\id 2TH  
\h 2 TESALONIKA 
\toc1 Aruachön nöün Paulus Toropwe ngeni ekewe Souläng lon Tesalonika 
\toc2 2. Tesalonika 
\toc3 2.Tes 
\mt2 Aruachön nöün Paulus Toropwe ngeni ekewe Souläng lon  
\mt1 Tesalonika  
\is1 Kapas akom  
\iot I. Chon makkei ei toropwe: Ewe soukünö Paulus.  
\iot II. A mak ngeni iö: Ngeni ekewe souläng lon Tesalonika.  
\iot III. Itelapemongen ei toropwe: Än Jesus liwinsefäl.  
\iot IV. Kapas aüchean ei toropwe: Souläng repwe üppos o kamwöchünük won ekewe kapas mi let.  
\iot V. Masouen ei toropwe: Pokiten wewengauen ewe kapas usun än Jesus liwinsefäl a chök soposopola osukosuken chon ewe mwichefel lon Tesalonika. Aruachön nöün Paulus toropwe a pworaus usun ewe lükülük pwe itä ewe ränin än Jesus liwinsefäl a fen fis. Paulus a afataöchü ei ekiek o aiti ngeni ekewe souläng, pwe mwen än Jesus liwinsefäl föför esepwüng me föföringau epwe fokun wattela fän nemenien eman mi monomon itan “Ewe Aramas mi Tipis”, ätewe epwe ü ngeni Kraist.  
\ip Ewe soukünö Paulus a aitifichi ngeni chokewe mi aleani ei toropwe aüchean ar repwe nüküchar lon ar lükü, inamwo ika a toriir weires me riaföü, repwe angang pwe epwe wor met repwe manau seni usun Paulus me chienan kewe ra föri, repwe pwal likitü le föri mine a mürina.  
\iot VI. Tettelin masouen ei toropwe:  
\io1 Kapas akom \ior 1.1-2\ior*  
\io1 Kapasen mwareiti me kapasen ing \ior 1.3-12\ior*  
\io1 Kapasen öüröür usun än Jesus epwe liwinsefälito \ior 2.1-17\ior*  
\io1 Kapasen fön usun manauen souläng \ior 3.1-15\ior*  
\io1 Kapasen lesopolan \ior 3.16-18\ior*  
\c 1  
\s1 Kapong  
\sr 1.1-2  
\p
\v 1 Äm Paulus me Timoty aia kapong ngeni chon ewe mwichefel lon Tesalonika, ir nöün Samach Kot me ach Samol Jesus Kraist: \x + \xo 1.1 \xt Föf 17.1\x*  
\v 2 Samach Kot me ach Samol Jesus Kraist epwe ngenikemi ümöümöch me kinamwe.   
\s1 Ewe kapwüng lupwen Kraist epwe liwinsefäl  
\sr 1.3-12  
\p
\v 3 Ämi pwiim kana, äm aia fokun kilisou ngeni Kot fänäsengesimi fansoun meinisin. A pwüng ngenikem pwe aipwe föri ei, pokiten ämi lükülük a fokun fefeitä o ämi chen lefilemi a fokun lapalapala.  
\v 4 Iei popun äm aia aingaing womi lein än Kot kewe mwichefel. Aia aingaing won ämi likitü me ämi lükülük lon ekewe ninni me riaföü meinisin mi fis ngenikemi.   
\p
\v 5 Ekei mettoch meinisin ra alletätä pwe än Kot kapwüng a pwüng. Iei popun oupwe fich ngeni ämi oupwe alealong lon Mwün Kot, ewe mwü oua riaföü fänäsengesin.  
\v 6 Enlet, Kot epwe föri mine a pwüng: Epwe atoto riaföü won chokewe mi ariaföüükemi,  
\v 7 epwe pwal angasakemi ämi mi riaföü, epwe pwal angasakem. Ei epwe fis lupwen ach Samol epwe feito seni läng fiti nöün kewe chon läng mi pöchökül,  
\v 8 epwe pwal feito ren ngetengeten ekkei, pwe epwe apwüngü chokewe mi pöütala Kot, resap pwal aleasochis ngeni ewe Pworausen Manau usun ach Samol Jesus.  
\v 9 Ir repwe riaföü ren ewe apwüngün feiengau esemüch, repwe imwü seni mwen mesen ach Samol pwal seni an we pöchökül mi amwarar, \x + \xo 1.9 \xt Ais 2.10\x*  
\v 10 lupwen epwe war lon ewe Ränin, nöün kewe chon pin meinisin repwe alinga i o ekewe chon lükülük meinisin repwe asamolu i. Pwal ämi oupwe etiir, pun oua lükü ewe kapasen Kot äm aia aiti ngenikemi.   
\p
\v 11 Iei mine äm aia iotek fän itemi fansoun meinisin. Aia tüngor ngeni ach Kot pwe epwe alisikemi, pwe oupwe fich ngeni ewe manau i a körikemiilong lon. Iwe, Kot epwe atufichikemi ren an manaman, pwe oupwe tongeni föri ekewe föför mi mürina meinisin oua mochen föriir, epwe pwal aunusöchü ämi angang oua föri pokiten ämi lükülük.  
\v 12 Ren ei iten ach Samol Jesus epwe ling me remi, nge pwal ämi oupwe ling me ren. Ei epwe fis pokiten ümöümöchün ach Kot me ach Samol Jesus ngenikemi.   
\c 2  
\s1 Ewe Aramas mi Tipis  
\sr 2.1-12  
\p
\v 1 Nge usun waren ach Samol Jesus Kraist, pwal usun ach chufengen me i o nonom ren, ngang üa tüngormau ngenikemi, ämi pwii kana, \x + \xo 2.1 \xt 1.Tes 4.15-17\x*  
\v 2 pwe ousap müttir rukola lon ämi ekiek, ika osukosuk ren ewe kapas pwe ewe Ränin ach Samol a fen war. Eli oua ekieki, pwe aia apasa ei lupwen aia osuni ika aia afalafal ika aia makkei ekei kapas lon toropwe.  
\v 3 Ousap mwüt ngeni eman epwe atupukemi lon sokopaten angangen atuputup. Pun ewe Rän esap wareto mwen an epwe fis pwe aramas repwe üfengen me Kot o ewe Aramas mi Tipis epwe pwäto, i ewe epwe kiteterila lon ewe hell.  
\v 4 I epwe ü ngeni iteiten mettoch aramas ra aita ngeni Kot o fel ngeni, epwe pwal püsin seikätä wor meinisin. Epwe mwo nge feila lon än Kot we imwenfel o mot won an lenien mot o püsin aita ngeni pwe i Kot. \x + \xo 2.4 \xt Tan 11.36; Is 28.2\x*   
\p
\v 5 Ousap chechemeni pwe üa fen ürenikemi ekei mettoch meinisin lupwen üa nonom remi?  
\v 6 Nge mi wor och a pinei ei an epwe fis iei, o ämi oua silei met a pinei. Iwe, ewe Aramas mi Tipis epwe pwäto lon ewe fansoun mi fich ngeni.  
\v 7 Pun ewe tipis mi monomonola a fen akangang iei, nge ewe eman mi pinei an epwe fis ei iei epwe chök sopwela le föri iei usun tori Kot epwe angeala.  
\v 8 Mürin ewe Aramas mi Tipis epwe pwäla. Nge lupwen ach Samol Jesus epwe war epwe niela i ren enienin ngasangasan mi towu seni awan o amüchala ren lingen an war. \x + \xo 2.8 \xt Ais 11.4\x*  
\v 9 Ewe Aramas mi Tipis epwe war fän pöchökülen Satan o föri sokopaten manaman me asisil mi chofona, \x + \xo 2.9 \xt Mat 24.24\x*  
\v 10 epwe aea sokopaten angangen atuputup mi ngau ngeni chokewe repwe pöütmwälila. Repwe pöütmwälila pokiten resap fokun mochen etiwa o aücheani ewe kapas mi let pwe repwe küna manau ren.  
\v 11 Iei popun Kot a tinala rer ewe manamanen atuputup, pwe repwe lükü mine a chofona.  
\v 12 Iei mine chokewe meinisin resap lükü ewe kapas mi let, nge ra pwapwa le föri tipis, Kot epwe apwüngala pwe ra tipis.   
\s1 Kot a afilikemi pwe oupwe küna manau  
\sr 2.13-17  
\p
\v 13 Iwe, äm aipwe fokun kilisou ngeni Kot fansoun meinisin fänäsengesimi pwiim kana mi chen me ren ach Samol. Pun seni lepoputän, Kot a afilikemi pwe oupwe küna manau ren än Ngünmifel apinikemi, pwal ren ämi lükü ewe kapas mi let.  
\v 14 Kot a körikemi ngeni ei manau mi fö ren ewe Pworausen Manau aia afalafala ngenikemi. A körikemi pwe oupwe angei wisemi lon lingen ach Samol Jesus Kraist.  
\v 15 Iei mine ämi pwiim kana, oupwe üppos o kamwöchünük won ekewe kapas mi let äm aia aiti ngenikemi lon äm kewe afalafal pwal lon ekewe toropwe aia mak ngenikemi.   
\p
\v 16 Püsin ach Samol Jesus Kraist me Samach Kot, ewe mi echenikich o fang ngenikich chipen letipach fansoun meinisin pwal ach apilükülüköch ren an ümöümöch,  
\v 17 epwe echipa letipemi o apöchökülakemi, pwe oupwe föri o apasa mine a mürina fansoun meinisin.   
\c 3  
\s1 Paulus a tüngor pwe ekewe souläng repwe iotek fän iter  
\sr 3.1-5  
\p
\v 1 Iwe, ämi pwiim kana, oupwe iotek fän item, pwe än ewe Samol kapas epwe müttir chöfetal o aramas repwe etiwa fän ar suföl, usun chök a fen fisitä lefilemi.  
\v 2 Oupwe pwal iotek, pwe Kot epwe angasakem seni ekewe aramas mi ngau me kirikiringau. Pun sap aramas meinisin ra lükü ewe kapas.  
\v 3 Nge ach Samol a allükülük, i epwe apöchökülakemi o tümwünükemi seni ewe mi ngau.  
\v 4 Iwe, äm aia apilükülük ngeni ach Samol fänäsengesimi pwe oupwe apwönüetä o sopwela le föri meinisin mine aia allük ngenikemi.  
\v 5 Ach Samol epwe emweni letipemi ngeni än Kot chen, pwal ngeni än Kraist tipeppos.   
\s1 Wisach pwe sipwe angang  
\sr 3.6-15  
\p
\v 6 Ämi pwiim kana, äm aia allük ngenikemi fän iten ach Samol Jesus Kraist pwe oupwe aimwükemi seni ekewe pwipwi meinisin mi chipwang le angang, resap pwal aleasochisi ekewe kapasen öüröür aia ngeniir.  
\v 7 Ämi oua fokun silei pwe oupwe chök föri usun mine aia föri. Äm aisap chipwang le angang lupwen aia nonom remi,  
\v 8 aisap pwal angei anem mongö ika aisap isetiu liwinin. Nge aia achocho le angang lerän me lepwin fän weires, pwe aisap aweiresikemi.  
\v 9 Aia föri ei, sap pokiten esap wor äm pwüüng äm aipwe angei äm alilis senikemi, nge aia föri ei pwe aipwe eu lenien apirü fän itemi.  
\v 10 Pun lupwen aia nom remi aia ükürenikemi, “Iö esap mochen angang esap pwal tongeni mongö.”   
\p
\v 11 Aia apasa ei pun aia rongorong pwe ekoch me leimi ra chipwang le angang, resap föri och, chilon chök pwe ra angelong lon än eman angang.  
\v 12 Fän iten ach Samol Jesus Kraist äm aia allük ngeni ekei aramas o fönöör, pwe repwe manauöch o föri ar angang pwe epwe wor liwinin aner mongö.  
\v 13 Nge ämi pwiim kana, ousap fokun chipwangela lon ämi föföröch.  
\v 14 Are eman esap mochen aleasochisi äm kewe kapasen öüröür mi mak lon ei toropwe, oupwe asilla i. Ousap chiechi ngeni, pwe epwe mefi an säw. \fig Ousap föri ngeni usun itä nge i eman oua oput.|src="avnt088.tif" size="span" loc="50" ref="3.15" \fig*  
\v 15 Nge ousap föri ngeni usun itä nge i eman oua oputa, nge oupwe fönöü usun chök eman pwiimi.   
\s1 Kapasen lesopolan  
\sr 3.16-18  
\p
\v 16 Ach Samol, i popun ach kinamwe, epwe püsin ngenikemi kinamwe fansoun meinisin pwal ekis meinisin. Ach Samol epwe nonom remi meinisin.  
\v 17 Ngang Paulus üa makkei ekei kapasen kapong ren püsin pei. Iei usun ai saini ekewe toropwe meinisin. Iei usun ai mak.  
\v 18 Ümöümöchün ach Samol Jesus Kraist epwe nonom remi meinisin.