwölüela ekewe chuk usun chök rochokichin pwin.  
\q1 Ei esap fis seni me lomlom,  
\q1 esap pwal fis ren ekewe täppin aramas repwap up lon kan fansoun mwach.   
\b  
\q1
\v 3 Ekkei epwe akom mwer, nge ngetengeten ekkei epwe ngetetä me mürir.  
\q1 Iwe, ewe fanü a usun chök ewe tanipin Eten, lupwen resamwo tori,  
\q1 nge lupwen ra towu seni, a usun chök eu fanüapö.  
\q1 Iwe, mettoch meinisin ra tala rer.   
\b  
\q1
\v 4 Iwe, lapalaper a usun chök lapalapen oris,  
\q1 ra pwal müttir usun chök orisin maun.   
\q1
\v 5 Ar mwetemwet won ungen ekewe chuk  
\q1 a usun chök chopuchopun woken  
\q1 me ngetengeten ekkei, lupwen a ngeteri fetilipwas.  
\q1 Ra tettel usun telin sounfiu mi pwora, lupwen ra feila ngeni maun. \x + \xo 2.5 \xt Pwär 9.7-9\x*   
\q1
\v 6 Iwe, lupwen aramas ra küneer, ra fokun rükö,  
\q1 nge won meser a wopwechepwechela ren ar niuokus.   
\q1
\v 7 Ra fiu usun chök sounfiu,  
\q1 ra pwal töta won tit usun chök chon sile maun.  
\q1 Ra fetal wenewen lon tettelir,  
\q1 nge resap riki seni.   
\q1
\v 8 Iwe, resap etietifengen,  
\q1 pun eman me eman a chök fetal lon alan.  
\q1 Esap wor och pisekin maun a tongeni apetiir.   
\q1
\v 9 Ra mweteta won ewe telinimw,  
\q1 ra sä won ekewe tit  
\q1 o tötä won ekewe imw,  
\q1 ra pwal tolong lon ekewe asammwacho usun chök chon solä.   
\b  
\q1
\v 10 Iwe, fanüfan me läng ra chechech, lupwen ra feito.  
\q1 Akkar me maram ra rochola,  
\q1 nge fü kana resap chüen tin. \x + \xo 2.10 \xt Pwär 8.12\x*   
\q1
\v 11 Iwe, ewe Samol mi Lapalap a kökkö fän leüömong me mwen an mwichen sounfiu.  
\q1 Ewer, an mwich a fokun watte,  
\q1 nge iteiter mi aleasochisi an kapas ra pwora.  
\q1 Iwe, ränin ewe Samol mi Lapalap a fokun eniwokus.  
\q1 Iö a tongeni pwäk le nonom lon? \x + \xo 2.11 \xt Pwär 6.17\x*   
\s1 Än Kot ümöümöch  
\sr 2.12-27  
\q1
\v 12 Iwe, ewe Samol mi Lapalap a apasa,  
\q1 “Iei otun oupwe kul ngeniei seni unusen letipemi  
\q1 fän echikefel, fän kechü me ngüngüres.   
\q1
\v 13 Ousap chök kamwei üfemi, nge oupwe letipeta lon lelukemi.”  
\q1 Oupwe kul ngeni ewe Samol mi Lapalap ämi we Kot,  
\q1 pun a eäni kirikiröch me chen.  
\q1 A songomang o tongotam,  
\q1 a pwal siwili an ekiekin afeiengaua aramas.   
\q1
\v 14 Eli ewe Samol mi Lapalap ämi we Kot epwe siwili an ekiek  
\q1 o afeiöchükemi ren chomong uän ämi irä.  
\q1 Mürin, oua tongeni eäni asoren mongö me asoren ün ngeni.   
\b  
\q1
\v 15 Oupwe ettiki rappwa lon Sion.  
\q1 Oupwe apini eu rän pwe oupwe echikefel lon,  
\q1 oupwe pwal körifengeni ekewe aramas pwe epwe wor eu mwich mi pin.   
\q1
\v 16 Oupwe achufengeni ekewe aramas o apiniir.  
\q1 Oupwe amwichafengeni ekewe ätemirit  
\q1 o achufengeni ekewe semirit  
\q1 me ekewe mönükol.  
\q1 Iwe, pwal ekewe mi apwüpwülüfö  
\q1 repwe towu seni rumwer o feito.   
\b  
\q1
\v 17 Iwe, ekewe souasor mi angang ngeni ewe Samol mi Lapalap repwe ütä lefilen kengkangen ewe imwenfel me ewe rongen asor o kechü.  
\q1 Iwe, repwe apasa, “Äm Samol mi Lapalap, kopwe achika noum aramas, nge kosap mwüt ngeniir pwe repwe tolong lon itengau me esit me ren chon ekewe mwü.  
\q1 Pwota chon ekewe mwü repwe apasa, ‘Ifa i chök ar we Kot?’”   
\b  
\q1
\v 18 Mürin, ewe Samol mi Lapalap epwe ekimongei fanüan  
\q1 o tongei nöün aramas.   
\q1
\v 19 Iwe, epwe üreniir,  
\q1 “Iei üpwe ngenikemi wiich,  
\q1 wain me apüra seni föün olif  
\q1 tori epwe ku ngenikemi.  
\q1 Ousap chüen küna itengau me lein chon ekewe mwü.   
\b  
\q1
\v 20 Iwe, üpwe atowu me leimi ekewe pwiin lifichimas seni efeng  
\q1 o asürela toau lon fanüapö,  
\q1 pwe ekewe mi akom repwe mäla lon ewe Setin Mäla mi nom ötiu,  
\q1 nge ekewe mi kukumwir repwe mäla lon ewe matau watte mi nom lotou.  
\q1 Iwe, pwongauen inisir epwe pwonotä.  
\q1 Üpwe aroserela pokiten ar kewe föför ra föriir.”   
\b  
\q1
\v 21 Ewe fanü epwe öchsefäl  
\q1 o ämärätä sokopaten irä mi ua,  
\q1 pun ewe Samol mi Lapalap a föri mettoch mi amwarar.   
\q1
\v 22 Ousap niuokus, ämi mönün ewe fanü,  
\q1 pun fetilin lon ewe fanü  
\q1 epwe arauarau,  
\q1 ekewe irä repwe ua,  
\q1 ewe irä fiik me irän wain repwe pwal uamong.   
\b  
\q1
\v 23 Oupwe mwänek, ämi aramasen Sion,  
\q1 oupwe pwapwa ren mine ewe Samol mi Lapalap ämi we Kot a föri.  
\q1 A fang ngenikemi üttomong  
\q1 o apüngätiu womi ütten lefen  
\q1 me ütten leres usun chök me mwan.   
\q1
\v 24 Iwe, ekewe lenien wichiwich umwun wiich repwe ur ren föün wiich,  
\q1 nge ekewe lenien üchüch repwe ur ren wain me apüra seni föün olif.   
\q1
\v 25 “Iwe, üpwe aliwini ngenikemi mine ekewe lifichimas mi äsfeil,  
\q1 ekewe mi mwetemwet o kata,  
\q1 pwal mine ekewe muunen lifichimas ra eni lon ekewe ier.  
\q1 Ir nei mwichen sounfiu mi chomong üa tinato remi.   
\q1
\v 26 Iwe, oupwe mongö mongö mi chomong pwe oupwe möt.  
\q1 Oupwe pwal mwareiti iten ewe Samol mi Lapalap ämi we Kot,  
\q1 a föri mettoch mi amwarar ngenikemi.  
\q1 Nge nei aramas resap chüen tosefälilong lon itengau me säw.   
\q1
\v 27 Iwe, ämi chon Israel, oupwe silei pwe ngang üa nom leimi,  
\q1 oupwe pwal silei pwe ngang ewe Samol mi Lapalap ämi we Kot,  
\q1 nge esap wor eman lüki.  
\q1 Iwe, nei aramas resap chüen tosefälilong lon itengau me säw.”   
\s1 Kot epwe fangala Ngünün ngeni aramas  
\sr 2.28-32  
\q1
\v 28 “Mürin, epwe war ewe fansoun pwe üpwe tinato Ngüni won aramas meinisin.  
\q1 Nöümi mwän me fefin repwe osuni,  
\q1 ekewe chinlap mwän me leimi repwe eäni tan,  
\q1 nge nöümi alüal epwe wor künaer.   
\q1
\v 29 Lon ena fansoun üpwe pwal tinato Ngüni  
\q1 won chon angang mwän me chon angang fefin.   
\b  
\q1
\v 30 Iwe, üpwe awarato manaman  
\q1 won läng pwal won fanüfan,  
\q1 cha me ekkei, pwal kuchun ötüöt.   
\q1
\v 31 Akkar epwe rochola,  
\q1 nge maram epwe wiliti cha  
\q1 mwen epwe war ränin ewe Samol mi Lapalap, ewe rän mi lap o eniwokus. \x + \xo 2.31 \xt Mat 24.29; Mark 13.24-25; Luk 21.25; Pwär 6.12-13\x*   
\q1
\v 32 Iwe, epwe fis pwe iö epwe köri iten ewe Samol mi Lapalap epwe manau.  
\q1 Pun won ewe chuk Sion pwal lon Jerusalem repwe nom chokewe mi sü seni feiengau,  
\q1 usun ewe Samol mi Lapalap a apasa.  
\q1 Nge me lein ekewe mi chüen manau epwe wor chokewe ewe Samol mi  
\q1 Lapalap a afiliir.” \x + \xo 2.32 \xt Föf 2.17-21; Rom 10.13\x*   
\c 3  
\s1 Kot epwe apwüngü ekewe mwü  
\sr 3.1-15  
\p
\v 1 Iwe, ewe Samol mi Lapalap a üra,  
\q1 “Lon ena fansoun, lupwen ngang üpwe aliwinisefäli  
\q1 chon Juta me chon Jerusalem,   
\q1
\v 2 üpwe achufengeni chon ekewe mwü meinisin  
\q1 o emweniretiu lon ewe lemol ia epwe fis kapwüng ie.  
\q1 Ikenan üpwe apwüngüür  
\q1 pokiten ar föför mi ngau ngeni nei aramasen Israel.  
\q1 Pun ra atoropasafeiliir lein ekewe mwü  
\q1 o aineti fanüei lefiler.   
\q1
\v 3 Ra pwal asisil won nei aramas  
\q1 iö epwe nöüniir amanau.  
\q1 Iwe, ra amömöla eman ät pwe epwe wor mön ar lisowu,  
\q1 ra pwal amömöla eman nengin pwe epwe wor mön ünümer wain.   
\p
\v 4 Ämi chon Tirus me chon Siton, pwäl ämi chon Filistia meinisin, met oua ekiekin föri ngeniei? Ifa usun, oua mochen liwini ngeniei mine üa föri ngenikemi? Are oua ekiekin föri ei, üpwe fokun müttir liwini ngenikemi liwinin ämi föför.  
\v 5 Pun oua angei ai silifer me kolt o uweela wöüi mi chomong lon ämi kewe imwenfel.  
\v 6 Oua amömöla ekewe chon Juta me chon Jerusalem ngeni ekewe chon Kris, pwe repwe toau seni fanüer.  
\v 7 Iei üpwe aliwinireto seni ekewe leni ia oua amömörela ie, nge üpwe liwini ngenikemi usun mine oua föri ngeniir.  
\v 8 Iwe, üpwe amömöla nöümi kewe mwän me fefin ngeni chon Juta, nge chon Juta repwe amömörela ngeni chon Sepa mi nom lon fanü toau. Ngang ewe Samol mi Lapalap üa kapas. \x + \xo 3.8 \xt Ais 23.1-18; Is 26.1–28.26; Am 1.9-10; Sek 9.1-4; Mat 11.21-22; Luk 10.13-14; Ais 14.29-31; Jer 47.1-7; Is 25.15-17; Am 1.6-8; Sef 2.4-7; Sek 9.5-7\x*   
\q1
\v 9 Oupwe arongafeili ei pworaus lein chon ekewe mwü:  
\q1 Oupwe amolakemiitä ngeni maun,  
\q1 oupwe köri ekewe sounfiu mi pöchökül.  
\q1 Sounfiu meinisin repwe feito o chufengen.   
\q1
\v 10 Oupwe awili ämi pisekin tu pwül ngeni ketilas,  
\q1 nge ämi woot oupwe awili ngeni siles.  
\q1 Pwal ekewe mi apwangapwang repwe apasa, ‘Ngang eman sounfiu.’ \x + \xo 3.10 \xt Ais 2.4; Mik 4.3\x*   
\q1
\v 11 Oupwe müttir feito,  
\q1 ämi chon ekewe mwün ünükün Israel,  
\q1 oupwe chufengen lon ewe lemol.”  
\q1 Ai Samol mi Lapalap, kopwe tinato noum sounfiu pwe repwe maun ngeniir.   
\q1
\v 12 “Chon ekewe mwün fanüfan repwe achufengeniir  
\q1 o feila lon ewe lemol ia epwe fis kapwüng ie.  
\q1 Pun ikenan Ngang ewe Samol mi Lapalap üpwe mot won lenien apwüng,  
\q1 pwe üpwe apwüngü chon ekewe mwü mi nom ünükün Israel.   
\q1
\v 13 A fokun watte än chon ekewe mwü föföringau.  
\q1 Iei mine oupwe pöküretiu usun irän wiich lon fansoun räs.  
\q1 Oupwe puriretiu usun eman a puri föün wain,  
\q1 tori ewe lenien pupu a urela o niwu.” \x + \xo 3.13 \xt Pwär 14.14-16,19-20; 19.15\x*   
\q1
\v 14 Chomong, chomong mwicheichen aramas  
\q1 ra chufengen lon ewe lemol ia epwe fis kapwüng ie.  
\q1 Iwe, a pwä me ikenan  
\q1 pwe ränin ewe Samol mi Lapalap a arapoto.   
\q1
\v 15 Iwe, akkar me maram repwe rochola,  
\q1 nge ekewe fü resap chüen tin.   
\s1 Chon Juta repwe küna manau  
\sr 3.16-21  
\q1
\v 16 Iwe, ewe Samol mi Lapalap a leüömong le kökkö seni Sion,  
\q1 mwelian a towu seni Jerusalem,  
\q1 iwe, läng me fanüfan ra chechech ren.  
\q1 Nge ewe Samol mi Lapalap epwe eu lenien op fän iten nöün aramas,  
\q1 pwal eu imwen maun mi pöchökül fän iten chon Israel. \x + \xo 3.16 \xt Am 1.2\x*   
\q1
\v 17 “Mürin, ämi chon Israel, oupwe silei pwe Ngang ewe Samol mi Lapalap ämi we Kot.  
\q1 Üa imweimw lon Sion won chuki mi pin.  
\q1 Iwe, Jerusalem epwe eu leni mi pin,  
\q1 nge chon ekis resap chüen maun ngeni o liapeni.   
\q1
\v 18 Lon ena fansoun ekewe chuk repwe kula ren tanipin wain,  
\q1 nge chomong kow repwe nom won ekewe chukutekison.  
\q1 Iwe, ekewe öüwön Juta repwe ur ren koluk,  
\q1 nge eu puächen koluk epwe puwu seni imwen ewe Samol mi Lapalap,  
\q1 pwe epwe achöchönü ewe lemolun Akasia.   
\b  
\q1
\v 19 Iwe, Isip epwe tala,  
\q1 nge Etom epwe wiliti eu fanüapö  
\q1 pokiten ar föförün mwänewüs ngeni chon Juta,  
\q1 pun ra niela aramas esap wor ar tipis me lon ewe fanü.   
\q1
\v 20-21 Iwe, üpwe ngeniir chappen ar niela nei aramas,  
\q1 nge üsap amusala ar tipis.  
\q1 Nge Juta me Jerusalem repwe so feilfeilachök seni eu täppin aramas tori eu täppin.  
\q1 Nge Ngang ewe Samol mi Lapalap üpwe imweimw lon Sion.”