\id EZR  
\h ESRA 
\toc1 Esra 
\toc2 Esra 
\toc3 Esr 
\mt1 Esra  
\ib  
\is1 Kapas akom  
\iot I. Iten ei puk: Esra. Ei puk a angei itan seni iten ewe aramas mi aüchea, a mak pworausan lon. Wewen ei it Esra: Chon Alilis.  
\iot II. Chon makei ei puk: Ese nien fat. Ekewe sousilelap lon Paipel ra tipeeu ngeni, pwe Esra a makei ekoch kinikin me lon ei puk, nge esap unusan, eli i ätewe a achufengeni ekewe kinikinin lon meinisin.  
\iot III. Itelapemongen ei puk: Kot esap likitala nöün aramas.  
\iot IV. Kapas aüchean ei puk: Mine Kot a fen pwon ngeni Jeremaia, pwe chon Juta repwe liwinsefäl seni ar oola, a pwönüetä.  
\iot V. Masouen ei puk Esra: Lon ei puk a soposopola ekewe pworaus mi mak lon ekewe puken Kronika. A apworausa usun än ekoch chon Juta mi oola Papilon liwinsefäliti Jerusalem o popuetäsefäli ar angangen fel ngeni Kot. Ekei pworaus ra mak lon 3 tettel:  
\io2 1. Aeuin mwichen chon Juta mi oola Papilon a liwinsefäl fän Sirus ewe kingen Persia allük.  
\io2 2. Ewe imwenfel a kaüsefäl o efinun. Ewe angangen fel ngeni Kot a fissefäl lon Jerusalem.  
\io2 3. Ekoch ier mürin pwal eu mwichen chon Juta a liwinsefäliti Jerusalem fän emwenien Esra. Ätewe mi silelapei än Kot kewe allük. Esra a alisi ekewe aramas le akotasefäli angangen ar lamalam me nonomun manauer, pwe repwe tongeni tümwünü pwüngün ar lamalam ra angei seni ar kewe lewo.  
\iot VI. Tettelin masouen ei puk:  
\io1 Ewe aeuin mwichen chon Juta a liwinsefäl seni ar oola \ior 1.1–2.70\ior*  
\io1 Ewe imwenfel a kaütä o efinun \ior 3.1–6.22\ior*  
\io1 Esra me pwal ekoch chon oola ra liwinsefäl \ior 7.1–10.44\ior*  
\c 1  
\s1 Än Sirus pworausen asilesil  
\sr 1.1-4  
\p
\v 1 Iwe, lon aeuin ierin mwün Sirus ewe kingen Persia, ewe Samol mi Lapalap a amwökütükütü leluken Sirus pwe epwe föri pworausen asilesil ngeni unusen mwün. Ei a fis pwe epwe pwönüetä mine Jeremia a apasa fän alon ewe Samol mi Lapalap. Iwe, Sirus ewe kingen Persia a makeetiu, \x + \xo 1.1 \xt Jer 25.11; 29.10\x*  
\v 2 “Iei aloi ngang Sirus ewe kingen Persia: Ewe Samol mi Lapalap, ewe Koten läng, a ngeniei ekewe mwün fanüfan meinisin. Iwe, a filiei pwe üpwe aüetä eu imwenfel fän itan me lon Jerusalem lon ewe fanü Juta. \x + \xo 1.2 \xt Ais 44.28\x*  
\v 3 Ämi meinisin mi iteni nöün Kot aramas, Kot epwe etikemi. Oupwe feila Jerusalem lon ewe fanü Juta, pwe oupwe aüsefälietä imwen ewe Samol mi Lapalap ewe Koten Israel, i ewe Kot mi nom Jerusalem.  
\v 4 Iwe, iteiten eman me eman mi chüen manau o mochen liwinsefäl, ese lifilifil ia a nom ie, epwe angei alilisin seni aramasen lenian. Epwe angei silifer me kolt, sokopaten pisek me man, pwal ekewe asor aramas ra fangala seni mochenin letiper fän iten ewe imwen Kot mi nom lon Jerusalem.”   
\s1 Ekewe chon oola ra liwinsefäliti Jerusalem  
\sr 1.5-11  
\p
\v 5 Mürin, mwänirelan än semer kewe cho seni ewe ainangen Juta me Peniamin, ekewe souasor me ekewe aramas seni ewe ainangen Lefi, pwal ir meinisin Kot a amwökütükütü leluker ra ütä pwe repwe feila o aüsefälietä imwen ewe Samol mi Lapalap mi nom Jerusalem.  
\v 6 Nge chon arur meinisin ra alisiir ren pisek seni silifer, ren kolt me sokopaten pisek, ren man pwal ren pisek mi aüchea, fiti ekewe asor ra fangala seni mochenin letiper.  
\v 7 Iwe, ewe king Sirus a pwal atowu ekewe pisek Nepukatnesar a angei seni imwen ewe Samol mi Lapalap lon Jerusalem me lom o anomu lon imwen an kewe kot.  
\v 8 Iwe, Sirus ewe kingen Persia a atorolong fän nemenien Mitretat ewe chon tümwünü moni. Ätei a aleani ekewe pisek ngeni Sespasar ewe samolun Juta.  
\v 9 Iwe, iei iteiten ekewe pisek: Ilik sepi seni kolt, engeröü sepi seni silifer, rüe me tiu sepi fän iten apach mi pwokus,  
\v 10 ilik kükün sepi seni kolt me föpükü engol kükün sepi seni silifer, pwal engeröü sokopaten sepi.  
\v 11 Iwe, ekewe pisek meinisin seni kolt me silifer ükükür limungeröü föpükü. Ekei pisek meinisin Sespasar a uwala, lupwen i me ekewe chon oola ra towu seni Papilon o liwinsefäliti Jerusalem.   
\c 2  
\s1 Iteiten ekewe aramas mi liwinto seni ar oola  
\sr 2.1-70  
\r (Ne 7.4-73)  
\p
\v 1 Iwe, chomong seni ekewe aramas mi oola lon Papilon ra liwinsefäliti Jerusalem me Juta lon en me poputän telinimwan. Ir chokewe ewe king Nepukatnesar a uweerela Papilon me lom.   
\p
\v 2 Iwe, nöür kewe souemwen Serupapel, Jesua, Nehemia, Seraia, Reelaia, Mortekai, Pilsan, Mispar, Pikwai, Reum me Paana. Iei iteiten ekewe mwän seni ekewe aramasen Israel mi liwinsefäl seni ar oola:  
\v 3 Ekewe mwirimwirin Paros ükükün ruungeröü ipükü fik me ruoman.  
\v 4 Ekewe mwirimwirin Sefatia ükükün ülüpükü fik me ruoman.  
\v 5 Ekewe mwirimwirin Ara ükükün füpükü fik me limman.  
\v 6 Ekewe mwirimwirin Pahat-moap, ir mwirimwirin Jesua me Joap ükükün ruungeröü walupükü engol me ruoman.  
\v 7 Ekewe mwirimwirin Elam ükükün engeröü ruupükü lime me föman.  
\v 8 Ekewe mwirimwirin Satu tiwepükü faik me limman.  
\v 9 Ekewe mwirimwirin Sakai ükükün füpükü wone.  
\v 10 Ekewe mwirimwirin Pani ükükün wonopükü faik me ruoman.  
\v 11 Ekewe mwirimwirin Pepai ükükün wonopükü rüe me ülüman.  
\v 12 Ekewe mwirimwirin Askat ükükün engeröü ruupükü rüe me ruoman.  
\v 13 Ekewe mwirimwirin Atonikam ükükün wonopükü wone me wonoman.  
\v 14 Ekewe mwirimwirin Pikwai ükükün ruungeröü lime me wonoman.  
\v 15 Ekewe mwirimwirin Atin ükükün föpükü lime me föman.  
\v 16 Ekewe mwirimwirin Ater, ir mwirimwirin Hiskia, ükükün tiwe me waluman.  
\v 17 Ekewe mwirimwirin Pesai ükükün ülüpükü rüe me ülüman.  
\v 18 Ekewe mwirimwirin Jora ükükün ipükü engol me ruoman.  
\v 19 Ekewe mwirimwirin Hasum ükükün ruupükü rüe me ülüman.  
\v 20 Ekewe mwirimwirin Kipar ükükün tiwe me limman.   
\p
\v 21 Iei iteiten ekewe mwän mi pwal liwinsefäl seni ar oola, lewor ra pop seni ekei telinimw: Seni Petleem ükükün ipükü rüe me ülüman.  
\v 22 Seni Netofa lime me wonoman.  
\v 23 Seni Anatot ükükün ipükü rüe me waluman.  
\v 24 Seni Asmafet ükükün faik me ruoman.  
\v 25 Seni Kiriat-jearim, Chefira me Peerot ükükün füpükü faik me ülüman.  
\v 26 Seni Rama me Kepa ükükün wonopükü rüe me eman.  
\v 27 Seni Mikmas ükükün ipükü rüe me ruoman.  
\v 28 Seni Petel me Ai ükükün ruupükü rüe me ülüman.  
\v 29 Seni Nepo ükükün lime me ruoman.  
\v 30 Seni Makpis ükükün ipükü lime me wonoman.  
\v 31 Seni pwal eu telinimw Elam ükükün engeröü ruupükü lime me föman.  
\v 32 Seni Harim ükükün ülüpükü rüe.  
\v 33 Seni Lot, Hatit me Ono ükükün füpükü rüe me limman.  
\v 34 Seni Jeriko ükükün ülüpükü faik me limman.  
\v 35 Seni Sena ükükün ülüngeröü wonopükü ilik.   
\p
\v 36 Iei iteiten ekewe souasor mi liwinsefäl seni ar oola: Ekewe mwirimwirin Jetaia ir chon leimwen Jesua ükükün tiwepükü fik me ülüman.  
\v 37 Ekewe mwirimwirin Imer ükükün engeröü lime me ruoman.  
\v 38 Ekewe mwirimwirin Pasur ükükün engeröü ruupükü faik me füman.  
\v 39 Ekewe mwirimwirin Harim ükükün engeröü engol me füman.   
\p
\v 40 Iei iteiten chon ewe ainangen Lefi mi liwinsefäl seni ar oola: Ekewe mwirimwirin Jesua me Katmiel, ir mwirimwirin Hotawia, ükükün fik me föman.  
\v 41 Iei iteiten ekewe chon köl: Ekewe mwirimwirin Asaf ükükün ipükü rüe me waluman.  
\v 42 Iei iteiten ekewe chon mamasa asamalapen imwenfel: Ekewe mwirimwirin Salum, Ater, Talmon, Akup, Hatita me Sopai, irfengen meinisin ipükü ilik me tiweman.   
\p
\v 43 Ikkei ir ekewe chon angang ngeni imwenfel mi liwinsefäl seni ar oola: Ekewe mwirimwirin Siha, Hasufa me Tapaot,  
\v 44 Keros, Siaha me Paton,  
\v 45 Lepana, Hakapa me Akup,  
\v 46 Hakap, Samlai me Hanan,  
\v 47 Kittel, Kahar me Reaia,  
\v 48 Resin, Nekota me Kasam,  
\v 49 Usa, Pasea me Pesai,  
\v 50 Asna, Meunim me Nefisim,  
\v 51 Pakpuk, Hakufa me Harur,  
\v 52 Paslut, Mehita me Harsa,  
\v 53 Parkos, Sisera me Tema,  
\v 54 Nesia me Hatifa.   
\p
\v 55 Ikkei ir mwirimwirin nöün Salomon kewe chon angang mi liwinsefäl seni ar oola: Ekewe mwirimwirin Sotai, Hasoferet me Peruta,  
\v 56 Jaala, Tarkon me Kittel,  
\v 57 Sefatia, Hatil, Pokeret-hasepaim me Ami.   
\p
\v 58 Iwe, iteiten ekewe chon angang ngeni imwenfel me ekewe mwirimwirin nöün Salomon kewe chon angang ükükün ülüpükü tiwe me ruoman.   
\p
\v 59 Ikkei iteiten chokewe mi feito seni ekewe telinimimw Telmela, Telharsa, Cherup, Atan me Imer, nge resap tongeni afata än semelaper kewe cho, ika ir mwirimwirin chon Israel:  
\v 60 Ekewe mwirimwirin Telaia, Topia me Nekota ükükün wonopükü lime me ruoman.  
\v 61 Nge seni lein ekewe souasor esap afat lewor: Ekewe mwirimwirin Hapaia, Hakos me Parsilai. Ätei a angei eman pwülüan seni ekewe fefin nöün Parsilai ewe re Kiliat o iteni iten semen pwülüan we.  
\v 62 Ikkei ir ekewe mwän ra kütta iter me lein chokewe mi makelong iter lon ewe puken uruwo, nge resap küna. Iei mine resap tongeni wiseni ewe wisen souasor, pun ra nom lon tettelin chon limengau.  
\v 63 Iwe, ewe kepina a üreniir pwe resap tongeni mongö seni ewe mongö mi unusen pin, tori epwe wor eman souasor mi tongeni kütta pwüngün ren ewe Urim me Tumim \f + \fr 2.63 \ft Urim me Tumim ruu minen asisil ra aea le asisila letipen Kot\f*. \x + \xo 2.63 \xt Num 27.21\x*   
\p
\v 64 Iwe, iteiten unusen ewe mwichen aramas mi liwinsefäl seni ar oola ükükün faik me ruungeröü ülüpükü wone.  
\v 65 Nge nöür chon angang mwän me chon angang fefin resap alealong lon ei iteit ükükün fisungeröü ülüpükü ilik me füman. Mi pwal wor nöür chon köl mwän me fefin ükükün ruupükü.  
\v 66 Iwe, mi pwal wor nöür oris ükükün füpükü ilik me wonoman, nöür ätemwänin aas ükükün ruupükü faik me limman,  
\v 67 nöür kamel ükükün föpükü ilik me limman, nge nöür aas ükükün wonongeröü füpükü rüe.   
\p
\v 68 Iwe, lupwen ekewe chon oola ra tori imwen ewe Samol mi Lapalap lon Jerusalem, ekoch me lein ekewe mwänirelan än semer kewe cho ra uwato ar asor seni mochenin letiper fän iten ewe imwen Kot, pwe epwe kaütä lon lenian me lom.  
\v 69 Iei ükükün mine ra tongeni fangala ngeni ewe angang: ina epwe ükükün engeröü ipükü paun kolt, ina epwe ükükün ülüngat ton silifer me ipükü üfen souasor.   
\p
\v 70 Iwe, ekewe souasor, chon ewe ainangen Lefi me ekoch me lein ekewe aramas ra nonom lon Jerusalem me wisoposopun. Nge ekewe chon köl, ekewe chon mamasa asamalapen imwenfel, pwal ekewe chon angang ngeni ewe imwenfel me ekewe lusun chon Israel meinisin ra nonom lon en me an telinimw. \x + \xo 2.70 \xt 1.Kron 9.2; Ne 11.3\x*   
\c 3  
\s1 A fissefäl ar fel ngeni Kot  
\sr 3.1-7  
\p
\v 1 Iwe, lupwen a tori ewe afisuen maram, nge ekewe chon Israel ra nonom lon ar kewe telinimw, ra tipeeu le chufengen lon Jerusalem.  
\v 2 Mürin, Jesua nöün Jehosatak we mwän fiti chienan kewe souasor me Serupapel nöün Sealtiel we mwän fiti aramasan kewe ra senätä än ewe Koten Israel we rongen asor pwe repwe eäni asoren kek won, usun a mak lon ewe allük än Moses ewe aramasen Kot. \x + \xo 3.2 \xt Eks 27.1\x*  
\v 3 Inamwo ika ra niuokusiti ekewe aramas mi fen nom lon ewe fanü, nge ra chök senätä ewe rongen asor won lenian me lom o eäni asoren kek won ngeni ewe Samol mi Lapalap iteiten lesosor me lekuniol. \x + \xo 3.3 \xt Num 28.1-8\x*  
\v 4 Iwe, ra föri ewe chulapen likachoch, usun a fen mak lon akotun. Ra eäni asoren kek iteiten rän aükük ngeni ükükün mine a fen pwüngüla fän iten eu me eu rän. \x + \xo 3.4 \xt Num 29.12-38\x*  
\v 5 Lükün ei asor ra pwal eäni ekewe asoren kek mi fifis iteiten rän, ekewe asor mi fis lepopun maram, pwal lon än ewe Samol mi Lapalap kewe chulap meinisin mi kefilitä, me ekewe asor eman me eman a eäni seni mochenin letipan ngeni ewe Samol mi Lapalap. \x + \xo 3.5 \xt Num 28.11–29.39\x*  
\v 6 Iwe, lon ewe aeuin ränin ewe afisuen maram ra popuetä le eäni asoren kek ngeni ewe Samol mi Lapalap. Nge longolongun imwenfelin ewe Samol mi Lapalap esamwo popuetä.  
\v 7 Mürin ra ngeni ekewe chon ses fau me ekewe taiku moni pwe liwinin ar angang. Ra pwal ngeni ekewe chon Siton me Tirus ener me ünümer me apüra, pwe repwe uwato irä setar seni Lepanon ngeni ewe matau o uweela tori Joppa, usun Sirus ewe kingen Persia a fen mwütätä.   
\s1 Poputän kaüsefälin ewe imwenfel  
\sr 3.8-13  
\p
\v 8 Iwe, lon ewe aruuen maramen ewe aruuen ierin ar liwinla ren ewe imwen Kot lon Jerusalem, Serupapel nöün Sealtiel me Jesua nöün Jehosatak ra popuetä ewe angang, nge märärir kewe, ekewe souasor me chon ewe ainangen Lefi, pwal meinisin mi liwinla Jerusalem seni ar oola ra etiir. Iwe, ra awisa ekewe mwän seni ewe ainangen Lefi seni ier rüe feitä pwe repwe nemeni angangen ewe imwenfel.  
\v 9 Iwe, Jesua fiti nöün kewe mwän me aramasan, Katmiel me nöün kewe mwän, ir mwirimwirin Hotawia, pwal nöün Henatat me nöün nöün kewe fiti aramaser, ir meinisin seni ewe ainangen Lefi, ra nemeni ekewe chon angang ngeni ewe imwenfel.   
\p
\v 10 Iwe, lupwen ekewe chon kaü imw ra föri longolongun imwenfelin ewe Samol mi Lapalap, ekewe souasor ra ütä rer fän üfer üföüfen souasor, pwal fän nöür kewe rappwa. Nge ekewe mwän seni ewe ainangen Lefi, ekewe mwirimwirin Asaf, ra ütä fän ar pisekin kaktai, pwe repwe mwareiti ewe Samol mi Lapalap usun Tafit ewe kingen Israel a aiti ngeniir me lom. \x + \xo 3.10 \xt 1.Kron 25.1\x*  
\v 11 Iwe, ra kölün mwareiti ewe Samol mi Lapalap o kilisou ngeni, “Ewe Samol mi Lapalap a kirikiröch, an tong ellet ngeni chon Israel a nonom tori feilfeilachök.” Iwe, ekewe aramas ra leüömong le kökkö, lupwen ra mwareiti ewe Samol mi Lapalap, pun a fis longolongun ewe imwenfel. \x + \xo 3.11 \xt 1.Kron 16.34; 2.Kron 5.13; 7.3; Kölf 100.5; 107.1; 118.1; 136.1; Jer 33.11\x*  
\v 12 Nge chomong me lein ekewe souasor me ekewe mwän seni ewe ainangen Lefi, pwal ekewe mwänirelan än semer kewe cho, ir ekewe chinlap mwän mi küna ewe aeuin imwenfel, ra leüömong le kechü, lupwen ra küna pwe a fis longolongun ei imwenfel. Nge pwal chomong me lein ekewe aramas ra fokun leüömong fän ar pwapwa.  
\v 13 Iwe, esap wor eman a tongeni weweiti ngingin ewe pwapwa fän leüömong me ngingin än ekewe aramas kechü, pun ngingir a fokun leüömong, pwe aramas ra tongeni rongorong me toau.   
\c 4  
\s1 Ekewe chon pälüeni Israel ra öüela ewe angang  
\sr 4.1-24  
\p
\v 1 Iwe, lupwen ekewe chon oputa ekewe aramasen Juta me Peniamin ra rongorong, pwe ekewe chon oola mi liwinsefäl ra aüetä eu imwenfel ngeni ewe Samol mi Lapalap ewe Koten Israel,  
\v 2 ra feito ren Serupapel me ekewe mwänirelan än semelaper kewe cho o üreniir, “Oupwe mwüt ngenikem pwe aipwe etikemi le aüetä ewe imwenfel. Pun äm aia fel ngeni ewe Kot ämi oua fel ngeni. Äm aia pwal asor ngeni seni fansoun mwün Esar-haton ewe kingen Asiria mi tinikeemito ikei.” \x + \xo 4.2 \xt 2.King 17.24-41\x*  
\v 3 Nge Serupapel, Jesua me ekewe mwänirelan än semer kewe cho me lon Israel ra üreniir, “Esap tufich pwe oupwe etikem le aüetä eu imwenfel fän iten äm we Kot. Äm chök aipwe aüetä ei imw fän iten ewe Samol mi Lapalap ewe Koten Israel, usun Sirus ewe kingen Persia a allük ngenikem.”   
\p
\v 4 Mürin, ekewe aramas mi nom lon ewe fanü ra atipemwaramwara ekewe chon Juta o aniuoksuur pwe resap aüetä ewe imwenfel.  
\v 5 Ra pwal ngeni ekoch meilapen ewe mwün Persia lifangen amichimich pwe repwe epetiir lon ar angang. Ei ra föri lon fansoun mwün Sirus, pwal tori fansoun mwün Tarius ekewe kingen Persia.   
\p
\v 6 Iwe, lon mwün Asuworos, lepoputän an nemenem, ekewe chon oputa chon Juta me Jerusalem ra makei echö toropwen atipisiir. \x + \xo 4.6 \xt Est 1.1\x*   
\p
\v 7 Iwe, pwal lon fansoun mwün Artaksasta ewe kingen Persia, Pislam, Mitretat me Tapel pwal chiechier kewe ra makei echö toropwe ngeni Artaksasta. Ewe toropwe a mak lon fosun Aramaik, pwal lon itechikin Aramaik.  
\v 8 Pwal Rehum ewe sounemenem me Simsai ewe soumak ra makei echö toropwen atutur fän iten Jerusalem ngeni ewe king Artaksasta lon ei lapalap:  
\v 9 Seni Rehum ewe sounemenem, Simsai ewe soumak, pwal chiechier kewe, ekewe soukapwüng, ekewe kepina, ekewe nöüwis, ekewe chon Persia, chon Erek, chon Papilon, pwal ekewe chon Elam seni Susa  
\v 10 me lusun chon ekewe mwü, Osnapar ätewe mi tekia o iteföüla a uweerela o anomuur lon ekewe telinimwen Samaria, pwal lon ewe fanü lotoun ewe chanpupu Oifrat.  
\v 11 Iei masouen ewe toropwe ra tinala, “Ngeni ewe king Artaksasta seni noum kewe chon angang, ekewe mwän seni ewe fanü lotoun ewe chanpupu Oifrat:  
\v 12 Aia mochen asile ngonuk, en äm king, pwe ekewe chon Juta mi feila senuk o feito ikei ra nonom Jerusalem. Ir ra aüsefälietä ewe telinimw mi ngau o afitikoko chök. Ra försefäli longolongun ewe telinimw o angang ngeni tittin kewe.  
\v 13 Iei aia mochen asile ngonuk, en äm king, pwe ika ei telinimw epwe kaüsefäl o tittin kewe repwe wesila, ekewe aramas resap chüen mönätiu ar kewe sokopaten takises, nge än ewe king moni tolong epwe kisikisila.  
\v 14 Nge pokiten äm aia angei äm tufich senuk, en äm king, äm aisap pwal mochen küna om itengau, iei mine äm aia tinala ei toropwe reöm o asile ngonuk ei föför,  
\v 15 pwe kopwe tongeni kütta pworausen ei telinimw lon ekewe puken uruwo än ekewe king ra akom mwom. Iwe, kopwe küna o silei me lon ei puken uruwo pwe ei telinimw eu telinimw mi afitikoko chök, a aosukosuka ekewe king me ekewe fanü, nge seni me lomlom aramasen lon ra chök päpälüeni mwü. Iei popun pwe ei telinimw a tala.  
\v 16 Äm aia asile ngonuk, en äm king, pwe ika ei telinimw epwe kaüsefäl o tittin kewe repwe wesila, mürin esap chüen wor om nemenem lon ewe fanü lotoun ewe chanpupu Oifrat.”   
\p
\v 17 Iwe, ewe king a tinala pälüen ewe toropwe: “Üa kapong ngeni Rehum ewe sounemenem me Simsai ewe soumak, pwal ngeni chiechier kewe mi nom lon Samaria me ewe fanü lotoun ewe chanpupu Oifrat.  
\v 18 Ewe toropwe oua tinato rei, ra aleani o awewe ngeniei lon fosun fanüei.  
\v 19 Üa föri eu allük pwe repwe kütta pworausen ewe telinimw. Iwe, ra küna pwe ei telinimw a ü ngeni ekewe king seni me lomom, a pwal pwä pwe a uren chon afitikoko me chon pälüeni mwü.  
\v 20 Iwe, mi wor king mi pwora ra nemenem me lon Jerusalem pwal lon unusen ewe fanü lotoun ewe chanpupu Oifrat, nge aramas ra mönätiu sokopaten takises ngeniir.  
\v 21 Iei mine oupwe föri eu allük pwe ekei aramas repwe ükütiu le aüsefälietä ei telinimw tori üpwe pwal föri eu allük.  
\v 22 Oupwe tümwünü pwe ousap mang ngeni pwüngün ei allük, pwe ei osukosuk esap wattela o angauala winnen mwüi.”   
\p
\v 23 Iwe, lupwen ewe toropwe seni ewe king Artaksasta a alea me fän mesen Rehum me Simsai ewe soumak pwal chiechier kewe, ra müttir feila Jerusalem ren ekewe chon Juta o aükätiu ar angang fän pöchökül.  
\v 24 Mürin, angangen won ewe imwen Kot lon Jerusalem a kaüla tori aruuen ierin mwün Tarius ewe kingen Persia. \x + \xo 4.24 \xt Ak 1.1; Sek 1.1\x*   
\c 5  
\s1 Ewe imwenfel a kaüsefäl  
\sr 5.1–6.22  
\p
\v 1 Iwe, lon ena fansoun ekewe soufos Akai me Sekaraia eman mwirimwirin Ito ra osuni ngeni ekewe chon Juta mi nom lon Juta me Jerusalem fän iten ewe Koten Israel, pun Ngünün a nonom wor. \x + \xo 5.1 \xt Sek 1.1\x*  
\v 2 Mürin Serupapel nöün Sealtiel me Jesua nöün Jehosatak ra ütä o popuetä le aüsefälietä ewe imwen Kot lon Jerusalem. Nge nöün Kot kewe soufos ra etiir o alisiir. \x + \xo 5.2 \xt Ak 1.12; Sek 4.6-9\x*   
\p
\v 3 Iwe, lon ewe chök fansoun Tatenai kepinan ewe fanü lotoun ewe chanpupu Oifrat me Setar-posenai pwal chiechier kewe ra feila rer o aisiniir, “Iö a mwütätä ngenikemi pwe oupwe aüetä ei imwenfel o awesala?  
\v 4 Ikafa iten ekewe mwän mi aüetä ei imw?”  
\v 5 Nge Kot a mamasa ekewe souakomwen chon Juta. Iwe, ekewe nöüwisen Persia resap aükätiu ar angang tori echö repoot epwe tori Tarius, nge Tarius epwe tinala pälüan lon echö toropwe.   
\p
\v 6 Iei ewe repoot Tatenai kepinan ewe fanü lotoun ewe chanpupu Oifrat me Setar-posenai pwal chiechian kewe kepina mi nom lon ewe fanü lotoun ewe chanpupu Oifrat ra tinala ren ewe king Tarius.  
\v 7 Iwe, iei masouen ewe repoot: “Ngeni ewe king Tarius, aia äleäl amwo epwe wor kinamwe lon mwum.  
\v 8 Äm aia mochen asile ngonuk, en äm king, pwe aia feila lon ewe fanü Juta ren imwenfelin ewe Kot mi tekia. Ra aüetä ewe imw ren fau mi fokun watte o iseis irä lon ekewe etiip, nge ar angang a fokun fisiöch o fefeitä.  
\v 9 Mürin aia kapas ngeni ekewe souakom o aisiniir, ‘Iö a mwütätä ngenikemi pwe oupwe aüsefälietä ei imwenfel o awesala?’  
\v 10 Aia pwal aisiniir iter pwe aipwe asile ngonuk iten ekewe mwän mi emweniir.  
\v 11 Iwe, iei usun mine ra pälüeni ngenikem, ‘Äm aia chon angang ngeni ewe Koten läng me fanüfan. Aia aüsefälietä ewe imwenfel a fen kaü lon chomong ier ra la. Eman king mi tekia lon Israel a aüetä ewe imwenfel o awesala.  
\v 12 Nge pokiten äm kewe lewo ra asonga ewe Koten läng, iei mine a atolongeer fän nemenien Nepukatnesar ewe kingen Papilon, ewe re Kaltea. Ätei a ataela ei imwenfel o uwala ekewe aramas ngeni Papilon. \x + \xo 5.12 \xt 2.King 25.8-12; 2.Kron 36.17-20; Jer 52.12-15\x*  
\v 13 Nge lon aeuin ierin mwün Sirus ewe king mi nemeni Papilon, Sirus a föri eu allük pwe ei imwen Kot epwe kaüsefäl. \x + \xo 5.13 \xt Esr 1.2-11\x*  
\v 14 Iwe, a pwal atowu ekewe pisek seni kolt me silifer Nepukatnesar a angei seni ewe imwenfel lon Jerusalem o uwala lon ewe imwenfelin an kewe kot lon Papilon. Ekei pisek ewe king Sirus a ngeni eman mwän itan Ses-pasar. Ätewe ewe king a seikätä pwe epwe kepina lon Juta.  
\v 15 Iwe, Sirus a üreni Ses-pasar, “Kopwe angei ekei pisek, kopwe feila o anomuur lon ewe imwenfel lon Jerusalem, nge kopwe pwal aüsefälietä ewe imwen Kot won wesewesen lenian me lom.”  
\v 16 Mürin, ei mwän Ses-pasar a feito o föri longolongun ewe imwen Kot lon Jerusalem. Iwe, seni ewe fansoun tori lon ei otun aia chök akaüetä, nge esamwo wesila.’  
\v 17 Iei mine ika a öch me reöm, en äm king, kopwe kütta lon än ekewe king puken uruwo lon Papilon pwe kopwe küna ika ei allük a pwüngüla me ren ewe king Sirus fän iten kaüsefälin ei imwen Kot lon Jerusalem. Mürin kopwe asile ngenikem mefiom won ei pworaus.”   
\c 6  
\p
\v 1 Mürin, ewe king Tarius a föri eu allük pwe repwe kütta ei pworaus lon än ekewe king puken uruwo mi iseis lon Papilon.  
\v 2 Iwe, ra küna eu puk me lon ewe telinimw Ekpatana lon ewe fanü Metia. Iei usun mine a mak lon:  
\v 3 “Lon aeuin ierin mwün ewe king Sirus, i a föri eu allük fän iten ewe imwen Kot lon Jerusalem epwe kaüsefäl, pwe epwe eu lenien asor me keni asor. Tekian ewe imw epwe ükükün tiwe fiit, nge chölapan epwe pwal tiwe fiit.  
\v 4 Etippan kewe epwe wor ülüngat sässärin fau mi watte me eu sässärin irä, nge liwinin ewe angang epwe towu seni än ewe king lenien iseis moni.  
\v 5 Iwe, ekewe pisek seni kolt me silifer, Nepukatnesar a angei seni ewe imwenfel lon Jerusalem o uwala Papilon, repwe aliwinala ngeni ewe imwenfel lon Jerusalem lon en me lenian. Oupwe iseniir lon ewe imwen Kot.”   
\p
\v 6 Mürin Tarius a makei pälüen ewe toropwe: “En Tatenai kepinan ewe fanü lotoun ewe chanpupu Oifrat me Setar-posenai, pwal ämi chiechier kewe mi nom lon ewe fanü lotoun ewe chanpupu Oifrat, oupwe feila seni ewe leni.  
\v 7 Ousap epeti angangen ewe imwen Kot. Ewe kepinan chon Juta me ekewe souakom repwe aüsefälietä ei imwen Kot won wesewesen lenian me lom.  
\v 8 Nge üa pwal föri eu allük usun mine oupwe föri ngeni ekei souakomwen chon Juta fän iten kaüsefälin ei imwen Kot. Ewe liwin epwe unus ngeni ekei mwän. Epwe towu seni än ewe king lenien iseis moni seni takisesin ewe fanü lotoun ewe chanpupu Oifrat, pwe ewe angang esap kaüla.  
\v 9 Iteiten rän oupwe pwal ngeni ekewe souasor lon Jerusalem meinisin mine ra mochen, nge ousap amwöchü och seniir. Oupwe ngeniir nienifön ätemwänin kow, ätemwänin sip ika sip fän iten asoren kek ngeni ewe Koten läng, pwal wiich, salt, wain ika apüra,  
\v 10 pwe repwe tongeni eäni ekewe asor mi fich ngeni ewe Koten läng, repwe pwal iotek fän iten manauei me nei kewe mwän.  
\v 11 Üa pwal föri eu allük pwe ika eman a aleasolap ngeni ei allük, efoch irä epwe uttuwu seni imwan, aramas repwe akeni lesopun o apwera ngeni, nge imwan epwe tala o wiliti eu ioien pipi.  
\v 12 Amwo ewe Kot mi filätä ei leni pwe aramas repwe fel ngeni ie, epwe asapwilätiu ekewe king me chon ekewe mwü mi ü ngeni ei allük o ataela ei imwen Kot lon Jerusalem. Ngang Tarius üa föri ewe allük. Aramas repwe tichik le aleasochis ngeni.”   
\p
\v 13 Mürin, Tatenai kepinan ewe fanü lotoun ewe chanpupu Oifrat me Setar-posenai, pwal chiechier kewe ra tichik le apwönüetä mine ewe king a allük ngeniir.  
\v 14 Iei mine ekewe souakomwen chon Juta ra sopwela le aüsefälietä ewe imwenfel, nge ar angang a fisiöch, pun ekewe soufos Akai me Sekaraia ra apöchöküla leluker ren ar afalafal. Iwe, ra awesala ar angang ngeni ewe imwenfel fän än ewe Koten Israel allük, pwal fän än Sirus, Tarius me Artaksasta ekewe kingen Persia allük. \x + \xo 6.14 \xt Ak 1.1; Sek 1.1\x*  
\v 15 Iwe, ei imwenfel a wesila lon aülüngatin ränin ewe maram Atar lon awonuen ierin mwün ewe king Tarius.   
\p
\v 16 Mürin, ekewe aramasen Israel, ir ekewe souasor me ekewe mwäns seni ewe ainangen Lefi, pwal chokewe meinisin mi liwinto seni ar oola ra föri efinünen ei imwen Kot fän pwapwa.  
\v 17 Iwe, lon efinünen ei imwen Kot ra eäni asor ükükün ipükü ätemwänin kow, ruupükü ätemwänin sip me föpükü nienifön sip. Nge fän iten chon Israel meinisin ra eäni asoren tipis ükükün engol me ruoman ätemwänin kuuch aükük ngeni iteiten ekewe engol me ruu ainangen Israel.  
\v 18 Ra pwal awisa ekewe souasor me ekewe mwän seni ewe ainangen Lefi lon en me an mwich fän iten ewe angangen Kot lon Jerusalem, usun a fen mak lon än Moses we puk.   
\p
\v 19 Iwe, lon ewe engol me rüanün ränin ewe aeuin maram chokewe mi liwinto seni ar oola ra föri ewe Pasofer. \x + \xo 6.19 \xt Eks 12.1-20\x*  
\v 20 Ekewe souasor me ekewe mwän seni ewe ainangen Lefi ra tipepök le alimöchüür, pwe ir meinisin ra limöch le föri ewe angang. Iwe, ekewe mwän seni ewe ainangen Lefi ra niela ekewe mönün Pasofer fän iten chokewe meinisin mi liwinto seni ar oola, fän iten chiechier kewe ekewe souasor, pwal fän iten püsin ir.  
\v 21 Iwe, ekewe aramasen Israel mi liwinto seni ar oola ra ochei ekewe mönün Pasofer, pwal meinisin mi chu ngeniir, ir chokewe mi aimwürela seni än aramasen ewe fanü kewe föför mi ngau, pwe repwe fel ngeni ewe Samol mi Lapalap ewe Koten Israel.  
\v 22 Lon ükükün fisu rän ra pwal föri ewe chulapen mongö pilawa esap wor iis lon fän pwapwa, pun ewe Samol mi Lapalap a apwapwaar ren an akulu leluken ewe kingen Asiria ngeniir, pwe a alisiir lon angangen ewe imwen Kot, ewe Koten Israel.   
\c 7  
\s1 Esra me chienan kewe ra tori Jerusalem  
\sr 7.1–8.36  
\p
\v 1 Mürin ei pworaus lon mwün Artaksasta ewe kingen Persia, mi wor eman mwän itan Esra. Iei uruwon an kewe lewo: Esra nöün Seraia we mwän, Seraia nöün Asaria, Asaria nöün Hilkia,  
\v 2 Hilkia nöün Salum, Salum nöün Satok, Satok nöün Ahitup,  
\v 3 Ahitup nöün Amaria, Amaria nöün Asaria, Asaria nöün Meraiot,  
\v 4 Meraiot nöün Serahia, Serahia nöün Usi, Usi nöün Puki,  
\v 5 Puki nöün Apisua, Apisua nöün Pinehas, Pinehas nöün Eleasar, nge Eleasar nöün Aaron ewe souasor mi lap.   
\p
\v 6 Ei mwän Esra eman soumak mi fokun silei ekewe allük ewe Samol mi Lapalap ewe Koten Israel a ngeni Moses. Iwe, pokiten ewe Samol mi Lapalap an we Kot a ümöümöch ngeni, iei mine ewe king a mwüt ngeni meinisin mine a tüngor.   
\p
\v 7 Iwe, lon ewe afisuen ierin mwün ewe king Artaksasta, Esra me ekoch aramasen Israel ra sai seni Papilon o feila Jerusalem fiti ekoch souasor me chon ewe ainangen Lefi, chon köl, chon mamasa asamalapen imwenfel me chon angang ngeni ewe imwenfel.  
\v 8 Iwe, ra tori Jerusalem lon ewe alimuen maram, lon afisuen ierin mwün ewe king.  
\v 9 Lon aeuin ränin ewe aeuin maram Esra a popuetä an sai seni Papilon, nge lon aeuin ränin ewe alimuen maram a tori Jerusalem, pun an we Kot a ümöümöch ngeni.  
\v 10 Iwe, Esra a lechüni o achocho le kaiö än ewe Samol mi Lapalap kewe allük pwe epwe apwönüretä, epwe pwal aiti ngeni chon Israel ekewe allük me pwüüng.   
\p
\v 11 Iwe, iei masouen ewe toropwe ewe king Artaksasta a ngeni ewe souasor Esra, i ewe soumak mi silelapei än ewe Samol mi Lapalap kewe allük me pwüüng fän iten chon Israel,  
\v 12 “Seni Artaksasta ewe kingen king kana ngeni ewe souasor Esra, i ewe soumaken ekewe allük än ewe Koten läng.  
\v 13 Iei ngang üa föri eu allük pwe ekewe aramasen Israel meinisin, ekewe souasor me chon ewe ainangen Lefi mi nom lon mwüi, are ra mochen feila Jerusalem, repwe tongeni etuk.  
\v 14 Pun ngang ewe king me nei kewe füman souöüröür aia tinukela pwe kopwe kütta pworausen Juta me Jerusalem o pi ika ra aleasochisi än om we Kot kewe allük mi nom reöm.  
\v 15 Kopwe pwal uwala ewe silifer me kolt ngang me nei kewe souöüröür aia fangala seni mochenin letipem ngeni ewe Koten Israel, imwan we imwenfel a nom lon Jerusalem.  
\v 16 Kopwe pwal uwala ewe silifer me kolt kopwe ioni lon unusen ewe fanü Papilon, pwal ekewe asor seni ekewe aramasen Israel me ekewe souasor repwe fangala seni mochenin letiper fän iten imwen ar we Kot lon Jerusalem.  
\v 17 Ren ei moni kopwe asochisi le kamö ekewe ätemwänin kow, ekewe ätemwänin sip me ekewe nienifön sip fitifengen me ekewe asoren mongö me asoren ün. Kopwe eäniir asor won ewe rongen asor lon imwen om we Kot lon Jerusalem.  
\v 18 Nge lusun ewe silifer me kolt oua tongeni möni ngeni mine a öch me reöm me pwiüm kewe chon Israel, usun mine a fich ngeni letipen om we Kot.  
\v 19 Iwe, ekewe pisek ra ngonuk fän iten angangen lon imwen om we Kot, kopwe uwala meinisin fän mesen ewe Kot lon Jerusalem.  
\v 20 Nge ekewe pisek meinisin ka chüen mochen aea fän iten imwen om we kot, kopwe angei mön seni än ewe king lenien iseis moni.  
\v 21 Nge ngang Artaksasta ewe king üa allük ngeni ämi meinisin chon iseis moni lon ewe fanü lotoun ewe chanpupu Oifrat, pwe oupwe müttir awora ngeni ewe souasor Esra, ewe soumaken ewe allük än ewe Koten läng, meinisin mine a tüngor senikemi.  
\v 22 Epwe tori ükükün rüanü ton silifer, limepükü tuuk wiich, limepükü lime kalon wain me limepükü lime kalon apüra, nge salt esap wor kaükün.  
\v 23 Meinisin mine ewe Koten läng a allük fän iten imwan imwenfel epwe wesewesen fis, pwe an lingeringer esap pur woi me nei kewe mwän.  
\v 24 Üa pwal asile ngenikemi pwe esap wor eman a tongeni angei ekewe sokopaten takises seni ekewe souasor, seni chon ewe ainangen Lefi, ekewe chon köl, ekewe chon mamasa asamalapen imwenfel, ekewe chon angang ngeni ewe imwenfel ika pwal seni ekewe ekoch chon angang ngeni ei imwen Kot.   
\p
\v 25 Nge en Esra, lon om tipachem om Kot a fang ngonuk, kopwe filätä ekewe samol me soukapwüng, repwe eäni kapwüngün ekewe aramas meinisin mi nom lon ewe fanü lotoun ewe chanpupu Oifrat, chokewe meinisin mi silei än om we Kot kewe allük. Nge chokewe resamwo silei ekewe allük, kopwe aiti ngeniir.  
\v 26 Nge iteiten eman me eman esap mochen aleasochisi än om we Kot allük pwal än ewe king allük, ätewe epwe tolong lon kapwüng o angei müttiri pwüngün an kapwüng ika epwe mäla, ika epwe sü seni fanüan, ika repwe angei mettochun meinisin, ika epwe tolong lon fötek.”   
\p
\v 27 Iwe, Esra a apasa, “Üa mwareiti ewe Samol mi Lapalap än äm kewe lewo we Kot mi atolonga ei sokun ekiek lon leluken ewe king, pwe epwe alinga imwen ewe Samol mi Lapalap lon Jerusalem.  
\v 28 Kot a pwal föri pwe üa küna ümöümöch me ren ewe king me nöün kewe chon öüröür pwal nöün kewe nöüwis meinisin mi wor maner. Nge pokiten üa silei pwe ewe Samol mi Lapalap ai we Kot a ümöümöch ngeniei, üa tipepwora o apöchöküla ngeni ekewe souemwenin Israel pwe repwe etiei le liwinla Jerusalem.”   
\c 8  
\p
\v 1 Ikkei iteiten ekewe mwänirelan än semer kewe cho me chokewe mi makelong iter lon ewe iteit ra etiei le feila seni Papilon o liwinla Jerusalem lon mwün ewe king Artaksasta:  
\v 2 Seni ekewe mwirimwirin Pinehas: Kersom, seni ekewe mwirimwirin Itamar: Taniel, seni ekewe mwirimwirin Tafit: Hatus nöün Sekania.  
\v 3 Seni ekewe mwirimwirin Paros: Sekaraia fiti ükükün ipükü lime mwän mi makelong iter lon ewe iteit.  
\v 4 Seni ekewe mwirimwirin Pahat-moap: Eliehonai nöün Seraia, nge ruupükü mwän ra eti.  
\v 5 Seni ekewe mwirimwirin Satu: Sekania nöün Jahasiel, nge ülüpükü mwän ra eti.  
\v 6 Seni ekewe mwirimwirin Atin: Epet nöün Jonatan, nge lime mwän ra eti.  
\v 7 Seni ekewe mwirimwirin Elam: Jesaia nöün Atalia, nge fik mwän ra eti.  
\v 8 Seni ekewe mwirimwirin Sefatia: Sepatia nöün Mikael, nge walik mwän ra eti.  
\v 9 Seni ekewe mwirimwirin Joap: Opatia nöün Jehiel, nge ruupükü engol me waluman mwän ra eti.  
\v 10 Seni ekewe mwirimwirin Pani: Selomit nöün Josifia, nge ipükü wone mwän ra eti.  
\v 11 Seni ekewe mwirimwirin Pepai: Sekaria nöün Pepai, nge rüe me waluman mwän ra eti.  
\v 12 Seni ekewe mwirimwirin Askat: Johanan nöün Hakatan, nge ipükü engol mwän ra eti.  
\v 13 Seni ekewe mwirimwirin Atonikam, ir chokewe mi liwinla Jerusalem lon eu fansoun mürin, iter: Elifelet, Jeuel me Semaia, nge wone mwän ra etiir.  
\v 14 Seni ekewe mwirimwirin Pikwai: Utai me Sakur, nge fik mwän ra etiir.   
\p
\v 15 Iwe, üa amwichafengeni ekei aramas arun ewe chanpupu mi pupu ngeni ewe telinimw Ahawa. Ikenan aia nonom lon ükükün ülüngat rän. Iwe, lupwen üa nenengeni ewe mwichen aramas, üa küna pwe mi wor souasor leir, nge esap wor eman chon ewe ainangen Lefi.  
\v 16 Mürin üa titi ekewe souemwen Elieser, Ariel, Semaia, Elnatan, Jarip, Elnatan, Natan, Sekaria me Mesulam, üa pwal titi Joiarip me Elnatan, ir mwän mi silelap.  
\v 17 Iwe, üa tinirela ren Ito ewe souemwen lon ewe leni Kasifia o üreniir, pwe repwe tüngor ngeni Ito me pwin kewe ekewe chon angang ngeni ewe imwenfel, pwe repwe tinato rem chon angang ngeni Kot lon ewe imwenfel.  
\v 18 Iwe, pokiten äm we Kot a ümöümöch ngenikem, ra tinato rem eman mwän mi sipeöch le angang itan Serepia fiti nöün kewe mwän me aramasan ükükün engol me waluman. Iwe, Serepia eman mwirimwirin Mali, nge Mali nöün Lefi, nge Lefi nöün Israel.  
\v 19 Ra pwal tinato Hasapia me Jesaia, ir mwirimwirin Merari, fiti pwiir me nöür kewe ükükün rüe.  
\v 20 Iwe, ruupükü rüe chon angang ngeni ewe imwenfel ra pwal chu ngeniir, ir mwirimwirin chokewe Tafit me nöün kewe nöüwis ra awisa pwe repwe alisi ekewe mwän seni ewe ainangen Lefi. Ir meinisin a makelong iter lon ewe iteit.   
\p
\v 21 Mürin üa asilefeili me arun ewe chanpupu Ahawa pwe epwe fis eu ränin echikefel, pwe aipwe atekisonakem me fän mesen äm we Kot o tüngor ngeni pwe epwe emwenikem lon äm sai o tümwünükem me nöüm pwal pisekim meinisin.  
\v 22 Pun üa säw le tüngorei ewe king eu mwichen sounfiu me chon wawa oris repwe tümwünükem won alem seni chon oputakem, pokiten üa üreni ewe king pwe äm Kot a afeiöchü meinisin mi lükü i, nge an song mi watte a tori meinisin mi likitala i.  
\v 23 Iei mine aia echikefel o tüngormau ngeni äm Kot pwe epwe tümwünükem. Iwe, a aüselinga äm iotek.   
\p
\v 24 Mürin üa filätä me lein ekewe souemwenin souasor engol me ruoman: Serepia me Hasapia me engol pwiir.  
\v 25 Iwe, üa kiloni ewe silifer, ewe kolt me ekewe pisek o ngeniir. Ekei mettoch ewe king me nöün kewe chon öüröür pwal nöün kewe samol me chon Israel meinisin mi nonom ikenan ra fang ngenikem pwe ar asor ngeni imwen äm we Kot.  
\v 26 Iei ükükün mine üa ngeniir: ina epwe ükükün rüe me limu ton silifer, ina epwe ükükün ülüngat esop ton pisek seni silifer, pwal ina epwe ükükün ülüngat esop ton kolt,  
\v 27 rüe sepi seni kolt choun ina epwe ükükün engol me tiu paun me ruu sepi seni piras mi mürina o ling, ra aüchea usun sepi seni kolt.  
\v 28 Iwe, üa üreniir, “Ämi oua pin fän iten ewe Samol mi Lapalap, pwal ekei pisek ra pin. Ewe silifer me kolt eu asor mi fis seni mochenin letipen aramas ngeni ewe Samol mi Lapalap än ämi kewe lewo we Kot.  
\v 29 Oupwe tümwünüöchü ekei pisek tori oua kiloniir lon rumwen imwen ewe Samol mi Lapalap me mwen ekewe souemwenin ekewe souasor me ekewe mwän seni ewe ainangen Lefi, pwal me mwen mwänirelan än semer kewe cho lon Israel mi nom lon Jerusalem.”  
\v 30 Iei mine ekewe souasor me ekewe mwän seni ewe ainangen Lefi ra angei ewe silifer me ewe kolt pwal ekewe pisek mi kilo, pwe repwe uwala Jerusalem lon imwen äm we Kot.   
\p
\v 31 Iwe, lon engol me ruuen ränin ewe aeuin maram aia feil seni ewe chanpupu Ahawa pwe aipwe feila Jerusalem. Iwe, äm we Kot a etikem o tümwünükem seni ekewe chon oputakem, pwal seni ekewe chon solä mi nom won ewe al.  
\v 32 Iwe, lupwen äm aia tori Jerusalem, aia asösö lon ükükün ülüngat rän.  
\v 33 Nge lon ewe arüanün rän aia feila lon imwen äm we Kot o kiloni ewe silifer me ewe kolt pwal ekewe pisek, o ngeni ewe souasor Meremot nöün Uria, nge Eleasar nöün Pinehas a nom ren, pwal ekewe mwän seni ewe ainangen Lefi iter Josapat nöün Jesua me Noatia nöün Pinui.  
\v 34 Iwe, ekewe pisek meinisin ra lea o kilo, nge chour a makelong lon eu puk.   
\p
\v 35 Lon ewe fansoun chokewe mi liwinto seni ar oola ra eäni asoren kek ngeni ewe Koten Israel ükükün engol me ruoman ätemwänin kow fän iten chon Israel meinisin, tiwe me wonoman ätemwänin sip me fik me füman nienifön sip, pwal engol me ruoman ätemwänin kuuch fän iten asoren tipis. Ekei mönün asor meinisin ra eäni asoren kek ngeni ewe Samol mi Lapalap.  
\v 36 Iwe, ra pwal angei ewe toropwe seni ewe king o ngeni nöün ewe king kewe sounemenem me ekewe kepinan ewe fanü lotoun ewe chanpupu Oifrat. Mürin ir ra atowu ar alilis ngeni ekewe aramas pwal ngeni ewe imwen Kot.   
\c 9  
\s1 Än Esra iotekin amusamus  
\sr 9.1-15  
\p
\v 1 Mürin ekei mettoch ra fis, ekewe souemwen ra feito o üreniei, “Ekewe aramasen Israel, ekewe souasor me ekewe mwän seni ewe ainangen Lefi resap aimwürela seni aramasen ekewe fanü ünüküür, seni ekewe chon Kanaan, chon Hit, chon Peris, chon Jepus, chon Amon, chon Moap, chon Isip me chon Amor. Ra chök föri ekewe föför mi anioput ir ra föri.  
\v 2 Pun ra angei ekoch me lein nöür föpwül o pwülüeniir, ra pwal apwüpwülüeer ngeni nöür mwän. Iei usun ekewe aramas mi pin ra afitiarfengen me aramasen ekewe fanü. Nge ei lapalap mi ngau ekewe nöüwis me ekewe samol ra akom le föri.”  
\v 3 Iwe, lupwen üa rongorong ei pworaus, üa kamwei üfei, üa pwal ütti meten mökürei me alüsei o mot fän ai letipeta.  
\v 4 Mürin, chokewe meinisin mi chechech ren alon ewe Koten Israel ra mwicheto rei, pokiten ekewe tipis mi ngau ekewe mi liwinto seni ar oola ra föri. Iwe, üa mot fän letipeta tori fansoun asor lekuniol.  
\v 5 Nge lupwen a tori fansoun asor lekuniol, üa ütä seni ewe ia üa letipeta ie, üa fotopwäsuk fän üfei mi kam o aitietä pei lon ai iotek ngeni ewe Samol mi Lapalap ai we Kot.   
\p
\v 6 Iwe, üa apasa, “Ai Kot, üa fokun säw ai üpwe anetai mesei ngonuk. Pun äm kewe föföringau ra tekia seni mökürem, nge äm kewe tipis ra chukuchukutä tori läng.  
\v 7 Seni fansoun äm kewe lewo tori ikenai äm aia föri chomong tipis. Nge pokiten äm kewe föföringau, äm me äm kewe king pwal äm kewe souasor aia sechilong lepöün kingen ekewe fanü. Iwe, aia küna ninni, aia oola, ra soläni pisekim fän pöchökül, aia pwal fokun säw, usun a fis tori ikenai.  
\v 8 Nge iei, en Samol mi Lapalap äm Kot, ka ümöümöch ngenikem eu fansoun mochomoch ren om mwüt ngenikem äm ekoch mi chüen manau pwe aipwe liwinto seni äm oola o nonom lon ei leni mi pin fän kinamwe. Ren ei, ka awora ngenikem pöchökül o mwüt ngenikem pwe aipwe ekis ngasala seni än aramas nöünikem amanau.  
\v 9 Iei mwo än aramas nöünikem amanau, nge en äm Kot kosap likitikeemila lon äm riaföü. Ka föri pwe ekewe kingen Persia ra eäni kirikiröch ngenikem, pwe ra mwüt ngenikem pwe aipwe manau o aüsefälietä imwomw we imwenfel mi tala, ra pwal mwüt ngenikem pwe aipwe nom lon Juta me Jerusalem fän kinamwe.   
\p
\v 10 Nge iei en äm Kot, met aipwe apasa ren ei lapalap mi fis? Pun äm aia aleasolap ngeni om kewe allük,  
\v 11 en ka allük ngeni noum kewe chon angang ekewe soufos, lupwen ka apasa, ‘Ewe fanü oua tolong lon pwe oupwe fanüeni, eu fanü mi limengau pokiten aramasen ekewe fanü ra aurala ren ar föför mi fokun anioput seni epek tori epek.  
\v 12 Iei mine ousap apwüpwülüa nöümi föpwül ngeni nöür alüal, ousap pwal apwüpwülüa nöümi alüal ngeni nöür föpwül. Ousap kütta ar kinamwe ika ar feiöch, pwe oupwe tongeni pöchökül o mongö uaöchün ewe fanü, oupwe pwal likiti ewe fanü ngeni mwirimwirimi, pwe repwe fanüeni tori feilfeilachök.’ \x + \xo 9.12 \xt Eks 34.11-16; Tut 7.1-5\x*  
\v 13 Iei mwo ekei riaföü ra fis ngenikem pokiten äm kewe föför mi ngau me äm kewe tipis mi chomong, nge äm aia silei pwe om apwüngükem, en äm Kot, a kis seni liwinin äm tipis, ka pwal mwüt ngenikem ekoch mi chüen manau.  
\v 14 Ifa usun, aipwe chüen purisefäli om kewe allük o pwüpwülü ngeni ekei aramas mi föri ekewe föför mi anioput? Ifa usun, kosap song ngenikem tori äm aipwe rosola, pwe esap chüen wor eman mi chüen manau ika eman mi tongeni sü?  
\v 15 Ai Samol mi Lapalap Koten Israel, en ka pwüng, nge ka mwüt ngenikem pwe aia chüen manau. Äm aia pwärätä äm tipis ngonuk. Esap tufich ngenikem pwe aipwe feito fän mesom.”   
\c 10  
\s1 Ra asüela ekewe fin ekis me nöür  
\sr 10.1-44  
\p
\v 1 Iwe, lupwen Esra a iotek o pwärätä ekewe tipis, lupwen a kechü o chapala won pwül me mwen ewe imwen Kot, eu mwichemongun mwän, fefin me semirit seni Israel ra mwicheto ren. Ir meinisin ra seningüngü le kechü.  
\v 2 Mürin, Sekania nöün Jehiel we mwän eman mwirimwirin Elam a kapas ngeni Esra, “Äm aia tipis ngeni äm Kot ren äm pwüpwülü ngeni ekewe fin ekis seni aramasen ekewe fanü ünüküm. Nge inamwo are a fis ei, mi chüen wor apilükülük fän iten Israel.  
\v 3 Iei mine aipwe föri eu pwon ngeni äm we Kot pwe aipwe pöütala pwülüem kei fin ekis me nöür kewe, usun en äm samol ka öüröüra ngenikem me chokewe mi niuokusiti än äm we Kot kewe allük. Äm aipwe föri usun mine a mak lon än Kot kewe allük.  
\v 4 Kopwe ütä, pun iei wisom pwe kopwe apöchöküla pwüngün ei allük, nge äm aipwe etuk. Kopwe apöchökülok o föri iei usun.”  
\v 5 Iei mine Esra a ütä o pesei ngeni ekewe souemwenin ekewe souasor me ekewe mwän seni ewe ainangen Lefi, pwal ngeni chon Israel meinisin, pwe repwe pwon fän akapel pwe repwe föri usun Sekania a fen apasa. Iwe, ra föri eu pwon fän akapel.   
\p
\v 6 Mürin, Esra a feil seni lenian me mwen ewe imwen Kot o tolong lon rumwen Jehoanan nöün Eliasip we mwän. Iwe, a nonom ikenan lon unusen ewe pwin, nge esap mongö ika ün, pun a letipeta ren ekewe tipis chokewe mi liwinto seni ar oola ra föri.  
\v 7 Mürin, eu pworausen asilesil a tori unusen Juta me Jerusalem ngeni chokewe meinisin mi liwinto seni ar oola, pwe repwe mwichefengen lon Jerusalem.  
\v 8 Nge ika eman esap feito lon ükükün ülüngat rän, repwe angei seni pisekin meinisin, nge i epwe towu seni ewe mwich mi liwinto seni ar oola. Ei allük a feito seni ekewe nöüwis me ekewe souakom.   
\p
\v 9 Iwe, mürin ülüngat rän ekewe re Juta me Peniamin meinisin ra mwichefengen me lon Jerusalem. Ei mwich a fis lon rüen ränin ewe atiuen maram. Iwe, ekewe aramas meinisin ra mot lon ewe leni mi amassawa me mwen ewe imwen Kot, ra chechech pokiten ei pworaus pwal pokiten püngümongun üt.  
\v 10 Iwe, ewe souasor Esra a ütä o üreniir, “Oua purätiu ewe allük o pwüpwülü ngeni ekewe fin ekis. Ren ei oua alapala än chon Israel tipis.  
\v 11 Iei oupwe pwärätä ämi tipis ngeni ewe Samol mi Lapalap än ämi kewe lewo we Kot o föri letipan. Oupwe imwü seni ekewe aramas lon ei fanü, pwal seni pwülüemi kewe ekewe fin ekis.”  
\v 12 Mürin, ewe mwichen aramas meinisin a pälüeni fän leüömong, “Mi pwüng. Äm aipwe föri usun mine ka apasa.  
\v 13 Nge ekewe aramas ra kon chomong, a pwal fansoun püngümongun üt. Äm aisap tongeni ütä lon ei leni mi amassawa. Nge ei angang sap angangen eu rän ika ruu rän chök, pun äm aia fokun pupungau lon ei föför.  
\v 14 Iwe, nöüm kewe nöüwis repwe nonomotiu lon Jerusalem o sopwela ei angang fän iten unusen ewe mwich. Mürin, meinisin mi pwüpwülü ngeni fin ekis repwe feito seni lon äm kewe telinimw lon en me an fansoun mi pwonola, nge ekewe souakom me ekewe soukapwüng seni lon en me an telinimw repwe fitireto. Ren ei än Kot lingeringer mi watte won ei föför epwe kul senikem.”  
\v 15 Iwe, Jonatan nöün Asahel we mwän me Jaseia nöün Tikwa we mwän echök ra pälüeni ei lapalap, nge Mesulam me Sapetai seni ewe ainangen Lefi ra alisiir.   
\p
\v 16 Mürin, ekewe chon oola mi liwinto ra föri mine ra pwon. Ewe souasor Esra a filätä ekoch mwän, ir mwänirelan än semer kewe cho fän iten ar kewe famili o makeetiu iten eman me eman. Iwe, lon aeuin ränin ewe aengolun maram ra popuetä le kütta pworausen än eman me eman föför.  
\v 17 Nge lon aeuin ränin ewe aeuin maram a wesila ar angang ngeni ekewe mwän meinisin mi pwüpwülü ngeni fin ekis.   
\p
\v 18 Ikkei iten ekewe mwän seni ekewe souasor mi pwüpwülü ngeni fin ekis: Maseia, Elieser, Jarip me Ketalia seni ewe familien Jesua nöün Jehosatak me pwin kewe.  
\v 19 Iwe, ra pwon pwe repwe pöütala pwülüer kewe. Iwe, ra eäni asor eman ätemwänin sip fän iten ar tipis.  
\v 20 Seni ewe familien Imer: Hanani me Sepatia,  
\v 21 seni ewe familien Harim: Maseia, Elia, Semaia, Jehiel me Usia,  
\v 22 seni ewe familien Pashur: Elio-enai, Maseia, Israel, Netanel, Josapat me Elasa.   
\q1
\v 23 Ikkei iten ekewe mwän seni ewe ainangen Lefi: Josapat, Simei, Kelaia, iei i Kelita, Petahia, Juta me Elieser.   
\q1
\v 24 Iwe, seni lein ekewe chon köl: Eliasip, nge seni lein ekewe chon mamasa ekewe asamalapen imwenfel: Salum, Telem me Uri.   
\q1
\v 25 Ikkei iten ekewe re Israel: Seni ewe familien Paros: Ramia, Isia, Malkia, Miamin, Eleasar, Hasapia me Penaia.  
\v 26 Seni ewe familien Elam: Matania, Sekaria, Jehiel, Apti, Jeremot me Elia.  
\v 27 Seni ewe familien Satu: Elio-enai, Eliasip, Matania, Jeremot, Sapat me Asisa.  
\v 28 Seni ewe familien Pepai: Jehohanan, Hanania, Sapai me Atlai.  
\v 29 Seni ewe familien Pani: Mesulam, Maluk, Ataia, Jasup, Seal me Jeremot.  
\v 30 Seni ewe familien Pahat-moap: Atna, Chelal, Penaia, Maseia, Matania, Pesalel, Pinui me Manasa.  
\v 31 Seni ewe familien Harim: Elieser, Isia, Malkia, Semaia, Simeon,  
\v 32 Peniamin, Maluk me Semaria.  
\v 33 Seni ewe familien Hasum: Matenai, Matata, Sapat, Elifelet, Jeremai, Manasa me Simei.  
\v 34 Seni ewe familien Pani: Matai, Amram, Uel,  
\v 35 Penaia, Peteia, Chelui,  
\v 36 Wania, Meremot, Eliasip,  
\v 37 Matania, Matenai me Jasu.  
\v 38 Seni ewe familien Pinui: Simei,  
\v 39 Selemia, Natan, Ataia,  
\v 40 Maknatepai, Sasai, Sarai,  
\v 41 Asarel, Selemia, Semaria,  
\v 42 Salum, Amaria me Josef.  
\v 43 Nge seni ewe familien Nepo: Jeiel, Matitia, Sapat, Sepina, Jatai, Joel me Penaia.  
\v 44 Ekei mwän meinisin ra pwüpwülü ngeni fin ekis. Iwe, ra pöütirela fiti nöür kewe.