\id HAB - Biblica® Open Cebuano Contemporary Bible 2024
\ide UTF-8
\h Habakuk
\toc1 Ang Libro ni Habakuk
\toc2 Habakuk
\toc3 Hab.
\mt2 Ang Libro ni
\mt1 Habakuk
\c 1
\p
\v 1 Ang panagna nga nadawat ni Habakuk nga propeta.
\b
\s1 Ang Reklamo ni Habakuk
\q1
\v 2 Hangtod kanus-a \nd Ginoo\nd* ako mangayo kanimo ug pakitabang,
\q2 apan wala ka maminaw!
\q1 O motu-aw kanimo nga gidaog-daog kami,
\q2 apan wala ka moluwas?
\q1
\v 3 Nganong patan-awon man ko nimo sa dili patas nga hustisya?
\q2 Nganong imo man gipasagdan ang sayop nga binuhatan?
\q1 Kalaglagan ug pagdaug-daug nia uban nako,
\q2 adunay kasamok, ug midagsang ang panagbingkil.
\q1
\v 4 Busa ang balaod paralisado,
\q2 ug ang hustiya dili gayod modaug.
\q1 Ang mga daotan mitago sa sidsid sa mga matarong
\q2 mao nga ang hustisya nahimong hiwi.
\s1 Ang Tubag sa \nd Ginoo\nd* kang Habakuk
\q1
\v 5 Tan-awa ang kanasoran ug bantayi
\q2 ug mahingangha ka pag-ayo.
\q1 Kay aduna koy buhaton sa imong panahon
\q2 nga dili nimo matuohan, bisan kon suginlan ka.
\q1
\v 6 Akong ipamando ang mga taga-Babilonia,
\q2 ang walay kaluoy ug bangis nga mga tawo,
\q1 nga moataki sa tibuok kayutaan
\q2 aron ilogon ang mga puloy-anan nga dili ilaha.
\q1
\v 7 Sila ang gikahadlokan ug gikalisangan nga mga katawhan;
\q2 ang ilang kaugalingon lang ang ilang gisunod
\q2 ug nagpataas sa ilang dungog.
\q1
\v 8 Ang ilang mga kabayo mas tulin pa kaysa leopardo,
\q2 bangis pa kaysa mga lobo sa kilumkilom.
\q1 Ang ilang mga kabalyero kusog nga modagan sa unahan,
\q2 ang ilang mangabayo gikan pa sa halayo.
\q2 Sama sila sa agila nga paspas molupad aron sa pagdakop sa ilang tukbonon.
\q1
\v 9 Moanhi sila nga adunay tinguha sa pagdaug-daog.
\q2 Ang ilang panon moabante sama sa hangin sa disyerto,
\q2 ug tapokon nila ang ilang mga binilanggo sama kadaghan sa mga balas.
\q1
\v 10 Bugal-bugalan nila ang mga hari
\q2 ug mangyam-id sa mga nagdumala.
\q1 Pangataw-an lang nila ang mga gilig-on nga siyudad,
\q2 kay magtukod man sila ug agianan aron pagsikop kanila.
\q1
\v 11 Unya moagi sila sama sa hangin.
\q2 Nakasala sila tungod kay gisimba nila
\q2 ang ilang mga kusog nga maoy ilang dios.
\s1 Ikaduhang Reklamo ni Habakuk
\q1
\v 12 \nd Ginoo\nd* dili ba wala ka may kinutoban?
\q2 Akong Dios nga Balaan ug wala kay kamatayon.
\q1 Ikaw \nd Ginoo\nd*, ang mipili kanila
\q2 aron ipakanaog ang imong hukom.
\q1 Ikaw, ang akong Bato. Gipili mo sila
\q2 aron mosilot kanamo.
\q1
\v 13 Ang imong mga mata balaan kaayo nga dili pwede molantaw sa daotan.
\q1 Dili nimo tugotan ang daotang binuhatan.
\q2 Nganong imong gitugotan ang mga malimbongon?
\q1 Nganong nagpakahilom ka man samtang
\q2 ang daotan milamoy niadtong mas tarong pa kanila?
\q1
\v 14 Gihimo nimo ang mga tawo sama sa mga isda,
\q2 sama sa mananap sa dagat nga walay modumala.
\q1
\v 15 Ang daotan nga kaaway mobira nilang tanan pinaagi
\q2 ug mga pasol, mosawo kanila pinaagi sa mga pukot.
\q1 Gitipon niya pinaagi sa dakong pukot;
\q2 busa magmaya sila ug maglipay.
\q1
\v 16 Busa mohalad siya sa iyang pukot,
\q2 ug magsunog siyag insenso sa iyang dakong pukot,
\q1 kay pinaagi sa iyang pukot nagpuyo siya sa kaharuhay
\q2 ug naglipay siya sa piniling pagkaon.
\q1
\v 17 Magpadayon nalang ba siya sa pagkuha
\q2 diha sa iyang pukot ug galaglag
\q2 sa mga nasod nga walay kaluoy?
\c 2
\q1
\v 1 Mobarog ako sa akong bantayanan
\q2 ug magpahimutang ako diha sa mga tore;
\q1 motan-aw ako aron pagsuta kon unsay iyang isulti kanako,
\q2 ug unsa nga tubag ang akong ihatag niining mga reklamo.
\s1 Ang Tubag sa \nd Ginoo\nd*
\p
\v 2 Ug mitubag ang \nd Ginoo\nd*,
\q1 “Isulat kining gipadayag nga klaro sa papan nga bato
\q2 aron dali kining masabtan sa mensahero.
\q1
\v 3 Kay ang gipadayag magpaabot sa gitakda nga panahon;
\q2 nagsulti kini mahitungod sa katapusan
\q2 ug dili kini mapamatud-an nga bakak.
\q1 Bisan tuod madugay kini, paabota kini;
\q2 moabot gayod kini ug dili na malangay.
\b
\q1
\v 4 “Lantawa ang mga kaaway nga magarbohon;
\q2 ang iyang tinguha dili tarong,
\q2 apan ang matarong nga tawo mabuhi sa pagkamatinud-anon.
\q1
\v 5 Tinuod, ang bino moluib kaniya;
\q2 aroganti siya ug dili makapahulay.
\q1 Tungod kay hakog siya sama sa lubnganan,
\q2 ug sama sa kamatayon dili gayod matagbaw,
\q1 iyang gitipon diha niya ang kanasoran
\q2 ug gibihag ang tanang katawhan.
\b
\q1
\v 6 “Dili ba tamayon man siya sa tanan
\q2 inubanan sa pagbugal-bugal ug panghimaraot.
\q1 Nag-ingon, ‘Alaot sila nga nagtigom sa kinawat
\q2 nga mga butang ug nagpadato pinaagi sa pangilkil.
\q2 Hangtod kanus-a man sila magpadayon.’
\q1
\v 7 Dili ba unya mobangon ang inyong tigpautang?
\q2 Dili ba unya sila momata ug mopakurog ninyo?
\q2 Ug unya sila mahimo kaninyo nga inyong makaon.
\q1
\v 8 Kay inyong gikurakot ang daghang mga nasod,
\q2 ang mga tawo nga nabilin mokarakot usab ninyo.
\q1 Kay gipaagas nimo ang dugo sa tawo;
\q2 imong giguba ang mga yuta ug ang mga siyudad ug ang tanan nga anaa niini.
\b
\q1
\v 9 “Alaot siya nga nagtukod ug balay gikan sa dili maayong kinitaan,
\q2 nagpahiluna sa iyang salag sa itaas
\q2 aron lang makalingkawas sa kalaglagan!
\q1
\v 10 Imong giplanohan ang pagkalaglag sa mga tawo,
\q2 gipakaulawan nimo ang imong kaugalingong panimalay
\q2 ug nagpildi sa imong kinabuhi.
\q1
\v 11 Ang mga bato sa paril mosinggit, ug ang mga sagbayan
\q2 sa gitrabahong kahoy mopalanug niini.
\b
\q1
\v 12 “Alaot siya nga nagtukod ug siyudad pinaagi sa gipaagas nga dugo,
\q2 ug gaugmad sa lungsod sa inhustisya.
\q1
\v 13 Dili ba nga ang Makagagahom nga \nd Ginoo\nd* mao may naglatid niini.
\q2 Nga ang paghago sa tawo sugnod lang alang sa kalayo,
\q2 nga ang kanasoran naningkamot alang sa wala?”
\q1
\v 14 Kay ang kalibotan mapuno sa kahibalo sa himaya
\q2 sa \nd Ginoo\nd* ingon nga ang tubig naglukop sa kadagatan.
\b
\q1
\v 15 “Alaot siya nga naghatag ug mainom sa iyang silingan,
\q2 gibubo sa sudlanang panit sa bino hangtod nga kini mahubog,
\q2 aron siya makatan-aw sa hubo niya nga lawas.
\q1
\v 16 Mapuno ikaw sa kaulaw imbis sa himaya.
\q2 Karon na usab ang imong turno!
\q2 Inom ug ipadayag ang imong kahubo.
\q1 Ang kopa gikan sa tuong kamot sa \nd Ginoo\nd*, miabot sa palibot nimo,
\q2 ug ang kaulawan motabon sa imong himaya.
\q1
\v 17 Ang kadaotan nga imong gibuhat sa Lebanon makalupig kanimo,
\q2 ug ang pagdaot sa mga kahayopan makapahadlok kanimo.
\q1 Kay giulaan mo ug dugo sa tawo; gilumpag mo
\q2 ang kayutaan ug mga siyudad ug ang tanan niini.
\b
\q1
\v 18 “Unsa may kapuslanan sa dios-dios nga gikulit sa magkukulit?
\q2 O imahen nga nagtudlo ug bakak?
\q1 Kay siya nga naghimo niini misalig sa iyang hinimo;
\q2 naghimo siya ug dios-dios nga dili makasulti.
\q1
\v 19 Alaot siya nga moingon sa kahoy,
\q2 dali ug pagbaton ug kinabuhi,
\q2 o sa walay kinabuhi nga bato, pagmata!
\q1 Makahatag ba kini ug paggiya?
\q2 Giputos kini sa bulawan ug plata,
\q2 pero wala kini kinabuhi.
\q1
\v 20 Apan ang \nd Ginoo\nd* anaa sa iyang balaang templo.
\q2 Busa magpakahilom sa iyang atubangan ang tibuok kalibotan.”
\c 3
\s1 Ang Pag-ampo ni Habakuk
\p
\v 1 Ang pag-ampo ni Propeta Habakuk.\f + \fr 3:1 \fr*\ft Sa Hebreo anaa pay sumpay nga “sumala sa shigionoth.” Basin nagpasabot kin kon unsaon pagkanta ang pag-ampo o kaha ang gamiton nga instrumento.\ft*\f*
\q1
\v 2 \nd Ginoo\nd* nadungog nako ang imong kabantugan.
\q2 Ug tungod niini nagtahod ako sa imong nahimo, \nd Ginoo\nd*.
\q1 Himoa ug balik sa among panahon ang imong gihimo kaniadto;
\q2 sa imong kapungot hinumdomi ang kaluoy.
\b
\q1
\v 3 Ang Dios miabot gikan sa Teman,
\q2 Ang Labing Balaan gikan sa bukid sa Paran.
\q1 Ang iyang himaya mitakob sa kalangitan
\q2 ug ang mga pagdayeg mipuno sa kalibotan.
\q1
\v 4 Ang iyang kabantugan sama sa pagsubang sa adlaw,
\q2 ang bidlisiw misidlak sa iyang mga kamot;
\q2 diin ang iyang gahum gitagoan.
\q1
\v 5 Ang katalagman niadto sa iyang atubangan;
\q2 mga peste misunod sa iyang mga lakang.
\q1
\v 6 Mibarog siya, ug nauyog ang kalibotan;
\q2 mitan-aw siya, ug mipakurog sa kanasoran sa kalibotan.
\q1 Ang karaang kabukiran nagupok,
\q2 ug ang tigulang na kaayo nga mga bungtod nangatumpag,
\q2 apan siya nagpadayon sa kahangtoran.
\q1
\v 7 Nakita ko ang mga tolda sa Kushan sa kalisod.
\q2 Ang puloy-anan sa Midian naghigwaos.
\b
\q1
\v 8-9 Nasuko ka ba sa kasapaan, \nd Ginoo\nd*?
\q2 Ang imo bang kapungot sa agos sa tubig?
\q1 Napungot ka ba sa kadagatan sa dihang misakay ka
\q2 sa imong mga kabayo ug sa imong mga karwahi sa kadaogan?
\q1 Imong gipadayag ang imong pana,
\q2 gitawag mo ang gapasan sa pana,
\q2 gipikas mo ang kalibotan pinaagi sa sapa.
\q1
\v 10 Ang bukid nakakita kanimo ug daw lawas nga nalubag.
\q2 Ang sulog sa tubig mibanlas kanimo;
\q2 ang kinahiladman midaguok ug miisa sa iyang balud paitaas.
\q1
\v 11 Ang adlaw ug ang bulan nagpakahilom didto sa kalangitan
\q2 sa pagkidlap sa naglupad mong mga pana,
\q2 sa pagkidlat sa nagsidlak mong mga bangkaw.\f + \fr 3:11 \fr*\ft Ang buot ipasabot, natabonan ug panganod ang adlaw ug ang bulan, busa ang ilang kahayag dili makalabaw sa kilat.\ft*\f*
\b
\q1
\v 12 Sa imong kapungot milatas ikaw sa kalibotan
\q2 ug sa imong kasuko gilain nimo ang kanasoran.
\q1
\v 13 Mitungha ikaw aron ipalingkawas ang imong katawhan,
\q2 aron luwason mo ang imong dinihogan.
\q1 Gidugmok nimo ang pangulo sa yuta sa kadaotan,
\q2 gihuboan mo siya gikan sa ulo ngadto sa tiil.
\q1
\v 14 Ginamit ang kaugalingong niyang bangkaw
\q2 gitusok mo ang iyang ulo.
\q1 Sa dihang ang iyang mga manggugubat misulong
\q2 aron pagpatibulaag kanamo.
\q1 Nagpanglaway ingon sa mulamoy sa makaluluoy
\q2 nga anaa sa ilang tagoanan.
\q1
\v 15 Gitunobtunoban mo ang dagat sa imong mga kabayo,
\q2 hangtod nga mibalod ang mga katubigan.
\s1 Ang Reaksyon ni Habakuk sa Gipadayag sa \nd Ginoo\nd* Kaniya
\q1
\v 16 Nakadungog ako ug ang kasing-kasing ko naglagubo,
\q2 ang akong mga ngabil mikurog sa tingog niini.
\q1 Kadaut miabot sa akong mga bukog,
\q2 ug ang akong mga tuhod miuyog,
\q1 Apan ako magpaabot sa adlaw sa katalagman
\q2 sa nasod nga misakop kanamo.
\q1
\v 17 Bisan kung ang kahoyng igera dili na mamulak,
\q2 ug wala nay ubas sa kaparasan,
\q2 bisan kon ang abot sa olibo mapakyas
\q1 ug ang kayutaan dili na mohatag sa iyang pagkaon,
\q2 bisan kon wala nay karnero diha sa toril,
\q2 ug wala nay baka sa iyang butanganan,
\q1
\v 18 Apan ako maglipay diha sa \nd Ginoo\nd*,
\q2 magmalipayon ako diha sa Dios nga akong Manluluwas.
\q1
\v 19 Ang \nd Ginoong\nd* Dios mao ang akong kusog;
\q2 gihimo niya ang akong mga tiil sama sa tiil sa lagsaw,
\q2 gisangkapan niya ako aron makayatak sa mga habog nga dapit.
\d Alang sa maestro sa musika. Sa akong mga instrumento nga adunay mga kuwerdas.