\id HAG  
\h AKAI 
\toc1 Akai 
\toc2 Akai 
\toc3 Ak 
\mt1 Akai  
\ib  
\is1 Kapas akom  
\iot I. Iten ei puk: Akai, pun mine a mak lon, an afalafal. Wewen ei it Akai: Ai ränin apwapwa. (Eli a iteni ei it, pun aramasan ra ösüküsükü ewe fansoun pwapwa, lupwen repwe liwinsefäl seni ar oola).  
\iot II. Chon makei ei puk: Akai  
\iot III. Itelapemongen ei puk: Oupwe aüetä imwen ewe Samol mi Lapalap.  
\iot IV. Kapas aüchean ei puk: Kot a afeiöchü nöün aramas, are ra akomwen föri an angang.  
\iot V. Masouen ei puk Akai: Lon ei puk a chufengen än ewe soufos Akai afalafal a eäni ngeni ekewe aramas fän alon ewe Samol mi Lapalap lon ewe ier 520 mwen Kraist (B.C.). Ekewe chon Juta ra fen liwinto seni ar oola o imweimw lon Jerusalem ekoch ier, nge ewe imwenfel a chüen chök tatakis. Lon än Akai afalafal a pesei ekewe souemwenin aramas pwe repwe aüsefälietä ewe imwenfel. Nge ewe Samol mi Lapalap a pwon ngeni ewe mwichen aramas mi limöch o siwil lon manauer, pwe repwe feiöch o nonom lon ewe fanü fän kinamwe lon ekewe fansoun repwe feito.  
\iot VI. Tettelin masouen ei puk:  
\io1 Ekewe kapasen pesepes pwe aramas repwe aüsefälietä ewe imwenfel \ior 1.1-15\ior*  
\io1 Ekewe kapasen achipachip me apilükülük \ior 2.1-23\ior*  
\c 1  
\s1 Ewe soufos a pesei ekewe aramas pwe repwe aüetä ewe Imwenfelin Kot  
\sr 1.1-15  
\p
\v 1 Lon aruuen ierin mwün Tarius ewe kingen Persia, lon aeuin ränin ewe awonuen maram, ewe Samol mi Lapalap a kapas ngeni ewe soufos Akai fän iten Serupapel nöün Sealtiel we mwän ewe kepinan Juta, pwal fän iten Josua nöün Jehosatak we mwän ewe souasor mi lap. \x + \xo 1.1 \xt Esr 4.24–5.2; 6.14\x*  
\v 2 Ewe Samol mi Unusen Manaman a üreni Akai, “Ekei aramas ra apasa pwe esamwo tori fansoun ar repwe aüsefälieta Imwenfelin ewe Samol mi Lapalap.”  
\v 3 Mürin, alon ewe Samol mi Lapalap a tori ekewe aramas ren ewe soufos Akai,  
\v 4 “Ifa usun, a iei fansoun ämi oupwe imweimw lon imwemi mi lingöch, nge ei Imwenfel a tala?  
\v 5 Iei mine oupwe ekieki usun mine a fis ngenikemi.  
\v 6 Oua fotuki chomong, nge oua kini chokükün. Oua mongö o ün, nge ousap fokun möt ren. Oua aüföüfakemi, nge ousap mefi kinamwe ren, nge ir mi angei liwinin ar angang ra usun chök nge ra iseni liwinir lon eu lenien iseis mi wor pwang lon.”   
\p
\v 7 Iei alon ewe Samol mi Unusen Manaman, “Oupwe ekieki usun mine a fis ngenikemi.  
\v 8 Iei oupwe feita won ekewe chukuchukuta o angang irä, pun oupwe aüsefälieta ewe Imwenfel pwe üpwe pwapwa o küna ling ren.  
\v 9 Oua apilükülükü eu räs mi watte, nge oua chök angei chokükün. Lupwen oua iseis resin fanüemi lon ämi imwen iseis, üa ataela. Met popun? Pokiten imwei Imwenfel a tala, nge oua chök ekieki usun en me imwan.  
\v 10 Iei mine läng a amwöchü amurenipwin, nge fanüfan esap amärätä irä mi ua.  
\v 11 Iwe, üa awarato eu fansoun pwasapwas won ewe fanü, won ekewe chukuchukutä me ekewe tanipin wiich, won ekewe tanipin wain me ekewe irä olif, pwal won meinisin mine a märitä won ewe fanü. Üa pwal awarato eu fansoun pwasapwas won aramas me man kana, pwal won ar angang meinisin.”   
\p
\v 12 Mürin, Serupapel nöün Sealtiel we me Josua nöün Jehosatak ewe souasor mi lap, pwal ekewe lusun aramas mi chüen manau ra aleasochisi alon ewe Samal mi Lapalap ar we Kot, pwal alon ewe soufos Akai, pun ewe Samol mi Lapalap ar we Kot a tinala rer. Iwe, ekewe aramas meinisin ra meniniti ewe Samol mi Lapalap.  
\v 13 Mürin, Akai nöün ewe Samol mi Lapalap we chon künö a asile ngeni ekewe aramas alon ewe Samol mi Lapalap, “Ngang üpwe etikemi.”  
\v 14 Iwe, ewe Samol mi Lapalap a apöchökülätä letipen Serupapel ewe kepinan Juta me letipen Josua ewe souasor mi lap, pwal letipen ekewe lusun aramas mi chüen manau, pwe ra feito o angang ngeni Imwenfelin ewe Samol mi Unusen Manaman ar we Kot.  
\v 15 Ei a fis lon rüe me rüanün ränin ewe awonuen maram lon aruuen ierin mwün ewe king Tarius.   
\c 2  
\p
\v 1 Iwe, lon rüe me aeuin ränin ewe afisuen maram lon ewe chök ier alon ewe Samol mi Lapalap a torisefäli ekewe aramas ren ewe soufos Akai.  
\v 2 A kapas ngeni Akai pwe epwe üreni Serupapel ewe kepinan Juta me Josua ewe souasor mi lap, pwal ekewe lusun aramas meinisin mi chüen manau,  
\v 3 “Iö me leimi a küna lingen ewe Imwenfel me lom? Met oua küna ikenai? Ifa usun, esap lapalapangau lon ämi nengeni? \x + \xo 2.3 \xt Esr 3.12\x*  
\v 4 Nge iei oupwe apworachokemi, ämi Serupapel me Josua, pwal ämi aramasen ei fanü meinisin. Oupwe angang, pun ngang üpwe etikemi.  
\v 5 Lupwen oua towu seni lon Isip, üa fen pwon ngenikemi pwe üpwe etikemi. Ngüni a nonom lefilemi, iei mine ousap niuokus.” \x + \xo 2.5 \xt Eks 29.45-46\x*  
\v 6 Pun iei alon ewe Samol mi Unusen Manaman, “Mürin fansoun mochomoch üpwe achechasefäli läng me fanüfan, pwal matau me fanüpwas. \x + \xo 2.6 \xt Ipr 12.26\x*  
\v 7 Üpwe amwökütükütü mwün fanüfan meinisin, wöür meinisin epwe tori ei leni, üpwe pwal aurala ei Imwenfel ren ling.  
\v 8 Silifer me kolt meinisin ai.  
\v 9 Iwe, lingen ei Imwenfel epwe lapalap seni lingen ewe Imwenfel me lom. Ngang üpwe fangeto lon ei leni wöü me kinamwe.” Iei alon ewe Samol mi Unusen Manaman.   
\s1 Kot a apwüngü ekewe aramas, pun resap allükülük  
\sr 2.10-19  
\p
\v 10 Lon aruuen ierin mwün Tarius, lon rüe me rüanün ränin ewe atiuen maram ewe Samol mi Lapalap a kapas ngeni ewe soufos Akai.  
\v 11 Iwe, a üreni, “Kopwe tüngor ngeni ekewe souasor pwe repwe palüeni ei kapas ais,  
\v 12 ‘Ifa usun, ika eman a uwei lon üfan asoren fituk mi pin, nge üfan a tääri pilawa ika mongö mi ipwöt ika wain ika apüra seni föün olif ika sokun mongö, ifa usun, ekei mongö repwe pwal pin?’” Iwe, ekewe souasor ra palüeni, “Apwi.”  
\v 13 Mürin, Akai a aisiniir, “Nge ifa usun, ika eman a limengau pokiten an atapa eman somä, nge a pwal atapa ekei sokun mongö, ifa usun, epwe limengau ewe mongö?” Iwe, ekewe souasor ra palüeni, “Ewer, epwe limengau.” \x + \xo 2.13 \xt Num 19.11-22\x*  
\v 14 Iwe, Akai a üreniir, “Iei alon ewe Samol mi Lapalap: Ina usun lapalapen aramasen ei mwü me fän mesei. Meinisin mine ra föri, pwal meinisin mine ra eäni asor a limengau.”  
\v 15 Iei alon ewe Samol mi Lapalap, “Ouse mochen oupwe ekieki mine epwe fis seni ikenai. Mwen oua popueta le aüsefälieta ewe Imwenfel,  
\v 16 ifa usun, met a fis ngenikemi? Lupwen eman a ekieki pwe a wor ren ükükün föpükü paun kinian föün wiich, a chök wor ruupükü, nge lupwen eman a feito lon lenien wüchüch föün iran wain o ekiekin üfi lime kalon, a chök üfi rüe.  
\v 17 Iwe, üa afeiengaua meinisin mine oua fotuki ren mwoi me mesenipik me üten fau. Nge ämi ousap kul ngeniei.  
\v 18 Iwe, ikenai rüe me rüanün ränin ewe atiuen maram, ewe rän longolongun ewe Imwenfel a wes. Oupwe ekieki usun mine epwe fis seni ikenai.  
\v 19 Inamwo ika esap chüen wor föün wiich lon ämi lenien iseis, nge ekewe irän wain me fik me apel me olif resap mwo ua. Nge seni ikenai üpwe afeiöchükemi.”   
\s1 Än Kot pwon ngeni Serupapel  
\sr 2.20-23  
\p
\v 20 Iwe, lon rüe me rüanün ränin ewe maram ewe Samol mi Lapalap a kapas ngeni Akai fän aruuan,  
\v 21 “Kopwe kapas ngeni Serupapel ewe kepinan Juta, pwe iei üpwe le achecha läng me fanüfan  
\v 22 o aturätiu ekewe mwü. Üpwe awesi nemenemen ekewe king mi nemeni ekewe mwü, üpwe pwal alupala ekewe woken fiti ekewe chon wawa. Ekewe oris me chon wäniir repwe mäla, pun iteiten eman me eman leir epwe niela en me chienan.  
\v 23 Lon ewe rän üpwe angeek, en Serupapel nei chon angang, üpwe pwal nounuk usun efoch ringen impwang \f + \fr 2.23 \ft wewen üpwe awisok pwe kopwe nemenem fän itei\f*. Pun en ätewe üa afiluk.” Iei alon ewe Samol mi Unusen Manaman.