\id 1CH  
\h 1.KRONIKA 
\toc1 1. Kronika 
\toc2 1. Kronika 
\toc3 1.Kron 
\mt1 1.Kronika  
\ib  
\is1 Kapas akom  
\iot I. Iten ei puk: Aeuin Kronika. Wewen ei fos Kronika: Uruwo.  
\iot II. Chon makei ei puk: Esap fat, nge ekoch sousilelap lon Paipel ra ekieki pwe Esra a achufengeni ekewe uruwo.  
\iot III. Itelapemongen ei puk: Kot a nemenem.  
\iot IV. Kapas aüchean ei puk: Kot a apwönüetä an kewe pwon ngeni chon Israel me chon Juta, inamwo ika ra tolong lon feiengau.  
\iot V. Masouen ei puk Aeuin Kronika: Lon ei puk ewe chon mak a apworausasefäli ekewe pworaus mi fen mak lon ekewe puken Samuel me King. Nge ewe chon makei ekei puken Kronika a alapa an pworaus won mine a fis lon pekin lamalam, lap seni ewe chon makei ekewe puken King. Mi wor ruu ekiek mi aüchea, ewe chon makei ekei puk a mochen afata:  
\io2 1. A mochen afata, pwe Kot a apwönüetä an kewe pwon ngeni ekewe chon Israel me Juta, inamwo ika ra tolong lon feiengau, nge epwe chök fis an we akot me ren nöün kewe aramas lon Juta. Longolongun än ewe chon mak lükülük won ei, pokiten än Tafit me Salomon kewe föför mi fokun öch, pokiten a öchsefäl akoten mwü me lamalam lon mwün Jehosafat, Hiskia me Josia, pwal pokiten ekewe aramas mi likitü lon ar lükü Kot.  
\io2 2. A mochen afata poputän ewe angangen fel ngeni Kot lon ewe imwenfel lon Jerusalem, pwal tettelin eu me eu mwich än ekewe souasor me chon ewe ainangen Lefi me wiser lon ekewe angang repwe föri. A afata pwe Tafit i ätewe mi wesewesen popuetä angangen ewe imwenfel me kokoten angangen lon, inamwo are Salomon ewe a aüetä ewe imwenfel.  
\iot VI. Tettelin masouen ei puk:  
\io1 Tettelin mwirimwirin ekewe aramas \ior 1.1–9.44\ior*  
\io1 Saul a mäla \ior 10.1-14\ior*  
\io1 Tafit a nemenem \ior 11.1–29.30\ior*  
\io2 1. Än Tafit weires me an kewe föför mi öch \ior 11.1–22.1\ior*  
\io2 2. Tafit a amolätä pisek fän iten kaütän ewe imwenfel \ior 22.2–29.30\ior*  
\c 1  
\s1 Mwirimwirin Atam  
\r (Ken 5.1-32; 11.10-26)  
\sr 1.1-4  
\p
\v 1 Atam semen Set, Set semen Enos, Enos semen Kenan,  
\v 2 Kenan semen Mahalalel, Mahalalel semen Jaret,  
\v 3 Jaret semen Enok, Enok semen Metusala, Metusala semen Lamek,  
\v 4 Lamek semen Noa. Noa a wor nöün ülüman mwän: Säm, Ham me Jafet.   
\s1 Mwirimwirin nöün Noa  
\sr 1.5-23  
\p
\v 5 Iwe, ikkei ir nöün Jafet kewe mwän: Komer, Makok, Matai, Jafan, Tupal, Mesek me Tiras.  
\v 6 Ekewe mwirimwirin Komer ir ekewe chon Askenas, chon Rifat me chon Tokarma.  
\v 7 Nge ekewe mwirimwirin Jafan ir ekewe chon Elisha, chon Tarsis, chon Kit me chon Rotan.   
\p
\v 8 Iwe, ikkei ir nöün Ham kewe mwän: Kush, Isip, Put me Kanaan.  
\v 9 Ekewe mwirimwirin Kush ir ekewe chon Sepa, chon Hawila, chon Sapta, chon Rama me chon Sapteka. Nge ekewe mwirimwirin Rama ir ekewe chon Shepa me chon Tetan.  
\v 10 Iwe, Kush semen Nimrot, nge Nimrot aemanün sounemenem won fanüfan mi nemeni aramas fän pöchökül.   
\p
\v 11 Iwe, ekewe mwirimwirin Isip ir ekewe chon Lut, chon Anam, chon Lehap, chon Naftu,  
\v 12 chon Patrus, chon Kaslu, ekewe chon Filistia ra pop seniir, me chon Kaftor.   
\p
\v 13 Iwe, Kanaan semen Siton nöün we mwänichi me Het.  
\v 14 Nge mwirimwirin Kanaan pwal ekewe chon Jepus, chon Amor, chon Kirkas,  
\v 15 chon Hiw, chon Ark, chon Sin,  
\v 16 chon Arwat, chon Semar me chon Hamat.   
\p
\v 17 Iwe, ikkei ir nöün Säm kewe mwän: Elam, Ashur, Arpaksat, Lut, Aram, Us, Hul, Keter me Mesek.  
\v 18 Arpaksat semen Shela, nge Shela semen Eper.  
\v 19 A wor ruoman nöün Eper mwän, iten eman Pelek, pun lon fansoun manauan ekewe aramasen fanüfan ra imwüfesen, nge iten pwin we Joktan.  
\v 20 Iwe, ekewe mwirimwirin Joktan ir ekewe chon Almotat, chon Selef, chon Hasarmafet, chon Jera,  
\v 21 chon Hatoram, chon Usal, chon Tikla,  
\v 22 chon Epal, chon Apimael, chon Sepa,  
\v 23 chon Ofair, chon Hawila me chon Jopap. Ir meinisin mwirimwirin Joktan.   
\s1 Mwirimwirin Säm  
\sr 1.24-27  
\p
\v 24 Iwe, tettelin ekewe mwirimwirin Säm: Arpaksat, Shela,  
\v 25 Eper, Pelek, Reu,  
\v 26 Seruk, Nahor, Tara me  
\v 27 Apram, iei i Apraham.   
\s1 Mwirimwirin Ismael me Katura  
\sr 1.28-33  
\r (Ken 25.12-16)  
\p
\v 28 Iwe, mi wor ruoman nöün Apraham mwän: Isaak me Ismael.  
\v 29 Ikkei ir nöün Ismael kewe mwän lon tettelin ar uputiu: Nepaiot nöün we mwänichi, Ketar, Atpeel, Mipsam,  
\v 30 Misma, Tuma, Massa, Hatat, Tema,  
\v 31 Jetur, Nafis me Ketema.  
\v 32 Nge nöün Katura kewe mwän, ülüpwülüen Apraham, a nöüni me won: Simram, Joksan, Metan, Mitian, Ispak me Sua. Iwe, ikkei ir nöün Joksan kewe mwän: Shepa me Tetan.  
\v 33 Nge nöün Mitian kewe mwän: Efa, Efer, Hanok, Apita me Elta. Ätekei meinisin ir mwirimwirin Katura.   
\s1 Mwirimwirin Esau  
\sr 1.34-54  
\r (Ken 36.1-43)  
\p
\v 34 Apraham semen Isaak. Nge nöün Isaak kewe mwän Esau me Jakop.  
\v 35 Iwe, nöün Esau kewe mwän: Elifas, Reuel, Jeus, Jalam me Kora.  
\v 36 Nge nöün Elifas kewe mwän: Teman, Omar, Sefi, Katam, Kenas, Timna me Amalek.  
\v 37 Iwe, nöün Reuel kewe mwän: Nahat, Sera, Samma me Missa.   
\p
\v 38 Iwe, nöün Seir kewe mwän: Lotan, Sopal, Sipeon, Ana, Tison, Eser me Tisan.  
\v 39 Nöün Lotan kewe mwän: Hori me Homan, nge Timna fefinen Lotan.  
\v 40 Iwe, nöün Sopal kewe mwän: Alian, Manahat, Epal, Sefi me Onam. Nge nöün Sipeon kewe mwän: Aia me Ana.  
\v 41 Nöün Ana we mwän Tison, nge nöün Tison kewe mwän: Hamran, Espan, Itran me Cheran.  
\v 42 Iwe, nöün Eser kewe mwän: Pilan, Saawan me Jakan. Nge nöün Tisan kewe mwän: Us me Aran.   
\p
\v 43 Ikkei ir ekewe king ra nemeni ewe fanü Etom, lupwen esamwo wor king mi nemeni Israel: Pela nöün Peor we mwän seni ewe telinimw Tinhapa.  
\v 44 Iwe, mürin än Pela mäla, Jopap nöün Sera we mwän seni Posra a siwili lon wisan wisen king.  
\v 45 Nge mürin än Jopap mäla, Husam seni fanüen chon Teman a siwili lon wisan wisen king.  
\v 46 Iwe, mürin än Husam mäla, Hatat nöün Petat we mwän seni ewe telinimw Awit a siwili lon wisan wisen king. Ätei a akufu chon Mitian me lon ewe fanü Moap.  
\v 47 Nge mürin än Hatat mäla, Samla seni Masreka a siwili lon wisan wisen king.  
\v 48 Iwe, mürin än Samla mäla, Shaul seni ewe telinimw Rehopot mi nom arun ewe chanpupu Oifrat a siwili lon wisan wisen king.  
\v 49 Nge mürin än Shaul mäla, Paalanan nöün Akpor we mwän a siwili lon wisan wisen king.  
\v 50 Iwe, mürin än Paalanan mäla, Hatat seni ewe telinimw Pau a siwili lon wisan wisen king. Iten pwülüan Mehetapel nöün Matret we fefin, nge Matret nöün Mesahap fefin.  
\v 51 Mürin, Hatat a mäla. Iwe, ikkei ir ekewe samolun Etom: Timna, Alia, Jetet,  
\v 52 Oholipama, Ela, Pinon,  
\v 53 Kenas, Teman, Mipsar,  
\v 54 Maktiel me Iram.   
\c 2  
\s1 Nöün Jakop kewe mwän  
\sr 2.1-2  
\p
\v 1 Iwe, ikkei ir nöün Jakop kewe mwän: Rupen, Simeon, Lefi, Juta, Isakar, Sepulon,  
\v 2 Tan, Josef, Peniamin, Naftali, Kat me Aser.   
\s1 Mwirimwirin Juta  
\sr 2.3-55  
\p
\v 3 Iwe, nöün Juta kewe mwän: Er, Onan me Shela. Ekei ülüman mwän Juta a nöüni me won Patsua ewe fin Kanaan. Er nöün Juta we mwänichi a föföringau me fän mesen ewe Samol mi Lapalap, iei mine Kot a niela.  
\v 4 Juta a pwal nöüni me won Tamar pwülüen nöün we: Peres me Sera. Iwe, ükükün nöün Juta mwän meinisin limman.   
\p
\v 5 Iwe, nöün Peres kewe mwän: Hesron me Hamul.  
\v 6 Nöün Sera kewe mwän: Simri, Etan, Heman, Kalkol me Tara, irfengen meinisin limman.  
\v 7 Nge Karmi eman mwirimwirin Sera a wor eman nöün mwän itan Akar \f + \fr 2.7 \ft Akar a iteni Akan lon Jos 7.1\f*. Ätei ewe mi awarato feiengau won Israel ren an angemwäli ekewe mettoch repwe katala. \x + \xo 2.7 \xt Jos 7.1\x*  
\v 8 Iwe, nöün Etan we mwän Asaria.   
\p
\v 9 Nöün Hesron kewe mwän: Jeramel, Ram me Kalep.  
\v 10 Ram semen Aminatap, nge Aminatap semen Nason samolun chon ewe ainangen Juta.  
\v 11 Nason semen Salma, Salma semen Poas,  
\v 12 Poas semen Opet, nge Opet semen Jesi.  
\v 13 Iwe, Jesi semen Eliap nöün mwänichi, Apinatap ewe aruomanün, Simea ewe aülümanün,  
\v 14 Netanel ewe afömanün, Ratai ewe alimmanün,  
\v 15 Osem ewe awonomanün, nge Tafit ewe setiputur.  
\v 16 Iwe, fefiner kewe Seruia me Apikael. A wor ülüman nöün Seruia mwän: Apisai, Joap me Asael.  
\v 17 Apikael a nöüni Amasa, nge semen Amasa itan Jeter, eman mwirimwirin Ismael.   
\p
\v 18 Iwe, Kalep nöün Hesron we mwän a nöüni me won Asupa pwülüan we eman nengin itan Jeriot. Nge nöün kewe mwän me won Asupa: Jeser, Sopap me Arton.  
\v 19 Nge mürin än Asupa mäla, Kalep a pwülüeni Efrat o nöüni Hur me won.  
\v 20 Iwe, Hur semen Uri, nge Uri semen Pesalel.   
\p
\v 21 Lupwen Hesron a ierini wone, a pwülüeni nöün Makir we fefin, nge Makir semen Kiliat. Iwe, neminewe a nöüni Sekup me won Hesron.  
\v 22 Sekup semen Jair, ätewe mi nemeni rüe me ülüngat telinimw me lon ewe fanü Kiliat.  
\v 23 Nge ekewe chon Kesur me chon Aram ra liapeni Hawotjair, Kenat me wisoposopun kewe ükükün wone telinimw. Ekewe aramas meinisin mi nom lon ekei leni ir mwirimwirin Makir semen Kiliat.  
\v 24 Iwe, mürin än Hesron mäla, Kalep a pwülüeni Efrat pwülüen Hesron saman we. Iwe, a nöüni Asur me won, nge Asur semelapen chon Tekoa.   
\p
\v 25 Iwe, nöün Jeramel kewe mwän nöün Hesron we mwänichi: Ram ewe mwänichi, Puna, Oren, Osem me Ahia.  
\v 26 Mi pwal wor eman pwülüen Jeramel itan Atara, neminei inen Onam.  
\v 27 Iwe, nöün Ram kewe mwän: Maas, Jamin me Eker.  
\v 28 Nge nöün Onam kewe mwän: Shamai me Jata, nge nöün Shamai kewe mwän: Natap me Apisur.  
\v 29 Iten pwülüen Apisur Apihail, neminei a nöüni me won Apan me Molit.  
\v 30 Iwe, nöün Natap kewe mwän: Selet me Apaim. Selet a mäla, nge esap wor nöün.  
\v 31 Nöün Apaim mwän: Isi, nge nöün Isi: Sesan, nge nöün Sesan: Alai.  
\v 32 Nöün Jata kewe mwän pwin Samai: Jeter me Jonatan. Iwe, Jeter a mäla, nge esap wor nöün.  
\v 33 Nöün Jonatan kewe mwän: Pelet me Sasa. Ir meinisin mwirimwirin Jeramel.  
\v 34 Iwe, Sesan esap wor nöün mwän, pwe fefin chök. Nge mi wor eman re Isip nöün Sesan amanau itan Jara.  
\v 35 Sesan a apwüpwülüa nöün fefin ngeni Jara, nge neminei a nöüni Atai me won.  
\v 36 Iwe, Atai semen Natan, Natan semen Sapat,  
\v 37 Sapat semen Eflal, Eflal semen Opet,  
\v 38 Opet semen Jehu, Jehu semem Asaria,  
\v 39 Asaria semen Heles, Heles semen Eleasa,  
\v 40 Eleasa semen Sismai, Sismai semen Salum,  
\v 41 Salum semen Jekamia, nge Jekamia semen Elisama.   
\p
\v 42 Iwe, Kalep pwin Jeramel a wor nöün kewe mwän. Iten nöün we mwänichi Mesa i semen Sif, Sif semen Maresa, nge Maresa semen Hepron.  
\v 43 Nöün Hepron kewe mwän: Kora, Tapua, Rekem me Sema.  
\v 44 Iwe, Sema semen Raham, Raham semen Jorkeam. Nge Rekem semen Samai,  
\v 45 Samai semen Maon, nge Maon semen Petsur.  
\v 46 Iwe, Efa ülüpwülüen Kalep a nöüni Haran, Mosa me Kases. Nge Haran a pwal wor eman nöün itan Kases.  
\v 47 Nöün Jatai kewe mwän: Rekem, Jotam, Keshan, Pelet, Efa me Saaf.  
\v 48 Nge Maka pwal eman ülüpwülüen Kalep, a nöüni Seper me Tirana.  
\v 49 Mürin a pwal nöüni Saaf semelapen chon Matmana me Sewa semelapen chon Makpena me chon Kipea. Nge nöün Kalep fefin a iteni Aksa.   
\p
\v 50 Ikkei ir ekewe mwirimwirin Kalep: Hur, nöün Kalep we mwänichi, a nöüni me won Efrat, a wor nöün mwän: Sopal semelapen chon Kiriat-jearim.  
\v 51 Salma semelapen chon Petleem, me Haref semelapen chon Pet-kater.  
\v 52 Nge ekewe mwirimwirin Sopal semelapen chon Kiriat-jearim: Ekewe chon Haroe me esopun chon Menuhot,  
\v 53 pwal ekewe eterekes mi nom lon Kiriat-jearim: ekewe chon Itri, chon Put, chon Shumat me chon Mishra. Iwe, ekewe chon Sorat me chon Eshtaol ra pop seni ekei aramas.  
\v 54 Nge ekewe mwirimwirin Salma semelapen chon Petleem: Ekewe chon Netofat, chon Atrot-Petjoap, esopun chon Manahat me ekewe chon Sor.  
\v 55 Ikkei ekewe eterekesin ekewe soumak mi nom lon Japes: Ekewe chon Tirat, chon Shimeat me chon Sukat. Ir ekewe chon Ken ra feito seni Hamat, mwirimwirir ekewe chon leimwen Rekap.   
\c 3  
\s1 Nöün Tafit kewe mwän  
\sr 3.1-9  
\p
\v 1 Iwe, nöün Tafit kewe mwän mi upu ngeni me lon Hepron: Ewe mwänichi Amnon, a nöüni me won Ahinoam ewe fin Jesrel, ewe aruomanün Taniel, a nöüni me won Apikael ewe fin Karmel.  
\v 2 Ewe aülümanün Apsalom, a nöüni me won Maka nöün Talmai ewe kingen Kesur, ewe afömanün Atonia, a nöüni me won Hakit,  
\v 3 ewe alimanün Sefatia, a nöüni me won Apital, nge ewe awonomanün Itream, a nöüni me won Ekla.  
\v 4 Ikkei ir ekewe wonoman mwän Tafit a nöüni me lon Hepron, ewe ia a nom ie o nemenem lon ükükün fisu esop ier. Nge a pwal nom lon Jerusalem o nemenem lon ükükün ilik me ülüngat ier. \x + \xo 3.4 \xt 2.Sam 5.4-5; 1.King 2.11; 1.Kron 29.27\x*  
\v 5 Iwe, nöün Tafit kewe föman mwän a nöüni me won Patsipa nöün Amiel we fefin me lon Jerusalem: Simea, Sopap, Natan me Salomon. \x + \xo 3.5 \xt 2.Sam 11.3\x*  
\v 6 Mi pwal wor ekoch mwän Tafit a nöüni me lon Jerusalem: Ipar, Elisua, Elpelet,  
\v 7 Noka, Nefek, Jafia,  
\v 8 Elisama, Eliata me Elifelet, iteiter meinisin tiueman.  
\v 9 Ir meinisin nöün Tafit kewe mwän, lükün nöün kewe mwän me won ülüpwülüan kewe. Nge iten fefiner we Tamar.   
\s1 Ekewe mwirimwirin Salomon  
\sr 3.10-24  
\p
\v 10 Iwe, nöün Salomon we mwän Rehopoam, nöün Rehopoam Apia, nöün Apia Asa, nöün Asa Jehosafat,  
\v 11 nöün Jehosafat Jehoram, nöün Jehoram Ahasia, nöün Ahasia Joas,  
\v 12 nöün Joas Amasia, nöün Amasia Ussia, nöün Ussia Jotam,  
\v 13 nöün Jotam Ahas, nöün Ahas Hiskia, nöün Hiskia Manasa,  
\v 14 nöün Manasa Amon, nge nöün Amon Josia.  
\v 15 Iwe, a wor föman nöün Josia kewe mwän: Johanan ewe mwänichi, Jehoiakim, Setekia me Salum.  
\v 16 Nge nöün Jehoiakim kewe mwän: Jehoiachin me Setekia.   
\p
\v 17 Ikkei ir mwirimwirin Jehoiachin kewe, ätewe mi oola Papilon. Nöün Jehoiachin kewe mwän: Sealtiel,  
\v 18 Malkiram, Petaia, Senasar, Jekamia, Hosama me Netapia.  
\v 19 Nöün Petaia kewe mwän: Serupapel me Shimei. Nge nöün Serupapel kewe mwän: Meshulam me Hanania pwal fefiner we itan Selomit.  
\v 20 A pwal wor limman nöün Serupapel mwän: Hasupa, Ohel, Perekia, Hasatia me Jusap-heset.  
\v 21 Nge nöün Hanania kewe mwän: Pelatia me Jesaia. Jesaia semen Refaia, Refaia semen Arnan, Arnan semen Opatia, nge Opatia semen Sekania.  
\v 22 Iwe, nöün Sekania we mwän Semaia. A wor limman nöün Semaia mwän: Hatus, Ikal, Paria, Nearia me Safat.  
\v 23 Iwe, a wor ülüman nöün Nearia mwän: Eli-oenai, Hiskia me Asrikam.  
\v 24 Nge nöün Eli-oenai kewe füman mwän: Hotawia, Eliasip, Pelaia, Akup, Johanan, Telaia me Anani.   
\c 4  
\s1 Pwal ekoch mwirimwirin Juta  
\sr 4.1-23  
\p
\v 1 Ikkei ir ekoch mwän ir mwirimwirin Juta: Peres, Hesron, Karmi, Hur me Sopal.  
\v 2 Iwe, Sopal semen Reaia, Reaia semen Jahat, nge Jahat semen Ahumai me Lahat. Ir än ekewe aramas mi nom lon Sora lewo.  
\v 3-4 Hur nöün Kalep we mwänichi a nöüni me won Efrat, iwe, mwirimwirin kewe poputän chon ewe telinimw Petleem. A wor ülüman nöün Hur kewe mwän: Etam, Penuel me Eser. Iwe a wor ülüman nöün Etam mwän: Jesreel, Isma me Itpas, nge iten fefiner Haselelponi. Penuel semelapen chon Ketor, nge Eser semelapen chon Husa.  
\v 5 Ashur semelapen chon Tekoa a wor ruoman pwülüan: Hela me Nara.  
\v 6 Iwe, Nara a nöüni föman mwän me won Ashur: Ahusam, Hefer, Temeni me Haashtari.  
\v 7 Nge Hela a nöüni ülüman mwän me won Ashur: Seret, Isar me Etnan.  
\v 8 Iwe, Kos semen Anup, Sopepa me ekewe eterekesin Aarel nöün Harum we mwän.  
\v 9 A wor eman mwän itan Japes, a kon iteföüla seni pwin kana. Iwe, inan we a aita ngeni Japes, pun a apasa, “Üa nöüni fän cheuch.”  
\v 10 Nge Japes a iotek ngeni ewe Koten Israel, “Ai Kot, kose mochen afeiöchüei o awatteela kiännin fanüei. Kopwe etiei o tümwünüei pwe üsap feiengauaei.” Iwe, Kot a apwönüetä mine a tüngor.   
\p
\v 11 Iwe, Kelup pwin Sua, i semen Meir, nge Meir semen Eston.  
\v 12 Eston semen Petrafa, Pasea me Teina. Nge Teina semelapen chon Naash. Mwirimwirin ekei aramas ra nom lon Reka.  
\v 13 A wor ruoman nöün Kenas mwän: Otniel me Seraia. Iwe, nöün Otniel kewe mwän: Hatat me Meonotai.  
\v 14 Meonotai semen Ofra, nge Seraia semen Joap, i semelapen chon Keharas. Ei leni a iteni ei it, pokiten ekewe aramas mi nom lon ra sipeöch le angang.  
\v 15 Iwe, Kalep nöün Jefune we mwän a wor ülüman nöün mwän: Iru, Ela me Naam. Nge nöün Ela we mwän: Kenas.  
\v 16 Nöün Jehalelel kewe mwän: Sif, Sifa, Tiria me Asarel.  
\v 17-18 Iwe, nöün Esra kewe mwän: Jeter, Meret, Efer me Jalon. Iwe, Meret a pwülüeni Pitia nöün Farao we fefin. Neminei a nöüni eman nengin itan Miriam, me ruoman ät iter Samai me Ispa, i semelapen chon Estemoa. Meret a pwal pwülüeni eman fin Juta. Iwe, a nöüni me won Jeret i semelapen chon Ketor, Heper i semelapen chon Soko me Jekutiel i semelapen chon Sanoa.  
\v 19 Iwe, Hotia a pwülüeni fefinen Naham. Nge ekewe mwirimwirin neminei ir lepopun chon ewe eterekesin Karm mi nom lon Keila me chon ewe eterekesin Makat mi nom lon Estemoa.  
\v 20 Iwe, nöün Simon kewe mwän: Amnon, Rina, Penhanan me Tilon. Nge nöün Ishi kewe mwän: Sohet me Pensohet.  
\v 21 Iwe, Shela eman lein nöün Juta kewe mwän. Ekewe mwirimwirin Shela: Er i semelapen chon Leka, Lata i semelapen chon Maresa me ekewe eterekesin chon angang ngeni mangaku mi pwechepwech mi nom lon Pet-aspea,  
\v 22 pwal Jokim me ekewe chon Kosepa, Joas me Saraf mi pwülüeni fin Moap mwen ar liwiniti Petleem. (Ekei uruwo ra seni chök me lomlom.)  
\v 23 Ir chokewe mi föri sepi seni pwül, ra imweimw lon Netaim me Ketera o föri ar angang fän iten ewe king.   
\s1 Ekewe mwirimwirin Simeon  
\sr 4.24-43  
\p
\v 24 Iwe, ikkei ir nöün Simeon kewe mwän: Nemuel, Jamin, Jarip, Sera me Shaul.  
\v 25 Nöün Shaul mwän Salum, nöün Salum mwän Mipsam, nge nöün Mipsam mwän Misma.  
\v 26 Ekewe mwirimwirin Misma: Hamuel, nöün Hamuel mwän Sakur, nge nöün Sakur mwän Shimei.  
\v 27 Shimei a nöüni engol me wonoman mwän me wonoman fefin. Nge pwin kewe esap nien chomong nöür, iei mine esap pwal chomongola ewe ainangen Simeon usun ewe ainangen Juta.  
\v 28 Iwe, ekewe mwirimwirin Simeon ra nom lon Peersepa, Molata, Hasar-sual,  
\v 29 Pila, Esem, Tolat,  
\v 30 Petuel, Horma, Siklak,  
\v 31 Pet-markapot, Hasar-susim, Pet-piri me Saraim. Ikkei ar kewe telinimw tori Tafit a popuetä le nemenem.  
\v 32 Iwe, ra nom lon pwal limu telinimw iter Etam, Ain, Rimon, Token me Asan,  
\v 33 fiti wisoposopur kewe mi pwelifeili ekei telinimw achöüala ngeni Paalat. Ikkei ar kewe leni ia ra nom ie, a pwal wor uruwon ar kewe lewo. \x + \xo 4.33 \xt Jos 19.2-8\x*   
\p
\v 34 Iwe, Mesopap, Jamalek me Josa nöün Amasia we mwän,  
\v 35 Joel, Jehu nöün Josipia, Josipia nöün Seraia, nge Seraia nöün Asiel,  
\v 36 pwal Eli-oenai, Jakopa, Jesohaia, Asaia, Atiel, Jesimiel, Penaia,  
\v 37 Sisa nöün Sifi, Sifi nöün Alon, Alon nöün Jetaia, Jetaia nöün Simri, nge Simri nöün Semaia we mwän.  
\v 38 Ekei mwän a föü iter ir souemwenin ar kewe cho. Pokiten ar kewe famili ra fokun wattela,  
\v 39 iei mine ra sai tori ewe lenien tolong lon Ketor kuku ngeni peliötiuen ewe lemol, pwe repwe kütta enen nöür kewe pwiin sip.  
\v 40 Ikenan ra küna enen nöür kewe pwiin sip mi fokun mürina, nge ewe fanü a pwal fokun wäwä, mosonoson me kinamwe. Iwe, chon ewe fanü me mwan ir mwirimwirin Ham.  
\v 41 Iwe, lon mwün Hiskia ewe kingen Juta, ekei aramas a fen mak iter ra feito, ra maun ngeni ekewe mwirimwirin Ham o ataela imwer imwen ekewe chon Meun mi nom ikenan. Ra aroserela meinisin, iei mine esap chüen wor mwirimwirir tori ikenai. Iwe, ra lenieni lenier, pun ikenan a wor enen nöür kewe pwiin sip.  
\v 42 Iwe, ükükün limepükü mwän seni chon ewe ainangen Simeon ra feila won chukuchukutän ewe fanü Seir, nge nöün Ishi kewe mwän Pelatia, Nearia, Refaia me Usiel ir nöür souemwen.  
\v 43 Ikenan ra niela ekewe lusun chon Amalek mi sü ngeni ei leni. Iwe, ra nonom ikenan tori ikenai.   
\c 5  
\s1 Ekewe mwirimwirin Rupen  
\sr 5.1-10  
\p
\v 1 Iwe, Rupen nöün Jakop we mwänichi. (I a uputiu akom, nge pokiten an kon ren ülüpwülüen saman, ewe wisen mwänichi a tori nöün Josef kewe mwän, nge Josef nöün Jakop we mwän. Iei mine esap makelong lon ewe uruwo lon tettelin mwänichi. \x + \xo 5.1 \xt Ken 35.22; 49.3-4\x*  
\v 2 Iei mwo än Juta pöchökül me lein pwin kewe, pwal eman samol a pop seni, nge ewe wisen mwänichi a küw Josef.) \x + \xo 5.2 \xt Ken 49.8-10\x*  
\v 3 Iwe, nöün Rupen kewe mwän, nöün Jakop we mwänichi: Hanok, Palu, Hesron me Karmi.  
\v 4 Ikkei ir ekewe mwirimwirin Joel: Nöün Joel Semaia, nöün Semaia Kok, nöün Kok Simei,  
\v 5 nöün Simei Mika, nöün Mika Reaia, nöün Reaia Paal,  
\v 6 nge nöün Paal Pera. Ätei Tiklat-pileser ewe kingen Asiria a liapeni o uweala. Pera eman än chon ewe ainangen Rupen samol. \x + \xo 5.6 \xt 2.King 15.29\x*  
\v 7 Iwe, ikkei ir märärin Pera kewe lon famili me famili, lupwen ra makelong lon tettelin uruwor: Jeiel ewe samol, Sakaria,  
\v 8 me Pela nöün Asas we mwän, Asas nöün Sema, nge Sema nöün Joel. Ätekei ra nonom lon ewe fanü seni Aroer tori Nepo me Paal-meon.  
\v 9 Ra pwal nonom ötiuen ewe fanü tori ewe fanüapö mi chöüla ngeni ewe chanpupu Oifrat, pun nöür pwiin man ra chomongola lon ewe fanü Kiliat.  
\v 10 Lupwen fansoun mwün ewe king Saul, chon ewe ainangen Rupen ra maun ngeni ekewe mwirimwirin Hakri o nirela. Iwe, ra nom lon imwer o fanüeni unusen ewe fanü ötiuen Kiliat.   
\s1 Ekewe mwirimwirin Kat  
\sr 5.11-17  
\p
\v 11 Iwe, chon ewe ainangen Kat ra nonom peliefengin fanüen chon ewe ainangen Rupen me lon ewe fanü Pasan atowura ngeni Saleka:  
\v 12 Joel ewe samol, Safam ewe kisin fan, pwal Janai me Safat mi nom lon Pasan.  
\v 13 Nge ikkei ir märärir kewe lon tettelin ar kewe fisu cho: Mikael, Mesulam, Sepa, Jorai, Jakan, Sia me Eper.  
\v 14 Ir ekewe mwirimwirin Apihail nöün Huri we mwän: Huri nöün Jaroa, Jaroa nöün Kiliat, Kiliat nöün Mikael, Mikael nöün Jesisai, Jesisai nöün Jato, nge Jato nöün Pus.  
\v 15 Iwe, Ahi nöün Aptiel we mwän, nge Aptiel nöün Kuni, i mwänirelan än saman we cho.  
\v 16 Ra nonom lon Kiliat, lon Pasan me wisoposopun kewe, pwal lon ekewe maasies meinisin me lon ewe fanü Saron tori kiännir.  
\v 17 Iwe, ekei aramas meinisin ra makelong lon tettelin uruwor lon fansoun mwün Jotam ewe kingen Juta, pwal lon fansoun mwün Jeropoam ewe kingen Israel.   
\s1 Uruwon chon ekewe ruu esop ainang  
\sr 5.18-26  
\p
\v 18 Iwe, chon ekewe ainangen Rupen, Kat me esopun ewe ainangen Manasa a wor nöür mwän mi pwora o sip le maun, ra uwou tittin maun me ketilas me esefich, iteiter faik me rüanüngeröü füpükü wone sounfiu mi molotä ngeni maun.  
\v 19 Ra maun ngeni chon ekewe ainangen Hakri, Jetur, Nafis me Notap.  
\v 20 Iwe, ra anomu ar apilükülük won Kot o siö ngeni pwe epwe alisiir le maun. Iei mine Kot a aüselinga ar tüngor, pwe ra tongeni akufu chon ewe ainangen Hakri me pelier meinisin.  
\v 21 Iwe, ra liapeni seniir limengeröü kamel, rüepükü limengeröü sip me rüengeröü aas, pwal ipüküngeröü aramas.  
\v 22 Nge ra pwal niela chomong aramas, pun Kot a alisiir lon ewe maun. Iwe, ra nonom lon fanüer tori ra oola.   
\p
\v 23 Iwe, chon ewe esopun ainangen Manasa ra fokun chomong. Ra nom lon ewe fanü seni Pasan tori Pal-hermon, Senir me ewe chuk Hermon.  
\v 24 Ikkei ir ekewe mwänirelan ar kewe cho: Efer, Isi, Eliel, Asriel, Jeremaia, Hotawia me Jatiel. Ir meinisin sounfiu mi pwora o mwän mi iteföüla lon ar kewe cho.  
\v 25 Nge ir ra tipis ngeni än semelaper we Kot, ra kul seni ren ar kirikiringau ngeni o fel ngeni pwal ekoch kot än chon ekewe mwü, Kot a fen aroserela me mwer.  
\v 26 Iei mine ewe Koten Israel a föri pwe Pul ewe kingen Asiria mi pwal iteni Tiklat-pilneser epwe liapeni fanüer. Iwe, a uweala chon ekewe ainangen Rupen, Kat me esopun ewe ainangen Manasa o anomuur lon Hala, Hapor, Hara me arun ewe chanpupu Kosan. Iwe, ra nonom ikenan tori ikenai. \x + \xo 5.26 \xt 2.King 15.19; 2.King 15.29; 2.King 17.6\x*   
\c 6  
\s1 Ekewe mwirimwirin Lefi  
\sr 6.1-30  
\p
\v 1 Iwe, ikkei ir nöün Lefi kewe mwän: Kersom, Kohat me Merari.  
\v 2 Nge nöün Kohat kewe mwän: Amram, Isar, Hepron me Usiel.  
\v 3 Iwe, nöün Amram kewe mwän: Aaron me Moses, pwal Miriam fefiner we. Nge nöün Aaron kewe mwän: Natap, Apihu, Eleasar me Itamar.  
\v 4 Iwe, Eleasar semen Pinehas, Pinehas semen Apisua,  
\v 5 Apisua semen Puki, Puki semen Usi,  
\v 6 Usi semen Seraia, Seraia semen Meraiot,  
\v 7 Meraiot semen Amaria, Amaria semen Ahitup,  
\v 8 Ahitup semen Satok, Satok semen Ahimas,  
\v 9 Ahimas semen Asaria, Asaria semen Johanan,  
\v 10 nge Johanan semen Asaria, i ätewe mi föri ewe angangen souasor lon ewe imwenfel Salomon a aüetä me lon Jerusalem.  
\v 11 Iwe, Asaria semen Amaria, Amaria semen Ahitup,  
\v 12 Ahitup semen Satok, Satok semen Salum,  
\v 13 Salum semen Hilkia, Hilkia semen Asaria,  
\v 14 Asaria semen Seraia, nge Seraia semen Jehosatak.  
\v 15 Iwe, Jehosatak a oola, lupwen ewe Samol mi Lapalap a tinala ekewe chon Juta me chon Jerusalem seni fanüer, pwe repwe oola ren ewe king Nepukatnesar.   
\p
\v 16 Iwe, ikkei ir nöün Lefi kewe mwän: Kersom, Kohat me Merari.  
\v 17 Nge nöün Kersom kewe mwän: Lipni me Simei.  
\v 18 Nöün Kohat kewe mwän: Amram, Isar, Hepron me Usiel.  
\v 19 Nge nöün Merari kewe mwän: Mali me Musi. Iwe, ikkei än chon ewe ainangen Lefi kewe cho lon tettelin semelaper kewe. \x + \xo 6.19 \xt Eks 6.16-19\x*  
\v 20 Iwe, ekewe mwirimwirin Kersom: Lipni, nöün Lipni Jahat, nöün Jahat Sima,  
\v 21 nöün Sima Joa, nöün Joa Ito, nöün Ito Sera, nge nöün Sera Je-aterai.  
\v 22 Iwe, ekewe mwirimwirin Kohat: Aminatap, nöün Aminatap Kora, nöün Kora Asir,  
\v 23 nöün Asir Elkana, nöün Elkana Epiasaf, nöün Epiasaf Asir,  
\v 24 nöün Asir Tahat, nöün Tahat Uriel, nöün Uriel Usia, nge nöün Usia Saul.  
\v 25 Iwe, nöün Elkana kewe mwän: Amasai me Ahimot.  
\v 26 Nge ekewe mwirimwirin Ahimot: Elkana, nöün Elkana Sofai, nöün Sofai Nahat,  
\v 27 nöün Nahat Eliap, nöün Eliap Jeroham, nöün Jeroham Elkana, nge nöün Elkana Samuel.  
\v 28 Iwe, nöün Samuel kewe mwän: Joel ewe mwänichi me Apia ewe aruomanün.  
\v 29 Iwe, ekewe mwirimwirin Merari: Mali, nöün Mali Lipni, nöün Lipni Simei, nöün Simei Usa,  
\v 30 nöün Usa Simea, nöün Simea Hakia, nge nöün Hakia Asaia.   
\s1 Ekewe chon köl me lon imwenfel mi kefil me ren Tafit  
\sr 6.31-48  
\p
\v 31 Ikkei ir ekewe mwän Tafit a awiseer pwe repwe chon köl me lon imwen ewe Samol mi Lapalap mürin än ewe pworofel a nom ikenan.  
\v 32 Iwe, ar angang, ra wisen köl me mwen ewe imw mangaku ia aramas ra churi Kot ie, tori Salomon a wes le aüetä imwen ewe Samol mi Lapalap me lon Jerusalem. Iwe, ra föri wiser lon tettelin ar angang.  
\v 33 Ikkei ir ekewe mwän me nöür kewe mi föri ewe angang: Seni än Kohat we cho Heman ewe souemwenin mwichen köl, i nöün Joel, nge Joel nöün Samuel,  
\v 34 Samuel nöün Elkana, Elkana nöün Jeroham, Jeroham nöün Eliel, Eliel nöün Toa,  
\v 35 Toa nöün Suf, Suf nöün Elkana, Elkana nöün Mahat, Mahat nöün Amasai,  
\v 36 Amasai nöün Elkana, Elkana nöün Joel, Joel nöün Asaria, Asaria nöün Sefania,  
\v 37 Sefania nöün Tahat, Tahat nöün Asir, Asir nöün Apiasaf, Apiasaf nöün Kora,  
\v 38 Kora nöün Isar, Isar nöün Kohat, Kohat nöün Lefi, nge Lefi nöün Jakop.  
\v 39 Iwe, Asaf eman märärin Heman a ütä lepelifichin fiti an mwichen köl. Iwe, Asaf nöün Perekia, nge Perekia nöün Simea,  
\v 40 Simea nöün Mikael, Mikael nöün Paseia, Paseia nöün Malkia,  
\v 41 Malkia nöün Etni, Etni nöün Sera, Sera nöün Ataia,  
\v 42 Ataia nöün Etan, Etan nöün Sima, Sima nöün Simei,  
\v 43 Simei nöün Jahat, Jahat nöün Kersom, nge Kersom nöün Lefi.  
\v 44 Iwe, Etan eman märärir seni än Merari we cho a ütä pelimöngün fiti an mwichen köl. Etan nöün Kisi, Kisi nöün Apti, Apti nöün Maluk,  
\v 45 Maluk nöün Hasapia, Hasapia nöün Amasia, Amasia nöün Hilkia,  
\v 46 Hilkia nöün Amsi, Amsi nöün Pani, Pani nöün Semer,  
\v 47 Semer nöün Mali, Mali nöün Musi, Musi nöün Merari, nge Merari nöün Lefi.  
\v 48 Iwe, chiener kewe ekewe mwän seni ewe ainangen Lefi, ra kefilitä pwe repwe wisen föri pwal ekewe ekoch angangen imwenfel.   
\s1 Ekewe mwirimwirin Aaron  
\sr 6.49-53  
\p
\v 49 Iwe, Aaron me mwirimwirin kana ra föri ewe angangen asor won ewe rongen asoren kek, pwal won ewe rongen asoren ötüöt, ra pwal föri angangen ewe leni mi unusen pin meinisin, pun ra föri asoren amusamusen tipis fän iten chon Israel, usun mine Moses nöün Kot we chon angang a allük.  
\v 50 Iwe, ikkei ir ekewe mwirimwirin Aaron: Eleasar, nöün Eleasar Pinehas, nöün Pinehas Apisua,  
\v 51 nöün Apisua Puki, nöün Puki Usi, nöün Usi Seraia,  
\v 52 nöün Seraia Meraiot, nöün Meraiot Amaria, nöün Amaria Ahitup,  
\v 53 nöün Ahitup Satok, nge nöün Satok Ahimas.   
\s1 Ekewe telinimwen chon ewe ainangen Lefi  
\sr 6.54-81  
\p
\v 54 Ikkei ekewe leni me kiännir ia chon ewe ainangen Lefi ra nom ie. Iwe, iei wisen än Kohat we cho, ekewe mwirimwirin Aaron, pun ir ra akomwen angei inetir fän üttüt.  
\v 55 Ra ngeniir ewe telinimw Hepron lon ewe fanü Juta, pwal ekewe fanü pwelin ünükün fän iten nöür man.  
\v 56 Nge ekewe tanipi ünükün ewe telinimw me wisoposopun kewe ra ngeni Kalep nöün Jefune we mwän.  
\v 57 Ra ngeni ekewe mwirimwirin Aaron ekkei telinimw: Hepron ewe telinimwen op, Lipna, Jatir me Estemoa,  
\v 58 Hilen me Tepir,  
\v 59 Asan me Pet-semes, pwal ekewe fanü pwelin ünükür fän iten nöür man.  
\v 60 Ra pwal ngeniir ekewe telinimw Kepa, Alemet me Anatot, pwal ekewe fanü pwelin ünükür fän iten nöür man seni ewe ainangen Peniamin. Iwe, ekewe telinimw meinisin fän iten ar kewe famili ükükün engol me ülüngat.   
\p
\v 61 Nge ekewe lusun seni än Kohat we cho ra angei wiser fän üttüt ükükün engol telinimw seni ewe esopun ainangen Manasa.  
\v 62 Iwe, ra ngeni än Kersom we cho ükükün engol me ülüngat telinimw aükük ngeni ükükün ar kewe famili. Ra angei ekei telinimw seni ekewe ainangen Isakar, Aser, Naftali me Manasa me lon Pasan.  
\v 63 Ra pwal ngeni än Merari we cho ükükün engol me ruu telinimw aükük ngeni ükükün ar kewe famili. Ra angei ekei telinimw seni ekewe ainangen Rupen, Kat me Sepulon.  
\v 64 Iei usun ekewe aramasen Israel ra ngeni chon ewe ainangen Lefi ekewe telinimw, pwal ekewe fanü pwelin ünükür fän iten nöür man.  
\v 65 Ekei telinimw a fen föü iter seni ekewe ainangen Juta, Simeon me Peniamin ra ngeniir ren üttüt.   
\p
\v 66 Iwe, ekoch familien än Kohat we cho ra angei ar kewe telinimw seni ewe ainangen Efraim.  
\v 67 Iwe, ra ngeniir Sekem, ewe telinimwen op lon chukuchukutän ewe fanü Efraim, pwal Keser,  
\v 68 Jokmeam, Pet-horon,  
\v 69 Aialon, Kat-rimon, pwal ekewe fanü pwelin ünükür fän iten nöür man.  
\v 70 Ra pwal ngeni ekewe lusun familien än Kohat we cho ekewe telinimw Aner me Pileam, pwal ekewe fanü pwelin ünükür fän iten nöür man seni ewe esopun ainangen Manasa.   
\p
\v 71 Iwe, ra ngeni ekewe familien än Kersom we cho ekei telinimw seni ewe esopun ainangen Manasa: Kolan lon Pasan me Astarot, pwal ekewe fanü pwelin ünükür fän iten nöür man.  
\v 72 Ra ngeniir Ketes me Taperat seni ewe ainangen Isakar,  
\v 73 pwal Ramot me Anem me ekewe fanü pwelin ünükür fän iten nöür man.  
\v 74 Iwe, ra ngeniir Masal me Apton seni ewe ainangen Aser,  
\v 75 pwal Hukok me Rehop me ekewe fanü pwelin ünükür fän iten nöür man.  
\v 76 Ra pwal ngeniir Ketes lon Kalili seni ewe ainangen Naftali, pwal Hamon me Kiriataim me ekewe fanü pwelin ünükür fän iten nöür man.  
\v 77 Iwe, ra ngeni ekewe lusun familien än Merari we cho ekei telinimw seni ewe ainangen Sepulon: Rimono me Tapor, pwal ekewe fanü pwelin ünükür fän iten nöür man.  
\v 78 Ra pwal ngeniir ekei telinimw seni ewe ainangen Rupen ötiuen ewe chanpupu Jortan pekilan Jeriko: Peser mi nom lon fanüapö me Jasa,  
\v 79 Ketemot me Mefat, pwal ekewe fanü pwelin ünükür fän iten nöür man.  
\v 80 Iwe, ra pwal ngeniir Ramot lon Kiliat me Mahanaim seni ewe ainangen Kat.  
\v 81 pwal Hespon me Jaser me ekewe fanü pwelin ünükür fän iten nöür man.   
\c 7  
\s1 Ekewe mwirimwirin Isakar  
\sr 7.1-5  
\p
\v 1 Iwe, ikkei ir nöün Isakar kewe föman mwän: Tola, Pua, Jasup me Simron.  
\v 2 Nge nöün Tola kewe wonoman mwän: Usi, Refaia, Jeriel, Jamai, Ipsam me Semuel. Ir mwänirelan ar kewe famili lon än Tola we cho, ra sounfiu mi pwora me lein pilor kewe. Iwe, iteiten mwirimwirir lon mwün Tafit rüe me ruungeröü wonopükü mwän.  
\v 3 Iwe, nöün Usi we mwän Israia. Nge nöün Israia: Mikael, Opatia, Joel me Isia. Ekei limman mwän ir samol.  
\v 4 Ätekei a wor chomong pwülüer me nöür mwän, iei mine a wor ükükün ilik me wonungeröü sounfiu mi molotä ngeni maun seni mwirimwirir.  
\v 5 Nge märärir kewe seni ekewe familien Isakar meinisin ükükün walik me fisungeröü sounfiu mi pwora, usun a mak lon tettelin uruwor.   
\s1 Ekewe mwirimwirin Peniamin  
\sr 7.6-12  
\p
\v 6 Iwe, ikkei ir nöün Peniamin kewe ülüman mwän: Pela, Peker me Jetiael.  
\v 7 Nge nöün Pela kewe limman mwän: Espon, Usi, Usiel, Jerimot me Airi. Ir mwänirelan ar kewe famili. Iteiter mi mak lon tettelin uruwon mwirimwirir ükükün rüe me ruu ngeröü ilik me föman sounfiu mi pwora.  
\v 8 Iwe, nöün Peker kewe tiuman mwän: Semira, Joas, Elieser, Eli-oenai, Omri, Jeremot, Apia, Anatot me Alemet.  
\v 9 Iteiter mi mak lon tettelin uruwon mwirimwirir kewe lon ar kewe famili ükükün rüengeröü rüepükü sounfiu mi pwora.  
\v 10 Iwe, nöün Jetiael we mwän Pilan. Nge nöün Pilan kewe: Jeus, Peniamin, Ehut, Chenana, Setan, Tarsis me Aisar.  
\v 11 Ekei mwän meinisin ir mwänirelan ar kewe famili lon än Jetiael we cho. Iteiter mi mak lon tettelin uruwon mwirimwirir ükükün engol me fisungeröü rüepükü sounfiu mi pwora o molotä ngeni maun.  
\v 12 Iwe, än Supim me Hupim kewe cho ir mwirimwirin Ir, nge än Husim we cho ir mwirimwirin Aher.   
\s1 Ekewe mwirimwirin Naftali  
\sr 7.13  
\p
\v 13 Iwe, ikkei ir nöün Naftali kewe mwän: Jasiel, Kuni, Jeser me Salum, ir mwirimwirin Pila.   
\s1 Ekewe mwirimwirin Manasa  
\sr 7.14-19  
\p
\v 14 Iwe, ikkei ir nöün Manasa kewe mwän: Asriel me Makir, a nöüni me won ülüpwülüan seni Aramäa. Iwe, Makir semen Kiliat.  
\v 15 Makir a angei eman pwülüen Hupim me eman pwülüen Supim, nge iten fefinan we Maka. Iwe, aruomanün nöün Makir Selofehat, nge Selofehat a chök wor nöün fefin.  
\v 16 Iwe, Maka pwülüen Makir a nöüni ruoman ät o aita ngeniir Peres me Seres. Peres a wor ruoman nöün mwän iter Ulam me Rakem.  
\v 17 Nge nöün Ulam we mwän Petan. Ätekei meinisin ir mwirimwirin Kiliat, nge Kiliat nöün Makir, nge Makir nöün Manasa.  
\v 18 Iwe, fefinen Kiliat itan Hamoleket a nöüni Isot, Apieser me Mala.  
\v 19 Nge nöün Semita kewe mwän: Ahian, Sekem, Liki me Aniam.   
\s1 Ekewe mwirimwirin Efraim  
\sr 7.20-29  
\p
\v 20 Iwe, ikkei ir ekewe mwirimwirin Efraim: Sutela, nöün Sutela Peret, nöün Peret Tahat, nöün Tahat Eliata, nöün Eliata Tahat,  
\v 21 nöün Tahat Sapat, nge nöün Sapat Sutela. A pwal wor ruoman nöün Efraim mwän lükün Sutela: Eser me Eleat. Nge ekewe re wiliposun ewe fanü Kat ra niela ätekei, lupwen ra feitiu pwe repwe soläni nöür man.  
\v 22 Iwe, Efraim semer we a kechüeitiir lon chomong rän, nge pwin kewe ra feito ren pwe repwe echipa.  
\v 23 Mürin, Efraim a kon ren pwülüan, nge neminewe a pwopwo o nöüni eman ät. Efraim a aita ngeni Peria \f + \fr 7.23 \ft Ei it Peria a kan ngeni ewe kapas “feiengau” lon fosun Ipru\f*, pokiten ewe feiengau a tori an famili.  
\v 24 Iwe, iten nöün Efraim we fefin Seera. Neminei a aüetä Pet-horon-fan me Pet-horon-asan, pwal Usen-seera.  
\v 25 A pwal wor nöün Efraim mwän itan Refa. Nge mwirimwirin Refa: Resef, nöün Resef Tela, nöün Tela Tahan,  
\v 26 nöün Tahan Latan, nöün Latan Amihut, nöün Amihut Elisama,  
\v 27 nöün Elisama Nun, nge nöün Nun Josua.  
\v 28 Iwe, fanüer kewe me ar kewe lenien wilipos Petel me ekewe telinimw ünükün, feila ngeni Naran mi nom peliötiu me Keser mi nom pelilotou, pwal ekewe telinimw mi nom ünükür, pwal Sekem me Aia me ekewe telinimw mi nom ünükür.  
\v 29 Nge ekewe mwirimwirin Manasa ra imweimw lon Pet-sean, Tanak, Mekito me Tor, pwal lon ekewe telinimw mi nom ünükür. Iwe, ikei ekewe telinimw ekewe mwirimwirin Josef nöün Israel we mwän ra imweimw lon.   
\s1 Ekewe mwirimwirin Aser  
\sr 7.30-40  
\p
\v 30 Iwe, ikkei ir nöün Aser kewe mwän: Imna, Iswa, Iswi me Peria, nge iten fefiner we Sera.  
\v 31 Nge nöün Peria kewe mwän: Heper me Malkiel, i semelapen chon Pirsait.  
\v 32 Heper semen Jaflet, Somer me Hotam, nge iten fefiner we Sua.  
\v 33 Nge nöün Jaflet kewe mwän: Pasa, Pimal me Aswat.  
\v 34 Iwe, pwin Jaflet itan Somer a wor nöün mwän: Roka, Jehupa me Aram.  
\v 35 Nge pwin Jeflet itan Hotam a pwal wor nöün mwän: Sofa, Imna, Seles me Amal.  
\v 36 Iwe, nöün Sofa kewe mwän: Sua, Harnefer, Sual, Peri, Imra,  
\v 37 Peser, Hot, Sama, Silsa, Itran me Pera.  
\v 38 Nge nöün Jeter kewe mwän: Jefune, Pispa me Ara.  
\v 39 Iwe, nöün Ula kewe mwän: Ara, Haniel me Risia.  
\v 40 Ätekei meinisin ir mwirimwirin Aser. Ir mwänirelan ar kewe cho, sounfiu mi kefil o pwora, pwal ir samol mi lap. Iwe, iteiter meinisin mi mak lon tettelin uruwor ükükün rüe me wonungeröü sounfiu mi molotä ngeni maun.   
\c 8  
\s1 Ekewe mwirimwirin Peniamin  
\sr 8.1-28  
\p
\v 1 Iwe, a wor limman nöün Peniamin mwän: Pela nöün mwänichi, Aspel, Ahara,  
\v 2 Noha me Rafa.  
\v 3 Iwe, nöün Pela kewe mwän: Atar, Kera, Apihut,  
\v 4 Apisua, Naman, Ahoa,  
\v 5 Kera, Sefufan me Huram.  
\v 6 Iwe, ekewe mwirimwirin Ehut, ir mwänirelan ar kewe cho mi nom lon Kepa, nge ra oola lon Manahat.  
\v 7 Ikkei iter: Naman, Ahia me Kera, iei i semen Usa me Ahihut mi emweniir, lupwen ra oola.  
\v 8-9 Iwe, Saharaim a pöütala pwülüan kewe Husim me Para. Mürin, lupwen a nom lon ewe fanü Moap, a pwülüeni Hotes o nöüni füman mwän me won. Ikkei iter: Jopap, Sipia, Mesa, Malkam,  
\v 10 Jeus, Sakia me Mirma. Ätekei meinisin ir mwänirelan ar kewe cho.  
\v 11 A pwal wor nöün kewe mwän me won Husim iter: Apitup me Elpal.  
\v 12 Iwe, nöün Elpal kewe mwän: Eper, Misam me Semet. Semet a aüetä ekewe telinimw Ono me Lot, pwal ekewe telinimw ünükür.  
\v 13 Peria me Sema ir mwänirelan ar kewe cho mi imweimw lon Aialon, ir ätekewe mi asüela ekewe aramas mi nom lon ewe telinimw Kat.  
\v 14 Iwe, nöün Peria kewe mwän: Ahio, Sasak, Jeremot,  
\v 15 Sepatia, Arat, Eter,  
\v 16 Mikael, Ispa me Joha.  
\v 17 Nöün Elpal kewe mwän: Sepatia, Mesulam, Hiski, Heper,  
\v 18 Ismerai, Islia me Jopap.  
\v 19 Nge nöün Simei kewe mwän: Jakim, Sikri, Sapti,  
\v 20 Elienai, Siletai, Eliel,  
\v 21 Ataia, Peraia me Simrat.  
\v 22 Iwe, nöün Sasak kewe mwän: Ispan, Eper, Eliel,  
\v 23 Apton, Sikri, Hanan,  
\v 24 Hanania, Elam, Antotia,  
\v 25 Ipteia me Penuel.  
\v 26 Nge nöün Jehoram kewe mwän: Samserai, Seharia, Atalia,  
\v 27 Jaresia, Elia me Sikri.  
\v 28 Ätekei meinisin ir mwänirelan ar kewe cho me samol usun a mak lon tettelin uruwor. Iwe, ra imweimw lon Jerusalem.   
\s1 Uruwon ewe king Saul  
\sr 8.29-40  
\p
\v 29 Iwe, Jeiel a popuetä le aüetä ewe telinimw Kipeon o imweimw lon. Iten pwülüan Maka.  
\v 30 Iten nöün mwänichi Apton, mürin Sur, Kis, Paal, Ner, Natap,  
\v 31 Ketor, Ahio, Seker  
\v 32 me Miklot, i semen Simea. Ekei aramas ra pwal imweimw lon Jerusalem arap ngeni märärir kewe.  
\v 33 Iwe, Ner semen Kis, Kis semen Saul, nge Saul semen Jonatan, Malkisua, Apinatap me Espal \f + \fr 8.33 \ft Espal a pwal iteni Isiposet 2.Sam 2.8\f*.  
\v 34 Nöün Jonatan we mwän Merip-pal \f + \fr 8.34 \ft Merip-pal a pwal iteni Mefiposet 2.Sam 4.4\f*, nge Merip-pal semen Mika.  
\v 35 Nöün Mika kewe mwän: Piton, Melek, Tarea me Ahas.  
\v 36 Ahas semen Jehoata, nge Jehoata semen Alemet, Asmafet me Simri. Iwe, Simri semen Mosa,  
\v 37 Mosa semen Pinea, Pinea semen Rafa, Rafa semen Eleasa, nge Eleasa semen Asel.  
\v 38 Iwe, nöün Asel kewe wonoman mwän: Asrikam, Pokeru, Ismael, Searia, Opatia me Hanan.  
\v 39 Nge pwin Asel itan Esek a wor nöün mwän: Ulam ewe mwänichi, Jeus ewe aruomanün, Elifelet ewe aülümanün.  
\v 40 Iwe, nöün Ulam kewe mwän ir sounfiu mi pwora, ra pwal sip le esefich. A wor chomong nöür me nöün nöür kewe, ükükür ipükü lime mwän. Ätekei meinisin ir chon ewe ainangen Peniamin.   
\c 9  
\s1 Ekewe aramas mi liwinsefälito seni Papilon  
\sr 9.1-34  
\p
\v 1 Iwe, chon Israel meinisin a mak iteiter lon tettelin uruwor o makelong lon ewe puken uruwon ekewe kingen Israel. Iwe, chon Juta ra oola Papilon pokiten ar tipis.   
\p
\v 2 Ekewe akaeuin aramas mi liwinsefälito pwe repwe nomsefäl lon lenier kewe me lon ar kewe telinimw ir ekewe chon Israel, ekewe souasor, ekewe mwän seni ewe ainangen Lefi, pwal ekewe chon angang ngeni imwenfel.  
\v 3 A pwal wor aramas seni ekewe ainangen Juta, Peniamin, Efraim me Manasa, ra feila o imweimw lon Jerusalem. \x + \xo 9.3 \xt Esr 2.27; Ne 7.73\x*  
\v 4 Seni ewe ainangen Juta: Utai nöün Amihut, Amihut nöün Omri, Omri nöün Imri, nge Imri nöün Pani, i eman mwirimwirin Peres nöün Juta we mwän.  
\v 5 Seni ekewe mwirimwirin Shela: Asaia ewe mwänichi me nöün kewe mwän.  
\v 6 Nge seni ekewe mwirimwirin Sera: Jeuel me märärin kewe. Iteiten ekewe chon Juta meinisin wonopükü tiue.  
\v 7 Iwe, seni ewe ainangen Peniamin: Salu nöün Mesulam, Mesulam nöün Hotawia, nge Hotawia nöün Hasenua,  
\v 8 pwal Ipneia nöün Jehoram, Ela nöün Usi, Usi nöün Mikri me Mesulam nöün Sefatia, Sefatia nöün Reuel, nge Reuel nöün Ipnia.  
\v 9 Iwe, iteiten ekei aramas seni ewe ainangen Peniamin mi makelong lon tettelin uruwor tiuepükü lime me wonoman. Ätekei meinisin ir mwänirelan ar kewe cho.   
\p
\v 10 Ikkei ir ekewe souasor mi imweimw lon Jerusalem: Jetaia, Jehoiarip, Jakin  
\v 11 me Asaria ewe mi lap lon imwen Kot, i nöün Hilkia, Hilkia nöün Mesulam, Mesulam nöün Satok, Satok nöün Meraiot, nge Meraiot nöün Ahitup,  
\v 12 Ataia nöün Jeroham, Jeroham nöün Pasur, Pasur nöün Malkia, pwal Masai nöün Atiel, Atiel nöün Jasera, Jasera nöün Mesulam, Mesulam nöün Mesilemit, nge Mesilemit nöün Imer.  
\v 13 Iwe, ekei souasor ir mwänirelan ar kewe cho iteiter engeröü füpükü wone mwän mi sip le föri angangen lon imwen Kot.   
\p
\v 14 Ikkei ir ekewe mwän seni ewe ainangen Lefi mi imweimw lon Jerusalem: Semaia nöün Hasup, Hasup nöün Asrikam, nge Asrikam nöün Hasapia, eman mwirimwirin Merari,  
\v 15 pwal Pakpakar, Heres, Kalal me Matania nöün Mika, Mika nöün Sikri, nge Sikri nöün Asaf,  
\v 16 me Opatia nöün Semaia, Semaia nöün Kalal, nge Kalal nöün Jetutun, pwal Perekia nöün Asa, nge Asa nöün Elkana, ätewe mi nom lon wisoposopun lenien chon Netofa.   
\p
\v 17 Ikkei ir ekewe chon tümwünü asamalapen ewe imwenfel mi imweimw lon Jerusalem: Salum, Akup, Talmon, Ahiman me märärir kewe. Iwe, Salum nöür we mi lap,  
\v 18 a wisen tümwünü ewe asamalapen king mi nom ötiu tori ikenai. Ätekei ir chon tümwünü asamalapen imwenfel, ra nom lon lenien ekewe mwän seni ewe ainangen Lefi.  
\v 19 Iwe, Salum nöün Kore, Kore nöün Epiasaf, Epiasaf nöün Kora, pwal märärin kewe seni än Kora cho, ra wisen föri ewe angangen tümwünü ewe lenien tolong lon ewe imwenfel, usun ar kewe lewo ra piin föri, lupwen ra tümwünü ewe lenien tolong lon imwen ewe Samol mi Lapalap.  
\v 20 Nge Pinehas nöün Eleasar a nemeniir me lom. Iwe, ewe Samol mi Lapalap a eti Pinehas.  
\v 21 Iwe, Sekaria nöün Meselemia a mamasa ewe asamalapen tolong lon ewe imw mangaku ia aramas ra churi Kot ie.  
\v 22 Ekei mwän meinisin mi kefil pwe repwe mamasa ekewe lenien tolong ükükün rüepükü engol me ruoman. Iwe, iteiter a mak lon tettelin uruwor me lon sopur. Ewe king Tafit me ewe soufos Samuel ra atolonga ar kewe lewo lon wiser, pun ra allükülük o wenechar.  
\v 23 Iwe, ir me mwirimwirir kewe ra wisen mamasa ekewe asamalapen imwen ewe Samol mi Lapalap.  
\v 24 Mi wor meilapen ekewe chon mamasa asamalap, ra nom ren ekewe rüanü pekin: ötiu, lotou, efeng me ör.  
\v 25 Nge märärir kewe mi nom lon sopur kewe ra wisen feito lon en me an fansoun, pwe repwe alisir lon ewe angang lon ükükün fisu rän.  
\v 26 Nge ekewe föman meilapen chon mamasa asamalap, ir ekewe mwän seni ewe ainangen Lefi, ra pwal wisen tümwünü ekewe rumwen lon ewe imwenfel me ekewe pisek aüchea mi nom lon.  
\v 27 Iwe, ra nonom pwelin ünükün ewe imwenfel, pun ra wisen mamasa o suki ekewe asamalap iteiten lesosor.   
\p
\v 28 Iwe, ekoch me lein chon ewe ainangen Lefi ra wisen tümwünü ekewe pisek ra aea le angang lon imwenfel, pun ra wisen aleaniir, lupwen ra atorowu me atolongeer.  
\v 29 Pwal ekoch me leir ra fil pwe repwe tümwünü ekewe mettochun lon ewe imwenfel me ekewe sokopaten pisek mi pin, pwal ewe pilawa mi amas, ewe wain, ewe apüra, ewe apach mi pwokus me nofitin mongö.  
\v 30 Nge ekoch me lein ekewe souasor ra wisen nofitifengeni ekewe nofitin mongö.  
\v 31 Matitia eman lein ekewe mwän seni ewe ainangen Lefi, nöün Salum we mwänichi seni än Kora we cho, a wisen umuni ewe pilawa ra eäni le asor.  
\v 32 Nge ekoch me lein än Kohat we cho ra wisen föri ekewe pilawa mi pin, pwe repwe atetteliir won ewe chepel iteiten ränin sapat.   
\p
\v 33 Iwe, ekewe mwänirela me lein ekewe chon köl seni ewe ainangen Lefi, ra nonom lon rumwen ewe imwenfel. Resap föri och angang me lükün, pun ra föri ar angang lerän me lepwin.  
\v 34 Ekei mwän meinisin ir souemwen pwal mwänirelan än semer kewe chon seni ewe ainangen Lefi mi makelong lon tettelin uruwor. Ra imweimw lon Jerusalem.   
\s1 Uruwon ewe king Saul  
\sr 9.35-44  
\r (8.29-38)  
\p
\v 35 Iwe, Jeiel a popuetä le aüetä ewe telinimw Kipeon o imweimw lon. Iten pwülüan we Maka.  
\v 36 Iten nöün we mwänichi Apton, mürin Sur, Kis, Pal, Ner, Natap,  
\v 37 Ketor, Ahio, Sekaria me Miklot.  
\v 38 Nge Miklot semen Simeam. Ekei aramas ra pwal imweimw lon Jerusalem arap ngeni märärir kewe.  
\v 39 Iwe, Ner semen Kis, Kis semen Saul, nge Saul semen Jonatan, Malkisua, Apinatap me Espal \f + \fr 9.39 \ft Espal a pwal iteni Isiposet\f*.  
\v 40 Nöün Jonatan we mwän Merip-pal \f + \fr 9.40 \ft Merip-pal a pwal iteni Mefiposet\f*, nge Merip-pal semen Mika.  
\v 41 Nöün Mika kewe mwän: Piton, Melek, Taria me Ahas.  
\v 42 Ahas semen Jara, nge Jara semen Alemet, Asmafet me Simri. Iwe, Simri semen Mosa,  
\v 43 Mosa semen Pinea, Pinea semen Refaia, Refaia semen Eliasa, nge Eliasa semen Asel.  
\v 44 Iwe, nöün Asel kewe wonoman mwän: Asrikam, Pokeru, Ismael, Searia, Opatia me Hanan.   
\c 10  
\s1 Saul me nöün kewe mwän ra mäla  
\sr 10.1-14  
\r (1.Sam 31.1-13)  
\p
\v 1 Iwe, ekewe chon Filistia ra maun ngeni ekewe chon Israel. Nge ekewe chon Israel ra süla me mwen ekewe chon Filistia o chomong ra mätiu won ewe chuk Kilpoa.  
\v 2 Ekewe chon Filistia ra cherikaei Saul me nöün kewe mwän. Iwe, ra niela Jonatan, Apinatap me Malkisua, nöün Saul kewe mwän.  
\v 3 Iwe, ewe maun a fokun pöchökülela ngeni Saul. Lupwen ekewe chon likapich ra rangeiti Saul, ra fokun akinasa.  
\v 4 Mürin, Saul a üreni nöün chon uwei an pisekin maun, “Kopwe üttawu noum ketilas o posu ngeniei, pwe ekewe aramas resap sirkomsais resap feito o urumwotitiei.” Nge nöün chon uwei an pisekin maun esap mochen, pun a fokun niuokus. Iei mine Saul a angei nöün ketilas o püsin posu ngeni.  
\v 5 Iwe, lupwen nöün Saul chon uwei an pisekin maun a küna pwe Saul a mäla, a pwal posu ngeni nöün ketilas o mäla.  
\v 6 Iei usun Saul me nöün kewe ülüman mwän ra mälapök, pwal chon leimwan meinisin.  
\v 7 Nge lupwen ekewe chon Israel mi nom lon ewe lemol ra küna pwe ekewe sounfiun Israel ra sü, nge Saul me nöün kewe mwän ra mäla, ra likitala ar kewe telinimw o süla. Mürin, ekewe chon Filistia ra feito o imweimw lor.   
\p
\v 8 Nge sorotän ewe rän, lupwen ekewe chon Filistia ra feito pwe repwe angei pisekin ekewe somä, ra küna Saul me nöün kewe ülüman mwän ra mätiu won ewe chuk Kilpoa.  
\v 9 Iwe, ra angei pisekin Saul, ra pökü üan o pwilitawu üfan üföüfen maun. Ra pwal tinala chon künö lemenen fanüen chon Filistia, pwe repwe asilefeili ewe pworaus mi mürina ngeni ar kewe uluulun anümwäl me ekewe aramas.  
\v 10 Iwe, ra iseis üfen Saul üföüfen maun lon imwenfelin ar kewe kot o emeitiwa möküran lon imwenfelin Takon.  
\v 11 Nge lupwen ekewe chon Japes-kiliat ra rongorong meinisin mine ekewe chon Filistia ra föri ngeni Saul,  
\v 12 ekewe mwän meinisin mi pwora o pöchökül ra ütä, ra feila angei inisin Saul me inisin nöün kewe mwän o uweereto Japes. Iwe, ra peiaseni chür fän efoch irä ook me lon Japes o öchüün lon ükükün fisu rän.   
\p
\v 13 Iei usun Saul a mäla pokiten esap allükülük won ewe Samol mi Lapalap. A aleasolap ngeni an kewe allük, a pwal kütta an öüröür seni eman watawa, \x + \xo 10.13 \xt 1.Sam 13.8-14; 15.1-24; Lif 19.31; 20.6; 1.Sam 28.7-8\x*  
\v 14 nge esap kütta an öüröür seni ewe Samol mi Lapalap. Iei mine ewe Samol mi Lapalap a niela Saul o awisa Tafit nöün Jesi we mwän, pwe epwe nemeni ewe mwü.   
\c 11  
\s1 Tafit a seikitä kingen Israel  
\sr 11.1-3  
\r (2.Sam 5.1-10)  
\p
\v 1 Mürin, chon Israel meinisin ra mwicheto ren Tafit lon Hepron o üreni, “Nengeni, äm chaom me fitukom.  
\v 2 Lon ekewe fansoun lom, lupwen Saul a chüen nemenikem, en ewe ka fen emweni ewe mwichen sounfiun Israel lon maun. Iwe, ewe Samol mi Lapalap om we Kot a ürenuk, ‘En kopwe chon masen nei aramasen Israel, kopwe pwal ar king.’”  
\v 3 Lupwen ekewe souakomwen Israel meinisin ra feito ren ewe king Tafit lon Hepron, Tafit a eäni eu pwonen atipeeu ngeniir fän mesen ewe Samol mi Lapalap me lon Hepron. Nge ir ra epiti Tafit pwe epwe kingen Israel, usun Samuel a fen apasa fän alon ewe Samol mi Lapalap.   
\s1 Tafit a liapeni Sion  
\sr 11.4-9  
\p
\v 4 Iwe, Tafit me chon Israel meinisin ra feila Jerusalem pwe repwe maun ngeni. Ei telinimw a iteni Jepus me lom, nge ekewe chon Jepus ra imweimw lon, pun ir chon wiliposun ewe fanü. \x + \xo 11.4 \xt Jos 15.63; Souk 1.21\x*  
\v 5 Iwe, ekewe chon Jepus ra üreni Tafit, “Kosap fokun tolong ikei.” Nge Tafit a liapeni ewe leni mi pöchökül itan Sion, iei mine a iteni telinimwen Tafit.  
\v 6 Tafit a üra, “Iö epwe akomwen niela ekewe chon Jepus, epwe meilapen ekewe mwichen sounfiu.” Iwe, Joap nöün Seruia we mwän a akomwen nirela, iei mine a wiseni ewe wisen meilap.  
\v 7 Pokiten Tafit a nom lon ewe leni mi pöchökül, iei mine a iteni telinimwen Tafit.  
\v 8 Iwe, Tafit a aüsefälietä ewe telinimw pwelin ünükün, a popuetä seni ewe leni mi amasou peliötiuen ewe pal o awesöchüela meinisin, nge Joap a aüsefälietä ekewe lusun leni lon ewe telinimw.  
\v 9 Nge Tafit a pöpöchökülela, pun ewe Samol mi Unusen Manaman a eti.   
\s1 Nöün Tafit kewe sounfiu mi pwora  
\sr 11.10-47  
\r (2.Sam 23.8-39)  
\p
\v 10 Ikkei ir ekewe meilapen nöün Tafit kewe sounfiu mi pwora. Ir ra seikätä Tafit pwe epwe king fiti chon Israel meinisin, o apöchöküla mwün, usun ewe Samol mi Lapalap a fen pwon.  
\v 11 Ikei iten nöün Tafit kewe sounfiu mi pwora: Aemanün Jasopeam seni än Hakmon cho. Ätei i ewe meilap me lein ekewe ülüman. A aea wokun siles le niela ükükün ülüpükü mwän lon eu chök fansoun.   
\p
\v 12 Iwe, ewe aruomanün lein ekewe ülüman mwän Eleasar nöün Toto we mwän seni än Aho cho.  
\v 13 Ätei a eti Tafit lon Pas-tamin, lupwen ekewe chon Filistia ra chufengen, pwe repwe maun ngeniir. Lon ei leni a wor eu tanipin parli, ia ekewe chon Israel ra sü ren ekewe chon Filistia me ie.  
\v 14 Nge i a chök ütala lukalapen ewe tanipi o tümwünü, a pwal niela ekewe chon Filistia. Iwe, ewe Samol mi Lapalap a amanaueer ren eu win mi lapalap.   
\p
\v 15 Iwe, lon eu rän ülüman me lein ekewe ilik meilapen sounfiu ra feila ngeni ewe achau ren Tafit lon ewe föimw Atulam, lupwen eu mwichen sounfiun Filistia a nom lon ewe lemolun Refaim.  
\v 16 Lon ena fansoun Tafit a nom lon ewe lenien op mi pöchökül, nge eu mwichen sounfiun Filistia a nom Petleem.  
\v 17 Iwe, Tafit a äleäl, “Amwo eman epwe üfato ünümei koluk seni ewe chönüttu mi nom Petleem ren asamalapen ewe tit.”  
\v 18 Mürin, ekewe ülüman sounfiu mi pwora ra töfochofocholong lon lenien ekewe chon Filistia o üfi koluk seni ewe chönüttu mi nom Petleem ren asamalapen ewe tit. Iwe, ra uwato ren Tafit, nge Tafit esap mochen ün. A ninätiu ewe koluk, pwe eu asor ngeni ewe Samol mi Lapalap  
\v 19 o üra, “Üsap fokun tongeni ünümi ei koluk, pun ika üpwe ünümi, epwe usun chök ai üpwe ünümi chan ekei mwän mi fangala manauer, lupwen ra uwato ei koluk.” Iei mine Tafit esap mochen ünümi ewe koluk. Ekei föför ekewe ülüman sounfiu mi pwora ra föri.   
\p
\v 20 Iwe, Apisai pwin Joap i meilapen ekewe ilik. A aea wokun siles le niela ükükün ülüpükü mwän. Ren ei Apisai a pach ngeni ekewe ülüman le iteföüla.  
\v 21 Iwe, a fokun iteföüla me lein ekewe ilik o wiliti nöür meilap, nge esap kon iteföüla usun ekewe ülüman.   
\p
\v 22 Iwe, Penaia nöün Jehoiata we mwän seni Kapsel, pwal i eman sounfiu mi pwora, a föri sokun föför mi amwarar. A niela ruoman sounfiun Moap mi fokun pöchökül. Lon eu rän a pwal tötiu lon eu pwang o niela eman laion, lupwen snow a püngütiu.  
\v 23 A pwal niela eman re Isip mi fokun langatam ükükün taman fisu esop fiit. Iwe, ewe re Isip a amwöchü efoch siles mi öümong usun chök öün waaseres, nge Penaia a feila ren fän efoch chök wok. A turufi seni lepöün ewe re Isip wokun siles o ni ngeni.  
\v 24 Ikkei ekei föför Penaia a föri. Iei mine a pach ngeni ekewe ülüman mwän mi pwora o iteföüla.  
\v 25 Ätei a fokun iteföüla me lein ekewe ilik, nge esap kon iteföüla usun ekewe ülüman. Iwe, Tafit a seikätä won nöün we mwichen sounfiu mi wisen tümwünü inisin.   
\p
\v 26 Ikkei iten ekewe mwän mi pwora lon ewe mwichen sounfiu: Asael pwin Joap, Elhanan nöün Toto we mwän seni Petleem,  
\v 27 Samot seni Harot, Heles seni Pelet,  
\v 28 Ira nöün Ikes we mwän seni Tekoa, Apieser seni Anatot,  
\v 29 Sipekai seni Husa, Ilai seni Aho,  
\v 30 Maharai seni Netofa, Helet nöün Pana we mwän seni Netofa,  
\v 31 Itai nöün Ripai we mwän seni Kipea mi nom lon ewe fanü Peniamin, Penaia seni Piraton,  
\v 32 Hurai seni ewe lemol mi nom arun Kaas, Apiel seni Arpa,  
\v 33 Asmafet seni Paharum, Eliapa seni Salpon,  
\v 34 Hasem seni Kison, Jonatan nöün Sake we mwän seni Harar,  
\v 35 Ahiam nöün Sakar we mwän seni Harar, Elifal nöün Ur we mwän,  
\v 36 Hefer seni Mekera, Ahia seni Pelon,  
\v 37 Hesro seni Karmel, Narai nöün Espai we mwän,  
\v 38 Joel pwin Natan, Mipar nöün Hakri we mwän,  
\v 39 Selek seni Amon, Naharai seni Perot, nöün Joap chon uwei an pisekin maun,  
\v 40 Ira me Karep seni Jattir,  
\v 41 Uria ewe re Hit, Sapat nöün Alai we mwän,  
\v 42 Atina nöün Sisa we mwän, i eman souemwen seni ewe ainangen Rupen, a nemeni ilik sounfiu,  
\v 43 Hanan nöün Maka we mwän, Josafat seni Mitan,  
\v 44 Usia seni Astera, Sama me Jeiel nöün Hotam kewe mwän seni Aroer,  
\v 45 Jetiael nöün Simri we mwän me Joha pwin we seni Tis,  
\v 46 Eliel seni Mahawa, Jeripai me Josawia nöün Elnam kewe mwän, pwal Itma seni Moap,  
\v 47 Eliel, Opet me Jasiel seni Sopa.   
\c 12  
\s1 Ekewe chon alisi Tafit me lon Siklak  
\sr 12.1-22  
\p
\v 1 Iwe, Tafit a nom lon Siklak, lupwen a sü seni ewe king Saul. Ikenan chomong sounfiu mi pwora ra feito ren Tafit pwe repwe alisi le maun.  
\v 2 Ra uwou esefich o angöch le esefichala ekewe föün esefich, ra pwal öüla ar föün öülün ren pöüifichir me pöüimöngür. Ätekei ir seni ewe ainangen Peniamin märärin Saul.  
\v 3 Iwe, iten nöür kewe meilap Ahieser me Joas, ätekei nöün Sema kewe mwän seni Kipea. Nge ikkei ir ekewe sounfiu: Jesiel me Pelet nöün Asmafet kewe mwän, Peraka me Jehu seni Anatot,  
\v 4 Ismaia seni Kipeon, eman sounfiu mi pwora, pwal eman souemwenin ekewe ilik, Jeremia, Jahasiel, Johanan me Josapat seni Ketera,  
\v 5 Elusai, Jerimot, Pealia, Semaria me Sefatia seni Haruf,  
\v 6 Elkana, Isia, Asarel, Joeser me Jasopeam seni än Kora we cho,  
\v 7 pwal Joela me Sepatia nöün Jeroham kewe mwän seni Ketor.   
\p
\v 8 Mi wor ekoch mwän seni ewe ainangen Kat ra feila eti Tafit lon ewe leni mi pöchökül lon fanüapö, ir sounfiu mi pwora o silelap wiwiin maun, ra sip fän tittin maun me siles, nge won meser a usun chök won mesen ekewe laion, ra pwal müttir usun müttirin ekewe chia me won ekewe chuk.  
\v 9 Ikkei iter: Eser ewe meilap, ewe aruomanün Opatia, ewe aülümanün Eliap,  
\v 10 ewe afömanün Mismana, ewe alimanün Jeremia,  
\v 11 ewe awonomanün Atai, ewe afümanün Eliel,  
\v 12 ewe awalumanün Johanan, ewe atiuemanün Elsapat,  
\v 13 ewe aengolun Jeremia, ewe engol me aemanün Makpanai.  
\v 14 Ekei mwän seni ewe ainangen Kat ra meilapen ewe mwichen sounfiu, ekewe mi kis ra nemeni ipükü, nge ekewe mi lap ra nemeni engeröü.  
\v 15 Ikkei ir ekewe mwän mi fetal lon ewe chanpupu Jortan seni epek tori epek lon ewe aeuin maram, lupwen ewe chanpupu a puwu ekis meinisin. Iwe, ra asüela chokewe meinisin mi nom lon ekewe lemol me peliötiu me pelilotou.   
\p
\v 16 Iwe, ekoch me lein chon ekewe ainangen Peniamin me Juta ra pwal feila ren Tafit lon ewe leni mi pöchökül.  
\v 17 Tafit a towu rer o üreniir, “Are oua feito rei pwe oupwe chiechi ngeniei o alisiei, ngang üpwe fokun tipeeu ngeni ach sipwe chiechifengen. Nge are oua ekiekin afangamäei ngeni chon oputaei, inamwo ika üsap föri och mi ngau, amwo än ach kewe lewo we Kot epwe küna o apwüngükemi.”  
\v 18 Mürin, Ngünün Kot a feitiu won Amasia ewe meilapen ekewe ilik. Iwe, a apasa, “Äm aia noum, Tafit, äm aipwe etuk, en nöün Jesi we mwän. Kinamwe, kinamwe epwe toruk. Kinamwe epwe tori chokewe mi alisuk. Pun om we Kot a alisuk.” Mürin, Tafit a etiweer o awisa ngeniir wisen meilapen nöün kewe sounfiu.   
\p
\v 19 Iwe, ekoch sounfiu seni ewe ainangen Manasa ra chu ngeni Tafit, lupwen a feito me ekewe chon Filistia, pwe repwe maun ngeni Saul. Nge Tafit esap alisi ekewe chon Filistia. Pun mürin än ekewe samolun chon Filistia pwüngüpwüngfengen ra tinala Tafit. Ra ekieki pwe Tafit epwe rik ngeni an samol Saul, nge ir repwe feiengau.  
\v 20 Lupwen Tafit a liwiniti Siklak, ekei sounfiu seni ewe ainangen Manasa ra chu ngeni: Atna, Josapat, Jetiael, Mikael, Josapat, Elihu me Siletai. Ätekei meilapen ekewe mwicheichen ngeröün sounfiu lon Manasa.  
\v 21 Iwe, ra alisi Tafit le maun ngeni ekewe mwichen aramas mi küt liaper, pun ir meinisin sounfiu mi pöchökül o pwora, ra pwal chon nemenem lon an we mwichen sounfiu.  
\v 22 Iteiten rän mwän ra feito ren Tafit pwe repwe alisi, tori a wor eu an mwichen sounfiu mi fokun watte.   
\s1 Nöün Tafit mwichen sounfiu me lon Hepron  
\sr 12.23-40  
\p
\v 23 Iwe, chomong sounfiu mi uwei pisekin maun ra feila ren Tafit me lon Hepron, pwe repwe seikätä lon ewe wisen king siwilin Saul, usun mine ewe Samol mi Lapalap a fen apasa. Ikkei iteiten ekewe mwichen sounfiu:  
\v 24 Ekewe sounfiu seni ewe ainangen Juta mi uwou tittin maun me siles ükükün wonungeröü walupükü.  
\v 25 Seni ewe ainangen Simeon ätekewe mi pöchökül o pwora le maun ükükün fisungeröü ipükü.  
\v 26 Seni ewe ainangen Lefi ükükün rüanüngeröü wonopükü.  
\v 27 Pwal ewe samol Jehoiata eman mwirimwirin Aaron, nge ülüngeröü füpükü mwän ra eti.  
\v 28 Pwal Satok eman alüal mi pöchökül o pwora, nge rüe me ruoman meilap seni püsin chon leimwan ra eti.  
\v 29 Seni ewe ainangen Peniamin, ir märärin Saul, ükükün ülüngeröü, pun tori ei fansoun chomong me leir ra chüen pelieni chon leimwen Saul.  
\v 30 Seni ewe ainangen Efraim ükükün rüengeröü walupükü mwän mi pwora o pöchökül, ra iteföüla me lein än semer kewe cho.  
\v 31 Seni ewe esopun ainangen Manasa ükükün engol me walungeröü sounfiu mi kefil o föü iter, pwe repwe feila o seikätä Tafit pwe epwe king.  
\v 32 Seni ewe ainangen Isakar ükükün rüepükü samol me märärir meinisin mi nom fän nemenier. Ekei mwän ra weweiti fansoun o silei mine chon Israel repwe föri.  
\v 33 Seni ewe ainangen Sepulon ükükün limengeröü sounfiu mi sipeöch le maun, a wor ar sokopaten pisekin maun, pwe repwe alisi Tafit fän allükülük.  
\v 34 Seni ewe ainangen Naftali ükükün engeröü meilap, nge ükükün ilik me fisungeröü sounfiu mi uwou tittin maun me siles ra etiir.  
\v 35 Seni ewe ainangen Tan ükükün rüe me walungeröü wonopükü sounfiu mi molotä ngeni maun.  
\v 36 Seni ewe ainangen Aser ükükün faik ngeröü sounfiu mi sipeöch o molotä ngeni maun.  
\v 37 Seni ekewe ainangen Rupen me Kat, pwal seni ewe esopun ainangen Manasa ötiuen ewe chanpupu Jortan ükükün ipükü rüe ngeröü sounfiu mi uwou sokopaten pisekin maun meinisin.   
\p
\v 38 Ekei sounfiu meinisin mi molotä ngeni maun ra feila Hepron fän pöchökülen ar ekiek, pwe repwe seikätä Tafit pwe epwe king won unusen Israel. Nge ekewe lusun chon Israel meinisin ra tipeeu ngeni ewe chök ekiek, pwe repwe seikätä Tafit pwe epwe king.  
\v 39 Iwe, ra nonom ikenan ren Tafit lon ükükün ülüngat rän, ra momongö o ükün, pun pwiir kewe chon Israel ra amolätä fän iter.  
\v 40 Pwal chon aruur kewe mi toau seni ekewe ainangen Isakar, Sepulon me Naftali ra feito o uwato mongö won nöür kewe aas me kamel, won sokopaten aas me ätemwänin kow. Ra uwou chomong sokun mongö: pilawa, nokop seni fiik, umwun föün wain mi apwas, wain me apüra, pwal ätemwänin kow me sip. Ei a fis, pun mi wor pwapwa me lon Israel.   
\c 13  
\s1 Tafit a ekiekin uwato ewe pworofel lon Jerusalem  
\sr 13.1-4  
\r (2.Sam 6.1-11)  
\p
\v 1 Iwe, Tafit a pwüngüpwüngfengen me nöün kewe meilapen sounfiu meinisin mi nemenem won ngeröü me pükü.  
\v 2 Mürin, Tafit a kapas ngeni ekewe chon Israel meinisin, “Are a öch me remi, are a pwal letipen ewe Samol mi Lapalap ach we Kot, sipwe tinala chon künö ren pwiich kewe mi nom lon unusen ewe fanü Israel, pwal ren ekewe souasor me chon ewe ainangen Lefi mi nom lon ar kewe telinimw, pwe repwe feito rech.  
\v 3 Mürin, sipwe angesefälieto rech än ach we Kot we pworofel, pun sisap föri iei usun lupwen mwün Saul.”  
\v 4 Iwe, ewe mwicheichen aramas meinisin ra tipeeufengen pwe repwe föri iei usun, pun ei ekiek a pwüng me ren ekewe aramas meinisin.   
\s1 Tafit a aliwinisefäli ewe pworofel  
\sr 13.5-14  
\p
\v 5 Iwe, Tafit a achufengeni chon Israel meinisin seni ewe chanpupu Sihor lon Isip tori ewe alen tolong lon Hamat, pwe repwe angei ewe pworofel seni Kiriat-jearim. \x + \xo 13.5 \xt 1.Sam 7.1-2\x*  
\v 6 Nge Tafit me chon Israel meinisin ra feila Pala, iei Kiriat-jearim mi nom lon ewe fanü Juta, pwe repwe angei seni ikenan än Kot we pworofel mi iteni iten ewe Samol mi Lapalap, ewe a mot won an lenien motun king asen ekewe kerop. \x + \xo 13.6 \xt Eks 25.22\x*  
\v 7 Iwe, ra angei än Kot we pworofel me lon imwen Apinatap o anomu won efoch minefön woken. Nge Usa me Ahio ra wisen uwei ewe woken.  
\v 8 Tafit me chon Israel meinisin ra pworuk fän unusen ar pöchökül me fän mesen Kot ren köl me tikin ükülele me kitar, pwal ren sokopaten pisekin kaktai me rappwa.   
\p
\v 9 Lupwen ra tori än Chiton lenien wichiwich umwun wiich, Usa a eitiewu pöün o amwöchü än Kot we pworofel, pun ekewe ätemwänin kow ra chepetek.  
\v 10 Nge ewe Samol mi Lapalap a song ngeni Usa o niela, pun a eitiewu pöün o amwöchü ewe pworofel. Iwe, Usa a mäla ikenan me fän mesen Kot.  
\v 11 Mürin, Tafit a riaföü pokiten ewe Samol mi Lapalap a niela Usa. Iei mine ewe leni a iteni Peres-usa \f + \fr 13.11 \ft Peres-usa wewen Usa a küna kapwüng\f* tori ikenai.  
\v 12 Lon ewe ränin Tafit a niuokusiti Kot o apasa, “Ifa usun, üpwe tongeni uwato än Kot we pworofel pwe epwe nom rei?”  
\v 13 Iei mine Tafit esap mochen angei ewe pworofel pwe epwe uwalong lon Jerusalem, nge a uwala ngeni imwen Opet-etom ewe re Kit.  
\v 14 Iwe, än Kot we pworofel a nonom ren Opet-etom lon imwan lon ükükün ülüngat maram. Nge ewe Samol mi Lapalap a afeiöchü chon leimwen Opet-etom, pwal meinisin mine a eäni. \x + \xo 13.14 \xt 1.Kron 26.4-5\x*   
\c 14  
\s1 Hairam a tipeeu ngeni Tafit  
\sr 14.1-2  
\r (2.Sam 5.11-16)  
\p
\v 1 Iwe, Hairam ewe kingen Tirus a tinala chon künö ren Tafit, a pwal tinala irä setar, chon ses fau me taikü, pwe repwe aüetä eu imw fän iten Tafit.  
\v 2 Iei mine Tafit a mefi, pwe ewe Samol mi Lapalap a anüküchara lon wisan wisen king lon Israel, a pwal fokun afefeitä mwün fän iten nöün aramasen Israel.   
\s1 Nöün Tafit kewe mi uputiu me lon Jerusalem  
\sr 14.3-7  
\p
\v 3 Iwe, Tafit a pwal angei ekoch pwülüan me lon Jerusalem, a pwal wor nöün ät me nengin me wor.  
\v 4 Ikkei iten nöün kewe a nöüniir me lon Jerusalem: Samua, Sopap, Natan, Salomon,  
\v 5 Ipar, Elisua, Elpelet,  
\v 6 Noka, Nefek, Jafia,  
\v 7 Elisama, Peliata me Elifelet.   
\s1 Tafit a akufu ekewe chon Filistia  
\sr 14.8-17  
\r (2.Sam 5.17-25)  
\p
\v 8 Iwe, lupwen ekewe chon Filistia ra rong pwe Tafit a seikitä king won unusen Israel, ra feila meinisin pwe repwe aoi Tafit. Nge lupwen Tafit a rong usun, a feila pwe epwe maun ngeniir.  
\v 9 Iwe, ekewe chon Filistia ra feito lon ewe lemolun Refaim o angei liaper.  
\v 10 Nge Tafit a aisini Kot, “Ifa usun, üpwe feila maun ngeni ekewe chon Filistia? Ifa usun, kopwe awinnaei?” Iwe, ewe Samol mi Lapalap a üreni Tafit, “Kopwe feila maun ngeniir, nge üpwe awinnok.”  
\v 11 Iei mine Tafit a feila Pal-perasim o akufu ekewe chon Filistia me ikenan. Iwe, a apasa, “Kot a nöünöü ngang pwe üpwe küütalong ekewe tettelin sounfiu mi oputaei, usun puun eu chanpupu a pwangenalong ewe fanü ünükün.” Iei mine ewe leni a iteni Pal-perasim \f + \fr 14.11 \ft wewen Pal-perasim ewe Samol mi Lapalap a pwangenalong\f*.  
\v 12 Lupwen ekewe chon Filistia ra sü, ra likitala ar kewe uluulun anümwäl ikenan. Nge Tafit a allük pwe repwe kenirela.   
\p
\v 13 Mürin, ekewe chon Filistia ra feitosefäl pwe repwe angei liaper me lon ewe lemol.  
\v 14 Nge lupwen Tafit a aissefäl ngeni Kot, Kot a üreni, “Kosap fetal wenewen ngeniir, nge kopwe pwelila lükisökürür o maun ngeniir seni akawenewenen ekewe irä pwokus.  
\v 15 Iwe, lupwen kopwe rongorong mwataten peche le ülün ekewe irä pwokus, lon ena otun kopwe popuetä le maun ngeniir, pun ngang üpwe akomwowu mwom, pwe üpwe niela ekewe sounfiun Filistia.”  
\v 16 Tafit a föri usun mine Kot a allük ngeni. Iwe, ra niela ekewe sounfiun Filistia seni Kipeon tori Keser.  
\v 17 Iwe, iteüöchün Tafit a chöfetal lon ekewe fanü meinisin, nge ewe Samol mi Lapalap a föri pwe chon ekewe mwü meinisin ra niuokusiti Tafit.   
\c 15  
\s1 Tafit a uwala ewe pworofel Jerusalem  
\sr 15.1–16.6  
\p
\v 1 Iwe, Tafit a aüetä imwan kewe lon ewe telinimwen Tafit. A pwal amolätä eu leni fän iten an Kot we pworofel o aüetä eu imw mangaku fän itan.  
\v 2 Mürin, Tafit a apasa, “Esap wor eman epwe tongeni mwärei än Kot we pworofel, pwe ekewe chök mwän seni ewe ainangen Lefi, pun ewe Samol mi Lapalap a filiretä, pwe repwe mwärei an pworofel o angang ngeni tori feilfeilachök.” \x + \xo 15.2 \xt Tut 10.8\x*  
\v 3 Iwe, Tafit a amwichafengeni ekewe chon Israel meinisin me lon Jerusalem, pwe repwe uwato än ewe Samol mi Lapalap we pworofel ngeni ewe leni Tafit a fen amolätä.  
\v 4 Iwe, Tafit a pwal achufengeni ekewe mwirimwirin Aaron me ekewe mwän seni ewe ainangen Lefi:  
\v 5 Seni än Kohat we cho Uriel ewe samol fiti ipükü rüe märärin kewe.  
\v 6 Seni än Merari we cho Asaia ewe samol fiti rüepükü rüe märärin kewe.  
\v 7 Seni än Kersom we cho Joel ewe samol fiti ipükü ilik märärin kewe.  
\v 8 Seni än Elisafan we cho Semaia ewe samol fiti rüepükü märärin kewe.  
\v 9 Seni än Hepron we cho Eliel ewe samol fiti walik märärin kewe.  
\v 10 Seni än Usiel we cho Aminatap ewe samol fiti ipükü engol me ruoman märärin kewe.  
\v 11 Mürin, Tafit a körifengeni ekewe souasor Satok me Apiatar, pwal wonoman mwän seni ewe ainangen Lefi: Uriel, Asaia, Joel, Semaia, Eliel me Aminatap.  
\v 12 Iwe, a üreniir, “Ämi mwänirelan än semelapemi kewe cho seni ewe ainangen Lefi, oupwe apinikemi, ämi me pwimi, pwe oupwe uwato ewe pworofel än ewe Samol mi Lapalap ewe Koten Israel lon ewe leni üa amolätä fän itan.  
\v 13 Pokiten ämi ousap mwärei ewe pworofel lon ewe aeuin fansoun, ewe Samol mi Lapalap ach we Kot a afeiengauakich, pun sisap aisini Kot usun mine sipwe föri ngeni.”  
\v 14 Iei mine ekewe souasor me ekewe mwän seni ewe ainangen Lefi ra apiniir, pwe repwe uwato ewe pworofel än ewe Samol mi Lapalap ewe Koten Israel.  
\v 15 Iwe, ekewe mwän seni ewe ainangen Lefi ra mwärei än Kot we pworofel won afarer fän ekewe ämwär, usun Moses a fen allük fän alon ewe Samol mi Lapalap. \x + \xo 15.15 \xt Eks 25.14\x*   
\p
\v 16 Iwe, Tafit a pwal allük ngeni ekewe samolun chon ewe ainangen Lefi, pwe repwe filätä chon köl me lein pwiir kana, pwe repwe köl o ettiki sokopaten pisekin ettik fän pwapwa, repwe ettik kitar me ükülele o aea pisekin kaktai.  
\v 17 Iei mine ra filätä Heman nöün Joel we mwän me märärin we Asaf nöün Perekia we mwän, pwal märärir we Etan nöün Kusaia we mwän seni än Merari we cho.  
\v 18 Iwe, ikkei ir märärin kewe lon aruuen tettel mi etiir: Sekaria, Jasiel, Semiramot, Jehiel, Uni, Eliap, Penaia, Maseia, Matitia, Elifelehu me Mikneia, pwal ekewe chon mamasa asamalapen imwenfel Opet-etom me Jeiel.  
\v 19 Nge ekewe souköl Heman, Asaf me Etan ra wisen aea pisekin kaktai seni piras.  
\v 20 Sekaria, Asiel, Semiramot, Jehiel, Uni, Eliap, Maseia me Penaia ra wisen ettik ükülele lon ngingin Alamot \f + \fr 15.20 \ft wewen Alamot eli sopran\f*.  
\v 21 Nge Matitia, Elifelehu, Mikneia, Opet-etom, Jeiel me Asasia ra wisen emwen fän kitar lon ngingin Seminit \f + \fr 15.21 \ft wewen Seminit eli paas\f*.  
\v 22 Iwe, Chenania i eman souköl, iei mine a fil pwe epwe emweni ewe mwichen köl seni ewe ainangen Lefi.  
\v 23 Perekia me Elkana ra fil pwe repwe mamasa asamalapen lenien ewe pworofel.  
\v 24 Ekewe souasor Sepania, Josafat, Netanel, Amasai, Sekaria, Penaia me Elieser ra fil pwe repwe ettiki ekewe rappwa me mwen än Kot we pworofel. Nge Opet-etom me Jehia ra pwal fil pwe repwe mamasa asamalapen lenien ewe pworofel.   
\p
\v 25 Iwe, Tafit me ekewe souakomwen chon Israel, pwal ekewe chon nemenemen mwichen sounfiu ra feila pwe repwe uwato än ewe Samol mi Lapalap we pworofel seni imwen Opet-etom fän mweireiren pwapwa.  
\v 26 Pokiten Kot a alisi ekewe mwän seni ewe ainangen Lefi mi mwärei än ewe Samol mi Lapalap we pworofel, ra eäni asor füman ätemwänin kow me füman ätemwänin sip.  
\v 27 Iwe, Tafit a üföüf echö üf mi pwechepwech, usun chök ekewe mwän seni ewe ainangen Lefi meinisin mi mwärei ewe pworofel, pwal ekewe chon köl me Chenania ewe souemwenin ewe mwichen köl. Tafit a pwal üföüf echö üf itan efot.  
\v 28 Iei usun chon Israel meinisin ra uwato än ewe Samol mi Lapalap we pworofel fän mweireiren pwapwa, fän tikin sokopaten rappwa, fän kaktai, pwal fän tikin kitar me ükülele.   
\p
\v 29 Nge lupwen ra mwärelong än ewe Samol mi Lapalap we pworofel lon Jerusalem, Mikal nöün Saul we fefin a newu seni ewe asammwacho o küna ewe king Tafit, pwe a pworuk o mwetemwet fän pwapwa. Iwe, a turunufasei Tafit lon lelukan.   
\c 16  
\p
\v 1 Iwe, ra uwato än Kot we pworofel o anomu lon ewe imw mangaku Tafit a fen amolätä fän itan. Mürin, ra eäni asoren kek me asoren kinamwe ngeni Kot.  
\v 2 Nge lupwen Tafit a wes le eäni asoren kek me asoren kinamwe, a afeiöchü ekewe aramas fän iten ewe Samol mi Lapalap.  
\v 3 Tafit a pwal aineti mongö ngeni chon Israel meinisin. A ngeni eman me eman mwän me fefin efoch pilawa, eu kinikinin fituk me echö nokop seni föün wain mi apwas.   
\p
\v 4 Iwe, Tafit a pwal filätä ekoch mwän seni ewe ainangen Lefi, pwe repwe angang me mwen än ewe Samol mi Lapalap we pworofel, repwe iotekin tüngor me iotekin kilisou o mwareiti ewe Samol mi Lapalap ewe Koten Israel.  
\v 5 Iwe, Asaf a fil pwe ar samol, ewe kisin fän Sekaria. Nge Jeiel, Semiramot, Jehiel, Matitia, Eliap, Penaia, Opet-etom me Jeiel ra wisen ettik kitar me ükülele. Asaf a wisen ettik ekewe pisekin kaktai,  
\v 6 nge ekewe souasor Penaia me Jahasiel ra wisen ettiki ekewe rappwa iteitan me mwen än Kot we pworofel.   
\s1 Än Tafit kölfel me kölün kilisou  
\sr 16.7-36  
\r (Kölf 105.1-15; 96.1-13; 106.47-48)  
\p
\v 7 Iwe, lon ewe ränin Tafit ekärän filätä, pwe Asaf me pwin kana repwe eäni ei kölün kilisou ngeni ewe Samol mi Lapalap:   
\q1
\v 8 Oupwe kilisou ngeni ewe Samol mi Lapalap, oupwe köri itan. Oupwe asilefeili an kewe föför me lein chon ekewe mwü.   
\q1
\v 9 Oupwe köl ngeni, oupwe kölün mwareiti i. Oupwe apworausa an kewe föför meinisin mi amwarar.   
\q1
\v 10 Oupwe fokun ingemwareiti itan mi pin. Chokewe mi kütta ewe Samol mi Lapalap repwe meseik.   
\q1
\v 11 Oupwe kütta ämi alilis me ren ewe Samol mi Lapalap, oupwe kütta i fansoun meinisin.   
\q1
\v 12 Oupwe chechemeni ekewe föför mi amwarar a föriir. Oupwe chechemeni ekewe manaman a föriir me an kewe kapwüng a eäni,   
\q1
\v 13 ämi mwirimwirin Apraham nöün Kot we chon angang, ämi mwirimwirin Jakop kewe, ätewe mi fil me ren.   
\q1
\v 14 Ewe Samol mi Lapalap i ach Kot, an kewe allük ra fän iten unusen fanüfan.   
\q1
\v 15 I a chechemeni an we pwon tori feilfeilachök, an we kapas a anüküchara ngeni engeröü täppin aramas.   
\q1
\v 16 A chechemeni ewe pwon a eäni ngeni Apraham, an pwon a eäni fän akapel ngeni Isaak. \x + \xo 16.16 \xt Ken 12.7; Ken 26.3\x*   
\q1
\v 17 A anüküchara ewe pwon ngeni Jakop pwe eu allük, pwal eu pwon esemüch.   
\q1
\v 18 Iwe, a apasa, “Üpwe ngonuk ewe fanü Kanaan pwe fanüom.” \x + \xo 16.18 \xt Ken 28.13\x*   
\q1
\v 19 Lupwen nöün Kot kewe aramas ra fokun chokükün, lupwen ra chon siamü lon ewe fanü Kanaan   
\q1
\v 20 o saifetal seni eu fanü tori pwal eu fanü, seni eu mwü tori pwal eu mwü,   
\q1
\v 21 Kot esap mwüt ngeni eman pwe epwe ariaföüür. A apwüngü ekewe king pokiter   
\q1
\v 22 o apasa, “Ousap atapa nei kewe mi fil, ousap afeiengaua nei kewe soufos.” \x + \xo 16.22 \xt Ken 20.3-7\x*   
\q1
\v 23 Oupwe köl ngeni ewe Samol mi Lapalap, ämi chon fanüfan meinisin. Oupwe arongafeili iteiten rän usun an amanaua aramas.   
\q1
\v 24 Oupwe asilefeili an ling me lein chon ekewe mwü, pwal an föför mi amwarar me lein ekewe aramas meinisin.   
\q1
\v 25 Pun ewe Samol mi Lapalap a tekia. Sipwe alapala ach mwareiti i, sipwe pwal niuokusiti i lap seni ekewe kot meinisin.   
\q1
\v 26 Pun än chon ekewe mwü kewe kot ra chök uluulun anümwäl. Nge ewe Samol mi Lapalap a föri ekewe läng.   
\q1
\v 27 Iteüöch me manaman ra nonom mwan, pöchökül me pwapwa ra nonom lon imwan mi pin.   
\q1
\v 28 Oupwe mwareiti ewe Samol mi Lapalap, ämi chon ekewe mwü meinisin, oupwe mwareiti än ewe Samol mi Lapalap ling me manaman.   
\q1
\v 29 Oupwe mwareiti lingen iten ewe Samol mi Lapalap. Oupwe uwato eu asor o feito fän mesan. Oupwe fel ngeni ewe Samol mi Lapalap fän üf mi pin.   
\q1
\v 30 Ämi chon fanüfan meinisin, oupwe chechech me mwan. Ewer, fanüfan a fokun nükünük, esap tongeni mwöküt seni lenian.   
\q1
\v 31 Ekewe läng repwe pwapwa, nge fanüfan epwe meseik. Ir repwe apasa me lein chon ekewe mwü, “Ewe Samol mi Lapalap a nemenem.”   
\q1
\v 32 Matau epwe ngüngü, pwal meinisin mine a nom lon, ekewe mälämäl repwe mweireir, pwal meinisin mine a nom lor.   
\q1
\v 33 Mürin, ekewe irän lein wöllap meinisin repwe köl fän pwapwa fän mesen ewe Samol mi Lapalap, pun i epwe feito pwe epwe apwüngü chon fanüfan.   
\q1
\v 34 Oupwe kilisou ngeni ewe Samol mi Lapalap, pun i a kirikiröch, an tong ellet a nonom tori feilfeilachök. \x + \xo 16.34 \xt 2.Kron 5.13; 7.3; Esr 3.11; Kölf 100.5; 106.1; 107.1; 118.1; 136.1; Jer 33.11\x*   
\q1
\v 35 Oupwe pwal apasa, “Kopwe amanauakem, äm Kot äm Chon Amanau. Kopwe achufengenikem o angasakem seni me lein chon ekewe mwü, pwe aipwe kilisou ngonuk o mwareiti itom mi pin.   
\q1
\v 36 Oupwe mwareiti ewe Samol mi Lapalap ewe Koten Israel seni fansoun esepop tori fansoun esemüch.” Mürin, ekewe aramas ra apasa, “Amen”, o mwareiti ewe Samol mi Lapalap.   
\s1 Ekewe mwän seni ewe ainangen Lefi ra fil pwe repwe tümwünü ewe pworofel  
\sr 16.37-43  
\p
\v 37 Iwe, Tafit a awisa Asaf me märärin kana, pwe repwe angang fochofoch me mwen än ewe Samol mi Lapalap we pworofel, usun pwüngün angangen lon eu me eu rän me lon ewe leni ia ewe pworofel a nom ie.  
\v 38 Iwe, a pwal awisa Opet-etom nöün Jetutun we mwän me wone me waluman märärin kana, pwe repwe alisiir. Nge Opet-etom me Hosa ra wisen mamasa ekewe asamalap.  
\v 39 Iwe, Tafit a pwal awisa ewe souasor Satok me märärin kewe ekewe souasor, pwe repwe angang ngeni ewe Samol mi Lapalap me lon ewe lenien fel won ewe leni tekia mi nom lon Kipeon.  
\v 40 Repwe eäni asoren kek ngeni ewe Samol mi Lapalap won ewe rongen asoren kek iteiten lesosor me lekuniol, usun meinisin mine a mak lon än ewe Samol mi Lapalap we allük a allük ngeni chon Israel.  
\v 41 Iwe, a pwal nom rer Heman me Jetutun me ekewe lusun mi kefil o mak iter, pwe repwe kölün kilisou ngeni ewe Samol mi Lapalap, pun an tong ellet a nonom tori feilfeilachök.  
\v 42 Iwe, Heman me Jetutun ra wisen tümwünü ekewe rappwa me pisekin kaktai, pwal sokopaten pisekin ettik ra aea le ettiki ekewe köl mi pin. Nge nöün Jetutun kewe mwän ra kefil pwe repwe mamasa ewe asamalap.   
\p
\v 43 Mürin, ekewe aramas meinisin ra liwinla lon en me imwan, pwal Tafit a liwiniti lenian, pwe epwe afeiöchü chon leimwan. \x + \xo 16.43 \xt 2.Sam 6.19-20\x*   
\c 17  
\s1 Än Kot pwon ngeni Tafit  
\sr 17.1-27  
\r (2.Sam 7.1-29)  
\p
\v 1 Iwe, lon eu rän, lupwen Tafit a nom lon imwan, a titi ewe soufos Natan o üreni, “Nengeni, üa nom lon eu imw mi för seni ewe irä setar, nge än ewe Samol mi Lapalap pworofel a chök nom lon eu imw mangaku.”  
\v 2 Natan a üreni Tafit, “Kopwe föri meinisin mine ka ekieki lon lelukom, pun Kot a etuk.”   
\p
\v 3 Nge lon ewe chök pwinin, ewe Samol mi Lapalap a üreni Natan,  
\v 4 “Kopwe feila o üreni nei chon angang Tafit, pwe iei aloi ngang ewe Samol mi Lapalap, ‘Kosap aüetä eu imwenfel fän itei pwe üpwe nom lon.  
\v 5 Pun üsap nom lon eu imwenfel seni ewe ränin üa emwenawu chon Israel seni Isip tori ikenai, nge üa chök saifetal fän eu imw mangaku seni eu leni tori eu leni.  
\v 6 Lon ekewe leni meinisin ia üa saifetal ie me ekewe chon Israel meinisin, üsamwo aisini eman lein ekewe souemwenin Israel, chokewe üa awiseer pwe repwe chon masen nei aramas: Pwota ousap aüetä eu imwenfel seni irä setar fän itei?’  
\v 7 Iei mine kopwe üreni nei chon angang Tafit, pwe iei aloi ngang ewe Samol mi Unusen Manaman, ‘Üa angeek seni om tümwünü sip lemäl, pwe kopwe samolun nei aramasen Israel.  
\v 8 Üa etuk ekis meinisin ia ka feila ie, üa pwal ärala chon oputom meinisin me mwom. Iwe, üpwe aitöchü itom usun iteüöchün iten ekewe meilap won fanüfan.  
\v 9 Üpwe filätä eu leni fän iten nei aramasen Israel, üpwe fotukiretiu ikenan pwe repwe nonom lon püsin lenier, nge esap wor eman epwe chüen osukosukeer. Iwe, ekewe aramasangau resap chüen ariaföüür usun ar ariaföüür me lom,  
\v 10 lon ewe fansoun üa filätä soukapwüng won nei aramasen Israel. Iwe, üpwe akufu chon oputom meinisin. Nge üa pwal asile ngonuk, pwe ngang ewe Samol mi Lapalap üpwe awora mwirimwirum.  
\v 11 Iwe, lupwen ränin manauom repwe müchüla o kopwe peias ren om kewe lewo, üpwe seikätä eman noum mwän pwe epwe king, üpwe pwal anüküchara mwün.  
\v 12 Ätewe epwe aüetä eu imwenfel fän itei, nge ngang üpwe anüküchara an nemenem lon mwün tori feilfeilachök.  
\v 13 Iwe, ngang üpwe saman, nge i epwe nei. Üsap angei seni ai tong ellet, usun üa angei seni Saul, ätewe mi akom mwom. \x + \xo 17.13 \xt 2.Kor 6.18; Ipr 1.5\x*  
\v 14 Nge üpwe awisa pwe epwe nemeni nei aramas me mwüi tori feilfeilachök, pwe mwün epwe nonomola tori feilfeilachök.’”  
\v 15 Iwe, Natan a apworausa ngeni Tafit ükükün ekei kapas meinisin ewe Samol mi Lapalap a pwäri ngeni.   
\p
\v 16 Mürin, ewe king Tafit a tolong lon ewe imwenfel seni mangaku, a mot fän mesen ewe Samol mi Lapalap o iotek, “Ngang iö, ai Kot Samol mi Lapalap, nge iö mwirimwiri, pwe ka emwenieito tori ei aükükün?  
\v 17 Nge ei mettoch a chök kükün me reöm, ai Kot. Ka pwal pwon fän iten mwirimwiri ngang noum chon angang lon kan fansoun mwach. Ka föri ngeniei usun eman aramas mi tekia seni aramas meinisin, ai Kot Samol mi Lapalap.  
\v 18 Pwal met üpwe chüen apasa ngonuk, pokiten ka aitöchüei ngang noum chon angang? Pun en ka sileei ngang noum chon angang.  
\v 19 Ai Samol mi Lapalap, seni mochenin letipom en ka föri ekei föför mi lapalap fän itei ngang noum chon angang, ka pwal pwäri ngeniei ekei kapasen pwon mi amwarar.  
\v 20 Ai Samol mi Lapalap, esap wor eman Kot usun en, esap pwal wor eman Kot ünükum. Iei usun mine äm aia silei.  
\v 21 Ifa usun, mi wor aramasen eu mwü won fanüfan ra wewe ngeni noum aramasen Israel? Ka amanaueer pwe repwe noum aramas. Itom a iteüöch ren om föri föför mi lapalap o eniweniw, pun ka asüela chon ekewe mwü me mwen noum aramas, chokewe ka amanaueer seni Isip.  
\v 22 Ka filätä ekewe aramasen Israel pwe repwe noum aramas tori feilfeilachök. Nge en, ai Samol mi Lapalap, ka wiliti ar Kot.  
\v 23 Iei, ai Samol mi Lapalap, kopwe apwönüetä tori feilfeilachök ewe pwon ka eäni ngeniei ngang noum chon angang, pwal ngeni mwirimwiri o föri usun mine ka pwonei.  
\v 24 Iwe, om pwon epwe nüküchar o itom epwe fokun itetekia tori feilfeilachök. Mürin, aramas repwe apasa, ‘Ewe Samol mi Unusen Manaman ewe Koten Israel, i än chon Israel Kot.’ Nge mwirimwiri ngang noum chon angang repwe nonomola me fän mesom.  
\v 25 Pun en ai Kot ka pwärätä ngeniei ngang noum chon angang ekei kapas o apasa, pwe kopwe awora mwirimwiri pwe repwe king. Iei popun ngang üa tongeni eäni ei iotek ngonuk.  
\v 26 Ai Samol mi Lapalap, en Kot, ka pwon ngeniei ngang noum chon angang ekei mettoch mi mürina.  
\v 27 Iei mine kose mochen kopwe afeiöchü mwirimwiri, pwe repwe nonomola me fän mesom tori feilfeilachök. Pun en, ai Samol mi Lapalap, ka afeiöchüür, iei mine repwe feiöch tori feilfeilachök.”   
\c 18  
\s1 Tafit a awattela mwün  
\sr 18.1-13  
\r (2.Sam 8.1-18)  
\p
\v 1 Iwe, mürin ekoch fansoun Tafit a maun ngeni ekewe chon Filistia, a akufuur o atolongeer fän nemenian. Iwe, a angei Kat me wisoposopun kewe seni fän nemenien ekewe chon Filistia.  
\v 2 Iwe, Tafit a pwal akufu chon Moap, pwe ekewe chon Moap ra nom fän nemenien Tafit o takises ngeni.   
\p
\v 3 Tafit a pwal akufu Hatateser kingen Sopa mi kan ngeni Hamat, lupwen ätewe a feila, pwe epwe anüküchara an nemenem won ewe fanü arun ewe chanpupu Oifrat.  
\v 4 Tafit a liapeni seni Hatateser ükükün engeröü woken, fisungeröü chon wawa oris me rüengeröü sounfiu mi fetal. Iwe, Tafit a pökü selin pechen ekewe oris meinisin mi nukunuk woken, nge a likiti ekoch oris fän iten ükükün ipükü woken.  
\v 5 Nge lupwen ekewe sounfiun Siria seni Tamaskus ra feito pwe repwe alisi Hatateser ewe kingen Sopa, Tafit a maun ngeniir o niela ükükün rüe me ruungeröü me leir.  
\v 6 Mürin, Tafit a anomu mwichen sounfiu lon Siria, nge ekewe chon Siria ra nom fän nemenien Tafit o takises ngeni. Iwe, ewe Samol mi Lapalap a awinna Tafit ekis meinisin ia a feila ie.  
\v 7 Tafit a angei o uweela Jerusalem ekewe tittin maun seni kolt nöün Hatateser meilapen sounfiu ra uwei.  
\v 8 Iwe, Tafit a pwal angei chomong piras seni Tipat me Kun ekewe telinimwen Hatateser. Ren ei piras Salomon a föri ewe sepien koluk mi fokun watte, ekewe ür me ekewe sokopaten sepi seni piras fän iten ewe imwenfel. \x + \xo 18.8 \xt 1.King 7.40-47; 2.Kron 4.11-18\x*   
\p
\v 9 Iwe, lupwen Toi ewe kingen Hamat a rong pwe Tafit a akufu nöün Hatateser ewe kingen Sopa kewe mwichen sounfiu meinisin,  
\v 10 a tinala nöün we mwän Joram ren ewe king Tafit, pwe epwe uwei an kapong ngeni o eäni kapasen etiwetiw ngeni, pokiten an akufu Hatateser lon maun. Pun Hatateser a maun ngeni Toi fän chomong. Iwe, Joram a pwal uwala lifang ren Tafit sokopaten pisek seni kolt, silifer me piras.  
\v 11 Ekei pisek ewe king Tafit a apini fän iten ewe Samol mi Lapalap o achu ngeni ewe silifer me kolt, a fen liapeni seni ekewe mwü meinisin, seni Etom, Moap, pwal seni ekewe chon Amon, ekewe chon Filistia me Amalek.   
\p
\v 12 Iwe, Apisai nöün Seruia we mwän a niela engol me walungeröü chon Etom me lon ewe Lemolun Salt. \x + \xo 18.12 \xt Kölf 60\x*  
\v 13 Tafit a anomu mwichen sounfiu lon Etom, nge chon Etom meinisin ra nom fän nemenien Tafit. Iwe, ewe Samol mi Lapalap a awinna Tafit ekis meinisin ia a feila ie.   
\s1 Nöün Tafit kewe meilap  
\sr 18.14-17  
\p
\v 14 Iwe, Tafit a nemeni unusen Israel o föri mine a öch o pwüng ngeni nöün aramas meinisin.  
\v 15 Joap nöün Seruia we mwän i meilapen ewe mwichen sounfiu, nge Jehosafat nöün Ahilut we mwän a soumak.  
\v 16 Satok nöün Ahitup we mwän me Ahimelek nöün Apiatar we mwän ra souasor, nge Seraia a seketeri.  
\v 17 Iwe, Penaia nöün Jehoiata we mwän i meilapen ekewe chon Cheret me chon Pelet, ir chon tümwünü ewe king, nge nöün Tafit kewe mwän ir meilapen chon angang ngeni ewe king.   
\c 19  
\s1 Chon Amon me chon Siria ra kuf  
\sr 19.1-19  
\r (2.Sam 10.1-19)  
\p
\v 1 Mürin ekoch fansoun Nahas ewe kingen chon Amon a mäla, nge Hanun nöün we mwän a siwili lon wisan wisen king.  
\v 2 Iwe, Tafit a üra, “Üpwe kirikiröch ngeni Hanun, pun Nahas saman we a kirikiröch ngeniei.” Iei mine Tafit a tinala chon künö, pwe repwe aururu Hanun pokiten än saman mäla. Iwe, lupwen nöün Tafit kewe chon angang ra feila ren Hanun lon fanüen chon Amon, pwe repwe aururu i,  
\v 3 ekewe samolun chon Amon ra üreni Hanun, “Ifa usun, ka ekieki pwe Tafit a tinato chon aururuk pokiten an mochen asamolu semom? Ifa usun, nöün chon angang resap feito pwe repwe ouwasacha o operi ewe fanü, pwe repwe ataela?”  
\v 4 Iei mine Hanun a turufi nöün Tafit kewe chon angang, a räisöüla alüser o pöküela üfer me lukalapen won wilar. Mürin a tinirela.  
\v 5 Iwe, ra feila. Nge lupwen ra asile ngeni Tafit pworausen ekewe mwän, a tinala chon künö pwe repwe uwala an pworaus ngeniir, pun ekewe mwän ra fokun säw. Iei alon ewe king, “Oupwe chök nonom lon Jeriko tori alüsemi epwe pwüksefäl. Mürin oupwap liwinto.”  
\v 6 Iwe, lupwen Hanun me ekewe chon Amon ra mefi pwe Tafit a oput ir, ra tinala chon künö fän ina epwe ükükün faik ton silifer, pwe repwe möni woken me chon wawa oris seni Mesopotamia, Aram-maka me Sopa.  
\v 7 Iwe, ra möni ilik me ruungeröü woken, pwal ewe king seni Maka me an mwichen sounfiu. Ra feito o nonom mwen Metepa. Pwal ekewe chon Amon ra kö seni ar kewe telinimw, pwe repwe feila maun.  
\v 8 Nge lupwen Tafit a rong ei pworaus, a tinala Joap me ewe mwichen sounfiu meinisin.  
\v 9 Iwe, ekewe chon Amon ra feito o tettelila mwen asamalapen tittin ar we telinimw Rapa, nge ekewe king mi feito pwe repwe alisiir ra imwüla o atetteliir lon ewe fanü mi amassawa.   
\p
\v 10 Nge lupwen Joap a küna pwe ekewe sounfiu ra sousou me mwan me lükisökürün, a fili ekoch mwän mi fokun pwora me lon Israel o atetteliir, pwe repwe maun ngeni ekewe sounfiun Siria.  
\v 11 Nge ekewe lusun nöün sounfiu a atolongeer fän nemenien Apisai pwin we. Iwe, Apisai a atetteliir, pwe repwe maun ngeni ekewe sounfiun Amon.  
\v 12 Joap a üreni Apisai, “Are ekewe chon Siria ra kon pöchökül ngeniei, ina otun kopwe alisiei. Nge are ekewe chon Amon ra kon pöchökül ngonuk, ina otun üpwe feila o alisuk.  
\v 13 Kopwe tipepwora. Sipwe tipen mwän fän iten nöüch aramas, pwal fän iten ekewe telinimwen ach we Kot. Nge ewe Samol mi Lapalap epwe föri mine a öch me ren.”  
\v 14 Mürin, Joap me nöün kewe sounfiu ra kaneto o maun ngeni ekewe sounfiun Siria. Iwe, ekewe sounfiun Siria ra sü me mwan.  
\v 15 Nge lupwen ekewe sounfiun Amon ra küna pwe ekewe sounfiun Siria ra sü, pwal ir ra sü me mwen Apisai pwin Joap we o sülong lon ewe telinimw. Mürin, Joap a liwiniti Jerusalem.   
\p
\v 16 Nge lupwen ekewe sounfiun Siria ra küna pwe ra kuf ren ekewe sounfiun Israel, ra tinala chon künö, pwe repwe emwenato ekewe re Siria mi nom ötiuen ewe chanpupu Oifrat, nge Sopak ewe meilapen nöün Hatateser mwichen sounfiu a emweniir.  
\v 17 Lupwen ei pworaus a tori Tafit, a achufengeni ekewe sounfiun Israel meinisin, a feila pekilan ewe chanpupu Jortan o apälüeer. Iwe, lupwen Tafit a atetteli nöün kewe sounfiu, pwe repwe maun ngeni ekewe sounfiun Siria, ekewe sounfiun Siria ra maun ngeni.  
\v 18 Nge ekewe sounfiun Siria ra sü me mwen ekewe sounfiun Israel. Iwe, Tafit me nöün kewe sounfiu ra niela seni ekewe re Siria füngeröü chon wawa woken me faik ngeröü sounfiu mi fetal, ra pwal niela Sopak ewe meilapen ar mwichen sounfiu.  
\v 19 Iwe, lupwen ekewe king mi nom fän nemenien Hatateser ra küna pwe ra kuf ren ekewe re Israel, ra föri kinamwe ngeni Tafit o atolongeer fän nemenian. Iei mine ekewe re Siria resap chüen mochen alisi ekewe chon Amon.   
\c 20  
\s1 Tafit a liapeni Rapa  
\sr 20.1-3  
\r (2.Sam 12.26-31)  
\p
\v 1 Iwe, eu ier mürin lon fansoun leräs, lupwen ekewe king ra feila maun, Joap a emwenawu ewe mwichen sounfiu o atai fanüen chon Amon. Nge Tafit a nonometiu Jerusalem. Iwe, Joap a pwelifeili ewe telinimw Rapa fän pisekin maun, a liapeni o ataela. \x + \xo 20.1 \xt 2.Sam 11.1\x*  
\v 2 Tafit a angei mwärin ar we king seni won möküran, ükükün choun fik me limu paun kolt, a pwal wor eföü fau aüchea won. Iwe, Tafit a isetä ewe mwärämwär won möküran, a pwal uwala chomong liapan seni ewe telinimw.  
\v 3 Tafit a pwal uwala ekewe aramas mi nom lon ewe telinimw o aangangeer fän ngerenger, fän turupas me kouk seni mächä. Iei usun Tafit a föri ngeni chon ekewe telinimwen Amon meinisin. Mürin, Tafit me nöün kewe sounfiu meinisin ra liwiniti Jerusalem.   
\s1 Ekewe mwänemong nöün Tafit kewe sounfiu ra nirela  
\sr 20.4-8  
\r (2.Sam 21.15-22)  
\p
\v 4 Mürin ekoch fansoun a fis maun ngeni ekewe chon Filistia me lon Keser. Iwe, Sipekai seni Husa a niela Sipai, eman me lein mwirimwirin ekewe mwänemong, pwal ekewe chon Filistia ra kuf.  
\v 5 Mürin, a pwal fissefäl maun ngeni ekewe chon Filistia. Nge Elhanan nöün Jair we mwän a niela Lami pwin Koliat ewe re Kat. Ätei a wokuni efoch siles ilon a nönnö ngeni öüwün efoch waseres. \x + \xo 20.5 \xt 1.Sam 17.4-7\x*  
\v 6 A pwal fissefäl maun me lon Kat, ia a nom ie eman mwän mi fokun tam. A wor wonofch aütün pöün me ruofoch, pwal wonofoch aütün pechen me ruofoch, pwe a wor ükükün rüe me fofoch aütün. Ätei pwal eman mwirimwirin ekewe mwänemong.  
\v 7 Lupwen ätei a turunufasei chon Israel, Jonatan nöün Simea we mwän a niela, nge Simea pwin Tafit.  
\v 8 Ikkei ir mwirimwirin ekewe mwänemong lon Kat, ra ninnila ren Tafit me nöün kewe sounfiu.   
\c 21  
\s1 Tafit a angei iteiten chon Israel me chon Juta  
\sr 21.1-27  
\r (2.Sam 24.1-25)  
\p
\v 1 Iwe, Satan a ü ngeni chon Israel o pesei ngeni Tafit pwe epwe angei iteiten chon Israel.  
\v 2 Iei mine Tafit a üreni Joap me ekewe meilapen mwichen sounfiu, “Oupwe feila o angei iteiten chon Israel seni Persepa tori Tan, mürin oupwe asileto rei pwe üpwe silei iteiter.”  
\v 3 Nge Joap a üra, “Amwo ewe Samol mi Lapalap epwe awattela iteiten nöün aramas fän ipükü seni me mwan. Ai samol me ai king, ifa usun, sap ir meinisin noum chon angang? Pwota ka ekiekietä ei sokun? Pwota kopwe atoto tipis won Israel?”  
\v 4 Nge ewe king a pöchökül ngeni Joap, pwe a aleasochisi alon. Iei mine Joap a feila lemenen unusen Israel, mürin a liwiniti Jerusalem.  
\v 5 Iwe, Joap a ngeni Tafit unusen iteiten ekewe aramas. Lon unusen Israel a wor ükükün eu million ipüküngeröü mwän mi sile maun fän ketilas, nge lon Juta mi wor ükükün föpükü fik ngeröü mwän mi sile maun fän ketilas.  
\v 6 Nge Joap esap alealong lon ewe iteit chon ewe ainangen Lefi me Peniamin, pun a fokun oput än ewe king allük.   
\p
\v 7 Nge Kot esap tipeeu ngeni ei lapalap, iei mine a apwüngü chon Israel.  
\v 8 Iwe, Tafit a üreni Kot, “Üa fokun tipis ren mine üa föri. Nge iei üa tüngor ngonuk, kopwe amusa seniei ai tipis ngang noum chon angang. Pun ngang üa föri mine a fokun mwäl.”  
\v 9 Mürin, ewe Samol mi Lapalap a kapas ngeni Kat nöün Tafit we soufos,  
\v 10 “Kopwe feila o üreni Tafit pwe iei alon ewe Samol mi Lapalap: Ülüngat mettoch üa uwato reöm. Kopwe filätä eu me leir, pwe üpwe föri ngonuk.”  
\v 11 Iei mine Kat a feila ren Tafit o asile ngeni mine ewe Samol mi Lapalap a üreni. A apasa, “Iei kopwe filätä mine ka mochen:  
\v 12 Ika ka mochen pwe epwe fis lengita lon ükükün ülüngat ier? Ika ewe fanü epwe tala ren chon oputom lon ükükün ülüngat maram, lupwen chon oputom repwe akufuk fän nöür ketilas? Ika nöün ewe Samol mi Lapalap ketilas epwe kuuk, pwe epwe wor mätter lon ükükün ülüngat rän, lupwen nöün ewe Samol mi Lapalap we chon läng epwe niela aramas lemenen unusen ewe fanü Israel? Iei kopwe filätä pälüan, pwe üpwe liwinla o asile ngeni ewe mi tinieito.”  
\v 13 Mürin, Tafit a üreni Kat, “Ngang üa nom lon riaföü lapalap. Amwo ewe Samol mi Lapalap epwe apwüngüei, pun an ümöümöch a fokun lapalap, nge üsap mochen pwe aramas repwe apwüngüei.”   
\p
\v 14 Iei mine ewe Samol mi Lapalap a tinato mätter won chon Israel, pwe ükükün fik ngeröü ra mäla.  
\v 15 Mürin a tinala eman chon läng Jerusalem, pwe epwe afeiengaua aramasan. Nge lupwen a amolätä pwe epwe afeiengaua, ewe Samol mi Lapalap a lamalamala pokiten ewe feiengau. Iwe, a üreni ewe chon läng, “Kopwe ükütiu. Kopwe eitietiu poum.” Nge nöün ewe Samol mi Lapalap we chon läng a ütä ren ewe lenien wichiwich umwun wiich än Arauna ewe re Jepus.  
\v 16 Iwe, Tafit a anetai mesan o küna nöün ewe Samol mi Lapalap we chon läng pwe a ütä lefilen fanüfan me läng, nge a amwöchü lepöün efoch ketilas mi itila won Jerusalem. Mürin, Tafit me ekewe souakom mi üföüf üf seni tuk ra chapetiu lepwül.  
\v 17 Iwe, Tafit a iotek, “Ai Kot, ifa usun, sap ngang ätewe mi allük pwe repwe angei iteiten ekewe aramas? Ngang ätewe mi tipis o föri mine a fokun ngau. Nge met ekei aramas ra föri? Üa tüngor ngonuk, ai Kot Samol mi Lapalap, pwe kopwe apwüngüei me chon leimwen semei. Nge kosap afeiengaua noum aramas ren ei mätter.”   
\p
\v 18 Mürin, nöün ewe Samol mi Lapalap we chon läng a allük ngeni Kat pwe epwe üreni Tafit, pwe epwe feitä ren ewe lenien wichiwich umwun wiich än Arauna ewe re Jepus o senätä eu rongen asor ngeni ewe Samol mi Lapalap.  
\v 19 Iei mine Tafit a aleasochisi ekewe kapas Kat a üreni fän alon ewe Samol mi Lapalap o feila.  
\v 20 Iwe, Arauna me nöün kewe föman mwän ra wichiwich umwun wiich. Nge lupwen ra küna ewe chon läng, nöün kewe ra sü o op.  
\v 21 Nge lupwen Tafit a feito ren Arauna, Arauna a chimwetä o küna Tafit. Iwe, a towu seni ewe lenien wichiwich umwun wiich, a asamolu Tafit o chapetiu lepwül.  
\v 22 Iwe, Tafit a üreni Arauna, “Kopwe ngeniei om we lenien wichiwich umwun wiich, pwe üpwe senätä eu rongen asor ngeni ewe Samol mi Lapalap, pwe ewe mätter epwe ükütiu seni ekewe aramas. Kopwe amömö ngeniei won aükükün liwinin.”  
\v 23 Mürin, Arauna a üreni Tafit, “Kopwe chök angei. Ai samol me ai king, kopwe föri mine a öch me reöm. Nengeni, üpwe fangala ekei ätemwänin kow fän iten asoren kek, ekewe pisekin wichiwich umwun wiich fän iten amwüch, pwal ewe wiich fän iten asoren mongö. Üpwe ngonuk meinisin.”  
\v 24 Nge ewe king Tafit a üreni Arauna, “Apwi, ngang üpwe möni senuk won aükükün liwinin. Üsap mochen angei senuk och mine om pwe üpwe eäni asor ngeni ewe Samol mi Lapalap, üsap pwal mochen eäni asoren kek mine üsap möni.”  
\v 25 Iei mine Tafit a möni ngeni Arauna ükükün wonopükü föün moni kolt fän iten ewe lenien wichiwich umwun wiich.  
\v 26 Mürin, Tafit a senätä eu rongen asor ngeni ewe Samol mi Lapalap o eäni asoren kek me asoren kinamwe won. A pwal iotek ngeni ewe Samol mi Lapalap, nge i a pälüeni o tinätiu ekkei seni läng mi kenala ewe asor won ewe rongen asor.  
\v 27 Mürin, ewe Samol mi Lapalap a allük ngeni ewe chon läng, pwe epwe siksefälielong nöün ketilas lon tükütükün. Iwe, ewe chon läng a aleasochisi.   
\s1 Ewe leni fän iten ewe imwenfel  
\sr 21.28–22.1  
\p
\v 28 Lon ewe fansoun, lupwen Tafit a küna pwe ewe Samol mi Lapalap a pälüeni an tüngor me lon ewe lenien wichiwich umwun wiich än Arauna ewe re Jepus, a föri an kewe asor ikenan.  
\v 29 Pun lon ena fansoun än ewe Samol mi Lapalap imwenfel seni mangaku Moses a föri me lon ewe fanüapö, pwal ewe rongen asoren kek, a nom lon ewe lenien fel me lon Kipeon.  
\v 30 Nge Tafit esap tongeni feila ikenan pwe epwe churi Kot, pun a niuokusiti ewe ketilas nöün nöün ewe Samol mi Lapalap we chon läng.   
\c 22  
\p
\v 1 Mürin, Tafit a üra, “Iei ewe leni ia ewe imwenfelin Kot ewe Samol mi Lapalap epwe kaütä ie, pwal lenien ewe rongen asoren kek fän iten chon Israel.”   
\s1 Tafit a amolätä pisekin ewe imwenfel  
\sr 22.2–23.1  
\p
\v 2 Iwe, Tafit a allük, pwe ekewe chon ekis mi nom lon ewe fanü Israel repwe chufengen. A ngeniir ar angang o awisa ekoch ngeni ewe angangen fal fau, pwe repwe amolätä fau mi fal fän iten kaütän ewe imwenfelin Kot.  
\v 3 Tafit a pwal amolätä chomong mächä, pwe repwe föri chüföl fän iten ekewe asamalap me ekewe amwöch. A amolätä chomong piras esap wor eman a tongeni kiloni,  
\v 4 pwal chomong irä setar esap lea. Pun ekewe chon Siton me Tirus ra uwato chomong chomong irä setar ren Tafit.  
\v 5 Iwe, Tafit a üra, “Nei alüal Salomon a ier kükün, esamwo sip le angang, nge ewe imwenfel epwe aüetä fän iten ewe Samol mi Lapalap epwe fokun amwarar, epwe pwal föüla o ling lein chon ekewe fanü meinisin. Iei mine üpwe amolätä pisek fän itan.” Iei usun Tafit a amolätä chomong pisek me mwen an mäla.   
\p
\v 6 Mürin, Tafit a körato Salomon nöün we mwän o allük ngeni pwe epwe aüetä eu imwenfel fän iten ewe Samol mi Lapalap ewe Koten Israel.  
\v 7 Iwe, Tafit a üreni Salomon, “Nei, üa ekieki lon lelukei pwe üpwe aüetä eu imwenfel fän iten ewe Samol mi Lapalap ai we Kot.  
\v 8 Nge ewe Samol mi Lapalap a üreniei, ‘En ka niela chomong aramas o eäni maun watte. En kosap aüetä eu imwenfel fän itei, pun ka asükü chan chomong aramas me fän mesei won fanüfan.  
\v 9 Nge eman ät epwe uputiu ngonuk, i epwe eman aramas mi eäni kinamwe. Ngang üpwe fang ngeni kinamwe seni chon oputan meinisin mi nom ünükün. Iwe, epwe iteni Salomon, nge ngang üpwe awora kinamwe me mosonoson lon Israel lon fansoun an nemenem.  
\v 10 Ätei epwe aüetä eu imwenfel fän itei. I epwe nei, nge ngang üpwe saman, üpwe pwal anüküchara an nemenem lon Israel, pwe mwün epwe soposopola tori feilfeilachök.’ \x + \xo 22.10 \xt 2.Sam 7.1-16; 1.Kron 17.1-14\x*  
\v 11 Nei, amwo ewe Samol mi Lapalap epwe etuk, pwe kopwe tufichin aüetä imwen ewe Samol mi Lapalap om we Kot, usun i a fen kapas usum.  
\v 12 Eu chök, amwo ewe Samol mi Lapalap epwe fang ngonuk tipachem me silelap, lupwen epwe ngonuk nemenem won chon Israel, pwe kopwe tongeni apwönüetä ewe allük än ewe Samol mi Lapalap om we Kot.  
\v 13 Are kopwe tümwünüöchü le apwönüetä ekewe allük me pwüüng ewe Samol mi Lapalap a allük ngeni Moses fän iten chon Israel, mürin kopwefefeitä. Kopwe pöchökül o tipepwora, kosap niuokus, kosap pwal apilükingau. \x + \xo 22.13 \xt Jos 1.6-9\x*  
\v 14 Fän weires mi lapalap üa amolätä fän iten kaütän ewe imwenfel ina epwe ükükün ülüngeröü füpükü lime ton kolt, ilik me fisungeröü limepükü ton silifer, pwal piras me mächä esap wor eman a tongeni kiloni, pun a kon chomong. Üa pwal amolätä irä me fau. Nge en kopwe pwal apachatä och ngeni ei ükükün.  
\v 15 Mi wor reöm chomong souangang: chon fal fau, chon ses fau, taikü me sokopaten souangang resap lea, ra sipeöch le angang ngeni  
\v 16 kolt, silifer, piras me mächä. Iei kopwe popuetä le angang. Ewe Samol mi Lapalap epwe etuk.”   
\p
\v 17 Mürin Tafit a allük ngeni ekewe souemwenin chon Israel meinisin, pwe repwe alisi Salomon nöün we.  
\v 18 Iwe, a üreniir, “Ewe Samol mi Lapalap ämi we Kot a etikemi. A fang ngenikemi kinamwe ekis meinisin. Pun i a mwüt ngeniei pwe üpwe akufu chon ei fanü meinisin. Iei ra nom fän nemenien ewe Samol mi Lapalap, pwal fän nemeniemi.  
\v 19 Iei oupwe anomu lon ämi ekiek pwal lon lelukemi, pwe oupwe angang ngeni ewe Samol mi Lapalap ämi we Kot. Oupwe popuetä le aüetä ewe imw mi pin imwen Kot ewe Samol mi Lapalap, pwe an we pworofel me an kewe sepi mi pin repwe nom lon ewe imwenfel mi kaütä fän itan.”   
\c 23  
\p
\v 1 Iwe, lupwen Tafit a chinlap o ieritam, a seikätä Salomon nöün we mwän pwe epwe kingen Israel. \x + \xo 23.1 \xt 1.King 1.1-40\x*   
\s1 Ekewe mwich lon ewe ainangen Lefi me ekewe mwichen souasor, pwal ar angang  
\sr 23.2–24.31  
\p
\v 2 Iwe, Tafit a amwichafengeni ekewe souemwenin Israel meinisin, pwal ekewe souasor me ekewe mwän seni ewe ainangen Lefi.  
\v 3 Tafit a angei iteiten ekewe mwän seni ewe ainangen Lefi mi ierini ilik feitä ükükün ilik me walungeröü.  
\v 4 Mürin, Tafit a üra, “Rüe me rüanüngeröü seni ätekei repwe wisen emweni angangen imwenfelin ewe Samol mi Lapalap, nge wonungeröü repwe nöüwis me soukapwüng.  
\v 5 Rüanüngeröü repwe wisen mamasa ekewe asamalap, pwal rüanüngeröü repwe wisen mwareiti ewe Samol mi Lapalap ren sokopaten pisekin ettik üa föri fän iten kölün mwareiti Kot.”  
\v 6 Iwe, Tafit a kiniretiu lon ülüngat mwich lon tettelin nöün Lefi kewe mwän: Kersom, Kohat me Merari.   
\p
\v 7 Iwe, nöün Kersom kewe mwän: Latan me Simei.  
\v 8 Nge nöün Latan kewe ülüman mwän: Jehiel ewe mwänichi, Setam me Joel.  
\v 9 Nöün Simei kewe ülüman mwän: Selomot, Hasiel me Haran. Ätekei ir mwänirelan än semer kewe cho seni ekewe mwirimwirin Latan.  
\v 10 Nöün Simei kewe föman mwän: Jahat, Sisa, Jeus me Peria.  
\v 11 Jahat ewe mwänichi, Sisa ewe aruomanün. Nge esap wor chomong nöün Jeus me Peria mwän, iei mine ir ra eu chök cho mi angangfengen.   
\p
\v 12 Iwe, nöün Kohat kewe föman mwän: Amram, Isar, Hepron me Usiel.  
\v 13 Nöün Amram kewe mwän: Aaron me Moses. Iwe, Aaron me mwirimwirin kewe ra imwüla tori feilfeilachök, pwe repwe wisen tümwünü ekewe pisek mi unusen pin, repwe keni apach mi pwokus lupwen ar fel ngeni ewe Samol mi Lapalap, repwe pwal angang ngeni o afeiöchü ekewe aramas fän itan tori feilfeilachök. \x + \xo 23.13 \xt Eks 28.1\x*  
\v 14 Nge nöün Moses kewe mwän ewe aramasen Kot ra alealong lon ewe ainangen Lefi.  
\v 15 Nöün Moses kewe mwän: Kersom me Elieser.  
\v 16 Nge ewe samolun nöün Kersom kewe mwän Sepuel.  
\v 17 Iwe, mi wor eman chök nöün Elieser mwän itan Rehapia i samol. Nge mi wor chomong nöün Rehapia mwän.  
\v 18 Nöün Isar we mwän Selomit i samol.  
\v 19 Nöün Hepron kewe mwän: Jeria ewe mwänichi, Amaria ewe aruomanün, Jahasiel ewe aülümanün me Jekameam ewe afömanün.  
\v 20 Nöün Usiel kewe mwän: Mika ewe mwänichi me Isia ewe aruomanün.   
\p
\v 21 Iwe, nöün Merari kewe mwän: Mali me Musi. Nge nöün Mali kewe mwän: Eleasar me Kis.  
\v 22 Eleasar a mäla, nge esap wor nöün mwän, pwe a chök wor nöün fefin. Iwe, märärir kewe nöün Kis kewe mwän ra pwülüeniir.  
\v 23 Nöün Musi kewe ülüman mwän: Mali, Eter me Jeremot.   
\p
\v 24 Ätekei ir ekewe mwirimwirin Lefi lon tettelin ar kewe famili, ir mwänirelan än semer kewe cho, usun ra makelong lon ewe iteit ren en me püsin itan seni ier rüe feitä. Ir ra wisen föri angangen imwenfelin ewe Samol mi Lapalap.  
\v 25 Pun Tafit a apasa, “Pokiten ewe Samol mi Lapalap ewe Koten Israel a fang ngeni nöün aramas kinamwe o imweimw lon Jerusalem tori feilfeilachök,  
\v 26 iei mine ekewe mwän seni ewe ainangen Lefi resap chüen wisen mwärei ewe imwenfel seni mangaku ika och pisek ra aea le angang lon.” \x + \xo 23.26 \xt Tut 10.8\x*  
\v 27 Pokiten än Tafit kewe kapasen öüröür a eäni lesopolan, ra angei iteiten ekewe mwän seni ewe ainangen Lefi seni ier rüe feitä.  
\v 28 Iei ar angang, pwe repwe alisi ekewe souasor ir mwirimwirin Aaron ren angangen imwenfelin ewe Samol mi Lapalap. Ra wisen tümwünü ekewe leni lükün ewe imwenfel me ekewe rum mi nom lepekin, ra pwal wisen limeti ekewe pisek meinisin mi pin o föri sokopaten angangen lon.  
\v 29 Ra pwal wisen amolätä ekewe pilawa mi pin, ewe pilawa mi amas fän iten ewe asoren mongö, ekewe nokop seni pilawa esap wor iis lon, ewe asor mi furain, ewe asor mi nofitfengen me apüra, repwe pwal eäni ewe angangen kilo me aükük.  
\v 30 Iwe, repwe kilisou ngeni ewe Samol mi Lapalap o kölün mwareiti iteiten lesosor me iteiten lekuniol,  
\v 31 repwe pwal föri ar angang iteiten fansoun, lupwen a fis asoren kek ngeni ewe Samol mi Lapalap lon ekewe ränin sapat, fansoun popun maram, pwal lupwen ekewe ränin chulap. Repwe wisen angang ngeni ewe Samol mi Lapalap fansoun meinisin lon ar kewe mwich, pwal lon pwüngün ar angang a fen akot fän iter.   
\p
\v 32 Iei usun ra wisen tümwünü ewe imw mangaku ia aramas ra churi Kot ie me ewe leni mi pin, repwe pwal alisi pwiir kewe ekewe mwirimwirin Aaron ren angangen imwenfelin ewe Samol mi Lapalap.” \x + \xo 23.32 \xt Num 3.5-9\x*   
\c 24  
\p
\v 1 Ikkei ekewe mwich seni ekewe mwirimwirin Aaron. Nöün Aaron kewe mwän: Natap, Apihu, Eleasar me Itamar.  
\v 2 Iwe, Natap me Apihu ra mäla mwen semer we, nge esap wor nöür. Iei mine Eleasar me Itamar ra wiseni ewe wisen souasor. \x + \xo 24.2 \xt Lif 10.1-2\x*  
\v 3 Tafit a kinietiu ekewe mwirimwirin Aaron lon eu me eu mwich lon ükükün ar kewe angang, nge Satok eman mwirimwirin Eleasar pwal Ahimelek eman mwirimwirin Itamar ra alisi.  
\v 4 Iwe, a pwä pwe mi wor chomong mwänirelan ekewe famili lein ekewe mwirimwirin Eleasar lap seni lein ekewe mwirimwirin Itamar. Iei mine ra kinietiu ekewe mwirimwirin Eleasar lon engol me wonu mwich, nge ekewe mwirimwirin Itamar ra kinietiu lon walu mwich.  
\v 5 Pokiten mi wor meilapen ewe leni mi pin, pwal nöün Kot kewe chon angang mi lap lein ekewe mwirimwirin Eleasar, pwal lein ekewe mwirimwirin Itamar, iei mine ra awisa ngeni eu me eu mwich an angang fän üttüt.  
\v 6 Iwe, ekewe mwirimwirin Eleasar me ekewe mwirimwirin Itamar ra akasiwil le üttüt. Ewe soumak Semaia nöün Netanel we mwän seni ewe ainangen Lefi, a makeetiu iter me fän mesen ewe king me nöün kewe nöüwis, Satok ewe souasor me Ahimelek nöün Apiatar we mwän, pwal fän mesen ekewe mwänirelan än ekewe souasor famili me mwänirelan än chon ewe ainangen Lefi famili.   
\p
\v 7 Iei pwüngülan ar we üttüt: Ewe aeuin Jehoiarip a ütti, ewe aruuan Jetaia,  
\v 8 ewe aülüngatin Harim, ewe arüanün Seorim,  
\v 9 ewe alimuan Malkia, ewe awonuan Miamin,  
\v 10 ewe afisuan Hakos, ewe awaluan Apia,  
\v 11 ewe atiuan Jesua, ewe aengolun Sekania,  
\v 12 ewe engol me euin Eliasip, ewe engol me ruuan Jakim,  
\v 13 ewe engol me ülüngatin Hupa, ewe engol me me rüanün Jesepeap,  
\v 14 ewe engol me limuan Pilka, ewe engol me wonuan Imer,  
\v 15 ewe engol me fisuan Hesir, ewe engol me waluan Hapises,  
\v 16 ewe engol me tiuan Petaia, ewe arüeen Jeskel,  
\v 17 ewe rüe me euin Jakin, ewe rüe me ruuan Kamul,  
\v 18 ewe rüe me ülüngatin Telaia, ewe rüe me rüanün Masia.  
\v 19 Ikkei ir ekewe mwän mi kefilitä lon tettelin ar kewe angang, lupwen repwe feito lon imwenfelin ewe Samol mi Lapalap, pwe repwe föri pwüngün ar angang won mine a fen pwüngüla me ren Aaron ar we lewo, usun mine ewe Samol mi Lapalap ewe Koten Israel a allük ngeni.   
\p
\v 20 Iwe, ikkei ir ekewe lusun mwänirelan mwirimwirin Lefi: Seni ekewe mwirimwirin Amram: Sepuel, nge seni ekewe mwirimwirin Sepuel: Jeteia.  
\v 21 Seni ekewe mwirimwirin Rehapia: Isia ewe samol.  
\v 22 Seni ekewe mwirimwirin Isar: Selomit, nge seni ekewe mwirimwirin Selomit: Jahat.  
\v 23 Nge nöün Hepron kewe mwän: Jeria ewe mwänichi, Amaria ewe aruomanün, Jahasiel ewe aülümanün, Jekameam ewe afömanün.  
\v 24 Iwe, seni ekewe mwirimwirin Usiel: Mika, nge seni ekewe mwirimwirin Mika: Samir.  
\v 25 Pwin Mika: Isia, nge seni nöün Isia kewe mwän Sekaria.  
\v 26 Iwe, nöün Merari kewe mwän: Mali me Musi pwal Jasia.  
\v 27 Nge ekewe mwirimwirin Merari seni Jasia: Peno, Soham, Sakur me Ipri.  
\v 28 Iwe, nöün Mali kewe mwän: Eleasar me Kis, nge esap wor nöün Eleasar.  
\v 29 Nöün Kis we mwän Jeramel.  
\v 30 Iwe, nöün Musi kewe mwän: Mali, Eter me Jerimot. Ikkei ir ekewe mwirimwirin Lefi lon tettelin ar kewe famili.  
\v 31 Iwe, iteiten eman me eman mwänirelan en me an famili pwal eman me eman pwin kükün ra üttüt, usun chök märärir kewe ekewe mwirimwirin Aaron. Ra üttüt fän mesen ewe king Tafit, Satok me Ahimelek, pwal fän mesen ekewe mwänirelan än ekewe souasor famili me mwänirelan än chon ewe ainangen Lefi famili, pwe epwe fat en me an angang.   
\c 25  
\s1 Ekewe mwichen chon ettik me köl  
\sr 25.1-31  
\p
\v 1 Iwe, Tafit me nöün kewe meilap ra filätä ekoch nöün Asaf, Heman me Jetutun kewe mwän fän iten ewe angangen lon imwenfel, pwe repwe pwärätä än Kot kapas fiti tikin ükülele me kitar, pwal fän pisekin kaktai. Iei tettelin chokewe mi föri ei angang, pwal wiser:  
\v 2 Seni nöün Asaf kewe mwän: Sakur, Josef, Netania me Asarela. Ir ra nom fän emwenien Asaf, ätewe mi pwärätä än Kot kapas fän än ewe king ootoot.  
\v 3 Nge nöün Jetutun kewe wonoman mwän: Ketalia, Seri, Jesaia, Simei, Hasapia me Matitia. Ir ra nom fän emwenien Jetutun semer we, ätewe mi pwärätä än Kot kapas fiti tikin ükülele o eäni kölün kilisou me kölün mwareiti ewe Samol mi Lapalap.  
\v 4 Nöün Heman kewe mwän: Pukia, Matania, Usiel, Sepuel, Jerimot, Hanania, Hanani, Eliata, Kitalti, Romamtieser, Jospekasa, Maloti, Hotir me Mahasiot.  
\v 5 Ätekei meinisin ir nöün Heman kewe mwän, nge Heman nöün ewe king soufos. Kot a ngeni Heman ekei engol me föman nöün mwän pwal ülüman nöün fefin, usun a fen pwon ngeni, pwe epwe atekiatä i.  
\v 6 Ätekei meinisin ra nom fän emwenien semer we le köl me lon imwenfelin ewe Samol mi Lapalap. Ra köl fän pisekin kaktai, fän kitar me ükülele, pun iei wiser me lon ewe imwenfel. Nge Asaf, Jetutun me Heman ra nom fän än ewe king ootoot.  
\v 7 Iwe, iteiter meinisin fiti märärir kewe mi sile o ngiöch le köl ngeni ewe Samol mi Lapalap ükükün rüepükü walik me waluman.  
\v 8 Iwe, ra üttüt won tettelin ar kewe angang, ekewe alüal ra usun chök ekewe chinlap, ekewe sense ra usun chök ekewe chon kaiö.   
\p
\v 9 Iei pwüngülan tettelin ar üttüt: Ewe aeuin Josef seni ewe familien Asaf a ütti, i me nöün kewe mwän me märärin kewe, iteiter meinisin engol me ruoman. Ewe aruuan Ketalia a ütti, i me nöün kewe mwän me märärin kewe, iteiter meinisin engol me ruoman.  
\v 10 Ewe aülüngatin Sakur a ütti, i me nöün kewe mwän me märärin kewe iteiter meinisin engol me ruoman.  
\v 11 Ewe arüanün Seri a ütti, i me nöün kewe mwän me märärin kewe iteiter meinisin engol me ruoman.  
\v 12 Ewe alimuan Netania a ütti, i me nöün kewe mwän me märärin kewe iteiter meinisin engol me ruoman.  
\v 13 Ewe awonuan Pukia a ütti, i me nöün kewe mwän me märärin kewe iteiter meinisin engol me ruoman.  
\v 14 Ewe afisuan Asarela a ütti, i me nöün kewe mwän me märärin kewe iteiter meinisin engol me ruoman.  
\v 15 Ewe awaluan Jeshaia a ütti, i me nöün kewe mwän me märärin kewe iteiter meinisin engol me ruoman.  
\v 16 Ewe atiuan Matania a ütti, i me nöün kewe mwän me märärin kewe iteiter meinisin engol me ruoman.  
\v 17 Ewe aengolun Simei a ütti, i me nöün kewe mwän me märärin kewe iteiter meinisin engol me ruoman.  
\v 18 Ewe engol me euin Usiel a ütti, i me nöün kewe mwän me märärin kewe iteiter meinisin engol me ruoman.  
\v 19 Ewe engol me ruuan Hasapia a ütti, i me nöün kewe mwän me märärin kewe iteiter meinisin engol me ruoman.  
\v 20 Ewe engol me ülüngatin Supael a ütti, i me nöün kewe mwän me märärin kewe iteiter meinisin engol me ruoman.  
\v 21 Ewe engol me rüanün Matitia a ütti, i me nöün kewe mwän me märärin kewe iteiter meinisin engol me ruoman.  
\v 22 Ewe engol me limuan Jeremot a ütti, i me nöün kewe mwän me märärin kewe iteiter meinisin engol me ruoman.  
\v 23 Ewe engol me wonuan Hanania a ütti, i me nöün kewe mwän me märärin kewe iteiter meinisin engol me ruoman.  
\v 24 Ewe engol me fisuan Jospekasa a ütti, i me nöün kewe mwän me märärin kewe iteiter meinisin engol me ruoman.  
\v 25 Ewe engol me waluan Hanani a ütti, i me nöün kewe mwän me märärin kewe iteiter meinisin engol me ruoman.  
\v 26 Ewe engol me tiuan Maloti a ütti, i me nöün kewe mwän me märärin kewe iteiter meinisin engol me ruoman.  
\v 27 Ewe arüeen Eliata a ütti, i me nöün kewe mwän me märärin kewe iteiter meinisin engol me ruoman.  
\v 28 Ewe rüe me euin Hotir a ütti, i me nöün kewe mwän me märärin kewe iteiter meinisin engol me ruoman.  
\v 29 Ewe rüe me ruuan Kitalti a ütti, i me nöün kewe mwän me märärin kewe iteiter meinisin engol me ruoman.  
\v 30 Ewe rüe me ülüngatin Mahasiot a ütti, i me nöün kewe mwän me märärin kewe iteiter meinisin engol me ruoman.  
\v 31 Ewe rüe me rüanün Romamtieser a ütti, i me nöün kewe mwän me märärin kewe iteiter meinisin engol me ruoman.   
\c 26  
\s1 Ekewe chon mamasa asamalap me ekewe meilapen lon imwenfel  
\sr 26.1-32  
\p
\v 1 Ikkei ekewe mwich mi mamasa ekewe asamalapen imwenfel: Seni än Kora cho: Meselemia nöün Kore we mwän seni ewe familien Asaf.  
\v 2 Nge mi wor füman nöün Meselemia mwän: Sekaria ewe mwänichi, Jetiael, Sepatia, Jatniel,  
\v 3 Elam, Jehoanan me Elieho-enai.  
\v 4 Iwe, Kot a afeiöchü Opet-etom, pwe mi wor waluman nöün mwän: Semaia ewe mwänichi, Jehosapat, Joa, Sakar, Netanel,  
\v 5 Amiel, Isakar me Peuletai. \x + \xo 26.5 \xt 2.Sam 6.11; 1.Kron 13.14\x*  
\v 6 Nge Semaia nöün mwänichi we a pwal wor nöün mwän mi sounemenem lon än semer kewe cho, pun ir ra iteföüla lon ar tufich.  
\v 7 Iwe, nöün Semaia kewe mwän: Otni, Refael, Opet me Elsapat, pwal pwiir kewe Elihu me Semakia mi kon tufich.  
\v 8 Ir meinisin mwirimwirin Opet-etom. Ätekei pwal nöür kewe me märärir ra tufich ngeni ewe angang ükükür meinisin wone me ruoman.  
\v 9 Nge mi pwal wor nöün Meselemia kewe mwän pwal märärir kewe mi tufich ngeni ewe angang ükükür meinisin engol me waluman.  
\v 10 Iwe, Hosa seni än Merari cho a pwal wor nöün mwän: Simri i samol, inamwo ika sap i ewe mwänichi, nge saman a chök awisa ngeni ewe wisen samol,  
\v 11 pwal Hilkia ewe aruomanün, Tepalia ewe aülümanün me Sekaria ewe afömanün. Iwe, nöün Hosa kewe mwän me märärir kewe ükükür meinisin engol me ülüman.   
\p
\v 12 Ekei mwich mi wisen mamasa ekewe asamalapen imwenfel fän emwenien ar kewe meilap, a wor ar angang lon imwen ewe Samol mi Lapalap usun chök märärir kewe chon ewe ainangen Lefi.  
\v 13 Iwe, iteiten eu me eu famili a üttüt won ekewe asamalap, ekewe alüal ra usun chök ekewe chinlap.  
\v 14 Iwe, Selemia a ütti ewe asamalap mi nom ötiu. Nge nöün we itan Sekaria, eman mwän mi tipachem le öüröür, a ütti ewe asamalap mi nom efeng.  
\v 15 Opet-etom a ütti ewe asamalap mi nom ör, nge nöün kewe mwän ra wisen tümwünü ekewe rumwen iseis pisek.  
\v 16 Iwe, Supim me Hosa ra ütti ewe asamalap mi nom lotou, pwal ewe asamalap Saleket mi nom won ewe aletä. Eu mwichen mamas a siwili eu mwichen mamas.  
\v 17 Me peliötiu a wor wonoman mwän seni ewe ainangen Lefi mi mamas iteiten rän, me peliefeng mi wor föman mi mamas iteiten rän, me peliör mi pwal wor föman mi mamas iteiten rän, nge ren ekewe rumwen iseis pisek a wor akaruoman ngeni iteiten rum.  
\v 18 Nge fän iten ewe uut mi nom pelilotou a wor föman mi nom ren ewe al, pwal ruoman mi nom ren ewe uut.  
\v 19 Ikkei ekewe mwich mi wisen mamasa ekewe asamalapen Imwenfel seni än Kora me än Merari kewe cho.   
\p
\v 20 Iwe, chiener kewe seni ewe ainangen Lefi ra wisen tümwünü ewe lenien iseis pisek mi aüchea lon imwen Kot, pwal ekewe rumw ia ekewe pisek aramas ra fangala ngeni Kot ra nom ie.  
\v 21 Ekewe mwirimwirin Latan seni än Kerson we cho ir mwänirelan ar kewe famili mi lewoto seni Latan, ekei aramas ir aramasen Jehiel.  
\v 22 Iwe, nöün Jehiel kewe mwän Setam me Joel pwin we ra wisen tümwünü ewe lenien iseis pisek aüchea.  
\v 23 Nge seni lein än Amram, än Isar, än Hepron me än Usiel kewe cho a pwal wor aramas mi wor wiser.  
\v 24 Sepuel eman mwirimwirin Kersom, nge Kersom nöün Moses, i ewe meilap mi wisen tümwünü ewe lenien iseis pisek aüchea.  
\v 25 Iwe, Sepuel märärin Selomit mi lewoto seni Elieser pwin Kersom. Elieser semen Rehapia, Rehapia semen Jesaia, Jesaia semen Joram, Joram semen Sikri, nge Sikri semen Selomit.  
\v 26 Ei mwän Selomit me pwin kewe ra wisen tümwünü ekewe pisek aüchea ewe king Tafit me ekewe mwänirelan än semer kewe cho, ir meilap won ngeröü me pükü, pwal ekewe sounemenemen mwichen sounfiu ra fangala ngeni Kot.  
\v 27 Ra fangala ekei pisek seni liaper lon maun fän iten angangen tümwünün imwen ewe Samol mi Lapalap.  
\v 28 Iwe, Selomit me pwin kewe ra pwal wisen tümwünü meinisin mine ewe soufos Samuel me ewe king Saul, Apner nöün Ner we mwän me Joap nöün Seruia we mwän ra fangala ngeni Kot, pwal meinisin mine aramas ra fangala.   
\p
\v 29 Iwe, seni me lein ekewe mwirimwirin Isar Chenania me nöün kewe mwän ra kefilitä, pwe repwe angang fän iten chon Israel lon pekin mwü lon wisen nöüwis me soukapwüng.  
\v 30 Iwe, seni me lein ekewe mwirimwirin Hepron Hasapia me märärin kewe iteiter meinisin engeröü füpükü mwän mi silelap ra wisen tümwünü ewe angang meinisin lon Israel me pelilotoun ewe chanpupu Jortan, ewe angang fän iten ewe Samol mi Lapalap, pwal ewe angang fän iten ewe king.  
\v 31 Jeria samolun ekewe mwirimwirin Hepron. Lon afaiken ierin mwün Tafit ra kütta sounfiu mi fokun pwora me lein ekewe mwirimwirin Hepron. Iwe, ra küneer pwe ra nom lon Jaser lon ewe fanü Kiliat.  
\v 32 Iwe, ewe king Tafit a filätä ükükün ruungeröü füpükü mwän mi silelap, ir mwänirelan än semer kewe cho seni märärin Jeria, pwe repwe tümwünü chon ewe ainangen Rupen me Kat, pwal esopun chon ewe ainangen Manasa lon ewe angang fän iten Kot, pwal ewe angang fän iten ewe king.   
\c 27  
\s1 Ekewe meilapen ewe mwü  
\sr 27.1-34  
\p
\v 1 Iwe, iei tettelin ekewe chon Israel ir mwänirelan än semer kewe cho me ekewe sounemenem won ngeröü me pükü, pwal nöür kewe meilap mi wisen angang ngeni ewe king. Iteiten eu me eu maram lon eu ier eu me eu mwich ükükün rüe me rüanüngeröü mwän ra wisen föri ar angang fän emwenien ewe sounemenem mi emweniir lon ewe maram:   
\p
\v 2 Iwe, Jasopeam nöün Saptiel we mwän a wisen nemeni ewe aeuin mwich lon aeuin maram, nge iteiten chon an mwich rüe me rüanüngeröü mwän.  
\v 3 Jasopeam eman mwirimwirin Peres, i samolun ekewe meilapen sounfiu meinisin lon aeuin maram.  
\v 4 Totai eman mwirimwirin Ahohi a wisen nemeni eu mwich lon aruuen maram, nge Miklot ewe mi kis fan. Iteiten chon an mwich rüe me rüanüngeröü mwän.  
\v 5 Iwe, ewe aülümanün sounemenem lon aülüngatin maram Penaia nöün ewe souasor Jehoiata. Ätei a samol, nge iteiten chon an mwich rüe me rüanüngeröü mwän.  
\v 6 Penaia i eman me lein ekewe ilik mwän mi pwora, a pwal nemeni ekewe ilik. Nge Amisapat nöün we mwän a siwili le nemeni an we mwich.  
\v 7 Ewe afömanün sounemenem lon arüanün maram Asael pwin Joap. Iwe, Sepatia nöün we mwän a siwili lon wisan, nge iteiten chon an mwich rüe me rüanüngeröü mwän.  
\v 8 Ewe alimanün sounemenem lon alimuen maram Samhut eman mwirimwirin Isra, nge iteiten chon an mwich rüe me rüanüngeröü mwän.  
\v 9 Nge ewe awonomanün sounemenem lon awonuen maram Ira nöün Ikes we mwän seni Tekoa, nge iteiten chon an mwich rüe me rüanüngeröü mwän.  
\v 10 Ewe afümanün sounemenem lon afisuen maram Heles, eman mwirimwirin Efraim seni Pelon, nge iteiten chon an mwich rüe me rüanüngeröü mwän.  
\v 11 Iwe, ewe awalumanün sounemenem lon awaluen maram Sipekai seni Husa, seni än Sera we cho, nge iteiten chon an mwich rüe me rüanüngeröü mwän.  
\v 12 Ewe atiuemanün sounemenem lon atiuen maram Apieser seni Anatot lon fanüen chon ewe ainangen Peniamin, nge iteiten chon an mwich rüe me rüanüngeröü mwän.  
\v 13 Ewe aengolun sounemenem lon aengolun maram Maharai seni än Sera we cho seni Netofa, nge iteiten chon an mwich rüe me rüanüngeröü mwän.  
\v 14 Ewe engol me emanün sounemenem lon engol me euin maram Penaia, eman mwirimwirin Efraim seni Piraton, nge iteiten chon an mwich rüe me rüanüngeröü mwän.  
\v 15 Nge ewe engol me ruomanün sounemenem lon engol me ruuen maram Heltai eman mwirimwirin Otniel seni Netofa, nge iteiten chon an mwich rüe me rüanüngeröü mwän.   
\p
\v 16 Ikkei ir ekewe meilap mi nemeni ekewe ainangen Israel: Seni ewe ainangen Rupen Elieser nöün Sikri we mwän, seni ewe ainangen Simeon Sefatia nöün Maka we mwän,  
\v 17 seni ewe ainangen Lefi Hasapia nöün Kemuel we mwän, seni ewe familien Aaron Satok,  
\v 18 seni ewe ainangen Juta Elihu, eman me lein pwin Tafit kewe, seni ewe ainangen Isakar Omri nöün Mikael we mwän,  
\v 19 seni ewe ainangen Sepulon Ismaia nöün Opatia we mwän, seni ewe ainangen Naftali Jeremot nöün Asriel we mwän,  
\v 20 seni ewe ainangen Efraim Hosea nöün Asasia we mwän, seni ewe esopun ainangen Manasa mi nom lotou Joel nöün Petaia we mwän,  
\v 21 seni ewe esopun ainangen Manasa mi nom ötiu Ito nöün Sekaria we mwän, seni ewe ainangen Peniamin Jasiel nöün Apner we mwän,  
\v 22 nge seni ewe ainangen Tan Asarel nöün Jeroham we mwän. Ikkei ir ekewe meilapen ekewe ainangen Israel.  
\v 23 Ewe king Tafit esap angei iteiten chokewe resamwo ier rüe, pun ewe Samol mi Lapalap a pwon pwe epwe achomongala chon Israel usun chomongun ekewe fün läng. \x + \xo 27.23 \xt Ken 15.5; 22.17; 26.4\x*  
\v 24 Iwe, Joap nöün Seruia we mwän a popuetä le angei iteiten chon Israel, nge esap awesala. Kot a aworato feiengau won chon Israel pokiten ei, iei mine iteiten chon Israel esap makelong lon puken uruwon ewe king Tafit. \x + \xo 27.24 \xt 2.Sam 24.1-15; 1.Kron 21.1-14\x*   
\p
\v 25 Ikkei ir ekewe meilap mi wisen tümwünü mettochun ewe king: Asmafet nöün Atiel we mwän a wisen tümwünü än ewe king lenien iseis, nge Jonatan nöün Usia we mwän a wisen tümwünü ekewe lenien iseis lon ewe fanü, lon ekewe telinimw me ekewe sop, pwal lon ekewe imw tekia.  
\v 26 Esri nöün Chelup we mwän a wisen nemeni chokewe mi angang lon ekewe tanipi,  
\v 27 Simei ewe re Rama a wisen tümwünü ekewe tanipin wain, nge Sapti ewe re Sifam a wisen tümwünü ewe lenien iseis wain.  
\v 28 Palhanan ewe re Keter a wisen tümwünü ekewe irä olif me sikamor mi nom fäsonun ekewe chuk me lotou, nge Joas a wisen tümwünü ewe lenien iseis apüra seni föün olif.  
\v 29 Sitrai ewe re Saron a wisen tümwünü ekewe pwiin kow mi nom lon ewe maasiesin Saron, nge Safat nöün Atlai we mwän a wisen tümwünü ekewe pwiin kow mi nom lon ekewe lemol.  
\v 30 Opil eman mwirimwirin Ismael a wisen tümwünü ekewe kamel, Jeteia seni Meronot a wisen tümwünü ekewe aas, nge Jasis eman mwirimwirin Hakri a wisen tümmwünü ekewe pwiin sip me kuuch.  
\v 31 Ir meinisin nöüwis mi souwani wöün ewe king Tafit.   
\p
\v 32 Iwe, Jonatan pwin semen Tafit i eman souöüröür me eman mwän mi tipachem o silelap. I me Jehiel nöün Hakmoni we mwän ra wisen asukula nöün ewe king kewe mwän.  
\v 33 Ahitofel nöün ewe king souöüröür, nge Husai ewe re Ark chiechien ewe king.  
\v 34 Mürin än Ahitofel mäla, Jehoiata nöün Penaia we mwän me Apiatar ra siwili lon wisan. Nge Joap a sounemenemen än ewe king mwichen sounfiu.   
\c 28  
\s1 Tafit a awisa Salomon pwe epwe aüetä ew imwenfel  
\sr 28.1–29.9  
\p
\v 1 Iwe, Tafit a amwichafengeni ekewe meilapen Israel meinisin me lon Jerusalem, meilapen ekewe ainang, meilapen ekewe mwich mi angang ngeni ewe king, ekewe sounemenem won ngeröü me pükü, ekewe nöüwis mi souwani wöün ewe king me chon tümwünü ekewe pwiin man nöün ewe king me nöün kewe mwän. A pwal amwichafengeni ekewe nöüwis mi wisen tümwünü ewe imwen king, ekewe mwän mi pwora me ekewe sounfiu mi sip le maun.  
\v 2 Mürin, ewe king Tafit a ütä mwer o üreniir, “Oupwe aüselingaei, pwii kana me nei aramas. Üa fen ekieki lon lelukei, pwe üpwe aüetä eu imw fän iten än ewe Samol mi Lapalap pworofel, fän iten lenien puun pechen ach we Kot. Iwe, üa amolätä pisek fän iten kaütän eu imwenfel.  
\v 3 Nge Kot a üreniei, ‘En kosap aüetä eu imw fän itei, pun en eman soumaun ka asükü chan aramas.’  
\v 4 Nge ewe Samol mi Lapalap ewe Koten Israel a filieitä seni me lein chon leimwen semei, pwe ngang me mwirimwiri kana repwe king lon Israel tori feilfeilachök. Pun a filätä ewe ainangen Juta pwe epwe awora eman souemwen, nge lon ewe ainangen Juta a filätä chon leimwen semei, nge me lein nöün semei kewe mwän a tipeniei o seikieitä, pwe üpwe king lon unusen Israel.  
\v 5 Iwe, ewe Samol mi Lapalap a fang ngeniei chomong nei mwän. Nge me lein nei kewe mwän meinisin a filätä Salomon, pwe epwe nemeni Israel, mwün ewe Samol mi Lapalap.  
\v 6 Iwe, a üreniei, ‘Salomon noum we mwän i epwe aüetä imwei pwal ai kewe leni ünükün, pun üa filätä i pwe epwe nei, nge ngang üpwe saman.  
\v 7 Üpwe anüküchara mwün tori feilfeilachök, are epwe achocho le sopwela le aleasochisi ai kewe allük me pwüüng, usun a föri ikenai.’ \x + \xo 28.7 \xt 2.Sam 7.1-16; 1.Kron 17.1-14\x*  
\v 8 Iei mine nei aramas, üa fönöökemi me mwen ekei chon Israel meinisin nöün ewe Samol mi Lapalap mwichen aramas, pwal fän mesen ach we Kot, pwe oupwe fokun apwönüetä ekewe allük meinisin än ewe Samol mi Lapalap ach we Kot, pwe oupwe fanüeni ei fanü mi mürina, oupwe pwal ngeni nöümi pwe fanüer tori feilfeilachök.   
\p
\v 9 Nge en Salomon nei mwän, kopwe lükü än semom we Kot, kopwe pwal angang ngeni ren unusen lelukom me mochenin letipom. Pun ewe Samol mi Lapalap a etittina letip meinisin o weweiti iteiten akot me ekiek. Are ka kul ngeni Kot, i epwe etiwok, nge are ka likitala i, i epwe pöütukela tori feilfeilachök.  
\v 10 Kopwe anomu lon om ekiek pwe ewe Samol mi Lapalap a filuketä, pwe kopwe aüetä imwan mi pin. Kopwe apöchökülok o föri ewe angang.”   
\p
\v 11 Mürin, Tafit a ngeni Salomon liosun ewe imwenfel me kengkangan, liosun ekewe imw me ekewe lenien iseis pisek mi aüchea, liosun ekewe rumwen won me ekewe rumwen lon, pwal liosun ewe rum mi unusen pin, ia a fis ie asoren amusamusen tipis.  
\v 12 A pwal ngeni liosun ekewe mettoch meinisin a ekiekietä fän iten ekewe leni lükün imwen ewe Samol mi Lapalap, ekewe rum meinisin mi nom pwelin ünükün, ekewe lenien iseis pisek mi aüchea fän iten ewe imwenfel, pwal ekewe lenien iseis ekewe lifang mi pin.  
\v 13 Iwe, Tafit a pwal ngeni Salomon akoten ekewe mwichen souasor me chon ewe ainangen Lefi me tettelin ar angang ra wisen föri, pwal usun ar repwe tümwünü ekewe pisek ra aea le angang lon imwen ewe Samol mi Lapalap.  
\v 14 A apwüngala ükükün choun ewe kolt me silifer repwe aea le föri ekewe pisek fän iten eu me eu kewe sokopaten angang,  
\v 15 ükükün choun ewe kolt fän iten ekewe lenien atittin me ekewe lamp won, pwal ükükün choun ewe silifer fän iten ekewe lenien atittin me ekewe lamp won, aükük ngeni met repwe aea won eu me eu kewe lenien atittin.  
\v 16 Tafit a pwal apwüngala ükükün choun ewe kolt fän iten eu me eu kewe chepel fän iten ewe pilawa mi pin, pwal choun ewe silifer fän iten ekewe chepel seni silifer,  
\v 17 ükükün choun ewe kolt mi mürina fän iten ekewe fook, ekewe sepi me ekewe kap, pwal ükükün choun eu me eu kewe kükün sepi seni kolt me silifer  
\v 18 me choun ewe kolt mi mürina fän iten ewe rongen asoren ötüöt. A pwal ngeni Salomon liosun ewe woken, iei uluulun ekewe kerop seni kolt mi meresila pöükässir o pwölüela än ewe Samol mi Lapalap pworofel.  
\v 19 Iwe, Tafit a üra, “Ekei lapalap mi nom lon ewe akot a mak fän aitien ewe Samol mi Lapalap ngeniei, pwe üpwe apwönüetä.”   
\p
\v 20 Mürin, Tafit a üreni Salomon nöün we, “Kopwe pöchökül o tipepwora, pwe kopwe föri ei angang. Kosap niuokus, kosap pwal tipemwaramwar, pun Kot ewe Samol mi Lapalap ai we Kot epwe etuk. I esap tümwününgau ngonuk, esap pwal likituk tori angangen imwan imwenfel epwe wes.  
\v 21 Ikkei ekewe mwichen souasor me ekewe mwän seni ewe ainangen Lefi ra molotä ar repwe föri angangen lon ewe imwenfel. A pwal wor reöm mwän mi sipeöch lon sokopaten angang, repwe alisuk lon ewe angang ren mochenin letiper. Pwal ekewe meilap me ekewe aramas meinisin ra nom fän nemeniom.”   
\c 29  
\p
\v 1 Iwe, ewe king Tafit a üreni ewe mwichen aramas meinisin, “Salomon nei mwän, ätei Kot a filätä, a ier kükün, esamwo pwal sipeöch le angang, nge ewe angang a watte. Pun ei imw mi watte esap fän iten aramas, nge fän iten Kot ewe Samol mi Lapalap.  
\v 2 Ikkei ekewe pisek üa amolätä fän iten imwen ai we Kot ükükün ai tongeni: Kolt, silifer, piras, mächä me irä, pwe repwe aea le föri ekewe sokopaten pisek. Üa pwal amolätä chomong sokopaten fau aüchea, fau mi molupolup, pwal sokopaten fau itan marpel. \x + \xo 29.2 \xt 1.Kron 22.5\x*  
\v 3 Nge lükün ekei pisek üa amolätä fän iten ewe imwenfel üa pwal achu ngeni kolt me silifer seni püsin ai lenien iseis pisek mi aüchea. Iwe, pokiten üa aücheani imwen ai we Kot, üa fangala fän itan ekei mettoch:  
\v 4 Ina epwe ükükün ipükü engol me limu ton kolt mi fokun mürina, me rüepükü wone ton silifer mi fokun mürina fän iten an epwe pachetä ngeni etippen ewe imwenfel,  
\v 5 pwe epwe wor kolt me silifer fän iten ar repwe aea le föri ekewe sokopaten pisek, pwal fän iten ekewe angang meinisin ekewe souangang repwe föri. Nge iö me leimi a pwal mochen fangala och seni letipan ngeni ewe Samol mi Lapalap?”   
\p
\v 6 Mürin, ekewe mwänirelan än semer kewe cho, pwal souemwenin ekewe ainang, ekewe sounemenem won ngeröü me pükü, pwal ekewe meilap lon än ewe king angang ra fangala seni mochenin letiper ekei mettoch:  
\v 7 Ra fangala ina epwe ükükün ipükü tiue ton kolt me ülüpükü walik ton silifer, wonopükü fik me limu ton piras me ülüngatngeröü füpükü lime ton mächä fän iten angangen ewe imwenfel.  
\v 8 Nge iteiten eman me eman mi wor ren fau aüchea, a fangala lon ewe lenien iseis pisek aüchea lon imwen ewe Samol mi Lapalap fän tümwünüen Jehiel eman mwän seni än Kerson we cho.  
\v 9 Mürin, ekewe aramas ra pwapwa, pun nöür kewe souemwen ra fangala chomong seni mochenin letiper ngeni ewe Samol mi Lapalap. Ewe king Tafit a pwal fokun pwapwa ren.   
\s1 Tafit a mwareiti Kot  
\sr 29.10-19  
\p
\v 10 Iwe, Tafit a mwareiti ewe Samol mi Lapalap me fän mesen ewe mwichen aramas meinisin o üra, “Üpwe mwareituk, ai Samol mi Lapalap, en än äm we lewo Jakop we Kot tori feilfeilachök.  
\v 11 Ai Samol mi Lapalap, en ewe mi tekia me manaman me ling me pwora me iteföüla. Pun meinisin mine a nom lon läng pwal won fanüfan om. Ai Samol mi Lapalap, om chök ewe mwü, en ka tekia o nemeni meinisin. \x + \xo 29.11 \xt Mat 6.13\x*  
\v 12 Wöü me iteüöch ra feito senuk. En ka nemeni mettoch meinisin ren om manaman me pöchökül, en ka tongeni atekiatä aramas o fang ngeniir pöchökül.  
\v 13 Iei äm aia kilisou ngonuk, äm Kot, aia pwal mwareiti itom mi ling.   
\p
\v 14 Nge iö chök ngang, pwal iö chök nei aramas, pwe äm aia tongeni fang ei aükükün fän mochenin letipem? Pun mettoch meinisin ra feito senuk, nge mine äm aia fang ngonuk püsin om.  
\v 15 Pun äm aia chon ekis me chon siamü me mwom usun äm kewe lewo meinisin. Ränin manauem won fanüfan ra usun chök eu nür, nge esap wor äm apilükülük.  
\v 16 Ai Samol mi Lapalap äm Kot, ekei mettoch mi chomong äm aia amolätä fän iten kaütän eu imwenfel pwe aipwe alinga itom mi pin. Ekkei mettoch ra feito senuk, pwal meinisin om.  
\v 17 Ai Kot, üa silei pwe en ka sotuni leluken aramas, ka pwal efich wenechar. Fän wenecharen lelukei üa fangafangöch ekei mettoch meinisin. Nge iei üa küna noum aramas mi nom ikei, pwe ra pwal fangafangöch ngonuk fän pwapwa.  
\v 18 Ai Samol mi Lapalap, än äm kewe lewo Apraham, Isaak me Jakop we Kot, kopwe föri pwe ei lapalap me ekiek epwe chök fifis lon leluken noum aramas tori feilfeilachök, kopwe pwal föri pwe repwe allükülük ngonuk fansoun meinisin.  
\v 19 Kopwe atufichi Salomon nei ei, pwe epwe aleasochisi om kewe allük me om pwüüng ren unusen lelukan o apwönüretä meinisin, epwe pwal aüetä ei imwenfel mi watte üa fen amolätä ekei pisek fän itan.”   
\s1 Salomon a siwili Tafit lon wisan wisen king  
\sr 29.20-30  
\p
\v 20 Mürin, Tafit a üreni ewe mwichen aramas meinisin, “Oupwe mwareiti ewe Samol mi Lapalap ämi we Kot.” Iwe, unusen ewe mwichen aramas ra mwareiti ewe Samol mi Lapalap än ar kewe lewo we Kot, ra rotiu o fel ngeni ewe Samol mi Lapalap, ra pwal asamolu ewe king.  
\v 21 Sorotän ewe rän ra asor ngeni ewe Samol mi Lapalap o eäni asoren kek ngeni engeröü ätemwänin kow, engeröü ätemwänin sip me engeröü nienifön sip fiti ar kewe asoren ün. Ra pwal eäni chomong asor fän iten chon Israel meinisin.  
\v 22 Iwe, lon ewe ränin, ekewe aramas ra mongö o ün me fän mesen ewe Samol mi Lapalap fän pwapwa mi lapalap. Mürin ra seikätä Salomon nöün Tafit we mwän fän aruuan pwe epwe king, ra epiti fän iten ewe Samol mi Lapalap pwe epwe nemeni Israel, ra pwal epiti Satok pwe epwe souasor.  
\v 23 Iei mine Salomon a mot won ewe lenien motun king, ewe Samol mi Lapalap a anüküchara pwe epwe siwili saman Tafit lon wisan wisen king. Iwe, Salomon a fefeitä lon mwün, nge chon Israel meinisin ra aleasochisi. \x + \xo 29.23 \xt 1.King 2.12\x*  
\v 24 Iwe, ekewe sounemenem meinisin me ekewe mwän mi pwora, pwal nöün ewe king Tafit kewe mwän meinisin ra pwon pwe repwe eti ewe king Salomon fän allükülük.  
\v 25 Iwe, ewe Samol mi Lapalap a fokun atekiatä Salomon me mwen ekewe chon Israel meinisin o anomu won sokopaten lingen king lap seni än ekewe king lon Israel me mwan.   
\p
\v 26 Iwe, Tafit nöün Jesi we mwän a nemeni unusen Israel  
\v 27 lon ükükün faik ier. A nom lon Hepron o nemenem lon ükükün fisu ier, mürin a nom lon Jerusalem o nemenem lon ükükün ilik me ülüngat ier. \x + \xo 29.27 \xt 2.Sam 5.4-5; 1.Kron 3.4\x*  
\v 28 Mürin, Tafit a mäla, lupwen a chinlap o ieritam, a wöümong o iteföüla. Nge Salomon nöün we a siwili lon wisan wisen king.  
\v 29 Iwe, pworausen än ewe king Tafit kewe föför seni lepoputän tori lesopolan an nemenem a mak lon än ekewe soufos Samuel, Natan me Kat puken uruwo.  
\v 30 Lon ekei puken uruwo a mak usun an nemenem, usun an win, pwal usun mine a fis ngeni i me chon Israel, pwal ngeni chon ekewe mwü meinisin mi nom ünükün.