\id SNG - Biblica® Open Cebuano Contemporary Bible 2024
\ide UTF-8
\h Awit sa mga Awit
\toc1 Ang Awit sa mga Awit ni Solomon
\toc2 Awit sa mga Awit
\toc3 Awit
\mt1 Ang Awit sa Mga Awit
\mt2 ni Solomon
\c 1
\p
\v 1 Ang labing matahom nga awit ni Solomon.\f + \fr 1:1 \fr*\fq ni Solomon\fq*\ft : o \ft*\fqa alang kang Solomon\fqa*\ft ; o \ft*\fqa mahitungod kang Solomon.\fqa*\f*
\b
\sp Babaye
\q1
\v 2 Ligoa ako sa imong mga halok,
\q2 kay ang imong gugma tam-is pa kay sa duga sa ubas.
\q1
\v 3 Pagkahumot gayod sa imong pahumot;
\q2 apil ang imong ngalan murag pahumot nga nangalimyon.
\q2 Dili ikatingala nga nakagusto gayod kanimo ang mga dalaga.
\q1
\v 4 Dali, kupti ako ug managan kita.
\q2 Ikaw ang akong hari, dad-a ako sa imong kuwarto.
\sp Mga Babaye sa Jerusalem
\q1 Malipay gayod kami kanimo!
\q2 Mas gusto namo ang imong gugma kaysa bino.
\sp Babaye
\q1 Dili ikatingala nga maibog sila kanimo!
\q1
\v 5 Mga babaye sa Jerusalem,
\q2 itom ako sama sa mga tolda sa Kedar,
\q1 apan matahom ako
\q2 sama sa mga kurtina sa palasyo ni Solomon.
\q1
\v 6 Ayaw ninyo ako tamaya,
\q2 kay miitom ako tungod sa sobra nga pagpainit.
\q1 Nasuko kanako ang akong mga igsoong lalaki
\q2 ug gipatrabaho nila ako sa ubasan,
\q2 busa wala na akoy panahon sa pag-atiman sa akong kaugalingon.\f + \fr 1:6 \fr*\fq sa akong kaugalingon\fq*\ft : sa literal, \ft*\fqa sa akong kaugalingong tamnanan sa ubas.\fqa*\f*
\q1
\v 7 Sultihi ako, hinigugma ko,
\q2 asa nimo pasabsaba ang imong mga karnero?
\q2 Asa nimo sila papahulaya inigkaudto?
\q1 Sultihi ako aron dili nako mangita kanimo didto sa imong mga kauban
\q2 nga magbalantay usab sa mga karnero.
\q1 Kay basin mapasanginlan nila ako nga usa ka babaye
\q2 nga nagbaligya sa iyang dungog.
\sp Lalaki
\q1
\v 8 Kon wala ka makatultol, O pinakamatahom nga babaye,
\q2 sunda ang mga tunob sa akong mga karnero
\q1 paingon sa mga tolda sa mga magbalantay,
\q2 ug didto pasabsaba ang imong mga kanding.
\sp Lalaki
\q1
\v 9 O mahal ko, sama ikaw sa bayeng kabayo
\q2 nga makadani sa laking kabayo nga gaguyod
\q2 sa karwahi sa hari sa Ehipto.\f + \fr 1:9 \fr*\fq hari sa Ehipto\fq*\ft : sa Hebreo, \ft*\fqa Paraon.\fqa*\f*
\q1
\v 10 Katahom sa imong aping,
\q2 nga mas gipatahom pa sa imong mga ariyos.
\q2 Katahom sa imong liog nga adunay kuwintas.
\q1
\v 11 Himoan ka namo ug ariyos nga bulawan
\q2 nga adunay dekorasyon nga plata.
\sp Babaye
\q1
\v 12 Samtang nagsandig ang hari sa iyang sopa,
\q2 nangalimyon ang akong pahumot.
\q1
\v 13 Ang akong hinigugma humot sama sa mira
\q2 samtang nagpauraray sa akong dughan.
\q1
\v 14 Sama siya sa usa ka pungpong sa bulak nga henna nga
\q2 namukhad didto sa ubasan sa En Gedi.
\sp Lalaki
\q1
\v 15 Pagkatahom mo, hinigugma ko.
\q2 Pagkatahom sa imong mga mata,
\q2 sama kini katahom sa mga salampati.
\sp Babaye
\q1
\v 16 Pagkaguwapo mo, mahal ko.
\q2 Makawili ka gayod!
\q2 Ang lunhawng sagbot mao ang atong kama.
\q1
\v 17 Ang mga kahoyng sedro mao ang sablayan sa atong balay,
\q2 ug ang labong nga sipres mao ang atong atop.\f + \fr 1:17 \fr*\fq ang labong nga sipres…atop\fq*\ft : sa literal, \ft*\fqa sipres ang atong mga salagunting.\fqa*\f*
\c 2
\sp Babaye
\q1
\v 1 Mura akog rosas sa Sharon
\q2 ug liryo sa mga walog.
\sp Lalaki
\q1
\v 2 Kon itandi sa uban nga mga babaye,
\q2 ang akong pinangga sama sa liryo taliwala sa kasampinitan.
\sp Babaye
\q1
\v 3 Kon itandi sa uban nga mga batan-ong lalaki,
\q2 ang akong pinangga sama sa kahoy
\q2 nga mansanas taliwala sa kalasangan.
\q1 Kalipay ko ang pagpasilong sa iyang landong,
\q2 ug alang kanako tam-is ang iyang bunga.
\q1
\v 4 Gidala niya ako sa kombira ug gipabati niya kanako
\q2 kon unsa niya ako paghigugma.
\q1
\v 5 Pabaskoga ako pinaagi sa pagpakaon kanakog pasas ug mansanas,
\q2 kay naluya ako tungod sa gugma.
\q1
\v 6 Giunlanan ko ang iyang walang bukton
\q2 ug ang iyang tuong bukton gagakos kanako.
\q1
\v 7 Mga babaye sa Jerusalem,
\q2 panumpa kamo pinaagi sa mga lagsaw
\q1 ug mga gasela nga dili ninyo pukawon ang gugma
\q2 kon dili pa ang hustong panahon.
\q1
\v 8 Nabati ko ang tingog sa akong hinigugma.
\q2 Naabot na siya nga naglukso-lukso
\q2 sa mga bukid ug mga bungtod
\q1
\v 9 sama sa lagsaw. Tan-awa, tua siya sa gawas nagtindog luyo
\q2 sa among bongbong ug galili kanako
\q2 diha sa mga rehas sa bintana.
\q1
\v 10 Miingon siya kanako,
\q2 “Dali na, mahal ko. Uban kanako,
\q2 O matahom kong hinigugma.
\q1
\v 11 Human na ang tingtugnaw
\q2 ug ang ting-ulan.
\q1
\v 12 Namukhad na ang mga bulak sa kapatagan,
\q2 ug panahon na sa pag-awit.
\q1 Madungog na diha sa kaumahan
\q2 ang tingog sa mga salampati.
\q1
\v 13 Gasugod na ug pamunga ang mga kahoy nga igos
\q2 ug nangalimyon na ang mga bulak sa ubas.
\q1 Dali na, mahal ko. Uban kanako,
\q2 O matahom kong hinigugma.”
\sp Lalaki
\q1
\v 14 Daw salampati ka nga nagtago diha sa kabatoan sa pangpang.
\q2 Ipakita kanako ang imong matahom nga nawong
\q2 ug ipabati kanako ang matam-is mong tingog.
\sp Mga Babaye sa Jerusalem
\q1
\v 15 Dali! Dakpa ang gagmayng ihalas nga mga iro,
\q2 nga gapangdaot sa among namulak nga ubasan.
\sp Babaye
\q1
\v 16 Akoa ang akong hinigugma ug ako iyaha usab.
\q2 Gipasabsab niya ang iyang kahayopan diha sa mga liryohan.
\q1
\v 17 Sa dili pa mobanag-banag ug sa dili pa moabot ang kabuntagon,
\q2 balik kanako, mahal ko. Balik sama kapaspas sa lagsaw
\q2 diha sa taliwala sa duha ka bukid.
\c 3
\sp Babaye
\q1
\v 1 Tibuok gabii akong nangandoy
\q2 sa akong hinigugma diha
\q2 sa akong higdaanan.
\q1 Gimingaw ako kaniya,
\q2 apan wala siya magpakita kanako.
\q1
\v 2 Busa mibangon ako, ug gilibot ko ang siyudad,
\q2 ang mga kadalanan, ug mga plasa.
\q1 Gipangita ko ang akong hinigugma
\q2 apan wala ko siya nakit-an.
\q1
\v 3 Nakita ako sa mga tigbalantay
\q2 sa ilang paglibot-libot sa siyudad.
\q1 Gipangutana ko sila,
\q2 “Nakita ba ninyo ang akong hinigugma?”
\q1
\v 4 Sa dili pa dugay nga nakabiya ako sa mga tigbalantay,
\q2 nakita ko ang akong hinigugma.
\q1 Gigunitan ko siya pag-ayo ug wala ko na siya buhii
\q2 hangtod nga nadala ko siya sa balay sa akong inahan,
\q2 didto sa kuwarto diin ako gipakatawo.
\q1
\v 5 Kamong mga babaye sa Jerusalem,
\q2 panumpa kamo pinaagi sa mga lagsaw ug mga gasela
\q1 nga dili ninyo pukawon
\q2 ang gugma kon dili pa ang hustong panahon.
\sp Mga Babaye sa Jerusalem
\q1
\v 6 Kinsa kining gikan sa kamingawan nga murag bagang aso
\q2 nga inubanan sa kahumot sa mga mira ug insenso,
\q2 mga pahumot nga ginabaligya sa negosyante?
\q1
\v 7 Si Solomon kana nga gidayongan diha sa iyang lingkoranan
\q2 ug gilibotan sa 60 ka pinakaisog nga mga sundalo sa Israel.
\q1
\v 8 Nagtak-in ang matag sundalo ug espada
\q2 ug hanas sila sa pagpakig-gira.
\q2 Andam sila kon adunay moataki kanila bisan sa kagabhion.
\q1
\v 9 Ang lingkoranan ni Haring Solomon hinimo gikan
\q2 sa mga kahoy nga gikan sa Lebanon.
\q1
\v 10 Ang mga haligi niini hinaklapan ug plata
\q2 ug ang sandiganan bulawan.
\q1 Ang lingkoranan giputos ug panapton nga kolor ube.
\q2 Ang sulod nga bahin gipatahom sa mga babaye sa Jerusalem.
\sp Babaye
\q1
\v 11 O mga babaye sa Jerusalem,\f + \fr 3:11 \fr*\fq Jerusalem\fq*\ft : sa Hebreo, \ft*\fqa Zion.\fqa*\f* panggawas kamo
\q2 ug tan-awa ninyo si Haring Solomon.
\q1 Nagsul-ob siya sa korona nga gikorona kaniya
\q2 sa iyang inahan sa adlaw sa iyang kasal,
\q2 ang iyang labing malipayong adlaw.
\c 4
\sp Lalaki
\q1
\v 1 Pagkatahom mo, mahal ko.
\q2 Ang imong mga mata daw mga salampati luyo
\q2 sa imong belo.
\q1 Ang imong buhok daw panon sa mga kanding
\q2 nga nanglugsong gikan sa Bukid sa Gilead.
\q1
\v 2 Ang imong mga ngipon daw sama kaputi sa karnero
\q2 nga bag-o lang gialotan ug gikaligoan.
\q2 Maayo kining pagkaplastar ug walay nakulang niini.
\q1
\v 3 Ang imong mga ngabil sama sa pulang laso;
\q2 pagkatahom niini.
\q1 Ang imong mga aping daw duha ka pikas
\q2 sa mapula-pula nga prutas nga pomegranata.
\q1
\v 4 Ang imong liog sama sa tore ni David
\q2 nga gipalibotan sa mga bato,
\q1 ug gibitayan sa linibo ka mga taming
\q2 sa bantogang mga sundalo.\f + \fr 4:4 \fr*\fq gipalibotan…sundalo\fq*\ft : ang buot ipasabot, ang gikuwintas sa babaye murag mga bato ug taming ang porma.\ft*\f*
\q1
\v 5 Nindot kaayo ang imong dughan,
\q2 daw sama sa kaluha nga nating lagsaw
\q2 nga nanabsab taliwala sa mga liryo.
\q1
\v 6 Sa wala pa magbanag-banag
\q2 ug wala pa mawala ang kangitngit,
\q1 magpabilin ako sa imong dughan nga daw sa bukid
\q2 ug sa bungtod nga humot ug mira ug insenso.
\q1
\v 7 Pagkatahom mo, mahal ko.
\q2 Wala gayoy ikasaway diha kanimo.
\q1
\v 8 Uban kanako, hinigugma ko,
\q2 gikan sa Lebanon.
\q1 Molugsong kita gikan sa mga bukid sa Amana,
\q2 Senir, ug Hermon, nga gipuy-an
\q2 sa mga liyon ug mga leopardo.
\q1
\v 9 O mahal kong pangasaw-onon,
\q2 gibihag mo ang akong kasing-kasing
\q1 sa usa mo lang ka pagtan-aw
\q2 ug sa usa lang ka bato sa imong kuwintas.
\q1
\v 10 Pagkatam-is sa imong gugma,
\q2 mahal kong pangasaw-onon.
\q1 Mas maayo pa kini kaysa duga sa ubas.
\q2 Ang imong pahumot mas humot pa
\q2 kaysa bisan unsang matang sa pahumot.
\q1
\v 11 Morag dugos katam-is ang imong mga halok,
\q2 akong pangasaw-onon.
\q1 Ang imong dila daw adunay dugos ug gatas.
\q2 Ang imong bisti sama kahumot
\q2 sa kahoyng sedro sa Lebanon.
\q1
\v 12 O mahal kong pangasaw-onon,
\q2 sama ka sa usa ka kinandadohan
\q2 nga hardin nga adunay tuboran.
\q1
\v 13 Namunga kini ug mga pomegranata
\q2 ug uban pang maayong mga bunga.
\q2 Abunda kini sa mga pahumot nga henna, nardo,
\q1
\v 14 asapran, kalamo, sinamon, nagkalain-laing
\q2 matang sa insenso, mira, aloe,
\q2 ug uban pang labing maayong mga pahumot.
\q1
\v 15 Sama ka sa usa ka tuboran diha sa hardin
\q2 nga nagdagayday gikan sa mga bukid sa Lebanon.
\sp Babaye
\q1
\v 16 Lihok kamo hanging amihan ug hanging habagat!
\q2 Huypi ninyo ang akong hardin
\q2 aron mangalimyon ang kahumot niini.
\q1 Paanhia sa iyang hardin ang akong hinigugma
\q2 ug pakan-a siya sa labing maayong mga bunga niini.
\c 5
\sp Lalaki
\q1
\v 1 Ania na ako sa akong hardin, mahal kong pangasaw-onon.
\q2 Nanguha ako sa akong mira ug mga pahumot.
\q2 Mikaon ako sa akong dugos ug miinom sa akong bino ug gatas.
\sp Mga Babaye sa Jerusalem
\q1 Kamo nga naghinigugmaay,
\q2 magkaon kamo ug mag-inom.
\sp Babaye
\q1
\v 2 Natulog ako apan nagmata ang akong huna-huna.
\q2 Nadungog ko nga nanuktok ang akong hinigugma.
\q1 Miingon siya, “Pasudla ako,
\q2 O mahal ko nga labihan katahom.
\q2 Kay nabasa sa yamog ang akong ulo.”
\q1
\v 3 Apan miingon ako, “Nahubo ko na ang akong bisti,
\q2 sul-obon ko pa ba kini pag-usab?
\q1 Nakapanghimasa na ako sa akong mga tiil,
\q2 hugawan ko pa ba kini pag-usab?”
\q1
\v 4 Gikuot sa akong hinigugma ang trangka sa pultahan,
\q2 ug nagkuba-kuba ang akong dughan sa kalipay.
\q1
\v 5 Mibangon ako aron ablihan ang pultahan alang kaniya,
\q2 ug samtang gikuptan ko ang trangka,
\q2 mitulo gikan sa akong mga tudlo ang mira.
\q1
\v 6 Giablihan ko ang akong hinigugma,
\q2 apan wala na siya.
\q2 Nasubo ako sa iyang pagbiya.
\q1 Gipangita ko siya, apan wala ko siya makita.
\q2 Gitawag ko siya, apan wala siya motubag.
\q1
\v 7 Nakita ako sa mga tigbalantay samtang
\q2 nagpatrolya sila sa siyudad.
\q1 Gikulata nila ako, ug nasamdan ako.
\q2 Gikuha pa nila ang akong kupo.
\q1
\v 8 Kamong mga babaye sa Jerusalem,
\q2 panumpa kamo nga kon makita ninyo ang akong hinigugma,
\q2 sultihan ninyo siya nga nagsakit ako tungod sa gugma.
\sp Mga Babaye sa Jerusalem
\q1
\v 9 O labing matahom nga babaye,
\q2 unsa may anaa sa imong hinigugma
\q1 nga nakapahimo kaniyang mas maayo kaysa uban,
\q2 nga gipapanumpa mo man gayod kami?
\sp Babaye
\q1
\v 10 Guwapo ug himsog ang akong hinigugma.
\q2 Madanihon siya, ug walay sama kaniya
\q2 sa liboan ka mga kalalakin-an.
\q1
\v 11 Sama kabililhon sa bulawan ang iyang ulo.
\q2 Kulot ang iyang buhok
\q2 ug sama kini kaitom sa uwak.
\q1
\v 12 Ang iyang mata daw pareha katahom sa mata
\q2 sa salampati nga daw gatas kaputi,
\q2 nga anaa daplin sa suba.
\q1 Ug pareha kini katahom
\q2 sa mahalong mga bato.
\q1
\v 13 Ang iyang mga aping humot sama sa usa ka hardin
\q2 nga puno sa mga tanom nga ginahimong pahumot.
\q1 Ang iyang mga ngabil daw mga bulak
\q2 sa liryo diin nagtulo ang mira.
\q1
\v 14 Ang iyang mga bukton murag mga tubo nga bulawan
\q2 nga gidekorasyonan ug mga mahalong bato.
\q1 Ang iyang lawas sama ka hamis sa bangkil
\q2 sa elepante nga gidekorasyonan
\q2 ug mga mahalong bato nga sapiro.
\q1
\v 15 Ang iyang mga paa ug batiis daw mga haligi nga marmol
\q2 nga gipatindog sa tungtonganan nga purong bulawan.
\q1 Pagkaanindot niyang tan-awon,
\q2 sama siya sa mga kahoyng sedro sa Lebanon.
\q1
\v 16 Lami halokan ang iyang ngabil
\q2 ug makadani gayod siya kaayo.
\q1 Siya ang akong hinigugma,
\q2 O mga babaye sa Jerusalem.
\q2 Siya ang akong amigo.
\c 6
\sp Mga Babaye sa Jerusalem
\q1
\v 1 O labing matahom nga babaye,
\q2 hain na ang imong hinigugma?
\q1 Diin siya paingon kay tabangan ka namo
\q2 sa pagpangita kaniya?
\sp Babaye
\q1
\v 2 Miadto ang akong hinigugma sa iyang hardin
\q2 nga puno sa mga tanom nga ginahimong pahumot.
\q1 Pasab-sabon niya didto ang iyang mga kahayopan,
\q2 ug manguha siya ug mga liryo.
\q1
\v 3 Akoa siya ug ako iya usab.
\q2 Gipasabsab niya ang iyang mga kahayopan
\q2 diha sa mga liryo.
\sp Lalaki
\q1
\v 4 Pagkatahom mo, mahal ko.
\q2 Sama ikaw katahom sa siyudad sa Tirza
\q2 ug sa Jerusalem.
\q1 Madanihon ka gayod sama sa mga sundalo
\q2 nga adunay mga bandera.
\q1
\v 5 Ayaw ako tan-awa kay madani ako kanimo.
\q2 Ang imong buhok daw panon sa mga kanding
\q2 nga nanglugsong gikan sa Bukid sa Gilead.
\q1
\v 6 Ang imong mga ngipon sama kaputi
\q2 sa karnero nga bag-o lang gikaligoan.
\q1 Walay nakulang niini
\q2 ug maayo ang pagkaplastar niini.
\q1
\v 7 Ang imong nawong nga natabonan sa belo daw
\q2 sama sa prutas sa pomegranata nga mapula-pula.
\q1
\v 8 Bisan aduna pa akoy 60 ka mga asawa nga rayna,
\q2 80 ka mga asawa nga sulugoon,
\q2 ug mga dalaga nga dili maihap,
\q1
\v 9 usa ra gayod ang akong hinigugma.
\q2 Pinasahi gayod siya ug wala gayoy ikasaway diha kaniya.
\q1 Siya lang gayod ang anak nga babaye sa iyang inahan
\q2 ug paborito siya niini.
\q1 Kon makita siya sa mga babaye ginapasidunggan nila siya,
\q2 ug bisan ang mga rayna ug ang mga asawa
\q2 nga sulugoon nakadayeg kaniya.
\q1
\v 10 “Kinsa kining daw nagsubang
\q2 nga adlaw ang katahom?
\q1 Matahom siya sama sa bulan,
\q2 ug maanyag sama sa adlaw.
\q1 Madanihon kaayo siya sama sa
\q2 mga sundalo nga adunay mga bandera.”
\sp Babaye
\q1
\v 11 Milugsong ako sa mga tamnanan sa kahoy
\q2 nga almond sa pagtan-aw sa bag-ong mga tanom
\q2 nga nanubo sa lugut.
\q1 Gitan-aw ko kon nanalingsing na ang mga ubas
\q2 ug kon namulak na ang mga pomegranata.
\q1
\v 12 Sa akong hilabihan nga kalipay,
\q2 gibati ko nga daw nagsakay ako sa harianong karwahi
\q2 uban sa akong hinigugma.
\sp Mga Babaye sa Jerusalem
\q1
\v 13 Balik, dalaga sa Shulam.
\q2 Balik aron masud-ongan ka namo pag-ayo.
\sp Lalaki
\q1 Nganong gusto man gayod ninyong makita ang dalaga sa Shulam
\q2 nga mosayaw taliwala sa ubang mga mananayaw?
\b
\c 7
\q1
\v 1 O babaye nga dungganon,
\q2 pagkatahom sa imong mga tiil nga adunay sandalyas.
\q1 Pagkaanindot sa mga kurba sa imong mga paa.
\q2 Daw mga alahas kini nga hinimo sa hanas nga artesano.\f + \fr 7:1 \fr*\ft Tawong hanas nga magbuhat ug nindot nga mga butang nga hinimo gikan sa metal, mahalong bato, ug uban pa.\ft*\f*
\q1
\v 2 Ang imong pusod daw kopa
\q2 nga dili makabsan ug lami nga bino.
\q1 Ang imong hawak daw binugkos nga trigo
\q2 nga nalibotan sa mga liryo.
\q1
\v 3 Ang imong dughan daw kaluha
\q2 nga nating lagsaw.
\q1
\v 4 Ang imong liog daw tore nga hinimo
\q2 gikan sa mga bangkil sa elepante.
\q1 Ang imong mga mata sama katin-aw
\q2 sa kaligoanan sa Hesbon,
\q2 sa may pultahan sa Bet Rabim.
\q1 Ang imong ilong daw ang bantayanang tore
\q2 sa Lebanon nga nag-atubang sa Damasco.
\q1
\v 5 Ang imong ulo sama katahom sa Bukid sa Carmel.
\q2 Ang imong buhok sama kanindot sa mahalong panapton.
\q2 Nabihag ang hari sa katahom niini.
\q1
\v 6 Pagkatahom mo, mahal ko.
\q2 Makawili ka.
\q1
\v 7 Ang imong barog sama sa kahoy nga palma,
\q2 ug ang imong dughan daw sa nagpungpong nga bunga niini.
\q1
\v 8 Miingon ako, “Mosaka ako sa palma
\q2 ug mohawid sa mga bunga niini.”
\q1 O, ang imong dughan daw sa pungpong sa ubas
\q2 ug ang kahumot sa imong gininhawa sama sa mansanas.
\q1
\v 9 Ang imong halok sama katam-is sa duga sa ubas.
\q2 Kini nga duga sa ubas nagdagayday sa hinay-hinay
\q2 sa baba ug ngipon sa akong hinigugma.
\sp Babaye
\q1
\v 10 Iya ako sa akong hinigugma
\q2 ug ako lang ang iyang ginahandom.
\q1
\v 11 Dali, mahal ko, moadto kita sa uma,
\q2 ug matulog kita taliwala sa mga bulak nga henna.\f + \fr 7:11 \fr*\fq mga bulak nga henna\fq*\ft : o \ft*\fqa mga lungsod.\fqa*\f*
\q1
\v 12 Mamangon kitag sayo ug atong tan-awon
\q2 kon nanalingsing na ba ang ubas,
\q2 ug namukhad na ba ang mga bulak niini.
\q1 Tan-awon ta usab kon namulak na ba ang pomegranata,
\q2 ug didto ihatag ko kanimo ang akong gugma.
\q1
\v 13 Nangalimyon ang kahumot sa tanom nga mandragora,
\q2 ug ibabaw sa atong pultahan
\q2 anaa ang tanang piniling mga butang,
\q1 daan ug bag-o nga
\q2 gitagana ko alang kanimo, mahal ko.
\c 8
\sp Babaye
\q1
\v 1 Kon sama pa lang unta ikaw sa akong igsoon
\q2 nga gipasuso sa akong inahan,
\q1 hagkan ka nako bisan asang lugara
\q2 ug walay maghuna-huna ug malisya kanako.
\q1
\v 2 Dad-on ka nako sa balay sa akong inahan,
\q2 ug didto tudloan mo ako mahitungod sa gugma.\f + \fr 8:2 \fr*\fq mo ako…gugma\fq*\ft : o \ft*\fqa ako sa akong inahan.\fqa*\f*
\q1 Paimnon ka nako sa mahumot nga bino
\q2 nga gikan sa akong prutas nga pomegranata.
\q1
\v 3 Unlanan ko ang imong walang bukton
\q2 ug ang imong tuong bukton gagakos kanako.
\q1
\v 4 Kamong mga babaye sa Jerusalem,
\q2 panumpa kamo nga dili ninyo pukawon
\q2 ang gugma kon dili pa ang hustong panahon.
\sp Mga Babaye sa Jerusalem
\q1
\v 5 Kinsa ba kining nagpadulong dinhi gikan sa kamingawan
\q2 nga nagsandig sa iyang hinigugma?
\sp Babaye
\q1 Gipukaw ko ang imong pagbati
\q2 didto ilalom sa punoan sa mansanas,
\q2 diin ikaw natawo.
\q1
\v 6 Tipigan mo ako kanunay diha sa imong kasing-kasing
\q2 sama sa singsing nga anaa kanunay sa imong tudlo.
\q1 Ipakita nga ako lamang gayod ang imong gihigugma.
\q2 Ug sama nga ang lubnganan dili mapugngan sa pagdawat sa mga patay,
\q2 dili usab mapugngan ang kainit sa pagbati.
\q1
\v 7 Dili kini mapalong bisan sa daghang tubig.
\q2 Bisag bahaan pa kini, dili gihapon kini mapalong.
\q2 Dili kini mapalit bisag ibayad pa sa tawo ang tanan niyang bahandi.
\sp Ang mga Igsoong Lalaki sa Babaye
\q1
\v 8 Adunay igsoon kami nga babaye
\q2 nga batan-on pa ug wala pa mamukol.
\q1 Unsay among buhaton
\q2 kon adunay makagusto kaniya?
\q1
\v 9 Putli man siya o dili, panalipdan namo siya
\q2 nga kon paril siya,
\q2 patindogan namo siya ug tore nga pilak.
\q1 Kon pultahan siya, himoan namo siya ug sira
\q2 gikan sa tabla nga sedro.
\sp Babaye
\q1
\v 10 Putli ako.\f + \fr 8:10 \fr*\fq Putli ako\fq*\ft : sa literal, \ft*\fqa Paril ako.\fqa*\f* Ang akong dughan daw mga tore,
\q2 ug kontento ang akong hinigugma kanako.
\q1
\v 11 Adunay ubasan si Solomon sa Baal Hamon
\q2 nga gipaarkilahan niya sa mga mag-uuma didto.
\q1 Ang matag-usa kanila naghatag
\q2 ug 1,000 kabuok nga pilak ingon
\q2 nga bahin niya sa abot sa ubasan.
\q1
\v 12 Ikaw ang magbuot sa imong ubasan, Solomon.
\q2 Imo ang 1,000 kabuok nga pilak
\q1 ug ila sa mga mag-uuma ang 200 kabuok nga pilak.
\q2 Apan ako ang magbuot sa akong ubasan.
\sp Lalaki
\q1
\v 13 O mahal ko, nga anaa sa hardin,
\q2 namati sa imong tingog ang imong mga higala,
\q2 padungga usab ako sa imong tingog.
\sp Babaye
\q1
\v 14 Pagdali ug anhi dinhi kanako, mahal ko.
\q2 Dagan sama katulin sa usa
\q2 ngadto sa mga bukid sa mga pahumot.