\id 1TH Koda Translation
\ide UTF-8
\ide UTF-8
\h 1 থিষলনীকীয়
\toc1 1 থিষলনীকীয়
\toc2 1 থিষলনীকীয়
\toc3 1থিষ
\mt1 1 থিষলনীকীয়
\iot পুথি ত্বথ্য়
\ip কুলিচ পল বারসা আচ কেগে নিয়া গীরা সেকাম গালাং ইচ মেন্তে উপরুম এম তাআয়্য় (1: 1; 2: 18) বার্সারে মিশনারী তরম হরাঃআরে পল লঅ তারমিচ সীল হেৎদ টিমটি কিন তাহিলেনা সিন্তঙ মন্ডলী স্থাপন হুই লেনা (কুলিচ কুরাঃআ কামী 17: 19), ইনি নিয়া এতব গীরা সেকাম হান্ডে রেঙ্কূ পাতিয়ান হড় কু নাতিনাং অল লাৎআয় আয়াআ উদুঙ হিচু রাঃআ ক্থ্ক বঙ্গ রাঃআ তালা মালারে। থিষললীকীয়রে পল রাঃআ সেবা কামীতে শুধু ইহুদীকুরাঃআ আত্মা কায় জুটেত তাআয় বিন ইহুদীকুরাঃআ আত্মা হঅ জুটেত তৎ আয়। মন্ডলী তালা হাতেৎ গাদা বিন ইহুদীকু হাসা ঠাকুর কুকে দেবা সেবা হাতেৎ অচঅ লেনাকু, অকাঃআ ইনা মাহা রাঃআ ইহুদী কুরাঃআ তালা রে মিয়াৎ বিশেষ এটকে থ্রেট ক তাহি লেনা (1 থিষললীকীয় 1:9)
\iot গালাং অক্ত হেৎদ ঠাঁও।
\ip সাপ্তাম (অনুমানিক) 51 খ্রীস্টায়ম তালামালা কুতে।
\ip পল আয়ায়্য় এথহব গীরা সেকাম থিষললীকীয় মণ্ডলীকুকে করিন্থ সরগ নাগার হাতেৎ অল লাৎআয়।
\iot হাতায়চ।
\ip 1 থিষললীকীয় 1:1 থিষললীকীয় মণ্ডলীরাঃআ লেখায়ান হড় কুকে উপরুম কুয়ায়্য় য় থিষললীকীয়কুকে এথব গীরা সেকাম পড়া লেকাতে, যদিও সাধারণ লেকাতে নিয়া যত দর রিঙ্কূ খ্রীষ্টান হড় কু লঅ জাগারাঃআয়।
\iot দিশা
\ip নিয়া গীরা সেকাম অল রাঃআ তালাতে পল রাঃআ দিশা তাহিলেনা ইঙ্কূ য়াআ বিডাও লেকাতে নামা ধরমরে আড়গু য়াকানাকু কে উৎসহিত তুকা নাতিনাং (3: 3 - 5), ঈশ্বরত্ব জীউ বাব্ত্তে উদুউ (4: 1 - 12) হেৎদ পাতিয়ান হড় কুকে হাপেন মাহারাঃআ বাব্ত্তে ভরসা এম অক্যয় কু খ্রীষ্টরাঃআ হিচু মাড়াং তে কু গ্চাকান (4: 13 - 18), এটাঃ জাহানাঃআ নৈতিক হেৎদ বাস্তবিক বাব্ত্ত কু সুদরাঃআ-সুদরী।
\iot বাবদ।
\ip মণ্ডলী নাতিনাং চিন্তা
\iot চিহ্নানেল।
\ip 1. সরাঃআও এম 1:1-10
\ip 2. কুলিচ সঙ্ক্রাঃআন্ত কামীনেহরাঃআ 2: 1-3: 13
\ip 3. থিষললীকীয়কুরাঃআ হান্ডে উপমা এম 4: 1-5: 22
\ip 4. মুচাৎ বিন্তি হেৎদ আশ্বীস 5: 23-28
\c 1
\s সিবিল্সাগাই, পল রাঃআ মৌন জহার। থিষলনীকীয় হ্তেত্তে পাতিয়ান হড়।
\p
\v 1 আপু ঈশ্বর রাঃআ হেৎদ যীশু খ্রীস্টরে পাতিয়ানিচ থিষলনীকীয় সরগ নাগার রিঙ্কূ মন্ডলী রাঃআ হান্ডে পল রাঃআ গিরা সেকাম, সীল হেৎদ তীমথিয় রাঃআ মৌন জহার। দায়াদুলাড় হেৎদ সুলুক আপে লঅ তাহীন কাঃআ।
\p
\v 2 আলে বিন্তি অক্তরেলে আপেয়া নুতুমকাতে আপেয়া যতচ কুরাঃআ নাতিনাং সবসময় ঈশ্বর রাঃআ সারহাওয়ে তানালে;
\p
\v 3 আলে আবুয়া ঈশ্বর বাঃআ রাঃআ সামাং রে আপেয়া পাতিয়া রাঃআ কামী হেৎদ আপেয়া দুলাড় রাঃআ খাটনি হেত্তেদ আবুয়া প্রভু যীশু খ্রীষ্টরাঃআ বাবদ আশা রাঃআ ধৈর্য্য লে সবদিন পাহামে তানালে।
\p
\v 4 চিয়াঃচি, এ বকইঞ তেকু ঈশ্বর রাঃআ দুলাড়িয়াকু, আলে সারিয়া লে, আপে বাছাকানা হড় তানা পে। এপিসিয় 1:4
\p
\v 5 চিয়াচি আলেয়া বুগিন বার্তা দ একেন জাগারতেদ লহয়, মেনখান দাড়িতে হেৎদ রিলামালা আত্মাতে হেৎদ বেশলেকা আটকার-নাম কেৎতেপে আপেয়া হান্ডে সেটেরলেনা, হেৎদ আপেয়া তালা রে আপেয়া নাতিনাং আলে চিল্কান লেকা মান্মি তাহীনকেনালে, ইনা মা আপে সারিয়াপে।
\p
\v 6 হেৎদ আপে কুঠিন দুখ সাহাকাতে লঅ রিলামালা আত্মা রাঃআ রাঃআসকাতে জাগারটাপে আতাং কেৎ তে আলেয়া হেৎদ প্রভু রাঃআ অনুকারীপে হুইয়ে না।
\p
\v 7 হেৎদ নেকাগে আপে মাকিদনিয়া হেৎদ আখায়াস্থ রেঙ্কূ যত পাতিয়ান হড় কুরাঃআ আদর্শ পে হুইয়ে না।
\p
\v 8 চিয়াচি আপেয়া হান্ডে হাতেন ঈশ্বর রাঃআ জাগার দঅ জাগারাকানা, একেন মাকিদনিয়া হেৎদ আখায়া এলাকারে দঅ ল্হয়, মেন্খান ঈশ্বর রাআ চেতাংরে আপেয়া অকা পাতিয়া, ইনা বাবদ যত থাংরে পাসরাঃআকানা, ইনা নাতিনাং আলেয়া যাহানা গামরাঃআ বাআয়না।
\p
\v 9 চিয়াচি ইঙ্কূ আকুগে আলেয়া বাব্ত্তে তে নিয়া বার্তা গাম পাসরাঃআয় কেনাকু যে, আলে আপেয়া হান্ডে চিল্কা আতাংদারাম লেনালে, মূর্তি বংগা কুয়া হাতেন চিল্কা ঈশ্বর রাআ থাংতে মনপে রুয়াড় কেয়া। যাতে জিউত হেৎদ সারি ঈশ্বর রাঃআ সেবা দেবা করা দাড়িকাআপে।
\p
\v 10 অকয়কে ইনিদ গচা কু হাতেন জিউত বিরিৎ তিৎআয়, অকয় দঅ হিজুতান মাহা রাঃআ রাঃআগ হাতেন আবুআ উদ্ধারকর্তা:যাতে সেরমা হাতেন হানিরাঃআ ইনি হনতেৎ যীশুরাঃআ হিজুরাআ তাঙ্গি রে তাহি দাড়িয়াকাআপে।
\c 2
\s থিষলনীকীয় রে পল রাঃআ বুগিন বার্তা উচ্ছান।
\p
\v 1 এ বকইঞতুকু হেৎদ মিসি তুকু, আলে আপেয়াআ হান্ডেলে বেকার কালে হিচা কানা ইনা আপেগেপে সারিয়া।
\p
\v 2 আপে সারিয়াপে আলে মাড়াংতে ফিলিপী রে দুঃখ হেৎদ অপমান সাহা তাৎআলে, রহ আলে আলেয়া ঈশ্বররেলে সাহসেন্তে গাদা হড়রাআ বিরুধ সত্বে হঅ আলে আপেয়া হান্ডেলে ঈশ্বররাআ বুগিন বার্তা রাআ জাগার পাস্না লাৎআলে।
\p
\v 3 চিয়াচি আলেয়া চেচেদা দ যাহান বেদালেকানাআ চেচেদা, চি অছুতি চি ছল-চাল হাতেন দ লহয়,
\p
\v 4 মেন্খান ঈশ্বর চিল্কা আলেকে জিমাকাতে আলেয়া চেতাংরে বুগিন বার্তারাআ ভারাজনা দঃহঅতাৎআয় এনকালে জাগারেতানা, হড়আমানকুকে কুশিতকা নাতিনাংদ লহয় মেন্খান ঈশ্বর, অকয় আবুয়া অন্তর বিডায়াআয়। তিত্স 1; 3 ইপিসিয়্ন 6:6
\p
\v 5 চিয়াচি আপে পে সারিয়া, আলে দ যাহাচিল্লং লুবুর-চুবুর/লসর-পসর থুতি তে চি লালচাকান ছলতে কালে লাঠাকানা, নিয়ারাঃআ লুকুন্দী দ ঈশ্বরতানায়।
\p
\v 6 হেৎদ আলে মান্মিকুরাআ হাতেৎ মান হাতা নাতিনাং কালে কুরু মুটু তাৎআ, আপেয়া হান্ডে হাতেৎ হঅ লঅহয়, এটা মান্মি কুরাঃআ হান্ডে হাতেৎ হঅ ল্হয়, যদি হঅ খ্রীষ্ট রাঃআ কুলিচ কু হুইয়েন তেহ আলে আপেয়াআ হান্ডে হাতেন সুযোগ হাতাহঅ দাড়িয়া কেয়ালে হুনাং।
\p
\v 7 মেন্খান চিল্কা মাইতেৎতুকু আপনাররাআ হনকুকে হারা বুরুকুয়াকু, এঙ্কা আলে আপেয়া তালা রে স্নেহ রাআ ভাব উদুলাৎআলে।
\p
\v 8 এঙ্কালেকা আলে আপেকে দুলাড় কাতে একেন ঈশ্বর রাঃআ বুগিন জাগারতেদ লহয়, মেন্খান আপান আপিন জিউ হঅ আপেকে হাটিংলে সাপড়াকেনা, চিয়াচি আপে আলেয়া দুলাড়িয়া কুপে হুইলেনা।
\p
\v 9 এ বকইঞ কু আপে দ আলেয়া খাটনি/মেহনৎ হেৎদ কুঠিন কুরু মুটু পাহাম মেনাআ; আপেয়া যাহায় রাঃআ বঝা আল হুইয়কাঃআলে, ইনা মেন্তে আলে সিঙ্গি নিন্দা কামী কামীতে আপেয়া তালা রে বুগিন জাগার পাস্নাৎ কেনালে।
\p
\v 10 হেৎদ আপে পাতিয়ানকু যে, আপেয়া হান্ডে আলে চিল্কা রিলামালা হেৎদ ধরমমান হেৎদ নির্দোষলে তাহীনকেনা, ইনারাঃআ লুকুন্দীকু আপে মেনাপেয়া হেৎদ ঈশ্বর হঅ মেনাইয়া।
\p
\v 11 আপে মা সারিয়া পে, আপু চিল্কা আয়া হনকুকে, এনকাগে আলে আপে মিমিৎ হড়কে উৎসাহ হেৎদ সান্তনা এমাকেনাপেয়ালে,
\p
\v 12 যেন আপে ঈশ্বর রাঃআ সামাং রে নেক লেকাতে সেসেনপে, অকয় আয়া রাঃআজ্য হেৎদ মহিমা রে বাতলা পে তানায়।
\s থিষলনীকীয় কুরাঃআ ধীর নাতিনাং পল রাঃআ খুশি।
\p
\v 13 হেৎদ নিয়া নাতিনাং আলে হঅ দিন হুলাং ঈশ্বর রাআ লে সারহায় তানা, আলেয়া হান্ডে ঈশ্বর রাঃআ কুলাকান নামকাতে/আয়ুমকাতে, আপে মান্মিকু রাআ জাগার দঅ লহয়, মেন্খান ঈশ্বর রাআ জাগার মেন্তে ইনা আতাং লাৎআপে, ইনা সার্তিগে ঈশ্বর রাআ জাগার হেৎদ আপে পাতিয়ান আপেয়া তালারে নিজেরাআ কামী পুরায়তানাপে।
\p
\v 14 চিয়াচি, এ হাগা মিসি কু, যিহূদিয়া রে খ্রীষ্ট যীশু তে ঈশ্বর রাঃআ অকা যত মন্ডলী মেনা, আপে ইঙ্কূয়া সেসেনিজকু হুইয়াকানাপে, চিয়াচি ইঙ্কূ ইহুদিকুরাআ হাতেন চিল্কা লেকা দুখ নামতাৎআকু, আপে হঅ আপেয়া নিজে জাইতকুরাআ হড়কুরাআ হান্ডে হাতেন এঙ্কালেকা দুখ নামতাৎআপে।
\p
\v 15 যিহূদীকুদ প্রভু যীশুকে হেৎদ ভাবি জাগারিজ কুকে গয়চলাৎ কুয়াকু, অটঅ আলেকে কুদা-গিডি লাৎলেয়াকু, ইঙ্কূ ঈশ্বর রাআ কুশিয়ানকু লহয় হেৎদ ইঙ্কূ যতয় হড়কুরাআ উল্টা।
\p
\v 16 ইঙ্কূ আলেকে বিন-ইহুদিকুরাআ উদ্ধার রাআ নাতিনাং ইঙ্কূয়া হান্ডে থুতি গামঅতে মানাতানালেয়াকু, নেএ নেকাগে দিনাৎ দিন নিজেরাআ কাইরাআ হাম্বাল বাড়ায়েন্তে ঈশ্বররাআ মুকামতে সেটেরেনা, মেন্খান ইঙ্কূয়া হান্ডে চূড়ান্ত ক্রোধ সেটেরেনা।
\s মন্ডলী কু লঅ নাপাম নেপাল নাতিনাং পল রাঃআ আকাঙ্খা।
\p
\v 17 হেৎদ, এ হাগা-মিসি কু, আলে হুডাং মাহা/ঘাড়ি নাতিনাং ভিনা লেনা লে, অন্তর তেদ ল্হয় মেন্খান আপেয়া হাজির তাহিনো তে হেৎদ আপেয়া মেদ মুহাড় নেল নাতিনাং তে আলেকে কুঠিন সানাকেৎ লেয়া হেৎদ চুহুলে নালে।
\p
\v 18 চিয়াচি আলে দ, বিশেষকাতেন ইঞ পল, মিসা বারসা আপেয়া হান্ডে সেন সানা কেৎ লেয়া, মেনখান শয়তান এ মানা/আটকাকেৎ লেয়ায়।
\p
\v 19 চিয়া চি আলেয়া আশা চায় রাঃআসকা চায় মহিমা রাঃআ মুকুট কিনা তানা? চিয়া আপে গে আবুয়া প্রভু যীশুরাঃআ সামাং রে ইনি রাঃআ হিচু হুলাংরে লহয় তানা পে?
\p
\v 20 আপে গেমা আলেয়া মহিমা হেৎদ রাঃআসকা তানা পে।
\c 3
\s থিম্তিকে কুল কিয়া কু।
\p
\v 1 ইনা নাতিনাংতে আলে ধৈর্য্য সাহা কালে দাড়িয়ান্তে আথীনী নাগার রে একলা গে তাহি হঅ বেশ লে আটকার কেয়া।
\p
\v 2 হেৎদ আলেয়া হাগা হেৎদ খ্রীষ্ট রাঃআ বুগিন বার্তা রিনিজ ঈশ্বর রাঃআ দাস তিমথীয়কেলে কুললিয়ালে, যেন ইনি আপেকে সুস্থির পেকায় হেৎদ আপেয়া পাতিয়া রাআ বাবত্তে আশা এমাপেকায়।
\p
\v 3 যাতে আপে যাহায় নিয়া কষ্টরে আল্পে অস্থিরোয়া, চিয়াচি আপে অপেগেপে সারিয়াপে, আলে নিয়া নাতিনাংগে সম্পাকানালে।
\p
\v 4 নিয়া দ সার্তি তানা যে আলে চিন্তং আপেয়া হান্ডে লে তাহীন কেনা, আলে মাড়াং হাতেৎ লে গাম তাৎআ পেয়া যে, আলেয়া কষ্ট হুইওয়া, হেৎদ ইনাগে হুইয়া কানা, ইনামা আপে সারি গেয়া।
\p
\v 5 ইনা নাতিনাং তে ইঞ হঅ ধৈর্য্য কাইঞ সাহা দাড়িয়ান্তেঞ আপেয়া পাতিয়া রাঃআ তত্ত্ব সারি নাম নাতিনাং হানিকেঞ কুল লিৎআঞ, ভাবালাৎআঞ,পাছেন বিড়াইজ যাহা লেকাতে আপেকে বিডা তাৎপেয়ায় মেন্তে চি, আলেয়া কামী বেকারাঃআ কানা।
\s তীমথি রাঃআ উদ্দম এম।
\p
\v 6 মেন্খান নাহা তীমথিয় আপেয়া হান্ডে হাতেন আলেয়া হান্ডে হিচেন্তে আপেয়া পাতিয়া হেৎদ দুলাড় রাঃআ জাগার বাব্ত্তে বুগিন বার্তা আলেকে এমা তাৎ লেয়ায় হেৎদ গামাতাৎ লেয়ায়, আপেদ সারা ঘাড়ি আলেকে স্নেহ লেকাতে পাহাম দহ তাৎলেয়াপে, চিল্কা আলে হঅ আপেকে নেনেল বুঝা তাৎলেয়া, এঙ্কাগে আপে হঅ আলেকে নেলেল বুঝাপে তানা।
\p
\v 7 ইনা নাতিনাং, এ হাগাঞ কু, আপেয়া নাতিনাং তে আলে যত বিপদ হেৎদ কষ্ট রে মেনালে রহঅ আপেয়া পাতিয়া তে যেদলে নাম কেৎআ।
\p
\v 8 চিয়াচি আপে যদি প্রভুরে কেটেচ তে তাহিনাপে, এন্খান্ নাহা আলে সার্তি বাঁঞ্চা মেনাঃ লেয়া।
\p
\v 9 বাস্তবিক আপে নাতিনাং আলে আলেয়াঃআ ঈশ্বর রাঃআ সামাংরে অকা খুশি খুসালতে খুশি খুসাল লআলে, ইনা বদলতে আপেয়া নাতিনাং ঈশ্বরকে চিল্কা লেকাতে সারহাও এম দাড়িয়া লে?
\p
\v 10 আলে যাতে আপেয়া মেদমুহাড় নেলনামে কাঃআলে, হেৎদ আপেয়া পাতিয়া রে ত্রুটিকু সুধরা দাড়ি কাঃআলে, ইনা নাতিনাং নিদা সিঙ্গি লে বিন্তিই তানা।
\p
\v 11 হেৎদ আবুয়া আপু ঈশ্বর হেৎদ আবুয়া প্রভু যীশু আপেয়া হান্ডে আলেয়া হরা সজেহে দহয় কাঃআয়।
\p
\v 12 হেৎদ চিল্কা আলে হঃঅ আপেয়াআ লিয়া ফুরি তানালে, এঙ্কাগে প্রভু আপেকে আপান আপিন হেৎদ জ্ত্চ কে দুলাড় তে পেরেচ পে কাঃআয় হেৎদ ফুরিই পেকাঃআয়।
\p
\v 13 ঈশ্বর আপেয়া হৃদয়রে ভর দাড়ি এমে য়ায়্য়, যাতে আয়াআ যত রিলামালা কু লঅ আবুয়া প্রভু যীশু রাঃআ রুয়াড় হিচু মাহারে ইনি আবুয়ায়্য় আপু ঈশ্বরতে নাপাম লঅ আপেকে রিলামালা হেৎদ মৌন এমাপে কাঃআয়। ক্ল্সিয়ান 1:22 ইফিসিয়া 5:27 ।
\c 4
\s ঈশ্বর রাঃআ গুন মাই অক্যয় য়ে করাঃআয়া।
\p
\v 1 এন্খান, এ বকইঞ কু, মুচাদরে আলে প্রভু যীশুলিয়া আপেকে উৎসা এমাপে তানালে, চিল্কা পে সেসেন লেন্খান ঈশ্বরএ সন্তুষ্ট আয়, নিয়া বাব্ত্তে আলেয়াআ হান্ডে অকা চেচেদাআ পে হাতা তাৎআ, হেৎদ চিল্কা পে সেসেন তানা, এনে এঙ্কা লেকাগে আলে আপেকে উৎসা এমাপে তানালে আপে গাদা ফুরি এমেপে।
\p
\v 2 চিয়া চি আলে প্রভু যীশু লিয়াতে আপেকেলে কিনাঃআ কুলে আচু এমা তাৎ পেয়া, আপে দঅ ইনা সারিগেয়াপে।
\p
\v 3 বিশেষকাতেন, নিয়া দঅ ঈশ্বর রাঃআ ইচ্ছা তানা, আপেয়া নির্মলা,
\p
\v 4 যেন হড়মালটম হাতেন সাঙ্গিন রে তাহীন পে। আপে যত হড় চেদঃঅপে যে রিলামালা হেৎদ গুনমৌনতে আপান আপিন এরা লঅ চিল্কা তাহি হুইআয়্য়া,
\p
\v 5 অক্য়য়কু ঈশ্বরকে কাকু সারিয়া, ইঙ্কূ বিন ইহুদিকু লেকা হড়মো লালচ লেকা দঅ ল্হয়,
\p
\v 6 হেৎদ যাহায় যেন নেকান কামিরে তিড়সা পারম কাতে আপনারাআ হাগা কে আলয় ঠেকাই কাঃআয়, চিল্কা মাড়াং হাতেন আপেকে হুসিয়ার কাতে গামাতেৎ পেয়াং, প্রভু দ ইনা যত কাই নাতিনাং যত হড় কে কুড়াই এমাকুয়ায়্য়।
\p
\v 7 চিয়াচি ঈশ্বরদ বাড়িছ কামী নাতিনাং দ ল্হয়, মেন্খান রিলামালা কামী নাতিনাং রারাঃআ তাৎ বুয়ায়।
\p
\v 8 ইনা নাতিনাং অক্যয় হড় নিয়া কায় মানা বাতায়ায়, ইনিদ মান্মি কে দ ল্হয়, ঈশ্বরকেগে কায় ছুতাং ইআয়্য় , অকয়্য়দ আয়া নিজে রাঃআ রিলামালা আত্মা আপেকে এমাতাৎ পেয়া।
\p
\v 9 হেৎদ হাগা দুলাড় বাব্ত্তে আপেকে জাহানা অল রাঃআ লাক্তি বাআয়্য়না, চিয়া চি আপে আপান আপিন দুপুলাড় নাতিনাং ঈশ্বর রাআ হান্ডে চেচেদ নাম তাৎআ পে।
\p
\v 10 হেৎদ সার্তি গে, আপে দ মাকিদনিয়া রেঙ্কূ যত হাগা মিসি কু নাতিনাং এঙ্কা গেপে দুলাড়াকু তানা,
\p
\v 11 মেন্খান আপেকে নেহর কাতে গামা পেতানাঞ, এ হাগা মিসি কু, ঢের উতার দুলাড় দুপুলাড় পে, হেৎদ আলে আচুকেৎ পে লেকা থিরথার তাহীন পে হেৎদ আপান আপিন কামীতে কামীই পে হেৎদ আপান আপিন তিহি তে কামী-জম পে।
\p
\v 12 যেন আপেয়া গুনমৌন বেভার নাতিনাং বাহার হড় কু রাঃআ হান্ডে আপে চিল্কা আতাং তুকা কানাপে, ইনাতে আপেয়া যাহানা তে আলপে অভাব ওয়া।
\s প্রভু যীশুরাঃআ রুয়াড় হিচু।
\p
\v 13 মেন্খান এ হাগাকু আলে কালে আসিতানা, গচ কুরাঃআ বাব্ত্তে আপে কাপে সারিয়া এঙ্কাদ লহয়; চিল্কা ইঙ্কূ য়া আসা বায়ানা, ইনা নাতিনাং যত হড় কু লেকা আল্পে দুঃখ হমরআ।
\p
\v 14 চিয়া চি, আলে নিন্তং পাতিয়া কানালে যে, যীশু গচ লেনায় হেৎদ জীউৎ বিরিৎ এনায়, ইনা লেকাগে ঈশ্বর যীশু রে গিতিচ গচা আকানা কুয়া ইনিলো বিরিৎ আগু কুয়ায়্য় য়।
\p
\v 15 চিয়া চি নিয়া দ আলে প্রভু রাঃআ জাগার লেকাতে গামাপে তানা, আবু অকয় কু জীউৎ গেয়াবু হেৎদ প্রভু রুয়াড় হিচু যাকিৎ চিনতি লেকা জীউৎ তাহিনাবু, আলেদ গচা কানা কু রাঃআ হাতেন কালে মাড়াং ওয়া।
\p
\v 16 চিয়া চি প্রভু দ আয় গে রাস্কা রম্চতে, মারাং সরগ নাগা রাঃআ কন্ঠতে হেৎদ ঈশ্বর রাঃআ রুতু বানাম সাডি তে সরগ হাতেন আড়গু হিচু য়ায়্য়, হেৎদ অকয় কুদ খ্রীষ্ট নুতুম তেকু গচা কানা, ইঙ্কূ দ মাড়াং তেকু জীউৎ বিরিৎ দয়াকু।
\p
\v 17 ইনা তায়্মতে আবু অকয় কু জীউৎ মেনাঃবুয়া, অক্যয় কু সারেচ তাহিনাবু, আবু নিরালারে প্রভু লঅ নাপাম নাতিনাং মিশাতে উঙ্কূ লঅ রিঁবিল তেবু সেনাঃবু হেৎদ নেকাগে প্রভুলঅ সারা ঘাড়ি তাহিনাবু।
\p
\v 18 নেকা গে আপে আপে নিয়া জাগার তেগে জিউ রাড়েচ দহয়পে।
\c 5
\s যীশু রাঃআ রুয়ার হিচু মাহা সপড়া তাহিমে।
\p
\v 1 মেন্খান, এ বকইঞ তুকু, বিশেষ বিশেষ মাহা কুরাঃআ হেৎদ হুলাং কুরাঃআ বাব্ত্তে আপেকে জাহানা অল কা বেসা।
\p
\v 2 চিয়াআ চি আপে দপে সারিয়া, চিল্কা কম্বুড়ু নিদায় হিচুয়া এঙ্কাগে প্রভু রাঃআ মাহা হিচু য়া।
\p
\v 3 মান্মি চিন্তং গামেয়া কু, আলে শুলুকতে মেনা লেয়া হেৎদ জাহান বর বায়ানা, ইন্তং গে আকুয়াআ হান্ডে পয়াতি রাঃআ জানাম হাসু হিচ সেটেরআ, এঙ্কা আচ্কাগে বিনাশ সেটেরআ; হেৎদ ইনা ক যাহা লেকা তে কাকু নির বানচা দাড়িয়া (মথি 24:27 -29)
\p
\v 4 মেন্খান আপে, এ হাগাকু, নুবারে বানুপেয়া ইনাতে ইনা হুলাং কুম্বুড়ুলেকা কায় সাবপেয়ায়,
\p
\v 5 আপে যতচ কুদ মার্শাল রিঙ্কূ হেৎদ সিঙ্গি রিঙ্কূ হন তানাপে; আবু নিদা নুবা রেঙ্কূদ লহয়।
\p
\v 6 নিয়া মেন্তে দেলা, আবু এটাকু লেকা কাবু গিতিচ শচজআ, এনাখান চির্গালবু তাহীনা হেৎদ রিলামালা আত্মা পেরেচ বু তাহিনা।
\p
\v 7 চিয়া চি অকয়কু গিতিচ শচয়া, ইঙ্কূদ নিদা গেকু গিতিচআ হেৎদ অকয় কু আরখি নুইয়া, ইঙ্কূদ নিদা কু বুল গিতিচ আকু।
\p
\v 8 মেন্খান আবুদ সিঙ্গি রিঙ্কূ মেন্তে দেলা হিচু পে, আত্মা তেবু কব্জ কাতে সেসেন কাআ, পাতিয়া হেৎদ দুলাড় রাঃআ কুড়াম ঢাকুল তুসিঙ কাতে হেৎদ বাঞ্চা রাঃআ আশলেখানাঃআ দাহাড়ী বহরে তুসিঙঅ কাআবু (জিসাই 59:17)
\p
\v 9 চিয়াচি ঈশ্বর আবুকে রাগ নাতিনাং তেদ কায় বাছা তাৎবুয়া, মেন্খান আবুয়া প্রভু যীশু খ্রীষ্ট লিয়া বাঞ্চা নামজম নাতিনাংগে দঃহ কেৎ বুয়ায়।
\p
\v 10 ইনিদ আবু নাতিনাং গচ লেনায়, চির্গালবু তাহীন চি গিতিচ শ্চ য়াবু, যীশু লঅগে বু জীউৎ তাহীন কাআ।
\p
\v 11 এন্খান চিল্কা আপে দ করা আগু তাৎআপে, এঙ্কাগে আপান আপিন কে ভরসা এমা কূপে, হেৎদ আপান আপিন কে গাঁথা রাকাবআপে।
\s মুচাৎ বাৎলা কু
\p
\v 12 মেন্খান এ হাগা মিসি কু, আলে আপে কেলে নেহরাপে তানা; অকয়কু অপেয়ায় তালা রে কামী তানাকু হেৎদ প্রভু নুতুম তে আপেয়ায় চেতান রে বহাল মেনাঃআ কুয়া হেৎদ আপেকে চেথ এমাপে তানা কু, ইঙ্কূ কে মৌন এমাকুপে।
\p
\v 13 হেৎদ আকুয়াআ কামি নাতিনাং ইঙ্কূকে দুলাড়তে নামলেকান কু আটকার কুপে। আপে মেসাজুড়িআকান পে
\p
\v 14 হেৎদ এ হাগা মিসি কু, আপে লে বিন্তিয়াপে তানা অকয় কু পাড়ুয়া গেয়া, ইঙ্কূ কে চেথ এমাকুপে, ঢুর্কা কুকে স্বান্তনা একা কূপে, নিজুরি কুকে দেঙ্গা কূপে, যত হড় নাতিনাং সাহায়চ হুইপে।
\p
\v 15 নেলেপে যাহায় গে যাহায় বিন উপ্কার হালা রাঃআ নাতিনাং যাহায় রাঃআ আলয় বিন উপকারে কাআয়, মেন্খান আপান আপিন হেৎদ জত্চ কু লঅ বেশ আচরণ নাতিনাং কুরুমুটু কাআয় (1 পিতর 3:9)
\p
\v 16 সারাঘাড়ি রাঃআসকা পে।
\p
\v 17 হেৎদ সারাঘাড়ি বিন্তিয়েপে।
\p
\v 18 যত বাব্ত্ত কুরে সারহাও পে, চিয়া চি নিয়া দ খ্রীষ্ট যীশু রে আপে নাতিনাং ঈশ্বর রাঃআ ইচ্ছা তানা।
\p
\v 19 রিলামালা আত্মাকে আলো পে ইড়িচ ইয়া।
\p
\v 20 ভাবি জাগারাঃআ কু আলো পে খাট কুয়া।
\p
\v 21 যত বাব্ত্তে তুনুম আটকারেপে, অকাঃআ বুগিনা,ইনা যত সাপ ধ্যয়পে।
\p
\v 22 যত লেকান বাড়িচ হাতেন সাঙ্গিন রে তাহীনপে।
\s ভর-আশিস,
\p
\v 23 হেৎদ জিউ সুলুক রিনিচ ঈশ্বর আচ গে বেসলেকা কাতে রিলামালা পে কাঃআয়, হেৎদ আপেয়া আত্মা, জিউ, হড়ম গোটাকু হেৎদ আবুয়া প্রভু যীশু খ্রীষ্ট রুয়ার হিচু হুলাং উতার মৌন রুখিয়া দঃহয় কায়।
\p
\v 24 অকয়্য় আপেকে রাঃআ পেয়ায়্য়, ইনিদ পাতিয়ানিচ, ইনিগে এঙ্কা করায়ায়।
\p
\v 25 এ হাগা মিসি কু, আলে নাতিনাং বিন্তি পে।
\p
\v 26 যত হাগা -মিসি কুকে রিলামালা তে চঅ লঅ আতাং দারম কুপে।
\p
\v 27 ইঞ আপেকে যীশু নুতুম তে গামাপে তানাঞ, যত হাগা মিসি কুকে নিয়া গিরা সেকাম ফড়াহা আয়ুমাকুপে।
\p
\v 28 আবুয়া প্রভু যীশু খ্রীষ্ট রাঃআ দায়া-দুলাড় আপে লঅ তাহীন কা।