\id GAL 
\ide UTF-8
\ide UTF-8
\rem Copyright Information:Creative Commons Attribution-Share Alike 4. 0 License
\h গালাতীয়
\toc1 গালাতীয়
\toc2 গালাতীয়
\toc3 গালা
\mt গালাতীয়
\is পুথীত্বথ্য়
\ip কুলিচ পল নিয়া গীরা সেকাম অললিচ, নিয়া দ মারি মন্ডলীর জ্ত্চ কুরাঃআ মিৎরায় তাহিলেনা। পল দ দক্ষিণ গালাতীয় রিঙ্কূ মণ্ডলী যত কুকে আকুয়াআ চেতান রে মিৎ তিহি লিয়া চমকা তুকা রাঃআ তায়্ম এশিয়া মাইনর দর আয়ায় এহ্তব মিশনারী সেসেন হরারে নিয়া গীরা সেকাম অল লাআয়। গালাতীয় জাহান সরগ নাগার দ কা তাহি লেনা, রোম বান্খান করিন্থ লেকা, মেন্খান মিয়াৎ রোমীয় প্রদেশ রে অকয় রাঃআ তালারে গাদা সরগ নাগার হেৎদ নানান হুনার মন্ডলী কু তাহি লেনা। অকা আ গালাতীয় কুরাঃআ হান্ডে গীরা সেকাম অল লেনা ইঙ্কূ দ পল লিয়া ধরমআতাংইচ কু তাহি লেনা।
\iot গালাং অক্ত হেৎদ ঠাঁও।
\ip সাব্তাম 48 খ্রিষ্টায়ম তালামালা অক্ত।
\ip পল সম্ভবতঃ আন্তিয়খিয়রে গালাতীয়কুকে গীরা অল লাআয়, চিয়া চি নিয়া দ আয়ায়্য় অড়া ভিত তাহিলেনা।
\iot হাতাইচ।
\ip গালাতীয় মন্ডলী রাঃআ অক্যয় কু সদস্য তাহিলেনা কু ইঙ্কূ গালাতীয় কু রাঃআ হান্ডে গীরা অল হুই লেনা (গালাতীয় 1:1 -2 )
\iot দিশা।
\ip গীরা অল রাঃআ নিয়া দিশা তাহি লেনা যুদাইজার কুরাঃআ বেদা বার্তা কে পেটেচ। মিয়াৎ বুগিন বার্তা নাতিনাং অকাআ ভিতিররে নিকু যিহুদী খ্রীষ্টান কু আটকার নামলাআকু যে পরিত্রাঃআন নাতিনাং সুনু গেত জরুর গেয়া হেৎদ গালাতীয় কুকে পাহাম কেৎ কুয়ায়্য় য় উঙকুয়া পরিত্রাঃআন রাঃআ আসল ভিত্তি রাঃআ কিনাআ হুইঅ তানা। পল আয়ায়া কুলিচ সংক্রাঃআন্ত কতৃত্ত্বকে স্যাপা সাফি লেকাতে প্রতিষ্ঠিত নাতিনাং হেল্কাতাকিচ সারিনাম তুকা কেৎ কুয়ায়্য় য়, হেৎদ হান্ডে বুগিন বার্ত্তা হেড়েৎ কেৎআয় অকা আ ইনি গাম হের লাআয়। এখেন দায়াদুলাড় লিয়া পাতিয়া লেকাতে মান্মি ন্যায় নামেয়া কু, হেৎদ পাতিয়া লেকাতেগে ইঙ্কূ য়া নামা জীউ কে আত্মা রাঃআ আল্গাসাল্গা লঅ সেশেন ইদি নাতিনাং সক্ষম হুই দাড়ীয়ায়।
\iot বাবদ।
\ip যীশু খ্রীষ্ট রাঃআ ভিতিররে আল্গাসাল্গা
\iot চিহ্নানেল।
\io1 1. চিপুৎপাট্টা — 1:1-10
\io1 2. বুগিন বার্তা রাঃআ সার্তিয়াআ — 1: 11-2: 21
\io1 3. পাতিয়া লেকাতে ধার্ম্মিতা — 3: 1-4: 31
\io1 4. পাতিয়া হেৎদ আল্গাসাল্গা জীউ রাঃআ পাইরকা— 5: 1-6: 18
\c 1
\s পলকে কুলিচ বহাল
\p
\v 1 ইঞ পল, মিতহড় কুলিচ, যাহায় মান্মি হাতেৎ দ ল্হয়, বরং যীশু খ্রীস্ট হেৎদ ঈশ্বর বা তেগেঞ বহালা কানাঞ, অকয়দ খ্রীস্ট কে গচ কু তালা হাতেৎ বিরিৎ রুয়াড় লিঃইআয়।
\p
\v 2 ইঞ হেৎদ ইঞ লঅ এটা হাগাকু মেনা কুয়া, আলে গালাতীয়া মুলুক রিঙ্কূ মন্ডলী কুকে লে গিরা অলা কু তানা।\f + \fr 1:2 \fr*\f*
\p
\v 3 আবুয়া আ ঈশ্বর হেৎদ প্রভু যীশু খ্রীস্ট যাতে আপেকে দায়াদুলাড় হেৎদ সুলুক নিরাঃআই দানাপেকা আয়।
\p
\v 4 আবুয়া ঈশ্বর রাঃআ মেন্ লেকাতে খ্রীস্ট আবুয়া আ কাই নাতিনাং আয়া আ নিজ রাঃআ জীউ দান তাৎআয়, যাতে ইনি আবুয়া আ (কুব্যবস্থা) বাড়িচযুগ হাতেৎ বাঞ্চা বুকাঃআয়।
\p
\v 5 যুগ যুগ আটকাল ঈশ্বর রাঃআ মহিমা হযু কাঃআ। পুরাম।
\s এটা জাহানা বুগিন বার্ত্তা বায়ানা।
\p
\v 6 ইঞ গাদাঞ হাড়াতানা চি, অকয় খ্রীস্ট রাঃআ দায়াদুলাড় আপেকে রাঃআ কেৎ পেয়ায়্য়, ইনি ধার্তিআপু রাঃআ হান্ডে হাতেৎ আন্তীত ঘিড় মেন্তাং সরাঃআ সঙ্গী হিচ্ কাতে আপে এটা অটঃ মিয়াৎ বেদা জাগার পে আয়ুমেৎআ।
\p
\v 7 মেন্খান এটা জাহান বুগিন সমাচারদ ল্হয় তানা; বরং এনে এঙ্কান কথক হড় মেনাকুয়া, খ্রীস্ট রাঃআ বাব্ত্তে অকা বুগিন সমাচার মেনা আ, ইনাকু কুতশ্রীৎ লেকাতে মনগড়া কাতেত আপেকে এটা হরতে তিয়াগেৎ পেয়াকু।
\p
\v 8 মেন্খান আলে অকা আপেয়া হান্ডে বুগিন সমাচার লে পাসনা তাৎআ, ইনা হাতেৎ যাহায় যদি এটা লেকা আপেয়া হ্যান্ড বুগিন বেদা সমাচার কু পাসনা য়া, আলেকু লেকান যাহায় চি সরগ নাগাকু, এন্খান ইঙ্কূ স্যাপ গ্রহস্ত কু হয়ু কাআ।
\p
\v 9 ইঞ চিল্কা মাড়াংতেঞ জাগার লাত আ এঙ্কাগে অটঃহঅঞ নাহাঃ জাগার তানা আপে অকা বুগিন সমাচার পে আতাং তৎ আ, ইনা হাতেৎ এটা লেকানা আ যাহায় বুগিন বেদা সমাচার কু এমাপেয়া, তবেখান ইনিদ স্যাপগ্রহস্ত কাআয়।
\p
\v 10 ইঞদ চি মান্মি রাঃআ হান্ডে হাতেৎ স্কৃতি হাতা নাতিনাং কুরুমুটু তাৎআঞ চি ঈশ্বর রাঃআ হান্ডে হাতেৎ স্কৃতি হাতা নাতিনাং কুরুমুটু তাৎআঞ ? চি কিনাআ ইঞদ চি মান্মিকে খুশি তুকা নাতিনাং কুরুমুটু তাৎআঞ ? যদি নাহাঃহঅ মান্মিকে খুশি তুকা নাতিনাং কুরুমূটু লাআঞ, এন্খান ঈশ্বর রাঃআ দাস কাইঞ হুই কঃআঞ।
\s পল কে ইশ্বর দেলা কিইয়ায়।
\p
\v 11 চিয়াচি এ হাগাং তিকু, ইঞ আসঃঅ তানাঞ আপে সারিয়াপে যে, ইঞ অকা বুগিন সমাচার আপেয়া হান্ডে পাসনা তাৎ আঞ ইনাদ যাহায় মান্মি রাঃআ হান্ডে হাতেৎ দ ল্হয়;
\p
\v 12 চিয়াচি ইনা বুগিন সমাচারদ যাহায় মান্মি রাঃআ হান্ডে হাতেৎ কাইঞ নাম তাৎআঞ, যাহায় মান্মি কাকু চেৎ তিইঞা, বরং যীশু খ্রীস্ট ইঞা হান্ডে সদর তৎআয়.
\p
\v 13 চিন্তং ইঞ জিহুদী ধরমরে ঞ তাহীন কেনা, ইন্তং চিল্কাঞ আচারনেৎ কেনা ইনা মাত যত হড়গেপে আয়ুম সারি তাৎআ। ইঞ ঈশ্বর রাঃআ মন্ডলী কুকে কুঠিন গেঞ হামলাৎ কু কেনাঞ হেৎদ ইনা মন্ডলী কুরাঃআ গাদা খান্ডাজ ন্ডূজ তাত্যাঞ;
\p
\v 14 ইঞ পিড়ি হাপড়াম কুরাঃআ রীতি রেয়াজ কুরে কুঠিন উদ্যোগ তাহীন কেনা, ইনাতে ইঞাআ জ্ঞাতী রেন্কু ইঞাআ সমান উঁবুর মান্মি হাতেৎ জিহুদী ধর্ম কে গাদা উন্নতিরে রাকাপ লিইআঞ।
\p
\v 15 মেন্খান ঈশ্বর, অকয় রাঃআ নাতিনাং তে মাই রাঃআ লাহিচরে হিচু মাড়া হাতে ভাছা দহ লিইঞা হেৎদ মাই হড়ম হাতেৎ ভিনা কাতে নিয়া ধার্তি তেঞ হিচা কানা হেৎদ অকয় রাঃআ দায়াদুলাড়তে ইঞকে রারাঃআ হয়ুয়া কানা।\f + \fr 1:15 \fr*\ft জিসাই 49:1-5; জেরমিয় 1:5\ft*\f*
\p
\v 16 ইনি ইঞাঃআ হান্ডে আয়াঃআ হনকে সদরিয়ায়্য়, যাতে অইহুদি হড় কু রাঃআ তালারে আয়ায়্য়্ হন রাঃআ বাব্ত্তে বুগিন সমাচার পাসনায় কাঃআঞ। ইনি চিন্তং ইঞকে নিয়া কামী নাতিনাং রাস্কাতে বাছা তিইঞাআ, ইন্তং ইঞ যাহায় রাঃআ হান্ডে হাতেৎ পরামর্শ কাঞ হাতা তাৎআ; \f + \fr 1:16 \fr*\ft যাহায় মিয়ুড় গে \ft*\f*
\p
\v 17 যীরুশালেমরে অকয় কুলিচ্কু মেনাঃআ কুয়া ইঙ্কুয়া হান্ডে হঅ কাঞ সেনা কানা, অক্য়্কু ইঞাঃআ মাড়াং হাতেৎ কুলিচ মেন্তেকু বহালাকানা। বরং আরব দিসুম রুয়াড় সেএনাইঞ হেৎদ ইনা তায়্ম দামেস্কা সরগ নাগার তেঞ রুয়াড় সেএনাঞ।
\p
\v 18 ইনাতায়ম পিতার লঅ নাপাম নাতিনাং অপি সির্মাং তায়্ম জেরুসালেমতে সেএনাঞ, ইনি লঅ এন্ডে 15 মাহা তাহি কেনাঞ।\f + \fr 1:18 \fr*\ft গ্রীক জাগার তে কেফাস মানে পিতর (ধিরি)\ft*\f*
\p
\v 19 মেন্খান হান্ডে এটা যাহায় কুলিচ কুকে কাঞ নেল নামলাত কুয়া, প্রভু রাঃআ হাগা যাকোব কেগে নেল নামতি য়াঞ।
\p
\v 20 ঈশ্বর সাক্ষি মেনাঃইআ, আমকে অকা অকাকুঞ অল তাৎআঞ, ইনাকু জ্ত্যাঃ অল বেদা ল্হয় তানা।
\p
\v 21 ইনা তায়্ম ইঞ সিরিয়া হেৎদ কিলিকিয়া দিসুম রাঃআ হানা নাআ হাতুটলা তেঞ সেনলেনা।
\p
\v 22 মেন্খান জিহুদী দিসুম কুরাঃআ পিড় মন্ডলী কুতে খ্রীস্ট রাঃআ অকয় নেলআতেন হড়কু তাহীন কেনা ইঙ্কূ লঅ কয়ঃঅ নাপাম চিন্হা কা তাহীন কেনা।
\p
\v 23 ইঙ্কুদ নিয়া জাগার কু আয়ুম লাৎআ, যে অকয় হড় আবুয়াঃআ ধরম ধংস নাতিনাং হিচু কেনায়, হেৎদ নিয়া মাড়ংতে গাদা তড়না এম তাৎআয়, ইনি নাহাঃআ বুগিন জাগার পাসনায় তানা।
\p
\v 24 এন্খান্গে ইঞ লঅ অকা ঘটনা কু ঘটা লেনা, ইনা নাতিনাং ইঙ্কূ ঈশ্বর রাঃআ গুনমানত জহারেৎআ কু।
\c 2
\s পলকে কুলিচ কু আতাং কিয়া।
\p
\v 1 গেলেপুন সির্মাং তায়্ম, বার্নাবাস কে ইদি কাতে অটঃহঅগে জেরুসালেমতে সেএঃনাঞ হেৎদ তিতকে হঅ ইঞ লঅ ইদি ধরাঃআ লিঃইআঞ।
\p
\v 2 ঈশ্বর রাঃআ সদর বাত্লা লেকাতেঞ হান্ডে সেন লেনাঞ। হান্ডে গুনমান হাগা মিসি কু লঅ নাপাম লেনাঞ হেৎদ ইঙ্কূকে ইনা বুগিন জাগার বাব্ত্তে গামা তাৎ কুয়াঞ, অকা ইঞ বিন যিহুদি কুরাঃআ তালারে পাসনা তানাঞ। মেন্খান মানতান মন্ডলী আগুয়ান কুরাঃআ হান্ডে দ উকু দহ কেৎআঞ, চিয়া চি সারি বুঝাইঞ কেনা, ঈশ্বর রাঃআ নাতিনাং যে কামীইৎ কেনাঞ, কামীটা বেসা চি ল্হয়। যদি বেশ ল্হয়, এন্খান বৃথক ইঞাঃআ কামী।
\p
\v 3 হেৎদ চি, তীত, অকয় ইঞ লঅ তাহিলেনায়, ইনিদ গ্রীক হই কাতে রহঅ সুনু গেত নাতিনাং কালে পাতিয়া দাড়ি তুকা তিয়া।
\p
\v 4 উকু উকুতে হিচা কানাকু ইঙ্কূ কথক হড় ভন্ড হাগা মিসি কু নাতিনাং নেকা হ্যুয়েনা; খ্রীস্ট জিশুরে আবুয়াঃআ অকা স্বাধীন মেনাআ, ইনা রাঃআ গুন্হা পাঞ্জা নাম নাতিনাং ইঙ্কূ উকু উকুতে কু বলঃঅ হিচা কানা, যাতে আবুকে দাস কাতেকু দহ দাড়িযাবু কাঃআকু।
\p
\v 5 আলে মিৎ টুঢাং হঅ ইঙ্কূ য়া অধীনতা কালে মানা তাৎআ, যাতে বুগিন বার্তা রাঃআ সার্তিতা আপেয়া হান্ডে তাহীন কাআ।
\p
\v 6 হেৎদ অকয় কু মানতান মেন্তে কু সদর তানা ইঙ্কূ ইঞাঃআ হান্ডে জাহান হক বাআয় না, ইঙ্কূ চিল্কান হড় কু তাহি লেনা, ইঙ্কূ লিয়া আলেয়া জাহানা কা বুহাল সেনা, ঈশ্বর মান্মি রাঃআ ধরবার কায় নেলেয়ায়। ইঙ্কূ মান্তান হড়কুদ ইঞকে জাহানাআ কাকু এমাঞ তানা;\f + \fr 2:6 \fr*\ft ২কিন্থিয 11 :5, দ্বিতীয় বিবরন 10 :7,\ft*\f*
\p
\v 7 বরংচ ইনাতে নেলেনা,অসুনু গেত ইহুদি কু রাঃআ তালারে ইঞ কে চিল্কা বুগিন বার্তা পাসনা রাঃআ ভার এম হ্যুয়েনা এঙ্কাগে সুনু গেত ইহুদিকু রাঃআ তালারে পিতর কে হঅ এনেএঙ্কাগে এম হ্যুয়া কানা
\p
\v 8 চিয়াচি সুনু গেৎ ইহুদি কুরাঃআ হান্ডে কুলতিইচকামী নাতিনাং ঈশ্বর পিতর রাঃআ কামী পুরাঃআ তাৎ আয়, এঙ্কাগে ইনি বিনইহুদি নাতিনাং ইঞ কে লিয়া হঅ কামী পুরাঃআ কেৎ আয়।
\p
\v 9 চিন্তং ইঙ্কূ সারি নামকেৎআকু যে ইঞকে ইনা দায়াদুলাড় এমাকানা, ইন্তং যাকোব, কৈফা হেৎদ যোহন অক্য়্কু গুপিচকু লেকা চিহ্নামেনাকুয়া, ইঞকে হেৎদ বার্নাবে কে সহভাগিতা রাঃআ ম্যাডী তিহিকু এমাৎলিঞাকু, যাতে আলিঞ বিনইহুদি কুরাঃআ হান্ডে সেনা, হেৎদ ইঙ্কূ দ সুনুগেৎ কু রাঃআ হান্ডে কু সেনআ;
\p
\v 10 আসিতানাকু যাতে আলে রেগেঁচ হড় কুকেলে পাহাম কুকাঃআ; ইনা কামী নাতিনাং ইঞহঅ স্যাপড়াঞ তাহি লেনা।
\s পাতিয়া তে পরিত্রান নাম
\p
\v 11 মেন্খান কৈফা চিন্তং অন্তিয়াখিয়া দিসুম রে হিচ্ লেনায়, ইন্তং আয়া আ মচা চেতাং রে থুতি কেৎআঞ, চিয়া চি ইনিদ অপরাঃআধী তাহি লেনায়।
\p
\v 12 যাকোব রাঃআ হান্ডে হাতেৎ কথক হড় হিচু রাঃআ মারাঃআং তে কৈফা বিনইহুদি কু লঅ জম নু এৎ কেনায়, মেন্খান ইঙ্কূ হিচ্ তায়্ম সুনু গেৎ কুরাঃআ বরতে উকুরে হেৎদ বিনইহুদি হাতেৎ ভেগাররে তাহিন তানায়।\f + \fr 2:12 \fr*\ft কুলিচ 10 :28, 11 :2 -3 \ft*\f*
\p
\v 13 হেৎদ কৈফা লঅ এটা যত ইহুদি পাতিয়ান হড় কু হঅ ভণ্ডা আচরন কেৎআকু; এন্খান দ চি, বার্নবা হঅ ইঙ্কূ য়া ভণ্ডামিতে লিল্কা নায়।
\p
\v 14 মেন্খান ইঞ চিন্তং নেল কেৎআঞ,ইঙ্কূদ বুগিন বার্তা রাঃআ সার্তি সরল হরাঃআতে কাকু সেসেন তানা, ইন্তং জ্ত্চ রাঃআ হাজিরাঃআনরে কৈফাকে কুলি কিচআঞ, আম ইহুদি হুই কাতে রহঅ ইহুদি লেকা ল্হয়, মেন্খান এটা জাতি বিন ইহুদি লেকা আচরন তামাআ, তবেখান চিয়াআ বিনইহুদি কুকে ইহুদি কু লেকা আচরন নাতিনাং জোরেৎ কুয়াম?
\p
\v 15 আলেদ জাতিরে ইহুদি, আলে এটা জাতি বিনইহুদি কাই ল্হয়;
\p
\v 16 আটকার তাৎআঞ, ব্যবস্থা কামী লিয়াদ ল্হয়, যীশু খ্রীস্ট কে পাতিয়া রাঃআ মাধ্যম তে মান্মি ধার্মিক মেন্তে কু লেখাঃআ, ইনা নাতিনাং আলে হঅ খ্রীস্ট যীশুরে পাতিয়া কানালে, যাতে ব্যবস্থা রাঃআ কামীতে দ ল্হয়, মেন্খান খ্রীস্ট কে পাতিয়া নাতিনাং ধার্মিক লেখা হয়ুয়াঞ; চিয়া চি ব্যবস্থা রাঃআ কামী নাতিনাং যাহা হড়ম ধার্মিক মেন্তে কাকু লেখাআ।\f + \fr 2:16 \fr*\ft রমীয় 3 :20 -22, ফিলিপিয় 3 :9, \ft*\f*
\p
\v 17 মেন্খান আবু খ্রীস্ট রে ধার্মিক লেখা হুই রাঃআ কুরু মূটুই কাতে রেহঅ আবুকে যদি কাই ী মেন্তে চিপ্না বু এমেয়া, এন্খানদ্ খ্রীস্টদ্চি কাই রাঃআ দাস তানায়? ইনাদ এঙ্কা একেবারে লহয়গে!
\p
\v 18 চিয়া চি ইঞ অকাঃআ নীতি লাঁন্ধুড় গিডি তৎআঞ, ইনা অটহঅগে গাঁথা রুয়াড় লেখা নিঞ, এন্খান ইঞকেগে অপরাঃআধী মেন্তে জাহির কেৎআঞ।
\p
\v 19 ইঞ মাত ব্যবস্থা লিয়াগে ব্যবস্থা রাঃআ উদ্দেশ তেগেঞ গ্চাকানা, যাতে ঈশ্বর রাঃআ উদ্দেশ তেগে জীউৎ আঞ।
\p
\v 20 খ্রীস্ট লঅঞ ক্রশা কানাঞ, ইঞদজীউৎ হড় ল্হয়, মেন্খান খ্রীস্টদ ইঞাঃআ তালারেজীউৎ মেনইয়া; হেৎদ নাহাঃআ হড়মতে মেনাঞরে অকা জিউ মেনঃআ, ইনাদ ইঞাঃআ পটিয়াতে, ঈশ্বর রাঃআ হনরে পাতিয়া তেগে জীউৎ মেনাইঞা; ইনিগে ইঞকে দুলাড় কিইঞায়, হেৎদ ইঞ নাতিনাং আচ নিজেকেগে সম্পা কিইযায়।
\p
\v 21 ইঞ ঈশ্বর রাঃআ দায়াদুলাড় কাঞ বিফল তুকাঃআ; কারন ব্যবস্থা লিয়া যদি ধার্মিক হুই কআ, তবে খান খ্রীস্ট দ চি অকারন তে গ্চাকানায়?
\c 3
\s ব্যবস্থা রাঃআ আ চেতাং রে আস্থা হেৎদ মানাগুনা।
\p
\v 1 এ লেলাঃআ গালাতীয়্কু, অকয় আপেকে মুহিনী কেৎপেয়ায়্য় ? আপেয়া মেৎসামাং রেগেত যীশু খ্রীস্ট ক্রাশ রে হাকা লেনায় মেন্তে সপাস্যফি দ চি কা অল তাহি লেনা?
\p
\v 2 নিয়া থুতি আপেয়া হান্ডে হাতেৎ সারি বুঝাঞ তানা, আপেদ চি ব্যবস্থা রাঃআ কামী খাতির রিলামালা আত্মাকে নামতিয়া পে ? চি পাতিয়া রাঃআ বার্তা আয়ুম কাতে ?\f + \fr 3:2 \fr*\ft গালাথিয়ান 3 :5, কুলিচ 15 :8 -10, \ft*\f*
\p
\v 3 আপেদ চি নান্তীত লেলাঃআ? রিলামালা আত্মাতে এতহব কাতে নাহাঃআ দ চি জিলু তে মুচাৎ এৎআপে ?
\p
\v 4 আপে আন্তীত দুঃখ দ্চি খালিগেপে সাহা লাআ ? যদি সর্তিগে বেদা হয়ুয়া ?
\p
\v 5 গামেপে মাহীন, অকয় ইনি ইশ্বর আপেকে রিলামালা আত্মা যোহড় এমাপে তানায় হেৎদ আপেয়া তালারে হাহাড়া কামিকু পুরাঃআয় আগুই তানায়, ইনি দ্চি ব্যবস্থা রাঃআ কামী পুরাঃআ নাতিনাং ইনা করাঃআৎআয়? দচি পাতিয়া রাঃআ বুগিন বার্তা আয়ুম কাতে ?
\p
\v 6 শাস্ত্র গামেয়া \f + \fr 3:6 \fr*\ft আদি পুথি 15 :6,\ft*\f*চিল্কা অব্রাহাম ঈশ্বরকে পাতিয়া লিঃআয়, হেৎদ ইনাগে আয়াঃআ পক্ষে ধার্মিক মেন্তে লেখায়না।
\p
\v 7 তবেখান সারিই পে, অক্য়্কু পাতিয়ান হড় ইঙ্কূ গে অব্রাহাম রাঃআ হন,
\p
\v 8 অটঃহঅ পাতিয়া খাতির ঈশ্বর এটাআ জাতি বিনইহুদি কুকে ধার্মিক মেন্তে লেখাতাৎ কুয়ায়্য় য়, শাস্ত্র মাড়াং হাতেৎ অব্রাহাম রাঃআ হান্ডে সদর কাতে বার্তা পাসনা লেনা, নেকা, আমাঃআ তালাতে যত যাইত রেন্কু মান্মি আশ্বীশভর কু নামেয়া।\f + \fr 3:8 \fr*\ft আদি পুথি 12 :3, 18 :18, \ft*\f*
\p
\v 9 তবেখান অক্য়্কু পাতিয়াভর, ইঙ্কূ পাতিয়ান হড় অব্রাহাম লঅ আশ্বীশভর কু হ্য়ুয়া।
\p
\v 10 সার্তি কায়তে অকয় কু ব্যবস্থা তে তল মেনা আ কুয়া, ইঙ্কূ যত হড় অভিসাপ রাঃআ ধিনরে, চিয়া চি অল মেনা আ 'যাহায় গে ব্যবস্থা পুথিরে অলা কানা যত থুতি মানায় নাতিনাং আয়ায়্য় মন থীর কা তাহিনা, ইনিদ অভিসপ্ত ।\f + \fr 3:10 \fr*\ft দ্বিতীয় বিবরন 27 ;26, যাকোব 2 :20 \ft*\f*
\p
\v 11 মেন্খান মসি রাঃআ ব্যবস্থা মানান গুনান লিয়া যাহায় গে ঈশ্বর রাঃআ মেৎতে ধার্মিক মেন্তে কাকু লেখাআ, নিয়াদ সাপাসাপি, চিয়া চি ' ধার্মিক মান্মি পাতিয়া খাতির তেয় বাঞ্চাআয়।\f + \fr 3:11 \fr*\ft হ্ব্কুক 2 :4 \ft*\f*
\p
\v 12 মেন্খান ব্যবস্থা পাতিয়া লেকানাআ দ ল্হয়, বরংচ 'যাহায় গে নিয়াকু মানায় য়েয়ায়্য়, ইনিদ ইনাতে বাঞ্চাআয়।\f + \fr 3:12 \fr*\ft লেবি 18 :5 \ft*\f*
\p
\v 13 খ্রীস্ট গে গনঙ্গ এম কাতে আবুকে ব্যবস্থা রাঃআ স্ব্যাপ হাতেৎ ছাডা তাৎ বুয়ায়, চিয়া চি ইনিদ আবু নাতিনাং স্ব্যাপরুপী হুই লেনায়; চিল্কা রিলামালা শাস্ত্ররে অল মেনা আ, অকয় কে দারুরে কু হাকা কুয়া, ইনিদ অভিসপ্ত, \f + \fr 3:13 \fr*\ft দ্বিতীয় বিবরন 21 :23 \ft*\f*
\p
\v 14 চিল্কা অব্রাহাম রাঃআ নামাকান আশিস খ্রীস্ট যীশুতে এটা জাতি বিন ইহুদি কুরাঃআ হান্তে হিযুতানা, আবু যাতে পাতিয়া লিয়া অঙ্গীকৃত আত্মাকে নামেয়া।
\s ব্যবস্থা হেৎদ এক্ড়ার।
\p
\v 15 এ হাগাকু, ইঞদ মান্মি লেকাঞ জাগার তানা। মান্মি রাঃআ নিয়ম সেকাম হুই কাতে রহঅ ইনা চিন্তং গটাআ, ইন্তং যাহায় কাকু অমান্যয়া, ইনারে নামা জাহানাআ কাকু মেসায়া।
\p
\v 16 বেশ, অব্রাহাম কে হেৎদ আয়ায়্য় কুল কুকে এক্ড়ার উছান হুই লেনা। ইনি গাদাহড়কুতে 'হেৎদ যত কুল কুরাঃআ মেন্তে কা গাম কাতে, মিৎহড় কে উদুঃ কাতে গাম লাআয় 'হেৎদ আমাআ কুলকুকে ' ইনি কুলদ খ্রীষ্ট।\f + \fr 3:16 \fr*\ft মথি 1:1 \ft*\f*
\p
\v 17 নাহাঃআ নিয়াঞ গামেৎআঞ, অকা এক্ড়ার ঈশ্বর হাতেৎ মাড়াং হাতেৎ গটা ঠাক তাহি লেনা, ৪ শায় ৩০ সির্মাং তায়্ম সেসেন হিচা কানা ব্যবস্থা ইনা এক্ড়ার কে বাদ কা হড় য়া, অকা কমিতে এক্ড়ার বিফলআ।\f + \fr 3:17 \fr*\ft সেসেন হরা 12 :40 \ft*\f*
\p
\v 18 চিয়া চি দায়াধিকার যদি ব্যবস্থা লেকা হয়ুয়া, তবে খান এক্ড়ার লেকানা কা হয়ুয়া; মেন্খান অব্রাহামকে ঈশ্বর এক্ড়ার লেকাতে ইনা কু দানা লিয়ায়।
\p
\v 19 তবেখান নীতি দ কিনা তানা ? গুনাহা নাতিনাং ইনাদ মেশা হুই লেনা, অকা অব্দি ইনা কুল কা হিচু তানা, অকয় রাঃআ হান্ডে এক্ড়ার হুই লেনা, হেৎদ ইনাদ সরগ নাগাকু লিয়া মিৎ হড় মধ্য়স্থ রাঃআ তিহিতে, বিধিবদ্ধ হুইয়ে নায়।
\p
\v 20 মিত হড় রাঃআ মধ্য়স্থ তেমা কা হুই য়াআ, মেন্খান মিৎ ঈশ্বর।
\p
\v 21 তবে খান ব্যবস্থা দ চি ঈশ্বর রাঃআ এক্ড়ার ব্যবস্থা রাঃআ বিরূদ? একেবারে ল্হয় গে। যদি এনে এঙ্কানা আ ব্যবস্থা দহ হুই ক্যাআ, অকা জীউ এম দাড়ি কিইয়ায়্য়্য়, তবে খান ধর্মতা ব্যবস্থা লেকানাআ হুই কঅগেয়া।
\p
\v 22 মেন্খান ব্দলতে, শাস্ত্র যতচ াগে কাই রাঃআ অধিনরে আটকা তিইয়ায়, যাতে নামা এক্ড়ার রাঃআ জ, যীশু খ্রীস্ট রাঃআ পটিয়াতে, পাতিয়ান হড় কুকে বাঞ্চা হুই য়ায়্য়।
\s পাতিয়াতে ঈশ্বর রাঃআ হন হ্প্ন্কু।
\p
\v 23 মেন্খান যীশু তে পাতিয়া হিচ্ রাঃআ মাড়াং তে আবু ব্যবস্থা রাঃআ ধিনরে তল তাহীন কেনাবু, অকা পাতিয়া তায়্মতে সদর কআ, ইনা রাঃআ তাঙ্গি রেলে তাহীন কেনা।
\p
\v 24 নিয়া লেকাতে ব্যবস্থা খ্রীস্ট রাঃআ হান্ডে আগু নাতিনাং আলেয়া আ পরিচালককু মুনিসেনা, যাতে আলে পাতিয়া লেকাতে ধার্মিক মেন্তে লেখারেলে তাহীন কাআ।
\p
\v 25 মেন্খান অকা অব্দি পাতিয়া হিচেনা, ইনাব্দি আলেদ পরিচালক কুরাঃআ মুনিস ল্হয়।
\p
\v 26 চিয়া ল্হয় আপে যত হড়, যীশু খ্রীস্ট তে পাতিয়া নাতিনাং, ঈশ্বর রাঃআ হন পে হুইয়া কানা; ব্যবস্থা
\p
\v 27 চিয়া চি আপে চিমিন হড় খ্রীস্ট নুতুমতে ডুবানা কানাপে, ইন্তং যত হড় খ্রীস্ট কে আতাং কাতেনামা তেপে সাজা কানা,
\p
\v 28 ইহুদি চি গ্রীক দ ল্হয়, মুনিসচি মালিকদ ল্হয, কড়া চি কুড়ি দ ল্হয়, চিয়া চি খ্রীস্ট যীশু তে আপেযত হড় মীহুড়
\p
\v 29 হেৎদ আপে যদি খ্রীস্ট রেন্কু, তবে খান আব্রাহাম রাঃআ কুল, এক্ড়ার লেকাতে পিড়িধীকার।
\c 4
\p
\v 1 মেন্খান ইঞ গামেয়াঞ, পিড়িধীকার দ চিমিন মাহা হুডিং হন লেকায় তাহিনা, ইমিন মাহা যতচ ায়্য়্ রাঃআ মালিক হুই কাতে রহঅ মুনিস রাঃআ তিহিরে থির হাতাড়আ;
\p
\v 2 মেন্খান আপু রাঃআ নির্দিস্ট মাহা অব্দি ইনিদ নেলাতেন রাঃআ হেৎদ সম্পতি যত জিমিৎ ারী মুনিস রাঃআ ধিনরে তাহি না।
\p
\v 3 এনে এঙ্কাগে আবু হঅ চিন্তং হুডিং হন বু তাহীন কেনা, ইন্তং ধার্তি রাঃআ তলা কানা ব্যবস্থারে তল্বু তাহীন কেনা খ্রীষ্ট হিচু ব্দি।
\p
\v 4 মেন্খান মাহা পুরালেন খান ঈশ্বর আয়া আ হান্ডে হাতেৎ আয়ায়্য় একাপুত হন কে কুলকিইয়ায়্য়; ইনিদ ডাঁগুয়া কুড়ি হন রাঃআ হর কাতে জানামে নায়, ব্যবস্থা রাঃআ ধীনরেগে জানাম লেনায়.
\p
\v 5 যাতে ইনিদ গনঙ্গ এম কাতে ব্যবস্থা তে তলা কানাকু হড়কুকে রাঃআড়া ছাডা কুয়ায়্য়, যাতে আবু ঈশ্বর রাঃআ ধরম বেটা মেন্তেবু হয়ুকা আ।
\p
\v 6 হেৎদ আপে ইনি রাঃআ হন, নিয়া খাতির ঈশ্বর আয়ায়্য় একাপুত হন রাঃআ আত্মা কে আয়ায়্য় হান্ডে হাতেৎ আবুয়া আ অন্তর রে কুলতাৎ আয়্য়; ইনি আব্বা বা মেন্তে রাঃআইয়ায়্য়।
\p
\v 7 তবে খান আমদ নাহা আ মুনিসদ ল্হয়, বরং বেটা; হেৎদ চিন্তং এম বেটায়নাম ইন্তংদ ঈশ্বর লিয়া পিড়িধীকারীম হুএনা।
\s ঈশ্বর রাঃআ দায়াদুলাড়রে থির তাহীন নাতিনাং বিন্তি।
\p
\v 8 নিয়া মাড়াং তে, পাহামেম মিৎ কাল তাহীন কেনা আপে ঈশ্বর কে কাপে সারিই কেনা, সার্তি কাতে অকয় ঈশ্বর ল্হয় ইঙ্কূ হাসা ঠাকুর কেপে সেবা আগু লাত কুয়া;
\p
\v 9 মেন্খান নাহাআ ঈশ্বর রাঃআ চিপ্না পে নাম তাৎআ, ঈশ্বর লিয়া চিন্হায় নাপে; তবে খান চিকা কাতে অটহঃঅ ইনা মায়াং পেটেছ জাগতিক আরিচালি দরেম রুয়াড় তানাম, রুয়াড় কাতে অটহঃঅগে মুনিস লেকা তাহিন বুঝাৎ মেয়া?
\p
\v 10 আপে বিশেষ বিশেষ মাহা, বঙ্গা, ঋতু, হেৎদ সির্মাং পে মানায় তানা।
\p
\v 11 আপেয়ায়্য় বাব্ত্তে ইঞাঃআ বর হুয়ায়্য়; উকুই তার, আপেয়া তালারে সুধুগেং কামী তানা।
\p
\v 12 এ হাগাঞকু, আপেকে নিয়া বিন্তিয়াপে তানাঞ, আপে ইঞ লেকা হুয়াপে, চিয়া চি ইঞ হঅমা আপে লেকাঞ তাহি লানা। আপে ইঞাঃআ জাহানাআ কাপে অপকার তাৎআ;
\p
\v 13 হেৎদ আপে সারিগেয়াপে, ইঞাঃআ হড়ম রাঃআ রুয়া রাবাং নাতিনাং আপেয়া আ হান্ডে যত হাতেৎ মাড়াংতে বুগিন বার্তা পাসনা নাতিনাং দাওঞ নাম লাৎআ;
\p
\v 14 হেৎদ ইঞাঃআ হড়ম রাঃআ থাকা নাতিনাং আপে অকা বিডা রেপে নুর লেনা, ইনা কাপে অবহেলা তাৎআ, কাপে ঘিন্না কানা, ঈশ্বর রাঃআ সরগ নাগাকু লেকা, খ্রীস্ট লেকা ইঞ কেপে আতাং লিইচাঞা,
\p
\v 15 তবে খান অপেয়ায় ইনা সারাঃআও আত্মা নাহাআ ক্দেরেনা ? চিয়া চি ইঞ আপেয়া হুই কাতে সাক্ষিঞ এমে তানাযে, সাধ্য় তাহি লেন্খান আপে আপান আপিন রাঃআ মেৎ উদুঙ কাতেপে এম কিঞা।
\p
\v 16 তবে খান আপেয়া হান্ডে সার্তি গামতে কিনা আ ইঞদচি আপেয়া হান্ডে বৈরীঞ হুয়াকানা ?\f + \fr 4:16 \fr*\ft আমোস 16 :10 \ft*\f*
\p
\v 17 ইঙ্কূ চিল্কা বেস্লেকা আপেকে নেল আতেনেৎ পেয়াকু, ইঙ্কদ বেশগটা কাকু করায় তানা; বরংচ ইঙ্কূ দ আপেকে বাহারে দহ নাতিনাং ইচ্ছা মেনা আ, যেন আপেগে ইঙ্কূ কে বেস্লেকা নেল আতেন কূপে।
\p
\v 18 শুধু আপেয়া হান্ডে হাজিরা কানাঞ মেন্তেদ ল্হয় মেন্খান সর্বকলরে বুগিন বাব্ত্তে বেস্লেকা নেল আতেন বেসা।
\p
\v 19 ইঞাঃআ আপানার রিঙ্কূ হন হপন আপে নাতিনাং অটহঅগে জানাম বেদনাতে কষ্ট তানাইঞ, যত ভুর খ্রীস্ট লেকা কাপে হুয়ায়্য় তানা।
\p
\v 20 ইঞাঃআ নেকা মনে হয়ুতানা যে, ইঞ যদি নাহা আ গে আপেয়া হান্ডে সেন দাড়ি কঃআ হেৎদ মটা সুরতে এগের দাড়ি কিইয়ায়্য়্য়ঞ ! চিয়া চি ইঞ আপেকে লিয়া কিনাঃআ যে চিকাঞ জাহানাআ কাইঞ বুঝা দাড়িতানা!
\s সারাঃআ হেৎদ হাগা।
\p
\v 21 গামেপেসিন, আপে মা ব্যবস্থা রাঃআ অধিনরে তাহীন বুঝাপে তানা, ব্যবস্থা অকা আ গামেয়ায়্য়, ইনা দ্চি আপে কাপে আয়ুম তাৎআ ?
\p
\v 22 চিয়া চি রিলামালা শাস্ত্র রে অল মেনা আ, অব্রাহাম রাঃআ বারিয়া হন কিন তাহি লেনা, মিহুড় দ কিরিং কুড়ি রাঃআ, অটঃঅ মিহুড় রাঃআ দ অড়া এরাঃআ রাঃআ,\f + \fr 4:22 \fr*\ft আদি পুথি 16 :5, 21 :2, \ft*\f*
\p
\v 23 কিরিং কুড়ি রাঃআ হনদ জাগতিক হড়ম ভাবতে জানাম লেনায়, মেন্খান অড়া এরাঃআ রাঃআ হনদ জানাম লেনায় মিয়াৎ এক্ড়ার চিহ্নালেকা।
\p
\v 24 নিয়া থুতি রাঃআ রহস্য মেনা আ, চিয়া চি ইঙ্কিন বারিয়া এরাঃআ বারিয়া চুক্তি; মিয়ুড় রাঃআ চুক্তি দ সিয়ান বুরু হাতেৎ, অকয়্য় দ মুনিস হড়কুকে জানাম কুয়ায়্য় য়। ইনিদ হাগার।
\p
\v 25 হাগার দ আরব দিসুম রেনিচ সিয়ান বুরু; হেৎদ নাহা আ ইনিদ জেরুসালেম রাঃআ লেকা, চিয়া চি ইনিদ আয়া আ হন হপন কু লঅ মুনিস তানাকু।
\p
\v 26 মেন্খান সাল্গী জেরুসালেম অকাঃআ সরগরে ইনাদ স্বাধীনা, হেৎদ ইনি আবু য়াআ মাই তানায়।
\p
\v 27 চিয়া চি অল মেনা আ 'আমদ আটকুড়া এরা, আপে অকয় হন আউরি পে জানাম কুয়া ! রম্জেপে, আপে অক্য়্কু জানাম বেদনা যাহা হুলাং আউরি পে আটকারেয়া, রম্জেপে, চিয়া চি গং কুড়ি হাতেৎ ছাডুই কুড়ি রাঃআ হন হপন কু ডেরঅ আকু।\f + \fr 4:27 \fr*\ft জিসাই 54 :1, \ft*\f*
\p
\v 28 এ হাগা মিসি তুকু, আপে হঅ ইনি ইসহাক লেকা এক্ড়ার রিঙ্কূ হন।
\p
\v 29 মেন্খান হড়ম লেকাতে জানামা কান হনকু চিল্কা ইনা হুলাং আত্মিক লেকাতে অকয় আম্মাতে জানামা লেনায় ইনিকে নির্যাতনেৎ কেনাকু, এনে এঙ্কাগে নাহা আ হঅ হুয়্তানা। \f + \fr 4:29 \fr*\ft আদি পুথি 21 :9 \ft*\f*
\p
\v 30 তবেখান শাস্ত্রকিনাআ গামেৎ আয়? ইনি মুনিস কুড়িকে হানি রাঃআ ইনি হনকে উডুং গিডিকিন মে; চিয়া চি ইনি মুনিস হনদ যাহা হুলাং স্বাধীনা হন লঅ সমান পিড়িধীকার কায় হুই দাড়িয়া।\f + \fr 4:30 \fr*\ft আদি পুথি 21 :10,\ft*\f*
\p
\v 31 তবেখান, এ ব্কং তেকু আবুদ মুনিস হনদ লহয়, আবুদ স্বাধীনা হন।
\c 5
\s খ্রীষ্টতে আল্গা আল্গী।
\p
\v 1 আল্গা আল্গী নাম নাতিনাং খ্রীস্ট আবুকে আল্গা আল্গী তাৎ বুয়ায়; ইনাতে আঁট তে তিঁগু তাহিন্পে, মুনিস লেকা আল্পে আরাড়রে আল্পে স্যাপতল তাহিনা।
\p
\v 2 আয়ুমেপে, ইঞ পল আপেকে গামাপে তানাআঞ, আপে যদি সুনু চুটি গেৎএয়াপে, তবে খান খ্রীস্ট রে তাহি কাতে আপেয়া যাহানাআ লাভ কা হয়ুয়া।
\p
\v 3 অকয় কু সুনুচুটি গেৎ বুঝা পে তানা, উন্কুকে অটহঅ গেঞ গামাপে তানাঞ, ইনিকে ধারুয়া হালা লেকা যত জাগতিক ব্যবস্থা মানাতেগে হয়ুয়া।
\p
\v 4 আপে অক্য়্কু জাগতিক ব্যবস্থা তেপে তলা কান্তে ধার্মিক মেন্তে পে মনেৎআ, আপেদ খ্রীস্ট হাতেৎ পে সরাঃআ সাঙ্গীঞা কানা, আপেদ দায়াদুলাড় হাতেৎ পে ছিট্কা নুরাঃআ কানা।
\p
\v 5 চিয়া চি আলে রিলামালা আত্মা পাতিয়া কাতে, ধার্মিকতা রাঃআ আশ পুরাঃআ নাতিনাং তাঙ্গিরে মেনালেয়া।
\p
\v 6 চিয়া চি যীশু খ্রীস্ট তে সুনুচুটি গেৎ রাঃআ যাহান দাড়ি বায়ানা, সুনুচুটি কা গেৎ হঅ দাড়ি বায়ানা। মেন্খান দুলাড়তে কামী পুরাঃআ ইনা পাতিয়াগে দাড়িয়ান তানা।
\p
\v 7 আপেমাত বেশ গটা তেপে খ্রীস্ট হরাতে নিরেৎ কেনা; অকয় আপেকে কু তিন্গু তুকা কেৎ পেয়া যে, আপে সর্তি রাঃআ এটকে টড়েৎ আলপে হুইয়া ?
\p
\v 8 ঈশ্বর আপেকে রাঃআ লাৎপেয়া, নিয়া বিডাও দ ইনি লিয়া কা হুয়াকানা।
\p
\v 9 ইতিচ তরাঃআং তাড়িরস তে যত সুজি তাড়ি চাবাআ।\f + \fr 5:9 \fr*\ft 1 করিন্থীয় 5:6 \ft*\f*
\p
\v 10 প্রভুতে ইঞ নিন্তিৎ আত্মাসা যে আপে জাহান এটা হরাঃআ কাপে বাঝায়া, অকয় আপেকেকু ভড়কাৎ পেয়া, ইনিদ যাহায় গে হুয়েন খান চিকেনা, ইশ্বর ধরবার রাঃআ রায়রে কুড়াই নামে গেয়ায়্য়।
\p
\v 11 এ বক্যং তিকু, ইঞ যদি নাহাআ হঅ সুনুচুটি গেৎ নাতিনাং জাগারঞ পাসনায়া, এন্খান চিয়াআ নাহা হঅ ইঞ কে এটকে টড়েৎ রে তাহি হুয়াঞ তানা ? এন্খান মাত ক্রাঃআস রাঃআ জাগার পাস্নারে এটকে টড়েৎ কা তাহি কআ।
\p
\v 12 অকয় আপেকেকু ঝামেলাৎ পেয়া ইঙ্কূ নিজেরাঃআ সুনু গেৎ গিডিই কাআ কু।
\p
\v 13 এ ব্কং তেকু, আপে আল্গা আল্গী নাতিনাং রাঃআতুকা কানাপে; নেলেপে ইনা আল্গা সাল্গা তিনাং লালসা রাঃআ উস্কানি আলম হাতায়া, বরংচ দুলাড় তে আপান আপিন রাঃআ নতরে তাহিন্পে।
\p
\v 14 বেবস্থা রাঃআ যত ব্যবস্থা মিৎ জাগারতে পুরাঃআ কানা, ইনাদ 'আমাঃআ পড়সি কুকে আম লেকা কুসি-কুসাল কুম।\f + \fr 5:14 \fr*\ft লেবি 19:18; মথি 22:39 - 40,\ft*\f*
\p
\v 15 মেন্খান আপে যদি আপান আপিন লঅ নিয়ায়-এগেরয়াপে, নেলেপে, আপে নিয়া খাতির আপান আপিন ধ্বংসয়াপে।
\s রিলামালা আত্মা কব্জ নাতিনাং বিন্তি।
\p
\v 16 মেন্খান গাম লিঞ, আপে রিলামালাআত্মা জ্ঞান তে সেসেন্পে, এন্খান হড়ম লাল্স আলম মেটায়া।
\p
\v 17 চিয়া চি হড়মদ রিলামালা আত্মা বিরূদ, হেৎদ আত্মা হড়ম বিরূদ, কারন নিকিন বারিয়া আপান আপিন রাঃআ ভেগার মহড়া তানা, ইনাতে আপেয়াআ অকা করাঃআ বুঝাপে তানা, হুঁসিয়ার ইনাদ আলপে করাঃআয়া।
\p
\v 18 মেন্খান রিলামালা আত্মা জ্ঞানতে সেসেন তানাপে, তবেখান জাগতিক ব্যবস্থা রে বানুপেয়া।
\p
\v 19 অটহঅ হড়ম লিয়া কামিকু রাঃআ সদর মেনাআ; ইনা কুদ রেন্ডিবাজি, বিন রিলামালা,লালচ,
\p
\v 20 জাদু বিদ্যা, ঠাকুর বন্গা, নানান হুনার বৈইরীঃ,নিয়ায়্য়,রাগ, হেপাবাডি, ভিনা-ভিনী, রেষারেষী,
\p
\v 21 হিঁসা সিঁসী, বুলামী,ফুর্তি হেৎদ নিয়া লেকানাআ এটা এটাগা গুনাঃকু। নিয়া যত কুরাঃআ বাব্ত্তে ইঞ আপেকে হুসিয়ারেৎ পেয়াঞ, মাড়াংতে হঅঞ গামালাৎ পেয়াঞ, অকয় কু নেকা কু কামিয়া, ইঙ্কূ ঈশ্বর রাঃআ পরগনা রে আইদারি কাকু নামেয়া।
\p
\v 22 মেন্খান রিলামালা আত্মা রাঃআ জদ দুলাড়, কুশি, সুলুক, সাহা, দায়া, দেঙ্গাইচ, পাতিয়াইচ,
\p
\v 23 নেমশ, হড়মকব্জ, নিয়া লেকানা গুনা গুন বিরূদ ব্যবস্থা বায়ায়না।
\p
\v 24 হেৎদ অক্য়্কু খ্রীষ্ট যীশুরে মেনাঃআ কুয়া, ইঙ্কূদ আকুয়া হড়ম রাঃআ যত লোভ লালচ ক্রসরেকু হাকা তাৎআ।
\p
\v 25 আবু যদি রিলামালা আত্মাজ্ঞানতে জিউ বাঞ্চায়াবু, এন্খান দেলা আবু রিলামালা আত্মাজ্ঞান তেবু সেসেন কাআ;
\p
\v 26 আউহা সাউহা আলবু ফুটানিয়া, আপান অপিনকে কাবু সাঁতাকুয়া আপান অপিনকে কাবু হিংসা হুলুং কুয়া।
\c 6
\s বেশাআ বাব্ত্তে হুন্ডিপে।
\p
\v 1 বকংতেকু, যাহায় যদি জাহান গুনাঃ রে স্যাপ তুকা কানায়, এন্খান আপে অকয় আত্মাজ্ঞানীকু, আপে এনে এঙ্কা সাপা হেৎদ রিলামালা মনেতে বুঝা রুয়াড় আগুই পে, মেন্খান হুঁসিয়ার তাহিন্মে বাংখান্দ আম হঅ ছাঁদাবাঁদাম।
\p
\v 2 আপে যত হড় পারা পারি রাঃআ হাঁবাল গঅয়পে, নেকা লেকাতেগে খ্রীস্ট রাঃআ নামা ব্যবস্থা পুরাঃআয়পে।
\p
\v 3 চিয়া চি যাহায় যদি মনেয়ায়, ইঞগে যত কিছু, মেন্খান কামিরে ইনিদ যাহানিচ ল্হয়, আচ আচকেগে খাটঃ তানায়।
\p
\v 4 মেন্খান ঝত হড় আকুয়াআ কামিতে প্রক্ষাঃআকু, এন্খান এটা হড় রাঃআ কামী লঅ কা যখা তুলা কাতেত, আয়ায়্য় নিজ কমিতে খুসিরে তাহি নায়।
\p
\v 5 চিয়াচি জ্ত্চ রাঃআ উচিৎ, আপান আপিন হাম্বাল গঅ ইদি।
\p
\v 6 মেন্খান অকয় হড় ঈশ্বর রাঃআ বচন বাব্ত্তে জ্ঞান নামেয়ায়, ইনি চেচেদিচ কে যত লেকানা বেশ কামী কুরে দেঙ্গা এমাই কাঃআ।
\p
\v 7 আলপে চম্কাঃআ, ঈশ্বরকে হিয়ালি করাঃআ কা হড় আ; চিয়া চি মান্মি অকাঃআ কু হেরেয়া ইনাগে কু ইরিয়া।
\p
\v 8 অকয় হড়ম রাঃআ লোভ লালচ নাতিনাং জাং হেরেয়ায়, ইনিদ ইনা হড়ম নাতিনাং গে বিনাশক গেলে ইরিয়েয়্য়; মেন্খান রিলামালা আত্মা রাঃআ জাং অকয় হেরেয়ায়, ইনিদ আত্মা হাতেৎ জায়যুগ জিউ রাঃআ গেলে ইরিয়ে য়ায়্য়।
\p
\v 9 দেলা, আবু বুগিন কামী কমিতে আল্বু থাকা কাঃআ; চিয়া চি কাবু থাকা লেন খান সেটের মাহারে বুগিন গেলেবু নামেয়া।
\p
\v 10 ইনাতে দেলা, আবু চিল্কা দাও নামেৎ আবু এনেঙ্কা পাতিয়ান হড় কুরাঃআ পাহি কুরাঃআ বেশ মনন্তরতে দেঙ্গা কুয়াবু।
\s সুনু চুটি গেত দ ল্হয় মেন্খান নামা সির্জ্ন।
\p
\v 11 নেলেম, ইঞাঃআ নিজ তিহিতে চিন্তিৎ মারাঃআং হরফ তে অলাৎ মেয়াঞ!
\p
\v 12 অকয় হড় কু হড়ম নেল নাতিনাং ইচ্ছা মেনাআ, ইঙ্কূ হড় কুগে আপেকে সুনু চুটি গেৎ নাতিনাং উস্কাৎ পেয়া; নিয়া নাতিনাং নেকান কামী করাঃআ বুঝা কু তানা, যেন খ্রীস্টকে ক্রাঃআস নাতিনাং এঙ্কূ কে সাসেৎ আল হয়ুকআ।
\p
\v 13 চিয়া চি অকয় কু সুনু চুটি গেৎএ তানাকু ইঙ্কূ হঅ জাগতিক ব্যবস্থা কাকু মানায় তানা, তুবু রহঅ আসি তানাকু আপে হঅ সুনু চুটি গেৎএ পে, যাতে ইঙ্কূ আপেয়া হড়ম বাব্ত্তে খুশিকু নামে কআ।
\p
\v 14 মেন্খান আবুয়াআ প্রভু খ্রীস্ট রাঃআ ক্রাঃআস বিনা ইঞ এটাআ জাহান বাব্ত্তে খুশি কাঞ তাহি দাড়িয়া; ইনি লিয়া ইঞাঃআ দিসুম, হেৎদ দিসুম নাতিনাং ইঞ ক্রাঃআস রে হাকা কানাঞ।\f + \fr 6:14 \fr*\ft গালাথিয় 5 :6,\ft*\f*
\p
\v 15 চিয়া চি সুনু চুটি গেৎ হঅ জাহানা লহয়, সুনু চুটি কা গেৎ হঅ জাহানাআ লহয়, মেন্খান নামা সির্জ্ন গে আসল্দ।
\p
\v 16 অকয় হড় নিয়া হরাঃআ তেকু তাড়মেয়া, ইঙ্কূ য়া হান্ডে 'সুলুক' হেৎদ দায়া হিচু কাঃআ, ঈশ্বর রিঙ্কূ হড় 'খেরয়াল কুরাঃআ হান্ডে হিচু কাঃআ'
\p
\v 17 নাহাআ হাতেৎ যাহায় ইঞকে কষ্ট আলকু এমাংকআ, চিয়া চি ইঞাঃআ হড়ম রে যীশু রাঃআ হড়ম চেগেড় চিন্হ গঅ তাৎআঞ।\f + \fr 6:17 \fr*\ft পলদ যীশু রাঃআ চেগের চিন্হ গঅ তাৎআয় মানে যীশু রাঃআ দাস তানায় \ft*\f*
\p
\v 18 এ ব্কং তুকু আবুয়া প্রভু যীশু খ্রীস্ট রাঃআ দায়াদুলাড় অপেয়াআ আত্মা তালারে তাহীন কাঃআ, পেরেচ।