\id 2TH 2TH-KODA-Translation।
\ide UTF-8
\ide UTF-8
\h 2 থিষলনীকীয়
\toc1 2 থিষলনীকীয়
\toc2 2 থিষলনীকীয়
\toc3 2থিষ
\mt 2 থিষলনীকীয়।
\is পুথি ত্বথ্য়।
\ip ১ থিষলনীকীয় কু লেকা, নিয়া গীরা সেকাম পল শীল হেৎদ তিমথি কু রাঃআ হান্ডে হাতেৎ হযু তানা। নিয়া গীরা সেকাম অন্লিয়া এনে এঙ্কালেকাগে স্লোক ব্যবহার তাৎআয় যেমন 1 থিষলনী কীয় হেৎদ এটাঃআ গীরা সেকাম পল অল লাৎআয়। ইনাতে নেল্তানা পলগে মারাঃআং অন্লিয়া তাহি লেনায়। শীল হেৎদ তীমথিকেৎ মানতান লেকাতে তালারে দহ হুই লেনা। গাদা পদ রাঃআ তালারে, আলে অলেয়ালে, নিয়া নেল তানা যে ইঙ্ক অপি হড় রাঃআজিকু তাহি লেনা। তিহিতে অলা পল রাঃআ ক তাহি লেনা চিয়াচি ইনি দ শুধু চড়ান্ত মান্তান হেৎদ বিন্তি অল লাৎআয় (২ থিষললীকীয় 3:17) নেকা মনে তানা যে পল দ মচা মচা তে তিমথি হেৎদ সীল কে অলা কানা গীরা জাগার গামা তাৎ কিনায়।
\is গালাং অক্ত হেৎদ ঠাঁও।
\ip সাপ্তাম 51 হাতেৎ 52 খ্রিষ্টায়ম রাঃআ তালা মালা অক্ত।
\ip পল ২ থিষললীকীয় করিন্থেরে অল লাৎআয়, কদেররে ইনি তাহিলেনায় ইন্তং ইনি 1 থিষললীকীয় অল লাৎআয়।
\is হাতায়চ।
\ip 2 থিষললীকীয় 1:1, 2 থিষললীকীয় রাঃআ অভীষ্ট পাঠুয়া কু রাঃআ থিষললীকীয় মণ্ডলীকু রাঃআ হড় কু মেন্তে উপরুম এমেয়ায়।
\is দিশা।
\ip দিশা নেকা তাহিলেনা প্রভু রাঃআ বাব্ত্তে বেবাড়িচ চেচেদাআ কু সুধরাঃআ। পাতিয়ান হড় কুকে মানত জহার হেৎদ পাতিয়া লেকাতে আকুয়াআ পুঁজি মেনাআ মেন্তে হাঁঙ্কূ কে উৎসহ এম হেৎদ উংকুকে তিরষ্কার এম অক্য়য় কু ইঙ্কুআ হানাপুরিত্বথ্য সংক্রাঃআন্ত আত্ম-প্রবঞ্চনা নাতিনাং পাতিয়া কেনাকু যে যেহুতু প্রভু রাঃআ হিচু মাহা তাহি লেনা ইন্তে প্রভু রাঃআ রুয়াড় হিচু ঘিড় মেন্তাং গে পুরাঃআ হেৎদ নিয়া জাগার কু আকুয়াআ ফায়দা নাতিনাং মর্যাদা কাকু এমেৎ কেনা।
\is বাবদ।
\ip আশ তালারে জীউ।
\is চিহ্নানেল।
\ip 1. মানত জহার- 1: 1, 2
\ip 2. এটকে ট্রেত মাহারে সাহারাঃআ- 1: 3-12
\ip 3. প্রভু রাঃআ জিহু মাহা বাব্ত্তে সুধরাঃআ- 2: 1-12
\ip 4. ইঞ কুয়া কাঁড়া সম্বন্ধে অভিজ্ঞান- 2: 13-17
\ip 5. বাস্তবিকতা কুরাঃআ বাব্ত্তে উপমা এম- 3: 1-15
\ip 6. সরেস গটা মৌন জহার- 3: 16-18
\c 1
\s মৌন ডবঃ।
\p
\v 1 পল, সীল হেৎদ তীমথিয় আবুয়া আপু ঈশ্বর হেৎদ প্রভু যীশু খ্রীষ্ট রাঃআ থিষলনীকীয় শেহার রেঙ্কূয়া মন্ডলী রাঃআ হান্ডে,
\p
\v 2 আবুয়া আপু ঈশ্বর হেৎদ প্রভু যীশু খ্রীষ্টরাঃআ থাং হাতেন সায়াদ/দায়াদুলাড় হেৎদ সুলুক আপেয়া হুইও কাঃআ
\s ধরবাররাঃআ মাহা।
\p
\v 3 এ হাগা মিসি কু, আলে আপে নাতিনাং মিৎ সরগ নাগাড় তে ঈশ্বর এ গুনমান জহারিপে। এন্তে এনকা লেখান দ গটা গেয়া, চিয়া চি আপেয়া পাতিয়া ঢের হারা-রাকাব ইদিতানা হেৎদ আপে মিমিৎ হড় এটাগিজ নাতিনাং তে দুপুলাড়-দুলাড় ঢের-বুরু ইদি তানা।
\p
\v 4 ইনা মেন্তে আপে দ নানতিৎ জ্বালা হেৎদ কষ্ট সাহা তাৎআপে, ইনাকু তালা হাতেৎ রহঅ আপেয়া ধৈর্য্য হেৎদ পাতিয়া তাহি নাতিনাং তে আলে ঈশ্বর রাঃআ মন্ডলী কুরে আপে নাতিনাং তেলে গরবো তানা।
\p
\v 5 অটঃহঅ ইনা দ ঈশ্বর রাঃআ ধরম দরবার রাঃআ স্পষ্ট নিশান, যাতে আপে ঈশ্বর রাঃআ রাজ নাম লেখান উপযুক্ত মেন্তেপে লেখা হুইঅয়া, ইনা নাম নাতিনাং তেগে দুখ পে সাহায় তানা।
\p
\v 6 নিয়া দ গটা ঈশ্বর রাঃআ হান্ডে ন্যায় ধরবার মেনাঃআ, অকয় দুখ এমাপে তানকু, ইনিদ উংকুয়া হান্ডে দুখ হালা রুয়াড়এয়া।
\p
\v 7 হেৎদ দুখ অকয় কূপে নামেৎআ, আপেকে আলে লঅ ঝিরাবাসং এমা পেয়ায়্য়, চিন্তং প্রভু যীশু সরগ হাতেৎ আয়া নিজ দাড়িয়ান সরগ নাগা কুলঃঅ দাঙ্গালদাঙ্গাল লঅ তানা সেঙ্গেল লেকা সদরয়ায় (যোহন 1:14-15, প্রাকাশিত বাক্য 14:13)
\p
\v 8 হেৎদ অক্য়য় আবুয়া ঈশ্বরকে কাকু সারিয়া হেৎদ প্রভু যীশু রাঃআ বুগিন জাগাররে কাকু মানাবাতায়া, ইঙ্কু কে ইনিদ সাজা এমা কুয়ায়্য় য় (গীত সংহিতা 79:6, যিশাইয় 66:15, যিরমিয় 10:25)
\p
\v 9 ইঙ্কূ ঈশ্বর রাঃআ সামাং হাতে হেৎদ ইনি রাঃআ দাড়িয়ান প্রতাপ হাতেন ফারাগ ভেগারতেকু যায়-যুগ নাতিনাং তেকু সাজাকু ভোগেয়া (প্রাকাশিত বাক্য 21:8, মথি 25:41, 46, যিশাইয় 2:19, 21)
\p
\v 10 নিয়াদ ইনা হুলাং হয়ুয়া, অকা হুলাং ইনি আয়াআ নিজ রিলামালা হড় কু লিয়া সরসয়ায়্য় হেৎদ যত পাতিয়ান হড় হাহাড়াকু, আপে হঅ মেশা মেনাআ পেয়া চিয়াচি আলেয়া লুকুন্দ আপে পাতিয়া কাতে আতাং তাৎআপে (1 থিষলনীকীয় 2:13, 1 করিন্থীয় 1:6, গীত সংহিতা 89:7, যিশাইয় 49:3)
\p
\v 11 ইনা নাতিনাংতে আলে সারাহুলাং বিন্তিই তানালে, যাতে আবুয়া ঈশ্বর আপে জ্ত্চ কে রারাঃআঃ রাঃআ উপযুক্ত লেকাতে আতাং পেয়ায়্য়, হেৎদ গুনমান্তান রাঃআ যত ইচ্ছা হেৎদ পাতিয়া রাঃআ কামী আয়াআ নিজ দাড়ীয়ান্তে পুরায়ায়;
\p
\v 12 হেৎদ ইনা তে আবুয়া ঈশ্বর রাঃআ হেৎদ প্রভু যীশু খ্রীষ্ট রাঃআ দায়াদুলাড় লেকাতে আবুয়ায় প্রভু যীশু রাঃআ নুতুম আপেয়া তালারে গুনমান্তানঅ কাআ হেৎদ ইনা হর লেকাতে আপে হঅ গুনমান্তানঅ পে (যিশাইয় 24:15, যিশাইয় 66:5, 1 পিতর 1:7-8)
\c 2
\ms কাইহেরেল রাঃআ সদর।
\p
\v 1 অটঃ হঅ, এ হাগা মিসি কু, আবুয়া প্রভু যীশু খ্রীষ্ট রাঃআ হিচু হেৎদ আয়ায়া হান্ডে আবু কে ইদি হুন্ডি নাতিনাং লে নেহরঅ তানা।
\p
\v 2 আপে যাহান আত্মা লিয়া, চি জাহান থুতি জাগার লিয়া, চি আলেলে অলা তাৎপে লেকা, গিরা সেকাম লিয়া, মন রাঃআ যেদ হাতেত আলম হান্তে নাতেয়া চি আলম চমকাঃআ,আলম হুদিসেয়া যে প্রভু রাঃআ রুয়াড় হিচু মাহা সেটেরেনা;
\p
\v 3 যাহায় যাহালেকা তে আপেকে আলকু প্টাপেকাআ, চিয়াচি ইনা মাহা দ কা হিচু য়া চিন্তং উতার ইনি বিন ধরম মান্মিৎ ইনি বিনাশ-হন কায় সদরয়ায়্য়।
\p
\v 4 অকয় বিরূধে য়ায়্য় ইনিদ আচকে ঈশ্বর রাঃআ নুতুম তে হেৎদ মান্তান যত কুরাঃআ হাতেত আচ নিজেকে মারাংইয়ায়্য়, নেকা হঅ হুয়য়া ইনি ঈশ্বর রাঃআ জাহের স্থান রে দুপ কাতে আচ নিজেকে ঈশ্বর মেন্তে গাম্যয়ায়্য় (যিশাইয় 28:2, দানিয়েল 11:36, 37)
\p
\v 5 অপেয়ায় দ চি পাহাম কা হিচু তানা, মাড়াংতে ইঞ আপেয়া হান্ডে চিন্তং তাহীন কেনাইঞ ইন্তং আপেকে নিয়াকু জাগরেত পেকেনাইঞ?
\p
\v 6 হেৎদ ইনি যেন নিজ মাহা রাঃআ সদরঅ কাআ, ইনা নাতিনাং ইনিকে কিনাআ তে বাধা তে দহ হুয়া কানা, ইনা মাপে সারিগেয়া।
\p
\v 7 চিয়া চি বিন ধরমীয় রাঃআ উকু মেনাআ দাড়ি নাহাআ হঅ কামী তানায়; মেন্খান চিমিন ভুর হানিকে কুদা গিডি ক হয়ুয়া, ইমিন ভুর অকা কামিরে বাধা দহ তাৎআয় ইমিন ভুর ইন্কা কামী ইদিয়ায়্য়।
\p
\v 8 হেৎদ ইন্তং ইনি বিন ধরমীয় সদরয়ায়্য়, মেন্খান প্রভু যীশু আয়ায়্য় মচা রা আ সাহেতে ইনি এ উদু-সদরোআয়, ইনি প্রভু আয়া মচারেয়া সাহেত ইনি দুষ্ট মান্মি কে ভসমিয়ায়, হেৎদ নিজ রুয়াড় হিচ সদর নাতিনাং হানি রাঃআ দাড়ি কমা চাবায়ায়্য় (ইয়োব 4:9, যিশাইয় 11:4)
\p
\v 9 ইনি অধার্ম্মিক হড় শয়তান রাঃআ দাড়ি তে হিচু য়ায়, অকাআ লাভাকিয়া নানান হুনার হাহাড়া কামীকু হেৎদ যত লেকানাআ চীনহা কু হেৎদ আকাধান্দা নালাআকু তাহিনা,
\p
\v 10 হেৎদ অকয় কু বিনাশঅ তানা উন্কু কে খাটঅ নাতিনাং যত রকম রাঃআ অধার্মিক রাঃআ হাতিয়ার কামিরে লাগায়ায়; চিয়াচি ইঙ্কূ বানচা নাতিনাংতে সার্তিরাঃআ দুলাড় কাকু আতাং তাৎআ।
\p
\v 11 হেৎদ ইনা নাতিনাং ঈশ্বর ইঙ্কূয়া হান্ডে চমক-চাম্ক লেকানাআ কামি কূলেয়ায়, যাতে ইঙ্কূ ইনা বেদা থুতি-জাগারকু পাতিয়াকাআ,
\p
\v 12 যাতে ঈশ্বর ইঙ্কূ যত হড়কুকে ধরবার দরবাররে দায়ী/দোষী দাড়িয়া কুকাঃআয়, অকয়কু সার্তিকে কাকু পাতিয়া কানা, মেন্খান অধার্মিকরে তাহিকাতেন খুশিকু তাহিলেনা।
\s প্রভুরে ধীর তাহিনাতিনাং আপত্তি।
\p
\v 13 মেন্খান এ হাগাকু, প্রভু রাঃআ দুলাড়াকানকু, আলে আপে নাতিনাং যত মাহা ঈশ্বরকে ধন্যবাদ এম বাধ্য়তানালে, চিয়াচি ঈশ্বরদ মাড়াং হাতেন আপেকে আত্মারাঃআ রিলামালা এমকাতে হেৎদ সার্তিরাঃআ পাতিয়ারে বাঞ্চা নাতিনাং বাছাতাৎপেয়ায় (ইফিসিয় 1:4, 5, 1 পিতর 1:1-5, দ্বিতীয় বিবরণ 33:12)
\p
\v 14 হেৎদ ইনা দিশা কাতে আলেয়া বুগিন বার্তা নাতিনাং তে আপেকে রাঃআ তাৎ পেয়ায়্য়,যাতে আপে আবুয়া প্রভু যীশু খ্রীষ্ট রাঃআ গুনমানত রে হাটিং নামিচ হুই দাড়িয়াপে।
\p
\v 15 এন্খান এ হাগা মিসি কু, তিঙ্গুকেটেচ পে হেৎদ আলেয়া জাগার তে চি আলেয়া অলতেপে চেদাকান জাগার কু স্বাব দহয় পে।
\p
\v 16 হেৎদ আবুয়া প্রভু যীশু খ্রীষ্ট গে হেৎদ ঈশ্বর আপুগে, অকয় দ আবুকে দুলাড় তাৎ বুয়ায় হেৎদ যায়-যুগ রাঃআ জিউ রাড়েজ হেৎদ সরেষ আশ এমাৎ বুয়ায়।
\p
\v 17 ইনি আপেয়া অন্তররে রাড়েজে কাঃআয় হেৎদ যত বেশ লেকানাআ কামিরে হেৎদ জাগাররে দাড়িয়ান এমে কাঃআয়।
\c 3
\s বিন্তি নাতিনাং আপত্তি
\p
\v 1 মুচাৎ জাগার নিয়া, এ পাতিয়ান হড়কু, আলেয়াঃআ নাতিনাং বিন্তিইপে, চিল্কা আপেয়া ভিতিরে হ্যুই তানা, এঙ্কাগে প্রভু রাঃআ জাগার গোটা পাসরাঃকা আ হেৎদ গুন্মান্ত হ্যুই কাআ,
\p
\v 2 অটঃহঅ আলে চিল্কা দুষ্টু হেৎদ বাড়িচ হড় রাঃআ হান্ডে হাতেত রুখিয়া নাম নাতিনাং বিন্তিপে; চিয়াচি জ্ত্চ রাঃআ পাতিয়া বায়ানা।
\p
\v 3 মেন্খান প্রভু বিশ্বস্ত; ইনিগে আপেকে দাড়ি য়ান পেয়ায়্য় হেৎদ শয়তান-বঙ্গা হাতেন রুখিয়া পেয়ায়।
\p
\v 4 অটঃহঅ আপেয়া বাব্ত্তে আলে গাদা পাতিয়া মেনাঃআ প্রভুরে মেনাঃআ পেয়া মেন্তে, আলে আপেকে অকা অকাঃকুলে গাম দহা তাৎ পেয়া, ইনা যতচ াআ কু মানায় তানাপে হেৎদ মানা আগুই গেয়াপে।
\p
\v 5 হেৎদ প্রভু আপেয়া অন্তর কে ঈশ্বর রাঃআ দুলাড় হরাতে হেৎদ খ্রীষ্ট রাঃআ সারি হরাতে সুতুঃ পেয়ায়।
\s হাসা ঠাকুর বাব্ত্তে হুশিয়ার।
\p
\v 6 হেৎদ, এ হাগামিশিকু, আলে প্রভু যীশু খ্রীষ্ট নুতুম তে নিয়া লে আচুপে তানা, যাহায় হাগা পাড়ুয়া গেয়ায়্য়, হেৎদ আপে আলেয়ায়্য় হান্ডে হাতেত অকা চেচেদাঃআ নামতাৎআ পে, ইনা লেকা ইনি কায় সেসেনায়, ইনি লঅ দ অল্পে তাহিনা,
\p
\v 7 আপে দ চিল্কা তে আলেয়াঃআ সুতুঃপে হয়ুয়া, ইনা মাপে সারি গেয়া, চিয়াচি অপে লঃঅ তাহীন অক্ত আলে পাড়ুয়া কালে তাহীন কেনা,
\p
\v 8 হেৎদ যাহায় রাঃআ হান্ডে মাডি/জমা বেগর গনং তে কালে জমেৎ কেনা, আপে যাহায় রাঃআ হান্ডে লাৎ ি কাতে আল লে তাহীন কাঃআ, ইনাতে খাটাঃ হেৎদ মেহনত লঅ সিঙ্গি নিদালে কামীৎ কেনা।
\p
\v 9 আলেয়া আইদারি যে বায়না, মেন্তে দ ল্হয়, মেন্খান আপেয়া হান্ডে আলে কে উডুঃ সদর নাতিনাং লে উডুঃতাৎ পেয়া, যাতে আপে আলেয়াআ অতংঅ কূ লেকাপে হুই দাড়িয়া।
\p
\v 10 চিয়ায় চি আলে চিন্তং আপেয়া হান্ডেলে তাহীন কেনা, ইন্তং আপেকে নিয়া লেকা গামা তাৎপেয়া যে, যাহায় যদি কাকু কামিয়া, তবেখান ইনিদ আল্য়য় জমে কাঃআ।
\p
\v 11 আলে আয়ুম নামে তানালে, আপে তালা রে অকয় হড় কুদ গায়া লেকা মেনা কুয়া, জাহান কামী কা কামী কাতে বিন আইদারি জাগার কু সগা ভাড়াৎআ।
\p
\v 12 নিয়া লেকা হড়কুকে আলে প্রভু যীশু খ্রীষ্ট রাঃআ নুতুম তে বাত্লা হেৎদ চেৎনা লে এমাকু তানা, ইঙ্কূ থীর থার কাতে আকু তেগে কামী কাতে জমে কাআ কু।
\p
\v 13 হেৎদ এ হাগামিশিকু, সৎ কামিকুরে আলপে কাদরাঃআ,
\p
\v 14 হেৎদ যাহায় নিয়া গিরা রে অলা কান লেকা জাগারকু কাকু বাতায়া, তবেখান ইনিকে নেল চিহ্না তাইপে, হেৎদ ইনি লঅ আল পে মেসা।
\p
\v 15 যাতে ইনি গিয়ুগ কায়ায়্য়; তবু রহঅ ইনিকে বাইরী মেৎতে দ অল্পে নেলিয়া হাকা তানায় মেন্তেগে চেৎনা এমাই পে।
\s বিশেষ আতাং দরম
\p
\v 16 হেৎদ সুলুক রিনিচ প্রভু আয়গে সারা ঘড়ি যতলেকানাতে আপেকে সুলুক বুরুয়া পেকাঃআয়। প্রভু আপে যতচ কু লো তাহীন কাঃআয়।
\p
\v 17 নিয়া মৌন জহার ইঞ পল নিজ তিহিতেইঞ অলাপে তানাইঞ, নেকা গে যত গিরা কুরেইঞ ওলে তানাইঞ। নিয়া গে চিহ্না।
\p
\v 18 আবুয়া প্রভু যীশু খ্রীষ্ট রাঃআ দায়া দুলাড় আপে য়া যতচ কু রাঃআ হান্ডে তাহীন কাআ।