\id EZK  
\h ISIKIEL 
\toc1 Isikiel 
\toc2 Isikiel 
\toc3 Is 
\mt1 Isikiel  
\ib  
\is1 Kapas akom  
\iot I. Iten ei puk: Isikiel, pun mine a mak lon, püsin pworausan me an kewe kapasen osuni. Wewen ei it Isikiel: Kot epwe apöchöküla.  
\iot II. Chon makei ei puk: Isikiel  
\iot III. Itelapemongen ei puk: Lingen Kot.  
\iot IV. Kapas aüchean ei puk: Isikiel a mochen achipa o apöchöküla leluken ekewe chon Juta ren an pwäri ngeniir pwe Kot epwe aliwinisefäliir seni ar oola. Nge a pwal mochen atai seniir ewe ekiek mi mwäl pwe repwe müttir liwinsefäliti fanüer.  
\iot V. Masouen ei puk Isikiel: Isikiel a oola lon Papilon lon ewe fansoun mwen talan Jerusalem lon ewe ier 586 mwen Kraist (B.C.) tori pwal mürin. An kewe afalafal ra fän iten ekewe chon oola lon Papilon, pwal fän iten ekewe aramas lon Jerusalem. Ei puk Isikiel a kinikinitiu lon 6 kinikin:  
\io2 1. Kot a köri Isikiel pwe epwe eman soufos.  
\io2 2. Kapasen asilesil ngeni ekewe aramas pwe Kot epwe apwüngüür o ataela Jerusalem.  
\io2 3. Pworaus seni ewe Samol mi Lapalap usun an epwe apwüngü ekewe mwü mi ariaföüü o atokala nöün aramas.  
\io2 4. Kapasen achipachip fän iten chon Israel mürin talan Jerusalem, me kapasen pwon pwe epwe war eu fansoun mürina.  
\io2 5 Kapasen osuni usun feiengauen Kok.  
\io2 6. Künään ewe soufos Isikiel usun ewe imwenfel mi kaüsefäl me fisisefälin ewe mwün Israel.  
\io1 Isikiel eman mwän mi fokun alolol an ekiek me an lükü Kot. Chomong mine a silei a pwä ngeni lon künaan, nge an kewe afalafal a eäni lon mwökütükütün me pwomwan. Isikiel a fokun kapas usun aüchean försefälin leluk me ngün, pwal usun ukun eman me eman won an tipis. A pwal pwärätä an apilükülüköch pwe epwe wor siwilisefälin manauen chon ewe mwün Israel. Pokiten Isikiel eman souasor me eman soufos, iei mine a pwal fokun aücheani ewe imwenfel me än aramas repwe manaueni eu manau mi pin.  
\iot VI. Tettelin masouen ei puk:  
\io1 Isikiel a kö me ren Kot \ior 1.1–3.27\ior*  
\io1 Afalafal usun än Jerusalem epwe tala \ior 4.1–24.27\ior*  
\io1 Än Kot apwüng ngeni ekewe mwü \ior 25.1–32.32\ior*  
\io1 Än Kot pwon ngeni nöün kewe aramas \ior 33.1–37.28\ior*  
\io1 Kapasen osuni usun feiengauen Kok \ior 38.1–39.29\ior*  
\io1 Künään Isikiel usun ewe imwenfel me ewe fanü chon Israel repwe fanüeni lon ekewe fansoun repwe feito \ior 40.1–48.35\ior*  
\c 1  
\s1 Ewe soufos Isikiel a küna lingen Kot  
\sr 1.1-28  
\p
\v 1 Iwe, lupwen üa ierini ilik lon alimuen ränin ewe arüanün maram, ngang ewe souasor Isikiel nöün Pusi we mwän üa nom lein ekewe chon oola arun ewe chanpupu Kepar lon Papilon. Iwe, a fis pwe läng a sukula, nge a wor künaei seni Kot. \x + \xo 1.1 \xt Pwär 19.11\x*  
\v 2 Lon alimuen ränin ewe maram, iei alimuen ierin än ewe king Jehoiachin oola, \x + \xo 1.2 \xt 2.King 24.10-16; 2.Kron 36.9-10\x*  
\v 3 ewe Samol mi Lapalap a kapas ngeniei me lon ewe fanü Papilon arun ewe chanpupu Kepar. Iwe, ikenan üa mefi pwe än ewe Samol mi Lapalap manaman a feitiu woi.   
\p
\v 4 Iwe, lupwen üa nenela, üa küna eu mölümöl a feito me efeng, pwal eu kuchu mi watte o fokun saramaram ünükün. Iwe, ekkei a fifiwu fochofoch seni, nge lukalapen ewe ekkei a usun chök piras mi molupolup.  
\v 5 Iwe, a pwä me lon ewe ekkei lapalapen föman mönümanau, ra lapalapeni lapalapen aramas, \x + \xo 1.5 \xt Pwär 4.6\x*  
\v 6 nge iteiten eman me eman leir a wor rüanü won mesan, pwal fofoch pöükässin.  
\v 7 Iwe, pecher ra wenewenetiu, nge apachapacher ra usun chök apachapachen nienifön kow o molupolup usun piras mi misimis.  
\v 8 Fän pöükässir me lepekir me rüanü a wor pöür mi wewe ngeni pöün aramas. Iwe, ir me föman a wor won meser me pöükässir.  
\v 9 Efoch me efoch pöükässir ra aküfengen me pöükässin chiener, eman me eman leir a fetal wenewen, nge resap kul lupwen ar fetal.  
\v 10 Iwe, iei usun lapalapen won meser: Won mesen eman me eman me fän meser a usun chök won mesen eman aramas, nge won meser me lepelifichir a usun chök won mesen eman laion. Iwe, won meser me lepelimöngür a usun chök won mesen eman ätemwänin kow, nge won meser me epinikür a usun chök won mesen eman ikel. \x + \xo 1.10 \xt Is 10.14; Pwär 4.7\x*  
\v 11 Iei lapalapen won meser. Iwe, ruofoch pöükässir ra itiwu pwe ra aküfengen me pöükässin chiener, nge ren ruofoch ra pwölüela inisir.  
\v 12 Eman me eman leir a chök fetal wenewen ia ewe ngün a emwenirela ie, nge resap kul lupwen ar fetal.  
\v 13 Iwe, lukalapen ekewe mönümanau a wor och mi usun chök molien ekkei mi sarara, pwal usun chök töl mi mwökütükütfetal lein ekewe mönümanau. Iwe, ewe ekkei a saramaram, nge fifi a fifiwu seni me lon. \x + \xo 1.13 \xt Pwär 4.5\x*  
\v 14 Iwe, ekewe mönümanau ra säfetal usun chök müttirin fifi.   
\p
\v 15 Iwe, lupwen üa nenengeni ekewe mönümanau, üa küna rüanü wiil me won fanü, eu wiil lepekin eman me eman ekewe föman mönümanau.  
\v 16 Nge iei usun lapalapen ekewe rüanü wiil: ra meriweriw usun chök ewe fau aüchea itan kirisolait, nge lapalaper a wewefengen. Iwe, lapalaper a usun chök eu wiil mi nom lon eu,  
\v 17 pwe lupwen ra fetal, ra tongeni fetal ngeni ekewe rüanü pekin, nge resap kul lupwen ar fetal.  
\v 18 Iwe, ekewe rüanü wiil a wor ünükür pwal mwüchün lor, nge ünükür a kula ren föün mas. \x + \xo 1.18 \xt Pwär 4.8\x*  
\v 19 Lupwen ekewe mönümanau ra fetal, ekewe wiil ra pwal fetal lepekir, nge lupwen ekewe mönümanau ra feitä seni won fanü, ekewe wiil ra pwal feitä.  
\v 20 Iwe, ia ewe ngün a feila ie, ir ra pwal feila, nge ekewe wiil ra etiir le feila, pun ngünün ekewe mönümanau ra nom lon ekewe wiil.  
\v 21 Lupwen ekewe mönümanau ra fetal, ekewe wiil ra pwal fetal. Lupwen ir ra üla, ekewe wiil ra pwal üla. Nge lupwen ir ra feitä seni won fanü, ekewe wiil ra pwal etiir le feitä, pun ngünün ekewe mönümanau ra nonom lon ekewe wiil. \x + \xo 1.21 \xt Is 10.9-13\x*   
\p
\v 22 Iwe, asen ekewe mönümanau a wor och mi wewe ngeni eu läng mi meresila me won mökürer, a molupolup o kurufat usun ewe fau itan kristal. \x + \xo 1.22 \xt Pwär 4.6\x*  
\v 23 Nge fän ewe läng ekewe mönümanau ra aitiewu ruofoch pöükässir pwe ra aküfengen me pöükässin chiener kewe. Nge ren ruofoch pöükässir ra pwölüela inisir.  
\v 24 Lupwen ra fetal, üa rong üngüngün pöükässir mi wewe ngeni ngüngün watten no, a pwal wewe ngeni mwelien ewe Kot mi Manaman me akürangen eu mwichemongun sounfiu mi mwökütüküt. Iwe, lupwen ra üla, ra aitietiu pöükässir. \x + \xo 1.24 \xt Pwär 1.15; 19.6\x*  
\v 25 Mürin a towu eu möngüngü seni asen ewe läng me won mökürer, lupwen ra üla fän pöükässir mi ititiu.   
\p
\v 26 Iwe, asen ewe läng me won mökürer a wor och mi wewe ngeni eu lenien motun king mi för seni ewe fau aüchea itan safaia. Nge ewe mi mot won a lapalapeni lapalapen eman aramas. \x + \xo 1.26 \xt Is 10.1; Pwär 4.2-3\x*  
\v 27 Iwe, feitä seni mine a usun chök won wilan üa küna och a wewe ngeni piras mi misimis, pwal och usun ekkei a pwelifeili ünükün. Nge feitiu seni mine a usun chök won wilan üa küna och mi wewe ngeni ekkei, a pwal wor och saram ünükün. \x + \xo 1.27 \xt Is 8.2\x*  
\v 28 Iwe, usun lapalapen ewe resim a pwä lon kuchu lupwen püngün üt, iei usun lapalapen ewe saram ünükün ewe mi mot. Iei usun lapalapen lingen ewe Samol mi Lapalap. Iwe, lupwen üa küna ei, üa chapetiu lepwül o rongorong mwelien eman mi kapas.   
\c 2  
\s1 Isikiel a kö me ren Kot  
\sr 2.1–3.15  
\p
\v 1 Iwe, Kot a üreniei, “Nöün aramas, kopwe ütä pwe üpwe fos ngonuk.”  
\v 2 Nge lupwen a fos ngeniei, Ngünün Kot a feitiu woi o aütäei. Iwe, üa rongorong an fos ngeniei.  
\v 3 A apasa ngeniei, “Nöün aramas, üpwe tinukela ren ekewe aramasen Israel, ren chon ewe mwü mi lükümach o ü ngeniei. Ir me ar kewe lewo ra tipis ngeniei tori ikenai,  
\v 4 ra pwal lamalamtekia me tipepöchökül. Iwe, üpwe tinukela rer pwe kopwe asile ngeniir, pwe mine kopwe üreniir iei alon Kot ewe Samol mi Lapalap.  
\v 5 Inamwo ika repwe rongorong ika resap rongorong, pun ir eu täppin aramas mi lükümach o ü ngeniei, nge repwe chök fokun mefi pwe mi wor eman soufos lefiler.  
\v 6 Nge en nöün aramas, kosap niueitiir, kosap pwal niuokusiti ar kapas, kosap niuokus, inamwo ika om nonom lefiler a usun chök om nom lefilen iräfölüföl, ika om nom lein chöükö. Kosap fokun niuokusiti ar kapas ika niueitiir, inamwo ika ir eu täppin aramas mi lükümach o ü ngeniei.  
\v 7 Iwe, en kopwe chök asile ngeniir ai kewe kapas, inamwo ika repwe rongorong ika resap rongorong, pun ir eu täppin aramas mi lükümach o ü ngeniei.   
\p
\v 8 Nge en nöün aramas, kopwe rongorong mine üpwe ürenuk, nge kosap lükümach o ü ngeniei usun ei täppin aramas. Kopwe amasala awom o mongö mine üpwe ngonuk.”  
\v 9 Iwe, lupwen üa nenela, üa küna efoch pau a itito rei, nge a amwöchü echö toropwe mi mak lon.  
\v 10 Mürin, Kot a ameresala ewe toropwe fän mesei. A wor mesen mak lon me lükün, nge mine a mak won pworausen ngüngüres me kechü me feiengau. \x + \xo 2.10 \xt Pwär 5.1\x*   
\c 3  
\p
\v 1 Iwe, Kot a üreniei, “Nöün aramas, kopwe eni mine üpwe ngonuk. Kopwe oromala ei toropwe, mürin kopwe feila o fos ngeni ekewe chon Israel.”  
\v 2 Iei mine üa amasala awei, nge i a ngeniei ewe toropwe pwe üpwe eni.  
\v 3 Iwe, a pwal üreniei, “Nöün aramas, kopwe eni ei toropwe üpwe ngonuk, pwe lukom epwe masou ren.” Mürin üa eni, nge nennen ewe toropwe me lon awei a arar usun chönün chunen. \x + \xo 3.3 \xt Pwär 10.9-10\x*   
\p
\v 4 Mürin, Kot a üreniei, “Nöün aramas, kopwe fokun feila ren chon Israel o üreniir ai kewe kapas.  
\v 5 Üsap tinukela ren eu mwichen aramas mi eäni fosun ekis me kapas weires, nge üa tinukela ren chon Israel.  
\v 6 Are üpwe tinukela ren ekewe mwü mi watte ra eäni fosun ekis me kapas weires kosap wewe ren, ellet, ir repwe aüselingok.  
\v 7 Nge chon Israel resap mochen aüselingok, pun resap pwal mochen aüselingaei. Ir meinisin ra tipepöchökül o tipeweires.  
\v 8 Nge iei üpwe föri pwe pwal en kopwe tipepöchökül o tipeweires ngeniir usun chök ir.  
\v 9 Üa föri pwe kopwe pöchökül usun chök ewe fau aüchea itan taiamon mi pöchökül seni föüchol. Kosap niuokusitiir, kosap pwal fokun niueitiir, inamwo ika ir eu täppin aramas mi lükümach o ü ngeniei.”  
\v 10 Iwe, a pwal apasa ngeniei, “Nöün aramas, kopwe fokun aüselinga ai kewe kapas meinisin üpwe ürenuk pwe kopwe iseis lon letipom.  
\v 11 Mürin kopwe feila ren aramasom kewe mi oola o asile ngeniir, pwe mine kopwe üreniir iei aloi ngang ewe Samol mi Lapalap, inamwo ika repwe rongorong ika resap rongorong.”   
\p
\v 12 Mürin Ngünün Kot a ekieitä, nge üa rongorong eu möngüngü mi watte me lükisöküri, a apasa, “Oupwe mwareiti lingen ewe Samol mi Lapalap lon läng.”  
\v 13 Iwe, üa rongorong akürangen pöükässin ekewe mönümanau, lupwen ra afeikesifengeniir, pwal akürangen ekewe wiil lepekir a usun chök akürangen eu chechechin fanü mi lapalap.  
\v 14 Mürin, Ngünün Kot a ekieitä o uweeila. Üa feila fän ai weires me letipechou, nge än ewe Samol mi Lapalap manaman mi pöchökül a toriei.  
\v 15 Iwe, üa tori ekewe chon oola lon Telapip mi nonom arun ewe chanpupu Kepar o mot leir lon ükükün fisu rän fän mairü ren mine üa küna o rongorong.   
\s1 Eman chon mas fän iten chon Israel  
\sr 3.16-21  
\r (Is 33.1-9)  
\p
\v 16 Iwe, wesin ekewe fisu rän ewe Samol mi Lapalap a kapas ngeniei,  
\v 17 “Nöün aramas, üa awisa ngonuk ewe wisen chon mas fän iten chon Israel. Iteiten fansoun, lupwen kopwe rongorong eu kapas seniei, kopwe fönöör ren.  
\v 18 Ika ngang üpwe apasa pwe eman chon föföringau epwe fokun mäla, nge en kosap asile ngeni o fönöü pwe epwe kul seni an föföringau o küna manau, ewe chon föföringau epwe mäla pokiten an tipis, nge en kopwe angei chappen om tümwününgau.  
\v 19 Nge are kopwe fönöü eman chon föföringau, nge esap kul seni an föföringau, ätewe epwe mäla pokiten an tipis, nge en kopwe manau.  
\v 20 Iwe, ika eman chon pwüng a kul seni an föförün pwüng o föföringau, ngang üpwe atolonga lon feiengau, iwe, epwe mäla. Pokiten om kosap fönöü, ätewe epwe mäla pokiten an tipis, üsap pwal chüen chechemeni an föför mi pwüng, nge en kopwe angei chappen om tümwününgau.  
\v 21 Nge ika ka fönöü eman chon pwüng pwe esap tipis, nge a aleasochis, ätewe epwe fokun manau, pun a aüselinga om fönöü. Iwe, en kopwe pwal manau.”   
\s1 Ewe soufos esap chüen tongeni fos  
\sr 3.22-27  
\p
\v 22 Iwe, me ikenan üa mefi pwe ewe Samol mi Lapalap a nom rei ren an manaman. A üreniei, “Kopwe ütä o feila lon ewe lemol pwe üpwe fos ngonuk me ikenan.”  
\v 23 Mürin üa ütä o feila lon ewe lemol. Ikenan üa küna lingen ewe Samol mi Lapalap, a usun ewe ling üa fen küna me arun ewe chanpupu Kepar. Iwe, üa chapetiu lepwül.  
\v 24 Nge Ngünün Kot a feitiu woi o aütäei. Iwe, a üreniei, “Kopwe feila o lokeekelong lon imwom.  
\v 25 Nöün aramas, nengeni, repwe föti ngonuk säl, pwe kosap tongeni nonom lein aramas.  
\v 26 Iwe, üpwe föri pwe awom epwe mwöch, pwe kosap chüen tongeni fos ngeniir o fönöü ei täppin aramas mi lükümach o ü ngeniei.  
\v 27 Nge lupwen ai fos ngonuk, üpwe suki awom pwe kopwe üreniir, ‘Iei alon Kot ewe Samol mi Lapalap.’ Iö a mochen rongorong, epwe rongorong, nge iö esap mochen, epwe chök lükümach. Pun ir eu täppin aramas mi lükümach o ü ngeniei.”   
\c 4  
\s1 Isikiel a aliosu Jerusalem o pwomwen maun ngeni  
\sr 4.1–5.17  
\p
\v 1 Iwe, Kot a üreniei, “Nöün aramas, kopwe angei eu pilak seni pwül, kopwe anomu fän mesom o aliosu ewe telinimw Jerusalem won.  
\v 2 Mürin kopwe pwomweni usun om kopwe maun ngeni: Kopwe amolätä pisekin maun o aüetä eu tittin maun ngeni, kopwe pwal senätä eu oror ngeni, kopwe anomu mwichen sounfiu o iseis mwesinnen amökü tit ünükün.  
\v 3 Iwe, kopwe angei echö mächä o anomu mwom pwe epwe tiela lefilom me ewe telinimw. Kopwe newenewen ngeni o pwomweni usun an epwe küna osukosuken maun, nge en ewe chon maun ngeni. Iei eu asisil fän iten chon Israel.  
\v 4 Mürin kopwe konola won pelimöngum, nge ngang üpwe anomu womw liwinin tipisin chon Israel, pwe kopwe uwei ar tipis lon ükükün ränin om kopwe konola won pelimöngum.  
\v 5 Pun ngang üpwe awisa ngonuk pwe kopwe uwei ar tipis lon ükükün ülüpükü tiue rän, nge eu rän a wewe ngeni eu ierin ar tipis. Iei usun kopwe uwei tipisin chon Israel.  
\v 6 Nge lupwen ka awesi ekei rän meinisin, kopwe konsefälila won pelifichum, pwe kopwe uwei liwinin tipisin chon Juta. Üpwe awisa ngonuk faik rän, nge eu rän a wewe ngeni eu ierin ar tipis.  
\v 7 Iwe, kopwe newenewen ngeni Jerusalem mi küna osukosuken maun, kopwe aü poum ngeni o osuni usun an feiengau.  
\v 8 Ngang üpwe föti ngonuk säl pwe kosap tongeni kuluk, tori kopwe awesi ränin om pwomwen maun ngeni Jerusalem.   
\p
\v 9 Iwe, kopwe angei föün wiich me parli, föün mame pwal sokun föün irä, kopwe iseniir lon eu sepi o föri pilawa seniir. Ei pilawa kopwe mongö, lupwen ekewe ülüpükü tiue ränin om konola.  
\v 10 Iwe, ükükün anom mongö lon eu rän epwe esop paun, nge kopwe chök aükü pwe epwe naf ngeni ekewe fansoun mongö.  
\v 11 Iwe, ükükün ünümom koluk lon eu rän epwe chök ruu kap, nge kopwe chök aükü pwe epwe naf ngeni eu rän.  
\v 12 Kopwe nokopuni anom mongö usun nokopun parli, nge kopwe nokopuni me fän mesen aramas won ekkei seni kiten mongön aramas mi pwasapwas.”  
\v 13 Iwe, ewe Samol mi Lapalap a pwal apasa, “Iei usun chon Israel repwe mongö sokun mongö mi limengau ngeniir lein chon ekewe mwü ia ngang üpwe asürela ie.”  
\v 14 Mürin üa apasa, “Apwi, ai Kot Samol mi Lapalap, üsap fokun mwo alimengauaei fän eu. Seni ai kükün tori ikenai üsap fokun ochoch man mi püsin mäla ika mäla ren manmwacho, üsap pwal uwalong lon awei fituk mi limengau ngeniei.”  
\v 15 Iwe, Kot a üreniei, “Nengeni, üpwe mwüt ngonuk pwe kopwe nokopuni anom mongö won kiten mongön kow siwilin kiten mongön aramas.”  
\v 16 A pwal apasa, “Nöün aramas, üpwe angei seni Jerusalem ewe mongö aramas ra manau seni. Repwe aükü ener o mongö fän niuokus, repwe pwal aükü ünümer koluk o ünümi fän apilükülükingau.  
\v 17 Iwe, ener mongö me ünümer koluk repwe itela. Repwe nenefengeniir lon ar apilükülükingau o mäla pokiten ar tipis.”   
\c 5  
\p
\v 1 Iwe, Kot a üreniei, “Nöün aramas, kopwe angei efoch ketilas mi seisei o nöünöü le räisöü mökürom me alüsom. Mürin kopwe angei eu kilo o kiloni, pwe kopwe ineti meten mökürom me ülöülen alüsom lon ülüngat kinikin.  
\v 2 Wesin om pwomwen maun ngeni ewe telinimw kopwe keni eu kinikinin meten mökürom lukalapen liosuom we telinimw. Aruuen kinikin kopwe pökü ngeni noum ketilas ünükün ewe telinimw, nge aülüngatin kinikin kopwe atoropasafeili, pwe asepwäl epwe ässala. Iwe, üpwe tapweriir fän nei ketilas.  
\v 3 Kopwe pwal angei ekoch seni meten mökürom o tükümi lepwülün üfom.  
\v 4 Nge seni ekewe meten mökür ka tükümi kopwe pwal angei ekoch o atururolong lon ekkei, pwe repwe karala. Iwe, seni ikenan ekkei epwe ngetewu ngeni chon Israel meinisin.”   
\p
\v 5 Iei alon Kot ewe Samol mi Lapalap, “Iei Jerusalem, ewe telinimw üa anomu lukalapen fanüfan, nge ekewe mwün fanüfan ra nom ünükün.  
\v 6 Nge Jerusalem a ü ngeni ai kewe allük me pwüüng lap seni ekewe mwü mi nom ünükün. A pöütala ai kewe allük o aleasolap ngeni ai kewe pwüüng.  
\v 7 Iei mine ngang Kot ewe Samol mi Lapalap üa apasa: Oua lükümach lap seni chon ekewe mwü mi nom ünükümi. Ousap aleasochis ngeni ai kewe pwüüng ika apwönüetä ai kewe allük, nge oua fen apwönüetä örünien ekewe mwü mi nom ünükümi.  
\v 8 Iei mine ngang Kot ewe Samol mi Lapalap üa apasa: Ngang won inisi üpwe fokun ü ngenikemi, üpwe awarato ai apwüng womi me mwen ekewe mwü.  
\v 9 Pokiten ämi föför mi anioput ngeniei üpwe apwüngükemi, usun üsamwo apwüngükemi seni me lom, üsap pwal apwüngükemi me mürin.  
\v 10 Iwe, epwe fis ngenikemi pwe sam repwe ochei nöür, nge nau repwe ochei semer. Üpwe fokun apwüngükemi, nge chokewe mi chüen manau leimi üpwe atoropasafeiliir ekis meinisin. \x + \xo 5.10 \xt Kölk 4.10\x*  
\v 11 Iei mine ngang Kot ewe Samol mi Lapalap üa apasa: Mwo manauei, üpwe nikemiila pokiten ämi atai pinin imwei mi pin ren ämi uluulun anümwäl mi ngau me ämi föför mi anioput. Ngang üsap achikakemi, üsap pwal tongeekemi.  
\v 12 Iwe, eu leülüngat me leimi repwe mäla ren mätter me lengita me lon telinimwemi, eu leülüngat repwe mäla ren ketilas lükün telinimwemi, nge eu leülüngat üpwe atoropasafeiliir ekis meinisin o tapweriir fän nei ketilas.   
\p
\v 13 Iei usun üpwe anafa ai song o amüchü ai lingeringer ngenikemi. Nge lupwen epwe wes ai lingeringer, oupwe silei pwe ngang ewe Samol mi Lapalap üa kapas lon ai lukomong.  
\v 14 Iwe, üpwe pwal ataokela, Jerusalem, o föri pwe kopwe eu minen turunufas me lein chon ekewe mwün lükün, pwal me ren chokewe meinisin mi pwerela ünükum.  
\v 15 Iwe, kopwe wiliti eu lenien turunufas me eniwokus me amairü ngeni chon ekewe mwü mi nom ünükum, repwe pwal ämängauok, lupwen üpwe afeiengauok ren ai apwüng fän ai song me lingeringer. Ngang ewe Samol mi Lapalap üa fen kapas.  
\v 16 Ei epwe fis, lupwen üpwe awora ngonuk lengita, pwe epwe afeiengauok usun om kopwe feiengau ren föün esefich. Üpwe alapala ewe lengita o angei senuk mine ka manau seni.  
\v 17 Üpwe tinato reöm lengita me manmwacho pwe repwe niela noum kana. Mätter me ninni me maun repwe toruk pwe repwe niik. Ngang ewe Samol mi Lapalap üa kapas.” \x + \xo 5.17 \xt Pwär 6.8\x*   
\c 6  
\s1 Kapasen osuni usun feiengauen ekewe chukun Israel  
\sr 6.1-14  
\p
\v 1 Iwe, ewe Samol mi Lapalap a kapas ngeniei,  
\v 2 “Nöün aramas, kopwe newenewen ngeni ekewe chukun Israel, pwe kopwe osuni usun ar repwe feiengau.  
\v 3 Iwe, kopwe apasa: Ämi chukun Israel, oupwe rongorong alon Kot ewe Samol mi Lapalap. Pun iei mine Kot ewe Samol mi Lapalap a apasa ngeni ekewe chukutekia me chukutekison, ngeni ekewe pwokur me ekewe lemol: Ngang üpwe fokun awarato womi efoch ketilas, pwe üpwe ataela ekewe leni ia aramas ra fel ngeni ekewe uluulun anümwäl ie.  
\v 4 Ekewe rongen asor repwe tatakisitiu, nge ekewe rongen asoren ötüöt repwe mökküla. Iwe, üpwe niela ekewe aramas fän mesen ar kewe uluulun anümwäl.  
\v 5 Üpwe anomu somän ekewe chon Israel fän mesen ar kewe uluulun anümwäl, üpwe pwal atoropasafeili chür ünükün ekewe rongen asor.  
\v 6 Ekis meinisin ia oua nom ie telinimwemi me ämi kewe lenien fel won ekewe leni tekia repwe tala, pwe ämi kewe rongen asor me ämi kewe uluulun anümwäl repwe mökküla o tatakisitiu, ämi rongen asoren ötüöt repwe sönüla, nge föriemi angang repwe mola.  
\v 7 Iwe, aramas repwe ninnila me leimi, pwe oupwe silei pwe ngang ewe Samol mi Lapalap.   
\p
\v 8 Nge üpwe amanaua ekoch leimi. Ir repwe sü seni ewe män feiengau o toropasfeil lein chon ekewe mwün fanüfan.  
\v 9 Mürin, chokewe me leimi mi chüen manau repwe chechemeniei me lein ekewe mwü ia ra oola ie, lupwen üpwe atai letiper mi kirikiringau ngeniei o kul seniei, o achuna meser mi mocheisou ngeni ekewe uluulun anümwäl. Mürin repwe püsin oputeer pokiten ekewe föför mi ngau o anioput ra föriir.  
\v 10 Iwe, repwe silei pwe ngang ewe Samol mi Lapalap. Ewer, epwe fokun fis mine üa apasa usun ewe feiengau üpwe afeiengaueer ren.”   
\p
\v 11 Iei alon Kot ewe Samol mi Lapalap, “Isikiel, kopwe aitietä poum o pupures ren om letipeta, kopwe pwal apasa, ‘Feiengauen chon Israel pokiten ar kewe föför mi ngau o anioput meinisin.’ Pun repwe mäla lon maun, ren lengita me mätter.  
\v 12 Iwe, ir mi nom won fanü toau repwe mäla ren mätter, nge ir mi nom won fanü mi arap repwe mäla lon maun, nge ir mi chüen manau me mürin repwe mäla ren lengita. Iei usun üpwe fokun song ngeniir.  
\v 13 Iwe, repwe silei pwe ngang ewe Samol mi Lapalap, lupwen ar kewe somä ra itifengen lein ar kewe uluulun anümwäl ünükün ar kewe rong, won ekewe chukutekison meinisin pwal won ungen ekewe chukutekia, fän iteiten irä mi mwuresires me iteiten ook mi palapal, pwal ekis meinisin ia ra eäni asor ie mettoch mi pwokus ngeni ar kewe uluulun anümwäl.  
\v 14 Iwe, üpwe aitiela pei ngeniir, pwe üpwe atai ewe fanü ekis meinisin ia ra nonom ie, pwe epwe tala o pön seni ewe fanüapö mi nom ör tori Ripla mi nom efeng. Mürin repwe silei pwe ngang ewe Samol mi Lapalap.”   
\c 7  
\s1 A tori sopolan ewe fanü Israel  
\sr 7.1-27  
\p
\v 1 Iwe, ewe Samol mi Lapalap a kapas ngeniei,  
\v 2 “Nöün aramas, iei aloi ngang Kot ewe Samol mi Lapalap ngeni ewe fanü Israel: A tori sopolan. A tori sopolan unusen ewe fanü.  
\v 3 Israel, iei a tori sopolom. Iei üpwe fokun song ngonuk, pun üpwe apwünguk won ükükün om föför, üpwe pwal liwini ngonuk liwinin om föför mi anioput.  
\v 4 Iwe, üsap chüen achikok, üsap pwal chüen tongeek. Üpwe liwini ngonuk liwinin om föför mi anioput ka chök sopwela le föri. Ren ei kopwe silei pwe ngang ewe Samol mi Lapalap.”   
\p
\v 5 Iei alon Kot ewe Samol mi Lapalap, “Feiengau epwe war, feiengau epwe chök afawun.  
\v 6 A tori sopolan, a tori sopolan. Nengeni, a wareituk sopolom.  
\v 7 Feiengau epwe torikemi aramasen ei fanü. A tori ewe fansoun, a pwal arap ewe rän, eu ränin osukosuk, nge sap eu ränin mweireir me won ekewe chuk.  
\v 8 Iei a arap ai üpwe awarato ai lingeringer womw o amüchü ai song ngonuk. Üpwe apwünguk won ükükün om föför o liwini ngonuk liwinin om föför mi anioput.  
\v 9 Iwe, üsap chüen achikok, üsap pwal chüen tongeek. Üpwe liwini ngonuk liwinin om föför mi anioput ka chök sopwela le föri. Ren ei kopwe silei pwe ngang ewe Samol mi Lapalap, ewe mi afeiengauok.”   
\p
\v 10 Ewe rän a war. Feiengau a feito womw. Pwüngingau a pwükütä, nge lamalamtekia a fokun wattela.  
\v 11 Föförün mwänewüs a mämäritä o afisätä föföringau. Ekewe aramas meinisin repwe rosola, esap pwal chüen wor wöür mi somwola me ar ling.  
\v 12 Iwe, a tori fansoun, a pwal arap ewe rän. Esap wor popun än ewe chon kamö epwe pwapwa ika ewe chon amömö epwe lolilen, pun Kot a song ngeniir meinisin.  
\v 13 Iwe, ewe chon amömö fanü esap chüen tongeni liwin ngeni mine a amömöla. Inamwo ika a chüen manau, pun än Kot song a nonom wor meinisin, nge esap sü seniir. Iwe, pokiten ar tipis esap wor eman a tongeni amanaua manauan.   
\p
\v 14 Iwe, ra ettiki rappwa o amolätä meinisin. Nge esap wor eman a feila maun, pun Kot a song ngeniir meinisin.  
\v 15 Maun a fis won ekewe al, nge mätter me lengita ra fis lon ekewe imw. Ir mi nom lemäl repwe mäla lon maun, nge ir mi nom lon ewe telinimw repwe mäla ren lengita me mätter.  
\v 16 Iwe, chokewe meinisin mi chüen manau repwe süla won ekewe chuk usun chök lisom mi ässitä seni ekewe lemol pokiten ar niuokus. Repwe ngüngüres pokiten ar tipis.  
\v 17 Pöür meinisin repwe chök ititiu, nge lepwäsukur meinisin repwe chechech.  
\v 18 Iwe, repwe üföüf üf seni tuk, nge niuokus watte epwe nom rer. Won meser epwe wowon säw, mökürer epwe pwal reipöpöla.  
\v 19 Repwe moneela ar silifer me kolt won ekewe al, usun mettoch mi limengau. Pun ar silifer me kolt resap tongeni amanaueer lon ränin än ewe Samol mi Lapalap song, resap pwal tongeni aura luker o amötüür lon ar echik. Pun ar echeni silifer me kolt iei popun ar tipis.  
\v 20 Me lom ra sikesik ren fouter seni kolt mi aüchea. Ra pwal aea ekewe kolt o föri ar kewe uluulun anümwäl mi anioput. Iei mine ewe Samol mi Lapalap a anioputa ekewe mettoch me rer.  
\v 21 Iwe, ewe Samol mi Lapalap a apasa, “Üpwe mwüt ngeni chon ekis pwe repwe liapenala ekewe mettoch, nge chon föföringau won fanüfan repwe angei wöür meinisin o turunufaseer.  
\v 22 Üpwe kul seniir, nge chon ekis repwe atai pinin imwei mi pin o aüchea. Chon solä repwe tolong lon o turunufasei.   
\p
\v 23 Kopwe amolätä selimächä, pun ewe fanü a uren föförün nimanau, nge ewe telinimw a uren föförün mwänewüs.  
\v 24 Üpwe awarato chon ekewe mwü mi ngau seni meinisin, pwe repwe imweni imwer kana. Üpwe awesi än ekewe chon pwora lamalamtekia, nge ar kewe leni mi pin repwe küna turunufas.  
\v 25 Lupwen niuokus watte epwe toriir, repwe kütta kinamwe, nge resap fokun küna.  
\v 26 Feiengau epwe war, feiengau epwe chök afawun, nge epwe chök wor pworausen afeiengau. Iwe, repwe tüngor ngeni soufos pwe repwe osuni ngeniir. Ekewe souasor resap chüen aiti ngeniir ekewe allük, ekewe souakom esap chüen wor ar öüröür.  
\v 27 Ewe king epwe letipeta, ewe samol epwe apilükülükingau, nge aramasen ewe fanü repwe chechech ren ar niuokus. Üpwe liwini ngeniir ükükün liwinin ar föför, üpwe pwal apwüngüür won ewe aükük ir ra püsin eäni apwüng won. Ren ei repwe silei pwe ngang ewe Samol mi Lapalap.”   
\c 8  
\s1 Künan ewe soufos usun ekewe föför mi anioput ra fis lon Jerusalem  
\sr 8.1-18  
\p
\v 1 Iwe, lon awonuen ierin ach oola, lon alimuen ränin ewe awonuen maram, üa mot lon imwei, nge ekewe souakomwen chon Juta mi oola ra mot rei. Ikenan än Kot ewe Samol mi Lapalap manaman a toriei.  
\v 2 Üa netä o küna eman a lapalapeni lapalapen eman aramas. Iwe, feitiu seni mine a usun chök won wilan a wor ekkei, nge feitä seni won wilan a usun chök lapalapen och saramaramen piras mi misimis. \x + \xo 8.2 \xt Is 1.27\x*  
\v 3 A aitiewu och usun lapalapen efoch pau o amwöchü meten mökürei. Lon künaei we Ngünün Kot a ekieitä lefilen fanüfan me läng o emwenieila Jerusalem. A anomuei lükün ewe asamalap mi nom efengin ewe leni mwen ewe imwenfel. Ikenan a wor eu uluulun anümwäl Kot a fokun chou ren.  
\v 4 Üa pwal küna lingen ewe Koten Israel ikenan, usun üa küna lon künaei we me lon ewe lemol. \x + \xo 8.4 \xt Is 1.28\x*  
\v 5 Iwe, Kot a üreniei, “Nöün aramas, kopwe nela efeng.” Iei mine üa nenela efeng o küna ewe uluulun anümwäl Kot a fokun chou ren, a nom arun ewe rongen asor ren ewe asamalapen tolong.  
\v 6 Kot a pwal üreniei, “Nöün aramas, ifa usun, ka küna mine ra föri? Ka küna ekewe föför mi anioput, chon Israel ra föri ikei, pwe repwe asüeila toau seni leniei mi pin? Nge kopwe pwal küna sokun föför mi fokun anioput seni ekei.”   
\p
\v 7 Mürin a emwenieila ren asamalapen ewe leni lükün imwenfel. Nge lupwen üa nenefeil, üa küna eu pwang lon ewe tit.  
\v 8 Iwe, a üreniei, “Nöün aramas, kopwe pwangeni ewe tit.” Nge lupwen üa pwangeni, üa küna eu asamalap.  
\v 9 Kot a üreniei, “Kopwe tolong lon ewe rum o nengeni ekewe föför mi ngau o anioput ra föri lon.”  
\v 10 Iwe, üa tolong lon o küna me won ekewe etip meinisin liosun sokun mantötö me man mi anioput, pwal liosun än chon Israel kewe uluulun anümwäl meinisin.  
\v 11 Iwe, me fän mesen ekewe lios fik mwän seni ekewe souakomwen chon Israel ra ütä, nge Jaasania nöün Safan we a nom lefiler. Iteiten eman me eman a amwöchü an sepien asoren ötüöt, nge ötüötür a ötütä seni lor.  
\v 12 Mürin a üreniei, “Nöün aramas, ifa usun, ka küna mine ekewe souakomwen chon Israel ra föri lemonomon? Iteiten eman me eman a fel mwen an lenien uluulun anümwäl, pun ra apasa, ‘Ewe Samol mi Lapalap esap künakich. A likitala ewe fanü.’”  
\v 13 Nge a pwal üreniei, “Kopwe pwal küna ar föri föför mi fokun anioput seni ekei.”   
\p
\v 14 Mürin, Kot a emwenieila ren asamalapen imwenfelin ewe Samol mi Lapalap mi sape ngeni efeng. Ikenan üa küna fefin ra kechüeiti ewe kot Tamus \f + \fr 8.14 \ft Tamus eman koten Papilon, aramas ra lükü pwe a mäla, lupwen ekewe irä ra mwor chör lon fansoun patapat.\f*, a mäla.  
\v 15 Iwe, a üreniei, “Nöün aramas, ifa usun, ka küna ei? Nge kopwe pwal küna sokun föför mi fokun anioput seni ekei.”   
\p
\v 16 Mürin, Kot a emwenieila ren ewe leni mwen imwenfelin ewe Samol mi Lapalap. Me ikenan üa küna rüe me liman mwän lükün asamalapen ewe imwenfel lefilen kengkangan me ewe rongen asor. Iwe, ra kul seni ewe imwenfel, ra newenewen ngeni ötiu o fel ngeni akkar.  
\v 17 Iwe, a üreniei, “Nöün aramas, ifa usun, ka küna ei? Ifa usun, esap ku ngeni chon Juta ar föri ekei föför mi anioput ikei, pwe ra pwal aurala ewe fanü ren föförün mwänewüs o sopwela le asongaei? Nengeni, ra pwal pwölü pwötür ngeni palen irä.  
\v 18 Iei mine üpwe apwüngüür fän ai song. Üsap achikeer, üsap pwal eäni tong ngeniir. Inamwo are repwe kechü ngeniei fän leüömong lon ar iotek, üsap fokun aüselingeer.”   
\c 9  
\s1 Chon tipis ra ninnila  
\sr 9.1-11  
\p
\v 1 Mürin üa rongorong pwe Kot a kapas fän leüömong, “Oupwe kaneto, ämi mi wisen afeiengaua ewe telinimw. Eman me eman epwe uwato an pisekin ninni.”  
\v 2 Iwe, üa küna wonoman mwän ra feito seni ewe asamalapen won mi sape ngeni efeng. Eman me eman leir a uwato an pisekin ninni, nge eman a etiir, a üföüf echö üf mi pwechepwech o uwei eu pisekin mak lepekin. Ra tolong o üla lükün ewe rongen asor seni piras.   
\p
\v 3 Iwe, lingen ewe Koten Israel a feitä seni ekewe kerop, ia a nom ie me mwan, o feila ngeni asamalapen ewe imwenfel. Iwe, ewe Samol mi Lapalap a kökkö ngeni ewe mwän mi üföüf echö üf mi pwechepwech o uwei eu pisekin mak lepekin,  
\v 4 “Kopwe fetalfeil lon unusen ewe telinimw Jerusalem o asisila won chamwen chokewe mi letipeta o kechü ren ekewe föför mi anioput ra fis lon. \x + \xo 9.4 \xt Pwär 7.3; 9.4; 14.1\x*  
\v 5 Iwe, üa rongorong pwe Kot a apasa ngeni pwal ekewe ekoch mwän, “Oupwe tapwela mürin ätei lon ei telinimw o niela ekewe aramas. Ousap achikeer, ousap pwal tongeer.  
\v 6 Oupwe fokun niela chinlap mwän me alüal me föpwül, pwal semirit me fefin, nge ousap atapa chokewe mi eäni ewe asisil. Iwe, oupwe popuetä me lon leniei mi pin.” Iei mine ra popuetä le niela ekewe souakom ra nom lükün ewe imwenfel.  
\v 7 Mürin a pwal üreniir, “Oupwe atai pinin ewe imwenfel, oupwe pwal aura ekewe leni lükün imwenfel ren ekewe somä. Oupwe feila o föri mine üa allük ngenikemi.” Iei mine ra feila o niela ekewe aramas lon ewe telinimw.  
\v 8 Nge lupwen ra nirela, ngang chök üa lusun. Iwe, üa chapetiu lepwül o kökkö, “Ai Kot, Samol mi Lapalap. Ifa usun, kopwe arosala meinisin mi chüen manau lon Israel ren om awarato om song won Jerusalem?”   
\p
\v 9 Iwe, Kot a pälüeniei, “Än chon Israel me chon Juta tipis a fokun wattela. Ra nimanauei aramas lon unusen ewe fanü o föri mine a pwüngingau lon Jerusalem. Ra apasa, ‘Ewe Samol mi Lapalap a likitala ei fanü, esap pwal küna mine sa föri.’  
\v 10 Iei mine üsap achikeer, üsap pwal tongeer, nge üpwe liwini ngeniir ükükün liwinin ar kewe föför meinisin.”   
\p
\v 11 Mürin, ewe mwän mi üföüf echö üf mi pwechepwech o uwei eu pisekin mak lepekin a liwinto o apasa, “Üa wes le föri mine ka awisa ngeniei.”   
\c 10  
\s1 Lingen Kot a towu seni lon ewe imwenfel  
\sr 10.1-22  
\p
\v 1 Iwe, lupwen üa nenela, üa küna och mi wewe ngeni eu lenien motun king mi för seni ewe fau aüchea itan safaia, a pwä me won läng asen möküren ekewe kerop. \x + \xo 10.1 \xt Is 1.26; Pwär 4.2\x*  
\v 2 Kot a üreni ewe mwän mi üföüf echö üf mi pwechepwech, “Kopwe tolong lefilen ekewe wiil mi kul fän ekewe kerop. Kopwe tukei lon poum molien ekkei mi sarara seni lefilen ekewe kerop o atoropasafeiliir won ewe telinimw.” \x + \xo 10.2 \xt Pwär 8.5\x*  
\p Iwe, lupwen üa katol, a tolong lon.  
\v 3 Lupwen ewe mwän a tolong, ekewe kerop ra ütä lepeliörün ewe imwenfel, nge eu kuchu a aurala ewe leni mwen ewe imwenfel.  
\v 4 Iwe, lingen ewe Samol mi Lapalap a feitä seni ekewe kerop o feila ngeni asamalapen ewe imwenfel. Mürin, ewe kuchu a aurala ewe imwenfel, nge ewe leni mwen ewe imwenfel a ur ren saramaramen lingen ewe Samol mi Lapalap.  
\v 5 Iwe, mwaataaten pöükässin ekewe kerop a tori ewe leni lükün ewe imwenfel, a usun chök mwelien ewe Kot mi Unusen Manaman, lupwen a kapas.   
\p
\v 6 Lupwen ewe Samol mi Lapalap a kapas ngeni ewe mwän mi üföüf echö üf mi pwechepwech, pwe epwe angei molien ekkei seni lefilen ekewe wiil mi kul, pwal seni lefilen ekewe kerop, a tolong o ütä lükün eu kewe wiil.  
\v 7 Mürin, eman seni lein ekewe kerop a aitiela pöün ngeni ewe ekkei a nom lefilen ekewe kerop, a angei ekoch molian o uwalong lepöün ewe mwän mi üföüf echö üf mi pwechepwech. Iwe, ewe mwän a angei ewe molien ekkei o towu lükün.  
\v 8 Fän efoch me efoch pöükässin ekewe kerop a pwä och mi wewe ngeni efoch pöün aramas.   
\p
\v 9 Iwe, lupwen üa nenela, üa küna rüanü wiil lepekin ekewe kerop, eu wiil lepekin eman me eman. Nge lapalapen ekewe wiil a usun chök meriweriwen ewe faü aüchea itan kirisolait.  
\v 10 Iwe, lapalapen ekewe rüanü wiil a wewefengen, a usun chök eu wiil mi nom lon eu.  
\v 11 Lupwen ekewe kerop ra fetal, ra tongeni fetal ngeni ekewe rüanü pekin, nge resap kul lupwen ar fetal. Iwe, ra fetalepök lon en me wenewenan ia meser a sape ngeni ie, nge resap kul lupwen ar fetal.  
\v 12 Iwe, unusen inisin ekewe kerop, sökürür, pöür me pöükässir ra kula ren föün mas. Ina usun pwal ekewe wiil mi nom lepekir. \x + \xo 10.12 \xt Pwär 4.8\x*  
\v 13 Üa püsin rongorong pwe ekewe wiil ra iteni wiil mi märäkul. \x + \xo 10.13 \xt Is 1.15-21\x*  
\v 14 Iwe, iteiten eman me eman ekewe kerop a wor rüanü won mesan. Aeuin won mesan a usun chök won mesen eman kerop, aruuen won mesan a usun chök won mesen eman aramas, aülüngatin won mesan a usun chök won mesen eman laion, nge arüanün won mesan a usun chök won mesen eman ikel. \x + \xo 10.14 \xt Is 1.10; Pwär 4.7\x*   
\p
\v 15 Ikkei ir ekewe mönümanau üa fen küna me ünükün ewe chanpupu Kepar. Iwe, ekewe kerop ra ässitä.  
\v 16 Iwe, lupwen ekewe kerop ra fetal, ekewe wiil ra fetal lepekir, nge lupwen ra awenawu pöükässir pwe repwe ässitä seni won fanü, ekewe wiil resap feil seni lepekir.  
\v 17 Lupwen ekewe kerop ra üla, ekewe wiil ra pwal üla, nge lupwen ekewe kerop ra feitä, ir ra pwal feitä, pun ngünün ekewe mönümanau ra nonom lon ekewe wiil.   
\p
\v 18 Mürin, lingen ewe Samol mi Lapalap a feil seni asamalapen ewe imwenfel o üla me won ekewe kerop.  
\v 19 Nge lupwen üa nenengeni ekewe kerop, ra awenawu pöükässir o feitä seni won fanü, nge ekewe wiil ra etiir. Ra feila ren asamalapen imwen ewe Samol mi Lapalap mi sape ngeni ötiu o üla ikenan, nge lingen ewe Koten Israel a nonom wor.   
\p
\v 20 Ikkei ir ekewe mönümanau üa fen küneer pwe ra nom fän ewe Koten Israel ünükün ewe chanpupu Kepar. Iwe, üa sileniir pwe ir kerop.  
\v 21 Iwe iteiten eman me eman leir a wor rüanü won mesan, pwal fofoch pöükässin, nge fän pöükässir a wor och mi wewe ngeni pöün aramas.  
\v 22 Iwe, lapalapen won meser a fokun usun chök won mesen ekewe mönümanau üa fen küneer ünükün ewe chanpupu Kepar. Iteiten eman me eman leir a fetal wenewen.   
\c 11  
\s1 Ekewe samol mi ngau ra küna apwüng  
\sr 11.1-13  
\p
\v 1 Iwe, Ngünün Kot a ekieitä o uweeila ren asamalapen imwen ewe Samol mi Lapalap mi sape ngeni ötiu. Ikenan, lükün ewe asamalap a wor rüe me liman mwän, nge lefiler üa küna ruoman samolun chon Israel Jaasania nöün Assur, pwal Pelatia nöün Penaia.  
\v 2 Iwe, Kot a üreniei, “Nöün aramas, ikkei ir ekewe mwän ra ekiekietä sokun rawangau o öüröüra ngeni chon ei telinimw mine a ngau.  
\v 3 Iwe, ra apasa, ‘A arap ewe fansoun ach sipwe aüetä imw. Ei telinimw a wewe ngeni eu kama, nge kich ewe fituk mi nom lon.’  
\v 4 Iei mine, nöün aramas, kopwe osuni usun ar repwe feiengau, kopwe fokun osuni.”   
\p
\v 5 Mürin, Ngünün ewe Samol mi Lapalap a feitiu woi o aiti ngeniei mine üpwe üreni ekewe aramas, “Iei alon ewe Samol mi Lapalap: Ämi chon Israel, üa silei mine oua apasa. Üa pwal silei ekiekin lelukemi.  
\v 6 Oua niela chomong aramas lon ei telinimw, pwe ekewe al ra urela ren somä.  
\v 7 Iei mine ngang Kot ewe Samol mi Lapalap üa apasa: Ekewe somä oua niela lon ei telinimw ir ewe fituk, nge ei telinimw ewe kama. Iwe, nge ämi, ngang üpwe asükemiila seni ei telinimw.  
\v 8 Oua niuokusiti ewe ketilas. Nge ngang üpwe tinato remi aramas mi maun ngenikemi fän ketilas.  
\v 9 Iwe, üpwe emwenikemiiwu seni lon ei telinimw o atolongakemi lepöün chon ekis, üpwe pwal awarato apwüng womi.  
\v 10 Oupwe mäla lon maun lon kiännin ewe fanü Israel. Mürin oupwe silei pwe ngang ewe Samol mi Lapalap.  
\v 11 Ei telinimw esap wewe ngeni eu kama fän itemi, nge ämi ousap pwal wewe ngeni ewe fituk mi nom lon. Nge üpwe apwüngükemi lon kiännin ewe fanü Israel.  
\v 12 Mürin ämi oupwe silei pwe ngang ewe Samol mi Lapalap. Pun ousap apwönüetä ai kewe allük, ousap pwal aleasochisi ai kewe pwüüng, nge oua tümwünü allükün ekewe mwü mi nom ünükümi.”  
\v 13 Iwe, lupwen üa osuni, a fis pwe Pelatia nöün Penaia we a mäla. Iwe, üa chapetiu lepwül o kökkö fän leüömong, “Ai Kot Samol mi Lapalap. Ifa usun, ka ekiekin arosala ekewe lusun mi chüen manau lon Israel?”   
\s1 Kot a pwon pwe epwe amanaua o aliwinato chon Israel  
\sr 11.14-25  
\p
\v 14 Iwe, ewe Samol mi Lapalap a kapas ngeniei,  
\v 15 “Nöün aramas, ekewe chon Jerusalem ra apasa usum me pwiüm kewe mi etuk le oola, ir chon Israel meinisin, ‘Ra nom toau seni ewe Samol mi Lapalap, iei mine a ngenikich ei fanü pwe sipwe fanüeni.’  
\v 16 Iei mine kopwe üreni ekewe mi oola, ‘Iei alon Kot ewe Samol mi Lapalap: Ewer, üa tinirela lein ekewe mwü o atoropasafeiliir won ekewe fanü. Nge üa fen nonom rer lon ei fansoun lon ekewe fanü ia ra oola ie.’  
\v 17 Iei mine kopwe üreniir, ‘Iei alon Kot ewe Samol mi Lapalap: Üpwe aliwinikemiito seni ekewe mwü o achufengenikemi seni ekewe fanü ia oua toropasfeil ie, üpwe pwal ngenisefälikemi ewe fanü Israel.’  
\v 18 Iwe, lupwen repwe liwinsefälito ikei, repwe pöütala seni lon ei fanü ekewe uluulun anümwäl mi ngau o anioput.  
\v 19 Üpwe ngeniir eu leluk mi fö, üpwe pwal fangelong lor eman ngün mi fö. Üpwe angei me leutur ewe leluk mi pöchökül usun fau o ngeniir eu leluk mi pwetete.  
\v 20 Mürin repwe apwönüetä ai kewe allük o aleasochisi ai kewe pwüüng. Iwe, ir repwe nei aramas kana, nge ngang üpwe ar Kot. \x + \xo 11.20 \xt Is 36.26-28\x*  
\v 21 Nge chokana mi tipeni ar repwe angang ngeni ekewe uluulun anümwäl mi ngau o anioput, üpwe liwini ngeniir ükükün liwinin ar föför.” Iei alon Kot ewe Samol mi Lapalap.   
\p
\v 22 Mürin, ekewe kerop ra awenawu pöükässir o ässitä, pwal ekewe wiil mi nom lepekir ra etiir, nge lingen ewe Koten Israel a nonom aser.  
\v 23 Iwe, lingen ewe Samol mi Lapalap a feitä seni lukalapen ewe telinimw, a feila o üla won ewe chuk a nom ötiuen ewe telinimw. \x + \xo 11.23 \xt Is 43.2-5\x*  
\v 24 Iwe, lon künaei we Ngünün Kot a ekieitä o uweeila lon ewe fanü Papilon ren ekewe chon oola. Mürin, künaei we a morola seniei.  
\v 25 Iwe, üa apworausa ngeni ekewe chon oola ekewe mettoch meinisin ewe Samol mi Lapalap a aiti ngeniei.   
\c 12  
\s1 Isikiel a pwomweni lapalapen än ekewe chon Israel oola  
\sr 12.1-28  
\p
\v 1 Iwe, ewe Samol mi Lapalap a kapas ngeniei,  
\v 2 “Nöün aramas, ka nonom lein eu täppin aramas mi lükümach o ü ngeniei. A wor meser pwe repwe küna, nge resap künökün, a pwal wor selinger pwe repwe rongorong, nge resap rongorong, pun ir eu täppin aramas mi lükümach o ü ngeniei. \x + \xo 12.2 \xt Ais 6.9-10; Jer 5.21; Mark 8.18\x*  
\v 3 Iei mine, nöün aramas, kopwe amolätä om pwotou usun eman chon oola a föri. Lerän, lupwen ekewe aramas ra nenengenuk, kopwe feila seni leniom o feila ngeni pwal eu leni. Eli repwe wewe ren, inamwo ika ir eu täppin aramas mi lükümach o ü ngeniei.  
\v 4 Lerän, lupwen ra nenengenuk, kopwe uwawu om pwotou ka amolätä usun än eman chon oola. Nge lekuniol, lupwen ra nenengenuk, kopwe feila seniir usun eman aramas mi oola.  
\v 5 Lupwen ra nenengenuk, kopwe pwangeni etippen imwom o towu me lon fän om pwotou.  
\v 6 Kopwe mwärei om pwotou, lupwen ra nenengenuk, o uweela, lupwen a pwinila. Kopwe pwal pwölüela won mesom pwe kosap küna mwom, pun üa awisok, pwe kopwe eu asisil fän iten ekewe chon Israel.”   
\p
\v 7 Iwe, üa föri usun Kot a allük ngeniei. Lerän üa amolätä ai pwotou usun än eman chon oola, nge lekuniol üa pwangeni etippen imwei ren püsin pei. Iwe, lupwen a pwinila, üa feil seniir o mwärei ai pwotou, lupwen ra nenengeniei.   
\p
\v 8 Nge sorotän ewe rän, ewe Samol mi Lapalap a kapas ngeniei,  
\v 9 “Nöün aramas, ifa usun, sap chon Israel ewe täppin aramas mi lükümach o ü ngeniei ra aisinuk, ‘Met ka föri?’  
\v 10 Kopwe pälüeniir, ‘Iei alon Kot ewe Samol mi Lapalap: Ei kapasen osuni fän iten ewe samolun Jerusalem, pwal fän iten chon Israel meinisin mi nom lon ewe fanü.’  
\v 11 Kopwe üreniir, pwe en eu asisil fän iter. Iwe, usun mine ka föri, ina usun epwe fis ngeniir. Repwe feila toau pwe repwe oola.  
\v 12 Iwe, ewe samol mi nemeniir epwe mwärei an pwotou, lupwen a pwinila, o feila. Repwe pwangeni ewe tit fän itan pwe epwe towu me lon, epwe pwal pwölüela won mesan pwe esap tongeni küna mwan.  
\v 13 Nge ngang ewe Samol mi Lapalap üpwe aturala ai toloia won, pwe epwe tup lon. Mürin üpwe emwenala Papilon lon fanüen chon Kaltea, nge i esap küna. Iwe, epwe mäla ikenan. \x + \xo 12.13 \xt 2.King 25.7; Jer 52.11\x*  
\v 14 Üpwe atoropasafeili chon leimwan ekis meinisin, pwal nöün kewe nöüwis me nöün kewe sounfiu meinisin, üpwe pwal tapweriir fän ketilas.  
\v 15 Iwe, lupwen üpwe tinirela lein chon ekewe mwü o atoropasafeiliir won ekewe fanü, mürin repwe silei pwe ngang ewe Samol mi Lapalap.  
\v 16 Nge ekoch chök me leir üpwe amanaueer seni maun me lengita me mätter, pwe repwe mefi me lein chon ekewe mwü ia ra oola ie, pwe ar kewe föför ra anioput. Mürin repwe silei pwe ngang ewe Samol mi Lapalap.”   
\p
\v 17 Iwe, ewe Samol mi Lapalap a kapas ngeniei,  
\v 18 “Nöün aramas, kopwe mongö anom o ünümi ünümom fän chechech me niuokus watte.  
\v 19 Kopwe üreni aramasen ei fanü, ‘Iei alon Kot ewe Samol mi Lapalap usun ekewe chon Jerusalem mi nom lon ewe fanü Israel: Repwe mongö ener fän niuokus watte o ünümi ünümer fän apilükingau, pun fanüer epwe unusen pöla, pokiten chon ewe fanü ra chök föri föförün mwänewüs.  
\v 20 Iwe, ekewe telinimw mi so me lom repwe tala, nge ewe fanü epwe wiliti eu fanüapö. Mürin repwe silei pwe ngang ewe Samol mi Lapalap.’”   
\p
\v 21 Iwe, ewe Samol mi Lapalap a kapas ngeniei,  
\v 22 “Nöün aramas, pwota ekewe chon Israel ra eäni ei sokun mwiitun? Ra apasa, ‘Ekewe rän ra la, nge künään soufos esap fis.’  
\v 23 Iei mine kopwe üreniir, ‘Iei alon Kot ewe Samol mi Lapalap: Üpwe awesi ei mwiitun, pwe aramas resap chüen eänisefäli lon Israel.’ Nge kopwe pwal üreniir, ‘A fokun tori fansoun pwe künään soufos meinisin repwe fisitä.’  
\v 24 Pun esap chüen wor künään soufos mi mwäl ika kapasen osuni mi mwotoutou lein chon Israel.  
\v 25 Pwe ngang ewe Samol mi Lapalap üpwe kapas, nge epwe fokun pwönüetä, pun esap chüen mang. Ewer, lupwen fansoun manauemi, ämi chon lükümach o ü ngeniei, üpwe apwönüetä ai kewe kapas meinisin.” Iei alon Kot ewe Samol mi Lapalap.   
\p
\v 26 Iwe, ewe Samol mi Lapalap a kapassefäl ngeniei,  
\v 27 “Nöün aramas, ekewe chon Israel ra apasa pwe mine ka küna epwap fis mürin chomong rän, nge mine ka osuni a fokun toau, toau.  
\v 28 Iei mine kopwe üreniir, ‘Iei alon Kot ewe Samol mi Lapalap: Esap wor eu lein ai kewe kapas epwe mang le pwönüetä, nge mine üa apasa epwe fokun fis.’ Ngang Kot ewe Samol mi Lapalap üa kapas.”   
\c 13  
\s1 Ekewe soufos chofana repwe küna apwüng  
\sr 13.1-23  
\p
\v 1 Iwe, ewe Samol mi Lapalap a kapas ngeniei,  
\v 2 “Nöün aramas, kopwe osuni feiengauen ekewe soufosun Israel, ir chokewe mi osuni seni püsin ar ekiek. Kopwe üreniir pwe repwe rongorong alon ewe Samol mi Lapalap.  
\v 3 Iei alon Kot ewe Samol mi Lapalap: Feiengauen ekewe soufos mi tiparoch ra osuni seni püsin letiper, nge esap wor künaer.  
\v 4 Ämi chon Israel, nöümi kewe soufos ra wewe ngeni ekewe foks mi nom lon ekewe leni mi tala.  
\v 5 Resap nom ren pwangen ekewe tit pwe repwe tümwünüür, resap pwal senisefälietä ekewe tit fän iten ekewe chon Israel pwe repwe üwenewenetä lon maun lon ränin ewe Samol mi Lapalap.  
\v 6 Mine ra osuni a mwakel, nge mine ra pweei a chofana. Ra apasa, ‘Iei alon ewe Samol mi Lapalap,’ nge ngang üsap tinirela. Iwe, ra chök ekieki pwe mine ra apasa epwe pwönüetä.  
\v 7 Nge ngang üa üreniir, “Künaemi a chök atuputup, a pwal mwakel chök mine oua pweei, lupwen oua apasa, ‘Iei alon ewe Samol mi Lapalap,’ nge ngang üsap kapas.   
\p
\v 8 Iei mine ngang Kot ewe Samol mi Lapalap üa apasa: Pokiten a atuputup mine oua osuni, a pwal mwakel mine oua küna, üpwe ü ngenikemi.  
\v 9 Üpwe palüeni ekewe soufos a wor künaer mi atuputup, pwal chokana ra pweei mine a mwakel. Iwe, resap nom lon mwichen nei aramas, lupwen ra pwüngüpwüngfengen, iter esap makelong lon puken tettelin chon Israel, resap pwal tolong lon ewe fanü Israel. Mürin repwe silei pwe ngang Kot ewe Samol mi Lapalap.  
\v 10 Ei epwe fis pokiten ar atokala nei kewe aramas ren ar apasa, ‘Epwe chök fis kinamwe,’ nge esap fokun fis. Iwe, ren ei a usun chök pwe nei aramas ra senätä eu tit mi apwangapwang, nge ekei soufos ra chök aopala apwangapwangan ren pweech. \x + \xo 13.10 \xt Jer 6.14; 8.11\x*  
\v 11 Iei mine kopwe üreni chokewe ra chök apwecha ewe tit, pwe epwe turula. Epwe püngütiu ütomong won. Üpwe pwal tinato ütten fau me eu mölümöl won.  
\v 12 Nge lupwen ewe tit epwe turula, aramas repwe aisinikemi, ‘Met lomoten ewe pweech oua apwecha ngeni ei tit?’  
\v 13 Iei mine ngang Kot ewe Samol mi Lapalap üa apasa: Lon ai song üpwe awarato eu mölümöl, lon ai lingeringer üpwe apüngätiu üt me ütten fau mi ataela ewe tit.  
\v 14 Iwe, üpwe atai ewe tit oua apwecha, üpwe pwal aturala won pwül pwe epwe pwä longolongun. Iwe, lupwen epwe turula, oupwe mäla fan. Mürin oupwe silei pwe ngang ewe Samol mi Lapalap.  
\v 15 Iei usun üpwe amüchü ai lingeringer won ewe tit, pwal won chokewe ra apwecha. Iwe, üpwe ürenikemi pwe ewe tit esap chüen wor, nge chokewe ra apwecha resap pwal chüen nom,  
\v 16 ir ekewe soufosun Israel ra osuni usun Jerusalem, a pwal wor künaer pwe epwe fis kinamwe lon, nge esap fokun fis.” Iei alon Kot ewe Samol mi Lapalap.   
\p
\v 17 Iwe, ewe Samol mi Lapalap a apasa, “Nöün aramas, iei kopwe sape ngeni ekewe fefin lein noum aramas mi osuni seni püsin ar ekiek. Iwe, kopwe osuni usun ar repwe feiengau o apasa,  
\v 18 ‘Iei alon Kot ewe Samol mi Lapalap: Feiengauemi, ämi fefin mi föri sokun pisekin roong pwe ririn kumwuch, oua pwal tei pwölüpwölün won mesen aramas meinisin, pun oua mochen nemeni manauen aramas. Ifa usun, oua mochen pwe epwe wor ämi nemenem won manauen me mälan nei aramas fän iten püsin feiöchümi?  
\v 19 Oua aitengauaei lein nei aramas fän iten fite kumwuch parli pwal fän iten ekoch sättin pilawa. Oua niela aramas esap ürürün repwe mäla, nge oua amanaua aramas ürürün resap manau, ren ämi chofana ngeni nei aramas mi rongokai ngeni kapas chofana.’   
\p
\v 20 Iei mine ngang Kot ewe Samol mi Lapalap üa apasa: Üa oput föriemi pisekin roong oua aea lon ämi mochen nemeni manau me mäla. Iwe, üpwe üttirewu seni won pöümi, üpwe pwal angasa ekewe aramas oua nemeniir.  
\v 21 Üpwe pwal kamwei pwölüpwölün won mesemi o angasa nei aramas seni lepöümi, pwe resap chüen nom fän nemeniemi. Mürin oupwe silei pwe ngang ewe Samol mi Lapalap.  
\v 22 Iwe, oua apwangapwangala leluken chon pwüng ren ämi kapas chofana, chokewe ngang üsap mochen pwe repwe lolilen. Oua pwal pesei ngeni ekewe aramasangau, pwe resap kul seni ar föför mi ngau o amanaua manauer.  
\v 23 Iei mine esap chüen wor künaemi mi atuputup, esap pwal chüen fis ämi pwee. Iwe, üpwe angasa nei aramas seni fän nemeniemi. Mürin oupwe silei pwe ngang ewe Samol mi Lapalap.”   
\c 14  
\s1 Kot a apwüngü chon angang ngeni uluulun anümwäl mi angei ar öüröür seni soufos  
\sr 14.1-11  
\p
\v 1 Iwe, ekoch seni lein ekewe souakomwen chon Israel ra feito rei o mot mwei.  
\v 2 Mürin, ewe Samol mi Lapalap a kapas ngeniei,  
\v 3 “Nöün aramas, ekei mwän ra asamolu ar kewe uluulun anümwäl lon letiper o mwüt ngeniir pwe repwe emwenirelong lon tipis. Ifa usun, üpwe mwüt ngeniir pwe repwe angei ar öüröür seniei?  
\v 4 Iei mine kopwe kapas ngeniir o asile ngeniir pwe iei aloi ngang Kot ewe Samol mi Lapalap, ‘Are eman chon Israel a asamolu an uluulun anümwäl lon letipan o mwüt ngeni pwe epwe emwenalong lon tipis, mürin a pwal churi eman soufos pwe epwe angei an öüröür seni, püsin ngang üpwe pälüeni won aükükün chomongun an uluulun anümwäl.  
\v 5 Üpwe föri ei, pwe üpwe elliapasefäli letipen ekewe chon Israel mi likitieila pokiten ar uluulun anümwäl.’   
\p
\v 6 Iei mine kopwe üreni ekewe chon Israel pwe iei aloi ngang Kot ewe Samol mi Lapalap, ‘Oupwe ekieksefäl. Oupwe kul seni ämi kewe uluulun anümwäl o sape seni ämi föför mi anioput meinisin.  
\v 7 Are eman chon Israel ika eman chon ekis mi nom leir a kul seniei o asamolu an uluulun anümwäl lon letipan, a pwal mwüt ngeni pwe epwe emwenalong lon tipis, nge mürin a pwal churi eman soufos, pwe epwe angei an öüröür seniei, püsin ngang ewe Samol mi Lapalap üpwe pälüeni.  
\v 8 Üpwe ü ngeni ei sokun aramas, üpwe föri pwe epwe eu asisil ngeni aramas, repwe leaweni lon ar kapasen ämängau, üpwe pwal ärala me lein nei aramas. Mürin oupwe silei pwe ngang ewe Samol mi Lapalap.  
\v 9 Nge are eman soufos epwe tup, pwe epwe osuni ngeni ewe chon ais öüröüran, püsin ngang ewe Samol mi Lapalap üpwe atupu ewe soufos. Ngang üpwe ü ngeni o ärala me lein ekewe aramasen Israel.  
\v 10 Ina usun ir me ruoman repwe angei liwinin ar tipis. Liwinin tipisin ewe soufos me ewe chon ais öüröüran epwe wewefengen.  
\v 11 Mürin, ekewe chon Israel resap chüen tok seniei, resap pwal chüen alimengaueer ren ar tipis. Iwe, ir repwe nei aramas kana, nge ngang üpwe ar Kot,’ iei alon Kot ewe Samol mi Lapalap.”   
\s1 Än Kot apwüngü Jerusalem fän pwüng  
\sr 14.12-23  
\p
\v 12 Iwe, ewe Samol mi Lapalap a kapas ngeniei,  
\v 13 “Nöün aramas, are chon eu fanü repwe tipis ngeniei ren ar resap allükülük, üpwe ü ngeniir o angei seniir ener mongö ra manau seni, üpwe tinala lengita rer o arosala aramas me man.  
\v 14 Nge are ekewe ülüman mwän Noa, Taniel me Hiop repwe nom lon ewe fanü, repwe chök püsin amanaueer ren ar pwüng,” iei alon Kot ewe Samol mi Lapalap.  
\v 15 “Are üpwe awora manmwacho pwe repwe nom won ewe fanü o niela chon, pwe ewe fanü epwe wiliti eu fanü mi pön ia esap wor eman aramas a tongeni fetal ie pokiten ekewe man,  
\v 16 mwo manauei, ngang Kot ewe Samol mi Lapalap üa apasa, are ekewe ülüman mwän repwe nonom lon ewe fanü, resap tongeni amanaua nöür mwän ika fefin, pwe ir chök repwe manau, nge ewe fanü epwe wiliti eu fanü mi pön.  
\v 17 Are üpwe awarato maun won ewe fanü o tinala efoch ketilas lemenen ewe fanü, pwe üpwe arosala aramas me man,  
\v 18 mwo manauei, ngang Kot ewe Samol mi Lapalap üa apasa, are ekewe ülüman mwän repwe nonom lon, resap tongeni amanaua nöür mwän ika fefin, pwe ir chök repwe manau.  
\v 19 Are üpwe tinala mätter lon ewe fanü o niela chomong lon ai lingeringer, pwe aramas me man repwe ärela,  
\v 20 mwo manauei, ngang Kot ewe Samol mi Lapalap üa apasa, are Noa, Taniel me Hiop repwe nonom lon, resap tongeni amanaua nöür mwän ika fefin, pwe repwe chök püsin amanaueer ren ar pwüng.”  
\v 21 Ewer, iei alon Kot ewe Samol mi Lapalap, “Epwe fen ifan feiengauen chon Jerusalem, lupwen üpwe tinala rer ai kewe rüanü feiengau mi watte, maun, lengita, manmwacho me mätter, pwe üpwe arosala aramas me man? \x + \xo 14.21 \xt Pwär 6.8\x*  
\v 22 Nge epwe wor ekoch leir mi chüen manau, nöür mwän me fefin, repwe towu seni ekewe feiengau. Iwe, oupwe nenengeniir, lupwen repwe torikemi, oupwe küna manauer me ar föföringau. Mürin oupwe chipila ren ekewe feiengau meinisin üa awarato won Jerusalem.  
\v 23 Iwe, oupwe chipela, lupwen oupwe küna manauer me ar föföringau, pun oupwe mefi pwe ekewe feiengau meinisin üa föri ngeni Jerusalem mi wor popun,” iei alon Kot ewe Samol mi Lapalap.   
\c 15  
\s1 Chon Jerusalem ra wewe ngeni efoch irän wain mi lomotongau  
\sr 15.1-8  
\p
\v 1 Iwe, ewe Samol mi Lapalap a kapas ngeniei,  
\v 2 “Nöün aramas, ren met ewe irän wain a aüchea seni ekewe lusun irän lein wöllap?  
\v 3 Ifa usun, aramas ra angei popun o falei och pisek seni? Ika ra föri efoch chüföl seni o isetä pisek won?  
\v 4 A chök öch an epwe koturulong lon ekkei pwe epwe karala. Ifa usun, are lesopun me ruosop ra karala, nge lukalapan a wiliti mooch, a chüen lomot ngeni och mettoch?  
\v 5 Ika esap lomot ngeni och mettoch, lupwen esamwo kar, ifa usun, esap watte lomotongauan, lupwen ekkei a kenala, pwe a wiliti mooch? Ewer, esap fokun lomot ngeni och mettoch.  
\v 6 Iei mine ngang Kot ewe Samol mi Lapalap üa apasa: Usun üa angei ewe irän wain seni ekewe irän lein wöllap o atolonga lon ekkei pwe epwe karala, iei usun üpwe föri ngeni ekewe chon Jerusalem meinisin.  
\v 7 Iwe, üpwe ü ngeniir. Inamwo ika ra sü seni lon ekkei, ekkei epwe chök kenirela. Nge lupwen üpwe ü ngeniir, oupwe silei pwe ngang ewe Samol mi Lapalap.  
\v 8 Iwe, üpwe awili ei fanü ngeni fanüapö, pun chon resap allükük,” iei alon Kot ewe Samol mi Lapalap.   
\c 16  
\s1 Jerusalem esap allükülük  
\sr 16.1-63  
\p
\v 1 Iwe, ewe Samol mi Lapalap a kapas ngeniei,  
\v 2 “Nöün aramas, kopwe amefi ngeni Jerusalem an kewe föför mi anioput.  
\v 3 Iwe, kopwe üreni Jerusalem, pwe iei alon Kot ewe Samol mi Lapalap ngeni: Poputän fanüom Kanaan, pun ka uputiu ikenan. Semom eman re Amor, nge inom eman fin Hit.  
\v 4 Lon ewe rän ka uputiu lon esap wor eman a pökü tarom, esap wor eman a atütuk pwe kopwe limöch, esap pwal wor eman a toofi ngonuk salt ika filiti ngonuk ro.  
\v 5 Esap wor eman a eäni tong ngonuk, pwe epwe föri eu lein ekei sokun föför ngonuk. Nge ra pöütukela lemal lon ränin om uputiu, pun ra oputok.   
\p
\v 6 Mürin üa pwereto o küna pwe ka fares lon chaom. Nge lupwen üa küna pwe ka kula ren chaom, üa ürenuk, ‘Kopwe manau  
\v 7 o märitä usun chök efoch irän lemäl.’ Iwe, ka mämäritä o wattela tori ka eman föpwül mi fokun liöch. Oupwum a fis, mökürom a pwal langatamala, nge ka fokun selela.   
\p
\v 8 Lupwen üa pwal pwereto, üa küna pwe a tori fansoun om kopwe tongeni pwüpwülü. Iwe, üa ameresala üfei womw o pwölüela om selela, üa pwal pwon ngonuk pwe üpwe tongeek. Ewer, üa eäni eu pwon fän akapel ngonuk pwe sipwe pwüpwülü. Iwe, ka wiliti pwülüei,” iei alon Kot ewe Samol mi Lapalap.  
\v 9 “Mürin üa atütuk ren koluk, üa talü senuk chaom o epiti ngonuk noppuk.  
\v 10 Iwe, üa aüföüfa ngonuk üf mi chü o eipweipwa ngonuk sus seni silin man mi aüchea, üa filiti ngeni inisum mangaku mi pwechepwech o pwölü ngonuk silik.  
\v 11 Iwe, üa foute ngonuk chomong sokun fout: lälän won poum me mwärämwärin fän üom,  
\v 12 ringen won pwötum me niouten won selingom, üa pwal ämwärämwära ngeni mökürom epa mwärämwär mi fokun ling.  
\v 13 Iei usun a wor foutom seni kolt me silifer, ka üföüf üf seni mangaku mi pwechepwech me silik me mangaku mi chü. Anom mongö pilawa mi mürina, ünümom chönün chunen, üa pwal ngonuk apüra seni föün olif. Iwe, ka fokun liöchüla o tolong lon wisen kiwin.  
\v 14 Iteüöchum a tori mwün fanüfan pokiten liöchum, pun ka fokun ling ren mine üa foute ngonuk,” iei alon Kot ewe Samol mi Lapalap.   
\p
\v 15 “Nge ka chök lükü püsin liöchum, ka pwal alomotongaua iteüöchum ren om wiliti eman fin lisowu. Ka lisowu ngeni iteiten eman me eman mi feito reöm.  
\v 16 Iwe, ka angei ekoch üfom, pwe kopwe eäniir le alinga ekewe lenien fel won ekewe leni tekia fän itom, ka pwal amömö inisum ngeni meinisin mi feito reöm usun eman fin lisowu. Ena sokun esap öch pwe a fis, esap pwal öch an epwe fis lon kan fansoun repwe feito.  
\v 17 Ka pwal angei foutom mi ling seni kolt me silifer üa foute ngonuk me mwan, nge ka föri seniir uluulun mwän fän itom pwe kopwe lisowu ngeniir.  
\v 18 Iwe, ka angei üfom mi chü o pwölü ngeni ekewe uluulun mwän, ka pwal eäni asor ngeniir ai apüra me ai apach mi pwokus.  
\v 19 Üa amongöü ngonuk pilawa mi mürina, üa pwal ngonuk apüra seni föün olif o aünü ngonuk chönün chunen, nge en ka chök angei mine üa ngonuk o eäniir asor ngeni ekewe uluulun anümwäl, pwe repwe öch ngonuk. Ina usun mine ka föri,” iei alon Kot ewe Samol mi Lapalap.  
\v 20 “Iwe, noum kewe mwän me fefin, ka nöüniir fän itei, ka eäniir asor ngeni ekewe uluulun anümwäl pwe repwe kek. Ifa usun, esap fen naf pwe ka kirikiringau ngeniei?  
\v 21 Nge iei ka pwal niela nei kana o eäniir asoren kek ngeni ekewe uluulun anümwäl.  
\v 22 Nge lon om kewe föför mi anioput me om lisowu meinisin kosap chechemeni lekükünum, lupwen ka fokun selela o fares lon chaom.”   
\p
\v 23 Iwe, iei alon Kot ewe Samol mi Lapalap, “Feiengauom, feiengauom, pun iei soposopun om kewe föföringau,  
\v 24 pwe ka pwal senätä leni mi ekis tekia fän itom o föri om kewe lenien fel ngeni uluulun anümwäl lon ekewe lenien amwicheich meinisin.  
\v 25 Ka aüetä om kewe lenien fel ngeni uluulun anümwäl lepopun ekewe al meinisin o alimengaua liöchum. Ka pwal amömö inisum ngeni iteiten eman me eman mi feito reöm o alapala om angangen lisowu.  
\v 26 Iwe, ka amömö inisum ngeni chon Isip, chon arum mi mocheisou, ka pwal alapala om angangen lisowu, pwe üa song ren.  
\v 27 Iei mine üa ü ngonuk o apwünguk. Üa akisikisala fanüom me rei o äsechukula ngeni chon oputok, ngeni ekewe chon Filistia mi notä ren om angangen mocheisou.  
\v 28 Iwe, pokiten kosap menemenöch, ka pwal amömö inisum ngeni chon Asiria. Ewer, ka lisowu ngeniir, iei mwo nge kosap pwal menemenöch ren.  
\v 29 Mürin ka alapala om angangen lisowu ngeni ekewe chon Papilon, ir seni ewe fanüen chon amömö, nge ren ei kosap pwal menemenöch.”   
\p
\v 30 Iwe, Kot ewe Samol mi Lapalap a apasa, “A wiliwilikis lelukom, pwe ka chök föri ekei sokun föför usun eman mi amömö inisin o fokun säwemang.  
\v 31 Ka senätä om kewe leni mi ekis tekia lepekin ekewe al meinisin o föri om kewe lenien fel ngeni uluulun anümwäl lon ekewe lenien amwicheich meinisin. Nge kosap angei moni usun chokewe mi amömö inisir.  
\v 32 Ka eman fin lisowu mi etiwa chon ekis, nge kosap etiwa püsin pwülüom.  
\v 33 Mwän ra möni ekewe fin lisowu, nge en ka lifang ngeni chokewe ka lisowu ngeniir. Ka ngeniir om kewe lifangen amichimich, pwe repwe feito reöm seni ekis meinisin o kon reöm.  
\v 34 Iwe, ka fokun sokofesen seni ekewe lusun fefin mi amömö inisir, pun esap wor eman a püsin küttok, pwe en ka kütteer o möniir, nge kosap angei liwinum. Ren ei ka fokun sokola seniir.”   
\p
\v 35 Iei mine Jerusalem, en eman fin lisowu, kopwe rongorong mine ewe Samol mi Lapalap a apasa.  
\v 36 Iei alon Kot ewe Samol mi Lapalap, “Ka pwilitawu üfom usun eman fefin mi amömö inisin. Ka fangala inisum ngeni noum kewe kamwet, pwal ngeni om kewe uluulun anümwäl mi anioput. Iwe, ka pwal niela noum kana o eäniir asor ngeniir.  
\v 37 Iei mine üpwe achufengeni noum kewe kamwet meinisin, chokewe ka efich, pwal chokewe ka oput. Üpwe achufengeniir seni ekis meinisin pwe repwe ü ngonuk, üpwe pwal aselelok fän meser pwe repwe küna om selela.  
\v 38 Iwe, üpwe apwünguk fän iten om lisowu me nimanau. Üpwe apwünguk fän ai song me lingeringer, pwe kopwe ninnila.  
\v 39 Iwe, üpwe atolongok fän nemenien noum kewe kamwet. Ir repwe atai ekewe leni ia ka amömö inisum ie o aturala om kewe lenien fel ngeni uluulun anümwäl. Repwe kamwei senuk üfom, repwe pwal angei senuk foutom mi ling o likitukela lon om selela.  
\v 40 Iwe, repwe amwichafengeni chomong aramas, pwe repwe monei ngonuk fau o atatakisiik ren nöür ketilas.  
\v 41 Repwe keni imwom kana, repwe pwal apwünguk fän mesen chomong fefin. Üpwe aükätiu om amömö inisum, kosap pwal chüen möni noum kewe kamwet.  
\v 42 Mürin üsap chüen song ngonuk ika niköökö womw. Üpwe awesi ai song o kinamwela.  
\v 43 Iwe, pokiten kosap chechemeni mine üa föri ngonuk lekükünum, nge ka asongaei ren ekei sokun föföringau meinisin, iei mine üpwe püsin liwini ngonuk liwinin om kewe föför. Pwota ka föri ekewe angangen mocheisou o achu ngeni om kewe angangen anioput?”, iei alon Kot ewe Samol mi Lapalap.   
\p
\v 44 Ewe Samol mi Lapalap a apasa, “Meinisin mi silei mwiitun repwe eäni ei mwiitun usum, Jerusalem, ‘Usun lapalapen eman inelap, ina usun lapalapen nöün fefin.’  
\v 45 En wesewesen nöün inom mi pöütala pwülüan me nöün kewe. En ka wesewesen usun chök pwiüm kewe mi pöütala pwülüer me nöür kewe. Inemi eman fin Hit, nge sememi eman re Amor.  
\v 46 Pwiüm we watte a iteni Samaria, a nom efeng me wisoposopun kewe. Nge pwiüm we kükün a iteni Sotom, a nom ör me wisoposopun kewe.  
\v 47 Nge en kosap chök fetal lon ipwer, kosap pwal chök apirü ar kewe föför mi anioput. Pwe mürin ekis chök fansoun ka alapala om föföringau lap seniir.  
\v 48 Mwo manauei, ngang Kot ewe Samol mi Lapalap üa apasa: Pwiüm Sotom me wisoposopun kewe resap föföringau usun en me wisoposopum kewe.  
\v 49 Iei tipisin pwiüm we Sotom: I me wisoposopun kewe ra lamalamtekia, ra mongömong, ra pwal nonomöch fän kinamwe, nge resap alisi chon wöüngau me mwelele.  
\v 50 Iwe, ra lamalamtekia o föri föför mi anioput me mwei. Iei mine üa aroserela, lupwen üa küna ar kewe föför.  
\v 51 Samaria esap föri esopun om tipis. En ka föri chomong föför mi anioput lap seni. Iei popun pwiüm kewe ra usun chök chon pwüng pokiten chomongun om föför mi anioput.  
\v 52 Iei kopwe püsin uwei om itengau, en mi apwüngü pwiüm kewe me lom. Pun om tipis a anioput seni ar tipis, iei mine ra usun chök pwe ra pwüng me lükum. Ewer, kopwe säw o uwei om itengau, pun ren om föför ka föri pwe pwiüm kewe ra usun chök chon pwüng.   
\p
\v 53 Iwe, üpwe aüsefälietä Sotom me wisoposopun kewe, üpwe pwal aüsefälietä Samaria me wisoposopun kewe. Lon ena chök fansoun üpwe pwal aüsefäliiketä,  
\v 54 pwe kopwe säw o uwei om itengau pokiten meinisin mine ka föri. Ren ei pwiüm kewe repwe küna chip.  
\v 55 Iwe, repwe usun chök me lom, Sotom me wisoposopun kewe, pwal Samaria me wisoposopun kewe. Pwal en me wisoposopum kewe oupwe usun chök me lom.  
\v 56 Ifa usun, kosap eäni kapasen lamalamtekia ngeni pwiüm Sotom lon fansoun om lamalamtekia,  
\v 57 mwen esamwo pwä om kewe föföringau? Nge iei ka usun chök Sotom, pun ka küna turunufas me ren ekewe chon Etom me chon arur, pwal me ren ekewe chon Filistia. Iwe, chon arum meinisin ra turunufaseek.  
\v 58 Kopwe angei liwinin om mocheisou me om kewe föför mi anioput,” iei alon Kot ewe Samol mi Lapalap.   
\p
\v 59 Ewer, iei alon Kot ewe Samol mi Lapalap, “Üpwe liwini ngonuk liwinin om föför, pun en ka aücheangaua ai we pwon fän akapel ngonuk ren om atai ewe pwon.  
\v 60 Nge ngang üpwe chechemeni ai we pwon ngonuk lupwen lekükünum, üpwe pwal afisätä eu pwon esemüch lefilach.  
\v 61 Mürin kopwe chechemeni om kewe föför meinisin o säw rer, lupwen üpwe aliwini ngonuk pwiüm kewe watte me kükün, pwe repwe noum fefin, inamwo ika esap alongolong won ai pwon ngonuk.  
\v 62 Iei usun üpwe försefälietä ai we pwon ngonuk, nge kopwe silei pwe ngang ewe Samol mi Lapalap.  
\v 63 Iwe, lupwen üpwe amusala om kewe föför mi ngau meinisin, en kopwe chechemeniir o säw rer, pwe kosap chüen apasa och,” iei alon Kot ewe Samol mi Lapalap.   
\c 17  
\s1 Pworausen awewe ren ruoman ikel me efoch irän wain  
\sr 17.1-24  
\p
\v 1 Iwe, ewe Samol mi Lapalap a kapas ngeniei,  
\v 2 “Nöün aramas, kopwe eäni eu kapas monomon ngeni ekewe chon Israel o apworausa ngeniir eu pworausen awewe.  
\v 3 Iwe, kopwe üreniir pwe iei aloi ngang Kot ewe Samol mi Lapalap, ‘A wor eman ikel mi watte, pöükässin ra fokun langatam o wenewu, pwal ülöülan ra langatam o sokopat anüanür. Iwe, a ässitä won Lepanon o felei ülülen efoch irä setar.  
\v 4 Iwe, a uweela ngeni eu fanüen chon amömö o isetiu lon eu telinimwen chon amömö.  
\v 5 Mürin a angei efoch fasar seni ewe fanü Israel o fotukätiu lon eu pwül mi pwülüöch. Iwe, a fotukätiu usun efoch silifö arun eu koluk mi watte.  
\v 6 Fasaran we a pwükütä pwe a wiliti efoch irän wain mi mochomoch, nge a fokun palapal. Iwe, palan ra pwükütä o wene ngeni ewe ikel, nge waran ra tötiu fan. Iei usun a wiliti efoch irän wain mi apwükawu palan me chön.   
\p
\v 7 Nge a pwal wor eman ikel mi watte, pöükässin ra fokun langatam, a pwal fökün ülöül. Iwe, iei ewe irän wain a atowu waran seni lenian wene ngeni ewe ikel, a pwal apwükawu palan ngeni, pwe epwe achöchönü.  
\v 8 Nge a fen fot lon eu pwül mi pwülüöch arun eu koluk mi watte, pwe epwe tongeni apwükü palan o ua, epwe pwal wiliti efoch irän wain mi mürina.’  
\v 9 Iwe, kopwe üreniir, ‘Iei alon Kot ewe Samol mi Lapalap: Ifa usun, ewe irän wain epwe märöch? Ifa usun, ewe aemanün ikel esap üttawu waran kewe o fichi uan, pwe chön meinisin mi pwüküfö repwe pwasala? A mecheres ngeni eman mi apwangapwang pöün ika ngeni ekoch aramas chök ar repwe üttawu waran.  
\v 10 Ewer, a fen fotetiu. Nge ifa usun, epwe märöch? Esap fokun pwasala, lupwen asepwälin ötiu epwe eniti me lon ewe leni ia a pwükütä ie?’”   
\p
\v 11 Iwe, ewe Samol mi Lapalap a kapas ngeniei,  
\v 12 “Kopwe aisini ei täppin aramas mi lükümach o ü ngeniei, ika ra silei wewen ei pworausen awewe. Kopwe üreniir, pwe ewe kingen Papilon a feila Jerusalem, a liapenala ewe king me nöün kewe nöüwis o uweerela ngeni lenian we Papilon.  
\v 13 Mürin a afili eman seni familien ewe king, a föri eu pwonen atipeeu ngeni o pesei pwe epwe pwon ngeni fän akapel. Iwe, a uweela souemwen seni ewe fanü,  
\v 14 pwe mwün Juta epwe fefeitiu, nge esap chüen tongeni pöchökülsefäl. Ewe mwü epwe chök fis ren än ewe kingen Juta tümwünüöchü an we pwonen atipeeu ngeni ewe kingen Papilon.  
\v 15 Nge ewe kingen Juta a ütä ngeni ewe kingen Papilon o tinala nöün chon künö Isip, pwe epwe tüngor seni oris me sounfiu mi chomong. Ifa usun, epwe pwäk ngeni? Ifa usun, eman aramas mi föri ei sokun esap angei liwinin an föför? Ifa usun, a tongeni atai eu pwonen atipeeu, nge esap angei liwinin? \x + \xo 17.15 \xt 2.King 24.15-20; 2.Kron 36.10-13\x*  
\v 16 Mwo manauei, ngang Kot ewe Samol mi Lapalap üa apasa, ei king epwe fokun mäla lon Papilon, lon lenien ewe chök king a seikätä lon wisan wisen king, pun a aücheangaua o atai an we pwonen atipeeu a eäni fän akapel ngeni.  
\v 17 Pwal Farao me nöün mwichen sounfiu mi pwora resap tongeni alisi lon maun, lupwen ekewe chon Papilon repwe senätä oror o aüetä imwen maun, pwe repwe niela chomong.  
\v 18 Iwe, a aücheangaua o atai ewe pwonen atipeeu a eäni fän akapel me mwan. A föri ekana sokun föför meinisin, iei popun epwe fokun angei liwinin.”   
\p
\v 19 Iei mine Kot ewe Samol mi Lapalap a apasa, “Mwo manauei, üpwe liwini ngeni ükükün an tipis, pun a aücheangaua o atai ewe pwonen atipeeu a eäni fän akapel itei won.  
\v 20 Iwe, üpwe aturala ai toloia won, pwe epwe tup lon. Üpwe pwal emwenala Papilon o kapwüng ngeni ikenan, pokiten a atai an pwon fän akapel ngeniei.  
\v 21 Iwe, nöün kewe sounfiu meinisin mi sipeöch repwe mäla lon maun, nge chokewe mi chüen manau repwe toropasfeil ekis meinisin. Mürin oupwe silei, pwe ngang ewe Samol mi Lapalap üa kapas.”   
\p
\v 22 Iei alon Kot ewe Samol mi Lapalap,  
\q1 “Püsin ngang üpwe fichi ülülen efoch irä setar,  
\q1 üpwe fichi efoch fasaran mi pwüküfö  
\q1 o fotuki won ungen eu chuk mi tekia.   
\q1
\v 23 Üpwe püsin fotuki won eu chukun Israel mi fokun tekia,  
\q1 pwe epwe apwükü palan o ua,  
\q1 epwe pwal wiliti efoch irä setar mi fokun mürina.  
\q1 Iwe, chomong sokun machang repwe so won palan  
\q1 o fas fän nürün.   
\q1
\v 24 Mürin, ekewe irän lemäl meinisin repwe silei,  
\q1 pwe ngang ewe Samol mi Lapalap  
\q1 üa amochomocha ewe irä mi langatam  
\q1 o alangatama ewe irä mi moch.  
\q1 Üpwe apwasala ewe irä mi manau  
\q1 o amanaua ewe irä mi pwas.  
\q1 Ngang ewe Samol mi Lapalap üa kapas, nge üpwe pwal apwönüetä.”   
\c 18  
\s1 Aramas mi tipis repwe mäla  
\sr 18.1-20  
\p
\v 1 Iwe, ewe Samol mi Lapalap a pwal kapas ngeniei,  
\v 2 “Pwota oua äkeäni ei sokun mwiitun lon ewe fanü Israel,  
\q1 ‘Samasam kana ra ochoch uän irän wain mi mmwäl,  
\q1 nge ngin nöür kana ra kop ren?’ \x + \xo 18.2 \xt Jer 31.29\x*  
\v 3 Mwo manauei, ngang Kot ewe Samol mi Lapalap üa apasa, ei sokun mwiitun ousap chüen äkeäni lon Israel.  
\v 4 Ngang üa nemeni manauen aramas meinisin, manauen samasam pwal manauen nöünöü kana. Iwe, ewe aramas mi tipis i chök epwe mäla.   
\p
\v 5 A tongeni fis pwe eman aramas a föföröch, a pwal eäni pwüng me wenechar.  
\v 6 Esap mongö föten anü lon ekewe lenien fel won ekewe chuk o fel ngeni än chon Israel kewe uluulun anümwäl. Esap lisowu ngeni pwülüen chon arun ika kon ren eman fefin mi samaun maram.  
\v 7 Esap ariaföüü eman, nge a aliwini ngeni ewe chon liwinimang asisilen an pwon, esap pwal solä, nge a fangala anan mongö ngeni chon echik o aüföüfa chon mwelele.  
\v 8 Esap awattela winnen nöün moni ika angei manauan. Esap föri mine a pwüngingau, nge a wenechar lon an apwüngü osukosuken lefilen aramas.  
\v 9 A apwönüetä ai kewe allük o aleasochisiir fän allükülük. Ei sokun aramas a pwüng, epwe fokun manau,” iei alon Kot ewe Samol mi Lapalap. \x + \xo 18.9 \xt Lif 18.5\x*   
\p
\v 10 “A tongeni fis pwe ei aramas a wor eman nöün mwän mi solä o nimanau.  
\v 11 Esap apirü än saman föför, pwe a chök mongö föten anü won ekewe chuk o lisowu ngeni pwülüen chon arun.  
\v 12 A ariaföüü chon wöüngau me chon mwelele, a solä, esap aliwini ngeni ewe chon liwinimang asisilen an pwon. A fel ngeni ekewe uluulun anümwäl o föri sokun föför mi anioput.  
\v 13 A awattela winnen nöün moni o angei manauan. Ifa usun, ätei epwe manau? Apwi, esap fokun manau. Epwe fokun mäla, pun a föri ekei sokun föför mi anioput meinisin. Iwe, epwe chök angei chappen an föför.   
\p
\v 14 A pwal tongeni fis pwe ei chon föföringau a wor eman nöün a küna än saman tipis meinisin, nge esap apirü an kewe föför.  
\v 15 Esap mongö föten anü won ekewe chuk o fel ngeni än chon Israel kewe uluulun anümwäl. Esap lisowu ngeni pwülüen chon arun,  
\v 16 esap ariaföüü eman, nge a aliwini ngeni ewe chon liwinimang asisilen an pwon. Esap solä, pwe a fangala anan mongö ngeni chon echik o aüföüfa chon mwelele.  
\v 17 Esap tipeni mine a pwüngingau, esap awattela winnen nöün moni ika angei manauan, nge a apwönüetä ai kewe allük o aleasochisiir. Ätewe esap mäla pokiten än saman tipis, nge epwe fokun manau.  
\v 18 Nge semen ätei epwe fokun mäla pokiten an föföringau, pun a ariaföüü aramas, a soläni pisekin pwin o föri mine a ngau lein aramasan.   
\p
\v 19 Nge ämi oua ais, ‘Pwota nöün ewe mwän esap angei liwinin än saman tipis?’ Pokiten nöün a eäni pwüng me wenechar o apwönüetä ai kewe allük meinisin fän allükülük, epwe fokun manau.  
\v 20 Ewe aramas mi tipis i chök epwe mäla. Nöün eman sam esap angei liwinin än saman tipis, nge ewe sam esap pwal angei liwinin än nöün tipis. Iwe, ewe chon pwüng epwe angei liwinin an pwüng, nge ewe aramasangau epwe angei liwinin an föföringau.” \x + \xo 18.20 \xt Tut 24.16\x*   
\s1 Än Kot föför a pwüng  
\sr 18.21-32  
\p
\v 21 “Nge are eman aramasangau a ükütiu le föri tipis, are a apwönüetä ai kewe allük meinisin o eäni pwüng me wenechar, epwe fokun manau, nge esap mäla.  
\v 22 Ekewe pupungau meinisin a föriir me mwan üpwe amusala. Epwe manau pokiten an kewe föför mi pwüng.”  
\v 23 Iwe, Kot ewe Samol mi Lapalap a ais, “Ifa usun, üpwe pwapwaiti än ewe aramasangau mäla? Ifa usun, üsap tipeni an epwe ükütiu seni an kewe föför mi ngau pwe epwe manau?  
\v 24 Nge are eman aramas mi pwüng a kul seni an föför mi pwüng o föri mine a pwüngingau, are a apirü än eman aramasangau föför mi anioput, ifa usun, epwe manau? Apwi! An kewe föför mi pwüng meinisin üsap chüen chechemeniir. Pokiten an pupungau me tipis epwe mäla.   
\p
\v 25 Nge oua apasa, ‘Än ewe Samol föför esap pwüng.’ Iwe, oupwe rongorong, ämi chon Israel. Ifa usun, ngang ewe eman esap föri mine a pwüng, nge sap fen ämi?  
\v 26 Are eman aramas mi pwüng a kul seni an kewe föför mi pwüng o föri tipis, ätewe epwe mäla. Pokiten an kewe tipis a föri, epwe mäla ren.  
\v 27 Nge are eman aramasangau a ükütiu le föföringau o eäni pwüng me wenechar, epwe püsin amanaua manauan.  
\v 28 Are a mefi an pupungau o ükütiu le föri tipis, epwe fokun manau, nge esap mäla.  
\v 29 Nge ämi chon Israel oua apasa, ‘Än ewe Samol föför esap pwüng.’ Ifa usun, ämi chon Israel, ngang ewe eman esap föri mine a pwüng, nge sap fen ämi?   
\p
\v 30 Iei mine ngang Kot ewe Samol mi Lapalap üa apasa: Üpwe apwüngükemi chon Israel, iteiten eman me eman won ükükün an föför. Oupwe ekieksefäl o ükütiu seni ämi föför mi ngau, pwe ämi kewe tipis resap afeiengauakemi.  
\v 31 Oupwe pöütala ämi pupungau meinisin oua föriir. Oupwe angei seniei eu leluk mi fö me eman ngün mi fö. Pwota oua mochen mäla, ämi chon Israel?  
\v 32 Pun üsap pwapwaiti än eman epwe mäla. Iei mine oupwe ekieksefäl, pwe oupwe manau,” iei alon Kot ewe Samol mi Lapalap.   
\c 19  
\s1 Echö kölün kechü fän iten ekewe samolun Israel  
\sr 19.1-14  
\p
\v 1 Kot a üreniei, “Kopwe eäni ei kölün kechü fän iten ekewe samolun Israel. Kopwe apasa:   
\q1
\v 2 A ifan me öchün inemi?  
\q1 A usun chök eman liafefinin laion lein ekewe ätemwänin laion.  
\q1 A konola lein ekewe nienifön laion o oupwu nöün kewe.   
\q1
\v 3 Iwe, a foleni eman lein nöün kewe,  
\q1 tori a wattela o nönnö ngeni eman nienifön laion.  
\q1 A kaiö usun an epwe liapeni liapan o ochei aramas.   
\q1
\v 4 Iwe, lupwen ekewe mwü ünükün ra rongorong usun, ra atupwalong lon tuwer pwang.  
\q1 Ra riri ngeni selimächä o emwenala Isip.   
\q1
\v 5 Nge lupwen ewe liafefinin laion a küna pwe mine a apilüküni esap fis, pwal mine a witiwiti esap tori,  
\q1 a foleni pwal eman lein nöün kewe,  
\q1 tori a wattela o nönnö ngeni eman nienifön laion.   
\q1
\v 6 Iwe, lupwen a watte, a aniffetal lein ekewe laion,  
\q1 a kaiö usun an epwe liapeni liapan o ochei aramas.   
\q1
\v 7 A atai ekewe imwen maun mi pöchökül me ar kewe telinimw.  
\q1 Iwe, chon ewe fanü meinisin ra fokun niuokus  
\q1 ren osomongun an wörüwör.   
\q1
\v 8 Mürin, chon ekewe mwün ünükün ra feito seni ekis meinisin,  
\q1 pwe repwe maun ngeni.  
\q1 Ra aturala ar toloia won  
\q1 o atupwalong lon tuwer pwang.   
\q1
\v 9 Iwe, ra riri ngeni efoch selimächä  
\q1 o isenalong lon eu tittin man.  
\q1 Ra pwal uweela ren ewe kingen Papilon  
\q1 o aturalong lon imwen fötek,  
\q1 pwe esap chüen wor eman epwe rongorong wörüwörün  
\q1 me won ekewe chukun Israel.   
\b  
\q1
\v 10 Inom a usun chök efoch irän wain lon eu tanipin wain,  
\q1 a fot ünükün eu koluk, a pwal uaöch o palapal  
\q1 pokiten chomongun ewe koluk.   
\q1
\v 11 Iwe, palan kewe ra fokun pöchökül  
\q1 o fich ngeni wokun king.  
\q1 Ewe irän wain a märitä pwe a langatamatä tori ekewe kuchu.  
\q1 Aramas meinisin ra küna tekian me chomongun palan.   
\q1
\v 12 Nge eman a üttätä ewe irän wain fän an song  
\q1 o aturala won pwül.  
\q1 Iwe, asepwälin ötiu a eniti pwe a pwasala,  
\q1 uan ra mworomworotiu, nge palan kewe mi pöchökül ra pwasala o kekila ren ekkei.   
\q1
\v 13 Nge iei ewe irän wain a fotetiu lon fanüapö  
\q1 lon eu pwül mi pwas.   
\q1
\v 14 Iwe, ekkei a ngetewu me lon palan o kenala uan,  
\q1 pwe esap chüen wor efoch palan mi pöchökül  
\q1 a fich ngeni wokun king.”  
\q1 Iei echö kölün kechü aramas repwe eäni kölün kechü.   
\c 20  
\s1 Än Kot föför ngeni Israel  
\sr 20.1-44  
\p
\v 1 Iwe, lon afisuen ierin ach oola, lon aengolun ränin ewe alimuen maram, ekoch me lein ekewe souakomwen chon Israel ra feito o mot mwei, pwe repwe angei öüröürer me ren ewe Samol mi Lapalap.  
\v 2 Mürin, ewe Samol mi Lapalap a kapas ngeniei,  
\v 3 “Nöün aramas, kopwe kapas ngeni ekewe souakomwen chon Israel o üreniir pwe iei aloi ngang Kot ewe Samol mi Lapalap, ‘Ifa usun, oua feito rei pwe oupwe angei ämi öüröür seniei? Mwo manauei, üsap mwüt ngenikemi pwe oupwe aisiniei och. Ngang Kot ewe Samol mi Lapalap üa kapas.’  
\v 4 Nöün aramas, ifa usun, kopwe apwüngüür? Ifa usun, kopwe eäni apwüng ngeniir? Kopwe achema ngeniir än semelaper kewe föför mi anioput  
\v 5 o üreniir, ‘Iei alon Kot ewe Samol mi Lapalap: Lon ewe rän, lupwen üa fili Israel, üa pwon fän akapel ngeni ekewe mwirimwirin Jakop, üa pwal pwärätä ngeniir usi me lon ewe fanü Isip. Iwe, üa pwon fän akapel ngeniir o apasa: Ngang ewe Samol mi Lapalap ämi we Kot.  
\v 6 Lon ewe rän üa pwon fän akapel ngeniir, pwe üpwe emwenirewu seni ewe fanü Isip o emwenirelong lon eu fanü üa fili fän iter, eu fanü mi mürina seni meinisin, eu fanü mi pwülüöch o fanüeräs. \x + \xo 20.6 \xt Eks 6.2-8\x*  
\v 7 Iwe, üa üreniir, pwe ir meinisin repwe pöütala ekewe uluulun anümwäl mi anioput ra pwapwaiti, resap pwal alimengaueer ren ekewe uluulun anümwäl seni Isip. Ngang ewe Samol mi Lapalap ar we Kot.  
\v 8 Nge ir ra lükümach o ü ngeniei, resap mochen aüselingaei. Resap pöütala ekewe uluulun anümwäl mi anioput ra pwapwaiti, resap pwal likitala ekewe uluulun anümwäl seni Isip. Iei popun üa ekiekin awarato ai lingeringer wor o amüchü ai song ngeniir lon Isip.  
\v 9 Nge üsap föri, pun üa ekiekin tümwünü iteüöchi, pwe itei esap küna turunufas me lein chon ekewe mwü ia ra wasöla ie. Pun üa fen asile ngeni chon Israel me fän mesen ekewe mwü, pwe üpwe emwenirewu seni ewe fanü Isip.  
\v 10 Iwe, üa emwenirewu seni ewe fanü Isip o emwenirelong lon ewe fanüapö.  
\v 11 Üa ngeniir ai kewe allük o aiti ngeniir ai kewe pwüüng, pwe chokewe mi aleasochisiir repwe manau. \x + \xo 20.11 \xt Lif 18.5\x*  
\v 12 Üa pwal ngeniir ai kewe ränin sapat pwe eu asisil lefilei me ir, pwe repwe silei pwe ngang ewe Samol mi Lapalap üa apiniir. \x + \xo 20.12 \xt Eks 31.13-17\x*  
\v 13 Nge ekewe chon Israel ra lükümach o ü ngeniei lon ewe fanüapö. Ra fokun purätiu ai kewe allük o aleasolapa ai kewe pwüüng aramas ra wisen aleasochisiir, pwe repwe manau ren. Iwe, ra pwal fokun apiningaua pinin ai kewe ränin sapat. \x + \xo 20.13 \xt Lif 18.5\x*  
\p Iei popun üa ekiekin awarato ai lingeringer wor lon ewe fanüapö, pwe repwe rosola meinisin.  
\v 14 Nge üsap föri, pun üa ekiekin tümwünü iteüöchi, pwe itei esap küna turunufas me lein chon ekewe mwü mi küna usun ai emwenawu chon Israel seni Isip.  
\v 15 Nge lon ewe fanüapö üa pwon fän akapel ngeniir pwe üsap emwenirelong lon ewe fanü üa fen ngeniir, eu fanü mi mürina seni meinisin, eu fanü mi pwülüöch o fanüeräs, \x + \xo 20.15 \xt Num 14.26-35\x*  
\v 16 pun ra purätiu ai kewe allük, ra aleasolapa ai kewe pwüüng o apiningaua pinin ai kewe ränin sapat. Iwe, ra chök fel ngeni ar kewe uluulun anümwäl seni lon letiper.  
\v 17 Nge üa fokun eäni tong ngeniir, pwe üsap afeiengaueer o aroserela meinisin me lon ewe fanüapö.   
\p
\v 18 Iwe, üa apasa ngeni nöür kewe lon ewe fanüapö: Ousap aleasochisi ekewe allük ämi kewe lewo ra föri, ousap tümwünü örünier kewe, ousap pwal alimengauakemi ren ar kewe uluulun anümwäl.  
\v 19 Ngang ewe Samol mi Lapalap ämi we Kot. Oupwe aleasochisi ai kewe allük o apwönüetä ai kewe pwüüng,  
\v 20 oupwe pwal apiniöchü pinin ai kewe ränin sapat, pwe repwe eu asisil lefilach. Mürin, oupwe silei pwe ngang ewe Samol mi Lapalap ämi we Kot.  
\v 21 Nge nöür kewe ra pwal lükümach o ü ngeniei. Resap fokun alesochisi ai kewe allük, resap pwal apwönüetä ai kewe pwüüng aramas ra wisen aleasochisiir pwe repwe manau ren. Iwe, ra pwal apiningaua pinin ai kewe ränin sapat. Iei popun üa ekiekin awarato ai lingeringer wor o amüchü ai song ngeniir lon ewe fanüapö.  
\v 22 Nge üsap föri, pun üa ekiekin tümwünü iteüöchi, pwe itei esap küna turunufas me lein chon ekewe mwü mi küna usun ai emwenawu chon Israel seni Isip.  
\v 23 Iwe, lon ewe fanüapö üa pwal pwon fän akapel ngeniir, pwe üpwe atoropaseer lein chon ekewe mwü won fanüfan, \x + \xo 20.23 \xt Lif 26.33\x*  
\v 24 pun ra aleasolapa ai kewe allük o purätiu ai kewe pwüüng, ra pwal apiningaua pinin ai kewe ränin sapat o fel ngeni än ar kewe lewo uluulun anümwäl.  
\v 25 Iei mine üa asechirela pwe repwe apwönüetä allük mi lomotongau, repwe pwal tümwünü ekewe pwüüng resap manau ren.  
\v 26 Üa pwal asechirela, pwe repwe alimengaueer ren püsin ar asor, lupwen ra eäni asoren kek nöür mwänichi. Ren ei üa apwüngüür, pwe repwe silei pwe ngang ewe Samol mi Lapalap.’   
\p
\v 27 Iei mine, nöün aramas, kopwe kapas ngeni chon Israel, ‘Iei alon Kot ewe Samol mi Lapalap: Mi pwal wor och mine semelapemi kewe ra turunufaseei ren, pwe ra likitieila.  
\v 28 Iwe, üa emwenirelong lon ewe fanü, üa pwon fän akapel ngeniir me mwan pwe üpwe ngeniir. Nge lupwen ra küna ekewe chukutekia, ra föri ar asor won, pwal fän ekewe irä mi mwuresires. Ikenan ra asongaei ren ar kewe asor ra keni, pwal ren ar ninala ar kewe lö mi pwokus me ar asoren ün.  
\v 29 Iwe, üa aisiniir: Met sokun lenien fel ei leni mi tekia oua feila ngeni? Iei mine a iteni Pama \f + \fr 20.29 \ft Pama wewen lenien fel mi tekia\f* tori ikenai.’  
\v 30 Iwe, kopwe üreni ekewe chon Israel, ‘Iei alon Kot ewe Samol mi Lapalap: Pwota oua chök föri ekewe tipis semelapemi kewe ra föri o mocheisou ngeni ar kewe uluulun anümwäl mi anioput?  
\v 31 Lupwen oua uwato ämi kewe lifang o eäni asoren kek nöümi kana ngeni ekewe uluulun anümwäl, oua püsin alimengauakemi tori ikenai. Ifa usun, üpwe mwüt ngenikemi chon Israel, pwe oupwe angei ämi öüröür seniei? Mwo manauei, ngang Kot ewe Samol mi Lapalap üa apasa, üsap fokun mwüt ngenikemi pwe oupwe aisiniei.  
\v 32 Iwe, ämi oua ekieki lon letipemi, pwe oupwe apirü ekewe mwün lükün o wewe ngeni aramasen ekewe ekoch fanü ren ämi fel ngeni irä me fau. Nge ei sokun ekiek esap fokun fis.   
\p
\v 33 Mwo manauei, ngang Kot ewe Samol mi Lapalap üa apasa: Üpwe nemenikemi ren pei mi pöchökül o manaman, üpwe pwal awarato ai lingeringer womi.  
\v 34 Üpwe emwenikemiiwu seni lon ekewe mwü ren pei mi pöchökül o manaman, üpwe achufengenikemi seni lon ekewe fanü ia oua toropasfeil ie o awarato ai lingeringer womi.  
\v 35 Üpwe emwenikemiilong lon fanüapön ekewe mwü. Ikenan üpwe eäni apwüng ngeni eman me eman leimi.  
\v 36 Usun üa apwüngü semelapemi kewe lon ewe fanüapön Sinai, iei usun üpwe pwal apwüngükemi,’” iei alon Kot ewe Samol mi Lapalap.  
\v 37 “Üpwe fokun tümwünükemi fän woki wokun chon fofol man o föri pwe oupwe aleasochisi ai we pwon ngenikemi.  
\v 38 Üpwe aimwü senikemi chokewe mi lükümach o ü ngeniei, pwal chokewe mi tipis ngeniei. Iwe, üpwe emwenirewu seni lon ekewe fanü ia ra nonom ie, nge resap tolong lon ewe fanü Israel. Mürin oupwe silei pwe ngang ewe Samol mi Lapalap.”   
\p
\v 39 Iei usun Kot ewe Samol mi Lapalap a apasa, “Ämi chon Israel oupwe feila meinisin o angang ngeni ämi kewe uluulun anümwäl. Nge mürin eu fansoun oupwap fokun aüselingaei, nge ousap chüen apiningaua itei mi pin ren ämi asor me ämi kewe uluulun anümwäl.”   
\p
\v 40 Iei alon Kot ewe Samol mi Lapalap, “Won chuki mi pin, ewe chukun Israel mi fokun tekia, chon Israel meinisin mi nom lon ewe fanü repwe angang ngeniei. Ikenan üpwe etiwakemi, üpwe angei senikemi ämi asor, ämi lifang mi fokun mürina, pwal meinisin mine oua apini fän itei.  
\v 41 Mürin ai emwenikemiiwu seni lon ekewe mwü o achufengenikemi seni ekewe fanü ia oua toropasfeil ie, üpwe etiwakemi usun ai etiwa eu asor mi pwokus. Iwe, üpwe pwärätä lefilemi me mwen chon ekewe mwü pwe üa pin.  
\v 42 Iwe, lupwen üpwe aliwinikemiila lon ewe fanü Israel, ewe fanü üa pwon fän akapel ngeni ämi kewe lewo pwe üpwe ngeniir, mürin oupwe silei pwe ngang ewe Samol mi Lapalap.  
\v 43 Ikenan oupwe chechemeni ämi kewe föför meinisin oua alimengauakemi ren. Oupwe püsin anioputakemi ren ekewe föföringau meinisin oua föriir.  
\v 44 Iwe, oupwe silei pwe ngang ewe Samol mi Lapalap, lupwen üpwe apwüngükemi sap won ükükün ämi kewe föföringau meinisin, pwe ren ai tümwünü iteüöchi me remi chon Israel,” iei alon Kot ewe Samol mi Lapalap.   
\s1 Kapasen osuni usun feiengauen ewe fanü mi nom ör  
\sr 20.45-49  
\p
\v 45 Iwe, ewe Samol mi Lapalap a kapas ngeniei,  
\v 46 “Nöün aramas, kopwe newenewen ngeni ör o eäni kapasen üpälü ngeni. Kopwe osuni usun feiengauen wöllapen ewe fanü mi nom ör.  
\v 47 Kopwe üreni wöllapen ewe fanü mi nom ör, pwe epwe aüselinga aloi ngang Kot ewe Samol mi Lapalap: Nengeni, üpwe keni eu ekkei me lukalapom. Iwe, epwe kenala om kewe irä meinisin, ekewe irä manau pwal ekewe irä pwas. Ngetengetan esap kunula. Nge ekewe aramas meinisin seni ör tori efeng repwe mefi pwichikaren ewe ekkei.  
\v 48 Iwe, aramas meinisin repwe küna pwe ngang ewe Samol mi Lapalap üa keni, nge esap wor eman a tongeni kunuela.”  
\v 49 Nge üa apasa, “Ai Kot Samol mi Lapalap, kosap awisa ngeniei ei angang. Aramas ra fen apasa usi, pwe üa chök fos ngeniir lon pworausen awewe.”   
\c 21  
\s1 Nöün Kot ketilas mi seisei  
\sr 21.1-27  
\p
\v 1 Iwe, ewe Samol mi Lapalap a kapas ngeniei,  
\v 2 “Nöün aramas, kopwe newenewen ngeni Jerusalem o eäni kapasen apwüng ngeni ekewe leni mi pin, kopwe pwal osuni usun feiengauen ewe fanü Israel.  
\v 3 Kopwe üreni ewe fanü Israel, ‘Iei alon ewe Samol mi Lapalap: Nengeni, üpwe pälüenuk, üpwe üttawu nei ketilas seni lon tükütükün o niela me lomw ekewe chon pwüng me chon pwüngingau meinisin.  
\v 4 Iwe, nei ketilas epwe üttüwu seni lon tükütükün, pwe epwe niela aramas meinisin seni ör tori efeng, pun üpwe arosala me lomw ekewe chon pwüng me chon pwüngingau meinisin.  
\v 5 Iwe, aramas meinisin repwe silei pwe ngang ewe Samol mi Lapalap, üa üttawu nei ketilas seni lon tükütükün, nge üsap chüen aliwinsefälielong lon.’  
\v 6 Iei mine kopwe ngüngü, nöün aramas. Kopwe ngüngü fän om letipeta ren weiresin letipom me fän meser meinisin.  
\v 7 Iwe, lupwen repwe aisinuk, ‘Pwota ka ngüngü?’ kopwe pälüeniir, ‘Pokiten a wor pworaus amairü. Iwe, are epwe fis, leluken aramas meinisin epwe uren niuokus, pöür repwe chök ititiu, pworan letiper epwe kisikisitiu, nge lepwäsukur meinisin repwe chechech.’ Nengeni, a war, epwe fokun pwönüetä,” iei alon Kot ewe Samol mi Lapalap.   
\p
\v 8 Iwe, ewe Samol mi Lapalap a pwal kapas ngeniei,  
\v 9 “Nöün aramas, kopwe osuni o apasa, pwe iei aloi ngang ewe Samol mi Lapalap:  
\q1 Efoch ketilas, efoch ketilas a seisei o misimis,   
\q1
\v 10 a seisei pwe epwe niela aramas,  
\q1 a pwal misimis o molupolup usun chök fifi.  
\q1 Ifa usun, sipwe pwapwa ren?  
\q1 Ämi nei aramsen Juta, oua turunufasei ai apwüngükemi me ai öüröür ngenikemi.   
\q1
\v 11 Iei mine ewe ketilas a ken o molotä.  
\q1 Iei a seim o ken,  
\q1 pwe epwe nom lepöün ewe chon ninni.   
\q1
\v 12 Kopwe kechü o ngüngüres, nöün aramas,  
\q1 pun ewe ketilas epwe fiu ngeni nei aramas,  
\q1 epwe pwal fiu ngeni ekewe samolun Israel meinisin.  
\q1 Iwe, irfengen me nei aramas repwe mäla ren.  
\q1 Iei mine kopwe üwepworotiu fän om letipeta.   
\q1
\v 13 Üa sotuni nei aramas.  
\q1 Nge are resap mochen ekieksefäl,  
\q1 ekei mettoch meinisin repwe fis ngeniir,”  
\q1 iei alon Kot ewe Samol mi Lapalap.   
\p
\v 14 “Iei mine, nöün aramas, kopwe osuni. Kopwe alopolop. Ewe ketilas epwe äkätteri ekewe aramas. Iei ewe ketilas mi amol ngeni ninni watte, ewe ketilas mi nom pwelin ünüküür.  
\v 15 Iwe, leluken aramas epwe tur, nge chomong repwe mäla ren ewe ketilas. Üpwe eniwokusuur ren lon asamalapen telinimwer meinisin. Ewer, a molupolup usun chök fifi, a pwal ken pwe epwe ninni.  
\v 16 En ketilas, kopwe ätter pelifich me pelimöng, pwal ekis meinisin ia ka kunula ie.  
\v 17 Pwal ngang üpwe alopolop o awesi ai lingeringer. Ngang ewe Samol mi Lapalap üa kapas.”   
\p
\v 18 Iwe, ewe Samol mi Lapalap a pwal kapas ngeniei,  
\v 19 “Nöün aramas, kopwe liosu ruofoch al fän iten ewe ketilas nöün ewe kingen Papilon. Ir me ruofoch repwe pop seni eu chök fanü. Kopwe aüetä efoch asisil lepopun ewe al a ale ngeni eu telinimw.  
\v 20 Iwe, kopwe liosu efoch ekewe al pwe ewe ketilas epwe tongeni tori Rapa ewe telinimwen chon Amon. Kopwe pwal liosu efoch, pwe epwe tongeni tori Jerusalem lon ewe fanü Juta, ewe telinimw mi pöchökül tittin.  
\v 21 Pun ewe kingen Papilon a üla lekeangen ekewe ruofoch al pwe epwe pwee. Iwe, a wichiki ewe lenien föün likapich, a aisini an kewe uluulun anümwäl o nengeni ammünün an mönün asor.  
\v 22 Nge pwüngün ewe pwee mi nom pöüifichin a fän iten Jerusalem. Ikenan epwe eäni kökkön maun fän leüömong, epwe anomu an mwesinnen kata mi weneiti ekewe asamalap, epwe pwal senätä oror o aüetä imwen maun.  
\v 23 Iwe, ekewe aramas mi pwon fän akapel ngeni ewe king pwe repwe allükülük, repwe chök ekieki pwe ei pwee a mwäl. Nge i epwe achema ngeniir ar tipis o uweerela pwe repwe oola.   
\p
\v 24 Iei mine ngang Kot ewe Samol mi Lapalap üa apasa: Oua föri pwe ämi tipis epwe cheme ngeniei, pun ämi pupungau a pwäpwäla, ämi tipis a pwal pwäla lon ämi föför meinisin. Pokiten oua föri ei, oupwe oola ren ewe king.  
\v 25 Nge en samolun Israel mi fokun föföringau, epwe war ränum, ewe ränin om kopwe küna apwüngün lesopolan.  
\v 26 Iei aloi ngang Kot ewe Samol mi Lapalap: Repwe angei senuk filifilin mökürom, pwal ewe mwärin king. Mettoch meinisin repwe siwil. Chokewe mi tekison repwe tekia, nge chokewe mi tekia repwe tekison.  
\v 27 Üpwe atai, üpwe atai, üpwe atai ewe telinimw. Esap chüen kaüsefäl tori epwe war ätewe mine wesewesen an. Iwe, ngang üpwe awisa ngeni meinisin.”   
\s1 Ekewe chon Amon ra küna apwüng  
\sr 21.28-32  
\p
\v 28 “Iwe, en nöün aramas, kopwe osuni o apasa pwe iei aloi ngang Kot ewe Samol mi Lapalap usun ekewe chon Amon me ar kapasen turunufasei chon Israel: Efoch ketilas, efoch ketilas a molotä pwe epwe ninni, a mis pwe epwe molupolup usun fifi o niela aramas.  
\v 29 Nöümi soufos ra küna mine a mwakel, nge nöümi soupwe ra chofana ngenikemi. Ewe ketilas epwe pökü üen ekewe chon föföringau, a tori ränir, ewe ränin apwüngün lesopolan.  
\v 30 Oupwe aliwinalong nöümi ketilas lon tükütükün. Üpwe apwüngükemi lon poputän fanüemi, lon ewe leni ia oua uputiu ie.  
\v 31 Üpwe awarato ai song womi, üpwe wusi ngenikemi choun ai lingeringer o asechikemiilong lepöün aramas mi mwänewüs o silelap le kata.  
\v 32 Iwe, oupwe karala ren ekkei. Chami epwe suputiu won fanüemi, nge esap wor eman epwe chüen chechemenikemi, pun ngang ewe Samol mi Lapalap üa kapas.” \x + \xo 21.32 \xt Jer 49.1-6; Is 25.1-7; Am 1.3-15; Sef 2.8-11\x*   
\c 22  
\s1 Än chon Jerusalem tipis  
\sr 22.1-31  
\p
\v 1 Iwe, ewe Samol mi Lapalap a pwal kapas ngeniei,  
\v 2 “Nöün aramas, ifa usun, kopwe apwüngü ewe telinimw chon ra nimanauei aramas? Ifa usun, kopwe eäni apwüng won? Mürin, kopwe pwäri ngeni an kewe föför mi anioput meinisin.  
\v 3 Kopwe apasa pwe iei aloi ngang Kot ewe Samol mi Lapalap: En telinimw mi fis angangen nimanau lomw, ka pwal püsin alimengauok ren om fel ngeni uluulun anümwäl, fansoun om feiengau a war.  
\v 4 Ka tipis ren om nimanauei aramas, ka pwal alimengauok ren ekewe uluulun anümwäl ka föri. Iwe, ka amüttiri ränum, ka pwal tori ewe fansoun sopolom. Iei mine üa mwüt ngeni chon ekewe mwü me fanü pwe repwe aitengauok o aturunufaseek.  
\v 5 Chokewe mi kan ngonuk, pwal chokewe mi toau senuk repwe turunufaseek, en telinimw mi itengau o uren fitikoko.   
\p
\v 6 Nengeni, ekewe samolun Israel meinisin mi nom lon ei telinimw ra chök ekiekin aea ar nemenem pwe repwe nimanauei aramas.  
\v 7 Iwe, ämi chon ei telinimw ousap meniniti sememi me inemi, oua kirikiringau ngeni ekewe chon ekis o ariaföüü chon mäsen me fefin mi mä pwülüer. \x + \xo 22.7 \xt Eks 20.12; Tut 5.16; Eks 22.21-22; Tut 24.17\x*  
\v 8 Iwe, oua aücheangaua ai kewe mettoch mi pin o apiningaua pinin ai kewe ränin sapat. \x + \xo 22.8 \xt Lif 19.30; 26.2\x*  
\v 9 Iwe, a wor ekoch aramas me lon ei telinimw mi chofonätä usun ekoch pwe repwe ninnila, a pwal wor chon mongö föten anü me won ekewe chukutekia, a pwal fis angangen mocheisou lon.  
\v 10 Ekoch ra kon ren pwülüen semer, ra pwal achomanauei fefin mi samaun maram.  
\v 11 Ekoch ra lisowu ngeni pwülüen chon arur, ekoch ra föföringau ngeni pwülüen nöür mwän, pwal ekoch ra föföringau ngeni fefiner. \x + \xo 22.11 \xt Lif 18.7-20\x*  
\v 12 Oua pwal angei lifangen amichimich pwe oupwe nimanauei aramas. Iwe, oua awattela winnen nöümi moni ika angei manauan seni chon arumi fän pöchökül, nge oua manlükieila,” iei alon Kot ewe Samol mi Lapalap. \x + \xo 22.12 \xt Eks 23.8; Tut 16.19; Eks 22.25; Lif 25.36-37; Tut 23.19\x*   
\p
\v 13 “Iei mine üpwe aü pei ngenikemi fän song, pokiten oua angei winnen nöümi moni fän pwüngingau o eäni angangen nimanau lefilemi.  
\v 14 Ifa usun, epwe chüen wor ämi tipepwora, ika pöümi repwe chüen tongeni pöchökül, lupwen fansoun ai üpwe apwüngükemi? Ngang ewe Samol mi Lapalap üa kapas, üpwe pwal apwönüetä.  
\v 15 Iwe, üpwe atoropasafeilikemi lein chon ekewe mwü me fanü, üpwe pwal awesi senikemi ämi limengauen tipis.  
\v 16 Iwe, lupwen oupwe küna itengau me ren chon ekewe mwü, mürin oupwe silei pwe ngang ewe Samol mi Lapalap.”   
\p
\v 17 Iwe, ewe Samol mi Lapalap a kapas ngeniei,  
\v 18 “Nöün aramas, ekewe chon Israel ra usun ngününgauen mächä mi ketel me rei. Ir meinisin ra usun chök sokun mächä, piras me pilom mi ketel lon lenien ketel, pwal usun chök ngününgauen silifer.  
\v 19 Iei mine ngang Kot ewe Samol mi Lapalap üa apasa: Pokiten ämi meinisin oua usun chök ngününgauen mächä, üpwe achufengenikemi lon Jerusalem.  
\v 20 Usun aramas ra achufengeni sokun mächä, silifer, piras me pilom lon eu lenien ketel o soni ekkei fan, pwe repwe tel, ina usun üpwe achufengenikemi fän ai song me ai lingeringer, pwe üpwe etelikemi me lon.  
\v 21 Ewer, üpwe achufengenikemi lon Jerusalem o kenikemi fän choun ai lingeringer, pwe oupwe telila lon.  
\v 22 Usun silifer a tel me lon lenien ketel, iei usun ämi oupwe tel me lon Jerusalem. Ren ei oupwe mefi pwe ngang ewe Samol mi Lapalap üa awarato ai lingeringer womi.”   
\p
\v 23 Iwe, ewe Samol mi Lapalap a kapassefäl ngeniei,  
\v 24 “Nöün aramas, kopwe üreni ekewe aramasen Israel, pwe fanüer esap limöch, iei mine esap püngütiu üt won lon ewe ränin ai lingeringer.  
\v 25 Ekewe samol mi nom lon ra föri ar rawangau. Usun eman laion mi wörüwör a ochei liapan, ina usun ra ochei aramas. Ra angei wöür me pisekir mi aüchea fän pöchökül, ra pwal achomonga ekewe fefin mi mä pwülüer me lon.  
\v 26 Iwe, ekewe souasor ra purätiu ai kewe allük o turunufasei piseki mi pin. Resap alefila lefilen mine a pin me mine esap pin, resap pwal afata lefilen mettoch mi limengau me mettoch mi limöch. Iwe, ra apiningaua pinin ai kewe ränin sapat pwe üa itengau leir. \x + \xo 22.26 \xt Lif 10.10\x*  
\v 27 Ekewe nöüwis mi nom lon ra usun chök wolif mi ochei liaper. Iwe, ra nimanauei aramas, pwe repwe pisekisekila ren.  
\v 28 Iwe, ekewe soufos ra aitöchü föförür, usun sa apwecha och mettoch mi limengau. A wor künaer mi mwakel, ra pwal osuni mine a chofana fän iter. Iwe, ra apasa, ‘Iei alon Kot ewe Samol mi Lapalap,’ nge ngang ewe Samol mi Lapalap üsap fos ngeniir.  
\v 29 Iwe, aramasen ewe fanü ra föri föförün mwänewüs o solä, ra ariaföüü chon wöüngau me chon mwelele, ra pwal aweiresi chon ekis fän pwüngingau.  
\v 30 Iwe, üa kütta ika epwe wor eman aramas leir mi tongeni senätä ewe tit o ütä ngeni pwangan me fän mesei fän iten ewe fanü, pwe üsap ataela. Nge üsap fokun küna eman.  
\v 31 Iei mine üa awarato ai song wor, üa aroserela ren choun ai lingeringer o liwini ngeniir liwinin ar föför,” iei alon Kot ewe Samol mi Lapalap.   
\c 23  
\s1 Ruoman pwipwi  
\sr 23.1-49  
\p
\v 1 Iwe, ewe Samol mi Lapalap a kapas ngeniei,  
\v 2 “Nöün aramas, mi wor ruoman fefin nöün eman chök in.  
\v 3 Ra amömö inisir fän iten lisowu lon Isip, lupwen ra chüen föpwül. Ikenan mwän ra atapa oupwur o urumwotiti.  
\v 4 Iten ewe mi watte Ohola, nge iten pwin we Oholipa. Iwe, üa pwülüeniir, nge ra nöünöü mwän me fefin. Ohola wewen Samaria, Oholipa wewen Jerusalem.   
\p
\v 5 Lupwen üa mwo pwülüeni Ohola, a chök amömö inisin fän iten lisowu ngeni nöün kewe kamwet ekewe chon Asiria,  
\v 6 ngeni ekewe sounfiu mi üföüf üf mi arauarau, pwal ngeni ekewe kepina me ekewe meilapen sounfiu. Ir meinisin ra alüalöch, ra pwal wawa oris.  
\v 7 Iwe, a amömö inisin fän iten lisowu ngeni ekewe re Asiria meinisin mi fokun äteöch. A püsin alimengaua ren ekewe uluulun anümwäl än chokewe a nöüniir kamwet.  
\v 8 Esap likitala an amömö inisin fän iten lisowu, a fen föri lon Isip, lupwen mwän ra kon ren lon fansoun an föpwül, lupwen ra urumwotiti oupwun o awesi ar mocheisou ngeni.  
\v 9 Iei mine üa asechala ngeni nöün kewe kamwet, ir ekewe chon Asiria neminewe a mocheisou ngeniir.  
\v 10 Iwe, ir ra aselelai, ra turufi nöün kewe mwän me fefin, mürin ra niela ren ketilas. Iwe, fefin ra leaweni lon ar fos, lupwen a küna apwüng.   
\p
\v 11 Iwe, Oholipa pwin we a küna ei, nge a fen alapala an mocheisou me an amömö inisin fän iten lisowu, lap seni pwin we.  
\v 12 A mocheisou ngeni chon Asiria, ekewe kepina me ekewe meilapen sounfiu, ekewe sounfiu mi üföüf üf mi mürina, pwal ekewe chon wawa oris, ir meinisin mi alüalöch.  
\v 13 Iwe, üa küna pwe a püsin alimengaua. Ra chök föföringaupök ir me ruoman.  
\v 14 Nge Oholipa a chök alapala an amömö inisin fän iten lisowu. Iwe, a küna liosun mwän won ekewe tit mi mak ngeni mi par, liosun chon Papilon  
\v 15 ra riri ngeni lukalaper pelit, ra pwal filiti ngeni mökürer mangaku mi sokopat anüan. Ir meinisin ra usun chök samolun sounfiun Papilon, ra pop seni ewe fanü Papilon.  
\v 16 Iwe, lupwen a küneer, a mocheisou ngeniir o tinala chon künö rer Papilon.  
\v 17 Mürin, ekewe chon Papilon ra tolong ren pwe repwe lisowu ngeni, ra pwal mocheisou ngeni o alimengaua. Nge wesin ar alimengaua, neminei a kul seniir o oputeer.  
\v 18 Iwe, lupwen a sopwela an amömö inisin fän iten lisowu fän mesen aramas o pwärala an selela ngeniir, üa kul seni o oputa, usun üa fen kul seni pwin we.  
\v 19 Nge a chök alapala an amömö inisin fän iten lisowu, pun a chechemeni fansoun an föpwül, lupwen a amömö inisin lon ewe fanü Isip.  
\v 20 Iwe, a mocheisou ngeni mwän mi usun chök kolak, ir mi fokun mocheisou usun chök aas me oris.”  
\v 21 Ewer, Oholipa, ka positi om angangen lisowu ka föri lupwen om föpwül, lupwen chon Isip ra atapa oupwum o urumwotiti.   
\p
\v 22 Iei mine ngang ewe Samol mi Lapalap üa apasa ngonuk, Oholipa, “Ka kul seni noum kewe kamwet o oputeer, nge üpwe asongeer pwe repwe song ngonuk, üpwe pwal emwenireto seni ekis meinisin pwe repwe maun ngonuk.  
\v 23 Üpwe emwenato ekewe chon Papilon me chon Kaltea meinisin, ekewe chon Pekot, chon Soa me Koa, pwal ekewe chon Asiria meinisin mi alüalöch, ekewe kepina me ekewe meilapen sounfiu meinisin, pwal ekewe aramas tekia me sounfiu mi wawa oris.  
\v 24 Ir meinisin repwe feito seni efeng fän oris me woken, pwal fän eu mwichemongun aramas. Repwe pwelifeiliik fän ar tittin maun mi watte me kükün, pwal fän imwer akkaw. Iwe, üpwe asechukolong lepöür pwe repwe apwünguk. Repwe eäni kapwüng womw won ükükün mine ra mochen apwünguk ren.  
\v 25 Iwe, ngang üpwe song ngonuk, nge ir repwe amüchü ar lingeringerituk. Repwe pökü pwötum me selingom, nge chokewe mi chüen manau repwe mäla ren ketilas. Repwe angei senuk noum kewe mwän me fefin, nge chokewe mi chüen manau repwe karala ren ekkei.  
\v 26 Iwe, ekewe chon oputok repwe kamwei senuk üfom o angei senuk foutom mi ling.  
\v 27 Iei usun üpwe aükätiu om mocheisou me om angangen lisowu, ka popuetä le föri me lon Isip. Kosap chüen nenengeni ekewe uluulun anümwäl ika chechemeni Isip.  
\v 28 Pun iei aloi ngang Kot ewe Samol mi Lapalap: Üpwe atolongok lepöün chokewe ka kul seniir o oputeer.  
\v 29 Iwe, repwe afeiengauok pokiten ar oputok, repwe pwal angei senuk mine ka eäni o likitukela lon om selela. Iwe, äsäwin om amömö inisum fän iten lisowu epwe pwäpwäla. Om mocheisou me om amömö inisum fän iten lisowu  
\v 30 ra atoto womw ei feiengau. Ka amömö inisum fän iten lisowu ngeni ekewe mwü, ka pwal püsin alimengauok ren ar kewe uluulun anümwäl.  
\v 31 Ka apirü än pwiüm föföringau, iei mine üpwe ngonuk än pwiüm we kapen feiengau.   
\p
\v 32 Iei aloi ngang Kot ewe Samol mi Lapalap:  
\q1 Kopwe ün seni än pwiüm we kap  
\q1 mi watte o alolol.  
\q1 Iwe, lupwen ka ün seni, aramas repwe takiriik o turunufaseek,  
\q1 pun feiengauom a fokun watte.   
\q1
\v 33 Kopwe fokun pulas o riaföü ren.  
\q1 Iei ewe kap än pwiüm we Samaria,  
\q1 eu kapen mösök me tatakis.   
\q1
\v 34 Kopwe ün seni o apöla,  
\q1 mürin kopwe amökkükisi  
\q1 o ekinasa oupwum ren mökkün,  
\q1 pun ngang Kot ewe Samol mi Lapalap üa kapas.  
\v 35 Iei mine ngang Kot ewe Samol mi Lapalap üa apasa: Pokiten ka manlükieila o pöütieila lükün sökürum, iei mine kopwe angei liwinin om mocheisou me om amömö inisum fän iten lisowu.”   
\p
\v 36 Iwe, ewe Samol mi Lapalap a üreniei, “Nöün aramas, ifa usun, kopwe eäni apwüng ngeni Ohola me Oholipa? Iwe, kopwe pwäri ngeniir ar kewe föför mi anioput.  
\v 37 Ra föri angangen lisowu o nimanauei aramas. Ra föri angangen lisowu ren ar kewe uluulun anümwäl, ra pwal eäni asoren kek ngeniir nöür kewe, ra nöüniir fän itei.  
\v 38 Pwal iei och mine ra föri ngeniei: Ra alimengaua imwei mi pin o apiningaua pinin ai kewe ränin sapat.  
\v 39 Pun lon ewe chök ränin, lupwen ra niela nei kana o eäniir asoren kek ngeni ar kewe uluulun anümwäl, ra pwal tolong lon imwei mi pin o apiningaua. Ewer, iei usun mine ra föri lon imwei.  
\v 40 Ra pwal mwo nge tinala chon künö pwe repwe körato mwän seni toau. Iwe, lupwen ra feito, ekewe ruoman pwipwi ra tütü o teikei won meser, ra pwal foutei ngeniir chomong fout.  
\v 41 Ra mot won eu peet mi fokun ling, ra pwal iseni eu chepel mwer o uwätä won ai apach mi pwokus me ai lö.  
\v 42 A wor akürangen eu mwichen pwapwa, nge chon pulas seni fanüpö ra mwicheto ren. Ra isetä lälä won pöün ekewe ruoman fefin, ra pwal ämwärämwäreer ngeni mwärämwär mi ling.   
\p
\v 43 Mürin üa apasa usun neminewe mi apwangapwang ren an lisowu, ‘Repwe chök pwal lisowu ngeni, usun ra föri ngeni eman fefin mi amömö inisin fän iten lisowu, pun ina usun lapalapan.’  
\v 44 Iwe, ekei mwän ra chök tolong ren usun ar tolong ren eman fefin mi amömö inisin fän iten lisowu. Iei usun ra tolong ren Ohola me Oholipa, ekewe fefin mi mocheisou.  
\v 45 Nge mwän mi pwüng repwe eäni apwüng wor. Repwe apwüngüür usun ar apwüngü fin lisowu me fefin mi nimanauei aramas, pun ir wesewesen fin lisowu, nge pöür ra limengau ren ar nimanau.”   
\p
\v 46 Iei usun Kot ewe Samol mi Lapalap a apasa, “Üpwe amwichafengeni chomong aramas pwe repwe ü ngeniir, üpwe pwal awarato niuokus watte wor o amweleleer.  
\v 47 Iwe, ekewe aramas repwe monei ngeniir fau o atatakisiir ren nöür ketilas. Repwe niela nöür kewe mwän me fefin o kenala imwer.  
\v 48 Iei usun üpwe awesi mocheisou lon ewe fanü, pwe fefin meinisin repwe miritila, nge resap apirü ar mocheisou.  
\v 49 Iwe, ämi ruoman pwipwi oupwe angei liwinin ämi mocheisou me liwinin tipisin ämi angang ngeni uluulun anümwäl. Mürin oupwe silei pwe ngang Kot ewe Samol mi Lapalap.”   
\c 24  
\s1 Kapas awewe usun ewe kama mi puropur  
\sr 24.1-14  
\p
\v 1 Lon atiuen ierin ach oola, lon engolun ränin ewe engolun maram, ewe Samol mi Lapalap a kapas ngeniei,  
\v 2 “Nöün aramas, kopwe makei ei rän, pun ikenai ewe kingen Papilon a tori Jerusalem, pwe epwe maun ngeni. \x + \xo 24.2 \xt 2.King 25.1; Jer 52.4\x*  
\v 3 Iwe, kopwe asile ngeni ekewe chon lükümach o ü ngeniei eu kapas awewe. Kopwe üreniir, ‘Iei alon Kot ewe Samol mi Lapalap:  
\q1 Kopwe isetä ewe kama won ekkei,  
\q1 kopwe fokun isetä o alölöü ngeni koluk.   
\q1
\v 4 Kopwe uwalong lon ekewe kinikinin fituk meinisin mi mürina,  
\q1 fituken won peche me fituken won pau,  
\q1 kopwe pwal amasoua ren chü mi fokun mürina.   
\q1
\v 5 Kopwe angei fituken ekewe man mi mürina,  
\q1 kopwe aloppa sättin mwüch fän ewe kama  
\q1 o kuku ewe fituk me ekewe chü.”   
\p
\v 6 Iwe, iei alon Kot ewe Samol mi Lapalap, “Feiengauen ewe telinimw, chon ra nimanauei aramas. Ewe telinimw a wewe ngeni eu kama mi parang lon, nge parangan esap chü. Kopwe angei seni me lon eu me eu kewe kinikinin fituk, nge kosap lifilifil.  
\v 7 Pun a fis nimanau lon ewe telinimw. Nge chon ewe telinimw resap ninätiu ewe cha won pwül pwe epwe irela, nge ra ninätiu won achau.  
\v 8 Üa likitala ewe cha won achau, ewe ia esap tongeni irela me ie. Ei üa föri pwe üpwe aüfarafarätä ai lingeringer o ngeniir chappen ar föför.”  
\v 9 Iei mine Kot ewe Samol mi Lapalap a apasa, “Feiengauen ewe telinimw, chon ra nimanauei aramas. Ngang üpwe püsin aloppa ewe mwüchen ekkei pwe epwe tekiatä.  
\v 10 Kopwe achukuchukätä mwüch fan, kopwe keni o kukuöchü ewe fituk tori setin epwe morola, nge chün repwe karala.  
\v 11 Iei kopwe isetä ewe kama mi pön won ekkei pwe epwe sarara. Mürin, limengauen lon me parangan repwe morola.  
\v 12 Nge a solap ai angang weires ngeni, pun ewe parang mi malül esap chü ren ewe ekkei.  
\v 13 Jerusalem, om mocheisou iei om limengau. Iwe, üa sotuni ai üpwe limetuk, nge kosap limöchüla. Iei mine kosap fokun limöch, tori üpwe amüchü ai lingeringerituk.  
\v 14 Ngang ewe Samol mi Lapalap üa kapas. A war ewe fansoun fän itei pwe üpwe apwönüetä mine üa apasa. Üsap piit, üsap pwal eäni tong ika lamalamala. Üpwe apwünguk won om kewe föför meinisin,” Iei alon Kot ewe Samol mi Lapalap.   
\s1 Pwülüen Isikiel a mäla  
\sr 24.15-27  
\p
\v 15 Iwe, ewe Samol mi Lapalap a kapas ngeniei,  
\v 16 “Nöün aramas, nengeni, iei chök üpwe angei senuk ewe aramas ka fokun echeni. Nge en, kopwe tümwünü pwe kosap ngüngüres, kosap pwal kechü pwe chönün mesom esap suputiu.  
\v 17 Kopwe ngüngü, nge kosap leüömong. Kosap pwärätä om letipeta ren ewe mi mäla. Kopwe filiti mökürom, kopwe pwal ipweip sus, nge kosap pwölüela alüsom, kosap pwal mongö seni mine aramas ra uwato reöm.”  
\v 18 Iwe, lesosor üa kapas ngeni ekewe chon Israel, nge lekuniol pwülüei a mäla. Lesosorun ewe rän mürin üa föri mine Kot a allük ngeniei.   
\p
\v 19 Iwe, ekewe aramas ra aisiniei, “Pwota ka föri ei sokun föför?”  
\v 20 Iwe, üa pälüeniir, “Ewe Samol mi Lapalap a kapas ngeniei,  
\v 21 pwe üpwe üreni ämi chon Israel, ‘Iei alon Kot ewe Samol mi Lapalap: Üpwe apiningaua pinin ai we leni mi pin oua aücheani o sikesik won, mesemi ra pwapwaiti, letipemi ra pwal ekimongei. Nöümi mwän me fefin, oua likitiir lon ewe fanü Israel, repwe mäla lon maun.  
\v 22 Mürin oupwe föri usun mine Isikiel a föri. Ousap pwölüela alüsemi, ousap pwal mongö mine aramas repwe uwato remi.  
\v 23 Oupwe filiti möküremi, oupwe pwal ipweip sus. Ousap ngüngüres ika kechü, nge oupwe apwangapwangala pokiten ämi tipis, oupwe pwal ngüngü lefilemi.  
\v 24 Iei usun Isikiel epwe eu asisil ngenikemi. Iwe, ämi oupwe föri meinisin mine i a fen föri. Nge lupwen epwe fis ekei mettoch, oupwe silei pwe ngang Kot ewe Samol mi Lapalap.’”  
\p Iwe, ewe Samol mi Lapalap a üreniei,  
\v 25 “Iei usun mine epwe fis ngonuk, nöün aramas. Lon ewe rän, lupwen üpwe angei seniir ar imwenfel mi pöchökül ra aücheani o sikesik won, meser ra pwapwaiti, letiper a pwal ekimongei, lupwen üpwe pwal angei seniir nöür mwän me fefin,  
\v 26 lon ewe chök rän eman chon sü seni ewe feiengau epwe feito o uwato reöm ei pworaus.  
\v 27 Lon ewe chök rän kopwe silesefäl kapas, pwe kopwe tongeni kapas ngeni ewe chon sü. Ren ei kopwe eu asisil ngeni ekewe aramas, pwe repwe silei pwe ngang ewe Samol mi Lapalap.”   
\c 25  
\s1 Kapasen osuni usun feiengauen chon Amon  
\sr 25.1-7  
\p
\v 1 Iwe, ewe Samol mi Lapalap a kapas ngeniei,  
\v 2 “Nöün aramas, kopwe newenewen ngeni chon Amon o osuni usun feiengaueer.  
\v 3 Kopwe üreni ekewe chon Amon, pwe repwe aüselinga mine ngang Kot ewe Samol mi Lapalap üa apasa: Oua takirin ämängau usun imwei mi pin, lupwen aramas ra apiningaua pinin, oua takiri ewe fanü Israel, lupwen a tatakis, pwal ekewe chon Juta, lupwen ra oola.  
\v 4 Iei mine üpwe asechikemiilong lepöün ekewe aramasen ötiu pwe repwe nemenikemi. Repwe aüetä imwer imw mangaku o imweimw leimi. Iwe, repwe ochei uän ämi kewe irä o ünümi ünümemi milik.  
\v 5 Iwe, üpwe awili Rapa samolun telinimwen chon Amon ngeni lenien fol kamel, nge fanüer üpwe awili ngeni lenien pwiin sip. Mürin oupwe silei pwe ngang ewe Samol mi Lapalap.  
\v 6 Pun iei aloi ngang Kot ewe Samol mi Lapalap: Oua alopolop o pupures fän pwapwa, oua pwal takirin ämängau seni letipemi usun feiengauen Israel.  
\v 7 Iei mine üa ü ngenikemi o asechikemiilong lepöün chon ekewe mwü pwe repwe liapenikemi. Üpwe ärikemiila me lein ekewe mwü o arosakemiila lon ekewe fanü. Iwe, üpwe afeiengauakemi, pwe oupwe silei pwe ngang ewe Samol mi Lapalap.” \x + \xo 25.7 \xt Jer 49.1-6; Is 21.28-31; Am 1.13-15; Sef 2.8-11\x*   
\s1 Kapasen osuni usun feiengauen chon Moap  
\sr 25.8-11  
\p
\v 8 Iei alon Kot ewe Samol mi Lapalap, “Ekewe chon Moap ra apasa, ‘Nengeni, ekewe chon Juta ra feiengau usun chök chon ekewe fanü meinisin.’  
\v 9 Iei mine üpwe asöönü ewe fanü Moap, pwe epwe tala an kewe telinimw mi nom lekiännin meinisin mi epeti sounfiu ar repwe tolong, pwal ekewe telinimw mi ling lon iter Petesimot, Paalmeon me Kiriataim.  
\v 10 Iwe, üpwe ngeni ekewe aramasen ötiu fanüen chon Moap me chon Amon pwe repwe nemeniir, pwe esap wor eman epwe chüen chechemeni ekewe chon Amon me lein ekewe mwü.  
\v 11 Iwe, üpwe apwüngü Moap. Mürin repwe silei pwe ngang ewe Samol mi Lapalap.” \x + \xo 25.11 \xt Ais 15.1–16.14; 25.10-12; Jer 48.1-47; Am 2.1-3; Sef 2.8-11\x*   
\s1 Kapasen osuni usun feiengauen chon Etom  
\sr 25.12-14  
\p
\v 12 Iei alon Kot ewe Samol mi Lapalap, “Ekewe chon Etom ra fokun apwüngüchouwu chon Juta. Ei sokun föför ra fokun tipis ren.  
\v 13 Iei mine ngang Kot ewe Samol mi Lapalap üa apasa: Üpwe ü ngeni Etom o arosala aramasan me mönün lon. Üpwe pwal awili ewe fanü ngeni fanüapö. Iwe, ekewe chon Etom repwe mäla lon maun seni Teman tori Tetan.  
\v 14 Nei kewe aramasen Israel repwe ngeni chon Etom chappen ar föför fän itei. Ir repwe eäni ai song me lingeringer ngeni chon Etom. Ren ei repwe silei pwe ngang üa ngeniir chappen ar föför,” iei alon Kot ewe Samol mi Lapalap. \x + \xo 25.14 \xt Ais 34.5-17; 63.1-6; Jer 49.7-22; Is 35.1-15; Am 1.11-12; Op 1-14; Mal 1.2-5\x*   
\s1 Kapasen osuni usun feiengauen chon Filistia  
\sr 25.15-17  
\p
\v 15 Iei alon Kot ewe Samol mi Lapalap, “Ekewe chon Filistia ra fokun apwüngüchouwu chon Juta fän kirikiringauen letiper o kütta usun ar repwe ataela Juta, pokiten ra oputeer seni me lomlom.  
\v 16 Iei mine ngang Kot ewe Samol mi Lapalap üa apasa: Üpwe ü ngeni ekewe chon Filistia. Üpwe ärala ekewe chon Keret o niela chokewe mi chüen manau me lon ekewe fanüen aroset.  
\v 17 Üpwe awattela ai üpwe ngeni chon Filistia chappen ar föför o apwüngüür fän ai lingeringer. Lupwen üpwe föri ei, repwe silei pwe ngang ewe Samol mi Lapalap.” \x + \xo 25.17 \xt Ais 14.29-31; Jer 47.1-7; Sow 3.4-8; Am 1.6-8; Sef 2.4-7; Sek 9.5-7\x*   
\c 26  
\s1 Kapasen osuni usun feiengauen Tirus  
\sr 26.1-21  
\p
\v 1 Lon engol me euin ierin ach oola lon aeuin ränin ewe maram, ewe Samol mi Lapalap a kapas ngeniei, \x + \xo 26.1 \xt Ais 23.1-18; Sow 3.4-8; Am 1.9-10; Sek 9.1-4; Mat 11.21-22; Luk 10.13-14\x*  
\v 2 “Nöün aramas, chon Tirus ra apasa usun Jerusalem, ‘Ää, a tala Jerusalem. An nemeni angangen sopai ngeni chon ekewe mwü a wes. Iei aipwe wöümongola, pun i a tala.’  
\v 3 Iei mine ngang Kot ewe Samol mi Lapalap üa apasa: Üpwe pälüenuk, Tirus. Üpwe emwenato chomong mwü pwe repwe maun ngonuk, repwe feito usun nonoon lematau mi watte.  
\v 4 Repwe atai titum o atomwala imwom kewe imw tekia. Mürin üpwe kümetala pwülün womw, pwe kopwe usun chök eu achau mi lingetä.  
\v 5 Iwe, Tirus epwe wiliti eu lenien apwas epilo, pun ngang Kot ewe Samol mi Lapalap üa kapas. Ekewe mwün fanüfan repwe fokun liapenala mettochun lon.  
\v 6 Nge chon telinimwan kewe mi nom fän nemenian won ewe fanü watte repwe mäla ren ketilas. Mürin repwe silei pwe ngang ewe Samol mi Lapalap.”   
\p
\v 7 Pun iei usun Kot ewe Samol mi Lapalap a apasa, “Üpwe emwenato Nepukatnesar ewe kingen Papilon, ewe king mi lap seni king meinisin. Epwe feito seni efeng o maun ngeni Tirus fän oris me woken, fän sounfiu mi wawa oris, pwal fän eu mwichemongun sounfiu.  
\v 8 Iwe, Nepukatnesar epwe niela chon telinimwom kewe mi nom won ewe fanü watte ren ketilas. Nöün kewe sounfiu repwe aüetä eu tittin maun, repwe senätä eu oror o amolätä ar pisekin epet.  
\v 9 Repwe achüngü om kewe tit ren ar kewe mwesinnen kata o aturätiu om kewe imw tekia ren ar kewe pisekin maun.  
\v 10 Süsün pwül mi feitä, lupwen ekewe mwicheichen nöür oris ra sä, epwe pwölukela, nge om kewe tit repwe chechech ren akürangen chon wawa oris, pwal ren akürangen chomong sokun woken. Ina usun epwe fis, lupwen Nepukatnesar epwe tolong lon asamalapom usun aramas ra tolong lon eu telinimw mi tala tittin lon maun.  
\v 11 Pechen nöün kewe oris repwe puri om kewe al meinisin. Epwe niela noum aramas ren ketilas, nge om kewe ürepin mi pöchökül repwe turula won pwül.  
\v 12 Chon Papilon repwe liapenala woum me om pisekin amömö, repwe amökkätiu om kewe tit o ataetiu imwom kewe mi mürina. Nge föün leniom me irän kewe, pwal ekewe mettoch mi ta repwe pöütala leset.  
\v 13 Iwe, ngang üpwe aükätiu om köl, nge tikitikin om kitar esap chüen wor. \x + \xo 26.13 \xt Pwär 18.22\x*  
\v 14 Üpwe awili ngonuk eu fanüen achau pwe kopwe eu lenien apwas epilo, nge kosap chüen kaüsefäl, pun ngang ewe Samol mi Lapalap üa kapas.”   
\p
\v 15 Iei alon Kot ewe Samol mi Lapalap ngeni Tirus, “Ekewe fanüen aroset repwe chechech ren püngün om turula, lupwen chon kinas ra ngüngü, nge ninni a fis me lukalapom.  
\v 16 Mürin, samolun ekewe fanüen aroset meinisin repwe tötiu seni ar lenien motun samol, repwe pwilitawu üfer owokot me üfer mi chü. Iwe, repwe mot won pwül fän chechech, repwe pwal fokun rükö ren mine a fis ngonuk, nge resap fokun ükütiu le chechech.  
\v 17 Repwe eäni echö kölün kechü o apasa usum: Ka tala, en telinimw mi fokun iteüöch, aramas mi reepi ra nonom lomw. Me lom en me aramasen leniom oua nemeni matau o eniwokusu chon ekewe fanüen aroset meinisin.   
\q1
\v 18 Nge iei ekewe fanüen aroset ra chechech lon ewe rän ka turula,  
\q1 ekewe fanüen lematau ra apilükingau, lupwen ka tala.” \x + \xo 26.18 \xt Pwär 18.9-10\x*   
\p
\v 19 Pun iei usun Kot ewe Samol mi Lapalap a apasa, “Üpwe apöököla usun eu telinimw mi tala esap chüen wor aramas lon, üpwe pwal önütai womw nonoon lematau, pwe sät epwe pwölukela.  
\v 20 Üpwe pöütukela lon lenien sotup ren ekewe armasen lom, üpwe pwal anomuk leutun fanüfan lon ekewe leni mi tala seni me lom, pwe kopwe nonom ren chokewe ra fen feitiu lon lenien sotup. Ina usun kosap chüen so, esap pwal chüen wor leniom lon fanüen chon manau.  
\v 21 Üpwe fokun afeiengauok, pwe kosap chüen nom. Aramas repwe küttok, nge resap chüen künasefäliik feilfeilachök,” iei alon Kot ewe Samol mi Lapalap. \x + \xo 26.21 \xt Pwär 18.21\x*   
\c 27  
\s1 Kölün kechü usun Tirus  
\sr 27.1-36  
\p
\v 1 Iwe, ewe Samol mi Lapalap a kapas ngeniei,  
\v 2 “Nge en, nöün aramas, kopwe chietä echö kölün kechü usun Tirus.  
\v 3 Kopwe apasa ngeni Tirus ewe telinimw mi nom aroset, lenien chon sopai ngeni aramasen chomong fanüen lematau me fanüen aroset, pwe iei aloi ngang Kot ewe Samol mi Lapalap:  
\q1 Tirus, ka apasa, ‘Ngang eu telinimw mi wesewesen ling.’   
\q1
\v 4 Fanüom a nom lematau,  
\q1 chokewe mi aüketä ra föruk pwe ka wesewesen ling.   
\q1
\v 5 Ka usun chök efoch sip.  
\q1 Chon falook ra angei papom seni ewe irä saipires me won ewe chuk Hermon,  
\q1 owum ra pwal angei seni efoch irä setar me won Lepanon.   
\q1
\v 6 Fatülom ra föri seni ekewe irä ook lon Pasan,  
\q1 nge tekkum ra föri seni irä pain seni ewe fanü Saipiros,  
\q1 ra pwal alinga ngeni ngiin äläfan.   
\q1
\v 7 Amarom me filäikom ra för seni mangaku mi pwechepwech  
\q1 o chü seni Isip,  
\q1 nge imweimwen womw a pwölüpwöl ngeni mangaku mi arauarau me parochol  
\q1 seni ewe fanü Saipiros.   
\q1
\v 8 Noum chon fatül ekewe aramasen Siton me Arwat,  
\q1 noum kewe mwän mi fokun reepi ir pölü.   
\q1
\v 9 Ekewe mwän mi silelap angangen won wa seni Kepal ra nonom reöm,  
\q1 pwe repwe pwiniongei womw.  
\q1 Ekewe sein lematau meinisin me sälan wor ra feito reöm,  
\q1 pwe repwe amömö ngonuk ar kewe pisek.   
\p
\v 10 Chon Persia, chon Lut me chon Put ra choni om mwichen sounfiu. Ra aitiuätä won tittum ar kewe tittin maun me imwer akkaw pwe ka ling ren.  
\v 11 Chon Arwat me noum kewe sounfiu ra ütä won tittum, nge chon Kamat ra nom won om kewe imw tekia. Iwe, ra aitiuätä ar kewe tittin maun won om kewe tit meinisin, pwe ka wesewesen ling ren.   
\p
\v 12 Chon Tarsis ra kamö senuk, pun ka wöü ren chomong sokun pisek. Ra akasiwili om pisek ngeni silifer, mächä, kapa me pilom.  
\v 13 Chon Kris, chon Tupal me chon Mesek ra amömö ngonuk. Ra akasiwili om pisek ngeni ekewe amanau me sepi seni piras.  
\v 14 Chon Tokarma ra akasiwili om pisek ngeni orisin angang, orisin maun me aas.  
\v 15 Chon Tetan ra amömö ngonuk ar pisek. Aramasen chomong fanüen aroset ra uwato reöm ngiin äläfan me irä mi aüchea akasiwilin om pisek.  
\v 16 Chon Etom ra kamö senuk pokiten chomongun om pisek. Ra akasiwili om pisek ngeni fau aüchea iter emeralt, ngeni mangaku mi parochol pwal mangaku mi chü me pwechepwech, ngeni föüpar me fau aüchea iter rupi.  
\v 17 Chon Juta me chon Israel ra amömö ngonuk. Ra akasiwili om pisek ngeni wiich, föün olif me föün fiik, chönün chunen, apüra me sokun lö mi pwokus.  
\v 18 Chon Tamaskus ra kamö senuk, pun ka wöün pisek mi chomong o sokopat. Ra akasiliwi om pisek ngeni wain seni Helpon me ülen sip seni Sahar.  
\v 19 Chon Wetan me Jawan ra akasiwili om pisek ngeni sokun mächä fän iten fout seni Usal, pwal ngeni kasia me nofitin mongö.  
\v 20 Chon Tetan ra akasiwili om pisek ngeni mangaku fän iten lenien mot won man.  
\v 21 Chon Arapia me ekewe samolun Ketar meinisin ra akasiwili om pisek ngeni nöür apanen sip, ätemwänin sip me kuuch.  
\v 22 Ekewe chon amömö seni Sepa me Raama ra amömö ngonuk. Ra akasiwili om pisek ngeni chomong sokun nofitin mongö mi mürina, pwal fau aüchea me kolt.  
\v 23 Chon Haran, chon Kanne, chon Eten, ekewe chon amömö seni Sepa, pwal chon Asur me chon Kilmat ra amömö ngonuk.  
\v 24 Ir ra amömö ngonuk lon om lenien amömö üf mi ling, mangaku mi arauarau me chü, pwal kieki mi sokopat anüan, ra riri o anükü ngeni lül mi aüchea.   
\p
\v 25 Ekewe sipen kamö me me amömö ra uwei om pisek.  
\q1 Ka usun chök efoch sip won matau mi ur ren pisek.   
\q1
\v 26 Nge lupwen noum kewe chon fatül ra fatüleekela lukalapen matau,  
\q1 eu asepwälin ötiu a ataokela toau seni fanü.   
\q1
\v 27 Woum me pisekum meinisin,  
\q1 noum kewe säla me chon reepi lematau,  
\q1 noum chon pwiniong me noum chon amömö,  
\q1 noum kewe sounfiu, pwal chiechiom meinisin mi etuk,  
\q1 ir meinisin ra kokotiu lukalapen matau  
\q1 lon ewe rän ka tala.   
\q1
\v 28 Iwe, ekewe fanüen aroset ra chechech  
\q1 ren pupuchörün noum kewe säla, lupwen ra kokotiu.   
\b  
\q1
\v 29 Ekewe chon fatül ra likitala war kewe sip,  
\q1 ekewe säla me ekewe chon reepi lematau ra ütä wilifanü,   
\q1
\v 30 ra leüömong le ngüngüres usum o kechüangau.  
\q1 Iwe, ra uwätä pwül won mökürer o fares lon falangen ekkei.   
\q1
\v 31 Ra püsin reipöpöla mökürer fän äsengesum  
\q1 o üföüfolong üf seni tuk,  
\q1 ra pwal kechüeituk fän riaföün letiper.   
\q1
\v 32 Lon ar letipeta repwe chietä echö kölün kechü usum o ngüngüres womw,  
\q1 ‘Iö a wewe ngonuk, Tirus,  
\q1 en telinimw mi fokun tala me lukalapen matau?   
\q1
\v 33 Lupwen ekewe sip ra uwei om kewe pisekin amömö lematau,  
\q1 ka alisi aramasen chomong mwü.  
\q1 Ka pwal apisekiseki ekewe kingen fanüfan  
\q1 ren woum me pisekum mi somwola.   
\q1
\v 34 Nge iei ka tala ren nonoon lematau,  
\q1 ka kokotiu epin matau,  
\q1 nge om kewe pisekin amömö  
\q1 me noum kewe aramas ra etuk le kokotiu.’  
\v 35 Aramasen ekewe fanüen aroset ra rükö ren mine a fis ngonuk, pwal ar kewe king ra nupufengeniir o wowongau fän niuokus.  
\v 36 Ekewe chon amömö seni ekewe mwün fanüfan ra ngäruk ren om feiengau, pun ka tori sopolomw mi afeiengau, nge kosap chüen nom tori feilfeilachök.” \x + \xo 27.36 \xt Pwär 18.11-19\x*   
\c 28  
\s1 Kapasen osuni usun feiengauen ewe kingen Tirus  
\sr 28.1-10  
\p
\v 1 Iwe, ewe Samol mi Lapalap a kapas ngeniei,  
\v 2 “Nöün aramas, kopwe üreni ewe samolun Tirus, pwe iei aloi ngang Kot ewe Samol mi Lapalap: Ka lamalamtekia lon lelukom, ka pwal ikeeketä ren om apasa, ‘Ngang eman kot. Üa mot won lenien motun eman kot lukalapen matau.’ Nge ka chök eman aramas, sap eman kot, inamwo ika ka ekieki pwe ka tipachem usun eman kot.  
\v 3 Mwa met, ka tipachem seni Taniel. Ifa usun, esap wor och mi monomon a monola senuk?  
\v 4 Ren om tipachem me silelap woum a chomongola, ka pwal achufengeni kolt me silifer lon om lenien iseis.  
\v 5 Ka fokun eäni tipachem lon om angangen sopai o achomonga woum. Iwe, ka lamalamtekia lon lelukom ren.  
\v 6 Iei mine ngang Kot ewe Samol mi Lapalap üa apasa: Pokiten ka ekieki pwe ka tipachem usun eman kot,  
\v 7 üpwe awarato womw chon ekis mi pwora seni aramas meinisin, pwe repwe afeiengauok. Iwe, repwe üttawu nöür ketilas o ataela mettoch meinisin mi mürina a toruk pokiten om tipachem, repwe pwal alimengaua lingom.  
\v 8 Iwe, repwe niik o aturukolong lon eu peias mi lölö.  
\v 9 Ifa usun, kopwe chüen apasa fän mesen chokewe mi niik, pwe en eman kot? Iwe, ka chök eman aramas, sap eman kot me ren chokewe mi niik.  
\v 10 Kopwe mäla usun chokewe resap sirkomsais ren ekewe chon ekis. Ngang Kot ewe Samol mi Lapalap üa kapas.”   
\s1 Kölün kechü usun ewe kingen Tirus  
\sr 28.11-19  
\p
\v 11 Iwe, ewe Samol mi Lapalap a kapas ngeniei,  
\v 12 “Nöün aramas, kopwe chietä echö kölün kechü usun feiengauen ewe kingen Tirus. Iwe, kopwe üreni, pwe iei aloi ngang Kot ewe Samol mi Lapalap: Me lom en eman aramas mi wesewesen mürina, ka pwal uren tipachem o wesewesen mwänöch.  
\v 13 Ka nom lon Eten ewe tanipin Kot. Ka fout ngeni sokopaten fau aüchea iter karnelian, topas, jaspis, kirisolait, peril, oniks, safaia, karpungkel me emeralt. Mi wor om fout seni kolt, ra för fän itom lon ewe rän Kot a föruk.  
\v 14 Ka kepit pwe kopwe eman kerop chon tümwün, pun üa awisok ngeni. Ka nom won ewe chukun Kot mi pin o fetal lein fau mi meriweriw.  
\v 15 Ka wesewesen pwüng lon om föför seni ewe rän Kot a föruk tori ewe rän ka föföringau lon.  
\v 16 Ren watten om angangen amömö ka uren föförün mwänewüs o turulong lon tipis. Iei popun üa aturuketiu seni won ewe chukun Kot usun eman chon tipis, üa pwal asüükela seni lein ekewe fau mi meriweriw, en kerop chon tümwün.  
\v 17 Ka lamalamtekia lon lelukom pokiten om mwänöch, ka pwal alomotongaua om tipachem pokiten wattelan lingom. Iei mine üa aturukela won pwül o pwärala om feiengau ngeni ekewe king, pwe repwe nenengenuk.  
\v 18 Ren chomongun om tipis, pwal ren om atuputup le amömö ka turunufasei om kewe imw mi pin. Iei mine üa aküw eu ekkei lon telinimwom o kenukela. Üa awiluk ngeni falangen ekkei won pwül fän mesen chokewe meinisin mi nenengenuk.  
\v 19 Chon ekewe mwü meinisin mi sileek ra mairü reöm pokiten eniwokusun sopolomw, pun kosap chüen nom tori feilfeilachök.”   
\s1 Kapasen osuni usun feiengauen Siton  
\sr 28.20-26  
\p
\v 20 Iwe, ewe Samol mi Lapalap a kapas ngeniei,  
\v 21 “Nöün aramas, kopwe newenewen ngeni Siton o osuni usun feiengauan.  
\v 22 Iwe, kopwe apasa pwe iei aloi ngang Kot ewe Samol mi Lapalap: Nengeni, iei üpwe ü ngonuk, Siton. Üpwe pwärala ai ling lein ekewe chon Siton. Iwe, aramas repwe silei pwe ngang ewe Samol mi Lapalap, lupwen üpwe apwüngü chokewe mi imweimw lomw o pwärala lefiler pwe üa pin.  
\v 23 Pun üpwe awarato mätter womw, nge cha epwe pupula won alom. Iwe, noum aramas repwe ninnila me lukalapom ren chokewe mi maun ngonuk seni ekis meinisin. Mürin kopwe silei pwe ngang ewe Samol mi Lapalap.   
\p
\v 24 Iwe, chon ekewe mwü mi nom ünükün Israel resap chüen wewe ngeni iräfölüföl mi ekinasa chon Israel ren ar kapasen turunufas. Ren ei repwe silei pwe ngang Kot ewe Samol mi Lapalap.”   
\p
\v 25 Iei alon Kot ewe Samol mi Lapalap, “Lupwen üpwe achufengeni ekewe chon Israel seni me lein ekewe mwü ia ra toropasfeil ie, üpwe pwärala lein ekewe chon Israel, pwal mwen mesen chon ekewe mwü pwe üa pin. Iwe, repwe nonom lon püsin fanüer, ewe fanü üa ngeni nei we chon angang Jakop.  
\v 26 Iwe, repwe nonom lon ewe fanü fän kinamwe, repwe pwal aüetä imwer o föri ar tanipin wain. Üpwe apwüngü chon ekewe mwü ünükür mi ariaföüür ren ar kapasen turunufas, nge ir repwe chök nonom lon fän kinamwe. Mürin repwe silei pwe ngang ar Kot ewe Samol mi Lapalap.” \x + \xo 28.26 \xt Sow 3.4-8; Sek 9.1-2; Mat 11.21-22; Luk 10.13-14\x*   
\c 29  
\s1 Kapasen osuni usun feiengauen Isip  
\sr 29.1-21  
\p
\v 1 Lon aengolun ierin ach oola, lon engol me ruuen ränin ewe aengolun maram, ewe Samol mi Lapalap a kapas ngeniei, \x + \xo 29.1 \xt Ais 19.1-25; Jer 46.2-26\x*  
\v 2 “Nöün aramas, kopwe newenewen ngeni Farao ewe kingen Isip. Kopwe osuni usun feiengauan me feiengauen unusen ewe fanü.  
\v 3 Iwe, kopwe üreni, pwe iei aloi ngang Kot ewe Samol mi Lapalap: Üpwe ü ngonuk, Farao kingen Isip. En ewe alikitor mi watte, ka kon lon om chanpupu o apasa, ‘Iei ai we chanpupu Nil, ngang üa püsin föri.’  
\v 4 Üpwe akköü ngächum o föri pwe ikenen lon om chanpupu repwe pach ngonuk. Iwe, üpwe nukiikewu seni lon ewe chanpupu Nil fiti ikenen lon meinisin ra pach ngonuk.  
\v 5 Iwe, üpwe aturukela lon fanüapö, en me ikenen om we chanpupu. Kopwe turula won eu leni mi amassawa, nge esap wor eman epwe angeek o peiasenuk. Iwe, üpwe pöütukela ngeni ekewe manmwacho me mansüsü pwe repwe ocheek.   
\p
\v 6 Mürin, ekewe chon Isip meinisin repwe silei pwe ngang ewe Samol mi Lapalap. Iwe, ka apwangapwang usun chök efoch liwo me ren chon Israel. \x + \xo 29.6 \xt Ais 36.6\x*  
\v 7 Lupwen ra amwöchuk, ka sätekis o ekinasa lon pöür, nge lupwen ra üllenuk, ka kupula pwe sökürür a fingau.  
\v 8 Iei mine ngang Kot ewe Samol mi Lapalap üa apasa: Üpwe emwenato aramas pwe repwe niela noum aramas me man ren ketilas.  
\v 9 Iwe, ewe fanü Isip epwe wesewesen wiliti eu fanüapö. Mürin oupwe silei pwe ngang ewe Samol mi Lapalap. Iwe, ka apasa, ‘Ai we chanpupu Nil, ngang üa föri.’  
\v 10 Iei mine üpwe ü ngonuk me om we chanpupu Nil, üpwe pwal awili ewe fanü Isip ngeni wesewesen fanüapö seni Miktol mi nom efeng tori Aswan mi nom ör, pwal tori kiännin Itiopia.  
\v 11 Esap wor eman aramas ika man epwe fetal won, esap pwal so lon ükükün faik ier.  
\v 12 Iwe, üpwe awili ewe fanü Isip ngeni eu fanüapö mi pön lap seni ekewe fanüapö meinisin. Iwe, telinimwan kewe repwe pwal tatakis lon ükükün faik ier lap seni ekoch telinimw mi tatakis. Üpwe atoropasafeili ekewe chon Isip lein chon ekewe mwü me ekewe fanü.”   
\p
\v 13 Pun iei alon Kot ewe Samol mi Lapalap, “Lesopolan ekewe faik ier üpwe achufengeni ekewe chon Isip seni me lein ekewe mwü ia ra toropasfeil ie.  
\v 14 Üpwe aliwinala ekewe chon Isip mi oola ngeni ewe fanü Patros, iei fanüen ar kewe lewo. Iwe, ikenan repwe mwüni eu mwü mi apwangapwang.  
\v 15 Ei mwü epwe eu mwü mi apwangapwang seni mwü meinisin, pwe esap chüen püsin atekiatä asen ekewe mwü meinisin. Üpwe fokun achokisikisiir, pwe resap chüen tongeni nemenisefäli ekewe mwü.  
\v 16 Iwe, ekewe chon Israel resap chüen apilükülükü Isip, nge mine a fis ngeni Isip epwe achema ngeniir tipisin ar kütta alilisir seni. Mürin, chon Israel repwe silei pwe ngang Kot ewe Samol mi Lapalap.”   
\p
\v 17 Iwe, lon rüe me fisuen ierin ach oola, lon ewe aeuin ränin ewe aeuin maram, ewe Samol mi Lapalap a kapas ngeniei,  
\v 18 “Nöün aramas, Nepukatnesar ewe kingen Papilon a awisa ngeni nöün mwichen sounfiu och angang mi weires, repwe föri lon ar maun ngeni Tirus. Iwe, iteiten möküren sounfiu a paan, iteiten afar a kinas, nge Nepukatnesar esap fokun angei och liwinin ei angang seni Tirus fän itan ika fän iten nöün kewe sounfiu.  
\v 19 Iei mine ngang Kot ewe Samol mi Lapalap üa apasa: Üpwe ngeni Nepukatnesar ewe kingen Papilon ewe fanü Isip. Iwe, Nepukatnesar epwe angei fän pöchökül pisekin Isip, epwe pwal uweela wöün meinisin pwe liwinin nöün kewe sounfiu.  
\v 20 Üpwe ngeni Nepukatnesar ewe fanü Isip pwe liwinin an angang weires, pun nöün kewe sounfiu ra angang ngeniei. Ngang Kot ewe Samol mi Lapalap üa kapas.   
\p
\v 21 Iwe, lupwen epwe fis ei, mürin üpwe aüsefälietä mwün Israel o atufichisefäliik, Isikiel, pwe kopwe tufichin kapas lefiler. Mürin repwe silei pwe ngang ewe Samol mi Lapalap.”   
\c 30  
\s1 Isip epwe tala  
\sr 30.1-26  
\p
\v 1 Iwe, ewe Samol mi Lapalap a kapas ngeniei,  
\v 2 “Nöün aramas, kopwe osuni o apasa pwe iei aloi ngang Kot ewe Samol mi Lapalap:  
\q1 Oupwe ngüngüres usun ewe ränin feiengau.   
\q1
\v 3 Pun a arap ewe rän, a arap ränin än ewe Samol mi Lapalap apwüng.  
\q1 Epwe eu ränin rochokich, eu fansoun apwüng fän iten ekewe mwün fanüfan.   
\q1
\v 4 Epwe fis maun lon Isip, riaföü watte epwe tori Itiopia.  
\q1 Chomong aramas repwe ninnila lon Isip,  
\q1 wöün Isip epwe oola,  
\q1 nge longolongun epwe tatiu.   
\p
\v 5 Ekewe sounfiu seni Itiopia me Put me Lut, pwal ekewe chon Arapia me Lipia me aramasen ewe fanüen pwon repwe eti chon Isip le mäla lon ei maun.”   
\p
\v 6 Iei alon ewe Samol mi Lapalap, “Chokewe mi alisi Isip repwe mäla lon maun seni Miktol tori Aswan. Nöün Isip mwichen sounfiu mi lamalamtekia repwe rosola. Ngang Kot ewe Samol mi Lapalap üa kapas.  
\v 7 Iwe, fanüer epwe tala lap seni ekewe fanü meinisin, nge telinimwer kewe repwe fokun tatakis lap seni ekoch telinimw mi tatakis.  
\v 8 Lupwen üpwe keni Isip o arosala chokewe meinisin mi alisi, mürin repwe silei pwe ngang ewe Samol mi Lapalap.  
\v 9 Lon ena rän üpwe tinala chon künö won wa, pwe repwe eniwokusu ekewe chon Itopia lon ar kinamwe. Iwe, rükö epwe toriir lon ewe rän Isip a feiengau. Ei epwe fokun fis.”   
\p
\v 10 Iei alon Kot ewe Samol mi Lapalap, “Üpwe arosala ewe mwichemongun chon Isip o awesi wöür ren Nepukatnesar ewe kingen Papilon.  
\v 11 Üpwe awisa i me nöün mwichen sounfiu mi mwänewüs seni aramas meinisin, pwe repwe ataela ewe fanü. Repwe üttawu nöür ketilas o maun ngeni Isip, pwe unusen ewe fanü epwe ur ren somä.  
\v 12 Iwe, üpwe apwasa ewe chanpupu Nil o atolonga ewe fanü fän nemenien chon föföringau. Üpwe ataela ewe fanü me meinisin mine a wor lon ren chon ekis. Ngang ewe Samol mi Lapalap üa kapas.”   
\p
\v 13 Iei alon Kot ewe Samol mi Lapalap, “Üpwe ataela ekewe uluulun anümwäl o atowu ekewe uluulun anümwäl me lon Memfis. Iwe, esap chüen wor eman samol lon ewe fanü Isip. Üpwe eniwokusu aramasen unusen ewe fanü.  
\v 14 Üpwe ataela Patros mi nom efeng, üpwe keni Soan mi nom ör o apwüngü Thebes.  
\v 15 Iwe, üpwe awarato ai lingeringer won Pelusium ewe telinimw mi fokun pöchökül lon Isip, üpwe pwal arosala ewe mwicheichen aramasen Thebes.  
\v 16 Ewer, üpwe keni Isip. Chon Pelusium repwe chechech fän niuokus, tittin ewe telinimw Thebes epwe pwangapwang, nge chon maun repwe akariaföüü chon Memfis iteiten rän.  
\v 17 Ekewe alüal seni On me Pipeset repwe mäla lon maun, nge chokewe mi chüen nom lon ekei telinimw repwe oola.  
\v 18 Saramen rän epwe rochola me lon Tapanes, lupwen üpwe ataela nemenemen Isip o awesi an pöchökül a aingaing won. Iwe, eu kuchu epwe pwölüela Isip, nge chon wisoposopun meinisin repwe oola.  
\v 19 Iei usun üpwe apwüngü Isip. Ren ei repwe silei pwe ngang ewe Samol mi Lapalap.”   
\p
\v 20 Lon engol me aeuin ierin ach oola lon afisuen ränin ewe aeuin maram ewe Samol mi Lapalap a kapas ngeniei,  
\v 21 “Nöün aramas, üa kupi pöün Farao ewe kingen Isip. Nengeni, esap wor eman a säfeeni o filiti pöün, pwe epwe tongeni pöchökülsefäl o tufichin amwöchü efoch ketilas.  
\v 22 Iei mine ngang Kot ewe Samol mi Lapalap üa apasa: Üpwe ü ngeni Farao ewe kingen Isip o kupi pöün kewe, ewe efoch mi pöchökül, pwal ewe efoch mi fen kup, pwe nöün ketilas epwe turutiu seni lepöün.  
\v 23 Üpwe atoropasafeili ekewe chon Isip lein chon ekewe mwü me fanü.  
\v 24 Mürin üpwe apöchöküla pöün ewe kingen Papilon o isenalong nei ketilas lepöün. Nge üpwe kupi pöün Farao, pwe epwe ngüngü me mwen chon oputan, usun eman aramas mi arap ngeni mäla ren kinasan.  
\v 25 Ewer, üpwe apöchöküla pöün ewe kingen Papilon, nge pöün Farao epwe sumutiu. Lupwen üpwe isenalong nei ketilas lepöün ewe kingen Papilon, pwe epwe ächewechewa ngeni ewe fanü Isip o afeiengaua, mürin repwe silei pwe ngang ewe Samol mi Lapalap.  
\v 26 Iwe, üpwe atoropasafeili ekewe chon Isip lein chon ekewe mwü me fanü. Mürin repwe silei pwe ngang ewe Samol mi Lapalap.”   
\c 31  
\s1 Farao me nöün aramas repwe feiengau  
\sr 31.1-18  
\p
\v 1 Lon engol me aeuin ierin ach oola, lon aeuin ränin ewe aülüngatin maram, ewe Samol mi Lapalap a kapas ngeniei,  
\v 2 “Nöün aramas, kopwe üreni Farao kingen Isip me nöün mwicheichen aramas:  
\q1 Iö ka wewe ngeni  
\q1 lon om ling me itetekia?   
\q1
\v 3 Üpwe awewe ngonuk Asiria.  
\q1 Me lom a usun efoch irä setar won Lepanon.  
\q1 Iwe, palen ewe setar ra fokun mwuresires,  
\q1 a pwal fokun tekia pwe ülülan a tori lein kuchu.   
\q1
\v 4 Ekewe koluk ra achöchönü,  
\q1 nge kolukun fän pwül a amärätä pwe a tekiatä.  
\q1 Chanpupu ra pupu ünükün,  
\q1 nge an kewe öüwö ra pula ngeni ekewe lusun irän lemäl meinisin.   
\q1
\v 5 Iwe, a tekia seni ekewe irän lemäl meinisin,  
\q1 nge palan ra fokun öümong  
\q1 o mwuresires pokiten chomongun ewe koluk.   
\q1
\v 6 Ekewe machang meinisin ra fas won palan,  
\q1 ekewe mönün lemäl ra nöünöü fan,  
\q1 nge chomong mwü mi tekia ra nonom fän nürün.   
\q1
\v 7 Ewe setar a fokun mürina  
\q1 ren tekian me langatamen palan,  
\q1 pun waran ra feitiu tori ekewe kolukun fan.   
\q1
\v 8 Ekewe setar lon tanipin Kot resap mürina seni,  
\q1 ekewe palen saipires resap wewe ngeni palan,  
\q1 fasaren ekewe irä plein resap pwal wewe ngeni fasaran.  
\q1 Ewer, esap wor efoch irä lon ewe tanipin Kot a wewe ngeni lingan. \x + \xo 31.8 \xt Ken 2.9\x*   
\q1
\v 9 Üa alinga pwe a mwuresires,  
\q1 nge ekewe irän Eten meinisin lon tanipin Kot ra lolowoiti.   
\p
\v 10 Iei ngang Kot ewe Samol mi Lapalap üa apasa: Pokiten ewe setar a fokun tekia, pwe ülülan a tori lein kuchu, pwal pokiten a lamalamtekia ren tekian,  
\v 11 üa asechala ngeni eman sounemenemen ekewe mwü. I a wesewesen liwini ngeni ükükün liwinin an föföringau. Ngang üa pöütala,  
\v 12 nge chon ekis seni ekewe mwü mi fokun eniwokus ra pöküela o likitala. Palan kewe ra turutiu won ekewe chuk, pwal lon ekewe lemol, nge ülün kewe ra kup o turutiu lepekin chanpupun ewe fanü meinisin. Iwe, aramas meinisin won fanüfan ra towu seni fän nürün o likitala.  
\v 13 Ekewe machang meinisin ra so won ewe irä mi turula, nge mönün lemäl meinisin ra nom lein palan kewe.  
\v 14 Iei mine esap chüen wor efoch irä mi mär ünükün ekewe koluk epwe tekiatä, pwe ülün epwe tori lein ekewe kuchu. Esap pwal chüen wor irä mi pöchökül ünükün ekewe koluk repwe üwenewenetä o tekia. Pun ir meinisin repwe mäla, repwe feitiu leutun fanüfan ren ekewe somä ren chokewe mi fen feitiu lon lenien sotup.”   
\p
\v 15 Iei alon Kot ewe Samol mi Lapalap, “Lon ewe rän, lupwen a feitiu lon lenien sotup, üa pwölüela ekewe kolukun fän pwül ren letipeta, üa pwal pinei ekewe chanpupu, pwe resap chüen pula. Iwe, üa pwölüela Lepanon fän rochopwak, nge ekewe irän lemäl meinisin ra pwasala pokitan.  
\v 16 Üa achecha ekewe mwün fanüfan ren akürangen an tur, lupwen üa aturätiu lon lenien sotup ren chokewe mi fen nom lon. Lon ewe fansoun ekewe irän Eten, pwal ekewe irä mi fokun mürina o chöchön ren üt me won Lepanon mi fen nom leutun fanüfan ra chipila ren an tur.  
\v 17 Iwe, chokewe mi nom fän nürün me chon pelieni me lein ekewe mwü ra eti le feitiu lon lenien sotup ren chokewe mi mäla lon maun.  
\v 18 Meni lein ekewe irän Eten ka wewe ngeni lon lingom me om itetekia? Nge pwal en kopwe eti ekewe irän Eten le turutiu leutun fanüfan, kopwe kon lein chokewe resap sirkomsais, pwal lein chokewe ra mäla lon maun. Iei usun mine epwe fis ngeni Farao me nöün mwicheichen aramas,” iei alon Kot ewe Samol mi Lapalap.   
\c 32  
\s1 Kölün kechü usun Farao  
\sr 32.1-32  
\p
\v 1 Lon engol me ruuen ierin ach oola, lon aeuin ränin ewe engol me ruuen maram, ewe Samol mi Lapalap a kapas ngeniei,  
\v 2 “Nöün aramas, kopwe chietä echö kölün kechü usun Farao ewe kingen Isip. Iwe, kopwe üreni: Ka ekieki pwe en ka usun chök eman laion lein ekewe mwü, ngei ka usun chök eman alikitor mi nom leset. Ka mwetelong lon om kewe chanpupu o kümetätä pwülün lon ren pecheöm, pwe kolukun lon a pölök.  
\v 3 Iei aloi ngang Kot ewe Samol mi Lapalap. Üpwe aturala ai toloia womw ren eu mwichemongun aramasen chomong mwü. Ir repwe nukiiketä me lon ai toloia.  
\v 4 Iwe, üpwe aturukela won pwül, üpwe pwal pöütukela won eu leni mi amassawa o körato machangen fanüfan meinisin pwe repwe sotiu womw, nge mönün won unusen fanüfan repwe som le ocheek.  
\v 5 Iwe, üpwe atoropasafeili fitukom won ekewe chuk o amasoua ekewe lemol ren chum.  
\v 6 Üpwe achöchönü ewe fanü pwal tori ekewe chuk ren chaom, nge ekewe chanpupu repwe urela ren.  
\v 7 Lupwen üpwe niikela, üpwe pwölüela läng o akirocha ekewe fü, üpwe pwal achunoi akkar ren eu kuchu, nge maram esap chüen tin. \x + \xo 32.7 \xt Ais 13.10; Mat 24.29; Mark 13.24-25; Luk 21.25; Pwär 6.12-13; 8.12\x*  
\v 8 Üpwe atopu ekewe saramen won läng o pwölüela fanüom ren rochopwak, ngang Kot ewe Samol mi Lapalap üa kapas.   
\p
\v 9 Iwe, üpwe ariaföüü leluken aramasen chomong mwü, lupwen pworausen om feiengau epwe tori ekewe fanü kosamwo sileer me mwan.  
\v 10 Üpwe amairü aramasen chomong fanü pokitom, nge ar kewe king repwe rükö reöm, lupwen üpwe amwara ngeni meser nei ketilas. Iwe, lon ränin om feiengau repwe chechech fansoun meinisin eman me eman fän iten püsin manauan.  
\v 11 Pun iei aloi ngang Kot ewe Samol mi Lapalap ngeni ewe kingen Isip: Ewe ketilas nöün ewe kingen Papilon epwe feitiu womw.  
\v 12 Üpwe tinala sounfiu mi fokun pwora me mwänewüs lap seni sounfiun ekewe mwü, pwe repwe niela chomong noum aramas ren ketilas. Iwe, repwe awesi mine ka lamalamtekia won o arosala noum aramas meinisin.  
\v 13 Üpwe arosala noumw pwiin kow mi nom ünükün ekewe chanpupu. Iwe, esap chüen wor eman aramas ika man epwe fetal lon o apölökü.  
\v 14 Mürin üpwe alüai ekewe chanpupu pwe repwe pula usun lö. Ngang Kot ewe Samol mi Lapalap üa kapas.  
\v 15 Iwe, lupwen üpwe awili ewe fanü Isip ngeni fanüapö, lupwen üpwe angei meinisin mine a nom lon o arosala chon meinisin, mürin repwe silei pwe ngang ewe Samol mi Lapalap.  
\v 16 Iei ewe kölün kechü aramas repwe eäni lon ar letipeta fän iten Isip. Föpwülün ekewe mwü repwe eäni lupwen ar letipeta fän iten Isip me mwicheichen aramasan meinisin. Ngang Kot ewe Samol mi Lapalap üa kapas.”   
\p
\v 17 Lon engol me ruuen ierin ach oola, lon engol me limuen ränin ewe aeuin maram ewe Samol mi Lapalap a kapas ngeniei,  
\v 18 “Nöün aramas, kopwe ngüngüres fän iten ekewe mwicheichen chon Isip. Kopwe atururetiu epin fanüfan fiti chon ekewe mwü mi pöchökül ren chokewe mi fen nom lon lenien sotup:  
\v 19 Kopwe üreniir,  
\q1 ‘Ifa usun, oua ekieki pwe oua ling seni ekewe lusun aramas?  
\q1 Oupwe chök tur lon lenien sotup  
\q1 o kon ren chokewe resap sirkomsais.’   
\p
\v 20 Iwe, ekewe chon Isip repwe mäla lein chokewe ra fen mäla lon maun. Ewe ketilas a fen molotä. Oupwe nukieto Isip me mwicheichen aramasan meinisin.  
\v 21 Iwe, ekewe meilapen sounfiu mi pwora repwe apasa me lon ewe lenien sotup usun chon Isip me pelian kewe, ‘Ekewe aramas resap sirkomsais ra mäla lon maun, ra feitiu ikei o konola.’   
\p
\v 22 Asiria a pwal nom lon ei leni fiti nöün mwicheichen sounfiu meinisin ra nom ünükün lon peiaser. Iwe, ir meinisin ra mäla lon maun.  
\v 23 Peiaser kewe ra nom epin ewe lenien sotup, nge nöün mwicheichen sounfiu ra kon ünükün peiasan. Iwe, ir meinisin ra mäla lon maun, nge me lom ra afisätä niuokus won fanüen chon manau.   
\p
\v 24 Elam a pwal nom, nge nöün mwicheichen sounfiu ra kon ünükün peiasan. Ir meinisin ra mäla lon maun. Iwe, me lom ra afisätä niuokus won fanüen chon manau, nge iei ra feitiu leutun fanüfan, ir chokewe resap sirkomsais, ra pwal uwei ar itengau fiti chokewe ra fen nom lon ewe lenien sotup.  
\v 25 Ra ngeni Elam an lenien kon lein chokewe mi mäla lon maun, nge nöün mwicheichen sounfiu ra peias ünükün. Ir meinisin resap sirkomsais ra mäla lon maun. Me lom ra afisätä niuokus won fanüen chon manau, nge iei ra kon lein chokewe mi mäla, ra uwei ar itengau fiti chokewe ra fen nom lon ewe lenien sotup.   
\p
\v 26 Mesek me Tupal ra pwal nom lon ei leni, nge peiasen nöür mwicheichen sounfiu meinisin ra nom ünükür. Ir meinisin resap sirkomsais, ra mäla lon maun. Nge me lom ra afisätä niuokus won fanüen chon manau.  
\v 27 Iwe, resap peias usun ekewe chon pwora mi mäla me lomlom, chokewe mi feitiu lon ewe lenien sotup fän ar pisekin maun, fän nöür ketilas mi nom fän mökürer me ar tittin maun mi nom wor. Ekei chon pwora ra afisätä niuokus won fanüen chon manau me lom.  
\v 28 Pwal en, Farao, kopwe mäla o kon lein chokewe resap sirkomsais, lein chokewe mi mäla lon maun.   
\p
\v 29 Etom a pwal nom fiti an kewe king me samol. Ikamwo ir sounfiu mi pwora, nge ra chök peiasfengen me chokewe mi mäla lon maun. Ra kon ren chokewe resap sirkomsais, ra fen feitiu lon lenien sotup.   
\p
\v 30 Iwe, ekewe samol meinisin seni efeng, pwal ekewe chon Siton meinisin ra nom. Ra feitiu fän ar säw ren chokewe mi ninnila, inamwo ika ar pwora a eniwokusu aramas me lom. Ir chokewe resap sirkomsais, ra kon ren chokewe mi mäla lon maun, ra pwal uwei ar itengau fiti chokewe mi feitiu lon ewe lenien sotup.  
\v 31 Iwe, Farao me nöün mwichen sounfiu repwe chipila lon ar feiengau, lupwen repwe küna chokewe meinisin mi mäla lon maun, iei aloi ngang Kot ewe Samol mi Lapalap.  
\v 32 Pun me lom üa föri pwe Farao a afisätä niuokus won fanüen chon manau. Nge iei i me nöün mwicheichen sounfiu repwe mäla o peiasfengen me chokewe resap sirkomsais, ra fen mäla lon maun,” iei alon Kot ewe Samol mi Lapalap.   
\c 33  
\s1 Wisen ewe chon mas  
\sr 33.1-9  
\r (Is 3.16-21)  
\p
\v 1 Iwe, ewe Samol mi Lapalap a kapas ngeniei,  
\v 2 “Nöün aramas, kopwe fos ngeni aramasom o üreniir: Lupwen üa awarato maun won eu fanü, nge aramasen ewe fanü ra fili eman mwän me leir o awisa ngeni wisen chon mas,  
\v 3 ätewe a apu ewe säwiin asilesil, lupwen a küna pwe chon oputer ra war, pwe aramas repwe silei.  
\v 4 Iwe, are eman a rongorong puun ewe säwi, nge esap aleasochisi, a püsin tipis ngeni manauan, are chon oputan ra feito o niela.  
\v 5 Iwe, a rongorong puun säwi, nge esap aleasochisi, iei mine a püsin tipis ngeni manauan. Nge are epwe aleasochisi, epwe amanaua manauan.  
\v 6 Nge are ewe chon mas a küna pwe chon oputer ra war, nge esap apu ewe säwiin asilesil pwe aramas resap silei usun, ätewe a tipis ngeni manauen eman me eman aramas mi mäla ren. Iwe, ir repwe mäla lon ar tipis, nge ewe chon mas epwe angei chappen an tümwününgau.   
\p
\v 7 Nge en, nöün aramas, üa awisa ngonuk wisen eman chon mas fän iten chon Israel. Iteiten fansoun, lupwen kopwe rongorong eu kapasen fön seniei, kopwe fönöör ren.  
\v 8 Ika ngang üpwe üreni eman chon föföringau, ‘Kopwe fokun mäla, en chon föföringau,’ nge kosap fönöü pwe epwe kul seni an föföringau, ätewe epwe mäla lon an tipis, nge en kopwe angei chappen om tümwününgau.  
\v 9 Iwe, are kopwe fönöü eman chon föföringau pwe epwe kul seni an föföringau, nge esap kul seni, ätewe epwe mäla pokiten an tipis, nge en kopwe amanaua manauom.”   
\s1 Än Kot föför a pwüng  
\sr 33.10-20  
\p
\v 10 Iwe, ewe Samol mi Lapalap a kapas ngeniei, “Nöün aramas, kopwe üreni ekewe chon Israel, pwe iei usun mine ra apasa, ‘Ach pupungau me ach tipis ra nonom woch, nge ir popun ach feiengau. Ifa usun ach sipwe tongeni manau?’  
\v 11 Iwe, kopwe üreniir: Mwo manauei, aloi ngang Kot ewe Samol mi Lapalap, üsap pwapwaiti mälan eman chon föföringau, nge üa mochen pwe ewe chon föföringau epwe kul seni an tipis o manau. Ämi chon Israel, oupwe ükütiu seni ämi föföringau. Pun pwota oua mochen mäla?  
\v 12 Iwe, en nöün aramas, kopwe üreni aramasom: Are eman chon pwüng a tipis, an kewe föförün pwüng resap tongeni amanaua. Nge are eman chon föföringau a ükütiu le föföringau, an kewe föföringau resap afeiengaua. Iwe, are eman chon pwüng a föri tipis, esap tongeni küna manau ren an kewe föförün pwüng a föri me lom.  
\v 13 Are üa pwon ngeni eman chon pwüng pwe epwe fokun manau, nge i a chök apilükülükü püsin an pwüng o föri tipis, an kewe föförün pwüng meinisin üpwe manlükala, nge epwe chök mäla pokiten förian kewe tipis.  
\v 14 Iwe, are üa apasa ngeni eman chon föföringau, ‘Kopwe fokun mäla,’ nge i a ükütiu le tipis o föri mine a pwüng me wenechar,  
\v 15 are a aliwini ngeni ewe chon liwinimang asisilen an pwon, are a pwal aliwini mine a soläni o tümwünü ekewe allük aramas ra küna manau ren, nge esap föri tipis, ätewe epwe fokun manau, nge esap mäla.  
\v 16 Üpwe amusala an kewe tipis meinisin a föri. Iwe, pokiten a föri mine a pwüng me wenechar, epwe fokun manau.   
\p
\v 17 Iwe, aramasom ra chök apasa, ‘Än ewe Samol föför esap pwüng.’ Nge püsin ar föför esap fokun pwüng.  
\v 18 Are eman aramas mi pwüng a ükütiu seni an föförün pwüng o föri mine a pwüngingau, epwe mäla ren.  
\v 19 Nge are eman aramas mi pwüngingau a ükütiu le föföringau o föri mine a pwüng me wenechar, epwe püsin amanaua manauan.  
\v 20 Iwe, oua chök apasa, ‘Än ewe Samol föför esap pwüng.’ Ngang üpwe apwüngükemi chon Israel lon ükükün ämi föför.”   
\s1 Pworausen än Jerusalem tala  
\sr 33.21-33  
\p
\v 21 Lon engol me ruuen ierin ach oola, lon alimuen ränin ewe aengolun maram, eman mwän mi sü seni Jerusalem a feito rei o apasa, “Ewe telinimw a tala.” \x + \xo 33.21 \xt 2.King 25.3-10; Jer 39.2-8; 52.4-14\x*  
\v 22 Lon ewe pwinin mwen ewe chon sü a war, üa mefi pwe ewe Samol mi Lapalap a nom rei ren an manaman. Iwe, Kot a atufichiei pwe üa silesefäl kapas mwen ewe mwän a feito rei lon ewe sosoran. Ina usun üa tufichsefäl le kapas.   
\p
\v 23 Iwe, ewe Samol mi Lapalap a kapas ngeniei,  
\v 24 “Nöün aramas, chokewe mi imweimw lon ekewe telinimw mi tala lon ewe fanü Israel ra chök eäni ei kapas, ‘Apraham a chök aleman, nge a fanüeni ei fanü. Nge äm aia chomong, iei mine ei fanü fanüach.’  
\v 25 Iei mine kopwe üreniir mine ngang Kot ewe Samol mi Lapalap üa apasa: Oua ochoch ochämi fituk mi cha, oua fel ngeni ämi kewe uluulun anümwäl o nimanauei aramas. Ifa usun, ämi oupwe fanüeni ei fanü?  
\v 26 Oua apilükülükü nöümi ketilas, oua pwal föri föför mi anioput. Iteiten eman me eman leimi a lisowu ngeni pwülüen chon arun. Ifa usun, ämi oupwe tongeni fanüeni ei fanü?  
\v 27 Iwe, kopwe üreniir pwe iei aloi ngang Kot ewe Samol mi Lapalap: Mwo manauei, chokewe mi imweimw lon ekewe telinimw mi tala repwe mäla ren ketilas, chokewe mi nom lemäl üpwe ngeni ekewe manmwacho pwe repwe ocheer, nge ekewe mi op lon imwen maun me föimw repwe mäla ren mätter.  
\v 28 Üpwe awili ei fanü ngeni wesewesen fanüapö. Iwe, ar pöchökül ra aingaing won epwe wesila, nge ekewe chukun Israel repwe sön, pwe esap wor eman epwe tongeni fetal wor.  
\v 29 Iwe, lupwen üa awili ewe fanü ngeni wesewesen fanüapö pokiten ar kewe föför mi anioput meinisin ra föri, mürin repwe silei pwe ngang ewe Samol mi Lapalap.   
\p
\v 30 Nöün aramas, aramasom ra fosfengen lefiler usum, lupwen ra chufengen arun tittin ewe telinimw ika leasamalapen imwer kewe. Iwe, ra kapasfengen lefiler, ‘Ousipwe feila o rongorong ewe kapas seni ewe Samol mi Lapalap.’  
\v 31 Iwe, nei aramas repwe mwicheto reöm o mot me mwom pwe repwe aüselinga om kapas, nge resap aleasochis ngeni. Pun awer a pwärätä ar echeniei, nge letiper a chök mocheniaiti moni fän pwüngingau.  
\v 32 Nengeni, ka chök usun eman souköl me rer mi ngiöch le köl kölün amümü, ika usun eman mi silelap le ettiki pisekin ettik, pun ra aüselinga om kapas, nge resap fokun aleasochis ngeni.  
\v 33 Nge lupwen om kewe kapas repwe fis, pun repwe fokun fis, mürin chon Israel repwe silei pwe eman soufos a nom lefiler.”   
\c 34  
\s1 Kapasen osuni usun feiengauen ekewe chon masen Israel  
\sr 34.1-31  
\p
\v 1 Iwe, ewe Samol mi Lapalap a kapas ngeniei,  
\v 2 “Nöün aramas, kopwe osuni usun feiengauen ekewe sounemenem, ir ekewe chon masen Israel, kopwe osuni usur o üreniir, pwe iei aloi ngang Kot ewe Samol mi Lapalap: Feiengauemi, ämi chon masen Israel, pun oua püsin tümwünükemi. Ifa usun, sap wisen chon mas pwe repwe tümwünü sip?  
\v 3 Ämi oua ünümi ewe milik, oua üföüf üf seni ülen sip, oua pwal niela o ochei fituken ekewe man mi öümanau, nge ousap fokun tümwünü ekewe sip.  
\v 4 Iwe, ämi ousap tümwünü ekewe chon apwangapwang o apöchöküla ekewe chon samau, ousap filiti kinasen chokewe mi kinas, ousap aliwini ekewe chon malechela, ousap pwal kütta ekewe chon pöütüla, nge oua nemeniir fän echimw me pöchökül.  
\v 5 Iei mine ekewe sip ra toropasfeil, pun esap wor ar chon mas. Iwe, ekewe manmwacho ra ocheer. \x + \xo 34.5 \xt Num 27.17; 1.King 22.17; Mat 9.36; Mark 6.34\x*  
\v 6 Nei sip kana ra malechfeil won ekewe chukutekison me ekewe chukutekia. Iwe, ra toropasfeil won unusen fanüfan, nge esap wor eman a kütteer ika tümwünüür.   
\p
\v 7 Iei mine ämi kewe chon mas oupwe rongorong aloi ngang ewe Samol mi Lapalap.  
\v 8 Mwo manauei, ngang Kot ewe Samol mi Lapalap üa apasa: Nei sip kana ra oola pwe ekewe manmwacho ra ocheer, pun esap wor ar chon mas. Iwe, nei kewe chon mas resap kütta nei sip kana, pwe ra püsin tümwünüür, nge resap tümwünü nei sip kana.  
\v 9 Iei mine ämi kewe chon mas oupwe rongorong aloi:  
\v 10 Ngang Kot ewe Samol mi Lapalap üa apasa: Üa ü ngenikemi, ämi chon mas. Üpwe angei senikemi nei kewe sip o awesikemi seni wisen chon mas, pwe ousap chüen tongeni püsin tümwünükemi. Iwe, üpwe amanaua nei kewe sip senikemi, pwe ousap chüen tongeni ocheer.   
\p
\v 11 Pun iei aloi ngang Kot ewe Samol mi Lapalap: Püsin ngang üpwe kütta nei sip kana o tümwünüür.  
\v 12 Usun eman chon mas a kütta nöün pwiin sip mi toropasfeil o achufengeniir, ina usun üpwe achufengeni nei sip kana o tümwünüür. Iwe, üpwe amanaueer seni ekis meinisin ia ra toropasfeil ie lon fansoun räningau me rochokich.  
\v 13 Üpwe emwenirewu seni lein ekewe mwü, üpwe pwal achufengeniir seni lon ekewe fanü o emwenirelong lon poputän fanüer. Üpwe amongöör won ekewe chukun Israel, ünükün ekewe chanpupu, pwal lon ekewe leni meinisin mi so lon ewe fanü.  
\v 14 Üpwe amongöü ngeniir fetil mi mürina, repwe kütta ener mongö me won ekewe chukun Israel. Ikenan repwe kon won leni mi mürina fän kinamwe o kütta ener mongö mi annö won ekewe chukun Israel.  
\v 15 Iwe, püsin ngang üpwe chon masen nei sip kana, üpwe kütta eu leni ia ra tongeni asösö ie. Ngang Kot ewe Samol mi Lapalap üa kapas.  
\v 16 Üpwe kütta chokewe mi pöütüla o aliwini chokewe mi malechela, üpwe filiti kinasen chokewe mi kinas o apöchöküla chokewe mi apwangapwang, nge üpwe arosala chokewe mi öümanau o pöchökül, pun ngang eman chon mas mi föri mine a pwüng.   
\p
\v 17 Iwe, iei aloi ngang Kot ewe Samol mi Lapalap ngeni ämi nei sip kana: Üpwe apwüngükemi o aimwüfeseni ekewe sip mi mürina seni ekewe mi ngau, ekewe ätemwänin sip seni ekewe ätemwänin kuuch.  
\v 18 Ifa usun, esap ku ngenikemi ämi mongö ekewe fetil mi mürina, pwe oua pwal purätiu mine a lusun? Ifa usun, esap ku ngenikemi ämi ün seni ewe koluk mi fat, pwe oua pwal apölökü ren pechemi mine a lusun?  
\v 19 Ifa usun, nei sip kana repwe mongö mine oua purätiu fän pechemi, repwe pwal ün mine oua apölökü ren pechemi?   
\p
\v 20 Iei mine ngang Kot ewe Samol mi Lapalap üa ürenikemi: Ngang üpwe püsin apwüngükemi o aimwüfeseni ekewe sip mi kitinup seni ekewe sip mi kichüchü.  
\v 21 Ämi oua etia ren möküremi me lepekimi ekewe mi apwangapwang, oua pwal pureer ren mächämi tori ra toropasfeil ekis meinisin.  
\v 22 Iei mine üpwe amanaua nei sip kana, pwe esap chüen wor eman epwe ariaföüür, üpwe pwal apwüngüür meinisin o aimwüfeseni ekewe sip mi mürina seni ekewe mi ngau.  
\v 23 Iwe, üpwe awisa eman chök chon mas pwe epwe tümwünüür. I epwe usun chök nei chon angang Tafit, epwe foleniir, epwe pwal ar chon mas. \x + \xo 34.23 \xt Pwär 7.17\x*  
\v 24 Iwe, ngang ewe Samol mi Lapalap üpwe ar Kot, nge eman king usun nei chon angang Tafit epwe nemeniir. Ngang ewe Samol mi Lapalap üa kapas. \x + \xo 34.24 \xt Is 37.24\x*   
\p
\v 25 Iwe, üpwe föri eu pwonen kinamwe lefiler me ngang o arosala manmwachon ewe fanü, pwe nei sip kana repwe nonom lon fanüapö fän kinamwe o möür lein ekewe wöllap.  
\v 26 Üpwe uwato feiöch wor, pwal won ewe fanü ünükün chuki mi pin, üpwe apüngätiu üt lon fansoun fich, nge ewe üt epwe eu ütten feiöch.  
\v 27 Ekewe irän lemäl repwe ukua, nge pwülün fanü epwe ämärätä irä mi mürina. Iwe, ekewe aramas repwe nom lon fanüer fän kinamwe. Lupwen üpwe mwüti fööför kewe selimächä o angaseer seni chokewe mi nöüniir amanau, mürin repwe silei pwe ngang ewe Samol mi Lapalap.  
\v 28 Iwe, chon ekewe mwü resap chüen liapeniir, manmwachon ewe fanü resap chüen ocheer, pwe repwe nonom fän kinamwe, nge esap wor eman epwe chüen eniwokusuur.  
\v 29 Iwe, üpwe awora tanipi mi mürina fän iter, pwe resap chüen mäla ren echik lon ewe fanü, resap pwal chüen itengau me ren chon ekewe mwü.  
\v 30 Mürin repwe silei pwe ngang ar Kot ewe Samol mi Lapalap üa nonom rer, repwe pwal silei pwe ir chon Israel nei aramas. Ngang Kot ewe Samol mi Lapalap üa kapas.  
\v 31 Pun ämi nei sip kana, üa folenikemi ämi nei aramas, nge ngang ämi Kot,” iei alon Kot ewe Samol mi Lapalap.   
\c 35  
\s1 Kapasen osuni usun feiengauen Etom  
\sr 35.1-15  
\p
\v 1 Iwe, ewe Samol mi Lapalap a kapas ngeniei,  
\v 2 “Nöün aramas, kopwe newenewen ngeni ewe fanü Etom o osuni usun feiengauan.  
\v 3 Iwe, kopwe üreni ekewe aramas pwe iei aloi ngang Kot ewe Samol mi Lapalap:  
\q1 Üa ü ngonuk, en chukun Etom.  
\q1 Üpwe föri pwe kopwe wiliti eu fanüapö.   
\q1
\v 4 Üpwe ataela om kewe telinimw, pwe kopwe wiliti eu fanüapö.  
\q1 Mürin kopwe silei pwe ngang ewe Samol mi Lapalap.   
\p
\v 5 Iwe, fansoun langatam ka chou ngeni chon Israel o oputeer, ka pwal asechirela pwe repwe mäla ren ketilas lon fansoun ar feiengau, lupwen ra tolong lon apwüngün lesopolan.  
\v 6 Mwo manauei, ngang Kot ewe Samol mi Lapalap üa apasa: Pokiten ka föri ei, üpwe föri pwe aramas repwe nimanaueek, nge kosap tongeni sü seniir. Pokiten ka tipisin nimanau, kopwe püsin küna nimanau.  
\v 7 Ewer, üpwe awili ewe chukuchukutän Etom ngeni fanüapö o ärala chokewe meinisin mi saifetal won.  
\v 8 Iwe, üpwe pwölüela chukum kewe mi tekia ren somä, nge aramas mi mäla lon maun repwe turula won chukum mi tekison, pwal lon om kewe lemol me pwokur.  
\v 9 Iwe, üpwe awili ngonuk eu fanüapö feilfeilachök, pwe om kewe telinimw resap chüen so. Mürin kopwe silei pwe ngang ewe Samol mi Lapalap.   
\p
\v 10 Iwe, ka apasa, ‘Üpwe nemeni ekei ruu mwü Juta me Israel, üpwe fanüeni fanüer, inamwo ika ewe Samol mi Lapalap a nonom lon.’  
\v 11 Iei mine ngang Kot ewe Samol mi Lapalap üa apasa: Mwo manauei, üpwe liwini ngonuk ükükün ewe song me lolowo ka eäni ngeniir, lupwen ka pwäri ngeniir om oputeer. Iwe, repwe silei pwe ngang üa apwünguk pokiten mine ka föri ngeniir.  
\v 12 Mürin ämi aramasen Etom oupwe silei, pwe ngang ewe Samol mi Lapalap üa rongorong iteiten kapasen turunufas oua eäni ngeni ekewe chukun Israel, lupwen oua apasa usur, ‘Ra tala o pön, ra oolong lepöüch pwe sipwe fanüeniir.’  
\v 13 Ngang üa püsin rongorong chomongun ämi kapasen tunosikesik oua ü ngeniei ren.  
\v 14 Iei aloi ngang Kot ewe Samol mi Lapalap: Chon fanüfan meinisin repwe pwapwa, lupwen üpwe awiluk ngeni eu fanüapö.  
\v 15 Pokiten ka pwapwa pwe ewe fanüen chon Israel a tala, üpwe pwal föri ngonuk mine a fis ngeniir. Iwe, kopwe pwal tala, en chuk Seir me unusen ewe fanü Etom. Mürin aramas meinisin repwe silei pwe ngang ewe Samol mi Lapalap.” \x + \xo 35.15 \xt Ais 34.5-17; 63.1-6; Jer 49.7-22; Is 25.12-14; Am 1.11-12; Op 1-14; Mal 1.2-5\x*   
\c 36  
\s1 Kot epwe aüsefälietä Israel  
\sr 36.1-38  
\p
\v 1 Iwe, ewe Samol mi Lapalap a apasa, “Nöün aramas, kopwe osuni usun ekewe chukun Israel o üreniir: Ämi chukun Israel, oupwe rongorong aloi  
\v 2 ngang Kot ewe Samol mi Lapalap: Chon oputakemi ra apasa usumi, ‘Ää, ekewe leni tekia mi nom seni me lomlom ra wiliti leniach.’  
\v 3 Iei mine kopwe osuni o asile ngeniir mine ngang Kot ewe Samol mi Lapalap üa apasa: Lupwen ekewe mwü ünükümi ra liapenikemi o atakemi, ekewe lusun mwü ra lenienikemi, ra pwal ngününgünükemi o turunufaseekemi.  
\v 4 Iei mine oupwe rongorong aloi ngang Kot ewe Samol mi Lapalap, ämi kewe chukutekia me chukutekison, ämi kewe öüwö me lemol, pwal ämi kewe leni mi tatakis me ämi kewe telinimw ousap chüen so, mi oola o küna turunufas me ren chon ekewe mwü mi nom ünükümi.  
\v 5 Iei usun mine ngang Kot ewe Samol mi Lapalap üa apasa: Fän puropuren ai song üa pälüeni ekewe mwü mi nom ünükümi, pwal unusen ewe fanü Etom, pun ra angei fanüei pwe repwe fanüeni fän pwapwamongun letiper me ar turunufas, ra pwal liapeni ekewe leni a mär fetil lon fän iten enen man.  
\v 6 Iei mine kopwe osuni usun ewe fanü Israel o üreni ekewe chukutekia me chukutekison, pwal ekewe öüwö me ekewe lemol, pwe iei aloi ngang Kot ewe Samol mi Lapalap: Nengeni, fän puropuren ai lingeringer üa kapas, pun oua riaföü ren än chon ekewe mwü turunufaseekemi.  
\v 7 Iei mine ngang Kot ewe Samol mi Lapalap üa pwon fän akapel pwe ekewe mwü mi nom ünükümi repwe pwal püsin riaföü ren ar küna turunufas.   
\p
\v 8 Nge ekewe chukun Israel repwe apwükü irä o afisätä ua fän itemi nei kewe aramasen Israel, pun oupwe müttir liwiniti fanüemi.  
\v 9 Iwe, üpwe pelienikemi o kul ngenikemi, üpwe pwal föri pwe epwe wor tanipi won fanüemi.  
\v 10 Üpwe achomongakemi ämi chon Israel. Ekewe telinimw repwe sosefäl, nge ekewe imw mi tala repwe kaüsefälitä.  
\v 11 Iwe, üpwe achomonga aramas me man won ewe fanü, oupwe oupwukemiitiu o chomongola. Üpwe asoi leniemi ren aramas usun lon ekewe fansoun lom, nge üpwe alapala feiöchümi seni me mwan. Mürin oupwe silei pwe ngang ewe Samol mi Lapalap.  
\v 12 Iwe, üpwe aliwinisefälikemi ämi nei aramasen Israel, pwe oupwe asosefäli ewe fanü o fanüeni, nge nöümi kewe resap chüen mäla ren echik me won.  
\v 13 Iei aloi ngang Kot ewe Samol mi Lapalap: Pokiten aramas ra apasa usun ewe fanü Israel, pwe a ochoch aramas o niela püsin nöün,  
\v 14 iei mine seni lon ei fansoun esap chüen ochoch aramas, esap pwal chüen niela püsin nöün. Ngang Kot ewe Samol mi Lapalap üa kapas.  
\v 15 Üpwe pinei än ekewe mwü kapasen turunufasei ewe fanü o aükätiu ar ämängaua. Üpwe pwal föri pwe ewe fanü esap chüen angei seni mwün Israel nöün kana. Ngang Kot ewe Samol mi Lapalap üa kapas.”   
\p
\v 16 Iwe, ewe Samol mi Lapalap a kapas ngeniei,  
\v 17 “Nöün aramas, lupwen chon Israel ra nom lon püsin fanüer, ra alimengaua ren lapalapen ar föför. Iwe, ar föför a usun chök limengauen eman fefin, lupwen a tori an samaun maram.  
\v 18 Iei mine üa awarato ai lingeringer wor, pokiten ra nimanauei aramas lon ei fanü, pwal pokiten ekewe uluulun anümwäl ra alimengaua fanüer ren.  
\v 19 Iwe, üa apwüngüür won ükükün ar föför o atoropasafeiliir lein chon ekewe mwü, pwe ra toropasfetal lon ekewe fanü.  
\v 20 Nge lupwen ra tori chon ekewe mwü, ra aitengaua itei mi pin ekis meinisin, pun aramas ra apasa usur, ‘Inamwo ika ir nöün ewe Samol mi Lapalap aramas, nge ra chök towu seni fanüan.’  
\v 21 Iwe, ngang üa ekiekin tümwünü iteüöchün itei mi pin, nge chon Israel ra chök aitengaua lein chon ekewe mwü ia ra feila ie.   
\p
\v 22 Iei mine kopwe üreni ekewe chon Israel pwe iei aloi ngang Kot ewe Samol mi Lapalap: Mine üpwe föri, üsap föri fän itemi chon Israel, nge üpwe föri fän iten iteüöchün itei mi pin, oua aitengaua lein chon ekewe mwü ia oua feila ie.  
\v 23 Üpwe aüöchüsefäli pinin itei mi tekia, ämi oua aitengaua me lein chon ekewe mwü. Mürin chon ekewe mwü repwe silei pwe ngang ewe Samol mi Lapalap, lupwen üpwe pwäri ngeniir pwe üa pin me remi. Ngang Kot ewe Samol mi Lapalap üa kapas.  
\v 24 Iwe, üpwe angeekemi seni lein ekewe mwü o achufengenikemi seni lon ekewe fanü meinisin, üpwe pwal aliwinikemiilong lon püsin fanüemi.  
\v 25 Üpwe äsupu ngenikemi koluk mi fat pwe oupwe limöch. Üpwe alimöchükemi seni ämi limengauen tipis meinisin, pwal seni ämi kewe uluulun anümwäl meinisin.  
\v 26 Iwe, üpwe ngenikemi eu leluk mi fö, üpwe pwal fangelong lomi eman ngün mi fö. Üpwe angei me leutumi ewe leluk mi pöchökül usun fau o ngenikemi eu leluk mi pwetete.  
\v 27 Üpwe fangelong lomi Ngüni, pwe oupwe tümwünüöchü ai kewe pwüüng o aleasochisi ai kewe allük.  
\v 28 Oupwe nonom lon ewe fanü üa ngeni ämi kewe lewo. Iwe, oupwe nei aramas, nge ngang üpwe ämi Kot. \x + \xo 36.28 \xt Is 11.19-20\x*  
\v 29 Üpwe angasakemi o limetikemi seni ämi limengauen tipis meinisin. Iwe, üpwe achomongato wiich, nge üsap chüen tinato lengita remi.  
\v 30 Üpwe achomongato uän ekewe irä o asomwala resin ekewe tanipi, pwe esap chüen wor lengita oupwe itengau ren me lein chon ekewe mwü.  
\v 31 Mürin oupwe chechemeni ämi lapalapangau me ämi föföringau, nge oupwe püsin anioputakemi pokiten ämi tipis me ämi föför mi anioput.  
\v 32 Üa mochen pwe oupwe fokun silei, pwe mine üpwe föri, üsap föri fän itemi, ämi chon Israel. Oupwe säw o itengau ren ämi föföringau. Ngang Kot ewe Samol mi Lapalap üa kapas.”   
\p
\v 33 Iei alon Kot ewe Samol mi Lapalap, “Lon ena fansoun, lupwen üpwe limeti senikemi ämi tipis, üpwe asosefäli ekewe telinimw, nge ekewe imw mi tala repwe kaüsefälitä.  
\v 34 Iwe, aramas repwe tanipinisefäli ewe fanü mi tala, inamwo ika a fanüapö me mwan me ren chokewe mi pwerela lon.  
\v 35 Iwe, repwe apasa, ‘Ei fanü mi tala me lom a usun chök ewe tanipi Eten. Ekewe telinimw mi turula o tatakis, resap pwal chüen so, iei ra kaüsefälitä o so, a pwal pöchökül tittir.’  
\v 36 Mürin, chon ekewe mwü mi chüen nom ünükümi repwe silei pwe ngang ewe Samol mi Lapalap, üa aüsefälietä ekewe telinimw mi tatakis, üa pwal tanipinisefäli mine a tala. Ngang ewe Samol mi Lapalap üa kapas, üpwe pwal apwönüetä.”   
\p
\v 37 Iei alon Kot ewe Samol mi Lapalap, “Üpwe awirisefäli än chon Israel tüngor o achomongeer usun epwi pwiin sip.  
\v 38 Ekewe telinimw mi tatakis iei repwe masou ren mwicheichen aramas, usun Jerusalem a masou ren chomongun mönün asor lupwen fansoun ar kewe chulap mi pin. Mürin repwe silei pwe ngang ewe Samol mi Lapalap.”   
\c 37  
\s1 Ewe lemol mi ur ren chü mi pwas  
\sr 37.1-14  
\p
\v 1 Iwe, üa mefi pwe ewe Samol mi Lapalap a nom rei ren an manaman, nge Ngünün a panieila lukalapen eu lemol mi ur ren chün aramas.  
\v 2 Mürin a emwenifetaleei lon ewe lemol, nge üa küna pwe ekewe chü ra fokun chomong lon, ra pwal fokun pwasapwas meinisin.  
\v 3 Iwe, a aisiniei, “Ifa usun, nöün aramas, epwe tufich pwe ekei chü repwe manausefäl?” Nge üa pälüeni, “Ai Kot Samol mi Lapalap, en chök ka silei.”  
\v 4 Mürin a pwal kapassefäl ngeniei, “Kopwe osuni usun ekei chü. Kopwe üreni ekei chü mi pwasapwas, pwe repwe rongorong alon ewe Samol mi Lapalap.  
\v 5 Iei aloi ngang Kot ewe Samol mi Lapalap ngeni ekei chü: Nengeni, üpwe wusalong lomi enienin ngasangasen manau pwe oupwe manausefäl.  
\v 6 Üpwe afisi föüicho womi o ämäri fitukemi, üpwe pwölü ngenikemi ünüch o wusalong lomi enienin ngasangasen manau pwe oupwe manau. Mürin oupwe silei pwe ngang ewe Samol mi Lapalap.”   
\p
\v 7 Iwe, üa osuni usun mine Kot a allük ngeniei. Nge lupwen üa osuni, a fis och akürang, usun chök och chopuchop. Iwe, ekewe chü ra chufengen efoch ngeni efoch.  
\v 8 Nge lupwen üa nenengeni, a fis föüicho wor, fituk a mär wor, ra pwal pwölüpwölüla ren ünüch, nge esamwo wor enienin ngasangasen manau lor.  
\v 9 Mürin, Kot a üreniei, “Nöün aramas, kopwe osuni ngeni ewe enienin ngasangas \f + \fr 37.9 \ft a pwal wor wewen ei kapas “enienin ngasangas” lon fosun Ipru: asepwäl ika ngün\f*, kopwe osuni ngeni o üreni pwe iei aloi ngang Kot ewe Samol mi Lapalap: En enienin ngasangas, kopwe enito seni lepelien fanüfan me rüanü o eniti ekei somä, pwe repwe manausefäl.”  
\v 10 Iei mine üa osuni usun mine Kot a allük ngeniei. Iwe, enienin ngasangas a tori ekewe somä pwe ra manausefäl o ütä. Iwe, a fokun lapalap ar we mwich. \x + \xo 37.10 \xt Pwär 11.11\x*   
\p
\v 11 Mürin, Kot a üreniei, “Nöün aramas, wewen ekei chü ekewe aramasen Israel meinisin. Nengeni, ra apasa, ‘Chüch kewe ra pwasapwas, ach apilükülük a morola, sa fokun ärela.’  
\v 12 Iei mine kopwe osuni o üreniir pwe iei aloi ngang Kot ewe Samol mi Lapalap: Üpwe suki peiasemi o amanauasefälikemiitä seni me lon, ämi nei aramas, üpwe pwal aliwinikemiila lon ewe fanü Israel.  
\v 13 Iwe, lupwen üpwe suki peiasemi o amanauasefälikemiitä seni me lon, ämi nei aramas, mürin oupwe silei pwe ngang ewe Samol mi Lapalap.  
\v 14 Üpwe fangelong lomi Ngüni pwe oupwe manau, üpwe pwal aleniakemi lon poputän fanüemi. Mürin oupwe silei pwe ngang ewe Samol mi Lapalap üa kapas, üpwe pwal apwönüetä,” iei alon ewe Samol mi Lapalap.   
\s1 Kapasen osuni usun mwün Juta me Israel repwe chufengensefäl  
\sr 37.15-28  
\p
\v 15 Iwe, ewe Samol mi Lapalap a kapas ngeniei,  
\v 16 “Nöün aramas, kopwe angei efoch wok o makei ekei kapas won, ‘Mwün Juta.’ Mürin kopwe angei pwal efoch wok o makei ekei kapas won, ‘Mwün Israel.’  
\v 17 Mürin, kopwe aföüfengeniir pwe repwe wiliti efoch chök wok me lepoum.  
\v 18 Nge are chon fanüom repwe ürenuk, ‘Kose mochen kopwe awewe ngenikem wewen ekana wok,’  
\v 19 kopwe pälüeniir pwe iei aloi ngang Kot ewe Samol mi Lapalap: Üpwe angei ewe wok mi mak Israel won o aföüfengeni me ewe wok mi mak Juta won, pwe repwe wiliti efoch chök wok me lepei.  
\v 20 Iwe, lupwen ekewe wok ka fen makei wor ra nom lepoum, kopwe aküneer ngeni ekewe aramas.  
\v 21 Kopwe üreniir pwe iei aloi ngang Kot ewe Samol mi Lapalap: Üpwe angei ekewe aramasen Israel seni me lein ekewe mwü ia ra oola ie, üpwe pwal achufengeniir seni ekis meinisin o emwenirela lon poputän fanüer.  
\v 22 Üpwe föri pwe repwe eu chök mwichen aramas me lon ewe fanü, pwal won ekewe chukun Israel. Nge eman chök king epwe nemeniir meinisin. Iwe, resap chüen imwüfesen lon ruu mwichen aramas ika ruu mwü.  
\v 23 Resap chüen alimengaueer ren ar kewe uluulun anümwäl me ar föför mi anioput ika sokun ar pupungau. Pwe ngang üpwe amanaueer seni tipisin ar tok seniei, üpwe pwal limeti seniir ar tipis. Iwe, ir repwe nei aramas, nge ngang üpwe ar Kot.   
\p
\v 24 Eman king usun chök nei chon angang Tafit epwe nemeniir, epwe wor eman chök ar chon mas, nge repwe tümwünüöchü le apwönüetä ai kewe allük o aleasochis ngeni ai kewe pwüüng. \x + \xo 37.24 \xt Is 34.24\x*  
\v 25 Iwe, repwe nonom lon ewe fanü ia ar kewe lewo ra fen nonom ie, ewe fanü üa ngeni nei we chon angang Jakop. Repwe nonom lon me nöür pwal mwirimwirir kewe tori feilfeilachök. Nge eman king usun chök nei chon angang Tafit epwe nemeniir tori feilfeilachök.  
\v 26 Üpwe föri eu pwonen kinamwe ngeniir, eu pwon epwe nonom tori feilfeilachök. Üpwe afeiöchüür o achomongeer, üpwe pwal anomu imwei mi pin lefiler, pwe epwe nom tori feilfeilachök.  
\v 27 Iwe, üpwe imweimw lefiler, ngang üpwe ar Kot, nge ir repwe nei aramas kana. \x + \xo 37.27 \xt 2.Kor 6.16; Pwär 21.3\x*  
\v 28 Iwe, lupwen imwei mi pin epwe nonom lefiler tori feilfeilachök, mürin chon ekewe mwü repwe silei pwe ngang ewe Samol mi Lapalap üa apini Israel.”   
\c 38  
\s1 Kapasen osuni usun än Kok epwe feiengau  
\sr 38.1–39.29  
\p
\v 1 Iwe, ewe Samol mi Lapalap a kapas ngeniei,  
\v 2 “Nöün aramas, kopwe newenewen ngeni Kok ewe samollapen Ros, Mesek me Tupal lon ewe fanü Makok, kopwe pwal osuni usun an epwe feiengau. \x + \xo 38.2 \xt Pwär 20.8\x*  
\v 3 Iwe, kopwe üreni pwe iei aloi ngang Kot ewe Samol mi Lapalap: Üpwe ü ngonuk, Kok, en samollapen Ros, Mesek me Tupal.  
\v 4 Üpwe akunukoto o aköü ngächum, üpwe emwenukowu me noum mwichen sounfiu meinisin, noum oris me chon wäniir fän üfer mi ling meinisin, eu mwichemongun sounfiu fän ar tittin maun mi watte me kükün, pwal fän nöür ketilas.  
\v 5 Chon Persia, Kus me Put ra etiir fän ar tittin maun me imwer akkaw,  
\v 6 pwal ekewe mwichen sounfiu seni ewe fanü Komer me Pet Tokarma mi nom efengin fanüfan. Iwe, aramasen chomong mwü ra etuk.   
\p
\v 7 Kopwe tümwünüöch o amolokotä, en me ewe mwicheichen sounfiu mi chufengen reöm, kopwe pwal ar souemwen.  
\v 8 Iwe, mürin chomong rän kopwe antere fän om pisekin maun. Nge lon ekewe ier repwe feito kopwe feila o maun ngeni eu fanü a ngas seni maun o ütäsefäl. Iwe, chon ei fanü ra chufengen seni chomong mwü o liwinto won ekewe chukun Israel, ra tala o pön fansoun langatam. Ekei aramas meinisin ra liwinto seni ekewe mwü o nonom fän kinamwe.  
\v 9 Iwe, en me noum kewe mwichen sounfiu meinisin, pwal ekewe mwicheichen aramasen chomong mwü oupwe töpworalong lon ewe fanü usun eu mölümöl. Oupwe usun chök eu kuchu mi pwölüela ewe fanü.”   
\p
\v 10 Iei alon Kot ewe Samol mi Lapalap ngeni Kok, “Lon ena rän kopwe aüfarafarätä ekiekin lelukom usun angangen rawangau.  
\v 11 Iwe, kopwe apasa, ‘Üpwe töpworalong lon eu fanü esap tit, üpwe pwal maun ngeni aramas mi imweimw fän kinamwe lon ekewe telinimw esap wor tittir me asamalaper me lokkur.  
\v 12 Üpwe liapenala pisek o uwala, üpwe pwal maun ngeni ekewe leni mi tala me lom o sosefäl, pwal ngeni ekewe aramas mi chufengen seni ekewe mwü a wor nöür pwiin man me pisekir, ra pwal fanüeni ewe fanü mi nom lukalapen fanüfan.’  
\v 13 Chon Sepa me Tetan, pwal ekewe chon amömö seni Tarsis me chon telinimwan meinisin repwe aisinuk, ‘Ifa usun, ka feito pwe kopwe liapenala pisek? Ka achufengeni noum kewe mwichen sounfiu pwe repwe soläni pisek o uwala silifer me kolt, repwe pwal liapenala pwiin man me pisek o feila fän liaper mi chomong?’   
\p
\v 14 Iei mine, nöün aramas, kopwe osuni o üreni Kok pwe iei aloi ngang Kot ewe Samol mi Lapalap: Lon ena fansoun, lupwen nei aramasen Israel ra nonom fän kinamwe, kopwe ütä  
\v 15 o towu seni lon fanüom mi nom efengin fanüfan, en me aramasen chomong mwü, ir meinisin repwe wawa oris, eu mwichemongun sounfiu mi pwora.  
\v 16 Iwe, kopwe maun ngeni nei aramasen Israel o feitiu wor usun eu mölümöl mi tori ewe fanü. Lon kan fansoun repwe feito üpwe tinukela, Kok, pwe kopwe maun ngeni fanüei, pwe chon ekewe mwü repwe sileei, lupwen üpwe pwärala womw me fän meser pwe üa pin.  
\v 17 Iei alon Kot ewe Samol mi Lapalap: Ifa usun, sap en ätewe üa kapas usun me lom ren nei kewe chon angang ekewe soufosun Israel? Lon ena fansoun ra osuni lon chomong ier usun ai üpwe emwenuketo pwe kopwe maun ngeni Israel.”   
\p
\v 18 Iei alon Kot ewe Samol mi Lapalap, “Lon ewe rän, lupwen Kok epwe feito o maun ngeni ewe fanü Israel, ai song epwe säsewu.  
\v 19 Pun lon ekimongun letipei, pwal lon watten ai lingeringer üa pwärätä, pwe lon ewe rän epwe fis eu chech mi fokun lapalap lon ewe fanü Israel.  
\v 20 Ekewe ikenen leset, ekewe machang, ekewe man mi watte me kükün meinisin, pwal aramasen won fanüfan meinisin repwe chechech me mwei. Chuk kana repwe turula, achau repwe mökküla, nge tit kana meinisin repwe turutiu won pwül.  
\v 21 Üpwe awarato niuokus watte won Kok ren sokopaten feiengau mi fis ngeni. Ngang Kot ewe Samol mi Lapalap üa kapas. Iteiten eman me eman epwe fiu ngeni chiechian fän nöün ketilas.  
\v 22 Iwe, üpwe apwüngü Kok ren mätter me nimanau, pwal ren üttomong me ütten fau. Üpwe apwüngätiu ekkei me primston won Kok me nöün mwichen sounfiu meinisin, pwal won ekewe mwicheichen aramasen chomong mwü mi eti.  
\v 23 Iei usun üpwe pwärala pwe üa itetekia o pin, üpwe pwal föri pwe itei epwe föüla fän mesen aramasen chomong mwü. Mürin repwe silei pwe ngang ewe Samol mi Lapalap.”   
\c 39  
\p
\v 1 “Iwe, nöün aramas, kopwe pwal osuni usun än Kok epwe feiengau. Kopwe apasa pwe iei aloi ngang Kot ewe Samol mi Lapalap: Üpwe ü ngonuk Kok, en samollapen Ros, Mesek me Tupal.  
\v 2 Üpwe akünok o panukoto seni efengin fanüfan, üpwe emwenuketo ngeni ekewe chukun Israel, pwe kopwe maun ngeniir.  
\v 3 Ikenan üpwe pöni poum pwe om likapich epwe turutiu seni pöüimöngum, nge om föün likapich epwe turutiu seni pöüifichum.  
\v 4 Iwe, kopwe mäla won ekewe chukun Israel, en me noum mwichen sounfiu meinisin, pwal ekewe mwicheichen aramasen chomong mwü mi etuk. Inisum üpwe ngeni ekewe machang mi mwacho me ekewe manmwachon lemäl, pwe repwe ocheek.  
\v 5 Kopwe mäla won ekewe leni mi amassawa, pun ngang Kot ewe Samol mi Lapalap üa kapas.  
\v 6 Üpwe tinala ekkei won ewe fanü Makok, pwal won chokewe mi nonom fän kinamwe lon ekewe fanüen aroset. Mürin, aramas meinisin repwe silei pwe ngang ewe Samol mi Lapalap.   
\p
\v 7 Iwe, üpwe pwärala itei mi pin lein nei aramasen Israel, nge üpwe tümwünü pwe itei mi pin esap chüen küna turunufas. Mürin, chon ekewe mwü repwe silei pwe ngang ewe Samol mi Lapalap, Ewe mi Pin lon Israel.  
\v 8 Nengeni, iei ewe rän üa kapas usun, epwe fokun fis o pwönüetä,” iei alon Kot ewe Samol mi Lapalap.   
\p
\v 9 “Mürin, chon ekewe telinimwen Israel repwe towu o ionifengeni ekewe pisekin maun pwe repwe eäniir amwüch. Ekewe tittin maun mi watte me kükün, ekewe likapich me föür kewe, ekewe nifötüföt me siles repwe eäniir amwüch lon ükükün fisu ier.  
\v 10 Iwe, resap chüen kütta amwüch lemal ika pöküpök irä lein ekewe wöllap, pun repwe chök eäni amwüch ekewe pisekin maun. Repwe angei fän pöchökül pisekin chokewe ra angei ar pisek fän pöchökül me lom,” iei alon Kot ewe Samol mi Lapalap.   
\p
\v 11 “Lon ena rän üpwe ngeni Kok eu lenien peias lon Israel lon ewe lemol itan Lemolun chon Sai mi nom ötiuen ewe Setin Mäla. Iwe, chon sai resap chüen tongeni fetal lon, pun Kok me nöün mwicheichen sounfiu repwe peias ikenan. Iei mine ewe lemol epwe iteni ‘Lemolun nöün Kok mwicheichen sounfiu.’  
\v 12 Lon ükükün fisu maram ekewe chon Israel repwe peiaseni ekewe somä, pwe ewe fanü epwe limöchsefäl.  
\v 13 Aramasen ewe fanü meinisin repwe alilisfengen le peiaseniir. Iwe, repwe iteüöch ren ar föri ei lon ewe rän üpwe pwärala ai ling. Ngang Kot ewe Samol mi Lapalap üa kapas.  
\v 14 Iwe, wesin ekewe fisu maram repwe filätä mwän, pwe repwe fetalfeil lon ewe fanü o kütta ekewe somä mi chüen nom won. Repwe ireerela, pwe ewe fanü epwe limöch.  
\v 15 Iwe, lupwen ekewe mwän mi fetalfeil won ewe fanü repwe küna chün eman aramas, repwe asisila ewe leni tori ekewe chon tuw peias repwe feito o ireerela lon ewe Lemolun nöün Kok mwicheichen sounfiu.  
\v 16 (Iwe, epwe pwal wor eu telinimw itan Hamona \f + \fr 39.16 \ft wewen Hamona mwicheich\f* ikenan.) Iei usun repwe limeti ewe fanü.”   
\p
\v 17 Iei alon Kot ewe Samol mi Lapalap, “Nöün aramas, kopwe köri sokopaten machang me manmwacho meinisin, ‘Oupwe feito seni ekis meinisin o mwich, pun üpwe amolätä fän itemi eu asor mi watte won ekewe chukun Israel. Ikenan oupwe ochoch fituk o ün cha.  
\v 18 Oupwe ochei fituken ekewe chon pwora o ünümi chan ekewe samolun fanüfan. Ir meinisin ra ninnila usun chök ätemwänin sip, nienifön sip, kuuch me ätemwänin kow mi öümanau seni Pasan.  
\v 19 Iwe, lon ewe chulapen asor üpwe amolätä fän itemi oupwe ochoch kiris tori oupwe möt, oupwe pwal ün cha tori oupwe pulas.  
\v 20 Üpwe amötükemi me won ai chepel ren oris me chon wäniir, pwal ren chon pwora me sounfiu mi chomong.’ Ngang Kot ewe Samol mi Lapalap üa kapas. \x + \xo 39.20 \xt Pwär 19.17-18\x*   
\p
\v 21 Iwe, üpwe pwärala ai ling lein ekewe mwü, nge aramasen ekewe mwü meinisin repwe küna ai üpwe apwüngüür, pwal ai üpwe afeiengaueer ren ai manaman.  
\v 22 Iwe, seni ewe rän tori feilfeilachök ekewe aramasen Israel repwe silei pwe ngang ewe Samol mi Lapalap ar we Kot.  
\v 23 Nge aramasen ekewe mwü repwe silei pwe ekewe chon Israel ra oola pokiten ar tipis, pun ra kirikiringau ngeniei fän ekisolä. Iei mine üa amona mesei seniir o asechirelong lepöün chon oputeer, pwe repwe mäla lon maun.  
\v 24 Iwe, üa liwini ngeniir ükükün ar limengau me ar pupungau o amona mesei seniir.”   
\p
\v 25 Iwe, Kot ewe Samol mi Lapalap a apasa: “Iei üpwe aliwinala ekewe mwirimwirin Jakop mi oola, üpwe pwal eäni tong ngeni ekewe chon Israel meinisin o tümwünü pwe itei mi pin epwe iteüöch.  
\v 26 Iwe, lupwen repwe nonom lon fanüer fän kinamwe, pun esap chüen wor eman epwe eniwokusuur, repwe manlükala ar itengau pokiten ar kirikiringau ngeniei.  
\v 27 Iwe, lupwen üpwe aliwinato nei aramas seni fanüen chon oputeer meinisin, itei mi pin epwe iteüöchsefäl rer me mwen chomong mwü.  
\v 28 Mürin repwe silei pwe ngang ewe Samol mi Lapalap ar we Kot. Inamwo ika üa tinirela pwe repwe oola lein chon ekewe mwü, üpwe pwal aliwinireto pwe repwe chufengen lon poputän fanüer, nge üsap likitala eman leir lon ekewe mwü.  
\v 29 Üsap pwal chüen amona mesei seniir, pun üpwe tinato Ngüni won ekewe chon Israel. Ngang Kot ewe Samol mi Lapalap üa kapas.”   
\c 40  
\s1 Künan ewe soufos usun ewe Imwenfel  
\sr 40.1–42.20  
\p
\v 1 Iwe, lon rüe me limuen ierin ach oola, lepoputän ewe ier, lon aengolun ränin ewe aeuin maram, pwal iei ewe engol me rüanün ier mürin än Jerusalem tala, lon ewe chök ränin, üa mefi pwe ewe Samol mi Lapalap a nom rei ren an manaman.  
\v 2 Iwe, lon künaei we, Kot a uweeila lon ewe fanü Israel o anomuei won eu chuk mi fokun tekia. Ikenan üa küna me mwei och mi wewe ngeni eu telinimw. \x + \xo 40.2 \xt Pwär 21.10\x*  
\v 3 Lupwen a uweeila ikenan, üa küna eman mwän, inisin a usun chök molupolupen piras. Iwe, a ütä lükün ewe asamalap o amwöchü lepöün eu selippich mi pwech, pwal efoch wokun aükük. \x + \xo 40.3 \xt Pwär 11.1; 21.15\x*  
\v 4 Iwe, ewe mwän a üreniei, “Nöün aramas, kopwe nengeni ren mesom, kopwe pwal aüseling ren selingom o iseis lon letipom meinisin mine üpwe aiti ngonuk, pun iei popun Kot a emwenuketo ikei. Kopwe asile ngeni chon Israel meinisin mine kopwe küna.”   
\p
\v 5 Iwe, üa küna ewe Imwenfel me eu tit a nom pwelin ünükün. Iwe, ewe mwän a angei an wokun aükük, ükükün langataman engol fiit, o aükü ewe tit ren. Iwe, chööchön won ewe tit ükükün engol fiit, nge tekian pwal engol fiit. \x + \xo 40.5 \xt 1.King 6.1-38; 2.Kron 3.1-9\x*  
\v 6 Mürin, ewe mwän a feila ren ewe asamalap mi sape ngeni ötiu, a feito won ekewe fosso o aükü fän ewe asamalap, iwe, chööchön ükükün engol fiit.  
\v 7 A pwal aükü rumwen ekewe chon masen asamalap, langatamer me chölaper ükükün engol fiit, malülün etippen ekewe rum ükükün walu fiit, nge fän ewe asamalap lesopun kangkangan mi sape ngeni ewe Imwenfel ükükün engol fiit.  
\v 8 Mürin a aükü lon kengkangen ewe asamalap ükükün engol me rüanü fiit,  
\v 9 nge malulun etippen ewe kengkang ükükün rüanü fiit. Iwe, kengkangen ewe asamalap a sape ngeni ewe Imwenfel.  
\v 10 Lepekin ewe asamalap mi sape ngeni ötiu a wor wonu rumwen chon mas, ülüngat won epek, ülüngat won epek, nge ükükür a chök wewefengen. Iwe, ekewe etip mi nom lepekin me ruu ra pwal wewefengen.  
\v 11 Mürin, ewe mwän a aükü chölapen lon ewe asamalap ükükün rüe me ruu fiit, nge wäwän lefilen ekewe asamalap ükükün engol me wonu fiit.  
\v 12 Iwe, mwen ekewe rumwen chon mas me ruu pekin a wor eu tit tekian me malülün rüe inis, nge ekewe rumwen chon mas me rüanü pekin ükükün engol fiit.  
\v 13 Mürin a aükü chölapen kengkangen ewe asamalap seni etippen eu ekewe rumwen chon mas me lükisökürün tori etippen pwal eu mi nom awenewenan me epek. Iwe, chölapan ükükün faik me ruu fiit, eu asam a wene ngeni eu asam.  
\v 14 A pwal aükü langatamen ewe kengkang ükükün ilik me rüanü fiit, nge a itilong lon ewe leni lükün Imwenfel.  
\v 15 Iwe, seni fän mesen ewe kengkang tori lükisökürün ükükün walik me ruanü fiit.  
\v 16 A wor asammwacho mi tit ngeni mächä won etippen ekewe rumw me lükün, pwal won etippen lon. Nge won etippen lon a rup liosun ewe irä palm.   
\p
\v 17 Mürin, ewe mwän a emwenieilong lon ewe leni lükün Imwenfel. Ikenan üa küna rum me lenien fetal seni fau ünükün ewe leni lükün Imwenfel, nge ükükün ekewe rum mi sape ngeni ewe lenien fetal ilik.  
\v 18 Ei lenien fetal a pwer ünükün ekewe asamalap, nge chölapan a usun chök langatamen ekewe asamalap. Iei ewe lenien fetal me fan.  
\v 19 Mürin a aükü ewe leni lükün Imwenfel seni lon ewe asamalap fan tori fän mesen asamalapen ewe leni mwen Imwenfel ükükün ipükü wone me walu fiit.  
\p Mürin, ewe mwän a akomwola mwei ngeni efeng.  
\v 20 Ikenan üa küna eu asamalapen ewe leni lükün Imwenfel mi sape ngeni efeng. Iwe, a aükü langataman me chölapan.  
\v 21 Lon ei asamalap a wor ülüngat rumwen chon mas me rüepek, pwal etip mi nom lefiler me kengkangan, ükükür meinisin ra usun chök ükükün ewe aeuin asamalap. Iwe, ükükün langataman walik me rüanü fiit, nge ükükün chölapan faik me ruu fiit.  
\v 22 Iwe, asammwachon me kengkangan pwal liosun ewe irä palm mi rup ra usun chök ekewe mi nom won ewe asamalap mi sape ngeni ötiu. Iwe, a wor fisu fosso mi feitä ren ewe asamalap, nge kengkangan a sape ngeni lon.  
\v 23 Awenewenen ewe asamalap mi sape ngeni efeng a wor eu asamalap mi wenelong lon ewe leni mwen Imwenfel, a usun chök ewe asamalap mi sape ngeni ötiu. Iwe, ewe mwän a aükü lefilen ekei ruu asamalap ükükün ipükü wone me walu fiit.   
\p
\v 24 Mürin, ewe mwän a emwenieila ngeni ör. Ikenan üa küna eu asamalap mi sape ngeni ör. Iwe, a aükü ewe asamalap, nge ükükün a usun chök ükükün ekewe lusun asamalap.  
\v 25 Iwe, won rumwen lepekin ewe asamalap me kengkangan a wor asammwacho usun chök asammwachon ekewe lusun asamalap. Iwe, langatamen kengkangan ükükün walik me rüanü fiit, nge chölapan ükükün faik me ruu fiit.  
\v 26 Iwe, a wor fisu fosso ra feitä ren ewe asamalap, nge kengkangan a sape ngeni lon. Won ekewe etip me rüepek a rup liosun ewe irä palm.  
\v 27 Mi pwal wor eu asamalapen ewe leni mwen Imwenfel mi sape ngeni ör. Iwe, ewe mwän a aükü seni ei asamalap tori pwal ewe eu asamalapen ewe leni lükün mi sape ngeni ör ükükün ipükü wone me walu fiit.   
\p
\v 28 Mürin, ewe mwän a emwenieila ren ewe asamalap mi sape ngeni ör o emwenieilong lon ewe leni mwen Imwenfel. Iwe, a aükü ei asamalap, nge ükükün a usun chök ekewe lusun.  
\v 29 Iwe, ükükün ekewe rumwen chon mas, pwal ükükün etippan me kengkangan ra usun chök ükükün ekewe lusun. Nge a wor asammwacho pwelin ünükün ewe kengkang me ewe lenien tolong. Iwe, langatamen kengkangan ükükün walik me rüanü fiit, nge chölapan ükükün faik me ruu fiit.  
\v 30 (Mi wor kengkang ünükün ewe leni mwen Imwenfel ükükün langatamer faik me ruu fiit, nge ükükün chölaper walu fiit.)  
\v 31 Iwe, kengkangen ewe asamalap a sape ngeni ewe leni lükün Imwenfel. Ekewe etip a rup liosun ewe irä palm wor, nge a wor walu fosso mi feitä ren ewe asamalap.   
\p
\v 32 Mürin, ewe mwän a emwenieila ren ewe asamalap mi sape ngeni ötiu o emwenieilong lon ewe leni mwen Imwenfel. Iwe, a aükü ewe asamalap, nge ükükün a usun chök ekewe lusun.  
\v 33 Iwe, ükükün ekewe rumwen chon mas, pwal ükükün etippan me kengkangan ra usun chök ekewe lusun. Nge a wor asammwacho pwelin ünükün ewe kengkang me ewe lenien tolong. Langatamen kengkangan ükükün walik me rüanü fiit, nge chölapan ükükün faik me ruu fiit.  
\v 34 Iwe, kengkangen ewe asamalap a sape ngeni ewe leni lükün Imwenfel. Won ekewe etip me rüepek a rup liosun ewe irä palm, nge a wor walu fosso mi feitä ren ewe asamalap.   
\p
\v 35 Mürin, ewe mwän a emwenieila ren ewe asamalap mi sape ngeni efeng. Iwe, a aükü ewe asamalap, nge ükükün a usun chök ekewe lusun.  
\v 36 Iwe, ekewe rumwen chon mas, pwal etippan me kengkangan ra usun chök ekewe lusun. Nge a wor asammwacho pwelin ünükün ewe kengkang me ewe lenien tolong. Langatamen kengkangan walik me rüanü fiit, nge chölapan faik me ruu fiit.  
\v 37 Iwe, kengkangen ewe asamalap a sape ngeni ewe leni lükün Imwenfel. Won ekewe etip me rüepek a rup liosun ewe irä palm, nge a wor walu fosso, ra feitä ren ewe asamalap.   
\p
\v 38 A wor eu rum fiti eu asamalap ren ewe kengkang lon iteiten eu me eu kewe asamalapen lon. Ikenan ra talü ekewe mönün asoren kek.  
\v 39 Nge lon kengkangen ewe asamalap a wor akaruu chepel me rüepek, ia ra niela ie ekewe mönün asoren kek me mönün asoren amusamusen tipis, pwal mönün asoren amusamusen pupungau.  
\v 40 Iwe, lükün etippen kengkangen ewe asamalap mi sape ngeni efeng arun ewe latö a wor rüanü chepel, ruu won epek, pwal ruu won epek.  
\v 41 Iei usun a wor rüanü chepel lon ewe kengkang, pwal rüanü lükün, pwe ükükün ekewe chepel meinisin walu, ia ekewe mönün asor ra ninnila ie.  
\v 42 Iwe, a pwal wor rüanü chepel ra för seni fau mi fal fän iten mönün asoren kek. Iwe, ükükün langatamer me chölaper ilik inis, nge tekiar rüe inis. Won ekewe chepel iei lenien iseis pisekin niela ekewe mönün asoren kek me ekewe lusun sokun asor.  
\v 43 Won aamen ekewe chepel a wor eu tit mi päilong won, tekian ükükün ülüngat inis. Nge won ekewe chepel ra iseis ewe fituk fän iten asor.   
\p
\v 44 Mürin, ewe mwän a emwenieilong lon ewe leni mwen Imwenfel. Ikenan a wor ruu rum. Eu a nom lükün ewe asamalap mi nom peliefeng o sape ngeni ör, nge eu a nom lükün ewe asamalap mi nom peliör o sape ngeni efeng.  
\v 45 Iwe, ewe mwän a üreniei, “Ei rum mi sape ngeni ör rumwen ekewe souasor mi wisen föri angangen lon Imwenfel,  
\v 46 nge ewe rum mi sape ngeni efeng rumwen ekewe souasor mi wisen föri angangen ewe rongen asor. Ätekei ir nöün Satok, pun ir chök me lein ekewe mwirimwirin Lefi ra tongeni feito fän mesen ewe Samol mi Lapalap, pwe repwe angang ngeni.”  
\v 47 Iwe, ewe mwän a aükü ewe leni mwen Imwenfel ükükün langataman me chölapan ipükü wone me walu fiit. Nge fän mesen ewe Imwenfel a wor ewe rongen asor.   
\p
\v 48 Mürin, ewe mwän a emwenieila ren kengkangen ewe Imwenfel. A aükü ewe lenien tolong ükükün walu fiit. Iwe, chölapen lon ewe asamalap ükükün rüe me rüanü fiit, nge etippen lepekin me ruu ükükün limu fiit malulun.  
\v 49 Iwe, langatamen ewe kengkang ükükün ilik me rüanü fiit, chölapan rüe fiit, nge a wor engol fosso ra feitä ren. Lon ewe asamalap a pwal wor ürelap, efoch won epek, pwal efoch won epek.   
\c 41  
\p
\v 1 Mürin, ewe mwän a emwenieilong lon ewe Imwenfel o aükü üran. Iwe, ükükün öün ekewe ür me rüepek engol fiit.  
\v 2 Iwe, chölapen ewe asamalap ükükün engol me walu fiit, nge malulun etippen lepekin me ruu ükükün walu fiit. Mürin a aükü langatamen lon ewe Imwenfel ükükün wone me walu fiit, nge chölapan ilik me rüanü fiit.  
\v 3 Mürin a tolong lon ewe rum mi nom lesopun ewe Imwenfel o aükü öün üren asamalapan ükükün ülüngat fiit, a pwal aükü chölapen lon ewe asamalap ükükün engol fiit, nge malulun etippen lepekin me ruu ükükün engol me ruu fiit.  
\v 4 Iwe, a aükü ewe rum mi nom lesopun ewe Imwenfel ükükün langatamen me chölapen epek ilik me rüanü fiit. Iwe, a üreniei, “Iei ewe leni mi unusen pin.”   
\p
\v 5 Mürin, ewe mwän a aükü chööchön won etippen ewe Imwenfel ükükün engol fiit. A pwal aükü ekewe rum mi nom lon ewe pwalang mi nom pwelin ünükün ewe Imwenfel, iwe, chölapen ekewe rum ükükün fisu fiit.  
\v 6 A pwal wor ülüngat sässärin pwalangen ewe Imwenfel, nge lon iteiten sässär a wor ilik rum mi pachefengen. Iwe, mi wor along mi iti seni etippen lepekin ewe Imwenfel, pwe irälapen ekewe rum ra nom won ekewe along, nge resap tolong lon etippen ewe Imwenfel.  
\v 7 Iwe, chölapen ekewe rumwen won a watte seni chölapen ekewe rumwen fan, pun malulun etippen ewe Imwenfel a kisikisila me asan. Iwe, lepekin ewe Imwenfel eu latö a feitä seni sässärin ekewe rumwen fan tori sässärin lukalapan, pwal tori sässarin won.  
\v 8 Üa pwal küna eu lenien fetal mi ekis tekia, a för seni fau o nom pwelin ewe Imwenfel, nge a fiti longolongun ekewe rum, tekian ükükün langatamen ewe wokun aükük ika engol fiit.  
\v 9 Iwe, chööchön won etippen ekewe rum me lükün ükükün walu fiit, nge chölapen ewe lenien fetal ünükün ekewe rum ükükün walu fiit.  
\v 10 Iwe, chölapen ewe leni lefilen longolongun Imwenfel me ekewe rumwen souasor ükükün ilik me rüanü fiit ekis meinisin.  
\v 11 Nge asamalapen ekewe rumwen pwalangen ewe Imwenfel ra sape ngeni ewe lenien fetal, eu ngeni efeng, eu ngeni ör, nge chölapen ewe lenien fetal lükün ekewe rum ükükün walu fiit ekis meinisin.   
\p
\v 12 Iwe, a wor eu imw mi nom lotoun ewe lenien Imwenfel, chölapan ükükün ipükü engol me wonu fiit, langataman ükükün ipükü lime fiit, nge chööchön etippan ükükün tiu fiit pwelin ünükün.   
\p
\v 13 Mürin, ewe mwän a aükü ewe Imwenfel me lükün ükükün ipükü wone me walu fiit. Iwe, langatamen ewe leni me ewe imw mi nom lotou fiti etippan ükükün ipükü wone me walu fiit.  
\v 14 Nge chölapen fän mesen ewe Imwenfel me ewe leni ünükün mi sape ngeni ötiu ükükün ipükü wone me walu fiit.  
\v 15 Iwe, a pwal aükü langatamen ewe imw mi nom lotoun ewe leni lükün Imwenfel fiti pwalangan me rüepek ükükün ipükü wone me walu fiit.  
\p Iwe, etippen lon ewe Imwenfel me kengkangan, pwal etippen lon ewe rum mi unusen pin  
\v 16 ra cheech ngeni pap mi mürina, a pwal wor asammwachor mi tit ngeni mächä. Ekewe etippen lon ewe Imwenfel meinisin ra cheech ngeni pap seni fan tori ekewe asammwacho mi tit ngeni mächä.  
\v 17 Iwe, etippen lon ewe Imwenfel tori asen asamalapan, pwal etippen ewe rum mi unusen pin me ewe kengkang ra kula ren lios mi rup,  
\v 18 nge ekewe lios ra liosun kerop me ewe irä palm. Iwe, lefilen liosun akaruoman kerop a wor liosun efoch irä palm, nge iteiten kerop a wor ruu won mesan.  
\v 19 Eu won mesan mi sape ngeni ewe irä palm me epek a liosun won mesen eman aramas, nge eu won mesan mi sape ngeni ewe irä palm me pwal epek a liosun won mesen eman laion. Iwe etippen lon ewe Imwenfel meinisin a kula ren lios mi rup,  
\v 20 pwe a wor liosun kerop me irä palm seni fän etippan tori asen asamalapan.   
\p
\v 21 Iwe, chölapen me langatamen penkasamen lon ewe Imwenfel ra wewefengen. Iwe, fän mesen ewe rum mi unusen pin a wor och mettoch mi wewe ngeni  
\v 22 eu rongen asor seni mwüch ükükün tekian limu fiit, nge langataman me chölapan ruanü fiit. Lepwokukun pwal longolongun me lepekin ra för seni mwüch. Iwe, ewe mwän a üreniei, “Iei ewe chepel a nom fän mesen ewe Samol mi Lapalap.”  
\v 23 Iwe, a wor eu asamalapen ewe Imwenfel me eu asamalapen ewe rum mi unusen pin,  
\v 24 nge iteiten ekewe asamalap a wor akaruu asaman mi tufichin suk me kapüng.  
\v 25 Iwe, me won asamalapen lon Imwenfel a rup liosun kerop me irä palm usun chök me won ekewe etip. Nge fän mesen kengkangen Imwenfel a wor eu siis seni mwüch.  
\v 26 Iwe, won etippen ewe kengkang me rüepek a wor asammwacho, a pwal rup liosun ewe irä palm lepekir me ruu.   
\c 42  
\p
\v 1 Mürin, ewe mwän a emwenieiwu lon ewe leni mwen Imwenfel o emwenieila ren eu imw mi nom peliefengin ewe Imwenfel, nge esap toau seni ewe imw mi nom pelilotoun ewe Imwenfel.  
\v 2 Iwe, langatamen ewe imw mi nom efeng ükükün ipükü wone me walü fiit, nge chölapan walik me rüanü fiit.  
\v 3 Iwe, a wor pwalangen ewe imw me rüepek, nge iteiten pwalang a wor ülüngat sässärin. Eu pwalangan a wene ngeni ewe leni ünükün Imwenfel, chölapan ükükün ilik me rüanü fiit, nge eu pwalangan a wene ngeni eu lenien fetal mi nom lon ewe leni lükün Imwenfel.  
\v 4 Mwen ekewe rum a wor eu lenien fetal chölapan ükükün engol me wonu fiit, nge langataman ipükü wone me walu fiit. Iwe asamalapen ekewe rum ra sape ngeni efeng.  
\v 5 Iwe, chölapen ewe rumwen asan a chökisikis seni chölapen ekewe rumwen fan, pun ekewe pwalang ra chöwatte me asan lap seni me lukalapan pwal me fan.  
\v 6 Iwe, ekewe rum won ekewe ülüngat sässär esap wor ürer usun ekewe ür mi nom lon ewe leni lükün Imwenfel. Iei popun ekewe rumwen asan ra chökisikis seni ekewe rumwen lukalapan me rumwen fan.  
\v 7 Iwe, mwen ekewe rum mi sapewu ngeni ewe leni lükün Imwenfel a wor tit mi ouwärer ngeni ekewe rum langataman ükükün walik me rüanü fiit.  
\v 8 Pun langatamen tettelin ekewe rum mi sapewu ngeni ewe leni lükün Imwenfel ükükün walik me rüanü fiit, nge langatamen tettelin ekewe rum mi sape ngeni ewe Imwenfel ükükün ipükü wone me walu fiit.  
\v 9 Iwe, ekewe rumwen fan mi wor eu lenien tolong, a wene ngeni ötiuen ewe leni lükün Imwenfel lepopun ewe tit.   
\p
\v 10 A pwal wor eu imw mi nom peliörün ewe Imwenfel, nge esap toau seni ewe imw mi nom pelilotoun ewe Imwenfel. Iwe, lon ei imw a wor rum,  
\v 11 nge mwen ekewe rum a wor eu lenien fetal. Iwe, ekewe rum ra usun chök ekewe mi nom efeng, pun langatamer me chölaper ra wewefengen, pwal ar lenien towu me tolong, pwal lapalaper.  
\v 12 Iwe, ekewe rumwen fan mi nom peliörün ewe imw a wor eu lenien tolong, a wene ngeni ötiuen ewe leni lükün Imwenfel.   
\p
\v 13 Mürin, ewe mwän a üreniei, “Ekei rum mi nom efeng, pwal ekewe mi nom ör ra wene ngeni ewe leni lükün Imwenfel ra pin. Iei ekewe rum ia ekewe souasor mi angang ngeni ewe Samol mi Lapalap repwe mongö me ie ekewe asor mi unusen pin. Ikenan repwe iseis ekewe asor mi unusen pin, asoren mongö, asoren amusamusen tipis me asoren amusamusen pupungau, pun ei leni a pin.  
\v 14 Iwe, lupwen ekewe souasor ra tolong lon ewe leni mi pin, resap tongeni towu lon ewe leni lükün Imwenfel ika resap akomwen pwilitawu üfer mi pin ra üföüf, lupwen ra angang ngeni Kot. Iwe, repwe üföüf pwal och sokun üf mwen ar repwe feila lon ewe leni ia aramas ra mwich ie.”   
\p
\v 15 Iwe, lupwen ewe mwän a wes me aükü unusen lon ewe lenien Imwenfel, a emwenieila ren ewe asamalap mi sape ngeni ötiu o emwenieiwu, pwe epwe aükü unusen ewe leni lükün Imwenfel.  
\v 16 Iwe, a aükü peliötiuan ren ewe wokun aükük ükükün walüpükü faik fiit.  
\v 17 A aükü peliefengin ren ewe wokun aükük ükükün walüpükü faik fiit.  
\v 18 A pwal aükü peliörün ren ewe wokun aükük ükükün walüpükü faik fiit.  
\v 19 Mürin a feila ngeni pelilotoun o aükü ren ewe wokun aükük ükükün pwal walüpükü faik fiit.  
\v 20 Ina usun a aükü ewe leni lepelian me rüanü. Iwe, a wor eu tit pwelin ünükün, langatamen lepekin me rüanü ükükün walüpükü faik fiit. Iwe, ewe tit a refiela lefilen ewe leni mi pin me ewe leni esap pin.   
\c 43  
\s1 Lingen Kot a aura ewe Imwenfel  
\sr 43.1-9  
\p
\v 1 Mürin, ewe mwän a emwenieila ren ewe asamalap mi sape ngeni ötiu.  
\v 2 Ikenan üa küna lingen ewe Koten Israel, a feito seni ötiu. Iwe, üngüngün an feito a usun chök üngüngün nonoon lematau, nge won fanü a saramaram ren lingan. \x + \xo 43.2 \xt 10.3-4,18-19; 11.22-23; Pwär 1.15\x*  
\v 3 Iwe, künaei ei me ren Kot a usun chök künaei we üa küna, lupwen Kot a feito pwe epwe ataela ewe telinimw Jerusalem, pwal usun chök künaei we üa küna me arun ewe chanpupu Kepar. Iwe, üa chapetiu lepwül.  
\v 4 Nge lingen ewe Samol mi Lapalap a tolong lon ewe asamalap mi sape ngeni ötiu o tolong lon ewe Imwenfel.  
\v 5 Mürin, Ngünün Kot a ekieitä o uweeila lon ewe leni mwen Imwenfel, nge lingen ewe Samol mi Lapalap a aurala lon ewe Imwenfel.   
\p
\v 6 Iwe, üa rongorong mwelien eman a fos ngeniei seni lon ewe Imwenfel, nge ewe mwän mi eäni ewe angangen aükük a chüen ütä ünüki.  
\v 7 Iwe, a üreniei, “Nöün aramas, ei leni ai lenien motun king me lenien puun pechei. Ikei ie üpwe imweimw lein aramasen Israel tori feilfeilachök, nge chon Israel me ar king resap chüen aitengaua itei mi pin ren ar angang ngeni anümwäl, pwal ren somän ar king, lupwen ra peiaseniir.  
\v 8 Iwe, ekewe king ra aüetä imwer lükün imwei, pwe asamalapen imwer me penkasamer ra arap ngeni asamalapen imwei me penkasaman, pwe eu chök tit a refi lefilei me ir. Iwe, ra aitengaua itei mi pin ren ar föför mi anioput. Iei mine üa aroserela fän ai song.  
\v 9 Iei repwe ükütiu seni ar angang ngeni anümwäl o atoauala seniei somän ar king. Mürin, ngang üpwe imweimw lefiler tori feilfeilachök.”   
\s1 Än Kot allük usun ewe Imwenfel me ewe rongen asor  
\sr 43.10-27  
\p
\v 10 Iwe, ewe Samol mi Lapalap a üreniei, “Nöün aramas, kopwe aiti ngeni chon Israel lapalapen ei Imwenfel me liosun, pwe repwe säw ren ar tipis.  
\v 11 Mürin, are ra säw ren ar föför meinisin, kopwe aiti ngeniir lapalapen ei Imwenfel me liosun, pwal an lenien tolong me towu me akotan meinisin, kopwe pwal asile ngeniir pwüngün me allükün. Iwe, kopwe makei ekei mettoch me mwer, pwe repwe küna ei lios o apwönüetä ekewe allük meinisin.  
\v 12 Nge iei allükün ei Imwenfel: Unusen lenian me won ungen ewe chuk epwe unusen pin. Iei allükün ei Imwenfel.   
\p
\v 13 Iwe, iei ükükün ewe rongen asor, lupwen ewe mwän a aükü ren ewe wokun aükük a fen aea le aükü ewe Imwenfel: Tekian longolongun ewe rongen asor ükükün rüe inis, chööchön won ililin pwal rüe inis, nge tekian repenin mi nom pwelin ünükün ükükün engol inis.  
\v 14 Tekian ewe aruuen kinikin fan seni won longolongun mi nom won pwül tori ililin ükükün rüanü fiit, nge chööchön won ililin ükükün rüe inis. Iwe, tekian ewe aülüngatin kinikin mürin seni won ililin fan tori ililin won ükükün fisu fiit, nge chööchön won ililin ükükün rüe inis.   
\p
\v 15 Iwe, tekian ewe kinikin ia a nom ie ewe lenien ekkei ükükün fisu fiit, nge tekian mächän lepwokukun me rüanü ükükün rüe inis.  
\v 16 Iwe, langatamen ewe lenien ekkei me chölapan ra wewefengen ükükün rüe fiit.  
\v 17 Iwe, langatamen ililin ewe kinikin lukalapan me rüanü pekin ra pwal wewefengen ükükün rüe me rüanü fiit, tekian ewe repen mi nom pwelin ünükün engol inis, nge chööchön won ililin ewe longolong rüe inis. Iwe, latön ewe rongen asor a sape ngeni ötiu.” \x + \xo 43.17 \xt Eks 27.1-2; 2.Kron 4.1\x*   
\p
\v 18 Mürin, Kot a üreniei, “Nöün aramas, iei aloi ngang Kot ewe Samol mi Lapalap, ‘Iei pwüngün angangen ewe rongen asor: Lupwen ei rongen asor a wes me kaü, epwe fis asoren kek won me äsupu ngeni chan ekewe mönün asor.  
\v 19 Lon ewe rän kopwe angei eman nienifön ätemwänin kow o ngeni ekewe souasor seni ewe ainangen Lefi, ir mwirimwirin Satok mi feito rei pwe repwe angang ngeniei. Ngang Kot ewe Samol mi Lapalap üa kapas. Iwe, repwe eäni asor ei ätemwänin kow fän iten asoren amusamusen tipis.  
\v 20 Nge en kopwe angei ekis seni chan o toofi ngeni ekewe rüanü mächän lepwokukun ewe rongen asor, kopwe pwal toofi ngeni lepwokukun ililin me rüanü, pwal won repenin mi nom pwelin ünükün. Iei usun kopwe limeti ewe rongen asor ren ewe asoren limelim.  
\v 21 Mürin kopwe angei ewe ätemwänin kow fän iten asoren amusamusen tipis o kenala lon ewe leni mi fil fän iten ei angang, a nom lükün ewe Imwenfel.  
\v 22 Iwe, lon aruuen rän kopwe eäni asoren limelim eman ätemwänin kuuch esap wor terin, pwe ewe rongen asor epwe limöch ren, usun a pwal limöch ren ewe ätemwänin kow.  
\v 23 Lupwen kopwe wes me limeti ewe rongen asor, kopwe angei eman nienifön ätemwänin kow me eman ätemwänin sip esap wor terir, pwe kopwe eäniir asor.  
\v 24 Kopwe uweereto rei, nge ekewe souasor repwe amwora salt wor o eäniir asoren kek ngeniei.  
\v 25 Lon eu me eu rän lon ükükün fisu rän kopwe eäni asoren amusamusen tipis eman ätemwänin kuuch, eman ätemwänin kow me eman ätemwänin sip esap wor terir.  
\v 26 Iwe, lon ükükün fisu rän ekewe souasor repwe limeti ewe rongen asor ren asoren limelim, pwe epwe pin ren.  
\v 27 Nge wesin ekewe rän, lon ewe awaluen rän, ekewe souasor repwe popuetä le eäni ämi asoren kek me ämi asoren kilisou won ewe rongen asor. Mürin ngang üpwe etiwakemi fän ümöümöch. Ngang Kot ewe Samol mi Lapalap üa kapas.” \x + \xo 43.27 \xt Eks 29.35-37\x*   
\c 44  
\s1 Angangen lon Imwenfel  
\sr 44.1-31  
\p
\v 1 Iwe, ewe mwän a aliwinieila ren asamalapen ewe leni lükün Imwenfel a sape ngeni ötiu, nge a kapüng.  
\v 2 Iwe, ewe Samol mi Lapalap a üreniei, “Ei asamalap epwe chök kapüng, esap fokun suk, nge esap wor eman epwe tolong lon, pun ngang ewe Samol mi Lapalap, ewe Koten Israel, üa tolong me lon. Iei popun epwe kapüng.  
\v 3 Iwe, ewe samol chök epwe tongeni mot lon kengkangan, pwe epwe mongö me mwei ngang ewe Samol mi Lapalap. Epwe tolong lon asamalapen kengkangan, epwe pwal chök towu me lon.”   
\p
\v 4 Mürin, ewe mwän a emwenieila ren ewe asamalap mi sape ngeni efeng fän mesen ewe Imwenfel. Nge lupwen üa nengeni, üa küna lingen ewe Samol mi Lapalap a aurala ewe Imwenfelin Kot. Iwe, üa chapetiu lepwül.  
\v 5 Iwe, ewe Samol mi Lapalap a üreniei, “Nöün aramas, kopwe nengenifichi ren mesom o aüselingöchü ren selingom meinisin mine üpwe aiti ngonuk usun pwüngün angangen ewe Imwenfel me allükün meinisin. Nge kopwe tümwünüfichi, pwe kopwe sileöchü iön epwe tufichin tolong lon ewe Imwenfel, ika iön esap tufichin tolong.   
\p
\v 6 Iwe, kopwe apasa ngeni ekewe chon Israel mi lükümach o ü ngeniei, pwe iei aloi ngang Kot ewe Samol mi Lapalap: Ämi chon Israel, iei oupwe ükütiu le föri ämi föför mi anioput.  
\v 7 Pun oua mwüt ngeni chon ekis pwe repwe tolong lon ai leni mi pin o apiningaua, ir resap sirkomsais, resap pwal aleasochisiei. Iwe, lupwen ra nom, oua pwal eäni asoren mongö ngeniei, asoren kiris me cha. Ren ei oua awateela ämi föför mi anioput o ataela ämi pwon ngeniei.  
\v 8 Iwe, ousap püsin föri angangen lon ai leni mi pin, pun oua awisa chon ekis pwe repwe föri.   
\p
\v 9 Iei mine ngang Kot ewe Samol mi Lapalap üa apasa: Esap wor eman chon ekis epwe tolong lon ai leni mi pin, pun ir resap sirkomsais, resap pwal aleasochisiei. Iwe, esap fokun wor mwo nge eman chon ekis mi nom lein chon Israel epwe tolong.  
\v 10 Nge ekewe mwän seni ewe ainangen Lefi mi kul seniei, lupwen ekewe chon Israel ra tok seniei o angang ngeni ar kewe uluulun anümwäl, repwe angei liwinin ar tipis.  
\v 11 Pun pwüngün pwe repwe chök angang lon ai leni mi pin, repwe mamasa asamalapen Imwenfel o tümwünü ekewe lusun angang. Repwe niela ekewe mönün asoren kek me sokun mönün asor aramas ra uwato, repwe pwal alisi aramas o angang ngeniir.  
\v 12 Nge pokiten ra föri fel fän iten ekewe aramas me mwen ar kewe uluulun anümwäl o emwenalong ekewe chon Israel lon tipis, iei mine üa pwon fän akapel pwe repwe fokun angei liwinin ar tipis. Ngang Kot ewe Samol mi Lapalap üa kapas.  
\v 13 Resap fokun tongeni feito rei pwe rewe föri angangen eman souasor ngeniei, resap pwal tongeni arap ngeni ai kewe mettoch mi pin me ai kewe asor mi unusen pin. Iwe, repwe mwärelong fän itengau pokiten ekewe föför mi anioput ra föri.  
\v 14 Nge üpwe awiseer pwe repwe föri ekewe angangekis meinisin lon ewe Imwenfel.   
\p
\v 15 Nge ekewe souasor seni ewe ainangen Lefi, ir mwirimwirin Satok mi allükülük le föri angangen leniei mi pin, lupwen chon Israel ra tok seniei, repwe feito rei o angang ngeniei. Iwe, repwe ütä fän mesei o asor ngeniei kirisin me chan ekewe mönün asor. Ngang Kot ewe Samol mi Lapalap üa kapas.  
\v 16 Ir chök repwe tolong lon leniei mi pin o kan ngeni ai rongen asor, pwe repwe föri ar angang ngeniei.  
\v 17 Iwe, lupwen ra tolong lon asamalapen ewe leni mwen Imwenfel, repwe üföüf üf mi pwechepwech, nge resap üföüf och üf seni ülen sip, lupwen ra angang lon ewe leni mwen Imwenfel ika lon Imwenfel.  
\v 18 Repwe filiti mökürer ngeni mangaku mi pwechepwech, repwe pwal aea rauses seni mangaku mi pwechepwech, nge resap üföüf üf ra pwichikar o molon ren. \x + \xo 44.18 \xt Eks 28.39-43; Lif 16.4\x*  
\v 19 Iwe, mwen ar towu lon ewe leni lükün Imwenfel ren aramas, repwe pwilitawu ekewe üf ra üföüf, lupwen ra angang ngeniei, o iseniir lon ar kewe rum mi pin. Iwe, repwe üföüf och sokun üf, pun ekewe üf ra pin ngeni aramas. \x + \xo 44.19 \xt Lif 16.23\x*  
\v 20 Ekewe souasor resap räisöü mökürer, resap pwal alangatama, pwe repwe chök fichiöchü. \x + \xo 44.20 \xt Lif 20.5\x*  
\v 21 Esap wor eman souasor epwe ünümi wain mwen an tolong lon ewe leni mwen Imwenfel. \x + \xo 44.21 \xt Lif 10.9\x*  
\v 22 Esap wor eman epwe pwülüeni eman fefin mi mä pwülüan ika eman fefin mi mwü seni pwülüan, pwe epwe chök pwülüeni eman föpwül seni ekewe ainangen Israel esamwo pwüpwülü me mwan, ika eman fefin mi mä pwülüan, pwülüen eman souasor. \x + \xo 44.22 \xt Lif 21.7,13-14\x*  
\v 23 Iwe, ekewe souasor repwe aiti ngeni nei aramas kana lefilen mine a pin me mine esap pin, repwe pwal aiti ngeniir usun ar repwe alefila mine a limengau me mine a limöch. \x + \xo 44.23 \xt Lif 10.10\x*  
\v 24 Repwe eäni kapwüng lon eu fitikoko, nge repwe apwüngala pwüngün kapwüng ren pwüngün ai allük. Repwe tümwünüöchü ai kewe allük usun pwüngün ekewe ränin chulap, repwe pwal pinini pinin ai ränin sapat.  
\v 25 Iwe, esap wor eman souasor epwe kan ngeni eman somä, pwe esap püsin alimengaua, chilon chök ren somän saman me inan, nöün mwän me fefin, pwiin pwal fefinan resamwo pwüpwülü. \x + \xo 44.25 \xt Lif 21.1-4\x*  
\v 26 Nge lupwen eman souasor epwe limöchsefäl seni an limengau ren eman somä, epwe pwal witiwit fisu rän mwen an epwe tolongsefäl lon Imwenfel.  
\v 27 Iwe, lon ränin an tolong lon ewe leni mwen Imwenfel pwe epwe föri an angang lon, epwe föri asoren amusamusen an tipis, ngang Kot ewe Samol mi Lapalap üa kapas.   
\p
\v 28 Iwe, ekewe souasor esap wor wiser fanü, pun ngang chök wiser. Ousap ngeniir och wöür lon Israel, pun ngang wöür. \x + \xo 44.28 \xt Num 18.20\x*  
\v 29 Nge repwe mongö seni ekewe asoren mongö, asoren amusamusen tipis, pwal seni asoren amusamusen pupungau. Iwe, meinisin mine ekewe chon Israel ra fangala ngeniei, epwe än ekewe souasor.  
\v 30 Iwe, mwen uän fotar irä meinisin, pwal sokun asor meinisin ra uwato repwe än ekewe souasor. Repwe pwal ngeni ekewe souasor mwen öüwäer pilawa seni mwen uän fotar wiich, pwe feiöch epwe nonom won imwer. \x + \xo 44.30 \xt Num 18.8-19\x*  
\v 31 Nge ekewe souasor resap fokun ochoch och fituken machang ika man mi püsin mäla ika mäla ren manmwacho.” \x + \xo 44.31 \xt Lif 22.8\x*   
\c 45  
\s1 Ainetin fanü me aükük mi pwüng  
\sr 45.1-12  
\p
\v 1 “Iwe, lupwen oupwe aineti ewe fanü ngeni ekewe ainangen Israel, oupwe aimwüela eu kinikin fän iten ewe Samol mi Lapalap, pwe epwe eu leni mi pin. Iwe, ükükün langataman engol mail, nge chölapan ükükün walu mail. Unusen ei fanü epwe pin.  
\v 2 Nge lon ei kinikin mi pin oupwe pwal aimwüela eu leni fän iten ewe Imwenfel langataman me chölapan ükükün walüpükü faik fiit. Iwe, epwe pwal wor eu leni mi amassawa ünükün, chölapan ükükün walik me rüanü fiit.  
\v 3 Seni lon ewe kinikin mi pin oupwe pwal aükü eu leni langataman ükükün engol mail, nge chölapan ükükün rüanü mail. Ei leni epwe fän iten ewe Imwenfel, epwe eu leni mi unusen pin.  
\v 4 Ei kinikinin fanü epwe pin me lon fanüemi. Iwe, epwe fanüen ekewe souasor mi föri angangen ewe leni mi pin o feito ren ewe Samol mi Lapalap, pwe repwe angang ngeni. Iwe, ei fanü epwe lenien imwer, pwal eu leni mi pin fän iten ewe Imwenfel.  
\v 5 Pwal eu kinikinin ewe leni epwe fanüen chon ewe ainangen Lefi mi föri angangen lon Imwenfel, langataman ükükün engol mail, nge chölapan ükükün rüanü mail. Iwe, chon ewe ainangen Lefi repwe nonom lon ei fanü.   
\p
\v 6 Iwe, lepekin ewe leni mi pin oupwe pwal aimwüela eu kinikin fän iten ewe telinimw, chölapan ükükün ruu mail, nge langataman ükükün engol mail. Ei kinikin epwe fän iten chon Israel meinisin.   
\p
\v 7 Iwe, fän iten ewe samol oupwe aimwüela ruu fanü lesopun ewe leni mi pin me rüepek, pwal lepekin ewe fanü ia ewe telinimw a nom ie. Eu epwe seni kiännin ewe leni me pelilotou tori ewe matau watte. Nge eu epwe seni kiännin ewe leni mi pin me peliötiu tori kiännin ewe fanü me peliötiu. Iwe, langatamen ekewe fanü epwe wewefengen me kiännin fanüen ekewe ainangen Israel.  
\v 8 Iei ükükün fanüen ewe samol me lon Israel. Iwe, nei kewe samol resap chüen ariaföüü nei aramas, nge repwe mwüt ngeni ekewe ainangen Israel fanüer pwe repwe püsin fanüeni.   
\p
\v 9 Iei alon Kot ewe Samol mi Lapalap, “Oupwe ükütiu, ämi samolun Israel, oupwe ükütiu le föri föför mi mwänewüs me ariaföüü aramas, nge oupwe eäni pwüng me föföröch. Ousap chüen asüela nei aramas seni fanüer. Ngang Kot ewe Samol mi Lapalap üa kapas.   
\p
\v 10 Ämi kilo epwe pwüngüöch, pwal ämi efa \f + \fr 45.10 \ft efa eu aükük fän iten föün wiich ika mettoch mi pwas\f* me ämi paat \f + \fr 45.10 \ft paat eu aükük fän iten mettoch mi lölö\f*. \x + \xo 45.10 \xt Lif 19.36\x*  
\v 11 Iwe, ükükün eu efa me eu paat epwe wewefengen. Eu paat epwe ükükün eu leengolun eu homer \f + \fr 45.11 \ft eu homer ükükün 81.2 kalon\f*, nge eu efa epwe pwal ükükün eu leengolun eu homer. Iwe, eu homer longolongun ämi aükük.  
\v 12 Iwe, eu sekel \f + \fr 45.12 \ft eu sekel ina epwe ükükün esop aunus\f* epwe ükükün rüe kera. Nge rüe sekel kapach rüe me limu sekel pwal kapach engol me limu sekel epwe eu mina.”   
\s1 Pwüngün asor me pwüngün chulap  
\sr 45.13–46.24  
\p
\v 13 “Iwe, iei ükükün ekewe asor oupwe eäni: Oupwe asor eu lewone seni kiniemi wiich, pwal eu lewone seni kiniemi parli.  
\v 14 Nge ewe apüra oupwe eäni asor epwe ükükün eu leipükü seni kiniemi föün olif. Ewe aükük epwe longolong won paat: Engol paat eu koor ika eu homer.  
\v 15 Iteiten familien chon Israel epwe eäni asor eman sip seni iteiten akaruopükü sip. Iei ewe asoren mongö, asoren kek me asoren kilisou fän iten amusamusen ämi tipis. Ngang Kot ewe Samol mi Lapalap üa kapas.  
\v 16 Iwe, aramasen ei fanü meinisin repwe uwato ekei asor ren ewe samolun Israel.  
\v 17 Nge ewe samol epwe wisen awora ekewe asoren kek, asoren mongö me asoren ün mi fis lupwen ekewe chulap, lupwen chulapen popun maram me ekewe ränin sapat, pwal sokun chulap meinisin chon Israel ra eäni. I epwe awora ewe mönün asoren amusamusen tipis, ewe asoren mongö me asoren kek, pwal asoren kilisou fän iten amusamusen än chon Israel tipis.”   
\p
\v 18 Iei alon Kot ewe Samol mi Lapalap, “Lon aeuin ränin ewe aeuin maram oupwe eäni asor eman nienifön ätemwänin kow esap wor terin, pwe oupwe limeti ewe Imwenfel ren.  
\v 19 Ewe souasor epwe angei ekis chan ewe mönün asoren amusamusen tipis o toofi ngeni penkasamen ewe Imwenfel, ngeni won ililin ewe rongen asor lepwokukun me rüanü, pwal ngeni penkasamen ewe asamalap mi wene ngeni ewe leni mwen Imwenfel.  
\v 20 Iei usun oupwe pwal föri lon afisuen ränin ewe maram fän iten ekewe aramas mi tipis ren ar chechengau. Ina usun oupwe limeti ewe Imwenfel.   
\p
\v 21 Lon engol me rüanün ränin ewe aeuin maram oupwe eäni ewe Pasofer. Iwe, lon ükükün fisu rän oupwe mongö pilawa esap wor iis lon. \x + \xo 45.21 \xt Eks 12.1-20; Num 28.16-25\x*  
\v 22 Lon aeuin rän ewe samol epwe eäni asoren amusamusen tipis eman nienifön ätemwänin kow fän püsin itan, pwal fän iten aramasen ewe fanü meinisin.  
\v 23 Nge lon eu me eu ekewe fisu ränin chulap, ewe samol epwe eäni asoren kek ngeni ewe Samol mi Lapalap füman ätemwänin kow me füman ätemwänin sip esap wor terir. Iwe, epwe eäniir asoren kek iteiten rän lon ükükün fisu rän, epwe pwal eäni asoren amusamusen tipis eman ätemwänin kuuch iteiten rän.  
\v 24 Epwe pwal apacha ngeni iteiten eman kow me kuuch pilawa mi amas ükükün ilik paun me ülüngat kuoch apüra seni föün olif fän iten asoren mongö.  
\v 25 Iwe, lupwen ewe chulapen likachoch mi poputä lon engol me limuen ränin ewe afisuen maram, ewe samol epwe uwato ewe chök asoren amusamusen tipis, asoren kek, pwal asoren mongö fiti ewe apüra lon ükükün fisu rän.” \x + \xo 45.25 \xt Lif 23.33-36; Num 29.12-38\x*   
\c 46  
\p
\v 1 Iei alon Kot ewe Samol mi Lapalap, “Asamalapen ewe leni mwen Imwenfel mi sape ngeni ötiu epwe kapüngüla lupwen ekewe wonu ränin angang, nge epwe sukula lon ränin sapat, pwal lon ränin chulapen popun maram.  
\v 2 Iwe, ewe samol epwe tolong me lon kengkangen ewe asamalap mi sape ngeni ewe leni lükün Imwenfel o ütä ren üran, nge ekewe souasor repwe eäni än ewe samol asoren kek, pwal an kewe asoren kilisou. Iwe ewe samol epwe fel ngeni Kot me lon ewe asamalap. Mürin epwe towu, nge ewe asamalap esap kapüngüla tori lekuniol.  
\v 3 Iwe, lon iteiten ekewe ränin sapat, pwal lon iteiten ekewe ränin chulapen popun maram, aramasen ewe fanü repwe fel ngeni ewe Samol mi Lapalap mwen ewe asamalap.  
\v 4 Nge lon ränin sapat än ewe samol asoren kek ngeni ewe Samol mi Lapalap epwe wonoman apanen sip, pwal eman ätemwänin sip esap wor terir.  
\v 5 Iwe, epwe apacha ngeni ewe ätemwänin sip pilawa mi amas ükükün ilik paun, nge ngeni iteiten ekewe apanen sip epwe apacha ükükün an mochen fiti ülüngat kuoch apüra seni föün olif fän iten iteiten ilik paun pilawa mi amas, pwe asoren mongö.  
\v 6 Nge lon ränin chulapen popun maram ewe samol epwe eäni asor eman nienifön ätemwänin kow, pwal wonoman apanen sip me eman ätemwänin sip esap wor terir.  
\v 7 Iwe, epwe apacha ngeni iteiten ätemwänin kow me ätemwänin sip pilawa mi amas ükükün ilik paun, nge ngeni iteiten ekewe apanen sip epwe apacha ükükün an mochen fiti ülüngat kuoch apüra seni föün olif fän iten iteiten ilik paun pilawa mi amas pwe asoren mongö.  
\v 8 Lupwen ewe samol epwe tolong, epwe chök tolong me lon kengkangen ewe asamalap, epwe pwal towu chök me lon.   
\p
\v 9 Iwe, aramasen ewe fanü repwe feito ren ewe Samol mi Lapalap lon fansoun ar kewe chulap mi kefilitä, pwe repwe fel ngeni. Nge wesin ar fel, chokewe ra tolong me lon ewe asamalap mi sape ngeni efeng repwe towu me lon ewe asamalap mi sape ngeni ör, nge chokewe ra tolong me lon ewe asamalap mi sape ngeni ör repwe towu me lon ewe asamalap mi sape ngeni efeng. Iwe, esap wor eman epwe liwiniti ewe asamalap a tolong me lon, nge iteiten eman me eman epwe chök fetal wenewen.  
\v 10 Lupwen ekewe aramas repwe tolong, ewe samol epwe pwal etiir le tolong, nge lupwen repwe towu, epwe pwal etiir le towu.   
\p
\v 11 Iwe, lon ekewe rän mi pin me ekewe ränin chulap mi kefilitä, aramas repwe apacha ngeni iteiten ätemwänin kow me ätemwänin sip ilik paun pilawa mi amas fän iten ar asoren mongö, nge ngeni ekewe apanen sip repwe apacha ükükün ar mochen fiti ülüngat kuoch apüra seni föün olif fän iten iteiten ilik paun pilawa mi amas.  
\v 12 Are ewe samol epwe eäni asor ngeni ewe Samol mi Lapalap eu asoren kek ika asoren kilisou seni püsin letipan, ewe asamalap mi sape ngeni ötiu epwe suk ngeni. Iwe, epwe eäni an we asoren kek ika asoren kilisou usun a föri lon ekewe ränin sapat. Nge wesin an towu, ewe asamalap epwe kapüngüla me mürin.   
\p
\v 13 Iwe, iteiten lesosor oupwe eäni asoren kek ngeni ewe Samol mi Lapalap eman nienifön sip eu ierin, esap wor terin.  
\v 14 Iteiten lesosor oupwe pwal eäni asoren mongö ngeni ewe Samol mi Lapalap limu paun pilawa mi amas me eu kuoch apüra seni föün olif, pwe epwe nofitfengen me ewe pilawa. Iei usun pwüngün ewe asor epwe fis iteiten rän, epwe chök pwönüetä tori feilfeilachök.  
\v 15 Iei usun oupwe eäni asoren kek eman nienifön sip fiti ewe pilawa mi amas me ewe apüra iteiten lesosor. Ei asoren kek epwe fis fansoun meinisin.”   
\p
\v 16 Iei alon Kot ewe Samol mi Lapalap, “Are ewe samol epwe fang ngeni eman nöün mwän eu fanü seni wisan, ätewe epwe fanüeni ewe fanü.  
\v 17 Nge are ewe samol epwe fangala eu fanü ngeni eman nöün chon angang, i epwe chök fanüeni tori ewe Ierin Ngasala. Mürin, ewe fanü epwe liwiniti ewe samol, pwe püsin nöün mwän chök repwe fanüeni, pun fanüer me won semer. \x + \xo 46.17 \xt Lif 25.10\x*  
\v 18 Iwe, ewe samol esap tongeni angei fanüen aramas o asürela seni fanüer. Iwe, mine epwe afanüa ngeni nöün mwän, epwe chök ngeniir seni püsin fanüan, pwe esap wor eman lein nei aramas kana epwe towu seni fanüan.”   
\p
\v 19 Mürin, ewe mwän a emwenieilong lon ewe asamalap mi nom lepekin ewe kengkang o emwenieila ren ekewe rum mi pin rumwen ekewe souasor mi sap ngeni efeng. Ikenan üa küna eu leni mi nom lesopun ekewe rum mi sap ngeni lotou.  
\v 20 Iwe, a üreniei, “Iei ewe leni ia ekewe souasor repwe kuku fituken ekewe mönün asoren amusamusen pupungau me amusamusen tipis ie. Ikei repwe pwal umuni ewe asoren mongö, nge resap uwala och lon ewe leni lükün Imwenfel, pun a pin ngeni aramas.”   
\p
\v 21 Mürin, ewe mwän a emwenieila lon ewe leni lükün Imwenfel, pwal ngeni lepwokukun me rüanü. Iwe, lon iteiten pwokuku üa küna eu kükün leni.  
\v 22 Iwe, lepwokukun ewe leni lükün Imwenfel me rüanü a wor leni mi tit langatamer ükükün wone me walu fiit, nge chölaper faik me walu fiit. Nge ekewe rüanü leni ra wewefengen.  
\v 23 Iwe, lon iteiten ekewe rüanü leni a wor eu tit seni fau pwelin ünükün, nge ünükün me fän ewe tit a wor lenien kuk.  
\v 24 Mürin, ewe mwän a üreniei, “Ikei ekewe lenien kuk ia ekewe chon angangen lon Imwenfel repwe kuku ekewe mönün asor ie, aramas ra uwato pwe ar asor.”   
\c 47  
\s1 Ewe koluk a puwu seni ewe Imwenfel, aramas ra pöchökül ren  
\sr 47.1-12  
\p
\v 1 Mürin, ewe mwän a aliwinisefälieila ren asamalapen ewe Imwenfel. Ikenan üa küna eu koluk a puwu seni fän asamalapen ewe Imwenfel o pula ngeni ötiu, pun ewe Imwenfel a sape ngeni ötiu. Iwe, ewe koluk a putiu me peliörün ewe Imwenfel, pwal me peliörün ewe rongen asor. \x + \xo 47.1 \xt Sek 14.8; Joh 7.38; Pwär 22.1\x*  
\v 2 Mürin, ewe mwän a emwenieiwu me lon ewe asamalap mi sape ngeni efeng o emwenieila lükün ren asamalapen ewe leni lükün Imwenfel mi sape ngeni ötiu. Iwe, ewe koluk a puwu me peliörün ewe asamalap.   
\p
\v 3 Lupwen ewe mwän a feila ötiu, a amwöchü efoch selin aükük o aükü ükükün limepükü wone iach. Mürin a emwenieilong lon ewe koluk, nge ewe koluk a tori kirupun pechei.  
\v 4 Iwe, a aüküsefäli ükükün limepükü wone iach o emwenieila lon ewe koluk, nge a tori pwäsuki. Mürin a pwal aüküsefäli ükükün limepükü wone iach o emwenieila lon ewe koluk, nge a tori won wilai.  
\v 5 Iwe, a pwal aüküsefäli ükükün limepükü wone iach, nge iei ewe koluk a wiliti eu chanpupu üsap chüen tongeni fetal lon. Pun ewe chanpupu a fefeitä, a pwal alolol pwe üa chök tongeni ää, nge üsap tongeni fetalla epek.  
\v 6 Iwe, ewe mwän a aisiniei, “Nöün aramas, ifa usun, ka küna ei?” Mürin a aliwinieila lepekin ewe chanpupu.  
\v 7 Nge lupwen üa tori, üa küna chomong irä lepekin me rüepek.  
\v 8 Iwe, a üreniei, “Ei koluk a pula ngeni ewe fanü mi nom ötiu, a putiu lemolun Jortan o pulong lon ewe Setin Mäla. Nge lupwen a pulong lon, ewe sät epwe wiliti koluk mi mürina.  
\v 9 Iwe, ia ewe chanpupu a pula ie, epwe wor sokopaten man me chomong ik. Pun ia ewe chanpupu a tori ie, ekewe sät repwe wiliti koluk mi mürina. Iei usun epwe wor manau ia ewe chanpupu a pula ie.  
\v 10 Iwe, chon attau repwe ütä ünükün, nge seni Enketi tori Eneklaim epwe eu lenien ar apwas epilo. Iwe, ikenen lon repwe sokopat usun chök ikenen ewe matau watte.  
\v 11 Nge ekewe warawar me pwakak esap fis manau lon, pwe salt epwe chök nom lon.  
\v 12 Iwe, lepekin ewe chanpupu me rüepek epwe märitä chomong sokun irän mongö. Chör resap pwasala, uar resap itela, pwe epwe wor uar mi nup iteiten maram, pun ewe koluk ra manau ren a puwu seni ewe leni mi pin. Iwe, aramas repwe mongö uar, repwe pwal pöchökül seni ar samau ren chör.” \x + \xo 47.12 \xt Pwär 22.2\x*   
\s1 Ainetin fanü me kiännin  
\sr 47.13–48.29  
\p
\v 13 Iei alon Kot ewe Samol mi Lapalap, “Iei usun ekewe kiä oupwe aea le aineti ewe fanü ngeni ekewe engol me ruu ainangen Israel. Chon ewe ainangen Josef repwe fanüeni ruu kinikin.  
\v 14 Iwe, oupwe kinikinöchfengen won ei fanü. Pun üa pwon fän akapel ngeni ämi kewe lewo pwe üpwe ngeniir ei fanü, iei mine ämi oupwe faffanü seni.   
\p
\v 15 Iei usun kiännin ewe fanü: Lepelian me efeng epwe popuetä seni ewe matau watte wenewenen Hetlon tori Hamat, pwal tori Setat,  
\v 16 Perota, Sipraim mi nom lekiännin lefilen Tamaskus me Hamat, epwe pwal tori Haserhatikon mi nom lekiännin Hauran.  
\v 17 Ina usun kiännin ewe fanü epwe fetal seni ewe matau watte tori Hasarenon, pwe fanüen Tamaskus me fanüen Hamat repwe nom efeng. Iei usun kiännin ewe fanü me efeng.   
\p
\v 18 Iwe, ewe chanpupu Jortan epwe kiännin ewe fanü me ötiu seni Hasarenon lefilen Hauran me Tamaskus, pwal lefilen ewe fanü Kiliat me ewe fanü Israel tori ewe Setin Mäla, pwal tori Tamar. Iei usun kiännin ewe fanü me ötiu.   
\p
\v 19 Iwe, lepelien ewe fanü me ör kiännin epwe fetal seni Tamar tori ewe kolukun Meripa-Kates, tori ewe öüwön Isip, pwal tori ewe matau watte. Iei usun kiännin ewe fanü me ör.   
\p
\v 20 Nge kiännin ewe fanü me lotou ewe matau watte tori awenewenen Hamat. Iei usun kiännin ewe fanü me lotou.   
\p
\v 21 Oupwe aineti ewe fanü lefilemi won eu me eu ainangen Israel.  
\v 22 Oupwe aineti ewe fanü ren üttüt, pwe oupwe fanüeni, ämi me ekewe chon ekis mi nom leimi, pwal nöür kewe mi uputiu ngeniir. Iwe, ir repwe usun chök chon Israel me remi, pwe repwe etikemi le faffanü ewe fanü me lein chon ekewe ainangen Israel.  
\v 23 Oupwe awisa ngeni iteiten chon ekis wisan me lon ewe ainang ia a nonom ie. Ngang Kot ewe Samol mi Lapalap üa kapas.”   
\c 48  
\p
\v 1 “Iei iten ekewe ainang: Tan epwe fanüeni ewe kinikin mi nom lekiännin ewe fanü me efeng, a popuetä seni ewe matau watte wenewenen Hetlon tori Hamat, pwal tori Hasarenon, pwe ewe fanü Tamaskus me ewe fanü Hamat repwe nom efeng. Iei ewe fanü Tan me lon ewe fanü Israel seni lepelian me ötiu tori lepelian me lotou.  
\v 2 Ünükün ewe fanü Tan, seni lepelian me ötiu tori lepelian me lotou, Aser epwe fanüeni eu kinikin.  
\v 3 Iwe, ünükün ewe fanü Aser, seni lepelian me ötiu tori lepelian me lotou, Naftali epwe fanüeni eu kinikin.  
\v 4 Ünükün ewe fanü Naftali, seni lepelian me ötiu tori lepelian me lotou, Manasa epwe fanüeni eu kinikin.  
\v 5 Iwe, ünükün ewe fanü Manasa, seni lepelian me ötiu tori lepelian me lotou, Efraim epwe fanüeni eu kinikin.  
\v 6 Ünükün ewe fanü Efraim, seni lepelian me ötiu tori lepelian me lotou, Rupen epwe fanüeni eu kinikin.  
\v 7 Nge ünükün ewe fanü Rupen, seni lepelian me ötiu tori lepelian me lotou, Juta epwe fanüeni eu kinikin.   
\p
\v 8 Iwe, ünükün ewe fanü Juta, seni lepelian me ötiu tori lepelian me lotou, epwe nom ewe kinikin oupwe aimwüela. Iwe, chölapan epwe ükükün engol mail seni lepelian me efeng tori lepelian me ör, nge langataman epwe usun chök langatamen kinikinin fanüen ekewe ainang seni lepelian me ötiu tori lepelian me lotou. Iwe, ewe Imwenfel epwe nom lukalapan.  
\v 9 Nge langatamen ewe kinikin oupwe aimwüela fän iten ewe Samol mi Lapalap epwe ükükün engol mail, nge chölapan walu mail.  
\v 10 Iwe, ewe kinkinin fanü mi pin fän iten ekewe souasor epwe iei usun: Langatamen lepelian me efeng, pwal lepelian me ör epwe ükükün engol mail, nge chölapen lepelian me lotou pwal lepelian me ötiu epwe ükükün rüanü mail. Iwe, ewe Imwenfel fän iten ewe Samol mi Lapalap epwe nom lukalapan.   
\p
\v 11 Iwe, ei kinikin epwe lenien ekewe souasor ir mwirimwirin Satok, chokewe mi likitü le angang ngeniei, nge resap eti chon Israel le tok seniei, usun chon ewe ainangen Lefi ra föri.  
\v 12 Iei usun ekewe souasor repwe angei ei kinikin mi imwüla seni ewe fanü mi pin, a nom ünükün fanüen chon ewe ainangen Lefi. Ei fanü epwe eu fanü mi unusen pin.  
\v 13 Ünükün ei kinikinin fanüen ekewe souasor epwe nom ewe kinikin fän iten chon ewe ainangen Lefi, langataman epwe ükükün engol mail, nge chölapan rüanü mail. Iei langatamen unusen ewe leni mi pin ükükün engol mail, nge chölapan walu mail.  
\v 14 Ei fanü a mürina seni meinisin. Esap wor eman a tongeni amömöla och seni ika akasiwili ngeni eu fanü, esap pwal wor eman a tongeni fang ngeni eman eu kinikinin, pun a pin fän iten ewe Samol mi Lapalap.   
\p
\v 15 Iwe, ewe lusun fanü chölapan ükükün ruu mail, langataman engol mail, epwe lenien ewe telinimw fän iten aramas, pwe repwe imweimw lon o foleni nöür man won. Iwe, ewe telinimw epwe nom lukalapan.  
\v 16 Iei usun ükükün ewe telinimw: Langatamen lepelian me efeng, lepelian me ör, lepelian me ötiu pwal me lotou repwe wewefengen ükükün ruungeröü limepükü rüe iach.  
\v 17 Ünükün ewe telinimw epwe wor eu leni mi amassawa, chölapen lepelian me efeng, lepelian me ör, lepelian me ötiu pwal me lotou repwe wewefengen ükükün ipükü faik iach.  
\v 18 Iwe, ekewe lusun fanü ünükün ewe leni mi pin, eu a nom lepekin ewe telinimw me ötiu, langataman ükükün rüanü mail, nge pwal eu a nom lepekin me lotou, langataman ükükün rüanü mail. Iwe, chon angangen ewe telinimw repwe manau seni mongön ei leni.  
\v 19 Chon ekewe ainangen Israel meinisin mi angang lon ewe telinimw repwe tanipini ewe fanü.  
\v 20 Iwe, unusen ewe kinikinin fanü oupwe aimwüela langataman me chölapan repwe wewefengen ükükün engol mail. Iei ewe kinikin, ewe leni mi pin me ewe telinimw repwe nom ie.   
\p
\v 21 Iwe, ekewe lusun fanü, ekewe mi nom lesopun me ruu pekin ewe leni mi pin, pwal lepekin lenien ewe telinimw, repwe fanüen ewe samol. Iwe, eu kinikin langataman ükükün engol mail, seni kiännin ewe leni mi pin tori kiännin fanüen ekewe ainangen Israel me ötiu. Nge pwal eu kinikin langataman ükükün engol mail, seni kiännin ewe leni mi pin tori kiännin fanüen ekewe ainangen Israel me lotou. Iei ükükün fanüen ewe samol, nge ewe leni mi pin me ewe Imwenfel repwe nom lukalaper.  
\v 22 Iwe, fanüen chon ewe ainangen Lefi pwal ewe telinimw repwe nom lukalapen ekewe kinikinin fanüen ewe samol. Nge fanüen ewe samol epwe pwal nom lefilen fanüen chon ewe ainangen Juta me fanüen chon ewe ainangen Peniamin.   
\p
\v 23 Iei fanüen ekewe lusun ainangen Israel: Peniamin epwe fanüeni eu kinikin me lon ewe fanü Israel seni lepelian me ötiu tori lepelian me lotou.  
\v 24 Iwe, ünükün ewe fanü Peniamin seni lepelian me ötiu tori lepelian me lotou, Simeon epwe fanüeni eu kinikin.  
\v 25 Ünükün ewe fanü Simeon seni lepelian me ötiu tori lepelian me lotou, Isakar epwe fanüeni eu kinikin.  
\v 26 Iwe, ünükün ewe fanü Isakar seni lepelian me ötiu tori lepelian me lotou, Sepulon epwe fanüeni eu kinikin.  
\v 27 Nge ünükün ewe fanü Sepulon seni lepelian me ötiu tori lepelian me lotou, Kat epwe fanüeni eu kinikin.  
\v 28 Iwe lepeliörün ewe fanü Kat kiännin ewe fanü Israel epwe fetal seni Tamar tori ewe kolukun Meripa-Kates, tori ewe öüwön Isip, pwal tori ewe matau watte.  
\v 29 Iei usun oupwe aineti ewe fanü ngeni ekewe ainangen Israel pwe repwe fanüeni, pwal iei usun kinikinir,” iei alon Kot ewe Samol mi Lapalap.   
\s1 Iten ewe telinimw me asamalapan kewe  
\sr 48.30-35  
\p
\v 30 “Iwe, ikei ekewe lenien towu me lon ewe telinimw: Ewe tit mi nom peliefeng langataman ükükün rüengeröü limepükü rüe iach,  
\v 31 epwe wor ülüngat asamalap iter Rupen, Juta me Lefi. Pun ekewe asamalap ra iteni iten ekewe ainangen Israel.  
\v 32 Ewe tit mi nom peliötiu langataman ükükün rüengeröü limepükü rüe iach, epwe wor ülüngat asamalap iter Josef, Peniamin me Tan.  
\v 33 Ewe tit mi nom peliör langataman ükükün rüengeröü limepükü rüe iach epwe wor ülüngat asamalap iter Simeon, Isakar me Sepulon.  
\v 34 Ewe tit mi nom pelilotou langataman ükükün rüengeröü limepükü rüe iach epwe pwal wor ülüngat asamalap iter Kat, Aser me Naftali. \x + \xo 48.34 \xt Pwär 21.12-13\x*  
\v 35 Iwe, langatamen unusen tittin ewe telinimw ükükün engol ngeröü walik iach. Nge seni ei otun ewe telinimw epwe iteni: Ewe Samol mi Lapalap a nom ikenan.”